☆UTOPIA : 1996☆ Ririni Khiangte (Abbra Pitartei)

[Ngaia]

🔥 If you want to be ORIGINAL,
be ready to be copy.😅

☆ UTOPIA: 1996 ☆ Chapter 1 (Matur€ cont3nt🔥)

Ririni Khiangte (Abbra Pitartei)



"Aw, Claudia" khum tlang a ka țhu chu nawmna nasa lutuk vangin ka rum chhuak hawk hawk a. Ka malpui inkara hmeichhe țhingțhi mek chuan uar leh zualin chet a la a, a lo hmuam meuh chuan ka rum hrawih thei. A chhip sam ah țhamin a aia thukin a ka chhungah chuan d** lut zawt zawt a, a uak țhawt nain zei takin a che zawm leh zat tho. Vanvadakin mit ka chhing vang vang a, a hmui nem thep leh lei sa ham ham chuan ka taksa a thunun a ni ber e.

"Babe" tisa chakna a khat a aw si sap vang chuan mit ka meng a. A mitmeng vam ham ah chuan a thil duh chu chiang takin a lang a, ka pe ngei bawk ang.


A zak hnuai ah dawm a ka pawm nawlh chuan zei zetin min kherh bet ve nghal. Bangah ka nawr beh rualin ka th*l chu lo lo humin a ta nen chuan a chuktuah nghal zat a. A hmuia ka nghawng a rawn nawr leh rual chuan insumna tel hauh lo in a taksa ah chuan ka lut a, nuam ti fe hian a rum zui ham ham a..


Engtik laiin nge khum chu kan thlen phei ka hre hauh lo. Chunglam ah țangin chintawk nei lek lovin a khawsa zui a. A nuam tih piah lam a ni, a awm bawr hrawm sak bawrh bawrh chungin ka rum ve hawk hawk tho.

Kan duh tawk meuh chuan khur dawt dawt chungin ka taksa chung ah a rawn bawk thlawp a. A sam ah țhamin nawmna nasa lutuk vanga a thawk la mumal lo lai chu ka fawp zui bawrh bawrh a. Tun hi a tawpna tur a ni lo tih ah ka chiang a, vawi thum dang tal angel te dai ngam loh kan dai dun leh hma chu kan lungawi zo dawn lo...

Kan shower zo chu mutkawr pan te a inbel a, kei erawh saruak in khum ah ka țhu run thung. "Eng tikah nge i rawn haw theih ang?" a ti a, towel-a a sam huh hru dalh dalh pah hian min melh si sap a. He hmeichhia zet hi zawng tu mipa mah in an hnar thei bik hauh lovang.


"Thla thar hian chawlh ka nei thei ang" Ka ti let sup. Dawhkan te chunga condom king size pack ruak chu bawlhhlawh bawm ah ka vawm lut a.

Min lo pan phei chuan a kawngah lo manin ka malh chungah ka pawt țhu a. Hrilh chawp ngai miah lovin ka nghawng leh beng hnuai te chu a fawp kual dan dan a, "Lo haw vat rawh, i chhungte paw'n an ngai tawh ang che," a ti pah sar sar a. Tui vawtin ka inbual zo chauh nain thisen a lum leh phat tawh. A nighgown chu nawr tawm sakin a mal mam nal han chu ka chul hauh hauh a.

Claudia vek chuan, "Ka rualin lo haw ve la.." tia min thlem chungin a awm bawr chuan min nek na sauh a. Kum 3 liam ta aţang khan kan inhmuh apiangin nupa inkar chiah a thleng tur kan ti dun fo a, amah a lo zeiin khum chungah ngat chuan tu hmeichhia mahin an tluk lo ang tih tur khawp in chet lak a thiam a; a duhthawh em em reng zel bawk. Chu thil chu ka nuam tih zawng tak a ni a, khum chung ah chuan engkim a lutuk vek hlir ka duh.

"Thla thar ah ka tih chu" ka tih nghut chu min cho phur tur takin ka beng bul ah min rum khum hak a. Chhan let loh a har țhin, a mawng bawr lian zet chu ka hrawm sak leh ta nge nge a, a lo inpeih leh at tawh. Bawiha chu a rawn hum leh chat a, a insiam rem leh nghal tur erawh ka khap thung.

"Zingkar a let tur i nih kha, tawk rih rawh se" nui lek lek chunga ka tih chuan" Ka la kham lo" a lo ti let hmiah. Vawi thum zet kan zo dun chung pawn kham tih a nei ngai dawn lo a nih hi.

Bawiha chu a khalh chhunzawm a, khi suk a lu ka thin nghut chuan min melh rang khawp mai. A mitmeng pawl ram chu tisa chakna vangin a lang si sap a, tawrh a harsa țalh țalh viau nain țum thum ngawt kan zo tawh, a tawk ka ti viau a ni.

"Mu tawh rawh" zawi ruih a tiin ka kuai thle deuh a. A nghawng var hai chu ka hmui a nawr kual sakin a tawp nan a hmui chu ka liak zauh a; a kham lo tak tak te pawh aniange bawiha a sawngbawlna chu a tawp duh miah lo reuh a, ka kuai let leh hrep zawk dawn em maw ni.

Tun ang a kan khawsak hmasak ber țum khan min hmuh tirha a rilru put hmang engkim a inpuang hmiah a. Mu leh mal nei thei lova ka ngaihtuahna bing mup lai kha min play a, khatiang khawp a nuam khan tu hmeichhia mahin min la siam ngai lo. Zei tak mai a hmeichhe chhelo zetin chet a lak meuh chuan mipa hrisel țha leh in fit tak tan chuan lo hnar chu thil theih loh tluk a ni. Mamawh inpe tawnin zantin deuh thaw hun kan hmang dun ta chawt a. Min pan hmasa tu zawk ah a țang hreh lo kha ka tan lah thil hrehawm zawk zawk a ni hauh bawk silo.

"Zanin chauh chu i kiangah min riah tir la, i inchhir miah lo ang," a ti sar sar a. A aw ri leh kut vak kual chu thlemtu lian tak a ni tawp.

"Hna khawih tur ka ngah. Kan inhmuh leh hun ah ni mai rawh se" ti hluk chungin ka mal chung ațang chuan ka hlang țhla a. Lungawi loh hmel taka min melh pah hian a tum bar a, thlem lungawi pawh chu ka tum lem hlei lo va.

Boxer chu ban nghalin ka inthawlh sawt sawt a. kan inkar hi in it tawnna leh tisa chakna vang chauh ni tih a hre reng țhin a, tun hnai te hian mî nawr luih a ching thar tlat.

Ka chhuah san tur chu bang nghengin min melh ngar a. Ka thlek thuak chuan round khat tal zawh pui leh tura ngenna mit meng hian min lo melh sawr sawr a. A nightgown chhing tawh sa zet chu a awm thlengin a hlim chho hmiah a, ka en ngur lai chuan amah leh amah chu a in play hmiah mai pek a! Ka hma lawka sap thlah pawlh nula nalh leh it awm zet a inkhawih kual laia dang lam loh chu mi â nihna a ni hial ang chu.

Mahse, ka sawi tawh chu ka sawi tawh a ni. Hna țul khawih tur ka la nei, ani hmeichhe it awm zet hi chuan min nghak thei. Ka ngaihtuahna vang chuan ka kiai suk a. Claudia chu pan hnaiin a awm bawr chu ka hrawm sak nawk a. A beng bulah chuan, "Good night, wild girl" ka ti sup bawk.

Kal pela kawngka herh hawnna ka vuan chu hnung lam aţangin min rawn kuah thlawp a. Lawm lo zet a "Claudia" ka tih nghut chuan, "Lo haw la, innei tawh mai ang" a lo ti ve nghal zat bawk. Hnar ka tum dat a. Ka taksaa a kut suih beh chu ka phelh sak a, nupui neih tumna ka nei tawh rih lo.

"Ka rilru chu i hriat kha" tih zawng a chhang let in a pindan chu ka chhuah san vut. Lo chhuak ve in min en zui reng tih chu ka hre nain ka hawi let tawh lo. Ding takin ka mut pindan lam ah chuan ka chho tlang a, ka pindan kawngka zawn ka thlen chuan a mut pindan kawngkhar in khar ri ka hria a, ka thaw ham ham mai.

Kan pahnih hi Mumbai a intawng kan ni a. Kan apartment dawt chiah ah a khawsa ve a, Mizo leh sap thlah pawlh a ni nghe nghe. Duhtawkin Mizo țawng a hmang thei a, Vai țawng hman tamna karah mizo țawng leh sap țawnga inbe thei ta chu hmelhriat țha ah kan insiam thuai a. Champhai lam chhuak a lo nih ve leh zel nen mamawh engkim kan inban tawn a. Ka nun in hlimna vawr tawp a thlen lai a phatsan ka nih leh si zan khan min hnem tur in a lo lang a. Thinlung keh chheh veka ka awm kha khua a var meuh chuan tisa kawng takin hahdamna mak tak min thlen a. Ka thluak nu but khan rilru fim pu thei lo in min siam a, ka sapatal ta nghek a nih kha. Mumbai ah hna thawk a ka awm chhung zawng chu nupa ang chiahin ka khawsa dun ta a ni.

Zep thu a cheng lo. Kan han khawsa dun tak tak țhin chu setana meuh pawh in 'em em a' a tih tur hial in kan tal ngap. Kan in mamawh tawnna chuan chhun leh zan min thliar hran tir lo va, phone kan hman lai leh inleng te an awm lai a ni em tih em pawh mî a thliar hran tir thei lo.


Ka appartment kawngkhar dawt chiah a awm a ni ka tih tawh kha, tlawhtu leh inleng a neih laklawh lai pawh nise ka l** chak tlat chuan ka appartmet ah ka au phei hmiah a. Ani lahin thiam taka chhuanlam siamin a inlengte chu a lo chhuah san a, chin tawk hre hauh lova kan khawsak dun zawh ah a let leh mai țhin. Claudia hi mipat hmeichhiatna kawnga ka level a san tak em em chhan pawh a ni a. Hetia ka sawi avang hian ka dem tihna a nilo a nia. Mipa ka nihna anga ka tlawm lai ber, thinrim leh rilru so bulh bulh a ka awm laia s** hmanga ka rilru min lak pen sak tu a ni a. Tun thleng hian thinrimna ka neih chuan duhtawk a s** hman ka chak ber tlat tawh.

Tichuan hun a kal ve zel a, a zirna a zawh rualin Mumbai ah pawh hna țha tak a hmu a. Mahse, kei lah Mizoram lam ah sawn ka ni ta si, ka tel lo a awm chu a zuam ngang lo va, hlawh tlem zawk leh hna lian zawk pawh thliar hrang thiam lo in Champhai a kan chhungkaw school ah zirtirtu hna thawk tur in a rawn haw ve ta ngawt a. School hna țul vangin Aizawl ah a rawn tla thla fo a, exam chawlh changin min lo pan thul. Ka taksa a fit bawk a, lungawi takin ka lo siam mai țhin. Amah chiah kawp leh khalh fal ka neih avangin kan inhmuh theih phawt chuan a lutuk lam hret in ka khawsak pui miah miah zel.

Ka muhil tui lai chu ka taksa danglam vangin ka harh hlawl a, eng khaw sawi set set lovin ka taksa chung a mi chu ka lehthal a. Lukham hnuai a ka puakruk dah chu ban zui nghalin a chaldar ah tak ka tin nghal siah.

"Babe, keimah" thlaphan hmel fe hian Claudia chuan a lo ti a. A khur zui kharh kharh a, a hrawk ah rek betin thapui nen khum ah ka nawr bet tih chu ka hre chhuak thut a. Tha chu thlah dul nghalin, " Ka mut pindan a lo lut ngailo tur in ka hrilh chian viau tawh che kha" ka tih khum khawl.

Claudia chu a thaw dep dep a, ka puak ruk hum lai chu a lo melh ralh a, phun hluk pah hian khum bul dawhkan chungah chuan ka dah nghal a.

"I driver a lo la kal lo a mi?" tiin Claudia chu ka melh run a. Ka che phut bawk nen a tha khur chu a la reh der lo. Țawngkâ a min chhang lovin a bu nghat a.

"A lo thleng dawn tawh em? Coffee kan la in dun hman em ang chu maw.." tia a taksa ațang ka let thla tur chu min dang rang khawp mai.

Ka nghawngah a ban a rawn suih chuan ka kiai suk a, "I tlai ang e," tiel fe a tiin a sam chu a bengah ka zeh sak a.

"Darkar chanve dawn hun kan la nei" lo ti sakin chung lama ka insiam rem lai chu min lo kherh bet ve nghal a.

A thong hak lai chu ka pawt hlip nghal kawk. A kê ațanga ka lak chhuah dawn laia a kar hiang chu hmuhnawm tak a ni. A bawp chu nawr dawrh sauhin a kap zawn ah chuan ka țhingțhin run a, amah in a nightgown chu a lo hlip ve mawlh mawlh a. Ka boxer chu phel lovin ka hnawl tawm leh hmiah a. Bawiha lo pawk chhuak nawlh chu rum hak pah hian a rawn hum nghal a. A kâ chhungah ka kutțang pahnih ka nawr lut a, ka thil a sawngbawl țhin dan chiahin zei fahranin a lo fawp nghal pulh pulh a, bawiha chu a hr*** pah zawt zawt bawk.


A kâ chhung ațang ka kut chu la chhuakin dim hauh lovin a *** ah chuan ka nawr lut nghal zawt zawt a, a tal awrh awrh a, ka h**** rangin ka tli* ri zawt zawt bawk nen thu khuh țhen nei lo zet hian, "ka tla dawn duhtawk rawh, i ***** kha lo thun tawh zawk rawh" a ti ham ham a. Sap thisen kai ngat kha a ni a, a nun ah hian lai leh zak tih velin hmun an chang ve meuh lo.

"Beg for it(ngen rawh) " ka ti nghut, rum hak chunga min ngenna țawngkam chu heta tarlan tlak pawh a nilo.

Kiai suk suk in khum bul side drawer ațang condom ka la chhuak a, ka vuah lai te chuan chak hmel zetin min chul kual ruai a. Dim tumna ka nei hauh lo. Chu chu a duh dan a ni bawk.

"Nei li** pa, thlakhat chhung chu ka nghah theih ka ring lo" thaw hiam hiam chunga a ti chu ngeiawm rawngkai lek lek in ka nuih let a.

"Min rawn pan leh mai a ngai dawn a nih chu" hniam ruih a ti paha ka nawr luh pawp chuan lukham a chu nawr ngawt ngawt a. "Kawng tluan a i suangtuah zui reng tur anih hi, min ngaihtuah chhuah rualin i thi* hi a tui nghal pur zel ang" tisa chakna nen in pawlh nawk a ka rum nghut rualin a lo nui har har a.
Sencor*****


"Inneih chu i duh lo em ni?"

"Claudia vawi tam ka sawi tawh" bul hmuk a ka chhan let chuan inchung lam melh in thawk a la hak a.

"JE pakhat a rawn leng țhin a"

"Chuan?" Ka chhan dan vang chuan a lawm loh hmel kher mai.

"Pawi tihna i nei lo a maw?" a ti hlar a, ka tho chhuak chu min melh ngar bawk. Tukverh lam chu panin parda chu ka nawr hawng a. Inkuangkuah hlun chunga a lam ka hawi leh chuan mit la lo lekin min lo la en reng bawk.

"Kan inkar chu kan hriat chian kha. Inngaizawng kan nilo a, induhna lah kan pahnih inkarah a piang hek lo, nupui neih ka tum lo bawk" ka ti a. Ka aw fiah leh rum zet chu a nat pui te pawh aniang "Babe!" a ti țiau a.

Rilru sawhsawn ka tum loh zia a hriat thiam theih ngeina turin a țap mai tur chu lu ka thin khum a. "Khatiang khan awm suh, sawtna a nei lo" ka ti vawt ruih. Hmai hupin lu a thing nar nar a.

"Pasal neih i duh emaw, mipa dang inzawmna siam pui i duh chuan i zalen ah inngai rawh" tia ka hrilh leh chuan "ka thei lo" a ti mauh mai.

"Claudia, luhlul țhin lo teh. Nupui ka nei ngai dawn lo, hmeichhe fing tak i ni a, chhungkaw pangai tak din tum rawh" ka aw chu a nelawm lem loh khawp ang.

"Aih, engmah sawi tawh suh, kan la innei em em ang" a ti țalh a, thawk ka la hluai ringawt. A beisei ang chu a thleng ngai dawn lo tih a pawm thiam duh mang si lo.
Khum chu thawh san vein a inha țha mawlh mawlh a.

"Min nawr lui suh Claudia. Kan inzawmna hi kan kalpui hmain chiang takin ka duh dan ka hrilh tawh che," ka ti a. Ka aw zawi ruih vang chuan thawk la hmasa te te in ka lam a lo hawi a.

" 'Tu hmeichhia mah inzawmna nghet ka siampui ngai dawn lo, nang nen pawh kan taksa mamawh kan inpek bak engmah kan inkarah awm suh se..' Chu thil chu ka sawi chian viau tawh kha" ka ti leh nghut nghut a. A hmel țha zeta natna lo lang chhuak chu ka hmuh hmaih bik lo, ka thutiam bawh chhiat phah nan a hman erawh ka tum lo.

A ngawih deuh vang vang hnuah chuan, "Kha chu a hlimchhawn lai a la nih vang alawm," tiin min nuih sak a. Melh ngur chungin lu ka thing thung,"Kei nilo hmeichhe dang khawih a i kianga an khawsa lai hmuh ai chuan thih pawh ka thlang zawk" fiah faka a tih chuan ka lo ner sawk. "Kan la innei ngei ngei ang... midang ta i nih ka phal lo. Nang pawn i rilru kha thlak tum rawh. Ka mamawh ang chiah che in min mamawh a, kei angin tuman i cha*na kha an ti chhuak thiam ve lo" inrintawk hmel zeta tiin a nui sak a.

"Ka chhungte rilru nawm nan chauh ka inleng chu ka be țha ang. Chumi vang chuan ka thlah dawn che tihna a ni lo ania" ti chungin ka dinna lam ah chuan a lo phei ve a. Kan khawsak zawh chiahna vangin a sam chu a la pawr phang a. A mitmeng vam hiam ah chuan pawisak reng a nei lo tih lah a lang chiang em em a. Ka kiangah chuan rawn dingin,"Min mamawhna a san tluk zetin s** ah i sang. Kei lo chuan i tisa chakna sosang lutuk vanga i chet dan rothap zet hi an dâwl zo dawn lo che" a ti leh salh salh a. Ka chakna sosang țhin lutuk chu min vau nan a hmang nge min sawi țhaih zawk, ka awm ruak kunga kut lo vah kual tir dan dan pah hian "Ka sawi dik em? I kham khawp pe che a lungawi taka siam thei tu che chu keimah chiah ka ni" tia thaw hak chungin boxer chhanah bawiha chu a rawn țham salh a.

"He thil hi ka ta chiah a nih hi" cho zet a min melh chunga a tih leh chuan ka nui ta ringawt.

☆ ☆ ☆ ☆ ☆ Utopia☆ ☆ ☆ ☆ ☆ ☆

Mi tam takte mak tih tur khawp in khawvel changkanna chuan hma lam a pan a. Chu hmasawnna; a zuan a zuang dawrh dawrh chuan Ar-hmai pawh tiat lo ram zim te chu min hmaih bik lo. Khawvel lehlama thil thleng leh an nun dan te chu second reilo te chhungin kan lo hmu phak ve ta zel a, kan nun dan lah khawthlang ram a chengte nun dan tluk zetin a changkang chho ta.

Mahni culture dah pawnlang zel in hnam dang nun phung chu kan seng lut a. Chhungkaw inrelbawl kawng ah te, kan khawlai nun dan te thlengin khawthlang lam mi te nen danglamna kan nei ta mang lo. Chu thil chuan kan hnam ah nghawng tam tak a nei a.


Mite anga a lang changkang ve tur chuan sum a lo ngai a. Sum hmuhna tur a nih phawt chuan tu te pawn tih hreh leh pawisak kan nei lo va. Țhiante neih ang neih ve chakna in kan phe suau suau a, kan neiin tlin lo mahse mahni taksa zuar a sum siam hreh lo kan pung thur thur a. Nu leh pa te kianga naupangchhia ang taka la tal thiam; zanlai a lo thlen ruala mipa in a phurh chhuah theih tleirawl kan pung tulh tulh a. Mahni kawppui te lakah lungawi zo lo, ințhen hmingchhe chuang lova hmei leh kawppui dang nei lah kan kat nek nuk tawh. Chu chang a la nilo, tual thahna leh thihna mak pui pui a thleng dawt zut a. Nunna kan hlut tawh lo va, nunau leh hmeichhe awmnem zawk te tan phei chuan thil thleng tam tak chu a țihbaiawm in khawlai chhuak țha ngam lo khawpa tawmîm phahna tham a ni.

Ruang chhar report a lo luh rualin ka nau te pahnih chu chhuah in peih nghal turin thu ka pe zui a.

Kar lovah station ațang ruang chharna hmun pan chuan kan tlan chhuak a. Tualthattu kan man hma chu mut mu ka hmu țha leh hauh lo ang le..


Ka bana sanna chu ka bih thuak a, tlai lam dar 2: 45 chiah a lo ni. Tun mai a kan report dawn ah chuan ramngaw thla la tura photographer pakhat kal chhuakin hmeichhe ruang a hmu a ni awm a. A chhak mai aţanga thil rimna zet rawn chhuak chuan a ngaih ti țha lovin a belchiang a, a awmna aţanga thui lo te a kal chhoh leh deuh chuan hmeichhe ruang chhe tawh tak chu a han hmu mai ni awm a ni.

"Khu lai khu a nih hmel" tiin driver chu a tlan muang zui a. Mipui tam tak an lo pungkhawm tawh a, a lan dan chuan kawng kam mai a thil thleng a nih hmel khawp mai.


Motor ațang kan chhuak chiah chu rim na zet hian min lo hmuk nghal a. Ner nawk pahin Rema mask min rawn pek chu ka ban a, pung khawm dang te pawn hnar an lo hup far hlawm a. Tlawmngaihna changchawi in ruang chu an lo khawih danglam loh hram ka beisei bawk.

"Ka Pu, in lo thleng tawh maw?" tia inhup țut chunga min pan tu chu chiang takin ka lo melh a. Camera a awrh danah ruang hmu hmasa ber tu chu a ni ang tih ka hre nghal bawk.

"Nangmah hi i ni em?" tia zawt in kut kawr ka bun pah mawlh mawlh a.

"Aw, ka pu"

Constable pahnih chuan a țul țul an buaipui nghal zung zung a. Ruang chu thla te la a hmunhma kan en fel hnu ah lo awm sa te nen ruang chu kan zawn sawn a. Kawngpui ațanga hlam sawm vel lekah ruang chu hmuh a ni a. Tualthattu in pawisak a neih loh zia ti chiang tu ah ka ngai.

Ruang chu a chhe hneh hle a. A sam sei tak chu thisen in a chiah khang ur a. Beih a tawh lai in dam khawchhuak turin nasa takin a sual let ve a nih hmel a kuttin chu a tla nual a. A taksa chu țing in a lo bawh nasa tawh si a, a hmel tur chhui zawn pawh a har țalh țalh viau. A kum erawh a la upa lemlo tih chu a taksa ruhrel ațang a hriat theih a. Kutkawr ka bun thuah leh a, a taksa lang thei lai chu chiang tak in ka en kual a.

A tukhum chu na taka vuak tih hriat takin a dup ula a, a nghawng pawh rehna hnu a val kulh a. Hmuh a hrehawm khawp mai.

Vaivuta siam mihringte hi vaivut bawk a kir leh tur kan ni a. Mi tu pawh kan hringnun kawng tawpna chu thihna a ni. Amah erawh chu thih dan pangngai lo leh misual kut tuar a han boral bik ngawt zawng; a tuartu a lainatawm tluk zetin chhungte tan lung a dam kim thei tawh lo va. Chhungril ah kam tu neiin hringnun an chhiar liam tawh țhin.

Thil țul zual te kan buaipui zawh meuh chuan ni pawh kawl ah a lo liam dawn der a. Ruang pawh postmortem turin damdawiin lamah kan thawn tawh a. Ruang chu 'tunge a nih' kan hre thei rih lo bawk nen hna a la ko khawp mai.

Ruang hmu hmasa ber tu chu thu zawh fiah tur in station ah kan phur let a. Photographer ho in ka nau te chu an ti ti tlang mawlh mawlh a, ".... kan ram zim te ah pawh hian thil mak leh thihna rapthlak tak tak a thleng fo ta mai. A pawi tak zawng a ni e" photographer chuan a ti chuar chuar a. Ngaihtuahna a ti thui khawp lehnghal.

Hnam la upa lo tak kan ni a. Kristian ram ah kan inchhal bawk. Chuti chung chuan pawi rapthlak tak khawih duh kan pung tual tual mai a. Kristian-na chuan min thunun zo tawh lo nge chhungkaw inenkawlna in a zir loh vang zawk?

Ka ngaihtuah thui zel a.. Hur sualna leh tualthahna te hian kan Zoram hi a kiansan tawh dawn lo nite in ka ngaihtuah kual zel a. A chhan chu mihring awmna hmun apiang ah sualna a tam a, khawvel hi mihring awmna tur atana Pathian min pek a ni miau bawk si. Thil engpawh lo thleng se, a insiamrem thiamte apiang an vannei dawn anih tak ber hi.


Station kan thlen rualin photographar hnen ațanga kan thu hriat ang ang chu report ka ziak nghal a. Station dangte pawh bia in 'hmeichhe bo report' a dawn leh dawn loh kan zawt kual reng a. Nghak deuh ila, station dang te'n report an lo siam let hun ah chuan hmasawnna tur thil te pawh kan hre tawh mahna.

Rei ngial ruang hmu hmasa ber tu nen kan inkawm hnu chuan kan duh tawk ta a. A chhuak fel chiah tihin call ka dawng zui zat a. Doctor Zothana ani dawn tih hria in ka chhang rang khawp mai.

"Yeap"

" Bawiha, tunge a nih inhre thei tawh em?" tiin min zawt nghal thawr a.

"Kan hre thei mai lo. Station dang pawh be kual in 'mibo report an dawn leh dawn loh te' kan zawt kual a, a țhen hian an record an hai mek nge ni engmah an la rawn sawi lo" tia ka chhan let chuan a thaw huai a.

"A tukkhum ah na taka vuak a nih hnu ah a la thi mai silo a, pawikhawihtu hian thi ngei tura a duh vangin a rek hlum ta a nih hi. Kan nula hi call girl an tih ang hi a lo ni ve mial lo maw?" a ti bul bul a. Zothana nge nge hnu chhuina kawnga țangkai tur lai a rawn sawi chhuak leh ta chat mai alawm.

Zothana nen kan inbe zo chu cabin ațang ka kal chhuak nghal a. Rema phone lo hmang mek chuan min lo mit mei a, a dawhkan lama ka phei chu "Sir, a mak khawp mai. Station dang pawn hmeichhe bo report an dawng miah loh a nih hmel" a lo ti a. A khirh zek dawn a ni maw.

"Report lo pe let lo an la awm em?" tia ka zawh chuan Aizawl huam chhunga station zawng zawng te chuan an lo biak vek tawh thu a sawi a. Kan nula chu ngaihven tu neilo; mahni tal tal a tal mai mai țhin a ni thei mai ang em? Nge ni ang a, Zothana sawi ang deuh khan call girl a lo ni reng anga, chenna mumal a neih loh phei chuan tumah in a awm leh awm loh an ngaihtuah dawn hlek si lo. Chuvang renga tualthattu pawh a laka huangtau ta kha a ni thei tlat.

"News station ah report rih mai la, Hmeichhia kum 20 ațanga kum 30 inkar ti tel la" ka tih chuan rang takin phone a hmang leh nghal a.

Ruang chharna hmun ah khan kal leh a ngai dawn in a ang ta riau. He hmeichhia nen a inzawmna nei thil hmuh hmaih palh te pawh kan lo nei thei a, chiang zawk a enfiah chu a ţha in ka hria.

Midang tel lo chuan ka chhuak leh vut a. Rema erawh ka kalna tur ka hrilh thuak thuak a. Motor chuan Kenny Rogers hla play chung in khawpui dai panin ka tlan zel a.

Khawpui dai lawka kham sang ang reng tak ka tlan pelh dawn chuan mit la peng deuh tu ka hmu a. Speed ti muang deuh in kham pan thlakna lam chu ka en chik viau bawk.

Kham hawi zawngin hmeichhe pakhat hi a lo ding ran a. Khua a thim thet thet tawh a, hmeichhia si ram palaileng ah leh nghal a tla fal lutuk chuan ngaih a ti țha zan lo. A zawn ka thlen chuan engthil emaw tak hian min țham tlat leh nghal.

Che map lovin kham sang tak lam chu a bih ngar a. A hmel ka hmu thei lo nain a sam sei zet chu thli thaw in a chhem leng dar dar a. 'Ka zuk pawh ang nge pawh lovang' tia ka ingaihtuah fe hnu ah ka tlan tlang ta zawk a. A bialpa nen inhmuh tumin a nghak mek te pawh a lo ni thei tlat a ni.

Ruang chharna hmun ka thlen thlak leh meuh chuan dar 7 a pel hle tawh a. Hnuchhuina a hman tur bik a siam torch light keng chungin kawng thlang lam ah chuan ka chhuk a, hnahthel tla chuan kal a ti nuam lo khawp leh nghal.

Ngaihruatna hmang in an inchai buai lai tur te chu ka riruat kual ngial a, thil danglam bik leh hnuchhuina a min pui thei tur erawh ka hmu chhuah phah lem hlei lo a.

Bei a dawn lek lek thlengin ruang chharna hmun hma chu ka en kual tawh. 'Thil țangkai engmah hmuh belh tur a awm lo a nih hi' ti rilru chungin ka hawi kual a, light ka tih thim rual chuan ai mit thlawn ang hmiahin a thim chhah mup a. Rannung hram cher cher ri erawh a ring sauh a. 'Haw phawt mai teh ang' tia light ka hmeh eng leh chu mit ka ti zim nghal sun. 'Candy kawr ruak pawh a lo ni thei' ka ti tak nain light in a chhun fuh, hnah thel kara thil lo tle va va lam chu ka pan ta tho.

Lo chhilh tu hnahthel ka hai kian chuan ka kiai ta suk a, banbun chu chhar in ka en chiang thuak thuak a, "Hma kan sawn dawn e"

Hnuchhuina kawngah hma kan sawn dawn a hria in phur ru tak in ka inkhalh let a. Kham zawn ka tlan pel leh tur erawh thisen a lum pup a. Ka thil hmuh chuan min țhawng bawk aniang brake rapin motor chu ka ti ding hrawih a.

Motor ka chhuah san lai leh kham bul ka zuk thlen thlak ve lai chu mumal pawh in ka hre zui lo. Hmeichhia chu na zeta pawt let nawkin ka kuah bet thlawp a. Ka thinphu rang dawt dawt pawh chu ka hrechiang lutuk. Ka mit hmuh ah ngei mahni nunna la an awm hman țhelh a tin a ni.

Duhthawh zet a thawk ka lak hawk chuan ka lungphu pawh a mumal ta deuh, "Eng thil teh hrep nge i hriat a?" ti vin hluk chungin hmeichhe darah chuan ka ţham a. Ka thing nawk hial in ka hre mai.

A sam leh thuamhnaw inbel aţang chuan ka kal lam a hmeichhia kha a ni tih ka hria a, "I thil tih tum atthlak zia kha i hria em?" a hma ai mah a vin zawk a ka tih leh chuan a thle hnawk a. Rum nghut paha dur khui a ka melh lai chuan min lo nuih ver ver nia.. Ka theh thla daih zawk dawn em maw ni chu le.

" Thih i duh a nih pawn hetilai lo hmun dang zawng rawh" ka ti leh khur khur a. Amah vanga ka hlauhthawnna leh hauhna te chu ngai pawimawh lo tih hriat fe hian min nuih rah rah mai a. Thin a ti ur hlur thei.


Engtin nge mahni nunna hlu lutuk te lak a tum ngam zawk. Mi țhenkhat te'n dam duh in sum tam tak sengin doctor thiam apiang an pan zawk a sin. Ka ngaihtuahna te vang chuan chu hmeichhe lakah chuan ka thinur zual sauh a, lungawi lo zet a ka melh leh nghek chuan min lo melh let ve kiau bawk. Ner nawk in hnuai lam ka bih a, a tlak hlau chuan ka kawnghren ah min lo vuan ve reng tih chu ka zu hmu a, a mitah tak ka melh leh rualin hmai zang-thal haw a min en pah hian" Ka pu, heti lai hi ram pawh a nilo" a lo tih chuan min ti hrilhhai ang reng.

Mahse, "Mahni intihhlumna hmun tur i thlang fuh lo em mai. Kal la, hmun dang va zawng rawh" ka ti chhum hmuk a. Ka thinrim nge a zuang thla hman teuh lutuk khan min ti hlauthawng zawk ni, ka aw ri thleng in ka thunun zo der lo.

"I ram a ni lo ka tih chu" a ti țeuh leh hlar a 'Ka ram a ni' tia ka sawi lai ka hre bik hauh lo.

"I ram a nilo a, ka zuan thlak tum min lo dang tur pawh in thu-neihna i nei lo," a ti leh mauh mai a. Ka hrilhhai letling tawh zawk.

"Nang hian min zui ru em ni?" a'n tia!

"Eng aiah nge maw ka zui ruk ngawt ang che le?" chek tlak tlak chunga ka tih chuan a ter zual sauh a. "Min zui ru lo la chu min rawn dang lo ang. Zak thei lo lutuk mai, hmeichhe zui ruk ching, remchang hmuh ruala khuaikhem tum" tia min puhna țawngkam chhe pui pui vang chuan ka hawi lawl lawl a. "I lei tereuhte kha veng țha la, tlak duah suh" tiin ka kawnghren a vawnna kut chu ka phih thlak sak hmiah bawk.

"Nangni ang mipa te hi alawm hlauhawm chu. Hmeichhia te chak loh na remchang ah lain intisa chakna hrikthlak nan hman in hreh si lo" a la ti phiar phiar a. Ka melh tu tu tawh.

A pen sawn tur chu a ding awn luk a. A tluk hlau in rang fahran hian ka man bet leh thuai a. Ani pawh a lo inring bik lo a nih hmel ka awm ah a lo bei leh thlawp a.

"Second tlemte chhung lek paw’n i dak tam hman hle mai" ti sup in ka kun hniam a. Ka mitah tak min en kher chunga țawng zel a tum ni ber hian ka hre tawh. A sam hnawk niai kar aţang min lo melh chuan inthunun tum tak hian ka man nghet zual sauh a. A biang chu a tle ser ser a, ngun leh zual a ka en chuan a mit meng sen ram chu ka hmu chiang thei ta.

"Kal bo rawh" vawt raih a a tih chuan engtia awm tur nge ka hre ta hauh lo. Ka kal san ila a zuang thla emaw a ni dawn si.

"I buai lohna tuar ah lo buai tawh miah suh ang che" nghet charh a tiin ka manna a ta chu a tal hrang a, dan tumna ka nei tawh bik lo.

Inhmachhawna kan din lai rengin kham lam ah chuan a tawlh hnung leh ngat a. Mit zim sun a ka melh chik rual chuan "min lo ti buai tawh miah suh" tiin min vau zui. Verther hmel zet hian a kiai sak bawk.

Tawlh hnun leh a tum rual chuan ka hnaihchilh thut a. A ban rekah man a ka phih let leh chuan a țang ve nasa khawp mai. Chuan, ruih a nei tih ka hre chiah, Whiskey rim a nam vei ham a, "min thlah rang rawh" ti chuan min vin khar khar a. Ka va han thlah awm lo e aw.

Tun lawkah pawh hmeichhe pakhat ruang chharin kan buai hrep a. Ani ruang buaipui leh chu ka chak tawh lo. A zuan thlak tumna lah hi a khawkrawk em em leh nghal, lak chhuah a harsa mai mai dawn.

A tal fat fat lai chu ka pu ta nawlh a. Dah thla tur a min hrilh in a au ring nangiang mai, ram palaileng a ni a tu pa fa mahin an rawn hre dawn lo. Ka dah thla duh si lo a beidawng chuan ka hnung ah a lo chum pawp pawp a, min ham tel bawk.

"Hmela, min dah thla rawh" a tih chuan kawngpui lam ah ka chhoh pui nawlh nawlh a.

"Min chhan r'u. Hepa hian min pawngsual a tum a nia!" tiin zuk au a! A au hla chuan min run hle a. Tih ngaihna vak ka hre chuang hauh silo.

"Min thlah vat rawh. Ka chungah thil țha lo tih i tum a nih chuan ka that ang che" a ti leh mauh mai a. Ka nui ta huk, ani tehlul hian min that thei lo tih ah ka chiang em a, chhan let en ah pawh ka en lo.


Ka tlan thlak tirh khan engti tlan in nge ka tlan ni, motor hunna thleng chho tur paw’n kal fe a lo ngai mai. Ani tereuh pawh hian engtin nge heti lai daih daih ah kham a awm tih te chu a lo hriat reuh ni.

Ka motor hunna ka thlen chhoh pui chuan a tal chau der tawh a. Passenger side kawngka chu pawt hawngin ka hlang lut nawlh a, a thaw hle hle chauh tawh. Belt ka hren sak thlap a, a sam sei zet in a hmai chu a khuh nuaih avangin a hmel chu a hmuh chian thei loh.

"Ât huai ngawt hi a țha ber lo" tia phun hluk pah hian kawng chu ka khar dawt a. Min ti mangang hman hrep leh nghal.

Motor kal hual pah chuan darthlalang chhan aţang chuan ka en run run a, maimitchhing chung hian a tep chiap chiap reuh a. Heti lai ah hian kal lo ila chu a thlarau in a taksa a chhuah san tawh ngei ang.

Motor ah chuan țhu lut in engine ka ti nung a. A tep chiap chiap lai chu beidawng zet hian ka va thlek a. "Min ti buai hneh hle mai" ka ti chhuak hulh bawk.

Kawng tluan chuan thawm a siam leh tawh lo. Phone call ka dawng zui ta bawk nen speed chu ka ti hniam a, motor hmalam a phone ka ban laia saranga banbun lo awm ve reng ka hmu tel chu ka nuih pui ta suk. Hmeichhe maksak zet buaipui in hah hrep mah ila he thil hi ka hmuh chhuah phah tal alawm.

Rema call chu chhang in, "Aw sawi rawh" Ka ti nghal tawng.

"Sir, hmuh chhuah i nei em?" a rawn ti var a, motor hmalam a sarang chu melh zawk in"Ka chiang rih lo" tih zawngin ka chhang let. Ka thil hmuh chhuah hian țangkaina a nei dawn em ka hre rih tlat lo.

"Ka hrethiam e, a hmun ah khan ka rawn kal ve a ngai dawn em?" a tih leh chuan a țul loh thu in ka chhang a, ka dah hma chuan, "Rema, News station lam kha bia la. An chanchin thar puan aţanga an feedback dawn ang ang chu kan station-a rawn thlen turin hrilh ang che" ka ti leh rih a. Aizawl a police station hrang hrang te kan biak kual khan chanchin thar kan dawng miah silo a. Mizoram pum huap news a puan a nih chuan thu thar dawn tur a awm thuai in ka ring.

Rema nen kan inbiakna ka tih tawp rualin hmeichhia bawk chu ka melh leh a. A chatthla nge ni a zawi der reuh a, nu leh pa te thunun loh a duh duh a tal kua tur atan chuan a la naupang viau in ka hria. A harh phah beisei in rimawi chu ka play ngial a, awmzia erawh a nei teh chiam lo.

A tawp ah chuan kan hnuchhui lai ah bawk rilru sengin ka ngaihtuah zui a. Kan ruang chhar hi 'tunge a nih' kan hriat hmasak phawt loh chuan tualthat tu ni thei tur rin thiam a har rih si a. Tunah chuan ruang hi 'tunge a nih' hriat hmasak a pawimawh ber. Anihna kan hriatchian hun ah chuan tualthat tu pawh kan chhui chhuak har lo ang. Hetiang pawi khawihna ah chuan mihrang daih an inrawlh mawh viau tlat a.

Chanmari kawn kan inkhalh thleng chu â in ti lutuk hian ka ner sak mai. Passenger seat a hmeichhe țhu chu ka va thlek leh thuak a. Khawi lam mi nge a nih ka hre hauh hlei nem. Sâwi harh ila hetah hian chhuk tawh rawh se, hetiang zurui ka hruai haw ngawt chuan thil a kal dik thei nang.


"Mami, harh teh" tiin a darah ka sâwi dat dat a, a thaw chhuak thei țawk.

"Harh teh ka tih chu!" A tukhum lam ațang ka nem a! A bu lawp a! Ka inthiam lo leh deuh si chuan a chalah dawn in nghenchhan ka nghen tir leh rih a. Lu a ti hai tak zet.


Kawng dang ka hriat hlawl tak loh ah chuan inlam panin motor chu ka khalh leh ta ngawt. A harh theih ring in ka motor a hip hop hla awm ho chu ka play bur bur bawk. Ka in ah tu tih hriat loh hruai haw ngawt lah mi â laileng nilo tan chuan a thiang lo bur tih ka hmu thiam vek! ‘Nge ni a, henu hi lemchang a amah ţanpuitu te pawisa ru chhuak a tlanbo leh thin a ni thei mai ang em.’ tih vel ka ngaihtuah chhung chuan ka in bul kan thleng der a. Rilru buai țun chungin motor ka han hung rem te te a. Motor a hnutchhiah ngawt lah thil fin thlak tak a ni mang silo. A tawpah chuan ‘kan Hmeichhe maksak-i’ chu inchhung ah ka pawm lut ta a. Kan thawmah chuan ka ui pa chu a rawn ri rang kher mai. “Tunge i rawn pawm luh a?” ti ang hrim hian min lo bauh a. “Engkim a țhat thu" a ka khap chuan thuawi tak hian a ngawi ve mai a. Mikhual mut pindan lama kan inpawm phei chu mei hem vat vat chungin min zui ve zel a..


Khum ah hmeichhia ka mut fel chiah chu hnaih zawm in a hnim kual vut vut a. A kut te chu liah sakin a zir chiang nasa ve khawp mai.


Kan chhuah san hmain khum a hmeichhe muhil mek chu ka thlek leh deuh vang vang a. “Mikhual maksak!” ti chuan ka phun chhuak sup. Ngaih tha zan lo chung chuan kan chhuah san ta a, zing khawvar rualin a haw nghal nal nal tur a ni.

[Ngaia]

Ka Mutpindan lamah chho in ka in tleuh thuak a. Zanriah tur ka buatsaih hmain computer ka check leh rih. Email chhan let țul ang ang chu ka chhang let a, ka dang ro deuh hulh vang chuan inhnuai lam ka pan thla thuai a. Fridge chu hawngin Beer chu ka la chhuak a. Ka in zui khawlh khawlh. CAN khat ka inzawh chuan chhawlhal lutuk pawh a reh huai a. Ka tihdan țhan ang bawk in zanriah tur chu ka insiam mawlh mawlh a. Balhla leh neutrela chocolet flavor leh nuts chi hrang hrang chu ka her sawm a, protein a tam bakah chaw țha inpawlh a ni a. Hetiang Shake hi ka in tam viau mai. Hunter-a chaw tur pawh a plate ah ka bun chhuahsak a. Kan mikhual maksak-i saw chu zanin hian a harhchhuak tawh lo hrim hrim ang. Zanin khan kha hmunah khan lo va kal lo ila chu 'hmeichhe ruang chhar a ni' tih thu station ah a rawn thleng leh ngei tawh ang. Ruang pakhat chinfel hma a ruang dang buaipui tur a awm zui chiah hian Police te tan tak pawh a lu hai thlak map zel.


Ka rilţam bawk a niang; ka zanriah siam chu ka ei kaw duak duak a. Mu tura ka intihtuah tak tak hmain News chenel chu ka en kual leh rih a. Police officer ni turin Law Enforcement Examination ațang degree ka neih hnuah kum hnih chhung ka training leh dan te chu ngaihtuah let in ka news ngaihthlak lai chuan rilru a hruai thui khawp mai.

Training ka zawh hnuah Mumbai Headquarter pakhat ah kum thum (3) dawn officer in ka awm hman a. Mahse kan hotute lawm loh zawng tak a ka chet chhuah avangin Mizoram ah hian sawn ka ni. Ka ngaihtuahna avang chuan thinrim țeuh in ka țhen suk a.

Kan hriat țheuh ka ring e. India actress lar tak leh hnuhma ngah em em heart attack in a boral tih thu chuan kar loah India ram chhung a deng chhuak nghal vat a. Khatih lai kha Mumbai ah ka țhut ve lai a ni bawk. Tupawh in an ui em em a, a thlarau hahdamnan a inthawina lo neih sak tawk lah an tam narawh. An chenna in kawt ah mipui an pung khawm a. A ruang lah ramdang ah daih a la awm si, kan case khawih theih pawh a ni bawk hek lo.

Mahse.. A pasal insawifiahna ka ngaihthlak khan thil dik tawk lo inphumru a hriatna ka nei ta tlat a.Heart attack a thih ang a lantir an tum kha dik theiin ka hre ngang lo bawk!
A pasal lah chu Bollywood a movie director ropui tak leh sum thawk chhuak hnem ber pawl a ni len zel. ‘An chhungkua in an chhungkaw hnai tak te inneihna-a telpui turin Arab ram an pan a. Inneihna chu tluang takin an zo ngei bawk. Actress fanu leh a pasal te chu India ah an rawn let hmasa a, Actress boral ta erawh Arab ah chuan shopping turin a la cham rih’ tiin a pasal chuan a sawi.



India ah an fanu a hruai haw hnu chuan Arab ah vek a pasal chu a thlawk let leh a, a nupui chu ‘surprise dinner tur a chhuahpui a tum’ thu a sawi a. ‘Hotel ka thleng leh chu ka tum lawk ang chiah in mak a lo ti leh a. Ka thawng viau nain a lo hlim khawp mai, reilote kan ti ti hnuah dinner tur atan a inbuatsaih ţan a. Hetih hun lai hi tlailam dar 6 a ni a, shower a intleuh zuai turin washroom ah a lut a, minute 20 hnu ah pawh a la rawn chhuah mai loh avangin washroom kawngkhar chu ti chhia in ka lut ve ta a, ka nupui duhtak chu bathtub tui khat vek ah a lo mu a, ka kai tho thei lo ka mangang chuan ka ţhiante ka call a, an rawn kal ve vat reng a .. a hnu lawkah a boral a, zan dar kua ah police kan call a, an rawn thlen hnuah a boral thu puanzar a ni ta bawk’ tiin a nupui thih dan chu police te hnenah a sawi a.



Mi tam tak chuan a in sawifiahna chu ringin thil dik lo a awmin an hre hauh lo. Actress kha cancer vanga treatment la mek, taksa chak lo ve tawh tak a ni miau a. Mahse ka thlir dan ațang chuan ‘thu phuahchawp lutuk hmang a insawifiah tumna a ni’ ka ti thung.



Engtin nge ‘zanriah kil tur a kal chhuah an duh vanga rang taka intleuh zuai tum a shower hmang tur a lut ni si; Bathtub tui khat vek ah a lo inchiah hlum theih?! Bathtub chu inbual kuang a ni a, shower erawh tui in phuh chhuahna; hmanhmawh chang chuan rang takin tui kan inphuh tir zung zung a, bathtub ah tui dah lut a, soap te nen inchiah khawtlai na hun a awm loh changin shower hman hi a awlsam em em bawk. Engati nge 911 emaw hotel hnathawk te call hmasa lova hotel a thleng ve lo a țhiante a call daih. A pasal sawi dani Actress kha bathroom ah intleuh zuai tur a a luh khan tlai lam dar 6 a ni a, minute 20 hnuah a kawngkhar ti chhia in ka lut a ti bawk a. Dar 6:20 aţanga zan dar 9 inkar thleng khan police hnenah engmah information an pe lo! Zan dar kua ah police a call chiah bawk. Chung thil zawng zawng vang chuan ‘tual-thana rim a nam’ riau a rinna ka nei tlat a. Min mawlh lian hle bawk.



Ramdang ah India mi an thih hian an case hi India ram Police in kan buaipui ngaihna a awm lo va, dan anilo bur bawk! Kan hotu lu te bia in he thil ah hian thil diklo inphumru a awm tih hi finfiah ka duh a, sawi leh sawi hnu sum duh luat ah leh mi hausa te hlauh luat ah ka khawih an phal lova, Actress pasal leh a fanu pawh ka hmuh takngial pawh phal an ni lo tlat te khan finfiahna țha awm a țulzia a ti lang chiang ropui bawk si!





Ka hna pawt buai lo tawk in Arab ram an thlenna hotel chu engtin tin emaw ka be pawp thei a. Hotel hnathawktu te chuan actress boral ta kha a boral hma pawhin nithum chhung a room aţang a rawn chhuak tawh lo tih min hrilh a! Room service hi room luah tuin a koh a, eitur a order te a nih loh chuan an privacy zah sak in hnathawk tumah in room luh an tum chhin ngailo.




Hotel thawk te ka zawh chianna ațanga a landan hi chuan he heart attack ni a sawi boralna ah hian tualthahna a inphumru tih a hriat vek! Ka rindan hi a lo diklo a nih pawh in keimah ngei in fiah ka duh a, a pasal ngei hmaichhan ngei a hmu thei ila chuan engkim ka hrefiah vek thei tur!

Mi tupawh in a nupui emaw a pasal emaw bathtub chhungah lo inchiah ta reng se emaw nikhawhrelo in awm ta bawk se, an țhiante call lo in hotel hnathawk emaw ;Emergency emaw an call ngei ngei ang! Thil tihsual kan neih loh phawt chuan chu chu kan option neih hmasak ber tur a ni bawk!

Mahse.. a pasal leh a fanu hmuh ve a, hmaichhan ngei a biak ve ka tum chang apiang in kan hotute beng a thleng nghal zel a! Engtin tehchai nge an hriat tih ka hrelo! An pafa ka hnaih hlek chuan hotu te lam ațang tawp tur a hrilhna leh suspend hial a vauna ka tawk ta reng a!

Mahse mi mawl tawp ka nilova! Bollywood industry lian tak a sum ngah ber te zing a mi tih ka hriat miau avangin engtin mah ka tihtheih lohna turin kan hotute lam in an hum zel sia. An mit ka ti kham ta viau a ni ngei ang! Kan ramah min sawn ta daih reng a!

India ram hi zawng milem be hnam kan nih miau avangin dikna in hmun a chang tak tak thei ngailo ang!
Kristian ramah meuh pawh eirukna a hluar em em a! Mahni thil tihsual thup tumin tupawh sum tam takin kan vawm zui a! Dikna in hmun a chang hlei thei meuh tawh lo!

Mu tura ka intintuah laiin beisei loh mikhual kha ka hrechhuak hnuhnawh a. Guest room lam chu ka pan thuai bawk, eng tin tehreng nge a lo awm tih pawh hriat a ngai a lawm le. A mut pindan-a ka luh chuan a lo la mutui khawp mai. Pawm sawn nawlh pawh niila a harh chuang lovang tih theih tur khawp in a ni a muttui.

Ka pen lut uk tawh nain ka tawp leh thuai a. Kawngka bul aţang chuan uluk fe hian ka thlir a. A kum a la tam hauh dawn lo tih a chiang. hetiang tak a fate thlah zalen thei nu leh pa an awm theih pawh ka ring hrep lo e. Nge ni a, zanin te hian an lo zawng ru ve reng zawk ang. Reilote chhung chu ‘a chhungte an lo mangan palh hlauhna’ hian min rawn luh a. Mahse, ka rilru pakhat chuan, ‘ka buaina tur a nilo. Ka in ah himdam takin ka hruai haw tawh a. Chu chu a tawk em em tawh zawk’ ti chuan min rawn hrilh a. Kawng chu kharin inchunglamah mu turin ka chho ve ta a.



Ka mut pindan a lut pahin ka nu ka call a. Ka la sawi lang lo e. Ka nu leh pa te hi Champhai lam ah an awm a, kan pi leh pute ațang tawh kan chhungkua hian high school leh higher secondary school thlahtu bulte hmingchawi in kan nei a, ka u chiah hmeichhia te nupa leh kan upa ber mipa te nupa in an enkawl a, ka pa pawh pa chengvawng tak leh zirna ngaisang em em a ni a. Engkim a la buaipui ve thei vek. Ka nau chiah hmeichhia erawh vanduaithlak takin kan naupan laiin a boral tawh thung. Ka thisen zawmpui ka chhungkua te chu Champhai ah khawsain an inbengbel vek a. Kei hi ka tuina leh eizawnna vangin ka tla hrang thung.


"Hello Mama." Ka nu aw ri ka hriat rual chuan ka hahdam huai mai. An chanchin ngaihven tur a ka biak hi an phut ve tlat țhin reng bawk.


"Vawiin lam eng nge in tih a?" tia ka zawh chuan,"Bawihpuia nen kindergarden ah kan kal a." A rawn tia. Ka insehruh nghal țeuh.

Ka nu vek chuan, "A tlangval ve tawh lutuk, hei, thil a thiam thei reuh bawk si." A ti zui luam a. Ngawi ngul in a țawng chu ka ngaithla a. Ka kawchhung erawh kum 3 liam ta a thil thlen hun lai ang chiah khan a sahal a. Thlan fimin min bawh ti tih der.


"In dam țhat chuan case khawih tur ka ngah a, ka dah rih dawn nia" tia a thil sawi lai ka pawhchah chuan a chek tlak tlak a. A rawn vui thawm chu ngaihven duh lo in phone chu ka off zui nghal hmak bawk. Tunah tak hi chuan eng thil mah ngaihtuah ka duh lo.. Ngaihtuah ka duh lo tak zet!


Ka țhutna a ta chu tho chhuak hluai in tukverh lam ah ka phei a. Tukverh chu hawng a thlifim in min lo chhem heuh heuh takah chuan thawk lak a pangngai ta deuh. Phatsannà runthlak ber ka hmachhawn zan vanga ka hrehawmna te hian engtik ah tak min kian san ang î maw…



Zingkar a ka han harh chu mit men a nuam lo țhûm a. zanthim chhah zet hnuaia mangchhia ang mai a thawk ipikthlak hun kha ka hriatchhuah apiang in ka la buai ziah tih hi phat tum eng ang mahila ka zan mu tibuai a, thinrimna avanga ka thisen zam lo pawng țawlh ţawlh zel hian min la chawh buai zia chu a ti chiang viau awm e.



Khum tlang ah chuan țhu chhuakin ka lu nâ lutuk dawn chung chuan thawk ka'n la deuh vang vang a. Ka zia ve leh mai bawk a. Nizan ka nu nen kan inbe zo; ka ngaihtuahna kal bing lutuk tur duh lovin ka in leh nghek a. Zinglam a nghawng erawh a nuam lem lo khawp mai.



Washroom ah lutin hmai phih in ha ka nawt zui sawk sawk a. Reilote tal workout ţalh ka duh avangin ka muangchang lo hle. Hunter-a pawh a lo harhvang tawh hle a. Inhnung lam chhuahna darthlalang tukverh chu a lock ka hawng a, ka nawr tawlh a. Thli rawn thaw lut vuk vuk chuan min chhem dai sawng sawng a. Zingkar boruak thianghlim zet chu hip lut in ka thaw ham ham a, Pawnlama ka gym siam chawp ah chuan ka bur chat a.



Tupawh hian ka thusawi hi an awih emaw, awih lo emaw pawh nise; hmangaihna in a bual at tawh apiang chu bumna in a umzui ngei ngei țhin.


'Daddy hnung ah hian chuang rawh aw' push up ka tih lai chuan ka hnunglam ah mipa naupang in min rawn bawh a, khawvel a hmeichhe nui ri a zawnga mawi ber mai nui khawk in pindan chhung chu a luahkhat a. Kei erawh ka kim hluah hluah a inhriatna te chuan min tuam vel a. Ka hlim a ni.

' Carlos, Daddy kha thlan vangin a huh vek tawh; lo chhuk tawh rawh le.' a tih chuan, ' Hon, a pawi lo..' ka ti ve vat.

Ka fapa nu chuan awmze nei tak hian, ‘Tak zet maw’ tih leh Push up ka ti lai min hmachhawn tur in ka hma ah tak a rawn bawk hniam vek a, ka nui suk a hmuh rual chuan ka hmui ah rawn fawp turin a rawn hnai sauh a. A rim nu chek chek mai chuan ka taksa hah lutuk pawh a ti bo duak thei. Hmeichhia chu rimtuiin han fai em em se, nalh taka incheiin hnaivaite ah hian hlim deuh in lo ti ti barh barh se hmeichhe nihphung an pholang chiang ber in ka hria.


Duat taka min fawh zawh hnu chuan, ' I fit ang a ka fit ve lo anih chuan nakin lawk ah min hne palh ang’ a ti a, a nui zui kar kar bawk.

Ka chhan dan tur hresa tih hriat tak hian, ‘ naktuk aţang ka join ve ang che aw’ a ti leh vel a.

' min dil kher țhin lo teh..' ka tih hluk chuan a meng de ralh a. Ka nghawng a ka towel bah chu la thla in ka bek leh chal a thlan lo chhuak chu a rawn dep a.


A chezia engkim chuan ka lung a dum a. Damchhung khawppui atan a ka thlan chat a ni reng bawk. Ka lo melh uluk deuh aniang, ‘Khatiang mitmeng a min melh reng kha chuan ka laichhe ziah țhin tih i hriat kha’ tiin towel chuan ka hmai ah a lo vawm a. Ka nui ta huk.


Ni e, en reng mai ka duh țhin. Thlir nin a har bawk em a ni, naupan tet aţang ani hi chu naupang hmelțha tiin tupawh in an sawi a, kan veng a in hlat lo a, kei lah hmeichhe lamah ka tla na phian bawk, chung hmeichhe dang zawng zawng ai chuan ani hi ka thlang a, kum naupang te in kan tlan a, kan in atchilh lutuk kha tumah kan mamawh lo ti hial pawh in sawi ta ila ka sawi sual tam lo ang. A nui mawi em em a, Collage queen pawh ni pha ngat khawp a pian thiam ani bawk. Police department ka zawm ve rual in Mumbai lam ah min zui thla a. A tel vena a nih phawt chuan rim taka ka thawh pawh ngai se engkim ka huam vek.

' Eng nge i ngaihtuah vung vung a. I bulah kan awm ve reng hi’ ti paha ka biang a lo dawn chuan eng nge ka tih mek a; khawi hmunah nge ka awm tih lam reng ngaihtuah lovin ka che a. Mahse, eng emaw ri dawt leh nuihza insum bawk si a, ‘Babe, Carlos-a’ ti thawm chuan min harh chhuah tir zawk a. Ka hnunga atanga kan fapa tla thla lah chu uar fahran hian a ţap zawm a. A nu chuan pawm thuai chungin ‘apa chu a ti mak thei e. Ka hau hrep ang aw… Bang tawh rawh le’ tiin a thlem a. Min haw tak tak lo tih ka hre tho nain kan fapa mangnghilh țhak a ka chet vanga min han melh rum der vel chuan sawi tur a bar min ti hre lo.


Chutia an nufa țap inthlem lai chu thawk lehkhatah an fiah lo tial tial a. Hrilhhai taka 'Hon..'ka tih chuan chiang lutuk a min lo melhin ka fapa nen chuan an thamral ta daih a. Ka push up ti lai chu rang taka ding chhuak in ka hawi kual ruai a. Mahse, a takramin min rawn luhchilh meuh chuan tha natna in min rawn tuam a, inpetruh fan fan chungin tukhum dawmin ka kûn ta tlawk tlawk.

"Bumtu anih kha hrereng rawh.." tih chu ka hriat tham lek in ka sawi pah sup sup a. A buma hian bumtu nen a kan hlimlai ni te kha bum ka nih ruala hriatrengna a ta ka nawt reh thei lo hi fair ka ti mawlh lo.

Khawharna leh lunglenna min rawn tuam chiai chiai tu tih bo tum chuan thawk ka han la leh ham ham phawt a. Ka thawk lak a lo rang hman kher mai. Ka thlan rawn dai mai tur chu duh lo in treadmill hunna lam ah chuan pheiin ka tlan leh nghal a. Darkar dawn ka tlan leh hnuah workout na atana ka hman bik apple sana chu a rawn ri a. Zing kara ka hunawl neih a zo chiah tih chu hrilh nawn ka ngai tawh lo. Sana chu ka check zuai zuai a. He sana țhat ve deuhna chu calories ka hloh zat chenin a hriat theih a, ka chhawr khawp mai. Kum naupangte ka nih aţang ka taksa hi ka enkawl uluk em em a. Body built hi nuam ka ti hle bawk. Mahse, mum tulh khawp a thil ei a; Sek ţung bawk ang kha chu ka body duhthusam a ni bik lo.

Inchhung ka luh rual a guest room kawngka lo inhawng chuan ka mit a la hmasa ber. Rang tak a pan phei a ka han pen luh chuan Pindan chhung chu a lo ruak huai a. Khum lah chu a thawhsan ang angin a lo kal san zui. Țawngthei bawk! Che fello bawk tih chu ka ngaihtuahnaah a rawn lut hmasa ber. Nizan ah min tibuai hrep a, ka hmel hmuh leh chu a hreh ve deuh a ni mahna ti rilru in ka chhuak leh ta a. A chetna hnu hi chu lang a lo kal hnathawktu in lo chingfel mai teh se.



Zing lam dar 6 a.m a pel awrh chauh nain ka hnathawktu a lo thleng dawn hnai tawh a. Ka tukţhuan tur sa leh thlaihring te chu ka lo la chhuak lawk a. Ka awmna in hi Police quarter nilo in ka mimal in a ni. Ka duhthal a ka duan, pindan thuhruk awm a ka sak a ni a; chu erawh ka mistiri rawih te paw’n an hre kher lo ang. Hre ve dang awm lo tura ka duh vang rengin thla hnih dawn keimah ngawtin ka khawih a. Duhthal a ka peih fel hnuah hnathawk chhawrin ka khawih zawm tir chauh reng a. Thuruk tam tak ka pai tluk zetin ka In pawh hian thuruk a nei a. Hre ve erawh uihum zat lek kan ni.


Inchhung lam aţang Hunter-a bauh thawm a lo chhuah rual chuan chak takin ka tlan chho ve nghal a. Kailawn ka zawh chho chu Hunter-a bawk chuan, ‘I pindan chhungah awm an awm’ ti ang hrim hian min lo bauh khum leh a. Kha hmeichhia bawk kha a nih vaih zawngin a hnaisai lo khawp ang ti rilru chungin pindan ah chuan ka lut vut a. Mahse, ka thil hmuh vang chuan ka ding chiang hle.


Mikhual maksak-i khan lukham hnuaia ka pistol dah kha la chhuak in amah leh amah a lo intin nia. Min hnungchhawn a ding a nih avangin min rawn hmu ve lem lo. Mahse, a thil tih mek chuan ngaih a ti ngam lo tak zet! Kan mimawlnu sawn a mu inthun sa Silai a hum mek a nih tih a inhre lo a ni ngei ang. Puakruk silai hi load hran a ngai lo a. A mu a awm phawt chuan a hmeh perna hmet ila a hnathawh tur chu a thawk zo fel a ni nghal mai.



Min rawn hmuh hma chuan rang takin ka hnaihchilh ruak a, ‘silai chu chhuhsak tum a chet ka lak chuan a hmehkauna ah a kutchal a rawlh miau avangin a puak dawn’ tih hre chung ranin inchung hawi zawngin ka vai per sak nawlh. Phu nghek chunga a khek țhawt chu ngaihsak zui loin a ban chu hnunglamah ka khirh sak nghal a. Tal fat fat mah se awmzia a awm lo. Nizan lawkah a intihlum tur ka dang tawh! Tunah ka inchhungah ngei inkahhlum a lo tum leh zel a, thih a duh hrim hrim a nih chuan ka hmuh phak leh bul hnai ah ti lo tal rawh se.


"Tunge i nih chu ka hrelo. Mahse, i thiltih kha thil țullo tawp a ni” ka tih rual chiahin a tukhum in ka awmah tak min lo tauh chawrh. Khawlh tih zetin ka phun hluk a.

Tal fat fat pah hian "Nang leh bawk maw" min la ti zawk zamah a. Ka thlah hnu chuan lo inher hmasa mai lovin a ban ka herh sak chu a han tuai vel hmasa phawt a. A chetphung ngeng lutuk chu hahthlak ti fe hian ka lo thlir reng….


"Tunge i nih?" tia ka zawh chuan a lo la hawi let chuang lo. A hnung lam aţang chuan uluk zet in ka zir chiang a. Hmeichhe hleitling tak tia sawi tur a ni lem lo. 5ft erawh a pel ve chiang a. A taksa chu duh aiin a cher mah mah bawk. A sam dum sei leh kir deuh chiat chu a chhip lama hui chho hmasa leh te te in a lo inher ta a. Chiang kel kawl a ka mitah tak min melh ran chungin, "tunge ka nih i hriat a țulna ka hre lo!" zu han ti hmak a. Tur deuh a ka melh tu tu laiin a kawrban chu a pawt chho a, ka herhsakna kha nâ ti ni awm takin a ner pah sak bawk.


"Tunge i nih hriat ka mamawh ber lo! Chuan.. ka in aţang hian chhuak rawh” chang beng bawng a ka tih ve hmiah chuan min lo melh ralh a. A mitmeng thip ram ah chuan huatna leh khakna bak ka chhiar thiam lo. A vun chu var em em a, nilo a dâng a ni mah ang. A hmui chhah tap chu a phir nalh hle leh nghal. "Nizan a i in a min hruai haw ngawtna man te kha min pek i tum lo a maw?" a rawn ti hem mai. Awih lo lutuk in ka nui chhuak huk a.


"Eng man maw ka pêk dawn che?" Nui huk chung chuan ka ti let hluk. Min chhaihkawlh a tum ni mai in ka hre tawh.

Chhuat a silai tla chhar tur a ka kun chu min melh kha kha reng a. A mit hian power a nei a maw tiin min melh hlum a tum ve chu a ni ngei awm si a. Ka ngaihtuahna avang chuan ka țhen leh sak a. ‘Te si, kawlh hlik hlek bawk si’rilru a ti chunga ka kiai suk suk chu a lo run hle aniang, "Hmela.." min ti leh hmiah mai.


" ka pek tur che sawi tur i neih loh chuan chhuak rawh” ka ti let ve thung. A lo ner tak ang nang ngang zui a. Min chho en ang hehaw pahin "I chapo ve khanglang a" min han tih leh khawlh chu ka hawi vak vak ringawt. Ka chapo leh chapo loh hre turin min hrechiang awm chai silo. Ka chhan let hma hauhin kawngka lam panin a kal nghal nal nal. Kawngka-a a chhuah hma chuan “I sual hmel ropui si” min han ti leh kher a. Rang takin a kal chhuak zui nghal a. Hnial zui chi a ni pawh in ka hre lo. Awm țhat duh loh vanga vak kual ţhin bak va ni suh! Rukruk a ching tel hial lo maw.



Inhnuai lam kawngka inhawng thawm chu ka hre tak nain, ‘a chhuak ngei em’ tih hriat tum in mut pindan aţang chuan ka kal chhuak ve a. Kailawn vawnchhan chu hum in inhnuailam bih chuan ka kun hniam khun bawk. Ka hnathawk rawn lut tur nen an intawk lai chu ka zuk hmu hman a. Nu Liani meng phar awk chu mihring nghal zet-i khan engahmah ngai lo zet in a kalpel hmak a. Nu Liani thung chuan a thlir let nasa mai.



Nu Liani lo lut chuan phawk deuh taka min rawn en chunginin, "Tunge a?" a ti deuh hu a. Zingkar hma takah hmeichhia in ka In a chhuahsan lai a rawn hmu fuh si a. Zawhna a ngah ngawt ta ve ang.


"Hmeichhe chimawm zet a nih kha” ti liam puat a. Zawhna dang min zawh belh leh hmaiin, “Tukin chu ka hmanhmawh deuh a. Siam awlsam deuh tur kha siam mai la.." ka ti zui daih. Nu Liani pawh chu a bu nghat nghat a. Mahse, Choka a luh hma chuan Khanu chhuah takna kawngka lam chu a va thlek leh hram a, eng emaw hi a sawi zui sap bawk.


Keipawh ka mut pindan ah bawk ka let leh a, computer dawhkan chungah Pistol chu ka dah tawp. Khanu khan engti tih in nge ka pistol dahna a lo hriat theih le. Police ka țan tirh ațang ka hlatah silai hi ka dah ngailo. Ka mut lai paw’n engpawh thleng se rang tak a ban theih tur in lukham hnuaiah ka dah mai țhin. Kei chauh nilo Police tam zawk te chin dan a nih tho ka ring bawk.


Ka inbual zawh chuan hna kal tur a insiam zui nghalin Uniform ka inbel mawlh mawlh a. Police officer meuh ka han parawl ta chu vengchhung nu tam takin zawhna min zawt awl lo a. An in ah chungkaia an fanu te nen inkawm tur te’n min sawm ve fo, ka chak lem loh avangin nula rim tur takngial paw’n ka tei chhuak ngailo. Mitthi in a ka kal leh sunday chawhma ka inkhawm bak vengchhung a cheng ve te hi tumah ka len pawh lo, chhiat tawk an awm erawh in ka tlanchhe ngai lo thung.


Inhnuai a ka zuk chhuk leh chuan nu Liani paw’n tukțhuan a lo peih fel diam tawh. Ka uipa chu a chaw tur chhawp sak paha ka han auh chuan hmuh tur a lo awm der lo. Ani pui pawh hi ka hriat loha kal chhuah nulh a ching a, mi pawi a sawi palh a hlauhawm khawp mai. Tualzawl lamah a awm beisei rilru taka ka chhuah chuan beisei loh lutuk thil ka hmu leh ta! Tual phul ah chuan Ka uipa leh Chimawmi te kha an lo infiam nia. Ka in ata hla fehah a awm tawh ang chu tih tawh laia ka kawtzawl ah ui a lo la infiampui leh lawi si chuan min ţhawng hle a. Ka hmu sual amaw ka ti hial bawk. Mahse, Ka hmu sual mang silo.



Hunter-a; ui lian pui chuan a lo bawh uan uan a. Ani lah hleitling tak tia sawi tur a lo ni bik silo. Phaitual hnimah chuan an inbawh tlu a. Chimawmi nui hak hak chu bawh zui leh in an inchhaih nasa ve kher mai.


"Aih.. ka hmui ah chuan liak suh.." a ti chel chul nain ui chu a buan let zel tho…


Hunter-a thaza lutuk lahin infiampui a nei chu awm chintawk a hriat loh phah a. Hmeichhia chu tina tak tak lo mah se a tiatpui chhaih miah miah a. Chechanglo lekin an pahnih inchhaih lai chu thlir ta reng ringawt. A nui hak hak ri chu hriat a nuam dangdai hle a, Hunter-a buan leh paha dramtic deuh a thawmri a han siam der vel te chu hriat loh karin ka lo nuih pui suk suk bawk. Nizan leh nichin lawk a mize vawt reih rawih nen a min hmachhawntu nen mi thuhmun an ni tih chu rin a harsa dawn dawn mai.



"Awi! I pa lian si, khatia min zuan chuan ka pawm zo si lo che a ka tlu zel a lawm Hunter.. a tawk tawh. Ka hah tawh lutuk.. A tawk, Hunter” a ti mawlh mawlh a. Hunter-a lahin bauh miah siloin a zuan leh duan duan ţhin. Chutia an chetlalai hmuhnawm ti ru deuh taka ka thlir reng lai chuan ka harh chhuak deuh thut a. A hriatlaiin ka ui hi a hmingin vawi khatmah ka la koh hlek lo. Mahse, ani tereuh hian ka Ui chu a hming ngeiin a koh thei tlat.



Ngaihţha zan lo chungin Tualzawl ah chuan ka chhuak ve ta a.
Kar loah Hunter-a zawk chuan min rawn hmu thuai a, ka lampana a lo tlan rual in phul-a Chimawmi let kawi sawi niai pawh chu a tho chhuak ve ta a. A kawr leh sam a bal kai a ben fai mawlh mawlh lai a, “Hla tak i thleng tawh ang chu tih naklaia hetilai ah te i lo la tawi khawmuan reng a” ka ti chiah chu a hmel landan a inthlak danglam nghal vek. Rum fahrana min melh khai khai chungin a inher zui hmak a. Gate pana a kal chu Hunter-a chuan a bauh deuh țhawt a, ani pawh a ding ve leh dat a. Chutah lo inher pahin ring fe mai hian, “Hunter, i pu mi chapo leh sual zet nen a hun hman dun aiin ka bula awm nuam i ti zawk tih ka hria alawm. Nakin ah ka la nei dawn che ania” a rawn ti pang pang a. Khanglang chuan! A duh duh a min puhin hming min phuah thla zen ringawt.


Lungawi lo fe a ka melh tu tu na chu engah vak min ngai zui lo fahran in Gate ah chuan a chhuak a. Taxi lo tlan lai chu phar dingin a chuang lut nghal a. An tlan chu lungawi lo țûn chung hian ka thlir liam a. Tukin ringawt paw’n ‘chapo’ tiin țum hnih ngawt min puhna a ni tawh. Ka chapo leh chapo loh min hrechiang tur khawp in kan inhre tawp silo.


“Hahthlak lutuk” ti hluk chungin Hunter-a lam chu ka ngaihven san ta a. Ani lah chuan a infiampui nu kha la thlakhlelh hmel takin an tlan liamna lam chu a lo thlir zui doh doh a. Thin a ur țûng thei nia.. “Bawiha, khatia ngaih hmel deuh a thlir zui kha a țûl hlek lo ania” tiin ka ui pawisawi lo chu ka zilh deuh ringawt a. Mei hem lauh lauh pahin Chimawmi sulhnu chu a hnim kual vel thul. Kha hmeichhe lakah khan a pu hi min ti thangtlawm zo vek ni mai te in ka hria.


“Lut teh ang… hna ka tlai zo vek dawn” tiin Hunter-a nen chuan kan inzui let a. Mahse, thui pawh kan la thleng lo, gate bulah chuan motor thawm a rawn awm a. "Hey.. Hunter-a nei tupa” ti ri ka hre zui zat.

Min rawn auh dan țullo zet avang chuan ka țhen lui sak a. Ka han inher let chu seat hnung a țhu chuan min lo nuih vel nia. Taxi driver lah chuan uluk fe hian min lo en a. Chimawmi tereuh chuan min hui zauh pahin "Hetah lo kal teh." A rawn ti leh nghal a. A tho â tak tak zawk em ni hrep le.

Driver in min en ve tlat avang chuan kal loh theih a ni bawk silo. Ka sirah Hunter-a paw’n mei hem vut vut in min zui ve bawk. Taxi bul ka’n va thleng chu nui sen sen pah hian, “Enteh, Pawisa ka lo nei miah lo a" a lo ti hem mai. A tu ah nge maw mi ngaih le.. A pa, duh hun hun a pawisa pe thei tu ah maw?

"Chuan.." ka ti nghut chuan min nuih tlawn ver ver zui a. Midang awm lai chuan a nelawm ve hmel khawp mai. Mitmeng nung sarh a min melh chung hian, "Min pe dawn tih ka hria a lawm.." a la rawn ti zui. Naupang sualna nei lo ang mai a a'n nui vel chuan mi hneh theihna riau a nei tlat bawk. Chu erawh hmuhsak ka duh loh ber zing a mi a ni thung!

Driver in min en ran bawk si nen a kut a rawn dawh rual chuan phun hluk pahin ka kekawr ipte a ka wallet chu ka la chhuak a. "Eng zat nge i mamawh?" Ka aw ri chu a chhum viau.

"Sang khat” lo ti let var tu chu chik fe hian ka melh vang vang phawt a. Pawisa chu ka ui a ni hran lo. Mahse, tunah hian pawisa ka pe a nih chuan min zuam phah ang a, țul lo pui pui a min pawhbuai fo ka hlau bawk.


Wallet keng chung a a pawisa ber ka phawrh lawk siloh vang chu nge, “ih, i nei remchang lo a mi?” a lo ti leh rih. Inthlahrung hmel a pu ve ngei bawk.


"A țha e.. tun bak kan in ban buai tawh loh ka beisei." Nui lui suk chung in rs500 note pahnih chu ka pe ta a. Rang tak hian a lo ban a. A kutah pawisa a awm ta cheng chu a inthlahrung hmel kha hmuh tur a awm zui tawh lo. “kan kal thei e” a ti zui zat a. Driver lo nui deuh pawh chu ka dem hran ta lo e a. Min nuihzat ngawt ta ve ang.


"Pu Hminga nen khan in inhria elo?" An tlan ţan rual in driver chuan a zawt a. Chimawmi lah chuan,"Ka cousin a lawm.." a ti sam et leh nghal a. An tlan liam rual chuan ka taw huai thei.



Station ka thleng chu ka cabin ah Rema’n min zui lut nghal a. "Sir, news station lam aţang pawhin engmah thu thar kan dawng rih lo. Kar hmasa lam khan Bawngkawn Police station ah chuan hmeichhe bo an report a ni awm a. Chu lah chu khawdawng a NGO lam te’n lo hmu in an inchingfel tawh bawk si a. He case hian lu a ti hai dawn riau mai” a ti a.


A mak teh tawp khawp mai. Kan victim hi mî baihvai tak zawng a ni phawt ang. Mahse, laina hnai leh țhian nei lo tawp chu a ni bik loang. Amah hmelhriattu tu emaw tal hre thei ila kan hna hi a awlsam sawt tur a nia .

"Rin aiin a khir dawn a nih hi. Mahse hna dang khawih phawt la chawhnu lamah kan pahnih in kan kal chhuak dawn nia.." ka ti a. Rangvamual lamah te zuk kal kual ila hriat belh kan nei thei mahna; an veng lama hmeichhe tal tam țhang; karkhat hnu vel a reh deuh hmak an awm em tih te a zawt kual a, kan ar khawthim dai tawp loh chuan kan zawn chhuah duh hian min rawn pan hmasa dawn hlek si lova.


Kan buai nileng zak a tih theih ang. Party in thlanpui a hnaih tawh avangin buaina neuh neuh a lo ve tum hrang bawk si. Kan sawrkar lahin tMizoram a rawn let duh lo Tuikuk ho chu roll a thun a tum mauh pek a. Chuthil avanga Zirlai lungawi lo te leh sorkar lam boruak chu a sosang hle a. Anni innawr buai chu bengdai a, thulai rem a phar ve reng a țul bawk nen kan indaih lo lam mah chu a ni.


Kan sawrkar lam pawh an dem awm, vote hmuh an duh luat ah Mizoram a lo kir duh lo leh Mizo hnam dik tak ni hlei lo te roll ah thun a, Mizoram a lak luh phet a tum mai chu a nep thlak hle in ka hre bawk.

Chawhnu her ah Driver hruai loin Rema nen chuan RV lam kan pan a. Driver hi a țul tawp ah lo hi chuan ka hruai vak ngai lo hrim hrim. Keima khalh ngei a chuan hi ka duhthusam a nih vang a motor khalh te pawh zir ka ni reng a. Lal hrawt tak a țhuihhruai neih duah hi ka tih zawng a ni ve hauh lo bawk. Rangva mual kan zuk thleng chu uniform ka inbel vang chu ni maw; min hlauh hmel in khawlai a tei vel te pawh in remchang ah an lut bo sap sap hlawm a. Kar lo ah RV khawlai dung chu a reh huai a. Ka nui ru suk thung. Thil tisual te chiah in Police te hi min hlau țhin.

A remchan dan ang angin IN ah chuan kan lut zel a. Biak an nuam in min lo welcome em em a. Mahse, in neitu te mitmengah chuan hlauhthawnna a chhiar thiam theih a. Police hmel chuan an awm a ti nuam hlawl hlawm lo. A tawpah phei chuan chutiang teh thlawt a siam chiai chu a țha ber lo tiin, ‘ zu check tur a rawn kal kan nilo..' kan ti ta zel a. Za lem lo takin kan nui kan nui hlawm mai.


Zu in nana an hman deuh leh mi luh tamna deuh in chu kan lut chhuak vek tawh. Mahse chutiang ang hmeichhia han sawi mai theih an neih loh thu in min chhang fur a. A țhen erawh in an hming leh an chenna vel hi tumah an hriatsak loh thu in min chhang ve bawk.

"Khutilai inah khuan lut ila. Kan let tawh dawn nia. Kawng dang a awm ngei ngei ang” tiin romol chuan ka nghawng thlan chu ka hru pah a. Rangvamual lam hi boruak a lum uap churh a, lu a na lek lek tawh mai.


Kan kal duhna in chu kawng an lo inkhar țhiap avangin Rema chuan a han kik dat dat a. Reilote hnu ah nu pakhat kum 50 rual tur vel hian kawng chu a rawn hawng a. Keini Police pahnih min han hmu chu a chiai nghal vek a. Phawk deuh taka min melh pahin kawngka chu a ti zim zui a. Mahse, inchhung lama an zu chhuan rim chu kan hriat hmaih hauh lo.


"Engnge ni ta ka pu.." a ti bah niai a. A dawldang in a cher em em a. Keini min hmu thut bawk nen nikhawhrelo a tlu mai tur hmel a pu a. A thil lo tih lai chu eng pawh lo nise khawngaih thla a la kher mai.


"Eng nilo e. Thil zawh lawk tur che u kan nei a. " ka tih let chuan a chal a thlantui fim chu a tuai thuak a, a ngaih a ngam hlawl lo niin a lang.

Eng dang a sawi leh hmaiin Rema chuan "A... ka pi. Zu check tur a lo kal kan ni lo ania” a ti ta tawlh a. Kawngka biang vuan a nutling ding chu tawite hian a nui sak a. A mitmeng pha dai erawh a reh fel hlei thei meuh lo.


"aa... engkim in hre tawh ta sa sâ, inchhung lamah hian rawn lut ula, tui te rawn in rawh u." tiin kan pi-i chuan kawngka chu min nam zau sak ta a. A lut chu Rema chuan a zui lut thuai a. Ka lut fel ve chiah tih in ka aw hriat hnu ngei mai chuan, “Buai lai laiin. Nu, tu te nge lo kal a?” a rawn ti a.


Aw lo chhuahna lam chu chik zet in ka melh nghal a. Kar lo ah mut pindan kawngka hlui ve tawh tak chu a lo in nam hawng a. A chhung ațang chuan Chimawmi ngei mai kha a rawn chhuak a. Hmeichhe nikhua lo ve tak a nih chu ka ring ngei a. Marawh chu zu zuar fanu a ni ang tih erawh rin ngaihna reng ka hre lo. Pindan kawngka bul a ding chung chuan min rawn melh a. Zingkar a ka in aţanga kal chhuak hmeichhia ngei kha a ni.


"Engnge in duh a?" tia min zawt pahin a ding rem sauh a. Tak zet chuan! Min hre ngai lo ang hmak in zu han awm thei a maw le.

Min kalpel in Sofa hlui tawh lam pan chuan a phei a. Mize maksak tak tak a nei tih chu nizan leh tukin zing aţang ringawt pawh khan ka hrechiang hman lutuk. Oh,maksak mai nilo in țihbaiawm tak a chet pawh a thiam. Mahse lemchan leh zel a thiam tih erawh ka lo hre hauh lo thung. Rema zawk chuan kan kal chhan dik tak te chu a han sawi a, Nu tia a koh hmeichhia pawh kha a awm chu a nawm chiah hmel loh. Mahse ka hlat lo tak a hmeichhe tleirawl ve mai mahni inringtawk tak a țhu fel at chuan ka mit a la zawk.


"Sir. " Rema min kohna vang chuan ka ner sak a. A thusawi reng ka lo ngaihsak lo.



"Banbun kha han hmu ve chhin reng reng se." A rawn ti leh a. An sitting room lamah chuan ka phei ve a. Chimawmi ep chiah sofa ah chuan ka țhu a. Min hmu thut chu amah ah danglamna a thlen lem lo tih hriat takin min lo melh kal leh nghal.



"Hei hi ruang chharna hmun a kan hmuh chu ania..” tiin Banbun awmna sarang chu center table ah chuan ka dah a. A nu zawk chuan a la kang a, a en chik hle nain a nei tu a hriat hmel lem loh. Chimawmi zawk chuan, “Lawk, nu khawimaw ka lo en chhin” tih leh a nu kut a ta Banbun chu lak a rual a. Rei ngial chik taka a thlek veng veng hnuah chuan "Ehe! He banbun nei tu hi ka hria” a ti hlial a. “Ka hre tak tak.” ti leh paha min rawn melh chuan rin tur a ni leh nih loh ka chiang ngam der lo.


“I chiang chiah maw?” ti a ka zawh let chuan a lawm loh hmel khawp mai. A ner sak a, keimah vek chuan “Tu nge a nih?” ka han ti leh a.



"Kan veng ah hian a rawn chetla tam alawm. Private hostel ah a awm țhin. Mahse, a hna thawh lai a bansan hnu khan hostel lamah aiin kan vengah hian a rawn tal tam zawk. Ka hriatchian em chhan pawh Banbun hi nalh ka ti lutuk a, ka dil tawh a” a ti zet chu ka nui chhuak teuh khawp mai. Nui chhuak lo tura ka insum hmel chu a lo hrethiam ni hmiang, “I awi lo a mi?” ti kha kha chungin min melh rum deuh al a.


"A chanchin dang hriat i nei em?" tia zawt in Rema chu a lo inrawlh thuai a. "Mamte a tu ber kha nge ni a.?" a nu pawh chuan a lo ti ve bawk.



"Sam sei deuh, ze zawi deuh kha.. Jenny… Aw! Nu, U Jenny kha " a ti a. Eng emaw bing tak a ngaihtuah zui ang mai hian Banbun chu a melh zui veng veng bawk.

Inneitu nu chuan, "Aw! Ani kha maw" a ti hap a, Rema chuan ruang chhar chungchang chu a hrilh ve thuak thuak a, nu ber chuan a pawi a tih hmel khawp mai.



"Mami a hostel awmna hming chu min hrilh thei em?" tia Rema zawhna chu hre lo ang hmak a langin ka mitah tak min rawn melh chat a. "A chanchin ka hre nual mai thei! In duh aia tam pawh" a ti mar at a. Rema zawk en lo a kei min en kher chuan chhan a neih ka lo ring leh hmanhmawh tawh.



"Chuan?" muang fan ruih hian ka ti a. A mit meng verther zet vang chuan a thlawnin eng thil mah tih tumna a nei dawn lo tih chu ka ring thiam a. Țawngkam ka chheh uluk a țul zual dawn tih pawh ka hrethiam nghal.



"Ka pui che u ang a, ka mamawh hunah che min pui ve ang" a ti ta chiah a. Kiai suk a mit ko ka san khum uk chu a run hmel khawp mai.



"Kan department in maw?" Rema chuan a lo ti hu a. Chimawmi thung chuan, “Aih, he pa hian min pui ang.." tiin keichu min kawk zeuh a. Ka kuk lawlh nang ah.



A nu leh Rema te chuan phawk fe hian Chimawmi chu an melh a. “Mamtei țhin hi! I hriat ang chu țha tak in hrilh hle hle la." A nu chuan min vengthawng fe hian a ti a, a fanu lah chu ngen hmel fahran hian a thle bak duh chauh.



An zu chhuang zo hlim hlawl kan nangchin a. Mi tam zawk nise min hlauh vangin ngaihdam min dil chul ang. Tin, min puih theihna na a min puih pawh an hreh hauh lovang. Mahse, ani tereuh hi zawng in ka lak ațang phu let a nei ngam tlat! Engtiang a dawnsawn tur nge ka hre thei mai hauh lo leh nghal.



"Ka thusawi chu i pawm em?" tia min zawh leh lai chuan ka chhunglam aţangin 'pawm lo' tia chhang tur a min hrilh tu a rawn awm. Hetiang khawsak pangngai loh hmel lutuk hian ka nihna hmang in thil pawi tam tak a khawih thei tlat. Thutiam hlen chhuak lo mi ka ni lo kher bawk nen. A ruihhlo tawlh rukna kawngah min hman ţangkai a tum te pawh a ni thei. Mahse, engkim hrechiang tu leh kan ruang chhar chanchin hre ber tu a ni a. A luhlul dan leh a chaltlai zia en hian a thlawn in kan hriat duh ang engthil mah min hrilh duh dawn lo.



A tawpah chuan ka pawm thu ka sawi ta a. Min khap tum ni awm taka Rema thawk la hluai chu mit meiin ka khap thuai a. A nu erawh in a fanu ban ah chuan a ben sak thlawp a, a nu benna chu tuai vat vat pah a"thutiam hlen chhuak țhin mi i nih ka beisei. Chuan, i thutiam vang hian inchhir hauh suh" ti leh hmiahin min melh ngar a. Min vau te pawh a ang dawn dawn alawm.



A țha e. Hmeichhe maksak zet; ka mit hmuh a țum hnih ngawt mahni nunna lak tum tawh, Police hnenah a thu hriat te a thlawn a hrilh tum miah bawk lo hian engvangin nge ka puihna a mawh tih chu kan la hria ang chu. Ka hmeichhe hriat tawh te nen an inang lo lutuk pawh hi a danglam hranpa reng reng a. Kan nih nih kan ni tawh mai aniang chu.



An in aţang Rema nen chuan kan inzui chhuak a, Kan Chimawmi khan Jenny awmna Hostel lamah min hruai dawn a. A insiam lai a inchhung lam a lo awm ve reng kha thil țul tak a nilo. "Sir, i thil tih ah hian i chiang em?'' tiin Rema chuan min zawt a, ngawi ngulin ka buk khum nghut ringawt



“Dan phal loh eng thil emaw a tihna kawngah i hming hi hman țangkai a duh vang te a ni mai ang e…” a ti leh a.
Ka ngaihtuahnaa awm dik tak a rawn sawi chat mai.

[Ngaia]

☆ UTOPIA : 1996 ☆ Chapter 2

Ririni khiangte (Abbra Pitartei)

Rema chu ka chhan let hmain kawngka chu Chimawmi khan a rawn nam hawng bawrh a. Chiang ren rawn a min lo melh pah hian, "Kan in ah in lo kal leh dawn chuan Police uniform inbel tawh miah suh u" a lo ti nghal thawr mai bawk. Chutia police te zawk min ti deuh nek mai chu Rema chuan mak a tih hmel in a melh phawk hru a, a hamhaih hmel tak zet a ni.




Kei erawh in a sawi awmzia chu ka man viau thung. Țhenawm hnai te chuan tukverh aţangin min lo thlir far hlawm a; kan man dawn emaw an ti te pawh a ni mah na. Chimawmi chuan kawngka pui chu a nam khar leh bur a, thawven hmel fahran hiah, "Kal ang u" a han ti leh a. Ho tu ber ah a inngai ta mai a maw tih theih turin motor dinna lam chu a pan nghal a. A chet dan vanga Rema hrilhhai lutuk chuan tukkhum a tuai sek ringawt.




Motor dinna lam ka pan phei lai chuan a lan dan chu ka thlek uluk hle a. A thuamhnaw inbel panglang zet chuan mit a ti kham lek lek. A Tshirt hak chuan a dul pawh a khuh bo zo meuh lo, a kekawr hma lam lah chu a thler nek nuk mai a. Hetiang lo deuh hian a inthuam thei thlawt lo em maw ni chu aw...






An veng ațang chuan kan tlan chhuak ta a. Passenger side ah Rema a țhu a, hnung lamah kan Chimawmi pawh amah in a țhu fel ran a, a mize dangdai leh maksak lutuk vangin Rema paw’n a thlithlai uluk viau chuan ka hria. Hnung a mi lah chuan phone a khâl neuh neuh a. A kiangah Police pahnih kan awm ve tih chu hria ang pawh in a awm duh der lo. Rema chuan hnung lam chu a han thlek chho a, Kan Chimawmi zai ngaih hmel deuh hian, "Mami Hostel awmna chu kan thleng dawn tawh em?" a ti dam thlap a. Front mirror aţangin hnung lam chu ka melh ve thuai a. Chimawmi chuan a phone chu a hmet thim hmasa te te a. Chutah hman hmawh lo fe a lo hawi chhuakin Rema chu a melh chat a. A vin leh hrep ka rin laiin beisei lo fe hian, "thleng țep" a ti dam diai a. Tawite in Rema chu a nuih seih bawk a, Rema chu a thaw huai mai hian ka hria.




"Saw.. Saw ti lai building lian pui piah mai saw a ni tawh" hma lam kawk pahin Chimawmi chuan a ti leh ta a. Ka tlan muang ve nghal thuai bawk.




Mahse, Hostel bul hnai ah chuan motor hunna tur hmun ruak a lo awm remchang mai lo va. Tlan tlang leh deuh in Hostel ațanga hla ve deuh hlek a hmun awl ah chuan ka inhung ta a. Motor a ding fel chiah tihin hnung a mi chu a tek chhuak nalh a, Rema chuan a thlek a thlek ringawt tawh.





Kan chhuah hun chu min lo nghak ve ni awm takin motor kiangah chuan a lo ding ran a, side glass ațang a lan dan chu ka thlek nawn leh ngawt a. Lung a awi thei der lo. Case pawimawh vanga kal chhuak kan ni a, a thuamhnaw inbel themnem zet chuan kan landan thlengin nghawng a nei dawn.






Motor ațang chhuak pahin ka jacket hak lai chu ka hlip sawk sawk a. "Ka jacket tal hian i taksa kha khuhbo teh" ti hluk chunga a lamah jacket ka lek hnai chu ‘a kal ka dil ta mai a maw’ tih tur khawp a chiang hian min lo melh let a. "Hei ha rawh, i kawr hak kha a themnem lulai lutuk" ka ti leh nghut, ani lah chuan hak tum loh hmel fahran hian min melh ling nghal hlar a. “Tunlai fashion pawh han hriat loh" a ti ram hmak a. Mawl tih hmel fahran a min melh leh hrep chungin a inher hmak a. Jacket lek vû chungin Hostel lam pana a kal nal nal chu ka uipui tui lian thlir a ni ber.






Chimawmi kalna lam melh hruk hruk pahin Rema chu ka bul ah a rawn phei a. "Kei chu kan Țhiani kianga ka awm hian ka zam ru riau. Engemaw tih mai hreh loh hmel a pu reng a!" a ti nuah nuah a. Chhang let lem lovin hrawk ka thian khurh ringawt. Jacket chu motor chhung ah dah lut leh in Chimawmi kalna lam ah chuan kan inzui phei ve ta a.




Rema bawk chuan, "A awm mai mai lai paw’n a mitmeng hmangin thil tam tak a zir chiang hman tlat zel in ka hria. Mi pangngai ang mai mai hi a ni ve lo" a ti leh a. Min bia ni lovin Chimawmi mize maksak zet a hmuh dan chu min hrilh hre ve a ni zawk mah ang. Kei ngei pawn kan Chimawmi mit ah hian huatna leh khakna bak ka hmu bik lo. Engtik lai pawh a chet chhuah inring ran in a awm ni ber te in ka hria. A mitmeng hmangin a chheh vela thil awm te zir chianna chang a hre tlat te hi a danglam riau.






Mihring thluak hi a fing em em a, kan hun tawn zirin a lo insiamrem zung zung thei a. Hlauhawm a hnai tih te hrethiam thei turin Pathianin thil thliar hran theihna chak danglam tak in a thuam vek bawk. Mi in a hun kal tawh ah thil țhalo tak a lo tawn tawh chuan; a hnu leh zel ah pawh a hma a thil thleng tawh ang kha a chung ah a thlen nawn tawh loh nan a inveng reng tawh ţhin. Chutiang zel in; kan Chimawm-i hian engemaw tak lo paltlang tawh lo se chu tun ang tak a mite chet zia chikna chang a hriat bik ka ring lo.





Hostel kan va luh ve chuan Chimawmi leh Hostel enkawl tu ni ngei tur te chu an lo inbe mek a. Police hmel min rawn hmuh rualin Hostel enkawltu țawng lai chu a tawp chat a. Chimawmi paw’n kan lam chu lo hawi thuai pahin, "Ka be tawh a, U Jenny chu kar hmasa aţang hostel ah hian a let tawh lo an ti" a lo ti nghal a. Ka chhan let hma hauh in a lo biak nu hnen ah chuan, "An mahni nen hian inbe zui ru aw" a ti zui zat bawk.





"Jenny thlalak chu kawl i nei mial lo maw" tia ka zawh chuan Hostel enkawl tu chu a ngawi deuh vang vang a. Rei vak lo hnu ah chuan, "Hman deuh a kan picnic țum a kan thlalak kha a la awm mai thei" a ti ta hlauh.






"He lam ah hian lo kal rawh u" ti zuiin pindan pakhat lam chu a pan nghal ruak a. Rema'n a umzui thuai a, Chimawmi kal ve vat chu muangchang in ka zui zel a. Ka kiangah kawlh hlir hler viau mah se midang biang biak a thiam hmel zek reuh a. A mize kawlhrawng tak hi awmze nei a hman sak thiam chuan țangkaina a nei tam phian in ka ring.




Kan inzui luhna Pindan lian lo tak chu office ang deuh a an hman lai a nih hmel. Hnathawk tu chuan computer ah thlalak awmna file chu a lo zawng kual mek a. "Hei, kan lo la dah țha hlauh alawm" a ti a. Rema nen chuan computer screen chu kan bih hnai nghal a.




"Ding lam sir ber a ding kha Jenny chu ania" tia min kawh hmuh hmeichhia chu a hleitling hle, a sam dum hlap chu a kawng thlengin a zuah a. A thlalak ațanga en mai chuan hmeichhe sual tak hmel a pu hauh lo. Mahse, mihring chuan hmel a lang chhuak lo huatna leh sualna tam tak kan pai ru miau thung si.




"Hostel ah a rawn let lohna a rei hmel tawh ang reng si a, biak pawh tumna in nei miah lo em ni?" Ka ti nghut. Ka țawngkam hi duh aiin a bul hret zel. Midangte sawi a mam thlap thei tur hi ka sawi a nih chuan a ri bul vut zel a. Ka sim thei tawh chai si lo.




"Tum e, aa, Jenny hi thawk khat lai aţang tawh khan a nung mumal lo deuh a. Hostel a rawn let miah lova thla khat dawn awm bo chang pawh a nei a lawm. Kan pu te hian mi hriatthiamna an ngah a, thiam taka Jennyi'n a biak tawh chuan hostel - ah hian an awm tir leh mai zel. Hostel chhuah san chingna zawng hi kan hostel ah hian an awm nawn leh khat a nia. "






"I hmuh hnuhnun ber ni chuan amah ah thil dik lo deuh te a awm in i hria em?" tiin Rema chuan a zawt leh thuai a. Hnathawk tu chu a ngawih deuh vang vang hnuah, "Chutiang chu ka lo chik miah lo. Mahse, bathroom a uak deuh tuar tuar țum chu a nei a. A khua han sik deuh ser ser țum pawh kha a awm in ka hria. Kan han zawh lah in 'ka pumpui ulcer vang aniang' a ti mai zel a. Ka lo ngaihven zui tawh lem lo a" a ti a. Computer a thlalak chu min pe tur a ka dil chuan a hrilhhai hmel khawp mai.





"Ka pu, Jenny chungchang in buaipui chhan hi ka zawt thei che u angem?" tiin min melh a. A hmel landan chu a chiai ti tih der bawk. Chimawmi khan a lo la hrilh lo em maw ni chu le. A dinna lam ka va en nak chuan kan Chimawmi chu a lo awm ve tawh der lo. A ngaihna hre lo fe hian ka hawi kual vak vak a. Hmuh tur a awm tak reng reng siloh ah chuan Hostel enkawltu bawk chu melh lehin Banbun chu ka hmuh a.






"He thil hi i hmu tawh țhin em?" tia ka zawh chuan a meng phar zual sauh a, rang fahran in computer screen chu a melh leh nghal bawk, “Awi! Jenny ta a nih hi! Ka pu, a chungah eng nge thleng a?" a ti a. A chiai tak zet tawh tih chu hai rual a ni lo.




"Jenny chu a țha em? Ih... a țha ang tiraw?" meng phawk hra chungin chu zawhna chu min zawt nawn mawlh mawlh a.






Rema chuan, "nizan chanchin thar a ruang chhar chungchang an puan kha in lo hre ve em?" a ti bauh. Hostel enkawltu chu a kaihza inthlep hnawk vang chuan a țhu hnawk a. Kei aia midang biang biak thiam zawk Rema chuan thil thlen dan te chu a hrilh zui thuak thuak a.





Jenny-i chu lunglei lam mi a ni tih kan hre tawh a. Kan ruang chhar leh Jenny hi mi thuhmun an ni ngei em tih erawh Dr Zothana'n min fin fiah sak thei ang. Rema te pahnih inbiak lai chuan Chimawmi zawng pah in ka tei chhuak a. Hostel luh pheina kawng te ah chuan Chimawmi chu a rawn phei ve mek a. A kal chhuah nalh chhan chu ka hrechak viau leh nghal.





A lo hnai zel a, Plastic bag in engemaw hi a khai bawr țun zui. "Khawnge i lo kal hman a?" ti sup in ka bana sana chu ka bih thuak a. Awlsam fe huan, "Ei tur ka lei" a lo ti sam et a.





"Khawi a pawisa in maw?" nui lek lek chung hian ka ti a. Vei neih loh hmel zet a min en pah hian, "I țhianpa kha ka dil a lawm" a ti mauh mai. Ka hriat sual a maw ka ti hial zawk. Ngun thluk fahran hian ka thlek ngial a. Min fiam hmel a pu mang silo. Midangte pawisa dil ngawt zel chu thil mawi a nilo tih chu hrethiam lo rual pawh a ni tawh lo a sin le.





"E, chuan.. kha, i motor chahbi" a bag zen pah hian a ti leh ta mai a. Bangbo fahran a ka en lai chuan ka motor chahbi ngei mai chu a lo khai chhuak zui zat. Rang takin ka in dap kual nghal thuak thuak a. Chimawmi lah chuan min nuih zui hak hak bawk nen ka thinrim țeuh tawh. Ka uniform kekawr ipte a ka ah (ak) lai reng; ka hriat miah loh a a lo la chhuak thei chu thil mak tak a ni.




Chutia ringhlel a ka indap kual vel chu min nuih rah rah chungin,"Ka kut a hi a awm" an rawn ti leh vel a, rum ul a melh chungin ka pan phei pawk pawk a. A ni lah chu intih theih hmel deuh hian a lo la nui var var zui.






A kut aţang chabi chu ka phih thla nghal a. A intithei hmel chu ka ner khum sak bawk. Sawi chhuak kher lo mahse police kekawr ipte a chabi a ru chhuak miau a. Nuam a ti hle ta ve ang.






A lakah lungawi lo țeuh chunga chabi ka ah țhat leh laiin Juice bottle pakhat chu a lo theh thut a, ka man chawt chu min nuih hak a. "Good catch" a la ti tak deuh deuh a. Min kal pel mai tur chu ka en liam thei tawh der lo.




A ban rekah man chawt in ka pawt let nghek a "Enga tan nge ka chahbi hi i ruk chhuah?" tia ka zawh chuan, "Ka ruk pawh a nilo" a ti tlat a. Thin hrep mai tur em ni chu aw tihna rilru ka pu hial tawh.





"Ka kekawr ipte chhung a awm reng kha i bag aţangin i rawn phawrh chhuak a. Chuti chung chuan i la pha cheu dawn a maw?" ka ti khur khur a. A huaisar lutuk leh mî zahna a nei miah lo chuan ka thin a ti ur tak zet tawh a ni. "Sawi rawh" ti fiak țhak a aw ki ka san chuan a phu nghek a. Mahse,"Ka hmang" tih bak a sawi duh chuang der lo.





"i hmanna chu țha takin sawi ta che"




"Ka puihna mamawh tu i ni tih te kha inhria la. Chahbi vang ngawt khan thinrim hlur suh" zu han ti daih a. Min thinrim khalh daih zel hian mi a ti hrilhhai thei ania.




"Khanglang che chuan" ka ti leh hram a.




"Ka puih dawn che avang mai in i thuhnuai a min dah tum reng reng suh" te chu a la ti tak deuh deuh a. Hnial let mah ila min chhang beidawng chiang leh hle dawn bawk si. A kut ka chelhna chu zawi muangin ka thlah ta ngawt a. Ka thlah fel rual chuan a kawr panglang zet chu a han pawt mar ve ngial a….





"Rawn let vat lo phei ila chu handcuff min bun tir duh hial ang. Uikawm ropui si" a ti hlak hlak a. Ka hriat ngei tura sawi a ni tih ka hria, mah se amah lah chuan melh pawh min melh chhin tawh țhak lo thung.





Hostel chhung ah chuan kan inzui lut leh a. Rema leh Hostel enkawltu pawh an lo inbe zo thawh khat tawh aniang, kan va lut leh chu Jenny'n hostel a luh dawn a a lehkha submit te chu min lo pe a. Vanneihthlak tak in a hnathawhna hlui lama resume a theh luhna copy țhenkhat pawh a lo awm a. Chutah chuan a blood group leh an address te pawh chiang takin a lo awm tel bawk. Hostel enkawl tu hnen ah chuan lawm thu te sawi mawlh mawlh in Zothana țhutna lam panin kan tlan chhuak leh nghal a.






Rema chuan side glass aţangin Chimawm-i chu a melh leh țhin a. Chimawmi lah chuan Rema pawisa peka a nepnawi lei te kha a ei mial mial a. "Motor chhung ah fangkhat pawh thlauh suh ang che.." nelawm vak lovin hnung lam a mi chu ka hrilh a. Rum fahran a ka tukkhum zawn a lo melh nghek lai chu Front glass aţangin ka hmu vek bawk.





"Naupang hmun ti hnawk rual pawh ka ni tawh lo" a ti kha kha a.





"A țhat hlauh chu, fangkhat pawh i thlauh chuan i chhar fai leh nghal ang" ti hmuk chungin hnung lam chu ka han thlek a, a mitmeng rum fahran mai chu hmuh nuam ka ti riau.




"Ramhuai palianpui ai pawh in i sual daih zawk" tiin min vin let erh a. Rema chu a lo nui chur chur a.






"Ramhuai hmu tawh ang mai a i țawng chu le..." Steering herh kual pawp chungin ka ti ve hluk. Min chhang let tawh lovin a ngawi ta kar a, front glass aţang bawk chuan ka melh leh a, a ner nang nang lai chu hmu zui in ka rum nghut. Bal hi ka ngaithei hauh lo. Motor hi han ti bal hlek teh se, a lei ngei in ka liah fai tir kelh ang.





Jenny an postmortem-na hospital kan thlen chuan Doctor Zothana nen kan kal hrang nghal a. "Bawiha, a chungah hetiang thil a thlen hma hian.. a.. sex an hmang"




"Maw?" ka ti hluk. Zothana lehkha min pek chu ka ban thuai bawk.




"Sual luih a ni em ka chiang bik lo" ti churh in a inkuangkuah zui thun a. Lehkha phek chu ka bih ngur a. Sual luih ani emaw, nilo emaw pawh ni se a chung a hetiang thil ti tu hi ka zawng chhuak ngei ang.




"A ruang chu ka en lawk ang chu?" tia lehkha chu pek let ka tum chuan," kha chu kawl rawh. Hetah hian pakhat a la awm" a ti a. A dawhkan lam ah chuan a thle buk a, a sawi ang tak tak in ka lehkha phek ken lai ang chiah chu file chungah chuan a lo awm reng a.






Zothana nen chuan ruang dahna In- ah chuan kan inzui lut leh a. Rema hnenah Chimawmi kha pawnlam a lo awm pui turin ka hrilh ta ngawt kha a nia. Kan veng ngawt te anih loh chuan hriat loh kar in kan thil engemaw ber a lo la leh daih palh mai dawn a ka hriat vang a ni pakhat.






Dawhkan chung a ruang chu ka thlek vang vang a. Duhtawk a a khawsak pui hnua sawisa hlum leh kher tu chu zalen tak in ka nun zui tir dawn lo hrim hrim. Ka tih tur ang te zo fel in Damdawi in chu ka chhuah san a. Rema te pawh an awmna ngai ah an lo la awm reng a. An bul ka va thleng phei chu Rema chuan beidawng hmel pu deuh tak hian min lo melh leh ţhin a. Mit mei a a chhan ka zawh chuan Chimawmi chu a melh hruk a. Ka awm loh hlan in a lo in la ngeng leh viau a ni maw.




Inkuangkuah thun pah hian, "Eng thil nge ni a" tiin Chimawmi chu ka melh run a.





"Naktuk ah tun aia hmasawnna tur thil ka hrilh ang che u. Mahse, vawiin a tan chuan engmah ka ti peih tawh lo" min melh let ran chunga a han ti zet chu thisen a lum phulh thei nia.





"Aw! Mami kan zawh lek lek tawh hi, tunge a nih kan hrechiang tawh bawk a. In veng lama a lo kal pui ţhin tal chu min hrilh la" Rema chuan thlem pah titih hian a han ti ngial a. An bul ka let leh hma khan an lo inthlem fe tawh in ka ring bawk.




"Tun ah te chuan engmah ka ngaihtuah thei tawh hleinem" pawr zet in Rema chu a chhang let a.





"Motor chhung ah hian reilo te han țhu hahdam la" tiin Rema chuan a thlem ngat ngat a. Kei lah pek chuan zanin tlai hian kan tan a ţangkai tur thumal pakhat mah a chhak chhuak tawh dawn lo in ka hre hmiah tawh.




"Kal tawh rawh. Naktuk ah erawh i rawn in lan ngei ngei tur a ni. A nih lo chuan vawiin lama min puihna hian keimahah engmah awmzia a nei dawn lo tih ka hrilh lawk a che. Chuan, ka puihna beisei bawk suh ang che" ti nghut nghut pah hian Chimawmi chu ka en run a. Ka aw ri chu a nem hran hauh lo. A thu ang tê in keini a aia upa fe te min pawh kual a tum tlat hi ka ngaithei hlawl lo.






Ani pawh chuan rum fahrana a min melh ngar ngar hnu ah a ner sak a, "Ka hria e, ka hria e. Kan thutiam i la theihnghilh lo pawh kha a lawmawm. I pa len ang aiin mi hriatthiamna i nei hlawl lo" vin zet a tiin a hawi sawn zui hmak a.






A hmel hi ka hmuh reng chuan thinrim luat vangin mipui vei vak zah zo lo khawp a ka chet chhuah chu ka hlau ta ber. Hetiang hmeichhia hi khawvel ah kum 30 dawn ka awm hnu a ka vawikhat tawnna a ni a. Engtiang a lo dawnsawn tur nge tih leh a ţawng ri zat zat vang a ka thinrim tihreh dan ka hre miah lo. "Kal bo vat rawh" chu zawng chu ka sawi. Rema chuan a ţawng zawk zawk chu min lo en tawn chhen bawk.





"Hetilai hi i pa ta pawh a nilo" a la rawn ti let ngam nia. Rum dut chung a ka hnaih deuh hrut chu rang fe in Rema'n min lo dang vat a. Ani pawh hian engemaw a hriat tehhrep ni.





"Sir, Ngawihsan daih rawh, a la naupang em a tin nih hi." Chimawm-i hriat loh tur chuan a rawn ti sap sap a. Chutah Chimawmi lam chu en leh in, “Mami nangpawh kal tawh rawh, naktuk first hour ah lo kal tum la a." a ti leh a. Min la vuan bet țûng bawk.




Chimawmi vek chuan "Taxi fare tur pawh ka nei lo" ti hlar in Rema chu a rawn melh hrep a.




"Pathian leh! Tukin ah pawh pawisa ka pek tawh che kha!" Ka insum hman lo chu ka rawl pawh a ring ang reng vuai. Engati nge he hmeichhia vang hian ka thinrim tak hlur mai ni, ka chahbi a lo ruk chhuah vang te pawh kha a ni ta ve ang.





"Khangte kha chu min pek ațang minute 5 hnuah a ral vek" a la rawn ti vin ngam viau.



"A țhat hlauh chu. Tun lawk paw’n Rema hi pawisa i dil tawh bawk. I fare tur leh zel chu kan pe lo ang che" ka ti chiah chu a ter at a. "Min pe hlek s’u. Naktuk ah pawh ka pui tawh lo ang che" a lo ti vin hlur a. A thinchhe ropui si, tuna a hmel landan ah phei chuan a pheikhawk bun lai phelh a; min vawm nan a hmang lo te chu thil mak tak zawk a ni.





"Mami lo ding teh, keiman fare tur chu ka pe ang che." tiin Rema mangang chuan a au zui lawm lawm a. Marawh chu chhete pawh in kan lam a rawn ngaihven tawh der lo. Kawngpui a motor tlan awm lai reng chu a kan lui ngat a. Lirthei khalh tu te chuan horn an hmeh khum tuar tuar a. Chu te pawh chu engahmah zui ngai duh bau lo va. Kham a zuan thlak tum ngat kha ani a. Hetiang te mai mai chu atan a ho tham hle te pawh a ni ta ve ang.





Chimawmi liam takna lam chu thlir tlawk tlawk pahin Rema chuan, "Sir, a kal daih a nia" a ti hlulh a. Duh leh kal daih ang hmiang.







Rema nen chuan Station lam panin kan inkhalh let a. Khanu vang a ka thinrim lutuk pawh kha a la reh fel hlei thei meuh lo. Khatiang taka ka thinrim lah kha a chhan puh tur ka hre hauh si lo. Kan tlan laklawh lai chuan engine chu a rawn ri deuh dut a. Thil chil kan nei aniang tiin glass ațang kan tlan pelh tak lam chu ka thlir a. Mahse, kawngpui chu a lo fai han a.





Rei pawh a la rial hmain Engine bawk chu a lo ri leh dawt a, ka phun ta hluk. "Khai aw! vawiin lamah petrol in thun lo em ni?" tiin beidawng fe hian Rema chu ka zawt a. Gas a zo vek tih hriattir nan motor hmalam chu a rawn de zek zek a.




"Ka thun ngei kha..Keimah ngeiin.." tia Rema ţawng tawp hma in engine chu a thi dûk a. A khu zui tual tual bawk.





Rema chu rang tak in a chhuak nghal a, gas a awm lo tih hre miah lovin kan lo tlan fe tawh si a. Motor hma lam chu a khu nasa kher mai. Rema chuan Gas thunna chu a herh hawng a, phone light-a chhun a a en leh te te hnu chuan, "Sir a zo kelh tak tak" a ti hlut a. Tukin lawka a thun khah vek a lo zo ta si chu mak a tih hmel hle bawk. "A mak ngêi mai, vawiin kan kal chhuah hma khan a full vek in ka thun reng sia" ti nuah nuah chungin ka țhutna lam ah a rawn kal kual a.




Ka ngaihtuahna a thil rawn lut zawk vang chuan za lo lutuk in ka nui chhuak huk a. Phawk hru a min en tu chu beidawn luat vang a nui suk suk chungin lu ka thin khum a. "Gas chu a full in i thun ngei a, mahse an ru chhuak a nih hi" hul hak a tiin ka nui huk huk a. Ka kawchhung lam erawh lungawi loh na nasa tak vangin a tawt hluah hluah.





"Ruk maw? Police tih intar kulhna motor ațanga petrol ru chhuak ngam chu tu tak ni ang maw" Rema chuan a ti bul bul a. 'Chimawmi kha' rilru chuan ka lo ti hman pek. Amah bak khan a ni dawn lo lutuk




Petrol pump a hlat vak lem loh avangin kan in nawr phei ta ringawt a. Khawlai a vei vak țhenkhat chuan min rawn nam pui ve a, puih kan ngaihloh thu kan sawi viau chungin tlawmngai hnam kan ni miau a, pump thlengin min nawr phei pui ta a.




Gas chu a full in kan thun leh ngat a. Rema chuan a ru tu chu a hre chak khawp mai. Black box(dvr) check te a sawi thut thut thul. Kan department motor ah leh ka private motor ah hian camera ka vuah vek a. Fiah taka hmalam a lak bakah hnunglamah pawh park a awlsam nan ka vuah tho. Chung video chu en nawn pawh ni ila Chimawmi bak kha ani dawn chuang lo.





Rema hnen ah erawh Chimawmi thil tih a nih ka rin thu chu hrilh kher ka tum lem lo. Tuna a hriatchianah pawh hian maksak a ti tawk em em a, a hmuh ve hauh lova a chet dan te kha hre phei se chuan a rap hial mai thei.





Kan han tlan chhuak leh a, ani kha kan bul hnaih ah a awm leh a nih chuan chik tak a enthlak reng a ngai tawh dawn a nih kha. "Sir, naktuk hian a rawn kal lo tak tak mai ang a..” a vei ngang te pawh a ni ang e, a rawn sawi chhuak leh phawng tawh.




"A rawn kal ang, ka puihna a mamawh a lawm."




"Mahse inthinrim dun sia" a lo ti let khauh.




"A kawlh em a tin ni" hniam ruih a ti chungin station kal kawng ah motor chu ka kual lut pah a.





"Khatiang khawp a ti thinrim thei tu che kha an awm tawh kher lovang" nui hak chung hian a ti leh rih a.






Ka taksa chhung lam chu a nghing nghal lawih a. Ni e, hmeichhe pakhat a la awm! Khawvel a mipa vannei ber ang a min inngaih tir hial thei tu. Hlimna tlang sang taka min hruai kai thei tu a nih tluk zet a natna ruam a min hnuk pil tu. Ka hriatna thazam in a la paltlang ngai loh thinrimna leh zahna min paltlang tir tu hmeichhia ngei mai kha!






Station kan thlen meuh chuan a khua a thim chhah tawh hle a. Chutihrual erawh in in lam a let thei dinhmun ah ka ding hlek lo thung. Ka cabin ah lut tlangin chair ah ka țhu hnawk a. Kar lova constable pakhat a lo lut zui a, a file pawimawh lo ken luh te chu ka bih zui nghal a. File țhenkhat chu ka sign te a ngaih avangin ka buaipui zawm mawp mawp a. Central jail a dah luh tur an awm nual a, chung mite chanchin chu ka bih uluk zual bik hle a.





"Sir, zanriah tur hi kan chah mai dawn em ni?" tiin inthlahrun hmel tak hian constable chuan min lo zawt a. Hawi chhuaka dar zat(h) ka han en chuan a lo tlai hle tawh. Zan dar 8 a ri thuak tawh a. In lamah nghaktu ka neih lem loh avangin hna ah ka lo bur leh tlut țhin.






"Kan va tlai ve maw le" tia țhen sak in file chu ka khup a. "Keimah in ka lo inbuaipui mai dawn nia" ka ti leh a. A inkhen khawng leh auh hnu ah min chhuah san a. Keipawh chu zi mar ur ur in ka ham pah hawk bawk.






Cabin ațanga ka chhuah chuan zan lam duty tur te pawh an lo thleng kim țhap tawh tih chu ka hre zawm a. Min lo wish sap sap a, station kawt lawk ah hian dawr lian vak lo a awm a, zan in chu hetah hian ka inhnawh puar tawh mai aniang chu.




Pawn a ka han chhuah chuan Thla eng chuan Station leh a chheh vel chu a lo chhun eng hneh hle a. Zial țan pahin vanlai zawl a Thla leng nul nul chu ka thlir vung vung a. Vawiin a kan hun hman dan te chu chhui let in zial chu ka si ham ham reng bawk. Rilru in Chimawmi tel na a chhui thlen rual chuan za lo fahran hian ka țhen sak a. Police motor ațanga petrol ru chhuak ngam ngat tu khan police a zah loh vang hrim hrim nge ni ang a, keimah mimal min zah loh vang zawk. Chu ka ngaihtuahna chu nuihpui leh suk in zial chu ka paih a. Rap hlum leh nghal in thawk ka la ham ham a….. Full moon zan vang em ni dawn, lung a leng riau a ka hriat chu ni.





Dawr lo la ri laih laih lam chu muangchang in ka pan phei a. Kan thawhpui nupui dawr a ni a, thawm a țha ham ham țhin viau. zan lama han awm tlai chang te hian khawhar tur a hnem ve riau zel. "Ehe.. Pu Hminga chu i la haw na nge? Zanin chu hna pawimawh a awm leh tawh em ni?" Dawr neitunu chuan a lo ti zung zung a. Kei ai upa zawk tur te paw’n mî hi an 'pu' mauh hlawm a, ka din hmun chelh vang te pawh a ni ta ve ang.





"Ka lo in khawih laklawh deuh a, a lo tlai duai ta si a nih hi. Eitur min siam mai loh chuan.." ti luam pahin dawr kil lam chu ka pan a. Ka ei duh tur min zawt let var a, ka chhan rualin choka chhunga an nau chu a au zui lauh a. Hnathawk te hi an che a felin an che rang em em a, kan thil order pawh kar lo ah an peih fel nghal zung zung zel.





Room kil sir a an Tv hun ah chuan korea drama Mizo țawng a lehlin a lo chhuak mek a. Hetiang lam hi ka tui pui ve der lo, run dal ah tiin phone ka phawrh a, motor chahbi ka la chhuak tel ve bawk nen țullo fahran in Chimawmi bawk kha rilru ah a lo lang leh tawh. Engtin nge ka kekawr ipte chhunga ka ah lai reng si, ka hriat miah lova a lak chhuah theih? Lu thing nghut in chahbi zawk chu ka ak țha leh nghal a. Ani ai a pawimawh dang ngaihtuah tur ka ngah lutuk.






Vawiin lam a Hostel enkawl tu nen a kan inbiakna te chu ka ngaihtuah let a. Jenny an hmuh hnuhnun ber țum khan luak chhuak leh khawsik ser ser vangin a insawi sel a ti a nih kha. A awmzia ni thei ta chu Jenny chu a rai tihna a ni mai ang em?





Hmeichhe rainô te hi an luak a chhuah țhin bakah khawsik ser ser vanga awm nawm loh chang an nei fo va; lo rai ta se tu fa nge ni ta ang? Chu zawhna chu a la ţangkai dawn.





Chuan, a fa paina pa nen chuan an in hmu a. A nau pai thu a hrilh ve ang a, tichuan a fa paina lah chu pawmlai nei a lo ni bawk si ang a. Jenny chu nei ngam silovin hetiang zawng hian dah țhat dan kawng a dap ta pawh a lo ni thei. Meng zim sauh pahin ka thle buk a. Tun ang dinhmun ah Pathian hian riruatna țangkai lo chu min pe hauh lovang.




'Kan hmeichhe chimawm-i bawk kha ka mamawh leh dawn e..'





Ka eitur chah a lo thleng zui a, ka ei chiah chu chhun lamah thil ka ei lo leh tei vet tawh tih ka hre zawm zat bawk. Ka inhnawh puar hnu ah uniform thlak turin in lamah ka inkhalh let phawt a. Chimawmi pan hmasa tu zawk a țan chu ka chak lem lo nain a țul miau si. Zanin tlai a kan indawr dan ațang khan mamawh hmasa tu a țan leh si chu a tlawm thlak viau tih pawh ka hria. Marawh chu kan case buaipui laia a tawp kan thlen theih nan a mî ţangkai ber a ni tlat. Midangte chu nise sawi buai leh îh nei hauh lovin min pui mai tur ania. Ani kha zawng... Ngaihtuah tam lo teh ang, ka thinrim leh dawn tlat.





Inchhung a ka lut chu Hunter-a'n min lo bawh nghal thuan thuan a. Nu Liani khan a haw hma in a ei tur a lo dah chhuah sak em ang chu maw. "Bawiha kal chhuah leh lawk a ngai, in hi țha deuh in lo nghak leh rawh aw" ka ti chuan a nghik deuh fuih a. A pa lian ang reng sia, ka duat zia a inhre ve tawh bawk nen a pangchang thiam ve tawh ania.





"Ka intih fai chhunga i lo fel viau chuan zanin chu kan pahnih in kan kal chhuak dawn nia" tia ka chul thuak thuak chuan mei a hem vut vut a. Ka ţawng engkim a hre thiam vek a, ka mihringpui biak hmiah hmiah zel mai.




Mut pindan lamah kan inzui chho a. Kawngka ka hawn rualin in la nei tu tak mai a lut tlang nghalin khum ah a tlan lawn thurh a. Lukham lamah a bawk vung a, pistol ka dah fel lai chu uluk fe hian min en ve vauh vauh a.




"Silai hi infiamnaa hman a chi a nilo ania. Ka dahna aţang hian nek thlak miah loh bawk tur" ka ti leh hram. Engemaw chang hian ka pheikhawk țha lai lo seh chip vek te a ching a, thu țha hrilh nawn fo a țul ve tlat.






Tui vawt in ka intleuh meuh chuan ka harh sawng sawng mai hian ka hria. Zan dar 10 pelh tawh lamah Hunter-a nen chuan Rv lam panin kan inkhalh chhuak ta a. Zan rei lam a ni tawh bawk a khawpui chhung khawng dung chu a reh ruih a. Hunter-a chu Glass ka tih hniam sak a. Rang taka dak chhuak in pawn lam a thlir ve vauh vauh a. Kiai suk in a hnung ah chuan ka chul sak thuak a. Ran te hi ngaihtuahna mumal nei lo leh hun kal tawh te pawh hre ve reng lo ang mai a sawi ching an awm leh țhin. Chung mi te chuan nuih an ti za lek lek fo mai.





Ran țhen khat te phei chu mihring te aiin an hriatna a chak zawk fe a. An vawikhat thil hmuh te, an rim hriat te pawh an theihnghilh mai mai tawh ngai lo. Hun kal tawh an hriat reng ve zia chu; lo enkawl tawh tu te nen kum tam tak hnua an inhmuh leh changa țap ve ang maia an mittui tla țhin hian a ti fiah viau in ka hria.





Boruak chu Rv veng kan luh hnu ah chuan a dang ta viau. Rui chunga a lo awm khawm tel tel lah an țha hnem. Police motor ka khalh miau lo a, kawng kal rui zual te chuan kawng min kian țha duh lovin kawng lai ah an kal lui vei thul. Anni vanga kal ka ni lo a, Police ka nihna hmachhuan a hnawh kîan tumna ka nei hran lo. Kawngpui dung a lo zung tur tur tawk te pawh an awm, an chhungte chuan 'zanin hian a lo haw ang em aw' tiin an ngaihtuah hlawm viau ang.






Chung zu rui ho chu tlan pel in Chimawmi te in pan chuan ka tlan zel a. kawng kawi zau lai ah mî an lo bawr deuh laih avangin ka tlan muang ta deuh a. Intibuai an awm a nih hmel e a. "Bawiha, glass ka 'up' tawh dawn nia" tia ka hrilh chuan thuawi zetin Hunter-a chu a awm țha nghal a.





Pung khawm te chuan kawng an dan chah miau avangin motor a tlan tlang chi ziazang a ni lo. Tlem a hla deuh ah motor chu ka ti ding a, an thawm pawh a țha viau. Motor Kawngka ka hawn rualin Hunter-a chuan zuan chhuah a tum nghal mai a. Ka dang rang khawp, mipui pun khawmna ah chuan awm tam lo turin ka duh. Sawi leh sawi hnu, ran a ni tlat a, hrual uluk viau chung pawn mi seh mai te an ching tlat a, zurui leh lek phei chu rante hian an hre thei mai si a, mi fate a seh palh hlauh dah a nge.





Thupe aw tak hian, "Motor ah hian lo awm rawh, ka rawn let har lovang" ka ti khawng ul a, mei hem lauh lauh chungin passenger side ah a insawn chho ve leh a. Motor ka lock thlap hnuah chiah ka kalsan ngam țhin. A fing a, keihi che thei lo a ka awm palh hlauh pawh a mite mit la thei tur bera ţanpuina ngen dan te chen in ka train vek a. Motor kawngkhar hawn te chu hnehsawh zawng tak a ni. Luhlul a chhuah tlat țum phei chuan fridge kawngkhar te chen in a hawng tau ve bur bur zel.





Mipui lo bawr tuau na lam ah chuan phei ve in mipui karah ka inzep lut a. Insual chu an lo ințhelh tawh a ni mahna, inhnial thawm bak hriat tur a lo awm tawh lo. Mipa ruih țawn hmel zet hian, "Nang.. hmeithai a kar a zu zuar fanu leh nghal hian khati khan min chhang pang pang suh aw. In chenna in aţang hian ka hnawtchhuak thei reng che u" a lo ti bual bual a. 'Zu chu mi â apiang ah a thawk na' tih kha a nem nghet ber mai awm e.





“A lei tu leh a zuar tu te hi kan danglamna a tlem em mai. Kan veng aţang min hnawtchhuak a nih chuan maw, kei hian Mizoram ațang mai nilo in north east India ațang hian ka hnawtchhuak ang che. Țhing lutuk, pawisa i neih loh chuan mi in ah zu la ngawt tawh suh.." hmeichhe aw hian a rawn ti ve tan tan a. Chheu leh! kan Chimawmi bawk kha ani leh khawp ang.





Ka hma a mi te chu nawr sawn in ka kal hma leh deuh a, ka hmu chiang thei ta. Ka ring sual lo e. Amah ngei kha a ni. Patling pakhat nen an lo indinchilh mek a, zu man an ințhing a nih hmel ta ber. "Țhing te chu min han ti ve khanglang a..." Zu rui pa in a tih leh laiin Chimawmi zawk chuan," Aw, i țhing.. I țhing uih tawp. A man tur nei hlei loin zu i in a, chu bak bak a țhing chu a awm em ni?" a ti phiar phiar a. Kawr lian lampang ban tluan a ha a. A kawr hak chuan a mawng a khuh thuak a, a hnuai ah kekawr tluan mar zet a ha bawk a. An inchai deuh tawh nge ni kan Chimawni sam chu a hnawk hle bawk.





"Hmeichhia te tê si. Ka beng zawk dawn che em mawni le" tia zurui pa-in a tin uaih chuan chet chhuah inpeih at in ka pen hma sauh a. Mahse, kan Chimawmi chet dan vang chuan ka ding leh rih a.




"Min beng ang maw? A țha lawm, min beng rawh! Mipa te hian hmeichhia te kutthlak min theihna dan in nei reng reng hleinem. Kut min thlak chiah teh, i case a rit ting anga a ni mai. Min beng rawh, hei, kan inhau lai video in an lak fur hi" a ti siah siah a. Chhan chu a mamawh hmel loh khawp mai.





Zurui pa tihnghaihna hre tawh lo chuan, "Dak thei reuh si, i nu zu tui loh tehreng nen khan.." a ti ta vel a.




"Tui lo ti si fun thum lai i inzo vek tho a lawm. Țawng duah lo khan pawisa chu min pe mai rawh" pakhat lah chuan a ti ve tlat a. Kut thawh duh mai hmel a pu tawh bawk.




" 'Ka pe lo ang che' ka tih chuan ka pe dawn lo che. In zu tui lo zet kha pawisa a lei atan chuan a dal lutuk" Patling zawkin a tih chuan, "I ţawng tam a nih chu" Chimawmi chuan a ti ve khang lang a. Ka lo nui chhuak lo chauh.





Țawngkam in a daih ngang loin a hre ta aniang; zu ruipa chu a pan hnai hmiah a. A kekawr inpte zen sak a tum ta mai a. Ka puihna a mamawh emaw mamawh lo pawh nise a bul a ding tur mipa a mamawh. Rang fe in ka hnaih chilh ruak a, "Khanglang a! " tia mipa zawk in kut thawh a tum chu a ban ah ka man sak hmiah. A lo țang ve fuat bawk nen a ban chu ka herh sak ta nghek a. A țe ring teh a sin.




Chutia ka lang ve hlawl chu Chimawmi chuan min lo melh phawk viau mai. A kut ka herh sak pa chu hnung lamah a kut chu ka khirh sak zui a, "I zu lakna man pek a zanin a i inlum ngei a mut nge i thlan dawn, zu man pe lova lock-up a riah" ka ti vawt ruih. Ka hnung khirhna ata chu tal chhuah tumin a bei nasa mai. Ka thlah duh ma lek silo, a tawpah a beidawng chal chang chuan,"Tunge i nih a?" a ti țial ruai a.




"Zanin a lock up a dah thei tu che" tih zawng in ka chhang. Ka hnung khirhna ka thlah rual in pawr hmel fe hian a lo hawi let a. Mahse, ka hmel a hmu chiah erawh a meng ta awn awn a. "Police! Pu Hming.. Pu Hminga maw?" hmai tuai pawk pawk pah hian a ti buh nuaih a. Hmeichhe bulah chang a huai a, de dû mai. Midang awm ve te pawh chu second tlem te chhungin an țîn darh nghal duak a. Police lam nen a indawr chu an chak lem lo te pawh anaing, "Pawisa chu pe rawh" tia ka melh ngur chuan rui reh vek hmel a pu tawh.





A kâ ațang thumal khat pawh a chhuak tawh lo. A kekawr ipte a zen laiin Chimawmi lam chu ka melh thuak a, rang fe mai hian a lo hawi sawn daih a. Chutia min melh let ngam miah lo chu a mah nen inhmeh lo ka ti viau bawk. Pawisa an inpek fel hnu ah Chimawmi chu a inher nalh a, min hnungchhawn nghal hmiah a. A pen uk tawh chu ka thil sawi vang chuan a ding leh dat a.




"Inbiak kan ngaiin ka hria" ka tih chuan muangchang a lo inher leh pah hian, "Kan ngai in ka hre lo. Vawiin khan engkim kan sawi fel vek tawh" pawhlah zet a tiin a nui sak a. Thla eng chuan a mitmeng a vertherna chu a chun de va va bawk.






"Ummm. A țha alawm, min mamawh hun i neih palh hlauh chuan zanin hi ngaihtuah let la. Ka puihna rawn beisei hauh suh ang che" ka ti hmiah. Ka dawhthei lo leh thinchhe zet chu ka thunun hman țhin lo.




Motor hunna lamah chuan ka let leh nul nul a. A awm dan maksak tak te, vertherna a khat mitmeng te leh min zahpah lo tih hriat taka a khawsa kual țhin te kha ka ngaithei bik awzawng lo. A hmelhriat that-tu zawn chhuah ka duh vang chiah a hnaih ka ni a, zawldawh tak a thlem hliau hliau ka thiam ve bawk hek lo.




"I pa len ang aiin i rilru a te tlat zel. I chapo tel khanglang bawk sia" Motor hunna ka thleng tawh, ka hnung mai aţanga țawng ri lo chhuak vang chuan ka ding chawt a. Min um zui leh tur tho si chu a tir te khan biak chakawm taka awm ve hle hle tur a nia. “Eng thil nge i hriat duh a?" pangngai zawk hian a rawn ti leh hnuhnawh a.




"Ka thil hriat duh chu i hre chiang a ni lawm ni" tiin ka zawt let ve ta zawk a. Ka kekawr ipte zen lut hlun chungin muangchangin ka inher kher bawk.



Ka awm zawn ațang dak vah hian min lo melh chho ngar a, "I chapo lutuk hi a lawm ka huat em em chhan che" a’n ti țha leh a. Ziah zel hian, ka awm dan a a englai hi nge chapo a tih em em mai chu le.



"Țawng duah lo khan Jenny zui ţhin mipa chu min hrilh mai rawh" tia ka sawi zawh rualin a lo nui hak a.



"Ka puihna mamawh tu zawk in î thu min han zawh dan vel khanglang chu leh!" ti hmak chung hian min melh tur khai a. A mit in power a nei amaw a ti leh tawh te pawh aniang, khap pawh zu han khap hlek lo a maw le.





"Luhlul hun lo ah luhlul tlat zel lo teh" lungawi lo ru deuh taka ka tih chuan, "Ehe! Hunter-a i lo hruai elo?" a ti heh mai. Leh rih chuan aww.. Min kal pelin Hunter-a awm na lam ah chuan a tlan phei a, Hunter-a chu a au le lu bawk. A va han hahthlak lulai tak em!!





Bolero phen ațang chuan min lo thlek a, "Lock hi hawng teh" a ti zui zat bawk. Hunter-a a hmuh rual chuan a der ni miah lo in a hmelah ah chuan hlimna a lo lang a, second khat lek chhunga a mize danglam dawr dawr țhin hi a lawm ka hriatthiam theih ngai loh tur chu. Ngawi reng in lock chu ka hawn sak a. Motor kawngkhar a pawh hawn rualin Hunter-a pawh a rawn zuang chhuak thurh a. Chimawmi hlim khek raih ri in a zawm nghal zat bawk.




Ka biak ţhin ang chiah in Hunter-a chu a be mawlh mawlh a. Ka awm ve chu hria ang pawh in a awm tawh lo. Motor chu kal hualin driver seat lam chu ka pawt hawng ve a. Motor hma lama Cigarette bawm chu la chhuak in ka țan nghal a. Cigarette hi ka zu tam lem lo, a chang a han zuk ve zauh erawh a nuam ve reng. Bolero chu nghengin zial chu ka si lut ham ham a.




Zan a rei tulh tulh a, thla lah chu a eng zual sauh a maw tih tur hian lei lung chu a chhun eng ruih a. Lungleng mi te chuan thu ril tak an phuah chhuah phah leh ngei in ka ring.





"Hunter-a hi i infiam pui ngai lo a mi a?" tiin ka bul ah chuan a lo phei ve a. Motor chu lo ngheng ve at chungin min thlek chho ha bawk. Innel tak te pawh kan ang ve deuh a lawm.




"Hun ka nei țhin lo va" ka ti let mai a. Ral leh lam tlang dung chu thlirin zial chu ka pak leh a. Chimawmi chuan ngeiawm deuh hian, "Hummm.." a ti vei hmak. Ka en leh thuai a, ral lehlam chu a lo melh ve daih a. Hunter-a chu thuawi deuh in a ke bulah a bawk vung bawk.





"I awih vak na nge?" tia ka zawh chuan a țhu daih a. Hunter-a lu ah chul sak nawk nawk pah hian, "Min kawl tir daih la?" a'n tia. Ka hriat sual emaw tiin ka zuk melh nghek a. Mî thil a dil phawng phawng zel chu ngai a neih a har dawn hle hian ka hria a. "Mawh? i infiampui ngai chuang silo a. Hna ah i kal san daih zel awm sia, a khu a har thei ngawt ang" a ti nang nang a. A hmel a kawl tir tur a min ngenna lo lang chhuak chuan a ti lang naupangchhia zual. A nui lek lek a, a landan danglam lutuk chu a inhre der bawk si lo.




"Infiam a mamawh ber hleinem.." tia ka chhan let chuan, "Oh.. A ţan leh ta a! Nang hi rúl thlah i ni hial lo maw? Engati nge i rilru hi a kawih em em a?" zu han ti daih a. Ka hrilhhai letling zawk alawm maw le.




"Mi in țha deuh a kan biak che chuan țha takin min chhang let ve mai la" a la ti tak deuh deuh a.



"Teh hleuh che chuan.." Cigarette si luh kawk paha ka ti hluk chuan, "Pa lian si, rilru te si, uikawm bawk si" a ti leh ta zel a. A duh duh a min puh ngawt zel chu ka ngaithei bik der lo.



"Ţawng chiam chiam loin ka hriat duh chu min hrilh vat rawh" ka tih veleh min chhoh en ang he haw chungin "Naktuk ah" a ti leh ta! A ţang leh ta tlat e.



"Naktuk ah nilo zanin ah"




"Naktuk ah ka tih tawh chu" a ti țang țang a. Thawk ka la ta hluai ringawt. Ani ang luhlul leh tihmawh lutuk hringtu a nu leh pa te zawk chu ka dem dawn dawn ta mai. Cigarette bung chu lei a paih pahin, "A țha a lawm" ka ti ve ta hmuk. ka Zial bung ka rah hlum tur chu rang fe mai hian a lo ban a. Ka beisei loh dan lutuk in Cigarette bung chu chharin a zuk fawp zui zat a. A va ţawp reuh e aw!




"Paih vat rawh" vin zet in ka ti hluk a. Ka kê bula țhu tung at chunga zial pak pah chuan min chhoh melh kiau a. Paih chu a tum hmel loh kher mai. "Hmeichhe zial zu hi a mawi miah lo ania." Hawi sawn pahin ka ti leh hram. Rang fahran hian, "Ka zu ngai chuang hleinem" a lo ti let a. Ka ner nawk a, ka awih therte lo. Zú ngai silo in a si thiam hlat hlat em mai.





"Naktuk ah chuan ka thuamhnaw hak tur lo nei lawk ang che" a tih chuan ka en leh thuai a. Zial kha lei ah a lo nawr hlum mek a, a kut chu beng fai leh te te in a lo ding chhuak a. Ka dar pawh a chen meuh lo, taksa len zawng ah phei chuan kan inthlau mah mah.




"Enga tan maw?"




"I rin loh dan deuh in thil a kal mai thei" pawhlah fahran hian a ti sam et a. Ral lehlam tlang dung chu a melh leh veng veng a. Tlang takin engthil mah a sawi duh ngai silo. Zawhna zawt leh chiah ila Savawm no nei hlim ang maiin a kawlh leh hlar emaw te kha a ni leh awm si, “A țha e" ka ti tak nain rilru erawh a hmin zan lo.





"Ka haw tawh dawn" a ti leh daih a. Ka en leh chuan ka awm ve chu hre lo ang mai in Hunter-a zawk a lo chhaih leh daih tawh. Hmeichhia si, zan thim a ngam mah mah in ka hre bawk. "In in thleng thlah tur che in min duh em?" tia a ka zawh chuan rang takin min lo en hâw a. Ka thusawi kha ring ngam chiah lo ni awm takin chal a chuar nang bawk.






Ka khabe ruhkual tuai zauh pah hian, "Zan a rei tawh… mahni a khawlai a hmeichhia vah nan chuan a tlai mah mah tawh" tiin ka melh run a. "Misual tak chu i nih ka ring lo sa a. Mahse, i ngainat awm loh ve chiang e, i bialnu paw’n a hlau thei ngawt ang che" ngaihtuah muk hmel tak a tiin min en ngar a. Min puh chhe thei lutuk chu a beidawn thlak thei ania…




"I buaina tur a nih loh chu" ti hul hak pah hian ka ding mar a.




"Rilru té leh lutuk" ka hriat phak lo ringin a ti leh hram. A rilru zau zawk pawh hi eng a ni bik chai silo.



An in lam pan chuan kan inzui thla a. Kal pahin Hunter-a chu be melh melh a, kei erawh motor hunna a kan inbiak bak kha biak țul min ti tawh lo a nih hmel khawp mai. Kâ kan an hlek rualin kan inhnial nghal zel si a, hetia kan inbe miah lo pawh hi a țha tîng zawk, a nih loh chuan a hél leh hlauh palh mai ang.



An in thlen hma deuh in Hunter-a hma ah chuan a țhu hniam a, a lu a chul sak pahin," Hunter mangțha aw" a ti a. A nui var var bawk. A ran chhawnchhaih dan en chuan hmeichhe nel awm tak leh hlim thei tak te an chang a nei mahse, kei nen a kan inhmachhawn lah in Savawm no pai lai ţawng tir tum ang velin a kawlh hle lawi si. Hmeichhe hriatthiam harsa tak zawng ani chiang a ni.




Ka hnen a 'Ka lawm e' tih sawi chu harsa a ti viau aniang biak pawh min be tawh lovin a kal nal nal a. An in kawt a thlen rualin inchhung lam aţang kawngka chu a lo innam hawng ve chiah a. A nu chuan ngaihtuah hmel tak hian,"I va lo let leh har ve, i țha em" tiin a lo zawt a. A fanu lah chuan 'chhang tá nge' ti lem hlei lovin a lut tlang tawp a. Ner sawk in an kawng inpawt khar leh chu ka thlir reng a. Zu zur fanu mah nise hawihawm zir a mamawh hle in ka hria.




Hunter-a nen bawk in lam panin kan inkhalh let a. Zan boruak chu a reh tlawk tlawk a ni ber. Kawng tluan in ngaihtuahna chu Chimawmi te reuh khan a luah a, hmeithai fanu a lo ni leh zel chuan ngaihtuahna a la na zual. Hmeithai mah nise ngah nge zú zuar kher a ei an zawn mai le? Zanin thil thleng en kha chuan cheng 500-600 vel lek pawh an tan a hlu hle tih a chiang a. Sum a neih theihna tur chuan tih hreh a neih loh zia lah mipui hmaa zu man a țhin ngam dan ah khan a chiang viau bawk.





Aaa.. Ani ang kha chu hlat hle ila buaina ah kan inham lut lo a ni mai. Ka mamawhna han zo fel se, ka rulh let hun thleng bawk se, a hma ang bawk in kawng hran kan zawh leh vat theih ka beisei.



A mizia tur a ka rin lawk kha a sual lo in ka hre ta bawk. Hetiang tak a hmeichhe luhlul leh țawng thei, chaltlai zet a ţawng zat zat tur hian thil tam tak a pal tlang ngei tih a chiang. Mahse, hetiang lo deuh tal hian a nungchang hi siam rem thei hram se a duhpui awm ngawt mai.




Hunter-a min lo nawk na vang chuan ka ngaihtuahna vak vel a ta chu ka harh chhuak a. A hming pawh ka la hriat hauh loh hmeichhe pakhat vanga ngaihtuahna ka kawm ta ngut ngut chu țullo ka ti hnuhnawh viau mai. Chutih lai tak chuan call ka dawng a. Motor hma lama ka phone dah chu ban a caller ID ka han en chuan ka rum hawk a. Call erawh ka chhang ta tho. "Enge i tih a?" lehlam a mi chuan no nalh zet hian a rawn ti a. A aw ri chuan puan hnuai a kawk nghal ruih bawk.





"In lam panin ka tlan mek" ka tih let a. Phone kal tlang mah nise a thawk la ham ham ri chu ka hre thei a.




"I va in khawih rei awm ve, i chau em?"




"Chau lo e, engati nge i lo call"




"Oh Babe. Ka rawn call chang che in chhan a awm zel a ngai a maw?" Nui hak chung hian a rawn ti a. A awm dan tur chu ka mitthla a, a sam dar chen lek a sei ngil sang mai kha a chhip lam ah a tuai chho ang a, a hmui sen vamham hnuai zawk a seh zauh bawk ang.





" JE ka sawi kha a lo leng asin" amah bawk chuan a lo ti leh a. Ka eng ah mah a thawk pha lem lo. Ka chian zual sauh tak chu kan inkar ka ngaihdan kha a dik. Induhna a tel lo.





"Ummm" tia ka rum nghut chuan a chek tlak tlak a. "I thik miah lo tih sawi maih suh" a ti zui hlar bawk. 'Ka thik miau hleinem' rilru chuan ka ti a, ka sawi chhuak lo thung.





Ka chhan let loh avang chuan, "Ka nu hian min duhpui lutuk a, zan in pawn a lo be țha tawp. Eng lo...." a ti chu ka lo pawt chat a. "Claudia, in sawifiah a țul lo. Kan tih tur zawng chu kan inzawmna zahpui awm zet hi tih tawp a ni mai" ka ti tlang hmiah.





"Aih, chutiang chu ka thlen tir dawn lo" a rawn ti hlur a, lound ah ka dah bawk nen Hunter-a chu a hawi kual nasa mai.




"Claudia.." lawm lo zet a tiin ka ngawi zui vung vung a.





Amah bawk chuan, "ngaihzawng nei mah ila kan inkar hi ka ti tawp dawn chuang lo ka tih tawh kha. Pasal pawh lo nei ta ila ka thlah dawn chuang lo che" a rawn ti hmawk hmawk a. A sawi ang chuan a awm duh ngei dawn tih a chiang bawk.




“Nilo e, zanin hian tawpna chu kan sawi fel ni rawh se” tih leh Phone chu Off ka rual a, a rawn call nawn leh dawn tih ka hriat sa vangin ka switch off nghal daih bawk. Motor hmalam ah bawk phone chu theh kaiin ka rum zui hawk a. Duh aiin kan inkar chu a hnawk chho dawn riau a ka hriatna chuan min hnawh ul a. Thinur rilru țeuh chungin glass chu ka down a. Thli vawt dai raih in min lo chhem tak ah chuan speed ti muang deuh in seat nghenchhan chu ka ngheng ur ur a.




Ka mood chhe ta vek chu hrethiam ve ni awm takin Hunter-a chuan min ngur deuh chhur chhur a. A lam hawi chuan ka țhen lui sak bawk.




"Sorry Bawiha" ka ti sup a. Chik deuh nghur nghur chungin ka darah a rawn nawr ve thuak thuak..




"Ka țha, țhu țha rawh le." Ka aw ri veng ru tak chungin ka ti nawn leh a. A mit meng fing zet mai chuan min en dauh dauh mai.



"Sorry ka tih tawh kha, a la tawk lo em ni?" a lu ah ka chul a, ka nui ta hawk bawk. Ka thinchhia in ka thinthawk thut hi ka che vut țhin tih a hre ve tawh a, a lo lungawi lo hman pek anih dawn hi.





"Bawiha, țhu țha rawh, in kan thleng dawn tawh.." ka tih leh chuan passenger seat ah chuan a ui țhut ta vung a. Kei erawh in nuam lo ka ti tak zet. Tam tak tan chuan 'uicho mai mai' ani mai thei. Ka tan erawh ka țhianpa leh ka thuruk kawl tu a ni. Ka lungawi lo hmel a hmuh chuan min ngaihven ve thuai zel.





Glass chu ti chho leh in speed chu ka san leh a. Claudia nen kan inkar pawh chin fel vat a țul dawn a nih hi. Kan inkungkaih na hi inzawmna pangngai tak a ni lo va, tumah in min hriat pui lo bawk.






☆ FLASH BACK☆ (Hmingsangzuala hun kal tawh)





Mumbai khawpui chhung ah chuan drugs pakhat a rawn hluar thar hlut a. Chu damdawi hna thawh dan chu a dang daiin a hlauhawm hle bawk. A hmangtu te laka a thawh dan chu damdawi dang thawh dan nen a hrang hlawk a, an rilru a buai a, mahni nuna lak duhna hial neih tirin an intihlum phuk phuk mai a.





A țhen dil ah an lo inhnim hlum a, țhenkhat inchhawng sang ațanga zuang thla tawk te pawh an awm. Inawkhlum ta mai te, motor kawng lun lai a tlan lut thut a, motor insut hlum tir hmiah te kha an tam hman ania. Chu damdawi chu an tih vawi khatna ah chuan damdawi dang ang bawk in a hnathawh dan pawh a ngai a. Mahse, vawi hnih thum an tih meuh chuan an thluak a ei ro hman vek thei a. Kan department bik pawn kan buai phah hle a, khawi ram aţanga an chawk luh nge tih lah kan chhui chhuak thei hauh silo.





India Police hmun pui ațanga thu chhuak kan dawn angin Mumbai leh khawpui dang inkal pawhna hmuh ah chuan duty tur kan indah vek a. Rel leh thlawhna lam a zin vei vak te pawh uluk leh zual a check țhin an ni. Police lam in lirthei hmanga zin vei vak țhin te kan vil bawk a. Kan veng hneh hlea kan inhriat lai pawn khua a lo var meuh chuan, ruang chhar tur a lo awm leh zel tho.





Chutiang damdawi chu ti rem turin kan station bik pawh kan thawk ngawrh hle a. Chhun zan in bial chhung ah kan tlan kual a, ka bial chhung bik ah chuan flyover pathum zet a awm a, zan a motor vei vak reh lai takin chung flyover te chu intihhlumna hmun pui ah an hmang ta țhin a. Intihlum tur a lo kal te chu dang turin tlaivar țhak a duty kan awm a ngai a. Mut mu kan tuah țha hman meuh lo.




Duty țul vangin in lama haw loh chang a awm a, a chang phei chuan ni hnih leh zan hnih zet te in lam a let miah loh chang pawh ka nei. Zan khat erawh duty tlang ka rilruk leh nain, 'boruak a ral muanawm ţan ta deuh' tiin zanlai ah in lam panin ka inkhawlh haw a.




Ka nupui kiang ah ka sawi lawk lo bawk nen min hmuh thut ruala a mak ti hmel tur suangtuah chung zel in kan block ah chuan ka tlan lut a. Fapa pakhat kan nei ve tawh a, kum 2 na a hmang ve mek bawk. Ka hna vangin Junior-a lah ka infiam pui hman meuh lo. 'Tun ang a boruak a ralmuang chho zel a nih chuan chhungkaw bil a hun hmang turin Park ah ka hruai ngei ang' ti rilru sauh sauh chungin lift ah ka lut a. Kan appartment chhawng zat chu hmet in ka uniform kawr hma kilh chu ka phelh thawl pah a.





Kan block bik ah hian Mizo kan awm nual a, remruat lawk ang hrim in keini chhungkua hi mizo chhungkaw thum in min lai tat a, kan floor bik zawng chu mizo țhiau kan ni. Chhungkaw hnih chu hman aţanga Mumbai a inbengbel nghet tawh an ni a. An awmna appartment pawh an mahni ta bîl liau liau a ni bawk. He building an sak hlima sum an lo invest vanga tih te min hrilh ve a. Awm hmasa an nihna angin an vannei ka ti khawp mai. Keini nupa erawh in thla tin sing thum zel in loan kan rul a, kumin hian ka rul zo ve thei tawh ang a, kan chhenna hi 'kan condo' a ni ve tawh ang.





Kan kawngkhar dawt chiah dinglam zawk erawh mizo leh sap thlah pawlh nula in a luah ve thung. Thlah pawlh ka ti tak nain a pi leh a pu te hi hnam inang lo an ni a, kan nula-i erawh Mizo țawngah buaina a nei lo, chutiang bawk in English pawh pianpui țawng ang chiah in a hmang thei tho. Hna ah ka bur chawt zel avangin kan nula chu ka hrechiang ve vak lem lo va. Kan nu nen erawh an inkawm thei viau a nih hmel.





Lift a din rual chuan pheikhai zang takin ka chhuak nghal a. Zan hnih ngawt hna vangin ka haw tawh lo a, ka nupui leh fapa te kuah chung a zanin hun ka hmang thei tur chu mumang a ang dawn dawn te in ka hre mai. Lung erawh a awi vung vung viau thung.




Zing lam dar 1 a hnai kuar tawh a. Phur tak si leh thawm dim tak chungin kawngkhar lock ah chuan chabi ka rawlh lut a. Herh hawng a kawngka ka nam hawng chiah erawh min lo hmuak tu thawm ri vang chuan ka lum nghal pup.




Kawngkhar herh hawnna vuan chungin thawm chu ka ngaithla chiang leh deuh a, ka awm zawn ah tak silai mu kah luh dawt ang chiah in ka nghing dawt a, hneh zet a hip kang duak ang maiin ka ngaihtuahna te chu a bo nghal duak a, ka khaw hmuh thlengin a thim nghal mûp a. Khur hlawk hlawk chungin mit ka chhing ta sawk ringawt.



Kan nupa mut pindan ațang ngei chuan ka nupui nuam ti thawm chu a lo chhuak leh a! Ka thisen lum nghal bulh chuan fim takin engmah min ngaihtuah tir thei tawh lo. Chak zetin kan nupa mut pindan lam chu ka pan ding a. Kawngka inkharphui lo sa chu ka theh hawng nghal bur, kan khum pui chung a ka thil hmuh vang chuan keimah a na thei zawng zawng chu tih natin a awm a, sawi tur a vang kher mai.




Min hmuh ruala ka nupui chiai leh phili hmel ka hmuh leh lek phei chuan khawvel hi tawp thut mai se tihna in ka khat a. Kan nu chuan a taksa khuh na tur puan a chuh țawk țawk a, ka haw lo tur ah ngaiin thlamuang takin an lo khawsa tih lah a chiang reng.




Ka che phut min hmuh rualin Zosangi chu a khek tuar tuar a, saruak ngal ngatin an awm tih lam ka ngaihtuah tawh lo. A uirena pa tlan chhe tur chu a dar ah man in tukhum lei vaw zawng in ka phih tlu nawk a. A thum dawt rualin marble chhuah ah chuan thisen duk zet a tling bial nghal kulh bawk.




"Babe.." thlabar taka ti tuar tuar tu lam chu ka en leh a. Amah chu ka hmu nain thisen ang mai hian ka khawhmuh chu a sen rum a.



"Babe, ka sawifiah thei. I ngaih ang kha engthil mah a thleng lo ania" ti ruaitu chu ka pan miah miah, "Hmeichhe tenawm" natna te leh tlawm intihna te avangin ka rum chhuak hrawih a ni ber. Keh theih dawm a ka dawm țhin ka nupui chu kut na chhah tup khawp in ka beng zui chawrh a. A țe tuar tuar a, kei zawk pawh thinlung nat luat vangin ka au ve țhawt tho. Ka lungphu ri dup dup chuan 'a taksa hi pawt sawm vek' turin min hrilh ni mai te hian ka hria.



"I thiltih hi i hria em?" tih ri chu ka aw nilo in sapui hliam tuar hauhum ri a ang zawk.



"Min phatsan a maw?" hmai ka tuai puat a. "Engtik lai ațang khan nge" ti chang leh bawl in Zosangi chu ka melh tlawk tlawk. Khawsik ang mai hian ka sahal huam huam a. Chempui chuh lawk a, bung thum a chhuah mai duhna rilru ka pu rum rum bawk.




"Ih... i ngaih ang kha a nilo" a la tih cheu chuan ka nui chhuak huk. Phatsantu man chhuah an nih changa an insawifihlim tumna țawngkam lar ber chu, 'i ngaih ang kha a nilo' tih hi a ni.




"Ka ngaih ang a nilo a maw?" Muang ruih a tiin ka thle bûk a. Ka ben zawh chiah a biang chu dawm sakin za hauh lovin ka kiai suk bawk.



"A nih chuan kan khum chunga he tlangval nen in lo khawsa dun lai ka rawn hmuh pawh kha ka hmu sual tho em ni?" ti vawt ruih in a khabe chu na zet in ka hmer nghek. 'Mizo pa chu a thinrim poh leh a che dam dap țhin' tia sawi tu khan a nupui uire lai a la phawk ve loh vang a nih ka ring ta bawk.




"Min han hrilh teh.. I uire na pa hian ka neih loh eng thil nge a neih?" elsen zet a ti pahin chhuat laia a tlangval tlu zawi der lam chu ka melh zauh a. Khur hlawk hlawk chungin Zosangi chuan, "I hre sual a ni.." a ti leh cheu nia. Ner khum nawk in a khabe ka dawmna chu ka thlah hlawl a. Khum bul ah chuan ding khawng ul in tenna thinlung nen ka melh ta ngut ngut.



Ani pawn a inpuang thuai lo a nih chuan kut ka thlak belh hreh dawn lo tih chu a hrethiam ta aniang, "kum tir ațang khan kan inkawp tawh" a ti ta a. Ka awm chhung chu a che lawih tho. Sawi tur pakhatmah ka nei tawh lo. Phatsan ka ni, chu pawh kum tir aţang a lo ințan daih tawh leh nghal. Vanvadakin ka nui chhuak huk huk a. Nupui uire ka lo nei reng anih chu!




"In ha la, chhuak nghal rawh" chhum zet a ka tih chuan min en phawk hle a. "Babe, chutin min hnawtchhuak ngawt thei lo ang. Vai ram ah.. zan thil tawh ah leh nghal" tia min ngen lawm lawm chungin ka dinna lam ah chuan a lo vak phei a. Ka hmu tui tang tawh hlawl lo.




" Min ngaidam rawh, a thleng nawn tawh miah lo ang, ih.. A thleng nawn tawh lo tak tak ang.." chiai zet a tiin khum bula ka ding chu min ban a, a kut chu ka lo vai per sak nawlh thung. Zosangi chu a țap chhuak hawk a. Min en ngawih ngawih chung hian, "Babe, ka hmangaih che. Nang paw’n min hmangaih kha, tun chiah hi chu min ngaidam rawh, a thleng nawn tawh miah lovang. Kan chhungkua hi a keh darh i rem ti dawn em ni?" tia a hur sual vanga kan chhungkaw keh chhe vek tur țan chhan a min veh thlem zet chu ka ngai thei der lo.




"Zosanglian ngawi hmiah rawh" ka ti hrawk a. Khum tlang nam dawt a ka hnaihchilh thut chuan a khek leh tuar a.



"Ka ngaidam ngai dawn lo che.. NUNG DAM A ILA AWM DUH CHUAN IN HA LA CHHUAK RAWH!" a khur hlawk hlawk te chu ka tenna ti zual tu mai a ni tawh. Ten tak ka ni.




"Engthil nge ni ta rum rum ngai" patling aw hian a lo ti a. Ding mar ruai ruai in kan nupa mut pindan chhung chu ka en kual a. Duhthusam tam tak nei chunga chhungkua a kan mut tlan rial țhin na khum te, kan fapa harh hmaa kan nupa a hlim taka kan inchhaih velna hmun; ka computer dawhkan te chu a la awm vek nain mei vap ang in an thlawk darh ni mai te hian ka hmu a. Țhenawm a mizo chhungkua te chu an lo tlan lut a, min be tak nain mumal in an thil sawi chu ka hre lo.




Țhenawm nu chuan kan mipa mamawh ngawih ngawih nu-i chu puan in a rawn khuh a. "Hmingsang?" ka hming a min au tu chu ka thlek thuai a. Chhuat laia mipa let hlawm reng chu an lo bawihsawm mek a. A saruak taksa pawh puan in an lo khuh bo ve tawh.



Min au tu kiangah chuan, "A thi lo" tih zawng ka sawi. Khum chunga uire nu țhu chu melh leh in, "in ha la, chhuak nghal rawh" ka ti leh tawlh a. Ani thung chuan chhantu mamawh fe hian țhenawmpa chu a melh a, "Pa Samu" a ti țuau bawk.



"Hmingsang, chuti rum rum lo deuh chuan a chet theih lovem ni? Inbeng dai hmasa la, i sawi ho ang u" țhenawm pa chuan a ti dam dap a, kut vai khum thuak in ka khap thung. Isua ka nilo a, uire nu ka ngaidam ve thei lo.




"Minute 10 hnu ah ka rawn let leh dawn. Ka lo let leh hunah chuan i hmel kha hmuh tur a lo awm tawh tur a nilo. I tlangval pawh hi chhuah pui nghal ang che" Zosangi chu melh bik run chungin ka ti nghut nghut a. Țhenawm te'n min beng dai tuma țawngkam an nei leh pawh chu ngaithla duh lovin ka chhuak nghal daih.




Inchung sang a chho turin Lift ah bawk ka lut leh a. Lift bang ka ngheng chiah erawh ka kehchhe chiang a ni. Thawk la hawm hawm chungin lift bang chu chal in ka nawr ngawt ngawt a. A duh pek loh ka nei em. Nupa nun ah lah nise ka hriat theih chin ah khamkhawp kan inpe ve ve. Ka nupui a ni a, lungawi lo a siam ka hlau em em a. Tunlai hna vanga ka buai ber lai pawh in beisei nei taka min mit mei tawh chuan chauh sawi lovin chet ka la ngei ngei țhin. Ni e, mipa ka ni a, hmeichhia te'n mipa te laka an beisei ang chu a sawi chhuah ngai lo in ka hre hneh lutuk! Mahse, chuti chung chuan college zirlai lakah a uire tho chu a nih si kha.




Inchung ka thleng chho chu a lo sang tawh bawk a, thli a tam hle a. Rilru inpik zet chung a thawk ka lak kawk kawk hnu ah pawh ka chhung lam tawt lutuk chu a ziaawm thei hauh lo. Ka kawchhung chu hmuh theih ngat se; ruah thimpui lo thlen hmaa hma rawn hruaitu chhum dum chhah thim mup ang chiahin a thim ipik hle ngei ang. Rum chhuak kawk kawk chung chuan ka vanvadak a, ka tuarna chu min țawmpui ve ni awm takin van zawl ah chuan chhum a lo in zial thim tup tup a.



Tukin lawka phone a kan inbiakna te chu ka ngaihtuah let a. Mi â ang mai in ka nui leh huk huk a. Phatsan nih tlawm thlak zia leh kawppui te uire san nih zahthlak zia chu a tawng tawh tu chiah in min hriat thiampui ang. Mihring țawng ah hian a sawifiahna a awm lo!




Kan floor a ka let leh chuan an lo la ri nak nak hlawm a. Ka pen luh chuan ngawi zui țhiap in min lo en țhap a. Couch a hmeichhe lo la țhu ve reng ka han hmu chiah chu ka inthunun theihna te chu an thlawk bo nghal duak a. Eng khaw sawi set set lo in ka hnaih chilh ruak a.




"Zosanglian hetah eng thil tehhrep nge ila tih a.." tia ka khawih leh mai tur chu țhenawm te chhung chuan min lo chelh bet a. Kan nupa inkar ah chuan ban phar in couch pakhat ah min nawr bet a. Kan pa en ber, Pa Samua chuan zahngai tur in min ngen mawlh mawlh bawk.




"Ka phih sawm vek che i nghak zawk em ni?" ti leh hrawih in Zosangi chu ka melh ngur. Mipa pali ngawt in min chelh bet lo se chu a chhip sam ah țham in inchhung ațang hian ka hnuk chhuak duh ngei ang.




Pa Samu-a bawk chuan, "Hmingsang, inbeng dai hmasa phawt teh. In nu pawh a inchhir viau ania" a han ti leh dap dap a. Thana fe hian ka nui huk a, "a inchhir a maw" elsen zet a tiin midangte chu ka melh kual thuak. An zinga ka fapa thlabar hmel ka hmu tel chiah erawh ka hnim ruih a. A awmtu awm a bei chungin min lo melh ve reng a, a mitmeng pawisawi lo zet chuan min vilh ngut ngut ni ber in ka hria. Awm ve te chuan kan nupa inkar chu min rem sak an tum ngial chungin rilru ka sawh sawn duh hauh lo. ‘Phatsanna hi ngaihdam theih nise Setana paw’n Pathian kiangah țhuthmun a la rem ve ang’





A tawp ah chuan Zosangliani ţap hlawp hlawp chu hmeichhe lam chuan an kal chhuah pui ta a. Pa Țhuama leh Pa Samu-a te chuan min awm khaw muan pui thung. Ka fapa Carlos-a chu reilo te chhung ka pawm a. Thil thleng chu a hrethiam lo nain inchhung boruak vang zawk in a zawiawi hle a. Ka dar ah ngawi rengin a bei hle hle a. A nu an hruai chhuah lai khan ngen tumna a nei miah lo a. Mahse, khua a lo var ang a, naupang ta na na na chuan a nu lam hun a nei dawn, chutih hun ah chuan eng chhanna nge ka pek ang. 'I nu chuan nang leh i pa aiin tlangval dang a thlang a, min uire san ta a nih kha' tiin ka hrilh dawn em ni.




Thaw huai chungin ka fapa bek ah chuan ka fawp vang vang a, a awm tu chuan, "a muhil leh tawh a nih hi. Ka lo va mut luh pui dawn mi?" a lo ti a. Ka hnial lo. Mut pindan a an inpawm luh fel hnu ah pa Țhuama te kiangah chuan ka țhu ve a. Eng engemaw sawiin min hnem chu an tum ve hle. "Tuar thiam tum la, i ngaihdam theih phei chuan kar ah fa in nei tawh a, in ngaidam thei hram ula a duhawm khawp mai. Mahse, i thu tlukna erawh kan sawisel sak thei lo che" Pa Țhuama chuan a ti chuar chuar a, ka ngawi ngul ringawt.





"Nun chhiat phah nan i hmang ang tih mawlh a hlauh awm. Mi te pawn an tuar chhuak thei a, thinrimna te dah țha a an inngaidam thei anih chuan nangni pawn i thei lo bik dawn em ni. I rilru dam hun te han nghak deuh ila ințhen hlen chu thil țha ber a ni lo ania.. Tiraw?" Ka tuar chhuak ngei ang! Mahse, ka kut hmawr pawn kha uire nu kha chu ka tawk tawh lovang!




Khawvar dawn hnaih ah țhenawm te chuan min țin san a. Mahni a han awm takah chuan rilru a kal bîng zual hle, lung a zingin thawk a ipik tel mup a. Ka mamawh loh lai ber a ni tih hre reng chungin whiskey bottle chu ka ban ta tho. Engmah ngaihtuah thei lova chahthlak tawp ka chak em a ni.




Chutia zu ka in mawlh mawlh lai chuan kawngka pui chu a lo in nam hawng a. Țhenawm te bawk an ni dawn tih hria in ka chhawn buai peih lo. Hmeichhe aw ri in "I țha em?" a lo tih rual chuan thawk ka la hawk ringawt.




Ka hnung mai ah rawn dingin ka dar ah a rawn khawih a, "Pawi ka tih pui lutuk che" ti leh pah hian ka dar chu a lo hmer salh bawk.




“Thiam lohna i nei lo” bung zet a ka chhan let chuan,"A.. ih, i nupui awm dan hi hman ah khan lo hrilh daih tawh tur che ka nia" a ti a. A inthiam loh hmel in a aw chu a zawi hle bawk. Ka inher ve ta nge nge a, țhenawm nula chuan tawi te hian min lo nuih a.




"I sawi duh chu sawi rawh.." ti vut pah hian couch lam ka pan a, min zui ve nain ka ngaihven hran lem lo.



"An nufa a Park-a an kal changin college zirlai tlangval khan a lo zui haw țhin a" a tih chuan ka ner sawk. Ka fapa hi țawng thei tawh in; duh duh sawi thiam tawh se chu a nu khawsak dan ah sawi tur a nei ngah dawn a lo nih chu. Țhenawm nula chu ka bul chet ah a lo țhu ve a. Ka tawrhna chu min țawmpui ve ni awm tak hian thawk a la zui hap a.





"Hrilh che chu ka duh țhin a. Mahse, in nupa inkar in a chhiat phah vek dawn in ka hre bawk si. Chu bakah Zosangi'n min huat phah ka hlau pakhat bawk a" a ti niah niah a. Lawm tur nge lungngaih tur pawh ka hrethiam lo.




"Hman a sawi en a i en loh kha tuna takah engvanga sawi leh si nge i nih. Min diriam turin maw?" ka ti hmuk chuan rang fe hian, "diriam che ka tum lo" lo ti let thuai a. Ka kut chu a rawn chelh a, min țhut hnaih zual sauh bawk. Ka mitah chiang taka min melh chung hian, "Hnem che ka duh, chu zawng chu" a ti tlang hmiah a.



"Nang hian maw? Inhre țha pawh kan nilo.." ka ti let hû a, ka kut erawh ka la sawn lo.



"Nang chuan i nupui chiah kha i atchilh miau a. Amah hmangaih em em tu bum che a mipa dang a melh san thei che hi a mak ka ti. Ka lainat bawk che" a tih lai chuan ka melh run a. Eng rilru pu chunga sawi nge a nih ka hrethiam mai lo.



"I rilru a na em?" zawi raih a tiin ngui nghiai hian min melh a, "I na ngawt ang, engtin nge a uire san theih zawk che le. I duat in i ngaihsak em em zel si a. Keichuan chhel taka awm turin ka fuih ve thiam lo che, hnemtu i mamawh a nih thung chuan ka tlanchhe lo ang, hnemna i mamawh em em dawn si a " tiin ka kutphah hnung lam chu a tuai heuh heuh a. Pa Țhuama te min fuihna thu aiin a țawngkam chuan min hnem zawk. Ka chak lo lai ber a chhel taka awm tur a min hrilhna thu aiin ka dinhmun min hriatthiam sak tu ka lo mamawh zawk hle a nih dawn hi.




"In nu chu vawi tam ka sawi pui țhin a, mahse an inkarah engmah a awm lo tiin a țang zel a. Kei lahin chiang taka man na ka nei fuh thei silo nen engmah ka hrilh ngam ta lo che a ni, " tiin thawk a la hliai a. Ka mit lo del rei zia ka hre nawn awn awn a ni ber.



"I thiam loh a ni lo.." ti nghut chungin couch nghenchhan chu ka ngheng dawt. Mit ka chhing a, țhenawm nula chuan ka darah a lo chul heuh heuh tawh. Thil thleng mek chu a dik lo riau in ka hre tho nain dan tumna ka nei chuang lo.




"Ka thiam loh a ni ve deuh alawm. Ka mipa vei ruk deuh kha a nupuiin a bum kual țhin tih ka hre reng a. Hetia thil pawi zawk a thlen hmaa ka sawi chhuak mai lo kha ka inchhir. I tuar na hle si a, i na tuar lai hmuh hi a hrehawm" a ti a, min hnem chung siin a inpuang chu a ni ber tawh.





"I chhungkua leh hna ah bak rilru i pek ngai loh vangin min hrechiang ve kher lo ang. Kei chuan ka chikna che a rei tawh mai. In lo insawn hlima ka hmuh che khan ka vei daih tawh che," a tih chuan meng chuang lovin ka kiai suk ringawt.




"Lift a kan chuan tlan laia min melh fuh chang te khan ka hlim tawk em em a. Kan inhmuh fuh changa ka zirna chungchang min zawt khawmawi țhin te kha i tan chuan a thu phung lek a ni mai thei, ka tan erawh duhthusam tam tak sam thlen phahna a chang zel a. Mahse, pawm lai nei i ni a, hnaih che a thiang der silo. I nupui khawsak dan hre hauh loa i hna kal turin thlah nan 'i fawp' fo zel te kha ka thik a, ka lo na ru veng veng zel" a tih chuan ka meng chhuak ruai ruai a. Tawi te hian min lo nuih a.



"Min lo nuihzat țhin ngawt lo maw?" ka tih chuan hamhaih hmel deuhin min en a, "Aih, chutiang zawngin ka sawi lo, ka lainat em em zawk che asin. Mipa dang kawp san a tan chuan i țha lutuk mah mah. I nupui khan hmeichhe dang te suangtuah zui țhin mipa i ni tih hi a hre lo a ni ngei ang" a han ti leh a. Nui hawk chung hian lu ka thing nghut.



"Fakna angin nge ka ngaih dawn thlemna ang zawk in" ka ti chu a pawi zo ta.



"A pahnih in" a lo ti let hmiah. Tawi te hian ka nuih a, a huaisen zual sauh tih hriat taka min melh pahin a lo tawlh hnai zui a.



"Hnem che ka duh. Hnem theitu che ka ni duh" a tih chuan a ti takzet tih a lang thei.



"I thei lo" bung vut a ka tih lai chuan min lo pawt chatin "Ka thei ang" a la ti fan nia. Ka melh deuh vung vung a, whiskey hna thawh vangin ka khaw hmuh chu a phe deuh ruai a. Chuti chungin Claudia mitmeng thutak a min beiseina chu ka hmu chiang hle tho.




"Inlaichinna a inbah tan leh ka duh tawh lo," ka ti ta bur. Ka chhanna chuan a ti hamhaih nge ni a ngawi reng a. Chutiang thil sawi nan chuan a hlimchhawn mah mah mai thei. Mahse, inlaichinna khur a tluk luh tumna ka nei tawh lo.





Rei tawk fang a ngawih hnu chuan beisei loh deuh in min chhang a, "Inzawmna siam ang ka ti lo. I khawhar hnem tu ah min ţan tir rawh. In nu i khawih țhin ang khan min khawih la, inhrikthlak nan min hmang rawh" a ti hmiah mai a. A țawngkam phawk phawhraw ru zet chuan min țhawng em a ka en hû ringawt.




"Kan inhmuh hmasak ber țum a ka suangtuahna kha a tak ah chang se ka duh" a ti leh zel a. A khawsak dan chuan mî a chawk phur ru riau a, a tum sa pawh a ni mai thei. Nui lek lek chung hian ka melh a, "I suangtuahna ah chuan khum pui kan kai dun loh hram ka beisei" mei nei deuh hian ka ti a.




"Thuamhnaw inbel lova i taksa lan dan tur te ka suangtuah fo asin. Hmeichhe puitlingin khum laizawl ah a suangtuah fo che a nih chuan mangpui hial a man phah fo mai thei a nia" a ti leh khauh mai. A thil sawi chuan min nghawng dan a hrechiang chak nge ni min melh kal bawk.




"Claudia, nula hnahkhat i la ni a, min lo vei der duh pawh alawm awm lutuk. Marawh chu eng inzawmna mah ka siampui thei lo che... chutiang ti thei dinhmun ah chuan ka ding lo" tiin ka hrilh tlang khawl. Thiam tak a hnar a ngaiin ka hria a, ka aw ka chhuak pawh ka veng uluk viau.




"Inzawmna nghet siam ang ka ti miah lo. Hnem che ka duh mai a ni. I natna leh lungngaihna te kha pai tawp lovin inbun thawl nan min hmang rawh. Chu chu i chak lovem ni" ti sar sar chung hian ka bek chu a hmuiin a lo nul kual a. Dang tur ka nih laiin chet ka thawh hlek silo. Ka beidawnna avangin hahchawlhna dang ka zawng te pawh a ni ang e.




"... i nupui zawk pawn in khum laizawl ngei ah mipa dang a khawsak pui kha. Chutiang chuan ka lak ah hian ti ve ta che" tia min thlem heuh heuh chungin ka uniform kilh chu a hmet phelh a. A zei phian reuh a, a vawi khat tihna chu a ni hauh lo ang.



"Hrereng rawh.. nang nen hian eng inzawmna mah neih ka duh lo. Min ngenna erawh ka pui tlin sak ang che. Chumi vang a ka nun ah inrawlh i tum a nih chuan i ti sual viau thung ang" tiin hma lam hun ah pawh kawppui ang a en zui ka tum loh zia chu ka sawi tlang nghal a.




"I inchhir ngai lo ang" tih pahin ka inrin hman hmain min fawp ta hmiah a. Chu chu ani nen a kan thawnthu ințanna a ni ta bawk.



☆End of flashback☆


Hun kal tawh ngaihtuah let chung zel chuan in ka inkhalh thleng a. Inchhung kan luh rualin Hunter-a chu mu tur a hrilhin inchung ah ka chhoh san a. Pindan a ka luh rual in ka kawr hak lai chu ka hlip tawp a, phone pawh dawhkan te chungah dah in khum ah chuan a vang zawngin ka bawk duai a. Kum thum lai liam tawh mahse kha zan a thil thleng khan mî a la sawisa chau hneh khawp mai.




Khum chu ka hmai a nawr in ka rum chhuak hawk a. Ka fapa pawh kha zan ațang khan ka thlahthlam hmak a. Ka chhungte pawh țhenawm te'n an lo han bia a, kan nupa boruak an hriat veleh rang takin an lo tla thla ve nghal a. Zosangi ka hmangaih leh duh zia an hrechiang a. Kan chhungkaw din thar vanga ka hlim zia lah a hre chiang tu te an ni. Chutia ka hmangaih ber in min uire san ta si chu ka at pha hial an ring a, min ngaihtuah hle ţhin. Ka nu phei chuan min lainat luat vangin mî țah khum fo a, min hnem tumin min fuih sauh sauh mah se ka nun ram a chau a, nun khan awmzia a nei pawh in ka hre lo. Ka natna leh tlawm intihna te chuan mîn hnawh tut tut a, inbun thawl nan țhenawm nula ah chuan ka bur ta tlut a. A nupui leh fapa tana nun hmang ţhin mipa hringnun kha a in khaikhup thawk a tih theih ang.





Message tone ri chuan ka ngaihtuahna ata chu min phih chhuak hlawl a ni ber. Ka bawhkhup dan ngai ngai khan ka lo muhil lek lek ni chuan. Ka tho chhuak leh chu tha a tho lo khawp mai. Ka message dawn chu ka han hawng a, *Bawihpuia khu hi a sik deuh reng a* tia ka nu in ka fapa chanchin min lo hrilhna a ni.




Thaw ham ham chungin phone chu ka hmet thim a. Mahse, ka nu call a lo lut leh nghal a. Call chu pickup in "Umm.." ka ti hniam ruih. Ka nu leh pa te hi ka hmangaihin keimah vanga rilru hrehawm a an awm ka duh ngailo. Mahse, tun ah erawh ka nun dan vangin lungngai takin an awm mek a, kei lah ka chhungte lak ațangin ka inla hrang tulh tulh bawk si. Ka nun dan chu a țha ti lo viau chungin ka tanna ata chu ka chhuak duh hauh bawk silo.



"Mama, i la mu lo maw?Bawihpuia hi be ve lawk la, a sawi reng che a" ka nu chuan a rawn ti nghal mawlh mawlh a.



"A țul ber em ni?" kan ti ngial a. Rilru na tih hriat fe hian, "A dam lo ka tih tawh kha. A ngai ve che alawm" tiin a ngawi zui vang vang a. Ka inthiam bik chiah lo.



"Umm, a nih chuan phone chu pe la" ka ti țha ve mai. Tukverh lam ah ka phei a, pawn lam chu thlirin thawk pawh la lovin ka fapa aw ri hriat hun chu ka lo nghak a.





Reilo te hnu ah ka fapa aw ri ngei mai chuan,"Daddy" a rawn ti lauh a. Ka thawk chelh tlat ka thlah rualin kha zana a hmel lan dan kha chiang zetin ka hmu let a. "Corlos..." ka ti sup. "I dam lo em ni?" tiin ka zawt zui a.



"Aw, api'in doctor bul ah min hruai a, damdawi pawh tam deuh kan lei" a lo ti let a. Pi leh pu kianga tal chawt ani bawk a, a țawngkam pawh a fel fai reuh viau.




"Damdawi te chu lo ei țha la aw" ka tih chuan nichin lawkah pawh a ei thu a lo sawi ve a. Ka fapa mah nise a lak ah chuan ka tim dui a, thil thlen hun lai khan kum 2 vel lek a la ni nain a nu leh mipa dang khawsak dan hmu tu a ni a. Uire san ka nih lai mit ngei a hmu tu a nih vangte pawh aniang a hmel hmuh ka hreh phah ngawih ngawih tak ni.




"Daddy, Carlos bulah i lo kal dawn tawh em?" tiin min han zawt leh a. 'I lo haw dawn tawh em?' a tih ve na a nih hmel.



"Umm, ka rawn kal thei ţep tawh"



"Yes, JCB lian deuh min lo hawn rawh aw." Phur fe hian a rawn ti ta reuh a, ka nui ve ta suk bawk “A pi te thu kha lo awih la, ka lo hawn dawn a nia" tia ka chhan let chuan a phur khawp mai. Eng engmaw sawiin a ri zawm bial bial a.




Ka Sermon pakhat ngaihthlak ah chuan; 'Nupui pasal kan inneih dawn a, a ruk a in ru te hi an tluang hleih thei tak tak lo' tiin a sawi mauh mai a. Kei leh Zosangi pawh kha inru satliah nilo in kan tlan hial a. Ka pa kohhran upa a ni cheu bawk. Khatih laia chhungkua ka tih mualpho zia chu tumahin an hrethiam pha lo ang. Pathian thu sawitu pa sawi chu a dik zia tawng chiang ber tu ka ni in ka hre bawk.




Ka nu leh ka fapa te nen kan inbiak zawh chuan washroom ah lut in ha ka nawt a, ka chhuak leh chu message a lo thleng ve chiah a. *Naktuk chu min lo lam ang che* tih chu *tunge?* ti in ka chhang let a. A number chu ka contact list ah a la awm miau lo a ni.




*Keimah* tih tlawng bawk chu a lo thleng leh a. Ka rum ta nghut, engtin nge ka number a neih theih tih chu keimah leh keimah ka inzawt zui a.




He nu te reuh hian hman ațang tawh min lo pel reng tawh a nih te chu ka ring dawn dawn mai. *ka hria e.* tih zawng ka thawn leh a. Chhan letna ka dawng lem hlei lo va.





Zingah chuan ka insawizawi zo chu ka inbual zui a. Towel var lian pui veng chungin washroom chu ka chhuah san leh a. Ka enkawl uluk em em ka taksa chu darthlalang ah chuan ka thlek kual thuak a. Ka vun la hnawm dap ah chuan body spray kap kual in darthlalang a keimah chu ka innuih suk a. Ka in enkawl țha bawk a, zep nak a awm lo, ka taksa ah hian kei ngei pawn sawisel lai tur ka hre lo.




Uniform ka in bel tum uk tawh chu kan hmachhawp chu hre chhuak hnuhnawh in ka chek ta hluk. Uniform chu a khaina ah khai leh in civil mi ang in ka inthuam ta zawk a. Uniform ka inbel țhang nen formal taka working hours a kal chhuah chu a dik lo hû hian ka hre mai. Ka jeans kekawr hak ah chuan kawnghren ka thun lut a. Uniform ha lo bawk; pistol pai loh bawk chu a khingbai hu hian ka hria a. Jacket ha in a chhunglam ipte ah Pistol chu ka thun ta hram, tihi chuan ka kim ta deuh alawm.



Kan Chimawmi chu hruai turin an veng lam pan in ka tlan chhuak a, an kawmchhak ah ka inhung fel chiah tihin 'an in a ka luh phal lo' ni awm tak hian kawngka pui chu a lo nam hawng ve nghal zat bawk. Lungkham neih loh hmel fahran chuan a lo chhuak a.




Amah chu uluk tak a ka vawikhat en chikna a nih vang nge ni a lan dan chu a dang riauin ka hria. Lu a sukna a la rei lo tih hriat takin a sam sei hniang chu a la lang hnawm hle a. Kawrfual par dal raih a ha vei bawk nen hmeichhe nu hnip hnep tak te pawh a ang ve alawm.




Ka lo en uluk deuh a ni ang chu, "min ngaithlei lo deuh angin i lang a. A ruk tak chuan hmuhnawm min va tih hmel si ve" tiel zet hian a rawn ti a. Rum nghut chungin hma lam ka melh nghal daih. Nui rah rah in passenger side chu a rawn pawt hawng a.



"Ka sawi dik em? Min it deuh tiraw?" a ti leh tlat tawh. A va nghal reuh e aw.



"Vanduai thlak takin ka it hlawl lo che" ti tawlin ka țhen sak. A huat ka rin teh lul nen meng kal ralh pah hian min la chhaih let zawk nia.



"Khawmuang lo khan rawn lut vat rawh" ngaihno bei lo zet a ka tih hluk chuan ngawi rengin a lo țhu lut mai tak nain a la nui rah rah tho. Ka it anga a inngaihna chuan min ti thinur hlur thei a lawm maw le.




Nizan lama a sawi tawh angin a thuamhnaw tur kan buaipui hmasa a. Kan tih tur a hrechiang sa bawk a, rei pawh a in en kual lo. A hak duh tur tak chu a la nalh a, fitting room ah a lut nghal a.




A luh aţang rei pawh a liam hmain dawhkan a a phone kal san chu a lo ri kauh a. Tum em em vang pawh nilovin a phone chu ka melh thuak a, screen a message lo lang ka hmuh rualin ngaihdan tui tang lo zet nei zuiin ka ner sawk.




*Pawisa i mamawh a nih chuan ka in lam ah rawn let rawh. Ka bulah i chen.....* tih thleng chu a chhiar thei a. Fitting room lam chu va melh in ka țhu rem sauh sauh a.




Chimawmi hian sum vanga kawp lai a nei ngei a nih dawn hi. Taksa hmang a ei zawng, sum hmuh na tura thlah hnih khat chhung mipa in a insuan lut ve țhin a nih loh reng ka ring tawh lo. Chutiang mi chu kan Mizoram chhung ah hian an tam tawh em a, ani in a lo ti ve pawh chu thil mak a ni chuang lem lo.




Ka ngaihtuahna chu duh lovin lu ka thing nghut a. Rin dan hmanga midangte teh kual chiam chiam chu ka chin dan a ni ngai miah lo. Amarawhchu kan Maksaki hi zawng ngaihtuah zawm loh tum pawh in a theih ngang țhin loh anih hi.



Chutih lai tak chuan fitting room ațang chuan a lo chhuak ve hlawl a, "Hei ka la mai dawn" tiin min rawn ve ngial bawk.



A lan dan vang chuan inven hman loh hlauin ka hrawk chu ka tuai deuh ngawt a. "A țha alawm" ti sup in dawhkana magazine chu ka ban thla rawk. Keu thawk in ka bih nghal tak nain Chimawmi chu ka mit sir ru reng tho.




A taksa rem thlap hmeichhe coat suit a ha zaih a. Sam kang lah in a țawn bawk a. Make up a inhnawih miah lo nain a lan dan chu a zahawm ru hle a, hills bun leh in zei fahran hian a pen thlarh thlarh bawk nen hmeichhe lu zo veh vawh tak leh business lam tui chilh deuh a ang.





Darthlalang a a inthlek kual laiin dawr neitu chuan a lo pan a, chuta a rawn fakna țawngkam zawng zawng chu 'a dik lo' tia lo hnial buaina lai tur reng a awm. Lawm hmel takin Chimawmi pawh a nui sen sen a. An deuh a nei, chu a mi an lah chu ka hre chhuak zo hauh si lo.




A bill erawh a sang zek mai. Ka pek dawn chuan nghal fahran hian, "I inchhir em? A ai tlawm zawk kan la mai dawn mi?" a ti kher a.




"Țawng duah zel lo teh" ti let nghut in wallet ka ak țha a. Chimawm chuan min nuih rah rah reng a, sawi tur ka va han nei tlem tak.



Motor hunna lam pana ngawi reng a ka kal chu min zui dat dat a. Motor kawngkhar ka pawt hawng dawn chiah tihin Chimawmi bawk chuan, "Zawrkawt lam ah kal tur aw" a ti zauh a. 'Kal lo ang,' pawh ti se kan han kal dawn tehreng nen a..




"Ka hria" tih zawng in ka chhang. A nghal lutuk leh min chhaih thinur a tum thla zen zel chu ning ru deuh in ka țhu lut a. A lo țhut luh ve rualin phone a bih nghal zat a, țullo zetin a message dawn kha ka hre chhuak a, engine start pah hian ka va melh thuak a. A message dawn kha a chhiar nge ni a ngawi reng a. A ngaihtuah tur awm hriat pawh a har khawp mai.





Ka tlan chhuah rualin phone chu a hmet thim hmak a. Thawk la hap chung hian hmalam a melh ta ngár bawk. Ani té hian a taksa hmangin sum a la lut țhin tak tak em ni ang. Huh! Ka buaina tur a ni tei vet lo. A duh chuan a taksa zuar in sum tam tak la lut rawh se. Ka inrawlh na tur a nih loh ang bawk in ka lo ngaihtuah ve a țulna a awm lo.




Kan kalna tur kan thlen hma deuh chuan a bag chu a hai rak rak a,"Hei hi vuah rawh" tiin Tarmit a lo lek chhuak va reuh a. Huatawm zet in ka nui hawk ringawt.




"Vuah hle hle mai teh" tih leh inbeng kan a rual a. Min hnaih ta sawt sawt mai a, tarmit chu amah ngeiin min rawn vuah sak a. Lungawi lo țeuh chunga ka melh khui laiin ka beng bulah a lo awm hnai leh a, "tihichuan ka driver tak tak i ang tawh e" a ti kher bawk. A tum reng vang a ni em ka hre lo nain ka beng hnuai chu a thawk khum hak a, ka hriatna thazam chuan a lo hre reng hle leh nghal.




"Power a awm lo a bun hrehawm tak a ni lo ang" ti leh in a țhu țha leh mai a.



Tun mai khan ka taksa ah danglamna a thlen a maw! Ni lul lo. Amah vang chu ni lul suh se, mipa hrisel țha pangngai tak ka ni a, engemaw ngaihtuah hlek a danglam thei tur khawp a in fit ka ni bawk. 'Ka danglam zawk chhan kha amah vang chu a nilo' tih chu ka inhrilh zui mawlh mawlh a.




Hnam dang dawr lian leh lun zet ah chuan kan inzui lut a. A driver lem chang ka nih miau avangin Chimawmi chu pi en takin a hnung ah zel ka zui a. Dawr hnathawk pakhat nen an inbiak hnu ah dawr chhungril lam ah kan inzui lut leh ta a.




Dawr chungril ah chuan a neitu pa pindan hman bik a lo awm a. Dawr nghaktu chuan min luhpui hnu ah amah chuan min chhuah san leh nghal a. Dawhkan hmaa chiar-a țhu pahin, "Ka pu, whole sale dawr siam ve hi ka duh deuh a. Payment nghal vek dawn lah in sum ka tlak chham lai tak a ni si nen kawng engemaw min ngaihtuah sak thei hram ang em?" a ti a. Kei erawh kawngka bul ah pi te thuawi hmel takin ka ding thung. Chimawmi hma a țhu Naga pa chu ka en chik viau bawk.




Naga pa chuan, "Chutiang han inngaihtuah sak theih dan ka hre mai bik lo. Wholesale a pe chhuak kan nih avangin ba phei chuan engmah kan pe thei lo ang.." tiin a chhang let a. Mizo țawng ah buaina a nei hauh lo.



"I theih ka ring tlat" a tih laia Chimawmi aw rik dan danglam thut chu ka hrechiang kher mai. Min hnungchhawn a a țhut vangin a hmel erawh ka hmu thei lo.



Naga pa kiai sak chuan Chimawmi hmel lan dan tur min suangtuah tir a, tawt nghal țûn chungin ka lo inhumruh chiam a. Naga pa chuan, "Pasal i nei tawh em?" tiin a zawt ta a. Driver satliah tur ah min ngaih vangin min hmaizah lem lo niin a lang.




"Nei lo, keimah in ka khawsa a. Ka zirlai hi ka tui vak tawh silo a, dawr lian tham deuh siam ila, zalen deuh zawk a hun hman ve tawh ka chak a" tiin hniak phawi hlek lovin dawt in zu chhang let thiam a.




Naga pa chu a khi ta vur vur a, "Pasal nei tur chuan ila naupang in ka hre reng a ni," a ti chuar a. Chimawmi chu a nui har har a. Naga pa chu a ngampa zual sauh anih hmel, dawhkan chunga Chimawmi kut chu file keu pah niawm tak hian a tawk fuh lui a. Chu ka thil hmuh mek vang chuan thawk lak a sak țalh țalh viau. Ka thik vang ai mah in hnam dang mipa in Mizo hmeichhia a zuam riau chuan min tih thinur vang zawk a ni.




"Chu tak chu alawm.. ka la naupang a, ka hmalam hun pawh i kut a inngahna chen a awm ania" Chimawmi'n a tih leh chuan Nagapa mit meng chu a phur surh tawh. Mipa cheng a dek thiam lutuk chu lawm viau tur ka nih laiin ka tawt ul lawi si.




"Zanin ah kan inhmu dawn mi niang, tah chuan kan sawi fel dawn nia" Naga pa chuan a ti ta chiah bawk. A thil beisei chu sex bak a ni dawn lo tih lah a chiang.




"Min puih theih dawn phawt chuan kan inhmu mai aniang chu," tiin Naga pa lehkha pek chu reilote chung a melh zeuh a. A bag a thun pahin, "Dar engzat vel ah nge ni ang" a ti leh a. A hmel chu ka hmu lo nain tuna a lemchan role play mek hi nuam a tih hmel hle hian ka lo hria a. Mipa khawsak pui a inbiak remna neih chu a tan a harsa lem lo pawh a ni thei, marawhchu kan ruahmanna ah mipa lem kual a; inhmuh fal pui a tel lo va, a duhthusam ang chu ka thlen tir hauh lovang.





Building hnuai thim ruih ah chhuk a motor hunna kan pan lai chuan, "Dawt sawi thiam ber lalnu tih hial tlak i ni" mei nei deuh hian ka tih khum nek.



"Teh hrep che chuan!! Lawm viau zawk ta che, vawikhat pawh tihsual nei lo a dawt ka sawi theih a zarah nang hian i case ah hma i sawn ang" a lo ti ve nghal hlar a. Ka tih dan chu a lungawi pui bik chiah lo niin a lang.




"Ka case ah hian min pui turin ka duh che. Mahse, i taksa hmang nilo in i thil hriat min hrilh mai tur in ka duh che" ka ti leh bawng a. A ding ta dat a, a lo inher chuan anchhia min lawh chak hmel zet hian min melh rum em em mai a.




" 'Mipa thlem kual tur in thu ka pe lo che' ka tihna a nih chu" tih khum leh khawl in ka melh let ngur a.




Mit meng ling phat chung hian, "Hmela leh! I suak sual lutuk, lawmna chang hre bawk si lo" tih leh a bag-a min vuak a rual ta mai a. Kei lah lungawi lo sa ka ni bawk nen a darah man in Bolero bangah ka nawr bet hmiah a.




"I taksa hmanga mipa thlem kual vel hi i tan chuan a ho viau a ni thei. Mahse, ka case nena inkaihhnawih reng reng ah chuan hetiang lam hi tih ka phal lo" ti hrawih chungin a hmai bul ah ka kun hniam run a. Ka aw ka vin vanga a meng phawk hra chu ka ngaihthah hmiah bawk.




Thawk la țalh ţalh chung hian, "Min thlah rawh" a ti a.



"Ka thusawi chu i hrethiam em?" a mitah tak en chung a ka tih leh chuan a lungawi loh hmel tawh tak zet.




"A țha e. Khapa hnena ka thu sawi eng lai ber khan nge i lung ti awi lo em em a. Pasal ka la nei lo tih kha nge hotel ah inhmu tur a min sawmna kha" a lo ti let ve ta siah a. A nui zui hak ri chuan min run in min hnawh ul mai.




"I hriat chian chuan a țha a nih chu," tiin a tal aih aih chu a ai na zawkin ka nawr bet a. A chet la hlei thei silo thinrim chu a thaw sek sek a, mî melh rum hle bawk.



"Min pui tur a ka sawmna che hi i sumdawnna a tan lo hman țangkai i tum a nih zawngin ka lawm hauh lo ang" tih ka sawi zawh rual deuh thawin ka biang a thip nghal zawk a. Min ham ngam nia!!





"Eng ka sumdawnna chungchang nge i sawi a?" tiin thinrim engphiar chungin min zawt let a. A mut pui țhin paw’n ‘a chen chilh leh thei chuan a mamawh ang pawisa a pe dawn' a tih kha.




"Tenawm reuh lutuk!" ti hluk in ka thlah hlawl a. A kawlh uchuak bik dan em em chu aww.. Ka thlah fel chiah chu rang zet in a rawn che leh a, ka inrin loh lai a min khawih theih a ring a nih chuan a tisual chhia-va ang. A banrek ah ka man a, herh sak titih chungin motor bangah ka nawr bet leh a.



"Thudik chu a kha țhin reng a nia" ti hrawih in a hmai bul set ah ka kun hniam a.



"Eng tiang fa kau in nge pawisa i mamawh tih chu ka hre lo; ka lo buai vena tur a ni lo bawk. Mahse, ka case leh i mimal nun hi dah hrang viau ang che" vau deuh ti tih a ka hrilh lai chuan a mit meng chu a alh lo chauh tawh.




"Hmingsangzual ka haw lutuk che, i duh duh min sawi khum ringawt suh" ti fiak țhak in min melh ngawt ngawt a. Elsen lutuk in ka nuih thung.




"I hriat tel tur chu, hmeichhia te hi khum ah chuan kawlh hle rawh se, a pawi lo. Mahse, khum chung nilo a hmeichhe kawlh lutuk te hi an ninawm" ka ti leh bul bul a. Thaw ţalh ţalh in mitmeng ling hlar hian min melh a, min huatna belhchhah turin ka nuih suk thung. Ka man behna ka thlah fel rualin ka ngal a ri zui țawk a. Chek hluk paha rum fahran a ka melh chuan, "I duh duh i sawi ang a kei hian ka lo ngaithla liam mai ang maw. Teuh lo lutuk. Midangtei aia i danglam tur a ka lo ring kha ka lo ti sual hle a nih hi," ti hmawk hmawk in min hnung chhawn nghal a. Duhthawh zeta thawk a lak rual chuan a taksa te ve tak chu a che awk a. Ka biang a hamna lah chu a thip zek leh nghal. A khem loh hram ka beisei.




Reilote hnu ah a rawn inher leh a, chiang kel kawl a ka mitah tak min rawn melh chuan ka mur sung sung thei in ka hria. Ka hmuh hmasak ber zan ang chiah khan boruak dang a keng tel a, a țihbaiawm ru riau..




"He hmeichhia, a taksa hmanga sum la lut ţhin ang a i ngaih hian i case khawih lai ah hian engtiang a nasa in nge ka puih theih che lo thlir rawh. Chuan, vawikhatmah midangte chanchin hrechiang hmasa lo in sawi ngawt tawh suh ang che" a ti fak fak a. A sawi tawp lama a aw khur titih chuan min țham tlat lehnghal. Amah hi ka hlau tihna nilo in a aw vawt reih rawih tak chu thihna kut vawt tluk zet a a vawh vang zawk a ni.




Ngawi rengin station lamah kan inkhalh let a, Chimawmi pawh passenger side ah a țhu ngawi ran a, front glass ah chuan ka hmai chu ka thlek thuak thuak a, a thip hle nain a hmuam hma erawh a lian hran lo. Naga pa in a melh dan kha engvanga lo thinrim phah chiam nge maw ka nih chu le. Chuan, ka thinrim insum zo lo kha ka ţawng na hret tih ka inpawm bawk.



Chimawmi lam chu ka thlek leh zauh a. Ngaihtuahna kal bing hmel takin hma lam a lo melh ngar a. A te na vang vang in henu tluk a hmeichhe ngeng leh tawhkhirh hi an awm tawh lovang. Thupha chawi tuma hrawk ka then khurh chuan a ner sak a, tukverh lam a hawi zui daih a. Ngaihdam dil ka tum deuh ania a pawi tawp lo ve.




Station kawt a ka ding fel chiah chu a rang a rang hian a tek chhuak nalh a. Bolero a kal hual lai chuan kei, a chhunga la țhu chu rüm theih tawp hian min rawn melh khai khai a. Hmarcha pawh a te tê a thak an lo tih ang deuh hian hmeichhe te pawh hi a te tê an kawlh hlar mai hian ka hre lek lek tawh.




Chimawmi chu Station kawt a dawrte ah chuan a lut nalh a. Pawisa pawh a nei hawt a maw ni? Motor aţanga ka chhuak ve chu kawta Police awm te chuan min lo wish sap sap a. In rawk report a awm tih kan tlan let lam khan min rawn hrilh a, police pathum kal chhuak mai tur in ka hrilh ta ngawt kha a nia. Eng tak rawn ang ang maw.





Station chhunga ka lut chu Rema chuan min lo au a, pawn lam mi te nen an lo din na lam chu ka pan ve thuai a. Doctor Zothana’n kan ruang chhar kha Jenny ngei a ni tih a fiah hnuah a chhungte lam an lo be pawp a. Hetihian a ruang buaipui turin an lo kal ve nghal a lo ni a. An zing a nutling ber chu Jenny nu a nih ka han ring deuh ringawt a. A mit bui lak leh mitmeng chava riai chuan chhungril a fan raih raih a. An fanu thatu chu man ngei turin theih tawp kan chhuah tih min hriat sak hram ka beisei bawk.





Jenny chhungte chu thiam ang tawkin ka han hnem ve a. An fanu nun dan chu an hriat pui vak biklo tih chu thu kan zawh a min chhan dan aţang chuan a chiang hle a. Hna a bansan tih tak ngial pawh an hriat pui lo. Mahse, 'A tih dan ngaia thla tina pawisa a thawn țhin zat a thawn ziah' tih an sawi chu report ah chuan kan chhinchhiah lut nghal a.





Rema leh thawhpui dangin a țul ang ang an buaipui sak zui a. Heti hian ruang dahna a ruang kha la chhuak in Lunglei lamah vui turin an phur haw dawn a ni. Rema'n an fanu boral thu a hrilh țum a patling meuh âw khur ngaihthlak hrehawm a tih zia thu a sawi lai ai daih khan tuna an hmel landan hi hmuh an hrehawm zawk. An lainatawm tih mai loh chu lo sawi ve chiam tur ka hre silo a, kan department motor a ruang dahna hospital lam an pan tur chu kawt thleng ka thlah ve a.





Station chhung ah luh leh mai tuma a ka inher zet tawh chu, ka thil hmuh vang chuan ka chawl dat a. Station bul dawr chhung a thil lo ei bawrh bawrh chu ka hmu sual emaw tiin ka thle buk a, ka hmu sual lo khawp mai.




Muangchang in dawr lam pan chuan ka phei ve a. Dawr neitunu in min lo hmuh chuan rang fe hian a rawn tlan chhuak a, "Pu Hming, hmeichhia sawn a ei man i pek sak tur thu a sawi a, a order ang ang kan lo chhawp sak mai a sin" a ti mauh mai. A thil sawi vang chuan ka nui chhuak huk a, a mak tak zawng anih saw maw...


Hlauthawn hmel deuh hian, "I hmelhriat ani ang tiraw? I hming kha a lam a, rin tlak a nih kan lo ring ve ngawt a" a ti leh mawlh mawlh a. A ei man hmuh let loh mawlh chu a hlau niin a lang.


"Lungai suh, kan inhria a lawm" ka tih takah chuan hahdam huai hmel a pu a. Mahse, ani ang hmeichhia nen kan inhmelhriat chu mak ti hmel tak hian min melh tawn zak zak a.


Dawr chhunga ka lut ve chu ka hnung zel ah min rawn zui a. Chimawmi dawhkan ah chuan a ei ruahna plate a lo awm nual tawh. Dawr neitu chu melh pah hian, "amah in heng zawng hi a ei vek a maw?" ka ti hu a. Mahni a ei zawh vek tur chuan a tam tham em a tin a ni.




"Aw, i rawn zawm vat tur thu a sawi bawk a" inthlahrun hmel deuh a a tih chuan ka nui tawi khawp mai. A thil ei zawh zo zai chu a tam in mak ka ti dawn viau a. A mize en chuan thil mak tak a ni leh chuang si lo.





Dawr neitunu bulah chuan a ei zawh vek hnuah a man ka pek tur thu ka hrilh ta a, ngaihțha zan lo hian a țhutna ţhin lamah chuan min let san a. Chimawmi dawhkan lam ah chuan pheiin "Phung zinga piring vawrh ang mai alawm a nih," ka tih khum thawr. A ep chiah țhutna awl ah chuan ka țhu ve nghal a. Mit sir tak ngial pawh in min melh duh țhâk nang.





"Ka hming in i order tih ka hria a nia" ti leh ngat in chiang tak in ka melh a. A Noodle hawp leh tur chiah chu a chawl dat a. Mahse, second kar lek chhungin a mize ngeng ngal ang khan a khawsa leh nghal tho.




Min chhan duh miau loh avang chuan, "Heng zawng zawng hi i pumpui tereuhte ah khan i hnawh lut leng vek a maw?" ka han ti leh a. Dawhkan ah chuan plate ruak pathum bakah bowl ruak pahnih lai a awm a. Tunah hian noodle plate khat a ei leh mek bawk.




"I sum tlang a hek pha vak lovang" a lo ti ta fak a. A man ka pek tur a lo order ve tawp zawk si, a ngeng leh ngal ngal khawp mai.




"Chulam chu i buaina tur a nilo. Pumpui țha lo neih i hlau lovem ni?"



"Vanneihthlak takin hmeichhe hrisel țha tak ka ni e" a ti hmak a. Lo hawi chhuaka chiang taka min rawn melh chuan ka inthiam lo ringawt nia. A mit meng chu a sen ram a. Nichina ka țawngkam hman khum khan a ti na hle tih lah a chiang. Mahse, nem tawh ang a lan a; ngaihdam dil erawh ka duh bik chuang lo. Rilru nem chu ani lakah hi chuan 'min zuam sauh rawh' tihna ang lek a ni dawn.




"A țha e, lo hrisel zel rawh" bung deuh nghut a ka tih chuan, "Sawi lo pawh ni la ka hriselna hian min tlan bosan mai mai lovang" tiin min hnial let ngal ngal a. Ka tih ngaihna hre tawh lo chuan, "I chimawm mai a nih chu" ka tih ta ringawt. Chimawmi chu za fe hian a nui ta hak hak a. A ri meuh a a nui lai chu a hmuhnawm ka han ti dawn nge, a nui ri chu a ngaihnawm ka han ti dawn zawk....



"Khatiang mitmeng khan min en suh" nui tawp hmak paha a lo tih chuan ka hamhaih deuh.



"Min vei thuai mai ang" a han ti leh a. A nui ri vang khan tih danglam a awmin ka lo thlir reng tih chu ka inhrechhuak hnuhnawh.



"I sawi awm ang lo țhin em mai.." ti hluk chungin ka hawi sawn daih. Pawn lam a midang tei kual vel chu ka thlir ta vel mai mai a. A ei zawh dawn hnaih a fork a plate a hui rak rak ri pawh chu ka beng khawn duh tawh der lo. Ani lah nghal em em mai kha ania. Țha takin 'ka ei zo tawh, kal tawh ila' ti mai ta lo in ring tak mai hian, "Duata, ka ei zo ta e" a ti ta mai a. Phawk fahran a ka melh chu 'i chan tawk!' ti ang hrimin min lo la nuih zui.





Ka hawi kual nghal thuak a, dawr chhunga thil ei ho chuan keini pahnih chu min lo en țhup mai. Ka thawhpui te hmel phei chu a lang phawk lek zual hle a. "Enge i hriat a?" ka han tih chuan min nui tet tet duh chauh. Tih ngaihna dang vak awm hek lo. Bill pe tur chuan ka tho chhuak ta a.




Counter lam a ka phei lai chuan,"Bawiha bill pek pahin ice cream lo lei tel rawh aw" tiin min lo au leh cheu. Dawr chhung a awm ho chuan min en țhup vei nen ding leh rih in a lam chu ka va hawi a. Kan Chimawmi lah chuan mi a lo la nuih sen sen zui. Chhan ka chak rual in chhan dan tur ka hre hauh silo. 'Ngawi tawh rawh' tih nan ka hmui zawn ah kutchal dah in mit zim sun hian ka melh a, nui seih pahin a hawi sawn ve ta mai bawk.




A ei man zawng zawng belhkhawm chu cheng 420. Dawr neitunu min nuihzat hmel lutuk pawh chu ka rûm khum nghut ringawt. Pawisa min kir fel hnu a ka let leh mai tur chu, "Pu Hming, Ice cream i lak theihnghilh. A man pawh ka cut nghal kha" tiin Dawr neitu chu a nui pat pat a. Sawi ve tur reng ka hre tawh lo.




Ngawi rûn in ice cream an dahna freezer chu ka nawr hawng a. Ice cream siam chhuak tu te'n ice cream flavour khâ ( bitter) an siam tel ve lo pawi ka tih ber țum a ni hial ang.




A lamah chuan let pheiin Chimawi hma ah Strawberry ice cream flavour chu ka dah deuh chawrh a. Mit meng chimawm zet a min han melh kual vel te chuan kawchhung lam a ti so bulh bulh a. Rul let lova awm tawp chu ka duh bik der lo. "Bawihi, ei țeuh rawh. Rainô lai chuan thil engpawh in chak huam huam zel tih ka hria alawm. E! ka lam belh nghal law law ang aw" amah ang chiah khan ka ti ve ta lawng lawng a. Min melh phawk khawp mai.





"Nu Pui, Ice cream i neih ho zawng zawng kha kan dawhkan ah hian min lo dah sak thei em?" Ka ti zui zat a. Hetiang hmeichhe chimawm lutuk tih tlawm dan țha ber chu an chet dan zel a chet khum ve a ni mai.




"Hmela, rilru te lutuk" ti hrak pah hian min melh deuh hrep a. Ka khik khum suk ringawt.





Nu Puii chuan sarang lian pui ah ice cream chu a khung a. A lo khai phei țung țung laiin Chimawmi hmel chu chik zet hian ka en a. Ice cream ei na fiante chu a hmuam tet a, ka en tih a inhriat rualin rum mangkheng in min rawn melh a. A mit hian power a neilo tih ka hrechiang bawk a, hlauh chhan tur ka hre map lo.





Dawr kan chhuah san meuh chuan tifuh inti tak hian ka nui ruh ruh reng a. Hung lam ka thlek apiang in lungawina mak danglam takin min fan chiah chiah bawk. Ice cream awmna sarang lian pui khai chungin ka hnung ah a rawn kal ve par par a. A chimawm thawt thawt man a hmu let a nih hi.





Station chhung ah pawh min zui ve zel a. Thil thlen lai khan police dang an awm ve nual a. Kei ni aiin station an let hmasa leh bawk nen kan inzui lut chu inthural ang hrim hian Chimawmi dul zawn an lo melh țhap hlawm a. Ka fa a pai an ring tak tak em maw ni chu le. Hahthlak hlawm hian!





"Buaina a awm em?" ka tih rualin an hna khawih lai țheuh chu khawih zawmin an phe zung zung a. Ka bulah hmeichhe ding lah chuan tihel zet hian min lo nui ve sawng bawk a. Vawiin a thil thleng zawng zawng hi a dik lo fai vek.





Chimawmi chu ngaihven zui tawh lovin cabin ah ka lut daih a. Ka nau te ho chuan an duh duh in ngaihdan lo siam tawh mai rawh se. Hna khawih tur ka ngah bawk nen chin fel nan chawhnu pum hman a țul in ka ring. MLA lam ațanga ngenna ang reng deuh rawn thleng a awm nual a. Inthlanpui a hnai tawh a, vote thlakna lam a duty tur a ngenna leh hriattirna lam vel te a ni hlawm.





Rei fe hnu ah ka nau te zinga pakhat lo lut in, "Sir, i bialnu khan haw a duh tawh thu a sawi a. A nghak reng tawh che " a lo ti ta hem. A haw daih tawh ang chu tih nak laia min nghah thu ka han hria chu a hamhaih thlak khawp mai. "Ka hman țep tih lo va hrilh rawh" ti zawngin ka chhang let. A kal chhuah hnu chhuan za lo zetin ka țhen suk a. Ka bialnu maw? Ka thlah kher a phut bawk a maw...? Chimawm leh. Chimawm dan chu i lo hre ber a nih hi.






Cabin ka chhuah san leh chuan Chimawmi chu Rema table hma ah a lo țhu fel than a. Va pawh nghal mai chu ka hreh tum hrang a, Cabin bulah chuan ka tawi khaw muang a. Rema nen chuan engemaw sawiin an țawng mawlh mawlh a. A chang chuan hmeichhe ze zawi leh nu hnep angin a lang a. Belhchian erawh in savawm no nei hlim ang maiin a kawl hlar lawi a. Mi hneh theihna riau a nei tih erawh ka pha buai lovang. A mitmeng lian kiau a thil tihsual nei lo ang maia min melh tawh chuan nem mai a awl hle tih chenin ka hre tawh. Mahse, chung thil chu belhchian ka chak phahna a tling zo chuang lo.




Rei tawk fang hnuah pawh an la ti ti tui hle a. Tih tur hre lo zetin dawhkan a file pakhat chu ka la kang a, keu kual chung hian ka va mitsir pah zauh zauh a. A nui hak hak hmel landan chuan engtin maw tak hah a ti dam riau… A nui mawi reuh em a sin.


Chutia mit sir a ka va thli thlai duk duk lai tak chuan a lo hawi phei a. Min rawn hmu nghal mai lehnghal. "E.. I hman tawh a mi?" a lo ti thuai a. File chu khup thuk in lu ka buk khum a. A țhutna ațang chuan a ding chhuak ve a. Ice cream zozai kha engtin nge a theh thang bo ni. Hmuh tur a lo awm tawh lo.


"In lama let kher chu a țul em ni?" ti sup in File chu ka dah let a. Zanin ah kan che chhuak leh dawn a. A haw a nih chuan a hel leh tlat emaw te kha a ni dawn a. A luhai thlak leh dawn em a ni.


"Duata țhin hi, hahchawlh ve te ka ngai alawm. Min ngai rih viau mah la kan naute hian mut hahdam phawt a mamawh" tiin a dul thep thlep chung ah chuan kut a nghat ngial a.

A thil sawi awih hmel taka ka nau te ho in an melh țhup chuan thinrim ah pawh a kal thei tawh lo. Nuih a za duh hle a. An hmuh nawm tih tur takin an hma a hmeichhe ding ran saw ka va pawm nawlh dawn em maw ni zawk chu le.


Midang te hmuh lo tur a nui ruh ruh chung hian, "Kal ang le" ka ti ta a. Ka nau te ho chu an inkheng khawng nghal țhap a. Chimawmi pawh chuan nelawm hmel fahran hian kut a vai hlawm a. Motor hunna pan a kan phei lai chuan, "Tu emaw tal in 'i nghal lutuk' tiin an hrilh tawh che em?" ti chuan ka zawt a.

"Midang ngaihdan ah ka buai ve ngai lo" tia awlsam zet a min chhan chuan ka ding dat a. Ani chuan min kal pelin a țhut na tur lam kawngka zawn a thleng phei der.


Zawhna ngah hmel taka ka enna chu a lo hrethiam ve aniang heti hian min chhang let a. "Midangte chuan engtin paw’n min lo sawi se ka ngaihven teh chiam lo. Chu lo rengah midang te chanchin sawi ser ser hi a țhing ka tih zawng tak ania. Ka țhing tih zawng deuh te'n min lo sawi vel dan chu huat tham ah pawh ka ngai lo" a ti lai chu ka melh reng a. A thil sawi leh amah chu a inhmeh riau in ka hre bawk.



RV kan tlan luh hma chu kan ngawi dun ta reng a. Rv lam pawh ka kal ngun ta malh malh bawk e. 'Boruak reh lutuk tih ziaawm nan' tia rimawi play tura kut ka lek rualin Chimawmi chu a lo in veng nghal zat a. Music ka play tak ah chuan zawite in thawk a la hak a. Nghenchhan chu nghengin sir lam a melh zui ta daih bawk.


Hmeichhe tam zawk chu an kianga reilote chhung awm in an mizia tur a hriat theih ruak zel. Tun a ka motor chhung a țhu fel ve at-i erawh zawng; engtik ah mah ka hrethiam thei ngai lo ang. Tunah te hian hmeichhe zawiawi tak ang maiin a țhu ngawi ve reng a. Be chiah ila a bak hlur thung dawn. Mizia chi eng zat tak nei ang maw...



An in lan theihna ka thleng thla chu motor hmalam a hnaih ruak a, bing takin hma lam chu a melh ngat ngat a, reilote hnuah thlabar hmel tak hian, "Aw Lalpa!" a ti hak a!



Keini tawk zawng a Ambulance lo tlan in min rawn tlan pelh rual chuan, "Ding rawh" mi ti tuar bawk. A lam ka va en chuan Ambulance kha a lo en let țawk țawk a. Zawhna zawt buai lovin kawngpui kam thlang lam ah motor chu ka ti ding ve nghal a. Chimawmi chu rang fahran hian a chhuak nghal a. Midang lo awm nak nak na lam ah chuan a tlan thla dawr dawr a, motor ațang chuan chhuak ve lovin thil lo thleng leh zel tur chu ka lo nghak tawp.




Nutling pakhat ban chu a zuk vuan chawt a. Chu nu nen chuan engemaw hi an inhrilh nghal mawlh mawlh bawk, Chimawmi kun nghal hnawk chuan 'thil țha lo tak a thleng' tih min rin tir a. Amah buaipui tum a motor ka chhuah san ve chu min rawm hmu aniang a lo tlan let a. Motor bul a ka ding chu a kut a lut leh tura min zap pah hian, "Ambulance kha zui nghal rawh" a rawn ti a. A lo tlan hlawk hlawk bawk.


Motor bul a lo thlen chuan ka mit meng a zawhna chu a hmu thiam nge ni, "Ih, khawngaih takin Ambulance kha um zui ang" nem deuh zawk hian a ti a. Vertherna in a chenchilh țhin a mitmeng chuan țanpuina mamawh hmel tak hian min melh bawk.


Keipawh chuan lut tur a hrilh in chak takin ka tlan chhuak leh nghal a. Kawng tluan chuan a țawng tawh lo. A khup sai hlak hlak chu tih reh tum niawm takin a nam ngat ngat a. A khat tawkin ipik hmel takin thawk a la leh hliai zel bawk. Chutia chiai leh phili taka a awm lai chu harh chhuak thut ang maiin a țhu mar auh a.


"Putar-a kha ka mamawh" tiin amah leh amah chu a inbia a. Bag a zen zui rawk rawk bawk. Kham ah zuan thlak a tum lai khan chiai hmel a pu miah lo a, silai-a a intin lai lah in a thlabar chhin miah lo bawk. Hetitaka tun a takah a chiai ta mai chuan mi a ti hamhaih a, zawhna zawt a biak lum luamna chang ka hre der lo leh nghal.


A bag zen chuan a duh a hai fuh thei lo a nih hmel lungzin hmel fe hian, "Khawi ah nge ka phone pawh hi" a ti hlur a. A țah aw lek lek a ka hriat vang chuan ka en rang hle. A bag mawng ah vuan in a chhunga awm chu a malchung ah a bun chhuak vek a. Phone a hmuh tak ah chuan motor chhuat a thil dang tla darh chu a uksak tawh lo..


Tu emaw hi call in thawk a la sek sek a. A mî call chuan a lo chhan veleh, "Pawisa ka mamawh" a ti nghal thawr bawk. Lehlam țawng a ngaihthlak chhung chuan a mal chu a țham ngat ngat reng a, "Aih, Putar, i inah khan vawikhat pawh ka rawn pen lut tawh dawn lo" a ti vin hlar a. Ka ring dik in ka lo hre hmanhmawh. Pawisa a mamawh vangin a taksa a hmang țangkai țhin.


Chimawmi bawk chuan thinrim eng phiar chung hian, "I sum tam tak te nen khan khawilai ah emaw thi sawn rawh u" a ti leh ta phiar mai a! Phone chu ti tawp in a rum hak bawk, a anchhe zet vang khan ka lo ner nawk thung. Țawngkam a nei chhe thei si a, min an khum ve nek ang tih mawlh chu ka hlau.


Reife hnuah Falkawn Hospital chu kan zuk thleng a. Motor ka ti ding chiah tihin engkhaw sawi set set lovin ka motor duat lai kawngka chu a nam hawng leh lawp a.


"Chimawm, zanin kha.." ka ti hman țawk, "Hmingsangzual tun hi mahni hma sial taka tihtur min lo hrilh hun a ni lo" tiin min lo pawt chat hmak. A hrilhhai thlak thei teh ê!



Thawk la hliai chungin a sam chu a hui chho puat a, chutah nem deuh zawk hian, "Heti lai thleng min hruai avangin ka lawm e" a ti a. Dêk pawh ka tih leh hmaa kawng a lo nam khar bur chuan ban ka phar hluai ringawt.


'Harsatna i neih chuan zanin kha kan țhulh rih thei a nia' tia hrilh tum ka ni reng si. Thinchhe hlir hler lutuk mai.



P.S : Rilru lungngaihna te, manganna te leh natna te inhnem nana ruihhlo leh mipat hmeichhiatna hmang tu chuan a nun zat ve a tihchhiat belh țhin.

[Abbra Reo Ririni]

☆UTOPIA: 1996☆ Chapter 3


Abbra Reo Ririni Khiangte (Pitartei)






-Arinteii’s point of view-





Hmanhmawh lutuk in Hospital ah chuan ka tlan lut a. Ka nu enkawltu ber Doctor Hruaizela chu ka hmu nghal a. A lamah chuan tlan phei nghalin “Khawi ah nge ka nu” ka ti nghal thawr.



Doctor Hruaizela chuan, “Hahdam phawt rawh. Thisen kan pe mek a, ngaihtuahawm a ni lo e” a lo ti var a. Ngainatawm taka min nuih chungin ka darah a rawn dawm a. “Thawk la vak vak rawh” a ti leh a. Ka tlan nasa bawk nen ka hah lutuk chu ka thaw seng lo lek lek a ni.




"Engtin nge a awm a”





"Hlauthawng lo la, a hma ang bawk khan a chau leh mai a ni, thisen var unit hnih leh thisen pangngai unit 1 saw han dawng zo se, a rawn harh leh vat mai ang” a ti tak nangin ka hlauhthawnna chu a reh phah chuang lo. Doctor Hruaizela chu ka buk khum nghat a.





"Lo kal rawh, a mutna lam ah ka hruai ang che” tia a kalna lamah chuan muangchang in ka zui ve a. He damdawi in ah hian leiba kan ngah in kan tlan lut zing em em a, doctor te lakah pawh hian ka inthahrung zozai tawh lutuk. Mahse ka nu damna tur anih phawt chuan mihring hmaizah te mai mai chu ka tuar thei zel ang.





Ka nu mutna bul thleng min hruai hnu chuan, ‘ward fan kual’ a ngaih thu sawiin min kalsan leh mai a. Ka rilru erawh a nuam lo. Leiba kan ngah zia thu a sawi chhuak miah lo nain min mawlh run a. Engtik ah nge kan ba zawng zawng hi kan rulh theih ang tih lah hriat a ni hauh bawk silo.






Khum chunga ka nu lo mu bam mai chu ka pan hnai a. A tluk thut avangin kan in a zu in a awm mek te’n kan ţhenawm te an lo va pun a. Chutih hunlai a ţanga nikhaw hre lova awm tawh chu tun thlengin a la harh chhuak lo a nih hmel. A kut cher riak chu chelh sakin ka chal ah ka nawr si vang vang a. “Ka awm loh hlanin i lo tlu a maw? I insawhna viau em Nu?” ka ti sep sep a. Min chhang dawn lo tih ka hre reng nain, “Ka kal chhuah san tawh miah lo ang che…” ka han ti leh a. Thisen cancer ani a, duh thal a pawisa theh chhuah tur kan neih miau loh avang in a mamawh ang pawh in treatment a dawng ve hlei thei lo. Dimtein a sam țuak var phauh phauh tawh chu ka chul sak leh a. Țah erawh ka ţap eih tawh lo.





Thisen a dawn țhat hi chuan a leikang ve em em zel a, mahse sawi leh sawi hnu, thisen unit khat man lek pawh cheng zanga aţang cheng zaruk a ni zel bawk si. keini ang tan chuan mamawh zat lei chu a harsa lam hret zel. Tunah pawh he damdawi in ah hian cheng nuai eng emaw zah ba kan nei mek a. Engtik ah nge chu kan leiba chu ka tlak fel theih ang.. tia ka ngaihtuahna avang chuan ka awm chhung chu a rawn phui mup a. Ka thawk a chham mai dawn a hria in vanvadak chung meuh in thawk ka la zui kawk kawk a. Țah te chu ka hlat tawh lutuk, mittui sen tur ka nei tawh lo ni ber in ka hria.




Ka nu hian zu zawrh te hi a duh ngai bik reng reng lo, a hmeichhiatpui tam zawk te hmeithai a siamtu; hmelma hlauhawm tak a ni tih te pawh a hria. Kan chhungkaw kehchhiatna bul ber pawh zu tho a ni. Mahse kum 2 liam ta aţang khan thisen cancer a nei tih kan hrechhuak a, in luah man leh kan nitin eitur leina tur ngawt ngaihtuah theih a ni ta silo. Ngaihtuah pawh kan lo ngaihtuah chhin ngailoh ZU hmang ngei chuan ei kan zawn a lo ngai chho ta a. Mi ţhenkhat te’n ‘hmeithai zu zuar fanu’ min ti bawih bawih zel pawh hi zahthlak tih ai chuan tumruhna min petu zawk a ni. Ka nu nunna kan chelh din ve theihna kawng awmchhun a ni miau si a.




"Kha putara kha ka haw lutuk.." ka nu khum bul chair ațang chuan tho chhuak in thawk ka la leh deuh hliai ringawt. Ka ven phah chuang der lo. Pawisa ka nei bawk silo leh leiba ka ngah lutuk bawk si chuan ka awm chhung a rawn hnawh tawt tup tup thei mai, tukverh lam ka pan a. Kha putar hausa zet kha engvanga uikawm em em nge maw anih le.





Kum 11 mi ka nihin ka nu leh pa te hi an ințhen a, ka pa hi first class contractor ani a. Kan chhungkua kan kehchhiat hma kha chuan vantlang chung ah kan leng ti ila ka sawi sual lovang. Mahse, zanlaia hmeichhe dang rawn hruai lutin ka nu a hnawtchhuak a. Ka nu ka zui ve a phal lo leh zel bawk. Kum 3 chhung nuhrawn leh ka nuhrawn unaupa te nen kan cheng ho a, kha kum 3 kha ka nun zawng zawng inthlak danglam ţanna chu a ni! Ngaihtuah let ka duh loh khawp a hun ţihbaiawm lai ber a ni bawk. Khatih hunlaia ka chunga thil thleng te kha tun thleng hian ka nu kiangah pawh ka la sawi chhuak lo. Marawh chu, ka sawi chhuah loh vang ngawt chuan ka theihnghilh tihna erawh a ni lo. A rukin hma ka la reng a. Chu ka thil tum vang chuan Hmingsangzuala puihna pawh mamawh zual em em ka ni pakhat bawk.





Chutia thil chi hrang hrang ngaihtuah kuala ka lo awm lai chuan, "Mate?" ti ri ka hre thut a. Rang takin ka nu mutna lamah chuan ka tlan phei zui a. Min lo nuih lui ngial nain a chauh zia erawh hmuh hmaih theih a nilo.





A kut chelh sak paha, "Nu, i țha deuh tawh em?" tia ka zawh chuan zawite in lu a ti che a. Nu chhel tak zawng a va ni em. Mitmeng chau tih hriat tak hian damdawi in chhung chu a melh kual a. A bana thisen pekna in vuah a hmuh thiam leh rual chuan a rawn țhen ta sak a.





"Ba bawk kan insiam belh leh dawn a ni maw?” aw zuai taka a tih chuan ka na zawk thei. Mahse, hlim hmel ka pu lui hram hram a.





“Khatiang zawngin ngaihtuah țhin suh ka tih kha.. Ka dam ang a, kan leiba te hi chu ka la rul zo vat mai ang” ka ti lai chu min en veng veng chungin za vak lo hian min nuih a. Ni e, kum 23 em pawh lo pum lo hian khawi a sum hmangin nge kan leiba hi ka rulh ang ni. A kawng ka hriat loh tluk zetin ka nu pawh hian a hrechiang ve a. Chutak chu a beidawn zual phah ang a, a taksa lamin a tawrh phah mawlh chu ka hlau.





"Muhil leh la, i rawn harh leh hunah chuan thisen pawh hi a lo kal zo tawh mai thei a sin.." ka tih laia min melh dan mawlh chu. Insangmar țeuh chungin a sam chu ka chul sak a. Ka nu chuan engemaw hi lo sawi a tum leh nain țullo a ti leh zawk aniang, muangchangin a maimitchhing ta siai siai a.






Kan vawikhat damdawiin luh ah hian cheng singthum dawn te sen a ngai a, zu zawrh hi a hlawk hran lo, Pathian phal loh zawng anih vang te pawh a ni ang; kan ei khawp ţawk ţawk bak kan thawkchhuak chuang der lo. Damdawi in bill chu a zatve te kan han pe a, karhnih thum hnu ah mangang tak bawk in kan tlan luh leh a ngai a…. Chutiang chu kan hun hman dan anih miau avangin sum chu ral chak tak a ni tawp. Doctor te chuan he hmun ah hian ka nu hi awm tawp tawh turin an duh a, mahse bill a pung chak nen a harh deuh chang chuan ka nu zawk hian in lama in enkawl a dil zel a. Doctor te pawh in chiang taka kan dinhmun an hriat ve vek avangin ngaihngam zan lo chungin min han chhuah tir a, rei lovah kan lut leh zel tho a. Aaaa.. Kan in leh Damdawi in hi kan kar tawn ti ila a dik ber zawk ang.






Ka nu muhil a lo harh leh Doctor Hruaizela ward fan a inrual a. Chutia ka nu lo harh ta chu a rawn hmuh chuan, " I fanu hi min neih tir mai la, ka enkawl țha viau ang che." tiin a rawn fiam nghal a. La chau viau mah se ka nu pawh chu a nui ve kar kar reng mai. Doctor chuan a check kual zung zung a, tunah chuan a pangngai deuh tawh tih a sawi chuan ka thaw huai thei.





Chutia infiam tlang bawrh bawrh paha Doctor in kan khum a kal pel leh mai tur chu ka nu chuan a au ding leh rih a. A zawhna zawh chuan min delh rit tak zet. “ kan ba kha eng zat nge ni tawh reng reng a?" a ti a. Phat rual a awm lo. Kan leiba chuan amah pawh chu a delh rit hle a, rilru hahdam takin damdawi in a awm pawh nuam a ti lo tih chu a haih theih lo.





Doctor chu mi fel nangang a ni a, “Eh! Leiba tih vel kha ngaihtuah reng reng suh. Damna in ah a nih hi i awm, dam lam chiah kha ngaihtuah rawh” tiin ka nu zawhna chu fiamthu hian a chhang let a.






Ka nu chu tawite hian a nui ve tak nain," Nuai chuang fe a ni tawh in ka ring.." a han ti leh hram a. A rilru hahna chu chhawk sak a, kan leiba tlak vat vat chakna chuan ka khat a. Sum ber neih dan erawh ka hre chai silo. Natna ţihbaiawm tak a kawl pawh hi thlaphanpui tham a nih laia; sum harsatna vang leh zel a a rilru a hah tel chu ka lainat tak zet. Mite hian khawi aţang nge maw pawisa hi an neih bik țhin le!






"Pawisa aiin mihring nunna a hlu zawk. In senso kha chu ngaihtuah buai duh reng reng suh, i dam anga, tihdan a la awm zel mai ang." Doctor bawk chuan a ti a, kei erawh pawisa neih theihna tur ngaihtuah in ka lo țhu ngawi ngar thung. Doctor Hruaizela chuan min kalsan bik mai lovin ka ni chu a țawng thlamuan mawlh mawlh reng a, a chang in a fiam pah zauh zauh bawk.




"Arintei hi min neih tir mai la.." tia bawk a ka nu a fiam thawm ah chuan ka lo inrawlh ve nghal a. “Kha thil kha ka nu fiam nan tak hmanh ziah suh” ti deuh hlar a ka melh chuan a nuih a lo za ngang mai. Ka huat zia a hrechiang a, ka nu fiam nan tak a hmang lui tlat zel.





"... nei duh an awm hi chuan pasal nei tawh se ka duh a nia, kei lah heti mai hi ka ni tawh si nen ngaihțha tak a ka kalsan theih nan ka kal hma ngei hian pasal nei hman se.." ka nu in a lo ti ve leh phei chuan ka hnim riai a. Kal tawh mai tur ang a a țawng hi chuan ka phawklek vek zel. “Nang pawh chu Nu, duhtawk teh u” ka ti hlak a. Tum deuh bar in ka hawi tau hmak bawk.





"Awww, Mamte ka duhthusam ka sawi mai mai a lawm..” a tih pawh chuan, “I duhthusam kha thlak rawh” ka ti leh hmiah. A kal hma ngeia pasal nei tura min duh thu a sawi chang hian; he a fanu, khawvel ah amah chiah neih neitu hi hlauhthawnna in a khat țhin miau a ni. Doctor Hruaizela chuan kan nufa boruak, mangan rukna in a bawh luk mai rawn ti zang tur chuan ka nu chu thisen dawt țhin ang mai anih thu in a rawn chhaih zui ta daih a. Ka nu pawh chuan nui hak hak chung hian, “A ni teh tak e. Heti hian midang thisen mamawh in ka awm reng mai ta chu ania” a ti ve a.






Doctor Hruaizela ward fang zo chhuak tur chuan mit meiin amah zui chhuak tur chuan min zai ralh a. A ruk a lu buk khum ve in ka nu kiangah chuan damdawi lei ngai te lei tura ka kal chhuah tur thu ka sawi a. Ka nu chuan zawhna min zawt hauh lo nain ka bag ah hian cheng sangkhat chiah kawl ka nei..





Corridoor reh laiah Doctor Hruaizela nen chuan kan ding dun a. thutak leh khunkhan fahran hian, "I nu hian țhat lam aiin țhat loh lam a pan zel a nia, damdawiin ah hian tun țum chu awm reng ula ka duh." a ti ta charh charh. Chhan ngaihna ka hrelo lutuk chu ban ka vai hliai ringawt.





Amah vek chuan," Heti ngawt hi chuan rei kan daih miah lo ang..” a ti a. A thutak lutuk leh zep țhen a nei duh ta miah lo chuan min ti mangang zual tak zet.






" Dawnsawn a nuam lo ang tih ka hria. Mahse, dawt a țawng thlamuan che ka duh tawh lo, kan tlai palh thei!" a aw ri chu a hla vuat vuat maiin ka hria. Nghet takin ka in humruh a. Ka neihchhun ka nu hian min kalsan a thiang reng reng lo.





" Sawi tur ka hre lo” ka aw ri chu a chhuak chang chang chauh.





"Ka admit nghal mai ang." Min zawt lo in min hrilh a ni zawk mah. Pawisa awm ngang lo mah se ‘lu ka buk khum’ ta tho.





Damdawi in an rawn inphurh thlen hlim lai phei chuan ‘chhan tlak a ni tawh lo mai dawn emaw’ a tih thu te chu tlang takin min hrilh a. A sawi tawh ang khan dawnsawn a nawm dawn loh vang ngawt a ‘dawt pai nuam’ hmang a inhnemna chi a ni tawh loh tih chu ka hrethiam ve a. Ngaihthlak hrehawm viau mah se inpet ruh fan fan chungin ka ngaithla a. A tawp ah chuan boruak tih zangkhai tum tak hian,"Min nei duh nila chuan ka enkawl pui thei tur che ania.." a ti leh roh a.





"He thil lo hi fiamthu thawh dan i hre hlawl a mawni le?" ka ti vak a, a nui ruh ruh chu ka melh no lo khawp mai.





" ka lo thutak viau mai thei asin…” a lo la ti zui a. Ka tih ngaihna hre lo chuan, “I hna thawk tawh la a nih mai chu” ka ti deuh ringawt a. Nui hawk hawk chungin a coat var fual hak lai chu a pawt mar a.






"E, damdawi ho hi a ngai tho kha em ni a ei dawn?" Ka ti leh rih a; achhan chu damdawii ngai anih chuan a thar lei lovin in lama kan kawl sa ka han la thei dawn a.





"Umm, a ngai vek a ei ang. Engmah thlaksak theih a ni tawh lo…” tia min chhan chuan nuih lui var var in ka buk khum a. Cabin lam pana min kalsan hnu pawh chuan kal sawn ve mai lovin Doctor Hruaizela chu ka thlir zui reng a. Amah mai nilo, he damdawi in a thawktu te hian a sum ang zawng pawh in min ţanpui nasa tawh lutuk. A tir kha chuan ka zak ve in an hmel hmuh te kha hrehawm ka tih phah a. Mahse, he cancer nunrawng zet hi zahna aiin a chak zawk miau sia, tunah chuan Doctor Hruaizela ngei ngei pawh ka thlamuanpui viau tawh.




Rilru a thil tam tak ngaihtuah chungin damdawi in tual ah chuan ka chhuak a. Cheng sangkhat tlawng ka nei a. Damdawi in ațang kan veng lah a hla zek mai bawk si.




Engtin chuan nge ka han tih ang aw… “Pawisa chhar tur te hi awm hlauh se” ti sap chungin ka vanvadak a. Khua pawh a lo tlai ruih tawh. Ni tlak felna a la reilo aniang kawl kil chu a eng ruih a. “Pawisa min pe thei mai lo em ni?” tiin Van lam chu ka en tlawk tlawk. “Ruah ang tal te hian lo sur tir teh” beidawn luat avanga nui hak chung hian ka han ti leh a.




Chutihlai tak chuan, “Chimawm..” tih ri ka hre thut a. Ka phu dawrh leh nghal. Hepa aw thum zet hi ka phut phah fo ta mai.




Ka hma a lo din pah chuan, “Heng hi motor ah i theihnghilh a” a ti thum leh dut a. Min melh ngur chunga a thil lo lek chhuah chu rang fahran hian a kut ata chu ka phih thlak sak nghal a. Ka chetdan chu ani police officer thu nei inti tawk ve tak chuan a lawm vak lo ni hmianh; a rum nghut a. Ngaihven duh lem lovin ka id card leh lehkhabu te chu bag ah ka thun sawk sawk a.





“Hmanhmawh taka hetilai hmun kan pan rum rum chhan kha eng vang nge”? tia min zawh leh chuan ka melh zauh a. “I lo buai ve na tur a awm lo” ka tih khum hmiah chuan a ner suk. Chik tak a min melh chung hian a thle deuh buk a. A hmel pa tak hi hmeichhe tam zawk chuan an vei hle tih chenin ka hria. Kei erawh chuan he a pianphung țha tak leh nula te vei rawn a hmel vang niloin a police officer nihna hi hman ţangkai ka tum thung.





Ka ngaihtuahna a thil awm zawng zawng hriat fai vek a tum ta mai a maw tih tur khawp a min en chik lai chuan, “Zanin a ka thil tihsak tur ah che hian hlawh ka duh dawn ania” ka ti leh phawng a. A tih fo dan a phakar min tih hmel fahrana a kiai suk chuan ka sa deuh phat. “Pawisa min pek dawn loh chuan ka pui malek che ang a a ni mai” ka ti leh ngat a. Sum men a meng tih hmel taka min melhna chu ngaipawimawh lo luiin ka kal san nghal hmiah.





Ka hlat tawk ta maw tihah chuan mahni inngei lutuk in ka ban chu ka piai hlak a. Kha pa-hrawlpui khan hmeichhe dukdak lo zet angin min ngai tawh a, pawisa ka duh thu ka sawi rual chiah phei kha chuan min hmusit zual ngawih ngawih ang. ‘Aaaa, Mi â nu. I kâ veng ţha ţhin rawh’ ti chuan ka inhau ru hlak hlak a. A sawt tawh chai silo.






ka hnung mai aţanga mipa aw thum zet rawn chhuak leh thut avang chuan ka ding leh dat a. “Pawisa hi ngati nge maw i mamawh em em zel mai le..” a ti a. Khawvel ah hian pawisa mamawh lo an awm a nih chuan a mak viau ngawt zawk ang.




Ka inher mai loh vang nge ni, “Kan inhmuh apiang hian pawisa men in i meng ni maiin ka hria” a ti leh bul bul a. Min tih dan kher kher chu ka ngei em avangin ka inher ve ta nge nge. Tih el zet hian ka nuih kher a. Ani paw’n min tham lo tih hriat tak hian khabe kang vuh hian min lo melh chhuk ve run a. Chutia ka hmel a hmuh theih takah chuan a jeans kekawr ipte zen hlun chungin a nui huk a. “Vertherna i pai tel reng tak bawk e” a ti zui leh kher bawk. A țawngkam huatthlala lutuk vang chuan ka ner sak a.




“Pawisa chu min pe dawn nge dawn lo” ka ti leh ngat.




" I mamawh chhan a zirin” a lo ti let ve khauh a. Hmela mai mai chu.




"Theihnghilh daih rawh. Nang hi chuan i thih dawn ah pawh i sum i ui lutuk a lamah i kuangah i pawisa zawng zawng khung tel tura thu hnutchhiah i neih duh hial ka ring” tiin ka nuih kher a.




Ka thil sawi duh dan chu mak tih hmel deuh hian, "Thu mak pui pui hi chhak chhuak țhin lo teh” a ti hluk a. Ka inher san hma chuan ka ner khum leh kher bawk nen a hawi lawl lawl a ni ber tawh.





Thui pawh ka la kal hma chuan, “Ka rual in haw la” a lo ti leh a. Nelawm loh viau mah se taxi lakna tur pawisa ka nei mang silo. Offer țha tak a ni.




Inher let lehin hreh hmel deuh te chuan ka han ner lui kual vel a. " I nelawm loh hmek hmuk viau nangin i rual chuan ka haw mai ang." ka ti hram bawk. Beisei loh deuh in Hmingsangzuala chuan min nuih suk a. Engmah sawi tawh lovin a motor hunna lam pan chuan a kal zui vut a. Hloh palh hlau ang hrim in ka zui rang kher mai.






Reife aţang tawh khan he officer pa hi social media lam ațang ka lo stalk tawh. A chanchin tam tak a awm lo, Champhai khaw chhuak ani a. An chhungkua hian school an neih mai bakah leilet leh huan zau tak an nei tel bawk. Mizoram lama a rawn thawh tak chhan pawh dikna a duh vangin thu neitu zawkte mit a ti kham a. Chuvanga transfer tawk a ni tih chenin ka hria. Amah a indah chungnun tluk zetin thil diklo a haw hle tih ka hriat vanga bitum chat ta pawh ka ni. Tualthat tur khawp in a huaisen em ang chu maw!




A hnung ah zel ka um ve chung pawh in a pen hlawk bik em avangin motor hunna chu a thleng hmasa a, min lo nghak ni awm tak hian Bolero bang ngheng a dingin a lo inkuangkuah hlun bawk. A bul ka va thlen ve rual chuan, "I hman ngang loh chuan kan țhulh thei ania." a lo ti sup a. Ka melh deuh kawk a, a aw ri kha hriat a hahdam thlak lutuk a, ka hriat sual a nih ka ring.




"Nichin mai a i awmdan en kha chuan zanin a che chhuak chi i niin ka hre lo.." ka laka țawngkam nem a hmang ve ta mai chu dawnsawn dan ka thiam lo dawn dawn mai.





"Pawisa min pek dawn chuan zanin ngei hian kan zo ang." ka ti ve a. Min nuih tawh lo a, ţawngkam ngeiawm takin min ţawngkhum fuk fuk tawh lo bawk. Kei aia a san zawk miau vangin ka melh chho a. Amah pawh chuan ngun fe mai hian min lo melh ve run a. A hmel pa zet leh chang run ațang chuan a ngaihtuahna a awm tur chu ka hriat sak thei lo. A hriat ve loh erawh chu taxi fare tura ka dil kha ka nu damdawi lei nan ka hmang. A in piah kawi ah taxi a țang khan ka chhuk a. Tample thleng ke a kal in Tample ațang erawh RV kal țhang hmelhriat te motor ah ka chuang ve ta ngawt kha ania… Chuan.. a țhianpa pawisa ka dil pawh khan ka nu damdawi lei nan tho ka hmang a, a bang in nepnawi te kha ka lei ve leh chauh.





Reife ngawi renga kan in melh dun hnu chuan a lo țawng chhuak hmasa a. “ Eng harsatna chiah nge i tawh a?” a ti zawi ruih a. A hmel chu a lang dam thlup a. Ka harsatna tawh chu hre chak tak tak hmel a pu bawk hian ka hmu a. Chhanna pek mai dan tur hre lo a ka ngawih ngal lai chuan, “Lalrinmawi..” a lo ti thum leh dut a. Ka hmingpum ngata min au thei chu mak ka ti viau dawn a mah se tun mai khan a kut ațang ka ID ka la fel chiah tih chu ka hrechhuak leh hnuhnawh.




“Harsatna tih lemah.. mimal thil a nia” tiin ka nui lui a. A hmel lang chang sauh ah chuan a duh ang chhanna ka pe lo tih chu ka hrethiam thuai a. Marawhchu, ka harsatna te chu hrilh tumna ka nei lo.






"I mak a ni tiraw?” beidawng aw lek lek a a lo tih chhuah hlawl chuan ka melh deuh vak a. Ani erawh thawk la hluai chungin a hawi sawn daih. Mahse, reilote hnuah min lo en leh paha eng amaw a sawi leh dawn lai tak chuan, “Babe?” rawn ti tu hi an lo awm a. Aw lo chhuahna lam chu ka hawi phei thuai a. Hmingsangzuala nen kan dinna lam pana nula hleitling leh hmelțha fahran lo kal mek chu ka va hmu chawpchilh nghal bawk. “I ni tiraw?” Chu hmeichhia bawk chuan no nalh zet hian a lo ti lar lar a. Ka hma a mipa ding chu a thawk lak vangin a taksa lianpui chu a che awk mai hian ka hria. Nui var var chunga kan lam lo pantu chu mizo anih ngat zawngin mizo hmeichhia ka hmuh tawh zawng zawng zinga hmelțha ber a ni hial ang.





Taksa lum in ka taksa a rawn sik chuan phawk deuh in ka en chho haw a. Hmingsangzuala chuan nghet taka ka kawngah lo manin amah si turin min hnuk hnai sauh a. Nula pawh chuan kan bul a lo thleng fel ve chiah bawk. Hmingsangzuala nen inhnaih taka kan lo awm a han hmu chu a nui tawp riai riai a. Nuam lo ti zet in a rukin Hmingsanga taksa aţang chuan tal hran ka tum a, tha a lo pe na ve sauh mai bawk si. ‘min thlah rawh’ tih melh a ka melh nghek rual chuan lo kun hniam in ka chalah a rawn fawp ta mai a. Ka meng phawk hle hian ka ring.


Ka hriat tham lek chuan, “Reilote…” tiin a phun pah sup bawk. A din mar rual chuan mak tih hmel taka min lo melhtu chu at hmel deuh hian ka nuih ta ringawt. Chunu lah chu a sang țha bawk a, Hmingsangzuala hi a chen thuak mai.


Hmeichhe hmelțha deuh chuan, “I ni khan ka hre reng a… I dam maw?” tiin Hmingsangzuala chu a melh ran a. Kan pa hrawl-a chuan țawngka a chhang lovin lu a buk khum nghut a.


Za vak lova nui pah hian, “kan inhmu leh ta chu ania” a ti leh a. A aw chu nalh ka lo ti leh pek viau. A biakpa lah chuan nui hmel pu ve hauh lo hian a melh run duh chauh leh nghal. “I chhungte an dam țha em?” tia a zawh leh pawn zawite in a buk khum ringawt a. Hmingsangzuala’n a chhang țha duh lo lutuk chu nuam lo ka lo ti letling tak zet tawh.

Hmeichhia pawh chuan nuam a ti bik tawh chiah lo aniang, thawk la hliai chungin keichu min rawn melh ve ta a. "Oh, hei tu nge?" zangkhai taka tiin min nuih var var mai. Tawite hian ka nuih let ve a. A hmelțhat chu thuhran, a hawi her leh chet zia engkim chu a zei thlap a. Vawiin lamah smart suit ka lo ha lo ang tih mawlh chu ka hlau thar leh hnuhnawh.



Hmingsangzuala chuan, "Ka nupui hual, Bawihi anih hi” tiin a chhang ta mai a. Kan hmaa hmeichhe ding mak ti hmel ang chiah in ka hmel pawh chu a awm ve ka ring.


“I nupui hual maw?” a ti a. A aw ah chuan mak a tih zia chu a hai theih lo. “Ka sawi ang kha” tih zawng a chhang let tu chu rum fahran hian ka melh a, lo kun hniam deuh in ka bek a lo tauh deuh dat a. Dawt muhlum lutuk a sawi chu a ngal ah tak pet pawp ka chak kher mai!


“Zosangi ka nia." tia kut lo lek chhuak tu chu ro halh hian ka nuih tawi tak mai. A mak ti hmel kha hmuh tur a awm tawh lova. Marawhchu a hma ai mah a chik a min en tak avangin nuam lo ka ti zual hle a. “Arinteii” tiin a kut chu reilo te ka vuan a. Ka thlah rual chuan tlan chhiat daih ka tum rilru chu min kuahtu chuan a lo hrethiam ve aniang, ka kawng chu a rawn hmer salh a. A pawi tawp lo e, pawisa ka dil belh theihna chance a ni mai.


“Inneih lam tê….. a hnai tawh em?” Zosangi chuan a ti leh a. A la nui var var bawk nen Hmingsangzuala thil sawi kha a awi bik chiah lo a nih te chu ka ring rum rum a. “A hla tawh lo” Mipa aw thum dut in a lo tih takah chuan Zosangi paw’n ka lak ata mit la sawn in Hmingsangzuala chu a melh leh ta a. ‘An hming ah ' Sang' tih a tel ve ve a. Chhungkhat an ni ngei ngei ang’ tih vel te chu ka lo ngaihtuah ve niap niap a. Ui!! Lo inchhung tak tak ta se kan innei vat dawn ang a Hmingsangzuala dawt sawi kha an chhungte hnen ah a lo sawi darh mai ang a.


Mangang ru deuh in an pahnih chuan ka melh tawn zak zak a. Zosangi bawk chuan, “Arinte, pawi i tih loh chuan Hmingsanga hi ka be lawk thei em? A hrangin..” a la ti zui. Kan boruak teh hrep chu le…


“Inbe rawh u” ka ti mai a. Nui chunga Hmingsangzuala ka melh chiah erawh ka ip ru chawih mai. Ka chhan dan avanga lungawi loh hmel tak hian a mitmeng chu a lo thim khup a. Mahse, a game khel lai hi ka tuina lam a ni ve lo.




“Lock hi hawng la.. A chhung ah ka lo nghak ang che u” ka tih leh lai te chuan a hmel a rum zual sauh a. Ka kal sawn tur chu min man nghet sauh pahin, "Sawi tur i neih chuan Bawihi awm lai hian sawi rawh” a ti hmiah. Zosangi nen a kan hrilhhai hmel chu pawisa zui lo fahran hian a khabe ruhkual in ka bek a rawn nawr leh zauh a.




" a biak duh che chuan inbe lawk ula." Zawite hian ka ti ve ngial a. Hmingsanga chuan min en reng tih pawh ka hria, ka kawng a kuahna chu phelh sak ka tum ngar ngar a. An ni pahnih hi an inchhung pawh in ka hre tawh lo. An inkar boruak chu a țangru hle a. Hmingsangzuala’n na taksa siam a duh laiin Zosangi thung hi chuan hriatthiam loh nih a hlau ni mai in ka hria.





A tawp ah Zosangi chuan, "A pawi lo, nupa in ni tawh mai dawn a, in mimal nun pawh in inhriat tawn sak zel ang chu” a lo ti a. Min nuih leh var var mah se a nui hmel chu a dang ta riau tih chu ka hria.





"Carlos-a hmuh ka duh a." Hmingsanga en paha a ti chiah chu ka lum deuh pup a. Kalsawn kan tum laia Hmingsangzuala’n a phal lo kha ka ngei thar leh khawp bawk.




" Hmuh chhan tur nei in i inhria em?" Hmingsangzuala lah chuan chhum bung tak hian a ti bawng pek a.




"Ka nei a lawm..” Zosangi’n ti ve mah se, "Aih, i nei lo, a tan tumah i ni lo, chutiang bawk in mihran in an hmuhna chhan tur a awm lo." a tih khum leh hmiah. A aw rum zet chu ka dawn ni ngat se a hmai ah hian ka ham loh a tâkah!



" aa.. ka..”



"I sawi duh i sawi zo tawh anih chuan chhanna ka pe tawh bawk che in ka hria, kal tawh rawh." a ti leh tawl a. Hmingsangzuala taksa chu a ţang țeuh a. A inthunun tum viau niin a lang.



"Bawihi, motor chhung ah lut rawh le, tihtur kan la neih kha." Zosangi a biak dan leh min biak dan aw ri dang hneh lutuk chuan min shock a ni tawp! Ka dak chhuak a, nui suk chung in lu a lo bu nghut a, lemchan chu a lo thiam ber anih hi, min duat hmel lutuk in min melh sawr sawr mai. Zosangi chu ka en leh a. Hmingsangzuala hian fapa a nei tawh tih chu ka hria a. A fa neihna nu erawh ka vawi khat hmuhna a ni. An fa chungchanga vanga an inhnial buaina kara ka lo awm ve ta mai chu a nuam lo tak zet.




Zosangi zawk chuan, "I danglam ta hle mai." tiin Hmingsanga chu a nuih sak a. A sam nung zet chu a chhip lam a tuai chho puat pahin min lo en leh kher a. Chiang lutuk a ka taksa a melh chhuah leh vek hnu ah chiah a kal sawn a. A liam fel chiah chu Hmingsangzuala chuan passenger side lamah min kuah phei a. A taksa lianpui chu a sa huam huam bawk.




"Enge thil awmzia?” tih pahin kaw kawng a kuahna chu phelh mai ka han tum a. Mahse, rum hawk chungin motor bangah chuan min nawr bet hmiah a. Chumai pawh nilovin Motor chung chu a chum ri bur a. Ka phu nasa lutuk chuan a kawr tlang chu ka hum chawih a. Hmingsangzuala erawh chuan thawk a la hulh hulh thung.




"Enge thil awmzia ka tih chu.. Awm sawn t…." ka sawi zo hman lo, ka darah khabe a rawn nghat dawt a. Hliampui tuar hrep ang chiah a a rum leh hawk chuan ip chawi chungin ka ding khawng ta reng a. A thawk lak chu a na in a kâ ațang a boruak rawn chhuak chu a lum huam huam a.




Rei deuh hnuah chuan "Kalsawn tawh rawh." ka ti a. Adar hrawl zet in ka hmui zawn a hliah tel miau, ka țawng ri chu a hre lo te pawh aniang, nghet deuh hian min kuah țha sauh sauh a. A awm dan teh hrep chu hriat pawh ka hrethiam tawh lo e a.





"I damlo a mi?" ti chuan ka zawt leh dek dek a. A chhan chu a taksa hi a sa vek miau a ni.




"Ih.. damdawiin kan hnaih lai hian doctor i hmu duh em?" Ding khawng reng chung chuan ka ti leh hram a.




"Khawngaih takin i ngawi rih thei em?" a rawn ti let hrawih chuan ka ner nak, A damlo emaw tiin mî kan hlauthawng ve em em a.




"Damlo i ang em a lawm” ka tih leh țalh chuan a thaw huai nangin a awm sawn chuang lo.





Engtia rei nge chutiang chuan ka din ka hre lo, a kawr tlang ka țham tawm tlat chu ka thlah a. Thawk pawh thaw mang loin ka lo ip char char tih chu ka hrethiam chiah. Inthlahdul in bolero bang chu ka tukhum in ka nawr vang vang a. Min rawn hmu tu awm ngat se kan awm dan hi mak an ti ngawt ang.





"En teh, kan awmna hi khawlai a ni tih i hria em?” ka han ti leh țan a. Min rinchhantu taksa chu a lian in a rit hle a. Ka țawng ri te chu a ri țalh țalh mai. “Min rawn hmu tu an awm palh ang.. Awm sawn tawh teh” tih pahin nam sawn ka tum a. A awm ah nam tura kut ka chet chiah chuan eng thil emaw hi ka nghawk fuh palh a. Mak tiin ka meng zui kawk bawk. Hepa pui hian vawiin te khan silai hi a lo pai kual char char tuhna maw..





"Silai te i pai leh ta nghal a. I kalsawn loh chuan i ke ah hian ka rap vak dawn nia” ka theih ang a vin in ka han ti leh ringawt a, a la awm sawn chuang lo.




"Hmingsangzual” ka tih leh chuan ka hriatthiam loh țawngkam mak deuh phuh chhuak hluk chungin a inla hrang ta hlawl. Ka thawl huai thei mai. Motor banga min nawr beh lai kha chuan lungpui kara tang tlat ang maiin thawk pawh ka thaw hlei thei lo…



"Lut rawh.." zawite, bul zet hian a rawn ti a. Keiin ka lo melh rum kha kha thung.




"I chetdan kha sawifiah i tum miah lo a maw?" ka tih khum ve ngat a. A kut pahnih in a kawng a dawm a, rum tak hian min rawn melh nek bawk. Ka hlau therte lo.




" Dawt sawi chu i lo hnehsawh ber a nih kha… tiraw?” ka ti chu a lawm lo khawp a, "Naupang te te si, i chaltlai hret zel. Lut rawh." a ti hluk a. Min tih dan kher kher chu ka duh lo. Min naupangchhe hauh chiam ringawt. “Ka huat zia che hi” ka ti letna chu hria ang pawh in a awm lo. Ka darah rawn man in min nam tawlh a. Bolero kawngka chu a pawt hawng pawp a. ‘I lut dawn nge ka tlansan dawn che’ tih melh taka min melh leh lek phei chuan melh rum tawh tak ka ni.




“Khatia mi melh rawm rawm lo khan lut vat mai teh”




“Ramhuai palianpa” tih pahin ka lut tur chuan a awm ah ka su lui chawrh a. A phun hluk chu ngatan mah ngai zui duh lovin kawngkhar vawn chhan chu ka vuan sang sauh sauh a. Na lua awm lovin ka pawt khar zui bur.




“Ka duatlai a nih hi aw” banphar hluai pahin a ti mauh mai. A duatlai hian na a hria a zeng pawh a nilo.




Motor ah a lo țhut luh ve chuan a pa lian bawk nen motor body chu a hniam suih thei. Hna chungchang a ka pawisa sawi kha a theihnghilh loh hram ka beisei. Motor hunna aţang a tlan chhuah rualin front glass chu a her rem a, kan tlan san tawh lam chu glass ațang chuan a melh zui ngur bawk.
Amah hi a ngainatawm lo in a thu a duh em em reng bawk si, kha nu khan engtinnge a duh theih le! Kei hi chuan mipa chapo tak leh rorum tak angin ka hmu a, a taksa hrawl zet hi a inlak veina pakhat a ni ve maiin ka hria.



"Chuan, engatan maw pawisa chu i mamawh a?" Tun lawk a thil thleng kha hre zui ang pawh in a awm lo.




"A chhan i hriat a țul kher lo, pawisa tel lo in zanin hian ka pui dawn lo che. Chu zawng chu." ka ti ve tlat a. Min ngaih-theih loh hmel fe hian a ner zui nawk bawk. Ka mit sir zauh zauh reng a. A dik a dik chuan hnial pawng pawng ngam tur ka ni miah lo. Kan in len hleih lutuk, a thinthawk in min han nam lawp se zawng, ka per nawlh thei ang tihtur khawp in a kutphah pawh a hrawl tham a, a khaberuh kual ringawt pawh hrawl tham tak a ni tawp. Mahse amah ah chiah hian beisei ka nei ngam a, ka hlau ngawt dawn lo bawk.




"A țha e." a rawn ti ta nghut a, ka en nghal ha rual a min melh dan mawlh chu, min nuihsawh ka han ti dawn nge, min elsen ka ti zawk dawn.



"Kha nu bul ah i nupui hual ang a min sawi ringawt vang pawh khan pawisa ka duh” zahna tlak chham hmel fahran in ka ti leh tawl. A lo nui huk chu thinrimna thup chungin ka nuih ver kher a. Min ngaikhawlo tawh sa sa bawk a, a mi ngaih ang chiah zel a hmachhawn ka tum tawh.





"A țha e, pawisa ka pe che a nga, nang hian ka duh apiang min tihsak ve bawk ang” tiin a nui leh a.



"Aih, zanin chiah hian pawisa ka duh”



"Oh, zan dang ah i mamawh miah lo ang maw?" a rawn ti hawk bawk, ani hian tenawm takin min ngai anih pawn min ngaihdan hi thlaksak ka tum buai peih lo. Tunge ka ni tih ka inhriatchian chuan a tawk hle.




" Vanduaithlak takin zanin atan chiah pawisa ka mamawh."



"Zan dang ah lo mamawh ve ta che ila..” a ngaihtuahna tenawm zet vang chuan a hmuh loh turin kut ka humruh a. Chhan let nek ka tum nangin țul ka ti ta lo.
Ka țhu ngawi ta ngal a, Hmingsangzuala hreu hruau pawh chuan motor khalh mawp mawp pahin min lo melh leh zauh zel. A țawngkam na zet vang khan che thut in steering her kual in kawngthlang ah hian ka tlan liam pui daih dawn mawni le.




'Het, chutiang ngaihtuah suh, i nu in a la mamawh che!'




Khua a thim țan tawh a, Aizawl khawpui chhunglam pana motor tlan pawh a vang sawt hle, seat ka ngheng a, Ka ngaihtuahna hria ang hrim in music a rawn play leh a, mit ka chhing ta daih. A thaw ve ham ham ri pawh ka hria. Min inhnial pui nek thei ta lo chu a lawm vak lo ani mahna!




Hahdam tumin ka taksa ka thlahdul a, țum eng zat nge ka nunna lak ka tum pawh ka hre seng tawh lo, ka nunna lak ka tum hmasak ber țum chuan kum 12 a upa ka ni a, mahse kan hnathawk tuin min rawn hmu a, min chhan him hman hram a. Khami kum khan țum hnih intihhlum ka tum tawh a, ka ban a thisen zam ka zai chat tawh a, kan inchhawng sang ațang ka zuang thla tawh bawk. Mahse chunglam tehhrep khian ka nunna a lo lo zel a, leiba nei țeuh chung in ka la dam ve ta reng anih hiz




Motor ding nghing dawt ah chuan peih lo zet in mit ka meng a, kan in kawt ah kan lo awm reng tawh, kan In chu a lo thim țhiap bawk. "Zan i mu țha lo em ni?" mipa aw thum leh zawi ruih ka hre chiah chu ka phu nghek a. Thinphu dawt dawt chunga alam ka han en chuan a lo phun hluk leh nghal. Motor chhung light chu a ti eng zui a. Eng hnuaia kan awm hnu ah chiah ka ngaih a ngam.



“Ih…” ka ti deuh ringawt a.



“Cheng sing khat ka pe ang che” a ti ri chu a nghet cher chawrh viau. Chhang lo a ka en deuh ha ringawt vang chu nge, “Zanin hian min puih chuan cheng sing khat ka pe dawn che ania” a ti leh bul bul a. Zan khat thil thu a cheng sing khat hlawh chu ka lo beisei piah lam daih a ni. Mahse, lawm khu ruai a lan hlau tak hian, “A chhiat lem loh chu” ka ti let a. Hmingsangzuala chu a kiai sak a. Min tih elna vang tho tih hre mah ila engtin mah ka ti leh lo. Thil a kal sual palh hlauh chuan pawisa ka chan lel thei tlat.



“Dar 8 a inhmuh kha a tia, a Hotel sawi kha ka rawn pan ding mai dawn em ni?” tiin ka chhuk hma chuan ka zawt leh rih a.




"Ka rawn lam ang” A pawi lo khawp ang chu. Sum seng a Taxi hman a ngai lo tur ngawt pawh chu ka tan chuan hlu tak a ni.



"A pawi loh chu” ka tih chuan engmah a sawi belh tawh lo. Singkhat khat min pek ka ring lo a, ka leiba ngaihtuah chuan a la tlem tham lutuk, mahse zankhat a hlawh atan chuan a tam lutuk thung. Chhunglam a ka nui ver ver chu a hriat hlau takin bolero ațang chuan ka chhuak nghal a. Na taka Kawngkhar ka khar leh chuan a phun leh hluk dawn tih pawh ka hria, kiai sak pahin na fe in a motor kawngkhar chu ka nem phui dawp a. Beisei lawk ang chiah. Lungawi loh hmel fahran a a phun hluk ri chu ka hre zawm a. A hausa tih ka chiang ve e; a lo chhe palh anih pawh in a thar a lei leh nghal thei ang chu.




Ngawi reng a in pan a ka kal lai chuan Hmingsangzuala chu a la ding tlat a. Nuam ka ti chiah lo. Tala ka hawn hnu thleng pawh in a motor ti nung thawm hriat tur a awm chuang lo. Kan in lo thim țhiap ah chuan lut in light ka hmet eng nghal a. Kawngka phui tur a ka hawi chhuak leh chu Hmingsangzuala chuan min lo melh reng a.





“Khatia min en char char man kha pawisa ka dil belh hma che in kal vat rawh” ka han tih khum hlar lai chuan duham tih hmel fahran hian min nuih huk a. Kei erawh in ka melh let kha kha thung. Lu thing nghut nghut chungin motor chu a ti nung ve ta a. A tlan chhuah hma tak tak chuan chiang fe hian ka mitah tak min rawn melh leh siah kher a. Ka tih ngaihna hre lovin kut tum ka hmuh deuh thawr chu a nuih zat hle a. A tlan liam hnuah kawng chu khar phui ve thuai in mut pindan lam ah ka tlan lut nghal a.




Ka nu damdawi ho chu ka bag ah laiah hi chuan an leng vek dawn lo, hmanhmawh takin bag chu ka ruak sawk sawk a. A damdawi pakhat man pawh hi keini ang tan chuan a to tham a, sum men a kan meng reng zel pawh hi ka dinhmun ngaihtuah chuan thil awm lo a ni pawh in ka hre lo.




Chutia ka nu Damdawi leh a mamawh tur ang te la khawm a ka buai em em lai chuan kawng chu an lo kik ri dat dat a. Ka thil tih lai chawl meuh in thawm chu ka ngaichang zui a. A lo in kik nawn leh dat dat a, zu lei tum an nih chu ka ring ta deuh.




“Lo nghak lawk rawh u” ti lang lang pahin ka nu zu dahna țhin chu ka en thuak thuak a. A lo awm miah lo.



Pindan aţang ka chhuak a, kawngkapui chu zim te in ka nam hawng a. Pawn a mihring lo ding hmel ka hmuhchian rual chuan thlabar luat vang in ka let tawp lo chauh!



"Kan inhmuh lohna a rei tawh hle mai!" a khabe tuai hauh hauh chungin min nuih a. Kei erawh ramhuai hmu ang maiin ka dang lawp lawp thei ang.



"Putar'an pawisa i mamawh thu a sawi a, ka țanpui theih tak che in ka rawn kal anih hi.."



"I țanpuina ka mamawh lo.." tih leh rang taka kawngkhar pawh phui chu ka tum a mahse, a kê a lo rawlh lut hman a. Dim lo fe hian kawngka chu a pawt hawng leh nawk a, hmachhawn thut ka lo inbeisei loh em avangin ka chiai ru hle a.


"Kal bo rawh."



"Shhit, khatiang in mahni putea te an țawngkhum ngai lo.." ka naupanlai chuan he aw ri hi ka hlau thei lutuk. A lo lut chu kawngka bul ah a ding zui ran a.



"Thi sawn la anih mai chu." Ka ţawngkam chhe zet vang chuan a ner nawng a, kei erawh in ka tên a, ka rap a, aaa.. Kum 12 mi ka nih laia ka chung a a thil tih vang khan ka.. ka hlau bawk.



"Pawisa chu engzat maw i mamawh”



"Ka mamawh lo.." Nui chung in lu a thing a, kei erawh ka manhang tak zet a. Huaisenna ka sawm khawm hram hram a.



"I pa i rawn biak lai khan a kiang ah ka awm a lawm, chuan, engtinnge i awmna ka hriat tih i inzawt bawk tiraw? I pa vek khan min hrilh mawle” a tih chuan ka țim ur ur a.



"In pahnih in ka la that ang che u” ka aw chu a khur.



" i la kawlh reng anih hi.." a lo ti mai lehnghal. Min din hnaih rual chuan rang lutuk in ka ban ka lek chhuak a, a ding ve mai bawk.




"Inven dan i hre ve ta hle mai” runluih leh tihelna nen chuan a nui leh a.



"Midang tihhlum dan te pawh maw le" mit ah tak en chung chuan ka nui sak a, a ni erawh a lo meng duar duar thung.



"Arin, i nu chu engnge a an?" Țhenawm nu aw ri vang chuan keini pahnih chu a lam kan hawi rual țhawi a. Chu chu remchang ah lain ka nuhrawn unaupa chu inchhung ah a lut tlang a. Ka sa tet tet mai.


"Ih, thisen kan pe a, a zia ve deuh hei kal leh ka lo tum chiah a."


"A tihzia hlauh chu, chaw te i ei tawh em? Kan lo chhum kep che a nia” tiin kawngka pawn lamah chuan a lo ding a.



"Ka ei chak rih lo, ka lawm lutuk tho aw”



"Lawmthu sawina tur a awm lo, i duh chuan zinglam ah kan in ah rawn ei la." a ti leh a, kha pa nen kan inhmachhawn na lam ah khan ka lo țang hle ania nge, thawk la ham ham chung in ka bu ta nghat a.



Țhenawm nu awm lai hian Mihringa hi hnawtchhuak bawk ila a rem hlauh ang chu, tih chu ngaihtuahin Inchhung lam chu ka zuk thlek a. Uluk fe a min lo thlek reng tawh avangin ka ten khawp mai.



"Ka pu, ka chhuah a ngai tawh a, chuan zu kan nei lo, in dangah zawng mai ta che” ka tih laiin, Țhenawm nu chuan an kawl thu min lo hrilh ru sar sar a, zu vang a lo kal anih loh zia hre ngat se zawng…



“Amah khu zuk hrilh rawh” tih leh pindan a luh san ka rual a. An thawn ngaichangin beng ka chhi kar a.


" Zu lak i tum em ni?" Țhenawmnu a ni.




“Aaaa, tum viau pawh a awm lo. Mahse, i neih chuan ka lo duh tho mai ang” Ka Nuhrawn nau pawh chuan a ti a, an inzui chhuak thawm ka hria chu ka thaw huai thei.



Rang takin pindan chhung ațang chuan ka tlan chhuak a, kawngka bul bangrêl a tala leh chahbi chu ka ban sawk sawk a, light ka hmet thim a, kawngkhar ka nem phui bur chu khawvela ka mihring huat ber mai chu a lo nui ve bawk.



"Arin, i inthlak dawn lo em ni?" Țhenawm nu chu ka va melh zawk a.



"A hmanhmawh thlak a, ka kal mai ang."



“I kalna tur a hlat hmel riau in ka hria. Ka thlat dawn che mi niang” hawihawm hmel taka lo ti tu chu hmun leh hmunah thi daih se ka ti.



" Min thlah tluk in ka lawm e." Nui sang in ka en a; ka mit erawh in thip fe in ka melh thung! Ngeiawm zet a a dar a kan ak lai chu chil chhak țhawt mai ka chak et et.




"Wow, co-incidence ah chuan a la țha ber ang." Kawngpui ah car rawn ding ve chiah chhunglam aţang chuan Doctor Hruaizela a rawn țawng ta lawng lawng a. Ka thaw huai mai.



"I night dawn mi?" Ka pan a. Lu a lo bu nghut a.



“Kan veng lamah daih daih” ka tih leh chuan a nui mai a.


"I rualin ka kal ve ang aw” zah pawh ka dawn zo lo.



"Tehreng e.." nui chung in kan kawt a țhenawm nu leh ka nuhrawn unaupa chu a melh zawk a, zu zuar kan ni tih a hre vek tawh a, zu lei duh anga a ngaih hram ka beisei.




Car hnunglam aţang kal hual in driver side lam ka pawt hawng a, kan kawt a indinchilh ran te pahnih chu ka melh ve zawk a. Ka nuhrawn unaupa chuan ' tun hi a tawpna tur anilo' ti ang hrim in min lo nuih sak. Ka hmu leh ngai anih chuan a chaw ei turah tûr ka phul tawh ang.



HMINGSANGZUALA'S POV

(Zirtawp zan, kan sabbath zan ah STORY ka dah ngai lo. )

Zosangliani! Zosangliani!

Motor chung ah ka țhu ngawi run a, kha nu tehhrep kha tunah tak engvanga rawn in lan leh nge anih ang.



Rum nghut chung in seat nghenchhan chu ka tauh ta dawt, kum 3 lai liam tawh hnuah pawh a landan a la pangngai reng a. Ka hming a lam leh lek phei kha chuan chhan hriat siloh in ka tha an bo duak anih kha, khawvel hmeichhe zing a ka hmangaih awm chhun anih vang pawh a ni mahna.



"Ka hmangaih lo!"


"I hmangaih, i theihnghilh thei lo bawk”


"Uire nu anih kha!"


"Chuti chung pawn i thinlung khan hnaih a la chak reng a ni lawm ni!"



"Aih.. engmah i hrelo."



"Engkim ka hria! Ngaidam in bul i ţanpui leh dawn!"



"A teuh lo lutuk! Uire nu, hmeichhe sihhnip zet kha keihian engatan mah ka ti nek lo e!"



" Kan la hria ang chu, a hmelțhatna khan i chak loh lai berin a zem â leh dawn che."



"Ngawi hmak rawh!"




Ka thinlung leh rilru insualbuai nasa lutuk tih tawp tum chuan thawk ka la hawk hawk a. An inhruipawh na tulh tulh mai hian ka hria.



“Zahngai ula, duhtawk rawh u” ti chhuak sup in motor chunglam chu melh ngur a. Kha hmeichhia kha ka hmangaihna dawng tlak ani reng reng lo. Ka hmangaihna hrethiam lo a min BUMTU leh UIRE a nih kha.




Ka ziawm deuh beiseiin ka maimitchhing vang vang a. Mitthla-a a hmelțha zet rawn lang nghal zawk chuan min delh rit kher mai. Phat tur a awm lo, hmangaih taka ka lo pawm tawh, chhungkua hial ka lo dinpui tawh ani a. Ka hmuh loh lai kha chuan ka theihnghilh tawh niin ka hria a. Ka hma ah a rawn inlan leh meuh chuan ka theihnghilh ngai reng reng lo zia ka hriat thar phah a. Tlawm thlak ka ti tak zet bawk.




Eng rilru pu a lo in lan leh nge a nih ang? Nunphung pangngai ka zawh theih leh theih loh thli thlai tur a rawn in lan leh em ni a nih? Zawhna chi hrang hrang in min luh a, a chhanna erawh ka kawl hauh silo.





Ka phone rawn vibrate chur chur ri chuan min harh chhuah tir zawk a. Rang taka phone chu ban in screen ah Chimawni hming lang va chu ka melh deuh vang vang a. Zanin tlai khan lo awm ve hlauh lo se chu ka che buai fe ang. Zahna kawnah min din tir a, na taksa min siam a min phat san tu, nunphung dang hlawk a min hlang kai tu hmeichhia vang a ka chak lo ta ngawt chu min nuihzat tawk lo awm pawh nise ka dem hran lo. Hei erawh ka hria, min tihnat tluk zetin ka ngai em em zel a. Min uire san tih hrereng chungin ka thlakhlehna te chuan min kian san hlei thei silo. Min bum tu a nih vang erawhin hnaih leh tumna rilru ka pu ngailo.




"Hello” tia phone ka chhang chiah chu, "Min rawn hruai dawi i ti a ni lawm ni” tiin a rawn bak hle a.


"Ka rawn kal dawn chiah." ka ti nghut, motor chhung a light chu ka ti eng a, ka ban a sana chu ka bih zui vut bawk.. dar riat a lo hnai tawh kher lah tak a.



"Rawn thleng vat ang che” tih leh Phone Off zuk han rual a. A bulah awm ngat ila chu ka pen lawlh tak tak ang. Motor hmalam ah phone chu ka theh kai a! Ka hmai tuai puat chung in thawk ka la zui ham ham bawk. Ka fight chhuak em em ang.




Rv lam pan bawk in ka inkhalh chhuak a, Zosangi vanga hna ka mangnghilh țhak chu țullo ka ti hle bawk. Mipa dam thluam ka ni ngai lo, tumah ka care em em hran ngai lo bawk, mahse Zosangi ka tawn aţang chiah khan mipa buluk lutuk țhin kha ka pangngai chho ţan a, ka naupanlai aţang tawh sipai leh Police te hi ka ngaisang em em țhin a. Naupanlai aţang chutiang lam atchilh tlat tawh mipa naupang chu rorum tak in a țhanglian chho ngei ngei bawk, mahse kha hmeichhia khan min thunun thei tlat a. Midang ngaihsak ngai hlei lo khan ani erawh ka duat viau lawi, tihnat ka hlau a, a lakah pawh ka thikthu a chhe ngang țhin bawk. Carlos-a a pai tirh phei kha chuan kehthei dawm tak meuh meuh in ka dawm a, aaa mipa thinlung khawng țhin lutuk kha mipa ngainatawm tak ah min thlak hlawk tiila a dik ber ang, a fing a ka chhungte lam lahin an ngaina em em a. Min hnial ngai lo a, a nunphung nu hnep leh dam raih reng vang khan ka luangliam nitin a. Amah ang a hmeichhe țha famkim an awm tawh lo hial ang tih hi; a uire ka phawk hma zan thleng a ka ngaihdan ani țhin reng a. Mahse, kha hmeichhe nungchang duhawm lutuk kha a lo sihhnip em a, kan inneihna zungbun in a phuar nghet ve zo ta lo a ni.




An kawmchhak a ka din rual in Chimawmi chu ka call a, a lo chhuak har lo. A lo pen chhuak lai chu ka lo melh chik hle a.
A vun var thianghlim zet ti langchiang tur takin kawrfual sen chhing té a ha a. Ka ngaihtuahna buai nuai mai, tidai tur a ka lo khawsak fo tawh dan te chu chawp chilh in ka hre chhuak nghal a. Motor chhung a ka țhu chu lawm loh hmel deuh hian min rawn melh rang rak a. Ka rilru nut bulh changa Claudia nen kan tal dun lai bak a mitmeng chuan min hriatchhuah tir lo.



Pheikhawk sang zet a bun chuan chuan a rawn pen chho thlarh thlarh a, A kawrfual sen duk hak lah chuan ban a lawi a nei der lo. Hrui sinte a inbat a, chhunglam ah engmah a ha miah lo tih a chiang reng bawk.



"I rei lutuk." A hmui sen hlar mai pet sawi nang chungin min melh ran a. Kei erawh ka hawisawn ta vut thung. Mipa tam tak a mutpui tawh zing ah ka hming a tel ve mai loh nan ka inthunun ngai miau hek.



"Ka pawisa tur i rawn keng em?" tiin a rawn țhu lut a. Leh thawr mai a. 'kawngkhar na zet a a pawh phui leh chuan a hmui sawn a tuar ang' ka ti rauh rauh a. Ka ngaihtuahna hria ang hrim in dim zet in a pawt khar a, a awm lam chu duh aiin a langthui mah mah bawk.



"Mawh?"



" I hna tur i thawk zo phawt ang chu le” a lo ner nang nang a. A landan sexy ru riau vang chuan ka en reng thei mai dawn a lawm.




"A nih leh kal vat teh, let leh vat ka ngai dawn nia” a ti leh barh barh a, a Bag gold rawng a tle sep sep chu a malchung ah a dah ve thek a, a awm bawr leh a malpuiin khuh tu mumal a nei chu pawisa lo ni awm takin tukverh ah a kiu a nghat a, a sam kawi hniang chu a chhip lamah a hui chho a. A awm bawr lian lo tak chu a lang itawm zual sauh bawk.
Lu ka thing ta nghut a, bawiha lo țang ve run chuan awm a ti nuam der lo.



" i kawr tawngchham zet kha hei hian khuhbo teh." Seat hnunglam a ka jacket ban chu laiin a malchung ah ka theh chho tawp.



"Hmela.."



"Inkhuh țha rawh ka tih anih chu."




"I thu lo chiang e” ka jacket chu a țham tawm a, motor chhuat ah a theh thla nghal daih bawk.



"Luhlulnu"



"Awih ah, mahni thuduh pa!" Khanglang chuan..



" Pawisa min dil belh theih inring in min thlem i tum ani hial lo maw?" ka tih chuan a lo nui hak a, a thinrim lutuk vang anih ka ring. Chutiang chuan ka han puh ngawt mai pawh a, keima rilru kal dik loh vang zawk a ni tih ka hria. Ka nupui uire vanga ka thinrim bengdaih nan mipat hmeichhiatna lam ah ka tlan a. Ka thin a ur a, ngaihtuahna a lo nut bulh tawh chuan ka chak lohna chuan min hneh a, ngaihtuahna ah thil dang a lut thei tawh ngailo.




Ngawi reng in Motor chu ka ti nung a, kan han tlan chhuak chu a tu amah kan țawng lo. A bag lian lo tak ațang chuan Phone a phawrh a, a khawih zui niap niap a. Kum thum chhung ngawt rilru tih hahdam nan a ka lo hman țhin ngaihtuahna țha lo lah chuan min luah nghet tulh tulh a. Suangtuah loh loh tur mi a suangtuah tir a. Ani pawh hian sum vangin mipa a kawp kual hreh lo tho a. Zanin chiah chu hrehna a nei bik lo ang tihna rilru te ania ka put ni.



" Zanin hian ka khum min ţawm la eng zat nge i inchhiar ang!" a phone khawih lai chu a tawp chiang hle, ka țawngkam țullo zet chu ka sawi tawh laklawh.




"A to viau ang." tia min rawn en in a nui sak, a mit erawh a alh mai ang tih tur khawp in a ling vat thung.



"Sawi la…” Mipa chakna hi engmah in a thunun thei lo tih chu zanin a ka awmdan ah hian a chiang ber ang.



"Sing nga pe che ila, zankhua in min ti lawm thei a ngem?" ka ti leh chiah chu, “Hmela” tih leh a bag a min vuak a rual a.



Brake ka rap tuar a, ka seat belt ka hmet phelh tih ka hria, a ni bu lawp seatbelt in a pawh let leh chu ka hnaihchilh rawk rawk a.



"Tenawm pa!" a ti țhat a, ka hmaiin a nghawng ah ka nawr a, a rim berry nam chek chek chuan min ti â mai dawn! Ka sam ah a rawn țham ve ta phat bawk.


"Min hnar engang mahla he i panty chhung ah hian ka la lut tho ang." Ka in control theihna ka hlauh vek tak tak! A beng hnuai ah ka hmuiin ka nawr a, na fe in ka sam a rawn kek a; ka zauthau phah sawt thung.



"Hmingsangzual.. ka that mai ang che!" a thinrim lutuk vang nge, ka din chawt vang a a hlauthawng zawk tih pawh hriat loh in a aw chu a khur a.



"Ka thusawi chu i hria em?" ka tih laiin ka beng ah a rawn pawt leh a, ka chet dan mawi loh zia pawh chu ka ngaihtuah thleng pha tawh lo. A taksa hmanga eizawng hmuh a ka hmuh tlatna chuan amah chu min zuam tir a.




“Ka that khawp ang che” ti țawk țawk a min sual let chuan, thlem pah tih tih hian, "He i kawr hak them nem zet pawh thler nan hun ka hman laiin min thah chu ilo tum dawn nia” ka ti let a. Motor din thut vang nge a kawr khan a mal a lo khuh tawh reng reng lo, a malpui vun mam hen ka tawh chuan ‘zanin chu tu mipa dang mah in an khawih lo ang che, ka chanpual i ni tawh’ tih chiah ka ngaihtuah tawh.

( A va tawi ve? ka hria,☺ Dinner turin kan kal chhuak a, kan rei ta phian sia, ka phone a low a, charge chhung te in ka rawn in type a, ka phone a sa vung vung bawk! Naktuk zan ah kan inhmu leh vek mai dawn nia!)



☆UTOPIA: 1996 ☆
Chapter 4
By
Ririni Khiangte Abbra Pitartei



"Ka ring che asin” a ti tham chhal a. "Mipa dangte ang i nilo emaw ka ti țhin bawk” a aw chu a ring lo nain min țham harh chiang hle. Ka rilru nu bulh chu a fim kawk kawk a.



"Hetiang khawp hian i tenawm ang tih ka ring ngailo.." ka che zawm lo tih a hriat rual chuan a aw a chang leh fak tawh. A thaw halh a, car kawngkhar lam ah chuan a tawlh hret a, keipawh ka inla hrang rang viau.





"Zanin hian ka pui dawn lo che.." tiin motor lock chu a hawng a, a chhuk zui a, na fe â kawngkhar a rawn nam phui dawt rualin ka chetdan lawi lo lutuk kha ka ngaihtuah let a, ka hrehawm hluah hluah.



Seat nghenchhan ah lu nghat dawt chung chuan ka thawchhuak ham ham a. Hmeichhe inchei dan tawngchham zet vang ngawt in ka la danglam chhin ngai lo. Zanin tlai tih chauh loh chu….





Side glass ațang chuan ka en zui reng a, lo hawi let tawh lo in a let nal nal a. Maimitchhingin thawk ka la ham ham a. Taksa zuar țhin nilo se chu khatiang khan ka che lo ang tia mahni inthiam chawp te chu ka han tum ngawt a. Ka rilru a nuam zo chuang lo. “Engthil atthlak nge maw i tih tak mai le” ti sup in ka meng hlawl a. Chimawmi chu a lo thleng hla tawh reuh hle.




Hmahmawh zet in ka chhuak ve nghal a. Ka kawngka khar thawm ah chuan a kal chak zual sauh a. A lam panin ka pen nghal hlawk hlawk a. Ka hnaih zel a, a kal chak ve telh telh a, mahse kan pen khat a in zau hleih lutuk.




"Ka tihpalh.." a hnunglam aţang a taksa te ve tak chu ka kuah a, a tal zui phat phat chu thlah ka tum der lo, ka ban suih zawmna lai chu a ham ngang ngang a, a tukkum in min tauh dawt dawt bawk.





"Ka tihpalh ka tih chu!" Ka aw ki a nem lo hle! he thu hi hmeichhe bulah ka sawi vawikhatna ani bawk. A tal nawk nawk chu a tawp a. Mahse elhsen zet in min nuih thung.



"A thleng nawn tawh lo ang.."




"A thleng nawn tawh lo reng ang, vawikhat pawh ka hnaih tawh dawn lo che.."




"Aih, inbe phawt ang."




"Zahna tlachham pa.." a ti hlar a, kei erawh in ka kuah nghet sauh sauh a. Ka thlah anih vaih chuan rang tak a tal putin a tlanbo duh mai dawn.




"I case thil vang a ka puihna che hi ngaikawi in min mutpui i tum tiraw” a ti a. A tal chhuak zo miau lo beidawng chuan a tukkhum in min tauh leh dawt bawk.





“Ka tihpalh, ka rilru a buai em a ni” ka ti a. Engtin paw’n insawithiam tum mah ila ka chet dan kha a dik hlawl lo a. Min hrethiam thei ta lo pawh nise a demawm loh. Mahse, kal tir ngawt chu ka thei der lo…






" Mipa zawng zawng hi in lo inang vek anih hi.. sex chiah in ngaihtuah.." chu a thil chuan min vilh zawk a. Kei min bia a, mipa dang a sawi tel a, chu thil chu ka duh lo hlawm tawp. Ka eng chu nge maw dik lo zo ta chu le…





"Min thlah vat teh, tunah pawh khan ka thuamhnaw tawngchham zet phelh dan tur ngawt i ngaihtuah leh pek ang” ka țawngkam hman vek a deu letna chu hriat a hrehawm viau a, sawi ve tur reng reng ka hre lo. Nichin lawk kha chuan motor chhung ah nawmchenpui ka tum ngei tih ka pha hlek lo, chuan khatiang tak khan ka in control theihna ka hloh ngai lo bawk.



"Min thlah vat teh.."


"Aih."


"Hmingsangzual!"


"I duhtawk in min ankhum rawh, a pawina a awm lo, mahse i kal dawn lo."



" Ka thu thu." a rawn ti hlar a, a tal zui leh nawk nawk chu ka thlah thawl a, rang fe in a rawn inher a, ka hmai a ri nghal chawrh bawk. Ka nui hul hak a, ani erawh pawisak neih loh hmel zet in a țhen sak thung. Ka hnaihchilh rawk rawk rual chuan rang fe in a bag te ken lai chuan ka darah a rawn hlap pawp a, ka kut hrawl zet pahnih in a kawng ah ka man bet a, ka taksa si chet in ka pawt hnai rawk a.




" tuna i thiltih zawh chiah kha ka lawm hauh lo”



"Aw, keipawh hian nichin lawk a i thiltih zawh chiah kha ka lawm bik reng reng lo, chapo pa. Ka chung ah i duh duh dan in i che anga, keihian ka en liam tawp ang che maw, teuh lo lutuk. Kut i thawh chuan kei pawn kut ka thawh ang, tu emaw fapa rangkachak tuiek mai mai i nih kha!" A ţawng hnem bawk a, a sawi zawh rual chuan thawk a la zui kawk a.



"Tu emaw fapa rangkachak tuiek ka ni lo e”


"Aw, tuikeplung tuiek em ni?" Ka nui ta tawp, ţawngkam a hre maksak thei si.



"I duh duh sawi mai teh." Ka ti ta hluk, a ngawi ta ngal leh lawi a. Hmeichhe dang chu ni ngat se zawng kut min thlak rual khan ka thing nek duh ang, mahse ani hi chu Chimawmi ani miau a; duhthál pawh in ka thing nek thei der lo.




"Motor ah let rawh."


"Ka ke hi tan tu an awm ngawt anih loh chuan saw i motor duat zet pan sawn ka kal tawh dawn reng reng lo.."



"A țha a lawm” tiin ka nui lui hawk, ka kun hniam zui nghal a. Ka hnungzang a ri nghal dawm bawk. Mahse, ka chet a ti buai pha lo. Pu nawlh in Motor lam ka pan phei pui vawk vawk a, a bag te zet chu eng hmang a siam nge a nih ni, Ka taksa rem lai lai vuak nan a hmang pawp pawp a, a nâ hrep leh nghal.





Ka khelah a rawn vuak leh pawp rual chuan a mawngtam ah ka beng ve thlawp, a huat tawk a tling hle ani ngei ang, a tal zui nghek bawk, motor kawngkhar ka pawt hawng a, seat ah ka nghah thlak chawrh rual chuan rawn chhuk a tum ve leh nghal at a.



"Țhu rawh, zanin hian ka phalna tello in i kal hrang tawh dawn lo” Motor chung vuan in ka melh chhuk run. Ka aw chu a ring lo na in a khauh viau thung. Amah pawn a hrethiam aniang, a tih theih nei lo chuan Motor hmalam chu a tlawh pawp a. Tlawm zawk a ţan a tum ngai reng reng lo hi engtia tih sim chi nge ni dawn pawh ka hre tawh hrep lo e.




" enkawlna țha tak dawn i mamawh anih hi” ka ti chu a run khawp.



" I thu lo ber ang.."



"Nakin lawk ah chuan i nun a thu ber hi ka la ni ang, i zal raih raih thleng in ka la hrual bawk ang che!" a mitmeng ling hlar ah chuan thingțang ro ka vawm luh belh sauh emaw tih mai tur hian thawk a la sek sek a. A nu in a enkawl țha thei ngai dawn lo anih chuan kei hian ka hrual zal khawp ang.



"Ka sawi tam tawh dawn lo, huaibak i chhuah leh chuan zanin ațang hian lesson thar ka pe ang che."




Eng amaw lo sawi leh a tum laiin kawngka a nam khar dawp. Ani lah chu hawn tum in a lo che ve leh nghal zat a. Lungawi lo fe a ka kut pahnih a darthlalang ka nam meuh chuan a tawp chiang hle. Mahse, lei min chhuah khum hram a.





" i che leh zeuh ka hmu anih chuan motor hnungah sawn phuar hlawm in ka khung ang che.." tia ka vau leh zet hnu ah ka țhutna lam chu ka pan a. Ka țhu lut chu min lo melh no lo viau leh nghal.



“Kan tlai vek hi i hria em?" ka ti chu, “Hur viau lo la chu a hmun kan thleng daih tawh ang” a lo ti let ve hmiah. Sawi belh tur a vang viau.


Hotel kawtzawl ah Rema leh police dang pawh uniform ha lo in an lo awm vek tawh, keini tlan lut chu Rema chuan min lo signal zeuh a, Kha Naga pa kha a hmunah a awm tawh anih ka ring

Parking thim țhiap ah ka tlan lut a, side glass ațang Rema rawn pen ve vut ka hmuh rual chuan hmun awl awm hmasa ber ah motor chu ka ti ding a, kan hmeichhe ngeng-i pawh chu a țhu ngawi ngal a. Ka țhutna lam glass a rawn rik kauh rual chuan glass ka down vat a.
"Sir, hei keng lut se." spy pen sin te a rawn lek chhuak a, ear plug dum min pe tel nghal bawk.
"Wow! I va nalh ve?" Rema vek chuan ka tukverh lam aţang tho chuan Chimawmi chu a fiam a, ka melh nghal run bawk.
"Oh, a lut tawh a.. Kan chet hman chuan." A ding mar a, kei erawh ka thaw ham ham thung! Naga pa khan a taksa hi khawih a tum a ngem? Han tawk hlek teh se, a kutțang zawng zawng ka pawt bung vek ang.
"Hei khawiah emaw thukru la; ta țang hian kan lo ngaithla vek thei dawn che a."
"Khawi." Spy pen chu a rawn pawt thla hmak. A bag a hawng rak rak a, a thun lut a, a hmet khep a, ka awm ve tih hre lo ang hmak in kawngkhar a nem hawng a a chhuak nghal tharh bawk.
Hotel chhung ah a pen lut a, a te na vang vang in a hlauthawng chhin hlek lo bawk!
"Ka zui lut ang, chuan pakhat kha ka hnung ah lo kal se, a dang zawng chu hotel hnunglam leh inchung lam ah insem darh ru." Hotel chhunglam en ngur chung chuan ka phun sup, anmahni bia ang a lan ka duh ber lo. Chhunglam pan a ka lut vut chu police pakhat in min zui ve a , mahse pen sawm zel in kan inhlat thung!
Hall zau zet ah chuan mihring tam vak lo an awm a, ka hawi kual thuak a, bang kil lam dawhkan kila Chimawmi leh Naga pa țhu chu ka va hmu ta chat, Chimawmi chuan min hnungchhawn a, Naga pa erawh a nui suk suk thung!
"Rema hall aţang chhuahna kawngkhar te pawh hi veng ula ka duh."
"Yes sir."
Target te pahnih chu an ding a, Naga pa in Chimawmi kawng ah a kuah rual chuan nghet zet in kut ka hum ruh a, mipa dang in an khawih lai hmuh nuam ka ti hlek lo! Dawhkan te inhung bul a chair chu ka pawt chhuak a, ka țhu fel chiah tih ah chuan an ni pahnih chuan min kalpel a, hnuailam bih ngur chung chuan ka ear plug chu ka nawr lut deuh va.
' room i book lawk tawh maw!'
'Tehreng e, midang chim buai loh in kan titi ang chu' Chimawmi nui ri ka hre zawm zat bawk!
Hotel room kalna step ah an liam hnu chuan ka țhutna ațang tho vut in an kalna ah chuan ka chho ve a, min zui tupa erawh hetah hian lo awm turin ka signal thung.
' a va nuam ve?' Chimawmi aw bawk ani!
'Tah khan țhu rawh, in tur i duh em?'
'In lam hi chu ka ti vak ngai lo.' Ve ngei chuan leh!
' zanin chu in mahla i ti sual lo ang..'
A reh vang vang a, ke pén thawm chu a ring tial tial a.
'Hei in rawh, tam a ngai lo..'
'Ka lawm e, i thil phal hle mai!' Naga pa chu nuam tih hmel fe in a nui huah huah a. Engtin emaw tak Chimawmi tan a him lo zawng a a chet vaih zawngin!
'Mizo ţawng ah buaina i nei miah lo hi mak ka ti.'
'Ka awmna a rei tawh alawm, kum 12, 13 dawn ka awm tawh.'
'Oh.'
' chuan, nang anga ka puihna mamawh tu hmeichhe tam tak pawh ka lo pui tawh bawk!' Kan hriat duh tak a sawi dawn țan e!
'Mi fel tak i ni ngeiin ka ring, mahni hnampui nilo tan i thil phal dan ah hian..!'
Mipa zawk a nui leh hawk a. Spy pen awmna pindan kawngkhar zawn ah ka ding ve ta chiah bawk.
' sum in duh a, keiin thil tlem te phutlet in in thil duh chu ka pe țhin che u, a awmzia chu thil kan intihsak tawn ve ve tihna anih chu!' Mizo hnam min ngaihnep dan tur ka ngaihtuah a, ka sa phat mai! Mahse hei erawh ka hria, kan ram ah hian hna țha a tam lo a, tupawh sum leh pai mamawh vek kan ni a, kan ram ah hian duhkhawp sum lakluhna a awm lo, mahse kan hmeichhia ten hnamdang an bel bul duh chuan min ti sa huam thei! Hnamdang lak a thangtlawm hi ka duh ngai lo, chuvang tak a Police officer nih tum a bei ngawrh hle țhin ka ni a! Vai tam zawk aiin ka nihna a sang a; min chung en em em bawk, kan ram mihring tlem tham zet a mahni hnam phatsan ching an awm hian tlawm ah ka la țhin! Zo pa hi ka țhen chawk chawk țhin.
' kei lo midang engzat in nge i thil phalna zar lo zo tawh?'
'An tam ang, kum tin hian thil man a to zel a, tupawn pawisa kan mamawhna a sang a, aaa.. a bikin nangni ang rual hian pawisa in mamawh nasa bawk.'
'Mizo țhalai te min hriatchian hmel hle mai!'
' in fel a lawm ' a ti a, a aw ri erawh in thil dang daih a kawk thung.
' Kei hi chuan tun țum chiah i puihna ka mamawh dawn lo tih ka chiang a, țum dang ah min pui zel thei a ngem?'
' thu i awih dan a zirin.' A nui leh huah huah a, kei erawh ka lo ner nawk thung.
' aw, kan ţawng vak a, eng thil nge ka tihsak tur che sawi la..'
' a har lo lutuk.' Kan Mizo țhalai engzat chiah nge sum in a lo lei tawh tih ka hre thuai ang; an thawm chu a reh leh vang vang a.
' Nupui zei lo zet mai ka nei a, chumi hnathawh thiam loh chu i thawk ang.'
'Wow, i nupui ang a awm turin min duh tihna a ni thei em?' Chimawmi aw zangkhai zet ah chuan lemchang ani tih a hriat loh hlawm tawp.
' nilo e, zan lam ah ka mamawh chang chang che in.'
'Chuan?'
'Kan dawr bungrua i duh duh ila ang, nun bul i țan țha thei bawk ang!'
' i nupui tak ni thei ila a nuam zawk daih ang..'
Naga pa chu nuam tih hmel fe in a nui a, Chimawmi thil sawi leh chiah vang chuan a ngawi ta hmuk thung.
' i fa lo pai ta ila, i nupui ka ni thei a ngem?'
'I duham hret ..'

'A dik, kei hi chuan ka thil neih bak neih belh zel ka duh. I fa pai ta ila, i nupui chu țhen in min nei duh a ngem, i sawi dan kalhmang kha chuan a zei lo hle ani lawm ni!'
'.. ka nupui anihna a bo chuang lo..'
'Aih, ka zawhna ila chhang lo, i fa ngei lo pai ta ila, min nei a ngem?'
'I pai anih chuan i titla ang, chuan naupai tawh hmeichhia ka duh lo.. ka țanpuina i dawn pawh a tawp tihna ani bawk ang.' Chimawmi chu a nui ri ta hak a, hotel pindan kawngkhar vawnchhan chu ka hum nghal hmiah bawk.

' .. i fa a pai vang in em ni Jenny kha i thah!' Chu thil chu a sawi a hun lul lo! A tan a hlauhawm thei tih a hre lo em ni!

'What the f**k are you talking about?'

' Why did you kill her, oh.. because she was fucking pregnant right?' Chimawmi chu a au ta țhawt!

' i hriat loh tur hriat i nei a ni maw?' Naga pa aw zawi tak mai chu misual tam tak ka lo umzui tawh te ang chiah! An thil tihsual sawi chhuah rual in dam takin an ţawng , mahse rawva tak in an che chhuak țhin.

'Ka hre țeuh, i knew that you kill her and you fucking throw her body away and the dark part is i know who is the baby's father, that's why i'm here.'

' i awmna hmun tur nilo ah i awm ta chiah e! A chung a ka tih ang chiah kha i chung ah hian a thleng thei!

'Ka hlau therte lo che.'

Kawngkhar herh hawnna chu ka herh a, a in hawng thei ta hauh lo.

Ka tlawh ta pawp a; chhunglam ațang mipa aw a rawn chhuak a, kawngkhar bawk chu ka tlawh leh pawp a, engemaw a tlak rik rak rual chuan chhunglam bang ah a in vaw ri bawrh a!

"Rawn hnai suh, henu hi ka that mai ang..''

"Naga uicho pa!" Pistol in ka tin ve ta siah, chemte zum zet mai hum chung chuan Chimawmi chhip sam ah a țham ta bawrh a, a hrawk zawn ah tak chem hriam lam chuan a tin zui zat bawk.

" Min phiar ru in kei hi min man ang maw, a teuh lo lutuk."

"Hmeichhia kha thlah rawh."

"Pen khat pawn i rawn pen hnai anih chuan a hrawk hrui hi ka zai chat ang, nangni Police uicho ho hian min man thei ngai lo bawk ang, in chung lam ami te hi ka țhiante vek an ni!"

"Kap rawh!" Chimawmi chuan a rawn ti a! A hrawk hrui zai chah mai inpeih reng in mipa in a tin a, a hlauh miah lo chu thil mak tak ani! Naga pa chaldar ah tak ka tin a; Chimawmi zawk chuan a mitmu a rawn ti kual ta ralh a! Ka silai tinna pawh ka ti hniam ve vat bawk, a mit a khap zeuh a, ka chet vut rual chuan eng khaw sawi set set lovin naga pa hnar ngul ah tak chuan a tukhum in a tauh ta chawrh! Chhuat ah chemte chu a tla ri bal a, Naga pa na ti lutuk rawn dak chhuak leh chuan ka kuttum hum ruh tlat a dawng ve ta siah bawk.

Ka handcuff mawlh mawlh a, a chhip sam buk zet ah chuan țham sak in chhuat char ah a hmai ka nawr sak leh tawk a, a hnar a thi hnu bawk si! A meng khui khui a, vawkpui rilțam lungawi lo te pawh a ang lek lek a lawm.

"Sir.." ka nau te ho an rawn lang ve ta hlawl.

"Station ah hruai nghal ru." Chal chhuat si zawng a nem kun lawp chung chuan ka ti hluk.

"Khai aw, thisen a chhuak elaw?" Rema chuan a rawn ti hluai a, rang fe in ka sir lam chu ka thlek vut a, Chimawmi chuan a kut in a hrawk a lo hup a, a kut aţang chuan thisen a rawn far fap fap bawk.

"Bawihi, khawimaw ka lo en."

" a na lo.." a kut laksawn ka tum rual chuan a lo țang ve țai, a na emaw, na lo emaw ka en duh; chuan a thisen kei min puih avangin a chhuak bawk! Ka mawhphurhna ani.

A kut chu ka phih thla nawk a, Kan uicho pa chem hriam khan a lo at hman anih phiangsen hi. Ka thisen rawn lum bulh chu thunun ka tum buai peih lo, ka inher vut a, kan Mizo hmeichhia te lak ah a huaisar lutuk pawh hian ka huatthu a tling em em tawh! Chutah kar ah Chimawmi thisen a la chhuah zui a!

" I thiltih pawi zia hi jail chhung ah ila hria ang!" A ding kun dui chu a dar ah ka tlawh sak chawrh a, bang kil ah a bawkkhup rawp thung!

"La bo ru, Jail chhung ţawp lai ber ah khan lo han khung rawh u.." police pahnih in an kai tho a; min rawn melh ve kham mai chu a hrawk ah tak hnek chawrh mai ka tum ut ut tawh! Mahse, Jenny chung a a chet dan dik tak zawn chhuah ka la ngai, chumi hnu ah chuan tupawh in lak chhuah rawn tum mahse ka chhuah tawh ngai lo ang, kan hnam tlem te phatsan a; he Naga hausa pa lo hum țhin ka chung a thuneitu sang zawk pawh tunge a nih tih ka zawng chhuak vek ang! Hnam phatsan tu apiang chuan ka pawi an sawi! Chuzawng chu!
Ka inher leh vut a, Chimawmi lam bawk ka pan a.

"Lo che suh.." a kut ka la sawn hlek a.

"Aih, a na miah lo ania.." a kut bawk in hup leh a tum a, ka shirt hak lai ka hlip mawlh mawlh a, midang ho chuan Naga pa kha an hruai chhuak tawh, Rema nen kan la awm thung. Ka shirt chu ka hum tawm nawk nawk a, a tukhum ah ka vuan a, dimte in a nghawng ațang thisen rawn chhuahna chu ka nawr a! Na lo ti engang mahse chem hriam tak in a at a; hmeichhe dawihzep tak ni phei se chuan thihna lam a ngaihtuah thleng a nga, a ţap hial mai thei!

"Tah hian țhu rawh." A dar ah kuah in couch ah chuan ka țhut tir a, a hlau chhin zeuh lo chu mak ka la ti cheu bawk.

"Rema, Hotel hnathawk tu lam zuk bia la, damdawi kan mamawh."

"Aw le sir." A tlan chhuak vat a, Chimawmi chuan couch nghenchhan ah lu nghat in inchung lam a melh kiau va, dimte in ka shirt chu ka la sawn a, hliam chu a thuk lo, mahse kut chal chen dawn in a kak raih.

"Nangmah i intihnat phah theihna tur anih chuan eng thil mah ti tawh suh ang che."

"Aw, ka pui che hi i lawm leh meuh nange?" Chung lam melh ngar chung chuan a ner nang a! Ka rum nghut thung.

"Ka sawi awmzia i hria."

"Aih, ka hre lo.." a rawn ti let vat a; Damdawi keng chung in Rema a rawn tlan lut a, Hotel hnathawk tu pahnih nen, Damdawi chu ka lo ban vat a, Hotel hnathawk tu hmeichhia zawk chuan rap hmel fe in Chimawmi nghawng thi kual raih chu a lo melh a. A tuar tunu téreuh lah hian engahmah angai der silo.




" A thip mai thei a nia." Lapua ah damdawi chu ka hmet chhuak a, tihnat belh hlau zet in a hrawk ah chuan ka nawr a. A mit pawh a khap chhin hlek lo nia.


"Bawihi?"

"Ka țha, zo thuai thuai rawh.."



"Pu Hming thil thleng hi pawi kan ti lutuk, mahse kan hotel hming lang lo in case in siam thei a ngem?"

"I hotel hmingchhiat i hlau viau anih chuan a chhung a chetla țhin te chik țhin ta che." Ka ti hluk, damdawi ka hnawih zo tawh a, ka hawi chhuak chuan Hotel neitupa chu ka melh run a. Ani erawh chuan rei min melh let ngam lo.




"I hotel a chetla țhin te hi nang ber in i en uluk loh chuan i hnuai a hnathawk tu te hian chik nachang an hre ngai dawn lo, nakin zel a i inzirna atan i hotel hming hi a ri tel ang.." ka ti tlang hmiah.



"Bawihi, hospital lam ah kal ang” tih zawnin a lo țhu ngil tum mek chu ka buaipui zui a. Dimte a a nghawng hnung lama ka dawm chu, “Enteh, Damdawi in kal pui ngai khawp in ka inhliam loh hi. Pawisa chu min pe la, ka let tawh zawk mai ang” min lo ti nghal a. Ka rum nghut thung.



Ka mitah pawh min melh duh tawh miah lo in a țhu mar a, hotel chhung chu a melh kual leh thuak a. Ka en reng nain melh pawh min melh ve tawh lo. A ding tur ka pui tum chu a kut a lo indangin awlsam takin a ding mar a.




"Inbia ula, Parking ah ka lo nghak ang che u." Hotel neitupa nen chuan min melh kawp zauh a, kawngkhar lam panin a kal ta nal nal a; hotel hnathawk tu hmeichhia chuan mak ti zet hian a en zui reng a, a rap hmel hle bawk.



"Rema lo indawr ru” ka tih chuan Rema chu a hawi buai deuh a mahse, khum khuhna ka hlih pawp rual erawh in a hrethiam a. Hmanhmawh zetin khum khuhna keng chungin ka chhuak zui a, thuamhnaw themnem zet nen khan he hotel hi a chhuahsan tawh dawn lo. Ka um phak meuh chuan chhawng hnihna a lo thleng thla lek lek tawh a.



Ka thawm hria in a lo hawi let a. A nghawng hliam aiin pawisa in a rilru a luah lian zawk te pawh aniang, min hmuh rual rual chuan, “Pawisa min pe la, ka haw tlang nghal dawn.." a lo ti leh thawr tawh.



"Tun hi pawisa chiah ngaihtuahna hun ani em?" ka aw ri nel awm loh zet vang chuan a ip deuh chawih a.



"Min hnial hauh suh” tih leh Puan a tuam chu ka rual a. Min dang lo a, ngawi reng hian ka che vel chu min lo en dauh dauh a.



“Kal teh ang” ka han tih leh chuan a lo la hmin reng reng lo. “Enteh, thil hmanhmawh thlak tak buaipui tur ka nei a. Pawisa chu min pe fel zawk mai la” a la ti cheu a. A nghawng hliam buaipui ai hmanhmawh thlak tur thil dang ka hre ve der lo.



"Ka thusawi kha i hre lo em ni?"

"Ka hria, keipawh in thil sawi ka nei bawk, i hliam hi kan enkawl phawt anga, i duhna ber ah ka dah ang che." Ti nghut chung in ka kal pui a, mihring țawng duah țhin ka nilo, ani bulah hi chuan ţawng nek hmasak a țul țhin!

"Kawr i ha der silo.."

"Chu chu a pawimawh ber lo.."

"I chapo e mai a!" ti hlak chung in a ner nang a, ka chapo tei vet bawk lo.

Bolero kawngkhar ka pawt hawng a, a țhu lut tur chu puanvar lian tham zet chu a tlang ah alo chawi ve a, a țhu fel a, seat belt ka hrensak tur chu min lo en ve kiau bawk a, thinchhe zet aiin nu deuh a awm hi a inhmeh bawk, chu chu hmeichhia te nih dan tur dik tak ani bawk!

Kawngkhar ka nem phui dawt a, ka kekawr ipte ka zen ruk ruk a, mahse ka ipte ah phone ka lo ak der lo, motor hmalam chu ka thlek a, ka rum nghut bawk.
"Tunah khan a na em?" ka țhu lut a, motor hmalam a phone chu ka la kang pah vut bawk.
"Aih, a na lo tak tak, kan inah min thlah la.."
"A theih loh." Khauh zet in ka ti tawng, a phun sep a, a sawi erawh ka hre lo, Dr Zothana number ka hmet chhuak a, clinic ah a awm ka ring thla ngawt bawk.
"Ka buai teh a nia; sawi vat vat rawh."
"Clinic ah ila awm em?"
"Awm e, tunlai chu tlanghrileng a tam lutuk a, dar 12 dawn ka thleng țhin.."
"Kan rawn kal ang.."
" ' kan' ?"
"Umm, kan rawn thleng har lo ang.." phone ka tih tawp rual chhuan Chimawmi chuan min lo en kiau a; pawisa emaw, a kal duh loh thu a rawn sawi leh vaih zawng in ka pen fawk ang.
"Kan kal tak tak dawn mi?"
"Anih hi!" Ka ti nghut, a thaw ve halh a, engine ka ti nung a, parking aţang kan tlan chhuah rual chuan amah tuamkhawm nan a ka hman puanvar chu a phelh sat sat a, a bag a zen ve rak rak bawk.
Tu emaw a call dawn pawh ani mai thei! A ngaithla ve ran a! Bialpa a nei a ngem? Lu thing nghut chung in steering ka herh kual ta pawp !
"Ih... chanchin ka hre duh." ka en vut, mahse tukverh darthlalang chhan aţang pawnlam a thlir daih.
"Umm, aaa, hna ka nei laklawh a, ka rawn let lawk thei lo a.." bialpa a nei tak tak reuh anih ka ring! Ka thaw ham ham a. Engtin maw hian ka awm ta run bawk.
"Aw le, ka lawm lutuk aw." a aw nem ve zet chu ka dawng ve ngai lo ang tih ka hria. Chuti tak a țawng dam a siam thei tu mipa chu a duh ve hle bawk ang! Kei min biak lahin a bak em em reng a.. aa.. min biak dan leh tuna a ţawng dan inang lo hi ka duh lo anih tak ber chu!
"I bialpa chuan heng thuamhmaw tawngchham zet i hak hi a rem ti em ni?" ka aw ri hluk chu ka thunun thei der lo.
" eng maw i sawi?"
" engmah!" Ka ti hmuk! Zothana clinic kawt kan thlen rual chuan na zet a brake rah tuar ka tum zet a, a nghawng a na tih ka hre chhuak leh hnuhnawh a, dim zet in engine ka ti tawp ta zawk a! A bialpa tehhrep pawh chuan hetiang khawp a pawisa mamawh loh hian siam ve tur a lawm, bialnu duh hun hun a mi pawisa dil ching a nei a, ani téreuh pawh hian a bialpa hnenah pawisa a mamawh tih hrilh in pawisa men in meng tawh lo bawk se! Huh! He chimawmi leh a bialpa inkar vanga lo buai ve chiam chiam tur ka ni lo! Mahse ka buai tho chu a nih hi!
"Lo chhuak rawh.." a țhutna lam kawngkhar chu ka pawt hawng a, clinic chu pawnlam ațang a en kim biai phawt a, thawk la halh in a ke a rawn hlang chhuak a!
"An la inkhar lo maw?" Ka bu nghut ringawt.

"A nghawng hi en sak rawh.." ka ti tawng, Zothana chu a meng deuh awk a, Chimawmi chu puanvar lianpui nen a in tuam ve hlan bawk si a, mak a ti deuh pawh a mi mahna!
"Jenny case ah khan min pui a."
"Aw! Mami tah hian mu la.." a rawn ti vut a. Chimawmi chu Zothana koh dan vang chuan a ner ve nang mai!
Chimawmi nghawng a hmuhchian rual chuan kei zawk min rawn en haw a! Dar ka kân uk ringawt.


Show post links
Top
Abbra Reo Ririni
Post January 13th, 2019, 9:57 pm

"Na i ti em?"
"Aih."
Zothana chuan min rawn en leh a, ' ka tihnat ani chai lo!' lo tih khum nghek mai ka chak kher bawk! Ka tihnat ang hrim in a lawm min rawn melh.
"A thuk lo hlauh va i vannei anih hi, damdawi ka hnawih a nga, ka tuam bawk ang, damdawi hi darkar hnih danah zel hnawih la, a hil vat bawk ang." A ti sup a, a damlo enna khum bul bang chu ka ngheng a, kut kuangkuah run chung in damdawi an inhnawih lai chu ka en ve run a, he nu chiai lai hi vawikhat te tak tak ka la hmu! Damdawiin kan pan țum khan a chiai ve hle! Țum dang ah erawh kha chiaina kha amah ah hian hmuh tur a awm tawh der lo, a pawisa mamawhna erawh a sang lawr lak thung.
A țhu chhuak a; ka kut kuangkuah hlun chu phelh in ka din hnaih ve hrut bawk.
"Bawiha, a tan a hlauhawm ngai dawn lo tih i chiang em?" Zothana chu Chimawmi chuan a melh kar mai.
"Nakinah kan sawi țha dawn nia.." ka wallet ka phawrh a, ban a vai vut chu ka duh der lo.
"Eng zah tur nge?"
"Ka la dawn lo, Mami he damdawi hi darkar hnih dan ah i hnawih a ngai dawn nia.." min kalpel in a dawhkan lam ah a kal vut a, ka wallet ațang pawisa ka phawrh tak ah chuan Chimawmi zawk in min en ta kiau thung.
Ui note rilțam zet a ang lek lek bawk.
"Hei aw.." Khum a Chimawmi țhu chu damdawi chu a pe a, ka pawisa phawrh chhuak chu tûr fe in min melh ta kham bawk.
"Ka la dawn lo ka tih kha.."
Ka rum nghut ringawt; Chimawmi chu a rawn ding a, Zothana hma ah amah zawk in pawisa chu a duh thu a sawi hma ngeiin he hmun ațang hian hruai chhuak vat teh ang, ui note rilțam zet in ei tur a hmu ang mai hian min pan ve thet thet lo chauh!
"I pawisa tur.." motor hmalam ka pawt hawng a; lehkha ip var chu a malchung ah ka theh thla nghal tawp bawk.
"Eng zat chu nge,"
"Singkhat." Dawt ka hrilh ring ang hrim in a kutchal a liak huh zeuh va, pawisa chu a chhiar a, tukverh darthlalang ah kiu ka nghat a, ka khabe ruh kual ka tuai huah hauh thung! Ti hi chuan kan inhmu khat ta pharh ang chu! Min mamawh hun ah țum khat puih ka ba ve bawk.
"Ka lawm e." Ka en vat a. Pawisa chu a chhiar zo tawh ani ngei ang, a malchung ah nghet zet in a hmet bet a.
" I lawm anih chuan a țha e.." ka ti hluk.
"Min mamawhna i nei te nih chuan min rawn call mai dawn nia.."
A bu nghat a, an in lam pan in ka inkhalh chhuak a, seat nghenchhan ngheng lo in tukverh darthlalang a rinchhan a, a ngawi ve ta ran bawk.
" Eng ti turin nge min duh ve?"
Muang raih in min rawn en a, tilui tih hriat zet in min nuih sak bawk.
"Ka nunna thap in ka pui che a, min puihna tur pawh a theuneu bik lo ang.." a mit ah vertherna ka hmu leh tawh!
"Sawi la.."
"Tun ah nilo, nakin deuh ah.."
"Chawlh ka lak lai anih chuan khawpui chhung ah hian ka awm dawn lo." A meng buai zeuh a, min en ha bawk.
"Thlakhat chhung chawlh ka la dawn."
"Engtik aţang?"
"Thla thar ah hian.."
"Aw.." a ti sep a, engemaw ngaihtuah in a ngawi ran ran a.
"Thla thar.." min bia nilo in a lu tereuhte chhung a, a thluak sawn ruahmanna a siam ve anih reuh ka ring!

Station lam ah ka inkhalh let a, a țhutna ruak huai chu ka melh zawk a, a awm ta lo chu a hriat ve hle mai!

Glass ka down a, Kenny Rogers a zai ring zet in ka play ta ngawt bawk! Thaw ham ham chung in hmalam ka melh ngur a! Ka motor ațang a chhuah rual chiah in nichin lawka a biak pa kha a be leh a, chhan hriat siloh in ka thinrim hlur bawk! A ni té ve tak kha min ngaihsak loa a awm theih chhung chuan amah aia palian fe hian ka thei ve ang ti rilru in an inpiah kawng zau lai ah ka in turn pawp a, phone hmang reng chung a kut min vai te kha motor tih din a, zuk thin hrep mai ka chak ut ut bawk! Mahse ka chapo ve na vangin ka inthunun thei ta hram anih kha!

"Aaaa... min hnial kalh reng tur a awm tawh lo kha amah ai ai in ka thawveng zawk fe!"
Show post links
Top
Abbra Reo Ririni
Post January 13th, 2019, 9:58 pm

Kan Naga pa chu a țawng țha duh lo hle! Mahse rei tak a luhlul zo dawn lo, engkim a lipse vek hma kei hian ka tawp san dawn lo bawk!

Kan man tih nihnih chhung kan sawi chhuak tawh lo a, kan station chiah in he Naga pa hi kan kawl tih an hre bawk! Chaw pek ka rem ti lo a, tui far khat pawh a cell chhung ah dah luh ka phal lo bur bawk! Heng hnam ho hi chu huaisen tak ang in lang ve engang mahse an duap ru dui a, han rilțam reng rawng se la, buh her khawl anga chakin a dak zawt zawt mai ang.

Ka cabin ah ka lut a; chair ah ka țhut thlak chawrh rual chuan dawhkan a ka phone chu ka la kang vut a! Chimawmi min rawn call na emaw engmah a lo la awm chuang lo! Eng thil chiah nge min tihtir a tum tih aimah in amah hmuh leh kha ka chak ru reng a, mahse hmu tur a kal emaw, biak hmasak ka tum thung lo, chu chu ka dan a ni țhin reng bawk!

Ka room bik kawngkhar chu a rawn ri kauh kauh a, phone chu dawhkan chung ah ka theh kai tawp!
"Rawn lut rawh.."
"Sir, kan uicho-a sawn a rilţam thu a sawi leh tawh a."
"Cell chhung a bal kha ei se la ti nia.." ka ti nghut! Chair ațang ka tho ta tho bawk.
"A țang rei tawh lo tawp ang.." Rema chuan a rawn ti a, ka rin dan chiah ani bawk! Mizo angin huaisenna an nei ve lo, Muslim leh Hindu kulmuk tak tak erawh vanram ah luh theih inring in mi an thihchilh țhin! Chutiang khawp a vanram luh theih a inrinna tur lah kan Naga pa hian a nei hauh silo a, tisawn sazu leh bangdaidep te nen han inkawm nak nak se; engkim a rawn sawi thuai mai ang.
Ka room aţang ka chhuak a, Rema pawh in min zui chhuak ve bawk, bang a tiang intung thluah zing a khauh hmel ber chu ka hum nawlh a, Naga pa kan khung hranna, secret cell lam pan chuan ka kal a. Thir ka khawn rik kauh kauh rual chuan a rawn tang nghal hru bawk! He pindan hi tualthat tu te kan khung hranna ani a, a phui mup a, light kan dah ve lo bawk! Zanah phei chuan a thim mup zel.
"Jail chhung ah ka khung theih loh che chu ila ring cheu em?"
"Phone min hman tir rawh u.."
"I mitmu pakhat kan ker chhuak a nga, reilote chu i hmang thei ang.."
"Finfiahna awm lo in min hreng ngawt thei lo." a rawn in hrosa ve chhar chhar chu vawkpui rilțam nguk ruai mai hi a ang letling zawk.
"Ka thei.. oh, chuan nangmah hum thei tu ang a i ngaih ho in ka tan inah i tang tih an hriat hma in rilțam lutuk vang in i thi hial hman mai thei.."
"Phone chu min hman tir rawh.." a rawn ti țhawt.
Ka ner sawk a, chahbi ka rawlh lut rawk rawk a.
"Ka mitmu pakhat ker chhuak rawh i tihna ah ka ngai a nge!"
"No, that is not what i mean!" a rawn ti ruai bawk!
"I thiltih sual puang tawh mai rawh, anih loh zawng in sazu ho chaw ah ka țan tir reng dawn che."
"Ka inpuang ang, mahse tui ka in hmasa duh."
Khanglang mai mai a! Cell chu ka lock leh hmiah!
"Ka inpuang ang ka ti ani lawm ni?"
"Zan khat dang inkhung hrang leh phawt rawh." Ka nui suk a, hlauh hmel lutuk a a meng kual ruai reng mai chu diriam fe in ka melh thung! Kan ram retheih zia a hrechiang a, tupawn sum lakluhna kan duh vek, chhungkaw harsatna avanga mi chebuai deuh te remchang ah la duh zel khawp a mihring tenawm hi dim hranpa ka tum reng reng lo. A tih ang lo ti ve țhin pawh an awm nual ang, chung ho hlauh tur tak chuan hepa chungah hian rapthlak takin che ila, hnamdang dawihzep chuan an lo hmu ve a nga, an ți dak bawk ang!

Ka nu in chawlh ka neih theih ni tur min rawn zawt lang lang a, a ni tak ka sawi fak thei bik lo.
"Nu, kha chu nidang ah sawi țha leh ila.." ka tih chuan, "Kan ngai ve tawh che tih hrereng la, thlakhat chhung cham turin rawn haw ang che." a lo ti thawr. Ka nui ta hawk, nu hi chu nu anni miau a lawm.

"Aw le, school lam in tluang em?" tiin kan inbe zui zel a. Carlos-a'n eng nge a tih ve ang tih te chu ka ngaihtuah rauh rauh a. Mahse, zawh hmasak erawh ka tum lo! Zosangi thiltih sual vang a ka fapa ngei hnaih harsa ka ti tlat mai hi a chhan lah ka hre mang silo.

Ka nu pawh chuan school lam chu an tluan rih thu te a lo sawi a. "Nang hian ngaihzawng lam i ngaihsak miah lo em ni?" a tih zawm leh zat a. Ka rum deuh nghut ringawt. “Mama, hmeichhe lam i ngaihsak ta lo lutuk hi a dik miah lo.." min hriatchian loh lutuk vang mai mai a ni.

"In țhat tlan chuan ka dah rih dawn.." dan ngaite a ka tih leh chuan, "Hmeichhe lam han sawi ila i heti tlat a” a ti hlak hlak a. Chumi zawh a a thil lo sawi erawh chuan min thawng viau. “Tak a, Zosangi khan min rawn bia a” a ti a.

"Engtik khan?" ka aw chu a chhum bung khawp mai.


"Tukin khan mawle, Bawihpuia hi hmuh min rawn dil a." Chu hmeichhia zet chu leh!

"A țullo.." ka ti bung vut a. Ka nu paw’n, "I u pawh in a ti chiah a, țul a tih loh hmel khawp mai. Kum kha leh chen min biak loh hnua min rawn be teh hlawl kha a mak ka ti” a ti melh melh a. Kei erawh ka insehruh kher mai.! A huangtau viau chuan kei nen bawk kan inhmachhawn leh ang.

Ka nu nen kan inbiak zawh hnu paw’n inhnuai lamah chuan ka țhu ta reng a, ka nu te lam leh zel a lo be ngam chu nasa ka han tih zual phah khawp a. Ka ngaih ve dan ah chuan kei chang nilo kan fapa pawh hmangaih tawh lovin a uire a. Midang a thlan tawh hnua ‘fate vang tal a’ tia intih țhat leh hnuhnawh vel chu a țulna ka hre ve lo.


Pawnlam a Hunter-a a bauh thawm chuan ka ngaihtuahna ata chu min hruai chhuak hlawl a. Ka tho chhuak zui hluai bawk. ‘Chimawi a lo kal a ni thei mai ang em’ ti rilru in rangtakin kawngkapui lam chu ka pan thuai a. A rawn kal chu engvang a ring thla ve ngawt nge ka tih lah ka hre der lo. Mahse a lak ah ba ka la nei, chuthil min hriat nawn tir tur chuan a lo kal pawh a ni thei tho. Kawngkapui ațang chhuak a Gate ka pan lai te chuan phei khai a zang hle a. Min hnial leh zat zat ang em? Nge ni a; pawisa min dil leh phawng zawk dawn. A eng a zawk zawk pawh chu ni se a phurawm vel vek.


Gate chhunglam ațang chuan Hunter-a chuan pawnlam chu a lo la bauh khur khur a. "Bawiha, a tawk tawh.." tia ka khap chuan ka lam panin a lo let ve mai a. Gate inkhar phui mup ka hawng chiah erawh ka beisei loh lutuk mihring chuan min lo nuih var var a.


Ka in thleng a min rawn umzui ta mai chu ka lungawi lo khawp mai. “Ui i va nei lian ve..” a ti a. La nui var var chungin Hunter-a chu a lo thlek a.

"Eng nge i duh?" nelawm loh fahran a ka tih rual in a nui tawp riai riai a.

"Inleng i lo lawm dan a mawi lo hle mai." tia boruak tih zangkhai tum taka a nuih leh pawh chuan ka melh run ringawt.


Gate chhung lam lo melh pah chuan, “ka lo lut ang chu” a ti a. Nuam ti chiah lo hmel a pu tawh.

"Sawm loh a mi ina kal ngawt nan chuan a tlai tawh tih mi pangngai chin chuan an hrethiam ang.." ka aw rik dan ngeiawm fur vang chuan a hmel chu a pha deuh dai tawh a. Inthlahrun hmel deuh hian, " kan inbe lawk thei em?" a lo ti leh a. Ka mita min melh chu a tum ngial nain huatna bak lo melh let tu dang a hmu silo a. Hnuai lam bih in a kun rang hle.


"Tihian kan inbe lo em ni?" ka tih lai chuan a lo hawi chhuak a. Sawi leh mai tur haihchham a a ang deuh ziau lai chu a hma ang bawk khan a hmuhnawm dan a la ngai reng.

"Inchhung ah lut in kan inbe thei em?"

"Aih, i sawi duh chu tah hian sawi rawh.." ka ti let ve tlat chu a lak nat hmel hle a. “Babe…” a țah aw lek lek. Kei erawh ka lo ner sawi thunh. “Khawngaih in pangngai takin inbia ang.. Aw? Chu chiah chu ka dil ang che. Vawi khat lek pangngai taka inbiak chu ka phu in i…” a tih mek lai chuan ka lo pawt chat hmiah.

"Hun ka nei lo. Chuan, kei leh ka chhungte tupawh biak rawn tum tawh suh, chu chu i tan a țha ber tur anih vang a hrilh lawk che ka ni.." chang khel khawl a ka tih chuan min melh deuh vang vang a. A tawpah chuan beidawn hmel deuh hian, “vawi khat chiah Carlos-a hmuh min phal sak hram rawh” a ti zuai raih a.



"Eng thil nge i sawi chuan ang? kum 2 mi i nih lai a ka uire san che avang khan ka tihpalh i ti ang maw?" nem lem lo taka ka tih chuan kan thawm hre pha an awm leh awm loh hriat tumin a hawi kual nghal ruai a. Ten zetin ka lo melh tu tu thung.


"Vawikhat pawh hmuh lo tum buai tawh suh.." tiin Gate chu ka khar hnan nghal a. Ka lock lai te chuan a lo chum ve dat dat a. Ngaihven tawh lovin kawtzawl ah chuan ka pen pawk pawk a. Hmangaihna kha huatna ah a inlet zo tawh a. Ka huat em avangin a hmel ka hmuh apiang in ka tawt hluah hluah țhin. A lakah huatna chauh tal pawh ka put theih tawh loh hun ah chuan ‘ka zalen’ ve thei tawh mahna.

__________________________________________________

A tuk lama Station ka thleng fel chiah chu Rema chuan min lo pan thuai a. “Eng nge a an?” tia ka zawh chuan a țhen sak a.


"Inpuan a duh thu a sawi.." a tih chuan ka bu nghut nghut.

"Tui emaw, chaw emaw a lam hmasa leh em?"

"Lam lo sir.." han lam hmasa leh vaih se zawng ka hrek rilțam leh sauh duh ang.

Indawpna pindan ah Naga pa chu ka țhutchilh ran a. "He hmeichhia hi engvanga that nge i nih?" File kara Jenny thlalak chu ka khawng kauh kauh a.

"Ih.. ka nupui hnenah kan inkawp tih sawi ah min vau a."

"Chuan?" Ka ti nghut.

"Ka sumdawnna hi ka nupui te chhungkaw ta ania. Keichu a enkawltu mai chauh ka ni. Ka nupui in hmeichhe dang ka kawp țhin tih a hriat chuan engkim ka chan vek dawn a..” mahni inthiam chawp tum tak chuan a han ti a.


"Rosum chan i hlauh vang ngawt in Jenny chu i that a maw?" fiak țhak a ka tih chuan a kut chu a suih zawm a, vai pathian bia te tih țhin ang a tiin,”Nilo ka pu. Jenny khan min vo in pawisa min dil reng a. Keipawn ‘ka nupuiin a hriat ai chuan’ tiin ka lo pe ve mai zel. Mahse, a duham tulh tulh a. Ka nupui hnenah a nau pai thu hrilh a min vo in kartin deuh thaw cheng nuai bi in min dil ta ziah a. țum khat phei chu ka nupui a lo bia a, ka nupui nen pawh kan in hauh phah chiam bawk! Mizo hmeichhia te ka kawp hma hian ‘thutiam’ ka neih hmasak tir ziah. Nupui nei lai ka ni a, ka nupui in engmah a hre tur ani lo, chuan an in dang ngei ngei bawk tur a ni, ka fa an pai thiang lo, ka fa an pai anih chuan an chung ah engtin pawn ka che thei! Heng zawng zawng hi ka tiam tir a. An pawn thlap hnuah an mahni duh thlanna ngeiin min rawn pan țhin…” A thil sawi chuan min țhawng lo tih chi rual a ni lo. Kan Mizo hmeichhe țhenkhat in hnamdang an lo tawngpawng basa ngam zia ka hriat belh a. Ka sahal a ni ber. Anni hnamdang leh nghal in an lo rai palh chuan an chung ah engpawh a ti thiang tih a sawi hnuah pawh a pawisa vanga kawp duh tawk an lo awm cheu chu a thanat thlak tak zet.


"Jenny chuan i fa a pai a, i that ta a.."


"Thah kha ka tum bik lo, a naupai kha ka tihtlak tir a, pawisa țhahnem tak ka pe bawk. Mahse, duhtawk chin a nei lo. Rui chungin dawr ah bawk a rawn kal leh a, ka awm lai ngeiin ka nupui a be leh ngat a, khatah tak khan ka thinrim ve tawh em a ni. A lak ah erawh ka thinurna chu ka thup hram hram a, țha taka bia in khawpui dai ah ka hruai chhuak a. A hma ang bawk in kan inkawp leh dawn maw a ti a, pawisa pek ka tiam bawk nen sex kan hmang leh a. Chutia kan chet dun lai chuan a inrin loh lai takin ka rek ta vak a… sual pawh min sual let ve.. Ka reh hlum theih tak mai siloh ah chuan lung in ka chhuhlum ta a ni” a ti a. A inpuang zo chu pindan chhung chu a reh tlawk tlawk a… ‘A hremna a nep theih nan Jenny-i kha a puh chhe mai mai aniang’ tih țal tum pawh in an in text na en let chuan a lo dik vek mai si. Jenny zawk chuan Naga-pa chu pawisa a dil khat tawk reng a. A thlalak dukdak lo tak tak a thawn țhin te pawh hmuh tur a awm vek.


Tualthat tu ber a inpuang tawh nain ka ven phah huai hauh lo. Hna ban hun ah pawh haw lovin station ah chuan ka awm khawtlai a. Cabin ah ka inkhung rei deuh nge ni Rema chuan tei chhuah pui ah min rawn sawm a. Ka hnial lo khawp mai. cigarette leh lighter chu la in pawn lamah chuan ka chhuak ve a. Hnam dang laka kan mizo hmeichhe lo in phal ral lutuk chu pawiti ve ni awm tak in khua lah chu a hnim ruih a. Ral lehlam chungah chuan chhum duk pui pui a zam mup a. cigarette chu hip lut vang vangin, "Kan zoram hi engtiang tak a chhia nge a nih tawh ang le..” ka ti a. Rema chu ka bia pawh a nilo…


"Sum vang ngawt a hnamdang kawp tawk lah an tlem lo nasa tih a chiang reng bawk.." ka ti leh nek a. Kan hnampui ngei mai hnamdang lakah an buan chak loh hian Zoram hmangaihtu lâi hi alo na ve tlawk tlawk țhin a! Mizo mipa aiin min care zawk daih an han tih pang pang phei hi chuan ' a țha e, in thlán pawh nangmahni care em em tu te hnam hian rawn lai mawlh rawh se!' tih khum nek hi an chakawm hial țhin.


Hun chu a kal ngaiin a kal ve zel a. Keini pawh nitin case thar khawih tur awm ve zel in ka buai mawp mawp țhin viau.

*Good Morning* tih message chu rang fe in ka reply a, karkhat hnu ah min rawn be ve teh mial mai.

*i țha em?* tih ka thawn chu min lo chhan let hun nghakin phone chu ka melh sek a. Rei ngial hnuah pawh min chhang lovin a reh leh ta daih sia. Lungawi lo deuh chungin inbual turin phone chu ka kal san a.

Shower hnuai ah chuan dingin ka maimitchhing vang vang a. Mitthla ah chuan Chimawmi a lo lang zui zat a. Aw dam zet a a biak țhin a bialpa nen khan zanlam ah nuam an tawl țhin angem? A taksa te ve tak a ruk a itawm em em lawi si kha a bialpa in duhthawh takin a chul kual țhin a ngem? tia ka ngaihtuah meuh chuan ka thinur leh hlur tawh.



Station ka thleng chiah a, call a rawn thleng leh chur chur tawh! Kan Naga pa pawh court lam ah a in lan zak zak hnu ah reife lungin ah a tan a ngai dawn a, a laka ka thinrimna leh sum duh luat vang a hnamdang kawp hreh lo hmeichhia te lak ah ka lungawi loh dan a inang reng.


Nileng in ka buai ta zak a, Chimawmi reuh pawh thehhmeh angin a reh zui daih a. Engmah ti lo va ka awm tawh chuan amah ngawt kha ka lo ngaihtuah leh ţhin. A duhthal a min hnial let zat zat chang te kha ngaihtuah let in mahni in ka nui ruh ruh fo a. Ani tluk a mihring ţawng thei kha ka la hre miau lo a ni.

Zan dar riat bawr a haw tur ka intin tuah mek laiin phone call a lo thleng leh a. Ka kal pelh tur dawhkan a mi a ni tho tiin keimah ngeiin phone call chu ka chhang a. Lehlam a mi thu rawn sawi chuan min barakhaih khawp mai. “Rinzuala te hotel a an manager ka ni a, kan Hotel ah tur a inhraina a thleng tlat mai” a rawn ti a. Mizoram a ka awm hnuah chutiang thil chu ka vawi khat tawnna a ni.



“Kan hotel ah a thlen vawi khatna a ni a.. Nghawng a neih pawi theih dan tur chu min hriatthiampui ka ring” amah chuan a rawn ti leh a. Thil thleng chuan a țhawng hle pawh a ni mahna a aw pawh a buai ru nak mai. Ka thlen har loh tur thu hrilh in phone chu ka dah a. Chanchin ngaichang a min lo en thup tu ka nau te ho chu ka melh kual thuak a. Rema a awm lo, a fanu birthday a ni a, party buatsaih in an chhungkua in an kal chhuak daih. Ka bula police palian ber chu min zui tur a hrilh in ka chhuak zui nghal a.

Motor chhung kan luh hnuah thil thlen dan chu ka hrilh ve thuak thuak a. Driver nen chuan mak an tih hmel khawp mai. “Mizoram ah a vawi khat thlenna a ni hial lo maw?” an ti zui hlut a.

“Chhui chhuah a har ang em aw…” tiin case dangdai deuh kan neih chang ang bawk in an phur vak lem lo a nin hmel. Kar lovah Hotel chu kan thleng thuai a. An chawlhna hmun a thil thleng vangin Guest te chu chiai tak hian an lo awm a. Kan lam panin phone a min rawn be tu pawh kha a lo tlan thuai a.


“An phawklek hlawm hle a ni maw?” ka lo tih chuan, “Nia, a zialo tak tak a ni. Tu te mahin an eitur chah an ei ngam tawh bawk silo.. in lo thlen hun kan lo nghak tawp mai a ni” a ti mawlh mawlh a. Thil thlen dan ka zawh leh chuan, “A eitur order ah khan tur tel tu an awm a nih kan ring. Eitur a ei hnu lawkah a thawk a buai a, a chil phun rawn chhuak in a talbuai nghal chu a ni mai.. Hospital lam ka be nghal a. Victim chu Damdawi in lamah lak phei a ni tawh” tiin thil thlen dan chu a sawi zung zung a.


“Choka lama hnathawk tu te inhreng vek ang chu tiraw?” ka ti a. Thil thlenna lai vel chu theih ang ang in ka en kual pah bawk. Crime scene lai chu a lo hnawk bik deuh a. Victim tlu turin dawhkan khuhna a pawh thlak tel ve vangin eitur te chu chhuatah chuan a lo baw nuaih bawk.


“Aw, Sir.. Pawnlam chhuahna leh hall inkalpawhna chen in kan kalh nghal vek” tih pahin Choka lamah min hruai lut a. Choka chhung chu a thianghlim hle a, eisiam tu leh hnathawk țhenkhat lo ding tlar țhap te chu uluk tak a melh run chungin ka kal kual zel.. An zingah chuan rinhleh hmel pu mai an awm lo.

An head chef chu dinchilh in, pawn lam mi lut an awm leh awm loh ka zawt a. “ka hre miah lo Sir.” a ti hnual raih a. “Kan buai tlang a. Engmah kan lo chik lo va” a tih leh chuan ban ka vai hluai a. Hotel Manager ka va melh leh chuan rilru buai hmel deuh hian thawk a lo la va hulh a. “Tu mah hi lo la haw suh se. CCTV video a en let theih ang tiraw?” ti hlut in ka hawi kual leh thuak a. Choka lamah pawh CCTV pahnih ngawt a in vuah a. Thil ei nana an hman ber Hall ah pawh khan CCTV hmuh tur a awm nual.


Manager ho a control room pan a kan inzui chhuah leh chuan Rema pawh a lo lang hlawl a. “E, hetah a ni maw i fanu birthday chu i lawm sak a” a thuphung chuan ka lo ti a. A buk nghat laiin’ “CCTV video kan en let dawn a. Lo tel ve nghal mai la” ka ti leh thuai bawk.


“Sir” a tih chuan ka en thuai a. A hmel chu sawi duh nei a ang riau. Mahse, Manager khan kawngka pakhat hawnga ngaihchan hmel taka keini lam a lo en leh tak avangin Rema bawk chuan, “nakin ah a ni mai” a ti a. Controll room ah chuan kan inzui lut a.


Computer screen chu uluk fe in ka en a, choka a chetla te chu chiang takin an lang a. Thil thlen hun lai vel nia an sawi ah chuan thil danglam teh vak hmuh tur a awm lo. Choka hnung lam chhuahna kawngka ah chuan artui case ruak leh eng î lo an hman ruah hnu dah chhuak a vei tawn an awm khat tawk reng a. Mahse, chung zingah chuan an uniform ang ha lo tumah an awm hauh lo.


“Hmuh hmaih palh ka nei aniang” ka ti rilru a.


"Kan lo en chiang anga, i customer te lo va chingfel la…” tiin Manager chu ka hrilh a. A chhuah hnu lawkah Rema chuan ka nau pakhat hruai leh Driver te chu Manager kha zui a, buaipui ngai ang ang buaipui tur a hrilhin a tir chhuak ve nghal a. Rema chezia chu chik tak hian ka en a. Nichin a ta tawh min hrilh duh nei ni awm tak in a awm tawh.


“Sawi ta che” tiin video chu ka pouse a.

“Sir, he hmunah hian i bialnu kha a awm ve” a ti a. Sawi chhuah chu nuam a tih loh hmel hle a. A ngaihna hre lo fahran a, “Ka bialnu?” ka tih ve sup chuan a lo bu nghauh a.

“Rv a mi kha… Chuan, Sir. Victim te table a eitur rawn dahtu pawh a mah ngei a ni!” a tih leh mauh mai.


“Sawi chiang rawh” ka ti tawl. Rema pawn ka dawnsawn dan tur a hriat lawk sa vanga midang awm laia sawi chhuak lo a ni tih chu ka hrethiam. “ Victim te table bul chiah ah kan țhu a. Kan order min la pek kim loh vangin Choka lam thlithlai ru deuh chung a awm ka ni a. Chutia Choka lam mitmei ru pah reng a ka awm lai chuan i bialnu.. Aaa.. Mamite khan eitur a rawn nawr chhuak a. Kan bul chiah table te kha a rawn served ta mai a. Hetilai hmun ah hnathawk ang a ka hmu ta daih kha mak ka tih em avangin ka en zui ta reng a…” a ti a. A sawi tawp lamah phei chuan ka rilru tur hrethiam ni awm takin hnuai lam a bih daih a. Thawk a sak țalh thei mai.


“A mah ngei a ni tih i chiang a maw?” ka ti khawl. Rema chu lo hawi chhuak in a thaw hawk a. “Face mask a vuah a. Mahse..” a tihpah chuan min lo melh a. “A mit chin chiah kha hmu mah ila amah a ni tih ka chiang. Naga pa in a nghawng a hliam sakna lai ah chiah ser hmuh tur a awm,” a ti zawm a. Kan chhan let hun nghak ni awm tak hian Rema chuan min melh vang vang a. Sawi tur engmah ka nei der lo.


Chimawmi tih a ni ang maw! Za lo zet in ka țhen sak a, pindan aţang ka chhuak vut a, ka kekawr ipte a phone chu ka la chhuak rawk rawk a, tukin message pawh a rawn chhang lo reng reng, a number ah chuan ka call a, a ' ring' char char a, engvanga tualthah duh ta mai ngei anih?

' chhang ta che..!'

A chet duh dan ka ngaihtuah let a, eng thil mahin a ti tim chhin ngai lo, amah leh amah pawh ka hriat theih chinah țum hnih intihhlum a tum tawh bawk! Amah ngei ka hmuh vat a țha ta ber ang!

[Abbra Reo Ririni]

☆UTOPIA : 1996☆
Chapter 5
Abbra Reo Ririni Khiangte ( Pitartei)


If you want to be ORIGINAL,
be ready to be COPIED

“Sir, damdawi in lam ah chuan kan kal ve dawn mi niang?" Rema’n a lo tih lai te chuan phone ngawt chu ka melh a, Kan Chimawmi chuan Phone a chhang duh hauh lo.


"Amah ngei ani tih i chiang em?" tia ka zawh nawn chuan bangbo hmel ang reng takin Rema chuan min pan a. Mahse, ka zawhna awmzia chu a hrethiam zawm ve leh mai tih hriat tak hian " an pumrua engkim kha a inang vek.. chuan.. I bialnu ser neihna hmun tur ah tak kha nu pawh khan ser a nei ve… an mitmeng..” a tih leh lai chuan "CCTV ka check leh dawn” tiin ka lo pawtchat a. Rema min melh dan chu ka hrethiam chiah lo nani Chimawmi ngei ani e tia chiang taka puhna tur ka hmuh hma chu amah rinhlehna rilru put ka duh lo. Aaaaa... amah ani thei nia hriatna nei tho mah ila ka pawm duh lo zawk in ka hria.


computer bawk chu ngunthluk fe hian ka bih a, Hotel Choka chetla te na na nâ chu an langchiang hle. Ka mit la tak ka hmuh rualin mouse chu ka click zeuh a, ka duh lai tak aţang chuan ka en țha leh ta ngat a, Hmeichhe pakhat chu artui plate ruak paih tur in a chhuak a, 30 second pawh tling lo ah chu hmeichhia vek chu choka ah chuan a rawn let leh nghal. Mahse, chu nu hnung ah chiah chuan Rema sawi, Hmeichhe masak vuah chu a lo lut ve ta chiah, Video chu ka han pause a, screen chu ka zoom nghal zat bawk, phe deuh riai mahse Chimawmi a nih lohna chance a tlem viau ang.



Mit khap hlek lo in choka chhunga a chetla chu ka en zui zel a, hnathawk tu te pawh khan thudik an sawi hlawm. An buai buai in an buai a, Chimawmi lut ve ngawt pawh chu tumah in pawn lam mi a nih an ring thiam lo aniang an ngaihsak hauh lo, an uniform ang chiah a hak ve vang pawh a ni mahna…



Minute thum hnu ah an eitur order pe turin amah khan ei tur nawrna chu a pan ta chiah a. A bula hotel hnathawk mipa chuan engemaw a hrilh thuak thuak a, hmeichhe buk nghat danah Table awmna an inkawhhmuh a nih ka ring. Hmeichhia pawh chuan eitur awmna food trolley cart chu a nawr chhuak a, CCTV dangin a lo lak leh dang chu ka en leh nain eitur a tur a pawlh lai reng hmuh tur a awm lo. Choka chhung lam a a let leh lai hmuh tur a awm lo bawk. A awmzia ni thei chu Rema Hmeichhe sawi khan hotel chhunga CCTV invuahna lai te hi a hrechiang hle ni in a lang. Cctv in a cover lohna lai ah tur pawlh in chu lai hmun ațang bawk chuan a relru bo ta a nih hmel. Ngaihtuahna chu a vak kual ruai a, hmeichhia chu Chimawmi lo ni ta tehreng pawh nise he a thil tih chhan hi engvang nge ta ang..


“Hetiang thil ti tur hian ruahmanna a neih lawk vangin i puihna kha mamawh a ni thei mai ang em?” zawi ang reng tak hian Rema chuan a lo ti sap a. Ka zawhna neih; a chhanna ka ngaihtuah chhuah theih mai loh a rawn sawi chhuak ni maiin ka hria.


Thaw huai a dawhkan nam a ka kun vang vang hnuah “Damdawi in lamah chuan han lang ve i la..” ti pahin control room chu ka chhuah san vut a. Pawn a Hotel Maneger leh ka nau te pahnih lo ding tlang hnen ah chuan an damdawi in indah luhna te chu ka han zawt a. Maneger pawh chuan rang takin min lo hrilh ve thuai a. Tawi khawmuang tawh lovin damdawi in pan chuan kan tlan chhuak nghal a. Kan thur chhuah tura hi Chimawmi a lo ni tak zet anih ngat chuan… Ngaihtuah zawm duh loin lu ka thing nawk. Insawifiahna țha tak a neih ngei a ngai ang.




Kawng tluan chuan an zu chhuang kan zuk phawk tuka a chetzia verther ru tak te kha ka ngaihtuah let rauh rauh mai. Department puihna nilova ka puihna chiah a mamawh chhan kha a thil tih khuhbo sak tur a min beisei vang te hi a ni thei, tia ngaihtuah in thin a ur hlur a. Chutih rual in ka chhungril lamah erawh na riai riai a awm tel ve tlat. Kan nau pakhat chuan Rema chu thil thlen dan te chu a zawt zauh zauh a. Rema chuan min venthawn vang nge ni, an ei tur chah rawn nawr chhuak tu a rinhleh thu lam a sawi lang bik lo.



Damdawi in kan thleng chu hnathawk te chuan min lo dawngsawng thuai a. Nurse pakhat chuan kan victim awmna cabin lam ah min hruai zui a. Damlo chanchin ngaichanga lo awm ho in keini lam min han hmu chu an lo ding nghal suau a. An hmel pawh hmuh theih khawpin a eng a. Beiseina sang tak nei chung hian, “Nangni in em ni case hi la dawn?" an lo ti a. Patling phanchang tawh tak chuan min dilchilh zui zat bawk.



"Ka hre lo… kan damlo chu eng nge a dinhmun?” tia ka zawh chuan beidawng aw ka zuai tak hian,”Aaa.. doctor chuan thihna khawp anilo a ti naiin a harhchhuah mai erawh a beisei awm viau loh" a ti ban chalh. A aw ri ah chuan beidawng aw a langin ka hria.




Ka nau te nen chuan kan awm ve ta reng a. Rema’n a thil hmuh min hrilh te kha ka ngaihtuah zui rauh rauh a. Kan Chimawmi thil tih nilo tur a ka duh viau rualin ‘a nih theihna kawng’ a awm a rinna chuan min mawlh run a. A lo ni ngat a nih chuan; Hmeithai zu zuar fanu in vantlang in chung en a an en vek mipa hi engvang a bei ta ngawt nge a nih ang? Chhan țha tak tel lo chuan kan Chimawmi khan hetiang thil hi a tih ngawt chu a rinawm bik siloh a. Chu ‘chhan țha tak’ chu eng chiah nge, Chhui chian a chinfel tur hlir a la ni.




Kan thlen ațanga darkar chanve vel a liam awrh tih ah damlo chu tur thahna in an jection leh a. Chumi hnu chuan hmu tura cabin a luh min phal sak ta a. Khum a damlo mu chu uluk takin ka thlek vang vang a. A taksa pawnlam ah chuan hliam a nei lo. Mahse, oxygen hmangin thawk a la țawk țawk a. Amah ber biak theih lo ta chu rei pawh awm lo in kan chhuah san leh thuai a. Damlo chhungte leh an țhenrual te chuan, “hetianga tur a inhrai ngawt mai chu eng nge a chhan ni thei ang aw. A titu hi man chhuah a nih thuai loh chuan keini a chhung leh khat te tan tak pawh ngaihțha a awm a awlsam dawn lo riau. Pu Hming, chak takin hma min laksak hram te..” ti chuan min ngen mawlh mawlh a. Kei pawhin an rilru put hmang chu ka hriatthiam pui in ka hria. An nau beitu hian an nau-a chiah hi a bi tum ang nge, midangte pawh hi a la thur phoh phoh dawn? Chutiang chu a thleng lovang tia sawi theih a nih miau loh avangin ngaih ngam taka awm chu a har khawp ang.




“Hetianga che duh tur ni a han rinhlel deuh in nei em?” tia ka zawh chuan ‘an neih loh’ thu in min chhang lawi a. Anni ang rual contractor hausa tawntaw tawh chin chuan mi nawlpui te ang lo takin boruak dang an tawng fo a. An circle zimte chhungah hian mi nawlpui te’n a kan hriatthiam pui phak loh ‘in erna avanga indona’ a in mung reng tih chu ka hai hauh lo. Zep nei lovin engkim sawi zawk ta se hnuchhui kawngah pawh hmasawn a awlsam zawk ngei ang.



“Rinhlelh in nei miah lo a maw?” tia ka zawh nawn leh ngat chuan patling lam chu an in melh kual hruk hruk a. Mi â nileng an ni bik lova a tawpah chuan, “A fal in i inbia ang u hmiang” an ti ta a. Damdawi in tualzawl lamah kan inzui chhuak a. An zing a patling pathum in min zui ve bawk.



Hmun reh lai deuh a kan awm takah chuan an contractor pui zinga pakhat hming chu an lam chhuak ta a. An sawi hmang ațangin an mi rinhlelh chu pa duham leh phunglung tak, sum vanga tih hreh nei lo mihring a nih hmel. Contrac bakah Burma lam ațang rangkachak leh damdawi tawlhrukna kawngah pawh inhnamhnawihna a nei ni ngei tur a ni. Tender pakhat an inchhan thuah a. Contrac thawk tur in sawrkar lamin anni zawk a thlang zui ta si a. Chuvanga ani pawisak neilo ve tak lungawi lo chuan heti zawng hian chet a thawh ta mai a nih chu an lo ringhlel ru reng a ni awm e. Chutiang a rinhlel dang an nei chu ka lo thawk huai phah lawi…



A theih ang angin an thusawi chu kan bawhzui nghal a. ‘An mi rinhlel thil tih chu lo ni tak tak se aw’ tia rilru ka pu rauh rauh reng chu a professional loh thlak hle ka ti ve tho. Mahse, Chimawmi thil tih nilo se ka tih luat vang zawk a ni. Contractor Pu Remruata te rinhlelpa in kan va thlen chuan beisei ang eng thil mah kan va tawng lo. An mi rinhlel ber pu Tlana lah chu damlohna vangin Vellore lamah a lo awm daih. A hrawk cancer vanga damna run bel mek mihringin nunna hlu tak dang lak tuma chet a lak chu a rinawm lo. Amah pu Tlana pawh chu phone kal tlangin kan be tho a, kan biak chhante kan han sawi chuan a lo bangbo khawp mai. Rei mawi tawk kan inbia a, ‘Pu Hming, pa duham leh sum men a meng tiin mite hian min sawi fo mah se nunna aiin sum hi ka hlut chai lo ania’ a tih chuan dawt a sawi loh tih ka hria. Pu Tlana nen kan inbe zo chu lung a zing leh sawt a.. Rema hmuh leh min hrilh te kha ring duh lovin bawhzui loh dan ngawt dap mah ila kawng dang a awm tawh lo. Tuna ka bi tum tur chu Chimawmi a ni ta.



Rema te chu damdawi in lamah bawk an let leh a. Pu Tlana chanchin leh kan inbiakna te chu victim chhungte hnena hrilh chhawng turin ka chah bawk. Chimawmi chung chang erawh keimah ngeiin fiah a, ka hlin chat hma chu a thawi pawh a sawi lang lo turin Rema chu ka chah uluk viau. Hotel neitu te lam chu venthawn an ngai lem lo. Rinzuala te chhungkaw ta a ni a. Victim chhungte khan CCTV video en let lo dil pawh nise case kal lai a nih tawh vanga lo pe chhuak rih lo turin ka ngen thei mai ang…..



Chimawmi te veng ka zuk thlen chuan an in chu a lo inkalh țhiap a. ‘Zanrei a ni tawh a, a riakbo dawn te a nih ngawt loh chuan an inah hian lo haw hun a nei dawn’ ti chungin ka call pah a. Ka call-na lah chu a chhang duh malek reuh a. Tlaivar țhak a nghah a țûl pawh in ka nghak tho ang. Engkim țha tak in a sawi dawn lo tih hrelawk sa a kal ka ni a, kan inchai leh hrep pawh a țûl mai thei.




Seat nghenchhan ngheng ur ur chungin ka call lui zel a, zinglam dar khat a ni tawh, ani lah thehhmeh sawi ang maiin a reh veng veng a, a bialpa In ah khan a riak dawn te hi a lo ni reng ang e! Ka ngaihtuahna țûl lutuk chu țhenpui sak in ka țhu rem a. Chutih mek lai chuan ka ep kawngpui a motor lo tlan hmalam light chuan min rawn chhun ta siah a. Mit ti zim sun a ka en chian chuan motor chhunga hmeichhe țhu chu ka hmu thiam thuai a. Ka motor ațang chuan ka chhuak rang khawp mai.



Chimawmi pawh chu motor din rual chuan a lo chhuak ve nghal a. Zanlai tawh ah leh nghal an In kawta min hmu thut chu a mitmeng chauh tal pawh a danglam pha hlek lo. Chutak chuan kan rinhlelhna kha ‘nemngheh in a awm’ tih a tichiang a. A rilru in police hmel hmuh a lo beisei ru sa reng te a nih ngawt loh chuan hetiang tak hian a inthunun hauh lo ang.



A lam panin ka pen zui pawk pawk a, car chhung ațang a khalhtu mipa hmai fai veng hi a lo chhuak ve nghal zat bawk. Zanlai tawh ah leh nghal mipa nen a an rawn inphur haw chuan min hnawh ipik tawh teh lul nen, chupa lah chu rang takin Chimawmi lamah chuan a kal ve nghal a. An hma ah tak dingin Chimawmi chu ka melh chhuk run a. Pawhlah fahran hian, “Zan zan ah leh nghal heng hengah te eng nge i rawn tih dawn a, Oficer Hmingsangzual” min lo ti kher a. Thin tawt tawh sa nen thin hrep mai chu ka nap.


"Biak che ka duh." Ka ti khawl. Lo phur haw tu lah chuan a din hnaih zual sauh a.


"Sawi la.." a rawn ti liam puat chu ka haw khawp. Inthunun țang țang chung hian, “A fal in” ka ti leh a. Ka aw nelawm fahran lo chu mipa zawk chuan a hrethiam te pawh a ni ang, “Eng chungchang ah nge ni a?” tiin a lo inrawlh thuai a. Kei leh Chimawmi chu min melh tawnin a hma a din inhuam hmel takin a lo pen hma pah sauh a.



“Lo inrawlh ve lo zawk la..” ngeiawm ang reng taka ka ti chu a lawm loh hmel hle a, “ țhianpa, Arinteii chungchang a nih chuan a tawp thlengin ka inrawlh ang” a rawn ti ta chiah. Tham loh hmel deuh a ka kiai khum suk chuan a lo pen hma leh hrut a. Mahse, Chimawmi chuan a ban ah chelh pahin, “Ngaihtuah ka ngailo… A tlai tawh si, i haw na tur a la hlat em kha kal tawh mai rawh” a ti a. A aw chu a dam diai a, amah ngaihtuah hmel deuh a melh tu mipa chu a nuih zui ver ver bawk. “Ka ngaihtuah awm loh tak tak.. Chuan, min thlah avangin ka lawm lutuk aw” a tih zawm leh a. Mipa zawk paw’n ngaihțha zan lo hmel pu chungin a nuih let ve a.



Chutah keichu rum fahran a min rawn melh pahin, “Min lo zui la.. Officer” Chimawmi chuan a rawn ti ram hmar a. In pana a kal nghal zat chu ka zui ve hmain rum tak maiin a țhianpa chu ka melh leh tu tu phawt a. Ani erawh chuan rilru buai tih hriat fe in min lo melh let a.



Inchhung a ka luh rualin kawngkapui chu ka khar phui hmak a. Chhuat laiah chuan ding nghal run chungin enghelh neih loh hmel taka Chimawmi lo nui sak chu ka melh vang vang a, "Zan rei tak hnu ah mipa thlah ngai khawp in khawi ah nge i kal?" ka ti ri chu a ring lo nain a bung țha bel bawl hle.



"Chu thil min zawt tur ngawt chuan maw i rawn kal a?" a lo ti let ve zat a. Nui pah hak chungin min rawn pan a. “Khawi ah nge i kal?” ti nawn leh sup in a mitah chiang takin ka melh a. Zep loah chuan lo thlah haw tu nen a awm dun tur ang a ka ngaihtuah rual ringawt pawh in eng amaw hian min mawlh run a. Mahse, Hotel a thil thleng kha a tih nilo tur a ka duh luatah, khapa nen khan an awm tlang reng tih fiahna awm hlauh sela tih chu ka duhthusam a ni.



"Nula ka la nia, khawi khawi ah emaw te pawh ka kal ve bawk ang chu!" ti leh pahin Sofa a țhut a rual a. Pawisawi loh hmel fahranin min chho melh kiau bawk.



"Zinglam dar khat thleng chu khawiah chuan maw i kal a?"




"I hriat ve a țullo.." a lawm lo tih chu hriat reng mah se kei ang em em chuan a nelawm loh ve lo. Thinrim inbengdaih tum tak chuan thawk ka la ta ham ham a. Ka thil chhuinaa min pui tu ani a, ka mamawhna a zo tawh bawk. Mahse, mipa nen zinglam dar 1 thleng rawk awm dun tur a ka han dah chhin ngawt pawhin ka sahal ti tih thei nia…



"Kha pa bulah khan i mu em ni?" ka ti chiah chu a ter at a. "Hmela?" min ti hlar mai.



"Rawn in thlah tir kher lo khan riak tlang law law ta che” ka ti chhum vut a. Keimah leh keimah chu ka in ang thinrim a ni hawt tawh. Chimawmi tereuh lah chuan min nuih ta ver ver a. Enghelh neih loh hmel deuhin sofa nghenchhan chu a ngheng a, ngun zet hian min melh vang vang a. A hmel ațang chuan a ngaihtuahna a awm tur chu ka chhiar thiam hauh lo nain a hah a dam tih erawh a hriat viau lawi..



Reife hnuah chuan, "Dr Hruaizela kha i thik tih sawi tum miah suh,” a rawn ti ta khauh.



" ka thik lul lo!” tih leh ban vai ka rual a. Min lo nuih mai leh nghal.


"I thik lul lo” a lo ti nawn ve kher a, “anih chuan eng nge i lo kal chhan?" a ti leh puat a, hmelhriat satliah ang mai a min bia chu ka run tawk a tling em em bawk.



" Hotel ah khan enge i tih?" ka tih laiin a hmel ah chuan danglam a awm em hriat tumin ka en chik hle a. Ka zawhna vanga mak tih hmel deuh min rawn melh chuan a thil tih a ni tak tak lo ang tih ngaihdan ka nei hman.


"Hotel ah ka kal lo”


"Aih, cctv video ah pawh ka hmu che” ka ti leh țalh. Rilru fim put ka tum hram hram bawk.


"Min hai anih ka va ring ve Officer Hmingsangzual!" Min tia, Vei kher kher chuan….



"Ka hai hauh lo che. Rema pawh in a mit ngei in a hmu che." a hma lawk a lungawi lo fe a ka ding chu min nuih hak a, a nghawng ah chuan puan pan uk a suih bawk.



"Rema.. i țhianpa chuan tarmit power tam deuh zawk a mamawh a nih dawn chu..." deusawh deuh a min ti leh chiah chu ka sa phat a, hmeichhia chu nilo se ka hrawm nawk hial tawh ang.



"Thankhuma ei tur ah khan engvang a tur pawlh nge i nih?” Ka aw chu ring lo mah se a khauh hle. Ka hmachhawn nu lah chuan min hlauh loh hmel zet in a kê chu sofa ah a hlang chho a. A khup ah khabe nghat pahin min nuih pah ver ver a. A mitmeng leh nui hmelah chuan vertherna chiah a ni ka hmuh leh tawh ni.



"Doctor Hruaizela nen in awm dun i ti zo chiah emaw tia.. Engati nge Hotel chung chang sawi a ka thil hriat ve loh hlir min zawh vak a…” tia ka țawngkam vek a min thal let chuan min vilh zawk a, ka thin a ur zual hlur. “Zanlai pelh tawh ah leh nghal hetiang a thu chiang pawh ni hlei lo v thu min zawt fiah tur hian thuneihna i nei em?” a ti leh ngat a. Henu hi mi â tak a nih loh zia ka hriat belh zel dawn chu a nih hi maw..



"Ka nei a; ka zawt mek bawk che."



"Engmah ka sawi duh loh chuan nang hian tihtheih pakhat mah i neih ka van ring lo…” a ti leh chu ngeiawm duh tak a ni.



"Túr kha a ei tur ah i phul tih i sawina tluk ah ka ngai ang” tiin ka melh run a.



"Tumah in ka phul lai an hmu lo…” tih leh min nuih a rual a. A mitmeng a hlauhthawnna pakhatmah hmuh tur awm lo chuan mî a ti hrilhhai letling tawh zawk.



"I CCTV Video sawi ah pawh ka phul lai a lang lo a ni lawm ni” min tih khum leh sak sak a. Amah leh amah chu a inpuang a ni tawh ber a. Zamna hmel reng a pu chuang hauh lo chuan min ti haihchham ngang mai. “Chuan,.. i țhianpa pawh khan ka phul lai tak a mit ngei in a rawn hmu lo, a awmzia chu eitura ka tur phul lai min hmutu an awm lo, chuan i duh duh min zawt thei lo tih a chiang tawh em” a tih leh chuan a chunga thil thleng thei vangin ka nu bul (h) tawh.



" Jail i luh phah thei tih i hria em?" vin deuh taka ka tih chuan engvakah a lo ngai lo. Thle deuh bak pahin, “hre tehreng mai.." a ti sam then a. Engtin pawn han ti mah ilang a hlau chhin duh ngai bawk silo, ngeng takin mi a hmachhawn ve ngal ngal zel a. Engtia han tih leh chuan tur nge pawh ka hrethiam tawh lo.



"Anih chuan min zui rawh… Station lamah..” vau ti tih chunga ka hnaih chuan thawk a la hak a. A kê chu hlang thlain sofa tlang hmer pahin chiang ren rawn hian min han melh a. “Ka sawi zawh chiah kha i hrethiam lo em ni?” min tiin a nui a. A nuih dan chu â min tih hmel in min tham loh hmel zek zek.



Chutah inthup miah lo hian, “Eitur ah khan tur chu ka phul ngei a lawm.” a ti leh ta reuh a. A chet dan rawva tak sawi chhuah chu nuam a ti hlei hlei a maw tih turin a mitmeng chu a fim kak a, psychopath ni mai awm a ni. Psychopath te paw’n an pawikhawih tawh te chu intihtheih nan tak an hmang a, pawi an khawih rapthlak poh leh midang chunga leng ang a inngaihna lian tak an nei țhin.




"Mahse, ka phul lai tak hmu tu an awm miau silo a. Kei lah ‘ka phul lo’ tia ka țan tlat chuan case closed duh vanga pawikhawihtu a min puhtluk tum angin i lang mai dawn a sin. Dan hi mit del ani a. Finfiahna a hmuh hmang a rorel țhin mai chauh a ni. Ka tur phul lai tak fiahna i neih hun ah Jail ah chuan min khung dawn nia” a ti chat chat a.




Tunah kher kher hi chuan mipa a nilo pawi ka tih ber țum a ni hial ang. Hmeichhe kut thlak ngawt lah a dik hlel deuh si. Mahse he nu ngil ngel hi engtin emaw tak tih erawh a ngai, nge ni a, khai kang in nawh-al fawng in ka vaw lawh mai dawn.



"Engati nge eitur ah khan tur i phul?" zawi ang reng tak hian ka ti a. Vin chiam dawn lahin kei ai daih in a vin thei zawk a, kut thawh chiah ila hmanrua engemaw ber in min vaw leh pawp pawp duh dawn bawk. Chuvang tak chuan nem taka dawr chu a fuh ber dawn in ka hre tawh.



"Ka hua” A bul tek tawk viau e.



"I huat chhan chu min hrilh ve thei em?”



"Aih, tun hi chu ka warning na mai mai anih hi. Engtiklai pawh in ka that thei tih a inhriat thiam nan; tûr chak lo ber chi ka hmang bawk, a hnu leh ah chuan a ruang i hlâwm tawh zawk ang” a ti leh mauh a. A rilru put hmang dik tak a sawi chhuak tih lah hai theih a ni lo. Mitmeng fim em em a min melh pahin, “I lo veng uluk deuh dawn nia” tih leh sofa nghenchhan a lu nghah a rual a. Hahdam hmel em em a a zai zui rat rat chu ka melh ta tlawk tlawk.



"Damlohna i nei em?" ti chuan ka zawt ta thlawt. A zai lai chu chawl in lu a thing zeuh a. A zai zawm leh nghal a. Sawi leh mai tur hre lovin a khawsa zia chu ka en ta reng ringawt. Mihring ah pawh hmeichhe tleirawlte chauh in pawi rapthlak lutuk a khawih hreh hauh lo chu mak ka tiin min țhawng takzet. Rilru lam buaina a nei anih chu ka ring deuh rum rum a.





Nakin deuh ah chuan hrechhuak thut ang mai hian a zai lai chu a tawp a, "Haw tawh la, ka mu duh tawh” a lo ti zui a. A ngaihsam lutuk hmel chu ka nuih chhuah pui hawk. Chutia ka nui hawk hawk mai chu min thlek ha ha pahin a lo ding chhuak ve a. Tun a min melh dan ah phei chuan hmeichhe naupang rilru thiang hlim tak hmel a pu a, marawhchu a hmel pawisawi lo zet hi a thinlung nunrawng lutuk inphenna hmanrua mai chauh a ni lawi si.





"A tlai tawh zia hi!" Bang a sana intar chu thlek in a ham zui bai bai a. Hun hei leh chen hna ka lo thawh tawhna ah tun ang taka beidawnna hi ka la nei lo. An in ațang chuan chhuak thuai se ti ang mai a min rawn melh chuan ka che thut a. A banrek ah manin ka pawt hnai rawk a. Nghet taka ka kuah bet chu a duh lo ngang ngang viau. Tal phat phat chung hian, “Eng nge i hriat a.. Min thlah rang rawh” a ti hlar a.



“Ka kuah che” tih zawng a chhang letin ka kuah nghet zual sauh.



“I kuah ka duh reng reng lo.. Min thlah vat teh Hmela” ti tan tan pahin theih paling kawhin a tal a. Ka thlah duh bik silo chu a run hmel hle. A ham in min ham tel tawh. A tawpah chuan ka thlah duh silo, a tal chau tawh chu a zawi ta riai riai a. A chhip a khabe ka nghah leh chuan a thaw hle hle ringawt tawh.



"Kha pa khan a tina che em ni?"




"I rin phak bak ai nasa in” a theih ang a uar chuan a lo ti let a. A țawng ri erawh a ring lo. Ka awm a hmai phum turin ka kuah bet miau a. A chhip a khabe nghat reng chungin a sam chu ka chul hliau hliau a. A tha țang țak inthlahdul tial tial lai pawh chu ka hre thei. “Engtin nge a tih che?” ka tih leh chuan, “I hriat ve a țulna a awm lo.. ” luhlul hmel tak hian a lo la ti țalh.




"Aih, Bawihi a ngai, engkim min hrilh rawh, chuan ka pui thei bawk ang che” ka tih chuan, "Ka ring nek lo a che” tih leh chet a rual a. Ka lo inthlahdul lai tak a ni bawk nen a kut pahnih chuan ka awm ah a rawn nam dawt a. A tawlh hlat hmain a nghet zetin a kawngah ka man leh nghal tho. Min si chet a ka hnuh hnai chuan, “ Sex chiah ngaihtuah chungin min kuah leh em ni?” a ti ngal ngal a. Chhang let lovin a khawsa zia chu mit la lo lekin ka en vang vang a.




" i tihtur zawng chu kha pa kha venhim tum kha a ni mai, anih loh chuan nakin lawk ah a ruang i chhar palh ang.." a ti leh bawrh bawrh a, A kawng a ka kut suih beh chu pawh phelh a tum zui zat bawk. Ve hlik hlek zel hian.. Ani kut tereuhte hian a pawt phel zo lul lovang.




A tawpah a talput thei lo beidawng chuan, “Haw rawh.. anih loh chuan Police ka call dawn ania” a rawn ti țeu ta hlar a. Ka lo nui huk thung.




“I hmaah police officer ka awm reng lai hian Police i call ang maw?” ka la nui hawk hawk tho.



“Hmela… țhenawm a zu rui ho saw ka au ang a. Ka sual rawn tir mai ang che” a’n ti pek a, a beidawn hmel riau tawh in ka hria.



“Zu rui sual rawn chu ka duh reng reng lo… an chak awm si” ti sup a kun hniam pahin a chal ah ka fawp a, a khawng nghal at a ni ber.



"Duat ka tum tehreng che nen, zurui min sual rawn tir te i tum mai mai a." a chalah hmui nawr reng chung chuan zawite in ka nui leh a. Ani pawh chu a nui ve thei ta, ka hrawk zawn chu a rawn lum hak a. Ka fiamthu a man thiam ve tih ka hriatna chuan awm a ti nuam huai thei.




"Mu tawh rawh, ka inbiak leh hun ah chuan engkim hriat ve vek ka duh tawh dawn ania” ti bul bul chungin a chal ah chuan ka fawp nawn leh a. Tim ru dai a ka banbul a min nam dat chuan ka awm hrang ve ta chauh.




"Ka sawi chu i hria em?" chhuk melh chung a ka tih chuan, "Thu min pe kual tu tur i nilo.." a lo ti leh hram,a aw ri ah chuan thinrimna aw aiin hamhaih aw a langin ka hria.



"Thupek lam a nilo Bawihi. Ka bulah engkim sawi la ka duh vang zawk a ni”



"Eng vang ngawt chuan maw?” meng kal ralh paha a tih chuan ka kun hniam leh thut a. Rang fahran in a lo eu hla ve vat bawk. A kawng a dawm chunga ka nui ruh ruh chu min melh rum hle a. Heti mai hi chuan hmeichhe duhawm tak chiah ka hmu. A mitmeng a vertherna kha a bo tawh a. Duat leh humhim chakawm hliah hliah hmeichhe nunnem hmel tak chiah a ni ka hmachhawn ni. Ka chhaih vanga a lai hmel lah chu a țha zual sauh emaw tih mai tur a la ni zui.




"A chhan chu i chanchin engkim hriat vek ka duh” thutak zet a ka ti lai chu ngun tak hian min lo en let ran a.



"Eng vang chuan maw?” a zawhna min zawh dan chu naupangchhia viau mah se nuam ka ti riau.



"Hriatchian che ka duh” nghet churh a tiin a mitah tak chuan ka melh let ve chat. A mitmeng danglam zauh chu ka hmu chiang hle a. Inringtawk takin, ‘A ni ngei e’ ka ti ngawt ngamlo nain innghahna tlak khawp a mi rintlak mamawh hmel lutuk in min melh ni mai in ka hria. Chutiang mi chu ka nih leh nih loh tur a zir chiang mek in ka hre bawk.




“Ka sawi chu i hrethiam tiraw. Hriatchian che ka duh. Hun kal tawh a i thil lo paltlang zawng zawng pawh bang awm lo va min hrilh turin ka duh che” ka rilru put hmang dik tak sawi chhuak ka ni bawk a. Ka aw ri pawh a nghet cherh chawrh viau.




“I chiang chiah maw?” a tih chuan min ring hmel emaw a ti lang lo a. Beiseina a nei tih erawh ka man thiam.




“Min rinna chin zel ah ka laka i rinna nghah chu fiahin a awm ang” ka tih chuan kan in en ran a, a mit chu a phu zeuh a. Eng emaw ngaihtuah ni awm taka a ngawih ren rawn hnuah, “I rin tlak zia chu han fiah phawt teh..” a ti ta sap. A kawng ka dawmna bawk chu a lo beng leh dat a. Engmah sawi zui tawh bik loin ka thlah a.





“Haw tawh la..” min tih leh pawh chuan hnial let tumna ka nei lo. Amah paw’n aw ka vin a sawi a nilo a. Bang a sana intar chu thlek thuak pahin, “zing ah ka rawn bia ang che” ka ti sup a. An chhuat chu thingphel a nih vangin kawngkapui pana a ka let thawm chu zanrei ah chuan a ring duh khawp leh nghal.




Kawngkapui bul ațang chuan ka va en leh kher a. A chal ka fawhna kha a lo khawih ve mek reuh a. Ka hawi let leh min rawn hmuh rualin rang fahranin a kut chu a thlak thla nghal zat a. A che zia lawm awm reuh lutuk chu a hrethiam ve mang silo. Ka pen chhuah dawn a ban ka vai thuak chuan lei a lo chhuah tat a. Chimawmi enkawl dan ka hriat thar hi a bu a chhuah tlak hial a ni in ka hria. A thupuiah ‘Hmeichhe Luhlul Enkawl Dan’ ti vuah ta bawk ila. Motor chhung a ka țhut luh tawh hnu thlengin ka la nui ruh ruh a. Savawm no pai ang mai a mize kawlh hlar kha chu a inphenna hmanrua mai niin ka hre tawh. inphenna a mamawh chhan erawh chu hriatchhuah ka la hmabak thung. Ko viau in lang mah se hriatchhuah hun ka nei thuai dawn a. Chutih hun ah chuan a hmaikawr mize kawlh tak te chu ani pawn a paihbo ve thei tawh ang.




A kawngkapui kalh tur chuan kawngkhar chu a lo nam hawng dek dek a. Kei lahin motor chhung ațang chuan ka lo melh chiang ngang si nen a lai pheng chu chechang lovin a ding ve ta reng a. Tunlai tleirawl dangte ang bawk in a tshit dum hak mar țang chu a Jeans kekawr ah a bilh lut a. A sam dum sei hniang pawh a thlah mawl tawp nain; a hmawr lam kawi chiat chuan mit a lak phah hle lo thei lo. Chutiang thil vel ka ngaihtuah rauh rauh laiin hriatchhuah ka nei thut a. Kan inbiak chhung zawng khan a nu hmel hmuh tur a awm lo.


Show post links
Top
Abbra Reo Ririni
Post January 14th, 2019, 10:07 pm









ARINTEII’s point of view


Pawnlam a motor kawng inkhar ri dawp ka hriat rual in hmanhmawh deuh in kawngka kalh țha turin ka tlan ve nghal a. Eng in nge maw min mawlh teh chai ni, kawngka chu tlemte in ka nam hawng da da a. Motor chhung a Hmingsangzuala țhu nen chuan kan mit a intawng zui siah a.




A chang in min tihnat pawh hreh lo ang hrim in chet a thawh a, țawngkam na tak a min hauh nek hnuah dam dup in min be leh țhin ang lawi a. A mize inthlak thleng thuai thuai țhin chuan awm dan min ti hre lo takzet zel. Nichin phei kha chuan ka chal ah min fawp in amah ring turin min chah hial a. Palian deuh chung khan fiamthu te a thawh ve leh nghal a…



Lu thing naka kawngkhar ka pawh zim leh lai takin motor aţang chuan a lo chhuak leh ta mai a. Chiai lutuk in kawngkapui chu ka pawt khar zui bur a. Chunglam kalhna chu nawr chho nawk in thaw dep dep pahin a vawnna chu ka vuan nghal tlat bawk.




"Lo hawng leh teh”



"Aih" Ka ti vak, maksak lutuk in a che leh palh mai ang.




"Bawihi, lo hawng teh." kawngkhar bulah ka la awm tih chu hria in a ţawng zawi hle a. A aw a thum sa bakah zawi taka a ţawng phei chuan nghawr cher cher thei ang kha a awm hial in ka hre ţhin. Chuan, ' Bawihi' te min ti ve ringawt a. Ka hming a ni chai silo.




Kawng a lo inchum rik leh dat chuan, “Haw vat mai teh” ka ti nghal hlar a. Lungawi loh hmel taka a thawk la hawk ri ka hre zawm zat bawk.




Kawngka bulah chuan ka ding ngawi ren rawn a, rei ve deuh hnuah chuan min au zui tawh lo bawk nen beidawng in motor lamah a let leh a nih chu ka ring a. Choka lam eng chu hmet thim in thawm dim te in mut pindan lam chu ka pan phei țhem țhem a.




Lawk! ‘Eng vang teh chai a thawm dim ta viau chu nge maw ka nih le. Kan in anih hi, kan inah kher hi chuan ka thu ve ber’ ti rilru in thawm dim vak lo hian pindan kawngka chu ka nam hawng leh ta vel a. Ka chetdan chu atthlak ka ti leh hnuhnawh ang reng.





Rilru vak kual rauh rauh chungin khum ah chuan ka mu meng kar a. Hmingsangzuala kha min man tum a rawn kal a ni awm sia, zep nei lo in Thankhuma hraitu ka nih thu lah ka inpuang fai leng bawk. Jail lam ah min hruai nghal rum rum lo kha mak ka ti ru hle a. Chutih rualin ka duh ang taka chet ka lak phah theih dawn vang erawh in pawi ka ti der lo.





Thankhuma ka huat zia leh ti na let thei dinhmun a din huh ka ngahhleh zia lah tu min rawn hriatthiampui phak va ni suh. Tun hun a tan liau liau hian kum 10 dawn ka inchher hriam tawh a. Hmana hmeichhe naupang a vau zam theih kha ka ni tawh lo tih ka hmuh tir hun hi tlumte thlir tak a ka lo thlir lawk ţhin pawh a ni. Thah hial a lo ţul ta a nih pawh in tim eih lovin ka that mai ang. Zanin kha chu Warning ka pekna ang a ni a. A lehpekah chuan thi ngei tawh turin ka bei ang. Chu chu nungdam a ka la awm ve chhan pawh a ni.





Ka lo muhi sek aniang, phone vibrate chur chur ri ah chuan ka meng chhuak hlawl a. Nasa zetin ka lungphu a inthum rawn nghal dup dup bawk. Chil lem khalh pahin ka ţhu chhuak thuai a. Ka naupanlaia ka chunga thil thleng rapthlak lutuk vanga hetiang a awm ţhin hi ka ni. Thin thi in ka mu ngai mang lova, ka mut ngheh ve chhun ah lah thawm eng emaw vanga ka harh hlauh chuan panic attack neiin ka talbuai chiam zel.




Ka phone bawk rawn vibrate leh chur chur vang chuan ka phawklek ti tih der. ‘Ka nu dinhmun a hniam deuh em niang’ tiin ngaihtuahna nilo lo ka pu hman a. Lukham bula phone chu ka ban nghal rawk rawk bawk. Ka bek lo thlan huh hliam chu tuai thuak phain phone chu ka chhang a.




“Pawn a min riah tir hi i tum em ni? Kawngkhar hi lo hawng rawh” lo ti tu aw zawi ruih vang chuan ka kâ hau mai. Engmah ka sawi ve hmain phone chu a dah daih leh nghal… Phone a dar zat ka hmuh phei chuan ka mak tihna a zual a. Zing lam dar 4 a hnai thuak tawh. Chuti chung chuan Hmingsangzuala pui khan pawn ah a awm thu a la rawn sawi nia..




‘Jail ah min hruai a tum em maw ni chu le’ ti rauh rauh a ka thawh chhuah chuan inthlak lovin ka lo muhil tlang daih tih chu ka hre leh hnuhnawh.




"In i neih ve reng kha, haw mai ta che." Kawngkhar pakhat zawk chiah hawng chung chuan ka ti nghal hlar a. Pawn a mi chuan min melh khui pahin kawngka ah chuan a rawn inzep lut a. Ka lo tawlh sawn ve nghal rawk rawk chu”Khawi ah nge i nu” min ti a. Chuthil mai mai min zawh a duh vang ringawt chuan maw min lo kaih thawh leh a.




"I hmuh ang hian a awm lo." Ka ti hmak, chhuak leh nghal se ka duh vangin kawngka pawh ka pawt phui duh lo. Ka hma ah tak a ban hrawlpui pahnih kuangkuah hlun in a ding run a, tur fe in min en ngur bawk, police uniform a la inbel a, hetiang thuamhnaw inbel chung hian kan veng ah rawn phusa tam vak bawk suh se.




" khawnge a awm ka ti a lawm?" a ti leh a. A landan chu min dawp hi a ang ber.




"I va mak e aw. Engatan nge ka nu awmna pawh chu i tih a. I be duh a mi? Falkawn Damdawi in ah a awm, zuk kal rawh" ka lo ti khar khar a. “Damdawi in” a tih ve sup chuan, “Aw.. A dam lo a..” ka ti leh hlak a. Mahse, zawldawh hmel taka min melh takah chuan nuam ka ti leh bik chiah lo.




“Chuan?” a lo ti leh teh ngawt a.




“Chuan, i hmuh ang hian in ah a awm ve rih lo” ka tih laiin a kut kuangkuah hlun kha phelh in a che zui hrut a. A che zui hrut ka tih mai loh chuan a landan hi sawifiah ngaihna ka hre lo. A palian in a hrawl bik em a tin a ni.



Kawngkapui pawt khar a chung lama a kalh zui hmiah chu phawk fahran hian ka melh a. A uniform kekawr pawt ţha paha a rum nghut chuan tlanchhiatna tur zawngin ka meng kual hrek hrek tawh. Chutah ka beisei loh deuh hian a che a. Sofa hunna lam pana a kal thla chu rilru buai nuaih hian ka melh reng a. Mahse, ka rilru buai chhung chu a rei lo. Ring fe a chhuak nghal tur a au khum tuar tak chu ka nap a ni. Mahse, chulah thilh tih chi a ni mang bawk silo.





“Mi zawng zawng mut hun a nih tawh hi. Haw i tum miah na nge?” zawi si vin tak a ti tan tan pahin kan pan thla a. Zing dar li tlang a au lung lung chi ni miau lo chuan..





A pheikhawk rah nat hmel zet chu kan thingphel chhuat ah chuan a ri khup khup leh nghal a. Ka thil sawi ngaihven lo tih hriat deuh in Sofa ah chuan a țhu, a bulah chuan mangang ru deuh hian ka ding ve nghal a. Hetah riah a tum loh hram ka beisei.




Mahse, ka hlauh ang ngei a"Va mu rawh, hetah hian ka mu dawn” a lo ti chiah chu thinrim ai chuan hlauhthawnna ka nei lian tawh zawk. Sofa beng thuk paha min lo melh tu bek ah chuan ka nam lawp a. Dinhmun hlauhthawn awm a ka ding nia ka inhriat chuan keimah a kawlhna awm zawng zawng sawm khawm in chet la bawrh zel.




"I va zakthei lo ve. Kan in a nih hi” ka ti ram hmarh a.




"Chuan?" Chuan a? ka theh chhuak chak lutuk.




"Chuan.." ti ve ngatin kawngkhar lam chu ka kawk va a.
"Chhuak rawh” ka ti chang fak bawk.




Hmingsangzuala berbur roh chuan, “Ka chau ania, au chiam lo khan va mu vat rawh” min lo ti let ngam nia..



"I zakthei lo e a!" chutiang bakin a chetdan chu sawi ngahna ka hre lo. A zakthei lo tak zet.



"Zak rual pawh ka ni tawh lo.." a lo tih let ve chuan thinrim lutuk vangin ka bing chuk chuk tawh. Ka ţah a chhuak ru ţeuh bawk.




"Aw! Putar zahna chang hre lo khawp a â tawh em ni i nih a? En rawh?” ti deuh hrakin bang a Sana chu ka kawk vah a. “Zing dar li tlangah sawm loh in midang in a luh ngawt ngai a nilo. Boundary hriat loh thlak lutuk. mi tupawh zing dar li rik dawn ah kai tho in an in ah lut ngawt la an lawm bik hauh lo ang, kei ang chiah hian.." țhenawm pa zurui muhil tawh tih harh palh ka hlauh vangin ka la vin ring lo mah mah.




"Ân i cheh reuh hi maw le” tih zawng a ka thil sawi zawng zawng khaikhawm a min nuih suk chuan ka ipik țun a.



"I va sual ve a!” ka ti leh ringawt a. A lo nui mai leh nghal.



"Chhuak mai la."




" A va mak e aw. Mahni ngawt a hmeichhia awm chu a him lo. I khum țawm ka dil che pawh ni hlei lo” a ti leh bul bul a. Mahni a riah ka hlau chai silo.




" He in hi ka in anih hi.. i lalhrawtna Police station a ni lo”




" A ni ka tih lai ka hre hauh lo” lo ti let ve zel in a ban hrawl zet chu a phar hluai a. Ham nawk nawk tawh mai tur em ni chu aw ka ti rum rum.




“I zakthei lo ve chiang e” ka sawi tur hriatchhun ka sawi leh laiin a pheikhawh chu a lo tlawh phelh ve mek a. A lehlam a tlawh phelh leh laiin a khing zawk chu ka chhuih per sak nawlh a. Kawngka bul a thleng rawk mai.




" in nei tu in chhuak rawh a tih chuan chhuak mai rawh." ka ti leh ngial nain, “țawng zawt zawt lo khan va mu rawh” a lo ti nghut a. A tum chu sawh sawn a tum loh hmel ngang bawk.
"Mu suh pawh ti la ka mu tho ang” ti ngal ngal pahin pindan ah ka lut nghal a. Na deuh a kawngka ka khar chuan Hmingsangzuala chu a lo nui ri hawk a. Ka ngei lutuk insum thei hlawl lo chuan kawngka chu ka pawt hawng leh pawp a, “Puan lum sin tur pawh ka pe dawn lo che” ka tih khum hlar a. Nuih zat hmel deuh hian, “Ka dil bawk lo che” a lo ti ve leh zel a… Ka dang ti tih chu a ni der mai. Mipa naupang hnial hrat deuh a ang si.





"Sofa ah pawh khan mu suh, chhuat ah khan mu rawh.." tlawm zawk a ka țang hreh lutuk in ka han ti leh chu, " i khum ka rawn ţawm hma che in lut la, va mu hle hle rawh." a lo ti let leh khauh a.



"Chapo-pa."



"Chapo-pa nupui tur i nih kha!"




" i chapo fe.. engtin maw?” a thil sawi ka hrefiah chiah chu thinrim vangin ka țek chuai a ni ber. “I nupui nih ai chuan Hunter-a nupui nih pawh ka thlang fe zawk”




"Vanduaithlak tak in Hunter-a chuan nupui a mamawh miah lo, a bik takin nang anga kawlh leh lek phei chu” tia a nuih ruh ruh chuan ka dang chu a ni der. Mut pindan kawngka ka khar tum zet tawh chu ka lung a la awi ngang loh avangin ka tawi leh hrat a. Zing dar li tlang ah kan in ah a rawn lut a, ka phalna tel lo in rawn riah a tum ringawt bawk! A thu a duh lutuk leh in nei tu zawk mu tur a min hrilh thla zen te hlei hlei chuan min ti thinur zual ting a. A bulah sawn kal leh in a sam buk lai ah sawn ka va kek nghek mai dawn mi niang.




'Aaaa, Arinte pinda ah lut la, mu daih rawh, saw pa mahni thu duh zet vang mai mai sawn thinrim suh’ tia mahni inhnem dam chawp mawlh mawlh chungin kawng chu ka khar a.




"Muttui aw!” a la rawn ti hram. Ka ngei lutuk chu ka țap vak thei mai dawn te in ka hria.




Bang lehlam lawkah police officer chapo zet a awm ve tih hrereng chung chuan tui tak ka mut theih pawh ka ring lo. Amah ang sawn lian ve ngat ila chu ka theh chhuak daih ang.



Țhenawm pa zing zu rui ri bul bul thawm vangin ka harh leh hlawl a. Ni chu a lo sang tawh hle anih ka ring, pindan chhuat ah nizung a rawn lut ut tawh mai. Hmingsangzuala kha a tho tawh em? Ka puan sin lai chu ka theh hlip sawk sawk a, khum bul a chappal chu inthawlh sawt sawt in dim lem lo tak hian pindan kawngka chu ka pawt hawng a. Mahse, ka thil hmuh vang chuan ka chawl dat a




Kan sofa sei ah chuan leng lo zet in a lo muhil ve a, a uniform kawr kha a phelh a, a taksa chunglam khuhnan a lo hmang ve bawk. Tui no khat vel ka suak ang a, ka zuk theh hrah dawn em maw ni chu le. Lu thing nakin Bualin lam ka pan san ta zawk a. A In-a a khum zau pui ah nuamsa taka mu thei reng si, kan sofa a riah a thlang tlat chu ka hriat thiam ve phak piah lam a ni. Aaaa.. a chapo lutuk in min tihbuai a chak ve hrim hrim vang bak a ni nek lo ang.





Ha nawt in hmai ka phih leh a, towel a hmai hru paha ka chhuah chuan sofa-ah a lo țhu ngawi run a. Min hmuh ruala, “Good morning” a lo tih sup chuan,"Have a bad day!" Ka ti let hmak. Zawite hian a nui huk a. Ngaihven zui duh lovin pindan ah ka luh bo san leh nghal a. Pindan kawngkhar chu chhunglam ațang kalh hmasa leh te te phawt in ka inthlak sawk sawk a. Nileng a damdawi in a hun hmang tur ka ni a, chhehchhawl lam deuh in ka inthuam a. Zan lam ah erawh tih tur pawimawh tak ka nei.





Hmanhmawh rilru taka pindan ațang ka chhuak chiah chu ka phu zawk a. Pindan kawngka bul lawka Hmingsangzuala lo ding run chu rum em em a melh pahin, “Min ti phu a lawm. Min lo bihthla a mi a” ka tih khum hlar a. Ka puhna chu a duh loh hmel khawp leh nghal. Min melh dur khui chungin, "Toothbrush hman loh i kawl em?" a ti hluk a.




Ka ngei reuh em vang chuan, “kawl ve bawk e. mahse ka hman tir dawn lo che.." ka ti a. Beidawn hmel deuh a min melh chunga a chek tlawk tlawk chuan pindan ah bawk ka lut leh hna hna a. ‘Thankhuma eitura tur phultu ka ni tih hre reng chung a Jail a min khung loh vang chiah in ka hman tir mai ang’ ti rilru rauh rauh in toothbrush lei sa la awm chhun chu ka la a.




Amah pek paha, “Kha… i hman zawh rual in paih nghal ang che” ka ti chu a run hmel hle, “Thinchhe ve hlik hlek te” tih hluk pahin toothbrush lo phih tlak chu a rual a. A zaidam zawk pawh eng ual a ni bik chai silo.




Bualin ah chuan a ri ruk ruk a. Keipawn thingpui ka lo chhuang ve a. Ka nu chanchin ngaihven tura țhenawmnu rawn len luh hma ngeiin haw sela a țha ang.




Bualin ațang a lo chhuak chu nelawm loh deuh a lo melhin, “Thingpui hi in la haw nghal ang che” ka lo tih khum thawr a.
Ka thingpui chhuan lai chu a lo melh ve thuak a. “Towel min hman tir teh” a lo ti sup. A tih a tam si. Ka ning.




Pindan lam bawk chu ka pan leh nghang nghang a. Insuk faisa inthlep zinga towel chu la in ka melh deuh vang vang a. Midangin ka thil min țawm hi ka ngaithei ngai lo a sin le. Lungphur a kai theih nan bangrel hi ka hru hmasa hrep dawn em maw ni. Ka intrusive thoughts chu dahțha in țha te te chuan towel chu ka keng chhuak a.





"Zan dang ah chuan lo kal tawh miah lo ang che." ka tih laiin ngawi rengin Towel chu rawn ban vut a. Ka thil sawi chu hria ang pawh in a awm lo. Ka thingpui chhuan lai a lo so ve chiah bawk nen Gas awmna lamah chuan ka tlan phei rawk rawk a.




No a thingpui ka thlit chhuah laiin a uniform kawr pawh ha lovin Hmingsangzuala chu a kal chhuak ta mai a. Enge a tih dawn hriat tum chuan rang deuh in kawngkapui lamah ka tlan phei ve nghal a. A bolero kawngka hawng tur a ban a lek chhuah meuh chuan ka ban bul pahnih belhbawm ai pawh in a banbul chu a lian zawk daih tih ka hre thei.




Ka umzui chu lo hawi let miah lo chung pawhin a hrethei aniang, "Ka rei lo ang, hetah zing chaw ka ei dawn, mamawh ka han lei lawk ang e” a tih hnu ah chiah lo hawi let in min rawn nuih a. A va intithu tak em aw, eirawngbawl ka peih thla rawk silo. Bolero chuan a tlan chhuak a, rei pawh a han thang bo lem lo, thingpui ka inzawh rual in kawt ah a rawn ding fel leh hman der a.





"Bawihi?" tia pawn ațanga min rawn auh chuan ka ngei teh a sin. Bawihi ka ni tawp silo. Ka han chhuah ve chuan motor hnunglam a lo hawng mek a, a lama kal tur chuan min lo hui thuak bawk. Motor hnunglam ah chuan eng eng emaw hi a lo khat hung a. Hetiang zozai hi ngati nge a han lei vak a.





“vak vak che chuan..” ti deuh hliai a ka han thleng chho ve chu, “Vak vak lam a nilo. Artui plate kha chawi lut rawh” a lo ti sup. “Aih” ka ti hmak thung. A chet dan chu ka duh lo. Vawi khat pawh a țanpuina ka dil lo, ei tur neilo ang hrim a min lei sak vak hian Charity dawng ang maiin min inngaih tir.





"Nupui thinchhe zet neih ka duh dawn miah lo ania." Ti hluk pahin rambo plastic bag lian pui pahnih chu a khai chhuak nawlh a, ka chal a min fawh vang ngawt khan a nupui ka ni dawn reng reng lo.




Rambo polythene khaia in pana a kal chu ka melh reng a. Inchhungah a indah fel hnuah thil dang la tura a lo chhuak leh chu rum deuh in ka lo melh ngat ngat a, engvakah a ngailo. Kiai suk suk pahin Artui plate chu a la leh ta nge nge a. Motor kawng chu nam khar zui dawp bawk.




“Pawn a ding reng lo khan lo lut rawh” min tia. Chapopa




Inchhung a ka luh ve leh chuan a thil lei te kha chaw ei dawhkan chungah a lo inchhep vum thur a. Inneitu zawk ang mai hian a kut bal beng fai thuk thuk pahin min lo en run a. “Heta ţang hna ka kal dawn, i nu chu engtikah nge a rawn chhuah dawn” tiin min zawt a. A thil tih engkim chuan min țhawng a, a mak ka tih luat ah ka en liam vel mai mai ni berin ka hria.




"Ka hre lo.." zawite a ka tih chuan a ngawi deuh vung vung hnuah, “Tlai lam ah ka rawn hmu ve ang, tunah rih chuan tukțhuan tur siam phawt ang le.." a ti leh bul bul a. A chet dan chuan ngaih a ti țhalo takzet tawh.





"Enteh, nang hi accident in i lu kha i sawh em?" tia a chetphung vang a ka mak ti chu lu min thin khum nghut a. Ka lam a lo hnaih rualin rang fahranin ‘a thingpui tur pawh a daih vek tawh’ thu chu ka hrilh a. Hmingsangzuala chu a nui ta hawk mai. Mahse, ka khabeah a rawn dawm thut a, phawk lutuka ka en laichuan ka biang a rawn piai leh zeuh a, “Lawmawm reuh lutuk” tih pahin Gas lam a pan leh mai a. Mî a ti hrilhhai ang reng, min naupang chhe lawm ringawt nia.
Glass no a thingpui chu a dai tawh hle aniang, a inzo rang khawp, “engati nge heng thil zawng zawng hi i rawn lei vak a?” ka tihlai chuan ngunthluk deuh in min lo en a. Jail a min khung a duh vangin min tlawn ti ngawt dawn ila, Jail ah min khung daih chuan a thil rawn lei zo zai te hi eitu awm lovin an chhe hman vek dawn sia.





“I nu damdawi in ah a awm hlanin rawng i bawl reng peih ka ring lo. Siam awlsam deuh tur ka la khawm a nih hi. Chaw vawi khat chhuan ei loh mai mai pawh a țha ngailo. Ka rawn lei ho hi siam chhung a rei lem lova.. Vur bawm a dah khawl reng theih an ni hlawm bawk. I inhnawhpuar zet hnuah chiah damdawi in ah kal țhin la” a ti dut dut a. Keichuan ngaihtuahna dang ka lo nei hmanhmawh.




“Hetiang thil i tih hi a țul ber lo ania”




“Aaa.. Chu lam chu ka buaina tur alawm” a lo ti leh hmiah a. Ka melh deuh hrak chu hriatthiam harsa deuh hian min lo melh let ve a. Sual thiam deuh khan awm leh zawk se ka ti takzet. Min ngaihsak hmel lutuka a awm hian lo dawnsawn dan tur ah ka buai ziah a. Inhau leh chiam chiam ilang awm dan pawh ka thiam zawk ang.




Hmingsangzuala chuan ei a siam a, tv en in sofa ah ka țhu tlat a, Chibai Mizoram thupuang tu chuan nizan thil thleng te kha a rawn puang a. Aizawl pa challang tak chu tu tih hriat loh in zanriah an ei chhuahna hotel ah kal chilh in a chaw order ah túr a lo phul a, nizan vek khan Pu Thankhuma hi Aizawl hospital panpui nghal ani a, doctor te sawi dan chuan a chaw a an túr telh kha.. ngaithla zo peih lovin Tv chu ka off hmak. Tuman hriat ve loh chu nizan khan Hospital thleng ka zui ve. An dah luhna cabin number ka hre vek bawk.
Nizan a ka that nghal law law lo kha a vannei tak zet. Ani kha chuan dam ve a phu hlawl lo. Ka nun a tihchhiat man hi ka rulhlet dawn miau avangin amah tak pawh in dam thlakhlelhna a nei lo thuai ang. Aaa... Amah huatna nen ka țhang lian chho a, ka ngaihtuahna leh thlingte chenin Thankhuma huatna avangin a kha zo tawh a. Hawi kir leh thei ka ni taw lo.





Thawk la hap a ka hawi chhuak chu ngun fahran hian Hmingsangzuala chuan min lo melh run a. Rang takin ka hawi sawn leh vat a, ka țhutna lam pan a ke pen thawm a rawn hnaih rual chuan a hmuh theih loh lam ah tv remote chu ka lo hum nghet sauh sauh a.





" Kha mihring i huat em em chhan kha i nu in a hria em?" Min vin leh nghek dawn a maw ka tih laiin a aw ri chu a dam ruih thung. Lu ka thing nak ringawt. Ka bul mai ah lo ding ve nghal in, "A hria em?" a lo ti leh sup a.




"Aih.."




"I awm dan leh chetzia en hian thil ho mai mai chu a ni hauh dawn lo… I nu chuan hriat ve a phu in i hre lo em ni?" a han ti leh dap dap a, min vin hrep se awmdan ka thiam zawk ang. Ka thinrim thei ang a, thil dang sawi in ka au khum nghek thei bawk ang. Mahse, aw vin hmang lovin zawldawh takin min be zel zawk si a. Ka sawi duhloh loh ka sawi chhuah palh mai chu ka hlau ru takzet.




"Hriat ve a mamawh hleinem” zawite a ti let in melh ngai chu ka melh ran a.




"A dik ang, kei erawh in hriat ngei ka duh thung" a tih chuan lu ka thing nak a. A taksa hrawlpui che vut chu ka mitsirin ka hmu thei a. Ka ke bul chhuah ah chuan lo awm hniamin ka darah a rawn hmer a. A kutphah hrawl leh lum huam tawh chu a dam viau bawk.




" min hrilh la, i rilru pawh a nuam zawk ang” min thlem pah a a lo tih leh chuan en hlei lovin ka nuih hak ringawt. Ani erawhin ka dar chu a lo hmer nghet sauh a.




"Rilru nawm emaw, in bun thawl emaw pawh ka mamawh lo. Khawvel a huatna awm zawng zawng hi neih vek a, chu huatna inhnawh tawt lutuk chu puahdarh tir a, nitin a ka lo suangtuah țhin te chu a taka chantir chiah a ni ka duh” ka tih lai chuan ngawi rengin min en a. Ka tawt leh deuh țun tawh bawk nen duhthawh fahranin thawk ka la zui hak a.




"Chu thil chu i duh lo.." lo ti khauh tu chu ka melh ta chat a.
"Nang hian engthil mah hriat i nei lo” ka tih khum tawl bawk.





"I sawi dik ang. I ngaihtuahna a awm zawng zawng ka hriat sak thei lo che. Mahse, hei erawh ka chiang, nang hian tumah tihnat i duh lo” dam ruih a lo tiin chiang tak hian ka mitah tak chuan min melh vang vang a. A chhimbudawina thang ah chuan ka tlu lut dawn hauh lo.





"Aih, khatiang a ka rilru hneh chu tum buai duh suh.. Duhthusam pakhat chiah ka nei, chu chu Thankhuma thah a ni” tia ka nui sak chu chik fahran hian min melh vung vung a.





"Ka ril a țam, ei kham ila nangpawn amah venhim hna thawk nghal ang che, a chhan chu chhunglam ațang hian chet la tur a min tur tet tet tu a awm a, chu thil dang bet reng tur chuan chakna ka nei tawh lo" ka vin lo a. Huatna te vang erawh in ka aw chu a chang hle thung.





Ka tho tur chu min thlah ve mai a, gas awmna lam ka pan nghal sawk sawk a, ani erawh ding marin a dinna ngaiah chuan a ding khawng ul a. Gas thuk bulah chuan thleng pahnih a lo awm a. Artui kan leh Sausage te, bread toast bakah apple zailep leh thlai hring dang a lo awm nual a. A thil ei a hrisel em vang a nih dawn hi a lo pa len bik em em…





Chhuar sang a mi Fork ka ban rak rak laiin Hmingsanga pawh a rawn let chho a, a ke pen chu a rawn hnai zel a, fork ban a ka lo ding dihlip mek chu hnunglam aţang min rawn kuah hmiah a, ka ngheng nghal rawk rawk bawk.





"Min kuah ringawt zel suh” tih leh ka hmalama a kut lo suih ben sak chu ka rual a. Engah vak ngailo hian ka darah khabe a rawn nghat leh a, nizan ang bawk khan a pangtilum chuan min ur sa ham ham a.




"Ka sawi chu i hrethiam em?” ti vin hlar a ka tal laih chuan," nangmah ngawt in engmah ti suh, ka puih che rem tirawh” a rawn ti hniam ruih, a țawng zawng chuan ka beng hnuai a lo lum ham ham bawk.




"Min pui duh chiah ang maw?” tia ka zawh let chuan talput tumna ka nei tawh bik lo.





"Pui ang” a aw chu zawi viau mah se a nghet hle a, tihfuh in tizet in a hmuh loh lamah chuan ka nui ta ver ver bawk. “chuvang chuan engkim min hrilh rawh. Chet ka lakpui theih nan che” tia thawk la ham ham pahin min kuahna chu a ti nghet sauh sauh a.





"Engkim i huam ang em?” ti chuan ka zawt nawn leh ngat a. Ka rem lo ruat lawk ang a thil thleng chho zel in min tih hlim zia chu a hriat erawh ka hlau ru viau.




" i nunna thap in min pui tawh a, keipawn engkim huamin ka pui ang che” nghet cherh chawrh taka a tih chuan a thutak takzet tih ka hre thei a. ‘Inchhir hauh lo ang che’ka ti rilru mawlh mawlh thung. A khabe ruh kual a ka nghawng a rawn nawr leh laiin ka lo tal deuh phat a, a ban pahnih in min man bet miau a, a tan ka insiamrem a ang zawk mah mai thei.




"Min puih theihna hmasa ber tur chu.. ih.. Min kuah emaw, aa.. ka taksa hrim hrim rawn si tawh suh” mahni inveng ru deuh a ka tih zat zat laiin a lo nui hawk a, ka nghawng zawn a lo lum tel ve hak a. A hmui a ka beng hnuai lo nul thuak chungin min kuahna chu a ti nghet zual sauh a.




"Tun a i thil sawi zawh chiah kha chu zawm a harsa viau dawn tih min hriat sak la.. Chimawm…” a ti hniam ruih a. "Nangpawn ngaiah i nei thuai mai ang.." ti leh supin na lo te in ka beng a rawn seh phah a. “Ka enkawl dawn che ka tih kha” tia thawk la huai chungin ka darah bawk a khabe chu a rawn nghat leh a. A palian in min rinchhan ti tih a awm a ni bawk a, a rit nulh mai. Rei ngial chutiang a kan awm hnu chuan “min han en teh” tiin a awm hrang hlek a. A tih ang ang chuan ka awm tawp. A lam hawi turin min kuai her a, a awm zawn ka melh deuh ngar chu lungawi loh pui ni awm tak a rum chhuak chungin ka khabe ah a rawn dawm a. A mit taka en tur a min kawih dah salh chuan in melh chiang tak ka ni. Min melh dan thutak leh muk ruih ah chuan a thil sawi tak te kha hlehchhuah ngei tum tu mipa tumruh tak hi ka hmu thiam..




Chutia kan mitah tak kan inmelh dun reng lain a kut lehlam chu a chet a. Ka nghawng a Naga pa min hliamna lai kha a kutțang in a lo nul heuh heuh a. A chet dan chu lo dan tumna ka nei lo. Kei chuan a nihna chauh hi ka duh. Chu pawh tualthat turin!


If you want to be ORIGINAL,
be ready to be COPIED

[Abbra Reo Ririni]

☆ UTOPIA : 1996☆
Chapter 6
By
Abbra Reo Ririni Khiangte ( Pitartei)




Pindan lam a ka phone dah chu a rawn ri chur chur a, phun hluk pahin Hmingsangzuala chu a tawlh sawn a. Rang fahran in pindan pan chuan ka tlan phei a. Kum 10 zet zawt hnua ka nu tih loh a min kuah hmasa ber tu a ni. A chet lak danah warning min pe hmasa ngai lova, ka in ven hman hma a lo che chhuak in ka laka tuma la tih ngai loh te chu ti hmasa tu ber ah a lo țang zel a. Engtia lo hmachhawn a; lo inven tur nge ka hrethiam mai țhin lo.


Ka phone call dawn chu Doctor Hruaizela a lo nih vang chuan rilru a nuam lo nghal țûn mai. Hlauthawng ru deuh hian, “Engkim a țha em?” ka ti nghal thawr. A thaw huai thawm ka hriat chuan, “Ka nu a țha em?” ka ti leh ngawt a. Ka ngaihtuahna a vak kual ruai a, thil nilo lo thlengin ka ngaihtuah hman.


“I nu chu ngaihtuah awm a nilo.. Tukin pawh a tho harh khawp mai” a rawn tih chuan thawk ka la hliai a. Ka hahdam sawng sawng bawk.

"Nizan khan thil thleng a awm em?" a rawn ti leh sup. Ni dawn tak e! Zanlai tawh ah leh nghal Police officer in uniform a induang thlup in kan in ah min rawn kal chilh miau a. Kan dinhmun dik tak a hre chiang ve tho bawk nen a ngaih ka ti țha lo ngawt ang.


"Aih, engmah thil thleng a awm lo” zangkhai deuh hian ka ti thuai a. “Tak zet?” a lo ti hniam ruih a. Nizan ah kan in a Hmingsangzuala riah tak ngawt dan te kha ka ngaihtuah let uar uar a. “Aw.. Zawhna eng emaw min zawt a. Chu zawng chu a ni mai” ka tih let laiin Doctor Hruaizela thawk la huai ri chu ka hre zawm bawk.


"Vawiin pawh ka rualin kal leh ta che”


"Tehreng mai!" Ka ti let vat a. Taxi fare tur ka save phah zel bawk nen tlawm a lak pawh ka tum buai lem lo.


"Dar 8: 45 vel ah ka rawn thleng thla ang" a lo tih leh laiin phone chu ka en thuai a. Dar 8 a.m a lo ri lek lek tawh.



"Aw, ka lo insiam ang." Ka ti zung zung a, kan inbe zo pindan ațang ka chhuak chu a dinna ngai ah dingin Hmingsangzuala chuan min lo melh run a. A mitmeng thim khup leh hmel lang tak ngul chuan min ti khawr riau. Ka kekawr sir țham tawm pahin pindan kawngka bul ah chuan ka ding deuh ren rawn a..

"Tunge i biak?" a lo ti bawl a. Min ti hamhaih deuh.

“I bialpa ngo veng kha ani em?" a ti leh a, min hau leh ringawt tawh. “Kha tin Doctor Hruaizela chungchang sawi hlek suh” ka ti ve hlar a. Ngawi rengin chaw ei dawhkan lam chu pan pheiin chair chu ka pawt chhuak a. Doctor Hruaizela hi a ngo veng tih zawng kher a sawi tur a ni bik chiah lo. Mahse, a fresh hle a. Doctor a lo ni kher bawk nen coat var fual ha a a round phei chuan hmeichhe tam tak te hian Korean mipa a ang tiin chhelo an tih thu an sawi fo. Amah a nelawm in chanchhe zawk te tan pawh a biak hrehawm a ni ngai lo va. Sawi chhiat ka phal reng reng lo.



"Khi tah khian fork a awm, han in lak rawh.." fian dahna lam melh zeuh pahin fork awmna chu ka hrilh a, thleng a eitur chu ka ei nghal mawlh mawlh, ei siam a thiam phian leh nghal. Damdawi in kal hmaa inbual hmasak phawt ka duh dawn a, Hmingsangzuala pawh hi ding run lo a ei ve vat vat tur ani asin le.


"Ei rawh, a dai vek dawn." ka tih chuan, “Eng nge in sawi?" zuk han ti cheu a. A luhlul thlak mang e.


"Kan sawi țeuh."


" A nih hrep chu!"


" Eng chu nge i hriat a?" Ka ti hlar, rum zet hian min melh tûr zui khui khui a, keipawn ka chho melh ve nghek bawk. Fork chu in lak vein dimlo zetin chair chu a pawt chhuak a, kan thusawi a hre chak ve ringawt chu a mak ka ti tak zet.



" In siam la, keiman damdawi in ah chuan ka thlah ang che" bung zet hian a lo ti leh a. Doctor Hruaizela nen kan inbiakna kha a lo hre thei em maw ni chu aw ka ti rauh rauh.



"Dr Hruaizela ka zui dawn..” tia ka chhang let chu a lawm loh hmel hle. Dawhkan ah a kut pahnih chu nghatin thawk a la ham ham a. Engmah sawi belh ka tum tawh lem lo. Inzawmnna kan neilo a. A duh duh a a pawh khual theih a awm ka tum lo, thunun tu zawk a țan ka duh chuan ka hnar luih zel a țul bawk. Chutak chu ani ang mi chapo ve tak chuan tlawm ah a la ang a, a chopa na pheh saka a awm lai chu remchang ah hmangin duh duh ka tih tir thei tawh thung ang.


Inbe zui tawh lem lovin eitur chu kan ei dun mawlh mawlh a. Kan ei zawh rual in thleng ka sil nghal sawk sawk a. Hmingsangzuala erawh ngawi rengin sofa ah a țhu a, tui tih hmel zetin meizial a pak vang vang bawk. Thleng sil zo a choka ka tih fel fai zawh meuh chuan dar 8 a lo pel viau tawh. Pindan ah lut tlangin inthlakna tur ka la zung zung a. Bualin ka pan leh lai chuan Hmingsangzuala chu sofa nghenchhan a lu nghatin a lo chhing vang vang a. Kan inbual hlana a lo haw ve mai chu beisei in bualin ah ka luh san ta a.




Ka thuamhnaw hak lai ka lo hlih sawt sawt laiin bualin kawngkhar chu a lo in chum ri dat a. A kalhna kilh bet tu perek chu a lo nghet tawh lo bawk nen bualin kawngka chu a lo in hawng zui ta mai! Mangang zet a ka vir let zawk leh hamhaih hmel deuh a Hmingsangzuala lo meng buai nak chu ka inmelh chiang ngang bawk.



“Kal bo rang rawh” tih khum tuarh in ka ban pahnih a ka awm hup chu ka rual a. Bualin chhuat ah ka țhu tawm chawih bawk.


Amah pawh chuan, “Tih palh” tisup in hrawk a thian khurh, bualin kawngka vawn chhan chu lo ban pahin a pawt khar tur chuan, “rawn zo la, pawn ah ka lo nghak ang che” a ti thum leh dut a. In melhna vangin ‘tualthah theih ngat se chu hepa hi a dinna hmun ah la la hian ka melh hlum daih ang.



Kawng a pawt phui chiah chu ka che ve nghal rawk rawk a. Perek nghet tawh lo chu nawh-lung chuan ka chhu nghal bur bur a. Tlem a tlem ah saruak a ka awm lai min rawn hmuh phah țhelh a nih kha…



Thinrim țeuh a inbual ka ni bawk a ka muangchang lem lo hle. Thil thleng kha zah ah pawh ka la thei lo, min ti tawt țun a, a tum reng vanga kawngka kha lo hawng palh a nilo tih chu ka hrethiam tho nain Hmingsangzuala kut thlak chakna hian ka khat a. Tui vawt a inbual si e tilo chuan ka sa pup pup reng tho.



Inbual zo Towel a lu tuam țha pah mawlh mawlh a ka chhuah chuan inchhung chu a lo reh huai a. Pawn a min lo nghah tur thu a sawi tak kha maw le.. Mahse, tukin hian ani kha ka zui dawn reng reng lo. Ka zui a nih chuan ka hming ka thlak ang.



Pindan ah lut a ka insiam mawlh mawlh lai te chuan bualin kawngka lo inhawng thut leh Hmingsangzuala hamhaih taka lo ding lai te kha ka ngaihtuah let zut zut a. Bra leh panty chiah ha in min rawn hmu kher si a. Engtin nge kha pa kha ka hmachhawn zui tak ang… Ugggh! Ngaihtuah tawh suh.



Insiam peih sa diam a ka chhuah chuan tlan chhuah mai inpeih hmel takin Motor chhungah a lo țhu run tawh, glass in down ațang chuan ngun zet hian min lo thlir reng a. Ka ngei ania..



Chutih lai tak chuan kan inpiah kawng kawi a Doctor Hruaizela car lo tlan ve mek chu va hmu a, ka nui sak. Hmingsangzuala pawn hma lam chu a en ve thuai a. Hmahnawh deuh in kawngka chu ka kalh nghal mawlh mawlh a. Bag a chabi thun rak rak chungin Hmingsangzuala bolero chu ka kal pel ngat. A phun hluk thawm leh motor kawngka in nam hawng thawm chu a inrual a, Dr Hruaizela pawh a car ațang a lo chhuak ve mek a. Mahse, zing zing ah Hmingsangzuala nen bawk min han hmu dun leh chu mak a tih hmel khawp mai.



"Ka hruai ang che ka ti lovem ni?” lo ti tu aw bul vut chu a khauh fur a. Mahse, ka hre lo der hmak thung. Hawi let duh miah lo in Doctor Hruaizela lam chu ka pan san hlawk hlawk a. A bul ka thleng phei chu, “I hman emni?” min lo ti a.



“Umm” tih pahin ka nuih var var a. Mahse, min nuih let lo in Hmingsangzuala dinna lam chu a va melh leh a. “Tukțhuan ka la ei ve miah lo, dawr a lam kawi a ngai dawn a, kal mai ang aw” tih pahin min lo en ve leh a. Zawhna tam tak nei hmel a pu bawk.



Ka buk khum nghat laiin hnung zawng in a tawlh a, Hmingsangzuala kha a va en leh anih ka ring, kei erawh hawi let tawh lo in car kawngkhar chu ka pawt hawng a; țhu lut paha kan hmaa Hmingsangzuala lo la ding tlat ka va hmu chu ka ip deuh chawih a. Ka rilru chu a hrehawm ringawt nia. Car kawngkhar chu ka pawt phui a, hrilhhai hmel deuh a min lo thlir tlawk tlawk tu chu rei en duh lo in ka hawi sawn nghal daih.



Ka țhatna turah ngai a ka nu in ka pa bula min dah let a tum țum khan duh lo in ka țang kawh ve tlat a. Min vuak phah nghe nghe. Mahse, min hlap vang khan a tawp ah chuan na zawk ah a țang a, luhlul taka a ka țhu tawm tlat kha tun a Hmingsangzuala min en dan ang chiah sawn min en tlawk tlawk tawh. Thawk la hapin Doctor Hruaizela lo țhu lut ve chu ka lo nuih lui ngial a. Ka nu min en dan leh min thlir reng tu chu eng vanga tehkhin ta mai nge maw ka nih le..



Tlan chhuak pahin Doctor Hruaizela chuan, “Nizan ah a lo kal bawk, zingah ka hmu leh bawk, in inkar ah hian eng nge awm a?" tih leh chik taka min melh a rual a. Lu ka thing nak ringawt. Doctor Hruaizela ka zui tak vanga na tuar ang hrima Hmingsangzuala ka hmu ngawt pawh kha ka hmuh sual aniang..


"Ka zawhna che kha min la chhang miah lo” ti leh tu chu ka melh vat a. “Ka inhmu fuh ve mai mai a nih kha” ka tih chuan thawk a la deuh hluai a. Ka chhanna chu a awi loh tih pawh ka hria. “Zep rih phawt mai teh” a lo ti ta reng a.

Ring vak lo in car ah chuan music a play riai riai a, kei erawhin ka tih țhin dan ni miah lo vin mipa vangin rilru ka kawm ve ta thung. He thil hi a vawikhatna tak tak a ni bawk.

"In inah a riak em ni?" lo ti ri ah chuan ka phu deuh zawk.

"Maw?" ti hu chunga ka en chuan min lo melh chiang hle tawh a. Car chu a ti ding pah bawk.

"A.. aw, a lo riak a, motor ah lo kan sofa ah” te ka tia, ka țawng sual nawk nawk chu mak tih hmel deuh hian min en ran a. “A lo riak a maw?” a ti nawn leh ngat a.

“Ummm” tih chiah in ka chhang let. Doctor Hruaizela min melh dan chu ka hrethiam chiah tawh lo.

“A va mak ngai ve” a tih chuan awm a nuam viau tawh lo. Thinchhia in nelawm lo viau mah ilang chawpchilh taka dawt sawi phawng hi ka thiam țhin lo, ka ngaihtuah lawk fe chuan ka sawi țeuh thei thung. Doctor Hruaizela pawh chuan Hmingsangzuala nen kan inkar chu min zawh belh tawh lo hram se ka ti hle a..

"A va mak ve?!" a ti leh leh ngawt a, keipawn mak ka ti, zu zuar in-ah police officer a lo riak miau a.

"In inngaizawng em ?"

"A teuh lo lutuk” tia ka chhang rang lutuk chu min lo nuih a, ka nuih pawh a za ve lo.

"In inngaihzawn loh chuan a țha e. Lo țhu lawk la, eitur chu ka va la lawk ang e” tiin a chhuak a, kawng a lo nam khar leh hma chuan, “eng nge ka rawn lak ve ang che” min ti leh a. Chaw ka ei tawh thu ka sawi chuan hmui a lo pet sawi zauh. “Engmah a ngai lo tak tak” ka tih leh hnu ah dawr lam pan chuan a kal ta a.


“I rual a ka kal i phal ve ngawt țhin pawh hi ka lawm a tling tawk em em ania” ti sap in Doctor Hruaizela chu ka thlir zui vang vang a. Kan dinhmun vanga min en hrang mai lovin mî a duhsak em em a. Kan nufa chunga țhatna a lantir zozai te hi rulh let ve theih ka chak. ka message tone lo ri ah chuan hawi sawn in ka bag chu ka zen nghal rak rak a.

* Ka rualin kal rawh ka ti a ni lawm ni?* tih message ka chhiar chiah chu ka nghing deuh dawt a. Hrehawm tihna hian min rawn luh nghal ngut ngut bawk. Engati nge hetiang hian a awm tlat mai le. Nichin lawk ah lah amah niloa Doctor Hruaizela zawk ka zui kha thinlung nat hmel fahranin min thlir tlawk tlawk tawh bawk. Chutih rualin a nat chhan tur lah chu ka hre der bawk silo. Nizan ah a lo riak a, chuan zingah eitur a siam a, ei dawn ah meuh chuan kan mize in mil loh zia rawn lang chhuakin kan inhnia zui leh hrep a. Ka nunna chan huam a ka puih vangin engkim huam a min puih ve tur thu a sawi ve mai tih loh kan inkarah boruak danglam bik thleng a awm hauh silo. Nilo.. Khapa khan nghet taka min kuah bakah ka chalah min fawp tak e.



Hmingsangzuala message chu chhang let chuang lo in phone chu ka hmet thim a, Chapo-a tiin a number te hi ka save. Hria se chu a duh lo leh viau ang.



Tleirawl te, thingtlang lamah erawh nula tia sawi theih rual chu ka ni ve tawh. Mahse, ngaihzawng tur angin tu mipa nen mah inzawmna kan la nei lo. Tleirawl țhan thi nei rual ka nih hma a ta tawh mipa huatna in ka khat a. He khawvel ah hian hmangaih pakhat chiah ka nei a, chu chu ka nu a ni. Keimah tiam in khawvel a mihring awm ve zawng zawng te hi chu ka tan chuan mi satliah mai chauh kan ni. Nula leh tlangval te inhmangaihna ngat phei chu dai ve tumna ka nei lo. Ka nu a dam țhat a, ka kiangah a awm theih chhung chu ka tan chuan engkim a țha vek tih a a ni mai.



Doctor Hruaizela lo let leh chuan Coffee min rawn lak ve hram chu niin, chhunglam ațang driver side lam chu ka lo nam hawn sak sawk sawk a. Ka coffee tur chu min pe in ani thung chu pawn lamah a ding khawmuang rih a. A kum a la tam bik vak lo tih ka hria a mah se damlo enkawlna kawng ah erawh a țha ber te zing a mi a ni pha thung. Ani ang a tlangval fel leh hausa bawk siin ngaihzawng emaw nupui lam emaw a ngaihsak ngai miah lo chu mak ka ti fo bawk.




Car chungah a eitur chu dahin a ei pah mawlh mawlh a. Doctor an zir laia an chetchhiatna țhen khat min hrilh pahin kan nui dun leh hak hak zel a. Kan tlan chhuah leh hnu thleng pawh in a ti ti chu a kal tluang viau.


"Nizan thil thleng kha i hria em?" thutak deuh zawk a a lo tih chuan ka chhang let mai lo. Hospital pawh kan hlat lutuk tawh lo a. Doctor Hruaizela bawk chuan, “A mak mai mai tiraw.. Hetiang thil thleng hi ka hriat awm ka la hre miah lo. Zanriah ei chhuak țhin pawh an vang pharh rih in ka ring” a ti leh sap sap a. Mak ti taka a thil sawi mek chu ka thil tih a ni tih hre ta se tun ang hian ka chungah țhat a la chhuah reng duh ang em le.. tia ka ngaihtuah rual chiah a ka ngaihtuahna pakhat a thil lo lut ve nghal chu ka duh lo kher mai.



Hmingsangzuala kha chuan ka inpuanna a hriat vek tawh hnuah pawh min en dan a danglam lo a. Ka nihna ang ang in min hrethiam hmin hmak ka ti lo thei lo. Amah ah rinna ka nghat a nih phawt chuan chet min lakpui a huam thu chenin a sawi bawk a nih kha…


Ka nu hian țum khat chu min hlap hrep a, hmunphiah min vuak nan a hman pawh kha a țawn a phelh phung bawk! Ka pa in ațang ka tlan chhuak a ka nu ka pan a, ka nu chuan a bulah ka awm chuan zirna țha ka dawn dâwn loh avang leh hmeichhe naupang in ropui tak ațangin in tereuhte a ka awm ve tur kha a phal lo a, ka pa in lam ah min let tir leh tum in min vau a, kut min thlak a, aaa.. a ţap ti tih reng bawk a, kei erawhin kha in ropui zet a let ai chuan ka nu in zankhua a min vuak pawh ka thlang zawk a, ka haw duh ngang silo kha a kiangah ka awm ve chuan retheih ka hmabak dawn tih min hrilh a; school țha ah min luh tir theih dawn loh thu te pawh a sawi țeuh, mahse a fanu thuawih thei tak mai kut a thlak hrep hnu pawha a pa in a let tum lo bur na na nâ kha chu min let tir leh a tum tawh ngai bik lo! A sawi ang chiah in ka pa in ang in eitur țha kan ei lo a, thuamhnaw lah țhanglai ka nih vang in engkim ka țhansan zung zung a, retheihna hi chu ka tuar ve hle in ka hria, retheihna awmzia ka hrechiang a, ka rualpui tam tak ang lo takin ka chhel bik hle bawk! Ka pa in lamah ka let duh loh chhan kha ka nu in min zawt țhin tak nangin ka chhang ngai lo, ka nu hi hmeichhe nunnem tak ani a, keipawh hian ka chhun ve hle țhin bawk! Mahse kan chhungkua a kehchhiat a, nuhrawn ka hrawn aţang khan luhlulna ' tulúm' in min luhchilh țan a, aaa, luhlul a, tuarchhel hi ka tum ber țhin ani a, tunah chuan ka nei vek tawh!

Hospital kan thlen rual in Doctor Hruaizela chu hand gloves ka dil a; mak ti zet in min en hau bawk. Mahse eng zawhna mah min zawt lo in bun engemaw zat min pe țeuh va, zanin ah ka mamawh ngei dawn vang in ka bag ah ka thun lut ta then a.

Ka nu cabin ah ka lut a, a lo muhil a, dimte in kawngkhar ka khar phui leh a, a cher chak lutuk chuan min tina thlawt bawk.
Chair ah bag ka dah a, a kut ah thlalak lian lo te pahnih a lo hum va a, kei erawh ka nui thung. Ka sen lai thlalak hi en a ching țhin a, cancer natna a neih tirh phei kha chuan a lungte kha ho te te vangin a leng țhin a, album hi a inchhawp ram zel.
Amah tih harh hlau zet in thlalak chu ka laksak a, ka nausen lai han ti dawn ila, thla 10 bawr vel ka ni ang, pakhat zawk hi keimah ka ni miah lo! Chair ah ka țhu a, mipa naupang aniin ka hria, 1985 tih chu thlalak kil sir ah a inziak a, ka la piang lo nasa lutuk!
Tu nge niang le? ti rilru rauh rauh chung chuan a lukham bul ah ka dah thla a, chair ah chuan ka țhu ngawi ve ta ran a, mit ka chhing a, Hmingsangzuala kha chiang lutuk in a rawn lang zawm zat bawk! Ka darah khabe nghat a a țawng khan a taksa hrawlpui chhunglam ațang khan min nghawr dar dar a, khatiang tak a inhnaih khan mipa nen kan taksa a awm ngai lo!

A dik lo!

Mipa pakhat a awm!

Chupa chu zanin hian ka rul let dawn bawk!


Ka nu pawh a rawn harh a, a dinhmun a ngai, thisen var a tlakchham tawh em avangin khum lu ah lukham dah sang in a țhu harh peih țawk a, amah enkawl nan sum kan sengso hnem tawh tih a hria a, a inthiam lo lutuk hi a hui leh pap țhin.

" Mambawih, nizan i mu lo em ni?" Chair a ka țhu, lo chhing leh țhin chu min melh a, ka nui ra ringawt! Zing dar li tlang ah Police officer hrawlpui ka inhnial pui hrep a, ka mut tam loh lutuk vang a ni ngei ang ka tha pawh an bo duak mai!
"Haw la han mu hahdam rawh.."
"Tlai lam ah chiah ka haw dawn ka tih kha.." ka ti hlak, min ngaihtuah hmel fe hian min en a.


Ka hnunglam ațang taksa lum vung vung in min rawh kuah a, a taksa nghet zet ațang chuan tunge anih tih ka hrechiang tawh lutuk! Zing lam ang bawk khan ka darah khabe a rawn nghat leh a, a thaw ham ham a, a kâ ațang boruak lum rawn chhuak chuan ka nghawng leh beng hnuai vel a rawn ti lum a, hetiang a min kuah chiah hian min delh rit tlat țhin tu buaina tam tak kha min chhawk țhensak in ka hre țhin a, a atthlak hle tih pawh ka hria! Mahse ani miau si a.
"Pawisa mamawh em em reng nu, min nei la, i ba ka rulhsak vek ang che." a aw ri chu boruak ah an thlawk darh a, ka beng dar ah chiah rawn lut turin boruak ah vek chuan insawmkhawm in ka beng ah hian an rawn thlawk lut ni ber in ka hria! An rawn luh rual chiah chuan ka taksa hi a nghing dawt thei.
" Hunter-a ka nei duh zawk fe." Ka ti chiam a, ka dara khabe nghat reng chung chuan a nui ri hawk a, a taksa rihna in min delh titih bawk!
"Min neih chuan Hunter-a pawh i ta tur tho a lawm." zawi sup in a rawn phun a, a hmel landan hmuh chian tum in ka thle deuh a: Police thuamhnaw a inbel lo tih a dar ațang chuan ka hmu thei, a biang pangtilum vang a sa vung vung chuan min rawn nawk leh a.
"Nangmah i ni em?"
Nui hawk chung in min kuahna a phelh a, rang fe in ka inher ve vat bawk, mahse Hmingsangzuala kha a lo awm tawh miah lo!
"Mamte, harh teh.." ka nu aw chu a ri vuat vuat a, Hmingsangzuala kha a intibo thei a mawn le!
"Mamte.."
Ka țhu ngil nghal zawk; mahse ka ban lo mu chur chur vang chuan ka ner ta nang a, ban hi ka delh mu khat asin le, a na lo a, a mur chhah chuai chuai zel a ; ka thawk a chham dawn hian ka hre țhin, ke mu phei hi chu ka hlau leh zual. Hmingsanga ka mumang ah ka la hmu leh ta nghal a, ka dik lo vel vek!

"Nizan túr inhrai tih vel kha i hre ve em?" Doctor Hruaizela ang bawk in Chibai Mizoram aţang a hre ve anih ka ring.
"Umm.."
" I pa nupui unaupa a ni tih i hria em?" a rawn ti leh sep a. Amah chu ka en vat a, a ka aţang ka pa chungchang a rawn chhuah vawikhatna, mahse a mit ah natna ka hmuh tak lovah chuan ka awm a nuam huai mai. Kei ang hian haw hlur thei se atan pawh a nuam zawk daih ang.
"Hria a lawm.."
" Hmelma nei tur khawp in a sual hauh silo va, engtinnge túr meuh va an hrai theih le?" A hriatchian loh lutuk vang a sawi ani tih ka hria.
"A nei tih a chiang reng a lawm, a chungah khatiang khawp a râwng a che duh an awm chuan thah mai hreh lo tu an awm ru reng tihna a nia.." ka chet tum din tak ka sawi!
"Nang țhin hi, khang kha midang bul ah sawi reng reng suh ang che, mi pawi kan sawi reu reu a nge."
"A ho e mai a, khawchhak lam chhuak an ni a, an awmna hmasa lam ah phei chuan dawithiam te an nei a, mi țha nise ka pa ina an rawn luh rual khan nupui fanau a nei tawh tih an rawn hmu vek a, zak takin an chhuak ang chu, mi țha an nilo a, an chhuah miah loh hi, aaa.. Putar hausa-a hi an unau hian an dawi tir anih te ka ring a nia.."
"Awi awi aw, tu hi nge maw i chhun ni?" Ka lu a ri nghal fawk mai.
"Khati vak khan ka lu ah min kuk țhin suh." Ka ti hlar, ka țawngkam thlahdah ţhin lutuk chu min melh tlak tlak a; mahse ka rilru thlak ka tum chuang lo, an unau hian ka pa hi an dawitir anih ka la ring fan tho, Burma ram a mizo hnahkhat chhuak an ni ve a, ka pa hi engemaw tiin a zin ve fo țhin a, ka nu meuh țhen chhan tur khawp in a nupui rawn hruai haw lah kha a hmelțha bik der silo, chutah a mitmeng a la phakar em em zui a, a țawng pah te hian a mit a che zek zek zel a, ka nu ai in a țha hlawl lo ka tihna anih chu!

Zan lai ah an rawn inhruai lut a, ka pa a rui chhur a, Thankhuma te unau erawh an harhfim kak thung, ka pa rui thawm vang in kan harh a, ka nu te nen kan mut pindan chhung ah ngei a rawn luhpui a, chutih lai phei chuan Thankhuma hian kawl puan ang kha a veng a, a unaunu, ka pa nupui tur erawh a incheidan a pangngai ve hle thung, ka pa in ka nu chhuak turin a hrilh a, a hne tawh thu leh amah aia kum naupang zawk leh țha zawk a rawn hawn thu in ka nu kha a au khum chhur chhur reng a, ka nu hrilhhai lutuk leh na ti lutuk hmel ka la mitthla let thei a, engkim hre rual ka ni ve tawh bawk a, ka nu insiam kha ka ngen ve a, ka pa in a phal bawk silo, chhuat ah țhu in ka nu ke ah ka vuan bet tlat a, ka ţap a, mahse ka pa in zo lutuk in min pawm kang nawlh a, pindan dang ah min dah a, pawnlam aţang kawngkhar a rawn kalh a, khami țum a ka mangan zia leh ka hlauh zia te kha ka la feel let thei vek, ka țap muhil a, pindan thim zet kawngkhar a rawn inhawn leh kha chuan khua a lo var vek tawh a; ka nu kha a chhuak em! Ka mutna chhuat aţang chuan ka tho sawk sawk a, kawngkhar rawn hawng tu hmeichhia chu ka theih ang a rum in ka melh ve nghek a, hmeichhe naupang kum 11 mi khan kha tih hun lai na na nâ kha chuan ani tluk a huat leh tihnat chak kha ka nei ngai lo! Tlanchhuah ka tum a, an unau in min man bet a, ka pa ka hmu lo a, ka ţap ri hria a rawn tlan vat țhin ka nu pawh ka hmu lo, kan in zau pui ah chuan khawchhak lam ramsa pahnih rawn chhuak in min chelhbet tlat hi a ni ber mai!

Thla engemaw zah chhung chu anni unau pawh an pangngai a, mahse kei erawh an kiang hnai a ka awm ringawt pawn ka hlauthawng țhin, chhiatna min thlen dawn tlat in ka hre fo a, kan inchhung ah ngei pawh him lo ang in ka inngai fo a, school kal tur a ka insiam lai te khan Thankhuma chuan min lo en te a ching a, chumai nilo in a ruih chang apiang in dawi lam a sawi vak zel a, ka pa lah chu an tih ang ang in a awm a, aaa... a mak ani tawp, thlarau hrisel lo kan inah khan an rawn luhpui tiila a dik ber ang.

Ka nu ka zawng dawn tih ka pa in a hrethiam ni hmiang, ka school kal tur te kha Thankhuma emaw a driver emaw min hruai tir a, min veng reng zel a; Thankhuma'n school a min thlah țum apiang in an ram ah chuan dawithiam an tam thu te, pawisa tam tak pek chuan mi pawh an dawi â thei tih te min sawi khum a ching țhin a, ramhla tak a mi pawh an thlalak leh sam zai khat lek an neih phawt chuan mi â ah an chhuah thei tih kha a sawi uar ber țhin a ni a, khatiang thu a kâ aţang a chhuah reng țhin vang pawh a ni mai thei ka țih a, ka rap hle țhin!

Indawi chu a lo theih tak tak a ni ngei ang, kan History teacher pakhat Manipur lam mi pawh in sawizauna a neih țum in a sawi lang zeuh tawh a, ' tam tak chu an ngaihzawng te nen an ințhen te hian an lungnilo a, dawithiam hnenah an bialpa/bialnu emaw thlalak leh an sam zai te keng in dawi â turin an ti țhin a, dawithiam lungawina tur an tih sak phawt chuan dawithiam chuan a lo dawi sak mai tawh țhin a, inhmun leh ram inchuhna a nasa a, chung in hmelmakna awmna apiang ah dawithiam pan tawk an awm a, an hmelma te chu dawi hmang ten an ti dam lo a.. khi lam ah chuan dawi a la hluar em em tiila a dik ang, hmelma apiang dawi at tir duh khawp a Pathian la hrelo hnam an la awm!' tih hi a sawi fo țhin a, Thankhuma kha a lo fiamthu ta hauh lo tih ka hriat thar phah a, a hma zawng aiin ka hlau a, chaw ei a, dawhkan kil tlan ringawt pawh ka hlau hial țhin kha ani a. Khatiang khawpa ka mihring hlauh khan min sual lui a! Ni e, Thankhuma hian țum hnih min sual a, kum 11 ka nih lai leh kum 12 ka nih laiin. Ka pa bulah ka sawi a nih chuan dawithiam a ruai anga. Ka pa chu amah leh amah a intihhlum tir tur thu in min vau a, țhianpa dawithiam a neih thu min sawi khum khur khur bawk a, kha kha chu pawi ka ti miah lo! Ka nu hnawtchhuak tu leh hriatchian hleih loh rawn hruai haw tu kha ' thi daih mahse pawi ka ti lo' mahse, ka nu pawh a dawi at tir tur thu a sawi khan ka hlau ta chiah a, ka nu awmna a hriat thu leh a hmuh thu a sawi a. Min sual luih thu kha vawikhat pawh ka la sawi chhuak lo! Keimah in ka tuar a, ka ţap a, keimah leh keimah kha ka inten a, nungdam a la awm nih kha ka zak hluah hluah a, ka ban a thisen zam ka zai chat a, mahse thil pawi a thlen hma in kan in hnathawktu in min rawn hmu a, ka kut a rawn tuam a, damdawiin ah min hruai zui rawk rawk a, min khawih țum hnihna ah pawh inchung aţang ka zuang thla a, nikhawhrelo in ka awm a, mahse ka dam chhuak leh tho! Ka thi thei lo emaw ka inti hial tawh zawk! Ka pa ber in a rin miau avang in mahni leh mahni in sawi mualpho va, sawrkar dan a kum reilote tan tir lek ai chuan thil tum ka nei țan ta a, ka ngawih bo pui ta a, tuma min hriatpui ka mamawh bawk hek lo, keimah ngeiin rulhlet erawh ka tum thung!

Ka pa ui note ang mai ani a, ka pa vang liau liau in inhmun leh ram a nei a, dawr lian lutuk a nei thei bawk, nupui a nei ve țhin takna in tuman an nei rei thei lo a, tunah tak hi chuan a parawl in ka hria! Zanin ah ka naupanlai hun zawng zawng hlau thlabar a min siam tupa hi ka that ang, ka tim chhin eih em tih min zawt em? A chhanna chu AIH tih hi ani! Zantin deuh thaw timna nei miah lo in a taksa zai thler duai duai turin ngaihtuahna ka seng fo va, taksa hmuh tlak a lawi awm lo in a taksa peng tin ka zai sawm vek ang!

Thankhuma leh a unaunu leh ka pa chiah khawvel ah huat ka nei! An pathum hian huat namen lohin ka hua! Ka nu cancer ani tih ka hriat hmasak ber khan ka mangang lutuk in ka pa chu in ah ka kal chilh a, pawisa ka dil a, a chhan chu ka nu enkawlna tur kha kan nei miau lo, chumi țum chuan a hnen aţang pawisa ka duh anih chuan a in ah ka awm a nga, min pe ang tih a sawi! A rilru chu chhia ka ti lutuk! Ka nu thisen cancer anih thu ka hrilh a ; a inah min khungbeh a la tum fo anih chu! ka nu tu in nge enkawl ang tih lam a ngaihtuah duh miah lo khan ka huat ti zual tu ani bawk! Pawisa min pe duh lo a; an mut pindan ah ka lut tlang tawp, a chahbi dahna engmah a lo la thlak miau lo, pawisa a dahna țhin ka hawng tawp a, pawisa in telkhawm pakhat ka la a, pindan kawngkhar ațang ka chezia chu min lo en ve reng bawk, zah a phu lo a, zah tumna ka nei lo bawk, a pawisa dahna save pawh khar tawh chuang in kawngkhar a lo ding ve reng lam pan chuan ka let a. A hmai zawn ah tak pawisa lek chhuak chung in anchhia ka lawh! Chu chu kan inhmuh tawpna ber a ni bawk! Khami țum a ka pawisa lak kha sangkhat hlir in tel cheng singnga a ni a, a aia tam ka lo la lo kha ka la in haw reng bawk.

Chhunah ka nu a muhil a, boruak thianghlim dawng turin cabin aţang ka kal chhuak a, thingtlang khaw hran hran aţang damlo an lo kal khawm ve a, a reh tak tak thei ngai lo. Damdawiin leh a chhehvel ah chuan ka kal kual mai mai a, ka mumang kha ka ngaihtuah let a, atthlak ka ti viau bawk, nui sak in thawk ka la a, Hmingsangzuala meuh ka ngaihtuah zui ve chu a nia.

Doctor Hruaizela cabin ka thleng ţep tawh, Zosangi kha ani in ka hria, ka ep lam aţang chuan a rawn kal ve a, a rawn pen hnai zel a, ka hai lo e, a chhiat loh ngaiin a chhelo leh pek hle bawk, kawrdum a khup chung thleng a fual a ha a, a taksa nalh zet leh mawngbawr vawng lah mai chu a langchiang zual sauh bawk. Min biak ka hlau in phone ka la chhuak a; ka bih daih a, vawikhat chiah kan inhmu a min hre ve tawh lo pawh ani mai thei, Doctor Hruaizela cabin kawngkhar chu a nem hawng tawp a, a lut tlang zat a, a hmeichhiatpui meuh in vawikhat hmuh ah kan hrereng thei anih chuan mipa tan phei chuan vei zui vawng vawng a awl ngawt ang, legend of the seeker a morsith zing a tu emaw ber kha a ang hial in ka hria, a chhelo rem rem e mai!

"Arinte." Ka ding dat a, Ka inher rual chuan Doctor Hruaizela leh Zosangi kha ka lam panin an rawn kal a, an nui dun sang bawk!
"Lawk, kan inhmu tawh tiraw?" Zosangi chuan a rawn ti ta chul a, lo hriat loh der theih ngawt lah ani tawh silo, Hmingsangzuala chanchin a sawi lan loh hram ka beisei.
"Aw, i dam em?" ka ti let a, Doctor Hruaizela chu a hawi haw mai.
"Dam e, nang?" Ka bu nghat a.
"In inhria em ni?" Min en a; a bula hmeichhe chhelo zet ding chu a thlek leh haw bawk. Hmingsangzuala nupui hual ka nih thu sawi lo hram rawh se!
"Hria e, kan inhriat dan erawh i hriat ve a țul ber lo, tiraw Arinte?" a rawn ti a, hnar a hlít phawi ang huai ani. Ka nui ta ringawt bawk.
Lunch ei tur in kal chhuah an tum a, anmahni zawm ve tur in min ti a, mahse thil ka ei tawh mai bak ah haw ka lo tum tawh a; ka zui ve ta lo.
"Ka buai lutuk a, tlai chaw ei dawna ruaiah lunch kan ei dawn chiah anih hi.." Doctor Hruaizela chuan a ti hap a, Zosangi pawh a lo nui ve hak hak bawk, anni pahnih hi an in ngaizawng zawk te hi a ni em? A nih hlauh chuan Doctor Hruaizela hi ka lawmpui viau ang.

Motor hunna lam an pan a, keipawh taxi ka la a, in ka thlen vel ah ka mu țha leh ngat ang. Ka phone chu bag aţang ka la chhuak rak rak a, lock ka hawng chiah chu Hmingsangzuala message kha a lo lang nghal kalh a.

* Ka rualin kal rawh ka ti a ni lawm ni?*
Phone chu ka hmet thim leh hmak a! Min kuah vang ringawt in ka mumang ah te hial ka hmu a nia, ani pui hi a hlauhawm pha tlat, ka hnaih tam loh a țha ber ang, anih loh zawng in ka rualpui dang te ang bawk in ka atchilh ve hle mai ang!

___________________UTOPA: 1996_______________

Hmingsangzuala's pov


A ȚHA E! ti nghut chung in motor ah ka țhu lut chawrh a, khatiang tak a hmeichhia min ngaipawimawh lo tu chu kha ka umkual reng lo ang!

Steering chum pawp chung chuan ka thawchhuak hawk a! Tinge ka rualin a kal mai loh! Washroom kawngkhar ka va hawn thut vang khan maw? Ka kik ri a hriat loh vanga nem chiah ka ni. Beisei lo zet in a ri rawk a, a inhawng der. Ka thiam loh pawh anilo; mahse ka thu min hnial phah nan a hmang ta tho a! A țha.. a țha vek, a bialpa ngo veng-a kha zui daih rawh se.

In lam ah ka inkhalh let a, ka tawt țun reng tho, mahse mipa ka nihna ang in tlawm takin min siam a, aaaa.. a chetdan khan min ti lawm lo hlawm tawp!

A thiltih engkim ah puih ka in huam, engkim tak tak ah, a chhan chu min lo pui tawh a, rulhlet pawh ka tihtur a ni ; khi zawng khi ka inhuam chhan ni mai se tawk ni mai tur! Mahse anilo, a bul ah hun hman tam ka duh a, ka hriatthiam miah siloh amah hlir ka ngaihtuah chhan hi hriatfiah ka duh a! Engvanga vei tut tut nge ka nih tih te hi hriat vek ka duh bawk, a taksa te ve tak ka kuah khan a chhanna zawng zawng ka hmu vek! Kha CHIMAWMI kha kei hian ka thlahlel , a atthlak tak zet!

A pawi tawp lo!

Kawtzawl ah motor ka hun rual in kawngkhar a rawn in hawng a, Liani a rawn chhuak hlawl bawk, chahbi a kawl tho a, zinglam ah ka awm silo a; a lo lut tawp anih hmel!

"Ih.. zingkar ah i awm bawk silo a, ka chahbi kawl hian ka lo hawng tawp asin"
"A pawi lo." Ka ti sup, ka aw a rum hle bawk, ka kalpel a, inchhung ah ka lut a, Hunter-a pawn min lo bawh uan uan mai!
"Bawiha, hna kal leh nghal ka ngai dawn nia." Kailawn ah min zui chho ve a, ka kawnghren ka phelh mawlh mawlh a, puakruk chu lukham hnuai ah ka rawlh lut a, ka intleuh thuak loh chuan ka awm a nuam thei der lo.

Thinrim țunin shower hnuai ah ka ding a, ka hmu leh ngai anih pawh in ka hmelhriat ani tih ka ti lang hlek lo ang, khatiang tak a min palzam mai mai tur pawh ka ni hrep lo e.

Station ka thlen hnu ah pawh ka mood a fuh thei der lo, țullo pui ah ka nau te ho ka vin tak nghek chang lah a tam, a țhutna ah țhu reng chung in Rema chuan min en ngar zel a ; an chetdan engpawh mai chuan ka thin a tirim hlur tak tak! Ka mimal buaina leh hna hi ka ngaihpawlh khat teh asin le!

"Mi pathum kal rawh u." Station chhung chhuat lai tak ah kawng nem run in ka ding khawng luah a, in rawk report a rawn awm a, police pathum chu an kal chhuak nghal bawk, tu pawh mai chuan ka thur chhuah nih an hlau a, an che vat vat hlawm a; a tu amah han vin chiam tur ka hre tawh mang silo, ka cabin lam ah ka lut leh ta ngawt a. Chair ah ka țhu thla chawrh a, dawhkan a phone chu inngaihtuah buai hman hlek lo in ka ban nghal vut bawk.
* Ka rualin kal rawh ka ti a ni lawm ni?*
Tih zawng ka thawn! Ka hmu leh ngai anih chuan ka thing nek bawk ang.


Kawt a dawr ah lunch ei turin ka lut a; midang lo awm ve neuh neuh pawh zawm ta chuang lo in bang kil lam a dawhkan inhung chu ka pan ding vut a, mi zing a awm nuam ka ti lo, engemaw hlek ah thinrimna tur ka hmu thla zen a, Chimawmi laka ka lungawi lohna hi tu emaw ber lakah ka hrithla nghek duh mai ang!
"Sir." Ka hawi chhuak vut, ka hma a chair chu Rema'n a lo pawt chhuak ve a, ka hawisawn leh nghal mai bawk.
" Engnge chanchin?"
" Lo buai suh." Ka ti hmuk, a thaw ham ham a.


Show post links
Top
Abbra Reo Ririni
Post January 17th, 2019, 12:09 am

Chimawmi khan tûr a hrai tu anih thu ka hnenah ngei a sawi a, chutichung chuan station ah hruaiin thu ka zawt fiah thei hauh thung lo! Ka thei, ka tum phawt chuan ka ti thei, mahse amah ka thlakhlelh rukna vang bawk khan he station a hruai lo mai hi ka ni!

" I dik miah lo a nia." Rema vek chuan a rawn ti leh a, țawng ţawng lo se ka dik ani mai!.
" Keimah a awm ka duh, min lo tibuai rih lo zawk teh." Ka ti ta hluk, hetiang tehhrep hian hna ka la tlin lo ngai lo bawk!
"Nizan ah hotel ah a kal em tih tal hriat i nei em?"
" I lo buaina tur a nilo.." ka ti ta țhawt, dawr chhung a mi te chu an thúm huk a.
"A țha em? Lo inrawlh suh!" ka aw a ring tawh lo, ha sehchilh ran chung in Rema chu ka melh khui a, a ding ta vut a, khatia vin hrep ngai lo khan inthiarfihlim daih tawh tur a lawm!

Ka khawsak dan chu tawrhhlelhawm tak ani ringawt, station huan hnim zawng zawng ka nau te ho ka sam fai tir vek a, an phun ngam bawk si lo, kei lah khauh fur in ka ţawng thla zen bawk a, huan lam ah an chhuk thla sap sap hlawm a, Station huan hi chu rukruk vanga kan man te leh khawlaia buaina siam kan man te hremna ang reng atan kan sam fai tir țhin! Vawiin ka mood fuh loh a zarah police in an sam fai dawn ta anih hi.

Ka room tukverh ațang an chetla chu ka en zui run a, a țhen rawn dak chho a min rawn en zauh tu a piang chu rum fe in ka lo melh a. An phui nui nui reng bawk. He hna ka thawh tirh te aţang a vawikhat nan tak tak ka mimal nun leh ka hna ka kaikawp ve ta, Chimawmi vang vek!

Night duty tur rawn thleng hmasa a piang hnenah ka mood țhat loh thu an lo hrilhru thla zen a. An tim dui hlawm mai! Zan dar 8 dawn ah ka cabin aţang ka chhuak ve ta vut a, zan lam duty tur ho chu a mal te te in ka melh kual a, ' day' lam hovin an lo hrilh lawk țha bawk a, an che vut vut hlawm mai! Phone a rawn rik chiah chuan chhang hmasa tu nih an inchuh vek emaw tihtur in dawhkan pakhat chu an bawr ta tuau va, kei erawh ka nui ta suk thung. An sawi fo țhin ka pumrua hi a hrawl a, ka thinrim lai ni miah lo pawn mi nelawm tak ka ni ngai lo, engahmah hma a min nel lo ngawt lah an tam; ka lung nihlohna te thup a, nihna lo pui a lan ka thiam der bawk lo, min hlau duh tu tan chuan ka hlauhawm hle ta ve ang.
" sir.." station ațang ka pen chhuak tawh, ka tawi hrut a.
"In ruk bo na a thleng?"
"Sawi țha leh teh!" Ka ti sup.
"Pu Thankhuma kha a cabin ațang a bo." Ka rum nghut a! Ka ban chu ka lek vut a, sana chu ka thlek thuak a.
"Insiam rawh u.."
"Yes Sir."
Ka nau te ho ri nak nak chu motor bulah ding in ka nghak a, tûr a hrai anih hnu lawk ah ruk bo ani leh a!
Lawk, kan Chimawmi thiltih bawk kha ani leh em! Ngawi teh, patling chethei lo khum a mu reng ru bo tur khawp in kha hmeichhia kha a lian tham lo.. lu ka thing nghut a. Ka kekawr ipte aţang phone ka la chhuak ruk ruk a, amah leh bawk anih vaih zawng in!

Ka call a, a ring ngial nangin min chhang der lo!

A huat zia ka hre tawh a!

A ruang ka hlawm a țul hun a la awm ang tih a sawi tawh bawk!

Chimawmi mai mai chu aw!

Ka nau te ho rawn chhuak țak țak chu motor pakhat ah chuang vek tur in ka hrilh hlawm a, hospital lam anni hian pan se, kei erawh Chimawmi te in lam ah ka inkhalh chhuak thung ang.

Kan station awmna veng ka tlan chhuahsan chiah tih ah ka phone a rawn ri ve chiah a, Screen ah chuan Chimawmi hming a rawn lang ta bawk!
"Khawnge i awm?"
Ka aw vin lutuk chu engahmah ngai lo hian a rawn nui ri hak a! A thiltih bawk anih ka ring nghet ta hmiah.
"Venghim turin ka hrilh tawh che kha.."
"LALRINMAWI KHAWIAH NGE IN AWM?" Tualthat turin ka duh lo, a thinrim laiin a duh ang thal in che mahse tual a that anih phawt chuan khuarei ah a la inchhir dawn.
"Kan awmna hria pawh nila i tlai dawn tho."
"In awmna chu sawi vat rawh!" ka ti țhawt! a rawn chet tlat tlat a!
"Location ka on a nga, chumi hmang chuan min rawn chhui mai rawh!" Mai mai chuan leh!
" aw.. lung nilo viau suh, kan awmna chu ka rawn thawn ang che, ka mamawh tho che a lawm." a rawn ti leh a, ka thawchhuak ham ham a. "Ka tan engpawh tih i inhuam tiraw?" Ner sawk chung in steering ka chum pawp, kha thu ka sawi lai a ka rilru leh a rilru put hmang chu a in perhsan chiang hle mai!
".. i thutiam i hlenchhuak thei em tih kan hria ang chu!" Phone a off zui hmak a, steering a ri zui pawp pawp bawk! Reilote hnu ah a message a rawn thleng a. Phone chu motor hmalam ah ka theh ngai nghal tawp! A tir te ațanga â chu kei hi ka ni! Verthernaa khat hmeichhe lak ațang hian eng thil nge ka lo beisei reng reng! A duh chu ti rawh se, keipawh ka duhdan in ka che bawk ang! Steering ka her pawp a, Rinzuala te hotel lam panin ka tlan ding nghal a, atan engpawh ka huam tih ka sawi khan a hmanraw pakhat lek a țan ka sawi lo, min mamawhna apiang ah kei hi atan ka awm ang tih ka hrilhna ani a, verther zet in ka thlakhlelh rukna hmanrua ah a hmang duh anih phawt chuan a rin ka ang lo viau ang.

Chhawng li na ah lift hmang in ka chho a, zing kar aţang tawh thinrim hlur a ka awmna chhan hmeichhe té ve tak kha ka hmachhawn leh dawn a nia, rik pawp ka duh dawn bik hauh lo!

Ka kal ngei dawn tih a hriatchian lutuk vang nge kawngka chu a lo in lock hlek lo bawk! Ka nem hawng pawp a, chhunglam a thil thleng erawh beisei phak bak ani tawp!
Thankhuma chu browntape in a ka a lo char phui vek a, char phui hneh tak a ni tawp! A kut a phuar bet a, a ke pawh chet ngaihna a awm lo hrim hrim! Khum ah chuan thisen a per nuaih a, Mizoram ah a vawikhat thlenna a ni hial ang! Thankhuma sazu a inzai chhum!
"Hello!" Kutkawr bun chung in chemte tle var a hum a, min lo nuih seih bawk!
Engkhaw sawi set set lo in ka puakruk pai lai chu ka la chhuak a, Chimawmi chu ka tin nghal hmaih! A ni erawh vanvadakin a nui hak thung.
"Chesawn tawh suh, Thankhuma tûr a i hrai avang leh a cabin ațang ru chhuak a, a chung a rawng tak a i chet vang in man i ni?"
"Ka ruk chhuah ani lo ve!"
"Nizan lawk a túr a i hrai mipa hi khawlai chhuak thei ani reng reng lo!"
"OH!" a ti duh lek chauh anih chu!
A chem ken chu khum bul chhuat ah a theh thla ri bal a, a kutkawr bun thisen kai vek bawk chu a phelh leh a, chetdan a hre rawva kher lah pek a!
" Thankhuma saw that rawh."
" Lalrinmawi!"
"Ka tan engkim i huam i ti ani lawm ni, amah saw that rawh, chuan.. Boom! A zo ani mai!"
"Nang kha man i ni!" Ka pan hnaih vut rual chuan a ner nang a; Thankhuma erawh mittui nen, thlan nen a inchawhpawlh nuaih thung!
" Min kap duh zawk em ni?" Ka silai chu rawn hum in a chaldar ah tak a hmawr chu a innawr chilh siah a! " tah hian em niang, nge ni a?" A thle zeuh va. "Ka bek ah zawk hian!" A mitmu lian kel kawl chuan min melh a! Khawvel ah hian he nu mizia sawifiahna tur thumal pakhatmah a awm lo ang! Van mipui te pawh khian rapthlak an ti ve hial in ania ka rin!
"Min kap dawn lo anih chuan saw pa saw kap rawh." Khum lam a kawk va a, a mitmu lian kiau erawh in min en chiang hle thung.
" Jail ah hrehawm zet in awm la, i harhchhuak thei chiah ang." Ka ti hluk, Silai ka lak let rual chuan engemaw sawi hian a phun ve sep a, handcuff ka phelh mawlh mawlh a, a banrek ah ka man rual chuan na fe in ka kut lo thin per a tum ve vat a ka nem mai mai tawh dawn lo!
Handcuff a in lock rik khap rual chuan hnaih chet chawt ah min din hnaih siah! A rawn dak chhuak a.
"Saw pa saw maw, ka naupanlai a min sual luitu anih saw, pawngsualtu nge i man dawn a tuartu zawk?!" Țek tla ri dawt ang chiah in min nghawr dawt! Uluk zet in ka chhuk en a, a thusawi hi rin tur ani emaw pawh ka hre hrep lo ve!
Za lo fe hian a rawn țhen leh sak a!
"Min sual lui țhin tupa a nih saw; that rawh.."
" I thusawi atthlak zet hi ka awih i beisei lo ang chu tiraw?" a hmai bul chet a kun hniam pah chuan ka nui suk a, a mitmeng verther zet țhin kha natna in a rawn thlak ta hlawk, a hmel landan zawng zawng pawh a dang dawrh thei!
" atthlak lutuk! A tirte ațang ka hrilh loh chhan che pawh tun ang chiah hian min ring dawn lo tih ka hriat lawk vang a lawm.." a nui hak a, tun țum erawh natna nen a ni ta thung. "Kum 11 leh 12 ka nih laiin min sual lui tawh.. i awih tur a sawi ka nilo, thudik a nih chu!" a aw a sehchilh nawk a, a tawp lam phei chu a ri che che, rang lutuk in a vanvadak a, mahse a mittui erawh a dang kir hman lo!
" min sual luih țhin vang alawm thi se ka duh em em!" a kut pahnih in a kâ a hup bet chawt a. Engemaw hi sawi leh a tum a, mahse țah chhuah hlau fe hian a hmai a hup ta thlawp a,
"Bawihi!" Ka taksa ah ka kuah bet ta ringawt, a taksa té ve tak che awk khawp chuan thawk a la ham ham a, ani hi an lo sual lui tawh a maw! Nghet leh zual in ka kuah bet a, a thawk a rawn rang a, ka awm ah a rawn nawr rual chuan a rawn in hnit chhuak ta hlawp hlawp a, Dim lutuk in a chhip chuan ka hmuiin ka nawr sak a, awrawl chhuah meuh va a rawn țah leh lek phei chuan keimah a lainatna awm zawng zawng a phawkchhuak vek! ka uniform hnung chu a rawn țhambet ta tlat bawk, ka theih ang a nghet in ka kuah khawm ta vek, nunrawng tak leh tihmawh lutuk ni turin a naupanlai a thil thleng rawng tak khan a nawr in a lo nawr lui țhin tih ka hriatsak ta chiah! Huatna, vertherna leh khákna zawng zawng te kha kum 10 chhung tak meuh a lo pai reng tawh vang zawk a hmeichhe nasa leh pawisak nei lo ang taka lang chhuak țhin a lo ni chauh va! Ka thaw ve hawk thei mai! A lo tuar nasa em a tin nih hi hmeichhe duhawm tak ni si kha ka lo ngaihsual fo țhin ni!
A țap khawng vek mai ang tihtur khawp in a țahna avang in a thawk a rawn buai a, a nu hnenah pawh a thil tawn zawng zawng a sawi chhuak lo tih ka hre ta bawk, nizan ngei khan min hrilh tawh! Chuan.. kum 10 chhung amah in a tuar vek tihna a nih chu!

"Aih, min thlah suh.." a rawn ti chul a, nawr hlat tum a ka kuahna ka phelh thawl chu a aia nghet in a taksa ah bawk ka suih zawm leh a, hnemna thu sawi tur ka nih laiin eng thumal mah sawi tur ka hre bik lo, engkim a bo duak vek!
"Reilote chiah nghet deuh in min kuah tlat rawh aw?" min dil lo pawh nise amah a talhran a tum hma ka kuah reng tho ang! A țah vang a thawk a hip let nasa lutuk erawh a chauh phah ka hlau viau thung, ka kuahna ban pakhat chu ka phelh a, a dar ah ka tuaisak ta hauh hauh va; kum 10 chhung a thuruk hrilh ngam ah min ngaih avang ngawt pawh hian ka bulah him tawk ang in a inngai ve tihna ani a, kei lah pek chuan chhe tak tak in ka lo ring a, ka lo țawngkhum thul! aaaa.. ka țawngkam chhe zet te kha na a lo ti ru viau țhin ang!


Khum a mipa let hlawm reng chu ka va melh a, a kekawr kawng leh zipper a in hawng a, a mipatna ber a awm tawh miau lo bawk! Ka luh tirh khan mak ka ti viau nangin tunah chuan a chan tur reng a hmu ah ka ngai ta! Pawngsualtu tan pawngsualtu huatawm dan tur lah a tuar tawh tu lo chuan an hrethiam kelh lo vang, sorkar dan in police lam in han man ngawt pawh nila; a rei ber ah kum 10 emaw awrh an tang a nga, a kar lakah chhuah lailawk an la nei dawn cheu bawk! Chu chu hmeichhe pakhat hringnun tichhe vek tu tan chuan hremna a tling zo ngai dawn lo a; a tuar tu te lam lung pawh a dam zo ngai dawn lo! Pawngsual tuar tu te duhthusam ber chu anmahni pawngsualtu, an phalna tel lova an thianghlimna laksaktu mipatna zai bun sak hi a ni tlangpui țhin a, Chimawmi pawn a duhthusam ber a tipuitling ah ka ngai! Thankhuma pawn a chantawk chiah a hmu! Jail ah a rei thei ang ber ka khung dawn bawk!

Reife hnu ah a țap bang a, mahse ka taksa ațang awmhran a tum mai bik loh avangin ka kuah zui ta reng bawk, a taksa a vawt thler a, a dar ka tuai na kut zawk chu ka chet a, a ban ah ka man a, ka kawr hnung a țham beh tlatna pakhat zawk chu ka pawtthla a, a kut ka humsak rual chuan vur khang ang maiin a lo hit ngung thei!
"Bawihi?"
"Che lo la." a rawn ti sep a, a aw a thám chhel mai.
" i țha miah lo a nia, phone ka rawn keng chho lo, i phone ka hmang lawk a nga, hepa hi rawn la se, ka hruai haw ang che.."
Muangchang in a inla hrang a, a vun a var vek a, thisen nei lo ang chiah hian a taksa chu a dang puap thei!

"Tah hian lo țhu rawh.." couch ah ka țhut tir a, a melh ngai melh veng veng in a țhu tawm kak a, a landan chu a lainatawm ani tawp. Chhuat ah a phone chu a lo let ngat a ; ka nau te ho khan Thankhuma hi rawn la se, a sazu bung vang hian a thih phah ngai dawn lo, Lock up lam ah hruai chho se, a țul dan a zirin doctor pawh ka ko chauh vang.

Ka call ațang reilote hnu ah ka naute ho an rawn thleng a; thil thlen dan hrilh lawk vek tawh mahila an rawn luh rual chuan thawm an siam hak tho! A țhawng hlawm hle anih pawh in a awm lutuk, kan ram ang ah phei chuan a vawikhat thlenna ani hial tak tak ang.

"Station lam ah riah tir tur."
"Sir, damdawiin pan a ngai lo ang maw!"
"A țullo, tikhan tuar dam rawh se!" Ka ti hmiah, an zawn chhuak a, Bawihi erawh room dang ah a awm tawh thung, an rawn lut ina an hmuh kha ka duh ber lo.


Camera a thuhruk thu leh a thuhrukna lai min hrilh thlap reuh a, midangte kal chhuah vek hnuah a dahna lai ni a a sawi lam chu ka pan thuai a, khum bul dawhkan te chung a pangpar khawina phen ah a lo dah ve ngei a. Hman a thil thleng tawh thar-thawh leh tum a ni bawk a, a thiam ang tawkin Thankhuma chu inpuan tir a, finfiahna solid tak neih a lo tum ve lutuk chuan amah min lainat zual tir a. Video camera lo la in record char char chu ‘off’ in ka tuai kual rauh rauh a. Thankhuma damdawi in awm lai a ruk chhuah dan pawh hriatchian chak awm tak a la ni tho.


Hotel ațang hruai chhuak in ka motor ah ka kuah lut a, seat belt hren sak paha hnai deuh a ka melh chuan min lo nuih ve sak nain a mitmeng chu a la vai riai tho. Hnem ngaihna vak ka hre silo chuan a chalah ka fawp vang vang a. Min lo dang bik lo in a thaw hle hle a.


Chutihlai chuan Rinzuala chu a rawn lang hlawl, “țhianpa” ka ti hman chiah tih ah kan bul chu a rawn thleng phei a.

“Kan Hotel chhung a thil thleng a tan chuan a rapthlak mah mah deuh a ni” a rawn ti nghal bawng. Motor chhung a Bawihi țhu chu hmu zawm nghalin chiang fe hian a zuk en a. “Thupha ka chawi e” ka lo ti thuai bawk.



Bawihi lah chuan kan thawm ri chu ngaihven lo fe hian hma lam chu a lo melh ngar ngar a. Rinzuala bawk chuan, “Amah hi a ni em?” a ti leh sup. Ka lo buk khum nghut chuan thawk a la hluai a. Awih harsa tih hmel fahran hian Bawihi chu a zuk thlek leh țhin a, kei tak paw’n sawi tur ka hre bik der lo. Naktuk zing news ah an hotel a thil thleng chungchang hi a lang leh ngei dawn a. Tun hnai a an hotel a thil thleng reng reng lah hi a danglamin mi țhawng tak tak thil zel a ni a. Rinzuala chiai ruai pawh hi a dem awm loh.



“Aaa. kal phawt teh u, Media lam chu lo cover dan ka ngaihtuah thei mai ang” a ti leh tlawng a.


“Bawiha, a pawi ka ti tak zet ania”


"Kal pui vat teh.." a ti hluk, a dar ah kut nghatin ka han hmer deuh vang vang a; Chimawmi bawk chu mak tih hmel fe hian a zuk thlek țha leh ngat a. Bawihi hmel leh lan dan ah hi chuan hetiang thil rapthlak tak ti thei tur hmel a pu hlawl lo a, Rinzuala pawn ka rilru chu min țawm ve ni awm tak hian, “A thil tih leh amah hi an in rem hlawl lo” a ti leh hlut a. A hrilhhai lutuk chu lainat awm dawn dawn mai.



A phone lo ri ah chuan lu min buk khum nghutin min kalsan ta a. Motor a ka țhu lut ve chu Bawihi chuan min lo melh chuang lo. A ngaihtuahna chu a kal thui hmel in melh ngai a melh veng veng reuh a. Thankhuma a that lo kha pawi a ti rih viau nain hun a han kal zel ang a, a pawi loh zawk zia pawh a hrethiam chho zel mai ang.



A nu kha dawmdawi in ațang a la chhuak silo a, Bawihi chu, “Ka in ah ka hruai ang che aw” tiin ka hrilh a. Mak tak maiin min hnialna a nei hauh lo. Mahni a awm fal chi a ni rih lo a, min hnial mah se an in ah pawh ka zui zel tho ang.



Ka in kawt a ka inhun fel laiin, “Hunter-a a awm ang tiraw?” a lo ti a. A awm thu a ka chhan chuan a nui ta sen sen a. A pangngai deuh tawh tih hria in kei zawk pawh ka lo thaw huai.



Inchhung kan han inzui lut chu Hunter-a chuan a lo lawm ngang mai. A lo zuan thual thual a, Bawihi pawh a nui khek nasa. Chhuat laiah chuan an in bawh tlu hawn hawn a. Inchhung a Bawihi nui ri thang khawk chuan min ti hlim veng veng thei nia. Ka chhungril fan veng vengin thisen a zawh lum pap pap a, lungphu a tur rang zui dawt dawt bawk.



“Hunter, min va lo ngai hman em em ve” tiin Hunter-a chu a chul nawk nawk. Ka nupui nih ai a Hunter-a nupui nih thlang zawk kha a ni miau a.


Hunter-a chuan a bawh mah mah deuh a ka hriat takah chuan, “Bawiha, duhtawk rawh” tiin ka khap ta nghut. Ka ui pa pawh chuan min pan ve ta hram a. A lu ah lo chul sak pahin “I inbual duh em?” tiin Bawihi chu ka melh a.


“aw, Mah se thuamhnaw hak thlak tur hi” a ti nang nang a. Nakin ah rilru nuam deuh a a awm hunah eng eng emaw ka la zawt chiang a.


“Ka thuamhnaw i ha thei ang chu” ka ti let chu nur fe hian min melh deuh ran a. “Tshirt leh Pajama a awm alawm” nui deuh paha ka tih leh chuan, “ni mai rawh se” tiin a tho a. Hunter-a paw’n a pan leh vut a, ani lah chu chhuat ah a țhu leh hmiah a, Hunter-a chu a chul leh hauh hauh tawh.


“I ziaawm deuh tawh em?” zawi sup a ka zawh rualin a lo hawi chhuak thuai a. A vun chu a la lang dang ang reng hle. “Ziaawm tawh lutuk. Ih, inbual nghal kha a fuh ka ring” a tia. Zawhna dang zawh belh tawh loin a lamah ban ka phar chhuak vut a, amah pawn rang deuh in a kut chu min lo pe a. Chhuat a a țhu chu pawt tho in a chhip ah ka fawp leh ringawt tawh.


“I mak” min ti hlak nain a lo indang bik chuang lo. “Min dawi â zo tawh a nih hi” ti nghut in a kut chu ka hmer deuh vang vang a. Ani erawh a ngawi ta reng.


Inchung pana kailawn a kan inzui chho chu Hunter-a ber chuan nuam a ti. Zuan zang dwuh in inchung thleng a tlan chho a, rawn tlan let leh in Bawihi chu a lo chhaih leh a, kan ri le lu a ni ber e.


Ka room washroom ah chuan a inbual a, a hak turin ka t-shirt leh pyjama ka pe ngawt a, a tan chuan a lian viau mai thei. Keipawh awm hmun thuamhnaw in ka inthlak mawlh mawlh a. Bawihi inbual zo washroom ațang a lo chhuak ka han hmuh chuan ka nui huk teuh kher mai. A Tshirt hak lai chuan a khup a thleng lo chauh a, pajama tlang lah a thlep let hnawk a. A thuamhnaw te chuan an ha zawk…




"Ih.. enteh, ka panty leh bra ka su daih a. Aaaa, hetia hak hi a pawi lo em?" min en deuh ha paha a tih chuan ngawi rengin ka buk khum ringawt. Ka thuamhnaw hnuai ah engmah a inbel loh thu han hriat chuan thisen a lum deuh tlat a. A taksa lang lai awm miah lo mah se ngaihtuahna a kal dik thei meuh tawh lo.



Inhnuai lam ah kan pathum bawk in kan inzui thla leh a. Hunter nen couch lam an pan nghal a. kei erawh choka lam ah ka lut tlang thung.


"Bawihi?"

"Awi ah?"

"Thil i ei duh em? .. i ei tawh em?" ka ti zui a.


"Engmah ka ei duh lo, mahse.. beer i nei em?" a rawn tia. Ka nei, in tir tur a ni em tih erawh ka hrethiam lo.

"A awm."


"Ok, ka lo in”tih leh choka lam rawn pan a rual a, ka dang duh ta bik lo. Aaa zan in thil thleng ngaihtuah thei lek lo khan han in in rui teh se.


Fridge chu hawngin Beer Can 1 a la a, ţhutkhawmna lam ah bawk a let phei leh nghal a. A kekawr hak chu a lian mah chu a ni, a pen zawngin a thleh tawm kha a tla thla zel sia, a inpawt chho ve ţang ţang reuh a. Nuih ta chiah ilang a sa leh hle dawn sia.


“A ve dit det a” ti hluk in tui ka inthlit a. Beer chu ka in chak viau nain in loh a fin thlak rih zawk. An awmna lam ah phei vein, “I in zo tawh em” tiin ka zawt a. Dawhkan chung a Beer can ka han lak kan chuan a lo la khat lung.


“A kha lutuk a” ti nang nang in a lo nui a.


“I in zawh bat loh chuan a kha tulh tulh dawn” ka ti chu nur fe hian min lo melh a.


“Tak tak alawm, Beer chu dah rei a chi loh” ka tih leh laiin zawn nei ni awm takin a hawi kual thuak a.


“Eng nge i zawn?”


“Remote, TV en ang” a tih chuan Remote awmna chu ka kawh hmuh zauh a. Rang deuh a tho in Remote chu a va la a, a lo let leh chu a ban ah man in min si chet in ka pawt ţhu a, bangbo hmel taka min lo en haw chuan, “tikhan ţhu rawh” ka lo ti sup. Min hnial bik lo in a bu ve mai a.


TV chu hmuhnawm tih hmel deuh in a en a. a kê bulah lo chuan Hunter-a chu a bawk duh tawh lo.


"Thankhuma kha engtin ngei ruk chhuah theih?" tia ka pai ruk reng zawhna ka zawh chuan nur fe hian min han melh a. “Ka ruk a nilo ka tih tawh kha” a ti hlar bawk. “Ani mipa ţhankin tawh kha kei a ruk chhuah theih ni in i hria em ni?” lawm loh hmel deuh a tiin min melh ran.


Chhan tum a kâ ka ang zuau chu, “Ka text a, amah khan min rawn pan alawm” tiin min lo pawt chat leh lawi.


"Tak zet?"


"Aw, i awih loh leh ka phone pawh check rawh." a ti leh zat. Chung em em erawh tih ka tum lo.


"Chuti chuan?”


"Thil thleng dang chu camera ah khan a awm vek, i en let thei ang." a ti leh mai a, eng ka sawi zui tawh bik lo.



couch ah kê khawkherh ţha sauh sauh pahin Beer chu a ban leh a, a in hlek a. Lem lo in zuk hmuam a.



"Khati khan hmuam khawl suh.." Beer hmuam pung chungin rum fe hian min lo melh a. Nur zet in ka melh ve ngur bawk. A lem takah chuan, “A kha ka tih mawlh mawlh kha” a ti leh hlar a. Min hau leh ringawt tawh.


"Zu kaihhnawih kha lo i hria em ni?"


"Min hnial peih anih chu a!" Min ti let hleuh a, ka ngawi ta hmak, ani pawn couch tlang vuan țang țang pahin Beer chu a in khalh khalh a, thawk a la pawh in ka hre lo, a kêțang te chu a kherh ngat ngat a. Ka inhmuh hmasak ber țûm pawn Beer ai tak zawk Whiskey rim a nam ham tawh. Beer in mai mai chu a harsa vak dawn maw ni. Chu ka ngaihtuahna chu duh lo fe in ka hawi sawn a. Engamah hma a ka ring chhe nghal ngawt zel hi sim a hun tawh viau.


A Beer in zo chu kar lo ah a irhfiak ta ek ek a. Hunter-a’n a en duh khawp. "Ka rui dawn a ni ngei ngei ang” a ti niah niah a. A dik ang. A mitmeng chu a lang phi deuh riai a. A mut duh hun a sawi mai tura ka hrilh chuan a bu nghat nghat a. TV-a Master Chef Show chu hmuhnawm ti deuh in a en teh tlat a.


“Chhuat ah hian puan phah ilang ka mu mai ang” tia min en chuan ka hrilhhai khawp.


Ani lah chu a tho tharh a, Nu Liani couch cheina lukhamtê ho chu chhuat laiah a theh thla hmiah hmiah a, a chet dan ngawi reng a ka lo thlir chu min lo hui zauhin, “Center table hi min lo hun sawn pui” a ti leh a. Huiha… ani tereuh hi a rui mah mah a nih dawn hi.


"Pindan ruak bakah khum awl a awm reng ania” ka tih pawh in, “Chhuat a rih hi ka chak alawm” tih țan in a țang kawh tlat. Chhuat lai a ding teu chungin center table zawn sawn pui tur chuan min melh ran bawk. A din dan chu a nghet lo riau in ka hri a. Center table chu ka hun sawn sak tak a. Carpet dup chu a hmawr ah vuan leh in a thlep thawk a. A che vel chu couch bul a dingin Hunter-a nen chuan ka en doh doh ringawt.



"Khawnge ka puan sin tur” ti he haw pahin min lo en heh a.


"I duhna ber a mi saw va la rawh.." ka tih let laiin mikhual room kawngkhaf chu a va thlek dak dak a. A irhfiak leh ak zel nen a hmuh loh in ka nui ka nui tawh.


"Saw mi room a mi saw chu ka duh lo."


"Khawi saw?" nuihza insum taka ka zawh laiin a pindan hman tawh kawngkhar zawn chu a kawk deuh vah a.


“Eng vangin maw?”


“Nula i mutpuina țhin a nih sawh” a ti thawr a. Leh mai mai chuan.


Ka tih ngaihna hrelo lutuk chuan, “i hre lo” ka ti deuh ringawt a.


“ka hrereng e, hmeichhe dang rim a nam” a lo ti leh zel a. A chal ah ka pen fawk lo chauh.


Nula ka tawppuina țhin tia a țan kawh miau vangin ka mut pindan a mi puan lum lak sak turin ka chho ta nge nge. Puan lum nen a ka zuk chhuk leh chuan Hunter-a nen hmuh tur an lo awm ta reng reng lo a. Inhnuai pindan leh kawmchar lam te ka en kual thuak thuak a, an ni pahnih lah an reh veng veng reuh sia, a hrilhhai thlak duh khawp.



A tawpah erawh beisei ngam chiah lo, beisei ru deuh tho chungin kawngkapui chu ka nam hawng a. Pawn a mi te pahnih ka va hmu chiah chu ka thaw huai nain awmang lo ka tih em vangin ka tawt țûn.


Kawtzawl phul ah chuan an lo in bawh tlu hawn hawn a, “Rawn lut rang rawh u” ka tih ri ah Hunter-a zawk chu a lo tlan let rang hle. Chimawmi erawh luhlul hmel zetin phul ah chuan a țhu tlat a. “Bawiha. Infiampui dan chin tawk hre țhin rawh” tiin Hunter-a zawk chu ka zilh a.



Thlem pah a a lam ka pan phei chu min lo melh no lo khawp lehnghal. “Lut ang le, thosi in an seh mai ang che” ka tih chuan a tum deuh pak a.


“I sual ngawt mai” min ti leh tlat tawh.



“Zingkarah kan sawi țha dawn nia” tiin ka pawm nawlh a, “Inchhungah kan infiam leh tho ang” a la ti pang pang a. A rui sual deuh dawn niin a lang. Inchhung ka luhpui rualin a tal thla nghal a, kawngka chu ka kalh fel a, ani pawh a mutna tur siam ve ah khan a let nghal tawp a. Hunter-a bawk chu au lehin a kiangah a mut tir ve a. Ka puan laksak chu sin ta nge pawh a ti chuang lo. Ka ngaih ngam zan loin “chhuat ah chuan i riak thei tak tak ang maw?”ka han tih lah chuan “Theih lohna tur a awm lo. Light kha off rawh” a lo ti sam then a. Bei a ti dawng.




Kailawn ah ka chho dawn zet tawh chu ka țhulh leh rih a, light pakhat chu hmet eng leh in a mutna lam chu ka thlir deuh vang vang a. Ka ngaihtuah zui ang hian min ngaihtuah zui ve ngai mang țhin silo. Muangchangin ka let phei leh a. Chhuat ah chuan țhu in ka thlek vang vang a, eng nge a ngaihtuah tih hriat theih miah lo hian min lo en ve ran a.



“Inchung ah lo mu zawk la?” tia ka sawm chuan lu a lo thing rang viau. Ka nui sak a.


“Țhangharh la i hlau dawn lo em ni?” ka tih leh laiin a hawi kual hrek hrek a. Mahse, amah lo en ve doh doh tu Hunter-a chu kuah nghet sauh pahin, “hlau lo ang, Hunter-a a awm dawn tho a” a ti leh reuh a. A țha e. Hunter-a. Hunter-a ti reng ringawt. Kun hniam in ka hmuiin a chal chu ka nawr vang vang a.


“Good night Kiss a nih hi” ti sup paha ka awm hrang chu ka nui chhuak huk lo chauh. Pawisawi loh hmel fahranin Bawihi chuan min melh kiau a, Hunter-a lah bang lo. Anni pahnih hi unau ni zawk awm tak an ni…



Ka mut pindan lam a ka chho chu ruak huai te in ka inhria, ka mu thei meuh ang em maw. Kawtzawl ah an lo va chhuah leh tawh loh hram beisei bawk teh ang.



Ka intleuh leh thuak hnu ah ka mu ve ta chiah a. Thil thleng a record na camera lah kha motor ah ka theihnghilh daih leh nghal. Zuk lak leh chu thil tih chi ah ka ngai lo, anni pahnih pawn chhuak chak lutuk kha ka zuk ti phawklek mai mai dawn tlat. Thawk la huai in ka ban lehlam lukhamin inchung lam chu ka melh vang vang a. Hmeichhe kawlh zet leh verther tak a ka lo ngaih țhin khan pawngsual a lo tawk tawh reng tih han hriat chu a mi deh a dang hle a. Dawnsawn dan pawh ka la thiam meuh lo. A chheh vel thil awm a chik ru ran zel te, mit sir a thil engkim a thlithlai ru tlat zel te khan chhan țha a neih chu ka ring lawk tawh reng a. Hetiang teh thlawt vang a nih erawh ka lo ring chhin ngai hlek lo. Thankhuma a huat ngawih ngawih thu a sawi lai khan amah pawngsualtu chungchang a sawi tih lam reng ka lo ngaihtuah thleng pha silo a. A dinhmun ka hriatthiam sak hlawl silo kha hrehawm a lo ti ngawt țhin ang. Pawngsual tawk tawh hmeichhia a ni tih ka hriat hnu ah hian ka thlakhlehna a reh em tih ka inzawt a. A chhanna chu ‘Aih’ tih a ni. Sum vang a mipa kawp kual țhin ang a ka ngaih lai ang tho in ka thlakhlehna chu a ngai reng a. Ka hmuh dan erawh a danglam tawh viau, tuma la khawih loh hmeichhe thianghlim te nen ang khat rengin ka hmu tawh.




Ka nun dan te ka chhui let a, ka fel fai bik der lo. Kawp ngheh nei lo mah ilang mipat hmeichhiatna kawng ah erawh ka fihlim hauh lo. Chupawh nawr luih vang niloin ka duh thlanna hmang ngei in a la ni zui. Aaaa, Bawihi aia țhat bikna ka neih loh zia ka hmufiah tual tual zawk mai.



Ka muhil tui lai chu eng amaw min rawn delh tu vangin ka harh riai riai a. Ka mit sirin pindan kawngka lo in hawng kau deuh chu ka va hmu thiam thuai a. ‘Hunter-a a rawn lut aniang’ tih dawn lahin sawti tiat lek in ani chuan a nawr kau ngai hauh lo. Tih vel ngaihtuah a ka rilru a fim hma hauhin ka chal dar chu thir hit thler hian a rawn si chat a.



“keimah”


“Ka hria. Chuan, silai kha dah thla rawh” tiin thawk ka la huai a. A chet dan chuan min ti hamhaih khawp mai.


“I hriat loh laiin ka that daih thei che tih i hria em?” min ti a. A ai na in silai chuan min nawr leh sak bawk.



“I thei ang. Mahse, i duh lo tih ka hria” ti supin ka chung a țhu mek kawngah chuan nghet zetin ka man sak a.


“Silai kha dah thla rawh”


“I hlau em ni?” a ti țalh a. Zan mut lai harh hlawh rual a silai hmachhawn chu thlamuan thlak zawk zawk a ni bau lo alawm.


“Hlau lo e” ka ti chu a han duh lo khawp a, “Bualin kawngkhar i lo nam hawn thut man a nih hi” a ti a. Silai chuan ka chal a lo tuk lawlh a. Ka bulah rawn theh thla zui in leh thlak a tum leh mai a. Ka va han chhuah awm lo e aw.



A nghawng hnung lamah ka man sak thut a, ka chal a chal lo nghat turin ka kuai kun nghal a. Ka chungah chuan a lo bawk a ni tawh mah zawk. “Tukin khan eng vanga min zui lo nge i nih” ka ti ri ah chuan thikna a lang chiang viau ang.


“Bualin kawngka i lo nam hawn vangin” a lo tih ve nghal zat laiin a mawng bawr ah ka hrawm nawk a. Ka hmai zawn a a rawn thaw lum hak chuan thisen a fan chhuak nghal vek.



"Vawikhatmah ka phalna tello in midang zui tawh lo ang che"


" i thu lo.."


"Aih, ka thu ber.." tih leh a mawng hrawm ka rual leh a, tal thlak tum in ka awm ah a lo in nam khalh chuan ka kawr ha lo chu ka hrechhuak ve leh chiah.



"Mipa dang i zui khan min ti thinrim takzet tih i hria em?" ka ti leh a. A biang ka khuap sak rualin ani inlak hran tum tal vel chu a tawp a. A hmui fawh nawm hmel zet hi engtin nge ka tih zel dawn tih chu ngaihtuah nawn fe a la ngai bawk ang.



"Ka sawi chu i hria em?" a hmui melh ngur paha ka tih chuan rang deuh hian, “Aw, hria. Chuan, ka chhuk duh tawh” a lo ti nghal zat a. Nui deuh chung a min dil phawt tur a ka han ti chu nur fe hian min melh a.


“Min dil loh chuan ka fawp dawn che” ka ti chiah erawh min melh phawk ngang mai. “Ka duh mai mai lo” tih leh tal a rual a. A țhutna in a zir em bawk nen tho lo lo tur a kai tho a, ka mualpho zo mai dawn a hria in amah chu ka leh thal thut a. Ka chet dan in a țhawn em vanga a rak țhat laiin chunglam ațhang ka lo insiam rem ve sawk sawk a. Inngaihtuah fim hman tawh lo in a hmui ka zuk nawr sik chuan a kut chu a hum tawm chawih a. A kut chu hum sak hmiah in ka inla hrang pah hlek.


“Ka fawh chak zia che hi i hria em” ka tih hawk lai chuan ka nui telin ka hria.



A hmui ah chuan ka fawp nawn leh ngat, a lo țang bik miah lo. Chu chuan min ti ngampa zual a, ka lo hisap fo tawh angin a hmui hnuai phir țhai chu ka peh sak a. Ka lo rin lawk ang chiah a fawh nuam a ni. Phat rual a awm lo, a ngawl ka vei bur dawn. Dim takin chet ka la zui zel a. Ani erawh a tim dai a, a lo dawh mawl tawp nain min hipna chu a kian phah hlek lo, a kâ chhung sa nuam zet ka thlen rual erawh inthunun hman lo in ka kiai ta suk a. A chung ah chuan inbeng khalh run in a chal ah ka fawp leh vang vang a. A tim em em na chhan kha ka hre ta chiah.



“Tumah i la fawp ngai lo maw?” kan hmui chu a intawk pha chang chang. Ka zawhna vang chuan a kut ka man beh sak chu a hum nghet vak a.



“Bawihi…”



“Ka first Kiss i ru daih” a lo ti ta reuh a. Duhawmnu.


A lai biang lo sen ap ap chu hmuhnawm ti lutuk in ngun zet hian ka han thlir a, a duhawm lutuk mai chu hrawm bawrh bawrh a chakawm kher mai.



“Ka zirtir ang che” tia ka thlem erawh zah hmel lutuk hian, “Ka duh bawk lo” a lo ti hlur a. Ka mit ah pawh min melh let ngam tawh lo in ka hrawk zawn a melh ta tlat a.



“Keiin ka zirtir chak che alawm” ka tih leh phei chuan a lai lutuk chu hmuh a hrehawm thei hial a. Marawh chu ka insum theihna te ka thunun zawh loh phah thung. Duhthawh zet in ka fawp nawn leh siah a. A lei lo tih chet ve dan takngial pawh a thiam lo. Chu erawh a hlimawm viau thung.



“I lei lo tiche ve tawh rawh” ti te in kan hrilh chawp a, țum engzah chiah nge lei ti che tur a kan inhrilh hman ni, ka duhthawh luat a insum zo lo a ka fawh rei deuh chang lahin, “lawk. lawk, lawk, tawp rih ang, ka thawk a chham dawn” te a tia.



“Rei deuh ka fawp tawh lo ang che” ka tih thlap hnuah thawk a’n la hmasa leh te te țhin a, a inring ta mawh tih ah, “Le…” tiin a’n maimitchhing țhin reuh mai a. Kan awm dan chu a nuihzatthlak rual rual in ka tawp san phal bik der lo.




A rawn duhthawh ve rual chuan ka phur mah mah tawh zawk, a kawr hak chhung ah kut ka zen lut a, min chhanletna a tawp a, ka inla hrang hlek bawk, a thawk la ri halh halh chuan ka ngaihtuahna a rawn chawlhpawlh kual a, a hnute ka hup rual chuan na zawk in lukham a nawr a, Ka țhamsak a piang in keimah zawk inthunun tur a inhrilh nawn ka ngai a, ka lum pup thei tak tak!
"A tawk tawh.." a kawrhak chhan ah ka banrek a rawn man a, na zet in ka țham leh tawk a, a hmui ah bawk ka nawr a; reilote tak tak min chhanglet a, a tawp rual chuan a hmui hnuai seh sak zauh chung in ka thlah a.
"Ih.."
"Fawh reng che ka chak tih i hria em?" A kawr chhung a ka zen luh ka kut chu ka la chhuak a, a bek sam tawn tawn ah ka zen lut ta zawk a, a chal ah ka chal ka nghah leh rual chuan ka bawh bet tih ka hre chiah, amah ka mamawh lutuk na vangin ka thaw huam huam bawk!
" ka chhuk duh tawh.."
"Tak zet.." a hmui bul ah ka nawr a, ka hmeichhe fawh tawh zawng zawng ah a la zei lo ber, mahse fawh a nuam ber thung, kiss ringawt pawn min turn on thei alawm.
"Chhuk rawh.." a ti sep a, a tawp nan duhthawh lutuk in ka fawp leh ngawng ngawng a, min chhanglet ve lo mahse nuam ka ti tho!
A taksa ațang ka leh thlak rual chuan tawrh har khawp in bawiha a lo che țawlh ţawlh a, a tho tharh a, kawngkhar lam a pan a , kei erawh ka thaw hle hle thung!
Kailawn ah a tlan thla rak rak a; ka tho vut a, room ațang ka chhuak ve a, kailawn ka chhuk thlak ve rual chuan choka light a eng pup a.
"Bawihi?"
"Awih" a phu zawk a, freezer a lo hawng a, min melh zawk a, freezer hma ah chuan a ding leh hmiah.
"Engnge i tih?"
"Eitur ka zawng?" Ka nui suk a, freezer ah eng eitur mah a awm lo ang.
"A piah zawk kha hawng la.." kut ka kuangkuah hlun, a lai chebuai kual vel chu a hmuhnawm zek mai.
Freezer chu rang fe in a khar phui a, a piah zawk chu a hawng a, kawngkhar chu a pawt phui titih bawk.
"Fridge chhung ah khan zankhua a din i tum em ni?"
"Aih, ei tur ka zawng ka tih chu!" Nui hawk chung in ka pan hnai ta nge nge, a dar ah ka vuan a, rang zet in a chhung chu a ban a, apple pakhat chu a la chhuak nawlh a.
"Ei rawh le..?"
"Chho tawh rawh.."
"Nope, tu emaw first kiss ka ru a. Ka mu thei bik teuh lo."
"I va sual ve." A rawn in her rual chuan ka pawn kang nawlh a, gas thuk bul ah ka nghat a, Fridge chu ka nem phui leh a, ka ban kar ah a taksa a awm theih nan a bul tawn tawn ka nem bawk!
"Ka fawp leh duh che.." a bing tai tek mai chuan a ti lawmawm zual vek!
"Ka duh tawh lo." Nui suk chung in a chal ah ka tauh dat a.
"Ka fawp leh duh che."
"Tumah hrilh lo ang che." A rawn ti sep a, aw! Ngaihzawng nei ţan tir te pawh kan ang dawn a lawm le!
"I hria em?" A hmui bulah nawr in ka nui leh suk a.
"Ka hria e, tumah ka hrilh lo ang.." dimte in a hmui ah bawk ka nawr leh a, " kan infawp tih mi'n an hriat pawh chu a pawi viau dawn mi?" A hmui ah ka nawr pah reng.
"Umm."
Inchhaih lam chu duhtawk rih ang! He hmui fawh nuam zet hi ka ta chiah tur ani bawk!


Hmeichhia te duh lo chung sual lui tur hian khawvel mipa tumah in dikna chanvo a nei lo, hmeichhe thianghlimna a phalna tello a i tih bawrhban sak rual khan a hringnun hman hun tur chanve i tihchhiatsak vek ang ania, i chung a rit khawp bawk ang!

Pasal in a nupui duh lo chung khawih luih theihna dan a nei lo cheu bawk!

( Mite kutkawih; mahni ta ang mai a cheibawl a, siam danglam a neitu nihna chanvo in vuah țhin tu te hi mi ta lak hmang, THIL RÛK ching an ni a, dawt sawi chingte nen an danglamna a awm hauh lo bawk! I ta ni hauh lo, cheibawl in neitu nihna i lo invuah ve ngawt tawh em?! )



☆UTOPIA : 1996☆
Chapter 7
By
Abbra Reo Ririni Khiangte ( Pitartei)



Keimah zawk ka zauthau lutuk chu ka ngaihtuahna a dik hleithei der lo, a kawng ah man in ka taksa si chet in ka hnuk hnai a, a mal inkar ah ka ding a. A taksa dang pawh belhchian chak em em tu ka lei chuan a kâ chhung sa hiam mai chu ka hawl kual a, a kap kar ka mipatna in a a nawk run a, chu erawh in ka awm a ti nuam viau thung!

" engtinnge ka tih dawn che ka la hre lo.." rum hrawih chung in ka fawhna chu ka thlah a; a țhutna aţang tla lek lek in ka hnukchhuak leh tawk a! A pyjama hak pan té chhanah chuan ka mipatna in ka nawr nghal hmiah bawk, chumi rual chuan rang lutuk in ka nghawng ah a ban a rawn suih bet a! A kut te tak te nem thep siin ka taksa a deh rual ringawt te chuan ka boxer hak hi nem tawlh a, a pyjama hak lai hi pawh thler kawk kawk a a taksa chhung a luh nghal mai te ka duh rum rum mai a lawm! Mahse tunah hian a rui miau va, hmeichhe rilru fimlo sex hmanpui ngawt lah ka dan ani der silo.

" Bawihi?" amah ka mamawh lutuk na vang in ka rum a, a bek sam ah ka zen lut tawk a, hnaih chet chawt ah ka en a, a mitmeng phi chiai mai ah chuan min mamawhna ka hmu ve tho bawk!


" ka kiang ah, ka khum ah mu rawh aw?" Ka khum min țawm tur a hmeichhia ka ngen leh hmasak na ber ani ang. Ka fawh zawh chiahna hmui sexy zet huh hliam bawk si chu ka nawr leh a, chintawk awm lo khawp in ka mamawh.

"Ka hre lo.."

"Aih, min hnial suh, ka khum ah i mu ve ang!" A pawm kang nawlh a, dimlo tak a chetpui tur atan chuan kan in len hleih viau bawk a, zan in chiah ka insum ang, mahse zan dang ah erawh ka ta ah ka siam ngei thung ang.

"Hunter-a bul ah ka riak dawn ka tih tawh kha.." na zet in a mawng ka hrawm tawk a, a ip chaih rual chuan ka nui suk thung! Choka light ka hmet thim a, kailawn ah ka pawm chho a, a thuamhnaw inbel lai hi hlih sak vek a, duhtawk a a taksa belhchian ka chakna lah a zual sauh.

" ka ruiin ka hria." Ni e, a rui chuvang tak renga nawr lui lo ka ni bawk.

Ka darin room kawngkhar ka nawr hawng a, ka ke in ka tlawh khar leh a, khum ah chuan a váng zawng in ka nghat a, ka bawh thlu nghal zat bawk a! Khum khuhna puanvar ah a sam chu a in zam hnawk niai a, a lungphu ri ve dat dat reng zawn ah chuan ka khabe ka nghat a, rang fe in a kut nem thep chuan ka biang a rawn tawk a, ka thaw zui ham ham bawk!
" hetihian kan muhil dawn mi?" a mitmu lian kiau mai chu a chet kual ralh a, kei erawh ka nui hawk thung.

"I duh em?"

"Aih.."

" engtia mut nge i duh." Ka biang a hmul chu a rawn pawt zeuh a, a chetdan engkim mai hi min turn on tu ani tih a hre der si lo.

"Kalsawn la."

"Chu chu a theih lo." Ka ti nghut, a in nem khalh deuh va, t-shirt chhan a a hnute hnur rawn lang ve kelh chu rang zet in ka hmuiin ka nawr a, a ni erawh a thaw hak.

" ei zawh vek mai che ka chak tih i hria em!" a kawr hak chhan ah chuan ka hâ hmaiin ka pet zeuh va, khum khuhna a țham tawm ve vat bawk.

"I kawr hi phelh ang.." a kawr tlang lam ah ka țham a, rang lutuk in a rawn țang ve tak nang in a hnute hnuai thleng in ka nawr tawm chho tawk tho!

"Ka duh lo."

"Shiit, ka ti na dawn lo che.." a mal te ah ka țham a, ka nawr kau hlek a, ka mal pakhat chu a mal inkar ah ka dah lut a, ka kut a lo dan ve zelna kut tereuhte chu ka man a, a lu zawn khum ah nem bet a, rilru fim pu miah lo va siam in zanin hian ka ta ah ka siam thei reng, mahse ka ti lo ang, hrehawm khawp a bawiha a tawrh tir vang erawh in ka muthilh tir mai mai rih dawn lo.

"Hei ka fawp dawn." A kawrhak chu ka nawr tawm leh hlek a, a hnute bu hnuailam a lang thei tawh, a lu beng kang in min en ve ran bawk! "Hrehawm i ti dawn lo, nghak tawp la." ka tawlh chho deuh a, a chal ah ka nawr sak a, ka kut in dimte in ka nawr chho leh hlek a, mit a chhing a, a hmui ah bawk fawp chung in dim te te in a awm bawr chu ka zut kual a, ka khawihna vang in a taksa a danglam tih ka hriat ringawt pawh hi a tawk tawh rih! Min haw bik lo tih a chiang a. Ngaihțhatna tham a tling viau bawk!

"Hetia ka khawih hian nuam i ti em?" A hmui lum ah nawr reng chung chuan ka nui suk a, ka kutțang chiah in a hnute hmur ka sawngbawl bawk! "Bawihi i la sawi lo!" Ka khawih dim lo zual sauh a, a tai bawr a rawn chet iak a, ka țhamsak tâwk rual chuan lu a rawn bu nghat a, ka nui ta hawk bawk.

"Nghak lawk rawh, ka hmui hi a awmna tur dik tak ah a awm hun ah phei chuan kha ai khan a nuam ang!" A mal pakhat zawk pawh ka nawr kau deuh a, ka awmdan ka siamrem rual chuan a awm ka hnawl tawm a kawr hak chu rawn siamțhat a tum ve vat a, ka rum ta nghut bawk!


"Nghak rawh ka tih kha." A kut pahnih chu a lu bul khum an ka nawr bet a, ka hmaiin a awm bawr ka nawr rual chuan a thaw hawk a, ka lei ka hmang hmasa a, a thawk a rawn rang telh telh a, a kut ka nawr beh chu rawn chet ve a tum zawm zat, ka hmuamsak rual chuan a ke a rawn leng bat a, a kut chu ka thlah a, ka fawh nat zawng a piang in ka sam ah a rawn țham a, ramsa koham zet ang maiin chet ka la ngawng ngawng reng thung!

"Duhtawk rawh.." a lu kan in ka chhip sam ah a rawn țham zui nghek!

"Ih.. ka awmdan a mak lutuk." A thawk a hip let hraih a, a taksa ka bawhbeh mek chu a chekual ruai reng bawk, a ai nuam in ka la siam thei!


"A lehpek ah chuan kha ai a rei nghak thei tur khan ka duh ang che.." ka thlah rual khum chu a tukhum in a nawr let tawk a! Ka kut in a hnute chu ka țhamsak a, a chal ah ka nawr leh zat bawk! A hnute te ve tak hi ka hmuam bo vek thei! Eng ang a tui nge anih tih ka lei ngei hmanga a hmeichhiatna ka sawngbawl hunah phei chuan hei aia rei nghak thei tur in ka duh dawn, a rim nu chek ațang hian a taste tur ka ngaihtuah a, a hmui ang chiah a thlum leh tui hi ani dawn! Chu thil chu tih ka chak tawh hle bawk!


"Awmsawm tawh rawh.." ka ban bulah a rawn beng thlawp a, a kawr chu a rawn pawt thla a, ka țhamna kut chu rawn pawh chhuah a tum leh a, ka la chhuak mai mai dawn lo.

"A mak.."

"Ka ta vek tur tho a lawm.." ka ti nghut, a sir lam ah ka let thla a, ka kut erawh a kawr chhung ah a la awm reng. Ka ban chu a lukham theih tur in a nghawng ah ka rawlh lut a, a taksa si chet in ka pawt hnai leh a, a ni erawh thawk pangngai a thawk lak tum in a thaw halh halh reng thung.

"Zing i harh rual in zan in a thil thleng hi i hriat loh thu sawi hlek suh ang che.." ka ti sup, a lu a rawn chet a, a chal ah ka nawr leh a, min en chiang ngang bawk.

"I ruih a reh hun ah ka khawihna che hi i hrelo tih sawi suh ang che ka tihna anih chu." A hmui bul ah ka hmuiin ka nawr a, a ngawi ta reng a, nge ni a, ani tereuh hi hrai ruih reng tur ani zawk em? A ruih lai hian a zia a zawi a, a thinchhia zawng zawng an bo vek bawk a, aaa.. a landan chu a nu hnep ani tawp mai!

"I mu duh tawh tawh em?" Ka ti leh sup a, a nghawng a che a. Ka țhu chhuak ta vut bawk, ka pawm kan nawlh rual chuan a lo țang ve țai reuh va, khum ah vek a awm tawh a, lukham a lu nghah tir te mai mai chu a harsa lo chiang lutuk!

"Tah hian i lu rawn nghat la, muhil rawh." Ka pawt hnai a, a mal pakhat ka la kang a, ka taksa ka khan beh tir a, a lu pawh chu ka awm chung ah ka nghah tir zui zat bawk!

" i rilțam miah lo tak tak em?"

"Umm.."

"A nih chuan muhil rawh le." Ka lu kan in a chhip ah ka hmuiin ka nawr leh a, hetiang a ze zawi zet mai a a awm hian duat a chakawm hluah hlauh bawk, he mize zawi raih hi nei reng turin ka duh a, hmeichhe mize dam raih hian mipa te rilru pawh a hneh bik em em țhin.


Mit ka chhing ve a, kawr ka ha miau lo, ka awm zawn chu a thawk lak zawng a piang in a lum ve zel a, kum 3 hnu ah hmeichhe kuah chung in ka muthilh leh vawikhatna tur ani dawn a! Zosangi..

No, kha nu tehhrep kha ngaihtuah zui tur ka ni lo! Ka hmangaih țhin ngei a lawm! Mahse; natna min pe tu hmangaih leh duh tur khawp a mi â ka nilo, natna vawikhat min pe tu chuan vawihnih a hring dawn a. Nupa nih lai ngat a uire thei mihring chuan a sim tawh mai mai dawn lo, ani kha chu ka time past ami ani tawh a! Tuna ka hun hman mek ah hi chuan ka kuah lai hmeichhia chiah hi ani ang! Hmalam hun ah nen! Ka thlakhlelhna hi reilote hnu ah hmangaihna ah a in let vat ang tih ka chiang a, kum naupang tak ka ni tawh lo bawk a! Ka hmalam hun ka suangtuah thar leh a ngai a, Chimawmi ka tawn hma thleng kha chuan hmalam hun tur ka ngaihtuah lawk duh ngai lo, mahse ani tereuh hi chuan hun kal tawh leh tun a kan hun hman mek mai bakah hun lo la awm tur thleng in suangtuahna min siamthar sak leh a, amah chiah tak tak in hetiang ngaihtuahna hi min put tir thei bawk!

Ka kuah beh mek taksa chu a che sat sat reng a, a inhiat in ka hria.
"I țha em?" Ka kuah khawmna ka phelh thawl rual chuan a țhu chhuak hlawl a, light pangngai ka hmet eng zawm ve zat bawk.
"I kawr min hak tir hi a bal chiang lutuk!" A dar a hiat sat sat chung chuan min melh zui ram a! Awihawm loh tawp ani a sawi!
"Khawi maw ka lo en che."
"Ka taksa hi a thak vek a lawm.." a kawr ban chu a pawt tawm chho va, a sen vual tut bawk.
"Ka kawr ani lo, Hunter-a bulah i mut vang anih kha.."
" a ni bawk lo, i kawr hi a bal niang.." ta ţalh chuan le! Ka in chhung ah hian thuamhnaw bal mai nilo thil mal dum hlek pawh ka duh lo, carpet dup a thlep thawk a, a chung ah Hunter-a nen an la mu zui bawk a.
" ka lo enchiang ang che.." thak a ti ngang a nia nge, min hnungchhawn in a inher sat sat a, a kawr chu a hlim a, a hnungzang te ve tak pawh a sen vual tut vek.
" i kawr hak hi hlip la, washroom ah lo va inbual țha leh rawh, hnawih tur ka rawn la ang."
"A thak si.."
"Ka hria.. inbual leh i peih loh pawn tah khan lo bawk rawh.." a rawn hawi let a.
"Engemaw kan hnawih dawn nia.." a bu ve ta nghat a, huntera leh carpet vang ani pawh in ka hre lo, Carlos pawh a thuamhnaw hak ngai loh a hak in hetiang chiah hian a vual chiam zel, thuamhnaw thar suk fai sa thlap pawh a hak fuh loh chuan a vual chiam zel tho.

Khum ațang ka tho ta vut a, tui lumna ka on a, chawhtawlh te ah tuilum chu ka la chhuak a, washroom a towel pakhat chu ka chiah huh leh a, khum ah bawk reng chung chuan a lo inhiat ve neuh neuh reng bawk!
"Ka rei lo ang." ti sup in room ațang ka kal chhuak a, ka nu te an rawn kal chang a an room hman țhin ah chuan ka lut a, Carlos-a baby powder kha a la awm in ka ring.

A lo la awm hlauh e.

Ka let leh rual chuan chatthla tur ang mai hian a lo zawi ngiai a, a khat tawk in a lo la inhiat reng tho.
Ka bawhkhup tir a, a chatthla fel der bawk in ka hria.
A kawrhak lai chu ka nawr tawm chho tawp, tuisa a towel inchiah chu ka sawr fû a, a hnung chu ka hruk sak vek phawt a, a thip ve deuh nge a rawn rum ve țiah ţiah reng bawk! Baby powder chu ka bun tlawr a, hnet zet in chulh chhuak vek ila a zia vat mai ang.
"Hmingsangzual." a rawn ti sep a, ka hming pum ngat a mi ko fawl rual a ni lo asin le.
"Helai pawh hi." A ban bul chu a beng ve thek. A kawr hi hlip law law teh ang.
A bawkkhup miau, a taksa hmalam ka hmu bik lo, a nghawng ațang ka la chhuak a, chhuat ah ka theh thla a pindan chu naute rim a nam rum rum bawk! A ban vel ka hruksak vek hnu ah powder bawk ka hnawih chhuak leh vek.
Kawr ha miah lo hian ka kuah bet reng zawk dawn mawni! Pawi ka ti hran lo, mahse hritlang a kai palh thei!

Thuamhnaw dang ka hak tir leh meuh chuan pawm sawn nawlh mahila a harh zo tawh lo hrim hrim! Hmanrua vel chu ka dah fel a, hmeichhe zurui țum hnih chiah ka la buaipui.. chupawh amah ve ve hi!

Ka harh hlawl a, engemaw in min delh tih ka hriat rual chuan ka dap vat a! Ni dawn tak e! Ka bul a lo mu chu tunge anih tih ka hriatchian rual chuan thawk la ham ham in ka taksa chhung deuh ah ka hlang kai a, ka ban pahnih in ka kuah khawm nghal hmiah bawk! Thawk a la sek sek a, kan thawk lak dan in nat hleih lutuk chu a nuihzatthlak lek lek.

Khua a var tawh a, tlai lutuk anih erawh ka ring lo, zing dar 5 vel ani che che ang, ka taksa sawizawi tur a khum ka thawhsan a hun viau tawh nang in he taksa kuah bet chung a thawk lak ka la thlahlel miau si.

Pawnlam aţang kawngkhar chu a rawn in hai ri hraih hraih reng a. Hunter-a'n min rawn kaihthawh a tum ve ngei a nih ka ring.

"Bawiha, ka tho tawh.." ka au a, kailawn ah a kal thla khat khat thawm ka hre zawm leh zat bawk! A duh hi chuan fing ve tak ani mai!

" Ka lo let hma chu lo harh lo ang che.." ka hmuiin a chal ah ka nawr leh a, a pangti a lum ve veng veng bawk. Dimte in ka mut țhat tir a, a hmui chhah tap mai chu ka kutzungpuiin ka tuaisak hauh hauh a, he hmui fawhnawm zia hre hmasa ber tu ka ni thei hi awih har ka la ti hle bawk! A bialpa ngo veng nen khan an la infawp lo tihna ani mai em? Nge ni a, keia thik lutuk khan an in ngaizawng ang in ka ngai mai mai zawk! Chu zawhna chhanna chu hriat ka chak ta kher mai! A muhil tui lai ti harh in ' I bialpa ngo veng kha i bialpa ani lo maw?' tih zawt ngawt ila, a țeu leh hlar awm si a. Aaa.. workout phawt teh ang.

Inhnuai ah ka chhuk thla a, țhutkhawmna area bik chu a hnawk ram a, ka phone pawh couch ah ka kalsan daih tih ka inhre chiah bawk. Ka la kang vut a, Liani message lo awm va chu ka hawng zui zat bawk.
*pu Hming nizan ațang tawh ka khua a sik a, ka nuam thei der silo, ka rawn kal lo ta ngawt mai.*

* a pawi lo, doctor hmu la, i chanchin min rawn hrilh leh bawk la* phone chu a low deuh nang in vawiin hna kal ni a ni chuang lo, ka workout zawh hun ah ka connect tawh mai ang.

Darkar khat chuang ka taksa sawizawi nan hun ka hmang a, Huntera pawh ka bul mai ah a țhu ngawi ve vauh vauh bawk.
"Bawiha, i țhiannu kawlh zet kha a tho tawh em tih han en ila.." ka ti nghut, ka thlan a chhuak hnem in ka thawk lak a la rang hle bawk! Inchhung lam ah a lut ve vat a, couch a ka phone lo awm ngat chu inchhung lam ah ka keng chho a, room kawngkhar ka hawn rual chuan ka țhen suk bawk! A la mutui reuh lutuk! Inbual ka tum zet nang in thil pakhat hriatchhuah ka nei!
Phone chu ka connect sawk sawk a, room chu chhuahsan in kawngkhar pawh dimte in ka pawt phui leh a, motor ah camera a la awm, nizan a thil thlen dan hriat nan pawh ka en vek a țul.
Motor chahbi inkhai zing a pakhat chu ka la thla nalh a, kawngkharpui lock chu ka hawng a, gate a chanchinbu lo inzep va mai pawh ka va hmu ta vat bawk! Bolero chu ka pawt hawng a, hetah vek en ka tum nang in a lo harh rual a a bulah ngei awm ka duh. Camera hum chung chuan gate lam chu ka pan a; thil thleng kha news lam ah lo la pe lut lo tur in nizan lam ah ka nau te ka be tawh a, chanchinbu chu ka thlek thuak thuak a, an ziak tel lo ngei bawk.

Khum ah lawn ve tawh lo in computer awmna lam ka pan a, parda chhah inzar chu lian lo te in ka nawr hawng țhen bawk a, chair ah ka țhu thla a, camera chu ka thlek vung vung a, Khum a tui zet a mu hmeichhia bawk chu ka melh leh a, sawtiang khawp a hmeichhe duhawm lak a rawng tak a che thei mihring kha engtinnge ka tih zui zel dawn tih pawh uluk takin ka ngaihtuah țha ang, an khawsa thei a; hmelhriat pawh an nei nual dawn! Ka chunglam minister pawh tham thei a mual mual neiin dan in a chungah ro a rel theih loh nan chet a lo lak pawh a, dan hmatheh zel tur uluk tak a ka thlan lawk angai dawn a, Jail chhung ah ka dah lut tawh anih chuan tuman an la chhuak mai mai lo tawp ang.

Chimawmi sawi kha a dik thlap, Thankhuma chu amah ngeiin hotel pindan ah khan a lut a, Chimawmi a hmuh rual chuan a pan ding nghal zat a, camera chu ka hum ngawt ngawt bawk! Mahse Chimawmi chu a lo inveng a, dawhkan a whiskey chu a kawh hmuh zat a, Thankhuma chu camera hnungchhawn in a țhu a, whiskey no khat chu a tlak piap a. Tukverh bulah Chimawmi a nui sak thung.
' nizana túr a hrai tu che kha ka ni tih i hria em?' a thiltih tawh zep a tum miah lo hi mak ka la ti fo.
' eng maw i sawi a?'
' nizan khan túrin ka hrai che..' Thankhuma chu a ding vut a, a pai zawm nghal chhawt bawk.
' túr telna i in leh chiah bawk.' Reife ațang a chetdan tur hi a lo ruahman lawk tawh anih tih a chebuai chhin duh miah lo ah chuan a chiang reng.
' hmeichhe naupang kha a țhanglian tawh a, chupawh i laka phuba lak duh vang chiah a țhanglian a ni.' Thankhuma ding mar leh chuan ban a vai vut nangin a tlu leh rawk rawk thung.
' hetah ka awm; min hmu phir anih kha.. khum ah sawn va lawn rawh. Engemaw in a hmuak che .'
' nangnu phiangsen hian tunge ka nih ila hrechiang lo a nih dawn hi.'
'Oh, ka hrechiang ber ang chu, khawchhak lam chhuak nghapih heh zet kha i ni lawm ni!' Inhum ruh viau e ti lo chuan a ţawngkam pakhat lek chu ka khik pui suk a! Țawngkam bungrua a hre maksak hrep zel.
An inhnial thinrim hrep hnu ah Chimawmi chuan pangpar khawina a chuh tharh a, Thankhuma tukhum ah tak a hlap zui pawp, Thankhuma tlu hnuang chu chil a chak zui țhawt a! Nizan khan engkim hre lawk lo in he video hi sound awm lo in en hmasa ngat ilang zawng, Chimawmi chetdan kha tualthah tumah tupawn an ngai nghet hmak ang.

Mipa zawk rawn che leh țual țual chu buai duh miah lo in a en ngar a, Thankhuma chu a rawn din chhuah leh rual in Chimawmi chuan a hnunglam ațang khum lam ah a nem ta vak a; khum a deh rual chuan na lua awm lo in a hnungzang ah a chhu zui chawrh bawk! A phuar hlawm țan a, a che reng reng a buai chhin miah lo tak tak! A bag ațang kutkawr a la chhuak a, a bun thuah mawlh mawlh a, a bag ațang vék thil var a la chhuak a, a tuamna lehkha a phelh rual chuan a chemte lo hum kha ani tih ka hre chiah!. Ngawi ngal in Thankhuma ka chu tape in a veh hnan hmiah hmiah a, killer movie en te pawh ka ang rum rum hial a lawm.
A kekawr kilh a phelhsak rual chuan ka hawisawn vut a, khum a mu taksa te ve tak chu a rawn che ta ţalh țalh a. Camera bawk chu ka melh leh zawk a, chiang lutuk in a mipatna chu a zai chhum hawk! Mipa chu na tiin a vial ngawng ngawng a! Ka duhtawk ka hmu tawh bawk e! Ka hriatchian tak zawng chu; miin huatna a pai nasat lutuk chuan ama mihring mizia bo țhak khawp in nunrawngna in a thunun thei! Chu chu Chimawmi ah hian a chiang hle bawk!

A duhthal in phuba a lak hnu ah chiah a țap chhuak kha ani a, a khurh hlawk hlawk dan ah khan huatna zawk in a thunun a, a duh ang chiah a a chet zawh rual in khang huatna leh nunrawnna te khan an phatsan leh ta si a, a țhanlen pui ber leh chakna pe tu ber te in an phatsan rual chiah khan a chetdan kha a hrefiah thiam ve ta chiah ah ka ngai bawk! Thawk ka la ham ham a, awrawl chhuah meuh va a ţap ri lungkuai zet kha ka la hre thei hial bawk.

Ka inbual zawh hnu ah pawh a la harh ta chuang lo. Hna ka kal dawn lo a, hnathawktu lah a rawn kal dawn bawk lo, duhtawk in han mu teh se!

Khum ah ka lawn kai ve a, a kut hum tawm țai mai chu ka humsak a, ka chawi deuh nawlh a, ka malchung ah lu a nghah tak ah chuan a rawn tep ve chiap chiap bawk, a kutțang chu ka khal a, naupangte kut lawmawm zet a ang ber bawk! A banrek ah khuavang hmun thum ah a awm kual raih a, hetiang deuh hi hmuh tawhna ka neiin ka hre bawk! Ka la kang vut a, kan chhungkaw hnai tak ah banrek a khuavang pathum sin te te awm kual hi an awm ve than ani, a tu ber nge tih lah ka hre chhuak zo țhak lo. A vun mam hen na chu ka hre tawh bawk, hmul a nei tlem lutuk, a ban chu hmul nei lo ang maiin a man hen a, mahse a hmul chu sin te te in an ţo a, an nem hle bawk, hmeichhia te hi an hmul a nem vek lo a nia, a țhen chuan an ngal hmul te an ziat fai a, a rawn țo leh hian mipa ngal ang chiah in a hmul hrup thei, ani tereuh erawh a vanneih lutuk vang nge lang khawp in hmul a nei ve lo, ziahna vanga pung lah a awm der bawk silo, enchiang hle lo phei ila chuan a vun man lutuk vang khan a in ziat ve emaw ka ti hial ang.

"Hey.. Good moring." mit a rawn men rual chuan ka kun hniam a, a bek ah ka hmuiin ka nawr a, ka țhu mar leh a, mit chhing reng chung in a nui seih a, chhan awm hauh lo in ka nui ve hawk bawk.
"I harh tawh em?" Ka aw ri dam thlup mai chu kei ngei pawh in ka awih lo.
Mit a rawn meng leh a, an meng lian nghal kiau bawk.
"Ih.. tinge hetah ka awm?" a țhu mar nghal zat, a hawikual thuak a, khum chu a thlek kual leh a.
"Tinge hetah ka awm a?"
"Ka pawm lut che."
"Tinge min pawm luh a?" A la hawi buai nak reng.
"Ka bulah mu tur in ka duh che a."
"I va sual ve." A engamah hma in sual min ti leh ta ngawt e! Ban ka lek vut rual in rang fe in a tawlhsawn a, chhuat ah a ding a, a taksa chu an dap kual thuak pah a.
"Tinge i room ah min hruai luh ve ngawt a!"
Nizan a thil thleng kha a hre hauh lo tih sawi tel suh se! Aw! A hre miah lo anih chuan a ngai ang chiah in ka che leh thei tho.
Kawngkhar lam panin a kal ta nal nal a, a pawt hawng a, ka sawi kha maw! A thinchhe leh hler dawn.
Kailawn ah ka um pha a, a hawikual hrek hrek reng a, țhutkhawmna lo hnawk ram mai a hmuh rual chuan min chhoh en ang he haw a!
"Hunter-a'n zanah ti hian a pu hnawk țhin a mi?"
" a teuh lo.." ka ti hluk.
"A va hnawk si ve.."
"Oh.. i lak hnawk vek anih khu." Ner nang chung in min en a.
"Ka inchhung ah hian naupang hmun la hnawk rual midang an awm in i hria em ni?" Ka ti nghut, a mitmu chet kual ralh in a inher a, naupang hmun ti hnawk rual ang chiah in a khawsa a, carpet a thlep ang thek a, a la mu then zui leh nghal!
"Khawnge hunter-a?" a ti leh sep a. Huntera awmna a hriat hma in thil hriat tur ka nei!
"Nizan a thil thleng engmah i hre lo tih sawi lo ang che.."
"Maw?"
"Ka fawp che tih theihnghilh suh.." a taksa si chet in ka ding a, a taksa hnunglam ah ban ka suih zawm hmiah bawk!
"Aaa..."
"I theihnghilh tawh tak in.." nui suk chung in ka kun hniam a, a hmui ka sik rual chuan a taksa chu a khawng nghal at maiin ka hria. "Ka in fawp tih pawh tu hnenah mah ka la sawi lo." A beng zawn ah nawr in ka nui suk a.
"Oh.."
"I hriatchhuah vek chuan a țha e, eitur siam ang.."
"Maw, ka tih awmzia chu.. ka haw duh tawh.." a rawn ti chul a, ka kuah behna chu ka phelh a, a bek sam ah kut ka nawr lut a. A hmai sa ve ham ham ah chuan engkim kha a la hre vek tih ka ring nghet hmak.
"Thil ei phawt la ka thlah ang che.." lai zet in a hawisawn a! A mipa first kiss ru tu ka ni tih a hre ta pawh a hahdamthlak reng reng tho e!
"Hunter-a chu..?"
"C'mon Hunter-a chu i la hmu em em ang.." ka ngawi dat a. " i bulah ka awm, a țha em? Hunter-a nilo in keimahah rilru pe rawh." Innocent zet in min en ta kiau a, kei erawh ka thaw huai thung.
Choka ah ka kai lut a, table ah ka hlangkang zui nghal nawlh bawk!
"Ta țang hian chhuk lo ang che."
"I inah chuan i intithu hle mai.."
"Thu khawp mai, tu emaw ang lo tak in ka bulah ka mut tir thlap bawk che." Ka ti sup.
"I hre rei peih anih mai chu.." a rawn ti hlak a.
"Engnge i ei duh ang.." zingkar ațang inhnial ngawt ka duh lo, chhuar chu ka pawt hawng a.
"Chips i nei elaw?" Chips pack chu a rawn kawk a.
"Umm, mahse zingkar ah i ei thei lo."
"Misual.." tei vet zel a.
"Soup ka siam ang.."
"I duh duh siam rawh.. chips kha ka ei tho vang." Ngil ngel țhin hian! Tui ka chhuan lai chuan a lo țhu ngawi ve reng a, a ke a then leu leu reng bawk! Thankhuma phiangsen khan lo sual lui lo ni ngat se hmeichhe nu hnap leh ze zawi raih ani thei dawn a, tunah thung chuan huatna in mihring thinchhe tak ni tur in a siam tawh a, a thinchhe zet hi a thlah mai mai theih ka ring tawh bawk lo!

" kal chhuah i duh em?" Ka inher vut a, min lo en reng tawh em mawni, rang fe in a hawisawn a.
"Aih.."
"Tak zet?"
"Umm."
"A țha alawm, in ah awm in kan infawp nileng thei tho a." Dar kan uk in ka nui suk a, a meng leh rawm tawh!
" Ka fiamthu lo tih hre tel bawk la.." min en duh ta miah lo va, ka pan hnai hrut a, mahse pawnlam ah phone ri a rawn awm thut a, chu chu remchang ah la in rangfe in a țum thla a, kei erawh ka nui ta hawk bawk! Khatiang tak a lai hma anih ka ring der lo. Nilo, nizan pawh khan awlsam tak in a lai a, a ruih vang emaw ka ti kha ani a.. zing ah leh zel pawh a la lai a maw! Pathian! A mize thar ni hram teh se!

A beng ah phone ngaithla reng chung in choka ah chuan a rawn lut ve leh a, min en kiau bawk.
"Hun ka nei a lawm.." a ti sep. Ka pan hnai a,.
"Tunah maw? Aa, ih.." uluk zet in ka en ngur a, thil pangngai lo deuh a thleng anih ka ring.
"Police officer in ah ka awm.." nakin lawk ah chuan ka bialpa tiin a la sawi ang.
"Rawn kal rawh." Ram zet in a ti hmarh, phone chu a ti tawp zat bawk.
"Thil thleng a awm em?"
"Thankhuma farnu in min hmuh a duh a.." a dar ah kan man vat a, reilote min en zeuh va, a hawisawn leh daih bawk.
"Hetah an lo kal dawn mi?"
"Umm.."
"A pawi lo.."
"Ka hlau emaw i ti em ni?" za vak lo hian a nui hak a.
"Lo kal rawh se, ka hlau hleinem, a bul a ka sawi chak tam tak ka sawi theih phah dawn a.." a ti hap a, mak ka tih tak ber chu Thankhuma unaunu leh zel nen an inhria chu thil mak tak ani in ka hria!
"I sawi hmasa anih loh chuan zawh che ka duh miah lo, mahse sawi i tum hmel si loh va, Thankhuma te nen hian in inhnaih em ni?"
"A teuh lo lutuk.."
" au chiam a ngai lo, i chanchin hriat mang ka nei lo, tun ațang chuan engkim hriat vek ka duh thung ang.." ka ti sup, ka ngaihdan dik tak ani bawk.
" chanchin vak ka nei lo."
"I pa a la dam em?" ka ti a, a mitmu a che zauh a.
"Aih, kum 11 mi ka nih laiin a thi tawh."
"Thudik ka duh."
"Kum 11 mi ka nih laiin ka pa chu a thi tawh!" a rawn ti chang fak. "Thil dang min zawh leh duh ila nei em?"
" aih, i pa chungchang pawh thudik min hrilh vat theih ka beisei." a dar a ka vawnna chu ka thlah a. Ka inher ta vut bawk!

Ani pawh a ding ngawi ngal a, soup chu bowl ah ka suak chhuak a. A dinna ngai ah ding ngawi ngal chung chuan ka chetdan chu min melh reng bawk!
"Ei rawh, a dai ang.. chuan.. dawt hi ka ngaina lo tih hria la, dawt min hrilh tawh suh ang che.." ka ti sup, zawite in thawk a la a, ka chanchin hriat duh a neih pawn min zawt se thudik tak ka hrilh hreh lo, a pa chungchang ah dawt min hrilh erawh ka lawm hauh lo.
Gate pui a rawn ri a, Chimawmi chu rang fe in a che zui vat a, kawngkharpui a nam hawng a, Kawtzawl ah chhuak in gate lam chu a pan a, muang zet in kawtzawl lam ka pan ve bawk. Hmeichhe inbiakna a lo awm ve reng ka tum hran lo.
"Hmeli, ka unaupa lakah rawng tak a che tur hian tu ang nge i inngaih a, tenawm lutuk." Nutling pui tawh in Chimawmi dar ah a nem salh salh rual chuan inveng hman lo khawp in ka che vut a, an bul ka thleng chawpchilh der bawk.
"I thiltih man hi i hmu dawn tih in hre rawh, ila mualpho dawn lutuk.." ân a cheh hmel in a mitmeng phakar hmel zet chuan tur fe in Chimawmi chu a melh khai a! Ka hmu thei der lo.
"Thankhuma farnu i nih ngai chuan zak la let leh nal nal zawk rawh.." min thlek haw a, a unaupa in hmeichhe chak lo zawk a sual lui thei anih chuan kei aia upa anih vang ngawt in zah der ka tum hauh lo.
"A tan hian tunge i nih a, a bialpa maw, police officer mai mai i nih kha nang hian he hmeichhia hi i hum thei ngai dawn lo."
"Ka thei, ka venghim dawn bawk.."
"Kan la hria ang chu.. tenawm dun lutuk.."
A inher rual deuh thaw in Chimawmi chuan a hnunglam ațang a nem phut a; a che rang lutuk tak zet! Thankhuma unaunu chuan gate thir a bawh rawk rawk bawk!
"Tenawm tih thumal kha i kâ aţang chhak chhuak ve tawh suh, kei chuan nang ang lo tak in mî pasal ka la luah lan ve lo, Mizorama thil thleng khat tak thlen tir tu awm chhun i ni hial lo maw? Khawchhak ram ațang mî pa rawn um vang vang peih i ni tih kha inhria la; hawisang vak suh, ka kâ ka an ruala i chung ah leh i unaupa lak a thil thleng tur i hrethiam lo zawk em ni, Putara'n hre ngat se engtinnge in unau hian a tih ang che u.. aw.. khawchhak lam ah a thawn let nal nal duh hial ang che u chu.. khawchhak lam ațang chhuak reng reng ni bak a țha lo an tih kha a dik viau bawk, engang a thuamhnaw man to pawh inbel mahla kha i hmelchhe phakar zet kha a mawi phah ngai dawn lo, nghathu rim leh nghapih rim nam rum rum khawp a hnathawh leh i chak viau chuan min hmu turin rawn kal leh rawh.. ka sawi dik zia hi i hre mai ang.." a aw chu a ring hran lo, mahse a biak mek hmeichhia chu a haw tawk tih hriat zet hian a kha fak a.
"Khatia mitmeng phakar zet a min en lo khan kalbo vat teh." A chappal bun lai chu a la kang nawlh a, Thankhuma farnu vawm nan a hmang zawm zat anih chu!

"Lalrinmawi ila hre dawn.."
" I duh ang takin rawn che rawh.. i unaupa sazu ka tan thei anih chuan nang phei kha chu i lei kha ka pawt chhuak vek thei."
Thankhuma farnu chu thinrim zet in a kal chhuak nghawng nghawng a. Chimawmi chu ka melh reng tawp! Car in an tlan chhuak fel ta maw tihah chuan a chappal chhar tur chuan a bai phei saih saih a!
"Phakar ropui si, a țawng zawng a a thaw uih zet kha ilo hre ve em?" A chappal bun țha mawlh mawlh chung chuan min rawn melh a! A dakthei lutuk leh che hit lutuk bawk si chu ' Yes Ma'm!' tih mai te nia ka duh rum rum ni!


Show post links
Top
Abbra Reo Ririni
Post January 18th, 2019, 12:16 am

Hunter-a nen an infiam a, an ri chul reng bawk, kei erawh veranda ah țhu chung in hna ka khawih a, Thankhuma chetdan kan tlangzarh hun ah pawh Bawihi hming hi kan ti ri dawn lo, hun reife tawh a thil thleng ani a, Hminglem kan vuah ang. Mak ti kan lo awm thei a, Mumbai ah pawh heng pawngsual case media a kan tlangzarh reng reng ah a tuartu hmeichhia nihna kan thup țhin, hminglem kan vuah a, a sir ah bracket in hminglem anih thu kan ziak tel mai zel! A chhan chu hmeichhe zahawmna chhe tawh kha miin tunge anih tih an hriat a, a hnunglam ah an kawh zui chiam hi a dik lo a. Aa...Khawpui changkang ah chuan a tuartu hming diktak tih rik a thiang lo hial zawk anih tak ber chu.

Hna ka khawih zo a, laptop chu khup in kawtzawl a infiam chul te pahnih chu ka en ta reng a! Keiin a chanchin zawng zawng bang awm lo a hriat vek ka duh laiin ani erawh in min ngaihven der mai bawk si lo, hei tak pawh hi hmeichhe dang nen an danglamna ani bawk!

"Inchhung ah rawn lut ula.. ni a sa si, in dam lo mai ang.."

Rang fe in Hunter-a nen an rawn tlan phei a; ran bula awm nuam a tihdan ah hian mihring rilru chhe tak anih ka ring lo, a huat zawng te erawh kut thlak hreh lo khawp in a haw thung.
"I nu hmu turin kal i duh lo em ni?"
"Ih.."
" ka hruai ang che aw.."
"Aih." Rang lutuk in min chhang let a, "tlai lam ah ka kal mai ang keimah in." A nu thleng in ka hmuh ve zu la han hlau tlat a.

A thuamhnaw pangngai a inbel tawh a, a sam sukna a la rei lo bawk a, ka shampoo rim ngei mai a nam ve ram ram bawk, couch ah thatchhe zet in a țhu a, chips a ei rep rep reng bawk!
" kan teacher pakhat chu maw? Kan class ah khan Pausianmuana a awm ve a, kan teacher chuan 'i hming hi a mak e mai, thlak daih ang!' a ti a, Zorammuana tiin a thlaksak daih asin!" Ka nui chhuak hawk teuh kher mai!

"I fiamthu ani em?" Ka ti hluk. Mi hming te an inthlak sak ngawt ngai em mawni!
"Tak tak a lawm, mahse a hming thar kha a lo duh ta phian a niang, school a form fill up ngai reng reng ah Zorammuana tih hlir a hmang ta vek a..." amah zawk a nui ta hak hak a, eng engemaw a sawi țeuh va, a school kal lai daih a rawn sawi chhuak reuh bawk nen nui hawk hawk chung in a țhen a sawi a. Tui thak an lehkhapuan phek hmang in an lei țhin thu a sawi leh a, an kutphah ah tui thak siamtu chuan bur chhin khat te a dah sak a, a buak hlau in an innghal vek zel tih te a sawi a.. chungte chu kan naupanlai a kan chîn țhin daih tawh a ni leh nghal a, khawi school ah tak chuan nge a luh ve ni!


Tlai lam anih meuh chuan couch ban ngheng in a muthlu ta ngât a; Hunter-a pawh a chappal bul ah a bawk muhil ve bawk. An in ngaina dun em em mai pawh hi thil mak tak ani!

Dimte in a taksa chu ka chawikang a, ka malchung ah ka nghat hmasa phawt a, Couch ah chuan ka mu a, ka taksa chung ah chuan a bawk ta thlep a, a beng hnuai ah tuaisak hauh hauh in mit ka chhing ve a, nizan kan mu tam lo bawk a, mit a kham ve țung thei mai!

He hmeichhe thinlung hi ka hnehsak thei a ngem? tiin ka inzawt a. Mahni inringtawk zet in eng chhanna mah ka in pe thei der lo bawk! A phurrit zawng zawng ka chhawksak thei lo anih pawh in tlem tal chhawk zangkhai sak theih ka duh a, a ni lah hian ka lakah eng rilru nge a put ve tih lah ka hriatsak thei hauh bawk silo.

Ka rilru ka khap ka khap ve ta mai! Chupawh ka kuah lai mek taksa té ve tak vang lehnghal hian!

Engemaw ri rak vang in ka harh hlawl a, ka taksa chung a hmeichhia chu kuah mai ka tum a, a lo awm tawh hlek lo anih chu! Ka țhu chhuak vut a, Hunter-a chu a lo la awm a! Khawnge Bawihi kha a kal! Choka ah ka lut a, a ruak huai! Ka hriat loh in a kal ta daih a ni mai em!
"Lalrinmawi?" Inchung lam ah a awm anih ring in ka au țhawt a, mahse a reh ta tlawk tlawk si ah chuan ka thawm hriat kha a kal chhuak thawm anih ka ring.

Min ti harh miah lova engvanga min kalsan nge ani? Kawngkhar pui chu ka nem hawng pawp a; gate pawnah car a lo ding a, gate lam pan chuan ka pen zui pawk pawk a! Kha pa bawk kha ani! Bawihi chuan a luhna turin kawngkhar a pawt hawng a.
"Ka phalna tel lo in tumah i zui thei lo ka tih tawh kha!" rang lutuk in a rawn inher a,kei erawh thinrim lutuk vang in ka thaw hawm hawm thung.
"Rawn lut rawh.." gate ka nem hawng pawp, lu a thing a. Kut ka humruh ta ngawt bawk!
"Ka sawi leh ang, rawn lut rawh, kal duhna i neih chuan keiman ka hruai ang che." Ka thinrim ang aiin ka aw a dam thlup.
"Ka tihpalh .. ka kal a ngai.."
" i kal duhna ah ka hruai ang che ka tih chu!" Ka inveng hman lo, ka au țhawt a, țum hnih ngawt ka mit hmuh lai ngei a mipa dang zui tur in ka duh lo! Ka che vut a hmuh rual chuan rang fe a țhu lut a, kawngkhar a khar phui hma hauh in car chu a dawk chhuak zawk a! Ka rum ri hrawih thung!

Mipa dang a zuiin ka thinrim tih a hria! Mahse a zui lui tho.
A kal duhna ah ka hruai ang tih ka hrilh a, mahse ka thusawi ngaithla lo in kha pa zawk kha min zui san a! Mi â ang maiin buaina a tawh leh hun ka nghak a nga, buaina a tawh rualin ka kiang ah hruaiin ka duat leh ang maw! Aih! Mipa dang a ring zawk anih chuan.. rin chhunzawm mawlh rawh se!

_________________utopia:1996__________________

Inpui ka luh rual in naupang ho an ri chul a, ka ni te lam pawh an lo awm nual bawk!
"Kan Police officer-a pawh a lo haw ve ta hlawl e!" Ka cousin te ho an lo uang a, kan ri ta hlut bawk a. Zah hmel zet a Carlos-a dinna lam chu ka pan vut a, chhuat ah ka khup pakhat ka nghat a, hnai zet ah ka en run bawk.
"Daddy?"
" i lo fel em?" A bu lap lap a, A sam ah ka tuaisak zauh va, ka hnaih lo ţhin lutuk chu a lai ta vel chu a nia!
"Bolero hnung ah i thil tur a awm a nia."
"Yess!" a ti ta chul a, ka û fapa nen an tlanchhuak nghal a, ka u nupui pawh anmahni en zui tur in a chhuak zui vat a.
"Mama, i cher deuh lo maw?" Hmui ka pet sawi zauh va.
"Room ah ka han indah fel a nge.."
"Aw, inbual la lo chhuk leh nghal la aw.." a rawn ti a, a âw ri ah chuan min lo ngai tawh hle tih ka hre thei, chuvang a thla khat meuh chawlh la ka ni reng bawk.
Ka tlangval lai a ka room, Mizoram ka haw chang apiang a ka hman tlang tak zel bawk ah chuan ka pen lut a, a chhung bungrua engkim an lo thlak vek tawh a, an cheidan chu a hahdamthlak ru phian bawk!

Khum ah chuan a vang zawng in ka bawk thlawp a, ka rum zui țuah țuah a, Khawzawl leh Champhai inkar hi naupangte ka nih ațang tun țum thleng khan hla ka la ti reng! Nui suk in ka pheikhawk ka tlawh phelh a, reilote ka bawk zal phawt anga, ka inbual ang.

Chimawmi kha engtinnge a awm tak zel tih ka hrelo, ka chapo na vang liau liau in text hmasak ka tum lo, chapona in a thunun theih loh ka ngaihtuahna erawh in a awmna tur awm ang a ngaihtuah kual fo va, a dam țha a ngem tih hriat tum in Rv veng thleng a chhui zui chang lah a tam, mahse ngaihtuahna chu taksa in luah tu mai ani a, a luah taksa erawh a lam hnaih in pen lak hmasak a tum lo bur tawh thung. Thankhuma erawh chithlahna khawl nei lo in Central Jail ah ka khung tawh!

"Hey tho teh.." ka nghawng a za mar mar a. Hmeichhe kut nem in a rawn tawk kual dan dan a.
"I lo haw tur pawh min hrilh lo a.." Claudia.

Ka che țual țual a, inbual lo in ka lo muhil ngawt pek ani maw.
"I lo thlenna a rei tawh em?" Ka țhu chhuak a, lu a thing nar nar bawk.
"Lo awm la, ka inbual lawk ang." Ka lu a rit deuh luk thei mai!
" i inbual hma.." ka hmui ah a rawn fawh rual chuan a dar ah ka man a, ka nemsawn nghal dawrh bawk.
"Babe.."
"Sorry, condom ka nei lo.." za lo zetin ka țhen suk. Thawk a la halh a.
"Condom tel lo pawn a theih tho a lawm.."
"Ka chau.. inhnuai lam ah lo zuk chhuk rawh."
"I chhungte hnenah kan chanchin hi ka hrilh dawn." Rum zet in ka melh nghek! Thawk a la hap a.
"Tun țum i rawn haw hi i danglam tih i hria em?"
"I sawi a ka hre chiah." Ka ti nghut. A sam chu a tuai chho puat a.
"Zosangi rawn haw vang kha ani em? Ani nen in inhmuh leh a, i rilru a lakpen dawn ai chuan i chhungte kiang ah kan inkawp thu hrilh ka thlang zawk.." rang zet in room ațang chuan a tlanchhuak a! Ani nen khan kan inkawp ngai lo! Ka chhungte bulah engmah a sawi tur a nei lo bur bawk!