BY; NUNUI FRANKY HMAR
EPISODE 1
'Boss in tukin zing chu min rawn phur a , ka luak a chhuak lutuk, car a kharphui sia' Seni thin hi chu aw, kan thleng rual deuhthaw a , bag dah in ka dawhkana lehkhabu chu ka rem a, thuziak thenkhat te chu ka chhiar zauh2 a, boss hnenah pek angai ni , thaw halhina room lam chu ka pan phei a, eng vanga hmuh hreh em2 reng nge ka nih ka hrelo, a fel em2 si a .
' Arghh, sir heng paper ah hian i signature ah......' phone chuan mi alo bia a, a biak chu tunge tih ka hrechiang ani , minlo nuih sak a, paper chu a bih zuai2 a, a sign mawlh2 a
' Ka lawm e' tiin chhuaksan mai ka tum a, mahse min koh avang chuan ka ding chat a, ka hming a hria maw
' Muanpui, dept picnic na hmun tur lo ruahman ta che, i thei angem '
' Aw thei ang, duh bikna te i nei em' ka tih chuan lu a thing a
' Aih, tha i tih kha ani mai, resort leh spot vel lo enkual rawh aw' atih chuan lu bu nghutin chhuah ka tum a
' Tinge i va hmanhmawh ve, min hlau emni' atih chuan a hmel chu ka en chiang a, ava tha chiang em, pa lutuk
' Nilo e, ka tihbuai che ka hlau a'
' Minti buai love, ni hman nuam le '
' Nangpawh le sir '
Resort vel ka enkual a, School picnic leh family picnic hunlai tak anih avangi anlo book tawh zel a, a tawpah Holiday Palace chu alo rem hram a, hrilh turin a office ah bawk chuan ka lut leh a 'Sir, Holiday Palace hi Picnic spot awl awmchhun a ni hrih a, ani takah khan ......'
' Awle, a tha lawm, ah englo.....' ka hnunga kawngka ri rak vang chuan a tawng tawp chat a, a ngaihzawng, a bialnu zaithiam lar Zorinzuali ang tak Enkoli chu a rawn pen lut a, a pian a nalh si a, a rawn nalh lehpek e , Boss Awmpuia chu a rawn panhnai a, min en zauh bawk a .
' Ka kal phawt ange' tiin rang takin ka petek chhuak a, ka thik ve ringawt ka va han mawl tak em, mimawl , mimawl bawk hmangaihtu ka ni
Tlai ban hun anih chuan taxi in con in Seni nen chuan kan haw a, Vaivakawn ah kan awm a, boss te erawh Zotlangah, kan inhnaih khawp mai .
Picnic chu ka phur lemlo khawp mai, tui lah ka cheng thiam silo, kan dept chu kan tam tham ve a, a nuam phian a, boss pawh a six pack lang thawiin kawr a phelh a, a bialnu a rawn hruai lo hlauh . Tui chu ka dai vel mai2 a, tui ka cheng thiamlo tih an hre theuh a, tuman min tilui ngai lova, ka nau chuan min rawn be hlawl a, hmundangah be turin ka kalsawn a , ka nu leh pa te kha la dam se chuan lehkha ka la zir ngei tur kha ania .
' Tinge, lehkha in zirlo mi' ka ti nghal a, friday chauh ani si a
' Nuu, enteh minlo hruaichhuah a ngai dawn nia'
' Tinge, sawi vat teh, kan picnic a'
' Vawiin hi eng ni nge pawh i hrelo, u in haw hunah minlo lam mai rawh anih leh, kan chhuak tawh dawn lawm' a rawn ti nang2 a, engtin nge ka hriatloh theih zawk le, a buai ngawt ang chu
' Haw hma in ka rawn hruai vat ang che'
' Na, ngai kherlo, nuam deuhin awm rawh ' tiin phone a dah hmak a, class 12 zirlai chauh ni mahse a puitling zawkah a tang fo a , ka hmingin min koh ngai lova, u tiin min koh heklo, nuu tih hlirin min koh thin
Rawngbawlna lamah chuan ka kal daih a, kekawr bul senno leh kawr bah var ka ha a, ka thawhpui te ho chuan min en zak2 a, nuam ka ti chiahlo, a vawt sung lehnghal a
' Tinge tui i chen ve loh ' sir lam atanga rawn titu chu Awmpuia ani , thuthlengah a thu awn duai a
' Ah, ka cheng thiamlo alawm'
' Lo thu ve ta che, titi a khat alawm' tiin a tawlh rem deuh a, hreh ru tak chuan a bulah ka thu a
' Chuan pasal neih te a hnai tawh em'
' Bialpa pawh ka neilo a, pasal neih chu a hla hrih emai'
' Tu tlangval in nge maw nula hmeltha leh zaidam hi duhlo ang ni' ati leh sup a, nangman ka ti rilru a
' Hah, minti zak ania, Sir nangpawh nupui i nei tep tawh ang tiraw' ka tih chuan a nui hak a, chiang takin min rawn en a, ka zam chhe leh ta, kum 4 chuang ka duh tawh a , mahse a ruk vekin, thil a ruka tih hi nuam ka ti
' Neih te pawh kan la nei mahna, mahse hetia la tlangval hi ka duh hrih ani' ati leh sup a, kan chhak lawka swimming pool a awmte thawm chu a tha khawp mai, eng eng emaw sawiin kan hlim dun phian a, kum 4 chhung a kan in hnaih ber tum ani ngei ang , ka nau bawk chuan min rawn call leh a
' Minlo hrethiam lawk' tiin ka kalsawn a
' Aw, bawihte'
' Nuu, i buai tih chu ka hre tho a, mahse ilo kal vat angai nia, fee kan la pe lo'
' Maw, oiii ka theihnghilh 6500 tiraw, lo lungai lo la, taxi emaw a remchang ah ka rawn kal ang aw '
' Sir, ih ka haw mai a ngai ani, ka nau hostel atanga hruaichhuah a ngai a ' ka tih chuan ka bulah a rawn ding a
' Maw, ka lo hruai ang che'
' Nilo, tihbuai che ka duhlo'
' Hmun fianrial tak ania, inthlak la , parking na ah ka lo nghak ang che '
' Sir, ka tibuai viau che a..'
'Tanpui che min phalsak rawh '
Seni leh midang ka hmuh remchan ho chu ka haw tur thu ka hrilh a, boss bolero lam pan chuan kakal a, tinge kazam em2 le, ka ngaihtuahna mawl tak vang ani
' Eng school ah nge a luh a, i nau chu' ati leh sap a
' Mount carmel ah, sir ah.....'
' Awmpuia, office ah lo chuan Awmpui tiin koh ka duh zawk '
' In chhungkua in emni in awm'
' Kan unau chiahin kan awm, ka nu leh pa an boral tawh a'
' Ka tawrh pui hle mai che ' ati leh sup a, hla kan ngaithla dun a , kawng chhe deuh lai ah chuan kan kang leh awk thin, ngawi rengin kan ngaihtuahna kawm melh2 chungin kan thu a
' Muanpui, nilo Nunu tiin an koh che in ka hria'
' I duh2 dan in min koh thei alawm' ka tih chuan a nui leh sak a, kan titi tui dawn chauh a, a phone chu a rawn ri a, Enkoli ani.
' Tunah chuan ka buai a ' ati sup a, enge lehlam atangin a rawn sawi ka hrelo, ngawi rengin ka lo thu a
' I ngaihdan kha engmah a thlenglo, zanah ka rawn bia ang che' ti leh supin phone chu a dah a, a hmel ka va en zawk a, biak a hlauhawm leh tawh khawp mai, to haw tur ang mai ani.
'Hmeichhia hian tlereuh nge ni a pangpar in ngainat le' Enkoli a pek tur ani ngei ang
' Hmeichhe tamtak chuan tlereuh an duh zawk ngei ka ring ' ka ti sap a
' Anih nangin enge i duh zawk a '
' Keichuan pangpar ka duh zawk'
Darkar khat vel chak taka kan tlan hnu chuan Chaltlang kan thleng a
' Min thlah avangin ka lawm takzet, anih ka kal......'
' Tinge min nel loh em2 a, nge ni a i ngainat zawng ka nilo'
' Nilo, chutiang engmah a awm lo'
' Nge mipa zawng2 hi i ngaihsak lo zawk' tiin bolero atang chuan a rawn chhuak a
' Nunu, tinge ngaihzawng i neih ngailoh a, office a mipa awm zawng2 duh rawn i nia ' engtin nge maw a hriat ni, a mitah ka en kal a , chhan dan mai tur ka hrelo
' Ka hrelo, min ti phur zolo ani'
' Ti phur zolo maw' ati nawn leh a, lu ka bu nghuta, ATM hnai ber lam panin kan kal a, min zui kual ve chhen a, mahse nuam ka ti, kawngkal kan tawh ho chuan min en duh thei hle a , Atm lah chu a chhe lehnghal , beidawng zetin ka chhuak a
' Engzat nge fee '
' Nilo, keiman ka pe thei , ATM dang kan zawng leh ange, i duh chuan i haw thei ania' ka tih chuan a thaw hak a
' Tinge ka tanpui che hi i duhloh viau le, lo kal rawh i nau chuan alo nghak hlel tawh ang che ' tiin min kai a
' U, i van lo thleng hma lehsi, ka thuamhnaw ho chu.......' ka bulah mipa a din vang pawh ani mahna min en reng a, Awmpuia'n ka ban a vawn na chu ka thing thla vat a
' Nunu, fee chu engzat nge' ka en reng a
' Min hnial reng lo teh, ummm'
' Nuamlo ka ti, nakinah ka rul leh ang che ' tiin a pawisa chu ka la a, Bawihtei hnenah an principal pe turin ka ti a, ka bag a cheng 2000 awm chu phawrhin Awmpuia chu pek ka tum a, a la duh miahlo lehnghal
' Sir, heihi lo la hrih la, a dang chu thawhtan lamah ka pe ang che, anihloh pawhin ka hlawh ah i cut mai dawn nia '
' Duh ta lo ila, sum chu ka hman senloh ka nei alawm' tiin a nui ver2 a, Pathian hian ngati nge ti em2 a hmeltha leh fel hian a siam bik le
' Min thlah haw i tum leh emni' inthlahrung tak chuan ka ti a
' Min mawl biak reng lo la, ka thlah haw law2 ang che u eng vengah nge in awm'
' Ava in thlahrun awm tak , a ngailo asin'
' Veng'
' Vaivakawn'
' Chu, kan veng nen a inhnaih chu, kan haw rual thei reng alawm, zingah pawh kan kal rual thei dawn anih chu' atih chuan ka nui ringawt a, a bialnu nuthlawi fa neilo, zaithiam lar tak kha ka ngam reng2 lo, kan kal rual lul lovang, thikthu chhe tak leh mi hauh ti na tak ani tih ka hria , nuamlo ti takin a bolero ah chuan kan chuang a, Bawihtei chu a tawngduh phian a, Awmpuia nen chuan an inbe reng a , a khat tawkin ka lo zawm ve zeuh2 a , kan in kawtah chuan a ding a
' Kan lawm takzet engtin nge kan rulh ve ang che, thingpui te ilo in duh em sir.... oh Awmpui' tim dai chuan ka ti a, kei aiin kum 7 chuangin a upa si a, ka koh ngam chiahlo
' Thingpui chu ni dangah le, kan haw phawt mai ange . in2 ka hre tawh a, duh2 hunah a rawn in theih tawh ang' ati fiam a, a tlanliam lai chu ka thlir reng a, inchhungah ka lut a, Bawihtei chuan min fiam zui zauh a, ani pawh hian ka nu leh pa te ho in a pasal atana nei tura min tih kha ani tih a hria a , hun reitak ami ani, nui sakin a bungrua ho chu kan rem a, Science student tih takah bungrua a ngah khawp mai
Hna pawh tha takin ka thawk chho zel a, mahse tinge Awmpuia hi ka duh tak em2 ka hrelo, a bialnu ka thik vangin ka tap hial si, hmangaihna hi chu aw .
Company a hnathawktu zawng2 te dinner kan eikhawm dawn a, Awmpuia bialnu chu zai turin kan sawm a, stage ah Awmpuia bulah chuan a thu a, an inhmeh lutuk, mahse ka thik ani, ka kut chu ka hum ruh a, ani ang hi chu ka tawng leh tawh lovang, mahse midang thaak chu ka la tawng ang, thu thiam taka a sawi lai te chuan Seni min biak reng2 hrelo in ka lo ngaithla uluk a, tunlai tlangval senior lar Lalhmachhuana CYMA gen Sec nen an in ang takzet bawk🤭.
'Tunah chuan Lalenkoli zai turin ilo sawm ang' stage a nula ti ila nau pawm loh vanga nula aniang chu, hmeichhe chhelo zet chu a ding a, ka tluk lo ani
'Hmanlai an chang thuai ang, kan hlim lai ni zawng te......' a hla sak chuan min deng dawt mai, hmanhmawh takin hall atang chuan ka tlanchhuak a, tinge tihian ka awm ka hrelo ani, ka mipa duh ve tak lah ka ta ani thei dawn silo, a sir deuhah dingin ka hmui ka hup a, ka mittui chu ka biangah a luang a, lenlai a rual loh chu thu hran, khuanu ruat kan nilo ani, kan pian nawn leh hunah chuan zaithiam lar tak nih ve ka duh ani, Lalpa mipa thatak ka tana i ruat chu i va rawn tir har tawh ve .
' Nunu, i tha maw' ka hma a mipa sang tha zet coat-suit senduk ha chu ka melh zawk a, ka tah a chhuak zual sauh ani, enge pawnah a rawn tih , ka , a bialnu te chu in chhungah a awm si a.
' Ka tha, ka tha takzet' tiin ka mittui ka hru hul a, amah vang tih a hriat loh hram ka beisei ani
' I that hmel loh alawm' tiin ka darah a rawn chelh a, kuah vawng2 mai ka duh, mahse ka ta tur ani lo .
' Ka nu leh pa ka ngai thut a, min hrethiam rawh, lut ila' ka tih chuan ka banah a rawn chelh a , a sam chu a tuai puat a
' Sawi hun chu ani chiahlo, mahse thil hrilh tur che ka nei' atih chuan ngaihthla chak tak si, huphurh bawksi chuan ka awm a
' Aw sawi la' tiin ka nui lui a
' Awle, vawiin hian Enkoli hi propose ka tum a' atih chuan ka pheikghawk sang bun chu engtik laiin nge a rawn lek thut ka hrelo, chhuatah ka tlu tawp dawn emaw ka ti hman hial a, minlo dawm vat a
' I damlo emni, i dang vek bawk si' ati sup a, min ngaihtuah hmel takin min en a, boss ani, mi pasal hual ani vat dawn bawk
' Sir, ka awmpui lutuk che, tha deuhin i propose dawn nia, ih haw hma ka dil thei che angem, ka nuamlo takzet ani' ka mittui chu khap let tumin ka khap sak2 a
' I mittui hi eng vanga tla nge maw i nih le' tiin ka biang a rawn khawih leh zauh a, a kut chu ka thin per sak a
' Sir, min hrethiam rawh ka kal ange' tiin hall chhuahna lam chu ka pan a , min enzui reng tih ka hria, ka mittui te chuan ka khaw hmuh ati fiahlo hial ani . Taxi phar in kan in lam panin ka haw nghal a , taxi driver upa lam tawh chuan ka mittui tla chu hru turin min ti a, a rawmawl var thianghlim tak chu min pe a, lawmthu ka sawi sap a, in ka thlen chuan ka nau alo inbual mek a, room ah lutin ka in kalhkhum a, ka nuih te pawh a za hial zawk ani.
' Nunu, news liantawk a awm ania ' Seni chuan a rawn ti a
' Boss in a propose emni'
' Maw, chutiang anilo, boss in Enkoli dinner kil laiin a zilh alawm, a che mawilo lutuk a, awiii tinge i haw daih a' atih chuan ka khum atangin ka tho a
' Maw, boss in a propose lo maw' ka tih chuan awihlo lutukin a rawn nui har2 a
' Enge a propose ngawt ang, tlangval hausa lutuk in nuthlawi mai2 a neih duh tak2 i ring ami, nakin ah ka lo call back ang che, ka pa alo haw tlat' tiin a phone chu a dah a, Sir khan propose a tum thu kha a sawi ngei si a, nge ka beng chhe ri mai2 zawk, ka nau nen chuan chaw kan ei dun a, chaw ei a tuilo duh khawp mai.
Ni a ral a, Sunday ani a, inkhawm turin kan unau chuan kan chhuak a, Senior department ah a hmingin zirtirtu ka ni ve a, ka nau hi senior dept ah ala awm bawk a, inkhawm banah chuan muangchangin ka haw a, kan inkawm ngeih em2 a, thian dang kan kawm vak ngai lemlo
' Enteh maw , kan principal fapa e lo len antum nia, i phal em' atih chuan ka melh zauh a, in sawitheih vang nilo se, kan nu leh pate kha te chhe zawk2 an nilo a, bakah vun lamah te ka nu kan chhun bawk a, mi fak der kan hlawh ve hle thin a
Chawhnu inkhawm ban chuan a thiante chu anlo leng ta ngei a, eitur te ka siamsak a, choka ah chuan tukverh ah dakin ka ding a
' U, i thianpa alo kal a' ka nau chuan a rawn ti lang2 a, tu tak ni ang maw tiin sitting room lamah ka phei a, ka mipa hmuh avang chuan ka meng phar awn2 a, Boss saw engvangin nge alo kal, a nui sang a, min rawn pan hnai a, sawi tur mai pawh ka hrelo.
'Ih, ilo kal ve teh mial a, lo kal rawh choka lamah kan thu dawn nia, helai chu a bengcheng emai' tiin choka ah kan in zui lut a
' In in nei nuam hle mai' tiin chair ah chuan a thu a
' Ah, ava lawmawm ve, thingpui i in duh em'
' A pawi miahlo, i dam deuh tawh ani maw' ati leh sup a, eng vanga rawn in lan leh kher nge maw anih le
' Ka tha tawh lutuk, in nu i rawn hruai lova' ka tih chuan a nui hmel chu a zuai rawih2 a
' Kan nu, heh , kan inthen tawh' atih chuan lawm a zuan tur nge ka hrelo, ka thingpui chhuana kettle chu ka khawih fuh a, ka phu zuk a, ka te that bawk a
'Thingpui ngawi rengin kan in dun dawn maw, sawitur i hrelo mi' atih chuan ka nui ringawt, a duhna ah chuan a zei ani, nui mawi si, hausa si, pa si, sek si, sii hlir ani.
'Hmangaih deuh i nei ve tawh em, ka sawi awmzia chu mipa'
' Aw nei ve tawh e ' ka ti leh sap a , amah vek ani tih a hre der silo.
to be cont ..... true story anilo aw, phuahchawp ani e, minlo chhiarsak leh theuh ru aw 🤩🤭
THE BOSS
BY; NUNUI FRANKY HMAR
EPISODE 2
' Aw nei ve tawh e'' ka ti eh sap a, amah vek ani tih a hre der silo, ka rin ai daihin a leng rei a, sawitur ka hre tawhlo hle
' Nuu, ice-cream sandwich i ei duh em' Bawihtei chu a rawn lut a , Awmpuia nen chuan min pe ve2 a
' Ava naupang chhia ve ' ti supin a nui a
' Naupangchhia mi, a tui viau asin, ka naupan lai atangin ka rilru hah deuh chang te, ka hlim chang te leh tah chang ten ka nau neihchhun hian in min leisak ve ziah, i hria'm naupang zawk mahse a puitling zawk fo asin ' ka tih chuan a nui suk a, ka kut a rawn vawn chuan ka phu zuk a
' Mipa tha tak i la tawng ngei ang'
' Ka beisei' ka ti sap a, a haw dawn chuan a car dahna thleng ka thlah a
' Naktukah kan inhmu dawn nia' tiin ka mangtha a
' Nunu..' ka hawilet a , minlo en reng a
' A ngai lehlo mai , nidangah le ' tiin a tlan zui nghal a .
Zing ka tho chu Bawihtei rawn lut tur nen kan insu chawrh a, a tablet chu mak tih hmel takin min en a, tablet chu min hmuhtir lehnghal a , ka mit a ka hmuh chu awih harsa ka ti takzet ani.
' LALAWMPUIA ZAHAU, SUMDAWNG LAR LEH HMEICHHIA TE DUH RAWN CHU , A HNUAIA THAWK PAKHAT NEN AN IN NGAIHZAWN THU A CHIANG TA. ZAITHIAM LAR LALENKOLI NEN REITAK AN INZUI HNU AH AWMPUIA CHUAN HMEICHHE DANG A KAWP LEH TA, A HMEICHHE HIAN AWMPUIA'N A ZAR HNEH HLE THU A SAWI..... thu awihawm loh tak ani, ka thu hnawk a, kan in kawt a car bula inngaih hmel taka kan nui dun lai chu tu in nge lo capture ka hrelo, mi fate hman zia hi , thalai te news ah an post a, mi chuan comment an bei tuilo khawp mai, mizo ze thing tak pakhat kan la chhawm nun zel chu ani, thil anihna tak hrelo a troll vak2 hi ani, engtin nge ka chhuah ngam tak ang, ka hmel a lang chiang si
' Nuu, heipawh' tiin Zo-sap a an post pakhat chu ka en leh a, fake account ka thlalak an hmanna atanga post ani a, NINAWM KHAWPIN MIN RAWN RIM THIN tiin , ka mit chu ka hup a, ka nau chuan tih ngaihna hrelo zetin min kuah ringawt a, ka office kal te chu miin min en haw2 a, min sawi sep2 in min en hrek2 a, ka tah a chhuak takzet . Office chhungah ka lut chiah chu minlo en thap a, Seni chuan minlo koh vat a
' I post lo tiraw, ka ring miahlo'
' Eng tin nge ka, tu in nge post ang le'
' Kha zaithiam, nuthlawi hmelchhe zet kha ani ngei ang, e boss in a room ah kal turin a ti che a ' atih chuan hlauthawng zetin a office ah chuan ka lut a, min ban ngei ang le. Kawngka ka kik a, a hmel ka en ngamlo
' Muanpui, engtin nge khang thil kha a thlen theih' zaidam tak chuan ati a, ngawi rengin ka ding a, floor tile var chu ka bih ngur2 a
' Ninawm khawpin maw ka zar buai che ' ati le sup a , a hmel chu ka va en a, enge a sawi tur zel ka hrelo , ka kut chu a thlan dup a
' Ka tih anilo'
' Tu in nge ti chuang ang ni, ka lo ring sual hle mai che, hmeichhe fel tak inih ringin ka hnaih che a, mahse chu2 a kawi zawngin i la anih ka ring, hmeichhe dang ang tho ini' atih chuan chhan let hrep mai ka duh, mahse ka theilo
' Chhuak tawh rawh ' a ti leh sup a, eng vanga thinrim miahlo nge anih ka hrethiamlo, ka zak takzet bawk , ka dawhkan ah chuan ngawi rengin ka thu a, mi ho chu an phun sep2 a , ka hawi chhuak ngam meuhlo.
Chhun chawlh hunlai ani a, mi zawng2 chu thil ei turin an chhuak vek a , Seni pawh tiamin , keimahin office tukverh bulah chuang dingin Aizawl khawpui chu ka thlir dauh2 a , ka nau in awm chuan min rawn bia a
' Nuu, i tha em, enge i tih, thil i eilo ringawt ange, khatiang thu thang diklo te kha chu a reh va mai ang' a rawn tih chuan ka umloh deuhin ka tap a
' Chutiang chuan tuman an ngai velo, min endan te hi, tinge tihian ka awm bik le ' ka nau mah nise ka thiantha ber ani, ka mittui ka bianga luang ngiai2 chu ka hru a
' Nuu, pachang takin awm rawh aw'
' Awle, nangpawh le ' tiin phone chu ka dah a, ka tah a chhuak zual sauh, mi zaktheilo tak thangin ka thang tawhsi, ka hmai hupin ka tap a, hnunglam atanga tu emaw rimtui takin min rawn kuah avang chuan ka phu zuk a , nghet takin min kuah a, a palian si, nilo Awmpuia ani.
' He hmeichhe zaidam tak hian engvangin nge hetiang hi a tih duh lul ang ni' ati a
' Ka post anilo takzet asin, ih tunge ka hminga account siam pawh ka hrelo' tiin ka tahkhum hliam2 a , nghet takin min kuah a, tunah chuan zah ka hrelo, ka rilru a na em atin ni .
' Tihpalh, tukin zing avang khan, heti hian ati na ang che tih ka ringlo, a tir atang khan i tih ka ringlo hrim2 ' ati leh a, ka bianga mittui luang chu a hru a
' Ka .... ka tihpalh, i hmingchhe zawk daih si' ka tih chuan tawng tawhlo turin minti a
' Shhh, ka hrechiang che alawm, rilru hah takin awm suh, i hmai a bawl mai ang' nui sakin ati a
' Miten an sawi nasa lutuk, ka....'
' Mite thusawi ah buai suh, duh2 an in ngaizawng thei alawm, keini pawh hi a hriat miahloh ania, thil ila ei lo tih ka hria, ei turin chhuak teh ang' tiin ka bag chu a la a, ka banah a kai a, stepah min chhukpui a.
' Miin min hmu dun hlauh ange ' ka tih chuan a rum hak a
' Min hmu sawmsarih mahse a pawilo ' tiin ka banah nghet takin min kai a , min duh ve tihna ani thei mai angem, nge .... Nilo , ka na nawn duhlo, min kai dawr2 a, a pen hlawk si, kawngpui kan thleng tha a, a ding cha a, hah takin ka thaw hliam2 a
' I pen hlawk si min en ta che, kan in len hleih em hi' ka tih chuan a nui leh sak a, motor veivak a tam si, min rawn en haw2 lehta , mahse ani chuan engah mah a ngai pawhin ka hrelo, a car dahna lam kan pan a
'Ka kut hi thlah rawh, miin in ngaizawng emaw minti ange' ka tih chuan a rawn hawilet a
' Anti mai nilovin an ring thlap tawh ang, khawnge kan ei ang, KFC ah mi nge....'
' Nilo, a mawm lutuk' ka tih chuan a nui hak a
' Awle, i duh thlang la ' tiin min en vung2 a
' Silvermoon ah a tha ang, hea tang hian a hla lova, sawlai lawk saw ania' ka tih chuan car chahbi chu phawiin ke in kan inzui phei a, ka kut chu ala chelh reng a, a hum hneh si, kan mi tawh a piang chuan min enzui reng a , an phun sep2 bawk a
' Sawnu sawn a zarbuai hneh ve ngawt mai'
' A sum bak a duh teuhlo, tunlai hmeichhia ho tak hi chu' ka mit chhing sakin dawrah chuan kan in zui lut a, midang pawh anlo chawl nual a, boss nen min hmuh dun leh avang chuan an meng phawk hlawm teh e
' Enge kan ei ang, ice-cream kha chu an neih ka ring lova' atih chuan ka nui a
' Hmeichhe duh deuh ka nei a , mahse chunu chu mipa ngaihsak lo tak ania ' atih chuan ka en reng a
' Enkoli'n a hria em' ka tih chuan a lu a bu nghut a, hmeichhe vannei tak chu ani
' Chuvang chuan ani Enkoli pawh ka then ni, chunu chu venhim tlat ka duh ani ' ati leh sup a, chhan ngaihna ka hrelo , ngawi rengin kan thu dun a, restaurant chhunga mi ho chuan minlo en deuh thap reng a , eitur chu a rawn thleng a, muangchangin ka ei a .
' Chu hmeichhia chu nupui atan neih ka duh ani'
' In inhmeh ngawt ka ring ani'
' Chu2 i ring maw ' ati a
' Um, ring e, tu hmeichhia in nge nang ang mipa tha leh fel hi duhlo ang ni' ka tawng chawrthla pui viau, anui hak a
' Nangmahin mawle, heh' tiin a nui leh hak a .
' Ih , mipa fel tak ini a , nangmah um.....'
' Duhtak, enge hetah in tih' ka phu dawrh thei nia, Enkoli chuan no lo takin min melh a , Awmpuia boss, hmel chang nghal rut chu ka hmu thei , a bek ah thisen zam a pawng tawlh2 a
'Nunu, kan kal tawh mai dawn emni' tiin min melha, a ding zui nghal a, Enkoli chu a nui hak a
' Wow, tumaw a hming' tiin min melh khai a
' Ka ....'
' Ka hmeichhia hi i tihbuai a ngai miahlo, kal ila' tiin ka banah a kai a, min kai nghal dawr2 a
' Nangnu kha i hre khawp ang, i hria em, ka tichhe vek ang che ' dawr chhungah chuan a au zui vak2 a, nghet takin ka chelh a
' Engah mah ngai suh, a lakah khan ka venghim tlat ang che '
' Keimahin ka in veng thei alawm, i hmeichhe duh tak chu i venghim dawn nia' ka tih chuan a rum hak a, a va han hmeltha lehzual em
' Ka venghim dawn reng ani , tuman an tihnat ka phal ngai lovang '
' Hmeichhe vannei tak ani'
' A vanneihna a hre silo ani, hlim reng rawh aw' ti supin office lam panin kan inzui leh a
Ka awm chu a nuamlo reng a, mi ho en leh sawi erawh ka hlawh reng, ka thiantha ber emaw ka tih seni pawhin min hlamchhiah ta, mak ka ti ngei mai, zingah khan min be tha hle si a, ban a hun dawn a, ka bag ah ka thil vel chu ka khung mawlh2 a, Seni erawh Thuam'an a thlah haw dawn a, keimahin taxi stand lam chu ka pan a .
' Ka lo thlah dawn che mi' ka thawhpui tho Sanga chuan a rawn ti a, taxi kawh pahin a ngailoh thu ka hrilh a
' Lo kal rawh, i mal lutuk mahni chuan a nuamlo ang' atih chuan chuan mai ka tum a, mahse Sanga hnunga Boss motor rawn din avang chuan ka hawi let a
' Tinge i lo haw daih a, lo lut vat rawh' ati sup a, a hmel chu a dur khup a, eng vang nge ka hrelo
' Ah, a ngailo, hei Sanga hian min thlah dawn a' ka tih chuan a glass chu up in a tlan zui nghal daih a
' Eu, boss chuan min melh please lo khawp mai' ati sup a, a bike hnung sang zetah chuan ka lawn a, ka thu bungbu kut2 mai, bike hnung sang tak2 a an siam hi chu ka la khing ang, kan tla tep2 zel chu ania , haha.
' Ka lawm lutuk aw, lo lut la'
' A ngailo nidangah aw' ati a, a tlan zui nghal a, kan in luhna gate ka hawn lai chuan boss chu a rawn tlan fua a, ka en zui vawng2 ringawt .
'TUNLAI A CELEB TE AIA LAR ZAWK, TLANGVAL HAUSA LALAWMPUIA JAHAU LEH A HNUAIA THAWK NULA LA NAUPANG TAK CHU VAWIIN KHAN SILVERMOON AH ZAITHIAM ENKOLI A HMEICHHE KAWP HNUHNUN BER NEN HMUH HO ANNI, ENGE AN SAWI ERAWH HRIAT ANILO' ka thu chhiar avang chuan ka nui hak a, an rawn comment nasa leh teh e, ka awm hle2 theilo, comment button chu ka hmet a ENGMAH KAN TI HRANPA LO, THIL KAN EI MAI ANI, CHUTAH CHUAN IN BUAI EMNI' tiin ka comment a, ka phone chu khumah ka vawm thla a, ka nau chju practical ka tihpui a
' Naaa, tian nilo, soda a ngai , dawrah va lei lawk ang' ati a, ka kalpui a, unau in kan kal hnek2 a, a hla lutuk lemlo Zotlang lamah ani nghe2 a, ice-cream kan lei hram a, pawisa kir a nghah chhungin pawnah ka lo nghak a, ka mi hmuh thut avang chuan ka ice-cream ei chu ka phuh thawt a .
' Enge zanah pawmah i tih ' ati sup a, pj's uk a ha a, t-shirt uk nen, crocs uk [grey] a bun bawk a, sana nalh tak a bun bawk a, zan light eng hnuai ah pawh a hmeltha tho ani
' Ah , hei .' tiin ice-cream chu ka hmuh a
' Saw Awmpuia Jahau' dawr chhunga tleirawl awm ho chuan an rawn ti a, a thle bak a, bawihtei a rawn chhuak chiah bawk a
' Kan kal phawt ange, muttui aw' ka tih chuan a lu a bu nghut a
' Awle, muttui ule' tiin a ding reng a, hla tak kan thlen hnu pawn minlo la en reng ani tih ka hriat chuan mak ka ti ngei mai, tinge tunlai chu kan inhmuh fo mai le, taiah khan a thinrim hmel hle si kha ania .
' Wow' ti sapin ka comment an screenshot a an post chu ka en a, tumah chuan an reply lemlo nangin an like nasa em2 a, tu emaw in a rawn reply avang chuan ka en a, Awmpuia Jahau boss ani, Inneih chungchang te pawh kan sawi ho ani maithei 🤭 tiin a rawn reply a, ka nau chu ka hmuh tir a
' Nuu, a duh hmel che ka ti , mahse a ti lang thiamlo ni berin ka hria ' atih chuan ka nui a, mu turin room ka pan san a .
Hun a kal zel a, thuthang diklo pawh kha a reh tial2 a, mahse a nilo lama ka lar tawh avangin mi en hrek2 ka hlawh fo reng a, ka chhuahna te. bazaar kan kal chang te pawhin min en hrek2 a, ka hnungah min sawi zui fo a, ka nau chawlh a zo tawh si a, hostel ah a luhna a rei leh tawh si, keimah chiahin inah ka awm a, khua a har thei viau. Boss nen pawh kan in be zeuh2 a, a changin min phur haw leh zauh thin a, a hmeichhia duh kha a be pawp thei tawh pawh ani mahna.
'Advance christmas programme hi i kutah a dah ania' tiin Seni chuan ka dawhkanah paper chu a rawn nghat chawrh a, eng vanga min be tha duh miahlo nge anih ka hrelo, Sanga chu ka bulah a rawn ding a
' Vawiin chu Kanan ah ka kal dawn a, haw rual ila' ati sup a
' Nie, kan tum dawn nia '
' Englo, vawiin tlai chu ......'
' Nunu ka room ah lo lut lawk teh' boss chu a room kawngkhar ah tak a ding a, a meng please hran lo . Muangchangin a roomah ka zui lut a
' Office hour ah chuan mi biak vak loh tur ' ati sup a, a thik tihna emni
' Sir, tihpalh ka lo hre reng tawh ang ' ka ti a
' Thil hrilh tur che ka nei a, ka hmeichhe duh kha vawiin tlaiah dinner kil pui ka tum a ' ati a
' Duhsakna ka hlan a che '
' Lo kal ve turin ka duh che '
' Sir, ka tibuai mai2 zawk ang che ' ka ti a, ka rilru ana takzet, chu hmeichhe awhawm tak chu ka thik ani.
' Nilo e, tel ve ngei turin ka duh che '
'Ka hmanlo ang, min hrethiam rawh Sanga nen....' ka tih chuan a dawhkana pen dahna leh tui bottle, paper clip bawm zawng2 nen chuan a hui thla thuai a, ka phu zuk a
' Sir' tiin ka ding vat a
' Mipa dang be tawh suh hrep hian, i hria em Lalmuanpui' ati hrawk a, eng vanga min vin vak a thinrim nge anih ka hrelo .
' Sir, tinge i thinrim ' zaidam tak chuan ka ti a,ka hlau takzet ani, a hmel chu a dur khup a, to haw tur ang mai ani.
' Engmah hi hriatthiam i tumlo nge i hrethiam lo zawk, lalpa leh , Nunu ka duh che hrep hian, chhuak hrih teh, nilo engmah ka sawilo, engmah hrelo angah in ngai rawh' ati sup a, rang takin room atang chuan ka chhuak a , minlo en thap a, thawm kha a ring em ani, a thusawi chu ngaihtuah zuiloh hram ka tum a, min duh thu maw a sawi, nilo a tawngsual mai2 ani ngei ang .
' La haw suh ang che, heihi i zawh hma chu' tiin Awmpuia chuan ka table ah chuan paper file a rawn dah a, ban hun ani tep tawh, Seni ka bula thu chuan makti takin min en a, mi zawng2 ban hnu pawh chuan keimash in ka la thu a, boss pawh ala haw biklo, ka hnungzang a kham hle mai
' Ka roomah lo lut lawk teh' atih chuan ka lut vat a , chhuatah chuan a thil paihthlak chu alo la darh nuai a, ka chhar sak a, min en reng tih ka hria, ka hlau deuh rauh.
' Tihpalh, ka vin vak che avang khan' ati sup a , min rawn pan hnai a
' Nunu , ka .... ka ''
to be cont....
