Behind the mask Chapter 11

[Catnip Quill]

Behind the Mask



Chapter 11





Amos p.o.v



AIIMS a ka colleague Sandup ka thah tep atang kum 2 a liam der tawh.Dr Emma in ka thinrimna emaw min mawlh tu awm apiangin a bawm min pek chu hawng turin min hrilh a nihkha.A bawm min pek chhungah chuan paper sen thahnem zet alo awm a,chung paper ah te chuan ka thinrimna leh insum theihlohna zawng zawng ziak chhuak a,ka ziah chhuah sa chu ni tlak hnu a hal tur in min hrilh anih kha.Mak tak mai in chu thil chu a thawk!


Ka chanchin in ka pu beng a thleng leh vek tawh.Ni e ka naupan lai atanga ka thil tih zawng zawng hian ka pu beng a thleng vek thin,ka Doctor rawn zawng zawng te pawh hi ka pu in a contact vek an ni. AIIMS ka chhuahsan hnuin USA a min enkawl thin tu psychiatrist lar tak Dr Smith a hnenah bawk let leh in intensive therapy treatment ka neih char char hnuah chuan Mizoram ah let in kum naupang te ni chungin Neurosurgeon Doctor lar tak angin ka hming ka chher ve mek a ni.


He ka thawhna damdawiin hi kan chhungkaw ta niin kei hi a rochun tu tur ka ni bawk.Mahse aneitu anga midangin min hriat hi tul ka ti lem lo.A hria pawn an ti lang lo bawk.


Ka thianpa Dr Sangpuia leh a unaupa police inspector Andy te hi phir unau an ni a.Kei aia kum 2 a upa an ni.Kei hi pawl ka bawhkan nasat avangin class khatah kan thut ho thin piah lamah kan nu leh pa te ve ve pawh thian tha an nih vang hian min hrechiang tu,kan chhungkaw thian tha anni bawk.Andy nen hian kan mizia a in an viau laiin a unaupa ka thawhpui Dr Sangpuia erawh kan mizia a letling thawn thung. A nuih huah huahna phenah ka thuruk tam tak a pai teuh thung.


Tihian Doctor lar tak chu inti ve mah ila inah erawh min la naupang chhe chei tlat hi a buaithlak thin.Hospital ah ni 3 ngawt ka awm hnu chuan kan in lam panin ka haw ve zawk a.

"I lo va haw khat ve bawihte i thawkrim mah mah a ni" ka sam ah duat zet a min chul pah chuan ka nu chuan a lo ti vat a.Ka tih fo thin dan in ka nu chu kuah in a biang ah ka fawp a.


Ka pu in engkim a tha ti ni awm tak hian a lu a lo bu zeuh a.
Min hringtu ka nu leh pa hian ka nihna an hre lo hi mak inti maithei mahse ka pu hian hriattir a duh lo.

"Bawiha psychopath hi natna a ni lo a,thilpek a ni zawk.Khawvel finna hian hnial mahse tihdam i la ni ang"

Pathian hnên aṭangin thil ṭha kan dawng a, thil ṭha lo pawh kan dawng lo vang em ni? (Joba 2:10) Tiin a sawi fo thin.He Bible bung leh chang phei hi chu a room ah lian deuhvin a tar nghe nghe a nih kha.

Ka unaunu kum naupang te in kan chan a.Ka nu hi fa mal anih avangin ka unaupa Lucas hi USA lam a ka pi leh pu te tan chuan an neihchhun,an átchilh hlum lo chauh anih avang hian Lucas hi chu kan kiangah a awm ngai lo tih ka sawi tawh kha.Kei an fapa hi hetiang buaina tehhrep vanga an lungngai hmel hi ka pu hian hmuh a duh lo a ni berin ka hria. Movie ah pawh kan hmu fo ang psychopath tam tak chu tualthattu leh mi bawraw tak an nih thin kha.An fapa hi psychopath ka ni tih hria se engtin chiah nge an awm ang le?
Psychopath ka ni tih ka pu in a hriatchhuahna pawh kum 4 mi ka nihin ka pi ar vulh no hruai lai hian min lim avangin ka that a,ka thiltih hmu vek tu ka pu khan khata tang khan psychiatrist min pan puiin psychopath ka ni tih hmuhchhuah niin kan awm ho loh chhung zawng pawn min enkawltu tur a ruai tawp a, Naupan lai atanga enkawlna dawng tha ka nih avang hian tu amah hian an hrechhuak lem lo.

Inah ni 2 zen zawn ka chawlh hahdam hnuin hospital ah bawk ka let leh a.ICU ah dam lo serious kan ngah in ICU lamah ka rim viau nghe nghe.ICU atanga chhuah pah chuan kan patient Lalrindika chart chu ka en a,ka thiante 2 leh head nurse lo awm in "Dr Amos heihi kan nurse thar Awmawmi"tiin Head nurse chuan a bula nurse thar chu min hmelhriat tir a.A mit ah chuan en zawk in khanu AIIMS a tuai anga min ngai tu ngei kha a ni.Mi reng reng hi an mit ah tak ka en phawt thin,heihi chu psychopath zawng zawngin a kan tih thin a ni,min hmu leh chu mak ati tih pawh ka hria.

"Welcome"a mawihnai ah ka ti liam puat a. ka bula ka thianpa Dr Sangpuia hnenah chuan dam lo Lalrindika chu ward ah sawn a theih tawh thu ka hrilh zui a.Chu nu chuan min la melh reng tih pawh ka hria , diktak a sawi chuan hmelhriat hlui pawh nise engvak ah mah ka ngai lo.Gym turin Dr Sangpuia leh Dr Jonathan te nen ground floor lam ah kan in zui thla a.

"Kan nurse thar chu a chhiat loh kha"Jonathana'n Sangpuia bulah chuan mit san zeuh chung hian a ti a.

"Khanu kha ka hria lawm" tiin elevator chu ground floor lamah kal turin ka hmet zui a.

"AIIMS lam chhuak ani tak e,a chhe lo reuh sia ka la bem maithei a ni"Sangpuia'n a tih chuan ka lo khi suk.

Ka hna piah lamah hian fitness hi ka ngaipawimawh in ka rilru kal dik lo tur pawh min chhawk phah nasa.Kan hospital chiah hi Mizoram ah chuan gym awm telna hospital a ni rih.Dam lo leh staff te tan room hran kan la siam cheu bawk.


Thawhtan,nilai leh zirtawp hi dam lo ka zai ni a ni thin a.Thawhtan ah hian major surgery kan tih mai (spinal fusion surgery) ka nei thin a.

Nilai hi chu emergency a khawih thut ngai ang te khawih nan hun ka hmang thin a.Zirtawpah ve thung hi chuan minor surgery kan tih mai serious tak ni lo ho khawih nan hun ka hmang leh thin.Thawhlehni leh nilaithawhtan ah hian clinic ah ka thu ve thung a.Mizoram ah kum khat leh a chanve ka awm chhungin ka hming ka chher nghal der tih ka sawi tawh kha.He thil intanna pawh kan minister pakhat fanu chu glioblastoma ka buaipui em em thluak cancer pakhat chu kan damdawiin ah an rawn lut a.Phai atang beidawng tak a lo haw leh niin phai lam doctor ho pawn an khawih ngam loh leh a risky thu a medical report ah chuan a inziak.
Mahse ka sawi tawh ang khan dam lo te hi ka tan chuan puzzle remkhawm tur ang chauhin ka hmu thin.A case ka zir chian hrep hnuah damlo nu leh pa chu ka office ah ka ko a.Ka nu leh pa ang rual vel tho niin an hmel chu a pawr viau,an fanu ai mah hian an damloh nasat hmel zawk daih.Thu tura hrilh in,


"Ka pu in fanu dinhmun hi in hrechiang tho anga nangni pawn,zai lo pawh ni ila thla 3 pawh a daih tawh dawn lo" ka ti nghet charh,thu khuh deuh a thil sawi a hun tawh hek lo.


Concent document( engthil pawh thleng se Doctor leh hospital in mawh a phur lo ang) chu an hmaah ka theh thla a.


"Ka hlawhtling ngei ngei ang tih ka tiam thei lo che u a,risk a san zia pawh inhria ang.Mahse ka theihtawp erawh ka chhuah ang tih ka tiam thung che u,in thu thu ani mai" ka ti a.


Dam lo nu chuan tap pur chung hian "Doctor nangmah chiah hi kan inghahna i ni" tiin khur dar dar chung hian pen chu a hum a.


Damlo pa chuan "A hlawhtlinna chance hi a chhe viau ami" mi rawn thlek zawk pah chuan a rawn ti hnawk tuak a.


"A sang lo,Mahse ka sawi tawh ang khan theihtawp kan chhuah ang" dam dap chuan ka ti ta zawk a.Phai Doctor pawn an khawih ngam loh hetah ka khawih dawn ania chance a san lo zia chu zawh nawn kher ka ngai hauh lo, an zawhna vang chuan Ka nui suk a.


Khur dar dar a consent document a an hming an sign lai chuan "Naktuk dar 10 ah kan khawih tan ang a nangni pawh inbuaisaih lawk rawh u" ka tih chuan an hmel a hlauhthawnna leh beiseina awm kawp chu ka hmuh hmaih lo.



Dam lo ka zai chhung kha darkar 12 zet a ni.Marathon tlan ang mai hian ka intehkhin.A tir chuan engmah buaina awm lo in kan zai a, thawklehkhat ah a heart rate rawn tlahniam in room chhung a awm ho chu an chi ài nghal a.



Monitor ka thlek zeuh a,hetiang hi chu ka hmu fo thin.Ka thil tih lai chu ka chhunzawm zui a.


Kan anesthesiologist chuan "80..70..60." khur dar dar hian monitor en chungin a rawn ti a.


"Vasopressors kha pe rawh u,tunah" confi tak chuan ka ti a.


A hnu rei lote ah"Doctor heart rate hi a la tlahniam zel tho ania"
kan anesthesiologist bawk chuan a rawn ti leh a.

Screen chu ka thlek zawk a,ka thil khawih lai chunzawm pah chuan,

"A tha leh mai ang" nui suk hian ka ti ringawt.A tumor awmna chuan a thluak a hnaih avangin tihsual hlek awm pawn he damlo hi a stroke nghal dawn.


"A BP a rawn hniam zel, vasopressor hi kan pek belh mai dawn sir" an rawn tih leh chuan chek hluk in,

"Aih"

"Dose kha lo maitain rawh u" ka ti ringawt a.

Mahse beidawng zet a a tih chuan,

"I said no" ka ti chang fak.Doctor tam takin heng hunah hian vasopressors dose an pek san belh thin.Over medication vangin patient ten an nunna hial an chàn phah thin reng bawk.Heart rate in drop zel mahse rei lote ah a rawn normal dawn tih keichuan ka hria,ka team te erawh an phili vek tawh thung.


Fimkhur loh emaw chhete hmaih pawn a rawn awm leh na chance a san zia zir hrep tu ka ni.
A heart rate rawn normal zuiin tluang takin kan khawih chhunzawm ta zel a.A tawp a tawp ah chuan hlawhtling taka ka zai chhuah chung tumor chu ka assistant hnenah chuan ka hmuh a.Room chhung ami zawng zawng chu an lo thaw huai huai.


"Engtin nge Doctor khang hun chhung zawng khan i chiái miah loh theih" OT atang kan chhuah rual chuan kan anesthesiologist chuan a rawn ti a.


"Puzzle solve hi chu a nuam a lawm" tiin ka kalsan a.A hmel buai nak chu ka nuih zui suk a,ni e a khirh poh leh a nuam ka ti.



ICU ah kar 2 vel kan enkawl hnuin ward pangngai ah kan sawn leh a,mittui tla zawih zawih in a nu in lawmthu min hrilh anih kha.Kha kha ka hming chher tanna chu a ni.


Civil hospital lama an top authority leh health minister beng hial a lo thleng a.Ka thawhpuite angin hospital hrang hrang a part time ang reng a thawh kual ngai lo in sum leh paiah ka buai lo ti ila chapo min ti ang em?

Mahse tunah hian Civil hospital ah neurosurgical team assist tur a ngenna lehkha bakah Minister meuh pawn min rawn lenchilh a nih kha,tuna min sawmna hi chuan ka rilru pawh a hneh ve deuh.Private hospital chu kan hre theuh inenkawl na senso a to, civil erawh mi te ber chen a an luh khawmna a ni.Ka thiamna leh finna te Kan Mizo community tan a hman chu thil tha ni a ka hriat ve tlat avangin ka hnial ta bik lo.Inrinni apiangin civil hospital ah chuan darkar 4-5 vel hun ka va hmang ve thin a.Case review, surgery leh dam lo consult nan hun ka hmang tlangpui thin.



Chawhma lamah kan damdawiinah ward ka fang kual a, kha hmeichhia khan min zui a, henu hi a che nawi leh tlat thin hi la hauh deuh chu a ngai.

Khum number 9 na a mu mek pitar dam lo ka en lai chuan chu pitar chuan hnai set sawt a min en chung chuan "Mama i van hmeltha em em ve mawle" a rawn ti ta mai!
Amah awmpuitu a fanu ni awm tak chu zah hmel deuh chuan a kun tlat chu ka nui suk ringawt.
Ka bula nurse Awmawmi chu hmai khuh in a lo nui khur char char chu ka pen hum laiin a lu ah ka khawng zeuh a,nuihza insum deuh a rawn hawichhuah chuan ka lo melh run thung,A tih ngaihna hrelo chu lei min chhuah khum ringawt "i mawl lutuk" tiin ka nui ve ta ringawt.A chet dan zet chu a naupang chhia ngang mai.He nu hi ka lo enchiang ngai lo a, a hmel pawh a chhe hran miah lo,a sam hi a sei thin sia a cut tawi deuh hmak chuan a ti cute riau,lawkin cute ka ti mi tunah khan?


Bonus


*Gym a min enthla reng tute chu haider in hmu lo ang hmakin ka awmdan pangngaiin ka awm a,a hnuah chuan hospital corridor atang ground floor a mi pahnih tun hnai a min min enthla reng thin tu te thlir pah chuan ka coffee ken lai chu muangchangin ka in a.Dr Smith a thu min hrilh kha ka hrechhuak zawk* .

*"Awlsam lutuk" tiin ka phun sap.Mahse awlsam deuh a bul tan chu a ho dawn tlatin ka hria*

*Mi mitmeng,an chezia,an hawiher zawng zawng engkim hmuhhmaih lotu hian ka thil tih chunzawm tur hi a hmin sa vek tawh tih ka hre bawk*.


*Ka bulah Andy leh Dr Jonathan rawn dingin ka dar a ben thek thek pah chuan "phur awm tawh khawp mai" tiin an rawn nui ve suk.Hemi te unau hi chuan min hrechiang a ni*.