He's a man

[Angelina choxy]

(Chapter-1)



Zing karah kanu thawm avang chuan ka har nawlh mai,dar zat ka han en chuan dar 5 alo nia,kanu zing ṭawngṭai kal tur thâwm ah hian ka har ve ziah. "Phone bi reng loh khan tho la,eirawng te lo bawl rawh",kanu chuan ati lâng lang a,peilo zet chuan ka tho veh a,
Hmaite phihin eirawng chu ka bawl sawk sawk a,
"I zing tho lah hi phone I en hmasa ber anga,ahmingin nula te innih ve tawh a,azathlak lutuk,ka ṭhiante hmaa sawi tur min tih hrelo ṭhin. An fate fel zia an sawi chamchi reng a,kei ve chu sawi tur paw ka neih ngailo,fanu neilo ka ang ber mai."


Tiin kanu chu aphun leh chiam tawh, engamah ngailo chuan tho in hmaite ka phi a,hmai ka phi zawh chuan eirawng bawl turin choka lam chu ka pan a, Eirawng bawl pahin ka thiante nen Kan in text a,tiffin ah artui leh alu ka pai tur thu te ka hrilh a,ka bawl zawh chuan chaw ei chu siam nghalin chaw chu kan ei a. Kan chhungkua hi kan tam loh a,kanu leh pa te hian fa tam deuh duh mahse kanu ahrisel loh avâng hian an neih tam theihlo a,kei leh ka u mipa chiah hi kan ni mai.keipaw hi ka pianglo ṭep ani.

Ka u chu lekha athiam thei a B.A graduate tawhin M.A azir mek a,chupawh a graduate leh ṭep tawh. Ka u nen kum 5 velin Kan kum a inthlauh a,chuvangin tuna class 12 zir mek ka nih.



Chawh ei khamah chuan School tlai hlauhin chaw eina pawh seng lo chuan ka insiam mawlh mawlh a, kanu phun sep sep chu
hrelo derin School lam chu ka pan nghal a.


School ka va thlen chuan k ṭhiante paw anlo awm ṭhup tawh mai,kan School hi kan in aṭang ahla lo a,ka têt te aṭangin kan khuaa hlîr ka kal a,khawpuia kal te paw ka chak ve thei lutuk mahse pawisa kan harsa em a ,ka u la azirna a sang tawh sia kei leh zêl chu min châwm theihlo ang ka tia,vawikhat te mah kala sawi chhuak ngailo.



School Gate bulah innghah khawmna ah chuan ka ṭhiante nên chuan kan ṭhu a kan titi a,kan khaw ṭhenawm lawka tournament awm tur thu te an sawi a,an phur hlawm ngang mai,"hmeichhe valley ball a awm ve dawn em?" nuni chuan atih a,Keipaw chu chu ka hre chak. A chhanchu sport ah chuan ka tui ve ber ania, " awm dawn eee, valleyball phei chu team 1 leh team 2 in kan kal ang" Puipuii chuan a tih a, a phur awm khawp mai. nuni leh Puipuii hi ka têt te aṭanga ka kawm ṭhin an nia,anni hi zawng keini aiin an neinung a School ṭha ber ber a kal thei anni,mahse keima vang hian an duhlo a,


Ka kal theihlo na a va Kal bik chu an duhlo ani hmel. Chu chuan ṭhianṭha kan nih zia atih lang ber in ka hria.
Kan titi rei hmanlo dar alo rih a class a kan lut nghal thuai thuai a. Kan ṭhu veh chiah emawh ti ah Miss Elizabeth (Miss eli kan tih mai thin a)a rawn lut nghal a,kan Miss zinga a kawlh ber awm e. Ani class ah hi chuan hriau pawh thlauh ila a thâwm ahriat thei ang tih tur khawp in kan ngawi ṭhup zel.


Hming chu alam mawl mawl a,"roll number 7 merliah lalramengi ding ghal rawh" a rawn tih ta mai, ka ṭhiante kava en a,anni paw mak antih ve ani ang an meng phâwk khawp mai . Min din tîr na chhan tur awm ang ka ngaihtuah a ka hre mai lo,ka hlau tawh tak zet . Hming alam zawh a chuan min lo en in"ngati nge School kar khat lai i chawlh" arawn tih a,thil awmzia chu ka hrethiam lo.


kar khat lai ka damlo avâng khan School ka kal theihlo a application ka ziak a kanu kha principal peh tûrin ka tih ani kha,alo pe lo ani maw, ka nu chunga chuan ka thinrim ghal hlur mai.


"Miss application ka ziak a,kanu kha principal peh tûrin ka tih a,a theinghil daih ani ang. Hlau chung chûng chuan ka tih a,
"I application ziah chu i rawn kal huna a pêk theihlo ami" atih chuan sawi tur ka vân a,ka ding ngawi reng ringawt,


"engpawh chu nih se va haw phawt rawh". Atih leh chuan,ka mittui arawn hnai nghal a,


Inlama in haw tîr hi chu naupang awm ṭha duhlo hote an tih dan ania,chutiang ah chuan min dah ve mek ani hi,
"Miss khawngaihin" tih a ka sawi zawh hma hma chuan

"ka thusawi chu i hrelo ami"

tiin min vin sak mai,ka hlau lutuk chu ka bag lahin ka chhuak nghal vang vang.Ṭap pur chungin in lam chu ka pan a,vawiin anga zak leh rilruna hi ka neih awm kala hrelo,ka mittui pawh chu ka dang lui ve ngar ngar awmzia awmlo kher mai.kalkawnga kal te lah chuan min en duh khawp a,ka ṭah anti chhuak leh zual.miss khan min ngaitheihlo ve hrim hrim ah ka ngai hmiah.


In ka thlen chuan room ah ka lut nghal a,lukham ah hmai phûmin ka ṭap bawr bawr.ka nu min ko na pawh chhang lohin ka mut ngaiin kala mu reng a,mi hriatthiamna tlemte pawh neihlo hi anlo awm ve ani maw.


Miss eli te ang teacher mi hriatthiam na pawh neilo hi chu ban vek pawh nihse pawi tihna ka neihlo.anni ai a fel graduate tawh hna hmulo an tam tehreng nen, school kal ṭha peilo, an lo kal ve chhûna pawh naupang rilru tihnat tur an zawng emaw tih tur ang hi anni. student in an hlau te hi nuam anti viau ani ang.


"School ah chiah a hlauhawm in ah chuan a fel lutuk"tianga an sawi te pawh hi ka awihlo. Mifel chuan mi hriatthiamna a neih ṭhin.a pawnlam landan pawh a chhungril lam nên a in ang a,mi rilru tihnat an hlau hle bawk. Chutiang chu amah a ka hmu veh loh.


ka lo muhil dai aniang,ka thawh meuh chuan zan dar rûk alo rih tawh a,room kawngka chu hawngin ka chhuak a

"ilo tho tawh ani maw chaw te kha va ei raw"

kanu chuan alo tih vat a,a hria ani ang engmah min zâwt lo reng reng,keipaw chu ka ril aṭam taw bawk a,choka lam ka pan nghal a,chaw chu inkhawr in dawkan ah chuan ka ei a,ka bula chuan kanu chu arawn ṭhu thlah ve a,

"aziahlo tak tak ani va pe tûra min tih ni kha nuho kan committee ni ania committee zawh a ka kal mai ang ka tih kha ka lo theinghil dai a,bag ah ka dah a,inchhung lam nên pawn lama nen ka buai êm a,ka theinghil tluang zêl ani hi"

atih a,ni e atîr kha chuan ka thin ati rim ngang mai,mahse ka nu hi ka dem theihlo dem tur pawh ka nilo.


A chhan chu a buai thei êm ani.vawk kan vulh a ama enkawl tur bawk,nitin School ka kal avangin inchhung khur ama kut vek ani leh ghal,kâpa hlawh chu sawi tham pawh anilo ka u kan thawn vek leh ghal ṭhin a, kanu hi kan ei leh in ngaihtuah tur ber ani tih ila ka sawi sual lo ang.


ka nu chuan "inkhawm bana ipa nen in principal te ina kan va lêng mai dawn nia,lungngai su aw"atih a Keipaw chu ka lu ka bu veh mai. Zana chuan lekha pawh zir theihlo in ngaihtuahna hlir chu ka kawm a,ka nu te chu lo haw vat vat se ka vân tih tak,kan principal chuan enge a sawi ang le?.


Ka muhil siar siar tih a ka nu te thawm avang chuan ka har nawlh mai. Room aṭang chuan chhuak in chanchin kava zawt vat a,kan principal chuan min lo hrethiam khawp a,"an Miss pawh chu kalo hril dawn nia" atih ve luam ani awm e.
Zînga chuan ngaite bawkin ka tho hma khawp mai,eirawng chu bawl sawk sawk in,kanu te chu vawk a ke a inhliam avangin an buai hle a,School tlai ka hlau avangin ka ei san mai a,School ka thlen chuan ka ṭhiante paw anlo awm kim leh vek tawh.


Chanchin min lo zawt ghal zut zut a,thil awmzia te chu ka hril a,kan ṭhiante zînga mipa awm chhûn keini ai pawh a dâk thei lalruata (lalruats)kan tih mai ṭhin chuan

"Miss eli hi chu atih ve mah mah ṭhin keichu ni ila ka chhanglet sak sak ang ma le"

atih a,

"dawt sawi loh mai teh hmana pawh a hauh che a,current in a man che emaw tih tur ang maiin i ngawih hle hle kha ah"

Puipuii chuan atih a, ka nui antih za tak zet,anni pahnih hi chu an inhnial reng zel,ka ṭhiante ka hmu ah School kal ka hrehna pawh a bo thuakin ka hria.

"Eee takah Rindika kha nichina i chanchin min zâwt ania aw" Puipuii chuan atih a.

"Engtin nge a zawh che" ka tih ve vat a,

"School i kal dawn nge dawnlo ti ang vel kha min zâwt,nimin chanchin lam kha ani mai. I kal leh dawn thu te ka hrilh a,engmah a sawi tawhlo, a star che in ka hria" Atih leh a.

"Nia, a star chiang che lawm i number pawh min dil" lalruata chuan alo tih ve a,

"Min star loh, a tawk tiang lampang kha chu sawi tawhlo ang u" ka tih a, anni pawh an ngawi veh mai,


Class pawh pangai te bawkin kan lah a,Miss eli class a awmlo avangin kan class room pawh a bengchheng leh hle,ka ṭhiante nen chuan titi in tournament Chung chang bawk kan sawi a,Manuni chuan

"tunlai footballer lar deu, kan khaw chhuak pa kha arawn tel ve ang an tiah",
"edward-a kha maw?"

Puipuii chuan alo tih vat a,

"nih e khual lian ah an sâwm veh alâwm. Kan khua football player ho a kaihruai bawk dawn an tia,ui ka star tehreng nen nupui alo neih hman a,ka ui tawp India ram ang pawh a lar alâwm ani."

Manuni chuan atih leh a,

keipaw ataka ka la hmulo a,ka hmu chak tak zet

. "Ka vân hmu chak tawh tak thla te lakpui ang u aw"lalruata chuan ati ham ham a,Edward hi kan khaw chhuak an nia,a têt laiin aizawl ah an pem a ,India ram pum anga lar ani bawk a kan khua pawh atih hming ṭha hle.


Vawiin chu class kan neih chhe lutuk ah,titi nan hun kan hmang ani mai. Ka ṭhiante nen kan titi melh melh lai chuan kan class topper CR nih bawk kan star hlawm êm êm Rindika chu kan bulah arawn kal a,ka ṭhiante chuan min lo sik leh suk suk tawh mai,keimah chu min lo bia a,


"tournament kal ve itum êm?" Atih a
"umm " tiin ka chhang a,
"a ṭha kal ngei ngei rawh aw,keipaw ka kal ve dawn."


" Nangte chu kal ngei ngei tur list a tel phah chin alâwm ini".


ka tih ve a,ka ṭhiante chu anlo khi leh vur vur tawh. Rindika hi lekha thiamthei tak ania a ṭawng tlêm bawk a,hmeichhia a biak hi ka hre ngailo mahse kei chu min be ve ziah a,ka ṭhiante chuan

"a star che ani ang,nangma pawn i star ve tho a,alo bem che chuan i yes ngei ngei dawn nia" tiin min hrilh ve zia mai.

A chang chuan keipawn min star emaw ka tih ve rum rum thin.Class ah te hian kan mit a in tâwk fuh thei lutuk, chuan home work ka thiamlo te paw zawh ngailo in min hrilh zia ṭhin,hmeichhe dangin an zawh chuan a chhâng ṭha duhlo,mahse min duh chu nih se min bem ve awm sia,min bem miah loh.

Min lo bem se ka hnawlh phal ka ringlo, a chhan chu a chhelo a,a fel bawk a, ama hrim hrim hi star loh a har ka tih.


School bana chuan Rindika te nen kan inzui haw hlawm a,kal kawng ah chuan tournament chungchâng hlir kan sawi a,valley ball hi team 1 leh team 2 in kan awm a,team 1 ho hi chu champion tûra an dah ang kha an nia,team 2 ho hi chu keimah ni ang rual hlir kan awm a,min ngaihsak lutuk loh, mahse team 1 ho aiin kan practise taimah zawk a,an rin loh lam daih in kan che ṭha mai thei.



Rindika chuan frooti pakhat min lei sak a, hnial pawh tumlo chuan ka in lâk hmiah a,ka ṭhiante chuan min fiam leh bawr bawr a. In ka thlen chuan kanu pawh alo buai leh hle a,eirawng bawl te chu pui ve in,kan han pei fel chuan chaw ei ani leh mai a,chaw ei lai chuan kâpa chuan lekha zir tha deu tur te chuan min tih a,

"board exam tur ini a,lekha hi i zir reilo thei lutuk, zîngah lah valley ball i practise a,zana lah hian dar 9 thleng chia i zir a,engmah tihlo Mala lekha tal chu zir ṭha ang che".

Tiin min hrilh ve liam a,kâpa hian min hau zen zen loh a,min hau ve chhûna pawh ṭawngkam na ahmang ngailo, kanu chuan alo tuihnih leh a, "nia board exam tur ini vângin hnah paw ka thawhtîr duhlo che a,i nuam sa leh lutuk,tuna ṭang chuan ka tîr kual zut zut tawh ang che" atih chuan engmah sawi tur ka hreve lo.chaw chu ngawi rengin ka ei ringawt.


Zana chuan lekha ka zir a,zanin chu kanu leh kâpa min hauna vang hrim hrim pawn ka zir rei deu ang ka tih ve naa,dar 9 a rik tawh hi chuan lekha lam reng ka rilrua a awm tawhlo. Ka phone chu ka lah a,kan team ho group chu lekha an zir lo tih ahriat khawp mai, tournament hlir sawiin anlo buai leh hle tawh. Rindika message ka dawng ve nawlh mai,

"home work thiam tawh êm"
arawn tia, thiam ve tho avangin"umm" tiin ka chhang a,ka chhang tawi lutuk vang nge min reply leh tawh miahlo,min reply hun ka nghâk na lama kalo muhil daih a,zînga chuan ngaite bawkin School ka kal leh a,naktuk tûk leh mai tournament kal hun ani tawh avangin School pawh kan bâng hma hle,Rindika pawh min lo text ve renga,thil ho tete sawiin ka khi leh tur thin,pum ah phengphehlep thlâwk reng ang mai ka nih.

"Tournament zawh a thil ka hril ang che"

atia,ka hre chak tawh tak zet,eng tak sawi ang maw.


Hriatloh karin ni te hi alo ral chak khawp mai tournament kal ni kan lo thleng leh der tawh,zîng dar 6 ah kan chhuaka,motor pahnih kan hmang a,mipa leh Hmeichhia ahranin kan kal a,hmeichhe ho kan kal hmasa a,kan khaw ṭhenawm mai ani avangin kan thleng hma hle,kan ṭhian ho palih keimah,Puipuii,Manuni,lalruata te chu hmunkhat ah min thlen tîr a,kan bial chhûng tournament ani avangin kan tam hle a,ka bial mai nilo khawdang sawm te an neih leh nghal a,an khua chu mikhual hlirin kan khat ani ber mai.


Kan thlenin te chu anlo fel khawp a,kan inthlahrung loh nân mi hi an be reng a,keimahni loh khawdang aṭanga lo kal pawh an lo thleng ve a,kan in pâwl nawi mai, kan vaiin sâwm (15) vêl kan nih.mahse mi khawsa thei pangai veh tak an nia,an in lah alianin kan ṭhian dangte thlen in ai chuan azia zâwk ang. Kan thlenni a nula awm ve chuan edward-a chanchin hlir min zâwt nupui a nei tawh tih bak kan hrelo a,kan khuaa chuan Api leh pu chiah an awm a,an mahni tak chu an pem na arei tawh a,kan têt lai ani lenghal avangin a chanchin kan hre tlêm hle.


Kan thlenin nula hming chu eliasi ani a,ama sawi dan chuan edward-a chu a dihlui alo nia, shillonga School an kal laiin thlah 2 vel anlo inkawp ve ani awm e, "a dear x chu milâr ani tawh a lo renew leh atum a, nupui alo nei tawh bawk sia,a inchhîr ngawt ang"tiin Puipuii chuan a sawi zui leh mawl mawl a, "a sawi Dana kha chuan eliasi in a ṭhen hmasa zawk ani hmel"Manuni chuan alo tih ve le a, "nupui aneih tawh tih kan sawi laia ahmel awm dan mawl kha inchhîr hmel ah pawh a inchhîr hmel bik ngawi ngawi"lalruatan alo ve chuan kan nui leh puat puat hlawm a, kan thlenin nu chu kan rêl ani ber.


naktuk match khêl tur kan neih avangin kan khua ho inhmu khâwm tur an tih a,chaw ei khama ti tur ang ang te kan tihfel zawha kan kal a,kan tlai la ber zui,Rindika pawh alo awm veh a,abula chiah ṭhutna awl a awm avangin kan va ṭhu ve a,kan ṭhu fel awr tiha, edward-a chu arawn lût a,kan hmaa ṭhu ho hmeichhia te leh ka ṭhiante ngei paw chu an phûn sêp sêp a,keipaw chu ka en reng ringawt mai,kan ngaihsan êm êm India ram ang pawh a lar êm êm mai,atakah kan hmu thei hi kan vanneih bik ngawi ngawi.


Edward-a a rawn lut chiah chu boruak pawh a dang hle a,hmeichhe phun ri sup sup te,puitling ho chuan an lo chibai sup sup a,thlalak pui tur te pawh an tam hle mahse kan hruaitu te chuan chutiang chu an phal loh a,.


"thlalak pui te han phallo,naktuka ka lakpui tho ang,engmahin min dal dawnlo " tiin lalruata paw aphun nasa mai.



Amah hi edward-a thla lakpui chak ber kha ania,ka khawngaih reuh tawp.Kan hruaitu te chuan naktuk kan awm dân tur te min hril hlawm a,mipa football team leh kan team hi first match ah khel veh ve tur kan nia, football first match ah mipa ho,valleyball first match ah kan team ho niin alang, tlêm chuan ka zam ve reng a,kan tumpui tur teh lah an thiam bawk sia,kan hruaitu te lah hian chak tûra min dah loh a,rilru hi chu ana ve alâwm.min ring loh hlawm veh lutuk hi phur awmlo ngawih ngawih.


Edward-a in Jersey min sponsored pawh team 1 ho hak tûrin an dah a,keini chu ahlui ha tûrin min tih a,
"Jersey thar ani bawk sia intlak pui ani chuan kan ha nawn ngam tawhlo ang"te an tia haw leh vang vang mai nih ka duh nih. "In Jersey hak tur ṭheu lo inlak ru"an tih avang chuan kan kal ve vat a,kan va intlar ve thuai a,Jersey min pe tu pa bula chuan edward-a chu a ṭhu ve ran a,kava en lai chuan minlo en veh kur mai,ka lai dawn alawm le,ami uap chu na hem hem tak ani.

Chutia Jersey hak tur lâk tuma kan intlar mawl mawl lai chuan ka pum chu alo ri kur kur a,chutah insum hman lo lek chuan ka vawih palh a,in line ve ho leh kan bul hnaia a ṭhu ho chuan an hre pha vek a,ka zak tak zet,mahse keimah ka nih tih chu Puipuii leh edward-a chiahin an hria,

a chhan chu min hnaih ber tute annih,ka zak leh zual khawp mai. Tlan chhuak tawp tur nge pawh ka hrelo,ka tlan chhuak ani chuan keimah kani tih an hre vek dawn sia,awmdan tur thiam ahar, zak chung chung chuan ka in tlar ve tang tang a,


"Artui ei su ka tih mawl mawl che kha" tiin Puipuii chuan min lo hril ru a,artui chhûm hi ka duh hle a,mahse ka pumpui hian angeih loh a,ka vawi leh vâk vak zel. ka hun alo thlen chuan, "eng number nge i ha dawn" Jersey sem tu u hruaiah chuan atih a,thlan tur ber pawh ka hrelo chu ka en kual reng ringawt a,Rindika chu lo kal in "number 7 kha thlang rawh arawn tih a ka bul hnaia lawka ding ani avangin ka hrechiang hle u hruaia leh edward-a pawh chuan an hre phah ngei ang. Puipuii lah chuan

"Rindika sawi chu la vat mai te ka thlang ve duh tawh ania arawn tih lâng lang renga" number 7 chu lahin ka chhuak nghal vang vang mai, ka thil tawn tehrep chu a,kan khual lian pa kha min nuih in ka hre tlat.

kan ṭhutna ah chuan kava ṭhu leh a,ka ṭhian ho an Jersey hak tur thlang chu lalruata nen ka en reng ringawt mai ni." Vawih ring deuh kah nangmah mi"tiin lalruata chuan min nui kur kur pah chuan minlo zawt a, "ka nihlo vawih apiang hi keimah emaw min tih lalruats" ka tih a, "kan thianho zinga i vawih pei ber la wm" ala tih zui, keila hmaisen tawkin ka ṭhu kur reng ringawt.


Puipuii te Jersey thlân kan en reng lai chuan Rindika chu ka bul chiah ah a rawn ṭhu a,"inthlen na in bul lawk ah khan kan thleng ve a,field ah kan chhuk rual ṭhin dawn nia" atih a, "umm kan lo sâwm pa ṭhin dawn che nia" ka tih ve a.nichina thil thleng kha keimah ka nih tih a hrelo ani hmel,lawmawm phian, rindikan a hriatloh meu chuan zak reng nachhan tur ka neih loh.

Ka ṭhiante paw an lo phei ve taw a,"tikhan kan zo nimai rawh se,mikhual kan nia,hmeichhia pawh mipa pawh tihtur awm ang ang kha tih zêl u la,thlenin te tan hnawksak nih tum lo hram tur."


Tia kan hruaitute thusawi zawh chuan kan haw hlawm a,Rindika paw kan thlenin thleng min lo thla a abul lâwka an thlen avang chuan reilote alo lut veh a,kan ṭhian ho chu fiamthu kan duh a,kan infiam rengah,thlenin te pawh an nui aza thei lutuk.



Rindika haw huna chuan keini paw mut zai Kan rel ve a, ka vawi lai chungchang kha sawiin kan nui leh bawr bawr a,keipawh chu zak tawhlo in a nui nasa ber a ka ṭang, whatsapp group ah chuan kei an captain ka ni avangin naktuk lut hmasa tur te chu ka hril a,hruaitu Kan neih velo avangin ka rualpui vek nih mahse min zah thiam hle a,inthlahrung loh in ka sawi ve hmiah hmiah a,team 2 hi chu min ngaisak loh em a, valleyball hruaitu tura an dah pawh team 1 ah hlir a tal a,captain in engkim ka tih vek angai a,ka rualpui hlir Annih leh nghal.



A tuk zinga tho in,Kan team ho chu Kan va kaitho hlawm a, valleyball te practice in,chaw eikham ah chuan first match ah Kan khel dawn avangin Kan insiam vat vat a, field ah chuan Kan chhuk hlawm ah,Kan tumpui tur te nen chuan match Kan ṭan tak Tak hmain kan beng mai mai a,an thiam ve pangai a,kan huphur ang em chu an nih lo ani hmel.