You Stole My Heart Chapter 12

[June Queen]

Chapter 12



Ka phone lo ri ral ral chuan ngaihtuahna ata min kaiharh a, ka en chuan missed call 12 lai alo awm tawh a, lak chakna leh tumna ka neilo. Ka suangtuahna ah ka cheng veng veng a, a nuam a sin. A takram ve hi zawng lungaihna leh natna hlir nimaiin ka hria.




Ka room kawngka an rawn kik dat dat a, ka va hawn chuan Johna lo ding reng a, ahmelah chuan a lungawi vaklo ani tih a hriat theih .


' lo lut la ' ka tih chuan a rawn lut ve mai a. Khuma ka phone dah chu enin ' tinge ka call i lak theih miahloh a ' a ti chang deuh fak a, ka lo tim deuh. Ngawi rengin ka en a, a thinrim ka la hmuh ngailoh vangin ka hlau deuh ani.



Dam deuh zawk hian ' ka ngaihtuahzia che i hria em ? Call ila thei silo a, ka ngaihtuah lutuk che lom ' tiin ka darah dawm a, ka mitah min melh run bawk.


' Ka tha lom' ka ti tawi tak a, hrilhhai hmel tak hian min en a, ' ka lakah lungawilohna i nei emni ' a ti leh a, chhangloin lu ka lo thing a. Tih ngaihna hriatloh hmel tak chuan a hui pap a. 'Kan inneihnan ni 3 chiahin min dang tawh, ka call i la duhlo a, ka message i chhang duh bawk silo, ka hlauhthawn hmanzia i hria em? ' a ti dam leh dup a, ka dar tawn tawnah a vuan a, min en ran bawk.





'John, min rinawmlohsan lo tiraw, keilo midang min kawpsan lo tiraw? ' harhchhuak zawk ang mai hian ka ti chhuak ta phawnga, hlauhthawnna keimahah arawn lut nghal bawk.



' Midang duh ila nupui a neih ka tumlo ang, min ring lo emmni? ' a tiin min zawt let a, zawhna pawh chhang ta lemlo chuan


' A nih chuan he thlalak hi enge a awmzia ' tiin ka thlalak dawn chu ka en tir a, a hmelah chuan chawpleh chilhin thinrimhmel a lo lanh nghal a. ' Ka in sawifiah thei, min ring rawh ' a rawn ti nghal zat a.




' In sawifiah ta che ' ka lo ti hmuk a, ' ka ruih laia thil thleng ania, ka ngaihtuahna a fimlo a, chuan ka tihpalh liau liau ani bawk'


' chu zawng chu maw, ruih lai pawh se i thil tih tawh chu tih tawh ani tho tho, inneih hma pawn hetiang hi nia, inneih hnuah phei chuan' ka ti tiau a,



Mi rawn kuah vatin, ka mittui tling piau chu a hui kiang a, ka dar tawntawnah chuana vuan lehin min en kar a, ' Khawngaihin min ring rawh, ka thutiam kha ka la theihnghilh lo ania. Ani kha chu ka tan chuan hmeichhe satliah ve mai ani ' a ti a, a hmelah chuan ringtura min duh zia pawh a hriat theih.




Ka rilru buai lutuk chu ka hah vek thei. 'In ngaihtuah ka duh, hun min pe teh ' ka tia, 'Zualte min ring rawh, phatsan che kha ka tum ani ngai reng reng lo a, ka duh ngailo bawk. Thil tam tak tiamlo che in rinawmna ka tiam che a, mahse hetiang i hmu leh ta si hi a pawi ka ti. Min ring turin ka duh che nia, innei maitawh tur kan ni a, khawngaihin he inneihna hi titawp suh aw ' thutak zet mai hian a ti a.



'Hun min perawh ka tih kha,



Rin ka duh a, kal tir pawh ka phalo, mahse min tina emma, tunah rih chuan ngaihdan siam har ka tia ni. Rin ka harsat tawh, hlauh thawnna in min luahkhat a, inngaihtuah chu ka mamawh takzet ani.










John a haw hnu chuan ka roomah ka la tawm reng a, he inneihna hian ka nunpum a nghawng thei a, ka hlim ang nge hlim lo ang tih thlengin. Ka hmangaih a, mahse rinawmlohna hi ka hua a, ka ngaidam angem ka hrelo. Ka thawk apik hluah hluah a, inneihni lah a hnai tawh si, he thlalak min rawh thawn tu hian kan inkar buai turin a duh nge ni ang a, thudik ka hriat a duh zawk.









Ka thin zawn chu a rawn na leh vawng vawng thin a ,ka dawm vang vang a.min vit ngut ngut ni berin ka hria, Drawer chu hawngin nachhawkna chu ka hmawm ta nghala. Ka hun tawn mek te ka ngaihtuah a, harsatna tu hriatpui siloh a ka thaw ti ipik ve em em te chu theihnghilglh in reiloah nachhawkna chuan min chhawk a, ka muhill ta siai siai a.





Zingah chuan hma takah thoin pangpar tui ka pe a, Mawiteiin a enkawl tha bawk a, a par reng maiin ka hria. Thingpui in pahin ka pa chu alo thu chhuak a, chutia min hmu chu mak a ti deuh aniang, ' i va tho hma ve ' tiin ka thil tih lai chu min rawn enpui a, ka tho hma ngailo ve bawk emm ani.



'Nia, thawh hma ka zir tawh dawn alom ' nui hauhlo chuan ka ti a, ka pa lah chu alo nui hawk hawk a, ' pasal neih chuan thawhhma char char a ngai dawn nia ' ti zuiin min zilh nghal mawlh mawlh a ni ber e.




Zing ni lo chhuak ser ser chuan leilung a rawn ên a, a mawiin boruak thiang kak te chu hmuh a nuam takzet a ani. Mawi taka ni lo chhuak hian ka tan ni duhawm rawh herchhuah pui ve mawlh teh se.




Chawhma khua a that emem laiin chawhnu lam erawh thli leh ruah thawkin an thawk uar hle a, kei erawh ka room chingfelin ka chhuahsan mai tur chuan ka lung a ti leng tak zet ani.



Mawitei lo dakin ' Pu in ko che a ' a rawn ti a, bu nghauh in ka tho nghal a, ka pa room lam ka pan nghal a. Ka lut a, ka pa chu thir thingrem hawngin a lo in phawrh hnawk ve hle a, chu a thingrem khoih lai chu a kalh reng thin kha ni tih ka va kal hnaih chuan ka hre ta nghal a. Mawitei lo hi awmpui kan la la lo a, in chhung enkawl kha chu ka kut vek ani thin. Chuvang chuan ka pa room a thil awm pawh ka hrechiang ve hle a, he thingrem pawhhi pindan kil kar langsarlo lai tak a a dah ani nghe nghe.





Min hmuh veleh ka pa chuan ' Mate lo kal rawh ' tih pahin min hui a, chhuatah a lo thu niai a, a bulah chuan keipawh ka thu thla ve nghal a. Album te, lehkhabu te, leh thil dang eng eng emaw a awm nual bawk.




Lehkhabu pakhat hi min rawn pe a, a kawmah chuan pangpar a vul chuk a, hmeichhia pipu a uai lai a awm bawk. Ka en vang vang lai chuan ' I nuin a kut ngeia a ziah a nih kha ' a rawn tih chuan ka en vat a, kutziakah chuan a mawi takzet ani.



' I nu khan painting hi nuam atia, a ziak a, a chang phei chuan kan in hauh phah hial thin. A pai lai phei che kha chuan roomah a inkhung reng thin a. A ke a vung nasa thei si a, ka buaiphah thei teh a sin. Mahse ilo pianga ' a ti a, a chawl dat a. Ngaihtuahzui niawm takin banga ka nu thlalak chu a en vang vang a. ' Tinge, mahse ' kanlo ti vat a, 'kha kha, a dairy nia, tah khan i hriat tur tamtak a awm ang ' a tiin thil dang min ensan ta daih a.








Dairy chu la in room ah ka keng chho a, ka lehkhabu chhiarna tukverh bula sofa ah chuan thuin a phek chu ka keu ta a.






" Dear dairy,




Ka naupai pawh alian ve tawh lutuk a sin, ka pasalin min duat emem a, ka nuam tihber painting ka ti thei bawk a. Ka tan chuan nun hi a hluin a nuam takzet ani.



Vawiin pawh ka pasalin Pizza min rawn hawn a, a tui lutuk. Ka ei treuh a, ka naute pawn tui a ti niang vawiin chu a rawn che reng mai.
Mapuia lah a tleiin min tibuai ngailo a, ka chet that theih tawh loh avangin ka pasal lah chuan min ngaihtuah emem bawk. Mapuia chu Numami'n a awm chawt a. Ka tan chuan ka nu nih a tling takzet ani.





Ka kianga ka pasal leh ka fapa tui taka an mu chu ka thlir reng a, an inang in pafa an ni tih a hai theih loh. Ka puma ka naute pai mek pawh a lo che leh dat dat thin a, chu chuan min tihlim takzet thin. "



A phek chu ka keu a, tlem te te in a inziak a, a ziak mumal vak lo anih hmel. Ka chhiar vek lemlo bawk. Lehkha pakhat hi a rawn tla chhuak nawlh a ka en chuan ka thu ngil awt ani ber. Ka thin a phu nghal dup dup bawk.



" Ka fanu duhtak,




He lehkha i chhiar hunah chuan keichu ka awmtawhlo tihna a ni dawn sia, Bawihte, ka fanu duhtak, ka hmangaih lutuk che tih lo hre hmasaber rawh aw. Mahse i kianga ka awm ve theilo tur erawh hreawm ka ti a, Nu tello a i seilian turte ka ngaihtuah a, ka thiltihah khan min dem suh aw, nangchu pa thatak i nei a, unaupa i nei bawk a, an hmangaih emem dawn che tih ka hrechiang bawk a, chuvang chuan thlamuang takin ka kalsan ngam che ani.







Sawitur tam tak ka nei a, mahse ka sawivek seng dawn lo ania aw. Ka neihtirh che khan naute hmeltha leh fel tak i ni a, ipa nen khan kan lawm a sin. Mapuia pawhin a en dauh dauh thin che . Ipa leh iu in an lawm che a, an pawm che a, khabaka ka tana hmuhnawm kha a awmkher tawh lo ang.



Reiloah natnain a tlakbuak che a, Doctor in i lungtha lo i neih thu a sawi a, kan duat chein kan dimdawi sawt che a, ipa phei kha chuan hna a thulh zin phah viau nghe nghe. Ilo lian a, kum 16 ilo ni chhoa, hmeichhe naupang fel leh hmeltha tak i ni bawk. Lung transplant kan ti thei ta chiah a. Donor kan hmu lo a, nanglah engmah hreloin damdawiinah i mu reng tawh mai si.




Doctor'in thla khat chunga donor kan hmu zolo a nih chuan i nunna ngeiin a tawrh theih thu a sawi a. Tichuan ka lung chu ka pe ta che a.




Ipa khan a hmangaih che a, kei erawh min haw thung ang. Achhan chu a hmangaihte 2 a duhthlan ngai kha ni. A ni chuan min kaltir phallo a, donor ka ni tih a hriat chhuah huna a thinrim leh a nat dan tur ka ngaihtuah a. Mahse nang ka fanu, itana ka tihtheih hnuhnung leh ka hmangaihna che khan min hneh ta zawk a.




Ipa hriatloh in doctor ka bia a, Mizoramah an tihtheihloh avangin Delhi ah kan chhuk a, donor kan hmu tih a hriat a, ipa lawm zia kha. Mahse kei ka ni tih a hriat chhuah meuh chuan alo tlai zo tawh ang.





Ka fa nu, tunah chuan ilo puitlin tawh ngei ka ring a, nula hmeltha tak i ni ngei bawk ang. Ipa hi i chungah alo sual deuh thin a nih pawhin lo dem suh aw. A hmangaih lutuk che tih ilo hre reng dawn ania.






Pasal te ila nei ve anga, khawvela mo hmeltha ber i ni dawn tih ka chiang ani. Ka awmve theilo tur erawh min ngaidam dawn nia. Natna in a hneh em avang che khan ka hmel te, ka awri te i theihnghilh vek thei tih Doctor ten min hrilh a, i lo theinghilh ta anih pawhin vanlam lo thlir la, englai pawhin ka hmureng che a, i kiangah ka awmreng ani tih ilo hre dawn bawk ania aw.
Ipa hi ka ringa, ka hmangaih a, ka hrechiang bawk. Nupui alo nei leh anih pawhin demlo la, a hlimna tur lam a pan lo phal sak rawh aw. Ka kalsan vangin natna a paltlang kha a nâ dawn em a, pialralah ka lo nghak reng dawn tih minlo hrilh sak rawh aw.






Ka hmuh hnuhnun ber che khan nangchuan engmah i hretawh lo a, nu hmangaihna dawnlo a in seilian tur ka ngaihtuah a, ka na sin. Mahse kei kum tam lo damtawh ai chuan ka fanu, hmahun engtak nei kha a pawimawh zawk miau si a. I nuam tih zawng lo ti la, i dam nan a ka inpekna hrereng chungin hlim takin i nun lo hmang rawh aw, chu chu ka duhthusam hnuhnungber ani.





A tawpberah chuan Bawihte, hlimna zawng zawng lo nei la, ka duhsakna leh ka malsawmna ka hlan bawk che nia. Rilru tha tak neila, midang te tan harsatna thlentu lo ni ngai suh aw. Pathian zarah mo te ila ni ve anga, chungah chuan mo tha chuan laina a huikhawm thin tih lo hre reng la, laina umdarhtu niloin a huikhawm tu zawk nih ilo tum dawn ania. Mi tam tak ila tawng anga, mi tha leh thalo i thliar hrang thiamlo ang tih ka hlau emm ani. Mipa chuan an hmangaih tan hun an insiam thin a, i bawrhsawm lai ber pawhin a kalsan ngailo ang che. An landan atangin tehlo la, an thinlung leh chezia atangin i tehfo zawk dawn nia. Sawitur ka va han ngah em, sawivek sen erawh ani silo a. Lo damtha rawh aw ka fanu, ka hmangaih che.... "






Ka chhiar zawh meuh chuan ka na a, ka awmah chuan min hnawha, ka tap chhuak mai theilo, ka thinzawn chu a rawn thip leh veng veng tawh. Ka natna te thup zolo chuan ka tap ta hawm hawm a, ka nâ a ni, ka nâ takzet. Ka nun ve theihnan, ka dam theihnan ka nu chuan alung min pe a, ka tan vek ani. Ka pa khawhar tak a, a awm nachhan te, ka u in nu tia kohtur a neihloh chhante nen lam, keimah vang vek ani. Awmlo ila, chuan chhungkaw hlim tak an ni thei tur.

Ka kuta minrawn vuantu chu ka en vat a, ' Pa' tiin ka tap ta hawm hawm a, min kuah a, nghet takin min chelh a, ka hnungah a beng thek thek a, duat takin ka samah a chul bawk.



' Kei, keimah vang vek ani' ka ti tiau a, ' nilo e, bawihte, engmah i thiamlohna awmlo' dam thlup hian a ti a, kei erawh ka la tap khur ngawt ngawt thung. Ka naupan lai thil hriat ka neilo lutuk te ka ngaihtuah chhuak uar uar a, tinge hmanah khan ka lo thih daih zawk loh le, ka pain min ngaihsakloh thin vanga Umapuia'n min ngaihsak dante ka mithla ah alang a, engmah siamthat theih ani tawhlo chungpawhin hunliamtawh chuan min tina em em a ni.






Keimah vangin ka nuin min boralsan a, ka pasal nimaitawh turin midang a fawp lai thlalak ka dawng bawk a. Natna hian min hual vel emaw tih mai tur a ni. Ka natna tawrhsa pawh a nat tehlul nen heti emem hi chu ka phu bik emmni le! Mahse ka vui thei lo, ka nun theihnan a ka nu inhlanna hi ka hrereng tur ani. Lawm tur ka ni zawk hle ani. Engpawh thlengse ka nu duhthusam hnuhnungber chu ka tihlawhtlin ngei ka duh a, ka thei angem tih erawh ka hre chuanglo.





Hun hian ka inrin hma hauhin thil tam tak min tawn tir a, thlipui ang maiin min nam sawk sawk a ni ber. Heng zawng zawng tawng tur hian ka la inringlo a sin mawle. Thuthlukna harsa tak siam ka ngai a, chuchuan ka nunpum a nghawng thei bawk. Mahse siam har ka van ti si tak em.






Thudik chu a lang chhuak leh nge nge thin a, chutiang chiah chuan John a awmdan pawh ka hrechhuak ta reng a. Kha bak ah khan engthil dang nge thup ala neih ang? Inneih hunah hrechhuak leh ta si ila, engtinnge ka awm ang? Ngaihtuah na a buai leh nuai nuai tawh. Thil thleng thei tam tak ka ngaihtuahnaah a lo lut zut zut a, chuchuan hlauhthawnna min pe bawk. Rinawmna chauh min tiamtu khan min rinawmloh san leh ta se, nge ni a, min hmangaih ve tak tak zawk le?...