Classroom ka luh chuan a hnungberah chuan ka la hriat loh hmeichhe pakhat hi a lo thu a, va kal pawh chu ka tim ru deuh ang reng, tun maia ka thil tawn khan min tih zam vek vang te pawh a ni ang, thutna dang thu peih hek lo ka va kal leh ta nge nge.
"Lo thu rawh, Rinmawii tiro rinawmi ka nia, nimin lam ka nuam samlo ka rawn kallo a midang pawh an rawn thleng trep ang" a tih chuan group a number lawng awm kha ani tih ka hrethiam nghal mai.
Kan la innel vak lo avang chuan kan han ngawi dun ren rawn a, trawng duh e ti lo chuan ka mi nel vakloh bulah hian ka trawng tam leh em em lo, chutia kan ngawi reng kawngkhar lam ka en chu Malsawmzuala chu mit ko khem chung hian a rawn lut a, engtin tak va ti khem hman ang maw.
Ka en reng tih ka bula thu chuan a lo hria niang ka beng bulah "A chhelo in a pa asin hepa hi chu" a rawn ti sur sur a ka phu deuh zuk chu minla nuih ruh ruh zui.
"Amak lel lul e mai" ka tih chuan mit ko a lo san ak a sawi zawm leh in "A bike ka ti thlu palh a" ka tih chuan a rawn meng ta kawk mai chutah zawhna ngah hmel fe hian min awmhnaih sauh sauh a "Engtin nge a tih che, a khawih na lo che maw" a rawn ti nghal zung zung.
"Khalh ve tawh suh mintia a kal zui nih kha, lungtum ang mai" ka ti zui hlak ka ngaihtuah te chuan keimah zawk chu ka thinrim dawn dawn mai.
"Engtin mah a tilo tak tak che maw" awihlo zet hian a rawn ti nawn leh a, lu ka lo buk nghat rual chuan hahdam hmel fe hian a thaw chhuak suai suai mai.
"I vannei hle anih chu, kan veng blacklist ve ania a sual ta na vang vangin a fel reuh zek ania, a mizia hian hmeichhia a hip mai sia maw, tleirawl phei chuan an ngaizawng nasa teh ania, an mahni lah hi khawsak harsa tih tur an ni bawk siloa mahse aaa hmeichhia hi engtan mah a tilo nihhi bialnu a neih awm hi ka la hre miahlo ania" a ti hap a chutah rawn thaw leh huai in "Hepa chanchin sawi hi chu a nuam tak tak ani, Lalsawmzeli hian beidawng thakin a duh tawh" a ti ta ruh ruh mai.
Chutia a sawi chu ka lo nui hak a "A chanchin kha chu a sawi nual a mahse a duh thin thu chu ka hre ve chiah" ka ti a.
"Hmm, a phi buai nasa thei ania" a tih lai chuan "Ve aa, a bc tawh e mai khatiang" rawn ti ri lam chu kan hawi a Sawmzeli chu a kan bulah thaw hlawp hlawp hian a rawn thu thla dawt.
Thawk la te te in "Lalruatzela hi a kal dawnloh te chuan sawi ve tur ania minti hah hrep leh nghal" a ti nghal bawrh bawr, a thinrim dawn lek lek mai.
Chutah keini pahnih chu min rawn en in "Kha inlo inkawm thei nghal animo inva huaisen ve" a rawn ti leh Rinawmi nen chuan kan lo nui dun hak hak.
Chawhma class chu ka bulah mite pahnih hi an mu tluan thak tih tur ani dar rik rual in an rawn tho ve zawka ani mai.
Dar a rawn rik leh rual chuan an tho dun zawk a break ani tih an hria nge an zi mar ve tralh tralh mai, "Tiffin in pai em, ka pai lo, canteen ah kan ei dawn nge" ka tih chuan cateen ah tiin kan inzui ve threm threm.
Canteen ah chuan mi an lo tam zek a, Chhanchhuahi leh Jessica pawh an tlei ani chek ang chu hmuh pawh ka hmu mang tawhlo.
"Tiffin kha rawn pai lo khan catten ah hian kan ei ziah tawh dawn nia" Sawmzelin a tih chuan ka lo pawmpui nghal,rinai in an eitur siam hi a tui phian mai a man ngaihtuah phei chuan a man hla letling zawk.
"Ei vat ila College chhehvel ah hian kal kual ang u, ka la fang mang lo reng reng" ka tih chuan anni pawn minlo pawmpui phian, ei zung zung in kan tho a kan inzui nghal.
College hnunglam kan kal chu mipa rual hian meizial an lo zu khu hlat hlat mai, let leh mai ka duh thu ka sawi chuan ka kalpuite hian an duh leh bo lo, ka han en ren rawn a Malsawmzuala pawh a lo awm ve reng chu niin, hetiangah an zu mai duh chu amak ka ti tak tak ani midang an lo kal pawh an hlau lo amawni. In ngaihtuah muk hmel fe hian a meizial chu a si leh ham ham thin chu hmuhnawm ka ti tlat pek anih chu enge ni ka hriat pawh ka hrelo.
In thing harh vat in "Kal ang u, dar a ri leh mai dawn" ka ti thuai a, min hnial lo in classroom kan lut ve mai.
Dar rik hnu thleng pawh chuan Malsawmzuala chu a rawn lut leh tawh lo.
Ban velah Sawmzeli leh Rinawmi te nen kan inzui a, kal kawina tur an neih thu sawi in min kalsan a keipawh ka bike lam ka pan zui nal nal, haw thuai thuai a mut thak anih ka nghah hlel leh ber tawh ni. Ka bike bul ka thleng chu ka bike chungah chuan Malsawmzuala chu thu runin meizial a lo zu anih chu, kal pah chuan thenkhat chuan an melh ang deuh zuk zuka engtan mah a ngailo nge a hrelo zawk ni hriatthiam a har ve ngawt mai hepa khawsazia hi, va pan phei thuai in a hma ah ka va ding ta chat.
Amah chu melh chho kiau in "Enge i duh a" ka ti nghat chu a lo thle buk mai chu ringawt pawh chuan ka run tawk a tling leh em em tawh.
"Ka bike ka khalh haw theilo" a ti leh hmuk a, pangngai deuha sawi pawh hi a awmlo reng reng ka mipa hriat tawh ah a la polite lo ber ang em em hian a.
"Chuan enge" ka ti ve ta nghat.
Nui suk chung hian "I tih tluk, min thlah haw a ngai" a tih leh chuan inthiamlo ve deuh in "A tha lom" ka ti a.
"Chabi" a rawn tih chuan hrethiam lo deuh hian ka lo en haw mai, bike lam a thlek leh zawk chuan aman a khalh don tih hrethiam in ka pe tha ve mai.
A hnungah amah hlat thei ang ber tura kal chuan chuan "In vuan nghet rawh" a rawn ti ve sup mai.
Malsawmzuala nen kan inphur chu min hmutu piang te chuan min thlir zui trawk trawk mai, chutia mi bike chuang tha hle hle min en haw pawh chu ka hma a bike khalhtu ani tih hi ka hre ve kur a, a ruk chuan ka lai ru deuh tlat pek anih chu.
Rinai zekin a la tlan chak zui a, nghet zet in a kawr chu ka tham ngawt ngawt ringawt, rei fe kan tlan hnuah chuan mipa thenkhat lo awmna bul deuh ah chuan a ding ta chat a hmeichhia te pawh an awm nuk mai, chutia kei min phur an hmu chu mak anlo ti deuh aniang an thawm chu a reh duk a.
Thawk leh khatah pakhat hian "Bawiha leh I piangthar nge ka hmaa mi hi Malsawmzuala anilo zawk" nui thaw hian a rawn ti a, midang pawh an rawn thawm huk mai, chupa chuan min ron kal hnaih in chik zet hian min en bawk.
Malsawmzuala chuan phun hluk hian "Ka bike a khem deuh" tih zawng hian a chhang a, kal tura mit mei pah zeuh in chupa pawh chu a kal ve mai bawk.
Bike atanga a chhuk thlak velah keipawh insiamremin a hma ah chuan ka thu ve vat a, chuta ka rinloh lutuk mai hian helmet chu min rawn khumtir anih chu, ka trek chhawk nimai hian ka hria, helmet chhanah chuan ka nui khi thaw tawh mai, helmet chu beng zui leh dat in engmah sawilo in a thiante awmna lam chu a pan nal nal, keipawh ka in khalh haw ve bawk a.
In ka thleng chu ka nau thiante ho chu an lo ri lu lu mai, a thiante lah hi an trawngthei bawk si, ka nu te lah hian an hlimpui thei phian a, an duh duh hunah an rawn riak a, chaw an rawn ei a, an in pakhat hi a ni ve ber, kei tak phei chuan ka ngei pawh a ni hran lo; min han chhiah kual ve khanglang zel hi ania, ngam tak te hian min Ngam a tih theih ang.
Choka lam ka pan tlang nghal a u maheri pawh zai rat dat chungin eirawng a lo bawl a, fridge a tui chu la chhuak in ka in zui ta khawlh khawlh.
U maheri chuan "Bike a rawn haw si, enge i thawk hlawi hlawi a" a rawn ti a.
"Engmah ni lo, khawnge ka nu hi" ka ti ta daih, sawi chi ni hek lo chuan.
"Bazar ah a kal lawk anih kha, I nau thianten chaw kan eikhawm dawn anti anihkha" a tih chuan bu nghat in choka trang ka chhuak zui nghal.
Choka tranga ka chhuak chu Omomtea chuan " U Lalrinmawi, ka u hian bialpa a nei in ka hria, i hriatpui dawn sa tuge" a rawn ti nghal thawr a, ani hi Cheni nau a nia, min ngam siah siah thei khawp mai, nghal zet e tilo chuan amah hi fel ve deuh mai hi ania.
"A neilo ang enge chutia i rinhleh ve vak a" ka ti chu "Hrelo der lo mai rawh, hmanni pawh scooty tello in a kal a, mipa nen an kal rual ang" a ti chuan ka lo nui hak hak.
"A thianpa niang chu" ka tih leh hram chu a lungawi vaklo ta deuh nge "Hmeichhia ho hi enge in in tran em em a, in over hlom si" a ti ta zek mai. Chutah thaw hluai in "Chu mipa àw thum zet nen an inbe lai ka hria, ka zui ru dawn" a rawn ti hem mai.
A bula thu Ruatdika chuan a chhip ah chuan a beng ve zawt mai mawl ati te pawh a ni ang, a in tuai ve vut vut mai na a ti deuh nge ni "Bialpa nei rual alom a nih chutia zui ruk enge a ngaihna" tia ka chhan chuan "IQ 98, hrethiam leh tawp nang" tih pahin a games khelh lamah rilru a pe ta deih a, keipawh chhang zui lo chuan ka room lamah ka chho ve mai.
Khawngaihin tawi te pawn minlo comment sak leh hram dawn nia, ziah leh zel minti chak zual thin a
Ads click zeuh nen khan. Ka lawm e 