Chapter - 1
"Nu vawiin chu bike in ka kal ang aw" awki dam diai hian ka han ti a, a phalloh ka hlau em asin.
"Lalrinmawi, dam pawh i la dam chian loh kha Chenpuii rualin kal hle hle mai rawh" a rawn ti chu ka lo ner nawng, tunah ka accident atang thla khat a liam tawh a, min ngaihtuah leh em em lutuk hi chu a.
"Ninawm e, Cheni bulah minlo kalsan rawh ka ti ve vek tawh a" ka ti zui ve hlak, min ngaihtuah vang tih hre tho mah ila, lirthei khalh chhuah ka chak ve tawh em ani.
"Ruatkim, i u hi han thlah mai ta che.I pa driver nen zing karah an lo chhuak hman tawh si a." A tih chuan ka ner nawng nawng.
"Kal ang" min tih pah chuan pawnah a chhuak zui nal nal.
Vawiin college ka tran ni hmasa ber tur anih vangin mahni a scooty a han kal ka chak ve nen tia minti chu ka lawm lo lek lek trep ani.
"Aaaaaa! Lalruatkim, bike chuan ka peihlo sin" ka tih chuan "Phun phun lo khan chuang rawh" minti hluk zu nia. Kan unau hi pathum kan nia, ka u chiah Muanawma hi phai lamah traning in a awm a, tuna ka nau Lalruatkima hi pawl 12 a zir ve mek bawk a, inlak ngeng hunlai an tih stage kha kan la pel meuh lo, a trawng ve chhunah hian bul deuh hmuk hmuk hian thil sawi hi a hrat hle bawk, hetia a han inla ngeng hi kei ka ngei tlat pek a ka trim leh erh zel.
Pathian zarah leh ka pa zarah a ni mai ang chu kan chhungkua hi harsa zawk zawk kan nilo a, naupan lai atangin kan duh leh mamawh hi chu kan nei ve zat zat mai, ka pa hian dawr hi hmun hrang hrang ah hian a nei a, keiphei chuan ka hriatpui vek lo, ka nu hi nurse ni thin ani a ka pa nen an inneih hnu hian a bang ta anih hmel.
University ka thleng chu mi an lo zi nuai nuai tawh a, ka thianten min lo nghah dawn avangin an awmna awm tur lai vel ka han zawng a, ka hawi vual vual mai hnung lam atanga min ron barakhaih thut chu ka phu chiam leh nghal ka tre chhuak teuh kher mai," Uii, Lalchhanchhuah minti phu lawm, I van à mai mai tak" ka ti hlak engah mah a ngai leh chuang der lo.
"Lut ang rei ropui si, first day te chuan rawn hmanhmawh ve tur nia" Jessica chuan tih pahin a kal zui nul nul.
Kan subject lak a inan loh avangin ban lama inhmu leh tura in chah in kan kal hrang zui a.
Kan classroom tur ka lut chu mi an lo awm ve nual tawh a, ka han hawi kual vat a, a hnungber a lo la awl chu ka thaw huai thei a hmasa bera thut chu peihlo ve tak ka ni.
Hmeichhe pakhat a lo thut tawh avang chuan thut ve a la rem leh rem loh thu ka dil a, nui sang hian "La rem rapthlak, lo thu rawh" a ron tih chuan a fel ring ve nghal ngawtin ka lo lawm ve viau.
Ka thut hnu chuan min titi pui nghal bawrh bawrh a, fel ka ti tak tak ani "Enge i hming ka la hre miahlo, Sawmzuali ka nia nang"
"Stella Lalrinmawii"
"Yess, ka boss Ruatzela pawh a rawn thleng trep tawh ang I nel nghal dawn sa" a ti a.
Chutia kan lo in kawm lai chuan "awiii! traffic jam ka rawn thleng har deuh, hei tuge, Ivan hmeltha reuh ve" tiin ka bula ding chuan a rawn ti nghal bawrh bawrh a Ruatzela a tih chu anih ka ring.
Tihdan vak ka hre silo ka lo nui khi thaw ringawt.
"Ka duhpa Malsawmzuala alo la kallo mi" a rawn tih chuan Sawmzeli chuan "Alo kal dawnlo ni hrim hrim, ka hmu chak sinle" a ti a.
Ruatzela chuan ka bo lutuk a ti nge "Malsawmzuala chu lal cool liana hi ania, I hre mai ang alo kal hunah"
Professor chu a rawn lut a, ni hmasa ber anih avangin introduction vel neuh neuh kan nei a, chawhma class chu kan tling tla ve leh thei mai. Canteen a kal turin min sawm chuan kan inzui ve tham tham mai.
Chawhnu lam class kan la chu a hnunglamah kan thu bawk a ka mu siai siai mai.
Kan hma thu te trawng ser ser leh phi cheng chuan min ti harh zawk mai, ka bula thu Sawmzeli lah chuan na zet hian min lo tham tawk mai "Malsawmzuala a rawn kal ania, a ngeng ngel ngul zia saw em em a chawhnu ah hian a rawn la kal ve ziah zui" ti nang nang pah hian hlim zet hian a en a.
A sawina lam ka en chuan Malsawmzuala chu sang tha zet mai hi a ni reuh a, a mitmeng te reng reng chu a dur khup a, ngo tih em em tur a ni lo na chungin chutia hang chhia ti a sawitur pawh a ni chuanglo. Sawmzeli sawi dan takin a ngeng ngel ngul mai, Professor awmloh avangin a hnung ber chu a pan nghal a, mipa dang lo thu sa chuan an lo kian sat sat mai, pakhat chu hmundanga thu turin a ti nge a thu sawn ta deih a, an tri deuh duk hian ka hria chutia a rawn kal har ber rawn ila thu kual vel chu kei ka lo ei lo nghal ringawt.
"Avan inla thu" ka ti chhuak phawng chu min rawn en dun haw a ka thutpuite chuan "Ahh, ka tih omzia chu an hlauh hmel"ka ti leh vel ta mai mai.
Chutah Sawmzeli chuan "Fapa rangkachak duatsual awmtha duhlo vel anih saw, sawtiang tan chuan hlauh loh ngaihna awmlo insual a hrat em a, bike intlansiak tih ang reng, a chanchin saw chu kinah ka la hrilh hrep ang che" a rawn ti zui a, ka lo bu nghat ringot.
First day chu kan tling tla ve leh thei hram, ka thiante pahnih Jessica leh Chhanchhuahi chuan classroom kawtah minlo nghak vang mai, sawitur an ngah leh khawp mai a corridor pheiah chuan kan ri leng lawng mai. Kan hawna inan loh avangin gate pawnah chuan kan invai liam a.
Kei Chenpuii ka zawng ru deuh a ka hmu mai lo chu ka hawi kual hru mai, chutia gate pawna k ding chu ka hnungah hian horn a vawi 3 lai a rawn ri a, kalsawn ta mai lo chuan hnunglam chu ka en a Malsawmzuala an tih lek chu lo niin, ka bike awh zet ala khalh zui chu melh nghek in a sirah chuan ka ding tha ve mai a, chutah chak zet hian a tlan zui vang vang.
Chumi hnu deuh lawk chuan Chenpui chu ka bulah a rawn ding a, a muang ka ti lutuk chu haw pah in ka hau zui lang lang.
In ka thleng chu ka nu in vawiin lam chanchin minlo zawta a nawm thu in ka chhang tha ve mai, inchungah chho in ka inbual a, khumah ka mu zui ta thak.
Ka harh velah inhnuaiah kan nula u maheri eirawng ka bawlpui a, ka nu hian awmpui neih vang hian engmah tihloh hi a phal der loa, mi in ah mo niin ila awm dawn a chung hunah chuan engmah i thiamloh chuan hreom tiin ila zak ang a tih thin vang hi ania.
Chaw ei laiin ka pa bulah bike thar awh deuh ka neih thu ka sawi chuan ka nu in "A trullo e mai, tuna mi pawh a la tha reng" a rawn ti nghal vat a, chutah inlak khawngaihthlak a hun tak ani tih ka hre ngal vat "Paa.. please ka awt ve ngawih ngawih a, thil ka dil khat em che hi" ka tih chuan "Naktuk lamah ka lo en dawn nia, i duh tak kha min lo thon la" a tih chuan ka khek nghal raih.
Chaw eikhama thil tihfel zawh chuan inchungah ka chho a, mu pah in laptop ah movie ka en leh ta mai mai, lehkha zir tur la awm hek lo.
Mut hun awm velah chuan ka phone ka en ve zuai a, class group chu an lo siam niin, an trawng duh khawp a tlem ka chhiar thuak thuak a ka clear ta pawp, Sawmzeli chuan group hran hi a lo siam a, kan pathum leh hmeichhe pakhat ka la hriat ngailoh an join ve bawk, group name ah "Metropolin" tih a lo hmang bawk, chat vel hi ka chhiar taima lo bawk a, ka clear a ka mu ta deih.
Zingah chuan ka bike ka khalh theih tawh ka rin avang chuan ka phur surh surh khawp mai, mahni a ka kal theih ka rin avangin Chenpui ka call a mahni a ka kal tur thu ka hrilh a.
Ka inchei dan tur chu uluk deuh in ka han thlang a, ka nu hian ka thawmhnaw hak tur hi a uluk a, ka thawmhnaw tam zawk hi chu ka nu min leisak tih theih tur ani. Ka nu ka chhun vang nge ka ngo phian a ngo hlek hluak erawh ka ni lo, ka vun hi a inphut mawi tawk a tih theih ang, san zawng ah lah ka pa ka chhun a ka sang ve thawkhat, heivang hian ka thawmhnaw hak hi keima tawkah ka inhmeh tlangpui, hmeltha titu hi ka nei leh nawlh zel a, luck viau tur ah hian thenkhat hian min lo ngai thin a mahse a ni teuhlo min bem tu hi an awm vaklo, high school ka kal lai khan ngaihzawng pakhat ka nei tihloh chu ka la nei leh lo.
University ka thleng ka bike ka park tur chu a chep deuh nge ni bike pakhat chu a thal der mai, hmanhmawh zet chuan ka chhuk nghal a ka han enchiang chu nimin lama Malsawmzuala bike ka awh zet kha lo ni lek in, ka tal buai dawn mai, a tlu satliah mai emaw tih laiin ka zu enchiang chu duh aiin a lo rang nasa hrep zui, ka kalsan tawp ang nge ka tung tho anga ngaihdam ka dil ang tih vel ka ngaihtuah lai hian hnunglam atang phun hluk ri ka hre nghal.
Ka lo ding ngawi reng chu min kal pel in a bike tlu chu rihna neilo ang mai hian a rawn tung ding nghal a, bike chu a lo la rang deuh nuai zuia a tlu na vak lo a ka hriat nen, chutia ngawi reng a ka lo ding chu rum ngut hian minlo en a.
A trawng ve hma a trawng khalh zung zung in "Senso ngai zawng zawng chu ka lo tum ang" ka tih chuan engtin mah min chhang lo chuan minla melh kar mai ka zam ve lek lek trep chutah "Ka tum ani miahlo ania, a lo tlu ve tawp" ka ti leh nghal zat, insawithiam ka tum ringawt amoni, enge ka hriat pawh ka hre der lo amah lah hi lungtum biak ang mai in a rum ul mai bawk si.