OBEDA BY Natasha Hrahsel (Completed)

[Ngaia]

CH-7








A hmel tak run vang chuan kan kalna tur hmun pawh ka zawt ngam ta lo a,ngawi rengin motor ah chuan kan chuang dun reng ringawt tawp.Biaktei chu atan eng ang chiah a pawimawh nge anih ka hrelo a,mahsela min hruai tel ve a duh dan ah a ngaihzawng anih chu ka ringlo ve nghal hmiah.






Thuampui lamah tlânin peng lo awm ah atlan lut a,kawnghnuai lama a tlan leh hnu ah in lian vaklo zawn ah hian motor chu a ti ding ta dat
"Chhuk ang le"ati sup a,kan tlanchhuah atang atawng leh hmasak na ber ani.
Step lo awmah chhukin mi inluah ni awm tak an ni,pawnlight dim zeta lo inchhitna kawngkhar hma ah chuan dingin a kik ta kauh kauh a.
An rawn hawng mai lo,kik nawn leh a tum lai tak chuan inchhunglam atang thawm ri rawp kan hria a,hmanhmawh zetin kawngkhar chu apawt pawp a,a rawn inhawng ve mai bawk.






Nufa ni awm tak tur hi pa pakhat harhfimlo tih hriat zet hian alo dinchilh run!

"Tute nge in nih?"alo ti zui chhur chhur zui!





"Pu Zui,helai hmunah hian enge maw i tih ve le? I nupui leh i fanu thlabar reng reng a siam hi duhtawk tawh rawh"U Obeda chuan a ti dam thlup a,a tawng erawh a nghet charh thung.
"Obeda,kan chhungkaw chungchangah rawn inrawlh ve tawh suh."chupa lah chuan ala rawn ti chhur chhur mai.


Ka thlek deuh hâ a,nu upa lam tawh tih hriat zetin minlo melh ve rual chuan ka te chhuak that."Ka pi..i chal kha"kawk in achal atanga thisen rawn chhuak tiam tiam chu ani pawhin a dawm ve thuai.
U Obeda chu a rum nghut a,"tunah hian i chhuak dawn nge police ka ko zawk dawn Pu Zui"a ti chang ta run.



"Lo inrawlh ve suh ka tih kha"ti chhur chhur a kan lam a rawn pan rual chuan U Obeda an alo nem dawt a,a inring hman biklo nge a tlu nawk lo chauh.Akai tha ve tawh viau anih hmel a pen pawh amumal tawhlo.
"Duhlo viau mah ilang police hnena hlan mai che chu a fuh ber tawh ani"ti dut dutin ph a hmeh zawm mual mual a,keiin thuthlenga lo inkuahchial nufa te lam chu ka pan hnai ve nghal zat.


A chal chu thuklo te in alo kak a,khawilai emaw ah hian a intauh ani ngei ang."ka pi ana viau em?"ka ti nghal sawk sawk a,"na lo e"alo ti ve sap.
"A fanu ini tiraw? Lapua leh pemthar damdawi te in nei em?"nula hnena ka tih chuan alo bu nghauh nghauh.La turin ka ti nghal zat a,kan bul lawka zurui let reng chu hlauh en ah pawh ka en tawhlo.





Police chu an rawn thleng harlo khawp,zurui pa chu an hruai a,pawn lamah U Obeda te nen minute sawm dawn an inbiak hnu ah U Obeda chauh chu rawn lut tawhin police ho erawh an kal nghal mai aniang.






"Obed,kan tibuai ngun ta malh malh hle mai che"anu zawk chuan inthlahrun hmel zet hian a ti sep a,ka khawngaih reuh lutuk ringawt.
"Tibuai lo e,min mamawh apiangin min rawn ko mai thin dawn nia.Pu Zuia kha kar hnih khat bak an khung theih hmel loh a,a rawn chhuah leh hunah buaina ala rawn thlen fo maithei cheu ani"a ti damthlup a,"Biakte,puitling ini ve tawh a ipa anih vanga lo dawh reng ringawt loh tur.A tul chuan police pun hreh suh u.In veng hruaitute hnenah pawh thlen ula,helai leh achhehvel a rawn kal theilo turin a siam theih ania"Biaktei melh chung chuan a ti leh sup.





"Anu hi lawm,enliam a tum tlat zel a! Keite chuan police man tir daih ania ka duh thin"ati nang nang,Judy nen an inrual vel ka ring ala naupang zawk maithei bawk.
"Ngawih chuh ilang a that zawk ka lo ring thin alawm mawle,lehpek a awm leh anih pawhin hruaitute lam pun kanlo pun tawh dawn nia.Heihi i nupui chu em ni?"tiin Biaktei nu chuan min nuih zui sen sen a, "Kimkim,Lily nu leh nau te an nih hi"U Obeda chuan min enin a ti sup a,"ani hi ka nupui chu ani e" tiin min inhmelhriattir ve nghal zat bawk





"I hmeltha hle mai,nupa hlim tak niturin duhsakna ka hlan a cheu.Kimkimi maw?I chezia atang reng nu fel tak ini dawn tih ahriat mai"Biaktei nu chuan min enin a ti zawi ruih a,a mitmeng ah erawh a fanu ahrechhuak tih alang reng bawk.Hna athawk nasa nge ni akum rualpui dang te aiin alang tar daihin ka ring a,achhan pawh Biaktei en hian kum sawmruk pel chi niin ka la hrelo.

"Min letsan tawh rawh u,hei kan tha tawh ania."a tih leh lai chuan Biaktei chuan "U Lily a thinrim ngawt ang,i hmangaih ve emaw ka tia nupui i neihsan leh daih a" alo ti sap a,atah achhuah hmel viau bawk.Anu chuan alo khap vat a "hrethiam rawh u ala nau em ani" tiin thupha achawisak nghal lawm lawm.







Kan haw lam chu kan ngawi dun leh rauh rauh a,engtia awmber tur nge ka hrethiam lo ani.Ka pasal in angaihzawnghlui thi ta nu leh nau ala buaipui nasat zia ka mit ngei in ka hmu a,buaipui lo se ka tihna lam ani hauhlo,mahse a hriatchhuah phah loh theih dawnlo a.Chumi piah lamah Biaktei'n U Obeda hnena kei min neih a dem thu a sawi laia U Obeda hmel te kha aw! Hrehawm a tih hmel lutuk ringawt.A nunah khatiang khawpa hmun pawimawh ala chan laiin engtin nge kan inkarah hmangaihna apian ve theih tehlul ang ni?





Ka mittui lo tla fap chu ka hru nghal thuai a,Nu Mapuii te nufa dinhmun ka ngaihtuahin ka khawngaih a,ka dinhmun ka ngaihtuah telin ka inkhawngaih tho bawk si! Ka dinna hmun hi alai vel vek ani ber.





"I tha tiraw?" Inchhung kan pen lut chiah chu a rawn ti chhuak sup a, ka that thu in ka chhâng mai nangin ka thalo takzet.

"Inbe lawk ang aw" a tih chuan ka aw ve mai a,mahse sawidun chu ka châk lo takzet.




"Pi Mapuii khan Biaktei leh Lily hi ahmeithai pui a,Pu Zuia kha zu ngawlvei niin a nupui thawhchhuah hmasak apiang chu zu in nan ahmangral zung zung thin.An dawh thei bik ta nganglo kha an inthen a,Lily in a zirlai chawlhsan in ram pawn lamah hna athawk zui a,Pi Mapuii kha chawhmeh zuarin sum ala lut ve thin bawk.An rinrawl ve ber Lily'n a boral san takah khan an nunphung abuai hle a,inluahman an pek theih loh vanga an inluahna atanga hnawhchhuah hial an tawk bawk.Lily boral hnu khan kalo ngaihven leh lawk lo a,an nundan kan hre leh erawh ka theihtawpa buaipui chho zawmin an eizawnna tur ka dap pui bawk a,Biaktei pawh khan û ang tak takin min en bawk.An inthlahrung thin viau na a pui tur dang chhungkhat hnai an neilo a,Pi Mapuii hi fahrah alo ni lehzel bawk nen belhtur dang nei lo chu tunthlengin keiin kalo buaipui zawm ta ani"an chanchin chu min hrilh zawm mawlh mawlh a,ka khawngaih ta tual tual bawk.An nufa chauha hnawhchhuah an nih laia an mangan tur zia te ka ngaihtuah phei chuan ka tah achhuak tun thei.
Pathian zarah sum leh pai tam tak neiin seilian lo mah ilang nu leh pa tha tak kan nei a,rethei in min dah ngai hauhlo.Biaktei tak pawh chu harsat mangan buaina tak tak an tawh laiin ala naupang viau in ka ring a,ka lainat thar ta riau bawk.






"Kimte,Lily vanga buaipui ngawr ngawr ka nilo tih hria la ka duh" a ti nghet ta churh a, ka melh nghal thuai.
"I ngaihdan tur ka hria alawm,ka nunhlui ah tâng reng tur ah min ngai ngei ang.Mahse chuvang chauh chu anilo,hmalam ka pan lawk theilo tih chu keipawh ka inpawm.Tunah erawh adanglam tawh thung.Ka buaipui loh chuan Biaktei te nufa khan buaipui tu dang an nei dawnlo a,an beihvai lutuk.Lily vang ah anni pawhin an ngaihna chin a awm ang,mahse nangchuan hria la ka duh,Ka ngaihzawng hlui chhungte an nih vanga buaipui ka nilo tih hi" ka mita min melh ran chungin a ti nghet churh a , ka ringhlel lo.Keipawh ni ilang ka theihtawp in ka buaipui ve ngei ang tu chhungte pawh nise.






"I thinrim lo tiraw?" A ti zawi sup a, ka nui hak "a tir kha chuan rilru dang ka pu hman a,mahse tunah chuan ka hrethiam lutuk.I theihtawpin buaipui zawm rawh,puihtheihna che ka neih chuan min hrilh hreh lo la" ka ti ve ta nge nge a.Ka rilru chu ala hmin zan lo alawm,tu hmeichhia nge apasalin angaihzawnghlui chhungte abuaipui reng chu lawm ang ni? Mahse an dinhmun ka mit ngei in ka hmu a,ka khawngaihna in ka thikna ah hnehbet zawk.





"Ka phulo ta hle che in ka hria"a tih chuan lai zetin ka hawisawn tawp.Hetiang tawngkam hmanga min biak hian chhân dan tur ka hre mai thin tlatlo.






"Mu ila,hna kal kanla ngai ve ve dawn a"ka ti ta sap a,a ding zui ve mai bawk.






Zing hma takah tho in rawng ka bawl a,pahnih chauh kan ni bawk a chawhmeh siam pawh aharsa hranlo.Ei leh in ah akhirh lo chi kanlo ni ve ve bawk nen pahnih eikhawp siam te chu harsa lo tak ani.

Hna kal turin kan inzui chhuak leh a,kan school thleng min thlah thlap hnu ah a ni MZU lam panin a chhuak ve leh nghal bawk.





Internal exam a hnaih tawh vangin zirtirtu ho in thahnem kan ngai viau a,naupang ho erawh in lehkha zirloh dan ringawt anlo la dap thung a!Kan hahthlak tlâng thin ania.

"Miss Kimkim,Sir Joshua chanchin hi i hrechiang lo maw?" Kan principal in a rawn tih chuan ani damloh dan ka hriat ang ang chu ka hrilh a,atlanglawn chu alo hre ve tawh tho anih hmel.





"Zirtirtu hman remchangin tunkar tawp hian la tlawh ve ilang athat dawn chu.Ani hi a inthlahrung thei leh lutuk a,chanchin kimchabg hi mi hrilh ve thuai thuai thin tur ania"ati zui ve nak nak a,a sawi diklo hranlo.Sir Joshua hi mipa harhvang deuh nisi hian mi inthlahrung chi ani leh lawi a! Anu damloh chungchang pawh zirtirtu thenkhat phei chuan anla hrelo hial ang tih tur ani.






Kan school bang gate ka chhuak chho chu Judy alo ding rân! Nui heu hian "kalo lam dawn che a" alo ti a,ka nuih ve tawp ringawt.

A scooty chuan inlam panin kan inphur haw a,a û in min lam tura a tih thu te chu a sawi chho niap niap.Kei aiin a te bawk si ka thu nghet lo kher mai.Lirthei hi ka ngaina lo ve hrim hrim a,chuvang ania vawin ni thleng a scooty khalh pawh ka la thiamloh ni.






In kan thlenin ka inthleuh thuak a,rawngbawl ka tan nghal zat bawk.





"Iskut bai siam la,ka eichak e thak deuhin nise"choka a rawn luh pahin Judy chuan a rawn ti a,iskut chu kan la nei takin ka hria "kan siam dawn nia" kalo ti thuai.





"Ka û ei ngamloh turin aw,hrulh miahlo ilang thak deuhin siam la a ei lai hmel ka hmu chak"a ti chuan ka lo nui hak hak.Ava naupangchhia tak.
U Obeda hian thak a ei thei lutuk lo,kan ina chaw a rawn ei hmasak ber zan khan entin nge ka bai siam te kha a ei ve mawlh mawlh theih tih ka hrethiamlo.Thak alo ti ru viau maithei ani



"Ui..i nuih khan U Lily nen khan in inang lutuk"a ti hluai chu ka nui tawp riai riai.





"Tihpalh,ka kâ kalo veng hmanlo.Mahse i hmeltha ka ti zawk daih ania aw" a ti zui a,ka nui mai thung.





"A thlalak ka hmu tawh alawm,kei aiin ahmeltha daih zawk"ka ti ve luam.Ani tak tak reng bawk a,ngo lamah ngi zawk mah ilang Lily kha chu ahmeltha tak tak lutuk.





"Nah..i hmeltha daih zawk,i lian zawk bawka bakah U Lily kha chuan ka û hi ahruai hrang daih zel a,an inngaihzawn ve lai kha chuan kan û ang pawhin anung hman lo"ati zui hlak hlak a,mitthi tawh chanchin sawi zui chiam chu a fuhlo deuha hria in ka chhang zui duhlo.

"Enteh maw i hre ta ro ro kan sawi law law teh ang.U Lily kha ka ringlo thei tehmai ania,kan inah hian an rawn haw changin a rawn leng lut ve fo a,ka û in rawn hruai haw a tum te khan hnial ve thin awm ania! A rawn leng lut hma ngam ka ti thei tawp.U Judithi nen phei chuan an in ngeihlo lutuk ka û nen pawh an inhauh phah hrep tawh"ka hriat zawm zel chak viau na a kawngkhar lam ah thawm a awm takah chuan Judy pawh a ngawi zui ve mai.






Hmeichhe zawiawi leh ngainatawm zet nitur ah kalo ngai a,alo nibik lo pawh ani mahna le.A thlalak atang ringawt kha chuan hmeichhe derthawng leh tihnat hma theih lutuk tur chi hmel apu.



Balcony ah dingin boruak dai nuam zet chuan min ti harh sawng sawng mai,ber thla kan chuangkai tan dek dek a Durtlang lam chu zân lamah ngat phei chuan a vawt tan lek lek tawh!
Boruak erawh anuam viau thung.




"I hritlang ange"ti supin U Obeda ka bulah a rawn ding ve a,a inbual zo tawh anih ka ring.





"Tunkum krismas chu ka la nula tluan leh dawn emaw ka tih laiin pî nihna ah ka inhlangkai ta nawlh a!"ka ti a,ka nui zui hak hak.Ani pawh alo kiai ve suk suk tho.

"Min nei hi i inchhir em?" Ka beisei loh zetin a rawn ti chuak sup a! Ka melh deuh hâ.




"Nang zawk" ka tawng zawi hle,a inchhir mawlh ani ka hlauh.




"Ka neilo ang che tih ka hlau tawh zawk"a ti zawi sup a,ngawi rengin kan inmelh ta reng.




"Biakin chhunga ka penluh lai reng pawh khan ka rilru ka la siamfel theilo a,mahse tunah hian duh ka thlang sual lo hle in ka inhria.Thuthlukna siam sual turin min siam suh aw"ka ti zawi raih a,nuthlawi nihna dinhmun hniam tawh viaulo mahse tawn dawn aral ah chuan ka duh hauhlo.


Ka bekah akut rawn zen lutin ka hmai atuai heuh heuh a,"Min ring turin ka ti lo ang che,rin ngam ka nihzia ka hmuhtir zawk ang che"ti dam ruihin a rawn awn hnai ruai ruai a,ka mit ka lo chhing tawp tawh.





A hmui vawtthler in ka hmui a rawn tawh chuan ka thaw ngam tawh pawhin ka inhre lo, "hahdam la"ka hmui si reng chung chuan a ti dam thlup a,ka kawngah akut rawlh lutin min pawthnai nghal zat bawk.
Dam raih hian min fawh zawm a,ka lo chhanglet ve nghal thuai.


Mihring taksa lum rual ni ta ve ve chu kan thawklak arang dun ta hle a,ka thin aphu zui dup dup bawk!




Min thlah chuang miahlo chuan room chhunglamah min nawr lut dat dat a,ka talsa in khum atawh lai reng ka hrelo.Ka hlauthawng a,ka rilru a inpeih em tih ka hrelo mahse ka taksa erawh a inpeih viau thung.


Min fawhna ata inla hrang hretin "Kimte" a ti thawp sup. "Ka nghak thei che"ti mahse a taksa erawhin a thusawi aphatsan hle thung.




A biangah ka kut pahnih a khuapin ka pawthnai zui a,inpeihlo engang pawh ni ilang nupa niin pumkhat ah kan insiam tawh a,lo dan ngawt nachhan tur ka neiin ka inhrelo.





"Min thawng dawt dawt reng mai anih hi maw"a chunga min pawt kai lawpa a tih chuan ka thawklakdan thunun tumin kalo la thaw halh halh reng.
"Hmeichhe invawng tak ini tih hre mah ilang ila thianghlim kher chu ka beisei pha hauhlo" huatawm a sawi ani hauhlo,ka la thianghlim avangin min chhuan hmel takzet bawk.



Ka chal ah ahmui a nawr vang vang a, "ka lawm e" a ti zui sup.



Engemaw sawiin aphun zui sup sup a,ka chau lutuk chu engthu nge a sawi pawh ka hre hleithei tawhlo.Nui nghawr data "muhil phawt maiteh le" a ti chu ka hriat hnu hnun ber ani.






Atuk zingah chuan thawh ka hai pek a,Judy'n rawng alo bawl vek hlauh a nilo se chu kan tlai chhe viau in ka ring.
U Obeda pawh chanchinbu chhiarin anau rawngbawlna kiangah alo thu ve a,choka ka luh te chuan kan lai ringawt pek a! Ava zialo thin tak.


"I nawmloh chuan i lo tho kher duh anih kha,la mut mai mai tur ania"Judy'n a ti te chu "ka nuamlo hran hleinem"ka ti zawi sep ringawt.Ka pasal thingpui no dawm chunga lo nui ruh ruh ka hmu kher bawk nen tui hal lo pui tui ka inphah ta teuh ringawt.






Tukthuan kan kîl lai te chuan chawhmeh ka thlengah arawn dah arawn dah a,rum zeta ka melhna te chu zuk hre duh map lo a! Anau nui tet tet reng pawh chu ahaider hmiah bawk.

Ka tum ai tam ka la ei phah zui nen tiang reng anih chuan ka la mum tul ang.




Hna kal tura a motora chuan dun te chu ka zak tlat pek a,'ka zak' han tihna chi ani mang bawk silo,ka hah hlur tawh.
"Inthlahdul ve em em tawh la"hmalam melh pah chuan anui suk suk tho.




"Ininawm nui tawh suh" ka tihngaihna hrelo chuan kan ti chiam a,a rawn nui chhuak ta hawk hawk!




"Nizan vang kha anih.." a tih lai mekin "sawi suh" kalo ti hlar a,ka awmdan chu in ten viau mah ilang ka lai em ani.




"Ok..anih ka sawi tawhlo ang"ala nui tel tho.Ka thaw chhuak ta hluai ringawt.Ka kum phulo a kan laih nasat chu ni!

Kan school kan thleng tep tih in ka U Sawma phone call ka dawng a,U Joshua nu aboral thu min rawn hrilh ta mai!Hrilh ahai duh asin aw..!! Kan pawh ka la kan ve miahlo asin.




"Engkim atha em?"ph ka dah rual chuan U Obeda 'n a rawn ti ve zat.





"U Joshua nu aboral anih chu" ka ti sap a, ka hrawk ah hian min hnawh tun mai.





"Let leh mai ang aw " a tih chuan "taxi ka la zawk mai dawn mi?"ka ti thuai a,"ka hna ka kallo ve law law zawk ang,Nu Temple-i chu azialo hle mai" a ti ta sap.
"Nia afel bawk si ava uiawm tak,i hre ve reng reng em ni?"


A bu nghut a, "inhre tha tak nilo mah ilang ni fel tak ani tih chu ka hria.Kan inah pawh a rawn chuangkai lut ve fo thin alawm tunhma chuan" a ti ve mai a,Nu Temple-i zawng ui tu angah viau ang le.Mi pawi asawilo nasa mai si a,rualpawl nasa mi nilo mahse a fel zia keini veng ah pawh hria an tam a,ka nu leh pa te nen tak pawh an inngaina viau.





In a lut kawi tawh lemlo in U Joshua te in lamah kan tlang nghal a,vengkhat ni mah ilang kan awmna leh an awmna hi a inpenhleh ve deuh hlek a,intlawhpawh zung zung aharsa ve.
An inkawt ah chuan mi anlo pungkhawm nasa tawh viau a,tap thawm a ri chuah chuah tawh bawk.
Ka nu leh pa te pawh an lo awm ran tawh a,ka ûte erawh ka hmu mai lo thung.






"Singsak ngai ho hi kan tihpui ange aw"U Obeda'n a tih chuan ka bu nghauh a,ka nu leh pa te bulah ka thulut nghal thuai.

Ka nu chu a insut faih faih reng a,U Joshua mawlh chu ani ka khawngaih ni.A unau dangte chu an tap hawm hawm a,ani erawh anu taksa chu mitsen rum hian amelh ngawt ngawt a,tah chhuak ngawih ngawih hmel a pu bawk.




Ka insum thei bik ngamglo ka mittui a far ve zung zung a,Nu Temple i taksa dai vek tawh chu ka melh ve ngawt ngawt tawp.Aw dam deuha kan ina a rawn kal changa min biak thin dan te chu ka mitthla ah a rawn lang uarh uarh a,ka tlawh ve ta hmanlo mawlh chuan ani min ti na ni.


An chhunhnai vai ho an rawn thlen belh zel vangin keini nufa chuan nu Temple-i an zalhna chu ka thut hlat a, ka nu pawh a tap bang hleithei lo.An inngaina ve bawk em a tin ni.





Hruaitu te lam an han inrawn tlâng hnuah tlaivar pui turin an rel thlu ta a,U Joshua nau rampawn a awm an nghak dawn ani.
U Obeda pawh ka bulah arawn thu lut ve tawh a,ka insut ve hraih hraih chu min kuahin min lo tuai hauh hauh reng.





"Inlamah let thla tawh phawt ang hmiang,zân lamah kan kal leh zawk anga"chawhnu lamah chuan a rawn ti ta khauh a,ka nu leh pa te pawh an la awm ve reng bawk.
"Ni e,Mate zuk haw phawt ula nangni athalai deuh chu zân lamah menpui turin chho leh zawk rawh u.Inu nen chuan kan tlaivar zo ve tawh chiah lo anga,keini pawh thim hnaih ah kan hawthla ang"ka pa chuan a rawn ti ve bawk a."I nu pawh hi helaia awmpui reng chuan achau dawn emai" a ti leh dap bawk.





"Ka pa, zanriah rawn kil thla zawk ta che u"U Obeda'n ka pa hnena a tih chuan ka pan alo hnial thuai. "Eithla lo zawk ang,Thanpuia pawh akal leh duh anga in lamah an nu lo awmpui ve thung ila atha ang.Rochan,nangni nupa pawh hmalam deuhah lo han chho ve leh ula aw" atih chuan kan aw thuai.










#Nizan ka rawn dah hman loh ai chapter hnih rawn dah hram ka tum a,tih thlenghi nise chapter dawt leh chu dar sawm hnu lamah aw,ka phone charge zuai angai a.
Zanin chu ka ngaihtuah tha thei meuhlo angaihnawm loh viau in ka ring.Buai nen ka ziah tur lam ka ngaihtuah hmanlo lutuk a minlo hrethiam hram hram mai ru aw.

Next chapter chu a duh tan achân leh nghal theih anih chu aw
Show post links
Top

[Ngaia]

CH-8




Nu Temple-i kan vuiliam ni atang karkhat lai alo liam ve leh tawh a,U Obeda nen pawh an in lamah kan la chuangkai chho ngun mawlh mawlh viau.
Hna chawl reng thei kan nilo ve ve bawk nen zan lamah kan chho tam a,chhun lam erawh hna ah kan kal thin thung.Ka nu leh pate pawh vawin hian an rawn let thei tawh dawn a,chuvanga hna bàn ruala haw thuai pawh ka ni.Beisei aiin ka pa in atreatment lak achauhpui lo a,ni hnih khat la chelh tum viau mahse Mizoram lama rawn let kha a duh bur tawh ani awm e,Mizo pa ve ngang kha ani bawk a,doctor te pawhin a rilru hahdam na ramah chuan ataksa pawhin a thatpui chak zawk ringin an chelh lui duh biklo.







Judithi a rawn haw tel dawn bawk a,Judy ber a phur lutuk class kal loh hial a tum a,mahse a û nen kan nawr lui thei hram.Test an nei thut nge ni ala rawn haw lo thung a,ka pasal pawh Lengpui lam ahna atang atlang nghal.

Vawksa rep tuihnai zet ka chhum hluah a,dîl sangha ka lei haw chu chhûm bawkin antam phuihnam ka tlak hluah bawk.Ka pa'n ngaih em em dawnlo mahse a ei chak thu a rawn sawi ngun malh malh em a,a taksa zawh loh khawp a eilo tur ah ngai mai teh ang.
Hmuihmer aiin tlak lam kan ngaina tlâng zawk a,pasal ka neih hma pawha ka ngainat zawk ani hrim hrim bawk nen ka lawi na tur takah ka lawi in ka inhre ve tiang kawngah hi chuan.





Dar li dawnah Judy phun nang nangin a rawn haw a,an college function engemaw ah items nei ve tura an ruat vangin a rawn haw hma theihloh phah thu a sawi nak nak reng.
"Enge minlo hawn ang le?" A tih hluai chuan ka nuih tawp.Nula ve uaih tawh mahse ate ber anihna na leh duat rawn anih na hi a inhre ve kar a,inchhungkhur ah hi chuan a inla naute ve thei lutuk ringawt.





Rawng chu ka bawl zo harlo,Judy'n salad alo siam bawk nen chaw ka chhuang a ahmin chuan zanriah kan peih der chu ani dawn mai.





Kawngkhar lam ri rak thawm kan hriat chuan Judy chuan phur zetin ava hawng a,ka pa a rawn lut hmasa ber chu lo kuah nawk nawk in 'i dam tha em' tih aiin "enge minlo hawn?"a ti khut reuh a,lu thing nakin kan nuih zui ham ham.


Ka pasal in bungruu ho a rawn khai lut a,Judithi leh ka nu rawn lut ve leh in ka beisei loh deuhin a hnung ber ah hmeichhe pakhat a rawn lut ve hlawl bawk!





"Ehe! U Jenet! I rawn haw ve elaw?"Judy chuan a ti hluai a,midang angaihven tawhlo Jeneti atih chu a buaipui nghal chûk.




"Mate,i khua te alo har viau lo maw?"ka nu chuan a ti luam a, "in ngaihawm lutuk ringawt" ka lo ti ve thuai bawk.
An thil rawn hawn te chu an phawrh nghal zung zung a,keipawh silver thi nalh zet leh shawl man to hmel zet min rawn hawn a,shawl min rawn hawn chu ka lawm viau rualin ka nuih aza ru tlat pek a,nutling ka ni ve tak tak ta ah ka inngai bawk nen keimahin ka nui ka nui mai.





Jeneti an tih chu Ka pa thiantha tak fanu hi alo ni a,Mizoram lamah an awm ngailo thung.Tette tangin Mizoram lama a rawn zin apiangin kan inah hian alo thleng thin alo ni a,unau ang tak taka in enin Judithi nen phei chuan kum inthlau deuh mahse an lo in kawm nasa ngang ni tur ani.Kum lamah kei aiin kum hnihin a û a,ka koh pawhin ka û ve mai aniang chu.






Chhunginkhawmna te hmangin zanriah kan kil zawm a,Judy mawlh chu a phur ala reh hleitheilo.U Jeneti tawng pawh chaw ei tir hleithei lo in a be buai a,apa in akhap tawp
Zanriah eikham ah kan thukhawm leh laih a,an awmloh laia Nu Temple-i boral pawi an tihzia an sawi chhuah chuan ka hnual ve deuh rawih mai.Min dampui ve tawhlo hi awih harsa ka la ti reng mai.






Ka nu leh pa te an chauh deuh vangin an mi thuai a,thalai ho erawh kan la titi tui viau.Ti ti ti ilang U Jeneti leh Judy chu a tawng ber an ni mai.
"Judith,nangni pawh in chau ang zanin chu i mu hma tlâng mai ang u"U Obeda'n alo tih chuan ka hnial lo khawp.Ka thi nei tur intham nge ni keipawh vawin chu ka rawl thum mai!




"Û Obeda hi chu a!Enteh maw U Jenet,ka û hian U Matei hi a duat vel thei teh mai ania! In awm ve vangin chaw ei lai te khan chawhmeh a suah duhlo mai mai anih kha"Judy chuan a rawn ti khauh a,U Obeda erawh alo nui huk thung.
"Nangpawh kha i room lamah lehkha te chhiar ve la,i û te pahnih kha an chau dawn ania an room lamah tihbuai zawm loh tur aw" anau hnenah chuan dam thlup hian a tih zawm a,kei chu min melh lehin "chhohsan ila" a ti zui sup bawk.






Room lamah kan inzui chho a,a inbualfai chhungin ka thawmhnaw suk sa ho ka lo rem tha mawlh mawlh thung.

"Kimte"Bathroom atanga a rawn tih chuan ka ei lauh a, "ka dâr hi ka delh na deuh nge ni ka hnung hi ka ban theilo minlo pui lawk la" a rawn tih chuan bathroom lamah ka kal ve mai.






Kawngkhar akalh loh vangin ka lut ve nghal mai a,ruak ngal ngata alo awm vangin ka leh hawi rang ngang mai.
"I va â tak" ka ti deuh hluai chu nui hawk hawkin min rawn dinchilh ta run a! "Min ti huh dawn"ti ve tungin ka lo tawlhsawn ve zat chu min kuah bet ta tlat!


"I mak e" ka ti zui hlak a,ka hnungchhawn miau vangin a hmel awmdan ka hmu theilo.




"Inbual rual ang" a ti ve teh tlat a! Ka duh teuhlo mai a.





"Inbual hmasa rawh"ka ti nghal chung chung chu nui ri leh sukin "ruah tui a tlem tan tawh,tui ren kan ngai"a ti hmak! A chhuanlam ava han ho ber tak!
"Ka duh chuanglo tui ren nan ka inbual lo mai ang"ka ti chu min pawm kang nawlh a,shower hnuaiah min dinpui in a on nghal zat bawk.
Kei thawmhnaw nen ka la inbel tup bawk nen ka huh ta vek a,ka melh rum nghek laiin thawmhnaw a inbel lo tih ka hrechhuak leh hnuhnawh bawk nen ka mit ka chhing ta tawp.






Ka thawmhnaw hak chu a rawn phelh a,ka lo tang tung tawh biklo.Reingial kan inbual dun tak kha maw.





Ka pasal hi ka duhin alakah rilru ka pe hneh tawh hle tih ka inhre chiang a,chân ka hlauhna anasa tual tual bawk.Min duhve thu asawi tawh a,a chezia in alantir nasa bawk.Mahse tih hi ala awm tlat a! Hei aia inpawh lehzual ka la beisei tlat hi ka hrethiam lo! Hmangaihna chu kan inkara awm turin ka duh.Chu thil nilo engemaw ka hriat siloh hi duhbelh ka la nei tlat a,enge anih ka hre derlo thung!





Inrinni anih vangin kan nupa in kan bazar a,chawhmeh tharlam atam bawk nen kan inlei hnem ngang mai.Motor a kal kual kan ni bawk nen kan mamawh kan lei zawh pawhin ala hma viau a,dar sarih pawh ala rilo maithei.MC kawtah thingpui leh chhang in kan inhnawhpuar a,nuam ka tih zia chu zingkar bazar hi a zawngchhang tlak viau dawnin ka hria.






"Kimkim" min kohna lam ka hawi chuan Hmingmawia kan bul lawkah alo awm reng!





"Kha i tlân ani maw?" A inthuamdan en in ka ti ve zat a,"anih hi,ka rawn biakna che kha min chhang miahlo a" a tih chuan ka then nak.Whatsapl ah hian group ah bak ka lut mang lo a,pvt message hi ka chhang ngailo tluk ani,Nunthari nen kan inhauh tamna lawh ani chiah a,mi han biak vel hi ka thatchhiatna lam tak.


"Ka lo hmuh hmaih aniang"ka ti nak ringawt.





"Bawihi" ka pasal lam hawi in ka ang pam mai, Bawihi min ti in ka hria!

"I puar tawh chuan kal ila,rei minlo ti lutuk ang ka nu ten"ati zui zat a, "ah..aw puar tawh e" ka ti bah nak.Min kohdan vang khan ka la hamhaih em ani.





"Vawin chhûn lamah Nunthari te nen chhuak ho ila"Hmingmawia chuan ala rawn ti leh a,Ka pasal ka bulah a awm ve reng laia keimah chauh min bia chu nuam ka ti chiahlo.A ti awm anglo ka ti viau bawk.


"A hman hmel loh"U Obeda chuan a rawn ti ta nghut reng a,a lawm vaklo tih a tawngdan atang chuan a chiang reng mai.






"Anih chuan i hman hun ka lo ngaichang dawn nia" nui sak a tiin a tlansawn zui daih! Hmingmawia khawsa zia chu keipawhin mak ka ti viau mai.
Ka pasal lam kan hawi chuan Hmingmawia tlân na lam chu alo melh ngawt ngawt a,a bek pawng tawlh tawlh atang chuan athinrim ani tih hai rual ani lo.





Kan haw kawngah chuan biak hlauhawm khawpin a ngawi ta chawrh chawr reng a,kan zingkar nuam lutuk mipakhat vangin achhe ta chu ania! Hmingmawia tak pawh chu ka haw hlur ta mai.

"U Obed"





"Sawi la" a rawn ti hmuk.





"Thinrim lo la"ka ti sap a,mipa mize dam lutuk ania hetianga a awm hi chuan hrehawm ka tiin ka tawt up up zel.
"I lakah ka thinrim lo" a ti leh hmuk a, "i thinrimna ka bulah i ti lang thung alawm" ka lo ti dam thluam thung.




Leitan thlen hma deuhin kawngsirah chuan motor a din tir a,glass down in a thaw chhuak ta ham ham.





"Ka tihpalh ani" a ti ta sup.





"Apawilo" kalo ti ve thuai bawk.





"Khapa kha hnaih tam lo la ka duh hle mai Bawihi" 'Bawihi a tih bak ka bengah alut derlo!
"Ka awmve lai renga min haidera abia che khan mi tha anilo tih ati chiang reng mai.I hnaih atan mi thalo chu ka duh miahlo bawk" a ti leh dap dap a,han thinrim ve thin bawk mahse reilo te ah dam thlupin a tawng leh nghal thei mai zel tho.A fakawm ve na pakhat ka ti mai.




"Ka sawi chu i hria tiraw Bawihi?" Kha! 'Bawihi' tiin min ko leh tawh!!




"Min ngaihsak lo" a tih nghut chuan "eng..engmaw?" Ka lo ti hâ, ner nang hian min melh a,"enge ilo ngaihtuah?" Atih ruala "nangmah" ka lo tih ran em vang chuan lungawi hmel zet hian min melh ta reng.

"Ka lamah i awn ve hle tawh ani tiraw?"nui suk a a tih chuan ka rilru in 'ka tlu sawp nuai tawh zawk' alo ti a,ka sawichhuak em lo.
"Ka hrethiam e" ka biang tai tek a hmuh vang nge lungawi hmel zetin min melh veng vengin ka lamah a rawn awn hnai a,ka chalah chuan ahmui a rawn nawr ta vang vang.





In kan thlen leh chuan nula ho in rawng an lo bawl sap sap hlawm a,kan ri ve luih luih ta mai.

Chhun lamah ka nu pangpar khawi ho ka chingfel pui a,nula ho zawng an lengchhuak thung a,ka pasal erawh lehkhabu chhiarin room lamah a inkhung thung.





Kawt hi azau tha hle a,tomato leh pudina ka nu hian aching teuh,tomato tak hi alei hian azirlo nge han rah ve bawk mahse a rawn eng tan dek dek a a tla daih zel a! Ka nu pawh abeidawng ve tawh viau aniang thlai dang chîn tur angaihtuah thu a sawi asawi mai.
Pangpar lam aiin thlairah chi lam hi enkawl nuam ka ti zawk a,tunah pawh ka rilru ah chuan fur behlawi chîn te ania ka ngaihtuah daih ni.Ka ni erawhin ahnawksak lo deuh tur a angaih bean lam chin a duh thu asawi thung.Behlawi hi chu a zâm kual nasa ve thei bawk em a,hnawk pawh ahnawk hma deuh maithei ani.





Chawlhni alo nih chuan inkhawm turin kan insiam sap sap hlawm a,nikum lama Nunthari min thui sak kawr pawl dal thianghlim zet mai chu ka inbel a,inhmeh ka inti thei viau he kawr kher kher hi chu.He kawr ka hak vanga ka thiannu pan tu hi mi pahnih ngawt hriat ka nei.
Pheikhawk sang tha ve pangai tak dum chu bun in puan dum atlanga ka kawr rawng ang chiaha pangpar thui chawp chu ka bih a,hei pawh Nunthari tih bawk ani.Thian puanthui thiam leh kut them thiam lutuk neih chu ka nihlawh pui ngei mai.





Motor in biakin lam kan pan a,ka pasal motor ah kei leh ka nu leh pa kan chuang a,Judy in scooty kengin Judithi leh U Jeneti scooty tho in an inphur bawk.

Dar hmasa rik atanga minute nga pawh ala tlinglo tih ah biakin kan thleng a,kan kal hma vet vet khawp mai kal pawh an la awm manglo zawk.





Inkhawm ban lamah ka nu leh pa te chu Nu Temple-i te inlamah kan dah kawi a,keini pawh reilo te chu kan thu ve.Chawhnu inkhawm dar rik hma in kan let leh san ta thung.
U Joshua pawh in atuar thiam ve tawh lutuk a,a tirah khan a tawngchhuah miahloh vangin kan ngaihtuah viau a,mahse tunah chuan biak hmasak pawh ngai lo in minlo be ve leh tawh.Ka û in a lenchilh reng a,an in lamah a hruai thla zeuh zeuh bawk ani awm e.U Sawma alo awm chu ka lawm khawp.U Joshua hi ka û ang ni mahse thian anga en na chin ka nei a,chuvanga ngaihtuah em em pawh ka ni.





In kan thlen chuan noodles an lo chhum nge ni a rim anam rum rum a,choka lamah nui thawm a ring tha ngang bawk.
Noodles rim chuan ka chil a ti rial ta riau a!ka luak a chhuak ta ut ut bawk.




Room lama kan chhohsan vang erawh a rim ka hre zui lo bawk nen ka zia chho leh mai.





In eipuar turin kan inzui thla ve leh a,choka kan lut leh chiah chu ka pum let butin bathroom lamah ka tlan thuai a,kawngkhar kal sawk sawk in ka luak ta nghek.

"Bawihi, lo hawng teh i tha em?"U Obeda chuan kawngkhar a rawn chum nghal dawt dawt a, ka chau lutuk chu bathroom chhuat ah ka thu thla hnawk thung.Ka lu te chu ahai muai muai a!






"I tha em?"kawngkhar chu ala rawn beng dawt dawt tho.




"Lawk..reilote"ti hapin ka kam chu ka thuah zui mawlh mawlh.Chhuah a noodles rim va hriat leh te chu ka huphurh hlur a,bathroom a tawm reng te chu pawi ka tilo hial zawk.





"Kawngkhar hi ka ti chhe dawn ania" a rawn tih chuan hawn loh theih ni tawh heklo,akalhna ka phelh ta rak.





Noodles rim chu ala nat em vangin ka hnar ka hup zui chawt chawt a,U Obeda chu amangan hmel kher mai.





"An thil ei rim saw i hua em ni?"a ti sup a, ka buk nghauh nghauh takah chuan "Judith,inthil ei kha dah bo hrih teh u" a ti ta hluk.
"Angailo,room lamah ka han chho zawk ang"ka hnar hupna dahthla in ka lo ti thuai a,mahse ka uak leh that tho.




"I rai anilo maw le?" Judithi chuan a rawn ti ralh,ka rai chu keipawhin ka inring deuh tho mai.Thi neih dawn vangin tiangin ka la awm ngai tlat lo.






"I rai em?"U Obeda chuan a ti ve khauh a, "ka hrelo" ka lo ti sap thung.




"Test kit ka han lei ang"Judy chuan phur zetin a ti a,"Damdawi dawr inhawng a awm lo ang"U Jeneti'n alo ti ve thung.
"Aw..Hospital damdawi zawrhna a awm alawm ka han lei ang" a phur mai sia dan hman pawh anilo.





"Na i nei em? Room ah chho phawt ang aw"dam thlup hian a ti zui a,ka hnial lo khawp mai ka lu te hi ala hai muai muai.




Khumah ka mu hnawk a,Judy rawn let leh hnu ah pawh ka tho kâng lawk peihlo.U Obeda mangang chuan damdawi in pan mai a rawt deuh sek a,ka zun test tur chuan ka tho kang ta nge nge.
Ka intest zo chu phur ru takin bathroom atang ka chhuak a,enge ka sawi dawn tih ngaichangin minlo melh thup.





"Ka rai niin alang" ka ti chiah chu Judy leh Judithi a rak nghal tung a,U Obeda erawh ka lam rawn panin ka chal ah ahmui a rawn nawr vang vanga,a kut phah hlai hlup chuan ka pum a dawm nghal vang vang bawk.
"Ka fa chuan apa tih mangan dan a rawn thiam hmasa ber anih hi" ti a aphun sup chuan ka nui hak.A va sawi awm ang thiam tak.





"I rai lawk lo maw?"U Jeneti chuan a rawn ti teh nawlh a! "Rai lawk lo e" ka lo ti nangin a zawhna min zawh tehdaih chu mak ka ti viau.





"Ka zawt mai mai che,in inneihna ala rei silo a,hormones chak that rual i pel ve tawh tho sia.I hre tho anga kum 18 atanga 25 hi hmeichhe hormones chak that lai ber ania,rai pawh an awlsam a" a ti zui duah a,midang in a thusawi chu anla hriat ngailoh vang nge anlo buk pui nghauh nghauh laiin a sawi duh dan chu ka duh der lo thung.

"Ka la fit tha tihna anih hi"ka pasal in nui ruh ruh a a rawn tih erawh chuan Judithi leh Judy an nui uarh uarh a,an û chu an chhaih zawm mawlh mawlh.U Jeneti chuan ka rai chu min lawmpui lo bik tlata hriatna ka nei a,ka rilru put dan dikloh vang te pawh ani mahna.






Keima nu leh pa te an rawn lengchho a,ka pa rawn tlawh tum an ni.Khawharina an len thu an hriat chuan koh tul ti lo in an lo nghak a,ka pasala nu leh pa te pawh an rawn let har hranlo.






Judy phur lutuk chuan ka rai thu a rawn sawi chhuak phut a,keimah ngeiin a sawi ka duh viau na in a pai tu ai maha phûra lang Judy'n a sawi bawk nem huat phal chi anilo hrim hrim
Ka nu(ka pasal nu) zawk lawm lutuk chu a mittui a tla hial a! Kum lamah an nau zawk zawk tawh lo a,tu hmel hmuh an lo chak ve tawh ngang ni tur ani.


"Keizawng Matei ka ngaihtuah reuh emai"ka nu zawkin a rawn ti chhuak hluai a,alamah kan mit a fu thup ani ber.





"A..inlo ngai kawi ange,keini ai mahin in enkawl tha thei dawn tih ka chiang a"tiin a thusawi chuan ka pasala nu leh pa te rilru tihnat tuma sawi anihloh zia a rawn sawi nghal mawlh mawlh a, chutan "ka sawi chhan chu min chhun in kei ang chiah khan naupai ahuat ve ka hlau em ani" a ti ta chiah a.Ka nu hian a sawi fo tawh a,kan unau zawng zawng hi tu mai pawh min pai lai in ala na em em vek tih.Zira apai lai pawh khan tum li ngawt chu damdawiin ah kan luhpui nghe nghe.


"Min chhun chuan a la na ve viau ngei anga,tetlai atanga hrisel tha damlo ngai manglo ani bawk nen kei ai mah a alak nat ania ka hlauh ni"ati leh zung zung.





"Akhaih,Pathian zarah ala na em em bik nang.Nangpawhin naupai haw em em chungin fa pali ngawt i hrin chhuah hi mawle"ka pan alo ti ve charh charh.





"Ni e,kan theihtawpin kan duat anga,doctor te pan tha se tluang deuhin Pathian zarah anei ve mai ang"ka nu pawhin alo ti dam ve thlup a.
"Pathianin nau aken tir a,a enkawl zui em em ang hlauthawng lutuk lo ila"ka pa pawhin alo ti ve chiah bawk a.Keima nu ber pawh chu a thawveng ve ta huai in ka hria.






Ka rai lawmna ni pah fawmin ka nu leh pa te chu zanriah ei turin an chelh lui ta tlat a,an hnial hran bik chuanglo.

Buaithlak ber chu ka pasal in rawngbawl a chet a phal ve ta tlat lo a! Kan nu leh pa te kiangah ka kut chelh hlunin min thutbeh pui ta tlat! Ka nu thusawi khan a ti hlauthawng ve deuh tih a hriat a,ahmel hmuh ahahdamthlak fahran loh.





Judithi te unau ho in rawng chu an bawl ta tawp a,Judy chuan uang zet hian an chawhmeh siam tur te chu ka bulah rawn keng phei in "hnim kual dan dan rawh,i rim huat zawng siam ka duh miahlo ania.Ka vah tur hian alo pian hunah min ngei reu reu palh ang" a rawn ti a,keima nu leh pa tak phei chuan an nuihpui nasa viau mai.Judy hi chu alawmawm ve thet thet em ani.






Zanriah kan kil lai te chuan apuitling zawka kan ngaih Judithi pawh abang theilo! Anau nen chuan naute lo pian hnu a ahming sa tu zawk nih an inchuh a,anau zawk chu a fiam ti tau ta der bawk.Zanin zet zawk kan reh rei thei meuhlo.






Ka nu leh pate inkhawm an la duh vangin an haw hma a,an haw hnu lawkah ka û te ho call ka dawng zawm zat zat bawk.Ka pa kha aphur hmel vak lo emaw tih laiin ka û te leh kan chhungte ho alo hrilh kual chiam nitur ani lawmpuina thu ka dawng reng mai!


Kan mutchhoh dawn chuan ka nu in "zing thawh hma ve te kha ilo tum ange,Obed zingah i mutrei pui thin dawn nia.Naupai lai chuan mut tam te hi an ngaih ania.Naktuk lamah in entir nghal bawk ula atha ang, ka hruai dawn che nia" a ti mawlh mawlh a,U Obeda'n "keiman ka hruai ang" alo ti thung.






"Hna ah kal i ngaih kha"ka nu chu alo ti zat a,a fiam deuhin ka hria!





"Hna lam chuan min nghak thei"pakhat lahin thutak zet hian a ti ta nghut.Ka nu leh pa nui ruh ruh chu ka hmu ve reng sia,ka pasal lah hian ahrethiam der lo.




Kan han mu te chu ka mut achhuah teh reng nen ka pasalin akhat tawk in "na ineih chuan sawi rawh aw" "mamawh ineih chuan min kaitho ang che" "i luak ala chhuak em?".akhat tawkin a ti chhen a,minti muhil thei derlo.






Ka nu thusawi te kha an zawm tha khawp a! Zinglam ah pawh ka thawh lawk phal lo in min kuah bet ta reng a! Ka zunchhuak lutuk ka tho te chu bathroom kawngkhar bulah minlo nghak ve ta reng a,hauh en ah pawh ka en lo.





Hna lam atang call a dawn vangin inhnuai lamah ka chhuksan ta thung a,choka ka luh chuan U Jeneti chauh alo awm tawh.

"Kimkim,ka nu leh pa te'n tawngkam tha an fah vang che in hetiang hian awm ngawt suh.Mo ini a,i nihna ah chiang rawh.Tiang reng anih chuan an mil lo thuai mai ang che"minlo ti zek a! Ka melh pam ringawt.





"Enge maw i sawi le U Jenet?" Ka ti halh.





"Ka sawi chu ka nu leh pate hi an fel leh lutuk a,nimin lamah lah inu in naupai i huat a rin thu inthlahrung map lo in a sawi a! Ka nu leh pa te ang tan chuan an ngaihtuah phah lutuk dawn che.Engmah itih te pawh an phallo ang,an sawi ang angin awm kher suh ka tihna anih chu.Tawngkam tha um duan duan kher angailo,mo ini a mo angin che rawh.Fanu ang maia i chet chuan an millo thuai mai ang che tu pawh hian" a ti fiah fak a, chutianga min tawngkhum duh te chu mak ka ti lutuk a chhan let na chang pawh ka hrelo hial!





"U Obed,chaw ei ka lo siam nghal ang cheu aw"min melh kan in ngainatawm zeta nui sen sen chungin ati leh daih a! U Jeneti hian min mil vaklo ah ka ngai nghet hmiah tawh.





"Apawi lo ang,Bawihi chawhnu lamah meeting ka tel ngei ngei angaihna a awm anih hmel.In entir zawh ah ka kal angai ang"kei min melhin U Obeda chuan a ti ta thung.
"Anih te chuan ilo kal ve kher angai hleinem,hna lamah kal ..." Ka tih laiin "kalo kal ve angai alawm,anu ni mah la apa ka nih ve tho hi"nui sukin alo ti a,ka hnial duh ta lo.






Chaw ei chu U Jeneti'n a siam zung zung a,nuamlo ti zeta puih ve ka tum lahin la pasalin abulah min thuttir hmak a ka kut a chelh leh tlat tawh.Ka chet aphalloh apiangin ka kut tiang hian achelh tlat zel dawn tihna nge mawni?







Inentir turin kan chhuak a,Durtlang Hospital ah inentir in kan lut harlo.Kan doctor pan chuan naupai laia eitur tha damdawi chu min lo chawh teuh a,ka luhai vel ka sawi chuan ka hb min check tir zui a.Rin ang tak takin alo hniam tak tak bawk nen Hb up thei tur damdawi leh eitur tha tinreng min hrilh ta nghal zung zung.





U Obeda'n ka damdawi tur vel a lam chhungin thutna tura an sak inte ah kalo nghak a,Biaktei ka hmuh nawlh chuan eng ka hria nge mawni ka ko deuh vak.






"Ehe! Enge i tih ve a?"nelawm vak lo hian a ti hmak a,huat enah pawh ka en thei tawhlo ka lai at tlat tawh.






"Ka inentir anih hi,nangzawk?"ka tih chuan a thiannu damlo akan thu in min chhang ve mai.






"I damlo ami?"a ti ve khauh a, ka rai thu ka sawi ve mai bawk.






"Hmmm,in chhe emai a" a tih chuan ka nuih deuh tawp ringawt.
"Naute hmel chhe deuh deuh lo nei teuh rawh u,nakin ah pasal ka neih peih takloh leh minla pe then anga"ner nang nang hian a ti reuh a,han belhchian chuan ka lo thik kual vel te kha awmlo ka ti ta ngawih ngawih.Judy nen an rileu puthmang ala in ang reng ang.




"Haw na tur inei em? I u Obeda achhuak dawn a i duh chuan kan rualin lo chhuk la,i inphurhthlak tir anga" ka ti zui a, "ka peihlo inah min thlah leh tum anga,ka la leng kual duh zawk.E nau ipai man ah alawmnan pawisa min pe la" a ti ta daih a!
"Engzah nge i duh?" Ka ti ve mai bawk.






"Sawmnga pawh apawilo,pawisa kalo in ak chhuak tlem lutuk a ka thiannu kan nan ka ah ang ang ka hmang vek.Nakin ah ka la rawn rul leh ang che" a ti zui mawlh mawlh.





Zanga tlang ka pek chuan ala duh mai lo a,"i puk ani mai,hlawh ineih hunah minla rul dawn nia" ka tih hnu ah erawh 'pûk' hming pu chuan ala ve ta chauh.Naupang ngaihsam deuh hi a ang ber.Pawisa hman tur min dil ngam mai te chu ka lawm ru phian zawk.











#awi angainawm loh ngawt ang!!! Ka ngaihtuah thei nganglo ani.Inlo chhiar liam leh phawt mai dawn nia aw.
Show post links
Top

[Ngaia]

CH-9




Naupai chu ka nu sawi ang tak takin ka haw em em a,thlahthumna ani tawh luak chhuak leh lu na,taksa na ka nei awl lo.Ka dul chu thlathum lek mah nise dul thep chi kalo ni nen alang ve ek ek tawh a,U Obeda hian muthmunah te a chul achul leh thin.Alo pianchhuah hunah chuan a duat hlum lo chauhin ka ring ani.



Ka dinhmun in a zir miau silo a,ka hna lamah aikal ka la ve ta ngawt a.Bân deuh tawp ka tum zawk kha ania,kan principal in minlo ui ngang ni tur ani ka theih veleh a zawm leh turin min ti a,ka aikal tur pawh an chhungte nula senior ve lam tawh mah aman alo be fel nghal vek bawk.

Naupang ho mawlh chu ka khawngaih a,internal exam hnaih tawh lai berkherin ka theihloh san a,zirtirtu thar an nei bawk si.Alo strict viau phei chuan an hriatthiamloh te anlo zawt ngam lo anga an tihchhiat phah duai ka lo hlau rilru viau a.Mahse an result a chhuah hnu ah erawh ka aikal nu pawh chuan alo zirtir thiam viau nge ni beisei phak bakin an rawn ti tha hlawm a,hnufual hrual ngai pawh an awm tho bawk.







Ka chhungte an felin min ngaihsak em em a,abikin ka pasal phei chuan min duat zual a.Ka eisen loh tur khawpa tam thei leh chaw tha rawn hawn chang lah angah.Kei lah ei thei chi ka lo nilo bawk nen a chhiat mai ai chuan tiin midang ka ei tir ve zel a,Judy phei chuan "i nau pai hi nang aiin kan ngaih zawk anih hi" a ti fiamthu leh hluai thin.


U Jeneti pawh kan bulah ala awm ve reng a,Mizoram ah awma inbengbel ve tan aduh niin ka hria.
An sawi danin tette atanga vai rama seilian ani a,amah chauh nilo an chhungkua in Mizoram lam an ngai thin viau ani awm e.Apa hi Delhi Hospital pakhat ah doctor hna thawkin a awm a,chuvanga vai rama seilian ta leh inbengbel ta an ni.Mahni ram ngeiah in leh lo neih an tum thu ka pa te ka atang ka hria a,inhmun chu Durtlang ah tho hian lei tawhin an sak thuai ka ring.U Jeneti hi unau zinga upa ber leh an rin ber anih vangin Mizoram lamah an rawn let tir hmasa a,tunah hian MC ah dawr siam tumin a inpuahchah mek.Bungrua dah luh vel chiah angai tawhin ka hria.Kan inbe tam lutuk lo a,a chanchin pawh hi midang ka atang zel ani ka hriat ni.






Judithi pawh ala awm a,a zirlai zo tawhin zir zawm leh tum mahse tunkum chu a awl hrih phawt dawn anih hmel.






Ka nu leh pa te zinglamah damlo kanin an chhuak a,chaw ei turin anlo chelh luih tlat nge ni an eichhuah tur thu an rawn sawi.

Tukthuan kan han kil chu chawhmeh rim pakhat vangin ka uak that a,ka chhungte mit chu ka chungah a fu nghal thup ani ber.





"He rim hi a ti theilo tih inhria,ngahnge inlo la siam luih leh le?"U Obeda chuan a ti ta khawlh mai! Ka chhing sawk a,ka inthlahrung lutuk ringawt.

"Abuaithlak emai,mahni eichak zawng pawh kan ei theih loh phah ringawt tihna ania.U Matei vanga kanlo inhrek vek kha enge angaih na?"Judithi chuan a rawn ti ta phiar phiar a! A thinrim chu awm ka tihpui lutuk mahse chutianga a tawngchhuak duh mai zawk chu amizia enin amak ka ti!






"Judith,Baibing hi in ngaina ngai hauhlo"U Obeda chuan a ti chang run a,he chhungkua ah hian ka nu chiahin a ei thin tih rawngbawltu ka ni a ka hria,Judithi te hian ei enah pawh an en ngailo hrim hrim bawk.
"Kan eiduh zawng te chu a inthlak ve bawk ang che,i nupui i tan hlur ringawt a ninawm"a fian dah thla ri bawl chung chuan a tho a,choka atang achhuak nghal hmak.





"Kimkimi pawh nau i ken vang maiin i chhungte dang hrem tel ve kher i tum a,a nilo ve bawk alawm"U Jeneti'n a rawn ti dam thluam a,a thusawi chu huat theih nisi lo hian ka ngei em em tho.
Tawngkam dam thluam hian thil asawi a,a hmel lah ape dam thluam zel bawk a,midang tan hian huatna tur hi a awm dawn thlawtlo,mahse ka mil thei derlo thung.



"Kan lasawn ange,nimin kan bazar haw kha Judithi khan baibing a ei chak tlat a,a period dawn vang aniang.U Obed,hmeichhiate hian nau pai vang kher nilo in period dawn vang te hian ei leh in lamah châk kan nei a,kan zia pawh a danglam ve thin bawk.Kimkim nangpawhin hriatthiam i tum aniang chu"a rawn ti leh a,ka lo aw ve tawp.A thusawi chu midang tan huat tur a awm miah lo ang,ka sual aniang tinge maw ka ngaihkawih tlat zel ni?
Min ngaitheilo riaua hriatna ka nei thin a,ka nau pai tirh te khan min lawmpui lo riau te in ka hre thin bawk kha ania.Naute thawmhnaw te chu a rawn lei haw leh ang nawlh nawlh zel lawi a! Mahse ka la mil thei tak tak chuanglo.






"U Obed, i ti ve mah mah anih kha.Keichu ngaihtuah ka ngailo Judithi kha va thlem zawk rawh"ka ti sap a,a chaw bar lai abar zawm mial mial thung.
A tawng tawhlo a,a che zia erawhin min ngaihsakna ala tilang reng tho.Chawhmeh ka eitheih tur zawng deuha ahriat te chu ka thlengah a rawn suak zel a,Judithi titau tumahin kan thlem ta lo chu ka awm anuam lo viau a U Obeda ber ka tilui ngam silo.Tukin kan boruak chu a tang tha viau mai.






"Judithi chu" room lama kan chhoh hnu ah ka ti leh a,anuam hi ka ti mawlh lo alawm.






"A lungawi ve leh mai ang,puitling ani tawh a khatiang vang mai mai a thinrim rual ani tawh lo" a ti deuh charh a,"ka tan pawh anuamlo a,mi a duat ve ropui si.Diktal chuan ka inthlahrung ve lutuk" ka ti chuai raih.


"Engvangin"a paper lek kân dahthla in min melh nghal ngar.





"Ka tibuai em cheu a,tinge maw ti em em a naupai hi ka huat mai le?"ka ti ta sap.Thenkhat chuan an awihlo hial maithei.Ka naupai hian ka taksa anghawng lutuk a,tunhma in damlohna leh taksa lama harsatna ka tawk ngai miah silo.Ka HB te chu asu zuk zuk ka ti dawn nge alo hniam leh duai thin a,doctor pawh kan râwn ngun malh malh tawh hle.



"Khatiang khan ngaihtuah suh,i pasal ka ni a ka chhungte chu i chhungte an ni bawk.Ka mawhphurhna ini tawh a,keimah ah innghat tawp rawh.Chhungte lakah an inthlahrung ngai em ni?"a ti dam thlup a, ka thaw chhuak deuh hliai ringawt.
Mo ve si ah chuan ka hahdam in buaipui ka ngai ber awm e.Hun liam tawh ah kir leh thei ngat ilang an mo atan min iai viau ang tih tur khawpin ka chhungte hi ka tibuai.





"Naute hi athang chak riau in ka hria"ka pum puat ve ak tawh chul pah chuan a ti sap a,"ka dul athep sa em vangin a lang hma anih hi.Mi thenkhat chu thla thum thla nga na thleng te an inthup thei thin ania"ka ti ve luam tho.

"Umm,ka hmu chak tawh takzet"a tih chuan ka nui hak a,keipawhin lo chhuak vat vat tawh se ka ti.





"U Obed,tunah hian enge min hmuh dan chiah?" Ka ngaihtuahna a rawn lut zawk vang chuan ka ti chhuak hliai.





"Ka nupui naupai angain"nui ruh ruh chuan a ti a,kalo melhrum kher mai.





"Chutiang lo in,kan inneih tirha imi hmuhdan leh tuna imi hmuhdan ka hre duh alawm"ka ti leh fak a,"engatan nge hria pawh ni la i hman chuan ang ni?"alo ti ve leh kauh.Ka zawhna hi zawhna bawka min chhanlet aching leh khut thin.

"Nau pailai ka nih hi,ka rilru nawm na tur te ka ngaihtuah ve a" ka ti ta daih a,ka naupai hi amah kar nan hman duhlo viau mah ilang tuna min hmuhdan hi ka hre duh tlat ani.





"Kan inneih tirh kha chuan hmeichhe zahawm tak,lu zo veh vawh leh i nihna a chiang tak angin ka hmu che a,ka nupui ini thei kha vannei ka inti viau.Ka belchiang che a,chu chuan a aia chiang lehzuala belhchian chakna che min neih tir deuh deuh thin bawk."a ti ve ta duah a, "umm anih tunah"ka ti leh thuai.

Nui sukin "ka duh tawh hle che ani tih hi hre tawp rawh"a ti tawp a,ka va duhkhawp lo em.Mahse min duh ve hle tawh tih tal ka hria alawm.Ka zawh thut chhan pawh ka pasal lakah hian ka tlu lut tawh lutuk a,ka duhna hi duhna satliah chauh ani tawhlo hialin ka hre tawh zawk! Ka la chiang rih chiahlo mai chauh ani.






Judithi nen chuan kan inkar ahla tial tial ka ti mai! Midang chuan an hrethiam ve kher lo ang.Ni danga min be siam siam thin kha tunah chuan midang an awmloh hlekin min kal pel hmiah hmiah a,a û pawh ala be tha duh viau chuanglo.Ka chungah U Jeneti chu atha deuh deuh thung a! Naute ahmuh chak tawh thu sawiin thawmhnaw leh toys rawn lei haw leh zeuh te hi a chîng thar a,ka chhungte dang leh ka pasal ngei pawhin an lawm viau laiin ka la ngaina thei chuang tlat lo! 'ka diklo ani mai lo maw le?' ti a inzawh chang pawh ka ngah thin alawm.Mahse ka duhthu a amah ka hmuhmawh viau na hi reh ngawt thei ani tlat silo.







Tlaikhat chu nula ho an chhuah vek vangin rawng ka bawl ve mial mial a,ka nu leh pa te pawh damlo tlawhin an chhuak leh tawh.An fakawm hi ka ti,an pang a dam hi chuan an zawk te hi kanin an chhuak peih reng a,ka pa damlo ve kha chu kan tu arual pawl ngaihtuah in a neilo viau thung!

"Bawihi!"ka phut zuk avang chuan "sorry"a ti nghal sup.






"Ilo haw tawh a" tiin a thil rawn khai haw ho chu la melh daih thung.
Polythene lian khat hnur hian eitur a rawn hawn leh ruih tawh!
Ka pasal chu enin ka thaw hak a "ahma mi pawh ka la ngah asin" ka ti deuh hap.





"Ngati nge rawng ilo bawl?" A ti hlauh thung a! Kan ngaihtuah zawng chu in anglo viau.




"Nula ho an rawn haw hma thei dawnlo a"ka tih chuan ngawi vang vang in ahnu ah "awmpui hi kan la mai dawn em ni?"a rawn ti dam ta thlup.






"Angai reng reng lo,keipawh ka zia chho tawh lutuk.A hma ang em em in ka che theilo tawhlo a,ka hna ka chawlhsan hrih nen kan indaih lutuk ringawt"ka ti nghal chiam chu nui sukin "ka ngaihtuah deuh che mawle" a ti a,ka la hnial fan.
"Umm kan ngaihtuah tha leh zawk dawn nia" ti supin a kamiz ban chu athlep chho mawlh mawlh.



"Han intifai rawh" ka tihna chu hrelo der hmakin apron a awrh a,ka rawngbawl nana ka hman berh ho sil hmun a ka dah chu ava sil ta mai!





"U Obed,i ti anglo emai han intifai zawk rawh kha te chu ka tan tih aharsa lo"ti mawlh mawlh chingin sil hmun atang chuan nemsawn ka tum a,a che eihlo.Nawhfe te chu anuai phuan ang suah suah zawk.
"Midang an lo haw phei chuan nuam ka ti dawnlo"ka ti leh chiam a,nui dawtin "ka nupui ka pui ve animai a,amawilohna a awmlo" a lo ti mai a,ava ngaihtuah tawi tak em aw.






Kan inlam ah kha chuan ka nu leh pa te khan ka ûte kha an chet tir ve bawrh bawrh thin a,"hmeichhe tih tur bik a awm hrang lo a,chhungkua hian engkim ti ho in kan hlim leh nui tlang ila,kan lungngaih leh tap tlang ila chhungkaw nuam kan din animai" an ti thin a,ka ûten college an rah hnu thleng pawh khan thleng kanla insil chhawk thin.Mahse mi chhungkua leh Mizo nihna hrim hrim ah pawh choka a mipa lo chet ve chhen chu amawi lohna chin a awm a,hmeichhia kan hmingchhe ngawih ngawih tih ka hre ve tho.




Tihluih theih ni heklo,a sil zawm ta mawlh mawlh a.Ka hlauh ang ngeiin Judithi leh U Jeneti rawn haw in an û thleng lo sil mawlh mawlh chu an rawn hmu ta chiah reng a,an nui lo chiang asin.





"Uii,tinge tiangte ilo tih? Khawi keimahnin kanlo ti ang"U Jeneti chuan ka pasal thil sil lai chu laksak tumin a rawn ti nghal mawlh mawlh.A tihdan ngai bawkin "ka nupui kalo pui ve anih hi,va inthlak zawk rawh u"tiin alo chhang leh hmiah.
Judithi mawlh chu ani,min melhno lo viau mai.U Obeda min pui luih tlat te chu ka thinrim pui hlur lo chauh.He chhungkua ah kher kher hi chuan ahlu vet vet em a,anaute lahin an û hi an zahin a thu pawh awih.Ti hi chuan pasal te pawh tir pawp pawp ngam tiin min ngai ngei awm sia,hrehawm ka van ti tak.







Ka nu leh pa te chu Judy nen an rawn thleng rual a,zanriah kan kil lai te chuan Judy chu atawng leh malh malh tawh a,tunlai tak chu ani hi awmlo se hrehawm ka ti ru thei viau in ka ring.





"Pa,U Jeneti dawr hawngtur hi ka buaipui ve hrih angai sia.Awmpuo te hi kan la mai dawn em ni? Vawin tlai pawh ka û in thleng alo sil mawlh mawlh mai a"chaw ei lai chuan Judithi'n lungawi hmel chiahlo hian a rawn ti hlak a,ka lo ip chawih mai.

"Judith,i û Matei ka lo pui ve mai anih kha"tiin a û in alo chhang thuai.





"Kan awmloh hleka khatiang anih zel dawn te chuan i tan pawh abuaithlak alawm.Hna lamah i kal a,i buai in i chau ve tho a inchhung sekrek khawih te chu i tih ve tur ah pawh kan dah ngailo a"a ti leh hmarh hmarh a.

"Kan la ngaihtuah dawn nia"Ka pasal in chhân alo tum leh lai tak chuan ka pa'n a rawn ti ta nghut a,an ngawi zui ve mai bawk.





Hrehawm lah chu ka ti tual tual a,thleng han seng ve ka tum te chuan U jeneti leh Judithi anlo che thuai thuai a.
"I rai tih kan hria lo va thu mai mai rawh.I lo chet ve sek vanga i damloh vaih chuan keimahni bawkin ania tuar dawn"U Jeneti lah chuan min nek salh hian a ti kher a,ka nau pai rilru no nen ka tah achhuak dawn dawn mai.





Kan room kawngkhar rawn beng dawt dawt tu an awm vang chuan kan harh hlawl a,U Obeda chuan ava hawng thuai.

Tap pur hian Judithi'n "Û,ka pa khu.."alo ti tiau mai!




U obeda chu hmanhmawh zet hian atlan chhuak nghal a,keipawh tho ve vatin ka chhukthla ve nghal zat bawk.
Ka nu leh pa te room kan lut chu anlo awm thup tawh!
Ka pa chu chauh hmel zet hian amu a,ka nu leh midang pawh anlo inhrut hraih hraih hlawm.Thi in alo luak chiam hi alo nia! Engemaw awmzia ningai le?





"Damdawiin lam ah hruai phawt ang"a chiai lo ber ka pasal chuan tiin midangin kanlo pui nghal mawlh mawlh.
In lamah Judy nen kan lo awm a,atap reng chu kalo hnem ve mawlh mawlh.

"Û mate, ka pa hian min thihsan mai angem?" A rawn ti chhuak tiau a,chhân mai dan tur ka hrelo lutuk chu kuahin ka tawngtai rilru mawlh mawlh tawp.Mihring hi chuan kan chin kan hrelo em a,nimin lawka natna nei miahlo a kan ngaih dam tha vur pawh te pawh kha atuk khawvar hmulo te in an liam leh mai thin a,Pathian kuta innghah tawp mai loh hi chu tihtheih kan nei lo viau mai.





Damdawiin lam atang call kan dawng har lo,ka pa chu ICU ah anlo dah lut nghal a.Judy tap nasa sawtin kei a pawh chu ka mangang khawp.

"Bawihi ka thusawi i ngaithla em?"a tih chuan ka lo aw thuai.Judy min kuah chial reng chu ahnungah ka chul hauh hauh bawk.




"Ka nu hi amangang ru riau a,hmunpui lam kan pan tut tut angai ang.Kei leh ka nu in kan kalpui angaih hmel a,kan thawmhnaw kha lo siam mai ta che u" atih chuan ka lo aw leh thuai.Ph pawh chu kan dah zawm mai bawk.

"Judy,hmunpui lam an panpui dawn a thawmhnaw lo siamsak an ngai.Inti chhel la,tawngtai tam ila tiraw? Pathian khian afate tawngtai na chu a chhang thin ania"ka ti dam thlap.




"Ka tihpalh ka insum theilo ani" ti ve sapin ahmai atuai zui mawlh mawlh a, "ka û thawmhnaw lo han siam la,keiin ka nu leh pa te thawmhnaw ka lo siam ve thung ang" a tih chuan "puih i ngai lo ang maw?"ngaihtuah zetin ka ti a, "ka tha alawm" a ti ve leh mai bawk.

Huphurh ru takin ka pasal thawmhnaw chu ka siam a,ka tah te chu achhuak ve ut ut mai.Pa Hruaia anga pa fel leh tha in tiang natna atuar hi ka khawngaih a,ka lo ngaina ve hman tawh takzet bawk nen min liam san mai te pawh chu ka hlau ru et et.Mihring rilru hi chu amak khawp a! Thihna lam anih meuh tawh hi chuan Pathian rinchhan viau mah ilang engkim siamtu ah pawh khian kan rilru kan nghat ngam tak tak tawh thinlo.He leia kan awm ve chhung hi chuan thihna hi chu atawp chiang em a,Pathian pawh khian min dem ka ring bik miahlo bawk.





U Obeda chu a rawn haw thuai a,hospital lam atang airport an pan dawn anih hmel.




"Ka nu tuntum chu amangang riau a,ka kalpui a phut viau bawk si a.Ilo awm thei ang tiraw?"min kalsan chu ahreh ve hmel takzet.Chutih rualin apa vangin a rilru ahah hle tih ahmel ah ahriat theih bawk.

"I kal ngei ngei angai zawk alawm,tun dinhmun ah chuan ka nu in athlamuanpui ber dawn che a,in lam atang kanlo tawngtai pui mawlh mawlh ang che u" ka ti ve luam a,akal tur erawh ka huphurh ru ve takzet tho.




"Tuntum zet zawng mi pahnih a chan ka chak tum ber ani ngei ang" ti hliai in min kuah vawng vawng a,ka chhip ah ahmui anawr tawk bawk.




"Chanchin min lo hrilh ve reng rawh aw" ka tih te chuan ka aw chu alawi ru lek lek a,ka pasal hi ti em em hian kalo thlahlel tih ka inhre lo!

Room ah chuan rei kan awmlo,inhnuai ah a suitcase nen inkhai thla in Judy thawmhnaw lo siamsa te nen chuan kawt lamah kan chhuak a,motor in damdawiin lam apan anga,chuta tang chuan Ambulance in Airport an pan leh ang.

Hmelhriat tha an neih zar an zo a,thlawhna ticket pawh an cut sak nghal zung zung a,ka pa pawh chu harh tho mahse a taksa hahdam tir nana ICU a dah lailawk lawk anlo ni bawk.A doctor an phone a,arang aranga khulama chhukpui turin alo ti ani awm e.





"Û, in thlen veleh minlo call vat rawh aw."Judy'n a tih chuan û Obeda chu abu nghut a,anau chu lo hlauthawng lo turin a chah ve mawlh mawlh.

Kei chu min rawn en leh in min kalsan hreh hmel fe hian min melh tlawk tlawk a,min rawn kuah leh vawng vawngin "ka naute nen hian lo inenkawl tha hle rawh u aw,ka duat phakah in awm dawn silo ka ngaihtuah hle che u tih hria la,i damdawi te kha lo ei theihnghilh suh aw"ati leh mawlh mawlh tawh.






Damdawiin lam panin a chhuak a,kan buai atalangin khua pawh alo var chhunzawm ve mai bawk.
Zing dar riat velah Lengpui airport atanga an thlawhchhuah chiah thu kan dawng a.Chumi nileng deuhthaw chuan chanchin ngaichangin kan awm ta reng.Judy takngial pawh class akal lui thei ta biklo.





Zan dar kaw dawnah an call kan dawng leh ta chauh a,ka pasal hnen atang ani.
"Damdawiin ah kan lut fel tawh a,ngaihtuah awm ani tawhlo e.Mahse ataksa achaklo riau a,han inenkawl fit deuh ilang treatment alak zawm leh ang" tiin ka pa thi a aluak chiam chhan te chu a rawn sawi a,a pumpui pân nasa tawh lutikin thi in aluak phah hi alo ni a,adamdawi ei sâng lutuk bak han puh vak tur doctor te pawhin an hre biklo ani awm e.Cancer treatment la lai ani a,doctor te chuan a hlauhawm loh thu leh chutiang chu an awm ve zeuh zeuh thu an sawi a.Mahse inenkawl that erawh angai viau thung.A taksa an han enkawl te te anga,a treatment chu an lak tir leh ang.





Kan inbiak zawh hnu ah chanchin chu nula ho ka hrilh ve mawlh mawlh hlawm a,Judy chu apa dinhmun hlauhawma a din loh avangin alawm em em a,midang pawh kan ni tho ang.Mahse Judithi ber chuan "keini pawh kan awm reng a nang kher a rawn hrilh che" a ti leh pek a,inthlahrung deuhin ka thu reng ringawt.



"Ka pa athat chuan kan chau tlâng ang,mu tawh mai ang u"U Jeneti chuan a rawn ti ta hlauh a,alaka ka lawm tum ber aniang.






Kan khum zau zetah chuan mahni te in ka mu bam a,ka thawl lutuk te chuan ka pasal min ngaih zual tir ngawih ngawih.Engtik atang khan nge maw heti tak maia ka lo thlakhlelh tak em em ni?

Ka tihbuai ka hlauh vang leh achau dawn lutuk tih ka hriat vangin ka call ngam lo a,mahse a aw hriat chu ka châk lutuk ringawt.





Nizan lam mu manglo e tilo chuan ka muhil thei reng reng lo a,dar sawmpahnih ylang ah pawh chuan ka la meng kar.

Zinglam dar engzah chiah nge ka hrelo,ka thawh chuan alo tlai tawh viau a.Hmanhmawh zeta intifai in inhnuai lamah ka chhuk a,alo reh thiap mai.




Thawh an hai ve hlawm tho anih ringin rawng ka bawl zui mawlh mawlh a.Ka peih fel hnu a kaihthawh ka han tum chuan tumah reng chu an lo mu awkawng lo! An khum pawh alo inthlep fel than tawh hlawm.
Judy ka biak ngam ve ber ka call chuan class akal tawh thu minlo hrilh var a,a û in min kaitho lo turin alo ti ani awm e.Kan inbiakna kan tihtawp hnu ah mahni te chuan ka ei ta tawp a,chaw ei a tui lo duh khawp mai.





Ka pasal te chu an buai deuh anih ringin call hmasa lo chuan min rawn biak hun ja chang deuh tawp a.Ka theih ang anga in leh avel te tifai in insuk tur awm ang ang chu ka su bawk.
Ka nau pai vangin minlo awm awl tir rei tawh bawk nem chutia kan che vel chu ka kawng ana ta ngut ngut a,damdawi han ei nan em chuan a ho ka ti deuh bawk si ka mu zal ta ringawt.


Ka phone ri in min ti harh zawk a, min rawn call tu ka hmuh rual chuan arang arang in "hello" ka ti nhhal thuai.




"Enge i an?" A rawn ti hmasa ber a,ka that thu in kalo chhâng mai.Test neuh neuh an neih vanga buai in min rawn biak hman lawk loh thu te a sawi liam a,a hnu ah chuan "i muhil ka rawn ti harh che tiraw?" Tiin a nui ri ta suk.

"Aaaa umm ka lo muzal kha ka muthlu daih a" ka ti ve mai.



"A theih anga tam mut itum dawn nia,na inei chu ani em lo tiraw?" Min ngaihtuah zet chuan a rawn ti a, "nizan ka mut theihloh vang in mut ka khamlo deuh aniang" ka ti chu ka sawi zo hman tawh si,ka inchhir ngei mai.

"Na inei em ni? Tinge i mut theihloh? " A rawn ti ta chiah.





"Nei lo ka tha lutuk,ih..i awmlo thut a ka awm thiamlo aniang" ka tih chuan nui ri sukin "min ngaih thu chu ila sawi hreh ve ngang ngang hle mai " a rawn ti a,kalo then chak chak ringawt.Ka ngaih thu sawi lan kha ka hreh tak tak!

"Ka ngai che u"zawi ruih hian thutak zetin a rawn ti a,keipawhin ka ngai ve takzet alawm.






Kan inbiak zawh hnu ah inhnuai lamah ka chhuk a,rawngbawl alo hun leh der tawh!





U Jeneti leh Judithi te pawh anlo haw hma khawp mai! Chawhmeh an rawn lei haw nual,"baibing hi hmarcha nena chhumpawlh ka chak deuh a,i siam theihloh pawhin ka siam thei tho"Judithi chuan a ti fak a,min ngaina tawh hlawllo ni berin ka hre tawh.

"Ka siam thei alawm" ka tih chuan "aaa angailo mai,paih zawk mai ang ka û beng athlen leh chuan keimah bakin ka tuar leh dawn lo"a ti zui nak nak a.






"Judith,ka lo siam ang" ti zapin ka kheh zui mual mual a,a kalsawn ve mai bawk.





Thutkhawmna pindan lamah U jeneti nen awmin T.V an en nge ni an rawn nui chhuak leh hak hak thin a.Baibing bawk chu kan chhûm a,arim chuan kan hnâr averh leh zar tawh.Ka chil a rawn rial a,ka luak a chhuak leh ut ut tawh bawk.

Ka insum thei ga nganglo chuan bathroom ah tlan kutin ka luak zui leh ta nghekin a,ka pum te chu ana ut ut thei.




A rim va hriat leh pawh chu ka hreh em em a,Judithi tih lungawi loh mawlh ka hlau bawk si.A chungah ka thinrim lo a,an û laka an pangchan ve zia leh an ngaih zia ka hre ve miau a.Kei nau kalo keng ve bawk nen min han ngaihsak ta deuh kha an û ka chhuhsak deuh angah a ngai te pawh ani maithei.
Judy takngial pawhin a û leh abilnu hlui inngaihzawn laiin Lily khan an lak atang ala hrang lutuk angah ngaiin a thinrim thu min hrilh ve mawlh mawlh tawh kha.Mipa awmchhun ania,an kum alo inthlau ve bawk nen ka pasal hian anaute hi a duat ve thin bawk em a,tuna Judithi lungawi lo pawh hi ka dawh ve hram hram angai ani.






Karkhat aliam a,in lamah chuan ache ber chu ka ni ta mai a.U Jeneti leh Judithi chu an rawn haw tlai thei em em a,Judy lah a college luhna ahla ve bawk nen zirlai alo ni bawk a min pui hman silo ka buai thei viau.

Ni hnih liam ta atang khan Judithi leh U Jeneti ten an thawmhnaw bal rawn chhawpchhuah an chîng tan a.Ahma chuan mahni thawmhnaw theuh hi kan su mai zel a,tunlai erawh an buai ve deuh ani mahna.





Ka buaina ber zawk chu an thawmhnaw te chu kutsuk kher ngai chi vek ania,thut tunga thawmhnaw han suk chu harsa ka ti viau thin.Ka sawisel ngam lo na in an hak chhuah lemloh pawh hi suktur alo awm leh hnur thin a! Balbawm khat a lenglo kutsuk tur te a lo awm nawk zel.


"Ka nu te rawn haw hma in kawtlai a athlai chîn na vel saw tihfai angai dawn a.Engtin nge niang aw"zanriah kan kîl laiin Judithi chuan a rawn ti chhuak nawlh a,tumahin kan chhang lo zui.






"Awi,hman ilang chuan thil harsa leh hahthlak tur pakhat mah a awmlo a.Dawr lama kan buai zual lai ber ani bawk si"U Jeneti chuan alo ti ve mawlh mawlh.A dawr kha an hawng tawh tak e.





"Aw..midang chhawr mai ila,rei pawh an khawih nang"Judy chuan a rawn ti awlsam et a,Judithi alo chek tlak tlak thung.
"Sum leh pai te hi ren ve tur Judy,i naupan rilru hi paih la puitlin tum teh"tiin anau chu a hau ta erh a! Judy lah chutia a û in an hau chu titau in athleng pawh senglo chuan a room lam apan ta hmak bawk.




Judithi chuan keichu thlai chînna vel tifai turin min ti niberin ka hre tawh.Tunlai tak phei chu ka insawisel zual a,ka tai bawr te hi ana leh ut ut thin nen ka huphurh em vang chuan ka tawngchhuak lo.





"U Mate,lo ti mai la kan buai thei sia sawtiang hmun zim te saw chu tih chhung pawh a reilo ang"tiin min melh ta kal.

"Ka hrelo le Judith,tunlai chu ka nuamlo riau a"ka ti chu a ngaihdan anihloh hmel kher mai.




"I peihlo tih sawi mai la,tih tak em ah chuan mi mo te chuan inchhung leh avel an enkawl vek aenge itih ve?" Ati ta chiam a,ka ngaihdan ani tawh biklo "mi mo tih ang chu ka ti ve lo em ni?" Ka ti let ve ta fak.




"I ti niin i inhria em ni? I rawn lawi luh atang no em em in ka û i pak huam reng a.I han rai ve dek dek a mi ai ai in i rai leh a! Ka û lah i tawmhran pui daih zel bawk a.Ka pa damlo ngaihsak hmanlo khawpa siamin i naupai chhuanlam ah i hmang a.I rawn awm ve hma te chuan chhungkua kan inkawmhlim in zanlam ah pawh hun kan hmang ho thei nasa.I rawn awm ve atang chiah hian engkim abuai zo"ti chiamin a tho ve zui hmak.


Min tawngkhum dan chu ana ka ti a,an û hi kalo hruaihrang viau em ni tihte zawhna ka inzawt nghal mawlh mawlh.






"Ka sawi i zawm lo a"ka rilru hahna tizual turin U Jeneti a rawn tawng ve leh ta chiah bawk.





"Mo anga awm turin ka ti che a,i lawina in ah fanu anga awm ve phet i tum a adiklo alawm" a tih te chuan ka tah a chhuak ngawih ngawih tawh.
Min thawhsan ve leh zui a,thleng ka sengfel te chu ka mittui atla atla ta mai!

Chhel ka inti viau thin a,nula paukhauh leh mahni inzo tak niin ka inhre thin.Pasal ka neih hnu hian ka engti zo ta nge ni nep ka inti thar ta ngawih ngawih a! Ka zuau ka ti em em bawk.Judithi sawi ang khan U Obeda chu midang lak atang ka lo hruaihrang viau em ni le aw?
Show post links
Top

[Ngaia]

CH-10




Darthlalang hma ah ding in kan in en vang vang a,thaw hapin ka sam chu ka tuai mam nghal puat.Engvang ber nge pawh ka hre zozai tawhlo.Nizan pawh ka mu miahlo a,ka pasal nen rei ngial kan inbiak hnu ah muthilh tumin ka mit ka chhing a,mahse ka harh tulh tulh thung si!
Phone khawih miahlo in ka tlaivar zak a,ka naute ngaihtuah hle mah ilang ka rilru buai vang nge ni ka mut achhuak thei silo.


Ka mitmeng te chu a dul ruih a,tunlai tak phei chu ka cher zual ngawih ngawih bawk.Ka pasal neih hlim kha chu nise ' kalo nei ta kher kher a aw' ka ti vawng vawng mai thei a,tunah erawh ka ti phal tawhlo thung.Ka pasal hi ka lo neilo ang tih ka hlau ru ngawih ngawih tawh a,ani aia tha ka tawn leh chuan ka ring heklo.





Inhnuai ah chhukin rawng ka bawl a,Judithi leh U Jeneti chuan an eilo lehpek.Judy nen ka rawngbawl chu kan ei tlawng ringawt a,ei tui chu ahar takzet.

"U Matei,keichu tunlai hi i landan athalo ka ti e!! I damloh chuan sawi hreh suh aw,ka û awmlo mahse ka inentir pui ang che"ka chaw ei lo a ka lo khawih neuh neuh lai chuan Judy in a rawn ti hlawl a,hawi chhuak a nuih sakin "i û ka ngaih vang aniang" ka ti a,a nui leh nghal sen sen mai.






"I ngai ngawt ang,ka pa pawh a dam tha leh thuai anga arawn haw thuai mai ang.Kan unau ho hi In lamah kan awm tam hman silo a.Engmah lo ti vak duh suh aw,lo awm mai mai la keipawh tlai lamah chuan rawn haw hma ve hram hram ka lo tum tawh ang" a ti ta reuh a! Naupang rilru la paihlo ni a kan hriat laiin alo puitling ve hle tawh anih hi a!

"Judy,keimah vanga rawn haw hma angailo ania aw.I class te ilo thulh phah vaih chuan ka inthiamlo nasa dawn ania" ka ti a,tunlai tak phei chu test an neih uar lai ania,a tang ve viau bawk nen ani hi chu pun buai chi ah ka ngailo.





Kan eina vel te chu phal lo hle mah ilang a sil lui ta vek a,he nau hi chu aw ava han fel ve chiang tak ! A rilru tluangtlam lutuk te hi mi hian an hruai sual daih ang tih ahlauhawm.





An kal chhuak vek tawh bawk a tiin inchhung chu ka ti fai a,suk ngai te su in ka nu plants ho ka hru fai vek bawk.
Ka zo fel thawkhat ta maw tih ah ka nu thlaichin ho suat tur leh tifai tur chuan ka inruahman a,a zau lo bawk nen ka ti thei mai ang chu maw.
Ka taksa lam hahin kham ve deuh mahse Judithi nena inremloh phah ai chuan tiin ka nu thlai chin tawhna ho chu tihfai ka tum ta zawk ani.





Nî asa bawk nen ka hna thawh chu a sawt lo hle a,rin ai takin alo hahthlak zek bawk.
Ka thawh hnu reilo te ah ka kawng kham vangin ka chawl leh vang vang thin a,chutiang chuan vawi engemaw zat ka ti tawh.
Dinglam len ho bik chu ka ti fai ta diak a,tihian ka nu rawn haw hunah a ni'n bean emaw a duhzawng ho a chîng ve leh thung ang.




Lehlam tihfai leh ka tum lai chuan ka tai bawr a rawn na ta riau a,han din ngil ka tum te chuan ka thei ta der lo! Ka hnungzâng chhuk thla nen lam chuan a rawn na telh telh a,ka rilru ah ka naute rawn lang nghalin ka hlauthawng ta nghal ngawih ngawih.

Ka phone ka hnathawhna bul lawka ka dah chu kûn chung hian ka pan hnai a,ka phone dahna ka thlen rualin ka thu thla deuh hnawk.





Judy call mai ka tum a,ani chu class ah a awm laklawh ka ring bawk si.
Ka tih ngaihna hrelo chuan ka rilru a lo lang hmasa ber ka nu chu ka call ta tawp a,ka taibawr lah chu an na em em tawh lehnghal a!

"Aw Mate" ka nu chuan zangkhai vah hian a rawn ti a, "nu .." ti hrawihin ka thaw chhuak hak, ka thawk zawng te chuan ka na vel vek tawh nimai in ka hria.





"Mate i tha em? Na inei em ni?" A rawn ti nghal chuk chuk a, thlan in min bual huh chap tawh mai.
"Ka ..lo kal mai teh" ka ti tawl a,ka tawng hleithei lo.Ka lu rawn hai zawmin ka mit chu ka chhing ta tawp a,ka luak lah a chhuak ut ut bawk.




"Mate,lo mangang suh aw kan rawn tlân chho nghal ang" ti sawk sawkin phone chu a dah bik lo aniang ka û Sawma a auh lai te chu ka hre thei a,U Sawma lo awmve hlauh chu ka lawmin ka ngai thar ta em em ringawt bawk.


Ka nu te an rawn thlen chuan ka thutna ngaiah ka pum dawmin kalo la thu kun tlawk tlawk a,ka chau lutuk chu chet pawh ka che tha hleithei tawhlo zawk




"Awi leh Mate! Enga tinge hetah te i awm a?"min pan hnai nghal ruakin ka bul vel chu a enkual a,a hmel hmuh nuam leh dam zet nithin thinrim mitmeng chu hmu mah ilang engdang ka sawi thei hrih tawh tlatlo.

"Mate,damdawiin ah kal phawt teh ang u"U Sawma chuan a rawn ti khauh a,dim zeta min pawm kangin ka nu chu kawngkhar hnunglam hawng turin a ti nghal zat.





Motor ah kan inhlang lut a,ka na tawrh vang chuan ka thlan hluam tawh.




"Ngahnge khatiang te ilo thawh reng reng le? An thawh luih tir che chu anilo em lo maw?"ka nu chu a ân zawm hlak hlak reng.
Ka chhang theilo a,ka naute in a tawrh mawlh chu ani ka hlauh ber ni hrih.





Durtlang hospital chu ahnai ber ani bawk a kan pan nghal a,theih nise keima doctor ngei chu pan ka duh viau.

Nurse te chuan min en dik zung zungin doctor an ko nghal a,min tawng thlamuan nghal mawlh mawlh bawk.





Doctor in min en fel hnu ah ka thisen te chu an la a,naute lungphu ri a awm em tih min check sak nghal mawlh mawlh bawk.

Ward pangai ah insawn nghalin doctor chuan min melh run a,"i naupai hi a fual a,i taksa achaklo chu thuhran nise naupai ah chuan i hb hi ahniam lutuk mah mah bawk"tiin a sawi zui mawlh mawlh."Engpawh nise admit i ngai hrim hrim dawn a,doctor pan bik in neih chuan ani chu in rawn thei bawk anga,in duhthlanna ah a innghat aw.Damdawiin atanga in chhuah hnu ah pawh thla khat dawn chu bed rest ila ngai ang"a ti zui leh mawlh mawlh bawk.





Ka nu chuan ka doctor rawn hrim hrim chu tha a ti viau a,U Sawma erawhin " helai damdawiin kan pan ta sa sa,hetah awm se a doctor pawh phone in emaw kan be pawp mai dawn nia" tiin ka doctor chu phone mai a tum thung.Ka naute dinhmun atha vak silo a,min phurh chet leh kha ahuphurh niberin ka hria.


Cabin a kan insawn luh hnu ah ka nu chuan ka pa te a hrilh kual nghal zung zung a,ka damdawi tur vel U Sawma'n alo lei ve thung bawk.





"I Pasal hi ka phone dawn em?"Ka nu'n a tih chuan ka rilru abuai ta khawp a,ka pa damlo awmpui in a buai dawn nen ka damloh thu zuk hrilh ve leh zel kha ka inthlahrung ani ber.

"Kan hrilh lo mai dawn em ni?" Ka ti chu ka nu mitmeng a diklo ta nghal pang mai.






"Kan lakah hian zep inei em? I pasal hian a enkawl tha chiah che maw? Nang hi awmpui ang maiin ilo khawsa te anilo maw?"ka nu chuan a ti ta hlak hlak a, ka nuih sak ringawt."A teuhlo,ka pa damlo nen a rilru ahah ka hlau a"ka ti erawh a thaw ve ta huai.
Hmangaihna hian mipa leh hmeichhia te rilru chauh a ti â lo a,nu leh fa inkar ah pawh hian chhia leh tha hrehrang lo lekin rilru a ti â ve ruai thei.Ka nu hian min hmangaih em a,apawng atakin ka pasal leh achhungte a dem ngawt bik lo ang.Mahse ka nâ te min hmu a,a rilru pangai hmang theilo in thil nilo thleng thlengin a ngaihtuah ta ah ka ngai.







U Sawma rawn lut leh chuan ka pasal ka hrilh tawh em tih min rawn zawt ve nghal a,hrilh loh kan tum thu ka lo sawi chuan a ngaihdan a ni ve ta vaklo.
"Apa pawh damlo nise a fa ani ve tho a,hriat ve aphu alawm.Amah pawhin hetiang dinhmun a ding inih laia hrelo nih chu a duh hauhlo ang"ati ta charh charh a,ka pasal chu aphone zawm nghal hmiah bawk.





Phone chuan ka pasal chu abe mual mual a,"biak theih tawh e kan pe ange"a tih rual chuan ka lamah phone a rawn lek nghal zat bawk.





"Aw U obed" ka tih rualin "Bawihi" a rawn ti hawlh a,"i tha takzet em?"a ti zawm leh zat.





"Ka tha tawh lutuk ania,min ngaihtuah suh"ka ti ve luam nangin ka chanchin kimchang ka û khan a sawi nual tawh a,min ngaihtuah loh phah ka ring lo.

"Ka thiamloh ani,ka buaipui tha hman lo che a.Naktuk ah ka rawn haw nghal dawn nia" a ti chu ka lo hnial thuai. "Angai reng reng lo,ka pa kha la buaipui zawk rawh.Keichu ka zia ve leh mai dawn alawm"ka ti nghal mawlh mawlh.






"Ka pa chu a zia tawh lutuk alawm,treatment alak zawm leh hma in ni thum ala awm a,ka rawn chho phawt ang.Helaia ka awm reng chuan rilru nuamin ka awm thei dawn chuanglo"a rawn ti dam ta thlup.Ka thlahlel ve tawh em a,ka hnial duh ta biklo.Ka pa pawh atha tawh viau tih an rawn sawi ngun tawh bawk a,rawn kalsan ngam ah angai anih chuan ngaihtuah awm lutuk ani tawh bik kherlo ang.





Ticket cut vel a duh vangin kan inbe rei lo a,kan inbiakna kan ti tawp ta thuai.





U Sawma chu a haw thlak zawm a,zanin chu ka nu in min awmpui dawn anih hmel.U Zawni'n min rawn awmpui theih thu a rawn sawi nasa viau na a,Jordana ber ala nau ve deuhhlek nen engpawh nise zanin chu ka nu'n min awmpui hrih phawt dawn ani.






Nurse in ka drip khai lai a rawn thlak leh chiah tih in kawngkhar an rawn kik zawm a,Judy te ho an pathumin an rawn inzui lut.

"U Mate,i na viau em?"Judy chuan a rawn ti nghal mawlh mawlh.




"Ka tha deuh tawh e,inlo kal duh kher anih kha"ka lo ti ve sap a,Judithi kan melh chu a inthlahrun hmel takzet!
"Naute atha em?"alo ti ve sep a,ka bu nghut min hmuh chuan thawveng ve huai hmel apu.





Judy chu ka bulah rawn thu in min kawm nghal mawlh mawlh a,atira ka phone nghal loh vang te chuan min hau ve nak nak.
Ka nu leh Judithi te pahnih chu an lo inkawm ve thung a.Inkawm tih ah U jeneti leh ka nu deuh chu tawng ber an ni.
U Jeneti chuan ka nu chu an kawm thiam mai mai khawp a,a tawngka chhuak ah chuan mi pawh angaihtuah ve hmel takzet bawk.Ka nu rilru damna tur thu achhakchhuak thiam khawp a,a awmna lama doctor thiam deuh call te kan call mai dawn em ni? Ti ten ka nu hnenah a sawi thûl,ka nu pawhin angainat hmel ta viau mai.





"Ka û pawh lo haw turin ka tih kha,ka pa azia tawh tho a.Duhleh keini ahmeichhiate pawh kan chhukthla ve thung mai anga.U Muantei an chahthla nghal hrim hrim bawk a,ka pa pawh atha tawh nen ka û chu lo haw rawh se"Judy'n a tih ve mawlh mawlh lai chuan kalo nuih tawp.Mi hi chu angaihtuah ve mawle.


Min awmpui an tum erawh ka nu'n ahnial ta thung a,anni pawhin ka nu chu an hnial ngam chiah biklo.





Ka pasal naute an rawn kal ve ta chu ka nu hmel pawh hmuh anuam sawt khawp.Nge ni a U Jeneti tawngkam thiam lutuk khan arilru ahneh pawh ka hrelo.Fel a tih thu te chu ka bulah ala sawi siam siam bawk a! Keiin fel kalo tih loh tehlul nen.U jeneti hi chuan tawngkam tha mai pawh anilo,tawngkam rangkachak chhak chhuah a thiam hi ka tilo theilo.






Zân lamah chuan kan mu tha meuhlo,ka luak reng a,nurse te'n luak dan na in min rawn chiu tawp.Zinglam dar nga dawnah kan mu ve thei ta chauh a,ka nu pawh ka khawngaih viau mai.


Ka harh leh chuan chhun riltam hun alo ni der tawh! Ka mu thalo rei tawh bawk a,ka lo mutui ve takzet aniang.
Ka pa pawh alo awm der tawh a,heipawh keimah vangin hna ah akal lo leh ringawt tawh aniang chu.






Ka pa thiante ho in tlai lamah min rawn kan nak nak hlawm a,athen te chu ka hriat zawng pawh an ni hlawm lo.Tlai lamah Judithi te unau in kan zanriah tur min rawn pe bawk a,tukin lamah pawh an rawn dah a,min lo kaitho duhlo hi alo nia.Ka nu pawhin an unau chuan fel a ti in a fak leh ta viau.An fel bawk a,Judithi pawh mi sual anilo tih ka chiang bawk a huat enah pawh ka en hranlo khawp mai.A tawngkam thenkhatin min ti na ve deuh mahse ama ir awm chhuak ni theiin ka hrelo a,chuvang tak chuan ania huat enah ka en theihloh ni.






Ka nu'n ka chaw tur a siam mawlh mawlh lai chuan ka luak a chhuak lehpek a,ka bul a a rawn ken hnaih lai te chuan ka lo uak nghek.
A tih ngaihna hrelo chuan "i zia deuh hunah i ei mai dawn nia" a ti ta tawp.Ka chau bawk nen ka mit ka chhing zui vang vang a,ka nu pawh ka be peih ta thlawtlo.






Ka lu a min chûl hliau hliau chu ka hre thei a,ka mit ka meng peih lawk lo.



"I chau tih hre mah ila i harh hun ka nghakhlel viau ania Bawihi" tih ri ka hriat rualin ka meng nghal kawk. "U Obed!!" Ka bul ah ka pasal ka ngaih em em chu alo thu reng tawh!





"Na te ila nei em?"a ti nghal zat a,ka mittui a rawn hnam nghal tiam tiam mai!





"Bawihi,na inei em ni? Nurse ka ko ang aw"ka mittui ahmu mangang si chuan a ti nghal ruai.Akutah ka chelh vat a,mittui khap per sak a nui sakin "ka ngai tawh lutuk che a"ka ti chu a thaw ta huai.
"Min ti mangang hle tih i hria em?" Ati ve ruih a,ka khawngaih kher mai.





"I rawn thlenna a rei tawh em?"ka tih chuan "darkar hnih chu a liam tawh ang" a ti mai a,"tinge min kaihthawh vat loh" ka ti nghal hlak.

Nui dawtin "i damlo si a,i mut ve theih chhuna kaihthawh che te chu atha lo ang"ati leh ringawt.Ka ngaih zia hi ahrethiam phalo zawk in ka ring.Ka lo muthilhsan chhung darkar hnih lek pawh chu ka ui lutuk ringawt.





Ka nu chu kan awmna cabin piah lawka ahmelhriat hnaivai te tlawha a chhuah thu a sawi a,ama nu leh pa chanchin te chu min hrilh zawm nghal mawlh mawlh bawk.Muantei kha anlo chah thla nghal a,ani a awm chuan U Obeda rilru pawh anuam deuh turah ka ngai.


Ka hawikual ruala a bag ka zu hmu fuh chuan "in ila thleng lo em ni?" Tiin zawhna min siamtir nghal pang.





"Ka rawn tlang nghal,ka chanchin erawh inlam ka hrilhhre tawh e" a ti a,inthlak lo in alo la awm reng bawk.




Ka nu rawn lut in "Ka thiannu pasal saw damdawiin lamah an sawn dawn a,a dinhmun atha vaklo anih hmel!Ka thian hnaivai lutuk ania apawi emai"a rawn ti lut a,"tu i thiannu nge a Nu? Ava zialo thin ve aw"ka lo ti ve thuai.

"Kha a rawn leng lut ve ngun khawp kha kan veng lama alo kal chuan,Chanmari a pamgpar dawr nei Hunthar a awm te kha i hria ngem aw? Thantluangi Khawzawl lam chhuak kha ania,alo len lai hian i awm fuh khat khawp mai a"a tih chuan ka hriat ve thu in kalo chhâng thuai.Ka û Thanpuia te inneih pawh khan biak in a pangpar khawk tu ah a hmang tak in ka hria.





"Zui ve chu ka duh riau mai a,Mate hei inpa a awm tho a ka zui ve lawk mai dawn em ni? I pa pawh ko ilang ani pawhin angai pawimawh khawp ang.An pa dinhmun saw athat loh hmel riau,naktuk hi a daih kher angemaw? Beisei nei chuan damdawiin dang ah an insawn dawn chu ani bawk si" a ti leh nak nak a,min kalsan ahreh rualin a thiannu te zui ve chu tha a ti bawk si,a rilru abuai hmel viau.


Tawng tuma ka ân ziau lai chuan ka pasal zawkin "Kimtei chu ngaihtuah suh,ka awm tawh hi.Hawsan ka tum bik hauhlo ania,i thiannu chu rilru dam deuhin zui zawk rawh"alo ti ve thuai a,"nia,nu zui ve rawh"ka lo ti ve bawk.





Chutia kan han tih takah chuan ka nu pawh a rilru a nuam ve ta deuh aniang a thiannu zui tur chuan a inpuahchah nghal a,ka pa phone in an insawnna tur damdawiin lama lo va kal hmasa turin a chah nghal bawk.
Rei kan room ah awmlo in a chhuak zui nghal a,U Obeda a awm bawk a min kalsan pawh ahreh loh phah ve ta deuh niin ka hria.




Kan nupa rek chuan cabin ah kan awm a,nurse in vawin atana ka drip khai tur ho ka khai zawh tawh thu sawiin ka khai lai mek zo deuh thaw tawh chu a rawn phawi a,harsatna kan neih a ko nghal thuai turin min chah nghal lawm lawm bawk.




"I chau lo em ni? Mu hahdam daih la" ka ti sap a,alo thlen tirh atang ka bul ah ala thu char char a,achau viau tawhin ka ring.





"A damlo zawkin min ngaihtuah daih a!"nui suka tiin ka puan sin lai chu a hlip a,ka dul zawnah akut dah vang vangin "ka naite,i nu iva ti hah bawk ve mawle aw"a ti vawng vawng cuu ka lo nuih khum hak.

"A hre ve der dawn silo a"ka lo ti sap a,ani pawh anui ve hawk tho."alo pian hunah a sawp chau che emai kan vaw nek dawn nia"te chu ala ti ve tak na a avuak phal hi ka ringlo reng reng.




"U Obed,mu tawh rawh keipawh ka that em hi" ka ti leh a,ka ngaihtuah ve bawk em ani.Damlo enkawl reng rengin a vir buai reng mai chu ani sia.




"I bula ka awm tawh reng chung pawhin ka la ngai che ania! Ka mutsan daih che chuan ka ngai zual lutuk ang che" a ti sup a,ka lai lehpek ringawt tawh!
Zak chung chungin "min ngai ve tak tak maw?" Ka sen nasa viau in ka ring.





"Ka ngai lutuk che a hun te hi akal muang riau in ka hria a"kiai sukin a ti a, "ka tana i hlut zia hi ka hre chho telh telh dawn niin alang"ati leh sup bawk.

A ding hluai chu ka melh chho deuh hau a,"ka chau hle mai"a ti sup chu "umm va mu rawh" kalo ti thuai.
Alu a thing nghut a,"zanin atan drip khai ngai inei tawhlo bawk a i bulah hian kalo mu ve zawk ang"a tih chuan ka meng phar nasa mai.





"Bawihi,tawlh deuh la"a tih phei chuan chet ngaihna ka hre tawhlo.



"Mite an lo lut ang,bakah khum hian min dawl lo ang"ka ti chhuak nawk nawk chu anui chhuak hawk.
"Khum chuan min dawl lutuk ang,midang in min hmu pawh nise nupa kan nia lawm le" ti vahin "tawlh rawh le,ka chau ania min duat ka phu ve viau in ka inhria" a ti sup a,zanin hi enge maw a hriat lehpek ni.





A kil lamah ka tawlh phei chiah chu a rawn lawnkai ve nghal zat a,khum alian vaklo nen ani phei chu a saisir nghal hlun.
"Awmpuitu mutna ah sawn nuamsa deuhin i mu thei reng awm sia"ka ti nang nang.


"I bulah hian ka nuamsa zawk alawm, le muhil ang le"ti dam dapin ka dul chu a rawn khawih a "muttui ule" a ti nawn leh sup.



A muhil ni a ka hriat hnu ah pawh ka la meng reng a,alam hawi zawnga saisir ve zatin ahmel chauh hmel lutuk mawlh chu ka thlir reng ringawt.Ka khawngaih takzet ani,tunlai abuai lutuk hi chu.A pa tan fapa nih a tlin em em a,a nupui tan pasal nih a tlin leh em em bawk a! Hetiang mihring hi chu an vâng pharh tawh mawle.Ka vannei tak zet zet ani.






Karkhat vel damdawiin a kan awm hnu in kan chhuak ve thei ta hrâm a,kan chhuah ni chuan ka chhungte lam U Zawni te nufa ho thlengin an rawn lang kim hle.Naupai laia indim angaih zia te chu min hrilh nawn mawlh mawlh.Ka pasalin zanriah ei tura a sawmna erawh an hnial hlawm a,atuk lama hna kal ngai leh an ni deuh vek si a,duh viau mahse zan lam pawh an rawn lang thei tawhlo thung.





Ka pasal in min duat em em a,U Jeneti thlengin ka pasal awm tak vang nge ka chungah an tha hle.
Judy mawlh chuan min ngaihtuah a,a û nen pawh hun fâl min pe hman meuhlo.





"Û,zanin chu U Matei hi kan riahpui ang.Hmeichhia chuan damlo enkawl kan thiam zawk"alukham rawn pawm chung hian kan room ah rawn lutin a ti ta mai!




"Judy i room ah va phei mai mai teh"A û lahin alo ti hluk.




"I mak e a! Damdawiin atang a rawn chhuak hlim hlawl ania,enkawl ve te pawh ka duh alawm.A damdawiin awm lai lahin ka riah chhawk che i phal silo"Judy bawk chuan a ti leh nang nang a,khumah thu in an unau inhnial chu kalo nuih ru char char ringawt.

"Judy,ka nupui hi ka ngai ve tawh bawk alawm"Ka pasalin a tih chuan ka lo ip ru chawih mai.




Judy lahin "chupawh nise,damdawiin ah pawh i riahpui char char tawh kha"ala ti fan, a û hi a fiam tel deuh tawh tlatin ania ka hriat ni.




"Judy,va mu phawt teh"U Obeda tihngaihna hrelo chuan a ti hluk a,chutah Judy chu a rawn nui chhuak ta uarh uarh.Alo fiam chu anih ngei dawn hi a!
"Awi,U Matei bula riah loh pawh chu i va hlau tak.Ka phei dawn tikhan duat deuhin lo riahpui teh a"ti hluai in nui kur kur chung hian achhuak a,a û hrilhhai hmel a hmulo chu kalo uipui zawk.




"A â thin teh e" ti supin ka bulah a rawn inthawlh ve nghal a,alamah kalo tawlh hnai ve nghal sat sat.Ka pasal lakah hian ka ngampa ve sawt ta hle mai,hma kan sawn ve hret hret e.






"Damlo tawh suh aw,ka ngaihtuahna thlengin i ti buai thin ania"a ti zawi sup a, ka ngaihtuahna thil dang daihin alo luah thung.
"U Obed,min duh ve tak tak tawhin i inhria em?"ka ti chu a ngawi ren rawn a, "ka ti lang tawk lo deuh em ni? Chutiang zawhna ka dawn chu kalo inbeisei hauhlo a,ka lo insiamtha dawn nia" tiin min chhang daih.

"Aih,min duat lutuk ka beisei phak bak ai daihin.Mahse maw.."tiin ka chawl vang vang a, "sawi la" alo tih chuan "i lamah ka bet telh telh a,keichuan i nupui ka nihna ang leh ka naute pa inihna ang chauh ni lo in mipa inihna angin ka duh tawh che a,chutiang chu ka dawn let ve theihloh ka hlau.Beiseina ka ti sang duhlo chungin ka na dawn tho a" ka ti zawi raih a,heitak hi nia ka hlauh.Ka pasal lakah ka duhna hi a nasa tawh mai si a,alakah anupui ka nihna ang chauha duhna ka dawn let chuan ana tur chu keiman chauh ka ni.




"Bawihi" a ti hnim ruih a,"ka thisen i pai hma daih tawh atang khan ka duhna che a intan tawh,ka nupui inihna vang ni in ka hre heklo.Engtik lai pawha ka ngaihtuahna i luah reng te,i damloh thu ka hriat a ka che buai vek te leh i bula awm ka thlahlel lutuk te hi ka nupui inihna vang chauh anilo" a ti nghet churh a ,ka bekah a hmui nawr vang vangin "hlauthawng suh,i tan pasal tha tak leh kan fate tan pa tha tak nih ka tum dawn alawm" a ti nghet leh churh.Ka ringhlel lo a,a ti ngei dawn tih pawh ka hria.Ka pasal hi mahni thusawi sawhsawn tur khawpa rilru nghetlo ani tlatlo.





Zan chu tui takin inkuah rialin kan mu a,a awm tak vang nge ka rilru chu a zangkhai in a awmloh laia rilru hah tet tet na ang kha ka nei tawh miahlo!

Zing kan thawh chuan dar sarih alo pel duai tawh! Kan mutui thawkhat viau ani.





Inhnuai lama chhuk ka tum chuan a rem ti lawk lo! "Doctor in bedrest ngai ini a tih kha" a ti ta bur mai!
"Ka hria lawm"ka ti khauh a, "anih chuan khumah hian lo mu rawh,i eitur ka zuk la ang" a ti ta mai!




"U Obed,doctor ten bedrest an tih hian khuma mut char char an sawina ani ber hleinem.Lo nita se zung tura ka thawh te an phal dawn ami?Hahdam taka awm tura min tihna mai alawm.Mut tam chu atha tho a mahse khuma chaw ei vel kha chu angai kherlo,bakah taksa pawhin angaih lutuk lo ang"tiin ka hrilhfiah chiam a,a rilru erawh ka la hmin vaklo aniang "chaw ei khamah room ah kan chho leh nghal ang" ti supin inhnuai lama chhuk erawh min hnial ta em biklo.






Judithi te unau in rawng an lo bawl peih diam tawh a.An fakawm khawp mai tunlai nula ah chuan atho hma pawl tak chu an niang.Ka lawiluh ve tirh atang dar riat pelh thlenga mut hi an la neilo reng reng.

"Û lo koh cheu kalo tum chiah a"Judy chuan min hmuh rualin alo ti thuai a,U Jeneti leh Judithi pawhin thleng vel anlo siam mek.






"Kimkim,arsa kan lo buhchiar a,i eithei ang chu maw"U Jeneti'n a tih chuan "ei thei ang" kalo ti tha ve mai.A mizia hi chu hriatthiam ahar ngawt mai! Tun thlengin a cheng ka la man theilo.



"Û engtik nge i chhuk leh ang?"Judithi chuan a rawn ti hlawl.




"Ka chhuk tawh hrih lo ang"U Obeda pawhin alo chhang pangai ve mai bawk.





"Anih chuan ka chhuk dawn em ni? Ka nu leh pa te an mahni a awm tir rikngawt te chu" a ti zui nang nang.
"Judith,Muantei ka ko thla alawm.Kan zuk awm teuh khan awmzia a awmlo sum kan ti hek mai ani.Ka pa pawh atha tawh a,treatment ala thei thuai ang.A pawimawh ber ka nu a awm a,private nurse Muantei a awm bawk a,a tawk hrih viau.Ka pa duhdan pawh ani,a tul anih leh ka chhuk leh mai thei bawk a"U Obeda chuan a ti a,Judithi ngaihdan anih hmel vakloh





"I nupui ringawt i ngaihtuah a,ka pa ngaihtuahawm zawk i ngaihtuah leh silo.U Matei pawh athat tawh em hi,i chhuk lo anih leh ka chhuk anga ani mai"ati ta hlawk hlawk mai, "Judith,i û sawi hi a dikna chen a awm alawm.Sum insen hnem loh dan angaihtuah anih hi"U Jeneti'n alo tih zeuh chuan Judithi chuan fian athlak ri ta bawl a, "ka pa tan sum sen i ui em ni a Û" a ti ta mai!


"Judith,chutiang in i û in a sawi loh kha" kalo ti chu "lo inrawlh ve suh, ka û hian ahma zawngin damlohna thil ah sum sen a ui ngai lo" min ti zek mai!





"Judith,ngawi rawh.I puar tawh anih chuan kalsawn rawh,khatiang khan Bawihi be tawh ngai bawk suh" khauh zet hian U Oneda chuan a ti fak a,Judithi chuan mittui tling pam hian a û melhin kei chu thip zet hian mi rawn melh veleh! Kan inkar atha chho viau tawh ah kalo ngai asin mawle.

"Nupui ineih atang hian i danglam sawt lutuk,ka pa te bulah chuan ka chhuk ang.I duh leh i sum chu i nupui tan hian hmang vek rawh"a ti chiah U Obeda thawh lai ka hre hmanlo anau chu a beng thle sawk a,dan hman anilo reng reng.





"Judith"inthiamlo zet a tih zawmin anau chu amelh a,Judithi chu mittui tla zawih zawihin a tlán chhuak zui. "Û obed,iti mah mah deuh ani.Kutthlak kha aphulo asin,ka pa angaihtuah em vang anih kha"U Jeneti chuan tiin a tho zui ve nghal mai bawk.
Inthiamlo zeta athutna a thuthla hnawkin ahmai atuai puat a"enge maw ka tih kha le" a ti zawi sup sup.



"Û,azia ve leh mai ang.U Judithi hi tunlai chu azia a dang riau a,ka pa damlohna vang pawh ani maithei.Inthiamlo lutuk suh.U Mate,nangpawh ila damtha silo chaw kha ei teuh rawh,ngaihtuah vak suh aw"Judy chuan a rawn ti a,ani pawh ahmel hmuh chu anuam zan chuanglo.Chaw te chu eizawm chu khawi lamah ei chakna pawh ka nei tawhlo.










#Ka hâ nat vangin zanhnih ka rawn dahtheilo a,zan hnih awl hnu a dah ah chuan tawi ka ti viau mai.Mahse ngaihtuahna ah ala lut lo lutuk a,minlo hrethiam rih hram dawn nia.Min ngaihtuah a pvt lama min rawn ngaihven tu te ka lawm lutuk ania.Ka zia tawh lutuk ania,thil pawh ka ei thei tan tawh a,ngaihtuah ka ngai tawhlo ania aw.

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia

Show post links
Top

[Ngaia]

CH-11





"U Obed,Judithi chu biak tum la,insawifel rawh u"ka ti dam thlap a,a ngaihtuahna buai hmel hi hmuh hrehawm ka ti.


"A zia ve leh mai ang,hetiang buaina kara ilo awmve hi apawi ka ti Bawihi.Rilru hahna nei thei dinhmun ah pawh iding lo asin mawle "a ti vang vang a,anau aben vangin a inchhir a,kei min ngaihtuah bawk si a ipik ru viau in ka ring.





"I nupui ka ni a,he inah mo ka ni bawk a,chutiang bawkin i unaute chu ka unaute an ni tawh alawm.Ka lakah inthiamloh angai miahlo ania aw,Judithi pawhin i duat zia a hria a,i lakah a pangchang ve anih hi.Ngaihdam te dil la,a haw phal lo tawp ang che,angaih em che hi"ka ti luam a,alo kiai deuh suk ringawt.

"Vawin chawhma lam chu MZU lamah ka zuk kal zawk ang aw,ka chawl rei tawh si a,chawlh la mah ilang zuk lan zawk kha athat ka ring"a tih chuan ka hnial lo khawp.Students ten an mamawh ngawih ngawih laiin loh theihlohna vangin chawlh alak angai a,students chauh nilo amah ngei pawh hian hrehawm a ti dawn lutuk ringawt.





"Umm zuk kal rawh,ngaihtuah ka ngai lo ania aw" ka ti chuan ka bekah dawmin min nuih sak a, "kalo haw veleh ka duat dawn che nia" a ti ve ngei a! Ka lai leh pek ringawt tawh leh nghal!






Dar kaw pelhah MZU lam panin a inkhalh chhuak a,ka chîk leh lutuk nge a tla ve dawkin ka hria! Ka ngaihbel mai mai niin ka hrelo,tunlai ahahin abuai ve em a,ka pa damlo a zuk awmpui nen,kei buaipui ngaiin kalo awm zawm bawk si a,ataksa in a tawrh ve phah te pawh ani maithei.

Khumah mu in ka pasal laptop atang movies ka en mai mai a,ni reilo te tal chu indim ve ka duh.Ka naute hian damdawiin ka luhpui leh anih chuan min dem lutuk palh ang.





Kalo chhing sek aniang ka harh chuan chhun riltam hun alo ni der tawh a,ka ph ka ban thuai,ka pasal missed call vawi hnih lai alo awm hman!
Ka call let thuai a,a chhan rualin "I Muhil em ni?Harsatna te inei em?"arawn ti nghal chu ka nui chhuak hak mai.
"Ka tha lutuk,kalo muhil daih a"ka ti nawi riat a,ani pawh a rawn nui ri ve suk.






"Zirlai thenkhat in ka subj ah min zawh duh an nei nual hlawm a,darkar khat hnu velah chuan ka rawn let hman tawh ang.Eichak i nei em? Ka rawn lei haw dawn nia" a tih chuan ka ngaihtuah vang vang a,eichak ka neih awm pawh ka hrelo e a!
"E taka" ti hluaiin "Diet peng ah khân 'Malva Restaurant' tih a awm a,arem chuan an chili momo minlo hawn thei angem?" Ka ti nghal thuai,ka ngaihtuah chhuak thut a ka ei chak lutuk ringawt.





"Bawihi,chutiang te chu" a rawn ti hniam ruih.





"An siam tui lutuk"ka lo ti zat a,ka chil te hi apût dawn hial mai!
"Kimte,chutiang ei chu ava tha awmlo ve.I eichak zawng dang ngaihtuah la" a ti damthlup nangin ka ngaihdan ani derlo.




"Ka eichak zawng ka hrilh che a,i rawn lei leh dawn siloh chuan enge min zawh? Lo lei lo tawp rawh" ti hmakin phone chu ka dah tau hmak.Enge maw ka thinrim thut ni? Mahse ka eichak zawng min zawt a,min lei duh leh silo tur te chuan min zawhloh mai mai tur ania,ka dik ka inti ve ta tlat mai.

Ka phone chu a rawn rik zawm leh zat a,ka pasal bawk ani.Ka la dawnlo zet a ka chhang leh ta zawk.





"Ka nuipui chu a ti tau deuh em ni?"nuih za aw zet hian a rawn ti a,ngei zetin ka phone chu ka melh nghek.
"I tau ve nget nget thiam hle mai" a rawn ti phei chu "ka dah dawn"ka ti that tawh.





Nuih hawk hawkin "ka fâ kha a tau tel em? Ka nupui leh ka fâ ti tau chu ka hneh dawn silo a,ka fá tal kha chu lo tau ve suh se"a rawn ti leh hlut,ka va ngei mai mai tak e aw!!! Alo nghal ve thiam khawp hi a!

"I ninawm ka dah dawn" ka ti leh chiah erawh "dah lo ang, i duh chu ka lo hawn dawn che nia.Thinrim lo la,ka lo thlen huna min thinrim khum chuan thlemdan tur che ka thiam dawnlo ania." A ti leh a,midang an awm ve nge ni 'Professor,heng ho hi a tel em?' tih ri te ka hre nawk mai! A students te an awm ve ani ngei ang.Midang awm ve reng laiin khatiang khan min rawn be vel tihna em ni?





"Bawihi, ka rei tawhlo ang aw kan dah phawt ange" pangai tak chuan a rawn ti leh a,kalo aw rang kher mai.
Kan inbiakna kan tihtawp rual chuan ka biang ka dawm a,alo sa hat hat mai!Midang awmve lai renga khatianga min biak te chu a! Keilah tleirawl ngaihzawng nei hlim ang mai ka lai tut zel bawk si...






Ka pasal lo thlen hun ka nghak thleng thei dawna ka hriat loh vangin inhnawhpuar tumin inhnuai lamah ka chhuk a,noodles chhum rimin ka hnar a verh leh zar tawh! Tuntum erawh ka chîl a ti put tlat thung a!
Choka ah chuan Judithi'n noodles ni ngei tur alo ei mawlh mawlh a,ka luh rual chuan a lo chhin tha nghal sawk sawk.





"Ei zawm rawh" ka ti sep a,"i luak a ti chhuak lo em ni?"alo ti ve thuai.





"Aih ka ril ati tam zawk"ka tih chuan ameng deuh awk a, insiamtha leh thuai in a tho a, "lo thu rawh,ka chhum hnem alawm plate kalo lak ang che"a ti ve tehmial!
Ka thuthla ve mai bawk a,aplate rawn lak ah chuan anoodles chhum chu suak chhuakin ka hma ah fork nen a rawn chhawp nghal thlap.





"Bawnghnute kalo thlit dawn che em?" A tih chuan ka hnial thuai.Ani pawh a thutna ngaiah a thuthla ve leh mai bawk.






Ngawi rengin kan plate ami chu kan ei zawm mial mial a,min biak tum awm deuh hian a rawn hawi kâng leh zawk thin chu ka hmu ru reng,ka hrelo der mai mai ani.

"U Mate" athaw hap a, "sawi la enge ni?" Ka lot ih chuan a ngawi leh vung vung reuh sia!




"Sawi la Judith" ka ti nawn leh sap a, a tawngchhuah hreh ve hmel takzet.





"Tukin kha ka tihpalh anih kha" a ti zawi sep a, kalo nuih sun sun thung. "Ka hria alawm" ka tih chuan thawveng huai hmel apu.
"I û pawh a inthiamlo lutuk a,a hmel hmuh pawh ahrehawm alawm.Ngaihdam a rawn dil che chuan lo ngaidam rawh aw"ka ti ve mawlh mawlh a,an unau inkar chhiat mawlh hi ani kalo hlauh ni.




"Ngaihdam chu min dil lo ang" a ti halh a,"a dil ang" ka lo tihlai chu min pawt chatin "ka û hi ka hrechiang alawm,ngaihdam dil ngai khawpa thil tisual tur mi anilo.Tukin kha chu ka tawnghnem ve bawk a,ka thiamlo hranlo.Kut min thlak kher erawh ka la na a,ngaihdam chu min dil lo anga mahse a inthiamlo in min tihlawm a tum chiam thung ang.Ka lo hmin mai mai dawn bik hrihlo,ka thinrim khum ve hrih dawn" a ti chu ka nuih a ti za ru reuh khawp.An û lakah hian Judy nen hian anlo la pangchang viau anih hi maw! Chutih rualin an zahin an û hi thil tisual ve theilo turah an ngai deuh tawp bawk niin alang.




"Tunlai ka rilru tawt deuh nen i rilru tur dawnlo leka tawng ka lo ching a,min ngaidam dawn nia aw" a ti leh a,a sual lo ka tih thin kha maw.Ka pa damlo hi an ngaihtuah lutuk a an rilru abuai anih hi.
"Aho lutuk" ka tih chuan ka pum lam chu a rawn melh deuh a, "a pawng ve nasa tawh sia,lo chhuak vat vat se ka duat sual chak tawh" mauh mai a! Ka naute hian duatsual tu tur angah dawn mange aw...athalam ah ngai phawt mai teh ang.






Dar hnih dawn hnaih ah U Oneda pawh a rawn thleng a,ka momo chah chu a rawn hawn chiang ngang mai.Ka la puar viau emaw ka tih laiin ka eichak bawk a ka ril a tam leh nghal huam huam maiin ka hria!
Ka pum angaihtuah lutuk a,bawnghnute nena ei tura min tihna chu ka hnial ta em biklo.





Judithi chuan asawi ang tak takin a û chu abe tha duhlo vel ngei a,a haw lo tih ka chiang bawk a an unau inthlem lungawi tum chu kalo thlir vel mai mai tawp.





"Ka pa pawh thatlam apan zel a,doctor remchang se chuan treatment pawh ala thei reng tawh.Helam atang tumah chhuk lo turin min duh a,ka putea te lam an awm bawk nen inlam atang chanchin ngaichang turin min duh ani.Judith,ka pa tan hian sum sen ka ui miahlo ania.A duhdan ka zawm mai chauh ani.Ka pa hian natna khuma amu lai hi hmulo turin min duh niin ka hria a,a tha tawh bawk nen a duhdan chu zawm ka tum chauh aw.A tul anih phawt chuan ka chhuk leh thei reng ania"Zanriah kan kil lai chuan U Obeda chuan a ti dap dap a,a fâl in anau hian abe duh bawk silo a loh theihloh in kan awmve thup laiin a insawifiah ta nge nge alawm.






"I hrethiam ang tiraw"anau melh chuan a ti dam leh thlup a,"ummm" pakhat lahin alo ti tûm hmuk.A rilru tak chuan a û hi ahaw tawhlo tih ka chiang em a,an inkar pawhin ngai a awh leh thuai ka ring tlat.


"U Obed,naktuk chu ka dawr te pawh min rawn hmuhpui ve la.Ka phuisui ve tawh lutuk asin"phûr zetin U Jeneti'n a rawn ti hluai a,Judy erawh project work tiin a thiante in ah zanriah a ei tlang nghal dawn ani.A û pawh a rawn dil leh ngial tawh kha maw.





"Bawihi damthat deuh hunah kan nupa in kanla rawn hmuhpui zawk ang che.Chawlh ka la ta sa sa ka nupui hi kan enkawl phawt anga,kan buaipui hmanloh lai che in nangmahin ilo in chingfel der a! I puitling khawp mai Jenet" U Obeda chuan ati hlauh a,a chhân dan chu ka beisei loh lam daih ani.

"Aaa Judithi hian min pui nasa alawm"U Jeneti chuan ati tawi tak mai,U Obeda chhandan chuan alung a ti awi vaklo nge ni?





"I pa te pawhin ka pa rawn zui haw a insak dan tur ngaihtuah tan an tum a,a duhdan ah phei chuan Falkland ah khuan inding sa a awm a,chu chu enchiang a lei mai pawh pawi a tilo anih hmel" u Obeda'n a tih leh chuan U Jeneti chuan ameng deuh awk a, "chutiang inding sa ringawt lei te chu! An hmanraw hman eng ang nge tih pawh hriat loh" ati nghal nak nak mai.




"Ka pa hmelhriat te sak ania,an mahni chênna tura an sak niin asawi lehnghal a,chutiang anih chuan hmanraw chhia chu an hmang lo tawp ang.I Pa pawh a upa ve tawh a,upat lamah insa thar leh kha a huphurh deuh pawh ani mahna.Kei tha kalo ti viau a,engpawh nise i pa pawhin rawn hmu ve phawt se"atih leh erawh chuan U Jeneti angawi ta reng a,a thlenga mi chu ei lo in a khawih akhawih ringawt.





Zanriah kan kil zo a,kan eina vel sengpui ka tum chuan tu ate mahin an phal lehpek lo! Ka tilui duh ta biklo a,sitting room lamah U Obeda ka zui phei ta ringawt.

"Ka phone inchungah ka dah daih a ka han la lawk ang aw,ka nu ten min rawn biak pawh an tum takin "tiin ka thu zet tawh chu ka ding leh thuai.





"Lo thu rawh ka han la ang" a ti chu kalo hnial thuai a,zun pah ka duh thu ka sawi chuan min hnial ta em biklo.Zun ka ngah lutuk hi chu ka ning thin,ka rai vang chauh pawh hi anilo,tunhma atang zunin hi ka pan zing viau zel.Nau ka pai hnu hian ala zual leh ta nghal a! Ninawm ve duh tak a ni.





Ka inthiar zo inhnuai lama chhuk leh ka tum kawngkhar ka hawng chu ka phu nghek a,ka au chhuak lo chauh.Kawngka pawn lamah U jeneti alo ding reng!
"Min ngaithei lo viau ami a?" Angaihna hrelo zetin ka melh tawp ringawt.



"Kimkim,U Obeda hnenah he in ka chhuahsan vat theih nan Falkland a indingsa chungchang kha ilo sawipui ani tiraw?". A tih phei chuan angaihna ka hrelo zual!





"Enge maw i sawi le?"ka ti hluai ringawt.




"Ka hrechiang che alawm nangni ang hi chu.Pawnlamah nu zem angin in lang a,sum leh pai ît lo angin in lang a inchhungril lam erawh sum ît na hlir in inkhat thung" awi! A â deuh emawni?

"U Obeda ineih chhan hi an rosum i ît vang ani tih chu ka hai lo ania"a â tawh tak tak anih hi!






"I ngaih ngaih in ngai teh" ka ti tawp.




Ka kalpel mai tur chu ka ban ah minlo phih hrawk a,ka tlu thelh nghe nghe "Falkland a indingsa lam kha lo sawipui tawh hlek suh ang che" min ti zek a, "U jenet,chutiang lam engmah hriat ka nei hauhlo.U Obeda hnenah in chhungkaw lam chanchin mai nilo i chanchin vawi khat pawh ka la sawi lo bawk.Judithi thluak i suk sak dan te hi hrelo ka ni miahlo ania,kan chhungkua ah ka pa damloh lai lehnghal a innghirhona awmlo se ka duh vang chauha ngawi mai mai ka ni.I Palzut mai mai theih ka ni miahlo ania lo hre rawh aw" ka ti ve ta fak a,ani ka hlauh vanga ngawih chuh ah min ngai anih chuan a ti sual hle ang.






A dar san zeuhin "kan la hria ang chu, ka hlau hranlo che U Obeda bulah pawh engtiangin min sawi rawh ka hlau hranlo.Tunge he inchhunga tla na zawk chu kan hre mai dawn alawm.I sawi anih pawhin i pasala unau te ngaihlo nih bak i hlawh dawn chuanglo" ti sam et anui sak a,ka thinrim chu ka inhum ruh tung tawh.



"Ka pasal hian i rin ai nasa in min ring tawh tih i hrelo ani" ti ve hlakin ka kalpel hmiah.Ani duh duh sawikhum theih ka ni nek lo.




Karkhat leh achanve kan hmang liam awrh tih ah ka nu leh pa te chu dam takin Mizoram an rawn chuangkai leh ta a,ka pasal in asawi lawk tawh ang ngei in u Jeneti nu leh pa in an rawn zui haw bawk.
Ka pa chu hmuh anuamin ahma ai zawngin alang hrisel zawk a,rilru alo hlim ru ve veng veng mai.An rawn thlen zan chuan keima nu leh oa te pawh an rawn chho ve bawk a,kan ri ve luih luih mai.





U Jeneti pa chu Pu Sawiluaia niin anu chu Pi Thahmingi ani bawk a,an fanu anglo zetin kei chu min lawmin ka naupai pawh min lawmpui ngang mai.

"Obeda chu hei nupui i thlang thiam khawp mai.In fate reng an chhe thei dawnlo anih hi"Pu Sawia chuan a ti fiamthu leh hlut thin.Pa ti ti thiam leh fiamthu duh tak niin ka hria.Nuihna tur a chhakchhuak thiamin a uang riau a,ka pasal hma ah min ti lai leh dawn dawn thin.





"Ti daih ilang Sawia,Falkland lam ram chu enge i ngaihdan? "Ka pa (Obeda pa) chuan a rawn ti chhuak hlawl a,U Jeneti ka en chu ahmel alo tum nghal hmuk.




"Han en ve phawt ilang,Chhuanvawra hi ka hrechiang lo nangin ka lo ralkhat hriat ve tawh a,a ni insak chu a chhe theilo"Pu Sawia pawhin a ti ve mawlh mawlh.
"Ka ngaihdan chiah ani,an nu kha Chanmari ah sawn boral hman lo se chuan an tih ral duh kher ka ringlo a,an nu ber kum tir lam khan a boral ta si a,Chhuana hian an nu ruang chhuahna in saw chhuahsan a duhlo ani awm e,chung nilo se tihral pawh a remti kher lo ang"ka pa'n a tih leh chuan Pu Sawia pawh a inngaihtuah muk khawp.





"Pa,indingsa chu tha viau mahse keimahni duhdan ngeia sak chu atha zawk lo maw? Ram nei sa lo pawh kan ni lo a"U Jeneti chuan a rawn ti ve ta hlawl a,a ngawi rei tawh ka ti reng ani.



"Aaa Net-i,i ngaihdan pawh chu atha viau a,mahse kan lo upa deuh tawh nen i û te nen kan inrawn a,inding sa nghet tha leh hmanraw tha hmanga sak a awm phawt chuan lei mai kha sum kan seng hnem lo zawkin kan lo ring a.Mizoram chu lirnghing te hi a hlauhawm ru riau a,hei i pa te inhmun anga rem kan inhmun lei kha ani ve silo bawk nen,Falkland lam lah chu a ram a that hmel viau lehnghal a"Pu Sawia vek chuan a ti leh charh charh.A rilru chuan Falkland lam chu a awn sa anih hmel.A awm ve reng mai,upat lamah in leh lo han dinthar leh pawh chu a huphurhawm ru dawn emai.




"Mahse pa"U Jeneti'n a lo ti leh chu apa'n akut hui khum zeuhin "kan lei ang pawh kanla ti chuanglo a,a ram chinchang te zuk en ve phawt ilang kan la ngaihtuah dawn nia" tiin afanu chu tawngzui leh tawh lo turin a siam nghal hmak.





Mu turin kan room lam kan pan san a,intifai hmasa in U Obeda chu ka zawh ah a intifai ve nghal zat bawk.
Darthlalang hma ah chuan dingin ka pum chu ka thla lo lang chu ka melh reng a,chhia ka inti phal lo.Hmeichhe tam tak chu nau an pai a an dul alo len deuh hian an insit duh viau a,kei erawh ka thisen ngei ka pumah thanglianin ka taksa a rawn ti danglam a,Pathian malsawmna anih vang ringawt pawh hian ka taksa lo danglam ta chu ka insit phal lo.





"I nalh lutuk" ka hawisawn thuai, a lo chhuahlai ka hre miahlo!





"Ka dul hi alen belh deuhin i hre ve em? Tunlai chu ka thil ei pawh a tui sawt tawp a!" Ka ti hliai,tunlai tak hi eichak ka ngah in ka thil ei a tui viau zel!
"Umm,ka naute tereuhte khân riltamin a siam reng thin miau che a tiraw" nui suka a tih chuan kalo nui ve tawp.
Ka pasal lakan hian pangchan nuam ka ti a,ka eichak zawng te hi abulah sawiin 'i naute tereuhte hian a eichak aniang mi tur ut ut mai'ka ti ta thin a,U Obeda lahin chutianga ka sawi chu alo lawm phian zel!




"Amak e! Ka pian ahnu lama ka dul kiarh ber tum ala niang" ka ti leh hluai chu nui hawk hawkin min rawn pan hnai a,ka hnung lam atanga mi rawn kuahin ka pum chu a chûl ve hauh hauh.
"Ka naute,hmuh che ka nghakhlel tawh hle mai.Lo chhuak tawh mai la" a ti zawi ve ruih.
"Ka duhlo,hetah hian ka tawm tlat dawn a ti anih chu" ka lo ti zeuh a,darthlalang chhan vek atanga mi melh in chimawm min tih hmel zet hian min melh rulh rulh a, ka dul chu na lo te a pen kawrh in "i chimawm reuh hle mai" a ti ta hluk.




Chutia kan nuih dun vur vur lai chuan ka oum chu arawn che a! Avawi khatna ani!





"Bawihi! I hre ve em?"mak ti zetin U Obeda chuan a rawn ti deuh nawk.Ka pum chhunga che te chu engah nge ka hriat loh ang ni?a ti mak thei em em emai.


"Avawikhat rawn chet na anih kha" ka ti chiah chu hlim hmel zet hian a khi ta thaw a,a awmloh lai in a rawn che ang tih ahlauhawm hial zawk.
"Kan thawm ahre ve aniang a"a ti ta reuh a! Ava hahthlak thin tak.Naupang thil thar nei ang mai lawmloh in anuih tak vur vur reng mai hi maw.




Ka pasal pawh hna lamah akal zawm leh tawh a,keipawh ka taksa mam chho tan tawhin hmuh ka nuam ve tawh viau in ka ring.
Ka pasala nu pawhin "ka tû lo piang tur chuan api leh pute alo ngai ber aniang,kanlo haw i ngaih em mai"min ti hial.Ani lah taka,an rawn haw hnu phei hi chuan insawiselna ka nei khat khawp mai.






Beisei loh zetin ka ti dawn nge ni? Pu Sawia te nupa chu Chennai a an let thut angaia,an hna thawh lamah buaipui ngai an nei ani awm e.Ka pasal sawi danin Pu Sawia hi Engineer mizo zingah chuan ahmasa pawl leh ram pawn lama thlengsang pawl niin a sawi a.Sawrkar ah pawh sawmna dawng mahse lut duhlo in pvt company lian tak pakhat ah a thawk ta zawk ani.A fapa ,U Jeneti û chiah hi chu Chennai hotel pakhatah dinhmun sâng tak chelhin a awm bawka,an upa ber erawh hnamdang khawthlang lam mi nupui ah neiin Canada lamah an inbengbel tawh thung.Sum lamah chuan harsatna an neilo viau ang tih chu rinthiam ahar lo.





Kan ni hman chu anuam chho tan viau a,doctor hnena kan inentir leh pawh in ka dinhmun chu naupai dangte ang tho anih leh tawh thu minlo hrilh.Ka sawi awmzia chu naupai hrisel tha pangai tak ang ka tihna ani.Ka Hb erawh hniam leh thut thut thei reng anih vangin inenkawl tha viau turin min ti bawk a,chubakah vawikhat bedrest ngai khawpa ka awm tawh avangin a dawt leh awm tawh lo se athat ber thu min hrikh ngun ngang bawk.






Judithi chuan pvt school pakhatah thawk tura sawmna a dawng a,zir zawm leh a rilruk hrih lo bawk nen ka pa leh ka pasal te nen an sawi ho hnu in kum khat chhung chu thawh ve ohawt a rel thlu a,karthar atang ahna atan bawk ang.
Naupang la enkawl ve ngai heklo,ka buaipui thin dan te chu min rawn ve mawlh mawlh a,kan inpawh zual phah hle.





"Pâ,U obeda hian ka dawr minla hmuhpui miah lo ania aw"tukthuan kan kîl lai chuan no zet hian ka pa hnenah U Jeneti'n ati leh hnâp tawh.
Min tawngkhum fak atang phei kha chuan ka be hmasa tawh lo tluk ani.A pa ala dam ve reng lai a ka pasal pa 'pa' tia ako duai duai reng te chu ka ngaihdan anilo khawp a,chu erawh ka awmve hma daih atanga an lo in koh fo dan ani tih hria in enghelh loh luih hram hram ka tum.


"Ngahnge maw i nau dawr chu ila hmuh pui loh ni? Vawin sawrkar chawlh ani bawk a in nu nen hian zu hmuh oui tak rawh u"Ka pa pawhin a ti ve nghal a,zep loh chuan U Jeneti dawr kher chu zuk hmuhpui ka peihlo.Chu ai chuan nilenga inhnial pui tur neih pawh ka peih zawk.
Mil loh sa nen ahmel ka hmuh te hian ka ni deuh nghulh zel!






"Bawihi, i peih angem?" Tiin ka pasal chuan min rawn nghal a 'peih teuhlo' ti a chhân tak ania ka nap,achi der mai silo a "peih loh pawh a awm chuanglo"ka ti ta tawp.

"Anih chuan kan rawn kal dawn nia Jenet,chhunlam boruak hi Bawihi hian a zawh loh deuh takin chawhnu lam boruak daih deuh hunah kan rawn kal ang" a ti ta a,ka hnial lo khawp mai.Nileng lenga zuk awm te kha angaih mawlh ania ka hlauh ni.





Chawhnu her alo nih chuan U Jeneti dawra kal turin kan intin tuah a,khua alum bawk nen kawrfual ka chawn thleng vel a pawldal ban bul chu ha in sandals ka bun a,ka sam erawh lum viau mahse ahmawr ti kawi chiat in ka thlah thung.Thawmhanw lam ah inchei lo deuh pawh ni ilang kan sam leh hmai vel kan chei hi chuan kan lang inchei nghal thlup zel

U Obeda chu Tshirh pawl dal hak tir ve in kan thawmhnaw hak rawng chu a in ang lek lek.A thawmhnaw ka thlanchhuah sak leh ka inbel lai chu melh tawn zak zakin min chhaih deuh reuh lehnghal!A duh chuan alo nghal thiam ve khawp mai.






MC lam panin amotor chuan kan inkhalh chhuak a,MC hnuai ah motor dahin U jeneti dawr lam chu kan pan chho nghal a,kan thleng chiah chu U Jeneti'n anunphung ahlauh ka ti dawn nge ni ka pasal chu a rawn kuah deuh chung chung mai!

A dawr chu alo zau reuh khawp a,asawi ang tak takin alo inhnawh muk ve lutuk tawh ringawt.A mi chhawr nge ni nula pahnih an awm ve bawk a,dawrtu an neih loh lai tak pawh ani maithei midang an awm hranlo.





"Ruthi,Sawmi hei U Obeda anih hi"a bân a la kai reng chung chuan U Jeneti chuan a hnathawk te bulah a hmelhriat tir a,kei chu min lam ri ve lo reng reng!





"Enge i duh? Kalo enpui dawn che ami?"Ruthi a tih zawk in kei min melhin a rawn ti thuai.





"Bawihi,lo kal ta che.Ka nupui anih kha"U Obeda chu ka bulah rawn kalin ka kut a rawn chelh nghal zat.





"Oh! Anih chu,nupui i van nei hmeltha!"Ruthi chuan a ti ta reuh a! Ka pasal chuan min chhuan hmel zeta min melh deuh vang vang hnu ah "atha ber lo chu ka thlang duh hleinem" a ti ve khauh mai!




Dawr ah chuan kan thu ve ta reng a,rawn tei lut pawh an awm ve leh zeuh zeuh thin.





"In inhralh tha thei em?"Ka pasal chuan zawh bik pawh neilo in a ti a,dawr nghak pathum an awm miau a U Jeneti pawh azawt hran chuanglo.





"MC anih vang hian atam zawk hi chuan rawn kuh an hreh a,a to bik tur ah an ngai ngawt a"Sawmi zawk chuan a rawn ti a,U Jeneti rawn inrawlh vatin "thil to to chu tlo pawh atlo zawk a,man tlawmte lei ai chuan a tha zawk daih alawm"alo ti ve thuai.


"Adik na chen a awm a,man tlawm te tha deuh si pawh hi a awm tho ania.Rawn lenglut te inlo dawnsawn that zel chuan engang mi pawh nise in dawr pawhin mi hriat ahlawh chho em em ang."ka pasal chuan a ti leh charh charh.





"Bawihi,i ril atam em? In eipuar ve lawk ang hmiang"tiin kei chu min be ta daih a,dar thum a ri dawn tawh a,ka ril chu atam ru leh deuh tawh tho mai.






"Kalo kal ve nghal ang,chhuna kan eitur chah kha ka eitha thei derlo.Sawmi ka va chhuak ve zuai ang aw"U Jeneti chu a rawn tho ve nghal tharh! A va hneawm ru reuh tak,awmlo ilang a ei pawh ka ringlo e a.





A dawr piah lawk ah chuan in eipuar turin kan kut a,eitur kan chahfel hnu ah inthiar turin ka tho kang zui,U Obeda chuan min zui ve a tum lehpek tawh a,"ka rei dawn lo lo thu rawh" tiin ka kalsan lui thei hram.Mi mit te kan tikham reu reu ang tih ahlauhawm.






Ka zung zo kan chawlhna dawra la lut leh tur chu Biaktei nen kan inhmu hlawl mai!
"I bazar em ni Biakte"be hmasa ah tangin ka ti a,a ni pawhin tha takin an thil chah an lam thu min hrilh ve mai.

"In bazar thung ami?" Tiin min zawt let ve ngei a,"chutiang lam lo deuh,U obeda pawh a awm asin,thil kan ei dawn chiah a lo lut ve la" ti a dawr chhung lam ka thlek zeuh chuan a thlek ve vat a,a ner nghal nawk thung.







"Saw nu bawk"ti hlakin a eiloh hmel ngang mai!




"Jeneti tei vet sawn enge a tih ve?" A ti ta hlak a,"a dawr hmuhpui turin min sawm a,kan rawn enpui ve a,thil kan ei nghal dawn anih saw.I hria em ni?" Ka tih chuan a hmel chu a siam chhe nasa ngang mai.





"Ka hriatloh chuan amak zawk ang chu.Hmuntinkiltindengchhuaki anih saw,ka ngei ania ahmel ka hmuh zawng te sawn bp sang ka nei dawni'n ka hria! Ka din ve reng chuan ka va kek phar awn awn duh ang ka kalsan phawt ang che.I pawisa ka pul kha rulh let na tur che ka la neilo aw" tiin akalsawn zui nghal nal nal chu ka en reng ringawt.Eng tak chu hria nimaw?

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia

Show post links
Top

[Ngaia]

CH-12




Chawlhni tuk ani a,keini chhûng pawh biakin lam pan turin kan insiam leh hnak hnak tawh hlawm.
Ka dul a len ve deuh tawh vangin chawlhni kawr hak tawk ka nei mang tawhlo a,Nunthari awmlo phei se chuan hak tur ka nei tawhlo zawk ang.Ani afel hlauh a,min rawn thuisak zung zung a! Thui man lah ala duh thin derlo nen inthlahrunawm duh ve tak ani.





"Bawihi,i inpeih tawh chuan kal ang hmiang"ka pasalin a rawn tih chuan pheikhawk bun tumin khumah ka thuthla chiah.ka dul alo lian ve tawh nen pheikhawk bun tak hi ka harsat deuh riau thin.

"Keiman le" ti supin ka hma ah a rawn thu hniam a,ka ke veilam la kang hmasa in flat bun nuam lutuk ama min lei bawk chu min bun tur nghal zat a,chutiang bawkin a khing lehlam pawh min buntir lehnghal zat bawk.






Ka pasal motor in ka nu leh pa te nen kan kal a,midang ho erawh scooty in an rawn kal thung ang.

Naupang khawmpui ani bawk a thusawi pawh a reilo,kan kohhran in beginners department kan thleng a,kan nupa in naupang te tak te te duhawm zet ho chu hmuhnawm tizetin kan thlir reng.Kan ngaihtuah a in ang in ka ring.Pathian zarah naute kan nei tluang thei anih chuan khawmpui tur te'n kanla hruai ve nak nak thin anga,nau neih hun mawlh ania ka nghahhleh tawh ni.





"Matei"





"Ehe! U Joshua teh hlawl chu!" Kan inhmu khat hle tih ka hrechhuak.Ahmel hmuh alo nuam tawh takzet.




"Ka û te nufa ka rawn inkhawmpui a,beginners zirlai ani ve reng tawh mawle.Kha nangni pawh naupang khawmpui ah fate inva tel pui hnai tawh ve"tiin anui zui hak hak a,U Obeda pawh alo kiai ve suk suk mai.
"Joshua,i tha zel amaw?" Ti dutin ka kawngah min kuah nghal zat a,ati mak ren run thei mang e.


"Tha zel animai,nakum lamah chuan tihhuk te pawh kan nei ve tawh maithei ani" a tih chuan kalo phul hlut."U Dami a rawn haw dawn em ni?" Kalo ti thuai.






"Kumin bak chu Mizoram ah a awm tawh ang"tha tak chuan alo ti ve mai a,han innei ve vat teh se.






Ka nu leh pa te in lama kan thlah hnu ah kan in lamah kan lengthla a,ka nu leh pa te erawh kohhran upa leh kohhran hmeichhe hruaitu an ni kan thlen hnu lawk ah biakin lam panin an inzui chhuak nghal.
U Lawmi pawh a nau neih hun ahnai tawh bawk a a dul alo puar tawh ngei mai.Nau an pai thei tawh dawnlo emaw tih hnu ah an han pai leh hlawl chu ania! Ka û Thanpuia awmthiamlo lutuk pawh hi a demawm thlawtlo alawm.





Inlam kan haw chho leh inchhung kan lut chiah chu anlo thu khawm laih a! Judithi alo insut faih faih bawk!





"Obeda lo thu teh u"ka pa chuan ngaihtuah muk hmel zet hian alo ti a! Angaihna kan hrelo dun viau.




"Thil thleng a awm em?"thutthlak pah chuan a ti pah sup.





"Û" ti tiau in Judithi chu a rawn tap chhuak leh hawk a! U Jeneti'n alo kuah thuai.




"I nau hian beisei loh zetin nau alo pai tlat mai"ka pa'n a ti chiah chu min thawng dun ngei mai! Ka nu pawh chu a mittui a tling ve pam thei.

"Tu fa nge?"U Obeda chuan a ti deuh khawl a,"Judith,i lak atang chuan ka beisei lo viau asin mawle" a ti leh sup.





"Judith,i fa paina pa chu tunge anih i hrelo takzet amaw?"ka nu chuan beidawn hmel zeta Judithi melh chunga atih rualin U obeda nen Judithi kan melh thuai.Alu alo bu nghauh nghauh a,ala tap pur bawk.
"Eng nge maw i tih hi le?"ti hlukin U obeda chuan anau chu amelh ta ngawt ngawt, "pasal ineih hma a i rai pawh tih tawh laiin i fa paina pa i hrelo lehzel amaw?" A ti deuh hluk a,aban ah bengdaih tumin kalo dawm thuai.




"Dawt sawi na hun anilo aw Judith"dam deuh zawk chuan a ti leh.





"Dawt ka sawi hleinem,kha zán ah khan tunge ka awmpui ka hrelo tak tak.Worldbank road ah kan inkhalh chhuak mai mai kha party anlo neihna ah kan thleng thla hlawl a,ka tum lawkna ni bik miahlo in zu ka in a.."a hmui a khur der der a,ka khawngaih reuh lutuk ringawt.

"Engtia han tih chi nge mawni? Judith,i fa paina pa chuan nupui fanau lo nei tawh ta se engtin nge kan tih ang? Nun hi hman fimkhur angai viau asin mawle.Tunah hian nangchauh i intimualpho lo a,kan zavai mai hian min ti mualpho hle ani.Nau i pai hi kan lawmlo anilo a,i paidan ber hi ani kan lawm loh chhan"Ka pa chuan a ti dap dap a,ahmel atang reng a fanu chu a lainat ve takzet tih ahriat reng mai.






U Obeda pawh zan dang anglo takin angawi reng a,khuma ka lawnkai ve rualin minlo kuah tawp a,a tawngchhuak lo hrim hrim.Judithi'n a ngaihtuahna aluah hneh viau anih ka ring.





Kan nundan pangai in kan nung a,ka pasal pawh hna lam thulh chi ani hrih silo a hna kal tur in a chhuak ve ta leh ta nge nge.

Chhun lamah chuan kei leh ka nu leh pa Judithi te nen kan awm leh ran tawh a,ka pa in a hna lamah kal zawm a phal miau lo a a hma hun tur chu ngaihtuah leh fe ala ngai ang.





"Judith,kalo lut thei angem?"a room kawngkhar kik kauh kauh a ka tih chuan alo hawng thuai.





"Engtia upa nge anih tawh?"a pum lam melh zeuhin ka ti a,"thlakhatna vel chiah aniang" a ti zawi sap.
"Inentir ve hrim hrim ahun tawh anih chu,i û ka lo bia anga i inhruai tir dawn nia"ka ti a,rai ahaw ve vaklo nge ni a taksa ah danglam a awmlo,ahmai abui deuh tih mai loh chu.Heipawh atahna vang ani ngei in ka ring.




"A hrehawm ka ti emai keichu,ka nu leh pa ka û thlengin an zah dan tur ka ngaihtuah a.Ka pa phei chu biakin hawng ngei a inneih ngaisang mi ania,kha zan khan lo chhuak ve lo tawp ila tha tur"ati ve vawng vawng.
"Thil thleng tur a thleng vek tawh a,tunah chuan i nau pai chauh hi ngaihtuah hrih rawh" ka ti ve luam a,"ka ti tla mai dawn em niang?" A rawn ti chu ka melh kawk.






"Judith,nau tihtlak i duh em ni?" Ka ti halh, ka beiseilo khawp mai a sawi atan.





"U Jeneti'n a hre hmasa ber a,ani chuan nau tihtlak mai kha min rawn a,keipawhin ka ngaihtuah lai mekin ka nu in min manchhuak leh ta si a"atih te chuan U jeneti ber chu ka haw hlur tawh mai.Pathian pawi vawikhat a sawi tawh a,a aia liantham pawi lo khawih tir leh te a tum!!

"Ngaihtuah ve la Judith,Pathian pawi vawikhat i khawih tawh a,a aia liantham khawih leh chu i ngam takzet em ni? Nau tihtlak hi tual thah nen a danglam lo asin" ti tla lo se ka duh takzet,midang pawhin an duh ngei ka ring.An rilru ala na tlâng em a,a rei anga a reh leh mai dawn.




"Ka hrethiam tawh biklo,apa tunge tih pawh ka hre bawk silo" a ti chuai leh raih a, "zawnchhuah dan a awm em em ang" ka lo ti ve erawh alu min thinkhum nak nak thung.
"Zawnchhuah ka duh em tih ka hre lo,ka pa sawi ang khan nupui fanau nei tawh lo nita se? Tunlai ah chuan mipa hi an sual tawh a,nupui fanau nei reng chunga khatiang hmuna kal kha an pawisa tawh lo.Bakah khatiang hlimhlawp bawlna hmuna kal thin ka fa pa tan chuan ka duhlo hul hual.Ka pai tlang anih chuan keimahin ka enkawl thei em em ang" a ti a,a ngaihtuahna chu awm ka tihpui rualin naupang chu alo lian telh telh anga,pa amamawhna ala nasa tual tual dawn chauh si a,engangpawn enkawl zo mahse afa thinlung hmunruak kha a luah khat zo vek dawn silo.






Kan theih ang tawk tawk in naupai laia damdawi eitur tha te chu kan leisak nghal mawlh mawlh a,ka pasalin inentir pui tawh in anaupai pawh a hrisel tha viau.Ka nu leh pa in Judithi pawh ko hrangin nau tihtlak duhna rilru aput mai te an hlau in nen thutha an fah ve mawlh mawlh a,kei chuan engmah Judithi rilru put kha ka hrilh lo a,mahse mi pangai an ni a,an fanu rilru tur an hrethiam ni hmiang ka ti mai.






Zanriah kil hun hnai uarh tawh mahse ka pasal in duhsak taka ka thil chah minlo hawn chu ka ei puk puk a,ka ei tui ngang mai.


"I va in ei tlai.." uak nghal thawin bathroom lam apan nghal rawkrawk.Tho ve thuai in ka va buaipui a,ka nu a rawn thlengphei ve nghal bawk nen a rawn buaipui zawm nghal mawlh mawlh.




Bathroom atanga an rawn chhuah leh rual chuan ahnâr hupin "U Mate enge i ei kha?" A rawn ti nghal.
"Sawhchiar ania,arim hi i hua em ni?" Ka lo ti thuai.




"Amak hle mai ka rai vang hi mi?"ti nang nangin a hnâr chu ala hup reng a,ka dahbo nghal sawk sawk.Ka dahbo takah chuan ahnar hupna ala thla a,tui a in nghal khawlh khawlh.
"Rim huat i nei ve tan dawn anih kha"ka nu pawhin alo ti ve sap.






Muthmun ah kan nupa in kan ti ti mawlh mawlh a,U Obeda chuan anau fa paina pa chu zawnchhuah ngei a duh a,eng anga nikhualo pawh nise sâwn man tal rawn pe se a duh ani.A nau zahawmna avên ve theihna kawng ni ah angai nghet bur.






A tuk ka tho chu ka pasal in minlo thawhsan teh mial a! Min thawhsan ngailo viau asin mawle.
Inhnuai lama ka chhuk erawh beisei loh zet in inhau thawm ka hre hmasa ta ber.

"Ka duhlo ka tih chuan zawn luih kher chu enge a tul na?" Ti a Judithi au ri chu a ring ngang mai.




Ka nu leh pa,ka pasal leh U jeneti te anlo awm reng bawk.Min hmuh rualin thinrim mitmeng thip zet hian U Jeneti leh Judithi'n minlo melh rûn!


"Ka nau paina pa zawnchhuah ka duhlo ka tih mawlh mawlh laiin ka û hnenah hian enge ilo sawi lehpek a? "Judithi chuan min melhin alo ti ta hrawk a! Hamhaih zetin ka ding reng ringawt.Engmah sawi ka nei silo!





"Judithi,Bawihi'n ka hnenah engmah a sawi lo"U Obeda'n alo ti hluk chu athinrim zual sauh,"i nupui ni mahse i nau ka nih ve tho hi,tinge i tan bik em em reng zel.U Matei bulah pawh ka fa pai na pa zawnchhuah ka duhloh thu ka sawi chiang ngang mai,nge ni a kei hi hnawk min ti a min kalbo tir dan ilo ngaihtuah zawk?"min melh run chunga a ti mai chu ka melh ngawt ngawt tawp.


"Judith,i tawngkam kha fimkhur rawh aw"U Obeda chuan alo ti leh hrawk a,sawi ve tur reng ka hrelo.





"Kei leh ka naute hi min enliam mai mai thei lo anih chuan ka kalbo pui mai ang.Apa chu zawnchhuah ka duhlo bawk"ti leh hlakin inchung lamah achho tau sawk sawk a,U Jeneti'n "ka han bengdai ange" ti sapin a zui chho ve nghal.

"Bawihi" nuih luih ngial ka tum a ka beidawng thak.Khatiang em em khan min rinchhiat theih kalo ring lo a!





"A zialo thei emai Mate,engahmah ngai suh aw.Obeda nangpawh a naute pa chu zawng hrihlo phawt mai rawh"ka nu'n alo ti ve zung zung a,ka pa erawhin "a hriatloh in zawn zawm rawh,engang mi chiah nge anih tih te pawh hriat atha.Chinchang hrelo a awm reng zawng a diklo" a lo ti bur a,a pa nen an rilru puthmang alo inang viau ani hi.







Judithi nen chuan kan inkar abuai chho leh ta nuaih a,in khata chengho reng si kha nikhatah vawikhat pawh inbiak loh chang kan ngah lutuk ringawt.
Tlaikhat ka pasal hna bângin icecream ka ngainat ber mai chi min rawn hawn a,hlim zeta ka ei nghal pawk pawk chu hmuhnawm ti zetin minlo thlir reng.



"Kan naute hi hâ nget sa in a rawn piang ang tih ahlauhawm khawp mai" a ti chu ka nui hak hak a,a sawi awmang thiam thei sia! Amah lah hi tianga a fiamthu hian anui duh leh tawh der thin silo angeiawm thei ania.

"Ka lo han intifai ang aw" a tih chuan thawh ve mai ka tum a,"lo ei rawh,ka naute khan ala kham lo ang" a ti leh tawh. 'ka naute' hi ati deuh kher zel a,akâ atanga chhuak atan chuan a inhmehlo ngawih ngawih.





"Nangmah chauh hi i inngaihtuah a! Judithi pawh tunah chuan a rai ve tawh a,a rilru tur te hi ngaihtuah pui ve thin rawh u"engtik laiin nge choka ah alo luh hman ka hrelo.

"U Jenet,U Obeda chuan anau angaihthah bik reng reng lo.Eitur pawh a rawn hawn ve fo alawm"ti a ka chhang chu min melh rum ngang mai.





"I pasal hi i huamhauh huam huam lutuk a,nakin lawkah chuan ka nu leh pa te pawh hian an ngaithei lo thuai ang che" a ti leh erawh ka fian ken ka thlak ri bawl a, "engchiah hi nge maw i buaina le?ka eng hian nge i pawi sawi? Tinge mi huatna tur hi a zawnin i zawn reng a?" Ka ti ta fak mai.


"I chhungril chhiat zia ka hmu a chu chu animai,an ngaih anga fel hi inilo tih ka hria alawm" ngeiawm zeta nui sawng in min chhuahsan zui hmak.Ka thin hi ava tirim thin tak.Tinge maw helai ah pawh hian ala chen ve reng ni? Inthlahrun pawh a inthlahrung ve zozai tawh lo em mawni?






"ka ei theilo tih in hre reng a tinge insiam luih kher zel a" ti a Judithi tho daih chu ka melh zui tawp.Angaihna tak pawh hi ka hre tawhlo.Ka chawhmeh siam ve tum apiangin tiang hian atho tau hmak zel a,kan inkar hi a khi zau tawlh tawlh ani ber tawh.

"Ava buaithlak thin ve aw"ka pa in a ti zui vawng vawng a,U Obeda thawh ve tum chu ka lo vuan nghal thuai bawk.Vawi tam anau hi khak a tum tawh a,ka lo dang hram hram thin.Ka danglo anih chuan buaina lian zawk kan tawk dawn tlat ani.U Jeneti nen room ah an inkhung chawt zel a,ani hian alo fuihpawrh thin tih ka hailo.U jeneti han hauh chhuah lah thil tihchi ani bawk lo nen ngawih ka la chuh ve hram hram hrih ani.






"In khak lo anih chuan kei in ka ti ang,Judithi hi enliam theih loh chin ka nei dawn ania"ti khauh far in U Obeda chuan a chaw ei lai a ei zawm a,ka nu leh pa rilru tak pawh abuai ru ve viau ngei ang tun dinhmun ah chuan.





Inbunruahna tur ka mamawh bawk a ka pasal phalna thlapin Nunthari dawr ah ka leng a,ka tlawh ve chu alo lawm ngang mai.Thawmhnaw thar min thuisak alo tum lehnghal ringawt tawh!
Kan chhungkaw chanchin tlema zawng ka hrilh chu minlo thinrim pui ve khawp a,kei ai mah mah in a thinrim zawk emaw tih tur ani.


"Jeneti thiamloh anih ka ring ber"Û pawh a û duhlo,kan Nunthari zet hi chu a.





"Nia,Judithi tawp hi chu a sual hranlo mawle" ka ti ve leh tho a,U Jeneti hian enge angaihtuah pawh ka hrethiam lo.

"U Obeda hi angaizawng ru ve anilo maw?" A rawn ti chhuak khauh a "chutiang zawngin a awm bawk silo a" ka lo ti ve leh thung.




"I rilru ang tur pu ve vek turah i ngai anih kha,ngaihtuah teh ahuat em em chhan che te ngaihtuah la.U Obeda te nen seilian ho mah nise unau diktak an ni lo nen alo ngaizawng ru ve reng thei asin"a tih chuan ngaihtuahna a ti thui khawp.Biaktei awmdan ngaihtuah chhuakin ka sawichhuak zui nghal a ,"Biaktei chu be leh rawh,ani chuan thil a hrechiang deuh ang.Ngaih han tih that ngawt chi anih loh chu"a tih chuan keipawhin Biaktei chu zawh chian duhna in ka khat.A number lah ka nei ve der silo a,nakin ah an inah khan ka la lenchilh tawp mai ang.






Tlai vaklo ah ka haw a,ka nu te an lenchhuah vangin rawng ka bawl nghal mawlh mawlh.




Zân ah chuan U Obeda inbual hlân in aph atang Biaktei number chu ka la chhuak a,thla hnih thum liam ta atang khan aphone ah hian password a dah tawhlo a,achang chuan ka khawihsak ve fo mai.Number ka lakchhuah zawh chuan balcony lamah ka chhuak a,tunlai boruak inthlak nasa lutuk hi a châng chuan ka zo lo lek lek thin.Durtlang pawh lum uap lutuk châng ber thla ah ala nei ania! Zanin pawh a uap viau naktuk lamah chuan ruah asur leh ngei ka ring.




"Enge ilo tih a?" Ka hnung lam atanga min rawn kuah in ka dar ah akhabe a rawn nghat a,a kutin ka dul chu a tuai leh heuh heuh tawh.





"Boruak dai ka dawng mai mai,i va zo hma"ka ti chu anui nghawr dawt.





"Rimtui chuk chuk lutuk mai"ka nghawng hnim vang vang chuan a ti a,rimtui hi minti fo a,ka inhnîm leh khut khut thin phah.Eng rim mah ka nam lah chu ka hre der lo lehnghal!
"Ka ngaihtuah mai mai a"



"Enge i ngaihtuah?" Alo ti ve thuai.




"I tlangval lai hian i luck dawn sia,i lo lerh ru phian lo maw?"ka ti chu ka nak a atham tawk a,ka lo te ring ngang mai.
"Ka lerh ilo ring viah elaw chu" ti hlukin anui zui hawk hawk.




"I luck dawn sia" ka ti fân leh ruih.




"I luck zawk daih ang chu,hmeltha bawk rilru tha bawk chu tunah te hian min thîk tu an tam viau ang" min ti ve ngei a,pasal ten hmeltha min han ti chu thul lawmawm loh zawng ani miahlo.Angaih ang lah hian ka luck der mai silo a,chu erawh ka sawi lang duhlo.
"Min duat viau ang che,nuthlawi ka nih hun min châng an tam ania"ka ti chiah chu ka nghawng ah a rawn seh zeuh a,ka teu nghal hlar.




"I nghal ve reuh sia" ti in a nui zui suk suk mai.




"Min seh tawh hlek suh" ka lo ti hlar thung.




Ka hn*te a rawn khawih zui niap niapa ,ka lo dang biklo.Ka beng bulah rawn thaw lum ham ham in ka nghawng te chu a fawp kual dun dun reng a,alamah min kuai herin duhthawh zet hian min fawp nghal tawn tawn mai!

"Bawihi, lut ang aw" a ti thawp sup chuan ka lo bu ve nghut.Ahnu a thil thleng erawh nupa kara tawnbuak tur thil ani.





Biaktei chu a hman hun tur whatsapp atang ka zawt a,a call arawn lut nghal nen room ah ka tlanchho rawk rawk.





"Aw Biakte"ka ti chu "bá min rawn thing dawn ami?" Arawn ti let hem mai!





"Teuhlo,biak che ka duh a" ka ti erawh a thutak ve ta deuh."Sawi le,kan samaki chanchin ami?" Tawngkam te hi abei mak thei mai sia!


"U Jeneti chungchang hi engchin chiah nge i hriat?" Thutak zet a ka tih laiin "Sai ip puan sin tir a khawlai fankual tir ka chak ania"arawn ti leh hlar tawh.
"Sawi chiang la"ka lo ti zeuh.




"U Lily te in ngaihzawn lai khan an intihthiamloh chhan ber ani thin alawm.Phai ah hna thawkin ka û kha a awm a,U Obeda lah kha mawl si,û angin a en emaw a ti char char a,a chang chuan ahrethiam duhlo lui thin emaw kan ti thin zawk" a thusawi chu hriatthiam ahar reuh takzet.

"Nangpawh kha fimkhur rawh,ka û kha chu a dawihzep em a a tilet ngam ngailo a.Khanu khan an inkar ah buaina a siamsak nasa thin ania aw,fel hmel deuhin a lang a,a tirah chuan ka û pawhin angaina thei lutuk.Mahse an lenchhuah chang te hian lo tel ve phet a tum zel a,mi zingah lah hmusit deuh deuhin alo tawngkhum thin ania ,ka û in min rawn hrilh leh thin a keh phar awn awn ania ka duh ni khanu kha chu maw."a thaw zui halh halh a, "U Jeneti chuan U Obeda hi angaizawng chu ani em lo tiraw?"hlauthawng ru zet chuan ka ti sap.






"Hello? Ka tawng i hrethei em?" A rawn ti zui a,"ka hrethei "ka ti ve mawlh mawlh nangin ka tawng zawk ahretheilo niin ka hria.





"Ka tawng i hrethei em? Kan zin a,signal hi achhe lutuk.Ka tawng i hriatloh phei chuan thinrim deuhin ka sawi ve a ava ho awm ve" te a rawn ti nuah nuah a,ka nui chhuak hak tawp.Alawmawm zek mai he nau hi.

"Ninawm,signal that hunah kan inbe leh dawn nia,hrilh loh che pawh ka la ngah mai.Awi ka sawi te hi hre thei tak ang che maw" tiin amah zawk chuan call chu a ti tawp a,rindan ka nei thiam tawh.Biaktei'n sawi dawt lo mahse mipangai tan chuan U Jeneti'n U Obeda angaizawng tih hi hai theih rual ani tawhlo.
Ka haw thar ta rum rum mai.











#Nizan ka submit dawn laiin website ka lut thei tlat lo a,hei ka thawh rualin ka rawn dah nghal aw.

A hnuaia ads khu in lo click ve theuh dawn nia
Show post links
Top