OBEDA BY Natasha Hrahsel (Completed)

[Ngaia]

*OBEDA*




~arrange Marriage hi ka la ziak ngailo a,kan ram a thleng thei tur ang phei chuan ka ngaihtuah chhin ngailo.Mahse han ziah ve chhin reng reng kha ka châk deuh a,minlo chhiar sak leh hram dawn nia.Prolouge hi ziak lo leh phawt mai ang u aw.
Thawhtan atanga inrinni zân ah dah leh kan tum anga, mahse hmahun te kan hrelo a,dah hmanloh zan te pawh a awm ve thei tho bawk aw.Chutiang hunah chuan kan in ngaithiam thin hram hram dawn nia.Chapter khat hi ngaihnawm tham tur deuh law law a thui a dah kan tum thin dawn bawk nia.



#Obeda Rochanpuia(36) #Lalruatkimi (27)
#agegap #arrange marriage







Lalruatkimi pov.





"Miss,Nunutei hnâr a thi" ka hawi chhuak thuai a,an tlar ho in anlo inbuaipui ve laih laih mai.


"Nunute,engti zia nge?"va pawh phei thuai in ka rawmawl ken chuan ka hup sak a, "a tauh palh em ni?" tiin a thiante ka zawt thuai bawk.
Nunutei hi ahnâr ruh chhunglamah akawi a,athianten an han khak palh chang te hian a thi leh mai thin.Hlauhawm erawh ani lo a,zirtirtu leh zirlai tam zawk hi chuan buaipui dan kan thiam tawh khawp mai.




"Bathroom lamah va kalpui ula,Sawmte office atang lapua i lak sak nghal dawn nia aw" ka ti nghal zung zung.Rei a thi ngai hranlo a,tun tumah pawh a reh ve leh mai ka ring.

An thiam thum chuan an chhuak a,midang lo ri nuaih nuaih chu bengchheng lo turin ka khak pah nghal zat bawk.




"Vawin in test chu fail in awm pawhin ka hrem dawnlo cheu a,mahse in zawhna chhân hi exam atan apawimawh dawn tih hria in tha deuhin lo zir rawh u aw" ka tih chuan an 'Yes' dual a,an ti tak tak ange maw?
Surprise test ka neih tur a,ziaawm deuh an awm laiin phek chanve pawh ziak tlinglo an awm nawk tho.





Minute nga chauh dâr rik nan a awm tawh avangin class 11 room chu ka chhuahsan a,Nunutei te ngaihsak leh hmasa phawtin a hnâr thi alo reh takah chuan office lam ka pansan ve mai bawk.




"Miss Kimkim,Nunutei hnar kha a thi leh tawh elaw?"Office ka luh rual in Madam Dawngi'n alo ti thuai.
"Aw, mahse khu a reh leh tawh e" tha tak chuan ka ti ve mai.




"A khawngaihthlak reuh mange,han zai dawn se hmeichhia ala ni zui bawk nen ahmaiah ser a awm lian dawn mai sia.Zai lo ringawt se class lak tibuai a thi thut thut a nei leh thin bawk si" a tih chuan ka nui mai a,kei pawh ni ilang hmaia ser lian deuh awm duhlo in zai chu ka hnial ve tho ang.

"Enge vawin i test neih tir te an an hmel?" A ti leh zat a, "rin ai tak chuan an chhâng thei ve fu mai" ka lo ti thuai.





"I class te hi khu chu achâng chuan han vuak deuh hlek chu i châk thin lo maw?" Anui zui hak hak a,kalo khi ve sak ringawt.Ka class 11 B ho hi zirna lamah an hnufual riau a,section dang te aiin result an nei chhe thei viau ani awm e.Thlahmasa lawk atang an class teacher ka ni ve chauh a,ka rinlawk dan aiin an fel in tih an nuam phian thung.

"Hma an sawn khawp chuan ka hria" ka tih chuan a bu ve leh nghauh nghauh tho.




Kei hi Lalruatkimi ka ni a,tunah hian Aizawl school lian tak pakhat ah zirtirtu hna ka thawk ve mek ani.Kan school ah hian pawl kua atanga pawl sawmpahnih arts bik a awm a.Arts subj chauh awm si ah chuan mi pan hlawh ber ani.
Ka pa hi Hmunsiama niin ka nu hi Dingngheti ani a,kan unau hi pali niin keihi a te ber dawttu leh hmeichhe awm chhun ka ni.Zirna lamah M.A ka zawh hnu in B.ed ka traning leh a, tunah hei ka châk em em thin zirtirtu hna thawkin ka nung ve mek chu ani.





"Miss Kimkim, ka rualin i rawn haw dawn em?" Sir Joshua class la zo in a rawn ti deuh hluai a,"Kimkim,duhleh haw dun daih ila.Sir Joshua te chu an nu a rîm leh duh anga"Madam Dawngi chuan anlo chhaih leh hmanhmawh tawh.Madam Dawngi hi kum lamah kan û daih ni mah se min rualpui kawm thiam riau a,office ah pawh boruak siam tu ber hi ani fo mai.

"Vawin chu ka û te in lamah pên kawi ka ngai sia,bus in ka haw mai ang"tiin Sir Joshua chu ka chhâng a, "ê taka" ti hluaiin "i û te inah keipawh pênkawi chu ka ngai asin, kal rual law law zawk ang" a tih takah chuan ka hnial ta em biklo.



Ka û Sawma te leh Sir Joshua te hi tette atanga inkawm an nia,ka hna pawh hi Sir Joshua min kawhhmuh ani nghe nghe.





Ka û te in lam pan in Sir Joshua nen chuan kan inphur phei a,keini hi Bawngkawn ah awmin ka û te hi Ramhlun south ah an indang thung a,Hunthar lamah an in tur an sa ve mek bawk.




"I û te ina kal dawn hi chuan thawk han lak deuh vak phawt hi angai thin a"ka û te inkawt kan thlen chuan ti hluai in boruak an hip lut kawk a,kalo nuih mai thung.An la chhangchhe ve hrih lutuk a,kum zawnin fa pathum an nei a,school la kal rual tumah an la awmlo nen an la nawi ve thei viau mai.




"Uii,Mate lo kal rawh u"ka û nupui U Zawni chuan alo ti a,Jordana pawmin hnute siam chawp alo hnek tir mek ani.

"Khawnge a û te ho hi an awm a?"sofa a thut thlak pah chuan ka ti a,room lamah an muthilh thu in min chhâng thuai.



"Joshua,U Sawma hna bâng insakna lamah a kawi a biak duhna te inei em?"U Joshua melh a a tih chuan U Joshua pawhin "hmanni ah Guitar string ka chah tir a,rawn lam ka tum deuh mawle" alo ti ve mai bawk.




"Alo thleng har maithei tunlai kan hna thawktute hi an zawmthaw riau a,theka a ruai kan ni bawk si vil deuh a tum anih kha.Kan phone dawn em ni?"




"Ngailo mai rawh se,zân lamah ka rawn kal leh zawk ang kawm ka duh hrim hrim a"pakhat chuan alo ti ve leh mai a,U Zawni pawh a bu ve leh mai bawk.



Naupang ho an rawn tho a,kei ka lo awmve min hmuh rual chuan an ri nghal hlut.Siamsiami leh Sangsangi te hi chu an la nau viau chung hian chhäng an nei hma bawk a an fel khawp mai.Jordana a te ber hi a tlai duhlo ve thin bawk nen an buai thei viau.Mahse U Zawni nau college kal lai an awmpui hlauh zawk a,a chhawk zangkhai ve thin viau in ka ring.


Ka haw dawn chuan Siamsiami leh Sangsangi te chu dawrah thil ka lei pui te te a,in lama ka dah chhoh leh hnu ah U Joshua nen bawk chuan kan in lam panin kan inphur phei leh.





Two wheeler a kal nisi kha traffic a tawt em vangin thim thet thet ah kan thlengphei hman tawk a,Mizoram kawng hi chu aw Politics lam tui chilh lemloh tan pawh hian ava han vei awm tak.Ram hruaitu te kan demlo thei silo,ahahthlak thin mange.




"U Lawm, ilo buai em? U Sawma te inah ka kawi lawk a"choka ka luh rualin ka pui nghal zung zung.

"Buai lah lo e le,ka nu leh pa te chaw an eichhuak dawn hrim hrim a i û leh nang nen kan ni mai.Siam tam angailo" a tih chuan "ka nu leh pa te chaw an ei chhuak maw?"ka lo ti zat a,ani hi ka û chiah Thanpuia nupui niin tunah hian an fa hmasa ber tur apai ve mek bawk.


"Umm,athianpa hmunpui lama inentir te kha anlo haw ani awm e.Kan in an han kal kha chaw ei ah anlo chelh tlat aniang min rawn hrilh a" a tih chuan ka bu ve mai a "anih khawnge Zira?" Chawbel chu thuk atang ka suan thla pah nghal zat.




"Ani pawh athiante inah chaw a ei thut dawn aniang,ka nute chhuah hun a châng ve a"nui hak hak a a tih chuan ka lo ner nang thung.Zira tak hi chu aw,kan te ber ani a ala nau deuh bawk nen kan duat rawn viau.
Tunah hian pawl sawmpahnih a zir ve mek a,zirna lam chu a ti thei ve fu tho.Ka thawhna school a sawn kan tum tum erawh chuan min hnial fithla thaka 'ka nun i ti chel lutuk ang' a ti ve ngei kha ania! Keini kan û te kan luh na school ah rawn thawk dawn se nuam kan tih dawn vei nen.




"Intifai tawhlo law law mai rawh aw,i û kha comittee tura achhuah hma angai dawn a"U Lawmi'n a tih chuan ka aw ve leh mai bawk.




Zanriah chu kan ei nghal mawlh mawlh a,"Mate,i haw hma theih tum ah chuan I u Lawmi hi chhawk hram hram teh aw"U Thanpuia'n a tih chuan haw hma ka tum thu in kalo chhâng thuai.

"U thanpui,iti mak thei emai Matei pawh achau ve thin dawn asin"inthlahrung zet hian U Lawmi'n alo ti nghal thuai.Ani hi chu ze zawi dem chi hi ania,an inneih tirh phei kha chuan kan zia a inang lutuk a kan inpawh mai theilo nghe nghe.A tu a te ve ve pawh kha kan lai dun hu a,tunhnu ah erawh kan kum a inthlau lo bawk nen kan titi a rual dun viau tawh.




"Hahthlak kan thawk hleinem,pui hman cheu a rawn haw ka lo tum tawh ang" ka ti a,U Thanpuia a sik nawk nawk chu ka lo khihpui suk suk reng mai.Ka û hian a duat mai sia,U lawmi lah mi zakzum chi ani nen chawei lai te hian an insik leh nawk nawk fo mai.




Ka û chu a puar hma khawp a,"i ei tlem e" ka lo ti chu "I û Lawmi'n min sik puar" nui sak sak chung hian a lo ti reuh a,U Lawmi a sen tan tan mai lawm.
Hetia an han inchhaih te hi an hmuhnawm thin asin aw,an inhau thawm hriat ai ngawt chuan angaihnawm.Kum li velin an inthlau a,ka û lah hian chhaih laih hi nuam a ti nen U Lawmi hi kahwngaih chang ka ngah thin.




Thleng chu sengfel in ka sil nghal zung zung a,U Lawmi lo chetve tum chu lo awm mai mai turin ka hrilh pah lawm lawm bawk.Kei nula zawk ka la ni a,ani an inneih hnu kum hnihna ah nau akeng ve chauh bawk nen duat thiam angai lutuk.




"Mate,ka naupai a hrisel tha a ala puar lian lo bawk nen rawn haw hmanhmawh phah nan te khan hman angai miahlo ania.Ka la ti thei lutuk i û thusawi kha chu engahmah ngai suh aw"kha maw! A inthlahrung thei lutuk hi chu aw..

"U Lawm,i rai hma zawngin a che ber inia.Kan duat ve theih hun che anih hi lo awm mai mai rawh" ka tih chuan min hnial ngaihna a hre tawh biklo. "Anih,i û insiam ka han pui ange" a ti ve ta tawp a.





Stove te chu hrufai leh hlarhin bel ka remthat hnu ah intifai turin room lamah ka chho a,ka room hnawk zet ka luh rualin ka thaw chhuak hliai.Ka hna kal tur insiam hi ka inla chhuak nasa thei lutuk a,ka inchei vul chuk pawh ani ngai chuanglo.Ka insiam hi abuai chi ka ni ve hrim hrim.


Ka tihfai leh hmasak te te hnu ah ka inbual ta chauh.Ka intihfai zawh meuh chuan dar riat alo ri hnai kuarh tawh.Ka nu leh pa te ngaihchan pah tumin inhnuai lamah naupang ho test paper kengin ka chhuk a,sitting room ah chuan ka inchhawp hnawk deuh nuaih.





Ka class naupang pakhat chhânna chuan ngaihtuahna a ti thui duh khawp mai.Text bu pangai atanga zawhna ka siam chu a chhâng tha viau a, 'Life's' tih hmanga short story ka ziah tir erawh chuan kan tunlai nundan a tarlang chiang khawp mai.Chhungkaw pahnih inanglo tak hmangin thawnthu a rawn phuah a,atak te pawh a anh rum rum zawk.Mi hausa leh rethei te inthlauh zia atarlang chiang hle a.Mi rethei fa chuan nun hlutna hria in theihtawp a chhuah a,mi hausa fa erawh chuan dinhmun ngaiah a ding reng thei dawn emaw tiin nun chu a chen âm khawp.Mahse atawpah chuan mi rethei fa zawk chu a thih tir ta daih a! Mi hausa fa erawh a nu leh pa sum hmangin nuam tinreng a tawn tir thung! Tunlai kan nun nen a inrem khawp mai.
Thawnthu tam zawkah chuan rethei te pawhin abeih tang tang chuan hlawhtlinna achang thin angin kan ziak a,mahse he naupang hi chuan hringnun ahre chiang khawp.Mi hausa fa te nge nge tan chuan thil a awlsam tih hi.






"Mate,i va buai ve" ka nu leh pa te pawh an rawn thleng ve ta alawm.



"Test paper ka check a,inva thang rei ve" lo ti ve zatin ka nu leh pa te hnunga rawn lut ve pa chu ka lo melh deuh vang vang.
Mizo ah chuan alian pawl tak aniang,ka nu hnungah a rawn kal bawk nen alang lian zual ngei mai.




Paper ho chu ka dah fel zung zung a,sofa ah ka lo chhawp hnawk nuaih a tin ni.





"Hei Rochana hian min rawn thlah a,i pa Hruaia te fapa anih hi"ka pa in a tih chuan ka lo bu vei nghauh ringawt.

"Rochan,kan fanu neihchhun Matei chu anih hi"tiin chupa hnenah chuan min hmelhriattirna anei leh nghal zat bawk.





"I buai hmel hle mai" a rawn ti thum dut a,a awri chuan ngaihno abai lo khawp mai.
"Test paper ka check lawk a,thingpui kalo lum dawn cheu mi?" Ka ti nghal zat.





"Rochan,i in hman em thingpui alum tui thei ania"ka pan a tih chuan "ni dangah zawk le" alo ti ve mai a,thawh ka tum uaih tawh pawh ka thulh leh.

"Pa hmun, ka kal leh nghal mai ange"a ti nghal zat bawk.






"A...ni e,inleng inla nei ve nual sia kan chelh lui lo mai ang che Mate han thlah la"teh ngawt a!
"Angai hranlo" a ti chung pawh in ka pa chuan min melh tlat! "Han thlah rawn,inleng te an chhuahtir tawp ngai lo" ala ti fan.

Ka dingchhuak ve ta nge nge a,ngawi rengin kan inzui chhuak a,kawt kan nei hran lemlo nen kan chhuak a a motor hûnna kan thleng nghal chu ani mai.




"Mangtha aw,ka nu leh pa te i rawn thlah a alawmawm"sawitur vak ka hrelo nen ka ti tawp a,abu nghut a motor ah alut zui nghal daih! Thutam apai loh ve hmel khawp mai.






Inchhunga ka luh leh hnu chuan thingpui ka lum zui ta tho a,ka nu leh pa te pawhin min thutpui ve reng bawk.

"Mate,i zo dawn tawh em?" Ka pan a tih chuan ka zawh tep thu in ka chhâng a, "induh chuan min mutsan mai ula" ka ti zui sep bawk.

"Kan be duh zawk che mawle" a tih chuan ka nu ka melh zawk a T.V lam alo hawi daih thung.






Minute sawm vel ka check leh hnu ah abang tlem la awm chu ka dah hrang a,naktuk a sem chhuah ka tum lemlo bawk nen nakzan lamah ka zawm leh mai aniang chu.




"Nu-i,T.V kha han hmet tawp teh"ka thut that rual chuan ka pan a ti nghal thuai.Ka nu pawhin a off ve mai bawk a.




"Ipa hruaia te inah kan han leng chho ve a,mo atan anlo ît ngang che ani awm a" a ti hmasa te te a, "Mate,Rochana nen khan suihzawm cheu kan duh deuh a " a tih dap dap chuan ka lo ner kual nasa ngei mai.
"Pa" ka ti sep a, "inti mak e a!" Chubak sawichhuah tur pawh ka hrelo! An ti mak thlawt.Bakah pa Hruaia a tih pawh chu vawi khat bak ka la hmu lo a,nikum lam daih tawh ah ani lehnghal.A fapa Rochana a tih pa phei kha chu ka hmuh ngai awm pawh ka la hrelo e a!





"Timak lo e,nupui pasal nei rual in ni ve ve tawh alawm.Nangpawhin ngaihzawng inei pawh ani lo a" a tih leh lai chu lo pawtchatin "pa,chutiang tehtawp te chu a dik thei nang.Hriat pawh kan inhre lo a" ka lo ti thuai.
"Pasal tlak ania lawm,kan mi hriatchian ani bawk a.Mipa lam hi i ngaihsak lo bawk nen Rochana nen khan in ineih chuan kan fanu neihchhun pasal atan kan duhzawng tak ani.I nu nen pawh kan sawidun fo tawh a,i lên rei lutuk te pawh kan hlau a"fiamthu ti tih deuh hian a ti leh a,hnial leh ka tum laiin.





"Mate,ngaihzawng inei te anih lemloh chuan han inbelchiang ve hrim hrim ula"ka nu pawhin alo ti ve zat bawk.




"Nu, pa chutianga insawirem chawp ringawt te chu..." Ka la ti nang nang tho,han hnial phawng phawng hreh lo ila chu ka hnawl nasa viau ang.





" A enga pawh chu nise naktuk zanah chaw ei ah kan sawm a,han inkawm ve hmasa phawt teh u."Ka pan a tih tak fak ah chuan ka chhanglet zui ngam tawhlo.
Hetia a tawng fak tawh hi chuan tumahin kan hnial let ngamlo.Kan unau min retheih pui zia kan hria a,kan nu leh pa te hi kan zah in an thu akawi angil in kan zawm thin.




Kan khawsak hi hetiang ani ngailo a,ka pa hi ahma chuan mi ai kal mai niin a hlawh pawh atam lo thin viau.Ka nu lah ahrisel lo nen inlamah min awmpui chawt angai a,kan unau kanlo hautak nen ka pa hlawh tlemte kha kan kham ngang thin silo a.A hna bang hi bungraw unload te in a inhlawh ve ta lawp lawp thin a.Pathian leh an pute zarah hna a thawh that a a dik em vangin an la nghet ta hlauh a,chuta tang chuan kan khawsak pawh ziawm ve ta deuhin tuna kan inhmun hi alei hmasa te te a.Kum nga liamta khan loan te la in kan in hi kan sa pum ve thei ta hram a.Kan inhnuai lam inluah man te nen tunah chuan kan khawsak pawh aharsa tawh hranlo.

Tuna kan dinhmun thleng tur hian ka pa bik hi abei nasa em em a,duh se chuan an office a sum lut thenkhat thai bo in kum sawm hma lam khan inleh loh tha tak a din thei anh tih tur ani ve.Mahse dikna ngaisang a nunpui ngang ania,kum upat lamah tihian nuamsa in an awm ve thei ta chauh ani.




Kan unau min hrilh fo thin chu "Sawrkar hna anih vang ngawt hian hausak pui lawih theih ani kherlo a,sawrkar hnathawk hausa tak tak tamzawk hi chu diklo taka sum an lakluh vang ani thin.Kei ngei pawhin chutiang chu hriat ka ngah a,mahse thil diklo na na na chu an nun a hlim thei chuanglo.Harsa rei deuh hlek mah ilang Pathian ah hlimna kan zawna diktaka kan thawh chuan lawmman hlu zawk kan dawng thin" a ti thin.Amah ah hian a chiang viau in ka hria, diklo taka sum hai lut tawk tawk thei dinhmun ah a din ve hnu pawhin a ti ve duhlo a,tunah chuan a chunga mi te ngei ngei pawhin an zahin thurawn lak nan an hmang let zawk fo tawh.





Atuk hna kal pawh chu ka phurlo khawpa ,tukthuan kan han kil te chu nidang ka ang lo hle.
Ka pa in ka tlai bang Rochana'n min rawn lam dawn thu a sawi phei chuan thawk hi a ipik ngawih ngawih.Ka hnial ngam silo ka hriat ngailoh chu pasal a neih ka duh bik bawk silo chuan min ti hah tun.


Chhan beisei zeta ka û te nupa ka melh lah in an chaw an lo bar mawlh mawlh a,engkim an hre vek tawh tih achiang ta reng bawk.




Phurlo zet chuan school ka kal a,ka class la te pawh chu nidang ka anglo hle tih ka naupangte'n an hrethiam ve vekin ka ring.




Chhunchawlh alo hun chuan kan tihfo danin zirtirtu tiffin pai ho kan thu khawm a,heti hian inlam atanh tiffin pai in kan ei khawm mai zel.Thenkhat restaurant atanga order thin an awm nual bawk.





"Miss Mate,vawin chu iva ei tlem ve?"Ka rualpui school lama ka kawm ve ber Miss Zuali chuan a rawn ti sapa,ani hi kan veng ami ve tho ani a.Inlama min kohdan 'Matei' tiin min ko mai thin.Kan thawhpui dang te erawh hi chuan kimkim min ti mai thung.Ka tiffin kan en chu ka lo la ei mang reng reng lo hi alo ni.
"Ka tam vaklo vawin chu" kan ti mawi ve leh a, a awih aniang engmah a sawi zui bik ta chuanglo.






Chawhnu lamah class 12 A ah ka lut leh zuai a,a thiamthei hlang thah an dahkhawm an ni bawk a rilru buai lai pawhin zirtir an nuam ngang mai.


Tlai bân alo hun chuan ka inkhung khawm ve nak nak a, "Miss, ka rualin i haw dawn nge?" Sir Joshua chuan alo ti leh var tawh.Rochana khan min rawn hruai dawn tih ka pan asawi a,ka thawhna school te hi ahre reng reng em ni? Ala rawn kal loh phei chuan U Joshua hi zui daih ilang atha ang.




"Yess, i inpeih tawh em ni?" Ka ti thuai, ka rilru chu ahmanhmawh ta tet tet bawk.




"Inpeih e" a tih rualin kawngkhar lam ka panpui nghal zat a, "hmanhmawh leh si ve" ti in min fiam zui nak nak.Rochana kha a rawn thlen hman ka hlau em ani.




Step chho ah chuan kan inchhaih chho nak nak a,min chhaih ani zawk mah ang.Tette atanga inhria kan nih piah lamah kan inah arawn lenglut tam bawk a,anau ang tak tak hian min en ve a,min fiam peih viau thin nghe nghe.





Gate kan chhuak chho erawh kawngchhak lamah hian Rochana ngei mai chu amotor ngheng hian ipte zen hlunin a lo ding a! U Joshua nen kan inpawt chho deuh nawk nawk kha minlo thlir reng hi alo ni!
"Nge i din chut, kal ila"U Joshua'n a rawn tih chuan kan lam panin a rawn kal ve nghal zat a.





Kan bul a rawn thlen rual chuan U Joshua zawkin "Obeda chu! Hetah enge i rawn tih ve tehmial?" Alo ti var! An inhria emawni? Tak a! U Joshua te hi Durtlang ah an awm tak,an inhria pawh ani maithei.

"Ani hi ka rawn lam dawn a"Rochana chuan a ti thum sup.



"Matei hi maw?"U Joshua chuan ti deuh ha in kei chu min melh zawk a,"Min kalsan leh si mai rawh" inthlahrung zetin ka lo ti tawp.Ka pa in min hrilh lawk vek tawh bawk nen U Joshua ruala haw daih chu ka tîm leh hnuhnawh tlat.

U Joshua chuan zawhna mitmeng hian min melh ren rawn a,chhân mai theih pawh anilo nen "Nidangah kan haw rual mai dawn nia" ka tih chuan min melh tawn zak zak in a bike hûnna lam apan ve ta nge nge.





"Kal ila" ka bula ding pa lah chuan a ti nghut a,ka bu nghauh ringawt.A thutak ren rawn si a,abula awm hian engtin emaw tak a uap deuh churh.





Kan haw kawngah chuan tukverh ah ka dak deuh ngar ngar a,ka awmdan chu ahrehawm in ka tawt up up niberin ka inhria!
Ka hmelhriat tha te kiangah tawngduhin nui ve bawk bawk mah ilang ka hriatloh te bulah erawh ka kimki thin viau a,ze harhvang ti a han sawi ka ni ngailo hrim hrim bawk.





Kan in kan thlen chuan motor atang ka chhuk rang ngei mai.Motor dang dâl lo turin amotor chu aside rem nghal zat a, luhsan mai ka rilruk laiin han luhsan chiah chu nithei in ka hre leh silo nen ka lo nghak ve deuh tawp.



"I û te hian khawiah nge motor an hûn?" Ka bul a rawn thlen chuan ati sup a, kan thenawm Garage ah tiin kalo chhang tha ve mai.Kan thenawm te hian Garage tur hrim hrim in in an sa a,anmahni tak chu inhnuai lamah an awm daih thung.An remhre phian ka ti mai,sum pawh an Garage atang hian an la lut ve nual in ka ring.






Kan lut chu ka nu leh pa in minlo chiau au thuai a, ka û leh ka pa pawh an hna atang anlo bâng ve tawh ngei anih hmel thutkhawmna lamah thingpui no an lo dawm leh chawt tawh.




"Inlo buai em?"U Lawmi hnenah chuan ka ti sap a,Rochana erawh ka pa te bul lamah a thu phei nghal zat.
"U Obeda chuan alo hruai hman tak tak che nge inlo lut rual?"

"U Obeda a?" Ka lo ti zat.




U Rochana lam a hawi a,A hmingah Obeda a tel tih ka hre ve chiah! A hmingpum pawh ka hriat hleihloh nen min suihzawm an tum chu nisia!




"Higher kan kal lai khan kan senior chiah te khan an sawi nasa thin a.Pawl sawmpahnih ah pawh khan top ten ah alang alawm.A thlalak te khan kan school ah an tar thin a,zirtirtu ten an sawi nasa thin bawk nen keipawhin kalo hriat phah a" a ti neuh neuh a,ka thaw deuh hap ringawt.

"Han intifai la" a tih leh chuan ka hnial lo khawp.




"Ka rawn chhuk leh thuai ang,rawng ka rawn bawl pui ang che" ti in inchung lamah ka chho zui a,thutkhawmna lama thu te chu melh pawh ka melh lo.





Lu su lo in ka intleuh thuak a,Tshirt body fit deuh ha in kekawr erawh lian hnek hnawk ka ha thung.Inlama awm hi chuan hetianga inchei hi nuam ka ti viau zel.




Inhnuai lamah chhuk lehin U Lawmi nen rawng kan bawl zawm a.Anin salad tur alo siam laiin kei in sa leh bai lam ka lo buatsaih thung.Rawngbawl hi nuam ka ti a,ka inchhuan vang nilo in ka eisiam hi ka chhungte pawhin an fak ve nasa thin.
Arsa chu alu nen kawi deuha ka kan hnu ah vawksa rep ka chhûm a,ahmin dawna thlak turin zikhlum ka phel nghal phawk phawk bawk.Iskut bai siam lehin Anthur chu purun sen,bakhawr leh purun var te nen ka tlak leh a,chawhmeh dang ho erawh zing lama kan siam thar ho rin tur ala awm nual.




"Mate puih i ngai em?"U Lawmi chuan Salad chan mawlh mawlh pahin a rawn ti a,puih ka ngaih loh thu in ka chhang thuai.Ka che muang lemlo bawka thuk li a awm bawk nen chet asak viau mai.





Ka pa in chhunginkhawm ahman hnu ah zanriah kan kil zawm a,ka bul ah U Obeda chu a thu kher nen ka bar tha ngam dawn emawni?





"Obeda,ka nau hian rawngbawl a thiam ve fû ania.Kum lamah û zawk mah la ka û lo mai ang che aw"ka û chuan ati zat a,anlo inhre sa ni awm tak ani!

"Ei teuh rawh Rochan,Matei hi rawngbawl lamah na na na hi chuan kan chhuang ve ania"ka pa pawhin alo ti ve bawk.Ka pa hian Rochan a tih deuh kher chhan tur ka hrethiam tawh,ani hi chu mizo pa ngang ania.Kan unau hmingah pawh sap hming pakhat mah a tel duhlo.'Mizo takin le' tih tawngkam hi ahmang nasa a,chaw ei chhuah nikhua te pawhin fian a chaw ei te hi aphal lo reng reng.'Kutin bâr tur' hi a ti deuh kher zel a,kan unau pawh hian pem kan nei te anih loh chuan inlamah fiante kan hmang ngailo.




Chaw chu ka ei tui ta phian a,ka bula mi pa pawh hian a ei tui aniang an khawrh nawn ve tak alawm.





Kan zanriah kil kham chu choka lamah ka tap chawt a,thleng inremtha sa te chu ka sil tha a ka rem leh thin.Zan danga ka tih ngai hlei loh fridge te chu ka sil fai a,thutkhawmna lama va phei chu ka hreh ani ber.

"Mate,rawn phei ve tawh la"ka pan a rawn tih pawhin "ka hman tep" tiin ka chhang leh thin.Chutiang chuan vawi thum ngawt ka chhâng tawh.





Thingpui ka chawi phei chu ka pa in an kianga thu ve turin min ti ta tlat a, ka sulhnu tifel turin U Thanpuia leh U lawmi choka lamah an phei ve nghal zat.




Darkar khat vel ka thut hnu ah "Kan mutsan phawt ang che u,lo inkawm rawh u"tiin ka nu leh pa ten room lamah min luhsan daih a, ka ûte nupa an room lamah an chho tawh bawk si.Throw pillow chu pawmin ka sawk ka sawk ringawt.

U Obeda lah chu ngawirenga thu in tv lam amelh a,hmuhnawm lah chu achhuak lo nasa mai sia!





Dar sawm dawnah "ka haw tawh ange"tiin a ding ta hluai ka va han lawm tak em aw.Ka thu tang lutuk a ka sil thum tawh in ka inhre hial.


"Minlo thlah la" a tih chuan ka ding ve mai bawk a,ngawi reng bawkin kan inzui chhuak leh.Sawitur hi avâng ve bawk em ani.




Ka hma ah akal a,amotor hunna bul thleng chu amawi ah ka kal ve a,"U Obeda"ka ti chhuak ta hliai.
A mitko san zeuhin ka lam alo hawi ta rûn.




"Ka nu leh pa te,nangma nu leh pa te pawhin inneih tir min tum tih i hria em?" Ka ti chhuak ta tawl.Mi pangai anih chuan ahnial ve em ka ring.




"Ka hria alawm" a ti chhuak nghut.



"Tinge? Inneih chu i duh ami?"ka ti tawl a,thu pehhel kual vak hi ka peihlo.




"Ka duhlo hranlo"a tih chuan ka thaw halh "hriat pawh kan in hrelo a,ka hmingpum pawh i hria ami? I hria anih pawhin i hriatna ala reilo ang.Tinge i hnial ve miahloh mai le?"ka ti ta tawp.Inhmangaihna pawh awmlo a inneih tawp chu ka hreh em ani.

"Kan inhre chho zel ang chu" ti supin amotor kawngkhar a hawng nghal zat! Khati zawng kha maw?? Ngaihzawng hmu zo lo hmel apu silo.Mizo mipa ah chuan atha pawl tak tih tur ani a,ka zep lo kei pawhin ka mipa lo suangtuah thin ang hmel leh pianzia apu a,han sawisel na lai tur ka hrelo.Mahse heti teh tawpa kan inneihna apawm anih chuan ka hmu hniam viau ang.Kum lamah anaupang chhe zawk zawk tawhlo tih ahriat a,tinge hriat pawh ahriat hleih loh chu min neih a duh tlat le?





Atlanliam lai chu ka thlir a,engpawh nise ka U Sawma pawh ka sawipui tawh mai ang.Tiang tawpa pasal neih chu ka duhlo tawp ani mai.Ani thusawi chu ka pa te pawhin an ngaipawimawh deuh ang chu maw.













#sei ve thawkhat chuan ka hria,in ril rem zawng ani dawn em tih comment lamah te khan lo tarlang ula aw..

Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia

Show post links
Top

[Ngaia]

*OBEDA* CH-2






Atuk ka school kal pawh chu rilru kam run rengtu neih chuan class lak pawh aphûrawm loh khawp mai.Chawhnu leh chawhma ah class khat ve ve lak tur ka nei a,chawhma lam pawlsawnpakhat class ah chuan an test paper ka sem ringawt a,an note neihsa ka thiam tir tawp ringawt.Chawhnu lam erawh note ka siam tir thung a,tihian note an insiam a,check sak leh thlap in a that chuan an mahni note siam ngei an ring thin.Tin zirlai an hriat that phah bawk a,Guide book ringa byheart tur pek tawp ai chuan an hlawkpui zawk phian mai.





"Matei, Obeda nen khan engtin chiah nge in in hriat?"U Joshua nen gate lam panin kan inzui chho leh hnak hnak tawh.


"Hria pawh ani chiahlo"ka ti nawi nak ringawt a,kan nu leh pa ten min suihzawm an tum tih hi ka hrilh ve tawp mai dawn em ni? Min nuihzat viau in ka ring.



"Keini aiin ala û hret zawk a,mahse vêng khatah awmin kohhran khatah kan lawi a,inlo inhre teh daih kha amak" nui chung hian a ti a,ka nui tawi tak tawh mai.




"U Joshua,vawin chu U Sawma te inah penkawi ka duh a.Taxi ka la mai ang" ka ti ta daih a,U Obeda chungchang min sawipui zel ka hlauh vang pakhat in ngam mah ilang min thlah turin ka sawm duhlo.
"Ava zialo e,vawin tlai berkher chu ka nu inentir lam kawi ka ngai a.Nilo se chuan ka va thlah zuai tur che nia"pawi tih hmel zetin a ti ve vawng vawng.Nau ang tak tak hian min en ve a,a fel ania.





Kawngpui ah kalphei deuhin Taxi stand ka va pawh a,U Joshua ruala ka haw theihloh châng chuan taxi hi ka hmang haw mai zel.

Ka û te in lam chu ka pan a,ka va thlen chuan ka û alo la haw thleng lehpek lo.Tunlai chu a hah thin viau in ka ring.Ahna nen an insak lai nen,kan puithei thin mang silo a,puih hman hi an chakawm asin aw.




"Naupang ho hi"Jordan bak ka hmuhloh vang chuan ka ti nghal thuai.Naupang an awmloh hi chuan an ina len hian a reh ruih zel.



"An sunday School zirtirtute'n châng zir turin an rawn lam tlat anih kha,an la nau deuh a tel tirloh kan duh viau laiin an rawn ti lui ve deuh tlat bawk sia.Keini kohhran hi indanna ala reilo tih takah naupang an ngah lo a,Sangsangi te unau pawh kha an rawn lam lui tlat a"U Zawni chuan alo ti nghal zung zung.

Jordan lo harh rual chuan ka lo pawm thuai a,"vawin tlai chu ka û biak ngei ngei ka duh sia,alo haw tlai deuh dawn chuan chaw ka lo ei mai aw"ka ti sap a,aw minlo pawh rang ngei mai.





"Thlen chu a rawn thleng har lo ang vawin chu,mahse lo ei hrim hrim rawh ilo ei khat tawh.Dîl sangha kan chhum hluah dawn nia,ka nau awmloh lai remchang chuh ve hi angai a,a awmlai hi chuan Sangha lam hi a ti theilo a eiluih pawh abuaithlak"a ti nak nak a,Sangha hi ka duh khawp a,dîl leh lui sangha phei hi chu ka duh zual.Phai lam atanga an rawn lakluh ang hi chu tui ti tho mah ilang dîl sangha te angin ka ei tui ngai lem chuanglo.U Zawni te pawh hian dîl sangha tharlam an hmeh dawn tum chuan chaw ei ah min sawm fo mai.






U Sawma te ina ka chaw eitur thu ka nu te ka hrilh hnu lawkah U Sawma ber chu alo haw leh zui a,ka tum ka thulh phah tawh chuanglo thung.





Zanriah pawh kan ei har hranlo khawp mai,nau nawi pathum nen kan ri ve nak nak a,chaw pawh kan ei rei khawp.Sangsangi te unau sangha then sak in ka pe a,anlo duh phian nen pakhat ve ve ang ngawt an unau in an ei ve nia!



"Û,inbe lawk ila" ka û bulah chuan thutak zetin ka ti a,naupang mut ala hun chiah silo an awmlai a sawi chu arem chiahlo ani.




"Enge ni a Mate?"a tih chuan U Zawni'n "Room lamah va inbe ru,hei naupang an bengchheng si"alo ti nghal thuai.Tlai ah khan ka û ka biak duh chhan ka hrilh zuai tawh a,ka thutak zia ahre tawh ka ti mai.



"Lo kal la" tiin an room ah kan inzui lut zui a,naupang pathum ngawt nen room khata awm an nih vang ani mahna an choka aiin an room azau daih zawk.





"I pasal neih tur chungchang vel kha ami?"a tih chuan "i hre tawh maw?"ka ti deuh hâ.




"Umm,ka pa'n min rawn râwn alawm"a ti zui sup a, ka pa nen an inbe tawh anih chuan han sawi nawi leh pawh a huphurhawm tawh ngei mai.
"Mate,inhmelhriat ngai miahlo in ni tih chu ka hrelo ani biklo.Mahse kan farnu neih chhun ini a,nuamsaka i lawiluh theihna hmun tur ani tih kan chian sa na hmuna thlahliam che chu kei chuan pawi la ti tawplo mai.Obeda pawh misual anilo a,an vengah phei chuan mi fak rawn ani a.Ani tluka makpa atan a tling zo an awm tawh kher chuanglo ang.A chhungte lah hrawn hrehawm tur an awm miahlo lehnghal a,sum leh pai lakluh lamah lah hna tha leh zahawm athawk bawk a,kei anni kuta hlan che chu ka ngaih angam khawp asin"ka tawng ve hma chuan a ti nghal charh charh a.






Ka rilru no chhuakin chutia ka inghahna ber in min ti chu "ka lam i tan ka beisei asin"ka ti deuh tuau.Ka tap mai mai ngailo a,ka nun ah harsatna ka la palhnem tawkloh vang ani mahna.Tuntum erawh ka din na hmunin a zirlo em a,ka innghahna berin ka lam tang zawnga thu asawi leh silo chu ka tah achhuak ve ngei mai.


"Akhaih! Mate,nula puitling inih tawh kha.Rilru an ti no viau ngailo"a ti deuh hluai a,ka hnungzâng ah achûl pah zat bawk.






"Û, hmangaihna tello chuan rei kan daih i ring em ni? Tunah ka pasal tura in tih lah chu a hmingpum takngial pawh midang ka atanga hrechawp zel ka nia.A chanchin engkim midang kâ atang vek ka hria a" ka ti chhuak sap a,ka tap bik em lo e.

"Mate,kum tam inngaizawnga innei te hi nupa hlim ber an ni kher chuang hleinem,inneih hlenna pawh ani heklo.Obeda nen pawh hian in inrem chho phian maithei asin" a ti chhuak halh a,thaw chhuak ham hamin "nei tur a ka suh chhan che ala awm a" a ti zuai ta raih.





"Engvang maw?" Ka ti deuh hâ.






"Ka pa hi ahrisel na lam a tla hniam riau tih i hre ve em?" A tih chuan ka lu kalo thing rang ngei mai.

"Tunkum chho hi a insawisel chho leh riau tawh a,inkhata kan chen ho loh vang nge ka hmuh te hian ka hmuh hnuhnun ber aiin ka hmu tar thar riau zel.Natna anei e chu ka tilo a mahse rilru hahna neiin chuchuan a taksa a ti chaklo tel ah keichuan ka ngai a.Chuvanga ka pa'n i pasal neih chungchang a rawn sawi pawh khan hnial thuai lo ka ni,chutah i pasal atana athlan lah mitha lutuk ani tih ka hre zawm nen min rawn hrilh khan aphûr lutuk a,khatiang khan tunhnai ah nung sarh a athusawi ka la hrelo! Zira lah hian ka nu leh pa te rilru a ti hah ve thin mai sia"






"Ka pa chuan damlohna anei em?"chubak a thusawi zingah khan ngaihthlak chian ka neilo.





"Aaa nei lo e,an upa ve tawh a fate vanga rilru hahin an taksa nghawng rual an ni tawh alawm.Thalai zawk pawh min nghawng na thin ania,anni kum ah phei chuan an taksa chak tawhlo nen anghawng nasa zual a" a tih chuan ka en vang vang a,dawt sawi hmel a pu lo tih ka hmuh rualin ka hahdam ve chauh.

Ka pa hi kum nga kalta vel khan chuapa tui tling tih te,mitliam vang te in damdawiin kan lut nasa a,kan ngaihtuah riau tawh tun thleng hian.uk leh hmuam ti miah silo hi mîtliam vang te'n damdawiin kan luhpui kha ania! Damlohna hi chu zuk leh hmuam tih vang chauh pawh hi alo nilo.





"Zira hi tunlai enge a dinhmun?"a tih chuan "engtia dinhmun? Atha viau in ka hria" ka lo ti nghal thuai.





"Ruihhlo temchhin châk rual ani tawh a,kan ram ah ruihhlo ahluar si,ka ngaihtuah deuh thin.Hmanni bazar ah ka tawk hlawl a! Min hmu ve ngei chung khan min hmulo der tlat a,khatianga a awm khan chhan aneih ka ring."nui chung hian a ti a,a za fahran lo thung.

"Chutiang te chu rawn sawi vat ta che" ka tih chuan anui leh mai a, "tiang nen a thunun rual ani tawh hleinem, han daipelh chang nei ve pawh nise ka nau ania,thunun tu leh zilhhau tu tha an awm phawt chuan sualin a chhuak bik lo ang"kan nau anih vang nge a ring ve hle tih ahriat."Lo zilh ve deuh tho la aw,i thu chu a awih em kha" a ti zui a, ka aw ve mai bawk.





Zira hian min ngaina bik riau a,angaihzawng neih hmasak ber tum pawhin kei chauh min hrilh nghe nghe.Ka awm tam a,alo pian ve khan nau awm rual ka ni ve chiah nen ka nu ai mahin kan inawm hnem zawk maithei a ani.Ka lênna ah lah min ngen tlat tum a awm a,ka hruai ve leh nge nge thin.






Ka û in dar riat velah min thlah haw a,U Zawni te nufa an mahni chauha kalsan rei a duhloh vangin a awm reilo viau.
Ka pa chu kan en thin a, ka û sawi tâk ah chuan tunkum chu atar ve bawih in ania ka hriat thar tak ni! Inchenchilh kan nih vang nge angai ang rengin kanlo hmu a,chîk chuan a hmel alo tar ve bawih tak mai!Kei leh Zira vang hian a rilru alo hah thin viau tak tak nge ni ang le? Anih vaih chuan ka inthiamlo viau ang.




Ngaihzawng hi nei ngailo ka ni biklo a,higher ka kal lai te chuan ka nei ve thin.Mahse college ka han rap chho a,ka pa anga mipa tha leh rinawm hi ka college kalpui te leh kalpui lemloh mipa te hrim hrim ah khan ka zawng ta tlat a.Ka pa anga min hmangaiha min dawhthei tu,ka unaupa te anga min duat thei tu kha ka zawng anih ber mai chu.Min rawn duh der ve tu te kha ka hmu tlinglo zel a! Tunthlengin ngaihzawng takngial pawh ka hmuzo ta lo anih ber hi maw! Ka thiannu pawhin min fiam fo a,'chhai ngam loh lanu' ti hian min sawi fo mai.
Ka indah sân vak ka hre lo a,mi hmuh ah chuan nula inchhuang leh ngaihzawn ngamloh hial khawpa inla ang te pawhin minlo hmu ani mahna,mi rin ai hian mipa betu te hi ka ngahlo ang.Min rawn bawh huam huam se ka tihna lam nilo in mî pawh ngamloh khawpin ka lo induh anih te ka ring a,ka nungchang pawh siamrem in mi biangbiak hmasak te pawh ka inzir nasat phah fo.Tunhnu ah erawh ngaihzawng neihloh a zalen deuh a khawsak mai mai hi nuam ka ti chho a,engah vak ka ngai tawh lemlo.








Ka ph ri vangin ka harh zawk a,dar khat chauh ala ni! Min rawn call tu lah chu Zira ala ni zui!
"Zir, ava la hma ve" ka ti nghal hap

"Û, kawngka min lo hawn"zawi sup hian a rawn ti a! Ka meng nghal kawk mai.




"Tunang hunah khawnge i chhuah chen chen a? Room ah khan lehkha izir reng e maw tih lai a?"ka ti chhuak nawk.





"Ka chhuak lawk a,minlo hawn" a tih chuan ph dahin inhnuai lamah ka chhuk a,thawm dim thei ang berin kawngkhar chu ka hawng.
"I rim chuh!"ka ti chiah chu tawng zawi turin min ti nghal mawlh mawlh.






A room ah zui lutin U Thanpuia te room leh a room a inhnaih lo bawk a "Zirsanglian,engvanga zu in nge inih?"ka ti chhuak nghal hlar.
Khumah a thu ngawi ngul a,inthlahrun hmel deuh hian min melh chho leh zuk thin.

"Zirsanglian"ka ti leh that.




"Ka thianten an in vek a" a tih chuan ka thaw chhuak hliai ringawt.





"Zira,i thiante pawhin in vek mahse i in ve kher angai hleinem.Thil sual ani tiih i hria ani lawm ni? Tinge ilo in ve kher kher ni aw? A reng reng in kan mut hnu ah i chhuak leh tihna ani maw?" Ka aw pawh a zawi deuh tawh.

"Min rawn ko lui tlat a,ka rilru alo hah ve tho nen intihthawven ka tum mai mai kha ania" a tih chuan ka thu thla ve a,dam deuh zawk hian "tinge i rilru chu ahah a?"ka ti ta sap.





"Ka nu leh pa te'n pasal i duhlo chung neih tir che an tum sia" a ti ta reuh a! Han sawi leh mai tur pawh ka hrelo.
"Û,i duhlo chung chuan nei lui suh."a ti leh sap.





"Ka duhlo hran hleinem"ka ti ta ringawt.Min melh zawk a, "tak tak maw?" A ti chhuak hliai.
"Umm,nu leh la thu awih chu dam rei na an tih kha.Dam rei chauh lo pawh malsawmna tam tak akeng tel alawm.Mipa fel deuh ania ka pasal tur chu" ka sawi atan chuan amak mah mah ani, mahse ka in ngaihtuah a,ka nu leh pa thu awih phawt chu atha ber in ka hre tawh.Ka tlin ta nganglo anih leh kan inlamah ka haw leh mai ang.Tunlai ah chuan nuthlawi te dinhmun pawh a tha tawh a,ka huphurh hranlo nuthlawi han nih pawh chu.
Pasal neih hma hauh atanga nuthlawi nih han ngaihtuah nghal mai chu hmabak a thim teh e.






"Fel deuhin awm tum tawh rawh aw Zira,kan te ber inia hetianga i awm fo chuan ka nu leh pa te rilru i ti hah dawn asin" ka ti a, "mu tawh rawh naktuk ah school kal i ngai dawn si"ka ti zui sap bawk.


"Ka nu leh pa te i hrilh dawn em?"hrilh lo se min tih hmel zetin min melh chho ran.





"Hrilh lo ang, an rilru tih hah ka duh hleinem.Mahse U Thanpuia emaw U Sawma chu ka hrilh tho ang aw,thilsual tih inthup pui hi atha lo a, anni talin an hriat chuan ka rilru pawh anuam deuh ang" ka ti nghal sa thlap.Thil sual tih inthup pui hian sual kan vulh liam deuh deuh a,tun tum erawh ka nu leh pa te rilru hah hlauh vangin ka hrilh lo anga.Zira tân athat zawk nan kan ûte erawh ka hrilh thung ang.Anni chu mipa te an nia,kei ai ngawt chuan Zira fuih dan leh zilh dan an thiam zawk ang.Hmeichhia hi chu kan rilru te no in khawngaih mai te hi kan chîng leh thin a,ka bulah Zira ano bik bawk nen ka û te chuan zilh se atha ber ang.Tin,thinrim in an hau pung pung dawnlo tih ka hriat chian vanga anni pawh hrilh tum chauh ka ni bawk.Tawngka vîn a inzilh hian kawngro a su ber lo tlat ani.




School kal tur a ka insiam mawlh mawlh laiin kan vice principal nupui aboral thu ka hria a,school chawlh ani nghal dawn bawk.Ka thawmhnaw thlak leh in kawr dum ha in puan dum ka bih zui a,mitthi in lama kal nghal law law chu a fuh berin ka ring.


U Joshua an min rawn lam dawn vangin sitting room ah ka lo nghak a,ka nu chawhmeh rêp inchunga apho zo rawn chhuk in chanchin min zawh chuan ka hrilh ve mawlh mawlh.Ka pa leh ka û erawh an hna kal hma in ka hrilh tawh thung.





Kan vice principal nupui hi kâl chhe tawh dialysis ti ngar ngar ania,thla dawn chu Civil Hospital ah an awm tawh ang.A teaching staff ang zawng pawhin kan va tlawh ve tawh nghe nghe.A pasal kan vice principal nibawk hi Sir Zama niin mi inngaitlawm deuh mai hi ania,kei pawhin ka thawh tirh a ka ngainat hmasak ber ani hial ang.An fate an puitling thuau tawh chungin an hmeichhe rual a,an lainatawm takzet.





Doorbell ri ka hriat chuan U Joshua nih tawh ringin ka tho thuai a,ka nu choka lama aw in kawngkhar min hawn khalh hman tho.





"Kimkimi rawn sawm ka tum a"U Joshua aw ani ta hauhlo!




"Hei,Mate Obeda hian rawn sawm che atum anih hi.Kalrual inlo tum elaw?" Ka nu pawh chu ahrilhhai hmel ve viau tho mai.
"Mitthi inah asin ka kal dawn" ka lo ti hap.





"Keipawh, i pa in a sawi a ka rawn sawm che"a tawi tha viau mai.




"Anih chu,in kal rual theih chuan athat hlauh chu.Mate Obeda hi zui ve mai rawh,i thlen tlai bik lutuk chuan amawilo ang.Obeda,Matei te thawhpui chu ilo hmelhriat reng reng ani maw?"ka nu chuan a ti zui a,awmdan tur ka hre derlo thung.
"College kan lut ho a,a fanu pakhat hi ka zirlai ani bawk a"tiin achhang ve mai a,ngawiteh U Lawmi khan U Obeda hi MZU ah professor anih thu a sawi tawh tak e.





"I hman chuan kal nghal mai ang" zui ve ngawt chu ka va hreh tak.U Joshua pawh chu ka ngei ta hlur mai.





Ka nu in min tur nasat em vang chuan ka zui ta tawp a,motor a ka luh atang U Joshua call ka tum nghal char char bawk.A la la thei miahlo zui chu ning zetin ka thaw hak mai.

"Tunge biak i tum?" A rawn ti dut a, ka phu teuh kher mai.




"U Joshua mawle,min rawn lam a tum a, arawn kal thlawn ka hlau"





"Kal thlawn lo ang" a ti sup!





"Enga?"ka ti deuh ha.




"In inpeng ah kan intawk a,lam ka tum che tih ka hrilh khan a tlang nghal" a tih chuan U Joshua ka ngei na chu a zual hlur.Min rawn lam tlang ve mai tur ania,ava ti awm ang lo tak.





Sir Zama te chu I.T.I ah daih an awm vangin kan tlan rei khawp a,ngawi rengin kan chuang bawk si nen ka muthlu lo chauh ani.
A hmun kan thlen rualin ka zirtirtu pui te bulah ka kalhrang nghal hmak.Ka thaw ve leh thei chauhin ka inhre hial bawk.

Inchhungah chuan ka thu lut ve nghal bawk a,zing lam dar ruk a boral ani a.Group ah ka lo lut lo nen ka lo hre tlai bik hle hi alo ni.Information group ami chauh kha kalo chhiar hrim hrim bawk a.






Sir Zamte a chu a inhru leh zeuh thin a,mipa tan pawh thihna hi chu ana in atawp chiang em a,a nupui ahmangaih a a enkawl nasat zia hriatpui tu kan ni bawk nen a mittui tla chuan tah a tu chhuak ve hial mai.
Ka rawmawl la chhuakin ka mittui tla chu ka hru ve leh zeuh thin a,ka tap khat viau na in hetiang hunah hi chuan insum har ka ti thin.Khawhar in te,mitthi in ka kal ve chang hian lusûn chhungte an tah hum hum tawh chuan ka mittui a lo tla ve hman ziah!







Vuina hun kan hmang zo a,keini pawhin thla lakpui in Sir Zama nupui hrechiang MadamTeremi phei chu a tap ve rawng rawng mai.An fate mawlh chu an puitling ka ti a,an tap a,an nu an sûn an pa an hnem pah bawk a! Tunlai thangthar zingah a hlimchhawn laia mahni pa te ngei han hnem thei chu an vâng ve tawh viau in ka ring.





"U Joshua,min kalsan daih a!"Thlanmual atanga kan let leh chuan U Joshua ka chhuahchhal hmasa ber.




"Obeda khan rawn hruai tum hek che,bakah chance ka pe ve cheu a"nui heu a a tih chuan ka melh kawk! "Mak ti viau lo teh,I u Sawma'n min hrilh vek tawh alawm.Mahse nakin ah thil pawimawh deuh sawipui tur che ka nei" a ti zui mauh mai.

"I rualin ka haw duh ania"a engamah hma chuan kan ti ngawt pek.





"Aaa Mate, Obeda ruala i haw leh ringin haw na tur neilo Miss Zuali phurh haw ka lo tum tawh asin.Kal lam pawh taxi in akal a" a tih chuan ka ngei ngei mai.Han hauh chiam na tur ani bawk silo.Ka rilru te te in 'taxi ka la mai ang' ka ti ta ringawt.Mahse U Joshua chuan "Obeda,Matei hi i phur haw leh ang chu tiraw?"ka hnunglam melhin a ti ta hluai a,ka hawi let nak chuan U Obeda alo ding reng!

Alo bu nghauh ringawt nge ni U Joshua chuan inchhung min luhsan ta daih!





"Taxi pawn ka haw..." Ka tih laiin "kan inlamah zanriah i rawn kil tur thu i hrelo em ni?"a ti sup.


"Keimah in maw?"ka ti deuh ha a,ala bu nghut zui."ka hre lo reng reng"ka ti chhuak hluai, ka duhlo hrim hrim."I pa'n a hrilh theihnghilh che anih ka ring,ka chhungte'n anlo nghak reng tawh ang che" a ti zui a,"chutiang ngawt chu.."ka ti nang nang.





"Zanriah ei pangai ani mai" awlsam zeta tiin "zuk lut ila,kan haw tur thu hrilh phawt ang" tiin inchhung lam ala pan daih zui a,ka thu lo thin viau mai kei zawng.





"Thianpa,chhel takin aw"U Obeda chuan adar a hmer vang vangin Sir Zama hnenah chuan a ti a, "Professor,i lo kal ve a kan lawm lutuk"Sir Zama fanu zawk chuan alo ti var thung.
"Sir, kei pawh ka let tawh phawt mai ang aw"ka ti ve zui a, Sir Zama chuan kan tel ve avanga lawmthu sawi supin tawngchhuah pangai ala harsat viau mai.
Miriami zawk chuan "Miss Kimkim,ka pa inrawn tawiawm a kan lawm lutuk ania"alo ti leh var thung.Nula fel zet hi ania,anu kan tlawh tum pawh khan alo awmpui nghe nghe,a zuan zang in apuitling khawp.






"Kan in lamah kan haw hmasa phawt dawn lo ami?"Durtlang lam min phur chho daih chu ka hawihai khawp mai.

"A tlai tawh deuh hlek a,hrehawm iti viau em?" Lehlawi si chuan,an in ah chaw ei dawnlo ilang hrehawm ka tilo chu ani mai.





An in kan thleng chu alo pui hem hem khawp mai! An kawtah chuan pangpar nge thlai an phun fur a,khua a thim tan tawh nen ka hmu chiang theilo.An veranda ringawt pawh chu zau tham tak ani.An hausa tih chu ka hria a,ti khawp hian an hausa tih erawh ka hre miahlo.


Inchhung kan lut chu anu leh pa ten minlo chhawn a, "Kan fanu chuan kan in min rawn hmuhpui ve ta nge nge alawm"Pa Hruaia chuan zâng vah hian alo ti a,pa ngainat awmloh zawk zawk chu ani miahlo.





"Mate...inu te koh danin kan ko ve mai ang che aw? I pa Hruaia hi chu i hre sa anga,kei hi Obeda nu Mapuii ka nia,chuan anaute pahnih hi lawk aw Judy,in unau khan rawn phei teh u" a ti nghal lang lang.
Choma atang hian nula pahnih an rawn phei a,pakhat zawk chu ka hriat hnu ang ka ti khawp.Min la nuih vur vur zui a!





"Hei i û nupui tur Matei anih hi"ka chhing sawk mai.




"Kan fanu upa zawk Judithi Lalremruati anih hi"Nu Mapuii chuan tiin alian zawk nen chuan kan in chibai nghal zat.
"Chuan apang ber.." "Nu, kan inhria alawm Higher ah khan min zirtir hman"a nau in alo tuh chuan "Ehe! Judy kha tiraw?"ka ti chhuak ve hliai,anui hak hak a,abu nghauh nghauh bawk."I nula ta reuh nge ni i dang ta hle mai! Atha zawng in ania ka tih"ka tawngkam hman diklo deuh chu ka siam tha nghal zat.
Judy te chu ka hre chiang khawp mai,tuna ka thawhna school ah hian lut ve in ka zirtir hman alawm.Naupang tam tak kar ah ka hruat chian chat chhan pawh Vitiligo kan tih mai vun natna ang kha anei a,ahmai ah chuan neilo mahse aban leh ke velah khan anei a.Naupang dang thenkhatin an lo chhaih nawmnah thih kha ania,ka chhan a a chhaih tu te ka hrem tawh bawk.Amah ngei pawh hi ka kawm fâl tawh bawk a,alo nula ta hle mai.






"Keichuan ka hre sa che a,ilo kal hun kalo nghakhlel teh mai ania"A ti ve hluai a,a chhungte'n an nuih hak hak mai.An duat ve viau in ka ring.




Thukhawmuang lo in zanriah kan kil nghal a,an siam tui bawk a puar khawp chuan ka ei ve leh mai tho bawk a.Ka vannei a,ka tlângnel loh na ah pawh zakzum hle si hi puar khawpin ka ei ve leh thei mai zel.





"Matei, ei teuh rawh aw.I Puar lo anih chuan i pa ka ngam dawn miahlo ania"Pa hruaia chuan a ti fiamthu a,ka lo nuihpui ve sak sak tho.Pa fuamthu duhtak chu ani ngei ang.

Ka hriat tak chu Pa Hruaia te chhungkua ah hian U Obeda zia hi a dang hlawk tih! A naute pahnih an tawngduhin min be siam siam reng a,Pa Hruaia leh Nu Mapuii lah chuti bawk.An fapa ber hi chu biak pawhin tlar khata chhang zel ang kha! Professor te chu ala ni leh ta nghal a!







Kan thutkhawmuan leh hnu ah puan te nen ka la inbih tup vangin U Obeda bawk chuan min thlah leh a,Nu Mapuii te ho chuan tlawh fo turin min ti lawm lawm.


Leitan pelhthlak ah Motor a ti ding dut a,ka ti nghal hra mai.




"Tinge i din thut a?"






"Inbe lawk ang aw"a ti dam thlup mai.Ni e,inbiak chu kan mamawh khawp mai.






"Min nei duh em?"a tih chuan chhang lo in "Min nei duh zawk em?"ka lo ti let kauh.






"Ka zawh na zawhna bawkin min chhanglet lo la"a ti damthlup a,"sawi rawh le,min nei duh em?"a ti nawn leh sup.


"Thudik ka hrilh ang che aw"ka ti hmasa te te a,alo bu ve nghut.
"Ka duhdan in engkim thleng dawn se chuan ka neilo ang che"ka ti a,a hmel ah danglamna pawh anei chuanglo."Min chhân ve hun"ka ti erawh akiai suk thung.






"Neih che chu ka duh alawm" a tih chuan ka melh deuh haw a "engvangin?"ka ti fak.Mipa lerh ru deuh te hi alo ni reu reu ange.






"Ka nu leh pa te hlimna ka thlen dawn a,ka nauten an ngaina viau bawk che a.Mo leh nupui tha tak inih ka ring bawk a,chutih rualin nupui nei rual ka ni ve tawh takzet bawk nen, tichuan i zawhna ka chhâng em?"a ti nghet churh a,"kan in ang chiah"ka lo ti sap.


"Tunah hian ka duhdan in engkim thleng dawn ta se, ka nu leh pa te hlimin inu leh pa te hlim bawk se,in nei chuanglo ila tih chu ka duhthusam ani.Mahse,ka pa te thu awihlo nih ka duhlo a,an lungngaihna siam sak tu nih ka duhloh vangin nang neih che hi pawi ka ti tawhlo" a tawplam chuan a zuai ngawih ngawih in ka ring.






"Kan nu leh pa te tan ti ila,i zalenna erawh ka dal lo ang tih ka tiam thung che.Kan chhungkua leh kei min ti hmingchhe zawng i awmloh phawt chuan i nuam tih zawng apiang i ti dawn nia.Ka pa hi Cancer treatment la lai ani a,hrisel tha pangai nise i dinhmun ngaihtuah in ka hnial ngei ang,mahse a rem hrih ngang lo ani."a ti ve duah a,huat awm in engmah a sawi miahlo bawk.A tawngkam chhuak tinreng chu a dam dap.

"Chuan...Palai kan rawn tirh a rem em?" A ti leh sup a,"in rawn tir dawn nia" ka ti ve ta nge nge.







Ngawi rengin kan inlam kan pan zui a,inchhungah reilo te tak tak a rawn thu khawmuang a,a haw leh nghal mai bawk.
Ka pa in ka kalna chanchin chu phur zetin min zawt a,ka nu pawh abang chuanglo.An hmel nung sarh ka hmuh chuan U Obeda ka nei tur chu ka rilru pawh a sak lutuk tawh biklo.Nu leh pa hlim hmel nung sarh hmuh hi alo nuam ngei mai.













#An la kal zung zung thei hrih tlatlo a,lo la dawh hram hram ulang aw.Fb lamah comment kha min hnutchhiah sak ve zel ula,zirna lamah ka buai deuh nen comment te ka la en hman lo a,ka hman veleh ka rawn en nghal zar zar ang aw.

Ads click kha theihnghilh awih loh
Show post links
Top

[Ngaia]

*OBEDA* CH-3





Kâr pawh a vei hma in palai hmel kan hmu thuai a,an rawn kal leh na ah thlaleh thla laihawl a inneih chu an rel thlu nghal hmiah bawk.Ka chhungte chu an phur em em vek a,Zira leh kei tihloh chuan inneih tur lam ngawt an buaipui tawh.
Zira hian ka pasal nei tur hi ala ngaithiam chiahlo ni berin ka hre tawh.Engkimah a pan ber ka ni a,ka nau mah nise in hrang atang chuan inbuaipui reng aharsa tawh dawn a,ani pawhin ahuphurh ve ni in ka hria.






Zirtawpni chu Sir Zâma aclass ho in râl an duh vangin naupang zawng zawng chawhnu chawlh kan pe a,zirtirtu thenkhat in an zui bawk ang.Kei erawh tum thum chu ka lang ve tawh a,kal kawi na tur ka nei bawk nen ka telpui lo tur chu ka inthiamlo em em hran tawhlo.






"Kan nula thlah liam mai tur chu.."ti fân ruiha minlo lawmtu ka thian kawmngaih ber Nunthari chu ka melh rum ngei mai.
"Min rawn tlawh har lutuk a ka rawn pan tawp che anih hi"lungawi zan lo chuan ka ti a,a pite khaw lama a zin a han thang rei phian a,nimin piah khan alo haw thla ve leh deuh chauh.





"Ka buai zia hi e! Ka rawn thlen hlim atang in lam thlenga min rawn pantu an awm nghal mawle"uang zet chuan a ti a,mahse thudik ani tih ka hai biklo.Puanthui in ei a zawng a,B.A kan zawh hlim khan designing vel pawh zir hranlo in puanthui a zir deuh tawp a,a hlawk ta phian lehnghal a! Pan tu leh ama thui kher ha duh hi an kat nuk tawh.
"I pasal tur lah chu MZU a Professor lar deuh kha ala ni zui a!" A tih leh hluai chuan "sawi lo teh" kalo ti deuh hmuk.Ph kal tlangin chanchin tlanglawn chu ka hrilh tawh a,atir ah min thinrimpui ve viau a,ka û Thanpuia alo hau nghe nghe! Mahse U Thanpuia thusawi dan a fuh deuh nge ni tunah chuan min duhpui leh viau tawh zawk.





"Ila hreh viau em ni?"thutak zawk chuan a ti ta nge nge.




"Hreh lo ka tih chuan dawt ka sawi ania nga,mahse ka nu leh pa te phûr lutuk hmel ka hmu a ka rilru pawh a dam ve ta deuh tawh"




"Ka rin sa ania kha kha chu,i pa thu i hnial ngam ka ringlo hrim hrim a,mahse maw Matei i tih fuh hi ka ring lutuk zawk asin"a ti ve ngial.
"Ka hrelo le,ka pasal tur hi ka hrechiang lo em a,a chanchin lah midang ka atanga hre zel ka nia rindan ka nei thiamlo" ka tih chuan min pawmpui zet hian abu ve nghauh nghauh.




"Ka lo kal chhan ber chu thianah hman che ka duh a,phone kal tlanga inhrilh atan em chuan thu liantham ani sia ka ti ve deuh" ka ti chiah erawh aphur leh sarh tawh a,ka hman alo inrinlawk viau kha ka ring ania! A hmel atang chuan inring lawk pawh a anglo.Ani lo thian nghet kawm ka nei der silo.
"Ka lo inbeiseilo mahse keilo hman tur i nei chuanglo tih ka hrechhuak"kan nui dun zui ve ta hak hak.





"Mo kawr chu thuisa en kual ilang,lawi kawr erawh ka kutah dah tawp ang che.Ka thui dawn hi ani ringawt" a tih chuan ka nuih sen sen a,thian ka nei hlu takzet ani."Rawng in ang kha hak amawi dawn sia,mahse kan inhmeh hleih dawn si" a phun nang nang a, ka lo nuihliam pui mai thung.





"Nui ringawt suh,nang chu i ngo a ngo pawh nilo in i var vuk a,ka inhmeh tur rawng kan ha ang" ka hnial hranlo,ka nu leh pa te zarah kan unau hrim hrim hi kan vun a êng viau a, ka vanneu nge ka û leh nau te aiin ka ngo zual.Nunthari hian min runluih nan hrim hrim hian 'i ûte hi chu an hmel tha a,nang chu ngo lo lang i tha vak lo ang' hi min ti thin, a sawi diklo chuang lem hlei lo a.






Nunthari dawr atang chuan Bus stand ka pan chho a,a dawr hi Chhinga veng ah a awm a,an in erawh Bawngkawn Sairang road lamah daih a awm thung.Dawr anei hla viau mai.Haw rual puiah sawm ve bawk mah ila hna ala nghah em vangin min hnial a,ka ti lui duh biklo.A û ten a haw tlai deuh pawh in an hruai mai thei tho a,bakah a dawr hmun lûn lai ah a awm bawk a ngaihtuahawm ani hranlo tur ah ka ngai.






Kawng ka cross tur chu ka zawn ah tak hian motor dum hi a rawn ding a,a hnung lamah motor dang ho in horn an rawn pe nghal chuah chuah bawk.
"Lo lut la"U Obeda lek chu lo niin.


"Nula kan hmanhmawh ania"hnunglam ami ten an rawn tih chuan inngaihtuahna hman pawh awmlo in ka lut nghal thuai.A tlanchhuak zui nghal mai bawk.





Nidang ang tho,kan ngawi dun leh ta chawrh chawrh.Glass up vek mahse pawn lam thawm chu a hriatchian theih ngang tho mai.
"Khawnge i kal?"



"Ka thiannu dawr ah" ka ti tha ve mai.




"Kan inrawlhve na tur ani em ka hre chiah lo a,mahse mokawr en na ah ka nauten rawn kalve an châk a,be tur che in min ti reng a"a tih chuan a hmel chu ka hrethiamlo,a inthlahrun viau in ka hre tlat pek.
"Pawi iti em? Ka hnial thei tho a"ka chhâng lo tih inhrechhuak in "a remlohna a awmlo,lo kal tir rawh apawilo ania"ka ti nghal sawk sawk chu anui suk.Anui ka vawikhat hmuhna ani hial mai thei!





"Matei,tang tung lo la hahdam deuhin awm rawh" a rawn tih chuan ka thu ngil zawt a,anui ri ta suk.
"Ka hlauhawm viau em ni?" A tih leh chuan "aih" ka ti rang ngei mai.




"Umm,anih chuan hahdam deuha awm tum la.I tang hra zel a i hah vek ang" a ti tha ve leh mai bawk.





"I naute chu mokawr kan en dawnah ilo kal tir dawn nia,engtin nge kan inhrilh ang ahun vel?"ka ti ta sap a,ka pangai ve viau tawh e.
"Ka phone ah hian i nb lo save lawk mai la" ti a aphone min pek chuan ka nui tawi tak.Thlaleh lawka innei mai tawh tur number pawh kan la innei tawn miahlo chu ni sia.





A phone ka hmet eng chiah chu ka meng deuh kawk a,ka insiamtha leh thuai.A lock lo a,a wallpaper mawlh chuan mit ala,Lily par var sar hi ahmang a,ka pangpar ngainat ber a ala ni zui bawk nen ka nb ka save hma chuan ka en deuh vang vang phawt.

Ka insave hnu ah call zeuhin ka ph ah anb chu ka save ve nghal zat bawk.






Bawngkawn kan thlen phei hma hauh atang traffic a zam leh tan tawh a,motor lian an lo lut leh tan tawh pawh ani maithei ani.






"U Obeda"ka ti sap,tun hun hi zawhna hun tha tak ani in ka hria.



Ka lam lo hawin a mitko a san zeuh a,"sawi la" a ti zui sup.
"Kan inneih hnu ah ka hna hi ka la zawm thei ang tiraw?"ka tih chuan "i thu alawm"a ti deuh sup."Tun dinhmun i thlen theih nan exam vawitam pal tlangin lehkhabu tam tak i keu kual ve ngei anga,alo thlawna chantir mai mai atan chuan khang i tha leh zung i sen tawhna te kha an uiawm a,i duh phawt chuan i zawm zel dawn nia" damthlup hian a ti leh a,ka hahdam ta huai in ka hria.Inlama tawm chawrh chawrh kha ka peih dawnlo hrim hrim.




________





Hun chu beisei aiin akal chak a,kan inneih ni a thleng dawn ta der mai! Khang kar liamta chhung khan ka rilru a insual buai nasa viau a,achang chuan tlanbo mai te ka duh leh thin.Mahse hei ka tlanbo ta em biklo chu ania! Naktuk mai hi kan inneih ni ani tawh a,hmangaih ber te nei dawnlo mah ilang lan mawiloh chu kan hlau tho.
Zan lamah kan veng a facial ti thin in min rawn lwnchilh in facial min tih sak a,Nunthari a rawn riak dawn bawk nen dar sawm tlangah pawh kan la ri laih laih mai.




Facial kan tih zawh ah kan thawmhnaw hak tur te chu kan han en leh ren rawn a,lung chu a awi duh khawp mai.
Lawi kawr atan puantha changkang zet gold rawng hmangin Nunthari'n kawr a thui a,ka nu pawhin mawi a ti lutuk a apuanthan vek hian nakin ah thuisak ve turin a chah lawm lawm.Ka pa in kawrfual var nilo a puanchei bih zawk tura min duh viau chungin ka nu in a hnial ve tlat a, "a damchhungin kawrfual hi a hak na tur anei leh tawh kherlo ang,puanchei chu bihna hun ala ngah dawn chauh zawk" tiin min tan ve tlat a,kawrfual mawi zet kan hawh ta nge nge.






"Mate,inla mu dawn lo em ni?"ka nu ka room ah rawn dakin keini thiandun kan thawmhnaw kanlo la buaipui chu thaw hak hian min melh.
"Nu Ding,Matei hian biakin aluh fel vek tawh hnu ah a zun chhuak ta se engtin nge a tih ang?"Nunthari chuan arawn ti mauh mai!



"Inva la â bat bat tak"ka nu pawhin nui chungin a ti ta tawp.





"In ngaihtuah ve lo ami? Darkar chuang fe thlalak na hun te nen a ha dawn ania,a zun te chhuak ta se emaw akua te thalo thut ta se"anui zui ta uarh uarh a,ka nu nen kan nuih ve tawp tawh.

"Chutiang thil a thlen loh nan tawngtai angai tihna anih chu.Mut tum hnai tawh rawh u aw,mit bui luk te khan in tho chhuak ange,in nalh dawnlo teh mai ania"ka nu chuan a ti dap dap a,min chhuahsan leh mai bawk.




Nunthari a mut hnu ah pawh ka la mu meng kar a,naktuk zan mawlh chu ani ka huphurh ni.Nupui ka nihna anga ka tihtur ka hlen ve ngei chu angai dawn sia,mahse ka huphurh takzet.U Obeda hnenah hian ka inpeih hun min nghak tura ngen tawp mai ka duh a,a ni thei chiahin ka hre bawk silo.Nge ni a nupa nun kan hman chuan kan inpawt sawt anga,kan in ngainat chhoh phah sawt zawk thei bawk a..Aa hriatthiam hi ava han har tak.






Khawvar tur dan theih hekloh,kan inneih ni tur chu a rawn thleng a,zing lam atang keini lam chu kan buai nghal a.Tukthuan chu puar khawp pawn kan ei lo.Tukthuan ei kham lam atang min cheitur a kan rawihin min chei nghal char char a,inneih tan hun dar sawmpahnih chiah chiah ania,U Obeda te kohhran lamah anih dawn vangin kan chho har thianglo.


Nunthari a chei zawhah U noi chuan kei min chei leh a,kan thawmhnaw te ha a kan pheikhawk te kan bun zawh chuan thaw aveng ta huai mai.





Ka darthlalang ah chuan ka in en nawn leh thin,hetiang a inchei hi ka châk ngawih ngawih thin kha ania.Nalh ka inti viau mai,chutiang bawkin Nunthari pawh sawiselna lai tur a awmlo.






Inhnuai kan chhukthla chu ka chhungten anlo ri nghal hlut a,thla te la ho in ka nu phei chu a mittui a hru leh zeuh thin.
"Ka fanu hi chu aw...i nalh lutuk tlat"ka pa chuan a ti leh hluai thin a,tum dang ah pawh min chhuan thu a sawi fo a,a fanu neihchhun ka ni bawk nen inleng te hnenah pawh hian insawitheih nan min hmang nasa thei viau thin.





U Obeda te kohhran biakin lam chu kan pan ta alawm,kan thlen chuan mi anlo awm nual tawh a.An biakin a len nen a hnuailam mai nilo achunglam thlengin an khat lo chauh!
Keini lam atang min rawn lawmpui tu awm nual dawn mahse an mahni lam atang mipui an tam zawk ka ring.


Biakin chhung ka luh ruala ka zirlai naupang te fel taka an lo thu fur ka hmuh chuan ka tah achhuak tlat pek a,kan inhrawnna ala reilo teh lul nen ka ni pawimawh min rawn ngaipawimawh a an rawn tel hi kalo beisei lo viau asin.





Inneih hunserh chu kan hmang rei hranlo,kohhran zaipawl an zai a,kan inneihna ti ropuitu an ni ka tilo theilo.Mizo nih nawmzia an rawn ti chiang ngang bawk.

Thlalak na hun te a zawh hnu ah ka pasal lo ni ta te in lamah chuan ka lawi lut zui a,Lalnunthari aphawk achhuak pek a! Ka classmate hlui te nen inthurual lawi ar ruk anlo tum pek! Ani lah mothian ah ala tang ngai bik silo lawi ar an ruk loh mawlh hlau in a phi ta cheng a,U Obeda hnenah ala sawi ham ham zui! Ka zahpui vawikhatna ani hial ta ve ang.






Zan lamah inleng an awm neuh neuh chungin U Obeda room lamah ka bungrua ho kan remfel a,ka thawmhnaw bawm tur anlo ti ruak sa thlap bawk nen a tuk lama tihfel ngai lutuk lo turin kan inrem lut nghal zung zung.

"Nun,a zualpui kan rem chuan atawk mai.Naktuk lamah kan tih zawm mai dawn nia,helaia tawm reng kha amawiloh palh takin"ka ti a,kan rem nual tawh chungin tihtur chu ala tam ve tho mai.





"Nia,tawk hrih se lehlam hi kan hawng chhin hrim hrim"ka dang hman lo,U Obeda thawmhnaw bawm lam chu ahawng a,ahna thawhin alo zir bawk nen kamiz lam chu angah takzet.A inkhai tlar dul mai.

"Khar rawh a rawn lut ange"ka tih pawh chuan anui mai a,"ehe! Hei enge a?"ti in a thuhniam zawk a,bawm senno te chhe lo zet hi a rawn pawm chhuak nulh!





"Dah let leh mai mai teh,a thil dah thatna bawm aniang" ka tih pawh chuan a ni hrechak lutuk chuan ahawng ta pek!





"Khawih suh"ti hrawk ri ah phu nghekin a la thlauh zui!




U Obeda chu thinrim hmel zet hian a rawn lut a,Nunthari bawm thlauh tak chu la kâng thuai in a chhin nghal zat bawk.





"I ta anihloh chuan khawihloh tur alawm"a ti vun leh ta hrawk mai! Nunthari chu a ding zum zut tawh.
Pakhat lah chuan amelh rum ngang mai a! Eng ang fako a pawimawh nge anih a chutia a rawn thinrim rikngawt ni?





"U Obeda,a hriat loh vang anih kha"chutia ka thiannu ber a vin vak chu ngaithei biklo in ka ti ve ta fak a.
Thinrim inbengdaih tum zeta mit chhing vang vang in a rawn men leh chuan ahma ai in ameng rum nep ta deuh.A mitmeng erawh hmuh nuam ala nilo takzet.






"Ka tihpalh anih kha"Nunthari chuan a ti ta sep a,U Obeda chuan chu bawm chu a awmna ngaiah dah let lehin a wardrobe chu akhar ta hmak bawk.
"Rawn chhuk tawh ru,an lam an lam tawh che u"ti bul hmukin a chhuak zui leh hmak bawk!





Nunthari kan en chu amittui alo tling pam mai!




"Nun,i tha tiraw?" Ahlau ngang aniang amittui a rawn far ta fep a,ka va lainat tak.




"Khatiangin khawih aphallo dawn tih kan hre lawk bik tawp silo a! Ka hlauh zia kha" a ti zui nak nak."Matei,min zui haw daih zawk teh.A hlauhawm emai ka ngaihtuah che"a ti erawh ka nuih ta sen sen,thiantha tianga min ngaihtuahtu neih te hi hlu deuh mai ania.Chulam daih chu ani kalo ngaihtuah ni.

"Aho lutuk,a tan thil pawimawh deuh aniang.A thinrim rei biklo ang"ka hnem nghal mawlh mawlh a,makeup a inhnawih that leh hnu ah inhnuai lamah kan chhuk ta chauh.






Ka nu leh pa te haw tur chu zui haw ve leh tak tak mai ka nap a,a rem tawh silo.
Ka ûte nupa an haw ve ve tawh a,ka nu leh pa erawh awmkhawmuang ah an tang thung.
An han haw tur chu ka nu kei ang chiahin a lungchhe ve deuh a,a fanu inlama awm ve reng thin kha a awm tawh dawn miau lo a,ni tam fe chu ngaia nei turin a awh ve ang.





Ka nu leh pa te kan thlah liam a,inleng dang te pawh an haw sap sap tawh.U Obeda te chhungte ho an fel hlawm viau a,chet va na hun pawh a awmlo.Hmun te chu an phiat nghal sap sap hlawm.An thlah kual ah mipa aiin hmeichhia an tam zawk anih hmel,a cousin ni a an sawi ah pawh mipa pahnih chiah ka hmu tel.Keini chhung lamah mipa an thahnem viau thung a,hmeichhia chu kei leh ka nu nau fanu chiah kan awm.Ka pa te lam kual ah phei chuan hmeichhia an awm miahlo a,ka vanneihna tam mahse han awmkhawm chang hian ka mal thin viau thung.






Ka huphurh ber mut hun alo thleng a,room a kan inzui chho te chu ka kimki ngang mai.

"Intifai hmasa la"U Obeda an a tih chuan ka hniallo khawp.




"Zanin kha.."ka bathroom lut tur chiah chu a tawng leh vang chuan ka hawi let a, "a zialo hle mai min ngaidam dawn nia" a tih chuan ka bu ve mai.Bathroom ah ka luhsan zui zat bawk.






A inbual zawh hma a muthilh hman tumin khumah kalo mu fel than a,a rawn chhuak leh har silo nen lo muthilh der na hman pawh a awmlo.

A inthlak zo a rawn mu ve te chu ka lo tang tung a,hrehawm duh ngar ngar tak ani.




"Hahdam deuhin awm rawh,i inpeih hma chu khawih tum na che ka neilo" a tih sup chuan alam ka hawi phawk hra,alo kiai suk thung. "Mu tawh rawh Kimte,i chau ang."ami kohdan te chu!





Karkhat aliam a,kan nupa inkar chu a chhia tihtur ani hauhlo.Mahse atha tih theih pawh ani chuanglo.Ani chu ahna lamah kan inneih tuk hnih na tang akal leh tawh a,kei erawh vawin atang ka tan ve leh dawn chauh thung.Khum khata kan mu tih loh chu nupa kan nihna alanglo a,inbelo kan nilo mahse kan inbe khat viau thung.




Tukthuan kan ei khamah tiffin ka siam a,Judithi Delhi lamah zirna zawm turin a chhuk tawh a,Judy erawh college akal nitin.Ka chungah an fel hlawm em em a,ka inthlahrun hlau in Pa Hruaia leh Nu Mapuii chuan min kawm tlangnel an tum nasa thin viau.

"U Matei,ka kawr hak hi amawilo viau em?"Judy in a rawn tih chuan "mawi e,i inhmeh lutuk"ka lo ti var.Lawm deuhin a kal ve leh mai bawk a.Tuktin ka lawi luh hnu a a tih dan ani.





"Insiam la,ka lo nghak ang che kan kal rual dawn nia"Room ka luh rualin U Obeda chuan alo ti sup.




"Taxi pawh ka hmang thei tho asin" ka ti sap a, "kan kal rual dawn nia"a ti leh mai.
Min nghak ran tawh bawk nen ka che reng reng chu ka hmanhmawh ta vek.Tum dangah dar riat ah a chhuak ziah a,kei min nghah vangin vawin chu a tlai deuh dawn ta ni.
MZU daih a kal ani nen akal hma angai thin bawk a,nidangah chuan ka hnial tawh ang.





Dan ngai te in inbelo in kan school thleng chu kan inphur thla leh a,a fâl a kan awm hian sawitur avâng riau thin.




Office ka thleng chu minlo chhaih nak nak hlawm a,ka nuih liam vel hlawm tawp.Ka pasal lah an ngaihsan zawng tak ala ni zui bawk nen an sawi duh hlawm ngei mai.





"Durtlang nu thar chu" ka melh nghal rawm rawm.




"Ka ngei che ania,kan inneihni ah takngial pawh hmuhtur i awmlo a"ka lo ti ve hlak hlak.U Joshua hi kan inneih lai vel tak khan Chennai ah akal daih a,a chhan kan zawh lahin a sawi tha duh silo.An chhungkua in damlohna an tawk lemlo tih erawh kan hriatpui a kan ngaihtuah lo zawk.

"Aw ...ka nupui tur ka zu zawng te pawh ani thei a" a tih chuan "Dampuii i zuk hmu ani maw?"ka ti deuh hluai.A bialnu ani Dampuii chu,an inzui rei ve tawh hle bawk.





"Ni tho a,ni chiahlo."a ti uk tawh kalo melhdan vang chuan "nakin ah ka hrilh ang che"a ti leh a,nakin a min hrilh tur hi angah tawh ania! Min hrilh leh ngai lem hleilo a.
"Obeda chuan a duat che em? Inlo in awi mu dur dur thin lo maw?" Ka nuih ringawt.Kan inkar hre tu zing ami ania,afiamthu mai mai tih hre mah ilang anuamlo duh khawp mai.





Karleh lamah sport kan hman dawn vangin zirtirtu te kan comittee a,naupang ho chawhnu chawlh kan pe bawk.

Dar hnih rik hma in keini pawh kan bâng ve zui mai a,U Joshua nen kan haw na lam tur a in ang ta bawk nen kan inphur chho leh vawk vawk tawh.





Lenglut tura ka sawmna chu ahnial ve tum hrang a,penkawi na tur ala nei ani awm e.




Room ah chho tlang nghal lo in thutkhawmna lama ka nu leh pa lo thu te kiangah chuan ka thu khawmuang ve hrih a,ka pa (Pa Hruaia) te pawh an inentir leh hun a ni tep tawh.Beisei aiin hma a sawn zek a,Cancer mah nise a stage ala hniam bawk nen a dam leh beiseina kan nei sang viau.




"Vawin tlai chu i pa hian Sangha chhum a eichak deuha,kan chhum hluah dawn nia aw Mate.I pa khan i ngainat thu asawi tak kha maw"ka nu'n a tih chuan ka nui var var mai.

"Ka han inthlak anga rawng ka rawn bawl dawn nia" aw min pawh ve mai.Ka eisiam tui anlo ti viau a,rawngbawl nuam ka lo ti bawk nen a tir ah min dah awl tum viau mahse tunah chuan ka tlangnel nan hrim hrim pawh min sawisel tawhlo.





Inchung ah chho in kan room lam ka pan a,kan room kawngkhar lo inhawng huau ka hmuh chuan ngaihthatlohna em em pawh neilo in ka lut ve mai.
A chhunga awm ka hmu erawh ka ding chawt thut.





"Enge itih a?"ka ti chhuak sap.Phu nghekin ka lam a rawn hawi a,ka pa nurse Muantei ani.Chutah U Obeda bawm rauh em em kha alo la keng zui!

"In room ka lo ti fai a" a tih chuan ka ngaihdan ani vaklo."Kan room chu ka tifai thei.Muante,kan awmloh laia mibrang lehnghal kan room a ilo awm hi ka ngaihdan ani vaklo ania.Tinge kha thil te kha i khawih a?Kan thawmhnaw bawm i hai em ni?"ka ti chhuak fak.Room tifai satliah lo in kan thawmhnaw bawm te alo khawih tihna ania.





"He bawm chhungah hian enge awm pawh i hre reng reng ami?" Nui sang hian a ti chhuak chu ka melh haw.
"Engpawh awm se i khawih tur ani in ka hrelo.Khawngaihin min chhuahsan rawh"ka ti fiah fak.A dar chhin ak hian bawm chu a dahthla a,zahna nei map lo a min kal pel in a chhuak zui! Zahna atlachham ve hle mai.Ka pa nurse a an rawih na a rei tawh a,ka awm ve hma daih in anlo in awmchilh tawh zawk.

Nihnih kalta atang khan a rawn riak lut ve leh chiah bawk a,inhnuai lamah a room a awm thung.





U Obeda robawm ka timai,dahthat tum chuan ka la kâng a.A chhunga awm hriat chakna in minrawn luhchilh nghal tup tup mai.
Ka insum zo nganglo chuan thuthlenga thu thla meuhin ka hawng a,a chhungah erawh min ti na tur bak hmuh ka neilo.

Nula hmeltha zet mai thlalak tam tak alo awm a,U Obeda nena an lan dunna pawh atam khawp.Bakilh te,hairband leh banbun tih te a awm tel nawk bawk a! Lily par var thlalak ringawt te pawh a awm bawk.
Mizorama lak nilo tih hriat zet tuipui lang thei a an landunna te pawh a awm a,tuna U Obeda mize anglo tak hian thlalak ah chuan a hlim hmel thei viau.An inmelh dan atang ringawt pawh mi â tan lo chuan hriat loh tur a awmlo,an induh hmel ngawih ngawih.






"Enge itih?" Ka hawi phawk hra! Tun ang hunah a rawn haw ngai tawp silo.





Ka thil lo khawih ahmuh chuan ameng rum zual sauh! "Khawihloh tur tih chiang takin ka hrilh lo che em ni?"ka chhing sawk.A awri zet chu !
Min rawn pan hnai in ka lo ken lai te nen lam apawtthla a,bawmchhungah chuan akhung tha nghal mawlh mawlh.
Che lo in a chevel chu ka lo melh tawp.Uluk tih hriat zet hian ka thlalak phawrh chhuahsa ho chu akhung khawm a,dîm zet hian a chhîn leh thlap bawk.





"Tinge?" Tunge tih zawhna ka neilo? Ka zawhna neih awmchhun chu tunge tih chauh ani.




"Tinge min neih?"Thlalak ami kha chiang takin ahmangaih tih ka hrethei.Chuti anih si chuan tinge min neih?



A ding chawt a,thawchhuak ham ham in "inthlak rawh"a ti zawi sup.




"Aih, ka zawhna che min chhang rawh.Hmangaih inei reng a,tinge kei hi min neih daih?" Ka ti chhuak leh ngat.Ka pasal hi ka hmangaih miahlo mahse a thinlung hmeichhe dangin an nei tawh tih ka hriatna chuan min ti na tho.
"Ruatkim" a ti nghut.





"Chânna min pe rawh"luhlul zetin ka la ti fan.




"A thi tawh...a thi tawh chu chuan i zawhna a chhâng che em?"a rawn ti chhuak thawt! Thlalak a hmeichhia kha a thi tawh amaw?
Bawm pawm reng chung chuan a chhuak a,ka au zui tawh lo.


Ka tah chu a chhuak lo a,mahse ka tawt up up thung.Kha hmeichhia khan ka rilru a ti na lo a,ani chu he lei ah hian a awm ve tawh tlatlo.Mahse ka pasal lakah hian mitthi tawh pawh ka tluk ngai dawnlo tih ka hriat na chuan min ti na a,hetiang dinhmun a ding chung hian kan inkawp reng thei dawn em ni?

Ani chuan ahmangaih a sûn kumkhua tawh dawn a,kei hian ka tuar thei meuh angem.Sûn reng chungin athlah liam thei lo tih a hmangaih thil ala kawl danah a chiang a,engtikah mah a thinlungah hmun ka chan ve theih ka inring lo.







Room a tawm ngawt ngawt theih ni heklo,inhnuai lamah rawngbawl turin ka chhuk a.Muantei ka hmuh te chuan ka thinrim thar leh.Ani khân kha bawm kha lo khawih lo nise tunah hian rilru hnual ngawih ngawih in ka awm lo tur.


Zanriah kan kil te chu chaw ka ei tlem khawp.U Obeda chu tlai lam thil kha thlenglo ang maiin a awm thei a,kei erawh ka chau nghulh thung.Ka nu in "Mate,i dam tha meuh em? Nawmsamlohna inneih chuan sawi hreh loh tur aw"min ti hial a,ka that thu in ka chhâng mai thung.





"Obeda,zanin chu Matei te inlamah zu lengthla ve rawh u.In ineih hnu ah inla tlawh miah hleinem"Ka pa chuan a rawn ti khauh a,lawmawm viau mahse tunah tak chuan a hun berin ka hrelo.Kan in lama ka kal anih chuan ka pasal hi ka zui haw duh tawh in ka ringlo.

U Obeda chuan min rawn melh zawk a, "nidangah le,zanin chu ka chau riau a" tiin ka pa kalo chhang thuai.Inngaihtuahna hun ka mamawh hrih ber ani.




"E chutia law? Han mu hahdam nghal daih rawh"Ka pa chuan a ti nghal var.Ka hnial lo khawp mai,tawikhawmuang detin room lamah ka chho a,U Obeda chuan ka hnungah min rawn zui ve nghal mai bawk.




"I nu te in lamah chuan i leng thla duh lo takzet em ni?"





"Kan leng thla anih chuan ka zu haw tawh kherlo ang che, chu chu i duh em ni?"ka ti deuh fak chu ngawi rengin min melh tawp.

"Kimte" a ti damthlup a, a awri damthlup te chu ngaihthlak hrehawm ka ti thar ta riau.





"Hunthawl min pe rawh..tunah hi chuan inbiak pawh ka peih hrihlo" ka ti chhuak sap.Min melh deuh ngawt ngawt in "ka tihpalh" a ti sup a,ngaihdam indil rikngawt pawh chuan kawngro ava su lemlo tak em.

"I sual hle mai"ka ti chhuak hak a,ka ti tak tak bawk.




"I thinlung ah hmeichhe dang an awm reng anih chuan i pa in inneih chungchang a sawi lai khan lo hnial tur ania.Kan inti hrehawm lo nimai tur.U Obeda,tunah hian ka inkhawngaih zia i hrelo ani.Ka pasal in engtik ah mah min hmangaih ve thei ngai dawnlo tih ka hriatna hian min ti na lutuk asin" ka ti chhuak nawk a,ka hah vek tawh.
A dinna ngaiah dingin min melh tawp ringawt.

"I duh chuan min ankhum rawh,i rilru a awm i up beh reng chuan i hrehawm lutuk ang" a ti dam leh thlup tawh.





"Ka hmuh phak loh ah awm phawt teh"ka ti hlak a,"atha alawm,Kimte keimah vanga i nat ka duhlo ania."ti zawi supin a chhuak a,keimaha ka awm vang chuan ka ipik lutuk a ziaawm ohah der chuanglo.Amah vanga ka nat a duhloh thu a sawi a,minti na tu ber amah tho ani si.








#enge kan an zel ni? A ngaihnawm loh deuh pawhin lo la dawh hram hram ru aw.Arrange Marriage han induh huam huam kha a rem teh tawk hrihlo a
Show post links
Top

[Ngaia]

*OBEDA* CH-4





Zankhua in room ah a rawn lut leh tawhlo a,room dangah a riak te pawh ani mahna.Rawngbawl tura ka tho chhuah hnu ah erawh a lut ve leh ani mahna insiam peih sa at in inhnuai a rawn chhuk thla ve leh hlawl tho.Ka be lo a,ani erawh in min biak a tum leh uk uk thin tih min melh leh zeuh zeuh thin dân ah ka hre thung.

Tukthuan ka siam a,midang bulah chuan U Obeda nena kan inkar buaina thil chu tihlan ka duh bik lem chuanglo.Pa Hruaia ngat phei chu Cancer treatment la lai ani a,rilru hah na anei thianglo.




Tukthuan kan eikham chuan thleng ka sil nghal zung zung a,Judy hian thleng sengin kei in ka sil thin thung.


Nu Mapuii hian lo tih ve phet hi a tum thin a,tukin pawh thleng min sil chhawk a tum leh ngat ngat tawh.Nu ber ani a,fanu leh mo anei tawh bawk a thlengsil lam chu a tih ah pawh amawi tawhlo.





"Kimte,kalo nghak che" U Obeda chuan a rawn ti dut a.
Hawilet lemlo hian "nghah ka ngailo,vawin chu kalpui tur ka nei" ka ti deuh nghut.Ka nu leh pa te an awm hnai tawh lo a,biak that vak ka la châk hrihlo.





A kalsawn ve mai dawn emaw tih laiin ka thlengsil zo kan hawi let chu choka biangah alo la ding reng!

"Nghah ka ngailo ka tih kha" ka ti leh deuh nghat a,"ila thinrim reng a? I rilru dam nan enge maw ka tih dawn ni?"a ti dam thlup.





A thusawi chu ngaipawimawh duhlo in "pen kawi na tur ka nei,U Joshua ka inhruaitir dawn min kalsan rawh"ka ti ta zawk.Penkawi na tur ka neih em em pawh ka hrelo a,mahse ani nena motor chuandun ka duh hrihlo hi ani tawp.Ka thinrim zual anga,midang zah tur an awm tawh dawn der silo nen kan buaina a punlun zawk mai mai ang tih ahlauhawm.





"Tlaiah kan inbe dawn nia"ti supin akalsawn ve ta nge nge a,ka thawchhuak ta ham ham.Ka lo ip nasa hle mai!





Insiam tumin inchunglam ah ka chho a,Judy kawngkhar inhawng huau atang âng hlak hlak thawm alo chhuah chuan ka ding leh renrawn phawt.
"Judy, zawn inei em ni?" A room kawngka ah dakin ka ti a,a in hai hnawk nasa ngang mai.





"Uii U Matei, lo kal teh.Nimin piah lawka ka perfume lei thar kha ka dahna ka hrelo pek anih hi" ti hlakin amah leh amah chu a insawh tau nghawng nghawng.
"I dahna thin ho i enkual em?"ka ti a,a enkual vek tawh chu ka ring.




"Enkual vek tawh e,hei ka darthlalang hma ah hian ka dah mai emaw ka tia mahse a awm silo a! Ka zawngkual nasa tawh lutuk ka rawn hawn ngei tih ka chiang a,achhan pawh ka nu kha ka kâp chhin vel a" a tih chuan han zawn pui ngaihna vak pawh chu ka hrelo.

A darthlalang hma ah chuan perfume bottle dangdai zet zet hi a inhung far a,a lei thar nilo se abo tih a hre nghal maiin ka ringlo.Chutiang khawp chuan angah.





"I tlai ange,tlai lamah kan zawng dun leh dawn nia insiam phawt la"ka ti ta daih a,bathrobe nen ala ni rup a,hetiang chuan a tlai thei tak tak ang.






"Nimai,khawiah tak nge maw ka dah ni? E, eng kawr nge ka hak ang?" A ti zui ta daih a,a thawmhnaw hak tur te chu kan thlang dun leh ang lawp lawp a.

Judy hian Vitiligo natna anei ka tih tawh kha,vun natna chikhat niin a vun hian rawng hnih anei ka ti mai,a then lai chu a var vuk a,a thenlai erawh a uk sen deuh kharh bawk a.Chutiang anih vang chuan a taksa lang tam thawmhnaw a inbel khat viau a,kawr bantlawn leh kekawr tluan deuh hlir a inbel thin ani.






Insiam tura room ka luh ve leh meuh chuan alo tlai duai tawh a,ka rilru ah U Sawma te ina kal lang thutin hmanhmawh chuk chuk lo chuan ka insiam ta zawk.
Naupang ho an sport dawn a,chawhnu lam class kan la lo ang.vawin tak hi chawhnu lamah chauh class ka nei dawn nen chawl pawh ni ilang apawi hran lo tur ah ka ngai.






In atang chuan hna kal tur angin ka chhuak ta tho a,taxi stand lam panin kal pah chuan kan principal hnenah ka kal theih loh tur thu ka hrilh pah a,minlo hrethiam khawp mai.
Kan principal hi hmeithai ani a,a fapa nen kan school thlang lawkah hian an awm nghe nghe.A nun thin dan an han sawi tak tak hnuah kei ngei pawh hian ka ngaisangin ka zah khawp.A pasal in aboral hnu ah a fapa a hmeithai pui a,nau pawm chungin a zirna a zawm zel bawk a,a chhungte puihna tel miahlo in Aizawl a school tha ber pawl a rawn din rup bawk! Mi mai mai chu anilo ve chiang khawp mai.






Taxi chuan Ramhlun a ka û te inluahna lam ka pan a,ka û a awmdawn lo tih hre mah ila ka biak duh zawk tak U Zawni a awm dawn a,ani hi rilru hahna deuh ka neih ve chuan ka thlenna ber ani.Û deuh zawk mahse U Thanpuia nupui aiin ka ngaina zawk riau a,ka hma alo ngaih ve em em vang te pawh ani mahna.





Inchhung ka lut chu naupang ho nen anlo ri nak nak mai.




"Mate! Tehhlawl che chuan!"ka lut thut chu min beisei biklo tih a chiang reng mai.
Sangsangi te unau in barbie anlo khalh a,U Zawni'n Jordana chu thawmhnaw alo hak that tir mawlh mawlh bawk.





"Ka û hna ah akal tawh ami?" Thutthlak pah a ka tih chuan akal tawh thu in minlo chhang thuai,"i rawn nang hman lo chiah chiah anih kha,biak duhna i nei ami?" A ti var a, "nei chuanglo nangmah zawk ka be duh che" ka ti ta sap.






"Enge ni?"



"Nakin deuh ah le,ka hmanhmawh lo hna ah ka kal dawnlo a.Vawin chu nilengin naupang ka rawn awmpui dawn che"ka ti deuh hluai.Anui hak hak a,"athat hlauh chu,chhunah alu paratha kan siam dawn nia" a ti ve bawk a,eisiam te hi a thiam riau a,an ina len tawh hi chuan eng eng emaw hi kan hlawhchhuak leh nge nge thin.





A buai bawk nen thleng vel pawh sil loh in alo la awm hnur a,ka sil sak nghal mawlh mawlh.Anau alo la haw thla lo anih ka ring,naupang harh rual pathum ngawt anei a,heti chung hian a dah faiin in leh avel te hi a ti fai thei hle thung.A thu mai mai hmanlo hi ani ber.




"Jordana ka tih mut chhungin Sangsangi te unau hi lo va mutpui ta che.An fel lutuk an mahni pawhin an mu ve thei tawh ania" a tih chuan "ava la hma awm ve" ka lo ti thuai.Tunah dar sawmpakhat chauh ala nia,naupang tih mut nan pawh ala hma mah mah deuh ani.




"Nî an la vui zo chiah lo deuh a,ka mut tlai tir deuh chuan an châng zir tur nen a in nang leh chiah dawn sia,tunlai chu ka mut hma tir tawp zel.Hmanni pawh an châng zirna ah an unau nau in anlo va muthlu ani awm a! An zirtirtu nu in Siamsiami zawk phei hi chu a rawn paw haw tawp alawm" nui hak hak a a tih chuan ka lo nuih pui ve tawp.






Sangsangi te unau chu room lamah ka hruai phei a,thu an awih viau an mutha ve nghal sat sat.Ka ûte tihfuh ka tih deuh chu an fate phone hmanga an in awm tlei tir ngailo hi ani.U Zawni pawh abuai thin dawn lutuk,mahse abuai chhuanlam in a fate phone a en tir ngai chuanglo.Hei tunah pawh phone en miahlo in an unau in an muthilh ve theih mai hi maw.An mitin a tuar lo nge nge bawk anga a that zia an la hre chho zel in ka ring.




Jordana muhil chu U Zawni'n a ûte bulah amuthla ve leh a,an han mu ta vek erawh a reh ta viau mai.






"Alu ka chhum sa tawh a,maida nuai bak angai lo kan siam nghal mai dawn nia" tiin choka lamah kan inzui phei leh.



"Enge min biak duhna i neih chu?" Maida nuai pah chuan a ti sap a,thaw deuh halhin U Obeda chanchin chu hmaih leh thup pawh nei lemlo in ka hrilh fai ta vek.
Midang hnenah a sawichhuak leh tawhdawn lo tih ka chiang a,ka û hnen ah ngei pawh zep tura ka tih chuan a sawi lo ang chuvanga ani kher hi hrilh pawh ka ni.





Thurawn min pe tu tur ka mamawh a,keima thu a thutlukna ka siam anih chuan vawin tlai la la hian kan inlam ah ka let leh duh mai ka ring.





"A tir ah tumahin an hrelo em ni?" ka sawi zawh chuan a ti ta sap.





"Hrelo ang,a chhungte pawhin min hrilh chuanglo" ka ti a,a tirah tiang tur ani dawn tih hria ilang inneih kha ka duh ka ringlo.





"Mate,i dinhmun tur chu ka hrethiam viau a,i bei pawh a dawng viau ang.Mahse i pasal dinhmun atang hian han thlir ve chhin ta la.Nangchuan hmangaih chu sawiloh ngaihzawng pawh i neih loh lai ania,i nu leh pa te hlimna i duh vangin Obeda chu pasal ah inei a,buaina i nei hranlo.Obeda erawh ngaihtuah chian chuan ani ve miahlo ania,nang nei tur che hian a rilru abuai dawn tur zia te i dawn ve em? A hmangaih thi tawh tunthlenga ala thlahliam theihloh lakah inthiamlohna nasa tak anei anga,chutiang bawkin i chungah pawh.A pa damlohna in a nangching ve leh zel bawk a.Nang nei tur che hian rilru hahna leh inthiamlohna nasa tak apaltlang in a tuar dawn tih hriatsak ve bawk la tiraw? Ani chuan apa damnan hmeichhe pahnih ahliam angah a inngai anga,rilru nuam a a awm ka ringlo.In inneih ni te khan i chîk ve em ka hrelo a,mahse ipasal kha ipik ngawih ngawih inbunruahna tur nei silo hi ang ka lo ti asin aw." A ti dap dap a,angaihtuahna hi chu adang thin teh e.Tunah pawh a pasal nau ka nih avanga min tan nghal ringawt lo in ka diklohna lai zawnga min zilh fin a tum zawk a,hei vang tak hi ania a thurawn lak ka duh fo ni.







"Mahse maw U Zawn, nupa ah kan insiam tawh a.Damchhunga anunah hmeichhe dang an awm reng chunga inkawp ve reng kha ka zuamlo ani ber.Ka pasal thinlung ah hmun ka chang ve ngai dawnlo tih ka hre chiang lutuk a,hei hian min ti buai ani ber.Nupa kan nih tawh chuan feelings kan nei chho thei mai turah ka ngai a,mahse anilo" ka ti halh a,bei hi ava dawng ngawih ngawih tak.


"Engtin nge a thinlung ah hmun i chang ve ngai dawnlo ani tih chu i hriat theih?" A tih khauh chuan ka melh thuai a, "a chiang reng alawm" ka ti sep.






"Mate,mihring rilru hi chu amak khawp a.Kan duh leh hmangaih ber te emaw kan tih pawh hi a aia tha zawk Pathian in kan tana a ruat zawk an nih loh chuan midang duh leh hmangaih em em kan tawng leh mai alawm.I hma hun tur i dawn thui lutuk a i buai anih kha.Han tum ve phawt la,thian ang tal a kawm chhoh te tal han tum la maw,a hmangaih hmasa ai pawh khan a thinlungah buk ikhuar nghet zawk maithei asin.Beidawnglo a nghah fan fan i ngai hrih anih kha,dawhtheihna hian rah tha achhuah nge nge thin ania" a ti leh dap dap tawh.


"Chutiang chu thleng lo ta se" ka lo ti ve leh thung.




" Ta se tih ah buai suh, Pathian in inzawm tura a duh phawt cheu chuan in la inhmangaih tawn em em ang.Pathian malsawmna dawng tur te hian nghah peih angai ve thin bawk alawm.Nangin i theihtawp chhuah ve bawk la"






U Zawni nen a kan ti ti na vang nge ka ipik lutuk pawh ka ziaawm phah ta hawk in ka hria a,inngaihtuah chiang mang hlei lo a ka pasal laka ka lo thinrim ve em em ringawt te chu ka inthiamlo hnuhnawh leh kher mai.Mahse mihring rilru hi chu a lo tawi em a,thinrim lai phei chuan thil ngaihtuah pangai hi alo har ve bawk em ani.


Aluparatha kan siam chu ka ei tui phian a,Judy ei ah tiin per hnih chu ka fun haw nghe nghe.






Ka ûte in atang pawh chuan ka chhuak tlai hranlo a,kawngpui pawh chho in taxi stand lam pan tum chuan motor tlan loh lai ka chang ren rawn a.
Ding leh vei ka entawn zak zak hnu ah hmanhmawh deuha kawng chhak lam ka pan chu taxi kawngchhak lam atanga rawn tlan nen kan insu ta chawrh mai!





Lei a ka tlu tur ka inbenkhalh na lamah ka kut chu arawn ri deuh thawt a,a bung emaw ka ti hman tawh hial zawk! A hik mup mup a,ahnu ah a rawn na nghal ngawt ngawt.





"Akhaih! Mami ava han zialo em em ve mawle! Ka rawn tlanthla fimkhur viau asin"taxi driver chu rawn chhuak in pawi a tih hmel kher mai.A sawi dik a rawn tlan thla muang lutuk,keimahzawk hian ka ding leh vei chauh ka lo en a,hmalam ka lo en tel lo a tin ni.
Kan insu na lo a,ka tlu tur inben khalh lo ilang ka kut pawh hi a na kher lo ang.





"Ava han zialo em em ve aw" taxi pu lah chuan a ti vawng vawng.





"In insu ami?" Mipui an rawn pungkhawm nghal nak nak.
Ka ban lah chu an na em em mai khawp a! Tawng pawh a harsa dawn dawn mai!





"Ka pu i rui ami a?" A enga mah hma in nu pakhat hian a rawn ti ngawt pek a! Athiamloh anihloh zia hria in thei leh theilo hian "aih..keimah..keimah zawkin ka su" ka lo ti ngawng ngawng.






Chutia ka tawng ta chu mak min tih hmel let ta daih hlawm a,ke a kal zawk in ka su ka ti bawk nen min en huang huang tawk pawh an awm.






"E, abân hi a sawh na deuh ava ang ve?A duk raih tawh mai damdawiin lama inhruai vat chi aniang"tu emaw ber hian a rawn ti a,an sawi har tawh kalo ti phian.Ana ve thlawt alawm ka ban chu.A tira hik mup mup ang khan awm reng zawk ae tha tur.






Taxi pa bawk chuan hospital hnai ber lam min panpui a,nu pakhat khan min zui ve bawk.





"Nula,i chhungte phone hrim hrim ang"min kalpui tu nu in a rawn tih chuan ka ph ka lo pe thuai.


"Aw ava han buaithlak tak! Tunlai mi hi chu phone hawn mai theihloh hian in dah thin a" tih pahin ka ph chu min rawn pe let leh zat a,ka kut dinglam zawk anat miau vangin veilam chuan thei leh theilo in password kalo chhu.





"Tunge ka biak ang?" A ti ve leh nghal zat.




"Ka nu..."ka ti zet tawh,pasal neiin mi mo ka ni tawh a,ka pasal a chhungten ka chanchin an hriat hmasak zawk chu a dik zawk ringin "Ka nu 2 kha" ka ti deuh tawk.Ka thaw te lam ahah dawn mai! Tinge maw anat em em ni?





"Aw hei in fanu hi a achesual a,damdawiin kan pan pui mek" a ti lang lang a,a tlang tawh anih ka ring.
"Ngaihtuah awm nilo e,mahse hei abân hi ana deuh aniang a then chak chak reng a" a ti leh zui a,a sawi lai reng pawh chuan kalo la then chak chak.




"A Accident na hmun atanga hnai ber LRM hei kan panpui ve tawp mai a,in rawn kal rang dawn nia.Hei kan thleng chu ani mai kan dah ange" A dah ta aniang atawng zui tawhlo.


Damdawiin kan thleng chu nurse ho in minlo buaipui nghal sat sat a,doctor chu min koh sak thuai bawk.




"A tliak a ang ka ti keichu"nurse pakhat in a tih chuan thin a phu ve dawt dawt thei mai.




"Tliak lo ting tangin a awm anga apawi daih zawk ang"pakhat in a ti ve thung a,min sawithaih ni ber hian ka hre tawh.





Doctor alo thleng a,ka ban vel chu a endik hnu ah "nachhawkna pe phawt teh u,chhawk se Xray tih angai.A tliak nge tliak lo ahriat mai theih loh tlat.A tliah chuan zai angai nghal ang."a ti nghal zung zung.
An zuan a zâng hlawm khawp a,nachhawkna te chuan min chiu nghal thuai.





Minute sawm vel ka tawrh leh hnu ah min chhawk tan a, nurse te fel ren rawn a tliak anih ring tu bawk khan "XRay na lamah kan hruai mai ang che aw.Rawn hruaitu che khan i chhungte anlo thleng tep tawh ang a tia,mahse result nghah chhung nen i tuar rei lutuk palh ang" a ti siam siam a,Xray tihna room lamah chuan kan inzui thla zui nghal.



XRay ti tur dang anlo awmlo bawk nen ka lut nghal zat a,a chhung chu avawt mai sia,avawt ka ti ta riau lehnghal.




Kan ti zo kan chhuak erawh pawn lamah ka nu Mapuii leh Pa hruaia an lo awm reng tawh a,nurse chuan thil awmzia sawiin kan nghah hrih a ngaih tur thu a hrilhfiah nghal mawlh mawlh.
ER lama kan chhoh leh hnu ah ka nu leh ka pa an rawn thleng ve leh chiah a,an mangan hmel kher mai.




"Mate,tunge su tu che chu? Ka thin a rim emai?"Ka nu chuan a ti nghal hlak hlak.Kil khatah Taxi pû kha alo ding ve reng sia ka inthlahrung lutuk ka nu chu ka khap nghal thuai.





"Ala na viau em Mambawih?"ka pan a rawn ti ve bawk a,ka lu kalo thing mai thung.




"A zialo emai,Matei chu engtin chiah nge maw i accident dan le?"Pa hruaia'n a tih chuan Taxi pû kha lo tawng ve in "in fanu su tu kha ka nia,kawngpui ka pawhthla tur kha ka hma ah a rawn lang thut a,kan chesual zawm ta anih kha"a rawn ti dap dap.

"Ka pu i duh chuan min hawsan tawh rawh,ka thiamloh zawk ah lehnghal i buai phah hle mai"inthlahrung zet chuan ka lo ti ve sap.Min kalpui tu nu pakhat kha chu ahaw tawh aniang,ka hmu leh tawhlo.




"Mambawihi chu kawng i enlo tihna ani maw?Kawng kân dawn chuan ding leh vei en ngun tur ka tih fo kha"ka pa chuan a rawn ti dap.




"Ding leh vei ka en nasa lutuk a,hmalam ka lo en lo zawk a"nui sak in ka ti a,Pa Hruaia zawkin "in accident na lai chu ka hre ta mai e,saw lai saw chu accident te hi athleng tam ve tawh viau a,lirthei kal phal loh in an dang tawh zawk emaw ka lo tia"a rawn ti ve charh charh.


"Ka hmanhmawh deuhin shortcut ni a ka ngaih lai ka zawh mawle,a zialo hle mai kha in nau in atawrh phah ta sia"Chu taxi pû chu aw! A thiamlohna a awm miah lo asin mawle .






"Ee, kan fanu sawi hmangah athiamlo zawk chu amah ani tih achiang alawm.Inthiamlo duh suh,hei damdawiin thleng thlengin ilo buaipui a,engtin nge lawmthu kan sawi dawn zawk ni?" Ka pa chuan a ti damthluam a,ka thawveng ta huai.





Taxi pû chu Pa Hruaia leh ka pa in pawisa pek an tum pawhin ala duh tlat lo a,lawmthu sawiin kan inthlah ta tawp.Pa fel tak chu ani ngei mai.





"Mate,i û Thanpuia pawh a rawn thleng tep ang aw" ka nu in a tih chuan a ngailo ka ti viau.

"Obeda pawh a rawn haw nghal kha,kan hrilh ve nghal a a rawn hmanhmawh hmel khawp mai" Ka pasal nu zawkin alo ti ve zat a,chu phei chu ngai ka tilo lehzual.Thihna khawp em pawh tawngthu chhelo ah kan tawklo a,an hna kal lai em koh haw na tham aniin ka hrelo.






ER chhungah awm vek an remtihloh vangin mipa te pahnih an chhuak a,ka nu te pahnih in min awmpui thung.
Nachhawkna in min chhawk reng emaw tih laiin ka khur ta der der a,ka tlun chu ani ta nghal zui mai!





Nurse ten min rawn buaipui nghal sawk sawk a,ka pang lah a sa hat hat mai sia."Hlauhawm anilo,a kut na in a thlen anih hi"an ti chungin min hringtunu phei chu aphili ngang tho.
Nachhawkna chuan min jection leh a,ka la khur beuh beuh tho.
Ka nu mapuii shawl bah ka sin hlun a,vawt ka ti bawk nen an hmelhriat hnai vai in ah puanlum min laksak turin a chhuak ta tawp.




"Kimte" khur beuh beuh chung chuan ka hawi chhuak a,ka pasal chu hlauhthawn hmel zetin alo ding reng tawh.





"Cabin lam awl a awmlo em ni? Heta mut tir ringawt zawng atan pawh anuam dawnlo"ti nghauh nghauh in nurse te chu abe nghal sawk sawk.





A nachang kan lo hrelo mai pawh a,U Obeda rawn thlen hnu ah erawh cabin lamah kan insawn thla thuai a,ka nu puan lak te nen chuan tlemin ka zia ta deuh.

Cabin chhungah chuan kan awm tlâng ta vek a,ka bulah ka pasal chu athu ta chawt bawk.





Ka ûte nupa an rawn thleng a,ahnu lawkah U Sawma a rawn lang ve leh hlawl bawk a! Ava inthlahrunawm duh zo zai tak! Ka fimkhurloh vangin kan buai phah ta nuaih chu ania.


Ka result chhuakin ka kutruh alo tliak tak tak a,zai turin min buatsaih ta nghal rum rum bawk.





Ka harh leh chuan cabin ah ka lo awm tawh a,ka chhungte chu an lo la awm thup bawk.
"Mate i tha em??" Ka that leh thatloh min zawt nghal sup sup mai.




"Ka tha ania,inla awm ve reng a? Let tawh ta che u"ka hrawk thip em vangin ka aw chu a ni deuh tuak mai.





"Doctor pawhin i that thu min hrilh a,ilo harh huh ngaichang in kan la awm anih hi"ka pa chuan alo ti leh dap.





"Mambawihi aharh that tawh tho chuan kan awmdan tur kan rel dawn em ni?"ka pa chuan a ti zui a, "ka awmpui ange"ka nu ani.





"Ka awmpui ang"U Obeda chuan alo ti nghet charh mai.





"Pahnih in zanin chu kan riahpui theih tur thu an sawi kha maw"U Thanpuia'n alo ti ve zat a,ka kut chauh ana a,pahnih hnih awmpui ka ngaih ka ringlo viau.
"Obeda hi awm se,hmeichhia pakhat in awmpui tel hrim hrim ila atha ang.Madingi emaw kei kan awm thei a,duh chuan Judy pawh a chah thlak theih tho bawk a"Ka pasal nu chuan alo ti nghal zung zung.






"Zanin chu ala hlimchhawn emai,kan awmpui phawt ange"tiin ka nu in a ti a,U Obeda nen min awmpui dawn anih hmel.





Ka chhungte ho chu an haw ta sap sap a,ka nu in ka pa te a han thlah a,U Obeda nen room khatah kan awm thung.
"Na inei lo takzet em?"ati dut.





"Umm,damdawi in min chhawk aniang"ka ti tha ve mai, ipik hmel zet hian ahmai tuai thuakin "ka thiamloh vek ani"a ti ta sup mai!
"Ka fimkhur tawk loh vang alawm" ka lo ti thuai thung.



"Nilo,rilru fim hmang theilo in ka siam che a,i tawrh phah ta reng bawk a.Kimte,ka inthiamlo hle mai"a ti ril ruih.A aw chuan engtin emaw tak hian min hneh a,ka khawngaih ta hluah hluah bawk.
"U Obeda,ka thiamloh alawm.Ka fimkhur tawk loh vang anih hi.Thiamlohna i nei lo"ka ti fiah fak chung pawhin a nui hul hak tho.A hmel ah chuan a inthiamloh ngawih ngawih tih ahriat a,ka ban na lam chu amelh leh vung vung thin.






Ka nu rawn let lehin eitur a rawn keng lut a,chaw hotel ami ala ani maithei mi pathum ei khawp a rawn chawi lut nawlh mai.

"I nau a rawn vui nasa lutuk a,ka rei phah vek.Rawn kal te a tum ut ut mai a,Zira hi zawng abuaithlak thin ania"ka lo nuih sak a,Zira chuan min ngaihtuah ve dawn lutuk tih ka hria.Ka pa ten inlama lo awm zawk tura an tih pawh a thinrim pui leh viau ngei bawk anga.





Damlo a lut nilo mah ilang ka ka chu a tuilo nghal ringawt a,ka ni chaw rawn lak pawh ka ei lui thei ngang lo.
"Zira'n mutbu a rawn dah dawn a,buhhawp i U Lawmi'n siam se rawn dah tel mai rawh se"ka nu pawhin a ti ta tawp,hnial hman nimiah lo in inlam aphone nghal zat bawk.






Ka bul lawkah ka pasal ngawi rengin a thu reng a,ka ni chaw rawn lak pawh a ei mang biklo.Kamiz te nen ala ni rup vang chuan inthlak tur talin a haw ve ka ring a,mahse haw a tumlo nge a thu ngawi reng ringawt.





"U Obeda,i duh chuan han inthlak la.Ka nu a awm tho a inlamah han haw mahla apawi miahlo ania, mi pahnih riahpui kher pawh ka ngaih loh hi"ka ti zawi sep a, "ka riahpui ang che,ngaihtuah ka ngailo mut hahdam tum zawk la"a ti dam leh thlup tawh.Tawngkam dam thlup a min biak hian achhan hriat siloh in ka rilru alo hahdam ve nghal rawih rawih zel mawle!





Damdawiin min hneh deuh nge ni ka muhil leh thuai a,Zira mutbu rawn dah hun pawh ka nghakthleng zo ta ngang lo.







Ka harh leh chuan khua alo êng ut ta mai! Engtin nge vawikhat pawh harh miah lo a ka mut tlang theih zawk le?



"U Matei, i tha tawh em? Na te ila nei em?"





"Judy?" Ka ti deuh hâ, a lo kal maw? "A tlai tawh em? Engtikin nge ilo thlen a?"ka ti leh hak.





"Ka lo thlenna ala reilo, ka û chu a intifai mek a.Inu kha hmelhriat ahmu nge pawn lamah an inbe bawk a.Nizan khan rawn kal ve ka duh lutuk a ka pa ten an phal bawk silo a,hei tunah ka rawn kal nghal "a tih chuan "dar engzah nge a?" Ka lo ti zat.
"Dar ruk a pel fel awrh ang?" A ti hem mai! Ava rawn kal hma em em bawk ve mawle?






"I chau lo ami? Tinge ilo kal ve kher duh,ngaihtuahawm ka ni hleinem"ka ti hluai.





"Khawvar hma tang ka harh tawh,i eitur ka lo ken che a,ka nu in sangha a siam sak che a,chaw chu hotel ami in la dawn atia"a ti nghal zung zung a,ka lawina ten heti tak maia min ngaihven hi lawmthu sawi mawlh mawlh na tham ani.

"Class kal te ila ngai dawn sia aw"ka ti deuh vawng vawng.





"Ho lutuk,ka attendance atha lawm.Chawhnu lamah chauh ka kal anh"a ti sam et a,In kan hun hma a alo lut thei mai te chu mak ka ti bawk nen a chhan ka zawt ta tawp a.Nui hak hak in athiannu nurse in a rawn hruai thu asawi.





Judy ahaw a,U Obeda a haw ve nghal mai dawn emaw tih laiin hna ah chawlh alak thu asawi ta mauh mai a! Ka nu awmlo se chuan chawlh la lo turin ka hrilh nasa viau ang,ka nu lah chuan "chawlh ilak theih hlauh chuan a that chu"alo ti mai a,ka inthlahrung zual ta khawp mai.






Ka nu inthlak turin ahaw ta zuai a,U Lawmi leh U Zawni pawhin rawn thlak tum viau mahse ka nu berin a duh tlat lo a,min ngaihtuah ve em bawk a tuman an tilui thei lo ang.






"Hna i chawl kher a,angailo asin mawle"ka nu awmloh lai chuhin ka ti nang nang.
"I phu alawm" a tih chuan ka melh deuh vang vang a,han biak nel vak dan ka hrelo khawp mai.Mahni pasal te biak nel tum rikngawt pawh chu midang tan chuan amak viau ang,mahse ka tan chuan angai tlat si.


Ka ner nak a,"i bân ana ami?" Tiin a thutna tang ading nghal hluai.





"Na ve deuh det"ka tih chuan "nurse ka rawn ko ang,lo tuar hram rawh aw" ti supin achhuak nghal thuai.

Nurse rawn lut chuan nachhawkna min rawn pe leh zat a,nurse awmve reng lai pawh chuan U Obeda chu alo vei kual chhen.




"A chhawk har angem? Ana tih reh hmak dan a awm lo em ni?" Tih te alo zawt sek a, nurse in "a zia chho telh telh mai ang"a tih pawh chuan "a rawn na leh angem?"alo la ti hrâm! Nurse pawh chuan nui hak hak in ahlauhawm loh thu leh ala hlimchhawn em vang anih thu asawi a.Khawsik ka neih erawh chuan hrilh thuai turin min ti thung.






Nurse chhuah hnu atang chuan ahma aia hnaiah min rawn thut hnaih in ka chal chu a rawn dek chhen a,ka khawsik leh sik loh a en nimai in ka hre tawh.





"Nizan ah i mu em?" Ka lo ngaihtuah lo a,zing ka harh lahin anlo tho daih tawh bawk sia,an mut that hman ka ringlo ve tawp.
"Umm,keichu ngaihtuah ka ngailo Kimte.I taksa ah danglam deuh a awm chuan min hrilh vat dawn nia"a ti dam leh thluam tawh.





Ka nu rawn let chuan thei tharlam deuh deuh a rawn lei a,ei tin ah erawh ka tin hrihlo.Ka kâ hian a châk hrih hlawllo ani ber.






"Obeda,va mu zâl ve zuai rawh nizan zankhua in ithu tlaivar a i chau lutuk ange"ka nu'n U Obeda hnena a tih chuan ka pasal chu ka melh vak a,achauh loh thu in alo chhang sup thung.Zankhua in a thu tlai var a! Ka pasal rilru ah hian eng tiang chiahin nge maw ka tlaknat ve a zankhua khua a minlo vil tlaivar chu? Ka beisei loh lam daih ani.






Tlai lamah min rawn kan tu an awm nual a,ka thawhpui te haw hnu lawk ah ka class naupang thenkhat an rawn lut ve leh a! Vawin chu min rawn thawng dawt dawt hlawm reng mai ani.Eitur te min rawn ken sak ve ngei a,ka pasal lah chu ngaisang tih hriat zet hian an melh ru leh zawk zawk thin.Nunutei te thian ho ka pasalin an biak phei chuan an han lai ngei a! An lawmawm thei ania.
Ka nu lahin ka naupangte an ni tih hria in alo duat khawp a,kan eitur neih ang ang te chu alo hlui nghal mawlh mawlh.







An haw dawn chuan hawna tur neilo pali an awm a,an taxi chuan man U Obeda chuan pe a tirah la duhlo ve ngei mahse an hnial hneh ta lo.
"Miss,i damloh chuan anuamlo rawn kal leh vat la,lo dam thuai thuai rawh aw"an ti ve sap sap hlawm mai.






In kan hun tawp dawn tep ah ka pa leh Zira an rawn kal ve leh a,vawin tlai chu mut chhuak deuhin ka mu hman lo chu ani ber.






"I accident tih pawh min rawn hrilh ve lo a"Zira chu a lawmlo khawp mai.Ka accident lai in engtin nge maw ka hrilh theih ang ni?
"Zira,i û rilru tinuamlo tur zawngin awm suh aw"ka pan alo ti fiamthu nghal zat.


"Nu-i,zanin chu an nupa in riak ve tawh se,Matei pawh ngaihtuahawm anih tawhloh hi"ka pa chuan a ti a,ka nu ngaihdan alo ni lo nasa mai!




"zanlai ah buai thut se engtin nge an awm ang? Ka riahpui leh phawt ang" a ti nghet hmiah!





"Aw,i pasal hi i tello in ka muhil theilo a min ngaihtuah ve lo a"ka pan nui ruh ruh a a tih chuan ka nu alai ta hle a,ka pa chu a chum deuh tawlh."I mawl thei lutuk" a zak lutuk chuan a ti sep a, midang kanlo nui ruh ruh thung.Kum upat lamah pawh ka pa hi chuan ka nu ala chhaih lai thei tluang zel chu ania!

Ka pan a tihluih tak tlatah chuan ka nu lawhin zui haw ve mai chu pawi a ti talo a,keiin awmpui ka ngaih tawhloh thu ka lo sawi ve chamchi bawk nen ngaihtha zanlo chuan min hawsan ve tak kha.





U Obeda nen chauh chuan a reh leh ta tluk tluk khawp mai.Ka mutna bulah a thu run a,ph min khawihsan bik bawk silo nen kan inmelh leh ralh thin a,awmdan tur thiam ahar thei viau.

"Mu tawh rawh"ka ti leh ringawt thin.Nui mai in ani pawhin amut ala chhuah loh thu in min chhâng leh mai a,kei erawh ka mut a chhuak ru tawh viau thung.






"I chau anih kha,muhil tawh rawh le" a tih chuan ka insum thei nganglo."nangpawh mu ve thuai rawh aw,nizan i tlaivar tawh si" ka ti sep a,lu chu min buk khum ve nghat tho.

Ka mit ka chhiang riai riai a, "Dam thuai rawh aw,i na lai hmuh hi hrehawm ka ti ania" a ti ri te chu ka manghriat ruai ruai tawh.

Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia

Show post links
Top

[Ngaia]

CH-5







Ni hnih damlo khuma han mut ngawt ngawt chu ahneawm duh khawp mai.Civil angah te chuan awm ilang min zai ni tuk la la khan kan chhuah ngei ka ring a,pvt hospital erawh hi chuan min chelh ngawng ngawng thung.
U Obeda lah hna a chawl ve ngawt a,min awmpui chawt bawk si nen inthlahrun ana duh viau.





Tunah chawhnu lam dar khat a pel awrh a,damdawiin kan luh ni nen ni thum kan awmna chiah ani.Na em em ka neih tawhloh vangin chhuah mai pawh pawi ka tilo a,doctor ward rawn fang erawh chuan vawin ni tal la awm turin min ti thung.U Obeda lahin alo pawm hmiah a,diktak chuan dam reng chunga mu ang thaw thang ka ni tawh nen ka ning ve takzet tawh.





Nurse rawn lutin damdawi lei ngai a rawn sawi chuan ka pasal a tho nghal thuai a, "Kimte,ka han lei lawk ang aw"tiin min rawn leh rih.
Ka lu buk khum nghauh chuan "ka rawn let harlo ang"ti supin a chhuak zui nghal mai.

Tukin a Judy'n ka sam min phiarsak chu ka tuai mam thuak thuak a,ka chapal bunin ka tawm ning lutuk chu chhuah harh ka tum ve ringawt.





Ka cabin awmna tang chuan ka chhuak a,nurse duty ten mamawh ka neih leh neihloh minlo zawt nghal thuai.
Ka chhuah harh mai mai thu ka sawi chuan nui sangin an thutna ngaiah min letsan leh mai bawk.






Inchunglam step pan chhohna ah ka chho a,kan luh tirh atang khan kan room pawn lam ka la chhuak leh miahlo kha ania! Cabin pawn ka rap ringawt pawh chu boruak a dang zar ten kan hre ringawt pek.

Ka chhuakchho hlawl a,in entir tum la nghak mek pawh an lo la tam ngang mai.Kawngkhar lam panin ka pen a,damdawi zawrhna a ka pasal lo la intlar ve mek pawh ka hmu nghal zat.A hnungah ding awm ve nual mahse a sangtha in a pumrua alian hrim hrim a,hmuhloh theih pawh anilo.Min hnungchhawn zawnga a din vangin min hmu ve lo thung.






Tap rawng rawng ri chuan ka pasal lak atang min hawisawn tir a,mitthi an awm anih mai hmel e! Kan piah deuh lawkah hian mi anlo tam khawp.Mitthi chu Ambulance ah anlo hlang lut dawn vel mek bawk.
"Ka fapa..ala naupang asin!Tinge tianga kan inhruai haw a ngaih tak mai le?"Nu pakhat hian tap tuau in alo ti lawm lawm a,mitthi chu a fapa anih hmel.A lo dawm tu te pawh an insut ve faih faih mai.




"Tho leh teh Mapui,inu hi min kalsan hma mah mah iti lo em ni?"a ti leh vawng vawng a,kawngkhar vawnna vuanin ka mittui lo luangthla ve ngiai ngiai chu ka tual hul nghal thuai.
Ka hmelhriat an ni miahlo mahse mitthi in leh khawhar in a ka kal apiang hian an tap ri hian min vilh a,ka mitttui alo tla ve leh ringawt thin!






Ambulance ah chuan an inhlang lut a,mitthi ta nu chuangtur te chu a tah nasat vang nge alawn hleithei meuhlo.A khûr nasa hle tih ka dinna atang pawhin ka hmu thei a,ava han na vawng vawng dawn tak.



"Kimte!"



Ka mittui chu tuai hul thuai in Ka pasal ka bula lo ding reng tawh chu ka melh chho a,ka hnâr a thîp hman hlur thei.
"Tinge i tah a?"bangbo zet hian a ti sup.

Mitthi an phurhna lam chu ka melh a,anlo tlânchhuak dawn chiah. "An khawngaihthlak reuh lutuk a"ka ti hnawk tuak mai.




"Inthen angaihna rama awm kan ni miau si a,a kal hmasa kan nih loh chuan tawrhdan thiam kan ngai hle ani.Room lamah let tawh ang le,vawin chu thli athaw riau a hritlang i kai palh hlauh ange" a ti zui dap a,chhanglo in ka inher ve mai bawk.

Room a kan lut chu ka la pik deuh tun a,ngaia neih hi ahar ka ti ve takzet.Ka hmelhriat pawh ni lemlo te tawrhna a ka lo tahpui be hliam hliam thin hi ka zak thin viau a,tunah chuan zah ah pawh ka en tawh lo.





"I duh chuan muhil leh la" a ti chu "ka mu hnem tawh lutuk a ka pang akham vek tawh" tih pahin sofa ah chuan ka thu thla ta zawk a,ka bulah ani pawh a rawm thu thla ve mai bawk.

"U Obeda,i chunga ka thinrim vang khan ka tihpalh lutuk ania aw.Ka inngaihtuah chiang hman lo ani"ka ti sep a,tuna kngaihdam ka dil lo anih chuan nakin ah ka dil ngam ka ring tawhlo.Ka rial rei pauh leh ka hreh telh telh dawn tih ka chiang.






"Ka thiamloh zawk alawm,engkim hrilh hre sa tur che ka nia sin mawle" a ti ve ruih.




"Ka tawrhna chauh ka lo dah lian a,i tawrhna ka lo hmu tel ve lo a"ka tih leh chuan chîk zet hian min melh vawng vawng.
Chutia ngawi renga min en reng vang chuan ka lai leh si a "enge a? Ka hmaiah kai a awm ami?"ka ti ta nge nge.




A lu thing nghutin "ka hrechiang telh telh che a hriatchian lehzual che chakna ka neih belh deuh deuh zel a!" A ti ta sup a! A sawi awmzia chu ka hrethiam mai lo.Min hriatchian a châk ve tih chin chiah ka hrethiam.
"Nupa dang te angin inhmangaihna kan nupa karah tel ve lo mahse thian ang tal pawh a inkawm chhoh tal tum ila tiraw?" Ka ti a,thian anga kan inkawm chhoh hmasak chu a fuh berin ka ring.






"Atha alawm,Kimte ka nupui inih angin hmangaih che ka tum dawn ani tih erawh min hriatsak la,nang pawhin chutiang chuan itih ve ngei phut ngamlo mah ilang ka beisei ang."a ti deuh khawl!
A thil sawidan teh khawl vang chuan ka melh zawk a,a thutak hle tih ka hriat erawh chuan ka hawisawn rang ngei mai.

"Naktuk ah chuan chhuah dil ang aw,ka ning tawh emai"ka ti ta ringawt.





"Kan dil dawn nia,damtha var in chhuak la ka duh viau a,helai hmuna awm ai chuan inlam nuam itih ka ring leh ta zawk" a ti ve leh mai bawk.






Pangai taka kan titi dun tak vang kha nge ni thu ho te te sawiin kan inkawm chho thei ta phian a,tlai lama min rawn kan tum an rawn kal te chu ka lo ui viau.Ka pasal nen a inkawm chhoh zel kha ka duh em ani.Midang rawn kalin kan ze ngai bawk ah min kir tir leh mai ka hlau a,mahse afâl a kan awm leh hnu ah pawh min be hmasa ve ta zeuh zeuh tho.






Atuk khua alo var chuan tuk dang zawng aiin ka inti harh a,doctor in ward alo fan dawn pawhin khumah mu duhlo in sofa ah ka lo thu vel ngei bawk.
Ka nin zia an hre tawh bawk a ka chhuah chu min phalsak ta hram a,indim tur erawh chuan min chah ngun hle.






Ka chhuah theih tur thu chhungkhat laina hnai te kan hrilh hnu lawkah keima nu leh pa te zawk an rawm thleng nghal a,bungrua ka nu'n a siam chhungin ka pasalin bill vel alo han tifel bawk.

Durtlang lamah chuan kan inphur chho a,ka nu leh pa ten kan hnungah min zui bawk.Ka ban chu tuam rei ala ngaih deuh dawn vangin a awrhna tur U Obeda chuan angaihtuah nghal sa thlap a,dah thlak tawp ai chuan awrh in awm pawh a ti nuam zawk.Inven rûn angai lo bawk nen a rem hre phian mai.






In kan thleng pawh ka nu leh pa (Obeda nu leh pa) ten minlo lawm thiam ngei mai.Room lama hahchawl turin min ti nghal lawm lawm mahse mut ka nin tawh thu sawiin an zing ah chuan ka thu ve ta tlat thung.






Kan thlen atanga darkar khat a liam awrh tih ah U Zawni te nufa ho an rawn lang ve hlawl a,kan ri ta chuah chuah ani ber.
"Naupang aharh rual an la nisia,damdawiin a i awm chhungin vawikhat bak ka rawm tlawh hmanlo cheu a hei ka rawn hruai tel tawp anih hi"inthlahrung zet hian a ti nang nang a,Jordana chu apu in pawm nghal in Sangsangi te unau pawh ka pasal nu in choka lamah eitur a buatsaih sak nghal bawk.Naupang an lawm khawp mai.





"I buai dawn nen min rawn thlawh kher duh a,ka tha lutuk ania"ka ti ve luam a,an in chhak a accident tawk ka ni nen alo inthiamlo viau ani awm a,a zialo tak tak.

"Obeda chu i chawl ve tawp mai a,i hna lamah an buai phah viau lo ang maw?"tiin ka pasal chu abe zui a,ka pasal pawhin "buai phah lo ang" alo ti ve mai bawk.





Thingpui te kan infel hnu ah U Zawni chu ka bul a thu turin ka hui zeuh.
Ani lah a hrethiamlo nge ni "mamawh inei em Mate?"alo ti lauh mai!




Ka then chak a "Ih..ka nu leh pate awmlai hian maw,ka inbual minlo pui thei ngem ka ti deuh"sawi rik duhloh viau mah ilang hrethiam heklo le midang awmlai chuan ka sawi ta lo theilo.

"E thei lutuk e le" a ti zui hluai a,nithum dawn inbual lo in ka inhru fai ringawt tawh a,ka tlin tawh ngang dawnin ka hrelo ka inbual loh chuan.





Room lamah inzui chho in ka thawmhnaw hak tur te chu ka la chhuak a,U Obeda chuan ka zak dawn tih ahria nge min zui chho ve lo thung.





Inbual chu alo buaithlak reuh khawp,ka bân tihhuh ngam ala ni silo nen zah pawh a sawi theih tawhloh hrim hrim.
U Zawni chuan ka lu nen lam min suk sak vek a,kan inbual zo zet chu ka zân phah hawk te in ania ka hriat tak ni.
Bathroom atanga kan chhuah hnu ah U Zawni chuan kan room anawm thu te a sawi ve mawlh mawlh.






"I U Lawmi hi a rawn lang ve em?" A rawn ti chhuak khauh mai.




"Inlam an nghah tir thin a"ka lo ti mai thung. "Mate,ka nu hi ka ngaihtuah ania.Lawmi rai hi chet vak an phal dawn silo a,nang i awm tawh silo ka nu hi alo rim lutuk ang tih ka hlau.Awmpui te hi Lawmi nau hrin hma chu la mai se ka ti"a ti nak nak a,a pasal nu chutiang taka angaihtuah chu ka lawm viau rualin angaihtuah ang kalo ngaihtuah thleng pha ve leh pek lo tih ka inhrechhuak bawk.Ni e,U Lawmi nau pai chhung chu awmpui te la ve hrih se atha ang.Ka nu kum upa lam ani tawh a,ahah lutuk anga ataksa in a zo loh phah te ahlauhawm.






Ka pasal nu leh pa te'n ka nu te chu chelh luih an tum ve ngial na an chelh lui thei biklo a,ni dangah zanriah kilho chu an ti ta zawi.Ka thla hual te kha an sawi lang a! Thi tep pawh ka ni lo a chutiang ngai ka lo ti lo khawp.





Zan lamah inleng kan nei zui nak nak a,ka û Mathana te nupa pawh an rawn lang ve hlawl bawk.
Nileng a ka mut loh vang nge ni ka chau deuh riau pek a,ka taksa te chu dam inti hle si in a sil ka ti dawn nge ni akham ta urh mai.





Ka hâm ka hâm leh thin chu ka pasal in alo hmuh hmaihlo khawp ,"i mut achhuak tawh em ni?" A ti ta sup a,ka û te nupa leh kan inleng te pawhin min en ta thup.
"Ka hâm mai mai"ka ti mai nangin kan thenawm nu Pi Hruaii chuan "keini chu zah kan ngailo Kimkim,han mu hahdam tawh rawh u.Damkawr ila ni bawk si i la chau anih kha.Kan fanu ke ruh tliak an zai pawh kha a sil awng rei ania,inzaina paltlang hrim hrim hian taksa a hmet chau ve thei a"a lo ti mawlh mawlh.





"Ni e Mate,keini pawh kan hawthla harlo ang.Han chawl hahdam tawh rawh u.Ila chau anih kha i mitmeng pawh ala dik zán lo mai"ka û in a ti ve chiah chu ka pasal chuan ahma zawng aiin min en chik a,"room lamah kan chhohsan phawt mai ang che u"kan inleng te bulah chuan a ti ta nghut bawk.
"Obeda,zanin chu la ngaiven deuh angai ang aw Matei kha.Damdawiin inrawn chhuak hma bawk sia,khawsik te pawh anei leh thei reng ania"ka nu in min ngaihtuah zetin alo ti ve lawm lawm bawk.






Kan in mangtha hnu ah inchung lamah kan chho a,ka awm ang angin ka mu deuh tawp dawn anih hmel.Inthlak leh pawh chu ka peih hran chuang hauhlo bawk.
Ka ha te nawt in ka hmai ka phih bawk a,U Oneda chuam minlo veng rûn ka ti mai.Ka ha nawh lai pawhin bathroom ah alo awm ve tlat!






Khuma ka lawnkai te chu min han veng khawp a,chet minti khawr zo vek.
A intihfai hnu reilo te ah rawn mu ve lehin "na ineih chuan min hrilh thuai rawh aw"a ti nghal sup.





Mutchhuak a hâm bai bai reng si kha ka muhil nghal mai thei derlo thung a! Ka inlet ka inlet ta mai.





"Kimte,na inei em?" Alo la muhil biklo!





"Aih..ka hnungzâng hi ka mu hnem tawh lutuk aniang akham riau a"ka ti sep.




"Ka hmeh sak dawn che em ni?"a tih chuan angaihloh thu in ka chhang rang khawp.
Khum lu lamah chuan atawlh chho ta zat a,"lo tawlh chho la"tiin a awm anga awm ve tur chuan min pawt ve nghal zat.Ami tawh na te reng reng chu adam dup a,a mah en chuan a inhmehlo hial zawk.
"Minlo ngheng la,muthilh tum rawh.I hnung delhin i mu rei tawh lutuk a akham ve tawh aniang"tiin amah ngheng thei turin min siamrem zui a,a tir ah chuan ka tîm viau nangin ka hab ngheng chiah erawh a taksa lumin ka hnungzâng a rawn ur nghal ham ham a,a nuam ta phian!





"U Obeda"





"Sawi la" a lo ti thuai.





"Ihmaw,i bialnu nen kha ahmel tha ee"ka ti chhuak thut a,ka inveng hmanlo ani.





"A dik alawm"ka beisei loh zetin alo ti ve mai bawk."ka tihpalh,ka insum hmanlo anih kha"ka tih chuan anui che dawt a,"apawi hleinem,zawhna i ngah dawn tih ka hria a chhang turin ka inpeih bawk" a ti ta sup.Ka beisei loh zet zet hian min chhang ziah mai a!





"Khawnge in intawn? I chhan hreh loh chuan"






"Kolkata ah,Ph.D ka tih laiin kan intawng a.Ani hna thawk turin a awm thung a"a aw ah chuan alunglen hmel riau in kan hre ngawt pek a,nge ka ngaihbel mai mai zawk ni.
"Engvanga thi nge?" A taksa chu atang nghal hru tak tak a,ka zawt ta kher kher chu ka inchhir ta viau bawk.






A ngawih deuh rauh rauh hnu ah "Thluaka khawsikpui lut vangin a boral a,rei kan inenkawl hmanlo" a ti vawt ta raih.



"a hmeltha sia,a uihawm emai.Lily var kha angaina ve em ni?" Ka ti leh a,a taksa tangmar lutuk pawh a inthlahdul ve ta riai riai bawk.





"A pangpar ngainat ber ania,a rawng ngainat ber erawh a pawl ani daih thung a"





"Ehe!" Ti hluai in "kan van in ang! Keipawh pangpar ah chuan Lily par var ngei mai hi mawi ka ti ber a,rawng pawl nalh ka ti leh daih bawk a!"ngaihtuah chiang mang hleilo chuan ka ti chhuak hliai a,alo nui mai thung.
"In anna in ngah viau mai,mahse nang angin ahuaisen ve lo thung a" a ti zawi ruih a,eng a sawi tum na nge hrelo mah ilang ka zawh belh duhloh.
Ka pasal nen ka pasal bialnu hlui thi ta chanchin kan sawidun chu ani mai sia,ngaihtuah chian chuan amak lamah te lawh akal zawk ta ve ang.




Mahse inkawm nel chhoh ka duh em a,a hun kaltawh ama kâ ngei atanga hriat chu ka mamawh ve reng reng bawk a.Midang kâ atanga ka hre zel anih chuan nuamlo ti ber tur chu keimah bawk ka ni tih ka chiang.






Zankhua chuan U Obeda nghengin ka muhil nge ni zing ka harh pawhin ka lo la ngheng reng a,tihharh hlau zeta ka thawhkan pawh chuan achau ve tawh takzet tih hriat takin a harh eihlo.
A muhil hmel chu ka thlir vawng vawng phawt a,ka pasal hi han sawisel na lai tur chu avâng ve ngawt mai.Hmeltha tih ai chuan hmel pa tih lam apawl maithei a,mahse ka mit ah chuan mizo mipa hmeltha tak ani thung.
A ngo hranlo a,avun chuan a sen lam apawl mah a,a inhmeh pui em em lawi.





Inphihfai a bathroom atanga ka chhuah hnu ah pawh alo la muhil reng a,kaitho duhlo in inhnuai lamah ka chhuksan ta zawk.A harh hma chu muhil ve rih rawh se,a chau tawh dawn emai.





"Ui..U Matei, tinge i lo thawh duh a?"Judy chuan rawng alo bawl mawlh mawlh tawh! Hemi te unau fel zia hi aw! An tho tlai ngai miahlo! Tunlai thangthar in mut an han duh tawh vei nen.
"Ka dam tawh alawm,ka nu hi alo la tho lo nge?"ka ti zui zat a,an la thawhloh erawh ka ring hranlo thung.

"Zingkar bazar turin an inzuichhuak.Hetia han bazar dun vel hi nuam an tia,ka pa hian a thawh harh peih chuan zui ve aching a"a ti zui siam siam.





"Nizan ka rawn haw tlai deuh a,ka rawn haw khan room lamah in lut deuh chauh chungin in chauh ka ring a ka rawn tibuai duh talo mai cheu anih kha"a ti leh siam siam a,"tukin chu ilo haw lawm nan vawksa rep kan chhum hluah ange aw"a ti leh hak.

"Puih i ngai em? Ka kut na mahse ka pui thei tho che ania"




"Ngailo reng reng lo thu mai mai rawh,thingpui i duh zawk em?" A ti chu ka insiamtheih mai thu in ka chhang a,min hnial ta em biklo in a vawksa chan lai a chan zawm leh.

No a chini ka dah zo thingpui ka thli thla tur chiah chu "ka lo ti ang" ti dut ri vangin nthingpui bel ka thlauh teuh hle a,U Obeda chuan alo chawi thuai.Dawhkana anghah rualin "i kut kha akâng em? Ala sa asin"mangang zetin ka ti nghal ruai.





"Ka tha,a sat tawh vaklo kha.Ka ta tur nen kalo siam nghal law law ang lo chet ve tum tawhlo la"a ti zui dap a,"ka ti ve thei reng asin"ti nang nangin min melh ngur vang chuan ka thu tha leh ta hle hle.
Thingpui chu siamin a intur a siam tel nghal a,ka bulah a siam zawh hnu ah a rawn thu thla ve leh mai bawk.





"E taka! Û,vawin tlaiah ka thiante ho in chaw an rawn ei dawn a"Judy in a tih chuan a thingpui lemkhalh in U Obeda an "Judy,Kimtei ala dam silo a ava tihchi awmloh ve" alo ti sup.A mal ah chuan ka beng dat a,keimah vanga anau ruahmanna thulhtir chu atullo takzet.A hre lo der hmiah thung a!

"U Matei chet angai dawn hleinem,kan thianho in eirawngbawl chu kan buaipui thei vek a.Kan eikhawm duh chhan ber chu kan thuan zing ami pahnih hian college bangin thildang an zir dawn a,chaw ei khawm na tur hmun dang remchang a awm hrihlo a"Judy chuan a ti zui mawlh mawlh a,U Obeda pawhin "chutiang anih chuan athat chu" a ti ta nge nge.






"U Matei,tlaia rawn tel ve tur pakhat chu ila hria em? 12 kan kal laia i zirtir ve tho Khawngaiha kha ania" Judy bawk chuan min melhin a ti a" hre tawh lo aniang a"ka lo ti thung.
Ka thawhna school hi alian ka tih tawh kha,12 ringawt pawh sec li ah lai an inthen a,class tinah mi sawmnga chuang deuh thaw an awm bawk nen an vaia han hriat chu aharh ve ani.

"Anih chu, sec B ah khan a awm thin a.Teachers day ah pawh rose boquet lian deuh apek che kha! A star thei teh mai che ania aw"anui zui hak hak a, ka lo nui tawi tak ringawt.Ka hrechhuak leh si,teachers day ah Rose bawr lian zet ka dawng hlawl a! Ka thawhpui te pawhin min chhaih zui nak nak hlawm anih kha maw.Min pe tu hmel awm ang erawh ka mitthla thiam tawh derlo thung.





"Ala vei teh mai che nia,a sawi reng thin che alawm.Keilah in ka u nen in ineih thu ka sawi khum ham ham a,a tuar na teh ania"a nuihza ber ber ah atang a,a thilsawi lai pawhin anuih nasat lamah a sawi hleithei lo.






"A la naupan vang anih dawn chu"ka lo ti mai a,ka rin loh deuhin U Obeda an anau hnenah "Judy,mahni zirtirtu te ngaihzawn ching chu kawmtlak pawh ani dawn emawni?" Alo ti dit mai! Judy aner nasa asin aw..





"Aw enge ithîk ami? U Matei pawhin naupang mai mai a tih kha, khang hunlai te kha chuan duhzawng kan pe na ve alawm.Khawngaiha pawhin tunah te chuan fiamthu lamah ala daih tawh zawk ang"a thianpa tan zet chuan a ti ta hlak hlak.A û chu a thaw deuh hak ringawt.





Kum sawmparuk sawmpariat chho vel hi puitling rilru la pu pha chiah silo,naupang rilru kalsan tawhsi rual an ni a.Judy sawi ang tak tak khan an thil vei an vei na in inngaihzawnna kawngah pawh an lak nat lai ber ania.Kei ngei pawhin kalo paltlang ve tawh a,mipa lamah ka rilru pe lo mah ilang khawthlang zaithiam ho ka vei thei hle anih kha maw.





Chawhnu lamah Judy thiante chu an rawn thleng ta nak nak a,mipa pathum leh hmeichhia pali ngawt an nia.An zuan azang in mipa ho te pawhin hmeichhe ho ei rel chu an pui ve mawp mawp.

An zingah thu ve in ka tih theih ang ang chu lo tih ve ka tum a,awm mai mai pawh aninawm em a tin ni.





Ka tihtheih awm chhun purun var an phel sa chu ka lo kheh ve mawlh mawlh.Khawngaiha ber chu min melhin alai leh dawn dawn thin a,athiante lah chuan an chheih peih mai sia! Ka engah a thawh tawhloh laiin anla nau ve bawk nen a lai thei viau.





"Kimte" choka luhka ah dingin a rawn ti leh dut tawh.





"Aw enge ni?" Ka lo ti var.Hna ah ala kal ta bik chuanglo a,tunkar a chawl tlang law law dawn anih hmel .




"Room lamah lo awm tawh la,an indaih viau tho kha" a tih chuan "ka che ve hran hleinem" ka lo ti sap.

"Lo chho lawk la" ala ti fan tho.Kilkhatah Judy alo nui ru char char a "U Matei,han chho mai rawh tlangval bula i awm aphal lo anih kha"Judy bawkin a rawn tih chuan U Obeda chu ka en thuai a, alo then chak chak ringawt.





"Ni e,puih kan ngai hleinem i kut ana bawk si" a thianten anlo ti ve leh bawk nen an inkawmna te ka dal ang tih hlau in ka pasal chu ka zui ta tawp.

Room ah ngawi rengin kan inzui chho a,dawhkan ah paper alo inchhawp leh hnur tawh! Hna alo khawih char char anih hmel.




"Khumah khan mu hahdam la,i duh chuan laptop ah hian movies te en la.Ka duh aiin i indimlo riau mai"ati dap dap a, ka indimloh vak pawh ka hre tawp silo.
A laptop chu la in movies en tum chuan khum lam ka pan ta tho a,ani pawh sofa ah thuthla in paper abih leh nghal mawlh mawlh.






Ka movies en pawh ngaituah lo in ka pasal chu ka lo en leh thin,tarmit a vuah a a inhmeh leh em em tho!
Naupang test paper a check nge mawni a changin a ner leh nang thin a,chutia a tih chuan ka lo nuih leh tet tet thin.A ner khum nang nang tawh paper neitu naupang chu zirna lamah akhawlh ve viau in ka ring ani.





"Puih i ngai em?" Ka ti chhuak ta nge nge,paper a inchhawp hnem mai sia,engtin emaw tal lo pui thei ila ka ti.




"Ngai lo e,eng nge i Major?" A tih chuan "english" ka lo ti ve thuai.





"History ania" paper lek kang zeuhin a ti a, ner nak in ka movies en lai chu ka melh ta daih.A nui ri sukin ka hria,alam ka melh duh tawhlo thung.History hi chu ka tuilo ve em ani,hun kaltawh chanchin kan zir kan zir a,atangkaina leh kan nitin nun ah han hman tangkai na tur a awm in ka hre tlat lo.Pawl sawmpakhat leh sawmpahnih ah a awl deuh ringin ka la ve ringawt a,min pawthniam tu hi ani ringawt! College ah chuan ka lâk zawm tawh lo chiang kher asin.









#zanin chu ka ziak tan tlai em a,zan dang aiin tawi hret mai rawh se aw.

#Chhiar zawh rualin a hnuaia ads khu kan click theuh dawn nia aw, click lo a out daih awih loh
Show post links
Top

[Ngaia]

CH-6






Kar khat leh nithum dawn in lama ka awm awl hnu ah hna lamah ka kal ve leh tan a,U Obeda an ka kal tur min lo nghakin min thlah leh thlap bawk.Ahma ngawt ai chuan kan inkar pawhin hma asawn tawh viau a,han titi dun a inkawm vel pawh kan ngah chho ve tawh lutuk.


Naupang ho in sport an lo hmang frl diam tawh a,Blue house an chak ani awm e.Tleirawl tha za rual tih takah outdoor sport an neih laiin insual buai anlo awm ani awm a,zirtirtu group bikah an sawi duh viau mai.Puitling mah inelna anih tawh chuan kan tang thin a,anni tleirawl tha za rual leh rilru puitling la pu pha lo tan chuan awm ka ti viau tho mai.Inelna anih tawh hi chuan tan ana duh ve em mai a,hotu leh hruaitu lam chan han chan phei chuan tan ana zual in ka ring.






Ka bân ka la awrh vangin chet ala khawr ru riau a,na ka nei tawh lemlo thung.Ka class luhna apiangah ka chanchin te minlo zawt ve sap sap hlawm a,an fel hlawm reuh ania.
Last period ah 11 sec B ah lutin note zirtur ka pe a,an chhiar rik lauh lauh karah Nunutei te thian thum lo nui kar kar ka hmuh chuan ka dintir nghal thuai.

"Inthiam tawh em ni? Tinge inlo nuih mai mai a?"ka ti fak a,strict hun hi a awm ve angai.



An nuih aza viau ani mahna tum dang angin an ngawi thei meuhlo,a kil a thu phei chu a la nui khur char char.A thiante pahnih erawh an zia deuh tawh thung.






"Hetah lo kal teh u"ti sapin ka bula kal turin ka hui a,"zir zawm rawh u"midang melh kual chuan ka ti leh zat.
Nunutei te thian thum in an nuih chhan an han sawi chu hauh tum zawk mah ni ilang ka insum theilo ka nui chhuak ve lo chauh! Theihpatawp a insum in ka zilh hnu a an zirlai zir zawm turin ka tir lut leh nghal thuai.






Bân hun alo nih chuan U Joshua nen kan inzui chho leh dat dat a,tunlai anu hriselna lam a tha vaklo ani awm a,U Joshua pawhin ahmel ah athup hleithei meuhlo.Han nui ve thin bawk mahse nidang apha lo tuh chu kan hmuthiam vekin ka ring.
"Nu Temple-i chu enge a an a?" Ka ti sap a, thaw hap hian "Chemo kan khai tan mek a,a zo lo chu ani deuh ber mai" a ti a ka khawngaih angreng viau mai.Nu zawiawi leh zaidam lutuk mai hi ania,a fate zingah U Joshua nen hian an inzui hnem bik bawk nen lo boral pawh nise U Joshua hian a tuar berin ka ring.





"Kalo tawngtai pui ve reng ang che u,Pathian zâr ah a dam ve leh mai ang"tiin kan hnem ve bawk a,beisei erawh a sang lo khawp mai.
Hmanni lawk ah thisen cancer anih thu an hrechhuak a,a stage alo sang tawh viau anih hmel.Tun hma atang a insawisel neuh neuh reng tawh zawk a,han inentir ve thin bawk mahse anatna tak sawi tur an hre ngailo.Tuntum an in entir leh erawh Thisen Cancer anih thu an chiang ta a,Nu Temple-i pawh a rilru a hnual ve deuh nge ni Cancer ani tih a han inhriat chhuah takah chuan atla ve rawk rawk thei mai!Rileu hi chu alo pawimawh ngang ni tur ani.Hrilh lo in han inenkawl dawn se nu fing leh thil chik mi alo ni lehzel a,an inbum theih dawn chuan loh vanga inhrilh ta ah ka ngai.





"Matei,vawin chu hruai tu inei ava ang ve" U Joshua hawina lam kan hawi chuan U Obeda car nghengin alo ding reng tawh!
"Aniang"U Obeda melh reng chung chuan ka ti ve sap




"Anih ka kal hmasa ange" a ti zui a,kei pawhin ka kan ve thuai tur thu hrilhin ka mangtha ve nghal zat bawk.





"Enge awmzia? in bâng hma nge class i la lo zawk?" A bul ka thlen rualin ka ti var a,a rawn tlân hun chhung nen an bang hma anih te ka ring tawp.

"Class kan la lo a" alo ti ve mai.





"Minlo lam kher angai lo asin"ka ti nang nang a,"a harsa hleinem lut ila" ti nghal supin kawngkhar min hawnsak nghal zat bawk.



Motor ti nungin kan tlan chhuak a,Bawngkawn kan lut phei harlo nangin traffic jam vang bawkin kan ding leh ta reng.Ti lai hi chu aw...engtin emaw tak jam loh tur dan hi a awm ka ring thin alawm,a tihdan tur lah chu ka ngaihtuah zui peih ngai chuang derlo thung a.






Jam a kan tanlai tak chuan kawngsira vaimim an lo zawrh hi ka va hmu a,ka inrin hman hma in ka nui chhuak phut.Nunutei te thusawi kha ka hrechhuak a tin ni,vawin a an nuih chiam chhan chu Nunutei pi upa ve lam deuh tawh hi a thiannu nen khawhar inah an leng ani awm a.An leng haw lamin kawngsira Vaimim chhum an zawrh chu leiin an ei ve ngei a,a hma deuhin Nunutei pi chuan hâ alo siam tir fuhlo deuh nge ni vaimim an pet chiah chu a ha hmai siamtir tla daihin vaimim ah chuan a tâng ani awm e! Api te thiandun hrilhhai dan tur leh anmahni tawka an zah ve zia tur te ka ngaihtuah phei chuan ka nuih aza zual deuh deuh a,ka khawngaih bawk.






Ka pasal in min rawn melh leh zeuh thin in ka nui tawp hleithei lo chu luthing nghutin min nuihpui ve ta suk suk ringawt.
Ka nuih chhan hre ve mang lo a alo nui ve ringawt te chuan ka nuih ati za zual a,in kan thlan meuh chuan ka chau hnawk thei hial!






A inbual chu nghak tawh lemlo in inhnuai lamah ka chhuk san a,inbual chhung ka duh rei deuh thin vangin zanriah eikham lamah ka inbual ta chauh thin tunhnai chu.Midang han pun kha ka hreh thin sia,mahni in rei ngial ka inbual tawp zep.





Ka kut ber anat miau vangin rawngbawl lam pawh ka pui thei meuhlo a,ka chhungte an fel em mai pawh a nilo se chuan ka inthlahrung thei viau ang.





"Muante,puihtheihna che ka nei em?"ani hi hlawh pel belhin tlailam rawngbawl ah kan chhawr tel tawp a,eisiam pawh athiam reuh phian.
"I thei lo tih achiang reng a nge chutiang te min zawh" a ti chuan ka melh nghek! Engvanga mi mil lo ve em em ringawt nge maw anih le?





"Puih theihna lai che ka neih hlauh ringa zawt che ka ni"ka ti fak a, a dar min chhin khum ak in a thil chawhlai a chawh zawm hmak.





Ka thinrim mai mai dawn a hria in ka pa te room lam ka pan ta zawk.
Kawngka ka kik chuan lut turin minlo ti thuai a,ka pa chu lo muhil in a bulah Bible ka nu'n alo chhiar bawk.
"E Mate,inrawn thleng der tawh elaw? Atlai tawh em?" Ka nu chuan alo ti var.




"Kan rawn thlenna ala reilo, vawin lam achau deuh nge"ka ti ve nghal thuai bawk.





"Chau hran lo e,Bible ka chhiarsak a alo muthlu daih anih pek hi.Lehkha hi han chhiar rik tawh chuan a awi emaw tih tur hian amuthlu nghal thei zel a! A fakawm ve ania i pa hi chu"tiin anui zui hak hak a,ka lo nui ve tawp.
"Hna lam i thawk thei zawk maw? I ban ala dam bawk silo a buaithlak em?" A fel thin asin! Ka hah lo viau chung hian min ngaihtuah let daih zel a.





"Buaithlak lo e,naupang ho an fel bawk nen bakah ka dam tawh lutuk alawm.Ka kut hi intuam bur lo se chuan ahma ang chiah ka ni leh tawh ang" ka ti ve mawlh mawlh.Rei vaklo inkawm in ka chhuahsan leh zui a,an nupa hi an dam dap mai a! Ka pasal unaute ho pawh hi an nu leh pa an chhun tih a chiang reng mai an dam dap vek.Tawngka vin a han inbiak hi ka lawi luh hnu ah an la nei lo reng reng!


Choka lamah luh leh ka tum uk a,Muantei nen kan inkhak buai leh ka hlauh vangin inchung lamah ka chho leh ta zawk.Tinge mawni ka sual nge ni Muantei hi ka mil thei miahlo mai a!Ka chhungte dang lah in chhungkhat ang tak takin anlo in en ve tawh si,an ngaina in ka pa lah a enkawl thiam fu roh a! Ka awm ve hma daih a lo awm tawh ani bawk nen ka mil hleitheilo hi ka thiamloh emaw anih aw tih chang ka nei ta zeuh zeuh.Tawngka pangai taka han inbiak hi kan la nei thei hrih meuhlo chu anih ber hi maw.







Room ka luh chuan U Obeda alo awm miahlo a,a ph khuma a dah chu alo ri ngar ngar bawk.Khawnge maw akal daih ni? A lehkha chhiarna pindan ah alut te pawh ani maithei.
Phone chu lakang in 'Biaktei' tih hian alo call a,a thawhpui te pawh an ni maithei.
"Hello"



"Tunge?"nghal thawr mai a!





"U Obeda hian phone room ah akalsan a,i be duh em ni?"tha te te chuan ka ti ta tho.




"Tunge a? Anau ami inih?"a rawn tih chuan "anupui zawl"ka ti leh sap.





"I va zaktheilo tak an awmpui ini chiang lutuk"ph chu ka hmai zawn ah dahin ka melh nghek!Tunge maw anih le? An awmpui ni ilang anupui anga ka insawi duh a ring emawni?
"A nupui chu ka ni ngei alawm,biak duhna i neih chuan tha takin sawi la ka pe mai dawn alawm" ka ti ve ta kalh.


"Anih chu a" ti hmakin a dah zui daih a! Ka va ngei mai mai reuh tak e aw.

Naktuk lama naupang zirlai ka zir thar pui tur ka in enlawk ta daih.





Zanriah kan eikham hnu ah thutkhawmna lamah kan ti ti ho a,U Obeda erawh paper check tur neiin room lamah a awm thung.
Olympic an khelh zawh tak chungchang sawi a kanlo nuih bawk bawk laiin hmanhmawh deuh hian step ah U Obeda a rawn tlan thla a,ka pa biakna pawh chhang hmanlo in a chahbi a ban lawk a a chhuak nghal daih!





"Kan hriat ve tur pawimawh a awm chuan a rawn sawi mai tur ah ngai ang"ka pa chuan angaihna hre biklo zetin a ti ta tawp.






U obeda chu a rawn let har zek a,dar sawm a ri dawn hnai tawh.Chanchin engmah a rawn sawi bawk silo nen ka ngaihtuah ru ve reuh takzet.
Kawngkhar lam a rawn ri rap a,U Obeda ngei mai chu room ah rawn pen lut in ngawi reng hian a jacket hak ahlip zui mual mual.





"Kimte, Ka ph ilo khawih em ni?"a ti ta sup a,ka lo hawi buai viau.





"E aw tlaiah khan i awm silo a,ph call alo kal sia ka lo chhang a"tlai a call a dawn kha hrechhuakin ka ti hluai.

"Min hrilh tur alawm"ati ta hmuk a! Angaihna ka hrelo viau mai.A hmel a thutak run mai bawk sia!
"Tinge?A pawimawh hmel loh sia bakah amah"ka tih mek laiin "nidang ah chuan ching tawh lo ang che" ati leh hmuk a,bathroom ah alut zui daih.Ka dinna ngaiah ka ding reng ringawt tawp.Tunlai kan inkar atha viau a,hma kan sawn viau emaw ka tih laiin zanin ah khatiang khan a thinrim hmel min hmuh leh chhu ania! Enge maw a thinrim pui em em le? Hmeichhe pakhat in anupui ka nih a awihloh thu a rawn sawi a,chuzawng chu ani mai a thinrim na chhan tur awm ka hmu der lo keichuan! Nge ni a angaihzawng alo nia nga nupui aneih thu alo zep zawk! Chu em chu ka ring ngam chiah silo.






A inbual zo a rawn chhuak leh pawh chu a che hmuk hmuk ka ti mai,inthlakin asam ahru hul thuak thuak a amu nghal hmak a,light pawh zu han off zui hmak a mawle!
Ka tawngchhuah chuan zanlai ah kan inhau mai mai zawk dawn a hria in room ka chhuahsan ta zawk a,inhnuai lamah chhukin fridge atang tuivawt la chhuakin ka in ta khawlh khawlh.
Tui ka inzawh hnu ah pawh chuan ka chho nghal mai duhlo a,choka ah chuan ka tawikhawmuang ta reng.Zanin a min thinrim khum vang ringawt in tunah hian ka na em em a,inhau buai in tun ai nasa khan min vin se ka dawh reng theih ka ring ta hauhlo mai.Hmeichhe dang chu an ni ve em ka hrelo,mahse keichu khatiang zawnga thinrimna inlantir khum khan min ti na thin a,chhan awmlo a min han be duhlo ringawt te hian ka awm a ti nuamlo nghal rawih rawih thei.Nupa kan ni tawh a,tha taka insawifel tur kan ni.Biak theihin a awm bawk silo ka thin chu a rim ve tun mai.






Dawhkan bawh a kalo muhil chu min sawi dat dat tu an awm vangin ka har a,ka ban nalam chu kalo delh bawk nen a na ut ut mai.
"Rawn mu chho rawh"ti supin min dinchilh run.A hmel kan hmu leh te chuan ka thinrimna a rawn kaiharh ka ti mai,"han chho rawh"ka ti hmak a,a duh duh huna a thinrim khum tur ka niin ka inhrelo.

"Kimte"a ti zawi sup a,"zân a rei tawh,heta i awm reng hian kawngro asu vak lo" a ti leh phei chu ka melh nghek.





"I bulah ka mi peihlo tih i hrethiam ve mai lo em ni?"ti thatin ka ding a,"zantir a i tlanchhuah thut chhan hrelo in kan ngaihtuah em em che a,i rawn haw ta cheng a min thinrim khum leh a! U Obeda enge i thinrim na chhan chiah kha? Tlaia i ph call ka lo chhang vang kha anih chuan thinrim na chhan tur a awmin ka hrelo keichuan.Nge ni a i ngaihzawng te alo ni zawk"ka ti ve ta nghek.


"Midang muhil kan ti harh ang,room ah chho ang"tha deuh chuan a ti leh mai a! Mize mak tak anei ani.




Ka melh ngawt ngawt hnu ah thaw hakin ka kal pel a,inchung lamah chho in kan room kal pel in mikhual an riah tir thinna ah chuan ka lut ta tharh.Min la rawn zui lut ve zel chu ning zet hian "hetah hian ka riak duh,room ah va phei rawh" ka ti leh nghek a,a ding reng ringawt.
"Ka thinrim chhan chu manganga mi rawn pun tu i lo chhân dan vang kha ani" a ti ve ta nge nge! Mangang a!

"Enge maw i sawi le?Biaktei kha em ni itih chu?"abu nghut ka hmuh chuan ka nui ta hak."ka hriat zawng chu awmpui emaw mi tih hnuah tha takin i nupui ka nih thu ka hrilh a,a awihlo chubak inbiakna kan nei lo e"ner nak in ka ti a,hmeichhe bum ah alo awm vel mai mai tihna anih ber chu a.Min la thinrim khum zawk ania! Ka haw ta ngei mai.





"Chutiang chuan a sawi ve hauh silo"a ti sup





"Aw kan inbiakna ka record silo a ka dikna han finfiah dan ka hrelo,i mi ngaihdan ah erawh ani lam kha dik niin i ngai tih achiang reng alawm.Sawi leh chuan tur ka neilo anih chu" ka ti hmak a, "chhuak tawh rawh,ka mu duh"ka ti zui leh sap bawk.

A din reng vang chuan "i chhuak dawn nge ka chhuak zawk dawn?"ka ti leh ngat a,min melh vawng vawng hnu ah a pen chhuak ve ta nge nge.






A bialnu ani emaw ni lo emaw a tan mi pawimawh tak ani tih achiang reng mai a,beisei neih san ka duhlo chungin pawnlam mi zawk anupui aia a ring chu ka na ve veng veng mai.Kan inkar ah hmangaihna apian ve theih pawh ka ring tawhlo.Kan inkar hla lutuk pawh zim deuh deuh ka tum a,beiseina kalo nei te kha ka inchhir ta rum rum zawk.






A tukah chuan kan inbelo chiang kher asin,ka hna kaltur min nghak reng tih chu ka hria mahse U Joshua ka inlam tir ta zawk a.Gate ah kan chhuak dun U Joshua bula ka chuang ta daih kha mak a tih hmel viau.Ka ngaipawimawh dawn tawh biklo reng reng.Tihian kan awm awmin awm ila,ka dawhtheihloh chin alo thlen hunah kan inthen tawp anga ani tawh mai.





School banah ka thiannu dawr lam ka pan daih a,ka nu leh pa te ber inneihna lamah an kal dawn a,Judy lah Champhai lama an class ho in tour an neih lai alo ni leh zel nen haw hma pawh ka peihlo.






Nunthari'n min hmu chu min melh nghek a,ka accident chungchang kalo hrilh ve lo tih ka inhrechhuak hnu hnawh.
"Thian ah pawh min ngailo"tiin a thinrim dawn dawn mai a,kan inthlem fe hnu ah min be tha duh leh ta chauh.Hrilh kha ka tum uk uk thin a,na chhia ka nilo nen hrilhloh ah ka tlak ta daih kha ania.Hetiangin ka accident tawh chhe te chungchang alo ngaipawimawh daqn tih ka hrelo.




"Nunthari a awm em?"




"Ehe Lalhmunmawi!!" Ka hawilet be rang ngei mai.Lalhmunmawia pawhin min hmu ve chu a ding deuh awk.
"Ehe" ti ve hluai in kan school kal pui hlui kan hmu thut chu kan nuichhuak ta hak hak.






"Mizoram ah engtik in nge i rawn let?"Nunthari chuan a ti nghal zung zung a,a thil thuilai pawh a dah hmak.
"Kar hmasa khan,ka awm ve reng hrih ang"




"I dam maw Kimkim? Pasal i neih thu te kalo hria a"ti a min melh chuan nuih a za duh viau lo.





"Ilo kal ve lo a"ka ti sap a,nui hawk in "mahni bialnu hlui te inneihna a kal chu a fuh vaklo ang" a ti sup a, ka nui ve tawp.Ka ngaihzawng hmasa ber kha ani ve a,amah vanga min ngei tu an tam theih zia te kha.
"Awi Lalhmunmawia hi i danglam tawh e! Atha lamin ania ka tih cher chhe pan thlir thler kha ini thin a"Nunthari'n a ti chu a duhloh hmel ve kher mai.Mahse a ni tak tak a,tunah chuan apumrua alianin a sang ve tawh em ani.






"Tak tak a,nangni pawh in danglam ve tawh alawm.Kimkimi phei chu i hmeltha lehzual tawh a" Nunthari'n a darah beng pawpin "hope a awm tawhlo pasal anei tawh" a lo ti thuai a."Chuan nang chu i kut ala ram reng"a tih leh hnu ah a dar a ri zui leh thlawp.






Thim dawn thleng kan awm a,"ka lo han haw hmasa ange" ti hmasa ah tangin ka ding uaih chu "keipawh haw chu ka duh tawh,nidang ah kan la lemg chhuak leh dawn nia.Kimkim engin nge i kal thlah i ngai em?" Hmunmawian a ti zui a, "taxi ka la mai ang"ka lo ti thuai.
"Sum save theihna anih jha inthlah tir hmak rawh"Nunthari'n alo tu zui a,pasal ka nei tawh tih hi ahrethiam lo emawni?

"Uire duhna rilru i pu a,keimah vanga i nghing lawih anih loh chuan ka thlah ang che"Hmunmawia lahin a ti kher a,ka aw ve ta nge nge.Engemaw ka pasal mahin zan zan ah nula bulah min kalsan alawm le ti ve hmakin Hmunmawia bike ah chuan ka chuang ve ta ât.






Traffic a jam tawhlo a,Durtlang pawh kan thleng chho harlo.



Kan inkawt kan thlen chuan gate chhunglam a U Obeda lo teikual chu ka hmu a,gate bulah tak min dinpui bawk nen min rawn hmu ve nghal zat bawk.




"Saw saw i pasal chu ami"thle zeuhin a ti a, ka lo aw ve mai.





"Nidangah min hmelhriat tir la tiraw?Tunah saw chuan fur khaw chhiat laia tek rawn tla chuaih a ang emai" za vak lo a nui in a ti a,ka nui ve sak ringawt.
"Ka lawm e aw,i haw tlai phah ta vek dawn anih kha" ka tih chuan "aho lutuk,nakinah thil la eichhuak ho ila min rul ani mai
"Tiin a tlanchhuak leh zui a,Gate a ka pen lut chu U Obeda an ding meuhin minlo melh reng.





"Dar engzat nge i hrelo em ni?" A ti thum sup a, "Hria e" ka ti ve sak.




"Ruatkim tiang zawnga intihbuai hi ka duh miahlo ania" a tih chuan "kan intibuai em ni?" Ka ti ve leh salh a,ka hlau bik dawn tawh hauhlo.Ka chezia in a zirlo deuh anga apalzam mai mai theih ah min lo ngai te pawh aniang.A ngaihtuah ang chuan ka awm hauhlo thung ang.

"Pasal nei tawh ini tih i inhrelo em ni? Tiang hunah mipa dang i rawn inthlah tir a" a ti leh a, ka va ngei tak!





"Zan pawh sawi lo a nula pan tu zawkin khatiang khan min ti hauh suh aw,keichuan ka thian ka rawn inthlah tir mai ani.Chuan ka rawn thinrim khum ve miahlo bawk che" athaw chhuak ham ham a, "hriatsual palh vang anih kha" a ti dam ta ruih.Hetia a tawng dam leh ruih mai thei thin te hian min ti thinrim zawk.


"U Obeda,keichu ka beidawng tawh"ka ti tawl a,"inngaihzawnna awm lawk miahlo a innei kan ni tih ka pha lo,mahse kan nupa inkar tih zim tum reng reng a khawsak hi ka peih tawhlo.Tihian mahni duh dan in khawsa ve ve tawh zawk mai ang.Ka ning tawh,i duh danin nung la keipawh ka duhdan in ka nung ve tawh ang.Kan inrem thei nganglo te anih chuan i pa damthat deuh hunah inthen kan rawt mai dawn nia" ka ti ta hluai.Ka kham tawh kan awmdan hi.

Min rawn pan hnai chawt chawt a,ka dar tawn tawn ah vuanin "engmaw i sawi kha?"a ti hrawk.





"I pa dam hunah kan.." ka ti chiah chu min thing nawk a,"kan inthen hauhlo ang" a ti chang run.




"Min ti lui theilo,hetianga nun reng hi ka peih dawnlo"ka ti hul hak a,ka ti tak tak kan nundan hi ka ning.
Ka beisei loh zetin akut pakhatin ka tukhum a dawm chawt a ahmui in ka hmui ka rawn kharchilh hmiah! Tal nawk nawk in ka nam a,a rem lai lai ah ka chum bawk mahse a tawp duh derlo! Min thlah chiah chu ka hmui ana hlur thei ka thaw ham ham bawk





"Enge maw i hriat le?"thinrim zeta ka ti chu min nuihkhum leh daih a! "I ril atam tawh em?"dam thlup hian a ti leh!

"Rochanpui" ka ti nghek a,ka thinrim lutuk chu ka mittui hial a tling pam tawh.




"Kimte,then leh mai mai tura nei che ka nilo.Ka nupui ini tawh a,duh che tumin ka bei a ka duh tan tawh bawk che.Tun dinhmun ah leh lek phei chuan ka then ngai dawnlo che tih ka chiang viau tawh" a ti dam leh thlup a! A thusawi erawhin min thawng lo ka tih chuan dawt ka sawi ani ngei ang.
"Ka then tho ang che"ka ti hlak te chu thinrim ah la lo in min nuihpui leh daih a! A mize inthlak thut thut thin hi dawnsawn dan pawh ka thiam zo zai tawhlo e a






Inchhunga kan inzui lut te chu nichin lawka hmel dur khup pu te kha a bo vek tawh. "Muante,chaw ei lo siam ta che.Kimtei alo haw tawh bawk a kan ei mai dawn ami?" Tiin thutkhawmna lama lo thu Muantei chu abia a,chutia abw ringawt te chuan ka thin a ti rim zual ni mai in ka hria.
"Han inthlak la"tiin dam zet hian min melh a,lo melh tur khui chungin "ka peihlo" ka lo ti hmak.

Choka lamah lutin thleng te chu ka la ang lawk a,ka ban veilam chauh hmang chuan ka thinrim inbengdaih nan a chawhmeh bel chhin te hawng ri rawk rawk in ka suak zui zat.Muantei tak pawh chu ahrilhhai hmel viau.





Zanriah kan ei lai te chuan min runluih a tum nge ni sangha lep te chu ka thlengah a rawn suak a,amahin anui ruh ruh bawk.





Ka kham hmak a,inchunga ka chho pawh chu akham ve nghal nge ni a rawn chho ve leh nghal zat bawk.





"Ka nupui thinchhe hlik hlek hi ka bual dawn che em ni?" Awi ka va han ngei ber tak!
"Rochanpui" ka ti chhuak leh nghek.Ka thinrim lutuk chu ka hrawk a tawt vek a,ka sa pup pup bawk.A thinrim ve duh tawh der bawk silo nen kei ka sa hut hut thei tawh hial a,mittui tling pamin ka melh ngawt ngawt hnu ah ka insum thei ta nganglo a ka insut chhuak ta hlap hlap.

"Kimte"hamhaih tih hriat zet a ti supin min rawn kuah thlawp a, "ka tihpalh ani,tih tah che ka tum hauhlo"a ti nghal sup.Keilah chhuak zetin kalo inhnit hlap hlap tawh.





"Ka va ngei tak che"tap aw tuau a tiin ka la i sut hlap hlap reng a, ka hnungah zawldawh deuhin alo zut thung.






"Na i tawrh lai pawh a i mittui atlak loh laiin tunah keimah vangin i mittui atla a! Ka inthiamlo hle mai Kimte" a ti zawi sup a,ka zia deuh tawh thung.Ka tap nasa lutuk kha ka intap chau ka ti mai ka zawi hnuang mai.

"Tinge ka thinrim laia mi runluih ngat ngat?"




"Tihdang kawngdang ka hrelo ania,ka tan pawh khatiang thil kha avawikhat na tho" a ti ve sup sup a,"ka awihlo ber"kalo ti nak chu a nui rum hawk.
"Thudik alawm,khatianga tap kha ka la thlem ngailo a,thinrim bengdaih ngai ka la tawng lo bawk"a tih chuan ka melh deuh haw a,dawt sawi hmel apu lo!





"I bialnu hlui kha...ka sawi awmzia chu a thinrim ve ngailo ami?"ka ti ta sap,amak em ani.






Bu nghutin "mi thinrim ka thlem thiamlo a,amahin a lungawi ve leh mai zel"a tih chuan kei aia buaipui anawm zawk dawn zia bawk ka ngaihtuah a,ka intehkhin lo thei thinlo.
Mak deuhin ka thinrim tawt up up kha a reh daih a! A reh lai lah ka hre derlo bawk.

"Chuan ka bual dawn ta che em?"nui ruh ruh a a tih chuan ka melh ling leh hlar tawh.





Ka bathrobe leh towel kengin bathroom a ka lut nghal rawk rawk chu a nui ri hawk hawk ri ka hre zawm a,saw tianga anui ri saw ka la hre ngai hauhlo bawk.

Ka inbual rei lehpek bawk a ka chhuah leh chuan paper alo inchhawp hnawk leh rum tawh a,thawmhnaw hai rawk rawk a bathroom lam ka pan leh chu "ka la hmuh tur tho i thup buai peih mang e" alo ti leh tawh! Zanin hi enge maw a hriat chiah ni?





Ka inthlak zo ka chhuak leh chu zak duh tawh biklo in ka bag atang vawin a naupang ka test tir na paper ka la chhuak a,U Obeda bulah chuan paper leh pen nen ka inchhawp ve ran.

"Check sak che i duh em?"alo ti sup a,amah pawhin paper check loh ala inchhawp run sia.





"Ka veilam hi ziah nan ka hmang thei alawm,dinglam ang em in ziak nalh lo mah ilang mark pek ringawt ania aharsa lo ang" ka ti tha ve mai a,abu ve nghut bawk.
Ka tetlai chuan veilam hlir hian engkim ka ti a,ka nu in hmeichhia leh nghal veikhawr chu amawilo e tiin dinglam min hman tir ta daih a,harsa ka tiin ziah nan phei chuan hrehawm ka ti thei ngang mai.Mahse hun alo kal a,hman rim zawk na na na chu ka hmangthiam chho zawm ve mai bawk a.Ka veilam ka hmanthiamna ka hlauh tual tual bawk.Ka sawi ang khan ziah tak tak dawn chuan harsa ka ti a,mahse mark pek rikngawt ah chuan ka la ziak thei ve lutuk.






Paper sawmpanga dawn ka check hnu ah chuan ka tah te lam achhuak hlur tawh mai.12 sec C paper ania,an thiamlo lutuk hi ka zirtir thalo emaw ka ti hial tawh zawk.
Paper te chu ka keu sawk sawk a,ka tum hmuk tawh bawk.U Oneda chuan min rawn melh zeuh zeuh a, paper pakhat ka la leh chiah chu "awi"ning zetin ka ti hluai.


"Engtin nge ti em em a athiamloh theih!!??" Ti leh hluai in ka paper ken lai chu ka melh ngawt ngawt.





"A thiamlo viau em ni?"A thil khawih lai dah in a rawn en ve a,"umm,akhawlh ve dawn kha"ati ve tawp.





"Ka zirtir tha lo zawk hi anilo maw le?Nge ni a a tilui zawk pawh ka hrelo e a" ka ti sap a,bei hi a dawng ve duh thin ania.





"Kimte,mihring kan thiam zawng a inanglo a.Kha paper nei tu pawh kha i zirtir dan vang nilo in zirna lama hnufual chi anih hrim hrim vang ani thei.Zirna lo lam a tuina lamah chuan a thiam fu thei ania" ati leh dap tawh a,a zirtir nih ava nuam dawn reuh tak.

"I nau te enge an an ve?" Ti sap a a paper check sa kan en chu ka dah thla leh zal zal.History bawk ani.





"University meuh kai tawh chu an zia viau hlawm a,zialo deuh pawh an awm ve tho bawk." Tiin a indah fel zung zung a "i check zo dawnlo em ni?"kalo ti thuai.

"Tawk rih rawh se,i hman ngailoh lamin i ziak a ka lo pui ang che"ti supin paper a rawn ban ve zat a, "i thiam meuh ang maw i subj lak ani silo" ka ti chu anuih aza viau mai.Keipawh ka sawidan vang chuan aza ve tho,12 ah top 10 ahauh tak kha mawle,thiamlo chi ani lo hrim hrim.






"Mark ren lutuk suh aw,an khawngaihthlak ve a"ka tih chuan "tiang hunah hian mark ren zawk tur ania,an tum aia tichhia an nih chu a aia ngawrhin an bei anga,an tumloh deuhin board ah an titha zawk ang.Tun atanga mark i ren loh chuan naupangin board ah khatiang vek tura ngaihna chin an nei dawn a,an inthlahdah phah zawk ang.Mark ren la,internal mark pek tlem phah lo la chutiang chuan ti zawk rawh.Thenkhatin zirtirtu sual deuh angin ngai che mahse an mahni tan zawk ania,zirtirtu kan ni anih chuan kan zirlai te hi kan hmangaihin an hmakhua kan ngai tur ani.Mahni fate pawh kawngsual an zawh ai chuan sual minlo ti deuh dawn mahse an chungah khauh taka chet angaih thin hi"tha deuh a a tih chuan dik ka ti leh viau tho.
Board ah paper check tu mihrang hrang an ni dawn a,mark ren deuh an tawnfuh vaih chuan an inbeisei ai an hmuchhia anga an hnual phah zawk ngei ang.






Ka nu leh pa te treatment lak zawm tur in hmunpui lam an pan leh tawh a,chawhma kan nupa leh Judy tiamin kan chawl tawp bawk.
An kal hun an pel duai tawh a,an doctor ber fapa khan nupui alo nei ani awm e.An inbe pawp reng a,treatment lak hun nitawh mahse fit leh zualin ka pa lo awm se a rawn ti a,chhuk pawh nise an doctor ber a awm rih dawnloh vangin doctor dang an rawn leh abgai dawn hrim hrim a,an nghak ta zawk kha ania.Vai ho hi chu inneihna an la urhsun ka ti dawn nge ni karkhat chuang te hi inneihnan hun an hmang a,inthen an awm leh thin tho bawk nen aho duh awm hi ka tia lawm.





Chawhnu lam pawh kan chawl tlang ta law law a,U Obeda an kan in lama lenthlak a sawi te chuan hnial lo tak ka ni.Phur deuhin ka insiam nghal sat sat.

Inhnuai lama kan inzui thla leh chu Judy ka au a,"lo kal ve ta che" ka ti sap.




"Aa kal lo zawk ang,Û englo maw" A û melhin a ti fan ta ruih.




"Sawi la" pakhat lahin alo ti dam leh dap tawh.





"Zanin riah chhuah i phal em?Margareti te ho nen riahkhawm kan tum a"a beng khawih neuh neuhin a ti sap a,a û in amelh ta run "Judy" a ti dut "i phalloh chuan apawilo mai"ahmel ah chuan ahnual zia a lang reng mai.

"I kal dawn nia,ka ring che a rin ngamin awm ang che"U Obeda chuan a ti ta khauh a,Judy lawm lutuk chuan akuah nawk nawk mai.
"Nih chuan ka insiam nghal dawn,minlo nghak ru ka scooty ke a thêp sia,min phur thla nghal ru"a ti nghal zung zung a,kan lo nghah tur thu kan hrilh thuai.





Judy phur lutuk mawlh chu hnunglam atang a nui leh hak hak thin a,thianho a han riahkhawm hi anuam ve dawn bawk em ani.
"In pahnih chauhin zan inriak dawn sia,honeymoon animai naute inlo siam teuh dawn nia"Judy chuan a rawn ti chhuah reuh a! Ka lai lutuk chu ka sa ham ham thei! U Obeda erawh anui ruh ruh duh chauh.






Kan inlam kan thlen chuan ka pa leh ka û anlo la haw lo a,ka nu chu alo vui ru viau.Kan tlawh har deuh a ti viau ni tur ani.
Zanriah ei turin min chelh lui ta tlat a,U Obeda an ahnial hranlo nen ka lawm viau mai.Ka lung te a leng thar leh reuh a,ka nulat lai a ka room ni thin te chu ka ngai thar riau bawk nen kan lut chuka kalsan ang angin alo la awm a,anlo tifai thin tih erawh ahriat.

Zanlam riak law law turin min han sawm tak na a atuk hna kal ngai ve ve kan la nia,kan hnial ta zawk.




"Lungleng deuh kan awmin ka hria"




"I va sual tak" ka ti hlak,tunlai anghal riau mai ani a inhmehlo zawk.




"Inu leh pa bulah riah i ngen tlat dawn emaw ka ti hman a"a tih leh chuan "i ninawm aw" ka ti chiam,naupang chhaih hian min chhaih thin nimai hian ka hre thin.Anghal thiam theih ve zia hi aw!!



In kan thleng a,alo reh thuap bawk sia ka awm thiamlo lek lek ani.




Room ah chho tlang nghal lo in thutkhawmna lamah ka pa te kan be leh phawt a,an thleng tluang viau ani awm e.Naktuk lam atang hospital ah lutin treatment an tan dawn a,Judithi leh Muantei an awm dawn bawk nen ka ngaihtuah hranlo.Bakah ka pa a fit tha a,a stage ala san loh piah lamah dam atum bawk a,Pathian zarah ngai a awh leh thuai ka ring tlat.

Kan inbiak zawh hnu chuan T.V enin kan thu khawmuang leh a,a reh leh lutuk a ka lai hû reng chu ka inngei ru khawp.





"I tang tung a,naktuk ah i sil vek ange"hmalam melh reng a a rawn tih chuan "awihawmloh" ka lo ti zat a, ka lam lo hawi in a nui ruh ruh mai.
"Ani lo em ni? I hah vek tawh zawk lo maw?" A ti leh kher chu ngei zeta melhin "i ninawm aw" ka ti leh hlar.Anui hawk a,min thuthnaih ruala ka lo che phut chu nui leh hawkin "inring renga piang inih bik chu ka ring lo a,mahse tuna j chetdan ah kha chuan ilo inringsa reng tih ahriat" a ti zui a,ava han chimawm thiam reuh tak!





"U Obeda" min melh vung vung vang chuan nuam ka ti chiahlo.




"Umm" ti supin "sawi rawh le" a ti leh ruih a,ka lamah a rawn awn hnai tawh hle.



"Sawi la"ka hmui bul lum hak khawpin kan inhnaih tawh."i sawi dawnloh chuan" ti leh ruihin dam ruih hian min rawn fawp a,ka lo dang biklo.
"Min chhanhlet rawh le"kan hmui insi reng chunga a tih chuan ka hmui ka lo chet ve zeuh a,chuchuan a ti phur sawt emaw tih turin dam dap a min fawp kha a duhthawh tial tial.


Min bawhthlu hnawk a,duat hmel zeta min melhin min fawhzawm leh nghal mual mual.A kut in min zutkual ruai bawk a,a tu ve ve lawh chu kan taksa ah danglam a awm tih hai theih rual anilo.

Ka nghawngah fawp thla in ka hmui ah bawk a rawn fawp ri leh chawk a, chutah zawi sup hian "room ah chho ang aw" a ti ril ruih.




Chhang lo in ka lu ka lo chet ringawt a, tho kangin min pawmtho ve nghal zat.Min nghat ve mai dawn emaw ka tih lai in min pawm reng chung chuan inchung lam min panpui a,a hnungzang a kawngkhar hawngin khum ah min nghat thla dawt a,min bawh zuiin ahmui in ka hmui a kharchilh leh nghal hmiah bawk.

Kan thawk a rang dun tawh ngei mai, mahse aph a rawn ri ta ral ral a, ngaihsaklo in min fawh zawm mual mual tho.A rawn rik nawn leh takah chuan "chhang phawt mai rawh" ka lo ti sap a,inbengkangin "ka tihzawm leh i phal angem?" A ti ta sup! Ka lai lutuk chu ka hmai ka hup ringawt a,anui zui hawk.





Inbengkang in ph call chu achhang zui a,hmeichhe tap ri ka hriat chuan ka inhupna la thla in phawk zetin ka melh.
"Biakte,enge thleng a?" A ti leh phei chu hmanni ami bawk kha ano tih hrechhuakin ka harhfim nghal sawng sawng.




"Ka rawn kal ang"min melh zukin a ti a,ph chu dahin "Kimte ka chhuah lawk ava ngai ve" a ti sup.Ka thin zawn chu ana ve vawng vawng thei nia!

Jacket la in a inthawlh zung zung a,"ka rawn let harlo ang" ti supin kawngkhar lam apan zat tawh chu a ding leh chut.




"Bawihi, min rawn zui ve zawk peih em?"min rawn melha a tih chuan "keimah maw?" Ka lo ti thuai.
"I peih chuan min rawn zui ve la ka ti hle mai" a ti leh a, ka lu ka lo bu nghauh.Ka kawrlum la chhuakin min haktir zui a,ka thin zawn na veng veng kha chutia zui ve tura min tih takah chuan a reh ta daih bawk.









#ava sei tak!! Inrinni ka rawn dah hman loh aiah sei deuhin ka rawn dah e aw

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia

Show post links
Top