CHAPTER-9
☆☆☆☆☆☆☆
RITA-I POV:
Kan khaw lam pan chuan kan kal a,kan hmaa Ambulance ah chuan ka nu leh kan chhungte dang an chuang a,keinin Car in kan zui thung. Seat hnung chu ngheng in ka thu zawi hnak a,ka pi boral ka tuar vang em em pawh niin ka hrelo,tunlai chu keimah hi ka zawi ngawih ngawih ringawt.
"In khua kan pan lai vel i vlog dawnlo ami?" Nuihza insum zeta titu chu ka melh chho a
"Nghal suh" tih pahin a kap zawnah chuan ka tham zauh a. Thaw hawkin ka banah chuan alo man a
"Khaw kar kawngah motor lam thei an hmuhloh nan i kut hi dah hle hle rawh" tih pahin min kuah nghal hlu hlu a.
"Tinge kan la inneih loh?" Engvanga chu thu pawh chu sawichhuak thut nge maw ka nih le.
"Khatiang chung khan mo kawr hak i duh ami?" Tiin ka dul chu a melh zauh a.
"Ni tak. Mahse,min neih pawh i tum tak taklo ang" tiin ka ner nak a.
"Tum e" ati mai a. Ka va duhkhawplo thei tak.
"Naute i neih zawh veleh kan innei dawn nia. Hall pawh ka book vek tawh" atih chuan mak ti zetin ka melh chho leh a.
"I thluak tamlo zetah hian thil tullo zet zet i ngaihtuah tawhlo nan hma ka la tawh alawm" tiin ka biangah chuan a rawn chul riak riak a.
"Tak tak?" Awihlo zet chuan ka la ti hram.
"Ka hmangaih che" tih pahin ka hmuiah chuan a rawn fawp thut a. Ka hmangaih che tih hi chu ka tan thu mikhual tak a ni,engtia chhan tur nge pawh ka hrelo,a chhan chu ka hmangaih ve in ka hrelo tlat a ni.
"I hmel ka en a,i nungchang chimawm lutuk zawng zawng nen hian tu mipa dang ta mah ni tur hian ka phallo che. Khawvel tawp thak thlengin ka ta ini tur a ni" atih chuan a huam hauh lutuk ri nen,ka pum chhung hi alo tek ve sawk sawk thei.
Englaiin nge ka lo mutthilh lehpek pawh ka hrelo. Zai tlek tlek ri leh tap thawm chuan min tiharh a,ka han men nak chuan motor chhungah keimah chauhin ka lo awm tawh a,khua a thim vek tawh bawk. Rang zetin kawngkhar ka hawng a,kan inkawt hla vaklovah motor chu a ding a,inchhunga mipui thu khat khup pawh chu ka hmu thei.
"I tho tawh alaw,awiii,iva mu thei. I pi a thi a,motor chhungah i hnar tlek tlek mai chu nia" tiin ka thianteho an rawn ri phei bawrh bawrh a.
"Kan lo thlen lai pawh ka hrelo" tih pahin ka hawikual a.
"Inpa chu inchhungah a awm. Hmmm,tho chiah,a pasal a zawng nghal" tih pahin Lalhruaii chuan ka banah a beng taih a.
"Chulam pawh a nilo" tiin lei chu ka chhuah khum vak a.
"Kan ngei ania. Kan ngai ve em em che a
'Bengchheng su,in tiharh ang' ati hmuk a,kan rawn kaitho ngam hleinem che" lalhruaii bawkin atih leh chuan ka nuichhuak hak a.
"Tak taka,makpa mawng zang tak ani,a che vat vat mai. Tui pawh a kawt ve lawp lawp alawm" mipaho zawkin antih chuan phawk zeta mengin
"Enga,tui a kawt amaw?" Ka ti vak a.
"Sawilo teh,thlakhat dawn tui a haw tawhlo a,tui inlo neilo sia,in kawmthlang tè ta a zu kawt ringawt alawm. Amah khan leitur a order tho a. Inkawt khu vel pawh a ngaitheilo aniang,tuiin a theh huh vek a. Midang cement a lei tir a,inkawt rualremlo laiah khan an phul leh vek a chuan silpaulin an phah hnan daih" antih chuan mak ti zet hian ka lo en reng a. Zosangliana'n tui a kawt ve amaw,hahh,ka nuih te pawh aza e a.
Inchhung lamah chuan ka lut a,in khat tlata mihring lo thukhawm ka hmuh chuan ka lawm ve hle a. Min lo melh thup hlawm a,mak ti hmel te pawh an pu nawk hlawmin ka hria. Vai film deuha inchhung lut paha kuang bawh rawk rawka tap lut vak vak turah khan min ngai aniang,kei lah mittui far khat pawh a far thei silo a.
"Ilo harh tawh maw?" Tih paha ka kawnga rawn kuahtu chu tudang a nilo.
"Ummm..min kaitho lova" tih paha ka en chuan a hah ve hmel tak tak,a sam te chu alo pawr phung a.
"I chau chhe lutuk ang tih a hlauhawm. Thu la" tih pahin kuang bulah chuan min nem thu a,ka bulah a rawn thu zui ve bawk. Ka pi hmel dang tan tawh chu ka en a,mihring nun hi chu alo va han ho tak tihte ka ngaihtuah a. Ka hmazawna ngui bura thu ka pu pawh chu ka en leh a. A hmelah hian a tuar hle tih a lang a,kan han in vui liam anga,tun ai hian a lung a leng anga,ala tuar dawn chauh bawk.
Zosangliana nen kan inkar ka ngaihtuah kai lo theilo a. Tar lam chu sawiloh,kan thatlai pawh hian lo boral san ve thut ila,tiang hian min ui ve kher angem?. Hahh,teuhlo,kum hnih khat hnu velah nupui dang a nei leh duh mai ang chu. Amah en tur chuan ka inher deuh a,thil ngaihtuah muk hmel zet hian ka pu chu alo melh ve reng a.
"Zosang" ka tih sep chuan a hre miahlo,ka pu lam ngawt chu a melh a.
"Zosanglian" tih paha ka nghawk zeuh chuan
"Ummmm" ati ringawt a,ala hawi sawn chuanglo.
"Enge i ngaihtuah a?" Ka tih leh chuan
"Engmah nilove" tih pahin a thaw hawlh a,a hmai a tuai thuak bawk.
"I ni te inah zanriah tur an siam a,zuk kal tawh ila" atih chuan
"Ka ni te inah berkher" tih nang nang pahin ka thochhuak them them a.
Ka ni te inah chuan midang pawh anlo awm nual a. Zosangliana nen kan kal vang tehreng em maw ni,min lo be tha teh hurh lutuk.
"Awiii,Bawihi,iva puar lian tawh ve. In neih hunah chuan min rawn ko hreh suh ang che u,nau awm ila zei dawn silo,in insawp chau zo ange" tiin alo nui vel huah huah a. A kuhva ei sen nen,anu thi chu nuam atih hmel riau mai.
"Min sawp hlum saklo ang tih pawh sawi theih bikloh" tih nang nang pahin kut chu ka sil a,ka hnungah Zosangliana alo nui ri huk bawk.
Chawei chu anlo siam sawk sawk a. Chawhmeh te chu an han siam hnem em em khawp a. Mikhual am neiha an hmehchhiat theih theih nen,nidanga artui chhum leh dal chiah hmeh thin kha. Nge,sa leina man tur Zosangliana hi anlo dil zawk pawh ka hrelo.
Chaw kan eilai chuan inleng dang chu an chhuak deuh duak a. An bialtu MLA thu ve reng vang chuan nuam anti chiahlo pawh ni mah na.
"Api boral hi Auduha hian hre ve se a tap ve nasa ngawt ang" ti zet zettu ka ni fanu teber Elizabeth-i chu ka melh rum hrawk a.
"Api khan thudik a hriat hma khan a duat ve thei sia" ka melh rum na pawh chu hrelo ang hmakin ala sawi zawm a. Zosangliana mitmei veng takin ka melh zeuh a,a chawthleng chu a melh ngur ringawt.
"Eli,ngawi mai mai rawh" titu chu a pa ve thung a ni.
"Nia lawm,enge,Au Rita-i ler lutuk vang hi nia,sawtia a mut reng chhan" ati chiah
"Eli Chabet,engmah i hrelo,ngawi hle hle rawh. Misual rualin an sawisa a,sawtia awm saw anih saw" ka ti hriam hraih a.
"Dawt pawh a ni em em hleinem. Diktaka sawi chuan Duha kha inu in zep tlatlo se chuan nangpawn ilo" a sawi zo hmanlo a pasal chuan
"Ngawi mai mai r'u ka tih kha. Thu mu hnu kaitho ziah suh u. Kan makpa pawh a awm ve reng hi" ati hrawk a. An nufa chuan an ngawi chiang teh e.
"Eee,Pu Zosang,ei teuh rawh u,in chawei te kha alo tuiloh phah ange. Hmeichheho hi zawng,an tawng tam mah mah lutuk a" tih pahin a tho thurh a,bualin lamah chuan a lut ta daih a.
Ngawi rengin chaw chu kan ei zawm a. Chawei pawh a tui tawh neklo,Eli Chabet-i tawngthei zit zet lutuk hi chu a hmui ah sawn hmarcha ka la tat dawn alawm.
Kan ei zawh chuan thut pawh thu khawmuang lovin kan chhuak nghal daih a. Zosangliana chuan engmah a sawi zui lova,mahse ngaihtuah muk tak a nei tih chu a hmelah a lang reng.
"Hawh,vur ei lawk ang. Tah khuan dawr a awm" a bana kaih paha ka tih chuan
"Kal ila. Cigarette pawh lei ka ngai" ati ve sup a. A awmdan chu thup tum viau mah se ka hrethiam ve tlat bawk sia.
Dawrah chuan vur chu kan lei a,ani chuan a ei ve duh lemlo. Cigarette chu a lei a,tlema fal deuh,thutna remchang laiah chuan kan thu a,zial a zu a,keiin tui titakin ka vur lei chu ka ei bawk.
"Ini fanu thusawi kha enge awmzia?" A rawn sawichhuak ta nge nge a. A rukin ka thaw deuh hak a,he thil hi sawichhuah ka duh ngailo asin.
"Englo ania. Uduha hi ka nu fa bik ania,ka hre ngailo hrim hrim a. Chuan,atirah school kan kalho a,chulai chuan kan inngaizawng thin a" ka sawi zawh rualin a thutna atangin a tho hluai a.
"I thinrim ami,dawt a nilo ania. Kan in hre tawnlo tak tak. A hnua kan hriatchhuah chuan kan inzui tawhlo. Nilo,kan inthen hnuah daih kan hrechhuak a,engmah kan inkarah a awm tawhlo. Ani phei chuan farnu ang tak takin min en. Kan nih ve lai pawh khan kan ni tak taklo,min chhaih ni der vel mai mai alawm" tih pahin a banah chuan ka pawt a.
"Anih chu" tih nghut pahin a zial zuk lai chu a fawp vak a,leiah chuan a paih zui nghal pawp a.
"I thinrim ami?" Ka ti dek dek a.
"Rim lo,chho ang" ati hmuk a. A ban chu rawn phar in min kaitho a,kan in lam pan chuan kan inkai chho leh hnak hnak a. Kan boruak chuan kallam a phak tawhlo hle. Mahse,ka be lui ve tlat a,nin hmel zetin min chhang ve zel tho.
Kuang hnaiah bawk chuan kan han thu ve leh a. Dar 12 rik hma hret chuan puitlingho an haw kiam tan a,thalai an rawn lut ve tan a,zai ri pawh a tang tha ta deuh. Nula lokal ho chuan Zosangliana che tla vel chu an en duh hle tih ka hria a,awmze awm hleilo hian thuthmunah ka lo inpet ruh ve em em ringawt a.
12:30 velah ar sawhchiar an rawn sem a,Zosangliana chu ka bulah a rawn thu a,tui tihhmel vakloh hian sawhchiar chu a ei ve a,vawithum a ei hnu chuan ati hleithei tawhlo aniang,chhuatah chuan a dah ta daih a.
"I mu duh tawh em?" Tih pahin a rawn tawlh hnai hrut hrut a.
"Aaa,ka mu dawnlo. Ka mut pawh a chhuaklo,bakah,tiang thawm awm rengah ka mu theilo ang" ka tih chuan
"Mutloh chu a chiloh. Heta i mut theihloh chuan i ni te inah khan kan mu mai dawn nia" atih chuan
"Ka ni te in ngawt chu i sawi le. Chawei pawh tih tawh nak alaiin,ka riak peih teuhlo" ka ti hmuk a.
Kan hmazawna Eli Chabet-i leh a thiante lo nui then thaw ka hmuh phei chuan ka thinrim lehzual. Serafim hote nen khan an inkawm ngeih hle a,a â si,Usangtei te thianho hian bawl berah an nei a,an fuihpawrh reng mai ni.
Ka sawi ang ngei ngeiin mut chu a chhuak mawh hle a. An zai chu ka zawm ve pawh anilo,an hla sak tam zawk chu ka hriat pawh anni hlawmlo. Ka nulat lai khan,ti ve khanglang ila,ka thianteho nen hian mitthi tlaivar naah kan kal tam vaklo a. Kan duh vanga kal tamlo pawh kan nilo,kan tleirawl chhuah tirha kan kal ve thin lai khan aia upaten
'In thianho hi,mitthi inah kal ve tawh suh u,in nui zankhua thak zel,in ti zahthlak' tiin min zilh hlak tawh a. Khata chin kha chu kan chhungte an thi a nihloh chuan kan kal vak tawh ngailo. Vengchhung hnatlan nikhua ah lah zahmawh sawia kan titi ni tak khan anlo hre fuh hlawm a,min zilh tawh bawk.
"Inpa kha. Pawnah sawn phone a hmang a,a sat hmel rap" lalhruaii teho rawn lut in antih chuan
"In rim chu" ka ti hmasa te te a.
"Enge. Kan thiannu pi a thi ve a,kan enjoy anih hi. Api chu ngaihawm dawn e. A paratha kan tharlam pawh eitur a awm tawh dawnlo ania. A zo artui lah ruk tur a awm tawh heklo. Api" tih pahin an muttui an hru vel a. Awiii,kei a tunu pawh ka tahloh laiin an mittui an rawn titla anih chu,ka ten hlawm lutuk.
Artui,hahhh,kan naupan at laiin ka thiante hian min bawl pek a. Ka pi ar awpa artui tharlam zet zet chu karkhat chhung vel zet kan ru tehreng anih kha,in bailem chhuan nan kan hmang thin a. Min man chhuah dan lah kha. Lalzira hi ka pi te lokal leh kalloh en turin thingkung ah kan lawn tir thin a. Tunkhat chu ka pi hi a lokal hunlo ah a lokal thut a. Ani mi mawl lutuk lah chuan thungkung zar atangin
'Tâ-i. Ipi in a artui a rawn la dawn ania,lak khalh vat vat ru' tiin a rawn au lung lung a,ka pi chuan kan thianho min hlap zuang awr awr mai lawm.
Chhang kan lah kha,a ni lah tak a,ka pi hian chhang a kang thiam em em a,paratha chauh nilo,zo chhang ban kan phei chu ani tluk an awmlo ang,a kan chauh nilo,chhangban chhum thlengin a expert em em vek. Kan khaw kohhranho pawh hian hunpui awm apiangin chhang ban an rawn order ziah thin kha ania.
"Amak vung vung. Inpa chu va en zui rawh,a vei vut vut ania. Tinge,in inhau ami?" Antih leh chuan
"Hau teuh nang,keini te chu kan hlim thei lutuk" ka ti vel a. Ka over anti lutuk chu min beng ang pawp pawp a.
"Tak taka,an hna chungchang aniang. An hna lama buaina a awm hi chuan a hlauhawm thei lutuk" ka ti ta a.
Lalzira pui rauh chuan
"Ani hi,i hrechiang em. Tunlai Damdawi Hawng tam zet zet an man a,an chhui thui ngailoh danah hian lal deuh deuh an inrawlh antih kha,alo in hnamhnawih ve ange" thutak zeta atih chuan
"I mak. Excise Minister berin chutia alo puih ve in,kan rui chhungkua vek mai dawn sin. Ka va en zui ange" tih pahin ka beng thak thak a.
Zing lam dar 3 vel a ni tawh a,pawn pawh zaikhawm ri tihloh chu ri dang vak a awm tawhlo,a thim tha hle bawk.
Kan kawmchhak vawk chaw chhumna lamah chuan ka chho a. Tlema eng deuh laiah Zosangliana chu alo awm ngei a,min hnungchhawn zawngin a ding a. A bul ka thlen hma deuh chuan a vin thawt a,ka phu nghek nghe nghe.
"Ka sawi ngun tawh. Khatiang pui thu na atthlak khan engmah awmzia a neilo. Hmanlai pi leh pu,biak mumal neilo hovin an rindan mai mai anih kha" atih chuan eng tak ni ang maw.
"Mami" atih hawk chuan a unaunu nen an inbia tih ka hre ta mai.
"Zosang" ka tih chuan a rawn inher thut a.
"Khatiang thu ho lutuk vang khan khawvar dawnah min rawn call tawh suh. I pasal nen khan muhil ru" tih pahin phone chu a dah hmak a.
"Takzet hian" tih hluk pahin a kekawr ipte a zial chu a phawrh rawk rawk a,a fawp nghal vawng vawng a.
"Enge a,iva thinrim hmel ve?" Ka tih chuan zial khu chu a thawchhuak ham ham a.
"U sangi ami?" Ka tih leh chuan a bu nghut ringawt a. Ka hre chak bawk si,hepa tawng mawh lutuk hi chu,a tukhuma ben chawrh mai hi ka duh thin.
"Enge a rawn sawi,i thinrim ropui sia" ka la ti hram a,ka hriatchian hma chu ka zawt char char dawn hi ni ringawt.
"Rai laiin kuang hnaiha awm a thalo ati" ati hmuk a.
"Chuan,ka pi kuang kiangah awmlo turin min ti maw. Hahhh,ava zaktheilo ve,chutiang,puithuna atthlak. Engtin nge ruang bula ka awm vangin ka naute chuan a tuar daih ang" tiin ka ang tawn tawn a.
"Ri hluai zel suh. Hrelo la ka tia,min zawt lui ve tlat zel sia" tih pahin ka sam chu a rawn tuai thur vak a.
Ka thinrim lutuk chu ka puak keh lo chauh. A awm hian a anglo hle a ni. Tunge mahni pi te boral laia kawngkhar phen atanga lo sun duh bik ang. Api ngei pawh a hmangaih tak takloh vang bak a nilo ang.
"Aho lutuk,engah mah ngai suh. A natna hian a rilru a khawih buai ve deuh thin a ni" atih chuan ka thinrim ala reh chuanglo.
"U rita,inu in a zawng che" tiin naupang pakhat chuan min rawn ko a.
"Chhuk ang" ka tih chuan
"Phone call ka la chang a,lo va lut hmasa rawh" tiin phone chu a hmet leh nuap nuap a. Ka thinrim bawk nen ka kal te chu ka kal deuh sawk sawk a.
Thalai chu an zai thup thup a,a then an mutthlu a. Zing lam dar 4 vel a ni tawh a,thingpui an rawn sem leh a. Zosangliana hmel hmuh tur ala awmlo reng reng. Alo la lutlo nge a chhuak leh tawh zawk.
"Kan pa i hmu em?" Tia ka bula thu ka thiante ka zawh chuan
"A vei thuak thuak kha" anti ringawt a. Anni hi an chhuak peih lutuk a,an lo hmuh ka ring ve ringawt a.
Englaiin nge sofa nghengin ka lo mutthluk ka hre miahlo,zai ri chuan min tiharh leh a,ka han men nak chuan khua alo var der tawh.
'Kan hnenah awm ta che,khua a var dawn ta e
Tlaini kawlan a liam dawn hi'
tia ban hla an sak chuan engtin emaw kawng tak hian ka mu tho chu min ti hnuk ulh tlat mai a. Tah ka duh miahlo a,ka pi hmel te chu ka en duhlo lui tlat a.
Mahse,hla hriltu in chang 3 na thu lungkuai tak maia a rawn sawi lai a,pawn lam ka hawi chhuak a,khaw var,eng lutuk silo hnim deuh ruai te,ka pu tap insum inti pachang lui khap fuk fukte. Ka pi nen kan sulhnu te chu ka ngaihtuah let a,ka duh hauhlohvin ka mittui chu a rawn baw ve zawih mai a. Ka hru vat a,mahse,a tawp theilo. Chutia tap vak vak thei chu ka ni chuanglo. Mahse,ka mittui chu a luang reng a,ka insum lutuk chu nge a tawpah phei chuan ka tap khur ta zawih zawih mai a. Ka nu chuan ka hnungah chulin min lo hnem a. Ka pi min enkawlna te,ka nu leh pa chan changa min enkawl seilenna te,min zilhna aw-ka te,min hauh laia ka chhan pung pung laite chu ka ngaihtuah a,ana a ni. He khawvel khawiah mah hian ka hmu leh tawh dawnlo chu a ni mai si a.
Emau Daireh chu kan sa tui ngang a ni ang. Vawi3 lai an la nawn a,a vawi3 na hnuah chuan kan tawp ve ta tak tak ta a. Keipawh tawngtai laite chuan ka inhru hul ve sawk sawk a. Kan tawngtai zo a,thalai an tin a,nu leh pa leh upa lam anlo thleng khawm ve leh tak tak a.
Pawnah chuan ka va chhuak harh a,Zosangliana hmel hmuh tur reng reng a awmlo. Khawvar hmaa a chhuah atang khan alo la lut lehlo em maw ni le.
"Hawh,kan inah mu zuai ang" tiin ka thiante chuan min rawn ko a.
"Ngawi rawh,kan pa ka la hmu leh miahlo ania" ka tih chuan
"A chau anga,khawiah emaw a mu aniang chu,i ngaihtuah lutuk anih kha" tiin ngaihsam deuh chuan min kai phei ta daih a.
Lalhruaii te in kan thlen chuan ka call ta a. Ring chu a ring ve ngei,mahse,ala theilo. Vawi 5 vel ka tih hnuah chuan ka beidawng ta a.
"Khawnge i awm daih. Lalhruaii te inah ka mu lawk dawn ania,lokal ve mai rawh aw" tiin message ka hnutchhiah ta ringawt a. 2 in a in tick nghal a. Mahse,ala en chuanglo. Thaw halhin phone ka dah a,ka kawr te chu phelh thawl in ka mu ta daih a.
"Bawihi,tho tawh ru. Dar 10 a ri dawn" tiin ka nu in min rawn sawi det det a. Ka thiante hnar ri chu ka hriat zawm nghal.
"Anniho hi chu kaitho duh suh. Zankhat menrei pawh anla na thei emai. Intifai la,hruaii nu in rawng alo bawl a,ei la,lo chho vat la" tiin min chhuahsan leh ta daih a.
Thochhuakin rang zet chuan phone chu ka en a. Zosangliana chuan alo la en chuanglo. Ka call leh a,ala thei bawk heklo. Hepa hian enge maw a hriat le. Nge,hna hmanhmawhthlak a awm thut a,a haw aniang a. Khaw kar kawngah signal a awmlo pawh ni thei a.
Ka inphih fai a,ka kawr te chu thlakin chaw ka ei fel a,kan in lam pan chuan ka chho na hnak hnak a. Rilru ah Zosangliana a awm ve reng a,awm pawh a nuamlo.
"Nu. Zosangliana awmna i hria em?" Tiin ka nu ka hmu chiah chu ka zawt nghal a.
"Vartianah khan bike a chesual an awm a,damdawiin lamah a hruai hlawm anih kha,anlo let mek. Ini in Lalhruaii a biak zawh chiah kha" atih chuan ka thaw deuh huai a.
Inchhunga ka luh hma chuan kan call ve leh reng reng a.
"Hello" ka tih rualin
"Au Rita,kan lo haw hman tep" Eli Chabet-i aw chu ka hre ta mai. Ka call sual emaw ka tia,ka en a,Zosangliana ngei ani bawk sia.
"Tinge ka pasal phone ilo lak a?" Ka tih chuan
"A muhil alawm" ati ta mai a.
"Khawnge in awm,khawnge a mutthilh a" ka ti leh a,ka vin loh nan ka insum viau.
"Motor ah. A chau lutuk a,kawng lakah a muhil tawp" ngaihsam hmel fe a atih chuan
"Phone kha a beng bulah dah teh" ka ti hriam hraih a.
"Umm. Be rawh" atih rualin
"Zosanglian,rawn let rang rawh u. Elizabeth-i kha hnaih miah suh,mi pawmlai pawh chhuhsak thak ngamtu anih kha" ka ti nghal hlawk hlawk a. Rum nghut ri ka hriat rualin call chu a off zui nghal. Zawnga mai mai chu.
Ka thinrim lutuk chu ka vei sek a,inchhung lama luh pawh rilru ah a lang theilo. Eli Chabet-i thiante number ka neih ang ang chu ka call a,anla thei hlawm thaklo. A tawpah hreh deuhin USangtei ka phone a,phak zet hian
"Hello. Tunge,muttui lai lai" a rawn ti vin hlar a.
"U sangte. Damdawiin lamah i kal ve em?" Ka zaidamna zawng zawng sawm khawma ka zawh chuan
"Kal ve lo. I nau Eli a kal" ati tha ve mai bawk a.
"Midang an kallo ami?" Ka ti leh sek sek a.
"Midang chu scooty in an kal. Ka mut leh dawn" tih pahin phone a dah ve nghal daih a. Thinrim zetin Zosangliana chu ka call leh tlut tlut a,ala duh tawh hauhlo.
Dar 12 a ri dawn hnai a. Ka nu chu pawnah rawn chhuakin
"Enge ila tih reng,rawn lut ta che,vuina hun a ni tawh" tiin min kai lut a. Tan pawh ka tang peihlo,ka chau.
Chhungkaw aiawh thusawi te,kohhran upa leh pastor thusawi te chu ka beng a kawrawngah a lut lo hle a. Ka phone chu bih sekin pawnlamah motor ri a awm em tih ka ngaichang reng bawk.
Vuina hun a zo a. Thlalakna hun a intan a,Zosangliana nen kan lakpui hun alo thleng mai dawn. A hmel hmuh tur lah ala awm silo. Ka mangang tawh takzet.
"Khawnge inpa chu. Ko vat rawh?" Tiin ka chhungteho chuan min tur sek a. Mangang deuha ka hawikual laiin lalhruaii te mit bui luka an rawn phei chu ka hmu ta a.
"Kan pa lo zawng teh u,lo call ula. Hei,thlalak angai tawh" ka ti sawk sawk a. Anni pawh chu an hawikual nghal ruai a.
Ka nu bulah chuan pheiin
"Kawng lakah anla awm a. A tawplamah kan la mai ang,midang khan lakpui hmasa mai rawh se" tiin dawt chu ka sawi ta ringawt a.
Thlalak chhung zawng a hmel ka zawng a. Mahse,a tawpbera kan lak hunah pawh chuan an hmel hmuh tur a awmlo. Zawhna ka dawng tam hle a. Mi naran chu nise tiang em em hian zawhna ka dawnglo tur. A hminga bialtu MLA alo nihna nen,kan in chhuah hmingchhe lo chauh a ni.
Thlalak a zo a. Thlanmual lam panin an kal liam a. Kei erawhin ka zui peih ve ta lova. Inah chuan ka thu ngui bur a,thinrimna leh zahna inchawhpawlh chuan min tuam vel a ni ber.
Ka phone en ngur ngur paha ka thut reng laiin Zosangliana chu a rawn lut hlawl a. Thutthlenga ka thu chu min rawn melh zawk a,hawisawn leh in ka nu chu ava be ta daih a. Ka nu lah chu a thinrim dawn emaw tihlaiin nui sang hian an inbia a,eng thu nge maw ava hrilh ni. An inbiak laiin Zosangliana chuan ka lam a rawn hawi zeuh zeuh a,keiin a chezia chu ngun takin ka lo melh kar bawk.
Ka nu nen an inbiak zawh chuan ka lam a rawn pan a.
"Ka rawn call chhan che thla kan la zo vek tawh" ka lo ti hmak a. Zaleng hei zawng zingah Elizabeth-i berkher in a phone alo la kha ka thin hian a tuarlo.
"Kawnglakah ka chau deuh a ni" atih sup chuan a hmelah inthiamlohna pakhat mah a awmlo.
"Khaw kar kawng ava thui awm ve. A hrim hrim in Elizabeth-i nen kher kal angai ami. Ka rawn biak che khan engvanga dah hmak nge inih?" Ka ti nghal a.
"Min rawn bia amaw?" Ati he haw mai.
"Be lo" ka ti hmak a.
"Nakinah kan sawi tha dawn nia. Call pawimawh ka dawng leh tawh" tiin a phone chu a en a,a chhuak zui nghal.
Kha zawng kha maw. Engvanga Elizabeth-i khan a phone lo la nge anih,tunge accident,kawng laka mu duh hial tur khawpa a chauh chuan tunah ala chau em,enge a an tawh. Tinge motor khalh tura a hruai a driver pawh a koh mai loh.
Khang zawhna zawng zawng chhanna kha ka duh. Nakina sawi fel nilovin. Mahse,zawt a,han inhnial tur pawhin chakna ka nei hrihlo a ni.
Chutia chau zeta ka thut reng lai chuan pawnah hian thawm a awm hak a,en turin ka hawichhuak peih chuanglo. Midang tlanchhuah danah chesual an awm a ni maithei.
"Lal Rita,lo chhuak vat vat teh. I pasal leh mi tu emaw an insual ania" tih ri ah chuan ka in perh tho zawk a. A ranga rangin tual zawl lam la pan phei hlawk hlawk a.
Lalpa leh!
Zosangliana chuan tu emaw hi motor bangah nem betin alo hnek chawrh lai hi ka hmu hman a. Chupa chu chhuatah a tlu sawp zui nghal hnawk a.
"Zosanglian" tih thawt paha ka pan hnaih chuan a mitmeng ka hmuh tawh azawnga mitmeng rapthlak thei ang ber hian min lo melh a. Ka kallai pawh chu tawpin ka ding chawt a. Ka mita min melh reng chung chuan a kut thisen kai nuaih chuan a hmui a tuai thuak a,elhsenna a khat hian min en chungin za lo zetin a nui hak a. Thlanglam pan chuan a kal ta nal nal a.
Umzui ka tumlai takin ka thiante chuan ka banah anlo man chawt a.
"A khawih pa khu en teh" antih chuan motor nghenga anlo thuttir mipa chu ka en thuak a. Kal leh mai ka tum chu
"Enchiang rawh. I pasal thinrimna kha a awm ve viau ania" lalzira chuan ati a.
Ka han enchiang na chu ka phu deuh zawk mai. Inspector-a kha anih hi.
"Enge awmzia,engtin nge hepa hi a rawn inlan a?" Hlauthawng fe a ka zawh chuan
"I pasal te nen an in hmelhriat thin aniang. Atirah chuan tha deuhin an titi ve mai a. A hnuah Zosangliana khan a kawr awmah tham in
'I tawngchhuah leh chuan i thi ang' atia. Chuan,khupa khuan i chanchin mawilo tak takin a sawi zawm a. I tihlawm tawh thu leh a sum i ei hnem tawh thute a sawi zel a. I pasal thinrim khan a hnek ta a ni" antih chuan Inspector pa chu thinrim zet hian ka melh a. Zaktheilo lutuk,zankhat Police hovin kan Bangla an rawn hmang a,eitur kan siamsak a,a bula ka thut tlaivar avang mai khan a tilawm tawh tihna maw.
"Thil awmdan in hriat ve vek kha. Mei kan chhep a,Nangni pawh in thut zankhua ve thak kha. Lo tawng ve ta che u" tia ka thiante ka melh chuan an ngawi dak a.
Thinrim zetin Zosangliana kalna lam chu ka thlir a.
"Hmela,i hur hur nen,buaina min la thlen zui chu le" ka hriat tawka tih sep sep pahin chupa chu a dulah ka chhir zui awk a.
"Rita.....Malsawm" tiin anlo thawm hak hlawm a. Ka care lo,khati khawpa ka pi ruang ni a zahna min thlentute chu,thi tlak a ni,ka la chhuih na lo mah mah.
Hmanhmawh deuhin kan motor dahna lam chu ka pan a. Kan kawng chhe lutuk nen,lungthil rah sual palh ka hlau bawk si chu duh ang pawhin ka kal chak ngamlo a.
Motor dahna ka thlen dawnah chuan ka ding chawt a. Enge a sawi ka hriat chak vang a ni.
"Ka sawi zawng kha a nimai. Abak ka hre tawhlo. Aizawlah lehkha zirin ka rawn awm daih a. Au duha damloh ka hre leh tawp a,abak ka hrelo" tiin Elizabeth-i chu a tawng ser ser a. Sawnu tawngthei pirh perh lutuk vang bak saw a ni nang.
Pan hnaih ka tum laitakin Zosangliana chuan min rawn hmu thut a. Elizabeth-i tawng sep sep lai chu tihtawp tuma ka an zuau laiin ka rinloh lutuk thil a thleng a.
Tunah khan a fawp. Ka mit hmuhlai ngeiin ka pasalin ka unaunu chu a fawp anih chu. Ka ding khawng reng a. Elizabeth pawh chuan mak ati ve a ni ngei ang,a awmdan ngai chuan a awm reng a. Chutah,a chhang let ve dawn chiah rang zetin a kawr hnungah chuan ka pawt a,ka kai hrang ta hlawk a.
"I hmaia ka ben hma in thlawk bo rawh" thinrim aw khur veka ka tih chuan
"Amah anih kha min kiss hmasa" zak miahlo hian ati a. A biang te chu a sen tek a,a lai vel amaw. Awihlo lutuk in ka sam ka tuai a. Zosangliana ka melh chuan min tihel zet hian a hmui alo tuai a.
"A fawp hmasa che. Mahse,chhanlet kha i hna a nilo. I unaunu pasal anih hi,hre rawh. Ipa ka call hma in chho rawh" hriam hraiha ka tih chuan ner nawng hian a chho ve ta hram a.
"Engtin nge i theih?" Tiin ka melh chho ha a.
"Enge ka theihloh ang" zak map lova alo tih let chuan ka beng hup chungin ka khek tuarh a. Ka chetdan chuan a thawng hle tih a awmdanah chuan a hriat bawk.
"Engvangin nge i theihloh ang maw. Zosanglian,nupui neilai inih hi,thlaleh maiah i fa alo piang dawn bawk" ka tih chuan
"Ana a ni tiraw?" Engmah thlenglo ang mai chuan a aw-ki chu a dam a.
"Eng chu maw na. Keimah hi asin na chu" tiin ka awm chu ka dawm a. Ka banah chuan rawn hmer chawtin
"Ina amaw. A vawikhat na anih kha,ala intan dawn chauh tih hre rawh. Enge na diktak chu ka hmuhtir ang che" thinrim zeta atih chuan mak ti lutuk in ka lo meng bial pawp pawp a.
"I enge na ve a. Ka nunhlui in maw tina che,ka tawn hnuah che ka rinawmloh san che em,mawh,vawikhat pawh ka la rinawmloh sanlo che asin. Khapa kha maw i thinrim chhan. Ka thianteho khi han zawt rawh,i duh aia tam anlo hrilh ang che" tia ka sawilai chuan ka hnuk a ulh lek lek. Mahni lo maha pi te sun a rilru nat ve nak alaia,thlalak laia a bo pawh tih tawh nen,kha chu ala ngaihdam theih,thil tha ti angah ngai ila. Mahse,Elizabeth-i a fawp erawh a ngaihdam theihloh.
"Tawng ta che. Lusun lai laia min rinawmloh san tur hian tunge inih. Min va hmusit awm ve,i duh chuan Elizabeth-i kha nei rawh" ka tih vak chuan
"f**k!" Tih tuar pahin motor hma chu a beng bur a. Ka phu nghek nghe nghe.
"Eng ang nge anih i hrethiam em. I kalna hmun apiangah i fa pai tu khawlohzia leh lepchiah zia hriat chu,enge a an i hria em. Officer hming pu tawh phawt in i chanchin awihawm tak tak sawia in thlalak dunna dawn ziah hi enge a an i hria em?" Rilru nat hmel taka atih chuan keimahah inthiamlohna nasa tak alo awm a. Mahse
'I fa pai tu' maw ni a. Fa paitu,ni e,chu chiah chu ka ni.
"I hre reng a nilawm ni. Ka nun uluk loh leh khawloh luat vangin kan intawng a nilawm ni. Ka sawi tawh a,tun chiah hi ka sawinawn leh ang. Ka nunah hian mipa 2 chiah ka la mutpui. I sawi officer ho thusawi chu i duh leh awih la. Mahse,ka thusawi pawh thudik a ni,ka pa hmingchhalin chhia ka chham ngam" ka ti ve ta sak sak a.
Kan ngawih reng hnua
"Sex hmang kher lova mamawh in pek tawn dam a tam lutuk" a rawn tih talh chuan awihloh zet hian ka melh a.
"Zosanglian leh" tih bak ka sawi theilo.
"I unaupa der Duha chanchin chu kimchang takin engtik hunah nge min hrilh i tum. Hahh,unaupa a,nu hmunlo pa hranga unaupa. A duh luatah che in atanga chhuah a tum a,ipa in a umzui naah accident in a boral a nilawm ni" ati tuarh a. A tawplam phei chu ka bengah hian a khawk rum rum thei.
Ka inrin hmain ka muttui a rawn baw zawih a. Ka pa kha Uduha a umzui vanga accident maw?. Tinge chu thu chu tunah ka hriat chauh.
"Lemchang lo mai teh malsawm. Dawt min hrilh hnem tawh lutuk" atih leh hmuk chuan ka melh chho ha a. Ka muttui luang chu ka hru tawk a.
"Tah chuan enge thiamlohna ka neih. Min duh lutuk chu ka thiamloh ami,ka thlem ami. Chuti khawpa min rin theiloh te chuan tihian tawp ila a nimai lawm. Lungngai suh,i duh ber i fa chu ka pe ang che. Kan la innei chuanglo a,inthen pawh angailo anih chu,a awlsam ting" ka tih rualin
"Ngawi rawh,hrep tak hian" tih pahin motor darthlalang chu a hnek keh chhuaih a.
Rap zetin a chetdan chu ka lo thlir mawl tawp a.
"f**k f**k!!!!" Tih tuarh tuarh pahin motor bang chu a hnek zui chawrh chawrh a. A kut te chu a thi vek tawh. Ka rap lutuk chu chet mai ngaihna pawh ka hrelo.
"Duhtawk rawh. Zosanglian" ka tih tuarh chuan a aia nasa lehzual hian a hnek leh a.
"Duhtawk rawh,tawp rawh,thih i duh ami i kut a sen vek tawh hi" tih pahin a kutah chuan ka man a. Chutah,a hnek chu duhtawkin a lu ah chuan na zet zet hian a beng vak vak a.
"Zosanglian,duhtawk rawh. Ka hlau ania,min tihlau" tiin ka insut hlawp hlawp a.
Chutah,a chetdan chu tawp thutin leiah chuan a thingthi hnawk a. A samah chuan tham vakin rawl chhuah meuh hian a tap chhuak anih chu. A hmaah chuan thu thla in a hmel chu ka en a,a hmaiah chuan thisen te chu alo kai nuaih tawh a.
"Tinge. Min tihlau ania" tiin ka sawi det det a. Sa pui hliam tuar ang maia rum hrawih in a kut chu a rawn lek chhuak a,min ban mai a tum chu ka lo tawlh dawrh a. Chuta a hmela beidawnna lo lang ka hmuh chuan ka na takzet.
ZOSANGLIANA POV:
(Hahhhaaa..naktuk zan lamah aw
)☆♤☆♤☆♤☆
(Ka rawn comeback zan te ni sia hma deuhah thui tawkkk ka rawn dah ang ka tia. Mahse,dar 9 vel khan dawrah tihtur kan nei thut a,11 vel thleng kan va buai leh a. Min lo hrethiam dawn nia,ka tlai viau mai. Tihian naktuk zingah vai Pathian thawh hmaa thawh leh ka ngai dawn a. Zanin pawh lo promise thawt² hman cheu ila chuan ka rawn dah miahlo ang,inbual pawh ka la inbual hmanloh tak hi
...ka chau emai,bal deuhin ka mu mai ang
)