We Belong Together BY Becca Lnz (Completed)

[Rebec Nunziri]

Chapter-19



Mike Lalruattluanga POV



Nurse in Tluangi damdawi ei tur lei tura min rawn hrilh chuan ka tho chhuak vat a, "U I lo harh tawh maw, engmah I la ei silo a, hei buh hawp hi ei rawh aw, Nu Mapuii'n a siam sak che a nih hi" Duati chuan a u harh a hmuh rual chuan a ti nghal sawk sawk a, "Tikhan lo awm ula damdawi chu ka zuk lei lawk ange" ti a chhuah mai ka tum chu Tluangi chuan "Mate nangmah zawk in zu lei ta che, Mike-a hi biak lawk ka duh" a tih avang chuan ka tawp leh chawt a.




"U a hma pawn ka sawi tawh kha aw, Mike-a hian thiam loh na a neilo a nia" Duati chuan a ti a, a u nen chauh a min chhuah san chu a hreh hmel hle bawk, "Ka hria alawm, chutiang lam engmah sawi ka tum lo, ngaihtha deuh khan min rawn damdawi chu zu lei phawt la, i rawn let hunah buh hawp chu ka ei dawn a nia" a tih leh takah chuan Duati chu a chhuak vat a, "Duati nen kan chanchin I hre tawh tih ka hria, i laka ka zep avang khan min hrethiam dawn nia" ka ti sup a.




"Hun kal tawh a ni a, engmah sawi buai ka tum lo, in in hmangaih na ka hmuh fiah sak zual cheu a sin, mahse ka nau in keimah vanga khatiang thil a ti kha ka rilru a na a, u laktlak lo ber ka nih zia ka hrechiang a, hreawm ka ti em a ni" a tih chuan ka thaw hawk a, "Duati tan hian i hlut zia i hria tiraw, nanghi awm lo ni la chuan Duati hi hetiang dinhmun ah hian a ding kher lovang, fahrah in atang la chhuak in i theihtawp in i enkawl a, i tan a nih phawt chuan engpawh a ti hreh lo" ka ti a.




"Ni e, ka nau a nih vanga fak ka nilo a, mahse Matei hi chu khawvel a ka hmeichhe hriat tawh zawng zawng ah rilru tha leh thianghlim ber a ni, ka hun tawp lam ka hnaih chho tial tial tih ka hai lova, ka kalsan hunah ka nau hi lo dawm ang che aw, mal tak anga a in hriat ka duh lo, theih nise kumkhua in ka kalsan hauh lovang, mahse thih na hi chu kan duhthlan na a ni silo a" tiin a mittui chu a luangthla ngiai ngiai a.




Mipa mah ni ila a natna tawh te leh a rilru put hmang tur ka ngaihtuah a na ka tihpui ve takzet, ka farnu ang chiah in ka en la tih tawh kha, hetiang a awm tur hian ka duh lo a, hmuh pawh harsa ka ti, mahse mipa ka ni a, chak taka ka awm a ngai, Duati te unau chuan in nghah na tur nu leh pa an neilo a, Duati tan mai nilo Tluangi tan pawh hian ka awm reng a ngai a ni, ka ngaihtuah fo thin, an unau in hmangaih na hi a va han chak tak em.




"Tluangi doctor tha ber ber nangmah enkawl tu tur che ka zawng mek a nia, ka hmu vat bawk ang, lungngai reng reng suh, i dam tha leh vat ang, chak takin awm la, beidawng hauh suh" ka tih chuan a nui a, "Nangni chhungkua nen hian kan in hre lovang tih hi ka va han hlau em, Nu Mapuii te chhungkua awm mahse Matei hian a hmangaih em em che a, i nu leh pa te lah mi sual an nilo bawk nen ka thih hunah chuan matei hi in thlah thlam ngai dawn lo tih ka hria a, ka thla a muang" a ti leh.




"A hmaa ka sawi kha i la hria tiraw, ka nau hian nu a nei a, kei lah heti mai hi ka ni tawh a, thisen zawm pui a la nei tih hi i lo hrilh dawn nia, a nu chu eng ang mi pawh nise hriat a phu bawk, khawngaihin a nu chu i lo zawn hmuh sak ngei dawn a nia, keichu cancer hrik hian a ni tel in min en chhe telh telh a, hun rei ka daih tawh dawn lo, a chang chuan engvangin nge hetiang hi ka chungah a thlen bik ka ti thin, thih hi ka hlau lo, mahse ka nau hi kalsan ka hreh em a ni" tiin a mittui bawk chu a tla leh a.




"U..." Duati aw ka hriat rual chuan room ah a rawn lut a, "U min kalsan ngai dawn loh thu i sawi tawh kha, ngatinge khatiang thu te i sawi, ka u neih chhun i ni a, i thi theilo, nilo i thi dawn lo" tiin a u chu a rawn kuah a, an unau chuan in kuah in an tap a, hun thawl an mamawh ting in ka chhuak ta daih, thawk harsa ti zetin ka thaw chhuak hawk hawk a, diktak chuan Tluangi hian dam leh theih na chance a nei tawh lo tih ka hrechiang hle, doctor tha ber pawh in a ti dam thei tawh lo.



Grace Lalthazuali POV




Karhnih chiang chu damdawi in ah kan awm tawh a, ka u chuan that ni reng a nei theilo, in neih na lam pawh kan rilru ah kan pe thei hlawm lo, ka u hetiang hi a ni si a, in neih na lam chu ngaihtuah na chi ah ka ngailo, doctor te chuan min ngaihsak em em a, ka lawm takzet bawk, "Duati meeting kan nei zi chiah a ka lo kal nghal dawn aw, damdawi lei tur te emaw ei chak in neih chuan min lo hrilh la aw" Mike-a chuan phone call hmang in a rawn ti a.




"U, Mike-a a lo kal mek a, ei chak i nei em, kan chah dawn nia" ka u bulah chuan ka ti a, chemo a khai mek a, a sam pawh a tla nasa tawh hle, tunah hian cancer hospital ah kan awm mek bawk, "Ka nei lem lo, lo kal rawh se, in pahnih in biak cheu ka duh hrim hrim" a ti a, eng lam nge min sawi pui a duh ang ka hrethiam lo, ka zawt lawk duh lem lo bawk, Mike-a lo thleng phawt se, kan hre mai ang chu.




Mike-a a lo thleng a, "Lo thu rawh, thil sawi ho lawk ang u" ka u chuan a lo ti vat a, Mike-a chu ka bulah a rawn thu thla nghal, "In in neih na lam hi a nia sawi pui cheu ka duh, karleh leh mai hi a ni tawh a, chuvang chuan in buatsaih a hun viau tawh lo maw?" a ti sep a, "U in neih na lam chu ngaihtuah rih lo phawt ang, han damtha phawt la, kan rel tha leh zawk dawn a nia" ka tih chuan "Chutiang tur a ni ngailo, in in neih tur thu pawh puan chhuah vek a ni tawh a, a ni kan ruat sa ah khan in nei ula ka duh" a ti leh a.




"Duati sawi ang khan in neih na lam chu hmanhmawh lutuk lo zawk ila pawh kan tilo a nia keini lam pawn, han chak tha phawt la, hun a la tam alawm" Mike-an a lo tih ve chuan ka lo pawm pui hle, "Nilo e, keichuan a hmaa in in neih hin tur kan ruat sa ah khan in nei ula ka duh, hma hun hriat a nilo a, tunah pawh ka chak tha alawm, namin kan nghak zel a nih chuan enge thleng dawn kan hre silo a" ka u in a tih leh tual chuan "U, khatiang thu kha sawi ziah suh ka tihkha" lawm lo zet chuan ka lo ti a.




Min kalsan mai tur anga a in sawi hian hreawm ka ti takzet thin, "Ka tihpalh a ni e, mahse in nei vat ula ka duh, Mike ka thusawi chu min pawm pui ngei pawh ka beisei" a tih leh chuan Mike-a chu a bu ta nghut a, Nu Mapuii te nupa an lo kal chuan ka u in in neih na tur vel chu a lo sawi pui leh a, an ni pawh chuan tha an lo ti khawp mai, ka u in neih na a hun taka hman a duh miau avangin kan in buatsaih ta chuk chuk hlawm.a.




"Huiham ka chau lutuk, keichu hetiang a nih chuan pasal neih pawh ka peih lo, in buatsaih naah ringawt pawh ka chau chhe der mai ang" Asangi chuan a ti a, karleh nilai ni mai hi kan in neih ni a ni tawh bawk nen vawin chu kan thian dun leh Mike-a leh thian a a hman tur Malsawmhlua(Msa) te nen kan chhuak hi a, Asangi chu a phun a phun tawh mai, kan chhuah na a la reilo ropui sia, tunah chhun thil kan ei dawn chauh a, chhuah na tur kan la nei nual bawk nen vawin chu a phun nileng leh dawn a nih hi.




"I va han phun peih tak, pasal neih te i lo tum ve hrim hrim a nimaw, mahse i thin a chhe hlik hlek reuh si a, pasal tur i hmuh zawh pawh ka ring lo" Msa chuan a lo ti a, an in melh no lo dun a sin aw, "I chhe ve e, pasal tur ka hmuh zawh loh chuan nupui tur i hmuh zawh bik ka ring lo e, i tawngthei ropui mai si, mipa tawngthei deuh hi hmeichhia te hian kan duh lo tih te hre ve rawh" Asangi lah chuan a lo ti hlak a, Msa chuan engah a ngaih hmel vak loh.




Eitur kan chah lai te chuan an in hnial lova, waiter a kalsawn hnuah an in hnial zawm lehnghal, naupang ang mai, "A ninawm in hnial reng suh u, nupui pasal in hmuh zawh loh chuan tikhan in pahnih in in in nei mai dawn alawm, in in kawp rem phian ang, in tawngthei dun si" ka sawi zawh rual chuan Asangi chuan ka ban ah a rawn beng nghal pawp, "Sawi pawh sawi suh, hetiang mipa hi ka type a nilo, pasal atan maw, awi rapthlak lutuk" uar zetin a tih zawm a.




"I chiang amaw, tunah pawh ka bula awm te chu nuam i tih em kha, min duh lo ang deuh in i awm a, a ruk tak chuan min star tih pawh ka hria" Msa'n nui chunga a lo tih chuan a mer masa ngang mai, "Zam lo maw, ka star aw kawng lo che, khatia i sawi dan ah nangmah zawk hian mino star tu reng zawk a nilo maw?" Asangi chuan a lo ti leh, an in hnial zawm lehnghal a, Mike-a nen in en in kan nui ringawt, an ni pahnih hi in ngaizawng tak tak se ka ti.




In kan thlen chuan ka chau hnap tawh, khua pawh a thik deuh ti tih tawh bawk, Nu Mapuii'n ka u a riah pui dawn avangin damdawi in lamah kal a ngai tawh lo, naktuk ah damdawi in atang ka u pawh a rawn chhuak dawn a, a chhuak dawn han tih ah naktuk tuk leh hi man hlan a nih tawh avangin a rawn chhuak dawn a, a chak that tawh loh vang hian damdawi in kan la chhuah san mai theilo, man hlan zawh hnuah damdawi in lamah kan kal leh dawn, riah erawh kan riak tawh dawn rih lo.




Man hlan ni a rawn thleng a, zing atang kan buai tan, chaw te kan ei kham ah kan in siam nghal vat a, chhun lamah daih man hlan ti mahse hman hma kha pawi ka tilo, kan in siam peih meuh an rawn kal ve nual tawh mai, then leh rual kan kawm tam loh tehlul nen pasal ka nei dawn tih midang in an hriat khan man ei ve loh an hmaih thu te na rawn sawi ve sap sap a, thian tia sawi tur ka neih tam loh nen thian man pawh mi 50 chuang laiin ka man pawh an ei dawn.




Man ei tu te hnenah lehkha te an han sem a, Mike-a te an rawn thlen hnu ah phei chuan min fiam sap sap a, Pa Nuna'n thu a sawi a, kan unau a kan khawsak chhoh dan te a sawi chuan mitthla ah a lang lei uar uar mai, ka u nen a nun kan sual chhoh dan te chu ka mitthla ah a rawn lang let uar uar a, khatih hunlai khan chaw chhum tur no khat lek kan neih loh te kan hlau thin em em a nihkha, kan nun kha awlsam lo mahse kan hlim ve em em thin.




Ka u chu ka en a, a chau hle dawn tih ka hria mahse chau hmel a pu eih lo thung, a nui sang reng a, nalh takin an chei a, damlo pawh a ang lo, man hlan na hun te kan neih zawh vek hnuah kan in kawm khawm mai mai a, kan hlim tiang dar dar viau, chutih rual in ka u chu ka en leh zeuh thin a, a chau lutuk ang tih ka hlau ber, Mike-a chu ka thiante hnenah ka in hmelhriat tir a, an lo hre hlawm khawp mai, ka thiante tia ka sawi hi ka school kalpui te vek an ni a, school ka kal lai khan fahrah ka nih vangin chhaih nawm nah ka tawk nasa thin hle.




An ni ho hian min chhaih ve ngailo, ka thlavang an hauh em em thin zawk, mahse zirna te na han chhunzawm a, kei ka chhunzawm ve theih tak siloh ah kha chuan in kawm reng a harsa ta kha a nia, an vai maiin an hlawhtling hlawm em em a , an phu ka ti, an fel ngai reng in an la fel bawk, thian nei vak lo anga ka lo in ngaih na zawng zawng kha an ni hian min tih reh sak vek, an ni hi ka thian mai nilo ka thian tha te tia ka sawi theih te an ni.




Chaw ei nan a la hma avangin kan in kawm ho a, kan in hmuh loh na a rei tawh hlawm nen sawi tur pawh kan ngah viau, school kan kal lai te chu an sawi chhuak a, "U Mike, Grace-i ah hian a englai ber nge i duh chhan?" Sawmi chuan a rawn ti chhuak hlawl a, "Ka duh chhan ber sawi tur ka hrelo, amah a nih vang hian ka duh ti ila ka sawi sual lo ber ang" Mike-an a lo tih chuan an lo ehh dual a, thawm pawh a tha ham ham viau.




"Grace-i hi school kan kal lai chuan a luck thei teh mai a nia aw, hei kan thianpa pawh hian a star thei lutuk mahse a zei vak lo nge ni a chhai thlu thei hlawl lova" tiin Hriatzela chu an en a, "Naupang rilru put hun lai a nihkha, khatiang hun kal tawh a nia, sawi chhuah chi pawh a ni tawh lo, hei a pasal tur a awm ve reng a, chumai nilo keipawn bialnu ka nei a, hei ka bialnu te hi ka lakah a lungawi lo ang tih ka hlau a nia, ka ngam loh zia in hriatchian kha" Hriatzela'n a tih chuan kan nui hak hlawm a, Mike-a pawh a bang bik lo.




"Ruata hi a rawn kal ve hman silo a, in in neih naah chuan rawn kal ve a tum ruh viau kha aw" Hriatzela bawk chuan a ti leh a, ka lo bu zeuh, a hma khan min rawn hrilh tawh, a ni nen pawh kan in hmuh loh na a rei ve leh tawh khawp mai, chaw ei a hun chuan upa lam in an ei hmasa a, keini chu a hnung kan dawl, chaw ei lai pawh chuan kan la bengchheng chhunzawm zel a, an bula ka awm loh na a rei tawh bawk nen kan han in kawm ho leh chiah chu nuam ka ti takzet.




Chaw ie khan hnuah chuan an haw ta hlawm a, kan thlah thlap, "Ka lawmpui lutuk che, school kan kal laia i harsatna tawh zawng zawng te ka ngaihtuah let a, ka lawmpui lo theilo che, Mike-a lah sawn a hmangaih hmel che sia, nupa hlim tak ni turin ka duhsak cheu, chutih rual in i u chanchin kha pawi ka ti takzet, engpawh chu nise hlim takin awm zet tur che in ka duh che a nia, tunah chuan i thiante i bul hnaiah kan awm reng tih hria la, harsatna ni tawh chuan tumah hi min rawn pun hreh suh aw" school ka kal laia ka kawm ber thin Puipuii chuan a ti a.




"Ka lawm e, in bulah ka awm a, ka thawveng huai mai, in neih ni ah mawi deuh in in lo kal dawn a nia aw, kan heti teh nuai bawk sia, ka nulat lai pawh ka thlah dawn lo, engpawh chu nise pasal i neih ve hunah kan lawm mai dawn nia" ka tih chuan "Tehreng mai" nui hak chungin a rawn ti a, a ni hi chuan mipa lam hi a ngaihsak vak lova, tun thleng in bialpa tia sawk tur a la neilo, pasal chu a la nei har ve ngawt in ka ring.




"I thiante chu an fel kha, thiantha tak an nih ngei ka ring" ka thiante an haw fel hnu chuan Mike-an a rawn ti sup a, "Ni e, an fel a sin, kan in hmuh loh na a rei tawh sia, kan han in hmu chiah chu ka tan an hlut zia ka hriat chian phah" ka ti a, "Duati naktuk zanah party kan siam dawn em ni, Msa khan a sawi ri deuh a, Asangi nen an lo ruahman deuh a ni awm e, an in ngeih loh nen party a awm dawn chuan an in lungrual khawp mai" tiin a nui hawk a.




"Pawi cu ka ti hran lova, mahse a tuk mai in neih a ni tawh sia, kan chau lutuk ang tih te a hlauhawm loh maw, bakah ka u hi" ka ti sep a, "Ni e, a nih chuan party chu cancel phawt mai ang aw, kan in neih hnuah party lian tham deuh kan la buatsaih zawk dawn a nia" a tih takah chuan ka hnial ta hran lo, inchhung ah kan lut a, Pa Tluanga te pawh nichin mai khan an haw tawh bawk, "U i chau viau em?" ka u bula va thut pah chuan ka ti a.




"Chau lo e, nuam ka ti lutuk" a lo ti sap a, "I duh chuan lo va mu hahdam daih rawh aw, tu vak mah an awm tawh chuang lova" ka tih chuan "Ni e, lo va hahdam rawh, naktuk ah damdawi in lamah te kan kal a la ngai dawn sia, i chau lutuk palh ang" Nu Mapuii'n a rawn tih takah chuan ka u chu room lamah ka phei pui a, a in thlak hnuah darthlalang hmaah chuan a thu a, a taksa te chu lang khawp in a cher tawh hle, a sam bu nalh zet pawh hmuh tur a awm tawh lo.




"Ka sam hi min han khuih sak la, a pheng ngawt in ka ring" a tih chuan samkhuih chu ka la vat a, dim takin ka u sam chu ka khuih sak a, "Ka va han hlim em vawin chu, naupang te emaw ka tih lai che in pasal i nei ve mai dawn chu a ni sia, ka mumal a ang rum rum alawm, engpawh chu nise hlim reng la ka duh a nia" a ti sap sap a, "Awle, ka bulah awm reng la, ka hlim a nimai" ka ti sep, ka u sam ka khuih na lai ka en chu a sam hlawm liam lutuk chu ka khuih tla a.




Ka en reng, ka hnual nghal rawih, a natna hi ka mumang mai mai a nilo tih ka hriat fiah leh zual phah, mumang mai nise ka va han ti tak em, "Mate enge ni a, ngatinge i tawp daih?" ka u in a rawn tih rual chuan ka in siam tha vat a, a sam tla chu a hmuh hlau zetin ka hum bo nghal, "Engmah a nilo, thil dang daih ka lo ngaihtuah a" ka ti buh nuai a, chutah ka u chu rawn in her in ka kut chu a rawn en a, "Enge i hum kha, ka lo en ange" tiin ka kut chu a rawn la a.




A sam tam tham zet a tla tih a hmuh chuan a en reng a, ka u awmdan chu ka lo en ve reng bawk, a sam hi a enkawl uluk thin si a, ka tan pawh hmuh a hreawm a nia, a tan phei chuan hmuh a hreawm zual dawn tih ka hria, "Hetiang te chu a thleng dawn tih ka hria alawm, i zep kher a ngailo, Mate i bulah sawi ka duh hrim hrim a, Mike-a nen han in nei zo phawt ula, ka sam hi ziah mawlh ka duh a ni" a tih chuan "Mahse" ka lo ti vat.




"Nakin lawk ah a la tla vek dawn tho a, diktak chuan hetiang hmuh hi hreawm ka ti, chuvang chuan ziah kawlh law law ka duh a ni" a tih leh chuan ka ngawi ta reng, ka awmdan chu hrethiam in "Hreawm tih phah nan hmang suh, nakin ah tuna ka sam ai tha hian a rawn to leh dawn alawm, ka sam te chu a thang duh zia i hriat kha, reilote ah hei ai sei hi a ni leh mai ang" tiin a nui sang a, ka mittui tla tur chu ka dang hram hram.




"Ka khuih zo tawh a, lo mu hahdam rawh aw, in leng an la awm ve nual sia, ka va chhuak ange, Mike-a pawh a la haw lo" tiin rang zetin room atang chuan ka chhuak a, "E.. kha i lo chhuak ta maw, I u chu a muhil nghal a mi?" Nu Mapuii'n a rawn tih chuan "La muhil lo e, a muhil vat mai ang" ka ti sep, ka awmdan chu a hriatthiam loh hram ka beisei, Mike-a chu ka zawng kual a, sitting room ah Nu Mapuii unaunu te nen an lo thu ho ka hmuh chuan ka va pan vat.




"Kha i lo chhuak ta maw, Mike-a hian a lo zawng che a" an lo ti a, Mike-a chuan chik zetin min en tih ka hria, a bulah chuan ka thu thla a, "Asangi hi khawiah nge a awm a?" ka tih chuan "Msa nen dawr ah an kal a nihkha, an lo let hunah haw mai ka rilruk a" a tih chuan ka bu zeuh a, Asangi te pawh an rawn let har lo, "Kan va haw phawt ange, in neih ni ah kan in hmu theuh dawn nia" upa ho bulah chuan Mike-an a ti a.




Pawn ah chuan kan chhuak a, Msa chu motor dah na lamah a kal nghal, "I awmdan a va diklo ve, engkim a tha vek maw?" Mike-an a tih chuan ka kuah a, a awm ah hmai phum in ka thaw hak a, "Ka u in a sam ziah kawlh a duh thu a sawi a, a sam hi a enkawl uluk thin em em a, tunah hetiang dinhmun ah hian a ding leh si a, hreawm tilo angin awm mahse a mit ah khan natn ka hmuh sak thei, chu chuan hreawm min tih tir hle bawk" ka ti sep.




"Duati, I u tan chak taka i awm a ngai a nia, nakin ah a sam chu a hma ai tha in a rawn to leh dawn alawm" a tih chuan ka nui sak a, "Ka u sawi ang chiah in i sawi, eng emaw laiah hi chuan in in ang thin ka ti" ka tih chuan a nui nghawr dawt a, "Ka u hian min kalsan lovang tiraw,, keichu ka hlauthawng a ni, ka u hian min kalsan mai ang tih ka hlau, a ni tel in a natna hian a taksa a khawih chhe zel tih lah ka hriat hmaih silo" ka ti leh hap a.




"A kalsan ngai lovang che" tiin ka chal ah a rawn fawp zeuh a, "Ka lawm e, nanghi ka tawng lovang che tih ka hlau takzet a ni, a tir ah kha chuan kan in tawng hi ka in chhir em em a, mahse tunah chuan ka hrethiam tawh, ka tan chuan vantirhkoh ang i ni, ka chak lo lai ber pawh in ka bulah i awm tlat a, ka nihna leh ka dinhmun hre reng chunga min dawn kan na hi ka theihnghilh tawh ngai lovang" ka ti leh a, ka chhinhril taka sawi ka ni bawk.




"Nang ka tawng che hi khawvel a ka thil tawn that ber i ni, Pathian hnenah pawh lawmthu ka sawi fo thin, ka damchhung zawng a i bula nun hman ka duh bawk, kan pahnih in hlim takin, kan hma hun ah enge lo thleng dawn chu hrelo mahila kan pahnih a kan tan dun tlat chuan kan paltlang thei zel ang tih ka hria, hreawm na te rilru natna leh harsatna ten kan damchhung chuan min hual reng dawn, chuthil lo thlen hunah pawh chuan i bulah ka awm tlat ang" a ti nghet leh charh a.




...


Nu Mapuii te nupa nen ka u chu damdawi in lamah kan kal pui a, thisen pek a ngaih vang a ni, naktuk in neih a ni tawh a, chau taka a awm kan hlau ber, Pa Nuna'n naktuk ah ka u tan bik liau liau nurse a lo be fel vek tawh bawk a, a chungah pawh ka lawm takzet, ka u thisen an khai sak lai chuan a bulah kan awm ve reng a, unit thum an pe dawn a, vanneih thlak zetin awlsam takin kan hmu a, Mike-a hmelhriat ten an rawn donate a ni.




"Duati damdawi in ah ka rawn kal a, khawiah tak nge in awm?" Mike-an a rawn tih chuan kan awmna chu ka hrilh vat a, rawn kal a ngaih loh thu ka sawi sa vek sia, "Damdawi in luh dawn naah khan ka lo nghak ang che" tiin ka u awmna atang chuan ka chhuak a, Nu Mapuii leh Pa Nuna te pawh an hmelhriat damlo an awm ve tho avangin an kalsawn a, ka u chu ka chhuahsan rei dawn loh avangin ngaihthat loh na em em pawh nei lem lovin ka kalsan.




Nurse pakhat nen kan in tawk a, "Sawtah sawn ka u a awm a, ka kalsan lawk dawn a, mino ngaihven sak rawh aw khawngaih in, ka rei dawn lo" ka ti a, mask a vuah avangin a hmel ka hmu chiang theilo, aw ka a min chhang lovin a bu zeuh a, ka kalsawn lehnghal, Mike-a nen kan in hmuh rual chuan "I lo chhuak kher duh a nihkha, tunge i u awmpui?" A tih sup chuan tuman an awm pui loh thu in ka chhang a.




"Parking lot ah khan Lalhriatzuali scooty ka hmu a" a tih chuan "Aw... Mi a kan ve dawn aniang chu" ngaihthat loh na em em pawh neilo chuan ka ti liam puat a, "Duati, a mizia chu i hriatchian kha" a tih tak sup ah chuan ka ngaihtuah let a, nichin a nurse ka tawh hnu kha a awmdan a danglam riau in ka hria leh hnuhnawh, "Nichin khan nurse pakhat nen kan in tawk a, mahse a hmel ka hmu chiang lo" ka ti sap.




"Nurse maw?" A tih chuan ka bu nghauh nghauh a, ka ngaihtuah let a, Lalhriatzuali nen an in mah lutuk tlat, nichin khan ka lo en liam puat a, mahse ka ngaihtuah let hian amah a ni tlat in ka hria, "Hriatzuali a ni tlat in ka hria" ka tih rual chuan hmanhmawh lutuk in ka u awmna lam chu kan pan a, thisen pe tur mai mai mah nise midang nen an awm ho vak hian a chauh thin avangin cabin ah kan awm kha a nia, ka u chungah thil ṭhalo a thleng a nih chuan ka in thiam thei tawh ngai lovang, ka u room chu Mike-an a hawng a, ka thil hmuh avang chuan ka au chhuak nghal that.

Cont....


Click leh comment a that chuan naktuk zanah a awm lehnghal ang aw...

[Rebec Nunziri]

Chapter-20

Nizan lamah server a down vangin WhatsApp group lamah zawm turin ka dah a, zawmna ka type hman veleh ka type zung zung a, ka lo dah nghal aw..

Grace Lalthazuali POV



Mike-a chu rang lutuk in room chhung ah chuan a pen lut a, Lalhriatzuali chente ken lai chu a phih thla nghal sawk, ka u bulah chuan ka kal hnai vat thung a, "U.. engtin mah i awm lo tiraw, a ti na hman che em?" hlauthawng zet chuan ka ti a, "Na hman lo ve, engtin mah ka awm lo" ka u in a tih sep takah chuan ka thaw huai mai, lo tlai deuh ni ila chu ka u chungah hian enge thleng ang ka ngaihtuah ngam lo, Lalhriatzuali chu ka en a, Mike-an a man beh na atang chuan tal chhuah a lo tum ve ngat ngat.




Ka thinrim lutuk chu ka pan hnai mawp mawp a, a hmai ah chuan ka beng nghal pawp, "I va rapthlak ve, engtinge ka u chungah hetiang hian i chet ngam zawk?" ka ti that a, "Enge ka ngam lovang, nang hian ka mipa hmangaih min chhuh sak a, i tan a hlu em em dah bo sak che ka duh tihna a nimai, engmah tih sual ka neilo" tiin a nui uar uar a, he hmeichhia hi mihring pangngai pawh a nilo, a kaw chhung ah ramhuai a lut hial in ka hria.




"I a takzet tawh a nih hi, nang ang hmeichhia hi chu mihring pangngai bul a khawsa chi in nilo, i thiltih man hi i hmu dawn khawp alawm" ka tih hnuah Mike-a chu ka en a, "Doctor lo va ko hmasa phawt mai rawh" a tih takah chuan ka chhuak vat a, helai hmun a doctor hi Mike-a nen an in hre tha bawk a, engkim kan hrilh nghal vek, Lalhriatzuali chu a en a, a rap hmel ve hle, "A va rapthlak ve, hetiang thil hi engtinge kan damdawi in chhung ah ngei a rawn tih ngam?" lungawi lo zet chuan a ti ve hluk a.




"Ka pa te pawh an lo kal mek a, Lalhriatzuali chhungte nen an rawn kal ang, vawin ni ngei hian engkim tihfel a hun tawh, hetiang reng chuan he hmeichhia hi kan tan a la hnawk sak dawn chauh" Mike-an a ti sup, Hriatzuali chu a au nasa hle a, pawn lam a mi te pawn an hre vek tawh ang, mahse kawngka kan kalh tlat avangin tumah an rawn lut theilo, "Damdawi in a ni a, hetiang chuan midang kan ti phawk lek lutuk dawn tlat" Doctor chuan a ti a.




"Damdawi eng emaw pek tur a awm em, a tam a hlauhawm thei nilo" Mike-an a tih chuan "Awm chu a awm ngei a, mahse hetiang thil hi kan ti ngawt theilo ang, dan phal loh thil a ni tlat si a" doctor in a tih leh chuan ka thaw hak a, "Ngawi rawh, hetiang thil i tih hnuah zaklo takin i la awm ngam amaw, hmeichhe rapthlak lutuk" Doctor chuan Lalhriatzuali en pah in a ti hmuk, "Zahna chhan tur ka neilo, engmah tih dik loh ka neilo" Hriatzuali bawk chuan a ti leh a.




Doctor ber pawh chuan tih ngaihna a hriat loh hmel hle, Mike-a chu en in "A rilru a chiang chiah lo niin ka hria, enkawl na a dawn vat loh chuan amah leh amah pawh hi a in tih nat duh mai ka ring" a ti ta sup a, keipawh chu chu ka ngaihdan chiah a mi, a awmdan atang hian mi pangngai chu a nih hmel chiah loh alawm, thutthleng ah chuan a thu a, a chang leh a hawi kual chhen a, tlan chhiat tum hmel pawn a awm lo hrim hrim.




Nu Mapuii te an rawn let a, Lalhriatzuali an hmuh chuan mak an tih hmel hle, "Enge thleng, pawn lamah sawn mi an tam bawk sia, thil ṭhalo a thleng emaw kan ti alawm" Nu Mapuii chuan a rawn ti a, thil thlen dan te chu ka lo sawi zung zung a, Pa Nuna chuan chek tlak tlak pah in "Chu thil pawi a va thleng hman teuh ve aw, keini pawh kan lo chhuak daih a ni, a zialo hle mai" a ti sup, Nu Mapuii pawh chu a in thiamlo hmel hle, an ni thiam loh hi a awm lo hrim hrim, keimah vang vek zawk hi a ni.




"In thiam loh a awm lo, keimah vang zawk hi a lo, lo kalsan miah lo tur ka nia" ka ti sep a, ka u chu a chauh deuh avangin a muhil leh tawh, a taksa a chak that tawh loh thu ka sawi kha, nichin khan a hlauthawng hle ang tih pawh ka hria, chuti chung chuan a in ti harh lui thei thlawt lo chu a nih ber hi, Pa Tluanga te nupa leh Hriatzuali nu leh pa te chu an lo thleng a, thil thlen dan vel kan sawi chuan an ni pawn mak an ti a, Hriatzuali nu leh pa phei chuan an fanu chu rilru nat hmel takin an en ngawt ngawt ringawt..




"A va rapthlak ve, thil pawi zawk a thleng hman lo erawh a vanneih thlak a nihchu" Nu Hlutei chuan a ti sep a, ka u chu a va en a, "A chau viau dawn a nih hi, Machhing in fanu hian thil rapthlak tak tih a tum tih in hriatthiam ngei ka beisei, Grace-i hi kan mo nilo kan fanu tur a ni a, Tluangi pawh hi kan fanu ang tho a ni bawk, chuvang chuan kan ngawi liam mai mai dawn lo tih in hriat ngei ka beisei" a ti chang ta fak a.




"Engmah tih sual ka neilo ka tihchu, Grace-i u pawh a thi chuang lo a nilawm ni, engvangin nge hrem na chu ka hmuh anga?" Lalhriatzuali chuan rawn tiin a nui sawng a, "Ngawi hmak rawh, i thiltih sual i hrelo amaw, kan hriat tir che ange" tih pah in a pa chuan a thutna atanga phih tho lawp in a hmai ah chuan a beng nghal sawk, a beng na bawk a, Lalhriatzuali ngei pawh a au that mai.




"Helai hmunah chuan damlo a awm si a, hetiang a chet chu a ṭhalo e, keini lam pawh hian hetiang thil thleng hi kan en liam mai mai dawn lo tih hria ula, ka pa ka hrilh tawh a, a rawn thleng tep tawh in ka ring, ka office lamah kan phei dawn em ni, Grace-i tiraw, I u hi chu ngaihtuah suh, nurse ten an lo awmpui thei ang" Doctor in a rawn tih chuna ka bu zeuh a, room atanga kan chhuah dawn te chuan Lalhriatzuali chu a tang nasa khawp mai.




"Lalhriatzual, tha takin awm rawh, a nih loh chuan kut ka thlak leh duh mai ang che, zahpui awm lutuk" a pa in a rawn tih chang fak takah chuan a tang ta vak ngam lo, doctor office lamah chuan kan kal a, he damdawi in an ta a ni bawk a, a office pawh duh ang thal in a zau tha, "Ka pu in fanu awmdan ka en hian a rilru lamah chian loh na a nei tlat in ka hria, rilru lam doctor ka nih loh avang hian chiang takin ka sawi ngam chuang lo na chu, Doctor Manuna a rawn kal dawn a, a ni hian en se a chiang mai in ka ring" doctor in a ti a.




"Chutiang chu a ni dawn em ni, kan fanu hian hetiang dam loh na hi a nei thei dawn em ni?" A nu chuan a ti sep a, a fanu chu rilru nat hmel takin a en a, an in a kan kal a a awmdan kha chuan a awm tawh biklo, "In fanu thiltih hi a rapthlak lutuk, nun na lak a hreh miah lo te hi a mak ka ti hial zawk, rilru lama dam loh na a nei a nih chuan enkawl vat a tha, a nih loh chuan hrem na hmu turin jail lamah tal a awm a ngai a nimai" Doctor bawk chuan a ti leh a.




Thil hrang hrang chu an sawi khawm a, Hriatzuali nu leh pa te pawh chuan an fanu thiltih sual an hre chiang a, hum an tum biklo, chutih rual in thil pawi em em a thleng hman lo hlauh zawk a, doctor sawi ang tak tak khan Lalhriatzuali hian rilru buai na a nei a nih chuan enkawl vat a ngai ngei ang, keimah tak phei hi chuan ringhlel mai ni lovin a ni tih ka chiang, a awmdan ah hian a pangngai zan lo tih chu a hriat vek alawm.




Doctor Manuna an tih chu a rawn thleng a, Hriatzuali awmdan chu a en vang vang a, an thian dun chuan eng emaw an sawi sup, "A fal in kan be dawn em niang?" a tih takah chuan pawn lamah kan chhuak ta dial hlawm a, a result nghah kher ka duh loh avangin ka u awm na lamah chuan kan kal ta daih, "U I lo harh tawh maw, i chau viau em?" ka ti sep a, "Chau lo e, Hriatzuali kha khawiah nge a awm tak?" a ti a, "Doctor ten an endik mek a nihkha" Nu Mapuii'n a lo ti vat.




"A awmdan kha a chiang lo riau in ka hria" a mo ti ve chiah a, "A nia lawm, chuvang a nia Doctor in a en mek ni, khatiang hmeichhia kha chu a rapthlak emai, kan chhung hnai a ni ang tih te reu reu a hlauhawm alawm, a nu leh pa te pawh khan hreawm an tih hmel si a, engpawh chu nise an lainat awm khawp mai" Nu Mapuii bawk chuan a ti leh a, ka u pawh thisen an khai zo tawh bawk a, kan la haw mai lo thung.




In kan thleng a, vawin kan thil tawn te nen ka chau vek thei, Asangi a lo kal velo a, thil thlen dan te ka hrilh hnuah chuan a thinrim ve hle, "Khatiang hmeichhe rapthlak lutuk a, a va han zaktheilo em em, rilru lamah buai na nei pawh lo nise hrem na chu a hmuh ngei ngei a ngai tho tho ang, hetiang ringawt in kan en liam tur a nilo hrim hrim, a nu lah kha.." tia a an bawrh bawrh lai chuan "A chhungte chu an in thiam lo lutuk alawm, engpawh chu nise a lo chiang lo tak tak em tih te pawh han hre ve phawt ila" Pa Nuna chuan a lo ti sup thung.




"Engpawh nise khalam ah kha chuan rilru ti buai rih lo ang u, naktuk in neih a ni tawh a, tihtur pawimawh tih hmaih kan lo nei em tih te kan ngaihtuah zawk a ngai a nia, naktuk ah phei chung a tih ngailo turin" Nu Mapuii chuan a rawn ti ta a, nia thil pawi em em a thleng hman lova, chutih rual in ka hlauhthawn na erawh a ka reh theilo, ka in thiam lo na chuan min la luah khat hneh hle bawk, Lalhriatzuali mizia ka hrechiang ve tawh hle emaw ka tia, mahse ka rin ai daih in a lo nasa a ni.




Zan ah chuan ka muhil thei mai lo, ka helh hawlh ni ber in ka hria, Asangi pawh chuti tho, "Aw.. naktuk atang chuan Nula Grace Lalthazuali ni tawh lovin Pi Grace Lalthazuali i ni tawh dawn a nia aw, i phur tawh em?" a rawn ti a, "Ka hrethiam lo, a... ihmaw, ka phur na leh phur loh na hi a in zat reng, ka hlauthawng bawk sia" ka tih sep chuan, "Enge i hlauhthawn, Mike-a hian a hmangaih zia che i hria a nilawm ni, a chhungte lah in an ngaihtuah em em bawk che a" a ti malh malh a.




"Chutiang lam pawh a nilo, ka u zawk hi a ni, a natna hian a ni tel in a taksa ah hna a thawk nasa telh telh tih lah hai theih a nilo a, min kalsan mai hi ka hlau" ka tih chuan "Lungngai reng reng suh, Mike-an doctor tha tak a hmuh sak a, a dam tha leh vat dawn alawm, a eng zawng in thlir tum hram hram rawh, Pathian kan nei a, a ni chuan tih theih loh a nei hleinem" ni e, Pathian ah lo chuan in nghah na tur kan neilo.




Doctor te pawh an beidawng tawh a, Pathian hnenah nitin zantin kan in hlan thar a, ka u pawh hi a dam leh ngei ngei ang tih ka ring tlat a ni, hmuh theih in a taksa chhiat tawh zia lang chiang mahse keichuan beisei na ka la nei fan a, kei mai nilo kan laina hnai te chuan ka u hi a dam ngei an beisei vek a, bang lovin min tawngtai sak tih ka hailo,, chu chuan ka thla a ti muang hle bawk, a duh ang ngeiin in neih na kan kal tlang pui dawn bawk a, Mike-a nen kan in neih na hian hun tha dawn in her chhuah pui mawlh teh se.




Zing khua a lo var a, kan buai map map khawp mai, ka in bual fai vek hnuah min chei a, dar 12 ah kan in neih dawn avangin chet zung zung a ngai, kan in peih fel meuh chuan dar 10 a pel tawh, thlalak na te kan han nei hmasa te te a, Asangi pawh nalh tak a ni, thla te kan la dun a, kan unau in kan la ngun hle bawk, ka u pawh an chei uluk bawk a, a dam lo tih a hriat miah loh, vawi chu kan zavai in kan hlim ni a ni ringawt.




Ka helh hawlh bawk nen chaw pawh ka ei tam lo, ka ril pawh a tam em em hran lo, mopa thianpa Msa'n min rawn lam a, biakin lam kan pan lai te chuan Asangi nen an in hnial leh reng tawh mai, keichu ka zam lutuk vangin ka tawng ve miah lo thung, rehearsal chu nei tho mahila ka che khawlo ang tih mawlh a mi ka hlauh ni, biakin kawt ah chuan motor a ti ding a, rin aiin kan in neih na min hriat pui tura lo kal khawm pawh an tam.




Mike-a te chhungkua hian vuah leh vang an nei tam tih chu ka hre tho a, keini lam atang pawh kan tam khawp mai, ka sawi hmaih theih miah loh vawin a zahawm taka pasal ka neih theih na chhan hi Nu Mapuii te chhungkua vang a ni ka tilo theilo, an ni hi awm lo se zawng hetiang zat keini lam atang hian rawn kal tur an awm hauh lovang, motor atang chuan kan chhuak a, puan ka bih avangin han buaipui em em ka ngai hran lo, chutih rual in ka kawr hak hi a hnunglam atang a mo kawr ang deuh tura design a nih vangin lei a thleng tep thung.




Hall chhung a luh nan a la hma deuh avangin chowkidar te in ah kan awm a, "Minutes 10 a la awm aw, kan mopa ber tur chu a phur surh surh tawh bawk a, rei a ti viau tawh maithei a ni" Msa chuan a ti a, "An in ang lo ve khawp mai, Mike-a a phur em em laiin Grace-i lah a zam em em a" Asangi pawh chuan a lo ti sup a, "Zam reng reng suh, mipui lam chu parbawr hmuh in hmuh vek i tum dawn nia" awlsam zet hian Msa lah chuan a ti a.




"Mihring ni na na na engtinge parbawr hmuh in a hmuh anga, I va han kawlo tak" Asangi lah chuan a lo ti hlak a, "Engmah lah hi i hrethiam ve silo a, i mawl ang ang hian a thin suh" Msa lah chuan a lo ti duh leh chauh, ka u chu a rawn kal a "Luh a hun tawh dawn a nia i in peih maw?" A rawn tih chuan ka tho vat a, "Aw.. ka in peih e" ka ti sep, ka awmdan ah chuan ka zam tih a hriat hmaih ka ring lo, min en vang vang hnuah a nui sang a, a mit ah chuan a hlim zia ka hmuh hmaih bik lo.




Hall kawt ah chuan kan ding a, "Zam reng reng suh, mo kawr ha lo mahla, mo hmeltha leh nalh ber i ni" ka u chuan a ti sap a, a kut cher riak mai chuan ka kut chu a rawn vuan a, hall chhung ah min kai lut dawn a ni, Pa Nuna min kai lut turin an ti kha a nia, mahse Pa Nuna ber in ka u hian min kai lut turin a duh miau si a, keipawh ka duh dan chiah a ni bawk, "Kal ang le, ka sawi kha hre reng la" ka u in a rawn tih takah chuan thaw chhuak hawk in hall chhung lamah chuan kan in kai lut a.




Mipui lo kal khawm te chu ka en kual a, nui sangin min lo en hlawm, an zavai mai chuan min duhsak in kan hlim ni min tawm pui tura rawn kal an ni tih an hmel ah a hriat ngawih ngawih in ka hria, Mike-a ka va en chuan mit tla lek lo hian min lo en a, min en lai lek lek, ka nuh seih a a bul kan thlen chuan "Ka nau hi hlim tak leh tha taka i enkawl ka beisei" ti sep in ka u chuan Mike-a hnenah ka kut a hlan a.




In ngaih thutiam te chu thinlung leh tih tak zetin kan chham a, Pastor in nupa kan ni tih a puan chuan ka mumang emaw ka ti zawk hial, tunah chuan ka mipa hmangaih tak nen pum khat kan ni be ta, kohhran hriatpui na ngei in, pawn lamah kan chhuak a, duhsak na min hlan tu pawh na ṭhahnem khawp mai, thlalak na te kan nei leh a, a rei bawk si, pheikhawk sang ka bun bawk nen ka ke a kham vek tawh, mahse hreawm ka ti phal lo.




"I ke a kham tawh em, kan ding rei tawh sia" Mike-an a rawn tih sup chuan "Kham ve tawh reng, mahse a pawilo, ka tuar thei" tiin ka nuih var var a, "Rei a ni tawh lovang, i nalh takzet a ni, tunah chuan ka nupui i ni tawh a nia, min kalsan tum mahla i thei tawh dawn lo, ka thang ah i awk tlat tawh" a tih chuan ka nui hak a, "Thaibawih turin in ruahman lawk la a nimai, ka thu i awih loh chuan hreawm i ti viau ang" ka tih chuan kan nui dun a.




"Mo leh mo neitu te kha thlalak na lamah rilru pe ila, hun a la tam ania, zan lamah in sawi duh ang chu in sawi zawk dawn a nia" thla la tu in a rawn tih takah chuan ka zak takzet, mipui ho lan chu an lo nui dar dar a, midang hmuh lovin Mike-a chu ka sik vak ringawt, a ni lah chuan zak hmel pawh zu pu eih lova, thla te kan lak zawh hnuah joint reception programme a la awm avangin hall lamah chuan kan lut leh a, cake cut na leh thil hrang hrang tih na hun te kan nei leh, kan hlim tlang dar dar viau.




Ruai te kan han theh zo a, Mike-a te in lama ka lawi nghal mai dawn avangin Pa Nuna chhungte in lamah kan kal hmasa te te a, pazawn ka nei lem lova, Pa Nuna chhungte hian keini kan awm alawm an tih vang a ni pakhat, bakah khaw hran kan ni lem lo bawk a, a ngai ka ti hran lo, mi kan tam bawk a, kan ri ve laih laih mai, Mike-a nen text hmang in kan in be reng a, a chang leh ka nui leh var var zel, "Engtik ah nge in lo kal dawn, kan nghak reng tawh cheu a nia" a rawn ti chhen bawk, nichin lawk ah pawh kan la awmdun reng sia.




Mike-a te in lam kan pan lai chuan an zai mup mup a, hetiang tak hian ka pasal neih ni ah min tawiawm tu an tam ka beisei ngailo, min zui tu pawh an ṭhahnem ngang mai, thawm pawh a tha ham ham viau, lawichal chuan Mike-a te chhungkua chu a din tlat tir a, a thil duh a sawi chuan kan nui dar dar hlawm mai, zai turin a ti a, "Kan fanu in lawm luh nan Kan run lo mawi la tih hla kha han sa teh u khai" a ti a nihkha, tih loh theih ni hek lo le, Mike-a ber ber chu zai ring ah A tang a, kan nui nasa hle.




Lawichal chuan ka lawi luh nan phal na a pe ta a, Mike-a nu leh pa nilo ka nu leh pa te chuan lawm takin ka in thar ah chuan min kai lut ta a ni, hun serh te kan han hmang leh a, lawmpui na thil pek tamtak kan dawng bawk, Pathian in kan phu loh malsawm na in min vur a, a chungah lawmthu sawi mawlh mawlh tur kan ni tih hi vawin ni hian ka hriatchian leh zual phah hle, ka school kalpui te pawn min tawiawm thlap a, lawmpui ta thil pek tha tak min pe bawk, hetiang tak hian ka thian nih an tlin ang tih ka ring pha ngailo.




Ka u te an haw dawn chuan ka lung chhe lek lek, pawn thleng chuan kan thlah a, "Mate vawin atang chuan chhungkaw thar I nei ta a, an tan harsat na thlen tu nilo in malsawm na leh hlim na thlen tu nih i tum tlat dawn nia, keichu min ngaihtuah lo la, ka tha a nia, i hlim ka duh ber" a ti sap sap a, "U.. lo zui haw ve leh daih mai cheu ka duh" hnuk ulh ru tak chung chuan ka ti sap, ka u chu a nui sak a.




"Chutiang chu thil tih chi a ni tawh hleinem, Mike-a hian a hmangaih em em che a, a chhungte pawn fanu ang chiah in an en che tih ka hria, i hlim anga, nuam i ti dawn lutuk, keichu Nu Mapuii te an awm a, min ngaihtuah reng reng suh aw, saw in pa pawh a rawn kal saw" tiin ka hnunglam chu a melh zeuh a, "Vawin lam chu I chau awm si a" a rawn ti nghal sup, "Chau lo e, nuam ka ti lutuk, ka nau hi i kut ah ngaih ngam takin ka hlan tawh che a, tha takin i lo enkawl dawn a nia" tiin keichu min rawn em leh a.




"Kan kal ange, naktuk lamah kan in be dawn nia, nangni pawh in chau ang, lut tawh rawh u" a tih leh chuan "In tlan liam lai kan lo thlir ang che u" ka tih avangin motor ah chuan a lut a, ka nu te pawn ka chhungte chu an rawn thlah thlap bawk, ka u dinhmun a ṭhalo bawk nen kan in luah ah pawh khan a awm tawh dawn lova, Nu Mapuii te in ah a awm dawn a ni, ka u chu kan la sawi pui lo na chu Mike-a hian kan bula cheng turin a duh a, hun te han kal zeuh se, kan bulah chen tir dan kan la ngaihtuah ang.




"I lung a leng em ni?" Mike-a nen chauh chuan pawn ah kan ding tawh a, "Ka u kha ka ngai dawn em a, i hriat kha kan pahnih in kan awm dun deuh chawt a, hetia han awm hran thut chu ka tan pawh hian a harsa a, bakah ka u lah a damtha lo bawk nen" ka ti sep sep a, "Lungngai suh, kan bulah a la awm vat dawn alawm, ka pa te pawh ka sawi pui tawh a, min hnial na an neilo" a ti sup.




In chhung lamah chuan kan in zui lut a, in leng an la awm ve nual mai, "Nangni chu in chau ang, in duh chuan room lamah lo va lut hmasa rawh u" ka pa in a lo ti vat a, "Kan chau hleinem" ka tih chuan "E.. vawin lamah khan in ding rei si a, in chau ang, keini chu min vengthawng suh u, hei i pa te nen hian thil sawi ho tur kan la nei hrim hrim a, va hahdam rawh u" parking pakhat chuan a lo ti ve churh a, diktak chuan ka chau, mut hahdam vang vang tluk a thlakhlelh ka neilo tunah tak hi chuan.




Mahse in nei thar hlim chauh kan la nia, room lamah lo va luh bo daih kha nuam ka tilo, "Grace i chau ang, va hahdam rawh u, keini kan la meng dawn tho a, inthlahrun a ngailo a nia" ka nu pawh chuan a lo ti ve zat a, "A nih chuan room lamah kan lut dawn em ni, i mitmeng ah khan i chau tih hriat hmaih chi a nilo a nia" Mike-an a rawn tih takah chuan ka hnial duh hran rawh lo, midang hi chu mangtha in room lamah kan nupa chuan kan in zui lut a.




"Kan in bual rual fawn a nia" ka thawmhnaw hak tur ka lak chhuah lai chuan Mike-an a rawn ti sup a, "Lo va in bual hmasa mai rawh, ka thawmhnaw thenkhat ho hi kan rem fel lawk ange, naktuk ah Asangi lo kal dawn tho mahse buai lutuk loh nan, shooting te kan la nei dawn sia" amah pawh en lem hlei lo chuan ka ti a, ka thawmhnaw chu ka la chhuak pah bawk, "Khachu naktuk ah ti mai rawh, ka pui dawn che alawm, zanin chu kan in neih zan te a nia, huh khawh ral vak na chi pawh a nilo" nui chung a a rawn tih chuan ka melh rum nghek a.




"Va in bual mai mai rawh" ti hlak pahin ka thil tih lai chu ka tih zawm mawlh mawlh a, khum mawng an chuan dawn thu thla dawt in "In bual rual ang, ka lo nghak ang che" a ti hram a nihchu, a va han luhlul thei tak aw, "Lo va in bual hmasa mai mai rawh, i kut a hlei si, kan pahnih a kan in bual dun chuan hun kan hmang rei mai mai" ka ti leh hmak, chutah nui suk chungin "Ka nupui alawm i nih le, in sum buai ka tum reng reng lo, zanin chu i mit vat beisei lo la, heihi chu naktuk ah kan rem fel dun dawn nia, tunah chuan kan pahnih chauh ngaihsak rih ang" tiin min rawn pawm kang nawlh a, bathroom ah chuan min pawm lut nghal zat.




"Khawi a rei mai mai a nia aw, ka peih rih lo, in bual vat vat ang, a vawt" ka taksa a lo chul kual chhen avang chuan ka ti hlak a, "Duati vawt i tih chuan tih lum dan che ka hria alawm, chuan min dan tum hauh suh, zanin chu ka duh ang takin chet ka la ang" tiin a lam hawi zawng chuan min kuai her a, min fawp nghal ngawng ngawng, rang takin ka lo chhang let ve vat a, min pawm kang nawlh in bathroom bangah chuan min nawr bet a, kan taksa chu khuh tu a awm tawh lo bawk nen ka taksa chhung ah chuan a rawn lut ta riai riai a.




Bathroom atang chuan chau hnap in kan chhuak a, ka chauh tehreng nen Mike-a lah chu chau hmel pawh a pu ve lo, a nui reng ringawt a, "Nangmah vangin ka chau vek, ka kawr ho hi a ngai ah khan khung leh vek rawh, ka mu dawn" tiin khum ah chuan ka mu nghal a, "Ka va Thaibawih tan ve mawle, mahse a pawi lo e, ka nupui in i sawi te chu ka hnial ngam nang" ti zuah zuah chungin ka thawmhnaw ho chu a dahtha a.




"Ka la duhtawk hauh lo a nia, mahse i chau emai mu hahdam phawt mai teh, zing lamah chuan i thawh har ring lo la" min rawn kuah pah chuan a ti a, chhan pawh ka chhang let peih tawh lo, tui taka ka muthilh lai chuan ka phone ri vangin ka harh hlawl a, ka tho vat, min awm call tu chu Asangi a ni, tun ang zan lai lai ah te min rawn call ni ti rilru neuh neuh chungin call chu ka la a, mahse a thu rawn sawi avang chuan ka bing nghal mup mup a, chhan pawh ka chhang theilo.




Mike-a chu a rawn harh a, ka awmdan a hmuh chuan "Enge thleng, i tha em Duati?" Ngaihthat loh hmel tak chuan a rawn ti a, ka chhang lo, "Aw.. Asang keimah Mike-a" ka phone ken min laksak rual chuan a ti a, "Aw.. kan lo kal vat dawn a nia" a tih leh hnuah call chu a hmet tawp a, "Duati chak takin awm hram hram rawh aw, tunah damdawi in lam kan pan nghal dawn nia" tiin min thawh pui a, room atang kan chhuah rual chuan ka nu te chu Mike-a chuan a kai harh ve nghal, zanlai lai ah kan chhungkua chuan damdawi in lam kan pan a, ka awmdan tak pawh ka hrethiam lo, ka ngawng deuh chhu mai hian ka hria.

Cont....

Comment leh click kha aw...

[Rebec Nunziri]

Chapter-21



Grace Lalthazuali POV



Damdawi in kan thlen rual chuan Asangi nen kan in hmu nghal, "Ka u chu khawiah nge a awm?" ka ti vat a, "Doctor in a en mek, lo kal rawh u, ka nu ten pawn lamah an nghak mek a, ba kal ve vat ila a tha ang" a tih takah chuan hmanhmawh takin damdawi in chhung ah chuan kan lut a, ka hlauthawng lutuk chu tawng pawh ka tawng tha hleithei lo, Pa Tluanga chuan chanchin chu Nu Mapuii te a zawt nghal mawlh mawlh a.




Ka zung chhuak kha ka tho a, room a ka luh leh hma in Tluangi mut na lamah ka va kal a, a tirah chuan a muhil emaw ka ti mawle, ka kalsawn tur kha a rum thawm ka hria a, room chhung a ka va luh chuan thlan in a taksa a lo bual huh zui tawh a, nikhua a lo hre mang tawh lo, rang takin damdawi in lam kan panpui nghal a ni tawp mai" a ni pawh a hlauthawng bawk a a tawng bah deuh nuaih mai, doctor lo chhuah hun chu kan lo nghak thap a.




"Doctor kan fanu chu enge a an?" Pa Nuna chuan doctor rawn chhuah rual in a lo ti vat a, "Nachhawk na in kan jection a, tunah chuan a tha tawh viau a nia, a natna hian a taksa a hrang hrang a try darh nasa tawh em a, khatiang thil kha thleng leh thei reng a ni, a taksa a chau deuh bawk a, tihian han hahdam deuh se, engkim a tha leh vek turah ngai ang, lo hlauthawng lo ula, kan awm reng dawn a, buai na in tawh chuan kin lo ko hreh reng reng suh u" a tih zawh hnuah doctor chu a kalsawn a.




"Keiman ka awmpui anga, naktuk lamah in lo kal dawn a nia" ka ti sep a, "Kei leh Asangi hi kan lo awm zawk a, lo va haw rawh, i pasal neih ni hmasa ber a ni a, damdawi in a awm chu a dik lovang" Nu Mapuii chuan a lo ti vat a, "A pawi na a awm lo, Mama nen hian Tluangi chu awmpui rawh se, rilru nuam in an awm dawn chuang lova, naktuk lamah kan kal leh zawk dawn a nia, keini lam atang chuan in thlahrun a ngailo, engmah a pawina a awm lo a nia" Ka nu chuan a lo ti vat a.




Kan chhungte an haw hnu chuan Mike-a nen chiah kan awm ta a, mut pawh a chhuak lo, ka u chu ka en ngawt ngawt a, a hmel atang ringawt pawh hian rei a daih tawh dawn lo tih hriat hmaih chi a nilo, chuti chung chuan min kalsan lo se ka duh, min kalsan tur anga ka ngaihtuah ringawt pawh hian awm ngaihna ka hrelo, ka u neihchhun a ni a, pasal nei tawh mahila ka engkim leh ka in nghah na ber a la ni fan a, chuvang chuan ka bula awm reng turin ka duh a, ka pa mamawh bawk.




"Duati mu hahdam rawh, I chau lutuk ang" Mike-an a rawn tih pawh chuan ka chhang lo, "Duati" a rawn tih nawn leh takah chuan "Ka mut a chhuak lo, nangmah zawk kha muhil rawh, muthilh tum eng ang mahila ka muhil thei dawn chuang lo" ka ti sep, "I rilru a hah ang tih chu ka hria alawm, mahse hahdam i mamawh a nia, keimah ka awm a, ka lo meng zawk ang, reilote tal muthilh tum rawh aw, i chau lutuk palh ang" min ngaihtuah na aw chuan a rawn ti leh a.




"Mike ka rilru a hah emai, ka u hian min kalsan mai ang tih ka hlau a ni" ka aw chu a khur ru dar dar a, "A kalsan ngailo ang che tih ka hria alawm, lungngai reng reng suh, I u hian a hmangaih em em che a, a kalsan phal ngai lovang che tih ka hria" a ti sup, mahse a thusawi chuan thlamuan nain pe theilo, "A natna hi tuar sak ka duh a sin, mahse ka thei silo, amah chiah in awm chu nise nuam sa takin a awm thei ngei ang, mahse keimah vangin rethei reng reng in hun a hmang a, a fair lo lutuk" tiin ka tap chhuak hawk a.




Mike-a chuan min rawn kuah vat a, "Hreawm takin nun a hmang char char a, nuam sa taka ka awm tir ve hma in hetiang natna rapthlak lutuk hian a tlak buak leh a, ngatinge hetiang natna hi a chungah a thlen bik, fahrah nun pawh hi a rapthlak tawh tehlul nen" ka ti leh a, ka ngaihtuah chiang a, ka u hian nuam sa takin a nun a la hmang ngai hauh lo, tunah lah hetiang natna tih bai awm lutuk hian a tlak buak leh a, hlim taka nun hman a phu a sin.




Ka tap muhil a ni ngei ang, ka harh leh chuan khua a lo var vek tawh, chuan khum ruak ah ka lo mu tawh bawk, Mike-a hmuh tur a lo awm hauh lo bawk a, bathroom ah a awm ring in kawngka chu ka va kik a, mahse min chhang tu an awm lo, pawn lamah a chhuak a nih ka ring, ka u chu ka va ngaihven a, a muthilh tui hmel hle, bathroom ah chuan ka va lut leh a, ka chhuah leh rual chuan Mike-a room chhung a rawn lut lai chu ka hmu nghal zat.




"Khawiah nge i lo kal daih a?" ka tih chuan a thil khai chu lak kang zeuh pah in "Thingpui leh chhang ka lo lei a, i riltam em?" ka tih chuan ka nu zeuh, thingpui te kan in zawh hnu chuan doctor a rawn lut a, "Nizan lamah te buai na a awm tawh lo maw?" zang vah in a rawn ti a, "Aw.. ka u hi a la harh leh miah lova" ka tih chuan "Damdawi khan a hneh deuh pawh a ni maithei, a rawn harh har tawh lovang, hlauthawng lo ula" a ti leh vat.




Nu Mapuii te pawh an rawn thleng thuai a, "Va haw ula va in tifai ve phawt rawh u, I u chu keimah nin kan lo awmpui thei alawm, a rawn harh hunah ka rawn hrilh dawn che u a nia" Nu Mapuii'n a tih takah chuan damdawi in atang kan chhuak a, in kan thleng a, ka nu te pawh an rawn tho vek tawh, "I u chu enge a an, in rawm haw dawn tih kan hre silo a, chaw rawn pai cheu kan tum a sin" a lo ti vat, Nghaktei pawh chuan ka u chanchin chu min zawt ve vat bawk.




"A la harh lova, Nu Mapuii khan a harh hunah ka rawn hrilh ang cheu a tia" Mike-a chuan a lo ti vat a, ka mo thar tuk a ni a, inchhung ah engmah ka ti ve hman lo bawk nen ka in thlahrung ru takzet, "Grace room ah han chho ula han in tifai rawh u, chaw te han ei vat ila damdawi in lamah chuan kan kal dawn a nia, tukin chu engmah siam vak pawh a ngailo a, chaw chiah chhum a ngai bawk nen kan in peih hma nih hi, tawi khawmuang lovin han in tifai rawh u" ka nu chuan ka awmdan hrethiam tak chuan a rawn ti vat a.




Mike-a nen room ah kan lut a, kan in tifai zung zung, engmah ka ti tawh lo bawk nen chaw ei siam tal ka duh, in hnuai a kan chhuk chuan chaw ei an lo peih vek tawh chu niin "Lo thu ve nghal mai rawh u, chaw te han ei ila damdawi in ah chuan kan kal dawn a nia, Grace i phone hi thutthleng ah i theihnghilh Mapuii khan i u a harh tawh thu a rawn sawi a nih chu" Ka nu in a tih takah chuan ka thaw huai mai, ka u hmuh hlan chu ka nghakhlel tawh hle bawk.




Kan chhungkua chuan damdawi in lamah kan in zui chhuak a, ka u ka hmu chiah chu ka pan hnai vat, "U engmah na i nei tawh lo tiraw?" ka ti nghal vat a, "Neilo e, min ngaihtuah suh, ka chauh vang mai mai a nihkha" tiin min nuih a, mi mawl ber tan pawh a chiah zia leh amah kan ngaihtuah lutuk loh nan a nui lui mai mai a ni tih hai rual a nilo, ka pa chuan tawngtai na hman a rawt a, a tawngtai nghal, ka thinlung in ka u dam nan Pathian hnenah ka dil ve mawlh mawlh bawk.




Nihnih lai damdawi in lamah ka u chu a awm tawh a, ka u hian thil tuiril bak a ei thei silo a, tam a ei theilo bawk nen ka khawngaih hle, harh pawh a harh tha peih meuh tawh lo, zan lamah riah pui tum thin viau mahila Nu Mapuii te chhung hian an remti ngailo a, ka u chu an nin an ngaihtuah vek a, chhun lamah erawh keiman ka awmpui thin, ka pasal chhungte hian ka u hi enkawl deuh chawt pawh ni ila pawi an ti dawn lo tih ka hria.




Damdawi in kal tura ka in siam lai chuan Mike-a chu room ah a rawn lut a, "Lalhriatzuali chu a rilru a lo buai ngei alawm mawle, mental hospital ah an dah nghal a ni awm e" a rawn tih chuan ka thaw chhuak hak a, rin lawk sa mah nise min thawng tho mai, "A serious viau em?" Ka tih sep chuan "Aw... A rilru buai na hi a lo rei tawh a, pangngai tak angin lang mahse a rilru hi a lo kal sual nasa tawh mah mah a ni, enkawl vat a nilo bawk nen a tha chhuak leh angem tih pawh hriat a nilo a nihchu" a ti leh.




"A pawi hle mai" ka ti ringawt, pawi ka tih na leh tih loh na a in zat chiah, "A chan tawk a hmu ah ka ngai, khatiang thil rapthlak kha a ti a, a rilru buai vang a ni emaw nilo pawh nise a thiltih kha a rapthlak em a, mi pangngai bula awm chi a nilo hrim hrim, a chhungte erawh an lainat awm khawp mai, an fanu neihchhun a ni si a" ka ngaihdan a ni, nu leh pa nei ngailo ka ni a, nu leh pa pawimawh zia ka hriat chian tluk in nu len pa te tan a fa te an hlut tur zia pawh ka hriat hmaih lo.




Hriatzuali chanchin chu kan chhungte pawn an hria a, an lainat hlawm khawp mai, a thiltih kha rapthlak viau mahse hmeichhe pangngai hetiang a a awm tawh chu a lainat awm em bawk a ni, damdawi in kan thleng a, ka rin loh lutuk in ka u chu a lo harh tha hle, chu chuan ka thaw a ti veng huai bawk, nidang ang lo takin thut pawh a thu chhuak peih a, chauh pawh a chau lutuk lo, ka titi dun a, Mike-a pawh a awm ve reng bawk a, ka hlim em em laiin Mike-a thung chu a ngawi reng.




"Ngatinge i va hlim loh hmel ve, ka u lah a harh tha tawh em em a, i lawm ve lo a mi?", ka u muthilh lai chuan ka ti sep a, "Nilo e, ka hlim lutuk, i nui hmel ka hmu a, ka hlim" a tih chuan ka nui hak a, "Ka u hian that lam a pan zel dawn niin ka hria, ka van lawm tak aw, damdawi in atang pawh hian a chhuah theih vat ka ring" ka ti leh siam siam a, Mike-a chu a ngawi leh reng tawh mai, mahse ka hlim em a, a rilru ti buai tu an awm em tih pawh zawh nachang ka hrelo.



Mike Lalruattluanga POV



Lalhriatzuali a dah na hmunah chuan ka kal a, min hmuh rual rual chuan min lo nuih sang, "I va rawn kal har ve, ka damlo tih i hre reng awm sia, ka lo nghak char char tawh che alawm" a lo ti vat, ka en reng a, "Ngatinge khatiang in min en reng a, enteh ngatinge ka kut hi hetiang a an phuar tlat a" a ti leh, a ban chu ka en a, a khem neih nuai mai, "Tinge khatia i din reng a, ka nu te nen in lo kal rual lo a mi, helai atang hian chhuah vat ka duh a nia, an chaw a tuilo ropui si, bakah helai hmun a awm te hi an mawl hlawm lutuk" a ti leh.




Doctor chu a rawn lut a, "Pawn lamah kan in be lawk dawn em ni?" A tih takah chuan kan in zui chhuak a, Hriatzuali lah chuan min ko nasa em em a, khatiang taka a awm kha chu ka ringlo a sin mawle, vawin lama ka kal na chhan pawh hi lem a chang mai mai nge a rilru a buai tih hriat ka duh vang a ni a, mahse a hmel ka hmuh rual khan dawt a nilo tih ka chiang nghal hle thung.




"Damdawi kan pe a, a rilru a buai nasa tawh hle a, enkawl vat a lo nilo bawk nen nimin lamah khan room chhung ah amah in kan awmtir a, chemte kha emgtin nge a neih kan hre biklo, a ban kha a lo zai a, kan va hmu hma hlauh zawk a, kan phuar ta ngawt a nihkha" a ti nghal zung zung a, "A tha chhuak leh thei angem, a hriat na hlauh ang mai khan a awm a" ka tih sup chuan "Damdawi kan pek vang a nihkha" a ti leh mai a.




Tluangi damdawi in awm na lamah chuan ka kal lehnghal, Duati hnenah ka kalna tur ka sawi lo hrim hrim bawk, a u vangin a rilru a buai em em a, Hriatzuali ka hmu dawn tih hrilh kher ka duh loh vang a ni, room chhung ah chuan ka lut a, Duati leh a u lo in be siam siam chu ka hmu a, Duati'n min hmuh rual chuan hlim hmel zetin min en a, ka nuih suk, Tluangi pawh chu midang ai daih in a harh tha a, ka lawm viau mai.




Duati nen an titi lai chu ka en reng a, nimin lamah kha chuan harh pawh a harh hleithei lo kha a ni a, mahse vawin lam chu rin phak bak in a harh tha, a tir ah kha chuan lawm hle mahila ngaihthat loh na ka nei tan tlat, damlo taksa chak lo tak hi a rawn harh that thut hian ai a awm an tih thin kha ka hre tlat, Duati bula sawi lan chi a nilo tih ka hriat avangin ka ngawi reng a, ka ngaituah na nab hi ni lul suh se, mahse hetiang teh thut ah a rawn harh hi mak tih loh rual a ni silo a ni.


Zawmna



Ka nu te pawh an rawn thleng a, Tluangi harh tha taka an hmuh chuan an lawm hmel hle, Nu Mapuii te an lo thleng ve leh a, midang ah chuan room chhung ah kan zavai a awm an remti ngailo mahse vawin chu Tluangi pawh a harh tha bawk a, kan zavai chuan room khat ah kan awm ho a, kan hlim tlang viau, doctor a rawn lut a, Tluangi damdawi lei tur a rawn sawi takah chuan lei turin ka chhuak vat a, ka let leh lam chuan ka nu room pawn a lo ding chu ka hmu nghal zat.




"Mama Tluangi awmdan sawn ka ngaih a ti tha theilo reng reng, a harh tha chu a lawmawm lutuk a, mahse sawti em em a hma a rawn sawn thut saw a mak ka ti" a lo ti ve chiah a, "Nu that lam a pawn dawn te pawh a ni mahna, thil ṭhalo a thleng lo turah ngai phawt ang, Duati pawh a hlim em saw, Tluangi pawn hma a sawn zel mai ang" ka ti ringawt a, ka rilru diktak erawh ka sawi chhuak chuang lo, ka ngaih chu tha chiah biklo mahse midang bul a sawi lan vak ka tum lem lo, Pathian in kan tan a tha tur angin rem a ruat mai ang tiin ka ngaihtuah ringawt.




Ka nu nen chuan kan in zui lut a, khua a tlai lam tawh bawk nen haw tum in kan in tin tuah a, "Zanin chu ka u hi keiman ka riah pui ve tawh dawn emaw ni ka ti deuh a" ka nupui chuan ka chhungte thu ngaichang tak chung chuan a ti sap a, "Ni e, riah pui rawh, zanhnih ngawt i riah pui tawh lova, a awm alawm, Mama nangpawh diak nghal law law mai la, hmeichhe pahnih chiah awm ai chuan a thlamuan thlak zawk ang, in thawmhnaw hak thlak tur chu Nghaktei'n a lo dah mai ang" ka pa chuan a ti a.




"Zanin chu keini lam in kan lo riah pui leh phawt zawk ange, naktuk zan lamah in nupa in in riah pui zawk dawn a nia, hei Asangi pawh a rawn thleng a, riak turin kan lo in ruahman tawh bawk nen, Grace naktuk zan lamah in riak zawk mai dawn a nia" Nu Mapuii chuan a lo ti thung a, "Awle" Duati pawh chuan a lo ti ve mai a, room atanga kan chhuah hma chuan Duati leh a u chu an in mangtha a, kan chhuah dawn thleng chuan Tluangi chuan nui sang in min thlah a, ka ngaituah na kal diklo nge ni, ka ngaih a tha thei reng reng lo lehnghal.




In lam pan a kan haw lai te chuan Duati chu a titi siam siam a, a u harh tha ta chu a lawm hle tih hai rual a nilo, a hlim hmel ka hmuh chuan ka nui suk suk a, hetiang taka a hlim hmel hi kan in neih hnu khan ka la hmu lo, in kan thlen hnu pawh chuan Duati chu room lamah chho mai lovin ka nu te nen sitting room ah a la titi a, keichu room ah ka chho tlang thung, ka in bual zawh pawh chuan Duati chu a rawn chho ve mai silo bawk nen ngaihven turin in hnuai lamah china ka chhuk leh vat a.




"Nu khawiah nge ka nupui?" ka nu leh pa thingpui in na bulah chuan ka kal hnai a, "Nghaktei nen rawng an bawk a nihkha, a hlim viau a nih hmel, a lawmawm tak tak a ni" ka nu in a tih chuan choka lamah ka kal vat a, "Duati khatiang I tih hma khan dawn chho la in tihfai hmasak phawt tur che a nia" choka a luh pah chuan ka ti a, "Rawngbawl a hun tawh alawm, in tihfai te chu a hmanhmawh thlak loh, chaw ei kan la peih mai dawn silo a, thingpui i in duh em?" min en lem hlei lo chuan a ti a.




Ka duh thu ka sawi hnu chuan no ah thingpui chu thli chhuak in min rawn pe a, "U naktuk chawhma lamah Grace-i nen hian kan chhuak lawk dawn a nia" ka nau in a rawn tih chuan "Khawiah nge in kal dawn?" ka lo ti nghut a, "Ih.. kawr min en pui lawk dawn, ka kawr duh deuh a rawn thleng thar a, a duh a lo awm ve takin ka tia, kal pui ah ka lo sawm a" a ti zui leh a, "A tha alawm, ka hruai dawn cheu a nia" tiin thingpui chu ka in zui khawlh a.




"Hruai kher pawh kan ngai hran lo a sin, keimah ni pawn kan kal ve thei tho a" Nghaktei bawk chuan a rawn ti leh, "Ka hruai ang cheu ka tih chu, in pahnih chauh a chhuah chu a ṭhalo" ka ti leh hmuk, chutah ka nau chu a nui zui kur kur a, "I va han over tak aw, hna ah kal i ngaih vangin alawm ka sawi le, bakah Grace-i kal na apiang ah hian zui tum suh, hetiang a nih te chuan a hne vat mai tur che a sin" a sawi zawh rual chuan ka rum deuh nghut a.




"Chutiang thil a thleng ngailo ang" ka ti zui hluk bawk, "Grace ka u hi nakin lawk ah chuan i la hne vat mai anga, i kal na apiang ah zui ve zel che a tum hmel sia" ka nau bawk chuan nghal zetin a ti leh a, "Nia.. hetiang reng a nih chuan..." Tia ka nupui in a sawi mek lai chuan "Chuan engtinge min tih ang?" Tiin ka nuih suk a, "Ka la hne vat ang che, chuan ka kalbo san daih che anga" a tih chuan ka tum hmuk a, "Khatiang fiamthu a chi pawh a nilo, sawi pawh sawi tawh suh ang che" tiin ka ding a, choka atang chuan ka chhuak nghal daih bawk.




An nui hak hak ri pawh chu ka hre pha reng, ka nau leh ka nupui in ngeih tak a an awm lai hi hmuh nuam ka ti takzet, chaw te kan ei kham a, sitting room ah chuan thu in tv kan en thap a, kei tak chuan hmuhnawm ka ti ve lem lo, vai flim a ni a, series nei chi a ni bawk, zantin an en ziah a, ka pa hian vai film a en awm ka hre ngailo mahse tun hnai chu a en ve ta ziah a nih hi, ka phone chu a rawn ti a, min rawn call tu chu Asangi a ni, ka la vat a.




"Mike damdawi inah rawn kal vat rawh u, U Tluangi hi a zual a nia, tunah doctor in a en mek" a rawn tih chuan ka ding nghal vat, ka chhungte chuan mak tih hmel zetin min en a, "Enga tinge khatiang a i din thut a, thil ṭhalo a thleng a mi?" Ka nu chuan a rawn ti vat a, "Kan rawn kal nghal dawn a nia" ka nu min zawh na pawh chhang hmasa lo chuan ka ti a, Duati chu ka en a, a mitmeng fiah kalh mai chuan min lo en let ve reng bawk.




"Tluangi dinhmun a ṭhalo a ni awm e, damdawi in ah kal nghal a ngai" ka tih takah chuan "Engmaw, nilo min fiam a mi, kan haw dawn pawn ka u te chu a harh that em kha" Duati chuan a rawn ti vat a, "Asangi'n min rawn hrilh zo chiah, pa a rang lama kan chhuah nghal a ngaih hmel, kal nghal mai ang u" Asangi aw atang khan Tluangi dinhmun a ṭhalo hle tih hai rual a nilo a, tawi khawmuang chi kan ni tawh lo, kan hmanhmawh tlang bawk a, kan awm ang ang chuan damdawi in lam pan in kan chhuak nghal.




"Nu Mapui ka u chu enge a an?" Duati chuan Nu Mapuii a hmuh rual rual chuan a ti a, Nu Mapuii chu tap hrep tawh tih hriat zetin a mit a lo bui luk tawh, "Grace engtinge kan tih ang, a pawi emai" tiin a tap zui leh hlawp hlawp a, "Enge awmzia ka I chu engtinge a awm min hrilh teh Asang" tiin Asangi bulah chuan a va ding leh, "Doctor in in ring reng turin min ti, U Tluangi chu kal thut thei reng a nih thu a sawi a ni" a tih rual chuan Duati chu chhuat ah a thu thla hnawk a, ka va buaipui vat.




"Nilo kan haw dawn pawn a ka harh that em kha, hetiang teh thut chu a nilo ang" a ti sep sep a, "Tunah a harh em?" Ka pa in a tih chuan "Harh lo, doctor ten an la en mek" Pa Nuna'n a lo ti ve sup, Duati taksa zawi ngiai mai chu pawm thi in thutthleng ah ka thut pui a, doctor rawn chhuah hun chu kan lo nghak thap, ka rilru nawm loh ruk na ang chiah in thil a thleng a ni, "Ka u hian min kalsan dawn lo, tlai ah pawh a la harh tha em em a, hetiang teh thut hian a awm theilo" tiin Duati chu a phun sap sap a.




Doctor a rawn chhuak a "Mihring lam atang chuan beisei na a awm tawh lo, Pathian kan nei a, a ni hnena in hlan tawp loh chu tih theih a awm tawh lo a ni, in duh chuan room ah va lut rawh u" doctor chuan a ti zawi sup a, a tawng dan atang chuan Tluangi hun hnuhnung a a bul a awm turin min duh tih kan hai lo tlang, Duati chu ka kai tho a, a taksa chu a khur deuh dar dar, "I u kan hmu dawn a nia, in ti chak hram hram rawh" ka ti sup.




Room chhung ah chuan kan lut a, Tluangi pawh a lo harh ve tawk tawk, a chauh zia chu hmuh hmaih chi a nilo, Duati chu a u bulah ka kal hnaih pui a, a u chuan a lo nuih hram, "U min kalsan suh aw, i tello chuan engtinge ka awm ang, min kalsan miah suh aw" Duati chuan a u kut vuan chung chuan a ti tawk tawk a, Tluangi chu tawng tum ang deuh in a ang leh zuai thin a, mahse a aw a chhuak theilo.




"Engpawh nise tawngtai na kan hmang ange" ka pa chuan a ti a, a tawngtai zui nghal, hmeichhe ho chu an in sut ri leh daih daih thin a, Tluangi hian hun tam a nei tawh lo tih kan hre vek, ka nupui u a ni a, keipawh min deng na ve hle, ka pa atl tawngtai zawh hnu chuan tlem in ka thawl deuh huai mai, Tluangi pawh a chau bawk a, a harh leh tawh lo, ngawi reng in kan thu hlawm a, darkar khat lai chu a liam leh tawh.




"Duati in tih harh i duh em?" ka tih sup chuan "Aih, ka u hi khawiah mah ka kalsan duh lo" tiin min chhang a, ka ti lui bik lo, zing lam dar 3 a rik dawn hnaih chuan Tluangi chu a rawn harh a, mahse a pum chu na a tih hmel hle, Doctor kan ko vat a, nachhawk na in a jection hnuah keichu min ko hrang a, "Nachhawk na sawn a chhawn tawh kher lovang, a nat na saw a na em a, tiang takin ka hrilh ang che, hun a nei rei tawh lo, chuvang chuan lo in ring lawk ula ka duh" ka chhang lo.




"U tang fan fan rawh aw, i tuar chhuak em em ang" mittui nen Duati chuan a ti a, a u erawh a thlan in a bual huh deuh hlap a, "Mate ka kal a hun tawh a ni, a na emai" harsa tih hmel zet chuan a rawn ti chhuak a, "Ka kalsan ngailo ang che min tihkha, ngatinge khatiang thu kha i sawi, i tello in engtinge ka awm ang, u min kalsan lo hram rawh, ka ngen a che" tap hlawp hlawp chungin Duati bawk chuan a ti leh a, "Ka kalsan ngai lovang che ka tihkha, ka ti mai mai lo, ka awm loh hnuah pawh ka thlarau chuan a awmpui tlat dawn che alawm, khawvel ah hian i mal lo tih hre reng rawh" Tluangi bawk in a ti leh.




"Ka duh lo, ka bulah ka hmuh phak ah awm reng la ka duh, u khawngaih takin tuar hram hram rawh aw, i tello chuan ka awm theilo ang" an unau a an in biak na chu thinlung na tak chungin kan lo en thap a, "Mike ka u hi ti dam hram teh, na a ti lutuk a nia" tiin Duati chuan min rawn en a, tih theih ka nei silo, in hum ruh tung chungin Duati chu ka en ngawt ngawt a, ka chhan tak lovah chuan ka pate chu a en leh a, "Pa nu ka u hi nangmah ni tal in han ti dam teh u, na a ti tawh lutuk a nia" a ti leh a.




"Mate, min kaltir tawh rawh aw, na ka tuar reng i duh loh chuan min kaltir rawh, ka sawi tawh kha, khawvel ah hian i mal lo, nangmah hmangaih tak tak tu te chu he room ah hian an awm a, kei awm lo pawh ni ila an ni hian an thlahthlam ngai dawn lo che tih ka hria" Duati chuan a u chu tap hlawp hlawp chungin a en a, "Ka nau hi in kut ah ka dah e, ka awm loh hnuah pawh hmangaih takin in lo enkawl ka beisei, Mike-a i bula ka thusawi te kha i theihnghilh loh hram ka beisei" tiin Tluangi chuan mit a chhing riai riai a.




"Nilo u, min kalsan suh" Duati chuan a ti ruai a, mahse chhang tu an awm tawh lo, doctor chuan Tluangi chu a rawn en a, "Pawh kan ti khawp mai, Lalnuntluangi chu ni 24 zing dar 3:10 ah a boral a ni" doctor in a tih zawh rual chuan hmeichhe ho chu an tap chhuak hlawp hlawp a, Duati chuan a u chu kuah pah in a tap khur ngawt ngawt, thaw pik zet chuan hmai ka tuai puat a, "Mama Grace-i awm dan sawi a dik miah lo a nia" ka nu in a rawn tih rual chuan Duati chu ka en vat a.




Duati awn riai tuai ka hmuh rual chuan ka va pan hnai vat a, "Duati i tha em, doctor ka nupui hi han en vat teh" tiin doctor chu ka ko chul a, "A taksa chak loh vang leh tum a thleng thleng mek vang hi a ni e, engmah hlauhthawn awm a awm lo" a tih takah chuan ka thaw deuh huai, Nu Mapuii te in lamah ruang chu kan phur phei a, kei makpa awm chhun ka ni bawk nen in lamah chuan ka lo va phei hmasa a, in chu kan sing sa zung zung.




Mi tam zawk muttui hun lai tur a ni chungin thalai rawn kal chu an tam em em a, khawtlang mipui te lo pawimawh zia ka hriat thar phah, in kan sing sa fel chiah tih chuan ka chhungte pawh an rawn thleng a, Duati chu ka buaipui vat, a u kuang bulah chuan thu in a u hmel dang bal tawh chu a en ngawt ngawt a, tah pawn a tap tawh lo, ngawi reng in a thu ringawt a, tap lo mahse a chhungril nat zia chu a mit ah a lang chhuak chiang hle, tihtur tul dang a awm nual avangin Duati pawh ka ngaihven reng theilo.


...


Tluangi kan vui liam hnu atang nu thum lai a ral leh tawh, Duati chu a tawng ngai mang lo, ngai awh nan hun a duh rei dawn tih kan hriat avangin kan hrethiam tlang hle a, a tir a duh lo bet tu ka nu chu ngaihtuah ber tu a ni a, zan ah te hian a mut hma in kan room ah a rawn kal a, Duati chu a rawn hnem thin, ka pa nen zantin Duati lu chungah kut nghat in an tawngtai ziah bawk a, chu chuan Duati pawh thlamuan na a pe tih ka hai lo.




Hna ah ka kal ngailo a, ka secretary in engkim a lo buaipui vek, zanlai ah te hian Duati hi a harh a, a tap thin tih ka hria, hetianga a awm lai hi hmuh hreawm ka ti takzet, ka theihtawp in tih hlim ka tum ve thin, mahse ka hnem zo mawlh lo chu a ni, Tluangi awm lo ta chu kan tuar tlang em em a, hetiang em em hian kei ngei pawh hian ka tuar ang tih ka ring pha biklo, kan nun ah hmun a lo luah hnem zia ka hriat chian phah ngawih ngawih, hun te han liam se tun a kan natna hian zia lam a la pan ngei anga, Tluangi erawh awm tawh lo mahse kan theihnghilh ngailo ang.

Cont...

Next chapter hi last tur aw...

[Rebec Nunziri]

Last Chapter



Grace Lalthazuali POV



Ka u boral atangin hun liam ve nual tawh mahse ka ngaih na erawh a la reh theilo, chu a hnek in ka ngai zual telh telh mai hian ka hria, zing ka harh hlim te hian ka u hmel hmu tur angah ka in ngai tlat thin a, mahse he lei a ka cham ve chhung hi chuan vawikhat mah a hmel leh a aw ka hre tawh ngai dawn lo tih ka hriat thar leh thin avangin ka tap leh tawp zel, mo thar hlim e tilo chuan in chhung tan pawh ka tangkai lo khawp mai.




Engtik ah emaw chuan ka u khan min la kalsan dawn tih ka rilru in a hre reng thin a ka theihnghilh ngailo, chumi hun a tan chuan lo in puahchah lawk pawh ka tum ve nasa thin mahse a hun a rawn thleng ta cheng a, awm dan tur ber pawh ka hrelo, ka u kha thinlung taka min hmangaih tu hmasa ber a ni a, lehkha ka zir theih nan a theihtawp a chhuah lai thin lai te khan keichuan a rilru harsat na tur leh a hreawm na tur engmah ka lo ngaihtuah ngailo.




A dam lai khan ka tan a hlut zia leh a pawimawh zia ka hrelo a nilo, a awm lo chiah hian ka tan a lo pawimawh zia ka hriat fiah thar phah thin, vawikhat tal hmuh leh ka chak a, a aw ri te a nui hmel te kha hmuh leh ka chak ngawih ngawih, mahse chuchu beisei bo mai a ni tawh si, ka mumang ah tal rawn in lan turn ka duh mahse chupawh chu beisei bo mai a ni si, ka ngai a ni, ka ngai ngawih ngawih, min kalsan lo turin ka duh.




Mahse ka chelh theih rual a ni tawh silo, natna awm tawh loh na hmun ah a awm tawh tih ka hria, he lei a a awm chhung khan hlim na aiin lungngaih na in a nun ah thla a zar nasa zawk a, ka hriat hauh lovin kha natna huat awm zel khan a taksa chhungril ber a ei chhe mek tih a hriat tirh te khan engtinge a lo awm ang, a rilru a lo va hah thei dawn em, he lei hreawm takah hian natna chauh tawk mahse ka bulah awm turin ka la duh tlat a, ka hma ka sial a ni maithei, mahse ka u kha ka la mamawh em a ni.




Room a ka awm lai chuan Mike-a a rawn lut a, "Enge i lo ngaihtuah a?" Tiin ka bulah chuan a rawn thu thla a, "Engmah nilo e, ka nu te chu an lo haw tawh a mi?" Ka tih sep chuan "La haw lo, chaw an ei nghal dawn tih min rawn hrilh a, i ril a tam tawh chuan chaw kan ei thei reng a nia" tiin ka hnunglam atang chuan min rawn kuah a.




"Duati naktuk chu hotel ah min rawn zui dawn em ni, inah i awm reng a, chhuah harh i mamawh, hotel a i kal duh lo a ni pawn hmundang ah kan kal dawn a nia" a tih leh sup chuan "Nia.. keipawn chhuah harh ka duh, hetia awm reng chu thawk te pawh a ipik alawm, i hnathawh naah ka lo pui ang che" ka ti a, ka u boral atang khan pawn lamah ka la chhuak vak lo lutuk a, hetiang reng a awm chuan ka thaw te hi a chham mai dawn in ka hria.




Ka pa te rawn haw hnu chuan naktuk lama Mike-a a hnathawh na hmun a ka zui tur thu ka lo sawi vat a, "Ni e, va zui rawh, in tih thawveng te pawh i ngai alawm, Mama, hotel ah lo pawh hmundang nuam deuh deuh ah te pawh kal ula, in nupa in in chhuah khat em hi maw" ka nu chuan a lo ti vat, ka pa pawh chuan ka nu thusawi chu a lo tui hnih ve zeuh a, an ni pawh Champhai lamah la haw lovin hetah an la awm ve reng a, keimah vang hi a ni pakhat.




Hotel ah chuan kan nupa in kan kal a, hnathawk ho chuan min lo wish liam liam a, ka kal loh na a rei tawh bawk nen ka mikhual riau in ka hria, office chhung a kan luh hnu chuan ka en kual a, "I ti danglam ve deuh elaw?" Ka ti sap, "Aw... I duhzawng a ni em?" Tiin a chair ah chuan thut thlak a rual a, "Aw... A hma ai khan a nuam daih tawh zawk a nih hi" ka ti sep, "File en tur hi a awm nual a, ka en zawh ah i duh chuan hmundang ah kan kal dawn a nia" a tih leh chuan ka bu zeuh a.




"Asangi bulah ka kal dawn a nia, ka rawn let har lovang" ka tih chuan min dang lem lo, Asangi hnathawh na lamah chuan ka kal a, min hmuh chuan a kut a lo vai lauh lauh, "In buai vak loh lai a nimaw?" Ka ti sap a, "Aw.. kan awl ve lak tak a nih hi, in pa in a rawn hruai che a nimaw?" A lo ti var a, "Aw... In ah ka tawm reng sia, a hnathawh naah min rawn hruai a nih hi" ka ti sep.




"Hming Grace-i nen hian hmundang ah kan han kal lawk ange aw, ka reilo ang" a thut pui nu bulah chuan a ti a, a ni pawh chuan Asangi chu a lo hrethiam khawp mai, hmanhmawh lo tur chuan min lo ti ve a, Hotel hnunglam ah chuan kan kal a, "In in ah pawh rawn kal ka duh tehreng nen ka pa a damtha lo lutuk a, ka lo kal hman thawt lo alawm" Asangi chuan a ti a.




"Pa Nuna a damlo maw?" A damlo tih ka lo hre ve reng reng hleinem, "Aw... Hmani deuh atang khan a nuam sam lo riau a" a tih leh chuan "Chutiang te chu ngatinge min hrilh vat loh?" Lungawi lo ru tak chuan ka ti hlak, "Serious em em a nilo a, ka nu khan hrilh kher lo tur che in min ti alawm, bakah i awmdan kan hre ve vek a, ka pa pawh khan i rilru tih hah zual a duh lo alawm" a ti leh.




Ka u dam loh lai zawng zawng in min enkawl sak tawh a, ka nu leh pa ang tak tak a ka en an ni bawk, an lakah ba ka nei tam hle chungin hetiang thu min hrilh duh lo chu ka lawm teh chiam lo, "A mak e, chutiang te chu zep chi pawh a ni hleinem, tlai ah kan rawn kal ang, Nu Mapuii pawh a ti anglo emai" ka ti hlak hlak a, "Awle awle, i lo kal dawn nia, khatianga thinrim deuh a i ang lai ka hmuh loh na pawh a rei tawh khawp mai" tih a nui deuh hak hak a.




Ka thaw deuh hak, ka ngawi reng a, ka rilru ah ka u bawk chu a rawn lang leh, Asangi nen pawh hian kan in ti thiam lo ve fo, ka lungawi loh na te kha ka u hnenah ka sawi a, ka ang ve nasa thin hle, ka u lah khan kei nilo in Asangi lam a tang ziah lehnghal a, khatih hunlai te kha hmani lawk ang maiin ka la hre chiang, a chang chuan ka u hian min la dam pui ve reng in ka hre thin, mahse he lei ah a awm tawh ve tawh lo tih ka hre leh vat thin a, chu chuan na takin min siam thin.




"Grace thlahnih a liam tawh, U Tluangi chu kan zavai in kan ngai vek, chutih rual erawh in hmalam kan pan zel a ngai a ni, ka sawi awmzia chu i hrethiam tiraw, hetiang reng i awm lai hi hmuh harsa ka ti, ka thiantha ber i ni a, ka unaunu ang in ka ngai che tih pawh i hriat kha, hetia nguai taka i awm lai hi hmuh hreawm ka ti em ni, chuvang chuan in ti chak hram hram rawh, U Tluangi pawh khan hetiang hian i awm tih hria se hreawm a ti dawn lutuk" Asangi chuan a ti sap sap a.




"A harsa ka ti em a ni, ka u ka ngaih na hi a la reh theilo, hun a liam a ka ngaihna hi a reh ve telh telh dawn emaw ka ti a, mahse chutiang chu a nilo, hun a ral a ka u ka ngaih na hi a ni tel in a zual zel chu a nih hi, vawikhat chauh tal pawh hmuh leh ka duh, mahse tun ah chuan a reh tlawk tlawk tawh a, ka koh na pawn chhang tu a nei tawh lo, a reh ri hi ka tan chuan a ring em ni" tiin ka tap chhuak hawk a, Asangi chuan min lo kuah vat.




"Ka hrethiam lutuk che alawm, ni e kan tan a u tak te ka lak atanga an hran chiah hian na kan ti em em thin, mahse chuvang chuan hreawm takin kan ning reng tur a ni hleinem, chak takin awm rawh, keini kan la awm a, i bulah i tan kan awm reng, U Tluangi pawh khan chuthil a hriat vang chuan thlamuang takin a kal a ni a, hetianga i awm reng chuan a tan pawh a hreawm dawn a sin" a ti leh sep.




"Ka hria alawm, mahse ka ngai em ni, i sawi chu a dik alawm, hun te han ral se, hetiang hian ka awm reng bik lovang" ka ti ve ta nge nge, "Khakha ka thiannu ngei kha a ni, ka hmeichhe hriat tawh ah chuan tuarchhel bet dawt tu i ni" a tih chuan "Dawt tu maw?" Ka ti vat, "Aw.. ni e U Tluangi kha ka hmeichhe hriat tawh ah chuan a la tuarchhel ber" ka nui sak a, a sawi dik, ka u kha chu a tuar a chhel em a sin.




Asangi nen kan let leh hnu chuan Asangi hnathawh na bul a Mike-a lo ding reng chu ka hmu zui zat a, "Saw in pa in a zawng che a nih saw, i tello chuan reilo te pawh a awm thei thlawt lo a nih ber saw" tiin a nui zui kar kar a, keipawh chu ka nui ve tawp, "Duati i lo let har lutuk a, ka ngaihtuah che alawm" min hmuh rual chuan a lo ti vat a, "Kha a lo let tawh kha, in nu tello hi chuan engmah i lo nilo a nih hi a" tiin Asangi chuan a lo fiam zeuh a.




"Ka nupui hi a hmeltha bawk sia, mipa dang in min lo chhuh sak daih ka hlau alawm" tiin Mike-a chuan a lo fiam let ve zeuh a, "I va han over tak, Grace i pasal kha a office lamah luh pui vat teh" Asangi'n a tih takah chuan kan nupa chuan kan kalsawn a, "I ril a tam tawh em, eitur kan chah ange aw" office chhung a kan luh rual rual chuan Mike-an a ti a, "Aw.. tam ve tawh tho, i duh chuan chah rawh" ka lo ti ve mai.




Thil kan ei zawh chuan Mike-an kal na tur ka nei a tih vangin hotel atang chuan kan chhuak a, "Khawiah nge kan kal dawn?" tia ka zawh lah in min hrilh duh bawk silo, kan kal na chu ka en a, kan veng hlui lam a ni, thlanmual kawngsir ah chuan motor a ti ding a, "Hetah hian kan kal dawn tih te enge i zep reng reng a?" ka ti sep a, vawikhat mah ka i thlan ah ka la kal lo, kal chu duh thin viau mahila ka kal ngam tlat lo a ni.




"Nidang ah chuan i kal duh ngai silo a,, vawin chu thil pawimawh tak hrilh duh che ka neih vang leh I u thlan bulah ngei hrilh che ka duh vangin ka hruai che a nih hi, i lungawi lo viau em?" A tih chuan lu ka thing a, "Vawikhat mah ka la kal silo a, kal ka duh hrim hrim alawm" ka tih takah chuan motor atangin kan in zui chhuak a, ka zam ru riau bawk.




Ka u thlan hmaah chuan kan nupa in kan ding din reng a, ka u hming in ziak te, a kum zat leh a thih ni te ka en chuan ka lung a ti chhia a ka mittui a tling pam mai, "Tluangi i nau nen kan lo kal a nia, i nau hi i ngai tawh viau ang tiraw, ka rawn hruai vat loh avangin min ngaidam dawn a nia" Mike-a chuan a ti sup a, ka vawikhat kal na chiah mah nise midang hi chu an kla deuh reng a, ka u thlan pawh a nalh in a fai tha hle.




"U ka lo kal a sin, ka lo kal vat loh avangin min ngaidam rawh aw" tiin ka thu hnial a, ka u hming in ziah na lai chu ka khawih a, ka biang ah mittui a luang thla deuh pap, "U ka ngai thin lutuk che a sin, he lei ah hian i awm ve tawh lo tih hi pawm harsa ka la ti a, ka la thlah thei lo che, mahse vawin atang chuan thlamuang takin chawl la keichu min rawn ngaituah reng reng suh aw, ka hlim lutuk a nia, min hmangah tu chhungkaw tha tak ka nei tawh a, min ngaihtuah lovin hlim takin i awm ngei ka beisei" ka ti leh sap sap a.




"He lei ah hi chuan hlim na aiin lungngaih na i tuar hnem zawk a, van ah chuan angel te nen hmin taka in awm ho ngei ka beisei, engtik ni ah emaw chuan ka rawn la kal ve ngei anga, chutih hunah chuan i nau hi hmangaih takin min lo kuangkuah rawh aw, he lei a ka awm chhung zawng hi chuan ka theihnghilh ngai lovang che, ka tan i hlut na te pawn ka hre reng ang, ka hmangaih che" ti leh sep in ka mittui te chu ka tuai fai a, tunah chuan ka u pawh thinlung takin ka thlah fel thei ta e.


Zawmna



"Duati i u khan i hriat loh thil tamtak min hrilh a ni, tunah chuan i hriat ve a hun tawh in ka hria" Mike-an a rawn tih sup chuan ka en vat a, "Engthu nge ka u chuan a hrilh che?" ka ti vat, "I nausen lai khan i nu nangmah hringtunu che ngei in fahrah in ah khan a dah che a ni" a tih sup chuan mak pawh ka ti hran lo, a chhan chu fahrah in ah khan keimah in ka awm tawp thei miau lova.




"Ka rin dan sa alawm a nih, mak ka ti hran lo" ka ti sap a, "Ka lo ngaihtuah fo thin chu maw, ngatinge min duh leh lo tur si chuan keihi min hrin kher tih hi a ni" ka ti leh sap a, "I u min hrilh dan chuan i nu in a rawn dah che khan a rawn hruai leh vat tur thu che a sawi a ti bawk a, khatih hunlai khan a ni pawh naupang mai a la ni a, chiang takin a hre tawh biklo, chutih rual in chiang taka a hriat erawh i nu khan a duh vang reng a fahrah in ah khan dah che a nilo tih hi a ni" Mike-a bawk chuan a ti leh a.




Ka nui ringawt, a duh vang rengin min dah loh chu ka thil rin loh ber a ni, chutiang chu ni ngat se zawng hman hman ah khan fahrah in atang khan min rawn la chhuak daih tawh ang chu, mahse tun thleng a la reh hmak chu a nih hi, amah leh amah in sawithiam a tum na bak a nih ka ring lo e, "A... engpawh chu nise hun liam tawh a nia, tupawh chu lo nise ka ngaihsak peih lo, min ngaihtuah tak tak chu nise a rawn in lan daih tawh ang chu" ka ti leh hmak.




"Duati" a tih leh lai mek chuan "Mike ka chau a nia, khatiang thu kha chu sawi tawh lovang, Pa Nuna a damlo a, kan kal zawk dawn a mi?" tiin thil dang chu ka sawi pui ta daih a, ka awmdan chu min hriatthiam pui takin "Awle, kal ila" a ti ve ta hram, tunge ka nu leh pa te tih hi hriat kher ka mamawh in ka hrelo, puitling ka ni a, pasal tha tak leh min hmangaih em em tu chhungkua ka nei tawh a, ka mamawh em em lai a an hlat a min dah tu te vanga rilru tih buai ka duh lo.




Asangi te in kan thleng a, Nu Mapuii'n kan nupa a min hmuh chuan a lo lawm hmel hle, "Pa Nuna a damlo tih pawh min hrilh duh silo a, vawin lamah Asangi'n sawi lo phei se chuan kan hre miah nang, in ti mal ve e" ka ti hlak hlak a, "Na em em a ni chuang lova, tul lova rawn tih buai cheu ngai kan tilo a nihkha" Nu Mapuii chuan a lo ti vat a, "Min ti buai reng reng lo, dam loh na thil ah phei chuan min tih buai in thlahrung reng reng suh u" Mike-a pawh chuan a lo ti vat a.




"Khawiah nge Pa Nuna chu a awm a, a ni ho dap chungin hna a kal leh talh te hi a nilo maw?" ka tih chuan "Kal love, room lamah a awm a nihkha, va lut rawh u, thingpui ka lo siam dawn cheu a nia" Nu Mapuii'n a tih leh takah chuan an nupa room lamah chuan kan nupa in kan lut a, "Aw.. nangni nupa chu, in lo kal tih ka lo hrelo a, lo thu rawh u" couch ah Pa Nuna chu a lo thu a, lehkhabu a lo chhiar mek bawk.




"I damlo tih kan lo hria a, enge i an?" Mike-a chuan a ti sup a, "Ka tha tawh lutuk, na em em ka nilo a, ka ngaihtuah awm loh" a lo ti vat a, a that hmel tawh tak tak bawk, "A tihzia nasa a nih chu, hei kan nu hian engmah min hrilh loh avangin a lungawi lo teh a nia" nui suk chungin Mike-a chuan a ti leh sup a, "Damlo tia sawi tur pawh ka ni hleinem, in lo kal ta rau rau bawk a, chaw ei ve nghal ang che u aw" Pa Nuna chuan a ti leh zung zung a.




Kan chhan hma chuan Nu Mapuii chu room ah thingpui chawi chungin a rawn lut ve a, "Enge in lo sawi a, ka lo lut chiah a in ngawih thup ni?" a rawn ti zui nghal bawrh bawrh, "Hei Grace-i te nupa hi chaw ei ah ka sawm a nih hi" an pa chuan a lo ti vat a, "A ni reh tak e a, in min neih hnuah chaw pawh in rawn la ei lo tak, a remchang khawp ang chu" Nu Mapuii chuan phur hmel takin a ti nghal hluai a.




"Nu Mapui nidang ah kan rawn la ei zawk mai dawn nia, kan chhungte hnenah engmah kan la hrilh silo a, remchang hmasa ber ah aw" ka lo ti vat, vawin chu ka nu te bulah khan Mike-a nen hotel lama kal tur ang chauh in kan in sawi si a, hmundang a chaw ei daih chu nuam ka ti chiah lo, "Duati a pawi na a awm hleinem, ka nu te chu kan be mai dawn alawm" Mike-a chuan a lo ti ve sup.




"Ni e, Asangi pawh a rawn thleng tep in ka ring, chaw chu ei rawh u aw, in chhungte pawh chu lo bia ula, rawngbawl tan a hun mai dawn a nia" tiin Nu Mapuii chu a chhuak leh vat a, "Grace-i pawh kha i that hmel khawp mai, a lawmawm lutuk a nia, ka fanu i ni a, i hlim lo hmel hmuh hi hreawm ka ti a nia, tunah chuan pasal tha tak i nei a, kei leh i nu Mapuii i tan kan awm reng bawk tih hria la, chak takin i awm zel dawn a nia" Pa Nuna chuan a ti leh sup a.




"Awle, ka lawm lutuk e, ka tan in that na hi engtin nge ka rulh let ang cheu tih ka hrethiam lo" ka ti sep, "E.. Chutiang engmah a ngailo, i nu leh pa alawm kan nih le, kan fanu tan a kan tih theih tawk kan ti mai a ni" a thinlung takin a sawi tih ka hria, ka nu leh pa diktak te khan keihi min duh lo mahse tunah chuan pasal leh chhungte tha tak ka nei a, vui na tur reng reng ka nei tawh lo, vanduai bik emaw ka lo in tih lai hian ka vanneih zia a ni tel in ka hre chho telh telh chu a nih hi.




Room atang chuan ka chhuak a, Mike-a erawh in Pa Nuna a biak lawk duh thu a sawi avangin a rawn chhuak ve lo, choka lamah Nu Mapuii pui tur chuan ka lut ve vat a, chawhmeh ka lo chan mawlh mawlh lai chuan Asangi pawh a rawn thleng ve chiah, "I haw tawh ka lo ring a" min hmuh rual chuan a rawn ti a, "Teuh nang chaw kan rawn ei dawn" tiin ka lo nuih var var, "A that nasat chu nu ka han in thlak lawk anga ka rawn pui nghal dawn cheu a nia" tiin choka atang chuan a chhuak leh vat a.




Hmeichhe pathum in rawng kan han bawl ho dial dial takah chuan kan thawm pawh a tha hle, keipawh ka u boral atang a ka hlim ber tum a la ni ngei ang, "Nu Mapui Pa Nuna te an lo chhuak in ka hria, Mike-a khan ka nu te hnenah chaw kan ei dawn tih a hrilh tawh em tih ka va zawt lawk ange aw, hrilh tlai lutuk chi pawh a ni lovang" ka ti a, "Ni e, hrilh vat kha a tha, va kal rawh" a lo ti ve vat, sitting room ah chuan ka va kal a, Mike-a ka hmu miah lo.




"Pa Nun Khawiah nge Mike-a kha a awm a?" Ka tih chuan "Pawn lamah a chhuak a nihkha" a tih takah chuan ka chhuak ve vat, Mike-a chuan phone a lo hmang zo chiah a, "Ka nu te chu i hrilh tawh em?" Ka va ti nghal thawr, "Aw.. ka hrilh tawh, hmanhmawh lo turin min tih kha" tiin min rawn pan hnai a, min rawn kuah vang vang, "Min thlah vat teh, pawn ah kan awm hi aw, miin min lo hmu palh ange" ka ti a, "Ka nupui ka kuah a nimai a, min lo hmu pawh nise enge pawi?" Tiin min kuah nghet sauh sauh thung.




"Hei.. min kuah nghet leh lutuk alawm, ka thaw a chham dawn" ka tih takah chuan min thlah vat a, "I awmdan hi a danglam riau in ka hria" tiin chik zet chuan ka en a, "Hetiang taka i hlim hmel hi ka hmuh loh na a rei tawh em a, chuvang chu a ni" tiin ka hmai chu a rawn chul leh zeuh a, "Lungngai suh, tih atang chuan a hmaa Grace Lalthazuali kha ka ni leh tawh dawn alawm, i tan nupui tha tak nih ka tum bawk ang" nui var var chung chuan ka ti a, "A tha, ka nupui ni awm reng i ni" a tih leh takah chuan kan nui dun hak hak a.

....

"Tinge helai hmunah hian min hruai a?" In lian zet pakhat hmaa min din pui chuan ka ti haw a, "Thil pawimawh tak ti turin kan kal a nih hi, Duati inchhung a kan luh hunah engkim i hrethiam vek mai ang" tih motor atang chuan a chhuak a, ka thut na lam kawngkhar chu a rawn hawng zui zat, in lian tak lamah chuan min kalpui a, engvang nge ka hrelo mahse ka thin phu chu a rang em em lehnghal.




Mike-a chuan doorbell chu a hmet ti tlang tlang a, reilote hnuah hmeichhe pakhat hian kawngka chu a rawn hawng a, "Lo lut rawh u" ti sep in a awm sawn a, in chhung a kan luh fel rual chuan ka hawi kual deuh zawk a, a changkang takzet, "Mike tute in nge a, eng ti turin nge kan kal?" Ka ti sep, "Lo kal phawt rawh, mi pawimawh tak hmuh tir tur che ka nei" tiin thut khawm na ni awm tak lamah chuan min kalpui leh a.




Chutah chuan chhungkua tih hriat tak hi an lo thu khawm thap, Mike-a nen min hmuh rual chuan an zavai mai chuan ka chungah an mit a fu thap mai hian ka hria, Mike-a chu ka din hnaih sauh a, "Ka tunu i ni tiraw?" Putar pakhat in a rawn tih chuan mak ti ru ang reng takin a lam chu ka hawi a, "Duati a ni saw i pu, i nu pa a nih saw" Mike-a chuan a ti ta mai, "Enge i sawi awmzia?" Dang ro halh chung chuan ka ti a, "Bawihi keihi i pu ka nih hi, k tihpalh hreawm taka i nun chhan hi keimah vang vek a ni" putar chuan a lo ti leh.




A bul a thu pitar pawh chuan mittui nen chuan min lo thlir ve ngawt ngawt bawk a, sawi tur ber pawh ka hrelo, "Lo thu phawt rawh u, pangngai zawk in thil ka sawi ho dawn a nia" parking pakhat in a rawn tih hnuah Mike-a chuan thutthleng awl ah chuan min thut thlak pui a, "Enge thil awmzia hi ka hrethiam miah lo a nia" Mike-a bulah chuan ka ti leh sep a, "Duati an ni hi i thisen zawm pui i chhungte an nih hi" ka lu chu a hai muai muai mai.




"Ka tunu, a pawi emai, i chunga thil thleng zawng zawng te kha i pasal hnen atangin kan lo hre tawh a, engkim kha keimahni vang vek a ni" pitar chuan aw khur dar dar chungin a lo tih leh pawh chuan chhan ngaih na ka hrelo, ka en reng ringawt, "Puii i fanu tal hi han hmu hman ve la a tha tur, a pawi emai" pitar bawk chuan a ti leh, "Keihi i patea tur ka ni a, heihi ka nupui Lalhmingthai a nih hi, chuan an ni hi ka fate i unaiu te tihna a nih chu, Lalhmingchhuanga leh Lalnunpuii, ka fanu hming hi i ni hming chawi a kan sak a ni nghe nghe a sin" ka patea tia in chhal chuan a ti sup sup a.




"Min hai a niang keichuan nu ka nei hleinem, chutiang bawk in chhungte pawh" ka ti ro halh a, "Nilo e, keini hi i chhungte ngei kan ni a sin" a ti leh, "Min hrethiam rawh u, ka pian tirh in ka nu khan min duh lova, chuvangin keichuan chhungte angin ka en thei lovang che u" ka ti leh hmak, "I hresual a nih chu, i nu khan a duh lo che a ni reng reng lo, fahrah in a a dah chhan che pawh kha keimah vang vek hi a ni, i nu khan thiam loh na a neilo" ka pu chuan a lo ti vat a.




"Enge i sawi awmzia?" Ka tih sap chuan "A dik alawm, i nu khan ka phal lo ching nanghi a hmangaih em vang che in a hring che a sin, i pa khan i nu phatsan in hmeichhe dang a um san a, chutih hun lai chuan nanghi a pai mek che a ni, ka fanu neihchhun a ni a, mualpho tak a a awm kha ka phal loh avangin a nuapai lai kha ti tla turin vawitam ka ti a, mahse a duh tlat lo, ka phal lo chungin nanghi a pai tiang ta che a, nau tih tlak a duh miau loh avang khan khaw dang a kan chhungte bulah ka dah nghe nghe" tiin a chawl det a.




"Midang ten nau a pai tih an hrelo, a nau neih hun a lo hnaih deuh takah kha chuan a rawn haw a, mahse midang ten an hriat ka duh loh avangin in pawh a chhuah san ngailo, a mipa hmangaih ber in a phatsan a a beidawng em em lai pawn nangmah vangin a in ti chak hram hram thin a sin, damdawi in lamah midang te hriat loh theih ang ber in nanghi a hring ta che a, keichuan ka la pawm thei chuang lo, ka fanu a ni a, pasal neilo a nau pawm ngawt tur chuan ka phal thei thlawt lo a ni, fahrah in ah a dah lo che a nih chuan nanghi ka thawn bo tur thu che a hnenah khan ka sawi a, duhthlan tur a neih loh vanga fahrah in ah khan dah che a ni" ka pu in a tih lai chuan mittui tla chungin ka lo ngaithla reng a.




"Nang i awm tak loh hnuah khan i nu chuan nun pangngai zawk a hman leh mai ka ring a, mahse ka ring sual takzet, nang nen in awm hran hnuah khan a hlimbhmel chu sawi loh a awmdan phung kha a hlauh fai ta vek a, mi a ang maiin a khawsa chho tan ta a, mahse ka chapo na leh ka in duh tawk na avangin ka fanu awmdan chu ka haider lui tlat a, kum 5 a liam hnuah i nu chuan ngai a la awh thei chuang lo.




Zankhat chu zanlai ah room pawn lama thawm ka hriat avangin ka harh a, room atanga ka chhuak chu i nu kan in chhuahsan lai mek ka hmu zui zat a, ka koh chuan ka lam rawn hawi in he thu hi a sawi a, ka fanu aw ka hriat hnuhnun na ber tur a ni tih ka hre silo" tiin a mittui chu a hru zeuh a, "Ka fanu chuan 'Ka pa, ka fanu tello chuan ka nun hian awmzia a neilo, chuvang chuan ka fanu lam turin ka kal dawn, ka thiltih tur avang hian i fanu ah min pawm duh tawh lo a nih pawh in pawi ka tilo, ka fanu kiang a awm tluk a duh ka neilo, min ngaidam dawn a nia' tiin mohit chahbi chu la in in atang chuan a chhuak zui ta a" a ti leh sup.




"Mahse ka nu chu min lam turin a rawn kal silo a" ka tih chuan "Ni e, a hmuh chak em em a fanu a bula awm tura a duh em em chu him dam takin a hmu dawn emaw a tih laiin kawng lak ah accident in a boral zui ta a ni, a pawi ka ti, keimah vangin nang leh i nu chu in awm hran phah a ni si a, mahse heihi hria la ka duh, i nu khan a thlahthlam ngai hauh lo che a sin, a hmangaih em em zawk che" ka pu in a tih leh rual chuan ka biang ah mittui a luang thla pap a.




"Engkim kha kan thiam loh vek a ni, ka u rilru nat dan tur kha kei tal chuan lo hriatthiam sak tur ka ni a sin, i lakah pawh hian ngaihdan dil kan ngai a ni, kan chungah lungawi lovin thinrim mahla keini chuan engmah sawi buai theih kan neilo" Ka patea chuan a ti sup sup a, "Ka nu thlan ah chuan kal ka duh a ni" tih zawng ka sawi, "Awle, kan kal dawn nia, kan in atang hian a hla lo, a ni pawn a hmuh chak viau che ka ring" Ka patea bawk chuan a ti leh a, ka pi leh pu te erawh in lamah an lo awm thung.




Ka nu thlan hmaah chuan ka ding a, a thian lung chu ka en ngawt ngawt, min duh loh vanga fahrah in ah khan min dah emaw ka lo ti char char a, mahse chutiang chu a lo ni hauh silo, hreawm tamtak paltlang chungin kei min hmangaih vangin min hring zawk a ni a, chuti chung chuan keichuan ka lo dem em em zawk a ni si a, "Nu kum tam tak liam hnuah ka lo kal a sin, min ngaidam rawh aw, min duh loh vanga min kalsan emaw ka ti che a, ka haw em em thin che a, mahse nanghian min lo hmangaih em em zawk si" tiin ka tap hlawp hlawp a.

....

Vawin hi Mike-a nen kan in neih kum thum na champha chiah a ni a, ropui taka lawm kan tum nghe nghe, hotel lamah kan lawm dawn avangin keipawh chu nalh takin ka in siam a, Mike-a chu ka lo nghak ran, meeting tur pawimawh deuh a neih avangin a lo la thleng lo a, ka lo in siam peih diam tawh thung, Mike-a rawn thlen hnu chuan min en vang vang a, engmah a sawi loh avang chuan "Tinge ka thawmhnaw hak hi mawi tih zawng a nilo a mi?" Tiin ka in en kual a, "I nalh lutuk a, sawi tur ber ka hrelo" a tih chuan ka thaw deuh huai mai.




Hotel kan thleng a, hotel a mikhual ho zawng zanwg pawh ka sawm vek bawk a, kan tam khawp mai, kan nupa chuan hall chhung kan in zui lut a, midang te chuan min en in kut an lo beng dar dar, kan thiante bulah chuan kan kal a, Msa leh Asangi te pawh an in nei tawh a, fanu duhawm deuh an nei tawh nghe nghe, Asangi lah che buai chi leh naute khawih zeilo chi a lo ni bawk nen Msa chuan a fanu duat lai chu a lo puak leh tawh saw.




"In va rawn thleng tlai ve, in day a nih vang mai a" Asangi chuan a lo ti hlak a, "Mike-a hi lawm, a fei lutuk a" ka lo ti vat, "A la tlai loh hi, phun na tur lah hi i hre thei si a" Msa'n a lo tih chuan rum zetin Asangi chuan a melh ram ram a, Msa lah chuan a lo nuih tlawn nghal var var, "Lo ngawi rawh, i fanu tahbelh deuh kha awi mai mai rawh, hmeichhe thusawi ah lo in rawlh ve ziah mai" Asangi lah chuan a ti zek a, kan mipa te pahnih chu in en in an nui dun hawk hawk.




"Duati i pu te pawh an lo thleng a nih saw, va kal ila" Mike-an a rawn tih takah chuan Asangi te chu kan kalsan a, "Pu in lo thleng tawh maw, i kawng na kha a chhuak leh em?" Ka ti vat a, "Chhuak lo e, ka tha lutuk, mi an va tam ve" ka pu chuan a lo ti vat a, "Nia... Hotel a thleng ho zawng zawng kan sawm tel a, chuvang a nih hi" Mike-a zawk chuan a lo ti vat, ka pu te nen pawh kan in kar a tha a, thil liam tawh chu liam tawh a ni a, in huat chhunzawm reng ka duh loh vang a ni.




Cake te chu kan nupa in kan in barh a, min lawmpui tura rawn kal te chuan kut an lo beng dar dar, "Grace hetah lo kal teh" ka nu in a rawn tih chuan ka pan hnai vat a, "Heihi ka nu unaunu fanu Muani a nih hi, Nu Muan i ti mai dawn a nia, an pa hma avang hian Mizoram ah an awm vak ngailo a, in vawikhat in hmuh na chiah a nih phah a nih hi" ka nu chuan a ti zung zung a.




Nu Muani chu ka en a, a mit chung a hnawih dum kalh a, a hmel chu a nelawm loh hle, "Mike-a nen min thum in in nei ve tawh a, fa in la pai lo chu a ni sia, in in dang zawk nge?" A tih chuan chhan mai dan tur pawh ka hrelo, "Muani a hmanhmawh thlak hleinem, Pathian in rem a tih hunah chuan fa an la nei ve em em ang" ka nu chuan a lo ti vat, "Tunlai mi ho hi chu eng in ti zo ta nge mawni, fa neih te hi duh lovin ka in dang e in han ti a, nupa lar ti nghet tu chu fa te hi an ni tih hriat tur" a ti leh hlak hlak.




"Fa neih lo pawh nise an in hmangaih chuan chuchi keichuan tawk ka ti, fa neih a nupa in hmangaih na a awm chuang siloh hian chhungkua an hlim thei ngailo a nia, a thu hrim in Muani nangpawh i fapa leh a nupui kha an in then hma in fa pahnih tiraw an neih kha?" Ka nu chuan a ti ve ngat a, Nu Muani chuan chhang lem lo hian lungawi loh hmel zetin a kalsawn daih, kei thung chu a thusawi te khan ka awm an tih nawm loh em avangin ka ngawi reng.




"Grace a thusawi te kha engah mah ngai suh aw, a zia hrim hrim a nihkha, ka nutei fa ka ti tak nang in a fahrawn a ni a, keini nen pawh kan in pawh lem lo, fa neilo pawh ni ula in in hmangaih chuan chuchi a tawk tih hre reng rawh" Ka nu chuan ka awm nawn loh hlau zet chuan a ti a, "Awle" ka ti sep, ka awm chu a nuam chiah tawh lo, mahse chuchu tih lan kher ka tum chuang lo, hlim hun a ni a, keimah vanga boruak a chhiat vek ka duh lo.




In kan thlen hnu chuan kan nupa in kan in tihfai hnuah khum ah chuan in kuah chial in kan mu a, "I awmdan a dik lo riau a nia, party naah khan thil diklo thleng a awm em ni?" Mike-a chuan a ti sup a, "Engmah a nilo" tih ringawt in ka chhang, "Duati dawt sawi I thiam loh zia chu kan hre ve ve, le enge i ngaihtuah han sawi teh" a tih leh takah chuan "Naute ka pai har bawk sia, fa neilo ta ila, engtinge niang?" Ka ti ta nge nge.




"Fa kan neilo a nih pawh in enge pawi, kan pahnih a kan in hmangaih chuan a tawk, khatiang thil ah i rintu ti buai vak duh suh ka tih thin che kha" a tih sup, "Chutiang ngawt a ni hleinem, fa neih hi ka duh takzet a ni, mahse ka pai thei kher angem tih hriat a ni bawk silo a" ka tih leh chuan "A tha alawm, fa neih i duh a nih chuan zanin atang hian tan kan lak a ngai a nih chu" tiin ka chungah chuan a rawn bawk a, ka thawmhnaw chu muangchang in min phelh sak nghal.




Tunlai chu zing lamah luak chhuak ka nei nasa em em a, a tir ah chuan ka pum dik loh vang ah ka ngai deuh a, mahse hetiang a ka awm reng takah chuan ka in ringhlel tan a, Mike-a hnenah phei chuan ka la sawi lo hrim hrim, Mike-a hnaa a kal lai chuan test kit ka lei a, bathroom ah lut in result ka en hma chuan ka tawngtai mawlh mawlh ka lo rai ta lo a nih pawh in hnual phah nan ka hmang tur a nilo tiin ka in fuih mawlh mawlh bawk.




Thin phu dep dep chungin test kit chu ka en a, rin sen pahnih ka hmuh takah chuan ka hmui ka hup chawt, ka mittui chu a luang thla ngiai ngiai bawk, Pathian hnenah chuan lawmthu ka sawi mawlh mawlh a, bathroom atang a ka chhuah te chuan ka tha a la khur dar dar mai, tlai lam a ni tawh bawk a, Mike-a hrilh hlan ka nghakhlel tawh lutuk chu ka za cheng tawh mai, a hriat hnuah chuan a la m ve ngawt ang, sawi lang ngailo mahse fa a awh zia hrechiang ber ti ka ni tlat.




Tinge maw vawin chu a rawn haw tlai em em ni, ka nghak thei tawh hlawl lo chuan ka call ta tawp a, "I rawn thleng tep tawh em?" A chhan rual rual chuan ka ti nghal thawr a, "Aw.. kawng lakah ka rawn thang mek, min ngai tawh em ni?" Nui suk chunga a rawn tih chuan "Chutiang lam a nilo, lo haw vat rawh, thil thleng a awm a nia" ka tih chuan a rawn hlauhthawn hmel hle, "Enge thleng, Duati i tha em?" A rawn ti nghal chul a, "Ka tha lo haw phawt rawh, hmanhmawh deuh in" tiin phone chu ka dah ta daih a.




Ka nui chhuak ver ver, room ah chuan ka pasal lo luh hun chu ka lo nghak ran a, rei nghah a ngailo, "Enge thleng, Duati i tha em?" Tiin ka thut na bulah chuan a rawn thu hniam a, "Mike ka kut hi a khur nasa lutuk, ka thin te hi a phu dawt dawt mai" ka tih chuan ka kut chu a rawn hum hnan a, "Enge thleng, hlauh i nei em ni?" A tih leh chuan ka nui chhuak hak a, awmzia hriat loh hmel tak chuan min en a.




"Heihi han en phawt teh?" Tiin test kit chu ka pe a, "A tak tak a ni e, dawt a nilo tiraw?" Min en chunga a tih chuan ka lo bu nghauh nghauh a, "Ka rai, ka fa tur ka lum chhung ah hian a awm mek" ka ti nghal vat bawk, chutah min rawn kuah in a khur nghal dar dar a, "Mike" ka ti sap, ka nghawng rawn huh deuh atang chuan a tap tih ka hre nghal, "Ka lawm e, ka lawm takzet" a ti sup sup bawk, "Pathian vang chauh a ni" ka lo tih chuan, "A dik e, ti teh, a hnenah lawmthu sawi tawngtai na i nei ang aw?" A ti a, kan nupa chuan Pathian hnenah lawmthu sawi tawngtai na chu ka nei a, kan chhungte kan hrilh chuan an lawm tlang hle.




Kum 6 hnuah....



"Awi.. ka hah, i fapa te saw va in siam pui rawh, harh lutuk mai, ka peih tawh lo" room a luh pah chuan ka pasal bulah ka ti zui bawrh bawrh a, a lo nui suk, "I va chau awm ve, i rit tawh si a, naupang ho saw chu buaipui vak duh suh ka tihkha" tiin tui chu min rawn pe a, "An harh dan em em saw, a chhun che a nih saw, em em a, mipa naupang ka hriat tawh ah an la harh ber" uar zet chuan ka ti leh.




"Ka fate an ni miau alawm, ka va in siam pui ange, midangte pawh an rawn thleng tep tawh ang" tiin room atang chuan a chhuak a, ka nui deuh sak, han ang ve bawrh bawrh thin mahila ka hlim a ni, kum 5 kal ta khan pafa phir harh zet mai Remruatfela leh Lalmalsawma te kan nei a, tunah nau ka pai leh mek bawk, thla thar lamah hian ka neih kan beisei a, mahse nimin lam atang khan ka lum hi a na deuh riai riai a, Mike-a bulah ka sawi duh lem lo, a buai leh chung awm si a.




Ka tai rawn thip deuh zawk zawk avang chuan ka ner leh sak zel a, rei erawh a ni ngailo, ka in siam peih hnu chuan room atangin ka chhuak a, ka fapa te room lamah chuan ka va lut ve, "Khatia in sam tih kha a ngailo, naupang in la nih kha" an sam chu a pa angin an lo ti pir a, "Apa sam ang a nih hi, a pa pawn a phal tiraw apa?" Tiin an pa chu an en a, "Duati ka fapa te hian ka sam ang hi put ve an duh miau sia, vawin te chu an birthday a nih hi, an duh ang hian awm tir mai mai rawh" ka pasal lah chuan a lo ti awlsam et a.




"Nangmah ber hian i la hruai lerh zo vek ang" tiin room atang chuan ka chhuak a, min rawn zui ve nghal vat, kan in kawt hi a zai ve a, kan fate birthday pawh kan lawm dawn a ni, khang kum liam ta chhung khan thil tamtak a thleng hman a, ka pi leh pu te pawn mual min liam san tawh a, ka pu khan kum 3 liam taah khan min boral san a, a boral atang a thlakhat a pel awrh tih ah ka pi pawn min boral san ta a ni.




Kan mi sawm ang ang te chu an rawn thleng min tawh hle a, cake kan zai lai chuan ka lum chu a na leh thin a, tih lan loh chu ka tum ve hram hram, kan fapa te chuan cake chu min barh a, an pa an parh leh hnuah chuan ka pum nat tak em avangin thutthleng ah chuan ka thu a, "Grace na i nei a mi, nichin atang khan i awm a nawm loh hmel teh mai a nia" Asangi chuan a rawn ti a, "Ka pum hi a na lutuk, oh.. nilo" tiin hnuai lam chu ka hawi thla a.




"Enge thil diklo a awm a mi?" A rawn ti vat, "Ka tui bawm a keh" a dang ka sawi thei tawh lo, ka in pet tih fan fan a, "Mike lo kal vat teh u, Grace-i hian nau a vei a nia, damdawi in lam pan pui vat a ngai" tiin Asangi chu a au ruai a, Mike-a chu a rawn kal nghal vat, "Duati i bulah ka awm reng a nia aw, engkim a tha vek ang" ti mawlh mawlh chungin motor dah na lamah chuan min pawm phei a, damdawi in kan thleng a, doctor in min en hnuah nau a hnaih thu a sawi avangin nau neih na room ah chuan min nawr lut nghal.




Pathian zar ah fanu duhawm tak ka hring a, cabin a min sawn hnu chuan kan nupa in kan fanu thar chu kan en dun a, "A hmeltha takzet, nangmah ang chiah a ni" ka pasal chuan a ti a, kawngka chu rawn in hawng in ka fapa te pahnih chu an rawn tlan lut a, an farnu chu an rawn buh nghal dak dak, "Apa a va te ve" Malsawma zawk chuan a rawn ti hluai a, Mike-a nen chuan kan nui dun hak, "In farnu a ni a, duat takin in enkawl tur a ni, in hrethiam maw?" An pa in a tih chuan an bu ve nghauh nghauh a, an pafa thum chuan naute chu an en ngawih ngawih a, ka hmangaih ka dam chhan te an nih hi.



A tawp ta.



Tun kan story chu a ngaihnawm lovin ka regu lo si a, min lo hrethiam hram hram dawn a nia aw, chutih rual in a tawp thleng a min chhiar sak tute chungah lawmthu ka sawi tak meuh meuh e, story dawt atang chuan regu kan tum leh tawh dawn a nia...