THINGTLANG NU ZUNZAM (CHAPTER 26) by helloween fambol

[Helloween fambol]

Chapter 26



Dailovi pov :



Jason te pawh an innei tawh a....an inneih thawm pawh a ri nasa hle ...media lamah an tar chuai chuai a...lawmpui tu pawh an ngah hle...kei erawh in ka lawmpui ve teh chiamlo...an inneih tangin thla 3 a liam tawh a keipawh ngai ka awh ve tawh hle bawk... A hma a keimah dailovi kha ka ni leh tawh....








Kan inhmuhlohna pawh a rei tawh hle....khawlai ah emaw tak ngial pawh ka hmu tawh ngailo.....social media a an thlalak ka hmuh hi ka hmuh ve chhun a nimaii...jason pawh ka duhna pawh hunin a her liam pui ve zel a ..a hma ang em kha chuan ka ngaihtuah ngut ngut tawh ngailo.........ka hrechhuak leh zeuh zeuh thin tih chauh a ni....



Kum tawp lam a ni ve tawh a..Ber thla kan chuangkai ve tawh a....chrismas a hnai tawh kan ti tan tawh ......




Ka hlawh pawh ka la ve leh tawh a....ka nu te pawh ka thawn leh tawh a...chaw kan ei lai chuan umama Chuan




" Officer jason nen khan in inngaizawng emaw ka tia mahse a nupui hlui nen an innei leh daih sia " a ti ta chiah a..a sawi har ka ti tawh reng a.....





" An inthen na rei tawh lawm " lalmuana chuan min tihkhalh vat a...ka u te chuan min en hrek hrek a..zawh belh min tumlo niang engmah an sawi zawm lo..





" Ka lo ngaihdan chuan hei hna te kan nei ve ta a...loan in motor hi ka la ve mai dawn em maw ni " umama chuan a ti a...ka hriatthaum loh ve zawng tak..





" Kanu te hrilh ve phawt la " usawma chuan ati a ..umama pawh a bu nghat nghat a....





" Mambawih nagpawh ka nu te chu pawisa thawn rihlo ka..i hna kalna tur scooty ngaihtuah ve la.....taxi fair chawi reng ai chuan " umama chuan a ti a....Marcus an min hruai thin tihhi an hrelo na in vawithum vel chu min hruai lai an hmu ve tawh..taxi ka la hmang reng emaw an ti niang..




" Ka hre nag..ka khalh thiam Chuang bawk silo " ka Tive sap a...scooty hi ka la khalh chhinlo reng reng .





" Aw khachu i nei nga i thiam ve mai dawn lawm " umama pawh in a ti aleh a.....






Chaw ei khamah kan hna ah theuh kan kal leh tawh hlawm a....usawma chiah hna neilo a ni tawh a usawma pawh in hna ka nei ve vat vat duh a tichhen tawh mai....tunkum ah a zir zo ve thei em tawh ang chu ..


Hna ah kan kal leh tawh a marcus pawh a dam ngaiin min lo nghak leh ran tawh....lalmuana te nen ka en ang tho hian ka en ve tawh ka thiantha tak a ni chiang khawp maii.....





" I va hma ve " motor chhung a luh pah in ka ti sap a ..



" Hma mi le in nung chang zawk nihkha " Marcus chuan tibui bui in motor chu a start nghal a....




" Ve latuk che hian a.." nui suk suk pah in ka ti a..Marcus pawh a nui ve suk suk maii...






Damdawiin kawt kan thleng a....kan chhuk vat a....Marcus pawh a rawn chhuak ve a....ka bul ah rawn ding in ka beng bul ah a rawn phun sup a...a sawi chu




" Felkimi leh i umama an in ngaizawng " a rawn ti a ka meng kawk thei ka melh vat a...a ni tak tak maw tih melh in ka melh a..




" Aw " tiin a bu nghut nghut a....engtin nge a hriat le umama nen pawh an in hre ve vak awm silova....




" Tin nge i hriat " ka lo tih chuan





" A loleng thin lawm... " A ti a..ka ngaihtuah neuh neuh a engtin nge felkimi nen hian an inhriat ang aw te ka ti chuan umama hi zan chhuah zeuh zeuh hi a ching a mahse nula rik tur ang zawng chuan ka lo ngai miahlo..





" I hmu thin mi " ka tih leh chuan a bu nghut nghut a...





" Tak tak maw " ka lo tih leh chuan a kutzungchal in ka chal ah na lo te in a rawn nawr ...



" Sawi mawlh mawlh a " a ti hluk a..a nui pah huk huk a....





" Ngahnge khatia in in nawr nawk a " kan piah deuh a ding duati chuan a ti a nui pah sak in..





" Hepa hi lawm " tiin Marcus chu ka melh a .. Marcus erawh a phun hluk hluk mai.....





" Kal ang " tiin duati chu casualty lam pan in a kal phei mawlh mawlh a...





" Chu kan mono tur chu ka lo chhawr hrep dawn nih chu " marcus en reng chung chuan ka ti lui sak a..Marcus chuan min lo melh ve ran in.





" Zak teh " a ti hluk a..ka ban ah na lo te in a rawn hnek sawk a..ka phun hlak hlak a...Marcus pawh nui huah huah in a car ah a lut a.....a tlan chhuah hma chuan..





" Daikhawlo " ti a lei min rawn chhuah zeuh chu a motor ka beng ri dawt a...a phu der ve zawk a..ka nui hak hak a....ani pawh reilo ah a tlan chhuak nghal a.....hepa hi chu aw a mah pawh in a tirah ka duh che a mahse kan in kawm rei telh telh a ka duhlo telh telh che a ti hem mai a.....ngaih hi a tha veng veng mai......






La nui reng chung chuan casualty lam ah ka phei a....casualty step ka thleng chiah chu ka ding dat a....casualty kawngkhar chhunglam bula thutthleng kan dah ah chuan Jason chu a thu a min melh ngur maii.......Marcus nen kan awmdan kha ahnu nih ka ring hmiah tawh bawk........





Ka hmu thut chu ka nghing deuh dawt ni hian ka hria...a mitmeng tak run te a hmel pa hrak leh zun ngah thin em em te saw ka la theihnghilh hauhlo... Mahni in thunun tum zet chuan boruak ka thaw lut kawk a .. casualty chhung ah chuan ka lut zui nghal a..Jason chu melh khat pawh in ka melh leh tawh lo..






Inchhung ka luh chuan timothy ka hmu nghal a.an hma zawnah tak ka ding ran a....timothy bulah sangsangi chu a ding bawk...timothy chu a kutah benflon an lo vuahsak mek a.....a damlo emaw ni..timothy tereuh pawh hi ka hmu khat em a ka ngai reuh khawp maii..





"Dailo drip khai tur kha lo siam lawk la " timothy kut a benflon vuahsak mawlh mawlh pah chuan vunchhahi chuan a ti a..midang tu tu emaw an awm ve duah bawk...a then in bo te an check bawk..






Chutia vunchhahin min biak chiah chuan timothy leh sangsangi chu an lo hawi vat a...timothy chuan min hmuh chuan a nui var var maii....hmui phun hian "ANU" a ti sep a .ka nuih ve sak bawk....





" Khawnge drip chu " tiin dawhkan lam chu ka pan a ka bag ah chu ka dah nghal bawk... Ka tukhum hit vawng vawng dan ah jason chuan minla en reng tih ka hre thei bawk..a huhang hi chu ka taksa hian a la theihnghilh lo nih dawn hi....






" Khalai ah khan damdawi lehkha nen awm ang " vunchhahi chuan a ti a.....a saiwna lai chu pan nghalin lehkha chu ka en mawlh mawlh an damdawi chawh dan ah a khuasik nih hmel e....drip chu khai mai theih tur in ka siam mawlh mawlh a...






Timothy te awmna lam pan a ka inher chiah chu tumloh deuh in Jason chu ka melh palh a minlo la melh run maii..ka che a buai dawn tlat......hmundang hawi vat in timothy lam chu ka pan a....






A benflon chu la kang in drip chu ka vuah lut nghal a......





" I dam thin maw " timothy chuan a ti sep reuh a..ka en ve ran a ka hmuh khat vang nge ka hmu lian deuh sawt in ka hria.....ka nuih seih a..





" Dam e ... Inhmuh a khat hle mai tiro " ka lo Tive a timothy pawh a bu nghat nghat a...





" Bawihte tah hian lo mu chhung la " tiin an hnung a khum kan dah chu sangsangi chuan a beng thek thek a...timothy pawh in a en ve vat a...





" Ka duh lo " timothy chuan a ti hmuk reuh a..sangsangi chu a melh lo reng reng...ngatinge maw ni dawn ni ka ti zui nuah nuah maii... Sangsangi nen hian kam khat pawh hian kan la inbe lo a... Biak emaw pawh ka chak lem lo......





Sangsangi chuan timothy chu a melh vang vang mai....timothy nen hian an inpawh vaklo nge mawni te ka ti rilru mai mai......




Midang lo lut ve te chu ka buaipui ve mial mial a..timothy erawh a ngawi reng a..sangsangin duat tak a a biakna pawh chu a chhang tha duh der lo .... A chang in timothy chuan min be leh zeuh zeuh thin a..a mak ka ti reuh hle timothy chu a naupang ang hu in a thluak hi a tha reuh phian maii....





" Ehe dailo i ni tiraw " min ko tu ka hriat vang chuan kawngka lam chu ka hawi a.. tumloh deuh in Jason ka melh leh tawh..... Kawngka lam chu ka en a.. Marcus Jason thianpa kha lo ni reng in..ka nuih ve sang mai a..






" I dam tha maw " ka lo ti ve vat a.. naupang Pakhat kut ah chuan benflon chu ka vit lut pah a...






" Damtha e... Ka hai dawn che lawm mawle " a rawn ti a... Benflon vuah pawh chu ka zo chiah a..Marcus lam chu ka hawi a ka hma ah a ding run a..





" Awihawmloh emai a " ka ti ve sap a... A tawngduh bawk a kan inbe ve siam siam a..





" Enge i rawn tih dawn a " ka tih ve chuan




" Hei Jason hi ka rawn hruai dawn a " a ti ve sap a..ka bu nghat ringawt....





" Dailo in awm em " tihri ka hre leh a kawngkhar lam ka hawi chu felkimi leh a thiannu ka hmu nghal a..eheuu vawiin chu hmuh ngailoh ka va han hmu nasa ve...






" Eheeee awm e .lo lut ru" ka ti ve vat a...





" Kan kal mai ang aw " tiin Marcus chuan pawnlam chu a kawk zeuh a ka bu venghat a..





" Awle. .." ka lo Tive vat bawk...an kal zuina erawh ka ngaihtuah lemlo...




felkimi thiannu chu benflon vuah ngai hi a lo ni a....ka vuah sak mawlh mawlh a reiloah ka zo ve mai a ...




" Inhmuh a va khat ve " felkimi pawh chuan a rawn ti a..umama nen an in ngaizawng hi mak ka la tireng...felkimi hi chu a hmeltha reuh em a kan umama te ang a duh chu mak ka ti deuh ...





" Nia tiro in dam tha maw " tiin kan inbe siam siam a..an ni pawh reiloah an chhuak zui ve nghal a.....





" Drip a zo tawh " tihri ka hria a. Sangsangi te lam chu ka melh zawk a... Sangsangi pawh in min lo en ve ran bawk..




" Awle ka lo phawi ang " tiin ka pan hnai nghal a.....



Timothy drip chu phawi in dustbin ah ka paih zui nghal a.....Jason chu Marcus rual khan a kal ve niang ka hmu tawh lo...sangsangi lam ka hawi a Jason thutna lam chu a melh a





" Khawnge i pa hi le " tiin a phone chu a khawih mial mial a....Jason hian an kalna tur a hrilh miahlo emaw ni.....




" Aw khawnge Jason hi " sangsangi chuan a ti a..a phone chu a bengah a chuk tuah ran a....min rawn melh leh zeuh thin vang chuan ka kalsawn daih a...nupa inpawh tak zawng an ang hauhlo mai...





" Anu " rawn ti dap tu chu ka melh vat a.. ka bulah chuan timothy chu a rawn kal phei a..a nui vur vur a.....nuih let ve in ka thuhniam nghal a...Anu ti a minla ko chu mak ka Tive det ani....






" Enge ni i zia tawh em " tiin a biang ah ka piai sak zeuh a..a bu ve nghat nghat a...




" Bawihte lokal rawh le " tiin sangsangi chuan timothy dar ah a rawn dawm a..keipawh chu ka ding chhuak ve nghal a.. timothy chuan sangsangin a khawihna chu a duhlo niang a lo hnawl thlak sak a..mak ka ti hle mai timothy awmdan hi






" Ni e timothy anu thu sawi kha awihtur chuan lo dam vat vat rawh aw " nuih seih chung chuan ka ti a .sangsangi erawh in a min melh ngar a.. amit meng ah chuan min huat hmel hle mai..ve ngawt chuan a..






" Awle Anu " timothy chuan tiin pawnlam ah a chhuak zui nghal a....sangsangi kut inhumruh ngawt ngawtpawh ka hmuthei...ni e Anu zawk Anu tilo in kei min ko daih kha nia..a tam chuan hriatthiam a har ve ang.....






Ka kalsan hmak a....a nausen tangin a awpbet tawhlo a Tunah a rah a seng tan ni mai ah ka ngai..ka khawngaih em em hran lem lo.......







An chhuak ta nge pawh ka hrelo ka bengbulah duati chu a rawn phun sar sar a....





" An innelloh hlawm hmel lutuk " a rawn ti sa sa a...ka nui sak a ....






" Nia tiraw " ka ti ve sep a...kan nui kat kar maii...





Haw. Alo hun a marcus lokal hun pawh kan nghak ran tawh.. duati erawh vunchhahin la awm rihtur a a tihvang in a la awm a....mahni te in Kawngsir ah Marcus chu ka nghak ran a...khua pawh a thim hnai kual tawh a...Marcus chu rei hle mai a.....ka hawi ka hawi tawh mai....taxi hi ka la zawk dawn em maw ni.....






Chutia ka hawi ka hawi lai chuan ka lam pana bolero dum lo tlan hi ka hmu a...hrilh chawp ngailo in Jason bolero ngei a ni a......ka hma ah a rawn ding ri tuarh a.. ka thinphu pawh a rang tawh hle...enge a rawn tih dawn ....





Muttui suksuk ule hmeltha ho a hmawr kan bawk tep tawh nia... happy ending tur a in duh chuan comment lamah khan lo sawi ru aw hmeltha ho ......