MY BIG BOY CHAPTER 14 by helloween fambol

[Helloween fambol]

Chapter 14


Stacy pov :


" Ka bul ah zel awm ang che aw" Nathan chuan car kan chuan lai chuan a ti a..ka kut chu a fawp vang vang a...



" Awle" ka ti sap a..ka nui sang a....



" Chuan zan in pawh" mit min siai zeuh chung hian a ti a....ka kut chu a mal ah a dah a a hum hnan hmiah bawk.
.



" Midang an awm ve hi" lai zet chung a ka lo tihve chuan car khalhtu lukawlh zet chu a en zawk a...





" A ho lutuk " nui vur vur in Nathan chuan a ti a....car khalhtu pa erawh a ngawi ngul a hmalam a melh ngur maii......




Rei tawk fan kan tlan leh hnu chuan hotel lian tha zet hi kan thleng leh a...a hma a ka kalna hmasa ai mah khan a lian zawk daih......hotel hmaah tak chuan LOWWEL tihhi a lian ve takin a in tar bawk.....a mawi hle mai a..




" Kal ang le' Nathan chuan min en pah chuan a ti sup a..ka kut chu a chelh ran bawk.....ka lo bu ve nghat a.....motor a tang a kan chhuak chiah chu khawi lama tang a lokal nge tih pawh ka hriat miahlo Mipa coat suit dum ha tam tham fe kan bulah an rawn kal nghal a...





Min hual vek a...kawng pawh ka hmutha thei lo Nathan chuan nghet zet in min kai a...hotel hmaah red carpet an phah ah chuan kan kal tam chiah ti ah....





Khawlai kal ho te leh mi tam tak ho chuan




" Eheee mr Nathan lowwel a nih saw" hmeichhe aw in an tiri pawh ka hria a...ka hawi chhuak ve a..an phone camera an hmang tih hriat takin kan lam ah an phone keng va hlawm bawk...hmeichhe thenkhat ho chu an hlim lutuk nge an zuar tawr tawr hlawm a....Nathan chu an en duh nasa bawk....





" Saw saw a bialnu an tihkha em ni" tih pawh ka hre leh......Nathan chuan min kalpui vawk vawk a....hotel chhung kan luh pawh chuan guard ho chuan min veng reng bawk...lift ah kan Chuang a...







Chhanah chung ber a hmet a....lift kawngkhar a in hawn chuan min hmu tu piang chuan min en duh khawp mai...room chi hrang hrang a awm thluah a..kan kal zel a...kawi Pakhat hi lo awm in tah chuan kan kawi a...kawngkhar nalh zet mai a lo awm a...




Kawngkhar hma ah chuan guard pathum an lo ding bawk....min hmuh velah chuan chibai min buk nghal a...Nathan erawh a kal hmawk hmawk a...kawngkhar chu guard ho chuan an hawng a tah chuan kan lut nghal ..a zau tha in room inchei dan chu a mawi takzet....





" Hrehawm i ti em" Nathan chuan sofa a min thutthlak pui pah in a ti a....





" Engah chuan maw" ka lo tihve chuan..




" Guard ven ngai a awm reng hi". A rawn ti a..ka melh reng a a mitmeng ah chuan thil enge maw tak hi ka hmu...chu thil chu eng vang a sawi nge a nih...




" Hrehawm i ti em ni" ka lo tihchuan min melh ran pah in





" Mi thenkhat ang a khawlai a duh duh a kalkawi ve te chuan tu mitmei mah ven tir awmlo ang te hi ka chak ve thin " a rawn ti hniam ruih a....ni e ani ang hi chu guard an nei lo nih chuan mipui ho hian an chim hnehsawh dawn tlat he a hringnun hi hne chang a nei ve thin a nimaw....





" I hirngnung hi hrehawm tih chang i nei ve thin tih na em ni" nui sang chung chuan ka ti sep a....a mitmeng thuk ruih ah chuan hrehawm tihna te ka hmu thei nia mawle....





" Um" a ti dut a....ka kuah hlu hlu a.......a thil chak ve ber hj tihsak ve ka chak takzet....




" Kan pahnih in khawlai street food te kan ei nga" a sam ah chul hliau hliau pah chung chuan ka ti a ..naupang thuawih hmel zet hian ka tih ang ang in a awm reuh a...




Thenkhat in hausak chak reng rengin hna rim tak in an thawk a..mi hausa te nun an awt hle a..mahse mi hausa thenkhat chuan mi rethei nun chu an awt ve lawk si.....




" Ka lo puih ve ang che" a computer khawih mawlh mawlh lai chu ka en ve a...




" Tehreng " tiin a chair ah chuan min thuttir ve a....tihdan te chu min hrilh ve mawlh mawlh a..




A nuam ka ti hle maii.....a computer chu kan khawih dun mawlh mawlh a...a changin kan nui leh hawk hawk thin......Nathan pawh a hlim tih hriat tak in a nui ve hawk hawk thin bawk...



" Lunch ei ila"Nathan chuan a ti sap a..ka computer khawih lai pawh ka chawl dat a..ka ril a tam ve tawh reng maii..




" Awle" ka ti ve sep a .ka tho nghal tharh a.....




Dawhkan bul ka thlen chuan min chelh bet a..dawhkan chung ah chuan a thu a...a kap kar ah min pawt lut bawk kan in hmachhawn ran a..a sam rimtui zet leh a rim pa hrak mai te chu ka hip lut kawk a..




" Zan in chu aw" a rawn ti leh sep a..ka nghawng a fawp kual leh dan tawh..a thil sawi awmzia ka hre nghal bawk tukin zing a a thiltih kha a la hrereng niang..ka nui hak a..




" Min hrem rei tawh lawm" nui ve suk pah in a ti a .ka kawngah nghet zet in a kut chuan a rawn vuan leh a....min pawt hnai salh bawk




Ka awmbawr vel chu a hmui chuan a nul kual dan dan .....ka coat hak hnuai a ka kawrbah hak chu a nghawng a a khabe chuan a nawr kau zeuh a...ka phun hlak a..




" Lunch ei ang i ti ni lawm ni" ka ti ve a...a rawn nui chhuak hawk a...




" Ka ei mek" ti sap in a kut min kuahna chuan ka mawng chu a tham salh a...tum loh deuh in ka rum hawk bawk...




Ka rum hawk chuan a ti phur zual nge a rawn hmer leh salh a....ka awmbawr pawh a rawn nawr na zual sauh a..ka taksa pawh a danglam leh tan tawh a..ka za leh mer mer tan tawh..



A rawn ding hluai a..kan hnung lawk sofa ah chuan min bawhthlu nghal a ka tre that a..Nathan erawh a nui hawk hawk a...




" Wifey reilo te" ti sap in a hnuai lam chuan ka hm*******na chu a rawn nek salh a...ka mur zawk a...a office em em a hetiang a han awm chu.




" Ka pu hmu duh che an awm" pawn lam tang chuan an rawn ti a..Nathan pawh a phun hluk a...




" Tho rawh mi an lokal dawn chu" ka ti a .nem thawh ka tum a a tho duh der lo......





" A ho " a ti hmuk a...ka nghawng fawh zawm leh a tum chu a hmui ka hupsak tlat a...a nui suk a.....





" Ka pu ka lo luh tir dawn em" pawn lam tang chuan an rawn ti leh a....a ka ka hupbeh sak na kut chu ka la vat a...ka melh reng a a mitko a san uk a..



" Aw" a ti hmuk a...thawh erawh a la tumlo niang a che eihlo reng reng....




Kawngkhar in hawng ri khap thawm ka hria a. .thei leh theilo in kawngkhar lam ka hawi a....ka dak vah mai..bella maw ...



" Oh ka tibuai deuh che u elaw" nui var var hian a ti a..a mitmeng erawh a rum hrak a...minmelh no lo nasa mai...





" Enge" Nathan chain a ti hmuk a..a tho kang zui ve a...keipawh ka tho ve tharh a .ka kawr hak chu ka siamtha mawlh mawlh...




" Heihi a i sign a ngai a" no zet a tiin bella chuan file Pakhat hi a lek kang vut a....




" Lo dah rawh" Nathan chuan a ti leh hmuk a....kei chu min rawn en in..





" Eitur chu kan chah zawk mai dawn mi" a rawn ti a..bella a ngaihtuah miahlo chu mak ka ti deuh....bella chuan kan thutna hma lawk a dawhkan te in hung ah chuan file chu a dah a...




" I tih dan dan " ka lo ti sep a.....bella erawh kan hma ah chuan a ding reng tih ka mitsir in ka hmu thei bawk...




" George " Nathan chuan kawngkhar lam melh pah in a ti vat a ..chutah Mipa pakhat hi a lo lut a .....




" Enge i ei duh " tiin min melh a....





" I ei ang ang kha nimai " ka lo ti ve ringawt a .an ei siam hming pawh hi ka hre fumfe thei hauhlo....




" Ok" ti sup in george lam chu a hawi a..





" Antony khan a hre mai ang " a ti sap a..George chu a bu nghut a.




" Awle ka pi" tiin a chhuak zui nghal a......



Nathan chuan sofa hnung chu a nghen dawr dawr a..ka bapw lehlam chu a rawn khai vawk a..a mal chungah a dah then a...ka lo phu nasa lutuk chu min melh zeuh a a mitko a san uk a...chutah bella la ding reng lam chu a melh a...




Ka melh ve chuan Nathan a lo melhve chiah a...henu hian min nel fahran hmel tlatlo....




" VIP room lam chu a fel em" Nathan chuan a ti hmuk a...bella pawh nui var chung in...




" Aw fel e....i duhdan ang vek in kan ti e" a ti no salh a..a mitmeng erawh a dang hauhlo a rum hrak mai...chutiang chung a nui hmel a la pu thei chu mak ka ti zawk....





" Ok.i kal thei" Nathan chuan a ti hmuk a......bella erawh kal mai a tumloh hmel tlat .




" Miss Stacy hetah i thawk ve dawn em ni" nui sang chunga min rawn melh pah in a rawn ti a....min melh chiang hle bawk..





"Aww.....i lo buaina tur a awm em" Nathan chuan thle bawk pah in bella chu a chhang fak a....




" Awmlo e..ka hmu thut sia ka zawt mai mai " bella chuan nathan melh chung chuan a ti a ...a kut a mal sir a a dah a humruh ngawt ngawt pawh ka hmu reng......





" I kal thei" Nathan chuan ti leh hmuk a...bella awn a chhuak zui nghal..ka en zui reng a...engvang a khatia min melh hin kha nge maw. Anih le




"Wifey tinge" Nathan min biakna vang chuan bella ka melh zui na pawh chu ka tawp chawt a..





" Bella khan eng hna nge a thawh a" Nathan melh pah chuan ka ti sap a....





"Pawisa lut leh leh chhuak hi a enfel thin " a ti hmuk a...






Reiloah kan eitur chah pawh a rawn thleng a..kan ei mawlh mawlh a..keimah a hotel a ka awm lak kha k hrechhuak thut a.




" Khang paparazzi ho kha an lokal leh mai loang maw min hmutu an tam sia" ka thil ei lai ri mawlh mawlh chung chuan ka ti a...





" Hetah chuan an lolut lo ang..venhimna a khauh tha lawm" a ti ve sap a...ka bu nghat nghat mai....





Nileng a Nathan kiang a ka awm chu nuam ka ti hle .. a han te ka thawh pui ve reng a...nikhat ah hotel atang a pawisa lut chu chhiar pawh ka chhiar senglo...chutiang khawp chuan pawisa a tam ka ring hauhlo...




Tlai lam ah chuan Nathan chuan a sana bun lawk zet chu a bih zeuh a...




" Wifey kan haw tawh mai dawn em ni" a ti sap a...keipawh ka bu ve nghat a...




" Lawk aw" tiin a phone chu a hmet melh melh a.....a beng zawn ah dah vang vang in reiloah




" Helton inpeih ru kan lo chhuak " a ti sap a..aphone chu a dah leh nghal a...




" Kal ang le" tiin a coat hak lai chair hnung a a dah chu a la vut a....a ha mawlh mawlh a....a hman velah kawngka lam panin kan kal dun ve nghal a...





Ka ke kham lutuk vang chuan lift kan thleng hma chuan ka ding dat a.....Nathan leh guard ho pawh an ding chawt a....




" Tinge " min ngaihtuah hmel fe chuan Nathan chuan a ti vat a..





" Ka ke a kham tawh lutuk " ka ti hlak ka pheikhawk chu ka phelh nghal mawlh mawlh.....Nathan erawh a nui suk a...





" A dang bun nuam deuh kan lei dawn nia" ti sap in ka pheikhawk phelh sa ka ken lai chu a rawn la a...





" I ke a na lo ang maw " a rawn tih chuan




" Na lo e..tihian a nuam zawk " ka ti sap a..ka ding tha te te a ka kekawr hak hmawr chuan chhiat chu a hrut pah bawk..




" Kal ang " thusawi tum a a ang lai tak chuan ka tih khalh a..a ban ah kut ka suih bet nghal a....lift ah chuan ka luhpui daih a.....





Guard awm ho hi ngai ah ka nei vat a la ngai dawn chu ni sia...hetiang reng nihhi ka Ning tan dawn tlat




Lift chu a rawn in hawng a...kan chhuak chiah chu Mipa coat suit dum ha tam tham zet an rawn kal nghal a...min veng leh ran bawk.....car kan luh dawn chuan thlalak de zawk zawk ka hmu a car ah rang fahran in. Ka lut zui bawk....kan thla an la leh tawh niang maw....





Nathan pawh a rawn thulut vat a ..helton pawh rawn lut zui ve nghal in a tlan chhuak nghal a..




" Kan thla an la in ka hria" ka tih ve sep chuan Nathan ka melh a a ni erawh in ka ke chu a melh ngar a....




" La rawh se....i ke kha ka mal chung ah hian lo dah teh " a tihrual in ka ke chu a mal chungah a hlang chho nghal a...ka vun hi a ngo ve em a ka ke phei chu heta kan awm hnu phei chuan a sen suah reng mai a......ka ke tang chu a kut chuan a rawn hmet a..





" I ke chu a thi emaw ka ti dawn a" a rawn tih chiah reng a. Ka nui hak hak a..he tia min ngaihsak viau hi ka hlim veng veng a ka pangchang phah zual dawn dawn ten ka hria...





" Helton pheikhawk dawr ah " Nathan chuan a ti nghut a..




" Awle ka pu " helton chuan a ti sap a...





Reiloah dawr lian zet leh changkang zet ah chuan kan lut a....dawr lo nghak hote chuan polite zet zet in minlo chhawn a...min en duhh hlawm hle bawkk....nathan hnung si deuh chet in ka kal pah reng bawk.....helton erawh kan hnungah a rawn kal ve dut dut bawk...




" Mr Nathan lokal ru enge in duh teh mial a" hmeichhe sang vah mai ngo veng mai hian arawn ti a ..kei erawh in an thawmhnaw zawrh leh an pheikhawk zawrh te chu ka en kual dan dan a..an dawr a zau bawk a an thil aneih a changkang hlawm hle bawk..





" Pheikhawk in neih thlen thar zawng zawng " Nathan chuan ti hmuk in kan hnung deuh sofa ah chuan min kal pui a kan thu ran bawk..helton pawh kan thutna sir ah a ding ngur bawk..






Reiloah hmeichhe dang pahnih hian pheikhawk tam tham fe bawm ah an rawn khai a...ka ke bul ah an rawn dah a..





" Miss bun chhin rawh le" Pakhat chuan a ti sap a..an rawn dah hmasak ber chu ka la vut a..a bawm ka hawng a pheikhawk dum heel chhah sang ve lam hi a ni a..a pian pawh a nalh hle ringawt ...




" Bun chhin rawh" Nathan chuan ti dat a...




Ka bun ve chhin a ka bun tawk chiah a chhuat chu ka rap pah salh salh a bun a nuam dawn hle mai ka nui var var a...Nathan chu ka melh a....





" I duh zawng ni em" a rawn ti dut a..





" Aw" ka lo ti vat a a bu nghut a...




" Lo pack ri" a ti leh hmuk a..a phone ah lai chu a rawn ri val val a..a en chuan a rum dat a helton chu amelh zeuh a helton chu a bu nghut a chutah min rawn en ve in..





" Wifey i duh kha lo en rawh aw..call pawimawh nia" a ti sap a ka lo bu ve vat a....nathan chu a tho kang nghal a hmun reh deuh lai ah a kal sawn zui daih a..





" Miss nangmah hi tiraw mr Nathan bialnu an tih kha" pheikhawk snwhfel tu nu chuan a rawn ti a ka lo bu nghut a..





" Awiiii i hmeltha hle mai" a rawn ti a ka nuih let ve suk ringawt chhan dan tur ka hre thlawt lo ani Nathan bialnu ka nihvang a min fak der angah ka ngai...





" Miss thawmhnaw te saw i duhzawng va en la "Pakhat zawk chuan arawn ti a....an thawmhnaw khaina lam chu a kawk zeuh a..




" Awle " tiin ka bu nghat a....thawmhnaw ho chuan ka mit an lak deuh vang in thawmhnaw awmna lam chu ka pan vat a.....





Nathan ala hman chuang lo tiin thawmhnaw te chu khawih lem lo in ka bih kual thuak thuak a...helton pawhin ka hnung zel ah min. Zui ve reng bawk...thawmhnaw lam ngawt ka lo bih vangin tu emaw hi ka su dawt a .ka per sawn deuh awrh a..





" Ka tihpalh " ka ti sap a...ka mi sutpa chu a rawn hawi a....chik zet hian min melh a...a palian in a a sa pawh a liantha hle bawk....



" Pawilo " nui sang hian min melh a a hmel en ai chuan a fel hmel hi le...


Kalsan ka tum chiah chu ka dar ah a rawn vawn vang chuan ka ding chawt a...




" Miss i hmeltha hle mai i hming min hrilh thei em" nuisuk ang bawk hian a rawn tia ..a mit chuan ka awmbawr a en zeuh pawh ka hmu hman...a tenawm hmel reuh hle maii.....




" Kalsawn vat rawh " ka hnung a ding helton chuan chupa min vawnna kut chu phih thla hrawk pah chuan a ti chang fak a..chupa hmel pawh chu a dang sawt helton chu nui sang in a melh leh a...





" A hming ka lo zawt ve mai mai a" chupa chuan helton hnenah chuan a ti sap a ...





" Zawh angailo " helton chuan a ti hmuk a.....





" Ka pi kal ang le" helton chuan a rawntih zawm nghal a...keipawh chu kan thutna lam pan chuan ka kal nghal vat a ...





Reiloah Nathan pawh a rawn thleng a hmel chu a rum ul mai a ..helton hnenah chuan kal ang a tih vangin kan chhak nghal a .kan pheikhawk lei erawh helton in motor ah dahlut nghal a...




Car chhungah chuan thil ngaihtuah ngut ngut chung chuan Nathan a thu tum leh hmuk tawh a .. thil thalo a thleng nihchu ka ring thiam mai..ka zawt buai duhlo a tul a tih hun ah min hrilh ve mai ka ring a tin ni....




In kan thlen chuan Nathan chuan



" Wifey hna lamah chhuah lawk ka ngai a...lo va lut mai ta che " a rawn ti chiah reng a ka rindan sa nih vang chuan ka bu nghut a..





" Tha deuh in i hna chu va thawk rawh " nui sen sen pah chuan ka ti a..an tlan chhuak leh thleng chuan ka thlir zui vawng vawng a..




Eng hna pawimawh tak ni ang maw ..vawiin a hotel a kan thawhna ah erawh buaina a neih awm ka hre bawk silo ti rilru mawlh mawlh in kan room ah ka lut zui nghal a.......




Ka mit a na...tunlai chu dawr ah kan buai thei em em a...sei deuh pawh ka dah theilo min hrethiam hram hram ru aw.......Muttui vek ule