OUR FAULT BY MAWITEI BAWITLUNG (Completed)

[mawitei bawihtlung]

OUR FAULT





CHAPTER 18






Zan lamah Robert-a chu a rawn leng leha, a eng a mah hma in Thansanga lah hian a ngeih lo khawpa, a fapa nen in pawmin Robert-a an perh sek chu khap ve mah ila awm zia a awm lo, pakhat lahin a pa a awm tih hria in “Apa a nu hi bialpa dang a neih phal miah suh" a lo ti ve chhen bawk, tuk tawlh mai ania ka duh ni, hetiang em em a chimawm mai.








“Zothanpui i pa Robert-a hi ka thian a ni, khatiang sawi ziah suh ka tihkha" ka tih deuh that takah chuan a pa awmah a hmai phumin a ngawi ta kar a “I fapa vin ziah suh Puite" Thansanga rawn tawng chu rum zetin ka ena “Lo chhan ziah suh, naupang chu an tih dik loh ah kan zilh loh chuan an rawn puitlin hunah a inchhir tur bawk chu keimah ni, aia upa a zah loh kha i duh em ni?" ka tih lai chuan a rum nghuta.






A fapa chu pawmin roomah a luhpui nal nal a nihchu, an va han inchhun pafa tak. An titau te hi a hriat bik hluah hluah thin, an tum hmuka, an luhlul dun hle bawk. Engvanga a pa chhun kher kher nge maw a nih ni, an duh loh zawngah an chimawm dun bawk si. An pafa hian thin nawk nawk ania ka chak ni.







Robert-a pawh chu a inthlahrung ta deuh nge rei leng tawh lovin haw a tuma, ka dang ve tak nangin a tum bur bawk nen a haw ta tho va. Ka thian neih ve chhun a ni bawk nen ka pasal leh ka fapa awmdan avang khan ka inthlahrung ngawih ngawih, room lam chu panin khuma an pafa a an lo thu tum bur chu an hmaah ka va dinga.







Thansanga lah hian a fapa tih ang zel hian a awma, kum 30 pel tawh a ni tih lam hi a ngaihtuah der lo, a fapa awmdan apiang a lian zawk hian a tawmpui a ni ber mai. Chimawm ve tak chu an ni, min en duh thak lo lehnghal.






“Robert-a kha ka thiantha a ni a, khatianga in ti kha ka lawm hauh lo a nia aw, kun tlat suh u" chutia ka tih veleh an sir lam ve ve chu an melh leh ngat a nihchu, awi! Khawvelah hian pafa in pafa over ber an nih hi, ka ngei lutuk chuan an bengah ve ve ka pawhsaka, an ner nasa ngei mai.







“Sual dun lutuk, tikhan in pafa khan riak rawh u.Hmun dangah ka riahsan dawn che u" ti a kalsawn ka tum chu Thansanga chuan ka banrekah rawn vuanin alamah min pawt vaka, khumah chuan kan in delh tlu nghal rawp mai, Thanthana lah chu phur zeta lo auin a lo zuang vak vak bawk.







“Bawiha i nu hian mipa dang a hnaih leh chuan heiai na hremna kan pe tawh ang" tiin keichu min rawn dêk zuia, ka haw bawk nen ka nui uar uar mai. Thanthana pawh rawn tawlh hnaiin an pafa chuan min dêk rawna, ka tal nawk nawk mai.







“Duhtawk ru," ka tih takah chuan an tawp ve hrama, ka mittui chu a tla phung mai. “Ka chhuak dawn a nia, tikhan mu rawh u" ti a kal leh mai ka tum chuan Thansanga zawk chuan min delh bet tlat a nihchu, an va han ninawm tak, engvanga hmun danga mut pawh chu phallo viau nge maw an nih le? Ninawm lutuk mai.








“Anu, apa nen mu ru, keichu a û bulah ka mu dawn" tiin Thanthana chu a tlanchhuak daiha, ka au ve tak nangin a rawn chhang tawh lo hrim hrim. Fapa fing phakar lutuk mai, thawk la ham hamin Thansanga chu ka ena, a nilahin min lo en ve reng bawk, a pangtilum thur thur chu ka taksa chuan a tawk bawk nen ka khur deuh der der mai.








“Min thlah teh, tinge helaiah i rawn kal ve reng reng? I hna nen chawlh reng pawh a tha lo, mi tam takin an mamawh dawn che a sin, damlo ten an rawn pan ve hram hram dawn lehnghal" ka tihlai chuan min kuah nghet salha “Chungte ang bawk chuan keiin ka damdawi tello chuan ka dam thei bik silo a lawm, ka mamawh ber i awm bik lo" a rawn tihchuan chhan dan tur mai ka hrelo, ka en ho ringawt.









A mitmeng dam dup chuan min en ve renga, a damdawi anga min sawi chuan min ti danglam viau lehnghal “Ka sawi chu i hria em Puite? Mi ten an dam nana an mamawh hian an mahni enkawl na tur chuan ka damdawi, ka daktawr hi ka mamawh ve thung che a sin" tiin ka biangah chuan a rawn dawma, a chet dan chu ka lo en ve reng bawk.








“Thansang" sawi zawm tur hrelo chuan ka ngawi leha, a awma min kuah betin kan mutdan chu a siam rema “Puite, i rilru ka tina in kan in hnial fo a ni thei; mahse nangmah aia ngaihsak hmeichhia ka nei ngailo, ka thlakhlelh ber i ni a, ka tan a ka nu leh pa tih loha pawimawh ber i ni bawk. Nupa kan ni a, in hau fo mah ila nupa kan nihna hi theihnghilh suh aw, keipawhin ka theihnghilh ngailo, tlin lohna zawng zawng nena in pawm tum chunga innei thin kan ni tih i hria tiraw?" a tihchuan ka bu nghata.








Ni e Biak ina innei te pawhin, a nuamah leh a hrehawmah pawh, hrehawm lai leh bawrhsawm lai ber pawha in vuan tawn reng turin an intiam a, tam tak erawh hi chuan kan zawm leh thei thin silo a nih hi.






“Mahse Nunhlui i in tihbuai tir reng a, ka duh lo a lawm. Johnny-a i hmuh theih loh ang chiah khan ka hmu thei biklo, i nupui lo ni tep tawh a nihnaah pawh keimaiah hlauhthawnna a in tuh thuai thin a sin. Min tawng khum dan zawng zawng nen khan hnaih lo turin ka duh mai che a ni, a damlo a nihchuan midang pawh a in enkawl tir thei a lawm, chhungte a la neia an buaipui ve tur a ni, chung nilo in nangmah bawk a rawn pan che a, a dam loh kha ka ring lo a ni ber" tiin ka phun sapa.









“I ti dik e, a natna kha a nei hauh lo. A natna hmanga min bum kha ka thinrim hle bawk, kan nupa in kar a chhiat phaha, a tirah phei kha chuan kut ka thlak nghe nghe" a rawn tihchuan ka awmsawn deuha, a thusawi chu mak ti tak hian ka ngaithla a.






“Kut i thlak a maw?" ka tihchuan a bu nghuta, chutah min kuah lehin ka hmuiah chuan a rawn fawpa “Tunah chuan in ngeih takin awm tawh teh ang. In thinrim khum reng zawng, nupa tan chuan a buaithlak emai ka nghei rei tawh ropui si" a thusawi avang chuan ka nui phuh thawta, a awmah chuan ka chum sak dawt mai.








Chutah ka pumah chuan rawn chulin “Ka fa tur hi lo piang leh zung zung rawh se, a nu rilru a hruaisual nasa emai ka duhlo, rawn piang chhuak zung zung rawh. Nangmah avangin i nu hian min thinrim khum renga, i pa hian thu hrilh vat che ka duh a nia" tiin a phun bul bula, ka dul lian ve tan chuan a tihlim hle tih a hriat.








A thlanga na a hmang tan ve tawh nen a lang tan ta viau mai, “I pa anga lerh chu rawn ni ve lul suh ang cheu, i nu tan hian phur a rit dawn emai" ka thusawi avang chuan Thansanga chuan min rawn tham vata, ka rak that mai. A kutthlak te lah hi a na thei bawk si.








“Min dim ve deuh thin la, ka taksa duk hma zia i hriat kha. Bakah ka seh ve vak che chuan i duh bik miah lovang" tiin ka phun nang nang a, a rawn nui huk huk mai. Lehlam chu ka hawisan daiha; chuveleh ka hnung lam atang chuan min rawn kuahin ka nghawng vel chu a rawn fawp dan dana, “Ka ngai che a nia" tisupin ka dulah chuan a kut a rawn rawlh luta.








“Awm mai mai teh, min ngaih chuan muhil rawh" ka tihchuan a rawn nui haka, “Ka ngai lutuk che a ka muhil theilo, ka kuah reng duhzawk che" sawi tur lah hi a hre thei si. Chhâng duh tawh lêm lo chuan mutthilh tumin ka mit chu chhîngin ka ngâwi zui daiha.







A ni erawh chuan min chûl hliau hliau reng mai, khap duh lêm lo chuan ka hâm bâi bâia, ka mut dan chu siam rem deuhin mutthilh tum chuan ka thaw chhuak suai suaia, rei nilo in ka muhil zui ta thuaia.






Zinga ka harh chuan min lo en leh reng tawh mai “I mutui em?" a rawn tihchuan ka bu nghat nghata, ka mit chu a la kham urh mai. “I muhîl ve miah lo vem ni?" ti a ka zawhna chu min chhangin “Ka mu tui lutuk, i muhîl hmêl ka hmu châk sia ka tho hma a nih hi, muhîl leh rawh khua pawh a la vâr lo" tiin a ni pawh chu a hâm buai buaia.







“Nang pawh muhîl rawh, i mut a chhuak ve tho a nihkha, tinge i men vak reng renga?" ka tihchuan a nui huk huka, “I mutthilh lai khân eng emaw te te ka ti a" tiin ka hnute chu a en zauha, ka hup nghal vat “I tenawm de dâw lutuk, muhil vat rawh" tiin ka mut ala chhuak tho bawk nen ka mit chu ka chhing leh daiha.








Ka harh leh chuan a lo awm tawh miahlo, in thing harhin bathroom-lamah chuan kalin ka in tifaia, room-atanga ka chhuah chuan pitei te nupa chiah an lo awma, an lam chu ka pan hnâi nghal vat mai, Thanthana takngial pawh ka hmuh loh avang chuan ka hlauthawng viau bawk.







“Pute khawiah nge Thansanga leh Thanthana hi" tiin in chhûng chu ka enkuala, an awm miah lo. Ka hlauthawng zual sauh “An pâfa in exer la in an chhuak a nihkha, ngaihtuah duh suh. An rawn haw têp tawh ang" a tih takah chuan thaw huaiin an bulah chuan ka thu thla a, Tetein thingpui ka duh leh duh loh min zawhna chu ka duh loh thu chuan ka lo chhâng vata.








Rei pawh ka thut hmain Thanthanate pâfa pawh chu an rawn lut duna, ka pan nghal vat mai.“Tinge engmah sawi lova in lo chhuaha, min ti hlauthawng a lawm" ka lo tichu an pâfa chuan in en he haw in min rawn en leha.







“Ânu, âpa hian i mutui sia a kai tho duh lo che a lawm, bakah ka nau tur i pâi sia, mut tam i ngai a tia kan kai tho duh lo che a nihkha" Thanthana chuan a rawn ti fel thak reuha, “Tirawh u, i putea te bulah sawn thu ve ang u hmiang, naktuk lamah chuan haw ve tawh ila a tha ang, ka hna chawlh reng theih a ni silo va, chutiang te pawh chu sawidun a ngai" tiin putea te lamah chuan kan phei diala.










Putea te chu an ngaihdan te zâwtin an titia, keini erawh kan lo ngawi thap thung. Putea pawh chuan ka pa te pawhin in hruai chu an rem tih thu te an lo sawi ve bawka, kan haw mai pawh an pawi ti tawh lo a nih hmel, ni e, thlakhat chuang lai mai kan awm tawh a. An tan pawh an phurrit mai kan nihna chen a awm lo theilo miau a.








Ka ngaihdan min rawn zawh ve chuan ka pawi tih lêm loh thu chu lo hrilh ve in choka lamah chuan ka pheisan ta daiha, eng nge kan tawh leh dawn hrelo mah ila keimah pawh ka in tihchak a ngai tawh tih ka hailo, ho te teah ka lo thinrim ve fo a, tunah chuan tlêmin ka in ngaihtuah chianga, ka lo thinrim hma thin mah mah tih ka hai lo, Thansanga pawh tlem in a dang ve tawh tur ah ka ngai, ex te in tihbuai tir reng hi ka duh lo.









Chaw eikhamah chuan kan chhûngkaw thum chuan in phur chhuakin Lunglei khaw chhûng chu kan fang kuala, kan hlim ve hle. Kan awm rei ve tawh nângin kan vâk chhuak ngai meuh lova, chutia vah chhuah takah chuan an khua chu a nuam ka tihchi tak a ni, veng hrang hrang kan fan hnu chuan restaurant ah chawl haw in putea te ei duh zawng chu kan lei haw saka, Thanthana pawhin toys thar a nei leh tawh.







Lei lo turin ti ve mah ila a pa hian a duat bawk nen an in lei leh nge nge zel, a pa bula thil ngen lah hi a hrat. A toys hman duh loh la tha si ho hi zawnkhawma, naupang dang pek ka tum bawk nen an in lei leh pawh chu ka pawi ti em em lo, khawpui chhungah pawh mi rethei tak tak an awm tih ka hria, chûngte chuan fa an nei ve bawk nen paih ringawt ai chuan a thar ang chu nilo mahse pek hrim hrim ka duh.









Mi hausa lutuk ka in ti ngam lova, kei phei chuan engmah thawh chhuah ka nei hek lo, mahse ka pasal nunhlui ka hria a, tlem tala midang lo tanpui ve te hi ka duh, keini aia la rethei leh chhawngte tan vanneihna eng emaw tal thlentu nih hi ka châk ber a ni.





A TAWP LAM KAN HNAIH TAN AW, ZAWH VAT KAN TUM DAWN A NIA

[mawitei bawihtlung]

OUR FAULT




CHAPTER 19






“Hello" phone ka lak rual a lehlam atanga an thu rawn sawi avang chuan ka nghilh deuh dup mai, an thusawi chu ka zawt nawn leh ngata “I pasal hi miss Nunhluin amah pawngsualtu ah puhin tunah police stationah a awm mek" an rawn tih leh chuan hriat loh theih pawh a ni tawhlo.








“Aw le, ka lo kal ang" tiin Thanthana chu u Matlani kutah dahin ka nute chu ka be zuia, thil awmdan chu hlauthawng zet chuan ka hrilh bawk, chi ai lo tur a min hrilhin an rawn kal ve nghal tur thu an sawi chuan ka thaw huai mai, dik tak chuan Thansangan chutiang thil a tih ka ring lo bur, Nunhlui mizia ka hria a, Thansanga a neih theih loh ai chuan engpawh a ti duh tih hre chiang tu ka ni, a natna lem hmangin khatiang khawp khan min tibuai tawh a ni a, engvanga zahna nei miah lo a dawt dang la sawi ngam nge a nih le.









Taxi chu la in police station lam pan tur chuan ka ti zuia, driver pa lah chuan enge ka tih dawn tih min lo zawt ve sek bawk, ka chhang lem lo thung. Kan thlen rual chuan chuan man pe in ka chhuak zuia, a chhung ka luh a ka mi hmuh avang chuan ka phei nghal hlawk hlawk mai.








“Puite, eng nge i rawn tih? I naupai nen rawn vak chhuak turin ka duh lo che a sin, ka chingfel mai ang" Thansanga chuan min lo hmuh rualin a lo ti vata, ka kuah nghal chawt mai. “Khawiah nge Nunhlui chu, dawt dang leh bawk maw a huang tau ta mah mah a ni" ka thinrim lutuk chu ka insum thei tawhlo, Nunhlui chu khawih hrep mai ka chak lutuk chu ka hawi kual ruaia, chutah a nu leh pa bula a lo tap vel ka hmuh chuan ka nersawk mai.








“Nunhlu, ka pasal hian a sual ngei che maw?" a hmaah chuan ka va dinga, min rawn enin a la in sut faih faiha, zahna hi a va han hrelo tak em “Aw,a office ah ko turin ka kala min lo khawih nghala, mahse thil pawi a thlen hma in ka tlan chhuak thei hram a ni. Min awih lo ang tih ka hria, i pasal a ni miaua, mahse thu dik ngei a ni ka sawi ni" a tihleh chuan ka nui haka.








“Finfiahna awm hma chu ka awih lovang, i dam lohna lem hmanga ka pasal lo hnaih ve phet tu tih awm tawk a ni" ka tihchuan a nu leh pa chu thinrim zet hian an rawn ding chhuaka “I va han zaktheilo ve, kan fanu hian dawt a sawi hauh lovang, i pasal in a duhzia kan hai hleinem" an tihchuan za zet in ka nui chhuak vak vaka “A nimaw? Ka pasal lo zarbuaia, a niin a hnar avanga damlo der duh nu leh pa ni awm reng in ni e, ka pasal hian in fanu hi a khawih hauh lovang, chu chu ka chiang, tin fiahna awm hma chu in man theilo" tiin police lam chu ka melh kara.










Ka thinrim bawk nen tawngkam mawi pawh ka hmang theilo “Ka pi, kan chhui mek e. Tin, he thil chung changin chhui chhuah anih hma chu pu Hming khawiah mah zin chhuah phal i nilo" an tihchuan Thansanga pawh chu a lo bu nghata, Thansanga chuan in bengdai turin min ti bawk, ka kutah chuan a vuan tlat bawk nen keipawh chuan engmah ka sawi tawh lem lo.










Ka nu leh ka pa pawh an rawn thleng zuia, officer nen chuan in be mawlh mawlhin kan haw theih tur thu an sawi chuan ka thaw huai mai, Nunhlui nu leh pa lah chu an au tawn tawn renga, heng a nih dawn chuan ka thiannu pasal ka pun mai ang “Officer Hmingchhuanawma ai baka tha tur ka hrelo, a chhui chhuah ngei ka ring bawk. (A story a awm aw)








“Ka pi kan chhui meka, fiahna tha tak in nei a nih loh chuan mi kan hreng bet thei ringawtlo, fiahna kan hmuh veleh mi dik leh dik lo chu an lang mai ang" officer-a pawh chuan a ning deuh nge a ti deuh hmaka, Nunhlui nu zawk chu a la âng tawn tawn mai, an va han râpthlak tak a fanu chuan a lo chhun fuh hle a nih dawn hi.









In lamah kan in zui haw a “Puite, ka khawih miah lo a nia. Min ring tiraw? Ka office ah a rawn luta, a enga mah hma in a mah khan a thawmhnaw a rawn phelha, kan namsawnna lamah kut ka thlak deuh bawk nen khang kha an tanchhan a nih ber kha" a rawn tihchuan a thusawi chu ka awih thlap.








Dawt a sawi lo tih chiang takin ka hria, “Ka hria a lâwm, ka ring che. I lamah ka tang tlat dawn a nia, ka thiannu te ka bia anga an pa hian min pui theiin ka ring, an fel lutuk a ni mi chhui thiam tak a nia, a chhui chhuak vat thei in ka ring" ka tihchuan a bu nghata, ka chalah a fawp vang vang mai.








Ka nu leh pa pawh chuan rilru ti hah lutuk lo turin an ti ve bawka, in ah chuan kan vaiin kan in zui lut diaka, Thanthana chu a lo muhil tawh a nih hmel, chaw kan la eilo bawk nen chaw ei chu siam mawlh mawlhin u Matlani pawh chuan chanchin chu min lo zawt ve a, a ni hi chu kan chhungkaw zînga mi anga kan en a ni tawh bawka, a hriat loh hian thurûk kan nei khât khawp mai.








Chaw ei khamah chuan ka nute ho nen titi in thil tih ho dân tur chu kan rêl hova, an ni pawhin Hmingchhuanawma min pui tura sawm mai chu an pawi ti bik lo a nih hmel.






An haw hnu chuan keini pawh chu kan mu lut zuia “Rilru tihah miah suh aw, eng pawh nise i lamah ka tang tlat dawn a nia, ka hmangaih che" tiin ka nuih sen sena, ka chalah a rawn fawp vang vanga “Ka lawm e, hei vang hian a lawm ka hmangaih em em che, englai pawhin ka tan i awm thin avangin ka lawm e, ni e in nufa lak atang hian tumahin min lasawn lovang" tiin ka dul lian tawh tak chu a rawn chula.









Ka hmuiah chuan a rawn fawp nghal zat bawk, a duhthawh em em lehnghal. Reiloteah chau zet chuan kan mu ta hle hlea, “Nunhlui kha ka ngei lutuka, station chu nilo se ka khawih duh hial ang, engvanga la tibuai reng che nge maw an nih le. Thudik hi lan chhuah vata, hremna pek ka chak lutuk" tiin ka phun nâng nânga, “Insum rawh, keimahin engkim ka chingfel mai ang, ka doctor nihna nen min tihmualpho avang hian hremna chu an hmu mawlh ang" tinghet charhin muhil tur chuan min tizuia.








Keipawh chu engmah sawi tawh lo chuan ka muhil zui ve mai bawk.



Zingah tho in ka thiannu chu ka bia a, min pui turin an pa chu ka duh thu ka sawi chuan a chhan min lo zawt vat a, engkim ka hrilh lai chuan a lo chet tlak tlak mai. “Tunlai hmeichhe thenkhat hi chu an rapthlak a nih hi, mi nupa in kar tihbuai hi nuam ti tak tak an tam tawha, an duhzawngah lah zah an hre der silo" a rawn ti hlak hlaka.







Ka lo nui hak mai, a rilru a tha a a thinchhe deuh tih loh chu, thinchhiat lamah chuan kan in ang vel in ka ring. An pa a lo hrilh tur thu leh min puih ngei tur thu a sawi chuan ka thaw huai mai, Thansanga pawh ka hrilh ve nghala, a bu nghata. Sawilo mahse a hmel hahdam ta huai chu ka hmuh hmaihlo, hnehna kan chan ngei ka beisei.







A hma ang kha chuan nise ka thinrim mai thei, mahse Thansanga min hmangaih zia ka hria a, ka ringhlel phal tawhlo. Tin, min phatsan ka ring miah lo bawk.

KA HNATHAWK KA BAN A ZÂWNG LUTUKA, KAN ZAWM LEH MAI DAWN NIA AW

[mawitei bawihtlung]

OUR FAULT




CHAPTER 20






“I muhîl thei nange" zanlaia ka harh pawha Thansanga a lo la men reng avang chuan thu chhuakin ka zawta, min rawn enin a nui suk ringawt. A lamah chuan kal hnaiin ka kuaha, a tihsual nilo mahse Police meuh in rawlh chu a rilru a hah dân tûr ka hriatpui vek.







“Rilru ti hah lutuk suh ka tih kha, u Chhuanawman min pui dâwna, hnehna kan chang ngei ngei ang. Bakah mi dik lo zawk an nia, enga tinge i rilru i tihbuai ni, ka ring che a chuan kan chhûngte zawng zawng pawh ilamah an tang veka, nangmah i in tihchak angai alâwm, ah..." ka pum a rawn chet dawt avang chuan ka au chhuak deuh thata.









“Enga tinge, i tha em?" tiin min rawn chelh vata “Kan naute hian a pa lungngai tûr a duh lo a niang, a rawn che vaka" ka tihchuan a nui suka, ka dul lian tawh takah chuan rawn beiin a thaw chhuak suai suaia “Âpa i lungngaih chuan kei leh naute hi kan awm a nuam thei biklo ania, i hlim loh chuan kan hlim thei biklo, min en la. Kan fapa, kei leh nakina lo piang mai tur nen hian, i lakah rinna kan nghata, min beidawnsan suh, chakna min petu tur ber hetia i awm chuan nangmaha in nghat i nupui fanaute hi kan beidawng ve mai dawn a sin" ka tihchuan min rawn en chho in a rawn ding chhuaka.









“Puite, ka tawng che leh i thinlung neitu ka ni hi ka lâwm thin, ka chakna min fuih kaltu leh tumruhna min petu chu nang chauh hi i ni, ka kalsan ngailo ang che. Nang ang nupui hi nei thei vek ila he khawvel mipa te hi kan vânnei dâwn mange" a tihchuan ka nuih var vara, “Nangmah ang mipa hi ni vek se tumah hian an pasalte thenin an nuthlawi a ngailo tur, tihsual tam tak lo nei dun tawh mah ila i tih ṭhat thil te hian an hliah khuh zêl zawng a nih hi, ka hmangaih che" tiin a âwmah chuan ka bei vang vanga.









Ni e, mi tha tak leh fel tak kan ni bik lova, inṭhen hran châng chu kan nei ve tho, mahse ka pasal dawhtheihnate, a thinrim laia hmeichhe dang chunga ṭuan lova keimaha a ngheh tlatna hian nupa awhawm zîngah min tel tîr ka tilo theilo, ka tawng hi ka inchhîr heklo, mipa tam tak chuan an hmangaihte chunga an lungawi loh châng apiangin runluih nan hmeichhe dang an kawp sana, chu chuan ṭhatlam pan aiin amah hmangaihtu hmeichhia kha a ti thinrim tulh tulha, an inkar a chhe deuh deuh ṭhin.








Nupa chu in hauh châng a awm lo theilo va, mahsela kan inhuat lai ber pawhin midang lakah tilang lova kan kawppuite tana kan rinawm tlat hi a pawimawh ka ti ve tlat zêl, Thansanga ngei pawh hi a thinrim ve fo va, ka lakah lungawi loh châng pawh a ngah ang, mahse dawhthei takin min ena, hmeichhe dang laka awm ai chuan ka kiangah tho a thinrimna a tilanga, a nih loh leh a ngawi reng mai ṭhin.








Bâkah midang in kawpsan vêl hi chu in ngeih leh hnu ah emaw in hauh chângin kan sawi chhuah ber a ni a, chu chuan nupa inkar a tichhe leh fo bawk. Chuvang chuan kan hmangaih a nihchuan kan thinrim lai ber pawhin kan rinawm tur a ni tih hi ka ngaihdan a ni, a thinrim ber lai pawha kut min thlak ngai lo pawh hian amah min ti duh zuala, mipa dik tak zia a nei ka ti ngam sak mai.







Tûn ang laiah nupuite sawisa hlum, nupuite damdawiin panpui ngai khawpa sawisa thin pasal nei fuh lo an awm ṭhin hian hmeichhe tam tak rilruah pasal neih hlauhna a tuh ni berin ka hria.







“Mu tawh ang hmiang, ka tello chuan mut i tum hmel siloha, i ti dik e. Ka rilru a hah em em lo a nia, engkim ka chingfel vek mai ang" tiin khum lam min panpuiin min muttîr zuia, ka chet a har tawh nen kûn leh thawh vel hi a har riau tawh bawk nen Thansanga hian min pui tawpa, chuti nilose ka buai ve thei viau ang.







“Duhtak, ka châwn hi a zâwng lutuk" ka muhil leh thei der lo, kan mu ve dâwn chauhva, ka tiharh leh zo chu inthiamlo viau mahila a hrehawm bawk nen ka ke te hi a tiza vekin ka hria, “Engtin maw min koh kha?" a hre reng, ka vawikhat kohna a nih avangin a hre nawn leh châk tih ka hailo.







“Duhtak, duhoverpa ka ti che a nih kha" ka tihchuan a rawn nui vur vura, “Ka duati a mut theih loh chuan kan hmet anga a nimai a lawm" tiin a rawn ṭhu chhuaka, ka chawn chu hmetin a châng leh a chum leh dat data. Ka thaw huai huai mai.







“A hrehawm i ti em? Thanthana ka pai lai kha chuan hetiang em em hi ka nilo mawle, tun ṭum chu a dang riau mai, ka ril lah hi a ṭam reng bawk sia, ka in hrethiam bik lo" tiin ka pum chu ka chûl hauh hauh va, “Hrehawm loh ve, Thanthana i pâi laiin i kiangah ka awm theilo kha ka inthiam theilo, a hrehawm lâi zawng zawngah ka awm lova, nangmahin ilo tuar chhuak tawha. Chuvang chuan tun ṭum hi chu ka enkawl ang che, i duh sawi hreh suh a hrehawm ka tilo a nia, a rei tawh dâwn lova, enkawl reng che hi ka duhzawk" a tihchuan tho chhuakin a biangah chuan ka fawhsak zauhva.









“Pasalṭha, ka pasalṭha em em, ka Doctor hmelṭhaa" ka ti duah chu a nui deuh hawka, “Mut tum rawh, ka naute hian mut a kham lo hlauh ange, a nu nên hian hrisel taka an awm angai a nia, mutthilh tum rawh le, i mengrei lutuk dâwn tlat" a tihchuan ka hnial ta bik lo, mutthilh tum chuan ka chhing zui siai siaia.







“U Zâmpui in lo kal thei maw?" chhûn lamah u Zâmpuiite nupa chu an rawn lang hlawla, an naute an rawn hruai bawk. Fa pali an nei ve tawha, an buai ve thei viau in ka ring “In dam tha maw Nancy" a tihchuan ka bu nghat nghat a, ṭhutna te chu kawh hmuhin thingpui ka va lum zuia.







“In lo awm chu ka va han lawm tak" tiin ka kuaha, “Ka nau i nia, ka unau neih chhun, puih in ngaih hunah ka tlanchhiatsan lovang cheu, tiraw Bibi" an pa pawh chu alo bu ve nghat mai, “Khawiah nge in pa chu?" a rawn tizuia, room lama a in tihfai thu ka hrilh rual chuan thil awmzia chu min zâwt ṭha leh ngata, keipawhin engmah zêp neilo chuan ka hrilh vek bawk.









“In pa chu a duh hle a nimaw? Tenawm lutuk, hetiang hmeichhe zahna chang hrelo, a mipa in min duh lo a ni tih an sawi tawh chung pawha la zar buai tang tang ho hi ka huat zawng tak, dâwt sawi hmang phei chu ka haw leh zual, lungngai suh Bibia hian a pui em em ang cheu, in pa thawhna damdawiina cctv vel en vat a ngai a nih chu" a tihchuan ka ngaihdan chiah.







Police nupui tih takah a ngaihtuahna pawh a chak hle mai, Thansanga pawh chu rei vak lo hnuah a rawn chhuaka, u Zâmpuiite nupa nen chuan in chibaiin a mipa pahnih chuan mûk zetin an thil tawn vel chu an in hrilha, officer Hmingchhuanawma hnu chhui thiam zia leh a finzia ka hria a, chuvanga an puihna pawh kha dîl ka ni rênga.










U Zâmpuii nen chuan kan lo titi ve mawlh mawlha, kan naute chungchâng vel nen chuan kan lo phûl ve hlut mai, fiamthu a duh bawk nen kan nui duh leh hak thin, kan vêng a inhlat avang hian kan inhmu reng thei lova; mahsela phone aṭang erawh chuan kan in be deuh reng thung, unau a neilova, nu leh pa a nei tawh heklo. A pasal hi ka fak lo theilo, mipa ṭha tak a tawng a ni, a hmangaih em em lehnghala.








“Mipa pahnih hi lo inkâwm sela, kal rawh kan in pawh ila rawn hmu miah lova, fangkual ang hmiang. Khaw khata awm si hian veng hi a inhlat bawk nen keini pawh hi la rawn lên ngei a ngai ang."tiin pâwnlam aṭang chuan kan fang kuala, a fak ve char char mai.








“I pangpar hi hawn ve tur a nih hi, khawia mi nge i chah ṭhina?" a tihchuan ka nuih haka, ka chahna te chu hrilhin an haw paha ka pek ve tûr thu ka sawi chuan a hlim ngei mai, pangpar a ngaina viau a ni ngei ang.








“Puite lo lût tawh ta che u" pâwnah kan lo awm rei deuh nge Thansanga chu a rawn aua, u Zâmpuii nen chuan kan nui haka, inchhûng lam chu kan pan nghal zat bawk. An pahnih chuan min lo en dûn renga “Eng nge, u Chhuanawm min pui thei ang tiraw? Hremna hmu ngei se ka duh, ka pasal a tih mualpho man hi a hmuh ngei theih nan hma min lâkpui ang tiraw?" ka tihchuan a bu nghata.









“Mi dik lo chu hremna pek vat an nih loh chuan an huangtau mai mai, chuvang chuan chhui ṭan ka duh nghâl dawna, in pa hi ka hruaichhuah zeuh zeuh angai dâwn a nia; tin, damdawiina hnathawk dangte pawh thu zawh ngei an ngai ang" a tih dap dap chuan chhândan tur ka hrelo nen ka lo bu nghat nghat ringawt.









“Um keini chuan sawi tur vak kan hrelo,in tih ang ang kha a nimai" ka ti ta tawpa,ni e keini chuan khawi aṭanga ṭan tur nge kan hre dâwn lo, an kutah hian in nghat ila chu chu ka beiseina neihchhun a ni.




LO ZAWM LEH ANG NAKTUK ZANAH A NGAIAH

[mawitei bawihtlung]

ZAWMNA



THANSANGA POV...





“Ka duat helamah rawn kal teh" ka nupui chu ka ko pheia, a dul kawh lah nêna in fit lo taka a rawn kal chu a aia hmuhnawm tih ka nei tawh pawhin ka ringlo, a inhmeh takzet. A mah a rai a ngeih bawk nen a thau lam mah a ni a, mahse chu chuan a duhawmna an belhchhah daih thung.








“A rawn thleng ṭêp tihah chuan kan fapa harh zeta chuan ball in a rawn vawm fuh palha “Zothanpui" a tinghal ṭhat chu Thanthana chuan a enkar mai “Pâwnah va infiam rawh, harh lutuk mai. I pa hi em ni i chhuna hetiang em em a i harh ni? Va kal rawh, inchhungah ball pet kual ziah loh tur ka tih kha" a ti leh zat zat tawha, keiin an awmdân chu hmuhnawm tizetin ka lo en thung.






“Lalânu i sual si, i thau thau nen" Thanthana chuan tihpahin a tlanchhuak zuia “Fapa chimawm lutuk" tihlak hlaka ka lam rawn pantu chu lo kuah pahin ka nuih hawk hawka.







“I fapa nên hi chuan in in chhang bung vel a nih ber hi tiraw?" tiin ka nuih hawk hawka, ka dulah a rawn sik vâwt mai. “A ṭawngthei lutuk hi khawi aṭanga a zir nge mawni, a chhûn lutuk che pawh a nimahna, ka ngei thin a nia" tiin a thaw halh halha.






“Ngei mai love, a pa hi min chhun lohin ka lâwm nâng, keima mizia ang hi neise a nu anga hmeichhe ṭha tak a tawng ve mai thei a sin" tiin a luah chuan ka chûl sak hliau hliau va, a bula ka awm hi chuan buaina ka nei tih pawh hi ka hre ṭhin lo, englai pawhin min fuihtu leh chakna min pe ṭhintu chu a ni chauh hi a ni.




Miin a ‘Mi tam tak te hlawhtlinna leh chawimawia an awm ṭhinna phenah hian an kawppuite hi an lo awm fo' an tih ṭhin hi a dik hle in ka hria, kawppui ṭha nei chu mi hmuhah kan kawppuite avangin mi fak leh chawimawi kan nih phah nge nge ṭhin, mi ṭha kan tawn hian keimahni nun ngei pawh hi kan lo inchawimawi ṭhin si a.







“Naktuk chu hospital lamah ka kal dâwn a, nangmahin i lo awm thei ang tiraw?" ka tihchuan a bu nghat nghata “Min ngaihtuah rêng rêng suh, thla leh daih hi a nia ka nau neih hun kha, December thla ah a piang tur hi kan tan vanneihna ni ngei teh se, engkim hi chhuichhuak vat thei sela, hlim taka awm ka duh tawh, buaina hian min kiansan vat sela. Hahdam taka awm hi tluka châk ka neilo" a tihchuan ka hriatthiampui viau mai.








Ni e khami ni a cctv aṭang khân engkim kan hre thei em ang chu maw. Engvanga Nunhlui hian hetiang thil ti duh hi nge maw a nih le, ka lo ring ṭha mah mah a ni. Hmeichhia pawh hi nasa tak tak an lo tam a nih hi, kha chen kan lo in zuia, a zia ka hrechiang lo mah mah ani.






“I rilru lo ti hah lo la, kan chhuichhuak vat mai ang. Nangmah avangin officer ṭha takin min pui dâwna, hnehna kan chang ngei ang. Police station-ah ka kal tlang leh nghâl a ngâi dâwn a, min lo nghak lo la. Chaw min lo eisan mai dâwn a nia, kan naute hi hrisel taka a lo pian kan duhkha, Bawiha kha ko lût ila chaw i ei ang u hmiang, zanin chu mu hma ang" ka tihchuan ka thil tum a hria nge min rawn melh ram rama.









Ni e, a raipuar ṭeuh tawh chung hian ka itna leh thlakhlelhna hi a reh theilo, ka hmangaih em em bawk. Doctor nimahila ka nupui tello chuan engmah ka ni bik hek lo, tun erawh Nunhlui min puhna avangin ka hna pawh ka chawlh rih a ngaih phah chu a nia, min tih hmingchhiat man hi an chhûngkua hian an hmu ngei tûr a ni. Ka nupui thinrim em em nachhan pawh hi a âwm lutuk tlat.








Ni e miin min lo fak ve ṭhina, lung lam Doctor ka nih avang hian patients ka ngah zuala, a châng chuan ka hahpui thei hle a nihkha; mahsela ka hna a nihna angin ka vui ngailo, Doctor ka nihna ang ngeia mite tâna theihtawp chhuah hi ka tih tur ah ka ngai ṭhin. A bâk erawh Pathian kutah ka dah tawp thung, tunah erawh miin ka chanchin an sawi dân zawng zawng ka hmuh hmaih biklo.








Social media ah an khel ber a ni leh meka, Mizote lah hi thil lâr thar apiang buaipui chak em em kan ni bawk nen ka chungchang mawilo tak taka sawi ṭhin te hi ka hmuh hmaih biklo, ka nupui pawh hian a hmuh hmaih lo tih ka hria, mahse engmah a sawichhuak duh hauh lo thung, hei hi Puitei puitling ka tihna ber pakhat a ni, a thinrimin a âng ve hluai lova, dawhthei takin thil a ti hrâm hrâm ṭhin bawk.







Chuti nilo se hei chen min dawh peih hauh lovang, keilah hian ka thikthu ka lo pe chhe bawk nên.







Chaw ei kham chuan Thanthana chu infiampui leh te te in a mut a chhuah hnu chuan room lamah kan ti mu hmasa leh phawta, tûnah meuh chuan patling ve tak tak ka lo ni ve ta a, ka chhungkua ka hmuh apiang hian ka chak thar leh ṭhin, ka fapa hmel ka hmuhin pa ka nihzia ka hrechhuak thar a, ka nupui hmêl ka hmuh apiangin enkawl thei tur khawpa rintlak nih ka ngaihzia ka hre chhuak ṭhin bawk.








Nu leh pa han nih ve takah meuh chuan kan nu leh pa bula nuamsa tak leh duh duh lam theia kan awm ṭhin lai ka ngaihtuah chhuak fo va, khâng chiah kha kan fate pawh hian anla rawn pal chho zel dâwn tih lah ka hailo. Nu leh pa mawhphurhna sânzia ka hriat chian phah hle bawk.





“Mu ve tawh ang hmiang" tiin ka nupui chu kâi thovin room lam chu ka panpuia, ngawi reng chuan min zui ve dat dat mai, khumah chuan dim te a mutthla in ka fawp vang vanga, a ni pawh hian min hnar thei bik lo tih ka hria, a tawpah chuan haha a thawk hlap hlap takah chuan kuah hle hle in a chalah chuan ka fawhsak vang vanga.

[mawitei bawihtlung]

OUR FAULT





CHAPTER 21




READER TE KA NGEN DUH CHEU CHU, COMPLETE A NI ṬEP TAWHA, CHU MI HMA CHUAN 1K LIKE TAL MIN HAN TLIN PUI TEH U, KA POST HI A BO NGUNA, KA POST THA LEH ṬHINA, LIKE LEH COMMENT ZAWNG ZAWNG NEN A BOPUI ZEL SI A, MIN HAN PUI HRAM HRAM TEH U, ZIAH PHUR LEH ZUAL THEIH NAN.




“Thansang khawnge i awm?" ka nau vei nen ka pasal bo bawk, a chin hrelo in karkhat kan awm tawha, khawiah nge a awm ang? “Hmingthansang ka mamawh che a sin, i fa pahnihna pawh i pawm leh dâwn lo tihna em ni?" tiin ka mittui chu a luang ngiai ngiaia.







Police lamin ngawrh takin zawng mahse hmuh tih reng an nei silo. U Chhuanawma pawhin min puiin Nunhlui pawh a dawt sawi avangin jail-ah a tang tawha, rei erawh a tân ka ring hauh lo thung. A dâwt sawi avângin a mualpho hle a nih kha.






Mahse amah Thansanga ber in hnehna chang mahse hmuh tûr rêng a awm silo. “Nancy fanu i nei e" Doctor Jerry chu ka ena, ka fanu ṭap ngak ngak chu hru faiin ka lamah an rawn pawm pheia, “Thansang fanu i nei tawh a sin, tinge engmah sawiloa min kal bosan? Kan mamawh che a sin" tiin ka insut zui hlawp hlawpa.







“Insum rawh, ṭhiana chu a rawn let leh em em ang. Dam takin in la in hmu leh dâwn a lâwm" Jerry chuan rawn timahse ka ṭap lo theilo, a chin engmah kan hrelo va. A thi nge a dam tih tak ngial pawh kan hre hek lo, khawiah nge a awm ang? Ka ngai em a ni.







“Jerry i hria em? I ṭhianpa hian maw Thanthana ka pai laiin min awmpui lo tawha, kha chu ka hrethiam; tûnah a chin pawh hrelo in kan awma. A fanu hi amah ngeiin pawmin kuah se tih hi ka duh a sin, engtin nge engah mah ngailo anga ka awm theih ang? Ka hmangaih a bo a, a thi nge a dam tih pawh ka hre heklo, engtin nge a tello in ka fate hi ka enkawl ang? Ka la mamawh ngawih ngawih a sin" tiin ka insut leh hlawp hlawpa.








Nurse te pawh chuan an mittui an lo hru ve bawk “Mampui" ka nu âw ka hriat rualin ka hawi chhuaka “Nu ka pasal chu in rawn hruai em? Nge a hma ang bawkin engmah in la hrelo" mittui nen chuan ka en tlawk tlawk a, ka nu chuan in sut hraih hian min rawn pawma, ka lo ṭah khum leh hawm hawm mai.







Ka nu chuan ka fanu chu a pawm vata “Mampui, kan la zawng mek e, in ti hah lutuk duh lo la chanchin kan hre vat mai ang" ka pa chuan an rawn ti dam thlapa, mahse ka hahdam theilo. Tûn angah ruangchhar tur a awm reng tih lah ka hailo, chûng kara ka pasal hmuh ve chu ka duhlo, awm ve tur pawhin ka duhlo, ka hmu theilo ang.








“Pa zawng hmu hrâm rawh, Thanthana pawhin a pa chu a ngai tawh asin, alam renga a pa haw hun tur min zawt renga, engtin nge ka chhan tawh ang. Chhanna ngai reng pek hi ka tan chuan a har a sin" tiin in pet fan fana, ka mittui chuan ka khawhmuh thlengin a ti fiah lo zo vek tawh.








“Nu, pa nitin kan nufa in kawngkhar ah kan dinga, kan lam pana nui chunga a rawn kal leh kan nghak a sin. Chuan, nau ka neihte kha a nghakhlel lutuka, nei vat turin min duh zia a sawi ṭhin, a fa lo piang tur hi a nghakhlel em ema, tunah a rawn pianga a mah ber a awm leh silo, ka ngai lutuk, tûn hunah hian amah khan min kuah sela, a hlimzia min hrilh sela tih kha a sin ka duh, Hmingthansang i lo haw har tawh emai" tiin ka ṭap tâwp theilo a ni ber mai.









Midang pawh chuan tih theih vak an neilo tih hria in min en ta tawpa, an chhuah hnu chuan tukverh lam chu panin ngawi reng chuan khua chu ka thlir a, Thansanga bâk ka ngaihtuah theilo. Aizawl khawpui chu ka ena, lirthei in sûl pêl zut zut te chu thlirin khawharna bawk chuan min rawn luah leha.







Karkhat, kârkhat lai mai a ni ta, Nunhluin a puhna aṭanga a fihlim ngei theih nan finfiahna a neih tûr thu sawiin hlim takin min chhuahsan a nihkha. Mahse rawn lêt tih reng reng a nei tawh silo, a fapa lah chuan nitinin a pa chuan eng nge a tiha, engtikah nge a rawn haw dâwn tih min zâwt reng zêl anih kha.






“Ka pasal, ka pasal duhtak, engtikah nge ilo haw dâwn. Ka chân tawh che tih thu in min deng ang tih hi ka hlau a ni, Hmingthansang rawn haw tawh rawh, he Aizawl khawpuiah ngei hian i la awm a, i la dam a nih ngai chuan lo haw tawh rawh" tiin ka phun sep sepa.







Ka fanu ka khum sira tui ti taka mu chu ka en pheia, engmah a hrethiam ve der silo. Pawm hmasa ber tûrin Thansanga kha ka duh a sin, mahse engkim chu a danglam leh zo ta vek si.







Damdawiin kan chhuahsan hnu chuan ka nute bulah awm duh bik lovin u Matlani ho chuan Thansanga nena kan inah chuan kan khawsa ho va, ka naute pawh a changkang sâwt viau mai, u Matlani chuan Thanthana chu a buaipui tawpa, keiin ka naute chu ka enkawl bawk nen Thanthana pawh ka buaipui hman meuhlo, a ni pawhin a nau chu a duat thiam viau mai.








Reilote te chu a pawm ve ṭhina, nau hmeichhia a nei chu a lâwm viau a nih hmel.




Ka phone rawn ri chu enin ka la kanga, u Chhuanawma a ni “Aw,u" ka tihrual chuan lehlam aṭanga a thu rawn sawi avang chuan ka ding chhuak zawka, ka mumang mai a ni ang tih ka hlau takzet.







“Nancy in pa chu Durtlang roada miin bul kawrah hliamin kan hmu e" a rawn ti a nih chu! Rang zet chuan zawhna ka zawt zuia “Ana viau em? U, engtin nge a awm?" ka tihchuan a rawn thaw haka “An khawih na viau a nih hmel, Greenwood hospital ah kan dah lût nghala, ngaihtuahawm lutuk erawh a ni lo a nia, amah khawihtute hi kan chhui zui nghal ang" a tihchuan lawmthu hrilhin ka dah zuia.







“U Matlan, ka nute kha be teh, Thansanga an hmu tawka Bawngkawnah kan kal nghal angai" tiin ka naute mamawh tûr leh Thanthana mamawh tûr chu ka la khâwm nghal zung zunga.






Ka nute pawh an rawn thleng har lo, kan vai chuan car in Bawngkawn lam chu kan pana, ka hlauthâwng lutuk chu kal pah chuan ka ṭawngṭai mawlh mawlha, manganna leh buaina han tawh meuh hi chuan Pathian bâk hi min pui tûra mamawh a lo awm lova, a ni aibaka thlamuanna min pe thei tu an awm lohzia kan hre thar leh ṭhîn chu a nih hi.









Greenwood hospital kan thlen rualin kan lut zuia, nurse ho hnênah chuan zâwt in chutia kan lo din lai chuan u Chhuanawma te chu kan hmu zuia, “Nancy helamah rawn kal rawh u" a tihchuan kan pan nghal vat mai.






“Thansanga chu khawiah nge?" tiin ka zâwt a, an la zai thu an sawi avang chuan ka ṭhu thla hnawk mai, engtiang chiaha na nge a nih ang? Ka tha khur chu tihreh tum mah ila a reh hleithei meuhlo, ṭhutthlengah chuan ṭhu in ka fanu chu hnute ka pe paha.







Darkar chanve vel kan awm hnu chuan an rawn nawr chhuaka, ka lo pan nghal vat mai. A hmel ka hmuh rual chuan ka ṭap chhuak hawka, a hmai leh chal vêl te chu an duk thluaha, sawisak ngêi tih a chiang hle bawk. A hmai chu chulin sawi mai tur pawh ka hrelo.







“Ka pi, hlauhthâwnawm a awm love, ward pângngai ah kan sawn anga, mahsela a rawn harh chhuah hun tur erawh kan sawi theilo, a puma an vihna hi rinai a thûk riaua" an tihchuan ka phu zawka.





“Eng... engmaw? An vit a maw?" tiin ka ṭawng bah nawk nawka, ka nute chuan min rawn dawm vat mai. “A ṭha leh vek mai ang, hlauthâwng lutuk suh amah kan hmuh leh theihna hrim hrim hi a hlu" ka nu chuan a rawn ti a, ni e a dik a ni. Ka chân lo a ni tih ka hriatna ringawt pawh hian min tihlim takzet.








Ward pangngaia an sawn fel hnu chuan kan nufa thum chuan kan luta, a bula ṭhutna an dahah chuan ṭhuin a kut chu ka vuan a “Hei, ka hmu ta che. Hei i fanu pawh a piang tawh a sin, i nghahhlelh em kha, rawn harh thuai rawh aw. Kan ngai tawh che a nia" tiin a chalah chuan ka fawpa, an tuam lûk hmuh chuan hmangaihtu tan hian a na lo theilo.







Min kalsan ta se engtin nge ka awm ang? “Ânu, âpa hi tinge a dam lo em ni?" a tihchuan ka bu nghata. “I pa khan nangmah leh kei min chhan nân a damlo a nih hi" tiin a luah chuan ka chulsak a, ka pasal lam bawk chu en leh in ka mittui chu ka khap kîr sak sak a, Thanthana chu a pite ruala haw tura tiin kei erawh in hawsan ka tumlo, ka fanu nen chuan awmpuiin a ni pawh a la sên bawk nen rinai a suallo hlauha.








A ṭap khât hi ka vanneihna a ni, chuti nilose ka buai ve ngawt ang le. Zânah pawh Thansanga bul hnaiah mutna siamin ka fanu chu ka mut tira, kei erawhin thil tam tak ka ngaihtuah thung. Tunge hetianga kutthlak tu hi ni ang? Engvanga thi tura kalsan nge an nih? Thansanga hian tu pawimah a sawi ka ring hauhlo, amah haw tu leh îtsîktu thil tih a ni ngei ang le.







Tinge mi nunna hlut lo tu hi kan pun tâk em em ni? Thansanga chauh nilo midang thah hmang te hian dam an phu miahlo. Mahse dân hian a hum leh ṭhin si, tualthah hmang chuan sim hun an nei tak takin ka ring lo, Thansanga khawihtute hian an phutawk hremna an hmuh loh vaih chuan ka ngawi mai mai hauh lovang.

ZAWM LEH TÛR

[mawitei bawihtlung]

OUR FAULT





CHAPTER 22





“Bawihte ṭap tawh teh suh, i pa i ti mangang ang" tiin ka fanu uar zepa ṭap âl âl chu pawmin ka in sawi puia, a tâwpah ka mangang chuan hnute a hnek duh loh chu barh lehin a lo hne duh leh hlauh mai, a tâwpah chuan a ṭap bang ve ta hram e.






“Ka van lâwm tak, ṭap tawh miah suh aw. I pa hi a lo harh vat a ngai si a, i nu hian ka buaipui char char angai tih hria la sual reng reng suh" tiin damdawiin khuma ka pasal mu dang bai chu ka ena, hmasâwn viau tawh mahse amah ber hi a la rawn harh thei miau siloa.






U Chhuanawma pawhin ka pasal khawihtute a la chhui renga, mahse Thansanga awmna laiah khân cctv awm heklo, a bul vela mite an zawh kual lah khan hmu an lo awm bawk silo. An ni pawh an buai ve viau ngei ang, amah Thansanga hi harh tawh sela chuan engkim a hriat theih tawh nimai tur.







A vihna a thûk bawk nen tun thleng a la harh theilo chu a nih hi, bawihtei a mut leh tâkah chuan khumah chuan mut ṭhat tirin Thansanga bulah chuan ka ṭhu thla a “Hey, harh tawh teh. I fanu pawh i hming sak ngei ka duh avangin hming pawh neilo in a la awm ania, Hmingthansang min ngai ve tawh miah lo vem ni? Lo harh tawh rawh, i fanu hi i hmuchak ve lo em ni?" tiin a kut chu ka vawn saka.







Engmah hreloa a awm reng hmuh chu ka tân chuan ngaia neih theih chi pawh a nilo. Ka nuten min rawn kan zauh zauha, a ṭhiante leh a thawhpuite hovin a khât tâwkin chanchin min rawn zâwt ve reng bawk. Kei lahin chhânna ngai bâk pêk tûr ka nei dêr silo, engtikah nge a rawn men anga, engtikah nge he ka kut ngei hi vuan lêta khawvel min hmachhawn pui leh ang?







Ka nghaka, beiseina in ka thlira.Ka ṭawngṭai ka bânsan ngailo; ni e, atân englai pawhin ka dila. Pathian ka au tâwp theilo, tûnah chuan a ni aia min pui tur ṭha an awm miau silo. Pathian hian ka dîlnate hi sîrah a hnâwl dawn nge ni a, min chhâng ang? Chhânna hriat theih siloh zawhna tam tak ka in pe a, a thleng dâwn em tih ka hriat loh chu ka nghâk mek chu a nih hi.







“Khawi maw ka lo check leh lawk ange aw" nurse rawn lut chuan a venflon vêl te chu a rawn siam ṭha mawlh mawlha. Ka lo en reng thung, kan awmnaah hian a rawn kal ngunin a mah a la upa lo va. Thansanga a ngaihsak dânah hian a rinhlelhawm riau zêl, ka vên uluk viau a ngai ang.






“Lo ding lawk teh?" a kal tur chu ka ko dinga, a rawn inher ruala a mitmeng danglam zawk chu ka hmuh hmaih lo “I damdawi kah luh kha a kawm ka hmu duh?" ka tihchuan a mitmengah chuan thil dik lo chiang takin ka hmu a ni.






Ka ringhlel zual sauh bawk “Min ringhlel em ni pi Nancy, engmah rinhlelh tur a awm lo, nurse ka nih hi ka damdawi pek chu ka hria a lâwm" a rawn tihleh chuan ka nui haka “Ni reng e, chuvang chuan a lâwm ka en duh ka tih, i rawn kal hman loh pawhin keimahin ka lo pe thei dâwna, i hriat angin ka pasal hi Doctor a ni a, thil harsa lo chu ka ti ve thei a lawm, min rawn pe la" ka tih takah chuan hlauhthâwn hmel zet hian min ena.









Chutah ka nui hmêl chu thlakin ka lamah chuan ka pawt hnaia “I damdawi pêk kha mutthilhna damdawi tiraw? Tunge tîr che, i sawi loh chuan police ka ko nghal ang" ka tihchuan a hlauhthâwn hmel sauha “Ih...ih...chutiang engmah ka tilo, min hriatsual a niang" a tihchuan nui hakin a kuta a hum beh tlat damdawi bur chu ka pe a.







A hmaa ka hrelo pawh kha a âwm ve tho, he nu hian a thukru zêl miau a lawm.




“I sawi duh loh chuan hei hi eng nge?" tiin a kuta a damdawi bur hum tlat chu ka lâksaka, ka en kher bawk. A khur der der chu ka hmuh hmaihlo, ka phone chuan u Chhuanawma ka call paha “Tlanchhiat tum hauh suh, pâwnah police an awm tih hre reng bawk la" ka tihchuan ka hmaah chuan a ṭhingṭhi rawpa.








“Khawngaihin min ngaidam rawh, mi pakhat in min vaua, ka tih loh chuan min thah tûr thu a sawi a lawm" a tih takah chuan ka thaw huai mai, he thil titu hi Thansanga khawih tute zînga mi ngei a nih ka ring bawk, keimah ngei hian engkim ka chhui chhuak ang, Thansanga harh har lutuk hi ka rinhlelhna a rei tawha, mahse fiahna ka neih loh avangin engmah ka sawi chhuak duh lo mai zawk a.







Tunah he nurse nu rawn luh tirha a damdawi hming ka lo hmu fuh kher kher khan min ti harh chhuak zawk mai. He thil hian a tâwp min thlen pui ngei rawh se.







“Tunge a tîr tu che chu sawi rawh" ka tihchuan “Ronald-a amah chu tunah hian Bawngkawn ah ngei hian a awm, an in pawh a hla lo. Mahse ka sawi tih hrilh su aw, min that ve a nimai" a tih tâkah chuan ka thaw ta huai mai.







“Lungngai suh, Police an awm hi an venghim mai ang che" ka tihchuan a thawven phah chuang lo “Thurualpui a nei a lâwm, chûng ho chuan min zuah miah lo ang, an ni erawh ka hmu ngailo, mahse an in thurual ngei tih ka hria" a tihleh tak zêlah chuan ka bu ta nghata.







U Chhuanawma te chu engkim hrilhin an rawn thlen chuan thil engkim ka hrilh veka, an ni pawh an thaw huai mai. Doctor te nên nurse nu chu hruai chhuakin an kalsawn zuia.






“Tunah chuan i chunga kut thlaktute chuan hremna an hmuh ngei ka beisei, lo harh vat rawh aw kan hmangaih che" tisapin Thansanga chu ka ena, doctor te chuan a damdawi thahna tur chu an pe zuia, a rawn harh thuai tawh ka beisei.




MUTTUI U