VANGELOBy Bearr Chhakchhuak (Dreamer) (Completed)

[Bearr]

CHAPTER-1 ‍🩹 BearrCck


" Zanin chu ka bul ah riak la " Thian a ka hman leh ka bestfriend ni bawk Mazuali hnen ah ka ti sep.

" A chi nang, in pa thinur mai tur a sin " Ati ve thung.

" Zanin tut tut a khum khat a mut dun pui chu ka ngam hleinem. A mah ka hrechiang viau bawk silo a, lo hur viau ta se "

" I mak thei e! Nau I pai tawh a in hmang kher bik nang. Bak ah nupa inni tawh a riah hran vel kha a mawi hlawl lo ania " A ti a,ka thaw halh.



Gos-a leh a thianpa Rp-a te an rawn luh tak avangin ngawi ngal in thawmhnaw leh bungrua ka chhawm ho chu ka chingfel zui a. Kei hi Saizampuii ka ni a, kum 23 chauh niin vawiin ah pasal ka nei a, nau ka pai lawk bawk. Amaherawh chu tihpalh thil liau liau ani a, tum lawk reng vang a mu dun leh innei ta kan nilo a,diktak chuan ka pasal Gospel-a nen hian inngaihzawn lawk na em em pawh awm lo in kan innei ti ila thil tam tak chu a chiang kuar in ka hria.



" Zampui inthlak hmasa la, inhnuai lam ah inleng kan la nei zut sia " Gos-a'n a rawn tih vel ah Mazuali chu ka melh. Diktak chuan Gos-a hi ka ngaina lo, engti zawng emaw tak hian tih ruk riau na ka nei tlat, ka hre bik lo keimah hi ka sual lutuk aniang.



" Nia inthlak rawh " Mazuali'n alo ti ve bawk. Ner zauh in ka thawmhnaw ka la a, tlem a la mawi hnai ve deuh, inleng chhawn na tur tawk a mawi chu thlang in bathroom ah ka va lut a. Ka inthlak zo ka chhuak chu kawngka bul lawk a Gos-a alo din kur vangin ka phu dawrh.


" Min nghak ami? " Nel tak ang a awm ka tum chu ka fail nghal der in ka in hria.


" Ani mai, kan chhuk dawn mi? " Mazuali alo awmloh daih vangin ka melh kual a " Hnuailam ah a chhuk thla chiah " Ati leh a.


" Um chhuk ila " Tiin panngai thei ang ber chuan ka awm a. Mahse ka awm hi a nuam full theilo, mahni in lo a ka nun ka hman tanna tur ani a ka huphurh a ka damlo mai dawn in ka in hria.



Gos-a nen hian kan inthlau ang reng viau a, kei 23 lek ka nih laiin ani chu 30 na tur a hmang mek tawh. Mahse ala lang upa hauh lo,hmel leh pian ah phei chuan mipa tam zawk chu la pêt tak ani. A mah hi mipa lian tha panngai tak,ngo lutuk lo,a fresh tawk vel lek ani. A khabe zum lai ah hmul tlem a zuah a, a inhmeh reuh phian. Amah hi JE ( Junior Engineer) hna thawk ani a,a hna ngaihtuah chuan a tisa pawh a tha phian, hmai hlai lampang mitmeng nalh deuh mai ani a, kan inhmuh hmasak ber pawh in a mitmeng kha nalh ka ti lutuk a, khap hlek lo in reitak ka lo en hman. A hnâr ngul lah a sâng vah a, a la mawi phian lehnghal. A hmel ka en vang vang hian an thlahtu ah vai an awm em mawni tih ka ngaihtuah ziah, vai an tep na a nei a, mahse ka hriat ve chhun ah an thlah ah vai an awm awm ka hrelo thung.




Kan inneih boruak vel chuan min ti chau viau a mahse kan inleng, kan nupa duhsak a thilpek min pe tu te lak ah erawh ka ti lang hauh lo. Lawm takin kan lo dawng sawng zel a, ei in tur nen. Kan mut meuh chuan dar 11 a ri tawh, Mazuali a chau ve tho bawk nen Gos-a'n kei min ngaihtuah lo a a duh leh haw turin ati kha ania, a ni lah khan a lo hnial lo nasa mai, lehlam ah a ma nu nu mapuii damlo a awm a han dem viau chi pawh ani chuang lo. Naktuk a min inrem fel pui chhunzawm turin a rawn kal leh dawn tho a, a tha vek mai e.



" I mu nuam thei meuh nange? " Ka chet sek vangin alo ning ani mai thei.

" Thei e " Ti a chhâng in che lo chuan ka mu a. Inchung lam chu ka en char char a, kan in lam ka ngai thut!



Gos-a pawh in nel na hman pawh awmlo a innei tawp ta na na na chu min be lum lam lo in a ngawi tawp. Kan inneih dan te, kawng sual kan dai dun lai awm te kha ka ngaihtuah a ka inchhir hnuhnawh viau. Gos-a hi alo sual phian phei chuan ka mo rei thei angem pawh ka hrelo, ka zuau ve reuh bawk si.



" Ih engtik nge in hna ah i kir leh dawn? " Sawi tur dang ka hrelo, kan meng ve ve tho bawk sia.

" Ka hrelo le, ka kir har lo mai thei chawlh lak rei lutuk a rem lo a " Ti a min chhan chuan

" Saturday leh Sunday ah chiah ami ilo haw ang?" Tih ka zawt leh.

" Um ni deuh mai. Remchan loh chang a awm phei chuan a thla a thla te ka haw ngailo " Ka lo ner ru vak. Ka la ngaina em em chuanglo na in ka pasal ania, a awm loh leh vat chuan keimah in anu leh pa leh a nau senior tan tep tawh mahni a hmachhawn ka ngai dawn a ka huphurh.


" Mahse I duh chuan tlem a a rial rei deuh hun ah ka bul ah i awm anga, kan hna awmna hnai ah in kan luah dawn nia, harsatna awm lo " A ti leh dap dap.

" Aih kei tal ka lo awmloh chuan mak nupa min ti ang " A nui hak.



Sawi tur kan hre dun leh tawh lo, kan ngawi reng a sana inkhawng ri te chu a ring tulh tulh. Gos-a pawh a mu tha dawn emaw ka ti a, a che thut a ka chung ah chuan rawn in nem khalh thut! Ka lo tang nghal teuh a, enge a tih ka hria a, kan tih tur ani tih pawh ka hria, mahse ka zam chhe lutuk. Ka thaw tha ngam lo, a rawn awm hnai zel a, ka hmui a rawn sik rual chuan ka taksa a tek chhawk hian ka hria. Dim te te a min fawp in a kut pakhat chuan ka hn**e a khawih bawk a, ka zam lutuk chu ka tha a rawn khur chiam!!




Gos-a lah chuan a hrelo der hmak emaw tih tur hian a chet a chawl eih lo. Ka hn**e mai nilo ka mal leh k*p chu a khawih kual tan a, ka kut tha khur vek chu tih tawp a, Gos-a tihbuai loh hram chu ka tum, mahse ka ti hleitheilo! Ka panty chu ka mal pui thleng a pawt thla in a kut chuan ka chh* chu a khawih tan a, chutah ka insum zo ngang lo ka thaw chhuak hawk a, tap tep tur ang hian thawm ka nei palh. Ka mit ah tak chuan min en a, ka hlau emaw min ti nge ngawi rengin a kut a la sawn a, tho in bathroom lam pan chuan a kal ta daih. Ka inthiamlo a, chutih rual erawh in a tawp san chu ka lawm takzet bawk. Ka panty chu ka ha tha sawk sawk a, ka zah em vangin a mut na lam pawh ka hawi duh lo a lehlam zawk hawi in ka mu saisir daih.




A ri rak a, bathroom atangin alo chhuak aniang. A rawn mu leh chu ka bul vel hi a rawn vawt sur hian ka hria, a va inbual ta ngawt em mawni chu. A bân chuan ka taksa a rawn kuah a,ka taksa si chet tur chuan a rawn tawlh phei nghal. Keimah ang tho hian min nel in min la hrechiang em em bik awm silo a, mahse ani chu tihian nupa reitak in hriat hnu a innei ang maiin min hnaih nghal thei mai a, a puitlin tawh bik vang aniang. A ngawi reng bawk sia. Muhil in ka hre bawk silo,nuam ka tih theih ngang loh vang chuan "Zanin chu ka chau lutuk a, zan dang ah chuan harsatna a awm lo ang " Ka ti ve hmiah. Ka sawi tum chu a hriat tho ka ring.



" Um pawi hleinem " Tiin hriatthiam har deuh hian min chhang. Pawilo ti mahse a aw ki ah khan diklo a awm tlat a hriatna ka nei.


*

" Gos-a? Bawiha...Zampui? " Kan mut piandan kawngka rawn kik a rawn au bawk an awm vangin ka mutui lai ka harh zawk. Ka bul ka en a, Gos-a alo la mutui nasa.


" Awi, ka nu thawh ka hai a " Ka pasal a nu kawngka ka va hawn in ka va hmu.


" Ala hma em hi, ka rawn kai tho ringawt cheu a, Bawiha a la mu ami? " Tiin room a bih deuh a.


" Aw ka'n kai tho ange" Tiin Gos-a chu ka pan a.

" Gos, Gos-a..ka nu'n a ko che ania. Tho rawh" Tiin zawite te chuan ka sawi che pah a.

" Enge a? " A la phak tha ani. Nizan kan mu har bawk nen.

" Ka hrelo " Ti a chhang in bathroom ah ka hmai ka va phih sawk sawk.

" Inhnathawk vai pakhat a chesual an tia, a na viau aniang. Nangmah kal turin an rawn beisei che a. Phone ila thei bawk silo " Ka nu'n a tih chu ka hria, tun tun a lo chetsual chu leh. Hnathawh nan a la hma hma nen.

"Ka va kal dawn nia " Gos-a'n a tih rual vel in kawngka inkhar thawm in a zui nghal.



Gos-a te hnathawh na hi aizawl atang a hla vaklo khua ah ania, tunah sawrkar building sa in an awm mek a, chuvang chu ania sunday vel hmang pawh in a haw theih thin. Nitin a haw erawh a remchâng bik lo a, a hnathawk te vil that ve a ngai tho bawk a. A rawn tho leh kei bathroom atang a chhuak kan in melh fu palh, nizan thil kha ka hrechhuak nfhal zawk a, ka lai lutuk ringawt.


" Kawr ka lo lakchhuah sak dawn che em? " Ka upa ve tawh a, kan la inpawh em em lo nachung in nupui ka nihna ang a ka tih tur chu ka hre ve lutuk.


" Ka sawi tum tak " Tiin towel keng chuan bathroom ah a lut a.


A inbual chhungin a thawmhnaw bawm chu ka ka lo hawng a, ka rin ai daih in thawmhnaw a nei tlem. Amah hna nei ania, an chhungkua lah mi awm thei ve tak an ni bawk. Thawmhnaw te chu a ngah ther thur ka lo ring ania, mahse a wardrobe vel ah a khat mawi tawk in a khai a a tam lutuk lo,thawmhnaw lei vak vak chi anih hmel loh,a awm ho erawh a fai em em thung. Tshirt dum leh Jean's pawl tak chu ka lakchhuah sak a, a mah ka mitthla nen an inhmeh viau dawn in ka hria.



" Hei ka lo la a. I rawn haw leh vat hmel sia ka tia mawi hnai lutuk ka la chhuak duhlo a" A bu nghat a, a sam a hru mawlh mawlh.

" Um, kan duhzawng a in ang dawn chho a va nih hmel ve " Ka thawmhnaw lakchhuah ken kang pah chuan ati a. Awmze awmlo zet in ka lo lai ringawt.

"I rawn kal ve duh zawk em? " In hak pah in ati a.

" In ka lo nghak zawk ang. Vawiin lam a rawn la leng duh kha an awm sia "

" A pawi loh chu, keipawh ka rawn let har lo tur ah ngai ang " A ti a, a che vel ngun tak a ka en laiin ka phu zuk.

" Awi ka lo ngaihtuah lo reng reng, enge i ei ang? " Kaw ruak in ka chhuah tir thelh a lawm mawle.

" Coffee min siam sak la, a bak a ngailo " A ti a, chhuk thlak san ka tum zet tawh. Mahni a midang hmachhawn ka hreh vangin ka ding leh reng.

" Mahni in ka chhuk ngam lo " A nuih a za aniang nui teuh deuh hian mi rawn en a " First day anih hi " ka lo ti ve hmuk.

" Yes...Ka feel che lawm " A ti ngei.


A hman velah kan chhuk thla dun a,kal pah in keiin choka a coffee siamna vel awmna te ka zawt pah. Ka nu leh ka pa an lo tho tawh a,Gos-a nau u Nancy erawh ala rawn tho ve lo.


" Engtin nge? " Ka pa'n a lo ti thuai. Kei choka lam ah ka tlang phei nghal. Gos-a'n min hrilh tawh vangin coffee vhu awlsam te in ka siam a. Ka nu leh ka pa pawh thingpui siamna vel coffee dahna an lo dah vangin ka siam sak ve nghal,ka zawt ta lem lo na a, coffee ai chuan thingpui an duh zawk in ka ring.


" Ka va kal zuai anga, buaipui ngai ang ka buaipui zawh ah ka rawn haw leh mai ang " Gos-a'n a ti a. An in tur keng chuan ka va chhuak phei a " Nancy kai tho hma ula, Zampuii thil tih dan vel te lo hrilh se " A ti leh charh charh.


" Ni e ka va kai tho ange " Tiin ka nu a tho zui. Gos-a'n a in in fel hnu ah thlah turin min hruai chhuak a.


" Nancy kaih thawh kher a ngai hleinem, ka nu pawh ka zawt thei tho a " Car darthlalang a hruk fai lai chuan ka lo ti a.

" A mu rei thei lutuk hrim hrim alawm, tikhan in nel pah na ani mai " Ka hnial peih lo, ka nu pawn a thusawi zawh rual a a mawng a kan dan ah an dah lal ve tawk tih a hriat a, an hna lam ah nise pu ber ang ani bawk a, lal leh intih thu vel chu a thiam in nuam a ti khawp ang.

" Anih ka kal aw " Tiin motor ah a lut a, a kal chu ka lo en liam thung.



Inchhung a ka va luh leh chuan u Nancy lo thu tum bur ka hmu. An kaihthawh hma vang aniang, min rawn melh a min ngei hmel ngang lehnghal, diktak chuan Gos-a nen kan innei tur hi a lawm vaklo tih ka hria a, nimin kha chuan a panngai ve viau mai a, mahse hei inneih te a zo ta bawk a a hmel landan a dang chak khawp mai. Engpawh nise ani chauh care tur a helai a awm ka nilo bawk a ka pal zam ve thei mai ang.



" I u'n Zampuii thil tih dan vel hrilh turin ati che anihkha " Ka pa'n U Nancy hnen a a tih lai chu choka a awm chungin ka hre pha a.


" Ninawm a, chet pawh chet thiamlo te chu pasal neih loh mai tur a lawm " ka awm ve reng a min care teh chiamlo anih hmel. Ani hi chu a hmel lan dan hrim hrim ah pawh Gos-a ai in a sual hmel lehchhawng a, hetah pasal nei ta lo pawh ni ila ani ang hi chu ka ngainat ngailoh tur zing ami an ni.


" Zingkar kar ah phun teh suh " Ka nu'n alo ti vr bawk.



Diktak chuan he kan inneihna ah hian Gos-a chhungte lam hi an rilru a dam lutuk lo a, ruih sual palh vang a rai a innei ta mai kha kan lo ni bawk nen, u Nancy phei chuan min ngai khawlo viau hian ka hre nghe nghe. Ka dem hran lo,kan unaupa,kan fapa tan a hmeichhe tha tak hual ruk tawh lai a midang, vawikhat pawh la hmuhloh mo a han neih thut chuan thinrim a awl dawn lutuk. Mahse zu in mi ka nilo a,nula che pawlawh tak pawh ka nilo, class reunion kan neih tum a vawikhat ka tihsual ve zauh vang a heng zawng zawng hi thleng ani.



" Enge I thiamloh? " A rawn ti hmuk. Ngawi rengin chawhmeh siam tur ka lo buaipui bawk nen ka phu nasa.


" Thiamloh em em pawh ka neilo a, mahse engtin nge ei in in siam a, in duh dan tih vel leh thil awmna ka hre vaklo a chu chu min hrilh la a tawk mai "


" Khatah Khan telh chi a awm. Khatan Khan bungbel a awm a, induction hman dan te kha I hria em? " Bel pakhat chu min hmuh a "Hei heng te hi thir fian a hawlh chi ani lo ania,ilo ti chhe mai ange " khanglang chuan a! Ka hre ve vek kan inchhung mi nen danglam bikna a nei lo e.


A kal mai tur chu ka ngei ve deuh hlek vangin " Chawhmeh lampang chu engtin? " Ka ti leh ngat.


"Siam tawp rawh, a tui loh leh paih ani mai a " Min tih khum vangin ka zawt lui peih ta lo.


Kan in a ka siam ang ang chuan ka siam ve miah miah a, chaw ei pawh ka peih hma tawp. Mahse mo thar ti nei ti a thenawm khawveng an rawn len luh leh zuaih vangin chung te chu thingpui ka lum sak leh rih. Thingpui ka pek zawh chiah in Gos-a'n min lo call " Ka thleng chiah e " A rawn ti a.


" Aw " Ka lo ti mawl deuh tawp.

" Eng mood nge? A va chhumbung ve " A tih leh a, chulam sawi lo in,

" Rawng ka bawl a, I pa te hian an ei duhlo ang tih ka hlau " Ka ti a.

" I pa te ve tho an nih tawh kha " A tih chuan sawisual tih in hria in lei ka chhuah tet "Ei in lam ah kan harsa lo ania, Nancy kha a khirh deuh ani mai. A hrim hrim in a pui lo che ami? " A ti leh.

" Pui deuh tho, min hrilh nial nual "

" First day I ti sia, alo pui ang che ka ti a sin " Tlem in a aw ki chu a danglam deuh.

" A ho, ka siam zo vek tawh. A tui loh leh paih ani mai a tia lawm " Ka tih velah chuan " Ka ei ve hma in lo paih reng reng suh. Mo thar ei siam ei lo a awm ka duh miahlo ania " A rawn ti fiamthu nghal.


Tun tak a kan inbiak dan chu kan inpawh vei riau hian ka hria a tlem in nuam ka ti ve deuh.

" In lam I be tawh em? "

" Aih " Tiin a ka chhan chuan a nui zui a.

" Min be peih ngang lo ani maw " Tiin a nui zui a. Chutiang pawh in ka awm tawp silo "Awle,i nu ka bia a hna lam ah ka let lawk thu ka va hrilh a. Anihleh ka dah aw " A ti zui zat. Ka chhan hma in a off daih zui.


Hepa chu leh, a in la makpa thar fel nge,mi ti thlip thlep tak ani zawk? Kan in lam ah pawh a lo va in report thlap a. A tha vek e, a mah ang a ti ve tur a min duh kher loh chuan a tha ani mai.

[Bearr]

CHAPTER-2‍🩹



Rawn leng lut neuh neuh ho an reh tak ah chuan ka pa'n chaw ei a rawt a, keimah in chaw ei ka siam zung zung a, ka siam zo ka pa te ka ko tur chhuak leh u Nancy rawn lut hmanhmawh lutuk ta chu kan in su ti tih. Tihpalh tih ka tum zet a, engkim min mawhpuh nghal ang mai a min melh rum vang chuan " A van zia lo tak " Ka ti mawl tawp.



" Hahthlak " Ti hluk in dawhkan chu a kil a, midang pawh ngaihven lem lo in a mah chuan a ei nghal mial mial. Ka thil siam pawh chu tui ati ni hmiang, engmah sawiselna aw kâ a rawn chhuah lo.



" Pa, chaw ei ka peih tawh a" Ka pa tv lo en chu ka va ko a, ka nu a rawn kal ve chiah bawk. Gos-a a tel veloh avangin nuam pawh ka ti chiah lo, tumah vak kan tawng lo a, u Nancy phei chu a ei hmasa ah a tang bawk nen a kham na a rei leh tawh.



" Mazuali kha a rawn kal leh dawn ami? " Ka nu'n a tih chuan aw ka lo pawh thuai.



" Min inrem fel pui tur in " Tiin ka lo chhang a.



" I nu nen nitin chhuah kan ngai sia, I u Nancy lah chhuak bawk. Gospel-a phei chu awm ngailo tluk ania hrehawm iti lutuk lo ang chu maw " Ka pa'n alo ti ve thung.



" Ti lo e, in nghak thang ka nia " Ka nu leh pa tak ang mai a titi pui ka tum a, mahse ka la mo tir mah mah ani, ka ngam tlat lo.



Ka pa te nupa hi amah ka pa vety doctor a nia, ka nu erawh PHE lam ah a thawk,u Nancy erawh university kal lai ani thung, kumin chiah hi a ngai tawh ni awm tak ani. An chhungkua leh an thawh ngaihtuah chuan an awm thei pawh hi a awm lutuk. Chaw ei na te ka han ti fel zung zung a, nidang ah chuan phone nen khan ka che ber thin a, pasal te in ah chuan a rem ve teuh tawh lo bawk nen ngawi ngal in tih tur ka ti mial mial. Ka nu te nupa an chhuak a, mahni chauhin ka awm hman lo mazuali a rawn thleng chawp chilh ve nghal.



" Awi tumah an awm nange? " Keimah chauh a ka lo awm chu mak a ti viau.



" Anih hi, an chhuak vek tawh " Ka lo ti a. A meng len em vangin " Lo leng tur an awm chu an tia, tlai lam deuh ah anih ka ring " Ka ti leh.



" Awi I mo thar tuk ania mi te pawh an lo leng ve leh duh awm sia. Hrim hrim in Gos-a pawh hi khawi ah nge? " A ti leh.



" An hnathawk a chesual an tia an rawn ko anihkha, zingkar ah a chhuak tawh a lo let leh tep tawh mai thei "



" Chuan enge I chhungkaw thar te chu? " Nui chungin choka ei dawhkan kil pah in a ti a.



" A tha ani mai, min lawm lem lo tih pawh a hriat miah lo. U Nancy hi tlemin a eng emaw ve deuh a "



" Gos-a nau kha maw? Keipawh a mah tawp kha ka ngaina lo "a ti zo hman tawk, Gos-a a rawn lut a, Mazuali'n a sawi chhunzawm ka hlauh vangin dawhkan chu ka beng dawt.



" In pahnih chauh a law awm? " A ti a, ka dawhkan ben ai in Mazuali a phu nasa zawk.



" Aw an chhuak vek a" Mazuali'n min lo chhan khalh.



" Anih chu, ka han inthlak phawt ange " A kal tur chu " Chaw chu ka lo siam ang che aw? " Tiin ka be ding leh.



" Umm, a pawi hleinem " Nizan ang deuh chiah a min chhan vang chuan chil ka lem khawlh.



" Nizan chuan in mu hrang ta ami? " Zawi sep in Gos-a kal velah a ti a.



" Hrang lo, min kuah char char a. Mahse engmah kan ti lo " A hmui hup in a meng phawk vak kher.



" Engtin nge in tih loh theih? A duhlo nge nangman I duhlo zawk? " Henu tak hi chu aw.



" A tum deuh a, mahse kan ti lo " Tih ringawt a ka hrilh chu tawk zo lo a tih hmel ngang mai.



Gos-a chaw ei chhungin living room lam ka va ti fel a, a ei rei hmel nen a rawn kham hma phian, mi rawn ko ta mai lo chuan a ei na vel a lo la ti fel zui. Thleng erawh ka va hmuh hman vangin ka chuh a,ka sil ve thei hram. A ruk in ka ei siam pawn a tui tih min hrilh ve thlap. Mazuali'n living room min tih fel pui a, tlem thil tar leh eng emaw dah sâng deuh chu ban buai peih lo in Gos-a kan tih tir zel a, kan in hmang tangkai hlawm viau.



Kan room lampang kan tih fel laiin Mazuali'n min rawn ko teh chiam. Ka va kal hnai a, Gos-a'n thil pek leh chawimawina a dawn ho chu min kawh hmuh a " Gos-a hi Malsawmtluangzela ani tih ka hre chiah, Malsawmtluanga chauh emaw ka lo tia " za zet hian a nui nghal a.



"Van han tlaw tak, inneih thutiam ah pawh Malsawmtluangzela an tih kha" Tiin ka kalsan lehnghal a.



"Hming a nei sei ve khawp mai " Tiin ani pawn hna atan lehnghal. Thawmhnaw leh bungrua te chu kan rem fel thlap a, Gos-a ta bik erawh tih fel hran a ngailo, a felfai sa thlap a kan khawih lo law law.



Dar 1 velah ka nu leh ka pa te an rawn haw nawlh, rawn leng tur an thianta te an awm vang a rawn haw hmâ an nih hmel. Mazuali'n haw mai a tum a, ka lo phallo deuh chu Gos-a'n awm ve rih turin min lo ngen sak ve hlauh. Ka nu'n ei tur siam sak tur a min rawn hrilh hriat vangin Mazuali nen choka lam ah chuan kan awm deuh chawt.



" I nu hmel hi a sual hmel ka ti " Lehlam a awm ten an hriat ve hlau ni awm tak a zawi hian ati a.



" Ka nu chauh ani hleinem, an vai hian an hmel a ngainat awm loh. U Nancy te, Gos-a leh ka pa te pawh an hmel hi a nelawm loh tawp " Tiin ka lo tuihnih thuai.



" Kan sual e " A ti leh lawi a, kan pahnih chuan kan nui leh tet tet thin.



" Kan inneihna hi rei deuh tawh se, kan in lam a len zuai ka chak " Ka tih chuan a bu ve nghat nghat.



" Nizan ah i nu'n min rawn phone a, a ngai deuh che aniang " Atih veleh hnuhnawh chuan kan in lam a kal ka chak zual.



Rawn kal tur a te an rawn thlen chuan min ko chhuak a, ka pa te nen a inchhung si, an in kungkaih na erawh a hla deuh hlek tawh tiin an sawi a, an chhungte tho ani tihna anih ber chu. Kan in chibai a, thilpek te min rawn ken bawk. Mazuali ka kalsan daih bawk sia, helai a an titi lah ka zawm thiam ve vak chi ani bawk silo. Mazuali in tur rawn chawi chhuak ka hmuh chuan ka tho a ka va pui thuai.



" I a sia(h) an awmpui emaw an ti mai tur che a sin, mi rawn ko ta che " Kan thian dun chuan kan han in zilh leh rih.



" Tih tur ka la ngah sia " Mazuali hnen a ka to chu Gos-a'n a lo hre pha aniang.



" Naktuk ah ani mai " Arawn ti zawk daih. Diktak chuan ka tih tur chu thuhran nise, hetia thut deuh tawp mai chu a ninawm lam lek lek ani.



" Naute chu thla engzat maw? " An nu zawk chuan mi rawn zawt thut. Diktak chuan naute chungchang sawi hi nuam ka tilo riau, a chhan pawh tihpalh vang liau liau a ka pai kha ania. Midang lak ah inthlahrun na min neih tir phah. Naute hi ka duhlo tihna nilo in, kan sawichhuah hian kha zan kha ka mitthla ah a lo lang tlat a, nuam ka tilo.



" Thla 2 a la tling lo deuh " Ka ti sep. Gos-a'n a ban pakhat a min kuah nghal vang chuan ka melh zauh a, hahdam rawh min ti niawm takin a lo nui.



" Gospel-a a chhun chuan a hmeltha ngawt in ka ring " An tawng dan mai mai chu a, Gos-a chauh hi hmeltha an ti tihna ami a?



" Min chhun kawp se ka ti " Gos-a'n alo ti ve thung.



An titi char char a, lo kalsawn lah a mawi silo ka ning ru tawp. Han zawm ve hluai turin titi mi vak ka nilo a Mazuali nen chauh kan nih loh phei chuan ka ngawi chet chet thin. Mahsela tum atang chuan tiang hi A thleng zing dawn tawh tih ka hre thiam a, ngai a lo neih ka zir vat a ngai ang.A tawp a tawp ah chuan an haw ve ta hram, chaw rawn ei law law se a zia zawk ang mawle.



" Keipawh ka haw tawh dawn. Ka nu damdawi te kha a thar lei haw sak ka duh sia " A ti a, ui viau mahila he in a cheng ve tur anih miau loh vang in a haw tho tho a ngai si.



" Anih I hman velah rawn leng leh ang che aw " Tiin kan inthlah a, Mazuali kal liam ka en lai chuan " Vawiin ah i insu nange? " U Nancy rawn tawng leh thut tawh!



" Aw vawiin chu thil ka la ti lutuk lo a " Tiin ka lo chhang tha mai a.



" Va han thatchhia " Min ti kher anihchu! Ka ngei a engtinmah ka ti thei bawk silo " Ka lawm e " Ka tih sak hmiah.



" Insu rih lo turin ka ti anihkha, naktuk zing lam ah a ni mai " Gos-a'n kan tawng a rawn hre hman aniang, a nau chu a rawn hmachhawn. U Nancy pawh a a kalsawn ta mai.



" Rawngbawl a hun viau tawh ania ' a ti chu rang tawkin choka ah ka thlan phei, ani pawh nui tet tet chungin a rawn lut a.



" Han mu la, nizan I mu tha silo a. Zing ah i tho hma leh bawk si " Tiin ka lo hrilh ve a.



" Min hnar bo I duh tihna ami? " Alo ti daih thung.



" Thil lak kawih I hrat hmel " Ka lo ti vat. A hma pawn be duhlo chhuah in min chhuah tawh.



" Hrat lo ang, ka nupui puih ve ka tum deuh a, ani lah chuan mu rawh min ti daih bawk si, engtia dawn sawn chi nge? " A ti zawi sap.



" Anihleh hei lo râwt rawh, chip deuh in " Tih leh a hmâ a hmarcha rawt tur leh a râwt na chhawp ka rual nghal. Purun sen leh chemte ka dah tel a bawk a.



" Yes " A va phur hmel tak.

" I va kalna chu engtin nge? "



" A chesual a ber khan a thawh chhunzawm theih hmel silo a, pawisa an nei chuang silo a,a mah lah biak tlak ani bawk silo a. A nupui khan an pa ai ah a fapa tleirawl 1 thawh tir turin mi lo ngen a "



" Chuan I phal em? " Ka lo ti thuai.



" Phal loh chuan, tun a an thawh hlawh bak sum lakluhna panngai tak an nei bawk silo a"



" I va fel " Ka lo tih chuan a nui duh miah lo.



" Fel vang ani hleinem " Tiin choka a chhuahsan daih. Fel ka tih kha ka sawisual nge sual loh pawh ka hrethiam lo, a chhuak tau ta nghawng nghawng em mawni?



" LalGos " Ka ti chiah, a rawn lut leh sia hmundang ka hawi sawn san thuai.



" Min lo tih sak mai " A lam ka hawi chut zungpui a lo zai ni in, a thi nasa phian lehnghal.



" Awi ngawi rengin I chhuak a, I in zai tih te chu sawi ve em em ta che " Band aid a ken lai lak sak in ka kheh nghal sawk sawk " Va sil phawt rawh " ka ti a, min hnial lo in a tho ve mai bawk.



" I van fimkhur lo tak! " Kei lah chuan ka hau nghal ringawt.



" I rawngbâwl che vel hmuh a nuam em a " Tiin a kut silfai tawh chu tuam turin a rawn dawh a.



" Dawt anihchu, fimkhur tawh rawh " Ka lo ti vin deuh hlar chu ka nu a rawn lut thut. Ka lo tawng vin deuh vang chuan engmah sawi chuang silo in min en char char.

" Bawiha I in zai a law? " Gos-a kut ka tuam zawh sak deuh chiah chu a rawn hmu ve nghal.

" Aw, a na lo " Tiin ani'n a lo chhâng.

"Enge ilo tih ve hrim hrim a, sawlam ah lo phei teh ipa nen kan be duh che. In va kalna vel pawh chu enge? " Tiin Gos-a chu a hruaichhuak a.



Rawngbawl chu chu ka chhunzawm leh mial mial a. Ka bawl zo thuak tih in u Nancy a rawn lut veleh,ka rilru te te chuan eng emaw tak a rawn sawisel dawn aniang ka lo ti a. Ka rin dan ang chiah in chawhmeh pakhat chu a hawp zawh rualin a ner nghal vak.



" A va hâng em em ve, tiang te chuan kan pum a na mai anga sin " A tih velah chuan ka va hawp ve chhin a, tukin lam a ka thil siam nen a in hang hleih vak pawh in ka hrelo.



" A van pawi " Chu ka ti ve tho. Henu hi a hahthlak dawn riau mai.



"Pawi tih ringawt. I siam lai in ei chhin tur a lawm" A ti a, ka chhang buai peih lo ka ngawi tawp.



Chaw ei siam turin min ti ta tut tut a, ka chhuan lai pakhat a la hmin chian loh deuh thu ka hrilh chuan lawm lo zet hian " Riltam a thi turin min duh ami? " A ti leh ngawt.



" Aw a rei dawn hleinem " Ka tih let ve chiah chuan a chhuak tau ringawt. Tumah ka va hrilh hre ngam silo a, chaw ei siam tur a min rawn hrilh pawh in ka lo ngawi tawp.



" A ei theih aw " Tiin midang ka ko a. U Nancy riltam tawh ka lo ti thinrim chu keipawn nuam ka ti chiah lo, a awm awm kha lo ei tir hmasak mai tur ania.



" Khawi ah nge Mampuii? " Midang in dawhkan an kil vek tawh. Kan inti thinrim tih an hriat ka duhloh avangin " Ka han ko ange " tiin choka ka chhuahsan a.



Kal chhoh pah chuan engtin nge ka biak anga ka koh ang? Ka thlem chhuak zo angem tih ringawt ka ngaihtuah. Ka lak ah a tha vak bawk silo nen tlem in ka zam deuh.



" U.. Chaw ei kan peih tawh a lo chhuk la " a room kawngka pawn lam ah chuan ka ding a. Kawngka a hawng lo a, thawm a neilo bawk nen kawngka chu ka kik karh karh.



" Ka ei peih lo, ei I phallo ani lawm ni? " Naupang ang mai chuan a khawsa a, lehlam ah ka nu ten min hauh ka hlau bawk si, koh nawn na chi ni in ka hre bawk silo.



" Room ah ka rawn pe ang che " Ka ti leh hram. Mahse kawngka a rawn hawng a " I siam chu ka ei lul lo ang " Tiin a bag nen inhnuai lam a pan thla a, chak tawkin ka zui thla ve nghal.



"E.. Khawi ah nge I chhuah dawn? Zampuii'n chaw ei ah a rawn ko che ani lawm ni? " Ka pa'n alo ti ta chiah.



Scooty chahbi lak sawk pah chuan " Riltam in ngaihsak tawh loh hnu ah tunge ei phur tawh ang? Ka ei chhuak dawn " A ti a, a chhuak zui hmak.





Nuam lo ka tih em vangin midang chaw ei pawh zawm lo chuan ka ding reng a. Gos-a'n " Chawhmeh a dai dawn ania " A rawn tih tak ah chuan ka va kil ve a.



" Engati nge a? " Ka nu'n a la ti zui.



" Nichin ah chaw ei siam rawh atia, a riltam a sawi bawk silo a, ka chawhmeh siam a la hmin tha chiah silo nen kha kha ka hrilh a, a thinrim deuh aniang " Tun tum zet chu ka in lam ka ngai hman rum rum.



" Chaw ei siam a sawi te chuan a riltam tihna ani mai a lawm mawle " a ti chiah, a fanu a tan tur zia chu ka hmuthiam nghal vek a, thinrim emaw lak nat pawh ka tum chuanglo ka inthiamlo tawp.



" A chhuah tawh tho kha. Nidang ah pawh a kil tlai ber ani ziah tho a lawm tun a tak ah enge a thinrim" Gos-a'n alo ti thuai. Ka thlavang a hauh ve deuh vang chuan nuam ka tilo a mahsela pasal te na na na chuan min thlamuan ve deuh.



Chawhmeh hâng lutuk pawh chu an sawi leh ka hlauh nen, engmah an sawi lo a mahse ka pa'n a hawp hmasak ber khan a hmel lan dan a thlak danglam hman zuk tih ka hmu a, a ni pawn hâng a ti tho aniang. Gos-a'n a sawi vek tawh a u Nancy bak khirh an awm vaklo ati hrim hrim a chuvang aniang an ni chuan engmah an sawi ve lem loh. Kan ei in na ka tih fel vek hnu ah inchhung ka tifai leh thuak thuak a, chumi zawh ah ka inbual ve chauh.



" Ka nu khan min ngei ngawt ang. Min lo chhan veleh bawk sia " Ka sam hruk ro zawh chiah chu ka khuih a. Tun thleng hian nuam ka la tilo, u Nancy lah ala rawn haw bawk silo a.



" A ho " A lo ti ringawt. Ngei deuh chuan ka melh a " Naupang tumah kan awm loh hi, in ngei phah na tur thil lian tham pawh anih loh kha " Alo ti leh.



" Mahse nuam lo ka tia lawm. Ka mo thar ni ah tiang hian boruak duhawm lo ka siam a. Engah nge chaw kha ka lo ei tir mai mai loh ni " Mahni chuan ka phun hlak hlak. Tumah ka dem lo, keimah hi ka in dem ber.



" Zampui a ho lutuk, khatiang mai mai ah rilru tih nawm loh a ngailo " Ka hming a min koh hian engtin emaw danglam deuh hian ka lo dawngsawng tlat zel.



" Nau pai i nihkha " A ti tel leh sap.

" Chuan " Towel a lak laiin ka lo ti a.



" Naute hrisel tha nei tur chuan nu pawh a hrisel that a ngai. Khatiang mai mai a rilru I tih hrehawm fo chuan naute in a tuar dawn ania " Min rawn kal pelh pah chuan ka biang ah a piai vak.





In hre mumal lo takin kan innei chung chung na a, kan pahnih hi chuan kan inmil in kan innel chak viau thung. Engkim in zah lutuk lo in kan in sawipui in kan titi dun thei mai zel bawk a. Kan intawng a kan innei hi Lalpa remruat pawh alo ni mial mai thei ani.





"Kawr min lo lakchhuah leh.. Please " Tiin bathroom a lut zui a. Ka thlan sak a duh kher kher chuan nuih a ti za dawn lawm le.





A wardrobe chu ka hawng a. Vest var leh kekawr bul dum,a mutpui theih nghal tur ang chu ka thlan sak a. Nimin a ka hmuh miahloh pakhat ka hmu a, a thuamhnaw inthlep hnuai ber ah chuan thalak ni awm tak alo awm a, a te na in frame erawh a nei ve thlap ' Nimin khan ka hmu miah lo ' ti a ngaihtuah chungin ka vuan a, lak a en pah ka tum laiin Gos-a inbual a zo ta si. Thalak chu nawr lut leh in a thawmhnaw nen chuan ka lo nghak a.

[Bearr]

CHAPTER-3‍🩹


"Kha kha maw ka hak tur " Thawmhnaw nen a ka lo nghah teh thlap vang chuan mak ti hmel a pu deuh.


" Aw I duh lo ami? " Ka tih chuan a la leh mai tho si.


" Duh e, ka hak tum deuh tak ilo la a " Tiin a nui suk a. Hepa hi min bawl a tum nge ni a min chhaih a chak ve hrim hrim zawk?


" I wardrobe ah sawn thlalak ang deuh ka hmu a " Tiin a inthlakna thawmhnaw bal chu ka inthlakna nen ka la kawp a.



" Paih tur anihkha, nakin ah ka paih ang " A ti mai a, ka ngaihsak zui teh chiam lo. Inhnuai lam ah ka chhuk san a, ka nu leh ka pa te thawmhnaw bal dahkhawm la in u Nancy room ah a thawmhnaw bal ho ka han la leh a. Inhnuai lam ah insu in ka awm deuh char char.







Thenawm hnai leh ka pa unau te ho an rawn len leh si vangin mumal pawh in ka in su hman lo. Gos-a'n rawn chhuk a tum lo aniang chu, kei leh ka pa leh ka nu ten kan lo kawm a. An thlah ho hi an hmel hi a ngainat awm hlawm lo hrim hrim anih ka ring. An nuih a an titi bawrh bawrh loh phei chuan an nelawm loh hlawm hlak. Mahsela an sual chuang miah lo thung. An haw darh vek hnu ah insuk ka chhunzawm leh a, ka nu'n u Nancy biak a tum reng bawk sia nuam ka lo tilo.







Dar 9:30 rik hma hret in ka insu zo a, ka chauh ve deuh vangin mu mai tur chuan ka in tintuah tawh. Kan room a ka luh in Gos-a'n phone ah thusawi a lo ngaithla a, ngaihnawm a tih hmel khawp mai, ka va luh pawh in hawk pawh a rawn hawi eih lo " Ka pa unau te ho an lo leng a. Ilo chhuk ve silo a " Tiin thawmhnaw ka la chhuak a. Ka insuk vangin ka huh phah nual a inthlak lo chuan mut chi anilo.







" Ka hria a lawm. Ka chau deuh a" A ti mai a.





A kutzungpui kan tuam kha a inbual vel in a huh tha aniang, a ban tha vak tawhlo lai tur awm ang chu a rawn kau deuh. Band aid dang ka la leh a.





" Khawi I kut tuamna kha thlak ang " Ka ti a, a phone off in a kut a rawn phar phei a. A thar a ka tuam zawh chuan ka buaipui chhung zawng min en char char vangin tawite hian ka nui a.





" Hmeltha min ti chiang " Tiin ka fiam vei zauh.





" Ti lo " A lo ti hmuk. Min chhan dan vang chuan ka zak hman tep " Tha tilo che ila ka nei dawn che a mawn le " a rawn ti leh hlauh.





" Tha min ti lo " Ka ti leh tho.





" Naktuk ah kan inneih thlalak ho kha an rawn thawn dawn nia. Chuan chaw ei chhuah na tur kan nei bawk aw "





Bathroom ah ka va inthlak phawt a, khum ah chuan ka lawn ve a, ka mut fel than hnu ah ani'n a bul lawk a light off na chu a hmet ri khep.





" Kan inneihna hi enge I ngaihdan? " sawi chi ani chiah pawh in ka hrelo na a, mahse a ngaihdan ka hre chak.



" Engti zawng in? " A ti a. Ani erawh chu a la mu zangthal ve chiah lo a, chuvang chuan mi rawn vhhuk en ti tih.





" Engti zawng pawh in. Kan pahnih hian in ngaihzawnna hun kan neilo a, ka rai vangin kan innei tawp a. Kan in hmuh vawi hnih na ah ka rai a reilote ah kan innei tawp mai a, I duhzawng awm ka nih ka hre silo a "





" Sawi sawi a ngai ami? " A ti daih. Tha deuh in min sawipui dawn emaw ka tia.







Bak ah hriatchak ka ngah a sin, inneih em em pawh ka beisei loh kar ah ka rai thu a hriat hnu lawk khan palai a rawn tir teh tawp a. A hmelhriat sa hauhlo in a fa ka pai a, mipa tak ang in a mawhphurh na a hlen a, a duh chuan min neilo in sâwn man pawn min pe mai thei. Mahse chutiang a tilo chuan inneih a duh nghal tawp a, tu mipa mah hian vawikhat an chetsual pui leh a hriat ngailoh hmeichhia chu risk la in a neih mai duh hi ka ringlo ani. Mahse Gos-a chuan ka ngaihdan letling thawk in chet a la a, hei vang tak hian tun lawk a ka zawh na chhanna kha ka hriat chak phah.







" Ngai lo aniang " Tiin sir lam bawk hawi chuan ka mu leh a. Ka muhil mai bik lo, ka nu te nen msg in kan inbia a. Vawiin ka chet chhiat chhuak vel chu ka hrilh a, a neihchhun a duat tih tak ah thu tha leh tih tur ang te mi rawn hrilh lehnghal teuh.







Kan in mangtha hnu ah Gos-a a mu tawh em tih en tum in ka in let a. A muhil nge che lo in alo awm tawh. A mut that awm lai pawh ka hrelo reng reng. Chiang lehzual a en ka duh vang chuan tlem a tawlh hnai in a hmel chu ka en ta char char. A hmeltha ka tih chi tak ania, mahse ka pasal nilo sela ka ngaizâwng viau chuang in ka ringlo. Kan inhmeh dawn lo tih ka chiang êm ani. Thil ka ngaihtuah ka ngaihtuah laiin ka rilru ah nizan kha a rawn lang thut, Gos-a chu ka en leh a, nizan a kan awmdan vang kha nge khatiang zawng a chet kha a tum ta lo hmak aniang, a reh thiapa a muhil tui viau tawh ni in ka hria. A mutna piah lam a tui bottle ka hmuh chuan in ka chak thar a, tho in ka va la a mahse a lo ruak hiau.







Thun khat leh turin inhnuai lam ah ka chhuk thlak pui a. Ka thun khah hnu ah in leh phawt in muangchang chuan ka chho a. Chhoh pah in kan room piah daih a kawngka awm chu ka va melh, U Nancy room ania, a lo haw tawh nge tawhlo ka hrelo, a la thinrim reng a a lo la haw lo anihchuan ka tan a nuam lo zual dawn lutuk. Ka mut hma kha chuan alo la haw lo chiang mai a. A room lam ka va pan a, thawm hriat in beisei in kawngka ah beng ti si meuh in ka ngaithla a,thawm ka hriat theih vangin rilru hahdam deuh chuan kan room lam ah ka let leh.





" Khawi ah nge i kal a? " Kawngka ka kalh fel chiah, a rawn tawng chhuak thut chu ka phu nasa lutuk a, tui bottle pawh ka thlauh phah tep.



" I mu tawh emaw ka tia. Bottle hi ka zuk thun lawk a " A awmna ngai ah bottle chu ka dah leh thlap a.



" Mu tawh e, I chhuak thawm in min ti harh a. Ilo let hun ka lo nghak che " A ti a, sawi mai tur hrelo in khum ah chuan ka lawn velah a.



" Nancy alo haw tawh em? " A tih chuan " Aw, ka va chian thlap " Ka ti nghal thuai.







Engmah a sawi zui lo a, ka mu chu min lo nghak ni in ka hria, ka lam a rawn hawi char char. Nizan thil bawk kha tih a duh ta ni ah ka ngai a, in hawng tak silo in tlem chuan a lam ah ka tawlh hnai a, ani erawh in min lo nuih daih thung.





" I hlau nge thil dang vang zawk? " A ti a. Khawih pawh min khawih lo chuan a mu rem sauh sauh.



" Ka hrelo " Tih tawp a chhâng in a lam chu ka hawi char char.



" Ila in peih tawk lo in ka hria, ka nghak thei tho " ti zawi sap in lehlam min hawi san a. Nizan ang khan ka hnar a hlau emaw ni, kei lah ka la inthiamlo ta zawk hlauh.







Ngam leh ngam lo chuan ka ban dê dê a. Ka zak viau na in nizan ah ka ti thlawn tawh bawk si, a lungawi bik vak dawn lo tih lah ka hria a, nupa kan lo nih tawh na ah nen tih lawm chu ka tih ve tur ah ka ngai, mahsela ka zam ani. A ban bul lian tha tak ah chuan ka va vuan a, a rawn hawi rang ngang mai. Chil lem khawlh in, ka lam hawi tur a arawn in her rem chu ka lo en a. Kan mit leh mit intawng fu lutuk vang chuan ka thaw tha ngam lo hial!! A mah si lo chauh a ka tawlh phei te chu chik takin min lo en a, a âwm a bei ti tih a ka awm tak ah chuan ani pawh a lûngphu alo dik bik zan lo tih ka hre thei.







" Zampui..? " A mah en tur chuan ka dak deuh a. Ka in tiat lo ve ang reng sia a fanu te pawh ka ang lek lek. Mahsela kei hi hmeichhe te zawk zawk ka ni bik miah lo, a mah hi a lian ve hrim hrim zawk.





Engtinmah ka chhâng duhlo a, a kut la a ka hn**e ka khawih tir chiah chuan che hrut in ka chung ah a in nem khalh nghal zat.





" A pawi lo maw? " Tiin ka chhan hma chuan ka hmui ah a rawn fawp a. Infawh a thiam bik riau hian ka hria.





" Pawi lo " Ka aw chhuak a khur a, chu chu ani pawn a hrechiang viau. A nui a, a chet chu atan nghal der.







Nizan ang tho khan bul a tan a, keipawh ka sawm hmasak miau avangin nizan ai mah chuan awmdan ka thiam in rilru pawh ka pe zawk. Ka beisei ai nasa in chet a thiam a, a duhtawk a ka taksa a play chiah chu ka rum chhuak hawk hawk thei. A sam leh a dar te, a nak leh a hnung ah te chuan ka tham tawn tawn a, a na angem tih lam ka ngaihtuah theilo. A duhtawk a min play zawh chuan a z*ng in ka chh* a rawn nawr a, a nawm na ka pawh nasat tawh lutuk avang chuan ani ai mahin ka mamawh a, ka lo hmanhmawh tawh.







Thaw sap sap chungin a taksa nalh tak ah chuan ka chul kual a, ka mamawh zia chu ka chet zia ah ka lan tir ani ber. A z*ng chu zawi muang in a rawn th*n lut a, ka thaw a rang tial tial a, a mah pawh ka ham nasat phah. Aw ka chhuah hlau in ka kut lehlam chuan ka kâ ka hup a, ani'n duhtawk in min l* char char bawk. A hmel a a duh tak thil a hmuh vang a hlimna ka hmuh theih avang chuan a ruk in nuam ka lo ti viau. Kan zo fel chu chauh lutuk avangin kan mu hle hle a, a kuah erawh min kuah tho.





" Muttui " Ti a min hrilh rual chuan engkim a reh nghal thiap.



*



Zing ka han tho chu ka taksa a na ta thûm a, khum pawh ka thawhsan mai theilo. Reilote ka thu muang a, a la hma em em tho avangin ka hmanhmawh bik lem lo. Ka bul a mu Gos-a chu ka en leh a, eng emaw ti tak hian ka hmu tha riau. A sam lah chu a la bei thur em em zui,ka nuih a, a taksa dang ka en a a hnungzâng ka han hmu chu mak ka ti lutuk a ka meng kawk. Tiang em em hian ka lo ham nâ ang tih ka ring pha lo reng reng. A râng niaih lehnghal a va han zia lo tak.







Tih harh hlau takin ka tho chhuak a, ka kal te chu ka dik lo sawt in ka in hria. Bathroom ah zing zing in ka taksa vel chu ka sil fai a. Ka intih fel vek hnu ah inhnuai lam ah ka chhuk thla, rinloh takin ka nu leh ka pa pawh an la rawn tho lo. Bang a sana tar chu ka en a, nimin tun ang hun ah kha chuan an tho tawh mawle.







An rawn thawh hma chu chuh in toh tur awm ang ang, rawngbawl hma si chuan ka ti a. Nizan a ka suk ho pawh ka zar fel nghal thlap. Midang an lo tho ve ta sap sap a, Gos-a pawh mut kham loh hmel deuh hian a rawn chhuk thla ve chhat chhat. Reilote a thu a, coffee ka siam sak chhung in ka nu leh ka pa te nen an thu ho a, a in zawh velah inbual turin a chho lehnghal.







" Nu, Zampuii kha lo chhoh tir lawk teh " Gos-a'n a tih ri ka hria a. Ka chawhmeh buaipui lai dah in ka nu min koh hma chuan ka va chhuak zuai.



" Nu Gos-a'n min ko ami? " Ka va ti a.



" Aw ko anihkha. Enge mawni le, engmah pawh a sawi lem lo han chho lawk mai rawh " A ti a. Choka ah ka chaw chhum lai sim hmasa te te in ka han chho lehnghal a.



" Min ko mi? " Ka han ti nawn leh kher.



"Yes, lo kal lawk " Tiin min rawn hui a. Min tih dan vel chu eng emaw awm tlat a ka hriat vangin ngaih tha lo ru deuh chuan ka pan phei a.



" Enge, min ti hlau " Ka ti zui sep.



" En lawk teh " Tiin a in her a, kawr a hak loh vangin a hnungzâng nizan a ka ham sak na râng nuaih chu a ngai ang ang in ka hmu leh.



" Eng emaw tal min hnawih sak loh chuan, ka inbual a a thip reuh zek mai " Ka inthiamlo tih chu a hrethiam aniang a rawn in her leh chuan a nui zui.



" Oh, khatiang zawng a sawi kha ka tum hleinem " A ti zui zat.



" Khatiang em em khan ka ham nâ ang tih pawh ka ringlo a" Zing ah ka hmuh tawh thu ka sawi duhlo law law.



" Thinrim pawh in ka sawiloh kha " A nuih a la za cheu " Khawi enge ka hnawih dawn? " ka ti ve thung.





A kalsawn a, drower pakhat hawng in hmehchhuah a hnawih chi a rawn la chhuak a. Min rawn pe a, khum ah min hnungchhawn zawng chuan a thu nghal. Ka hawng a, a hnung chu ka hnawih sak mawlh mawlh bawk a, biak erawh kan in be lem lo. Ka hnawih zo dawn tih ah erawh a rawn tawng chhuak a " Kan inneih hma khan ngaihzâwng nghet i nei em? "





Kan innei fel vek tawh a, chutiang lam mi la zawt chu mak ka ti lek lek.





" Aih " Ka nei lo tak tak. Kan chetsual hma thla 2 ah khan ka bialpa nen kan inthen fel tawh. Kawppui neilo a awm tawh kha ka lo tum zawk a, heti hi ni ta lo sela mipa tumah kawp ka tum tawh hrih lo.





" Umm.. " Tiin ka hnawih zawh rual chuan a rawn un her a " Kawr enge ka hak dawn? " Tinge heti lam ah hian mi rawn tlat ni, min thlan tir thul.





" Ka thlan kher hi a mawi bik ami a" Nui tet chungin a wardrobe lam ka pan a " Hna I kal dawn tiraw? " thawmhnaw chu ka han la chhuak chhin vel a.





" Umm ka duhzawng I rawn thlang fuh thei bawk a,hna zawh velah ka lo haw ang. Chaw ei chhuahna tur kan neih kha aw " A ti leh zat.





" Umm " Kamiz pawl dal lam ka lakchhuah vang chuan " Zampui, hnathawk ho ka vil dawn ania khatiang em em chu nilo " A rawn ti a, ka zak ru chem chem.





Chhâng tawhlo in thawmhnaw dang ka la chhuak a. Khum ah chuan ka dah a, a pheikhawk tur pawh ka lak sak thlap. Inhnuai lam a ka rawngbawl ka theihnghilh hman ti tih vangin chhuk lehnghal mai ka tum a, ka hma ah ka kalna dal tak chuan a rawn ding hluai.





" Ngati nge,i thinrim ami a? " Min tih chuan, min zawh awm ang loh em vangin ka nui tawp.



" Teuh lo mai, rawngbawl ka zuk chhunzawm leh tawh ange" Mi la dal ta fo.



" Ka rawn sawi chhan pawh, hnathawhna hmun ah a mawi hnai hak kha a uihawm a" Hepa nawi zia hi. Tinge kei a thinrim mai mai te chu a hlauh a.



" Ka thinrim lo " Ka tih pawh in mi la dal tho.



" Gos.. Ka chhuk duh ania ka chaw chhuan te kha off a hun tawh lutuk " Ka ti leh. Tinge maw ka kawng a dal tlat chu ni?







A rawn kun hniam a, ka tukhum ah a kut pakhat a dawm pah chuan min fawp ringawt. A tih dan in mi thawn deuh vang chuan ka khap zawk zawk, Mizo kan nia,hetiang lampang ah nupa tawh phei chu kan in zah a, mahse ani chu a che cool thiam a, khawthlang lam mi ang mai ani. Min fawh mai chu a la duhtawk lo, ka hn**e min khawih sak a, dan pawh ka tum bik chuanglo. A mah ka mamawh zia hi nizan atang khan ka chiang kuarh tawh. Khum ah chuan min zal pui in zei zet chuan a che tan a, zingkar mah nise a mood ah kan cheng dun em em tho.





" Zan ni tawh se " Chakna avang a a tawngka chhuak chuan min ti hlim daih. Rawngbâwl lai ka nih vangin nupa nun hman êm chu ati lo aniang. Min play a a duhtawk mai, min kai tho in a mah zawk chuan ka kawr a siamtha mawlh mawlh.







Ka chhuk san hma in ka biang ah a la fawp zauh zui. Hlim deuh chuan ka chhuak thla a, hepa hi tih takzet in ka la duh thuai dawn in ka hria.







Ka hlim vei nen choka ka lut chu u Nancy tûm hmel nen kan inhmu a, ka nui pawh ka tawp riai riai. Ka chaw chhuanna lam ka melh vat a, alo in off tawh. Gos-a bulah khan ka lo awm rei hman viau ani tih ka hrethiam. A tûm nasa sia nizan vang khan a thin ala rim ni tur ah ka ngai a mahse " In va han awmdun rei ve " Min ti zawk daih.





" Chhuah hma ka ngai ania " Tiin choka a chhuahsan zui a, tawng ring ngam silo in amah chu ka rel zui ve nghek.Khatiang a hmaichhan ah lehnghal mi hur ni awm fahran a min ko thei kha ka ngei ve thlawt.





Chaw ei ka siam a, kan kil lai pawh in ka tawng ve lo " Nizan ah dar engzat ah nge ilo haw a? " Gos-a'n u Nancy hnen ah a ti a.





"Dar 10 hma in " A ni'n a ti ve bawk. U Nancy nen kum 3 in an inthlau a, a chai naupang ve phian mai Gos-a hian.





" Ngati nge chuti chen chen I chhuah a? " A ti chu ka nu'n " Tleirawl pawh anih tawhloh hi, a nula ve tawh a lawm " Alo ti a, a va han tan tak.





" Nula an nih phei chuan ngaihtuah sauh sauh tur " Gos-a'n ati leh. Ka pa chuan engmah a sawi ve lo,a ngawi a chaw a ei mial mial.





" Tu emaw ang a mi fa ka rawn pai haw ve I hlau ami" Tiin a kham zui daih. Ka hming sawilo mahse kei bak a sawilo tih ka chiang, chaw pawh ka ei zawm mai thei lo.





" Ilo tan thin lutuk a, mi hmaizah na pawh a neihloh tawlh tawlh hi " Gos-a'n ka nu a hau veleh.





" Ani ngawt mai, Zampuii tan pawh hriat a hrehawm ang " Ka pa'n a lo ti ve chiah bawk. Mahse ka rilru nâ a zia awm phah lo reng reng. U Nancy chu ka ngei tak tak ani.







Ka ei ng tui theih ngang tawhloh vangin Gos-a rual chuan ka kham ve daih. Ka ngawi reng a, tûm hmel emaw lungawi lo ang a awm lan vel ka tum hran chuanglo. A tir atangin min lawm hran lo tih ka hre lawk tho atin ni. Gos-a chhuak tur ka thlah a, eng thu mah a sawi lo na a, a hmel chu u Nancy tawngkam vang a ka lak a inthiamlohna nei ang mai in ka hmu. Kan in thlah liam hnu ah tih tur tul ang ang te ka ti a, u Nancy lah chu chhuah hma ngai in ti si in Gos-a pawn a chhuah khalh leh daih tawh.







Ka nu leh ka pa an chhuak ta bawk a, in ka ti fel mial mial. U Nancy nen chauh awm kan ni bawk a kan inchhung ah chuan tawng thawm hriat tur a awm lo. A ni a room ah a tawm a, kei ngawi rengin ka che thung. Darthlalang ka nawh fai laiin tu emaw a rawn kal a, ka va chhawn chuan min lo en deuh kur mai.





" Aw enge ni? "



" Nancy a awm lo ami? " A hmel lan dan ai chuan a tawngka chhuak a nem phian.



" Awm e, a room ah khian " Ka ti a, a rawn lut a nui sâng pah in a kut a rawn lek chhuak.



" Gos-a nupui tiraw? Tlanpuii ka nia " A ti a, step ah u Nancy a lo chhuk thla ve chiah bawk.



" Ilo va kal har ve " A ti a. Kei min biak dan nen chuan bei nem tak ani.



" Nia, pakhat ka tih sak hmasa leh a " Ati a. A thiannu nge a hmelhriat ve satliah ni dawn ni.



Ka pawimawh ve lem a ka hriat loh avangin ka hna ah bawk ka kir san a.



" Lo han chho rawh. Ka room ah ti mai ang " U Nancy'n a tih vangin Tlanpuii pawh chu a chho ve mai.



" Mama bialnu anihkha " Ka zawh pawh ni miah lo in a rawn sawi. Ka lo nui ringawt thung.





Ka rinai daih in Gos-a'n bialnu a nei chhia. Ka tih awmzia chu hmel lam ah a duh tui vaklo anih ka ring. Tlanpuii pawh kha hmeltha ka tih chi ani lo, a vun a nung in a ngo em mai pawh a. Keipawh ka tha viau chuanglo a chu,a mah ang khan ngo in no nalh ve ila chuan ani ai khan ka lan hmelthat zawk ka ring deuh. Ka in nawh lai rengin nizan a thlalak frame ka hmuh kha ka hrechhuak. Gos-a leh Tlanpuii thalak anih ka ring hnuhnawh a, inchung lam ah ka chho thuai.

[Bearr]

CHAPTER-4‍🩹



Room ka thlen velah a wardrobe chu ka hawng a. Thlalak awmma kha ka keu a alo la awm ngei bawk. A khaikhup a a awm vangin ka pawt chhuak a, ka en chuan ka rin ang chiah in Gos-a leh Tlanpuii te thlalak alo ni. Kan inneih hma khan an lo in ngaizawng ve ani ngei ang. Mahse an thlalak frame hnuailam a date in ziak vang chuan ka kan inneih hma daih anilo tih ka hre lehnghal, he an ni ziah hi kan inneih ni hmachiah ani. Anihchuan an ni hi inthen lo in an lo awm nge, kan inneih dawn avangin an lo inthen tut tut zawk?







Thil ho te ang in lang mahse ka thil hriat thar chuan ka awm a ti nuam lo zo ta vek. Ka hnathawh lai pawh in ka ngaihtuah reng a, inthiamloh tur nge pawh ka hrelo, mi bialpa fa pai in an inkawp that hle hle laiin ka lo neih sak ta mai em ni tih te chen in ka ngaihtuah a, lehlam ah Gos-a pawh hian Tlanpuii nen a inthen silo in min nei ani angem, a fa ka pai vang a mualpho hlau in min nei mai mai ani angem tih te nen lam ka ngaihtuah a,mahse chutiang thil em em an ti duh bik in ka ring silo, Tlanpuii lah khan min be tha ang reng si. Ka rilru mahni tawk ah a buai em em ringawt.





" Zampui " U Nancy'n min rawn ko mial.



" Mama'n a rawn phone reng che kha " Thil ka ngaihtuah nasa lutuk a phone ri pawh ka hre chang tawh lo.



" Ka'n chhâng ange " ka phone dahna lam ka pan a, Gos-a missed call 2 lai a lo awm a, ka callback thuai.



" Tinge call I lak theihloh a? Enge i tih? " A aw ki chu a nem lo ngei mai.



" Darthlalang ka nawt a, phone ri ka hrelo " Ti a ka chhan chuan a reh zui daih. Off erawh a off lo na in a tawng mai lo, hnathawhna a awm tih tak ah a bengchheng ang reng khawp mai.



" Mi an lo kal ami? " Tlanpuii a sawi na aniang chu.



" Aw kal e " Ka tih tak ah chuan " A bia che em? " A rawn ti leh a.



" Aw min chibai bawk a, tinge? I hmelhriat ami a mah hi " Hre sa lo ang tak chuan ka lo ti ve daih. Engtin nge a sawi ka hre duh ani.



" Hria e " A ti ringawt, ka va duh khawp lo tak.



" A haw tawh em? " Chhum bung deuh deuh in mi zawt a, thuruk nei ang mai.



" A mah zawt mai la, ka buai " Ka ti ve ta tawp. A hrim hrim ah engtin nge a lo kal tih a rawn hriat chat theih zawk?



Ka tawng dan ki chu a hrethiam aniang " Zawh chhan tur ka neilo e " Kan in hnial lo chauh mai.



" Chuti si min zawt reng bawk sia. Tunge ni hrim hrim, I thiannu nge..chu lo zawk? " Ka ti chu min ngei deuh aniang a ti tawp hmak.





A awmdan chuan min ti ringhlel lam ani. Engmah chu ka sawichhuak chuanglo a, mahse ka rilru ah hian a awm tut tut thung. Thil min zawh chhum bung lutuk dan te, a sawithat leh duhloh dan te leh kan in a rawn kal vang a a hnathawhna atang daih daih a a rawn buai viau chu mak ka ti lek lek. Mazuali ka text a, hna a kal aniang min chhâng mai lo. In lam biak ka tum zet na a tih tur ka la ngah si vangin chupawh ka ti leh lo.







Tlanpuii leh u Nancy pawh an rawn in zui chhuak a, Tlanpuii chuan u Nancy a rawn chei nge u Nancy chu a rawn nalh thla vawr vawr lutuk, a hmai lampang chuan mit a la zual a, a mah alo ngo in alo nu lian ve deuh bawk nen a makeup a fuh bawk a, sual viau e tilo chuan a lang tha tawp. An pahnih chuan an chhuak dun a, in zau tha tak ah mahni te in ka awm bal mai.





Gos-a sawi tawh ang in chawhnu lam ah kan inneih thlalak pawh alo thleng a. Ka en chak viau tawh na in zan mut hmun a en ah ka tia ka dahtha rih.





" Zampui..? " Ka nu'n pawn atangin mi rawn ko. Ka chhuak vat a, thlai leh eng ilo a rawn lei nual. Khai luh pui in ka dah fel hnu ah tui vawt sar chu ka pe nghal bawk a.





" I û a chhuak ami? " Tiin tui a in nghal a.



" Aw chhuak, Nu..Gos-a khan tlai ah chaw ei na tur kan nei atia. Rawng hi ka bawl hma mai dawn ami? "



" A va la hma awm ve. Mahse in chhuah chuan bawl tur dang an awm silo a, duh leh chawhmeh kha lo siam lawk la. Chaw chu keiman ka lo chhum mai ang. Nancy a ei chhuak leh dawn anihkha "







Choka lam ah phei in siam tur chu ka buaipui a, ka nu'n " Chi hnih thum vel kha siam la a tawk mai. Tlem te in " a rawn tih leh tak ah chuan a awlsam leh tui tur ber chuan ka buaipui sak a.







Gos-a'n msg a a rawn haw mek thu leh lo in peih sa vek tur a min rawn hrilh vangin rawngbawl zawh ah ka inbual nghal a, ka thawmhnaw ho ka en kual dan dan laiin suk pho ka la seng lo tih ka hrechhuak. Inchei nalh hma in ka han seng a, ka sem darh leh thlap. Ka hmai te chu ka nulat lai a ka inchei dan ang vek in ka chei a. Nalh in ti zet chuan thlâ te ka in lak leh te te a, thawmhnaw thlang a ka in enkual laiin Gos-a pawh a rawn thleng ve chiah. Ngawi rengin towel a la a, keipawn ka lo be lem chuanglo. Bathroom ah a lut tlang nghal daih a, sawi lo mahse a hak tur ka lo lakchhuah sak tho.





" I hman tawh ami? " Ka sam han tih kual dan tur vel a ka lo buai ve viau laiin a rawn inbual zo der.



" Um " Tiin ka chhâng a, chhum bung ka tih deuh vangin " Kawr kha ka la chhuak a i hak duh loh chuan a dang ka rawn la ang " Ka ti leh.



" Ha duh e " Nuih za aw tak hian a ti a, a mah chu ka va melh zauh.



" Chhuah hma in tau zo hman hram la " A ti kher a, ka va in her chuan en pawh mi rawn en chuang lo " Ka tau lo e " Ka ti ve hmak.





Ka sam ka kilh zo chiah ka hnung ah a lo ding thut! Ka phu deuh zawk a, ka dar ah chuan a vuan a,min si chawt hian a ding bawk. Darthlalang atang chuan a mah chu ka melh a, tlem a ka zam deuh vangin ka thawk lak pawh a zawi awi khawp mai. Ka tukhum lam ah chuan a fawp a, ka sam rim chu mit chhing meuh hian zu hnim a.





" Intih thinur a hun lo ania " A ti zui sap.



" Ka thinrim lo ka tih tawh kha " tiin ka tal a, min thlah rual chuan a lam hawi in ka in her zui nghal.



" Anih nichin kan inbiak dan kha enge awmzia. A bak min rawn be duh tawh bawk silo, ka ngaih che nen " A ti a. Min ngaih thu a sawi kher chu ka awih lo nasa.



" Mualpho I hlauh vang a min nei i ni em? " Tiin ka zawt thâwr.



" Enge i sawi awmzia? Mualpho na tur enge ka neih, ka fa pai tu nupui ah ka nei a"



" Chutak chu a lawm. Naute vang chauh hian a mi kan inneih? " Tiin ka zawt leh ngat.



" Chutiang lam sawi sawi lo teh ang " A ti a, kalsawn a tum chuan a ban ah ka man sak.



" Kan la innei tir bawk a, in hriatchian kan la mamawh zual dawn chauh bawk "



" Eng chu nge i hriat duh ber chu ni a? Naute chauh ngaihtuah a ka kawppui a siam ah che min ngai em ni? Duhlo che ni ila ka nei lo ang che,I nau pai man pe che in ka theihnghilh zui vang vang ang che chu. Mahse chuti chuan ka tilo tiraw? " a vin ta hluk. A hmel ngainat awm loh sa nen a sual hmel lehzual.



" Tlanpuii nen khan in ni thin tih ka hria. Thalak pawh saw in siamna a la reiloh hmel bawk si " Ka ti leh talh.



Keichu ka rilru ti hah a, ti buai reng thei pai a ngawih reng ka peih lo, ka in ti hah mai mai.



" Nun hlui anihkha " Tiin a kalsawn zui a.



Thlalak chu a la thar viau saw ti rilru chungin ngawih ka chuh ta zawk. Heti hi ania, rinai daih in thuruk kan ngah ava nih hmel ta em; engpawh nise min kawp anih lem loh chuan pawm dan tawk thiam ila a tha ani mai. Chuti anih loh erawh chuan inthen law law ka duh ang, kan inneih lai reng a min lerh san tu mipa chu ka chenpui reng thei dawn lo.





Chumi thil kan sawi bak chu kan in be chhunzawm tawh lo tawp a. Inhnuai kan chhuk pawh in kan in zui na a, tawngkam khat mah in kan in be lo. Kan chhuak dawn a, motor ah ka thu fel vek tawh, ngawi reng a a chhuah leh vangin theihnghilh a nei ah ka ngai a, ka lo nghak mai. A rawn let leh a, eng em em phei chu a rawn la chhuak lo. Motor a tih nun hma chuan ka mal ah a rawn man thut!



" Ka zaidam teh chiam lo ania " Tiin min hrilh ngawt. A chet dan leh tawngka chhuak vang chuan ka tih phah lek lek.



" Ngawi reng suh " Min ti leh a, a kut a lak sawn rual chuan chhuah daih ka tum. Hetiang te chuan a bul ah ka awm ngam tawp lo e.



" Ka kalh tawh " Kawngkhar chu ka hawn theihloh vangin a mah bawk a rawn tawng chhuak " Hawng leh rawh " ka ti ve vat.



" Kan tlai tawh " A ti a. Hawn a tum lo nasa tih ka hriat vangin motor hnunglam chu chhuah tum in ka melh ru deuh.



Beisei loh deuhin pangpar ka han hmu. Mahse chhuah ka duh vangin ka zawt buai lo " I ta tur anihkha " Ka hmu tih a hria aniang.



" Diktak chuan ka thinrim tawh " Ka ti ta tawp.

" Keipawh ka thinrim tep " A lo ti ve leh.

" Ka ngaihzâwng hlui vang mai mai a buai a tulna a awm lo " A ti leh charh charh a.



Ka sawi peih tawhlo, ka ngawi reng a, thaw halh pah in motor a ti nung a kan tlan chhuak zui nghal. Kawng tluan chuan kan in be lo tih theih ani, kan chaw ei na tur te veng leh an mahni a sawi bak chu. Kan chawi ei na tur te pawh tu dang nilo in a thianpa Rp-a te in ah khan alo nia. A sawi na lai kan thleng a, ka chhuk ve lawk duh lo, ka awmna lam ah a chhuk hnu in a rawn phei a, kawngkhar a rawn hawng. Ngawi reng in ka chhuak a, mahse ka lû a min lo fawh sak vang chuan ka danglam deuh thut. Ti tawhlo tur a hrilh ka tum laiin in neitu te an rawn chhuak a ka tawng ta lo zawk.



" In lo thleng maw? " Nu ber ni awm tak chuan mi rawn chhawn a.



" Aw, kan rawn thleng tlai viau em le? " Gos-a'n engmah thleng lo ang maiin pangngai tak chuan a bia a.



" I nupui chu a va hmeltha ve aw " Min fak der ve na na na te chu ka lo nui ve hram.



" In lo thleng maw " Rp-a pawh alo chhuak ve chiah. Gos-a nen an in zui lut a, kei Rp-a nu nen kan lut ve thung.



Chhungkua kan rinai daih in an lo tam a, ka zak ang reng. Ka tawng ve vaklo a min be em em anihloh chuan, naupang an neih avangin naupang lam chu ka awn mah zawk. Chaw ei an siam nghal sawk sawk a, hunserh te hmang in kan kil chu ani nghal mai. Chaw ei na ah pawh titi nen ani bawk a,chaw ei pawh a rei ngei mai. Kan ei kham ah thiam ang ang in ka tih fell pui ve a, tilo tur chuan min ti tho na in an siam lai khan ka pui ta silo a, seng fel tal chu ka tih ve a ngai.



" Apa Gos, khawi ah nge I bialnu kha? " Rp-a u fanu thil hrethiam rual tawh takin Gos-a hnen a a tih chuan mit ka lo chet kual ralh. Helai naupang daih daih pawh in an hria a, hetah pawh a hruai ngun viau aniang chu.



" E sawta saw " Gos-a'n min rawn kawh chuan sir lam ka hawi daih.



" Ani lo sam tawi kha " A ti leh zel. An va han in hrechiang awm em em ve.



" Bawihte sawtah I nau te va kawm rih rawh " Rp-a'n a hnawt kiang ta daih. Gos-a'n engtin nge ka ngaih ang ti ni awm tak a ka awmna lam a lo hawi leh chuan en peih lo in hmun dang ka melh san leh hmak.





Rp-a û nupui nen kan Inkawm ve a, a fel in biak a nuam a, kan thil tih vel dan pawh alo in ang nual a kan titi tui ve ta phian mai. Thingpui hâng te an han lum leh ruh a, titi nen reilote kan la awm emaw kan tih chhung in haw a lo hun ti tih der mai. Gos-a'n naktuk hna kal hma a ngaih thu a sawi vangin min ui bet ta lo chuan kan in mangtha sap sap hlawm a. Rp-a û nupui Sawmi nen pawh phone no te kan in pe ve nghe nghe.



" I ei puar em? " Ka lam a rawn hawi zeuh a " Puar lutuk " Tiin phone ka en san. Tinge a bul ah hian tau ang a ka awm tlat reng pawh ka hre thiam lo e a.



" I riltam vang aniang a ilo tum char char " Fiamthu ti tak deuh a a tih chuan ka ner sak.



" Rp-a û fanu kha a tawngthei reuh tawp " Ka ti chhuak zauh a " A tan tha leh dawn ta " Tiin motor ah zai a play ta daih. A hla play ber kher lah chu a la mak sak em em lehnghal.



" In in lam ah kan kal kawi dawn ami? " Ati a, ka chhungril chu a phur nghal hluai. Mahse in lam ka ngaihtuah a, ka nu'n inchhung sek rek a lo khawih ka hlauh vangin haw tlang ka rawt zawk.



" In be tha lawk teh ang " Kawng sir ah motor chu a hûng rem a. A zai play pawh a ti tawp zui.



" Kan tlai mai mai " Ka ti ve na in min melh kur vang chuan ka ngawi leh hmak.



"Eng ber nge I thinrim reng nachhan chu? " A ti a kei in " Room ah kan sawi thei reng a lawm " Ka lo ti.



" A rei tawh mah mah, ka en liam che a, i hlim leh mai ka ring a, mahse i uar tawlh tawlh. Tiang chuan a tha lo " A ti ta dap dap.



" Tlanpuii nen khan in inthen fel em? " Ka ti chhuak pawp.



" Chu bawk chu maw? Aw inthen fel e" Awlsam zet hian min chhâng. Inthen fel ti se ka ti rilru a, mahse a sawi a ka awih leh chiah silo.



" A that chu " Tawite hian ka nuih a. Keipawh hi a sawi ang deuh khan ka ti mah mah tawh.



" Ok, anihchuan hei la ta che " Motor hnung a pangpar bâwr tha zet kan dah reng tawh chu a ban a, keipawn ka lo la nghal vat.



" Min lo fawp teh " Ka pangpar en lai chu meng kawk chungin a lam ka hawi nghal.



" I ti mak thei emai. Sap pawh kan nih loh hi " Ka ti ta nghek.



" Sap chauh an in fawp tur ani tih dan a awm chuang ami? Hmangaihna, inremna leh duhsakna te lan tir na ve tho ania.. sual pawh ani chuang em ni? "



" Teh duah a che " Lai zet chuan ka lo ti a " Anih nangin naute fahrah a siam ai nge min duh ve vang hrim hrim a min nei I nih? "



" Duhlo che ila ka nei tawp lo ang che, naute hian pa alo nei ta lo anih pawh in nu leh pa mawhphurh na chu ka la kawp mai ang " Inringtawk tak chuan ka chhâng a.





Ka thusawi ah chuan ka inringtawk bawk a, ani pawn a awih hmel viau. Awih tur pawh ani reng a, dawt ka hrilh lo... Ka mipa tha tih zawng nilo se ka nei lo tawp ang, naute tan pa chu ka duh ve tho, bak ah amah ka hmuh hmasak ber khan pa ka ti lutuk a, a hmel a lo chhe fahran lo bawk nen. A mah ka hriat ve theih chhun kha tlem viau mahse a fel tih kha ka hriat tam ve ber alo ni bawk a. Chuvang a keini lam in lo hnial lo kha kan ni bawk.



" Nupui ka van neih fuh hmel ve, rawngbawl thiam bawk si. Tih tauh hrat reuh bawk si " A ti kher, lei ka chhuah khum hmak.



_Thla 3 hnu ah_



" Zampuii hian nau nei vat vat se ka ti, tu neih a chakawm tawh " Choka atang a ka nu'n a tih ri ka hriat phak vang chuan ka nui sen sen a. Diktak chuan keipawh nau neih vat vat a, han kuah leh buaipui vel te, puak hlu hlu te ka chak tawh.



Tun ah lah kan nghahhlelh em em hi Thla 4 chauh ala ni bawk si.



" Mama hi alo haw dawn em? " U Nancy'n a rawn ti a.



" Dawn lo ang " Ka tih chuan a kal ve leh mai. Thla 4 tha chu kan in hrawn ve tawh a, a chang chuan sual thin viau mahse thil te hi min rawn lei veleh nulh zel.





Gos-a pawh an buai bawk a, thla hmasa pawh thla tluan in a rawn haw lo a. Sunday takngial pawh a rawn hmang theilo. A mah hrilh hre em em lo mahila a chang chuan ka ngai ve thin. Pasal te na na na chu an chhuah bo vang vang chuan an ngaihawm thuai thuai mai. Phone ah erawh kan in be reng tho a, Sunday hmang a a rawn haw theihloh chuan Saturday zan ah reitawk kan in be thin. Chhun lam ah mahni tawk in kan buai ve ve bawk nen zanlam inbiak chu kan duham ve thin tawp. Rawn haw a chak thu a sawi ve fo a, mahsela an hna in a zir miau bawk silo a tun ah chuan Saturday takngial pawh an thawk duham tawh sia chauh tawh lam a rawn haw buai leh vel kha a hahthlak ve thin bawk sia.



Zan ah mahni te tlawng in ka mu leh a, khum a lo lian tha thawkhat ve bawk nen Gos-a a awmloh chuan ka thawl thin ngang mai. Ka lunglen deuh a Gos-a tihbuai ka hreh châng te hian kan in lam ka bia a,lunglen te pawh a zia ve thin deuh. Zanin chu Gos-a'n a hun tiam ah min rawn be miahlo mai a, call hmasa tu a a rawn tan ziah vangin ka va call hmasa thawt thawt duh chuanglo. Hetia kan awm hran tak reng ah chuan Gos-a lak a ka rilru pawh ka in hrethiam tawlh tawlh a. Ka fa a pa leh pasal satliah nilo hian ka duh in ka hmangaih tak tak tawh tih nen lam ka hria a, ka pawm thlap bawk.





In hauh thu hla ah nise amah zawk in boruak siamthat hram hram a tum thin a, a upa zawk na na na chu keipawn zah chin ka lo nei lo thei bik lo a, kan inneih atang pawh in nasa tak a han in hauh te pawh kan nei ngai manglo. Tun ah phei chuan a ma tih dan ka la zo tawh a, in hauh pung pung ai chuan kan in melh rum vak vak zel a, a ka duhtawk ve der tawh mai. Min ngaihtuah a,min care em em tu leh ka dikna ah min tan hreh lo a ka tan a ding tlat thin ta na na na chu hmangaih a ngainat loh theih pawh va ni suh. A hriat pawh kan in hrechiang tawh a, kan inneih mawl tawp na in tun ah chuan kan nghet charh tawh a, tun ah chuan tumah hian in hrechiang lo leh vawihnih thum in hmuh na a innei ta mai kan ni tih hi an hre miah lo ang.



"I van lo call har em em ka muhil hman tep a " Ka lo chhing hman diar diar tawh tak tak.



" Nia ka inbual har deuh a. Khawi ah nge pakhat hi? " Hrethiam takin ka dul puar ve deuh tawh chu ka ti lang a.



" Kha pawh a dam tha anihkha " Tiin flying kiss a rawn pe zui zat. Zantin a a tih dan ania, pakhat zawk a tih tawh hi chuan ka dul hi ka en tir thuai thin.



" Vawijn lam te enge nawm loh na te I nei em? " Tiin a dan panngai bawk chuan min zawt leh.



" Aih neilo e, vawiin chu ka nu alo leng a nuam kan ti khawp mai " Tiin ka nu lo len ve thu chu ka hrilh a.



" Um a that chu. Keipawh tunkar Sunday chu ka lo haw ve tawh ang " Ati a. Ka lo phur nghal hluai " Enteh hei " Ati a a kut zungchal mi hmuh. A ti na leh tawh aniang a lo tuam leh tawh.



" Mi I kawk nasa aniang i zungchal hi a vanduai thei emai " Ka ti a duhlo ngang aniang phone screen rawn hnek der pah in " Teuhlo nasa " A ti sap.

[Bearr]

CHAPTER-5‍🩹


" Helam ah i awm ve mai dawn amaw ni ka ti deuh a " Ngaihdan neih thiam a har ka tih vangin engtinvak ka chhâng lo.


" Helam ah hna a khauh sia, ka rawn haw thei ngai bawk silo a, ka ngaihtuah thin riau che " Ati dap dap.





Ani ve tho mai, lehlam ah nupa ni ve lem a han awmhran reng pawh a hrehawm ve a. Mahse ka zui daih chuan helam engtin nge an ngaih ang,u Nancy'n chet a ti vak bawk silo a ka nu'n inchhung sek rek a khawih chuan tu tu te emaw mit a lo kham leh tawh vel awm si a. Ka tan a tha bik chuang lo.





" Ngaihdan ka nei vaklo, ka pa te sawipui ve chhin phawt la. Heta ro ka lo rel ve zut chuan an lûng nilo palh ang "



" Nia, ka rawn haw hun ah kan sawikhawm dawn nia. I mut a chhuak tawh em? " A ti zui zat.



" Chhuak e ilo call hma te chuan, kan inbia a a reh vek " A nui zui hak.



" Ka van inthlahrung " Ati ve niah niah.



" A ho lutuk, chuan anihleh ilo haw hun ah kan in lam ah kan leng phei thei angem? " A phal loh emaw, a chauh thu a sawi ka hlauh vangin kal ila han tih ngawt chu ka ngam lo.



" Mahse Sunday hahchawlh hun ania, Sunday bak I hman awm silo " Ka ti leh hnuhawh.



" Kan ngaihtuah dawn nia, hman loh tur thu pawh a awm chuang em ni? A hun te pawh lo thleng ve phawt se "a ti ve mial.



" Nia i tih dan dan ani mai. Chaw ei ah min koh te an duh ve deuh aniang " Ka ti leh hram, a bu nghat nghat a harsatna a awm hmel loh.







Dar 11 pelh thleng in kan inbia a, kar laklawh chauh ala nih avangin mu tawh tur in ka duh deuh, a chhan pawh naktuk ah hnathawh leh bawk angai dawn a. A mut tlem lutuk chuan a thawk tha theilo ang. Kan in mangtha hnu ah keipawh ka muhil zui nghal chu ani der.







Zing ka han tho chu chhuk thlak hma in phone ka check a, Gos-a msg nilo in no hriatloh hnen atang a msg ka dawn hi alo awm a, nizan ka mut tawh hnu daih a rawn thawn ni awm tak ani. Ka han open a * Engkim ka siamtha anga ka nei ang che* tih alo in ziak. Ka hrethiamlo chuan reply pawh reply duhlo in msg chu ka delete nghal daih. Tu emaw in an thawn sual emaw min rawn fiamna tur ah ka ngai mai, a thu rawn ziah dan ah chuan inkawp tawh thin kan ang viau na a ka ex lam atang chuan tiang ka dawng dawnlo chiang a, ka buaipui peih chiam lo.







Gos-a zawk msg in ka va wish a, zan lam ah hian a call hmasa tu ah a tang ziah a, keiin zinglam ah wish ka ti hmasa ve thung. A chhan pawh ka thawh khalh ziah vang ania.







Inhnuai lam a ka zuk chhuk chuan sofa a u Nancy lo mu vum thur ka zuk hmu. Nizan lam ah a tv a en in a chatthla nge , room a mu tur in a chho peih lo law law zawk ni? Ka kai tho duh chuanglo a puan a sin tho bawk nen,choka lam ah kal in rawngbawl tur ka va buaipui nghal sawk sawk. Choka atang chuan eng emaw phe vuai hi ka hmu a, rang tawk in ka va en nghal. U Nancy hmanhmawh deuh hian step ah a lo tlanchho mek. A awmdan chuan min ti hamhaih lek lek ani.





" Pa..thingpui? " Ka pa rawn tho chhuak ka hmuh velah ka lo ti a.



" Aw min lo lum sak la " Tiin a han thu vang vang phawt.





Thla 4 teh lawih ka mo ve tawh tak ah chuan ka pa leh ka nu pawh in tlem hian min lawm ve ta deuh in ka hria. Ti lang lo mahse midang mo ka hmuh ve tawh te leh an pasal a nu leh pa te nen an inkar ka hriat ang hian ka nu leh ka pa te nen hian a hma kha chuan kan awm ve lem lo a. Sual erawh an sual chuang miah lo, kan in hrechiang hman lo êm bawk nen khan min ring vak lo ni ber in ka hria. Mahse tunah chuan mi mo te an nu leh pa te nen inpawh na tha tak an neih ang chiah khan kan awm ve tawh a. Ka naute vang pawh hi ani pakhat, ka nu phei chuan nei vat vat se min ti fo mai. A thianten tu hmel an hmu nual tawh bawk sia alo awt ve thin aniang.





" Nizan chu i nu a khua a sik a ringawt mai a, thawh pawh a rawn tho peih rih lo anih saw " Thingpui ka pek laiin a ti a.



" Anihchu, nizan khan a mu zal hma ka ti deuh reng a, tun ah ala sik reng nge? "



" Tun ah chuan nachhawkna in a chhawk rih anih saw, hna a kal peihloh chuan ilo buaipui deuh angai dawn a ang " A ti a, hrethiam takin ka lo bu nghat.



" Gos-a pawh tun sunday chu rawn haw ve theih tawh a tum a " Ti a ka hrilh chuan " E a va tha ve, rawn haw ve rawh se, a thla a thla in lam a awm loh ringawt zawng ani ngai lo " A ti ve dap dap a.



" Engtin nge a hnen lam a awm te hi, in sawidun tawh em? A rawn haw khât si a, i nu nen chuan zui ve mai la kan ti deuh a. Nupa ni ve lem a in awm hran san reng kha thil tha pawh ani awm lo mange " Nizan kan inbiakna kha a lo hria nge Gos-a'n alo sawipui zeuh tawh zawk ni?



" A mah kha chuan a sawi tawh a, mahse nangmahni nen a sawi phawt kha a tha kan tia. Ka lo haw hun ah kan sawi khawm dawn nia a ti anihkha "



" A that chu rawn haw sela kan la rêl tha dawn nia " A ti a. Thingpui chawi in an room lam ah bawk a va lut leh.





Ka pa te atang a phalna deuh reuh ka hmuh tak vang chuan ka lawm ngang mai. Gos-a bul ah ka mu leh thei thuai dawn anih hmel, ka van phur tak.





" Sofa ah I lo riak teh mial a " Tha deuh in u Nancy ngawi reng a lo lut chu ka lo bia a. Ka chawhmeh kan chawk pah chuan a mah chu ka va en zauh. Min ngei hmel tawk hian min lo en leh tawh. Enge ka tihsual leh tak chu ni?





" Ka pa te hrilh reng reng suh " A ti hluk. Ho ka tih em vang chuan nui chungin " Eng chu? " Ka ti a.



" Engmah, tawng tam lo la ani mai " Henu hi chu âw.





Ka va melh leh chuan engmah sawi lo tur a min tih chhan ka hrethiam chiah. Nizan ah a rui anih hmel, a mitmeng a sen nasa mai. Rim erawh a nei hranpa chuanglo. A chatthla anga sofa ah khan a lo mu anih ngei dawn hi, midang hriat a hlau bawk a chuvang aniang nichin ah pawh um loh in a tlanchhoh dawr dawr ni.





" A ho e " Ka lo tih sak hram pek.



" Nizan ah Mama leh Tlanpuii inbiak kha I hria em? "



" Enga? Awih awm loh. Kan in be char char zawk " Ti a ka chhan chuan a nui zui sep. Hrim hrim ah enge tiang te min hrilh hriat kher.



" Duhleh amah zawt la, Tlanpuii nen kan chhuak dun a, kan rawn haw hma pawh in an in be char char a lawm " A ruk chuan ka thinrim in ka rilru a na hman der tawh. U Nancy chuan min tih nat hi a chak thin tih ka hriat avangin ka ti lang duh miah lo thung.



" Lo rai khanglang lo la chu mo cial deuh kan nei ni mai tur hi ania. Kan chhungkua pawh kan lawm loh thin chhan te hi I hrethiam har ka ti ngawt mai " Ka ngawi a, ka thaw chhuak halh thung.



" Zampui, kan mo I nih na lai ah ka khawngaih ve deuh vang che in a nia tiang te ka hrilh che. Mama hi then daih ta che, phu ve tawk a i inhre tlat anihchuan ka dem lo che anga, mahsela Tlanpuii nen a in thlah hleithei bawk silo a an awm kar a lo awm ve reng kha tlawm thlak I ti lo ami? "



" Kan inthen tawh ati a lawm " Tiin ka tawngchhuak ve ta hram.



" Awi, chutiang a a hrilh reng loh che in. I van mawl tak! Tu in nge a nupui ve lâi bul ah a hmeichhe kawp chungchang thudik sawi duh se I tih?"



" Hrim hrim in kum 7 vel an in ngaizawng tawh ania, awlsam deuh a an in thlah theih I ring ami? In inneih hma kar pawh khan an la chhuak dun a sin aw"



" Engvangin nge chung zawng zawng chu min hrilh a? " Ka ti ve hmak.



" Ka khawngaih vang che in " Ti a min chhan chuan ka nuih khum ve sak.



" Khawngaih ka ngailo, Gos-a'n tiang zawng a I sawi hi a hriat chuan a thinrim viau ang " Ka ti leh ngat a.



" Hria se, dawt pawh ka sawi hleinem " Tiin a chhuak zui daih. A thusawi zawng zawng kha awih duhlo mahila min ti chau hnawk thei.



*

Saturday ani a, Gos-a alo haw dawn vangin in chu nidang ai mah a uluk chuan ka lo tifai ve a. In a fai na na na hi chuan hah deuh pawh hian hmuh anuam in a hahdam ve deuh thin. Kan room pawh bedsheet te thlak in a thawnhmaw leh engkim chu uluk theihpatawp in ka ti fai bawk. Tlai hna ban hnu a rawn haw ve chauh tur anih ang in zan lam ah pawh a rawn thleng hma lutuk dawn lo a, lo nghah deuh angai mai thei.







Ka nun min hrilh ang in Gos-a duhzawng te chu kan siam tam ber ani.chaw hi chu a ei tam hran lo na in a duhzawng chu ka nu'n siam teuh tur ati kher zel a, kei chauh nilo in alo haw tur pawh ka nu pawh a phur ve khawp mai. Zanriahh ei na ah pawh kan amah kan sawi reng a u Nancy phei chuan alo ngai theilo lek lek.







A lo thlen har dawn tho avangin midang zawng inkhawm turin an chhuak a, u Nancy pawh beramno thisen thianghlim tak ang maiin nalh tawkin Biakin lam a pan ve leh chhat chhat kha. Gos-a nghah pah in ka dul chu ka en ka en a, thla 9 vel ni dawn tawh se tiin ka lo ngaihtuah vel mai mai. Kan in lam a ka unaupa ve em em in min lo call a, a inkhawm lo anih hmel. Thu ho pui pui a rawn sawi a biak pawh ka be rei peih lo. Zan lam a insu fel diam thin ka nih vangin thawmhnaw bal ho ka seng khawm a, machine ah ka va dah fel thlap. Gos-a'n a thawmhnaw bal a rawn hawn tur ah ka ngai deuh a nuai nghal mai pawh ka tum lo. A hma a a rawn haw ve thin lai kha chuan Saturday a a inthlakna bak hi a rawn hawn duh ngailo ' ka su thei keimah in ' a ti ve tlat zel a.





" Awi ka nu!! I va lo thleng hma leh si ve " Inkhawm tan hnu lawk ah a rawn thleng der.



" Nia, chumi ai ah bal deuh in ka lo haw " A ti a. A bag ah ka va lak sak thuai.



" Ila inbual lo maw? " A bu nghat nghat " Anihchuan inbual hmasa la, chaw i ei dawn nia " Tiin room lam ah kan in zui chho a.



" Ilo thlen har an ring a midang an inkhawm vek " Tiin bathroom heater ka on sak a.



" Um anihchu, mahni a I awm chuan in hi kalh thlap zel la ka ti. Engpawh thleng thei ania, tun ang lai ah misual an huang tau tawh si "tiin towel a la a. Nichin ah kawngkapui ka lo hawng duai a, khavang aniang.



" Ilo haw dawn a lo inkhar up kha tha hleinem " A nhi a inbual turin a lut zui. Keiin a thawmhnaw hak tur bawk ka lo thlan sak leh.





Thawmhnaw khum a ka dah pah in a phone ka hmu a, ka la ka ng a ka hmet eng a engmah phei chu hmuh tur a awm hran lo. A lock na in password min hrilh vek tho, ka hmeh en lai reng chuan msg a dawng a, beisei loh deuhin Tlanpuii tih hming in * ilo haw ami? * a rawn tih na ka hmu ta mai! Bathroom lam ka melh a, kawngka kalh na ri khep ah chuan phone khum ah ka theh thla thuai.





A msg ka chhiar tih hrelo ta na na na chu engtin vak a awm lo. A inthlak a, ngawi rengin kan in zui thla, msg chuan min tibuai tawk leh ta viau. Tinge an la inbiak reng le?





" Ehh, fimkhur rawh " Ka kalna lam ka lo ngaihtuah tawh lo, step ah ka in rap sual a ka lum thla tep ani. Gos-a'n min lo vuan hman hlauh zawk a.



" Uii ka lo en lo reng reng kalkawng " Tiin min vawn na tal pit chuan ka kal thla hlawk hlawk.



" Nancy nen in lo in hau leh tawh ami a? " Ka awmdan chu a mak tulh tulh. Min biak na chhan pawh chu ka chaklo zo vek.



Mahse ani hnathawk rawn haw ve lo biak chhiat viau lah ani theilo bawk nen " Hau lo e thil ka ngaihtuah a " Panngai thei ang ber in ka chhâng.





Chawhmeh ka ti lum mawlh mawlh a, a chaw ei laiin a thawmhnaw bal pahnih lek kan ken thlak chu machine ah dah in a dang nen chuan ka nuai tir nghal. Chaw ei tam lo leh ei reilo tih tak ah rei pawh a thu hman lo a kham leh der tawh. Kan intih fel hnu ah tv en in kan thu dun a. In ngai ve viau e tilo chuan kan in be mang lo.





" Tun tum ka lo haw chu I lungawi lo riau in ka hria " a ti ta nge nge e.



" A ti leh ringawt " Tiin a taksa chu ka ngheng zui a.



" Ti ringawt pawh anilo, I hlim leh hlim lo te, eng emaw vei nei a I awm te hi a hriat theih teh mai ania " Awih awm em em lo e, thup tum a ka beih ve nasat theih zia.



" Vei pawh ka neilo, ilo haw khât si..lo haw thut vang a awmdan thiamlo ah min ngai tawp rawh" Tiin engmah chu ka sawichhuak duh lo. In hauh ka peih lo a msg chungchang pawh kha ka sawi peih lo.



" E thlalak kha ka paih tawh ania " Tiin hman a Tlanpuii nen an thlalak frame te nei a an siam kha ka paih thu ka hrilh.



In hauh nan a kan hman ve zuk tawh vangin paih turin min chah kha ania. Ka paih ang ka tia ka buai thin nen ka paih theihnghilh ve ziah a, hmanni lawk khan ka paih ve hram.



" A that chu " A ti mai a " Alo la bia che em? " Ka va kam tam tak! Ka sawi lo law law ang kha ka ti zo chiah sia.



" Aih " Min chhan dan chu a dik ta lo tawp mai. Nichin lawk ah pawh a rawn bia a, a rawn haw ani tih hre lawk ang hrim in.



" A biak reng che kha, ka hmu vek a lawm" A tho hluai a keipawh min pawt tho nghal " Enge? " ka ti hman tawk. Inchung lam pan in min chhoh pui dawr dawr.



" Gos-a enge? " A ngawi ngal bawk sia ka awm ati nuamlo zo dawn.



" Min ringhlel reng mai ka phone hi check teh " Room kan luh rualin khum a phone a dah chu a la a, ka kut ah a hmeh bel nghal chawt.



" Aih ka duh kher lo " Ka ti mah mah a, ani pawh a lungawi lo, ka inthiamlo nghal chu ani der.



" En rawh en rawh, chauh nen a hahthlak emai a" Tiin khum ah a thu hnawk.





Ka Inthiamloh em vangin phone pawh ka check duh lo. A bul ah ka thu a " Nichin lawk khan msg a rawn thawn che a, ka hmu a. Ka zawh che in be ngailo I ti bawk sia chuvang a lawm " A kut chu vawn ka tum a, alo la sawn hmak.



" Thinrim suh " Keimah zawk chuan ka thlem ta ringawt.



" Ding teh " Min ti a, a ngaihna hrelo zet chuan ka ding. A hma zawn a ding tur chuan min pawt rem sauh sauh a. A chet dan hian diktak chuan min ti hlau.



" Zanin ah a hnen atang a msg ka dawng anih chuan kan inthen atang a a msg ka dawn leh hmasak ber anih chu. Ka be tawh ngai lo a, min rawn text anih pawh in ka chhâng dawn lo tih hre tawp rawh " A ti a. Lû ka bu nghal vat.





Ka beisei loh deuh in ka kekawr hak lai leh panty chawp chuan a pawt thla a, ka zum nghal chuih. S*x hman a duh tih ka hrethiam nghal,keichuan naute tan a pawi angem tih ka ngaihtuah vangin ka awmdan ka ti lai tun mai. Lehlam ah chuan a hna avang leh naute a len ve deuh atangin nupa nun kan la hmang leh tawh miahlo a, ani mipa..taksa leh thisen lum hma bawk si chuan a chak ve thin dawn tih chu ka hre ve tho. Ka tai bawr chu a fawp dan dan a, thaw dep dep chungin a sam ah ka lo tham ve bawk. Ka thawk lah a dik hlei thei dêr tawhlo,a mah ka mamawh zia lah ka chiang tulh tulh mai si.



A mal pahnih rinchhan chuan min thut tir a. Ka hmui leh hn**e chu thlakhlelh hmel tawk hian a fawh chhawk reng ani mai. Keipawn ka thiam dan ang ang in ka lo dawng sawng ve bawk a.



" Zampui..? " Inhnuai lam ah ka nu aw kan hre chiah chu kan tawp rang ngang mai. Ka thi a, ka insiamtha sawk sawk bawk. Ka zah lutuk vangin ka che buai vek.



Gos-a pawn " A va hun lo tak! " A lo ti ve sup bawk.



Kan chhuk thla a, engmah an hriatthiam loh nan chuan awm ka tum a, mahse kan tih laklawh lai tak a min rawn ko bawk nen,min rawn hmu kher lo mahse ka zak lutuk a ka nu pawh ka hmachhawn tha ngam lo ringawt.



" E Bawiha ilo va thleng hma ve? Chaw I ei tawh em? " Tiin Gos-a an be nghal luam. Anpa fa ho chuan an titi zawm a, kei ka insuk nuai tir buaipui turin ka kal.



Ka spin vek hnu ah ka tleuh a, tiang a phuan leh sahbawn la spin chhuah hmasak hian tleuh a awlsam ka tia, ka insuk chuan tiang hlir hian ka ti thin. Ka insu zo tep tih in Gos-a a rawn lut ve a " Nancy hi a insu ve ngai lo ami a? " U Nancy thawmhnaw a hmu tam deuh aniang.





" Ngai ve tho e, bak ah tirh chi pawh ani hleinem ka ti vek thei tho a " Diktak chuan u Nancy chu a insu lo tawp.





Ka mo hma hian enge inchhung ah a tih ve thin ang ka hrelo a, ka lawi luh atang tawh in inchhung hna han khawih em em a neilo, mo kan nei alawm a ti ve deuh nge ni zawk. Ka phut ngam chuanglo bawk a, ka la ti thei ve tho bawk nen.





" Chutiang ringawt anilo, nakin I theihloh hun ah a mah tho in ania ti tur. Ka bul a i awm dawn phei chuan a buaithlak dawn a lawm "



" E ka pa khan tukin ah a sawi asin, I awmna lam a rawn awm ve kha "



" Aw kan sawi a, tunkar ah lo in puahchah la Sunday ka rawn haw leh anga ka let hun a let turin kan ti deuh anihkha "



" Um a pawi hleinem " Ka lo ti mai a.



" Lo ti ve suh " Ka tleuh hmabak tlemte chu min tleuh sak a tum vangin kan in chuh.



" Ka awm chuan ka pui ve fo ang che " A ti a. Ka hnial zui duh ta lo. A man thawnhnaw chu a tleuh vek a, a tleuh zawh ah kan spin a, chhuak mai lo chuan min la nghak ve reng.





Kan insuk zawh ah mu turin kan chho zui a. Kan inneih thlalak te chu kan en tha leh a, ka lang mak lutuk chu mak ka ti zawk. Ka makeup te kha a fuh ve reuh nen ka lang mak tawp. Ka lang chhe viau chuanglo na in ka lang dik zan lo. Kan sawi dun a,inneih thlalak a lang ka hriat lutuk loh leh a ma chhung hnai te ho chu a sawi in min hrilh diat diat bawk a.





" Anih ti daih ila, nichin khan I thinrim viau a tun ah enge I an a? " Min tih zah kher a tum emaw ni.



" Sawi peih lo e a" Tiin album chu ka khup a.



" Nichin a kan laklawh zia kha " Ka biang a sa nghal tawn tawn.



" Sawi sawi suh " Ka lo ti nghek " Enge ka ui alawm " A la ti zui. A nui a, ka mû chu mi rawn kuah ve than.





Zan tam tak mahni a ka mut hnu ah Gos-a nen kan han mu dun leh chiah chu anuam in ka kim bik ngawih ngawih hian ka hria. Ka mut pawh a tui khawp ang.



*



Sunday tuk anih ang in chaw kan ei hma viau a, dar rik hma in inkhawm kal turin kan in peih thap tawh. Gos-a pawh ka kawr thlan sak ngat ha in a mawi khawp mai. Kan chhung chuan dar a rik hnu lawk ah inkhawm kal turin kan chhuak a, Biakin kan hlat lutuk lo bawk a ke in kan kal dial dial mai. Rai ka nih vang leh pheikhawk tlemte a sang ka bun ve vangin Gos-a'n min ngaihtuah viau. Kal hma atang tawh in a flat bun rawh min ti char char a, ka pum puar ve deuh tawh nen a flat bun chu ka lang tawi tup dawn a ka duh bik ngang lo a ka bun lui kha ania. A bân ah min dawm tir kher a, min veng ngang lehnghal. Mahse hetia a tih hian nuam ka ti a, min care zia ka hriat phei hi chuan ka hlim veng veng thin.



" Tukin ah mi'n an lo call che a " Kal pah chuan a ti a.



" Tu? " Phone ri ka hrelo a, ka thawh hnu ah a nihchuan thuhran.



" Ka hrelo, a mah chuan a hriat hmel khawp che "



" Nâ.. Tunge, a in sawi lo ami? " Ka tih chuan " I ex aniang " A ti sap.



" Awih awmloh " Ka ti hluai. Ka ex in a min call leh hi ka ring lo. Kan inthen dan kha a tha lutuk lo a, chuvang chuan mi rawn biak leh ka ring lo.



" Ka nei let dawn che a tia lawm " A tih tak ah chuan thil dik zan lo in ka hre thar.



" Tinge chutiang chuan a tih a? "



" Ka hre bik nang, I hria ang chu " A mitmeng leh tawng dan atang chuan min ringhlel ni tlat in ka hria.



Chutiang lam zâwng a rawn ti tur ka ngaihtuah thiamloh em vangin a hnen a han sawifiah vak ngaihna pawh ka hrelo.

[Bearr]

CHAPTER-6‍🩹


" Min van rinhlelh hmel " Zawi te a ka tih chuan a a thaw deuh hawk.

" Ka zawt satliah mai che a lawm. Naktuk ah min zui zawk la a tha ang " A ti ta ngawt.

" I ti mak emai " Ka ti hliai. A bul a awm theih te chu ka chak ve tho a mahse naktuk tut tut a zui tur chuan a buaithlak deuh tawh.

" Haw hun ah kan sawi dawn ania " Biakin kan thlen dawn tawh vangin a sawi zui duh tawh lo.


Kan thutna tur a in an miau loh avangin kan. Inthen a, ban hun ah chuan min lo nghak leh tho ang.


Inkhawm te kan bang a, Gos-a ka hmuh mai loh vangin min lo nghah na thin ah chuan ka nghak a. Gos-a ka nghah reng laiin mipa pakhat hi a rawn ding ve a, kan in be lo na in mit sir hian min en deuh reng ani tih ka hmu thei a, engti zawng emaw tak a nuam tih loh riau na ka nei.


" Gos-a nupui kha I ni tiraw? " A rawn ti chhuak nulh.

" Aw ni e " Tiin hmalam ka melh san lehnghal.

" Ka rinloh lam daih " A ti a, a sawi awmzia ka hrelo a engtin ka ti zui lo. Kan piah daih a Gos-a lo kal phei ka hmuh takah chuan chupa kalsan chuan ka pan nghal thuai.

" Thiante nen kan in be kawi lawk a min nghak rei em? " Inkhawm kal hma nen kha chuan a dang deuh in ka hria.

" Reilo e " Tiin haw tur chuan kan kal dun zui a. Kan kal mial mial laiin naupang inkhawm bang tho pakhat chuan a tlan a min rawn su dawt mai. Naupang ani na in min su na phian a ka dul ah tak a lû in a rawn tauh bawk nen a na deuh zawk mai.

" Kawng en ta che, I tlu sual anga sin " Gos-a a ti nghal hlukhluk, naupang chuan a hlau deuh aniang a tlansawn nghal.

" Tinge? I pum a rawn tauh ami a? " Ka pum ka lo dawm vangin ka dawmna lai chu a rawn dawm ve nghal.

" A na deuh zawk a, a reh chiah " Tiin kal leh mai ka tum a. Ani'n min lo pawt ding.

" Ding rih rawh, muangchang in kan haw dawn nia " A ngai ka tilo a, a mah zawk chu pawt in ka kal luih pui tho.

" Ka nupui ve si ka thu pawh I awih duh lo a " Nuih za aw deuh hian a ti a, keipawh ka nui ru tet tet.

" Nangpawh ka pasal ve si, min han naupang chhe chei " Ka ti ve ngat. A duh lo leh ngang mai, 'ka care tawh dawn lo che' ti sek.


" Sunday hi a reilo thei e, ilo haw hian " Ka ti niah niah. Ani tak tak reng a, alo haw hma te chuan sunday te hi rei ka ti thin lutuk. Gos-a lo haw velah hian a tawi vek zel.

" Nia, nuam tih hi chuan hun hi a kal zung zung a" Tiin nghet tak chuan min kuah a. Tunah pawh tlai lam ani leh der tawh a, zan ani anga,zan pawh a ral leh thuai anga, a lo haw a ka kiang a a awm ve theih hun chu a zo leh ani mai dawn!

" Ka lungleng leh dawn si " Ka ti vel niah niah.

" Min ngai ve tak tak pawh hian ka ring lo e a " A kut ah chuan ka sik nghal vak.

" A nâ.. e in in lam ah pawh chuan kan leng ta silo a " A ti chhuak hnuhnawh.

" I chauh ka ring deuh a, ka sawi duhlo anihkha next ah ani mai " Ka ti a.

" Nia, kan inhruai phei hma in kan leng dawn nia. Karleh hma vel pawn ka thawhna lam a I awm ve tur te kha lo hrilh lawk ve la maw. Anihloh chuan kan va len hun a kan sawi chauh chuan a hrethiamlo lutuk palh ang " A ti dap dap a.

" I van ngaihtuah " Ka lo tih chuan ka khabe ah hian a vuan a a lam hawi tur chuan min kuai her nghal.

" Nupa kan nia, i nu leh pa te an nih ang chiah in ka nu leh pa te an ni tawh a. Min hring tu te ka hmangaih ang chiah a hmangaih a ngaihtuah hi ka tih tur a lawm " A ti a. A mitmeng pa lutuk leh a thusawi inhmeh vel lutuk chu ka zo lo. Ka thu rem sauh sauh a, a hmui ah chuan ka fawp ngawt.


Hetiang khawp hian a rilru a tha a, kei ve hi! A nu leh pa te ka hmangaih lo in ka ngaihtuah lo bik tihna ni miah lo in, tiang em em hian ka lo ngaihtuah ve ngailo. Kan chenpui an nih vang nge ka rilru hi a chhe hrim hrim zawk.


" Umm, khatiang anih dawn chuan tiang thu kha sawi fo ila a that dawn hi " A ti a. Ka nui vak vak, a hmel phu lo hian fiamthu hi a hrat reuh a. A âwm ah chuan bei hle hle in thlamuang tak chuan ka awm a.

*

" In in lam pawh chu lo hrilh hmâ ve rawh aw " A kal chhuah dawn ah a ti leh a.

" Nia, ka lo hrilh dawn nia " Kan awmdan chu Sipai leh a nupui in kalsan tur hi kan ang ka ti, kan in ui ru tung a, in ui beh tlat chi lah a la ni chuang silo.



Ka nu nen tho hmâ in pawn ah kan thlah a, ka nu hi chuan a fapa neihchhun anih ve na lai ah ala duat in ala ngaihtuah em em a, a rawn haw leh a kal dawn hi chuan lo thlah loh leh lo hmuah loh te hi a nuam a ti thin lo. A kal hnu ah ka nu nen Gos-a in luah lam a awm ve bawk chu kan sawidun leh a, ka rinai daih hian an phal ka ti. Mo thenkhat, an fapa te nupa insawn chhuah ui tlat avang a in hmu thiamlo te pawh ka hre ve nuk a, keini pawh hi u Nancy a che peih lutuk lo bawk nen ka nu hian ka kal ve tak tak chu a lo phal pawh ka ring chiah lo a. A tawngkam atang erawh chuan harsatna vak a neih loh hmel.



Rawngbawl tak tak hmâ in dawr ah chawhmeh lei turin ka chhuak , kawng kam a chawhmeh thutpui tawk an lo awm leh ka rin bawk avangin bazar bag pawh ka keng tel thlap. Thlai leh eng ilo ka lei zawh a haw leh mai ka tum chu tu emaw hian min rawn ko. Hnunglam ka hawi a, ka mi hriat awm ka hmuh loh vangin kal leh mai chu ka tum a, mahse min ko ni awm tak ka hriat leh avangin a ngai bawk chuan ka hawi leh. Chutah chuan min ko tu ni awm tak keima awmna lam rawn melh ding deuh bik hi ka hmu a.



Tlangval ni awm tak, lian lampang hi ani a. Min rawn nuih zui ni awm tak ani. A hmel chu ka en vang vang a ka hriat mai theihloh vangin ngawi reng chuan ka en. A rawn kal hnai zel a, mak deuh maiin Gos-a nen in ang riau hian ka hre thut!


" Engtia rei nge kan inhmuh tawhloh? " Keimah ngei chu min ko alo nih hi. Ka bân ah a rawn chelh nghal zui!


" Uiha,tunge i nih a? Ka van hre ngailo che " Tiin min vawn na pawh chu ka tal pit thuai. Hamhaih zawk tur ka nih lai a, a mah zawk a hamhaih hmel em vang chuan tlem in a chiang lo deuh emaw ni ka ti hman.


" Min hre tawhlo ami? " A ti sap a. Midang kawngkal ho chu a melh zui zat bawk.


" Hre miahlo che, a hma in kan in hmu tawh ami?" Ka hriatloh tak tak avang a sawi ka ni.


" Engtin nge min theihnghilh theih a Zampui? " A hmel dur nghal khup chuan mi ti ralmuang lo. Ka hmanhmawh thu sawi in ka kalsawn san thuai.


" Ka hming ala hre zui " Ka ti zo chiah, a hmel kha ka mitthlâ ah a rawn lang nawn leh a ka ding zui dawt. Ka hriat zawng ni thei in ka hrelo mahse chak takin ka kal a ka haw vang vang.


" Engati nge I va hmanhmawh em em ve? " Kan thenawm nu nen kan intawk.


" Rawngbawl ka tlai dawn " Ti a chhuanlam in ka kalsan lehnghal.


Chumi nileng chuan kha pa kha ka ngaihtuah a, ka rilru anuam theilo. Hlauh chhan tur ka neilo na in ka hmuh khan eng emaw tak a chhungril a nawm loh na ka nei tawp! Min rawn hriat hmel lutuk a min bia te, ka kut a rawn vuan ringawt te kha mak ka tia ka hlau tulh tulh.



Chhun ah keimah chauh a ka awm laiin u Nancy alo haw thut a, khapa kha ka la ngaihtuah ngut ngut vangin a rawn lut thut chu min ti phu nasa lutuk ringawt. Ka lo che dawt, a rawn hawi a engtinmah min be lem lo. Tun ang hun ah chuan university lam ah a awm tur ani sia tinge alo haw ni aw?


" Nangmah chauh in a law i awm? " U Nancy room a chho ka en zui laiin min rawn bia. Ka hawi a Tlanpuii hmel ka hmu a mak ka ti zual.


" Aw anih hi " Tiin ka thil tih lai ka chhunzawm a. Mazuali'n min text vangin ka reply zauh zauh bawk.


" Hei in nula hi tunlai chu a tang lutuk a, rawn kal reng a ngai sia i mit ka lo ti kham em lo ang chu maw? "


" Kham lo e, a ho lutuk " A inthlahrun hmel em vangin tha deuh chuan ka chhâng let a. Mahse Gos-a msg a rawn thawn tih ka hriatchhuah leh vangin a hmuh loh lai chuan ka melh vak.


" Helam ah lo chho rawh, Zampui ei tur lo siam la" U Nancy'n a rawn ti a. Peih lo deuh chuan ka aw ve tho. An chhuak a rawn ei nghal mai awm hi ania.


" Ho deuh kha siam rawh " Tlanpuii'n alo ti ve a, aw pawh ka ti peih lo. A hrim hrim in a bialpa hlui in bialnu a nei a, lo tlangnel viau tawh pawh ni se ka awm tih hria a lo kal te zah ve awm hi ka ti.


" In awm em? " Rp-a a rawn lut hlawl!!

" Ilo kal a law? " Tiin ka lo chhawn thuai. Eng emaw phek hlai zet in tuam hi a rawn keng lut tel.

" Aw hei thil ka lo keng a. In ta tur, Gos-a order ania " Ati a. A hlai em vangin lak ngaihna pawh ka hre mai lo.

" Eng thil " Tiin a tuamna chu phelh ka tum a.

" In room thlen chhoh pui phawt rawh. A khawlo ang " A ti tlat a, ka hawng ta lo. Room thleng min ken chhoh pui a, hawn a phal tak avangin hmanhmawh deuh chuan ka hawng sawk sawk.

" Uiii ka rei " Kan nupa thlalak frame lian lutuk a siam chu lo ni in.

" Hmanni ah a rawn sawichhuak teh nawlh a. Ka thian pakhat siam thin hnen ah ka order sak anihkha. In inneih hnu hian a che romantic ve sawt riau mai " Tiin a nui kurh kurh a.

" Awi va lian em em! Gos-a'n hei hi a chah tak tak a maw? " Ka la ti hram " Mahse khawi ah nge kan tar ang? " Tar na tur ka zawng nghal ruai.

" Nakin ah a lo haw hun ah buaipui rawh u. Bang ah khan hung tha rih la. Mahni a buaipui chi pawh anilo " Ati a. Inhnuai lam pan in kan in zui thla leh.


U Nancy room atang a thawm a rawn chhuah vang chuan a hawi chho leh a " Nancy a chhuak nange? " a ti a ka lo bu nghat.


" Zingah kha chuan a chhuak a, nichin lawk ah a a rawn haw a inleng a nei anihkha " Tiin a hmâ zawk ah chuan ka chhuk thla chhat chhat a.


" Tu inleng, mipa ami? Gos-a'n a hau leh ange" nuihza aw deuh hian ati a.

" Aih Tlanpuii zawk " Ka sawi zo hman tawk a ka zawn a rawn thleng thla nghal.

" Ngati nge a rawn kal? " A awmdan chu mak tihna a khat a ang.

" Ka hre lo, room ah an awm daih zel a. Tui emaw thil dang in duh I nei em? " Ti a ka zawh in min chhâng lo a " Zampui , Gos-a bialnu hlui anihkha chu I hre tho ang tiraw? " A ti daih.

" Aw, hria e ka hriatna a rei tawh lutuk "

" Be tha vak duh suh. Hrim hrim in tinge a lo kal a? A rawn kal fo ami? " A ti leh zel a. Gos-a ang mai Tlanpuii rawn kal tih a hria chu zawhna a ngah sawt.

"Fo chuang lo, u Nancy hian a ko thin aniang " Tiin ka chhâng mai a. Mahse A hmel lan dan danglam lutuk avang chuan " Ngahmah ka ngai hleinem, Gos-a nen pawh kan sawifel vek tawh a lawm " Ka ti leh ngawt.

" A that hlauh chu, ka va haw ange " Tiin a kal a tum a, Gos-a leh Tlanpuii te chungchang zawh chakna chuan ka khat nghal et et ani ber.


Gos-a thiantha ania Tlanpuii leh Gos-a chungchang chu ani ai a hre hneh an tam ka ring lo. Mahse a thianpa anih na ang in sawi pawh a sawi chhuah sak duh kher ange maw.


" Engtik khan nge an inthen a? " Kal a tum tawh a rawn hawi leh a " In sawifel vek tawh I ti emaw ka tia " Ati a.

" Fel tawh a, mahse a sawi tha duhlo lutuk a" Gos-a hnen ah tiang lam ka zawt tih a hrilh ka hlauh hnuhnawh vangin " Ngai leh lo " Ka ti leh daih. Gos-a'n a hriat chuan a rawn thinrim palh ang.

" In inneih hma daih tawh khan. Tlanpuii hi chuan a la then fel hleithei lo ang, a kum a kum chuang in ngaizawng ve tawh an nia. Mahse Gos-a zawk hi chuan a thlah chiang khawp aniang, ka bulah pawh hian a sawi tawh ngailo " A ti ta mial.

" Anih i bul ah ka chungchang emaw tak a sawi ve tawh em? " A nui a, thil zawt chik min ti ni awm tak hian min en.

" Zampui, enteh Gos-a hian midang chungchang hi a sawi mai mai ngailo. I hnen ah pawh ka chungchang hi a sawi mang ngailo ang " A ti a. Ani chiah, a thian emaw a chhungte ang pawh a sawi mang ngailo. Kan inneih thlalak kan en zan kha kan inneih atang a mi chungchang leh midang hrim hrim a sawi tam ber ni in ka hria.

" Mahse in inneih hmâ a, hmaichhan a in inhmuh leh zan khan hmeltha a tih zia che chu a sawi. Tiang te hi a sawi mai mai ngailo ania, hrethiam tur a in puahchah I ngai mai thei ani " A ti fiamthu zui a.


Hmeltha min ti tih a sawi chuan ka awm a ti nuam nghal veng veng. Rp-a haw hnu pawh in Gos-a'n Rp-a hnen a hmeltha min tih thu a sawi chu ka ka la hlimpui chhunzawm zel. Diktak chuan mi a care in min ngai em em na a,mahse tawngkâ a han sawichhuah duah te a ti lem lo. Keipawh ka ni tho a, kan in hmangaih thu takngial pawh vawikhatmah kan la in hrilh lo zawk mawle.

*

Tlai a ka nu rawn haw hnu ah U Nancy'n Tlanpuii chaw ei turin a ti tlat. Tlanpuii'n a hnial char char a mahse tih tak te hian a sawm a, a nawr lui mah mah zawk in ka hria. Ka nu'n sâwm em em chuanglo in " I peih leh ei ve la " Chu ati mawi hnai ve tho bawk a. U Nancy lah chuan ka awm tih nawm loh a tum emaw tih mai tur hian a sawm ngat ngat a, Tlanpuii'n a hnial hneh ngang tawhlo aniang alo la aw ve zui.


Tiang thil hi ka nun a a thlen ka beisei hauh lo. Thawnthu ang mai ani; ka awm ve reng laiin ka pasal a bialnu hlui in kan in ah chaw a ei dawn chu ania, awih a har zawk a lawm le.


" Ka lo pui ve ang che " Rawng ka bawl laiin Tlanpuii a lo kal a.

" A ngai hleinem, lo inkawm zawk rawh u " Ka ti na in tih tur alo zawng ve tho. Ka pa arawn haw a, Tlanpuii a awm tih a hria a, biak pawh a be lo room ah ka nu'n inthlak pui turin a zui lut nghal a.

" Thla engzat nge i naute chu? " Ka pum a en chu ka hmu fuh a, thikna ni awm tak mitmeng hi a pû in ka hria.

" Thla 4 " Ka pum a en nasat em avang chuan ka awm a nuam lo tep.

" I vannei emai " A to chhuak phawng.

" Vannei em ni? " Ka ti a, Rp-a min hrilh ang deuh in biak nel vak hi tha viau lo in ka hre tawh. Ka pum a en nasa bawk si.

"Gos-a nen hian engtin maw in inchhar? " A hmel lan dan diklo zet chu ka hmu thiam nasa. Chhungril a na tak tuar ang mai hian a hmel a lang.

" Englo, ho deuh mawle " Ka ti mawl tawp. Kan in ti thinrim mai dawn in ka hria. Dawhkan a ka dah phone ri chuan a lak atangin min la pêng thei hram a ka lawm zia chu.

" Umm " Tlanpuii vangin ka tawng zawi ringawt.

" A lo kal leh ami a? Rp-a'n min hrilh a" A lawm loh hmel leh tawh ngang mai.

Choka atangin ka chhuak tawp a, a chhan pawh Tlanpuii'n a mah kan sawi tih a hriat ka hlau " Aw, chaw ei ah kan sawm a "

" Kan a?!! " A ti hluk.

" Aw, aih u Nancy'n a sawm a" Ka tih chuan a thaw zui hawk. An hnathawhna chungchang ka zawh leh hma chuan " Nancy a awm hnai em? " A rawn ti a.

U Nancy inchung lam atang a alo chhuk thlak ve chiah vangin " Aw " Tiin ka chhang a.

" Phone kha pe lawk teh. Thil tullo lo tih a ching mai,ka ning tan tlat, chîng tawh hlek suh se" A ti nghal hlak hlak.

" A ngai kher lo, keimah ah a tuan palh ang " Ka ti a. An inbiak a,unau an in hauh ka hlauh avangin phone ka hmet tawp ngawt.


Ka thil tih erawh a sawt vak hmel loh. U Nancy'n choka a luh hma chiah in call a dawng zui a. Kan boruak nen Gos-a'n a rawn call a nih ka ring nghal hmiah. Ka ring ang chiah in u Nancy'n Phone ami chhan pah in mi rawn en a. Min melh rum lutuk chu nuam ka ti thei lo. Choka ah ka va lut tlang a tih tur neilo ila chuan room ah ka tawm bo daih ang.


" Ka sawm satliah ve mai a lawm. A lawm lo anih te chuan a tir ah sawi mai se " Keimah min sawi kai ta a nih hmel. Tlanpuii pawh in kei leh u Nancy phone hmang chu min en tawn zak zak.


" Ngati nge a? " U Nancy ka va melh zauh a, a thinrim nasat hmel ngang mai " Ka hre bik chiah lo " Ka ti tawp. Sawi nuam pawh ka tilo e a.


" Nancy tinge a? " U Nancy rawn lut ve ta chiah chu keimah hi ka tawt up hian ka in hria. Nuam lo tih ruk tawh sa nak lai a phone dawhkan a a dah rik bur phei chuan tlanchhiat san daih ka chak.


" Mama mawle.. " A ti tawp a. Amah chaw ei a kan sawm chungchang erawh a sawi bik chiah lo " Hrilh kher kha a ngai ami a? Kam tam reuh lutuk " Mi rawn ti ta chiah.


Ka hrilh hmasak miau loh avangin " A ma min zawh hmasak zawk ania " Ka ti ve thuai.


" Chupawh nise, tawngthei lutuk mai " Min ti leh, ka pa a rawn lut fuh a thil awmzia a rawn zawh velah a kalsawn leh hmak.


" Ka han zawt chhin dawn ami ka pa? " Tlanpuii'n a ti a. Ka pa'n chhâng em em chuanglo in a bu nghat. A kalsawn velah ka pa'n " Gospela'n a rawn hau em ni? " A ti thuai a.


" Aw, Tlanpuii chaw lo ei tur kha a hria a. U Nancy a rawn hau a niang " Ka ti a. Tlanpuii a rawn lan thlak leh avangin kan ngawi dun hmak.



Chumi tlai chu nuam tilo ru deuh in chaw ei kan tlingtla ta hram. U Nancy lah chuan min be duh tawh miah bawk silo, nidang ah pawh in be tam lo mahila in ngei em em lo a inbiak loh pawh kha a nawm zia ka hre thar awn awn ani mai. Gos-a ka ngei phah dawn rum rum a, mahse lehlam ah chuan ti tha ka ti ru ve deuh tho bawk a. Khatiang anih loh chuan Tlanpuii a sawm lut reng anga ka tan pawh a nawm loh na lai a awm ve tho bawk nen. Bak ah tiang zawng a chet kher chu a vai film te pawh ka ti zawk.


" Awi Gos-a bialnu hlui in chaw alo ei ?!!" Mut hmun ah Mazuali nen kan inbia a. Tlanpuii chaw lo ei chungchang ka hrilh chuan ani pawn awm ang lo ati viau.

" Gos-a'n a hria em? " A ti thuai a " Hria e chuvang alawm u Nancy'n min ngei leh tawh. A rawn hau aniang an in be zo chu a thinrim ngang lehnghal. Ka chung ah a tuan nghal a "

" Kha nu kha ka mo na a awm chu nise ka beng awk tawh in ka ring. A awmdan naupang chhia si, a chet dan thing uih bawk sia "

" Nia, a ngeiawm ve thei ani aw. Gos-a hian min tan viau thin lo phei se chuan ka tlan duh tawh te'n ka in ring " Tiin kan nui dun hak hak a.


Gos-a hnen a ka awm tur thu ah pakai in tlem a ka hahdam zawk ka rin thu pawh ka sawi. Helai ah U Nancy bak han hrawn hrehawm an awm miau loh avangin u Nancy tello a nun ka hman chuan a hahdam khawp ang.


" Ka nau neih hun chu min awmpui ang che " Ka tih velah a ' yes ' hluai a, alo phur nghal ngang mai.

" E chuan maw mi pakhat min hriat that hmel deuh ka tawng a. A chet dan chu ka rap zawk "

" Tu chu? I ex maw? " Gos-a ang mai.

" Nilo, ka hriat ngai ani pawh in ka hre chiah lo " Ka ti a. Kan sawi pah chuan a hmel kha ka mitthlâ ah a rawn lang nghal zut.

" Lawk in ka hria em le? " Ka ngaihtuah nasat lutuk chuan ka tunhma thil kha ka ngaihtuah chhuak ta chiah. Khawi hmun emaw,thil tih khawmna ah emaw khan kha pa kha ka hmu ve tlat in ka hria.

" I hria ami? " Mazuali pawn a rawn ti thuai. Thiantha viau e tilo chuan kan zirna hmun a in ang lo a, eng emaw tih nikhua ah chuan kan kal dun theilo.

" Sawi tawh lo ang " Ka ti daih. Ka chiang lutuk lo a, bak ah kha pa kha ka rap thar riau.