KA PAHRAWN BY MAWITEI BAWITLUNG (Complete)

[mawitei bawihtlung]

KA PAHRAWN (18+)




CHAPTER 5



A sexy zual





“ Min duh em?" a rawn tihchuan ka ngawi deuh vang vang,min kuahna a thlah rual chuan ka vawt deuh sung sung,ka ban chu hmulo ang maiin a hawi chhuak “ De" tiin ka thaw halh halh ,ka taksa ah nawmna min pe te te a chutia a awmsawn daih chu mak ti lutukin ka en ,ka che sat sat thu chhuakin ka en vang vang “ Min duh em" thawh mai tuma ka che chu min man betin ka mitah tak chuan a en ngur .








Ka ka ang zuau in ka tawp leh ,ka duh tihchu ka hria a ,mahse ka chhang thei mailo . “ Zonuntluang min duh em ?" a rawn ti nawn leh ngat,ka bu nghat chu ala duh tawklo tih hriat takin a rum nghut ,ka biangah dawmin min kuai dak “ Min hrilh rawh,khatiang ka duh tawklo " a tisup,ka hmui bulah chuan a rawn thaw lum ham ham “ Ka duh che De" sawm nawn ngai tawhlo in ka hmui ah chuan a rawn fawp vang vang,chhuatah chuan min mutthla in carpet hmul thap chuan ka taksa chu a tawk za ner ner.








“ Ka ta i ni tawh ang" tiin ka taksa chhungah chuan a rawn lut,ka rak that ” Ana!!" ka mittui a hnam sawk thei,chet pawh che ngam lo in a sek chu ka tham vak ,ka hmuiah fawpin a ni pawh a tawp vang vang . “ Ka kalsan ngailo ang che " tiin ka chalah a fawp vang vang,tunah khan ka nu laka ka inthiamloh reng na tur thil ka ti ta,ka hnar phal silo “ Min kalsan dawn lo tak tak tiraw? Mahse Daniel ka nu hi " ka tihchuan chet lak pahin a lu a thing nur nur “ Ka ching fel mai ang,tunah chuan kan pahnih inkar chiah ngaihtuah rawh" tiin a che na sauh.









Mit chhing in ka rum chhuak hak,a hnungah chuan ka theih tawpin ka kuah ve bawk ,ka taksa natna chu nuam tihna in a thlak a ,duhthawh zeta kan chet dun hnu ah zawi zet hian ka chungah a rawn bawk thla thlawp . Ka hmai vel chu a nul nghal dun dun ,ka taksa chu a zawi thlar,ka mut ngai ngai chuan ka mu a ,ka sira rawn muthla in a chungah min hlang kai nghal zat. Ka hnung chu a chul hauh hauh bawk ” Ana ila ti em" a tihchuan ka lu ka thing nar nar ,ka kut chu la in a fawp vang vang .







“ De nuam ka ti theilo,he thil hi midangin hre phei se ka mualpho viau ang,keihian ka nu pasal ka tawmpui a ni" tiin ka mittui chu a luang ngiai ngiai,hrehawm tihna in ka khat ka hmai ka hup ringawt bawk . Min thut chhuah pui a ,a awmah chuan ka hmai min thuhruk tir “ Ka sawi tawh kha ,ka nau phuba ka la a nga ka fa i pai a nihchuan kumkhua a ka bula awm turin ka hruai ang che anga,duat tak leh hmangaih takin ka enkawl ang che " a tihchuan a mitah ka en kar ,khua thim mup karah chuan choka lam a eng chu a rawn lut deuh raih bawk .









A mitmeng uk kharh chu ka en reng ,a hmelah fiamthu hmel ka hmuh loh avang chuan ka thaw huai mai ,a awmah chuan ka bei kek “ Ka nu hian a hrechhuak a nihchuan min ngai dam hauh lovang " ka tihchuan a nui suk ” Ka venghim ang che ,i nu emaw midang reng reng pawh kan inkarah an inrawlh ka rem ti leh tawh ngai lovang " tiin ka mawng chu a tikang det a,hnuailam atang a rawn che chhunzawm nghal zat . Ka nu a rawn haw loh avangin zankhua in ka room ah kan awm dun a ,a naupan lai chanchin leh a hna chungchang vel min hrilh a .









Kan nui dun leh hak thin“ Anih Lawyer i nihchuan tinge helam daihah ilo awm a " tiin ka en ha ,ka kut chu fawp leh vang vangin “ Angai si a lawm,ka hna chuan min nghak thei a ka nau thlarau erawh a chawl hahdam theilo,chu thil chu tih tawp vat ka duh a ni. Zantin ka mangah ka hmu a ,a chang chuan a chawlh hahdam vat theih nana tualthah ve mai ka duh " a tihchuan ka meng kawk,chutiang thil daih daih a rawn sawi chuan min ti hlauthawng hle “ Ih...ih...tualthah maw ! I tilo ang tiraw? De eng ang pawhin i nau lo tina mahse tual chu that suh aw .









Engtin nge jail i tan hunah ka lo awm ang" tiin ka en ,ka tah a chhuak nghal tun “ Mihring chuan tawp hun kan nei vek dawn alawm,ka sawi mai mai a nihkha ,nang a nih leh i tleirawl chhuah vel min hrilh la " a tihchuan ka hmui petin“ Sawi tur em em ka neilo,ka pa nen kan awmdun tama,nitin ka school ban apiangin movie min en pui a ,intihhlimna hmun hrang hrangah kan kal dun thin . Ka nu erawh chu inlamah a lo awm thin a ,thian ka nei ngai lova ,ka pa kha ka thian neih chhun chu a nimai.







A thi tih hi a chang chuan ka awihlo thin ,mahse a reh tak vang vangah hi chuan ka awih ve ta chauh a,tunah te hian a ni kha ka bulah la awm ve se ,ka hlawhtling hmelte hmu ve se ka tifo a sin" tiin ka phun sep sep,ka pa ka ngaithar vawng vawng . Daniela chu a ngawi vung vung,enge a ngaihtuah ang tih ka hrelo,kan pahnih chuan kan ngawi ta reng “ Pa ka nih hun ka nghak hlel " a tihchuan ka meng ak,naute lam ka la ngaihtuah hauh lo “ Timaw?" tiin a kut chu ka hum.








“ Pa ka nihchuan ka hna ringawt nilo in ka faten min tibuai nak nak a nga,ka hnathawk lai bulah an lo infiam anga ka nupui chuan an bulah veng chung in ka hnathawk chu hmangaih takin min lo en se ka ti fo thin" a nui suk,a thusawi chu naupang chhia a ti deuh a nimai thei “ Ka nunah midang awm lo in ka nupui leh ka fate chauh an awm tawh anga ,ka phuba lak duhna zawng zawng hi an tireh thei hial mai thei ,ka fa chuan ka kuta kaiin pa tiin min ko anga,keichuan duat takin ka kuah ngei ang" tiin a nui leh hak .








A hmelah erawh fiamthu a ang lo,a thusawi chu tihtak zeta sawi tih a hriat “ Im a nuam ngawt ang,dawhkanah laptop leh paper i inchhawp anga,tarmit i vuah ngei bawk anga. Tichuan keiin thingpui ka lo pek pah che in i hna ka en pui ang che nga " ka tihchuan min pawm nghet sauh “ De i lo lan hlim kha chuan ka nel miahlo che ,ih i hmel kha a rum thin sia i thinchhiat hmel ka tih avang khan ka hlau thin che . Chuvang a nia ka tlansan reng che .









Ka nelloh che bakah ka pa dinhmun i luah anga ka ngaih che avang khan ka haw bawk che,mahse tunah hi chuan ka inhrethiamlo,inthiam lohna a ka khah rualin mahni hmasial pawh pawi ka tichuang silo " ka thusawi chu a ngai thla reng “ A chang chuan piannawn hi ka chak thin,mite sel ngailo leh mite hmuhsit ngai miahlo turin piang nawn ila,ka nu leh pa tana fa tha ber niin,ka duhthusam ang te nei ve ila.






Mahse a thleng ngai dawn silo,khawvela dam chhung chuan faktu karah sawisel chak ngawih ngawih tu,kan nundan a buai em em ,mi thusawi apiang la kawi thin leh sel thei reng kan tam a ,kan reh ngai dawn lo ,chuvang chuan he khawvel mihring midangte nun tehfo leh tihnat chak em em te kar atanga kal bo a ,keimaha ka awm theihna hmun planet hi awm se ka ti thin . Chu hmunah chuan nun hahdam takin awm ila.







Tumah an awm ve loh chuan tu nun mah awt lo leh mite mitmei ven ngai lo in ka awm thei ang tiin ,mahse chung te chu a thleng ngai pawhin ka ringlo,ka duhthusam te chu ka lei taksa ka vuiliam rualin a thamral ve dawn chu a ni si a " ka mit ka chhing,ka thusawi chuan keimah ngei min tilung chhia “ Shhh...engkim a tha vek mai ang,kan dam chhung hi chuan tu mitah mah kan famkim ngai lo vang ,tu tan mah a famkim theih loh .







Chu chu a hmu chiang tu leh hrechiang tu i ni ang . Chu ai chuan i nihna ang ang khan lang ngam la ,i ngawi reng chung pawha an sawisel che a nihchuan i tawng chhuah a an sel dan che nen a inang reng tho vang . Chuvang chuan insum buai duhlo la ,i nihna ang ang khan lang zawk rawh . Seltu leh faktu che chu an ngai reng ve ve tho ang " a thusawi tihtawp nan ka hmuiah a fawp zauh.






Ka lo nui hak “ De ka nu hi i neih reng kher a ngai em ni" ka tihchuan a ngawi leh vang vang phawt “ A tul hunah engkim i hre mai ang,tunah rihchuan ngaihtha takin ka kiangah hian awm reng zawk rawh . Naktuk pawh a rawn haw dawn lo a ,i class ban veleh min rawn call la ,ka lo hruai ang che . Lenpui duhna che ka nei " tiin ka kut chu a hmer salh ,ka nuihsak a ka bu nghat nghat bawk .








Khawiah tak min lenpui tum ang maw ,ka nghakhlel tawh viau “ Mu tawh rawh. Muttui" tiin ka chalah chuan a fawp zauh,keipawh chu ka muhil zui ve nghal mai






A tukah chuan college thleng min thlah a , Xavier an min lo nghak a hmuh chuan lawm loh hmel zet hian a en “ Hnaih suh ang che" tiin a tlanchhuak zui nghal. Mak tizetin ka en reng ringawt “ Hi Mely " Xavier chu ka en,ka nuih ringawt class lam panin kan kal dun a ,vawiin chu ka thiante ho hmel ka hmu miahlo,an kal dawn lo a niang,a pawilo ka bang hma dawn tho va .







Class ah chuan tha takin ka ngaithla leh ,ka pa hian lehkhathiam tak ni tura min duh avang in ka zirna apiangah ka tangin ka titha chho hle a . Ka pa dam lai pawh khan min chhuang thei hle a nihkha ,“ Hey Melysa " ka hmaiah chuan ball in a rawn fuh pawp,ka haw tur ka chhuak chiah a ni bawk nen ka thal nghal tawp,gate bulah chuan ka thusawp reng ,min nuih ri ka hriat rualin ka hawi chhuak vat,kan college mipa a sual ber thana thang Breynold te thian ho an lo ni .







Ngawi rengin ka tho chhuak a ,kal leh ka tum chu ka samah a rawn kek,ka rak that mai,ka mittui a hnam sawk,min la nuih zui . Thawk leh khatah thil ri dawp ri ka hria a,ka menchhuah rualin Daniela thinrim hmel leh Breynold a hnek mawlh mawlh chu ka hmu nghal,a thiante lah chuan an pui ngam derlo,ni e Daniel hi a len bakah a sa a tha bawk nen an ni ang huaisenna nei lo a chimawm lutuk tan chuan ngam chi a nilo reng a ni.







A rawn thawh chhuah rualin min en ,ka hnar thi a hmuh rual chuan a mengrum zual sauh,Breynold che theilo a tlu reng chu a pet leh hram ,ka lo dang nghal vat “ Kal ang " tiin ka pawt chhuak,khawih a la tum ut ut renga ,mahse a kutah ka chelh lui tlat “ I tha em " car bul kan thlen chuan ka hmai dawmin min zawt a ,ka thaw hak ,ka bu nghauh nghauh bawk . “Ka tha a lawm,min ngaihtuah suh" tiin ka hnar thi chu ka rawmawl chuan ka hru nghal vat.







Car kawngkhar chu hawngin min thut luh tir a ,amah a rawn luh rual chuan first aid box chu la chhuakin ka hnar chu lapua in min hruksak mawlh mawlh . Kei erawhin a mitmeng pa zet chu ka lo en leh daih thung “ Ka lawm e aw De" a nui suk,ka hmuiah chuan a fawp zauh. Phawk zeta enin pawnlam chu min hmutu an awm em tih en in ka en chhuak a,tumah ka hmulo hlauh “ Hlauthawng suh,le tlanchhuak tawh ang ,kan lenna tur a la hla si a " a tihchuan ka bu nghat .







Kalkawngah chuan eitur chi hrang hrang kan lei khawl sa a ,ka kut a vuan reng bawk . Min hretu an awm lo bawk nen keipawhin pawi ka ti em em lo,min ngaihsakin min duat thiam bawk nen ka nel viau tawh . Kan lenna tur chu khawpui pawnlawk a park an siam tih ka hria ,ka phur viau bawk . Ka nu lah a hna avangin a rawn haw theilo a,a lakah inthiamlo mah ila Daniela hian min tibuai hneh hle si a ,ka hnar duh tawhlo . A bikin nizana thil thlen hnu atang phei kha chuan ka hlauthawng zual a ,a duh dan ka zawm a ngai tih ka hre bawk .



ZAWMNA...





“ Kan thleng e " a rawn tihchuan ka hawi chhuak,ka au nghal chul mai . Thingkung hnah chawr thar lai a ni bawk nen a hnuai te chu a fai phei hlarh a ,phulin a khuh phei dup bawk ,kawng a awm phei zar a ,a nawm hmel lutuk chuan min ti phur nghal sarh mai . Car atang chuan min chhuahpui a ,ka kawnga a rawn kuah chuan ka en chho ha “ Kal ang le " nui suk chung hian a rawn ti a ,ka nuih let ve ringawt .







Kawngah zel chuan kan phei,ka vak chhuak ngailo va ,hetiang anga hmun nuam hi a awm ang tih pawh ka hrelo hrim hrim,ka hawi kual nasa hle . Sakawr hram ri ka hriat rualin kan hmalam chu ka en,pen sawmnga dawn la ni ah chuan thing in a lo awm a ,tual zawl zau tak an hungah chuan sakawr an lo awm chu niin,Daniela chu ka en ,ani erawhin hmalam ringawt chu a melh thung . In awmna kan va thlen chuan a enkawl tu tih hriat tak hian min lo lawm,nupa te rek chauha khawsa an nih hmel.









Sakawr an ngah bawk a ,a reh lo viauin ka ring,rante hi chuan nun hi an tihlim ve em a “ Hi Daniel ilo va lang khat tawh ve ,kum thum lai a ni tawh lo maw? In ramah i awm char char em ni" an nu zawk chuan Daniela kuah pah chuan a lo ti, Daniela pawh chuan nuisangin a lo chhang ve zel bawk “ I nau pawh a ngaihawm hle mai,a hlim theih teh lul nen hei tunge " tiin keichu min en ” Ka thiannu a nih hi " tiin ka hming te chu a hrilh a ” Oh! Daniela te hnam nen in in ang maw ,Ava mak ve i mit lah chu keimah ni lam ang maiin a hring nghalh bawk si a .









A mak hle mai " a tihchuan ka nuih hak “ Nilo ve ,thlah pawlh ka nia ka pa hi American a ni e" ka tihchuan an bu nghat,sakawr lam bawk chu ka en leh “ I chuang chak em ni?" ka bengbula rawn phun sup hian ka beng vel chu a hmuiin a nul dan dan ,ka bu nghat nghat. Chuveleh min kai pheiin sakawr sen uk lian zet lam chu min panpui,ka hlau leh deuh chuan ka ip tawng tawng , Daniela chuan min nuih hawk hawk ,ka ngei hle “ Hlau suh ka awm hi,ka veng dawn che alawm " a tihchuan hmui pet zauhin ka en .









“ Ka...hlau...ani.....aaa .... Daniel " min hlang nawlh,ka bawk tung mai . Ka hnungah a rawn lawn a ,ka kawngah rawn kuahin a hrui chu a chelh hnan nghal zat. Ka hnung chu a rawn dai chial,ka thaw ham ham “ Inthlah dul la ,ka kut in ka chelh reng che a nia,ka thlah hauh lovang che " a tihchuan ka bu nghat, muangchangin sakawr chu a tlan tir,ramhnuai lamah chuan kan lut zui nghal,sakawr chung atang chuan ramhnuai awmdan nalh tak tak leh ramsa lo awm te chu ka enkual.








Nuam ka ti takzet ,sakawr chunga chuan pawh chu nuam ka ti viau tawh. Ka hlau tawhlo tih a hriat rualin a tlanchak tir sauh a ,ka au chhuak rawih rawih ,a ni pawh a nui hawk hawk mai ,a tawpah tuikhawhthla lo awm ah chuan a din tir a,sakawr chu tui a in tir nghal,kei erawh ka thawmhnaw phelhin tui khawh thla lam chu ka pan chhat chhat,a hnuaiah dingin ka nui var var ,khua a lum bawk nen anuam ka ti viau,a li laiah chuan zuang in ka in liluh nghal .








Ka dah chhuah leh chuan Daniela lo in phelh ve mawlh mawlh chu ka hmu zui,ka en zui vang vang.






Ni e tu emaw chuan kalsan harsa tih leh hlat theihloh khawp a duh ngawih ngawih kan nei thin,tu ta nge an niha tu nupui/pasal,tu ngaihzawng nge an nih hre reng chunga kalsan duh miahloh kan nei ve theuhin ka ring,hlat an theih loh va ,neih hlen an theih chuang loh bawk . Hlat dawn veleh a kan duh tual tual mihring,kan hnaih dawn veleha buaina awm leh tlat thin,kan duh tura duan kan neih theihloh tura dah.






Kan khawih theih mahse a nghet ni silo tawnmang chauh changtute hian reilote hlimna pawh kan um ve thin si a tiru,mualpho huam leh nat huama kan beih te hi kan ta ni ve thei mai sela a tha tur,siamtu pawh hian kan tana a ruat loh chu kan duh zawng tak an nih loh nan hian siam mai se tha tur ,mahse chungte chu awm tirlo ta se tumah hian thawnthu sawi tur “ Hmanah chuan duh leh hmangaih em em ka lo nei ve thin" ti a sawi tur kan nei leh dawn chuang silo va .






Kan hring nuna a hlim awmlai leh a lungchhiat thlak lai ber thawnthu sawi tur kan nei awm silo a ,ni e hringnun thawmthu ah hian kan hun hman hrehawm lai leh na kan tih ngawih ngawih hunlai te hi nakinah khuareiah sawi nuam kan tih leh ber te an ni a ,kan kawppui te zawng zawng nen kher hian hmangaihna chanchin kan nei veklo a ,tam tak chuan kan tana ruat loh te nen zawk hian a ni kan thawnthu ngaihnawm tih leh hlu ber hi kan lo ziah chhuah thin zawk ni .







Daniela nen hian kan awm dun thei dawn em ka hrelo ,mahse tun hun hi nakinah ka fate tana ka tana khuanu ruat loh mipa ka hriat reng si chu ti a ka la sawi tur a nilo ang tih tunge sawi thei,ka lam pan chuan a rawn hleuh phei zel ,ka lo nghak tawp ringawt , ka bul a rawn thlen chuan ka hmel chu chiang zetin a en.








Kei erawhin chil ka lo lem khalh ringawt,ka kawngah rawn kuah thutin min inhnim pui bawrh,kan chhuah rual chuan khuh bawrh bawrhin a taksa ah ka in kherh bet nghal zat .


MONDAY ZANAH DAM CHUAN CHAPTER 6 A AWM ANG AW

[mawitei bawihtlung]

KA PAHRAWN (18+)





CHAPTER 6






“ I hmelthat zia hi ka en ngun pauh che leh ka hmu fiah zual thin,he i khuavang nangmah tihmeltha zual tura siamtu'n a siam chen hian " tiin ka hmui chung leh hnuaia khuavang awmna lai chu a chul,ka khuavang neihna hi mipawhin ka hmel titha tu leh zun ka neihna ni hialin an sawi ve thin . A hmun ngeia Daniela sawi chuan min tizak hle ,ka kun tui che dalh dalh chu ka en reng,a taksa atangin ka awmsawn chuang lo .







Tuichhunga awm e tilo chuan ka hmai chu a sa hat hat “ Duhawmnaa khat hmeichhia hi nang lo an awm dawn em ni,veiloh theihloh leh hnar phal miahloh" tiin ka nghawng vel chu a rawn nul dan dan a,tuipawn lamah chuan min chhuahpui nghal bawk . Ka khur der der ,tui kam a hnim sang lutuk lo chungah chuan min thut thlak pui a ,a bul velah chuan ram pangpar rawng chi hrang hrang chu an par teuh bawk .








Ka hnute vel chu a kutin a zut dalh dalh,ka thaw hak hak tawh mai . “ Daniel duhtawk ang" tiin a kut chu ka vawn behsak a,hetiang renga kan awm a nihchuan kan chesual leh mai ang . Insum tum tih hriat takin thawk a la ham ham,keiin a mitah tak ka en kar thung,a rawn nui suk a ,ka kawng fekah tak vuanin min pawm nghet sauh “ Nangte vang hian ka tih tum tam tak ka thulh phah thin " a tihchuan mak tiin ka en haw.







A thusawi tam tak hi ka hriat thiam phak bak an ni thin,a mit chuan tui khawhthla lam chu a en reng,a hmelah chuan lungleng hmel ka hmu,kan bulah chuan sava leh theihlei an rawn hram nauh nauh a ,a awmah chuan beiin ka mit ka chhing vang vang . A lung phu ri dat dat ri chu ka hre chiang hle ,nui sakin ka ngai thla reng “ I lungphu hi ni thei ila,i taksa ah hian beh reng ka ngai anga,nunna pe tu che leh i thawk lak ruala che ve zel,i lungngaihna tawm pui tu che,i hah leh i chauh changa phu rang ve a tuar pui tu che ka ni chak.








I sawi chhuah loh tam tak hria a ,hmalam penpui tu che i chakna hnar ni thei ila " tiin ka phun sep sep,a kut tang sei thlurh leh a kut phah hlai hlap chu ka khawih,a ni pawhin min lo hum let nghal zat “ Anihchuan heti hian awm reng la ,ka nunna chu ini mai dawn a lawm,ka awmah hian bet reng mai rawh " a tihchuan ka nuih hak hak “ A chang chuan pian nawn leh ka chak thin, ka hun kal tawha ka tihsual te engmah ti theilo a ka awm lai te kha siam that vek ka chak " tiin a hmel chu ka en .







A biang ki invuah fuh zet chu ka khawih,a khabe ruh nalh leh a mitmeng pa hrek hrawk tak te nen chuan chiang zeta enin ka zut kual dalh dalh “ Daniel,in hnampui te zinga awm lo a helama awm hi tinge i duh tlat a " ka tihchuan min mut thlak puiin,ka kawrkilh chu a hmet pelh pah zat “ Hetah pawh ka hnampui tam tak an awm tawh a lawm,chubakah Mizorama awm reng ka ning ve te pawh a niang" a tihchuan ka bu nghat,ka hnute hmur chu a hrual nauh nauh a .







Laksawn sak ka tum lahin ka kut chu a lo dah sawn zel,mipa naupang anu hnute hauh bur hi ka tehkhin ber “ Anih engvanga ka nu hi nei nge i nih?" he thil hi ka hriat chak ber a ni . A thil tih lai chu ka zawhna avang chuan a tawp chat,chiang takin ka mitah a rawn melh,a mitmeng chuan min tizam vek thei nia “ I hre duh takzet em?" a rawn tih chuan chil lem khalhin ka bu nghat ” Nang ka neih theih nan che mawle " tiin a nui var var ,awihlo zetin ka lo ner nang nang thung .








“ Min ring rawh ,i nu ka zui lo a nihchuan engtin nge ka neih ang che ,kan inhlat em hi Mizorama i rawn kal hnu hnun ber atang khan keichuan ka lo hmu in ka duh tawh che . Tichuan ka neih theih dan tur che ka zawng char char a ,i nu in a khuah khirh dan che ka hriat avangin heta rawn awm a tichuan i engkim zir chian hmasak ka duh vang a ni " a tihchuan ka hmui ka tipawrh vak,chuveleh ka hmui chu a rawn seh , ka rak that mai “ Khabak rawn kal chhan ka neilo,i nu hi i hriat angin i pa a awm loh hnu ah a mal ta em em a .







Kei nen chuan kan inhriatna a la reilo,ka sawi tawh angin ka nau that tu te kha hetah an awm a ,an ni chunga phuba ka lak theih nan i nu hian min puih a intiam a ,chuvang mai chu a ni e ,engmah a awm lo,i nu chu ka thian ang chauh a ni,kan la innei reng reng lo " a tihchuan mak tiin ka ang pam“ Anihchuan innei anga in awm te hi dawt vek maw ,tinge i mutpui si " ka enkar ,chu thu ka sawi avang chuan keimahah thikna a awm nghal .







Tho chhuakin kalsawn mai ka tum a ,mahse min pawt thu leh hnawk “ Thinrim suh ka mutpui lo,ka play mai a lawm " a tihleh lek phei chuan ka thinrim zual “ Ka nu nen hian min fiam kual i tum tiraw? Ka nu hi i tina a nih vaih chuan ka ngaidam miahlo ang che ,kei nen pawh awm dun a ngai tawhlo " tiin ka kalsawn hlawk hlawk,thui pawh ka thlen hma in min rawn um pha leh,thinrim zetin a taksa rem lai laiah chuan ka chum pawp pawp,ngawi rengin kan insual ngat ngat.







A tawpah min chawi nawlhin leiah chuan min bawhthlu “ Ngai thla rawh,i nu hi ka duhlo ka ti tawh a ni lawm ni? Nge kalsan chu i duh takzet maw ,i thik em ni? Min lo ngaithla ru a " tiin a nui hawk ,chuveleh ka kut tin chuan ahmaiah ka ham pawp ,rum hawkin ” Nang naupang hi " tiin ka kut chu a man bet a ,ka hmuiah a rawn fawp bawrh bawrh,ka sual letna te chu ngaipawimawh lo in min fawh zawm zel “ I nu ka duhlo ka tih tawh kha ,nang Zothantluangi bak hi ka duhlo,chu chu hre rawh ,tal tei vet suh " tiin min delh bet a .










Ka ngawi kar “ Ka chau ania " a nui leh ringawt,thawmhnaw kan ha lo ve ve bawk si “ Daniel " a thil tih avang chuan ka au that,ka hmai tuai zauhin a che zawm nghal.






Ka taksa chu zi talh talhin ka meng chhuak diar diar,a vawt ka ti chu ka bula taksa lum thuk chu ka ngheng hnai sat sat,min rawn kuah nghal vat bawk . Khua a tlai deuh ruih tawh “ De" ka biang rawn nul in “ Um" a rawn ti a,a kut chu ka hum hnan vat “ Haw tawh ang a tlai tawh a nia" tiin ka tho chhuak,ka thawmhnaw awmna lamah chuan kal in ka inha nghal zung zung,a ni pawh muangchang chuan a rawn kal phei chhat chhat,kan inthlak zawh rualin sakawr chungah chuan min hlang leh nawlh .








Inte ah chuan kan lut a ,thingpui min lo siamsak chu indunin in neitu pi Brenda te nen chuan kan inkawm mawlh mawlh “ Bawihtei chu ka hmuh chak nen aw " a tileh thin chuan Daniela nau chu min hriat chak tir sauh “ Tunge a hming" ka tihchuan min chhan tumin a ang zuau “ Sawi a ngailo pi Brenda " Daniela chuan a ti deuh hrawk,mak ti lutukin kan en thap “ Enga tinge De ,i nau hming ka hriat chu i phal lo maw " ka tihchuan thaw hawk hian min en a .








“ Engkim i hriat ve zel a ngailo " a rawn tihchuan mak ti lutukin ka en ,ka taksa chu a duh a ,mahse a chhungkua ka hriat chu a duh miahlo,a ni hian min lo duh ve miah lo anih hi “ Ka tihpalh" tiin ka ngawi ta reng,kan haw kawngah pawh tawngkam khat mahin ka tawng lo,in kan thlenga ka insiam mawlh mawlh . “ Zonuntluang enge tih i tum?" chhan pawh ka chhang peihlo “ John car lo la chhuak rawh ,ka pu te inah kan kal ang" tiin ka thawmhnaw bawm chu ka hnuk nghal hnak hnak.








“ Enge tih i tum chiah a " a kut chu ka vai per lawp “ I duh duha i tih tur ka nilo,nang hi ka pa ini lo " tiin ka chhuak hlawk hlawk “ Enge i hriat Daniel Lalduhawm min thlah vat rawh" pawn ka chhuak chiah chu ka hnung lam atanga min chawi lawpin a ko ah min dah a ,inchhung lamah min luhpui nul nul chu kan driver pa chuan min en hu ringawt “ Min thlah rawh ,ka duh duhnaah ka awm ang,i thu a awm lo " tiin ka tal vak vak ,mahse min thlah duhlo in a room lamah min kalpui nghal pawk pawk.







Ka thinrim lutuk chu ka mittui a tling pum tawh “ Enge ka nih,i chhiahhlawh ka ni em ni? Mawh ka taksa chu i duh mahse i nun ka tawmpui che erawh i duhlo a nilawm ni,duhtawk rawh . Nang nena inzawmna neih ka duh lo ka kal dawn ,ka nu nen engtin pawh awm la ka pawisa tawh heklo,ka bialpa neih chungchangah pawh lo buai ve tawh suh ang che " tiin ka chhuak leh ngat min dan a tum tawh bik lo .








Car ah chuan lut in driver chu ka tlanchhuah tir nghal zat . Kalkawngah te chuan ka mittui a tla reng,ka huat rualin ka lo duh hman lutuk hi keimah pawh ka inhaw bawk,a tan ka in phal a ka thianghlimna ka hlan a ,mahse a nichuan a chanchin engmah ka hriat a rem tilo a nia ,ka pute in ka thlen rualin ka chhuak,an awmpuite chu an rawn chhuak nghal sap sap,ka bungrua chu pe in an thiar lut nghal zung zung,ka nu chu phone in ka hrilh tawh mai ang .









“Ehe Mely bawihi ilo kal animaw?" ka pi chuan min lo kuah chungin a tisap ,chutia dam tha taka ka hmu leh chu ka lawm viau mai ,ka pu pawh room atanga rawn chhuakin min rawn be nghal bawrh bawrh “Hetah i awm reng tawh ang chu,i nu chu a khua a har anihpawhin a rawn hmu reng thei tho che a,keini kan chak tawhlo bawk nen kan bulah hian awm reng tawh la a tha ang " a tihchuan ka lo bu vat,ni e heta ka awm hi ka tan hlei hlei hian a tha in ka ring, Daniela ka hmuh loh chuan zawi zawiin ka theihnghilh ve thei mai ang.










Ka mut hmunah chuan ka nu chu phone in ka insuan luh tawh thu ka hrilha,a ni pawhin tha taka awm turin min hrilh mawlh mawlh ,nitin chuan dan pangngaiin class ka kal a, Xavier nen kan inzui nasa in kan chanchin ngaihven tak tak pawh an kat nuk mai reng a . Zanah party na atangin ka haw a ,zu ka in ve deuh bawk nen ka kal pai chhat chhat “Wow baby girl i chhelo hle mai " mipa pali hian min lo dang chat,in ka thleng tep tawh a chutiang thil ka tawng chu ka lawm lo hle.









“Kal kiang rawh u" tiin pakhat chu ka nam dawrh a,chuveleh min man betin bangah chuan min nawr bet chawt “ Huaisen reuh hle mai,mahse zu rui lehnghal nuam i ti vat ang " tiin ka hmuiah min be tu bawk chuan rawn fawh a tum, ka lo awm sawn zel chu a thiante chu min chelh beh tir “ Min thlah rawh u,min kaltir ru ,hmelchhepa min khawih suh " tiin ka au tuar ,chuveleh an nui vak vak,ka thinrim takzet ,ka taksa chu a rawn zut zai zai a ,ka tal vak vak chung pawhin pathum lai chelhbeh chu kei hmeichhe tan chuan hneh an har takzet .








Ka mangang chu au vak ka tum a ,chuveleh ka ka an hup nghal vat ,ka thawmhnaw phelh an tum chu ka tal nawk nawk,vawi leh khatah min khawih tum tupa chu a hnung lam atang chuan tu emaw hian a rawn pet tlu hnawk . “ Ka hmeichhia lo khawih in tum amaw" Daniela aw ka hriat rualin engah a mah a rawn lang zui nghal zat ,pathum te chu a hnek nghal sawk sawk ,ka en reng chung ho tlansawn hnu chuan min rawn en ta chat,ip chawihin kalsawn ka tum nghal .








“ Ding rawh" rawn tihrawkin ka hmaah a rawn ding nghal ,a hnar chu len in a ner sawk “ Zu i in a maw Zonuntluang" a rawn tideuh hmuk,ka nuih hak “ Ka duh leh ka in ang chu,enge a pawi na ,i pawi ka sawi pawh ni hleilo,min puih avangin ka lawm e ,ka kal phawt ange bye bye " tiin ka kal pel,ka kutah chuan a rawn man chawt a. Ka thaw hak “ Min be rawh ,i hria em Zonuntluang hetiang hian awm suh,ka kiangah awm rawh " ka hmui ka pet ,ka dinna ngaiah chuan ka ding reng .









Ka hnunglam atangin min rawn kuah “ I hria em? Ka kiangah awm rawh,ka ngai che " a thusawi chuan ka lungphu a ti rang hle ,mahse ka let theilo a ni hi ka hnaih thei tawh lo vang “A pawi ka ti,ka haw a hun tawh . Ka pi leh pu in min lo nghak hlel tawh ang,muttui le " tiin a mi kuahna kut chu ka lasawn a ,chak zetin kan in lam pan chuan ka tlan hlawk hlawk,thlakhat zet ka hmulo chung pawhin ka laka a thawh nat dan a la ngai reng a .







Ka la thlahlel reng tih ka inhre chiang,mahse ka nu nen an chanchin ka hriat zozai te hian min tina lo theilo,ka nu hlimna chu kei atan natna leh thikna bul tanna a ni a ,ka mittui ti tla tu mai a ni bawk . Ka tan chuan min tih hlim tum reng tu Xavier hi a tha ber a ni . A ni chu ka tan a awm reng a, ka tah changa min ti nui thin tu a ni bawk , Daniela lakah erawh mittui bak loh ka hmu lo,ka nu nen an hlim dunzia te an len chhuah fo thin thu ka hriat te hi ka nat pui tawk tawh viau a ni .








A zuna ka uai ngheh tak tak hma a ka kian mai a tha zawk ,ka hmangaih hma ngeia ka inthiar fihlim hi a tha zawk a ni ,chuti lo zawng nakina na tur chu keimah ka ni a ,a chan tur pawh keimah bawk ka ni .




(A prologue thlen hun in nghah hlelh a zarah tual that tura min ti ho kha insum ru aw a hun hma chu a thilo ang,changtunu zawk hi ngaihtuah ru nunrawng hlawm lutuk mai )

[mawitei bawihtlung]

KA PAHRAWN





CHAPTER 7






“ Bawihte lo haw har lo ula " ka pu chuan min thlah pahin a ti a ,nuih var varin ka bu nghat. Xavier nen chuan an in be leh phawt,kan leng chhuak dawn a ,ka pi leh pu a rawn dil thlap bawk . Hei vang hi a niang ka ngainat em em ni ,“ Khawiah nge kan kal ang " a tihchuan nui hakin “ Vak kual char char ang " ka thusawi avang chuan a nui suk “ Awle ka Lalfanu hmeltha " tiin a bike chu a ti nung vut vut a ,kan tlanchhuak nghal vang vang .








Khawpui chhung hmun mawi leh nuam tak takah kan kal kual a ,kan hlim dun hle. Xavier-a bula ka awm chuan ka nun hrehawm ka tih tam tak te kha ka theihnghilh thin. Mipa duhawm tak a ni ka tilo theilo ,a nui duha fiamthu a duhin a rilru a tha bawk . Thlah pawlh ka nih avangin min hmusitin min iai phah heklo,a nu leh pa ngei pawh ka chungah an tha hle,vawi thum chu an inah chaw ka ei tawh a , mi hausa tak ni si a an nun tlawmzia leh hausa anga lan an tum loh zia ka hmu chiang bawk .







A nu lahin a fanu ang chiahin min en bawk nen ka nu ang chiahin keipawhin ka en thei nghal mai reng a ,“Tahsawn va kal ve ang " couple ho lamna hmunah chuan min kalpui nghal . Kan thlen rualin min lampui nghal zat ,nui var varin kan lam dun a ,mipui chuan kut an lo beng thap thap bawk . Lawmman an lo siam reng chu niin pakhatna kan la nizui,naute lem lianpui chu ka pawm a, Xavier hmuiah chuan ka fawp zauh,a lo lawm thiam leh em em tawh ,a bianga ka fawh zeuh pawhin mipa naupang ang maiin a rak chul zel .









Hmun dangah kan kal leh a , aquarium thlengin min fanpui,Sangha lian leh nalh tak tak chu kan en dun,chutia kan awm lai chuan ral khat hla fe ah Daniela ka hmu a ,chuan a bulah hmeichhe pakhat a kal bawk . An hlimdun hmel hle , ka nu a nilo tih ka chiang,ani hian ka nu hi a phiar ru em ni ang,a nupui tilo mahse ka nu bulah a cheng reng a . Ka ring ther te tawhlo,ka en reng lai chuan min rawn hmu ve a ,mahse mak ti ang pawhin a awm lo








A hmeichhe kalpui chu enin a bia a ,an kalsawn nghal daih ” Tinge i va ngawi rei ve i tha em " Xavier chu ka en ,ka bu nghat “Hmun dangah kal leh tawh ila helai chu nuam ka tilo riau" ka tihchuan engmah min zawt lo vin min chhuahpui nghal ,movie en turin kan kal leh a . Thlahrang kan en chu a au tuar tuar ,midang in min rawn en leh hu hu thin ka zak lutuk chuan ka hau a ,awmzia erawh a nei lemlo khawp mai a au ngai rengin a au char char .








Nun (Nan) hmel rapawm lutuk ka hmuh chuan keipawhin ka hlau ve deuh tho,a talna lamah kan popcorn lei te chu a baw deuh vek lehnghal . “ Xavier awm tha teh hei kan ei tur a baw vek tawh ania " tiin ka hau hlak hlak “ Enge a hmelchhe rapawm em a lawm,ka mumanga ka hmuh loh nan ka tawngtai char char dawn " ala tizui,kan en zawh rualin pawnah chhuah puiin ka beng nawk nawk .







Midang in min selna zawng zawng nen ka zak lutuk “ Vawikhat mah ka chhuahpui tawh lovang che " ka tihchuan a tum luau “ Keiang mi hmeltha leh pa lutuk min chhuahpui thei hi lawm hle zawk ta che ,kal ang khatiang ramhuai kha hmuh leh pawh ka duh tawh lo ve " tiin min kalsawn pui nghal dawr dawr “ Haw ang ,ka chau" ka tihchuan a rawn leh hawi .







A mit ko a san awk bawk “ Ka ning a lawm kan vak rei tawh si,ka ke te hi a na vek tawh " tiin ka phun nang nang,nui vur vur in a hnung a rawn dawh a “ Lo lawn rawh le ,ka chak tha teh mai a nia ka hnung dup nuam tak hi lo hmelhriat teh le " ala tikher zui . He pa hi chu aw “ Kal ang lu buk si " tiin a hnungah chuan ka lawn nghal vat ,a sawi ang tak takin a mi puak chu a hahdam thlak hle ,bike bul kan thlenga ka chhuk nghal vat .






“ Duhtak en teh helaia thawmhnaw hi a nalh lutuk " mizo tawng ngei hmang tute lam chu ka hawi,Daniela te leh bawk ka pan hmawk hmawk a hmaiah ka beng thuai bawk “ Ka nu i phatsan a maw? Eng ang mipa nge i nih le Lalduhawm " ka au tuar ka insum thei tawh lo , a nui suk “ Hey nang hi i nu kha a nupui a ni reng reng hleinem ,in inah reilote a rawn awm a ngaih avangin i nu in a pasal angin a lan tir mai zawk a nihkha .







Engvanga rawn beng ringawt nge i nih le " a hmeichhia zawk chuan a rawn ti that,kei erawhin Daniela ringawt chu ka melh thung “ Kal ang Mely,haw vat zawk ang icecream te lei kan la ngaih kha " Xaviera chuan min rawn kuah pahin a rawn tisup,ka lo nuihsak . Lalduhawma thik ka duh vang a ni pakhat ,ka rin dan ngeiin a mitmeng chu a rum sawt “ Awle ka lalpa i thu ber a lawm" tiin Daniela leh a hmeichhe hruainu lam chu ka melh leh “ Ka nu hmaah lang leh tawh lovang che.







Nang ang mipa hi engtin nge a rawn chhar theih che ni" ka tileh hram “ Lungngai suh kan ramah kan let tawh dawn,tin Daniela hi in pawisa duh vanga lo awm a nilo va ,lo hmusit ve tawh suh ang che . Sum chu maw a ngah ve tawk a nia " chunu bawk chuan a tileh,Daniela erawhin tawngkam khat mah a la chhak chhuak lo,chunu thusawi zozai zingah chuan Daniela an ramah a let dawn thu chiah chu ka hriat chian awm chhun a ni .







Ka hnîm nghal rawihin ka hria “ Kal ang Xavier " tiin ka kalsawn lehnghal . Ka hawi let hram a , Daniela nen chuan kan in melh chat,enge kan inkar pawh hi ka hrethiam tawhlo, ka nu pasal a nih siloh chuan engvanga ka pi leh pu hma a ka nu pasal anga lang nge a nih ang,ka rilru a buai vek. Ka thawk te chu a chham mai dawn in ka hria ,bike ah chuan ngawi rengin ka chuang a , Xaviera hnung ngheng chuan ka mit ka chhing.







Ka hun tawn mek hi ka hrethiamlo,natna leh lungngaihna ,a changa hlimna te nen a inpawlh nuaihin ka hria,ka thawk zawng hian ka awmah min hnawh a ,a vawikhat nan duhna awmzia ka hre ve ta,mahse chu ka thil duh erawh ka ban phak loh leh ka tan a rem lo hulhual mipa a ni . Mi ta a ni nge nilo chiang lo leh ka nu pasal anga ngai chung pawhin a tan ka la in phal tho va ,mahse a ni erawh ka tan a inphal let leh chuang lo .







Duh rukna ka neih lai khan lo tawpsan zawk ila tha tur ,tunah chuan engkim a chhe zo tawh . Tikhan a ramah a haw a ,engtin tak min sawi zui ang maw ? Ka ngai lawk ngawih ngawih,a reilo lulai lutuk a ,ka hriat thiam phak bakin ka nunah hmun a lo chang thuk a ,chu thil ka hriat chhuah meuh chuan ka hriat thiamloh hlir ka tawng zui leh bawk si ,in thlen pawhin Xavier chu tha deuhin ka be tak nang in ka ngaihtuah thei hlawllo.






In chhung lamah ka luhsan ta reng bawk a ,ka khumah chuan ka bawk thlawp .





DANIEL LALDUHAWMA POV...







Pawnah chuan ka ding reng,hei hi zantin ka tihdan a ni . Rei vak lo chhung Mizoram ah ka haw a ngai a ,ka client te ka in nghah rei tir tawh vang a ni pakhat,ka hna hi awmbosan reng chi a ni silo va ,a nu pasal ka nilo tih Zualin a hrilh laia a hmel te kha ka ngaihtuahna atang hian ka paih chhuak thei heklo. Ka haw tur thu a hriat ruala a hmela lungngaihna thuk tak te nen lam khan ka hmuh hmaihlo .







A phone ah chuan ka call ,a la har zek lehnghal a lak rual chuan “ Rawn chhuak rawh pawnah ka awm " tiin ka dah nghal,theihse chuan a nunna hial ka la tawh mai thei . Mahse a hmel ka hmuh a piangin ka theilo ziah,min control vek nimaiin ka hria,rei vaklo hnuah kawrlum nen a rawn chhuak,a hmelah engmah a lang lo va ,ka mitah a melh kar bawk . A mitmu hring nghalhin min en reng tawh hi chuan mipa mah ni ila ka danglam ziah thin.







“ Enge i duh " a rawn tihmak,ka kut chuan a hmai chu ka vuan “ Nangmah " ka tihrual chuan rum zetin min melh “ Ka hmu duh lo che min thlah nghal rawh " tal chhuah tumin a che nghal phat,a kawngah kuahin ka taksa ah ka pawm bet,ka taksa a dai rual chiah chuan ka hahdam nghal suai suai “Ka ngaih tawh zia che hi i hria em? I rim leh i engkim hi ka ngai " tiin a nghawng chu ka nul dan dan ,a ding a a ngawi reng ringawt






Ka ngaih tha lo chuan ka en ,a mittui tla ka hmuh chuan ka hruksak “ Daniel min kal tir rawh,khawngaihin ka nu nen kan hmaah lo lang tawh suh" a rawn ti tiau,Chu thil chu khawvela ka thil harsa tih ber a ni . Ka kal tir theih ka ringlo,chubakah ka nau thih dan dik tak ka hriat hma chu “ Nilo e ,i nunah ka lo la lang dawn chauh,min lo nghak reng ang che " tiin a hmui fawh nuam em em ah chuan ka fawp nghal vawng vawng .








A mittui luang ngiai ngiai reng chu ka tuai fai leh zauh va “ Tap tawh suh,ka rawn let leh hunah chuan engkim a danglam tawh mai thei " ka thusawi avang chuan min rawn en ha ,ka lo nuih suk ringawt ,a hmuia chuan ka fawp leh vang vang .


(KA CHAU VE TAWH HLE MAICLICK LEH COMMENT KHA MIN LO TIHSAK LEH ULA AW )

[mawitei bawihtlung]

ZAWMNA



“ Tinge engkim a danglam ang " ti a min zawhna chu chhan har ka ti hle ” A chhan chu i pa lem ang ni lovin i mipa angin ka rawn let tawh dawn vang mawle " a mak ti hmel chu enin ka nuih,a chunga ka thil tih avang hian hrehawm tih chang chu nei mah ila ka nau chunga an thil tih khan huatna min pe leh ziah thin ,a hmuiah chuan ka fawp leh nghal,min lo chhan ve avang chuan a aia duhthawh chuan ka fawp sauh sauha .








“ De a diklo " tiin ka fawhna a ta chu awmsawnin min kalsan tum chuan a in her nghal zat “ Enge diklo Teddy" a hmui chu ka nul thuak thuak “ Bialnu nei lai ini a keipawhin ka nei bawk ,ka hmuh leh tawh loh che ka beisei i laka ka lo awmdan thin avang khan min hrethiam dawn a nia ,tunah chuan nun pangngai tak ve ve zawh tum zawk ang ,nang leh keichu a rem dawn lo " tiin a mittui chu a hru zauh ,Zuali kha ka bialnu emaw a nih a ti tih ka hailo.








Chutih rualin sawifiah ka tum chuang lo bawk,ka let leh hunah chuan heiai nasa hian ka bei tawh anga,min hlat leh tawh hek lovang . “ Mangtha le" a hnunglam atang chuan ka en reng .







“ I lo haw tawh maw ?" ka hna ka kal leh chu ka thawhpui te ho chuan min lo lawm nghal hle ,ka tihtur tul ka en mawlh mawlh “ Hei hi a nia i client tur an pa in a uiresan a ,an sum velah an buai a nih hmel,chuan hei hi thla tawp lamah khian ani thunga ,tualthattu ah puh a ni " tiin lehkha pahnih chu min rawn pe , ka bu nghat . Nili hnuah Mizoram ka thleng ve leh ta hram e ,ka mit chu ka chhing vang vang,ka hna hi a hahthlakin ngaihtuahna hman ngai tak a ni a ,mahse ka ngaihtuahna ah erawh ka kalsan tak ka mi huat ber leh ka rilru luah reng tu nisi bulah a awm thung a.








Ka nau thlalak chu ka en leh vang vang,a tet te atangin ka enkawl a ,ka duat in ka ngaihsak bawk ,mahse New York a a zirna a zawm duh tlat avang khan ka kaltir ta kha a nia ,tunah chuan a nun chu ka venhim theih tawhloh in a awm tawh thung a ,engkim hi Zonuntluangi vang a ni bawk . Ka nau in a kawm a ,a rin em em hnu ah a nunzawng zawng phawrh sakin a ti mualpho zui a ,tunah Angel ang maia nunnem hmela a awm ka hmuh chang hi chuan insum theilo a ka khawih mai ka hlau thin.








“ De" dawhkan chu ka chum chawrh “ Khatiangin min ko suh Zuali ka hrilh ngun tawh che ,khatianga min koh theihna dan i neilo " tihrawkin ka office a a rawn lut chu ka melh ngur “ Engvang chuan khanu pawh khan a ko thei che a ,engvanga ko theilo che nge ka nih " ka tho chhuak a ,ka kut ka vai nghal hluk “ A chhan chu khanu kha ini lo ,i hria em ? Khanu chiah khan min ko thei chhuak rawh hna ka thawh a ngai,chuan nidangah pawh rawn kal tawh lovang che ka office a ka awm lai chuan ka client te lo chu inleng neih ka duhlo " tihmukin tukverh lamah chuan ka phei a .







“ Daniel ka haw takzet che ,an mahni nen in inhriat theihnan ka pui che a ,a nu nen in inhmelhriat theih nan hma ka la a ,tunah heti hian min ti leh si a maw ,ka u in hria se a duh hauh lovang" ka melh hrawk “ I u in hria se chuan a nau in a bialpa a duh ve tih a hriat rualin a hnawt chhuak ang che . Tin naktukah a rawn haw dawn a ,i u thinrim i duh loh chuan ka hmaah rawn lang tawh suh" tiin darthlalang lam bawk chu ka melh leh a,a chhuah hnu chuan ka thaw chhuak ham ham .








Ni e Bethsy hi ka tet te atanga ka thian leh ka bialnu a ni a ,a nilo ka ngaihtuah a thiang tawh lo,ka nau ka chan laia min hnem tu ber a ni bawk . Kha Zonuntluangi erawh kha chuan ka chhungkua min laksak a ni .




ZONUNTLUANGI POV....






“ Mely tinge tunlai hi i dang riau,i pa thar lah kha i pa a lo nileh mang bawk silo,i nu pawhin thudik hrilh ve nghal mai tur che hi a nia , Mizoram ah chawlh hman pahin haw lawk kan tuma lo tel ve ta che " Diki chu ka en ,ka thaw hak . Daniela thlakhat dawn ka hmu tawh lo a ,ka ngai em em reng hi ka inhua a nichuan ngaihtuah pawh min ngaihtuah awm tawp silo ” Ka hrelo,ka zin lai khan miin min en duh in min sel nasa thei lutuka a nuam lo " ka tisap .






“ A ho lutuk mi sawisel hi chu kan hnamzia ah ngai hmak rawh ,keini hnam hi chu kan ram chhungte ah chiah hian kan tawng thei a lawm,chu chu tunlai mizo te mizia ve reng a nia ,mipa pa hi an tawngtheiin sawisel tur an hre thei zawk emaw tih tur in WhatsApp leh Facebook, Instagram lam thlengin hmeichhia ai mipa an tawng tam tawh,a tur ve rengah ngai rawh . Keini pawh min rel tho alawm,ngaiah neih tawp ila engah mah kan ngaih duh loh chuan min sawi min sawi mahse enge pawi .








An thawh chhuah leh an zirtir a seilian pawh kan nilo va ,kan duh duh danin kan awm ve tur a lawm,sawisel tur an hmu thei lutuk te hi fak tlak an ni zawk a lawm. Chutih rualin mi min sawiselna te hi chaknan hmang hlauh ila,hnungchhawn in beng chhi ngawng ila engmah an sawi thui peih tak taklo,chubakah milar ah min siam zawk a lawm,kan chanchin an sawi an sawi tawh hi chuan kan lar hle ah ngai tawp rawh" a tihchuan ka nui hak .







“ Ka pi leh pu bakah ka nu ka lo rawn dawn a nia " ka tihchuan min pawm vakin “ An phal ngei ngei tur ani,ka haw khat tawh sia , social media atang bak loh kan ram chanchin ka hre biklo va ,kan ram mipa te chu tawngtheih lamah eng tiang in nge an lo san tawh te kan en ang chu,mipa nih aia mipe nih thlang te chu kan en ve reng reng ang chu,chutih rualin mipa thenkhat erawh hi chuan lung an dum leh viau,mahsela a tlangpui thu in tunlai kan mizo mipa te hi chu an tawng thei tawh mah mah a ni . Ngawi renga awm ai in mi sawisel an in tih hmuh an tihkha .







Chung te chu a hmun ngeiah kan en ve bawk ang chu" nui hak hak chungin a tileh,ka nuih pui ve tawp ,ni e mizo mipa zawng zawng chu ka ti ngamlo,mahsela kan tunlai nun kal zelah hian thiamna leh finna pun rualin tawng theih kan in tih hmuh nge maw ni,social media hi a tha zawng leh fin nana hman tum lova ,tawng theih leh mi nun sawi chhiat nana hmang daih hi kan tam ta viau a,kan ram that zawkna tur leh kan ram mawina tur te zawn nan hian hmang zawk hlauh ila tha tur .








Mi ramin kan thil post leh sawite hi an hmu ve vek a ,a zawng zawng hian hrelo mahse mizo tawng thenkhat thiam ve nial nual hi an tam hle tawh a ,pic nen video nen lama kan in post sak hian kan ram kan timual pho zel zawk tih hi hriat a tha a sin mawle ,“ Ka haw phawt ange aw " ka bu nghat . Zin ta ila Daniela ka hmuh chuan engtin emaw ka buai leh vek anga ka duh loh dan dan in ka awm ang tih ka hlau ,ka awmna tukverh atang chuan khawpui chhung motor tlan zut zut chu ka en vang vang,ka pute office ah kan leng a .







Tih tur kan hre leh chuang silo,ka phone chu ka en vang vang,a message ka la beisei fo chu a nisia , Xavier-a lakah pawh ka inthlahrung tawh ,a ni in min ngaihtuah em em laiin kei erawh in min ngaihtuah ve ngai miahlo tu zawk ka ngaihtuahin ka la thlahlel fo chu a nia ,ka nun hi engtiang chiahin nge ka hman ve ang le ? He ka nun hrehawm tak hi engtin nge a la kal ang,ka hmalam ah hian engin nge min hmuak ang le ,thimna in nge eng lam hian min hmuak ang.






Engmah ka hre silo,ka thinlungah hian khawharna thuk tak a awm a,chu ka khawharna pawh chu ka hriat thiam phak baka ril a ni leh zel a ,a changin hlimna ka tawng a ,ka tap leh a ka hriat thiam loh hian ka nun hi keimah ngeiin khel mualah ka chan nimai hian ka hria ,ka nun hi playground ah ka siam a ,chu mi chhungah chuan tu emaw chuan game pawh a lo khel thei reng tih hrelo in a duh ang a a chet theih nan hun ka la hawn tang tang chu a nia ,he duhna hi chu a va han â tak em.







Duh let velo tu a duh in a nghak tang tang a ,thinlung mawl tak a nih hi .





(MONDAY ZANAH DAMA ,KA HMAN BAWK CHUAN CHAPTER 8 A AWM ANG AW )

[mawitei bawihtlung]

KA PAHRAWN





CHAPTER 8






“ Awi kum 5 hnuah Mizoram ka let vawikhatna a nibawk a ,che hrep ang u aw " Pekpeki chuan thlawhna atanga kan chhuah rual chuan a au chhuak nghal “ Tiru kal ang u,Mely nang chu kan bulah i awm ang ,Nadini leh Pekpeki chuan kan awmna an hre dawn tho va ,an duh duh danin awm rawh se ,saw ka nute " tiin Diktei chuan min kai nghal dawt dawt . Ka zui mawl ve tawp a , Mizoram pawh ka hmu lo rei ta hle mai,kum 16 ka nih kha ka hmuh hnuhnun ber a ni .








“ Bawihi in lo tluang maw " Diktei nu leh pa nen chuan kan inchibai a ,an nelawm hmel hle “ In awmna te chu enge a an ,kan fanu hnen atangin i chanchin kan lo hre ve thin a ,i hmel a tha hle mai " an tihchuan lai zetin ka nui ringawt,car lam chu panin kan inhlang lut sap sap a ,kan tlan chhuah hnu chuan thaw ham hamin ka kut chu ka sik neuh neuh, Daniela kha a awm ve ngei dawn a ,mahse kan in hmu kher lo thei bawk. Min hmu ta se engtin nge a awm ang.








Mahse vawikhat pawh min rawn be lovin a awm thei a nia ,enge keihian ka beisei ve vak ni ? Aizawl kan lut a ,ka hawikual ruai ka kal hnuhnun ber ai kha chuan tlemin thil a lo danglam tawh a nih hmel ,Diktei te in kan thlen chuan awm thei ve tawk tak an ni tih ka hre thei . Ni e America lama lehkha zir thei tur khawpa nei an ni ve miau a , “ Lo kal rawh ka room bul chiahah room ruak kan neia tah chuan i awm dawn a nia " tiin inchhung lamah chuan min kai lut dawr dawr ,an awmpui te ni awm tak hmeichhe pahnih hian kan bungrua chu an buaipui a .








Diktei chu ka zui ve tawp ringawt,ka room tur a an tihchu ka en kual,a zau tha ve hle . Ka thawmhmaw an rawn dah luh chu remin ka intifai zui a ,motor tlan thawm leh bike ring taka tlan ri chuan ka lu an tina hlui mai , New York ah kha chuan hetiang em em in kawngpui a bengchheng ngailo va ,inchhunga awm phei chuan thawm a hriat vak loh hrim hrim a ,hmun reha ka awm than vang nge chutia kawng an maia awm chu a hrehawm hle dawn hian ka hria .








Ka nu te bia in kan thlen tluan thu ka hrilh a ,ani erawhin awm reilo turin min chah mawlh mawlh ,ni e keipawhin awm rei ka tum lo,a chhan chu ka nu chhungte hian kei leh ka nu hi min haw hle a . Buaina chhuah hma in keipawhin let vat ka duh,ka pu ber hian ka nu unau te fuih pawrhin min haw hlawm em em a,ka nu in min pai tih an hriat tirh phei chuan min thah dan tur ruahmanin ka nu eiturah nau tih tlakna damdawi telh an tum hial a .








Mahse ka nu chu ka pa in a lo tlanchhiatpui hman hlauh a ,chuvanga keipawh hi piang thei ka ni . Phone ka dah hnu chuan room ka chhuahsan a ,eitur an lo siam mawlh mawlh “ Lo kal rawh chaw ei nghal ang u ,in rawn kalna a thui si in ril a tam tawh ngawtin ka ring ,lo thu rawh u " anu chuan a rawn tinghal zung zung,chaw eilai pawh chuan ka tawng vaklo,Diktei thusawi chu kan ngaithla thap ringawt “ Naktukah kan bazar nghal dawn a nia ,kar hnih vel bak kan awm thei dawn silova .







Chuvang chuan kan hman lai hian bazar hmasa ber ang " tiin chaw chu a bar nghal tawn tawn ,ka nuih hak . Zan ah ka roomah a rawn mu a,kan titi melh melh “ Teh i pa anga rawn awm kha a haw tawh a ni lawm ni ,an sawi dan chuan lawyer tha lutuk an ti a sin, India ah chuan a lar ber hial ang . A mah rawih tuma pan hi an tam thin lutuk an tia,amah a hmeltha in a chhelo a ,a pa bawk nen mi perfect lutuk tiin hmeichhe ho chuan an sawi thin " tiin a kut chu a vai pah ka lo nui ringawt.








“ An sawi dan chuan tunah hian doctor hmeichhia hmeltha zet nen an in ngaizawng an tia,an tette atanga in kawm a chuta tanga in ngaizawng an ni awm e " a tihchuan ka phu zawk,anihchuan khang ka bula a thusawi te ,min thlakhlelh thu a sawi zawng zawng te kha dawt vek an ni tih na animaw? Ka thiannu lah chuan ka thinlung rum vawng vawng hrelo lekin a sawi zawm mawlh mawlh “ I nu kha a thlang zawk emaw ka lo tia,mahse a lo nileh lo a nih hi .







Amak e " a thusawi chu za lo zetin ka nuihpui ringawt,ka thika ka na bawk . He rama a hawn dawn te a a thusawi te kha a tak nge dawt engmah ka hrethiam tawh lo . Ka lung chu ka dawm,â zetin ka mutpui a ,inchhir a sawt tawh mawlh silo. Ni e nupui pasal neih hma a mipat hmeichhiatna hman hi a lo tha lo takzet,mipa in min neih duh leh loh phei chuan hmeichhe tan chuan kumkhua a natna leh zahna min thlen tu tur a ni,tumahin hrelo mahse keimah ni a a bet renga .






Kan nat rengna tur thil a ni tawh thin,chuvang chuan hmeichhia te hian kan pasal tur tan chauh i inserh hram hram ang u,kan tleirawl lai ngaihzawng te hi kan pasal tur an ni vek kherlo tih hre theuh ila. Kan ngaihzawng an nih vang ngawt te hian tu mah mutpui ngawt loh tur ,chutilo zawng keimah ang hian na tak leh inchhir siin in awm anga,hun koh kir leh duh mah ula a theih tawh loh . Mualpho tawh chuan tihreh nan pawisa engzat atam pawh nei mahla a tihreh theih ngailoh .







Tleirawl lai hmangaihna hi chu a lo dal lutuk,nun hi a tawi ti tan chuan tawi tak a ni,nun zahawm leh nuam tak nei tan chuan nun hi a tawi a ,mahse mualphona leh natna nen chuan nun hi a lo sei duh em a sin,kan vawikhat tihsual hian hmeichhia chu kumkhua in sernung min siam sak thei ,chuvang chuan i thianghlimna kha i pasal neih zan ngei atan khek hram ang che . Keipawh tunah chuan ka ngaihtuahna lo tawi luatah ka duhloh thil tawngin,min duh em pawh chiang lo mipa lakah ka lo in phal a .







A tawpah chuan ngaihsak zui loh a kalsan chiah ka ni,he ka ser keimah ngei in a ka insiam hi ka taksa ah a bet reng tawh dawn tih ka hriatna hian min tina in inchhirna nasa tak min pe a ni . Ka thiannu mutthilh hnu pawh chuan ka muhil theilo,ka phone chu phawrhin WhatsApp ah ka lut a ,a dp chu ka thlir reng ” De min bum tiraw ,tinge awlsam taka ka lo mutpui kher che le ,ka dawn tawi na chu nangin i tisa chakna phuhhruk nan ilo hmang reng si a " ka mittui tla tur chu ka khap let sak sak.









Mizoram a ka awm chhung hi chuan hmuh loh hram ka duh ,ka hmu a nihchuan insum zo lo a ka pan mai ka hlau a ni . Bazar turin kan chhuak a ,mipui leh lirthei tam lutuk chuan min tikalsawt lo hle, New York ah kha chuan zalen taka kan kal zung zung theih laiin hetah erawh in hnawh tawlh tawlh a ngai reng a ,ka ning phian “ Pekpeki te phone ang ,rawn kal ve rawh se KFC ah te kal ang u " tiin a phone a phawrh a,kei erawhin thil zuar ho chu ka en ,an au lang lang te chu ka thlir reng,ka nui var var bawk .








An taima ka ti,kei chu thil zawrh lam hi ka tih theih ka ring lo ,ka hmuh zawng ringawt pawhin a hahthlakin ka zak sa ,“ Kal ang sawtah kan inhmu khawm dawn a nihchu" tiin min kalpui hlawk hlawk , lipstick leh nail polish vel chu kan en ,kei erawhin ka inhnawih ngailoh avangin ka ngaihsak em em lo “ Awi an inhmeh e ,hmanni lawk a an rawn lar hluai tawh kha ,an innei dawn tiin a hmeichhia lah milian chhungkua atanga chawr chhuak tih takah a hmelthat zia saw .







Kan bula mite thusawina lam chu enin ka hawi phei a ,chuta ka mi hmuhte pahnih avang chuan ka perfume ken lai chu ka thlauh a ,a keh nghal chuai “ Awi kan tihpalh lutuk,Aman zat ang chu kan pe ang che " Diktei chuan min en ha chungin a zuar tupa hnenah chuan a timawlh mawlh,kan thawm rinuaih avang chuan Daniela te pahnih pawh chu an rawn hawi phei , Daniela chu a meng nghal kawk,chutah kan lam pan chuan a rawn pen ta mai .






Rang zetin perfume zuartu chu pawisa pe in Diktei chu ka kalsawn pui nghal hlawk hlawk,min rawn umzui tih ka hailo,mipui karah chuan kun chungin ka kalpui zel . A tawpah in pakhat kawmkarah chuan luh puiin ka kut chuan bengchheng lo turin ka ti nghal ,reivak lo hnuah Daniela chu ka hmu,a hawi kual ruai ruai mai ,a tukkhum dawmin a thaw chhuak leh hak thin chu mittui tling pamin ka en reng.







Ka tah chhuah hawk loh nan ka insum hram hram a ni,a phone a phawrh a ,mi call a tuma ka rin avang chuan ka phone chu ka silent vat. Ka rin ang ngeiin min phone ngei,ka phone chu ka switch off zui hmak,beidawng zeta a kalsawn hnu chuan ka thu thla hnawk . Diktei mak tiin min en reng pawh chu ka be theilo “ Zo tinge ani nen khan boruak in nei em ni? Min hrilh teh,ngatinge i tah " tiin min en reng.







Insut chungin ka lu ka thing nawk nawk “ Engmah min zawt suh,ani kha hmuh leh ka duh tawhlo " tiin ka tap zui leh ,ka thik lo emaw ka ti a ,mahse ka thik lutuk khatianga hmeichhe dang bula a nuih ang khan ka bula a awm chhung khan a nui ve ngailo,Chu ai chuan huatna mitmeng min hmuh thin a nihkha . Engtin nge ka ta ni ngai miahlo tur mipa ka lo duh theih,ka chhiat vek na tur khawpin ka lo duh hman lehnghal .








Khatianga hmeichhe dang bula a awm ka hmuh chiah khan ka lung hi vih ang maiin a na a ni,khatiang anga mawi tak khan ka bulah nui ve se ka ti,mahse a thleng tawh ngai lovang ,Diktei chuan tihngaihna hrelo zetin min kuah ringawt “ I duh tiraw " a tihpawh chu ka chhang lo,a hrethiam vek tho vang,Nadini te chu phone in kan awmna lai a hrilh a ,an ni pawh rei vaklo hnuah thaw hlawp hlawpin an rawn thleng.







Keipawh chuan ka mittui te chu ka hru zung zung “ Eng thil nge Zo i tha em" an tihchuan nuih hakin “ Ka mitah thil a lut palh a , hei kan lo buaipui a lawm mawle ,kal ang u ka ril atam lutuk" ka tihchuan kan kal tlang ta dial,taxi la in KFC lam chu kan pan a ,kan luh lai chuan a chhunga awm ho chuan min lo en duh leh hle,ni e bazarah pawh khan min en duh hlawm hle a nihkha “ Awi sap a nih hi,a hmelthat reuh zia saw a mit rawng saw ka awt lutuk" an thusawi chu kan hre pha ,ka thiante pathum lah chuan mit hmul kan akin min nghawk zauh zauh lehnghal.








A then chuan thla min rawn lakpui a,tha tak chuan ka lo dawh ve mai,mipa tleirawl rual ka lakpui tam ber ,an post leh ngeiin ka ring . Eitur chahin,arbawp leh burger vel kan chah a, in tur kan chah tel bawk a ,kan ei hnem hlawm hle . Haw pahin spicy zan lama chhum tur Diktei nen chuan kan lei dun a ,infiam chungin inchhungah kan tlanlut a ,kan rak chul mai Nu Thangtei te pawh an lo nui ve hak hak ,ka room a ka luh hnuah ka phone ka on a , missed call leh message a rawn lut nghal zut zut.







Daniela hnen atang vek ala ni leh nghal “ Teddy phone la hram teh " tih vel a ni nawk hlawm . Ka ner nang nang, a message chu ka delete vek ,tenawm lutuk a duh duh danin awm rawh se ka hnaih leh tawh hauh lovang ,amah avanga nat ka duh leh tawhlo . Bul kan tan lo chung pawhin hetiang khawpin ka na a nia ,lo in ngaizawng phei ila chuan hei ai daiha ka nat ka ring,chaw eilai chuan nu Thangtei chuan kan vahchhuahna chanchin min zawt a ,keipawhin nuam ka tih thu vel chu ka hrilh mawlh mawlh.








Ka mut hmunah chuan ka in ngaihtuah melh melh,ka kal na hmun apianga ka ken thin ka pa thi min pek chu humin ka mit ka chhing “ Pa min hua em,i fanu hian thil sual tak ka ti a ni. Pa ka va mamawh tak che em,eng tin nge ka kal zel dawn ,ka kawng tur ka bo a ni pa,ka nu hi ka hrilh ngam a ngem ka hrelo,nilo ka hrilh thei lovang kut min thlak duh hial ang chu " tiin ka phun chhuak sap,room tukverh atanga thla eng rawn in khawh lut chu ka en reng .






Ka phone ka off tlat avangin Daniela ka biak na tur lak atangin ka inthiar fihlim theih phah a ,ka lawm hle ,chuti lo zawng ka la lo thei dawn silo va ,a thusawi tur ka ngaithla ngam hauh lovang le .





(COMMENT LEH CLICK HI MIN PEK SAK VE HRAM HRAM ULA AW , IN COMMENT A TLEM LUTUK HI CHUAN HNUAL VE RIAU ZEL A NIA ,TAIMA HRAM HRAM ANG U AW )

[mawitei bawihtlung]

KA PAHRAWN






CHAPTER 9







Inah kan awm a ,tv en in thil kan ei pah mial mial,kan spicy lei kha kan chhum a ,mittui tla phungin kan ei ,ka si hliam hliam “ Awi Zo a tui tiraw " a hnap a sut pah,kan nui dun hak hak “ Tui lutuk" tiin kan in ei siak,kan mittui a tla deuh phung,a souce kan telh tam em bawk a ni . Chutia kan awm lai chuan kawngka a rawn ri karh karh “ Ka va hawng ange " Nunpuii chuan tiin a pan nghal ,keini erawh kan ei ngai bawk chu kan ei a .









“ U Dikte mipa lian deuh mai a lo kal" Nunpuii thusawi avang chuan kan inmelh haw “ I bialpa aniang" ka tihchuan ner nawngin min en “ A teuhlo bialpa ka neilo,thian pawh " a tihchuan rang zetin kan tho dun a ,kawngka lam chu kan pan in kan tlan phei “ Tunge" ka tawp nghal chawih,tlan let tumin ka inher ka kutah rawn manin min pawt let lawp,ka thil thak ei nen ka insut pah “ Enge i hriata min thlah teh " tiin ka tal nawk nawk ,ani lahin a awm ah min kuah bet tlat bawk si








Diktei leh Nunpuii te chuan min en thap ringawt “ Lalduhawm min thlah rawh midang an awm hi " si hliam hliam chungin ka ti,ka tawng dik theihloh laia a rawn kal chu ka ngei hle “ Aih engvanga khatianga awm nge i nih" ka biangah a rawn dawm,chiang zetin min en , ka hnap tui chhuak tur chu rang lutuk in ka sut lut ,a rawn nui deuh suk,ka hmui bul chetah a hnar a rawn dah “ Spicy maw " tiin a khabe a tuai zauh,ngei zetin ka melh a ,talchhuah ka la tum tang tang .








Diktei chu enin “ Vawiin chu tlangvalin ka rawn rim ang cheu chu,mikhual hmeltha tak i nei si a " a tihchuan Diktei chu ang phiauin a lo bu nghat “ Daniel Lalduhawm enge i hriat,min thlah la chuan min kal tir nghal rawh . Helai atang hian chhuak bawk la " ka ti deuh tuar ,ner deuh nawkin inchhung ah chuan min kai lut “ In hmuh loh chhungin mi vin dan ilo thiam thar animaw " tiin sofa ah chuan a thu thla . Diktei nen chuan kan en tawp ,awmpui te pahnih Nunpuii leh Faktei pawhin an en ve tawp “ Lawyer lar deuh kha i ni tiraw ,thla liam ta mai a tualthattu a an puh pawh i chhanhim leh kha .








Awi thla min lo lakpui ve " Nunpuii chuan a ti hliai , an lakpui nghal zat . Diktei pawh banglo an be bawrh bawrh a ,an bawh ti tih; kei erawh ka tum hmak “ I hmeltha in i pa lutuk an tia,ani tak tak a nih hi ,awi a nuam e ka ngaisang lutuk che i van fel ,mi thenkhat in duh duh nen,kan tunlai milar edit chawpa zaithiam ho mah an induh nen nang chu mi sawi ang vek i ni chungin i induh miahlo a " Faktei chuan a tizat zat,Daniela chu a nui reng ringawt “ In thiannu hi biak fal lawk ka ngai a ,chuti lo chu min bihruksan leh palh ang.







In room kan lo hmang lawk ang chu " Diktei en pah chuan a tisup “ Aw a ma room bik a awm a lawm" ka khap hma hma in Diktei chuan alo tinghal vara ,ka ngei hle . A nilahin lei min la chhuah khum zui “ Nang nen sawi dun tur kan neilo,ka hmelhriat satliah ve mai i nihkha ,i bialnu bulah khan va kal la a tawk ,min rawn tibuai suh " tiin kan spicy eina vel chu ka seng fel mawlh mawlh “ Teddy" ka hnungah a rawn ding,ka thiannu leh awmpui te pahnih chu veranda ah an lo va chhuak daih tawh chu niin .









” Min hnaih suh " tiin ka tawlhsawn san a ,mit tizim san chuan min en reng “ Nimin khan" ka beng ka hup nghal “ Engmah sawi tawh suh i ka atanga chhuak reng reng hi dawt bak a ni lo ,min chhuahsan rawh" ka ti deuh that ,ka kut rawn vawn a tum chu awmsawnin ka insiam tha “ Hmuh leh che ka tum tawhlo,ka hmaah rawn in lan suh,hei hi i hmu em" ka kuttum chu ka hmuh ,mit kan awkin min en,ka hnek nghal thuai ” Kha kha phuba a nihkha ,chhuak nghal rawh " tiin kawngka lam chu ka kawk.








A mitmenga mak tihna chu ka hmuh hmaih lo ,a biang chu a tuai zauh a ,min rawn en in za lo zetin a nui hak . Ka lamah a rawn tawlh hnai “ Nang hi ka ta inih thu helaia mi te hian hre ve se i ti em? Ka hrilh nghal zawk dawn em ni Teddy " “ Duhtawk rawh! Engvanga ka nun hi infiam nana hmang nge i nih,enge kei hian ka tihsual hetianga min fiam kual lo hian i duh chu sawi la ,anihloh chuan ka nun hi la mai ta che " ka ti tuar ,ka mittui tlak tum ve sek chu ning lutukin ka hru tawk .









“ Engmah i hrethiamlo biak che ka duh ka timai a nilawm ni? Tin nimina i hmeichhe hmuh nen khan kan inkarah engmah a awm tawhlo " ka nuih hak,nuihzat vang pawh nilo in ka nui lui uar uar a ,min en reng tih ka hailo “ A lo nimaw a nihchuan henglai mi zozai hian dawt an sawi tih na em ni? Ropui lutuk,i bialnu chu i bum a hmeichhe dang bulah dawt sawi nan i bialnu a nihloh thu i sawi leh vel a maw! Tenawm lutuk hian a ,min rawn hnaih tawh suh.








Chuan tun bak loh hi chu i hmel pawh hmuh leh ka duh tawhlo Daniel Lalduhawm,i hmel hian ka luak a tichhuak takzet ,ka hmuh theihah rawn in lan tawh suh " a hmela beidawnna chu in tihnem tir mai lo turin ka in fuih hram hram a ni . “ Ka theilo ,i hlatah ka awm dawn lo ka tih tawh kha ,ka nunah hmeichhe pahnih an awm i duh lo va ,tinge pakhat kalsana pakhat ka pan chu a theihloh em ni? A ni bula ka kal chu i duh takzet maw " ka biang a rawn nul .







Ka hmuiah chuan khawih in min kuah bet ,a sam sei deuh chuan ka hmai vel a rawn hawlh za nar nar “ Ka duh che " a rawn tisup chu ka en chho kar “ Dawt " tiin hawisawn tumin ka che ,ka biangah a dawm bet ,ka hmuiah chuan na zetin a rawn fawp ,ka tal na sauh ,ka kawng ah chuan dawmin dam raih in min fawp tawh a ,ka talna kut chu kan taksa inkarah a dah hmak “ Ehem!" ka awmsawn dawrh ,Diktei chu nasa zetin a nui.







Ka zak leh thinrim bawk si chu Lalduhawma chu ka namsawn lawp “ Haw rawh ka mamawh lo che " tiin sofa ah chuan ka thu thla dat “ Ka lo kal leh ang,chuan ka rualin New York-ah pawh let ang cheu,anih aw " tiin Diktei zawk chu a en a ,a ni pawhin phur em em in a lo la chhang zui,ka ngei hle . Amah avanga ka tawrhna a haider te hi ka haw zual ,a chhuah hnu chuan Diktei chu ka hau char char “ I duh a nihchuan vawn tlat tum zawk ta che,midang bulah kal tir pawh nila i nat ngai rengin i na ang.







Chu ai chuan i bula awm a duh anihchuan awm tir mai rawh . Ngaihsak miah lo che se nuam iti leh chuang lo vang ,kan duh tak tak te hi chu nunrawng takin vawn luih tlat zawk tur ,midang bula an awm lai hmuh chuan keimah ni zawk kan na deuh deuh,Chu ai chuan a harsa tichung pawha vawn tlat mai tur " a thusawi chu ka en reng ringawt . Engmah hi a hrethiam lo,ni e ka awmdan ang hrethiam tur hi chuan ala tawng ve lo pawh a ni ang,keichuan thil chiang lo ah risk lak ka duh tawh lo .







Inzawmna nghet neih hma hauha ka nat pui tawh chu inzawmna nghet nei ta ila hei ai ka kehchhe thei reng a ni .

ZAWM LEH TUR

ZIAKTU NOTE: Tunlai chu lo lam feh leh KTP conference ka inbuatsaih ve angaia ka chau lutuk nen duh angin type na hun ka neilo a ,zan dar 9 hnulam zel ah ka type chawp thina min hre thiam ru aw