REWRITE THE STAR (BYG S-2) By Bearr Chhakchhuak (Completed)

[Ngaia]

CHAPTER-31




"I mawl ami? ka hlauh zia kha vawikhatmah tiang khan ti tawh suh" Hmun leh hmun ah chuan ka vin hrep, Ka ni leh Pa Maruata te nen zawng zawng a awm ho chuan min en thap a chupa lah chu a la nui kerh kerh zui!







"Mawl bik miahlo, i dawih reuh siah" min la ti ve khanglang a ka haw reuh tak tak ani, Zaii kawngpui a thu deuh tawp chu an kai tho a Pa Maruata chuan a hliam nat em em loh thu a sawi a, Rinmawia leh midang chuan an kal pui a keini pathum chuan an kal liam thleng kan en zui







"Engtin nge hmeichhia te an zing ah khan a tel theih a? Zan a rei dawn tan lehnghal" Ka ni chuan luh pah in a ti a, step chhoh dawn a chhuat ah ka phone lo awm chu ka chhar vat a Johan-a ka biak laiin ka thlauh a a thim zui daih kha ania, min ngaihtuah ngawt ang







"Leng ho te pawh an ni mai thei ani" Pa Maruata chuan ati a, kan pathum in inchung ah kan chho a mahni room theuh ah chuan kan lut a, ka phone chu khum ah ka thutchilh nghal deuh tawp,tih en tum in ka bei nghal ngar ngar a en theihloh vaih chuan a buai zo vek ani mai








"Awi..!! ka lawm lutuk! " tiin ka phone rawn eng leh mai chu ka thaw chhuak hawk a ka let nghal tawp, Johan-a ka call lehnghal a in mangtha pangngai lo a tawp ta kha ania min ngaihtuah lutuk vangin ka phone ka tih en leh hma pawh khan min lo call a tum ngar ngar aniang, phone ka thlauh vangin a thim nghal daih tih te chu ka hrilh a







"Ka ngaihtuah lutuk che a lawm, rawn chhoh ka tum rum rum mai a" a aw ah pawh a hahdam loh zia a hriat theih " Eng thil nge i hlauh deuh kha? " a ti zui leh zat







"Thian ho an nia, an zing a pakhat mawl lutuk a lawm kan tukverh ah alo dak thut a " tiin ka ang nghal bawrh bawrh,ka thinrim âng bawrh bawrh chu dawhthei takin min loh ngaih thlak sak mial mial a, a tawp lam ah phei chuan ka thiannu Kimi ka ti ti pui ni hial ah ka in ngai, ka thinrim ve zia a hria a kan hmelhriat lem pawh nilo chu min rawn rel pui ve ngar ngar







Dar 12 dawn thleng kan inbia a, kan inbiak a ka hawi pah chuan Aron a lehkha min pek ka dahthat na bawm chu ka va melh fuh a helai ka thlen tirh atang in ka thlen tawh thu zu hrilh ve chu sawi loh biak tum na ka la nei miahlo tih ka hrechhuak a ka ti mah mah em aw ka ti ve lek lek, chutia ka ngaihtuah lai chuan Johan-a ham bai bai thawm chuan ka ngaihtuah na atangin min kai harh zawk







"Mu mu ti tawh rawh, i mutchhuak tawh anihkha keipawh class kal dawn chuan thawh hma angai a, bak ah a tlai tawh hrim hrim tiraw? " Ka tih chuan a nhi chhuak hawk a







"Um mu mu chu kan ti tawh ange,in a awm hian mut a chhuak hma thin anih dawn hi a!! E chuan zing ah i thawh vel ah min lo text la, oh nilo hun awl i neih apiang ah ani mai" a ti a, ka text ngei ngei tur thu hrilh in ka mangtha a, phone kan dah chu a reh nghal ruih a ka lungleng leh nghal tawh! Mut ka'n tum a a hnai lo mai ka mutchhuak a reh tawlh tawlh emaw tih mai tur ani








Ka insum thei ngang lo chuan phone ka la kang a Johan-a bawk ka call leh,kan in mangtha atangin a la rei vak lo a a la muhil lo em ang chu maw mahse, nichin ah khan a ham bui bui sia a mut a chhuah lai a lo va call leh kha a tlai tawh si tiin ka ngaihtuah kual leh vel a ka inthiam lo chuan ka off leh ringawt, bak ah a la mai silo a alo muhil hman tawh aniang, phone chu lukham hnuai ah ka nawr lut leh a mahse ka kham hnan chiah call ka dawng tih hriat takin a vibrate chuan min nghawr nghal dat dat,ka la chhuak leh vat a Johan-a ani mahse tun chu video call ani tlat






"Ehem ila muhil nange? Nge i mu theilo?zun zung in ka kal lawk a " tiin a in sawifiah lehnghal thlap






"Ka lungleng leh thut a, i mut a chhuak viau em? nangmah lo chu biak tur tun ang ah ka hre tawh silo a ka thiante an mu vek tawh awm sia" Inthlahrung thar deuh in ka ti a






"Chhuak viau lo e, ka meng thei a lawm ka men pui dawn che nia, mahse naktuk ah i tho theilo ange aw" tiin a nui suk a, in ngaizawng tan tir ang maiin ka awm a ka zak thar tlat, video call a kan inbiak vang te pawh ani zawk mai thei







"I mutchhuak chung chung chu meng duh suh mahse, i men luih dawn chuan ka be chak che " Zawi sap in ka ti a, ka be chak toh thu ka sawi chu lawm hmel deuhin a nui suk a







"Enge kan sawi ang? " a lu hiat nauhatta nauh pah in ati a,a ruih lem loh chuan a taang tam vak lo tih ka hria a tun ah pawh hian a rui lo aniang sawi tur a van tawh hmel emai keipawh in ka van viau tho







"Ka hre bik chiah lo, mi kan rel leh mai dawn mi? " atthlak zet chuan ka ti a,ngaihzawng te bul a heti em em a sawi tur tlachham dun keini ang hi an awm ve angem le aw







"I mu thei silo a ka zai sak mai dawn che ami? Mi rel chu a chi loh a tlai tawh" a ti leh a in en in kan nui chhuak hawk ringawt a can beidawn thlak tak! "Ka zaithiam lo a mahse ka zai thei ka tih tawh kha aw.. " tiin a then zui sak a, tun a a lai hmel that zia kha!






"Um zai rawh, i zaithiam tih ka hria a lawm , i duh duh hla sa la ka lo ngaithla ang" tiin ka mu rem nghal sauh sauh a






"I fa te PA tur hian zai in ka'n awi tak tak ang che" a tih chuan ka nui chhuak hawk a fiamthu ve peih sia maw,ruih loh a tawng tam viau lo si hian a fiamthu peih zek mai a, a tho a a guitar la in khum ah phone a kam a mah lang thei turin "eng hla nge ka sak ang? " tiin min zawt a








"Samuela chhangte i hria em? a hla sak zing ami kha i duh ber sa la.. a nih loh pawn nangman i duh zawng sa rawh" ka ti a,lo nghak tur a ti in a che vel chu ka en reng a a rui lo hmuh a nawm zia hi aw







"Um Samuela chu ka hria lawm a hla pawh ka ngaithla nual mai " tiin guitar chu a perh tan a,keipawn a zai hma atang hauh in theihpatawp a uluk in ka lo en ve "uhmm, khawvel sum tinreng leh lunghlu" a rawn ti daih a ka nuih za lutuk leh min thawng bawk si chu ka rak chhuak tep ani a va han za tak







"Duhtawk teh zanlai a nuih vak vak ka peih lo ani aw" ka tih chuan a khi suk duh chauh, nuih a in sum ve ngei a a nuih za ve tho tih ka hre reng si






"Ok kan zai tak tak tawh ange" Ati a, ka nuih za in sum chuan mittui tling pam in ka en, zan nilo se tenawm khawp a nuih vak vak ka chak e a




*Bawihte ka ngai em che
Thinlai ruk a hlim thei silo
A tun min hriat pui lo mahse
Dawnlungruk ah hian i cham reng si


Chhun ni a rei ka ti
Chutin zankhua pawh
Tiang em a di ngaih ka tawng ngai lo
Suihlung dam ten ka leng thiam lo
Ka ngai che,ka ngai em che*





A zai chu a uluk in intihsiak na a tel ang mai ani, a mood ah a chen hmel em em bawk a, a guitar perh lai te chuan Vanrammuana min ti hrechhuak lo theilo a che vel te chuan a mah bak hriatchhuah tir min neilo mahse,Johan-a tui tak a a zai chu en in Vanrammuana a an em em na te chu ngaih thah ka tum ngar ngar,a mah Johan-a anih na ah chauh rilru pek ka tum bawk







"I mut chu a chhuak tawh em? nge a dang ka sa leh dawn? " Tui tak a a zai ka ngaihthlak lai chuan a tawp thut a, ka lo meng dul pah deuh tawh chu ka'n in ti harh leh a "a chhuak tawh ani maw? um ti tak khan mu mu chu ti la " Ka lo meng dul tawh tih a rawn hre nghal chat aniang






"Awle, ka muttui tawh viau ang min meng pui a min zai sak bawk a ka lawm em em e aw" Tiin ka han in let rem pah a






"Kei deuh,midang biak tum lo a keimah min biak i duh ringawt pawh hi Khamsamida" tih pah in a nui seih a, pa in ro rum ve viau mahse tun zet kha chu a cute thlawt "i mut theihloh pawh in keimah chiah min be thin dawn nia, i tan chuan hun ka nei reng ang" a ti leh sap a







"Awle, anih muttui aw chuan, aaa... aaa ka hmangaih che" ka laih ve deuh vangin bah zet chuan ka ti a, a hmel tak phei chu ka sawi lai pawh in ka en lo in ka hre zawk







" Um nangpawh muttui le, Ka hmangaih che " tiin kan in thlah a, a chhuak tawh ngang ani rei pawh ka meng tawhlo ka muhil nghal siai siai



★



"Mate tukin chu thawh i hai ani maw? mahse a la tlai hran lo i pa Maruata hian kaih thawh hma che a ngailo ati tlat a i hmanhmawh ka rin vei nen" ka thawh tlai vang a inthlahrun laiin ka ni chuan alo ti a ka in thiamlo tak tak ani






" Um nizan khan ka mu mai theilo a, Ni tih ngai ala awm em? " mahni in diktak nilo na na na chu thawh tlai hlek chuan in thiamloh a na duh khawp mai, tih tur kan zawng zung zung mai a lawm mawle







"Awm lo e rawng ka bawl zo tawh a han in buatsaih nghal daih rawh Puipuia te unau ka lo siam ve anga in hman tlan ah chaw kan ei dawn nia" a ti a, ka in thiam lo tih tur lah awm lo ati tawh bawk si thil lian tham tih nan hun a awm lem tawh bawk silo








In chung lam ah chuan ka chho a,inbual in ka in siam sa vek a a ngai ang bawk in make-up tlem te chu ka in bel a, tun a ka make-up hman lai hi Johan-a te unau in a ka make-up an tih chhiat hnu a a thar min pek lehron kha ani nghe nghe a, ka in hnawih vel pah chuan Johan-a a unau ten chhe zet a an lo chei rang vak zan kha ka hrechhuak " Tuarpuii " ti sep in mahni chuan ka nui ka nui ringawt







Kan hman tlan hlawm hnu chuan chaw kan ei a, Pa Maruata a kal nghal vat a ka ni chuan Puipuia te unau an school ah a hruai a keipawh bus chang in midang zing ah ka ding ve ran tawh,ka din pui te chu kan college mi vek an ni na a tumah ka be leh chuang lo, phone ka khawih pah a tukin ka thawh kan rual a Johan-a ka massage na a la seen loh chu ka va en nawn leh a, nizan khan ka men pui leh hrep sia a la tho lo anih ka ring







"Ka rualin i kal duh mai em? " Tih leh ka bul a rawn ding chu ka lo en deuh hâw a,Rinmawia bawk! a mit ko san zuk in meizial a pet kawh nghal vâ







"Duh mai mai lo, min rawn be ve ziah suh" Tiin ka tawlh hla nghal hret a, nui hawk in a lu a bu nghal zauh, a kalsawn mai dawn emaw ka tih laiin a rawn tawlh hnai veleh ka va ning tak! "Kal sawn rawh, i ninawm" ka ti vin ta hlur a, ka sawi ang chiah chuan a la sawi ve zui







"Tiang chuan thian i siam theilo ang, i a reuh emai" tiin a meizial khu chu ka lam ah a rawn chhem phei a ka lo zap kiang nghal vat






"Nangpawh i a emai, tunge meizial khu in chhem khum ngai a? " ka ti ve hlak, bus alo thleng a a rang a rang in ka lut ve nghal






College kan thleng a Kimi emaw Tetea,Moses-a pawh a tu emaw ber hmuh in beisei na ka nei ringawt! Ka hawi kual vel ruai a mahse ka beisei na chuan lunglen na bak min thlen lo, class ka pan zui a nimin a ka thut na ah bawk chuan ka va thu leh a nimin a ka thut na bul a thu kha chu hmun dang ah a thu tawh a tun ah chuan midang an thu tawh








"Mi te i tlan san vel a an ru bo daih mai tur che asin" Johan-a a tho tawh aniang ka massage a rawn reply a ka en lai takin Rinmawia bawk kha alo kal leh tawh, phone bih in ka kun ngul a ka ngai pawimawh duhlo lui tlat "i tih dan chu leh, khatiang a min ignore zel chuan buaina in a la um pha vat ang che"








"Buaina tawh i duh loh chuan ka thiannu ah tang mai teh, i dawih ropui si ven ngei ngei i ngai dawn tih hi ka chiang sia maw" Tih leh ka bul chiah a rawn thut leh a rual a, duh dah zet a a thu chu en in a ni a rawn hawi ve chiah








"Khu i seat, zu thu rawh" Tiin kan hma chiah a thutna chu ka melh hmuh pah a, nimin ah khan ka seat ati vei anihkha thu rawh se,bak ah ka bul a thu ah pawh hian ka duhlo hrim hrim,min melh rawm rawm chu ngaihsak map lo in Johan-a ka reply lehnghal zat a








"I bialpa min chhan dan tur i zawt pah zel ami a? " tiin ka phone a rawn bih ve duk duk chu ka tawlh nghal zawt a rum lutuk in ka en nghal "i van sual reuh tak i net pack ka ti hek ami ka rawn en ve khan? " tiin a meng dur nghal khup








"Kal mai teh,i a ropui si " Ka tih chuan lei a chhua tet a, keichuan a awmdan ka ngaihsak hran lo mahse a in sawn lo anih ngat Chuan hmun dang a thut na sawn lehnghal ka duh








"I a fe zawk, ramhuai chhelo min hmu a i a zo vek tawh anihkha" ala ti ham ham, a in sawn dawn lo ni a ka hriat tak ah chuan ka bag ka la a ka tho nghal hmak "hey thu ve mai mai rawh " tiin ka bag ah chuan a pawt a rum lutuk in ka melh nghal









"I duh chuan i thiante kha kawm rawh, min rawn kawm a thian a min siam te ilo tum tak tak anih ve chuan ka lawm viau a mahse thian ka mamawh hran lo" tiin ka sawi nghal piap, mahse thian mahmawh lo chu ka ni hauh lo hetah rei tak ka awm dawn a thian te chu ka la mahmawh dawn lutuk mahse, thian ka nei dawn anih pawh in hepa kher lo hi thian atan chuan ka duh









"Keipawh ka lawm e" ala ti nui bura vur a biak zel in awmzia a nei vak dawn lo a ka hriat tak vang chuan ka thaw deuh hawk, in sawn ka tum lai tak chuan a tho nulh a ka hma chiah ah chuan a zu thu a a bul a thu chu a be nghal mawlh mawlh a ka lawm zia mai chu!








Class kan la char char a chawlh kan neih ah chuan Johan-a nen bawk kan inbia a, a kar lak ah Davida leh Kimi te nen kan pathum group ah kan in be bawk a thian chungchang chu kan khel deuh ber mai,phone hi a lo awm lo ang tih ka hlau ngawt mai hmelhriat loh kar a awm chiah hian phone hi a hlu zual ka ti ve thlawt,awm lo se chuan ka thian te pawh ka be thei awm silo a









Nileng hun pawh reilote ah a ral leh dawn der mai! vawiin chhun pum khan Rinmawia khan min veh ka ti mai ka ngaina thak lo,Zaii kha ka hmu bawk a a chal kha an tuam bur mai a nizan a Pa Maruata sawi ai khan a na zual ta nge ni? Rinmawia te nen a an thutkhawm laiin Zaii chuan nizan a Pa Maruata tanpui vang khan lawmthu min rawn hrilh ve thlap bawk








"Khawngaih in...kut min thlak suh u ka u vang khan ngaihdam ka dil e" Hmeichhia pakhat hi kan ban a ka chhuah chuan ka hmu a, college bawr ah hian thing a tam ka tih kha, thing awm tam zual na lai lei kang sang lai ni si hmun rem lai ah chuan Zaii leh a thian mipa te ho chuan hmeichhia chu an lo din hual a thil a tha zawng in a thleng lo tih chu ka hrethiam nghal vek








Enge an buaina ka hre chiah lo a mahse tanpui ka duh khawp mai, a hlauh hmel si tumah lah hian chhan emaw va ngaihven an tum lo reng reng! an nuih a an kal liam san mai mai chu mak tiin ka en he haw ringawt, chutah tu emaw hian ka dar ah a rawn vuan thut a ka phu nasa lutuk!








"Min lo nghal tih sawi ve mai ta che" Rinmawia ka hmuh chuan a kut ka beng thla nghal vat "hmmp bawng ek ka khawih pawh nilo ka kut chu i va ten hmel ve" ati a ka ngaihsak peih lo, haw ka tum zet a mahse hmeichhia saw ka ngaihtuah leh hnuhnawh








"Hey, i thiante an ni tiraw? Hmeichhia saw tinge ti sawn an tih a? va chhan teh a" ka tih chuan ka melh na lam a melh ve nghal zat, engvang a a thiante lak atang a chu nu chhan tur chuan ti nge ka nih pawh ka hrelo e a! a thiante ania a thurual pui zawk ngei ngei ang







"Ui ka chhan ngam teuhlo,ka thiante saw ka ngam lo hrim hrim" Tih pah in a nui huah huah





"I a ami?? tiang a mi tih saw a tha miahlo ania aw va chhan rawh i dawih lutuk!! "Ka ti vak a lu min la thin khum zui





" Ka duh lo, min lo hnek phei chuan ka ha te a bal a nga tlangval chhelo ha bal ka ni mai dawn asin!! " a ti tlat a, nawr in awmzia awm dawn lo a ka hriat vangin ka phone ka phawrh tawp a,nula chu chhan duh tho mahila engtin ka va ti ngam bik lo







Phone camera chu on in video chuan ka la a,ka tih chhan pawh nula saw ka va chhan mai ngam bik silo a video hian la ila police a kal te a ngaih tak a finfiah na tur hi a ngai, mipa pakhat zawk in nula a nam kat dawt ka hmuh chuan ka tha a lo khur thei, ka bul a awm Rinmawia lah chuan chhan a hnek in "aw zoom deuh rawh a la lang chiang lo, an hmel lang tur khan la rawh " min lo ti ve chhen!




IMG_07022076.jpg
IMG_07022076.jpg (46.07 KiB) Viewed 2227 times





"Kalsawn rawh,i bengchheng" Ka ti vak a,ka kut lehlam in ka nem pah bawk phone in thla ka la mek tih pawh ka theihnghilh zo tawh, a nui huah huah chu rum zet hian ka melh a







"Tikhan min en vak suh saw lam saw en zawk teh" nuih in sum hmel zet hian ati a,phone a tin pah a thian te ka en chuan an lo hawi thup a phone chu ka dah thla rang khawp mai,an bul a nula pawh chu a lo hawi tel a a hlauh hmel kher mai








"tlanchhe tawp mai rawh" Zaii bul chiah ami chu kan lam rawn pan tum ni awm tak hian a awm a Rinmawia chuan tlanchhe turin min lo ti ve bawk, ka tha a khur zual sauh chutah an nula hual chuan Zaii lo hawi reng lai chu a nem thut a Zaii a tlu thlawrh, nula chu man hman loh in a tlan vang vang








"Hrep tak chuan!! Lalrinmawi nangmah ni vang vek!! " pakhat chuan nula tlanchhia pawi tih hmel zet hian ati a,kan lam a rawn hawi a a thinrim hmel ngawih ngawih, chutah an in be khawm a kan lam rawn pan an tum chuan Rinmawia lam ka hawi ringawt








"Tlan chhe rawh ka tih kha" tiin a la nui suk zui, tih theih ka neilo a thiante saw ka ngam teuhlo a ka tlanchhiat angai tih ka hria mahse ka tlan rei thei dawn lo ka thawhah hi a chhuah vaih chuan khawlai ah ka mualpho der ani mai








Tih ngaih na dang ka hre silo bus ah chuan ka tlan lut tawp a, a hnung ber ah bawk chuan ka thu a tlanchhuak nghal daih se ka tih nen chuang tur dang an awm takin ti ni awm tak chuan an la ding reng a, bus hnunglam Rinmawia leh a thiante awm na chu ka hawi zeuh zeuh reng a min rawn pawh in bus ah an rawn lut ve mai ang tih ka hlau ani, ka kun tlat a ka tha khur deuh chu tih reh tum in ka bei a ka tha khur chu sawi loh ka thinphu te hi a rang tak tak ani








"Rinmawia te chu an in ti buai em maw ni aw? " Ka hma hma leh a thu in atih chuan tlem in ka in her a ka va en leh chuan a thianpa pakhat zawk nen an in hmachhawn a mipa chuan a tawngkhum piap piap a darthlalang chhan ah chuan engtak nge an sawi ka hrelo, mahse kei emaw nula tlanchhe ta kha an sawi mek hi anih ka ring tawp









Zaii pawh chuan Rinmawia hmachhawn tu zawn a ding in Rinmawia chu thinrim hmel tak hian a be ve zel a,an thusawi ngaithla tu Rinmawia chuan nui deuh si hian alo en tawp thung, chutah ka chuan na bus lam chu a rawn kawk a ka hmalam ka hawi chiang lutuk! Ka thinphu a rang zual sauh a ka hma chiah seat nghen chhan tlâng chu ka hum vak ringawt








"Kal mai ang lo chuang duh an awm tawh lo aniang" Conductor chuan a ti hlauh mai a ka lawm zia chu thu hian ka sawifiah thiam lo hial zawk, driver chuan bus chu a tlan chhuah pui dawn a engine a ti nung hlat hlat tawh ka thlamuang tan chiah chu bus ah Rinmawia thianpa pakhat alo lut nawlh!








"Zorema chu sawtah in awm reng a rawn chuan in tum lo emaw tia? " Conductor bawk in alo ti a, an in hriat nel hmel bik khawp mai, Zorema chu ka thut na zawn tak ah a rawn hawi chho a a hmui a ti sawi nghal zauh,ka hlau nen ka tang deuh tung a Zorema a che hrut chu a rawn kal dawn emaw ka ti hman tawh pawn lam ah a tla chhuak leh nulh!








Tukverh ah chuan tlem te in ka en a Rinmawia khan alo pawt thla aniang, Zorema chuan a vin nghal pung pung a, chutah ka rin loh deuhin Rinmawia chuan a kut a lek thut a Zorema hnek tum ang maiin a kut a hmai zawn ah hum in a tin nghal run a Zorema chuan hnek a hlau nge a lo in dang nghal vat, chutia a thianpa ati chu mak ti a ka en laiin ka lu zawn ah kut a rawn in vai thut a ka tawlh let rawk








"Misual kan nilo ania,video a I la hman anihchuan delete rawh aw" nui sâng in Zaii hian arawn ti a, ka rin loh deuh a nichin a ka hmuh tak vang nge a nui te chuan mi rap deuh tlat tawh "thiannu ka sawi chu i hria maw? thu awih rawh aw chuti lo chuan thian ai in hmelma kan ni mai ang" chang bal hian a ti ta a engmah ngaihtuah hman lo in ka bu nghat nghat








"Zaibawih a ho emai kal ang u, a dawih lutuk tumah pawh a hmuh ngam teuhlo" Rinmawia chuan a rawn ti a, bus a tlan zui nghal a ka hahdam ta huai dawn emaw ka ti a mahse ka rilru a hah tulh tulh zawk








Hetah hian thian ka siam theilo anih pawh in hmelma neih ka tum miahlo asin mawle! Zaii te thian ho khan min ngei zui vaih chuan naktuk atang a helai ka chhuahsan hma thleng chu ka nun hi a ralmuang hian ka ring hauhlo mai!! Phone ka phawrh a ka video lak zawh chiah chu ka delete lehnghal daih, Johan-a massage ka la chhang lo a chhan pah chuan thil awmdan ka hrilh vek a ka tan a hlauhawm thei angem tih te heta awm pawh nilo hmun hla zawn ami chu ka zu zawt ringawt!








In ka thlen rualin min rawn reply a ka chhungte hrilh hre turin min ti a, keipawn tha ka ti a mahse enge an tih vak chuang ang ka hlauthawng ringawt ania kan college principal hnen ah sawi pawh ni ta se engmah chutiang an sawi a a chhan leh vang turin tawrh emaw pawh ka nei silo * ka lo chho mai dawn ami? * tiin massage min rawn thawn leh a ka thlamuan pui dawn viau a mahse chu em em chu ka ti bawk si, bak ah ka pa'n a hriat chuan a thinrim zual anga Johan-a leh ka lak ah a sual zual mai mai ang, engpawh nise thil tha lo engmah ka chung ah a thleng em lo ang chu maw!




★ 3 MONTH'S LATER ★




"Mate thian te hi i nei ve tawh em? " Chhun thil ei laiin ka ni chuan a rawn ti chhuak a, ani chuan thian ka neih loh a ka khawhar ruk hi a hlau ngawih ngawih a heta kar hnih vel ka awm atang khan a khat tawk min zawt ve reng mai ka chhan na pawh tun thleng in " neilo " tih a la ni








"Ni thian neih ngai ka ti vak hleinem, college ah lehkha kan zir a kan rawn haw a in ah te chuan khawhar deuh mahila phone a awm reng a college ah pawh thian nei ila lehkha zir a ngai nasa sia inkawm tak tak hman hleinem" tiin ka chhang zui a, thian erawh ka mamawh ve lutuk tho, mi thianho a an han kal dial dial bik ka hmuh te hian chawp leh chilh in Kimi ka ngai nghal ngawih ngawih zel







"Ni tho mai mahse, nangmah a college i kal hnak hnak hi hmuh i hreawm reuh thin em a " a ti a ka chhang zui ta chuang lo, min ngaihsak na leh ngaihtuah na vang chuan ka hnuk te pawh a ulh dawn rum rum mai








Thla 3 lai chu ka awm ve tawh a mi pangngai tan chuan thian thar neih chu hun tawh tak ani, keimah te hian zir ve deuh ila chuan tlem a zawng chu ka nei ve mai thei, student dang an sual emaw leh inbiak nel ching lo an nilo an fel hlawm lutuk mahse min biak ve te hian ka eng emaw tih awm tlat zel a ka nel hma hian ka in be zawm leh tawh thin lo ani, Zaii te thian ho pawh khan ka lo hlauh ang nilo in eng buaina mah min thlen zui ta lo








Ka chhung te leh thiante nen kan in be reng a Kimi leh Moses-a pawh an la tluang chho viau anih hmel, ka nu nen pawh kan in be nasa a ka pa'n Johan-a engtik nge a pawm ve theih ang tih pawh ka zawt ru for mai,ka pa nen pawh kan in be ve zeuh thin,an ni chu dah tha ta ila Johan-a nen hian kan in be nasa ber ang,hun ka neih hlek chuan ka biak tur ah hian a hmasa ber dinhmun hi a luah ngei ngei zel a duh tawk a rei kan inbiak hnu ah midang chu ka be chauh zawk thin ani








A ruihhlo nghei tum hi a buai nasat tawh thin thu a sawi a, a chang phei chuan a kaw chhung a ramhuai lut ang mai a awm thin thu te min hrilh a ka khawngaih thei lutuk! Pi Zoi hian alo buaipui nasa ve thin aniang chutiang lampang a sawi chuan a nau te a sawi apiang in a mah ngaihsak leh ngaihven tu ah a sawi tel ve ngei ngei a, hman tawh a Nu ti a a koh atang khan a hming in a ko ngai tawhlo Nu tih hlir in a koh tawh thu te a saw thin a Nu atih thin chuan a mah ah eng emaw tak hian a tih hlim let thin thu a sawi tel bawk







"Sunday tlai te ani bawk a leng kual ang u hmiang? Arini pawh a ma thu a hawi thawven a tum bawk silo lehkha zir in a in khung reng zel a tiang chuan a in zir a mai ang" Pa Maruata chuan a ti a Puipuia te unau an phur nghal surh a keichu ka phur em em pawh ka hrelo,Serchhip hriatchian pah na ni mahse ka in khung nasa thei bawk a chhuah chak na hi ka nei vak tawhlo








"Mate i hman angem? " Ka ni pawh chuan kal tur a min duh hmel deuh hian ati a, hman lo ti dawn ila ka hman tho bawk si sunday ah chuan lehkha zir chawlh ka lo in pe ve laklawh tawh khanglang bawk nen phur viau lo chuan ka bu ve nghat







Tlai ah chuan kan chhung in kan leng a, ka phur teh chiam loh nen nuam ka ti ve leh hnuhnawh Serchhip bazar ah te kan va kal a sunday anih vangin eng thil mah lei tur lian tham a awm lo, mahse Serchhip ka hriatchian phah ve a nuam reuh tak ani,ka ni in veng hming te min hrilh pah zel a eng emaw a mahni a ka kal hun ah a pawinawh takin a tia ka ngaihthlak uluk ve nen vawikhatmah la kal ngai lo ta chu ka theihnghilh lehnghal vek a a veng hming hriatchhuah nei mahila chu chu khawi lai ber a awm veng hming nge ka hre leh thei tawhlo









Thim thet thet ah kan haw a kan thlen hma daih chuan kawng sir ah Rinmawia ang deuh kha ka hmu a naupang zing ah hian ball a lo chhaih, a mah ka hrechiang em em lo a ka ngaihsak miau loh vangin mahse ka hmuh chu ang tih na ka nei ve tlat a ka rin dan ti chiang turin a bul lawk ah chuan Zaii ka hmu a ani kha chu a hmel hi ka sawithiam lo a chhia pawh anilo a hmel hi ka chhinchhiah ve tawp ani mai, Zaii ka hmuh leh tak ah chuan Rinmawia anih ngei chu ka ring nghet bur







"Ramhuai hlau nu..?? " kan tlan pel chiah dah pawh ka dak chhuak hauh silo keimah min au than in ka hria, ka hawi chhuak them them a ding tlawn zuah in lei mi rawn chhuah khum!! Ka va han nge tak engvang chuan nge maw ka va hawi chhuah kher chu ni?







In kan thleng a rawng kan bawl nghal mawlh mawlh,kan peih vel ah chaw kan ei nghal a kan kham a kan ei in na kan tih fel fai leh meuh chuan dar 7 leh tih ani duai tawh,chhun lam ah engmah ka zir lo tiin lehkha zir tur chuan room ah ka chho a room a ka lut chiah chu ka phone charge lai call ka dawn a vang a vibrate dat dat chu ka va hmu a ka pan ding nghal, Kimi ani a pick in ka han be uang vel a







"Thu lawm awm mai thei ka hrilh dawn che ania" hlauhthawng aw deuh hian a ti a thu lawm awm mai thei chu eng tak ni maw? lawm awm mai thei pawh lo ni ta sela enge a hlauhthawn hmel viau chu le?







"Um sawi la, i rawn sawi mak anih vaih chuan aw " fiamthu ti tak deuh hian ka lo tih sak a, a aw te chu a han thian leh rih a ka lo nui tet tet,sawi tan dan tur ka hrelo engtin nnge ni ang te a la ti leh rih!





"Sawi pawp rawh" tiin fiamthu ah ka lo lak sak zel a




"I pa hian Johan-a hi a duh pui tan che in ka hria" tih leh au thawt a rual a





"Uiiii eng, eng maw I sawi engtin enge awmzia? " Ka ti nghal chul, ka beisei loh thil chutia beisei awm thei tur tak a sawi chu ka dik lo huih hian ka in hre hial mai "Lalkim sawi chiang nghal rawh" tiin ka thut hmun ka rem sauh sauh







"Aw ka sawi dawn lawm uluk deuh in lo ngaithla rawh, beisei na meichher te pawh i nei mai thei ania...vawiin tlai ah i nu lungleng in chaw ei ah min sawm thut a chuan ka va ei a " a ti leh duah a kei in ka hre chak hmanhmawh tawh si ka tur sek




* Flash Back *


"Kimi chaw ei kan siam dawn ami ilo thlen tawh ber chuan " Ka nu chuan a ti a,ka nu ka tih chhan pawh Arini nen hian kan nu leh pa te tetlai atang tawh a Nu leh Pa ang a kan in koh sak vang ani, ka thlen vel chiah ani chaw ei ah min sawm thut a, a lungleng in a min sawm chu nilo se ka hnial thla ve tur mawle







"Awle.. Arini awm lo chu chaw ei a sawm ka hlawh leh nasa dawn riau mai" tiin kitchen lam ka pan nghal a mahse ka nu chuan ka pa ko tur a min tih phawt vangin an mut pin dan lam ah ka va phei leh a ka pa chu ko in kan pathuam chuan chaw kan ei ho a








Kan ei pah in kan ti ti a,an fanu ang mai a min ngai ve tho an ni a chutiang bawk in ka nu leh pa te pawh in Arini chu fanu ang chiah in an en ve tho,kan ti ti nasat luat ah chaw pawh kan ei rei phah khawp mai,kan kham kan in toh fel vek meuh chuan a dar 7 a ri thuak tawh ani mai, ka nu nen thu khawmuang in a film en duh zawng sunday a a khawm a an pek chu kan en dun a kan rel nasa ngang bawk







"Kuhva ka va lei lawk ange" Ka pa chuan tiin a chhuak zui a ka nu nen tv kan lo en dun leh mial mial, haw a lehkha zir ngai mahila ka nu te nupa lunglen hi ka hrelo ve vek a chuvang chuan hma lutuk a haw chu ka tum rih ta lo mai, a khat tawk in Moses-a nen kan in text bawk








TV tui deuh a kan en laiin pawn ah in be thawm ni awm tak kan hria a ka nu nen chuan kan in he haw, ka nu in tunge awm ti a va rn turin min hrilh a ka ngam mai lo, ka pa dawr kal rawn let nan chuan hma kan ti dun ve ve sia chuvang zawk ani ka hlauh, mahse ka nu chuan min tir tlat a ka va kal them them a kawngkhar in sik na kar atangin ka bih a ka pa leh Arini bialpa Johan-a an lo in be reng chu ni in! ka let leh a ka nu hnen ah ka thil hmuh ka hrilh a ka hrilh zo chiah ka pa a rawn lut zui a Johan-a rawn lan ve kan beisei dun nge ni kan lo thlek daw daw mai






"Bawihtei thianpa alo kal leh ami a? " Ka pa room pan tlâng tum chu ka nu chuan alo ti a ka pa chuan tawngkam a chhang lem lo in a lo bu nghut a a kal tlang zui daih, ka nu chu a tho a ka pa a zui chu keiin ka lo en zui ve thung, thil tha chu ni miahlo mahse enge Johan-a chungchang ah an sawi hriat ka duh vangin ka tho a an mut pin dan zawn ah chuan thawm dim zet in ka va kal a







"A em em I ti ve tawhlo ami? engtinmah Bawihtei kal tur pawh a tih loh kha, a ngai em em a zan tin deuh thaw Bawihtei awm lo pawh in kan in vel ah a rawn lang ziah a, i khawngaih ve em em tawhlo ami? Bawihtei pawn I pawm pui hun a nghah thu a sawi ve ziah a" Ka nu chuan ati dap dap a








"Eng mi pawh chu lo ni ta sela, ruihhlo ngai ani emaw nilo emaw Bawihtei hi a hmangaih tak tak in a duh tak tak ka ring ani, a chanchin hre vek chungin a la kalsan duh chuang miahlo atih kha Bawihtei pawh in, ruihhlo ngai pawh lo ni sela Bawihtei tih takzet a a hmangaih anih chuan ruihhlo chu thlah hun ala nei em em ang"






"Ka hria a lawm,mahse Bawihtei nu kan fanu tan hian a tha theihtawp ka duhsak pui vang ani, a thil tawn tawh te avangin hlauhthawn pui na ka nei tlat a, a pa ka ni a kha thil tawng lo tur a ka ven theihloh vang khan hreawm ka ti ve em em asin, chuvang chuan tun ah theihtawp a venhim ve ka tum anih hi"







"Mahse khawhar in i dah a lawm, an inkawp i phal lo a hmun hran daih ah i dah bawk a an lunglen tur zia te i ngaihtuah ve ngai em? A hrim hrim in nichin khan engtin nge ilo tih a? " Ka nu chuan Arini tan takin ati ve piap piap a keipawh ka awm hmun atangin ka lo tang ve khawp mai







"Ruihhlo chu thlah hun ila nei ang, ka fanu hi i duh takzet anihchuan lo nghak rawh" Ka ti, ka pa in atih ri ka hriat chuan ka au chhuak tep, hui hup in ka kalsawn nghal a tun a ka pa sawi dan atang kha chuan Johan-a hi Arini tan a pawm ve tan ta emaw ni le? "



* End Of Flash Back *





"Kim.. tak tak ami? I hresual chu ani lo maw? " Kimi thusawi zawng zawng chu awih har ka ti a, chutih rual in ka awih lo phal bawk silo ka lawm lutuk chu ka hnuk a ulh dawn tep zawk, ka pa in chutiang thu a chhak chhuak ve ang tih pawh ka la beisei ngam hleinem







"Hresual lo ka hrechiang lutuk mahse engmah hria ang in lo awm rih suh aw, qn bul ah chuan pangngai in awm la.. E atak anih leh nih loh chu Johan-a zawt la a chiang mai ang chu mawle" a ti a ngaihtuah na tha tak ani







"Kim ka lawm lutuk aw, ka awi lawmthu hrilh dan che pawh ka thiam lo zawk, Johan-a chu ka be dawn" Ka ti nghal zat, ka lawm dan hi sawifiah thiam a har zawk






"I thian mai bak ah i unaunu ang ka nia lawmthu in hrilh angai lo Johan-a chu be rawh" a ti a phone a dah zui a, keipawn thil dang ngaihtuah thei tawh hek lo Johan-a number ka dial nghal







A pick mai ka rin nen a pick ta hauh lo!! Vawi li vawi nga vel ka try a mahse a ring ral thak, hetiang a a tih ngai loh vang hian ka hre thiam lo hle a ka call nawn tlut tlut,Aizawl ka awm lai chu thuhran heta ka awm hnu phei chuan ka call hi a pick vat lo anih pawh in vawihnih vel call chuan a la mai thin a, a ring ral pawh in a rawn call back lehnghal thin, mahse tun chu chutiang anilo a reh tawp!







A buai viau aniang tiin phone ka dah rih a min call back hun chu ka nghak ta zawk, mahse darkar chanve hnu ah pawh min la rawn be lo, ka ngaih a tha lo telh telh a jail ah te hian an lo lut leh reng tawh emaw ni ka ti rilru a vawiin lam ah kan la in be vak silo nen, lehkha zir in ka nghak a ka lehkha zir erawh rilru ah a lut hauh lo thung, phone ngawt chuan min ti buai a a khat tawk in ka va melh reng, dar 10 dawn ah chuan a ni em em tawhlo tiin ka call leh a rei tawk a ring hnu ah chuan a pick ta hram a ka thaw huai thei!







"Ka lo call che kha min call back bawk silo a, ka lo nghak ve char char a min biak hun" ka ti sap a lehlam ah erawh a ngawi vang vung thung " I tha em? " min chhan har em vangin ka ti leh a chutah tu emaw a thaw hawk a







"Kan tha mah mah lo call chhen suh" ti hian hmeichhia in min lo chhang a,a off zui hmak bawk ka beisei loh lutuk a chhawn tu ka nei ta chu ka rilru a buai mup a ka kaw chhung lam hi a na chhuak vek hian ka hria,ka ngaihtuah na ah thil tha lo tak tak a rawn lut a chutiang em thleng tur chuan ka phal leh bawk silo






"Naktuk ah khua a lo var anga, min lo call hun ah he thil hi chu a sawifiah vek mai ang,a tha vek ang rilru nat na tur a awm reng reng lo" tiin ka han in hnem a, mahse ka thinlung chuan beisei na phuah chawp tak a in hnem lo turin min hrilh thung!

[Ngaia]

CHAPTER-32




Zan pawh ka mu tha theilo a, min lo chhawn tu avang ringawt chuan rei tak ka meng a ka ngaihtuah in ka rilru a na a ka ngaihtuah loh dawn in eng dang mah in ka rilru an hruai peng zo bawk silo, ka in let ka in let a tawp ah chuan ka tho chhuak leh ta nge nge a ka mut na bul a tukverh chu hawng in ka hawi vel mai maia, Aron a call a ahnen a I sawi thawl te ka rilruk rum rum a mahse ka ti ta em lo a chhan chu ka mamawh hun chauh a bia a duh hun hun a be lo nih kha ka duhloh vang ani









Rei mawi tawk tukverh atang a pawn lam ka thlir hnu ah khum ah bawk ka kir leh a mut lam a lang lo, ka in ngaihtuah harh tulh tulh zawk ani, Johan-a phone hmeichhia in a lo chhang daih kha ka hrethiam lo a engvang a vawikhat inbiak na a khatiang a min ti teh chiam nge maw anih hrim hrim le? Nge Johan-a hian a phone kha hman tir in tiang khan a tih tir zawk ni ang?








"Nilo a teuhlo Johan-a chuan chutiang a ti lul lo ang" tiin mahni leh mahni chu rilru in ka in hnial kalh nghal mawlh mawlh, ka mu thei silo lehkha zir ah tlak ka tum ngial a ka theilo chu pawh Johan-a chu call leh mai ka duh a mahse amah lo bawk in a min lo chhawn leh ka hlau si








Inhnuai lam ah chhuk ka tum a, thawm ka hriat tak vangin dim deuhin ka chhuak a misual ka rilru a an lan len em vangin ka chapal chu pakhat zawk ka keng a, engpawh thleng se misual chu hlap chawrh ani mai, kitchen lam ah thawm a awm a zai rat rat ka hriat rual chuan ka ding chawt, ka mitthla ah ramhuai film a ka en tawh ho zawng an rawn lang nghal zawt zawt! Ka chhuk ngam lo lek lek tawh room lam ah kir tum in ka in her a ka hmul thi te hi a ding ur ur hial in ka hria!








"Mate enge i rawn tih dawn? " hnuailam atang chuan a rawn ti thut a ka thin hi a pawk chhuak dawn in ka hria ka taksa pawh a che lawih thei hial, ka ni ni a ka hriat vangin ka hawi vat a ka ni alo ni ngei bawk a a kut ah no keng in alo ding reng a coffee in tum a ang khawp mai








"Ka mu theilo a, inhnuai lam ah lo chhuk ka tum mawle" tiin ka chhuk thla nghal zat a "i mu thei bik lo ami Ni? " tiin couch pakhat ah chuan ka thu a








"Um, zan mut theihloh zeuh hi ka nei thin a a buaithlak ania, i mu theilo ro ro coffee ka lo siam ve ang che kan meng dun dawn nia mahse thawh hi i hai nasa mai angah, keichu ka men viau pawn ka ti thang a a hun ngai ah ka tho zat zat mai" a ti dap dap a, keipawh chuan ka lo hnial lem lo coffee chu a siam a in pah in kan pahnih chuan kan ti ti a a tleirawl lai leh Pa Maruata nen a an in ngaihzawn lai vel te a sawi a









"Anih min hrilh teh i bialpa kha a sual viau ami a? I sawi dan ah a hot hmel ka tia i rawn chhoh hma a i pa rawn sawi dan khan a tibuai nasa viau che ni in a sawi a " a tih chuan a thusawi ka lawmpui vang a ka nui chu ka tawp nghal riai riai " Sawi hreh ka bul ah neih loh tur aw, hetah i awm a i nu i hrilh ang chiah zel min hrilh rawh..bak ah min hrilh loh pawh in ka chhui ve ngat ngat dawn tho a " a ti fiamthu zui a








"A sual viau lo,ruihhlo a khawih chhan te hian ngaihtuah a ti thui a sin a naupan deuh laiin a nu in a kalsan a apa in a ngaihsak bawk silo a thil tha lo deuh a tawng lehnghal a tanpui ani bawk silo, a len hnu ah pawh thil duhawm lo ala tawng chho ani chek ang ruihhlo nen a hun a hman hi, mahse tun ah chuan nghei a tum a" tiin ka ni chu phur tak chuan ka hrilh a









"Um anih a nghei theih i ring em? " tiin min zawt leh khauh a ka chhan na tur chu aw tih ani, a chhan chu Johan-a hi ka ringtawk a ka hmangaih em em bawk, ka rin na leh hmangaih na vang hian ruihhlo a nghei dawn tih hi ka hria a ka ring ve tawp ani "nghei lo ta sela i then angem? " tiin ka chhan hma hauh chuan min zawt nawn leh zat








"Then lo ang" ka ti nghal hmiah, then ka tum lo tak tak a nghei lo anih pawh in ka hmangaih loh phah dawn chuanglo, mahse chutia ka chhan zawh rual chuan nichin a thil thleng kha ka ngaihtuah a ka rilru a ti na thar leh







"I pa in ka hnen ah enge a sawi i hre duh em? " ka ni chuan a aw kha chauh nilo a hmel nen lam thutak zet hian min en pah in ati a, ka lo bu nghal nghat nghat







"Ka pa chuan a tha lam zawng in i hnen ah a sawi dawn lo tih ka hre vek a lawm Ni, mahse Johan-a hi a ngaih ang em em a nilo chuan ka thiannu in ka la hian Johan-a a pawm ve tawh tan ni a a hriat thu min hrilh a sin" tiin lawm zet chuan ka hrilh ve a a ni pawh a lawm ve hmel khawp mai a nui ve seih a








"A va lawm awm dawn ve? I pa in a pawm chuan harsat na dang a awm dawn lo anihchu" a ti a ka lai hnuhnawh ve nen kun in ka nui suk a








" A rilru a la tih nat sak ang, ka fanu hi a kehchhe dawn in ka hria" i pa in a ti a, chu chu ka hnen a a sawi ani, i pa thil sawi hi a thlen dik ka hlau khawp mai keipawn, tun a I hmel te kha in en teh hlim loh na chu I nei ani" A rawn ti chhuak a ka nui tawp chiang khawp mai, ka hawi chhuak a ka ni hmel thutak lutuk chuan min ti mangang dawn dawn mai!!









"Chutiang anilo, ka hlim lo hleinem Ni, ka mu theilo hi mut ka duh bawk nen ka zuai mai mai anih hi" ka ti a phat ve chu ka tum nasa lutuk, bak ah engtin nge nichin lawk thil te vang a ka rilru kal buai deuh te leh ka hlim loh na zawng zawng te hi ka hmel ah a lo lan hman vek ni?









"I hlim silo a lawm, a engpawh nise thil ngaihtuah lawk leh hlauhthawn na neih te chu a thiang a lawm tiraw? Kan ngaihtuah leh hlauhthawn ang in engkim a thleng vek ngai chuanglo a ka sawi mai mai anihchu, mahse min hrilh teh zanin I mut theihloh chhan hi? "








"Ka hre bik lo" Tih ringawt in ka chhang a thil thleng hre sa ang mai chuan min chik hmel em em lehnghal a ngawi a min en a ka mit ah tak lehnghal ka zam chhe dawn lek lek tawh hmun dang ka hawi ta daih









"Thil tam tak hi chu midang hnen a share hian a hahdam thlak thin ania, solve dan min hriat sak tu an nih phei chuan,Mate thil hi mahni a beih let chu a tha mahse mahni chauh a beih let theihloh thil hi a awm thin, midang kan mamawh chang a awm thin tih na anihchu i hrethiam angreji tiraw? " thutak zawk hian a ti a, a lam ka hawi a eng emaw ka hrilh beisei ni mai hian ka hria










"Johan-a kha ania, nichin tawh ah biak ka tum a hmeichhia in a phone an lo chhang daih a, a mah chu maw ni hmeichhia hnaih chi anilo a nau mipa te nen a tual leng mai mai chi ania ka bul a awm anihloh chuan, hmeichhe dang hi a ngaina tehchiam lo ani tawp mai, mi in a an biak ve te pawh in mak sak tak tak in a chhang thin a a ti beidawng nghal rup zel"









"Nghet bur ang chi kha ani maw? A rinawm hmel khawp mai a i sawi dan ah chuan... chuan hmeichhe dang in i call an lo chhang chu ani maw i lo mut theihloh" a tih chuan ka bu nghat nghat a, diktak chuan ka rilru nuam lo mu theilo satliah pawh anilo ka tah hi a chhuak lek lek zawk " Call tawh lo la a man a lo bia hun che nghak tawp rawh,a lo biak hun ah che tha tak in lo zawt la thinrim emaw lungawi lo nghal bur lo in"







"Nih leh min lo be lo ta se? " Ka tih chuan a nui seih a







"A rawn be em em ang che, a mah chu ka hmu in ka hrechiang chuanglo a i sawi ang bak kha, mahse a rawn bia ang che tih ka chiang" Tiin a tho chhuak a, ka rilru a buai zual tawh ka ni sawi ang hian ka awm dawn nge ka call tlut tlut anga min chhan loh leh ka be tawh rih lo hmak ang?








"Ka han mu dawn ange nangpawh mut tum rawh, rilru hi a hah anih pawh in tih hah zual loh hram hram tum tur, a tha zawng a thil ngaihtuah tlat hi tum ila e nun hi a thlakhleh awm duh ngai ania" tiin kal pah chuan ka dar ah a vuan a kitchen ah coffee a in na no chu va dah in inchung ah a chho a keipawh coffee ka in zawh ah rei thu lo in room ah ka chho ve a




★




"A u anu in tho tawh rawh ati" naupang aw ka hriat chuan ka phu deuh zawk a thawh phan pawh nei hauhlo in ka in perh tho chu ani mai, Puipuia chuan min lo en reng a ka thawh chhuah rualin a chhuak ve nghal daih








Thawh ka hai leh tawh nizan khan ka coffee in vang in ka harh zual a ka mu har zet mai, tih than loh chi tak ani dawn anih hi hetiang chuan ka ni lung pawh ka ti awi lo thuai ang tih a hlauhawm a lawm mawle a va in thlahrun awm thin tak! ka in bual sawk sawk a inhnuai ah ka tlan thla nghal, thawh phan leh zawi chu khawi lam ani ringawt a tlan hian ka tlan zawr zawr mai









Ka ni chuan engtin min love ti lem lo a Pa Maruata pawh chuti tho, ka ni in nizan ka mu theilo tih a lo hrilh ani mai thei chaw kan ei a ka tho har ka in thlahrun em vangin chaw ei lai chuan naktuk atangin zing ah rawngbawl hman in ka tho tawh ang ka ti ve ngawt a ka tho thei angem chu ka hrelo a mahse ka tum thei tal a lawm le ka tum chuan ka tho ve em em ang









Bus chang turin ka chhuak rawk rawk a ka chan na thin ti ila midang pawh in an chang vek tho, ka va thleng a mahse tumah an awm ve tawhlo an lo la kal lo nge an kal vek tawh zawk ni? 10 minutes vel chu ka nghak tawh ang tumah bus chang awm an awm tawhlo sana ka en a a tlai tawh si bus pawh alo la thleng miahlo nge a kal tawh? Ka rilru a buai tulh tulh sana in min nghak ve eih silo ke chuan college lam ka pan ve tawp, a thla a thla awm ve tawh ta chu ka ngam pa ve tawh lutuk








"Laldawih, hawh lo chuang rawh tikha chuan i tlai ang tun ah pawh 9 minutes vel bak a awm tawh lo ania" ka zawn a bike lo ding khalh tu leh min rawn be tu chu ka en a lu ka thin khum ngawt, a rawn sawi thar leh tak ah chuan ka hmanhmawh khawp mai bak ah bus kha engvang a chang khawmuang leh nge ka nih hrim hrim le lo va kal nghal lawp lawp mai tur hi ania








"Lo kal mai rawh i bawp a sei teh chiam silo i tlai ngei ngei dawn" A rawn ti leh, ka ning a mahse a rual a kal ve mai chu ka duh ru tawh, heti ngawt chuan ka thleng dawn lo a hla reuh si "i lo chuan loh chuan ka kal dawn nia 1 2 3 " tiin min lo tur ve sek!! a hmai lah chu mi in kut an thlak rawn hrep emaw tih tur hian a duk nasa a band aid lah a in bel nasa bawk








"Ngai kawi miah suh aw" tiin a hnung ah chuan ka lawn a a lo nui char char thung, ka thu rem chiah tlem in a rawn hawi a "enge hmanhmawh rawh" Ka lo ti vak







"I nun nem hmel nen hian I thinchhe zek a ka duh chi tak I ni, bialpa I nei em? I neihloh chuan min thei sa aw" a rawn tih chuan a dar ah ka beng chawrh "min ben dan te kha a style riau" ati a va han over tak!!








"Kal mai mai rawh, kan tlai leh tho chuan ka mawh puh vek ang che I hria em? " Ka tih chuan bu nghat nghat in hmalam a hawi a chumi rual chuan a thian te Zorema te Zaii te ho chu scooty leh bike in an rawn tlan tlang fua a chumi rual chuan keini lo in phur ve laklawh tawh si chu min rawn au vak mai, in dem au hi ka ti ber ah rawn au dan chu!









"Kha ka thiante pawh in min dem nghal tawp kha aw" a rawn ti leh, thu awmze neilo tiin chhan pawh ka chhang peih tawhlo "i thinrim mai ten, in ring la min vuan nghet viau rawh" ati a, a tlan chak dawn tih ka hriat vangin a kawr ah chuan ka tham tawp, chubak a han in rin vak ngaih na ka hrelo









A tlan chhuak ta chiah mai chu ka rak thawt a hnunglam ah ka let thla tawp lo chauh ani,Rinmawia chu a nui vak vak a ka haw lek lek mi mah hlauh nen chutia min nuih chiam ringawt chu! a mah lah chu a kawr chauh nilo a taksa ah ka tham tel tawh hian ka hria, ka thu rem vat a "in ring rawh ka tih che kha" min la tih khum zui chhan pawh ka chhang peih tawhlo









College kan thleng a a rang a rang in ka chhuk nghal, lawmthu pawh hrilh ta lo chuan ka luh san nghal daih ka hmuh leh vel ah ani tawh mai tun ah chuan ka hmanhmawh riau tawh, class ka thleng chu ka thawh hah dawn takngial in ka hria ka hmanhmawh lutuk tlan nen, thut na pan rawk rawk a kun chung in mi hmuh loh tur chuan inhaler ka hip nghal mawlh mawlh








"Min lo nghah ve em em tur che ania" ti a ka bul a lo thu ka hriat rual chuan bang lam ka hawi nghal vat, ka chhang lo min rawn bih chiam chuanglo ka thawk lah chu anuam lo tial tial emaw tih mai tur ani ka lungphu a rang em em a ka thawk zawng chuan nâ hi a awm leh zuk zel, ka kun reng a teacher a lo luh pawh in hawi pawh ka hawi chhuak lo, ka lu a hai lek lek bawk a,mi hmuh a buai emaw vel ka hlau lutuk chu ka tah a chhuak tun mai







"Class lak lai tal te chuan ngaihsak ve awm che i hmanhmawh nen" ka bul ami lah chuan ka awmdan hre hauhlo in a rawn ti ve chhen a theih chu ni se ka hau hrep tawh zawk ang mahse, tun ah chuan a chhan pawh ka chhang theilo chu anih hi








Class a zo a teacher in class a chhuahsan vel ah chuan hmanhmawh deuh in ka tlan chhuak a college toilet ah chuan lut in bang ngheng chuan ka thu awn tawp, mut em chu ka ngam bawk silo, tuman min rawn ngaihsak lo a nuam ka ti mah zawk, rei fe ka awm hnu chuan ka pangngai ve hram a ka lu hai deuh te chuan min ti luak chhuak nghulh thei, ka tho a ka chhuak dawn chiah tih in Johan-a call ka dawng nawlh!







"Aw,,ka lo call hma zawng i reh char char a, enge awmzia?" Ka beng zawn a phone ka dah rualin a rawn ti nghal zat, engvang in nge ka reh a tih a a mah zawk hi a lawm reh chu








"Nia i biak theih si loh a? " Tih ringawt in ka chhang a, ka chhang chhum bul viau tih chu ka hre tho na in ka tawng nghal zut zut chuan ka thinrim emaw lung nilo nghal ringawt ang tih ka hlauh vang zawk ani








"Ka biak theih reng a lawm i reh vung vung ringawt a? " ati leh, ka reh a tih chhan chu lo dah tha ta ila Kimi'n ka pa thusawi min hrilh te kha kan pahnih tan chuan a lawm awm tehlul nen tinge amah hian engmah sawi a tum miahloh le?








"Theihloh, theih la chuan ka lo bia ang che" Ka ti a ka thinrim tan dawn takngial mai! Diktak chuan zing ah pawh nizan chungchang sawi tur a min rawn be miahlo kha mak ka ti tawh zawk e a








"Thil dik lo a awm, sawi chiang teh ka lak ah lungawi loh na i nei ami? " a rawn ti ta nge nge a in thup ve hram hram chu ka tum a mahse kan inbiak tak zel ah chuan ka thei ngang lo ani e








"Nizan ah thil thleng a awm zawk em? nizan ah i biak theihloh a " Ka ti tawi hmuk, a reh nghal vung vung a chu chuan min ti lung ni lo zual sauh min chhan hun ka nghak a emaw a sawifiah hun pawh mahse a ngawi tlat "min chhan dawn loh chuan ka dah ania class ka nei dawn" ka ti a, ho te ah chuan ka hnuk a ulh tep ringawt









"Ngawi rawh lawk,nizan chuan ka...Duatnu ka rui lutuk a, nizan chuan ka in sum ve reng a mahse ka thei ngang lo ka na vek thei!! room ah pawh ka in khung ve char char a mahse ka tlin ngang loh vangin ka in a chuan damdawi pawh, ka rui lutuk a" A tih chuan ka chhing nghal sawk, ni e a nghei dawn a lawm thla tlem te chauh a la liam a beisei san chi ala nilo, mahse chu ai chuan nizan a a phone lo chhang tu zawk kha ani ka buaipui rih,chulam zawng chuan engmah min sawipui duh miahlo bawk a








" A pawi lo nghei nan mi pawh in a kum a kum an hmang a lawm, mahse min hrilh teh nizan ah tunge i bul ah awm? Ka sawi awmzia chu hmeichhia i bul ah an awm ami? "ka ti nghal piap ringawt a a chhan engkim hriat chak na in min tur nasat tawh em vang ani








" Aih awm lo... ang... Ka hrelo ngati nge?" ati a,a bo viau nge a hrechhuak zo tawh lo zawk ni ang?







"Ka lo call a hmeichhia in min lo chhang a, a tawng hrep lehnghal" Ka tih chuan mak atih emaw ka rin nen mak tih chu sawi loh a nui chhuak ringawt! Ka thusawi ka tak a ka fiamthu loh tehreng nen chutia a rawn nui chu ka haw khawp mai







"Rui mahila hmeichhia ka awmpui ngailo, ka ruih viau pawh in hmeichhia ka hnaih chak ngai chuanglo ania" ati a a aw ah pawh a nuih zat zia a hriat theih







"Min lo chhang a lawm, tunge i bul ah chuan awm a? Hmeichhia ania min bia alawm kan tha mah mah lo call chhen suh atia chuvang chuan" min rin loh leh thutak duhloh vang chuan ka tang teuh a ka thinrim tawh







"Enteh ka rui thin ani mai thei mahse Hmeichhia chu ka awmpui lo ang, ka bialnu i nia i awm bo vang mai in hmeichhe dang ka awmpui emaw lerh kual vel lo ang chutiang mi ka nilo" atih chuan min ti lawm hauhlo, nizan ah khan hmeichhia in min chhang miau a







"Anih chuan tunge i phone ka rawn call a min lo chhang tu kha, ka fiamthu lo ania Johan i sawifiah loh chuan ka thinrim ngawt ang min rawn biak dan pawh ka hrilh vek che a" Ka ti vin pawng pawng a class lam ka ngaihsak tawh lo







"A va mak e aw!! Chutia tih ah chuan engmah chutiang a inbiak na pawh a awm lo a I rawn call na pawh a awm lo...eng ah nge hmeichhe dang nen chuan mi hmeh bel talh i tum a? " a ti vin ta hlur








" Ka tum lo,thil thlen dan hriatchian ka duh mai zawk" tih leh phone off ka rual a min rawn call nawn nghal tluk tluk a mahse ka chhang tawh rih lo ka rilru a kal kawi tawh laklawh a ka thinrim bawk,ka ringhlel ani hauhlo tunge lo call tu kha hriat ka duh,khatiang khawp a phone a khawih ngam pa anihchuan Johan-a nen an in hnaih hle ani thei









"I thinrim chhan a ho emai " Ti tu ah chuan rang lutuk in ka in her vat a Rinmawia alo awm ve reng, engmah sawi lo in chhuah nghal daih ka tum chu "i zawh dan kha a dik lo, sawi kual duah lo in a tir ah khan sawi pawp la" a rawn ti leh a zawn a ka din vang in a mit ah tak chuan ka en a








"Engmah i hriat ve loh kha, enge ka rilru ah awm a engtin nge nizan avangin ka awm i hrelo,ka..ka bialpa ka ngaihtuah vangin mutmu pawh ka tuah tha lo asin aw, engmah i hrelo a engmah lo sawi ve tawh suh" Ka ti piap piap a ka tawngkam chu a mawi lo ti hnuhnawh,hmalam ka melh rual chuan ka biang a rawn lum thla pap








"Mittui hruk sak ngai a han awm chu(h)" Tih leh ka mittui luang rawn hruk a rual a, a kut vai sawn ka tum chuan lehlam in min lo man nghal vut "ka ngai kawi lo ang lungngai suh" a ti a ka mittui min hruk sak lai chuan ka lo en mawl tawp a tun a ka mittui min hruk sak tu hi Johan-a ni zawk se ka ti ngawt mai









Ka kut a vawn na lam chu thlah in a rawn lek kang a ka beisei loh lutuk in ka biang a rawn dawm a, film hmuhnawm tak en ang mai hian min en char char, ka harh chhuak thut a a kut chu vai kiang in ka hawi sawn nghal vat a ka rilru in ka in thiamloh zia ka sawi mawlh mawlh








"Ka kal " min ti phu zawk, ka kut ah scarf min pe in a chhuak nghal zat a keipawh thawk la hawk hawk in ka chhuak ve nghal zat "tlan rawh... " Kawngkhar bul lawk ah chuan alo awm leh tho, a hma a min tih der na ka hriat reng vangin ka tlan duh eih tawhlo








Class lam ah kan in zui phei a ka tap ti tih anih vangin ka mit a lan mak ka hlauh vang chuan ka kun ti tih a, class ka luh hma lawk chuan Johan-a'n massage a rawn thawn a, a rawn call beidawng ta aniang * Ka hmangaih che i thinrim reh hun ah min lo be rawh aw, engkim tha deuh a sawifel kan tum dawn nia * tiin,mak lutuk in ka thinrim viau emaw ka tih lai chuan min hmangaih thu a sawi ringawt chuan engtin emaw tak hian min awm tur lehnghal tawp! Min ti hlim viau chu ka tilo mahse keimah ah hian danglam a awm ani ka lo hmangaih ngawih ngawih tawh vang pawh hi ani mahna








Mahse a massage chu ka reply chuanglo,chutah ka bul lawk a kal Rinmawia chuan min rawn nek chawrh a class ah ka lut nghal rawk, ka ngei lutuk in a ka hawi let chuan Rinmawia a mah ang rual vel in a kawr âwm ah alo tham ka va hmu ka ding khawng nghal luah, Rinmawia chuan thutak lo zet hian alo be vel mai mai a enge awmzia ni hetia college chhung ah te an rawn chet mawi loh viau








"Hey hnek suh teacher koh in duh loh chuan.. " hnek mai a tum chu ka lo tu ve ringawt, engvang a Rinmawia chu chhan ve ngawt nge ka nih pawh ka hrelo a tha ang zawng phei chuan ka chhan theilo hul hual ania








"Uiii lo tawng ve duh suh i seat ah va thu rawh" Ka chhan ve em em a Rinmawia chuan chutiang chuan min ti daih! Ka zak dawn zawk rum rum a lawm







"Hnek che a tum anihkha" Ka la ti ve talh a, mawl min tih hmel zet a min en chung hian a mit ko leh lam a san nghal uk







"Haw lam a buaina tawh i duhloh chuan va thu rawh, min lo ngaihtuah ve hrim hrim a ka phu lo ka lawm e" a ti duah, hepa hi tun a thil tawn mek hian a thawng eih lo aniang mihring mak lutuk!

[Ngaia]

CHAPTER-33




" I mawl ami? " Ka ti vak ringawt a ning hmel deuh hian a lu a la thing kual zui, chutah a kawr a tham sak tu chuan a thlah thut a an kal nghal nal nal "i tha em? " Ka tih chuan a kawr pawh that pah in a rawn hawi a








"Haw hun ah ka rualin haw ang che, min hnial suh buaina tawh i duhloh chuan" a ti nghal hmuk a hnial ka tum reng mahse ka hnial ta lo ringawt, ka en reng lai chuan teacher a rawn lut thut a hmanhmawh lutuk in ka thutna ah ka kir nghal









Rinmawia chu ka bul a thu ania mahse class lam a ngaihsak lo a hnung ami nen an in be reng ringawt a teacher chuan a hauh a kei min kang kai ve ang tih chu ka hlauh ber ani, ka va melh leh ngawt thin ani lah chuan engmah a lo la thutak duh hauhlo lehnghal a! Class a zawh leh vel ah tui in turin ka chhuak a ka hnung ah min zui tu an awm a Rinmawia a nih ka rin vangin hawi pawh ka hawi lo ka kal mawp mawp









"Hey thiannu" Zaii chuan min rawn au a Zorema te nen bawk an lo thu khawm leh hman, class zawh vel a chhuak ka nia ka chhuak hma viau asin mawle "i hming ka theihnghilh daih, hawh lo thu ve rawh" tiin a lam a kal tur chuan min hui a mahse Zorema chu hman tawh avang khan ka hlau deuh tlat pek a ka va pawh mai duh lo








"Rinmawia bialnu thar chu i va inthlahrun hmel ve rawn thu ta che cigarette zu ho ila" Zorema lo zawk chuan ati a, lu ka thing a tui in na lam pan ka tum chuan tui in tur awm na lam a Rinmawia lo kal phei ka hmu a ka tawk peih ngang lo, class lam ah tui hal deuh chuan ka kir leh ringawt, bak ah nichin khan ka hnung ah min zui char char emaw ka tia!









"Hi " Ka thu fel chiah hmeichhe pahnih hi lehkha te keng hian ka hma ah an lo ding a,engtin ka chhang hran lo mahse a nelawm tawk in ka nuih ve tho " zanin ah college party te nau a awm dawn a lo kal ve ang che aw, kal na hmun tur vel engkim a in ziak ania" tiin an lehkha te ken chu min pe a, ka kal peih lo na in bu nghat chuan ka la ve ta tho









"Min sawm ve dawn em? " Rinmawia bawk, dawhkan chung ah duh dah zet hia athu a ka hma a nula pahnih chuan nui chung hian an pan a nula lam ah a eng emaw tih tih tlak nat ka ring tlat hepa pui hi, nula te chuan ti ti pui pah in lehkha an pe ve a ka lehkha chu ka en a a veng a ber pawh ka hrelo a buaithlak thin mange hetiang chuan kal pawh ni ila thlen hma in ka bo sa








"Kal pui tur i nei em? Nge i thulh fel nghal zawk? " Lehkha ka lo bih ngar ngar lai chuan Rinmawia alo thu a,a thil min zawh dan ah chu a thutak ve hmel phian mai








"Dawn lo hei an veng sawi pawh hi ka hre leh tawhlo" Ka ti a, a nui chhuak hawk ka ni khan new Serchhip bik a veng chu nasa takin min hrilh tawh a tangkai ka tih lutuk loh vang nge min hrilh lai khan ka lo ngaihtuah viau lo ni ka hre mumal tlat lo mai, bak ah chhuah ka nei khat a college kal leh ka ni te nen a len chhuah anih loh phei chuan, kan len pawh in car in kan kal zel sia mahni phei chuan khawi mah ka kal ngailo








"I duh chuan ka lo sawm ang che, kan in awm na i hria em? Keichuan in in chu ka hre kiau a " a tih chuan ka lu ka thing mat mat a, ka hrelo reng bawk ani a mah ka hmuh in kan in atangin khawlai ah ka hmu a college ah ka hmu leh ani mai a an in bul ah pawh hmu ila an in ani tih ka hre chuanglo ang









"Ka kal peih lo" Ka tih chuan dawhkan a bawk in hmalam a melh nghal vung vung a " Nang te chu i nuam tih na chi tur tak aniang chu kal rawh keichu ka peih ve lo" tiin lehkhabu ka keu a engtin mah min chhang zui tawh lo








College kan bang a hmanhmawh deuh in ka haw a bus pawh ka nghak lo mahni in rickshaw chu ka hmang ve tawp,Rinmawia'n ka rual in haw rawh a tih pawh chu ka haw ta chiang lo a engmah pawh ka tawk lo, ka hmanhmawh chhan pawh kan bang hma vak silo a in pan chhung nen rawng tlem tal bawl ve hman tur a haw ka duh, ka tho tlai lutuk hian min ti inthlahrung tawlh tawlh dawn chu anih hmel, in ka thlen chuan ka ni in rawng a lo bawl mek a ka bag Puipuia ka room a dah tir in ka ni chu ka pui bawm ve nghal, ei siam thiam tak chu ka nilo a mahse ka thiam pangngai ve a mi te hrai puar thei khawp chuan chawhmeh pawh ka siam thiam ve tho









Rawngbawl kan peih deuh chiah Pa Maruata office pawh alo bang a chaw kan ei nghal sawk sawk, chaw ei kham ah pawh thil tih fel ah lehkha zir mai ta lo chuan TV ka ni te rualin ka en ve zuai a hmuhnawm ka ti hran lo ka nu ang an nilo a serial vel en ai chuan chanchin thar emaw animal Planet channel a ramsa che tla lai chu hmuhnawm an ti zawk tlat, ka sawisel hran lo a ka en ve reng tho tiang ro ro ah chuan rul hi hmuhnawm ka ti ber a hmuh theih chin ah erawh ka hlau ber thung









TV ka en ve reng lai chuan ka nu in min lo call a tho in midang awm loh na lam ah ka va bia a, min ngaih thu a rawn sawi hmasa leh ber a a bul ah ka pa pawh a awm a ka tawng a ngaithla ve reng atih chuan engtin emaw tak hian ka awm a lungleng tih dawn a ni chiah silo mahse tah chhuak emaw lung hnur ang mai hian ka awm deuh tawp, rei tawk kan in bia a kan inbiak mek lai chuan Johan-a'n min lo call ve leh







"Nu call ka dawng a nakin ah in be leh mai ang aw ka'n chhang lawk" ka ti a a dah ve mai bawk, a dah vel ah call pawh a tawp daih a mahse a rawn call nawn lehnghal zat "hello " Ka ti tlawng ah room ah ka chho ta nghal daih bawk








"Min lo be duh lo a, ila thinrim reng ami? " a rawn ti zawi sap, ka ngawi a ka thinrim tawh em pawh ka hre chiah lo mahse sawichhuah leh tak ah chuan a ngai ah bawk khan ka tang leh tawh, tunge a phone lo la ve tu kha?







"Thinrim em em tawh lo" Ka ti deuh tawp a lehlam ah a thaw zui hawk, kan ngawi dun reng a phone chu a reh em vangin dah tak mai ka tum a








"Sangsangi i hria tiraw? Ka bialnu hlui kha.. a mah kha ania ka phone lo la tu chu" a tih chuan ka tang nghal tung ringawt a ka haw thar em em bawk "Engtin nge chu ka hre chiah lo ka rui bawk sia, mahse ka nu ka zawt a ka chhuak rui deuh a ka haw kha min lo zui haw a room thleng in mahse ngai kawi lo la ka nu pawh a tel ania" ati nghal zung zung,Pi zoi a tel ve thu sawilo se chuan ka ngai kawi nghal khawp ang








"Pi Zoi awm lai pawh in i phone a la chhang ngam ania" Ka la ti hram a ka ngei ve em ani, alo chhang ngawt kha chu a ngaihdam theih a mahse a bialnu pawh ani tawhlo a lo call chhen suh te arawn ti thla ve ngawt kha ka ngei mai mai lutuk!








"Nia ka nu a chhuak kha zui mai tur ah angai aniang a zui silo kha ka nu let leh in ka phone a dah lai ahmu a, chuan i call hmasa ka chhan loh chhan chu phone ka silent a engmah ka hrelo a ka tihpalh lutuk Bawihte, ka tihpalh tak tak" a ti zung zung a ka awih nghal vek a mahse ka hlauthawng in ka hria







"A nih sangsangi kha chu i duh tawh thak lo tiraw? " tiin ka zawt nghal phawng ringawt a lehlam atangin a rawn nui chhuak hawk hawk "i duhloh chuan khatia min rawn ti ve ngawt te i phone a lo khawih ve te kha hau rawh i bul hnaih wh pawh awm miah tawh suh se" Ka ti nghal tan tan







"Duh lo e, ka duh awmchhun chu nangmah chiah,chuan ani hau tur chuan biak emaw hmuh te ka ngai dawn a sun chu chu i duh ami? " a tih chuan rang lutuk in ka duhloh thu ka sawi nghal pang " Kan pahnih a kan awmdun hun ah kan hau vak dawn nia aw" a tih chuan ka khi nghal vur vur mai








"Chuan lo haw vat la ka ti tawh a rei tawh emai a ningawm,a hreawm tawh len na tur ka nei bawk si lo " a rawn ti pangchang nghal hlur,ningawm lah hi a ti ve ziah lehnghal a "e chuan maw Oppa hian tlem in min sarang ei rawh ve deuh tawh in ka hria" A rawn tih zawm zat a ka hre thiam lo ngei mai








"Enga? Enge sarang ei rawh chu? " ka ti he haw a, vawiin lam kan boruak leh nichin nen ngaihtuah chuan kan inkar pawh a tha leh viau tawh, diktak chuan ka hmangaih lutuk vang hian a thusawi engkim ka awih tawp a dawt min hrilh pawh ka ring lo nghal tawp, a in sawifiah na te hi a tak ani ang tih hi ka thinlung hian a ring ve tawp mai








"Aw min saranghae ve tawh ka tih na anihchu, nizan khan ka ruih hma daih khan in in lam ah ka kal a chuan i pa nen kan in tawk fu palh a nangmah a rawn sawichhuak a chuan, ka duh tak tak che anihchuan nghak rih tur che in min tia, min hrilh dan aw ki zawng zawng te kha a danglam riau a lawm bak ah min makpa biak deuh tlat in ka hria"








"A awih awm em em lo emai a, engpawh nise a lawm awm tiraw? " Ka ti a ani pawh ka pa in a tih dan vang a a thawn ve deuh thu leh a lawm ruk zia te a sawi ve a in be tha chho ta si chu lehkha zir pawh ngaihsak lek lo in ka bia a, amah chuan zir rawh min ti reng a mahse ka zir duhlo lui tlat thung, ka ngai em a ni kan inbiak laklawh tawh chuan ka kham mai thei thin lo







"Um nia lawm awm lutuk, heti chuan i fa te pa nih hun pawh ka hnaih zel tih na ania" a rawn tih chuan za lutuk in ka nui hawk hawk "ani lawm,nang hi min neih har te hi i tum ange aw ka duh miahlo ania ka pû che anga ka nau ten i thawmhnaw an keng bawk anga ka ru chhuak che ani nghal mai"








"Em em a che, pasal neih chu ka tum lo nasa mai college ka zo anga doctor ka zir leh anga pasal ka neih theih meuh chuan ka senior sam tuak hman tawh in ka ring" fiamthu zet chuan ka ti a







"Ningawm ka tar thi hman ang keichu!! chutiang em em angailo,min ngaihtuah lo ve ami mawh? min ngaihtuah lo ve... ve ami mawh, mawhhh?? " a rawn ti leh duai duai tawh, ka mitthla ah naupangte a sawi tu kha alo lang a khatiang hmel ang tur a Johan-a'n a sawi hmel ka dream rual a ka nuih nasat zia mai chu








"Min ngaihtuah lo ve zawk ami mawhhh?" ka ti let ve a mah pawh a in sum zo lo leh si a rawn nui ve hawk hawk, ka ngaihtuah a engtin nge ka lo hmuh hlauhawm viau theih le ka ti








Ka hmuh tirh lam ho ah phei kha chuan ka rap lek lek zawk anihkha,psychopath ang maiin ka hmu a mipa sual lutuk leh ruihhlo ngai satliah hmuh in ka hmu a a mah kha a tha lo zawng in ka hmu tawp ani mai mahse, a ze tak hriat chuan joker emaw tih theih hial ania mi a ti hlim thiam a a dawhthei thiam hle bawk, midang a ngaihsak a thil phal in a in pumpek tawp bawk a ka hmuh ve chin ah phei chuan amah ngei ai pawh hian midang a dah pawimawh zel zawk in ka hria, amah atang pawh hian mi te an lan dan a teh fo loh loh tur an tih kha alo dik khawp in ka hria







"Ka ngaihtuah vang zawk che a lawm neih vat vat che ka duh, anihloh chuan mipa dang in an lo hel ve reng che emaw ani anga... Chutiang anih chuan ka sual dawn si" a ti ngei








"Hmpp i ho lutuk, pasal ka neih duh hun a I lo tar tawh pawh in ka nei tho ang che, kan in upat hleih viau dawn chuang lo a" Ka tih chuan a rawn nui hak a








"Kum 20 lek I nihkha aw, ka kum ngaihtuah phei chuan ila nau lutuk kan in upat hleih lo ti reng reng suh kan kum vang ringawt pawh hian ka hmanhmawh ania" a ti nui huah huah a



IMG_12022075.jpg
IMG_12022075.jpg (28.93 KiB) Viewed 2567 times




"Kum 30 bawr bak i ni dawn lo doctor zir zo tawh chu an senior ve deuh tawh a mahse chu pawh nise ila upa bik vak thei chuanglo, i che naupang thei ropui sia" Ka ti a, a kum zat awm chu ka ngaihtuah ru nghal char char bawk, sawi chhuah tak ah chuan a piancham te pawh hriat a chakawm alawm le









"Hmm, ka sawi duhlo tar min ti palh ang" a ti vei tlat a, min ti hre chak zual bawk nen ka ngei ania!! bak ah hepa pui hi mi a hrechiang ropui sia spy te hi a ang zawk mi chanchin a hre thei ropui si








"A nih i piancham tal min hrilh rawh " Ka ti a ka in ti pangchang lui vel ngei, a rawn nui hawk a keimah bawk chuan " Ka piancham chu i kum zat min hrilh duhloh man ah ka hrilh lo ang che" Ka tih chuan a nui uar sauh sauh a, a mah ngaihtuah chuan a nui ri hriat ringawt pawh hahdam pui tham ani, mahse a nuih chuan a hmel ro rum em thin vang leh a psychopath nuih kher zel vang hian a hlauhawm zawk








" 14 February ah ka piang, chuan nang chu ka hre reng a lawm sawi duh lo mahla" a tih chuan ka ner nghal nang, a lo hriat leh pek tawh kha ka ring reng ani








"Uiii Valentine's Day ah maw I pian a? a nuam awm bik bik,hmangaih te ni ah i piang a an hmangaih sup sup ang che ka ring,keichu ka pian ni hi engmah ani ve lo sawrkar chawlh takngial pawh anilo a nang chu a cial bik e" Ka tih chuan anui ri hak a, a ri deuh rak rak a aw thian kharh kharh in








"A nuam chuang hleinem, hmangaih te ni ah ka piang a hmangaih pawh ka nih chuang loh hi..haha, ka nu leh pa te tak ngial pawh in min hmangaih chuanglo, Valentine's Day a pian hi engmah awmzia a awm chuang lo chuvang chuan nangmah nen a kan pian ni hi a in special hleih vak chuanglo tih na a nihchu" a ti tawi tak a, a aw chhuak zawi ruih atang chuan a rilru a na thar ni in ka hria








"I rilru tih nat tir che ka tum miah lo, kum chungchang ka sawi khan i piancham ka hre chak thut ringawt a, i rilru a na em? " Ka ti a, ka in thiam lo tak tak ani a tawng hun ka ngaih chan reng lai chuan ka room kawngkhar a rawn ri rak rak a ka hawi rual vel in ka ni a rawn lut ve nghal









"Mate zan ah chhuah na tur i nei ami? i thiannu a rawn kal a a rawn sawm che, engmah i sawi silo a" Ka ni chuan a rawn ti nghal a, ka lo hawi a heu mai tu thian nge ka ni hian a rawn sawi ve nawlh chu? Johan-a'n thawm a rawn neih leh vangin ka dah lawk dawn tih hrilh in nakin a ka biak mai tur thu sawi pah chuan ka off zui a








"Kal na tur ka neilo, tunge ka thiannu?? " tih leh thawh ka rual a ka ni nen inhnuai lam ah kan in zui thla nghal vat a kan couch a Zaii fel at mai a lo thu ka hmuh rual chuan thil awmdan ka hre thiam nghal kuarh, Rinmawia rawn kal tir ani hrim hrim,chu chu nilo se ani in a min rawn sawm daih thu a awm lo








"E ila in siam nange? An tan tep tawh ang" Nelawm zet a nui pah hian a rawn ti hliai a kawngka lam ka melh pah zeuh a midang an awm ka rin vangin, mahse tumah chu ka hmu chuanglo "in siam la, vawiin ah pawh i kal ve duh tho thu kha i sawi sia chuvang ania ka lo sawm che" a ti leh a ka ang deuh phuau









"Kal ve i duh ami? Keichu zan chhuah hi ka duh vak lo birthday party pawh ani silo a " Ka ni chuan Pa Maruata bul a thut pah in a ti a, keichu lai zet leh inthlahrung zet in ka ding ringawt, Zaii lah chuan nilo deuh in min rawn sawi tawp sia ka ni lah chuan a awih hmel tawh mai si mahni thiamloh pawh nilo ah ka in thlahrung duk mai








"Vawiin chuan a sawi a lawm" Aih ti a ka ni ka chhan hma in Zaii chuan alo ti leh, ka thin phu te hi a rang tial tial a ka ni lawm vak lo hmel te chuan ka tha a ti khur mai dawn " Kan reilo ang, a hma a tih tum tawh kha ania hmun dang atang a college lo kal te welcome na chikhat ani mai" a lo ti leh a ka tawng dawn a piang chuan min log khalh zung zung a engmah ka sawi ve theilo








"Aw va kal ve sela, dar 10 hma in rawn haw tum se" Pa Maruata chuan ati a, ka ni erawh in engmah a sawi lo thung keipawh in kal chu ka chak hauhlo " Han in siam ve rawh Arin, hei an nghah reng che hi mahse va awm reilo ula aw, in chi lam atel phei chuan ilo haw daih dawn nia" Pa Maruata bawk in ati leh








"Nia chutah chiah chuan a nia ka ngaihtuah che, mahse an welcome ve na che anihchuan va kal la lo haw hma i tum dawn nia, rawn thlah haw leh ang che u aw" Ka ni chuan Zaii hnen ah thupe aw lek lek hian ati a, Zaii pawh naupang fel ang maiin a bu nghat nghat








Thil sawi ve ka tum a piang in Zaii chuan min rawng khalh zel a ka haw lek lek mai, thu rawn sawi te ka ni te nupa in an ngai thutak tawh bawk si, ka tawng min khalh zel a ka ni lah in insiam vat turin min tur ta sek a, a ngaih na hrelo leh peih lo zet chuan ka han in siam a, khati em em a Zaii tawng chak leh ka nu te nupa in a ka thusawi ngai pawimawh miahlo tur a a be buai char char thei kha mak ka ti zawk! Zaii nen chuan kan chhuak a ka nel viau lo chuan ani min ti kal peih lo zual chu








"Rinmawia'n min tur sek a ka ning lutuk a ka rawn kal tawp anihkha" Ngawi reng a kan kal dun laiin arawn ti chhuak a, ka rin sa anih vangin min thawng lem lo, mahse engvang a kal tur a min duh em em nge maw anih le?







"Bialnu anei lo ami? Ngati nge keimah hi min tihbuai ka sawi thiam lo min hnaih ka ti mai" Ka ti tawp a chubak a mawi vak a sawi dan ka hrelo "Tun ang ah te pawh hian a bialnu kal pui mai ta se, kei a peih leh peih lo min sawm chhuak a" Ka ti nghal zat chu a nui hak a








"I peih lo nasa tih chu i hmel lan dan ah khan ka hria a lawm, a huat pawh min haw hial lo maw? " ati a, ka nui tawi tak mai diktak chuan ka ni te nupa hnen a thil sawi ka tum min pawt chat tlat te kan kal na tur a kal chak ang a min chhuah te kha ka ngei ve reng "Rinmawia te chuan bialnu chhiar tham loh a nei a lawm, lo ngai reng mah rawh zanin ah a thar a nei anga naktuk ah a thar leh, tumah a nih pui rei theilo " ati a Rinmawia nen a awmdan a sawi chu a inhmeh hliah hliah mai








"A va lerh awm em em ve? Nge a sual vangin an ngaizawng rei peih lo zawk? " ka tih chuan a nui ta vak vak a, keipawh a nui nasa lutuk chuan min ti nui ve ringawt, phone ka phawrh a Johan-a ka text a kan inbiak laklawh lai a ka tawp ta daih bawk si kha a lung nilo viau mai thei ani, massage ah chuan kan kal na vel te ka hrilh tel thlap a ka haw vel a ka biak tur thu hrilh in ka zan chhuak chu min ngaihtuah lo turin ka ti ve bawk









"Hey, tawng lo in kal chak rawh saw ta min te sawn an biak che emaw pawh in chhang lo la en pawh en suh" Phone ka khawih laiin Zaii chuan ati a ka phu nasa lutuk chuan phone ka thlauh tep, ka thinphu pawh rang tak ani!! Zaii vang chuan hmalam chu thui tak ka en a mipa lo ding khawm ka hmu bawk a an mahni saw ani ngei ang Zaii sawi te chu









"Tu te nge?? Ka tih chuan Zaii chuan Rinmawia class luh na bul a lo tibuai tu te kha ati a, Rinmawia hnen atangin a mah pawh hian a hria aniang..chumi anih tak vang chuan keipawh Zaii sawi ang chiah chuan ka awm a,kan kal zel a pakhat chu kan kal chak viau laiin kan hma ah a rawn ding thut a kan su thelh ani, zu rim a nam nasa ngang bawk..a kut a la kang a ka hmai zawn a rawn lek pah in








"Rinmawia lo chhan tu kha i ni maw? Min vau ve khanglang em kha(h)? " tiin a kut chu a lek che hlek a Zaii chuan alo man chawt mai!! a engamah hma in ka lo hlau nghal em em ringawt a Zaii chu huai ka ti bawk, kei ni ila tihian ka ti ngam teuh lo








"In hai aniang, kal na tur kan nei a min kal tlang tir phawt teh" Zaii chuan ati leh a chupa leh a sir deuh a lo awm a thian te chu an lo nui hawk hawk a enge an nuih chhan pawh chu ka hre chuang lo








"Aw nang chu i kal thei, i thiannu hi chu a kal tlang thei rih lo" tiin a kut chu a la sawn ta hram a Zaii ban ah chuan ka vuan nghal chawih,an bul kan thlen hma atang tawh a hlau tawh ka nia ka hma a a ding ta phei chu ka hlau hluah hluah, tu emaw mipa pakhat tal pawh lo kal se ka ti VDP te hi lo kal nawlh se a nih loh pawh in pastor tal pawh,Johan-a te hi rawn lang hlawl sela min rawn chhan se tih ringawt ngaihtuah chuan ka buai chi ai zo vek tawh









"Khawih tum ziah suh, ka thiannu ania ka kalsan dawn lo hrim hrim" Zaii chuan ati a chupa kut la kang in a min khawih a tum chu a kut a lo ben thlak sak pawp! Zaii zawk pawh chu an khawih thut ang tih ka hlau a chhan tur ka mamawh takzet a tawngtai mawlh mawlh mai te ka duh tawh








"Hmeichhia te te i va kawlh reuh ve a" a ti a Zaii kawr âwm ah chuan tham in kut thawh a tum ta mai!! ka hlau si tih ngaih na ka hre tawh silo ka mangang leh Zaii an khawih nat ka hlau chuan Zaii a tham na lam ban rem zet ah chuan ka seh vak ringawt! a au chiam a chumi rual chuan tu emaw hian min pawm hrang nawlh!! a thiante emaw tiin ka tal nghal vak vak









"Aw.. Aww!! Keimah Rinmawia" a tih vak ah chuan ka tawp chawt a hmel ah chuan ka en nghal vat, a mah ngei a ni tih ka chian rual chuan ka lungchhe nghal tawp a chhan pawh min chhan tu tur ah ka ngaih ngheh tlat tawh vang ani "buaina tawh i duhloh chuan i seat ah thu rawh ka tih ka tih kha" a ti a, khatia a sawi chhan kha tun ah chuan ka chiang viau tawh









"Hey kan nula te engvang a lo tibuai ve teh mial cheu nge in nih a? Thil chu mipa tak in chin fel tur,hetia kan hmeichhia te in lo tihbuai daih hian in nep zia in ti lang mai mai" Rinmawia chuan min ngaihsak zui hauh lo in ati a, min thlah zui a Zaii chuan a bul ah min pawt nghal bawk








"Anih chuan hetah hian ching fel ila nep a" ka seh pa chuan ati a insual cho lutuk in a kawr chung a phelh sawk sawk,Rinmawia pawh chuan a jacket a phelh sawk sawk a,insual an tum ta mai an thian te ve ve in an awm na lam ah an din pui a Zaii nen kan ding tlawng, kan hma mai a mipa insual tum te vang chuan keichu ka thinphu hi a dik tawhlo, mi insual hnaih lutuk ah ka la awm ngai bawk lo a movie a insual te ang ani dawn lo tih pawh ka chiang lutuk, chuvang chuan ka hlau ngawih ngawih, ka kun deuh a ka mit ka hup tawp, a ri nghal pawp pawp mai!!









"Rinmawi khawih hrep rawh" Zaii chuan a lo la ti zui a en ngam bik ani ngei ang a huai ka ti ngei mai!! an in hnek ri ah te chuan ka lo phu dawt dawt,an insual thawm te chuan ka thaw an ti hah mai dawn in ka hria! Ka bing mup mup a tawng pawh ka hre tha thei tawhlo, min bia awm a ka hriat ah chuan ka hawi chhuak a keini ho bak kan lo awm tawhlo, Rinmawia chu lei ah a lo mu tawp a a hah hmel ngawih ngawih, misual te phei kha chu an awm tawhlo









"Johan...!! " Johan-a'n min lo call a ka pick rual chuan ka tap nghal ringawt, ka phone ken na lam phei chu ka kut a khur nasa mai!! "Mi in min tihbuai an tum a ka thian te nen an insual" tah tawng in ka hrilh a ka hlauh zia ka sawi nghal mawlh mawlh, chutah ka phone an rawn phih nawlh a Rinmawia ani, ka phone chu hmet eng in caller ID a en aniang kei a tap chu min rawn en leh a, a hmel thi neih nuaih nen chuan amah pawh a hlauhawm hial zawk








" U keimah Rinmawia, aih engtinmah an khawih lo, kan va thleng hman a.. Aw in sual e min hneh leh chuang lo, um ngaihtuah suh ka lo veng zel ang " a ti a phone chu ka kut ah min pe in a thaw pawh a la rang khawp mai mahse, tun mai khan enge a sawi kha Johan-a kha U tiin a ko a!! Johan-a'n unau a neih ka hre silo enge awmzia min ven tur thu te a hrilh a!

[Ngaia]

CHAPTER-34





" Awle, lo ngaihtuah suh " tiin keimah bawk chu min rawn melh leh a, hlauh na nen Johan-a U atih vang a mak ti ham haih bawk si in thaw dep dep chuan ka lo en tawp, ka lam a phone rawn lek phei leh pah chuan "kha a be duh che" a ti a phone ban mai na chang pawh ka hrelo ka kut chuan a rawn hmeh bel ta tawp









"Duatnu, I tha em? nâ i nei lo mawi i hlau viau em? " Johan-a tawng zawi te te in ka hria a, a chhan pawh ka beng zawn a phone ka la dah loh vang ani, Rinmawia chuan min en reng a a hnar thi chu sawi loh a mit ko leh hmui atang te in thi a chhuak ser sur mai!! "Duatnu... ?? " Johan-a rawn tawng leh ah chuan ka phone chu ka ngaithla ta hram








"Aw... " zawi te hian ka ti a, ka aw te chu an chhuak tha theilo ni mai hian ka hria, phone ka ngaihthlak laiin Zaii leh Rinmawia te ho chu an in be khawm a









"Rinmawia kha zui la haw rawh aw, ka nau ania Rinmawia kha amah kha ring tawp rawh nangmah ngaihven tur a ka tih anihkha,a rual khan i haw dawn nia" a ti nghal zat a, engpawh chu nise engtia a nau nge Rinmawia hi?? "Puia step ah a chesual palh a hospital ah kan kalpui dawn a ka dah lawk ang aw..in i thlen awm ah ka lo call leh ang hlau tawhlo la Bawihte, i chung ah engmah a thlen ka phal lo ania" a tih chuan min ngaihtuah na vang ringawt in ka tap tha leh









Phone chu ka off a Zaii leh Rinmawia, Zorema te pahnih nen an hma ah chuan tap ri ngam silo in ka in hnit hlawp hlawp a ka hlau em ani, mahse an hma a nula ve uai tawh tah chu ka zak ve bawk si ka zak a mahse ka in sum thei rih bawk silo!! Ka tap chu min nghak ngat ngat a ka inthiam lo hial zawk mahse a chhuak bawk si tih ngaih na tak pawh ka hrelo








"A va han zia lo tak!! " Rinmawia chuan a ti hluai a,ka tap rei lutuk chu a ning ni ber in ka hria,a ban lehlam a min kuah in kan kal tawh na lam ah chuan min kal pui nghal dawt dawt "lo va kal mai rawh u, keichu engmah ka ti peih tawhlo ang ka na them thum mai!! naktuk class tur pawh in min lo sawm suh ang cheu" hnunglam thlek let pah in a ti lang lang a, thui pawh kan la kal lo min kuah na ban chu ka nawr thla tawp









"Nangmah vang vek anih hi, Zaii kha min rawn sawm luih tir lo la chuan hetiang hi ka tawk miahlo ang, ka hlauh zia pawh hi i hre thiam pha dawn ami? nangmah vang vek anih hi" Ka ti a Rinmawia chu thinrim takin ka en a, ani pawh chutia ka ti thut chu a thawng nge sawi tur a ngaihtuah tih pawh hriat siloh in a ngawi ran a









"Nia ka thiam loh chu ania lawm mawle, chuvang chuan ka rawn chhan reng che kha, bak ah college ah ka hrilh sa vek che a buaina tawh i duh loh chuan tiin mahse thu i awih duhlo anihkha" Thinrim pawh ni miah silo hian a rawn ti let a








"Khatiang em em ka beisei bik lo a lawm, engah nge nangpawh hian party na a min kal tir phet i tum a? ka kal peih hleinem" Ka ti vak a khawlai mah nise a reh deuh a ka zak vak lo









"Aw anih ka tihpalh, i kal peih lo anih te chuan Zaii kha lo hnial fi thla thak mai ta che, a reng reng ah i tawm im lutuk a ka khawngaih che a lawm le thian te kawm tam ve la ka tia, sual reuh lutuk!! " a tawng zawng chuan a taksa nâ a awm thin aniang a ner pah zel









"Khawngaih ka ngai lo, nangmah vang vek anihkha " tiin hmalam pan chuan ka kal zui hlawk hlawk a, ka hnung ah min rawn zui ve zel a in kan thleng har kani ti tawh khawp mai, thlen vat vat a mut bo daih ka duh









"Hey, kal muang deuh teh ka taksa te hi a na teh mai ania" a rawn ti a,a pangngai reng in ka kal thung..a hnu lawk atang chuan a reh ta vung vung a ka hawi let a ka hmu ta mai lo ka kal chak nasa mai si, a awm ta lo chu in kan la haath lo bawk nen ka hlau leh si a ka va let leh









"Rinmawi..?? ka hlau sa teh mai ania bo daih suh" tiin tawng ring tha ngam silo chuan ka ko pah a,ka let leh na atang a hla lo te ah chuan footpath ah lo awm in a lo thu thluang duai a, tlak dal a an siam thir mum in kham chu ngheng in a thu mu deuh tawp, a thawmhnaw nalh tur zia ka ngaihtuah zui lai tak in a rawn hawi a









"I kal ngam tho lo ami? Lo va kal mai rawh ka kal thei tawh rih lo" a rawn ti a, a kun nghal lap chu a thi emaw ka tia hlauthawng lutuk in ka tlan phei nghal ka va thleng a a biang tawn tawn a vuan in ka ti dak a chumi rual chuan "Ai ah, nat sa nak lai a ka ring i ti bung dawn a lawm" a rawn ti chhuak a ka thlah lehnghal vat









"Engah nge i in sual reng reng a? tiang leh tur si te chuan insual lo mai tur che a lawm ka ngei zia che hi!! " Ka ti lehnghal hrep a, ani pawh in ka tawng hrep zel chu ning hmel lutuk na tuar bawk si in min melh vak " Keimah in ka haw ngam lo a la hla si" ka ti a a bul ah chuan ka thu ve ta ringawt a, kan ngawi dun ti ila Rinmawia chuan na a neih miau avangin a si leh hlap thin









"Heta tang in Hospital a hnai em? Kal ila na i tih hmel sia" ka ti hnu hnawh leh a, chutah na nei nuih chak nui tha ngam chiah silo chuan min rawn en a "ka fiamthu lo ania" ka lo ti leh hmak








"I fiamthu pawh ka ti hleinem, hospital kal maw i tih kha? tun ah ke in kal ila naktuk ah pawh kan thleng lo ang Civil Hospital phei chu bazar lam ah daih a lawm awm a, chumi thlen hma chuan ka thi hman mai thei" a ti a, ani tak e ka ni khan hospital awm na kha min hrilh tawh heta tang chuan hla ve tak ani








"Ka dam leh mai ang, naktuk erawh chuan ka rawl viau mai thei ani" tiin a ke te chu a leng arh arh a "ti daih ila ka u nen hian engtin nge in in tawn a? Ka sawi awmzia i hriatloh tak in U Johan-a" a ti a, sawifiah lehnghal lo se chuan ka bo nasa leh hman ngawt ang








"Ka chhan hma che in engtin nge i u anih theih min hrilh rawh, Johan-a hian pian pui unau a neih awm ka hrelo hrim hrim bawk" thutak zawk hian ka han ti ve thung a, ka hre chak hliah hliah midang pawh nise an hre chak ve viau tho ang








"U tih ah pian pui unau nilo, chutiang a in chhun na neih pawh kan nilo a maw,a tawi zawng in ka hrilh mai ang che hman tawh ah khan Aizawl a ka awm laiin ka thi tep tawh a chutah chuan a mah U Johan-a hian ka nun na a chhanhim,chuta tang a in hria chu kan nia...ka nun na kha chhan ta lo sela chuan kuang chhung ah ka tawih ral vek tawh ang..U ka tih mai chhan te chu unau ang a kan in en tak vang ania" a tih chuan ka rin ai a an in unau ve dan a ho ka tih vangin ka ner nang a









" Serchhip a ka haw hnu pawh in kan la in be zawm ve zel a mahse a phone a chhia nge ka hre ta lo a reh ta vang vang a mahse vawikhat kha min rawn be pawp leh nawlh a engtin nge phei chu ka hrelo " a ti a a kut pakhat in a hmai a dawm a lehlam in a pum









"Zan khat kha tlai deuh ah min lo call a i chanchin hi min hrilh a Serchhip a zir na i rawn zawm tur thu vel nen a ngaihtuah khawp mai che,ilo thlen hun ah pawh lo ngaihven che a engkim a buaipui leh veng tur che in min lo hrilh a, keipawh in ka lak a a thil tih te rulh let na hun tha tiin ka lo pawm sak anihkha, nang lah chuan min la kawm duh lo zui" tiin fiamthu zet hian a tawp a khar a








"I nun na a chhan sak che a, chumi vang chuan nichin a in sual leh min chhan te thleng khan i ti a maw? unau tak tak tan loh chuan tih chi pawh ani ami nun na chan theih na tho anihkha,bak ah rei tak in in be tawh awm silo a engtin nge ilo la hriat reng theih a? " Ka tih chuan a thin zawn chu a dawm a









"Hei hi a pawimawh thinlung hi, mi tha tak phei chu ka ni bik lo na in mahse mi te kan chung a an that phawt chuan that na a rulh let ve zel ka duh, U Johan-a phei chu ka theihtawp leh tun ai a nasa a rulh let ba hian ka in hria, ka nun na a chhanhim satliah ani hleinem thil tam tak min tihsak bawk...in biak loh rei mai mai te chu a ho e, bak ah ka nun na chhan tu mihring kha theihnghilh mai mai ka tum lo,min rawn bia ka lawm zia te kha a" a ti a, Johan-a nen in kungkaih na tenau an nei tih ka hriat vang nge cute ta riau te hian ka hria









" U Johan-a vang a chhan che ka nih piah lam ah khapa te nen kha chuan kan in hal ve hrim hrim a chuvang a in sual pui ka nihkha " ati leh dap dap a ka lo bu ve nghat nghat bawk " Chuan min chhang ve tawh rawh ka U nen chuan engtin nge in intawn a? " ati zui zat a, ka sawi mai duhloh vangin hmalam ka melh nghal daih









"Ka sawi peih lo a hrim hrim in a tir te khan sawi ve mai ta che u, engah nge in zep dun kher a? Ka ngei tlat che u" Ka ti a thil hrim hrim chu sawibuai phet tum ang mai ka ni, mahse ani ve miau a lawm ka kal hma te khan Johan-a chuan min hrilh se la rilru nuam deuh in thian lo awm sa tur nen ka kal ve thei tur ania ka ngei tlat









"Nuam i tih leh lutuk a i theihnghilh a hlau ani ve mai a lawm, keichu min ngei rawh ka u i ngei vaih erawh chuan ka sawisa che ani mai" fiamthu zet hian ati a, a u tak tak pawh nilo lak a hetiang khawp a tha thei hi a awih awm lo zawk dawn dawn mai, Johan-a'n a nun na a chhan sak leh thil tam tak atih sak na vang chu thuhran ni sela amah pawh hi a rilru a tha thawkhat tih a chiang reng









"A nih chutia i hriat tak ah chuan thian kan ni thei tawh em? " tiin peih loh hmel deuh chuan a kut a rawn phar chhuak a in chibai a duh ni hmiang, a mah chu chiang deuh in ka en a a hmel hmai khem tawh sa zan in a insual leh na vang a nat zual hmel em em a thi te vang chuan ka tho thut a min en chho nghal hû









"Haw tawh ang, i hmai a hliam vel kha kan in ah damdawi ka hnawih sak ang che" tih leh kal ka rual a mahse a hma ang em em chuan ka kal chak tawhlo,a ni pawh a rawn kal zui mai a a mah ngaichang deuh reng pah chuan ka kal a, min sawm chhuak lui a buaina tawk thelh mahila min chhan leh tho a ka khawngaih hnuhnawh








"Hetiang hmel nen te chuan i chhungten engtin nge min ngaih a nga? " a rawn tih ve leh hnuhnawh a, a ni ve tho mai a hmai te phei chu a rapthlak reuh si kan haw dun chuan ka ni te nupa an hrilh hai ngawt ang, mahse keini min chhan vang a tiang a awm hia ania damdawi tal ka hnawih sak ve loh chuan








"Min thlah haw i tum tho a lawm" Ka ti a min chhang zui tawh lo, in kan thlen hma lawk in Johan-a'n min lo call a, ka zia tawh thu leh ka ngaihtuah awm tawhloh thu ka hrilh a








Rinmawia kan in ah ka hruai dawn a damdawi ka hnawih sak dawn tih pawh ka hrilh tel thlap bawk,ngaih ngam zan in phone chu kan ti tawp a in chhung ka luh rualin ka ni couch a lo mu TV en chuan min rawn hmu a ka hmel a danglam ta vek nge ka hnung a Rinmawia chu a rawn hmu nghal ka hrelo a tho zawk a phawk deuh hian min en char char








"Ahhh, ni hei ka thianpa hi tawhsual a tawk palh a, damdawi a hmai a hnawih chi ang vel kan nei em le?" muang ban chap in ka ti a, diktak chuan ka hruai haw ngawt pawh chu ka ni a thawng bawk nen nuam lo ka ti hnuhnawh "Ni... " ka ti leh a a mit a khap zawk a atho ve nghal mai








"Tawh sual tawk ai a awih awm deuh hlek kha i sawi theilo ami? emaw buaina kan tawk tep a min rawn chhan na lam ah hliam a tuar tih te pawh in" Hnunglam atang chuan arawn ti a,min rawn hnaih tih ka hriat vangin ka kiau chuan ka nghawk chawrh "A na lutuk!! ka thi dawn" a ti a ka hawi let chiang lutuk, a lo in dawm kun ngawih ngawih









"Hey i tha em? engtin nge i awm a? Ni damdawi chu" ka ti nghal chul a ka ni chuan lapua nen a rawn la a, couch ah chuan Rinmawia pawt kal in ka thut tur a a kawr chu ka hlim nghal pawp, engmah hliam a awm lo pawn lam ah chuan a kaw chhung lam a fan ani mai thei








"Mut tir la a nuam deuh ang chu" Ka ni chuan alo ti a Rinmawia chu mu turin ka ti a eng a hria chu ni maw a duhlo ve tlat!! ka ti lui duh bik lo a hmai ah chuan damdawi hnawih sak vat turin min ti a haw vat a duh thu a sawi bawk, ka ni chuan a na a reh hma chuan awm rih turin a ti a, ka beisei ai chuan alo ngaihsak thiam leh si









Ka ni chuan naupang ho room a lehkha zir en in min chhoh san a, Pa Maruata an room ah a awm nge a leng chhuak ka hrelo, ka ni chhoh hnu chuan tlem in a thu awn deuh a ka ni kha a zah nge pawh ka hrelo a kal hma zawng in mu tur a ka tih pawh in min hnial tlat a tun ah lem ka ni a kal sawn a a thu duh dah leh tho si, a hmai ah chuan pem thar damdawi ka hnawih sak a a thip thawkhat aniang a ner sak sak mai







"Ngati nge ti khan min en reng a? " a hmai ka buaipui sak chhung zawng chuan hmuhnawm thlir ang hrim hian mi thlir a, a hmai a ka ni bandaid dah tel ka bel sak zawh rual chuan







"I hmeltha ka tia" a tih chuan awih lo lutuk in ka nui suk a chhan en ah pawh ka en peih lo law law " Ka u hi a vannei ka ti" a rawn tih leh tak ah chuan a mah chu ka en a






"Keimah zawk a lawm vannei, ani hi tawng lo ila... " ka tih rual chuan che hrut in ka lam ah a rawn thu hnai thut a ka tawng tawp chiang khawp mai, phawk deuh a ka en chu nui suk in a rawn awm hnai tawlh tawlh a








"Hetiang hian awm miah suh Johan-a ka hrilh ani mai" ka ti a a âwm ah chuan ka nem nghal zat, a awm hla hret a nui suk a kan kawngka lam chu en pah in a bu nghat nghat a, a ruk a ka tang teuh chu ka hah vek thei mai, khatiang a a chet ka beisei lo lutuk a!







"Thil hi beisei loh dan in a thleng chawk ania " a ti a, a tho thut a "heng avang hian ka lawm e aw" a hmai a bandaid ka bel ho chu kawk in nui chung chuan a chhuak zui ta vang vang, tun a a thusawi kha eng thil a sawi tum na nge maw ni le ka hrethiam hauh lo mai




IMG_16022027.jpg
IMG_16022027.jpg (29.18 KiB) Viewed 2138 times






" Hey, nangmah in i haw thleng thei ang maw? " tiin ka au zui vak a, ka thut na in a rem em vangin a kal pawh chu ka la hmu thei, ka auh vang chuan rawn hawi in a kut chu a rawn vai kang lauh lauh a chumi rual chuan na ti in a la thla lehnghal








"Naktuk a min hmuh loh pawh in i lung kha lo ti leng vak lo la aw" a rawn ti nui vur vur a, a va zak lo e aw rawn kal lo se ka lawm daih zawk ang chu mawle, min ne buai a min zui buai tu an awm lo anga a nuam fe zawk ang









Ka ni a rawn chhuk thla a, thil awmdan a dam thei ang ber in ka hrilh a chumi hnu ah room ah chho in zan zan ah chuan ka inbual a, ka inbual lai te chuan ka beng ah hian Rinmawia te in sual thawm chu a rawn ri nawn leh thut thin! mahni te chauh a awm leh tawh phei chuan min ti hlau lek lek mai, ka inbual zo thuai a ka in thlak fel chiah Johan-a'n min lo call leh a,nichin khan ka tap teh pur bawk sia min ngaihtuah viau aniang









Rei mawi tawk kan inbia a hetah Rinmawia a hmelhriat sa a awm tih min hrilh lo te chu la sawichhuak a ka ngei thu te nen lam ka hrilh, lehlam ah fiamthu in min lak sak zel a thian tur an awm sa dawn tih ka hriat chuan ka kal phur lutuk ang tih hlauh vang mai mai in min lo hrilh lo a, ka ngai lo zo vek tih te a lo hlau mai mai vel anihchu! Kei thian siam thiam lo bawk si in a hreawm ka tih theih zia kha! Kan in be zo a lehkha ka zir peih tawhlo law law chu ka mu nghal daih









Zan ka mu hma ve deuh bawk a Zing ah ka tho hma ve khawp mai, ka ni nen rawng kan bawl dun a Puipuia te unau pawh phak chial in an rawn tho a, ka awm rei tawh a min ngaina lutuk tawh Zozoa phei chu a rawn tho thla a rawngbawl a ka ding lai chu min rawn tlan hual teh chiam a ka kalsawn pawh in ka ke ka pen hleithei lo, ka ni in a lo hauh pawh in naupang tih tak ah ngahmah a ngailo reng reng









College kan kal a, nizan a a sawi ang tak tak in Rinmawia chu a rawn kal lo a thiante zing ah ka hmu lo a class ah pawh hmuh tur a awm lo, mak deuh mai in a awm ka ning reuh nen a awm loh meuh chuan biak tur mumal ka neilo a thian neilo a college ka kal tirh lai ang mai khan ka awm anihchu!! Ka khua a har lek lek mai ka ngai chu ka ti em lo mahse sir lam a hauh bur tur ringawt a thu pawh a awm lo chu ka ruak deuh hiai mai









Mahni te in ka awm leh tawp a midang te chu ka be ve lutuk mahse Rinmawia ang huam an nihloh vang hian ka nel teh chiam lo, Zaii a fel hlauh zawk a nizan chungchang sawi khan ka bul ah a rawn awm ve zeuh zeuh reng a, khapa min lo ti ding tu pawh kha class a rawn kal lo tih a sawi a a na ve viau ngei ang Rinmawia khan Johan-a hnen ah pawh min hneh lo ati anihkha, a hneh tu zawk pawh class rawn kal thei lo in a awm ania a hneh lo tu zawk phei chu a rawn kal a beisei awm loh








Ban vel ah bus in ka haw a ka nu in bus ka chuan laiin min lo call a eng emaw vangin aizawl ah ka haw thlak a ngai mai thei tih min rawn hrilh!! ka thuthmun atangin ka ding chhuak zawk tep ani, Api leh apu te chenpui tu zing a pakhat U Nupuii chuan pasal a nei dawn reng a,a hma atangin an lo in rel sa tawh hi alo ni, min hrilh har lutuk tiin ka tau kual leh vel a, ka lawm zia hi ka sawithiam lo U Nupuii te inneih vangin aizawl ah ka haw thla thei dawn nia Johan-a hrilh ve vat angai ani a ni pawh a lawm ngawt ang








"Mahse kar 2 ngawt a la tla a lo phur hluai suh, bak ah i pa hian inneih hmang a rawn chhuk ngai pawh atih sak lo mai thei che asin i zir na abuai phah chuan " a rawn ti a kei a haw thla chak nghal et et tawh chuan ka chhuk thla dawn bur tih ka sawi nghal tawp









U Nupuii pawh pasal neih chu a hun viau tawh mai,a kum pawh a tlem zawk zawk tawhlo a an pa tur nen lah a kum a kum an in zui tawh a neih tlak anih zia pawh a chiang tawh ang, chhungkaw hlim tak din dun se ka ti ngawt mai api leh apu te pawh in an lo sawi hmuh ve zauh zauh tawh ani bawk a a tawp ah chuan a nei ve dawn ta anih hi









"Min lo hrilh leh vat ang che u, ka ngai tawh teh mai che u ania" Ka ti a an ni ka ngaih chu thuhran ni reilote pawh Johan-a nen hmun khat a kan awm thei tur chu ka phur tawh a kar 2 ngawt la awm mahse naktuk ami mai tawh tur ang chuan ka chak tawh nghal ngawih ngawih tho








In ka thleng a ka ni hnen ah chuan hlim zet in ka hrilh nghal zung zung a, chhun lam ah ani chu ka nu in a lo phone tawh a lo hriat vek tawh thu a lo sawi ve thung,U Nupuii te inneih na tur a lawmpui rual in chhuk theih na hun remchang ka nei chu min lawmpui thiam viau bawk a ani pawh in chhungkua in hmuh khawm na hlimawm ani pah tiin a sawi ve bawk a, chuan sawi hmaih theihloh kan chhuk chuan Johan-a a hmuh ve theih a in beisei a hmuh ve chak zia min hrilh chuan ka lûng a ti chhe dawn dawn zawk










Rawngbal pah te in kan sawi dun chho zel a Pa Maruata hna bang lo biak lum lam nachang pawh kan hrelo thelh ani, chaw kan ei a eikham ah chaw ei lai ata tawh ka thi tum ka thuamhnaw ho rem fel chu lehkha zir hma in ka ti zung zung a,chung ka tih fel na lam ah chuan Serchhip ka chhoh dawn a Aron a lehkha min pek kha ka hmu chhuak nawlh mai, ka chhiar ang ka tia a thla a thla chu ka lo dah tha ta daih anih hi, thawmhnaw ka thlep zo a lehkha in thlep chu ka lehkha zir na chair a thu in ka han keu pharh a









* Arin,, a hmasa in ka thil hrilh tur che hi pawm dan min thiam sak la, lehkha hi i chhiar zo hram anih chuan ka lak ah thinrim lo hram ang che aw... Arin kei hian ka duh thin che tih i hria anga Amon ai pawh in, Amon khan duh lo che sela chuan ka bialnu pawh i nih ve theih ka ring mahse Amon an a duh che tih ka hriat khan ka inthiar fihlim a a chhan chu ka uanupa hlim ka duh vang ani, mahse beisei loh tak in kan chân ta sia Amon a awm loh ah chuan keiman ka buaipui chawt che anihkha, kan in hnaih leh tih tak te a kan in buaipui nasat lam ah Ka thinlung anilo zawng in a lo in her danglam leh a, hman a ka lo duh thin na che kha lo kir in ka hmangaih ta hial che a!i duh dawn lo tih ka hria unaupa ang bak in nang chuan min en lo vang tih pawh ka hre vek mahse ka in thunun theilo ka ta ni ve tawh la tiin duhthu ka sam ve a, mahse i nun ah Johan-a a lo lang a ani chuan min khalh in a ta neih ta mai che a ka rilru a na lutuk a sin,nang in min hlat ve zel bawk si! Chuan ka in thunun theihloh zar ah thil tha lo tak ka ti a Amon hrai ruih na a Johan-a a in hnamhnawih ti a massage thawn tu che leh Amon chungchang rawn sawi thar leh tu kha keimah ka nia a chhan chu Johan-a tan ka phal ngang lo che ani ka ta chauh ni la ka duh vangin khatia ka tih chhan pawh Amon theihnghilh theilo in awm la Johan-a hi hlat la ka duh a Amon i theihnghilh theihloh na chuan midang tello a kan in mamawh tawn leh inthlahlel tak a kan awm leh theih ka beisei vang ani,mahse maw Amon khan kan pahnih tan thil a tha ber a la duh reng anih ka ring kha thil i chung a ka tih hnu atang khan zan tin mai ka mang ah hmu in lungngai takin min thlir a tawp rawh tiin min hrilh ziah thin,Amon lungngai hmel a vang khan tenawm tak a chet kha ka tawp phah ta ani,I mi ngaihdam ka duh a min ngaidam theilo anih pawh in ka hrethiam tho che..ka tihpalh takzet ani tih erawh min hriat sak la ilo kir leh hun ah pawh unaupa ang min la en thei anihchuan keipawh a hma ang a unaupa tha tak nih ka tum leh ang..*









Lehkha chu ka thlep a ka lungphu rang lutuk chu ka dawm nghal vawng vawng, Aron an khatiang alo ti a a va han mak ngai em!! khatiang a tih duh kha ka ringlo a sin mawle ka rin loh chu sawiloh a rin pawh ka ring phal lo hrim hrim, ni e min duh thin tih chu ka hria mahse Vanrammuana nen a kan inkar vangin kan in unau en ta zawk anihkha, Vanrammuana awm tawhloh a khati khawp a min ngaihsak leh buaipui na te pawh kha a unaupa vang leh farnu ang a min en na vang ah ka lo ngai char char a sin!!









"I mak emai Aron..." Awmdan tur pawh ka hrelo, ka rinloh lutuk a tiang te alo ti hi a mah te kha Massage ka dawn hnu khan ma hrilh ve sia engmah hrelo ang maiin a awm a, heti anihchuan Zorina pawh khan engkim a hria ani thei angem? Phone ka phawrh a heta ka awm hnu atang a ka la biak leh miahloh Aron a chu ka call tawp









"Arin!! Min lo biak ka beisei loh nen" Ka call chu lawm hmel aw nen hian min lo chhawn a, ka call ve ngawt a sawi mai tur ka hrelo thinrim hluai dawn in lehkha ka chhiar zo vek a ngaihdam min dil na pawh a awm anihkha, mahse Johan-a vang ringawt a tiang thil thleng thleng ati kha ka hrethiam lo a mah anilo hial emaw tih theih ani "lehkha kha i chhiar ta ani maw? " a mah zawk chuan engmah ka sawi leh loh vangin a rawn ti a









"Aw chhiar, Aron engtin nge khatiang.. khatiang em em kha i tih theih a? I mak ka ti a hma pawh in i bul ah ka sawi a chuan, chuan Vanrammuana tello a hmalam pan tur khan min duh sia Johan-a nen a hmalam ka pan i haw bawk si!! " ka ti chhuak phawng phawng mai









"Ka tihpalh takzet ani, Arin ka sawichhuah ang ai a nasa hian ka in chhir a hreawm ka ti a sin, Amon leh nangma lak ah ngei hian ka inthiam lo takzet" a ti a, a hma lawk a ka lo ngaihtuah tawh Zorina'n a hria em tih chu ka zawt a " Aw hria e ani chuan a hma atang tawhin tawp tur in min ngen tawh a mahse ka duh na che in khua mi hmuh tir loh vang leh ka thinlung a tih sak tlat vangin ka hnial lui zel a.. thiamloh na engmah a neilo ania aw" a ti a enge tih ber tur pawh ka hrelo, ka ngaidam tawp mai ang ti a ka ngaihtuah lah in a thil tih dan chuan min ti thinrim ve bawk si










"Vanrammuana i mumang ah i hmu thin tak tak ami a? Engtin nge ? " ka ti leh sep, a chhan chu hman tawh ah ka mang ah ka hmu tawh a mahse hlauhawm tak in ani a ka mang mumang ah pawh mangchhia an tih thin ang kha ani, a hlauhawm a min thah tum ang maiin a awm a min tih thaih ani ber zawk, khatiang khan Aron hian a hmu ve em tih chu ka hriat duh ani










"Aw hmu e, ka khum bul ah hian ding in min lo en thin a lungngaih na tam tak tuar ang mai ani, a rilru a nat hmel em em a, ka hnen ah chuan i lak a ka thil tih te kha tawp turin min hrilh thin.. Zan tam tak zan zawt zat in ka hmu a..a kal tawh chung pawh hian i tan leh ka tan a tha lo chu alo la duhlo ve zel anih hi, i lehkha tur ka ziah zan atang kha chuan vawikhatmah ka mang ah ka hmu leh tawhlo " a ti a,Vanrammuana chuan hmalam ka pan san tawh chung pawh in min lo la ngaihtuah reng anih dawn hi









"Mangtha phawt mai" tih leh off ka rual a, ka in ngaihtuah lungpuam a ka tah a chhuak tawlh tawlh mai, min kalsan na thla tam pawh a liam hma in hmalam pan san in midang ka neih san a, ka tum ngawih ngawih anilo mahse Johan-a kha a danglam lutuk a ka hnar thei lo ani, Vanrammuana lak a inthiam lo chung khan a la dam zawk ka nih avangin hmalam ka pan angai tiin mahni ka in fuih a ka in hnem ve na ber pawh ani khan ka hlim na a duh ber thin tih chauh ani, mipa dang ka nun a ka seng luh tum khan a lo na ve angem le?




* Ngati nge ka *

* lo call a, busy *

* a in ti zel *

* Valrianga hi min *

* khawngaih lo ve *

* ami, mawhh *





A rawn ti a ka mittui tling pam chu let tir leh tum in chunglam te chu ka han melh chho nghek phawt a,Johan-a alo lan tak ah chuan a lak ah pawh ka in thiam lo leh tho Vanrammuana eng emaw hlek pawh in sawi ila ka dik lo nghal tawp zel bawk si,hetiang a ka awm te hi hria dela a tan chuan hriatthiam a har in ka hmangaih ve lo ah a ngai ngei ang ka dem lo amaherawh chu ka hmangaih lutuk mahse,hmangaih hmasa ber te hi zawng boruak chhia vang a kan thlah an nih loh phei chuan sawichhuah leh pawh in a mi den dang a dang tlat thin hmangaih hmasa ber kha an ni miau sia









Vanrammuana pawh ka hmangaih hmasa ber, ka bialpa hmasa ber ani a ka duh thu ngei a ka thianghlim na ka hlan mipa ka thinlung zawng zawng a ka hmangaih hmasak ber kha ani a kan inthen hran dan lah khawvel a vawikhatmah hmuh leh ngai tawhloh tur in ani ka tan chuan a nat nawn leh loh theih thin loh ani,tun ah chuan Johan-a ka nei tawh a Vanrammuana vang a ka tap anih pawh in ani chuan min hrethiam anga a mah vang hian ka biang a mittui luang te chu an hul leh thin ang









"I thinrim a law? Nge i tap zawk? " a massage ka seen hmasak vang nge a rawn video call a, ka lehkha zir tum pawh ka zir lo leh takngial dawn Aron a lehkha ka chhiar hmasak vang vek ani









"Thinrim lo e" Ka ti a mahse chiang deuh hian min en tum in a rawn awm hnai a keiin phone ka keng hla sauh,ka tap lo a mahse ka mittui te a tling a lawm mawle tap ka an phah ta viau emaw ni aw " Ka tap lo awm hla rawh i mit chiah ka hmu thei ania" Ka ti vak a nui chung in a awm hla ve nghal mai bawk a









"I leng chhuak lo ami? " Ka tih chuan a by nghat a, Puia chesual kha a ngaihtuah deuh vangin in ah a la awm deuh char char tih a sawi a mahse zu erawh a in tho tih a sawi, chulam chuan min tibuai hran tawhlo a nghei dawn tih hi ka ring ve tawp a a theih leh a hlenchhuah hun lo nghah tawp mai hi ka duh tawh zawk









Khum ah a zangthal zawng in a mu a kawr pawh a ha lo,a mah ti a mah em em tu beanie pawh a ngai te te in a la khum zui zel tho..a taksa chu a thin zawn thleng chauh lang mahse a lang chin pawh zu in nasa ve tak na na na chu a cher reuh khawp mai,kan inbiak a ka ti ti mawlh mawlh lai chuan a âwm ruak kung ah chuan tu emaw hian a rawn chul thuak a ka meng nghal kawk,Johan-a pawh chu a thawng nge a rawn chul tu ni awm tak chu a melh kawk mai, a rawn chul thuak a a tih dan lah kha a tenawm chi lehnghal hmeichhia ani ngei in ka hre bawk a kut tin rawng kha a sen ni than in ka hria









"I lo ngai... " Johan-a rawn tawng leh tur ah chuan ka off pawp, ka thinphu a rang nghal dawt dawt a ka ngaihtuah na a thil nilo lo lo lut vang chuan ka sa nghal pup pup!! Johan-a chuan min lo call lehnghal char char a ka la tawh mai mai lo, ka thil tawn tawh te vangin ka in rintawk na tam tak ka hlauh tawh a, ka hlauthawng hma in ka zam hma a thil a tha lam ai in a chhe lam ngaihtuah ka awlsam tawh em em a a nat pawh ka na hma tawh reng ani








"Eng ah nge i off ngawt a? " Ka pick tak hram ah chuan a rawn ti vin teh tawp a, a lungawi loh hmel em em bawk a mahse chu chuan min ti thinrim zawk tlat thung







"Ka duhleh ka off ang ka phone a nih hi, Tu hmeichhia nge i awmpui a? " Ka ti ram hmak a, ani lah chuan buaithlak tih hmel deuh a lu hiat nauh nauh chungin a melh kual a, chhuan lam tur zawng ang mai hian a awm ni ber in ka hria " Ka dah... " Ka rilru a na dawn takngial a ka hriat vangin ka ti leh hmak








"Van naupang chhia e aw.. hei ka zawngte khawi ho a lawm engmah thinrim na tur a awm lo, hei kan Benjamin sum neilo-a hi a lawm kut neitu kha.. An rawn fiam ve che anihkha" a rawn ti a, ka awih thlawt lo engtinmah ka chhang lo chu a nui hak a camera chu her in kil khat a a nau te lo nui hawk hawk chu ka va hmu ta, chutah Bena chuan nichin a ka hmuh kut a tin pawh sen hlar chu a rawn ti pharh va mai, ka va han haw tak a mah vangin Johan-a ka ngei phah thelh anihkha!










"Mawla.. " Ka ngei lutuk vang chuan ka ti tuarh a Bena lah chu a rawn eih vak lehnghal, mahse hmeichhia nilo a an ni an lo ni chu ka thawveng hawk " hrim hrim in engvang a a kut tin te nail polish hnawih nge anih a? tuai ami anih a khatiang in hnawih reng reng mai " ner nang nang pah in Johan-a hnen ah chuan ka ti a, chutah camera her in a mah chuan muangchang in a kut chu a rawn ti lang ve a nail polish pink a lo in hnawih ve!!









"Awiii i lerh lutuk!! ngah nge khang te i in hnawih a? i tuai ve zawk ami " mangan thlak ka ti lutuk chu ka thaw vak vak ringawt! ka a zo takngial dawn hemi te unau em em hi chu(h)!!








"Aih tuai lo e, a changtupa ka tuai ten a dik nang.. kan lengchhuak silo a tih tur avang sia ka nau te lah in zanin ah min ruih loh pui an tum a, tlem chu kan lem tho na in kan rui chhe lo" a ti dap dap a, a kut tin pink chu ka hmu ten lutuk a dah bo vat turin a tawng kar lak ah ka lo hrilh a a dah bo ve nghal mai bawk









"Ka nu nail polish kan hawh a kan in hnawih mai mai anih hi, bak ah zanin chu kan ngai unau che a I pual in waiwai kan ba a kan bawl bawk a hei" ati a waiwai awmze neilo hmel pu zet a a bawm a theh darh chu a ti lang bawk a, a mah a rawn lan leh hnu ah a hnung ah a nau te ho an rawn lang zuk zuk a an mit ko te an rawn san uk uk lehnghal, an ruih in an sual thiam a an ruih loh in an nawi thung a mak unau lutuk









"An va fel leh si ve, min lo ngai zel ru...e ih maw kar 2 ral leh hun ah ka lo chhuk thei mai thei a mahse a la chiang lo kan u te innei tur an awm a maw ka pa in ngai a rem atih chuan ka lo chhuk ve dawn a.. " Ka tih chuan rual chuan a hmel a danglam nghal vek a a hlim in ka thusawi chuan a thawng ni mai hian a hriat a awih lo hmel te pawh a pu lek lek zawk







"Rem ti rawh se, rem ti rawh se" a nau te a bul ah an lo au rual that that a,hneh na puang emaw sual do a kawng zawh te pawh an ang zawk mah an ban an phar tel ngei bawk..an a si an lawm awm tho bawk si

[Ngaia]

CHAPTER-35





"In bengchheng emai..!!" a nau te an lo au nasa lutuk a engmah pawh ka sawi theilo ani pawh in engmah a sawi thei bik chuang lo kan in en a hahthlak kan ti bawk si chu kan nui tawp zel









"Hey Sum neilo, veranda lam ah lo va awm teh u" Johan chuan ati a mahse an nghal chhuah in kan thusawi an hriat ve chak thu an sawi tlat, a mah zawk chu venranda te ah a chhuak ta zawk a " chuan, kar 2 hnu ah ilo chhuk thei dawn a? " tiin a nui seih a










"Um ti ila ka beisei, ka pa hian ngai atih loh hlauh chuan ka rawn chhuk lui theilo mai thei a " Ka ti a, mahse ngaihtuah thar nei in ka pa chuan ka chhuk ngai ti hran lo mahsela ka ni te an kal ve vek dawn a mahni chuan ka awm dawn lo hrim hrim, ka ngam lo tiin ka chhuk ve zaih mai ang









"I chhungte rualin lo kal ve tawp la ani mai a lawm" a ni pawh chuan ka ngaihtuah lai hria ni awm takin a rawn ti a, ka bu nghal nghat nghat a sawifiah leh sawichhuah thiam bak hian ka lawm a aizawl ka mitthla a a rawn lan chang phei chuan ka chak tawh lutuk hi ka thin phu a rang nghal dawt dawt mai?!! "a nih min ngai em, engtiang a nasa in nge min ngaih ve?" a ti a









"Nasa mangkheng in ka ngai che, chuan maw Aron kha i hria em? ila ngei em? " ka tih chuan ngaihtuah nghal hmel pu zet hian a melh ngai a'n melh ang run run a "i hriat rihloh pawn a pawi lo ka sawi chhan chu a tih dan vang che khan i ngei ka ring a mahse ngei tawhlo la" ka tih chuan a nui tawi tak a









"Kan in biak lai hi chuan midang sawilo ila, umm? mahse ka lo ngei tawhlo tho ang" a ti zawm zat a, kan in biak lai a midang sawi lan chu a duh teh chiam lo anih hmel ka inthlahrung nghal duk mai "hey, i awmdan kha ka duhlo thinrim a sawi ka nilo ania inthlahrung hmel kha pu suh ka duhlo" a rawn ti deuh hrep









"Mahse ka inthlahrung sia lawm" ka tih chuan a nui hawk hawk a, tum dang ang tho in a nelawm lo leh daih tawh mai a nuih ai chuan a tum hmuk hian a nelawm ka ti zawk riau tawh "ka dah dawn lehkha ka zir ve hlek loh chuan " ka ti a bu nghat nghat in veranda bar ani mai ang chu, a nem pah chu a ding ngil nghal at a










"I dah hma in min hmangaih thu i sawi dawn lo ami? " thutak hmel deuh hian ati a, kei reng reng pawh ka bye bye lauh lauh a off ka'n tum nghal ngawt chu!! lei chhuah tet in aw ka'n thian nghal kharh kharh a, lehlam ah chuan tlem in ka zak ve deuh call pangngai chu nise chuan ka sawi awlsam mai anga video call ani sia hmun leh hmun a in hrilh ang deuh thaw kan ni dawn a chu chuan min ti zam a ka lai chhe tep ani zawk









"Ka hmangaih che.. " rang lutuk chuan ka sawi puat a, ka sawi rang lutuk chu vawilehkhat a tui pik chhuah puat ang vel ani, a ner nghal nang a chutah phone screen chu a rawn fawp a a thil tih dan naupang chhia reuh lutuk vang chuan ka ner nghal nang mai








"I sawi rang sia enge i sawi pawh ka hre miahlo..i sawi nawn leh thei angem?" a ti, nghal ti lutuk in ka melh vak a ka nui ver ver bawk a,thaw hak in reilote chu ngawi reng hian min en a "awle dah phawt ang lehkha chu han zir phawt teh,mi ho ang in 3 minutes vel lehkhabu bih a phone en leh zeuh te kha ti ve lo la aw" a tih chuan ka nui hawk









"Enge ania lawm, mi tam zawk chu reilote an zirlai an bih a phone ah massage emaw thil dang neuh neuh an en kual leh a, an lehkha zir ai in an phone bih chhung a rei leh zawk sia..Oppa te ho an en a,a tha lo hetiang chuan engahmah an chhuak lo ang..nang chuan ti ve suh aw doctor nih te i tum kha tha deuh in zir la" a ti duah a,diktak chuan tun a a sawi zawh chiah kha a tlangpui a ka tih dan ani, reilote ka chhiar emaw ka ziak a phone ka bih leh zeuh thin, reilote ka en emaw ka tih pawh in minutes alo kal duai thin a khang kha tam tak chuan lehkha zir nan an hmang vek tho zel sia









"Awle ka ti ve tawh miah lo ang" Ka tih chuan a mit ko a san zuk a kei lah chuan "enge ka tih ve thin dan a ni miau sia ka ti ve tawhlo ang ka tih mai loh in" ka ti leh piap piap a, nuih in sum zet hian min en char char, a tawp ah chuan in bye in kan ti tawp a, zir hma lawk in ka bialpa in min counseling bawk a zanin zet chu ka zir tlai tlai nen ka rilru ah a lut kher mai, bak ah a kar lak ah phone pawh ka melh lo tluk ani





★





"Hey nimin ah min lo ngai viau ani maw? " Class ka thlen dawn ah Rinmawia chuan min rawn kuah chawng chawng a class ka luh chuan min kuah na atangin ka tal chhuak nghal vat "zep suh aw Zaii hnen atangin ka hre vek tawh " chhan tum a ka an zuau laiin min lo tih khalh leh hmanhmawh a ka chhang zui peih ta lo









"Rinmawi,ih in be lawk ila" Hmeichhe pakhat chu inthlahrun hmel deuhin kan thut na bul hnaih ah chuan ka alo kal a kan class ami ani em pawh ka chiang chiah lo mi ka lo ngaihsak ngai lem lo bawk nen, Rinmawia chuan thaw hawk in keimah zawk min rawn en daih a ka hrethiam silo a ka lo melh let vak ringawt, chu nu chu a en a a ngawih vung vung hnu ah









"Haw dawn ah" ti hmuk in ka lam a rawn hawi lehnghal hmiah a mi in inbiak an duh a alo tih dan chu a mawi lo khawp mai chu nu pawh chu a kal leh nal nal a kan class ami chu anih loh hmel viau "What...? " a mit ko san ak in ati a mahse chhang lo in ka en char char "A ho lutuk ka beta dawn reng a lawm mawle tinge ilo thinrim pui ngawt a? "










"A be duh che a a rawn pan vang vang che anihkha, ngah nge khatiang khan ilo tih a? " ka ti ta nge nge a chhan pawh min chhang duhlo hian a meng kual kawi vel a "ti tawh miah suh, a zah hmel zia te kha i hrelo ami? " ka tih chuan a bu ta nghat a









"Ka hre vek a lawm, a ho lutuk nizan ah ka kiss a khami chungchang vel kha rawn sawi a tum aniang, ka bialnu pawh anilo a rem em a? bak ah a mah kha alo in phal nghal tawp bawk a a tete pawh ka khawih mawle..a nei te tawp ka ngaihzawn duh chi anilo " fiamthu zet hian ati a kan hma a thu te pawh an lo nui, chutah ka in ngaihtuah fim hma hauh in a ban bul ah chuan ka beng chawrh









"Engvang in nge fiamthu ang maiin khatiang kha i sawi a? Khatia i lak a awm anihchuan i lak ah feelings eng emaw tak a nei tih na pawh ani thei a sin.. nang lah chuan ngai nep ni awm fahran in fiamthu thawh nan ilo hmang a, hria se a rilru a na khawp ang khatiang khan vawikhatmah sawi tawh suh " Ka tia ka tho a, midang zawng chuan ngawi thap in min lo en










A tawng ve hma chuan class ka chhuahsan daih a eng vang a khatia thinrim teh chiam nge ka nih le? ka hmelhriat leh thian pawh nilo ka chhan em em a, mahse ni e au Hminga vang khan ka rilru sukthlek tam tak a dik lo tawh a khang vang pawh kha alo ni zawk mahna Rinmawia'n fiamthu thawh nan a ka hmeichhiat pui taksa a hman a ka lo huat em em ni









"Hey...ngati nge i thinrim ngawt a i eng pawi nge ka sawi? " Rinmawia chuan min lo um zui lek ani a, mahse min biak na te chu ka beng khawn duhlo "hrep chuan a!! ka biak che hi " ti thawt in min man bet a bang ah chuan min nawr bet nghal thlawrh, ka melh vak a ka lo thinrim ve lai ani bawk nen ka hlau eih lo









"Min thlah nghal vat rawh" A mit a en in ha seh chilh zet chuan ka ti a a lu thing mauh mai, chutah ka tal vak a min man nghet lo ta thut nge a in thlah dul ka hrelo ka tal pah chuan ka nem back dawt a kal lehnghal ka tum chu ka kal na tur ah tak a rawn ding lehnghal










"Eng ah nge ilo thinrim ve ngawt a? Khanu kha i thian pawh ani ami? " A ti vin ve thah chu duhlo zet in ka en a, a ban phar hluai in "enge ilo thinrim ve chhan? " a ti a chhan ka tum lo zet na in in bengdai ru tak chuan ka din hnaih sauh a ka din hnaih vang a zam ni awm tak hian ka mit a en lai chu a hawi sawn nghal daih mai




IMG_19022076.jpg
IMG_19022076.jpg (32.89 KiB) Viewed 2345 times





"Hmeichhiat te hi nawm sip bawl na leh fiamthu thawh mai mai na tur kan nilo,ngai nep tak a khatiang a i tawng avang khan ka hmeichhiat pui anih ang in ka thinrim pui... i ngaihzawng anilo anihchuan engvang in nge i kiss a? mi duh lai pawh a ni thei a sin Rinmawi.. Enteh thil dang daih, i farnu khatiang khan mipa in lo ti sela i thinrim viau lo angem? aih tiraw Mizo kan ni a hnam dang ho ai in in kiss, in kuah te hi kan la thutak,a na zawng leh khawi hmun pawh ni se in kuah ringawt pawh kan harsat hlawm a nangpawh in i hria ang... Kha nu khan... "









"Aw anih chuan ka tihpalh anih chu, a tha em? " a ti a, lu ka lo thin khum ve hmak "anihchuan engtia ti turin nge min duh a? " ning hmel deuh hian min en, engvang in nge a tih dan tur kei min zawh daih? a reng reng ah engtin vak a ti tur pawh in ka ti lo hrim hrim









"Engah nge kei min rawn? i buaina a lawm" tiin ka kal zui zel a, college library ah chuan ka va lut ta ringawt, tum loh deuh in class ka awl ta ringawt mai Rinmawia vang vek ani,mahse library a lehkhabu te chu ka lo chhiar ve tho a class neih loh tawp ai chuan ka hlawk ve tho in ka hria,class zawh awm ah chuan ka chhuak leh chauh a









"Min ti hlau a lawm!! " Kawngka ah Rinmawia chuan min lo chang leh, ka hmu thut a ka phu nasa lutuk chuan tum ai a a in ka vin nghal hrep, a nui a min kuah nghal ngawt chu thinrim deuh in a kut ka lak thlak sak lehnghal class lam ka pan a min zui ve zel "Kal sawn ve rawhhh.. " tih leh thut ka rual a









"Ka u in lo veng tlat rawh a tia lawm mawle, ka zui reng peih che hi lawm viau tur i nia sin" a ti ve khanglang a lei ka chhuah vak ringawt "Hman zan a ka in sual pui pa kha ila hria em? Khami nau kha ania chuvang in a thin tih rim nan a nai kha ka kiss a ka play mai mai anihkha ilo la thutak ve reuh bawk sia"








"Aw ka hrilh tlang vek a lawm mawle chuan ka tihpalh ka ti bawk...i lawm tawh em? I hmeichhiat pui chu i tan bawk a " a ti leh duah a,a u mipa nen an in mil loh vang a khanu lak a khatiang a awm kha a tullo hrim hrim " Kha nu kha chuan a hma atang tawh in min duh tawh a lawm "









"Play lo in duh ve tu che"ka thusawi chu atthlak viau ka ti leh hnuhnawh, ka thiantha ber Kimi hnen ah pawh nise mi duh turin ka ti ngawt thei lo a duh thlan na ani, chutiang chiah chuan Rinmawia pawh ka nawr lui ve thei ngawt lo a mahse tawka sawi tur ka sawi zo vek tawh









"A fel emai ka duh lo" a ti mauh mai a va han buaithlak e aw!! "Fel deuh chu sual deuh bul a awm atan an uiawm thin a lawm" a ti a, dawhkan bawh in a mit a chhing nghal vang vang, a thil sawi dang vel chu(h) khanu kha a duh chiang mai a ngaihtuah dan teh daih hian chutiang lam chu a kawk daih ani




______________________________

★ Aron POV ★( 2 Week's Later )





Hun a liam zel a keipawh ka hna ngai ah rim takin ka la thawk ve zel,Arini nu tawngkam atangin naktuk mai ah an chhungte inneih hmang in an lo chhuk thla ve lawk dawn tih a sawi a ka lawm ngei mai, ka hmu chak tawh a Serchhip kal tur kha a huphurh nasa ropui bawk si tun ah chuan thla tam a liam tawh a engtin nge hun a han hman te pawh hriat a chakawm mahse









Min be duh dawn lo, ka lehkha a chhiar zan bak kha vawikhatmah min rawn be tawhlo, ka ngai ve thin khawp mai amaherawh chu ngaihzawng ang nilo in ka farnu ang zawk in ka ngai ani, ka sawi a ka intiam tawh bawk a ngaihzawng ang chuan a lak ah ka awm tawh lo mai nilo in farnu ang bak in en pawh ka tum tawhlo zawk, chu chu kha lehkha ka ziah tirh atang a ka thutiam tak te chu ani, Amon-a room ah lut in ka thil tih avang te a ka ti na anihchuan tiin ngaihdam ka dil nawn mawlh mawlh mai, vawikhat chiah ka mang ah min rawn hmu leh sela ka ti ngawt mai, chutiang anihchuan ka thil tihsual siamthat ka tum na ah hian min lawm pui nge lawmpui lo hriat ka duh ani










Zan ani a kan chhung in inhnuai te in kam ah kan leng thla a, an ni pawh Rinpuii a awm lo a Arini a awm lo bawk nen an reh ve tlawk tlawk khawp mai, kan ti ti ho a an chhungte inneih na tur an buaipui dan te ka nu te pahnih in an sawi dun a keini mipa 3 chuan inkhel en in kan lo zel din ve chiam bawk, dar 10 dawn ah kan haw chho a ka rilru te te chuan Arini naktuk mai ah a lo haw tawh dawn a, inbiak loh emaw in hmuh loh tawp chu thil theih ani dawn lo enge ka sawi tak ang chutiang chu lo thleng ta se, ani chuan min be hmasa pawh in ka ring lo









"Arini chu hmuh a chakawm tawh reuh ngawt mai a kal thr te kha a hreh hmel sia mahse hei a awm rei ta phian a" Ka nu in ati a, ka nu hian Amon vang kha nge Arini hi a ngaihsak bak ah a ngaina em em mai a hetiang em em hian kan in luah thin dang te pawh a nel ngailo Arini nu lah nise a thenawm thian a tih ve fo te ai in a kawm nasa tawh zawk bawk a,khuanu ruat ve reng pawh ani mai thei ani









Zing ah school kal in tlai lam ah chhun lam khua a lum deuh nen cold drinks lei in ka peng zuai a, ka chhuak lehlam in tum loh deuh in tluangpuii ka tawk nawlh mai a bialpa thar ani ngei ang a bul ah chuan alo awm bawk, engmah sawilo a kal liam mai tum in ka che hrut a mahse a mah zawk chuan ka kal na min lo dal deuh hmak, a bul a mipa chuan kan pahnih chu min en tawn zak zak tih ka hria









"I va reh ve, i naute duat a dam maw? " a ti kher a Arini a sawi tih ka hria, ka then chhan ah khan tun thleng hian Arini anih a la ring tlat anih dawn hi, Arini chu duh thin mahila Tluangpuii ka then chhan erawh anilo, kan in zui rei a kan in mil loh zia ka hre chiang tulh tulh a, a man a zir lo chho bawk nen ka then ta hmiah anihkha









"Kan tha khawp mai.. " tih ringawt a chhang in ka kal pel a, an ni ka hmuh vang ringawt chuan mood dik lo deuh in ka haw phah, in ka thlen chuan kan kawt kawngpui a car lo ding ka hmu a chuta tang chuan Arini alo chhuak ve chiah, ka en reng a ka ta ani thei lo tih ka in ngaihtuah na chuan ka thin zawn a rawn ti na vawng vawng mai, mahse in ti harh in zangkhai vah chuan ka tlan zel a ka va pawh tak tak hma in ani pawh in min rawn hmu, a ngawi reng a ka rin ang sa in engmah a sawilo










A ni te chhung pawh a rual in an lo tel ve a, ka va thlen lai nen in nang ta chu in chibai zawh ah an bungrua te ka khai luh pui leh a, naupang pahnih chu an la zak deuh nge an che chang peih lo, reilote ka thu a ka bike ka la park that loh vangin ka chhuak leh mai a ka hnunglam ah Arini min ko thawm ka hriat vang chuan hmanhmawh deuhin ka in her a an kawngka atang a lo chhuak zel in ka kut ah chuan eng emaw hi min pe deuh tawp mai









"Thil lo hawn sak ve che ka duh sia enge i duh ang ka hrelo a perfume ka lo hawn mai che, a man pawh a tlawm ania ka money lo lutuk a " Sawi tur ka haihchham zo a,thil min hawn chu sawi loh min biak peih pawh ka rin loh lai a thil min hawn ta daih mai chu ka lawm vang in tawng ngaih na pawh ka hrelo zo tawh lawmthu hrilh ngei tur ka ni a mahse ka tawng mai theilo "lawmthu sawi i tum chuan a ngailo ania,min lo buaipui tawh thin na te vang a lawmthu sawi na anihkha" ati zawm zat









Engmah ka sawi hma in a kal leh mai a, min be nghal mai pawh chu ka lawm a, tum dang te ang in min be em em lo mahse pawi tih na ka nei lo,ka chho chu ka nu a lo buai khawp mai inhnuai te chhung chaw ei ah a lo sawm chu ni in a buai chang a piang a hlawh nei a a chhawr ve thin nula fel deuh mai nen an lo che bawrh bawrh, han tih pui viau dawn ila thiam viau ka nei silo a room ah school naupang ho nen a kan zir leh tur ang te ka bih vel a










Chaw ei a hun a Arini te chhung chuan hnial viau mahse ka nu in a tih luih tak te a a tih luih tak vangin an vai chuan chaw ei in an lo chho a,kan kham fel a Arini pawh in ei na ati fel mawlh mawlh mai midang ti ti chu a nuih pui ve bawk bawk a thil a tih chhung in pawn veranda a awm Bena chu ka lo va chhaih a, hun hi ka nei viau lo a amah chhaih peih ber Amon a awm tawh silo ani pawh a chang hi chuan a zuai ruih thin in ka hria a ui mah ni se ka khawngaih leh riau thin







"Bena chu a va lian in ka hria" Veranda a bena ka lo awmpui chu Arini rawn chhuak in a rawn chul pah a








"Lian tawh khawp mai, chhun tur a nei tha a " Ka tih chuan tawi te hian a nui a, a lan dan chu ka duh tih a hriat vang a min nel ta lo ang mai hi ni in ka hria, a hma ang a min fiam let bawrh bawrh ang chi kha ani tawhlo, a en phei chu min en lo hrim hrim









"In bul a awm ve ka duh viau na in Kimi leh Johan-a te hmuh ka duh a thil ka hawn sak ve a ka kalsan rih mai ang che u" ati a, rang deuhin kalpui a duh em tih ka zawt a engvang a chutia zawt ve ngawt ngam nge ka nih phei chu ka hre hran lo, a ngawi vung vung a "i chiang maw? " a tih chuan ka bu nghat









"Unau ang chauh in" Ka tih chuan a nui hawk a a bu nghat nghat a, khang thil kaih hnawih kha ngaihtuah tawhlo turin min ti a, min huat loh thu a sawi tel nghal bawk...kan chhuk a an in ah a thil hawn chu kan pahnih chuan kan in phur chhuak a tlan chhung chuan kal na tur min hrilh bak in biak ka neilo, mahse chutia ka hnaih a te awm a min la ring zo pawh chu ka lawm hliah hliah







Kimkimi te in kan thleng a an in hmu chu an hlim ngang mai an au a an in kuah a tawng hriat loh hian an rak nawk nawk ni mai in ka hria, a thil hawn te chu a pe a a hawng nghal chung chung bawk an thian dun ka hmuh chuan Amon ka lo ngai ve em em ringawt mai, ani nen pawh khan thil thar kan neih chuan Arini te thian dun ang mai hian kan phusa thin anihkha maw










"Aron kal ila, Kim naktuk ah lo leng rawh aw" Ka u nen a kan naupan lai ka ngaihtuah lai tak in Arini chuan min lo ko a ka tho nghal zat bawk, a thiannu chuan kan tlan liam min en aa, a thiannu kiang a awm ta lo chu a hma ang bawk a ngawi reng in a awm leh hmiah tawh, a awmdan ka rin thiam dan ber ah chuan min huat duh silo mahse a hma ang a min hnaih leh min biak nel kha a thei tawh lo ni in ka hria










Kan tlan zel a phone ah chuan tu emaw a bia a, a hming lam awmchhun chu Johan-a ani,mahse a duh tak in a chhang lo aniang a biak dan atang chuan "Aron min kual pui leh thei angem? Johan-a in ah a awm lo a a thiannu te in ah a awm daih a" a rawn ti a, a aw ki ah chuan inthlahrun na a hriat tel theih "zanin a pek ka tih tut tut chhan pawh ni dang chu kan in lam ai in kan chhungte inneih tur in lam ah kan tal tam dawn sia pek na hun remchang a awm mai loh tak in ka tia " a ti zawm leh zat










"Awle " tiin ka let a a sawi na lam zel ah ka tlan a reilote ah in pakhat hi kan thleng a, kan en din vang vang hnu chuan a chhuk thla chhap a, bike chu hung rem in a bul chiah ah chuan ka ding ve nghal zat "hei hi ami? " ka ti a bu nghat in keimah chu min en a









"Hetah mjn lo nghak mai rawh aw Johan-a nen in hmu rih lo ula ka duh a, ka lo chhuak lehnghal ang" a ti a, aw tih nan a lo bu zeuh in chumi hnu chuan in chu a pan a,a kal than na vak anii lo tih a hriat a kal tak na in a awmdan ah chuan ti duk nimai hian ka hria,a lut a in lam chu ka thlir reng chumi hnu lawk chuan mipa kan pa te rual awm leh tlangval pawn ah an lo chhuak a an ruih hmel viau lehnghal










Chutiang anih tak si ah chuan Arini ka ngaihtuah thar ta riau in neitu hi ka hre velo a,tuk lawk a rawn chhuak te ang awm khawm na alo nih phei chuan a him lo khawp ang, in pan ka tum chiah mahse Arini'n kal atih dan ah Johan-a a awm anih hmel a a him tur ah ngai ang tiin rilru ka siam leh ta zawk mahse, Arini a lo chhuak a kun deuh leh chak zet hian a rawn kal a a hmanhmawh hmel khawp mai, a thil pek tur erawh Johan-a a awm lo nge a lo keng chhuak leh










"Haw tawh ang le ka hmanhmawh deuh" a ti a bike ah chuan chuang in helmet ka khum lai mek chuan ka bike lu lam lei ah chuan Arini'n a thil ken lai chu a paih pawp!! hrethiam lo zet in a mah chu ka en a a ding khawng reng a a kun ngul bawk... bike atang chuan chhuk leh in a thil paih chu ka chhar a, pek tum a ka kal hnaih chuan ka thil ken a ma ta chu rum zet hian a lo melh a a meng sen ram bawk









"Paih daih ang.. " a ti a, a aw te chu a tap mai dawn emaw tih hial tur ani "Aron haw vat vat ang" ati leh a thil awmzia ka hre bawk silo Arini awmdan chuan thil tha lam a kawk lo na chung in enge thleng hriat ka chak









"Tinge a? enge va thleng min han hrilh teh Johan-a chu a awm lo ami? " tiin ka kal hnaih leh sauh a, chutah a rawn in hnit nghal hlawp hlawp, zan ani tawh avangin tu vakmah kan awm na hnai ah hmuh tur an awm lo a tap mahse mi mitmei ven vak angai hran lo mahse tinge a tah tak ngawt mai le a hlim tehreng nen










"Duatnu... " a tah vang a hnem nan ka kuah hman chiah, Johan-a a rawn chhuak a hmanhmawh deuh in kan din dun na lam ah chuan a rawn kal a Arini erawh in a koh a hrelo nge a hawi lo a, a la in hnit hlawp hlawp tho








"Anihchuan haw ila mahse, saw Johan-a alo kal a biak i duh em? " ka tih rual chuan lu a thing a, tawng pawh a tawng duhlo , bike a chuang tur in ka ti a chutia ka kut khat a ka kuah satliah chu Johan-a thin a rim a ni mah na a rawn kal hlawk hlawk a ka kawr âwm ah chuan a rawn tham teh tawp mai,chutia min ti chu ka haw viau a mahse Arini vangin ka insum ta hram









"Engah nge ilo kuah ve ngawt a?" Tiin thinrim eng phiar hian min ti a a tawng chang fak fak khawp mai "ka bialnu nen a kan inkar ah hian lo tlak zeh phet tum tawh suh anihloh chuan ka that che ani mai... " pawr zer a tiin min hnek a tum a Arini chuan beisei loh lutuk in a lo nam sawk mai, Johan-a pawh a thawng nge min thlah in a tawlh hnung dawt










"Kalbo rawh, i duh duh hi kut i thlak thei ngawt lo " tiin a vin ta tuarh mai, Johan-a pawh a ngawi reng a Arini awmdan teh thut chuan min thawng ve ve ani tawng ngaih na mai pawh kan hrelo "Aron hawa vang vang ang" a ti a, a tawngka chhuak te chu pawi sak neilo ang mai ani, Johan-a bawk chuan a ban ab a rawn dawm a chu vel ah na zet hian a thing hlawk










"Min tawk tawh suh, Johan I danglam bik emaw ka tia mahse anilo mipa dang ang tho I ni... engvang in nge min kawp kher a? I duh chuan min then la Dinsangi nen chuan dip dal tu nei lo in in in kawp thei mai dawn lawm... " A ti a, a thusawi hmang atang chuan engkim ka hrethiam ta,Arini hian Johan-a hi hmeichhe dang nen an awm dun ahmu ani









"Enge maw I sawi le? Ka kawp reng reng lo che...in bia i la kan sawi dun dawn nia" a ti a mahse Arini chuan a lo duhlo nasa mai a hnial a ka hnen ah chuan hruai haw vat turin min ngen nghal chung chung, helmet ka khum a bike ka start rualin Arini pawh a rawn lawn ve nghal a Johan-a pawh chuan a thinrim rih lutuk vang nge Arini awmdan ang ang chu a en ta tawp mai









Thui tak kan tlan hnu ah kawng reh lai ah chuan din a rawt a,a mood fu lo bawk nen engtin ka ti buai peih lo a awm duh dan dan in ka awm tir tawp, a chhuk a ka bike din na atang a kal hla hret in a va tap va chiam mai, nichin khan a in sum nasa bawk a a thei ta ngang lo aniang, tei mawi tawk tak a va awm hnu ah a rawn let a a kun deuh ngul bawk, a rawn chuang a tlan chhuah tum a ka bike ka tih nun lai tak chuan








"Mipa ropui tak ani,Vanrammuana tello in ka awm thei tih a tak a min hriat tir tu ani a, khawvel ah hian nat chin tawk a awm theilo tih a tak a min en tir tu ani bawk...." tiin a thaw zui hak a ka khawngaih reuh khawp mai rawn chhuk a nghahleh chhan pakhat ani ve awm ngei sia








"Ka pa khan i rilru ala ti na ang tiin min hrilh a...ka pa sawi ang chiah in ka rilru ati na tak tak..." ti sap in a mittui a tuai fai mawlh mawlh, ka khawngaih a tihsak theih lah ka nei silo

[Ngaia]

CHAPTER-36





"Arin chutiang in an ti mai ngailo ania, thil te chu duh ang diak diak in a thleng theilo tih kan hriat vek tawh kha... Johan-a nen pawh in lo in hmu thiam lo deuh anih pawh in han ngaichang deuh la sawi dun te pawh tum ula " ka tih chuan a lu a thing a, a thinrim in a rilru a na takzet rih aniang min hnial nghal hmiah mai










"Johan-a khan thawmhnaw pawh a ha mumal lo, room ah Dinsangi nen an lo awm a " tiin a tap tha leh a, ka rin lawk dan mah ni se Johan-a chu ka haw ru khawp mai " Thian leh hmelhriat satliah ang in an in sawi a mah..mahse khatiang khan ka hmu leh bawk sia" a ti a










"In sawi dun ngei ngei angai anihchu, i thinrim a eng pawh tih i in huam anih pawh in in be hrim hrim ula ka duh, thil chiang takin hria la kha lai a an awm chhan te chu... " ka ti thla ve rawih a, diktak chuan tunge Dinsangi pawh chu ka hrelo hrim hrim mahse Arini rilru ti na tu pakhat ani a ka ngai na lo nghal tawp mai










Min chhang chuang lo a hnial pawh min hnial tawh chuanglo, in lam ah kan in phur haw leh a in kan thlen chuan luh hma in a in tuai fai a engmah thleng lo ang mai chuan awm a tum a mahse a mit sen ram te, a tah vang a a mit lan dan danglam vek ah te chuan an hrethiam tho in ka ring, ka ngaihtuah awm lo atih tlat vangin ka zui lut ta lo a,Johan-a a pek tum ka chhar sak kha pe in ani pawh in ala ve ta mai a..ka zui lem lo na in in chhung a luh thleng chuan ka en zui tho,kawngkhar a khar fel vel ah ka chho a









"Nu ngati nge mah ni chauh in i awm a? ka ti a, midang in chhung a la awm an awm lai a heta veranda a alo thu daih chu mak ka ti deuh, inleng neih chuan khawi dang mah hi a kal ngailo a in leng te a ngaihsak em em a mahse zanin chu tum dang ang lo deuh in alo awm mial mai










"Nia ka lungleng thut a ka thu chhuak chiah anih hi" tiin min chhang a a bul ah chuan thut na ka rem ve nghal zat a, kan thut zawng a hmalam chu ngil tak in a en ding ngar ngar "I u ka ngai Bawiha, ka ngai takzet ani thla hnih khat lek a liam leh anga min kalsan atang a a kum 1 na kan thleng dawn der a!! ka fapa nun na kha chhan theih nise ka ti ngawih ngawih,chuti nise chuan tun ah pawh kan zing ah a la tel ve ngei awm sia" tah in sum tak hian a ti lawi rat a










"Nu, Amon I ngai tih ka hria mahse hmalam kan pan tlan vek hi a tha in ka hria, ni e a boral na kan tuar a kan na vek.. tuman dam kan thlah tak tak theilo mahse a lungngai leh nâ in thlen zawng chuan ngaihtuah in ngâi thin tawhlo ang u, a mah pawh in a duh miahlo ang hetiang a a mah kan hriatchhuah leh ngaihtuah apiang a kan rilru kan ti na thin hi...Keipawh hian ka ngai lutuk! " Tiin ka nu kut chu ka dawm vawng vawng a










"Ni e, i sawi dik a lawm mahse i u hi zawng thlah hi a har em ani..in pahnih a ka hrin lai che u kha ka rilru ah a thar leh thin, engtik ah emaw pakhat zawk in natna avangin kumkhua atan min kalsan dawn tih hria ila chuan theihtawp a tha in ka enkawl che u anga eng natna mah nei ngailo turin"









"Min enkawl tha lutuk,i theihtawp i chhuah a lawm...Keichuan ka kalsan miahlo ang che Nu, i kiang ah ka awm reng ang" Tiin ka tho a ka nu lungleng rilru na chu ka kuah nghal vawng vawng



____________________________


★ Arini POV ★





Thawm awm deuh ah chuan ka harh a, Serchhip ka awm hnu in ka tho hma ve tawh ang reng a in ah pawh ka haru hma ta tho anih hi, ka tho chhuak a ka ni te chhung leh ka nu leh pa te an lo tho thap tawh a Puipuia te unau erawh nimin an motor chuang an chau aniang an la mu, pawn ah zi mar vel pah in ka chhuak a ka hawi kual in kan thenawm nu pangpar lo sawi sa ka hmu a, pot eng emaw ber ah chuan hman a Johan-a rawn chawi phei leh a thil ziak kha a la awm mai thei tiin ka ngaihtuah leh hmanhmawh









Ka nu leh ka ni in rawng an bawl dun a keichu ka lo in la awl vel, ka ni chu chhungkaw zing ah pawh in hmuh khawm emaw eng thil ah pawh hun neilo a lang tam theilo ani bawk a ka nu nen an awmdun chu sawi tur an ngah khawp mai choka ah an ri chel chul mai ani, ka pa leh pa maruata pawh an bang chuanglo an hna chungchang sawi in an ti ti tui khawp mai rawngbawl ve ta lo chuan ka nu pangpar ho tui ka lo pek sak ve thung










Chaw kan ei fel a Kimi ka call a class a ngaih si vangin remchang ah rawn len a tum thu a sawi a, ni tak nizan khan naktuk ah lo leng rawh ka ti ve ngawt a kei college ka chawlh rih vang maiin an ni te chu an kal reng dawn a lawm mawle, a theih vel a lo leng turin ka ti a phone dah in kan chhung chuan U Nupuii te in ah kan phei a, lungdai lam pawh an lo chho bawk , eng eng emaw buaipui a kan tal buai lai in ka phone a rawn ri ve sek!









Ka ip te atang a phawrh in ka en a Johan-a anih vangin kan nau te phone en a thu thap zing ami phone chang ve lo chu ka ko a ka phone chu khawih rih turin ka pe daih,tun ah rih chuan Johan-a lak a ka thinrim na chu eng pawh ni se kan chhuk chhan ber inneih na tur ah hian an tul ang ang a ka buai ve rih angai, bak ah ka be peih rih lo hrim hrim, Ka phone pek Nono-i'n mi in an lo phone a tih pawh in ka off tir zel mai









Tlai ah kan chhung thum in kan haw leh a ka ni te chhung erawh chaw an ei nghal, ka pi leh pu te pawh in ei nghal turin min ti na a rawngbawl tu tan a hahthlak dawn emai tiin kan haw rih bik ani, in kan thlen chuan khua a thim tawh.. nileng in thingpui leh eng emaw neuh neuh ei in tur a awm reng a kan tam hlawm lo bawk ani rawngbawl hmanhmawh ngai kan ti lo vek, ka hah deuh vangin inhaler ka hip a kawt kan thlen rual in muang chang in ka chhuak a mahse ka mi hmuh avang erawh chuan ka pen sawn mai thei lo








"Ka lo nghak che.. " A ti a, khua a thim fel awrh chauh a hetah a rawn kal hman chu ania nge ni a khaw en lai atang in a awm tawh zawk ni? a hma atang tawh khan an veng atang in kan veng hi engtin nge ke hian an kal peih thin le ka ti kei ni ila ka peih teuh lo ang









"Lo va lut ila... " Ka pa chuan a hnawt haw ang chu tih nak laiin ka nu a luh pui daih mai!! Johan-a hi a duh ve deuh rawh tak tak tih na em mawni le? "Ka lo lut ve nghal ang.. " Johan-a nen a in biak ka duh loh vangin ka au a zui v3 nghal daih mai chu ka tum ani









"Nimin a I thil rawn hmuh kha i ngaihdan ang ngawt anilo ania,Dinsangi nen a kan in zawm na ho te chu i hriat kha... " Ka pa te zui ve daih ka tum chu ka hma ah a rawn ding nghal run, zu rim hriat ka in beisei laiin chutiang rim reng reng ka hrelo , a perfume rim tui leh pa zet chauh ani ka hriat ni









"Mahse ka rawn hmuh dan kha chu i sawi ang a in zawm na pawn lang anilo, thawm..thawmhnaw i in bel mumal lo a, chutah nangmah hnaih tak in Dinsangi a awm bawk a!! nilo a hnaih che pawh anilo i nghawng a kuah in hnai tak ah en vel che anihkha, khatiang tawh ah pawh ila pha talh dawn ami? " ka ti chhuak hrawih









"Khata ka awm chhan leh min rawn hmuh dan ah kha chuan, a in ah khan ka inbual vang ani ka inbual chhan pawh nimin tlai dawn tawh ah a in a kan awm laiin zu in ve pakhat rui lutuk atal buai a, kan buaipui na lam ah min luak khum a ka inbual nghal a mahse a rim nat lutuk vangin ka in bual nawn leh a chu chu min rawn hmu a ka thawmhnaw pawh ka in bel mumal hman lo"









"A nih leh Dinsangi ve thung kha? ngaihzawng ang maiin i bul ah a awm kha.. aaa nilo nangpawh in i hnial emaw i hnar eih lo a awm dan kha, lo kal lo ta ila engtin nge in awm ang? " ka ti chu duh loh hmel zet hian min en nghal kur, a hlauhawm viau na in hlau lo ang hmak in ka awm thung









"Thian infiam na anihkha" tih ngawt in min chhang a ka duh ang chhan na leh sawifiah na ka dawng mawlh lo, chu chuan min ti lawm lo zual sauh "ka ngai lutuk che a sin, kan in hmu thei chauh a hetiang hian awm lo teh!! " ka ban ah chuan a vuan a, thaw hawk in a mah hmachhawn chuan ka chho en vah










"Keipawn ka ngai che, ka zep lo hmuh che ka chak zia pawh kha ka sawi thiam lo.. hetiang a awm hi ka duh dan ani bik hauh lo hriatthiam che pawh ka duh mahse a awlsam lo, Dinsangi nen a in awmdan ah pawh thian infiam na tih chauh in min chhang a, anih khatiang khan mipa nen awm ve ta ila engtin nge i ngaih ang? Thawmhnaw pawh in bel mumal lo in mipa dang in ka bialpa ang maiin min lo kuah se la engtin nge i awm ang? "










"Hriatthiam tum la, engmah kan inkar ah a awm lo.. engmah thil tenawm leh tha lo pawh a thleng lo, ka hria i ngaihdan tur chu mahse i ngaihdan kha a dik lo a engmah kan ti lo ka inbual satliah ringawt... i duh chuan Dinsangi pawh i zawt thei ang" a ti tang at a mahse ka luhlul ka chhuah ve tlat thung, ka hrethiam anih pawh in tun ah mai chuan nilo










"Engtik ah nge i awmdan tha lo hi i sim theih ang? " ka ti tawl ringawt,hetia a awm ringawt chuan a nghei hi ka ring lo lek lek tawh a hmuh phak leh khawih phak ah zu leh damdawi an awm reng a atan chuan sim a har tawlh tawlh zawk dawn, ka zawh na chu a chhan loh vangin kan in lam hawi chuan ka in her a










"Naktuk ah Home ah ka lut dawn a.." a tih rual chuan ka pen tawp nghal chawt ka in her a, a hmel thutak zet kar ah chuan kan boruak tha lo vang a sawi mai mai ni in ka hre tlat lo, mak ti in a mah chu ka en deuh tawp








"Tun a kan boruak duhawm lo vang hi anilo ania...a hma khan luh ka tum tawh a mahse inneih na hmang turin ilo chhuk dawn tih i sawi sia reilote pawh kan awmdun theih chuan tiin ka thulh leh rih a mahse naktuk a lut tur in ka ti fel tawh a,hetia ka awm reng ringawt chuan ka nghei mai theilo, in loh deuh chu thei tawh mahila a tuk ah chuan ka in leh tho" a thaw hawk a ka lam ah chuan rawn pen hnai in hlim hmel pawh nilo thinrim hmel pawh nilo chuan min en vang vang a










"Ka muangchang lutuk a ka tihpalh aw, ka lo chhuah leh hun ah chuan mi thar hlak ang in kan in hmu tawh dawn nia.... " tiin a nui ta suk a,ka lungphu rang lutuk control tum chuan a ruk thei ang ber in thawk ka la.. "Ka awm loh chhung leh ka biak theihloh chhung in midang min neih san lo la i thinlung ka la kawl sak reng che tih theihnghilh lo ang che" a ti a, ka hnar rawn thip in ka tah a chhuak nghal ut ut









" Anih phawt aw, ilo chhuk chhan inneih na chu nuam deuh in i hmang dawn nia" tiin ka chal ah chuan a fawp vawng vawng a chumi rual chuan nghet takin reilote min kuah bawk a engtinmah ka tilo a chhan chu a thusawi te hian min thawng em ani,kan in leh kei chu min kalsan in a kal liam ta!!








Ka thawk a tawk vek a a thusawi teh thut te chuan min thawng lutuk a, a rang bawk si awm ngaih na ka hrelo ka ding khawng reng ringawt, rei fe hnu ah ka nu in min rawn hruai a thil thleng miahlo ang a awm chu ka tum ve na sa mahse a Johan-a naktuk atang a a awmdan tur ka ngaihtuah chhuah chuan min ti dik lo zel,Ruihhlo thlah in mipa pangngai tak ang in awm ve sela ka duh a mahse home a awm dawn meuh chuan khawngaih na in ka khat leh lawi si








Chaw ei kham ah chuan ka room ah ka in kalh hnan daih a Kimkimi a rawn leng nawlh mai a mah chauh anilo Moses-a leh Tetea pawh an lo tel ve, an lo kal tak ah chuan thil dang ngaihtuah hleih theih anilo a reilote ah ka ni te an lo haw bawk a naupang pahnih chu Tetea te thian dun in an chhaih reng a an in nel nghal mai bawk








"Johan-a alo kal dawn em? Enge i thil pek chu ang a tih a lawm ve em? " zawi te in a ti a, Kimi chu en in lu ka thing ringawt " A duhlo a maw? a va a tak engtin nge mi thil hawn te a duhloh theih a? " a ti chiam









"Duh lo tih ah pek pawh ka tum lo hrim hrim zawk... " An in kan chhuhsan hnu a thil thleng vel leh tlai a Johan-a nen kan in biak na chu ka hrilh a, ka sawi tak ah chuan ka mit hi a lang dik chiah lo ni in a lo hria a alo sawi lo mai mai zawk alo ni, chutiang anih chuan ka chhung te pawh hian zing lam ah khan ka tap tih chu an lo hrethiam tawh ang a? Engmah an sawi silo a an hrelo anih ka lo ring mai a ka mit a bui hran pawh ka hrelo bawk nen










"Arin zep lo chuan Johan-a hi ka khawngaih zawk, i awmdan tur chu ka hrethiam lutuk a mahse chu tlai ah a rawn sawifiah leh vek i tia dawt sawi in i hria ami? tihpalh vang pawh ani ve mai thei a sin...bak ah eng thil tha lo mah an tih chuang loh te chuan " a ti a,a sawi dik lutuk mahse a hunlai khan keimah ang khan awm in Moses-a leh hmeichhe dang Johan-a te pahnih ka hmuh ang chiah khan hmu ta se keimah ang tho hian Moses-a lak ah a thinrim ve tho ang









"Home ah a awm dawn a naktuk mai ah lehnghal, in inkar lah a that hmel siloh a tan pawh a nuam lo zual ngawt ang.. thlah ve i tum hrim hrim em? " a ti a ka hriat loh thu in ka lo chhang nghal vat, ka hrelo reng bawk ani, a lak ah ka thinrim a mahse helai ka awm chhung lek pawh kan awmdun theilo tur chu ka ngai thiam chiah lo, home ah chuan awm rih lo se ka ti bawk









Midang in min biak tel ve tak ah chuan engmah kan sawi zui tawhlo, ka phone chu tu emaw min lo biak hun nghak ang mai in ka en sek bawk, ka thiante an haw a keipawh mu turin room lam ah ka lut nghal daih, naktuk man hlan ani tawh a ka pu te in lam ah pawh kal hma angai khawp ang thingpui lum ah min ring bur tawh a ei siam lam ah pawh chuti tho




★




Zing ah ka u te chhungkua an lo kal a, Bawihtei pawh Puipuia te unau in an pawm an pawm mai, zing anih tak meuh ah chuan man hlan na lam a ka mawh phurh na ve ai in Johan-a home awm tur Chuan min luah hneh zawk,ka in sum rang tang a mahse a tawp ah chuan ka tlin ngang tawh lo ka call leh ta hmiah, mahse phone chu Reuben-a'n a lo chhang daih a, Johan-a home awm turin a nau te chu phone a kawl tir rih dawn anih hmel









"Engtin nge a awm dawn? Kal a tum tak tak ami? " ka ti a, ka thu hle hle thei tawhlo, Reubena chuan a kal dawn tak tak thu leh a chhuah dawn tawh thu a sawi a ka thut na atangin ka ding chhuak zawk "lo ti ding rawh ka lo kal dawn... " ka ti a chhan pawh min chhan hma in ka off hmiah










Ka bag nen ka tlan chhuak a ka chhung te pawh in min au zui nasa lutuk mahse ka chhang hman rih tawhlo, taxi in chanmari chu ka pan a chanmari veng hnaih tawh lam ah a la jam zui ka hmanhmawh tawh si,ka chhuk a chuan man pe in ke chuan ka kal ta miah miah, mi te chu hmanhmawh luat ah ka su leh chawrh thin, kal pah chuan thil tam tak ka ngaihtuah a Johan-a ka lo hmangaih zia te, ka rilru ti na in min ti thinrim mahse zan a ral a khua a lo var leh chuan engkim a dang leh vek tawh thin, a lak a ka thinrim na ten min hneh zo lo a a mah ah bawk ka kir leh nge nge zel a hei hi hmangaih na leh at na an ti anih pawh in mi a chu ka ni mai










Ka thaw a hah takngial dawn, ka chawl a inhaler te ka hip leh rih, ka thlen hman loh a ka nang hman loh hlauh na avang chuan ka tah hi a chhuak ngawih ngawih ka kal leh a ka thaw hah buai hlau chu chak tak in ka kal ngam lo,mahse beidawng lo in ka kal zel a a tawp ah chuan ka thleng ta hram!! an kawt ah Reubena te 3 an lo awm a Johan-a ka hmu ve lo ka thlan hru mawlh mawlh chung in ka va thleng phei a phawk deuh in Sawmkima leh Bena chuan min lo en a Reubena chuan ka kal dawn tih a ring thiam sa aniang mak ti hmel a pu hran lo









"Khawi ah nge? " ka ti a ka hah lutuk a ka thaw hlawp hlawp reng, ka dang te chu an ro vek tawh.. Reubena chuan nuam lo tih hmel deuh hian min en a chutah ka kut chu la kang in ka kut ah chuan eng emaw min hum tir a










"A kal tawh...a lo kal dawn lo nghak rawh ka tia mahse a lak ah i thinrim tih a sawi a, i rawn kal tak tak a beisei lo a a kal ta anihkha" a tih chuan ka in thiam lo hreawm ti bawk si chu ka thu tung a ka hah bawk si ka lungchhe bawk ka rilru zawng zawng in Johan-a lak ah tihpalh ka ti mawlh mawlh a hre thei se ka ti ngawt mai, ka kut a thil awm chu ka en a thi ni in arsi te pakhat hi locket design dangdai tak in a awm bawk










"Lo kawl that sak rawh,i hma hun atan a duhsak na a hlan ve na che anihkha.. awmdun na hun tha in neilo chu pawi ka ti khawp mai a ngaihdan thin tehreng che nen" Reubena bawk chuan ati a, kei tak hian ani pawi ti chu,hetiang tur hria ila a lak a thinrim lui tlat lo khan reilote pawh a kiang ah hun ka hmang thei tur ania.. Ka thiam loh vek ani










"Hruaizela chu ila rawn hel ta fo ani maw? " Johan-a pa alo chhuak ve chiah " I lak a ka ngaihdan chu i hriat vek tawh kha nula..Hruaizela rawn chhuah hun ah pawh in inkawp hi chu ka phal dawn lo hrim hrim, tun ah a awm loh remchang ah hian lo thlah i tum hram dawn nia.. A chhuah pawh a rawn chhuak har ang"



IMG_2302207.jpg
IMG_2302207.jpg (37.92 KiB) Viewed 1934 times






"Johan-a nen hian min pawt then miah lo ang, kum 2 kum 3 pawh nghah ngai sela ka lo nghak char char dawn, I duh ang in ka awm ngai dawn lo pawi ka ti khawp mai.. chuan khawngaih in Johan-a tan a pa tha tak nih ve tum rawh a hmelma nilo in" Ka ti a, min melh rum hle a mahse ka zam duh bik eih lo










"Khatiang te a min chhan let fak fak ngam vang khan a lawm keini chhungkua a lawi lut a ka fapa nen a inkawp ah ka duh miah loh che, nungchang mawi hrelo mahni ai a upa chu sawiloh i pa rual khatiang khan min chhang ngam a, Hruaizela a rawn chhuah hun ah chuan thil a danglam vek tawh ang, i beisei phak ah ka fapa hi a awm tawh dawn lo...i duh dan dan in a nun ilo her kawi sak hman pawh ani mai thei e mahse a lo chhuah hun chuan maw a pa thu chauh a zawm tawh ang"










"A lo chhuah hun ah kan hre mai ang, tu duh dan nge a tawmpui zawk ang tih chu..a tet lai atang tawh in a tan i awm ngailo a, Pa i nih ang in atan pa ang a awm leh venhim chu sawiloh chhe te mah in i ngaihsak lo a eng harsat na nge a pal tlang tih lam ai in a harsatna ti pun lun turin chet i thawh a.. lo chhuak pawh ni sela i duh ang chuan a awm ka ring hauh lo" Ka ti ve sak, Reubena chuan phun sap in kal ang ati a mahse ka duh ka la sawi zo lo










"I va han zak lo tehreng em!! Dinzual kal bo tir vat teh u" tiin Reubena chu a en a Reubena pawh in kal rih zawk tur in min ti ve bawkbawk "hmeichhe zak lo lutuk mai, kha vang anih dawn kha nun hlui tawp lutuk i neih" a rawn ti chiah chu ka sa nghal pup, chet mai ngaih na pawh ka hrelo he thil zet hi chuan min deng na thin ani









"A tawk...!! " Reubena chuan alo ti tuarh a, Johan-a pa pawh in chutiang tak a an tih chu a ring lo nge phawk zet hian a en a "Mama pawh in nangmah vangin nunhlui duhawm tak sawi tur a nei bik lo Pute..." A ti ve piap a chutah min kai in min kalpui nghal dawr dawr a kan hnung ah Sawmkima te pahnih in min rawn zui bawk









"Ngah mah ngai duh suh, Mama tan hian awm reng ang che.." tih ringawt chu sawi in min kalpui hlawk hlawk, chak tak a kal pah chuan ka ka kut a thi chu ka en a rilru in mahni ka in fuih sauh sauh,Johan-a chu a kal tawh a ka tih theih tha ber chu a tan a tawngtai ani...rinawm tak in ka lo nghak a nga buaina leh harsat na engmah awm lo in kan inkawp rem ve tawh ngei ang










"Ngah nge ti khan i chhan a? Putea a thinrim nasat phei chuan MamJohan-a'n a tuar phah thei a sin,a sualthiam si.... " Kan kal mek laiin Sawmkima chuan Reubena zawn a rawn kal pah in a ti a,keimah emaw min biak tiin ka chhang hman tep a mahse Reubena chuan min lo chhan khalh










"Engtin ati tawp lo ang, Mama'n insiam that tum in Home hial a pan a nia, Putea hian hman atang a a duh tawh chu Mama in siamthat hun hi ani... Engpawh thleng sela Mama alo chhuak anihloh chuan a lak ah engmah a ti ngam dawn lo tih ka chiang lutuk tlat... " a ti a, tumah chuan an sawi zui ta lo










Taxi min phar sak a, chutah chuan chuang in kan in lam ka pan a thi ka hum reng pawh chu ka awrh fel diam tawh, in ka thlen chuan ka pa chauh alo awm tawh a min lo nghak ni awm tak ani.. ani pawh inneih tur vangin chawlh a la ve hmiah a an pu te lam in an lo phal sak ve mai bawk nen a vannei khawp mai, ka thawmhnaw ka thlak zuai a chumi hnu ah ka pa nen chuan ka pu te in lam kan pan ve a









"I thianpa in harsat na a tawk ami?" a tih chuan bo deuh hian ka ngawi kur a "Johan-a mawle... " A rawn ti leh hmuk a, ka chhuah chhan kha a hria em maw ni aw tiin ka lo ngaihtuah hmasa zawk hlauh









"Home ah a lut dawn a va thlah ve ka tum a chuvang ania ka chhuah lawk" Tiin ka chhang a a ngawi zui a engmah a rawn sawi tawh dawn lo emaw tih hnu ah









"A hma in ka hrilh tawh kha mawle" a ti a, ka hrethiam lo dawn lek lek a mahse hman a Kimi'n ka pa thusawi min rawn hrilh kha ka hrechhuak leh ka pa chuan Johan-a home awm chhan chu a mah a in puh deuh anih duh hmel khawp mai









"Nangmah vang ngawr ngawr ani hleinem pa, a mah hian a thil tha lo tih te hi sim a duh hrim hrim a lawm.. " ka tih chuan a bu nghat nghat a "Pa, ih maw alo chhuah hun ah chuan kan in kawp i phal tawh angem? Johan-a hi ka ring tawk a, nun thar hlak nen a lo chhuak tawh ang tih hi ka ring takzet ani" zam ru tak chuan ka ti a









"Bawihte,in inkawp te chu ka phal tawh reng a lawm,kha tih lai khan Home ah awm se ka tilo nangmah hi ka ngaihtuah em vang che in in pahnih kar hi ka duhlo mai mai zawk ani,na tak a siam che in a kalsan ang che tih ka hlau em a.. i pa ka ni a min hrethiam ang tiraw ka rilru tur chu? a tha ber zel ka duhsak thin che ka tih kha"









"Pa... Ka lawm e.. Johan-a pawh a lawm ngawt ang" tiin lawm avang chuan rem leh rem lo in ka kuah a








"Lawm na chhan tur a awm lo,Johan-a i tan a mi tha tak anih ka beisei lo a..mahse hlim tak a a siam theihloh che kha ka hlau em ani..tun ah chuan in pahnih inkar thu ka pawm tih hre mahsela Home a awm tak vang leh a nundan a sim theih vang chauh a pawm ah min ngai mai thei a sin" a ti a ka pa rilru chu ka hrethiam lutuk mahse Johan-a hi chutiang mi anilo









Hun a liam zung zung a aizawl a kan chhuk chhan ber inneih na pawh tluang tak leh hlim takin kan hmang zo thei a tun ah chuan serchhip lam ah ka awm leh vang tawh, ka chhoh hma khan Johan-a hmuh ka duh a mahse home lam in an phal silo thla 1 ah vawiikhat chauh kan an lo phal a, hmu ta miah lo in Serchhip ah ka chhoh san leh ta anihkha... Enge a chanchin ka hrelo a hreawm a ti dawn tih erawh ka chiang lutuk ruihhlo nghei tum tam tak an kawm na te pawh ka en phah fo a hreawm an tih zia te thih an chak thin zia leh an suffer lai a an awmdan te thleng in, Johan-a pawh in hreawm ati dawn chiang tih ka hria phone tal in biak theih nise a tha tur










"Hello Boss, aizawl chu enge a an a? " Lehkha ah pawimawh ka ziah mawlh mawlh laiin Rinmawia a rawn thu thut a ka phu nasa bawk nen ka ziah sual phah "Ka u nen in inhmu thei maw? " a ti zui zat a keiin min ziah sual tir vang a ngei deuh chung in ka lo en










"Hmu hmu hmu, enge? " ti vin hlur in ka ziak nawn leh mawlh mawlh library ani a ring em em in ka tawng ngam chiah lo, min chhang lem tawhlo chuan ka bul ah a thu ve reng a, dawhkan a lo tih rik keuh keuh reng vang chuan ngawi reng in a mah chu ka en leh a a dar san uk in a tawp ve nghal mai "engeeee nanghi ningawm miah suh aw.." Ka sam a rawn khawih ngawt vang chuan ka hau hrep a, ningawm te chu ka la ti zui a Johan-a tawh eee










"Aw enge i sam ah thil var a kai a lawm, i thinchhe ve siah... " ti nui nui in kan hma zawn a hawi a eng emaw hmu ang mai a tawng tawp deuh chawt vangin keipawh chuan a melh na lam ka melh ve nghal vat a, library kawngka ah chuan kha nu Rinmawia'n fiam nan a a kiss kha alo ding reng a kan pahnih thu dun chu hreawm ti niawm tak hian min en char char











"Thiannu lo kal ve rawh.. " Ka tih rual chuan Rinmawia'n rum zet in min lo melh a mahse ka hre lo der ve hmiah, hmeichhia chu a kal ta daih a a hmel ah khan kan pahnih thu dun kha a lung nih loh hmel em vangin Rinmawia chu ka en ta vat ani lah chuan mit ko a san vak ringawt "Va zui la.. " ka tih chuan lehlam hawi in dawhkan a bawh nghal hmiah










"A tul tam lo em mai a" a la ti ve khanglang zui, a hnung ah chuan ka pen ken lai in ka khawng keuh keuh a a rawn hawi hma chuan ka khawng ve char char "uiiii ka zui dawn chuanglo, hey ka bialnu emaw i ti ami a? " a rawn ti ta hluai a lu ka lo bu nghat nghat










"Duh na tlem te i nei in ka hria" ka tih chuan a tho daih a, ka rinhlelh ve na chu a dik dawn riau in ka hria " Hey sawi dun ang.. " tiin ka um zui ve nghal, a mah ang lo tak in chhaih a duh leh miah lo a chu tak chu ka thil tih chak zawng tak ani ve hlauh, min ti buai hneh sawh thin bawk a ka'n rul let ve tak tak teh ang









"Mate, lo chhuk thla lawk la khu i in leng tur ni awm tak an lo kal a" Ka ni in lehkha ka zir lai in min rawn au a, mak ka ti khawp mai chutiang ang leng tur nei in ka in hrelo Rinmawia te ti dawn ila ani chuan a hma daih tawh in i chhungte an zahawm tiin rawn kal a tum vak ngai loh thu a sawi tawh bawk si










"Tunge?? " tiin bang bo deuh chuan ka ni ka zui thla a, inhnuai kan thlen chuan mipa pahnih an lo awm a an hmel ka hmuh tak ah chuan ka inkhawm ve fo tawh vangin ka lo hreawm ve nghal mai a nel erawh ka nel lo a biak pawh ka be ngailo,ka ni in ktp ah min inkhawm tir ve thin vangin ka hre ve chauh zawk ani










Ka ni nen kan thu dun a, a tu a mah mah chu ka be ve lo Pa Maruata leh ka ni in an be char char a keichu hun mawi ah ka lo tang ani ber, bak ah sawi tur ka hrelo a chu ai mah chuan keimah vang a lo kal an ni pawh in ka hrelo, a khat tawk in ka thut na hnaih ami Zorama chuan min be ve zeuh zeuh a, ka nel loh miau vangin a rul tawk bak a thui in ka chhang ngailo mahni duh dan tak a awm ta lo chu ka ning khawp mai an haw mai bawk silo thingpui te ka lum leh rih a,an senior dun ve hmel bawk a an ti ti pawh kei ang tan chuan zawm a har talh mai..dar 9 pelh ah an haw ve chiah lehnghal an awm chhung khan ka hah tun thei in ka hria









"Engtia rawn leng lut ve hlawl nge maw an nih le? " Ka ni in thingpui no ka sil lai mek in ka ni chuan ati a Pa Maruata chuan nui chung hian keimah vang ani tih a sawi a ka ni lah chuan fiamthu deuh hian








"Ka hria a lawm mawle,keimah vang te a an lo len tak in ka ti mawle.. " ati a kan nui hawk hawk, pa Maruata nen chuan an in chhaih zui a, an nupa awmdan an nun te chu ka lo awt ru ve em em ringawt, hetiang hian Johan-a nen awm ve thei tawh ila ka ti ngawt mai









"Arin, nang enge Zorama kha i ngaihdan? A fel ania aw Department 1 a hna interview zo hlim ania a tlin hlauh phei chuan a chhungkua lam ah pawh a ngaihtuah awm vak in ka ringlo.. a mah a chhe zawk zawk lo bawk a,kohhran lam ah nise chuti bawk" Pa Maruata chuan ati a, chhan ngaih na pawh ka hrelo lo leng satliah ve tawp khan ka ngai a bak ah keichuan Johan-a ka nei tawh a eng ang pawh in fel sela Johan-a ka thlang fan tho








"I a em mai thil i hrelo si, matei te chuan bialpa fel deuh a nei a lawm mawle Zorama ai pawh khan a lak tlak daih zawk ang, a hmel phei chu tha tak ani, ka nulat lai in piang hman se chuan a" Ka ni chuan alo ti, Johan-a pawh a la hmu tawp silo thleng sil na hmun atangin ka lo nui ru char char









"Chutia law eng hna nge a thawh a? Aizawl mi tho maw? " Pa Maruata chuan ati a ka ni bawk chuan nilo pui pui hian an lo chhang char char, dawt hrilh mahse fiamthu anih avangin engmah ka sawi buai ve peih lo, bak ah Johan-a tan lutuk a a awm chuan min ti hlim lutuk









"Awi ka hrelo a hna thawh kha a changkang sia maw, ka sawi thiam mai mai lo" a ti leh sia Pa maruata nuih a za ngang mai "enge min nuih suh aw.. Zorama te chu a dah nil thak ani mai a hming pawh Bible ami thlap a sin an phuah...a hot sia e " a la ti ve tang tang a, a tang na sia Pa maruata pawh nui chung in a bu nghat nghat ringawt tawh mai





★ 3 Months Later ★





"Mama kan in kan kal a,,biak i tum leh chhin duh em? " tiin Reuben an min lo call, min call hun ka nghak rei tawh bawk a ka nghak chhuak ta hram tun hi thla tawp ani a,a awmzia chu Johan-a kan theih ve hun awmchhun tih na








"Aw in lut tawh em? " tiin ka rilru phili nghal vek chu in tih hahdam tum in ka thu a mahse Johan-a ka biak chak tawh em vang chuan awm ngaih na ka hrelo ka in control zo mang tawh lo ani, thla liam ta chhung khan vawihnih kan na hun a awm a Reubena kal tlang in phone in biak ka tum thin a mahse Johan-a chuan min be duh lo, a chhan chu min ngaih luat ah home atang a rawn tlanchhuah a chak phah ang tih Reubena hnen ah a hrilh thin a chu chuan a mah ka khawngaih na a ti zual sauh









"Aw lut chiah,phone ka'n pe ang aw" a ti a rang lutuk in ka lo aw nghal, ka lo ngaithla kar a ahma ang bawk in Johan-a chuan a lo hnar leh, min be chak lo anilo min ngaih zual a hlauh vang ani tih a sawi a ka hre thiam lutuk a mahse ka be chak tawh bawk si "Johan-a vawikhat chiah lo ngaithla teh reilote ka be duh che ka ngai tawh lutuk che ania" Reubena a hnial lai chuan loud speaker ah a dah em tih pawh hrelo in ka tawng chhuak ve tawp










" Duatnu.... " ti a min koh na ka hre zui zat,min be ta chu lawm a vangin ka tap lo chauh ani.. Ka hnuk ulh vangin ka chhang thei leh lawk silo a ni pawh a ngawi ren rawn a chumi hnu chuan a aw thian kharh pah in " Thih ka chak rum rum thin, a hreawm lutuk a" a rawn ti chhuak hrawih, a hreawm dan tur chu phak tawk ah ka hrethiam a mahse ka hriatthiam phak bak hian a tan chuan ala hreawm dawn tih ka chiang si










"Tuar hram hram rawh aw, i hneh thei em em ang i tan ka tawngtai ziah ania " tiin tah chhuak tun chuan ka chhang let a " Ilo chhuah hun ah enge kan tih dun ang? Len kual leh zanriah ei dun te movie en dun te i duh duh ani mai... " ka tih chuan a reh vung vung a phone chu min dah san tawh emaw ka ti hman a ka hlauthawng leh chung mai










"A vaiin tih dun vek ka duh..." a thaw hawk a,keichuan a lo chhuah vel ah chung zawng zawng chu kan ti dun ngei ngei ang tiin phur na a neih theih nan ka lo ti nawn leh,a beidawn a a nun na in a tawrh hi ka hlau ngawih ngawih ani










"Zan ah hian ka mang ah ramhuai ka hmu nasa thei lutuk a,min thah an tum ni te hian ka hre thin,...helai a ka luh chhan hi chiang mahila a chang chuan tlanchhuah a zu in bawrh bawrh mai te ka duh a damdawi chak tak hmang a vawi duai lo in chiu mawlh mawlh mai te ka chak.....engtik ah emaw mo thuam nen a Biak in chhung maicham hma a i din hun ah i kiang a ding i pasal nih ka duh avang in ka in thunun hram hram thin a,suangtuah na duhawm tak ka nei a chu chu nangmah nen a tih hlawhtlin vek ka duh ani"