REWRITE THE STAR (BYG S-2) By Bearr Chhakchhuak (Completed)

[Ngaia]

CHAPTER-19


"Rilru ti hah suh khawvar hma in a thinrim a reh hman hrim hrim.. " Reubena chuan ka awm nawm nan ti ni awm takin a sawi a a um zui ve nghal bawk



"Engtin nge a tih che a? " room a ka let leh chu Aron alo thu tung a lu thing sek in thut na ngai ah bawk chuan ka thu leh aa, Johan-a mawlh chu ka rilru ah a awm a thil thlen dan kha a ngaih kawih ka hlau ani, nilo a ngai kawi tawh zawk chu anihkha



"Kan rei em? " Nu hmelthai a rawn in khai lut a ding in ka lo lak sak ve vat a ka lo hun that sak mek laiin Aron bawk chuan



"Ka sawifiah sak leh ang che.. " Min ti a nu hmelthai te nupa ka en a an fapa tawngkam hrethiam lo zet hian an lo in en deuh hû a



"A ngailo ka hmuh hun ah keiman ka be mai ang" Tiin ka in rem zo chu ka ding hluai a " Nu hmeltha in lo kal tawhlo tho a ka va haw ve tawh ange aw lehkha zir ngai tlem ka nei a" thaw hawk pah chuan ka ti a



"E aw tehreng mai,min rawn awmpui ve a a lawm awm khawp mai taxi in mi i haw ang? I duh phawt chuan hei i pa hian a thlah thei che ania " In phal takin an pa lam chu a en pah bawk a



"Ni e, ka va thlah haw ang che" a ni pawhin a lo time ve bawk a mahse keimah a haw thlang in an chhungkua chuan ka chhuansan a



In ka thleng chu ka hahdam huai hian ka in hria, room ah lut tlang in ka in sil fai a drower a ka hmai hnawih pakhat lak ka tum chu ka hawn rualin waiwai pahnih lo awm chu ka hmu a, Johan-a nau ten min pek kha ania ka la ei miahlo a rei veleh tawh khawp mai

★

"Nizan ah Aron a accident ka va awmpui ve deuh reng a nizan chu engmah ka zir leh lo " Sam khuih mawlh mawlh pahin min nghak mek tu kimkimi hnen ah chuan ka ti a



"Aron a accident a maw?" A phone bih lai chawl meuhin a ti a ka lo bu nghat nghat "A van khawngaih thlak em em, a na viau em? " A tih chuan ka nu lo kal pahin



"Na viau lo e a vannei a a kut leh ke a na deuh tih loh chu na viau a neilo an tih kha" a rawn ti a, Kimkimi hawi buai pawh a zia sawt in ka hria



College pan in kan in phur chhuak a kal pah chuan nizan thil thleng vel chu ka hrilh ve a, tawng theih vang lam nilo in ka best ani a, a hun ah chuan kei ai pawhin a puitlin zia ka hria engkim ka hrilh hian thurawn tha min pe fo a bak ah ka best anih ang in a bul ah hian ka rilru hah na te sawichhuah a in bun ruah hi ka duh thin



"Hospital ah buaina an rawn siam i tih na ami? Nge in inhnial ringawt? "


"Hnial em em pawh anilo Aron an ka lu a min fawp kha a duhlo lutuk a"


"A awm ve tho a lawm thikthu chhe chi tan phei chuan, nangpawh ni la Johan-a nuthlawi zu zuar khan a lu emaw a biang vel ah rilru kawi pu lo pawh in fawp se i thinrim ve tho lo maw? "


"Thinrim dawn e.. " a sawi zawh rual deuh thaw chuan ka lo ti



"A nihchuan i thiamloh pawh ni se be hmasa hrim hrim rawh aw,Aron nen an in ngeih lo sa bawk sia khatiang a a hmuh cheu kha chuan a thinrim thlak ve dawn ania" A ti dap dap a


"Engpawh chu lo ni ta se engtin nge kan awm na te room chen khan a hriat theih le ka ti.. "


"In in ah an lo kal anga i nu emaw i pa hian an hrilh anilo maw? " Alo ti ve vat a, ka pa chu anih ka ring hauh lo a chhan chu a ngai na miau lo a biak phei chu a be hauhlo ang, ka nu zawk aniang engmah ka zawt te lem silo a



"Sawtah khan an thawk leh ang chu bia la... " A tih chuan tha ka lo ti hman viau a mahse chutiang thil hnathawh na hmun a sawi chi ni in ka hrelo bak ah peng kawi khawtlai leh tur chuan hun a awm lo



"Ka hmuh leh hun ah ani mai.. " Ka ti a college kan pan ding a chu an hnathawh na zawn kan tlan thlen chuan ka hawi nasa em em tho a mahse an unau awm ka hmu lo hrim hrim



"Tete lo kal lawk teh.. " College kan thlen vel ah Tetea ka ko hrang a Kimkimi leh Mosesa ti ti nghal char char chuan min ngaihsak lem lo



"Aw enge a " Ko hrang bik ka ni bawk a zawi te hian min zawt a



"Ih,in thenawm ami Johan-a te kha nizan ah an in vel ah i hmu mial em?" Zak si hre chak tho si chuan ka ti a ka kut chu a ruk in ka hum vak bawk



"Hmu miahlo, mahse Pi Zo-i khan police in an la ati" Ka lung phu a chawl dawt ni mai hian ka hria! zawh nawn leh ngai hauhlo in Tetea chuan "An insual an tia chu chu pakhat kha hospital hruai ngai khawp in an khawih na a chu chu a chhungten FIR an theh lut a khawvar hma khan an rawn man an atia"



"Ngati nge le? " Ka ti chuai raih a nizan an kal liam hnu kha a thinrim reh lo hian mi alo tibuai te a ni mai lo maw le aw?



"Ka hre bik chiah lo Pi Zo-i hian a ngaihtuah ve thei sia a rilru hah te hi alo leng lut fo thin a chuta tang a ka hriat ve mai mai zel chu ania" a ti a engmah sawi belh tur pawh ka hrelo



"Arin u Johan-a nen khan in ni ami a? Pi Zo-i hian i chanchin hi min zawt leh nulh zel a" A mah bawk chuan a ti a, aih ti turin kan in ngaizawng miau bawk so a aw tih lah ka hreh ve luk lak bawk si ka nuih suk ringawt



Class kan tan mawp mawp a a kar lak ah Johan-a te unau ho chu ka ngaihtuah a a chang leh Aron, tun ah chuan ka kiang a awm a min bawihsawm ber tu anih ang a ka bawihsawm ve hun a lo thleng a chutih rualin Johan-a ka ngaihtuah tel zel angai bawk



An in ngeih loh em vang hian tih takzet a Aron ka ngaihtuah a rem lo, mahse ka tih a ngai bawk si khati khawp khan min buaipui a tun ah buaipui a ngaih a ka tlanchhiat san bik anihchuan a chhungte pawhin min dem lutuk ang

★

"Hospital ah chuan ka lo drop dawn che nge? " Kimkimi chuan helmet khum pahin ati a, min drop se chu ka duh viau a mahse a tlai lutuk palh ang petrol man tum ziah mahila mimal lutuk ang a pawh kawi chu ka duh bik lo



"Ngailo mai rawh se taxi in ka kal mai ang" Ka ti a tichuan Tetea te ho nen an tlan chhuak a taxi ka phar lai mek in tu emaw hian min pawt her lawp a ka hlau hman thelh ani



"Ben-a... " Hmel hmai pilh phung leh duk deuh chut in min en a,ka hmelhriat ve viau tawh nilo phei sela chuan ka hlau hman ngawt in ka ring



"MamJohana te an man kha i hria em? " Min ti a, a hmel ah chuan a lungawi loh hmel khawp mai rum deuhin min en a



"Aw, aih aw hria e, ngati nge i tan ve loh? " ka ti thawr chu nui hawk in a hmai chu na a ti leh si nge a dawm a a ner vak bawk



"Tang ve turin min duh ami? I rilru a va chhe reuh ve a " fiamthu ti tak deuh hian a ti a ka lo then sak ringawt "tak tak in nizan ah zu la in ka kalsawn a chumi hlan chuan ania an lo insual chuvang a man tawk veli mai mai a lawm ka nih, ka va hmu dawn a lo kal ve ta che i duh em? " a ti zawm zat a



Kal ve chu ka duh reng chutih rual chuan enge ka va sawi ang ka hrelo, ka va hmu anga engvak tih theih ka nei chuanglo bak ah ka pa in a hriat chuan a tha dawn lo nasa si



"I duhloh chuan ka kal aw.. " tiin a la ding zui ta tho a " I u lem kha kan accident tir anilo ania khawih pawh kan khawih rawn lo MamJohana kawr ah khan a tham hmasa ngawt a keiman ka lo sual anihkha " a tih chuan phawk zet in ka en a



"Ngati nge? Aron nen chuan engtin nge in awm ho theih a? Insual turin engtin nge in buai tan dan? " Ka ti zung zung chu sawi peihloh hmel deuh hian a lu a hiat vak vak a



"Ih maw a, MamJohana hi a thinchhe zawk zawk lo a a thin khei deuh tur i u lem khan a sawi ah ngai tawp rawh, enge a sawi chu ka hrilh lo ang che.. Chuan jail a ilo kal ve duh lem loh chuan ka kalsan dawn che ania ka hmu che tih ka lo sawi ang" ti chungin a kal liam a ka zui ve lo chu nuam ka tilo a ka zui pawhin enge ka va tih vak ang ka hre chuang lo



Taxi ah chuan lut in hospital lam ah ka kual a Aron pawh a lo that tawh hmel khawp a mahse a kut leh le erawh a la hmang thei tha thum lo, doctor pawhin a na ber pahnih a a sawi te kha an ni miau a, a kut pakhat zawk erawh a hmang thei a a zia awm hlauh



"Mi rawn awm ve hi thil dang i ngaihtuah char char a" Ka hnar a rawn pen zauh tu chu ka en a, ka ti ti pui reng emaw ka tia ka lo ngawi leh daih tawh, Johan-a te hian ka rilru an tibuai reuh em ani



"Enteh Aron ih... " tiin ka ngawi leh rih a nu hmelthai chu ka va melh leh zauh bawk



"Sawi la eng in nge kan nula rilru hi lo mawlh viau ni? " Tiin ka zawh na hriatchak tawh hmel deuh hian nui sen sen chungin ati a



"Ih Johan-a bul ah enge i sawi a? Ka tih awmzia chu insual duh tur khawp in engtin nge in in tih thinrim? " Ka ti ta phawng a mahse a hmel hlim sari chu a reh phah hauh lo a pangngai vek



"Engtin vak mah, Amon awm loh a ka enkawl che leh unau ang a kan khawsak thu ka sawi ringawt a lawm a mah nen tak kan insual lo a nau te zing a pakhat zawk kha ania.. " a hmel chu a danglam miahlo a a thusawi chu awih tur nge tur loh pawh ka hre thiam lo Benjamin kha chuan thil lian tham tak ang in a sawi sia



"Ih maw, Benjamina khan... " Ka ti chiah nu hmelthai a rawn thu hnai ve ta sia engmah ka sawi zui ngam lo "a hma ang khan awm rawn, nuih duh, fel, mi hriatthiam na ngah mi zawng zawng in thian atan a an awh ang thin kha.. tun a insual hrat ve deuh hi chu keipawn ka ngai na lo" Ka ti ve kher a nu hmelthai pawh alo nui hawk



"A ni chiah mai, i nau thu hi zawm tha hle teh" A lo ti ve bawk a, diktak chuan hman zan, tum dang chhan dang ang a min kuah loh zan atang khan a hma ang takin ka nel lo a nula leh tlangval in zah ru ang mai hian ka awm mahse, tih lan erawh ka duhlo a harsa deuh anih pawhin a kiang ah chuan ka awm zel tho ang mahse nula leh tlangval ang nilo in unau ang zawk in



Hospital atang chuan thim dawn ah ka haw a, in ka thleng chu couch ah ka mu nghal thlawp a, ka nu in ka kal kawi na min lo zawt ve leh chat bawk a mu chung hlir in ka chhang a ka pa pawh bathroom atangin a rawn chhuak a ka nu zawh na ang tho min rawn zawt leh,rawngbawl ka ngai tih hrechhuak in muang fan in ka va bawl leh



"Nu ka thianpa te kha hman zan ah an lo kal ami? Hospital ah Aron a accident zan khan an rawn lang hlawl a" chaw ei na thleng seng hma in ka nu bul ah zawi te hian ka ti a



"Aw kal e i pa'n a hmu hman thelh lehnghal i awm na min zawt tlat bawk sia ka hrilh loh chuan nghah che an tum bawk sia ka hrilh tawp anihkha nghak che sela chuan i pa'n a hmu hrim hrim ang"



"I van ti tha.. " Ka ti ringawt a, alo nui hawk thung ka pa hriat kan hlauh vangin engmah kan sawi ring thei silo a sawi pawh kan sawi chhunzawm ta lo



Ka hman vel ah inbual in ka inbual zawh ah lehkha ka zir a, a kar lak ah Davida ka be bawk.. Kan zing a awm leh tawh a chak thu a rawn sawi nasa mai, college kha helam a zir turin a chhungte a dil nang in an rem ti ta silo a a ngai te bawk in a ning em em hmun ah a awm leh a ngai ta tho anih hi



"Kan doctor tur nu chu a va bih nasa ngat ngat ve" Ka nu in min rawn bih thla leh tawh chiang mai,a in herh dam tan hi a nghal riau mai, David a massage ka reply lai ani sia ka type lai hi ka melh uluk lutuk



"Davida ka chhang lawk a" Tiin ka send zawh vel ah phone chu ka dah ve mai a, ka lo khawih tui hman khanglang ani rilru ah phone ngawt a awm leh tawh, buaithlak!


★ 4 Days Later ★


"Aron..!! " Ka zing tho chhuak chu phak pawh sawilo in kan kawt a Aron lo tlu lek lek ka hmuh chuan rang lutuk in ka va kuah ding nghal zawk "enge i tih a? ?min ti hlauthawng lutuk! " Ka din that tir hnu ah ka ti hrep



"Aw kal ka tum, ka ke hi duhai ka hmang thei har lutuk tawh a ka hne tawh mut ngai reng nen hian" Nui chung a min chhang chu ka lawm lo nasa lutuk



"Chupawh nise mahni chauhin tum mah ta che, tun ah pawh i tlu sual tep anihkha! " Ka aw ki hi hniam ka tum pawhin ka thei thlawt rihlo min ti hlauthawng hman em ani, nimin lawk ah hospital an rawn chhuhsan a a kut chu a hmang thei lutuk tawh a ke erawh a la na viau thung a



"Aw ka hria e tinge maw i u na nei hi min vin vak vak a? Ka na a zual zel ania aw" Ka sam tuai thur pah a a tih chuan ka thaw hawk a, a mah chu kuah in kan veranda thutthleng ah chuan ka thut tir a



"Tak tak in mahni chuan tum tawh suh aw, ka awm a ka hman anih phawt chuan keiman ka pui ang che" Dam deuh zawk chuan ka ti ve thei hram



"Awle, awle ruk in ah pawh rawn auh che ka tum deuh a i nu kha ka zawt hmasa a ala mu a ti che sia kaih thawh che ka hreh a lawm.. "



"A ho lutuk, chutiang hreh suh a hma zawng pawhin min buaipui a, zanlai ani emaw zing kar te, khawvar hma leh chhun ah pawh engtik lai pawhin min buaipui a hetiang mai mai a inthlahrun angai lo ania min buaipui tawh na ka rul let ve che ah ngai tawp rawh.. " Ka ti tha ve luam a



"Ni e i thawh theih dawn phawt chuan le, zing kar exer ang deuh a lak hi ka duh a " A tih chuan ka bu ve nghat a


"A nihchuan ka lo tho hma anga ka lo tho hma lo anih pawhin min lo au vak mai dawn nia" Ka ti chu a nui hawk hawk a


"I mutui lai kaih thawh che chu ka duh teuhlo mai" A ti leh si



College kal ka ngaih vangin ka thutpui reilo a ani pawh tiang nen a chho ve bauh bauh mai, ka insiam pah a ka make-up kan khawih vel ah chuan Johan-a ka ngaihtuah chhuak thut, ka la hmu leh miahlo ka ngaihsak lo pawh ni lo in a ma awm na hre tur takngial pawh a a unau te hmuh tur an awm loh ve tho vang ani



An jail tan thu ka hriat hnu atang khan tumah ka hmu leh tawhlo a kan in ah zan ah pawh an lo kal ngai lo, a reh hian an reh tlawk tlawk ani mai! Keiin zawn ngaih na ka hre bik silo phone dawn ila phone an la nei bawk silo ka rilru an ti hah ve lutuk tih theih ka nei tlem sia, jail atang khan chuan an chhuak tawh tih kha an sawi sia



Ka make-up ber hman mumal theih awm bawk silo chu in chei em em lo in college ka kal ve thuai a ka awm a nawm loh phah hran lo, tum dang ah pawh make-up te chu a hming a nasa ve hret in ka hmang a chu zawng chu ani,a chang phei chuan make-up tello hian kan hmeltha ka ti zawk kan lang fresh hian ka hre zawk tlat pek a



"Enteh bialpa nei nu, i bialpa khan phone a nei tawh ami sawtah khan an thawk tawh ngai bawk silo a " Class neih lai lai in Lalkimi pek chuan a rawn ti



"Ka hre bik lo ka la hmu miahlo ania ni 5 bawr ani tawh, ka ngaih te hi a tha viau tawhlo ania khawi lai ah emaw an lo chat thla vel mai mai ang tih te ka hlau " ti rapthlak min tih hmel zet hian meng phar awk hian min en a "enge a ni thei sia lawm, jail te hi an tang tha leh a mawn le? " Ka ti phei chu ka hmui a rawn hup thawt thawt



"Ngawi mai mai rawh, bialpa te chan pe chhe lutuk mai.." a ti a professor in min rawn mit sir zauh zauh ta si a engmah pawh kan sawi zawm tawhlo, engpawh chu nise an dam that ka beisei


★


"Bawihte vawiin tlai chu rawngbawl ah ka lo ring leh mai che aw vawiin chu ka nuam lo zual leh deuh a " Ka in thlak mek laiin ka nu chuan a rawn ti a



"Awle.. " Tiin rawngbawl ka va tan lehnghal, ka bawl zawh chiah in ka pa a rawn haw a a inbual fai hnu ah chhung inkhawm te hmang in chaw kan ei a ka rawngbawl ka ei tui ve ber tum ani hial ang



Lehkha zir peih rihlo a ka fan ka fan chu ka nu in a kawng na min zut tir a, a tir chuan tha deuh in ka zut ve mai a a rei a ka ning chuan TV te en in ka lo chawlhsan leh veng veng zel



"Chu va kal teh tunge pawn ah awm, tunlai chu zawhte nghal deuh hi rawn kal a hrat a ka pot a lo hai vak zel mai a ninawm lutuk ka che tha thei silo" A ti nui nui a chawlh pah tiin phur tawk chuan ka va chhuak ve a pawn ah ka thil va hmuh erawh zawhte aw zawng anilo ni 5 vel ngawt ka hmuh tawhloh Johan-a te unau a ni



"Uiiii...!!"ka ti ta vak chu an lo in ring bik lo nge an phu nasa hlawm lutuk a Sawmkima phei chu Reubena nen an lo in pawm bet thlawp


" Changtupa is back.. " Johan-a ber chuan mit siai chungin a la rawn ti ham ham


"In bo emaw ka ti a sin..!! " Ka thin zawn dawm meuh a ka tih chuan an nui hak hak hlawm a "a nuihzat thlak loh engati nge in reh vang vang a? " Ka ti a tuman min chhang lo



Benjamina chu Johan-a chuan a signal a ani chuan bawm lian lutuk lo hi la in min rawn pe a a ngaih na hrelo zet in ka lo la mawl ve tawp "make-up anihkha kan tihchhiat sak man che a thar kan lei sak che anihkha" a mah bawk chuan a ti leh a



"Mahse engtin? aaa, a ngailo " lai zet chuan ka ti a



"Ngai ee, kan ti chhia a rulh leh che kan bat ania lawm.. Chuan kan ruk anilo aw kan inhlawh na a kan lei ve ngat anihkha i la lo anihchuan kan nasa viau ang" nui hlauhawm deuh hian ati a min vau ni mai hian ka hria "hmun dang ah hna kan thawk a lawm jail atang a kan chhuah khan, a chhan chu kan thawh ve na kha chu a hahthlak sia pawisa khawl a tam mawh dawn sia kan tia "



"Bawihte" Chhung lam ah ka nu in min lo au ve bawk si a ka va tlan lut leh a a ruk in Johan-a te an awm thu ka va hrilh a room a ka pa hna khawih chu hrilh hrelo a haw tir leh mai ka tum thu hrilh in ka va chhuak leh


"Aw tikhan um i kawng dawm la a mawi dawn lo ami?"


"Ek-a tuai emaw min ti ami? "


"Changtupa chu a tul hun ah chuan a tuai lawp lawp mai ani"


"Eng thil nge in tih a? " An awmdan mak sak set vang chuan pawh mai ngam lo in ka ti a



"Aw.. Phone thar pawh ka nei tawh a whatsApp dp tur in thla kan la dawn anih hi, ka bialnu te in lang a lak hi ka duh bawk sia " urh sun zet a a nau te phone ken na lam melh pahin a ti a, in pose dan tur an han in hrilh vel te chu model tha lak sak tur ang mai hian an han tang a!



"In u hi model emaw in ti ami a? " A sir ah nui chungin ka lo ti ve a model atan chuan an iai ve deuh nge an ner nasa khawp mai



"Mai mai a,duh ila chuan model satliah pawh nilo victoria secret angel ho aisa pawhin ka chungnung zawk ang.. " A ni zam chhelo nasa ta chuan alo ti ve thung



"Chuan bra leh kekawrte lawng a awm in teu teu teu i ti ve anga.. " Sawmkima bawkin a lo tui hnih hmanhmawh a ka insum hman thlawt lo ka nui vak vak, ka mitthla hian a tenawm nuihzat thlak lu lai lutuk



"Mawla tenawm suh aw.. " Johan-a bawk chuan duhlo lutuk in a lo ti ve leh a ka nuih lah chu za tawlh tawlh lehnghal



"Engati nge pawn ah i awm reng a? " Ka pa'n kawngka rawn hawng thut in a rawn chhuak ta mai! Ka nui tawp chiang lutuk kei chauth nilo ka bul a awm ve te a hmu chu a hmel a dang nghal awk awk



"Aron khi han pui rawh.. " Ka pa chuan bul zet hian ati a in chung lam ka hawi chuan step chanve lo chhuk thleng tep tawh in Aron a lo chhuk a Johan-a awm lai ania ka phur miahlo mahse ka ka pa ka hlau a bak ah zing lam ah tanpui ka lo in tiam tawh sia



Johan-a chu ka melh zauh a alo nuih mai mai vangin Aron bul ah chuan ka han chho a, a rawn awn nasa bawk nen in hma zawng tak chuan min kuah a Johan-a a awm ve bawk sia a nuam lo tak tak ani, sir zawng a kuah tha vat in in muangchang chuan ka chhuk a an za vai chuan min lo en thap a nuam lo tak ani, chuta kar ah ka hmuh hmaih hauhloh Johan-a kut, a hmel ah nui hmel pu reng chungin a kut chu nasa zet hian alo hum ruh ngar ngar! Hetia Aron ka pa in min buaipui tir hi a hua ani ngei ang



"Kan in ah ilo leng dawn ami? " Ka ti zawi sap a a buk tak nghut vang chuan in ah ka luh pui leh a lo awm lawk tur a hrilh in ka chhuak lehnghal



"Rui lo chuan lo leng rawh u, rui leh zu rim nam hlek erawh chuan leng ah ka duh lo che u.. " Ka pa lo ti mek ah chuan ka va ding ve a, an rui lo chu ani miahlo mahse an ruih dan hi a nep a sin



"Pa.... " Ka ti chiah Johan-a chuan ka pa in ringlo lai chu a rawn kuah thut!!



"Le le le... La vat rawh.. " Ka pa tal pawh chu a pawm bet ngat ngat, a che teh thut lutuk a lo awmdan pawh ka thiam lo,enge a ngaihtuah pawh ka hrelo hetia ka pa a pawm ngawt hi!



"Duatnu bye.. " Tiin ka pa a thlah a an unau chuan an tlan nal nal a an mawng phe pawh hmuh hman an nilo ka pa pawh a pai nasa mai



"Eng ang mihring nge maw ni ngai, mawl lutuk!! " tiin ka pa chu a ang nghal bawrh bawrh, engvang a ka pa kha khatia kuah chiam nge maw anih le? "Lut rawh... " A tih chuan rang deuhin ka lut a Aron pawh ka ngaihtuah chang tawhlo dawhkan a make-up Johan-a te min pek leh phone la in room ah ka tlang daih



Ka hmet eng chu number lawng hian whatsapp ah massage tam zet a rawn thawn a Johan-a phone nei thar thil tih a nih ka ring nghal tawp bawk, a massage ka hawn hma in a number ka save phawt a chumi hnu ah ka hawng chauh, a hma a sawi ang tak tak in love var lawng teh tlawng hi a hmasa ber in a rawn thawn tak tak, a massage te lah hi vawikhat ah type hran duah lo hian lo thawn ve mai awm ania!

" 🤍 "

" Keimah "

" A Changtupa "

" I bialpa "

" Lalchhelo-a"

" LalMamJohana "

" Hanbawiha "

" Duat em em tu che "

" my miss you,chuks"

"Tun ah chuan "

" Zan tin "

"I aw ngaithla pah in"

"Ka muhil ve thei tawh ang "

" Ka zak reuh "

" Ka lai "

" Vel "


A tawp na chu a va han bei laklawh leh mai mai tak! nui vur vur chungin ka en a ka chhiar nawn ka chhiar nawn lai chuan


" Min "

" Reply "

" rawh "


Alo la ti.. A dp a thlak a kan en chu ka reply lawk theilo ka chhungte hriat hlau si in khum ah chuan ka thal a ka nui khur char char, nichin a ka pa a lo kuah thut kha thla la in dp ah a lo hmang lek ani, chu chu thuhran ka pa hmel mawlh hi



A kuah thut bawk sia a thawng hmel, a duh lo thinrim hmel zawng zawng nen hian ka pa mah nise hemi ah kher kher chuan a hmelchhe ve thlawt! A hmui te a sawi bem bum sia Johan-a sawi dan tak ah a hmel chu thinlung mangang hlauhlawp thlabar hi ka tehkhin ber



"Lehkha ka zir lawk anga nakin ah kan in call dawn nia" Ka ti a a seen nghal a ka hman vel a call turin min chah ve thlap "phone kha hralh rilruk tawh miah suh u" Ka ti leh chu a rawn ghost emoji nasa nang mai



Phone ka dah hma in status ka va en leh zuai a Johan-a chuan status 12 vel ngawt alo nei hman a ka'n en chu ka pa dp a a hman na pic chhe zet bawk chu a status 12 ah chuan a ngai hlir alo hmang a caption ah * Oppa ka phone thar ti mawi tu* A la ti zui a va han nghal tha tak hepa hi chu aw

[Ngaia]

CHAPTER-20



"I status hi delete rawh I dp pawh thlak rawh.. " Voice massage ka va thawn a a seen rual chuan massage a rawn thleng zui nghal, a type ran zia chu!



"Ka phal teuhlo thil hlu lutuk mai anih hi, bak ah I number bak mi phone number neih ka nei chuanglo a tuman ka dp leh status pawh an hmu thei chuang nang.. Chuks" rawn ti ve thung



"Nghal viau suh I upat tawh nen " Ka va ti leh hram a ka be tui chho dawn tlat hetiang chuan engtikahmah lehkha ka in zir dawn lo



"Upa mahila nang I naupang a lawm" A la rawn ti hram a mi chhan dan tur te hi a hre thei mai sia maw



Lehkha ka zir theihloh chhoh ka hlauh vangin ka reply tawhlo a ka reh ta daih chu a hrethiam mai nge "I zir zawh vel ah min lo call rawh.. " tih a rawn thawn leh a ka seen lo na in ka chhiar vek tho



"Bawihte thingpui min rawn lum lawk teh a.. " Ka nu in ka zir tan dawn chiah min rawn au leh a buk uih uih chung in ka kal chhuak a, ka pa min lo en deuh kur ah chuan ka ding tha nghal hmiah,Johan-a dp kha ka hrechhuak a choka ah mahni in ka nui tha leh



Thingpui chu ka va pe a Aron pawh a ke bak na ta mang lo chu tum dang ang tho in a ti ti tui leh tawh khawp mai, ka pa nen hian an ti ti thei viau zel a kum in thlau viau tawh e tilo chuan thiantha ang maiin an inkawm thei, hei vang hi aniang ka pa pawhin a duhsak thin em em ni



"I chhoh dawn ah min lo ko dawn nia aw ka lo chhoh pui ang che" Thingpui no hun rem sak pahin ka ti a, ka lehkha zir chu thuhran, nichin lawk vang khan ka pa hmuh tur a la awm vak ka duh lo a rawn sawichhuak palh reu reu ang



"Awle.. Lehkha kha tha deuhin han zir phawt mai la" nui chung hian ati a, teacher anih atang hian lehkha ka zir leh zir loh hi a ngai pawimawh thar lutuk a ka awl deuh hlek chuan lehkha zir a sawi ve ziah



Room ah bawk chuan kir leh in ka va thu rem sauh sauh a lehkha chu ka zir nghal mawlh mawlh a, college chu tlem in a zia anga lehkha pawh kan duh dan deuh ten a zir ve theih tawh anga kan ti ve kha ania, a teuhlo hi ani tawp mai



Reilote ah ka nu chuan Aron a haw chhoh dawn thu a rawn sawi leh a va chhuak in an in lam ah chuan ka kuah chho a, chho zawng a kal chu chhuk lam kal aisa in a harsa zawk ani an step a tawi nen kan kal rei khawp mai



"Johan-a te khan enge an rawn tih a? " Kal pah chuan ati a ka ngawi ren rawn a ka chhang lo zawk mai dawn emaw ni ka tih rilruk lai in



"Ba min rul a.. " Ka ti hmanhmawh! Emgmah dang min zawt zui tawhlo, a room thleng kuah chho in ka muh fel tir thlap a



Ka chhuak chu ka veilam pang a room awm chuan min ti kal mai theilo, hun dang ang kha chu la ni sela saw room atang sawn alo chhuak thin ngei awm sia tih ten ka ngaihtuah thar a kal thla ta mai lo chuan ka va pan leh, a awm loh hnu a he room reh tak tlawk tlawk zia hi.. A hma te chuan he room atang hian guitar ri kha kan hre fo zel ania



"A hmel ka hmuh ngai miahloh ka vei thin em em kha nangmah lek ilo nia tiraw? Ka hriat tirh a ka awih loh zia kha.. "Kawngkhar nun na pawh nei lo chu ka mi nung biak ngawt a!



" Vanrammuan.. " ti a phun sap in kawngkhar chu ka nem hawng a, khum bul a guitar lo in hung tha thlap ka hmuh chuan duhloh theih rual loh in ka biang ah mittui a rawn luang thla!



"A ngaihawm vung vung a sin tiraw? A zai ri hriat tur awm tawhlo ringawt te hian ka lung a ti chhe thin a sin aw.... " ka bul mai ah nu hmelthai a rawn ding ve a a lo chhoh lai awm pawh ka hrelo



"Lei lam hi a rawn ngai ve thin angem le? Thlarau ni tawh mahsela.. " Ka ti a chumi rual chuan ka mangchhia kha ka hrechhuak nghal



"Ngai ve mahna... Ani zawng a nuam sa tawh em mai" a ti a, guitar chu ka en vang vang a, a perh nasat thin zia kha



Bak ah saw guitar sawn kan nunhlui tam tak min hriatchhuah tir ka tilo theilo, a guitar pangngai chhiat vang khan kan thian thum in zan mu lo khan kan guitar lei kha a ma ta ang chiah in kan chei sak anihkha, chumi hnu ah a la duhlo a lu hai in ka la tlu zui bawk anihkha



"Guitar hi ka kawl rih thei angem? " Ka ti chhuak tawl a, ka kawl chu a tha ber angem ka hrelo mahse ka tawngchhuak tawh



"I duh phawt chuan kawl rawh.. " Alo ti ve bawk a tichuan guitar la in ka haw thla a ka khum bul mai ah chuan hung in ka phone ah chuan a hla duh em em Before You Go chu ka play a, nat thar pawh pawisa miahlo in mu chung chuan ka ngaithla char char a zep miahloh ah chuan ka thinlung chhungril tak tak ah hian ka na thar leh!



"Sir Amon I theihnghilh hmin thak anihloh chuan Johan-a hi ngaizawng suh.. " Kimkimi thusawi chu ka rilru ah a rawn thar thut!



Ka tan chuan a har em ani, Johan-a chu ka duh ngei a mahse ka hmangaih em tih pawh ka hrelo.. Vanrammuana ve thung chu ka thinlung zawng zawng in ka hmangaih, ka mipa hmangaih hmasa ber ani a ka tan chuan awlsam te a châng dang kan san hi a har lutuk!



"Ka thiamloh.. Ka thiamloh vek ani! Hetiang tur hi a nilo " tiin ka hmai hup chuan ka tap tawp! Duhthlan na ka siam fel angai,ani theihnghilh chuang miahlo chuan Johan-a hi ka kawp theilo ang,a hriat hun ah a rilru a na dawn lutuk! kan kal thui lutuk hma in ka then angai


★


"Enge i tih em em a? Ka nghah reng che hi" lawm lo aw lutuk hian tu emaw in a rawn ti a,tun ang zan rei tawh ah lehnghal tunge mawni? "Duatnu..? " a rawn tih tak ah chuan ka thu tho zawk, Johan-a lehkha zir zawh ah ka lo bia ang che ka tih kha ka mutthluk san daih!



"Ka.. Ka lo muhil daih a" in thiam lo ru tak chuan ka ti a, lehlam ah a ngawi vung vung a keiin ka mut hma a ka thil ngaihtuah bawk chu ka ngaihtuah tha leh, tun ah hian ka sawipui mai dawn em ni?



"Ka va pawimawh awm lo ve? " thum bul hian a rawn ti let a ka in thiamlo zual khawp mai, ka chhan ve hma hauh chuan " Ka fiamthu anihkha,enge muthlu khawp khawp ten i zir a? " a rawn ti nui aw deuh a tlem chuan nuam ka ti ve ta deuh



"Doctor ni tur te chuan a ngai a lawm" ka ti ve daih a ka zir mang tawp silo a van nuam lo tak em aw



"Doctor nih i tum maw? A va tha ve...muthlu kher lo in ka la zir tir ang che, doctor nih tum te chu ka zir pui thiam zawng tak a lawm" a rawn ti a, ani tak doctor zir zo ani tawh a lawm mawle



"Enteh naktuk ah hun i nei angem? thil sawi pui tur che ka nei a " Ka tih chuan phur zet hian a hman tur thu in min chhang a, thil tam tak hrilh a ngai in ka hria, ka awmdan te enge ka lo tawn tawh te leh Vanrammuana pawh, ka hrilh a ngai heti anihloh chuan nakin ah thil duhawm lo zawk a thleng palh ang



"Mu leh tawh la.. Keipawh in ka thleng dawn tawh" ka phone chu la sawn in dar zat ka en a dar 1 a ri tawh, tun ah in ka thleng dawn tawh ati chauh ania



"Tun ang hun ah i haw dawn chauh a maw khawi ah nge in pen kawi leh a? " Chik deuh zawk chuan ka han ti leh a



"Ahhh nia diktak chuan damdawi ka ti leh a" Inthlahrung aw deuh hian a ti a keichu ka ngawi hmak thung, ka phak pawh a reh vek tawh



"Englo ania maw Duatnu, ahhh tih loh chu ka tum a mahse ka thei ngang lo..! " a rawn tih nawn leh ah chuan thawk la hawk in



"Engtik ah nge i nghei theih ang? Nilo engtik ah nge nghei satliah nilo vawikhatmah ti leh tawhlo tur in i sim theih ang? " Ka tih zawh rual vel chuan a rawn nui chhuak hawk a


"Ka sim loh chuan min then dawn ami? " a ti mauh mai


"Aw ti ila i sim angem? " Ka ti ve thung a


"Damdawi hi ka tan chuan damdawi diktak ani, a sual zawng in min ngaih sak suh, ruih nan hmang mahila ka tan chuan na chhawk na tha ber anih hi"


"A nilo, a ni reng reng lo i ruih pui kha thil tha anilo i taksa tan pawh a tha lo ania, doctor i zir a khang thil thatloh zia chu nang bak a hrechiang tur an awm lo.. "


"Mu leh tawh la.. zanlai a in hauh chiam hi ramhuai an hmu duh an ti ania aw.. " fiamthu aw tak hian a rawn ti a mi thutak lai nen phone chu ka off zui hmak a


Massage hian * MANGMAWI * tih a la rawn thawn zui a enge a awmzia pawh a hrelo, MANGTHA a rawn tih ve na ani thei mai angem le? rei fe ka meng leh a ka mut meuh chuan dar 2 a hnai thuak tawh

IMG_181220287.jpg
IMG_181220287.jpg (29.22 KiB) Viewed 4372 times

Don't be in love with someone else


"Bawihte tho rawh vawihnih ka rawn kaih thawh na che ani tawh! " Ka nu in a rawn ti a lu rit bur in ka thu chhuak "Aron an exer la turin a nghak che.. " A tih tak ah chuan muang lo in ka chhuak a mit nuai leh ham bui bui chung a ka va chhuak chu min lo nuih vur vur



"nangmah in Step ah ilo chhuk thei mai ami? " Ka tih chuan a bu nghat a, ka pa lo thu ve kur ka hmuh chuan bathroom lam ah ka tlan lut nghal daih, chaw ei laiin nizan vang khan min hau khawp ang ka ring



Hmai phih in room ah cream te ka va in hnawih leh te te a chumi hnu ah phone ka check leh zuai a Johan-a massage engmah ka dawng lo, dawn ka in beisei ve ngawt dan pawh hi ka in hrethiam lo e a, status ka en leh a Kimkimi pawh status lo up leh hman tawh, ka en thla zel a chutah Johan-a status thar a lo awm



Nizan khan kan inbiak loh hnu ah a up emaw ni ka ti hman a dar zat ka en chuan zing dar 5 bawr ami ani tawh, hepa hi a thawh vel ah pawh min biak a tum lo, Morning rawn tih ai chuan status up a thlang zawk anih hi, ka be hmasa miahlo ang mawle



"Ahhhh..ka pa ani dawn emaw ka tia" tiin ka view chu ka pa nizan lam a hman tho tur ah khan ka ngai a mahse ka pa nilo in keimah zawk lek!



Nizan khan thla min lak lai ka hre miahlo, hriat chu sawi loh phone kha ka lam hawi pawhin an keng khan la hre miahlo zawk mawle mahse nizan ami ani ngei sia ka thawmhnaw a tang reng reng pawh hian, Caption ah chuan taylor hla ni awm tak a thu ti danglam si hian alo hmang bawk a t shirt var ka hak vang nge pawh ka hrelo



* Loving her was white 🤍 Morning Duatnu* chu chu a caption ani massage a min wish lo in status lam ah tan a lo va la zawk anih hmel tak hi



Ka reply ta lem chuanglo a phone chu dah in Aron nen chuan exer kan la a ke na ve ta lo chu ka lo tur leh mah mah thin a a ke a rawn nat thut phei chuan a ner sawk zel a ka khawngaih viau na in ka nuih a za lek lek thin



"Duhtawk tawh ila, muangchang a insiam te i duh ang va lut tawh rawh" Ka biang a piai pahin ati a,college kal tur a in puah chah chu a hun tan viau tawh mai



"Awle..Nangmah in i han chho thei tawh angem? nge i bodyguard hian ka hruai chho dawn che? " Ka ti chu a ner nang a



"Ngailo mai rawh se i zing khat exer min lak pui pawh a thawk chak lutuk hei, i thawh hma hi ka lo ngeih aniang" ati ngei a tho har thin min tih vang ani chiang lutuk!



"A that hlauh chu chutiang anih te chuan kei tho hma thang zet hi ka lo tho hma chhunzawm zel ang" Ka tih chuan a nuih a ti za viau nge a nui hawk hawk mai, ka luh san a inbual in ka insiam nghal mawlh mawlh



Chaw kan ei lai chuan ka pa chu ka melh ru deuh reng a nizan a rawn sawi chhuah mawlh chu ka hlau ani, a tawng dawn a ka hriat chuan kham a thawh in ring sa ran hian ka awm ti ila a dik ber ang, mahse engmah a sawi miahlo!



"Kham tawh rawh.. " Lalkimi rawn lut chuan a rawn ti nghal deuh tawp, lo melh vak in ka ei muang lui kher a mi ngei leh mai mai ang chu



Kal chhuah pahin Johan-a phone thar neih te chu ka hrilh ve a a number te min dil nghal ngawt a mahse ka pe duh thak bik lo, college kan thleng vel chiah call ka dawng a ka beisei ruk ve deuh Johan-a anih ka rin nen Zorina zawk alo ni



Ka tha em tih min rawn zawt a tlai ah thlan kal pui ah min rawn sawm, Nizan ka awmdan ka hrechhuak a hemi thil ah Johan-a biak ka ngaih pawh ka hrechhuak tel bawk, diktak chuan keimah pawh hi ka in hrethiam lo Johan-a ka duh reng laiin eng emaw hian Vanrammuana min la ti ngai leh thin si a



"Ka hman dawn chuan ka lo hrilh tha leh ang che aw.. " ti a ka chhang chu mak ati deuh aniang



"I kal chak vak lo ami? " A rawn ti a, chhan mai dan tur ka hrelo Johan-a hmuh ka ngai a thlan kal chu ka duh tho bawk si ka kal khat tawh lutuk



"Aaa chak tho e mahse mi hmuh hmasak tur ka nei a " Ka tih kual vel a, ka sawi hmasak tawh ang in ka kal hman anihchuan call leh turin min chah a tichuan phone a dah a, ka chhan dan mak a ti tur pawh chu ka dem hran lo nidang ah chuan eng ang pawhin hman lo pawh ni ila kal ka thlang nghal chawt kha ania



"Bialpa nei nu, kal ve em em teh ang ban hun ah pawh inbiak na hun atam.. " Lalkimi bawk chuan Johan-a ka bia emaw a ti aniang fiamthu zet hian a rawn ti a



"Nei ve lo nu ka biak i hre hlawl lo aw... " Tiin kan lut a, eng pawh chu ni ta se Johan-a pawh hi engtia rei nge maw reh a tum le? status a up a min biak lah a tum der lo, hmeichhia zawk ka nia ka be hmasa duh bik chai bawk silo


★


Nileng a college ah hun kan hman zawh hnu chuan haw turin kan in buatsaih tan a, scooty ah ka chuang dawn chiah mipa pakhat hian min lo ko a ka hmuh hnu ni tlat a hriat na ka nei a ka'n ngaihtuah deuh vang vang tak ah chuan Johan-a motor rawn tirh khalh tu kha ani tih ka hre hnuhnawh



"Hmu duh che an awm a min lo zui thei angem? A reilo ang" a ti a Ka thiante nen chuan in en kual in kan han in rawn khawm sap sap a



"Tunge hmu duh a? A hmuh duh chhan te sawi la" Mosesa chuan alo ti vat a keipawh in ka ngaihtuah mek ani thil kimchang hriat hmasak loh chuan ka zui ngawt duh bik lo



"Ka pu in a hmu duh a a chhan tak chu ma hrelo... nula amah chu i hriat theih dan tur chuan Johan-a pa kha ania" tiin keimah chu min rawn e a, ka lo meng phawk chiam ringawt, engvang a min hmu duh mge maw anih le?



"Pa Thanmawia maw?" Tetea chuan alo ti ve bawk a zawi te hian Kimkimi chuan kal pui ka duh em tih min zawt a ka lo bu nghal nghat



"Engmah hlauhthawn tur a awm lo a be duh ringawt che ania.. " a ti a min nghah reng vang chuan kan kal ta a mahse a motor ah ka chuang lo, Kimkimi a awm tho vangin a scooty in min rawn ko tupa chu kan zui zawk



An in ah emaw kan hmuh dawn ka tia anih loh hmel, motor an zawrh na dawr lian zet ah min kal pui a driver chuan min hruai zel a chhawng chung zawk ah kan chho a chutah office ni awm tak ah chuan min luh tir a Kimkimi erawh pawn a lo awm turin ati si a keimah chauh chuan ka va lut ve thuai, eng emaw palh ah tiin Kimkimi chu ka bag leh phone ka ken tir daih



Johan-a pa chauh emaw ka hmuh dawn ka tia, a nupui Pi zoi pawh alo awm tel ve a ka va lut teh thawr bawk si min lo en chiang bawk si nen ka zak lutuk chu ka in seh ruh vak ringawt a thut na min lo kawh hmuh mai bawk chu ka va thu ve thawr a ka thu fel deuh chauh tih ah a nupui chu a tho a a chhuak ta daih!



"Nangmah hi maw Arini chu? " tiin bul a tan a ka zam chhe nghal ringawt, ka vawikhat hmuh na phei chu ani hauhlo mahse ka ngai na lo tawp ka hmuh hmasak dan ah a fapa nen a an in hauh boruak te vang pawh kha ani mahna


"Aw ni e, heta min koh.. "


"Johan-a.. " Sawi pawh ka sawi zawh hma hauh in min rawn chhan khalh "Ka fapa nen hian engtia rei nge in in kawp tawh..? " a tih nawn leh chuan chil ka lem khawlh a


" A la reilo lutuk.. " Tih chauh in ka chhang, ka ngaina lo lutuk chu thuhran a hmel chang bal mai te chuan min ti nel lo zual



"A nihchuan harsa lo te in i then thei ang chu tiraw? " Min ti chu hrilhhai zet hian ka en a ani chu a nui ringawt



" A ka sawi tawp mai anga ka fapa tan hian college kal lai leh la naupang lutuk chu ka duhlo a puitling tak sumdawn na kawng a min pui thei tur tha ka duh a, chutiang a nula tha deuh mai hual kan nei a mahse hei nang in Johan-a ilo kawp veleh si a, in inkawp lai a hmeichhe dang lo hmeh bel tum phet kha tha in ka hre chiah lo a chuvang chuan a ngen zawk in ka ngen ang che, Johan-a hi i then thei angem? "



Ka rilru buai sa nen hetiang teh tawp a min then tir a tum hian min ti buai lehzual "A mah i rawn em?" Ka ti ve tawp a



"A pa ka nia ka rawn a ngai hleinem keichuan a tan a tha tur bak ka ngaihtuah sak lo.. nangpawh in nu leh pa i nei a an ni in itan a tha ber tur an tih leh duh ang chiah kha keipawh in Johan-a tan a ka duh ani



" A reng reng ah i bialpa te kha i khawngaih lo em ni? a boral san na che pawh a la reiloh em kha" Ka tawt nghal up, ka mal chung a ka kut dah chu ka hum vak "i tawrh na ka hriatthiam pui viau che a i chanchin te pawh ka lo hre ve nual a, mahse aaaa..engtin nge khatiang mipa in an lo... " A sawi tum ka chiang lutuk!



"Ka kal tawh mai ange ka nunhlui duhawm lo tak min sawichhuah sak tur khan dik na i neilo ka pu, ka dam chhung a ser reh thei tawhlo ka neih phah na kha ka duh vang reng a thleng anilo tih lo hre teh..."



"I hna leh nih na te vangin i zahawm viau pawh ani thei mahse ka nat na thil sawichhuak tur khan eng dik na mah i neilo,midang in engtin nge an dawn dawn ang tih ngaihtuah miahlo a an hun kal tawh duhawm lo tak i sawi chhuah sak vang khan nangmah leh nangmah mi mawl ah i in chhuah ni in ka hria"



"Enge a sawi a? " Ka chhuak chiah Kimkimi chuan min lo zawt a ka thinrim rilru na bawk si chu chhan pawh ka chhang theilo, ka hun kal tawh thil duhawm lo tak hmang a min hmusit kha ka haw lutuk chutih rualin min ti na em em bawk



"Arin...? " Inhnuai lam a kan chhuk tur chu a nupui khan min lo au a ka hawi a mahse a hmel vawikhat bak ka en lo "then miah suh aw.. Johan-a hi a na tawk tawh ania i then leh phei chuan a keh sawm vek mai ang" a ti a a thusawi chu ma rilru pangngai put lai chu nise ka zawt chiang ngei ang mahse ka thei rihlo tun ah chuan ka thinrim laklawh lutuk



"Enge a? " Ka chhuk thla lui zel a Kimkimi chuan min um zui dawr dawr a chutah an building kan chhuahsan chiah tih in Johan-a te unau nen kan in tawk a kal pelh mai ka tum ka kal na tur dal tak hian a rawn ding nghal chawt



"Thil tha lo a thlen takin ka tia i phone atangin ka call a" Kimkimi chuan a rawn ti



"Kalsawn rawh.. " bung deuh tak chuan ka ti a a kut lehlam lehlam ah chuan syringes la in pack sa thlap hi a hum a in chiu an tum leh tawh aniang



"Lo keng teh.. " tiin Reubena chu a pe a "min lo zui lawk teh a " tih leh ka ban a vawn a rual a a pa building lam a min luh pui leh a tum chu lo tang vat in ka ban ka tal pit nghal vat



"Ka haw tawh dawn, tih tur ka nei tawh lo" Tih leh pen sawn ka rual a



"Enge i bul ah a sawi a? Min then turin a ti che ami? engkim min hrilh vek rawh" tiin min la rawn zui tho, scooty khan kan kal reng a mahse ka thinrim leh Johan-a lo lang bawk nen ke in ka kal hmiah hmiah



"Aw... " Tih ringawt a ka chhang chu duh khawp lo hmel zet hian min pawt ding chawt a ka tal pit hlau ang maiin min vuan nghet em em bawk "kawngpui anih hi min thlah vat teh.. " Ka tih chuan thinrim insum hmel zet hian a mitmeng lian kel kawl tak chuan min en kur a a rum hawk hawk bawk



"Thil tha deuh a sawi hma in tikhan awm suh" a ti a chutah min pawt let dawrh in a pa dawr building lam ah bawk chuan min pawt kal dawr dawr a keipawh ka tang nasa lutuk!



Min luh pui a ka tang viau na in min pawt bet hneh lutuk a tih ngaih na tak pawh la hre tawhlo, in chung step a min chhoh pui a tum mek laiin a pa leh a nu te an rawn chhuk dun a a ding ta chawt, ka ban chu tal pit ka la tum fan, dawr a hnathawk ho chuan min thlir thap hlawm a ka zak takzet



"Enge ilo sawi pui ve ngawt a Ka pa duhtak" Aw ki dam zet hian a ti daih mai a keipawh min thawng lek lek



"Engvang in nge hetah hian ilo kal? " A pa chuan ati ve thung



"Min chhang hmasa la ka pa.. " dam zet bawk chuan a ti a enge a ngaihtuah na ah hian awm ka hre hauhlo thil tha lo tak anih erawh ka ring ve tawp



"I nau te hruai la chhuak rih rawh u in ah kan in be tha dawn nia" A pa zawk chuan ati a



"Sawmkim steel chair kha lo la teh... " a ti a min kaih loh na lam kut chu a phar chhuak a ka hlauthawng bawk si Kimkimi ka va en tawk tawk a ni phei chu a lo ding khawng tawp



"Hruaizel ti miah suh... " A pa chuan enge a tih dawn hre lawk sa ang mai hian thinrim hlauthawng hmel pu lutuk in a ti a rawn chhuk tlang hlawk hlawk bawk



"Hei hi i zawrh lai ah a to ber em kha(h) ? Chhe ta se a uiawm awm mange aw tiraw? " tih leh Sawmkima steel chair pek hmang a tin a rual a "Min then turin i ti tiraw? " ka nun a thu i neih loh na a tei tawh lutuk, i ngaihsak leh hmangaih ka ngaih ngawih ngawih lai a min thlah thlam lai khan ka nun a thu i neih theih na chu a tawp fel vek tawh



"Nilo ti suh keiman ka duh thu in then che ka tum a lawm i pa nen a kan in hmuh hma hian ka tum tawh, chuvang a nizan ah pawh in hmuh pui a sawm che kha ka nia.. " Car an zawrh lai chair hmang a glass tih keh a tum chu ka lo pawt sawk



"Min then dawn maw? Engvang in...midang duh I nei ami a?" mak ti hmel pu zet hian min en a, then tum em em ka nilo car a tih chhiat mai kha ka hlau em a ka tum em em pawh nilo in ka sawi



"Ka...ih englo "



"Mi rilru an tih nat sak ngailo ka tih kha Duatnu, ka rilru a na dawn tih i hrelo ami? Ka thinlung hi a keh chhe nasa tawh teh mai ania" Muang fan raih hian ati a enge ka sawi leh ang pawh ka hre tawh lo a rilru tih nat hi ka duh bik hauhlo

[Ngaia]

CHAPTER-21


"Min chhang ta che mawle!! " tih leh steel chair chhuat a paih rik bur a rual a kan phu nasa hlawm lutuk, keimah chu uluk hmel zet hian min en a



"Lo kal phawt rawh.. " ngam leh ngam lo chuan ka kai chhuak a, staff leh a nu leh pa hma a han be tur khan ka huaisen thlawt lo



"Kan kal thui tawh min chhang tawh rawh" Ka kal hlat pui tawk hnu chuan min ti ding chawt a, ka kaih na thlah ka tum chuan min kai nghet sauh thung a



"Ih maw, ka.. kha thil kha ka sawi tum em em pawh anilo, dang dan che dang ka hre thlawt lo anihkha" bah zet chuan ka ti a



"Mi a ka nilo ania aw Duatnu,engkim sawi rawh min hmuh i duh chhan pawh chu sawi vek la" a tih chuan a pa building lam chu ka en a a kawt ah Kimkimi leh a unau te ho chuan min lo thlir thap



"Nidang ah kan sawi mai dawn nia" ti a kimkimi pan ka tum chu nghet over leh na lek lek hian min kai a ka si hlawk bawk



"Min then dawn lo tih i sawi loh chuan ka kal tir ngam lo che, min then dawn lo tiraw?" tiin ka ngen ngawl zet hian min en a ka dâng a awk ta nge pawh ka hrelo ka tawng tha thei tawhlo reng reng!



"Ka haw a hun tawh lutuk min vuan reng lo la.. " Ka tih chuan duhlo zet hian a ner nang a a thaw leh hawk thin



"Kal rawh le... " tiin min vawn na chu a thlah a keipawh Kimkimi lam ah chak tawkin ka kal nghal a, a unau te chuan hrilhhai hmel tak hian min lo en




"Kal tlang nghal ang ka hmanhmawh tlat tawh.. " Ka ti a, chutih lai mek in Johan-a nuhrawn chu a lo lang leh a mahse min rawn be hran tawhlo, ngen na siam hmel tak hian min en a mahse ka ngai pawimawh lo lui tlat thung




Johan-a ber pawh ngaihsak duh tawhlo in kan haw a kimkimi nen pawh kan in be lo kawng tluan, in ka thlen vel ah ka che leh sawk sawk a ka nu a zia tawh na in chet ah erawh ka la awl ve hram hram thung a, ka pa office bang tlai deuh nen ka rawngbawl zawh hnu ah a rawn haw chauh a chaw ei in dawhkan kan kil chhunzawm nghal zat




"I thianpa te kha eng ang chhungkua atang a lo chawr chhuak nge? Awm na mumal neilo emaw nu leh pa neilo an ni hlawm ami? " chaw ka bar mawlh mawlh laiin ka pa chuan a rawn ti thut a ka nu mak ti deuhin ka melh vak ringawt




"An chhungkua ka hre vak bik lo a, an vaiin khan an in chhung kual vek tih leh lukhum khum ziah pa te kha a pa in motor dawr a nei tih vel chiah ka hria" ban deuh chap chuan ka ti a a bunch nghat a a ngawih vung vung hnu chuan



"Kawm tam loh atha aw.. " A rawn ti chhuak a engtin mah ka chhang tawhlo



Chaw ei na ka tih fel hnu in lehkha zir in ka in khung a mahse ka rilru ah pakhatmah a lut lo, vawiin tlai kan thil tawn khan min ti rilru buai vek! Tun ah hian Johan-a chuan enge a tih ang? A rui leh tawh ang nge a in chiu ang? Nge ni a kan in a lo len tumin rilru an siam zawk ni ang




"Aaaa, nilo then tum ang in min hre laklawh tawh an rawn leng duh hauhlo ang" Ka tih mek laiin ka phone a rawn ri a Kimkimi call ani, vawiin lam a rawn sawi ka rin vangin ka chhang mai lo a mahse a rawn tih nawn vangin ka la ta mai a




"Lehkha i zir tawh ami? WhatsApp kha lo check lawk teh.. " a rawn ti a a dah lehnghal daih bawk, eng emaw anih ring in whatsApp massage chu ka en a vid min rawn thawn,ka download fel vek hnu ah ka en chuan ka ngawi vung vung




Ka thil en chu eng dang anilo,zan a Kimkimi chhuak in Johan-a te unau leh a mah Johan-a bik in hmeichhia kuah pah a a kal pui chu ani, a ban pakhat zawk chuan hmeichhe dar a a ban kham liam in a nghawng ah a kuah a an kal dun a kimkimi an hnung a kal in thla ala tih hrelo chuan in si chawt hian an kal a, awm hmun atangin ka lo thik ve em em ringawt!




Hmeichhia chu a hmel ka hmu lo a tunge anih ang tih pawh rin ngaih na ka hrelo, video chu a tawi si a ka en nawn ka en nawn ringawt a hmeichhia chu tunge anih ang tih mawlh chu ka hriat chak ani, Kimkimi ka text chhunzawm ta nge nge a hmeichhia chu alo hriat mial takin tih thil ah, thil dang alo ti leh hman tawh nge a la seen mai lo lehnghal




Min reply har lutuk a lehkha te ka zir leh rih,a chang leh Johan-a biak tawp mai te ka tum rum rum a mahse chu em chu ka ti bik lo..call ila min chhang ta lo se emaw min lo chhang pawh ni se engtin nge ka zawh vak chuang ang? bak ah kan boruak khati nuaih kha ani bawk sia va biak hmasak leh ur ur pawh chu ka tan a nuam chuanglo




Ka text atang a darkar chanve dawn ah chuan min rawn reply lo in a call hian min rawn call ve ta hram,a hmeichhia chu a hma a kan college canteen bul a alo kal pui tawh nuthlawi zu zuar atih kha alo ni lek a, ka hua ani hauhlo ruihhlo nghei tur a ka duh lai mek a zu zuar a hnaih lehzual chu ka duhlo, a zu zawrh leh a zuar tu ka haw lo ,ruihhlo lak atang in Johan-a hi lak hran ka duh zawk




"Tlai vang kha aniang tiraw? Nilo se hmeichhe dang han kuah vel hi a tih duh ka ringlo ti ila ka hmuh khan a rui rapthlak mai.. " a tih chuan ka ngawi vang vang a, diktak chuan ka chhungril tak atang hian ka thik ve thlawt ani mahse ka tih lan hi a tha ber in ma hrelo a Johan-a va biak leh nan phei chuan ka duhlo zawk




"Zu a nei dawn sia chuvang chuan a tlawn aniang, then pawh ka la then em loh kha" Ka ti dek dek a




"Khati khan tih loh mai tur che ania, thil dang sawi tur a tam nen kha ber kher han sawi.. A rilru a nay hmel em kha, bak ah inthen a hlauh zia kha e a duh lutuk che tih a hriat nghal vek a I ti khawngaih thlak e" A ti nghal zung zung




"Ka hlauthawng tawh em alawm, staff ho te leh midang hma ah misual ang a lan kha ka duhlo a lawm, car kha atih chhiat chuan an pa fa inkar hre mang lo leh ngaihven lo te chuan Johan-a an dem vek anga misual lutuk chhuah in an chhuah dawn a sin..."




"Aw a chhan ve che anihkha.. " a la ti talh! a nih na chen chu a awm tho, a thiam ang ang in min ngaihtuah leh ka thlavang a hauh ve na a lan tir kha ani ve mai a "a lo be tawh che em? " a tih leh chuan rang lutuk in aih ti hian ka chhang a




"Min biak duh pawh ka ringlo, bak ah a ruih viau chuan phone pawh a hmang thei nang" Ka tih chuan min ngaihtuah pui ni awm tak hian a thaw zui hawk a




"Call chhin hrim hrim la,i biak hmasak hun te pawh alo nghak ve thei tho asin vawiin khan i then ah pawh a ngai ani thei a a rawn be hmasa ngam lo che aniang" a ti a keichuan ka lo hreh rilru nghal hle thung




"Nakin ah a ni mai.. " Ka ti tlat a ka aw ah ka be hreh tih a hrethiam nge engmah a sawi lo a min tur bawk lo



Kan inbiak zawh hnu chuan reilote chawl in ka mu zal mai mai a, status a update takin ti ten status ka check thul, engmah a update lo keimah status a min hman na bak,va biak tawp ka hreh tawh si ka ngaihtuah ve deuh tho bawk si nen a last seen te ka va en a zing lam dar 5 bawr a online bak a online tawhlo hrim hrim aniang a last seen atang chuan, ka en reng laiin Aron an min lo call mial a chutia min lo call ta chu eng emaw sawipui ka duh thar thut




"Zorina khan a lo bia che em? Thlan kal a sawi a ka kal thei dawn lo ka lo tia" a rawn tih chuan ka ngawi deuh vang vang a, kal chu ka hreh miahlo mahse ka va kal anihchuan Vanrammuana lak a ka in thiamloh thar leh a Johan-a rilru ka tihnat zual ka hlau ani



"Be miahlo.. " tih ringawt in ka chhang a



"E aw anihchu ka bia ang kha a ti che a, I tan kal kal pawh a nuam duh tawhlo mai thei a lo hnial hreh suh aw..." a ti a,Johan-a ka kawp atang hian a tawngkam hi a mak ta riau hian ka hre thin a,tun ah pawh Johan-a ka neih tak vang a thlan kal nuam ka tilo tur pawh rawn sawi chhuak ni ber hian ka hria




"Awle i ke chu enge a an a?" tiin thil dang chu ka sawi kai ta zawk a



"A tha, han na em em a awm hran lo ka dam zel e" a ti leh mai a, a rawn call lai a ka rilru a awm bawk chu ka zawt chak zel lehnghal



"Aron ihhh, hrilh ta ila a pawi angem?" ban leh bah zet chuan ka ti a



"Eng thil? Tu hnen ah? " a ti nghal zat a ka zam ve em vang leh sawichhuah hi harsa ka tih ve thin em vangin thawk ka la nghal hawk a



"Ka.. Ka chung a thil thleng leh I u nen a kan inkar te engkim Johan-a hi ka hrilh duh angem? A... A chhan chu nakin ah midang kâ atangin a la hre awm tho si a keimah hian hrilh ta ila... "



"Hrilh la.. then phah ta si che sela Arin, i rilru a na dawn lo ami? " Ka sawi tur zawng zawng a bo nghal vek!



Min ti hrilhhai lam anilo chu chu keipawh in a ka hlauhthawn sa ani, ka hrilh tum te hi ka tan chuan ka dam chhung a ser nung min siam tu khawih chhiat ka nih na ani a,pakhat ka hmangaih hmasa ber ka chan na leh nupa ni miahlo a s*x kan hman vang a ka thianghlim tawhloh zia te ani




A kip a kawi a hrilh chu ka thei lo ang, mahse tam tak chu ka hrilh anihchuan ka sawichhuah angai, a chhan chu nakin a boruak chhia siam thei tu ani tlat si ani, Johan-a hian ka nun leh ka hun kal tawh a ka tawn te engmah hrelo in min kawp a hria se min la kawp zui duh angem tih hi kan kal thui hma hian hriat ka duh,ka thil tawn te hrechhuak a nakin mai a min then leh zawng in keipawh ka na dawn em mai



"Anihchuan engtin nge ka tih ang?"



"Hrilh turin i in peih tawh ami? Arin he thil hi i num to chhe tu ani a I nat zia chu nangman i chiang ber, midang hnen a sawichhuak tawh turin i in peih tak tak em? Johan-a chu i ring ngam ang maw? Hrilh ta la sawichhuak in mualpho phah ta la.. "



"Chutiang chuan ati duh dawn ami? Aron a sual viau lo asin i ngeih lo laklawh mai mai anihkha"



"Chutiang lam anilo Arin, nangmah ka ngaihtuah zawk che,khang thil vang khan a then lo che tih i ring ngam angem? Enteh e ka hmusit che ani miahlo mahse mipa tam zawk hi chuan hmeichhe thianghlim lo hi kan duhlo kan nei dawn emaw kan ngaizawng dawn pawh nise... " Ka kut chu na zet hian ka hum a, Aron tawngkam chu ka hua anilo a sawi dik lutuk zawk a ka thil lo rawn tawh te sawichhuak turin ka zam chhe sauh sauh




" Johan-a te pawh mi mai mai kan ti ania mahse an ni ang pawhin kawppui atan chuan hmeichhe thianghlim chu an duh ve zawk tho ang, mahse i thu thu ania nangmah i in rintawk na leh huaisen na kha a pawimawh ber zawk, a pawm lo ang che ka ti ngawt lo ania engkim hre vek chung pawhin a la duh rengne thei tho che mipa kan in ang vek chuanglo ania..misual tak ani lo anihchuan a duh ta lo che anih pawhin a sawichuak kher lo ang..an sawichhuah a I mualpho rilru nat thar kha ania ka hlauh ber chu ni...a tha ber zel ka duhsak che ka tih kha aw"




"Anihchuan ka hrilh lo mai ang" Ka ti tawp, diktak chuan ka zam lutuk ka tan sawichhuah mai mai pawh a harsa a ka la na vawng vang theo bawk



"I duh dan dan le, hetah hi chuan lo sawi ve chiam chi ka ni in ka hrelo... "



"Mahse ka hrilh loh chuan a hrechhuak anga, ka hrilh anga min la kawp zui duh leh duhloh ka zawt bawk ang, a ma rilru ang ang in kan in then leh then loh chu ni rawh se keichu heti mai hi ka ni hlut na pawh ka nei tawhlo tluk ani, ka neih hlu awmchhun chu ka nunna chauh ani tawh...chuvang chuan a man inthen a duh anih pawhin lawm takin ka pawm mai ang engmah sawisel thei ka nilo"



"Johan-a chuan i thinlung a hneh chak hle mai... "


"Maw....? "


"Engmah nilo e.. Ka dah phawt ang aw.. " tih leh phone off a rual a, Aron ber in ngaihdan mumal tak min share silo a ka buai ta mup mai




Johan-a hnen a engkim sawi nan hian a la hma viau angem? nge a hun chiah zawk? Kan kal thui hma hian hrilh ila a Tu a zawk zawk pawh kan nat loh nan, mahse ka tan sawi a awlsam lo chuta kar ah Johan-a hian engtin nge a lo dawn sawn ang? Aron sawi ang khan ani pawh hian hmeichhe virgin chauh alo duh ve angem? Alo ni anihchuan kei nen chuan kan tawp chiang sa ani mai




"Johan ka ring thei che angem le? " ti sap in khum ah chuan ka let kual chiam a ka rilru a buai ve takzet ani




"Ka riltam..." ti chungin ka thu tho nawlh a pawisa la in dawr ah ka va kal ta chung chung a ka lehkha zir nge ka phone khawih nasa kha ka ril ti tam tu ka sawi theilo,dawr atangin ka chhuak a pen 20 vel chauh ka la kal ang tih in ka nu in min rawn phone




"I pa kuhva tur lo lei sak ve rawh" a rawn tih leh si vangin ka let leh a kuhva la a ka chhuak leh tur chiah chu tu emaw rawn lut ve tur hian min su chawrh a zu rim a nam nghal huk bawk a ka rilru ah Johan-a alo lang nghal a a mah pawh chu ka en, mahse a mah anilo zu rui satliah ve mai ani




"Kha i sut kha i va ti ho ve.. I su tih pawh i hre nange? " dawr neitu nu chuan alo ti thuai a chupa chuan min rawn en zawk a, a hmel chu insual zo hlim ang mai ani a bui duk cher chur a a meng sen nasa mai bawk, lukhum hma thlawk a khum na chungin a hmel hmai chu a hliah khuh mang chuanglo,a kut vai zuk in dawr neitu bul ah chuan a thu thla deuh chawrh a tihpalh tih chu a tum hmel loh khawp mai,keipawh ka chhuak zui ta vang vang tho




Thui pawh ka kal hma hauh in kawng sir step ah hian Johan-a te unau an lo thu khawm a kal tlang chu ka huphurh nghal et et tawh, kawng dang ka'n ngaihtuah ngial a a hla zawng vek a kan in thlen a ngai si a tlai dawn tawh si a hmu lo ang a kal a ngai dawn tih ka ngaihtuah ngawt pawh chuan ka huphurh lutuk,a hma zawng kha chuan ka ngaihtuah ve reng a biak te ka tum ve ut ut te kha ania tun ah ka hmuh theih ah a awm ta cheng a kal pelh ngawt pawh ka huphurh leh si chu ania




"1 2 3...lêeeee" tih leh kal pawp ka rual a ka kal hnaih lai chuan ngawi rengin min lo en thap a ka mit sir ve reng tho si nen ka kut ka hum ruh vak ringawt a ka ha te ka seh chilh nghek ringawt




"Duatnu...? " Johan-a ber in ding meuh a min rawn koh chuan ka ding deuh a a mah ka en chu a rui viau tih hai rual anilo, a hmai lah chu a duk nasa lutuk lehnghal tlai vang khan ka in thiam lo thar lutuk a kal tlang ka tum chu min rawn pan ta sia chak lutuk in ka kal nghal nal nal a a khat tawkin ka leh hawi zel a min lo zui ve zel lehnghal!




"Kan in then nghal ami? " ka kal chak em vangin vin deuh hian a rawn ti a ka tlan hi a ni tawh mah zawk a theihpatawp erawh chuan ka tlan ngam ngang lo thung ka asthma vang vek hian "ka la then ve miahlo che ania... " a rawn la ti zel a ka kal chak hlawk hlawk khawp mai




"Engvang in nge min then duh a? Ka rilru a na lutuk ania aw.. Awmdan ka thiam lo! " A rawn ti leh zel a chutah ka biak a ka sawi a tul ni a ka hriat tak vang in ding chuan ka leh hawi a muang chang hian min lo zui ve dat dat, ka ding tih a hriat chin ah erawh a ding ve mai a ka deuh hau chung hian min en a




"Hrilh tur che ka nei a mahse i harh fim hun ah.. " Tiin ka au zui a a ding ngil nghal ut




"Tun ah sawi la ka harhfim ang tho a lawm zing ah pawh ka la hre vek ang... " A ti chiah a phone hi a ri a a in dap nasa mai "ri lo sela chuan phone ka nei tih pawh ka in hre tawh dawn lo anih hi... " ala ti nuap nuap zui, a hma khan i number chiah ka nei a ti sia engtin nge mi in an lo call theih le company ho call a hun chiah tawh silo a




"Ningawm..!! " a call tu ka ngaihtuah mek laiin a rawn ti hluai a ka lo en reng ringawt " Ka number ka lo hralh kher kher chu(h)!! " a la ti zui nuap nuap a phone chu a beng bul ah dah in




"Phone neitu hi a rui rih tlat,a biak theih rih lo.. " tiin zu chhang a mawle! Phone chu a ak mawlh mawlh a "sawi tawh rawh... " a rawn ti that veleh chauh




"Ka sawi hma in tunge i phone number nei a? Tunge lo call che min hrilh phal em?" Ka tih chuan a lukhum chhan ah a lu a hiat nauh nauh a



"Ka nau ten ruih na tur an nei silo a cheng 20 in ka phone number ka zuar a lawm mawle, ka number lei tu ho khan min lo call sup sup a massage te min lo thawn vak vak! " ning hmel zet hian a ner nghal nang a



"Engmaw i number i zuar amaw?" Ka ti thlawt,tunge phone number te zuar ngai a?



"Aw,min star tu te leh min star chawp chilh tu te bul ah ka number ka hrilh a chumi ai ah cheng 20 min pe mawle a vai belh bawm chuan zu man a daih var var ania.." Zam map hian ati ham ham! Hepa hi mihring pangngai ani pawh hian ka hre thin lo! phone number zuar hmasa ber leh hralh thei ber ani hial lo maw?



"Chutiang mai mai te tunge lo lei duh a i chhiat ve nen nen!! " Ka ti chu tum bur leh rum zet hian min melh a



"Ka chhelo em a lawm,rui thin mahila ka pian te hi a nalh ve reuh a maw " A tih lai chuan ka lo uak der vak, em em thin hian a, a pian te chu tha viau mahse phone number hralh theih phah na khawp ani dawn emaw ni le?



"Sawi tawh la... " a hmel pangngai deuh chu a rawn thlak thut a, keichuan sawi ka tum na in a rui reuh sia mumal lo deuh in min ngaithla ang tih ka hlau




"Naktuk ah rui lo in lo awm la.. Chawhnu lam ah ka lo call ang che" Ka tih chuan nui suk pahin a rawn kal hnai a keichuan ka lo en mawl tawp,thawmhnaw dum vek a in bel a inhmeh reuh tak ani..beanie a khum reng mai hi ka lo nin pui thin nang in a in hmeh hliah hliah thung a khum lo ngat se chuan a lang mak ngawt ang




"Tun ah sawi la, ka rui hleinem no 5 vel ka in ringawt a lawm ka rui lo.. " a ti leh a mahse keichuan ka ring ngam lo zu rim nam lo a a awm hrim hrim chu ka duh a ka tan pawh sawi a thlamuan thlak zawk ang




"Aih naktuk ah... " Ka ti ve tlat a



"Ka pa thusawi kha ngatan mah ngai suh,kan pahnih duhthlan na a pawimawh,min duh takzet a min then dawn lo anih chuan keipawh in ka then ngailo ang che i rilru pawh ka ti na miahlo ang,i naupan zia pawh ka hre vek a dawhthei tak leh nuam i tih dan tur ang zel in i bul ah ka awm ang,khawvel ah hian neih ka nei mang tawhlo ania! " A ti tham chal a a beidawn hmel hle bawk




"Chutiang lam engmah a awm lo,vawiin tlai ah pawh ka sawi kha car I tih chhiat ka hlauh em vangin tiang kha ka sawi mai a lawm inbiak ka duh chhan chu hrilh tur che ka neih vang ania.." ka ti a,a rawn tawng leh dawn chiah khawi lam atang a lo lang nge ka hrelo tlangval rual hi an lo lang nawlh a an zing a pakhat chuan Johan-a a rawn ku ah deuh chawrh




"Bro,tha maw? Kan va in hmu khat ve in hnianghnar deuh ami? " nui pah hian ati a Johan-a chuan ngawi reng hian a en a ahnu ah a nui chhuak hawk




"Hnianghnar lai sawi tur a awm lo, kan va in hmu khat ve.. " a ti veleh a keichu kan in lam panin ka in her a, an ni hi kal hlat vat tha in ka hria Johan-a pawh naktuk atan ka hrilh hre tawh tho bawk a a call theih tawh tho bawk nen kan in hmu harsa tawh lo ang




"Duatnu? inbiak kan la ngaih kha... " Johan-a chuan a la rawn ti mahse hawi let a din pawh ka tum tawh chuanglo ka hnung a tlan ri ka hriat rual chuan ka ban ah a rawn vuan a min pawt ding nghal chawt "sawi zo law law ang ka rui lo ka tih kha.. " a ti leh a a hnung ah tun mai a lo kal kha alo lang lehnghal zat




"I bialnu ami? " nui sen sen chung hian a rawn ti a Johan-a chu a bu nghal nghut a



"A nih hi a hmeltha teh mai ania... " a tih chuan chupa chuan pawm hmel zet hian Johan-a dar a kuah pahin a bu nghat nghat



"Hmeltha khawp mai, a la virgin ngei bawk anga a la naupan ve hmel sia.. ni dawn tak virgin lo te chu i kawp duhkhi hleinem le tiraw? " a thian hlui ni awm tak leh thil hre ber ang chuan ati a ka lo tang hal ut a ka lungphu a rang nghal sauh




"Khaih chutiang an sawi ngailo, a virgin dawn tih te chu chiang sa lawm.. Virgin lo te chu nga tan nge niang? " Johan-a chuan alo ti! chutah min vawn na chu ka tal pit thut a min en nghal chawt bawk a ka tawlh hnung hret, a thianpa chu a kalsawn a




Ka ngaihtuah na ah chuan Aron a thusawi mawlh mai chu a rawn lang nghal zawt zawt, a sawi dik chiah ani Johan-a ngei pawh hian hmeichhe thianghlim lo chu a duh bik lo mahse, keichu chutiang ka ni ve tawhlo! Ka hrilh loh hi a tha zawk dawn anih hi Johan-a hian a hrethiam dawn lo engkim hi lo hrilh ta ni ila min then dawn chiang




"Enteh, Johan ka.. kan in then a ngai in ka hria" Ka ti dek dek chu hman a hmel rapawm zet ang chuan min en a a meng lian si a ka hlau thar thut




"Ngati nge? ka pa chu i hlau viau ami? ka pa vang anihchuan keiman engkim ka ching fel ang.. " chang zet hian a ti chhum bul a




"I pa vang anilo.. Ka.. Ih mangtha phawt mai" tiin ka in her a chak takin ka kal zui nghal hlawk hlawk, a thianpa hnen a a tawng dan atang kha chuan min pawm beisei na ka nei ngam tawhlo




"I rei thin lutuk a" Ka pa kawngka a lo chhuak nen kan in tawk, kuhva chu ngawi rengin ka pe a ka rei chhan chhuanlam tur tha ka nei silo a ngawih mai hi a tha ber in ka hria




"I thianpa saw alo leng dawn ami? " Ka pa bawk in a tih chuan ka in her nghal vat a Johan-a alo ding ve reng! a kal Ve ta emaw ka ti a sin a kal thawm awm takngial pawh ka hre silo a



"Dawr kal... " Ka ti hman chiah



"Enge ilo tih? " Ka pa chuan a ti chhuak thut, Johan-a hmel ngui leh tum hmuk chu rawn kal hnai in kan pa fa hma ah chuan a rawn ding a




"I fanu hi ka lo thlah, ka bialnu ania a mah chauh in dawr ah a kal bawk sia ka ngaihtuah deuh a a bialpa ka nih ang in a him nan in in thleng ka lo zui haw anih hi, ka lo leng dawn lo lungngai suh...Oppa,in fanu hi naktuk atang chuan ka bialnu ani tawh dawn lo! A awmzia i hria em? In tan pawh rilru hah leh thinrim pawh angai tawh dawn lo tih na anihchu.. " Tiin kan in kalsan chuan a rawn kal na lam ah a kir leh a ka khawngaih hnuhnawh lutuk, a duh zawng hmeichhe thianghlim ni in ka dinhmun hian zir ve se a tha tur!





Rei tak ka chawl a ngaihdam ka dil aw, hun pui lai anih vang leh chhungkua kan kim that lai anih vangin type mood a chen te hi a har lutuk a naupang nen kan ni ve nuaih bawk sir a maw min lo ngaidam mawlh mawlh teh u Chuan hemi bak hi chu ka update tawh rih dawn lo a kum thar lam ah a hma lam in ziah tan leh kan tum dawn nia..lo him in lo dam ula kum thar ah a ngai te in in hmuh leh vek kan tum dawn nia awin vaiin KUM lo thar tur CHIBAI lawk vek ule......❤ you all

[Ngaia]

CHAPTER-22



"Lut ang le... " Ka pa pawh chuan alo thlir zui ve reng mai, in chhung ah chuan lut in ka room ka pan tlang a, ka âwm zawn hi a nuam lo takzet a awmdan phei chu ka sawi thiamlo ka nuam lo ani tawp mai!




"In in ngaihzawn tak tak pawh ka ringlo asin" Ka leh hawi a ka pa chuan min lo zui lut ve reng a lo ni, a mah lo lam chu ka melh lehnghal a chhan nfaih na tak pawh ka hre rihlo




"Pa enteh e, a sual hran lo asin " Ka ti ve thawr a sawi zawm tur mai ka hre tawhlo, ka pa lah chuan ka sawi leh tur ngaichang hmel pu zet hian min en a "naktuk atang chuan kan in ngaizawng tawh dawn lo, a mah pawhin a sawi kha..ka'n mu ange" thil dang a sawi ve hma in ka tih khalh a rizai chuan ka in khuh nghal hlun




"Lo chhuah san rih mai rawh" Ka nu aw in atih hnu lawk chuan kawngkhar in khar thawm ka hre zui a ka ipik tawh lutuk chu ka in khuh na hawng in ka thaw nghal hawk hawk




"Min ngai thiam hram dawn nia Johan..." Tiin mutthilh nghal tawp ka tum a a harsa ngei mai, ka mitthla ah inthen ka sawi lai a hmel awmdan zawng zawng te a rawn lang a, ka pa hnen ah lung dam lo hmel nen a kan in ngaihzawn tawh dawn loh thu te a sawi lai te kha




Engtin tin emaw mut zai ka rel ve thei hram a, amaherawh chu ka mu nghet lo hle thung a khat tawk in ka harh zel a ka mang lam a tha em em lo bawk si zanin thil kha ka mang phan tlat a Johan-a na tuar pawi khawih ang te in ka hmu bawk mutmu ka tuah tha thei meuhlo!




"I pang a lum silo a I va rawn tho har ve bawihte? " Ka nu aw chu zawi te hian ka hre ruai ruai a,in tih harh ka tum viau na in ka lu na bur leh mit thip lutuk chu ka harh theilo a ka meng hleithei lo bawk




"Class kal i tum lo em ni? thawh hrelo mahla tun ang chen chen chu i mu ngai silo a" Ka nu bawk chuan ati leh a, a tawng dan atang chuan a tlai tawh viau aniang tinge maw keipawh chu ka harh theiloh le? bak ah ka lu te hi a na em em a ka mu hma miahlo nizan khan mahse zan dang ah pawh nizan ai a rei ka men pawh in tiang em em chu ka ni ngailo




"Nu dar engzat nge? " men tum a beih pah chuan ka ti tial ruai a, thawh hlim hi chuan aw hi a mak duh thin hrim hrim, ka mit pawh chu ka meng thei ta hram!




"Dar 8 a ri ani mai, class chu i kal dawn em? nawm loh na deuh i nei ami?" a tho a ka room chu a man a duh ang takin a ti fel lehnghal zung zung a ka lo en ker thung




"Vawiin chu ka chawl mai dawn a mawn le, ka lu hi a na reuh tawp nizan ka meng teh chiam silo a " khum a la mu kuk chung chuan ka ti a ka nu che mawlh mawlh lai pawh a tawp deuh chut




"In entir a va tha mai awm ve.. " A tih chuan peih lo deuh a tho in ka net nghal nang a, kan pahnih chuan kan in zui chhuak nghal zat




"In entir ngai khawp a na a nilo, men rei deuh vang mai mai.. Heti chuan class pawh ka ngaihsak tha peih lo mai thei a " Chhuanlam mawl mang deuh chu ka siam ve ngei a




"Eng maw, tunge in entir ngai a " Ka pa office tur insiam lai lo chhuak in a kamiz kilh na kilh thlak mawlh mawlh pahin a tih chuan ka nu nen kan in en a, ka nu chu tawng zawk tur a hrilh in bathroom ka pan nghal daih




Diktak chuan ka pa kha ka hmu zak deuh, zak ti ila a mah kha a thinrim a min biak that duh ka rinloh vang zawk ani mah mai a zawh na pawh ka lo chhan mai ngam loh, mahse a rawn tawng dan vel kha chu nizan a Johan-a hmu awm pawh in a awm lo engmah thleng lo ang mai ani




Class kal loh ka tum tluan a ka mu ka tho nuam em em lo bawk nen insiam phur na pawh ka nei lo, vawiin chu chawl ve tawp mai ang, ka class dawn loh vangin ka pa a hmanhmawh teh chiam lo bawk nen chaw muangchang in kan ei a




"Kimi I hrilh em? I kal dawn loh chuan rawn sawm tur che a a lo kal leh si khan a tlai phah thei ania" Ka padi chaw bar mawlh mawlh pahin ati a ka harhchhuak zawk, ka call vat loh chuan alo kawi ting tang a nga atlai mai mai




"Kan call nghal ange.. " tih leh thawh ka rual a ka phone charge lai va la in chaw ei dawhkan bawk chu ka kil leh a Kimkimi chu call in a ring deuh chauh chu ka nu chuan min rawn nghawk a




"Saw alo kal tawh.. " Ati a ka va hawi phei chu hah hmel zet hian kan in chhung alo lut chiah, couch ah chuan a mu nghal tawp, scooty vek hian alo thin a a rawn thleng hi a hah hmel ngawih ngawih thei tawp!




"Scooty i rawn keng nange i va hah hmel ve aw... " Ka pa chuan alo ti ta nge nge a, a mu chu rawn thu chhuak in a nui vur vur ringawt




"Hmuh tha hi a rawn hmu anilo maw.. " Ka nu chuan fiamthu ti tak deuh hian alo ti a Lalkimi lah chu alo but nghal nghut nghut




"Nute in veng ah hian chhelo deuh ka hmu thar ania aw, enteh a chhelo chhuk chho ngawih ngawih,sawtah sawn kan intawk a ka lai lutuk a ka rawn tlan vak ringawt a lawm... " Za zet a nuih pah hian ati a ka nu leh pa pawh an nui ve tawp




Class ka kal dawn lo tih ka hrilh chu a nui duh tawhlo lawm lo lutuk in min melh a, a chang leh call hmasa turin min ti a a chang leh alo luh tirh khan hrilh turin min ti bawk a an na tur a zawng nghal tawp hi ani mai, ka khawngaih viau rual in ka insiam leh vut peih chuang silo a, Kimkimi pawh tum bur in a kal tak kha




Chaw ei kham fel chauh anih vangin in chung te in ah ka chho a Aron pawh alo nuam tawh viau aniang a room a awm lo in sitting room couch ah alo thu ve a guitar alo perh mai mai, a awmdan ka hmu chu ka lungleng thar thut lehnghal, an in a ka luh hmasak ber khan an unau in sitting room ah an lo awm a amah hian games khel in Vanrammuana khan guitar alo perh anihkha




"Ilo leng a law ka in su e ka tia.. Lo thu rawh" Nu hmelthai chuan Aron a guitar perh ka en reng laiin ka hnunglam deuh atang hian alo ti thut a ka phu zawk , chutiang bawk in Aron pawh a rawn hawi let nghal vat




"Ilo chho a law, i thawm pawh ka lo hre hleinem lo phei rawh" Zangkhai vah hian ati a nu hmelthai a awm sia ka phei daih chuan ka tih rilruk lai takin nu hmelthai zawk chuan




"Va kal rawn, vawiin ah an school a va kal tan leh a tum a ka la phallo a, kha a lungleng tawhin a zai zai ringawt kha va awm rawh..nakin ah ka dawnfawh lei lian zet kan ei dawn nia suk ho hi in chung ah ka han zar lawk ange" tiin a chho a




Mak ve deuh mai chu an hausa pangngai ve em em a, an pa officer ania Aron a tlangval hlawh nei ni bawk an in kan luah na man pawh a tlem em em lo, sum ah chuan an lungngai ngai dawn hauh lo tih chu a hriat sa reng, an nei pawhin a tlin dawn viau a mahse chuti chung chuan awmpui hi kan awm tirh ata an la nei miahlo, engkim nu hmelthai hian ati vek a an tlem tho na in thenkhat chu nise awmpui an la em em ang, tun ah pawh a thalai hran viau tawhlo ania,a mah ngei a la in su tauh tauh peih te hi a fakawm zawk




"I lo phei dawn nge milim ang khan i ding ngawi reng dawn? " nuih za aw tak a rawn ti tu lam chu ka pan a a bul lo zawk couch ah chuan ka thu a "class i kal lo a? " a ti lehnghal zat




"Nia ka tho nuam vak lo a ka zawi chho bawk nen ka chawl thut mai mai, I ke kha a dam tawh em? " Ka ti a, a bul hnaih mai a awm mah ni ila a guitar pawm lai erawh en vak loh hram ka tum tang tang, a chhan chu Vanrammuana ta ani miau a rilru tih thar leh a nat thar leh chu ma hlau takzet ani




"Um tha lutuk, tih luih deuh phei chuan ka kal pangngai thei a vawiin pawh school lam ah ka chawl rei tawh sia ka kal tan ve tawh ang chu ka tia mahse... Ka nu khan min khap tlat mai a! " hahthlak ti hmel deuhin a meng kual ralh




"Dam chiang zawk rawh.. " Ka ti a a nui deuh tawp, thil ho te te sawi in kan ti ti deuh reng a chutah ka phone ah massage dawng in, seen pangngai ta lem lo chuan screen atangin a rawn thawn tu leh a massage chu ka en zuai a



" I Class kal "

" Tur ka lo "

" chang che tih "

" i hria ani maw? "

" Kal i thulh "

" Daih a? Ka "

" Lo kal "

" Dawn, ka be duh "

" Che "



A hma ang bawk in chhum bung zet hian massage a rawn thawn zut, chat a ka luh chuangloh vangin phone chu ka hmet thim leh daih a,Aron a chuan min lo en ve reng a ka lo nuih tawi tak thung




"Ka chhuk mai dawn, tlem mut leh ka duh ka lu hi a nuam em em lo sia.. " tiin ka tho zui nghal a, Aron pawh guitar dah in tiang tello chuan a rawn tho chhuak ve vat a




"Awle tlai lam ah thlan ah Zorina nen kan kal dawn a I kal ve duh..Sorry!! " a ti nghal vawng vawng, thlan ah kal ve turin min sawm a tum toh chup ka hre tho mahse, hmalam pan ka tum a Johan-a ka nun ah ka seng lut tawh bawk si.. Ka tan chuan a thlan a va kal ringawt pawh a in thlahrun awm tawh




"Hman ila chuan lo kal ve ka duh a sin mahse lehkha zir tur ka in tuk lawk deuh reuh a vawiin ka kal loh phei chuan zir nasat ka ngai dawn sia" Ka ti thla ve ngawt a lehkha zir lam erawh ka thawh hlim atangin ka la ngaihtuah hauhlo




"Ni e, lehkha zir hi i tan chuan a pawimawh ber rih, kan lo kal kep mai ang che.. " fiamthu deuh hian a ti a, ka nui ve tawp. Ka kal a min lo zui ve beuh beuh vangin min rawn thlah ve dawn aniang chu ka ti mai a ngawi rengin kawngka ah chuan ka chhuak a bena chu ka kal pah chul zeuh a muhil tui na in ka khawih chuan a rawn meng rang tawp




"Ni lum chu a va nuam tawk ve.. " Van lam hawi deuh pah in Aron chuan a ti a, chutia a sawi tak ah chuan nuam ve reuh tak ani an in chhung hi a dai nasa sia nilum a awm tak ah chuan a nuam bik khawp mai




"In leng i nei dawn ani maw? " Ben a melh a ni lun hnuchhawn zawng a ka awm chu Aron chuan a ti a ka hawi chhuak a melh na lam ka melh zui vat a Johan-a kan compound hung na cement tlang ah a lo thu kang vung mai, kan pahnih lam chu ngeiawm hmel pu zet hian a rawn melh chho kar bawk, a menglian deuh lutuk hi a mitmeng hi hriatthiam a awlsam bik emaw ni



"A lo kal tak tak!!! " Ka ti sep



Alo kal tak tak pawh ka ring hauhlo tun ang khaw en lai lehnghal hian, mahse khu alo kal ngei chu anih si khu, engvang a? Kan in then tawh sia enge la rawn tih a tum ang?




"Zu chhuk rawh a nghak reng peihlo ang che, a tum nasa em mai" Tih leh min luh san a rual a kei erawh ka chhuk dawn nge a haw hun nghak in hetah ka cham bang zawk ang ka hre thiam lo, chhuk ila inthen chungchang a sawi awm sia




"Ka va nghak rei tak che!! " ning hmel deuh hian a ti a a ding char zui bawk "let leh vat ka ngai ania lo chhuk thuai teh.. " ka boss emaw in ti ang hrim hian min ti reuh a




"I let vat duh anih te chuan awm reng lo khan let la.. " Veranda ah chuan ka la awm reng, a kiai suk a a din na atang chuan a zuang thla khauh a Aron te step chu a rawn pan ta mai!




"Ding rawh... " tiin thinrim leh a rawn chhoh mai hlau bawk si chuan ka chhuk thla nghal thuai thuai




"Khati mai tur kha a lawm.. " ka chhuk mek laiin alo ti ham ham




"Let rawh inbiak chhan tur kan nei lo kan inthen tawh.. " Ka ti nghal pang, a kekawr ip te zen in a ding ngawi reng a,ni sat deuh vang chuan mit ti zim deuhin a ner nang bawk




"Nia ka hria a lawm,amaherawh chu min then thut chhan hi chiang takin thudik tak min hrilh rawh, anihloh chuan ka sual viau ang ka hriat hma chuan i mangan theih khawp in ka tibuai dawn che ania" Vau ti tih hian a ti a min nuih pah zui, hetia a awm hian ka hlau thin a hma pawhin tiang a awm kha a ching




"Midang duh I nei chu ani lo ang tiraw? " a rui em ka hrelo zu rim chu a nam tho, mahsela a mitmeng en reng reng pawh hian rui hmel a pu lo a,nam ve satliah hi a ang ber



"Neilo.. ka kal ania" tiin chak deuh chuan kan in lam ka pan a



"Chuan min then chhan chu?" a ti leh sup



"Min hrethiam rawh.. " Ka ti ringawt a hawi pawh ka hawi let tawhlo



"Ka lawm hrim hrim e.. " a rawn ti deuh vak a a sawi awmzia ka hre hauhlo, tunge inthen vang a lawmthu sawi ngai?




Ka nu chuan nuam lo ang ah min ngaih deuh reng vangin eng tih vak min phal sak lo a, a kawng herh pawh a dam fel ti tih tawh a rit chawi tih loh ah chuan thil a ti thei leh viau tawh, a in herh tirh a a nat ai in a dam hma daih




Khum ah mu in ka let ka let a a tawp ah chuan ka muhil ta nge nge a, ka harh hnu chuan chhun lam a mu ka nih vang nge ka lu ana bur mai mahse a rei a ka mut kham tawh vang aniang na zui leh nguai vel pawh ka nei tawh lo. Ka nu rawngbawl hma lutuk chu pui ve in dar 3 bawr ah chuan kan bawl zo ta diak




Pawn venranda phiat a ka awm laiin Zorina alo kal hlawl a,ani hi chu a hmel hmuh hi a hahdam thlak thin hlim lo hmel a put hmuh tur a awm mang ngailo a nung sar thin a rilru tha lutuk hian a mah te hi a ti lang tha zual hian ka hria,nupui anei anih ngat chuan a nupui chu hmeichhe vannei te zing a chhiar tham hial anih ka ring




"Ka van chhelo awm em em..?" Nui pah hian ka bul ah a rawn ding chawt a,ka thil lo ngaihtuah vang chuan lu ka thing vak "i class nange.. ? " a tih zawm zat a



"Class lo mai mai, in chung ah i leng dawn ami? " ka ti a



"Aw thlan kal kan tia, ka han chho ange" a ti a, Zorina awmdan chu mak ka ti tawp




Tum dang ah te chuan ka hman dawn emaw dawn lo emaw pawh ni sela thlan kal dawn chuan min sawm ngei ngei thin kha ania tun tum chuan min sawm hauhlo, Johan-a nen kan nih hi a hre ta emaw ni le?



"ahhh, ka lo kal... " Ka ti dek dek a Zorina kal tan chu rawn leh hawi in



"I hman dawn lo ati sia Aron khan, i hman leh si ami? " a ti a, zing lam a ka sawi kha alo la hre reng emaw ni le




"Nia hman vak lo a mahse ka kal khat sia.. " Kal chu ka in thlahrung zawk peihloh lam nilo in, mahse an hmuh leh hriat a kal hreh nih chu ka duh hauhlo




"I hman chuan lo kal ve la a pawi miah hleinem, i hman dawn lo tih ka hriat sa deuh vang ania ka sawm loh law law che" A tih tak ah chuan kal ve tur chuan min duh ru deuh tih ka hrethiam ta mai




"Ka lo kal ve dawn nia lo han chho la ka lo insiam ve ang, pangpar pawh dah that leh a hun tawh ka ring.. " tiin, ani a chho a keipawh ka lut nghal bawk




Insiam pahin ka kal na tur ka nu ka hrilh a pangpar min lo buatsaih sak ve thung,Zorina te lo chhuk vel ah thlanmual lam kan pan a, awmze neilo lutuk in thlanmual ah chuan Johan-a te an lo awm ka ring thut! Thlanmual Squad an in tih vang kha nge maw ni an lo awm chu ka hlau rilru tawlh tawlh lehnghal a!




"Awi lawk pangpar ber ka theihnghilh.. " Aron ban chelh sak pah a kan kal chu ka ding chawt, car ah pangpar dah tur ka theihnghilh daih mai




"I va han hai hawt reuh e aw..kir leh la ka lo zu kal ang muangchang in.. " Ati a ka ngaihtuah viau na in a ke a dam tawh deuh bawk a pangpar la tur chuan ka let san leh




"Awi Zorina car ah a la awm awm sia" Aron ka kalsan hnu ah Zorina call a lo keng thla mai tur a tih a theih dawn tih te ka hrechhuak that leh, kal thui tawh dawn tho vangin ka tlang lui zel a Zorina nen kan in tawk a pangpar chu alo keng tel




"I hai hawt ve reuh sia maw.. " tiin a rawn nui pah vur vur, pangpar chu lo ken sak ve in kan kal a kan thlen thlak hma chuan in hai thawm kan hria a chumi rual deuh thaw chuan Johan-a te unau in a Aron an lo nam sawk sawk lai chu kan hmu a Zorina nen a tlan in kan tlan nghal




"Thianpa enge awmzia? " Zorina chu a un rawlh nghal a keichu an bul chet ah ka ding, kan kal tirh a ka rin kha a dik tak tak! Johan-a alo awm thut ka hlau a an lo awm tak tak bawk a!




"Ka hnek hrep lo che kha lawm hle rawh... " tiin Johan-a chuan thinrim hmel zet hian a tawngkhum a Zorina ber in thil awmdan a zawh pawhin a tu lam ve ve mahin chhan an tum lo




"Aron I tha em? " A ke pakhat a khai deuh vangin ka lo ti ve vat chu Johan-a chuan ngeiawm deuhin min lo nuih a



"Engtinmah ka tih loh kha, bak ah hetah hian enge i tih ve a?" A sawi tawp lam chu lawm lo aw a hriat tel theih lek lek



"I hrethiam tawh em? " Aron chuan pangngai deuh tak hian alo ti a Zorina erawh chuan ngawi turin alo khap vat thung




"A nih hrep tak chu a" ti hluk in Johan-a chuan a nau te a hui a, an kal dawn ah chuan min en in a ngawi vung vung a " Nuam deuh in aw.. " nui suk chung hian min tih khum a enge ni ta ni ka hlau ru thut! rui kai tan ang deuh hian an awm lehnghal a an kal ta te chu ka en zui vawng vawng




An kal hnu reng atang chuan ka awm a nuam ta lo,Aron a thil awmdan kan zawh lah in Johan-a khan a hmuh veleh tikhan alo ti deuh tawp ani awm a mahse chhan awm lo a chutiang a lo tih ngawt chu a mal deuh ani, Zorina pawhin a awih chiah lo a Aron lah in thil dang vak a tello a ti ve tlat bawk si

★

"Thlan chu tih fai a ngai tawh em? " ka nu in min tih na ah chuan ka phu deuh zawk, ka chaw ei lai ngaihsak lek lo in vawiin tlai Johan-a te unau lo awm leh Aron an lo tih dan te a tawngkam hrim hrim vel mawlh kha ani ka ngaihtuah




"Ngai...ngailo e a fai lutuk"ka ti a ka kham zui daih a,kan ei na vel ka tih fel leh vek hnu in room ah ka in khung deuh chawt a lehkha erawh ka zir lo, khum atang a ka tho chhuak tur chiah chu Zorina'n min lo call




"Thil zawh lawk tur che ka nei a " dam dap hian ati a, a ngaih na hrelo deuhin phone chu ka en leh zauh "thlanmual a lo awm ve Johan-a nen khan in ni ami? " chiang zet hian min zawt a hriat loh der mai te chu ka chak rum rum, hmaichhan a min zawt lo chung pawh in ka zam em em ringawt!




"Zorin ih e.. " Ka ti dek dek chu a nui ri hawk a, thawk la ni awm tak hian a awm bawk




"Sawi inthlahrung mah ta che Arin, Amon a awm tawhloh hi mal tak a awm a kawppui neilo reng turin ka duh hleinem che" nui aw deuh hian ati a ka awm a nuam chuang miahlo, a aw thian kharh in




"Mahse Johan-a kha chu i tan a tha lo angem aw ka ti.. tun ah hian ka hmu reng ania, in in ngaizawng i pha lo anihchuan ka pawmpui che a mahse tun a ka thil hmuh nen hi chuan Johan-a hi ka duhpui vak lo che.. " A ti a a thusawi awmzia chu ka hrelo tep ani




"Johan-a nen chuan kan ni thin alawm, Zorin..ih ka thinlung ka thunun hneh lo a, Vanrammuana tan a in ngaihdan tur chu ka hre vek a mahse Johan-a hi ka hnar theilo, a chang phei chuan ka khawngaih vang ringawt pawhin ka hnar hreh a mahse kan inthen tawh.. " ka thusawi tawp lam chu a ri chang chang chauh ani




"Um ka hrethiam e,a biak thin dan che leh an rawn len vel khan in inkar ah eng emaw a aw. Ka ring deuh hrim hrim tawh a, tun a ka rawn sawi chhan chu ka tei chhuah na ah a mah leh hmeichhe pakhat awmdun ka hmuh vang ania, thian pangngai an nih hmel loh em vang ania"




Engtinmah awm loh ka tum viau na in ka thin zawn rawn na vawng vawng a vang chuan a ruk in ka thin zawn ka dawm a dim te in ka thaw chhuak ham ham, kan inthen a in then sawi tu pawh ka ni, mahse a mah ka duhloh vang ngawr ngawr anihloh na lai tak ah hian ka na ve tlat ani




"Um anihchu, kan inthen tawh a bialnu dang a nei aniang.. lehkha zir ka ngai a ka dah mai aw" tiin chhan na ka dawn let hma hauh chuan ka off a




Lehkha zir ka tum a a sawt lo ngei mai, Zorina thu rawn sawi ringawt chu a awm a a hmeichhia zawk tak chu ani ka hriat chak "Tukin lawk pawhin kan in thleng thleng a rawn kal a tun ah hmeichhe dang a chhuah pui leh a maw? I can lerh tak! " mahni leh mahni chuan ka phun deuh hrep ringawt




Ka phone la kang in call ka tum ut ut a ka ngam leh bawk silo bak ah a then hmasa tu ka nia va biak leh hmasak chu tlawm ah ka la ve tlat, phone chu dah in ka mu ta daih a ka mut hmun ah pawh a phone number a zawrh thu a sawi te chu hrechhuak in tu tu nge lei anga an call zing viau angem tih te ka ngaihtuah hnuhnawh a mahni te in ka in ngaihtuah thinrim lek lek


★


"Kim.. Johan-a ka then tak tak a" College kan thleng tep tihin Kimkimi hnen ah ka ti a, a thawng lutuk nge a rawn leh hawi zuk anihchu! Mi an au tuarh a Kimi pawh a ding ve nghal




"In va mawl ve a in khalh thiam lo ami?" mi thinchhe chi nge rui ve deuh hlek tih pawh hriatthiam mai har zet hian Patliang tih dawn a la tlangval ve hmel si pahnih hian an lo ti a kan hlauthawng ve tho bawk nen Kimi lawr ah ka vuan vak



"Kan tihpalh lutuk" Kimkimi chuan hlau aw zet hian ati a




"Tihpalh tih mai mai, rawn chhuk teh u" Pakhat chuan ati a, ka hlau rilru tawh an chet dan leh tangkam vel ah chuan harh fim pangngai tak chu an ni in ka hre tawhlo




"Ka pu kan sut loh cheu kha class kal kan ngai a kan hmanhmawh lutuk a min hrethiam hram ru kan tihpalh lutuk" Kimkimi'n atih pawh chuan an nuih liam mai mai a kawng a lo awm ve ten thil min lo sawi rem sak an tum lah chuan an vau khui khui lehnghal




"Arin ka hlau e " Kimkimi'n atih lai chuan pakhat chu kan pahnih si lek lek hian a rawn ding hnai a zu rim a nam ta nghal huk, Kimi nen chuan min en tawn zak zak a keini pawhin hlau zet in kan lo en ve bawk



Chutah kan ban ah chuan vuan in min pawt sun lawp a kan rak nghal that, Kimi scooty pawh kan hung rem ani silo a tlu leke leke ani, mi ho chuan chupa chu in sa seng tur in an hrilh a kei min vawn na chu a thlah mai a Kimi erawh a thlah ve lo



"Scooty khalh i thiamloh a vangin ka nun na ka chan tep anih hi.. " Kimi ban rek chu a herh ti tih a na ati chu a au chhuak thelh ani, ka lo vuan ve nghal vat a thlah tir chu ka tum ani, Kimi na tor leh hlau chu a tap tep tawh




Mi ho chu min pui turin ka ko a chupa pawh hran an tum chu a thianpa zawk chuan alo pui ve leh a kan buai ta nuaih nuaih! Kimi ban chu a la thlah duh miah chuanglo lehnghal a vuan tlat a pawh sawn an tum leh Kimi a pai deuh chawn chawn zel a




Kimi ka lo pawt ve thung chu chupa chuan a thlah thut a hnunglam ah kan back thut a mi kan nek chawrh nghe nghe, kan nek lah chuan na ati nge a si hlap a rang tawkin ka tho nghal a Kimi ban chu ka en sak vat, engtin a awm lo mahse kan mi nek ka en ve thung chuan ka tum loh deuh ka hmu!


IMG_11012022654.jpg
IMG_11012022654.jpg (33.66 KiB) Viewed 3296 times



"Johan..? " Ka ti sep a mipui in be buai deuh nuaih kar ah chuan a dar dinglam chu na tih hmel zet hian a lo dawm ngawr ngawr



"A van ho e aw... " a ti pah nui nui bawk



"Hetah hian enge i tih? " Ka ti leh chu ning hmel zet hian meng dur khup chungin a rawn hawi a



"Ka zing leng.... " tih ringawt in min chhang, kan va nek khan kan nek fu palh nge alo in dawh zawk ka hre hauhlo a nghen mek pickup motor ding lai ah chuan a dar kan tauh fuh tir ani ngei ang



Kan mi sut tep te chu an hnawt bo thei hram, scooty pawh chelh ni ta lo chu a lo let reng mai, mi ho chuan min tun sak a Kimi chuan a hlauh zia a sawi cham chi a, keipawn ka hlau mahse kan awm na kalsan a kal mek Johan-a ngawt chu ka en zui, kan in tauh tir na vak em maw ni ka ti mahse a dar zawn ah chuan thisen niawm tak hi a send kalh a tshirt var a hak vangin a lang chiang ngang bawk



"Arin tlan vat ang.... " Min buaipui tu te an kal darh tan chiah tihin Kimi chu ka en a



"Lo va kal rawh... Ka zui lawk angai ka lo be leh ang che" tiin ka tlan zui a Kimi hrilh hai min au pawh ka ngaihsak zui lo a ka tlan ve vang vang a thui erawh ka tlan ngam chuanglo




"I dar hi ngati nge? " A mah chauh a Johan-a kal chu ka va pawt ding a, a taksa ah pawh ka vuan lo a tshirt ah ka pawt hmiah




"A thi a chhuak leh ami? A va ninawm sek e aw ka haw ngei chu angai dawn anih hi" ti chungin a dar lam chu a thlek vut a




"Kan tauh tir che ami? " Ka tih chuan ngawi rengin min en a "a nihchuan bandaid ka lei sak ang che.. " Ka ti leh a chutah pawh min chhan lo "ka va lei ang tah hian lo nghak la.. " Ka tih chuan ka ban ah a chelh nghal hmiah




"A ngailo min nek vang nilo in nizan ka nau te insual ka thelh na lam a ka hliam neih ve lek anih hi, class i kal dawn ani lawm ni i tlai ange.. " a ti zawm zat




"Kal dawn e mahse i dar hi thi a chhuak a lawm kan nek vang che kha aniang.. " ka ti sep a, kan tum luih mah ni suh se, ka in thiam lo ve lutuk kawr a rawn tlang thei hial chu a na reuh ngawt ang



"A nihchuan min tuam that sak la" thutak zet hian ati a ka bu nghal nghat



"Khawi ah nge ka tuam sak ang che, sawlai veranda saw mi an kal vaklo in ka hria.. " ti a ka kawh lai chuan min pawt kal nghal lawp! "Sawtah khan i duhlo ami khawi lai ah nge kan tuam that ang? " Zui dawr dawr pahin ka tih chuan




"Ka room ah a ni mai" Awlsam zet hian ati a, an in ah min kalpui a tum tih ka hriat chuan min vuan nghet sauh " Tang suh, nangmah ni vangin ania ka thisen a chhuah aw min tuam that sak a ngai" tiin taxi ding ah chuan min nawr lut nghal rawk rawk





Engmah sawi hman anilo a tlan tir nghal a, hnial mahila a din tir dawn lo tih ka hriat vang leh din tir tum ila min dang dawn tih ka hriat sa vangin an in a kan kal tur nuam tilo zet chuan ka thu ngawi reng ringawt a ani pawh a tawng zui tawh lo a in hmelhriat lo ang maiin kan awm tawp, Inthen kan ni tawh a tanpui ka duh vang mai a an in thleng ka zui hi thil tha leh mawi ani chiah em ka hrelo, mahse ka zui tho bawk sia




"Kan in ve te chu kan thleng e... " An in kan thlen veleh a ti hluai a ka hawi chhuak vat, an thenawm lawk ah Tetea te an awm a min hmuh ka hlau takzet bawk




"A na tawh teh mai ania.. " Tetea te in lam ringawt ka lo ngaihtuah lai in a rawn ti leh, ka hreh em vang chuan ka la thu tlat a " Driver hi a la service duh dawn ania khatia i chuan reng ten... " A tih zui leh tak ah chuan driver pawhin ka chhuk hun alo chang ve reng tih ka hre chiah, hreh zet chuan ka chhuak a




"Pe duh suh kan nula in alo pe mai ang" Chuan man pek ka tum lai chun lo tiin min chhuah tir a an in chhung lam ah min kai leh nghal dawr dawr "Nunu, taxi chuan man lo va pe teh.. " in chhung kan luh rual in ati lawng lawng a




"Awle... " Nula zuan zang hmel zet hi alo chhuak a, kawngkhar pui lam a rawn pan nghal




"Ilo haw mial a law? Chaw I ei nghal dawn em? " Pi Zo-i a lo chhuak a a fa bik kha alo kal tel ve bawk a kei min hmuh chuan a ngawi lehnghal vung vung, a rawn tih dan ah chuan zing lam ah pawh Johan-a hi an in ah a awm ngailo ani ngei ang




"Ei dawn lo.. Chho ila..puia nakin ah ka lo kawm ang che" ati a,chho tur a min sawm na chu aw pawh ka ti lo aih pawh ka ti chuanglo " Chuan,alo kal hi sawi lo la.." Pi Zo-i hnen ah chuan ati a keimah hi em mawni a sawi le?




In chung ah min chhoh pui a, pawn lam lan dan ai in chhunglam a nuam zek! Kawngkhar lian deuh a nem hawng a ama room chu ani ngei ang, a awm khat tih hai rual ani lo en ringawt pawhin ku ah lum tam loh tih chu a hriat




"Engtin nge min tuam that sak dawn?" tiin khum ah chuan a thu a kei zum deuh chuih a ding chuan chil lem khawlh pah in




"Ka.. Ka hre tawh bik nang" bah zet hian ka ti a, ka lai takzet dawt sawi miah lo chuan, room khat ah midang tel ve miahlo a kan awm chu ka hahdam thei hlawl lo room te hi a zau nen keimah ah tak chuan a zim tawlh tawlh hian ka hre mai!




"Hei bandaid pathum ka nei bel leh mai rawh" Tiin a kekawr ip te atang chuan bandaid a rawn phawrh chhuak a, ka zui tak chhan anih miau vangin bandaid chu ka va la a




A kawr nghawng duhai a zau theihloh vangin a kawr a la hlip daih zui! A taksa chu en tam loh hram ka tum a mahse a harsa lam hret ani a nâ chu a koki lai tep atang vel hian alo kak thla ti tih deuh alo ni, thisen chhuak a a kawr a kai lo chi kha alo nilo hrim hrim bandaid pakhat in a hming in a lo tuam ve mai mai chauh ani




A bandaid chu phawh sak in a thisen chhuak thar leh chu ka hruk fai sak vek a chumi hnu ah a bandaid pathum chuan a kak sin sei ve zet chu in zawm in ka bel sak a, a hnung zang ah chuan thil pangngai lo tak ka hmu, rul leh maimawm lian zet zet lem hi tattoo alo nei reng




"Ka tattoo kha amawi viau lo maw? " A tattoo ka en fuh tih hria ni awm tak hian a rawn ti chhuak a, mit khap zawk in ka tawlh sawn tawh tur chu ka kawng ah a rawn vuan chawt a ka khawng nghal awk




A sir deuh a ka ding chu a bawp pahnih kar ah chuan min din tir a, thu anih vangin kei a ding ta zawk chu min chho en deuh vah, a mitmeng lian keh fiah zet chuan ka mit ah tak min en a, awm leh sawn leh nachang ka hre tawhlo a mitmeng danglam zet chuan che theilo in min siam ani ber!




"Ka thinlung tak tak in ka duh che a sin, chutiang ang chiah chuan min duh ve lo ami? kan inthen tur thu i sawi khan maw thawk hi ka chak tawhlo zo vek a sin.." a ti sup a




"Johan... " jeans pawnfen khup thleng lo tawk vel chiah chiah ka fen vangin ka pawnfen tlang zawn a ka taksa atang chuan khawih in a kut a chet chho zel a ka thawk lak a dik lo tawlh tawlh!




"Kei lo chu tumah i rilru ah an leng tak tak tawh lo ang, a chhan chu ka duh che ang a nasa hian min duh ve tho tih ka hria, min ngaihtuah lo ang pawhin awm mahla i chhungril erawh chuan a phatsan ziah che.. A dik tiraw? " Min en reng a a kut chet erawh a chawl eih lo




Ka panty tlang vuan pah a ka k*p zawn a ka pawnfen a rawn fawp in ka panty pawh thlak tum ni awm tak a awm ta chu, ka hlau thut a che sawk in a kut ka pawt pawp! Ka in siam tha sawk sawk a ka tha te chu a khur dawn hial!




"Diklo a awm ami? " Ka chet sawk sawk vang chuan alo ti a ka chhang lo "college thleng ka let pui leh ang che... " ti a min rawn vuan chu a kut ka lo thing per nawlh




"Min khawih tawh suh.. " hlau zet a ka en vang chuan thinrim hmel pu zet in min en a "tanpui ka duh che a khatiang a awm kha ka duhlo" tiin a room atang chuan ka tlan chhuak a Pi Zo-i leh an nula pawh chu ka zah zo tawhlo an in chhung diung ah te chuan ka tlan tlang tawp




"Duatnu,Ka tihpalh..." Min rawn zui tih ka hre hauhlo taxi ka phar lai chu min vuan leh




"In hmu tawhlo hram ang.. " Tiin a kut chu ka phelh a taxi lo ding chiah ah chuan ka lut nghal vat a ka tlan tir nghal vang vang, a mah chauh anilo keipawh tun lawk a ka awmpui dan vang khan ka in dem thlawt engpawh nise tanpui chu sawiloh, hmuh tawhloh vang vang ka duh

[Ngaia]

CHAPTER-23



Kan tlan chhung zawng chuan a call in min rawn call ngat ngat a ka bengkhawn duhlo tlat na in nuam ka tilo a keimah hi ka na tlat zawk! Khatiang khan ka awm leh theih pawh hi ka ring lo mahse min khawih tirh pawhin dan ka tum eih lo anihkha!




"Ka thiamloh vek ani, ka then thu ka sawi a keimah zawk in an in thleng thleng in ka pan leh bawk si... " Ka phun sup sup reng a, chumi chhungin college pawh kan thleng hman




Class lam ah rilru ka pe thei thlawt lo! Johan-a nen kan awmdan chu ka mithla ah chen in a rawn lang a thil dang reng reng in ka ngaihtuah lai an thlak danglam theilo, a khat tawkin Kimi chuan kan chungchang leh ka va zui vel na te chu min zawt reng a chhan na fum fe pawh ka pe lo




"Kim hei min lo vuah pui lawk teh.. " Kan haw dawn chuan Kimkimi Tetea'n a bag a thil tar tur vuah pui turin a din pui leh hnuhnawh a Moses-a nen chauh chuan gate lam panin kan kal hna hna a biak pawh kan in be lem chuanglo




"Arin zan in ah i hman chuan ka birthday lawm na ah lo kal ve ta che? " Kan kal dun reng laiin Moses-a chuan a rawn ti deuh tawp a




"I birthday maw? Ka hrelo le hman tur ah chuan ka in ngai a mahse zan lam a lawm anih hi chuan in veng a hla ve reuh sia ka chhungte hian an phal vak dawn emaw ni ka tia" Ka tih chuan




"Kimi kan hrilh tawh a ka lo dil pui ang ati che a, bak ah zan tir atangin kan tia nga kan rei dawn hleinem" A ti ve tlat a kal tur chuan min duh ve hmel viau mai




"Ka lo tum ang aw ka lo kal ang ka ti fak ngam lo ania.. " Ka ti a lawm hmel zet hian a bu nghat nghat a, Kimi te pahnih pawhin min rawn um pha leh thuai




Kimi chuan kan in thleng a min phur in ka nu leh pa te chu min dil sak a keichuan an phal ka rin loh em vangin dil buai loh law law ka tum zawk ani, mahsela kan Lalkimi tawngkam thiam lutuk chuan ka nu leh pa phal loh na tur thu hla a dang chat ta nge an phal hlauh mai




Chaw ei hma atang tawhin ka hak tur ka ngaihtuah sa a, bag te ka en diat diat a Vanrammuana bag min lei sak chu ah ka tum ut ut na in ka va tih chhiat mai mai ka hlauh leh deuh vangin a bag min lei sak hma atang a ka lo ah regu ve em em chu la in a mil tur ka thawmhnaw ka thlang leh a chaw ei hma in ka in thlang fel hman vek




"Matei khawi ah nge...? " Kan chaw ei kham hnu daih a ka insiam laiin ka u aw ang deuh hi ka hria a rang deuhin room atang chuan ka chhuak a




"Ui in lo leng a law..?" Chhuah ka lo tum laklawh tawh si ka u te an lo leng bawk si nen ka ui hnuhnawh ngei mai, an lo leng khat sia an lo leng chhun a chhuahsan leh daih chu ka ui ani




"Leng deuh reuh kan awm rei hman vaklo helam ah thil pawimawh tih tur a nei a.. " An pa u Muankima chu a en pah a " Bawihtei hian a ngen ve tlat sia kan kal tel ve ringawt anih hi, kan lo leng khat sia kan lo lut kawi deuh mai mai" Ka u chuan a ti zung zung a




"Enge maw a hriat ni nidang ah te chuan anu a awm in min ngen ngailo ania zanin ka chhuak tur chu min ngen nasa ngang mai a " U Muankima chuan alo to veleh a




"A pa ilo ngen a maw? Lo kal teh" ka nu te chuan nui pahin Bawihtei an chhaih zawm nghal hmiah, U Muankima kawr ban in a chet zawng a a khuh loh leh thin a tattoo chuan ka ngaihtuah na a hriat thui khawp mai




U Muankima pawh hi damdawi ti ve thin tho ani a, kha vang a a nau pai pawh ka u in lo sawi ngam lo ani, a chhan chu damdawi ti anih miau vangin kan nu leh pa te hian an pawm thei dawn lo tih ka u khan alo hriat lawk sa vang ani,a tir pawhin u Muankima hian ka u hi a duhlo a khaw lo takin a he heu reng bawk mahse





Khang zawng zawng kha ka u a neih duhloh leh hmangaih loh vang alo ni reng reng lo, a damdawi tih thin te sim hmasak a ka u neih kha alo tum zawk vang reng ani, ka u a hrilh mai loh chhan pawh a addict miau vangin nghei chu thil harsa tak thenkhat te a thih na hial pawh thlen thei anih vangin a damdawi khawih nghei tur hian a tlin in a beidawng lo ang tih a in chian ngam tlat loh vang ani, mahse a tum bawk a kum khat pawh a nghei chiang khawp mai, hun a duh rei lo a tum em vang khan mahse nâ erawh a tuar nasa a lungphu phei chu vawikhat kha a chawl hial an ti a a chang leh a chiri chu mi â ang maiin a awm phah an ti bawk





U Muankima pawhin chuti khawp chuan a bei nasa a nghei thei bawk, chutiang chiah chuan Johan-a hian bei ve sela a nghei ve thei hian ka ring tlat ani "enge maw ila ngaihtuah fo le?!! tiin mahni chuan ka phun sep, atan a thil a tha a chhia beisei a ngaihtuah pui hi ka sim angai




" Chhuah na tur i nei ami i va nalh chheng chheng ve? " Ka u chuan arawn ti a mit ka khap deuh zawk, ka bu nghat a mahse thulh leh ka chak ang reng, awm rei dawn lo mahse an lo lang khat ve thin sia aw. Ve ka chak leh hnuhnawh




"A thianpa birthday lawm na ah Kimi nen an kal dawn anih hi... " A ti a ka u chuan min ngaihtuah na mitmeng nen min en ngar ngar, hman ata tawh a min duat Tu min ngaihsak tu leh ka huat ber lai pawh a min hmangaih lo ngailo tu anih vangin zanin ka chhuak tur pawh hi min ngaihtuah leh viau dawn tih ka hria




"Inhaler I keng lo hlauh ange aw, haw hma tum ula.. " tiin min chah a min rawn lam tur Kimi alo luh tak vangin room ah ka va insiam chhunzawm leh a, ka u in a sawi leh tak ah chuan inhaler pawh ka hmang mamawh khat ve ta khawp mai that lam hi ka pan ve zel anih ka ring




Kimi nen chuan Moses-a te veng lam ah kan in khalh chhuak a, thui tak pawh kan la tlan hman lo Tetea'n min lo call, Moses-a te hmun biak eng emaw thil vangin an hmang leh thei dawn lo a rawn ti a hmun dang biak leh nan hun a awm mang tawhlo a an in ah lah nu ho an committee dawn si a chuvang in Tetea'n an mahni in ah an sawn chawp chilh thu a rawn sawi a tum loh deuhin kan kual leh phah




Thlen dawn a ruai ah Johan-a te nen in thenawm an ni tih ka la hrechhuak zui! Let leh ka duh hman rum rum na in in ah a awm mumal ngai chuanglo tih ka hrechhuak a ka awm a naam phah deuh huai, kan thleng a mi pawh an lo thahnem khawp mai ka beisei ai bak bak in an tam a a zahthlak lek lek zawk, in pawh chu birthday lawm na hmun tur sawn leh thut anih vangin chei pawh an chei mumal tawhlo, mi tam loh deuh na tur ah chuan kan kal a in hlauh mai hlau in kan in kai tlat




"Arin... ? " tih leh ka dar a ben rual tu chu ka en a Tetea alo ni, mi tam lutuk te chu k zo lo dawn lek lek vangin tlem a hmun thengthaw deuh lai a min kalpui turin ka ngen tawp




Zui tur a min tih vangin kan zui ve tawp a, a nu leh pa te phal na thlap a heta party chu an nih ka ring a mahse mi hi an tam nasa mai sia bak ah a chhungte chu an chhuak bo diak em maw ni an hmel hmuh tur a awm ve lo, Tetea chu kan zui zel a a duh duh tan a chhawp dawhkan lian pui mai a mi ei tur leh thil dang dang te pawh kan kal pel a, Moses-a nen in hmeh loh deuhin an chhawp zing ah khan beer leh kingfisher tih ang reng a tam mai




"Tah hian lo thu ula, Moses-a ka va be lawk ang aw ka lo kal leh nghal ang" a ti a pahnih kan nih tho vangin kan lo remti ve mai bawk a, min let san hnu chuan in si deuh chawt in kan thu nghal




Midang reng reng chuan keini ang lo takin nuam an ti zual ngawih ngawih a,tumah dang chu an ngailo ani ber ang zai ring tak a play in an lam a a then an zai bawk a athen lah lo in rui tan tawk an awm bawk,mahni te chauh in ngaihtuah na hmun ani ringawt zawk, kan lo thut a mi che vel kan thlir vung vung lai chuan Moses-a leh Tetea te an lo in zui phei a kan bul ah chuan an thu ve nghal chawt




"A then hi an nawi tan dawn riau in ka hria, an hlauhawm palh ange aw" Fiamthu ti tak deuh in kimi chuan ati a




"Hlauhawm lo tur ah ngai ang, bak ah in tur hi an rawng ken deuh vek ania a zia lo tak tak ani rawn keng vak su ka ti ve vek ania.. " A ti ve nai nai a, lehlam ah chuan a dem awm hran lo tun ang lai ah chuan eng emaw lawm leh huau huau a awm tawh chuan in ngei ngei tur a maw ti tlat hi an kat nuk tawh,an kum lam tuman an ngaihsak tawhlo a in lah a hmei a pa in an tam tawh bawk,changkan na emaw ti hian kan in tih hmuh deuh deuh a maw ni tih tur ani




"Cake kan zai tawh mai dawn ami?" Tetea chuan ati a keini ho chuan a la hma lutuk kan lo ti ve thung



Nuam ti vur silo in kan awm ve ta reng a cake zai zawh vel ah erawh haw nghal kan tum, dar a kal zel a dar 8:30 bawr ah chuan cake zai an ti leh deuh a mahse a la hma an ti zel a duh ai kan awm rei dawn riau in ka hria, Lalkimi toilet a kal tur chu zui ve ka tum a a phal loh ve tlat vangin ngei zet chuan ka lo thu a,reilote ah Tetea alo kal leh a Moses-a chu a birthday neitu ber ani bawk a kan bul ah a awm hman lo hrim hrim..ka hawi vel a ka hmelhriat reng reng an awm lo tumah lah in min rawn biak an tum bawk lo a a nuam zawk tho




"Tete lo kal lawk teh sawlam ah.. " rei pawh a rawn thu lo Moses-a leh a thian dang pakhat an lo kal a



"Ka thu ve chiah a sin.. " fiamthu zet in Tetea chuan lo ti a, pakhat chuan rawn kun deuh pahin




"In thenawmpa sawn in tur min dil a... " a ti a, in tur an fah ruih na lam kan va hawi nak chuan Johan-a hmanhmawh hmel zet a lo ding kan va hmu, rang lutuk in ka thu her nghal sawk, min rawn hmu ang tih chu ka hlauh ber ani




"A laklawh lutuk ati tlat a, pek loh a lei tur a ti in ka hria" Tu zawk nge sawi pawh ka hrelo




"Birthday neitu inia i tan a kan thiante rawn ken ania nangma thu thu a lawm, bak ah in vak lo mahila pawi ka ti lo midang zawng pawh hian,rui buai te an awm chuan ka pa lung ani lo palh ang" Tetea chuan ati a keichu ka thut dan pangngai lai a veilam ka hawi char char




"Rawn be ve hrim hrim la.. " An tih talh vangin an in zui phei ta a,mahni te chuan ka la thu ngat ngat Lalkimi rei zia lah chu!




A hmuh duh hauh silo khan engtin nge an in tih ka hmuh duh vang leh in sum zawh thlawt loh vang chuan in her vek ngam silo in a hmu thei tur tawk lek chuan ka her deuh a ka mit sir nghal run bawk,Kimi alo let ve chiah rang deuh in ka pawt thu a ngawi reng turin ka hrilh nghal bawk, ka awmdan chu mak ati a a chhan min zawt mahse ka chhang eih lo, Johan-a kan hma lam hla vak lo a a awm thu ka hrilh chuan hrethiam zet in min si chet chuan a rawn thu a, a hnar chin zawng a bag in a hliah ve hmak




Kan en reng a Tetea bik chu din hnaih in a tawng char char a eng tak nge an sawi ka hrelo zai an play ring mai bak ah a awm a hrim hrim te pawh hi an bengchheng thawkhat viau mai, Moses-a thianpa pakhat nichin ami khan khawi emaw atangin zu ûm a rawn keng chhuak a Johan-a a pe in Johan-a chuan pawisa emaw ni a pe let ve thung




"Tunge a bul ami saw?" Kimi chuan a ti sep a, tunge a bul a awm ka lo hmu lo reng reng birthday party a kal ve satliah tur ah ka lo ngai char char a bul ami hmeichhe awm chu




"Ka van hre mai lo.. " Ka ti a a hmel a sam thlah in a hliah deuh tlat sia tunge anih ka hrelo mahse nizan a Zorina min rawn hrilh lai ami hmeichhia kha anih ka ring thar tlat




"Ka hria.. " ati chiah Johan-a chuan kuah in a chhuah pui a, khatia a kuah kha ka kaw chhung hi a dik lo nghal hulh in ka hria "en thla chhin ang.. " Kimi chuan ati a ka lo tang ve tlat




"Ka duh lo, kan inthen tawh a ka va zui ruk a ngailo nangpawh kal suh" Ka ti hmak a mahse en zui chu ka chak reng




"Ka kal.. " A ti talh a a tlan nghal hmiah, nuam tih viau loh sa tawh nen Johan-a hmeichhe dang nen a ka hmu h vang ringawt chuan nuam lo ka ti zual a haw daih chu ka chak thar et et, Kimi hmanhmawh deuh hian alo let a




"Zu kha a nau te ni in ka hria a pe daih, chuan maw hmeichhia kha.... " Thawk a la leh te te a, hriat chak lem loh leh ngaihsak lo ang chuan ka lo awm na in ka hre chak et et thung "Nuthlawi kha.. Hman deuh ah pawh kan college canteen an an lo in zui tawh kha" a ti a thawk ka lo la hawk




"A pawi loh chu..." ti thla ve mahila ka rilru hi a na ru tlat a, ka sawi thiam dan ber chuan ka thik ani " Keichu haw mai ka duh tawh kan tlai dawn emai min ngaihtuah ve hlawm sia.. " tih leh ka bag ah that ka rual a




"Haw lo e saw cake kan zai dawn chiah" kan inbiak lai in Tetea arawn kal a, cake an zai dawn vangin an awm khawm deuh na lam chu kan pan phei ve aa, Moses-a leh hmeichhe pakhat chu inhnaih tak hian an ding dun a a bialnu anih ka lo ring ve tawp




Cake an zai a chumi hnu ah eng game emaw khelh an rawt chhuak a a peih ho chu an kal hrang deuh a, keini thu khawm in kan ti ti a Tetea leh Moses-a chuan in tur pawh an in ve zeuh zeuh a keini erawh in thei tui bak kan in ve lo, dar 10 a ri thuak tawh a Tetea chhungte pawh an lo haw tak vangin midang ho nen chuan awm rei tawhlo in haw zai kan rel hlawm a, tlem a alo rui fal deuh chu a harh tha ho in an thlah haw hlawm a hmeichhe rui chhia pawh an awm nuk mai




"Johan-a te kha an in ngihzawn tak tak i ring em? " Kimi chuan min thlah pah in ati a,ngaihdan neih thiam a har ka ti




"Ka hrelo le, a hma pawhin an in zui tawh kha ania kan inthen tak ah chuan a duh ber zu nei tu ani bawk a a kawp ta mai pawh aniang, a dem awm hleinem" ka ti halh a ka tawngkam hman chu a malsawm teh chiam lo, ka sawi zo a ka in chhir nghal lek lek ani




"Ni ve tho, enteh in inthen chauh a, khanu nen an nih theih nghal chuan in nih lai reng khan a lo kawp tel tho tih na ani angem? a kawp che hi ani lo maw? " a ti vak a, awm ang ti lo zet in a dar ah chuan ka beng vak, mahse thil awm thei ani ve tho khatiang khawp a rang khan an in zui nghal thei ania vawiin lawk ah pawh kei nen khan...




"Sawi tawh lo ang... " awmze neilo a ka lung nih loh leh mai mai ka hlauh vangin ka ti zui a ani pawhin a sawi tawhlo




In kan thleng a beisei loh deuhin Aron chu gate bul ah hian alo ding a a hawi vauh vauh mai, kan scooty thawm ah chuan a rawn hawi vat a min hmuh vel ah a nui nghal suk a phat rual lph in hetia tawi fel tak a a nuih hian Vanrammuana a ang hluah hluah phir mah nise ka hriat hran tak em vang hian in ang pawh ka ti vak tawh lo mahse a nuih tawi tak hi chuan Vanrammuana chiah chiah kha ani mai




"In kal na chu a nuam maw? " A mah ka pan lai chuan ati a nui suk in ka bu nghal nghut, Kimi pawh mangtha in a haw ve nghal a mahni te a haw hi a peihlo ve thei sia ka khawngaih ve reuh a mah te in a tlan liam ve hnak hnak mai a




"Dar 10 a pel tawh sia enge hetah i tih a?" a ke lam chu ka en pah a tiang pawh alo hmang tawhlo, ani hi a in la dam mah mah in ka hria, a in lak dam lutuk chuan a na zual daih ang tih a hlauhawm




"Ka mu theilo a, i pa mu tur khan i chhuak ila haw lo atia nghah pah che in ka tei mai mai anih hi, bena mutui viau lo sela chuan zan walk ka nei ang ka lo ti deuh a kawngpui a reh tawh tho sia" a ti a ka lo ner nang




"Tiang i keng bawk silo i lo kal hla ang tih a hlauhawm emai, hawh ka chhoh pui ang che chhuk lam ai in chho hi a harsa ve ania aw.. " tiin a zak kar ah chuan ka ban ka rawlh lut a a nui hawk thung




"Ke bai ka ni hleinem bak ah ka dam lutuk tawh vang ania tiang pawh ka hman tawhloh, va lut la mu rawh, min huai chhoh chuan haw har an ti lutuk ang che" a ti a lu ka lo thin khum hmak thung




"Ti khan ti suh naupang chhia lutuk" A ti nui hak hak a keiin fiamthu tak hian lu ka thin khum zel thung "Nghal reuh lutuk.. "




Lu ka thin khum tawhlo nan ka biang tawn tawn ah a vuan a keipawh ka che eih tawhlo,kan mit a in tawng fu palh a ngawi rengin kan in en tawp, awmze awm lo zet hian ka tang tung a kan awmdan chu nuam lo ka ti ta chung chung! A rawn awm hnai thut a ka thinphu a rang hal dawt, a mah zawk chu nuih in sum hmel nen hian a awm a ka biang a dawm na erawh a la thlah hauhlo, a mit melh a hniam a ka hmui zawn ni awm tak a en ang chuan ka hre tlat lehnghal ka che tur chiah chu




"Kha kha maw thil awmdan? Romantic movie ka lo en zo chiah a in la tluk lo deuh anihkha.. " tih aw ah chuan ka per sawn nghal dawrh




Johan-a leh a unau te an lo awm a a nau te an din laiin ani erawh a thu tung thung,a mitmeng lah chu mi elh sen emaw tih mai tur hian a awm a ka pawi sawi miah mahse a mitmeng in min ti thinrim an tih theih ang tur hi ania, a la nui suk suk zui, Aron nen chuan kan in en a Johan-a chu ka va en leh alo ding tawh a zanin khan party na ah khan min hmu ta em ka hre miah lo a rawn hawi in ka hre miah lo a mahse min lo hmu ru reng thei tawh tlat




"Enge ni ta? " Aron zawk chuan min tih khalh a Johan-a chuan chhan en ah a en lo nge a ngei vangin a chhang duhlo zawk pawh hriatloh, a zawh na hrelo ang mai chuan keimah tawp chu min en a




"Arin lut ila.. " An chhan miau loh vangin Aron chuan ati a min kai nghal bawk




"Thlah nghal vat teh ka thinrim dawn ania.. " kan kal tur chu Aron a bia niawm tak hian ati nghal hluk a ahmel ner nang bawk a,engkim mai hi a ning hmel ngawih ngawih bawk




"Engvang chuan? Helai atang hian kal bo vat zawk teh u" Ti let hlak in Aron chuan min vuan nghet sauh




A nau te chuan zawi te hian eng emaw an hrilh a, ani chu a nui suk suk ringawt zel, tiang a za miah silo a a nuih thin hian ka hlau zawk Psychopath hi ang ka ti thin, Aron bawk chuan ka ban a chelh na chu a ti che a a mah chu ka en nghal vat, kal tur hian min signal a ka bu ve zeuh





"Party na ah khan ka hmu lo che emaw i ti em? ka rawn luh tirh khan ka hmu tawh che ania...mipa i bul ah an thu bawk a tiang kha ka hmu duhlo" Keimah zawk chu min ti a, ka lam vawikhat pawh rawn hawi a ka hriatloh lai in min lo hmu reng anihchu




"Nia min hmu ang ka kal alawm, nangpawh i bialnu zu i rawn lak pui kha ka hmu ve reng che u, in in hmeh" Ka ti ve hmak, min hmu tih a sawi tho a ka sawi ve loh chhan tur ka hrelo




"I thik tih na ami?" nui pah hian min en a ka haw lek lek tawh, a nau te lah chuan fiamthu ka thawh hauh siloh in min nuih ngar ngar




"Ka bialnu te chu ka hma ah i ding reng a lawm.." Min ti a a rui hian kan inthen tih pawh a theihnghilh zo ta emaw ni?




"Be tawh suh lut rawh.. I hun i khawh ral mai mai" Aron chuan ati leh hmuk a




"Ngah nge maw i la kaih fo le? Ka hmu hne tawh" tih leh Johan-a rawn phei in Aron a min kaih na pawh thlak hlawk a rual a Aron thinrim thut chuan a kawr nghawng ah a tham sak ta mai!




"Thlah rawh... Aron in insual ange ka duhlo ania" tiin ka lo pawt ve nghal Johan-a chuan a kawr a tham sam chu huat hmel zet hian a melh tlawk tlawk




Reubena'n Aron chu a rawn khawih dawn ta mai! An unau chuan tang rual in an man bet a pan ka tum chu Johan-a ka hma ah tak a ding nghal luah, ramhuai ang mai hian a hmel chu a awm a pawisak nei tawhlo hi a ang ber




"Lut rawh, mi ka sawi sa lai i hmuh ve ka duhlo ania" a ti bung churh a, a thusawi te chuan min ti mur sung sung thei, ngam leh ngam lo in ka phone ka phawrh a




"In... In thlah nghal loh chuan police ka call dawn ania.. " Khur bauh bauh chungin ka ti a, ka lek chhuak ve chauh Johan-a chuan min pawh thlak sak hmiah a chuh pawh ka chuh ngam lo




"Min hlau tiraw? Kan chet dan te hian a ti hlau lutuk che tiraw? " Min din hnaih a tawlh hnung ka tum chuan ka dar ah min vuan a ka chhing nghal sawk




"min en rawh.." A ti a ka men loh chuan engtin emaw min tih ka hlau a ka meng tawk tawk "tih hlauh che ka tum lo a I tan mi hlauhawm ang pawh a awm ka duhlo mahse, hepa hian a zir lo em ani ka dawh hram hram a mahse ka tlin ngang lo" In seh ruh zet hian ati a




"Khawngaih in engtinmah ti suh u, a ke ana ania" Tiin ngen ngawl takin Johan-a chu ka en a, a but nghal nghut




"Enteh...ka khua a har lutuk, tun a i taksa ka si reng chung pawh hian ka khua a har a ka ngai takzet che, ka rui a chuti chung pawhin ka ngaihtuah na atangin ka paih bo theilo che, min then I duh a i duh dan zah a kalsan ve che ka tum a mahse ka theilo ka khua a harhar... Nikhat ah vawi tam ka hmuh loh che chuan ka ngai ngawih ngawih che"




A hmel thu tak lutuk chuan sawi ve tur min ti haih chham zo a,tun lawk a mah ka hlauh na pawh kha an kiang duak! Engkim mai chu a reh duak ani ber, Johan-a hi rei tak ka la hrelo mahse ka hriat ve chhun ah khatiang a mi hma a rilru ng te leh a awmdan sawi chhuak duh chi kha ni in ka hrelo, mahse tun ah khan ka hma ah a in puang a a inhmeh lo takzet




"Ka tan chuan a harsa asin,bak ah kawppui i nei tawh a zanin chauh kha anilo Zorina pawhin a hmu che u... " Zorina hmuh kha zanin a a kalpui nu kha ni em ka hre hauhlo engvang a sawi lang ve kher nge ka nih pawh ka hrelo




"Ningawm...! ka bialnu anilo.. " A ti hluk, ring tur chuan chu ai a ka chian chu angai, beisei loh takin kan in kawngkhar a rawn in hawng thut!



"Engati nge hetah buaina in rawn siam ziah? thlah rawh u " Ka pa chuan arawn ti chhuak a Aron chu an thlah a Johan-a erawh in min thlah ve lo ka dar ah chuan a la vuan nghet sauh sauh




"Oppa buaina siam tum a lo kal kan ni hleinem, i fanu biak hi kan tum a in inchung pa hi alo pawr ve zek a chu vel mai mai chu a lawm mawle... " Johan-a chuan a hmel lan dan a thlak danglam nghal daih a naupang thu awih thei tak ang mai hi ani leh tawh!




"Bawihi lo lut rawh Aron nangpawh lo lut rawh" Ka pa chuan ati a Aron chu tlem bai deuh suih suih in kan veranda rah kai a tum chu a tlu thelh! Ka tal vak a Johan-a min thlah rual chuan ka thutchilh nghal




"Lem chan i thiam hle mai, a ngaihsak na dawn chu i chak zek zek anih dawn kha... "




"Ti khan ti tawh suh, a ke a na ka tih tawh kha khawngaih in kal rawh u" Tiin ka ding chhuak a, Aron chhan zawng a ka awm chu duhlo hmel zet hian min lo en nghal a a nau te chu a kut a vai in a kal hmasak tir a




"Hepa hi ring lutuk suh, mi rin lutuk hi a hlauhawm chang a awm thin ania.. Chuan kan la in be zo hleinem" Tiin min ban chu ka lo tawlh sawn dawrh, ka pa awm leh awm loh kan ngaihsak tawhlo




"Khawngaih in kal tawh, inthen ka duh chhan kha kan pahnih tan a tha tur ka duh ang ah ngai la min hmu tur hian lo kal tawh suh, ka hmu duh tawhlo che a biak che pawh ka duh tawhlo, chuan maw i hmeichhe duh ang tak ka ni tawhlo chuvang chuan kan tawp hi a tha ber, ka tan pawh hian a harsa ve lutuk mahse kan tawp hi a ngai kal rawh khawngaih in.. " Thaw chham lek lek chuan ka ti chhuak tawk tawk a




"A tawk anihchu... " Ti hmuk in a kal nghal vut, ka lûng phawrh chhuah a vawm bo vang vang ang mai hian ka awm, a hmeichhe duh ang tak kha la ni ve ila chuan ka kal tir miah lo tur asin




"Aron i tha em?" ti a ka be chiah chu eng emaw a ri pawp a motor ri hi a ani mai hian ka hria, kan pathum chuan kan hawi a deuh ruai a chutah thawm awm na lam pan a tlangval kal ten




"Ehe!!! Motor in mi su" An tih chu zawi deuh hian ka hria a ka rilru a lang hmasa ber vang chuan hmanhmawh lutuk in ka tlan nghal, ka mittui a tling nghal hawk




Ka ngaihtuah na a thil awm nghet tlat chu dik lo turin ka duh takzet zet, ka hlau a ka tha a khur bawk,kan in atang a hnai te ah an lo awm khawm teuh a Johan-a ka zawng nghal tawp, motor in a sut kha anih ka hlau takzet, tun mai khan a kal ani si a,tunge motor in a sut chu hriat ka duh rualin ka ngam fum fe lo




"Ka..ka pu tunge...? " tiin ka bul chiah a ding chu bah deuh tak hian ka zawt a




"Tlangval ania a hmel ka hre mai lo" A la ti deuh deuh, Johan-a anih ka rin ngheh tawh em vangin en pawh ka en ngam lo, mittui pawh dang zo tawh lo chuan ka hmai ka hup a ka tap khur ngawt ngawt




"Hey ka la dam ania... " Tih leh ka in hup na kut lak thlak rual tu chu mittui kar atangin phe zet chuan ka en a, Johan-a dam pial a ka hmu ta si chu lawm avangin ka kuah nghal thlawp a ka tap ri ta chiam!




"I tah belh ve sia e! Hei mi in a en reng che ania bak ah thlem na tur che thil lei na pawh ka neilo aw bang nghal vang vang teh" nichin lawk a ka tih dan theihnghilh ta vek ang mai chuan a ti a




"Nang, nangmah emaw ka ti a sin ka hlauthawng lutuk!! " Khur beuh beuh chung hian ka ti a




"BawihJohan-a hian thih mai mai ka tum hleinem" nuih za aw tak hian ati a, ka mangan leh hlauhthawn zia hria sela a fiamthu hauh lo ang "min la duh reng sia tinge tiang hian i awm tlat a? Min ngaihsak duhlo lui a mahse tun ah in en teh, keimah ka nih rin vang chauh pawhin i mittui tam tak a luang ania, ti chung hian min then hlen theih i beisei em ni? "




"Theilo tiraw? Keimah chauh i thinlung ah ka leng tawh, kalbo tum mahla i thinlung khan a phatsan che anga ka hnen ah a hruai kir zel tho ang che, a chhan chu nang hian min HMANGAIH tawh a ka HMANGAIH ang chiah che hian... "



Kei hi Johan hian min HMANGAIH..!! engkim hria sela min la HMANGAIH zel thei angem le?

[Ngaia]

CHAPTER-24



"Min Hmangaih a maw? kei..kei hi min hmangaih tak tak ami? " bah zet in insut hlawp hlawp chung chuan ka ti a, motor in a sut pawh a buaipui tu te tawngkam atangin a motor vek in hospital an pan pui anih hmel




"Aw,ka Hmangaih che chu chu thil duhawm tak ani tiraw? " hlim aw tak hian ati a, ka chhip sam aj a fawp nghal vawng vawng,ni e a sawi dik chiah hmangaih na hi thil duhawm tak ani hmangaih nih hi a hlu a hmangaih ngam loh nih te hi thil hreawm tak ani, mahse keichu hmangaih tlak pawh ka ni tawhlo asin awww....




"Ka phu ami..? " Ti sep in ka kuah nghet leh




"Aw... Ka Hmangaih na hi thil ropui leh hlu ber chu nilo mahse nangmah chiah hian i phu ani... " a ti a, ka hlim lutuk chu ka tah a chhuak zual sauh, tawngkam thiam leh zei tak, mi tih hlim thiam nilo mahse a danglam bik ani chu chu a mah ti a mah tu leh a mah chhianchhiah na buk ani





"Motor in a sut ai hian mi mit ila tawh zawk ania, bang tawh rawh" Ka hnung ah chuan min beng thek a, keipawh ka tah chhuak zual pui a reh hnu chuan ka zak tan ta, ka hawi chhuak mai ngam lo Johan-a emaw mi ho hrim hrim ka hmu ngam rihlo




"A chhungte ami tap kha..? " Tu emaw in alo la ti zui, ka hmai ka hnim phum tlat a Johan-a chuan nghet deuh a min kuah bet chung hian a nyi nghawr dat





"Ni suh ei, keimah emaw a tia chuvang a tap anih hi a tah belh ve ania" Min la ti zui ka ngei lutuk! "Kal tawh ka hruai haw ang che.. " a ti a a mah ka kuah na chu min phelh sak a tum a ka tang ve tlat, tun ah chuan amah ngei pawh hi ka bmi ngam vak lo nichin lawk ah ka vin pung pung a tun ah ka tah khum in ka kuah leh ang chung chung a





A thiam ang tawk chuan min thlem in kan in lam a let ah min sawm a, ka hmuh zah rual in ka pa te awm ve reng lai tlan chhuah san ka ni sia min rawn zui loh pawhin min lo nghak ngei ang, ka let vat loh chuan an lung nilo anga thil atthlak pui pui an ngaihtuah palh ang, Johan-a hmel pawh en mang lo chuan ka thlah a kan in lam ah chuan kan phei dun a ka tap zo chiah bawk a ka la in hnit faih faih




"Inthen sawi tawh suh aw... " thupe aw lek lek hian a ti a,a mah chu ka en nghal zauh a hmalam a melh run thung




"Ih, hrilh tur che ka nei a... " Zawi te chuan ka ti sep a chumi mai mai ah pawh ka zam nghal em em ringawt,a mah chuan enge ka sawi ang tih hre miah lo in a lo bu ve nghat, sawichhuah ka harsat a a hreawm ka tih kar ah hian hrilh ta ila a hrethiam lo ang tih hi ka hlau ani





Mi te ngaih ah chuan awlsam tak ang in lang mahse ka tan chuan sawichhuah mai hi a har, ka duh vang reng a khang thil kha tawng lo pawh ni mahila ka in rintawk na ka hlauh hnem tak lutuk vang hian ka hman hun zawng zawng hre vek chung a min pawm theih beisei ngam na leh rintawk na ka nei fum fe thei tawhlo, kan kal zel a




"Sawi nghal la, inthen lam anih erawh chuan i thinlung kha i ngaithla hmasa thin tawh dawn nia aw hmeltha nu" Ka sam ah chuan a rawn chul zauh a, tawi te hian ka lo nuih ve ringawt ani hi ka hmangaih tih reng ka in hre lo mahse amah ngei in a sawi a ka thinlung hian alo pawm em em si!!





"Ih maw ka, kei hi ka... " Ka kut chu ka elh char char ringawt, engtin nge alo dawn sawn ang tih ka hriat loh na hian min ti huaisen lo takzet ani





"Saw... " a ti a kan hmalam en in a ding vut a keipawh ka ding a hmalam ka en chuan ka pa alo ding reng, a lawm loh hmel em em a a bik in keima lak ah chuan a thinrim hmel ngawih ngawih





"Pa... Lawk in thil kan sawi dun" Ka pa chuan min rawn kai chawt in kan in lam pan chuan min kalpui nghal vang vang a a kal chal si a tlan hian ka tlan bik ani ringawt "Pa Johan-a kha ka biak a ngai ania... " ka tih chuan a ding vut a ka lam rawn hawiin thinrim hmel zet chuan min melh nghal run





"Khatiang a mipa um chhuah kha i zak miahlo ami? Ka thin i ti rim lutuk, engtin hian nge ka tih dawn che min hrilh teh? Khapa lak ah khan eng thil tha nge i beisei a? " aw ki sang zet chuan a ti a ka pa thinrim vin chuan ka mittui a ko chhuak tha leh ani ringawt, a hlauhawm takzet bawk





"Pa...!!!" Aw khur lek lek chuan ka ti a, a thinrim hmel lehlam a a rilru na hmel hi ka hmuh hmaih hauhlo, mahse engvang nge? Johan-a ah hian thil chhia hlir an hmuh bik a ka natak an rin tlat?





"I fanu tan hian eng ang mipa nge i duh a? ani ang saw maw?" Johan chu a kal nghal ka rin nen min lo zui zel ani ngei ang ka hnunglam ah chuan a rawn tawng a ka pa chuan kei min en tawhlo in Johan-a a en ta zawk, ka pa hnung ah Aron chu bai deuh suih suih chung hian alo kal ve a





"I duhzawng chu sawi rawh, chutiang chu nih ka lo tum ang, i fanu tan a tha ber tur ang a I ngaih chu sawi la chutiang chuan awm ka tum ang,i fanu hi tih takzet in ka duh a ka hmangaih bawk ani pawhin min hmangaih,i duh ang a ka awm thei anihchuan i fanu hi ka ta ani tawh anga, a tha em? " Johan chuan ati a





Ka pa duhzawng ang chuan a awm theilo ang tun a a thil tih zawng dawn te a sim angai a chu aisa a nasa chuan a that angai dawn, a tan chuan zu nghei ringawt pawh a harsa dawn lutuk! Mahse ka tan a a in huam na ringawt pawh hian min ti hlim lutuk





"Thu awmze neilo sawi kual mai mai suh,tun a I nungchang leh ka fanu tan a ka duhzawng chu a in perh san lutuk,Mipa tha tak ka fanu thil lo pal tlang tawh zawng zawng te hre vek chung a a hmangaih ngai a la hmangaih reng thei tu tur hnen ah lo chuan ka hlan phal ngai dawn lo" Ka pa thusawi lai chuan la lo in hum ruh vak





"Zu rim ka nam vang te hian thu awmze neilo sawi ang ah min ngai em ni? I ti awm ang lo emai Oppa ka thutak ania, I fanu hi ka duh lutuk" Ka zaw ah tak chuan a rawn ding a ka lo en vat, a beanie khum lai chu a kut pahnih in a siam rem zeuh a





"I duh ringawt kha a tawk lo... Kan chhungkaw thil lo tawn tawh pawh hrelo hian I duh duh sawi suh,kal ang...." Ka pa chuan a hma ang bawk in min kai lehnghal dawt dawt! Ka leh hawi tawk tawk a Johan chuan lawm lo hmel pawh ti lang miah lo in nui sâng chung hian flying kiss min la rawn pe





"Lut la mu nghal rawh, Aron chhoh pui I ngai em? " a ti nghal zat a, keipawn ka hnial lo rang deuh in in ah ka lut a room ah in thlak in ka mu nghal hmak


★


"Va kai tho rawh class kal a hun dawn tawh" chang deuh a ka pa tih ri chu chiang vak lo hian ka hria a, chumi hnu lawk ah ka room kawngkhar in hawng ri ka hre lehnghal ka nu chuan tho tawh turin min rawn zawm zat bawk





Muangchang lo in bathroom ka pan a ka in siam zui nghal mial mial a ka pa chuan min hauh hi a la chak hmel viau hian ka hre lehnghal, ka huphurh em vang chuan chaw ei lo in ngawi rengin ka kal daih, kan in atang a hla deuh ka thlen in Kimi a lo tlan a kan in tawh na chin atangin kan college lam pan chuan kan tlan leh a





"Um.. " Tlan laiin Johan hnen atangin call ka dawng mial, tun ang ah te chuan a rui thle leh mai mai tur ah ka ngai a, nge ni a a la rui tawk lo hian min lo be zawk ni?





"Princess, Sawmkima ka nia MamJohana hi" Phone chu ka bengal zawn atangin ka la sawn nghal,awmze neilo zet in ka thinphu a rang nghal dawt dawt ringawt! thil tha lo tak a thlen ka ring nghal em em a Johan chung ah eng thil emaw tak a thleng hian ka hre tlat





"Kim Johan engtin emaw a awm!! " tah insum zet chuan ka ti a motor thawm bengchheng sa nen ka hlau aw zawi bawk si chu a hre mai lo lehnghal " ding rawh ka kal angai" Ka ti tuarh a a ani pawh laklawh zet in a ding nghal





"Enge a? Min ti hlau lutuk!! " Thinrim aw lek lek hian ati a ka ngai pawimawh lo Johan chung ah eng emaw a thleng tih ka chiang lutuk, a bul ah ka kal vat angai "tinge Arin, i tap ami a? "





"Kim Johan-a chung ah eng emaw a thleng ania! Ka.. Ka hlauthawng lutuk, ani leh chu ka chân duh tawhlo... " Ka hmai hup in ka kun a ka tap khur hlawk hlawk, Vanrammuana pawh ka chân thut tawh ka u in min rawn hrilh lai ang mai kha ni in ka hriau





Ka phone chu la in call la tawp lo chu a be chhunzawm a, chumi zawh ah LRM Hospital ah min hruai a, hmanhmawh deuhin kan tlan lut rawk rawk, nurse hnen a zawh ngailo in phone ah khan Sawmkima'n Kimi an awm na vel a hrilh tawh vangin kan tlang pawp a room thlen chuan mangang hlauthawng e tilo in ka ding nghal chawt, Johan-a pa a awm a amah ber chu a muhil satliah nge ka hre lo khum ah chuan dng lep hian a lo awm a, a unau te chuan an lo din pui deuh thap Reubena chuan a ruk deuh hian lut tlang turin min signal a





"Kal tlang rawh hlau bik suh.. " Kimkimi pawhin min lo ti ve sep, ka in ti paukhauh lui a thawk la hawk in ka lut tlang a Johan-a pa chuan ka kal ve chu mak tih ai mah a duhlo hmel pu hian min lo en char char





"Keiman ka call a... " Sawmkima chuan tumah kan tawng hma hauh in alo ti a, ka hmanhmawh lutuk na lam ah ka thawk hi a dil dawn tlat lo! a ruk chuan Kimi lam a in her in inhaler chu ka phawrh a ka hip mawlh mawlh, ka thawk dan leh ka inhaler hip thawm ah chuan an hre vek tho ang





"Engtin nge a awm a?" Kimkimi zawk chuan ati a keichu ka la in her leh lo, Johan-a nidang ang lo tak a ka hmuh te hian ka awm an ti nuam hlawl lo!




"Zu leh damdawi ka nghei dawn atia.. dar 11 bawr atang khan zu leh damdawi engmah a tih chhunzawm tawhlo a a chiri leh a taksa in a mamawh lutuk khan nâ a siam a,a tuar theilo a buai a chiu mut tawp angaih phah anih hi" a ti a mit ka lo chhing sawk





Ka in her a Johan-a hmel chu ka en thin, ka thinlung hi a ti na ngawih ngawih,damdawi leh zu addict tawh ani a vawilehkhat ah awlsam takin a nghei thei dawn lo a a ma taksa pawh in chutiang chu a tawrh phah dawn tih chu ani doctor zir chhuak lehnghal chuan a hrechiang lutuk ang, tinge tiang hian a tih thut ni a nghawng a nat tehreng nen





"In va fel ve Hruaizela in rawn ngaihven a " Johan-a pa chuan rawn ding chhuak pahin ati a, a fapa a koh duh dan te reng reng hi fa te tan pawh ngainat har tak tur ni in ka hria





"Nia kan hre teh thut sia nizan lam ah kan hmu dam ang reng sia min thawng deuh lutuk bawk nen kan rawn kal mawl ve tawp anih hi... " Kimi chuan ati a keichuan ka be duh hauhlo, a hma min lo tawngkhum dan vang ringawt pawh khan ka be chak eih tawhlo





"Engtin nge Johan-a chu a awm a? " hmeichhe pakhat hi hmanhmawh deuh hian a rawn tlan lut a Johan-a mu chu a rawn thutchilh nghal deuh tawp a, ka hmuh tawh hnu ani lhawi ah emaw Johan-a nen





"Sangsang enge ilo tih ve a?" Mak ti hmel deuh hian Bena chuan ati a alo lang duh an duh bik loh hmel khawp mai, Sawmkima leh Reubena phei chuan rum zet hian an en reng ringawt





"Hna kal ka ngai a chumi chhung lo awmpui turin ka ti anihkha, namgni in chhuak bo leh mai mai emaw ani anga a mah chauh a awm in lo buai se tunge lo ngaihtuah ang? bak ah an ni te chu in hrelo pawh an ni hleinem mawle... " a ti a




"Mahse pute...a nih te hi chu" Bena bawk chuan ati a




"Enge ani chu? buaina enge in neih? " Johan-a pa chuan pu anih na leh thu a neih zia hre reng ang hrim hian hnuaichhiah hmel zet in ati a




"MamJohana hian a duhlo, a duh dawn lo henu hi a haw lutuk, pute chu chu nangoawh in i hriat vek kha a rawn harh hun ah i awm tir tih a hriat chuan i chung ah a thinrim nasa dawn ania!!! " a ti piap piap a





"Thinrim rawh se, a dam nan a engkim ti tu ka nih hi, a ngam anih chuan thinrim rawh se..bak ah midang zawng ai in Sangsangi hian a hrechiang a, a enkawl dan pawh a thiam ber ang a thil tih thin nghei a tum na kawng ah pawh Sangsangi ai a tha tanpui thei tu an awm lo" tiin min rawn melh zawk a ka bag chu ka hmer nghek




"Mahse... "




"Min chhang tawh suh u.. In awm tel ve pawh ka phalloh hma hian, in inkawm khawm hi chu a fuh lo ngawt mai in u in a chhiat phah zia hi in hria em? a neih in ei pui char char a ani lah in a chan ai zawng zawng pawh in tan a hlan zel duh lehnghal a,hahthlak hlawm lutuk!!!" A ti let zek, a chhuak zui a Sangsangi Johan-a kut vuan a thu chu ka melh reng ringawt, ani hi Johan-a pa sawi dan atang khan ma hrechhuak tawh, Johan-a bialnu hlui kha ani




"Putea hi chu aw..!! a ti mah mah thin ani" Bena chuan thinrim aw tak hian ati a




"Kan putea ani te hi awih a har lek lek thin! A unau ah pawh a zia hi a dang bik emai ka pa te hmuh leh hriat ah buaina kan siam in kan rui ho fo a tiang em em hian hmaichhan ah Kan nu leh pa ten MamJohana an tawngkhum ngailo hrim hrim" Sawmkima'n ati bung bung





"Kan kal ve mai dawn mi kan tlai nasa tawh sia" Kimi chuan ati a Sangsangi awm ve vang chuan kalsan mai ka huphurh, nileng in a bul ah a awm dawn bik ania alo harh hun ah ka awm te lo ring ve ta sela





"Class kal in ngaih chuan kal rawh u, vawiin chu ruih pawh ka chak lo zo tawh Sangsangi hi chu ngaih that loh phah nan hmang suh, kan lo haw tir hmak ang...mai mai a! " Sangsangi awm ve lai reng chuan an ti a Sangsangi chuan thinrim in seh ruh zet hian alo en a chhan erawh a chhang let lo,a harh vel a min call tur a hrilh in kan chhuak a a kut tal ka lo vawn sak ve lo kha ka in chhir hnuhnawh





Nileng in Johan-a ka rilru ah a awm char char, a harh tawh angem tih ka ngaihtuah a call ka tum et et thin mahse, a harh anihchuan a nay te pawhin min lo hrilh ve ngei ka ring a min hrilh lo h dan ah hian a la harh miahlo zawk emaw ni, chutiang anihchuan a harh lo rei tawh sia a taksa a diklo zual a mawn le?






"I be leh tawh em? " Kimi chuan ati a lu ka thing nak nak, phone chu ka hmet eng a massage pakhat tal pawh a phone atangin dawng ila chuan ka awm te pawh a nawm phah ka ring zawk






"Biak ka duh a mahse engin nge min mawlh ka hrelo nichin atang tawhin ka la thulh char char, a harh tawh angem le? " Ka ti hap a phone chu ka ak leh






Accident leh hliam nei zawng a hospital lut nilo mahse ka ngaihtuah dan a nep chuang lo damdawi pawh hian dam na a thlen theih laiin nunna pawh a la thei tlat ani, Vanrammuana min kalsan dan teh thut vang khan eng emaw mai mai ang pawh hian min ti zam hma vek tawh a ngaihtuah na a tha zawng in ka hmang thiam tawh thin lo






"Be tawp rawh, harh loh pawh a hun tawhloh hi " Khua hawi vel pah in ati a a sawi dik reng tun ah kan bang dawn tawh ania nileng khan eng call leh massage mah ka dawng miahlo ania





"Kim lo kal lawk teh.. " Phone ka phawrh leh chiah Moses-a chuan Kimi a rawn hruai hrang daih a Tetea nui chungin a rawn kal ve thung





"Enge atih pui dawn a? " hun lo ka lo tih ve deuh vang chuan ka lo zawt a khuh kharh kharh pah in Kimkimi te kal dun na lam chu a en zui a





"chhuak phawt ang, vawiin tlai chu keiman ka thlah haw mai ang che aw" ati a a kal zui a, a thil sawi dan mak ka tih vang chuan ka um zui ve vat





"Ngati nge Kimi chu? nangman min thlah ang maw? " Ka ti hluai,a hmui zawn a a kut tang dah pahin a nui sen sen ringawt a a awmdan ka hriatthiam loh em vangin ka lungawi lo tep a sawifiah mai bawk silo





"Hria ang in lo awm sa lo la maw Moses-a khan Kimi hi a duh lutuk a chuan a bem dawn, hmun dang ah hruai a duh a chu chu mawle thlah tu tur i nei dawn silo a ka thlah ang che ka tih chhan chu... "




"Awi a him dawn ami? Kimi hian a duh tih pawh a sawi ngailo a sin... " Tlang zet chuan ka lo ti ve thawr




"A thil hi rin loh deuhin a thleng ve thei ania aw,hawh lo va haw phawt ang " a ti a rilru khing bai deuhin chuan kan haw dun a





Zan ah pawh Johan-a chuan min la rawn be lo, nilo a nau te takngial pawhin a phone atang pawhin engmah min rawn hrilh lo ka ngaih a tha tawh lo ka pa bul hnai a awm nuam ma ti rih silo phone ka bih sek chuan min lo en ve reng zel bawk sia room ah ka luh daih phah, phone chu hmet eng in massage ka thawn a mahse 1 tick bak a awm lo, ka dawhthei tawhlo lek lek chuan ka call hmiah a chutah switch off a la in ti zui a, ka ngei tawh lutuk chuan phone ka melh vak ringawt, ka ngaihtuah ve em em a chutia biak theihloh a a awm ngawt chu ka haw lutuk





"Sangsangi awm vang kha em ni a min biak duhloh menglian pa" awmze neilo in phone chu ka hau hrep!





"Tlai khan inchung nu alo kal a, Muana chungchang ah biak che a duh a ilo la haw silo a" room ah ka nu a rawn lut a phone ka dah tha hmak, nu hmelthai chuan ngati nge Vanrammuana chungchang ah min biak duh thut le?





"Lehkha ka zir phawt anga ka han chho dawn nia" Ka ti thla ve mai a, ani pawhin min chhuahsan lehnghal, lehkha chu ka zir ve a darkar chanve vel chu rilru ah a lut tha ve khawp mai, lehkha zir thlarau sual kan tih ve ziah mai a rawn thawk leh tan tawh ka mut a chhuak leh ringawt tawh mai!





In tih harh nan Davida ka bia a a online lai tak ani bawk a min rawn reply nghal vat, Kimi nen Johan-a chungchang an lo sawi duh ve zeuu tawh aniang min zawt nghal char char a keipawh un tha deuhin ka hrilh ve char char, midang te ang tho in Vanrammuana a nen an nun dan ka sawi atangin an in an loh zia leh ka tan a that a rin vak loh thu a sawi ve leh a keipawh in Johan-a that na lai te chu thiam ang tawkin ka sawi ve bawk a a tawp ah chuan "I tan a tha ber tur a I ngai anihchuan ka pawm pui nghal mai che" a tih ve mial kha






Phone dah in lehkha ka zir chhunzawm leh a, zir loh lai a ka harh that nen ka zir leh chiah ka mut a chhuak lehnghal em em! Dar 9 rik dawn ah chuan chawlh pah in inchung te in ah chhoh ka tum a chumi hma in phone ka check leh hram, engmah lah ka la dawng chuanglo, phone pawh keng lo in room atang chuan ka chhuak a nu hmethai pasal alo awm reng chu ni in ka pa nen an lo ti ti nasa mai an nu erawh a awm ve lo thung, inchung ah chuan muangchang lo in ka chho a





"E ilo chho alaw? Tlai ah khan ka lo chhuk a ilo awm lo a " veranda ah thu in phone ah video hi alo en a bena a mal chung ah a lo bawk hlun bawk a ka han chho chu min lo bauh lehnghal zat





"Nia ka nu in min lo hrilh a,lehkha ka'n zir leh hmasa mawle" Bena ka va chul ve zeuh a chumi pah a a video en ka hmuh chuan bena ka nuih pawh ka tawp hmak, vawilehkhat ah ka thin zawn hi a rawn na em em a a puak keh dawn ni mai hian ka hria





Kum liam ta a harsa ti tak a ka thlah tak ngei kha ani, an unau piancham lawm na video tleirawl te an nih lai ami ni awm tak ani, a lang naupang takzet, an hlim em em a an thian leh chhungte an tan a piancham lawm a zai sak tu te chu en kual in an nui nasa lutuk, a bik in Vanrammuana...a hlim ani tih hai theih rual anilo, ka lo hrechiang ve thawkhat tawh hle mai video hlui ah pawh a mah zawk chu ka hre nalh thei





"Heng hunlai hi la ni mai mai sela ka ti thin fapa pahnih dam tak a ka neih lai kha, tun ah chuan..." Sawi chhunzawm theilo in a hmui a hup a a hnuk a ulh tih ka hria keipawh ka ni tho, a kal lai kha nimin ang maiin a rawn thar leh tawh





"A ka rawn chhuk chhan chu vawiin Bawiha ka ngai zual lutuk a, a room te ka tuai thar leh e ka tia ka chei tha nual a I han hmuh ve duh takin ka ti mawle" tiin a mittui tla tur chu a dang tawk tawk a





"Duh tehreng mai... Ka han en ve ange aw" tiin ma mittui tlak hma chuan ka lut nghal daih a,an inchung step ka rah lai chuan a insut hlawp hlawp thawm ka hria a ka tap lo thei tawhlo ka tan a kal kha a nat tluk zet in a hring tu nu tan phei chuan a na dawn lutuk tih hi ka hrethiam tlat ani





Room chu ka lut a ka lut kawngkhar ka khar chiah chu insum miahlo in ka tap nghal tawp, hetiang zat a tam hi a tan mittui ka lo ka khawl ani tihar ka hrelo, hmalam ka pan san ni khan ka in hria asin! Ka hawi kual a room chu luah lai reng ang maiin a awm a a hma aiin Vanrammuana thlak pawh a tam a naupan leh sen lai thlalak thleng in, pangpar nen a guitar nen!


_____________________________

★ Aron POV ★



"Zu hi in for lo teh i u a awm tawhlo a nang tak tha tak a I awm angai i nu leh pa rilru tur te ngaihtuah ve ta che Aron I naupang chhia em mai" Ka in mawlh mawlh laiin ka bul ah pakhat in min lo zilh ve char char




"Kan in rual reng Zorin, min zilh for lo teh ka rui buai ngai chuang hleinem" a hmuh lai chuan ka lem leh ngat




"Ka zilh che lam anilo Aron, tiang hian awm for leh teh! Enge i buaina hetiang a i awm tak ziah mai le aw? "




"Engmah i hrethiam chuanglo ang, nangchu Amon a thianpa i nia ka thian diktak pawh i nilo a min hrethiam ve lo ang"




"Khatiang khan tawng lo teh, thian pawh kan nilo ka unaupa i nih hi Amon ang chiah in ani pawh kha ka thian anilo ka uanupa anihkha"




"Hahhh, ani maw? anihchuan engvang in nge a nat tirh khan i buaipui miahloh a?"




"Min thawng, ngawi teh ka buaipui lo maw? Ka thiam dan tawkin car ah pawh ka buaipui, hospital pawh ka theih ang a rang in ka thlen pui asin theih se chuan a nun na chhanhim kha ka duh mahse ka thei ngang lo anihkha... "




"Chhan i tum tawk lo anihkha... " Ka tih chu huat hmel zet hian min en a a lu a thing vak bawk




"I rui tawh anihkha, nilo lo sawi suh diktak chuan nang ai pawh in Amon kha ka hmangaih zawk, ka thisen zawm ka unau ang mai ani asin... " tih leh thawh a rual a




"Ka rin tawk chiah, kei ai hian in hmangaih zel alawm Arini pawhin kei ai a hmangaih, ka nu leh pa te pawh hian kei ai an hmangaih lo ang tih a sawi theihloh, tenawm hlawm hian! " Ka thut na atang chuan tho chhuak in car awm na lam ka pan chhuak a "ka ke ve hrep lah hi a!! zawng ho vang vek kha ani.. " Ka ke rawn na leh zawk chu ka en a ka phun nghal hluk, khang ho kha awm lo se chuan ka ke hi a na ngai hauh lo ang





In ka thlen chuan ka pa alo mu tawh a ka rui chhe lo bawk a ka nu pawhin min hau hran lo, room pan a ka chhoh dawn chuan ka nu in min lo kai a ka room thleng min chhoh pui a zu in tawhlo tur chuan min hrilh a ka zu in chu ka duhloh thu erawh a sawi na in na tak chuan min hau lo, bak ah hauh hauh rual pawh ka ni tawhlo puitling ka ni tawh, khum ah chuan min that tir in ka pheikhawk a phelh a mu tur a min hrilh in a chhua dawn chuan




"Bengchheng vak suh aw I u room ah Arini a awm ania i tibuai ang, phei pawh va phei suh zu rim nam lehnghal in i u room luh ka phal lo ania" a ti ngei a(h)!! Arini awm a sawi kher kher chuan min ti lut chak zo vek




"Tehreng mai ka lut miahlo ang ka nu hmeltha te" tiin ka au zui a mu mai mai teh a la rawn ti zui, a chhuk thlak fel awm ah sana in hmanhmawh deuhin ka chhuak leh a dar 9:30 a la ri lo deuh,Amon room a ka lut a Arini ka hmu nghal zat





Chhuat ah thu in Amon a khum tlang a bawh ti tih a, a muhil in ma hria a bul ah chuan thawm dim zet in ka kal a alo muhil tak tak, a bul chiah ah a mah ang chiah chuan thu in ka bawk ve a a muhil lai chu ka en char char kalsawn lehnghal ma tum vei nen ka en tui tan tlat! mi muhil lai mai mai ni mahse ka ruih vang nge ka hrelo..hmuhnawm ka ti ngawih ngawih




"Ka hmangaih che, engtik ah nge chu chu hrethiam in min pawm ve ang?" khawih ka tum chiah chu a rawng meng diar diar a min hmuh chian rual chuan a ding nghal thawt a keipawh ka ding ve nghal




"Ka lo muhil hman pek anih hi... " Tiin a sam a hmai a bet nuaih chu a ti th mawlh mawlh a mit bui lutuk ah chuan a mut hma in a tap tih hai rual anilo



"I tap ami a? " ti a a sam siamthat pui ka tum chu chiang deuh hian min en a



"Tap lo e, ka chhuk tawh ange mangtha u aw.. " Ka khawih duh ta lo ang hrim chuan min tlan chhuahsan a



"Hrep hian a!! "

____________________________



"Bawihte tho teh, tukin chu buhfai tham ka khawn ai han khawn mai teh " Dar 6 bawr ah ka nu in a rawn ti! ka in let a ka peih loh em em vang pawh anilo helai kan awm hnu in ka la khawn ngai silo a kan bial chin pawh ka hre teuh lo mai





"Midang in khawn mai se, kan bial chin pawh ka hrelo bak ah ka zak... Nu!! " Sawi lai mek mek in ka nu chuan min tung tho lawp,khawn loh na chi ani tawhlo hreh zet chuan ka in phih sawk sawk a, tuk dang a dar 7 vel a meng phele ve hman hram tan chuan dar 6 vel chu vartian ang ala ni mut a chhuak ngawih ngawih tho






"Pai êm hi phur zawk rawh thenawm te ta ka hawh ania, ip te lian ah vel ai chuan a nuam zawk, bak ah khawn a tam lo kan in lên phei kan in atang a chhiar a in 16 na thleng saw a ania i khawn pui turin kan in thlen hma atang hian a rawn tan ve dawn a kan in zawn phei hlir hi ani mai khawn tur, engmah harsa a awm lo nikum atangin kan awm tawh a buhfai tham khawn hian min la ruat mang lo ania a lawm awm zawk" a ti a ner nang chungin pai e
êm keng chuan ka chhuak a






"Nizan ka tah na vang vek ka mit hi a chhah tup mai" tiin gate chu ka hawng a kan in ka kal pel rual chuan tu emaw hian min rawn kal pel fua in ka hma ah tak kal na dal chuan a ding a, hauh ka tum nak chuan Johan-a lek alo ni! Ka back dawt a min thawng ti tih, nimin hospital ah muhil a ka hmuh bak a chanchin engmah ka hrelo a nizan zankhua in min rawn be bawk lo a biak tlang theih hek lo tun ah ka hma ah dam deuh in a rawn awm leh si





"Hey, kal tlang ngawt suh" Ka ngaihtuah vang a ka call te a phone in switch off te chu ka thinrim thar leh "ka phone kha ka nau te chhuak lawk in an ti bo daih a chuvang ania ka biak theihloh che, mahse ka hmu kir leh tawh, chu chu i lungawi loh chhan ani em? " nui pah deuh hian ati a





"Ni e, kalsawn rawh buhfai tham khawn ka ngai, i dam tha tawh bawk a, e chuan vawikhatmah hospital awm ngai khawp in khatiang kha ti tawh suh, damdawi te zu te awlsam tak a nghei theih anilo min ti mangang lutuk" tiin ka kal tlang hmiah a min rawn um zui in ka biang ah a fawp nghal zauh "mawl mi khaw en lai anih hi.. " Ka lo ti ve hlak






"Nia ka sim nghal e, ka lo ruih em vang alo ni" A sak hian a la sa ham ham zui! Ka rual chuan a kal ve zel a lo kal suh pawh ka ti bik chuanglo, diktak chuan nileng in class ka kal a zan ah lah ka pa vangin a lo leng ngai mang silo kan pahnih a han awmdun a in kawm hlim hun pawh kan nei vak lo zawk a




"Hey enge? " Ka pai êm phurh lai chu la in a man a phur daih nia!




"Lo la suh, keiman ka'n phur ange buhfai a tam phei chuan i zo lo ang a rit dawn si...pa tawk in ti hian ka'n phur ange" a ti vel ngei a, ka chuh buai duh ta lo pa tawk in em a phur bawk sia a in hmeh lo lutuk hi ka en ning theilo ka nuih hi a zal ngawih ngawih




"Tenawm... " a kawng dawm pah in tuai zet hian a kal awn awn vel a, ka in sum thei tawh thlawt lo cher sang si chutah tuai deuhin a kal a êm a la phur zui a za ngawih ngawih "i tenawm tikhan kal tawh suh khawi êm kha" tiin ka ban a kan mi tawh ten an en duh si a zahthlak




"Ningawm min lo chuh ve chhen suh, fel ka tum tawh teh mai nia i pa mit tlung a ngai nasa dawn si ka hah lawk " tih pah chuan a'n huiham kual vel a hepa over thiam zia hi rapthlak zawk




"I sawi hmasa awr awr anihkha, bak ah fel tum vang a tiang a êm phurh te kal tuai vak kher te hi a ngai ami? " nui ti tih chuan ka ti a "a chang a I in lak changtupa nen nen êm te i phur ania" Ka tih chuan a nui hak a




"Ngai e, bak ah fel ka zir tawh dawn sia buhfai tham khawn atang a tan te hi a tha ve hrim hrim Pathian nen kan len dun ve thin hmel deuh a, chu lo ah a changtupa in a changtunu a neih theih na tur anihchuan buhfai tham te pawh khawn in êm a phur lawp lawp mai tur ani" tiin min kuah chawt a




"Johan... Keimah vang a a tha zawng a nun hman i duh hi mak ka ti... " ka ti sep a ka beng bul a rawn kun hniam chung hian




"A chhan chu ka hmangaih che a lawm... " A ti sep,a hmel chu ka en a hmangaih na awm pawh ring ngailo hmel hi a pu zawk, mahse a lan dan chu a chhungril tak tak ani hauh silo




"Awi Lalpa...ka êm!!!" A êm phurh lai tla chu no zet hian a au zui a, a ti lui tih ka hre reng nuih in sum erawh har tak ani a hmel zawng zawng nen hian a in hmeh loh rualin nuih a za ting sia




A sei thawkhat in ka hria (tawi ti mahula a sei tho tho hnap sek ho) comment leh ads click kha uar hram hram ang u aw hmeltha ho..