"Bawihi kan haw dawn mi niang?" Zoramsanga'n arawn tih leh chuan a lam ka hawi vat a,a kut a rawn phar phei chuan ka lo vuan ve nghal chawt
"Mangtha phawt le..nichin vang khan min hrethiam dawn nia" a aw ah chuan lungawi loh na a tel tih hai rual anilo..ka bu ve nghat tho,in lam ah a kir a keichu min hruai haw tu tur ka neih vangin luh leh ka tum tawhlo car ah chuan ka Chuang lut a
Ngawi rengin a in khalh chhuak a, Dr Joseph-a kha fawp let miahlo mahila Zoramsanga lak ah hian ka in thiamlo hul hual,a mah lah chu a ngawi hmak tawh a sawipui a in sawifiah ve hrim hrim ka duh na in a hmel muk ta run chuan min ti in thlahrung vek tawh
"Kha..." hmalam melh reng chungin scarf min rawn pe a,min pek chhan hrelo mahila ka lo la ve tho
"Engtin nge sawlai kha I hriat theih a?" Ka ti a scarf min pek chhan ka hrelo bawk nen ka hum reng ringawt
"In kal kha ka rawn zui cheu mawle" a ti mai a,keichuan mak ti deuhin ka lo en thung
"A nihchuan a tir atangin sawtah khan ilo awm ve char char tih na ami a?" Ka tih chuan a bu nghat a, Ruatfela nen kan kal dawn khan kan in ah a lo kal tho anih hmel min zui theih dan ah
"Hru ta che.." a ti daih a hrethiam lo zet in ka lo thle hâ thung "a mak e aw..I hmui kha hru rawh khapa phiangsen fawh na kha hru reh vek rawh" a sawi tawp lam chu a vin lek lek
Ka hmui chu ka hru ve mai a, thinrim viau ang in lang lo mahse a chhungril ah erawh a thinrim tih ka hrethiam chiah,a lungawi na tawk turin ka hmui chu ka hru ka hru a
"A tawk ang I hru pilh ange" tiin scarf chu a rawn ban a ka lo pe let leh mai bawk,in be lem tawhlo in in kan thleng a
"Dr Joseph-a kha I hrechiang viau ami?" Ka chhuah hma in ka ti ve hram
"Chiang lo ila ka sawi ngam nang, khatiang a mi nun tawp lai sawi lan sak chiam kha ka duh miahlo a mahse ka huat dan ber in a che tlat a ka in sum theilo anihkha" a tih chuan ka bu nghat chhuah mai ka tum Chu ka ban ah a rawn vuan hnuhnawh
"Enteh..ka fawp let miahlo ania" ka ti nghal thawr a a bu nghut lehnghal a,a lungawi loh zia sawi tum a ang hi ka ti ber
"I fawh let loh chuan keimah min fawp la" a tih tak daih ah chuan bang bo deuh in ka en a "mawhhhhh.." ngen ngawl hmel zet a atih chuan ka nui lo theilo
"Awle lo kal la..." Tih pahin a kawr ah ka pawt a a rawn awm hnaih rualin zam deuh si chuan ka fawp nghal zat a in lak hran lehnghal mai ka tum laiin min vuan bet a uar deuhin min fawp lehnghal zat
"Muttui aw..." A in lak hran rualin zawi sap chuan a ti a bu nghat in ka chhuak a ka luh dawn thleng min en zui in ka luh rual chuan haw in a tlan chhuak ve nghal
★ 2 Month's Later ★
"Bawihi...tunlai hi Zorama a va rawn lang khat ve" TV ka en mial mial laiin ka pa pavalai inkhawm kal tur chuan a rawn ti a
"Nia tunlai chu hna ah an buai thin a Oliver buaipui nen a a rawn leng hman lo aniang" ka ti thla ve mai a
Tunlai tak chu a rawn leng khat khawp mai, a biak pawh kan in be khat,hna ah a buai a keipawh chuti tho,call a kan inbiak chhun erawh chuan darkar khat dawn te kan in be thin..nitin hian ka hmangaih zual a a that zia leh ka tan a in pek na thuk zia leh min hmangaih zia ka hria a ka hlauh ber chu a ni chân hi ani
"I pi leh pu ten kha tha an tih tawh khawp kha .nakin lawk ah chuan an pawm.pui na pawh ila hmu vat lo ang tih pawh a sawi theihloh" ka pa bawk chuan ati charh charh a
Ka.pi leh pu te sawi ang in leh Zoramsanga'n tha atih ang in kan la nghak zel a tun ah chuan a that na lai leh a thlawi vang ringawt a iai chi anihloh zia chu an hre chhawm ve zel tawh mai,khami zan bak kha engmah kan va sawi leh tawhlo kha ania a ruk in an lo chik ve ani mai
A khat tawkin pa zaua pawn min rawn be reng a ka be chhe ngailo keipawn,mahse pa ang in ka en theilo Feli pa ang chauhin ka en a pa fa ang a hun hman a chak thu a sawi pawhin ka hnar zel, Feli rilru tih nat ka duhlo a a unau ka ni tih a hrelo tho tiin a lak ah pawh ka la zep char char,a ma sawi dan in a nu pawh a haw leh tawh ani awm e
"U i en tui viau em?" Ka pa chhuah hnu lawk ah Sawmtei a rawn thu ve a a hmel ka lo en a eng emaw a rilru ti hah tu awm ang mai hian a hmel a ngui bam mai
"Enge a sawi rawh..buaina I tawk ami?" Ka lo tihsak nghal vat,unau ang tak tak in min en a ani pawh hian a thuruk tam tak pawh min hrilh nual mai,min ringtawk a min hrilh ani bawk a keipawh in a sawi bak ka sawichhuah sak ngailo
"Remzuala farnu ka sawi kha I hria tiraw?" A tih chuan ka bu nghat a "Remzuala ka be tha tih a hriat hnu leh a nu leh pa ten min pawm tawh tih a hriat atangin min tih mualpho phet a lo tum a" a tih chuan thaw hak in ka thu rem sauh sauh a
"A sual hle mai,la hmu lo mahila a awmdan chu ka mil chi ani miahlo" ka lo ti ve sak
"Nia...ih maw I pa nen hian in ngaizawng ang in min lo chhuah a nimin ka bazar pawh an veng leh kan veng a in hlat silo a mi ti ti atangin ka hria a putar ngaizawng min lo tia ka zak lutuk ringawt Remzuala hnen ah te ka kawp ang in alo sawi chiam a "
" A va han zaklo tak!!" Ka lo ti vin nghal hlur ringawt,chunu rilru chhiat dan em em chu a! "Khawmaw a thalak I nei em? Misual nu hmel pawh hmuh a chakawm a lawm" ka tih chuan phone a phawrh nghal vat a
"Hei a mah ania..." a tih chuan ka phu zawk! Ka rinloh lutuk in Remzuala farnu chu Angely lek alo ani! Chutia a hmel ka hmu chu ka haw thar a Sawmtei a lo tih dan vel leh a mah ka hriat ve dan chu awih loh theih chi zia zâng anilo henu hi chu a rapthlak ve thlawt!
"Sawmte henu hi ka hre rapthlak!' tiin k sawifiah nghal zung zung a,ka hriat ang ai pawhin Angely chu a lo rapthlak anih chu le ka pa leh Sawmtei a lo chhuah khaw lo ve ringawt te chuan min ti haw zual sauh
"Ka rilru a hah ka mualpho vek tawh si in sawifiah ngaih na pawh ka hre tawhlo" a ti thawp sat a
"Lungngai suh engkim ka hria a lawm le..a lo sawi leh ngat che chuan keimah ka tawng ve tawh ang..ka pa a lo chhuah duh dan ringawt pawh hi ka tel ve na tham ani tawh" ka lo tih sak ve hmiah hmiah
Kan sawi chho zel a,an in a an awm lai vel a Sawmtei'n Angely tih duh dah a tawrh vel te chu min hrilh belh teuh a mahni in ka lo thinrim ve em em ringawt, Remzuala pawh nep ka ti thar riau bawk a chutia a farnu in a hmeichhe duh ati chu chhan a a thlavang hauh sak ngam tur ania
Kan sawi tam a ta lâng in dar 7:30 a lo pel der tawh, Sawmtei pawh haw turin a in puah chah mawlh mawlh a a thil tawn vel vang a hreawm tilo tur leh a theih chin chin a ka tanpui tur thu hrilh in kan in thlah a,mahni in ka awm a ka lungleng deuhin Zoramsanga ka call a abuai anih ka ring a pick miahlo ka thiante ka group video call ka neih pui a, Feli erawh phur tak tak miah silo in phur ang a lan a tum tlat a ka fak zawk mah
Thla 2 hmalam khan thil fun fe takin kan sawi ngailo ti ila a pa fa bik chungchang ah, sawichhuah nuam atih ka rinloh vangin leh a unaunu ka nih a hriatloh nan ka sawilang hamsa duh biklo,an chhungkua an in pawh leh tawh a mahse amah ber hi a zia a zawi deuh sawt tih chu ka hria
Mut dawn ah Zoramsanga nen kan in text zuai a,thla 2 chhung khan thla dang ang ai in kan in be mumal lo ka tih tawh kha..a rawn leng khat ve bawk kan in biak tawh hi chuan 'Ka ngai lutuk che' tih hi a sawi tam ber ani thin,sawi tam viau mahse a sawi apiang hian a tih tak zia leh thinlung tak a sawi anih zia ka hre Chiang tawlh tawlh thin
★
"Than...enteh maw ka bialpa hian min kawp in ka hria..." Dawr ka thleng chiah chu lungngai hmel pu zet in Ruatfela'n alo ti nghal pang a
"Ui ngati nge?" Mipa a kar a lo la in kawp chu a thing ngawih ngawih ka ti
"Ih maw nizan ah ka call a chuan hmeichhia in alo chhang a,a bialnu ka nih hi lo be fo tawh suh tuai lehnghal min ti hrep a ka rilru a na tawp" a ti niah niah a chair ah chuan ka thut tir a keipawh a mah hmachhawn zawng in ka thu a
"Anih I bialpa chu I zawt Chiang em? " Ka tih chuan a bu nghat a
"Um min chhang tha duhlo a,chu tak chuan ka rilru a ti buai ani ber mai" ati niah niah a
"Inthen a sawi chuangloh chuan hnual lutuk suh..a kawp che anih erawh chuan then hmak ngam rawh" ka ti ve niap niap a,kei ni ila Zoramsanga hian min kawp ta se eng ang pawhin ka rilru na mahse ka then hmak thei angem?
"Nia tiraw.." a ti sep a ka bu nghat,engmah ka sawi zui pui tawhlo
Chawhma chhung ani ber ang chu..a mood a chhe viau a thil ei dawn hnaih atang chuan a mood a in on leh viau tawh,a hlim thei leh thawveng thiam hi a fakawm letling zawk,ei tur a va lam ve thung a a kal hlan in Zoramsanga ka call ve hmiah a buai em lo ang chu maw?
"Um..thil ei a lo hun tawh ani maw?" A pick rualin a rawn ti nghal chat a,thil ei dawn hma hian ka call ve fo a alo chhinchhiah pek aniang
"Um..ni mai e,in buai em? Ka be chak che a ka lo call tawp sia" ka tih chuan a nui hak a
"Buai lo e...keipawn ka ngai lutuk che a lawm" a aw chu diklo tlat hian ka hria,tawng peih lo deuh hi a ang ka ti ber
"I chau ami? I tawng dan chu I va peihloh hmel ve?" Ka ti nghal pang a,ka ngaihtuah ve thin hna a thawk rim thin si
"Chau lo e...ka lu hi vawiin chu ka thawh hlim atangin a nuam vaklo a..kha ka naupan lai a ka sawi kha ila hria em?" A ti ban charh charh a,a naupan laiin a lu ah a mah thah tum tu ten an vuak tawh kha khami vang khan lu na pawh nei thin ani tak e
"A van zia lo..tlai ah in entir la khatia awm ringawt chu a tha lo e ka ti..I duh chuan ka kalpui ang che..mahse kan bang har sia" ka ti zawm zat a
"Naktuk lam ah ni mai rawh se... appointment tih vel nen..hna ka la nei nual sia na vût ani chuanglo zanin chu ka tuar thei mai ang...zan ah min rawn awmpui la I duh hun ah Alex emaw keiman ka thlah leh mai ang che"
"Um ka lo tum ang aw.." ka ti a Ruatfela a lo thlen tak vangin in be reilo chuan phone ka dah a,keimah vangin chhun thil ei hun te kha a siam ve em em ania kan ei dun ai in a hran a kan ei a tam zawk ang tih tur ani
Thil ei kham atangin Ruatfela nen kan bungraw hralh vel dan customer neihloh kar in kan chhut ve niap niap a,nizan ka haw san daih chhan te min zawt a ka pum anuam lo ka ti ringawt, Dr Joseph-a chet dan ka hriatchhuah phah leh a nuam ka ti viau lo
"Enteh kha...Nu Aremi birthday kan lawm zan kha ila hria em? I bul a awm Dr Joseph-a kha maw a mak rap mai..Nu Aremi nau chiah nen khan room ah an lut dun ka hmu mawle..an lo chhuak leh pawh ka hmu a Nu Aremi nau chu a a rawn pawr chhuak rapthlak!" Ruatfela'n atih chuan ka lo ip chawih chawih
Zoramsanga sawi ang tak khan a lo lerh kawh viau emaw ni le aw,ka ten deuh tlat ta mai..ka rin ang anilo lutuk chu ka hlau ti tih zawk a bul ah te khan ka lo awm ve nasa sia...a pawn ka lan dan nen a in perh san hle mai.. Ruatfela hmuh dan vel atang phei chuan eng emaw tak a thleng in ka ring tlat,bak ah khami birthday lawm zan bak kha tun thla.liam ta chhung khan min rawn be leh ta miahlo bawk a
"A van mak ve..." Ka ti tawl a chubak sawi ngaih na ka hrelo ka ten ani tawp mai
"Nia..keipawh" tiin lehkha bu a en a keichuan ka lo ngaihtuah zawm mawlh mawlh,mipa tha lutuk ang in ka lo ngai a,ka ngaih ang he hu alo ni leh silo hian min thawng ani ber mai
Tlai ah Sawmtei text in ka haw vel a chaw ei nghal ka duh thu ka sawi a, Zoramsanga a dam sam silo a bialnu ka nih na ang in mut hma zawng chu va enkawl ve ka duh
"Hawh haw hma ang,nizan khan Nu Aremi'n naktuk chu haw hma rawh u atia..tunlai chu a fel thei tawp a hma te chuan haw hun ah pawh kan haw thei mang ngai hleinem" dar4 ah Ruatfela'n ati heu a,haw ka la in ring lo lutuk leh kan haw hma leh dawn si lutuk chu ka nuih a za zawk dawn dawn mai
Phur deuhin ka tho a kan in kalh tha sawk sawk a en laiin kan haw ve ta,ka haw hma leh lutuk chu Sawmtei alo buai a rawngbawl a la peihlo deuh bawk nen a phi cheng tawh mai
"Hmahmawh viau angailo zan ah chhuah na tur ka neih vang ania chaw ei hma ka rawn rawt ni...khi sana pawh en la a la hma lutuk muangchang khan bawl rawh" tiin in chung ah ka chho a
Ka in bual sawk sawk a Inhnuai ka chhuk leh chuan ka pa office bang pawh a lo in thlak fel der tawh,kan pahnih in chaw ei hma TV en pah chuan kan ti ti a Zoramsanga nawm.sam.loh vangin va kan ve zuai ka tum thu te pawh ka hrilh, engkim kan inkar a hre tho a zep a a ruk a kal vel ka tum buai peihlo
"I pu ten sawithat leh an rawn rawt a va len ka duh a mahse Zorama a nawm sam loh chuan keimah ka va leng mai ang" a ti a ka bu nghal nghat,inneih chu lo remti ve tawh se ka ti ngawt mai Zoramsanga pawhin min nghak rei tawh mah mah ani
Chaw kan ei a,ei kham ah muang mar in Zoramsanga te in ka pan a kal pahin kan phone ka khawih mial mial a Feli status atangin Oliver a va leng phei leh anih hmel, Zoramsanga a kal ve em tih ka zawh chuan a kal ve loh thu min hrilh a chubak ka be zui vaklo
An in kawt ah chuan ka ding ren rawn a, enkawl tur a kal ve si ei tur te ken sak ve awm ka in ti leh hnuhnawh,in ah chuan ka lut a alo reh thap vangin a room ka pan chho a, kawngkhar ka hawng chu ka pai nghal dawt
"Eng..enge I tih kha?" Lana nuam ti lutuk lo in pet ngawih ngawih te chuan ka lûng an ti na vawng vawng! "Zoramsang enge I tih kha?" Ka thinlung na lutuk chu ka âwm ka dawm vawng vawng
"Zo..." Lana chuan Zoramsanga ruak vek a awm ban ah chuan kei min rawn pan tur chu a chelh a,ka tah a chhua lutuk ka tap thei silo ka kaw chhung te hi a let but but Zoramsanga lah chuan min hai emaw ti ni awm fahran hian min la thlek ngawt ngawt zui!
"Nangmah I ni em?" A la ti nia! Tun a ka chak ber chu ben sawk sawk mai ani "min thlah lawk teh..." Tiin Lana chu a hrilh a Lana chuan puan a a taksa ruak vek khuh mawlh mawlh pahin a thlah a ka lam a rawn pan chu tlan san nachang pawh hrelo in ka lo hmachhawn tawp,heti em em a tih hi chu ka beisei ngai miahlo!
"Min khawih suh..." Ka hma a rawn din rual a min ban tur chu ka lo ti a,mi a ang mai a min thlek leh a rui hmel lutuk te chuan ka luak an ti chhuak ngawih ngawih
"Engati nge?" buh zet hian a ti a,ka hmui ka pet ngawng ngawng a thil.dang engmah ka ngaihtuah theilo Lana nen an chet na vang a thlan in a bual te chuan nâ min siam a,Chu nâ
chu engtikahmah ka theihnghilh tawh ngailoh tur ani
A hmel chu ruih nei ang mai hian a chianglo a,min thlek vang vang thin a mitmeng a phelh rum a a rui ka ti dawn mahse zu rim pawh a nam eih lo..a ding mai mai te chu a pai lek lek bawk
"Ka ten lutuk che vawikhatmah ka hmuh ah rawn inlan tawh suh" tiin In hual nan a a nu zungbun min pek tak chu ka phawi hlawk a a mah vawm nan a hmang in ka tlan thla nghal
Khatiang kha ka beisei loh em avangin ka na zual a,min hmangaih ngawih ngawih ni a ka hriat thin na te ka ngaihtuah let chuan keimah leh keimah pawh ka in haw hial ta zawk,ka keh chhe vek ni mai hian ka hria! Ka hmangaih a a nupui ni mai tawh tur a ka in ngaih laiin anin min phatsan in Lana s*x a lo hman pui leh a! Ka tan chuan hei tluk a nâ a awm lo
"Pa..." Kawngpui ka thlen rualin ka pa ka call a ani chuan engmah hrelo in ka pu ten inneih min pawm pui thu hlim hmel takin min lo hrilh ve thung ka pa pawh ka khawngaih tel tawh
"Zoramsanga neih ka duhlo.. engkim ka thulh vek tawh" tiin in sum lek lo chuan ka tap ta chiam chiam a,ka thawl phah lo ka na zual ting ni mai hian ka hria!
IMG 476468876578_copy_146x183.jpg
IMG 476468876578_copy_146x183.jpg (22.94 KiB) Viewed 3109 times
"engati teh thut nge? In va in hau ami a damlo enkawl turin I kal emaw ka tia I thu rawn sawi daih daih chu!" Ka duhai hma in chet ka la tih ka pa ka thawn dan ah ka hai lo,a aw ah chuan mak tih na a lang tel a a hrethiam lo hle tih a hriat bawk
"Ka fiamthu anihkha, Zoramsanga nen kan rawn fiam chak che a" za lo lutuk in ka nui lui a, Zoramsanga hming ka lam ri ringawt te chuan lûng a ti na em em ringawt tawh!
"A va Mangan thlak e aw! I ti tak tak emaw ka tia lawm le enge Zorama chu a an a?"a nui pah a,a ngaih erawh a ngam zan lo tih ka hre tho mahse, engkim tih tawp ka duh chhan ka pa hrilh fiah turin ka huaisen tawk lo ani
"Aw atha...MAH MAH" muang ban charh in ka ti zui a
"Um a that chu rawn haw tlai lutuk lo la aw" tiin phone chu a dah a,ka pa ka be zo chu ka mittui luang ka hui kiang mawlh mawlh a phone ka ken na lam zawk ka ban chu tu maw hian a rawn tawk a chuveleh rang lutuk a per dawrh in ka in her nghal
"Engtin nge ila rawn chhuah ngam a?" Vin lutuk in ka ti nghal, Zoramsanga bak anih ka beisei lo..mahse Alex zawk ani thung
"I tha em?" Min chik hmel deuhin min en a
"Tha..ka haw dawn" ka ti ram hmuk, Zoramsanga vangin ani pawh hi ka haw zo vek tawh
"I hmuh ang ngawt kha a nih dan dik tak a nilo thei ania..." Tiin inchhung lam ah a lut lehnghal daih a,ka hmuh ang bak bak kha anih ka ring hrep lo e.. khatiang a Chiang khan ka hmu ania an in l* lai tak lehnghal
"Ka ten lutuk.." ti hrawk in kan in lam pan chuan kawngpui ah ka kal nghauh nghauh a,kal pah a ka in ngaihtuah lûng puam chang phei chuan khawlai pawh sawilo in ka tap leh ringawt zel
In ka thlen meuh chuan a tlai ta ruih a taxi la lo in ka kal thleng thak bawk,ka ke a na em em a ka ruh te chen chuan an tliak hmawk dawn emaw tih mai turin a kham na ut ut,ka tah reng vang khan ka mit a bui a ka hnar a thip a a ping tun bawk, Sawmtei a haw tawh tih ka hria a ka pa erawh couch ah alo mu thung
"Ka lo haw..ka chho tlang aw" ka hmel a hmuh ka hlauh vangin na chung chung chuan chak deuhin step ah ka chho a
"Bawihte,tawh sual I va tawk em ni a? I rei bawk si kha I kal dan te kha...lo chhuk teh" ka pa chuan a rawn ti zui lang lang a ka chho lai min rawn hmu hman anih ka ring
"Ka chau lutuk.." tih bak in ka chhang lo ka pa min ngaihsak na chuan ka hnuk a ti ulh a tawng leh tur pawh awm lo khawp in ka tah a chhuak tawh, room ah in kalh khum in duhtawk chuan ka tap a ka pa Inhnuai ah a awm bawk a ka thawm a hrethei in ka ringlo
"Ka hmangaih lutuk che a sin..engati nge khati khan I tih a?" Ka room ruak huai ah chuan hauh tur ka zawng a ka mit in a hmuh tawh chu ka haw em em vek tawh!
Duhtawk ka tah hnu ah khum ah ka insawn a mutthilh mai ka tum a ka theilo,ka mutthilh rei ber pawhin darkar chanve pawh a tling lo .an pahnih khawsak dan ka hmuh te kha ka mitthla ah an cham a ka mittui dawn vel ah Chiang lutuk in ka mitthla ah a rawn lang leh thin
Ka thang harh a,reitak ka meng a chuti reng chuan zankhua in ka awm,mu leh mal ka neilo,a chang leh ka tap a a chang leh ka thinrim,mi a ang maiin ka room thim ruih te chu ka en kual a khawi lai emaw ber ah hian Lana nen bawk khan an lo awm leh tur ah ka ngai a ka rilru ngaihtuah na in min thunun a mi a ah min chhuah lek lek tawh
★
"I van rawn tho chhuak har ve" ka kawngkhar ka pa'n a rawn kik chuan rang deuhin ka in hi mam a,tun tut tut ah thil sawi ka duh lo a tlem a keimah ka in adjust hun ah chauh ka pa chu ka hrilh ang
"Ka tho eeee.." tiin chau zet chuan ka au let a,ka chau ti ila ka mut mang miau loh avangin chhunglam atang hian ka chau nghulh mai ka lu te hi a na satliah pawh anilo,a rawn nghawr dat dat ang hian a awm
"Ka rawn lut lawk teh ang" a tih tlat avangin peihlo deuh chuan ka tho a kawngkhar ka hawn rualin ngawi rengin min thlek vang vang a " I dam sam lo ami a? I lan dan chu a va mak ta ve?" a ti chiah
"Ka tha lutuk hi ka dam lo zawk aniang" ka lo ti nghal var a,za miahlo in ka nui lui hak bawk
"I pa ka nih hi..mahni fanu awmdan hrethiam lo khawp a pa mawl ka nilo ania,enge nizan ah I va tawn min hrilh teh" tiin min kai let a ka khum ah chuan min thut pui nghal
"Ih..." Ka kut ka hum vak a,ka rilru ka siam fel tawh miau a vangin ka pa hi tun tut tut ah chuan ka hrilh theilo,keima lam atang pawhin nizan mai a ka tawn te kha awlsam lutuk in ka sawichhuak thei biklo atin ani
"Nizan khan kan in hau deuh a ka thinrim phut in ka rawn phone anihkha...a bak engmah a awm lo" ka tih chuan min awih hmel pu lo mahse ka lan dan atangin min zawh reng chi ni in a hrelo aniang a bu nghat a
"I pa ka nia..dawt min hrilh ka beisei lo ania" tiin duat tak a ka sam a min chul in a chhuak a,ka pa thusawi chuan ka awm a ti nuam lo takzet,ka duh vang ngawih ngawih a dawt hrilh ka nilo khang thil sawk chhuah te kha harsa ka ti ve em ani, hrilh ta ila engtin nge alo dawn sawn ve ang pawh ka hre silo
Phur lo leh zuai zet in ka inbual a hna kal ka ngaih vangin in tih harh vang hram hram ka tum a ka hlawhchham Chiang hle thung,hna kal tur a ka chhuak chu ka beisei tawh miahloh in min lo la hmuak cheu! Nizan khan ka sawi Chiang viau si a engtin nge maw ka hmuh ah ala rawn in lan ngam ni?
"Ka tihpalh..." Awm lo ang mai a kal pelh ka tum laiin a rawn ti chhuak sap a,ka lûng a na lehnghal ut ut tawh,a ruk in boruak ka hip mawlh mawlh a ka nâ leh tawt nghal lutuk chu a hreawm ka ti ngawih ngawih
"Tihpalh ti mahla a thleng tur a thleng vek tawh,min hrethiam la ka hmahmawh tlat ka kal mai ange..chuan naktuk zing atang chuan ka hmuh theih ah I hmel rawn lan tawh suh" kut hum ruh tung chungin harsa zet chuan ka ti a
"Ka sawifiah vek thei.. khatiang kha ka..."
"A ngailo" tiin ka lo pawt chat nghal vat " sawichhuak tawh suh,ka ná I belh chhah mai mai" tiin chak tawk chuan ka kal a taxi ka hmuh hmasak ber ah lut in ka tlan tir nghal vang vang
Taxi chhung ah pawh ka in hru mawlh mawlh reng a driver pawhin min rawn mitmei leh zauh thin,khua lah chu ka lungngaih hreawm na te min hriat pui a min tawrh pui ni awm takin a dur khup a,tap chiam thei ka nih na ang chiah in vawilehkhat a sur chiam thei khawp in a in puah chah nasa
Dawr ka thleng a,tuk dang ang lo takin Ruatfela a lo la thleng ve lo a la in kalh tha khap a chahbi spare ka kawl avangin awlsam te chuan ka hawng mai a nidang a min lo lawm nghal a min lo be tu Ruatfela awm lo mai mai te chu ka tah a chhuak hlûi thei
"I lo kal dawn lo ami?" Tiin ka call a,nizan atangin a dam lo thut a a rawn kal peih dawn loh thu min hrilh chuan ka nguai zual
Mahni in dawr ka nghak rauh rauh a,dawhkan bawh a ka awm laiin thawm a rawn awm a customer an nih ka rin vangin ka hawi chhuak nghal vat,mahse Zoramsanga hmel chauh ka hmu thung,in thlahrung hmel pu tak chungin a rawn lut a ka lo en char char avangin min rawn pawh mai ngam lo
"Chhuak rawh..." Ka ti vin hlak a ka rilru nat na te hi thinrim na in a thlak thleng hlawk lo theilo,min phatsan avang khan ka tha a nâ a keimah ka in hmuhsit phah bawk
"In be lawk ang, reilote chiah" ti a min rawn pan chu ka tho hlawk a kan dawr buangrua rem chhuah loh kan dah khawm na lam ah chuan ka kal nghal hlawk hlawk,tlanchhiat san hi ka ti makmawh ani tawh
"Thansang.. please a reilo ang, nizan chungchang kha" a tih chuan ka ding dawt a ka tah chhuak vang in ka khabe a in sawh nghal bauh bauh
"Enge ila sawi leh Chuang anga? Nang hian min bum in I nupui hlui s*x I hman pui a ka rawn thawn tak si cheu avangin tihpallh tiin ngaihdam min dil dawn ami?"
" A ngailo...ka mamawh lo ka ngaidam dawn lo bawk che, khawngaih in chhuak rawh" ka ti tuarh a hreawm tih hmel tak in a hmai a tuai nghal puat
"Ka thiamloh vek ani.. khatiang a khawsa tur kha ka nilo mahse ka harh fim miau lo a,khatih lai khan"
"Sawi tawh suh" tih leh kan buangrua rem that zing ami lak ka rual a a âwm ah ka vawm chawrh bawk
"Ka hmangaih che min ring rawh khatiang kha harh fim ni ila ka ti dawn lo tih I hria a lawm,ka tihsual liau liau ani" a aw ka chu a vin lek lek a ring tur a min duh zia a mitmeng ah ka hmu bawk mahse,rin chu ka harsat tawh takzet ani
"Min hmangaih reng reng lo..chuan I rui lo bawk khatih lai pawh khan min hria..min hria anihchuan I ruilo..eng pawh sawi la ka ngaidam dawn lo che..I thil tih ngaihtuah khan engtin nge I hmel te hi ka hmuh ah I rawn in lan ngam zawk?" ka ti hrawk hrawk a
"I thinrim,I nâ tih pawh ka hria..ni e ka thiamloh vek ani... Lana lak a ka rilru put hmang I hriat vek kha! Min ring thei lo em ni?" A ti chuai raih a
"Aw..ka thei tawhlo,nangpawh ni la.. khatiang khan mipa dang awmpui ve ni ila min ngaihdam theih bik ka ringlo" ka kut ka hum ruh mawlh mawlh a,ka rilru na lutuk in a ka kaw chhung a hnawh phui tlat te ka lu na vai ruih te vang chuan ka khaw hmuh pawh a phê ruih
"Chhuak rawh khawngaih in..." Ka ti than tiak a ,a ni pawh lungdam lo hmel zet a min en reng hnu in a chhuak tur chuan a in her a "Ka hmangaih che..." keima hriat tawk lek chuan ka phun sap a
Min chhuahsan ta chu ka thawl hawk a,nuam erawh ka tih phah lo bathroom ah ka va lut a ka hmai ka phih a in tih harh hram hram ka tum bawk, Zoramsanga rawn lang leh kher kher chu ka huat rualin ka hmuh tawp na tur ah ka ruat a pawi ka tilo,ka up thenkhat a hnen ah ka sawichhuak hman tal a lawm le!
Ka ngaidam lo ni mahse ka hmangaih a ka tan chuan kan inkar reilote leh a hmangaih ve na kha theihnghilh mai chi anilo,ka.hmangaih na hian tawp chin a nei lo anih pawhin in zawm na neih pui leh erawh ka duh tawh lo, Lana kha awmpui satliah se zawng ka la ngaidam thei mahna mahse, awmpui satliah ani tlat silo a tin ani
Nileng in ka thu ngawi reng a customer ka ngaihsak thei tawk ani, Ruatfela a awm lo nen ka chau zual takzet bawk, Zoramsanga pawh a reh tlawk tlawk a chhun thil ei hun dawn ah khan awmze awm lo zet in min rawn call ka beisei ngawt pek anihkha!
"Keipawh ka tap daih tawh a lawm" tiin tlai dawn lam a ruah rawn sur chu ka be mial mial a,ruah a tam vangin dawr tu ka neilo a keimah te a thu in ruah sur thawm chu ka ngaithla vang vang a,dawr tu neilo ta chu in khar phui in,dawhkan bawh chuan taksa dam deuh nan tal pawh tiin dawhkan bawh chuan ka chhing a nizan ang tho in kha thil min ti mu tha theilo tu bawk kha a ngai te bawk in ka mitthla ah a rawn lang leh tawh
Beih let ka duh a,ka theih chin bak ani lawi si mut luih ka tum nasat poh leh a chiang tawlh tawlh emaw tih mai tur ani,ka beidawng mangang chu dawhkan bawh in ka tap vak vak a ruah a sur bengchheng a ka in sum buai peihlo
Ka duhtawk a tam ka tap chu ka thawl hawk a,ka beisei piah lam in ka tha..khang thil thleng te vang a in dawm kun mai lo in chak tak a awm turin ka in tiam a ka nâ anih pawhin tuma hriatloh in ka tuar anga in tih chak nan hman zawk hram tumin ka rilru ka siam mawlh mawlh,tun tut tut ah Zoramanga chu ka theihnghilh theilo anih pawhin a pawilo engtik ah emaw chuan ka la theihnghilh ve em em ang
★
"U...pu in damdawi han pe teh ati che a " Sawmtei chuan ka room pawn lam atangin min rawn au a
"Ka dam a lawm,ka tha lutuk" tiin ka lo chhang mai a,ka haw lam an ruah ka do nasat deuh vangin vawt chu ka ti mahse ka khua erawh a sik lo
Thawm a rawn nei zui lo a a chhuk anih ka ring,khum an puan a in tuam hlun in ka mu a mutthilh erawh ka tum lo mut ka mamawh a chutih rualin ka mitthla a rawn lang tur ka hre sa bawk a ka huphurh ani,ka rilru siam fel tawh mahila a harsa takzet
Dar riat dawn ah ka pa'n min rawn check a ka tha ni a a hriat vangin min Mangtha chuan mu turin a chhuk a,ruah lah chu sur han tik a nei theilo a sur tam tawlh tawlh emaw tih tur zawk ani ka pa chhuah a tang a reilote ah tu emaw in min rawn call a tunge anih ka hmuh rualin ka off nghal
Chutiang chuan vawi tam min rawn call a.ka Ning lutuk chuan vin hrep ka duh vangin ka pick a " pawn ah ka awm inbia ang khawngaih in" a rawn tih chuan ka ang zuau tawh pawh chu ka chip leh hmak a
Ka awih duhlo a mahse a awm ngei ka ring " ka be duhlo che tih ka sawi tawh..ngati nge ila rawn kal fo a haw nghal rawh ka be duhlo che phone ah pawh hian min rawn be tawh suh" ka ti vin nghal pung pung
" Min haw viau em ni?" Zawi sap hian a ti a ruah a sur nasat vang leh a bengchheng thawkhat avangin a tawng pawh a fiah em em lo
"Hua e...ka huat lutuk che vangin ka puak keh lo chauh anih hi" ka tih chuan a khuh kharh kharh a,thawm atang chuan kan kawt ah ngei a awm anih ka ring nghet bur tawh,ruah a sur nasa si a awm reng chuan a dam lo mai ang
"Vawikhat chiah in sawifiah nan hun min pe rawh" a rawn tih chuan ka thaw hawk a
"A ngailo..in sawifiah eng ang mahla ka ngaihdam phah dawn lo che,kan in then kan tawp tawh engmah lo ah in ti hah duh tawh suh...kan tawp tawh" tiin phone chu ka dah hmak a ka mu hlawm leh tawp
Reilote ah massage a rawn thawn a in sawifiah na hun ka pek a a thusawi ka ngaihthlak sak hma loh chuan a haw dawn loh thu a sawi a ka seen a ka reply lo,ka mu lui ngat ngat a mahse ka rilru erawh pawn lam a mipa awm ngaihtuah in a phi buai em em ringawt, ngaihtuah loh ka duh chung a ka chhungril in a ngaihtuah ru tlat te chu ka in hua
Call a kan in biak atangin darkar hnih ngawt a liam tawh,ka rilru ah a khah liam em avangin a la awm em tih en tur chuan tukverh ah ka dak a alo awm reng chu ni in a bul vel ah car pawh a awm lo ruah sur hnuai ah chuan a ding khawng reng ringawt a! Ka ngei lutuk khuatia mahni in hrem kher khu a ngailo
"Haw rawh...ding zankhua mahla ka be duh Chuang lo che I fapa ngaihtuah ta che" tiin massage ka thawn a,ka biak dawn loh leh Oliver chu thuhran,a ruah do vang a a dam loh ber chu ani ka hlauh ni!
Min reply ta mai lo chuan min call a a phone te chu a huh chhiat a hlau lo emaw ni? Tukverh atangin ka thlir reng a ani erawh in ka thlir tih a hrelo aniang,rei zet a ring a ka pick leh ta nge nge
"vawikhat chauh min ngaithla rawh.. Lana kha engtiang a rawn kal nge ka hrelo,ka buaipui loh a ka in a ka awm tir loh na a rei tawh...nizan khan eng emaw ruih ka nei a mahse ka hrelo enge ka ruih chu mahse ka ngaihtuah kha a tawi a ka ngaihtuah na a awm chhun chu nangmah chauh I ni..ka ngaih lutuk che vang nge Lana kha nangmah ang chiah in ka hmu a ka awihlo a tir pawhin,harh fim a I ni tak tak em tih chian ka tum pawhin ka theilo,ka kiang ah khan i awm a nangmah tak ngei I ni in ka hre tlat tawh..."
"Ka khawih theih miau avangin ilo kal ta emaw ka ti a...engti zawng pawh khan nangmah lo chu ka hmu lo a aw te nen lam khan nangmah diktak ang mai ani...a hunlai pawh khan nangmah awmpui ah bak ka in ngailo hrim hrim,chuvang a khatiang a awm pui ta pawh kha ka ni a sin.." a sawi chu a dik thei mai thei,nizan khan min chian loh hmel takin a tawng anihkha
"Ka hria e...haw tawh rawh" ka rilru no leh tan chu ka duhloh em avangin ka ti thawp sat a
"Min ngaidam rawh..."
"Ka theilo,I tih luih nilo mahse ka theilo Zoramsang...ka na lutuk a ngaidam leh mai tur che chuan ka theilo,chuan khawngaih in min rawn be tawhlo la,ka hmuh ah pawh rawn in lan tawh suh mahni chauh in ngaihtuah ka duh tawh..."
"I duh dan anihchuan,engtikahmah I hma ah ka rawn in lan tawhlo ang...ka nun na tluk in ka hmangaih che tih erawh i hre reng dawn nia" tiin phone chu a off a tukverh chu kalsan in khum.ah chuan ka mu a ka muhil lo
Khawpui a ri rum rum a,pawn a awm lah chu a haw em tih ka hrelo ngaihsak tawhloh hram ka duh a khawpui a rik a tek a tlak chang erawh chuan ka ngaihtuah hle thung,ka mu meng reng a nizan ka mu tha lo chungin ka mut a chhuak theilo dar 1 dâwn ah chuan ka rilru a nawm theih tal ngang loh avangin ka zuk en leh a
Lei ah chuan lo thingthi in a khuh bawrh bawrh ni mai hian ka hria! A chauh zia hla tak atang pawhin ka hre thei hmahmawh lutuk in ka tlan chhuak a Inhnuai kawngkhar pui ka thlen dawn chuan ka ding leh rih
"Thansang,I ngaihsak leh chuan I hlat theilo ang tun hi I hlat nan a hun tha tak zawk anih hi" tiin keimah leh keimah chu ka in hrilh a, kawngkhar chu hreh tak in ka hmalam hun a tan ka in ngaihtuah bawk si avangin hawng a chhuak lo chuan room ah ka chhoh san leh ta zawk,ka mitthla ah erawh Zoramsanga chau lutuk thingthi tawp bak a awm theilo!