Nute-i chu kan lam panin a rawn kal nghal vat a,a ke a pen apiang Chuan ka thin phu hi a rang ve zel nimai hian ka hria,ka hlauhthawng lutuk chu ka dang te hi a ro nghal huam huam Mai
"Eng thil nge thleng hi?!! Kat bawihte I tha em?couch ah I phone I theihghilh a ari reng bawk nen"tih zawm zat in ka ban vung ul mai chu a en zui a
"Nute.."engmah pawh ka sawi tha theilo,ka tha te hi a khur thei nia mawle
"Min,chi ai vak Suh Bathroom ah atlu a,a ban hi engtin emaw a sawh anih ka ring"Pawng-a chuan alo ti vat a
Nute-i pawh chu bu nghauh in"I pate-a kan hrilh ange damdawiin ah kan kal dawn nia"tiin ka phone khum a dah pahin a chhuak zui nghal a
Nute-i chhuah rual Chuan boruak tlachham a mamawh ngawih ngawih tawh ang hrim in ka thaw kawk a,nute-i khan a rawn hmu hmanlo aniang a ka van lawm tak em,,ka lawm dan zia hi sawi pawh ka sawi thiamlo zawk e a
"Ka nu hmuh pawh chu iva hlau ve"fiamthu ti tak deuh a arawn tih chuan ka lo melh nghek a
"Tikhan ti tawh miah suh"vin deuh a ka tih Chuan a la nui mai mai zui
"Tunge lo phone tu chu"tih pahin khum a ka phone awm chu la in a en zui nghal a,
Ka phone ka lock ngailo a, password dah hi ka ning tlat, hmanhmawh thil thu ah leh emergency ah hian
A buaithlak duh riau
Phone chu en kual thuak in khum ah chuan atheh thla teh tawp a,min dim sak ve tur ania,a ta maw ati zawk amaw ni?!!
"Tunge lo phone tu chu?"
"I college thian te"tih ringawt in min chhang a
Jason te an nih dawn chu tiang hian pawimawh silo in min fiam nan hian an rawn call ve ziah, Pawng-a chu a ngawi ngul a,engmah pawh ka sawi zui duh biklo
Nute-i leh pate-a te rawn lut tur chu ka la inthlak loh thu hrilh in kawngka a kalh daih a,anni pawn luh an rawn tum rih lemlo a,mahse nute-i Chuan inthlak tur Chuan hilly ko rawh u arawn ti tho a
"Hilly Chu ko mai ila"ka ti a
"Tereuhte I taksa hi duh leh it ngawih ngawih ka nilo ania,lungngai suh"a ti a
"Koh ve mai awm"ti tum bur chung in ka en kar a
"It tham pawh inih loh kha"nui vur vur a atih phei chuan ka teu hlar tawh
"Ka it tham ve chiang em mai"tih pahin theih tawp in ka melh rum a
"Ka fiam che nihkha"Ka hnar a rawn piai keuh pahin anui hawk hawk a
Hetiang hian nui reng se chu,a nui hmel tha lutuk vang hian hmeichhe tam tak chu nikhaw hrelo in an awm thei hial ang chu mawle
"Enge ilo ngaihtuah,khawi hi nge i hak dawn?"atih Chuan ka phu deuh zawk a
"Engpawh kha ani mai,mahse tlem a hak awlsam deuh tur kha aw"
"I thawmhnaw pawh hi nangmah ang hlir an nih hi,te hlawm lutuk,kawr fual hi hak a awlsam ber ang"
"Pawng-a ka te ti bik ziah suh aw"
"A nilo ami?ilo thang ve hman ami a?!!"nui pah a atih chuan ka melh rum ngang mai
"keimah in ka inthlak dawn chhuak rawh"tih pahin ka kawr fual a ken lai chu ka va laksak a
Ka ke a dam tal a a lawm awm,ka inthlak thei awm emai,he Pawng-a lah hi ka thin khei zawng a tawng athiam leh lutuk mai, hetiang tur te chu hilly kha koh mai tur ania
Ka phun bul bul lai Chuan ka zak ah dawm in min rawn chawi kang nawlh in khum ah chuan min din tir a,amah ai ka sang ve deuh tlem te in
"Ka inthlak thei"
"Ka nu ten rei min ti tawh ang,khawi"tih pahin ka kawr ken lai chu min pawh thlak sak a
"I mit chhing tlat ang che"
"Ok..I it awmloh ka tih tawhkha"
A sawi leh ta maw!!!a luhlul in a nghal ve Chiang ani,ka kawr min hak tir lai chuan buai tak hi kan ni mai
A men ka phal silo,mit chhing chung a thil tih te chu aharsat zia tu pawn an hria ang,mahse Pawng-a pawn men a tum chhin eihlo
Ka ban ka awrh na te chu kan phelh leh rih thin,min hak tir tan tirh chuan ka h**te a khawih teuh lutuk avang in au thawt in a ka kut na lo lam Chuan a kut ah ka ben sak vak a
Anuih ala za em em zui,,atawp atawp ah kan zo ve ta hram e,ka ban awrh siam tha leh in inhnuai lam ah Chuan kan inzui thla a
"In va rei ve?!a rawn luh theih siloh a i pa pawh a mangang hman alawm"nute-i chuan alo ti zung zung a
"Nia,,nute thawmhnaw hak a buaithlak reuh lutuk a"ka tih Chuan an bu nghut a
Hilly pawh rawn kal in arawn phi nghal chung a ka ban na avangin zan tlai tawh lam ah hospital pan tur in kan vai chuan kan inzui chhuak a, inthlahrug viau mahila tih theih ka neilo,mahse chhungkua in hmangaih tak chu kan ni chiang a lawm
Pate-a'n driver ko in car in kan kal a, Pawng-a'n kan hnung ah bike in min zui thung,in ah lo awm mai tur ania ati buaithlak mai mai sia
Doctor kan hmuh Chuan na lutuk ka nih loh thu leh kar 3 chhung dim tak a ka enkawl chuan ka dam var var thei leh tawh ang ati a ka thaw huai Mai
A na tur ut ut tur tih zia nan damdawi min chawh a,ka ban kan tuam that leh hnu ah kan haw leh ta diak a
Nute-i leh hilly chuan ka room thleng mim hruai chho a, nute-i'n ka pa te hrilh a tih chuan tullo ah an rilru anti hah leh mai mai ang tiin hrilh lo zawk tur in ka ti a
Min chhuahsan hnu pawh chuan Pawng-a chu kawngka bul ah a din reng avang Chuan ka va melh zeuh a
"I mu ve dawn lo ami,a tlai tawh hi??"
"I bul ah ka mu dawn"tih pahin a jacket hak lai chu hlip in arawn inthawlh ve nghal zat
"Tho rawh,,I bialnu ang mai a min treat hi bansan rawh bialnu nei reng a"
"Bialnu ka neih pawh ka hrelo"tih pahin a mit a chhing zui a
"Uiii,,,,bialnu inei lo maw,,tho vat la ani mai"
"Neilo,,, Chuan ka mut a chhuak"ati zawm zat a
"Tho rawh nute-i te anlo kal ang"
"A ninawm,,Tun ang hun ah tumah anlo kal lo ang,, Chuan bialnu ka neilo"atih chhunzawm zat a
"Kelly kha a bialnu ani reng sia"tiin ka phun bul bul a
Min duhloh thu kha a sawi sia,tun ah a bialnu ang hrim in min buaipui in min ngaihsak leh bawk si,enge maw a hriat ni?!!
"Min rawn khawih tum miah suh"ka la ti hram Dam tha ila chu khum atang hian ka nem thla daih ang mawle,tun ah chuan a duh duh in a awm mai angai engmah ka ti thei silo
Mahse hetia ka bul hnai a a mut tak ah chuan eng emaw awm nawm deuhna ka nei tlat,a muhil hmel ringawt pawh chu tlaivar a en tham aniang,tinge ka awm dan hi?!!!ahma zawng pawn kan inhmu fo a tiang hian ka awm ngailo
Ka ban tur ut ut avang chuan ka muhil theilo, damdawi kha ka eilo tih ka hrechhuak thut,mahni in ka tho thei lawk lo lehnghal
Pawng-a lah chu a muhil hmak bawk sia"engtin nge ni ang aw??"
"Mamawh I nei ami"arawn tih thut Chuan ka phu lutuk
ka ban ka chet dawt bawk nen a na zual emaw tih mai tur ani,ka mittui atling nghal pam a
"Ih,,ka ban hi ana lutuk a"tah aw tiau a ka tih chuan arawn tho kang vat a
"Khawi ah nge damdawi kha?"
"He lai dawhkan ah hian a awm"ka hnuk ulh tawh bawk nen min ngaihsak tih ka hriat phei Chuan ka inhnit hlawp hlawp tawh
Zah pawh ka dawn tawhlo kan pahnih chauh in kan awm tho alawm le, damdawi chu la in tui nen Chuan min pe a,ka damdawi ei te chu a sak tulh mai
"Ala na viau ami?"atih tak ah phei chuan ka insum hman tawhlo,aw rawl chhuah meuh Chuan ka tap ta hawm hawm mai
Ani lah tih ngaihna hrelo hmel zet chuan ngawi rengin min en a,kei ka tap bawk tun a kan awm dan ah hi Chu nursery school a a lut rual awm tak kan ni
"Tereuhte,tap tawhlo la,,enge I duh?enge ka tihsak ang che?"ka tah reng avang chuan ati ta ringawt
Tap lai chu nilo ila Chuan ka nui vak vak thei ang,inthlem a va han thiamlo lulai tak,ka ban na azia deuh chuan kan mu leh a
Zan dar 12 rik dawn ah pawh chuan ka la meng ker mai ka la inhnit deuh faih faih a, Pawng-a erawh amuhil leh daih tawh aniang
"A hmel chu chik fahran hian ka en a, hetiang em em hian alo hmeltha ani tih pawh ka hrelo,misual leh chimawm zet ang a ka bul a a awm thin vang te pawh aniang
"Min en reng lo khan muhil rawh"mit chhing reng chung a atih Chuan rang tawkin mit Ka chhing nghal
Khum nghawr Che deuh avang chuan anui tih ka hre thei,meng dere chung a ka en chuan khabe dawm meuhin minlo en anihchu
"Uii ka nu!!!ih I muhil amaw ka tia"
"Engtin nge ka muthilh theih ang,min en reng tu awm te chuan"ati sep a
"Ka en tawh miahlo che ania aw"ka tih chuan a nui suk a
"Heta ka riak chu a fuh hle mai,nilo se chu I ban na vang khan tun ah pawh ila tap in ka ring"nui tut tut a atih Chuan ka lo ner nang a
Ka hmui a rawn fawh zeuh pahin"mu tawh rawh le"atih chhunzawm zat a
"Tikhan ti tawh suh"vin tawk a tih pah Chuan ka kut dam lam zawk chuan a awm ah ka chum nghek a
"A thleng fo dawn Tereuhte"ti pahin a muhil leh nghal daih a
"Ka inveng tlat dawn"ti Chungin ka awmdan chu ka siam rem deuh a,Reilote ah keipawh chu ka muhil ve nghal vat
Zing dar 5 vel a ka harh Hlawl a,nizan ka mu har bawk si nen ka mit ala thip thum mai,ka ban dam lam bawk chuan zik mar tumin ka phar vak a
"Good morning"khabe dawm meuh a min en chung a a lo tih avangin ka harh nghal kawk mai
"Morning le"ka ti ve mai a
"A la hma,mu leh rawh"A sana bun lai en pah chuan ati a
"Nang??"ka tih avang chuan ka chal ah arawn fawp zeuh a
"Ka walk dawn,ka rawn haw har lo ang"tiin a chhuak zui a
A chhuak chiah chu ka ruak huai in ka hria, tawngkam te chuan hnar ve Mahila ka lo duh tawh lutuk ani tih ka hre ve chiah
A kal dawn a ka chal a fawh na te chu ka khawih leh vel a ka lai Hnuhnawh leh hunlo tawkin,mut leh nan Chuan a laklawh em avangin ka tho tuih tuih a
Ka ban pawh tlemin a zia ve deuh e,ke lam dam na na na chu inhnuai ah ka chhuk thla a,u Dennis-i rawngbawl chu wish in,minlo wish let pah chuan coffee minlo pe a
Dar 6 pelh hret ah chuan midang pawh anlo tho hlawm a ka ban chu ala na em tih min zawt thliah thliah bawk,,nizan ah keimah vangin hospital te kan kal leh sia an mu rei ve deuh ,inthlahrun awm duh tawp
Dar 6:10 vel ah Pawng-a pawh alo thleng a,choka ka awm min hmuh Chuan min ko a,min koh dan hi chu ka lawm lo ve thin,mahse ka sawi buai peihlo a sim dawn chuanglo
"Room ah awm ta che"min en kar a chung a atih chuan ner suk in
"Aaa,,a hreawm duh dawn em mai room ah mahni chauh a awm te chu"ka tih chuan chik fe hian min en a, keipawn chutiang tho in
A tlan na a a thlan tla vang a ataksa huh chep te chuan ati pa ngawih ngawih hi ani mai,engtin nge hetiang a a lan that tak viau theih le?!!nge ka mit diklo zawk?
"I hria em ka sawi chu?"tih pahin ka chal ah a rawn tuk lawlh a
"A naaaa,,ka hre reng"vin tawk a ti in ka chal chu ka dawm a, athusawi pakhat mah ka hre tawp silo
"I hriat chuan min zui chho rawh"tiin inchung lam ah chuan a chho daih a
"Ninawm,,"ti bul bul Chung in ka zui chho a
Pawng-a'n college kal a phal loh avangin in ah ka awm a,a hreawm zia mai chu,u Dennis-i awm mahse min awmpui in min titi pui reng hman bik silo, hilly a school daih bawk si
Nute-i leh pate-a te hlau lo ila chu Pawng-a thu ang mai mai a awmlo in college ka kal daih ang mawle, Jason leh Dave pawh an ngaihawm,ni hnih ngawt chu in ah ka awm tawh ka ban chu dam har riau te hian ka hria
Common room ah Chuan popcorn ei pahin movie ka en a,u Dennis-i'n bazar lawk a ngaih thu a sawi chuan inti dam fahran in kal ve ka dil a,a phallo nasa mai
Tum bur in couch ah bawk chuan ka thu leh a,u Dennis-i a chhuah phei chuan inchhung a zau bawk nen a hlauhawm lek lek ani
Door bell rik avang chuan hmanhmawh zet a tlan phei in ka hawng a ka rinloh deuh a Gabriel-a ka hmuh Chuan ka ding ngawi reng ringawt
Ka hmuh avang hian ka lawmlo pawh anilo,mahse kha kan boruak vel a vang khan ka hmu hreh deuh tlat,bak ah Pawng-a nen an in ngeih theih nan chuan a bul a awm tam loh hi atha ber
"Ka lo lut thei angem?" Ngawi reng a ka din avang chuan arawn ti a
"Aah,,aw tehreng lut rawh"
"Kha vang kha animaw college I kal loh?"tih pahin ka ban awrh chu arawn kawk a
"Umm,, bathroom ah ka tlu a"ka tih chuan a bu nghauh a
Sawi tur avang tan riau mai,u Dennis-i pawh hi alo haw har e,tu emaw tal lo haw se a zia deuh ang ka ti rilru mawlh mawlh a
Mahse alo kal hrim hrim pawh hi mahni chauh a awm ai chuan azia deuh,
"I duh ve em?"popcorn chu alam ah ka keng kang a
"Aih duhlo ee,ka lawm ee"polite tawk chuan ati a
Sawi tur a van ve tho nge ni Ka movie en lai chu a en ve tawp a,a chang in keimah min en leh zeuh thin, movie erawh hmuhnawm atih ka ring chiahlo
"Enge inlo tih a?"
Aw ka hriat rual Chuan ka tho nghal vat a, Pawng-a a chuan hnung lam alo ding reng in thinrim tih hriat zet chuan Gabriel-a nen min en tawn zak zak a
"Movie kan lo en mai mai a"ka tih chuan a che hrut a
"Minlo phone mai ta che"tih pahin ama lam ah kal tur chuan min hui a, Gabriel-a a awm ve reng avang in ka pan lawk ngam biklo
Gabriel-a pawh ngawi rengin arawn tho kang a, Pawng-a erawh chuan alo melh no lemlo khawp mai,anla in ngeihlo tihna aniang a
"Kat kan inhmu leh dawn nia"atih rual Chuan Pawng-a'n Chu a rawn kal a ka kawng ah kuahin alam ah min pawt hnai Kher a
A tih dan teh thut chu mak ka tih avang in amah chu ka han en deuh haw a,min en ve duh miahlo lehnghal,a rim tui tak te chuan hnar averh ngawih ngawih hi a Ni mai
Gabriel-a pawh a meng dur tan deuh a ka hriat avangin buaina a thlen loh nan tiin movie en ho vek tur Chuan ka sawm a,ka sawm thlawn chiang a sin aw
Ka sawi kha hrelo ang maiin an in en renga, tih ngaihna ka hre silo,u Dennis-i alo la haw bawk silo a
"Movie min en pui duhloh Chuan in bul ah ka awm peih biklo"ti vin hlar pahin inchung ah ka chho daih a
Gabriel-a awm lai a kal daih chu adiklo tih ka hria a,mahse tih ngaihna ka hre thlawt lo ani,nakin ah Ngaihdam ka dil mai ang,Room ka luh rual chuan"engtin nge inlo awm?"rawn ti tu avang chuan ka hawi let vat a
"Engtin mah kan awmlo,alo kal a chu zawng chu"ka ti sam et a
"Tinge Nangmah in ilo awm reng reng,khawi ah nge Dennis?"zawhna chik chikim lutuk a min zawh hi ka ning
"A bazar,,kal ve a phal lo a keimah a ka awm mai loh te chuan"ka ti ve ngat a
"Umm a that chu,I kal ve kha atullo damlo inih kha"atih chuan ka melh rum nghal zat
"Nangpawh chu lehh,,ka dam reng keimah chauh in ka awm a a zau si a hreawm zia pawh inhre lo"ka tawng zawng chuan ka mittui a lo hnam hman
"Anih chuan keimah nen kan awm dawn nia,hreawm itih chuan minlo phone mai tur che alawm"rawn kal phei in ka ban tih nat hlau deuh si in min rawn kuah a
Hetia min kuah hian ka thlamuang ta riau in ka hria,mahse mi ti pangchang dawn tlat,hepa hi heti khawp hian ka duh ang tih pawh ka ringlo zawk
"Mahse college ban pawh a la hunlo ropui sia!!"
"Nia mahse ka rawn haw chu anih hi nangmah vangin"ka chal ah arawn fawp zeuh a
"Keimah vangin maw?!!!"mak ka tih vang in ka zawt nawn leh ngat a
A lu a bu nghauh a,ka lo nuih ver ver aniang"Naupang.."ti sup in ka hmui ah arawn fawp zeuh Ka lo lai chhe leh der tawh,room atang a min kuah chhuak in a room ah min hruai phei a
"Enge kan tih dawn a?"
"Movie en kha I duh ani lawm ni?"
"Umm, Nagmah ni vangin ka en lai pawh ka kalsan daih phah"ka thusawi vang chuan anui suk a
"Hetah hian en mai rawh"tih pahin dawhkan a a laptop dah chu min pe a,
Khum ah chuan thu in amah chu ka ngheng ar ar a,ka inti Lal tawp, Engmah a sawi sel chuanglo movie tawp hma chu ka duh dan takin ka awm char char dawn hi a ni tawp mai ani
Ka en zo chu,biak ka tum Chuan alo muhil daih anihchu mawle,min en pui ve char char amaw ka tia lungawi lo deuh chuan ka kai tho a
Ka biang piai pah a sorry atih chuan ka lo teu leh hlar tawh,biang pai hi chu ana ve thlawt alawm, nute-i leh midang anlo luh leh thut ka hlauh avang in engmah sawilo chuan ka chhuak a
A tuk leh ah chuan college kal ka ngen tlat avang in an phal ve hram a,in a mahni a awm chu a hreawm em mai u Dennis-i hi engtin nge maw a awm theih zawk Ni?!!
Pawng-a rual in ka kal leh tawh, college kan thlen Chuan dim tawkin min hlang thla a,ka lo nuih sen sen ringawt chu ka biang ah arawn fawp zeuh a
"College anih hi"ka tih chuan anui suk duh chauh
Gate a tang a hla vaklo ah Jason leh Dave te ka va hmuh chuan Pawng-a chu bye in ka kalsan nghal daih a,kan inhmu chu ka chawlh chhan min lo zawt cham chi a
Rei tawk ka insawi fiah hnu Chuan class lam pan in kan kal a,ka ban vang chuan min dim dun tawp ka vei lam leh ding lam chuan min han guard ngei ah,thian fel tak chu anni chiang alawm
Chhun thil ei hun thleng pawn Pawng-a ka hmu leh tawh miahlo,ka ngai takzet min rawn hmuh pawh atum lo aniang"haw hun Chu a chaklo viau ang"ti a ka hawi kual pah in ka thil hmuh chuan min ti na lutuk takzet
Ka awmna piah hla lo te ah chuan Kelly in Pawng-a fawp chung a bang phen a apawt lut lai chu ka va hmu hman hram anihkha,ka thin zawn hi arawn thip veng veng thei
Ka hmu sual ka tih dawn chuan a chiang em em bawk si,va en that leh ngat ania ka duh ni,mahse ka taksa zawi ta lutuk leh nat belh ka hlauh avang in ka ding khawng reng ringawt
"I tha tiraw..?"rawn ti tu ka hma a rawn ding zui zat chu mittui tling pam in ka en a
"Gabriel,,"ka ti thei tawk
Engmah sawi tawhlo chuan ka inher vut a,class pawh chhunzawm tawhlo in ka ban chhuanlam chuan ka haw ta daih a
_______________________________________
Haris POV
Ka room a chhuahsan tuk atang chuan min peh hel dan ringawt a ngaihtuah a,ka rualin college a kal duhlo a ahaw duh bawk lo,a chhan awm ang pawh ka hria
Hetia min peh hel avang hian ka thinrim tlat zel,ka hmuh tam loh mai bak ah, Gabriel-a bul ah a awm ang tih ka hlau ani ber mai tiang a awm hi ka tumlo,ka tumloh lam atangin ka lo awm reng tawh zawk chu anih hi
Ka awmdan chu a chang chuan keimah ngei pawn ka hrethiam lo thin,ka hmuh loh hlek pawhin ka ngai ngawih ngawih tawh
Gabriel-a hi ka haw em em lo,mahse Tereuhte-i bul hnai a a awm erawh ka duh vaklo thung,a chhan pawh alo duh ve vang ania
Tereuhte-i lahin a ban ati na leh bawk sia, college a a kal phal lo in in ah awm tur in ka ti a,ka nu leh pa te pawn ka thusawi chu min pawmpui avangin min hnial ta lo kha ania
College ah pawh amah ka ngaihtuah avang in ka ngaih tha lo chuan ban nan darkar 3 ngawt ala awm tih in ka haw a
Inchhung ka luh rual common room ah Gabriel-a lo thu ve ka hmuh chuan ka thik leh ringawt tawh, Tereuhte-i erawh Chuan movie alo en a
Ka tum em em pawh nilo chuan Gabriel-a nen kan in en deuh run a, Tereuhte-i kawng a ka kuah avang chuan insum tih hriat tak a a kut ahum ruh chu ka hmu reng
Mahse chu chuan min ti nui suk thung,phun bul bul chung a room ah min chhohsan daih avang in Gabriel-a pawh ngaihtuah lem lo chuan ka zui chho ve nghal a
A room a a awm thleng pawn ala phun nia, Naupang tak hi chu!ka room ah hruai in laptop ah a movie en lai a kalsan daih chu ka en tir a,minla ngheng ar ar zui
A popcorn ei lai lak sak tur in ka chhuk thla a, Dennis-i pawh alo awm leh der tawh a,min hmuh chuan anui suk ringawt,eng a hria chu nimaw?!!
"Gabriel-a kha?"
"Aw,,a chhuak tur nen kan intawk a"atih Chuan bu nghut in popcorn la chuan ka chho leh nghal a
A movie en chhung zawng chuan ka lo muhil a,nizan ah a ban nat vangin ka mu miahlo kha ania,mahse a mut ka duh avang in muhil ang deuhin ka awm anihkha
Chuti nilo a ka men pui reng chuan a harh tulh tulh mai dawn sia,tlem tal a mut kha atha bawk nen a ban tur nat deuh vang a a awm dan te chu ka hre reng hetiang a awm hian na ka lo ti ve tlat
Tawrhchhel zir na ani mai tiin ka ngaihsak duhlo lui a,a hreawm zia kha theih chu nise a nat ai zawng zawng nat pawh pawi ka tilo,a muthilh ve tawh hnu chuan meng in ka en reng a
A ban na leh thut thin vang nge a muthilh lai te chuan a ner sak zel,a hmui ah chuan fawp zeuh in a rawn nat leh tak thut in tih thil thu ah ka meng reng a,ka veng anih ber chu
"Hey harh teh min en pui char char amaw ka tia!!"
Ka meng Chu tum bur in minlo en a,nizan ka meng tlaivar tih hria se chu atum miahlo ang mawle,nui sukin ka thu tha sauh a
"Sorry..."tih pahin ka piai zeuh a,ala duhlo em em zui
Midang lo kal hma in ka chhuak dawn nia ti ni awm ang hrim in a tho thurh a,engmah sawilo in laptop chu a kut khat a keng in dawhkan ah adah a,a chhuak zui nghal daih bawk
Bathroom ah Inbual tur in ka lut a,ka Inbual lai te Chuan a bul a ka awm dan te chu ka ngaihtuah a,keipawh a mah ang mai a Naupang chhia in ka awm tan tih ka hriat chuan ka nui suk a
College kal ve angen tlat avangin ka phal ve hram a,kan thleng chu ka hlan thlak lai a minlo nuih sen sen avangin a biang ah ka fawp zeuh a
Bike ka hun that chhung in athiante pahnih bul ah chuan minlo tlansan daih a,um zui ta lem lo chuan muang chang in bike ngheng chuan ka thu a
"Vawiin chu anlo kal har riau mai"ka tih rual in Tim leh John an rawn lang nghal zat a
Eng vak sawilo chuan kan inzui lut a hman ni atang khan Gabriel-a nen kan inkar a zau hlek avangin kan bul ah a awm tlem sawt,mahse kan ngaihsak reng tho
A thiante bul a min tlansan hnu atangin ka la hmu leh miahlo,a ban ati na nge,,a thiante bul ah kei min theihnghilh thak in a awm zawk?
Ban thleng pawh a ka hmuh tak siloh avang chuan ka ngaih atha thei tawhlo,ka call lah in a ring ral thak zel sia,khawi lai ah emaw a ban ti na in alo awm reng pawh ani thei
Ka ngaihtuah na avang chuan ka thinrim ringawt"khawi ah nge I awm?"tiin ka bike seat chu ka hnek dawt a
Midang zawng zawng haw hnu pawh chuan bike ah thu in ka la awm reng a,a mah a ahaw ka rin loh avangin ka la nghak lui hram,,college chhung a zawn ka rilruk rum rum tawh
Bike atang a ka chhuk chiah tih in ka phone chu arawn vibrate a, Tereuhte-i anih ring lutuk chuan ka la nghal vat
"Haris my boy,,tinge iva lo haw har bik ve?!!"ka nu ani
"Tereuhte-i,,nilo ka sawi awmzia chu Kat alo haw tawh em?"
"Aw haw daih tawh e,, Dennis-i sawi dan chuan chhun ah a ban nawm loh vangin alo haw atia,,tinge I van ngaihtuah lo ve?!"ati zui zat bawk
"Ka rawn haw ang"ka sawi zawh rual Chuan ka off zui nghal a
"Hrep tak chuan Tereuhte, nangmah vangin he lai hmun ah hian rei tak ka awm phah I ban a nat chuan min hrilh tur ini asin"
Bike ah chuan chuang in hmanhmawh deuh chuan ka tlan chhuak nghal a"I insawi fiah ngei chu angai ang"tiin ka khalh chak sauh a
______________________________________
Gabriel POV
Ka khum ah chuan mu in Kat in library atang a min chhuahsan lai mawlh kha ka ngaihtuah,ka awmdan kha ka sawi fiah thiam phak bak ani mal ngawih ngawih in ka inhria
A vawikhat nan hmeichhia ka nun ah ka seng lut ve a midang ta ni ringawt tur Chuan ka phal lo Haris hian a duh tih ka hria,mahse chumi avang Chuan ka bansan ringawt thei biklo
"Hey cutie,,I u hi I puih a ngai ania"tiin ka farnu Dorothy thlalak chu en in ka muhil a
Thil thlen ni atang in Kat Chuan min hel nimai in ka hria, college a kan Inhmuh pawn biak pawh ka be hmanlo,a biruk loh leh chhuanlam siam in min kalsan daih zel a
Ni hnih ngawt chu college alo kal tawhlo,ka ngaih a tha chiahlo, Haris nen kan boruak ni deuh churh vangin ka zawt duh chiahlo bawk nen class off a hmu tur in an in lam ka pan a
Kalkawng ah te Chuan ka inngaihtuah nasa lutuk a ka bike khalh pawh ka rilru ah a awmlo, Kat hi thian ang in awm pui dawn ila aduh zawk dawn tih ka hria,mahse keimah hian ka theih ka inring lo
He hmeichhia hian min ti chaklo vek tawh hmeichhe danglam tak ani ka tih tawh kha, reilote chhung in ka nun ah thuk tak thleng hmun alo luah tawh chu anih hi
An in a ka kal chuan amah chauh in alo awm a,aban ati na tih hriat tak in alo awrh bawk a college kal loh chhan chu ani ngei ang
Nidang ang lo takin kan inbe tam lo khawp mai,sawi tur a vang lutuk a a mah chu ka va en leh zeuh ringawt thin rinloh deuh in Haris arawn lut hlawl a,a mitmeng atang hian min hmu hi alawm chiahlo tih ka hai lo
Kat hnaih a kal in a kawng a akuah phei chuan ka thik takzet,ka ti lang duh chiahlo na in ka mitmeng leh ka kut hum ruh tung atang hian ahriat tho ang
Inchung a a chhoh tak hnu Chuan Haris pawhin min be lem lo in a zui chho ve nghal a,ka chhuak zui ve nghal vat bawk,kawt ah an nula Dennis-i nen kan in tawk a
"I lo kal ani maw?"atih chuan bu nghut in bike lam pan chuan ka kal nghal,zan ah pawh chuan Haris an akawng a kuah lai ringawt chu ka rilru ah a awm
Vawiin chu Kat pawh college a rawn kal ve leh tawh,chhun thil ei hun vel bawr ah kawt a min hnung chhawn zawng a ading ka hmuh chuan ka pan vat a
A tap tih ka hriat tak ah chuan athat leh that loh ka zawt vat a,mahse ka hming lam in engmah sawi tawhlo Chuan min kalsan ta daih a,um zui ka tum viau na a,mahse tun ang ah kha Chuan mahni chauh a awm aduh ka ring
A mittui tla te kha hruk hul sak a,tih hlim theih ka chak takzet ani,,In ka thlen Chuan ka chhungte min biak na pawh chhang lo in room ah ka kal lut tlang nghal a
"Kat Haris hi I duhlo tih min hrilh rawh,, vawiin khan amah vang in ami i tah?"beidawng tak a tiin khum ah chuan ka let tawp a
Ka phone ri ral ral vang chuan phur lo fahran in ka ip te atang chuan ka phawrh a number ka save zing ami anih loh avangin ka off zui a
Vawi eng emaw zat arawn call leh avang chuan ning deuh chungin ka chhang a
"Neih I duh chuan min thawh pui rawh"hmeichhe aw in arawn tih ringawt avangin a ngihna hrelo deuh chuan number chu ka en tha leh ngat a
"Tunge inih a,enge I sawi awmzia hi ka hrelo"
"Katlyn,,ka sawi awmzia chu Kat kha I duh a Haris ai a neih I duh chuan min thawh pui rawh"arwn ti leh ngat
"Gabriel I hmeichhe duh ngawih ngawih nei tur in ka pui ang che"
Ni e Kat hi ka duh,ka duh ngawih ngawih,ka ta Ni Tur in ka duh ani....................
______________________________________
##POV zing lutuk hian story hi ati boring thin em?a kal chak lutuk mah mah inti em?nge a chip chiar lutuk a a ninawm lek lek zawk?
click kha aw 
##
*********
##
Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
chuta kar ah hmanhmawh lutuk in ka type chawp leh sia spelling kha maksak deuh te pawh alo awm anihchuan hriatthiam na ka dil aw 
##
ka hmanhmawh tawh bawk sia spelling kha baw raw deuh alo awm leh mai thei ka en let hman tawhlo min hrethiam ru
Naktuk hi ka birthday ania lawm ve Kan nia tum bawk sia ka rawn dah hmanlo mai thei aw,dah hman mai thei bawk