SELFISH LOVE by Amy Cck (Completed)

[Ngaia]

CHAPTER - 43 by Amy Cck




" Ka makeup hi a chhia em? Ka zam lutuk a ka thlan vek in ka hria. " Tei chuan motor a kan thu chu a rawn ti a. Vawi engzat nge chu thu chu a sawi pawh ka hre seng tawh lo.




" A tha vek, rehearsal in neih ngun nen i van zam ve a. " Ka ti ta ngawt. Kei erawh ka chet sual vang khan vawi khat chiah rehearsal naah pawh ka tel a. Ka dam sam si lo a thian dang hmang mai rawh ka tiin a ti tau zel bawk nen. Ka hun tawn in zir lo hle mahse ka thian neih chhun ve tak meuh a ni bawk nen ka hnial hneh ta lo chu a ni phawt a.





" Nei ngun tho a mahse rehearsal ah te chuan mipui an awm hlei nem. Pastor a ni mai a, chu pawh chu a hman lai kan nan fuh leh fuh loh a nia. Andrew nen chauh ten kan va ti chhin thin. Tunah te chu biakin khatin an awm dawn a, ka zam lutuk hi ka hah vek. " A rawn ti zui hlak hlak a. Ka thiannu mizia a nia ka nui liam ringawt.





Hmeichhe harhvang leh thawveng zet ni mahse hlauthawng hma chi a ni tel bawk a. Tunah hian pangai deuh in awm se chuan mak ka ti zawk ngawt ang.




" A nih... I ke chu a na viau em?" A rawn Ti leh sep.



" Na e.... " Fiamthu in ka lo ti vin hlar a. Ka ke a ulh bakah ka kawng ka herh kha a nia. Kar khat chhung hian ka dam fel hman a ring reng reng zawk e maw ni.





" Pheikhawk sang kha bun loh mai tur che a nia. " A rawn ti hmak a nih chu. Ka natna hi a hre duh thlawt lo.





" Mo thian a tan ve dawn a a hniam bun te chu ka duh bik in i ring a mi? In khawm chhung chiah chu ka thei mai ang. Min ti kher lo la chuan midang pawh i zawng hman reng sia. " Ka ti let ve nghal vak a. Kar khat chhung khan midang zawng turin ka tia mahse a duh lo bur kha a nia. Chuti khawp a min duh te chu tiin kan he ti ta reng bawk a.





" Ngawi mai mai rawh, a nih tur ang a ni vek tawh! " A la ti sam et zui.




" Pastor hmaah i in chhui khut mai a nga. " Ka tih rual in min tin nghal uai. Kan nuih dun hak hak laiin biakin kawt kan thleng ta der a. Motor atang a chhuak in Tei mokawr puk tha zet chu ka siam pui mawlh mawlh a. Kei erawh a puk lo chi ha ka nih vangin ka buai lem lo. Ka ke rek erawh a nuam viau lo. Min kalh deuh ralh ralh a, chu erawh a ruk a tuar chi.





" I kawr chu kan van thlang fuh tak, kei hi chu kan hre chiang che maw le. " Tiin nui ver ver in min en a. Ka kawr pawh hi a lo thlan lawk vek tawh kha a nia. Tun tum chu dinhmun in a zir lo bawk nen min phuah chawp vel vek hi a ni mai.





Biakin puiah lut mai lo chuan hall ah kan in tawi hrat a. Pawn lamah inkhawmna a tel tur pawn an ri nak nak a. Zorinpuia pawh a awm ngei dawn a. Zorinpuia ka ngaihtuah rual chuan naute ka hre chhuak zui a ka tawt zui tun mai.





Mama chuan ' nau i chhiat hi ka duh bik lo, naute kha la awm se chuan Zorina nen pawh in kawp leh u la pawi ka ti lo. Mahse in inkar a tawp tawh in ti bawk a naute awm ta lo chu Pathian remruat zawkah ngai mai rawh. ' min ti a. Engmah ka sawi lo a. Mama chuan Zorina a dem ti tih a mahse tun tum chuan Zorina huatna ka nei miah lo.





Ka na lo ka tihna ni lo naute chungah kher kha chuan ka haw thei lo. A thiam loh bik a ni lo tih pawh ka hria, Zorina thiam lo a nih chuan kei pawn thiam lohna ka nei ve tho tihna a nia. A fa ka pai tih a hriat rual in naute chu a awm lo nghal a. Kha mi zan kan in a a rawn kal khan a inthiam loh zia pawh ka hmuh hmaih lo. Kei mah ang chiah in a tuar ve tih pawh ka hre thei.





" Ka tihpalh. " A mit meng thuk ruih a min melh in a sawi a. Thu mal tawi te mah nise a thinglung tak a sawi a ni tih pawh ka hre thei. Mahse tihpalh tih thu mal hian engmah a siam tha thei si lo a. Mama sawi ang tak in Pathian in kan tan a a ruat loh tlat chuan engti kawng pawn bei mah i la awm zia a awm lo tih ka pawm nghet tawh.





Ka nun a a vawi khat na atan mo thian a ka tang a. Chu tah ka la in puah chah lo em em zui a. Pastor hmaah chuan kan thu tlar a. Tei leh Andrew che vel chu uluk tak in ka lo en a. Chhungkaw hlim tak ni tur in ka rilru in Pathian hnenah ka dil sak mawlh mawlh a. A bik tak in ka thiannu tan tawrh chhelna ka dil sak a. Brandon atan nu tha tak a nih thei nan leh buaina a tawh chang pawh a rilru fim tak a put thei nan.





Hriatpuituah hming kan ziak a. Mipui lam ka hawi chiah chu ka khawng at. Mipa lam chhungte thutna hnung lamah Zorinpuia lo thu ve nen chuan kan in melh chiang ngang mai. Rei erawh kan in en lo kan dinna atang chuan kan chhuk thla leh vat a. Ka kawng leh ke rek la dam chiang lo nen a ruk in ka ner leh sak thin.





Inkhawm kan zo a. Biakin kawtah thla kan la a, dan khatna tih takah mi an tam bawk nen thla lak chhung pawh rei tak a ni. Taksa chak loh lai a ni bawk nen ka ning ru viau tawh. Monu lam thla kan la zo a, mopa lam in kan la leh a. Thlalak dan in dawt a puangtu in " Zothantluanga te chhung. " Ti a a rawn puan chuan ka thin a phu rang nghal dawt dawt a.

IMG_21092021_204549_(400_x_500_pixel).jpg


Mipui kar atang in Papuia leh ka pi an rawn chhuak a. Nitei te chhung pawh an bet ve nghal a nih hmel. An nupa leh a fate nen an rawn kal a. Zorinpuia pawh a rawn lang ve chiang ngei mai. Kamis dum ha in a chungah coat dum dak zuih a ha leh a. A pian rem zuih in smart zet chuan a in thuam a. A bawp sei leh hrawl zet a kan lam a rawn lam chu hmuh loh pawh tum i la a theih loh hi a ni tawp.





" A tawp a tawpah chuan... " In kan thleng in thlak tur a room a kan luh rual in ka ti halh a. Ka pheikhawk ka phelh zui nghal vat. Lawi kawr kan ha zui mawlh mawlh a. Kan ri nak nak hlawm leh nghal. Thil mak leh awiawm loh zet chu Sawmi kha Tei te lam chhung angin a rawn tel ve a nih chu. Tei pawh an in chhung tih pawh a lo hre lo a. A hria te a zawh chuan cousin in hnaih tawh lo chin an ni awm a.





Zan lamah after party an buatsaih a, Sangkima an tiin ka hria a host tu. Boruak a vaw hawt thiam Mama pawh a phe ve zak zak mai vawin chu. Hunserh zual pui vel kan hman zawh a, tih tur kan tih zawh meuh chuan a tlai kuar thei.






" U.... Kan haw phei ve tawh dawn a mi? " Maman a rawn tih chuan ka lo pawm khawp mai. Andrew ten riak turin min ti nasa viau leh nghal.





" Khual khua atanga pasal nei te chu mo a zah loh nan a thian in a riah pui thin a lawm. " Teiin a tih chuan ka ner nasa ngang mai.





" Nang chu i tlangnel tawh tho a riah chuan a mah a zak lutuk palh ang. " Maman a ti fiam a, a lawm lo ngang mai. Midang kan tawng hria chuan an lo nuih dar dar a, ka thian chu a zak leh si a a sen awp awp mai.





" Ka han in thlak lawk ang. " Tiin inchungah ka chho a. Andrew te room ah ka lut tlang nghal tawp. Thuam chhawm leh Tei bungrua lo in tlar ve thep ka hmuh chuan ka nui sak. Rin loh deuh a pasal nei thut a nia, a mah pawm mak a tia a nui leh tawp zel.






" Naktuk chu lo phei ka tum a nga mahse ka rawn hma ..... " Ka tawng tawp chat. Tei emaw rawn lut ka ti kha kawngka bulah Zorinpuia chu a lo ding reng a. A coat leh tie a lo phelh tawh a. Kamis dum leh kekawr dum dak thluk a ha a. A mit meng chu a thim khup a. Ni lo... A mit meng mai ni lo a hmel pawh chu a thim khup.





" Enge hetah i rawh tih. " Ka ti sep. Biakin a thla kan lak tih loh kha chu ka hmu leh tawh miah lo kha a nia. A rawn lang thut chu min thawng lek lek.





" I tha ti raw? " A ti sup chu hrilhhai zet in ka melh ta reng. Tun a a lan dan hi a buai ru tak zet. Hetiang a hmel buai chuar leh zam hmel a put hi ka hre ngai lo.





" Tha e. " Ti tawi tak in khum chung a ka thawmhnaw vel chu ka khung mawlh mawlh a ka hnung lamah mipa thaw chhuak hawk chu ka hre nghal zat. Ka taksa chu a tang tung a, thil kal tawh ka ngaihtuah chhuak leh tur chu ka lu ka thing nak.





" Ka lo chhuak thei em? " Kawngka zawn tak a a ding ngur vang chuan ka ti sep a. Ka tha a, engmah dik lohna ka nei lo tih hriat tir tum in pangai tak chuan ka en a. Mahse ka kawchhung lam erawh chu a pik hluah hluah mai.






" Ka tihpalh. " Ka sawi hre lo ang mai chuan a ti zawi sup. Chhang lo chuan ka bag ka khaina kut chu ka hmer nghet vak thung.





" Zorin... " A din ngai a a din reng vang chuan ka ti sap.





" Kha tiang em em a tih nat che kha ka tum lo... " Sawi zo lo chuan a thaw chhuak hawk a. A rilru a buai hmel tak zet bawk. Nasa tak in a in thiam lo a mahse a sawi chhuak thiam lo ni mai zawk in ka hria.





" Nau i pai tih kha min hrilh la chuan tun din hmun hi kan thleng miah lo ang. " A ti chhuak hawk a. Thinrim a sawi a ni lo tih ka hria, a rilru na leh in thiam loh lutuk vang zawk in a sawi tih ka hria a kei pawn ka haw duh lo.





" Hrilh che kha ka tum a.... " Ka ti tiau. Ka tah chu a chhuak ru tun a ka mittui a hnai nghal kuar leh nghal.





" Ka hriat ve leh khan hrilh che ka tum a sin. Kha mi ni... Zingkar a i in a ka rawn kal ni khan hrilh che ka tum a mahse nang chuan hmeichhe dang i lo awm pui a. Chuan min huat zia i sawi bawk a nih kha. Kha tiang hnu a sawi leh tur chuan ka in phah hniam thei bik lo.





Ka thin a rim a, ka dik lo tih pawh ka hria a, I lak atangin zep hlen pawh ka tum phah a mahse hliam i tawrh khan ka rilru a buai a, ka in thiam lo a. Ni e... Damdawiin a ka rawn kal ni khan hrilh che la tum... Mahse... Mahse Zorin min ngaithla duh lo a nih kha.






A hmasa ang tho in kha hmeichhe dang hma em a sawi chhuak tur chuan ka thisen in a ngam lo. " Ka ti chhuak ta halh. Ka kut chu ka hum ruh ngawt ngawt a. Chutiang bawk in Zorinpuia pawh chu a in seh ruh tawlh tawlh mai.





" Kan pahnih hi chu awm dun tur a ruat kan ni lo a niang. Kan in kar ti tha ve tur a piangin min kal san zel a, a aia na zawkin min siam zel a, kan kawng ve ve zawh tawh ang. Kan in ti na tawn ve ve tih nang pawn I hria. Duh tawk ang. " Ka ti leh sep. Ka tawng chu a vin lo a, hrethiam ngei se tih pawh chu ka duh tak zet.





" U.... " Pawnah kawngka rawn kikin Mama chuan a rawn ti a ka thaw chhuak hak.





" Engtin nge na miah lo leh min haw miah lo ang khan i awm thei. " A rawn ti chhuak leh nghut. Pawn lamah maman min rawn ko leh nghal zat a ka chhuah tur thu in ka chhang let nghal vat.





" Ka nat loh hi i ring a mi? Zorin ka pum chhung a mi naute ka chan a nia. Ni e... Midang pawn an chan ve. Mahse kei chu hrisel loh vang leh loh h theih loh vang a ni lo a sin. Kha thil then hma kha chuan harsatna engmah a nei lo. Mahse thil kal tawh a nia, tih thei a awm tawh lo. " Ka ti let ta thung. Dam tak a ka bia hi kei pawn mak ka ti. Mahse a chhungril a na in a hlauthawng tih ka hria a tih nat belh ka hlau ni tak ber in ka hria.





" Ka hrethiam e. " Ti zawi sup in a tawlh sawn deuh a. A mit meng chu a zuai ruih a, a beidawng ve tak tak tawh a nih ka ring. Kawngka chu ka hawng a Mama Zorinpuia a hmuh rual chuan rawn luh a tum a a banah ka vuan ding chawt.





" Kal ang.. " Ka tih takah chuan min melh vung vung in a kal ta hram a. A tawp nan Zorina ka en leh chu a din ngaiin a lo la ding ngul thung.





" Engkim theihnghilh rawh tih che ka duh a mahse kei mah ang bawk in i thei dawn lo tih ka hria. Chuvang chuan thil thleng vang khan i nun tih chhiat phah suh, hma lam pan zel tur in ka duh sak che. " Tiin Mama kal na lamah chuan ka kal a. Kan haw meuh chuan a tlai ta khawp mai.





A ngaithla tur bulah ngei ka in sawi thawl tak vang nge ka hahdam huai in ka hre hial a. Mahse ka chhungril tak chu a na vawng vawng thung.





Nileng in ka natna thup in ka nuiin ka hlim der a, in ka thlen meuh chuan ka chau tak zet tawh. In ti faiin ka mu nghal hmak a, naktukah Tein kal leh turin min beisei ve bawk nen ka va lan ve leh ngei chu a ngai ang.

*

*

" Enge i hna chu a an? " Tei chuan min melh ralhin a rawn ti a, hun a liam ve zel a tunah chuan hna pawh ka tan ve tawh a. Ka tanna erawh a la rei lo thung.




" A hahdam phian. Kal leh hawna a hla tih mai loh chu. " Tiin ka nawn leh kher a, a bu ve nghal.




" Muanpuia rualin a mi i kal tak thin? " A rawn ti leh khauh mai.




" Ni deuh tho a mahse kal rual reng theih loh changte a awm a, bus a service tho a, a har lem lo." Ka ti chuan a thaw halh.




" Muanpuia hi ka ngaina tawh lo. " A ti hap.




" I ho e mai a, thian angin a lawm kan in en. " Ka ti thla ngawt.




" A en che pawh ka ring lo. Ka sawi kha Zorina bulah.... " A tih rual chuan ka melh rawm.





" A ti mai mai a niang. Ka bulah chuan engmah a sawi lo. Bakah enga rilru pawh pu se kei chuan thian angin ka en a, a ni pawh in a hre chiang a lawm. " Ka ti leh nghal a, awi chiah lo mit meng chuan min la melh leh hram.





" A nih Zorina hi kal san hlen i tum tak tak em ni. Ka rin aiin in reh rei daih. " A tih chuan a malah ka chum chawrh.





" Class an tan ve tawh a, kan inah a rawn lang ve nawlh zel. An College nen kan in hlat lo bawk a. A pa nen hian an in chhunfuh hi ka tia. " A tih leh zet zet chu " I sawi leh chuan ka theh chhuak ang che. " Ka ti ram hmak. Hmui ti pawrh tar in min melh ta nghek.





" Thla chu in in nei tling tawh a naute hmel lam hi.. " Ka ti chuan a thaw hak.





" Ka la pai thei lo. Ka in dang miah si lo a, a mak ka ti a nia. Kha nu lah kha Brandon a chhuan lam in a rawn lang leh nulh zel a. Andrew hian min duat viau lo phei se chuan ka thin hi a rim nasa thei ngawt ang. " A ti zui tan tan.





" A la hma a niang i pai vat mai ang. " Ka ti ve luam. Ka rilru erawh chuan a rilru hahna chu ka hre thiam. Zikpuii tlangnel zia hre tu kha ka ni ve miau a.





" In siam rawh chhuak rual ang. Dawrah kal a Brandon hruai ka ngai. " A rawn ti leh hlak.




" Ka hreh zia hi sakei puk a lut tur ang maiin ka in ngai. " Ka ti sep.




" Lungngai suh ka awm a lawm. " A tih chuan ka chhiat khum ka nghek.




Papuian Andrew leh Tei leh Brandon chaw eiah a sawm a. Ka hna ka zawm thar a lo hre ve bawk nen kan unau in min sawm bawk a. Mama erawh in a duh lo thu a sawi a. Kei pawn ka duh lo mahse saturday a nia, ka awl tih Papuian a hre bawk nen phat ngaihna a awm lo. Tei min rawn sawm phei rawh ka tih vangin an dawr a kal hmasa lo in a rawn kal a. Ti hian Andrew kan sawm a nga, Brandon school atanga hruaiin kan kal nghal dawn a nih hmel.





Ka in siam sawk sawk a, kan chhuak zui nghal a. Dawrah Andrew pawn min lo nghak reng tawh zawk. Rei min tih thu a lo sawi a, a nupui tawng duh vang tiin ka puh vek. An fapa kan lam phei a. Chaw hnu herah Papuia te in kan thleng a. Chaw ei khawm tih hi chuan nitei hi a in tat lut thei ziah a, nuih hi a ti zal thin.





Nurse ni mahse pasal a nei hnu in pa Pekan hna thawh a phal tawh lo a ni awm a. A fate in lamah a enkawl a nih ber chu.





Kan ti ti mawlh mawlh a. Ka pi pawh a rawn thu chhuak a mahse biak khat mah in kan in be lo. Rawng bawl a hun in Tei nen Mami kan pui a. Zorina hmuh ka hlauhthawn teh lul nen a awm lo hlauh a. Papuian a thiante nen thil tih khawm an nei tih a sawi a. Chaw pawh a rawn ei lo a, hmuh ka hreh bawk nen a awm lo chu ka lawm ru tak zet. Chutiang bawk in ka pi pawh a thawven hmel deuh.






Zan a tlai a, Brandona phei chu chhun lamah a in fiam chau nge papuia roomah Tein a va ti mu thlawt a. Puipuii erawh a la meng kar mai. Ka pi erawh a room lamah a mu tawh thung a. Andrew leh papuia leh nitei te an ti ti a lak lawh bawk nen kan leng rei hrep mai duh aiin.





" Kan haw phei tawh dawn em ni? " Nitein a tih takah chuan kan pawm tlang ta khawp mai. Tein Brandona va pawm tumin room lam a pan vat a. Kei mah ang thoin haw a duh tawh tih ka hria. Door bell riah chuan ka phu zawk mai. Ka hlauh ang ngeiin Zorina a rawn haw a nih ka ring.





Mami room atang a rawn chhuak mai bawk li nen hreh zet chuan ka tho a, kawngka hawng tur chuan ka kal nghal vat. Door bell lah chu a ri nawn sek leh nghal. Kawngka ka hawng chu pawn lam a Zorinpuia lo ding nen chuan kan in hma tawn nghal sak.





" Ka awi thei lo. " Ti sup in za lo zet in a nui a. A mit meng send ramah chuan a rui tih ka hre thei.





" Lo lut la. " Hrawk thian kharh a tiin in her ka tum chu ka banah vuan in min pawt let a, a taksaah chuan min kuah bet zui chawt.





" Ka â mai dawn in ka hria. " Ka nghawng zawnah chuan a rawn ti sup. Ka tal deuh a mahse min kuah bet tlat thung.





" Ka ngai lutuk che hi ka thi thei mai dawn. " A ti leh hluk a , ka nghawng chu a biang sa ham ham chuan a nawr zui tawk bawk.





" Zorinpui.. " Ka hnung lam atangin papuian a rawn tih chuan ka meng bial nghal kawk. Min kuah bet hneh bawk nen Papuia hmel erawh ka hmu thei lo thung.

[Ngaia]

CHAPTER - 44 by Amy Cck




* ZORINPUIA POV *




" Che suh! " Ka taksa a ka kuah beh mek taksa lian vak lo mahse lum nuam em em lawi si chu ka kuah nghet sauh. Ka pa erawh ka hma zawnah chu hrilhhai hmel zet chuan a ding a. Kei chuan ka hmu a mahse ka kuah beh mek erawh hi chuan a hmu thei lo thung.




" Min thlah rawh Papuian min hmuh chu... " Tiin tal chhuah tum chuan a bei ve ngar ngar a mahse thlah ka tum lo bur.




" Kal tir che chu ka tum ve mahse a harsa lutuk hi ka â mai dawn. " Ka nghawng zawnah chuan ka phun sup a. A taksa ka kuah chiah hian ka dam sawng sawng in ka hre hial bawk. Ka pa chu kan lam pan chuan a rawn pen phei pawk pawk a, nghet leh zual a a taksa kuah bet in " Eng thil mah sawi ve suh ang che. " Ka tih sup rual in ka kuahna chu ka thlah a, ka pa chuan ka kawrah rawn tham in min pawt hrang nghal nawk.





" Eng thil nge i tih kha? I rui a nih pawn i unaunu leh hmeichhe dang chu thliar hrang thiam rawh. " Ti vin hrawk in ka pa chuan sir lamah chuan min nem kat dawt dawt a. Ka lo rui ve deuh thi bakah ka pa a nia thinrim let ka tum hran lo. Duati ka va en chu hlauthawng lutuk in ka pa chu a rawn pan ve mek a, ka nuih suh mai. Zanin a ka thil tih vang hian min haw zual mai thei, mahse tih ngaihna dang ka hre tawh tlat lo.





" U... Enge ni rum rum a? " Nitei leh putea te pawh an rawn tlan khawm a, ka pa room atangin Tei pawh Brandon pawm chungin a rawn chhuak ve chiah bawk.





" Zorinpuia hian rui chungin mawi lo zet in a u lakah a lo khawsa a nih chu. Hrep chuan... " A ti leh hrawk a, midang ho chuan a ngaihna hre lo zet in min en hlawm a. Ka pa chuan kut min thlak mai hreh loh hmel tak in min melh ngur bawk.





" A nih hi ka u emaw ka farnu angin ka en ngai lo. " Ka pa mit a melh ve run in ka ti a, a thinrim zual sauh tih hriat zet in a beng te chu a pawng tawlh tawlh a. A mit meng pawh a dur khup mai.





" Zorinpui engmaw i sawi kha? " A rawn ti leh hrawk.




" Hmangaihzuali hi ka u a ni teh hrep lo. " Ka ti leh rual chuan kut min thlak tum in a ban chu a lek kang uai a mahse Hmangaihzuali chuan " papui..." Hlauthawng aw zet a tiin ka oa ban chu a a lo dawm beh sak vat a, ka nui suk mai. A mah vang hian ka pa thin ka ti rim fo tih hria se chuan nuam chu a ti bik vak lo ang. A chhan chu ka pa hian kut min thlak chu sawi loh tawngkam vin in min be ngai lo. A thil duh loh zawng ka tih pawn zai dam tak in min zilh a, ka tih sual leh a suh loh zawng thil ka tih chuan min hau lo in a zilh in min zilh thin. Chuvang chuan ka pa hi ka zah in a thu min hrilh tawh chu zawm loh pawh ka nei mang lo reng bawk.





" Ka hmangaih a lawm... " Ka ti zawi sup chu ka pa chuan mak min ti tih hriat ngawih ngawih in min melh a. A bul a hmeichhe ding erawh nuam lo tih hmel zet in a meng khup lap thung. Nakinah chuan ka lakah a lawm lo viau mai thei a, ka sawi chhuah leh vang hian min haw viau mai thei bawk.





" Eng... Engmaw i sawi kha? Nang hian Zualtei hi i lo ngaihmelh a maw? I nungchang hi siam that deuh chu i ngai a nih hi. Tlangval pawh ni tawh mah la ka la vaw hreh hauh lo che . " Ti a ka pa thinrim tawng lo chu kan in chhungah hian thawm dang a awm lo. Kawngka kan la khar loh miau vangin kawng kal thenkhat te pawh gate pawn an rawn hawi leh zawk zawk thin.





" U.... In chhungah sawi ang u, khawngka a in hawng huau sia a zahthlak e mai. In bengdai hram ru! " Ka ni chu engtik laiin nge kan bul a rawn thlen hman ka hre lo. Ka pa chu a rawn pawt hrang dawr dawr a. Putea chuan a rawn pan ve bawk a. Hmangaihzuali ka en chu hriatthiam harsa zet zet hian min lo en ve reng a.





" Rinpui lo kal rawh, Zualte kawngka kha rawn khar rawh aw. Ti nge i rui buai viau a i pa ang mai. " Ti hlak hlak in ka ni chuan ka banah min rawn vuan a ka thaw hawk. " Ka rui lo tlem chiah ka in. " Ka lo ti hluk chu ka banah min beng zui hlak in " I pa chhang tawh suh kei man ka vuak hma che hian. " Tiin min pawt nghal dawr dawr a. Nitei zui reng chung in hnung lam ka hawi let chu kawngka chu a lo khar fel ve mek thung.





" Eng thu maw I sawi kha? Nang hian Zualtei hi I lo ngaihmelh a maw? Chu pawh kan in chhungkhat tih hre vek chungin. A chhungah hian mawi lo tak in kan hriat loh in I lo khawsa thin a nih chuan ka fapa pawh ni la ka pal zam dawn hauh lo a nia. " Thut khawmna kan thlen phei rual in ka pa chuan a lo ti hluk a.





" Ka sawi chu a ni hi ka duh.... " Ka tih leh rual chuan ka pa chuan ka hming pum in min ko chang leh bawl mai. Ka pa pawh hian ka pi ang tho khan a pawm dawn lo niin ka ngai ta hmiah bawk.





" A tha e in phal loh chuan in atang hian ka chhuak mai ang. " Ka ti ve nghut. " Zorinpui i a e mai. " Ka ni bawk in min rawn ti leh nghal a.





" Zualte enge thil awm zia hi? " Ka ni chuan a sir lawk a Hmangaihzuali ding chu a melh chho a. Chhan a tum lai chuan " Engmah sawi ve suh. " Ka lo ti hmuk.





" Eng pawh nise a tlai tawh! Va haw phei ru Zorinpui min rawn zui rawh. " Ka pa chuan tiin a dung zui vut a. Biak leh hman loh in a office lam chu a pan zui pawk pawk a. Ka ni chuan min melh rawm a, kei pawh chu ding vut in ka sir a min lo melh ve rengtu chu melh in za lo zet in ka nuih suk a ka pa chu ka zui ve nghal zat.






A office kawngka a khar phui loh vang chuan ka lut tlang nghal a , chhuat laiah chuan a lo vei kual thuak thuak a. Ka lut tih a hriat rual in thaw chhuak hawk in ka lam chu a rawn hawi ve chiah.





" Thu rawh! " Tiin room chhung single sofaah chuan a mah chu a thu thla a . Ka pa chuan min melh vung vung a. A lawm loh zia chu office pawn lamah khan ka hre tawh a. Ka pa a ni a zam awm ve tak a ni.





" I ruh vang mai mai sawi chu i ni ka ring lo a. " A rawn ti ta hluk a. Thawk la ve hawk in ka pa chu ka en a. Ka rilru hmuh tlang tum ang mai chuan min melh ngur a . Kum tam tak chhung dan hre mi niin mi rilru leh ngaihtuahna hrethiam tak mi a ni thin a, tunah pawh a la ni reng. Chuvang chuan tunah tak hi chuan zep tum ngat i la chuan a hma zawng aiin a thinrim zawk hial ang.





" Tlem chiah ka in mahse ka rui lo. " Tha tak chuan ka chhang a. Thaw chhuak ham ham in a sofa nghenchhan chu a ngheng a.





" Thil thleng kha sawi fiahna tha tak i neih ngei ka ring. " A ti leh nghut.





" Ka sawi tawh ang khan unau emaw chhungkhat ang in ka en lo. Ka duh a, ni lo.... Duh satliah pawh ka ni lo ka hmangaih bawk. " Ka ti chhuak sup a. Ka sawi chu ring ngei se tih duh in a mitah tak chuan ka melh let ve run bawk.





" Zualtei rilru i ti na thei tih i hria em? " a rawn tih chuan ka nui ro hawk.





" A mah pawn min hmangaih. " Ka tih chuan a awi chiah lo nge a chal ti chuar tup in a khabe chu a tuai hauh hauh a.





" A nih chuan enge buaina, inchhungte lakah hian in zep tlat si. In pahnih duh thlanna a nih chuan..... I sawi awm zia ka man chiah lo zawk nge? Midang chu lo hrilh lo pawh ni la i pa ka ni a, ka lak a zep tur khawp chuan kan pafa in kar hi a zauh in ka hre lo. " A ti leh sup a. Zualtein min hmangaih ve ka ti chu a awi chiah lo ni ber in ka hria a tawng dan chu.





" Kei chuan hrilh vek cheu ka duh a mahse a hlauthawng a. College ka chhuah fel hunah engkim huam in hrilh cheu pawh kan tum a mahse.... " Ka ngawi dat a, ka pa chuan ka sawi leh tur ngai chang tih hriat zet in min li melh reng thung.





" Mahse... " A rawn ti zawi sup.




" Ka pi in a hre chhuak a. Chuan.... " Ka tih laiin " In kawp a rem ti lo a. " Ka pa zawk chuan a rawn ti sup a lu ka bu nghut.





" I pi vangin in inkar a buai a... " Nui hawk in ka pa in a tih chuan min ti hrilhhai lek lek zawk.





" Hmangaih tak tak la chuan midang thu sawi a buai tur i ni lo. Ka fapa i nia, i sen tet atang a ka chawi sei len i ni bawk a, i luhlul zia pawh ka hre chiang. Nge hmangaihna awm zia kan lo in hrilhfiah fuh chiah lo zawk. " Nui hmel pu deuh chuan a ti a. A ngai thu tak lo ni ber in ka hria. Chu chuan ka pa mah nise min ti thinrim ve hial leh nghal.





" Ka pi vang chu a nia mahse Papuia te ka piin a lo han hrilh a. Eng tin tin emaw... Nang pawn i hriat kha Papuia a damlo tih chu. " Ka ti leh hram, hrethiam se tih ka duh em vang chuan thil thleng chu ka sawi ta vek.





Ka sawi lai chuan ka pa chuan ngun tak in a ngaithla a, naute tih loh chu ka sawi vek ti i la a dik ber ang. Ka sawi zo ka pa hmel ah chu a ngaihtuah awm ang ka hrethiam lo. A hma ang ngawt chuan ho a tih hmel bik tawh loh tih zawng ka hmu.






" Nang aiin a upa tih i hria ti raw? " a ngawih vung vung hnu chuan a rawn ti chhuak sup. Chu erawh mi a ber pawn an hria ang chu. Lu ka bu nghut chu a thutna atang chuan a ding vut a. A dawhkan lam chu pan in kan chhungkaw thlalak ka nu leh ka u thlalak a ni mah zawk ang chu la kang in a melh vung vung a.




" Zualtei chu biak ka duh. " A ti zawi sup.




" Kan inkawp i rem ti dawn lo a nih chuan a rilru ti buai turin hmuh kher a tul lo . " Ka ti hmuk thung. Ka pi tawngkam na tak tak a dawng tawh a, kei mah vangin kan naute a thi leh bawk a, ka pa atang leh zel hi chuan a nat zualna tur dawng tawh lo se ka duh.




Ka pa chu rawn in her in a nui suk a.




" Chu chu a mahah a in nghat ang chu. I rilru ang a pu ve a... A la pu ve a nih chuan ti zawk teh ang. Kei chuan buaina ka nei lem lo, mahse Zualtei biak phawt ka duh. " A rawn ti nghet churh a, a hmelah chuan dang lam a awm lo a, a thu tak viau zawk.




" Kan in kawp chu i phal tihna a mi? " Naupang ang maiin ka pa chu ka en a, tawngka a min chhang lo chuan lu a bu nghut.




" I sawi ang khan thisen in zawmna kan nei lem lo a. In in hmangaih tlat chuan sawi buai tumna ka nei lo. Mahse... " Tiin a ngawt leh dat a.




" In chhaih kual na mai mai a nih chuan kei aia sual hi an awm lo ang. " A ti zui hluk mai.





" Chutiang engmah a awm lo. Kei chuan nupui a neih ka duh a.. " Ka tih rual chuan ka pa chu a rawn nui chhuak hawk. Ka rilru in ka ti deuh mah mah em aw ka in ti zui nghal a. Mahse ka hlim em a , ka rin loh zet a ka pa in min pawm pui chu ka lawm bawk nen ka ni deuh hui hian ka in hria.





" Nupui nei ngam khawp in i lo puitling tawh a. " A rawn tih chuan za vak lo in ka then suk.




" Nupui nei chung pawh in ka zir lai chu ka ti thei ang. " In ring tawk zet chuan ka ti a. Ka in ring tawk viau bawk. Tunah hian ka rilru buai leh hreawm lutuk vangin ka zir lai ka ngaihven thei lo zawk tih ka chiang a. Zualtei ka bul a a awm chuan ka rilru zawng zawng ka pe thei zawk ang tih hi ka hming ka chian tluk zet in ka chiang bawk.





" Kan la hria ang chu. " Ka pa lah chuan a ti duh chauh leh nghal. Chu chuan cho na thar lian tak min pe leh zual a, tum ruhna nasa tak ka neih phah bawk.

IMG_23092021_201536_(900_x_675_pixel).jpg

" Ka kal thei tawh em. " Ka tih chuan lu chu bu nghut in a kekawr ip chu a zen nghal run a. Ka thutna atang chuan ka ding ve nghal vut.





" Thil pakhat.. " A tih chuan kawngka lam ka pan tawh chu ding in ka in her leh a.





" Ka lakah thil zep nei tawh suh. Thil dang zawng aiin ka lak a zep i neih hian i pa hi min ti lungawi lo thin. Ka fapa neih chhun i ni a, nang bak ngaihtuah leh buaipui tur ka nei lo bawk a. Harsatna leh buaina i neih pawn pafa ni lo in thian ang in min sawi pui ngam lo a. Kan pahnih in ching fel dan kan ngaihtuah a nga, chu chu ka duh dan a ni a. Thil harsa a ni lo ti raw? " A rawn tih chu thawveng zet chuan lu ka bu nghut a, office ka chhuah san chu ka thaw hawk mai.





A zan a zan a Duati va hrilh tur a kal mai ka duh rum rum a mahse sana ka en a 12 a lo kawk vu tawh bawk nen. Naktukah hrilh in ka pa hmu tur a hruai nghal chu ka tum ta zawk a. Inchungah chho in ka roomah ka lut a. Shower ka neih zawh meuh chuan zan mah ni se harh tha tak ka ni.





Ka huphurh leh rin loh zet a ka pa in kha tia min sawi pui khan min thawng in ka beisei lo lutuk chu ka mumang a nih hlau in ka mu phal lo a ni ber mai.




Khumah chuan mu in thil ka ngaihtuah chhuak thut a, ka phone chu hmet engin 'nupui neih rei lo a ' no chu hmet chhuak in ka call a. A vawi khatna chu a in ring ral thak a. Beidawn nan tiin ka call nawn leh a, a tawp dawn lamah chuan a rawn la ta hram.





" Eka tun angah in call hun a ni a mi? " Thatchhe aw zet chuan a rawn ti a. A muhil a har tih lah chiang reng.





Zaninah college kan chhuah hma a kan dept ho kha in hmuh khawp an ti ve ngei a. Tun bak chu in hmu khawm leh mah i la kan kim tawh lo ang an tih vang khan kal pawh kan tha hnem. Kei pawh rilru tih thawh ven nen ka va kal ve kha a nia.





Law college ah kan in admit fel a, Sawmi pawh law lam zawm a tum vangin hmanni deuh kha chu kan in zui ngun viau a mahse thil danglam erawh kan in karah a thleng tawh lo. A ni pawn min thian kawm a, kan thil tih in ang ta chu kan chhuak duh leh zauh tih mai chauh a ni.





Duatin nau a chhiat thu ka hriat atang phei kha chuan ka rilru hi a hreawm ngawih ngawih a. Putea te in neihni a a sawi kha ka bengah hian a ri nawn reng bawk.





Min hrilh a tum reng a mahse kei mah zawk in ka hnar tih a sawi lai a a mit meng a natna ka thup tum viau mahse ka hmuh hmaih lo chiang viau a. Nidang a aw ka vin leh nasa tak a min thinrim khum thin khan kha ni ber kher khan aw dam dap leh hriat nuam tak in min bia a. Kha thil khan a beidawng tawp khawk tawh tih a ti chiang zual sauh a. Ka bul a rawn let leh tumna a nei tawh lo tih a ti chiang bawk in ka hria.





Chelh lui ka duh a mahse a lakah ka tih sual nasat tawh em vang leh a rilru ka hliam nasat tawh em vangin ka chelh lui ngam tawh lo a. Ka thinlung chuan pawm lo mahse ka rilru zawk khan a chelh ngam tawh lo kha a ni.






Theihnghilh ka tum pauh leh ka ngaihtuahna a luah zual sauh a. Mahse ka pan ngam tawh ngang loh vangin tal buai chang pawh ka ngah.





Zanin kan in hmu khawm naah Zoreman thu mawl mang zet a sawi a, kha thil vang khan beiseina tlem ka nei leh deuh bawk a.





Ka hmangaih vangin ka thlah thu ka sawi khan Zorema ngaihdan erawh a ni lo ngang mai.





" Ka hmangaih loh vang ni lo in ka hmangaih miau chuan ka tel lo a a hlim ka phal bik teuh lo. Ka tel lo a a hlim dawn ai chuan kan pahnih in hlim lo dun law law i la ka duh zawk. " A ti let hmuk a.





Kha thil a sawi khan ngaihtuahna thar ka nei a, ka pa hrilh a engkim buai nuai law law ka rilru a, an pawm loh chuan in atanga chhuah a, mi thar hlak ang a bul tan pui a tih buai char char ka rilru ta kha a nia.





Mahse ka rin loh lam tak in ka pa ngaihdan erawh a dang hlawk thung!



*


Engtik laiin nge ka mutthilh ka hre lo Zorema nen kan in be char char a maw tih laiin zing a lo ni der mai. In thlak sawk sawk in in hnuaiah ka chhuk a. Tuk dang ang lo tak in thawh ka hai chiang bawk nen tukthuan kan ei zui nghal a.





" Vawin i class dawn lo em ni? I va tho har ve a. " Ka piin a tih chuan " Tih tur dang ka nei a. " Tiin ka chhang ringawt. Ka tih tur hi hria se chuan a lawm lo mai ni lo in a rem ti lo bur thung ang.






Ka pa chuan ni zan chungchang a sawi miah lo a. Mahse office a kal dawn lo tih a sawi erawh chuan min ti hahdam thung. Tukthuan kan ei zawh veleh eng dang mah ti lo in ka in khalh chhuak nghal a. Ka mi hmuh duh ber in hna min lo kal san ang tih chu ka hlau tak zet bawk.





Zuali te un kawt ka then chuan kha pa Muanpuia leh Zuali te unau chu an in step atang an rawn in zui chho ka va nang chiah. An motor hnung chiah a ka bike ka hun vangin an ni pawh in min hmu chiang ngang mai!






mut a chhuak over tawh lutuk a, tawi deuh dah leh mai ang aw,ka lo muthlu zauh2 a ka muthlu tlang ang tih ka hlau riau

[Ngaia]

CHAPTER - 45 by Amy Cck




" Enge a rawn tih leh dawn? " Mama chu a ma hriat tawk leke tur chuan a phun hluk a mahse a bul a ka ding miau vangin ka hre chiang ngang mai. Muanpuia motor hnung chiah kawngsirah a bike chu hungin kan lam pan chuan a rawn kal a. Nizan khan papuia khan a hauh hrep ka ring ve ringawt a.





" Ka lo hruai dawn che. " Kan hma a rawn ding chuan a ti sup a. Tun a kan hmel chu a in ang hlawm viau ang chu. Kei mai ni lo in Mama leh Muanpuia thlengin maw le.





" Nang hi i kim chiah lo em ni a? " Muanpuia chuan nui hawkin a rawn ti a. Zorinpuia chu a lawm vak lo nge a mit meng chu a rum nghal ul mai.





" Nang ka be lo che. " Ti hluk in Muanpuia chu a ner khum sawk a. Muanpuia erawh in engah mah ngai lo tih hriat zet in a nuih leh suk a. Zorinpuia chuan min rawn en leh vut a, a mit mengah chuan enge thleng tih hriat tum in ka en a, mahse a mit meng ka chhiar thiam tlat lo.





" Ka pa in a hmu duh che a. " Ka chhan mai loh vang chuan a rawn ti zawi ta sup. Papuian min hmu duh tih a sawi chuan ka thin chu a phu rang nghal dawt dawt a ka hlauthawng nghal em em bawk a. Zorinpuia a hau a nga chuan min hauh ve a tum a ni hrim hrim.




" Mahse ngati nge? " Rilru buai leh hlauthawng lutuk chuan ka ti zawi sep.





" A zui dawn lo che. " Mama chuan a lo ti bung nghut a. Zorinpuia erawh a thaw chhuak hawk.





" I chhungte tawngkam na hma chhawn leh tur a zui tir che ka ka rem ti lo. " Ti nawn leh hluk in kei mah zawk chu min rawn melh a. " Kal rawh hna in tlai a nge. " Muanpuia melh pah in a ti nawn leh nghal zat. Engmah ka sawi ve hma in Mama chuan min nawr kal nghal dat dat a.





" Vawin chu min zui dawn. " Muanpuian a motor kawngka min pawh hawn sak rual in Zorinpuian ka banrekah min rawn pawt ding chawt a. Mama lah Zorina lakah thinrim sa bawk nen a kawr awmah a tam zui sawk mai. Naute kha Zorina vanga chhiatah a ngai deuh tlat a. Zorina hi a mil tawh tlat lo. Bakah ka piin min tih dan tam tak a hriat ve bakah damdawiin kawt a min ben kha Muanpuian min lo hmu a niang hmanniah a sawi chhuak palh bawk nen. A fuh lo vel vek a ni tawp mai.





" Min khawih i duh chuan ti rawh. Kawi let ve tumna che ka nei lo, i tih tur dik tak a ni miau a. Mahse i duh tawk i ngah hunah a ni hian min zui thung ang. " Zorinpuia chuan a ti khum ve tlat leh nghal.





" Mammm... Thlah rawh kawngpui a nih hi khaw en lai leh nghal. " Ka tih chuan Zorina kawr awm a thamna chu thlah in a nem zui dawt a.





" Zui chu i duh em ni? " Vin deuh lek lek chuan min en chungin a rawn ti a. Chhan mai ngaihna ka hre lo. Zui te chu ka hreh lutuk tlat. Papuia hmu tur ngat phei chuan in thih hreh in ka hreh ang chu. Nizanah kawngka bul a Zorina kut thlak a tum te kha ka hlauh zia chu a. Papuia thinrim ka vawi khat hmuhna a ni bawk nen a ruk khan ka khur hial in ka hria kha a nia. Mahse Papuia meuh in min hmuh duh a lo kal duh loh chu a thin ka ti rim zual ang tih ka hlau leh bawk si.





" Kha tiang thil i chung a a thlen hnuah pawh maw? " Ka rilru buai lutuk chhang mai thei lo chu Mama bawk chuan a ti leh hluk a. A mit meng atang pawn ka lakah chuan a lungawi lo tih a hriat ngawih ngawih.





" Englo.... Zorin ka... " Ti in Zorina ka melh chu a mit mengah chuan ka zui a beisei in a ngen hian min ngen ni mai in ka hria. Tawng chhun zawm lo chuan ka thaw chhuak hak a.





" kan tlai dawn a nia. " Muanpuia chuan a ban a sana en in a ti ve sup bawk. A motor kawngka pawh hawn sa chu a vuan run bawk a.





" Ihh... Vawin chu ka zui lo mai ang che. " Muanpuia en chuan ka ti sep. An veng atang in rawn sawm ve tang tang a han hnar chu nuam lo duh tak a ni.





" A ni saw I thlang zawk ziah a lawm. " Muanpuia chuan rilru nat hmel zet a ti ve hluk in motor kawngka chu a nem khar dawp a. Min en tawh miah lo in motor chu hma lamah a kal hual a. Driver seat a thu lut in chak zet chuan a tlan chhuak a. Ka awm dan chu nuam lo tak a ni.





" I â tawh a nih hi. " Mama pawh chuan ti hluk in min kal san a. Inchungte in kawt garage a a bike hun chu la chhuak in a tlan chhuak a, a hna lamah a kal turah ka ngai ngawt a.





' hmangaihzual i â tak zet. ' ka rilru chuan ka in ti ve tho. Ka nau leh Muanpuia ka tan a awm reng leh ka nat pawhah min fuih tlattu te kal san in min ti na em em tu Zorinpuia bawk zui leh ka tum chu a nia.





" Min zui la. " Rawn ti tu vang chuan ka la phu zawk zui. A mit meng chu a nung ta sar leh nghal. Ka zui dawn vang a nih ka ring ve ngawt a.





" Papuia thu hnial ka hreh vang chauh a nih hi. " Ti deuh hmak in ka melh rawm chu nui suk in lu a bu nghut a. A bike lamah let in ka hma zawnah chuan a rawn khalh phei a. A hnungah chuan ka thu ve leh ta nge nge.






Rei lo teah kan thleng phei a. Gate bulah a bike a tih din rual chu ka hreh lutuk chu ka zui kha ka in chhir leh nghal hial. Ka zui loh chuan Papuian Zorina a hau leh ang tih ka hlau ve tho bawk sia. A chhan chu ka thiam loh ve tho a nia, a nih nih ni tur a zui kha ka ni a mahse ka hreh leh tak zet tawh.





Nizan khan Andrew te motorah bawk ka let leh vangin Andrew khan min zawt ve a thil awm zia ve. Mahse engmah erawh ka sawi lem lo. Kha tiang thil kha thleng pawh nise kan tawpna a rei tawh a sawi chhuah kher a ngaihna pawh ka hre lo. Tei pawh a tawng duh barh barh nen ka mit mei engmah a hmuh loh vangin engmah hre lo angin a awm ve hmak a. Hria anga a awm vaih chuan Andrew a pasal a ni tawh miau a. A zawh chuan sawi duh loh tlat kha a tan a nuam dawn lo tih a in hriat vangte pawh a ni mahna.





Mahse nizanah khatiang thil kha a thleng in an hmu ve vek a, hriat hun chu an la nei ngei bawk a nga. An ni pawh ka la hma chhawn dawn chauh a. Papuia te chu a bul tanna mai a nui. Nitein a hriat chhian ve hunah phei chuan hrem hmun a awm ang tlukah ka in ngai nghal tawp.





" Chhuk la. " A bike hnung a ka la thut reng vang chuan a rawn ti sup a, harh chhuak thut ang mai hian ka melh haw a. Hma lam darthlalang atang chuan min rawn melh nghal ngur bawk.





" Ih... Papuia chu a thinrin viau a mi? " Ka ti thla ngawt a. A taksa chu a rawn che dat a. Helmet khum mahse a mit atang chuan a nui tih ka hre thei.





" Hahdam rawh. " A ti ringawt zui. Thaw chhuak hak in bike atang chuan ka chhuk a. Zorina pawh ka bulah a rawn ding ve nghal chiah a. Ka thin chu a phu rang dawt dawt leh nghal.





" Ngawi teh... Ka thawhpui nu hnenah hna ka kal theih loh thu kan sawi ve hrim hrim. " Ka tih chuan lu a bu nghut a. Ka phone chu la chhuak in call pawh call lo in ka text ringawt.





Gate ah kan lut a in lam pan a Zorinpuia kal chu a hnungah ka zui a. Kawngka bulah chuan kan ding vang tawh. Doorbell chu a hmet a rei lo teah Mamin a rawn hawng a. Thih leh thih tiin ka zui lut a, ka pi pawh sitting room tukverh bul a a chair ah lo thu ve ran a. Min hmu chu min rawn melh chiang ngang mai.





" Khawnge ka pa? " Mami bulah chuan a ti sup a. Kei erawh ka taksa a khawng at mai. Ka pi min melh dan vang hrim hrim pawhin an in a ka awm hi nuam lo tham tak a ni. Chu tah Zorinpuia rual in ka la kal zui a.





Mamin Papuia chu a room a a awm thu a sawi zo chiah tiin Papuia chu a rawn chhuak a. A hmel pawh chu ka en tha ngam mang lo.





" In lo thleng a. Min lo zui ru. " Papuia chuan tiin a office lam chu a thle zeuh a. Ka kut chu ka hum ruh vak a, ka kut phah te chu a thlan dap thei hial.





" Bawiha enge ni ta? " Ka pi pawh chuan a rawn ti ve chiah a. Nizan kan buai deuh bap bap lai khan a mu tawh kha a nia. Engmah hre lo hmel a put takah chuan an hrilh loah ka ngai hmiah bawk.





" Ka nu nang pawh lo tel ve la. " Papuia lah chuan a la ti ang deuh deuh a. Hreh ru zet chuan kan in zui lut a. Single sofaah chuan papuia a thu a, sofa pakhat a Zorina nen kan thu a, pakhatah ka pi a thu bawk a. Kan in hma tawn chiah bawk nen ka tang lutuk a ka hah vek. Bakah Papuia mi uap hi a na lutuk a hahdam chu har tak a ni.





" Enge thil awm zia hi? " Ka pi chuan a rawn ti nghal vat.




" In hre zawk ang chu. Kei chu a hre tlai ber ka nih ka ring. " Papuian a ti bul hmuk chu hlau ru leh zual tak ka ni.





" Nizanah Zorinan min hrilh la. An chung chang hi? " ka pi en chuan a ti sup a. Ka pi chuan min rawn melh in Zorina chu a melh leh a. A mit meng a hrilhhaina chu kei chauh lo pawh hian an hmuh ve tho ka ring.





" Chuan enge? Tunah chuan an tawp fel tawh a, pangai takin an awm tawh a. I hau dawn a nih chuan a ngai kher lo a nia. " Ka pi chuan a ti leh vat a. A tupa hi a duat em a, a thlavang a hauh sak ni berin ka hria.






" Nizanah ka ngaihtuah vek tawh a. An ni pahnih hian in kawp an duh chuan enge harsatna awm? An ti dik vek chu ka ti lo a mahse hetuang din hmun a nih takah chuan phal loh bur chhan tur hi a awm in ka hre lo ka nu. " Papuia chuan a ti churh churh a. A thu sawi chu ka rin loh lam a ni lutuk chu ka melh haw ringawt. Mahse ka pi chiah chu a melh a, ka bul a thu Zorinpuia ka en chu min lo nuih suk leh nghal.





" Engmaw i sawi kha? Chhungkhat kan nih hi, thenawm khawveng hriatah pawh a mawi lo e mai. Chutah a mah aiin a upa bawk a. " Ka pi chuan a ti zui hlak hlak a. Papuia chu a thaw chhuak hawk mai.





" Kan in chhungkhat dan chu kan hriat chian kha. Midang ngaihdan tih lamah kha chuan hman atangin ka ngaihdan thin chu i hria a lawm ka nu. A awm dun tur a te an in huam phawt chuan sawi sep te chu an tuar ve mai ang chu. Puitling thankin tawn ve ve an ni a, engkim hre sa a bul tan turah ngai phawt i la. " Papuia lah chuan ngaih sam zet in a ti mai bawk si chu min ti hrilh hai zawk lek lek.





" A theih loh! Bawihpuia pawh zirlai mai a la ni a. Hetiang a buai hman a ni lo. " Ka pi chuan thinrim zetin a ti leh hlak hlak a.





" A zirlai te chu a mah pawn theih tawp chhuah a in huam a lawm. A ni lawm ni? " Papuia chuan Zorina rawn en in a ti leh sup a.





" Tehreng mai. " Zorina lah chuan a lo ti sup a. Zorina hian Papuia hi a hmin tih na em ni. Chu erawh ka beisei loh chu sawi loh rin ngaihna pawh ka hre lo.





" Zualte Zorina chuan a sawi tho a mahse i sawi ngei hi hriat ka duh tlat sia! Zorina nen a inkawp leh i duh a nih chuan harsatna a awm lo a. Mahse i duh tawh lo a nih chu i thu a ni bawk a. " Papuia chuan chiang zet a min en phah chuan a ti a. Ka mi chuan min huat hmel zet in min en a. Zorina ka en chuan chik lutuk in min lo en ve thung.





" Nang in pawm sak mah la Zuali nu leh pa ten an rem ti lo . "Ka pi in a rawn ti a. Nia, ka pa chuan a phal lo kha a ni ber chu a nia. Papuian phal mahse ka pa a ni si lo a.





" I pa te i veng thawng a nih chuan ka be dawn a nia. " Ka ngaihtuahna hria ang hrim in Papuia chuan a rawn ti a. Zorinpuia lah chuan hlauthawng hmel a pu deuh tawh.





" Nia... Ih... Ka nu leh pa chuan an rem ti lo ngei a. " Ka ti zawi sep. " Mahse Zorina pawh a beidawng duh lo a, a tih ang chuan ka ti ve thei em em ang. " Ka tih chuan Zorina chu a thaw chhuak hawk a. Papuia pawh a khi suk mai.





" Ka rem ti thei lo. I fapa i duat lutuk na in u mit a ti del zo a nih kha. Ka dam ve tawk tawk chhung chuan ka rem ti dawn lo. " Tiin ka pi chu a ding a. Kawngka lam chu a pan zui hmak a. Papuia chuan pik zet a thaw chhuak hawk in ka pi chu a en a.





" Nakinah a la pawn ve mai ang. I pi luhlul zia chu in hriat kha. A rilru hneh tur chuan a mah aia luhlul a ngai. " Papuia chuan a rawn ti leh mai a.





" Chuan I in tiam kha a hma aia nasa in i beih a ngai ang. Zirna lam a ni emaw kawng engkimah a hma aia nasa a i beih a ngai a nia. Nupui nei tur chuan a chawmna ngaihtuah phawt tur. " Fiamthu ti tak deuh a papuian a tih chuan ka lo sen awp awp thei hial.





" I pi chu ka va en lawk a nge. " Tiin a tho ve vut a. Kawngka in khar ri ka hriat rual chuan thaw chhuak hak in sofa nghenchhan chu ka ngheng dat.





" Ka thi hman tep. " Ka tih rual in Zorinpuia lah chuan min nuih suk duh chauh leh nghal.




" Ka lam I tan vangin ka lawm e. " A rawn ti chu ka melh vang vang a.




" Ka rilru chu a buai mahse nang pawn ka tan i ti thei a ka ti ve thei em em ang. Papuia talin min hauh lo in min pawm pui a. " Ka ti ve sap.





" Enge papuia rilru hneh tur khan i sawi? " ka ti leh hnu hnawh a " Engkim ka hrilh vek, zep lo in. Kei pawn kha tiang rilru a pu kha mak ka ti. Mahse ka pa hian min hrethiam thin a kawng leh lamah chuan a awm lo hran bik lo. " A rawn ti let ve mai.




" A nih chuan naute ka chhiat kha... "




" Kha chu ka sawi lo. " Min lo tih khal chu ka hahdam sawng sawng.




" Chuan... Class i kal dawn lo a mi? " Ka ti leh ngawt. Sawi tur a vang thar riau leh nghal.





" Hna i kal dawn si lo a, vawin chu ka kal lo tlang mai ang. " A rawn ti ve mai a. A mit meng leh a hmel a hahdamna lang ang tho hi ka hmelah a lan ve ka ring. Mahse thil thleng thut hian min thawng rih em a kan ti lang chhuak thiam lo ni maiin ka hria.





Ka piin phal lo mahse Papuia zawk in a phal ta si a. Ka pi erawh a rilru a la khauh hmel viau thung a. Room atang kan chhuak a, hna kal tur a chhuak ka nia ka in chei ta viau bawk nen kan in lamah in thlak turin min let pui a.





" Mama kha chu hrethiam rawh aw! A thin a rim ve rih lutuk a. Mahse a sual lo tih i hriat kha. " In kan lut chu ka ti nghal vat.





" A tih tur a ti ve mai a nih kha. Khatiang khan ti lo se chuan mipa a nu nang. " A ti ve mai a. Ka hahdam huai mai.





" Ka pa lo hrilh vat i la tha tur a nia. Chuan kan naute pawh kan chan lo mai tur. " A ti zawi sup a. A lam chu ka hawi vat a, a hmelah chuan inthiam lohna leh hreawm tihna ka hmu leh nghal a ka pan hnai vat.





" Heii.... Hun kal tawh a nih kha. Siam that theih a ni tawh lo a. In thiam lo tur in ka duh lo che a nia. Kei mah lo hrilh vat tur zawk che ka nia mahse.... " Sawi zawm lo chuan ka ngai daih. Thil dik lo pui pui ka ngaihtuah dawn tlat. Hun liam tawh a nia ngaihtuah let ka duh lo eng thil mah kha.





" Mahse... " Ka ngawih daih vang chuan a rawn ti leh sup a.




" Kan hre ve ve a lawm tih dik lo kan nei ve ve a. Mahse hun kal tawh a nia in chhir mah i la kan siam tha thei tawh lo a. Tun hun hi a pawimawh ber a, tun atangin bul kan tan leh thei ang chu ti raw. " Melh chho kalh in ka ti a. Nui chung in a bu ve nghut.





" I lo kir duh tawh lo ang tih ka hlau tak zet. " A rawn ti sup a. Ka nui ver ver thung, a mah hian kir lo thei lo in min siam a ni reng si a.





" Ka hmangaih che. " Ti sup in ka hmuiah a rawn fawp vang vang a, kan inah kan pahnih chiah in kan awm bawk nen hmai zah tur awm ta lo chu ka chhang let ve vat a. Ka dam sawng sawng mai.


*

*

" U.., ka pa tukin zingah in hnuai stepah khan a lu hai a tlu an ti a. Ka nu a mang ang bawk nen kan chhoh vat loh chuan. " Mama ka roomah rawn lut in a rawn ti a. A hmel a chi ai viau leh nghal.





" A na viau a mi? " Ka ti chuan rilru buai zet in lu a bu ngut.




" Damdawiinah an in phur phei a. A la harh lo a ni awm a. Vawinah kan haw chhoh a ngai ang, ka nu chauh chu a rin chi loh. " A ti chung chung leh nghal.





" I phone ah ka nu in a be tlang thei lo che a tia. "A rawn tih chuan " A battery a low a, ka charge daih. " Ka ti ve vat a.





" In thlak la, thawmhnaw ken chhoh pawh a ngai lo. Tlai lamah chuan kan thleng chho hman ang. " Mama bawk chuan a rawn ti leh a.





Hna kal tur a ka in si chu in thlak leh in ka in ha tha leh a. Zorina pawh kan haw tur ka hrilh hman tawh lo. Pangai tak a kan in zui leh na pawh thla a ral ve leh tawh a. Papuian ka pa a han bia ni ngei tur a ni, engtin nge a han sawi chu ka hre lo. Ka pa pawn min hrilh lem lo bawk a. In kawp kan phal chu a rawn ti chiah lo a mahse engmah an rawn sawi loh danah an rem tiah ka ngai ve tawp a.





Tunah ber chuan Mama leh ka pi hi an rilru hmin an ngai ta ber a. Ka pi chuan min just em vangin ka be ngam lo hrim hrim a. Mama lah in Zorina a lo len pawn a be duh miah lo bawk a. Mahse in thlah mai mai erawh kan tum tawh lo. Chutiang tur chuan kan kal thui ve tawk tawh bawk a.





Kan in siam zo a, Mama bike in kan long run chho dawn a. Kan kal dawnah Zorina chu Text in ka hrilh hram a. Call chuan class an lak lai te a ni thei bawk nen a hmuh hunah min rawn call back loh leh a rawn reply mai ka ring ve tawp.





Kawngah pawh chawl lem lo in kan thleng chho a, kan inah tumah an awm dawn miau loh vangin damdawiinah kan tlang nghal a. Ka nu a mang ang leh dawn bawk nen rilru a hman hmawh tlat.





Ka nu in min hmu chu a lo hlau thawng ngang a niang a tap ti tih a. Ka pa erawh a la harh lo a. A din hmun a tha vak lo leh nghal. Aizawl atang khan a natna hi a zual riau mai a, rilru pawh a nuam duh lo khawp mai.





Maman zan in chu ka riah pui ang a tih vangin in a va in ti fai turin a let zawk a. Ka nu nen ka pa kan awmpui thung a. Mama a rawn let hnu in ka nu nen taxi in kan let a. Ka nu sawi dan chuan tun lo pawh hmanni lawkah a lu hai a tak buai a ni awm a. Kan rilru tih hah an duh loh vangin min rawn hrilh duh lo chu niin.





In kan let chu ka nu chu mu hahdam turin ka ti a. Kei erawh chauh pawh sawi lo in ka in ti fai a rawng ka bawl nghal char char a. Chaw ei dawnah ka nu ka kai tho a, a taksa a lo tla ve dawk nen ka khawngaih tak zet. Fa pahnih chiah min nei a kan awm pui lo ve ve bawk nen ka in thiam lo lek lek zawk.





Zanah sitting room a kan thut laiin kawngka an rawn kik a. Thenawm ten ka pa chanchin rawn ngaihven an tum ni a ka rin vang chuan tho in kawngka lam chu ka pan vat a. Kawngka ka hawng chiah chu ka mi hmuh te chuan min thawng lutuk chu ka melh dun zak zak a.





" Nang ni maw? " Zorinpuia leh Papuia kawngka pawn lam a awm te en in ka ti sep. Kan kawtah an motor chu a ding a, tlaiah pawh khan kan in bia a, an rawn chho tih a sawi miah si lo a.

[Ngaia]

CHAPTER - 46 by Amy Cck




" Mambawih tu nge ni? " Ka nu in sitting room a tv en pah chuan a rawn ti a, ka hawi let nghal vat.




" Ahh... Nu Papuia leh Zorina... " Ka ti chu ka nu pawh a rawn ding ve nghal vat a. Kawngka lam a rawn pan lai chuan kei erawh in ka hma a mipa lian zet ding te chu ka melh leh vang vang thin.





" Zothana te chu.... A zan a zan in in rawn kal e law. Mambawih inchhungah lo luh tir ta che. " Ka nu chuan ka bul a dingin a rawn ti a. A mit mengah mak a ti ve tho tih ka hmu a mahse kei mah ang in a ti lang ve lo mai zawk.





" Aw... Nia... Ni dawn tak! Lo... Lo lut ru Papui . " Ti bah nak nak in kawngka ka vawn beh chu ka thlah a. Papuia chu a rawn lut a, ka nu chuan be chhun zawm mawlh mawlh in thutkhawmna lamah chuan an in zui lut a. Ka mak ti lutuk chu ka la melh vung vung mai. Ka bul mai a aw thian khurh ka hriat takah chuan ka hawi sawn ta vat a. Zorinpuia chuan nuih za hmel pu deuh in min lo melh chhuk ve reng thung.





" Ngati nge in lo kal a? Tih tur pawimawh in nei a mi? " Ka ti haw a. A kekawr ip zen in lu a bu nghut a, ka thaw huai mai.





" Kan in biak khan engmah min hrilh si lo a, ramhuai emaw ka ti tep cheu. " Fiamthu a ka tih chuan nuih za hmel in sum zet chung chuan a ner nawk mai.





" Kan pahnih chungchang vang hian ka pa in i nu leh pa hmaichhanah biak ve a duh a. " A rawn ti chu ka nui lai ka tawp chawt.





" Engmaw a sawi pui dawn? " Ka ti nghal haw mai. Tun a a thu sawi kha a ti tak tak em tih hriat tum in a mitah tak chuan ka melh chho a mahse fiamthu hmel chu sawi loh a thu tak lutuk ringawt.





" I fiamthu a nih chuan a nuihzatthlak loh. " Ka ti zawi sep. Ngeiawm zet a lu thing ngut in ka bulah chuan a rawn pen hnai hrut a. A sang bik em vang chuan ka hmai zawn a rawn kun hniam in min melh zui ngur bawk.





" Kan pahnih chungchang hi maw le! Nang leh kei... I pa a damlo tih kan hriat khan ka pa in rawn hmuh a duh thu a sawi a. " A ti zui duah a mahse ka hrethiam vak lo. Eng thu berah chuan nge biak a tum Papuia chuan.





" Ngaihtuah buai vak suh. Kal ang le. " Rilru buai hmel zet a ka awm chu ka hnarah a rawn khawih zeuh a. Ka kutah min kaiin thutkhawmna lamah chuan a mah zawk chuan min phei pui a. Papuia leh ka nu chu an lo in be ve mawlh mawlh a. Thuthleng sei pakhatah chuan kan va thu ve ringawt a. Ka nu chuan min rn duh ngang mai. A chhan pawh ka hria Zorinpuia hian ka kut hi a thlah duh lo reng reng, a hahthlak thin a nia.





" Zuali pa chu a zia lo khawp mai. That lam a pan emaw kan lo tih laiin damdawiin hial in lo lut leh a. " Papuia chuan a ti zawi sup.





" Nia, kan vanduai a nih hi kan ti tawh mai. A ni ber a damloh hi chu kei ka lak tlak loh bawk nen Mambawihi te pawh hna thulh a an rawn haw a ngaih phah zel mai a. " Ka nu chuan a ti ve luam a. An ti ti kar lakah thingpui ka va lum sak a. Ka lum zo chu ka nu bulah ka thu ta daih chu Zorinpuia hmel a nuihzatthlak ngei mai. A dik a dik chuan a bul a thut leh chu a zah pawh a zahthlak. Ka nu leh a pa an awm ve reng a. Kan inkar hre vek tho mahse a zahthlakna a bo chuang lo. A bik in Papuia hian min hrethiam dun viau a chu chuan a mah min zah gir leh zual a. A mit tlin loh ka hlau zual bik.





" A nih chuan in chau awm sia mu hahdam u la. Zan a rei mai dawn motor in rawn chuang chau ang. " Ka nu chuan a ti hliai. Kei pawh chuan ka pawm pui tak zet. Papuia leh Zorina chu thu hran kei tak pawh hi ka la hhadam hman lo. Kei ni phei chu bike in kan long run zui a. Ka mal te hi a rawl in ka lu pawh a na bur mai. Mama erawh chauh sawi lo in ka pa damdawiinah a riah pui nghal a. Ka nu fanu khan riahpui a in huam viau nan Mama riah pui a tum bur sia. Kei ni pawh kan ngaih a lo tha zawk bawk nen kan hial duh lem lo.





" He ta rawn in nghah kan tum lo a. " Papuian a tih chuan ka nu nen kan melh haw mai.





" Kan rawn kal chhan ber Zuali pa chungchang hiat hmasak loh chu tiin a zan a zan in kan rawn lut hmasa a. Kan thlenna tur hotel room kan be sa tawh bawk nen kan tlang nghal mai ang. " Papuian a ti leh zel chu Zorinpuia chu melh in zawhna mit mengin ka en a mithmul min san khum uk duh chauh leh nghal.





" Enge maw hotel te in sawi a. Hetah Mama room pawh a ruak a. In awm thei reng a lawm. Bakah Mambawihi pa pawn hria se a rem ti lo ang. Kei ni Aizawl lam a kan rawn kal in in inah kan rawn che hnawk em em a. A tih in a tih chi loh. " Ka nu chuan a rawn ti a. Ka ngaihdan chiah a nih ve vang chuan lu ka lo bu ve nghat nghat.





" Nia, nih pawh a ni viau mai. " Papuia chuan tiin a nui suk a.




" Mahse tun tum chu kan rawn zin dan a danglam deuh a. Kan hriat sa ni tho mahse kan fate hetiang din hmun an nih takah chuan chhungkhat in tih kha chu a fuh viau ta si lo a. Bawiha hian Zualtei hi a ngaihtuah bawk nen kei in ka thianpa damlo kan phah tiin kan rawn zin a. Kan riak lo zawk mai ang. " Papuia lah chuan a la ti ang deuh deuh a. Ka nu pawh chuan rem ti vak lo chungin a chelh lui em ta lo. Papuia hmelah khan a tum a thulh loh hmel bawk nen, a hmu thiam ve a nih ka ring.





Rei vak loah Zorina leh Papuia chu an in khalh chuak a. Ka nu chuan an rawn zin dawn tih ka hriat leh hriat loh te min zawt a. Mahse ka hre lawk bik lo tiin ka chhang ve mai. Mut dawn in Mama ka bia ka pa chanchin ka zawt a. Nichin deuh lawkah a rawn harh a tih chuan ka hahdam huai mai. Kan mu tawh tur chu ka nu room ah pheiin ka va hrilh leh a, ka nu pawh a hmel a hahdam ta deuh.





Ka room a ka let hnu in Zorina nen kan in text a, chu pawh chu ka lo mutthluk san a niang. Ka harh leh meuh chuan khua a lo var vek tawh. Ka phone ka en vat a , Zorina message ka reply loh vangin a message tam zet a lo awm a. Chuan missed call pawh a lo awm bawk a. A tawpah muttui tih a rawn thawn ka hmuh chuan ka nui tawp.





* Ka chau lutuk a ka lo muthlu daih. * tih thawn let in khum ka thawh san a. Bathroomah lut in ka in phih harh sawk sawk a ka chhuak leh chu lukham bul a ka phone chu a lo eng pep pep mai. Khum chu pan vat in ka phone chu ka la a Zorina a lo call chu niin.





" Aw... " Phone chu la in ka ti nghal tawp.




" Tukthuan ei zawh a damdawiin a kal tur in kan lo sawm phei ang cheu. Min lo kal san lo u la. " A rawn ti ve sup mai.





" Awle.... Rawng pawh ka la bawl lo a sin. Thawh ka hai a. " Ka ti let ve nghal.




" Kei chu nizanah tu emaw in min mutthluk san a ka muthilh theih loh phah. " A rawn ti deuh hmuk chu tum loh deuh in ka nui chhuak hak.





" Sorry.... Ka mutthluk lai ka hre miah lo a. Chuan enge Papuia chuan ka pa bulah chuan sawi a tum i hre ve em? " ka ti let nghal.





" Hre lo mahse eng thil pawh sawi se kan pahnih tan a tha tur a nih ring tawp rawh. " Zangkhai zet chuan a rawn ti a ka nui leh hak. Papuian a hriat hnu hian Zorina hian ka sawi fiah thiam loh mahse mit ngei a ka hmuh si hahdamna a hmelah ka hmu a. Chu chu Papuia pawh hian a hmu a ni mahna ka lakah that a chhuah zual em em a. An lak a ka in thlahrun a hlau ni ber in ka hria a. A lakah pawh hian ka lawm tih bak sawi vak ngaihna ka hre lo. Mahse chu pawh chu hmaichhanah ka sawi ngam chuang miah lo leh nghal.





Kan in biak zawh in ka room atang ka chhuak phei a ka nu in rawng a lo bawl mek ka hmuh chuan ka pan nghal vat.





" Nu ti nge min kaihthawh mai loh a? " Tiin chair ah chuan ka thu thla a.





" Niminah in rawn chau sia mu rih la ka duh a lawm. " Tiin thingpui min siam a. A hmelah chuan a muhil thei lo tho hma a nih ka ring mah zawk. Ka pa a ngaihtuah tih ka hre ve reng a ka nu mizia hre chiangtu tan chuan hai theih a ni lo.





Chaw kan ei a, ka nu bulah Papuia ten min rawn lam phei tur thu ka sawi a. Ka nu pawn a rem viau chu a ti ve mai a. Zorina nen kan in kar erawh a saai thui vak duh lo tih ka hria. Ka pa kutah a dah a, lo sawi ve vak a tum lo ni maiin ka hria.





Kan in siam fel chhungin Zorina te pawh an lo thleng a. Ka nu in ken tur vel a siam chhungin thingpui ka lo in tir a. Kan in atanga kan chhuah meuh chuan kan hma ta vak lo khawp leh nghal.





Damdawiin kan thleng a ka pa an dahna ward lam kan pan nghal a. Ka pa khum a a lo thu mu ka hmuh chuan ka hahdam huai mai. A bulah Mama a lo thu ve run bawk a. Nizan a mu miah lo a nih ka ring a mit meng a chau ve ruih thei.





An bul kan va thleng chu ka pa leh Mama chuan Papuia leh Zorina an hmu chu mak an ti tih an hmelah a lang ve nghal a. Kan vai chuan ka pa khum hual in kan thu khawm ta laih a. Ward chhung a awm ve dang ho chuan kan lam an rawn melh leh vung vung thin.





" In rawn zin tel ve tih Mama hian min lo hrilh miah lo a. " Ka pa chuan Papuia en in nui chung chuan a lo ti a. Mahse a mit meng leh a hmel chuan a damloh zia bak an ti lang lo.





" Nang ber i damloh chuan kan thu hle hle thei bik nang. " Papuia chuan a ti ve hawk mai.





" I hnaah i buai awm teh lul nen Zorina pawh class kal te i ngai awm sia. " Ka pa chuan a ti let ve a. Doctor in ward a rawn fang a, ka pa pawh a zia thu a sawi a. Kan hlim tlang ta hlawm phian a.





" I dam vat a ngai a nia. Chu bakah hmai chhan ngei a thil sawi pui duh che ka nei bawk a. Kan hre theuh a nga Zorina leh Zualtei te in kar chu. Nang ni phei chuan kei aiin in hriatna a rei tawh bawk a. Kei chuan an in kar hi pawm lohna ka nei lo a. Zualtei pawh hi kan chhungkua a lawi lut tur in ka ngai nghet nghal hmiah bawk a.





Ka fapa hi a duh thlang tur in puitling tawk in ka ring tawk a. Zualtei a tawn atang hian han ngaihtuah let chuan kawng tam takah hma lam a pan tih pawh ka hre thar a. He an in karah hi chuan ' chhungkhat kan ni ' tih chhuan lam kha chu in hman loh hram ka beisei a nia. " Papuia chuan a ti sup a. Hetia kan chung chang an sawi bawl bawl hi a chhe lam ni lo mahse a nawm duh loh ziah chu sawi kher a ngai pawn ka hre lo. Awm hmunah ka lo sa hut hut thei.





" Nia, kan hria a lawm. Mahse kan fanu neih chhun a nia a hma hun hi kan thlir ve lo thei lo a.... " Ka pa in a tih rual chuan " Kan en kawl that loh i ring deuh em ni? " papuian a lo tih khalh sup.





" Chutiang lam zawng in ka sawi lo tih i hriat kha. Zorina pi hian an in kawp hi a duh lo tih te pawh kan hre ve a. Kan lo in chhungkhatna leh in zawm ve na chu thu hran, kan chhungkaw din hmuh pawh a in thlau em em a. Keu ni chhung chu heti mai hi kan ni a mahse kan fanu neih chhun ve liau liau a ni a. A mah duh lo sa tu te chhungkua a a han awm tur chu ka rilru a dam thei chiah lo a ni. " Ka pa chuan a ti ve sup a. Midang zawng chu kan lo ngawi thap hlawm mai. Ka pa khan kan in kawp a duh lo ngawr ngawr ni lo in ka pi rilru a lo hria a, hreawm ka tawrh a lo hlau tih ka hre ve chiah leh nghal.





Kei chuan ka pi thu hrilh a piang zawm a a lam tang tlat angah ka lo ngai kha a nia. Kha vang khan ka lo thinrim ve em em bawk a.





" Ka nu chu kan hrilh fiah thei mai ang harsa deuh mahse. An pahnih hian ka sawi pui tawh a. In kal san an duh lo ve ve bawk nen chuvang chuan hreawm deuh mahse an tawrh ve te pawh a ngaih hun a awm a nga. Mahse eng thil pawh thleng se hmangaihte bul a awm tluk he khawvelah hian a awm chuang lo a tawpah chuan nang pawn I hriat ka ring. " Papuia chuan a ti leh sup sup a.





" A in kawp tur a ber te an in huam chuan kei nin an nat kan lo hlauh avanga lo pawm pui loh ringawt chu a dik lo in i hre ve lo maw? " Papuia chuan za vak lo a khi deuh suk in a ti leh a. Ka pa pawh chu a bu ve ta nghut nghut.





Eng eng emaw an sawi leh a. Kan boruak chu a zang chho viau a. Tunah chuan ka pi chiah kan in kar a hel chu a ni ta mai a. A ni pawh harsa deuh mahse a rilru kan hmin thei ngei ka beisei. Papuia vangin beiseina sang tak ka nei ang chiah Zorina pawn a nei tih ka hria.



*


" Chuan.... Tlaiah in let leh nghal dawn a? "Zorina chu en in ka ti sep.Damdawiin pawn a thutna an siamah chuan kan thu a. Boruak zang ta hawk hi kan hahdam pui ve ve tih kan chiang dun bawk a, kan che vel a zang ta khawp mai.





" Ka pa in hna khawih tur a nei sia. " A tih rual chuan " Nang class kal i ngai bawk a. " Ka lo ti a lu bu nghut in a nui suk thung.




" Chuan engtik nge in rawn chhuk ang? " A rawn ti let a ka thaw chhuak hak thung.





" Ka pa hi a ziaawm mai hmel si lo a. Ka la hre lo ka nu chauh chuan a buaipui thei dawn si lo a. " Ka ti chhuak halh.





" I hna chawlh i la zawm dawn em ni? " A rawn tih chuan lu ka thing vat.





" Thawk tan chauh pawh ni ila din hmun in a zir miau loh chuan ka bang mai ang. He ta ka pa bul a awm hi ka duh rih. " Ka ti ve mai a. Zorinpuia nui suk chu hrilhhai zet in ka melh haw.





" Tinge I nuih? " Ka tih chuan min en in a then leh suk a. Enge maw a hriat ni.





" Kha thu kher kha chu ka pawm pui che em a. I hna hi ka ngai na lo, ka pa i hmuh reng khan ka awm hi a nuam lo thin. " A ti zui hluk a ka ner zui ta nang.





" Ka sawi vek tawh kha... " Ka ti nang nang mai. Muanpuia hi a thik khawp a. Mahse hmanni a Zorinpuia ka zui ni atang khan muanpuia pawh ka lakah a lungawi lo a min be ngai tawh lo a, kan inah pawh a rawn leng tawh ngai lo a. Zorina nen kan tha zawm mai bawk nen biak a phal miau lo a kei pawn ka tum bik lo. Mahse min ngaihtuahna leh buaipui tawh zawng zawngna te ka ngaihtuah let chuan nuam chu ka ti bik lo.


*

*


Kan khuaah thla hnih zet kan awm tawh a. Kan unau in kan hna kan bansan tawp a. Ka pa pension kum a ni tawh bawk nen Mama nen a ai kan in kal chhawk ngat ngat a. A chang leh dawrah Ka nu kan pui a, Ka pa erawh that lam a pan thei meuh lo a. Na zual lutuk tih tur chu ni lo mahse kan awm bo san ngam lo a ni ber a.





" Pa kei chu heta ngai awh reng ai chuan Aizawlah chhuk i la a that zawk ka ring. Doctor pawh an thiam zawk ngei bawk ang. Hma i sawn chak lo lutuk hian rilru a ti buai. " Mama chuan zanriah kan ei laiin a ti chhuak hlawl mai. Kei pawn ka lo rilruk na a rei tawh bawk a ka lo tui hnih vat a.





Ka nu leh pa pawn an faten kan ti tlat takah chuan min hnial thei ta bik lo. Maman thenawmpa a rang lam in a bia a, sumo ticket ti fel in naktuk tuk leh a chhuk kan ti ta chuk chuk a.





Zanriah kan ei zo thleng ka sil tur chu ka phone ri vang chuan tv chung a mi chu ka ban vat a Tei call a lo ni a ka la nghal vat.





" I tha em? " a rawn tih chuan min rawn call sual a nih ring in ka phone chu ka melh vung vung a.




" Nang nu hi min rawn biak khat khat nen biak ve chhunah i biak tum ka ni lo a mi? " Vui aw zet chuan ka ti hlak.





" Zuali ni lawm ni ka call hi.... A dik reng a lawm. " A mah leh a mah chu a in bia ni maiin ka hria.





" A nih enge i rawn sawi kha. Ka pa that leh that loh min zawh i tum zawk nge? " ka ti leh nghal a. Choka lamah chuan ka phei a. Ka thleng sil tur chu ka khawm nghal rak rak mai.





" I tawng dam chu engmah i la hre lo a ni maw? " A rawn ti leh chuan ka bo hu hu mai.





" Hriat tur a awm a mi? " Ka ti leh nghal vat a. Kut khing khat chauh a thleng seng ka ni bawk nen thleng silnaah ka thleng dah chu ka ti tlu zui rum rum a ka nu in min la rawn hau zui. Mahse ka nu chu ka ngaihtuah hman lo Tei thu rawn sawi chuan min thawng lutuk chu ka che ka tawp chawt mai.





" Engmaw i sawi kha? Fiamthuna chi a ni lo a nia. " Ka ti let hlak.




" Ka fiamthu lo nasa a nia. Zorinan nupui a ru! " A rawn ti leh chiah chu ka kaiza tha a tliak hmawk mai!





" Hahh.... Nang hi kha ta ka awm loh vang mai in min rawn tih der tum suh aw. " Za lo zet a nuiin ka ti hlak a. Ka thin erawh a phu rang nghal dawt dawt mai.





" Ka fiamthu lo tak tak a nia. Tun lawk khan kan hria a ka rawn be nghal che. A nupui ruk chu a ruak lo an ti bawk a. " A rawn tih leh phei chuan ka in sum hman lo ka mittui chu a rawn luang thla zui pap mai!




Ka dah lo tep a mahse awl ka hreh em a ka rawn type lui tang2 ka nawm sam vak loh vangin vawiinah kan han in entir a kan haw tlai sia tawi tha leh viau mai

[Ngaia]

CHAPTER - 47 by Amy Cck




" In la in be lo a mi? I lo hriat tawh ka ring zawk a. " Tei bawk chuan ka ngawih vang vang hnu chuan a rawn ti leh sep. Tawng ve ka tum a mahse ka dang a ro halh mai.





" Tu nge a hmeichhia chu? " Ka ti chhuak thei tawk. Ka aw chu a lawi rat a ka tah chhuah loh nan ka heh chu ka pen fan fan a. Ka mittui chu ka khap per sak sak bawk.





" Ka hre bik lo. Ka pa leh Andrew an va kal a. Kei ni pawh ka pi leh Brandon nen chiah kan awm. " A rawn ti let ve nghal a. A sawi dan velah chuan a hre chiang bik vak lo tih ka hria a, zawhna tam tak la nei mah i la Tei hian chhanna min pe thei lo tih ka hria. Bakah Tei zawh vak vak hian tangkaina a nei ber lo bawk a. Chuvang chuan sawi mai tur ka hre tawh lo.





" Ka dah aw. " Chokaah ka nu a lo luh avang chuan tih leh ka phone chu dah ka rual a. Dawhkan sirah chuan ka ding ta reng. Ka ngaihtuahna chu a kal thui ngang mai. Tu hmeichhia nge? Chuan a rai bawk a maw? Thil tam tak ka ngaihtuahnaah chuan ka lu chu a na vek thei hial.





" Thil dik lo a awm em ni Mambawih? " Ka nu chuan ka banah min rawn khawih in a rawn ti a ka phu zawk mai. Ka hrawk thian kharh kharh in ka nu awm loh na lam hawi chuan ka mittui chu ka hru thuak thuak a.





" Aii... Awm lo e. " Ka ti lawi rat mai. Ka nu chuan min en chik ngang bawk.




" I tap em ni? " A rawn ti leh khauh mai.




" Tap lo. Ka thleng seng naah hmarcha plate ka khawih a ka mit ka khawih palh leh sia.... a thip. ” ka ti ringawt a. Ka kaw chhung tawt lutuk chuan a hnawh in min hnawh tup tup mai.





" Ti nge maw I fimkhur loh em em le? " Ka nu chuan tiin dawhkan chu a rawn seng fel ve a. Kei chu ka nu in min hriat chhuah mai hlau in tuidehna hmaah chuan ka nu hnung chhawn a ding in thleng ka sil ta daih a. A khat tawk a ka mittui rawn luang leh pap thin vang chuan ka in sut leh hraih thin. Mahse ka nu chuan min zawt tawh lem lo a. Dawhkan a tih fel zawh in ka pa damdawi pe turin a chhuak zui a ka thaw huai mai.





Thleng sil sawk sawk in ka roomah ka phei a khum bul dawhkan a ka phone chu ka la nghal vat a. Zorinpuia chu ka call nghal vat a mahse a in ring ral thak. Ka call nawn leh pawn a la thei chuang lo chu ka mangang leh thinrim bawk nen khumah chuan ka phone chu ka paih thlah chawrh ringawt.





Ka pa ten min rawn koh vang chuan thawk la hak in ka chhuak a. Mama pawh a leng a rawn haw ve tawh . Ka pa te nen an lo thu thap mai. Ka nu bulah chuan ka va thu thla ve nghal a.





" Heii.... I pu Rema te kha in entir ve tur tho in naktukah an motor khan chhuk an tum a. Chhuk kan tum ve tih an lo hria a niang an motor a tel ve tur in min rawn sawm a. " Ka pa chuan a lo ti a.





" Mahse ticket kha Mama I ti fel tawh a ni lawm ni? " Ka ti leh ha mai.





" Kha chu naktuk tuk leh a ni tho a , va sawi leh nghal chuan a pawi lo ang. Seat hnih i pu Rema te chuan a a dawn a tia. An nupa leh an fanu chiah kha a ni awm a. I pa hi a rui leh nasa dawn sia sumo chu ka lo tia." Ka nu chuan a ti ve bawk.





" A nih chuan Mama bike ah ka chhuk leh mai a nga. Ka pu te rual chuan nang ni kal u la. A pawi chuang lo. " Ka ti ve nghal a. A hma kha chuan Mama a mah in bike in chhuk se ka nu leh pa te rual a sumo a chhuk kha ka tum a. Bike a han long run leh kha ka hre ve tawh deuh bawk nen. Mahse bike ah tho chuan ka chhuk a ngaih ta hmel.





" A nih an la mut ka ring lo ticket chu ka va cancel leh mai dawn? " Mama chuan a ti a. Kan pawm tlan vang chuan Mama chu a chhuak leh nghal a. Kei pawh ka room ah ka lut nghal vat. Khum a ka phone chu a lo eng pap pap a rang zet in ka la kang a Zorina call a ni tih ka hmuh chuan ka hlauthawng nghal ringawt.





" Hello... " Ka beng bul a phone ka dah rual chuan ka ti a Zorinpuia thaw chhuak ham ham chu ka hre nghal. Chu chuan min ti tang tung thung.





" A tawpah chuan. " A rawn ti chuai ruih a. Thil thleng ka lo hriat tawh vang nge engmah la sawi dun lo mah i la ka hah nghal tum mai.





" Thil thleng a awm a mi? " Hre lo ang a lang chuan ka ti a. Ka aw chu a khur ru der der tho. Tei chuan rawn sawi tawh tho mahse Zorina thu dik ti a, a rawn sawi leh chu ka hlau tak zet thung.





" Awm lo. " A ngawih vung vung hnu chuan a ti bung nghut mai. Chu thu chu sawi se ka duh kha a ni a mahse a, sawi ta cheng a ka lawm phah chuang miah bawk si lo. A hma ai zawngin ka thin a rim a ka rilru a na zual zawk bawk.






" Tak tak maw? " In seh ruh tun chuan ka ti a. " Umm... " A rawn ti sup chu mit ka chhing sawk a ka mittui a rawn luang thla pap mai. Mittui tla reng chung chuan ka nui ro nghal hak.





" Nupui i ru tih ka lo hria a, ohh.... A rai bawk tih te nen. " Nui ro hak chuan ka ti a, a rawn rum nghut mai. Mahse eng mah erawh a rawn sawi let miah lo. Phone chu a dah emaw ka ti hman hial a. Mahse a thaw ri leh hawk thin ka hriat vang chuan a la dah bik em lo tih ka hre thei.





" Ka thil hriat chu dawt tihna maw? " Kei mah bawk chuan ka ti leh a. Tunah hian ka na tak zet, chuan ka tlawm lutuk hian min ti na zual. Phone hi dah hmak tur ka ni a mahse ka phal tlat lo.





" Nupui ka ru lo. " A rawn ti leh hmuk a. Ka thin chu a rim zual sawt.





" A nih chuan Tei khan dawt min hrilh i tihna em ni? I nupui ruk vangin Andrew leh a pa pawh an rawn kal lo a maw? " Ka ti chang fak a. Ka nu ten ka tawng an hria ang tih chu ka hlau leh hnu hnawh. Engkim a kal tluang a, ka pa te pawn kan in kar an pawm ve tan tawh a. Mahse hetuang thu an hriat chuan an rilru a nat bakah an thinrim dawn lutuk tlat.





" Kha thil kha.... " Sawi zawm lo chuan thawk a la leh hawk mai.




" Tu nge chu nu chu? " A sawi zawm loh vang chuan ka ti ta ngawt. Ka aw ah chuan ka beidawn zia pawh a ri chhuak thei hial.





" I hriat kher a ngai lo a, a tangkai lo bawk. " A raan ti hluk chu ka sa ve phat mai.




" A tha a nih chu. " Ti hmak in phone chu ka dah a. A rawn call nawn leh nghal a mahse ka switch off nghal hmak. Ka hriat ve a ngai lo a ti a nih chu!





Naktuk a chhuk kan ti leh tak rum rumah chuan phur lo zet in ka in siam a. Ka tah lah chu a chhuak tun leh nghal. Ka in siam zo a, mutthilh ka tum a ka theih thak lo. Naktuk a bike a chhuk tur kan nia mut ka mamawh teh reng nen mahse mutthilh ka tum nasat pauh leh ka harh tulh tulh leh nghal. Naktuk a Aizawl chhuk pawh chu ka huphur zual vek. Papuia hmel pawh ka hmuh ngam lo ang.


*

IMG-20210928-WA0000.jpg
IMG-20210928-WA0000.jpg (22.98 KiB) Viewed 8383 times


Zing chaw ei khamin ka nu leh pa chu pu Rema te motorah an chhuk a. Kan thawmhnaw thenkhat pawh kan phurh thlak tir a. Kei leh mama erawh kan bawr dawn lo a, a tih zia hlauh. Nizan ka mut theih loh vangin ka lu a rit bur a. Ka tap chu ka ti daat ngam lo mahse ka mittui a tlak reng miau a vangin ka mit pawh a bui lak a. Kawngah chuan sunglass ka vuah a, Mama pawn min hrethiam lem lo.





Bike a chhuk zawk na na na chu kan thleng hmasa a. Thla hnih ngawt kan in kan luah ta lo a. Kan lut chu a ngaihawm rum rum mai. Kawng a khu bawk nen kan ngap chuap mai a, ka nu leh pa te rawn thlen hma tiin kan inbual a. Room corridor lam bathroom ah ka inbual a, chhak lamah bathroom ah mama a lut ve thung a.





Zingah Aizawl kan chhuk dawn tih Tei ka hrilh zuai a, a bak chu ka phone ka off hmak a. Chu pawh Zorinpuia call a rawn luh sek vang in. Zing a Tei nen kan in biak khan nizan a Andrew te an va kal in an sawi dan in Zorinan a ru ni lo in a hmeichhia zawk in nau a pai vangin a rawn luh khung a ni awm a.





A hmeichhe hming ka zawt leh hram a ' Malsawmtluangi... An veng a mi ' tiin Tei chuan a rawn sawi a. Hre chiah lo mah i la rin pakhat chiah ka nei. Sawmi kha a nih ka ring tawp a, a hmung pum lam erawh ka hre lo mahse a mah ngei a nih ka ring nghet bur.






Kan in thlak fel zo a, ka nu te an la rawn thlen mai loh vangin thungpui te kan lo in a. Tlai lamah ka nu te an rawn thlen chuan thawmhnaw kan han thiar pui a. Ka pa damdawi pakhat a zawh tawh vangin kan thenawm lawk damdawi dawr ah va en chhin turin ka nu in min ti a, ka chhuak chho leh nghal a. Kawngpui ka thleng chho chu ka step zawnah motor a rawng ding chawt a ka phu nasa lutuk chu ka rak chhuak that nghe nghe.





" Lo lut rawh. " Driver seat lam atang chuan Zorinpuia chuan a rawn ti a. Melh rawm in ka kal tlang hmak a. Mahse ka kal thui hman lo hnung lam atangin ka kang nawlh a, passenger seat ah chuan a nawr in min nawr lut nghal rawk rawk a. Kawngka a rawn khar rual in a lawk ri nghal khap mai.






" Hawng rawh. " Ka ti ram hmak a kawngka chu jei mah zawk chuan ka sawi nawk nawk a, mahse ngaih pawimawh lo zet in driver seat ah chuan a rawn thu lut tho. Chak zet in motor chu a khalh chhuak a. An veng lam kan pan tih ka hria. A tawng lo a kei pawh ka tawng tawh bik lo.






" Ka lo lut dawn lo. " Kan in kawt gate bulah motor a tih din rual in ka ti zui hmak a. Thaw ri hrawk in a hmai chu a tuai puat mai.





" Nupui ka ru lo. " A ti hmuk a , a hma ang bawk in thawk a sak leh talh tawh.





" Aw... I ru lo mahse a rawn luh khung tho che a ni lawm ni? Chuan I fa a la pai zui bawk a. Engtin nge ka chungah.... Ni lo, kan chungah i tih theih a. Kan chhungte kan hmin ve chauh a mahse hetiang hian a thleng leh a. Ka nu leh pa pawh ka hma chhawn ngam tawh dawn em ni? Chuan Papuia.... I pa pawh kan ti beidawng bawk a. " A tawp lam chu ka hnuk a ulh tun mai. Kan tan a ding awm chhun a nia, Papuia chiah in min pawm pui a mahse a ni pawh kan ti beidawng let der chu a nia.





" Lut phawt ang. " A tih zawi sup chu ka melh rum ngei mai.





" Ka duh lo ka tih chu! " Ka ti vin that a mahse a mah zawk chuan a thutna lam chu nem hawng rawp in a chhuak zui nghal a. Motor chu rawn kal hual in ka thutna lam bawk chu a rawn laat hawng a. Ka lo tang ve teh nang in min pawt chhuak dawr dawr tho.





Ka thu sawi engmah a ngaithla duh miau lo a. Kawngka pawt hawng in an in chhungah chuan min pawt lut dawr dawr a. Sitting room lamah min kai phei a, ka pi, Papuia leh Sawmi ngei pawh chu an lo thu thap mai. Min hmu chu mak tih hmel zet in min melh nghal vek a.





" Eng thil nge ni? " Ka pi chuan a lo deuh hmak a. Aw... A ni hi chuan Sawmi hi a ngainat hmel viau a Papuia erawh a mit meng ka chhiar thiam lo.





" Nupui ka nei dawn a nih chuan a ni chiah hi ka nei dawn! Midang neih tumna ka nei lo. " Zorinpuia chuan a ti chang bawl mai. Ka pi chu lo tawng tum in a ang zauh a mahse Papuian a tawng khalh thung.





" Naute hi i fa a ni a, mawh phurhna i lak a ngai tih i hria em? " Papuia chuan a ti ve nghut.





" Ka fa a nih vang ngawt in a ni hi ka nei kher tur tih dan a awm em ni? " Zorinpuia chuan ngeiawm zet in a ti leh hluk a. Ka in swh ruh tun a Papuia hmel pawh a dur tha khup khup khawp mai.





" Zorinpui i va mak tak. I fa pai tu hmeichhia in mangang in a rawn pan che a kha tiang kha i sawi khum ngam a maw? I lam ka tang thin mahse tun tum chu I ti mah mah a ni. Engtin nge an ni hi awm se I tih? " papuia chuan a ti kha fuk a. A aw chu thunun a tum viau a mahse a lawm lo zia chu a lang chiang tho.





" Nang hi sawn man pek te i lo rilruk a ni lo maw? " Ka piin a rawn tih chuan Sawmi chu a meng phar nasa mai.





" Kan thei lo em ni? " Zorinpuian za lo fahran a nui chungin a ti chu Papuia chuan a hming pum in a ko chang nghal bawl.





" A ni hi ka neih kher chhan tur ka hre lo. Naute hi a enkawl thei lo a nih pawn ka kutah dah in a ni hi chu in thiar fihlim rawh se! " Zorinpuian a tih rual in papuia chuan a beng ri nghal chawrh. Ka kut a min kaih neh ve miau vang in ka lo nghing ve lawih thei. Ka pi leh Sawmi te pawh an thutna atang in ding nghal zawt a. Kan vai chuan min thaang vek.





" Mahni hmasial lutuk mihring! " Papuia chuan a ti hluk mai. Zorinpuia chu a in seh ruh tawlh tawlh a. Ka banrek a hmer na chu na tak a ni. Mahse ka sawi ngam lo Papuia mit meng a thinrimna ka hmuh phei chuan ka hlau tak zet.





" Eng thil pawh sawi la tun tum chu ka duh ang bak in thil a kal dawn lo! Sawmi hi a rai a, i fa a pai bawk. Midang chu dah tha vek ang che, ka tu lo piang tur hi fahrah ni mai mai tur in ka rem ti lo. " Papuia chuan a ti nghut a. A sawi dan atang chuan Sawmi nen hian in neih tir a tum tih ka hre thiam. Chuan kei hi hnawk sak ber chu ka ni ta a.





" Ka nei dawn lo ka tih chu! Ka fa lak a ka maahphurna chu ka la em em ang. Mahse a ni hi ka neih kher a ngai teh hrep lo. Nau a pai vang in ka nei ringawt ang maw? " Zorinpuia chuan nui lui suk in a ti a. A biang erawh Papuia benna kha a sen tawlh tawlh thung.





" A ni hian ka fa chu a pai ve tho tawh a. " Tiin min rawn melh a, a thu sawi chuan min thawng tak zet, Papuia pawh chu a mit meng a buai nawk mai.





" Tunah khan engmaw i sawi kha! Zuali i rai a maw? " Ka pi chuan a rawn ti a. An vai mai chuan min melh thup a, ka thaw tawh pawn ka hre lo.





" Ih.... Englo... " Ka tih lai chuan " Vanduai thlak takin naute chu a chhiat. Chuvang chuan a lakah hian ba tam tak ka nei a, kal san ka tum lo. " Zorina bawk chuan a ti leh a, ka a thei mai dawn. Enge sawi a tih ve tur pawh ka hre thiam lo. Tunah hi chuan bo daih hi ka chak tak zet.





" Hetiang thil thlen hnu pawh hian Zorinpuia hi i vuan thei meuh ang maw? He mi â zet hian a fa paitu ai hian a hma sial zet in hetiang buainaah hian a hnuk lut che a. " Papuia chuan chiang fek fawk a min en in a ti hluk a. Kei pawh hi min haw tel ve a ang hial zawk. A zawhna chhanna ka pek hun nghak in min melh khui bawk nen eng tin nge ka tih tak ang!





thil sawi lawk ang, a kual tawh e, a hneawm. A boring tan ti ho tan khan complete hun nghak u la a kual lo mai ang. A dik a dik chuan kei chuan kual ka ti lem lo a. Ka ziah tum ang tak in ka la ziak zel dawn a. Ka chapter khat hi ka story dangte ang in ka ti sei thei si lo a. Chapter 1 a thil thleng hi a tam hman lo lutuk a chuvang chuan a kual hmel ta a. Ch 2 hi ch 1 ah khung i la chutiang vel tur chu a ni. Mahse ka type muang chhit chhet nen type sual lah hi ka hrat bawk nen ka speed hi a chak thei ngang lo. Chapter ngai a zawm lah kha then khat in a zawm an lo hmu lo emaw hrethiam lo a, in rawn phun leh thin sia. Ti hian a tawi pawh chapter hrangah ka ti ta zel a. A kual de de dei dei.... Rawn ti tawh su complete ah chiar pawp u la ch 1 a thui lo bawk nen in chhiar ZO vat mai ang

[Ngaia]

CHAPTER - 48 by Amy Cck




An vai mai chuan ka tawng tur ngai changin min en thap a. Sawi mai tur ka hre lo chu ka taksa te hi an khawng vek thei hial in ka hria. Ka rilru leh lam chuan ' tih theih dang a awm tawh lo thlah mai rawh ' tiin min hrilh a. Mahse a leh lam hian ka kut nghet tak a vuan tu hi thlah a hreh ngawih ngawih bawk si.





" Ka... Ka hre lo. " Ka ti sep. Ka tawng zawi lutuk chu an hre phak pawn ka ring lo hial a. Mahse ka thu sawi ngai chang a min en vek vang nge an hre vek a nih ka ring an hmel lan dan atang chuan.





" Hetiang a I chung a a thleng hi pawi ka ti khawp mai. Ni lo.... Ka zak tak zet zawk! Tun tum chu ka fapa lam hi ka tang thei tlat lo. A ni pum chhungah hian ka tu tur a in siam mek a. Ka hre lo der thei ngawt lo a pa ang lo tak in. " Papuia chuan ti hluk in Zorinpuia chu a melh ngur a. Zorinpuia erawhin ka banrekah nghet tak a min vuan in hma lam chu a melh ngur thung.





" I nu leh pa hmel pawh ka hmu hreh ta ngawih ngawih mai! He buainaah hian I tel ve lo a, kan chhungkaw buaina a ni a kan hnuk lut tel che hi pawi ka ti tak zet a nia. Eng thil pawh thleng se nang chu ka fanu ang chiah in ka en che tih hria a. Tunah chuan I rilru a buai pawh a ni mahna, fim tak in heng thil hi i ngaihtuah dawn nia. " Min en in a ti dam dup a. Zorinpuia chu melh leh vut in pik tih hriat zet a thaw chhuak hawk in a kal sawn a. A roomah a luh thleng chuan tu mah kan tawng lo.





" I pa thu sawi chu in hriat chian kha, naute lo piang mai tur hi kan chhungkaw thisen, kan thlah kal zel tur a ni a, eng thil pawh thleng se kan hlam chhiah dawn lo. Zuali nang pawh I nu leh pa in hria se in in kar hi an pawm dawn lo. Ni lo.... A hma atangin an pawm lo zawk a, Zorina pa an hmai zah vang in an en liam hram cheu a ni ber a. Tunah chuan en liam mai mai theih a ni tawh lo. " Ka pi chuan a rawn ti charh charh a. Sawmi erawh a bulah a lo ding ngawi reng a. A mit mengah chuan min huatna emaw thil dang ka hmu lo, a rilru a na tih chiah ka hmu thei.





Ni e, a na ngawt ang. Na lo se chuan a mak zawk ngawt ang chu! A fa paina pa in hmeichhe dang hruai lut in a mit hmu lai ngeiin chu hmeichhia chu a fa leh a mah aiin a duh zawk thu a sawi miau a lawm.





" Min lo zui rawh! " Tiin Zorina chuan kan hma a hmeichhe dingte chu hmu lo der hmak in inchung lamah chuan min kai chho dawr dawr a. A room kawngka pawt hawngin min kai lut a, kawngka chu a kalh nghal hmak.





" Ka pi thu sawi kha chu engah mah ngai suh. " Ka tawng mai loh vang nge a rawn ti zawi sup a. Zorinpuia hmel en chuan ka hawi chhuak a, sawi mai tur ka hre lo. Ka ruak vek ni ber in ka hria tunah tak hi chuan.




" Engah mah ka ngai lo. " Ka ti sep chu a thaw chhuak hawk.




" I fa chu a pai tak tak em? " A mitah tak chuan melh in ka ti zawi sep. Ti nge ka hriat chian sa chu ka zawh nawn leh kher? Ai... Tiin min chhang dawn lo tih a chian teh lul nen.





" Ka tihpalh. ” a ti zawi sup chu ka in sum hman lo ka tah nuih hak.





" A nih chuan I pha miah lo a maw? " Ka ti ro halh a. Min chhang lo chuan ka hmaah a ding ngawi ngul thung. Ka van â tak, zawhna hriat sa zel ti nge ka zawh? A fa a ni lo tiin pha se chuan tunah an inah Sawmi kha a cheng in Zorinpuia hi a luh khung tawp lo ang.





" Min chhang leh suh! Enge maw ka zawh vak vak che le. Kei mah ngeiin in awm dun lai pawh ka hmu cheu a. Kha i in ngeiah khan ka mit ngeiin ka hmu tak kha! Ka fa a ni lo tiin tang pawh ni la ka awi chuang che in ka ring lo. " Ka ti chhuak tan tan a, min chhang let lo leh a tawng ve miah lo te chuan ka tah an ti chhuak zual.





" Ka haw dawn. ” tiin kal pelh ka tum chu ka banah min vuan bet nghal chawt.




" Min nghak tur in ka duh che. " A ti sup a. Ngeiawm zet a nui in ka melh chho rawm.




" Engtia rei? Maw.... Naute lo pian hma zawng maw. Lo piang ta se i fa ni bawk si se engtin nge i tih leh zel ang? " Ka ti chang ta fak. Ka banrek a vawn chu a thlah riai riai a kei pawh kawngka lam chu ka pan vat.





Tunah pawh kan in kar chu a tawp la ti lo mah i la a tawp dawn tho tho tih a lang kuar a. Sawi dawt lo mahse Papuia khan Zorina nen kan in kawp zui zel chu thil tih chi leh dik ber a ni lo tih a sawi chiang viau bawk. Ka nu leh pa lakah pawh a in thiam loh thu a sawi atang khan Zorinpuia nen kan in kar chu tawp turin a duh tih pawh mi mawl ka ni bik lo a ka hre thiam vek. Mahse Papuia kha dem theih a ni miah lo.





Zorinpuia hi a fapa neih chhun a nia, a duat in a engkimah a dah pawimawh zia ka hria a. Chuvang in kei pawh kha min sawi sel lo in min pawm hmak, a fapa hlim nan a ti tih lah mi mawl ber tan pawh hriat loh theih a ni lo.





Mahse tunah chuan hmeichhe dangin a tu tur an pai sak tawh a. A fapa chu hmangaih mahse a thisen zawm ngei lo piang tur thlah thlam mai duh chi a ni lo bawk a. Chuvang chuan kan tan a tih theih a ti vek tawh a, kei ni bul la tan tur chauh ai chuan bul a tanpui tawh sa chu a pawm pui mai a ngai miau.





" U Zualte ka be lawk thei che a ngem? " Zorinpuia room atang a ka chhuak step ka chhuk tur chu Sawmi nen kan in tawk a. Rai no a hua nge a cher ve dak mai. Engmah ka sawi lo vang chuan a rawn thaw chhuak halh a.





" Ihhh.... Hetia awm hi ka duh dan a ni lo a nia. Zorina nen hian kan in ngaizawng in in zawmna pawh kan nei lo. " A tih rual chuan ngeiawm lutuk in ka lo nui hak.





" In zawmna nei si loin a fa I pai chu a nia. " Ka ti ram hmarh. Ka tawngkam chu a na tih ka hria mahse kei pawh hi ka na ve tho a tawngkam mawi hman lam ka ngaihtuah in hman tumna pawh ka nei lo.





" I thinrim tih pawh ka hria a awm tak zet. Zorina hian a hmangaih che in a atchilh hle bawk che a.... " A tih lai chuan " I sawi t chu sawi vat rawh! " Ka ti leh hmak. Tunah hian ka mipa hmangaih nen kan in kar tha tan mek leh kan harsatna kan pal tlang zo dawn chiah a min tih chhiat sak vek tu ka bia a, a rilru ka ti na em tih lam ka ngaihtuah theih chu in ring bik suh se.





"Aw le... Zorina nen in in kar tih chhiat hi ka duh bik lo. He tah hian naute vang chauh in ka awm a. Ih. ... Zirlai mai ka ni a, nu leh pa ka nei tawh lo bawk a. Ka pi leh pu ten nau ka pai tih an hriat a an awm dan tur ka ngaihtuah ngam lo chuvang a Zorina hi pan mai chauh ka nia! " A rawn ti halh a. Nu leh pa a nei tawh lo tih pawh ka lo hre miah hlei nem.





" Tunah an hre tawh tho ang chu! Chuan.... Zorina nen kan in kar tih chhiat i duh lo a mahse i ti chhe tho chu a nia. Chu thilah chuan ngaihdam min dil i tum angah ka ngaih sak ang che! Mahse chu tiang engmah a thleng dawn lo. Zorinpuia hi ka thlah nghal hmak ring suh. Chutiang mai mai tur chuan thil paltlang kan ngah tawh lutuk . " Nui ro halh in ka ti a. Enge ka sawi pawh hi ka hre tawh lo. Zorinpuia room ka chhuah san lai kha chuan kan in kar a tawp ang maiin ka awm a. Tunah ka thlah phah dawn lo tih ka sawi leh bawk a. Ka lo â tak tak tawh a nih dawn hi.





" Bakah tunah I rai chauh a. Ahha... Zorina inah ka rawn kal ve nghe nghe kha. Thla 3 vel tihna a ni phawt a nga. Nang mah a paah I rawn puh miau sia, dawt kan tih sak thei ngawt si lo che a. Naute lo piangse Zorina fa ngei a nih em tih chu kan chiang chauh ang. Chuvang chuan tunah hian tu pawh hi kan rilru a buai vek rih a.





Zorina pawh a dik lo tih chu ka hria, mahse kha tih lai khan a rilru a na in ngaihtuah mu mual a nei lo a. Kawng tam takah chuan ka dik lo ve tho. Chu vang chuan min sual ber anga en nghal a ka thlah mai chu ring suh! " Ka ti duah a. Ka tawng chu a dam in a fiah tha phian leh nghal. Chuan ka ngaihtuahna buai leh tawt tun te kha an reh huai mai. Fim tak a ka ngaihtuah takah chuan naute lo pian hun thleng chu ka nghak thei em em ang.




Mahse Zorina fa a nih erawh chuan!




" Ka thlah ang che! " Ka bul a lo ding in Zorina chuan a ti sup a. Ka thu sawi kha a hre hman em ka hre lo. Sawmi chuan hreawm a tih hmel ngang mai.





Zorina pawh chang lo chuan step ah ka chhuk a min lo zui ve mai bawk a. Ka i emaw papuia pawh hmuh tur an awm lo, kawngka lam chu ka pan nghal a. Pawn ka chhuak chu a lo tlai ta duai mai.



" Lo kal la! " A ti leh chuan ka thaw hak.



" Thlah ka ngai lo. " Ka lo ti hmak thung.




" I chhungten an lo ngaihtuah ang che! " A tih leh chuan ka melh rawm a. Inthiam lo hmel a pu ve tho. Ka pa damdawi thenawm a lei tur in ka chhuak zawk kha a nia. Rei chu min ti ngawt ang. Ka phone leh bag engmah ka keng lo zui a. Ka pa damdawi leina tur chu ka kekawer ipah ka la ak ve hram.




Motor an vang dawn tih ka hre ngal a. Kan veng lam a to an tur ngat phei chu an vang viau ang. Kawtah motor in hung saah chuan ka thu lut leh ta nge nge.





" Sawmi bul a ka thu sawi kha i hria tih ka hria. Kha vang khan ka ngaidam che tihna a ni lo a nia. " Kan ngawih vang vang hnu chuan ka ti sep.





" Ka hria lawm! Ka ti dik lo tih ka hria min hau in ka lakah thinrim mah la ka pawm vek min kal san lo chhung chu. " A ti ve sup a. Ka ngawih vang vang ringawt. Naute hi a fa a nih chuan mi kal san duh lo eng ang mahse phal lo chung pawn ka thlah a ngai dawn. Tih theih dang kan nei dawn tlat lo a.





Naute chu a fa a nih tak tak chuan naute lo piang hlim hlawl pa chu lo chhuhsak tur in enge ka ni? Ka hlim chuang a ngem, kan nun a tluang a ngem? Chutiang em a nun rawng a hma sial chu ka ni bik lo. Hmeichhia ve tho ka ni a Sawmi ang chiah khan ka lo rai ve tawh bawk. A harsatna leh rilru hahna tam zawk chu ka hrethiam ve tho. Kei pawh ka fa kha fahrah pa nei lo a nih mai hlauh vang in Zorina hrilh ka tum kha a ni. Chutiang chuan a ti ve a ni mai a. Mahse tunah rih chuan ka kian mai thei bik lo.





Kei mahah hian beiseina chhe te a la awm a. Chu thil chu ka la chhi eng lui zel chu a nia. Ka nu leh pa ten hria se engtin nge an awm ang? A hma ang chiah khan Zorina hi thlah tur in min ti leh ngei a nga. Ka pa damloh vang a heta chhuk kan ni a , an nat zual na tur chu sawi loh a him ber.





Kan in kawtah motor a ti ding a, engmah sawi lo in ka chhuk a. A la tlan chhuak mai lo tih ka hria kan in step ka chhuk thlak rual chuan a tlan chhuak ri ka hre ve chiah. Kan in ka lut tur chu ka chhuah chhan ber damdawi ka lei miah lo tih ka hre chhuak a thaw hak in stepah chuan ka tlan chho a. Kan in piah deuh kawn a damdawi dawrah chuan ka zawt a, an lo nei ve mai a lei vat in ka let leh nghal a.





" I va rei ve, ka rawn zawng che a sin. " In ka lut chu Maman a lo ti nghal a. Nia, rei tak ka ni, damdawi lei chhung chu darkar chanve pawh a tling lo reng a. Mahse darkar chung fe ka chhuak miau a.





" Hmelhriat ka tawk a, dawrah kan ti ti kual a. " Ka ti ve hap a.




" Ka mu dawn , chaw ka ei peih lo a nia vawiin kan bike chuang ka na thum mai. " Tiin roomah ka lut phei a. Khumah ka mu nghal thlawp. Ka rilru lah a hreawm bawk ka taksa lah a na tak tak bawk si, ka tan hian khua hi a var ve hlawl lo.





Ka naute kha chhiat lo i la chuan tuna Sawmi chan saw ka chan a ni ngei awm sia tih te ngaihtuah chuan ka muhil thei chuang miah lo leh nghal. Vanduai bik a piang hi chu kan awm a nih hi tiin ka in hnem leh thin bawk a.


*

IMG_02102021_200017_(474_x_500_pixel).jpg

*

Vawinah ka pa inentir ka nu nen kan kal pui dawn a. Mama erawh a dawr thawhna an pu khan a duh sak ngang a, kan chhuk ni, a tuk atang khan a thawk leh nghal a. Kei erawh ka hna kha ka bang tawp kha a nia. Bakah ka pa buai pui a damdawiin vel a kal pui reng a ngaih vang in hna dang pawh ka zawng leh rih lo a. Inah ka nu leh pa te nen kan awm tawp a. Ka pa pawh a pension na vel kan buai pui a, kan ti fel vek tawh ang a nia thla a muang deuh.





Private in doctor chu kan rawn a mahse civil ah a thut ni a kal a, test neuh neuh nei tur in min ti a. Chuvang a vawinah pawh civil lamah kal tum kan ni. Lehkha lak chawp kan ngaih avangin kan kal hma viau a. Mahse thil han tih han tih kual takah chuan ni leng hun chu kan hmang leh tho. Farkawnah khan ka in entir kual nasa a mahse a tha an ti zel a, mahse ka pa en hian a that hmel kan ti bawk si lo a, chuvanga helam a chhuk kha kan ni a. Eng emaw tak beisei in kan kal a mahse result tha lo hriat erawh kan hlau ru leh viau tho si.





Kan ril a tam deuh vangin leh ka pa thisen result nghah kan la ngaih avangin dawrah kan chawl a.





" Thil ei zawhah lo va haw hmasa u la reaulh vel chu kei man ka lo lam kawi mai ang. " Ka nu leh pa bulah chuan ka ti a, an pawi ti lo viau leh nghal. Ka pa hi a thu rei thei lutuk lo a, bakah mi an tam bawk nen zan lamah a chauh ka hlau deuh bawk a chuvanga haw tir tum ka ni pakhat bawk a.





Kan thil ei tur a lo thleng a, kan ei nghal mawlh mawlh a. Dawr a rawn lut ve te avang chuan ka thu ngil zawt a. Ka nu pawn a lo hmu a ni chek ang chu a en ve ta reng.





" Saw saw... Zorina te an ni lawm ni? " Ka nu chuan a ti a. Engmah ka nu leh pa te ka hrilh lo a. Zorina pawh a rawn leng ve zauh zauh a engmah hre lo tih takah tha tak in an lo be ve zel a. Mama erawh in a la mil chiah loh vangin an in be ngai lo. Chuvang pakhat chuan engmah sawi chi ni pawn ka la hre lo. Papuia te lah in an sawi ri lo a, tun tum chu ka pi pawh a reh hmak a. Mak ka ti ve deuh Zorina nen kan la in hmu thin tih pawh a hre reng awm sia.




" Ee.... Enge in tih ve a, kan va in hmu khat ve? " Kan piah dawh kan a an thu tur chu ka pa in a lo bia a. An lo hawi vat mai. Ka pi, Zorina leh Sawmi an nia min hmu chu mak an ti ve tho a nih hmel.





" Damdawiin lamah kan in check tir a nih hi nang ni zawk enge in tih a? " Ka pi chuan a rawn ti a. Zorina chuan min en ve reng a kei pawh ka en ve tho. Sawmi erawhin nuam a tih hmel vak loh.





" Nia... Kei ni pawh Mambawihi pa hi kan kal pui a. Nangmah em ni? " Ka nu chuan a ti leh vat a. Ka lo tang deuh thung mai.





" Ni mai ang chu, ka incheck up khat em a, bakah hei Sawmi hi kan entir a. " Ka piin a tih chu Sawmin eng emaw a hrilh sep a. Enge a sawi chu ka hre thei lo. Zorina leh kei chu kan ngawi dun reng.




" Ohaww... A va zia lo ve. " Ka nu chuan a ti leh mai a.




" Nia, mahse engmah pawi a awm lo hlauh a. Tunlai hi a mu tha lo zeuh zeuh a naute tan a pawi tak in kan tia ka in check rual in kan ti ve nghal a nih hi. " Ka pi bawk chuan a ti a. Zorina chuan duh tawk turin a lo ti sup.




" Naute maw? " Ka pa chuan a ti sup.




❤❤ tawi leh ta🥴 tunlai chu ka dam sam lo leh kual vel a. Ka damdawi ei hian mut hi a chawh ve khang lang a. Damdawi tel lo pawn mut chu ka harsat loh teh lul nen khuh damdawi a Nia mahse ka khuh ai chuan mut chhuak lamah a thawk na zawk tlat mai a. Tunah pawh ka type emaw ka tia lo ka muhil veng2 mai. I in hrethiam tlang ang u aw. Dah lo vang vang ka hreh vangin ka ti mai pawh a. Dam fel phawt la in tih chuan kan chawl a nga, tawi te te pawh i dah theih chuan kan sawi sel lo in tih chuan in thu🤍 cmt ah in ngaihdan in sawi dawn Nia❤❤love you all🤍