"Ngati nge a?" Kan mate Joshua leh midang ho thing fawm lai chu ka va nang ching a,ka tah teuh em vangin ka awmdan chu ngaih tha lo hmel deuh hian min en
"Engmah anilo..." ka tih lai takin Kendra chu chak zet hian a rawn kal phei ve chiah... Joshua bul chet ah chuan ka ding a,a mah chu ka hlau tih an hrethiam nge Joshua pawh chuan min veng tih hriat takin min din hliah deuh a
"Ka tihpalh" min kal pelh lai chuan a ti ri ka hria...mahse awmzia a awm lo khatiang khan a lak a ka thian that na min rul let tur anilo hrim hrim, Joshua te thing fawm chu an let hun ka nghak tawp a chutilo chuan kawng ah min lo chan ka hlau
"A tibuai che ami? a nih chuan teacher hnen ah sawi rawh" kan phei pahin atih chuan a ngaihloh thu ka lo hrilh mai a,midang kan va fin rual a Kendra leh Emerda te lo titi dun ka hmuh chuan ka hriatloh chhungin ka kut ka lo hum ruh nghek!
"Glo...Khawi ah nge I kal daih a? Kan tent tur pawh kan la siam velo ania " U Ziri chuan min kai phar lawp pahin min kalsawn pui nghal dawr dawr
"U Zir,,mi I kiss hian engtin nge I awm thin?" Kan tent tur kan siam mawlh mawlh laiin ka ti chhuak hlawl,a thil tih lai chawl meuhin min en a, diktak chuan nichin kha ka ngaihtuah ngut ngut!
"Nge chutiang te mi zawh daih daih a? Bialpa pawh ka nei tawh rih hleinem mi ka kiss loh na a rei tawh lutuk...tun hnai ah mi kiss I nei ami a?" ring zet hian a ti a midang ho an lo nuih phei chuan keimah ka lo zak ngar ngar
"Hey!! a tawk ngawi tawh rawh I tawng ring si,saw an nuih che ania" ka tih ka tih pawhin a nuih a za zawk hlauh..A sawi ring bawk sia Kendra te awm na hla vaklo bawk nen an rawn hre phak hrim hrim
"Tui in in duh em?" A bialnu bawk chu rawn kal in a rawn ti dam dap a, Kendra vang a han lak loh ngawt chu ani biklo bak ah ka tui a hal tho bawk..ka la dawn chiah Kendra chuan a bialnu ban chu a rawn la sawn hmak a ka ban laklawh tawh si ka zak ania aw
"Tui kan pai vek a lawm,nakin ah in tur I neilo palh ang tiraw Gloria?" A tarmit chhan ah pawh a mitmeng ngeiawm zet chu ka han hmu thiam vek
"A aw nia a dik a lawm,mahni in tur chu kan pai vek a" za lo zet in ka nui ta ringawt,ka chhungril chu sa tak hi ani mai ka zak bawk si nen ka beng thlengin a sa vek
"E awle...Chuan Evan..ih ka tih Kendra englo ka pa in min hruai turin Jasper a rawn tir a zan ah chuan ka haw a ngaih hmel... nichin khan kan in bia min ngaihtuah dwuh aniang"
"A tha a lawm..." Kendra chuan tawi fel zet in a chhang a
"Lungngai suh tun ai a hun tha zawk ka neih hun ah ka rawn tlawh leh ang che" a biang a piai sak lai chuan ka lo meng kual vel
"Ka luak dawn..." ngeiawm zet hian ka lo ti ve kher!
"Enga?" enge ka awmdan pawh hi ka hrelo ka a vek tawh in ka hria! Hemi te pahnih in duat lai pawh chu enge ka lo tei theihloh ve em em ringawt!
"Engmah anilo...in tent tur te va buaipui ve ula kan siam zo tep tawh a sin keini chu" ka tih rual vel chuan kan tent chu lei ah a rawn tlu leh vek!
"Ka ning e kan siam dik thei reng reng lo mai! Ka hne tawh lutuk Kendra min lo pui teh" hnawh bo vat vat duh nak laiin U Ziri chuan ala pun ta deuh deuh!
"A ngailo an ni pawn an la siam bik awm silo a va siam zawk rawh se midang kan pun zawk dawn nia" Kendra chuan tent pakhat chu a kawk a
"Ka lo siam sak diam tawh a lawm, sawtiang tih te chu a harsa hleinem" Emerda chuan alo la ti zui,hnawh bo na kawng a ping vek hi ani mai
"Um a that hlauh chu min lo pui teh u on pahnih in" U Ziri bawkin a ti leh a,kal bo rih daih te ka duh...helai a ka kal te hi ka in chhir rum rum tawh mai nichin thil lah kha ka ngaihtuah chhuak zel lehnghal! "Awi ka lo theihnghilh I hmu tha peihlo tih" mi nuih tlawn chungin u Ziri chuan min rawn kheuh a ka lo melh rum tawp
Tent te tak te chu mi pali in kan chai a kan tam mah mah ani,midang nen pawh ni ve tho mahse Kendra nen a kut in sik thut chin a awm lo theilo ka phu zawk zawk zel a Emerda leh u Ziri kut ka sik pawhin engtinmah ka awm ngailo Kendra erawh sik ka hlau hluah hluah
"Kendra..." Tui bawk an in pe leh! tinge hetah lo hian an in duat mai loh?
"Tinge I en reng zel a in pa I ngai deuh ami an pahnih I hmuh hian " zawi thei ang ber a u Ziri rawn tawng chu ka tum ai a na in ka lo nghawk pawp!
"Tinge a? " a pum ah a ni bawk nen a kun deuh char char, tihpalh ka ti vak vak ringawt ka hlauthawng tawh lutuk a, Dawngi te ho an rawn tlan khawm a,ka zak bawk ka in thiamlo bawk si ka sa pup pup keimah hi
"Enge awmzia tu tih nge a?" Rinkima chuan kei, Emerda leh Kendra te chu vin deuh tak hian min zawt a ka kut khur nasa lutuk chu ka vei lam in ka dawm bet ru tawp
"Ih kan hre miahlo Kendra nen kan lo in biak lai tak ania " ati ta si..keimah chauh ka la tawng ve lo an mit chu keimah ah a fu ta vek...U Ziri kun reng chu a rawn ding mar thut
"Gloria hian min tauh fuh palh a Chuvang mai mai mawle ka na vak lo...kal sawn ru" a na Chiang tih chu ka hai lo a hmai a sen vek lehnghal "kal ru..a na tawhlo hei a in thiamloh em hi in ti khawngaih thlak emai"
A mah zawk chuan min rawn tan leh hlauh,ka chhungril tang tawt lutuk pawh a la zia awm thei chuanglo,midang an tin sap sap laiin Kendra chuan min en reng a ka hlauthawng leh in thiam lo hman lutuk kha ka tah a chhuak et et mai
"Ngahmah ngai suh, Rinkima hi chuan mi ngaihtuah hi a pe na ve ania" a tih pawhin midang ho chu ka en reng a,mi tih nat hmang deuh ah te min ngai palh ang tih ka hlau
______________________________________
"Zan a van rei duh tak" thim hlim atang tawhin phone ka hmet eng reng a, ramhnuai over a kan awmlo chung hian net a bo vek reng mai a awm zeuh zeuh ringawt a , Remsanga biak ka duh nen lunglen hnem ah pawh net vangin tumah ka be theilo
"Kha ei ve ta che" Kima leh Dawngi te chuan ar bawp lian zet chu khel turin min rawn pe a,dinner ei na la reilo viau mahse a hmel en a a tui hmel em vangin ka la veleh mai a U Ziri leh Rinkima te ho khawi ah nge an tei tak ka hrelo Dawngi te bul ah ka awm deuh chawt
"Khawi ah nge an kal dawn a?" Kendra leh Emerda te pahnih in zui hrang chu ka lo thlek leh vung vung tawh
"Tu maw?" Kima'n a rawn ti ka phu deuh bawk nen ka ar bawp ken lai ka thlauh daih! "I va phu ve..kha ei leh mai rawh" a dang min rawn pek leh atum a
"Ai...a ngailo ka kalsawn lawk dawn ania" tih leh thawh ka rual a,midang mei chhem na a tang a hla vaklo ka thlen chuan ka phone vibrate in ka mal a rawn nghawr ta dat dat a, signal ka man duh anih ring in ka phawrh nghal thuai
Remsanga massage ka hmuh rualin signal awm lai ti chuan ka call nghal vat a,signal a bo leh mai ang tih hlau in chet pawh ka che sawn eih lo, vawikhat na ah a la pick lo zui chu signal bo hlau bawk nen vin hlak hlak chungin ka call lehnghal
"Glo..." A aw chu a tawp deuh chat a
"Um signal kan nei chiah a,camp turin ka kal ve a ramhnuai ah chuan signal man fuh a har lutuk,anu te pawh be lo in ka lo be hmasa ber che ania"
"Um a that chu...englo ania Glo" a aw chu a zangkhai lo tih ka man rang lutuk,inthen a sawi dawn ni ah ka ngai hmiah ah ka lungphu a rang nghal em em ringawt
"Remsang,min ti hlauthawng ania enge sawi itum a?" Ka bul lawk a thing chu zawi te hian ka nem a,a mak lutuk thil thalo a thleng dawn ni ang mai hian awm nuam loh na in min zar nghal cheng mai
"Hman zan ah kan team in tournament kan neih a kan champion lawm nan party te nau an huai hawt a..a tir phei chuan kal ka tum lo min sawm lui tlat sia team captain ka ni bawk nen ka kal a chuan Zu ka in a ka lo rui deuh aniang"
"Nang leh hmeichhia,tu emaw tak nen in inkar ah thleng a awm tiraw?" Ka thing nem sa chu a ai a na in ka nem a ka biang a rawn lum thla nghal pap bawk "a dik em? Chu chu ami I sawi tum?"
"Aw..Glo ka tihpalh lutuk ka tum reng vang anilo ka rui em ani,in control tur pawh ka awm tawhlo engtin nge kan khawsak tih pawh ka ngaihtuah let thiam tawh mang lo! chutiang khawp chuan ka rui a ka tihpalh lutuk"
"Zu I in ngai miah silo a" ka ti thawp sat a,ka thinlung chhungril tak tak hi a na..a na lutuk hi ka sawifiah thiamlo zawk, Remsanga hian vawikhatmah zu a in ngailo mahse tinge khami zan kher khan a in?
"Nia ka in ngailo mah...mahse tinge khami zan khan ka in tlat ka hrelo vawikhat kha chu thiante min tih luih na ania...a bak kha chu ka hrelo,ka hrethiam tawh biklo...Glo ka tihpalh lutuk"
"A rai em? Chu nu chu a rai em?" Zawh na in zawh ringawt pawhin ka tah a chhuat ut ut tawh! Ka biang leh beng an sa hup hup a, hetiang hi Remsanga a lak atangin ka beisei ngailo hrim hrim
"Ka hrelo..test ang ka tih in a duh silo a" a ni pawh a rilru a hah in a hreawm ve tho ani tih a aw ki ah te leh a tawng harsat dan ah ka hrethiam,mahse ka hnem in ka ngaidam theilo ka bialpa,ka pasal ni tawh tur hial a ka ngaih in min rinawm loh san a!
"Ngati nge min lo biak leh kher! Tinge I reh vang vang mai loh? ka rilru tih nat hmasak phawt hi a tul ami Remsang? " Ka in hnit hlawp hlawp a engmah pawh ka hmu fiah thei tawhlo ka mittui in ka mit zawng zawng a luah khat vek tawh
"A chhan chu ka hmangaih che a,min...min ngaihdam theih ka rin vangin..."
"Ngaidam che pawh ni ila enge ni ang? a rai chuan kan in then ngei ngei a ngai dawn tho Remsang..." Vawikhat chu thawk ka la kawk a ka mittui te tuai hul tawk pahin van lam chu ka melh a "min lo be tawh miah suh..." tiin phone chu ka off nghal hmak
"U Zir ka mu tawh dawn ania" chak zet in midang ho lam ah ka kal a,tumah pawh an hmel hmai ah ka en ngamlo ka tap tih tuman hre lo se ka duh,chak lutuk in ka kal zel a kan tent ah chuan lut in ka mu nghal tawp
"Ka haw lutuk che.." ka ti leh thut thin,mutthilh san vang vang ka duh a ka mut a chhuak thei bawk silo ka men a ka ngaihtuah reng lah in ka tah a chhuak zel bawk si ka awmdan chu a hreawm takzet, engtin pawn mu ila ka mittui hi a luang thla nghal zel!
U Ziri rawn mut luh ve lai chuan ka loin khuh vek a ka tap tih an hriat hi ka duhlo,haw viau mahila Remsanga tihsual midang hrilh hriat veleh zel a tul kher lo
"Glo...nichin atang khan I diklo riau in ka hria" a rawn ti ta nge nge a,ka chhang duhlo muhil ang hmak in ka awm " na I neih chuan sawi la teacher kan hrilh dawn nia"
Ka la chhang duh chuang lo ka ngawi kar a ka harh reng tho,ka tawng dawn hlek a ka tah chhuak zel nen hian min biak na chhan chu a rem lo em ani "Ila muhil lo tih ka hria ania..I ke ila chet zeuh zeuh reng hi chuan ila muhil lo tlangpui,ka bul ah I riak rei tawh a ka hre hneh tawh ania muhil der suh" a rawn ti nawn leh
Ni e ka mutthilh tak tak loh hi chuan ka hriat loh chhung pawhin ka ke hi ka lo ti che neuh neuh thin,ka muhil lo tih a chian bawk si vangin ka in khuh na ka hawng thawk a tent atang chuan ka chhuak nghal daih,mi zawng zawng an mu reh vek tawh a mei an tuah alo la alh ve teng teng
"Glo...a hlauhawm ania lo lut leh vat rawh" U Ziri bawkin midang tih thawh hlau deuh si hian a rawn ti a
"Ka hlau hleinem,ka mu theilo a reilote ka thu anga ka rawn lut dawn nia" a ma lam pawh hawilo in ka ti a,min mutsan leh mai aniang a reh zui hmak
Mei alh en reng chungin Remsanga thu min hrilh te chu ka ngaihtuah nawn leh vek a,ka na thar zel..engtin nge basketball player zing ah hmeichhia te khan an tel theih? An sawm chawp nge Remsanga hian kawng ah a chhar zawk?
"Tunge?" Ka thut na atang chuan ka ding nghal chawt a midang tumah rawn tho an awm loh vangin ka hlau tan " Kendra maw!" Amah ni in ka hria Tent kalsan a kawngpui lampang pan na ah a kal ka hmu,ka phone light on in ka zui ve tawp hlauh pawh ka hre tawhlo
Thui pawh ka kal hma hauhin in hau thawm ka hre nghal a Camp ami ten an rawn hriat phak pawh ka ring..an thawm an dim lo hle bawk a ka pan phei zel a kawngpui pan na hi chu a bel tawh vangin a zau in kawngpui pangngai ang mai ani a chet sual na tur a awm lo
"Aw Lalpa! " Hmanhmawh in ka phone light ka off a thing phen ah ka bi ru nghal bawk,car pakhat hi alo awm a,a head light chu a in on bawk car hma ah chuan mi pali an ding a,a lan dan chuan mi pathum te chu tang ho aniang pakhat zawk erawh a mah chauh in a ding
Ka hmuh lai in pathum zing a pakhat chuan mahni chauh a ding chu a hnek pawp a,ka kut in ka hmui ka lo hup nghal chawt..tun ah tak chuan tlan let a midang pun chi ni a ka hriat vangin ka phone light pawh on tawh chuanglo in ka kal let nghal..ka thawm hriat an hlauh vangin ka kal pawp pawp ngam lo a thim bawk si!
___________________________________
★ Kendra POV ★
Kan in sual lai a hmeichhe au thawm ka hriat rualin ka hawi let nghal vut, Gloria aw ni a ka hriat vangin ka insual pui te chu ka pet pawp a hmanhmawh takin ka tlan let nghal,he nu phiangsen vang a ka tal buai thin zia hi! a tello in ka awm thei lo a, amah vangin camp..ka dam chhung a ka kal ngai loh na tur ah ka kal phah bawk
"I lo nih vaih chuan.." tlan pahin ka phun mawlh mawlh,a na ang tih hlau reng reng in ka vil reng a,ani lah chuan a nilo zawng hlir in a ngai thung..midang mamawh lo ka in tih chhungin ka nun ah a rawn lut a ka lo mamawh zia a rawn ti Chiang kuarh bawk a.. reilote ah min kalsan a tum leh mai bawk
Camp ka thleng a Gloria te pahnih tent a a thiannu chauh a lo mut vangin ka tlan let lehnghal..ka phone ka kalsan vangin eng pakhatmah a awm lo lehnghal,teh hrep hian! Ka hmai ka tuai na lam a kan in sual na ka pem thi in ka kut a tih hnawm chap te chu ka ngaihven tha hman lo ka hawi kual a thla a eng tawk bawk lo nen khawi lai pawh chu a thim vel vek
"Min tanpui ru" zawi sap a ti ri ka hriat rual chuan aw lo chhuah na ni a ka hriat chu ka pal nghal pawp pawp,eng thil nge awm pawh ka hre manglo ka ban leh taksa a thip zawk zawk thin "Gloria..!" A phone chu a light nilo in a screen a lo hmet eng
"Min pui rawh,ka ke te a na lutuk ka lu hi a keh dawn in ka hria! " na tih hriat takin muang charh hian a rawn ti a,a bawk zawng a a awm vangin ka hmel a hmulo hrim hrim bawk,a rang a rang in ka pawm a a chal ah chuan ka fawp nghal vawng vawng
"Engtinmah I awm tawhlo ang" nghet takin ka chelh a,ka taksa tang lutuk te an zia meuh chuan ka hahdam ta sawt..hmu lo ta ila engtin nge ka awm ang? a zia ta deuh nge ni a phone screen eng hmang a ka hmel en a tum chuan ka taksa a bei thlawp in ka kuah bet nghal,heng hliam te nen a Kendra ni bawk si a hmuh chuan engkim ka sawi vek angai dawn
"Nangmah bawk tiraw...khang pawngsual ka tawh tur lak a min tanpui tu kha?" A rawn ti chhuak hlawl.. chance tha lutuk ani tih ka hria "I hmel ka hmu duh" ati zawm zat bawk
"Aw keimah.." ka ti sap a,ka beisei lawk miahloh in min rawn kuah let thut! mahse ka hmel erawh a hmuh a rem lo..ka kuah na atang a tal chhuah a tum pawhin ka kuah bet tlat,ka hmel hi a hmuh a thiang lo hrim hrim!