LOVE IS NEVER ENOUGH by Amy Cck (Completed)

[Ngaia]

CHAPTER - 13 by Amy Cck









* REUBEN ZOMUANPUIA POV *









Khum a ka thut chhuah rual a ka lu na bur leh mit kham deuh rum vang chuan in thin harh tum in ka lu chu ka thing deuh nawk a, ka ner zui sawk bawk. Nizan khan damdawiin kan luah luh lawm nan staff thenkhat te nen party huai hawt in hun kan hmang a. Duh ai ka lo in hnem deuh a nih hmel.









Khum atanga tho chhuak in ka hawi kual vut a, ka kawr chung leh tie chu ka room couch nghen chhanah a lo in bang fel diam a, ka pheikhawk pawh a awmna tur dik thlapah a lo in dah bawk. Tu tih nge ka hre chiang bawk a ka then nghal suk. Chu tih rual in ni zan a ka thil tih ka ngaihtuah let a ka ner zui nawk bawk.









" Tul lo lutuk! " Ti chhuak hluk in bathroom lam pan in ka pen sawn nghal nul nul. Shower hnuaiah ding in tui chuan ka in phuh tir nghal sur sur a, ka harh nghal kawk bawk. Nizan khan thu sawi tul lo zet sawiin Nautei ka ti hlau thawng a ka la fawp zui a nih kha. A hrilhhai leh ham haih hmel ka mitthla nghal zat chu mit chhing sawk in ka hma zawn a bang chu ka chum nghal chawrh.









Kum tam tak ka lo zep ruk, ka pa leh kei hi pafa dik tak kan ni lo tih Nautein a hriat chhuah khan ka thin chu a rim ve ngei. Mahse thinrim ai mah chuan ka rilru a na a, hlauhthawnna ka nei tlat. A chhan chu ka zep tang tang na chhan ber in a hre tawh a, eng ang pawn ngai awh tum in emaw a hma ang a in ngeih khan awm tum leh mah ila kan awm tawh dawn lo tih ka hre chiang miau. Kei pawh in ka rilru ka lo thup ve tang tang kha zep ka harsat phah leh zual dawn tih ka hre bawk a. Nautein a lak a ka rilru put dan a hriat hun ah erawh min huat chu sawi loh min hmuh duh tawh pawh ka ring hrep lo.









Rei tak chhung ka rilru a buai in ka ngaihtuahna a phir a ni ber. Engkim Nautein a hre tawh tho a a lakah a unau pa ni lo in, mipa ka nih ang in feeling ka nei tih sawi chhuah duh na ka nei a. Nautei erawh in ka ngaihtuah ang a ngaihtuah ve hauh lo. Engkim kha hre lo ang a awm a, a hma a kan awm dan kha a la duh tlat thu a sawi thung miau. Hrep hian, hmeichhia a nih ang in ka duh tih pawh a hre hauh lo. A ngaihtuahna hetiang lamah a hmang ngai miau lo.









Hmeichhe rilru tlang leh ngaihtuah ang ang a lang chhuak tawp a ni a. Chuvang chuan ka rilru ka hrilh chuan a ngaihdan a ni dawn lo tih ka hria. Min haw viau bawk ang. Chuvang chuan kei pawn a hma zawng khan zep ka ni a, a ni chuan a u ang in min hmangaih em em a, chuvang chuan ka ngaihdan thenkhat thup bo in a u ang in ka nun ka hmang char char bawk.









Tunah erawh ka ngaihtuahna dang chat tu ber in engkim a hria a, hre lo der eng ang mahse ka hmel a hmuh a piang in mihrang kan ni tih a ngaihtuah ziah tawh dawn. A sawi chhuak kher lo mai thei mahse kei tluk a Nautei mizia hre chiang an awm lo a, a mit meng atanga a ngaihtuah ka hriat miau chuan sawi chhuak lo eng ang mahse kan in kar a hla zual dawn tih ka chiang. Chu chu khang kum chhung zawng a ka hun hman dan a ni miau a.









Nautei ka hmuh a piang in ka nau a ni lo a, in zawmna nghet kan nei lo tih ka hre thar thin. Mahse Nautei ber in engmah a hriat loh avanga pal zam thei chauh ka ni a. A mit mengah a u min ngainatna a lang chhuak thin miau. Mahse tunah chuan kan in hmuh a piang in kei mah ang in ngaihtuahna a nei a nga, thisen in zawmna nghet kan nei lo, kan in hmangaih in kan in ngaina dun em em tih loh chu, a hma ang in awm leh pawh ni i la ka lakah a thikthu a chhe zual a nga, kei mah ang in hlauhthawnna a nei ve reng tawh dawn bawk a.









Chung zawng zawng ka ngaihtuah chuan engkim sawi chhuak in, ka ngaihtuahna ka thup zawng zawng te nen, min pawm lo a nih chuan he in atang chhuah hial ka ngaihtuah a. Chu tiang ka ti lo a nih chuan kan pahnih in Nautei nen lem kan chan dun a ngai dawn tihna a nih chu. A hma pawn ka awm dan chu a ni na meuh mai mahse tunah erawh a harsa zual dawn tih ka hria.









Unau kan ni lo tih hre reng in unau ang in kan awm a ngai a nga. A hma ang in Nautei lakah thu neiin ka control reng a rem dawn lo. A phone a mipa dang nen an chat ka hmuh mai mai pawh a thinrim thin khan ka en liam a ngai a nga, mipa dang kut a chelh lai thleng in ka en liam a ngai dawn a, ka theih kher a ngem? Chuvang chuan rei tak be lo in ka hnaih loh phah a.









Ka hua ang a a in ngaih lai zawng zawng khan ka haw ngai lo. Ka hlat thei a ngem tih ka in fiah a ni zawk. Mahse a tlawm zawkah erawh ka tang leh tho, zan tin a muhil lai thlir tur ringawt in a room ah ka kal a. Chhun lamah hlat ang in lang eng ang mah i la a hmel hmu lo a awm har ka tih vang in ka in sum zo lo leh thin.









Risk la ngam ta lo chuan rei tak ka in ngaihtuah hnu in a ngai ang a awm tum leh chu ka ti tlu a. Nautei duh dan a ni chiah reng bawk. Mahse thil thleng erawh ka rin ang chiah a ni thung. Nautei pawn engmah hre lo in ka awm thei ang ti mahse a hma ang khan min hnaih tawh lo a. A hma a in ti nei tu tak a min hauh bur thin leh midang aia ka ngaihsak lo ang a a hriat hlek chuan min tih tauh khum bar bar thin khan ka lakah sawi sel a nei tawh ngai lo. Eng thil pawn ka sawi chu a kip a kawiin a zawm tawp a. Kimkimi tak ngial pawh ngeihlo ang in a awm ngam tawh lo ni ber in ka hria.









" Morning! " Choka a ka luh rual in ka ti sup. Dawhkan bul a min hnung chhawn a hmeichhe lo ding chu a rawn hawi rang viau leh nghal. Min en dan chu ramhuai hmu te pawh a ang mah zawk. Nizan ka chet dan fuh lo zet vang a thil a kal buai ta a nih leh mawh phurhna ka la vek mai ang tih rilru in dawhkan bul a chair chu pawt chhuak in ka thu thla nghal vut. Kan nula bulah thingpui min pe tur in ka hrilh nghal sup bawk.









" Nanun ka lo siam sak ang. " Nautei chuan a rawn ti ram deuh hmak chu ka melh nghal vut a min melh deuh rawm in a plate ken chu dawhkanah a nghat deuh chawr a, a kal sawn chu lu thing ngut in ka melh run ringawt.









" Nangman i siam dawn chuan coffee zawk! " Ka ti sup chu ner sak in no a nghat ri leh chawrh. Enge a hriat ni? Thingpui chu a siam tui lo lu lai em a in loh theih chuan in loh hram ka duh. Thingpui vang nge ni zan vang a thinrim erawh ka hre chiang chuang lo.









" Kha! Nizan a i ruih chah thlakna hotel ah khan u Rinzualan i motor a awm a ti! " Ti fak in ka hma zawn dawhkanah coffee no a rawn nghat leh chawrh chu chal ti chuar tup in ka melh ta run. Kal sawn mai a tum chu a banrekah ka vuan nghal hmiah.









" Dik lo a awm a mi? " Ka ti sup chu meng kual ralh in thawk a la hak a, zawi muang a min rawn en in a nui lui nghal sak.









" Awm lo! " A ti hmak chu awi lo lutuk in ka la melh run.









" Dik lo a awm zawk a mi? " A rawn ti let ngat chu ka ner suk. Ngeiawm thiam reuh lutuk.









" Awm lo! " Ti sup in a kut ka vawn chu ka thlah a, ka coffee chu ka la kang nghal. Ka mit sir in ka hnung sir lam deuh a Nautei ding ngawi ran chu ka melh leh zauh zel bawk.









" Awle, sawi lo a ngawih bo pui ka tum zet a mahse .... " Ti chhuak hap in dawhkan sir ngheng chuan a rawn ding a mit ka lo san uk chu a ner zui nang.









" Nizan ang khan awm tawh suh! " A rawn ti sap chu ka melh ngur. A hma a a tawng ri fak nen chuan dang lam tak a ni. Hreawm tihna leh in thiam lohna a hmelah a rawn lang nghal bawk.









" Thu pehhel ka ngaina lo tih i hria ti raw! " Ti sup in ka coffee ka tem nghal hlak chu a thaw chhuak leh hak.









" Harsa i ti ang ti chu ka ring a. Mahse kan paltlang dun thei em em ang. Kei pawh in ka tum mek a. "









" I thei ta em? " Ka ti sup chu min melh nghal ha. " Engkim theihnghilh a pangai tak a awm chu i thei ta em? " Ka coffee no dah thla in ka ti nawn leh sup. A hmel chu a rawn buai deuh nak a mahse rei lo teah siam tha vat in lu a rawn bu nghat a, a nui lui sak bawk.









" Dawi i sawi thiam lo hle mai! " Ka ti sup in ka then lui suk.









" Ole... A nih.... Hriatna atang a thai bo tawp dawn chuan hun ka mamawh ve tho a. Mahse ka la tum mek a lawm. " A rawn ti hap chu ka nuih suk. A kum a kum kei pawn ka tum a ka la thei lo chu a nia. A ni pawh hian a thei lo tih ka hre chiang.









" Thup mawi kual lo khan ka theihnghilh thei ka ring lo ti zawk mai la Naute. I mit meng tlan chhe kual velah khan ka hre thiam a nia! " Ka ti sup chu min ngei hmel lutuk in a rawn ner nang.









" Engpawh ni se kha kha kan topic a ni tawh lo aw. Nizan ang khan awm tawh suh. Hreawm ka ti a nia, i thil tih engmah sawi sel ka duh lo mahse.... Khatiang khan awm tawh suh. " A rawn ti halh a. A aw chu a ngen ngawl tak zet bawk chu lu ka bu ve nghut.









" Kha ti ringawt khan min chhang suh, tawng ve tal rawh. Zu lam pang i ngainat loh kha. Mahni pawh a rawn haw thei lo hial tur in i in a. Kha tiang a I awm leh chuan ka nu ka hrilh tawh ang. " A ti zui leh hlak chu nuih a ti za mah zawk. Tlangval a pum pa zankhat zu ruih vang in min zilh ve hlak hlak a nia.









" Ok boss! " Ka ti sup chu nui hmel a pu ve ta deuh.









" Chuan thil pakhat leh, bialnu nei vat rawh! I tar a dawn tan in ka hria! " A rawn ti chu lawm lo lutuk in ka melh zui ngur. Nizan chung chang engmah dang a sawi lo a. Ka fawp tih ka chiang a, a sawi lang duh lo a nih ka ring. Ka ruih vang in engmah ka hre lo emaw a ti zawk a ni mahna. Mahse kha kha ka rilru dik tak a ni thung.









" Bul ka tan dawn chiah! " Then suk in ka phun chhuak ve sup. Nizan khan a vawi hnih nan ka rilru ka siam fel tawh. Unau ang a awm kha kan thei chuan a tha viau mahse kei chuan ka theih ka ring ta lo bur.




*




" I hman tawh chuan kan kal thei em? " Step ah Nautei a rawn chhuk rual in ka lo ti nghal sup . Min hmu thut chu mak ti hmel a pu deuh leh nghal.









" Ngati nge? I kal daih tawh a maw ka tia. Driver hnenah min thlah tur in ka ti vek tawh. " Nui lui hak in a rawn ti ve nghal zat.









" Ka rual in i kal hman, min lo zui rawh! " Ti hmuk in ka in her a kawngka lam ka pan zui nghal vut. Peih lo hmel zet a ka hnung a min rawn zui hne hne tu chu motor kawngka ka pawh hawn sak nghal bawk. Kawng lakah Babyin min lo nghak a. Hnung lamah an thian dun in an thu a, Kimkimi erawh a hma lamah a rawn thu thung.









"U.. Zan in kha i rawn kal theihnghilh a nge aw. Ka zirlai hriat thiam loh ho min hrilh tur in ka dah a awm nual a! " Kimkimin ka lam rawn hawi in a rawn ti a, lu ka bu nghut ringawt.









" In hostel chu a hreawm viau em? " Ka ti let ngut. Front glass atang hnung lam a Nautei thian dun ka melh zawk chu kan thu sawi an bengkhawn ve lem lo viau.









" A hreawm lo a mahse a khaw har thlak ka ti. Mahse ka tuar thei mai ang. Hmanni ah ka nu a lo kal a. Min rawn hruai a tum a! " A rawn ti zui zat chu ka ner nawk.









" Mahse i phal si lo a. " A ti zawi sap chu melh vut in thawk ka la hawk.









" Hetiang a awm tur hian ka ti lui lo che a nia. I nu bulah i awm duh a nih thung chuan kei chuan ka rawn buaipui tawh hauh lo ang che. " Ka ti hmuk chu a rawn thaw chhuak ve hak.









" Ka hria, ka haw dawn lo! " A rawn ti sap chu ka chhang let tawh lo. Kimkimi pawh thil thleng chung changah khan ka hau ve hrep tho a. A bul tan tu zawk a ni tih Nautein a sawi khan sawi lang lo mah i la ka pawm thlap a. Kimkimi pawh buaina chawk chhuak zawng ringawt a a awm dawn a nih chuan min be tawh lo tur in ka hrilh hial. A chhan chu ka hah ve tak zet tawh.









Ka farnu te ve ve ang an ni a, an in kar a din reng a, an rilru tih nat sak ka hlauh luat ah ka tal buai zo ni mai in ka hria. Mahse Kimkimi thu sawi erawh in min thawng ve dawt. Min hringtu nu te thu hmun ni mahse kei mah ang chiah in a pa dik tak erawh tun a a chenpui saw a lo ni hauh lo.









Chu mi chu a pasal in hria in an in hauh phah hrep a, chu tah chuan ka chung chang pawh a hriat phah a nih hmel. Rei tak chu chutiang chhungkaw buaiah chuan Kimkimi pawh a lo khaw sa a, a pa lah in a fanu a ni lo tih a hriat hnu in a hlat nghal hlawk bawk tih tap zawih zawih a min hrilh in Angeli nun dan nen a in tehkhin in a rilru na in ngaihtuahna dik lo a put phah a ti nghe nghe.









Kimkimi te inah kal in ka nu ka va an khum vak a, buaina a pun lun takah phei chuan Kimkimi an in a rilru hreawm tak a awm tir ai chuan ka enkawl tur thu ka sawi chhuak nghe nghe . Ka nu erawh in a phal lo viau a, a pasal a ngawih hmak avang in tlawm ka la ve tlat tawh bawk nen. Kimkimi bulah min zui chuan kei man ka enkawl a keimahah a in nghah tawh tur thu ka hrilh a. Kimkimi pawn min zui chu che te mah in a sawi sel lo bawk a. A zan a zan in ka chhuah pui zui bawk.









Ka nu in hna ka bang lo emaw ti a min rawn biak khan hotel ah Kimkimi room tur buai pui in ka awm a. Kimkimi awm nawn hma chu tiin ka awm pui a. A fahrah zia ka hriat in ka lainat leh hnu hnawh viau. Nu khaw lo leh hmangaihna tla chham zet hnuaiah a lo sei lian chu a nia. Kei erawh ka vannei a tun a ka chhungkua hi ka nei zawk a. Kimkimi hun hman dan tur leh a lo mal thin dan tur ka ngaihtuah in min hringtu kan nu huatna hlir in ka khat bawk.









Kei min rin chhan a in chhuah san a nih miau avang in thlah thlam erawh ka tum hauh lo. Ka farnu a ni a, a lakah hian mawh phurhna ka nei ve tho. Ni thum vel hotel ah awm tir in an college hnai vaiah hostel awmna ka zawn hmuh sak a. Kan tum dan chuan college hi 1 leh 2 a kal zawhah phai lamah zir zawm tur in kal tir ka tum a. Kimkimi pawn a hnial lo bawk.




*




" A mu tui hle mai! " Khum a Nautei muhil tha sak sak chu thlir in ka phun sup. Tunlai chu ka buai a zual a duh ang in ka ngaih ven hman lo. Hna banah Kimkimi ka tlawh kawi a ka va ngaihven loh chuan ka rilru a nuam bik si lo. Zan in phei chu a zirlai ka htilhfiah phah nual avang in ka haw tlai viau.









Kal sawn tum a ka che hrut chu Nautei rum ri ka hriat avang in ka ding leh chawt. Ngaih tha vak lo a pan hnai in a hmai ka khawi chu a lo sa vur a. A thlan tui in a lo bual huh vek bawk chu phun hluk in sawi harh tum in ka ko a, fiah lo riai in a rawn meng ve hram.









" A vawt a nia! " Tih leh a puan sin pawh tawm a rual a . Room light ti eng in khawsik en na leh thil dang ka la khawm nghal a. A damloh chuan min rawn phone ziah thin kha a nia, tunah erawh a mah in a lo tuar tlawk tlawk chu ka lawm lo viau bawk. Damdawi vel ka pek hnuah erawh zawi zawi in a muhil ta siai siai a khumah chair hung in ka thut chil nghal run.









" I harh tawh a! I khawsik a la awm em? " Zing lam a Nautei rawn harh a rawn thu chhuak chu ngaihven nghal vat in, a khawsik a la awm em tih en tum a a chal khawih ka tum chu ka kut a rawn vai sawn nghal vak.









" Min khawih hlek suh! " Ti fak in a thu chhuak chu lawm lo zet in ka melh run. Nizan zan khua in a dam lo buai pui in ka tlaivar a, tunah ka chungah a la lawm lo zawk a nia. Enge a hriat hrep ni.









" Tui hi in la in bia ang! " Ti sup in dawhkan a glass no chu ka la kang a, a hma zawnah ka lek kang nghal hmuk.









" Ka duh lo! " Tih leh hawi sawn a rual chu in bengdaih tum zet in thawk ka la hawk.









" In rawh! I dang a ro ang! " Dam deuh zawk chuan ka ti nawn leh sup.









" Ka duh lo ka tih chu! " Rawn ti vin tuar a ka glass no ken chu rawn la in chhuatah a vawm keh nghal chuai .









" Ruatpui i ti mah mah lo maw? Engvang a lawm lo nge i nih sawi duh si lo a thinrim ringawt hi sim rawh. Nizan i damlo lai in i bulah ka awm lo tih chu ka hria a, mahse phone in i rawn call thei reng a ni lawm ni. Hetiang a thinrim na tur ringawt zawng lo hian! Min ti chau tak zet. " Ka ti chhuak ve ta hrawk.









" Kei hian thinrimna tur ka zawng a maw? A nih vel ka ring. Tun atang chuan min ngaihtuah tel ve tawh suh, i tan pawh a hahdam zawk ang. " Tih leh a puan sin theh hlim a thawh a tum chu khum ah ka nam thu leh hnawk.









" A kawi zawng hian thu la ziah suh. I damlo buaipui che hi ka hah ka ti reng reng lo. Nizan khan phone in i nawm sam loh thu rawn sawi mai kha a har lo. Ka rawn haw hma mai ang. Engmah i sawi lo chuan ka hre ringawt thei lo, a thinrim zawk a I tang thin hian min ti chau zual bawk. " A mit a melh ngur in ka ti sup.









" Thinrim ... Ka thinrim khat ve tawh viau chuan ka hria a sin. Ka theih tawp in ka lak atang in ka za len tir bawk che a. A hma a ka thinrim na leh lawm loh na tam takah ka in sum hram hram thin bawk. Mahse ka mamawh ngawih ngawih lai che a I awm lo erawh ka en liam thei tawh lo.









Nizan khan kei hian ka call lo che a maw? Hahh.. .. Ka awi chiah lo, vawi eng zat nge biak tum che a I no ka hmeh chhuah pawh ka hre nek lo. Mahse nang chuan Kimkimi i ngaihven zawk miau a ti raw . A tha vek e .... Ka lo mawl em a ni! I sawi kha a lo dik chiah ' Engkim a dang lam tawh ' i tih kha. " A rawn ti let tan tan chu a sawi awm zia hre lo in ka melh ngur.









" Rawn call la chuan ka hria ang! " Ka ti hmuk chu za lo zet in a rawn then lui sak.









" I duh chuan ka phone pawh en rawh! I la ring hlel cheu a nih chuan Nanuni pawh i zawt thei ang. Min thlah teh bathroom ah ka kal duh! " A rawn ti zui hlak a , a mah zawk chuan ka kut chu thing sawn in a ding zui nghal a. Nghet lo zet a ding in bathroom a lut chu pik zet a thaw chhuak hawk in ka melh zui ngur.









Khum sir a Nautei phone chu la in ka hmet nghal mual mual a. A sawi ang khan vawi tam tak ka no ah a call ngei. Mahse ka phone ah engvang in nge a lan ve miah lo. " Hrep chuan! " Ti chhuak hrawk in ka ding a bathroom lam chu ka pan nghal vut.









" Lo hawng teh! " Bathroom kawngka ka kik pawh a a rawn hawn mai loh avang chuan ka ti chhuak deuh thawt. Rei fe hnu a lock a rawn ri khap a, shower nei zo tih hriat zet in bathrobe ha in a sam towel a tuam vek in a rawn chhuak ve hram.









" I rawn call tih ka hmu lo. " Min kal pel tur chu a ban rekah vuan in ka ti sup.








" Naute! " Ka ti leh sup chu a kut a rawn thing nawk.









" I hmu emaw hmu lo emaw ka buai peih tawh lo. Tunah atang chuan kan awm awm in awm tawh a. Ka hne lutuk, lem chan reng te, a der a nuih te. A vaiin ka peih tawh lo. Rei lo te chauh pawh nise ka thei tawh lo. Chuvang chuan ka bulah i awm dawn chuan Kimkimi ngaihven tel tawh suh. A nih loh pawn kei ni lo in Kimkimi chiah ngaihtuah tawh rawh. " A rawn ti chhuak tan tan a. A vin in a aw a ring bawk nen , a tang bawk si per tan tan chu a sam a tuamna towel pawh chhuatah a tla hnak.









" Duh thlang tur chuan min ti hlek suh! " Ka ti chhuak hmu chu nui hak in thawk a la zui hak a. Kun in a towel tla chu a chhar zui nghal zat.









" Kan vai a tan a nih chu. Mahse min khawngaih vang in ka bulah awm tum duh suh. Ka bulah awm reng a I ngaihtuahnaah midang an awm chuan nuam ka ti chuang lo ang! " Ti zui hlak in a mit meng lian kelh kalh chuan min melh nghal ram a. Khum a a phone rawn ri lam chu a pan nghal hmak.









" Aw, Baby! Nizan ka khawsik vang in ka tho dam vak lo a. Vawin chu class ka kal lo mai ang! " Thawk la halh in a thiannu chu a be dam dap. Kei min biak dan nen chuan lei leh van a ni ringawt.









" U I rawn chhuak tawh em? " Ka phone ah Kimkimin a rawn call ve thung, ka lak rual chuan a rawn ti lang lang.









" Ka rawn kal! " Ti leh phone dah ka rual a. Heng buaina hi ka hne tawh tak zet. Vawin hian engkim tih fel vek ka duh.









" Min lo zui rawh! " Nautei in thlak zo darthlalang hma a ding chu ka ti sup. Ka rawn hre lo ang hmak chuan a hmaiah thil a hnawih mial mial thung chu dawhthei lo zet in a banah ka vuan nghal hmiah.



.





" Ka duh lo! Kei mah a awm ka duh. I thu a kawi a ngil a awi tur in ka u dik tak pawh i nih loh kha! " A rawn ti kha fak chu ka in seh ruh nghal tawlh tawlh. Rilru a kan vawn reng chuan sawi chhuah duh lo eng ang mah i la sawi loh thei loh hun a awm thin.








____________________________________________________







* ANGEL LALRUATPUII pov *













" Ni mawlh rawh se! " Ti chhuak hluk a ka room atang a pen chhuak pawk pawk chu rilru na zet in ka melh ngawt ngawt a mahse chelh tumna ka nei lo. Dawt hmang a nun kha ka tan chuan a harsa mah mah a ni.









Ka bul a a sawi kha a dik vek. Dawt hmang a nun ka theih a rin loh thu min sawi khum tawh a mahse luhlul tak in a mah chan ka hlauh luat ah ka theih mai tur thu in ka hnial lui hram a . Kimkimi a biak a, hmu tur a a kal a piang in ka rilru chuan thik in phal lo viau mahse nui lui in ka en liam a. Engkim a that thu min zawh a, a hma a eng thil pawh zep nei ngai lo khan tha lo chung khan nui lui in a that thu ka hrilh a. Khang a nun hman kha ka thei tawh lo.









Ka pum rawn ri rawih rawih atang chuan ka ril a tam tih ka hre ve chiah. Peih lo zet in in hnuai lamah ka chhuk a. Ka u erawh a motor nen a tlan chhuak daih tawh thung. Kan awmpuite bulah ei tur min siam tur in ka ti a. Nanuni hi min awm chilh tu a nia, 2 dang erawh hi chu lang a kal an nih avang in engvak an hre ve lo.









Ka tha deuh tawh em tih ka ei tur min chhawp sak pahle chuan min zawt a. Nui lui sang in ka that thu ka hrilh ve mai a. Tunlai ka u nen kan boruak pik zet pawh hi a vai chuan hre lo mahse in khat a cheng ve na na na chu kan in hauh tak zeuh zeuh ah chuan boruak tha lo a awm tih chu a hre ve bawk.









Nizanah lehkha ka zir lai in ka lu a na deuh a, a hnu deuhah erawh ka hnar rawn thi in ka lu na a zual vak a. Ka u ka phone a mahse vawi tam tak ka call hnuah pawh chhangtu an awm lo. Ka beidawng in Nanuni ka zu kai tho ringawt a. Damdawi eiin ka hnar thi chu rei lo te ah a reh mai a. Ka lu a la nawm chiah loh avang leh vawt ka tih deuh avang in ka zirlai pawh zir chhun zawm lo in ka mu a, zing ka harh leh chuan ka u ka hmu ve chiah.









Nizan ang a mal leh hreawm ti khan ka la awm ngai lo. Zep rual lo in Kimkimi nen an awm dun tih ka hre bawk nen, chu pawh class kal dawn khan motor ah an thu sawi kha ka hre ve vek miau. Ka thinrim in ka an khum vak kha a ni. Thinrim ngei ngeina tur ah pawh thinrim ngam lo in, a mah tih lawm loh luat ka hlauh vang in ka nui lui zel a mahse ka thei tawh lo. Tunah chuan beisei loh law law ka duh tawh zawk.









Leh lamah Kimkimin engkim hre vek in a lo pawt buai ve chhen bawk a. A tawpah chuan ka tlawm zawk a ni ber. Vawin chu Babyi bulah class ka kal dawn loh thu ka sawi vek tawh bawk a . Damdawiin lamah in check tir a kal ka tum ta zawk .









Thil ka ei zawh in u Rinzuala phone in dar engzatah nge damdawiin ah a awm dawn tih ka zawt a . Dar 9 atang in a awm daih tawh thu in min rawn chhang a. Ka room ah chho in ka in siam zui nghal.









Ka u hospital kha damlo enkawl theih in an luah lut tawh a. A hranpa a hawnna hun erawh kum tawpah kan nei dawn thung. Luah thar chiah a nih vang in staff in daih loh pawh a na deuh a ni mai thei. Tunlai chuan ka u pawh a thawk rim viau.









Kan motor in damdawiin thleng ka in thlah tir a, haw lam erawh kei mah in ka haw theih mai tur thu ka hrilh thung. Damdawiin pawh chuan ka u office lam a kal lo in u Rinzuala ka pan tlang nghal a. Ka u erawh a lawm lo viau mai thei.









" Teh hlawl a! I doctor thlak i tum ve ngawt a I doctor hi ka chungah a lawm lo viau mai tur a nia! " Fiamthu a min lo fiam chu ka nui ve sak.









" Tunlai chu a buai sia tih buai belh ka duh lo a lawm. Chu bakah in check sa tliah chauh a nia. Nang leh ka u te chu in in ang reng a lawm! " Ka ti sap a. Ka chhung lam erawh in ka thu sawi chu pawm lo tak a ni. Ka u tluk hi chu kei mahah chuan engtiang pawn in ti thiam lo mah i la an awm thei tawh dawn lo.









" Kan in ang meuh ang maw? " Ti sup in ka awm dan vel min zawt luam a. Hmanni deuh atang khan lu na ka neih zauh zauh thu leh zan lamah ka mut hnu rei lo te ah mai mi zial an tih ang deuh hian engkim hria a, harh fim tho si mahse che thei miah lo hian ka awm zauh zauh bawk tih vel ka sawi nual a. Ka na lai vel ka sawi chhuak thiam lo lutuk chu kan nui leh lai lawk thin.









A tawpah erawh zan mut dawn a ei tur leh lu na damdawi min chawh a . In hmel hriat tih takah min zilh hrep bawk. Tunlai chu rilru hahdam in hun ka hmang mang lo a. Zan ka mengrei in ka taksa a hma ang in ka uluk ta lo bawk nen chung vang te pawh a ni mai thei.









A hma kha chuan zan mut hun deuh ka nei a, tunah erawh ka u a lo haw phawt loh chuan ka muhil thei lo. Ka u chuan ka nghak thin tih a hre kher lo ang. Mahse a lo haw hian ka muhil der hman tawk a ka room a a rawn luh hma hi chu hahdam tak in ka mu lo a tih theih ang. Zan mut that loh chuan zingah walk chu sawi lo lehkha zir tur tak ngial pawn ka tho thei lo. Ka zingkar damdawi eiin ka mu leh tawp zel a. Chaw ei hun a thawh leh tawp a ni mai.









Ka in entir zo a, in a haw ta mai lo chuan bazar vel ah ka kal kawi a. Lei tur em em erawh ka nei lo. Mahse mahni chauh a bazar a tih tur nei lo a kal chu a nuam lem lo. Thiante nen chuan ni se a nuam mai thei. Bazar atang in kan veng taxi ah ka haw a. Ka chuan pui ten ka u damdawiin thar chung chang leh ka u an fak zui luam chu ka lo lawm pui ve veng veng ringawt.









Chaw hnu her hretah in ka thleng a, ka rin loh deuh in common room ka lut phei chu ka u a lo thu run, damdawiin khan ka hmu lo tih chu ka hria a mahse zingah khan in a chhuah san tawh bawk nen ka ham haih lek lek hial.









" Huhh.. . A tawpah chuan i rawn haw ve thei hram a? " Ka hnung lam a rawn ti tu aw ka hriat rual in Kimkimin min rawn kal pel a nih chu. Ka u chhun a kan in a ka hmu in min thawng ai mah chuan henu kan in a a awm hian min thawng zual zawk bawk.








" Enge he tah i rawn tih? " Ka ti chang nghal fak.









" Engtin nge i rawn hruai haw theih zawk! A bulah kal in i ngaihsak thei ang ka tih vang khan kan inah i rawn hruai lut thei tihna a ni lo! " Ka u kan lam pan a rawn kal chu ka aw rawl tawp deuh thaw in ka vin nghal tuar.









" Ka sawi hi ngai thla phawt rawh! " Ka dar a min vuan in ka u in a rawn ti chu thinrim mit meng ling hlar in ka melh a. Ka kawchhung lam atang thinrimna na men lo ka nei bawk.









" Ka... Ka ngai tha char char thin a ni lawm ni? Ni e... I nau a ni, sawi buai ka tum lo. I duh duh in i buaipui thei. Hmun dangah lehkha zir tur in kal tir i tum tih pawh ka hria mahse sawi sel che ka tum chuang lo. Mahse hei chu ka in a nih hi! Chuan heta rawn kal tur pawn ka duh lo. " Ti chhuak leh nghek in ka u min vawnna chu ka thing nghal nawk.









" Nang kha kan in atang hian chhuak rawh! " Kimkimi lam hawi a ti fak in, in hum ruh ngawt ngawt in ka kal sawn zui nghal hlak hlak. Ka lu na te kha ka thinrim vin tang nasa lutuk vang khan an rawn zual tut tut hial in ka hria. Ka hnung lam a ka u min ko ri leh ding tur a min tih te chu hre lo der hmak in ka kal a, ka ngaihtuahnaah Kimkimi min hmusit leh chawh min tih hmel zet a min en tur ang in ka hre tlat bawk chu ka alh lo chauh.









" Angel.. " Step a ka pen chho chiah chu ka banah min vuan in a rawn ti sup. Ka in sum hman lo in ka kut a vawn loh na lam chu na zet a vai let in ka kut phah a thip zawk rual in ka u hmai a ri nghal chawrh.









" Zomuanpui! Min khawih tawh hlek suh! Tun atang chuan ka u ang pawn ka en leh tawh lo ang che. " Ti nghek in ka kut chu ka pawt let sawk. Hnung lam a Kimkimi hmui hup a lo ding chu melh rawm in step ah chuan ka tlan chho zui nghal. Ka hriat a chin a ka u hmingpum in ka koh vawi khatna a ni hial ang. Ka kut hnung lam chuan ka biang ka tuai nghal vak a. An unau hma a mittui tih tlak a, tah kha ka duh hrep lo.









Vawin ah u Rinzualan ka u in Kimkimi hostel ah a awm tir thu leh semester zawh fel hunah phai lamah zir zawm tir a tum tih vel a sawi nuk a. Engmah ka hriat ve loh avang in mak min ti viau leh nghal. A zirna senso nei lo khawp in Kimkimi te chhungkua an rethei lo tih ka hria. Tun hnu a a ngaihven thar chiam avang in ka thin a rim leh zual bawk.









" Enge i la duh cheu a? " Ka room a ka lut kawngka ka nem khar tur chu a rawn nem hawng rawp a nih chu!









" I ngaihtuahna ang khan thil thleng tur in ngai ringawt suh! Kimkimi kha ngaihdam rawn dil tur che in a rawn kal! " Ka u in lawm lo lutuk in a rawn ti chhuak hrawk chu za lo zet in ka nui chhuak hak.








" Lemchan thiam lutuk! I lak a a lan mawi nan chauh a ti tur a ni tih ka hming ka chian tluk in ka chiang. Chuan kei chuan chutiang lem chan chu ka peih ve lo. Chuvang chuan haw tur in i hrilh thei ang! " Ka ti leh ngat. A hma a in rem tak a awm pui ka tum vang a ka tawrhna zawng zawng hi ka ngaihtuah phei chuan kan in atang a pet chhuah nal nal ka chak et et.







" Tunah chuan engkim a dang lam dawn a lawm! " Ka u tawng thum dut chu ner kum sak in mit ka chet kual ralh.






" Engtin! Ka zawh che chu? Ngaihdam min dil a nga , hmeichhe fel tawp khawk ang in ka lo ngai dam a nga. Nakinah i hmuh loh hunah a ngai te bawk in kan awm leh a nga, chu chu i sawi dan ni chiah lo mahse kan awm dan tur a ni. Chuvang chuan ka room atang hian chhuak la, in hnuai a hmeichhia pawh khu hruai chhuak rawh! " Tih leh kawngka pawh hawn rual in chhuak tur in ka ti nawn leh nghal.






Ka rilru chuan chal tlai zet leh tawngkam mawi lo tak tak thleng a an khum vak tur in min tur ut ut a, mahse ka u ka zah em em kha a la ni miau a, ka la in sum hram hram bawk.







" Enge i hriat a? " A chhuak dawn emaw ka ti chu a rawn chet dan avang chuan ka ti vin that. Kawngka ka pawh hawn ka vawn ngar khan nem khar dawp in kawngka ah chuan min nem bet rawk a nih chu.








" A dang lam ang! A chhan chu nang leh kei, chuan Kimkimi kan vaiin kan in kungkaih dan a in ang tlat lo! " Hnai zet a min din chilh in a ti sup chu ka ner khum nang. Kal sawn ka tum a mahse ka kut kha a vawn hnan tel daih bakah a rawn ding hnai mah mah. Ka chhuih tawk zawk dawn a maw ni?







" In ang lo e, kan in ang ngai hlei nem! A hma chuan ka pawi mawh zawk thin kha a nia tunah chuan Kimkimi i dah hmasa ber tawh a lawm. " Ka ti lui ngat chu lawm lo tih hriat zet in a rum nghut. Dawt chhe te mah ka sawi lo bawk.












" Ni lo! I rawn pian tirh phat atang khan midang zawng zawng aiin ka tan i pawi mawh ber hial ang. Ka nau ang a ka hriat lai zawng che pawh khan ka hmangaih che in ka dah hmasa ber thin che. Chuan tunah Kimkimi khu ka nau a ni a, nang erawh ka nau ni reng chung in hmeichhia i nih ang in ka hmangaih che a, ka chhungkua leh ka engkim i ni bawk! " Ka mitah a mit meng dum fiah leh tak ngur a min melh chung in kha thu kha a sawi a nih chu. Kei erawh a thu sawi awm zia reng ka man lo.









" Enge sawi i tum? " Ka ti hap. Ka aw atang pawn ka hrilh hai tih a hre ngei ang. Chung lam hawi in a sawi tur ngaihtuah ang mai hian a ngawi vung vung a. A hrawk bawk che ralh in chilh a lem kawlh a, zawi muang a min rawn melh in a thaw chhuak leh hawk phawt a. Kei in a sawi tur ka chang ran thung.









" Engvang a bialnu leh ngaihzawng nei thei thin lo nge ka nih hi i ngaihtuah ve em? " A rawn ti sup chu ka ner sak. Kan thu sawiah khang ngaihzawng lam an lang hauh lo. Fing leh thiam tak a ka rilru hneh leh a tumah ka ngai nghal hmiah.









" Thu dang sawi mood ah ka awm lo a nia, khawi maw min thlah teh! " Ti hlak a ka kut a vawn hnan lak sawn tum a ka che chu ka kut leh lam pawh chu vuan bet in kawngka ah a nem bet zui nghal hmuk a nih chu.









" Thu dang a ni lo! Ngai thla rawh, nang pawn zep leh lem zet a nun kha i peih tawh loh ang bawk in kei pawn ka peih tawh lo. Hmeichhe dang ka melh theih loh chhan chu ka duh ber ka bulah, engtik lai pawh a ka hmuh theih ah i awm thin vang in. Ngaihzawng ka neih a piang in i mize pakhat tal an neih beisei in ka zawng a mahse ka hmu ngai lo. Ka neih theih loh thu che minute tin in in hrilh tin mah i la midang ka hnaih thei ngai hek lo. A chhan chu ka hmangaihna zawng zawng, a vaiin nang hian min lak sak vek vang in! " A rawn ti thawp sup chu sawi ve tur emaw chhan dan tur tak ngial pawh ka hre lo.









" Thil i hre sual a nia. Thla rei lo te chiah unau dik tak kan ni lo tih i hriat chhuah atang in a la ral! " Ka ti ta ngawt. Ka u erawh a rawn nui suk thung.









" Ni chiah lo! Kei chuan unau thisen zawm kan ni lo tih ka hriatna a rei tawh. High school i kal lai atang khan ka HMANGAIH tan vel che in ka hre bawk. " A rawn ti leh sup. Dawt sawi hmel a pu lo a. A mit meng chu a thu tak in, hun rei tak a thup bo leh a lo zep a sawi chhuak chu a hahdam hmel zawk mah in ka hre bawk. Mahse kei erawh ka dik hlei thei lo.









Ka u thu sawi zawng zawng khan min thawng em em vek. A bik in min hmangaih thu a sawi phei kha chu ngaihtuah dan pawh ka thiam lo.
Thil dik ber a ni lo tih erawh ka chiang khawp.









" Ka hmangaih che! " A rawn ti sup chu ka melh mawlh deuh tawp. Kha thu kha chu a sawi ziah mahse tun tum chu a sawi dan khi a dang tih ka hre tlat a ka nui thei ta hauh lo!









ngaihnawm lem loh mahse a thu in ti ve em? click kha min lo tih sak leh hram u la. A chung ber leh hnuai ber a mi hi chuan like leh cmt aw.

[Ngaia]

CHAPTER - 14 by Amy Cck









* REUBEN ZOMUANPUIA POV *









" Kei mah a awm ka duh! " Ti sap in a hawi sawn hmak a. Chet sawn erawh ka tum lo. A hmel leh mit meng buai nak chu en in ka thaw chhuak nghal hawk . Kum khua a ka zep bo hlen ka rin thin thu kha ka sawi chhuak a nia. Ka kaw chhung tawt zet erawh a thawl hawk rual in Nautein min ngaih dan tur ka hre ta hauh lo.









" Ngaih dan siam tur in ka nawr lui lo ang che. Mahse a hma ang a awm leh kan harsat chhan leh kan theih tawh kher a ngem tih ka sawi naah ngai rawh. A hma kha chuan engmah i hriat ve lohna khan min dang thin a. Tunah erawh nang tak ngial pawh i dang lam tawh si a. " Hrilh hai zet a Nautei ding melh chuan ka ti leh sup. Sawi duh leh sawi tur ka ngah a mahse tun a sawi vek hi a tha lem lo tih erawh ka hre thung.









" Hahdam phawt rawh! " Rei fe kan ngawih hnu chuan ti sup in ka hmuiin a chalah chuan ka nawr vang vang a, chet pawh a che lo, a din ngai chuan a ding reng ringawt. A kut ka vawn sak kha thlah ruai ruai in kawngka pawt hawng in ka pen chhuak zui nghal vut. Room ka chhuak chiah tih a kawngka chu a rawn hmet kalh nghal khep bawk.









Ka thin phu rang ve dawt dawt vang chuan thawk ka la leh hawk . In hnuaiah ka chhuk thla a, thu thleng a Kimkimi lo thu chu ka zu pawh ve nghal a, a hma a ka din rual in a rawn ding ngil nghal vat.









" Engkim a tha em? I biang kha.... " A rawn ti vat chu ka hmai ka tui ve phawk. A vawi khat nan Nautein kut min thlak ve chu a nia. A kut thlak a na reuh viau leh nghal.









" Let rih mai rawh. Mahse ngaihdam dil erawh i tih a ngai. " Ka ti sup chu a ner nang.









" U! Ti nge a? Nang pawn min huat zia kha i hmu a. Ngaihdam chu dil pawh ni ila min ngaihdam duh I ring a mi? A lakah ka tlawm mai mai zawk! " A rawn ti ve tan tan chu ngai pawi mawh lo zet in ka melh ngur thung.









" Ka ngaihdan chu i hriat vek tawh kha! Min sawi nawn tir suh! " Lawm vak lo chuan ka ti hmuk.









" Ka awi thei lo. He hmun buai chuar zet hi tun ai a la buai hma hian kal bol vat ka duh ta ber! " Ti chhuak halh in couch ah chuan a thu thla leh dat.









" Lo awm rawh! Thlah tur che in driver kan be lawk! " Ti sup in ka phone la chhuak in kal sawn ka rual nghal.








* FLASH BACK *









" Hrep chuan! " Nautei room ka chhuah san rual in ka ti nghal hluk. Engtin nge a mah kal san tur in min tih theih. A damloh lai a a bul a ka awm lo kha ka duh vang rengah a ngai hrep a maw ni. Nizan khan Kimkimin a phone battery a low vang in ka phone a hmang a call engmah ka hre miau lo. Kimkimi thil tih a nih hrep chuan a chungah ka lawm lo viau ang.









" I lo thleng a. Nizan i haw tlai sia thawh i hai a maw ka tia! " Kimkimin min hmuh rual chuan a lo ti vat a. A bag a siam zui nghal malh malh chu a hnungah ka kekawr ip zen in ka ding run .









" Nizanah ka phone i hman lai khan Angelin a lo call em? " Ka ti ngut chu a thil tih a chawl dat a, ka lam rawn hawi lem lo chuan a thaw chhuak hak.









" Ti nge? A call i chhan loh avang in i chungah a lawm lo a mi? " Kimkimi tawng dang vang chuan ka ner sawk.









" Call ka dawng tih sawi kha a har hauh lo! " Ka ti hmuk. Ka aw atang pawn ka lawm loh zia a lang chhuak chiang tawh viau. Kimkimi chu ka lam rawn hawiin za lo zet in a then sak.









" A ni pawh khan a ti ve thin tho awm sia tun ang hian a chungah i lawm lo ve thin tho em? Aaa... I hauh phal lo, i nau duat kha a ni miau a eng thil pawh ti se Angeli chu i hau in a chungah i lawm lo ve ngai lo tak! " Ngeiawm rawng kai lek lek a a rawn ti chu ning zet in ka thaw chhuak hawk.









" In teh khin emaw khai khin kual reng hi sim teh u. Chuan i sawi kha dik pakhat mah a awm lo zawk. Dik a awm a nih pawn a tlem viau ang! " Ka ti hmuk chu a nui chhuak hak. Dawt erawh ka sawi hauh lo. Heti chen Nautei nen kan cheng dun in kan in pawh a mahse engmah a ruk a zal in a ti ngai hauh lo. Ka phone call pawh a lo chhang in ka thil tam tak lo khawih a lo hman pawh a bei thin. Mahse thil te ber atang a a lian ber thleng in min hrilh leh thlap thin.









Ka call a lo chhan pawn min hrilh leh ngei ngei. Chuan a vawi khat nan hmanni khan ka hriat loh in thil a ti a mahse a in thiam lo in ngaihdam min dil leh thlap bawk. Kimkimi sawi dik chhun erawh eng thil pawh ti se Nautei chungah chuan rei ka thinrim thei lo. Ka thinrim tak tak hma a a thil tih sual vang a a lo in thiam loh hmasak ziah vang pawh a ni mahna. Chu erawh ka hre lo.









" In khai khin lo thei lo in kan awm miau si a nih hi. Kha nu kha i nau a ni lo tih hre tawh chung leh in zawmna in nei lo tih hre reng chung in engvang in nge a lam tang a , I la ngaihsak cheu ka hre thiam thei lo che. Kei pawh i nau ve tho ka ni a ka thik a sin. Tunah ka awm danah ngat phei chuan a ni ai khan ka u hi ka bul a awm tur in ka mamawh ngawih ngawih zawk.









A hmel ka hmuh a piang hian ka thik a, ka haw ngawih ngawih. Engkim a nei vek a. A mah hmangaih em em tu nu leh pa thleng in. Kei hian neih ka lo nei ve miah loh vang te pawh a ni mahna a mah ka lo huat tak viau. Ka u tak ngial pawh in zawmna pakhat mah nei hauh lo in kei aiin a ta neih zawk che a. Heng te vang hi a ni ang chu hrisel loh na tam tak a neih. Midang chuan lainat viau mah u la kei chuan khawngaihna chhe te mah ka nei lo. A phu tawk chiah. . "









" Zothankim! " Ka ti chhuak hrawk chu a ngawi ve hram.









" Hahh.... A nu ang chiah tiin ka nu in min hrilh a. A dik ngei pawh ka ring. Ka nu hnen atang in a nu khan a fapa leh pasal a lak sak cheu a . Tunah a fanu in ka u min lak sak ve leh chiah a. Pawi sawi lo ang a lang in lem chan erawh an lo thiam nufa khawp e" A rawn ti leh sak chu engtik lai in nge Zothankimi bul ka thlen hman ka hre lo.









" I hriat chian lo thil a nih chuan vawi khat mah sawi chhuak leh tawh suh. " A dar tawn tawn a hmer in ka ti chhuak hrawk. In sum viau lo phei i la kut ka thlak duh hial ang.









" Hriat chian tur a awm a mi? Ka nu i haw em em a. Mahse a tak takah chuan ka nu leh kei bak hi chhungkaw dik tak i nei lo. Ka nu chet dan leh ka chung a a thil tih pawh hi ka lawm bik lo. Mahse kan nu neih chhun a ni hi. " A rawn ti leh vak chu za lo zet in ka nui chhuak hawk.









" I hriat tlem vangah ka ngaih sak ang che. Saw I nu i lainat em em sawn a fapa ngei hi min thah a tum thu sawi ta i la? Ka mit hmuh lai ngeiin ka nu thah a tum bawk a. Saw hmeichhia leh ka nu hi tehkhin tawh ngai suh. " Ti chhuak hrawk in ka vawnna chu ka thing thla hnawk. Eng ang pawn ka nu ni in, a mah chiah chhungkua pawh nei i la ka hnai ngai lo tih hi ka thu thlukna a ni bur.









" Enge i sawi awm zia chu? Uu.... ! " A rawn ti vak chu ka thaw chhuak hawk. Keiin ka huat leh hriat ang hian a nu hi a hriat ve kher ka duh ngai lo a ka ngawi mai thin. Mahse tlem tal a hre ve lo a nih chuan hmeichhe tleirawl rilru hruai kawi awl sam tak a la ni a. Tunah pawh engmah hre lo in a nu ngaihdan a tawm pui a, ka nau a nih ang in nun dik lo lam a zawh ka duh bik hauh lo.




*




" Chutiang ka nu in a ti lo ang? " Kimkimin mittui tling pam a min melh in a ti chhuak tiau chu khawngaih viau mah i la sawi dik lo ka nei lo miau.









" Engkim ka hrilh che a I tan a that zawk ka rin vang in. Duh thlanna erawh i kutah a awm thung. Engkim hre vek a I nu i la thlang a nih chuan ka ngaihsakna i dawn beisei tawh suh. Ka bul i thlan chuan ka enkawl ang che. Mahse i tih tur erawh i hriat kha. A hmasa ber in Angeli i huatna kha paih bo rawh. " Ka ti sup chu a in seh ruh ngawt ngawt.









" Ka nu chu ka be tawh lo ang a, chuan nang pawh saw in atang sawn chhuak in kan pahnih in kan cheng dun thei ang chu. An fapa i ni lo tih i hre chhuak tawh tho a. " A rawn ti chu lu ka thing ngut ngut.









" Engvang in ? Angeli rilru a nat I hlau a ni ti raw? Ka hre vek a lawm. Ngati nge i ngaihsak em em a? " A rawn ti vin hlar.









" A chhan chu ka hmangaih vang in! " Ka ti hmuk chu a hawi phawk ngang mai.









" Ka nau, ka thisen zawm a ni lo tih kei hian ka hriatna a rei tawh. Chuvang chuan ngaihtuahna kawi pu tawh ngai suh. Tun hi tha tak a ka hrilh che tawp na ber leh ka warning na angah che i ngai dawn a nia. Chuan min zui dawn em? " Ka ti nghal hmuk.









" Hahh.... Nang leh ka nu ah duh thlang tur in min ti a maw? " Za lo zet a nui chhuak hak in a ti sap chu ka melh ngur . A thlan ngei A ngai miau. Ka bulah a awm dawn chuan a nu a hnaih ka duh viau lo. Hmeichhe khawngaihna leh hmangaihna nei lo a ni miau a. Chu tiang mi bul a a awm reng chu ka ram ti dawn lo miau.









" Angelin min ngaihdam a duh a ring chiah lo! " A rawn ti chu ka ner suk.









" I ngaih ang a sual chu a ni lo a nia. A ni chuan a tul chuan ngaihdam dil a hreh ngai lo ang bawk in tha tak a sawi pui chuan la ngaidam chiah che lo mahse in in hrethiam tawh tal ang chu! Tunah erawh phone call vang hrim hrim pawh khan ngaihdam dil tur i ni! I duh loh chuan haw rawh! Tun hi ka hmuh tawpna ber che i ngai thei bawk ang! " Ti zui hluk in ka pen sawn chu ka banah a rawn vuan chawt.









" Ka nau, ka thu awi lo tu enkawl ka ba hauh lo a nia. " A mit a melh in ka ti hmuk.









" A tha e, ka lo kal ang! " A rawn tih ve takah chuan ka nui ta suk.









* END OF FLASHBACK *








" Ka ril a tam rih lo a ti a nih chu. " Kan nula choka rawn lut chuan min en in a ti sap. Nautei chaw rawn ei tur in ka hrilh tir a, Nautei erawh a room atang a la rawn chhuak hauh lo. Dik tak chuan vawin a ka thu sawi vang khan kei pawn han biak mai ngaihna ka hre lo viau.








" Chaw rawn ei rawh! Kaw ruak a damdawi ei a tha lo tih i hriat kha! " Nautei room kawngka kik kauh kauh in ka ti sup, thawm erawh a reh vung vung thung. Ka awm chhung chu a rawn chhuak duh dawn a ka hriat loh vang chuan motor chahbi la in ka in khalh chhuak ta ngawt.












Rinzuala in lamah in khalh in , kan ti ti luam a. Vawin damdawiin lam a ka hmel a hmuh loh avang in mak a tih thu min lo hrilh a. Nautei in entir tur in a kal thu leh a lu na leh zan a mut tha theih loh chung chang ah a mang an vang tih vel min sawi pui luam a. Kimkimi hmun dang a lehkha ka zirtir tur thu Naute in a hriat na pawh kha Rinzuala a nih ka ring ta bur.









Ka leng deuh reng nan mahse Opin vawin office ka tlawh loh vang in hna ka en tur in lamah a rawn dah tir thu phone call in min rawn hrilh a. Office staff pakhat hnenah kan in lamah a rawn dah tir dawn avang in ka in khalh haw a. In ka lut chu a lo reh thap. Kan nula in office atang thil an rawn dah thu min hrilh a. Nautein chaw a rawn ei em tih ka zawh chuan a ei tawh thu in min chhang ta hram.









In chungah chho in Nautei room bulah ka ding deuh ren rawn a. Mahse lut ta lo chuan ka room lam ka pan san ta thung. Ka duh tih ka sawi kha a fuh chiah em ka hre lo. Zep pawh a tha zawk mai thei. Mahse vawin khan ka in sum ve na zawng zawng kha an rawn puak darh a ni ber. Engkim kha thil thar vek a ni miau. Ka hriat theih chin a ka hming in thinrim tak in min ko a, min beng hial a nih kha. Kha tiang khan a la thinrim ngai lo bawk nen min huat hlen ka hlauh luat ah rilru mumal ka pu lo ni ber in ka hria.



*


*


" Morning ! " Choka ka luh rual in dang ang bawk in ka ti nghal sup. Rang zet a ka lam rawn hawi tu hmeichhia chu ka pan nghal a. Mahse a thu rawn sawi vang chuan ka ding dawt. A mah hnaih lo tur in min hrilh a nih chu! A mit meng pawh a dang lam hial in ka hre bawk.









" Kha tiang khan awm lo teh! " Ti hmuk in ka pen hnaih leh hrut a. Mahse a sawt viau lo thung.









" Eng thil nge i tih hrep a? " Ti chhuak hluk un chini A min theh tu chu ka melh nghal run. Ka kawr ka thin rual in ka taksa atang chini a tla thla nghal mur mur bawk.









" Ka sawi kha lo kal hnai tawh suh tih! A leh pekah chuan hmarcha ka hmang tawh ang! " A rawn ti ram hmak chu ka ner suk. Naupang chhiat thlak lutuk.









" A mak e! Ka ti tak tak a nia. " A lam ka pan leh chu hlau thawng lutuk a ti chul in eng emaw min theh leh na tur a zawng nge a mit a len kual nghal ruai bawk. Eng emaw lak tum ni awm tak a a kut a phar leh rual chuan lo ban khalh in a kut chu ka hum sak nghal hmiah chu phawk hra in min melh a nih chu. Ka seh dawn emaw ti hial tur khawp a phawk in.









" Naupang chhia viau thin suh! Miin an duh thu an hrilh che a piang a hmarcha bur i zawn chuan mi a emaw an ti mai ang che! " A mit a melh chung chuan ka ti sup.









__________________________________________________









* ANGEL LALRUATPUII *









" Chutiang tu man an sawi lo a nge! " Ti hlak a ka kut pawh let ka tum chu a rawn hum nghet zual sauh leh nghal. A kut pang ti lum in ka kut a vawn leh takah chuan ni min a ka room a a thu sawi kha ka hre chhuak nghal uar uar a. Ka hmai leh beng te chu a rawn sa nghal hat hat leh nghal.









" Niminah ka hrilh che kha! " Tum hmuk a ti tu chu ka melh deuh nghek.









" Enteh! Min fiam kual a min bawl kual vel i tum a nih chuan chutiang a tan chuan ka upa tawh a nia.... "









" Chuvang tak chuan a lawm thu dik ka hrilh che! " Ka tawng lak lawh lai pawt chat in a rawn ti hmuk chu ka ner sak.









" A ni lawm ni? Nang mah ngeiin a ni lawm ni i u ka nih tawh loh thu leh i u ang a min en tawh loh tur thu sawi kha. Chuvang chuan kei chuan ka feeling hi tih lan a sual ba ka hre lo! " Ka kut a vawn loh na lam a ka hnung lam gas hunna rawn vuan in a ti sup chu min dang chep hneh viau.









" Eng.... Eng feeling maw? " Ti bah nawk in ka melh chu ka u hmelah nuih zal hmel ka hmu a nih chu!









" Ka duh che tih leh ka hmangaih che tih hi ! " A rawn ti sup chu za lo zet in ka nui lui hak hak a mahse ka u erawh a hmel a tak leh run tawh thung. Enge dik lo, nimin a thu sawi kha min chhuah san hnu khan ka ngaihtuah a, a ti der ah ka puh thla thei hram a. Mahse ka rilru ti buai tawk leh a a sawi miau avang in ni zan zan khua in ka mut theih loh phah a. Zing pawh tho hma ka ta reng bawk. Ka meng tlang a ni zawk mah. Mahse tunah kha tiang zul zui tho khan thu a sawi leh a. Ka awm a ti nuam hauh lo.









" Fiamthu i thawh hian a nuih zat thlak ngai miah lo a tun a mi pawh hi a nuih zat thlak chuang loh a nia! " Ti vak a ka melh chu hmui min sawi khum zauh a. Ka rilru chuan a fiamthu tih leh nimin thil thleng pawh kha fiamthu a ni ti se ka duh . Mahse a rawn chet dan erawh in min thawng tak zet. Ka hmuiah a rawn fawp a nih chu!









“ Ti khan fiamthu a nih i la ring em? " Ti sup in a vawi hnih nan min rawn fawp leh chu a awmah ka nem deuh chawrh. Chet erawh a che sawn hauh lo. Tunah khan vawi hnih lai min fawp a nih chu!









" Ngai thla rawh khang ka sawi zawng zawng kha dawt emaw fiamthu pakhat mah a awm lo. Tun atang chuan hetiang hian ka awm tawh dawn bawk. Kum 22 meuh i u din hmun ka chelh a, tunah erawh a nih theih loh dan ka hre ve ve! " Rawn kun hniam in ka beng bulah a rawn phun sup chu min fawp leh dawn a maw tiin ka hmui ka hup vat a mahse thil a sawi ta zawk.









" Thil thleng thei a ni lo! " Ka ti sap chu ka beng bulah chuan a nui suk a. Ka tim nghal chawi thung.









" Kan hria ang chu! " Ti sup in a in la hrang a. Choka atang a a chhuak chu ka melh zui tawp a. Kan nula rawn lut in ka chini theh buak a rawn hmu chu mak tih hmel zet a min en in a ti fai nghal mawlh mawlh a. Kan sir lam a chair chu pan rawk rawk in ka thu thla zui dat a. Min thawng tih bak sawi tur ka hre lo.




*




" Heii.... I la dam chiang lo a mi? I zawi e. " Class ah kan thu a. Mizo period chhung ka muthlu a, mahse ka harh thei chuang lo. Ka ngaihtuahna hi a nu bulh bulh zawk.









" Ka mut a chhuak a lawm! " Tih leh dawhkan a bawh ka rual chu dawhkan a a kiu nghat in a phone min hmeh san leh nghal malh malh.









" Nizanah kan senior a miin min rawn bia a, min lo hmu ve thin a min duh thu a rawn sawi vel a nih chu! " Lalbabyi chuan nui hak in a ti chu ka ner khum nang.









" A van ler. Vawi khat in biakna a in duh thu sawi te chu a! " Ka ti hlak chu min melh rum ngang mai.









" Kan in be fo a, mahse college ah tak hian kan la in be lo ka tihna a nih chu. Vawinah canteen ah thil ei puiah min sawm a! " A rawn ti leh zat. A tawng dan atang pawn a phur hmel em em mai leh nghal.









" A ler ka ti tho tho! " Ka ti leh ngat chu ka tukhumah min nem nghal vak a ka rak that.









" Mipa lamah hi chuan i rawn tlak thlawt loh! Duh tu ka nei lo i lo to thin pawh hi a awm lo hran lo e! " Ti vak in a phone bawk min en san chu ka sam ka tuai mam nghal thuak thuak. Sawi sual pawh ka nei in ka hre lo, awlsam tak a min duh thu sawi tu te ka ring lo a, rei tak ka biak, min duh thu sawi tur in biak lah ka nei hek lo. Tunah lah min duh thu sawi tu te ve hi!









" Ka a mai dawn! " Ti vak in dawhkanah ka bawk phek thlar ringawt. Ka u biak pawh ka hreh zo vek leh nghal. Rei tak chhung engkim a lo hre vek bik a, a lo zep mai mai chu niin. High school ka kal atang khan min duh a maw? Awi tur a ni em pawh ka hre nek lo.









" In bia ang? " Lunch break a kan chhuak tur chu Zothankimin a rawn ti a, ka va han be awm lo tak.









" Ka hman lo. Ka be peih lo hrim hrim bawk che! " Ti fak a kal sawn ka tum chu ka bag ah a rawn pawt a nih chu.









" Rei lo te! A nih lo chuan ti hian ka sawi tho ang! " A rawn tih leh takah chuan ka bag pawt let nawk in room atang kan chhuak rual leh ta nge nge. Ka nghal in ka sual viau emaw ka tia kei ai Zothankimi hi a luhlul in a sual leh zual fe a nih chu.









" Enge? Ka u nen kan in kar chhe ta i lawm zia i sawi leh dawn a mi? " Building chung ah ding in ka ti nghal tawlh chu a ner sak. Kei ai a naupang zawk a nia, a chal tlai reuh zia lah hi.









" Ka tihpalh a nih kha! " A rawn ti chu a lam ka hawi a. Ka awi loh lutuk vang in ka nui nghal hak bawk.





.



" Lem chan leh bawk a mi? Kan pahnih chiah in kan awm hi a ngai hran lo. Chuan kan inah hi chuan lo kal tawh lo hram rawh. Kan college luhna a in ang tawh mah tih lai a, in lam thleng a in um zui chu a mah mah lo maw? " Ka ti nghal fak fak chu ngei awm zet a min chhan let ka rin nen a ngawi ve tlat a nih chu. A damlo a maw ni zawk.









" I hre ve em chu ka hre lo a mahse ka nu ang a hmeichhe sual nih ka duh lo a. Chuvang chuan ngaihdam ka dil nawn leh ang che. Tun tum chu ka ti tak tak a nia. Dik tak chuan ka thik thin che a, tunah pawh ka la awt tho che mahse rilru chhe put ka duh tawh lo. " Nui lui deuh hak a a rawn ti chu a ngaihna ka hre lo bawk nen ka hawi ha ha a ni ber.









" Tun semester a zawh hian ka u in hmundangah min zir zawm tir dawn a. Dik tak chuan kan in atang ka chhuak a. Ka let tawh kher lo mai thei. Ka u chauh hi ka nei tawh dawn tihna a nih chu. Chuvang chuan a ni hi chu chan ka duh lo. Chuan ka u tan hian i pawimawh em em a, unau ni kher lo mah u la i pawimawh dan a ngai reng sia. Thian chu kan ni kher lo mai thei mahse in haw reng lo in awm tawh ang! " A rawn ti deuh duah chu mu mang A ang zawk.









" Ka hria a lawm. Ka u hian a duh che tih! " A rawn ti chu ka ang phuau ringawt. Kei pawn niminah ka hre ve chauh a nia.









" I thil tih kha ka la hre vek a nia. Chuan ka hua che tih pawh a dik. Mahse ka huat zual chham ber chu test kan tih dun khan ka u in a lo hriat sa vek a vang in i thiam lohah ka puh vek lo mai ang! " Ka ti chhuak thei hram. Kei mah leu luau hi nia mi thu sawi awi a, tal buai ta. Dem tur an awm chuan kei mah ka ni.









" Chuan in duh.... " Sawi zo lo in mit ka chhing sawk. Sawi pawh a zah thlak. " Kha kha chu ka tan chuan ka u a nia, a bak a awm lo! " Ka ti chhuak ta nge nge. Chuan Tun a ka sawi kha ngaihtuahna tha tak a ni. Kimkimi pawh a kal bo a nga, engkim a pangai a ni mai.









In chung atang a kan chhuk chu Babyi a lo meng nur nasa mai. A chhan ka zawt a, tum bur in kan senior a hmuh pa hmel chhia a tih thu a sawi chu pum na phung in ka nui thei. Henu hi chu a hahthlak ve thlawt.



*



*


" Ka tiang khan class kal i tum maw? " Ka room atang a ka chhuak leh ka u a room atang a rawn chhuak chu kan in tawk chawt a, rang lutuk in ka hawi sawn a mahse min rawn ve hman hram.









" Vawin chu class kal lo in sir Rema kha a nghet in an dah a, chu mi lawm nan chuan a class naupang te min sawm ve a. Tah chuan ka kal dawn! " Ka ti ve ta nge nge . Tunlai chu kan in be lo a, kan in hmu khat viau bawk. Pehhel dan hram zawn chuan kawng a lo awm chiang ngang mai.









Zingah erawh 1 period ka kal loh ziah phah . Ka attendance chu a chhe ve viau in ka ring. Zanriah lah a lo haw hma in ka ei a, ka room ah ka in khung hmak a. A hna a buai hun lai in a lo nang ching nen ka la him rih zel.









" Ka va thlah ang che! Khawi veng nge? " A ti chu ka ner nang.









" I kal na lam tur nen a in hnaih lo! " Ka ti nghal vak. Thaw chhuak hawk in a ban a sana chu a lek kang nghal vut a, min rawn melh leh nghal run in min thlah hman thu a la sawi cheu . Mahse sir Reman min lo hruai tur thu a sawi vek tawh bawk nen ka lak lawh zo a ni ber.









" Tak tak in, min lo hruai dawn a! " In thiam lo lutuk a ka ti chu ka u hmel a rawn rum nghal ul.










" Ka hrilh tawh che kha kha pa kha hnaih suh tih! " A rawn ti hmuk chu ner nang in ka melh a. A ni pawh a meng rum ve ul tho.










" Chutiang zawng in kan in hnaih lo. A fel a ka chungah a tha em em bawk a... "









" Hnaih suh ka tih chuan hnaih lo la a ni mai! " A rawn ti chhuak hrawk chu ka phu chiam. Ka thu sawiah khan thinrimna tur a awm main si lo.









" Enge i hriat a! " Hrilh hai zet in ka ti ta tawp.








" Mipa dang i hnaih hi hreawm ka ti thin. " A rawn ti chhuak hawk chu ka ding khawng at a. Tiang a sawi hian kei in nuam ka ti lo thin.









" Ka duh che ka tih kha. Chuvang chuan mipa dang ka thik tur emaw pawn hnai ngai suh. Tun ang hian ka en liam lo bawk ang che! " A rawn ti nawn leh sup chu chil lem kalh in ka in seh ruh vak ringawt. Enge kan boruak teh hrep hi ka hrethiam lo.








" U... Enge i rilru ah awm chu ka hre lo mahse kei hi min duh tur a ni lo tih erawh kan hre ve ve. Piang hmun kan ni emaw ni lo emaw. Kan pa te thu hmun an ni lo a nih pawn khawvel mit hmuhah unau kan la ni tho. " Ti chhuak halh in ka thaw zui hak. Kha tiang kha ka sawi ka ring lo A mahse kei hian ka ti tawp hmasa a nih loh chuan thil pawi zawk a thleng thei miau.









" Naute! " A rawn ti sup. A hmel a thim rup a. A ni pawn ka sawi awm zia a hria tih ka hria.









" Min duh a nih pawn tun atang chuan min duh tawh suh! Kan pahnih hian in zawmna thar kan mawh lo. Ka u i ni a, kei pawh i nau ka ni. Chu chu thlak dang lam kei chuan ka duh lo. " Ti chhuak hap in ka kal zui nghal zat. Ka hnung lam a mipa thaw ri hawk ka hriat chuan ka taksa a ti tang mar at a. Ka tukhum za mer merah chuan min la thlir reng tih ka hre bawk.

[Ngaia]

CHAPTER - 15 by Amy Cck









" I nuam sam vak lo a mi? " Rawn ti sup tu vang chuan ka rilru ka kawm mawlh mawlh lai chu ka phu chiam. Driver seat lam chu rang zet in ka hawi a Sir Reman min lo en ve chiah bawk.









" Nuam sam e! " Ti sap in, in thlahrung ru deuh tak chuan ka nui lui sak bawk. Buai chung chung in min rawn hruai tur in a rawn kal a, ka la be mang miah lo tih ka ngaihtuah chhuah phei chuan ka in thiam lo leh zual.









" A nih chuan enge i ngaihtuah tih hriat a chakawm? Nichin atang khan rilru kam tu eng emaw nei hmel i pu tawh. Engmah sawi si lo in i thaw leh hak zel ringawt pawh khan ka awm a lo ti nuam lo ve ringawt! " A rawn ti chu engmah a nih loh thu bawk in ka chhang leh mai a. Mahse ka nih ang ang a lang chhuak chi ka nih vang nge ka hmel erawh a dang lam teh chiam lo.









Ka rilru hi ka hre thiam lo. Sir Rema pawh hian min duh thu a sawi ve tho a, zep leh thu khuh pawh nei lo in ka duh ve loh thu ka sawi khum ve tawp tho kha a nia. Kha mi hnu khan ka duh loh thu ka sawi vang khan in thiam loh emaw tun ang a hreawm tihna ka nei miah lo. A mah ngaihtuah zui phei chu ka ti lo tawp a. Mahse ka u erawh ka ngaihtuah naah a awm reng.









Ngaihtuah duh lo eng ang mah i la min duh lo tur a ka hrilh lai a a mit meng a na tuar hmel kha ka la hmu ngai lo a, ka theihnghilh tawp thei lo ni ber in ka hria. Tunah hian dik tak chuan ka rilru hi a buai tak zet. Ka u nen hian unau dik tak kan ni lo, hei thil hi chu ka pal zam mai thei. Chhungkaw dang pawh fa lak te , eng emaw harsat na vang a thisen in zawm ni kher lo chhungkua a in siam te pawh an awm ve tho a. Chutiang ah chuan ka ngai ve mai thei. Chhungkua kan nihna a bo phah lo.









Mahse ka u in min duh thu a sawi hi chu chin fel ngaihna ka hre hauh lo. Tun lawk khan ' min duh tawh suh' ka ti a mahse engah mah a ngai dawn lo tih ka hria. Khawiah emaw ka kal tur min hruai ka ngai lo ka tih a a ti lui tlat thin ang khan a rilruah a ngaihtuah tawh chu awl sam zet in a paih bo mai dawn lo tih chiang tur khawp chuan ka hre chiang ve bawk.









Chuan tun hnai mai ni lo in rei tak min lo duh tawh bawk a. Ka u in ka lak a a rilru put hi ka sawh sawn tir thei lo. Mahse hetiang rilru hi ka put tir thei lo bawk. Eng thil pawh thleng se ka u a nia. Mi zawng zawng hmuhah ka u a ni a. Mi hre chiang a piang in kan in unau bik zia an chiang tulh tulh bawk a. Chuan tunah..... Hetiang teh nuai hian thil a awm a. Miin engtin nge min ngaih ang. Ka nghaihtuahna buai nuai vang chuan ka thaw chhuak halh.









" Vawi 10 na! " Ti sup tu chu ka melh haw.









" Kha tiang a rilru hah hmel zet a I thaw leh hak zel kha a nia ka tih! " A rawn ti sup chu ka ner nang .









" Ih... Eng lo! Mi rilru kan ti na tih hre reng chung in engmah hre lo leh ti lo ang mai awm hi a theih i ring em? " A tawp ah chuan ka ti chhuak ta nge nge. Tu emaw ber bulah ka in bun ruah loh chuan ka thawk thleng in a ti hreawm vek miau. Lalbabyi te hrilh chi lah a ni lo nasa bawk nen.









" Theih mai ang! " A rawn ti sup chu ka melh ha. Mahse min en lo in hma lam a melh daih thung.









" Mahse i rilru ah erawh i vei reng thung ang . Entir nan i hmangaih deuh in thil harsa leh dik lo tak. I tan leh midang tan pawh a tha lo tur ti tur in a nawr lui che a mahse chu chu thil dik lo tih i hriat chian em avang in i hnawl a. Thil dik ti mah la i hmangaih rilru chu i ti na tho a chu chu i tan pawh theihnghilh mai mai theih a ni kher lo ang. " Sir Rema tawng chu uluk zet a ngai thla in ka boruak tawn a rawn hria emaw tih melh in ka melh bawk.









" Chutiang chu lo tawng ta i la eng tin nge ka tih ang? Engtin nge engkim ka siam that ang? " Beidawng zet chuan ka ti chhuak halh. A sawi ang diak diak khan thil thleng lo mahse in an na tam tak a awm miau.









" Duhthlah tur a awm a! I hmangaih duh dan a thil tih, mahse chu chu thil tha lo tak, mi tam tak ti na thei a ni thung . A pahnihna erawh a mah kal san. Mahse chu chuan i hmangaih chu a ti na thung mai thei. " Ti sup in a rawn hawi a, ti lui tih hriat zet in a then suk bawk. A mit meng chu a dang lam in a thil sawi khan kei ai mah in a hneh emaw tih tur in a awm bawk.









" Kan thleng e! " A ti sup chu phu zawk in ka hawi sawn a kan lo din lai reng ka hre lo.









" Tun a I sawi ang kha i tawng tawh! A dik em? " Motor kawngka hawn tum a awm chu ka zawhna vang chuan a tawp dat.









" I hre thei hle mai! " Nui suk a a rawn ti chu ka ham haih let ling zawk. Mahse la duh tawk mai lo chuan a kutah chuan ka vuan bet leh chawt.









" A nih chuan eng tin nge ka tih ang? " Ka ti leh tawp. Ka zawhna zawh kha a at thlak em tih lam ai chuan a thil sawi nghawng kha ka hre chak zawk miau.









" Duh thlan tur i nei a lawm! " Ti sup in a chhuak a. Ka ngaihtuahna a ti buai vek. A saai dan kha chuan ka u min duhna ka hnawl chuan ka u nen kan in kar hi a tha tawh kher lo mai thei. Mahse ka u rilru ka tawm pui a nih chuan kei leh ka u in kar a chhe lo ang. Mahse ka nu leh pa leh midang rilru kan ti na thung ang. Chutiang chu thil thlen dan tur a ni. Chuvang chuan a vawi khat nan ka u ngaihdan leh duh dan ka tawm pui thei lo. Tun a ka dinnaah hian ka ding nghet bawk tur a ni.









" Hei... Ti nge ka call i chhan duh miah lo a. I lo kal dawn lo a maw ka ti hman. " Babyin min hmuh rual in a lo ti a. Ji pawn min lo nuih sak. Huh serh vel kan hmang a. Rei tah erawh kan awm lo. Haw lamah Babyi kan in a lo leng kawi tur in ka sawm a. Ji erawh in min haw san thung.









Sir Rema bulah haw kan tum ve thu kan hrilh a. Min thlah tum viau mahse in leng an nei nual a, chubakah kan class a mi ho te hmuh atang a mawi lem lo bawk nen kan motor in min rawn lam dawn tih ka sawi ta ngawt.









" Kei chu in driver hi a fel ka ti. I mamawh hun hian i phone a a sawi sel ngai si lo. I in ti thu si." Kan motor nghak a kan thu chu Babyin a rawn ti a, ka nui tawp.









" In ti fel deuh a taxi a ka haw a ka len kual chuan driver neih man a awm dawn si lo a ka pa ten an ban mai dawn a sin. " Fiam thu a ka ti chu dik a ti leh viau lawi si a, nuih a ti za reuh tak tak.









" Motor khal zir la, scooty te pawh ngen la! " A rawn ti zawm leh zat chu ner nang in lung tha lo ka nih vang hian tiang lam hi ka u in ka khawih a phal loh thu in ka chhang mai a. Chuvang a ka mamawh a hman tur in driver min dah sak an ni bawk a. Kan awm pui ten mamawh lei nan an chhuah pui tih loh chu kei mah hi a hna ka ni tawp mai. Ka u in driver a mamawh ve bawk lo nen.









Motor a lo thleng a, kan lut kan tlan chhuah hnu rei lo te ah Kimkimi te thian ho ka hmuh avang chuan tlan muang tur in ka ti a. An lo chuan ve duh leh duh lo ka zawt ta nghal. Babyi mak min tih hmel viau a kei pawn mak ka in ti mahse ka sawm vek tawh miau.









" Pathum kan ni sia" Kimkimin a rawn ti chu kan leng thei mai ang ka ti ve khang lang. Ka fel ta thut erawh a hmel a ham haih ve tho. A hnungah pali kan thu a, a hmaah a thiannu pakhat a thu thung. Thau tak kan awm lo bawk a. Kan chep hran lo. Kan in a hnaih zawk avang in kan chhuk a, driver hnenah an hostel thleng thlah tur in ka ti a . An tlan liam hnu chuan Lalbabyin min beng thak.









" I haw thin viau sia! " A rawn ti chu ka nui hak.









" Ka haw vak tawh lo. " Tih let hap in kan gate ah kan lut a. Kimkimin an in a chhuah san thu vel a sawi vang kha nge ka khawngaih reuh riau a nih chu. Mahse ka nu ang a sual nih ka duh lo a tih vel erawh ka hre thiam chuang lo. In chhir tak in ngaihdam min dil a, thik buaichuar hman viau tawh mahse ngaidamtu nih tluk a awm lo. Kei pawh thil ka tih sual a ngaihdam ka dil a min ngaihdam duh loh vang a hreawm ka tih zia ka hria a, a tu a zawk tan pawn in ngaihdam tawn kha a tha miau.









Ka room ah awm in kan in kawm char char a. Tlaiah chaw ei ve nghal tur in ka sawm a. A nu te phone in kan dil dun leh a an phal chu kan lawm lutuk a kan khek nghal chul. Ka u pawh a rawn haw hma ve ngei a . Kan pathum in zanriah kan kil a. Babyi a tawng duh bawk nen, ka u nen kan in nghir ngho tih hre ve si lo chu a ti ti siam siam reng a. A khat tawk in ka u ka en leh thin , engmah thleng lo ang mai a a awm chu ka hahdam pui hawk.









" Angel sir Rema nen hian in in ngai zawng a mi? " Bathroom atang a ka chhuak chu khumah Babyi lo thu in ka phone a lo lek va va.









" Awiawm loh! Khawi maw ka phone! " Tih leh lak sak ka tum chu a la phal lo zui.









" Sawi ve mai mai rawh! Tunah pawh a lo text che hi aw! A hma a I in biakna pawh a awm reng hi! " Ka phone lak sak tum a khum a ka lawm chu lo tang tung in a la ti ang deuh deuh.









" Kan in be ve mai mai! " Ka ti ve tlat bawk. Sawi sual pawh ka nei lo. Kan in ngaizawng lo miau .









" A nih! Awm chu a awm ti raw? Kei pawn engkim ka hrilh vek zel che kha zep bik suh! " Pangai zawk a a rawn ti chu ka thaw hak.










" Min duh thu a sawi a, mahse a rei tawh. Tunah chuan min duh tawh lo ang! " Ka ti zui nghal zat chu a ner nasa mai.






" Engvang in nge a duh tawh lo ang che! Nang man i chhang thiam lo a niang chu. I chhang ve hrim hrim em? Sawi vat vat teh! " A rawn ti cheng cheng chu ka phone lak sak hlak in a chalah ka chhu nghal fawk.









" A naa. . ... Haw ka ngai tawh a nia;" A ti zui bai bai chu ka nuih hak. Ka thlah tur thu sawiin in hnuaiah kan in zui thla a. Kan in mangtha fel in chung ka chho chu ka u room kawngka in hawng deuh vang chuan ka pan hnai a. Lut ngam chiah si lo chuan ka bi dak dak a, ka la hmu thei lo zui.









" Eng thil nge i tih? " Ka hnung lam a rawn ti thum dut tu vang chuan ka vir nghal bawk. Ka hnung chiah a ka u kekawr ip zen a lo ding run chu en in thawk ka la nghal vang vang.









" Engmah! Min ti phu chiang lutuk! " Ka zah zel ah ti vak in ka room lam a kal ka tum chu ka ban rekah a rawn vuan chawt.










" Thil sawi dun kan ngai a nia! " A ti sup a. Ka chhan let hma in a room kawngka chu pawt hawng in min pawt lut nghal dawt dawt a. A room chhungah chuan ka ding ran a. Ka u room ka luh khat tawh zia ka hre chhuak uar uar bawk.









" Thu la! " Ti sup in a mit meng thim khup chuan min melh a. Ka zam nghal rawih rawih thung. Engtin nge hetiang hian ka awm tak thut pawh ka hre lo mahse nel tak a biak ka harsat vek tawh.









" Ai! Ka duh lo! " Ka ti let sap chu pik hmel zet in a rawn thaw chhuak hawk. Duh pawh ni i la ka pen sawn thei lo. Ka khawng vek tak tak.









"A tha e! " A rawn ti leh sup chu in seh ruh vak in ka melh chho a. Enge a sawi tum ti hriat tum in, mahse a mit meng atang ringawt chuan ka hmu thiam chuang miah lo.









" In atang hian ka chhuak dawn! " A ti hmuk chu min thawng dawt. A hmel tak ngur chu ka melh tlawk tlawk a, a sawi duh a sawi zo tih hriat zet in a hmui a chip nghal hmuk bawk.









" Maw? Nga... Ngati nge? " Mak ka ti tih ka awah pawh a ri chhuak hial. Kan in hlat ta duai tih chu ka hria a mahse engtin nge chhuah a tum theih.









" A ngai miau sia! " A rawn ti hmuk. Min kal san a tum chu hreawm ti hmel pawh a pu ve miah lo. Milim ang maiin a ding ngaiin a ding khawng luah ringawt chuan ka tah a ti chhuak ut ut hial.









" Eng... Engtikah? " Tah in sum zet in ka ti chhuak halh. Ka mit pawh ka khap ngam tawh lo. Vawi khat lek pawh ka khap a nih chuan ka mittui a rawn chhuak dawn chiang lutuk tlat a.









" Naktuk zingah! " Ka u tawng thum dut vang chuan mit ka chhing sawk a. Ka biang a lum thla nghal pap.









" I tha em? Naute? " Ka u aw chu hre reng mah i la ka chhang thei lo. Hmanni lawkah unau kan ni lo a ti a, a hnu lawkah min duh leh min hmangaih thu a sawi leh a. Tunah min chhuah san tur thu a sawi leh a. Vawi khat a tuar a tan chuan a tam mah mah miau.









" Ka...ka phal lo! " Ka ti bah nak. Ka u chu en in ka in seh ruh nghal vak bawk. In be lo in awm reng mah i la zing a ka u hmel hmuh a zan a hna thawk rawn haw lo nghah ringawt pawh khan ka thla a la ti muang a. Mahse a chhuah daih chuan engkim a tawp tak tak tihna a ni dawn a. Chutiang a thlen chu ka duh lo.









" Ka biak duh loh vang che a nih chuan ka tihpalh a nih kha. Tun a chinah chuan ka ti tawh lo ang. Kimkimi pawh ka haw tawh lo, Chuvang chuan chhuak suh aw! I chhuah ka phal lo! " Ti chhuak vak in ka u chu ka melh vak a. Ka din na atang a pen sawn hlak hlak in a thawmhnaw bawm pawt hawng in a thawmhnaw in khai dul ho chu ka theih ang a tam pawh thlak a pawm beh ka rual nghal.









" Naute! " Ka u thawmhnaw pawm tun a kal sawn ka tum chu ka hmaah ding run in a rawn ti sup.









" Thil thlen dan hi a buai nuai tih chu ka hria a, mahse min chhuah san ka phal chuang lo. Ihh.... Engkim hian nang ang lo tak in min la thawng em em vek a. Chuvang chuan in siam rem nan hun ka mamawh rih a lawm. Ka huat vang che a ni lo a nia. Min kal san ka phal lo. " Ka u thawmhnaw tam tham zet pawm tai chuan ka ti chhuak nghek. Ka mittui te chu ka biangah an rawn luang zawih zawih a mahse ka thu sawi te a hriat loh hlau in ka au khum nghek tho.









" Ka thawmhnaw kha dah phawt teh! " Ti hluk a a ban a rawn lek vut chu ka tawlh hnung nghal dawr. A hma aia nghet chuan ka u thawmhnaw chu ka pawm bawk.









" Min chhuah san ka phal lo ka tih mawlh mawlh chu! " Ka ti vin that. Ka u nui suk ri chu ngei zet in ka melh a. A nuih chhan lah ka hre map lo leh nghal.









" Lo kal teh! " Ti sup mahse a mah zawk a rawn kal hnai leh tho. Ka dar tawn tawn a min vuan in ka hmai bul chetah chuan a rawn kun hniam ruai ruai a. Kei in thawmhnaw pawm tun in ka mittui kar atang in ka melh thung.









" Ka naute tah belh te! " Ti sup in a kut lian leh lum thur thur chuan ka biang a ka mittui luang chu a rawn hru nghal vut a. A hmel a dam dup a mahse chu chuan min ti hlau thawng leh zual zawk.









" Ih... Ka chungah thinrim tho mah la min kal san kher suh aw! " Tap tiau chuan ka la ti hram. Nui suk in engmah sawi lo chuan min kuah bet hlun a. Kei in a thawmhnaw kuah bet in ka u awm zawnah chuan mit ka khap fak fak thung.









" Naktuk zingah chhuah chu ka la ngai tho tho a nia! Mahse hna vang a zin tur zawk in! " Ka chhip zawnah a phun sup a. A thu sawi vang chuan rang zet in ka melh chho haw.









" Zin.... I zin dawn maw? Mahse in chhuah san I ti sia! " A awm zawn atang a melh chuan ka ti chhuak ha.









" A dik a lawm. Zin tur in ka chhuak dawn. Zingkarah! " Ti sup in mit min kan khum uk chu ner nang in ka in la hrang nghal hlawk.









" Min tih der a maw? I va sual ve! " Ka ti vak chu dak meuh in a nui chhuak hawk hawk a nih chu. Ka lo hlau thawng ve hman em em a mahse hna vang lek in a zin dawn a Suala hi.









" Suala! " Ti hlak in ka kal pel nghal hmak.









" Naute! Ka thawmhnaw kha! Min in siam pui tur in sawm che ka tum zawk a! " A rawn ti sup a ka kal lai ka ding dat a. A thawmhnaw ka lo la pawm vek tih ka hre ve chiah. In her a ka u nuih zal hmel lutuk a ding run chu pan in a thawmhnaw chuan ka vawm nghal vak.









" Ka in siam pui nguar ang che! " Ti vak in a ngalah chuan ka chhuih nghal vak. Ngaihsak tawh lo chuan kawngka lam chu ka pan zui leh nghal zat mahse ka u thu rawn sawi vang chuan ka ding dat.









" Ka zin ka rawn let hunah chuan i rilru pawh a lo fim tawh ka beisei dawn a nia! Naute! " A rawn ti muang fan ruih a. Chhang lem lo chuan ka chhuak zui nghal daih. Ka room ah ka lut a khumah ka let nghal tawp. Tunah chhuah a tum emaw ka tih mai mai pawn khatiang khan ka hlau thawng a nia. Nakinah ka lak a a rilru put ang hian chhang let ve thei lo i la min chhuah san tak tak duh mai thei a, chutih hunah chuan engtin nge ka awm ang?









Ka phone la chhuak in u Opi ka call hram a, mahse ka u a zin dawn tih a rawn sawi ve tho. Ka hahdam phah huai leh nghal. Kar 2 hnuah exam kan nei tawh dawn avang in lehkha zir lo a mut chu ka duh chiah lo a, tlai khaw hnuah ka zir leh hnu hnawh a. Mahse ka rilru erawh a zang hawk.



*


*



" Awiii.... I lo kal dawn lo emaw ka ti hman a! " Room ka lut chu Baby in a lo ti nghal vat. Zingah thawh ka hai ka ti chuan min ngei nasa mai.









" A nih note ka nei lo kan tih kha sir hnenah a hint chu i dil em? " A rawn ti leh sar sar chu ka ner nang.









" Chhekeh! Vawi khat mah kha tiang min dil tor tawh suh. A tawpna ni rawh se! " Ka ti hlak chu a nui ang sawng leh nghal. Nizan zan tlai tawhah chhuak ngei ngei tur class group ah an rawn dah a. Note kan neih loh avang in Baby in sir Rema a dil tawp tur in min ti a. In thlahrung tawk in zanlaiah ka va bia a a lo la mu lo hlauh a ka vannei.









Test kan tan a, zir chuan a har em em lo bawk a. Babyi nen pawh kan pass ve ve kan ring a kan hlim din viau. Test kan zo jn lam kan pan lai in ka u in min rawn bia a, exam ka chhan that leh that lo min zawt ve luam a. Engvak mah nidang a zin kan in biak ang in sawi pui tur ka nei vak lo chu ka in thiam lo leh hnu hnawh.







In ka haw a u Rinzuala a rawn lang hlawl a. Kan in kawm reng a. A haw hnu in lehkha ka zir ka lo muhil leh daih a. Tunlai chu zan ka mu thei tlat lo a, a chhan em em pawh la hre chuang lo. Kan exam vangah ka puh thla ve ngawt a. Chuvang chuan tlai lam a mut a zan lehkha zir rei ka tum ta thin .



*



*


Exam kan zo a, nileng a in awm chu a khawhar thlak bawk nen vawin chu Babyi nen kan chhuak a. Damdawiin ah u Rinzuala ka tlawh khat bawk nen ka haw lam in ka tlawh kawi a. Babyi erawh a haw tawh thung.







Damdawiin atang a ka haw tur chu ka u ka hmu than a ka hriat avang chuan haw lo in ka u ka hmuh na lamah chuan ka kal ta zawk a. Ka thil va hmuh chuan min thawng dawt mai. A zin char char emaw ka tih kha damdawiin ah ka hmu a nih chu. Hmeichhe pakhat doctor coat hah nen an in be mawlh mawlh lai chu mit khap lek lo in ka thlir reng a.






Hmeichhia zawk chu a rawn ding vah a . Ka u in nui suk a hmeichhe naupang a pawm kang lawp ka hmuh phei chuan mak ka ti leh zual. Khawi atang nge naupang saw a lo awm ka hre miah lo. An pathum chuan an in zui chhuak a. Ka u in hmeichhe naupang pawm a damdawiin corridor a a nui ri hawk te chuan ka mak tih an ti zual bawk.







Ka u motor chu taxi a chuang in ka zui a. Ti nge he ta a awm chuan ka bulah zin ang a a I'm sawi kher. Chuan saw hmeichhia leh naupang saw tu te nge? An pathum chuan hotel ah an lut dial a. Mahse an luh hnu daih a ka zui luh avang in an kal na lam ka bo thung.








" U Ruatpui! " Rawn ti tu vang chuan ka kal lai chu ka ding dat a. Ka lam pan a mipa rawn kal chu ka lo nuih nghal sak.








" Simon nang maw? Enge hetah i tih a? " Ka hma a mipa tleirawl chu melh in ka nui nghal sak.






" Ka pa ka zui ve a. Enge i tih zawk? " A rawn ti chu chhan mai dan tur ka haih chham chiang ngei mai. A tawpah chuan ka thiante ka hmuh thu in ka chhang thei hram. Simona kal sawn tur chu thil ngaihtuah chhuak thut in he hotel ah hian ka u a thlen leh thlen loh min zawh sak tur in ka ti a. Receptionist hnenah chuan ka dil ve ngei a mahse min pe phal tlat lo miau.







La naupang viau mahse hotel lamah hi chuan a mukhual lo bawk a receptionist chuan a chhang chiang viau bawk. Chuan ka u chu hetah hian a thleng ngei a nih chu. Hmuh pawh tum lem lo chuan ka haw a, hmeichhia kha ka thik ni lo in ka u awm dan hian min thawng a ni mah zawk. Nge ni a dawt min hrilh in, in atang a chhuak in hotel ah a lo cheng reng zawk.







" Ehemmm....? " Ka hnung lam a rawn ti tu ding meuh in ka lo en a. Ka bul zawnah a motor a rawn ti ding ve chiah bawk.








" Enge i tih? " Sir Rema chuan a rawn ti sup a. Exam kan zo tawh bawk nen kan thian ho in kan chhuak ka haw tur thu in ka chhang vat a. Ka awm dan thup tum in ka nui lui hram bawk. A motor a chuang ve tur in min sawm a. Hnial lem lo chuan ka lut ve mai a.







" Hman a I thu sawi kha i la hria em? " Ka ti sap chu motor khalh reng chung chuan min rawn en vat.










" I bulah chuan thu hi ka sawi hnem tawh lutuk a a eng ber nge ka hre tawh lo! " Nui hawk a a rawn ti chu za lo zet in ka nui ve sak.









" Min duh I tih kha! " Ka ti sap.









" Min duh ve lo i tih kha! " A rawn ti sup chu ka nui tawi tak.









" Ka rilru thlak tawh ta i la! " Melh let ralh in ka ti sap chu min nui suk.









" Eng in nge i rilru thlak a? " A ti sup chu ka thaw chhuak hak.









" Mi tu emaw theihnghilh duh ka nei a. Chuan midang hnenah ka rilru pe i la ka theihnghilh theih ka ring! " Ka ti hap chu a rawn nui chhuak hawk hawk a ni chu.









" Nang te hi chu aw! " Ti vawng vawng in min melh a. Ka ti tak tak, ka u rilru ka tawm pui lo ti reng chung in ka rilru hi zawi muang in ka u lamah a awn ruai ruai tih ka hria. Chuvang chuan eng emaw thil dang lam deuh ka tih ve a ngai.









" Min duh ve vang pawh ni lo in i rilru la peng tur in maw min duh! " A rawn ti sup chu ka nui tawi tak. Mipa han duh em em hi ka nei ngai miau lo.









" Lungawi chiah lo mah i la i hmanruaah chuan ka lo tang mai ang. I theihnghilh duh chu Zomuanpuia bawk kha a ni em? " A rawn ti chu ka melh nghal haw.









" Tu nge hria, hmanruaah min hmang in min duh let ve lo ang tih! " Nui suk a ti tu chu ka melh nghek. Tumah hian min ngai thu tak lo tak tak a nih hi ka ti rilru ringawt. Ka u erawh ka thu thluknaah hian a lawm hauh lo ang.





next atang chuan a story tak takah ka lut pawp pawp tawh ang kan hel rei ngat2 tawh bawk a

[Ngaia]

CHAPTER - 16 by Amy Cck









" Vawin chu engmaw kan tih dawn? " Sitting room ah sir Rema chu thu in a ti sup.








" Bazarah! Ka peih lo ti miah suh aw nizan pawn ka sawi vek tawh kha! " A opposite a thu chuan ka ti ve nghal a, a then suk.








" Ti nge zin chu i tih kher a, kan in nel tan dawn chiah a! " A rawn ti sup chu ka melh nghal vat a, chik zet in min lo en thung.









" Chhan em em pawh a awm lo. Class kan chawl tawh sia ka nu leh pa ka ngai ve tawh hrim hrim , bakah ka u a awm bawk si lo! " Ka ti zuai raih. Ka u hotel ah a awm tih ka hriat atang in kar 2 zet a liam tawh a mahse min rawn biak a piang in engmah a sawi lang ngai lo a, kei pawn ka zawt duh bik lo. U Opi ka bia a kar hnih chiah an zinnaah an cham thu a sawi bawk. Tunlai ka u mizia a dang lam thu vel a rawn sawi ve luam a.









" Kei ka awm tho a! " A ti sup chu ka nui chhuak hak. A ni pawh a nui ve tho. Tunlai chu kan in be nasa in kan inah pawh a rawn lang tam a. College kan kal lai ai khan kan in hmu ngun in kan in pawh zawk daih. Zanah a rawn leng deuh ziah a, ka khawhar a hlauh vang a ti ve ngei a. Kan in kawm a, kan nui a, fiamthu a thawh thiam viau leh nghal.









" Nia mahse haw ka duh zawk tho! " Ti sap a ka nui chu min tum khum bur a, ka nui chhuak nghal hak hak. Kan mizia pawh kan in man ve tulh tulh in kei pawn ka hria. Mahse han duh phahna em em chu ka nei chuang lo. Ka rilru erawh a la peng thiam tak zet thung. A bialnu hmasa chanchin vel te a sawi ve luam a, a first love chung chang vel a sawi chuan ka khawngaih ve viau leh nghal. In hmuh ngun a in biak ngun na na na chuan kan sir a nih vang a han zah vel kha ka nei tawh bik lo. A mah lah hian chutiang chuan min ngai naupang chhe bik lo bawk nen.









" Lo thu rawh aw, ka han in siam vat vat ang. Ka rin ai I lo kal hma a ka la in siam hman lo. Eng emaw in tur ka rawn pek tir ang che min lo nghah chhung a I in a tan. ! " Ti leh din ka rual a. Hman hmawh zet in sitting room atang chuan ka chhuak a, chokaah lut hmasa in kan nula te bulah in tur lo pe tur in ka hrilh a, in chungah hman hmawh zet in ka tlan chho zui nghal.









Hman hmawh viau e ti lo chuan shower ka nei leh hmasa phawt a, kawr ka khup chung chen a fual, parallel hak nuam zet chu ha in, ka sam chu a la hnawm deuh avang in ka thlah tawp a. Nidang ka chhuak tur aiin ka in chei nasa ve viau bawk. Ka mit chu line kalh in lipstick sen no chek chu ka in hnawih a. A dang pawh in hnawih ve nual ka chak viau nan mahse min nghak rei lutuk ang tih ka hlau bawk nen ka bag la in in hnuaiah ka chhuk ve ta hram.









" Chuan eng ber nge i lei dawn? " Motor khalh chung chuan sir Reman a rawn ti sup chu ka phone ka leke va va.









" Tah hian a tam mai. Chuvang a nia tha ngah deuh ka thil lei min khai sak tu ka duh! " Nui var var a ka ti chu a ner suk.








" I va nghal thiam tak e aw! " A tawpah chuan ti sup in a rawn nui ve leh ta nge nge.








" Lungngai suh Sir , nang pawh ka lei ve ang che! " Melh ralh a ka ti chu lu a thing ngut ngut. Dik tak chuan ka ta tur em em pawh a ni lo. Thenzawlah haw ka tum thu ka chhungte ka hrilh khan thil min rawn chah nual a. Chung vel chu lei ka tum a ni ber.








" Chuan Christmas leh kum thar i han hmang a nga i rawn chhuk leh ang maw? " Sir Reman a rawn ti chu ka hmui ka pet sawi zeuh.









" Christmas ka hmang a nga chuan christmas leh kum thar in karah kan chhungkua in kan rawn chhuk ang. Ka u damdawiin hawnna kha neih a ngai dawn a. Kum thar chu hetah a niang, ka la chiang bik lo. " Ka ti sap.








" A nih chuan haw lo mai la, i u pawh haw a tum ka va ring lo ve! " A rawn ti let leh chu ka ner khum nang.









" Min ngaih i hlau a ni maw? Zing atang khan zin lo tur in min la ti char char a nia. " Fiamthu a ti in ka nui hak chu min tum khum bur thung.









Bazar a kan vak kual ni leng thak a. Bazar chhuak khat tih takah ka thil lei tur an zawrhna hriat loh lah ka ngah. Mahse Sir Reman min kal pui zel a eng tin tin emaw chuan kan nei ve zel bawk a. Ka sawi ang tak tak in tlai lamah phei chuan Sir Rema chu in khai bawr tawh tak a ni. Khai then sak ka tum lah in a rem ti tlat lo leh nghal.









" Min chhawr nasa bawk a in kan thlen hunah thingpui tui deuh nangmah ngeiin min siam sak ka phut a nia! " Ti tu chu nuih in sum zet in ka melh chho ha a. A bula awm hi nuam ka ti, a chhan pawh ka u nen an in ang hi ka ti thin a. Ka u chu a hmasa ber ni ziah mahse a mah ang teuh berah sir hi ka ngai a ni mai thei. A bulah hi chuan ka awm ang ang leh ka mizia ang tawp hian ka lang ngam ve tlat a. Ka u ang maiin sawi sel a nei ve ngai hek lo.









" Ka siam i in duh phawt chuan! " Mit kan ak a tiin kawng sir lam a thil an zawrh ho chu ka melh kual a. Lei tur kan la nei nual a, mahse kan lei sa ho motor a dah phawt kan tih avang in motor awmna lam kan pan a. Motor hnung lam a kan thil lei kan dah luh lai chuan parking a motor rawn tlan lut chuan ka mit a la nghal chawt. A chhan chu chiang tak in ka u motor a ni tih ka hre miau.









" Thil ei hmasa phawt i la chuan lei tur dang i neih chu lei leh chauh i la a tha ang! " Motor kawngka nem khar dawp a sir Rema tawng chu ngaihven luih hram ka tum a, ka mit sir erawh in ka u motor atanga a chhuak lai ka hmu vek thung. Passenger seat lam atang a hmeichhe rawn chhuak ve pawh chu chiang tak in hmanni a doctor kha a ni tih ka hre bawk. An ni chuan min hmu ve lo a nih ka ring.









" Angel! " Ka dar ah min rawn vawn vang chuan melh chho dawr in sir Rema chu mawl hmel lutuk hian ka nuih heu a. Mak min tih hmel ngang mai.









" Maw? Nia... Ih... A pawi lo ,i ning tawh ang. Haw I la naktukah a dang chu a ni tawh mai! " Ti bah nawk nawk in ka u awmna lam kha ka va hawi leh hram a, mahse ka hawi sawn rang lutuk tlat. Ka u pawn min lo hmu ve reng rawh, kan kam pan in an rawn kal mek bawk.









" Huhh.... Chutiang ka sawi lo kha! Thil ei ang tih zawng ka sawi a. Khaw nge i beng i lo dah? " Kal sawn ka tum chu ka banah min vuan in a ti sup a. Ka melh chho haw chu nuih in sum zet in min lo melh thung. Engmah a sawi kha ka lo ngai thla miau lo. Mahse kal ka duh tunah rih chuan.









" I u kha a zin i ti em kha? " Sir Reman ka hnung lam melh chuan a ti sup. A aw atang pawn mak a ti ve tih a hriat viau. Chu mi rual in ka hnung lamah ka u aw ngei in min rawn ko nghal sup. Loh theih lo in ka u te en tur chuan ka in her a, an ni pawh an rawn ding chawp chilh ve nghal.









" Hetah enge i tih? " Ka hma zawn a mipa ding khawng luah chuan a ti sup a, a bul a hmeichhe ding pawh chuan min melh ve reng bawk. Ka u hmel en a ka hawi chho chu a mit meng thim khup in min lo melh chhuk ruh a. Ka ban a sir Reman min vawnna ah a mit a fu nghal chawt, a hmel a rawn rum zual sauh bawk.









" I hmuh ang hian kan bazar! Nang zawk I zin emaw ka tia, engtin nge hetah i awm theih? " Ka ti let fak. Ka zawhna chu chhan tum ang zeuh hian a awm hman mahse a sawi hma in a bul a hmeichhia khan a kut a rawn vuan a nih chu!









" Reubena nau ni tur in ka ngai ngawt che a, Tluangpuii ka nia. " Hmeichhia khan ka u kut a vawn lohna lam khan min chibai tum in a kut a rawn lek chhuak a, sir Reman ka kut a rawn thah a, mahse chibai let tum lo zet a hmu lo der hmak in a mah chu ka melh lui ngar.









" Ka hria che a lawm doctor ve tho ti raw? Mahse ka hriat dan che a tha lem lo! Eng pawh ni se kal kan lo tum chiah a! " Ti sap in ka nui lui sak. A kut chu nuam lo tih hmel zet in a la let riai riai a. Ka u erawh ka awm dan vang khan a lawm vak lo tih rei lo te chiah han melh mah i la ka hre chiang lutuk tlat.









" In biak kan ngai ka rual in haw rawh! " Kal tum a kan in her chu ka ban leh lamah rawn vuan in ka u chuan a rawn ti hmuk chu ka in seh ruh nghal vak.









" Ai... Ka.. " Ka ti hman tawk min ngai thla lo zet in a lamah min pawt sawn deuh hrawk a. Kan bul a motor kawngka chu pawt hawng in kan thil lei ho kha a la chhuak a, a then Dr Tluangpuii khan a khai bawk. Sir Rema erawh a ding ngawi deuh tawp a, ka awm dan leh ka u chet dan vut vut hian a thawng a ni mahna.









" I lo buaipui a a lawmawm e! " Sir Rema bulah chuan a ti hmuk a. Lawm thu sawi mahse a aw chhuah dan leh a hmelah lawm tak tak hmel a pu hauh lo. Rawn in her vut in a chet dan ka en reng lai chuan ka kutah rawn vuan in min pen sawn pui nghal pawk pawk chu ka tang ve deuh tung a mahse a tha chakna hmang in a pawh in min pawt sawn ni maiin ka hria.









" Lut rawh! " Ti hmuk tu chu en in ka ner sak. Kan awm loh na seat leh lam kawngka hawng a ka thil vel kha hmeichhia in a dah lut ka hmuh phei chuan ka thinrim leh zual.









" Ka duh lo! " Ti vak a motor kawngka ka nem khar chawrh rual in ka thaw ri hrawk in a zawm nghal.









" Sawi dun tur kan ngah a nia! " Ti sup a ka ban a rawn vuan chu na zet in ka thing nawk.









" Sir Rema rual in ka kal dawn! " Ti hmak a kal sawn ka tum chu ka hma zawnah tak a rawn ding nghal hmuk.









" Ruatpui! " A rawn ti hmuk a . Za lo zet in ka nui sak.









" Dawt sawi hmang! Ka hua che! " Ti chhuak nghek in a sir atang chuan ka kal sawn zui nghal hlak hlak. Sir a motor a lut tur chu a lam pan a ka kal min hmuh vang in a lo la ding a . Ka rilru chuan a din na ngai a ding reng tur in ka hrilh mawlh mawlh.









" I tha em? " Sir Rema bul ka thlen rual in a lo ti sup. Lu bu nghat in passenger seat kawngka ka part hawng a ka thu nghal hmak bawk. Motor darthlalang atang ka u ka en chu a din na ah khan a lo awm tawh lo. A motor chu a tlan chhuak zui nghal daih a . Ka thawk erawh a hahdam phah chuang loh.









" I u hian min ngainat loh chhan bik riau a nei em? " Motor chhung a thu in kan ngawih dun vang vang hnu chuan sir chuan a rawn ti sup. Chhang lo chuan ka thaw chhuak hak. Ka mittui rawn chhuah chak zek zek ho chu ka khap let fak fak a, ka tawng chuan ka tap aw deuh tuai in ka ring.











" Enga ti nge? Min hruai lai khan mi pawh puih i tum ve miah lo a! " Thinrim zet a a lam hawi in ka ti chhuak leh vak hnu hnawh chu min chhan mai dan ngaihtuah ni awm tak in a ngawi vung vung a, kei erawh thinrim tun in ka thu thung.









" I u khan min hnek thal tawp duh hmel a pu sa bawk sia. I thlavang lo hauh a i u meuh lo dang tur in in zawmna sawi mai tur kan nei si lo a. "









" Kan in ngaizawng a ni lawm ni? " Ka ti haw chu min nuih ringawt a nih chu.









" Ka hre lo. I awm dan hi i thian ang in min en nge i bialpa ang in min en ka hrethiam chiah lo! Ni tur a min duh zawk zawk chu nih ka hre lo! " Min rawn melh zawk a a ti chu ka ner nang. Hetiang bak chuan engtin vak nge ka tih ang pawh ka hre lo. In ngaizawng te awm dan pawh ka hre lo. Mi chut dik tak ka ni hi.









" A nih chuan ka ngaihzawng chu ni zawk rawh! " Ka ti sap chu min rawn en a, a nui suk. Mi te hi engtin nge an in ngaihzawn tan tirh dawn hian an tih thin a, engtin nge an in ngaihzawn tawp thin bik?









" Zomuanpuia kha i theihnghilh thei meuh ang maw? " A rawn ti chu ka melh nghal ram.









" Sawi ve ziah suh! Ka bialpa a ni lo ka tih mawlh mawlh kha! " Ka ti vin hlar chu a nui chhuak hawk hawk. Kan gate bulah motor a ti ding a, a thutna atang chuan chhuak in ka thutna lam a rawn pawt hawng a ka chhuak ve nghal.









" Ka lo lut kawi lo mai ang! " Ka kal tur ka kut a rawn vuan in a ti sup a. A lamah min pawt let hret bawk chu ' engvang in ' tih melh in ka melh.









" Vawin min chhawr nasa lutuk a ka damlo dawn in ka hre tlat! Hahchawlh ka mamawh in ka hria! " Fiamthu deuh a tiin a nuih zal hmel chu ka ner khum nang.









" Fiamthu bik reng suh! Tak tak in, i chau ang! Min chhuah pui hman a ka lawm lutuk a nia! " Nui sang a ti in kal leh mai ka tum chu min pawt let vak in a motor ka nghen rual in a rawn kun hniam a ka hmuiah a rawn fawp a nih chu. A awm dan chu ka rin loh lam daih a nih vang nge ka ding khawng awt ringawt bawk.









Ka kut vuan reng chung chuan a hmui a rawn chet a, chu mi rual in hman a ka u in chiang zet a a room a min fawh kha ka mitthlaah a rawn lang a. Mit ka chhing ta ngawt.









" Hrep chuan! " Ti hrawk ri ka hriat rual in Sir Rema chu a pai nawk a, mit ka meng nghal kawk chu ka u hmel rum leh thinrim mit meng dur khup chuan ka thin phu a ti rang nghal dawt dawt. Sir Rema ran ding ngil leh chiah chu eng sawi set set lo in a hnek leh nghal chawrh a, ka rak nghal that.









" Duhtawh rawh! Eng thil nge ti ni a I in hriat a? " Ti vak in ka u in Sir Rema kawr awm a tham lai chu pawh hran tum in ka pan nghal rawk rawk a. A vawnna a thlah hrawk rual in ka pai ve nawk. Sir Rema kam sir thi ser ser chu en in hlau thawng lutuk a ka pan hnai chu tha chak zet in min pawt let hrawk a, ka u taksaah ka bet nghal thlawp.









" Angeli hnaihah rawn kal tawh ngai suh! A leh pekah chuan ka that duh hial tawh ang che! " Ka u tawng ri bung ngut vang chuan ka hawi chhuak dawr a. A thu sawi chu a ti mai mai lo tih a mit meng atang ka hmu chiang ngang bawk.









" Engvang in? " Sir Rema tawng vang chuan a lam ka hawi nghal dawr. Ka u taksa tang nghal tawlh tawlh vang chuan kei mah zawk hi ka lo buai ve vek hial.









" Reuben! Angeli hi i nau a ni tih chu ka hria, chu tih rual in nula a ni bawk! " Ner nawk a Sir Reman a rawn ti chu ka u in a then khum suk. Mahse a hmel erawh a hma ai mah in a rum zawk thung!








" Chuan kei ngei pawh hian hmeichhia a nih ang hian duhawm ka ti a ka duh tak zet! Tun a I chet danah kha chuan nang pawh hian Angeli hi... ..chu erawh ngaihdan tha lo tak a ni. " Sir Rema chu a then suk a, a thu sawi vang a ka u chet tum chu rang zet in ka kuah bet nghal.









" Duh tawk ru! Khawngaih in kal rih zawk mai rawh! " Hlau thawng lutuk a sir Rema ka melh a, mahse kal sawn tum hmel a pu bik miah lo leh nghal. Ngen ngawl zet a ka en reng takah chuan thaw hawk in motor chhungah a lut ve hram.









" I thil tih kha a tul lo tak zet! Rilru fim tak a ngaihtuah tur a min ti tu i nih kha! " Motor tlan liam chu en in ka u ka vawn na chu ka thlah hnak a, ka ti zawi sap. Kan in lam pan in ka kal nghal hlak hlak a. A chungah ka lawm lo sa ve em em a mahse tun lawkah misual ang maiin Sir Rema kut a thlak a. In ka luh rual in ka room ah rang zet in ka tlan chho a. Khumah thu thla dat in ka mittui ka hru nghal vat.








Ka room a ke pen thawm vang chuan rang zet in ka in siam tha thuai a, ka thutna atang a ka din rual in ka u pawh ka hmaah a rawn thleng chawp chilh nghal der. Tu pawh ka din hmunah hian ding u la hreawm in ti vek ngei ang. Vawi leh khat a mahni u te ngaihzawn thut chu a harsat dan tur. A ni chuan hman atang in rilru dang a lo u tawh a mahse kei chuan harsa ka ti. Ka nu leh pa in hre phei se chuan ka ngaihtuah ngam lo zawk. Chuvang chuan kei chuan ka thei ve lo.









" Kha pa kha maw I thlan zawk? " Ka hma a mipa ding khawng luah a min melh tu chuan thinrim leh natna in pawlh nuk mit meng dur khup in min melh ngur a. Tim dai a a mit meng thim rup a melh in lu ka bu nghat chu ti lui tih hriat zet in a nui ro nghal hawk. Duh thlanna dik ka siam em chu ka hre lo mahse hei hi kan chhungkua kan keh darh loh dan tha ber niin ka hre miau.









" Enge min duh loh chhan? " A rawn ti hmuk chu ka in hum ruh nghal vak a ka melh chho nghal vat chu chik zet in min lo melh chhuk ngur thung.









" U... " Ka ti hman tawk chu a aw vin thawt vang in ka tawp chat.









" Kha ti khan min ko tawh suh! Hrep chuan i U ka ni lo tih leh thisen zawm kan ni lo tih i mit ngeiin i hmuh kha! " A rawn ti chhuak hrawk chu a aw rawl hlauhawm lutuk vang chuan phu chiam in ka in rin hma in ka in sut ri nghal faih! Ka hma a mipa ding chuan na zet in thawk a la nghal hawlh a, in bengdaih a tum a ni mahna.









" Enge thisen zawm chu tunah tak a pawimawh na chhan? Kum 20 chuang zet kan cheng dun a, ka nu leh pa te, chuan nang leh kei nen. Mahse tunah lehkha pakhat ka hmuh vang mai khan in i in la hrang ngawt thei lo. I.... I naute, i duat em em leh engtik lai pawh a I ngaihtuah reng kha ka la ni reng a sin! " Tap aw tiau chuan ka ti let ve tan tan.









Hun hi pawh kir leh theih ni se chuan ka tih hmasak ber tur chu ka u leh ka pa hi pafa tak tak an ni em tih kha fiah ka tum tawh miah lo ang. A chhan chu kha thil khan engkim a ti chhe vek. Ka hlimna mai ni lo kan chhungkaw hlimna zawng zawng a in nghat miau.









" Chu chu i tih! Ni lo... Kan tih sual pawi ber a ni Naute! Ka hnaih lutuk mah mah thin che a, engtik lai pawn a hmasa berah ka dah thin vang che in i lakah rilru dang ka pu thei tih hre lo lek in ka hnaih che a. Mahse ka in control a sin, khang kum chhung zawng khan nang chuan i U dik tak ang in min hmangaih in min ngaina em em a, tumah midang kan mamawh lo ve ve. Kha vang khan i rilru tih nat hlau in ka zep hlen mai theih ka ring a mahse ka ti sual a ni.









Hun a kal zel a kei lo mipa dang i hnaih tan a tang chiah khan ka rilru a danglam. Kei min ngainat ang in mipa dang i ngainat ve ka phal lo. Ka lak a rinna i nghah ang i mipa dang chungah nghat ve tur in ka phal lo che. Kan danglam bikna awm hek lo. Mipa dang in zawmna i siam pui thei a nih chuan kei nen pawh kan theih lohna tur ka hre lo! " Ti leh ka kawngah a ban hrawl zet rawn rawlh luh a rual a, ka lo in ring bik lo nen a taksa lian zet chu ka bawh nghal rawk rawk a nih chu.









" Eng thil nge i tih? " Hlau thawng lutuk a ti chul in a hmel en a ka hawi chho chu a mit meng atang in thil tha a thleng dawn lo tih ka hmu thiam nghal vek.









" Thil dik! " Ti sup a rawn kun hniam in a hmuiin ka hmui a rawn nawr si nghal chawt chu phawk lutuk a meng biak kawk in ka tal nghal phat a mahse a taksaah min pawm bet hneh lutuk tlat. Tal fat fat in a chang leh ka kawng a vawnna ban chu thei leh thei lo in phelh ka tum a awm zia a awm lo.









A taksa chu na zet a nem in ka thle sawn tur chu a kut leh lam chu rawn lek chhuak in ka tukhum samah a kut tang rawlh lut in ka lu chu che thei lo a siam in a hma aia uar zawk chuan min fawp tawn tawn a nih chu!









' Ka U in min fawp! Engtin nge a thlen theih zawk? ' ka rilru chuan ka ti mawlh mawlh a. Tun tum chu a rui tawh lo a, chiang tak in a ti lui tih kan hre ve ve. Awm zia awm hek lo ka tha chu ka thlah dul ve riai riai a, ka nu leh pa in an hriat chuan ka ngaihtuah ngam lo! Mit ka chhin sawk rual in ka biang a lum thla nghal pap.









" Naute! " Min fawhna tawp in a rawn ti thawp sup chu ka in sut nghal hlawp hlawp. Tih ngaihna hre lo chuan ka biang ah rawn khuap hlun in a thawk chhuak leh hawk thin. Engkim hian min thawng em em vek a mahse tiang hi ka duh lo. Ka u a ni a ka u min venghim a min ngaihtuah reng thin tu kha ni leh tur in ka duh.









" I sual lutuk! I sual e mai! " In sut ri hraih hraih chuan ka ti chhuak tiau. A kut A ka biang dawm reng chung chuan A kut zungpui chuan ka miitui chu a hru pah zel a kei erawh in ka luan chhuah tir zel thung.









" A dik! Ka sual! Min hnar lui tlat a nih chuan ka sual deuh deuh bawk ang. Chu vang chuan I TAN A HREAWM ZUAL LOH NAN TUN ATANG HIAN MIN DUH TAN TUM ANG CHE! " Chiang cherh chawrh a a ti hmuk chu mit ka chhing ngawt ngawt.









" MIPA DANG NI LO IN KEIMAH CHIAH! I NUN A MIPA AWM CHHUN KA NI THIN A KA NI RENG BAWK ANG! " Ti leh sup in ka chalah a hmui a rawn nawr vang vang a, in la hrang a min hnung chhawn a ka room a chhuah san chu ka mittui kar atang in ka melh mawl tawp. Engtin nge tiang hi a thlen theih?









"Ka mumang ni hram rawh se! " Tiin ka phun chhuak sap a mahse ka hmui uar zet a min fawh na avanga sa hat hat hian mumang mai a ni lo tih chawp leh chilh in a ti chiang thung!









______________________________________________________









* REUBEN ZOMUANPUIA POV *








" Hrep chuan! " Ti chhuak hrawk in ka room ka luh rual in dawhkan a thil awm ho chu ka hrut thla nghal hrawk. Kha pa khan engtin nge kha tiang a hnaiah din chilh in a fawh ngam zawk.









Lalruatpuii lah khan nem sawn emaw tak ngial pawh tum lo in kha tiang kha a awm a, khawlaiah leh nghal. Kei ve thung chu hnaih thiang lo ang maiin min en a nih kha!









" Kei aiin i thlang zawk ang maw! Chu thil chu a thleng ngai lo ang! " Ti chhuak hrawk in couch nghenchhan chu ka hnek khuar nghal chawrh. Hun a mamawh a, a rilru a tih thawven nan tiin hna vang a ka zin ka haw pawn in ah let lo in hotel ah ka in nghat a, mahse hetiang hian a rilru a siam fel leh daih a. Kum kha ti che a tan ka theih tawp ka chhuah a tunah chuan eng thil pawh thleng se a hma ang chuan thil a ni tawh hauh lo ang.



*


*



" Engvang in nge ka nu leh pa bulah ka haw I lo phal loh ve ngawt? " Hna kal tur ka in siam mawlh mawlh lai in ka room kawngka na zet a rawn pawt hawng in Nautein a rawn ti vin that chu ka nui suk.









" A pawl nge a dum? " Ti sup in tie pahnih chu ka khai khang a. A thu sawi ka ngai thla duh lo chu a thin a rim zual hmel viau leh nghal.









" Min chhang vat mai rawh? " Ti vak in a phone khum a vawm a rual chu ka thaw chhuak hawk.







" Ka bul a awm tur a ka duh vang che in! " Ti hmuk in tie dum chu ka nghawngah ka bat vut a, suih rih lem lo chuan full mirror hmaah ding in ka kamis ban ka kilh nghal mual mual thung. Nizanah ka nu bia in Nautei haw tur kha haw leh lo tur in ka han hrilh a. He lamah kei mah chauh a awm chu ka hreh thu ka sawi chuan ka nu in min khawngaih ve deuh a ni mahna sawi buai lo in ka duh ang chuan min pawm pui a, a haw leh dawn lo tih zingah a hre ve chauh a nih hmel.









" Mahse kei man haw ka duh a lawm! Mi pawh zawt lo in i thu in i lo ti ve ringawt a! " A rawn ti leh vak chu a lam ka hawi nghal hmuk. A lam pan a pen pawk pawk in a hma zawnah chiah chuan ka ding nghal run bawk.









" Haw I tum thu min hrilh bik em? Hrilh lo ti raw? Kan in rul tawk chiah! " Ti sup a ka then khum suk chu min melh chho nghal ram.









" Zin lo pui zin ang in awm der vel lo la chuan i hria ang! Phal lo mah la ka haw tho tho dawn! " Ti leh nghek a a kal sawn chu ka ner nghal sawk. Khum a a phone paih la tur a a kun chu a hnung lam atang vuan in a in rin hma in khumah ka delh bet nghal run a, a rak ve that.









" Ka sawi tawh, i haw dawn lo! Min pal zam tum viau suh! " Ti hluk in a kut a a phone chu ka lak sak nghal hmuk chu phawk hra in min melh a. Thil hre chhuak thut ang mai a a phone rawn lak let a tum chu ka kekawr ip a dah lut in a kut chu ka nem bet zui nghal hrawk.









" Engtin nge min tih ang? I bulah min hruai ve zel thei lo phawt a, i naute lem ang mai a i pawh kawi theih nih ka tum tawh lo tih hre rawh! " Ti vak a thawh tum a a rawn tal nghal vak chu ka nui suk.









" Kha thu kha nangmah a tang a rawn chhuak a ni lo! Tu nge ka naute lem ang a in ngai tur in hrilh che? " Ti hmuk in ka melh chhuk run a. A ner nang chu zawhna mit meng in ka melh lui ngur bawk.









" Vat hna kal ka ngai a nia! " A ngawih tlat avang chuan ka ti nawn leh sup.









" Ka sawi chu engkim ka hrilh zel chhan tur che a awm tawh lo i nau ka ni tawh lo ti tu kha nang mah i nih kha! " A rawn ti leh ngat chu hmui ti sawi zauh in a mit meng thip ramah chuan ka melh chhuk ngur a. Ka awm dan chu siam rem a che hrut in a beng bulah chuan ka awm hnai nghal hrut.









" A dik ka nau I ni lo! Nang pawn I pawm thlap tawhah ka ngai! " Ti sup in ka kut lem lam a kut ka nem beh lohna lam chu a kawr hak pan zet chhungah chuan muang chang in ka zen lut ruai ruai a, in beng kang hret in a mit tak a melh ngur chung chuan ka kut tang in a nak nem mam han chu thai thla ruak ruak in a kawngfek lai ah ka mer salh chu a taksa a kan nghal ak.

[Ngaia]

CHAPTER - 17 by Amy Cck









" A tawk! Duh tawk rawh! " Ti vin that a a rawn tal leh phat rual in a aia nghet in khumah chuan ka delh bet zual sauh. Ka khawih dan avang khan a hmel a chi aiin, thinrimna leh hlauhthawnna mit meng in pawl in min melh a. Engmah sawi lem lo chuan nuih in sum zet in tal chhuah tum a tan a khawh ve tang tang chu ka melh run thung. A tawpah phei chuan beidawng zet in a tha a thla dul ta hnawk.









" He ting chung hian engtin nge i tlan bo theih i rin! " Ti sup in min rawn melh chho ve vah tu chu mit ka san khum uk a, ner sak in a lu chu a thle sawn hmak reuh leh nghal.









" Kan hria ang chu! Tho rawh, chuan ka phal na tel lo in min khawih tawh suh! A nih loh chuan...." Ti ram hmak in rum zet in min rawn melh chho nghal rawm. Hetiang a ka thu a hnial a piang hian run luih ka chak ziah thin tih hre tur chuan ka bulah a awm ngun tawh viau in ka hria. Engmah hi a chik in a hre reng ve lo pawh a ni mah na.









" A nih loh chuan enge ! " Nui suk a tiin mit ka san uk a, ka kut chu ka sawn chho leh nghal hrut bawk.









" Zomuanpui a tawh! I kut la chhuak rawh ! " In seh ruh teuh a a rawn tih leh rual in kun hniam in a chalah ka chal in ka nawr nghawl tawk.









" Tun chiah ka sawi ang! Mipa dang hnaih tawh ngai suh ang che! I taksa, i engkim , a vai hian kei tih loh chuan a khawi ve thiang lo. Hre reng rawh! Min run luih a nih chuan i rin phak bak in ka che bawk ang. " A hmai bul chetah chuan ka phun chhuak sup.









" Ka tho duh a nia! " A rawn ti zawi sap chu thaw chhuak ham ham in a hmuiah chuan ka fawp zeuh a, meng bial kawk a min ngei hmel zet a a rawn si chhuak hlak chu tho mai lo chuan in beng kang vut in ka melh chhuk ngur thung.









" Luhlulnu! Ka thawh i duh chuan tie hi min suih sak a ngai! " Ti sup in ka then kum suk chu a rawn in seh ruh nasa mai. A thinphu rang det detah chuan a nervous viau tih ka hrethiam. A ni erawh in a ti lang duh lo mai pawh a.









" Kal mai teh! Kut i nei ve reng! " Ti leh vak mahse chet sawn ka tum chuang hauh lo. A kawr chhung a ka kut ka chet leh hrut rual in hlau thawng lutuk chuan a rawn rak nghal chul.









" Ka ti dawn! Ka suih sak ang che. Ka kut khi thlah la chuan i kut khu la sawn bawk la! " A rawn tih tak ah chuan nui suk in a kut chu thlah in khumah chuan ka in nem khalh nghal hmuk a. A kawr ka zen luh na ka kut pawh chu la chhuak nghal vut a, chumi rual in ' a tawk em? ' tih nan mit ka san nghal uk.









" Sual thiam thei lutuk! Suala! " Ti hlak a mu reng chung chuan ka nghawng a tie la suih loh chu a rawn khawih nghal chat a. Kei in ka tie a suih melh melh lai chu chik zet in ka lo en thung. Ka en chik a ka en rei pauh leh a hmuh nawmna a zual sauh thin miau a. A mit chuan ka tie a suih lai chu uluk zet a en in, a mit mu uk lam rawng kai, che ralh ralh chu ka melh run a, a mit a khap rual a piang in a mit hmul sei er tan chu a che tel ve zel bawk.









A thil tihah a rilru a pe tih hriat zet a, a chang a a chal a rawn ti chuar leh tap thin chu a lawmawm mah mah bawk. A hnar zum ve sat te chuan a ti hmeichhia ngawih ngawih . Kum kha leh chen ka dream girl ni in, lan chhuah tir ngai lo mah i la ka thinlungah erawh a hmasa ber reng a. Tunah ka duh dan a nun a, ka thinlung duh dan ka lan chhuah theihna hun tha hi chhe te mah in chan ka tum hlek lo.









" Enge min en reng! " Nautei tawng zawi sap vang chuan ka harh chhuak zawk.









" I chil thli luanna i biang a var. Hmai pawh i la phih lo a! " Ka ti sup chu na zet in ka tie a vawn mek chu a rawn pawt rek nghal vak.









" Chuvang chuan ka rilru thlak in ta zawk hian a ni mai! " Ti sup in a hnar a ka fawp zauh chu ka hmaiah a rawn nam nghal vak.









" Kha tiang khan ti tawh ngai suh! Chuan tha tak a thil sawi dun hi kan ngai in ka hria . Hman zan a I thu sawi kha.. " Ka fawh leh a hlau nge ka biang pahnih a a kut a min vuan bet in a rawn ti vak .









" A eng ber ?" Ka ti hmuk chu a rawn thaw chhuak hak phawt a. Kei erawh in a sawi tur ngai chang in ka melh run thung.









" Oh...ih...ka sawi chu...ka.... ka duh loh chhan che min zawh kha! Tunah hian ka chhang ang che! " A mit meng bial kalh a min melh chho ran in a rawn ti sup chu rum nghut in ka tho chhuak nghal vut.









" Tunah i sawi kher a ngai hran lo! " Ti hmuk a pen sawn vut in darthlalang hmaah chuan ka in siam tha nghal mawlh mawlh a. Ka hma lam darthlalang atang in ka hnung khum a Nautei rawn thu chhuak chu ka melh leh zawk thin bawk.









" A ngai a lawm. En.. Enteh thil hi a rawn thleng chawp chilh nuai a. Ka chungah eng rilru pawh pu la thil dik a ni chuang lo. I nau ka ni a, ka tan pawh ka u i ni a chutiang bak a en che chu ka thei lo. Ka nu leh pa in an hriat phei chuan... " Sawi zo lo in thawk a la hap a. A sam a hmai zar Tu ho chu a chhipah hui chho pap in rilru hah hmel zet in thawk a la nawn leh hap.









" Chuvang chuan i u ang a nun hman ka tum tawh lo tih ka hrilh che kha. Tunah rih chuan ka la hrethiam viau che pawh in ka hria. Muang chang in i u ang a min en na kha dah bo la mipa, nang mah hmangaih a atchilh lo chauh tu che ang in min en ve rawh! " A lam hawi a ti sup in ka melh run a. A hmel ah a ngaihtuahna a buai tih ka hmu thiam vek bawk. Sawi mai tur hre lo ti hriat zet in a hmui a pet sawi ta ngawt bawk.









" A ni pawh kha hun i pek tho kha! " Ka ti nawn leh hmuk chu phawk zet in a rawn hawi nghal dawr.









" Ka sawi dik lo a mi? " Ka tih leh tak ah chuan sir Rema kha ka sawi na a ni tih a hre thiam nghal vat bawk.









" A ni leh nang in in ang lo! Ka sawi awm zia i hre thiam tih ka hria. Chuan hetiang sawi reng pawh hi a dik ber lo. Kan khuaah ka haw chuan min hmu lo a nga i rilru pawh a dang lam mai ang! " Ti leh din a rual a, mi pawh en tawh lem lo chuan kawngka lam a pan zui nghal vat.









" Awm hran emaw in hmuh lo vang ngawt a dang lam thei a ni lo tih i hrethiam duh lo der ve thung a lawm ti raw! " Ti sup in ka kekawr ip ka zen a , ka kekawr ip chhung a Nautei phone ka hum rual in ka then nghal suk bawk.





*




" Driver in a rawn phone a dar engzatah nge in chhuah dawn tih a hre duh a? " Tukthuan kan ei lai in kan nula rawn kal in a rawn ti sap. Nautein min rawn melh chu ka lo melh let ngur .









" Ih.. . Chawhma lam... "









" An zin leh dawn lo tih lo hrilh rawh. " Nautei tawng lai pawt chat in ka ti hmuk chu a thinrim in a fian ken lai a dah thla nghal bawl.









" Dar 11 vel ah kan chhuak dawn! " Min melh ram a a rawn ti chu ka nuih suk ringawt. Kan nula lah chuan tu thu zawk nge awi tur tih hre lo in hmel buai zet in a ding ran bawk.









" Ka sawi ang chuan lo hrilh rawh. Chuan chawlh ka pe nghal bawk. In lamah a haw thei ang. A duh chuan motor pawh a kawl thei ang. Ka mamawh hun ah ka biak mai tur thu i hrilh tel dawn a nia! " Ka tih nawn leh sup takah chuan kan nula pawh a chhuak ve hram.









" Ka sawi vek tawh kha! " Lawm lo lutuk a rawn ti a ban phar deuh hliai chu ngai pawi mawh duh lo lui in ka thil ei lai ka ei zawm nghal mual mual.









" Uuu.. " A rawn ti vak chu thawk la hawlh in a lam ka hawi nghal vut.









" Kei pawn ka sawi chiang viau, i haw dawn lo. Ka tel lo in in i chhuah san tawh lo bawk ang. I thiante i hmu duh a nih chuan inah an rawn leng thei ang. Mipa erawh ka sawi tel lo. " Ti hmuk in ka ding zui vut. Lawm lo zet a a thleng a nawr sawn vak chu ka kal san nghal hmuk bawk.









" Thil pakhat, i phone pawh hi tul ka tih hunah chiah ka pe let ang che! " Ti leh dining room atang a chhuah ka rual nghal. Ka hnung lam a misualpa min ti vin tuar tu chu hmu lo mah i la ka nui suk. Hna kal tur a ka chhuah rual in kan awmpuite bulah Nautein in a chhuah san ka phal lo thu leh a chhuah luih chuan min rawn hrilh nghal tur in ka ti nghal bawk.



*


*



" Enge i duh? " Ka office a rawn lut ka hmuh rual in ka ti hmuk. Sir Rema pawh kei ang bawk in a hmel a lawm hmel teh chiam lo bawk.









" Angeli chu a haw ta em? " Ti sup a couch a a thu thla chu ka then khum lui suk.









" Chu mi min zawt tur chuan ka office ah i rawn kal vang vang a maw? " Ti hmuk in ka chair atang chuan tho in a thutna lam chu ka pan a, a opposite ah chuan ka thu thla ve nghal hmuk.









" I hre sual deuh , rawn hmuh hrim hrim che ka duh bawk a , Angeli chung chang ah nang leh kei hi kan in ngai dik lo tawn ve ve in ka hria. " A rawn ve sup chu ka melh ngur ringawt. Hepa teh hrep hian Angeli hi a lo duh ve tak tak a nih chuan ka awm mai mai hauh lo ang.









" Ka ngaih dan hi a dik lohna ka va hre ve lem lo ve. Hmanni lawk a kan gate bul a i awm dan ngaihtuah phei chuan kei hi ka dawhthei zawk viau lo maw. " Ka ti chhuak hrawk. Pangai tak in tawng chhuah tum mah i la ka mitthlaah Nautei a fawp lai ka mitthla let miau.









" Angeli hi ka duh a. Ka hria ka student a ni ti pawh mahse ka duhna a bo chuang si lo. Mahse a lakah rilru dik lo ka pu hauh lo a nia. "









" Kha bak a rilru dik lo a awm chuang lo. Ka sawi dik em? Tun atang chuan i student ang bak in en tawh suh. I hnaih theih tur chi hmeichhia a ni lo. I sawi duh I sawi zawh tawh chuan min chhuah san thei ang. " Ti hmuk a din ka rual chu a thu sawi vang chuan ka in hum ruh nghal tawlh tawlh. Sir Rema chu a rawn ding chhuak ve nghal ruai ruai bawk.









" A thawng deuh che em ni? Nang hian Angeli i en dan hi a fuh chiah lo zawk in ka hria. Unau in ni tih chu hre lo i la i hmeichhia ngaihzawng thla vang i hauh emaw tih tur hial in i thikthu a lakah i pe chhia a nia. " Then suk a a rawn ti chu rum zet in ka melh a, a mit meng atang chuan hriat eng emaw a nei tih ka hre thei.









" Ka hmuh ve dan ka sawi mai a nia. Angeli hi i duat in i ngaihsak em em tih ka hria a mahse tunah hi chuan naute lem ang lek in i chei bawl a. I duh ang a piang a awm a, i thu a kawi a ngil a zawm tur chuan a puitling mah mah tawh i hmu thiam ngei in ka ring bawk." A rawn tih leh tak ah chuan ka then ta suk.











" Kha tawngkam chiah kha a ni! " Ka ti sup chu hrethiam chiah lo mit meng in min melh a, Nautein kha tiang chiah khan a sawi tawh. Chuan hepa hian a rilruah a lo dah sak a nih ka ring ta bur.









" I thu sawi dan vel ah chuan hriat i nei a nih hmel. Chuan ka hrilh lawk ang che tun atang hian Angeli lak atang in thiar fihlim rawh. " Ka ti ve hmuk.









" Ka theih ka ring lo. Angeli hian a bul a awm tur in min duh miau. Tu emaw lak a ka pawh hran theih nan a ti a ni tih chiang tak in min hrilh bawk a. Chu pa chu i hre duh em? Zomuanpuia! Chuan tunge Zomuanpuia chu ka hre ta chiah bawk! " Ka dawhkan chung a ka hming awmna lam melh chuan a ti sup .









" Kei ni lo in nang zawk hian a ni rilru dik lo tak pu a Angeli hnaih tu chu. I rilru put dan vang hian Angeli hian a hlat tulh tulh ang che. Uhh... A hlau zawk hial lo ang che tih pawh a hriat miah lo.! " Ngeiawm zet a khi suk in a rawn ti chu in sum hman lo in a kawr awmah ka tham nghal hrawk.









" Chuvang chuan i awm dah hi dah tha in a u ang in awm leh rawh. A nih loh chuan i nau leh i hmeichhe duh em em I chan rual mai ang. Thisen hi a pawi mawh ber a ni lem lo! " A rawn ti rual in ka hnek nghal chawrh.









" Eng tin nge nang hian i hriat ve, hrep chuan! " Ka ti chhuak nghal hrawk. Kei hian Angelin min hlau ang maw, hrep tak chuan.









" Tu hnen atang a ka hriat nge a nih i rin? Angeli hi ka duh a, ka duh zel bawk dawn. Nang nen ai ngawt chuan kan hma hun a eng zawk bawk! " Ti sup a ka office atang a a chhuak chu hnung lam atang in ka melh ngur a. Enge a saai kha, Nautein kha tiang zawng zawng kha a hrilh ang maw.








____________________________________________________









* ANGEL LALRUATPUII POV *









" U Angel hmu tur che in mi pakhat a lo kal a! " Ka room ah movie en a ka muhil chu Nanunin min rawn sawi harh in a ti sap.









" Baby mi? " Thu chhuak a ka ti chu lu a thing ringawt. Sana ka en a dar 11 pawh a a rih lo. Ka u hna a kalna pawh a la rei miah lo tih ka hre chhuak nghal bawk.









" Enge i lo tih dawn? Ka u a awm lo! " In hnuai a ka chhuak rual in ka ti zui zat chu kimkimi a ner nghal nang.









" Ka hre ve bawk. Class kan chawl tawh sia i haw ka lo ring a nia! " A rawn ti chu ka meng kual ralh ringawt.









" Haw te chu ka duh a, a theih lo miau hek. Engmaw i lo tih dawn! " Tih leh thu thleng a thut thlak ka rual nghal.









" Ka thiante inah len ka tum a mahse ka peih leh lo a ka lo kal mai mai. Min hmuh peih vak lo chuan ka haw nghal mai ang! " Ti leh din a rual chu ka melh nghal haw. Enge a hriat teh thut.









" I lo thlen tawh ro ro chuan la awm rih la... I duh chuan ka tihna a nih kha. Eng emaw zawh duh che ka nei a. Ka room ah in kawm ang " Tih leh din ve ka rual chu mak ti hmel zet in min en a, a tawpah erawh min zui ve ta tho. Lo in mil lo din thin na na na chu kan che a khawr deuh tut leh nghal.








" Chuan... In tha zel em? Min chhang leh suh! Ka u hmel ka hmuh hian in in kar a tha lo tih ka hre thiam mai. I sual thiam ve ngawt mai. " Ka room a kan luh hnu chuan ka bungruah ho chu en kual dan dan in a ti sap chu ka ner nang..









" Kei hi ka sual maw? A mah vek kha a lawm din hmun lak lawh a min dah tu. Nang pawh ka din hmunah hian ding ta la eng tin nge i tih a nga, kha leh chen I u a I lo ngaih char char khan a lo duh.. Urggg.... Hmangaih... Eng pawh chu ni se ka hrethiam thei lo. " Ka ti chhuak ta pawng. Ka u in min duh tih ka sawi daan emaw ka hriat chhuah a piang hian ka lai tlat zel leh nghal.









" Duh eng ang mah i la i din hmunah chuan ka ding dawn chuang lo. Ka u, a ni miau ka tan chuan. Mahse i sawi tak ah chuan kei pawh in duh ka thlang ngei a lawm. Ka nu leh ka u ah, i la hre reng em? Mahse nang leh kei chu kan in ang lo tih kan hriat kha.









Ka u hlat a I awm duh lo a nih chuan ka u hi duh let ve mai rawh. Ka u nen in in hnaih zia chu tu lawh hian kan hre thum a. Mahse tunah i awm dan hi chu kei ni lo sawi pui tur i nei vak bik lo tih ka hria. Chuan ka sawi duh chu ka u nen hian a hma ang in unau in hmangaih tak kha in ni thei tawh ngai dawn lo. I duh emaw duh lo emaw ka u hi i hnawl zel a nih chuan i lak atang a hla tulh tulh ang. A bul a I awm a, a hma ang a in pawh leh in ngeih tak a awm i duh chuan duh let ve mai rawh! " Khum a thu thla thak a a ti chu ka hau a ding chung in ka melh tawp.









" I a em ni? Ka u ngei nen in ngai zawng tur in min duh a maw? " Ka ti vak chu hre chhuak thut in ka hmui ka hup leh chawt.









" I u dik tak pawh a nih loh kha! " Dar san ak a a rawn ti chu thinrim zet in a lam ka pan zui nghal.









" Nangmah vang vek a nih hi aw kha ti kha min ti miah suh! " Ti hlak in a hma a ka ding chu a hmui a rawn ti pawrh vak ringawt.









" Kei mah vang in i hria tih chu ka hria a mahse ka u te chuan a lo hre vek tawh aw. Chubakah i lak a ka in thiam loh vang in ka hrilh hre hram ang che. Ka u hian a chhuah san dawn cheu. " Kimkimi thu sawi vang chuan ka khawng nghal awt.









" Dawt i sawi! " Ka ti sap. Chutiang ka u in a ti lo ang.









" Ka sawi te chu i ring ngai lo hrim hrim a mahse ka sawi tho ang. A hun chiah ka hre lo mahse a mah duh lo a hnawl tu hmeichhia chu a rilru ti na zual tur in a chen pui reng che i phut bik a maw? I hma i sial mah mah i ti ve lo a mi. I nu leh pa bulah pawh zep hlen in beisei suh. A thleng ngai lo ang.









I eng hi nge ka u hian a duh ka ngaihtuah ngial pawn ka hre thiam thei lo che. Mahse ka sawi sel hran lo che a nia. Kei aiin in in hre chiang dun zawk a. Mahse ka u hi ka khawngaih . " A rawn ti leh kher chu kan in biak ve tawh thin zawng zawng ang lo tak in chhan let ngaihna ka hre ta hauh lo.









" Mahse ka u a nia. Thil dik a ni lo a lawm. " A bul a thu tha chuan ka ti chhuak ve ta nge nge. Ka dinhmunah hian han ding ve teh u engtin nge in ngaihtuah ve ang?









" I u ang a I lo en rei tawh vang a nih ka ring. Ti zawng hian ngaihtuah ta la. Ka u mizia chu i hriat kha, engmah thleng lo ang chuan a aam thei thawh dawn lo. Chuan engtikah emaw i nu leh pa bulah a tuar theih tawh lo vang in awm hran a duh thu sawi se, ka sawi tum chu ka u hi i duh let ve lo a nih chuan kal tir phal thung ang che. Hma sial tak in chelh bet reng suh. " A rawn ti deuh duah chu ka rilru a phir ta nuai in ka hre hial. Chutiang rilru chu ka pu ve thei a ngem? Ka u erawh a tel lo in ka awm thei lo tih ka chiang.




*




" Tunah a lo haw ve chiah a maw? " Ka room tukverh atang in ka u motor tlai deuh tak a rawn tlan lut chu lo thlir in ka phun chhuak sap. Ka room kawngka chu tlem hawng in ka u lo chhoh hun ka nghak a mahse a rawn lang thei miah lo leh nghal.









Thawm dim zet in in hnuaiah chuan ka chhuak a, mahse tumah an awm lo. Choka lam a thawm ri vang chuan ka pan nghal vat a , zanlai a ni tawh bawk a thawm beng chheng lutuk ni lo mahse a ri ring viau.









" Eng thil nge i tih? " Choka a ka lut chu ka thil hmuh chuan min thawng tih bak sawi ngaihna ka hre lo. Dawhkan bulah ka u lo thu in a hmaah whisky bur in chhawp in no in a in mek bawk a nih chu.









Rang zet a a lam pan in a hma ah chuan ka ding ran a. Min hmu lo ang hmak in a no chu la kang in a tlak nghal pawp a. A zu in vang nge, engah mah min ngaih loh vang a hreawm ti viau nge ka nih lah ka hre hrang hek lo. Ka hriat zawng chu hreawm ka ti hle tih hi.









" Nang hian min hlat i duh vang in mipa dang i hnaih a ni ti raw? " A thutna atang a min rawn melh chuan a ti sup. A ngaihna hre lo zet chuan ka melh let a. A thil in vang in a rui tih hriat zet in a mit meng chu a rum in a sen deuh rum bawk..









" I rui a nih kha! " Tih leh a ban a vuan a kaih thawh ka tum chu ka hlawh chham chiang lutuk tlat. Nui suk in a sam a tuai phawk a, a thaw chhuak zui nghal hawk.









" Nang hian i lak a ka rilru put vang hian min hlau em? " Ti nawn leh sup in a no ah chuan whisky chu a thli leh a mahse a lak hma a lak khalh in tab ah chuan ka leih vek a no pawh chu ka dah nghal hmak.









" Lo kal rawh room ah ka hruai ang che! " Ka ti rual a a rawn chet dan vang chuan ka rak that.









" Ka zawh che chu nang hian min hlau em? " Tih chhuak hrawk in whisky bur chu chhuatah a vawm keh chuai a, thinrim zet in dawhkan chu a chum ri nghal bur. Engvang a hetiang a rawn awm thut nge a nih ka hre thiam hauh lo leh nghal.









" A... Engkim a tha! Nanun va mu leh rawh! Ka lo ti fai ang! " Kan nula thawm hria a rawn kal chu bah nak in ka lo chhang vat a. A ding deuh reng nan mahse mu tur a ka tih leh tak ah chuan a kal sawn ve hram. Thaw hak in light ka on ve nghal bawk.









" Khawih suh i kut i ti pem ang! " Chhuat a whisky bur keh them chhar a ka kun hniam chu a rawn ti sup. A mah pawh en lem lo chuan ka chhar lui mawlh mawlh tho.







" Khawih suh ka tih chu! Hrep che hian! " Rawn ti hrawk in ka kut a rawn vawn rual in min pawt ding nghal lawp a. Vin hrep tum a ka hawi chhuak chu ka meng nghal kawk.








" Nga.... Ngati nge i hmai hi? I kut pawh? In in sual a mi? " Hlau thawng lutuk a ti in a hmai khawih ka tum chu ka kut a vai per nawk. A mit ko pem leh a hmui sir kak kha ka lo hmuh miah lo a. Current ka on hnu khan ka lo en tawh bawk lo nen. Ka kut a vawnna pawh a pilh nasa viau bawk.









" Min ngaihtuah ang khan awm duh suh. Hei aia hreawm ka tawrh pawh i en liam thei a nih chu hei chu a awlsam viau ang! " Min melh chhuk run a ti hmuk chung chuan a rawn then lui suk a. Mahse a mitah natna bak engmah hmu tur a awm lo.








A room ah a lut chu a hnungah ka zui lui zel a. A kawr chung chu hlip thawk in bathroom lam a pan nghal vut a. Pem a nei bawk nen a rawn chhuah leg hun chu ka nghak ta ngawt. Chubakah sawi pui ngei ngei ngai ka nei bawk.












" Va mu tawh rawh! " Ti thum dut tu vang chuan ka hawi chhuak vat a. Shower a neih zawh tak ah chuan a rui hmel an bo duak a mahse a mit meng erawh a la rum reng. A sam hnawm chap atang tui A la far fap fap a. A towel ven in a khuh loh chinah a taksa chu a mipa pian hliah hliah in a V shap chu chiang zet in a lang bawk.









" Damdawi ka hnawih sak ang che! " A thu sawi chu hre lo ang hmak in ka khum thutna sir chu ka beng thak thak a. Thawk la hawk in a thawmhnaw dahna lam a pan nul nul a nih chu.









" U.... Ka tihpalh! I rilru ka tihna a vang in. Tun... Ih... Tun atang chuan i duh ang in ka awm ang. Chuvang chuan.... " A nui ri suk vang chuan ka tawng tawp dat.









" Ka nawr lui lo ang che ka tih kha. Tunah khan ka duh ang min tawm pui tur thu i sawi a mahse i rilru tak tak a ni lo tih hre tur in i sawi chhuah kher a ngai lo. I tawng dan, leh mit mengah khan i hlau thawng tih ka hmu a nia. Naktuk atang hotel ah ka awm ang. Nang pawh i duh chuan ka nu leh pa bulah haw chho rawh. " A rawn ti sup chu ka melh ngawt ngawt.









" Mahse ti nge chhuah kher i tum? " Ka ti tham chel.









" I hlatah ka awm a ngai ! Nang mah hmu lo leh engtin nge hun i hman tih hre thei lo tur in. " A rawn ti sup chu za lo zet in ka nui sak.









" Rawn haw I tum tawh lo tih sawi miah suh! " Ka ti sap.









" Engkim ka theihnghilh theih chuan haw leh mai thei. Ka thei ta lo a nih chuan, hun in a hril ang chu. Kal ngei ngei erawh ka ngai tak zet! " A ti sup chu mit ka chhing sawk a ka biang a lum pap.









" Mahse nga ti nge? I duh dan in ka awm ang ka tih mawlh mawlh a. Mahse i duh leh bawk si lo. Min kal san I theih loh thu i sawi a mahse kal ngei ngei i ngaih thu i sawi leh a. Ka nu leh pa in an hriat loh i ring reng reng em ni? " Ka mittui kar atang chuan melh in ka ti chhuak tan tan. A duh ang in ka awm ang tih ka hrilh chung pawn kal a tum tho a, ka hrethiam lo tak zet . Ka hma zawh a mipa rawn ding chu tah chhuak ru tun chuan ka melh chho a. Nui suk in a kut lian leh lum thur thur chuan ka biang a rawn khuap nghal hlun bawk.









" Hun thawl kan mamawh ve ve Naute! I bul a ka awm reng chuan ka khung bet reng mai ang che. Tun a I sawi pawh kha ka thinrim leh nat i hlauh vang tih la hria. Chu vang chuan hai der in ka pawm thei lo. Ka nu leh pa in an hriat chhuah hun chu eng kim ka hrilh hun tur a ni bawk. Chuan lung ngai viau suh min ngaih hun a piang in min hmu tur in i lo kal ziah thei ang! " Ka mit a dam dup a min melh in a ti sup a, mahse ka nui ve thei lo in thlahna thu a sawi ang in ka hre miau.









" Engtik lai pawn ngai ta che i la? " Ka ti sap.









" Naupang chhia lutuk! " Ti sup in min kuah nghal hlu hlu a. Ka chhipah a hmui lum thar thar chuan a nawr nghal vang vang bawk. Thaw hak in ka kuah let a mahse ka rilru erawh a hlau thawng ngawih ngawih. Engtin nge ka tih ang! Tunah ka u hi a chhuak a nih chuan a lo let tawh dawn lo tih ka hre chiang miau.









Engkim ka nu leh pa hrilh huam a chhuak tur a nih chuan sawi dawt lo mahse ka lak atang a awm hran a tum hlen tihna tih ka chiang.

[Ngaia]

CHAPTER - 18 by Amy Cck









* REUBEN ZOMUANPUIA POV *









" U Reuben! I ni tak tak a law? Enge hetah i tih? Meeting in nei dawn a mi? " Hnung lam atang a rawn ti tu chu en tum in ka in her a, mahse a mah zawk chu ka sirah a rawn ding ta zawk.









" Room ka awmna tur ka ti fel zawk! " Ka ti sup chu Faith-i chuan mak min tih hmel zet in min melh ha a. " Ngati nge? " A rawn ti sap chu chhan ka tum hman A mahse receptionist in room duh bik ka neih leh neih loh min zawh avang chuan ka chhang ta zawk.









" Maw? In lian pui nei reng in kan hotel room a rawn awm i tum maw? Angeli te... A mah chauh in a awm nge nu Kimtei leh pa Nunsanga an rawn chhuk zawk? " A rawn ti ta chung chung chu ka nui suk.









" Angeli chu a mah in a awm! " Ti sup in receptionist bulah chuan ka room a min thlah kher ka ngaih loh thu ka hrilh zui nghal bawk. A hma a ka awmna a nih vang a ni pakhat.









" Ngati nge? In in hau a mi? " Ka pen sawn pawk pawk chu ka sirah a rawn kal ve zel a. Nautei nen an in rual khat viau nan Faith-i hi chu a putling zawk viau. Kum un ang reng ni mahse an chet phung leh miziaah pawh a lakah chuan Nautei chu naupang chhia tak a ni. Faith-i erawh fa upa zawk a nih vang pawh a ni mahna.









" Zawhna ngah lutuk suh! Midang chung chang ngaih ven hman i nih loh kha! Chuan I rawn in check up leh hunah chuan kal pui i rawn neih ngei ka phut ka tih bawk kha! " Ka pen lai tawp a ka ti sup chu a ner nghal nang.









" Kha... Kha... "









" Faith chhuan lam ka duh lo aw! " Ti hmuk in ka melh run.









" Sawi dun lawk i la? " In thlahrung deuh tak a a rawn tih takah chuan but nghut in ka room tur lam chu kan pan dun a. Nula tleirawl lek la ni mahse a pui tling ka tih tawh kha. Class an chawlh atang in hotel ah a in sawr bing leh nghal char char tih ka hrethiam mai bawk.









" Chuan I nu nge i pa? Nge nu Sarah i rawh hruai dawn? " Room kan lut chu couch a thu thla in ka ti nghal hmuk.









" U Reuben kan pahnih chiah hian kan hre mai thei lo a mi? Ka doctor i ni a I patient thu ruk chu i zep pui tur a ni. " Min vo deuh ti tih chuan a rawn ti bai bai.









" Faith doctor ka ni a I sawi dik viau. Mahse i u pawh ka ni tel tih hre ve bawk la. Doctor ni lo in i u ka nih ang in ka sawi bawk. Chubakah i rai thu hi i zep reng thei dawn lo. Thla rei lo te ah i pum pawh a rawn lian a nga, i zep reng thei dawn lo! " Ka ti ve chhur chhur.









" Ka hria, eng pawh sawi i la i rilru i thlak dawn lo a ni maw? A dik em? " Ka hma chiah couch a thu thla day chuan a rawn ti sap chu nui suk in lu ka buk khum ngut.









" Tu nge Naute pa hi? A hre lo nge hre reng chung in a kal san che? " Ka ti sup chu nui lui sak in lu a rawn thing nar nar.









" Chutiang a ni lo. Kei mah hian tumah hrilh ka la duh lo hrim hrim rih a. Mahse pakhat tal chu ka hrilh a ngai dawn ta tho a. Simona ka hrilh mai ang. Ka nu leh pa chu an thinrim dawn e mai! " A ti zuai raih. A mit meng chu a buai tih ka hmu a mahse A mah hian zep a duh miau a ka lo in rawlhna vak tur a awm lem lo.









" A tha, i nau tal chu hrilh rawh. Mahse hre reng rawh christmas te rawn thleng se kum thar lamah chuan zep tum mah la i zep thei kher tawh lo ang. " Ka ti let ve ta sup.









" Han sawi chhuah dan a vang a lawm. Simona bulah pawh sawi dan ka ngaihtuah char char a ngai dawn a. Nang pawh Angeli hian a nau a pai thu hrilh ta thut che se la a thawng ve tho ang che! " A rawn ti let sap chu ka chhang lem lo. A chhan chu chutiang a thleng a nih a nih chuan tual ka that duh mai dawn tih ka chiang miau.









" Ka kal dawn. Heta awm i tum chhan chu Angeli ka zawt tho ang! " Tih leh din a rual a, ka ner suk. Eng chhuan lam tak Nautein lo siam ang maw. Tukin zing ka chhuah dawn kha chuan engmah a sawi hauh lo a. Min dan emaw pawh a tum lem lo. A lo pui tling ve tak tak tawh a ni mahna.









" Faith" Kawngka a pawt hawng tawh chu ka kohna avang chuan a rawn hawi let vat .









" Bike a tlem thei ang ber khalh emaw chuan tum ang che! In dim I ngai a nia! " Ka ti sup chu thaw hak in a nui lui sak. Hmeichhe rilru tha tak a ni miau a, nau tih tlak lam a ngaihtuah lo tih ka chiang. Mahse pasal nei lo a a rai tih midang in an hriat chuan an chhungkua an mualpho dawn tih hre tur in a fing tawk bawk a. A rilru chu a buai dawn chiang viau.









" Chaw a ei tawh em ang chu? " Ti sup in ka kekawr ip a ka phone chu la chhuak in ka thaw chhuak nghal hawk. Zingah ka thawmhnaw pawh hna ka kal rual in ka keng chhuak tel vek a. Tun tum chu ka ti tak tak tih hre ngei se ka duh avang in ka thawmhnaw pawh ka keng chhuak nual. Chuvang chuan tlawm zawk emaw ka ni thei lo. Biak pawh ka be hmasa thei hek lo.









" Aw ka pu! " Phone leh lam a mi chuan a rawn ti sap.









" Nautein chaw a ei tawh em? " Ti let sup in room tukverh bulah chuan ka ding zui vut a. A ei tawh thu leh vawin chu a room ah a awm char char thu a min rawn chhan chuan ka ngaihtuah rilru viau a mahse ka in sum a ngai tih chiang ber tu ka ni bawk miau.









" Eng emaw dik lo emaw a na a chhuah palh chuan min rawn hrilh vat ang che! " Ti sup in phone ka off zui nghal hmuk. Hahdam tum zet chuan thawk ka la leh hawlh thin. Ka ngaihtuahna thenkhat chuan nizan a Nautei thu sawi ka lo pawm lo kha mawl in tih luat vang in ka ner leh nawk thin.









Ka duh ang a awm a rem tih thu leh ka bul a awm a duh thu a sawi khan rei lo te chhung chu engkim fel duak ang in ka ngai hman a mahse mipa khat vang in ngaihtuahna dang ka pu ta tlat. Sir Reman ka bulah a sawi kha, Nautein min hlauh vang leh ka kal san a hlauh vang a ka thu sawi eng kim pawm a nih thu leh, ka naute lem ang mai a ka chei bawl leh ka en ang a sawi kha, Sir Rema mai ni lo in Nautei pawh in kha tiang rilru kha a put ka duh lo.









Chuvang chuan harsa viau mahse rei lo te chhung hlat a, enge a duh a, tu nge a mamawh tih hre chiang tur in ka duh. Ka sawi vang ni lo in ka bulah awm a duh vang hrim hrim awm se, ka khung beh tlat vang ni lo in a mah ngeiin min pan se ka duh bawk. Tih luihna tel miah lo a ka bul a awm tur in ka duh.









Shower neiin hna khawih tur ka hawn tlem a zawng ka en a, a tlai rak tak hma in Kimkimi a hotel ah va tlawh ka duh bawk nen ka room atang ka chhuak a, Kimkimin hotel ah ka awm tih a hriat chuan a lawm lo ngang mai. Rei vak lo hnuah ka haw san a. Kum tharah Bengalore lamah a zirna zawm tur in a chhuk dawn a. Ka thian tha tak hnenah min lo biak fel sak tur in ka hrilh lawk vek tawh bawk nen engmah harsatna a awm lo turah ka ngai.









Hotel a let ta mai lo chuan tul lo zet in kan in lamah ka in khalh chhuak a. Kan in gate sir hret thim chin a motor dah in Nautei room light eng kulh chu ka thlir leh thin. Ka chhuah san a hmuh rih loh ka tum avang hian ka ngaihsak lo tihna a ni lo. A hma ai zawng in ka ngaihtuahna a luah hneh zawk.



*



*



" Pa Reuben.. " Hna kal tur hotel chhuah san a parking lam ka pan chu min ko ri vang chuan ka ding khawmuang a ka hma a hmeichhe naupang lo ding a min nuih ver ver tu chu ka melh ve nghal vut.









" Cindy! Enge hetah i tih a? " Ka ti let ve sup.









" School ka kal dawn . Anu ka nghak a . " Nui ver ver a a rawn ti chu mak ti zet in ka melh ngur ringawt.









" I nu maw? " Ka ti sup rual in kan bulah Dr Tluangpuii a rawn lang ve hlawl bawk.









" Dr Reuben nang maw? Enge hetah i tih a? " Dr Tluangpuii chuan a rawn ti ve nghal zat a. Hna a kal ve dawn chiah a nih hmel.









" Hna ka kal dawn a. Enge in tih zawk a? " Mak ti zet chuan ka ti ve sup.









" Nu school ka tlai a nge? " Cindy in a rawn tih leh tak ah chuan min chhang lo chuan a fanu chu a ngaihven ta zawk. Taxi an nghah thu an sawi avang chuan ka rual a kal mai tur in ka sawm a. Cindy school kan thlah hmasa phawt a, chu mi zawhah damdawiin lam kan pan dun ve nghal bawk.









" Hotel ah khan in la awm chu a ni em lo maw? " Passenger seat lam hawi chuan ka ti sup.









" A... Nia... Kan chhuah san tawh kha A nia mahse hmanni deuh khan kan nufa in kan lut leh! Hman zan avang pawh khan i lakah hian ka in thla hrung vek tawh. Lawmthu pawh ka la hrilh lo che a! Ka lawm e aw." Nuam lo tih hmel zet in a rawn ti sap chu ka rum nghut.









" Lawmthu sawi a ngai lo, buaina i tawh lai a I bul a ka lo awm kha a vanneih thlak zawk. Mahse i u te in lamah in nufa a in awm tur thu kha i sawi a, buaina a awm em? " Ka ti zui sup.









" Ohh... Kha kha maw! Dik tak chuan ka u te in ah chuan ka kal a.... Eng lo.. Buaina.... Engmah a ni lo. Ka ti buai nasa tawh lutuk che a tih buai leh che ka duh tawh lo. " Ti sap in min nui khum a mahse a ruk in a mittui a tla tih erawh ka hmu sak hram.









" I pasal in buaina a la rawn siam che! A dik em? " Ti sup a ka melh leh vut chu in seh ruh teuh in lu a thing mat mat.









" Tluangpui min hrilh duh loh chuan ka ti lui lo che mahse ka pui thei che a nia. " Ka ti nawn leh sup chu a rawn tap chhuak ta hawk. Hrethiam lo zet in ka melh ngur ringawt. Hmeichhe tap thlem hi ka thiam lo tak zet. Nautei a tah erawh chuan ka thlem lo ngai lo thung. Mahse Naute tap ka thlem ang a thlem chi ni hek lo.









" Ka u nupa hian min ngai thei vak lo a. Ka u te in a kar khat lek kan awm a mahse ka pasal in min rawh hruai a tum a. Kei chuan haw kha ka duh lo a, ka u in min haw tir a tum tlat avang in kan chhuah san a. In luah mai tur a vang bawk nen chuvang chuan... " Ti chhuak halh in a hmai a hup thak a. A rawn thaw chhuak leh halh bawk.









" Ka pasal khan nang in min puih vel vang khan kan in ngaizawngah min puh bawk nen. Ka u hnenah thu dik lo nuai sawiin min ring duh bawk si lo. Mahse nang mah vang chu a ni chuang lo a nia. Pasal rui ching leh kut min thlak reng bul a awm ka duh tawh lo hrim hrim a.Hun han kal deuh se kan tha ve zel mai ang! " Ti chhuak sap in min rawn nuih chu ka scarf ka lo pe nghal a. A mittui chu a hru ve nghal vat bawk.











" A rawn tih buai leh cheu chuan min hrilh hreh suh aw. Hotel ah khan ka awm ve rih dawn a. Thian kan nih tawh kha, a dik em? " Ti sup a ka then suk chu nui lui sak in lu a bu ta nghat nghat.









" Chuan ka puih dawn che chuan chiang zawk a min hrilh a ngai a nia! " Ka ti nawn leh sup chu hahdam huai hmel a pu. A hma kan hospital a a rawn thawh tirh in damdawiin chhungah a pasal in buaina a rawn siam vak a. Kha ta tang khan kan in hre chho a. In hnaih erawh kan in hnaih lem lo. Hmanni hna thil a ka zin ka haw hotel a ka lut kha kan in tawng leh hlawl a.









A pasal in kut a thlak na lamah a fanu Cindy khawih tel palh in a ke ruh tliak chiah lo in an hliam avang in damdawiin ah a awm ve reng bawk a. A pasal a hmuh duh loh bakah Cindy in a hlauh em avang khan tum lo zet in an chhungkuaah ka in rawlh ve ta ngawt a ni ber.









An nufa an thlabar em avang khan zan rei tak thleng damdawiin ah ka awm phah fo a. Nautei nen kan in kar that loh lai tak a nih avang khan rilru lak pen nan ka lo hmang ve bawk a. Cindy a dam hnu pawn haw duh lo in hotel ah, ka thlennaah chuan ni tho mahse kan room erawh a hrang thung. An nufa in an awm ve reng a. Kan in nel ve tan ta viau nghe nghe. Kan in a ka haw ni khan a u te in a kal tur in hotel an chhuah san ve kha a nia.









Hman zan a rui chung a mi ka sual pui pawh kha tu dang ni lo in doctor Tluangpuii pasal hi a ni bawk. Chhunah Rema vang in mood lo fuh lo sa nen, hospital atang a ka haw tur garage ah an nupa in hau, lo in pawt buai ka hmuh fuh leh kher nen tum lo zet in ka sawi sa hrep nghe nghe.









" U .... I van lo thleng har! " Ka office ka luh rual in Kimkimin a lo ti lang lang a. Chal to chuar tup a melh in ka kawr chung ka phelh a doctor coat zawk ka ha nghal zat.









" Enge damdawiin ah i rawn tih? I dam lo chu a ni ka ring chiah lo! " Ti sup in ka dawhkan ngheng chuan awn deuh tak in ka ding a. Kut ka kuangkuah nghal hmuk.









" Elee... In entir tur in. Mahse kei mah ni lo in Angeli ka rawn kal pui! " Dar kan ak a a rawn ti chu ka ner sawk.









" Chutiang rawn tih pui tur khawp in in in pawh pawn ka hre chiah lo! " Ka ti sup chu a ner zui nang.









" Rawn kal pui a ngai miau sia, a mah in a kal thei hlei nem! " A ti zawm leh zat chu khaw nge Nautei chu a awm ka zawt nghal sup a, Kimkimi thu sawi vang chuan rang zet in ka office atang ka chhuak nghal.









Xray room ah lut in parda lo in zar chu keu in ka lut nghal vut a. Phawk lutuk a min lo en tu chu engmah sawi lo chuan a taksa chu ka melh kual nghal ruai.









__________________________________________________








* ANGEL LALRUATPUII POV *







" Heii. Enge? Ka la in thlak zo lo... " Ka thawmhnaw ka phel lai parda rawn keu a rawn lut vang chuan ka ti chhuak that. Ka u hmel ka hmuh rual in ka meng bial nghal kawk.







" I tha em? " Min ngaihtuahna mit meng a min melh run chuan a rawn ti sup chu ka lu ka bu nghat ringawt.









" Ih.... Xray tih a ngai a. Doctor chu kan lo be tawh a...chuan...a..ka lo kal...." Bah nak a ka ti chu a thaw hawk. Ka kalna tur chu min kian hrut in ka kal bai auh auh chu min melh zui ngur tih ka hre thei.










" Engtin maw i bawp chu i tih nat? " Ka u tawng thum dut vang chuan la hawi nghal hawk. Damdawiin corridor ah thu in Kimkimi damdawi lei ka lo nghak a. Engtik lai in nge hetah a lo din ve ka hre miah lo.









" Step ka rap sual a ka lum. Mahse ka tha tawh! " Ka ti nghal vat chu a ner suk. Fel lo min ti leh dawn tih ka hre chiang lutuk chu hauh in peih at in ka awm nghal bawk.









" I lu hai vang a nih kha. Zan I mu tha lo bawk a. Mahni in enkawl tha tur chu i ni tawh a sin! " A rawn ti sup chu ka thu tum bar ringawt. Ka u in min chhuah san atang khan ka mu thei ngai lo, ka chaw ei pawh a tui thei lo. Kei ma tawkah ka rilru a hah ve em em ringawt a. Kar tharah ka nu leh pa an rawn chhuk dawn bawk nen ka rilru hi a hah ngawih ngawih.









" Pa Reuben! " Kan ngawih dun reng lai a rawn ti tu lam chu ka hawi vat a, hmanni a naupang kha. Oh... Dr Tluangpuii fanu a ni tak.









" Cindy ! " Ka u in a tih sup rual in naupang chu kan bul a rawn thleng der.









" Khawi lai naupang nge? " Ka u melh chuan ka ti kher. A hma khan ka hre tawh mahse ka zawt lui kher duh.









" Dr Tluangpuii fanu a nih hi. " Ti ngut in thu dang sawi tum tawh lo zet in a hmui a chip nghal hmuk chu ka ngei ru viau. Mahse ngaihsak ang a awm ka tum lo bur. A hma a hotel thleng ka zui pawh kha ka u in engmah a sawi loh avang in ka sawi lang duh bik chuang lo. Mahse ka rilruah erawh ka hre ve kar tho.









" Anu hi.. " Hmeichhe naupang khan ka u melh chho kiau a a ti chu ka lo melh rum ngang mai.









" Damlo a enkawl a. Ka bulah lo awm rih mai la ti raw! " Ka u in nui suk a a tih phei chuan ka in seh ruh vak ringawt. Dr Tluangpuii nge a fanu hi ka thik pawh ka hre nek lo.









" Ka lei zo, in line a ngai a ka rei phian! " Kimkimi rawn tawng vang chuan hahdam tum zet in thawk ka la halh. Min ngaihtuah ve tawh map lo a ka u leh naupang in biak chu ka run tawk a tling em em mai leh nghal.









" Haw ang! " Ti hlak a ka ding chu ka mal ruh in kalh deuh vang in ka ner sak a. Kimkimin min rawh pan ve mai bawk a. Tunlai chu in ngeih lo viau e ti lo hian kan in hmu ngun bawk a, kan in kawm thei ta phian.









" Pa Reuben I rual in anu nen hotel ah kan let ve dawn a mi? " Ti ri vang chuan kan kal lai chu kan ding dawt.









" Yupe, i duh chuan! " Ka u in a ti ve nghal chu ka in sum thei lo.









" Uu... Hemi te nufa nen hian hotel ah in awm maw? " Tih ka tum chu Kimkimin min lo tih khal a. Ka ngawi leh ta hram. Kei pawn ka zawh tum tak a lo ni bawk nen ka melh ve kalh tho. Hmeichhe naupang lah khan ka u kut a vuan deuh than a nih chu, pafa ang mai in.









" A dik a lawm! " Ka u in a rawn ti sup chu ka in seh ruh nasa mai. Ka din ngheh theih lo vang pawh ni lo in Kimkimi chu ka hmer vak ringawt.









" Let tawh ru! Nautein hahdam a duh ang. Chuan I lo buaipui ta bawk a, a dam deuh hma chu hostel a awm lo in i lo riah pui dawn nia! " A la rawn ti zui a nih chu. Nidangah chuan ka nat chuan a mah hlir in min buai pui a. Midang kha chu a phut ngai lo tawp a. Tunah kha tiang khan a sawi chu ka lawm lo ve ringawt bawk.









" I thik chiang. I hmel kha.... Naupang pawh khan a hlau che in ka hria! " Taxi chhungah Lallimkimin a la rawn ti zui chu ka melh nghal rawm.









" Thik chhan tur ka nei lo! " Ka ti hlak a mahse engvang in nge hotel ah an awm ho tih mawlh ka ngaihtuah a nih chu. Ka u in in a chhuah san zan khan Faith in min rawn bia a, an hotel ah ka u a awm thu vel leh ang eng emaw min rawn zawt a. Ka lo hahdam ve em em a mahse tunah chuan ka hahdam tawh lo. Zanah pawh ka mu thei lo zual ngei ngei ang.









" Ka riah pui i duh chuan ka hnial lo mahse i duh ka ring lo. " Ka room a ka bai lut euh euh chu Kimkimin a ti sap. A tawngkam hi a thlum lo ve bawk a. Kan in chhang bul dun thin.









" Babyi ka phone ang ka tha mahse min riah pui hman chuan ka pawi ti chuang lo. I duh leh duh loh a ni mai. " Ka ti let ve kher chu ner nang in a riah tur thu a sawi a. In thlakna la tur a an hostel a kal a tum pawh chu ka thawmhnaw ha ve tur in ka ti ta ngawt.









" Room khatah chuan an awm lo ang ti raw? A hma pawn ka u hotel a a awm hmasak khan an awm tawh bawk a. Enga ti nge le? " Khum a thu chhuak halh in ka ti leh vak thin chu teu hlar in Kimkimi a rawn thu chhuak ve nghal.









" Movie en mood ah pawh min awm tir thei lo. I ngaihtuah viau chuan ka call dawn a mi. Ninawm e mai! " A rawn ti vin hlar chu ka duh bawk si lo. Ka u pawn vawi khat mah min la rawn be lo a, va biak hmasak ka duh teuh lo.









Ni thum kan inah Kimkimi a rawn riak a, in ka ngeih chu kan in ti lo a mahse in ngeih lo pawh kan ni tawh lo. Varanda ah pangpar tur ka pe lai chu gate motor rawn tlan lut vang chuan ka ding khawng nghal awt.









" Nu... " Motor atang a ka nu a rawn chhuah rual in ka ti nghal sap. Ka pa pawh, karleh ah an rawn chhuk dawn emaw ka ti kha a nia.









" Ruatpui i U bia la rawn haw nghal rawh se! " In chhung pawh lut lo in ka pa chuan a ti nghal hmuk chu ka pa hmel pawh ka hmu ngam lo. A aw atang khan a lawm lo tih ka chiang lutuk tlat. Ka u leh ka pa hian an thinrim chiah in Ruatpui min ti thin miau.









" Enge thil thleng hi? Hmingmawiin min rawn bia a, a thu sawi kha..... In unau hian sawi duh in nei em? Engvang teh hrep in nge in atang a chhuak a hotel ah i awm? " Ka pa chuan a office ah min ko lut in a ti chhur chhur a . Ka u sirah ka ding zum zal ringawt. Hetiang a ka pa hmel lawm lo hmel hi ka la hmu ngai lo a, ka hlau tak zet. Chair pakhatah ka nu a lo thu ve bawk.









" Hrep chuan tawng ta che u? In lei kha in lem tel a nih ngawt loh chuan. " Ka pa in dawhkan beng ri dawt a a rawn ti chhuak thawt chu phu chiam in ka u kut ka vuan chawt. Ka thin lah chu a phu nghal dawt dawt bawk.









" Pa.... " Tap tiau a ka ti chu ka u in ka kut a rawn hmer salh a. Mittui tling pam in ka u ka en chu mit meng dam dup in min lo melh ve chiah a. Ka pa thinrim kha tiang khawp a a lawm lo kha a hlau ve miah lo zawk nge ni.









" Ka vuak hma cheu hian pakhat zawk tak khan sawi fiah rawh u. Nula tlangval pawh ni tawh mah u la ka vaw hreh dawn hauh lo cheu! " Ka pa aw chang bawl vang chuan ka kaiza tha thleng in a khur ru der der thei.









" I fapa ka ni lo tih ka hre chhuak a! " Ka u tawng zawi sup vang chuan na zet in a kut chu ka hmer nghal vak.









" Reuben! " Ka nu in rawn ding chhuak in a ti nghal vak. Ka pa hmel tang tawlh tawlh leh ka nu hreawm ti hmel chu ka mittui kar atang in ka hmu a, hreawm ka ti ngawih ngawih.











" Chu chu eng tin nge i hriat? Hrep chuan tu phiangsen in nge sawi? Zomuanpui sawi vat rawh. Finfiahna khawiah nge a awm? Chutiang mi chhungkaw tih dar tum a dawt sawi chu A chak lo khawp ang! " Ka pa in thinrim aw hriam zet a a rawn ti hrawk chu ka phu chiam. Ka hlau thawng tak zet bawk. Kei mah ngeiin ka test tir tih a hriat phei chuan ka chungah a lawm loh dan tur chu ka ngaihtuah ngam lo.









" Kei mah ngeiin kan thisen test in ka fiah. I fapa ka lo ni ve lo tih ka hre bawk. " Ka u in a rawn ti ve nghut chu kun ngal in mit ka chhing tlawk tlawk.









" Chuvang chuan in i chhuah san a maw? Lalruatpuii hetiang thil thleng hi i nu leh pa lakah i lo zep a maw. Eng tin nge i thei zawk? Hrep cheu hian. " Ka pa in seh chilh nawk in a rawn ti sup. Chhan pawh ka chhang ngam lo. Ka u pawh hian chhang tawh lo se ka ti tak zet a mahse a chhang lo a nih chuan ka pa thin a rim zual sauh dawn miau bawk si.









" A ni thiam loh a awm lo. A dik a lawm! In fapa ka ni lo a he in a awm ve chhan tur ka nei lo. Nang leh ka nu hi ka nu leh pa in ni lo a, Angeli hi ka nau pawh a ni hek lo. Chuvang chuan.... " Ka pa in a kut a rawn vai fua a ka u nen kan pai nak. Ka rak that tual in ka nu in ka pa a rawn hnaih ve vat bawk. Ka tlu dawn emaw ka ti hman a mahse ka u in min vawn ngheh em avang in ka tlu bik em lo.









Ka u hmel ka hmuh rual in ka mittui a rawn luang chhuak pap. Ka hriat a chinah ka pa hian kut a la thlak ngai lo. Chuan tunah in a chhuah san chhan chu kei mah vang a ni a. Engkimah kei mah ber hi a thiam lo ka ni a mahse ka u in a tuar vek chu hreawm ka ti tak zet.









" Khang lang che chuan. Test pakhat tih vang in in ka chhuah san I ti a maw? I nu leh kei hian kan enkawl na zawng zawng che theinghilh thak in i rilru i kal pui a. Kan la dam ve tawk tawk thleng chu kan fapa i ni! " Ka pa in thinrim tih hriat zet a a ti chhur chhur chu ngaihthlak hreawm tak a ni.









" Ni e! Reuben hetiang rum rum lo hian tha deuh in kan sawi ho dawn a nia. " Ka nu in a rawn ti dam dap a. Mahse a mit mengah a na tih a lang chhuak zawt zawt thung. Ka thinphu rang lutuk vang a rawn thip deuh hlur chu thup tum in ka in hum ruh ngawt ngawt bawk.









" Ka rilru ka siam fel tawh kei hi he chhungkaw mi hi ka ni thei tawh lo. Ka nu, i fapa i hrin ngei ka nih loh avang khan hreawm ka ti thin. Mahse ka pa fapa ka la ni tal a lawm tiin ka in hnem fo a. Tunah chuan chu pawh chu ka ni pha tawh lo. In fapa ang in ka awm chhun zawm thei tawh hek lo. " Ka u tawng ri chu a hla tulh tulh a. Tunah tak chuan min vuan bet lo se chuan kei mah in ka ding zo hauh lo ang. Ka u erawh in a sawi tur a sawi zawh hma chu duh tawk tum hmel a pu lo chuan thawk a ti pik zual ngawih ngawih bawk.






thui tawk type a, a love story ah luh pui ka tum tawh nen ka lo muthlu daih a harh chiah a type ang ang ka rawn dah tawp. A ngaihnawm hran lo ang tih pawh ka hria. Next ah chuan an in ngaizawng tawh ang


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/