LOVE IS NEVER ENOUGH by Amy Cck (Completed)

[Ngaia]

CHAPTER - 31 by Amy Cck


* REUBEN ZOMUANPUIA POV *


" Eng thil nge ka tih! Hrep hian! " Ti chhuak hrawk in bathroom bang chu ka chum nghal chawrh. Mahse ka ngaihtuahna a fim meuh chuan engkim a pawi hman ve tawh. Thawk harsa ti zet in vawi tam ka thaw chhuak leh hawk thin. Mahse ka kawchhung pik lutuk erawh a reh phah chuang si lo.


Shower chu herh haw in tui vawt zet chuan ka in phuh tir sur sur a, mit ka chhin sawk real in tun lawk a Nautei a duh lo chung ka khawih lui lai hmel kha ka mitthlaah a rawn lang nghal phat a. Ka taksa chu a rawn tang nghal tawlh tawlh.


" I chet dan kha a dawi zep thlak tak zet! " Darthlalang a in en chuan ka phun chhuak hluk.


* FLASH BACK *



Hna atang Nautei a nuam sam lo a ka hriat avangin ka haw hma a mahse in ka thlen chuan a lo reh thiap. A mu emaw tiin room ah ka lut tlang a mahse a awm chuang lo. Dindini a room atang a rawn chhuak ka hmuh tak ah chuan Angeli awmna ka zawt tawp a, Dika nen an len chhuan thu awl sam zet in min hrilh a, ka thin a rim nghal hlur.


Chu aia ka thin ti rim tu chu Dindini tak ngial pawn Angeli leh Dika awm dan in a mit a tih kham thu a sawi chhuak ve hliai a. ' Ka pi leh pu awm loh atang phei kha chuan chhunah a rawn leng lut ziah a, ka room ah lehkha ka zir thin avang in enge an tih thin chu ka hre lo mahse an in kawm dan hi thian satliah pawh an ang lo! ' Dindini a tih chuan ka in seh ruh tawlh tawlh.


Nautei chutiang mi a ni lo tih ka ngaihtuah a , kei mah leh kei mah in hnem ka tum pawn tunlai Nautei mizia leh awm dan hian min hlat a tum char char tih ka hai bik hauh si lo. Dindinin chhun lamah Dika nen an len chhuah zauh zauh thu a sawi phei chuan thinrimna leh thikna hlir in ka khat nghe nghe.


Sofaah pawh thu hle hle thei lo chuan in chhungah ka vei kual thuak thuak a, pawn lamah bike ri ka hriat rual in ka pen chhuak nghal vut. Nautein hlim nui sang in bike a mipa thu chu a nui ang ver ver a, ka thinrimna in sum hman lek lo in ka chet phah hial bawk. Kha pa haw hnuah pawh kha pa lam tang khan min la tawng khum zawk te chuan ka thin a ti rim hlur bawk.


Mahse a tawng dan atang chuan a hma a a call ka lak loh leh nizan ka haw loh avang in a thinrim a nih ka ring a. Thinrim zet a hna ka thawh chhung a a khaw har thin thu a sawi chuan ka in thiam lo ve tho. A call ka lak theih loh ni khan hna thil vang in kan chhuak thut a, kei mah chiah ni lo in ka thawhna department ho a ni mai ang chu. Racheali erawh lirthei a kawl ve loh avang in ka bul ah a chhuang mai a. Ka phone office ah ka theihnghilh tih reng ka hre lo.


Hna kan zo zanriah kil ho an tih khan in lam call ka tum a ka phone ka theihnghilh tih ka hre chhuak chiah a, office ah let in ka la a, Nautei call tam zet ka hmuh chuan ner sawk in ka call back a mahse call a chhang thei lo chu, Dindini call in chaw ka ei chhuah tur thu ka hrilh ta tawp kha a nia. Kha thilah khan Nautei a lawm lo a ni tih ka hre hauh lo bawk.


Nizan ka haw loh chung chang pawh kha office ah ka riak tawp a. In ngaihtuah ka duh vang in Nautei nen kan chung chang a ni pakhat ang chu. Engtik lai pawn ka chungah a thinrim reng a, ka khawih chu sawi loh biak tak ngial pawh min be tha peih lo. Ho teah a thinrim in a lawm lo nghal zung zung a. Reacheli a ngaina lo tih a sawi atang khan kei pawn ka hlat ve mai a. Mahse office khat a thawk ho na na na chu kan lo in zui ve lo thei si lo.


Thenkhat ho lah hian a kawi zawng a thu sawi an hrat bawk nen. Reacheli te nupa in then chhan ah ka hming lo tel ve tawk lah an awm nuk a. Chu vang chuan Nautei pawh a rilru a hahdam zawk nan Aizawl lamah let pui ka ril ruk hial bawk.


Ka in ngaihtuah lai chuan k office ah Racheali a rawn lut hlawl a, rei pawh a awm lo bathroom ka kal hlan in a lo haw ve mai a. Nakinah remchang hmasa berah Nautei pawh thu sawi pui ka tum ta tawp.


Dika pawh ka zilh deuh vang kha a ni mahna a rawn leng lut ngai tawh lo a nih hmel. Mahse Nautei nen phone ah an la in be reng thin erawh ka hria. Choka lamah rawng a bawl hlan in a phone message ka check sak leh zauh thin a. Thian a ngah loh avang in a thian te ho chu ka hre ve vek bawk. Mipa pawh biak a nei ngai lo, Dika nen erawh an in be nasa tih ka hmu a mahse an in biaknaah rinhlelh awm em em chu ka hmu lo. Dindini thu min hrilh thenkhat vel te vang leh tunlai Nautein min hlat tak tlat vang hian ka thik viau tho.


Chu mai ni lo in Dindinin in a tihfaina lamah kan room ah in dan na damdawi a chhar min pe bawk a, chu erawh ka sawi lang duh lem lo.

*

" Sir hmu duh che an awm a! " Office kawngka rawn kik in staff pakhat chuan a rawn ti a, tu nge tih zawt lem lo chuan lo luh tir tur in ka ti nghal sup. Rei lo te ah Dika a rawn lut a, hepa hian ka office ah enge rawn tih tur a nei ka hre hrep lo bawk.


" Eng thil nge i duh a? " Ka ti hmuk.


" Ka rin aiin min lo lawm tha daih. Ka thil duh min zawt tur khawp a min ngainat ka lo ring lo a! " Nui suk a tiin chair pakhatah chuan a thu thla ve nghal a. In sum tum zet in ka thaw chhuak nghal hawk.


" Thu pawimawh nang nen sawi tur kan neih ka hre lo. Ka buai tih chu i hriat ve tho ka ring! " Ka ti ngut. Hepa rawn lan chin atang hian Nautei mizia leh chet dan engkim a danglam tih ka hria, chu vang chuan theih tawp in a lak atang hian lak hran ka tum a mahse hepa hrep hian a lo hnaih leh thin tih ka hria, chu vang a hmanni pawh khan in sum hman lo a kut thlak ka ni bawk.


" Aizawl lamah ka let dawn tawh a! " A rawn ti chu ngai pawimawh lo zet in mit ka san uk.


" Chu chu ka tan hriat a pawimawh ve in ka hre lo! " Ka ti hmuk.


" Pawimawh lem lo e, mahse ka rual in Angeli hruai ve ka tum a! " A rawn ti leh kher chu engtik laiin nge a kawr awmah ka tham hman ka hre lo.


" Ka hrilh chiang tawh che a ni lawm ni! Angeli hi hnaih lo tur in! " K ti nghal hrawk chu ka kut a rawn vawn hnan a a then lui nghal suk.


" Hei chu ka rin sa reng a ni. Vanduai thlak tak in vawinah kan sawi fel dun vek tawh sia. Angeli rem tih na thlap a ni bawk! " A rawn ti leh rual chu a thutna atang chuan ka tham ding nghal nawk.


" Chu thil chu a thleng ngai lo ang! Ka duh lo thil min tih tir hma hian chhuak rang rawh! " seh chilh nawk a tiin kawngka lamah ka theh nghal hrawk. Engtin nge kha tiang kha sawi pawh a sawi ngam zawk. Nautein min kal san ang maw?


" Min awi lo a nih chuan i haw hun ah i hre mai ang. Tunlai Angelin nungchang atang hian a nun atang theh chhuah che a tum tih i hriat ve mai ka ring. Nang kal san che a ka bul ah rawn kal a duh zawk thu min hrilh tawh a. Nang pawh a sawi pui vat ang che. " Ti leh chhuah a rual a , a chhuah rual chuan ka bul a dawhkan chu in sum hman lek lo in ka chum nghal tawlh.


Hna pawh ka thawk tui thei lo, in lam a haw pawh ka phur chuang lo. Vawinah kha pa nen an in hmu tih ka hriat ringawt pawn thinrimna hlir in ka khat a nia. Chu mai ni lo in ka haw hun ah kha pa sawi ang khan Nautein min kal san a duh thu min lo hrilh ang tih ka hlau tak zet bawk.


Tunlai kan in kar a chhan em em awm si lo a kan in hlat na chhan tur ka ngaihtuah phei chuan ka in ring tawk hlawl lo a nih chu. Nautein ka bul ah a awm duh lo tih min sawi khum a nih chuan kei hian engtin nge ka tuar dawn ka hre hauh lo bawk.


* END OF FLASH BACK *

Bathroom atang a ka chhuah chuan khum lu lam ngheng in puan sin in a lo thu tawm kak a, a meli ngai a melh reng bawk chu a lam pan in ka kal zui nghal vut a. A chung a kha tiang khan ka che zo chiah tih ka hria mahse ka in control thei na zawng zawng in min kiam san vek miau. Kha pa bul ah min kal san in, min chhuah san a tum tih a sawi khan ka hlauthawng em a, ka ngaihtuahna a ti nu vek miau.


" Min rawn hnaih suh! " A mit meng sen ram a min rawn melh chuan a rawn ti kha fak a. Thaw chhuak hawk in a lam ka pan lui ta tho. A bul a ka thut thla rual in a che nghal phat a , khum sir leh lam atang a kal sawn a tum chu a kawngah vuan in ka taksaah ka pawm bet nghal hmiah.


" Min khawih suh! Zomuanpui min khawih tawh suh ka tih kha! " Tah chhuah hlau tih hriat zet hian a rawn ti zui hlak hlak a. Thawmhnaw ka la hak miau loh avang in a kut tin chuan ka taksa rem lai lai chu a ham nghal tan tan bawk. Mahse ka kal tir thei lo, ka lakah a rilru a danglam a nih pawn kei chuan ka bulah awm reng tur in ka duh.


" Engtin nge ka chungah kha tiang khan i chet theih zawk? " Ka thlah duh loh avang chuan ka awm zawnah a rawn ti chhuak tiau. Chhuak zet chuan a tap nghal hlarh hlarh a, tun tum zet chu hmen dan ka thiam lo. A hriat reng tur thil ka thlen tir miau.


" Chhuak rawh! A nih loh chuan room atang hian kei mah zawk ka chhuak ang! " A rawn ti ram hmak a. A thei tawp a na in ka awm a rawn chhum nghal dawp bawk.


" Naute!" Ka ti zawi sup chu a rawn tal leh nghal vak .


" Kei mah in min awm tir rawh ka tih chu. Ka haw ngawih ngawih che i hria em? Ka hmuh theihah pawh awm suh! " A rawn tih leh vak rual chuan ka kuahna ka thlah dul ruai ruai a. Ka thlah rual chuan ka awm lohna lamah a tawlh sawn nghal vat.



Thaw chhuak hawk in ka ding nghal vut a, thawmhnaw in bel sawk sawk in , room ka chhuah san zui nghal. In atang erawh chhuah ka tum lo. Room ka chhuah san zawk lo a nih chuan luh lul chhuah in he in atang in tlan chhuah a tum lo ang tih ka sawi thei lo miau a.


Sitting room ah chuan vei kual thuak thuak in engtin nge hetiang hian kan in kar hi a rawn buai tak thut ka hre lo. Khawvar dawn lamah sofaah ka lo chhing ve zawk a nih hmel. Ka harh chuan khua a lo eng kuar tawh. Vawinah ka pu te nu pa pawh an zin an rawn thleng dawn a, sawi pui tur tam tak ka nei bawk. Aizawl lamah let ka rilruk thu hrilh ka duh a, chu mi ka tum vang chuan ka pu ai hna ka kal sak a ka project khawi ho zawh fel pui ka duh vang in hna ka thaw rim viau bawk kha a nia.


Chubakah Nautei hi uluk tak a check up neih sak ka duh. A taksa cher riak leh tthil ei tui lo zet te hi ka ngaihtuah ru riau a. Hetah chuan a man in entir a duh tlat si lo a. Room atang a a rawn chhuah chuan a mit a bui lak a. Nizan a mu miah lo tih ka hre thiam nghal vek.



Chaw kan ei lai te chuan awm ve lo ang mai in min ngai a ni chek ang chu melh pawh min melh duh eih lo. Dindini pawh a rawn haw ve a, dar 11 velah ka pi leh pu pawh an rawn thleng a. Vawin chu hna kal pawh ka tum buai ta lo law law thung.


Ka pu Aizawl lam a let ka sawi pui chuan chuan ka thu thu a nih thu in min chhang a. Kum chanve chuang meuh hetah kan lo awm ve tawh bawk nen sawi lang em em li mahse a hmel leh tawngkam atang in min ui ru ve viau tih ka hre thiam a. Mahse hetah awm reng thei kan ni miau si lo a.


Kan ti ti lai chuan pawn lamah hmeichhe mang ang au chul ri vang chuan hman hmawh zet in kan tlan chhuak a, chokaah Angeli nikhaw hre lo a a tlu chu ka pi leh Dindinin an lo buaipui mek bawk. Engmah pawh sawi lo chuan Angeli chu ka pawm kang nghal lawp a, rang zet in kawngka lam ka pan pui nghal bawk. Motorah ka dah luh rual in Dindinin a rawn thut pui a. Driver seat lam kawngka pawn hawng a thu lut in damdawiin lam pan chuan ka tlan chhuak zui nghal vut.

*

" I nupui hi a rai a nih hi! " Doctor in a tih chuan chhan mai dan tur pawh ka hre lo hial. Ka lawmna leh Nautei chung a ka chet dan vang a in thiam lohna ka neih chu a in zat reng miau.


" Naute hi thla khat leh kar hnih a ni tawh a. I la hre miah lo hi mak ka ti khawp mai! " Doctor chuan a rawn ti leh a. Eng eng emaw damdawi vel min chawh a. Nautei khum bul ah thu in a kut tang, hmeichhe kut tih hriat zet a sin sang chu vuan in ka in seh ruh ngawt ngawt. Engmah hlauhthawnna tur dang a awm loh avang in ka pu te nupa leh Dindini chu an haw hmasa a, kei ni pawh Nautei a harh chuan kan haw thei dawn bawk.


" Ka tihpalh Naute! " Rilru na zet chuan ka ti chhuak sup. Engtin nge ka lo hriat loh theih. In entir tur khan lo hruai lui hma i la chuan tiang em em a in chhirna hi ka nei kher lo ang. Kha pa rawn lan atang a a mizia danglamah ka lo puh ringawt kha at thlak ka ti leh hun hnawh viau bawk.


" A nih chuan indanna damdawi Dindini min pek kha tu ta nge? " Nautei mit chhiang chial a thaw sak sak chu en in ka phun chhuak sup. Nautei a rawn chet tak ah chuan ka ngaihtuahna atang a chhuak in Nautei chu ka ngaihven nghal vat. Min hmuh rual in a rawn meng thip leh nghal ram.


" Engvang in nge Nau i pai tih min hrilh loh? " Ka ti sup . Ka zawhna hre lo ang hmak in a hawi sawn zui nghal daih vang chuan ka thaw chhuak hawk. In lam kan panna kawngah pawh chuan vawi khat mah a tawng lo. Min biak chu sawi loh melh pawh min melh duh lo. Tukverh lam hawiin ngaihtuah nei ang mai hian a mit a khap fak fak a. Ka tih nat zia ka hria a min be tur in ka tur lui duh bik lo.


In kan lut chu ka pu te an lo lawm thiam ang reng khawp mai a, kan in ruk atang in thla 8 naah a ruak lo ve chiah a ni a, ti lang thiam chiah lo in kan boruak hian zir lutuk lo mahse ka thinlung tak erawh chuan ka hlim tak zet.


" Lo hahdam rawh ! Ka hmangaih che! " Khumah mut tir in a chalah ka hmui a nawr vang vang in ka ti sup. Room chu chhuah san in Dindini room lam ka pan zui nghal a. Room pawh kik lem lo chuan kawngka chu nem hawng in ka pen lut nghal vut.


" U Ruben enge ni a? Mamawh i nei a mi? " Dindinin a rawn ti chu melh ngur in a hma zawnah ka ding nghal hmuk.


" Angeli a rai tih i hria ti raw? Naute pawh thla khat chuang a ni tawh a. " Ka ti sup chu za lo zet in a then nghal sak.


" Ka... Ka lawmpui lutuk cheu a nia aw! " A rawn ti nghal sap chu za lo zet in ka nui chhuak hawk.


" Min lawmpui maw? Nang mah ngeiin a ni lawm ni Angeli leh kha pa in hnim hnaih thu sawi a, in danna damdawi pawh Angeli ei lai hmu tu kha! " Ka ti chang bawl chu mit a chhing nghal sawk.


" Kha kha... Eng lo... " A rawn ti bah nak a, a darah ka thing nghal nawk.


" Ka rin ang i ni lo khawp mai! I u nen unau ang mai a kan in en avang in ka nau ang tak meuh in ka en che a, ka ring bawk che mahse engtin nge hetiang hian dawt i sawi theih zawk! " Ka ti chhuak nghal hrawk.


" Ka tihpalh.... Ka tihpalh lutuk u Reuben! Mahse tih theih dang ka nei lo a lawm. Dik tak chuan U Dika khan ti tur in min ti lui tlat a. A sawi ang a ka ti lo a nih chuan ka... Ka video tha lo a nei a. A thu ka awi loh chuan midang hmuh a tum a. Ka tihpalh lutuk , khawngaihin ka pi leh pu te hrilh suh aw! " Tap deuh par hian a rawn ti a, thaw chhuak hawk in ka vawnna ka thlah nghal hmuk.


" Dawt i sawi a nih chuan ka en liam dawn hauh lo che a nia. I thil tih pawi thui zia hi i hre thiam kher lo ang! " Ti chhuak hmuk in ka pen chhuak nghal hmuk.


Ka pu be kawi leh in hna chung chang kan sawi dun a. A hna ka thawh sak ka chawl tawh dawn avang in sawi dun tur kan ngah viau. Kan in biak zawh meuh chuan a lo tlai duai tawh a, room ah ka luh rual in hahdam zet in ka thaw chhuak nghal suai suai.


" Engtiang a rei pawh min thinrim khum mah la ngawi reng in ka nghak ang che! " Ti sup in Nautei mu tawm kak chu ka lamah ka pawt hnai salh a. A mu tui viau tawh a nih ka ring engmah a hre lem lo. A kawr hak chhungah zen lut in a pum la thep hanah chuan ka kut ka nghat vung vung a. Ka fa a pai ve mek chu a nia. A hma aia nasa in ka duat ngei ang an pahnih hian.

*

" Tlaiah lo in siam rawh aw, khawiah emaw kan chhuak dawn a nia! " Nautein khum a thlep fel mawlh mawlh chu hnung lam atang kuah in ka ti sup. Engmah sawi lo chuan a thaw hak a. Ka lakah a thin a la rim tih ka hria. Engtikah nge a reh ang ka hre lo mahse a la reh ve mai ang tih ka beisei tlat.


Ka pu nen office lamah kan in khalh chhuak a. Vawiin hi hna ka kal sak tawp na ber tur a ni tawh a, tlaiah Nautei nen chhuah dun ka duh chhan pawh kha mihring tenawm zet chung chang kha pangai tak a hrilh hriat ka duh a, chubakah Aizawl lamah kan let theih tawh thu pawh hrilh ka duh. A lung a leng ve tawh tih ka hria a, sawi chhuak ngai lo mahse a awm dan atang ka hre thei miau.


Ka nu leh pa erawh ka la hrilh lo a, Rinzuala chiah haw kan tum chung chang ka hrilh a. Nautei nau pai chung chang nen. A tir atang a min pui tu a nih vang in Rinzuala lakah bat ka ngah viau bawk. Dindini pawh a thil tih vang khan Nautei nen kan in then hman teuh viau a mahse Rinzuala nau a nih vang chiah in ka ngaidam a ni mah zawk.


Dika... Kha mihring tenawm zet kha Nautei fing phakar tak a a lo hel kual vel vang in leh Dindini a lo vo avang in kut ka thlak a, ka duh dan phei chuan jail hial tan tir ka duh a mahse Dindinin min ngen nasa em a, engmah a pun hlun zawng a kal tir a suh loh bak ah an lo in chhung hnai vai bawk nen ngawih bo sak tur in min ngen nasa em a, lung dam vak lo in ka kal tir hram a tih theih ang chu.


______________________________________________


* ANGEL LALRUATPUII POV *


Ka u leh ka pu hna vang in an chhuak dun a. Ka pi inah a awm lo bawk. Dindinin hnen atang in Racheali leh ka u an in kawm nasat zia ka lo hre vel zel a. Mahse ka u nen kan in hauh vak atang khan an in zui tawh ngai lo a nih hmel. Mahse Dindinin ka pu leh ka u in clinic hawn na tur vel an buaipui tih min hrilh a, ka rilru tak chuan ka duh lo viau. A chhan chu he khua hi ka ngai na lo tak zet a, haw vat ka duh.


A ruk in vawin tlai lam sumo chhuak tur ticket ka la a, Dindini bul ah bazar a kal tur ang A in sawiin ka chhuak a, thu dik tak erawh kei mah a Aizawl lam a haw ka tum a ni mah zawk. Ka u in ka awm lo a nih chuan min rawn zui haw ve mai dawn tih ka chiang miau a, pawi erawh ka ti vak a. Tunah bhat phei chuan a lakah ka la ti tau mek a, a nupui pawh ni i la kha tiang a tihluihna ka chungah a hmang kha ka pal zam mai mai thei lo.


Tunah phei chuan Nau ka pai tawh bawk a, min hmangaih a ka bul a a awm duh tak tak a nih chuan min rawn zawng em em ang. Dar 4 ah khua kan chhuah san a, ka u te erawh dar 6 ah office an rawn ban vel ka ring a. Kan tlan thui hman viau ang.


Ka rin ang chiah in thim that that atang in ka phone ah call a rawn lut tan a. Chu pawh ka u hnen atang vek in. Mahse pakhat te mah lak ka tum lo. Zan dar 9 velah zun ram thiar a in hnawh puar tur in kan chawl a. Ka thut pui te ho chu nu ho deuh hlir an ni bawk a, an bul ah ka tal ve tawp. Tlaiah engmah ka ei loh avang in motor ka rui deuh chu ka hai deuh chuai bawk.


" Nula.. Kha i phone a ri char char a, ka lo lak sak mai che a sin biak chhun zawm rawh! " Motor chuan pah a ei tur nep nawi ka nei motor lam a ka let chu ka thut pui nu in a lo ti vat a. Hlauthawng lutuk in ka phone ka ban nghal chu ka u call a lo la ni in. Ka thut pui nu lah chuan engmah hre ve hek lo in ti fel lutuk in a lo la fel at a nih chu.


" Engvang in nge ka tel lo a I lo chhuah? "Phone ka beng bul a ka dah rual in ka u aw vin zet in a rawn ti chhuak hrawk a. A aw rawl ring lutuk chu ka bul a nu pawh chuan min rawn melh nghal vat.


" Ka haw tih i hriat chuan a that chu! Min lo ngaihtuah duh suh. Ka dah a nia! " Tih leh phone off ka rual nghal. Aizawl ka thlen hun ah chauh hriat tir ka tum nen, ka chhe leh zo vek. Mahse a Zan a Zan chuan a rawn chhuah ve peih ka ring chuang lo.


Ruah hmi a tla seng seng a, fur lai a ni bawk nen boruak vawt vur vang chuan ka bag a puan ka ken ve chhun chu ka la chhuak a, Dindinin mak min tih ka hlauh vang in ka thawmhnaw pawh ka keng mang lo. Earphone in ka phone a hla chu ka ngaithla a, thil dang ka rilruah ngaihtuah lo hram ka tum a ni ber ang chu.


" Eng thil nge ni ta? "


" Tu nge saw chu... Kawng pangai awm reng a, saw tiangah a rawn din a! " Sumo chhung a tawng leh phun nak nak vang chuan peih lo zet in mit ka meng a ka lo muhil a ni mai thei. Ka nghawng lah chu ka delh sual nge a na em em mai leh nghal. Midang ho hawi na lam ka en chu ka meng bial nghal kawk.


" Ka awi thei lo! " Ti chhuak sap in ka earphone vuah chu ka pawt thla nghal sawk sawk a. Kan sumo tlanna tur dal zawng in ka u in a motor a lo hung run a nih chu. Ka en reng lai chuan kan sumo lam a rawn pan a, driver hnung chiah tukverh bul a ka thut avang in min rawn hmu har lo viau leh nghal.




" Lo chhuak rawh! " Kawngka rawn pawt hawng in lawm lo aw ri bul hmuk in a rawn ti a, ka chuan pui ho chuan min en hrak hrak bawk. An then an phun sep sep leh nghal. Ka thut pui nu in call a lo lak khan kan motor hming a lo hrilh hman a ni ngei ngei ang! Ni lo se a rawn lan thut dan hi ka hre lo.


" Eng thil nge ni a. Ka passenger a nia buaina a awm a mi? " Driver in motor chhung light rawn ti eng in a rawn ti ve nghal a.


" Ka nau hi tlan lak lakh viau mah u la ka rual a ka hruai mai a ngai ang! In lo hre thiam hram dawn nia! " Ka u tawng zawi sup vang chuan ka ner nang. A nupui ka ni emaw tia a nau ang a min sawi daih chu ka lawm lo lek lek.


" A nih chu! " Driver pawh chuan a rawn ti muang ban charh a. Kei erawh ka thut ngaiin ka thu ngar thung.


" Ka pawm chhuak hreh miah lo che a nia! " Rawn kun hniam in ka beng bul ah a rawn ti sup a. Ruah sur bawk nen a jacket te chu a hnawm nghal chuap a. A mit meng tak ngur a ka melh rual in mit rawn san uk in ka chhuah theih nan a ding sawn deuh hrut bawk.


" Ka zui dawn lo che! " Ka ti sap chu lawm lo tih hriat zet in a thaw ri nghal hrawk. Kei erawh in ring ran a thu in ka phone chu ka hum ngawt ngawt a. Midang an awm ve bawk a, a duh ang ngawt chuan a chet ngam ka ring lo. Mahse ka ring sual tih ka hre chawp chilh nghal. Rawn kun hniam in min rawn pawn chhuak nawlh chu ka rak nghal that.


" Kan lawm e! " Ti sup in kawngka chu hnung zawng in a nem khar dawp a. Ruah sur hnuaiah chuan a motor lam pan in min pawm phei nghal pawk pawk a. Tal vak in awm zia a nei der lo leh nghal.


" Rawn chhuah tum suh! " Passenger seat a min thut luh tir in a ti sup a. Kawngka chu khar in motor chu a kal hual nghal pawk pawk a, rum zet in ka melh ta ngawt. Ka rin au ruah a lo tak bawk nen rei lo te chhung pawn ka huh nghal vek a nih chu.


Driver seat a a rawn thut luh rual in motor chu a hung rem hmasa phawt a, sumo chu a kal thei tih nan a kut a vai nghal zauh bawk. Motor chhung light ti eng in a jacket chu a hlip nghal vut a, a che kual vel chu ner nang in ka melh tawp. Tu nge tun ang zanah min rawn um phak ang tih hria.


" Rei lo te min sawi pui tur tal in min lo nghak thei lo a mi? " Motor tlan chhuah tir pah chuan a ti hmuk. Nghak pawh ni i la haw a phal ka ring chuang lo. Clinic hawn a la tum deuh deuh tih ka hre ve reng miau.


" I bo emaw tiin kan mang ang hman tih i hria em? " A rawn ti leh sup chu A lam hawiin ka melh nghal rawm.


" Bo tur khawp a naupang chhia ka ni a mi? " Ka ti fak chu a rum nghut.


" Naupang chhia chu ni tawh lo e. Mahse i chet dan a naupang chhia miau! " A rawn ti ve hmuk chu ka thin a sa phat. Mahse ka chhang buai peih lo. Rei tawk fang in be lo in kan thu chawt chawt a. Ka thinrim na erawh in rawn alh chhuah an chak et et thung.


" Khawi lam nge kan pan? " Ka in sum thei lo chuan ka ti chhuak leh ta nge nge. Champhai lamah kan let leh nge Aizawl lam pan in kan la tlan mek ka hre der lo.


" Ka thiam loh a ni, mipa dang nen in zawmna nei ang a ka ngaih che a vang khan! " Ka zawhna chhang lo chuan a rawn ti sup. Chhang let lo chuan ka ngawi hmak thung.


" Nau I pai ang tih rin ngaihna pawh ka lo nei lo! " Nui ro hawk in a ti leh sup. He thilah hi chuan ka dem bik lem lo, min hnaih lo tur a ti tu kha ka ni miau a, in entir tur in vawi tam min ti a duh lo tu chu kei mah ka ni miau.


" Tihpalh tih ringawt kha a tawk i ring a mi. Ka chung a I thil tih kha i hria em? Ka duh lo chung min khawih a nih kha! Kha thil kha engtin nge i tih dawn? Kei hian ka theihnghilh theih i ring em ? " Ka ti chang fak. Nupa chu kan ni ngei a mahse ka duh lo chung min khawih luih theih na dan a nei lo.


" Min ngaihdam theih nan enge ka tih ngai? Ka dik lo tih ka hria lawm. Mahse i tawngkam khat lek avang khan ka duh loh thleng in ka kal phah tih i ngaihtuah ve em. Chan che ka hlauh zia pawh i hre chiang. Racheali i ngai na lo tih ka hria a, ka theih tawp in ka hlat a.


I bul ah pawh vawi tam in sawi fiah ka tum a mahse i ngaithla duh ngai lo. Min huat thu i sawi fo mahse kei chuan pawi tihna ka nei hauh lo. A chhan chu ka bul ah u la awm tho avang in. Engtiang a nasa in min thinrim khum thin mahla kei chuan ka dawh thei vek che mahse ka pal zam theih lo pakhat a awm ve a sin.


Ka bul ah mipa dang tan zawng a I khawsak ka phal lo a, mipa dang min pan san ngat phei chu ka phal ngai lo ang. Chu chu hre rawh, ni eng emaw ti chhung min hlat i tum char char a, ka khawih tak ngial pawh duh lo khan kha pa hma a I nui hmel i hmuh bik kha engtin nge ka ngaih i rin? Kha mi tenawm zet kha! " Seh chilh nawk chuan a rawn ti a. Dika chung chang a sawi dan vang chuan ka lawm lo ve nghal.


" Ka thian a ni ka tih tawh kha. Ti nge i huat em em a. " Ka ti chhuak vak.


" Hre che hian! Kha pa kha i thian ang pawn sawi tawh ngai suh! " A rawn ti chhuak thawt chu ka phu chiam. Enge heti fako a a huat chhan hi ka hre nek lo.


" Nang in hmeichhia i kawm theih laiin engvang in nge mipa thian ka neih theih loh bik ang! " Ka ti ve fak. Ruah lah chu a tla tak tulh tulh leh nghal. Ka phone rawn vibrate vang chuan ka en zawk ang. Sawi lai mek in Dikan a rawn call a nih chu. Sumo a ka chuan lai khan Aizawl lam pan in ka haw tih ka hrilh ve miau a.


" La suh! " Rawn ti hmuk tu chu melh ram in ka la lui ngat. Thinrim zet a thaw chhuak hawk in a kut pakhat zawk chu ka lamah a rawn lek vut a. Ka phone min lak sak a tum tih hria in ka lo tang ve tlat bawk.


" Sual viau lo teh! " Ti hlar a ka thutna lam kawngka ka nek rawk rawk chu min rawn melh nghal ngur in ka phone chu min chhuh sak ta tho.


" Hmela ka haw lutuk che! " Ti vak in ka thu ngil a, ka phone a rawn rik leh rual jn motor khal reng chung chuan a melh nghal vut a. Hma lam ka hawi rual in hlauthawng lutuk in ka rak nghal that a, ka u in phun hluk a motor stearing a her kual pawp pawh chu ka hmu! Ka taksa in sawh deuh chawr leh ka thutna lam a ka u in a kut a rawn phar chu fiah lo ruai in ka hmu bawk!

Ads i la click ve lo a ni maw? A hnuaia ads milem khu lo click ve rawh le
Ads i la click ve lo a ni maw? A hnuaia ads milem khu lo click ve rawh le
Ads i la click ve lo a ni maw? A hnuaia ads milem khu lo click ve rawh le

[Ngaia]

CHAPTER - 32 by Amy Cck


Thil ri vung vung leh a chang a kiu ri ruai ruai chu ka bengah a rawn ri nawn leh thin, a hnu lawkah engkim chu a rawn reh leh duk a. Ka mit men a enge thleng tih hriat ka duh a mahse mit erawh ka meng thei miah lo thung. Ka taksa chu tih chet tum in ka han tang leh vak a mahse engmah awm zia a awm lo. Room ruak zau takah kei mah chauh a awm ang mai hian a engkim chu a reh in a chawl duk vek a nih chu!


Chutiang a rei fe ka awm hnu chuan ka awmna atang a hla lo tih hriat zetah nausen chhuak zet a tap ngak ngak ri ka hre zawm nghal a. Vawi leh khatah ka ngaihtuahna a rawn fim nghal vek bawk. Ka u nen motorah chung in kan in hnial buai a, chuan accident kan tawk a ni tih ka ring nghal hmak.


" Ka naute! Ka naute kha! " Chiang zet a mit ka men rual in ka ti chhuak nghal vak a. Mahse rang zet in mit ka chhing leh nghal. Ka khaw hmuh var pup vang khan a ni mah na. Ka nu aw hian min rawn ko nghal mawlh mawlh a. Mahse ka meng thei tawh lo, ka lu chu a na nghal ngut ngut a, ka awm zawn rawn thip vin tur leh thawk chhuah harsa zet vang chuan ka buai zui nghal a ni ber.


Oxygen hmang in min thawk tir tih ka hria, tawng chhuah a, khawnge ka naute a awm toh ka bul a mi tr ho chu zawh ka duh a mahse engmah ka ti thei lo. Zawi muang in ka taksa chu a zawi riai riai a, ka thawk hreawm zet kha muang chang in a rawn reh riai riai a, chutiang chiah chuan ka ngaihtuahna pawh a fim lo tial tial bawk.

*
" Mutduhnu! ... Naute... Ka khuavang naute hi rawn men a la tum lo a ni maw! " Ka aw hriat than zet hian nuihza in sum aw pa zet hian a rawn ti thawp sup a. A kut tang sei thlurh a ka hmai tlang a rawn zut kual ruai tak ah chuan mit chhing reng chung chuan ka nui sak.


" I harh tih ka hria a nia! " A kut zungpui a ka hmui rawn tuai hauh hauh a a ti leh sup avang chuan mit la chhing reng chung chuan a kut chu ka vuan bet chawt a, a rawn nui che nghal dawt.


" Naute Anu chuan a hmu ve chak vak lo che a nih ka ring. Mit tak ngial pawh a rawn meng duh lo a nia! " Nuih za aw thawp sup a a ti ri avang chuan peih lo zet chuan ka meng chhuak a. Ka bul mai a mipa lo thu vang chuan ka nui chhuak hak. A kutah dim hmel zet hian naute a pawm bawk a, duat tih hriat zet a a awi leh thin te chu engmah sawi lo in ka en reng a, ka hlim tih bak sawi vak ngaihna ka hre lo.


" Kan tlangvala hi i hmuh ve chak ka ring! " Ti sup in min rawn thut hnaih leh zual a. Phur zet a nui ver ver in ka mu lai chu ka thu chhuak a, ka u in a naute pawm chu dim dawi tih hriat zet in min rawn pe a. A mit meng fiah kalhah chuan ka u mit meng chiah chiah ka hmu, a pa ang chiah in naute mah nise fiah zet in min melh chho kiau a. A kut te tak te, sen no chek a ka hmai rawn khawih tum ni awm tak a a rawn ban chu ka kut in ka lo vuan chat a, ka kut zung chal chu a hum bet ve nghal tai a ni chu .


" A fair lo e! " Ka naute duhawm zet en chung chuan ka ti sap. Ka u hmel ka en rual in mit a rawn chet uk a, ka nui leh sak.


" Min chhun lo bik! En thuak hian nangmah a ang che a, chiang deuh a en phei chuan nang mah chiah chiah a nih hi! " Ti fiamthu in ka u en reng chung chuan ka ner zui nang a. Ka u mit a hlimna rawn lang chu hmuh a nuam tak zet.


" Chutiang chuan i ngai maw? Kei chuan nangmah chiah chiah ka lo ti a sin. A mit te, a hnar te, a hmui zawng zawng te hi nangmah ang vek a te leh duhawm vek a nih hi! " Nui chhuak hawk in a rawn ti a, hnai chetah a fapa ka pawm beh mek chu a melh nghal run a.


" Awiawm lo! Ka lawm nan i sawi mai mai a nih kha! En la... A mit meng te hi nang mah chiah chiah a nih hi aw! " Ka ti chhuak leh vak a. Thiam vak lo a a fapa a lawm chu ka en zui reng bawk. Naute chuan a pa in a fiam tih a hrethiam ve tawh a ni mahna ka u hmai vel chu khawi tum in a kut a phar va ar ar a , a khawih fuh dawn ve leh ka u lah chu a lo awm sawn ve zel bawk chu a rawn khek ve rai rai a, chu chu keiin hriat nuam ka lo ti ve em em bawk a nih chu.


" Tlangval anu aia apa min chhun a vang in anu hi a lawm vak lo a nih hmel! " Min rawn melh in a ti sup a. Ka lo ner nang.


" Naute dang kan neih leh hun ah chuan kei mah zawk min chhun tawh hrim hrim! " Ka ti ve ngat a. Ka nui chhuak nghal hak mahse ka u erawh a nui ve duh miah lo. A ka reh mawi zet chu a chip hmak a, a mit meng hlimna a khat kha thawk leh khatah rawn in thlak in , mit meng vawt ruih, lungngaihna leh in thiam lohna thuk tak nei ang maiin a awm a nih chu.


" Dik lo a awm a mi? Naute... Apa thin kan ti rim ringawt a nih hmel! Apa chhun viau mahla anu hi min duh zawk a ngai ang! " Boruak tih thawven tum zet chuan ka ti chhuak leh vat a, ka u pawh a rawn nui leh ta suk.


" Mit i rawn men leh hun kan lo nghah rei zia i hria em.. Ka Naute! " Ti sup in a rawn awm hnaiah ka hmuiah a rawn fawp nghal vawng vawng a.


" Engtia rei nge? " Kan hmui in si reng chung chuan ka ti sap a. Min chhang mai lo chuan a nui nghal suk.


" Mahse ka hrethiam lo! Engthil nge thleng tih hi? " Ka ti nawn leh sap a, ka thu sawi chu a bengkhawn vak lo a ni ka ring , a kut tawng hrawl zet chuan ka sam karah rawn zen lut in ka hmuiah chuan a rawn fawp leh chawt a. Min tawh dan chu a ril in min thlahlel ngawih ngawih tih ka hre thei.


Uar leh duhthaw zet a min fawhna chu hnial buai tumna ka nei lo, a biang lum vung vung a vuan chuan ka chhang let ve nghal vat a, a in lak hran meuh chuan kan thaw dun ham ham. Ka pawm mek ka fapa muhil chu a rawn rum tiah tiah a, ka u in a rawn ban rual chuan sawi sel lo in ka pe ve mai a.


" Tunah chuan chhungkaw dik tak kan ni ve ta! Ka nu leh pa pawn min pawm tawh hrim hrim! " Ka u leh ka fapa duat zet a in pawm en chuan ka phun sap a. Ka nu leh pa ka ngaihtuah chhuah rual in engvang a room ah hian awm ve lo nge an nih ka ngaihtuah zui nghal.


" U... Khawnge midang ho hi! Ka sawi awm zia chu ka nu leh pa te, chuan ka pu te pawh! Ka harh tih an la hre lo a mi? " Zawhna mit meng a ka u ka melh chu min chhang lo in a ding nghal vut a, kan fapa chu a awi nghal hlu hlu bawk.


Ka en reng lai chuan kan fapa chu a rawn tap a, ka u in thlem tum a a awi reng chung pawh chuan a tap uar deuh deuh zawk leh nghal.


" Khawi... Ka lo la ang! " Tih leh khum atang a chhuk a, ka u naute pawm lai chu lak ka rual a, kan naute tap ngak ngak chu bia in hrethiam dawn rih lo mahse ka be nghal malh malh a. Anu kut chu a hre ve a ni mahna a tap pawh a ngawi zui mai bawk.


" I lo hmu em? Nang aiin min ngaina zawk chiah! Ka pawm chuan a tap tawh miah lo! " Ka hma zawn a ka u ding khawng luah a kan nufa in pawm a, in thlem kual vel min lo en tu chu in ti thei toh hriat zet a melh a ti sap in ka nui nghal ver ver.


" Ngati nge? I ring vak na nge? " Hlim hmel a put loh avang chuan ka ti nghal sap.


" Nang hi.... " A hmel tak ngur vang chuan melh chho in ka ti leh a, engvang a khi tiang mit meng khi min hmuh fo nge a nih ka hrethiam lo.


" I fapa hi i thik a ni maw? Naupang chhia viau suh aw! " Ti leh hlak in ka fapa ka pawm mek chu ka sawi det det a. Hetiang em em hian naute hi an hmeltha thei in ka hre lo hial.


" A hmeltha ti raw! A duhawm zia hi, a hmel en pawh hian a eng phet phet maiin ka hria! " Ka fapa en chung chuan ka phun leh sap. Ka u chu a rawn thaw hawk a, a awm dan vang chuan ka melh chho vat.


" Khating khan ti nge i awm a, kei ka hlim em em a, mahse i hlim ve pawn ka hre lo! " A tawp a tawpah chuan lawm vak lo hian ka to chhuak ta nge nge.


" In pahnih a ka hmu dun cheu hi ka hlim tak zet! " A rawn ti sup chu ka ner nang.


" A nih chuan i hmel a va hlim hmel si loh ve! Chu bakah khaw nge midang ho pawh hi. " Ka ti nghal vat. Eng emaw sawi duh nei sawi chhuak thei lo ang mai hian a thaw chhuak leh hawk a. Ka fapa chu a rawn la leh nghal bawk.


" Eng thil pawh thleng se kan fapa nen hian kan hmangaih lutuk che tih theihnghilh ngai suh aw! " A rawn ti thawp sup a. A ban lian zet a kan fapa muhil chu a melh zui vawng vawng a chumi zawh ah mit meng rilru natna leh khawharna a khat hian min rawn en ve nghal. Enge a chhan pawh ka hre lo a biangah a mittui a rawn luang thla ve nghal pap.


" Nga... Ngati nge chutiang thu te i sawi a? Tunah ka rawn harh ve chiah a, chuan fapa duhawm zet kan nei bawk a. Ka nu leh pa pawn fa kan neih chuan min pawm tawh ang ti tu pawh nang mah i nih kha! “ ka ti chhuak sap.engvang a ka lung hi rawn chhe ta em em nge a nih ka hrethiam lo. Ka u leh kan fapa hian min kal san dawn ang tlat a ka hriat vang a ni mah na.


" Naute! " A rawn ti tawp sup a. Sawi chhuak lo mahse a mit meng atang khian min kal san a tum tih ka hmu thei. In seh ruh vak in a hmaah chuan ka ding a, ka mittui lah chu dan sen lo in a rawn lung chhuak ngiai ngiai leh nghal.


" Engmah sawi lo mai rawh! Ka nu leh pa pawh kha ka sawi ve mai mai a nih kha, ka ngai lo hrim hrim. Nang leh kan fapa bul a ka awm chuan midang ka mamawh lo! Khawi... Lo la rawh hnute ka lo pe ang! " Tih leh kan fapa a pawm lai chu ban mai ka tum a, a phal lo nge a tawlh sawn hrut a nih chu. A awm dan vang chuan ka thin a rim nghal hlar bawk.


" Min lo pe rawh ka tih chu! A ril a tam tawh ang! " Tih leh ka kut phar chhuah ka rual a, mahse ka naute chu min pek tum hmel reng a pu lo.


" U... Naute kha min pe rawn ka tih chu ! " Ka thinrim bawk si a awm dan vang a hlauthawng bawk si chuan ka ti chhuak nghek a. Kan fapa pawh ka tawng vin leh ring zet vang in a muhil a rawn harh a, a tap nghal vak bawk. Chu mi rual chuan ka awm zawn hi a rawn thip nghal zawk a, ka ner sak.


" Engkim avang khan ka tihpalh. Kei leh ka fapa i bul a kan awm ve theih loh vang pawh in min ngaidam dawn nia! " Rilru na tih hriat ngawih ngawih hian a rawn ti thawp sup a. Ka awm zawn na lutuk vang chuan ka kut chuan ka dawm ngawih ngawih a. Ka u mit meng thim khup leh vawt rai a mittui tling chu ka hmuh hmaih chuang lo.




" Chutiang sawi suh! Kan tha vek a lawm. Heii... Kei pawh ka rawn harh tawh a, chuan ka bulah nang i awm a, kan fapa pawh! Chuvang chuan ka naute kha min pe rawh, a ril a tam a nih kha... Ka kut a ka pawm a nih chuan rei lo teah a tap a bang leh vat mai ang! " Ngen ngawl zel a ka u chu melh in ka ti chhuak tiau. Kan naute lah chu a tap uar em em mai leh nghal.


" Ni lo... Naute..i la harh hlei nem! Mahse i harh vat ang. He hmun atang a I kal hun ah pawh min rawn ngaihtuah lutuk lo la, kei ni chu min hmu ve tawh kher lo ang mahse i bulah kan awm reng tih theihnghilh ngai suh. Kan fapa nen hian kan hmangaih lutuk che a nia! " Ti sup in za lo zet in a then suk a. A hmel a lungngaihna thuk tak rawn lang chhuak vang chuan ka nui ve thei tawh lo.


" Enge i sawi awm zia chu! Ka la harh lo maw? Ka harh hun ah nang leh ka naute te in awm ve dawn lo i tih chu enge awm zia! " Hrilhai zet chuan ka ti let sap a. Engvang a hlauhthawnna in min rawn luah khat nghal mup mup bawk.


" Min fiam kual reng lo teh! Min ti hlauthawng a nia. Ka naute kha hnute min pek tir rawh! A ril a tam a nih kha. " Tih leh an lam pan a ka kal hnai chu ka u leh ka fapa chu an hla tawlh tawlh a. Ka bul mai a ding kha an ni sia mahse tunah chuan an hmel pawh ka hmu phak tawh lo. Ka lu na leh awm zawn thip lutuk vang chuan chhuatah ka thu thla hnawk a, ka taksa chu na lo lai pawh an awm tawh lo, ka thi dawn emaw ka ti hman hial a, mit chhing ngawt ngawt in harsa ti zet in ka thaw leh halh thin. Mit ka meng leh chiah chu engkim an reh nghal thap.


Ka taksa tih chet a thawh ka tum chu ka thei ta hauh lo. Ka harh hmasa zawk kha chuan na engmah ka nei miah si lo a, tunah hi chuan ka lu tak ngial pawh ka ti che thei lo. Ka lu tih chet chu sawi loh ka mit meng te chu a kham vek a. Ka harh hmasak a ka thawh dam ngaihtuah chuan kei ngei pawn mak ka ti. Sir lam hawi a ka lu ka thle phei chu tukverh bul a mipa ruang am lian zet ding vang chuan ka thaw nghal huai.


" U..! " Ka ti chhuak sap a. Fiah lo ruai a tukverh bul a mipa ding rawn in hre chu en in zawi muang in ka lam a rawn pan a, mahse ka bul a rawn thlen rual in hlauhthawnna in ka khat nghal.


" Angel... Lalpa leh ka va lawm em! " U Rinzuala chuan a rawn ti sup a. Kei erawh in tu emaw hmel hmuh beisei in ka mit ka len nghal ruai. Rei lo teah ka nu leh pa an rawn lang a, damdawiin khumah chuan ka thu awn diai a, u Rinzualan min check nghal sawk sawk a, ka tha viau a nih hmel. Ka nu leh pa pawh an hahdam hmel huai.


" Ka rin aiin i rawn tho harh daih mai. " U Rinzualan a ti sup a. Mahse ka taksa erawh a dam lem lo tih ka hria.


" Nu... Khaw nge ka u? Chuan naute pawh? Ka harh ve leh a min hmu tur a an lo awm ve loh vang in an chak lo ngawt ang! " Ka ti nghal hmak. Ka tawng dan atang pawh in ka lawm lo tih an hriat vek chu ka ring. Mahse tumah chuan min chhan an tum lo. Min chhan chu sawi loh an mit mengah chuan ka a ta emaw an ti te pawh a ang zawk hial.


" Bawihte! Kum khat chhung zet coma in i awm a! " Ka nu chuan a rawn ti tham chel a. Ka pa hmel chang tawlh tawlh pawh ka hmuh hmaih lo chiang lutuk.


" Chuvang chuan a lawm ka naute awmna ka zawh cheu? Chuan ka u pawh ka hmu duh! " Ka ti leh vak. Ka nu chu a in sum hman lo nge a tap chhuak ta hawk a. Ka pa in a kuah bet nghal vat a. An awm dan chuan min ti ham haih ta zet bawk.


" Ngati nge kha tiang khan in awm a." Ka ti nghal vat. Mahse ka pi thu sawi avang chuan ka nghil dup.


" Engmaw in sawi a? Tu maw dam khawchhuak ve lo chu? Nang ni ho hian dawt min hrilh tih ka hria a nia. Ka harh hmasak zawk pawn an awm reng kha. Ka hria a lawm! Ka... Ka hria a ni... " Ka ti zawi raih.


Ka harh hmasak kha chuan na ka nei lo, tunah erawh chet harsa khawp in ka taksa te hi an khawng in an na a. Ka harh hmasak kha chuan awlsam tak in khum atang khan chhuk in ka u leh ka fapa kha ka pan mai thei a mahse tunah hi chuan kei mah in tui tak ngial pawh ka in thei lo. Ka harh hmasak zawk kha chuan ka u leh ka fapa chiah kha ka bulah an lo awm a. Mahse tunah hi chuan ka u leh ka fapa tih lo chu an vaiin an awm vek!


" Ai... A ni lo ang! Engkim kha ka mumang ni tur chuan a tak an ang lutuk mah mah a sin. Ka naute kha ka kutah hian ka pawm a, a mit meng fiah kiau in min en a, chuan mawi zet in min nui sen sen a sin! Ka... Kut tang te pawh a hum ve tai a. Engtin nge nau ka chhiat ang a in sawi theih? In thu sawi hi ka ring dawn chuang lo. Nang ni ho te chuan a hma atang daih tawh ka u nen kan awm dun in phal lo a nih kha! " Ka ti chhuak nghek a.


Ka au ring lutuk chu ka thin a rawn thip nghal hlar thei hial. Ka pa chuan min kuah bet hlun a, kei erawh in ka tap ka bang thei lo. Engtin nge dawt a nih theih? Ka u in min fawhna lum ham ham kha ka feel thei a, an pafa in fiam lai te kha chiang tak in ka la hmu thei. Kan fapa nii kher ralh ralh leh ka u hlim nui hawk hawk te kha mumang an ni ka phal lo.


Tunah pawh ka fapa ka pangti lum thlahlel a uar zet a a tap ri kha ka bengah a la cham reng a, mit ka chhin rual in ka u in kan naute a pawm a, a awi hlu hlu lai kha ka hmu nghal zat bawk. Mit ka men in khang zawng zawng kha ka mumang an ni tih ka hre thar a, a hma ai zawng in ka na zual ngawih ngawih bawk!


" Engvang in nge ka harh chhuah bik! An bulah khan ka awm ve chak tak zet pa... " Ka pa awm zawnah chuan ka tap chhuak hawm hawm a, cabin chhung chu a reh thiap a, ka tap ri rawi rawi bak hriat tur a awm lo.


Kan accident hnu khan kum khat zet harh chhuak lo in ka lo awm reng a. Ka u erawh accident naah khan a boral niin an sawi a, ka motor kha motor lian in kawng thlang lamah min nawr liam a, thui tak kan lum an ti bawk. Ka nau pai pawh ka chhiat a, tunah kei chu ka harh chhuak ve chauh a. Midang tan chuan kum khat lai ral tawh mahse ka tan chuan hman ni lawk a thil thleng ang maiin ka la mitthla thei thung.

*
*

" I lo in siam fel vek tawh a ni maw? " Ka cabin a u Rinzuala rawn lut in a rawn ti nghal zat a. Lu ka buk khum nghat. Thla thum zet ka harh hnu in damdawiinah ka la awm a. Kum khat meuh nikhaw hre lo a ka mut avang in ka taksa pem neuh neuh chu an dam vek a mahse ka ruh lam in a tuar em avang in treatment ka lak chhun zawm a.


A hma ang chu nise inah pawh therapy chu ka la thei ngei ang. Mahse, ka u tel lo a kan in a let kha ka ngam ngang lo a, damdawiinah ka awm rei phah bawk. Ka chhungte pawn min hrethiam zel in engmah an sawi buai lo a. Mahse damdawiin lam a awm reng thil theih a nih loh avang in ka chhuah chu a ngai ta tho a nih hmel.


" U Rinzual kal duhna ka nei a! " U Rinzuala lam hawi chuan ka ti sap. Ka kal ang nge kal lo ang tih vawi tam ka in ngaihtuah tawh a, mahse ka rilru na lutuk a dam phah deuh beisei in ka u thlan a min hruai tur in ka dil ta tawp. Ka nu leh pa emaw midang tumah tel ve tur in ka duh lo. Kei mah chiah in hmuh ka duh miau .


Rei lo te ah midang pawh an rawn lut nak nak a, mahse kal na tur kan neih avang in u Rinzuala motor a chung in midang hnungah kan tlan a. Thlanmual kan thlen chuan motor atang a hman hmawh zet a chhuk in hma lam chu ka pan nghal hlak hlak a. Mahse thil hre chhuak thut in ka ding zui dat.


" I tha em? " Ka bulah u Rinzuala rawn ding in a rawn ti sup a. At thla zet in ka nui ro hak. Ka u an phumna tak ngial pawh ka hre lo tih ka hre chhuak a nih chu.


" Englo... Ka Kal na lam hi a dik en tih pawh ka hre lo! " Tah chhuah in sum zet chuan ka ti chhuak halh. Ip pik zet in ka sam chu ka hui chho pap a. Ka mittui rawn chhuah chak zek zek vang chuan ka mit meng a fiah lo ruai bawk.


" Min lo zui la! " U Rinzuala chuan ti sup in ka kutah a rawn vuan a, min kai kal nghal dat dat. In seh ruh vak chuan min hruaina lamah chuan ka kal ve zel a. Thlan pakhat hmaah min din pui dat in ka kut a vawn chu a thlah ruai ruai a, thlan a hming in ziak ka hmuh takah chuan in sum hman lek lo in ka tap chhuak nghal hawk.


" Engtin nge ka tih dawn? I tel lo a nun hmang tur in engtin nge min hnut chhiah theih ? I sual hle mai. Ka haw lutuk che Zomuanpui! Ka haw tak zet che. " Ka ti chhuak tiau. Sawi tur ka ngah a mahse engmah ka sawi chhuak thei lo. Ka kawchhung hi a tawt up up a, engtiang a nasa pawn tap chhuak mah i la ka kawchhung tawt lutuk chu an reh thei chuang lo.


Ka harh chhuah tirh a, ka tah vak bak kha ka tap leh miah lo a. Tunah erawh phat rual loh in ka u a awm ve tawh lo tih ka hriat vang in ka keh chhe vek a ni ber. U Rinzuala chuan ka chauh lutuk hlau in min hruai haw a. Motor kan chuan lai te chuan ka ngawi reng a. Ka rilru ah engmah a rawn lang thei lo.


" A bul a ka sawi hnu hnun ber chu ka hua che tih kha a nia! Ka thiam loh vek a ni, inah khan lo awm hle hle i la chuan tunah hian ka bulah a la awm ngei ngei ang! " Ka ti chhuak sap. U Rinzuala chuan ka thiam loh a nih loh thu min hrilh mawlh mawlh a mahse kei tluk a ka thiam loh a ni tih hre chiang tu an awm kher lo ang.

Inah kan haw a, Babyi pawh kan inah riak tur in ka pa in a sawm a. Zanah te chuan ka bulah mu in a ti ti malh malh a. A ni chu college pawh a lo chhuak der tawh a. MA zawm leh a tum thu, ka rilru la peng tur in a sawi nual a mahse engmah ka bengah an lut thei lo. A khat tawk a ka mittui tla reng chu dan tumna pawh ka nei hek lo.


Babyi mut thilh hnu in ka muhil ve thei lo chu khum atang chhuk in ka u room lamah ka phei a, engkim chu a ngai vek in a la awm a , mahse a nei tu ber erawh hmuh tur a awm miah lo thung chu ka rilru a ti na tak zet.


A thawmhnaw dahna chu pawt hawng in a shirt pakhat chu ka la chhuak a, ka u kawr chu kuah bet in chhuak lutuk chuan ka thap khur nghal dar dar. Ka hawi na lam a piang chu kan pahnih a sulhnu vek a ni a, mahse a mah ber erawh hmuh tur a awm tawh lo chuan thawk pawh min ti thaw tha thei lo hial. Chu mai ni lo in kan naute thleng in, an pahnih a a rual a min kal san hi tuar har ka ti em em bawk.



" Enga ti nge? Enga ti nge kei mah chauh a min hnut chhiah bik? " Ka ti chhuak tiau. Ka nau pai kha kan accident lai khan thlakhat a pum awr chauh a, mipa nge hmeichhia tih ka hre lo, mahse damdawiin a ka mumang vang khan mipa ah ka ngai nghet hmiah a. La piang lo mahse kei chuan mit ka chhin a piang in naute duhawm deuh , min hmuh avang a hlim nui kher ve rai rai kha ka hmu ziah a. A tap ri thleng khan ka theihnghilh mai ang tih hlau in ka ngaihtuah let fo bawk.


Ka mitthlaah an pafa an in fiam lai ka hmu fo a, ka u in duat zet a a pawm lai ka hmuh a ka thinlung a tang a hlimna rawn lang kha ka mumang mai mai a tan chuan ka phal lo, mahse engmah tih theih ka nei si lo.


" Tlangvala! " Ka phun chhuak sap. Ka u in naute min pawm tir a a ko dah aw ril zet, hmangaihna leh duatna aw ri lang chhuak pawh kha engtikah mah ka theihnghilh tawh ka ring lo.

*
*

* FIVE YEARS LATTER *


" Angel... Dr Rinzualan a rawn call a I phone i lak theih loh thu a rawn sawi a nia! " Ka office ah Babyi rawn lut in a rawn ti nghal vak a. Kei in in thiam lo zet in ka lo melh nghal ha.


" Ka phone maw? Sorry a ri ka lo hre miah lo! " Nuih tlawn chuan ka ti sap. Engtin nge heti sat call a awm chung in pakhat mah ka hriat miah loh theih zawk.


" I mak thei ee... I rilru zawng zawng i pe thei lo a nih pawn tlem tal chuan I ngaihsak na lan tir ve la. A nin a ngaihtuah hlum lo chauh che a! I ti khawngaih thlak e mai! " A rawn ti leh nghal vak a. Chhan mai ngaihna ka hre lo chu ka hmui ka pet sawi zeuh ringawt.


" Ka chung a a that em vang hian lawm hnaih ka harsat em em! Ka rilru pe tak tak lo a ka hnaih chuan bum hmang ang maiin ka in ngai a , ka awm dan hi a hreawm a sin! ' ka ti ve sap.


" Hma lam pan tum rawh. Chu chu u Reubena pawh khan a duh sak ngei che in ka ring nghet tlat. Hriat ngai loh pawh a ni lo a, tette atang a in hria in nia. U Reubena chu theihnghilh tur in tuman an ti lo che mahse hma lam I pan ve a ngai tawh. Kum nga zet a liam tawh a nia. " A rawn ti leh tan tan a. Kei erawh ka thaw chhuak hak.


Kum 5 lai liam tawh mahse ka tan chuan hmanni lawk a thil thleng ang maiin ka la nat pui miau a. Engtikah mah heng rilru hreawm na te hian min kian san ka ring tawh lo. Ka u leh kan naute in min kal san atang khan rilru mumal ka pu tawh lo ti i la a dik hial ang.


Rei tak chhung chu in lamah ka tawm chawt a. Ka nu leh pa in min ngaihtuah luat vang in min kal san mai mai ngai lo. Engtik lai pawn pakhat zawk zawk hian min awm pui chawt a, ka tawng ngai lo a ka nui ngai hek lo. Mahse chung zawng zawng lak ata tun hun min thlen tir Tu chu u Rinzuala a ni bawk.


Min ngaihtuah em em a, kan inah a rawn kal fo a, ka damloh emaw ka rilru a kal sual thut chang pawh a engmah sawi buai ngai lo a min rawn pan in ka u in a tih thin ang chiah in min thlamuan thin a. Zan khua a min tlaivar pui chang pawh a ngah.


Thil thlengah khan ka nu leh pa thiam loh chu a awm miah lo mahse a chang a ka dem ve thin a vang in an bulah chuan ka in bun ruak thei lo. Mahse u Runzuala erawh ka u nen kan awm dun theih nan a min pui Tu kha a ni miau a ka ngaina zual em em a. Ka u chu a thlak hlawk thei lo, mahse ka u ai awh tu tak meuh meuh a ni.


U Rinzuala nen zan riah ei chhuah kan tum avang chuan hna atang in ka haw hma a. U Rinzuala min puihna a vang in lu sun a ka in dawm kun reng kha college ka zawm tha leh a, designing lam nen luh chilh in, ka ti kawp a. Degree kan neih hnu in kan sumdawnnaah designer ang in ka thawk chhun zawm a, Babyi pawh hna a la hmuh rem chan mai loh avang in ka hnuiah ka PA ang in ka pa in thawk tur in a sawm a. Sawi lang lo mahse min ngaihtuah vang in ka thiantha ber ka bulah a awm tir tih erawh ka hrethiam ve viau.


" Ka call i chhang duh si lo a I lo kal dawn lo e maw ka ti hman a sin. " Kan dinner eina tur ka thlen chuan u Rinzualan min hmuh rual in a lo ti sup a. Ka ner nang.


" Hna ka lo khawih lak lawh lai a ni. Ka la duh li miah lo a nia! " Ka ti ve sap chu a nui nghal sup. Kum 5 liam ta atang khan u Rinzuala hian chhun leh zan pawh sawi lo in min buai pui ka tih tawh kha, min duh tih pawh ka hria a mahse kei mah hian ka rilru hi ka la hawng thei tlat lo.


" Min nei duh a ngem? " Kan ti ti malh malh lai chuan a rawn ti sup. Ka thil ei lai ka tawp nghal chawt.


" Fiamthu thawh ziah suh, i thiam lo thei si! " Za lo zet a nui in ka ti sap. Ka sawi zawh rual in ka in chhir nghal. Kha tiang chiah khan ka u bulah pawh ka ti ziah thin miau.


" Nidang ah kha chuan ka lo fiamthu pawh a ni mahna mahse tun tum chu ka thu tak viau a nia. Kei hian enkawl reng che ka duh a. Reubena vang tal pawh khan nang hi chu ka mawh phurhnaah ka ngai che a. Rei tak ka enkawl tawh bawk che a, kei hi ka duh che tih pawh i hriat ka ring. " A rawn ti sup a, ka ngawi ta reng.


" I ngaihtuah chu ka hria a lawm. Reubena chu ka tluk kher lo ang mahse chu ti chung chuan risk lak ka la duh tho a ni. I la in peih lo a nih pawn ka la nghak thei che. " A rawn ti nawn leh sup a. Ka rilru a buai ta nak. Dik tak chuan ka hma lam hun hi ka ngaihtuah lohna hi eng chen nge a nih tawh pawh ka hre lo. Mahse hetiang hian ka awm ngawt thei lo tih erawh ka hre chiang.


" A tha e...tunah i rilru i la siam thei lo a nih pawn Ka la nghak thei che ka tih kha! " A rawn ti sup.


" Aw... In nei ang! " Ka ti chhuak sap. U Rinzuala hmel a mak tihna rawn lang chhuak chu ka nuih lui sak bawk.


" I ti tak tak em? " A rawn ti sup chu lu ka bu nghat.


" Ka chung chang engkim i hria a pawi tihna i nei lo a mi? " Ka ti ve nghal a. Nui suk in lu a thing mai a. Ka thaw ve huai. Ka hmangaih lo ti chu ka hria mahse chuvang ringawt chuan hetiang hian ka awm thei lo. Ka nu leh pa pawn min rem tih pui dawn tih ka hria. Ka tan ni lo in ka nu leh pa tan a pasal nei tur ka ni mah zawk!


Kan in thleng min thlah leh thlap a. Inah pawh rawn lut kawi in ka nu leh pa bulah in neih ka rem ti tawh tih kan hrilh dun a. Ka nu leh pa pawh a thawng tih an hmelah a lang. Ka u ka chan vang in ka a lo chauh kha a nia. Ka kum pawh a upa ve tawh a mahse min nawr lui ngai lo. Chuvang tak chuan fanu mal ka ni tawh a, ka duh emaw duh loh pawn pasal chu ka neih ngei a ngai tih ka hre thiam.


Ka pasal tur leh min enkawl tu atan chuan u Rinzuala hi a tha ber tih ka hria. Tun din hmunah phei hi chuan kawng tin reng a min hre thiam tu a ni miau a. Ka pa pawh in a makpa tur a tan a duh tih ka hre bawk. Ka u in a hospital a kal san tak enkawl chhun zawm a theihtawp chhuah tu chu u Rinzuala hi a ni a, ka hmangaih lo a nih pawn rilru na a siam erawh ka duh lo.


U Rinzuala ka mangtha fel meuh chuan a tlai ve duai tawh. Ka tih thin ang bawk in ka room ah shower ka nei a, in thlak fel in room atang in ka chhuak a, ka u room lam pan in ka kal zui nghal.


Khang kum kal ta khan ka room ah ka riak ngai mang lo ti i la a dik ang. Ka u room ah, a khumah, a kawr pawm bet chung in zan tin ka muhil thin a. Zanah ka mumangah a rawn in lan erawh ka la beisei fan bawk. Mahse engmah ka hmu ngai lo erawh ka lung hnur thin viau.

*

" Awii... Ka awi thei lo! In neih chu i rem ti tawh maw. Engtik ah nge in in neih dawn. " Babyi ka hrilh chu a phur lutuk in min zawt nghal chung chung a. Ka ner nang.


" Kum in ah a nih loh chuan kum thar lam a niang. Tun a kan project khawih hi in neih hma a tih fel ka duh sia. " Ka ti chhuak halh.


" A va la rei dawn ve. Mahse hetiang rilru i lu pawh hi ka lawm hrim hrim! " A rawn ti leh vak a. Ka melh nghal ralh.


" Tunah chuan nang hi zawn lu ve i ngai tawh zawk a nia aw! " Nui lui sak in ka ti sap. A dan ngaiin a ni chu a in sawi fel leh nghal vek.


" Tak a Dubai ah zin tur chung chang kha Pa Nunsangan tun tum chu nang mah kal tur in a duh che a. " A rawn ti zui vat chu ka melh nghal ha.


" Ka pa in a ti maw. Mahse ngati nge? Ka sawi awm zia chu zin chhuah a phal ngai si lo a! " Ka ti let vat. Hna thil chung chang a zin a ngai chuan ka pa hi a kal zawk ziah a, kei erawh min zin tir ngai lo. Chhungkua a chawlh kan hmang a ni tawp loh chuan. Ka thil tawn zawng zawng nen min ngaihtuah a ni mahna. Chubakah kei pawn ka duh lem lo bawk a, accident khan min la effect a ni mahna.


" Aw... A sawi dan chuan chawl i hmang phah thei dawn a. Chuan ka zui thei dawn bawk che a nia aw. Pasal i neih phei chuan i zin mai mai thei tawh lo mai thei a. Chuan kan kal chhan ber tur kan design hi nang ma design kha a ni bawk a. Nang aia hrilhfiah thiam an awm ka ring chuang lo. " Babyi chuan a rawn ti nghal vat a. Kei pawn pawi ka ti ta lo viau.

Video hi lo en ru awhttps://youtu.be/_A5i5ExNQfY

[Ngaia]

CHAPTER - 33 by Amy Cck


" I in siam peih vek tawh a? " Ti ri vang chuan ka thil tih lai ka tawp dat. Ka room kawngka rawn kik in, ka hawi chhuah rual in ka pa rawn pen lut ka hmu zui nghal a. Nui lui sak in lu ka bu nghat .


" Ka thawmhnaw chu ka khung fel vek tawh a, mut hma in hna tlem ka lo en leh mai mai a. " Ka hma zawn dawhkan a ka lehkha pawimawh leh file dah hnawk vel a en kual rual chuan ka ti chhuak sap. A nui suk ringawt a, ka pa hmel chu ka en vang vang a, mipa tawng mawh leh rilru hah na pawh sawi chhuak mai mai ngai lo a ni a, mahse sawi lang lo mahse ka u boralna avang hian a hmelah hlim hmel hmuh tur a vang ta rawi tih erawh ka pa a ni a ka hmuh sak vek thung.


Ka nu nen hian ka hmuhah engmah ti lang lo tur in an in sum hram hram tih pawh mi a ka ni lo a ka hre thiam vek a. Ka rilru nat an hlauh luatah engmah an sawi lang duh lo in an rilru na te an thup bo lui hram a, engkimah kei min veng thawng em em reng ti ka hrethiam bawk. Ka nu in ka pa bulah tap chung a ka u nen kan awm dun an lo phal mai lo kha a pawi a tih thu leh a in chhir thu a sawi lai ka hre ru a, mahse khang khan awm zia an nei tawh lo.


Tunah chuan ka khawvel ber in mi kal san tawh a, nung reng chung in ka thi a. Engtin nge kum nga chhung kha a tel lo a ka hman thei ka hre lo mahse tunah chuan kei hian dam hi ka thla hlel tawh lo tih erawh ka chiang viau.


" Ka zin tur hian i rilru a ti buai a ni ti raw? " Ka pa chu melh vang vang in ka ti sap. Accident kan tawh avang kha nge ka pa hian kei mah in zin chhuah emaw hmun hla deuhah chuan kal a rem ti tawh ngai lo. Kan khuaah pawh kan chhung zin a nih loh chuan ka kal ngai lo tihna a ni chu. Mahse tunah engmah ka sawi lo chung pawh a ka kal a phal hi ka hrethiam lo lek lek.


" Tlem chuan ka lungngai a lawm! " A rawn ti sup chu ka ner nang.


" A tha e... Tlem mai pawh ni lo in ka ngaihtuah che! " Ka hmel a hmuh tak ah chuan a ti chhuak leh hawk a. Ka then ve sak.


" A nih chuan ka kal lo mai dawn a mi? " Ka ti sap a, lu a thing ngut.


" Ka fanu ven him ka duh luatah a nui hmel mawi tak leh a hlimna zawng zawng te kha ka lak bo sak vek zawk tih ka hmuh hian mahni in thiam lohna hlir in ka khat tih i hria em? " Min melh ngur chuan a rawn ti thawp sup a. Za lo zet in ka nui ta ngawt.


Kan accident chhanah khan ka pa hian a mah a in thiam loh tih ka hria. Ka u nen kan in hmangaihna min pawm sak mai lo kha a in chhir thu a sawi a. Mahse kei chuan ka pa aiin kei mah ka in thiam lo leh zual a, kha zan ber kher a haw ka lo tum vang niin ka hre ve thung. Ka nu leh pa pawh an fapa upa zawk an chan avang in an thinlung a keh chhe hneh viau a, kei hi min chan leh mai an hlau em em bawk.


" Tun a I zin ka rem tih chhan pawh i rilru ti thaw veng tur in leh ka fanu harh vang thit theh deuh kha a lo kir leh beisei vang a ni pakhat a. Chubakah pasal i nei duh thu i sawi hian min thawng em em bawk a. I duh dan dik tak a nih chuan i nu nen chuan i sawi ang a piang kan pawm tih i hriat ka duh a. Rinzuala pawh mipa fel tak a ni tih chu kan hria a, kan tan pawh fapa ang mai a ni. Mahse nei tur in kan ti lui lo che tih hria la ka duh! " A rawn tih chuan a hahdam nan tiin ka nui lui sak.


" Ka hria lawm. Mahse ka duh thlanna ngei in pasal neih hi ka duh a lawm. Chuvang chuan i awm ti nuam lo tu ah lo hmang tawh suh. Ka thil tih hi ka hre chiang chuan ka in hria a nia Paa.. " Ka ti let ve nang in ka aw chhuakah erawh phurna pakhat mah a lang lo. Chu chu ka pa in a hai lo tih a rawn thawk chhuah hawk danah ka hre bawk.


" A tha lawm. Mahni a in ngaihtuah kaw tur in i UPA ve tawh. Mahse ka tan chuan ka naute... Ka neih chhun... Ka khawvel i la ni reng! " Ti sup in a rawn kun hniam a, a taksa lum vung vung a min kuah bet in ka chalah a hmuiin a nawr nghal vang vang a. Ka pa taksa kuah let in mit ka chhing vang vang a. Hetia min kuah hian ka u thlazar hnuai a awm ang maiin hahdam na ka hmu thin a, chu thil chu khawvel a ka thil thlak hlelh ber a ni bawk.


Ka pa nen kan ti ti lai in ka nu in eitur min rawn ken sak in a rawn lut ve a. Ka pa in zin phal mahse ka nu erawh chuan a tawng dan atang in zin lo tur in min duh tih ka hria. Mahse kei pawh in boruak dang hip ka mamawh em avang in zin chu ka duh thu a sawi ve a. Ka nu leh pa an chhuah hnu in hna ka en chhun zawm leh nghal a. Ka phone rawn ri avang chuan zi mar talh talh in ka la nghal vat.


" Ka ring reng a! " Rawn ti tu vang chuan ka ner zui nang.


" Ngati nge i lo phone a? " Ka ti vat a. Leh lam a mi lungawi lo tih hriat zet a rum ri nghut in a zui nghal.


" Min be peih vak na nge? " U Rinzualan a rawn ti chu ka ner nang. Ka tawngkam kha hriat a nuam vak lo tih ka hre chhuak nghal bawk.


" Aiii... Chutiang a ni lo. A tlai tawh sia, i mut daih tawh ka ring a! " Ka ti zuai raih. Sana ka melh zauh a dar 12 a hnai thuak tawh.


" Ka mu dawn chiah! Nang pawh mut chu a hun tawh viau a nia. Naktuk flight nang lo thawh i hai vaih chuan a chi loh viau ang! " A rawn ti let ve nghal a. Rei vak lo kan in biak hnu in mu tur in ka in tin tuah a. Zan mutthilh ka harsat tak em avang hian ka duh aiin ka meng rei ve ziah a. Zingah erawh thawh ka hai ta ziah thung.


Ka dan ngai bawk in mu tur in ka u room lam chu ka pan leh a. Engmah khawih sawn ka phal loh avang in a buangrual leh thawmhnaw chu a ngai ang vek in a la awm a. Kan nula teri tih fai pawh ka phal ngai lo. Kei leh ka nu chiah in kan ti fai thin a. A chhan pawh hetiang a ka hmuh hian ka rilru tlem tal a a hahdam ka rin vang in. Mahse he room ka luh a piang in tu emaw hmel hmuh ka la beisei fan a. Tul lo zet in ka mittui in a tawp ka khar leh nge nge thin.

*
*
" Ngati nge pa Nunsanga hian tunah kher zin a tih tlat le. Baby chhan deuh te a neih em? I lo hre hial lo maw? " Driver seat a thu in u Rinzuala chuan a ti sup a. Keiin ka melh nghal haw.


" Ka hre lo. Mahse kei chu ka phur lutuk ringawt. Mahse i rilru chu ka hriat thiam pui tho che a nia, in in nei a hnai tawh teh lul nen kar hnih khat mai pawh ni lo thla thum ngawt Angelin a awm bo san dawn che a nia! " Lalbabyi lah chuan thaw veng zet in a ti a, ka melh nghal rawm. U Rinzuala nen chuan an in be malh malh reng a kei erawh an bulah ka lo thu ve mai mai thung.


" I kal kher hi a ngai lo a nia! I nu leh pa pawn I dinhmun hi hria se chuan i kal hi an rem ti miah lo ang! " Airport ah kan awm vang tawh a. U Rinzuala chuan a rawn ti sup a. Ka nui lui hak. Kei leh Babyi tih loh hmeichhe pahnih an tel ve dawn bawk a, an la rawn thleng ve lo thung chu baby i midang ngai chang tur in ka kal sawn a.


" Ka pa phalna thlap in a nih hi ka kal dawn. I theihnghilh em ni? " Ka ti nghal sap.


" Mahse duh ai chuan a rei a ni! Ka ngaihtuah zia che hi i hrethiam kher lo ang! Nang lah hian engmah i hre duh si lo! " A rawn ti zawi sup a. Chhan mai ngaihna hre lo chuan ka ngawi vang vang.


" Thu min tiam tawh kha. Ka nu leh pa ten engmah an hre ve tur a ni lo. Tun a ka awm danah hian ka lawm a lawm. Engmah dang ka mamawh lo! " Ka ti let ve sap. Hahthlak min tih hmel zet a min en in a thaw chhuak hawk a. Kei ka nui lui sak thung.


" I luhlul ve si a. Eng pawh nise kan in neih hun ah chuan i rilru i thlak ka la beisei fan a nia. " A rawn ti leh sup a. Ka chhang let tawh a lo. Kan kal dawn chuan min ngaihtuah ve ngang a niang min kuah vawng vawng a. Ka awm dan hi kei ngei pawn a rilru chhiat thlak ka ti a mahse ka duh dan a ni miau .

*
" Thla thum chhung hetah kan awm dawn a nia, ka vak kual nasa ang chu aw! " Kan hotel thlenna tur room ah kan awm a, kan kal hma in ka pa in min biak lawk sak sa vek a. Vawi tam tam ka pa chu a zin fo tawh avang in tun tum pawh hi kei ni lo a mah kal se chuan engkim a fel hma zawk ngei ang. Mahse chin chang hriat nan hrim hrim ka kal ve hi a duh a ni mahna.


" Ngawi mai mai theh. Hna vang a kal kan nih hi aw! Chutiang a I awm chu ka phal miah lo ang! " Nui duh miah lo a ka ti chu ka ti tak tak emaw tiin a hmel a tum nghal bar.


" Heii.... Ka fiamthu a nih kha! Tah i tum ringawt a mi? Ka tih chuan min rawn chum nghal awk.


" I va sual thiam thei tak. Hei vang hi lawm mi hian an kawm nen theih miah loh che! Min tih der leh chuan midang room ah ka in sawn ve daih a! " Ti leh a thawmhnaw khai in a room tur lamah a lut a, a hnung lamah ka nuih sak ringawt. A sawi dik lo lem lo... Hman atang a tun thleng in hmel hriat thar emaw thian thar ka la nei lem lo. Neih pawh tumna ka nei chuang hek lo.


Ka room lam ve turah lut in ka nu leh pa te ka call hmasa ang nge ka in ti fai in ka in dah fel hmasa ang tih ka ngaihtuah lai tak in u Rinzualan min rawn call a, kan thlen tluan thu leh vawin kan hahchawl a nga naktukah hna kan tan tak tak tur thu ka hrilh ve a, kan in biak zawh chuan in ti fai hmasa phawt a ka nu leh pa biak ka tum ta zawk.


Ka taksa hahdam tir tum in bathtub ah chuan ka in chiah vang vang a. Room a ka luh leh rual in ka khum bulah Babyi a lo ding reng tawh. Ka lam a rawn hawi a min hmu chu thaw huai in hahdam sawt hmel a pu bawk.


" Hei a lo chhuak chiah! " Tih leh min rawn pan hnaiin ka phone a ken chu min pe a, hmui phun in ka pa a nih thu a sawi nghal bawk. Thawk la halh in ka pa chu ka bia a. Min rawn call char char thu leh call ka lak theih loh avang a an mangan hman zia a sawi chuan ka inbual lai a nih vang in ka chhang ve mai a. Rei lutuk in be lo in kan in biakna kan ti tawp a, Babyi ka en chu rum lutuk in min lo melh thung a, mit ka san nghal ak.


" Min tih mangan zia i hria em? Bathroom ah khan i thi dang emaw ka ti hman a sin. Ka koh che in min chhang si lo a security ka ko hman tep a ni! " A ti nghal hlak hlak chu ka nuih tlawn ta tawp.


" Min ngai hrisel lo viau suh. Ka dam tha vek tawh tih ka sawi a. Engmah natna ka nei tawh lo. Hla ka ngaithla a ka lo hre lo palh a niang! " Ka ti tha ve mai a. A la phun bai bai tho nan ka ngaih sak zui duh lo thung. Kum 2 kal ta atang khan eng treatment mah ka la tawh lo a, hetiang a awm chu a nuam tak zet bawk.




Dubai kan thlen ni te a ni bawk a, engmah tih tur ruat lawk kan neih loh avang in hotel room ah ka in khung chawt a. Babyi leh designer team a hmeichhe pahnih kan hruai te erawh kan thlen na hotel leh a bul bawr vel a an vah khaw thawn tur thu sawiin an chhuak a. Kei erawh mahni a awm hi ka thil nuam tih ber a ni tawh.


Ka nu leh pa leh u Rinzuala ten min rawn phone deuh reng a. Zanah naktuk mai a meeting kan neihna tur chung chang vang in kan room lamah kan en ho thung a. Chaw hma lamah bazar kual midang in an chak thu an sawi chuan ka hnial duh ta lo. Engtia rei nge kan cham dawn kan hre chiang lo, a rei ber ah thla thum, mahse kan tih tur kan zawh hma erawh chuan thla khat vel bak a ngai lo mai thei bawk nen hna ti buai thil a nih loh chuan khap vak ka tum lo.

*
" Ka lo kal ve lo mai ang! Nakinah meeting neihna hmunah kan in hmu mai dawn a mi? " Babyi en chuan ka ti a, a lawm loh hmel ngang leh nghal.


" Nizanah pawh engmah i sawi loh kha. Chubakah kal loh bik kha pawm a ni lo bur. In siam vat2 rawh! " Tih leh ka thawm hnaw min thlan pui sawk sawk a rual a. Peih loh viau mah i la Babyi ka hnial hreh ve bawk si chu ka in thlak ve mai a. Meeting na a tlang tur kan nih avang in thawmhnaw pangai tak chu ka ha ve ngawt bawk.


Mole ah kan vak kual hrep a, kan pali zingah kei mah chiah hi vah kual vel ning awm chhun ka ni hial ang. Mole chhung cafe ah chawl in kan in hnawh puar a. Kan kal pui teri pahnih erawh an kal hran avang in kan bul an la rawn thleng ve lo. Babyi chu a ti ti malh malh a. A thu sawi ngaithla chung chuan cafe pawn lam a mipui zi hut hut chu ka thlir ve reng bawk.


" Angel kan thil ei man hi lo va pe lawk mai! Bathroom a kal ka ngai a, chuan midang an lo thlen hun ah min lo kal san suh ang cheu! " Tih leh kal sawn a rual a. Babyi hi chu hna kan thawh hma daih atang a thian kan lo nih tawh avang khan a boss ang pawh hian min en lo a ni ber. Ka khawhar hi chu a hnem ve thlawt bawk.


Kan thil ei man pe tur chuan ka tho chhuak ve a, receptionist hmaah ding in ka card ka pek lai chuan call ka dawn avang in ka be pah a, kan nula te an nih avang in kan awmna ka sawi nghal zat a. Tu emaw hi ka bulah rawn ding in a ei man a pe ve dawn a ni ngei ang chu. Receptionist in ka card min pek let chu ka bag a khung tum in ka hai rak rak a. Mahse ka bul a mipa in receptionist bul a lawm thu a sawi ri ka hriat rual in ka thil tih lai ka tawp dat.


In her a en chian ka tum chu a lo kal sawn hman tawh leh nghal. Ka hawi kual nghal ruai a, darthlalang hmuh tlang vek theih pawn lam a mipa kal chhuak ka hmuh rual in ka meng bial nghal kawk. Ka thinphu chu a rawn rang nghal dawt dawt a. Rang zet in ka zui ve nghal hlak hlak.


" Eng thil nge ka hmuh kha! Khawi lamah nge a kal. " Cafe ka chhuak san hnu chuan ka phun sap a. Ka hawi kual nghal ruai a. Nichin a pa kha ka hmu leh tawh miah lo. Cafe chhung hahdam zet ang kha pawn lam erawh a ni tawh lo bawk nen mi chi hrang hrang kan in sul pel nawk nawk a. Khawi lam nge a pan hre chiang lo Chung chuan ka rin zawn ve hmiah a.


Ka hma atang a hla ve deuh tak a mipa ka hriat than tak ruang am ka hmuh rual in ka in sum hman lo " U.... " Ka ti nghal vak. Mi an tam em avang chuan ka au ri chu a hre pha lo a ni mai thei. Ka bul a mi te erawh chuan ka a ta amaw tiin min en deuh haw bawk. Hman hmawh zet chuan chupa awmna lam chu ka pan a, tu emaw hian ka banah min rawn pawt ding thut a, ka hawi nghal dawr.


" Hei... Angel min time mangang hman a lawm. Min lo nghak tur in ka tih che kha. Khae nge midang? " Babyi chuan a rawn ti a. Kei erawh in chhan mai ngaihna ka hre lo, ka che buai vek.


" Baby... Eng lo... Saw tah sawn ka U ang deuh ka hmu a sin. Lo.. Lo kal rawh va en chiang ang! Min lo zui rawh! " Tih bah nawk nawk in min vawnna chu ka thing thla hnawk a. Mi chin a mipa dinna lam ah chuan ka tlai zui nghal zat. Babyi min kohna pawh chu hre lo der in ka hma lam chu hman hmawh zet in ka pan a mahse nichin a ka hmuhna ka va thlen chuan kha pa kha hmuh tur a awm tawh miah lo.


" A lo kal sawn hman a nih ka ring! Ka hmu chiang a lawm. Zomuanpuia ngei a ni tih ka hria! " Beidawng leh rilru na lutuk chuan ka ti chhuak halh a. Hmuh la in beisei zet in ka hawi kual ruai bawk.


" A mah a ni tak a tak a lawm! A la kal hla miah lo ang! " Tah chhuah in sum zet chuan ka ti chhuak halh a. Ka tah chhuah hawk loh nan ka hmui ka pet fan fan bawk.


" Angel.. " Baby in min lainat hmel zet in a rawn ti sap a. Mipui vak suau suau karah chuan zah pawh sawi lo in ka thu thla hnawk.


" Ka hmu sual miah lo tak tak! A mah a ni tih ka hria a lawm. " Sawi tur dang ka hre lo. Ka ti chhuak leh halh ringawt. Ka awm zawn rawn thip vin tur vang chuan ka thawk ka ip let ngawt ngawt a, ka taksa rawn lum pup pup leh tang taawlh tawlh vang chuan ka taksa pawh ka ti che ngam lo.


" I... I tha em? Na i nei a mi? " Ka bulah Baby in hlauthawng zet in a rawn ti chul a ka chhang thei lo. Thawk ka lak zawng ringawt pawh in ka awm zawn hi a na lutuk tlat. Che lo leh engmah sawi lo chuan ka thu kawm ngawt ngawt a Baby i hlauthawng hmel chu ka hmu phe ruai bawk. Ka bag chu thei leh thei lo in ka hai rawk rawk a , ka damdawi la chhuak in babyi tui bottle ken chu ka pawt thla nghal vat a. Ka in nghal kawlh kawlh.


" Hotel ah let mai ang! I tha miah lo a nia! " Baby in rawn tiin min kuah sawn a. Ka lu hai vang chuan ka khawhmuh a fiah lo mai bakah ka luak a chhuak ut ut bawk. Hotel kan let pah chuan midang kan kal pui te kha bia in hotel ah kan let leh thut avang in meeting kha lo kai hruai tur in a ti a. An la nau deuh avang in an hlauthawng ang tih ka hria mahse tun dinhmunah hi chuan eng meeting mah ka kai hruai thei in ka ring.


Kan room khumah chuan ka mu awn deuh diai a, Babyi erawh tukverh bulah ding in rilru hah hmel tak in a thaw leh hak thin.


"Grace-i te chu an che buai em lo ang chu!chubakah Ngati nge kha tiang khan i awm a. I dam vek tawh in na i nei tawh ngai lo thu i sawi si a. " A rawn ti sap.


" Tlaiah mole ah khan va kal leh ang. Kha pa kha kan hmu leh mai thei a sin! " Ka ti let sap thung.


" I mak e... Ngati nge a hmel pawh i hmuh lo mipa chu i ngaihven em em a. U Reubena nen an pian phung a in an vang in maw... A at thlak e mai! " A rawn ti chhuak vak chu ka in hum ruh nghal vak.


" A in ang ringawt a maw I ti a mi? A... A aw pawh ka hria a lawm.. Chubakah a hmel chu hmu lo mah i la a mah a ni tih ka hre thei a ni. Zomuanpuia hi kei hian a mah a ni tih hre chiang kher tur in a hmel ka hmuh kher a ngai lo. Ngati nge i awi duh miah lo a! " Ka ti chhuak ve tan tan. Kha pa ka hmuh rual a ka lungphu rawn rang dawt dawt te khan chhan an neih ka ring nghet tlat miau.


" Khawvelah hian mi in ang tak tak kan awm teuh a lawm. Engvang in nge mi thi tawh chu helai hmun ah hian hmuh i in beisei tlat a? " Beidawng tih hriat zet in Babyi chuan a rawn ti ve ta nghek. Mit ka chhin sawk rual in ka biangah ka mittui a lum thla nghal pap.


" Kha... Kha tiang kha sawi ka tum miah lo. " Babyi bawk chuan in thiam lo zet in a rawn ti halh a. Ka chhang lo a, ka awm ngaiin ka awm tawp.


" Mahse... Angel... I ti mah mah a ni. I rilru ti nat belh chu ka duh lo mahse u Reubena chu a awm ve tawh lo. Nang pawn I hria! " A rawn ti leh halh a. Lu ka thing nak.


" Ai... Ka hre lo. Khawi ah emaw a lo la dam ve mai thei tih i ngaihtuah ve ngai em? Ka hmuh theih lo tur in hmun hla tak ah a lo awm daih thei a sin. Rei tak chhung ka harh chhuah loh avang khan a in thiam lo pawh a ni mai thei! " Beiseina mit meng a Babyi en chuan ka ti chhuak tiau. Mahse Babyi hmel leh mit meng atang chuan ka thu sawi awi lam ai chuan ka a ta emaw min ti a ang zawk hial.


" Duh tawk teh ! Ngati nge thu mak pui pui i sawi chiam a. I awm dan hian ka awm a ti nuam lo i nu leh pa chan chin hrilh ka duh. Nichin lawk pawn I thaw tha thei lo a nih kha. " Tih leh a phone lak tum in a rawn kal hnai a khum mawng lam a a bag chu a hai nghal rak rak.


" A ngai lo! Engmah hrilh suh. Ka tha tawh a lawm. " Ka ti nghal chul a. Min melh in thawk a la zui hak.


" Mahse hrilh hriat ve hrim hrim chu a tha a lawm! " A rawn ti a lu ka thing vat.


" An rilru kan ti hah dawn a sin! I hriat kha! " Ka ti zuai raih a. A phone a dah thlak tak ah chuan ka thaw hak. Mu hahdam tur a min tiin room a chhuah san a. Mahse engtin nge ka mutthilh theih a rin ni.


" Kei hian ka hmu sual mai mai ang maw? " Ka ti chhuak sap. Mit ka chhin rual in ka pa ruang am kha ka hmu nghal zat a, ka thin phu a rang leh nghal dawt dawt. Ka mu chu thu chhuak hlawl in thawk ka la zui siai siai a. Thlan in min lo bual huh vek avang chuan shower nei tur in bathroom ah ka lut a. Bathrobe chu ha in ka sam chu towel in ka tuam nghal vek a. Ka room atang a ka chhuah rual in kan room kawngka pui chu an rawn kik a. Couch a ka thu tur chu thu mai lo in kawngka lam chu ka pan zui nghal.


" A chhuak a nih maw? Kawngka rawn kik kher a ngai a mi le? " Babyi a nih ring chuan ka ti nang nang a, dinner ei a hun tep sia min rawn koh a tum zawk a ni mai thei tih ka ngaihtuah leh hnu hnawh.


" Tu nge a? Grace-i te an lo let a mi? " Kawngka ka pawh hawn rual in hnung lamah Babyi aw ka hriat avang in ka hawi nghal zawk a. Tunge kawngka bulah awm pawh ka hre lo.


" Room ah i lo awm reng maw? A nih chuan.... " Tih leh kawngka lam ka hawi chu ka hma zawn a mipa lo ding ngur vang chuan ka khawng nghal at.


" A mah a ni! " Ka phun chhuak sap a. Vawin a ka mipa hmuh kha a ni tih ka hria. A hmel kha ka hmu lo a mahse a mah kha a ni tih ka hria. A chhan chu a coat hak hi a la ngai miau bakah a pian atang hian ka hai thei lo.


" Miss Angeli hmuh ka duh a! " A aw pa leh ril ruih chuan a ti sup a. A mit meng tak run te chu ka tan an mikhual hauh lo tih ka hria.


" Tu... Tunge i nih a? " Babyi ka bulah rawn ding in a ti bah nak a. Kan hma a mipa chu mawi leh pa zet hian a rawn then suk a nih chu.


" Nang hi Angeli chu i ni em? " Babyi lam hawi chuan a ti sup a. A mit meng tak ngurah chuan a zawhna chhan a duh zia a lang chhuak chiang viau bawk.





" Aii... " Babyi bawk chuan a ti vat.


" A nih chuan a ni zawk hi a nih ngei dawn chu! " Kei mah min melh leh run in a ti sup a. A ti dik tawh ngei a ni tih a tih lanna a niang chu a mit ti zim sun in a chal a ti chuar nghal tup. A awm dan zawng zawng leh tawng kam te, a aw ri pa zet nen te chuan ka rilru ah mi pakhat chiah a rawn lang. Reuben Zomuanpuia!


" Aw... A mah hi a nia. Mahse tu...nge i nih a? " Babyi chuan a ti let sap a. Kei pawh in chu zawhna chhanna chu ka hriat chak em avang in khaw dang hawi lek lo in ka hma a mipa ding khawng luah chu ka melh ve reng bawk.


" Benjamin! " Ti sup in a then suk a. " Benjamin Malsawmsanga. " A hrawk thian khurh in A ti nawn leh sup a. Babyin lu a bu nghat a. Kei erawh sir lam hawi in ka nui ro hak.


" Vawiin meeting na tur ah in lo kal leh si lo a, chu bakah miss Angeli dam loh thu in aiawh a rawn kal te khan an sawi a! " A ti sup a. A sawi zawh rual in min rawn melh zui nghal run. Chawp leh chilh in ka beiseina neih zawng zawng kha an bo zui nghal hial in ka hria. Ka u nen chuan in ang tak an ni mahse... Mahse ka mit a Zomuanpuian min melh thin a rawn lang chhuak ang kha zawn ngial pawn hmuh tur a awm lo. Chuan an hmel pawh a danglam... Mahse in ang tak an ni tho.


" A nih chuan Angeli damlo rawn kan tur in i lo kal vang vang a maw? " Babyi chuan nui chung in a ti a, a thu sawi avang chuan ka melh nghal rawm.


" A pawi khawm mai a dam loh vang ai mah chuan vawin a in nau ten design sample an rawn ken kha a original hmuh ka duh vang zawk in! " A rawn ti sup. A thu sawi vang chuan Babyi pawh a nui hmel a tawp riai riai.


" Nang hi .. " Babyi chuan a ti sap a. Mahse ka lo tawng khalh vat.


" Ka hriat dan chuan Miss Jenny nen he tiang thu hi chingfel tur ang khan ka in hria a! " Ka ti fak. Chupa lah chu a la rawn nui suk duh chauh leh nghal.


" Tun atan rih chuan kei mah in a ai ka awh rih ang. Chuan ka thil duh chu min pe u la rawn luh kher pawh ka tum hran lo! " A rawn ti hmuk a. A aw ah chuan a dawh thei vak tawh lo te pawh a ang viau.


" Engvang in nge chutuang chuan kan tih ang. Tu nge i nih pawh kan hre lo a! " Ka ti fak.


" Ni dawn tak... Min hriat loh tak in Jenny u ka nih bakah in thawhpui tur company a Director ni lai mek ka ni bawk a. Zawhna dang a awm tawh loh hram ka beisei. Kan hun ruat rawn bawh chhe hmasa tu zawk in nih a, ka rawn pan vang vang cheu avang pawh hian ka hun hlu tak ka seng tih in hriat ngei ka ring! " A ti sawi sup. A tawng kam chapo leh mahni in duh tawk ve tak vang chuan ka ner sak.


" Lo nghak rawh! " Tih leh ka room lam a kal ka rual a. Kan design thenkhat ho chu la in ka chhuak a. Chupa hmaah chuan ka lek nghal vah a. A rawn ban nghal vut.


" Rawn luh kher i phut lo bawk a, kha kha i duh chu a nih kha. I hriat ang in vawin a kei mah ngei ka rawn kal loh avang in ka thiam loh a ni. A leh pekah chuan harsatna ka nei tawh lo ang! " Ti ngat in min rawn chhan letna pawh nghak lo in kawngka ka khar nghal hmak.


" Enge i awm zia? Tha tak a lo dawng sawng tur zawk kan ni a sin. Ngati nge i thinrim vak kher a!" Room lam pan a ka kal hlak hlak chu Babyi in min zuiin a ti nghal lang lang a. Kei erawh lawm lo lutuk in khum ah ka thu thla hmak.


" Engvang in nge kha tiang mi chapo lutuk hmaah khan that kan chhuah bik ang? Chubakah vawin meeting na a ka kal theih loh chhan pawh kha pa vang vek kha! " Ka ti chhuak chiam. Engvang a thinrim a lawm lo chiam nge ka nih ka hre lo. Ka u hmuh ka beisei em em kha hmuh tur a awm lo tih ka hriat chian vang a ni mai thei.


" Ti nge chutiang chuan i ngaih a. Vawin a i kal theih loh chhan chu tunge tih pawh i hriat loh mipa pakhat I um vak vang a nih kha! " Lawm lo lutuk in a rawn ti hmak.


" Ka mi um pa kha, kha pa kha a lawm. Tu nge a Hming a sawi kha Mal.. Mal.. " Ka sawi mai thei lo chu ka thaw hak.


" Benjamin Malsawmsanga! A chhiat loh zia kha. I sawi tak ah chuan u Reubena nen an in ang tep... Ni lo... An in ang mah mah zawk. Tlem in an hmel a danglam hret!" A ti zui leh zat.


" Ni lo... Pakhat mah in anna an nei lo! Engtin nge ka lo hmuh sual theih zawk. Ka a tawh a ni ngei ang! " Ti nghek in ka sam tuamna towel chu ka pawt thla nghal vak. Ka mawl tak zet kum 5 hnuah ka u ang lo lutuk mipa ka u ang a ka lo hmu hi ka in haw tak zet!


________________________________________________

* BENJAMIN MALSAWMSANGA *


" Hmeichhe mak tak a ni! " Ti ngut in kawngka bul atang chuan ka pen sawn nghal vut. Hotel chhuah san in motor a ka thu lut a, ka phone hmet mual mual in Jenny ka call nghal zat.


" Aw.. Hello.. Min ngai nghal der a mi? " Nui hak a aw zangkhai vah a min rawn chhang tu avang chuan nui chhuak hawk in motor ka ti nung nghal vut a. Hotel parking atang chuan ka tlan chhuak nghal vut.


" I thleng tluang maw Duati! " Ka ti sup. A then tluang tih a rawn sawi chuan ka thaw chhuak nghal ham ham.


" Tak a... U engtin nge Mizoram atang a designing team lo kal te chu i tih tak? " A rawn ti lang lang a. Passenger seat a ka file dah ka melh phei vut rual in kha hmeichhe thinchhe zet kha ka mitthla zui nghal a. Ka ner nghal sawk.


" Ngaihtuah buai duh suh! Ka lo chingfel vek mai ang! " Ka ti let ve sup.


" Mahse mipa i nia he thil ah kher kher hi chuan ka ring tawk lo che a nia, chuvang chuan a thlalak tal kha ka hmu duh! " A rawn ti zui zat a. Ka nui hawk, ka nau ni mahse a thu hi a duh ve mah mah a chang chuan ka ti ve thin. Mahse chu ti chung chuan khawvelah a mah ai a ngaih pawimawh ka nei lo.


" Tak zet che hian! Thiam loh ka nei tawh ngai reng reng em ni? ' ka tih chuan a nuih a rawn zal ngang mai.


" Sual thiam lo teh! Ka pa in chu ti tak a a duh sak te chu engtiang fako a tha nge an nih ka hmu ve chak a lawm. " A rawn ti leh nang nang a.


" Ok! Mahse naktukah i hmu chauh ang. Zan in chu mu hma rawh! Motor ka khalh a ka dah dawn a nia! " Ka ti let sup.


" Engmaw? Tinge motor i khalh tih i sawi vat loh. Dah rawh ka dah a nia! " A rawn ti nghal chiam a , nui hawk in ka dah ve ta hram. Vawin tlai lamah a thiannu pasal neih tur avang in a zin chhuak thut a. Chawp chilh zetin chaw hma lamah mole ah ka bazar pui nghe nghe.


Tun a ka project buaipui pawh hi Jenny hna a ni mah zawk a, designing lam buaipui tu a nih avang in mahse a hman leh tak loh avang in a rawn let hma chu ka kutah ka pa in a dah a. Jenny zin tur ka thlah fel hnu in meeting nei tur in ka tlang nghal a mahse kan mi hmuh tur te lamah harsat a awm thu chawp leh chilh in kan hre leh thut a, design ho duplicate chu u tho mah i la meeting hial an rawn thulh chhan va chin kher ka duh vang in an thlenna hotel ah ka va kal chilh kha a nia.


In ka thleng a, ka pa in min hmuh rual in a office lamah min hmuh duh thu a sawi avang chuan ka zui nghal a.


" I nau te i be tawh em? " A chair a a thut thlak rual in a ti sup a, ka biak tawh thu in ka chhang ve nghal.


" Tak a... Ka zawh duh tak che chu vawin a in meeting chung chang a nia. Enge in an? " A rawn ti leh nghal a. Hna chung chang ka pa in min zawh lohna a rei tawh avang hian mak ka ti ve deuh viau.


" Ka pa ti nge an ni kha i duh sak viau hi ka hre thiam lo! " Ka ti sup.


" Chhan vak a awm lo. Kan awmna in zir chiah lo mahse hetiang a sumdawnna a in zawm hi tha ka ti a. Chu zawng chu. Chuan rawn kal zing a Angeli kha ka thianpa fanu a ni bawk a! " A rawn ti nghal zat a. Ka mitthlaah hmeichhe ngo ving veng, bathrobe var ha a, a sam towel a tuam var lak kha ka mitthla a ka nui suk.


" Kha hmeichhia kha maw? " Ka ti sup a, ka pa in min melh nghal haw.


" I hmu tawh maw? I hmuh tawh chuan a that chu i chhuak thei ang! " A tih tak ah chuan hre thiam chiah lo mah i la ka zawt buai peih lem lo. Ka room ah pheiin shower ka nei a.


" Angeli! A in hmeh mah mah a nih kha! Engvang a ngaihtuah zui nge ka nih hrep!" Ka ti chhuak sup. Kawngka min rawn hawn sak rual a mak ti zet a min melh kiau in thlarau hmu ang mai in khaw dang hawi lek lo in min en a. Ka hming ka sawi hnuah erawh a min huatna mit meng a khat in min en thung a nia.



Ka lu rawn na deuh thut vang chuan bathroom bang chu ka vuan chawt a. Engvang a hetiang a awm ringawt nge A nih lah ka hre hauh lo. Tui chu off in towel chu ka veng a, bathroom atang chuan ka chhuak a, ka lu na ngut ngut vang chuan khumah thu in ka in dawm kun nghal ngawt ngawt.


" U... " Ka aw hriat than deuh in min ko ri vang chuan ka meng nghal kawk. Ka lu na ka mu zal kha ka lo muhil tlang a ni ngei ang. Khum atang a thu chhuak in thawk ka la suai suai a. He mumang hi engvang in nge a reh theih miah lo tih ka ngaihtuah a ka thin a rim nghal hlur.


Ka chhungte min hrilh dan chuan kum 5 liam ta khan accident tawk in chutah chuan Jenny pawh hi a tel nghe nghe. Mahse Jenny erawh a in sawh na lo hlauh a, kei erawh ka thluak a thi tling avang in rei tak ka harh chhuak lo a. Ka harh hnuah pawh ka hun liam tawh ho ka hre chhuak zo lo hial a. Rei tak taksa che thei lo in ka awm a. Khang chhung zawng khan Jenny hian min buai pui in min en kawl char char a. Chuvang in kei pawh hian Tun thleng hian ka duat viau.


Unau ni mah i la thisen zawm kan ni lo a. Ka nu fa bik a nih ang chiah in kei pawh hi ka pa fa bik ka ni a mahse kan in hmangaihna erawh a danglam lem lo thung. Ka damlo ka harh atang in mumang mak tak tak ka nei fo a. Ka mumangah chuan hmeichhe pakhat hian min nel tih hriat zet in min lo kawm thin. Engtik lai pawn ' u... ' min tih a chawl ngai lo a. Jenny bak farnu ka neih miau loh avang in kan accident hma a nih ka ring ve mai zel a. Mahse tum thleng hian a reh thei meuh lo.


" Kha nu kha! " Ka ti chhuak sup. Angeli te reuh kha ka mitthlaah a rawn lang nghal zawk a. A aw kha ka hriat than tak ni a ka hriat leh hnu hnawh avang chuan a file min pek en pawh ka la en sak lem loh chu ka la nghal vat a, a mah contact na tur a lo dah hlauh avang in ka call nghal zat. Hotel ah kha chuan min lo lawm dan thin thawng zet vang kha ka mumang lam reng ka ngaihtuah thleng pha lo kha a nia.


Ka call vawi khat naah chuan a in ring ral thak. Beidawng ta mai lo chuan ka call nawn leh ngat.




" Aw... U... Ka muhil dawn! " Phone a lak rual chuan a rawn ti tham chel a. Ka thin a phu rang nghal dawt dawt.


" Kei mah! " Ka ti let sup!

❤chapter mil in Video clip tawi awhttps://youtu.be/RSWAncJ4fXE

[Ngaia]

CHAPTER - 34 by Amy Cck


" Kei mah! " Rawn ti chhuak sup tu vang chuan thawh phan pawh awm lo in ka thu chhuak nghal vat. Rang zet ka phone ka lek kang a mahse call a lo tawp daih. Ka phone a sana ka en chu dar 2 a lo ri vel chiah a ka ner nang.


" A lo call nawn leh maw? " Ka phone ka en reng lai chuan ner sak in ka ti chhuak sap. Tim deuh tak chuan phone call chu la in ka bengal bulah ka dah a. Tlai a a file rawn lak ah khan dik lo a awm a nih ka ring deuh rum rum. Mahse tun ang zan lai a chutiang min zawt tur a min rawn call chu mak ka ti ve deuh tho.


" Hello! " Ka ti zawi sap. Leh lam a mipa rawn thaw chhuak suai suai ka hriat rual in ka thin a phu leh nghal dawt dawt. Engvang a tiang a awm ringawt nge ka nih ka hre thiam lo.


" Enteh! Eng chung chang pawh ni se i rawn call hun hi chu i ti ve mah mah lo maw? " Engmah sawi lo a a ngawih vang vang vang chuan ka ti let vak ringawt. Engmah sawi lo mahse ka thin a rim nghal hlar. Zomuanpuia ka hriat chhuah zel vang a ni mahna.


" Heng ho hi i design a ni tih ka lo hria a. Chuvang chuan meeting na a I rawn kal tak si loh ah chuan tunah hian i hrilh fiah theih tho ka ring! " A rawn ti sup chu ka meng bial kawk. Ka phone chu la sawn in ka melh nghek ringawt.


" Tun ang zan lai tawh ah hian chutiang ti tur chuan min duh a maw? " Ka awi loh zia ka aw atang pawn a hriat ngei ka ring. Ka tawng zawh rual in za lo zet in ka nui ro hak.


" A ni mai ang chu. A design tu i ni tho a harsatna i neih ka ring lo. Nge ni a I in ring tawk vak lo zawk! " A rawn ti hmuk chu thinrim lutuk in lukham chu ka chum nghal nghek.


" A tha lawm! He tia ka sawi i hriat thiam dawn phawt chuan pawi ti lo e! " Ka thinrimna in thu nun hram hram chuan ka ti let ngat a. A mah ber in a duh te chuan ka hnial awm lo mang e.. Ti rilru chuan ka in hum ruh nghal vak.


Call chu a rawn ti tawp a, video call in a rawn zawm nghal a nih chu! Ner nang in call chu a la in laptop ah ka ti kual a. Screen a mipa rawn lang chu thei ngat i la chuan chhut thluk chawr mai ka duh ut ut.


" Min lo nghak lawk rawh! " Ti ram deuh hmak in khum atang chuan ka kal sawn a, camera ah ka lang lo ta maw tih ve leh hman hmawh lutuk in Babyi room lamah ka tlan phei a. Kawngka pawh kik lo in hman hmawh zet a kawngka chu pawt hawng khumah ka tlan lawn a Babyi mu tui lai chu ka sawi nghal nawk nawk.


" Tho vat teh! Khawi maw kan design ho copy i kawl kha ka mamawh a nia! Tho teh ka tih chu! " Tih vin hlar in a mawngah ka beng ri nghal thlawrh chu mit meng phak chap hian a rawn tho a. Ka zawh nawn leh hnu chuan mutthilh chhuak aw deuh hian a dahna chu min hrilh a. Hman hmawh zet a la in ka tlan chhuak leh nghal. Ka che reng reng chu ka hman hmawh tih piah lam a ni.


" Tlai a I file lak kha lo en kawp la. Ka rawn sawi fiah zung zung ang! " Khum a thu chung chuan ka sam ka bawk tawm mawlh mawlh a. Chu mi pah chuan ka mal chung a lekha chu ka en phah bawk. Laptop hmaah chuan zan lai pelh daih tawh hnu chuan hna chung chang kan saai fiah kual vel a. Ka theme hman leh kan kal phung vel nen, hmaih nei lek lo chuan ka sawi par par a. Laptop hma erawh en pawh ka en duh lo.


Kan zawh hnu chuan engmah pawh ti kual lo in khumah ka let nghal thak. Engtin nge kha tiang em em a chik khan min en theih? Ka thin phu rang dawt dawt chu tih reh tum in ka kut chuan ka dawm vang vang a, thawk ka la leh halh thin.


" Engvang in nge an in an em em le? " Ka ti chhuak halh. Tlem chuan an hmel a danglam a, he pa hi chuan Zomuanpuia ang lo tak in min ngaihtuah lo tih ka hre chiang a. Hna duh ve tak erawh a nih ka ring! Chu pawh chu ka u ang chiah a nihna a ni bawk.

*
" Angel. . . Angel.. Tho vat teh! " Ka puan sin rawn pawt hlim in Babyi chuan a rawn ti chung chung a. Mut kham lo zet in puan chu ka pawt let a, ka in lu khu leh nghal hmak.


" A mak e mai! Nizanah ka meng rei lutuk a engmah pawh ka ei peih lo! Min lo zu ei san mai ru! Ka mut a la chhuak lutuk! " Mit chhing reng chung chuan ka ti ve nghal niah niah . Zing dar 4 vel atang khan pangai tak in ka muhil ve chiah tak tak. Kha pa vang khan.


" Kha pa kha a lo kal leh a nia! " Babyi chuan a rawn ti chhuak vak a. Ka mu lai chu ka meng nghal kawk.


" Kha pa kha maw? " tih leh thut chhuah ka rual a, ka thut chhuah tut vang chuan ka lu a hai nghal ram ram a. Mit ka chhing nghal sawk.


" Benjamin Malsawmsanga kha i tihna a ni em? " Ka ti nawn leh ngat chu lu a rawn but nghat. Nizan ah a mah vang in ka muhil lawk thei lo a, tun ang zinkarah a rawn lang leh a maw? Enge a hriat teh hrep a.


" Heiii... Kawr pangai ha teh! Thinrim nghal lo in, kan partner tur te an nih hi, i thinrim pawh in sum hram hram rawh! " Khum atang a tho chhuak, hman hmawh zet a kawngka lam ka pan chu Baby in hlau thawng lutuk in min rawn au nghal chul. Mahse ka ngai pawimawh chhe te lo. Zinkarah kan awm na ah min rawn thawng thut a, in chei fai veng a min hmuh a beisei a nih chuan a ring sual viau ang.


" Hetah enge i lo tih leh a? " Room kawngka nem hawng in ka ti nghal vak. Nizan ka mu tha lo nen, a mah hi la hmu ngun lo mah i la a awm mai mai pawh hian ka pawi a sawi hrim hrim avang hian ka zaidam ka chhuah thei ngang lo.


" Morning! I tho fuh vak na nge? " Nuih in sum zet a rawn ti sup ru chu va pan hnai lawk a , a mah vang a ka mood hi tha lo a ni tih hrilh nghek mai ka duh ut ut. Ka hma zawn couch a mipa thu chu en in in bengdaih hram hram tum in thawk ka la halh a. A kawr dum hak chu Zimuanpuia ang mai a taksa lian leh nalh a neih avang in a in hmeh phian leh nghal.


" Enge mamawh dang i la nei a mi? " Pangai tak chuan ka ti a. Ka kum pawh a naupang chhe zawk zawk tawh lo a, nula kum 30 tling tep tawh thinrimna atan chuan a ho ka tih avang a in sum ka ni bawk.


"I ring dik e! " A rawn ti sup a. Hahdam hmel zet a thu awn duai in couch nghenchhan chu a ngheng ur ur a min melh nghal run chu ka melh ve ngar tho. Babyi pawh ka bulah a ding ve bawk.


" Enge i mamawh chu? " Ka ti hmak. Sumdawn na lam a thawk dun tur a in bia e ti lo chuan ka tawng chu a hriam deuh fak a. Chu chu Babyi pawh mak min ti tih ka hria.


" Nangmah! " A rawn ti hmuk. A aw ri bul hmuk vang chuan ka ding khawng nghal at.


" Engmaw? " Babyi zawk chuan a rawn ti haw.


" I tho chiah a nih hmel bawk a, breakfast ei dun i la kan sawi dun theih ka ring! " A rawn ti nawn leh hmuk. Engvang a in la thu nei em em nge a nih, a thluak lamah chian lohna a neih ka ring rum rum hial.


" I duh chiah lo a va ang ve! Nizan a I thil sawi chung chang vang khan a nia ka mamawh chhan che! " A rawn tih leh sup a. Babyi pawh a thaw chhuak ve halh.


" Kha tiang khan sawi vat mai ta che! " Tih leh room lam a luh ka rual a. Baby in ka in siam lawk dawn avang a room a ka luh thu sawi zung zung in min rawn zui lut a. Room kawngka a khar ri ka hriat rual in chhuatah chuan ka per nghal tan tan.


" Enga ti nge kha pa i hmuh khan i thinrim nghal vak zel a! Engmah contract pawh kan la sign lo a, kha tiang a bung hmak hmak a i chhan te khan ka lo ip chawi chawi zel a nia. " Babyi chuan a rawn ti nghal vak a. Kei erawh ka thinrim a zual deuh deuh thung.


" Kha tiang a mipa ngeiawm kha ka la hre ngai lo. Niminah pawh engmah sawi lawk miah lo in a rawn lang thut a, min ringhlel ang hrim in design ho ori pic min rawn dil a. Nizanah dar khat pelhah min rawn call in ka design chung changah presentation pe tur in min rawn ti a nih chu.


Zan lai lai ah video in presentation ka pe a nih chu! Rei lo te pawh ni lo in darkar thum vel lai a nih chu! Chuan tunah a lo kal leh ah. Thlamuang tak pawn min awm tir thei lo. He project vang hian hahdam deuh a hna ka thawh theih nan ka pa in thla thum hun min pe a nia, zan pawh mu hman lo lek a hetia tih hi , a ti mah mah a ni.


Chubakah ka ngei zawng a ni ve hrim hrim! A hmel te, a pian te, a tawng dan leh min melh dan te hi ka ngai thei lo! " In sum lek lo chuan ka ti chhuak tan tan. Ka sawi zo chu ka hah lutuk a ka thaw nghal kawk kawk.


" I awm dan chu! Engpawh ni se in ti fai vat vat la, a nghak ve lak lawh che sia. Tha tak in be lui hram hram rawh aw! Hla tak atang in kan kal tih hria la, engmah lo a kan haw chuan a zah thlak ang! " Babyi bawk chuan a ti leh nghal sawk sawk.


Phur lo zet chuan ka in siam a. Kha pa hmel ka mitthla a piang in ka thinrim a zual zel leh nghal. In siam zo a room atang a kan chhuak chu couch kha ka melh hmasa ber a mahse a lo awm tawh lo. A kal tawh emaw tiin ka thaw huai a mahse corridor lam a mipa aw ri thum dut ka hriat zawm leh tak ah chuan a la kal lo tih ka hre leh chiah.


Phone a bia a ni ngei ang. A rawn luh rual chuan a phone ken chu a kekawr ip ah a dah lut hmuk a. Ka hriat loh lai in ka lo en leh vang vang tawh. Ka hma zawn a rawn ding in mit hmul a rawn kan uk a, harh chhuak thut in ka hawi sawn nghal hmak.


" Kal i la! " A ti sup a. Lu bu nghat in ka kal a, ka hnungah min rawn zui ve nghal tih a pe ri khup khup atang chuan ka hre thei. Kan room kan chhuah san a. Ka be lo a a ni pawn min be hek lo. Mahse ka tan chuan vanneihna a ni zawk. Rawn tawng in emaw engtin emaw kher nei deuh a min tih chuan hna kan thawh hma hauh in kan in ti buai mai ang tih ka hlau thawng a ni mah zawk.


" Vawi 3 chiah kan la in hmu a! " Lift a kan awm hnu chuan a rawn ti sup a. Ka melh nghal ha.


" Video call kha ka sawi tel a nia. " Nui suk a a rawn tih pawh chuan ka chhang lo. Nizan zan lai a kha tiang thil min tih tir vang khan ka lawm lo a ni tawp. Hotel atang a chhuak in a motorah kan thu dun leh a. Khawi lamah nge kan kal dawn pawh ka hre bik lo. Zawh pawh chu ka zawt lem bik lo.


" Enteh! " Kan ngawih dun vang vang hnu chuan ka ti sap.


" Benjamin! " A rawn tih sup chu ka ner nang. Benjamin ti a ko chu ka hreh viau leh nghal. A chhan pawh tu emaw kha chu ka thin a tih rim a piang in Reuben tih mai duh tawk lo in Reubenjamin ka ti kher thin miau.


" Sawi la! " A rawn ti tak ah chuan a lam hawi chuan ka aw ka thian kharh.


" Nizan thil vel kha i tia ti hian kan sawi dun thei mai lo a mi? ' ka ti ta nge nge. Jenny zawk kha a ni lo chu pawi ka ti tak zet. A ni nen kha chuan kan in mil deuh ka ring ve ngawt a. Vawi hnih khat vel kan in biak tawh avang in. Mahse he pa hi chu kan in hmuh dan zawng zawng a duh lo vel vek tawh.


" Chaw hnu lamah chiah i let tawh ka ring! " A rawn ti hmuk a. Ka hawi nghal dawr.


" Eng.. Engvang in maw? Breakfast ei pah a sawi dun i ti a ni lawm ni! " Ka ti nghal chul chu a rawn nui chhuak hawk.


" Engvang in nge ka bul a awm hi i hreh ta viau ang a ka hriat tlat le? A chhan deuh te a awm em miss Angel! " Lu thing ngut in nuih za in sum zet in a rawn ti sup a. Chhang mai lo chuan ka ngawi daih.


" Ni lo e.. Mahse kan kalna tur chu ka zawt thei tho che a ni lawm ni! " Ka ti leh hram. Dik tak chuan he pa bul a awm hi ka duh lo. Eng tin emaw dik lo na riau ka nei a. A aw ka hriat than zet ang mai a ngaih thlak te hi ka duh lo a, ka duh vang leh tum lawk ni miah lo a a hmel leh che zia ka lo en leh vang vang thin te hi ka duh lo.


" A tha lawm! I design kha chu kan duh angah ngai ta i la. A lan dan tur ang tak in a sample siam tir ka duh a. Chu mi ti tur chuan vawinah appointment kan va siam tir ang chu ka ti. Breakfast kan ei dun zawhah chu mi ti tur chuan kan tlang nghal ang chu !


I sawi ang khan meeting naah i rawn kal thei ta si lo tun tum chu i hriat lawk leh chuan harsatna i neih hlau in ka rawn thawng thut che a nih hi! " A rawn ti dam dup a. A thu sawi vang chuan a lam chu ka hawi nghal ha.


" Engmaw i sawi kha... A nih chuan contract chu kan sign thei ang i tihna maw? " Ka ti nghal vak a. Ka khek ring lutuk chu min rawn en in a nui suk a lu a bu tel nghut bawk.


" Zingah ka nau... Ka sawi awm zia chu Jenny pawh ka hmuh tir ve a, a duh zawng tak a ni bawk a. Mahse contract tak kha chuan Jenny nen in siam dun a nih avang in a zin a rawn haw hun kan nghah a ngai a. Nakin zel a buaina awm tur kan pum pelh theih nan.


Chu mi kan nghah pah chuan a sample vel kan lo buai pui thung ang. Rem tih loh na i neih chuan i sawi thei ang! " A rawn ti cool ruih a. A thu sawi lai chu ang phiau in ka en mawl tawp.


" I duh dan chu sawi ve la! " Ka chhan mai loh avang chuan a rawn ti leh sup a. Ka lamah thle buk in mit min rawn san khum uk bawk.


" I sawi ang kha tha ka ti! Midang ho kan hrilh ve a nge! " Tih leh ka phone lak chhuah ka rual a, kan chhuah dawn a ka thinrim leh mood off ngaihtuah chuan phur sar sar tawh tak ka ni. Ni thum chhung lek in contract kan hmu dawn tih kan hre ta chu a nia. Ti kha chuan ni zan ka meng hrep te pawh kha a in chhir awm tawh miah lo.


Babyi ka call a, a lawm lutuk chu phone atang chuan a rawn rak tung a. Midang lo hrilh ve tur in ka hrilh a, thil ei na hmun tur kan thlen tak avang chuan ka be chhun zawm lem lo.


Dawhkan simple deuh lam pan chuan kan in zui a, kan thu fel chiah tihah ei tur an rawn chhawp a. An ei tur rawn dah ka hmuh rual chuan mak ti zet in ka hma a mipa chu ka melh nghal ha.


" Heng hi kan order a mi? " Ka ti ta tawp.


" Ka order a nih hi. A bik liau liau in kan pahnih tan ! " A tih tha ve mai a. Dawhkan a ei tur in chhawp ho chu ka en leh thin.


" I duh zawng a ni vak na nge? ' a rawn ti sup a. Rang zet in lu ka thing vak.


" Ai... Ka duh leh ka ngainat vek an nih vang in mak ka ti zawk! " Ka ti chhuak halh. Ka aw ah mak ka tih zia pawh ka thup lem lo.


" A hahdam thlak e! Kan pahnih in kan ei dun dawn takah chuan heng ho hi ka rilru ah a rawn lang tlat sia!" A ti sup a. Ka nui ver ver. Ka chhung lam hlim ta viau hi contract kan sign dawn vang nge he pa hian ka ei duh zawng a hriat vang pawh ka hre tawh bik lo.


________________________________________________


* BENJAMIN MALSAWMSANGA POV *


" Min ngaina lo viau emaw tih lai in ka bulah thlamuang zet in i muhil leh thung a! " Ti sup in passenger seat a hmeichhe muhil chu ka thlir ngawih ngawih a. Mak tak in kei mahah hian danglam riau a awm tlat a. Kei mah a kim lo tlat a ka in hriatna kha he hmeichhe bul a hun ka hman chhung khan an reh vek a nih chu.


Tul lo zet in nizan khan ka call ve ringawt a, call mai duh tawk lo in chhuan lan siam zel in video call ka nei zui nghal a. Mu tho phang tih hriat zet in in a hmelh a lang a. Presentation a pe tur a sam a zial tawm malh malh leh a tawng that theih loh hlau a a hrawk a thian kharh kharh tr kha an hmuh nawm ka ti tak zet bawk.


A hmel hmuh ka chak thut avang leh ka mumang a aw ka hriat thin nen a, a aw an in ang ka tih avang khan hriat nawn leh ka duh a, chhuan lamah a design ka la hman sak zui bawk kha a nia. Camera hmaah hneh sawh tak in a design chung chang a sawi fiah malh malh a. Kei in hmun dang hawi lek lo in a mah ngawt chu ka en ngur a. A mit meng te, a hnar zum sat leh a hmui te.... Engkim mai chu ka lo chik a ni ber. Ka en chian pauh leh sawi selna lai tur reng ka hre lo leh nghal.


Zan a rei tawh tih lamah ka buai pha tawh lo. Zankhua a a hmel hmu tur chuan tlaivar thak pawh ka thlang miau, chuvang a tlai tawh tak a call ka ni bawk. Mahse a mah zawk in a sawi zawh rual in a rawn ti tawp hmak a nih chu. Mahse a thu sawi lai kha ka lo record vek avang in kan in biak zawh hnu pawh chuan a hmel ngaino bei ru zet chu khum a thu awm duai in ka thlir zui reng a.


A hmel duhawm leh ngaihno bei zetah chuan hlim hmel hmuh tur a awm miah lo chuan ka rilru a la peng leh ta tlat. Ka biak chak vang in ka call a ka biak zawh hnuah erawh a hmelah eng emaw vei a nei ang a ka hriat avang in ka awm A nuam phah der lo. Engin nge A rilru ti buai ang tih ngaihtuah in ka tlaivar phah thak bawk.


Khawvar dawn lamah chuan ka lo chhing ve sek A ni mahna, mit ka men chhuak ruai ruai rual in khum chung A laptop a kha hmeichhia Angeli hmel kha a hmu hmasa ber a ka nui suk. Zing thawh ve leh a hmuh atan chuan a duhawm mah mah a ni. Awm hle hle thei lo chuan shower nei in ka in ha mawlh mawlh a. Ka room atang a ka chhuah rual in breakfast ei tur in kan awmpui ten min lo ko nghal a mahse tih tur dang ka neih chhuan lam in ka in khalh chhuak nghal vut.


Hotel room kawngkaah chuan ka ding run a, a khat tawk i n kawngka ka kik kauh kauh a. A tawpah chuan an rawn hawng ve hram. Mahse tun tum chu Angeli kha a ni tawh hauh lo. Hmeichhe pakhat zawk kha.


" Angeli hmu tur in ka lo kal! " Ka ti sup chu mak min tih hmel zet in min en a, a hnu deuh ah chuan rawn harh chhuak thut ang mai hian lut tur a min sawm in room lamah a tlan lut a. Ka rin ai an rei daih leh nghal. Mahse room a rawn chhuak te ka hmuh tak ah chuan nui chhuak hawk lo tur in ka in sum hram hram ta thung. En mai pawh a mipa tshirt tih hriat hi rawn ha chhuak in ke lawng in ka hmaah chuan a rawn ding teu a.


A sam hnawk niai leh mit meng phak chap atang chuan a muttui lai an va kai tho tih a hriat viau bawk. Breakfast ei pui ka sawm chuan a lawm hmel vak loh viau leh nghal. Mahse hna ka chhuan lam tak ah chuan a sawi sel leh duh hauh si lo. Ngei awm reuh tak a ni.


A thiannu nge a hna thawh pui nen in siam tur a an luh hnu chuan ka phone la chhuak in ka thil ei na hmun tur chu ka be lawk vek a. Engvang yeh hrep nge kha hmeichhe hmel ka mitthla rual in a ei duh zawng awm ang tur ka hre thei ang mai in in ngaihtuah nawn miah lo in kan va thlen hun a min lo chhawp sak tur ka sawi vek thei a nih chu. Jenny nen kan ei chhuah dawn pawn tun thleng in a ei duh zawng ka la hre fuh hlei thei lo a ni sia. Kei ngei pawn mak ka in ti hial.


Phone ka be zo ka lut chu an lo chhuak ve chiah, a zing tho hmel pawh a duhawm em em a, hetiang a a in chei chuan hmeichhe smart tak ang mai in a lang leh thung a. Ka duh zawk tak a ni!


A tawng mawh viau rual in ngawi reng a ka bul a a thu ringawt pawh hi ka hlim pui ru riau a nih chu. Ka hmuh hmasak ber atang khan ka hlim hmel leh nui hmel ka la hmuh miau loh avang in eng tiang chiah nge a lan dan ka hriat chak avang in file la en sak miah lo in contract kan sign tur thu ka sawi ve hmiah.


Ka rin ai a nasa in a hmelah phurna leh hlim hmel a rawn lang a , chu chuan mak tak mai in hlimna min lo thlen ve bawk. A thiante phone a a biak lai a a nui hmel leh mit menng vel chu ka en leh reng thin. A design la hmu lo mah i la a nui hmel tal ka hmu a, contract sign chu ka in chhir ta hauh lo. Chu mai ni lo in a thil ei duh zawng ka lo order sak chu a ring pha lo nge mak tihna mit meng in min en a. Kha tih lai kha chuan engkim ti thei ang mai in a mi enna avang khan ka in ngai hman hial a nih kha.


Sample vel kan order zo kan in khal haw chu a chau nge a muthlu chat char a. Tunah pawh a hmel pawisawi lo zet thlir in khaw dang ka hawi sawn thei meuh lo. Engvang a he hmeichhia hi kei mahah dang lam viau nge a nih ka hre thiam lo lek lek.


" Vawi thum chiah ka la hmu che! Mahse i khawsak dan erawh ka hmu kim vek hman hi kei pawh hian mak ka ti! " Passenger seat a muhil thaw sak sak chu melh ngur in ka ti leh sup.


Nimin tlaiah shower a nei zo chiah tih hriat zet in bathrobe ha in leh towel a a lu tuam lak In ka hmu a, zanah mu tur kai tho in hna ka thawh tir a, kei in ka lo en bawk. Chuan zingah a mu tho hlim hmai pawh la phih lo tih hriat zet in ka hmu leh a, breakfast ei tur in mawi zet a a in chei lai ka hruai chhuak a tunah a muhil lai ka thlir leh mek a nia. Enge ka tih hi ka hrethiam tawh hrep lo.


" Angel tak tak i ni hial lo maw? " Ti sup in a lamah chuan ka kut ka lek chhuak a, a sam a hmai zar tu ho chu ka hui kian sak nghal zat. In siam tha sat sat in a muhil tui phian leh nghal.


" Suala! " A tawng vai nge a rawn ti sap a. Ka nui suk.


" Naute ang mai! " Ka tih sup rual in ka lu chu a rawn na leh ngut ngut a, motor stearing chu ka bawh thlawp. Ka lu chhungah hian tun a mi aw ang chiah khan vawi tam tak ' suala' min ti fo tawh a hriatna ka nei tlat leh nghal. Chu mai ni lo in " Naute" Ti khan tu emaw ka ko fo tawh bawk!


" Ni lo! Eng thil nge ni! " Thei leh thei lo a Angeli lam ka hawi chu fiah lo ruai a thisen in a lo bual vek in ka hmu a. Thawk harsa a tih hmel em em mai leh nghal!


tawi lutuk bing bi let ka kut tha A khur mai bakah A zawi lutuk A ka type chak thei lo a, padi tawps chuan like leh cmt kha la pe ve lo zawng zawng in rawn ti ve ru aw☺☺ ka story chhiar lo tu te chu ka phut miah lo a nia mahse min lo chhiar sak a nih chuan in tan word tam tam rilru lut loh chang leh dam sam vak lo chang pawn kan rawn vawm lut hram hram a sentence hnih emaw khat leke cmt kha chu in tih ve turah ka ngai hmiah a nia. Like phei chu vawi khat in like khan LIKE nawn leh a ngai tawh miah lo leh nghal. Chuan I back hma khan story dangah in click chu ka ring tawh tho a a la click ve lo tan lo click ve ru aw in hmeltha in in fel hlawm si

[Ngaia]

CHAPTER - 35 by Amy Cck


Ka bul a hmeichhe muhil har chiah tih hriat zet a rawn zi mar talh talh ka hriat rual chuan ka thutna seat nghen chhan chu ngheng in mit ka chhing nghal hmuk. A thawm erawh ka ngaithla ru reng a. Ka lu na ngut ngut pawh tlem chuan a zia awm tan ta deuh bawk a, a hahdam thlak deuh.


Mahse eng emaw kei mahah hian thu ruk a awm tlat a hriat na ka nei nghet ta viau. Chuan he hmeichhia hian chu thuruk chu min hriat chhuah tir tlat a ka hriat avang in ka bul a awm tur in ka mamawh tak zet. Huhh... Thil ka hriat chhuah duh vang nge Angeli bul a ka awm hi kim riau ang a ka in hriat vang a a bul a awm duh ka ni tih, dik tak chuan ka hre chiang hauh lo.


" Ehee.. A tlai tawh hle mai! A muhil ve daih A mi le! " Ka bul a hmeichhe awm tham chel tawng ri vang chuan a ruk in ka nui suk. Mit ka chhin miau avang in ka hmu thei lo a mahse a thutna a a che ri rak rak erawh ka ngaihven ru viau thung.


" Aa.. A lock daih a ni maw! " Motor kawngka hawn a tum a nih ka ring. A mah chuan eng eng emaw a sawi leh niah niah a. A hnu deuhah chuan a thawm a reh vang vang a. Mahse ka bul mai ah eng emaw rimtui zet , hun rei tak ka hriat than leh ka ngainat em em rim ka hre chhun zawm a. Mit ka men chhuah rual in hnai zet ah Angeli te reuh khan min lo en reng a nih chu.


" Ah... Ih... I harh a maw? " Ti bah nak nak in a thutna lam a let tur a a che chu a kawng fekah chuan ka vuan bet nghal chawt a. Ka taksa chu a rawn bawh nghal rawk rawk. Chu chu rem changah hmang in ka mal chungah ka thut tir nghal hmiah.


" Eng thil nge i tih hi! " Ka taksa chu a kut a nam tang tang in a rawn ti nghal chul a. Kei in a che kual ve chu ka melh ngur.


" Engvang in nge kha tiang khawp a hnai khan min lo en? " Ka ti sup a. A che lai chu tawp riai riai in engmah ti lo ang mai chuan min melh reuh a nih chu.


" Kei... Kei mah hian maw? Awiawm lo eee! " A rawn ti nghal vak a, a aw thluk kual raih dan avang chuan ka nui nghawr dawt.


" Ka hriat loh hi i ring a mi? I muhil i rawn harh atang a I awm dan zawng zawng kha ka hre vek! Tu emaw chuan a thiannu phone in motor ah a tan vang in a la let theih lo thu te pawh a sawi a! " Ka ti leh sup chu a rawn ner nghal nang.


" Nang hi... I lo harh reng a maw? A nih chuan i lo muhil der char char a ni maw? I sual thiam hle mai! ' ti zui hlak in ka awm zawnah chuan a rawn beng nghal hlak a. Ka hmui ka ti sawih khum zauh. A kut a la let tur chu a kut chuan ka vawn hnan nghal hmuk a, mak ti zet a min en tu chu a mit meng mak tihna a khatah chuan ka melh nghal run.


" Tu nge i nih? " A mit a melh ngur chuan ka ti sup. A mit meng atang chuan ka zawhna kha hrethiam lo a ang mah mah bawk. Ka awm zawn a a kut nel thep ka vawn beh lohna lam chu leke chhuak in a hmel nu zet chu ka khawih a. Che lo chuan ka chet dan chu min en ve reng bawk. A vun ngo lam dang bel te hian tu emaw ka tan a mi pawimawh tak thin min hriat chhuah tir a. Mahse chu chu tu nge tih kei ngei pawh hian ka hre chhuak zo si lo.


" Engvang in rei lo te chauh ka la hriat ni si hian hun rei tak chhung hre tawh ang mai che a ka awm tlat! Lalruatpui tu chiah nge i nih? " Ka kut aahe a hmai khuap hlun in a mit a melh chuan ka ti leh sup.


" I harh chiang lo a nih ka ring! Ti zawi sap in tal sawn a tum chu a hma ai zawng in ka vuan bet nghet zawk. Engvang in nge nichin a accident ka mitthla lai khan Jenny ni lo in he hmeichhia zawk hi hmu nge ka nih pawh ka ka hre thiam lo. A tawng kam hman zawk zawk hi vawi khat mah la hre ngai lo mah i la ka tan an mikhual chuang bawk si lo. Ka rilru a ti buai tak zet.


" Min thlah teh! Khawi maw.... " A rawn tih leh tak ah chuan ka thla thawl ruai ruai a. A chhan pawh kei chauh hi hetiang a awm ka ni a, ka ti hlau ang tih ka hlau a nih chu. A mah hriat chian leh zual zel ka duh avang in tunah rih chuan mawl tak in ka che ngawt thei lo.


" Sorry! Tih hlauh che ka tum lo a nia! Tu emaw nen in in ang em a ka buai thut a nih kha! " Passenger seat a a thut fel hnu chuan ka ti sup. Mak min tih hmel zet in min rawn en ha tih ka mitsir in ka hmu vek a, ni e.. A tan chuan a mak duh viau ngei ang.


" Tu nge min hrilh thei em? " A rawn ti sap a. Nui lui suk in lu ka thing ngut. Ka mumang a zan tin ka mang phan thin hmeichhe pakhat, a hmel pawh ka hmuh theih lo a ni tih sawi lan ka tum hauh lo. Chutiang chuan sawi i la chuan mipa a tak hmuh in min hmuh lo vek pawn mipa ler tak, a mah ka hnaih duh vang a chhuan lam siam ka ang dawn riau in ka hre tlat.


Dinner ei zawhah a thlenna hotel ah ka dah let leh a. A hma ai ngawt chuan min ngaina ve deuh chuan ka hria a, ka hlim ru viau bawk. An room zawn thleng thlah in mawi hnai tak chuan min mangtha a. Kawngka chu hawng ri rak in, room chhungah chuan muang chang in a pen lut a, kawngka a in khar rual in ka nui suk.


" A lakah chuan i tla na lo tak zet a nih kha! " Phun chhuak sup in kei mah leh kei mah chu ka in bia a. Kei in kan hun hman dun kha ka kham lo ru em em a, a ni erawh chuan hawi pawh hawi let miah lo in a room ah min luh san a nia. Hmeichhe in duh tawk ve tak a nih vang pawh a ni mah na.



Hotel chhuan san in in lamah ka in khalh haw a. In ka thlen rual in kan in en kawl tu te bulah ka pa a office ah a awm leh awm loh ka zawt nghal a, a awm thu an sawi avang chuan ka pan zui ve nghal. Office kawngka kik in ka lut zui nghal a, tukverh bul a ka pa lo ding ngawi reng chuan min hmuh rual in vawi lam ka hman nawm leh nawm loh chung chang min zawt ve sup a. Tha tak in ka chhang ve nghal mai bawk.


" Vawinah office i kal lo tih ka lo hria a! " Chair a ka thut thlak rual in a ti sup.


" A dik a lawm. Design vel khan kan ti fel a. Sample vel buaipuiin kan chhuak thung a lawm! " Ka ti tha ve mai a. Vawin chung chang ka ngaihtuah let a ka nui nghal suk.


" Contract chu in sign fel ta a ni hmel ! " Ka pa bawk chuan a rawn ti leh a. Lu ka bura nghut.


" A thu ang zawng chuan kan ti fel tawh a, contract tak kha chu Jenny project khawih lai a nih vang in nakin zel a a tan a that zawk nan a mah nen an sign tur in ka la khawi lo! " Ka ti sup.


" Chu ti maw! Jenny leh i nu chu thla tawpah chiah an lo haw dawn si a. An va nghak rei duh awm ve. " A rawn tih chuan ka ngaihtuah vang vang a, Jenny te nghah chu a tha ka ti leh zual viau.


" A dik a lawm! " Tunah kei in ka lo sign pui a nih chuan an ni ho khan cham reng chhan an nei dawn lo a, chuvang chuan chelh beh nan a tha thaw khat viau.


" Chuan kan in biak lak lawh tak ah chuan i nu in min rawn bia a I nupui tur a hual sak che a ni awm a! Hmeichhe chhelo tak leh mahni lu zo tak niin, i hna pawh a pui tel thei tur che a ni awm a! I room ah i luh hun ah a thlalak a rawn thawn tawh che a lo en ve la! " Ka pa in a tih chuan ka ner sawk.


" Hetiang hi ti fo lo tur in ka nu hi hrilh fiah ve teh! " Ka ti hluk chu ka pa pawh a nui ve suk. Ka nu hi ka nu dik tak a ni lo mahse min ngaihtuah in min hmangaih tih ka hre tho a, tun tum pawh hi min ngaihtuah vang a ni tih ka hria.


" I nu hrilh te chu awm zia a awm lo tih i hriat ve tho kha. Chu bakah nupui neih hi i hun tawh lutuk tlat. " A ti leh sup a. Ka ner suk duh chauh. Chu bakah ka nu hmeichhe min hmelhriat tir ho hian ka mit an la teh chiam ngai lo.


" Ka la nei dawn a lawm! " Khi suk a tiin ka chhuah san a. Ka room ah kal nghal in shower ka nei a, shower ka nei zo ka chhuak chu ka phone dawhkan chung a ka dah chu a lo ri mek a, towel veng in pakhat in ka lu ka hru mawlh mawlh a . Jenny call a nih avang in ka la zui nghal.


" U... Vawinah office i kal lo a mi a? Chubakah design ho kha zingah ka lo thawn anf che i ti a ka lo chang char char a engmah i rawn thawn leh si lo. Tun mai khan hna lam atang in call ka dawng a design sample siam tur a I tih thu vel ka hre leh a. " Ka tawng ve hma chuan a rawn ti nghal barh barh. Ka nau mah ni se mi hi a ngaih ven reng a, a mah chauh ni lo in ka chhungte zawng zawng hian min ngaih tuah hlur hian ka hre thin.


" Sorry! Ka lo theihnghilh palh a nih kha! Thinrim mai lo la, contract erawh i lo haw hun kan lo nghak dawn tho a. "Ka ti let sup a. Chutia ka tih tak ah chuan a rilru a dam deuh a nih ka ring a aw pawh a hahdam hmel deuh.


" Tak a... Duati kan thawhpui tur te hi i hre chiang em? " Ka ti sup a.


" Kei chuan hre lo vawi hnih khat vel chu kan in be tawh. Ka pa in a hria a... Ngati nge? " A rawn ti let ha a. Chhang mai lo un thawk ka la hawk.


" Engmah ni lo e! " Ka ti zui nghal sup.


" U... Ka nu in i nupui tur a a hual lawk thlalak a rawn thawn che kha enge a an? I en tawh em? " A rawn ti leh lang lang.


" Thlalak maw? " Ka ti hmuk chu a rawn thaw halh.


" Ka rin tawk vel. I la en lo a ni maw? Lo en ngei ngei rawh aw. ... Ka dah a nia! En nghal ang che;" Tih leh phone chu dah a rual a. Ner nawng chung chuan couch ah ka thu thla dawt a. Ka phone ka hmet zui nghal mual mual.


WhatsApp a lut ta mai lo chuan ka gallery ah zawk ka lut a, vawin a Angeli thla ka lak sak chi hrang hrang lo in tlar thla dul ka hmeh chhuah rual in ka nui suk. Ni khat chhung a thla ka lak tam ber tum a ni ngei ang. Chu mai ni lo in hmeichhe pakhat thlalak vek a la ni zui chu a ka in ti leh hnu hnawh viau.


Motor chhung a a muhil lai thleng khan lak hmaih pakhat te mah ka nei lo. A thlalak ka nei tih hria se chuan a lawm lo leh hlik hlek leh viau in ka ring.


* enge thlalak chu i ngaihdan? * Angeli thlalak ka en lai chuan message a rawn thleng nghal a, Jenny hnen atang in.


" Tun a ka en lai hi ni se ka duhthu sam ! " Then suk a tiin whatsApp ah chuan ka lut ta nge nge. Ka nu thlalak min lo thawn chu ni dang ang bawk in ka sawi sel lo a, ka duh thu ka sawi lo bawk.


" Kei hian nupui ka nei ang maw? " Ka ti sup. Nupui tih thu chuan eng emaw danglam na a nei tlat a nih chu. Mit ka chhing vang vang a Angeli nui hmel ka hmu nghal zat. Ka a tawh tak zet! Engvang a kha nu bawk kha hre chhuak nge ka nih. A hma zawng in ka mang lam a hmeichhia kha ka ngaihtuah let a, a hmel hre lo mah i la ka ngaihtuah nawn reng a. Tunah mit ka chhin a tunge ka mumang a hmeichhia kha tih ka ngaihtuah dawn apiang in hmeichhe pakhat chian a rawn lang tawh! Kha hmeichhia Angel Lalruatpuii kha!

IMG_20201016_212609.JPG
IMG_20201016_212609.JPG (76.49 KiB) Viewed 6943 times

___________________________________________________


* ANGEL LALRUATPUII POV *


Room kawngka chu ngheng in thawk ka la vang vang a. Ka thin phu rang dawt dawt leh ka kaiza tha khur der der vang chuan ka ding ngil thei mang lo. A muhil emaw tiin hnai zetah a hmel ka en lai in mit a rawn meng thut khan min thawng em em a. Chu mai ni lo in kei mah ang bawk in eng emaw ngaihtuahna... Ka sawi chhuah thiam loh thil a hriat ve thu a sawi phei kha chuan beiseina hlir in ka khat bawk.


Nileng in a bulah hun ka hmang a mahse vawi khat mah ka ning chhin miah lo pawh kha ka mak ka ti bawk. Zomuanpuia ka ngaihtuahna pawh theihnghilh thak in hun ka hmang kha a nia. Nge ni a... Kha pa kha Zomuanpuia nen an in an em vang a bul hun hmang ang mai in ka in ngai zawk pawh ka hrethiam tawh lo. Mahse vawin ang khan kum 5 chhung khan ka rilru tak tak in ka hlim ngai tawh lo tih erawh ka hre chiang thung.


He pa ka tawn atang hian mi pangai ni leh ang mai in ka in ngai tlat miau. A mah vang khan thil ho deuhah nasa zet in ka thinrim a, tihluihna tel miah lo in ka nui leh a, ka hriat miah loh in ka chhung lam atang in beiseina min siam sak bawk a. Mi dang lam tak chu a ni.


" Engtik khan nge i lo let a? " Ka in ti fai zo, ka room khum chungah vawin kan thil buaipui ka en lai chuan Baby in a rawn ti a, ka hawi chhuak nghal vat.


" A la rei lo. In chhuak in rawn haw chiah a mi? " Ka ti let vat a, khum a rawn mu thla in lu a bu nghat. Ka thian tha ber a ni bawk a, vawin kan va kal na chung chang vel leh Benjamina khan min hruaina vel chu khum lu lam ngheng chung chuan ka hrilh malh malh a. Thil dang zawng zawng chu ka hrilh vek a motor chhung a kan awm dan tih loh kha chu. Babyi pawh chuan a lo ngaithla ve zel bawk.


" Woow... Kha pa kha i ngaina lo khan ka hre si a, nge ni a ka hre sual zawk? " Ka sawi zo chu a rawn ti chhuak halh a. Ka ner nghal nang.


" I hria em... Ka hmuh dan chuan vawin chu khang kum 5 chhung a a vawi khat nan Zomuanpuia bul a hun hmang ang mai in ka in ngai a. " Ka ti sap a. Ka sawi zawh rual in ka nui lui sak. Motor chhung a ka lo muhil te kha ka ui ngawih ngawih.


" Duh tawk teh! Pangai tak a min kawm leh hmasak berah mipa dang chung chang min hrilh hrep a nia. A nih Dr Rinzuala i be tawh em? " A rawn ti zui zat a. Ka melh nghal ha.


" Oiii... Nang nu hi... Tun lawk khan mipa dang chung chang i sawi char char, vawinah i pasal ni mai tur pawh i la be miah lo a maw? Kan chhuah lai khan a biak tlang theih loh thu a rawn sawi a sin! " A ti zui nghal vak chu ka bag ka ban nghal vat a. Ka bag chhung a ka phone ka dah chu ka la chhuak zui nghal.


" A missed call vek! " Ti sap in Babyi hmaah chuan ka phone ka lek kang a, Babyi pawh a lo meng nur nasa mai.


" Lo in be rawh u... Ka va in thlak lawk! " Tih leh thawh a rual nghal a. Kei pawh chuan u Rinzuala chu ka call back ve nghal.


" Eng thil teh hrep nge i tih a? Vawi tam tak ka call che a, ka beidawng in Babyi ka be hial a, an rual a I chhuah ve lo thu an sawi phei kha chuan ka ngaihtuah lutuk che a sin! " Phone a rawn lak rual in min rawn vin nghek chu chhan let ngaihna pawh ka hre lo. Ka hriat a ta tun hi u Rinzualan min vin a min hauh hmasak na ber a ni hial ang.


" Tihpalh! Hna thil vang in kan chhuak daih a, ka... " Ka ti hman chu a rawn pawt chat hmuk.


" Hna i thawk a nih pawn call vawi khat chiah lak kha a har viau em ni? Nileng in nang mah ngaihtuah reng reng in hun ka hmang a. Hre chuan... Nang hian midang hi i ngaihtuah ve thlawt lo. Kei hian i thu ka lo tawmpui che kha ka ti sual in ka hria. " A rawn ti sup. Khum atang chuan tho chhuak in hreawm ti zet in ka thaw hak.


" U Rinzual ka tihpalh ka tih chu... Ka phone lam ka lo ngaihtuah miah lo a.. " Ka ti zuai raih.


" Hmeichhe luhlul ve tak i ni tih ka hria. Kei min ngaithla duh lo a nih chuan i nu leh pa engkim hrilh ka pawi ti hauh lo. I tan a tha tur a nih chuan i chung chang engkim.... engkim avaiin ka hrilh ang! " A rawn ti leh hmuk. A aw atang chuan a lawm lo tak zet tih ka hria. Ka thiam lo tih pawh ka pawm vek. Nileng in kha pa bul a ka awm avang khan ka phone lam reng ka ngaihven lo a tin ni.


" Mahse ka nu leh pa chu engmah i hrilh thei lo a nia aw! Min tiam vek tawh kha. Tunah pawh an rilru na a dam thei lo a, kei in ka kal san dawn tih an hriat chuan an na tuar hmel ka hmu thei lo ang. " Ka ti sap.


" Nang pawn thu min tiam kha, mahse i bawh chhe hmasa a sin. Ka hmuh theihah i awm loh vang pawh hian ka rilru a nuam lo sa a ... " Sawi zo lo in A thaw hawk.


" Ka tihpalh... "Ka ti ve halh. Ka in thiam lo tak zet bawk. Ka in her chu ka room kawngka bulah Babyi a lo ding ve reng. Ka hmuh rual in ka ngawi nghal chawt. U Rinzuala chu ka biak leh tur thu hrilh in phone ka dah a, Babyi chu ka nuih lui sak.


" Enge i lo tih leh dawn? " Pangai tak chuan ka ti sap a. Mahse a hmel erawh a dang var pap.


" Tunah khan u Rinzuala i bia ti raw? Enge i sawi awm zia kha? Tu nge kal bol dawn ? " A rawn ti sap. Mak ti zet chuan ka en mawl tawp.


" Zep nei suh aw... A nih lo chuan Pa Nunsanga te bulah eng emaw dik lo a awm tih ka sawi dawn! " A rawn ti ve nghek.


" Baby... "Ka ti sap. Mahse sawi chhuah mai ka hreh ve em a vang chuan ka ngawi leh vang vang.


" A tha e... I thian emaw ka nih ka lo in ti ve char char a... Mahse ka lo ring sual a ni. " Ti hap a in her a tum chu ka thu sawi avang in ka ding zui dat.


" Kei hi ka dam rei tawh dawn lo! " Ka ti nawn leh sap. Ka aw chu a chhuak tawk tawk a, hetiang thu hi tu hnenah mah sawi chhuah ka duh ngai lo mahse tunah Babyi bulah ka sawi chhuak ta tho a.


" Min tih der reng suh! " Nui ro hak in a rawn ti vak chu tawi te in ka nui ve sak.


" Dawt sawi ka thiam loh zia i hriat kha. Ka mitah hian en la dawt ka sawi lo tih i hmu em em ang! Ka lung hian chhiat lam a pan mek a... Ni tin hian ka thih hun ka nghak a ni ber mai! " Ka ti leh halh. Ka rin aiin ka aw a dam a, ka sawi chhuak tha phian bawk.


" Ka ring lo che! Engmah hrisel lohna i neih tawh loh thu i sawi vek tawh kha. Ngati nge tunah kha tiang khan i sawi leh. Dr Rinzuala pawn I tha vek tawh a tih kha! " A rawn ti bah nak.


" Min zep pui tur in ka ti a nih kha. Chuvang chuan nang pawn Tu ma hnenah sawi suh aw... Baby... Hei hi kei ma duh dan a nia chuvang chuan engmah hre lo ang in awm hram rawh aw! " Babyi chu pan hnaiin a kutah chuan ka vuan a, ngen ngawl zet in ka melh bawk. Ka sawi hi hrethiam ngei se ka duh tak zet tih ka mit meng atang in a hmu thiam ngei ka ring.


" Ai... Ka thei lo... Dr Rinzuala chu i khap thei a ni mah na mahse kei chuan ka thei lo. Ka thian tha ber hetiang din hmun a I ding lai lo en tawp che hi ka duh lo. I lung pawh chu Pa Nunsanga ten an hriat chuan a thlak na emaw tih dan an ngaihtuah leh mai ang! Chuvang chuan... "


" Chu thil chu thleng tur in ka duh hlei nem! " Ka ti fiak that. Babyi muttui tling pam in min melh a kei pawh in ka melh ve tho.


" Angel! " A rawn ti sap.


" In en kawl ka duh tawh lo. Chung te chu dam la thlahlel teri chauh in an ti thin. Kei chuan dam hi ka thlahlel tawh lo a sin! " Ka ti halh. Ka biang a thip zawk a, Babyi thinrim hmel ka hmu zawm nghal.


" Awlsam tak in engtin nge kha tiang khan i sawi thei. I hma i lo ssial hle mai. U Reubena vang a ni tih chu ka hriat thiam pui che. Mahse midang pawh in an hmangaih te , an nu leh pa te pawh an chan ve thin tho. Khawvelah nang mah chiah hetiang tuar hi i awm emaw in ti suh. Nunna hi a hlu a sin. Engtin nge awlsam tak a thih i duh thu I sawi theih? Pasal neih i duh thu i sawi khan hma kam i pan thei tawh ti in ka lo hlim ve em em a mahse min lo bum reng a. " A rawn ti khur dar dar a. Ka biang sa hat hatah chuan ka mittui a luang thla nghal pap.


" Ka hria lawm. Nunna hi a hlu! Chuvang chuan tum thleng in ka la ti tawp em hlei nem. Kei chuan ka nghak chauh zawk a lawm. Pasal nei a hma lam ka pan theih hi i ring tak tak a mi? Zomuanpuia tel lo hian ka nun hi ka hmang thiam ve in i ring tak tak a mi? Kei chuan ka thei ve lo. Kum 5 chhung khan ka tum ve a sin mahse ka thei chuang lo. Chuvang chuan engmah hre lo ang in awm mai rawh! " Ka ti chhuak tiau.


U Rinzuala neih ka rem tih chhan pawh ka awm loh hun a ka nu leh pa min lo en kawl sak a min lo ngaihven sak tur ka mamawh a. Engkim u Rinzualan hre sak vek a min nei duh a ni a, chu tah chuan kei chuan ka thiam lohna ka hre ve lo. Ka lung a function tha lo tih chu kum 4 Liam ta khan kei leh u Rinzualan kan hre daih tawh. U Rinzuala sawi dan chuan accident khan a effect chho a nih thu a sawi a.


U Rinzuala pawn ka rilru thlak a in zai tur in min ti fo a, lung min pe tu a zawn a , a hmuh pawn kei man ka hnial char char a. Ka nu leh pa lo tur in a vo tak meuh in ka vo bawk. Ka doctor a nih ang in min tih sak hram a. Mahse tun thleng in a lung a awi lo tih pawh ka hria. Ka hmu lo der hram hram zawk mai a ni.


" Engtia rei nge hetiang a I la awm dawn? Treatment tal la leh rawh! " Khum a thu thla chuan a ti halh.


" Ka hre lo. " Ti hap in ka thaw hak. Mahse ka chak lo tial tial tih erawh ka in hria. Dubai kan thlen tirh a bathroom a rei tak ka awm chhan pawh khan earphone a hla ka ngaih thlak vang ni lo in nikhaw hre lo a ka awm vang zawk a ni a. Ka vawi khat awmna mai pawh a ni tawh hauh lo. Mahse mi ka tlat pawh loh bakah rual ka pawl loh em avang in ka la in zep thei mai zawk a. Ka nu leh pa tak ngial pawn ka doctor ber in ka that thu a sawi miau avang in engmah an hre lo a. A hma a naupang chhia tak a awm kha ka bansan tawh miau a. Ka na a nih pawn midang in an hriat ka hlau em em a, min ngaigsak a min duat tur a ka duh ber Reuben Zomuanpuia a awm tawh lo a, midang tu mah tih buai ka duh hek lo.

*
*

" I hman dawn tawh em? Kei chu lo kal ve li mai la ka duh! " Ka room ah Babyi rawn lut in ka in chei malh malh lai chuan a rawn ti a. Ka ner nang. Ka natna min zep pui a in tiam a mahse min ngaihsak leh lutuk a kei mah zawk hian ka hau leh thin.


" Engvang in maw ka lo kal loh ang? He ta kan awm chhung chuan in tih ang a piang tih ve ka duh! I hriat kha ka dam rei tawh dawn lo! " Fiamthu ti tak deuh chuan ka ti a. A meng rum ngang mai.


" Kha thu kha min sawi khum ziah suh. Kan let hun ah in zai i duh theih nan ka ti buai char char dawn che. " A rawn ti hlak a. Ka nui ve mai. Kei chuan ka rilru hi ka thlak tawh ka ring lo. Tu mah in min thlak tir ka ring tawh hek lo, ka nu leh pa pawn hre mahse engmah a danglam phah kher lo ang.


" I hman chuan kal i la! " Ding chung chuan ka ti sap a. Zan in chu kan thian ho ti tawh mai ang! Kei leh Babyi chuan kan thawh pui te pahnih nen in ti hlim tur in chhuah ve kan tum a. Midang ho hi chuan hun awl an neih chuan an kal fo a, kei erawh tun hi an zingah ka vawi khat tel ve na tur a ni thung.


" Tak in... Zan in chu ti nge dinner ei tur emaw tal pawn a rawn biak miah lo che a? " Lift a kan awm lai chuan Baby in a rawn ti a. Benjamina a sawina tih ka hre thiam nghal.


" A buai ve a niang chu. ! " Engah mah ngai lo ang tak chuan ka ti a. Mahse ka mit in erawh ka phone ka melh deuh reng tho. Nitin kan in hmu ziah a. Hna kan khawi dun fo bakah hun awl a neih chuan min len chhuah pui tur in a rawn kal ziah a. Midang ang lo tak in kha pa kha chu ka ngaina a, a bul a ka awm tawh chuan engpawh min tih pui se nuam ka ti em em vek a. Kan thil tih lam ni lo ka bulah a mah a awm vang zawk ni ber in ka hria.


Hotel kawtah Grace-i te pahnih pawh an lo din a. Min hmuh rual in an thian te an lo tel ve a pawi em tih min zawt a. A Hming in nula vek kan ni aa, hetiang a chhuah ni khua a lo in tih thu vak ka duh loh avang chuan an tih ang ang ka pawi tih loh thu ka sawi ve mai bawk a.


Kan kalna tur Bar kawtah in tawk tur a an in biak hnu in kei ni pawh kan chhuak ve a. Benjaminan kar hnih chhung khan Dubai min fan kual pui nasa bawk a, kei pawh in nuam ka ti ve tan viau. Bar bul kan thlen chuan Grace-i thian te ho nen kan in hmu ve mai a. A hma a an lo in hmuh tawh avang in midang ho chu an in nel vek a. An fel hlawm em avang chuan kei pawh min kawm tlang nel ve viau.


Mipa panga leh hmeichhe pathum an ni a, kei ni pali nen kan ei ve deuh lai lai bawk. Zanlam in tih hlimna a kal tih tak in an thawmhnaw pawh a the hlem hlawm viau. Mahse Bar chhungah chuan hmuh hreawm khawp an ni bik lo. Kei pawh ka khup chung chen vel a fual ka in bel a. Kawr fual hi chu ka tleirawl chhuah atang a ka hak na sat a nih vang in ka in bel nasa ve pangai a, ka danglam teh chiam lo. Pheikhawk hill nei pawh ka hna vang in ka bun nasa a ka thiam ve thaw khat bawk.


Tost nei an rawt a, kan zing a mipa pakhat chuan kan in kawp kim in bear a lam a. Ka ban ve ringawt chu Baby in a phal lo nasa. Hman a chhungkaw picnic kan neih kha min ti hre chhuak rum rum hial. Kha bak kha hetiang lam hi ka ti leh tawh ngai lo. Mahse tunah chuan engmah in dan khip khep ka peih tawh lo.


Ka no chu ka in ruak ve vek a. Music ri hulh hulh karah chuan lam tur in an in zui chhuak a. Midang ti hnual a an awm ti nuam lo tu nih ka hreh avang in rei lo te chu ka tel ve mahse kan thutna lamah ka let leh vat thung. A khat tawk in ka phone ka chek reng a. Malsawmsanga message emaw phone call ka rilru chuan a nghak a ni ber. Mahse nghak ang a lan ka duh chuang hauh lo.


Zomuanpuia theihnghilh thak a ka ngaihven ta chu kei mah leh kei mah pawh ka in haw rum rum hial. U Rinzuala ka ngaihtuah chhuah chang phei chuan mahni in thiam lohna hlir in ka khat a. Mahse Benjamin Malsawmsanga call emaw message ka hmuh chuan engmah ka hre chang leh tawh ngai si lo.


Midang ho lam suau suau en chung chuan ka hriat loh lai in ka no a lo ruak leh der tawh. Boruak uap leh music ri bengchheng zet kal san tum chuan ka thutna atang chuan ka tho a. Exist in xiahna lam chu phe ruai a hmu in ka pan a. Pawn boruak hit thler a ka chhuah rual in duham zet in thawk ka la nghal hak hak.


Pheikhawk sang ka bun vang leh ka lu hai deuh vang chuan sir lam a, thir in kham chu rin chhan in ka ding awn deuh riai a. In chhung mi an tam ang aiin pawn erawh a reh tlawk tlawk thung.


" Eng thil nge ni a? " Ti bak hlar in puan nge kawr lum zawk a min rawn khuh hlun chu ngai thei lo zet in ka pawt thla a. In chhung a ka awm ai khan pawnah hian ka ruih a zual daih zawk in ka hria.


" Nihawm sek ee.. " Min rawn khuh leh avang chuan ka ti leh vak a. Ka in her chu ka mi hmuh vang chuan mit ka khap fak fak.


" Ehee... Malsawmsanga a lo ni reng! Ka mit vai chu a ni si lo! " Nui var var a tiin din ngil ka tum chu ka pai nghal nak a. Phun hluk a min rawn dawm din leh rual in ka irh fiak nghal ak.


" I va in hnem awm ve! Lo kal rawh ka thlah ang che! " Tih sup in ka ban rek a a rawn vuan chu ner nang in ka thing per sawk.


" Aii... Ka duh lo! Ka thiante nen kan haw rual leh mai ang! " Ka ti ve fan. "Min rawn biak pawh tum lo in heta a lo awm leh daih a! " A hriat phak loh tur chuan ka phun nghal hlak.


"Naupang chhia lutuk! " Ka tawng a hre pha nge a ti hluk chu ka thin a rim deuh tlat leh nghal. A phone rawn ri vang chuan thaw chhuak hawk in a kekawr ip chu a dap nghal rawk rawk a. Nur deuh nang in a che vel chu ka melh ve bawk.


" Pawnah ka awm! Ka lo lut tep! " A ti sup a. Hepa hi midang hmuh a tum chiang. Ka ngaihtuahna in a rawn ti nghal. Ka ngaihtuahna vang chuan ka lawm lo zual ngawih ngawih. Melh rawm a in her a kal sawn ka tum chu ka kawngah a rawn vuan bet nghal hmiah a. Ka tal nghal laih a mahse phone be reng chung chuan min pawm bet tlat a nih chu.


" Reubenjamin min thlah rawh! " Ka ti vin that. Ka vin lutuk chu a che pawh a tawp ve dawt a. Ka thil in hma pawh khan hepa chungah hian ka lawm lo ru tawh a, ka thil in khan ka thinrimna a rawn ti zual leh sauh bawk ni mai in ka hria.


" Engtin maw? Tunah khan engtin nge min koh kha? " Ti chhuak hrawk in Ka dar a min vuan in min sawi deuh nawk a, mit ka chhing sawk.


" I ninawm! Ka kal duh a nia Malsawmsang! " Ka ti leh vak. Engvang in nge Reubenjamin ka tih ve ngawt nge ka ni? Ka rui tak zet tawh a ni ngei ang.


" I duh ang chuan i kal ang. Mahse in chhung lamah ni lo in ka bulah! " A ti hmuk chu ka ner nghal sak.


" Ka duh lo. I rual pawn ka kal lo! " Ka ti rual in ka taksa a kang nghal nawlh a. Kan din na atang chuan min pen sawn pui nghal pawk pawk a nih chu. A motor bul kan thlen rual in a kut leh lam in hneh zet in kawngka a pawt hawng a, min nghat lut nghal hmuk a. Chhuah tum in ka tal zui phat chu min rawn vuan bet nghal hmiah.


" Min dang suh! Nang pawh midang hmu tur in a nih kha i rawn kal. Ni leng pawn min rawn be lo a, tunah hetiang hmunah pawh i kal hman leh tho a! " Ka rui suak pak chuan ka ti nghal tan tan a. Ka biang leh lam ve ve a rawn khuap in a hmui lum ham ham a ka hmui a rawn sik tak ah chuan ka khawng nghal at!


" I hahdam deuh tawh em NAUTE! " A in lak hran rual chuan a ti nghal sup!

Chapter mil in video clip a awm aw☺ https://youtu.be/gba5Hq8C9WA
❤❤ a story hi a thui tawh dawn lo aw a kual in a hneawm tawh in tih pawn min lo dawh hram hram ru. ❤❤

[Ngaia]

CHAPTER - 36 by Amy Cck


" Tunah khan engtin nge min koh kha? " Benjamina mit meng thim khup leh tak runah chuan ka melh a ka ti sap. Ka hriat sual te a nih ka ring rum rum hial. 'Naute! ' min ti a nih kha. A aw chhuk thawp sup leh dam ruih, Zomuanpuia min duatna aw ngei kha ka hre tel thei bawk!


" Naute! I in hmeh i ti ve em? Ka hmuh tirh phat atang che khan he tia koh che hi i in hmeh riau in ka hre bawk a! " Aw dam dup leh cool ruih hian a rawn ti nawn leh sup a. Min chhanna aw dam dup chuan beisei bo mai ka beisei a ni tih min hriat tir leh nghal. Mit ka chhin sawk rual in dan zawh rual loh in ka mittui a dir nghal zawih zawih bawk.


" Eng thil nge dik lo awm? Harsatna i neih chuan min hrilh rawh eng thil pawh ni se ka tih sak vek ang che! " Ka mittui tla a hmuh rual chuan min ngaihtuahna aw ri chuan a rawn ti dam leh dup a. Ka hmui hnuai lam pet fan fan in lu ka thing nak a. Mit erawh ka meng chhuak ngam tawh lo.


" I harsatna chu min hrilh la Naute! " A kut lian leh lum vung vung a ka hmai khuap hlun chuan a rawn ti thawp leh sup a. Ka a tak ngial dawn! Engvang in nge Benjamin Malsawmsanga ni lo in Reuben Zomuanpuia a ni zawk mai lo!


" Min kuah rawh! " Ka ti chhuak tiau a, mahse min kuah hma in kei mah zawk chuan ka zawn mai a rawn thu hniam a nih avang in a nghawng ah kuah in ka pawt hnai nghal vat a. A taksa lian leh lum vung vung chu nghet zet a kuah in a awm a hmai ka phum kak a, a ri lo chuan ka tap khur nghal der der.


" A tha leh vek mai ang! " Ti sup in duat zet in min kuah let a ka hnungah chu duat zet in a chul hliau hliau bawk. Mahse engmah hi a tha thei tawh lo tih ka chian em avang chuan ka rilru na erawh chhe te pawn a dam phah lo.


' In hmel leh hming chiah a in ang lo a sin! Vawi khat chuan Benjamin Malsawmsanga ni lo in Reuben Zomuanpuia i ni thu min hrilh la chuan mi a ang mai in ka zui nghal ang che. ' ka ngaihtuahna chuan a ti ruai a. Tunah 'Naute ' ti a min ko avang khan tul lo zet in beisei na ka nei a mahse a chhe leh nghal vek. Mahse chu ti chung chuan he mipa ka kuah beh mek hi Zomuanpuia ni se ka la ti ngawih ngawih tho.


" Ni chin khan Reubenjamin min ti in ka hria! " Nui za aw zawi sup a ti tu chu ka melh reng a. Ka lu hai chiai chiai in ka mut chhuak in min zem tan mahse mit ka chhin san phal lo.


" Naute! " Ti sup in ka kut a rawn vuan a, tah chhuak in min tur leh ut ut tawh. Pawn lam hawi chuan ka in hum ruh ngawt ngawt a. He hmun hi ka chhuah san vat a ngai. A nih loh chuan ngaihtuah na ni lo pui pui ka pu reng a. Beisei tur awm miah lo kha beisei tur ka zawng kual a. Ka ngaihtuahna kal puiin ka a zo tak ngial dawn.

*
*
Ni in ka hmai a rawn chhun ser ser vang chuan ka meng chhuak riai riai a. Ka awmna chu ka hre hauh lo. " Morning! " Rawn ti sup ri vang chuan ka kiu in ka in nem khalh vat a. Khum mawng lam a mipa kekawr bul chiah ha a lo ding chu ka melh nghal vat. Kawr a hak loh avang in a taksa sek phiar fat chu ka hmu vek thei a. Mipa pian nalh tak a ni.


" Ngati nge tah hian ka awm? " Ka ti ha. Nizan kha ka ngaihtuah let a, ka tah khum vak hnu a motor a kan chuan hnu bak kha hriat ka nei miah lo leh nghal.


" Nizanah tu emaw chuan min chah thlak san daih a. Kan in ah ka hruai haw ta ngawt che a nih hi! " A ti sup a. Ka ngaihtuah let ngial pawn engmah ka hre thei lo.


" I harh chiang deuh tawh em NAUTE! " A rawn ti sup a. Khumah chuan rawn in nem khalh in mit min sak khum uk a. Lu ka bu nghat. Naute min ti tawh suh tih ka tum ut ut a mahse ka phal thlawt lo. A chhan chu Zomuanpuia aw thluk leh a rik chhuah dan chiah chiah in a ti ve miau a. Chu bak a hriat chak leh nuam ka tan a awm lo miau.


A mit meng thim khup mahse dam dup chu ka hawi sawn san phal lo. A hnar ngul sang vuah leh a hmui.... Ka ngaihtuahna chu a chawlh dup. Nizan khan min fawp! Zomuanpuian min kal san hnu hian tu mipa mah hi ka hnaih leh tawh lo. Hnaih tumna pawh ka nei hek lo. Kum 5 lai liam tawh mahse ka taksaah Zomuanpuia sul hnu hi tu mipa mah in an chhui ka phal lo a. Ka duh hek lo. Mahse a vawi khat nan he mipa hian min fawp a nih chu. Tun a ka harhfim hnu hian ka u phatsan ta tlat a in hriat na ka nei lian viau leh nghal.


" Dik lo a awm a mi? " Ka awm dan chu hrethiam in a ti sup a. Khum chung a rawn la in nem khalh reng in hnai zetah min melh ngur bawk.


" Ka ... Ka tihpalh! Ka ti buai hrep che a. Ka kal a tha tawh in ka hria! " Ti bah nak in a awm lohna lam khum sir chu ka pan rawk rawk a, chhuk vat in ka pheikhawk khung mawng lam chhuat a awm chu ka bun mawlh mawlh a. Khum chung a mipa thu ngur a ka che vel min en tu chu ka mit sir leh zauh thin bawk.


" Ka lakah hian eng feeling mah i nei ve miah lo tak tak a mi? " A rawn ti hmuk a. Ka che ka tawp dat. A aw atang chuan a lawm lo tih pawh ka hriat sak. Mahse chhan kher ka tum lo. Kawngka lam pan a kal nghal in kawngka ka hawng dawn chiah tihah chuan ka ban bulah vuan in min pawt let nawk a. Kawngka tlem ka pawt hawng tawh chu kawngka a min nem beh rawk avang in ka ngheng khar leh nghal hmiah bawk.


" Engmah sawi lo mah la i mit meng atang hian min hnar bik lo tih ka hria a sin! Engvang in nge thup i tum tlat! " Ka hmai tlang chu a kut tang chuan a rawn chui ruak ruak a. Tal sawn tum in awm zia a nei lo. A taksa lian zet in min dang hneh lutuk tlat.


" Chutiang eng mah ka nei lo! " Ka ti ve tak na a mahse ka chhung lam a mi hian dawt ka sawi ti min rawn hrilh zui nghal. Chu chuan ka thin a ti rim tak zet.


" Kan fiah dawn a mi? " Ngeiawm zet a nui suk in a ti sup a. Ka khabe ah vuan in min fawh tum chuan a rawn kun hniam nghal ruai ruai a. Ka kut chuan ka theih tawp in a awmah ka nam a mahse awm zia a awm lo. Ka hmui a rawn tawk da da a, ka thlen sawn hmak chu lawm lo tih hriat zet a rum nghut in ka khabe a vawnna chu a rawn ti nghal zual sauh a nih chu.


" Duh tawk rawh! Min ti lui suh! Khawngaih in i in chhirna tur engmah ti suh! " Ka hmui chu a hmui in a rawn si tawh. Ka thu sawi vang chuan a tawp dat. Eng emaw na nei ang mai hian mit a chhing nghal chawt a. Ka khabe a vawnna chuan kawngka chu a in nem khalh nghal run a. Na nei ang mai hian a lu chu a thing nghal nawk bawk.


" A awm dan teh thut vang chuan kei ngei pawh ka hamhaih vek. Chhuah san dawn in kawngka bulah kan ding tlat a , kawngka chu a nem khalh run bawk si.


" Heiii.... I tha em? " Hlauthawng lutuk chuan ka ti vat a. A chal atang in thlan a rawn bawl chhuak tuam tuam a. Min chhang lo chuan A then leh sawk thin.


" U.... I harh tawh em? Ka lo lut dawn a nia! " Pawn lam atang in hmeichhe aw hian a rawn ti a. Ka hawi nghal dawr bawk. Kawngka lock a ri khap a mahse kawngka bul a kan din avang chuan a rawn nem hawng mai thei lo leh nghal. Ka hma a mipa chu a rawn pai deuh nawk a. Rang zet in ka kuah a. Ka taksa rin chhan chuan a ding awn duai a. A rih zia chu pui tak a ni.


" Oii... Ka duh lo. U... " Kawngka atang a hmeichhe rawn lut chuan a rawn ti hliai a. Rang zet a min rawn puiin khum lamah kan kuah phei a. Khum ah kan mut fel tir a. A lu na a ti tih a awm dan atang chuan a hriat a, hmeichhe rawn lut kha a che nghal vat vat a, damdawi ei tur a pek lai te chuan khum bulah thu in lainat zet in ka lo en tawp a. Han tih ve vak ngaihna ka hriat loh bakah enge a natna ka hriat ve miau loh avang in ka buaipui thiam ve lo a nih ber.

*
" Nang hi.... " Benjamina room kan chhuah san hnu chuan hmeichhia khan A rawn ti sap a. Ka hming sawi in ka in hmel hriat tir vat a. A mit mengah chuan mak tihna a lang nasa viau leh nghal.


" Ka thawng hle che a ni maw? " Nuam lo ti deuh tak chuan ka ti zui nghal. Nizanah a u room ah ka riak a nia, tun a kan in hmuh dan lah kha a fuh chiah lo leh nghal.


" Tlem in! Ka u hian hmeichhia a rawn hruai luh awm chhun I nia. Eng pawh nise nimin khan ka lo haw chiah a. Contract pawh kan ti fel theih ka ring. Kan driver ka phone sak ang che, ka u a dam si lo a! " Pangai deuh chuan A rawn ti vat a. Lu ka bu ve nghat. Ka rilru chuan Benjamina harh hun nghah ka duh a mahse thil mawi ber a ni lem lo avang in driver thlah chu ka sawi buai duh ta lo.


Kan thlenna hotel ka thlen chuan kan room ah Babyi leh Grace-i teri thian dun in hna an lo khawih mawlh mawlh a. Jenny a lo let tawh avang in hna lam kan buai a zual dawn miau a. Baby in Jenny a lo let tawh thu a sawi chuan ka ngaithla liam vel mai mai. A chhan chu Jenny hmu zo chiah a ka let vang in.


Ka nu leh pa te ka bia a, u Rinzuala erawh a reh vung vung a ka chungah a la lawm lo a nih ka ring. A thiam loh a nih avang in kei lah chuan biak ka in thlahrung tawh viauh leh nghal.


Midang zawng in hna an thawh lai a lo awm mai mai ka duh loh avang chuan ka tan ve nghal char char a. Ka rilru ah erawh Benjamina mawlh kha a awm thung. Mipa hrisel tak a nih hmel si a, engvang a damlo thut nge a nih tih chuan ka rilru a helh tlat a nih chu.


" Tak in... Jenny leh Benjamin kha unau dik tak an ni lo an ti a sin! " Grace-i chuan chhun chawlh kan neih lai chuan a rawn ti chhuak hlawl a. Kan room ah ei tur kan order avang in a zia viau bawk.


" Eng tin nge i hriat a? " Babyi lah chuan A lo ti hman hmawh. Kei pawh chuan ka hre chal lutuk chu ka melh ve nghal vat.


" Ka thian te khan an sawi a. Benjamina kha a pa fa bik a nia chuan Jenny hi a nu fa bik an ti! " Grace-i bawk chuan a rawn ti leh vat a. A thu sawi vang chuan ka nui ve mai a. Thil mak pawh a ni hlei nem. Chu ai chuan ka u nen kan in ngaihzawn lai vel kha ka mitthla daih a. Madan ngaihdan ah chuan lo awm ang lo in lo nak awm reng pawh kan ni.


" Lo ei lawk ru aw! " Ti leh ka thutna atang a thawh ka rual a. Ka phone la in Benjamina no ka hmet chhuak a. A that tawh leh tawh loh ka hre duh a ni mai ang chu. Tukverh bul a ding in pawn lam a building ding thup leg kawngpui chu ka melh pah a. Phone a lak theih loh avang chuan ka phun sap.


" Chuan Benjamina hian accident a tawk a, a hriatna thenkhat a hlauh tih pawh ka hria! " Gracei chuan a ti leh a. A thu sawi vang chuan ka vir nawk a ni ber.


" Tunah khan enge i sawi kha? " An bul a kal in ka ti nghal vat.




" Ohhh... Eng lo.. Ka thiannu khan a sawi ka hria a. Na tak in a Accident a, a hul kal tawh A hre thei tawh lo an ti! " A rawn ti leh a. Ka thin zawng chu a rawn phu rang nghal dawt dawt a. Ka awm dawm vang vang in thawk ka la nghal halh.


" I tha em? " Baby in A rawn ti vat a. Ka room lamah ka hah chawlh lawk tur thu ka sawi a, ka room lam ka pan san nghal.


" Accident a tawk maw? " Khum a thu chuan ka phun sap a. Ka ngaihtuahna chu a vak kual thui viau leh nghal. Awm ze nei lo zet in ka ngaihtuahna a vak kual leh ruai tawh. Ka call lah a chhang duh miah lo leh nghal.


" I sual hle mai! " Ti hap in phone chu ka dah tau hmak a. Call a la duh lo a nih chuan la lo tawp rawh se. Engvang in nge ka call sek pawh ka hre nek lo. Kan in karah engmah a awm lo a, thian pawh ka ni chuang hek lo. Tih ngaihtuah chung chuan mit ka chhing zui hmak.

*
*

" Oiii... A nuam e. Rin aiin thil a kal tluang a! " Gracei chuan a rawn ti hliai a. Vawiin hian meeting kan nei dawn a. Contract siam in thawk ho tak tak kan ni tawh bawk dawn a nia. Ka pa pawh ka hrilh vek tawh a. Min chhuan thu a rawn sawi ve luam bawk.


" Chu chiah! Thla khat vel ah kan ti fel vek chu a nia. Mahse kei chu hetiangah kan zin mai mai khat sia ka la kham lo! ' Babyi chuan a ti ve nghal vat a. Ka nui ho dar dar.


" Kan haw nghal dawn pawh a ni em lo a. Sample kan siam tir vel te kha nghah kan ngai dawn a ni lawm ni? " Pakhat in a rawn ti chuan lu ka bu nghat. Mahse chu pawh chu a rei tawh kher lo ang.


Kan kalna tur building kan thleng a. Staff hi pawn min lo hre nghal vat a. Nui sang in Jenny khan min lo chhawn a. A ruk in Benjamina ka zawng ru ruai a mahse a hmel hmuh tur pakhat mah a awm lo.


" I u hi a la dam tha lo a mi? " A tawpah chuan ka zawt ta tawp. Kan thawh ho na lawm nan thil ei tur in kan chhuak ho a. Midang chu an hlim bawk a an titi barh bar a. Kan mahni lam mizo nula pali kan ni a, Jenny te lam erawh a mah chiah mizo niin an company designer a rawn hruai ho chu hnam dang an ni thung. Mahse tawng lamah harsatna nei kan awm lo bawk a kan in kawm thei vek thung.


" Aw... Dam tawh e. A lu na kha chu, lu na ben vawn a neih vang a nih kha. Ngaihtuah lutuk duh suh! " A rawn ti mai a. Ka nui lui sak. Mahse a dam tawh a nih chuan ka call pakhat mah a chhang thei lo erawh ka rilru tak chuan ka lawm lo viau.


" I u in accident a tawk tawh tih thu ka lo hria a! Chu mi vang chu a nih ka ring ve ngawt a! " Ka ti nawn leh hram. Eng ber nge sawi se ka tih pawh ka hre thiam tawh bik lo. Mahse Jenny nu hi Benjamina nu dik tak A ni lo tih ka hriat na hian beisei na chhe te min la pe tlat miau.


" A... Nia.. Accident chu a tawk a lawm. Kei pawh accident ah chuan ka tel a. Vanneih thlak tak in na ka nei ve lem lo. Mahse engvang in nge kan chung chang.... Ni leh lo... Ka u chung chang chu i ngaih ven viau tih ka zawt thei che em? Ka u hi i duh ti dawn I la pasal nei mai tawh tur i ni tih ka hre thawi ve bawk sia! " A rawn ti ha a. Ka taksa a khawng nghal at.


" Engmah a ni lo. Ka zawt mai mai che a nih kha! " Ka ti ta ngawt. Ka taksa chau nghulh leh luak chhuak ut ut vang chuan kan hun hman chu ka ning ru ta viau leh nghal. A tawpah chuan kan in tha then thei hlawm hram a. Dubai a kan kal chhan ber kan ti hlawh tling a lawm viau awm tak mahse ka rilru erawh a dam lo zual in ka hre ta tlat a. Haw mai duh na ka nei rum rum.

*

" Baby.. “ kan room ah dinner ei zawhah kan let a. Vawin kan chhuah avang in Zan in chu hna thawh kan awl dawn a nih hmel. Khum chungah a vang zawng a mu in Babyi chuan a phone a lo hmet mial mial a. Ka lut zui nghal.


" Englo.. Contract ber kan ti fel bawk a. Lo han haw hmasak mai ka duh a. " Ka ti sap. Babyi mu lai chu a rawn thu chhuak nghal vat . A hmel A chi au nghal ringawt chu ka nuih lui sak bawk.


" Ka lo let ve dawn a mi? " A tih chuan lu ka thing vat.


" He tah hian nang tal I la cham a ngai a lawm. Thil ti fel fai vek law law tur in. Dik tak chuan ka rilru hi a buai vel vek tawh. He ta ka awm reng a nih chuan thil thleng thei lo leh ni thei lo tur ngaihtuah in ka a thei mai ang. " Ka ti chhuak halh. Dawt ka sawi lo bawk. Benjamina ka hriat atang hian ka thil tih duh ngai miah lo tur ni a ka hriat kha ka ti chho tan mek si a.


"Kha pa vang kha a ni ti raw? " A rawn ti sap a. Ka nui tawi tak thung. Zing ka thawh atang a Zomuanpuia chiah ngaihtuah thin kha tunah chuan Benjamina a lo tel ve zel a. Zomuanpuia ka mitthla a piang in Malsawmsanga hmel a lo tel ve te hi ka duh dan a ni lo. Mahse ka thu a ni hauh si lo. Ka nuah a hmasa ber leh a tawp ber ni tur in Reuben Zomuanpuia chuan ka thinlung ah dah ka duh a. Chutiang ka tih thei lohna tur a min dal tu hi tlan chhiat san mai loh chu tih theih dang ka nei lo.


Ka kal san vat lo a nih chuan zawi muang in a lamah min hruai zel si a. Reuben Zomuanpuia lak atang a min hruai hrang tur thil chu tlan chhiat san vat ka duh ber a ni.


" Angel... A pawi reng reng hlei nem I nun a mipa dang lak luh hi. Kum nga zet a liam tawh a, tu man an dem lo ang che. He pa hi i duh a nih chuan tlan chhiat san ai in hma lam pan pui nan hmang zawk ta che. Ni e... U Rinzuala chu ka khawngaih lutuk mahse nang mah i pawi mawh ber a. Chuvang chuan... " Babyi chuan min hrethiam tak in a rawn ti zui vat a. Mahse a tawnglai pawt chat in lu ka thing nak.


" Tun a ka awm dan hi ka duh a lawm. Midang nen a bul tan leh ka duh lo vang in tlan san pawh ka tum a nih hi. Nakinah Ka u leh ka naute ka hmuh hun ah hetah hmangaih dang nei a an bul ka kal a nih chuan an lawm miah lo ang.


An pafa in thik thu chhe tak an ni si a. Chuvang chuan a tawp thleng in an tan ka awm reng a ngai a lawm. A nih loh chuan an bul a ka kal ve hun ah min lo be duh lo ta se engtin nge ka tih ang? " Ka ti nghal vat. Babyi pawh in ka rilru a hre chiang tawh bawk a min hneh tum a tawngkam chhak chhuah in kei mahah awm zia a nei lo tih a hre bawk a. Engmah a sawi ngai ta lo. Hmeichhe rilru dawi tak a nih avang hian ka damlo tih pawh hi sawi chhuah a ngam lo ni ber in ka hria.


Babyi nen chuan kan ti ti a, ka phone atang in ticket pawh kan buck fel nghal a. Naktuk zing dar 10 a chhuak tur in. Zan a tlai tawh avang in ka chhungte ho chu zingah ka haw dawn thu hrilh ka tum bawk. U Rinzuala erawh min rawn phone hlauh avang in ka hrilh a. Airport ah min lo lam tur thu pawh a sawi ve thlap. A thinrim a reh deuh a nih ka ring ve ta ngawt a, ka hahdam huai bawk.


Thawm ka hriat avang chuan peih lo zet in ka meng a. Babyi ka kawngah min lo khan bet tlat leh nghal. Mutthilh leh mai ka tum chu kan room kawngka rawn kik deuh dawt dawt ri ni tlat a ka hriat avang chuan ka thu chhuak nghal hlawl. Babyi pawh a rawn rum tiah tiah a. A rawn meng ve hram.


" Thawm ka hria in ka hria! Kan kawngka pawnah sawn! " Ka tih tak ah chuan Baby in rawn thu chhuak in secur7 lam call a rawt nghal. Mahse kan thenawm room ten buaina an nei a nih loh pawn Gracei te pawh an ni mai thei ang. En fel hmasak phawt tha ka ti thung.


" Nang in va hawng la, mi sual an nih chuan staff te ka lo be nghal ang! " Room kawngka bul ah ding in Babyi chuan an rawn ti a. Ka ner nang.


" I dawi thei e! " Ti nang nang in kawngka lam chu ka pan a, in la huai zet a kawngka ka pawh hawn rual in taksa lian zet hian min kuah bet nghal thlawp a nih chu. Lalbabyi lah chu misual ti chul in a la au zui.


" A... Benjamina maw? " Babyi bawk chuan a rawn ti leh hnu hnawh.


" A rit a nia! " Ka tih tak ah chuan harh chhuak thut in min rawn pui a. Couch ah kan kuah phei a. Babyi tui la tur in ka hrilh nghal bawk. Ka rding ngil tur chu ka banah rawn vuan in a taksa ah chuan min kuah bet nghal thlawp a. Ka lo in ring bik lo nen ka rak that.


" A pawi ka ti lo. Pasal nei mai tur pawh ni mah la pawi ka ti lo. I bul ah awm hi ka la thlang tho Lalruatpui! Pasal nei dawn mah la ka pawi ti ka tih chu! " Ka beng bul ah chuan a rawn ti thawp sup a. Chet ngai na ka hre lo. A aw ri hrim zet mahse natna a khat chuan ka taksa chhung hi a nghawr dawt bawk.


" Ngati nge i va rui ve! " Tih leh thawh ka tum chu min kuah bet nghet tulh tulh a. Mahse a hmel hmu tur in ka in beng kang ta deuh hrat tho. A mit meng thin khup leh sen rum chu ka u thinrim mit meng chiah chiah a ni. Duh lo thin viau mah i la ka hmu zel si hi ka buai na ber chu a ni.


" Thlakhat chiah nang hi ka la tawng che mahse engvang in nge ka hring nun tam zawk hi i bul a hmang tawh ang a ka in hriat tlat . Rilru buai pawh min ti mah la pawi tihna ka nei tawh lo. I lo lan hma daih a tang khan zan tam tak ka mumangah ka hmu tawh che.


Vawi tam i aw ka hria a, i nui ri, i tap ri leh lawm lo aw ri zawng zawng hi ka hriat hnu vek an ni a sin! " A kut lian leh lum vung vung a ka hmai rawn khuap chuan a ti sup a. Ka meng buai nak. Babyi pawh chuan min lo en ve reng. A mit meng in enge thil awm zia min zawt a mahse chhanna ka nei lo.


A taksa lum vung vung ngheng chuan a ban hrawl zet chuan ka taksa chu couch a thu run in min pawm bet tlat a. Rei lo te ah kan room kawngka an rawn kik a Baby in a hawn rual in Jenny leh mipa pakhat an rawn lang nghal.


" U.... ngati nge hetiang hian i awm a? " A rawn ti vat a. Min melh leh zawk in " Tlutuk a lo kal ang tih kan ring pha lo. " Ti vat in Benjamina min kuahna kut chu a pawt phelh a. A rawn hruai pa chu an driver kha a ni tih la hre nghal mai bawk.


" Ka tihpalh lutuk aw! " Tih leh kan room atang a chhuah an rual a. Engmah sawi emaw zawhna hun pawh an awm lo. Babyi nen chuan hotel corridor a an in kuah chhuak chu ka en zui ta tawp.


" Ngati nge ti khan a rawn awm a? " Baby in a ti ha a. Ka hre bik lo tih nan dar ka san ak thung. A room a a lu na kan buai pui kha ka hmuh hnu hnun ber a ni a. Ka rilru a tih buai sa tawh nen kha tiang khan a rawn awm leh a. Ngaihtuah zui lo thei lo tur hian min siam a ni ri ngawt.



" A mak e... Accident a tawhna chu a lu lam a sawh dik lo a ni hial ang. A pawm tlat che bawk sia min ti hlau hman lutuk a! " Khum a lawn in a ti nghal niah niah a. Engmah ka sawi ve lo thung. Kan mut fel leh meuh chuan dar 3 a ri tawh. Babyi chu a mu hil nghal mai a. Kei erawh Benjamina ngaihtuah luat vang in ka harh tulh tulh. A mumangah min hmu thin a tih te kha dawt a sawi ka ring si lo. Mahse ka ngaihtuah hian mak ka ti tulh tulh.


" Haw vat ka ngai tak zet! " Ti sap in puan in ka in lu khuh ta tawp.

*
*

Airport thleng Baby in min thlah a. Zingah khan u Rinzualan mi zai tur a neih avang in ka thlen hun ah min lam leh hman loh tur thu a rawn sawi a. Mahse kan driver ka pa in a rawn tir dawn thung. Nizan ka mut miah loh vang nge Benjamina awm dan vang khan ka nunram a hniam deuh nghulh a. Tukin zing ka thawh atang in ka thawk a nuam lo viau bawk. Mahse Babyi engmah ka hrilh duh lo. A hlauthawng hma thei bawk nen. Ka ti chi ai ang tih ka hlau.


Aizawl ka thlen chuan driver in min lo hmuak ngei a. Kan in tlawh hmasa a tlang nghal lo in thlanmual lamah ka kal hmasa a. Driver hnenah motor a min lo nghak tur a tiin ka u thlan lam pan chuan ka kal a. Tun tum chu a mah ka ngaih zia lam ai mah chuan mipa dang ka ngaihven avang in ngaihdam ka dil a ni mah zawk. In a kan luh rual in ka nu in min lo lawm vat a. Ka pa pawh hna atang a a rawn ban hma tur thu a sawi a. Mahni in a han luh tak ah chuan thla a muang suai suai mai.


Ka nu nen thil ei pah in kan in kawm a . Ka room a ka chhauh hnu chuan shower neiin , ka neih zawhah ka tih thin ang bawk in ka u shirt chu ka in bel nghal a, khumah chuan ka mu thla nghal dat bawk. Mit ka chhin rual in Benjamina hmel ri ngawt kha ka ngaihtuah leh nghal.

*

Ka taksa lum pup pup vang chuan mit ka meng chhuak kawk a. Ka thinphu rang leh ring zet vang chuan chil ka lem nghal kalh. Khua a lo thim vek tawh leh nghal. Khum atang chuan tho in in hnuaiah chhuk tum chuan room ka chhuah San a. Mahse ka phone ka theihnghilh tih ka hriat rual in ka let leh nghal.


Step a chhuk pah chuan ka phone chu ka en a, Babyi call a tam ngang mai. In hnuai ka thlen thlak rual in Babyi chu ka call a. Choka lamah ka nu te tawng ka hriat avang chuan ka phei nghal bawk.


" I lo call a mi? Ka phone ka lo silent daih a... " Ka ti nghal vat a mahse a thu rawn sawi vang chuan ka tawng lak lawh lai ka tawp dat.


" Tu maw lo kal? " Ka ti sap. Ka aw te chu a khur ti tih hial a nih chu!


" Benjamina kha i chhuah hnu khan a rawn kal a. I let tawh tih ka hrilh hnu in a rawn zui che an tiin ka hria. " Babyi chuan phone atang in a ti leh nghal.


Kan choka a ka lut chu min hnung chhawn zawng a mipa thu chu thinphu dep dep in ka en a. Ka nu in min rawn hmuh rual in nui chung in min rawn ko nghal bawk. Min hnung chhawn a mipa thu chu muang changin a rawn in her ruai ruai a. A hmel ka hmu chu ka ang nghal phuau.


" Engvang in nge hetah i awm? " Midang pawh za zo lo chuan ka ti ta tawp. Aizawl a a awm pawh hi a mak tawh a, kan in ah a lo lut leh zel hian min thawng tak zet!

IMG_20201018_233923.JPG
IMG_20201018_233923.JPG (70.21 KiB) Viewed 7018 times

❤❤ thlalak nalh em em mai hi whatsapp Group- 3 ho siam ngat aw
_________________________________________________


* BENJAMIN MALSAWMSANGA pov *


" U... I tha em? " Mit ka men rual a ka hmuh hmasak ber chu Jenny a ni. Angeli kha hmuh beisei in room chhung chu ka hawi kual a mahse a hmel hmuh tur a awm hauh lo.


" Miss.. Angeli kha chu driver ka thlah haw tir tawh! Lungngai suh a hotel thlenna thleng him tak in a va thlah tih pawh ka chian vek tawh a nia! " Ka ngaihtuah hria ang mai chuan a rawn ti leh vat a. Thaw chuak hawk in ka thu chhuak ve nghal.


" Nizanah min rawn lam leh hman loh chhan kha kha nu vang kha a ni ti raw? " Khum sir a ding ngar chuan a rawn ti leh nghal zat.


" Zawhna ngah viau zel thin suh Duati! " Ka ti sup. Ka mit kham rum vang chuan mit ka chhing nghal sawk bawk. Nizan khan Jenny rawn zin haw lawm nan a thiante nen an leng chhuak a. Min rawn bia in a ruih deuh avang a a mah lam tur in min rawn ti a. Mahse Angeli vang khan ka tih tur ber ti lo in ka let leh ta daih leh nghal.


* FLASH BACK *


Pawn a harhfim lo tih hriat zet a a lo ding chu ral khat atang pawn chiang tak in a mah a ni tih ka hre thei a. A harhfim lo tih ka hriat chuan min ti thinrim nghal viau leh nghal. Jenny ka nau zawk pawh hriat thiamna zau tak nen ka en thei thin kha a nia. Mahse Angeli chu ka thei ve hauh lo.


Kal sawn pui ka tum chuan a tang ve ang tlat leh nghal. A kawngah man bet in Jenny ka bia a, ka lam hman dawn loh thu leh a thian te rual a rawn haw tur in ka ti zui nghal a. Lawm lo tih hriat zet a Jenny min chhanna chu ngaithla zui lo in ka phone ka hmet tawp a. Ka man beh mek hmeichhe thin chhe ve zet chu pawm kang lawp in ka motor hunna lamah ka kal pui nghal pawk pawk.


Passenger seat kawngka hawng in ka nghat lut nghal hmuk a. Thinrim khum chiam tum mah i la eng emaw tak min dang tu hi a awm leh thin. A thutna atang a rawn chhuah a tum chu a hmaah ka ding nghal hmiah a. A hma zawn ah ka thu hniam nghal run. A mit meng si sap leh a biang leh hnar sen hlar chu a hmuhnawm viau leh nghal.


A thu rawn sawi vang chuan thawk leh khatah ka thinrimna chu thli in an chhem bo vek ang mai hian a reh nghal duak bawk. Vawin ni leng a ka biak loh avang in ka chungah a lo lungawi lo a nih chu. A ti tak tak nge a ruih avang in a sawi ve mai mai chu ka hre bik hauh lo. Mahse ka chung chang a lo ngaihtuah ve a ni tih ka hriatna hian min ti lawm tak zet.


Lawm lo tih hriat zet a a phun bai bai chu enge ka tih pawh ka hriat hma in a biangah ka kut a khuap in a hmui senno chekah chuan ka fawp nghal chawt a. Engtin nge ka ka atang khan ' Naute' tih tawngkam kha a rawn chhuah pawh ka hre chuang der lo bawk.


Ka in lak hran rual chuan min beng emaw engtin emaw tak a min tih ka rin nen a khawng at a. Khawlai a kan awm miau avangin kawngsir a light eng dul deuh raih chuan a mittui chu a chhun tle deuh sap a. Vawi leh khatah chhuak zet a rawn tap in a mittui chu dan sen rual loh in a rawn dir zawih zawih a. A phal na lo a ka fawh vang emaw tiin hreawm ka ti hman a mahse mak tak in min haw lo chuan ka nghawngah min kuah bet in chhuak zet in a tap chhuak rawi rawi chu ka chhung lam hi a fan ngawih ngawih a nih chu.


Motor chhungah chuan a muhil nge mit a chhing chial a. An hotel kan thlen hnuah pawh a harh mai loh avang chuan vawi 3 ngawt ka tlan kual pui a. A tawpah chuan kan in lamah in khalh haw in kan inah a vawi khat nan hmeichhia ka hruai haw a. Kan awmpui kawngka lo hawng tu mit mengah pawh mak a tih zia a lang chhuak hial. Hmeichhe pangai ni lo in hmeichhe rui chatthla a la ni zui tunah rih chuan.


Ka khumah chuan mut in a rum nghal tiah tiah a. Nui suk a kun hniam in a vawi hnih nan a hmuiah chuan ka fawp nawn leh hram. in la hrang ta mai chuan a muhil lai chu ka thlir reng a. Hmeltha vur ti a sawi tur a ni lo, mahse a hmel hi a hmeichhia bik in a nu ru reuh viau a. A sam dum hlap ni lo uk deuh kharh chuan a vun a ti lang var deuh vak bawk.


" Ka en chian pauh che leh ka hriathnu i ang tulh tulh si. Ka ta ni thin ka tih bo tak ang mai i ni Naute! " Ka ti chhuak sup. Rum tiah tiah in a rawn in let thak a. Ka ban khum a ka in nem khalhna chu a rawn kuah bet nghal zat bawk. Sir zawng a a mut takah chuan a beng zawn hnuai lam vun var har a khuavang pahnih awm dun chuan ka mit ka la nghal chat.


" Sexy reuh hle mai! " Ti sup in ka in sum hman lo a khuavang awmna chu ka hmuiin ka nawr sak nghal hmuk.


" U... A za a nia! " A rrawn ti chhuak sapa, ka in rin hma in ka nui chhuak hawk. A kut chuan ka hmai a rawn dap vat a mahse a muhil zui leh nghal mai thung. A tawngvai a a thil sawi mai mai pawn ka rilru a ti buai in ka ngaihtuahna a vah kual tir ruai zel pawh hi a mak a ni. Khum bulah chuan Chair paat hnaiin ka thu run a. Ka lam hawi a Angeli muhil thaw sak sak chu ka thlir ning thei mawlh lo a ni ber.

*

Shower ka nei zo ka chhuak chu a lo harh ve chiah a. Kei hian ka duh tih ka pha lo, a ni pawn min ngaina tih ka hria a. A lak a ka feeling neih hi rei lo te chiah la in hre mah i la a nasa viau tih pawh ka hai hek lo. Mahse a muhil a rawn harh chuan engmah sawi pui chu sawi loh, min tlanchhiat san a tum ta zawk chu ka lawm lo ngawih ngawih.


" Min ti lui suh! " Chu tawngkam chuan min deng dawt a nih chu. Ka lu chhung a thawm bengchheng zet chu nidang zawng aiin a na in a bengchheng a. Ka lu chu rawn puak keh tur ang mai hian a awm a ni ber. A bak engmah ka hriat zawm lo bawk.


* END OF FLASHBACK *


" I la dam tha lo a nia! Vawin chu mu hahdam rawh! Office chu kei mah ka va kal ang! " Khum a tang a tho chhuak in ka thawmhnaw dahna a pawt hawng chu a rawn ti vat a. Ngai pawimawh lo zet chuan ka thawmhnaw lak chhuah chu ka in bel nghal hmuk.


" U.... " A rawn ti vin nghal hlar chu thaw hawk in a lam ka hawi ta ruai ruai.


" Hnaah ka kal dawn lo! " Ka ti zui sup. Angeli hmu tur a kal ka tum ta zawk. Tukin khan engmah ka sawi tum ka sawi hman lo, chuvang chuan min duh ve emaw min duh lo pawh ni se a lak a ka rilru put dan hi hre ngei tur in ka duh.


" Khan nu kha i hmu dawn a nih chuan a chung chang hriat tur i nei! " Ka pheikhawk ka bun zo ka din mar vut rual in ka hmaah Jenny rawn ding in a rawn ti fak.


" Sawi duh suh! Ka hmu dawn tho a ka zawt ve mai ang! Hna kal i ngaih kha va in siam rawh, a tlai tawh! " Nui lui suk in ka ti a. Jenny erawh a dinna ngaiah a ding ngar thung.


" Pasal a nei dawn! " Kal kal pel tur chu a rawn ti sap. Ka pen lai chu tawp chawt in Jenny chu ka melh nghal ngur.


" Engmaw i sawi kha? " Ka hriat sual a nih ring chuan ka ti hmuk.


" Ngaihven vak suh. Pasal hual nei lai a ni tih ka hria. Nang vang mai hian a pasal hual chu a kal san duh ring suh. Kum 5...ni lo chu aia rei chu an in zui tawh tih pawh ka hria. Angeli te chhungkua hian damdawiin an nei a, chu pawh chu tunah hian a pasal hual chuan a enkawl mek! Chuvang chuan ngaihven zui tawh suh! " A rawn ti nghal zat a. Engtik laiin nge ka thawmhnaw dahna kawngkhar ka hnek ka hre hauh lo. Ka kut thip sa hut hut chu engah mah ka ngai lo. Chu ai chuan ka taksa chhung a mei pui al hluah hluah hi ka bengdai thei lo ang tih ka hlau zawk.

*
*

" Ka vanduai tak zet! A vawi khat nan duh ka nei ve a mahse midang ta a lo ni reng a! " Ka motor chhungah chuan thu in seh chilh nawk in ka phun chhuak sup. Kar khat zet a hmel ka hmu tawh lo mahse ka hmuh thin lai ai mah khan ka ngaiin ka ngaihtuah nasa zawk thung.


A hotel thlennaah a mah hmuh ka chak a piang in kal ka ngaihtuah thin a mahse pasal a nei dawn tih ngaihtuah let in ka in dang lui leh hram thung thin. Motor chu chak zet in ka khalh chhuak a. Ka tih din meuh chuan Grand Hotel hmaah ka lo ding reng tawh.


" Min ti a zo dawn! " Ti ngut a khi suk in motor atang chuan ka chhuak a. Ka thinlung in a thlakhlelh em em hmeichhe awmna room lam chu ka pan a. Kawngka chu ka chum nghal dawt dawt a. Ka mitthlaah Angeli hmel ngawt ka hmuh vang chuan tun a ka hmu lo a nih chuan ka a tak ngial dawn in ka hre miau.


" Pasal hual maw? Neih pawh an la in nei lo a ni lawm ni! " Seh chilh nawk a tiin kawngka chu ka chum leh nghal bur a. A tawpah chuan an rawng hawng ve hram. Mipa shirt dum lian zet ha in, tho phang tih hriat zet in a sam a bawk tawm at a. A hmel hrilh hai hmel zet chu en in ka then nghal suk.



A taksa chu ka kuah nghal hmuk a. Ka hmuh chuan ka sawi ang ka tih zawng zawng kha engmah sawi chhuah tur ka nei leh miah lo leh nghal. Min kal san mai hlau chuan ka kuah bet tlat a. Min hau lo a, min dan loh bakah awm hran a tum loh vang ringawt pawh chuan ka hahdam huai thei.


" U... I motor chu driver in a rawn hawn mai ang! " Ka motor a luh ka tum chu Jenny in a rawn ti vat a. Ka banah min vuan bet ran bawk.


" Chutiang a ngai lo. Ka in khalh haw ve thei! " Ti hmuk in motorah chuan ka lut lui tho. Passenger seat lamah Jenny a rawn lut ve nghal a.


" Engtin nge hetah ka kal tih i hriat? " Motor ti nung in ka ti hmuk.


" Min rawn bia a! " A rawn ti tha ve mai a. Ka ner sawk. Chak zet chuan ka tlan chhuak a. Jenny in ka speed hniam deuh tur a min tih pawh chuan ka ngai pawimawh duh lo. Thlakhat chiah ka la hriat hmeichhe lakah he tia tak a ka chak lo chu ka in haw hluah hluah bawk.


Jenny in min auh that rual in stearing chu ka herh kual nghal pawp a. Kan hma a motor pawh chi a ding ve chawt a. Zan reh a ni hlauh a motor an tam lo bawk nen, kawng zau lai a nih bawk avang chuan kan chesual em lo.


" I tha em? " Ti sup a Jenny lam ka hawi chu a lo in veng ve hman lo a nih ka ring, a thutna kawngka lamah a chal a tauh nge a rawn thi nghal tiam tiam. " Ka tha! " A rawn ti ve sap.


" Hrep thak chuan! " Ti hrawk in ka thutna lam kawngka chu k n hawng a. A hma ang bawk in ka lu na a rawn chhuak leh nghal. Ka lu thing nawk in ka chhuak zui vut a. Mahse motor ka chhuan san rual in ka kaiza a rawn tliak hnawk a nih chu.


Midang in min rawn buaipui lai leh Jenny mangang min au ri te chu an hla vuai vuai a. Ka taksa chu a chau ngawih ngawih tih zawng ka hria!

*

" U... I lo harh tawh a! Paa... Nu... " Mit ka men rual in Jenny chu a au nghal chul a. Ka pa te pawh an lo lang vat. Ka that leh that lo min zawt luam a mahse chhan na ka pe miah lo thung.


" Tu te nge in nih? " Ka ti sup. Jenny chuan phawk zet a min en in " U... " A rawn ti sap.


" Ka zawh cheu chu! Tu te nge in nih? Kei hi engtin nge Benjamina ka nih daih theih? " Ka ti chhuak nghal hrawk.


" Kha nu khan thil dik lo ang emaw a hrilh che a nih kha. Kan thu sawi hi ngaithla rawh! " Jenny chuan a rawn ti nghal vat a. Thinrim zet in min vawnna kut chu ka thing thla nghal sawk.


" Zomuanpui! " Ka pa chuan a rawn ti chhuak nghal hrawk. Ka khi nghal suk.


" Ni e... Kha kha ka hming dik tak a ni! Engtin nge tah hian ka awm theih! Ka chungah enge in tih hrep! ' ka ti leh hrawk. Ka lu la hai deuh ruai vang chuan lu ka thing nghal sawk bawk.


" A ni lo... Ka... Pa hrilh fiah tum ve ta che! " Jenny chuan a ti nghal vat a.


" Bawihte engkim a hrevek tawh. Sawtna a awm tawh lo! " Ka pa chuan a ti zuai ruih. Jenny chu ka nu in pawnah a chhuah pui a. Khum sir a chair chu pawt hnaiin a thu thla nghal hmuk.


" Tu nge i nih? Engvang in nge i fapa ang a min en kawl? Chuan ka lan dan te hi ... " Chair a ka pa... Ni lo ka pa a ni lo.. Mipa thu chu melh in ka ti hmuk.


" Engkim i hre chhuak tawh a ni maw? Hre lo hlen la tih erawh ka duh tak zet ! " A rawn ti chuan ka bo tulh tulh. Nautei nen accident kan tawk a engvang hetah awm daih nge tih ka hre lo tak zet bawk.


" Thil awm dan chu min hrilh vat mai rawh! " Ka ti ve hrawk.


" Ka fapa chu i la ni reng a nia. Pu Nusanga chuan enkawl in chawm lian che mahse ka thisen atang a chhuak ka fapa chu i la ni reng a nia! " A rawn ti ve sup.


" Ka pa i ni maw? Chu chu lo awi ta pawh ni i la hetah ka awm chhan hi ka la hre chuang lo. " Ka ti leh hmuk. Ka pa chu a rawn nui ve suk .


" A hmasa berah chuan ka hma ka sial vang a ni a, kal chungah i lawm lo a nih pawn ka hrethiam lutuk che. I nu... Ka sawi awm zia chu nangmah hringtu nu in a pai lai che khan ka nupui hmasa zawk kha a rai ve mek a.. Hmingmawii kha pasal nei lai a ni bawk nen ka nupui hmasa zawk chu neiin Dubaiah hian kan pem ta daih a.


Chhungte puihna nen sumdawnna ka din chho a, ka nupui pawh in fapa a hring a. Nang erawh mizoram a ka rawn zin chang chuan ral khat atang in ka lo thlir ve thin che. Nunsanga leh Hmingmawii an in then khan enkawl che ka tum ve viau a. Nunsanga pawh ka be nghe nghe. Mahse pu Nunsanga te nupa khan an phal lo a. An hmangaih zia che pawh ka hre chho a. Nangmah ngaihtuah lo in kum ka hmang chho ve thei bawk a.


Vanduai thlak tak in kan chhungkua in accident kan tawk a. Kang mei kan inah chhuak in ka fapa Benjamina chuan a nu chhanhim a tum na lamah a nunnaa chan nghe nghe a. Kei erawh hna thil a ka zin lai a ni nghe nghe.


A hnuah tun a ka nupui nen hian kan in nei a. Ka taksa lamah dik lo a awm avang in i nu nen hian fa kan nei thei lo a. Mahse Jenny hi i nu in a rawn hruai lut a kan khua erawh a har bik lo. Accident in tawh lai kha Mizoram a ka rawn zin lai tak a ni a.


Inchhungkaw buaina pawh kha ka rawn hre ve hman a. Champhai ah hmuh che tum a ka rawn kal lai a nih avang khan damdawiin ah ka hmu ta reng che a. Accident vang in i thluakah thi a tling a, thisen i hlauh hnem in i na viau nghe nghe.


Ivanneih em em chhan i hria em? I bul a ka lo awm hlauh kha, kan blood group hi O negative a ni avang in, midang thisen pe mai tur che kha an awm lo mahse kei in ka pe thei che . Mahse Doctor thu sawi chuan ngaihtuahna dang min pe ta tlat a. Ka thisen zawm ka fapa la dam zawk i ni a ka bul a awm tur in ka duh che a. Doctor in i rawn harh hunah i lu i sawh nat em avang in nghawng a nei dawn tih a sawi khan i pa bia in in rem siamna ka neih pui a. " Min melh chung chuan za lo zet in a then nghal suk.


" In rem siamna chu ka pa chuan a pawm a maw? Kei min thawn bo hi a rem ruatna maw? " In seh ruh tawlh tawlh chuan ka ti hrawk. A tawp thleng a ka pa in min thawn bo a duh chu ka rilru a ti na tak zet bawk.


" Duh thlan tur a nei tlat si lo. Ka bul a ka hruai ve che a phal lo a nih chuan thisen tla chham in i thi mai dawn si a. I pa ve tho a ni a i dam kha a tan chuan a pawimawh ber a ni ve tlat. Ruang nangmah ang tak ka zawng a, hmel hmuh tlak lo in kan siam bawk.



Nunsanga nen kan in rem siam miau a , nangmah vuinaah pawh ruang hmel hmu an awm lo. Champhai atang khan i thi tih an nem nghet tawh bawk a. Nang erawh ka bulah ka hruai ta daih che a. Mahse i harh hunah i hriatna a bo ang tih kha chu ka hre lawk lo tak zet. Pangai tak a I rawn harh chhuah chuan kan bul ah i awm duh dawn lo tih pawh ka hre chiang. Engkim kha risk tak meuh in ka kal pui ve. Mahse chhung lam hi kan lamah atang nge i rawn harh hmasak ber khan engmah i rawn hre lo.


Kha ta tang khan surgery doctor thiam tak ka ruai a, tlem a I lan dan ti dang lam tur khan. Jenny leh i nu chiah in an hria a. Ka fapa Benjamina hming ka pe bawk che a. I pa pawn a hriatna a la rei lo. Harh chhuak thei lo ang char char in ka sawi che a. Mahse thup reng theih erawh a ni ta lo a.


Engmah i hriat tawh lohna hi remchang a ka hmang a, a chang chuan hreawm pawh ka ti mahse ka fapa ka bul a awm chhung chuan ka zep char char ang. I pa in I harh chhuak tih a hriat khan min rawn ngen a, a fanu nen vawi khat chiah in hmuh tir a chance pe tur in.


Ka hnial fithla thak nan ka hma ka sial em vang a ka fapa nun ruak erawh thiam ka in chan bik si lo. Engkim huam in ka pawm. Nunsanga sawi kha a dik chiah bawk a, ' a thinlung lalfanu a hmuh chuan i dang zo bik lo ang! ' a tih kha! " Nui suk in a rawn ti a. Ka lut chu a rawn beng thuk thuk bawk.

*

Hotel lamah ka in khalh chhuak a, ka phur tluk zet in ka huphurh. Naute i hmuh a engkim hrilh hlan ka nghak hlel a mahse min lo dawn sawn dan tur ka hre lo. Ka thi tawhah a ngai ngei dawn si a. Hotel room a rawn in hawn rual in Nautei chu ka zawng nghal ruai a. Babyin a haw tih a sawi chuan ka thaw hawk.


Chhuak hmasa ber tur ticket la in ka um zui nghal a. Engvang in nge ka nupui chu ka um zui lo teh lul ang. Hotel ah in nghat in ka pa ka phone a, engkim ka hre tawh tih ka hrilh chuan a aw atang a lawm tih ka hriat sak ve nghal. Nautei nen kan chung chang pawh ka ngaihdan a la ngai reng tih ka hrilh nghal a.


Zanriah ei tur in min rawn tih a, keiin Nautei ka bulah ka hruai tur thu in ka chhang thung. Ni e... Rei tak tiang thu an lo zep avang hian ngaihdam rih mai har ka ti a ni mahna.



Zanriah kan kil lai chuan ka nu chu ka en leh vang vang thin a hmel a tla ve dak a ka pa nen engmah kan la sawi chhuak lo miau a. Nautei erawh in ka thlen atang in ka la hmu miah lo. Ka nu sawi dan chuan a muhil a nih hmel a.


" Bawihte i lo tho chhuak tawh a... Hei in leng kan nei a nia! " Ka nu in la hnung lam en a a tih rual chuan ka in her a Nautei hmai dang var pap chu ka nuih suk.


" Enge i lo tih ve! " A rawn ti nghal sap chu ka ner sawk.


" I pasal ka awm ve reng lai a pasal dang neih i tum hi ka en liam mai che i ring a mi? " Ka ti sup. A hmai ai zawng in a hmai chu a dang leh nghal .


" Eng... Engmaw i sawi kha? " A rawn ti ban chap. Ka nu pawh chu a hawi nghal dawr.


" Kan in ruk lai reng in pasal dang i lo melh hman a, i pasal hi ka lawm lo ka ti a nih chu! " Ka ti leh hmuk. Ka nu mak ti hmel chu ka pa in Reubena ka nih thu in a hrilh nghal sup bawk. Ka hma zawn a hmeichhe taksa awn riai riai chu rang zet in ka pawm kang nghal nawl!


Hemi chapter video awwhatsapp Group-4 atang in
https://youtu.be/6QkKqgFgOAA

ADS HI A CHUNG LEH A HNUAIAH DAH VE VE A NI A
A chung leh a hnuai a mi hi vawi khat ve ve click tur a ni e, in lo hre dawn nia