LOVE IS NEVER ENOUGH CHAPTER - 39 by Amy Cck

[Amy]

CHAPTER - 39 by Amy Cck


" Enga ti nge tah hian ka awm? Eng thil nge i tih hi? " U Rinzuala chu mak ti lutuk a en in ka ti chhuak vat a. Eng tin mah min chhang lo chuan kawngka bul atang chuan a rawn pen lut a, khum chu rawn hel kual in ka mut na khum sir lamah chuan a rawn ding a ka drip khai chu a rawn khawi zui nghal zat.


Ka theih ang a rang chuan ka in nem kang a, mahse ka tha ka nei lo lutuk chu thu chhuak tur in min rawn pui nghal vat a. Khum lu lam ngheng chuan ka thu awn nghal diai a. U Rinzuala chu ka melh nghal vat.


" Engvang in nge hetah hian ka awm a? " A vawi hnih nan ka zawt nawn leh sap. Tun tum chu ka bul khum chungah a thut avang in a hmel ka hmu chiang deuh a. Mahse engmah thil dang lam thleng ang pawn a awm miah lo. Ka ban a drip khaina chu a pawt phawi a , a thip deuh sek avang chuan ka ner nghal sak bawk.


" Damdawi in atang khan ka hruai chhuak che! " A rawn ti sup chu ka melh nghal vat. A thu sawi awm zia ka hriat loh tluk zet in engvang a damdawiin atang a min hruai chhuak nge a nih pawh ka hriat loh avang chuan sawi leh mai tur ka hre lo.


" Engvang in... Ngati nge min hruai chhuah? Ka u emaw ka chhung ten an hria em? " Ka ti let nghal a. Chik zet in u Rinzuala chu ka en a, eng thil nge a ngaihtuah ka hre thiam chuang hauh lo.


" Tu man an hre lo, an hre ngai bawk lo ang! " A rawn ti sup a. A sawi zawh rual in a nui nghal suk bawk . A awm dan chuan min thawng tak zet leh nghal.


" Enge i sawi awm zia chu? Ka nu leh pa te hriat loh in min hruai a maw? I thil tih hi i hria em? " Ka thei ang a vin chuan ka ti nghal vak a. Ka thu sawi a pawi sa lo hmel lutuk chu ka in seh ruh nghal nghek.


" Ka haw dawn! " Tih leh chet sawn ka tum chu ka ban rek a rawn vuan in min pawt let nghal nawk a. Khum lu lam bangah chuan che thei lo tur in min nem bet nghal nawk a, ka rak zui that.


" Kei hi bawlhhlawh ka ang em ni? I duh hun hun a i biak that a, i mamawh loh ve leh a I hnung chhawn tur ang lekah min ngai phiangsen a maw? " Ka hmai bul chetah chuan a rawn ti chhuak hrawk a, a thu sawi vang chuan ka hawi nghal dawr . A mit meng chu rawn sen rum in ka hriat thin Rinzuala hmel kha a ni tawh miah lo.


" Eng... Eng thil nge i tih hi? " Tal chhuah tum chuan ka ti ve vak a. Mahse ka ban rek chu mu chum chum khawp a a hmer nat avang in ka tha a chak lo bawk nen ka tal chhuak thei lo.


A hmel ka en chu min khawih hrep chak hluah hluah ang mai mit meng a pu a. Doctor zai dam leh thinrim ve thei lo ka hriat thin kha an na pakhat mah a nei tawh lo chuan min ti hlau ve tak zet. Ka hmuh tirh kha chuan hlauh na em em pawh ka la nei lo kha a nia, mahse tunah chuan ka taksa chhung lam hi a khur ru der der tawh.


" Ka hmeichhia i nih hi! Engtin nge mipa pakhat Reubena ang a a rawn lan vang mai a chhe te pawh a min ngaihtuah lo a, kha pa bul kha min pan san theih zawk? Awl sam tak in ka kal tir che i lo ring a nih chuan i ti sual chiang khawp mai! " Ti leh hrawk in ka kut chu hma lamah pawt hnai hrawk in khum bul mai a drawer chu pawt hawng in hrui a rawn la chhuak a nih chu.


A thil tih tur ka hriat lawk a vang chuan nasa zet chuan ka tal nghal vak a. Ka tal nasat pauh leh ka ban rek a vawnna chu a hmer na bawk si. " Min thla rawh! Hetiang hian ti suh! " Ti chhuak nghek a ka kut ka pawt vak chu ka vei lam zawk ka pawt chhuak thei hlauh.


" Hrep chuan... Awm hle hle rawh LALRUATPUI! " Ti chhuak thawt in a kut a rawn vai nghal fua a, ka biang a thip zawk rual in khumah ka bawk nghal thlawp a. Thaw hak a in beng kang leh ka tum chu ka lu hai vang in ka thei tawh lo.


" Ka thu awi la na i tuar lo a ni mai! " Ti sup in ka kut chu a rawn pawt deuh nawk a. Ka hnung lamah chuan a tawng nghal mawlh mawlh a. Ka biak thip leh lum pup pup chuan khum a sik rual in ka ner sak a, ka mittui a rawn chhuak nghal pap bawk.


Ka hnung lam a ka kut a phuar zawh chuan min rawn tung tho deuh nawk a. Khum lu lam min nghen tir in ka sir ah chuan a rawn thu thla a. Tap chhuak lo tur in ka hmui ka pet fan fan a, ka mittui erawh ka biangah a lung ngiai ngiai tih ka hre thung.


" A na viau em? Ka tih palh a nih kha! Kut thlak che ka duh lo tih i hriat kha! " Aw dam dup a tiin ka sam hnawk niai, ka mittui vang a ka hmai a rawn bet te chu dim dawi zet in a hui kiang a. Ka biang min benna avang a sa hut hut chu a khawih rual in sir lam ka hawi hmak a mahse ka in chhiar nghal. Na zet in ka khabe ah a lam hawi tur in min kuai her nawk a nih chu.


" Min kal san tum lo la chuan tiang hian i awm miah lo ang. Enge pek kim loh che ka neih? Ka ngaihsakna, ka hmangaihna zawng zawng ka pe vek che a sin Angel! Enge min hmangaih ve theih nan ka tih la ngai dawn? " A rawn ti thawp sup a. A chet dan hian min ti hlau em a sawi tur pawh min ti hre lo zawk hial.


A mit meng leh A chet dan chuan min thlahlel ngawih ngawih hmel A pu a. Mahse chu chuan min ti hlau tak zet.


" Min kal tir rawh! U Rinzual... Hetiang mi i nih loh kha! Khawngaih in! Min kal tir chuan engmah ka sawi lo ang. Min ru bo tih pawh ka zep tlat ang! Khawngaih in! " Ngam leh ngam lo chuan ka ti chhuak tiau. Ka thu sawi chuan a ti thin rim tih hriat zet in a thaw ri hrawk a. A thutna atang chuan ding chhuak vut in khum bul drower chu a chhir nghal chawrh a, ka phu nasa lutuk chu ka ip nghal chawi.


" Chu thil chu a thleng ngai lo ang! Ka ta i nih hi. Ka hmeichhia, khawvel a ka hmangaih awm chhun! Hun rei tak ka nghak a sin nang nei tur che hian, thawnthu ngaihnawm deuh hrilh tur che ka nei a sin! I ngaithla duh ang ti raw? " Ti sup in ka bulah chuan a rawn thu thla a. A chet dan ni vut vut leh a chang a min rik rap ang mai a a awm thin chuan thawk pangai in min ti thaw thei lo.


" I hre ve kher lo mai thei a, kei hian highschool ka kal lai atang khan ka duh tan tawh che. Naupang te mai kha i la ni a, hmeichhia ah pawh a bik tak in i no in i naupang chhia em em a, Reubena lakah i in nghah nasat zia pawh kha ka hmu a . Reubena nen kan in kawm chhoh tak zel ah phei kha chuan ka hriat loh kar in ka lo ngai na ve viau che a. Mahse nang chuan i hre lo mai ni lo in khang ka duhna che te kha i hmu duh ngai miah lo.



Chhuan lam ho te te siam in, in inah ka lo leng lut fo a, a chhan pawh nangmah hmu tur che in. I hrisel loh em avang in school i kal ve ngai si lo a, in in a rawn len luh mai loh chu tih theih ka nei ngai lo. I rilru kha a thianghlim em a, engmah ka sawi chhuak ngai lo, a chhan pawh min huat ka hlauh vang in.


Mipa emaw ngaih zawng lam I ngaih sak lo ringawt pawh kha ka hlim pui a sin. Damdawiin ah vawi tam tak i rawn lut a, kha tih lai te khan nang mah rawn hmu tu te kha ka lo chik em em vek a. Mahse ka hre chiang ve viau che khan ka in hria a, i chhungte lo chu midang i ngai na mai mai ngai lo tih kha! Vawi tam tak Reubena pawh i chung chang ka zawt thin nghe nghe.


College i kal thei pawh kha ka lo hlim ve hman viau a. College i chhuah ve leh ka rilru put hmang ka hrilh ang che tiin ka ngaihtuah a mahse engkim kha a rawn thleng thut a. Engtik lai in nge ka lak atang khan i hlat tak viau? Mipa i ngaihtuah ngai lo tiin ka lo hahdam na zawng zawng kha engmah ka lo hriat loh vang a lo ni reng a. " A sawi zawh rual in a then nghal suk. A nui hmel chu midang ang a ni lo, a hlauh awm ngawih ngawih.


" Tu nge hria ang Reubena nen in lo in ngaizawng reng tih kha. Kha tih lai a ka rilru nat zia kha i hre kher lo ang. Ka chan dawn che emaw ka ti hman a. Mahse i pa in nang neih ka duh leh duh loh min zawh kha ka hlim a, beiseina ka nei leh a. Mahse chu pawh chu rei lo teah i ti chhe vek! " Ti hrawk in ka khabeah chuan a rawn hmer sawk a. Ka ner sak.


" Kei min neih ai khan i nunna tih tawp hial kha i thlang a nih kha. Kha ti khawp a min duh lo tih i ti lang kha chuan min ti na tak zet. Mahse ka beidawng mai lo a nia. Thawnthu chu a in tan chiah zawk! I mitah mi tha tak ang a lan kha a ngai tih ka hriat avang in Reubena nen in in ruk dawn pawh khan ka pui cheu a nih kha.


Kha thil tih kha a harsat zia i hria em? Ka hmeichhe hmangaih leh duh ber chu mipa dang nen an in ru tur ka pui a nih chu. Atthlak zawk hian. Mahse engkim kha ka ruahmanna ang in kal vek miau a. Kan khuaah awm tir che in Racheali pawh kha engkim ka hrilh sa, ka thian a nih a, ti tur a ka tih zawng chu Reubena hnaih kha a ni a.



Chuan I hria em... Ka nau Dindini leh Dika pawh kha ka ruahmannaah an tel a sin. Reubena nen in inkar tih chhiar a I rawn let hun nghah kha ka tih theih awm chhun a ni a, chanchin engkim kha ka lo hre ve zel bawk. Reubena nen in in kar chhe tan mek te kha ka lo hlim pui em em a, Aizawl lamah Reubena hriat loh a k rawn let tih ka hriat a ka lawm xia kha i hre thiam kher lo ang.


Reubena ber i huat chuan engkim a tha vek dawn tih ka hre miau a. Mahse accident kha rin loh deuh in a rawn thleng leh si a. Mahse ka vanneih a zarah Reubena a boral ta hlauh a. I tuar lai ka hmuh khan hreawm ka ti ve lutuk a sin. Mipa dang vang a mi a ang mai a I khawsa ka hmuh khan ka lo na ve vawng vawng a. Dam chak na i neih loh thu min hrilh ni a ka awm dan kha min hriat thiam pui kher lo ang.


Ka theih tawp in ka dawm che a, kum 5 kha a tawk viau lo a mi kei min hmangaih ve tur hian. Ka nun pum khan nang bak ngaihtuah ka nei ngai lo a sin. A tawp ah chuan min neih i rem ti ve hram a. Min hmangaih vang a ni lo tih hre mah i la ka la hlim tho. Ka bul a I awm dawn vang khan. .. I zin kha lo rem ti lo tawp tur ka ni a sin.


Min huat a min hmuh duh tawh loh ka hlauh luat a I duh ang leh i sawi ang chuan ka tih sak zel che a. I natna pawh ka zep sak che a, min huat ka hlauh vang in. Kan in nei a nih chuan ka nupui i nih ang in duh lo mah la engkawl dam che kha ka tum a sin. Mahse rei lo te chiah i mipa hmuh in Reubena a nih thu a sawi vang in zan khat lekah kum kha ti chen ka thawh rah chu mei vapah i chan tir vek a. Tunah chuan engmah ka ngai pawimawh tawh hrep lo.


Ti hian ka bulah i awm anga, i thawk ve tawk tawk chhung chu ka bulah i awm dawn. I duh emaw duh loh pawh ni la ka kal tir thei lo che! " A rawn ti hmuk a, a thu sawi mak zet vang chuan sawi ve tur pawh ka hre lo. Room a chhuah san lai te chuan ngawi reng in ka thu tlawk tlawk a. Khang kum chhung zawng khan kei leh ka u min then hran tum in hma a lo la char char a nia.


Tum nei ran in min lo hnaih a ni tih chu rin harsa ka ti tak zet. Dika chung chang kha chu ka u khan min hrilh tawh ngei a, mahse engtin nge Dindini khan kha tiang rilru chhia kha kan chungah a put theih. Kei lha kha ka tleirawl rilru nen khan ka u chanchin a sawi kha chu ka lo awi ve mai zel kha a nia.


A thawm a reh vang vang avang chuan khum atang chuan harsa zet in ka chhuk a. Ka kut hnung lamah a tawn tlat avang in ka che tha thei lo. Ka damlo taksa chak lo nen chhuat a ka din rual in ka chawn leh kaiza tha chu a khur der der a. Tukverh bul a phei in pawn lam en ka tum chu engmah a hmuh theih lo leh nghal. Kawngka lam pan in hawn ka tum chu pawn lamah min kalh khum tlat bawk si. Ka hlau thawng leh rilru na lutuk tih ngaihna hre bawk si lo chu chhuatah ka thu thla hnawk.


" Min pui ru! " Ka ti tiau a. Mahse room chhung phui zet atang hian ka thawm a chhuah theih ka ring chuang lo. Ka nu leh pa ka ngaihtuah a, min ngaihtuah nasat dan tur thleng in ka mit thla thei. A bik tak in ka u! A rawn let atang in thla khat em pawh ka la awm dun lo a. A hmel hmu leh lo a thih ka hlauh na chuan ka thawk thleng in a ti sak vek thei.


Ka thinphu rang dawt dawt leh ka awm chhung lam rawn thip vin tur vang chuan ka in seh ruh ngawt ngawt a. Ka taksa chu thlan in a rawn bual huh nghal vek bawk.

*
*

Mit ka men leh meuh chuan khumah ka lo mu leh reng tawh. Ni khaw hre lo in ka awm a nih ka ring. Ka banah drip a lo in khai a. U Rinzuala chet dan hi rin harsa ka la ti cheu. Kawngka ri khap avang chuan ka hawi nghal a, hna atang a a bang chiah tih hriat zet in a la I thuam zuih.


" I mu tui bawk maw? Vawin chu ka rawn bang hma deuh a, I chhungte pawn an ngaihtuah khawp mai che. Tu nge ring ang ka inah i awm daih tih hi! Ka in ti fai a nga thil kan ei dawn nia! " Ka drip khai chu rawn phelh in a ti sup a. Thil ka ei loh na rei tawh bawk nen mahni pawn ka tho kang zo meuh tawh lo. A mah bawk chuan min thut tir a. Ka kut leh ke a phuar vek avang in chet ngaihna ka hre lo.


Min phuar lo mahse ka tlan chhuah theih pawh ka ring tawh chiang lo. A ni tel in ka chak lo telh telh miau a. Bathroom lam pan a a kal chu en pawh en peih lo in mit ka chhin san daih. Ka chung a a thil tih vang a ka thinrim tluk zet in ka lo ring thin kha mawl ka in ti tak zet.


" Lalpa leh! Angel... I harh em? " Ka dar a rawn sawi nawk nawk tu aw ka hriat rual in ka meng chhuak nghal kawl. Kimkimi hmel ka hmu hlawl chu ka mumang a nih ka ring trum rum.


" Engtin nge tah hian ka awm tih i hriat? " Ka ti zawi sap. Ka lu hai lutuk chu mit ka chhing nghal chawt.


" Rinzuala ka rawn zui ru a. Vawin haw ka tum ni a nia damdawiinah va mangtha tur a ka kal kha a office ahda damdawi mak pui pui ka hmu a! Tho vat teh! " Min phuarna vel phelh zo chuan A ti vat a. Ka hlim bawk si chu ka tah nuih tawp.


" Bathroom ah a awm a nia! " Min kuah din rual chuan ka ti sap a. Thawm dim zet chuan kan in kuah chhuak a. Zawh tur ka ngah lutuk mahse tunah chuan helai atang a chhuah hi a pawimawh hmasa ber rih .


Kawngka pui lam kan pan chu hnung lam atang hian eng emaw hian min rawn thawi fua a, chhuatah chuan kan bawk nghal thlawp. In beng kan a Kimkimi lam ka hawi phei chu ka meng buai nghal vek.


" Ni... Nilo... Eng thil nge i tih hi? Kim... Harh teh! Kimm... " Ti vak in Kimkimi chu ka hnaih nghal ruai a, a tukhum atang chuan thinsen a rawn chhuak tiam tiam a. Thawk harsa tih hmel lutuk a thaw kawk kawk in a taksa zawi ruai ruai chu ka kuah bet nghal vek.


" I thil tih hi i hria em? Tanpui rawh khawngaih in! " Ka hma a mipa bathrobe ha a ding khawng luah melh chuan ka ti nghek a. A mit meng atang chuan pawi ti hmel pawh a pu hauh lo a nih chu.


" Khawngaih in... A thi mai ang! Pui hram teh! " Ka ti chhuak tiau a. Ka kut a thisen kai nuai leh ka thutna chhuat a thisen kawi nuai chuan ka khaw hmuh an ti fiah lo a, ka tha an ti khur ti tih leh nghal.


" Min kal san tum ngai suh ka tih che kha! Engvang in nge min nawr luih tlat! I thil tih vek a nih kha. " A rawn ti sup a. Ka mal chung a Kimkimi engmah hre lo a mu zawi ngiai chu tih ngaihna hre lo zet in ka kuah a. A lu atang a thisen chhuak chu ka theih tawp a dan tum in ka hup bet a mahse awm zia a awm lo!


ka mut a chhuak over lutuk he ti thleng hi a ni mai zan in chu

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

[Amy]

* ZAWMNA *


" Min lo zui rawh! " Ti chhuak ngut in ka banah chuan min rawn phi nawk a. Ka kang nghal nawlh chu ka rak nghal that. Thei leh thei lo a tal chhuah tum in tan ka la a. Kimkimi chhuat a nikhaw hre lo a a let reng pawh chu ka melh tawk tawk bawk.


Ka taksa ah thisen a kai natsat vang in a nal a ni mai thei min pawmna atang chuan ka tal pit a, rang zet a ka hma lam chu pan rawk rawk in ka sa himna tur chu ka melh nghal ruai a. Choka a ka tlan luh hman avang in chemte chu ka chuh nghal rawk rawk bawk.


" Hahthlak viau lo teh! He hmun atang a tlan chhuak tur chuan i taksa kha a chau lutuk tlat. Ka thu awi la chemte kha min pe rawh! " Ka hma zawn a ding run chuan a ti sup a. A bathrobe hak ah te chuan thisen a kai nuai a. Ka rap lutuk in ka tha zawng zawng a khur vek thei. Ka chemte ken chu ka vawn ngheh loh hlau in a lamah ka tin khur dar dar a. Ka kut vel a thisen kai vang chuan a nal vek bawk nen kei mah tak ngial pawn ka hmu fiah thei lo.


" Ruatpui chemte kha min pe rawh. Ka hre chiang che a nia, rei lo te a I bul vel a thisen tam tak vang hian i khaw hmuh a fiah lo a nga, nikhua pawh i hre lo hial thei a nia. That tak a ka dil lai che hian min pe rawh! " Lawm aw ri bung nghut chuan a rawn ti a. Hnung lam ngheng ti tih a ding chuan ka in sut hraih hraih.


" Aii... Min... Min rawn hnaih suh! Ka sawi chu i rawn hnai leh a nih chuan ka vit ang che! " Ka ti chhuak tiau. Ka aw te chu an khur dar dar a, a sawi dik thi suk ka nei ttih a hria a, min hre chiang ve lutuk tlat.


" Min vit ang maw? Ka ring chiah lo, thisen pawh hmu thei lo hian engmah ka chungah i ti ngam lo tih ka hria. Chem kha dah thla la, ka bulah rawn kal la Kimkimi saw kan buai pui dawn a nia! " Dam dup hian a rawn ti a. Ka kaiza tha a khur nasa tawh si, ka hnung lam bang ngheng chuan ka ding a. Ka mittui vang nge thisen tam zet ka hmaah a awm vang ka hre lo, ka khaw hmuh a phe ruai bawk.


" Ngati nge min kal tir duh lo! Tual i that tep a sin! " Tap tiau chuan ka ti vak a. Doctor a ni a nunna chhan thin tu khan tun a a thil tih kha a tih ka ring ngai lo. Min chhuah tir a phal loh pawn Kimkimi kha rawn vuak a ngai miah lo. A chungah thil tha lo thleng ta se engtin nge ka tih ang. Ka u eng tikah mah ka hmu ngam tawh lo ang!


" Ka hmangaih che a lawm. Chuvang chuan ka bul a awm tur in ka duh che. Hun i nei tam lo a nia. Kimkimi saw kan buaipui vat loh chuan a thi mai ang! " A rawnt i sup a. Mit ka chin sawk rual in ka biangah mittui a luang nghal zawih zawih.


" I ti dam leh ang ti rawh? " Ka ti chhuak ta tiau. Thaw hawk in lu a bu nghut a. Ka taksa chu in thlah dul in ka chemte ken chu ka bul sirah chuan ka nghat a. Kun a mit chhing ngawt ngawt in ka tap khur nghal dar dar. Ka awm zawn rawn thip vin tur vang chuan ka thawk a rawn chham ti tih a. Ka kut a ka awm dawm chuan thawk harsa ti zet in ka thaw nghal kawk kawk.


" Ka sawi kha, hetiang hian i awm dawn tih! " Ti sup a min rawn hnaih chilh in min buai pui a , a taksa rin chhan a ka din tak ah chuan ka chemte ken lam ai chuan min buaipui in a rilru a seng zawk a ni mai thei, ka thei ang a nasa a ka tha sawng khawm in ka chemte ken chuan a vit nghal vak a. Ka taksa min bawh nghal rawk chu ka lo chak tha bik lo nen chhuatah kan tlu nghal thlawp.


" Khang lang che chuan! " Rum hrawk a a rawn tih rual in thei leh thei lo a, ka chemte ken a taksa a ka vih luh chu phawiin ka vit nawn leh vak. Harsa zet a tawl sawn in choka atang chuan ka vak chhuak a. Chhuat ka vah na hnu chu thisen in a kawi zurh leh nghal.



" Kimm... Hei... Harh teh... Maww... Kimm... " Kimkimi taksa sawi det det chuan ka ti a. Ka thaw tha thei lo. Thawk la tur a ka chet a piang in ka awm zawn hi a na zel a. Phone rawn ri vang chuan Kimkimi bag chu ka dap nghal rawk rawk a, screen a hming rawn lang ka hmuh rual in ka tap ta tawp.


Ka lu hai muai muai leh khaw hmuh phe ruai chung chuan phone chu ka la " U... " Ka ti tham chel. Choka lam a mipa na tuar rum ri tuah tuah vang chuan ka hawi nghal dawr bawk.


" Angel... I ni em.. Khawiah teh hrep nge i awm? " A rawn ti vin hrawk a. Ka thawk hreawm lutuk vang chuan chil ka lem nghal kawlh.


_______________________________________________


* REUBEN ZOMUANPUIA POV *


" Min pui rawh!... " phone a rawn ti thawp sap tu chu Ruatpuii ngei a ni. Ka thinphu chu a rang nghal dawt dawt.


Khawiah nge i awm? Lalruatpui min chhang teh! " Ka ti let vat a mahse chhanna a awm lo. Phone a la in cut bawk si lo chu hlauhthawnna hlir in min luah khat nghal. Engtin nge Kimkimi phone call a lo chhan daih thei tih pawh rin ngaihna ka hre lo.


Call chu off in ka call nawn leh ngat a mahse a ring ral thak thak tawh. Police lam a nautei bo chung change case la tu chu call in Kimkimi phone location min chhui sak tur in ka ngen tawp a. Rang zet in ka room ka chhuah san nghal bawk.


" Khawnge i chhuah leh dawn. Zanriah kil a hun dawn a nia. Kimkimi chu i be ta em? " In hnuai ka thleng chu ka nu in a lo ti vat a. Jenny pawh in min lo melh ve vat.


" Min lo ei san mai ru chhuah lawk ka ngai! " Tih leh kawngka lam pan ka rual nghal. Station lam ka pan laiin Officer in min rawn bia a, Kimkimi phone location an chhui tawp na min hrilh chuan ka rilru a buai map. Rinzuala in lam a nih avang chuan min thawng leh zual.


Ka motor chu Rinzuala in lamah khalh chhuak in ka phone chuan Rinzuala chu ka call nghal zat a mahse a ni pawn call a chhang thei lo. Thinrim zet in ka phone chu motor hma lamah chuan ka theh nghal thawt a. Rinzuala in ka thlen chuan motor ti ding in ka chhuak nghal a. A in hi building chhawng thum ni in a chungberah a mah chauh in a cheng bawk a, chu lam chu ka pan nghal vut.


" Hna a kal lo a mi le? " A kawngka in kalh lo avang chuan ka phun sup a. Kawngka chu pawt hawng in ka pen lut a, engtin nge Kimkimi hetah a awm theih tih ka ngaihtuah zui nghal bawk. Mahse ka thil hmuh vang chuan ka pen lai ka tawp chawt.


" Hrep chuan! " Ti chhuak hrawk in Angeli leh Kimkimi lo let dun reng thisen in a bual huh vek lam chu ka pan nghal a. Chhuatah chuan thisen chu a tling deuh pum tawh. Tu thisen zawk nge tih pawh hriat theih loh khawp in an pahnih chuan thisen in a chiah piah bawk.


An bul a thing thi thla rawk in ka buai pui a, ka phone la chhuak in ambulance ka call nghal bawk. Rei lo te ah police lam pawh an rawn thleng a. Ka rilru chu a bing mup mai. Ka buaipui takah chuan thisen chu Kimkimi thisen a ni tih ka hria a. Ka kawr chung chu phelh sawk sawk in a lu atang a thi put dan nan ka hmang a. Officer in midang a hmuh tih a rawn sawi chuan a hawi nghal vat a. Rinzuala chu choka atang an rawn zawn chhuak zui nghal.

*

Ambulance hnungah chuan ka zui a. Ka phone chuan ka chhungte ka be nghal bawk. Chanchin hrilh in damdawiin lam a kal nghal tur in ka hrilh a. Ka rilru chi au leh buai lutuk chu rei pawh be lo in phone ka dah a. Damdawiin kan thlen rual in doctor leh staff ho chu an che sawk sawk a. Awm dan tur ber pawh hre lo chuan corridor chhuatah chuan ka thu thluang zuar a. Midang awm ve ho chu biak pawh ka be hek lo. Mi a ang chiah ka ni ber.


" REUBEN! " Ka hma ah ka pa rawn ding khup in a rawn ti sup a. En pawh ka en lo.


" Rinzuala chu an chhan hman ta lo a nih chu! " A rawn ti nawn leh sup.


" Chuan thil pakhat tih fel a ngai a. Angeli leh Kimkimi chung chang hi.. ! " A rawn ti sup a. Sawi zawm thei lo chuan a thaw zui hawk. Kei mah ngeiin Nautei leh Kimkimi chu enkawl ka duh a mahse ka thei si lo chu ka thinrim tak zet.


" Kimkimi din hmun a tha lo lutuk a, chu tiang bawk in Angeli pawh a lung hi tun a an zai a nih loh chuan a dam khaw chhuak dawn lo. I pi sawi dan chu Kimkimin a lung hi a pe a nih chuan 100 ah 45 dam theihna chance a nei a.... Chuvang chuan... " A rawn ti chu a thu sawi lai ka pawt chat nghal hmuk.


" A nih chuan pakhat a dam nan pakhat nunna hlan a ngai a maw? " Ka ti chhuak hrawk. Ka hmai chu ka tuai nghal phawk a. Ka pa pawh chu pik tih hriat zet in a thaw hawk.



" Ka hrethiam che a lawm. I rilru tur chu. Mahse Kimkimi hian an in a chhuah san atang khan a guardian ah nangmah a dah char char che a, i boral emaw a tih khan Angeli hian i ai a awh chhun zawm a. Tunah hian harsa viau mahse thu thlukna i siam lo a nih chuan an pahnih hian kan chan dawn! " Ka pa chuan a rawn ti sup. Ka ding chhuak ruai ruai a. Ka rilru chu a buai tak zet bawk.


" Doctor hmuh hmasak ka duh! " Ka ti hmuk. Ka pa chuan min kal pui a. Ka nu erawh chanchin in a thawng lutuk chu nikhaw hre lo in a awm hial a, ka pi nen cabin ruak lamah an awm thung.

*
*
" I let dawn tih ka lo hria a! " Jenny room kawngka bul a ding chuan room chhung a Jenny in pack mawlh mawlh chu ka be sup a, a rawn hawi nghal haw.


" Nia... Hetah hian awm chhan ka nei vak in ka hre tawh lo a. Dik tak chuan ka bul a I thu sawi zawng zawng kha a dik vek. Heta ka awm luih tlat chhan chu ka rual a I let duh ka la beisei vang a nia. Mahse thil awm dan ka thlir hian beisei bo mai a ni tih ka hmu tawh.


Kei ni chu i nu ah kan lo awm ve tak tak lo tih ka mit ngeiin ka hmu tawh a. I khawvel, i mi ngainat leh i hmangaih te ho kal san a ka bul a I lo kal chu van a rah ang a ni tih ka hre tawh a lawm. Ka pa in let tur in min rawn ti tawh bawk si a! " A ti zawi sap a. Nui suk in ka kuah nghal hlun.


" Ka ngai thin ngawt ang che. Nautei a harh a, a dam that ve leh kan rawn zin ang! " Ka ti sup a. Nui sak in min kuah let ve thak.


" Duh sakna ka hlan a cheu. Kimkimi i chan erawh ka tawrh pui tak zet che. Min ngaina lo mahse i tan a hlu tih ka hmu a. Angeli erawh dam tak a a rawn harh chhuah ngei ka beisei.


Hlimna dawng tur in in tuar nasa bik e mai! " A ti sap a. Ka thaw chhuak ham ham. Driver ka thlah tir a kei pawh ka dan ngaiin damdawiin lamah ka in khalh chhuak a. Thla 1 lai a a ral tawh. Kimkimin a hliam kha dam chhuah pui a harsa dawn tih doctor in a sawi a, A lu ruh a khik bakah thisen a hlauh hnem tawh bawk nen. Mahni in thiam lo leh harsa ti zet in thu thlukna ka siam a.


Ka thu thlukna siam vang in ka nu Hmingmawiin pawh in min dem viau. Mahse an pahnih in ka chan ringawt thei si lo a.


" Nu... In lamah va let tawh rawh ka lo awm pui ang! " Kan cabin a ka luh rual in ka ti nghal sup. Ka nu chhuah hnu chuan khum a Nautei mu hil thaw sak sak chu ka en reng a. Oxygen chu kan la thla tawh a. A lung pawh a tha chho viau a. Mahse a harh miah lo thung.


Rinzuala ruang pawh an khaw lam a a pu te in ah phurh chho ni in, ka thlah liam a. Thil thlen dan dik tak sawi tur chu Nautei chiah a ni tawh. Mahse a ni lah heti hian a la awm tlat bawk si.


Rinzuala an vihna chemteah Nautei kut thla chiang tak in kan hmu a. Thil thlen dan chu rin hriat ruai ruai mah i la chu chuan kawng ro a su teh chiam lo.


" U... " Ka kut a nautei kut ka vawn reng lai chuan min rawn ko sap a. Rang zet in ka melh nghal vut. Vai riai a a mit rawn meng in a ner deuh sak bawk.


" Naute! Heiii.... " A biang dang vat pap a vuan in ka ti let sup a. Ka lawm lutuk chu ka nui nghal suk.


next ah last chapter kan dah tawh ang aw