KEIDAO BY AMY CCK (Completed)

[Ngaia]

CHAPTER - 19 by Amy Cck ( Dream Girl)









" Lalruatfel kha thil kha sawi fiah rawh? Teh hrep che chuan! Eng tiang khawp in nge mualpho na min thlen hi i hria em? " Ka pa aw chang bawl leh thinrim tih hriat lutuk a thaw ri hrawk hrawk chu en pawh en lo in khum chungah chuan ka thu ngar a. Ka biang sa hat hat a mittui rawn luang dir zawih zawih chu khum khuhnaah a rawn far fap fap a, ka hmui pet fan fan in khum khuhna chu ka tham tawm nghal ngawt ngawt bawk.









" Hetiang khawp tenawm a nung chung hian eng tin nge pawi sawi lo ang mai in I la awm theih? " Ka pa bawk chuan a rawn ti vin leh thawt chu za lo lutuk in ka nui chhuak hak. Nui mah i la ka thinlung erawh a na ngawih ngawih thung. Na satliah mai ni lo in ka keh sawm vek a ni mah. Ka pa ngeiin tenawm min ti a nia.









" Kha tiang chauh kha maw in ngaihtuah? I fanu nun hman dan i hre chhuak a mahse khang zawhna chiah kha maw min zawh theih? He video hi vawi khat chiah i en a I ngaih dan i siam fel thei a. Kum tam tak ka mit a natna ka tih lan thin te leh i lak atang a zawhna dawn ka chak zawng zawng pawh tiam in, chung ka zawhna dawn chak te chu min zawt leh chuang si lo! " Ka tawng tir lam chu zawi in ri chhuak chang chang mahse a tawp lam erawh ka room chhung khawk vek khawp a au tawn tawn in ka khum chung a phone an rawn theh thlak chu chhuatah vawm let nghal thawt in ka ding chhuak ve nghal.









" Nang nu khang lang chu! Zah a hnek in mi la chhang let ngam a maw? " Ka pa aw rawl ring zet ka hriat rual in ka lam a rawn hnai in ka dar tawn tawnah min thing nghal nawk a. Ka nu leh midang ho chuan an rawn pawt sawn nghal vat a, ka pa an pawh sawn rual in ka taksa zawi lutuk chu ka pai deuh khat khat bawk.









" Pa ti nge engmah hi a chhan min zawt hmasa lo a a thiam lo ber leh dik lo berah min ngaih nghal ngawt zel? " Ka pa midang in an pawt bet tawng tawng chu ka mittui kar atang chuan ka melh ram a. Ka kut chu hum tawm ngawt ngawt in ka thinrim leh rilru na chu ka ding khur dar dar bawk.









" Bawihte! Duh tawk rih rawh, i pa thin ti rim zawng in awm rih suh. I thil tih hi eng thil pawh ni se a dik lo in a mualpho thlak tih hria la... " Ka nu in min rawn pan in a rawn ti vat a . A mit meng atang chuan a hlauh ka hre thei. Ka ban a min vuan a min pawh sawn a tum chu na lutuk in ka thing thla nghal hnawk.









" Ka dik lo maw? A mual pho thlak bawk a? A nih i thil tih ve te kha a dik bik a mi? Ka chungah in thil tih zawng zawng hi a dik bik a maw? Mualpho i hlauh vang a I fanu nun ti chhe vek tu i hum tlat te hi a dik bik em ni! I fanu ngeiin pawngsual a tawk a mahse nang ve chuan enge i tih? " Ti vin tuar in ka nu min rawn pan hnai chu melh nghek in ka tawlh hnung dawr.









Ka au khek tuar tih lo chu room chhung chu a reh nghal tlawk tlawk. Tu mai pawh chu an meng phawk nghal vek a. Engkim hre tu ka nu leh a pasal pawh chu an meng phawk ve hra tho. An vai chuan an hmel a mak tihna leh ka thu sawiin a thawn zia an hmelah a lang chiang ngang mai. A bik in ka pa, ka pa hmel dang sawp sawp a zawhna tam tak rawn lang chhuak zut zut chu ka chhiar thei bawk.









" Naupang te chiah a sin ka la nih! Te tak te, te tak te chiah, ka taksa leh rilru pawh a la pui tling lo. Tawng kam tha leh thil ho lam mai mai vang a hlim a tap rual lek kha ka ni a. Ka nu bul a ka awm vang khan ka lawm tawk ve em em a min venghim tlat tur a ka rin avang khan mahse chu tiang chu eng thil mah a thleng lo. Ka room zau nuam zet ah, ka mamawh zawng zawng leh ka duh zawng zawng chu a kim vek in ka nei a.









Kha kha ka hlim puiin ka tlei pui em em bawk. Ka khumah, ni lo... Khawpui a ri dur dur a, ruah sur ri buan buan bawk. Thli te chuan ka tukverh chu an rawn chhem ri sur sur a mahse khang kha ka hlau miah lo, ka mut an ti tui zawk miau a. He khumah ngei hian thlamuang tak in ka mu a, kha zan khan ka nun zawng zawng a chhe vek dawn tih ka hre hauh lo. Room thim vek ah ka khumah midang an rawn mu ve tih hriat zet in a rawn hniam sulh a, mahse kha tah pawh khan hlauhna ka la nei chuang lo. Kut lian zet in ka taksa te tak te kha rawn kuai her a, mit ka men rual a ka thil hmuh avang khan ka rilru a rawn lang hmasa ber ka nu chu ka au vak a mahse chu kut lian zet chuan ka hmui chu a rawn hup bet nghal hmak a. Duh tawk in ka taksa a khawih a!









Eng tiang a ring pawn au i la hmeichhe naupang au ri kha chu thlipui leh khawpui ri dur dur khan an hliah hneh lutuk tlat. Kha mi zan khan in fanu chu a chhe vek tawh. Mahse naupang rilru mawl mai khan beisei a la nei fan a. Naupang zawng zawng rilru ang tho kha ka pu miau , ka nu ka hrilh chuan engkim a siam tha leh mai ang tiin! Mahse engtin nge min chhan kha? Pasal then hlim hlawl a pasal dang i neih avang in sawi i kai tawh a, i pasal thar in i fanu a pawngsual tih a thang leh a nih chuan i mualpho belhchhah leh dawn avang in i fanu i thlazar hnuai a himna rawn zawng hnenah khan ngawi tur leh engmah sawi lo tur in ka ka min hup beh sak zawk a.









Kei mah chauh a zan a ka room a awm ka hlau tan a, mahse ka nu bul a mu tur tak ngial pawn ka kal ngam lo. A chhan chu a bulah kha ramhuai kha a mu ve tih ka hre reng a. Vawi khat mai ni lo vawi tam tak sual luih ka ni a, kha tih lai khan khawnge in awm? Ka bulah in awm miah lo a nih kha. Chuan tunah engkimah dem rawn ka ni leh a.... Tumah hian min hmangaih in min ngaihtuah ve ngai miah lo. Tumah ka bul a ding ngam pawh in awm hek lo. " Ka aw tham chel leh riat deuh nak chu ka nuih zui hak. Engtin nge kha ti khawp a tam kha tap miah lo a ka sawi chhuah thei zawk.









" Enge i sawi awm zia chu? Tu in maw I chungah..... " Ka pa aw hnawk tuak leh mak ti ri chu hla tak a ri ang mai a ni. "Enge a sawi awm zia hi.. .. Nang hian ka fanu chungah engmaw i tih a? " Ka nu pasal kawr awm a tham nawk in ka pa chuan a ti chhuak tuar a. A thinrim au tuar tuar leh ka pa hrawn chhuat a theh tlu hnawk te chu ka mittui kar atang in hmu mah i la engah mah ka ngai tawh lo. Engmah a siam tha thei tawh dawn lo tih ka hre ching.









Hlau lutuk vang a ka pa in a ka tlan haw khan engvang a tlan bo nge ka nih a, ka nu bul a engtik lai pawh a awm thlang zawk thin khan ka pa ka va belh chhan te kha min lo zawt in, in hawng tak in min lo chhawn se chuan tun ang em hian ka nun a tla hawlh bik lo mai thei. Ka pa khan ka thlavang hauh in ka ngawih tlat chhan te kha hriat tum se chuan a tawngkam dam zet vawi khat avang khan in hawng tak in engkim kha tap chung in ka sawi ngei ang. Ka taksa chu na mahse ka rilru tal kha a hahdam deuh mai thei bawk.









Mahse ka pa hnen atang a ka hriat ve chhun chu ' he in a I cheng ve dawn a nih chuan luhlul leh tawng duh lo kha sim ang che. I nu leh i unaunu te nen hian ang khat vek in ka en cheu a buaina chawk chhuak bikah tang suh ang che! ' he thu hi ka beng chuan vawi khat chiah a hria a mahse ka thinlungah erawh a ri nawn tluk tluk thung.









Ka biang a ka mittui rawn luang ngiai ngiai chu hru thak in ka room kawngka lam pan chuan ka kal zui hlak hlak a, ka nu min au ri leh ka pa thinrim leh rilru na im hrosa thawm chu tlan san nal nal ka duh. Kei in kum tam tak ka tuar a, ngawi reng in! An ni in tunah an hre ve chauh a kei ai chuan an na bik kher lo ang tih ka hria.









" Nang maw? " Ka room kawngka pawn a ka mi hmuh chu phawk lutuk in ka melh nghal hra, a hmel chang tawlh tawlh leh mit meng rum zet vang chuan ka ip ru chawi bawk. Lawmsangzuala hmel chang zet chu en rei duh lo in ka hawi sawn vat a, a kut a phone nghet zet a hmer tawlh tawlh in ka hma ah tak chuan a ding khawng luah chu ka thawk a ti pik ve vek thei.









Room lam atang a ka nu mi au ri leh ka pa thinrim leh rilru na in hrosa thawm ka hre reng a nih chuan ka a thei tak ngial dawn a ka hriat avang in ka ke pen sak deuh talh chung chuan Lawmsangzuala chu ka kal pel nghal hlak hlak a. Tah chak si tap chhuak thei bawk si lo hian ka taksa chu a tang tung bawk.









" Min... Min lo zui suh! Engkim i hriat tawh kha . Kei mah in min awm tir rawh! " In ka chhuah san tawh chu ka hnung lam a pe ri ve khup khup vang chuan in her in ka vin nghal nghek. Kan thenawmte leh kawng a kal thenkhat te pawh chuan min en haw hlawm a. Ka video leakout vang nge khawlai a mi mawl ang mai a ka au vak vang pawh ka hre nek lo.









" Min rawn zui rawh! Ka sawi nawn tawh lo ang! " Ti hmuk a min melh chhuk run in a ner nghal nawk a. Dik tak chuan a chungah hian ka thinrim lo a thinrim ngam tur pawh ka ni lo. Ka chung a thil thleng zawng zawng vang pawh khan min kal san daih tum mahse ka dem bawk hek lo.









" Ti nge kha tiang khan i la tawng a? Room chhung a ka thu sawi zawng zawng leh thil thleng pawh i hri tih ka hre vek. Mahse ti nge engmah hre lo ang mai a I awm a? " Tap tiau chuan ka ti chhuak leh nghek chu a taksa lian zet che awk khawp chuan thawk a rawn la hawk a. Hmeichhe khaw lo leh tenawm zet, nau pan lai a pawngsual tawk bawk. Ka din hmunah hian midang chu ding se thih daih an chak hial ang. Kei erawh Lawmsangzuala hmaah ka mualpho lutuk hi ka thih chak ve chhan a ni daih.









" Ka chhan chu ka bialnu i nih vang in! A tawk em? " Ka hma zawn a rawn pen hnai hrut in a rawn ti chhuak hmuk chu ka nui sak.








" Tak tak maw? " Kawngpui melh ngar chuan ka ti sap.









" Ka sawi tawh kha eng thil pawh thleng se kei chu i lam tang ka ni reng ang! Eng tiang a nasa pawn min hnawh sawn tum mah la! " Lawmsangzuala thawng zawi sup vang chuan ka en chho vat a. A mit meng chu ka hrethiam lo mahse ka thla a muang em em thung.









" In ah sawi tur dang chu aw! Chuan ke lawng hi chuan i kal thui vak pawh ka ring lo, lo kal rawh le. " Dam deuh zawk chuan rawn ti nawn leh sup in a kut lian leh lum vung vung chuan la kut chi a rawn vuan a. Min pawt kal nghal dat dat chu ka zui mawl ve tawp. Kawng sir lam a a motor hun na lam chu pan in passenger seat ah chuan min thut luh tir a . Kawngpui a min hmu tu te chuan phun mer mer in min en zui ve bawk.









Driver seat lam kawngka rawn in pawt hawng in a rawn thu lut ve nghal a . Motor ti nung in a tlan chhuak zui nghal , motor stearing a hum na chu duh aiin a nghet mah mah nge a rawn dang var leh pap thin. A chang a a thaw ri leh hrawk bak thawm hriat tur a awm bawk hek lo.









" I tap duh a nih chuan in sum lo in tap rawh! Mahse i natna te vei reng lo la. I chung a hetiang thil ti tu hi ka en liam mai mai bawk hek lo ang! Min ring rawh! " Couch a ka thu zawi hnak chu ka hma zawn dawhkan te ah ka lam hawi a rawn thu in a rawn ti sup a. Min thut hnaih bawk a a mal sawi thlurh in karah chuan ka mal chip chaiin ka thu a. Ka mal chung a ka kut dah chu rawn hum bo vek in tak run in min melh bawk.









" Ti nge mi zawng zawng in min hawi san vek lai pawh hian ka lam hi i tan tlat zel bik. Nang mah vang vek hian ka chak lo in ka rilru a no zo a, chu thil chu kei mahah chuan a tha ve lo. Ka.... Ka video vang khan kei hian hreawm ka ti lo ka tih chuan ka sawi sual deuh mai thei. Mahse chu aia hreawm ka tih chu i tan ka tlin loh zia leh ka hnaih ve chi i ni lo tih ka hre chhuak nawn reng hi.









A hma a ka ngaihtuah dan i hria em? Ka thil tih dik lo leh tha lo te hi ka thup hlen theih ka ring lo ang bawk in tun hun hi a la thleng dawn tih ka hria. Ka sual man chu tuar tur in ka in peih vek a, kha thil rapthlak zet ka tawn khan kum 13 chauh ka la ni. Kha pa kha a thil tih sual man pek ka duh a, mahse ka nu in a rem ti lo, a fanu hi kum khua a miin ka hnung lam atang a min kawh rawn a duh loh vang leh mualpho a hlauh luat vang in. Mahse ka rilru chuan ka hre reng a, nakinah ka la lian a nga eng tin emaw tak ka la thung rul ang tiin ka ngaihtuah thin.









Kei hian mualpho phah in emaw ka nu leh ka pa te pawh mualpho mahse pawi tihna kha ka nei ngai lo. Mahse i rawn lang a, khawi emaw lai atang in ka nunah i rawn tel ve thut a. Nang chuan ka chhungte zawk tih tur ang maiin ka tih sual leh tih dik loh i rawn khuh mawi zel a. Eng thil pawh ti i la chiang tak i hriat hma chu min ring lo ve tawp ngai hek lo.









Ka hriat miah lo in beiseina ka nunah min lo tuh sak hnem lutuk a, ka hma hun suangtuah pawh ka la suangtuah ngai lo neih ve chakna ka nei a, mualpho hlau miah lo thin kha ka dawi zo a, pangai tak a ka nung ve chung pawh khan ka phu lo che a, miin ka nun tha lo an hmuh phei chuan nang chu ka tan chuan van a rah ang mai i ni leh zual dawn tih pawh ka hre chiang a. Chu vang chuan mualpho kha ka hlau a ka theih chhung kha chu zep ka tum a mahse tunah chuan a tawp vek tawh! " Ti chhuak halh in ka kut a vawn beh chu pawt sawn in ka hmai ka hup bet vang vang .









" I sawi dik engkim a tawp vek tawh! " Ti sup tu chu en pawh ka en duh lo. A nun hman pangai zet tih chhiat sak vek tu ka ni a. A tawp a tih pawn ka sawi ve tur a awm lo tih ka hria. Lawmsangzuala nen kan in karah hi chuan engtik lai pawh in a ni a dik a kei hi a tlawm zawk leh dik lo zawkah ka tang thin. A dik loh ve ngai loh a vang in.









" Chuvang chuan engmah hlauh tur a awm tawh lo bawk a. Thu zep emaw pawh a awm tawh hek lo. Kan hahdam huai zawk i ti lo maw? Eng pawh ni se i naupan lai in eng thil pawh lo tawk la, ka mitah chuan i ngai reng. Lalruatfeli kha i la ni reng a. Chuan he lai a mi pawh hian a hmangaih dan a la ngai reng che . " Ka kut rawn la in a awm zawnah chuan a nghat vang vang a. A hmel pa leh tha zet chuan rawn nui suk chu mit hnawm chap in ka melh let ta ngawt.








" Mahse.... "









" Mahse tih a ngai lo. Tun bak chu kha tiang thu kha ka hre duh tawh lo tih hre bawk la. I nu leh pa in an duh loh che pawn kei man ka duh che tih hria la. A tul a nih tak leh ti hian ka nupuiah ka ru che a ni mai! " Mit siai suk a a rawn ti chu ka khabe a tla dawn emaw tih tur khawp in ka ang hau.




*




" Ka lu chuh. " Ti sap in ka mu chu ka thu chhuak hlawl a, room chhung chu a thim khap a Lawmsangzuala hmel hmuh tur pawh a awm lo. Kan pahnih in kan mu a eng eng emaw sawi in ka lo muhil bik daih a ni mai thei. Ka phone pawh eng mah ka ken loh avang in eng tin tak nge ka chung chang a darh ka hre lo a. Mahse ka mualpho hle dawn tih erawh ka chiang.









Room atang chuan ka chhuak a, sitting room pawh a lo reh duk a. Choka lam a ka phei chu dawhkan chungah ei tur lo awm chu en in ka pum a rawn ri nghal rawk rawk. Kan mut hma kha Lawmsangzualan ei tur chu a siam a mahse ka ei theih loh avang khan engmah ka ei lo, tunah erawh zing ka thawh atang engmah ka ei loh miah avang leh ka tap nasa bawk nen ka ril chu tam tak a ni tawp.









Video kha miss Manoi tih chhuah a nih ka ring deuh a mahse a tih ngam erawh ka ring chiah lo. Lawmsangzualan engkim a hre vek tawh miau a, ti duh tak tak se chuan hman hmanah khan a ti daih tawh mai thei bawk. Mahse a mah lo kha thil ti duh tur awm hriat ka nei miah lo bawk chu mak ka ti.









" Enge i lo ngaihtuah? " Ka thleng sil ka thil ngaihtuah kual nasa lutuk , ka thil tih pawh hre lo in ka lo ding reng chu hnung lam atang in taksa lum thur thur in min rawn sik rual in ka kawngah a ban lian zet chu a rawn rawlh lut nghal der bawk.









" A.... Eng maw? Engmah ka ngaihtuah lo mahse khaw nge i lo kal daih a? " Sir lam zawng chuan thlek chho ha in ka ti let sap chu mit ti zim sun in min melh a nih chu.









" Ti nge? Dik lo a awm em ni? Ka hmaiah thil kai a awm zawk nge? " Ka ti nawn leh sap chu thaw chhuak suai suai in a lam hawi chuan min kuai her nghal hmuk. Dak vah in a mit meng rum tha zetah chuan ka melh chho kalh bawk.









" I rilru a na a nih pawn ka bulah chuan zep kher a ngai lo a nia! " A rawn ti sup chu ka hmui hnuai lam pet zeuh in ka nui lui sak. Lawmsangzuala erawh a hmel a thu tak run thung.









" En teh ka tah char char chu i ring lo ang chu ti raw? Ka tih sual a nia ka mualpho phah a nih chuan dawi zep deuh a tap a in dawm kun ka tum hlei nem. Kei mah ngeiin thil dik lo leh ka nun zawng zawng ti chhe thei a ni tih hre reng in ka ti lui a, ka mualpho a nih pawn ka chan tawk a ni tih ka hria mahse.... " Ti fan raih in Lawmsangzuala chu ka melh chho a, ka thu sawi tur ngaithla uluk tih hriat zet in min lo melh chhuk run chu melh let ralh in thawk ka la halh ringawt.









" Enge mahse? " Ti sup in min rawn awm hnaih zual sauh chu ka thu sawi tur ka sawi chhuak hreh lutuk vang nge ka tawng hlei thei lo.









" Sawi zo la. " Ka tawng leh mai tak loh avang chuan a rawn ti leh sup.









" I bul a sawi chu hreawm ka ti ve tho a mahse ka phone leh thil dang engmah ka keng si lo a, thil thleng pawh ka hre ve lo. Ka hriat zawng chu...kha.. Ih... Kha mi vid... " Ka tawng lai chu ka kawng a a kut rawn rawlh lut in min pawt hnai hrut a ka hmui ah a rawn fawp zui nghal hmuk chu ka ham haih lek lek.









" Engmah sawi suh! Zawhna pawh min zawt bawk lo la! " In la hrang hlek in a rawn ti hmuk chu chiang zet in a mit meng dur thim khupah chuan ka melh ta ran. A mit meng atang chuan ka sawi tur hre sa ang maiin a lawm loh hmel lutuk chu ka sawi chhuak ngam ta bik lo.









Ka rilru erawh chuan zawhna tam tak leh hriat duh leh rilru kap tu ka nei lian hle thung. Eng tin nge ka video kha a awm zui a, ka chhungte eng tin nge an awm tih te chu ka hre ve chak reng. A bik in ka pa in ka chung chang engkim vawi leh khatah a hre ta vek chu a nia. Kei hian ka tih mualpho em avang in min hua nge ka chungah tlem te tal in in thiam loh na a nei ve tawh em tih te.









Ka nu pawh tiam in ka nun chho danah hian a thiam loh ber a ka puh kha a ni miau a. Lalchhani te nufa erawh in min hmusit zual sawt dawn tih ka chiang viau mahse ka pawi ti tawh nek lo.









" Eng tiang a nasa pawn haw tumin haw I duh thu sawi mah la ka rem ti lo. Tunah rih chuan phone i mamawh lo a, thawmhnaw pawh kei aiin ka thawmhnaw te hi i in hmeh zawk bawk a i la ha hawh thei ang. Chu vang chuan chhuan lam siam in chhuah tum hauh suh. " A rawn ti hmuk chu mak ti lutuk in ka melh ta ha. Kan ngaihtuahna chu a in ang lo teh daih lutuk a mak ka ti zawk.









" Haw lam ka sawi hlei nem. Tunah tak chuan haw tur in min ti mah la khawiah emaw ka tlan bo daih tho ang. " Ka ti sap chu then suk in a awm pharh hlai zetah chuan min kuah bet nghal hlun a. Hahdam huai ang mai hian a thaw chhuak nghal suai suai bawk.









" Ka hria lawm zawhna tam tak i nei ang tih chu. Mahse engmah sawi rih lo la ka duh. Kei ngei pawh in ngaithlak hreawm ka ti a bang phei chuan sawi harsa i ti dawn tih ka hria. Chu vang chuan engkim ka chhui chhuah hun hi lo nghak tur in ka duh che. Min ring la, kei mahah i rinna nghat ngam tur in ka duh che. " Min kuah bet hlun chung chuan a rawn tawng thum dur dur a. A thin phu ri dawt dawt chu ngaihthla in ka hahdam ve em em ringawt chu mak ka in ti hial.









___________________________________________________









* LAWMSANGZUALA POV *









" Engtiang fa ko a tuar chhel nge i nih? Rin loh lamah nangte reuh hian min thawng dawt dawt zel chu a nih hi! " Phun sup in khum chung a hmeichhe muhil thaw sak sak chu ka melh run a. Kha video kha ka rilruah dah loh hram ka la tum fan. Hmeichhe awm duh dah satliah che khaw lo lak lawh emaw a nih ka ti kha a nia mahse a hun tawng ka hre meuh chu kei ngei pawh min thawng in ka rilru a hruai kawi thui viau.








A muhil nghet ni a ka hriat avang chuan tih tur pawimawh tak tih ngei ngei tur ka neih avang in ka chhuah san a. Ka chhuah hma in a tap nasa bawk nen a lo harh hun a ei tur in ei tur ka siam sak vek bawk. Motor chhung a ka luh rual in Papuia ka call nghal zat bawk. Zing ka harh rual in morning wish tur in ka phone ka hmet eng a, mahse group pakhat a video ka hmuh rual in rang zet a in perh tho in Ruatfeli te in lam ka pan nghal.








Mahse an in ka thlen rual a ka thu hriat erawh in min thawng tak zet. Mittui luang ngiai ngiai a Ruatfelin pawngsual a nih dan leh a thu sawi ho chuan kei ngei pawh min chet sawn tir thei lo. A room kawngka bul a ding run in room chhung a ka aw hriat than leh ngaithlak nin theih loh in rilru na ngawih ngawih a a thu sawi vang chuan ka vih sawk ang maiin ka lo na ve. A thil tawn ngaihtuah chuan a khawsak dah pawh kha dem em em theih a ni bik lo tih ka hriatthiam sak miau.









Min hmuh rual in a mit meng sen ram leh a biang a mittui vang a rang niau chuan a ti lainat awm leh zual. Chuan min ring viau tawh a maw ka tih lai a thuruk dang ka hriat miah loh a lo la neih zel avang hian hreawm ka ti. A chhan chu min la ring tawk lo in ka lakah a la in nghat lo tih ka hriat thar phah zel si a. Ni e... Chu pawh chu dem erawh a phal chuang lo, a ma nu ngei in a riinna a tih chhiat sak dan ka hria a, a pa in thlazar hnuai a tlu lut thei lo hmeichhia hian thla rei lo te a hriat ve mai mipa lakah chuan a rinna a nghat thei lo ah ka ngai mai. Mahse chu chu tun ah chuan a tawk tawh viau. Kei mahah a in nghat thei a ni tih hi ka hmuh tir ngei dawn a ni tawp.









" Video kha i paih bo a ni lawm ni? " Papuian phone a rawn lak rual chuan ka ti chhuak nghal hrawk. Ni e... Hmanni Manoi te in a kal tur a ka tih khan a lak chhuah ngei thu a sawi ngei a mahse eng thil hrep nge thleng hi!









" Thiana! Ka la ngei a ka paih bo ngei bawk. Mahse a dang a lo kawl leh tih ka hre bik lo a ni. A pawi ka ti! " In thiam lo aw zawi sup a a rawn ti chu motor stearing chum dawt in thawk ka la hawk.









" Thil dang min tih sak tur in ka ngen duh che! Video zawng zawng kha a rang lam a tih bo vek ka duh. I theih ang ang in hma lo la la ka duh! " Tawng dam tum viau mah i la ka aw chang ri bawl chu ka control thei chuang lo. Lalruatfeli bulah khan engvang a in control thei em em ngei ka nih hrep hian!









" A nat i hlauh vang maw le! I thinrim i lan chhuah tir chuan i lakah in thla hrung leh in thiam lo a awm in a kal san che i hlauh! " Ka chhung lam a mi chuan a rawn ti sup chu a dik lutuk vang nge ka pawm thlap. Min phu lo ang a in ngaih tlatna rilru a neih len tawh sa em vang in ka thinrim khum chuan min tlam bo san ka hlau a nih chu. Ka a zo dawn hrep chuan.









Manoi te in kawtah motor ti ding dawt in rang zet in motor atang chuan ka chhuak a, varanda a nutei pangpar tui lo pe mek chu Manoi a awm leh awm loh ka zawt nghal hmuk. Ka tawng bung deuh nghut bawk nen mak ti deuh hmel phu a min en in a awm thu chuan min chhang ta tho chu inchhungah chuan ka pen lut zui nghal pawk pawk a. He in hi ka chiang ve tawh bawk a Manoi room lam pan chuan ka pen zui nghal hmuk.









" Ls.... E... Enge i lo tih? " Na zet a a room kawngka ka nam hawng chu min hmuh rual in hlau thawng tih hriat lutuk hian a rawn ti bah nawk nawk a. Chu chuan min ti thinrim leh zual. Room chhung a pen lut in kawngka chu ka nem khar leh nghal dawp a. A chung lamah ka lock nghal hmak chu hlau thawng lutuk jn a hawi kual nghal ruai.









" Ka .... Ka sawi hi ngaithla teh engmah tih ka nei miah lo. Ka hre lo tak tak a ni. Kan inah lo kal in video copy ka dah that pawh i la chhuak daih tih la hria. Engmah la ti lo tak tak . " A lam pan a ka kal zui pawk pawk chu hlai thawng aw khur dar dar a tiin a dinna atang chuan a tawlh sawn hret hret a. A bul ka thlen rual a kal sawm a tum chu a banah vuan in ka bul lawk a bangah chuan ka nem bet nghal rawk.









" Warning ka pe che a ni lawm ni? I hmeichhiat pui chung a I thil tih tenawm zia hi i hria em? Kha hmeichhia i tih mualpho leh a nun i tih chhiat sak vek sawn tun hun rawn thleng tur a a bei nasat zia i hria em? Hrep che hian! " A lu zawn bang chu hnek ri chawrh in ka ti chhuak nghal thawt chu a rawn au chhuak that.









" Min... Min ti hlau a nia! " A rawn ti sap chu za lo lutuk in ka nui chhuak hawk.









" I hlauh a maw? Kha thil lek kha i hlauh a nia. Ka en liam che chu ring suh, police kha video ti leakout tu i ni tih ka hrilh dawn a. I tuar khawp ang. Ka duh dan chuan kei mah ngei hian hremna pek che a I nunna lak ka chak ngawih ngawih. A ni saw khawvel a ka hmangaih awm chhun a ni tih ka sawi kha. A ni tih nat tum chu ka chhung khat hnai vai in nih pawn hremna pum peli tir cheu ka tum nek lo. " Ka ti leh thawt.









Tun minute rei lo te pawh ka awm dan vang khan a hlau chu a nia. Kum eng zat nge Ruatfelin a lo tuar tih ka ngaihtuah phei chuan ka taksa chhung hi a puak thei mai dawn. Kha a pa hrawn hur herh zet in a khawih thin tih ka ngaihtuah ngawt pawn thisen chhuah chakna ka nei thei. A nu bul a awm mai tur a thu ka hrilh lai te ka hre chhuak a. Zan khaw vawt leh ruah nasa tak a surprise bur bur lai pawh a, a nu in a a kal duh loh vang a an in pawn a huh zawr vek a a nuhrawn leh a fanu in kawngka an taan hawn hun a nghak lai thleng jn ka ngaihtuah let nghal zawt zawt chu Hmangaihsangi chung a in hrik thlak vek ka chak ut ut.









" Ka tih a ni lo ka tih chuu! Tih mualpho tak tak pawh ka tum lo. Ka lak atang in a la hrang che a ka thinrim in a kal san nan che ka vo ringawt! A tak takah chuan toh mualpho ka duh bik lo. I hmangaih thu min hrilh khan ka beidawng a, engmah tih tumna pawh ka nei tawh lo. Ka video copy delete ka tum khan a lo bo daih tawh. Chu vang chuan kei mah ka ni lo tak tak! Kei mah ka ni lo! " Mittui luang zawih zawih a ti chhuak sap in bang rin chhan chuan chhuatah a thu thla hnawk a. A ti tak tak nge lem a chang pawh ka hre nek lo.









" I tih a nih leh nih loh chu kan hria ang chu. Ruatfeli chhungten FIR an thehluh loh chuan kei man ka thehlut dawn, chuan ka rin hlelh ah i hming ka pe bawk ang. Video kha tu hnen a tang a I dawn nge tih pawh ka hre chhuak vat ang. Min hriat chian kha hma ka la tawh a nih chuan a tawp thleng ka kal thin tih! " A hma zawn a ding run chuan ka ti hmuk. Kha video kha engtin ngeca neih tih hi ka ngaihven reng miau.









" Ka hria! I vawn tawh i thlah mai mai ngai lo tih ka hriat vang a lawm ka bansan che. Kha hmeichhe kut i vawn khan ka beidawng daih tawh. Mahse kei aia a thatna ka hmuh ve miau loh avang in i bul a a awm kha ka phal thlawt lo. Video ka neihna chu i hre duh maw? Hahhh.... Ka hrilh mawlh ang che, chuan he thu hian kha naupang Lalruatfeli kha a ti na ngawt bawk ang chu! " Ti fak a rawn ding chhuak in a rawn nee nak chu vai thluk chawrh ka chak zia chu pui tak.









" Sawi rawh! " Ti hmuk in ka kut chu ka kekawr ipah ka zen lut nghal hmuk. A nih loh chuan tum loh zet in la che ang tih ka hlau a ni ber.









" A thian a rin em em leh ngainat em em! I hre thiam em. Hmingtei ni ta in ka hria. Kha nu kha ka hua tih chu ka pha lo mahse he video leakout chung change kher hi chuan min ring lo mahse ka in rawlh lo. " Manoi thu sawi vang chuan ka in hum ruh tawlh tawlh. A sawi dik a Ruatfeli thiannu kha hetiang tthil ti tu a nih chuan ka chhuah hauh lo ang. Chuan he thil hi Lalruatfelin a hria a nih chuan a na leh zual dawn tih ka hming ka chian tluk zet in ka chiang!







a ngaihnawm lem loh ti ru? ka kut ruh na a la dam chian loh avang in cchawl rei viau mah i la thu tak pawh ka rawn dah thei lo tun a mi pawh hi a chang chang a type a nih avanga in a nawi viau in ka ring. Ka vei lam kut hi a nat avang in dinglam zungchal hi ka hman ber a ni bawk sia vanduaithlak lutuk in ka la vei khawr zui bawk nen Spelling mistake pawh a tam ka ring min lo hre thiam hram mai ru aw

[Ngaia]

CHAPTER - 20 by Amy Cck ( Dream Girl)









" I in rawlh emaw, nang mah i ni tih ka hre chhuak a nih chuan i rin phak bak in ka che ang! " Manoi melh ngur chuan ka ti chhuak sup. A nih chuan Hmingtei tih a ni thei mai a ngem? Mahse a thiannu ngei chungah eng vang a tiang thil ti nge a nih?









" Nutei leh patea te bulah eng tin nge i sawi fiah dawn? " Kawngka ka pawt hawng tur chu a rawn ti vak a ka ding dawt. " A eng ri zawng pawn I student a nihna ang in emaw i bialnu a nih ang pawn an pawm kher lo ang tih chu i hriat ve ka ring! " A rawn ti zui leh zat chu a lam hawi in ka in her ve nghal.









" Lo buai duh suh. College ah i thawk tawh lo a, ka hmel hriat ang pawn ka en tawh hek lo che chu vang chuan ka chung chang emaw kan chhungkua pawh i ngaihtuah kan ngai lo! " Ti bul hmuk in ka chhuak zui nghal hmuk. College lamah pawh Ruatfeli chung chang rel ho a ngaih thu professor group ah an sawi a mahse tunah rih chuan ka haw a ngaih ka ring. Ruatfeli muhil a lo harh hlauh chuan a lo tap leh vak ang tih ka hlauh vang in.





*




" Ih. ... Ka pa ten min zawn ve i ring em? " Za vak lo a nui tel sak hian a rawn ti sap chu a hma zawn chiah Chair a thu in ka melh run . Chair nghen chhan chu ngheng ur ur in kut ka kuang kuah nghal hlun a, chu mi rual in lu ka bu nghut.









" Nia ti raw! Min hua emaw ka chungah a in thiam loh emaw pawh ni se, eng ti kawng pawn min zawn ve chu ka ring a fanu kha ka ni ve miau a. " Dawhkan chung ah a apple vel lai melh ran chuan a ti leh sap.









" A nih ka phone ka keng si lo a I phone in Hmingtei ka be thei a ngem? He tiang thil thleng vel vang hian a hlau thawng ngawt ang. Kei mah vang in midang pawh in a ngai dik lo ve vek mai thei bawk a. Kan in kawm nasa bawk nen " Min rawn en in a ti leh sap chu ka thaw chhuak hawk. Ti chung hian a mah aiin midang a la ngaihtuah char char chu a nia.









" I biak theih ka ring lo. " Ka ti hmuk chu zawhna a khat mit meng in min melh nghal kiau.









" A phone no ka nei lo ! " Dam deuh zawk chuan ka ti leh sup. A chhungten an ti na em em a chuan tunah a thiannu ngeiin a mualpho na tur video a lo nei tih a hriat a , he thil a mawhphurtu ah a thiannu a rin em em a tel tih a hria a nih chuan a rilru na dawn lutuk tlat. Chu vang chuan tun atan chuan a nat belh leh ka phal lo.









" Ni dawn tak, ka van mawl tak chutiang chu hre tur ka ni a sin! " A ti leh sap chu chhang lem lo in ka melh run. Ka tap dawn lo, ka tih sual a nia ka phu tawk chiah ti mahse a mit meng erawh chuan thil dang daih a sawi . Chu chuan min ti na tel ve bawk.









" Nakinah rem chang a la awm mai ang! " Dawhkan chung a ka kiu nghat in ka ti sup chu lu a rawn bu nghat nghat.









" Ni e... College.... Pawh ka kal thei rih lo ang ti raw? " A rawn ti leh sap chu ka in seh ruh tawlh tawlh. Engvang a a aw a natna tam tak lang chhuak hi hria a, a mit meng a natna te hi hriat thiam sak em em nge ka nih hrep hian.









" Ni leh lo.... Kal thei rih lo mai ni lo in min hnawt chhuak hial ang chu. Midang zawng zawng pawh in an hmu ve vek dawn sia...." Dawhkan ka chum rik dawp vang chuan a tawng tawp chat a. Min en lo chuan nui lui sak in hnuai lam a melh nghal daih a. Rawn rak that in a chemte ken chu dawhkan chungah a nghat dat a, a kut ka en chu thisen a lo chhuak reng bawk.









" Hrep chuan i kut i at a nih kha, khawi maw ka lo en. Ti nge i fimkhur loh viau le! " Ti chhuak sup a a kut va ban mai ka tum chu a lamah a pawt let vat a. Phun hluk a ka thutna atang a ding in a lam pan chuan dawhkan ka kal hual nghal vat.









" A na viau em? " A banah vuan a pawt ding in tab lamah chuan ka kal pui a, in sut ri hraih in min zui ve mai bawk. Tui chu herh haw in a kut a thisen kai chu ka tih fai sak nghal mawlh mawlh a, ka tih ang ang chuan a awm kual vel ni ber in ka hria.









" I zai/zei thuk lo hlauh! " Ti leh sup in towel te chuan a kut chu ka hruk sak a. Ka hruk mawlh mawlh lai chuan ka kut chung lamah a mittui rawn far fap vang chuan ka tawp dat.









" I tap a mi! " Ka ti sup chu lu a thing nghal mat mat. Mahse a ngai ang tho in a mittui chu a rawn far leh fap tho.









" A nih chuan min en la! " Ka tih nawn leh pawh chuan a ngai ang bawk in lu a thing leh tho chu pik zet in ka thaw chhuak ve hawk. Hnuai lam melh tlat mahse a mithmul hnawm chap leh hnar sen hlar atang chuan a tap tih erawh a chiang viau.









" A thip. .... Ka kut hi a thip lutuk a! A pem thuk viau a niang. A na lutuk. . " Tap aw tiau a rawn ti chhuak in a in sut nghal faih faih chu ka kuah bet ta ngawt. A kut ni lo in a thinlung zawk hi a na tih a pawm duh miau si lo .









" Eng tin nge ka tih dawn che ni. " Ti sup in nghet zet in ka kuah a, ka awm zawnah hmai phum kak in tawp thei tawh lo tur ang mai a nasa in a tap chhuak hlarh hlarh chuan engdang mah min ngaihtuah tir thei lo .









" Dik tak chuan ka natna lo tawrh ve tawh zawng zawng kha tuar ve se ka duh a mahse ka ngaihtuah nasat pauh leh ka awm a nuam thei chuang lo. Kei hi min ngaihtuah pawh ni se engah mah ka ngai lo ang ka ti a mahse min ngaihtuah lo ang a ka suangtuah hian ka thinrim a ka tawt up up tho bawk si. Beisei ka nei tawh miah lo a maw ka ti a mahse..... Mahse ka rilru chuan a ngaihtuah reng tho a. Ka awm dan hi ka in hrethiam lo. " A sawi zawh rual chuan a thaw chhuak nghal halh. Room chhung dim light chiah on in khumah kan mu a, tunah chuan a tawng a keiin ka ngaithla thung. Mahse chu erawh thil tangkai tak a ni. Enge a duh a enge a rilru ah awm ka hre chiang sawt miau.









" Sawi zel rawh ka ngaithla reng a nia . " A tawng tawp dat a a ngawi deuh vang vang chu ka ti sup. Ka taksa chungah bawk in min rawn melh chho kiau a, a mit bui deuh lak leh biang tai hler vang chuan ka nui nghal suk. Naupang a lawm loh na ka hnen a zualko ang maiin ka ngai.









" Ka sawi zo tawh muhil ang! " A hmui rawn ti pawrh tar in ka awmah a bei nghal thlawp chu ka nui chhuak hawk.









" Nileng in i mut thilh thu i sawi zo chiah in ka hre sia tunah a chhuak leh tawh a maw? " Ti sup a ka zuk thlek chu mit khap fak fak in a awm ngai in a awm reng reuh leh nghal.









" Umm..... Nang I mu ve hlei nem , chuvang chuan ka ngaihtuah che a muhil rawh! " A rawn ti nawn leh sap chu tum lo lutuk in ka nui huk.









" Okk.... Ka chauh i hlauh vang in muhil tur in min ti a mahse kha tiang a I mal a min kherh beh reng chuan muthilh lam chu ka rilruah a lut in ka ring lo. " Nuih in sum zet a ti chhuak sup in ka taksa chung a a mal chu ka hmer lui salh a. Rang lutuk a in beng kang in hnuai lam a hawi nghal vat bawk.









" Awi... A.... Ka .... Sawi vat ta che! " Ti bah nak nak in a tawlh hrang nghal vat in min hnung chhawn zawng in a mu nghal hmak chu nui hawk in a lamah ka tawlh hnai ve nghal hrut.









" Ka tawng ve a nih chuan khang i thu sawi zawng zawng kha ka ngaithla kher lo thei a. Chu vang chuan ka tuar ta mai , ka in chhir lem lo bawk a. Ti hian.... Ti hian muhil ang! " Ti sup in a kawng fek rat a kuah in ka taksa si chet chuan ka pawt hnai hrut a. A rawn tal laih chu ka bawp in a kherh bet nghal hmiah bawk.









" Che tawh suh! Ka in sum ve tang tang tih hria la, hetiang a I awm lai hi rem changah lak ka tum hauh lo mahse mipa ve tho ka ni a in sum theih loh chin ka nei ve tih chu i hriat ka ring . " Mit pawh meng lem lo a ti sup in a chhipah ka khabe nghat in ka thaw chhuak nghal ham ham.









" Engtia rei nge ka in sum theih ang ka hre lo mahse ka theih chhung chu ka in sum ang! A chhan chu ka hmangaih vang che in, eng ang a hun khih pawh tawng la tiang hian i bulah ka awm reng ang! Nang pawh in min kal san lam ngaihtuah ngai suh ang che! I hrethiam em? " Ti sup a mit meng chhuak ruai ruai in ka kuah beh mek taksa chu ka melh a mahse ka thil hmuh avang chuan ka then suk.









" Min ngaihtuah vang i tia mahse i muhil leh hmasa zawk tho a." Ti sup a a tukhum a fawp zeuh in ka mit ka chhing ve leh nghal zat.




*


*



" Kan ngaihdan kan lak khawmah chuan Lalruatfeli hi hnawh chhuah mai kan rel thlu a, Sir i thu thlukna chiah kan nghak tawh. " Lecturer pakhat chuan rawn ti in midang ho pawh chuan an lo tui hnih ve nghal luam a. Kei erawh ka thu ngawi run thung.









" Lalruatfeli hi kan hnawt chhuak a nih chuan he thilah hian kan college hming a lan loh phah dawn in tihna a ni maw? " Ti chhuak hmuk in staff ho chu ka melh kual nghal rulh rulh.








" Kan college naupang a ni tih chu an hre nual tho a..."









" A nih chuan hnawt chhuak in college atang in a hming paih mah i la kan college naupang than in a thang tawh tho a hnawh chhuah kher chu enge hlawkna? " An tawng lai pawt chat in ka ti nghal hmuk.









" Midang hnen atang pawn zawhna thenkhat chhan harsa tak tak kan dawng a, college thenkhat phei chuan kan naupangte en kawl tha lo ah min puh hial a. Hetiang zawng zawng hre chung a action kan la lo a nih chuan kan hming a chhe zual khawp ang . " Staff zing a pakhat chuan a rawn ti ve nghal zat chu za lo zet in ka then suk.









" Chhang lo mai u la! " Ngai pawimawh lo fe a ka ti bul hmuk chu an hawi phawk nghal hra.









" Sir! He thil hi kan pal zam ngawt thei lo ang. Nakin zelah kan college hma khua a that zawk ban pawh hetiang student hi chu kan mamawh lo. I pa pawh in kan ngaihdan hi min pawm pui vek tawh bawk a... " Professor upa lam chuan a rawn ti nghal zat chu dawhkan beng ri chawrh in ka chair atang chuan ka ding nghal vut.









" Ka pa chuan a hna a chawlh san tawh. He hmunah hian kei hi Principal ka ni bawk tih ka hrilh nawn leh ang cheu. Meeting hmasa ah ka awm ve miau loh avang in enge in thu thukna leh in rel ka hre lem lo. Enge in lo pass a tu nge hnawh chhuah tur tih thleng in ka ngaihven lo.











Vawin meeting erawh ah chuan kan topic chu 3rd semester sec-A a mi Lalruatfeli chung chang kan khel ho a, ka thu thlukna chu kei chuan hnawh chhuah a ngaihna ka hre lo. He thil thlengah hian zirturtu dik tak leh dik tak loh chu in hriat viau in ka ring bawk . Eng ang a thil sual leh dik loh pawh nise in student, in zirlai naupang a nih ang in a tih dik loh te hrilh a kawng dik a zawh theih nan a hma lak sak zawk tur ah ka lo ruat ngawt cheu a mahse ka ngaihtuah dan leh in ngaihtuah dan chu a in ang lem lo a nih hmel ! " Ti chhuak thawt in midang ho chu ka melh kual nghal zat.









" Eng ang in nge education hi in ngaih ka hre lo. Office rawn kal a, in period hun a class lak a lecture pek mawl leh tawp a test leh exam pek ngawr ngawr hi kei chuan ka ngai sang teh ual lo. Engvang in nge kan professor leh lecturer ho hi then hrang cheu a student ho mentor ah kan ruat cheu? Kei aiin in hre chiang vek ang chu.









Class tinah student panga ang lek lek te mentor in ni a, in mentist te tan chuan in hawng tak in, an zirna lam emaw chhungkaw lam thleng in I ngaihven zui tak tak em? In fanu emaw tunu te chungah thleng se tiang rilru hi in la pu thei a ngem? He zawh na theuh hi nang mah ni in lo in zawt dawn a nia.









Kei chuan college atang a chhuah tir lam kha chu ka pawm lo bur. Naupang mai a nih ang in vawi khat a dai sual a ni mai a. Chuan nang ni in hetiang a thu khawm a in lo khel zui vak vak avang leh in thu thlukna pakhat avang khan a dam chhung hi he hmeichhia hi a nun in tih chhiat sak vek thei bawk. Teaching lam chu sawi thui ka tum lem lo, kei ai a upa leh senior tak tak in ni fur a. In zingah phei chuan ka knowledge a zau lem lo viau zawk hial ang ka ring.









Zirturtu in nihna piah lamah nu leh pa in nihna ang emaw zawng tal pawn in ngaihtuahna kha in lo hmang nawn leh dawn nia. In hriat ang in kei chu tlangval hna khat ve mai ka la ni a, chu tah he din hmun a ding tur in farnu emaw pawh ka nei chuang hek lo. Chu ti chung a tiang rilru ka pu a nih chuan nang ni pawh in in put ve ngei ka ring nghet tlat.









A tawp ber atan in ngaihtuahna in la sawh sawn thei lo a nih chuan kei pawn duh thlan tur dang ka nei lo.... Duh lo viau mah i la in banna lekha ka dawn mai a ngaih ka ring . Lehkha thiam thei leh nungchhang tha chauh duhsak a zirtir duh zirturtu chu kei chuan ka hnuai a thawk a tan ka mamawh bik lo. Meeting chu kan zo ni rawh se! " Ti sup in a tawp nan tiin ka melh kual a tumah tawng tum an awm ta lo chu then suk in office meeting room chu ka chhuah san nghal.









Garage ah atang in ka tlan chhuak nghal a, college atang a hla vak lo kawng sir footpath a ka mi hmuh avang chuan ka speed hniam in a bulah ka ding nghal dawt.









" Lo lut rawh ka lo thla ang che. " Motor glass ti hniam in ka ti chhuak sup chu a hreh hmel ngang mai.









" Ai... Kei mah in ka haw thei a lawm. " Ti sap a nui lui sak in kal leh mai a tum chu ka thutna lam kawngka nem hawng rawp in ka chhuak zui nghal vut a . A lam pan chuan ka pen zui nghal pawk pawk pawk.









" Lut rawh, biak che ka duh hrim hrim a . " A hma zawn a ding ngur in ka motor kawngka chu ka pawt hawng nghal zat chu hreh hmel zet in a lut ve ta hram. Kawngka chu nem khar dawp in driver seat lamah chuan ka thu kut ve nghal hmuk a. Passenger seat a hmeichhe thu chu melh zawk in ka tlan chhuak zui zat.









" Hmingtei ti raw? " Ti sup a a lam ka hawi chu lu a bu nghat.









" I thiannu chungah eng tin nge hetiang thil hi i tih theih zawk. A mualpho ai chuan zep sak zawk tur i ni a mahse tun ang hun harsa hi i tawn tir a nia! " Ti chhuak hmuk a ka melh ngur chu a kut a hum ruh nasa viau.









" Ka duh vang a ni bik lo mahse miss Manoi khan ti lo thei lo in min siam a, eng ang a nasa pawn min hau mah la i bulah in sawi fiah ka tum lo. Ruatfeli chu kei mah ngeiin ka bia a nga chuan ngaihdam pawh ka dil mai ang! " A rawn ti chhuak sap chu ka nui ro hawk.









" Ngaihdam in dil hian engkim ching fel thei se dan leh police te hi an awm a ngai nang ti raw! " Nui tel suk in ti mah i la ka tawng chhuak erawh ngaihthlak a nuam lem lo viau.









" Police maw? " Hlau thawng lutuk a rawn ti vat in min melh nghal haw chu lu ka bu nghut.









" Lungngai suh i thiannu thu thluknaah a in nghat ang . Kei chuan lo tuar na ve viau pawh ni i la a chung a thu nei tur in in zawmna chiang tak kan nei lo , mahse in in biak hun ah i thiannu hian a ngaihdam theih loh che chuan kei chuan a thu thlukna chu ka kal pui sak ngei dawn. " Ti sup in an hostel kawtah chuan motor ka ti ding nghal dawt.









" Chhuak rawh! Eng ang a chhuan lam tha pawh nei mah la mahni that na tur chuan ngaihtuah thian Ruatfelin a lo nei che hi a pawi ka tih pui khawp mai! " Motor stearing la hum run chuan ka ti chhuak hmuk. Motor kawngka nem hawng rawk rawk in a chhuak zui nghal zat chu en pawh en tawh lo in ka tlan chhuak zui nghal.









" Hello! " Phone leh lam a rawn ti sap tu aw ka hriat rual in ka thaw chhuak nghal suai suai.









" Ka lo haw mek a thil min chah duh te I nei em? " Dam dup chuan ka ti chhuak sup. Phone tak ngial pawh a ken loh avang in chawp chilh zet in ka nei sak a mahse a tan a tha zawk in ka ring. A phone hmasa ah chuan a thian leh hmel hriat te atang in tawngkam hriat nuam lo leh zawhna tam tak a dawng ngei ang. Chuan an class group leh khawi emaw lai ah a chung chang chhiar nuam lo tak tak a hmu thei bawk a . Tunah chuan chung chu tlem in a zia mai thei tih ka beisei tlat .









" A nih chuan haw kawng a bakery dawr a cake kha min lo hawn la, ka ei chak deuh reuh mahse i hman loh chuan a pawi lo a nia . " A rawn ti nghal zat chu motor atang chuan kawngpui chu ka thlek nghal thuak a ka la tlan pel lo hlauh. Ka nei sak tur thu sawiin kan in biakna ka ti ttawp a kawngpui sirah chuan motor ka ti ding nghal dawt.









Kan thil lei tur an pack nghah pah chuan ka phone ka check kual thuak thuak a ka pa miss call leh in lam atang a call lo lut chu en in ka ner sawk. Ka nu leh pa pawn ka thu thlukna kha min pawm pui ka beisei lem lo. Manoi ka banna chhan engmah ka hrilhfiah loh avang in an thin ka ti rim sa viau bawk nen.









" Sir nang, hetah enge i tih a? " Ka hma zawn a rawn ding a ti sap tu chu ka melh nghal vut.









" A... Min hre lo a mi. I college naupang... "









" Ruatfeli unaunu kha ti raw! " A tawng lai pawt chat in ka ti sup chu mak ti zet in min melh nghal ha.









" A... Umm... Tunlai thu leng vel nen a nuam li duh khawp mai. Ka chhungkua pawh a mah vang in kan buai nuai mai, a nu lah damdawiin ah admit a ni nghal a. A pa hrawn lah kha ka pa in thu buai a siam sak avang in en thlak mek a tawk bawk a, ka unaunu ve lah chu a biru hmak a. " Nuam lo tih hmel zet a rawn tiin a thaw chhuak hak chu ka nuih suk.









" A tlan bo chu ka ring chiah lo. I pa kha lo hrilh la a fanu chu ka bulah a awm , a hmu duh a nih chuan min rawn be hmasa phawt rawh se. Chuan thil pakhat I hriat atan tun a I thu sawi ang kha midang bulah sawi chhuak hlek suh ang che . A bik in Ruatfeli leh a pa hrawn in kar kha, min an hria emaw i ka atang a chhuak tih ka hriat chuan ka lawm hauh lo ang! " Ti sup in ka ding nghal zat chu ner sak in a tawlh hnung nghal hrat. Zawhna ka zawt miah lo chung in Ruatfeli a phawrh mualpho vek duh a nia, Ruatfelin tumah a lo ring lo pawh hi a awm lo hran lo, a bul vel ah hian rin tlak an awm lo tih ka hmu sak tawlh tawlh miau.









___________________________________________________










* LALRUATFELI Pov *









Ni thum chu he inah hian chhuak miah lo in ka in khung a. Ngaihtuahna pawh ka hmang thiam lo. Buaina chawk chhuak siin ka ngaihtuahna leh taksa thleng in a hahdam ngawih ngawih a . Ka nu, ka pa leh midang tumah ka be pawp lo a, a chang chuan ngaihtuah ve tho mah i la dem luih tal ka duh avang in ka ngaihtuah rei duh lem lo.









Ka phone thar ve lah a ruak vek a. Lawmsangzuala no chiah ka nei a. Fb leh IG a ka ac ka deactivated vek a . A chhan chu sawi kher a ngaih ka ring lo. Kha video kha ni khat ral hma in tih bo vek a ni mahse ka chung chang erawh an sawi reh tawh mai mai lo ang tih ka chiang. Ka nu leh pa rilru ka tih nat hian nuam ka tih ka rin nen a nuam chuang miah lo.









Dem viau mah i la sual kawng zawh Tu chu kei mah kha ka ni miau a. Ka pawimawh ber a, ka ngaihtuahna kal sual leh luhlul zet vang in ka nun chu kei mah ngeiin ka ti chhia tih ka hre chiang tulh tulh bawk. Kei mah ngeiin ka khawng ka thlang miau a . A sir a lo tel ve midang ka puh kual mai mai ttih nitin in a awm in ka ngaihtuah nawn fo.









Ka buaina tam tak karah tun a ka nun dan erawh a hahdam thlak tak zet. Zanah Lawmsangzuala taksa ngheng in ka muhil a, ka mutthilh hma chu a ban lian zet a min kuah in zing ka harh hnu thleng in min lo kuah bet thin. Kan pahnih a eitur a siam lai ka thlir thin a. Hna a kal tur kawngka thleng ka thlah thin bawk. Pawn erawh ka chhuak ngai lo ang bawk in helai veng a mi te hian he tah ka cheng ve tih an hre hek lo.









Nileng in he in zau puiah hian kei mah chiah in awm mah i la ka la ning chhin ngai miah lo. A chhan chu tlaiah Lawmsangzuala a rawn haw dawn tih ngaihtuah in ni leng hun chu a lo ral ve mai zel. Buaina leh rilru ti hah tu tam viau mahse engkim chu a hahdam thlak ngawih ngawih.









Ka tah in engtik lai pawh in Lawmsangzualan a taksa kuah bet in a awm pharh hlai zetah min kuah a. Engkim a that leh tur thu leh ka tan a awm reng tur thu min hrilh a. Ka lawm loh na leh ka natna ka sawi in dawh thei tak in min ngaithla reng peih bawk. Chung chu hman atang a ka thlak hlelh leh nghah kha an ni miau a. Ka ke ka pen sual chhan pawh ka mi beisei berte lak a ka dawn chu ni lo mahse an mahni ai mah in Lawmsangzuala hi ka hahdam pui zawk tih ka hria.









" A lo thleng der a maw? " Doorbell rawn riah chuan phur zet in ka ding vat a kal mai ka tum chu ke lawng in ka kal tih hre chhuak thut in Lawmsangzuala chapal lian zet chu in rawlh in ka nui zui hak. Ka sawi hmaih a thawmhnaw zawng zawng nen ka tawm vek.









" I van lo thleng hma leh si! Ka cake chah che chu i lo lei em? " Kawngka ka pawh hawn rual a ti vak in pawn lam ka hawi chu ka mi hmuh avang chuan ka ding khawng nghal at!









tawi tiu teu mahse ka kut a na lutuk a ka type thei tawh ngang lo a zawng nge a zawi an ti thin ti ang chuan a awm a hreawm reuh tak a ni.

[Ngaia]

CHAPTER - 21 by Amy Cck ( Dream Girl)









" Nang maw? Lawmsangzuala chu a la rawn haw lo la! " Kawngka bul a ding chuan ti chhuak sap in ka tawng zawh rual in za lo te in ka nui lui sak.









" A nih chu, kan in biak kha chuan a rawn thlen tep hmel tawh in ka hria! Ka lo lut thei em? " Polite tak chuan a rawn ti nghal sup chu nuam ti vak lo chuan ka tawlh sawn nghal vat . Lawmsangzuala thianpa a nih tih chu ka hria a mahse min hriat dan fuh loh bakah a thianpa inah min hmuh leh ringawt pawh hi nuam lo tihna tham chu a ni.









" Kan in hmuh tawh kha min la hria em? Lawmsanga thianpa Papuia ka nia. " A hnung a ka zui det det chu ding dawt a rawn in her in ti sup chu lu ka bu leh nghat. A hmel chu hre mah i la a hming tak chu ka theihnghilh daih tawh mahse ka hre lo erawh ka ti duh bik thak lo.









" Heii.. Kha tiang khan misual deuh melh in min melh lo teh. " A rawn ti deuh hluai chu mak ti zet in ka melh ha.









" Eng.... Eng tin mah ka melh lo che. " Ka ti sap chu mit ti zim ngur in min en zawk za mah a nih chu.









" Aw... Min melh chiang a lawm. Misual i phal na lo a I in a rawn lut ang maiin min en. Chuan I rilru chuan chhuak leh vat tur in min tih bawk kha! " Lawm lo hmel lutuk a a rawn ti sup chu kei ngei pawh in ring hman lo in ka nui chhuak nghal hak.









" Awiawm lo e.... Engvang ngawt in nge chhuak tur a ka tih ang che. He in nei tu pawh ka ni loh hi! " La nui reng chung chuan ka ti nghal zat.









" Ka hahdam huai e... Min melh thluk tawp duh hmel ka lo tia. Ka hlau hman lutuk che a ka dang a ro vek khawngaih in tui min lak sak thei em? " Nel awm zet a nui chung chuan a rawn ti sup chu ner nang in lo thu tur in ka ti nghal zat. A hmel ah min fiam tih a lang vek bawk nen chhang let lem lo chuan tui lak sak tur chuan choka lam ka pan ve mai bawk.









" Kha le... A vawt a nia a pawi em? " A hma zawn a ding in freezer atang a ka bottle lak chhuah chu a hma zawnah ka lek va a lu thing ngut a nui suk in a ban ve mai chu nuih let sak in sofa pakhat zawkah chuan ka thu thla ve nghal a. Tui chu in nghal kawlh kawlh in bottle a chhin zawng chuan min rawn melh in a nuih leh suk chu nuam lo ti ru zet in lukham te chuan ka shirt hak in a khuh phak loh chin ka mal chu ka hliah ve nghal ngawt bawk.









" Chuan nangni hi in in ru tihna maw? " A rawn ti sup chu rang lutuk in lu ka thing nghal nak nak. A bottle ken chu ka lamah rawn lek in ka lo lak sak vat .









" Ai... Englo a nia rei lo te chhung ka awm ve rih . " Ka ti nghal sap chu a hmui a ti sawi zauh ringawt. A mit meng chuan ka sawi chu a awi hmel lem loh. Kei pawh chu lai zet in ka bottle ken ka thlek kual ralh ringawt.









" In ru daih mai ru. I rawn upat a I fin viau phei chuan ka thianpa hi a leng tar mai ang. " Nui sawng a a rawn ti chu ka ner khum nang.









" Ka ti tak tak a nia. Hmeichhia a ngaihtuah lo lutuk hi ka rilru a lo hah thin a, a len tar hial ka lo ring kha a nia mahse ka ring dik dawn lo a ang riau;" A ti leh sup chu nuih in sum zet in ka melh tawp.









" A leng tar teuh lo. ' ti sap a ka melh chu min nuih nghal suk.









" Tunah chuan tar tawh lo turah ka ngai. I awm ta sia, mahse hepa ve hi chu a nelawm loh lutuk leh hmeichhe care a thiam lo lutuk hi ka ngaihtuah thin. A sual thiam ve bawk nen! "









" Lawmsangzuala maw? Awiawm loh! " Ka lo ti hman hmawh chu aw tih nan lu a bu nghut.









" Tet te atang in kan in kawm tawh, ka hre chiang ve viau a nia . Zei ka zirtir viau pawn a sawt lem lo chu a nih hi. Hmeichhe chhai thluk chu khawi lam, nula chhelo tak tak in zirtirtu ang in zah lutuk in an be zawk a nia. " Fiamthu deuh a a rawn ti sup chu awi lo lutuk in ka nui hak. Lawmsangzuala hi a zei lo a nih chu! Ka lakah chuan tiang bak a zei a min duat a nih chuan a mah ka at chilh hlum lo chauh ang . Tunah pawh azunah ka uai nasa lutuk tlat.









" Ti hian a tha zawk. Ni lo se chuan ka bulah a awm duh nang. Chu bakah i sawi ang a hmeichhe care thiam lo a ni lo bawk aw. Lawmsangzuala te chu a hmeltha a, a zaidam a, a fel in a rilru a tha bawk si. Mi a duat thiam in a ngainatawm bawk si. Si hlir a ni mai, chuvang chuan.... " A lam hawi a ka ti chu ka tawng tawp chat a, ka zak nghal chem chem. Enge ka hriat a thil tul lo ka sawi chiam ni. A thianpa leh nghal ka zak leh hnu hnawh chu lei ka chhuah khum ta ngawt.









" Woo... I sawi zingah chuan a rilru a tha i tih chiah kha ka pawm. Awh.. A hmel pawh a chhe hran chuang lo mahse chu pawh chu ka mitah chuan a tha lem lo. Mipa a nih vang pawh a ni mahna. Lawmsangzuala hi a zaidam a maw? Dang lam hle mai. Ka hrilh hunah chuan a lawm ve viau ang. Khawvelah nang chiah in kha tiang khan i ngaih ka ring. " Nui sawng a rawn tiin min a rawn kan uk chu ka meng buai nak.









" Engmaw? Hrilh lo ang. Ka ti ve mai mai a nih kha, sawi miah suh, a nih loh chuan... "









" I hlauhawm loh ve e. A rawn thlen rual in ka sawi nghal vek dawn . Eng eng nge i sawi kha? Fel, zaidam, hmeltha leh ...... a naa.. ! " ka bottle ken a kan vawm nghal vak chu a ti chhuak nghal thawt.









" I sawi vaih chuan kha aia na khan ka ti ang che. Mipa i nih kha tawng thei viau suh! " Ka ti nghal vak chu min chhang lo in a lu dak vah chung in a hmai a hup bet ngar a nih chu.









" Hei.... A na viau a mi? Ka vawm nat loh em che kha. I ti der a nih chuan... “









" A thi! Ka hnar i rawn vawm thi a nia! Hmeichhia ve si i kut a va ram reuh ve! " A rawn ti hmuk chu ka en phawk nghal hra.









" Ka awi lo! Khawi maw ka lo en ang! " Tih leh a thutna lam a kal ka rual nghal zat a. A banrek a vuan in a kut lak sawn sak ka tum chu A la khawng tlat leh nghal.









" Khawi maw? I kut hi i dah sawn loh chuan ka hmu thei lo. Nge i ti der zawk, min tih der chuan i chak lo ang. "









" Mak tin tan reuh e. Hei ka ti der lo a tawk em? Lapua emaw min rawn lak vat teh! " Rawn tih hluk a a kut leh lam a la sawn chu ka in thiam lo ve nghal. A lo thi tak tak bawk nen.









" Tihpalh, kha ti em em khan a nat ka ring lo a. " Ti vat in ka kal sawn a drower chung a box la in a lam pan chuan ka kal leh nghal vat.









" Lalpua hi hnawh i la a reh mai ang. Ti khan lo hmet bet tlat lo la! Khawi teh! " Ti hlar in a kut pawh sawn sak a ka kun hniam chu a hmel awm dan avang chuan ka nuih a za bawk si, ka tih thi sak a nih avang in ka nuih ngam chiah bawk si lo chu ka in sum ngar ngar.









" I tuar a van zuau tak e aw, hnar thi te chu a na ngai lo tih ka hre ve bawk! " Nuih in sum zet a ti chhuak sap in a hnarah chuan ka lapaw ken chu ka hnawh sak a a la rawn rak ang deuh deuh chu ka nuih zui hak hak. Mipa patling pui tawh tih atan chuan a nuih zat thlak em bawk a.









" Eng thil nge in lo tih kha? " Hnung lam atang a rawn ti hmuk tu aw ka hriat rual in rang lutuk in ka ding khawng nghal at. Ka in her rual in Lawmsangzuala hmel tak run chu ka hmu nghal zat bawk. A in thuam dan mai bakah a hmel chu lawm lo hmel a la pu zuiin ka hria.









" Heii.... Bro! " Ka hnung lam atang in Papuia chuan hnar a lapaw in hnawh tut in a rawn ti sup chu mit chhing sawk in ka nui nghal tet tet.









" I lo thleng a! " Ti sap in a lam pan chuan ka kal a mahse Papuia thu rawn sawi avang chuan rang zet a tlan let leh in a hmui ka va hup bet nghal chawt chu Papuia lah ka kut min lak thlak sak tum in a lo tang ve ngar ngar.









" Engmah sawi suh! I sawi vaih chuan... Eng thil nge...? " Papuia melh rum al a hnai zet a a hmui hup bet sak a ka ti sar sar chu ka taksa rawn kang nawlh vang chuan ka in ring lo lutuk chu ka rak nghal that. Kan sir leh lam couch chung a min din tir in Lawmsangzuala ban lian zet chuan min kuah bet nghal hmuk.









" Kha tiang khan awm leh tawh suh ang che! " Min melh chhuk run a a rawn ti sup chu dak vah in ka melh chho ha.









" Bro! Hre ve lah chuan.. "









" Nangpa chuh! " Ti vak a pan leh mai ka tum chu ka kawngah Lawmsangzuala kut chuan a rawn hmer nghal salh a ka tawp ve dat.









" Kha tiang khan mipa dang khawih ngawt tawh suh! " A rawn ti chhuak hmuk chu a mit meng thim dur khup vang chuan chil ka lem ta kalh. A awm dan chu a thianpa hi a thik ve deuh tihna a ni thei mai a ngem ? Hahh.... Awiawm loh lutuk.









" Nang pawh ka rawn thlen hma chu pawnah min lo nghak tur in ka tih che kha. Chuan .... Ka nu leh pa te nen in in bia tih ka hria a nia! " Ti chhuak hmuk in a coat hak chu a hlip nghal thawk a, ka lam rawn hawi in a coat chu ka kawngah min hren tir in a rawn suih bet nghal hmuk chu a chet dan mak zet vang chuan ka en heu ringawt.









" I sual thiam zia hi chuh! In chhung dai nuam zet ka bul lawkah a awm reng laiin pawn ni sa lutuk a ding tur sawn min ti a nia! Ti khan a fel chu i la ti em? " Papuia thu sawi tawp lamah chuan min rawn melh tel kher chu ner sak in ka hawi sawn nghal hmak. Midang bulah fel lo mahse ka bulah a fel chuan ka tan a tawk a ni mai.









" In chhungah hian hmeichhe pakhat chiah a awm a, kum tam tak ka lo hriat tawh i nih ang in a tan a him ka ring lo maw le! " Lawmsangzuala tawng thawp sup chu ka melh nghal vat a mahse a hmelah chuan a fiamthu ve tih ka hmu thei.









" Zawnga! Min tih dan chuh! " Papuian lawm lo zet a ti a a bul a lukham a rawn vawm phei chu a lo dang nghal chawt a, a nui tel suk bawk.









" Nang te reuh pawh hi mipa dang hmaah tiang hian awm tawh hauh suh! Mipa zawng zawng hi an tenawm in an hlauhawm vek, kei tih loh chu! A dik em? " Ka mit a min melh run in a coat ka kawng a a suih beh chu a pawt deuh dat a ka ner nang chu min nuih ve suk.









" A hriat miah loh kei ai pawn I tenawm zawk thei! I thianpa hi khawvel a mi sual ber hmuh in min hmu chu a nia! " Papuia lawm lo phun bul bul chu ka melh vat a, a hnar a lapaw in hnawh deuh tut nen ka nuih zal deuh thut chu ka hmui ka pet fan fan ta ringawt.












" Ka thianpa hi a ler zia ka hriat chian vang a nih ka ring! I hmeichhe kawp kual ho ka ngaihtuah ringawt pawh ka tan a thil hlu lutuk hi i bulah ka awm tir phal teuh lo! " Ka din na couch a thu thla dawt in a tie chu a pawt thawl nghal zat in a kamis kilh chung ber chu a hmet phelh nghal zat a, couch atang chuan chhuk in a sirah chuan ka thu ve nghal zat chu ka kut a rawn hum nghal hmiah bawk.









" I va sual thiam e, in pahnih khan in kawp awm reng in ni. Mi in ang in nih kha! " Ner nawng a a rawn ti hmuk chu thinrim lamah pawh a kal lo, a nuih zat thlak let ling zawk.









" Ka ning, awm pawh ka awm rei peih lo. Ka sawi tum chu... "









" Cake hi choka lamah lo va dah la, i ei duh tawh zawk mai thei bawk a. A tha em? " Papuia tawng pawt chat a ti sup in min rawn melh chu nui sak in lu ka bu nghat . An thu sawi ka hriat ve a duh lo tih a mit mengah ka hmu thei bawk.









" Ohh... In ei ve duh dawn em? " Choka lam ja pan tawh chu ding dat a in her in ka ti let vat a. An pahnih chuan chik zet a min lo en in lu a thing ngut ngut chu ka dar san ak in ka kal leh nghal. Mahse choka ka luh dawn a Papuia thu sawi chu ka hre hman hram. Chuan ka chung chang an sawi bawk!




*




" Ka tel lo a ei zawh vek chu i tum lo ang ti raw? " Dawhkan bul a ding in cake ka ei lai chu ka kawngah a ban lian zet rawn rawlh lut in ka beng zawn a rawn phun sup in a hmai sa vung vung chuan ka nghawng chu a rawn nawr deuh salh bawk chu ka nui hak.









" Ka duh lo i tih tawh kha. " In her lem lo a a lam a thle ha in ka fiante ken a cake hawp zeuh in ka ti sap chu a chal a rawn ti chuar nghal tup.









" Tunah chuan ka duh tawh! " Ti hmuk in ka kawng a a coat min suih beh sak chu phelh in kan sir a chair nghenchhanah chuan a bang nghak zat.









" Ole... Ka tan chuan a tam hrim hrim! " Ti sap in a lam hawi chuan ka in her a ka fian ken chu ka lek nghal va va chu a hmui min tih sawih khum zauh in ka sir leh sir dawhkanah chuan a rawn in nem khalh nghal run bawk.









" He lai a mi hi ka duh tawk ka ring! " Ti sup a ka hmui a rawn fawp chu a awmah ka nem nghal dat.









" Papuia kha a haw tawh a mi? " Dak vah a ka ti sap chu tum deuh hmuk in a rum ri nghal nghut mahse a lu a buk tel nghut tak ah chuan a haw tawh tih na.









" Kei mah vang in a hnar a thi a nia , nuam lo ka ti! Mahse a fel hlauh a, a thinrim lo a ka hahdam huai! " Ka ti sap chu a kut in ka hnar a rawn hmet bet vak a nih chu! Rak chul in a kut chu ka beng nghal hlak.









" Ka bulah mipa dang chan chin kha tiang khan sawi suh! " Tum deuh hmuk a a rawn ti hluk chu ka ner khum nang.









" Eng tin nge ka sawi a? I thianpa a nih kha, pasal thik thu che lutuk mai! " Ka ti hlak chu a rawn khi suk.









" Pasal maw? A chhe hran lo e . " Ti sup in a kut zungpui chuan ka hmui hnuai lam chu a rawn tuai nghal zat a, a kut chu chet zel in ka sam ka hmai zar tu ho chu ka bengah a zep nghal hmak chu ka ner khum leh nang.









" Zawh tur che ka la nei a nia! " Ka fian ken lai a cake chu ei pah in ka ti leh sap.









" Kei pawn ka nei! " Ti sup in ka hmui bawk chu a rawn fawp leh zauh chu ka melh rum ta ngang mai.









" Ka rawn thlen hma khan enge in lo sawi? Kha tiang khan mi i ngaina mai mai ngai lo tih chu ka hre chiang a . Nge ka hre sual zawk? " A tawng tawp lam ri bul deuh hmuk hmuk vang chuan ang phiau in ka melh chho vak.









" Tun lawk kha chuan in hre tha tak ang maiin i lo bawh deuh huam a nia. Kei ai pawh in! Enge in sawi? " Ti hmuk a min rawn melh chhuk run chu chhan ngaihna pawh ka hre lo. Papuia bul a a chung chang ka sawi ho kha a hmaah hi chuan ka sawi ngam teuh lo . Chu bakah hmai chhan a mi fak vak vak chi ka ni lo hrim hrim, ka lai chhe vek a ni mai.









" Engmah kan sawi lo! " Ka ti vat chu mit ti zim sun a min en in a kut tang sei thlurh chuan ka nghawng vel chu a thai kual nghal ruak ruak a. Min din hnaih tawh teh lul nen a rawn awm hnai zual leh sauh chu ka thaw chhuak hak.









" Chu chu ka zawhna chhanna a ni lo! Sawi rawh le... Tha tak a ka zawh lai che hian min hrilh tha mai la a fuh zawk ka ring! " Ka hmai zawn a rawn kun hniam in ka mit takah a mit meng cool ruih a min melh in a rawn ti sup chu ka thaw chhuak tha ngam lo. A hu hang na zet vang hian a hmaah hi chuan ka zam chhe nghal vek zel miau.









" Aww. .. A nih ka sawi dawn, mit chhing phawt la . Kha tiang a min melh kha chuan ka ngaihtuahna i ti buai vek zel. " Ti vak in a kut chu ka man bet chat. Chal ti chuar tup a min melh chung chuan a chhing ve mai chu a ruk in ka nui sak.









" Engmah kan sawi lo ka tih chuu! " Ti leh rang lutuk a tlan chhiat ka rual nghal chu Lawmsangzualan ka hming a min au ri ka hre zawm nghal. Mahse room lam pan chuan ka tlan lui zel tho , room a lut in kawngka pawh khar ka tum chu pawn lam atang in tha chak lutuk in a rawn pawt nghal hrawk a nih chu. Tiang em em khan a tlan chak ka ring lo a nia. Ni lo... Min lo um pawh ka ring lo hrim hrim zawk.









" Heii.... Khawi maw! Lawmsangzual i mak e mai, i tan a pawimawh ve hlei nem. " Min pu kang lawp a a dar a min nghat chu tal vak in a hnung lam atang chuan ka rak nghal that. Ka thu sawi ngai pawimawh lo lutuk chuan min pen sawn pui nghal pawk pawk bawk.









" Nang nen a in kung kaih thil a nih chuan a pawimawh vek! A lian ber atang a thu ho lam zawng zawng tiam in! " Khum a min nghat dawt in ka chung a rawn in nem khalh in a ti sup chu ka melh chho kalh. " Chuan I sawi tawh dawn em? " A rawn ti zui nghal sup chu thaw hak in ka lu ka chet zeuh.









" Eng lo a nia.... A ho lutuk, Papuia khan ..... I chan chin ka duh lo zawng in a sawi a. Chuan ka bottle ken in ka vawm a, a hnar a thi palh a, ka lo en sak a nih kha! " Ka taksa chung a in nem khalh run a min melh tu chu melh let in ka ti sap.









" Chuan eng tin nge ka chan chin chu a sawi? " A rawn ti sup chu ner nang in ka melh nghal vak.









" Chu chu ka sawi kher a ngai maw? " Ka ti ha chu mit hmul min san khum uk.









" Aw... A nih ka sawi dawn! I nelawm loh in i sual thiam a, hmeichhia i ngaih ven lo in i care thiam lo bawk a. Chu tiang vel chu! Tho tawh rawh a lum tawh sa sa nen. " Ka ti nghal vak chu mit meng tak run chuan min melh ngur tho a nih chu.









" Chutiang chuan i ngai ve em? " A rawn ti sup chu ka nui chhuak hak.









" Teuh lo! " Nui hmel pu chung a ka ti chu a rawn then suk.









" Hmeichhia ka ngaihven loh chhan chu ka duh ang tak ka hmuh loh vang a nia, tunah chuan nang i awm a, nang ka duat che a ka ngaihven che chuan hmeichhe dang ngaihven leh vak ngai ka ti lem lo. Ka lo sual deuh a nih pawn nang ka bul a I awm duh chhung chu pawi ka tih chuang lo! " Ti sup a nuih hmel lu deuh a min en chu ka nuih ve sak. Ka ngaihdan chiah, ka bul a a awm ang hian hmeichhe dang bulah a awm ka phal teuh lo.









" Umm.... Kei mah chiah min en la, kei mah chiah min duat la, kei mah chiah min ngaihven rawh. Midang emaw hmeichhe dang bulah chuan sual deuh in awm mah la pawi ka ti lo. Ka duh dan phei chuan kei mah lo hmeichhe dang bulah chuan khawvel a mi sual ber ang in awm rawh, chu ti lo chu kei mah ang hian an at chilh ve palh ang che! " Ti sap in a biang ah chuan ka kut in ka vuan nghal thak a, a hnarah chuan ka fawp nghal zeuh chu lungawi hmel zet a min melh run in a nui suk.









" Wooww.... Nupui thik thu chhe deuh ka nei dawn a nih hmel hle mai! " Nuih za in sum zet a a rawn ti sup chu ka melh let ram. A ni pawh a thik thu a chhe ve reng tho sia.









" Tho tawh ang, a lum sia in tih fai i duh ka ring. Kei pawh ka sa pup pup mai in bual ka duh.... Enge... Kha tia min en? " Ka tawng tawp lam chu ban deeuh chap in ka ti chhuak sap.









" Ka rilru ka thlak! Tunah chuan ka duh ang in ka awm tawh dawn. Ka in sum rei thaw khat chuan ka hria! " Ti sup a min melh chu hrethiam lo zet in ka melh kalh.









" Kei hian ka mamawh che tih hi thup ka tum tawh lo, ka bul a awm reng chung leh ka bul a mu reng chung a khawih loh tur che a in sum har zia hi i hrethiam ve kher lo ang. Chu tiang a awm chu ka theih tawh lo! " Ti sup a rawn kun hniam in ka hnarah chuan a rawn fawp ve zauh a, a hmui chu sawn thla in ka hmuiah a rawn fawp zui nghal hmak chu mit chhing in ka ban a a nghawng a kuah in ka fawp let ve nghal zat.









Dan tumna emaw in thiam loh na ka nei lo, ka hmangaih a min hmangaih bawk , ka engkim hi a tan ka phal vek a. Lawmsangzuala a nih loh chuan tu nge ni chuang ang! Ka la dam ve tawk tawk a beiseina ka la neih ve chhan te hi a mah vang chauh an ni miau a. Ka hnar phal lo, hnar pawh duh mah i la ka thei lo.









A hmui chuan zei zet a ka hmui chu pet kual in a kut chuan ka taksa a zut kual nghal ruai a, a lei thap hrak a ka hmui nawr kau in zei lutuk chuan a chet nghal nghawng nghawng a, a kut chuan ka mal atang a rawn zut chho in ka shirt hak chu a rawn nawr chho ve nghal zel bawk chu dan chu sawi lo ka lo in siam rem ve salh salh bawk.









" I hmui kau rawh! " Min fawh na thlah a ti sup in a kut chuan ka hmui chu a rawn tawk da da, thu awi zet in a sawi ang chuan ka ti ve mai chu nui suk in a kut tang pahnih chu a rawn rawlh lut a, a chet kual nghal ruai bawk. A mit meng thim khup leh cool ruih ah chuan a duh ka hmuh sak chiang viau bawk. Mipa tam tak mit ah pawh ka hmu thin mahse Lawmsangzuala chu a dang lam a, a mah tih lawm chakna in ka taksa chu a sa hal huam huam zawk.









A kut chu zawi muang a la chhuak ruai ruai in ka mal pakhat zawk chu pawt kau deuh salh in ka panty chhan ah a kut tang chuan ka hmeichhiatna chu a zut kual ruai a, ka nuam ti bawk si leh ngaihtuahna dang lam tan vang chuan ka meng hlei thei lo, a khat tawk a thaw chhuak leh halh in ka mit tak ngial pawh ka meng hlei thei tawh lo.








" Tunah khan eng thil nge i ngaihtuah ? Kei mah min ngaihtuah, a dik em? " Ti sup a a kut tang chu ka hmeichhiatna a rawn nawr deuh tawk chu ip chawiin lu ka bu nghat. Nawmna nasa lutuk vang chuan mit meng lo mah i la min nuih suk ri erawh ka hre chiang lutuk.









" Ka hria! Kei mah chiah min ngaihtuah tur in ka duh che. Tunah chuan eng tiang tak a nuam in nge ka siam che lo en rawh! " Ka beng bul a rawn ti sup in ka beng chu a rawn seh pial nghal ralh a, ka taksa chu a tek chhawk maiin ka hria. Ka zau thau a, ka panty chhanah mai ni lo min khawih se ka duh. Mahse Lawmsangzuala erawh a chet dan atang chuan a hman hmawh loh hmel lutuk tlat.









" I mit meng la, min en rawh! Kei mah chiah min ngaihtuah bawk la! " Ti thawp sup in a kut chu a rawn sawn chho hrut a ka shirt chhung a zen lut in ka h*ute chu a rawn hup nghal chawt. Bra ka hak loh avang in ka shirt hak lian zet chhungah chuan a kut chu a chet kual ruai a, ka hn*te h*ur chu a kut tang a tuai kual in a tham leh tawn tawn thin chu ka nuam ti ka awm ka lo kan ve iak iak zel bawk.









A hmui chuan ka hmui rawn khar chilh nghal hmuk in a kut chu ka panty chhungah a zen lut nghal hmiah a, ka hmui chu a lei hrawl leh thap hrak a rawn nawr kau in thuk zet a a lei a chet rual in a kut tang pahnih chu ka taksa chhungah a rawn lut nghal zat chu ka taksa chet awk in ka rum nghal ham ham. Min fawp zui tawn tawn chung chuan a kut chu a chet a, a ti lui nge min fiam zawk a che chu ka suh khawp lo, kei mah zawk chuan rem lo zet in ka nawr let ve na a mahse ka nawr nasat leh a kut chu a ti hla ve zel a nih chu.









" Muang chang in aw. Min mamawh ngawih ngawih tur i ka siam dawn che. I aw mawi zet a ka hming lam a I au chhuah hma chu ka tawp mai lo ang " Ti chhuak sup in ka kut a a kut ka ban tawk tawk chu man bet in ka lu chungah chuan a nawr bet nghal hrawk a. A kut ka hmeichhiatna a awm mek chu chet rang tulh tulh in ka nuam ti rum ham ham ri chuan a ti phur zual sauh emaw tih tur in ka hmui a min fawp tawn tawn in a rum ve dur dur tho.









" A hnawm tha tawh khawp mai. A vawi khatna chu ka kut hmang in i zo thei ang, a dawt erawh chu a lut tur dik tak ngei in. " Ti chhuak hrawk in rang zet in a kut chu a chet a, a kut tang pahnih in and out a ti che zawt zawt in a kut zungpui chuan a ka ma*n chu a nuai tel nawk nawk bawk.









" Ka.... Ka thleng dawn! Khawngaih in.... . " Ka tap nge ka ngen pawh ka hre lo ka taksa lum pup pup leh tai bawr puak tur ang mai a rawn za kual vel chuan min ti a vek.









" Hahh.... Ti nge? Khawngaih in tawp suh! " Thawk leh khat a tawp thut a a kut a la chhuak ruai ruai chu kham lo zet in ka ti vah nak. Ka thleng hman tep a, mahse a tawp thut. Lawmsangzuala hmel pa zet chu mit meng phi chiai a melh in a thil tih ka chhun zawm leh se ka duh tak zet.









" Bawihte ka sawi kha, i duh I sawi loh chuan ka chhun zawm tawh dawn lo. Chuan eng ti tur in nge min duh? " A kut tang ka hmeichhiatna a sawng bawl na avanga hnawm chap chu fawp in a rawn ti sup chu thawk ka la halh halh. Ka mamawh tih chu a hre reng sia, tun bak a Lawmsangzuala ka ngei hi ka hre lo.









" Ka... Ka mamawh che! " Sawi harsa ti zet chuan ka ti chhuak bah nak chu lu a la thing ngut ngut zui. A man bul a tan a engvang a tawp nge a ni, sual lutuk mai.









" Khawngaih in! " Zah pawh ka dawn zo tawh lo ngen ngawl zet a melh chuan ka ti sap chu pa lutuk hian a rawn khi suk.









" Vawi khat chiah sawi la! Eng thil ber nge ti tur a min duh? " A kut tang chuan chhuk leh chho zawng chuan ka hmeichhiatna chu a zut kual ruai a. Ka a mai dawn in ka hria.









" Min F**k rawh! " Ka ti chhuak pawng chu sawi nawn leh pawh ngai lo in hnuai lam a tawlh thla in ka mal leh mal in karah chuan a hmai phum in a hmui leh lei chu a zei lutuk in a chet kual nghal ruai chu khum khuhna tham in Lawmsangzuala hming ka lam chul tih ka hria.









" Min ti a zo dawn! " Ka taksa khur dar dar leh tai bawr zal kual chawk chawk chu ka feel thei. Ka taksa thlan dap chu engvang nge ka chiang lutuk tlat. Ka hmai zawn a rawn in veng khang in a hmui hnawm chap chuan min fawp zui nghal tawn tawn a. Chhang let tur pawn chakna ka nei tawh lo.









" Kha aia nuam tem tir tur che in ka in peih tawh viau a nia." Ka beng bul a ti sup in ka shirt hak chu min hlip sak nghal thawk a ka kekawr kawng dap ruk ruk in a mipatna khawng ta zet chu a rawn kawh chhuak nghal luah . Zei lutuk a min khawih tan leh meuh chuan ka taksa chu a pangai chak in amah chu ka mamawh leh tan der bawk, rapthlak hian.









" Ka ta chiah i ni hi! I ngaihtuahna leh i taksa zawng zawng hi ka ta vek! Kei tih loh chuan an hnaih emaw khawih che ka phal ngai lo ang! " Ti sup in ka hmeichhiatna ah chuan a rawn lut ruai ruai a. Hlim leh nuam ti zet in a che chu ka lo pui ve nghal salh salh bawk.








* sensor *



*



" Ahh.... Hmingtein min rawn bia a, min hmuh a duh a nih hi . " Ka hma a Lawmsangzuala hna kal tur in siam vei kual thauh thauh chu melh in ka ti sap. Mahse a awn dan chu a ngai reng. Mak ti hmel emaw phal lo hmel pawh a pu lo.









" Nang hi iti nge a? " Ka ti chhuak ta tawp chu tie chu awrh tha lem lo in a nghawngah a bang tawp a, a kamis ban chu kilh mual mual in mit a rawn san uk.









" I no ka pe a nih kha. Thla khat chung i ngaihtuah tawh a, kei pawn ka ngaihtuah bawk. Vawin i chhuak dawn a nih ro ro chuan i thiannu chu i hmuh nghal duh ngei ka ring. " A rawn ti sup chu hre thiam lo zet in ka melh haw.









" Chuan vawin chu ka kal pui thei dawn lo che a mahse Papuia nen in kal dawn nia! " A rawn ti nawn leh sup chu ka ner nang. Mahse ka pa rual a kal ka duh teuh lo. Papuia bul a kal chu ka thlang ta zawk.









" Ngai thla rawh, chiang deuh in police hnenah i sawi tur a ni. Kha pa khan hremna pawh a hmu ngei ang . I zak emaw i hlau tur a ni lo. Nang leh officer chiah in i statement an hre dawn a. I chungah engmah harsatna emaw mualpho phahna tur a awm dawn lo. Hetia i zep reng chuan misual chu za len tak i a awm reng dawn a, chu chu thleng tur in kan duh lo ve ve. " Ka biang tawn tawn a rawn vuan in a ti sup chu lu ka bu nghat.









Ka pa in FIR a thehlut tawh a, ka pahrawn in ka lak a a thil tih chung changah mahse kei mah ngeiin a fiahna statement ka pek loh chuan an man in hremna an pe thei ngawt lo chuvang chuan vawi in hian chu thil chu ka ti dawn.









" Kal pui che chu ka duh lutuk tih i hria ti raw? " A rawn ti leh sup chu nui sak in a pawi loh thu ka hrilh sap. A pa naktukah phai lamah in entir tur in a kal dawn a chungvel buaipui a ngai bawk nen, chawhma ba college pawh a kal ka ring bik lo. An inah kei mah vang in a awm lo tawp a nia. Kei mah vang in buaina a bei nasa tih pawh ka hre ve. Mahse vawi khat mah ka bulah a sawi lang ngai lo.









A nu leh pa in a inah ka awm ve tih an hriat chuan min en liam mai mai ka ring lo bawk. Mahse han kal na mai tur ka hre lo miau. Ka nu pawh damdawiinah admit a ni tih ka hria mahse ka kan duh lo. Ka pa erawh vawi khat min hmu tur in he tah a rawn kal a mahse room ah ka tawm san tlat a . Lawmsangzuala nen pawh kan in kam khat phah bawk. Haw emaw ka pa leh midang ho hrim hrim ka hmu duh lo tunah rih chuan.





*



" Vawin chu leng kual hrep ang aw, Lawmsanga lah hi a ta neih lutuk che a ka thin a rim tlat. " Motor chhungah thu in Papuia chuan thawveng zet hian a rawn ti sup chu ka nui lui hlei thei lo.







Kan tih tur chu kan ti zo tawh, ka pa ka hmuh ka ring lo kha FIR theh lut tu ber a nih ang in ka statement pek laiin ka bulah a awm ve a. A vawi hnih nan a fanu an pawngsual dan a hriat nawn eh phah a, haw viau mah i la ka pa a ni a a mit meng atang khan a na tawk tawh tih ka hria. Ka pa na lai hmel ka hmu hian nuam ka tih ka ring a mahse a nuam hauh lo.









" I tha em? " Papuian min ngaihtuah hmel zet a a rawn ti chu nui lui sak in ka that thu ka hrilh nghak vat. Mipa sual a ni lo a, kei mahah chuan Lawmsangzuala tluk lo mahse an rilru erawh a in ang viau . Mahse Papuia hi chu a tawng duh in hmeichhe han chhai kual vel hi a peih a, kei pawn ka nel hma viau. Chuan Lawmsangzuala ang chiah in a rilru a tha tih ka hria. Kei ang hmeichhe bulah a la polite thei em em a nia.







" Damdawiin ah kan kal kawi dawn em ni? " Ka ti sap chu min melh nghal vat. Ka nu a awm thu ka hrilh chuan min kal pui tur thu a chu a sawi ve mai bawk. Ka nu hmu duh vak lo mah i la ka pa in a din hmun a hniam sawt a tih miau avang in ka hmuh ngei chu a ngaih hmel.







" He ta tang chuan lo kal duh tawh suh! Kei mah in ka haq thei ang, ka nu bulah hun ka hmang rei duh mai thei a! " Ti sap in motor atang a chhuk a tum chu ka dang vat. Min hmu tu te hian min en hrek hrek tih ka hria. Hmanni lawk a ka sex video vang a ni tih ka chiang a . Chuan ka bulah Papuia a lo kal ve zel chuan a mualpho ang tih ka hlau a ni pakhat bawk. Chu bakah tlai lamah Hmingtei ka hmu dawn bawk nen hruai kual vak ka in thla hrung ve bawk.









Min kal pui tum ruh viau mahse ka hnial tlat avang in min hneh ta bik lo a, a tlan liam chu thlir in kei pawh damdawiin chhung lam chu ka pan a. Ka pa in ka nu cabin a sawi na lam chu ka pan ve nghal zat bawk. Ka nu cabin a ka lut chu ka mi hmuh vang chuan ka hrawk ka thian kharh khar.








" Ruatfel i lo kal a ni maw? " Puia chuan min hmuh rual in nuam lo tih hmel deuh hian min lo chhawn vat . A pa in ka chung a a thil tih a hria tih a mit mengah in thiam loh na rawn lang atang sawn ka hmu thei.







" Enge a an a? " Khum a ka nu mu bam chu en in ka ti sap. Ka rin aiin a lo tha lo daih a, thawkna dawt hmang a thawk tir in a taksa ah chuan khawl an vuah fur a, a sam pawh a lo ela kawlh vek tawh . Boruak khan a thawng ve hle a nih ka ring .






" Ngai a awh reng a ni mai. A harh peih meuh lo, a harh chhun erawh chuan i lo kal leh kal loh min zawt ziah thung. Englo.... Ruatfel i chung a thil thleng kha pawi ka ti tak zet a nia! " A rawn ti sup chu za lo zet in ka nui lui sak.











" I thiam loh a awm ve hlei nem . " Khum mawng lam bar vuan chuan ka ti sap. Mahse Puia hmel erawh a in thiam lo tak zet.









" A rawn harh hma chu ka awm ve mai ang. Ka rawn kal nawn leh har tawh mai thei a! " Ti sap in a sirah chuan ka thu thla a. Kan in pawh ve viau tawh a nia mahse ka lakah a in thiam lo lutuk vang nge a hma ang khan min be tha lutuk ngam tawh lo.









" Tunah khawiah nge i chen a? " A rawn ti sap chu ka thiante bulah tiin ka hrilh ta tawp. Tu vak mah in ka awmna dik tak hi midang hriat tir ka duh lem lo. Lawmsangzuala hming a chhiat phah thei miau.









" Coffee ka va lei ang, lo awm lawk la! " Ti sup a ding in cabin a chhuah san chu ka en zui ta reng . A chhuak fel ta tihah ka nu kut cher thiak chu vuan in eng mah dang sawi lo chuan ka nu chu ka melh reng a. Nunna nei hmel pawh a pu tawh lo. An nat ka suh thin a mahse an na lai ka hmuh hian a let tam tak in ka na zual leh bawk si hi hreawm ka ti.









" a lo harh dawn lo a niang ka haw... “cabin kawngka rawn in hawng ri ah chuan dingin ka ti sap chu cabin chhung a rawn pen lut vang chuan ka tawng tawp chat. Ka nu pasal rawn pen lut vut leh cabin kawngka a khar ri dawp chu ka thin phu an ti rang nghal dawt dawt.









" Enge he tah i rawn tih? Min rawn hnaih suh! " Ka lam pan a a rawn kal chu hlau thawng lutuk in ka ti bah nawk nawk. A hmel rum ul leh khem deuh nuau chu engvang nge ka hre lo mahse a ti hlauhawm leh zual sawt thung. A mit mengah chuan min khawih hrep a chak tih lah chiang reng!






A va thui tak ngaihnawm lem lo mahse

[Ngaia]

CHAPTER - 22 by Amy Cck ( Dream Girl)









" Jail ah min tan tir ang maw? Nang nu phiangsen hian kei hi min tan tir ang maw? " Ti chhuak khur khur a min rawn pan hnai in a mit meng sen rum atang chuan a pangai lo tih ka hmu chiang tulh tulh bawk.









" Hman hmanah khan lo tih tawh zawk tur ka ni a, nang mah vang a ka tawrh nan zawng zawng ngaihtuah chuan a nep lutuk! " Ti chhuak nghek in ka in hum ruh nghal vak.









" Nang vang hian ka tang hauh lo ang. Tunah hian hawi kual teh tumah pui tur cheu an awm lo. Hman ang tho kan nang leh i nu hi ka thu hnuaiah in awm. I putlin deuh tak vang hian thil a dang lam dawn lo. Tunah tak chuan kha i bialpa tak ngial pawh khan eng mah a ti thei lo.









Kei min khawih tur in i lo fuih pawrh vel khang lang a ti raw. Tunah chuan kum khua a tan ka bulah i awm dawn! " Ti chhuak chhur chhur chu enge a sawi awm zia ka hre lo. Lawmsangzualan a khawih a maw?









A rawn awm hnaih zel avang in kal sawn ka tum chu ka ban bulah min pawt let hrawk in sir lam pang a min nawr phei in ka hnung in bang a sik rual in ka hrawkah a rawn rek bet nghal chawt a. A pa te hran lo bawk nen ka che hlei thei lo.









" Ka that che a nga kei pawh ka thi ve ang. Lungngai suh i nu pawh in min rawn zui ve vat bawk ang. Chhungkua kan nih kha! Nang hi ka hlatah i awm thei lo. I taksa mawi lutuk te hi mipa dang tan ka phal reng reng lo. Ka naute i nih hi, ka ta chiah! " Ti chhur chhur in a mit meng sen rum chuan min melh in a nui sawng chu thei leh thei lo in a kut ka nghawng a reh na chu ka ban in ka ham ve tawk tawk a mahse a chak lutuk tlat. A harhfim chiah lo mahse a tha erawh mipa tha chak tak a la ni reng.









" Thi rawh! Kei min tan tir ngam khawp a i at vang hian thih chu i phu! " Ka taksa hit chum chum leh a chang a rawn lum pup pup thin chu ka hre ruai ruai a ka mit erawh ka meng thei tawh lo. Vawi leh khatah min rek bet tu chu tha chak lutuk hian a rawn pawt hrang nawk a, chhuatah ka tluk hnawk rual in thil ri chawrh in a zawm nghal.









" Kan mi tenawm pa chu! " Mipa aw chang bawl in a tih chhuah thawt rual in ka hma zawnah chuan ka pahrawn rawn thal nghal tawp chu fiah lo ruai in ka hmu. Khuh bawrh bawrh in ka hrawk chu ka vuan a ka mit meng pawh a la pangai thei lo . Ka pahrawn kawr awm a rawn tham tho tu ka hmuh rual erawh chuan ka thla a muang nghal huai.









Papuia thinrim chu a fiamthu thawh ang ngawt a nam nul chi a ni loh hmel. Tunah tak chuan mipa nelawm leh nuih duh zet kha a ang tawh lo. Kan cabin awmna chhungah damlo nikhaw hre lo in a awm ve tih hre lo ang hmak in ka pahrawn chu kut a thlak a, chet pawh che hlei thei lo chuan chhuat a thu sawp niai in ka nghawng dawm chuan ka melh tlawk tlawk.









" Mipa ni ve tlak pawh i ni hrep lo! " Ti chhuak hrawk a ka pahrawn kap a pet sak chu a nat viau ka ring. Chhuat ka mipa tluk hnawk, hmai khem nuai leh thi nuai a a kap dawm a na a ti tih hriat zet a rum ngawih ngawih a vial ngawt ngawt chu khawngaihna pawh ka nei lo.









" I tha em? " Ka hma zawn a rawn thu hniam a ti sup tu chu ka fiah lo ruai in ka melh a. Papuia chuan min ngaihtuah hmel zet in min lo melh chhuk ve run bawk.









" Ruatfel! " Ka chhan loh avang chuan a rawn ti nawn leh sup chu lu ka bu nghat. Thaw chhuak huai a min kai tho un sir lam chairah chuan min thut tir a. Min hnung chhawn in ka pahrawn chhuat a vial ngawt ngawt chu a melh nghal run. Kei erawh in ka hmu tha thei lo ka hmaah mipa lian lutuk vang hian.









Dawhkan chung a tui bottle la in min pe vat a, Papuia erawh phone a be chhun zawm nghal zat a. Kawngka rawn rik deuh rak rual in Puia a rawn lut hlawl bawk. Kan lo awm dan teh nuai vang chuan a meng buai ve nawk. Mahse hrethiam vat in min rawn pan a ka that leh that loh min zawt ve nghal bawk.









" Police ka ko tawh a. Hepa hi chu an rawn la vat a. Chu mi hma chu room dangah lo awm se a that ka ring! " Papuia phone be zo chuan a rawn ti sup a lu ka bu ve nghat. " A tha e! " Ti sup in ka pahrawn chhuat a let reng chu dim lo zet hian a pawt tho nawk a. Puia bulah min awm pui tur a hrilh in kawngka lam pan in ka pahrawn chu a hnuk nghal dawr dawr a. Khawiah nge kal pui a tum pawh ka ngaihruat thiam ve lo.









" A hnu a lang deuh a nih hi! " Vur a ka nghawng ka deh zawh in damdawi min hnawih sak pah chuan nurse pakhat chuan a ti sap a. Doctor ten ka nu an check ve mek bawk. A pasal khan khawih ve lo mahse thil thleng khan a nghawng ve palh theih tih thil thuah a ni ber.









" Sawi dan tur pawh ka hre lo. A pawi ka ti khawp mai. Ka pa khan kha tiang khan i lakah chet a la a nia! " Puia chuan in thiam loh zet hian a rawn ti leh thin . Vawi tam tak a ni thiam loh a ni lo tih ka hrilh chung pawn a in thlahrung in a in thiam lo em em a. Hei vang hian ka haw ve thei lo. Ka chung a a pa thil tih chu eng pawh ni se Puia hi chu ka haw ve thei lo.









" A mak e, i thiam loh a ni lo. Kha tiang khan awm reng suh aw. .. A nih loh chuan ka be tawh miah lo ang che! " Ka ti chu a rawn nui lui ve ta suk. Cabin kawngka rawn in nem hawng in ka pa a rawn lut a, doctor te chu ka nu chanchin a zawt nghal vat bawk.









" I na viau em? " Ka hma a rawn ding in a rawn ti sup chu lu ka thing vat. Tum hi a vawi khat nan ka pa in ka that leh that loh min zawh hmasak na ber a ni hial ang.Puia erawh a kal sawn ve mai a. Ka bul a ka pa chu rawn thu thla in ka kut a rawn vuan chu rang zet in ka pawt sawn vat. Ka pa pik zet a a thaw ri hawk chu en pawh ka en duh lo. Ka mit bawr vel rawn lum pap pap vang chuan ka melh kual ralh. Ka mittui tih tlak ka duh teuh lo.









" Ka thiam lo a ni Bawihte, i chung a thil thleng te ka lo hre ve lo a. Lo ngaihven deuh tur che ka ni a mahse engmah ka hre ve si lo a . Ka fanu in eng tiang tak a hreawm nge a lo tawrh tih ka lo ngaihtuah ngai loh vang khan ka thiam lo tak zet . " Zawi sup a tiin a aw atang chuan a rilru nat zia pawh ka hre thei. Ka kut hum tawm ngat ngat in ka melh ngai ka melh reng a . Midang an awm ve avang in engmah sawi ka tum lo. Duh aiin ka tawng thui ang tih ka hlauh a vang in.









" Ka rual in i let dawn em? " Kan hma ah Papuia chu rawn ding in a rawn ti sup a. Engtik laiin nge room ah hian a rawn luh ka hre miah lo. Ka pa nen chuan min melh tawn nghal zat.









" Thla khat.... A rei tawk tawh viau a ni. Inah lo haw tawh rawh! " Ka pa in a rawn ti ve nghal sup. Papuia pawh chuan min melh chhuk run tho.









" Tunah rih chuan kha in a rawn luh a, min mamawh ve miah lo tu te bul a rawn chen leh chu ka theih ka ring lo. " Ti sap in ka ding nghal zat a. Papuia chu melh in ka kal nghal hmak chu ka hnung a pen ri ve khup khup atang chuan min rawn zui ve nghal tih ka hria.









Puia bulah kan haw tur thu ka hrilh a. Ka nu a lo enkawl tur thu leh ka chungah a in thiam loh avang in hnial lo tur a min ti chu ka lawm tak zet . Engti kawng mah in kei chuan tun boruak ah chuan ka en kawl thei lo. Tun a room chhung a awm ve nurse leh doctor te pawh hian min en danah tu nge ka nih chu an hre chiang tih lah a hriat a. Ka tan chuan pawn lam a chhuah hi a tha teh chiam lo.









Ka pa lah in a nupui leh fanu vang in a enkawl hlei thei dawn lo tih ka chiang a tunah chuan Puia kutah lo chuan dah na tur ka hre lo a ni ber. Room kan chhuah dawn in ka pa lam ka hawi leh hram chu Chair a thu in rilru nat hmel zet hian a lo in dawm kun reng a . Ni e.... A fanu ka nih vang tak pawn mualpho thlak viau mahse min khawngaihna chen chu a nei ngei ang.









" Khaw nge i kal dawn? He lamah hian ka motor chu ka hung! " Damdawiin corridor phei a kal hlak hlak in parking area lam ni a ka hriat ka pan chu ka ban a rawn vuan ding chawt in Papuia chuan a rawn ti nghal sup chu thawk ka la halh.









" Ka bulah lem I kut a ram viau sia ti nge kha tiang mai mai te chu i hneh loh theih! " Ka hma zawn a rawn ding in nui suk a a rawn ti chu " Kha tiang mai mai a? " Ti vak a ner khum vak in ka melh chho ram. Min nuih zat hmel a pu deuh in ka hre leh nghal. Ni chin a a thinrim hmel kha chu thli chhem bo ang nal nal an ni leh tawh.









" Mipa lak a in ven dan tha deuh ka hrilh ang che! " Ti sup in a kekawr ip chu a dap nghal ruk ruk a. Romol dum in thlep fel thlup chu a rawn phawrh nghal zat chu hrethiam lo zet in ka melh ha a, romol chu pawt parh in min rawn hnaih hrut a ka nghawngah a rawn vet chu ka kut in ka khawih nghal vat.









" A duk hi a hliah deuh ang. " Mit hmul san uk a a rawn tih takah chuan thu awi zet in ka dawh ve ta mai bawk. Papuia then suk chu ka ner khum nang.









" Tun chinah ti buai tu emaw kha tiang thil i tawng leh a nih chuan i ke chhep rem la i thei ang a na in an kapah i pet chawrh dawn a nia. Awl sam tak a ni, i ti ve lo maw? " Ka nghawng a romol suih mawlh mawlh a a rawn ti sup chu ka nui hak.









" Ka fiamthu lo a nia! " A romol suih zo chu a kut la thla in a rawn ti deuh hmuk.









" Ole.... Ka hre reng ang . Min puih avangin ka lawm e. " La nui reng chung chuan ka ti let sap chu a khi ve suk tho.









" Hei.... Ka motor ah i theihnghilh a pe tur che in ka rawn tlan let vang vang! " A kut a ka phone rawn lek va va in a ti sup chu ka ban e nghal vat .









" I rawn let avang in ka lawm hrim hrim! " Min hnung chhawn a a kal nul nul chu a hnungah um in ka ti nghal vat. A rawn let chhan chu eng pawh ni se min chhan him chiang a lawm.









" I lawm chuan a tha a nih chu! Lut rawh le! " Motor bul a ding in kawngka a pawt hawng chu ka lut ve mai a. Motor chu rawn hel in driver seat lamah chuan a rawn thu lut ve nghal zat bawk.









" Mahse.... Eng tin nge nang hian? Ka pa hrawn leh kei... I hria maw? Lawmsangan... "









" Engmah a sawi lo. Police i pahrawn man tu kha ka thianpa a nia. Chu bakah i rin aiin i chanchin hi ka hre hnem tawh. Ka chhui che a ka tum loh thleng thleng in i chung leh i mizia ka hre bawk. Mahse lungngai duh vak suh ka engah mah a thawk lo. Ka hriat zawng chu hmeichhe rilru tha leh kawm nuam lem lo tak i ni tih hi! " Ka lam rawn hawi in a ti sup chu zawhna a khat mit meng in ka melh a mahse engmah sawi belh tum hmel pawh a pu tawh lo.









" Heii... Ka la haw hman lo, ka thiannu hmuh ka ngai a ka tlai tawh viau zawk in ka ring . " Motor a khalh lak lawh lai chu ka ti vak . Hmingtei nen kan in be vek tawh sia min lo nghak rei tawh viau mai thei.









" A rawn call che a vawin chuan i hman leh dawn loh thu ka hrilh sak che! Chu bakah i boruak tawn ngaihtuah chuan inah haw a that ber ka ring! " A rawn ti leh sup chu phawk lutuk in ka melh nghal vak.









" Ti maw? Ti nge ka hmuh hman dawn loh? Kan in hmu khat a sin, ti nge i thu in i lo sawi ve ngawt a. Ka thian neih chhun liau liau a nia tun ang boruak ah phei chuan a bulah awm i la ka thaw veng daih zawk ang. " Ka ti chhuak chiam chu min ngai thla ang pawn a awm ve lo. Thinrim bur a hma lam hawiin ka thu tum bar chu min rawn melh leh zauh thin mahse ka thinrim lak lawh tawh.









" I nat leh zualna tur lakah ka hum che a nih hi " A rawn ti sup chu ka hre lo der hmak. Hmingtei te chu ka thiannu a nia, eng pawh ka chungah thleng se midang ang a ni lo tih ka hre chiang . Min hmusit in emaw min kawm duh loh phah pawh ka ring lo. Chutiang chu ni se chuan min hmuh pawh a duh kher lo ang.









" Ti tau rei ngar ngar bawk a , I tum bur laiin in kan thleng der . " Motor a din dawt rual chuan a rawn ti sup.









" Min thlah haw a ka lawm e . " Ti sap in motor kawngka ka nem hawng tur chu ka kut a rawn vuan chawt, phawk zet in a lam ka hawi nghal vat..









" Min huat phah lo la, ka tih tur chu a ni lo a mahse vawin I hun tawn hahthlak zet tih hah belh ka duh loh vang che a ni kha. Ka thian I nih ang in venhim che ka duh . " Pangai zawk a a rawn ti sup chu ka nui lui sak.









" Ehee.... I kut chu a pilh, lo lut la pem thar damdawi kan hnawih dawn nia! " A kut chu la kang in ka ti vat. Zep rual loh in ka pahrawn a khawihna kha a ni tih ka hria.









" Ka tha! Chu ai chuan vawiin thil kha Lawmsanga I hrilh dawn em? " A rawn ti let sup.









" Aii... Eng mah thil pawi a thlen loh hi. Ka ti buai nasa tawh sia min ngaihtuah leh zual na tur hrilh ka duh lo. Nang pawn min zep sak rawh aw. " Ti let vat in ka nui lui sak chu min melh vung vung ringawt.









" Tawng thei tak ka ni tih i hriat kha! " Fiamthu hmel deuh a a rawn ti sup chu ka melh nghal vak.









" Nghal viau suh ka ring che nia . " Nui zui hak a tiin ka chhuak nghal zat a. Motor kawngka nen khar in ka kut vai in a tlan liam thleng ka thlir a in lam pan in ka kal nghal a kawngka lock ka hawng tur chu in sir lam ah thawm ri hrut ka hriat avang in ka kawngka lock hawng tawh chu pawt khar in ka thawm hriat na lam chu ka pan nghal vat.









" Nang te chu....min ti hlau hman tep. " Ti sap in pangpar kar a zawhte note dum chu ka thut hnaih a. A mu phek thler a, a damlo a nih loh pawn a ril a tam a ni mai thei. In chhungah chuan ka la lut ta ngawt. Nakinah Lawmsangzuala a rawn haw hun ah a duh loh chuan tih dan ka ngaihtuah leh mai ang.









" Nang I ei puar peng a kei ka ril a tam em em a . " Ka mal chung a zawhte dum bawk hle hle chu melh in ka ti sap. Khua a thim dawn tawh. Tun thleng in Lawmsangzuala a la rawn haw lo chu thinrim na chi ni lo mahse vawi khat pawh min rawn biak loh avang in ka thinrim ru tun tawh. Mahse a nu leh pa a hmuh kawi tur thu zing a chhuah dawn khan a sawi sa vek avang in ka thinrim ve ringawt chu ka in thiam lo deuh bawk si ka, zawhte chhar thar ka bia ka be ringawt.









Ka phone vibrate ri nghawr dar dar vang chuan ka zi mar talh talh a. In chhung chu a lo thim vek tawh. Thuthlengah rem lo zet a ka mut vang in ka nghawng lah chu a na reuh zek leh nghal.









" Ti nge call i lak theih lo? " Ka phone ka beng zawn a ka dah rual in Lawmsangzuala aw ring zet in a rawn ti nghal hrawk. Enge a rawn thinrim em em. Vawiin thik thleng a hria chu a ni em lo ang chu.









" Ka lo hre lo a. " In thlahrung lutuk chuan ka ti sap. A hma kha chuan ka hau vak ang ka tha mahse kan in biak meuh chuan ka sawi deuh du zawk a nia. Hahthlak thin ve.









" I tap em? " A rawn ti sup chu awm lo ti lutuk in ka phone chu ka hmai zawnah lek in ka melh haw.









" Eng vang in nge ka tah ang? " Ka ti ha chu a rawn thaw hawk.









" Engvang in nge i tah loh ang. Vawinah kha misual kha an man nghal tih ka hria a. Chuan I tha hrim hrim em? " A rawn ti nawn leh sup chu nui hak in ka that thu ka hrilh nghal vat.









" Engvang in nge misual an man avang in ka tah ngawt ang? " Ka ti let ta ngawt.









" A dik chiah . Mahse engvang in nge call i lak thei miah lo a? Min ti hlau thawng hman. " A rawn ti let nghal sup chu min hmu lo mahse nasa lutuk a ner vak in couch chu ka tam vak.









" Hehe... Ka lo muthlu daih a. I lo haw mek a mi? " Ka zah zelah ka ti nawi deuh nak chu min chhang mai lo chuan a rawn thaw chhuak hawk.









" Zan in chu ka rawn haw hman dawn lo a . " A rawn ti zuai ruih chu sawi mai tur hre li in ka ngawi ta ngawt. He in a ka awm atang in zan khat a rawn haw loh na tur a nia tlem chuan mak min tih tur deuh.









" A nih chu! Pawi lo naktuk zingah kan in hmu dawn nia thil hrilh tur che ka nei a. " Pangai tak chuan ka ti ta hram.









" Naktuk zingah pawh ka rawn haw theih ka ring lo. " A rawn ti zawi sup chu tawng tur ka van raih thei.









" Ti nge ? " Ka hlauhthawnna aw pawh thup then tawh lo chuan ka ti sap.









" Ka pa maw le, kei mah zawk in ka zin pui a ngaih hmel. A natna hi a serious ang reng a ka nu chauh chu a chi vak lo. Zan in pawh kan in lamah hian ka riak a nga zingkarah kan chhuah a ngai dawn a, chutiang vel buaipui chuan vawin chu ka buai nileng a ni ber. Ka rawn biak vat loh che avang in ka in thiam lo bawk! " A tawng ri zawi leh thum sup atang pawh chuan a in thiam loh hmel in a chauh hmel viau.









" A nih chu! A pawi hlei nem, i pa chu dam vat tur in ka duhsak tak zet! " Ka ti let sap. Zep lo chuan a In tur ka hriat hian kei mahah hian hnuai rawi a awm. Chuan tun atang hian ka khua a har lawk sa ngawih ngawih bawk. Mahse zuau leh in lak khawngaih thlak vel ka tum lo. Ka tan a pawimawh ang chiah hian a nu leh pa tan an fapa neih chhun a ni a a pawimawh ve tho tih ka hre ve miau.









" Min ngai dawn lo em ni? " A rawn ti sup chu ka nui chhuak hak.









" Naupang chhia lutuk. Ni engzat nge in cham dawn? " Ka ti zui zat.









" Tunah rih chuan kar hnih mahse chu aia rei pawh a ni mai thei . " A rawn ti nghal sup chu sawi mai tur ka hre lo. Kar hnih chhung kei mah in enge ka lo tih ang? Lawmsangzuala tel lo chuan he inah hian enge ka lo tih ve ang?









" Ti khan min ngai tawh dawn em? " Ti sup in a rawn nui suk chu ka nui ve thei tawh lo. Ti khawp hian a bul a awm ka lo thla hlel a ni tih ka hre chhuak chiah.









" Ka ngai sa reng che, tunah pawh hian ka ngai mek che! Mahse dam loh na thil vang a nia ka chelh lo ang che. " Ka ti zuai raih chu a nui ri suk ri ka hre thei.









" Kei pawn ka ngai che. Nang aiin ka ngai zawk mai thei che. " A rawn ti cool ruih chu hriat nuam tak a ni.









" Ka ngai daih zawk ang che! " Ka ti let hram chu a nui ta hawk.









" Min lo nghak reng ang che eng thil pawh thleng se in kha lo chhuah san hauh suh. In in lamah pawh i haw ka la phal lo. Haw I duh tal chuan ka rawn let hun ah kei mah ngeiin ka thlah ang che. Mamawh i neih chuan Papuia i lo hrilh thin dawn nia. Chuan lehkha zir kha lo thlah dah suh ang che . College atang in hnawh chhuah i ni lo a ka awm chhung chu i ni ngai lo ang. Chuvang chuan min ti beidawng tur a ni lo! " A rawn ti sup sup a, in duat leh in ngaihtuahna tawngkam a thiam loh zia ka hria a kha tiang thu a sawi teuh chu ka nuih a za si ka hlim tho bawk si.









" Ole boss . " Ka ti let ta sap chu a rawn nui suk.









" Chuan ka rawn let hun ah ka nu leh pa ka hmel hriat tir tawh ang che. I in peih hun ka nghak ang ka ti deuh a mahse ka rawn let hun hi hun tha ber ah ka ngai! " A rawn ti leh sup chu chhang lo in ka nui sak.









" Buaina na men lo kan tawk dawn a nih chu "
Ka ti ve sap. Lawmsangzuala nu leh pa chuan min duh dawn lo tih ka chiang miau. Rei fe kan in bia a in siam vel a duh a vang in kan in be tawp ta hram.









" Kar hnih chhung chu thlamuang tak in i aam thei! " Ka bul a zawhte min nek tai tai a ngiau mek chu en in ka phun sap. Lawmsangzuala ka hmu thei dawn lo tih ka hria a ka ngaihtuah zawng zawng hi an chawl duk maiin ka hria. Ka pum rawn ri ruk ruk vang chuan tho in ei tur in siam tur in ka kal sawn ve hram. Khum khua a kal bo tur pawh ni lo enge ka lungngai viau kher!



*


*


" A thlawn in tution ka pe char char che a nia ka fel hi ka ti thawt. " Ka hma zawn a thu in Papuia chuan a rawn ti sup. College kal chi la ni hek lo, in lamah a hna banah min rawn kal chilh in tlai ah leh a chang chuan zanah te lehkha min rawn zir tir tur ringawt in a rawn kal thin kar khat zet chu chutiang chuan kan awm tawh.









Damdawiin lamah Puian ka nu a awm pui a, a chang chang in rei lo te chu Papuian min kal pui ve thin. A pasal enkawl tu ber in kum eng emaw chen jail a tan a ngai miau a. A fanu lah hmanni lawk a sex video leak out vang in ka chhuak vak thei lo bawk nen a chang chuan ka lainat ve thin.









" 3rd sem hi subject ba lo a ka chhuak chuan i duh duh min dil dawn nia. " Mit siai sak a ka ti chu lawm lo lutuk in a tum bur.









" I retheih theih nen enge ka dil ang che? " A ti hmuk chu ka nui hak. Ka thutna bul dawhkan a ka phone rawn vibrate ri vang chuan hawi vat in lak mai ka tum chu min rawn ban khal daih leh nghal.









" A mak e! " Ti nang nang in ka melh nghal ram.





" Zir mai mai rawh! " Ti hmuk in ka phone a chhang nghal zat chu kut lek iak mah i la ka lehkha chu ka en chhun zawm leh mai bawk a. Lawmsangzuala nen an in be mawlh mawlh a. Tiang khawl hian an in kawm ngaih chu a nia. Kei pawh a thianpa bialnu ka nih vang chauh in min buaipuiin min ngaihven em em bawk a. Mipa fel tak chu a ni chiang a lawm.









Kei chu ka thian tha ber ang a ka chhal khan khawvel hriatah min ti mualpho a. Ka rin teh lul nen. Duh thlan tur Hmingtei khan a bei bik lo tih chu ka hriatthiam pui. Miss manoi khan a thil tih thin leh a nau pai thleng in a lo hre vek a. A lo vo ve bawk nen video kha a pe ta mai a ni ber. Mahse ka hnaih leh tawh ngai lo ang tih ka chiang.









Video ti leak out tu erawh tu zawk nge kan hre lo. Lawmsangzuala leh Papuian Miss Manoi a ni lo an ti a, Hmingtei ka ni lo a ti bawk si, kan la chhui mek a mahse thu buai erawh ka thehlut lo. Hmingtein a tuar ve phah thei tih ka hria a. Ka thian a nih avang a a tawp ber nan ka ngawi ta zawk. Kan chhui tir a nih chuan chiang tak in Hmingtei nun ka nun ang chiah a bawlhhlawh kha midang in an hre dawn. Chuan Hmingtei chuan Lawmsangzuala an min awm pui tlat ang khan awm pui tu a ndi dawn lo.









A naupaina pa Henry tak ngial pawn a hawi san hmak a nih kha. Chu vang chuan a tawp nan thil tha ka tih sakah ka in ngai. That chhuah a khawngaihna ngah viau hun a ni lo tih hre tho mah i la ka thian a ni thin a, harsatna siam sak chu ka thei ngang lo a ni ber.









"Kha.... I be duh lo maw? " Ka hma zawnah ka phone rawn leke va va vang chuan ka harh zawk. Rang zet in ka phone chu ka ban nghal vat. Zingah leh zanah rei lo te bak kan in be hman lo. Kei hman viau mah i la Lawmsangzuala zawk a buai em a. Chuvang chuan biak hi ka chak ngawih ngawih a ni ber.









"Enge kha pa khan ka inah tun ang zan rei thleng a tih a? " Phone ka chhan rual in Lawmsangzuala aw rawl lian zet in a rawn ti nghal thawt chu ner nang in Papuia ka melh chu a lo nui ruh ruh leh nghal.









" Lehkha kan zir. Chuan I thianpa hi ka thiam loh a piang ka chal a pen tawh lo tur hian han hrilh ve teh! " Papuia melh nghek chuan ka ti vak chu a rawn nui ta hawk.









" Ka ngai che, Lalruatfeli ka ngai lutuk hi ka hahdam thei meuh lo . Ka ban kham a i muhil thaw sak sak te kha ka thlir leh chak a, i engkim kha ka ngai vek! Mahse i bulah ka awm thei bawk si lo hi ka thin a rim tak zet! "A sawi zo chu a thaw nghal hrawk.









" I lo haw tep tawh kha! " Ka ti sap.









" Ka la rawn haw theih loh hmel. Rin aiin kan cham rei a ngai dawn a. Lehkha kha lo zir tha la ka rawn let hun ah i pass lo chuan ka pen ve ang che! " A raan ti sup chu ka ner nang.









" I va sual ve. I bialnu ka nih hi pen mai mai rual ka ni bik lo! " Ka ti vak chu ka hma a mipa thu pawh a rawn nui chhuak huk. Lawmsangzuala pawh tiam in, an sual thiam dan hi pui tak a ni.




*




" Bengchheng lutuk! " Doorbell ri nawn sek vang chuan khum atang athu chhuak hlawl in ka room atang chuan ka chhuak a. Chawl lek lo a a rawn ri char char vang chuan kawngka pui lam chu ka pan nghal zat.









" Nangni maw? " Ti sap in kawngka pawn a Lawmsangzuala nu leh Miss Manoi lo ding dun chu ka melh phawk hra.









" Ka awi thei lo. Ka fapa in ah hian nang nu hian enge i tih phiangsen a? " Kawngka a rawn pen lut in a ti vin nghal that chu ka phu zawk. Ka beisei lo mai piah lamah Lawmsangzuala pa a damloh avang in a zin ve emaw ka tia.









" Nang hi ka hria che. Min hre ve em chu ka hre lo mahse ka fapa hian engvang in nge a inah a awm tir che toh chu ka hre chiang khawp! " Ka hma a ding in a ti vin leh that chu mu tho chiah pawh ni i la thawh phan ka nei lo reng reng. Ka hlauh vang nge min thawn vang ka hre lo.









" Rang tak in he in hi chhuah san rawh. Nang ang hmeichhe zak thei lo vang hian ka fapa in a hna thawhpuite ah buaina a tawh phah a. Ka ten che a nia! " A sawi zawng chuan min teh tih lan chhuah tir kher a duh nge ka ber sak. Chuan a tawng dan leh Miss Manoi hmel atang sawn Lawmsangzuala nu min ngaihdan chu ka hmu thiam kuar bawk. Chuan miin nu fel leh zaidam a ni an tih chu a dik hmel lem loh. Nge ka lakah chiah hian a thinchhe zawk.









" Ka sawi chu he in hi chhuah san rawh! " Ti leh ka ban a rawn vawn a rual chu pik zet in ka thaw chhuak hak.









" Ka duh lo! " A kut thing thla hnawk chuan ka ti ve that chu a hmel ah mak tihna leh thinrimna a rawn lang nghal zawt zawt .









" Eng tin nge i ngam zawk. In nei tu a ni a a in chhung a awm tur in a duh lo che! Hmeichhe zahna chang pawh hre lo. Nutein chhuak rawh a tih che chu. " Ka ban a rawn vuan in Miss Manoi chuan kawngka lam min pan pui chu ka tang ve tang tang mahse min pawt lui zel tho a nih chu.









" A chhuak duh lo a nih chuan in chhuah luih tir ngawt thei lo ang. " Ti sup tu chu kan pathum chuan ka melh nghal vek. Room pakhat zawk atang chuan Papuia chu tho phang tih hriat lutuk hian a rawn chhuak ve bawk.









" Lalrinpui nang pawh maw? Nang nu chu i tenawm hle mai ka fapa i bhai zawng der a, a awm bo hlan in a inah mipa dang, a thianpa nge i lo khawsak pui kual vel a! " Lawmsangzuala nu tawng chu ka hre ruai ruai ka lu hai chuai chuai leh kaiza tha rawn khur der der vang chuan ka ding zo tawh lo. Ka hriat hnu hnun ber chu ka taksa chu awn riai riai in ka tlu hnawk a. Ka khaw hmuh a thim nghal vek bawk.

[Ngaia]

CHAPTER - 23 by Amy Cck ( Dream Girl)









" Heii.... I harh em? Na i nei a mi? " Ka hmai a tui a min theh that that a rawn ti tu chu fiah lo ruai a meng in ka hmui phi chiai. Ka hawi kual a khumah ka lo mu ta daih chu ka hrilh hai hman lek lek a mahse chiang tak in thil thleng ka hre leh nghal a ka in beng kang nghal vat.









" An awm tawh lo . " Hawi kual ruai a zawhna mit meng a khat in Papuia ka melh chu a rawn ti sup.









" Mahse engtin nge awl sam zet a an let leh mai theih? " Ka lu dawm vang vang a ka ti sap chu ka mut na khum sirah rawn thu thla in a ner nghal sawng.









" Awlsam lo tak a ni. Nang ber ni khaw hre lo in i awm daih a I aiah indo na ka lo bei. Lawmthu min hrilh ngei a ngai ang . " A rawn ti let sup chu ka melh let ha. Eng tin nge a chhuah tir mai theih. Lawmsangzuala nu mit mengah kha chuan min hnawh chhuah chak zek zek na mit meng ka hmu miau.









" Enge i tih dawn? " Ka phone a hmet mual mual chu mak ti lutuk in ka ti nghal chul.









" Lawmsanga ka be dawn . " A beng zawn a ka phone lek in a rawn ti sup chu rang lutuk a lak sak ka tum chu a ding nghal daih a nih chu. A pa lian a ding nghal hmuk bawk nen lak sak tum mah i la a phal loh chuan ka la thei dawn lo tih ka hria ka tum buai ta lo.









Room chhung a vei kual thuak thuak chuan a thianpa chu a be bul bul a. Zep then pawh a nei lem lo Papuia mizia kha a ni ve miau a. Nikhaw hre lo a ka tluk thu a hrilh lai phei chuan ip chawiin mit ka lo chhing sawk.









" A be duh che . " Ka hma zawn a ka phone rawn lek va a a rawn ti sup chu thawk la hak in ka ban ve ta hram.









" Ka tihpalh! " Ka beng bul a phone ka dah rual in Lawmsangzuala aw thawp sup in a rawn ti nghal sup.









" Engvang in? " Ti sap in Papuia ka melh chu pawn lamah a lo va chhuah tur thu in hrilh nghal sup a lu ka bu pah nghat.









" I hria kha, ka nu rawn chet dan vang khan. A thleng leh tawh lo ang tih ka tiam a che! " A rawn ti zawi ruih chu tawi te in ka nui sak.









" Wow... Kei mah vang in Lawmsangzualan a nu a do dawn a maw? " Fiamthu deuh chuan ka ti let sap chu a thaw ri hawk ka hre thei.









" I tan chuan ka ti thei vek. Chuan kha thil vang khan in kha lo chhuah san phah suh. Ka sawi awm zia chu i hria em? " A rawn ti nghal sup chu ka nui hak.









" In hi a zau lutuk a. Kei mah chauh chuan a khawhar thlak tak zet. Chuan ka ngai lutuk bawk che. " Ti sap in ka sawi zawh rual in ka thaw halh. Papuia awm lo phei se chuan ka khua chu a har ve khawp ang. Thian han kawm a han biak mai tur ka nei ve miau lo.









" A theih ang a rang in lo let vat ka tum ang. Chuan ka rilru a la ngai reng bawk. " A rawn ti sup chu ka hahdam huai.








" Ka hria e! " Ti sap in khumah chuan ka let nghal thak.









" A nih chuan ka zawhna hi min chhang teh, enge kan mi lak tlak loh pa khan zing karah ka inah a tih. Zingkarah pawh lehkha chu a zir tir che ka ring lo! " A rawn ti hmuk chu ka ner nasa ngang mai.









" Pasal thik thu chhe deuh hi chu i nih chiang a lawm! " Tih hap in ka nui deuh hak bawk, nizan a haw dawn a thli leh ruah a rawn thawh vak avang in a tlai tawh bawk nen room ruakah riak tur in ka sawm ta tawp kha a nia. Tukin zing boruak nen ngaihtuah phei chuan ka ti sual lo ka in ti viau. Kan in biak tawp lamah chuan nikhaw hre lo a ka tluk vang khan in entir tur in min ti a mahse lu hai satliah a nih ka ring a ka ngai thu tak lem lo. Tunah chuan ka tha leh tawh bawk a. Thil rawn thleng thut khan min thawn lutuk vang a nih ka ring.









" Ka lawm e harsatna ka tawh a ka bul a min din pui zel zel avang in . " Sitting room lam a pheiin Papuia bulah chuan ka ti sap.









" Ka thian i nia i tan a ka tih theih chu ka ti zel ang. Chu bakah kan misualpa bulah a aia lo en kawl tur che in ka lo in tiam tawh sia. Eng pawh ni se vawin chu damdawiin lamah in en tir tur in kal ang aw, ka hruai ang che! " A rawn ti tha ve mai chu ner nang in couch ah ka thu thla dat.









" Ka lawm tho tho. Mahse in entir ka ngai lo ka lu a hai satliah a nih kha. Hna kal te i duh lo a mi haw tawh zawk rawh. " Ti sap a ka melh let chu min ngei hmel lutuk a min lo melh ngur avang chuan mit ka san ak.









" I tawngkam hi chu a thlum lo ve a ni. " A ti hmuk chu ka nui ta tawp. Ka mize pangai kha a ni miau a ka tum loh deuh leh mi hriat a nuam nge nuam lo tih ngaihtuah lek lo hian ka lo tawng leh thin.









" Chuan he inah hian awm zel i la tum maw? Kha tiang teh hrep a thlen hnu pawh khan? " Kan ngawih vang vang hnu chuan Papuia chuan a rawn ti leh sup chu chhang lo in ka melh ngai ka melh ta reng.









" Ka awm a ngai! Lawmsangzuala ka lo tiam tawh a, chu bakah kal na tur dang ka nei chuang lo! " Ti chhuak halh in ka sawi zawh rual in tawi te in ka nui zui sak.









" Nutei khan a duh tawk mai dawn lo a nia. Ni dangah pawh a rawn la kal leh ang, i chhuah hma chu a rawn kal zel bawk ang tih ka hria. Lawmsanga rawn haw hma chu i duh chuan awmna tur ka zawn sak ang che! " A rawn ti leh sup chu mit ti zim lui deuh san hian ka melh nghal ram.









" Ka van lawm mahse hei chu ka tawn a ngai tho tho dawn. Lawmsangzuala ka duh a nih chuan a chhungte tawng kam na leh hmai sa chu ka tuar thei em em ang. " Ti sap in ka nui zui sak. Ka chung a Lawmsangzuala thil tih zawng zawng ngaihtuah phei chuan ka tuar ve tur hi a ni tawp. A pawimawh ber Lawmsangzuala ka bulah a awm a ka lam a tan chuan engkim tuar ka huam.









" A awm loh chhung leh zel a I lo tuar chu a ngai kher a mi? I luhlul ve reuh sia! " A rawn ti hluk chu nui hmel pu deuh in ka melh kalh. Min ngaihtuah ve hle chu a nia. Leh lam zawng a ngaihtuah chuan vanduai viau mah i la vanneihna thenkhat chuan min la khan san vek lo tih ka hria a ka chak that phah sawt.



*



*




Vawin chu khang thil zawng zawng thlen atang a a hmasa ber nan college ah admit card la tur in kal ka ngai a. Ka huphur a mahse ka exam ve duh a nih chuan ka kal ngei ngei a ngai bawk. Lawmsangzuala awm se chuan ka kal kher ngai lo in min rawn lak sak dan a awm mai thei zawk.









" Hei... Induhnu! I lo chuang ve duh em? " Taxi stand atang a college pan a ke a ka kal chu ka hnung lam atang in bike rawn tlan in ka sirah a rawn ding chawt a helmet khum mahse Hruaia a ni tih ka hria.









" Midang in an en duh lutuk palh ang che! " Nui chung a ka ti chu a bike hnung chu a beng nghal thuk.









" Ka chhelo em a lo chuang lo mah la min en tawk hi chu an awm reng, lo kal vat la. " A rawn ti lawng lawng chu ka hnial ta bik lo. He tia kawng a ka kal chuan college naupang kal ve ho leh min hmu ho hian min en duh in min sawi zui sep sep a zep lo chuan hreawm ka ti.









" In lak sak theih ni se chuan ka lak sak mai tur che a nia. I duh chuan i lak zawhah ka thlah haw ang che ." Bike a min phur chung chuan a rawn ti sup chu ka nui sak. Admit card chu in lak sak theih ni hek lo. Chu bakah tunah midang in min lak sak mahse exam ni a exam hall a ka thut a ngai tho tho dawn a ka in tih chak a ngai hrim hrim.









" Min puih duh avang hian ka lawm hrim hrim. Chuan min thlah haw lo in damdawiin lamah min kal pui thei a ngem? " Kawngpui sir lamah chuan a ding a chhuk pah in ka ti nghal sap.









" Ok! SU office ah tih tur ka nei a ka lo zu kal ang, i hman hunah min rawn call mai la! " A helmet phelh mawlh mawlh in a ti sup chu a phone no ka dil nghal zat, ka phone ah hian tu ma no ka nei lo miau a Hruaia pawh chuan min pe ve mai bawk.









Office ah ka chho a ka kal hma viau a maw tia admit card la ve tur dang pawh an lo in line ve hman teuh tho. An hnungah chuan ka ding ve mahse a khat tawk a ka lam rawn hawi a phun ru ser ser leh mi thenkhat min hmuhsit hmel zet a min en leh thin ho vang chuan ka a thei tak ngial dawn in ka hria. Vanneih thlak tak in kan class teacher in min rawn ko in din ve reng ngai lo in admit card chu a hmasa lam a mi pe chhuak tur in min buaipui sak hlauh. Ka in thlahrung ve lutuk a a hma ang in nel tak pawn ka be ngam tawh lo.








Thlakhat chuang lai class ka kal loh avang in ka attendance pawh a chhe viau mahse ka problem an hria a chu bakah Lawmsangzualan class kal kher lo in ka exam theih dan a lo buaipui fel vek a vang in kha lamah kha chuan ka buai lo. Semester dang ka kal zel a nih pawn ka duh chuan class a thu kher lo in in lamah ka in zir in exam chiah pe tur in ka kal thei bawk a nih hmel.









" Ruatfel! I lo kal a maw? Ka rual in i let duh em? " Office ka chhuah san chu Hmingtei nen kan in tawk hlawl. A hmel a dang bel a, a hma zawng aiin a taksa pawh a cher bawk. Ohh.... Kan thian dun hian kan cher dun ta khawp mai, a chhan pawh kan hre chiang dun viau.









" Hruaia rual in ka let dawn a , nih phawt! " Tih leh kal pel mai ka tum chu ka banah a rawn vuan chawt.









" Min ngaidam duh loh mah la ka dem lo che. Chuan a tawp nan ka tihpalh tak zet. " A rawn ti sap chu chhan pawh chhang lo in a kut chu ka dah thlak sak a ka kal nghal nal nal. Ka lainat ve tho a mahse a hma ang a awm a han in kawm leh tur chu ka theih ka ring lo.









Hruaia rual in ka nu hmu tur in ka kal a, tunlai phei chu Puia pawh exam tur nen duh ang in damdawiin lamah a tam thei lo bawk nen ka in thla hrung ve tho. Mahse ka pa in a theih tawp a chhuah ve a, enge a nupui leh fanu in an sawi tih lam ka ngaihven lo ka nung mawl ve tawp ni ber in ka in hria . Ka nu lah that lam aiin zual lam a pan tulh tulh a. A harhfim ai chuan eng mah hre lo a a mutthilh a ngah zawk bawk.




*



*









" Oo.... Ka unaunu duh tak chu kha tiang boruak teh nuai i tawn hnuah pawh exam i la rawn pe ngam a nia. I mawl ka ti dawn nge i luhlul ve vang hrim hrim. " Exam hall chhuah san a haw ka tum chu Lalchhani nen kan in tawk hlauh. Kan in biak chu sawi loh a hmel ka hmuh lohna rei tawh zia ka ngaihtuah in hun hi a lo kal chak ve viau tawh a ni ngei ang.









" I dam that hmel hle mai! Min biak i chak vak loh ang bawk khan biak che hi ka peih lo, min ti chau chuvang chuan kal bo teh! " Ti hlak a kal pelh mai ka tum chu ka hmaah a rawn ding nghal hmak.









" I rawn haw tawh dawn lo, chu chu a dik em? " Zawi si chang deuh bal a a rawn ti sap chu ka nui hak.









" Ka la ngaihtuah mek chu a nia! " Ngeiawm lam lek lek chuan ka ti ve ngat.









" Rawn let tawh lo la kan chhungkua chu kan lawm viau ang. Kan chhungkaw chung chang kan thenawm khawveng ten an sawi dan zawng zawng te hi i hre lo der a nih ka ring. I bialpa thuhruk bulah khan awm hlen law law rawh. Ka khawngaih reuh che, i nu pasal in i chungah kha tiang thil a lo ti thin reng chu a nia, chuan i bialpa bialnu hluiin i video a thehdarh bawk a, mahse i awm danah chuan nuam i tih hmel zawk tlat in ka hria... "









" Engmaw i sawi? Eng tin nge kha video ti darh tuah khan miss Manoi i put theih! " A tawng lai pawt chat in ka ti nghal vak chu a meng buai nghal nak.









" Maw? Eng tin nge i hriat theih! " Ka ti chhuak leh nghek chu a hmel a buai tulh tulh.









" Mi in an sawi ka hriat a nia, ka kal dawn. Tunah tak chuan i hnaih a awm hi a fuh ber lo. " Ka vawnna thing thla in a kal sawn nghal hlak hlak chu ka en zui reng a, eng tin nge a hriat theih? Miss Manoi hming emaw midang hming hrim hrim kha video chung changah khan kan sawi ri lo. Thu buai tak ngial pawh thehlul lo a kan reh hmak avang in mi sawi sep pawh kan kai nasa zual bawk.









" Enge i lo melh vawng vawng? " Ka lu a rawn khawih a min kuai her tu avang chuan ka rak that. Mahse Papuia hmel ka hmuh tak ah chuan ka ner nghal nang.









" Min lo hruai hman a maw? " Ti sap in ka nui nghal ver ver chu lu a bu nghut.









" Exam zawh lawmna kan nei ang chu! " Ti sup in a nui ve suk.









" Teh reng mahse pawisa ka nei lo, in a I lo kal chuan ei tur kan siam dun dawn nia! " Ka ti ve nghal zat chu a ner nasa ngang mai.









" In ah pawh kei mah tho in tui vak lo in ka siam awm sia, motel ah kal zawk ang. " Ti sup in a motor lam a pan chu ka zui ve hnak hnak.









" Enge i exam te chu i an a? " Motor kan tlan chhuah rual in a ti sup chu ka chhang tha pangai tih ka hrilh vat.









" Lawmsanga pawh kar leh ah a rawn haw tawh dawn kha. " A ti sup chu nui sang in " Nia, ka nghak hlel tawh lutuk a, ni te hi an kal muang vek in ka hria! " Ka ti let ve vat.









" A rual in nutei leh patea pawh an rawn let dawn. Chuan an buaipui hmasak ber tur chu nang mah i ni bawk dawn tih ka chiang . A nawm vak chu ka ring lo! " A rawn ti hmuk chu a lam hawi in ka melh nghal vat. A ni leh ni lo ang in a thu tak hmel em em mai leh nghal chu min ti nervous ve vek thei.









" Mahse Lawmsangzuala ka bulah a awm tawh dawn tal a. I hria em, eng harsatna pawh tawk i la ka bul a a awm hi chuan him bik riau hian ka in hre thin a. Tunah pawh hian a mah vang a la nung ve mai mai ang hian ka in hre bawk.









Ka bul ah awm lo mahse a aw ka hriat ringawt pawh in ka ni leng mood zawng zawng a control vek thei. Ka tan chuan a special ngawih ngawih a ni ber. Chuan ka ring tawk em em bawk. " Ti sap in ka nui tel sak. Thil rawn thleng tur ngaihtuah chuan pik zet leh rilru hah a awm tur ka ni a mahse Lawmsangzuala vang chauh in ka beiseina ka la ti sang fan bawk.









___________________________________________________









* LAWMSANGZUALA POV *









" I pa damloh laiin nang in kha hmeichhia chauh kha maw I ngaihtuah! Midang mit mei pawh veng lek lo in i inah i chen tir a, a nu leh pa pawh in tih ngaihna an hriat tawh loh hmeichhia chu engvang a hnaih lui tal nge i nih? " Ka nu thinrim ang leh vin zet chu lawm vak bik lo in ka ngaithla a. Ka in a Ruatfeli a hmu thut khan a thawng lutuk nge a hriat sa thu dik ngei a ni tih a fin fiah avang in a lawm lo pawh ka hre nek lo.









" Ka hmangaih a sin. I sawi ang a hmeichhe tawp leh lak tlak loh a ni lo. Tlem in a kawng a zawh fuh lo mai zawk a ni . " Ti sup in ka nu chu ka melh ve run.









" Tlem in a kawng a zawh fuh lo a, i a zo tawh chu a ni em lo maw. Mualpho sa tliah a ni lo mi hre tu leh kan chhungkua min lo zah der ve tu te zawng zawng ten hmeichhe pakhat hmanni lawk a sex video rawn leak out nen in zawmna in nei tih an hriat chuan kan mualpho dan tur te hi ngaihtuah teh. I pa hriselna ti khawp hian a der thawng a . College ah a lam I tan avang ringawt pawn zirtirtu thenkhat lawm lo in ban na an theh lut a. Tunah i hmangaih thu i lo sawi a. Atthlak lutuk! " Ka nui vin leh ang tawn tawn chu ka chiang buai peih lo.









" Ka ban an ni lo an mahni thu in an banna an rawn theh lut. Chuan buaina a awm lo bawk. Hmangaihsangi vang a ni em he tiang tak a kha hmeichhia i huat na chhan hi? " Ka nu thinrim in hum ruh tang chu melh in ka ti hmuk. Ka inah kha ti te thut khan nikhat lek a let chhung in a va kal chat a nia tu emaw in an hrilh a nih loh chuan kal chhan tur a nei lo.









" He thilah hian Manoi hi hmer tel in haw reng reng suh. A ni chuan a hmangaih che a I mualpho a phal lo. Min hrilh lo ta se kha hmeichhia kha ngampa tak in a che chhun zawm thei. College atang a Manoi i ban chhan pawh kha ka fiah kuar, kha hmeichhe zak thei lo zet khan i rilru a ti khaw lo zo tawh a nih kha. Mizoram a kan let ve leh ka chhuah tir khawp ang! " Ka nu bawk chuan a rawn ti leh nghek.









" I duh ang chuan kan let ve leh in a chhuah san ang. Keiin pawi tihna chhe te mah ka nei hrep lo. A tir atang in rei tak awm tur in ka hruai lut lo bawk. Buaina a tawk a hun harsa tak a tawh lai a tanpui dan ka hriat tha ber a ni miau! " Ti sup in ka thutna atang chuan ka ding nghal hmuk. Ka nu pawh chuan min en ve nghal vat.









" Ni e, kha tiang hmeichhe at chilh tur khawp in ka fapa hi a mawl lo tih ka hria." Dam deuh zawk a ka nu in a rawn ti chu ka ner sawk.









" Ka nu ka sawi awm zia i hre lo nge i hre lo der zawk. Ka hmangaih ka tih tawh kha, kei chuan chhan bul bal tak nei lo a mipa in a a awm tawp hi ka phal lo. A mualpho tawh na ben ngaihtuah phei chuan midang in ka in ah a awm tih an hriat pawh ka duh hek lo. Mizoram a kan let hunah an in lamah ka let tir ang.









Mahse rei erawh ka lak atang in ka aam hran tir dawn lo. Ka nupui tur in ka nei thuai thung ang. Chuan midang zawng zawng mit hmuhah kan inah ka hruai lut bawk ang! " Ti chhuak hmuk in ka pen sawn ka hmuk.









" Lawmsangzual! Kha tiang hmeichhia kha kei leh i pa hian i nupui atan kan duh hlek lo. In neih chu ngaihtuah buai lo ang che! " Ka hnung lam a ka nu thinrim ang kual vel chu ning zet in ka chhuah san nghal hmuk. An ni phal leh phal loh ka ngai pawimawh lo, ka nupui tur, ka neih tur leh kum khua a ka chen pui tur a nia, ka ngaihdan a kal tur in ka upa tawk tawh bawk.








Damdawiin lam ka pan a, ka pa pawh he lai kan thlen atang in damdawiin ah admit nghal a ni a. A kal pakhat zawk paiha ngaih bakah eng emaw natna neuh neuh a neih avang in duh ai kan awm rei bawk.




*



*



" Hei hi enge? " Thlalak thenkhat ka in siam mawlh mawlh lai in ka nu in khum a a rawn theh thlak chu thlek vut in ka ti sup. Kar leh a kan haa thei tawh dawn emaw ka ti kha a nia mahse ka pa a la that chhuah meuh loh avang in ka hna lam ngaihven a let zawk ka tum chu a nia.









" I awm loh hlan a thil thleng. Kha hmeichhia Ruatfeli em ni kha, vawi khat chiah hmu mah i la a mizia tur chu ka ring thiam sa vek. I rin em em I thianpa nen an khaw sak dan hi. Eng tik lai pawh in a mei ang maiin a zui kual reng chu a nih hi! " Ka nu in khum a thu thla in thla lak ho chu a en kual dan dan a. Ngai pawimawh lo lui zet in ka in siam san hmiah hmiah thung.









" Ka sawi chu i hria em? Hmeichhe nun dik lo tak a nih zia hi i hre lo der a maw? " Ka nu thu sawi vang chuan a lam hawi a in her in ka ding nghal hmuk a, ka thaw chhuak nghal hawk bawk.









" Kei man ti tur in ka ngen vang a nih kha! " Ka ti chhuak hluk. Ka kal hma khan Ruatfeli min lo ngaihven sak tur in ka ngen miau. Chuan ni tin Ruatfeli ka be ziah a, engmah dik lo a awm lo tih ka hria a, ka thianpa ka ring tawk abi chiah in Ruatfeli pawh rin hlelhna tur ka hre lo.









" Khang thlalak kha khawi atang a I neih nge? Manoi hnen atangin tih sawi hlek suh. Hmeichhe tenawm an awm a nih chuan Hmangaihsangi hi a ni. Khang thil Ruatfeli mualpho naah khan a in rawlh ve tih i hria em? Ruatfeli rilru that zarah a hming a lang lo mai pawh a. " Ka nu lam hawi in a hma a ding khawng luah chuan ka ti sup.









" Min hrilh vek Manoin, Ruatfeli pawh a vo ngei mahse ti mualpho tu a ni lo tih thleng in. Khang thil Manoin a tih chhan chu kha hmeichhe lak atang a lak hran a duh vang che a nia. A rilru a hreawm a kawngdang a hre lo a sin. Mahse engvang in Ruatfelin khang video a ti mualpho tu a hriat duh lo a, thu buai tak ngial pawh a thehluh loh.









A video kha a mah ngeiin i lak a tlak tlum a tum vang a a tih leak out a ni lo ang tih i hre miah lo. A video vang a FIR theh luh ai chuan a pahrawn lakah FIR a lut zawk a. Chu pawh hun rei tak a thup a tunah i rilru lak pen a duh vang in a hun kal tawh a a buaina a thar thawh leh a. " Ka nu thu sawi vang chuan ka melh nghal hrawk.












" Mak ti lutuk suh. Kha hmeichhia kha ka fapa inah ka hmuh atang khan a chung chang ka ngaihven nghal char char. Chu vang tak reng chuan a phu lo che tih hi hrethiam la ka duh. Hmeichhe naupang khawngaih thlak tak pawngsual tawk tawh chu hmeichhe in zuar thinah a rawn thang lian a. A mak lem lo, tet lai a chu tiang thil rapthlak tawng tawh chuan pian sualna an nei tawh thin. " Min melh chho ralh in thlalak chu a thlek kual vel a. Kei erawh a thu sawi ngai thla in ka la ding run.









" Eng i sawi tumna nge? " Ka ti bung nghut.









" Bawiha nang pawh hian i hria tih ka hria! Kum tling lo a hmeichhe khawih chhiat te chuan piansualna lang lo lamah an nei thin. Chuan kha hmeichhia pawh khan a hmel pawi sawi lo zet phenah khan a nei ngei bawk ang. Mipa a mamawh reng tawh ang ka tihna a nih chu. Nang a tawn hma che a a khaw sak dan chu kan hre ve ve.









I bulah a awm a. I veng in i ngaihven em em a, engkim a tha emaw i ti a mahse tunah thla rei lo te i awm bo san a. Nang ngaihtuah lek lo leh zah pah hauh loh che in I thianpa nge chu a kherh bet leh tan a. Hmeichhia ka ni a ka hria a sin! " Ka nu chu rawn ding in ka banah chuan a rawn vuan a min ngaihtuahna leh a thu sawi chu ngaihtuah ngei se min ti tih a mit mengah ka hmu bawk.









" Hmeichhia i ni a nu i ni bawk. Chu vang tak reng chuan Ruatfeli din hmun chu i hriat thiam sak ka ring a sin. Mahse i sawi danah kha chuan i hmusit in, mihring pawh ni ve lo ang maiin i sawi a, tenawm, khawih thiang lo ang maiin i sawi a sin! Ka nu naupang te a a nun a a thil tawn zawng zawng i ngaihtuah sak ve em? " Ka tawng chu a zawi viau mahse ka rilru a na tlat.









Ka nu meuh pawh in ka mi ngaihnep leh huat em em te ang rilru a lo pu ve reng a. Thil ti sual ti dik tak ai chuan a tuar tu zawk in demna leh tawngkam na zawng zawng a tuar hi ka ngai dan a ni ve lo. Midang in a chung chang an sawi chhiat a an hmusit pauh leh a thlavang hauh ka pe na in a mah hnaih duh leh zualna ka nei phah thin bawk.









" An fin khe rek na hmang in I mit a ti del a. Ka khawngaih lo tih ka sawi miah lo. Ka fapa i ni a ka ngaihtuah che, i thatna tur ka duh em em a. Ka fapa hian hmeichhe tha lo a hnaih hi ka duh lo. I in a ka va kal khan a mah ka hmuh khan ka thinrim zia hi i hria em. Chu mai ni lo room atang a I thianpa, tet te atang i lo kawm thin nge thawmhnaw pawh ha mang lo in a rawn chhuak a.









A hmeichhia lah a in bel the hlem bawk. Huai tak in an pahnih khan an tang dun a an bum che a sin. I nu pawh min zah hauh lo a ni. He hmun a ngaihtha tak a I awm lai khan an bum char char che. Papuia thiam loh pawh a ni lo, mipa a ni a hmeichhe hmeltha leh mipa tih lawm thiam tak a ni a a bual a ve a ni mai. Chu vang chuan kal san rawh! " A rawn ti chhuak halh chu ka nui ro hawk.









" Mi thu sawiah ka in nghat ve ngai lo, ka nu i thu sawi ngei pawh ni se. Ka flight ka nang lo tak ngial dawn. " Tih leh ka suitcase la in ka nu thlalak ken ho chu a la nghal hmuk bawk.





*




" Exam an zawh ni tur a ni khan a sawi sia engvang a in a awm lo nge a nih? " Kawngka lock hawng in ka phun hluk. Airport atang a ka let in damdawiin lamah ka pa doctor bik hnenah ka pa file vel check tir in ka kawi a in ka pan ta chauh bawk a. Ka tlai ang reng viau.









" Eng thil nge? Huhh..... Laldumtea i ni tak e . " Light ka on rual a Couch atang a zawhte dum rawn zuang thla thak chu melh run in ka ti nghal sup. Zawhte vak vai pakhat inah a lak luh thu Ruatfelin a rawn sawi tak kha.









Room lamah lut tlang in Khum a thu thla dawt in Ruatfeli ka call nghal a. Ka haq dawn tih a hre lo a in ka thlen hun ah surprise thut ka tum kha a nia mahse inah a awm loh avang in ka call leh ta nge nge. Call lah chu a la thei thak lo.









In ti faiin shower te ka nei a. A rawn haw a zanriah kan kil dun theih nan tiin chau ang reng viau mah i la ei tur ka siam ta hram. A tan liau liau ei tur ka siam sak hian ho te mah ni se a hlim ve thei lutuk tlat. Nu enkawl loh tih tak ah ei siam lam erawh a tui em em lo thung.









Zan dar riat a rik tawh pawh chuan call emaw a chanchin tak ngial pawh ka hre lo. Papuia ka call lah in phone a la thei bik chuang der lo leh nghal. Chu thu hle hle thei lo in in chhung dung vel ah chuan ka vai kual thuak thuak reng bawk.









" Huhh... " Doorbell rawn ri deuh rawl rawl vang chuan ka tho chhuak tuam tuam a. Couch a rem lo zet a ka lo mut thluk vang nge ka nghawng lah chu a na kham ut ut bawk. Doorbell bawk chu a rawn ri leh a, thawh chhuah mai ka tum chu ka awm zawnah zawhte dum thaw ri berh berh a min lo delh bet tu vang chuan ka tawp leh dawt.









Ka taksa chung atang a la thla in couch ah chuan ka mut tir a kawngka lam chu ka pan nghal churh churh a, Ruatfeli a nih chuan ka lawm loh zia a hre khawp ang ti rilru in kawngka chu ka last hawng nghal vut a mahse Manoi zawk a lo ding ran thung.









" Morning! Nutein i lo haw tih min rawn hrilh a inpui lamah ka va kal a I lo awm si lo a, he tah i awm ka ring reng a. " A rawn ti nghal vat chu ka ngheng elh ri thawk in ka melh nghal run.









" Ka inah hian ka lawm teh chiam lo che, let leh mai la a that ka ring! " Ti sup a kawngka nem khar mai ka tum chu a rawn dang vat.









" Kha nu khan i lo haw tur hi a hre lo ti raw! Chuvang chu em ni mipa dang bulah a awm? " A rawn ti sap chu lawm lo zet in a lam ka hawi nghal hmuk.









" A chung chang mawi lo zet in sawi tawh ngai suh! " Ti chhur chhur in ka melh deuh hrawk chu a rawn nui hak.









" Kawngka a rawn hawng lo a, a hmel ka hmu lo bawk a In ah hian a awm lo tih ka hria. Ni zan khan ka hmu a sin Motel ah! " A rawn ti sap chu ka nui suk.









" Min dawi kual vel tum lo mai teh! " Ka ti ta hluk.









" Dawt ka sawi lo. I awi loh chuan i va kal thei ang. Papuia nen an thil ei lai leh room lam pan a an in zui chho lai ka hmu. Ka thiante nen kan chhuak ve tho a, kha nu kha chu ka hai lo ang tih i hriat ve tho ka ring! " A rawn ti leh kher chuan min run tawk viau.









Motor chahbi la in ka chhuak zui nghal vut a. Manoi sawi na hmun chu ring ngam chiah lo mah i la zawnna tur dang ka hre miau lo tlat. Motel zawn a motor ti ding in ka lut tlang nghal pawk pawk a. Manoin an room luhna tak a hriat loh thu min hrih miau avang in room lo awm hmasa ber a tang chuan ka zawng buai nghal a ni ber.









Room eng emaw zat ka zawng a mahse Ruatfeli hmel sawi loh a aw tak ngial pawh ka hriat loh avang chuan ka thaw huai thei. Second floor room tawp ber kawngka ka kik chu tuman min rawn chhang lo. Ka kik nawn leh tak ngial pawh in chhanna ka hmu chuang lo. Let mai rilru in beidawn nan hrim hrim tiin door lock chu ka herh a a lo in kalh hauh lo chu enge ka ngaihtuah hrep ni ka lut ta hmiah.









" Tenawmpa! " Ti chhuak hrawk in khum a lo mut re lam chu pan in an puan sin chu theh hlim in Papuia chu ka pawt tho nghal lawp a, a rawn thawh rual in ka hnek zui nghal tawlh. Lalruatfeli pawh chu rawn harh in min hmu chu a meng bial nghal kawk. Hawi kual thuak thuak in rang zet in a bul a puan chuan a taksa ruak ngal ngat chu khuh tum in a pawt tawm nghal vek bawk.









" Ka ring che a sin! " Rilru na zet a Lalruatfeli melh chhuk run chuan ka ti chhuak hrawk.









" Nang pawh! Ka chungah eng tin nge tiang hi i tih theih! " Papuia rawn ding chhuak leh chu tham nawk in bangah ka nem bet nghal rawk! Ka thian tha ber leh khawvel a ka hmeichhe hmangaih ber in min bum reng chu a nia. Ka kawchhung hi thinrimna vang in a so bulh bulh a, tunah tak chuan kei hian an pahnih hian thah mai chakna ka nei ut ut bawk.

[Ngaia]

CHAPTER - 24 by Amy Cck ( Dream Girl)









" Ka thianpa mai ni lo ka unaupa ang mai in ka ngai che a mahse ka hnung lamah i chet duh dan hi .... Hrep chuan! " Lawmsangzuala thinrim aw ri chhuak hrawk chu room chhungah chuan a khawk rum rum . Eng thil nge thleng hi. Engmah ka hrethiam lo leh min thawng lutuk chu chet ngaihna pawh ka hre lo.









" Lawmsang... " Papuia aw ri ka hriat rual in Lawmsangzualan a hnek pai leh nghal nawk chu rak that in khum chung atang chuan an lam pan chuan ka tawlh sawn a. Engtin nge ka thawmhnaw hi a lo in phelh thei. Tunah hian panty bak in bel ka nei lo. Ka lu lah chu a rit in ka mit a kham deuh rum bawk.









" Khawngaih in duh tawk teh! Thil... Thil hriat sual palh a awm a ni! " Lawmsangzuala ban a ka kut leh lam a vuan a ti bah nawk nawk in leh lam in ka taksa khuh tu puan chu ka hmer tawm vek bawk.









" Ka thil hmuh hi ka hmuh sual maw? Nang pawh hi ka ten che a nia! " Ti chhuak hrawk in ka vawnna atang chuan min thing thla hnawk a. Chu mi rual in Papuia pawh a theh thlu nghal chawrh. Thaw chhuak hawk in ka lam a rawn hawi a, a mit meng min huatna leh ten na a khat vang chuan ka tim ru chawi thei hial.









" Tenawm lutuk! " Ti hluk in a pen sawn nghal pawk pawk a. Room kawngka pawt hawng rawp in na zet in a rawn khar ri thuai chu ka phu tel chiam bawk.









" Eng thil nge ka tih? " Ti hap in khumah chuan ka thu zawi hnak. Khum khuhna chuar ve tak chu hum tawm ngat ngat in ka biang a rawn kum thla nghal pap bawk. Papuia rawn tho chhuak tuah tuah in Lawmsangzuala khawihna avang in a lu a hai nge a lu a thing deuh nawk pawh chu ka ngaih sak buai lo.









" I tha em? " Ka bul a rawn ti sup in a rawn ding a, kekawr bul chiah a ha a, a mit ko leh kam sir thi sar sar pawh chu ka hmu chiang ngang.









" Ai... Tha lo! Eng thil nge thleng hi, eng tin nge he tah hian kan awm theih? Lawmsangzuala kha.. Nilo.... Ka... Ka zui a ngai! " Tih bah nawk nawk a ding chhuak vat in ka thawmhnaw tla darh nuai chu ka in bel nghal hlak hlak a. Ka thin a phu rang in ka mittui lah chu a tawp thei der lo bawk. A chhan chu Lawmsangzuala ka chan dawn a hriatna lian tak ka nei miau.









" I rual in ka lo kal ve ang! Kan pahnih in kan hrilhfiah dawn nia. " Room ka chhuah san tur in ka ban a rawn vuan ding chawt in Papuia chuan a ti nghal sup chu rang lutuk in ka in la hrang nghal hlawk. Ni zan khan enge thleng ka hre lo mahse thil tha chu a ni hauh lo tih ka hria. Chuan Papuia hnaih hi ka tan a him chiah em ka hre tawh lo.









" I hmu lo em ni? A thinrim em kha! Ka hrilhfiah emaw eng tin emaw ka tih a ngai. I lo kal ve a nih chuan buaina dang a chhuak leh zawk ang! " Ti leh kawngka hawng a chhuah ka rual nghal. Ka theih ang a rang in Motel chu ka chhuah san a, Lawmsangzuala erawh hmuh tur a awm tawh lo. Taxi phar ding in in lam ka pan ve nghal ta vat.









Kan in kawngka bulah chuan ka ding ran a, Lawmsangzuala hmuh hman hmawh hle si kha ka lut ngam ta tlat lo. A chhan chu in sawi fiah mai dan tur ka hre lo. Kei leh Papuia awm danah khan rin ngaihna pawh ka nei lo. Thawk la hak in kawngka chu ka pawt hawng a, in ka luh rual in ka meng buai nghal nak. In chhung bungrua zawng zawng, center table leh paih darh theih zawng zawng chu a dar sarh vek a ni ber. Lawmsangzuala hmel erawh hmuh tur a awm lo.









Bungraw darh nuai ho chu zawi muang in ka chhar khawm a , room kawngka rawn in hawng ri leh ka lam pan a pen ri khup khup ka hriat vang chuan ka hawi chhuak a . Lawmsangzuala hmel dur khup leh mit meng thip leh rum zet vang chuan khaw dang ka hawi thei tawh lo.









" Ka chungah eng tin nge he tiang hian i awm theih? I duh leh mamawh chu ka pe zel che a ni lawm ni? Rei lo te chiah pawh ka tan i rinawm thei lo a maw? " Lawmsangzuala aw zawi ruih leh thum dut vang chuan ding chhuak riai riai in ka in seh ruh nghal vak.









" Sawi teh? Ka bulah khan i hlim ve emaw ka ti a, kan pahnih khan kan hlim dun viau in ka hria a sin. Nge ni a kei mah zawk chauh hi ka ni zawk? " A rawn ti chhuak leh hrawk chu ka in sut ri faih.









" Huhhh.... Ka awi thei lo . Lalruatfel eng emaw tal sawi ta che. Kha mihring khan kha hmunah khan a hruai lui che emaw a hrai rui che a I duh vang reng a ni lo tih thu tal pawh. " Ti chhuak hrawk a ka lam rawn pan pawk pawk in ka dar tawn tawn a min vuan chuan min thing nghal nawk.









" Ka tihpalh! I bulah hian ka hlim lutuk, ka hmangaih bawk che, bum che ka ngaihtuah ngai lo! " Lawmsangzuala thinrim thaw ri hrawk hrawk chu ngen ngawl zet in ka melh chho a mahse chu aia chhanna tha a duh tih a mit meng rum zetah khian ka hmuh hmaih lo.









" A nih chuan eng thil chiah nge thleng? Chan che hi ka duh lo, ka rin theih nan che eng emaw tal sawi rawh." A rawn ti zuai ruih chu mit chhing sawk in ka hmui ka pet fan fan. Eng tin nge ka sawi ang, engmah ka hre bik lo a ni tih hi!









* FLASH BACK *









" He lai chu ka vawi khat kal na, a reh reuh a mahse a nuam phian. " Kan awmna vel chu hawi kual in Papuia lam chu ka hawi leh vat a ka ti sap chu a nui ve suk.









" Mi tamna a kal i duh ka ring chiah lo a. Nuam i ti hlauh chu a that chu. Lawmsanga rawn haw hunah chuan kan in hmu khat rawi tawh mai thei sia vawin chu i ei man zawng zawng ka pe ang." A rawn ti sup chu nui var var in menu ka keu nghal zat. Exam kan zo a ka thawveng pakhat tawh hrim hrim. College exam chhung lek a kal pawh kha ka tan chuan a harsa lam a ni.









" Lawmsanga chu enge i chah reng reng. Hmeichhe thil vel lei tur hian ka la ngaihtuah ngai lo a, a dang dai riau in ka hria! " Thil ei mawlh mawlh chung chuan a rawn ti sup a ka nui tawi tak.









" A mah a lo thlen tawh ber chuan mamawh dang ka nei pawn ka hre lo. Kei mah zawk in surprise ka tum, a duh zawng a nih leh nih loh chu ka hre lo. " Ti awl sam et in lasi chu ka la kang nghal zat.









" Ka puih i duh chuan.... " A rawn ti sup chu a, sawi zawh hma in lu ka thing mat mat.









" Ok... Ka hre thiam, mahse nakinah min la hrilh ve chu ka phut tlat a nia! " Ti sup in a lasi chu a tem ve nghal zat. Khaw lum nen kan thil ei sa leh thak bawk nen lasi vawt raih han in leh chu a nuam tak zet.









" Ehh.... Saw chu Chhani a nih saw? " Ti sap in Lalchhani step kal chho chu ka melh vang vang a, Papuia pawh chuan in her in ka hawi na lam chu a hawi ve nghal zat. A hnu lawkah Miss Manoi ka hmu leh nghal chu ka rilru a nuam thei ta tlat lo.









" Dik lo a awm em? " Papuia chuan a rawn ti sup. College a Lalchhani thu sawi vel ka ngaihtuah let a, henu hian eng emaw in rawlhna a bei tlat a hriat na ka nei chu chawp chil zet in Papuia a bulah zui ve tur in ka sawm ta pawng. Thil thleng velah Lalchhani a in rawlh ve a nih chuan ka en liam mai mai hauh lo ang.









In chung lamah chuan ka chho a room an luhna tur awm a kan rin chu ka zawng a, enge hmuh chhuah ka in beisei chiah ka hre lo mahse eng emaw dik lo min helh tlat tu a awm miau.









Room tawp ber kan luh pawh chuan hmuh tur an awm miah lo a nih chu. Ka hmu sual ka tih dawn chuan Papuia pawn a hmu ve ngei bawk si chu a mak ka ti leh zual. Kan kal hah leh lutuk vang nge ka thin thip vin tur leh taksa lum deuh pup pup vang chuan chair ah ka thu thla hnawk a. Ka bul a Papuia ding in a ni pawh a hah ve hmel viau.









" Kha....tui hi in rawh! " Ti sup in ka hma zawn a tui chu a rawn lek chu ka ban a, a ni pawh chuan a in ve khawlh bawk. Engvang nge ka hre lo ka lu hai chiai chiah leh mit meng da va riai ah chuan Papuia ka melh dan chu a fuh tawh chiah lo. A ni pawh a mit meng a dik bik lo tih ka hre chiang ta tulh tulh a.









Ka hriat leh meuh chuan kei mah ngeiin Papuia ka fawp a nih chu! Tawp tur ka ni a mahse ka taksa ah khan dik lo a awm. Chuan kei mah leh kei mah ngei pawh ka in control thei lo. Ka ngaihtuahna aiin ka taksa rawn dang kam khan min tur nasa zawk miau!









* END OF FLASH BACK *









" Ihh.... A rawn thleng thut a. Kha room a kan awm hnu khan.... "









" I duh lo chung a hruai lui che, chu chu a dik em? " A rawn ti chhuak hmuk chu phili zet in lu ka thing nawk nawk. Papuia hi ka ring zo tawh chiah em ka hre lo mahse A thiam loh a ni chiah en ka hre chuang hek lo. Chuvang chuan ka puh vek thei tlat lo. Chiang tak in ka fawp hmasa tih ka hria mahse a bak chu ka ngaihtuahna an chawl duk.









" Hrep che hian! I tan hian.... Nang mah vang hian enge ka tih pawh ka hre seng tawh hrep lo. Ka nu leh pa hial ka hnial kalh a, i lam ka tang reng zel a mahse min rulh let dah chu i ti tha khawp mai. Ka thinlung i ti keh sawm vek. Kei hian ka ring leh thei tawh che in ka ring lo! " Ti chhuak hrawk in min thlah hnawk chu chhuat ah ka thu thla hnawk a, ka kut a tip vin tuk vang chuan ka ner nak.









Lawmsangzuala min hlat zawng a pen sawn pawk pawk chu mittui kar atang in ka melh tlawk tlawk a. Auh din a ngaihdam dil ka duh a mahse ka thil ngaihtuah chhuah vang khan a hming tak ngial pawh ka lam ngam tawh lo. Chutiang bawk in thil thleng engmah dang ka ngaihtuah chhuak thei lo hian min ti na leh zual.










Ka kut ka chet tur chu a thip deuh zawk vang in ka si deuh hlak. Chhuat a pot keh themah ka at pilh hlek a nih hmel. Lawmsangzuala kawngka rawn khar ri dawp ka hre zawm zat. Ka lakah a thinrim, thinrim sa tliah mai pawh ni lo in min huatna mit meng kha ka theihnghilh thei kher tawh in ka ring lo. Kan boruak tawn teh thut vang hian ka ni nghulh ni ber in ka hria.









" Ti nge a thiam lo zawk ka nih ziah bik! " Ti sap in ka ding chhuak riai riai a, Lawmsangzuala khan sawi dawt lo mahse min hnaih leh duh hmel a pu tawh lo. Chiang tak in min rin theih tawh lo thu a sawi a. Min rin tum mahse eng tin nge ka in sawi fel ang tih pawh ka hre lo. Eng pawh sawi i la Papuia ka fawp tiin ka thu sawi a tawp dawn tho. Chutah engmah ka hre zawm lo ti ngat i la kei ngei pawn ka thu sawi chu midang sawi ni se ka awi kher ka ring lo.












Ka din mar rual a ka taksa ni nghulh leh lu rawn hai deuh ruai vang chuan vawn tur ka dap nghal ruai mahse ka kaiza ta khur der der vang chuan ka kal sawn thei lo, tun hnai te atang khan ka taksa chak loh vang nge lu hai thut thut leh khaw hmuh fiah lo ka nei zauh zauh a. Chuan ka pum lam hi a chiang vak lo nge thil ka ei thei lo a, chaw hmeh rim na deuh phei chuan ei enah pawh ka en duh lo hial bawk.









Kawngka rawn in hawng ri ka hriat rual in Lawmsangzuala a rawn let leh a nih ring ka haai nghal vat a mahse comon room a rawn lang ka hmuh rual in ka hnual nghal rawih rawih.









" Eng thil nge i chungah a tih hrep a? " Ti hrawk in min rawn pan a engmah ka sawi thei lo ka chau nghulh in ka taksa kang nawlh leh min pen sawn pui pawk pawk chu ka hre ruai ruai.





*




Ka hmai tu emaw in a rawn khawih avang chuan ka meng chhuak riai riai a, Papuia hmel ka hmuh rual in ka meng nghal kawk. Kan awm na hi kan in a ni miah lo bawk.









" Ni khaw hre lo in i awm leh a. " Ka kiu a ka in beng kang rual in Papuia chuan a rawn ti sup. A hmel pawh en tha duh lo chuan ka thu chhuak a. Kan khum bulah doctor a rawn kal ve chiah bawk.









" Rai no lai chuan in dim tur a sin. I thisen a sang a, i taksa in a mamawh tawk i mu lo bawk tih i taksa chauh danah hian a hriat bawk a. Eng pawh ni se damdawi ka chawh che hi i taksa siam tuah i lo ei dawn nia! " Hmeichhe doctor chu a rawn tawng nghal barh barh a. Kei erawh a thu sawi vel vang chuan chet na chang ka hre lo.









" Ka rai i ti a maw? " Doctor tawng mawlh mawlh lai chu ka zawhna vang chuan a tawp dat a min rawn melh ve nghal vat.









" I hre miah lo a maw? Thla khat a upa nau I keng mek a. Pangai tak in in check up pawh i la nei lo a nih hmel. Harsatna a awm loh chuan vawin hian ti thei nghal u la ka duh pui khawp mai cheu! Chuan I hriat loh vang nge chu ka hre lo a I damdawi eiah fim khur rawh. I taksa chak lo nen damdawi ei lai i neih chuan chawl rih la ka duh ! " Doctor thu sawi chu ka beng ah a lut a leh lamah a chhuak leh zel ni mai in ka hria.









Ka taksa chau leh ni nghulh thin kha ka rai vang a lo ni reng tihna a nia. Exam vang in zan ka meng reiin a chang phei chuan tlai var thak te pawh ka nei a. Zanah Lawmsangzuala phone call chang ringawt pawh ka meng ngat ngat ngat thin miau a ka taksa in a zo lo ah ka ngai mai a. Chaw lah mahni chauh a ka awm avang in nghei mai chang lah ka ngah. Khang ka pum nuam lo emaw ka tih zawng zawng kha a chhan chu ka rai vang maw!









Papuia ka en chu a ni pawh a thawng ve tih a hmelah a hriat. Doctor lah chuan ka pasal emaw a ti nge test ngai leh damdawi ka mamawh ang tur chu damdawi lehkha a ziak pah in a hrilh mal mal mai bawk si chu han tih vak ngaihna pawh ka hre lo.









Doctor kal sawn hnu chuan min rawn en in zal lo fahran hian a nui suk a. Thla khat a upa a nih chuan Lawmsangzuala fa a ni ngei ang tih ka chiang. Engvang a hre lo thei nge ka nih zawk. Drip te min lo khai sak avang chuan kan nghak leh lai lawk a. Kan pahnih chuan kan tawng lo a, kan in be lo tawp a ni mah zawk.









" Kei mah in ka haw thei! Min kal san tawh rawh! " Damdawi in kan chhuah san chu ka ti sap. Dik taknchuan ka in thiam lo a Papuia hi ka haw tel bawk.









" Nizan chung chang kha sawi dun i la a that k ring. " Ka ban a rawn vuan in a rawn ti sup chu min vawnna ka thing thla hnawk. Papuia pawh a rawn tho ve hawk.









" Engmah ka hre chiang lo. Lawmsangzuala bul a in sawi fiah tur tak ngial pawn sawi tur ka hre lo. Chuan kha tiang thil thleng tur i lo dan loh avang khan ka haw bawk che! " Sir lam hawi chuan ka ti chhuak tiau. Lawmsangzuala thinrim leh rilru na hmel ka ngaihtuah let a ka na ngawih ngawih .









" Engmah a thleng lo ti ta i la i awi a ngem? " Ti sup in min melh chhuk run chu ka nui ro hak. Ka hriat theih chin ka ngaihtuah ka aawi hlawl lo.









" Ka rilru nawm nan i sawi a nih chuan.... "









" Min kiss a ... Huhh.... Zep lo chuan kei pawn ka chhang let ngei che. Eng emaw dik lo awm ang maiin ka taksa khan phur na riau a nei a. Kan thil tih dik lo zia kha ka hria a mahse in control kha ka harsat lutuk a. Mahse nang ber ni khaw hre lo in i awm zui nghal daih a. Ka taksa bengdai tur khan shower ka nei ta ngawt. Mipa ka nih hi hmeichhia ka mut pui leh pui loh chu ka hre thei ! " Ka dar tawn tawn a min vuan in ka mit tak a min melh chung chuan a rawn ti sup.









" Mahse eng... Eng tin nge khumah khan kan lo mut? Ka thawmhnaw te... " Ngaihtuah buai zet in ka ti sap.









" Ka rin dan chuan damdawi hmang a hrai ruih kan nih ka ring. Room a tui kan in kha Lawmsanga i zui chhuah hnu khan test tur in ka keng chhuak tel a. I thawmhnaw lo in phel dan chu ka sawi thei bik lo mahse kan mu dun... Ohh.... Sex kan hmang lo ! " Thu tak lutuk a a rawn ti chu awi ngam chiah lo awi lo duh si lo melh in ka melh a. Kei chuan engmah ka hre lo ka kiss tih kha ha hre hlur chuvang chuan ka na ve em em tawp bawk.









" Engmah a thleng lo! A thleng lo tak tak ang! " Ti chhuak chul in lawm lutuk vang chuan Papuia chu ka kuah nghal chung chung. Papuia ber in a hriat chuan ka thla a muang. Lawmsangzuala hnenah pawh tun a Papuian a sawi ang khan ka sawi ang. Chuan hrai ruih tih tak ah chuan rin hlelh ka nei bawk.









Miss Manoi emaw Lalchhanhimi! Ka rin hlelh ngei ngei nan tawk tar ah an rawn in lan a. Ka fiah uar ni ber in ka hria. Exam zawh khan Lalchhani kha an in tawng awk ti tih a, kha kha an rawn vaah zui nghal a nih ka ring nghet bur. An duh ang ngeiin an thang ah kan awk bawk. Mahse ka mila kal pui Papuia a ni hlauh a, ka vannei ka ti lo thei lo.









" Mahse... Engvang nge motel room ah khan i sawi ve mai loh. " In la hrang in ka ti leh hnu hnawh chu ka chalah a rawn pen nghal fawk.









" Damdawi ka rui ve tho. Chuan kha i bialpa thik thu chhe deuh khan kut a rawn thawh nghal a, engmah sawina hun min pe lo. A dang leh chu min thawng ve bawk a. Kar leh daih a rawn haw tur kha a rawn lang thut a, i bulah ka zui ang che ka ti a duh lo in i tlan chhuak zui nghal a. A rang lam in ka rawn zui tho cheu a, ni khaw hre lo in i lo awm leh hman tep a. Hmmm.... Sawi tak ah chuan rem ruatna fel tak a ang tan riau! " Thil ngaihtuah vung vung chuan a raan ti sup.









" Eng pawh ni se kan tui in ah damdawi a tel ngei em tih chu hriat ka duh!" Ti sap in ka melh chu a bu ve nghut nghut.









" Tun a doctor thu sawi kha i hria em I nau pai taksa chak loh avang in damdawi hriat loh leh sang lam ei a him lo a tih kha. Min hrai na damdawi kha i zo lo a ni khaw hre lo in i awm phah a nih te ka ring ve bawk a. " A tih chuan A sawi chu a dik ve leh thlup. Haw vat a Lawmsangzuala hrilh vat ka duh bawk. Min ring lo a nih pawn ka hahdam nan tal. Chuan ka pum chhung a naute in siam mek vang pawh hian.









" Eng tin nge i rai tih te i hriat loh theih zawk. I taksaah dang lam awm ang pawn I hre lo chu a nia. A tir kha chuan i hre sa a Lawmsanga surprise i sawi kha naute hi a maw ka ti hman a mahse mal kha i tih hmel ta lutuk a. " Motor stearing herh kual chung chuan a ti sup chu ka ner nang. In neih pawh in nei lo in nau ka pai a nih chuan engvang in nge surprise nan ka hman duh teh lul ang.









" Ka surprise tum na te chu ka pa inah haw ka rilruk tawh chung changah a nia . A lawm lo mai thei ka tih tawh kha mahse tunah chuan a mah dil kher lo pawh ni i la min chhuah tir vang vang duh ka ring tawh! " Ka ti zuai raih.









" Engkim i hrilhfiah chuan a hrethiam em em ang. " A rawn ti sup chu ka nui ro hak.ka beisei tak zet. Papuia ka ngei hman a nia mahse a pawi thui hma in kan chin fel hman hram beisei phawt ang.





*




Papuian tui a test tirah chuan eng damdawi mah an hmu lo. Mahse kan rin hlelhna a lian tulh tulh tho, a chhan chu vawi leh khat a kan taksa a chakna a rawn awm thut dan khan sawi fiah ngaihna dang a awm lo. Ka tan ngat phei chuan Papuia hi mipa ang in ka en lo a, ka thian tha tak a ni. A ni pawh thian ang chiah in min en tih ka hria. Kan pahnih in kar a in hipna a awm loh ngaihtuah chuan kan awm dan kha a mak viau bawk.









Inah min thlah a, Lawmsangzuala erawh a lo la let lo a nih ka ring. Papuian awm ve tum mahse Lawmsangzuala thin a rim em avang khan kei mah ngeiin ka hma chhawn a that ka ring zawk. Ka thu sawi hi a awi kher a ngem ka hre lo mahse thu dik chu fiah ngei ka duh.









Khua a thim tawh chung pawh chuan Lawmsangzuala hmel reng a rawn lang thei lo. In chhung hnawk zawng zawng chu ka theih ang tawk in ka ti fai a. In chhungah chuan ka tei kual reng a. A chang a ka lu hai leh thin nen ka pik mup a ni ber.









Couch ah ka zawhte dumduma pawm a ka muhil chu kawngka rawn ti hawng ri vang chuan ka hath zawk a. Tha em em a ka harh ran hi ka la hre lo hial. In chhung dim light chiah eng dul ruih ah Lawmsangzuala rawn pai lut deuh khut khut ka hmuh rual in a lam pan chuan ka kal vat a. Mahse min hmu ve ang pawn a awm lo. Chuan a rui viau bawk.









" Min khawih suh! I ngaihtuah der hi ka mmamawh hrep lo! " A pai khut khut a ban a ka va vuan chu ka kut thing per in a ti chhuak nghut.









" Thil sawi dun ang! Aw... I awi leh awi loh chu ka hre lo a mahse Papuia nen kan in
Karah engmah a awm lo . Lawmsang englo... " Ka ti chu a ban a rawn vai thuak.









" Ka ngaithla peih lo. Lo ring lo tawp tur che ka nia. Tunah chuan ka tan eng mah i ni tawh lo. I duh duh mipa kawp la, hun hman pui eng ang mah ka ka ngai pawimawh chhe te lo. Ka nu khan a sawi dik chiah! " Seh chilh zet a tiin a thu sawi zawh rual chuan ten hmel zet in a ner nghal nawk.









" Enge i sawi awm zia chu? " Ti sap in ka hma a ding khawng luah mit meng sen rum chu ka melh ran a, min ning hmel zet in a rawn thaw chhuak nghal hawk .









" A sawi chu mipa tel lo in nang hi i awm thei tawh lo. Duh lo viau mah la i thisen khan a than len pui tawh miau! Tunah hian kei ngei pawh in a dik zia ka hmu bawk! " Ti chhuak sup in a sawi zawh rual chuan ngeiawm lutuk in a ner nghal sawk.







" Eng mawi i sawi kha? Nang hian..... " Sawi chhuak thei lo in ka hrawkah a rawn in hnawh tut tut a. Lawmsangzuala hmelah chuan a thu sawi pawi tihna emaw in chhirna ka hmu hauh lo bawk. A thinrim tawngkam vin leh na tak tak ai pawh in kha thu tawi te a sawi khan min vaw na zawk!









A thu sawi tawi te chuan a mah ka hnaih chakna zawng zawng a ti bo nghal vek. Mi pa dang ang a ni lo ka tih fo leh ka chhuan em em khan a rilru tak chuan min lo hmusit ru ve reng a nih chu. Kha tiang thu ka hriat hnu khan in sawi fiah in a fa ka pai thu ka sawi ngam tawh kher pawn ka ring lo.









" Ohh... Ti teh! Hmeichhe thiang hlim ber ang mai a nat pui der vel kha a ngai lo. Kei min tih nay ngaihtuah chuan kha aia na daih kha tuar tir che ka duh hial! " A rawn ti chhuak leh hmuk chu ka melh tlawk tlawk. Tun a ka hma a ding hi chu ka hriat thin Lawmsangzuala kha a ni tawh lo. A ni tawh lo tak zet.









" I..... I sual hle mai! Lawmsangzual... Nangpa hi .... i sual tak zet! " Ti chhuak tiau in mittui tling pam in ka melh a. A taksa lian zet chu a din ngai a ding run in pawisak emaw nei hmel pawh a pu lo. A mit meng leh a che zia chuan min tih nat ngawr ngar tum a ang ta ber. Chuan a hlawh tling chiang viau bawk! Ka chak lohna lai ber hmang in min hmusit a. Tun bak a nat hi ka neih leh tawh pawh ka ring lo!