"Hanna ding lawk.." ka kal hmawk hmawk a tlan pahin Nolan an minlo au hawi let emaw din emaw ka tum lo a lak ah erawh ka thinrim tel chuanglo thung helai hmun chhuahsan vat hi ka duh vang zawk ani
"Nolan a pawi lo ka nat zual hma a engkim fiah chawp ngai lo a ka hmu kha a tha daih zawk va let leh rawh" ka mittui hru pahin chak lehzual in ka kal
"Thil awmzia ka lo zawt fiah ang" atih chuan ka ding chat,kal sawn vang vang ka duh na in zawhfiah Chu a tul na awm in ka hrelo ani zawh fiah leh chuang tur a awm hlawl lo tinge kei hi ka lo at em em le!
"Aih a ngailo..ka lawm pui thu ilo hrilh zawk dawn nia" hawi let in za lo te chuan ka nui suk
"Nia ti hian min hrilh mai la" Racheli bawk a rawn thleng phei leh tawh chutiang bawkin Vernon pawh a ban ah a chelh tlat te chuan ka thin zawn na hi a ti na zual ngawih ngawih
"Anihchuan inlo kal ta rau rau ka lawm pui che u" ka nuih zat loh dan chu pui tak ani mahse pangngai tak a awm ka tum hram chu thu ka sawi lai phei chuan ka in hum ruh tung
"Ka kal a nge Nolan.." Vernon chuan khaw dang hawi lek lo in min en a ngaihsak lo ang hmak in ka awm ve thung,awlsam tak chuan ka rilru a thlak tawh bik hi ring suh se
"Thlah I ngai em? Ka thlah hman reng che ania" a tih chuan lu ka thing..Racheli lah chuan kal vat se min ti nimai hian min melh no lo khawp mai
"Hanna..?" Ka hawi let chuan Miller a rawn kal phei ka zawn chiah ni silo ka hnung deuh ah a rawn ding a kawngka hnaih tawh a kan lo ding deuh thap chu mak tiin min en kual vek
"E kha I bialpa fel zet pawh lam tur che in a rawn kal leh tawh kha in inhmeh reuh ngawt mai..tiraw Rogue?" tawngkam that hmang ang in lang mahse min hmuh sit zia lan tir na bak anilo,Racheli hian Rogue leh Vernon a hriat pawlh ani mai thei..Vernon mitmeng thip leh zet tawh vang chuan ka nui suk
"Nia ani hi chu tu mipa mah hian an tluk theilo ang.. Miller kal ila" ka mittui tlak na hnu khap ban chap pahin an vai a hmuh lai in Miller ka kai ve ngat ani pawn ka chet dan teh thut mak tiin min en reng a ka nuih suk
"Kal ila.." ka tih leh sup vang chuan bu nghut in in kai chung chuan kan kalsawn a Miller rawn kal hlauh chuan ka awm ati nuam sawng sawng car a Kan luh rualin ka chhing vang vang
"Ka au Che I hre silo a I hmanhmawh hmel deuh bawk nen thil thalo a thlen ka hlau a ka rawn zui tawp che anih hi a pawi I ti em?"
"Ai..engmah pawi a awmlo.. Miller tinge hetiang chung pawh hian min la ngaihsak peih zawk a?"
"A chhan maw" car start pahin a nui suk " ka duh che a" atih chuan ka lawm vang ani pawn ka hrelo ka nui ve suk
"Ka lawm e..kei hmeichhe rilru mumal lo zet leh buaina nei reng min ngaihsak thin vang hian..ka tawng che hi ka vannei takzet zet ani"
"Kei tak asin lawm.. hmeichhe pakhat vang a lungngai a kun reng tur ka nih laiin nang ka nun ah ilo lut a lawmthu hrilh tur zawk che ka ni in ka hria"
Muang chang in kan tlan chhuak a Rogue ka ngaihtuah chhuak thut,a room ah Vernon te an awm anihchuan ani kha khawi ah nge a awm ang kalbo tur Chuan damlo anih bak ah ala harh in ka ring si!
"Aaa ngaihtuah tawh suh a hma ang a awm leh I duh ami?" Ka hmai ah ka beng dawt dawt Miller chuan minlo nuih tiah tiah
"Zan in ah min chhuah pui ve tawh la I thei a ngem nizan ai khan" a rawn tih chuan ka ngawi vung vung " I theihloh pawn ka tilui lo Che ania ka thian hnai takin a birthday pualin party a buatsaih a kal tur in min ti tlat a mahni a kal ngawt ai.."
"Awle ka lo tum ang" awlsam et in ka ti a ka rilru a awm leh ka thusawi chu a in perhsan lutuk tlat thung,tum mahila tun dinhmun ah chuan ka ngaihtuah lo theilo ka nat em vang pawh ani mahna
*
"Kan thleng e" kan kawt a kan din tawh hnu pawh a ka la thut ngawih reng vangin zangkhai tak chuan a rawn ti a
"Um.." tih ringawt a chhang in zawi takin bag ka la a motor a tang a ka chhuk rual chuan ka pum a ni nghulh " zan ah chuan kan inhmu dawn nia" tih leh min chhan let na pawh ngaihtuah tawhlo in ka kal nghal
"Ka hah thlawn na te kha ka ui lutuk" hmanhmawh bak leng a hospital ka pan lai ka ngaihtuah te chuan ka thinrim hlur
"Ilo thleng maw I thian chu enge chanchin?" Ka pi leh ka nu in anlo tih chuan a that thu a chhang ringawt in ka room ah ka chho tlang nghal
Tun thleng pawh a nasa tak a ka la tap lo chu mak ka inti hial zawk, bathroom ah lut in ka inbual ta ngawt heng tui zawng zawng te hian kan nun a thleng ve ta te kha tleng fai vek thei se ka ti ngawt mai,ka inbual lai in ka luak ngawt pek a! ka inbual zawh vel ah ka mu nghal daih a dinner ei hran pa leh tur chuan hotel a kan thil ei vang khan ka la puar lutuk
"Hey..zanin ka rualin I chhuak ve peih angem kei leh Jay.. Luke nen a nuam ngawt ang" thawveng zet a rawn ti in ka khum ah Sebb a rawn lawn kai nghal
"Ai ka lo kal lo mai ang, Miller nen kan chhuak dawn ka lo aw vek tawh a ka tello in kal mai ru" ri chhuak chang chang chauhin ka tih chuan hnai zet a rawn kun in min en
"Enge thleng a I damlo mi na I nei nge?" Ka pang vel khawih in a dap dun dun a ka pang a daih zia chu keimah ngei pawh ka inhria " I khuasik silo!"
"Engmah anilo vawiin vang khan ka chau lutuk a ka la dam kawr bawk nen" ka puan sin that hlun pahin ka ti ve bawk a
"Awle anih ka kal aw" tih leh thawh chhuah a rual a chhan pawh chhanglo in ka in khuh hlun, rei vaklo ah awm nuamlo tur taksa sil thum ang mai hian ka awm a ka thawk a nuam chiahlo bawk ka tho hreh bawk nen ka mu lui tlat a ka lo muhil daih
"Hanna.. Bawihte" ka nu aw ka mang hriat ruai ruai " Miller alo kal ania party na ah kalpui che a duh aniang khu a awm reng tawh ania in ti harh teh"
"Um minlo nghak rawh se ka lo kal ang" khaw vawh lam zia mahse zan lam boruak vawh dan erawh a la ngai ang reng a chuti chung pawn ka lo in khuh char char vang nge ka thlan a lo tla!
"I thlan a tla a maw! I van in khuh rei awm ve" ka chal vel a thlan te chu ka nu in a chul hul thuak thuak a
"Um..lo zu kal la ka rawn kal ve nghal ang" tih leh thawh ka rual ka taksa zawi riau te chu a mak ka ti riau mut zawi hi chu thil awm thei ni mahse ka zawi dan hi chu a nuam zan lo
Ka nu chhuah aṭang in ka peih ang ang chuan kan in chei mawi hnai ve a,Sebb a awmlo nen ka inchei dan chu nalh lo lehpek tak ani,ka bag te nen in ak ve tap in ka chhuk thla a inhnuai lam a minlo nghah hleh hmel tak a min lo thlir reng tu ka hmuh chuan ka nui let ve a
"Bawihte I damlo dawn a mawn le I lan dan hi a dik zan lo ani" ka nu in min ngaihtuah hmel takin atih chuan ka that thu ka lo hrilh nghal
"I tha tak tak ang maw?" Ka pa pawn alo ti veleh bawk
"Min ngaihtuah su ka dam lutuk ka mu zawi vek a chuvang mai mai" ka tih chuan an bu nghut a kan in zui chhuah chuan a ban ah ka vuan deuh tut,ka lu te hi a nuamlo in ka hre leh tawh!
"I that loh chuan ka rual a kal kher a ngai hranlo ania I duh chuan let rawh" car kawngka hawn na dawm pahin ati a
"Ai hman zan pawn ka rawn kal tawh lo a tun tum Chu ka kalpui ngei ngei che a ngai alawm" ka tih ve tlat vangin min hnial tawhlo chuan car kawngka min hawn sak a
Driver seat lam a rawn pan laiin hma tak a Vernon ding reng ka va hmu thut ka thinphu rang nghal ngawt chu duhlo in ka dawm tang tang,Miller chuan a hmu velo niawm tak ani..Kan awm na lam a melh tih ka chian vangin Miller rawn thu lut chiah chu a biang ah ka lo fawh sak kher,mak ti a min en hau vangin ka nuih suk ringawt
"Ka lawm e,ka kiang ah hun I hmang thei dawn a" atih chuan ka lo nui ringawt ka kut rawn hum vang vangin kan tlan chhuak a Vernon pawh alo bo leh daih tawh
"Thil pakhat ka zawt thei che angem?"
"Aw sawi la.."
"Vernon awm vang tiraw ka biang ah khan I fawh?" atih chuan sawi mai dan tur ka hrelo Vernon tih thik nan ka hmang ani tih hria se chu a lawm miahlo ang
"Ai..ka duh vang reng a ti ka nihkha" pawn lam kawng ka melh daih a Vernon vangin dawt ka hrilh tih ka hria ka inthiamlo hnuhnawh mahse min tihnat ang a tih nat ve kha ka chak em em bawk si ani
*
"Lut ila.." Sebb nen kan in text laiin kan thleng der! in lian vak lo anih bak ah a fal ang reng viau bawk Kan luh dawn ah mipa rui tak tak kan tawh vangin Miller ka melh zauh
"Lut phawt ila kan zawt fiah dawn nia, hetiang ho an awm chuan I tan pawh a him lo bak ah ka nuam tihna chi anilo a Carlos (birthday boy) bia ila thil awmzia kan chian hun ah kan haw zawk dawn nia
"Awle.." a ban ah ka kuah nghal chat a ka awm dan chu mak ti mahse tun hi chu ka ti lui hran lo a hlat a awm vak ka duhloh vang zawk ani
"Oh I rawn kal maw ka lo lawm a che" mipa pakhat thawveng hmel zet hian a rawn kuah nghal thlawp " hei tunge..?" Min hmu tel ve chu mak tih hmel zet in a zawt a
"Hanna anih hi..chuan birthday party I ti ani lawm ni hei hi enge awmzia hmun tin ah rui nawi ho an let phung hlawm a" ngaih theihloh hmel zet in Miller chuan a en kual vel
" Nia sorry..khatiang a ka sawi mai loh te chuan ilo kal dawnlo tih ka chiang em a" a thil in lai tlak pap in a lam deuh reng bawk
"Anihchuan kan let ang.." ka kut a kai ta zawk in Miller chu a in her a athianpa Carlos chuan a lo chelh veleh " party pangngai chu nise ka hrethiam Hanna dam sam lo chung ka rawn kalpui a hetiang hmun a awm a an a taksa a la chaklo lutuk"
Miller ṭawng leh che zia vel chu ka lo en la char char min ngaihtuah hmel tak a tawng te chu uluk takin ka lo ngaithla ani hi tinge ka lo duh zawk mai loh tiin mahni ka in zawt hial..a thianpa chuan ngaihdam dil in awm ve hram tur chuan ati tlat a mahse a tum loh hmel khawp mai
"Hanna.. hrilh vela kum khat chhung in birthday vawikhat..chupawh min tel pui loh ala tum ania! hrilhfiah teh" Carlos chuan min pun ringawt
"Reilote chu awm ve mai ila..hna I neih hranloh chuan kan kal ro ro let leh tawp ai reilote awm ani mai" ka tih chuan a rawn in her rem ve mai
"Nangmah ka ngaihtuah vang zawk che alawm bak ah hetiang ah te chuan I awm ti nuamlo zual tur a tam hi music leh zu rim nen"
"A pawilo min ngaihtuah suh I thianpa tan reilote tal te chu awm vela" ka tih vangin a bu nghut min kuah deuh tlat in a mah si chet chuan min awm tir a buaina ka tawh a hlauh hmel tak tak ani
"A van tha em Hanna chuan I hneh awlsam hle mai che ka ti! " Kan thut na bul lawk a no pahnih chu ka in min rawn pe a lak ka tum laiin Miller an min lak khalh daih
"In chi I nilo hrim hrim keipawn ka in duhlo" atih chuan ka nui chhuak hawk Carlos lawm ah in duhlo mahila lak ve mai mai kha ka tum ania a strick ta lutuk leh min ngaihtuah lutuk chu a naupang chhia lek lek zawk,an rawn auh chhen vangin Carlos Chu a kalsawn a
"Hetiang hmun leh nang hi chu I inhmeh teh chiamlo" nghawk zeuh pahin ka ti a
"Nangpawh kei aiin I inhmeh lo lehzual" chutia kan lo infiam ve bawrh bawrh lai chuan ka rinloh lutuk in Vernon leh Racheli te an rawn lang hlawl ka nui tawp chat vangin Miller pawn ka melh na lam na lam a hawi nghal
"Haw i duh em?" A rawn tih chuan lu ka lo thing vat eng vangin nge anni rawn kal vang mai mai in ka haw bik ang,ka tlansan bik chhan tur a awmlo ka that zia leh a mah vang a ka nat loh zia hi hmu se ka duh
Carlos leh Racheli te inbiak laiin Vernon chuan kan awm sa tih hria ang maiin kan thut na lam a rawn hawi ka lo va la en ve reng vangin khap zawk zawk chuan Miller lam ka hawi vat...ka va mit sir tih hria niawm takin Racheli kawng ah a kuah sak kher tinge ka thin zawn hi a nat nghal tak tlat ni!
"Khawi ah emaw tei hawi I duh em..in hi a lang te nang in a fan tham teh ania" Miller min biak na ka hriat vangin ka hawi phei Vernon te lam ka lo en char char chu nuamlo ati ani mai thei keipawh hi tinge ka tan a tangkai lo ka en reng zawk!
"Um kal ila.." a awm tih nawm a Vernon bansan ka duh zia hria se ka duh mahse ani nen inkawp nghal erawh ka la ngaihtuah lo
"Khawi ah nge in kal dawn hei in hmelhriat ula" Carlos chuan kan ding chhuah mek laiin phur zet chuan a rawn ti a
"Kan inhre vek tawh alawm college khat ah kan kal a,Hanna bialpa thar erawh ka la chiang lem lo" polite hmel tak a atih chuan ka lo en ngawih ngawih Vernon erawh a ngawi tlat thung
"Miller.. Miller Haword ka nia..min hrethiam rawh u Hanna nen hian in tih harh pahin in ji kan fang kual ange"
"In kal daihin eng emaw sawi ho a chakawm a lawm in hre sa na na na te chu" Racheli chuan keimah ber min melh ran pahin atih chuan Carlos lah alo phur bawk si
"Min hrethiam zawk ru kan rawn let hun ah ni mai rawh se" polite takin Miller Chuan alo chhang let, Racheli lawm lo hmel chu nuihzat thlak tak ani
"Kin deuh ah kal mai ila" ka tih chuan phal chiah silo min hnial hreh bawk si chuan a aw thei hram..anni
ho nen a kan boruak a hriat ve tlat vang ani
Kan han thu muang leh rih a Racheli leh Carlos tih loh Chu ban in be vak kan awm lo.ka thut na lam kher a Vernon that chhe zet a athut bawk si vangin duh vang reng pawh nilo chuan ka thu zum zuih a a mi hip na nasa lutuk vang nge pangngai tak pawn ka awm hlei theilo Miller nen kan lam ngawt a melh bawk nen!
"Chuan Hanna video chungchang kha engtin nge I tih takzel a" Racheli thusawi Chu ka man thiam nghal vek tuman Kan pahnih tihloh chuan kha video chungchang kha an hrelo
"I sawi lo thei angem?" Ka tih chuan a nui suk
"Awle nia kha kha chu a private tawh em mai mipa ho hi chuan hre velo mai rawh se" hlim hmel leh nelawm tak angin lang mahse a mitmeng thip zet a min en na chu ka hai biklo
"Min hrethiam lawk ru Miller wash room ah min kal pui lawk thei angem thawh thut pahin ka ti a ani pawh a ding ve vat bawk,ka pum let but but reng hian ka luak ati chhuak leh tan tawh..Kan pahnih in wash room lam ah kan in zui phei a
"Ka rawn luh ve kher a ngai angem?" atih chuan lu thing in ka lut tlang nghal " kawngka ah hian ka lo nghak nag che harsatna I neih chuan min lo au rawh ka rawn lut nghal vat dawn nia" a rawn au lang lang a
"Thil danglam vak ka ei bawk silo" ti bul bul in toilet ah ka lut phei a ka uak nghek ka uak zawng lah hian ka âwm leh taksa ana tel zel thil mak tak ani
"Tinge ilo luh duh a hmeichhe dang rawn lut duh an awm ang pawn ah minlo nghak zawk rawh" ka hnung ah minlo chul sak vangin ka ti a
"Video chungchang kha min hrilh rawh" thupe aw tak a min ti tu chu ka hai lo nasa mai rang lutuk a hawi in a kut ka hnung a chul na ka vai sawn sak nawk
"Hetah enge I rawn tih min chhuahsan vat rawh" ani hi engtin nge alo luh theih ka hrelo kawngka bul ah Miller a ding reng sia! Ka thusawi ngaih pawimawh loh hmel zet in a khi suk duh chauh
"Min hrilh hma chu ka chhuak lo ang, nangpawh" chutia atih tak ah chuan rang lutuk a tho in chhuah ka tum ka ban a chelh in min vuan bet tlat
"Ka hrilh chhan tur che pakhat mah ka hrelo I tan tangkai na neilo chu eng vangin nge I buaipui? Min thlah rawh" min vawn na thing thlak tum chu mahni kan hah thlawn ani ringawt
"Min hmangaih ani lawm ni chu chu min hrilh chhan tham a atling in ka hria" inthlahrun na nei miahlo ang mai a atawng te chuan ka thin atih rim rualin min tina takzet zet
"I hresual anihchu nang hi ka hmangaih lo che kan inkar a thleng zawng zawng pawh kha theihnghilh vek ka duh nang thlengin"
"Chu chu ka tih tir miahlo ang che" a mitmeng aṭang in a thinrim tan leh tawh tih ka hria,min hnehsawh tak a awm tir bik ka tum hauhlo eng ang pawn awm mahse ka let tawhlo ang
"Hah..a in tan daih tawh hospital ka chhuahsan aṭang khan.. engkim a tawp tawh hetah i lo kal chhan pawh hi video chungchang I hriat duh vang anilo min nuih zat tur a lo kal I nihkha"
"Min ngaithla rawh.."
"Ai.. engvang in nge ka la ngaihthlak fo ang che min tina hnem tawh lungpui ang a sak na thei lo bik ka nilo Vernon.." ka biang a khawih a tum vangin ka lo vai sawn sak nawk
"Ngaithla rawh ka tih chu.." bang a hnek ri dawt ka phu lutuk piah lam ah ka thin a phu rang nghal dawt dawt!
"Engmah ka ngaithla dawn Chuang lo engkim a tawp tawh,I lak ah hian ka thinrim hluah hluah min hmangaih der in a tawp ah natna min siam sak leh a nang hi ka hua che" a awm ah ka chum nghek nghek
"I tan a ti vek ka nih hi.."
"Aw ni e I sawi dik chiah heng natna in bum na te hi ka tan vek a I tih anih hi ka na tawk tawh I lawm tawh em min kalsan tawh rawh I duh I puitlin tawh ani lawm ni tinge ka hnaih ah ilo awm leh thin?"
"A chhan chu ka hmangaih che" Vernon thusawi tawh a zawng ah chuan he thu hriat hi nuam ka la ti ber,mahse tun tum chu a dan a dang zaih tawh ka hlim pui thin ngei kha ka tah pui tawh zawk
"Dawt anihchu..nang hian min hmangaih hauhlo..in thiamloh na te hi I nei miahlo ami midang thinlung tihnat hi thil na mai anilo asin...khatiang I sawi vang khan ka rawn let ring suh i bum nawn nih ka tum tawhlo" au khum nghek in ka kal chhuak nghal min dang talo chu ka vannei takzet
Hospital a ka hmuh dun vang a ka nat na,ka hreawm na leh ka tawt up up na ai zawng zawng kha tun ah ka in bun ruak chiah ni in ka hria, kawngka ka hawn chuan Miller alo ding leh reng tawh ka mittui ka hru mawlh mawlh vang chuan hlauthawn hmel takin minlo en kiau
"Tihpalh lutuk,ka thawhpui ten minlo call a a bengchheng bawk nen ka kalsawn lawk a tihpalh ka kalsawn tawh miahlo ang" a beng pawh zeuh pahin atih Chuan peih leh peihlo in ka nui suk
"Kal ila.." Carlos te awm na lam pan tur a ka kal dawn chuan min pawt let leh
"Thil diklo a awm ami min hrilh teh,ka kalsawn vang a tap chu I nilo tiraw enge thleng a?" Chhan ka tum lai takin Vernon a rawn chhuak ve chiah Miller chuan mak atih vangin alo en deuh reng
"Engmah anilo Miller kal ang" a ban ah pawt let ve in ka ti a
"Ani hian hetah enge atih? I chung ah enge atih a?" Miller hmel chu a rawn danglam nghal zat a thinrim in hum ruh ka hmuh chuan Vernon a hneh ka ring chuanglo kal tur in ka pawt leh a, Miller awmdan vang chuan nuih suk pahin a kalsawn daih
"Hanna..?" Keipawh in in tur la tur in ka kal a ka hnung ah Miller an min zui bawk, dawhkan ka thlen rualin whiskey a bur chawp in ka la hmiah " in chi I nilo" a chhin ka phawi mawlh mawlh laiin min laksak
"Min pe let rawh..zanin atan chauh ka in ang" ka ban tawk tawk a mahse min pek mai chu a tum loh hmel
"Ai..I dam thalo a hetiang in chi pawh inilo"
" Ka dam..ka dam tha lutuk ka natna zawng zawng ka paih kiang vek taw alawm Miller min pek loh chuan ka tlan chhuak anga ka kalbo daih dawn ania"
"Ai I in theilo hawh haw ang" min kaih atum chuan duhlo in ka bul ah chair ah ka lawn a thil ken lai laksak in ka chhuk thlak rual chuan ka tlan chhe nghal ka kalna pawh en manglo in tlan pah Chuan ka in pawp pawp
"Hanna..ding teh" ka te ve bawk nen a ni a lian ve ang reng sia a kal sawt thei mauhlo mi in kar ah awlsam tak a ka kal zung zung theih laiin ani erawh a buai tawk chiah ani
Min au lawm lawm mahse ding lo in hmun kil khawr lai deuh ah chuan ka kal daih a ka in nghal khawlh khawlh,vanneih thlak lutuk in ka in zo chiah ka bul lawk a bur dang ka hmuh belh a dah tu niawm tak a kalsawn chiah bawk nen la zeuh in ka in lehnghal pawp pawp,ka in zo chu ka khaw hmuh a phe tan a mahse a nuam takzet thung
"Haw ang,," buai hmel zet a ka ban ah min vuan in min pawt tho nawlh
"Aii..a nuam dawn chauh alawm enteh hei bur hnih ngawt ka in tawh ania khawngaih in bur dang min lak leh thei angem..I hmelṭha sia"
"Ka fiamthu lo ania Hanna I chhungte tih lungngaih I duh ami" hepa tak hi chu aw midang a ngaihtuah tel zel bik a an lungngaih te leh an hreawm te a hlau em em bawk a Vernon ve Chu(h) a sual lutuk
"Chu music..lam ang" pawt dawr dawr in midang kar ah ka in rawlh phei nawk nawk a hma zawng pawn music a ri reng tawh a lam a lan loh tehlul nen tun ah chuan lam chak na na in ka khat tawh
"Ka lam ngailo Hanna" a ding tlawn zuarh chu ka nuih vak vak music ri bengchheng nen tuman min ngaihsak lem lo
"Keipawh ka lam ngailo mahse lam ka thiam lutuk" tih pahin a hma ah chuan ka lam a,rui lo ila chuan hetiang a tenawm tak a lam chu sawiloh ka thu ngawi kur in ka ring zawk min melh run tu ka va hmuh fuh vangin ka khi suk
A hmuh lai ngei chuan a ai nasa a lam in Miller nghawng ah te chuan ka han hnim hnai vel a, Miller erawh in tawp tur in min ti chhen tawh ka tlan san leh a hlauh vang nge a ti lui duh bik chuang lo,,ka awmdan in atih thinrim zia ka hmuh theih vek avangin tawp mai bik ka tumlo a hmuh lai ngei chuan Miller ka fawp tawn tawn
"Hanna duhtawk rawh.." Miller chuan min namsawn in a au nghal tuarh music ri pawh a tawp hmak a an vai mai chuan min en thap
"Min duh ani lawm ni,tun a ka thil tih kha enge a pawi na" mittui tling pam a tih pahin ka tlan chhuak nghal, Vernon tih thinrim nan keimah bawk ka in tu mualpho leh tawh chu anihkha
Kawngpui vawt zet ah chuan mahni in ka kal bek bek a a vawt lutuk chu ka harh phah vek ka kal erawh a la pangngai chiahlo ka meng fiah em a chu zawng chu ka rilru Chanve pawh ala fim manglo ang tih theih ani,ka hnung lam atang a car niawm tak light rawn eng ah chuan tunge anih hrelo mahila Miller anih ka rin vangin ka hawi duhlo
"Ka tihpalh lutuk khatiang khan I awm ka ringlo em ani mahni I intih mualpho kha ka duhlo" Miller ngei ani tih ka hria
"Min khawih suh" tih leh a kut vai thlak pawp pahin ka kal chak sauh ka la harh chian loh vangin ti hian ka awm mai mai ani nakin ah chuan mahni in dem a ngaihdam dil tur chu keimah tho ka ni
"Nangmah vang vek anih hi Vernon..ka nun ah lo tel ve miahlo la a tha tur ania" ti a phun bul bul chungin bka kal bek bek " pawn lam ah ka na bawk..ngati nge nang ni pawh hi in lo nat chhen!" Ka thin leh ruh na lutuk te pawh chu mihring Ange maiin ka hau bawrh bawrh
________________________________
"I harh tawh maw?" Ka nu leh pa te lawm lo hmel in minlo hmuak chu thuhran ka lu rit lutuk vang chuan ka tum bur
"Eng party nge ni ngai I rawn rui haw em em a!" Ka pa'n atih chuan ka nu in in bengdai rih tur in alo ti
"Kha hei hi in la I zia deuh mai ang" sertui leh khuaizu tih pawlh min rawn pe la in dawhkan ah ka hung a "Miller an a rawn hruai thleng hram che a ke a kal ai chuan car ah khan chuan mai tur alawm"
"Nu..pa khawngaih in in sawi tawh rihlo thei angem! Ka la nuamlo lutuk ania" ka tih Chuan thaw hawk in min chhuahsan a nizan thil thleng ka ngaihtuah chhuak chiah chu ka inchhir nghal rawk rawk
Inbual hmasa te te in ka nu in tur min rawn ken chu ka in pawp pawp breakfast ei lai pawn tumah in min be lo a biak hmasak pawh ka tum hranlo,nizan thil chungchang vang pawh ani mai thei mahse sawi chhuah leh pawh ka duh tawhlo
"China ah kan let leh mai dawn mi?" Kan ngawih thap laiin ka pa in a rawn ti a,let pawh ni ila pawi ka ti hranlo Vernon theihnghilh a a hlat a awm ka duh ani
"Engati maw! Hetah in awm a kan khawhar pawh a zia em em a in let leh daih in" ka pi in alo ti ve luam a Sebb chuan min rawn nghawk zeuh
"Ka fanu tiang mai mai a awm hi hmuh ka theilo ani" atih chuan ka tah a ti chhuak thut an hma a tah ka duhloh vangin Sebb ka va nghawk ve thung
"Kal ang.." ti sup in ka tho chhuak nghal " I thu thu ni rawh se pa" ka pa biang ah fawp in ka bag ka ak a college kal tur in Sebb nen kan in zui chhuak
"I let daih in engtin nge Rogue a awm ang?"
"Racheli a awm alawm,Sebb in sawi dik chiah ani hi hian min tina takzet ani tun ah chuan theihnghilh tum in ka beih angai tawh"
"Enge thleng min hrilh la" atih Chuan kal pah a ka hrilh tur thu sawi in bike ah chuan ka lawn a bike chuan pawh ka ni hmasa ber ai chuan hnehsawh tawh tak ka ni
Ka thusawi a ngaithla chu kei ai ai in a thinrim zawk Racheli a rel loh leh Vernon a ngei thu a sawi thul..Sebb te takngial pawh hian Vernon ani tih an hre miahlo aniang! engtik a tang a a thuruk ni tak ang maw
"Jay leh Luke lo nghak ang Luke nen Chuan class pawh a nuam deuh ang chu Racheli awm pawn,keini kan class a dang bawk sia a buaithlak lutuk ani" atih chuan a pawi lo tiin ka lo hrilh ve ngar ngar
"Hello in tha maw" Jay chuan zangkhai vah in a rawn ti a kan lo nui suk ringawt,kan din khawm mek laiin Vernon leh Racheli an rawn thleng ve chiah Sebb in minlo signal zeuh
Ngahmah ngaihloh tum viau mahila ka thin zawn hi chem te hriam tak a vih ang maiin a na zawk zawk ka hmuh lai a an in fawp te chuan ka thaw an ti buai vek ka mittui tlak lai ka hre hauh lo, Vernon hian min thlah hlen ve tak tak ani ah ka ngai ka duh ni mahse ka chhungril erawh chuan a pawm lo pawh ni mai lo in a la na ngawih ngawih
"Ngahmah ngai suh" Sebb Chuan min hnem nan ti mahse tah rik hawm hawm ka chak zual sauh Jay an a taksa bet thlawp in a ban leh lam chuan min kuah a,a kawr te chu ka mittui vangin ahuh nghal zul
"Hey in lalfanu duat chu tinge a,tak a nizan khan in hmu velo a pawi khawp mai a lam thiam zia ka lo la hre miahlo a.."min nuih sawh tih ka hria Jay an amah lam hawi in min kuah hlun lo se chuan a hmel ngeiawm tak nen ka hmu tel ngei awm sia
"Rachel i ti mah mah ani.. Rogue nangpawn Hanna hi tibuai in zui tawh hlek suh a thinlung I tih nat sak man hi rul dawn la I thei teuhlo"
"Rulh let ngailo in a mah a in thungrul anihkha" Racheli bawk in a lo chhang zawt zawt Vernon hming a lam rik ve vangin a ala awm reng ani ngei ang ka hawi chhuak lo chu ka vannei takzet ani
"Kal ang u anni ang biak reng a tul na a awm lo" Sebb bawkin ati a
"Kal ang aw" Jay an zawi sup in min rawn bia bu nghut nghut in ka in siam rem ve a Vernon hmu theilo a awm hram ka duh
"Hanna..?" Kan awm na lai nilo aṭang daih a min au tu ka hriat vangin ka hawilo theilo,chupawh Sebb din na lam hawi in ka in turn kher anihloh chuan Vernon hmuh hmasak a ngai dawn sia
Car bul a Miller lo ding reng ka hmuh chuan in thiamloh na in ka khat nghal,nizan ka awm dan vang khan min rawn hmuh duh tawh pawh ka ringlo asin le..nizan ka vin vak vang a thinrim hmel put chu sawiloh a kut ah pangpar Keng in nui sâng Chuan min rawn pan!
"Wow..Lalfapa dang leh..eng hmuhnawm nge thleng leh ang tih ka lo ngaihtuah ang" ngeiawm zet a tiin Racheli chuan alo nuih Vernon awmlo se chu hawi phei in ka melh ve hrep mai thei ani
"Miller hetah nang! Pangpar nen enge rawn tih i tum a" tah aw tuau in ka ti a ka hma ah khup khat a thingthi in a pangpar ken lai a rawn dah kang va
"Nizan vang khan min ngaihdam dawn nia,ka nun a ka tawn pakhat nen a kan boruak kha ka hrilh che a, khatiang ka beisei loh em vang khan khatiang a awm mai kha ka ni..." nizan ka fawh chungchang a rawn sawi lan leh vang chuan ka sa pup pup
"Hanna kei hian ka duh takzet che..nilo ka hmangaih che kan inhriat na ala reilo tih ka hria.." zam hmel pu takin a thaw chhuak hak "nang hian official takin min date duh angem?"
Story dah zan a dah loh thut emaw in cmt reply loh cheu ka neih a engmah ka rawn sawiloh vang² chuan a phone a chhia anih hi inlo ti mai dawn nia aw
ka battery chungchang ka sawi tawh kha a chhe sawt lutuk vang hian ka buai a charge a kal miahloh chang phei chuan story dah zan anih phei chuan ka tah hi a chhuak ngawih² charge chungin ka khawih ngam silo a in hip let zel sia zanin pawh a tawi tih ka hria dah hram ru duh bawk sia
ka in thlahrung viau na in ka chawl lai lawk mai dawn emaw ni te ka ti thut enge in ngaihdan? Ka dah chhunzawm zel thei anihpawn a theih chin² ah a hma ai nasa in ka kal chak dawn nia aw a Kim chang lo anih pawn ka phone hi mawh puh vek tur
ngaihdam na sang tak nen he story hi chu min chhiar sak tur in ka ngen tawp che u
)
anyway..LOVE YOU ALL READERS 