JORDAN By Bearr Chhakchhuak (Completed)

[Ngaia]

Chapter-7





* JORDAN POV *






Scarlet ka tirh chhuah hnu chuan ka tho nghal vut a,Louis te lo la ding reng hma ah chuan ka ding ve nghal chat ani pawh chuan zam map lo in min cho zia tih lan nan min en let ve kar






Restaurant hi kan pawl ta anih bak ah a chhung a awm zawng zawng te pawh kan mi leh sa te annih vangin luh pawh kha ka duhlo reng a mahse ani lah khan engmah a hre miau silo,a hriat chhuahloh nan chuan atih ang a awm mai kha angai sia,bak ah heng ho hian Scarlet an hriat ve vak hi ka duhlo bawk a nunna atan a hlauhawm lutuk,Susan,,,ei tur rawn pe tu pawh kha kan mi leh sa tho,,engtin nge a hming te hi alo hriat daih ni?!!





"chuan kan Jordan meuhin nula,oh naupang ka ti zawk dawn nge?" Ngeiawm lutuk a atih chuan ka lo rum nghut,Sam arawn lut veleh chiah bawk




"i buailoh na tur ah rawn buai suh"



"Oh buai chak tlat ila engtin nge ni ang" anui hmel ngeiawm zet ka hmuh chuan hnek sawk sawk mai ka duh tawh






Mahse insum hram ka duh zawk,heng kan nau te awm ve ṭhup hma a nep lutuk ang a lan a khawih nghal mai hi ka duhlo,mi ro rum tak ni tur a train ṭheuh kan ni ngei a mahse insum theihna nei tur erawh in mahni kan in zirtir angai thung,chu chuan kawng tam tak ah min pui bawk mimawl ang mai a ka chet nghal buan buan chuan ka hnuai a la awm tam tak te hian ka tih dan bak an en tawn dawn tlatlo tih ka hrechiang ve bawk




"Jordan hna i nei ania" Sam chuan zawi sup in arawn tih chuan ka in hum ruhna chu thaw hawk in ka thlah dul a




"Fimkhur angai tawh viau ang,ahma mi ang khan a awm leh palh ange" chu thu kher a sawi chhuak chu inchhir rum rum tur khawp a ka khawih duh a min ngen ah ka ngai hmiah




Kal tur a inher tawh kha ka nia,a thu rawn sawi leh vang chuan rang lutuk a inher in ka hnek nghal ṭhuai a alo inring bik vaklo aniang lei ah chuan a thal nghal tawp a bul a awm ve in chet rawn lak atum chuan a khup a tlawhin arawn awn chu a nhawng ah rekin bang ah chuan ka rek bet chawt bawk a






Kan nau zawk te hmuh lai a insum chu duh viau mahila ka theih chin apel tlat tawh,,Ka thinrimna so sang tawh vang chuan ka tha pawh a chak zual sauh,Sam an min ṭhelh atum pawh chuan ka awm phung pangngai in ka awm reng a Louis rawn tho ṭuih ṭuih chu ka nuih suk a,ka reh beh mek pawh chu a thaw ṭha thei meuh tawhlo




"Jordan i that mai ang,hremna chu i hriat vek kha" Sam chuan arawn ti a



"Hruai haw rawh" ka reh beh pa thlah pahin ka tih chuan ka sawi awmzia man nghal in ka jacket ip te a bike chahbi ka dah chu a car chahbi nen a thlak thleng in a chhuak a




"kha thu kha chu hriat a nuam teh chiam lo ani tiraw?!!" Louis an a hmui thi tuai nawk pah a arawn tih leh chuan ka reh beh mek thlah in ka a kawr awm ah chuan ka va ṭham sak a




"Jordan thlah rawh" Cesar aw ka hriat vang chuan kawngka lam chu ka hawi vat a




"Aih,,," ti sup a hawi let in ka hnek leh nghal ṭhuai a,ani pawh rawn tho vut in min rawn hnek ve bawk,kan insual chu ani ta ber mai





Tuarchhel leh chak tak ni tur a train na na na chuan kan daih rei khawp mai,a tu amah chuan tlawm kan tumlo Cesar talngial pawhin min ṭhelh a tum lo,ahnu ah chuan ahma pawh a min hneh lo tu anih ṭhin ang bawkin min hnehlo tial tial a kei ka thinrim ka chak zual sauh bawksi





"A tawk e" Cesar chuan thum bul a rawn tih pahin min pawt ṭhen hlawk a,ka la duhtawk chuanglo




"Louis hian buaina a siam hmasa anihkha" Susan chuan alo ti va



"Louis ang khat vek kan nih hi,hremna i tawhloh nan in veng fimkhur rawh" Cesar chuan chang fak in ati a




Restaurant aṭang chuan min kuah chhuak nghal a,Louis thinrim la rawn au zui pawh ka hre reng ngaihsak duh tawhlo chuan hmalam panin ka kal vut vut a Cesar pawhin emngmah min sawipui lem lo,Sam car chahbi ka ah lai chu la in car ah chuan ka lut a




"Hna lan neih kha ihria tiraw?" Cesar min biakna pawh chu aw ka a chhanglo in bu nghut chuan ka tlan chhuak a,minlo dang lo se chu ka that tawh ang"shitt,,!!" Stearing chu ka beng dawt dawt a





Ka hmai thi leh pilh deuh phung pawh ngaihsak lo chuan ka hna awmna lam ah ka kal nghal a,lawng chawlh na bul mai ah chuan ka mi leh sa pahnih in pawl dang ami chu anlo sawi sa chiam a,ka va thlen phei rual chuan tawp tur in ka ti a




"Brad,," an hmai tuam ṭhin mahse ka nau te ho hi chu ka chiang ve tawh khawp mai



"Jordan,,i hna tur anih hi" silai min pek pah a atih chuan ka lo bu nghauh a,lei châr a thi phung a let reng ka hmuh chuan ka hna awlsam lutuk tur vang chuan ka thinrim zawk




"Brad,,zo fel rawh" silai alam a theh phei chuan ka ti a



"Mahse i hna ani sia,engtin nge hotu lam?!"



"Zo fel la,atawp ah ka hmig lam rik ani mai"awlsam zet chuan ka ti a





Car ah lut in penthouse lam pan chuan ka inkhalh chhuak a,ka thleng chu ka in a sawmloh in leng lo awm ka hmuh chuan thinrim thar leh ang mai in ka awm





"Hetah enge i rawn tih?" Rum mangkheng a melh in a hma ah chuan ka ding a




"Ka tupa hmuh ka duh vangin ka lo kal" ka pu ni ṭhin Nathaniel Pentagon an ding pah a atih chuan ngawi rengin ka lo en




"Hetah i tupa i rawn zawng anihchuan a thi tawh tih ka lo hrilh ang che" ngeiawm lutuk chuan ka ti a




"Jordan,,!"



"Chhuak rawh u" rum lutuk a au ti tih chuan ka ti a,engmah pawh sawi zawm tawhlo in a chhuak ve mai a,a ui khawi (guard) ho pawn an zui diah diah hlawm bawk





Whiskey la chhuak in a bur chawp chuan ka in nghal khawlh khawlh a,inbual tur a ka chhoh dawn chuan Tania arawn lut leh thurh,mood fuhloh bawk nen ka hne takzet,ngaihsak lem lo chuan ka chhoh san tho a min rawn zui leh dawn tih pawh ka hria,room ka luh rual chuan ka kawr hak chu hlip in ka sana chu ka phelh mawlh mawlh a





"Ka mamawh tawh lutuk che" ka taksa chul riai pah a atih chuan ka inher vut




A kawr chu a phelh thla nghal mawlh mawlh a,kei erawh chuan ngawi rengin ka lo en kar thung ruak ngal ngat a ka hma ah a ding chung pawn tun ṭum chu chakna pakhatmah ka nei hauhlo



"I kawr ha la chhuak rawh" a beng bul ah zawi sep chuan ka ti a



"Maw?!!" Mak ti zet a min en chuan ka lo nuih duk ringawt



"Jordan" lungawilo hmel zet in ati a



"Ka sawi chiang tawk in ka hria" bathroom lam ah chuan ka kalsan a





Ka chhuah leh chuan alo awm tawhlo a,inthlak sawk sawk in kei,Cesar leh Sam te nen kan kal fo na club ah chuan ka kal leh a rei pawh ka ṭhut hma in Sam leh Alan te an rawn lut veleh bawk



"Enge hna chu?" Sam in min zawh chuan aṭha tih ringawt in ka chhang a




"Chuan ṭha takin ka thlen pui ania,mahse zawhna angah khawp mai" amah bawkin atih chuan Aln chu alo hawi deuh haw a




"Tinge chu chu min hrilh" nelawm loh zet a ka tih chuan a ner nang a




"Nizan a Smith,,an unau zing lam a hmu tur a an in a kal thu ka hrilh che pawh khan ngaihtuah hmel deuh khan i kal nghal sia,chuvangin ka hrilh mai mai che"





"Kan venhim lai anih vang chauh anihkha" ka tih chuan a bu deuh nghut





Nizan ka kal chhan kha a ṭhat leh ṭhatloh hriat tum mai chauh a kal ka nia,khatiang a chet kha ka tum em em pawh anilo!!mahse a chet hmang vel leh ka hma a ding chung a a ṭawng mawlh mawlh mai te ka hmuh khan khatiang khan ka che nghal tawp!!





___________________________________





* SCARLET POV *






Dinner ei lai chuan a ngai te bawkin kan ngawi ṭhap a,a nuamlo lutuk hi ka ei atui theilo reng reng,Jordan ka mawhpuh leh ringawt ṭhin mahse vawiin kan awmdan ah erawh kha chuan nuam ka ti viau thung




"Vawiin school a nuam em?" ka pa chuan min en chuang miahlo in ati a




"Aw nuam ani mai" inthlahrung turu chuan ka ti a




Vawiin ka kal loh kha an hriat tak loh mai bak ah ka haw pawh khan ka pa hna la banglo leh David la dam lo a room ah a lo awm daih bawk nen venneih thlak lutk in min man talo kha ania,engmah pawh a sawi zawm leh tawh chuanglo,mahse vawikhat min be hrim hrim pawh kha muttui na tham atling ani







Thil tih fel vek hnu ah lehkha zir tur in room ah ka lut a,ka ṭhu ve ren rawn na in ka zir lem hleilo a kawngka kik kerh kerh ri ah chuan ka pa anih ringin hmanhmawh lutuk in ka lehkhabu chu ka pharh hluai a,zir ṭha ber ang zia zang a awm in lut tur chuan ka ti a




"Pawngi ka lo kal" Nat lek alo ni chu ka ngei mai mai ania aw



"Min ti hlau alawm" lo vin nghal tawp a la tih chuan a ṭhen suk a




"vawiin chungchang kha fiah fel fai mangkheng in min hrilh vek rawh"



"Eng chu maw ka hrilh ang che?!" Bo deuh hu chuan ka ti a




"Hrelo der suh,vawiin nileng a abul a hun i hman pa kha mawle,tlai ah pawh a thlah che kha ka hmu vek ania,Jordan chu anilo chiang ah" chik lutuk a min en chua a ka ka lo hup vat




"Sawi ring miah suh,anihloh chuan ka thi ani mai"



"Nanghi in chesual chu ani em lo maw?!!"



"Pawngi mawl mawl suh"a dar a ben chawr pah chuan ka ti a



"Anihchuan min hrilh rawh"



"Huizz,,sawi chhuak miah suh aw"





Vawiin hun ka hman dan vel te ka hrilh hnu chuan a ang phau a,nizan chungchang vel pawh ka sawi thawi thuak thuak,mahse Jordan nen a kan thil tih erawh ka zah ve deuh vangin ka sawi duhlo





"Jordan hi i duh ami?" zawi sup chuan ati a



"Nga!!teuhlo mai"




"Anihchuan a hnaih ah hian awm tawh suh"




"Enteh Nat,,hman zan a i thil hmuh pawh kha i hmu sual ani mai thei a sin"




Ka thusawi zawh chiah vang chuan mak ti hmel deuhin min en a,keipawn mak ka ti hnuhnawh engvang a tun ah khan Jordan ṭan zawng a ṭawng nge ka nih tih ka ngaihtuah leh,,,Naktuk school kal rual tawh tur a sawi fel in kan in mangṭha a





* NEXT MORNING *






Nimin tuk ang tho chuan a tu a mah mah in min biak an tumlo a,kei zawk pawh min inti thlahrung lutuk a ka be hmasa ngam biklo!!breakfast ei chhung zawng pawh chuan tumah kan ṭawng leh peklo,,school kal tur a ka in peih at hnu chuan room aṭangin ka chhuak thla a




"I hman tawh chuan kal ang" ka pa in ka thlen thlak rual a alo tih chuan aw ka thian kharh kharh a




"Pa,,ih Nat nen kal rual kan lo tum a" tim deuh a ka tih chuan bu nghut in a chhuak a,,A phal ve mai pawh chu mak ka ti leh lawi si,nge ni a Nat hian minlo sawi sak zawk ni!!





"Khapa bul hnai ah khan awm tawhlo la aṭha viau ang,ka pa lungawilo chu nuam itih bikloh kha" ka chhuak tur David an atih chuan bu nghauh in ka nui lui sak





David sawi hi a dik chiah,Jordan hnaih tawhloh hi a ṭha ber ka pa ka tih lungawi nan hrim hrim pawh,bak ah Jordan chu ni reilote kal ta ka hroat ve chauh kha ania,a chungchang fiah fel fai ṭha tak hriat ka nei bawklo a chuta kar ah kan inhriat aṭangin buaina kan tawh loh leh buaina a thleng a!!





"Ka nghak rei tawh lutuk che nia" Kal pah a ka in ngaihtuah phei mawlh mawlh laiin Nat chuan minlo kuah thut




"Jordan bawk animaw ilo ngaihtuah leh tawh" fiamthu ti tak deuh chuan ati a ka lo nuih liam ringawt




"Ka hmu sual pawh ani mai thei ani" arawn tih leh tak avang chuan arilru ka hre mai




Jordan hi ka duh ah ngai in ka hriat atan a achanchin ṭhalo vel tak a sawi a duhlo,,Vinie nen kan nih lai pawh khan ani tho a tir aṭangin Vinie kha chu min duhpui lo hrim hrim a mahse ka lungawiloh leh thinrim a hlauh vangin engmah a sawi duhlo a,kan inṭhen hnu chuan a hma a a sawi duhloh ṭhin te nen lam a sawi chhia ani ber





"Ngaihtuah tawh suh,bak ah Jordan hi akn hre chiangloa hnaih tawhloh hi a ṭha hrim hrim" ka tih chuan a bu nghut a




Mahse nimin min thlah theihloh thut chhan leh khapa nen a an in huat hmel dan te chuan amah min ngaihtuah tir leh ṭhin,chhun chawlh laiin wash room ah chuan ka kal a,engmah ti lem hleilo chuan darthlang hlai zet hma ah chuan ka ding reng ringawt a




"min ngaihtuah anihchuan" aw ka hriat rual a darthlalang a rawn lang ve ka hmuh chuan ka phu zawk





"Hetah engtin nge ilo kal theih?!!" hepa pui hi thla anih te ka ring rum rum ṭhin,,em em hian!!




"Awlsam lutuk" tih ringawt in min chhang



"An hmu lo che ami?!" Ka tih chuan a dar a kan uk ringawt





A hmai pilh deuh phung leh pem thar lam tak ka hmuh chuan nimin chungchang chu ka zawt chak tlat,mahse ani nen a in hnaih leh inbiak vak te hi ka pa lungawiloh na thlen tu mai mai anih dawn vangin zawt lo a kalsawn a ṭha ber




"Khawi ah nge i kal dawn?" Ka ban ah chuan arawn vuan chat



"Class ah,,min thlah rawh" min vawnna thin nawk pahin min thlah rual chuan ka tlan chhuak nghal a





School ban thleng pawh chuan ka awm anuam thei tawhlo,Jordan chu khawi emaw lai ah alo awm leh reng tawh ang tih ka hlau,buaina kan neih leh a kapa in a hriat chuan kapa tih lawm chu van a rah ang ani ringawt dawn bawk sia





"saw tunge lo kal" hlauh ang ngei in kan lam panin Jordan alo kal ta mai,mask a vuah tawh thung chuti chung pawn kan hai thei meuh tawhlo




"Ka lo thlir dawn che u" Nat in min fiam chuan ka nghawk zeuh a




Kan bul a rawn thlen chuan en pawh min en lo in a kal tlang daih a,eng emaw ti takin nuamlo ka ti viau lehnghal!!min hre ngailo ang maiin a awm zawk mawle




"Kha kha maw" duhthusam thleng diklo ang hrim in Nat chuan ner nangin ati a,kan hnunglam a hmeichhe ṭhenkhat chu an au leh chiam tawh




"Kan inkar ah engmah a awmlo,suangtuahna mak pui pui te kha ilo nei ange"




"Ka awih tawh hlawllo,Jordan ka duh ṭhin vang khan ilo inthlahrung te hi anilo maw?!!" Fiamthu ti tak deuh a atih chuan ka lo ner khum vak




"Enteh,,ka duh hlawllo aw,,"a biang pahnih ah ka dawm a"heng ho lah hi au chel chul ringawt mai" awmze neilo chuan ka phun hrep ringawt



"I thik vang anihkha"



"Pawngi kal ang"




"Scarlet lo ding lawk teh" Vinie aw ka hriat rual chuan ka ding chat



"Enge i duh" nelawm loh fahran chuan ka ti a



"Ka be lawk thei che angem?"



"Kan pahnih a inbiak kan ngaihna hi ka hre tawhlo" awlsam zet chuan ka lo ti ve bawk a



"Reilote chauh ani ang" chutia atih tak tlat si ah chuan hmun hran ah ka kal a Vinie chuan minlo zui in Nat erawh chu kan awmna aṭang a hla vaklo ah alo ding thung a



"Sawi rawh,mahse ṭgmhat leh kha chu"



"i ngaihdan chu ka hrethiam,,mahse kha kha biak ka duh chhan che anilo" ka sawi zawh hma in lao ti zung zung a



"Enge anihchuan??" Kut kuangkuah at in ka ti ve a Nat pawh in minlo ṭan hmel zet chuan min en kar a tiang hian ṭawnglo ila chu Nat hian Vinie hau in a dak lehzawt zawt tawh ang





Vinie nen hian kum kan inthlau ve viau na chungin ka rualpui awm ve hmiah hmiah,Nat pawh ani tho Vinie a hauh tak tak lai phei kha chuan a nu ni hial awm zawk ani





"I chung a ka thil tih vang khan pawi ka ti lutuk,kan inkar siamṭhat leh ka duh a mahse i duh tawhlo tih ka hria" a sawi dik chiah ṭhat leh chu a hnailo




"Ka chung a i thil tih ngaihtuah kha chuan ṭhat leh chu a har" bul si a ngeiawm tawk lek chuan ka chhang ve zel a




"Ni e ka hria ka thil tih kha a diklo tih ka hria,,khawngaih in ṭhian ang tal in kan awm thei angem?ka rilru nawm nan tal pawh"




"mihring ve mai tan chuan in ngaihzawn hnu a ṭhian nih hi a awlsam lo asin" thinrim thar thut ang mai chuan ka vin deuh oawng pawng a




"Min ngaidam thei hram mai lo ami?" ngen ngawl zet a atih tak ah chuan ka lo nem leh ṭan tawh






A hma pawn ka sawi tawh kha hetiang a,mi ka hma a an awm tawh chuan ka lo nem leh nghal zel ka chhungte pawn bum i awl lutuk ang antih tawh bawk,mahse ka fel ve theihna pakhat ka ti mai,mi dangin min ngen chuan engvangin nge chance chu kan pek loh bik anhmg ni?!tupawh hian insian ṭha tur in chance kan mamawh vek si a




"Awle" sawi sup chuan ka ti a



"I duh,,,i duh tak tak maw?!!" Mak ti si hlim hmel pu sar chuan ati a



"Ummm,," a hmel hlim lutuk chuan minti nui ve tawp



"Ka lawm lutuk Scarlet,Nimin pawh khan hemi chungchamg ah hian biak tum che kha ka nia





Ni tak!!nimin khan ka hmuh ngei kha,mahse ka biak peihloh vangin Jordan ka zui kha ania,hemi chungchang min sawi pui tur ringawt in school thleng thleng in min pan chu ani sia!!




"i ṭhian ṭha tak nih ngei ka tum ang" ka inrin hma in min kuah thut a



"Vinie hetiang hi a tel tur anilo" ka sawi zawh rual chuan min thlah vat,,Min thlah rualin a inher lawp a a thal nghal ṭhuai,ka lo ṭe chhe hman mai!Jordan bawk ani





"I khawih leh chuan i thi ang" rum mangkheng a en in aw thum bul chuan ati a




"Engthil nge i rawn tih kha?!!" Ring zet chuan ka ṭawng a"Vinie i ṭha em?" Vinie kaih thawh tum chuan ka ṭhu thla vat a




Jordan chuan ka ban a vuanin min pawt tho lawp a,ka lo tal ve vat bawk Nat pawh arawn tlan phei nghal vat ka tal na pawh ngaihsak lo zet chuan ka ban bul a vuanin min pawt kal dawt dawt a,a bike lo side na bul akn thlen chuan theih paw tawpin ka ban chu ka thing nawk a,min thlah rualin tlanchhiat ka tum Ka bag ah bawk chuan pawt in min vuan ding chawt a




"Min thlah rang rawh"



"Tu mipa mah in khawih tir tawh ngai suh,i hria em" aw thum bawk nen hlauhawm zet a min vin vak vang chuan ka ngawi ker tawh




Engmah ka sawi leh hma chuan a bike ah chuangin min tlan san leh daih a,ka en zui vawng vawng ringawt,min vin vak vang khan ka hmul thi te hi a ding sung sung thei in ka hria!!








## a va han tawi lu lai tak em tiraw ua ngaihnawm emaw ngaihnawm loh emaw pawh nise regu tak a dah ka duh ve tho bawk sia,mit in atlin tawk hi inthlahrug tak in ka dah ta maichuan ka story min chhiar sak tu te chung ah ka lawm takzet aw a ngaihnawm loh zia pawh ka hre ve vek a chuti chung pawn minla chhiar sak ve peih hi ka lawm bawn khi tuar2 lutuk ##

[Ngaia]

Chapter-8






"Enge maw a hriat teh thut le?" Phun sep in ka inher a



"A kal si alaw?!" Nat chuan min rawn pan pahin ati a



"Aw,khawi ah nge Vinie kha?"



"Ani pawh a kal tawh"



"A na viau em le?"



"Hey,,let te hi ilo tum ange ṭhian bak chu a theihloh ania" khirh hmel lutuk a atih chuan ka lo ner khum a




"Ka hria,,keipawn ṭhian bak ka duhlo"





In lam pan chuan kan haw leh nal nal a,Jordan rawn chet dan teh thut chu ka ngaihtuah leh neuh neuh ṭhin,mak ka ti tulh tulh lehnghal,ka haw hma vel ah ka pa alo haw hma ve bawk nimin kha chu nise chuan min talh duh hrim hrim ang





"Scarlet lo ṭhu teh" inchung lam ka pan nghal avangin minlo ko a



"aw pa" a mah hmachhawn zawng a ṭhut pahin ka bag chu ka kuah nghal ṭai a




"khapa nen khan engtin nge in inhriat?"




"Aaa,,Jordan itih na mi?" tim deuh hlek chuan ka ti a a chhan pawh ni 2 liam ta mai ah ka room a kan awm dun lai ka pa in min hmu a nihkha a thinrim em em bawk nen Jordan hming lam rik ringawt pawh a inthlahrun awm





"Aw,," bul deuh hmuk chuan min chhang a




"pa kan inkar ah engmah a awmlo ania,ih englo khami zan khan"




"Puitlin lam i pan tih ka hria lawm duhzawng nei rual pawh ini tawh,mahse ani kher kha chu ani tur anilo" khauh deuh fak chuan ati a




"Ka hria lawm pa,mahse kan inkar ah emgmah a awmlo duh na pawh ka neilo" ka thusawi ah chuan dawt tel ang maiin nuamlo ka ti em em ringawt!!




"I pa hlim loh hi nuam itilo tiraw?" a thusawi ah chuan ka lo bu nghauh a"anihchuan khapa kha i bul hnai ah pawh i awmtir tawh tur anilo" engkim thutak em em a a sawi chuan thuawih hmel takin ka lo ngaithla kar




"Awle,,ka hria e chuan ka pa duhtak hi a thinrim tawh dawnlo tihna ani em?" Inthlahrung si tlawn ti tih chuan ka zawt let vel a




"Thu i awih phawt chuan thinrim chhan tur ka nei hleinem" atih tak ah chuan ka va kuah nghal chung




"Ka pa hi alo ṭha ber mai" zungpui lek pir vah chuan ka nuih sen sen a




"Kha hei ita tur" ka duh em em teddy bear lian zet chu a ṭhutna hnunglam aṭang chuan alo la chhuak a a len tehlul nen engtin nge ka lo hmuhloh theih zawk!!




"Yesss,,pa ka lawm e" teddy bear lak pah chuan ka pawm nghal vat



"Hman zan khan pek che ka tum a,mahse khatiang vel teh nuaih anih tak vangin hrem nan che ka pe duh rihlo che anihkha" nui tut tut a atih chuan hmui ka lo ti sawi vak




"Min hrem ve ziah mai" ti khui khui in inthlak tur chuan ka tlan chhoh san a




Khum ah teddy bear dah pahin ka inthlak sawk sawk a,ka chhuk thlak leh pawn David an minlo hau fiam leh vel a a kut dam kawr chu ka hmet vak mai sin le,,David awl kan duh vangin ka pa nen dinner tur kan buaipui char char a,dinner ei te chu nuam tawh tak ani




"Ehe!!ruah a sur anih hi" khawpui rik rual a ruah sur nghal ah chuan ka ti a



"Mut tui deuh tur kan awm anihchu" David an tomato zai lep hmawm zeuh pah a atih chuan ka lo nui suk




Ruah sur hi ka ngainat mai bak ah ruah a sur tawh hi chuan hma tawk ah ka mu daih zel a ka mut hi atui lehzual bawk zing thawh pawh ka hrelo zual sawt ṭhin ka pa phei chuan ruah hi sur vak ṭhin lo se ati ve ziah bawk,ei in na vel kan tih fel lai chuan khawpui a ri leh dur dur ṭhin a,ruah sur ngaina viau e tilo chuan khawpui ri leh ṭek tla hi ka hlau tawp





"Lehkha reilote ka zir anga ka mu daih dawn nia" ka pa leh David te sitting room a an t.v en lai ka va tih chuan rawn hawi rual in an nui vur vur a




"Hey,,,ka hria ruah sur apiangin ka ti ve ziah ruah hi a sur nasa mah mah a a sur nasat chhung lehkha ka zir dawn tho alawm" keipawh chu ka nuih a za




"I thu thu ani e,ruah sur lai te hi chuan i lal ber alawm" David an atih chuan tlan phei in an biang ah ve ve fawp a mangṭha in ka chhohsan a






Room ka luh rual a ka khum bul tukverh lo inhawng si,thli thaw vuk vuk in parda a chhem parh hluai hluai ka hmuh chuan ka tlan phei vat,parda chu alo huh nual hman tawh,la thla sawk sawk in bathroom ah ka dah lut a tukverh khar tur in ka chhuak a




"tinge maw khar na chang ka hriatloh ziah mai le!!" Tukverh khar ka tum lai chuan ka tukverh bul mai kan inchung nisi a Jordan lo ṭhu run ka hmuh chuan ka phu zawk





Ruah a sur nasa bawksi,engtin nge alo ṭhut reng theih zawk vawt te pawh ati ve lo amawni!ka hmu tih a hrelo nge a ṭhut ngai a ṭhu rengin a hma zawn chu a en vung vung a,ka room a ṭang a eng chhuakin a en phak deuh vangin a a awmdan zawng zawng chu ka hmu thei vek a bawk






Koh ka tum zet na a,darkar reilote liam ta a kapa lungawi ve chauh ka ngaihtuah vang chuan ka ṭhulh leh rih,tukverh chu khar in khum ah chuan ka ṭhu ngawi reng a ka parda a huh vang bathroom a ka dah daih vangin ka va hmu kiau thei bawk si,nuamlo takzet sawtiang saw chuan a damlo thuai dawn





"Pa min hrethiam mai rawh,,midang ṭanpui ṭhat zia i sawi ṭhin kha" ner sûng a tih pahin khum aṭang chuan ka zuang thla thak a



"Lo lut rawh tikha chuan i damlo mai ang" tukverh hawng pah a ka tih chuan hrelo ang mai in a awmdan ngai reng chuan a awm a




"Ka sawi chu i hria em?" Ring deuh hlek a ka tih chuan alo hawi ve hram,ruah a sur nasa bawk nen a bengchheng ang reng sia alo hrelo pawh ani mai thei





Rawn kal.pawh tum chuanglo chuan chauh hmel zet in a nui suk ringawt,a mawl nge ni a,a rui zawk pawh ka hrelo e a,chet pawh a chet eih loh vangin thaw hawk in ka nihliap drower a ka dah chu la chhuakin tukverh ah chuan ka chhuak ve a,kan inchung hi a zawl chi ani hlauh a ka vannnei,nilo se chu ka tleng thla daih tawh ang





"Lo kal rawh" a bul ka thlen rual chuan ka ti a chet ala tum chuanglo a luhlul dan zia hi!! thli a thaw nasa bawk nen ka nihliap vawn beh ngai bawksi chu ka thinrim dawn ṭan




"Lo kal rawh ka tihchu" vin zet a tih pahin a ban ah chuan ka kai a chutia ka tih tak si ah chuan awlsam zet in atho veleh mai bawk a!




Ka hma ah chuan huh hnuangin a ding a,a chauh hmel kar a hreawm tihna hmel ka hmuh chuan mak ti deuhin ka en a,a hnu ah ruah sur ah ka la din pui reng vang chuan inthing harh in tukverh lam bawk ah chuan ka kai phei a,ani pawn engmah sawi sit set lo chuan min zui ve bawk,a hma te khan lo kal daih tawh se aṭha mai tur hi ania





"Kha inhru hul rawh" kan luh rual a towel pek pah in ka tih chuan che eih lo a mize mak em em hi khawi aṭang a azir chhuah nge mawni!!





Khum lam ah chuan ka kai phei leh a,tiang a ka tih chuan ṭha deuhin a awm veleh mai bawk sia enge maw ahriat ni!! Khum si lo tawk vel a ka din tir hnu in khum ah chuan ka lawn a,a sam tawk chauh a buk huh hnawm tak mai chu ka hruk sak mawlh mawlh a ngawi rengin alo dawh hle hle bawk




"Hetah enge i rawn tih leh a?ruah sur kar ah lehnghal" a sam hruk pah chuan ka ti a




"Heta ka din reng chuan a huh vek mai ang" ka zawhna nilo deuh a thil dang a sawi vang chuan ka en nghal khai





"Ka hru ro leh mai ang" awlsam deuh in ka ti a a mah ka en chuan eng emaw tak a lungngaihna anei nimai hian ka hria




A awmdan vang chuan engmah zawh ka tum tawh lem lo,a sam ka hruk zawh chuan inhru hul a bathroom ah lut tur in a nawr in ka nawr kal,ka sawi ringawt chuan atih leh hmel siloh a khatia tih mai kha a fin thlak zawk,bathroom a luh chhung chuan inhnuai lam ah coffee leh puan Jordan din na huh dup hruk ro na tur la in ka chhuk a




"Ehe! i muhil tawh ang chu tih nak laiin" ka pa room lut tur in alo ti a




"Nia coffee ka in chak deuh thut a,khua avawt ka ti thar thut a" za lo tawk chuan ka nuih a




"Ok,,in tam lutuk lo la aw,Keipawh mut hma ka duh"



"Awle,,khawi ah nhe David hi" sitting room lam thlek pah chuan ka ti a



"Mu tur in ka rawn hruai chhoh tawh kha,zanin chu nangmah angin mu hma vek mai ang u" nuih suk a atih chuan ka lo ṭhen ṭhaw a ka pa a room a aluh rual chuan kitchen lam ah ka phei nghal vat






Coffe siam zung zungin puan la in inchung ah hmanhmawh deuh chuan ka chho a,kapa emaw David te rawn luh leh thut hlau in kawngka chu ka kalh thlap a,,room a alo la chhuah loh vangin bathroom lam ka pan a,anilah hruk pawh inhru lo in bathroom chhuat ah chuan alo ṭhu ngawi leh reng tawh!!awi hepa hahthlak zia hi a chung ah enge thleng le!! Chet theihlohna damdawi te hi alo ei ani hial zawk lo maw!!





"Awi,,tinge ila inhruk hul miahloh a!!" a towel ken lai chhuh sak in a a ban vel leh nghawng lang lai chu ka hruk sak a






A shirt hak lai phelh tur a ka tih chuan muangchangin alo phelh veleh mai bawk,a taksa nalh zet mai ka hruk sak tak ah chuan tlem in ka zam ve deuh,nge a chhan pawh ka hrelo ka tim tlat pek a!! Ka hruk zawh chuan bathroom aṭangin ka kai chhuak leh a thawmhnaw hak tir tur lah ka nei der silo"Aw ni tak" ka closet chu hawngin a shirt ka hak hawh sak ka pek tak miahloh kha ka la chhuak a




"Kha i kawr ka hak sak che kha ania ha rawh,chuan coffee saw i in dawn nia" zaidam tak chuan ka ti a




Kawr a lak rual in Ka puan lak tak chuan a din na huh hnup mai chu ka hru nghal mawlh mawlh a,ka hruk lai a ka hawi chu a ngawi te bawkin alo la awm!!! Ka thin in atuar lo ti tih tawh




"Engati nge tiang hian i awm tlat a!! Enge buaina ineih?" Vin tawk chuan ka ti a,ani em em tawhlo tuman hetiang chung chuan ka tlin chin bak hi an thei bik chuanglo ang





"Ka na" tih te mai chauhin min chhang a a kun ngur mai bawksi




"Maw!!" mak ka tih deuh hlek vang chuan ka ti a min chhang leh tawh chuanglo




"I kawr kha ha la ruah sur ban vel ah i chhuak dawn nia" a kawr chu a phelh ve mai a a kekawr phelh leh atum ta mai




"Het,,het,,het,,tahkhan in phelh i tum ami!!" Ka zawhna ah chuan abu nghauh a"i kekawr hak tur ka nei hleinem" phawk deuh chuan ka en a a kekawr phelh tum tawh chu a tawp veleh mai







Chhuat chu ka hru leh mawlh mawlh a,ka ban a vuan in min pawt tho lawp a min fawp tawn tawn ringawt,namsawn ka tum chuan ka kut ah vuanin a hnung khirh daih a,ka chet theih tawhloh mai bak ah ahma ang tho in ka hnar theilo chuan ka lo fawp let ve bawrh bawrh tawh!!







Min pawm kang nawlh in ka mawng aṭham nghal tawn tawn a,kawr ala hak loh avangin ka kherh beh rual a a taksa sa lutuk tak mai ka sik chuan hai rual lohin a khuasik tih ka hre nghal,,ka inla hrang nghal vat a amit ah tak chuan ka en khai a,ani pawn chauh hmel lutuk chuan minlo en let ve bawk





"I damlo ania" ka kut a a nghawng vel ka khawih phei chuan sa tak ani!!hei vang pawh hi ani mahna a chet a sak in ka na atih ni





"Ka ṭha" aw chau lutuk a atih chuan ka lo ner sak




"I ṭhalo damdawi ei tur ka lak sak ang che" tal thlak ka tum chuan ka kawng ah nghet zet in a vuan nghal a,ka hawi chu min fawp leh nghal tawn tawn tawh,a awmdan hi ka hrethiamlo lek lek zawk!!






Hepa fawhna nawmzia hi ka sawi thiamlo bawk,ka hnar thei bik miau loh vangin duhthawh lutuk chaun ka fawp zui ve leh bawk,a a taksa sa lutuk vang chuan a hma ang takin a mood ah ka cheng thei chiahlo thung,khum a min mut tir pahin a rawn in nem khalh nghal run a min fawp zui leh nghal bawrh bawrh,ka kekawr bul zet in a khuh loh chin ah chuan a chul riai riai a







Nuam ka tih na avng chuan ka dang thei biklo,duh thawh tial tial in ka kawr ahlip a min fawp reng chung chuan ka bra hak lai chu nawr chho in ka hn*** zah pui awmloh tawk ve tawh tak chu a ṭham nghal tawn tawn a ka lo er ngat ngat thung,ka Dul lam ah a fawp thla zel a mumang ang hial a nuam a ka awm lai chuan a damlo tih ka rilru ah arawn lang thut





"Jordan,,!" ka nem vang chuan a awm kang deuh a"i damloh kha in enkawl ingai ania" A awm sawn deuh chuan ka tho kang vat a ka bra siam ṭha in ka kawr pawh ka ha nghal a





"Damdawi ka lo lak ang che" thawh ka tum chuan ka ban ah minlo vuan chat




"Ka mamawhlo,i pangti lum chauh ka mamawh" thutak lutuk a atih chuan chil ka lo lem khawlh




"Chutiang maiin i dam theilo i khawsik san zia kha ihrelo ami?"




"Ka tuar fo tawh" atih chuan ka khawngaih leh tlat pek "i pangti lum chauh ka mamawh" ti khui khui in min en run a




Ka lai leh tlat pek tawh engmah sawilo in khum ah chuan ka mu a puanin ka kinkhuh nghal thak bawk,ka khum leh ka bul che hrut hrut ka hriat rual chuan ka inkhuhna ka hawng nghal vat,ka bul ah chuan alo mu ve than mai!!





"Tho rawh i kekawr pawh a huh kha" ka sawi chuan peihloh hmel zet a rawn mengin a thaw hawk a tho ṭuih ṭhuih in a kekawr a phelh dawn a,rangin lutk in ka let tawp a alam lo zawng chuan ka mu leh vat,ka bul ah bawk chuan arawn inthawlh leh,,a lam chu ka lo hawi vat a




"Ka phelh tawh'" atih chuan ngawi rengin ka en ringawt a"i kawr hi phelh rawh" a thusawi chu ati fiam amaw ka ti zawk




"Enga?!! A teuhlo mai"



"Ka khawihlo ang che,i pangti lum ka mamawh ka tih kha"



"Coffee saw in la I lum phah deuh ang"



"Aih,,ka mamawh lo" ati hmuk a ka kawr Chu a phelh nghal



Kei lah chuan lo dan nachang pawh ka hrelo"engati nge hepa min tih ang ang a ka awm tak mai le!!ka ti rilru ve rum rum,ka kawr a phelh zawh chuan a taksa si chet in min pawt hnai a,a muhil ti tih nghal a khawsik chau tawh hle anih ka ring,damdawi ei te kha duh mai sela aṭha tur hi ania,Luhlul ve bawksi!!







Ka taksa si chet a mu mipa ruak deuthaw a awm vang chuan ka muhil ngam chiahlo,kapa chuan hria se chu min tih dan tur pawh ka ngaih ruat thiamlo zawk,hetiang hi ani dawn tih hria ila chu ka hruai lut lo ang mawle,chutih laiin midang te ṭanpui hi thil ṭha ani ve tho bawksia,mahse tun a kan awmdan hi chu a diklo hul hual tih ka hria,rilru nuamlo deuh chuan ka kawng a min kuah chung a muhil mek chu en in ka muhil ve riai riai a





____________________________________




* CESAR POV *






Ruah sur vang chuan ka awm anuam thei tlat tawhlo,Jordan ka ngaihtuah lutuk chu ka tei chhen a ka call lahin a switch off tlat mai bawk sia!!khawi emaw lai ah ka ṭanpui na nghak in alo awm leh reng tawh ang tih chu ka hlauh ber ani,ruah a sur nast em vangin zawng tur a chhuah pawh thil tih chi ani bawk silo





"Sam Jordan i bul ah a awm em?" Ka rilru nuam zan tawhlo in Sam ka call tawp



A awmloh thu min hrilh chuan ka ruah sur nasat loh vel a zawng tur in ka hrilh a,phone ka dah hnu chuan couch ah ka ṭhu thla hnawk,a hun kal tawh vangin Jordan tan chuan ruah sur mai mai pawh hian a taksa thlengin a tih danglam ṭhin vang leh a chakloh phah ṭhin avangin ruah sur hi atan chuan thil hlauhawm tak ani





Pian pui unau ka neihloh mai bak ah chhungkua ka neih tawhloh vangin Ka unuapa ang leh chhungkua ang chiah in ka ngai a,ani pawn u ang tak tak in min en bawk keilo chhungkua aneih loh thu min hrilh ṭhin,a chungchang engkim ka hre vek ti ila ka sawisual tamlo ang,ruah a sur ngat phei chuan a bul hnai ah ka awm reng zel a buai chang pawhin ka buaipui ṭhan tawh avangin reilote ah ngai a awh leh mai ṭhin







A buai ṭhin vang leh kei chauhin ka enkawl theih ṭhin vangin ruah a sur tawh hi chuan a bul ah ka awm ngei ngei,mahse tun ṭum chu ka hna vangin ka tlai anih hi,,zing lam dar 3 pelh tawh ah chuan thawm ka hriat vangin ka tho kang nawlh a,ka lo muhil ve sek aniang,Jordan rawn lut ka hmuh chuan ka pan vat





"Khawi ah nge i awm? i ṭha em?" Ka tih chuan a bu nghut ringawt ruah ala tla siap siap bawk nen chutia a bu nghauh chu duhtawk lo zet in ka en a





"Ka ngaihtuah deuh hlek che a,i ṭha tak tak maw?" A dar a dawm pahin ka ti a




"Cesar ka ṭha" buaina tawk hmel pawh pu lo a chhungril hlim ang mai a ahmel nung sar ka hmuh chuan mak kati takzet






Ka ngaihtuah na ah chuan a hmeichhe venhim kha arawn lang teh daih!! A bul ah khan a awm chu ani em lo maw!mahse ani khan engtin nge a buaipui theih ringawt ang,a buai changin a taksa chet a harsat mai bak ah biak takngial pawh hre mahse a chhang ngailo kha ania,hre ngailo tan chuan han buaipui theih thu a awmlo hrim hrim!




"Mu hahchawl leh rawh" inchunglam a chhoh pahin atih chuan ngawi rengin a kal lai chu ka en a





Chhuah nan a tlai over tawh vangin ka in a haw ta lemlo chuan couch ah ka mu leh nghal thlawp,khum ai chuan ka ngaina zawk tlat,Jordan pawn ka tih dan hian ati ve fo mai unau ang chiah a awm kan nih vangin ka tih dan te chu ṭha bik riau ah a ngai te pawh aniang




"Aw Sam Jordan chu zawn angailo ang" phone ka dah rual chuan Jordan rawn chhuk chu ka lo au ding a




"Engkim min hrilh rawh" a bul ka thlen phei rual chuan ka ti a



"Engmaw?"



"A bul ah khan i awm tiraw?" A mit ah ka en chat bawk




"Cesar duhtawk teh" awmze awm map lo thil a sawi chuan ka rinhlelhna a lian sawt




Hnaih lo tur a ka duh chhan chu pawi sawi lo anih bak ah ahnaih a a awm chuan a nunna a hlauhthawn awm reng ani tih ka hriat reng vang ani,ka duh ang chhanna min pek a tumlo hmel ka hmuh chuan engmah ka zawt lui duh tawh biklo




__________________________________





"Tho tawh rawh le i tlai ange aw" kawngka beng dawt dawt pah a rawn au lawng lawng ri ka hriat chuan ka zi mar ṭuah ṭuah a,nizan ka ngaihtuah chhuah chuan ka inlet thawk keimah chauh in ka lo mu tawh





"Engtik in nge athawh le?" Ham bui bui pahin a tukverh chu ka en a alo kau deuh vangin ka nui suk ringawt




"I tho tiraw?" Ka pa aw ka hriat leh vang chuan tho vut in kawngka ka va hawng a



"Ka tho e ka pu"



"A ṭha,,lo insiam zung zung la tukin chu i tlai zual ania" atih chuan sana lam ka hawi phei vat,school kal nan darkar chanve pawh ka ka lo nei tawh manglo




"Awi ka duhlo,engtin nge tiang em em a tlai hian ka thawh theih a!!!" towel la in bathroom ah ka tlan lut nghal




"Nizan ruah a sur bawk nen i tho thei ngawt zawk alawm" ka pa rawn la au ṭang ṭang ka hriat chuan ka khi suk mahse ka mut tui chhan chu ruah sur hi ani tlatlo tih ka hria





Inbual sawk sawk in breakfast ei zawh pawh nghaklo chuan ka insiam zui nghal a,breakfast ka ei hmanhmawh lutuk te chu ka hak leh bawrh bawrh ṭhin,a khat taakin David leh ka pa in ei muang deuh tur in minlo ti ve bawk





"Kal ang pa" bag ak in ka chhuak zui nghal a



"Nat i nghak dawnlo ami?"



"Ka tlai emai,15 minute vel chiah ka nei tawh,a kal tawh ka ring" taxi rawn ding ah chuan lut sawk sawk in ka ti a




"Vawin lam hna ban hun ah car ke pawh ka lo siam tir tawh dawn nia" kan tlan lai a a tih chuan ka lo bu nghauh driver ding deuh thut chu enge a chhan ka lo zawt vat a traffic jam thu min hrilh a




"pa a hla vak tawh chuanglo ke in ka kal mai ang" chhuah pahin ka ti a




"hun a tlem tawh sia I thu thu le" bye pahin ka tlan nghal nal nal




Ka tlan hmanhmawh lutuk chu ka tlu ṭep ṭep zel,ka thleng dawn tawh tih in ka tlan na hma ah tak mipa pahnih hi anlo ding chat a,hmanni a restaurant kan awm lai a Jordan rawn fiam tu te kha anni,ngaihsak lo a tlan pelh leh mai ka tum chuan pakhat zawk chu ka hma zawn ah bawk arawn awm leh a




"Enge induh,ka hmanhmawh ania" vin zet a ka tih chuan ngeiawm zet in a nui a



"Nagmah hi mawle,,Jordan hnaih thei tu hmeichhia" ka ban ah chuan arawn vuan nghal chawt thin thlak tumin ka lo tal ve vat bawk a




"Min thlah vat rawh" ka tal vak chuan a hmel tenawm zet hnai fe a rawn dah hnai in min en a




"Scarlet kan tlai dawn" aw ka hriat rual rual a ka ban la thla lawp a min kalpui nal nal tu vang chuan lawm lutuk in ka thaw hawk




"ka lawm lutuk aw" kal pah chuan ka ti a mask avuah vangin tunge anih ka hre mai theilo




"Tehreng" a mask hlip pah a min nuih sun sun tak ah chuan kha restaurant a thawk hmeichhia kha ani tih ka hre chiah




"Nangmaw..!!" Mak ti deuh chuan ka en a




"Umm ṭanpui tur che in Cesar in min rawn tir a,,ka kal ange" nui pah reng chuan ati leh a



"lawk i hming minlo hrilh" atlan tawh chu ka au a



"Susan,," tiin a tlan liam a



"Min pui a ka lawm lutuk" tlan liam tawh mahse ka la ti ve hram "mahse tunge Cesar chu?" Zawi sup chuan ka ti a




"Keimah,lawmthu sawina ah ngai rawh" ka hnunglam a aw thum deuh ka hriat rual chuan ka hawi let a Jordan in ka kal hmasak ber ṭum a kawngka a kan tawh pa lek kha alo nia



"Ka lawm lutuk mahse enge lawmthu sawina itih awmzia kha?"



" 3 minute ila nei,kal la aṭha in ka hria" a sana bun lai en pah chuan ati a,a ṭawng dan vel leh chet phung chu Jordan nen in an na riau anei tlat,ngaihtuah zui tawhlo chuan school lam ah chuan hmanhmawh deuhin ka kal leh a







## ala tawi in a ngaihnawm loh lehpek em? ##

[Ngaia]

Chapter-9





"Awi ka chau lutuk" thaw hlawp hlawp in kawng dawm pah chuan Nat lo ṭhu run tawh Chu a dar ah ka vuan chat a




"I va han tlai em em ve a,i kal dawn lo maw ka tia ka kal san tawp che" atih chuan chhan pawh ka chhang theilo ka thaw hlawp hlawp ringawt a




Class lak lai pawn dawhkan bawhin ka awm hle hle a,midang bengchheng lutuk te chuan min ti chau zual,Sir donny an chawhnu lam ah games na hun kan neih ve tur thu a sawi chuan ring mang khengin an au lehnghal ka beng hi rah beh hial ania ka duh ni






Games a piang a kan hak ṭhin truck suit kan hak hnu chuan ground lam ah kan inzui thla diah diah hlawm a,Nat leh midang tlem nen chuan ball kan in pass mai mai a ball ka dawn ṭhelh lum daih ka um zui chuan tu emaw hian kun in alo man chat a,arawn hawi chhuak leh chu khapa school kal lam a minlo tibuai tu bawk kha




"Hei hi i duh maw?" Ball zawk ka en luih tlat avangin arawn ti a



"Aw khawngaihin minlo pe la" nel lo tih hriat zet a ka tih chuan alo ner nang a




"Rawn la ta che" ball keng kang pahin ngeiawm lutuk chuan a nui a



"khawngaihin lo vawr phei la"



"Bawihi rawn la zawk mai la aw" a ṭawng duh dan vel te chu ka ngei zawng tak ani



"Louis,,kalsan la aṭha in ka hria" a hnung lam a Cesar lo ding ka hmuh chuan ka thaw deuh hluai a




Cesar awmna lam a hawi lai tak chuan tlan hnai in ball chu ka chhuh sak a rang lutukin midang awmna lam ah ka tlan nghal,Cesar pawh kha lawmthu pawh ka hrilh hmanlo!





"Tunge ball lo keng tu kha" ka thlen phei rual a Nat in alo ti a




"Ka hrelo,mahse mi ṭha tak anih loh hmel" ner deuh sak a ka tih chuan a bu nghauh a




"Nia keipawn ka rawn hmu alawm,a sual hmel tawp" atih tak ah chuan sawi zui tawhlo in midang kan va pawh a





Kan Games khat tawh lutuk chu ka rawl ṭhum mai,school ban thleng pawh chuan kan rawl thu kan sawi sap sap hlawm a,ke pawh a haw peihlo in taxi in kan haw a in ah pawh in tihfai zawhin ka mu reng mai





"Ka lo haw e" David dam tawh office kal haw in arawn tih chuan ka hawi ringawt a




"I damlo mi?"



"Dam e,,kan games na ah ka rawl deuh mai mai mawle"




"Ok,,nihchuan ka han inthlak ange" inchung lam ah a chhoh chuan a ngai ang bawk in ka mu leh ar ar a





Dinner ei dawn tawh ah pawh ka pa ala rawn haw loh avangin kan ngaihṭha lo chu kan vei sek a,call lahin a pick up thei silo!!buaina tawk tur chuan a upa ve tawh si,ka ṭah te hi a chhuak ut ut tawh mai




"ka zawng dawn,in ah hian lo awm la alo haw thut takin,lo call reng bawk la" atih chuan ka bu nghut a jacket la in a chhuak nghal nal nal




"Pa khawngaih in ṭha hram rawh aw lo haw vat teh" men deuh pur chuan ka ti a ka call leh ṭhin a ring ral ṭhak zel bawksi




David chhuah hnu ah pawh darkar 1 a tling leh tawh,ngaih ṭha lo deuh a ka awm lai in kawngka rawn beng dawt dawt ka hriat tak ah chuan ka ṭhutna aṭangin ka tho nghal vat rang lutuk in kawngka lam ah chuan ka tlan phei a,,Kawngka ka hawn rual a ka pa thi kai hnuang a mipa pakht in alo dawm ding ka hmuh chuan ka mittui atling nghal pap ka pa chu ka kuah nghal vat a





"Pa i ṭha em? Engati nge tiang hian i awm?" A taksa zawi lut vang chuan kei in ka lo zo chiahlo bawk nen inchhung kawngka bul si ah chuan ka ṭhu sawp niai a




"I pa duhtak kha fimlhur tawh tur in ilo hrilh dawn nia,anihloh chuan khatiang pawh khan arawn haw tawhlo mai ang" kawngka a ding reng in aw thum lutuk a atih chuan ka hawi chho a





"Tunge inih? engvangin nge ka pa hi tiang hian intih?"



"Inchhungkua ah chauh buai rawh u" inher vut in a kal nghal nal nal a




Ngaihsak zui tawhlo chuan ka pa chu ka buaipui chhunzawm a,a ni lah kum upa lam tawh tih tak ah a rum ṭiah ṭiah a,na ati pawh ani mahna,tih ngaihna ka hrelo ka ṭap ringawt ka kawr hak lai te chuan a hmai a thi kai te chu ka hruk sak ringawt a





"Pho,,,phone" bah nawk a tih pahin ka ṭhutna a ka dah phone chu la in ka tlan phei a




"David lo haw vat rawh ka pa hi" ka pa lam ah bawk tlan phei leh chuan ka ti a




A lo haw nghal thu a sawi chuan phone dahin thei leh theilo chuan ka pa chu ṭhutthleng lam ah ka kuah phei a,a chet theih mangloh vangin ṭhutthleng awmna thlen pui ringawt pawh thil hahthlak tak ani tui leh puan la in hmanhmawh lutuk chuan ka che zung zung a




"Pa i ṭha leh mai ang,engtinmah i awm ka phallo" apuan ti huh a hru in ka kut lehlam chuan ka mittui rawn luang chu ka hru leh zeuh ṭhin a




David pawh reilote ah arawn tleng a Hospital ah kan hruai nghal bawk,doctor chuan a kum upat ve deuh tawh vang a enkawl deuh hlek angaih thu minlo hrilh a,zankhua in hospital ah chuan kan awm a David phei chu a thinrim ve khawp mai,zing lam pang ah chuan ka mutchhuak tawngkhawng tawh chu ka pa kut vuanin ka lo muhil ve sek





"Baby,tho rawh le school kal i ngaih kha" David aw ka hriat chuan zawi muangin ka meng diar diar a




"Kapa hi awmpui ka duh zawk" phak deuh a men pahin ka ti a




"School kal zawk rawh,bak ah vawiin chu chawlh ka la tawh a keiman ka awmpui mai ang"




"Anihchuan ka va haw ange" tih leh chhuah ka tual a




IN ka thleng chu areh ṭhap mai bawk sia eng emaw tak a hlauhna ka nei tlat,rilru nuamlo deuhin room ah ka chho a ka insiam lai te chuan ka pum a ri leh ruih ruih ṭhin,nizan avang khan dinner takngial pawh kan ei talo kha ania





Ka bag lak ka tum chuan nizan hmasa a coffee Jordan in duh tak loh lo la inhung reng ka hmuh chuan Jordan ka hrechhuak thut,he thil ti tu hi amah ani mai angem tih te ka ngaihtuah coffee no keng pahin inhnuai lam ah ka chhuk a,Nat alo lut ve chiah bawk




"Tinge avan reh em em!!" Mak tih hmel deuh chuan a hawi vulh vulh a




"Nizan ah ka pa,," ka sawi zawm theilo ka hnuk a ulh tlat pek kum upa tawh lam dimna nei miahlo a an khawih hi mi nunrawng tak chu an ni




"Tinge patea chu?" Ka ṭah ti tih deuh vang chuan min pan hnai vat a




"kapa anlo sawisa a"



"Maw!!tu in nge?in report em?" Nat zawhna pawh chu ka chhang hlei theilo ka inhnit deuh faih faih a




"Misual tak an nih chu" min thinrim pui deuh chuan ati leh ringawt a





Reitawk fan kan ṭhut hnu chuan engmah sawi zui tawhlo in kan inzui chhuak a,rilru pawh anuam zan lo tinge kan chhungkua hi kan buai tak fo tih ka ngaihtuah Chawl lo,,motor tawt deuh vangin kan ding zuai a,ka ṭhut na lam kawngkhar chu mipa pakhat hian arawn hawng ringawt!!




"Lo kal rawh" tih leh ka ban arawn vawn a rual nghal



"Min thlah rawh" min vawn na a ban ah chuan ka beng vak vak a Nat pawhin minlo pui ve bawk




"Ka pu naupang mai annihkha engtin mah ti suh" driver ka pa ai a naupang hret ang tih vel tur chuan min chhan in alo ti ve bawk




"Lo ngawi hmak rawh" silai phawrh in driver chu atin ta mai!!ka kut ala man bet reng bawksi ka hlau lutuk chu ka hmul thi te hi a ding sung sung thei




"Engtinmah ti suh" hlau chung chung chuan ka ti let ve a



"Anih chuan minlo zui rawh,,min zui loh chuan an pahnih hian ka that ang" Nat leh driver chu a tin chhawk zak zak a




Mipui tam na kar a kan awm chung pawn hepa rawn chet dan hi an hmulo nge tuman min ngaihsak bawk silo,ṭanpui na ka dil chhungin tu emaw zawk zawk ati na ang tih ka hlau si!!rilru a buai nuaih mai




"I tumlo maw anihchuan hei hi a hmasa ang" Nat chu a tin nghal a Nat hlau lutuk chuan ka ban a vuan nghet sauh




"aih ti suh,ka zui ang che"



"Scarlet,,!" Nat chuan kal lo tur a min duh ni awm takin ka che hrut tawh chu min vuan bet a



"Nat engtinmah ka awmlo ang" a hma zawng pawh a min thlamuan zawk ṭhin tu kha thlamuan ve ka tum chu ania"ka pu school thleng i thlah dawn nia aw" zang khai hmel tak chuan ka ti a diktak chaan tun ah hian Nat ai pawhin ka hlau zawk ang





Taxi aṭang a chhuakin chupa chuan ka ban bul ah a vuan nghal chat,driver chu tlan nghal tur in ahrilh a a silai chu midang hmuh hlau ang hrimin a a kawr hak a khuhin a dah bo a ngawi reng a kan din lai in car dun pakhat hi arawn tlan a kan zawn ah chat a ding bawk






Chupa chuan min nawr lut nawk nawk a,ka mit tuam in motor an start nghal a,khawi nge kan kal tih leh kan thlen chin pawh ka hrelo ka bul a chuang lah chu a ṭawng tawh miah bawk silo kan kal na tur kan thleng anih ka ring motor ding deuh dawt ah chuan ka hma lam ah ka bu lawp




"Rawn kal rawh" ka ban ah bawk vuanin min control hi ani mai ka mit an tuam miau sia




"Hello,,,Mrs Azales" ka mit tuam na an phelh rual chuan ka hma a ding chu phe ruai in ka hmu a






Khap fak fak in ka mit phe lutuk chu ka nuai a,ka hmuh fiah tak ah chuan khapa nui sâng reng si nelawm na nei miahlo kha alo ni reng,a hma ang bawkin minlo nuih leh sen sen tawh mahse nelawm na a nei chuang miahlo!kan awmna chu hriat tum in ka hawi kual vel a IN emaw thil siamna Factory rohsan ni maiin ka hria




"Kan lo mikhual dan ah che leh a hma mi ah pawh khan min hrethiam dawn nia"




"Enge in duh a?tinge hetah min hruai"




"Jordan vangin mawle"




"Jordan a!!Ani nen kan inkar ah engmah a awm hleinem"




"Chu chu thu chauh ani,,Jordan a buai hma hian hlat ang che anihloh chuan i chhungkua ten an tuar ang"




"Hruai rawh u" ka hnung a ding pahnih te hnen a atih rual chuan ka mit an rawn tuam leh nghal chat




Tinge Jordan vang hian tiang hi ka tawn tak fo mai ni?!!kan in kar ah engmah a awm lo chung pawn buaina tam tak ka tawk tawh





"lawk,,i pa kha a na lutuk lo ang chu tiraw?" Kan kal tawh chu min dinpui leh ka pa a sawi tak ah chuan ka beng ka chhi kar engtin nge ka pa nat chungchang hi ahriat!!




"Nanghi ini ka pa sawisak tir tu kha!!"



"Jordan hi lo ni zawk ta se" ka hmai lum thla pap vang chuan ka ṭap tih ka hre chauh




"Ka ngaidam miahlo ang che u" hlau mahila ka pa vang in huaisenna tlem chu ka la nei ve hram




"Tu ngaihdamna mah kan mamawh hleinem,ngaihdamna chuan mihring ati chaklo ṭhin"




Ka ban a vuan tu te chuan min pawt deuh sawk in min kalpui zui a,ka mit an tuam leh tlat tawh avangin ka inchhuih leh nawk ṭhin,car ah bawk min hlangin an tlan chhuak nghal a tlan lai te chuan ka hnaih zawk a ṭhu in engmah sawi chhuaklo tur in minti a,ka chhungte venhim nan bawk engmah ka sawiloh angai leh dawn chu ania!!







Motor din rualin khawi emaw ah hian min hlan thlak hnu ah min ṭhut tir a,an tlan rualin ka mit tuamna ka phelh nghal vat ka mit vai lutuk vamg chuan ka hmu phe deuh ruai khami te pawh kha an tlanchak aniang ka hmu hmanlo,ka hawi kual chuan kan school bul lawk ah ka lo ṭhu reng chu ni in!! School kal ta lo chuan in ah ka haw a





"Baby!! Lalpa ka lawm e" inchhung ka luh rualin David chuan minlo kuah nghal chung




"David!!tinge a?" Police pahnih lo awm bawk ka hmuh chuan ka ti




"Nat hian in thil tawn chungchang kha min rawn hrilh a" Nat lo ṭhu ve reng chu ka zuk melh zeuh"Scarlet i ṭha tiraw?" ding hlaui in Hlauhthawn hmel lutuk chuan ati zui a




"Aw ka ṭha e" ka lo kuah vat bawk




"Mrs Azales zawhna zawh lawk duh che kan nei a?" Officer pakhat zawk chuan arawn ti a




"Aw enge ni?" Nat ka kuahna thlah in officer lam chu ka hawi a




Pangngai takin in awm ka tum a,ka theilo lek lek! Mahse engmah tihlan ka tumlo ka thil tawn zawh chiah kha ka sawichhuak anihchuan ka chhungkua te'n an tuar dawn tlat si




"Vawiin I thil tawn kha I ṭhiannu sawidan ai a kimchang hian i sawi thei angem?"




"officer ka ṭhiannu hi fiamthu duh deuh mai ania,alo sawi uar mah mah aniang" za lo tawk chuan ka nuih a




"A teuhlo Scarlet enge maw i sawi le!!" Thudik sawi tur a min duh niawm takin min en kar a




"Baby,,thudik sawi rawh hlauh tur a awmlo" David chuan duat lutuk in ka sam ah alo chul ve bawk




"Officer tukin thil thleng kha chu thil hriat chian loh vang ania,khapa khan a bialnu birthday anih vangin surprise a tumna lam ah keimah zawk minlo tibuai palh a"




"Scarlet enge maw i sawi"



"Nat in kal hnu khan a insawifiah vek alawm" a thusawi lai pawt chat in ka lo ṭawng khalh vat anihloh chuan officer fin hmel zet pahnih hian ka thusawi hi an awihlo mai ang tih ka hlau




"Anihchuan a surprise tum inilo tih a hre nghal awm sia,tinge taxi aṭang khan a chhuk tir che,a pawimawh ber nita chu silai a keng bawk"




"Aah kha kha maw!nia ngaihdam min dil duh vang ania,bak ah silai tak ani hleinem" thiamlo lutuk a dawt ka sawi chu awih se ka ti takzet




"Awle anihchuan kan kal ange"




"Ka pu inchhui dawnlo ami?" Nat chuan alo ti hram




"Thu hrechiang tu ber a ngaihin engkim a sawi vek tawh a chhui ngai lo ah kan ruat"officer chhuak tur thusawi vang chuan a rukin ka lo thaw deuh hawk"mahse khapa kha kan hmuh hrim hrim angai khatiang thil serious lutuk midang a tih thlabar vang hrim hrim pawn" chhuah pahin ati a David an thlah tur in a zui chhuak bawk





"Enge i tih kha?!!!" Nat chuan min thing deh nawk



"Nat duhtawk rawh,engkim ka hrilh fiah ang che mahse midangin an hriat a thianglo" ngawi tur in ka ti a




"A tihpalh tak tak em?" David rawn lut chuan ati veleh




"Aw tak tak e,,hei amah vangin school chawlh law law angai anih hi" thinrim hmel deuh chuan ka ti a




"A ṭha e ka pa ka kalsan ringawt a,nangpawh inthlak la ka rualin hospital lam ah kal ve mai rawh"




"Aih,,"rang lutuk chuan ka lo ti vat a David an chik zet in min en"aaa ka sawi awmzia chu Nat a awm tho a muangchangin kan lo kal zawk ang" ka ti leh ringawt




"In pahnih ringawt a awm kha a him ber lo,vawiin thil thleng ang te kha"




"David min ngaihtuah suh,kan ṭha em em ang bak ah a tak pawh nilo in hai palh vang ania" ka tih chuan ngaih ṭhalo deuhin a Jacket chu ala a,A chhuah rualin Nat chu ka room lam ah ka kai chho nghal






"Enge thleng min hrilh vek rawh" room kan luh rual chuan ati a




Engmah sawi chhuak lo tur a ka intiam tir hnu chuan tukin thil thlen dan vel chu ka hrilh a,mak ati bawksi,a hlau ve bawksi a ka a hup leh tawp zel,Kapa an khawih chungchang leh engmah ka sawichhuah ngamloh thu ka sawi lai chuan ka ṭah a chhuak tlat pek




"Scarlet,keipawn a hma thil thleng ah khan ka hlauh vangin engmah ka sawilo a i awmdan tur chu ka hrethiam,mahse kan ngawih reng hi aṭha ber lo in ka hria"





"Nat David leh ka pa te hi ka neihchhun anni tih i hriat vek kha" ka insum thei tawhlo chu ka ṭap nghal hawm hawm a




"Jordan vang vek kha ani" Nat meuhin Jordan a dem tak ah chuan keipawh in ka dem ve lek lek ta mai






Bak ah khapa khan kapa sawisa tu kha Jordan ni ang in a asawi anihkha!alo ni anih vaih chuan ka ngaidam hauhlo ang





In phih faiin hospital lam panin Nat nen chuan kan kal a,ani pawhin anu hnen ah a dam samloh vang a school a ṭang a haw anih thu a sawi ve bawk a,hospital ah ka kal dawn tho vang a in entir pah tur in min kalpui duh thu te a sawi chuan rem alo ti ve mai





"Inlo thleng maw,ka pa pawh hei arawn harh ve deuh e"ka pa awmna kan thlen rualin David chuan alo ti zung zung a




"Pa i ṭha em,na te i la nei em?" A kut vuanin ka ṭhutchilh nghal




"Neilo e ka ṭha tawh e,mahse tinge school in kal loh?!!"




David ka han melh chuan sawilo tur a miti niawm takin alu alo thing zeuh a,keipawh chuan a damlo bawk nen hrilh loh law law chu ka duh zawk,mahse dawt ka hrilh hnem ta lutuk vang nge sawi mai pawh ka harsat bak ah ka inthiamlo tel




"I bul a awm kan duh zawk a pate" Nat in zangkhai vah chuan alo ti a ka pa in min en vat aw tih nan ka lo bu ve zeuh bawk a




"in a kan awm lai pawn in pahnih te chuan kan bul a awm ai in room a inkhung te kha nuam inti zawk sia,thil thleng a awm ami?"




Nge nge chuan min zawt ta ngei engtin nge kan chhan ang tih ka ngaihtuah nghal char char,kan pathum chuan min entawn zak zak!!tun ah tak hi chuan Nat in a ṭawngkam thiamna zawng zawng hmang se ka duh hluah hluah




"Aww,pate kan ngai ve em em che a tiang hian maw minlo tih! A va na ve hawh u haw san vek ang u" Nat in alo ti ta ngei e ka thaw huai thei Nat chu awmlo se chuan kei leh David chauh chu kan inpuang leh tawh ngei ang




"nilo e nilo e,min haw san daih te chuan ka lung a leng lutuk anga sin" fiamthu deuh chuan alo ti let a engmah min zawh chhunzawm tawhlo chu ka lawm takzet





"Anih pa engati nge tiang hian i awm a?tunge khawih tu che hi?" Ka zawhna vang chuan anui tawp chat a




"Aaa,,hna vangin bank khar tawh hnu ah ka la awm kha ka rawn haw lam in zu rui,sua deuhl ka tawk alawm mawle"



"In a rawn hruaitu che kha i hria em?" Chik zet chuan ka ti leh a



"Ka duatlai,ka ṭhat vek tawh hi ngaihtuah lutuk duh suh" nui pahin ati na a ahmel aṭangin zep a nei tih ka hria





Engmah sawi zawmlo chuan ka ngawi ve ta zawk a,ka zawh luih zel chuan kepawn zep ka ne a chungte chu sawichhuak tur in min ti mai ang tih ka hlau ve tho bawk




Kan vai chuan kan titi mawlh mawlh a,Nat in engmah thleng lo ang mai a fiamthu a thawh vel te chuan puitling ka ti in ka chhuang takzet,keichu ni ila hetiang kar ah chuan ka theih ve ka ringlo ka pa pawh anui nasa lutuk a apum a dawm leh vang vang ṭhin





"Ka haw mai dawn atlai tawh em mai" Nat in atih vang chuan kmthlah tur in kan inzui chhuak a




"Nat,,ka lawm e aw" kuah deuh chung chuan ka ti a



"Lawmthu i la sawiṭha lo mah mah" uang zet chuan ati a




Taxi a aluh thlengin Kan infiam a,a tlan liam thleng ka thlir a ka let tur chu khawi lai emaw ber aṭang a min en reng tu awm tlat a ka hriat vangin ka hawi vulh vulh a,thil danglam han hmuh em em ka neihloh vangin Hospital kawt aṭang chuan ka pa te awmna lam ah ka tlan vat a






"Engtin nge kan tih dawn?" Ka pa in atih chuan awmze hrelo deuhin ka lo en hâ a




"Riah ṭeuh rem anti bawk silo buaithlak ve" David an lu hiat nauh nauh in ati a




"Lo va haw mai rawh tih dawn in Scarlet tan lehkha zir a pawimawh viau bawksi"




"Pa hetah ka riak anga David hi haw se"



"A theihloh school kal ngai inihkha" David chuan rang lutuk in alo ti a ka lo melh rum nghal ul bawk




"Zanin chu Gonja te hnen ah riah ilo va dil mai dawn em ni?" Min en pah in ati a David pawhin ṭha atih mai thu a sawi ve bawk keipawn pawi ka ti hranlo Nat nen tal kan riak dun thei dawn tihna ania





Nute Gonja te kan biak chuan pate Rick a awmloh vangin ka riak tur chu anlo lawm thu a sawi ve bawk a,Nat pawh a au chul in nia ka rin ni kan riak dun nasa ve thei em ṭhin bawk ani




____________________________________





"Engvang a pui nge i nih min hrilh rawh" Cesar couch a ṭhu chu ka din chilh ran a




Smith hna min siam sak vangin france bungrua supply na ah ka kal kha ania,ka haw chuan Cesar an Scarlet a ṭanpui tih ka hriat avangin ka penthouse ah pawh kal lo in Cesar in ah ka kal chu ania




"Louis bul ah khan hnutchhiah ila a ṭha zawk ah i ngai ami?"




"Cesar,,! Kan puih a a hnaih a kan awm te hi a himlo tih i hriat kha"



"A nihchuan a bul a hun i hman chungchang kha engtin nge i sawifiah dawn,ka thil tih ai khan a fin thlak zawkin ihria ami? Jordan engkim min hrilh tur ini asin i unaupa ka nih hi" ka hma ah chuan arawn ding ve nghal zat





Engtin nge Scarlet bul ah khan ka awm tih a hriat ni!! Atir ah chuan a bul a awm kha ka tum ani biklo ruah sur vangin ka awmdan theihnghilh ṭhak khawp in ka buai anihkha,mahse Cesar min enkawl dan ṭhin nen a tehkhin pawn danglam lutuk in min buaipui anihkha,nuam ka tiin Cesar ai ka mamawh zawk tlat si!!chuvang a kalsan lo aa bul a awm pawh ka ni,a bul a ka awm apiang a ka taksa danglam chak lutuk hi mak ka ti takzet





"Min chhang rawh Jordan" Cesar chuan khauh vah in ati leh a




"Ka buai vang mai chauh anihkha" sir lam hawi pah chuan ka ti a



"I hnaih lutuk hma hian kalsan rawh"



"Ka venghim mai chauh ani" kuangkuah pah chuan ka ti a



"Tal buai a tang thei inilo tih chu kan hre ve ve in ka hria"



"Min ngaihtuah tih ka hria,mahse ka in veng thei"



"I inveng thei a,mahse Scarlet chuan a theilo Smith chak zia i hriat kha" ka dar ah chuan arawn vuan thak




"Kan inhmu leh dawn nia" Cesar chhuahsan in ka penthouse lam ka pan a




"I lo kir maw?" Sam leh Alan te lo awm chuan an rawn ti vat a bu nghut in inchung lam ah ka chho zui nghal




Sam,Cesar leh Alan te hi chu ka ring bawk a ka awm loh pawn ka in ah hi chuan an lut veleh mai zel,ka sawisel duh heklo Alan phei chuan ka in hi nuam ati lutuk a chen ho te hi a sawi ve ziah bawk,mahse tumah chenpui ka duhlo thung tlangnel takin awm sela aṭha,chen ho chu ka duhlo bur,inbual sawk sawk in la zawh ah inhnuai lam ah ka chhuk a






"Rawn in la i chauh a reh mahna,nge party i duh zawk?" Sam an mi rawn fiam pah a atih chuan whiskey no a thlit pahin ka nui ringawt a




"France chu enge a an?" Alan chuan phur fe in minlo zawt



" X " tih ringawt in ka chhang a ani pawn hrethiam mai in alo bu ve nghut,, X ka tih mai hi chuan (nuamlo,hreawm,ṭhalo) tihna ka ti mai ṭhin a ka hmang zing tawh bawk nen anni pawn an bel tawh khawp mai





"Hi guys" Tania rawn lut lam chu kan hawi ṭhap a engtik lai mai pawh hian a confi em em zel mai,zam hmel a put awm pawh hi ka la hrelo





"France chu Jordan tan chuan a X tih ka hre mai" Ka bul ah a rawn ṭhu nghal thurh kei erawhin ka dawm lai whiskey tui zet chu ka lo en leh kar thung a




"Enge hetah irawn tih dawn?" Alan chuan alo ti a



"I buaina chauh ngaihsak rawh naupang" ngeiawm zet a atih let chuan Alan pawn a en rum ngang mai kei erawh inrawlh duhlo in ka ṭhu ngawi kar a




"I chauh tih ziawm i duh em?" Ka awm lam a zut loh leh ka mal lam ah a chul thul ka ngaihsak duh miahlo thung hnuailam a rawn ṭang ṭan erawh ka hre thei




"Tania insum ve deuh teh" Sam an atih tak ah chuan ka nui suk Sam leh Alan te hian an mil thlawtlo




Tania pawh hmeichhe luhlul ve tak ani bawk nen tawp chuang hlei lo in a chet chhunzawm zel a,keipawn dan ka tum lemlo engtinmah ka tih tak siloh avangin Sam leh Alan te pawh chuan an ngaihsak duh ta biklo a




"Vawiin khan Smith nen an inhmu a,mahse him takin a let tir leh,,mak khawp mai!!!" Sam chuan ati a



"Tu chu maw?" Tania chuan hriatloh hmel zet in alo zawt vat a



"Scarlet mawle" Scarlet hming a sawi tak ah chuan ka in lai ka tawp chat Tania chuan min en let vat bawk



"Azales chhungkaw fanu naupang te kha maw?" Keimah kher min en chuan ati leh a Tania pawh hi Smith hnaih a awm tam anih vangin alo hre ve leh tawh pawh aniang arawn sawi chat theih dan ah!




"Kum 19 lai ani ve tawh" Alan chuan ngeiawm tur tawk te hian alo chhang veleh




"Jordani buaipui em ni?" Tania bawk chuan thinrim hmel zet in min zawt nawn leh sak




Min zawhna pawh ngaihsak lo chuan tho vut in Smith hmu tur in ka chhuak nghal nal nal,Sam ten minlo zui an tum chuan mahni a kal ka duh thu ka sawi a ka tlan liam nghal bawk,ka chet vut chhan pawh Smith hian kan pawl mi ngei pawh a rin tak tak te tihloh chu a hmuh ngailoh vang ani,amah hrelo pawh an tam ang chu!Scarlet ang mi pangngai ve mai pawh vawihnih lai a hmu anihchuan a ngaihven in atan a ṭangkai hle tihna ani mai





"Engvang a hmu nawn leh nge inih?" Vin tak a tih pahin Smith lo ṭhu run hma ah chuan ka ding a




"Kan Jordan hi a danglam lo tur ah ka ngai a"



"Ka danglam lo" bul deuh hmuk chuan ka chhang a



"chuti si khanu vang Khan tinge helai thleng thleng ilo kal?" Chik fe chuan min en kar a"aw min chhang thei lo reng ang chu kan Jordan hi a danglam ṭan tawh miau a" ngeiawm zet in midang awmve pahnih chu a en tawn vel a





"Ti buai suh ang che" rum zet a melh pahin ka ti a



"Thu min pe thei inilo Jordan"





Smith sawi hi a dik na chen a awm,thu oe thei ka nilo mahse thupek chu ka siam ngei sia lawm le! Atan chuan a ui khawi kawlh tak tak te mai kan ni,mahse midang zawng ai in ka chung ah zah ngaihna alan tir nasa zawk a chhan chu inzawmna midang hriat ve loh kan nei tlat ani





"Let rawh "atihtak ah chuan ka ding ngawi reng



"Let rawh ka tih chu Jordan" a thinrim in atih pawh chuan ka nui suk




"Ka buaina chu ka chingfel thei tih i hria,rawn inrawlh tawhlo bawk ang che,ka danglam dawnlo tih i hre bawk dawn nia" ngeiawm zet a chhang let in ka chhuak zui nghal a penthouse ah bawk ka kir leh





"I va hmu ami?" Sam chuan alo ti vat,couch ah ṭhut thlak hnawk pahin ka bu zeuh a




"Smith ber in a hriat chuan engtin nge kan venhim zawh tawh ang?" Alan rawn ṭhu chhuak hlawl in zam hmel deuh a atih chuan ka lo nuih tawp





"Kan fimkhur angai lehzual dawn nih hi" Sam an atih chuan ka tho thurh a bike lam panin ka nghal hlawk hlawk Sam te min rawn biakna pawh ngaihsak lo in Scarlet te in lam pan chuan chak lutuk tak mai in ka inkhalh chhuak nghal ka thlen chuan a reh ṭhap bak ah tumah an awmlo tih hriat lutuk in a thim ṭhap bawk




"Shitt" ka din na bul mai a letter box in hun kan na chu ka chhir zawt a





Ka let tur in Scarlet leh a unaupa nep zet chu a ṭhiannu te in a an inzui lut ka va hmu hman,pan phei mai ka tum zet na in a unaupa chhuah hun ah hmuh tumin ka nghak ta zawk a,tun ang hun pawh a midang in a an la awm mai mai pawh chu mak ka tih deuh hrim hrim vangin nghah ka duh






An rei deuh vang chuan ka lo tei sek hman,ka thin in atur lo ṭep tawh,ka cigarette la chhuakin zuk mood ah pawh cheng hleilo chuan ka zu a ka nghah chhungin Pa 4 lai ka zu hman,ka ning tawh lutuk chuan ka rum leh nghut ringawt ṭhin





"Engvangin nge maw i nghah ve ngawt le,u tan engmah anihloh saw" ka phun leh sup zel a let erawh ka tum chuanglo, atawp atawp ah chuan alo chhuak ve ta hram






A tlan liam hnu chuan In lam panin muangchangin ka kal a,ka thlen dawn lai a room pakhat thim lai rawn eng ah chuan an awm ring in chulam pan chuan ka lawn chho a,tiang tih vel hi kan tih ṭhan tawh avangin khawi hmun ah pawh hian awlsam takin kan kal zung zung mai





Tukverh zawn ah chuan ka ding a,Scarlet leh a ṭhiannu khum a ṭhu pah a anlo inbe mawlh mawlh ka hmuh chuan chhan pawh hriatloh in ka zang deuh hawk a,ding chung a ka en reng lai chuan Scarlet rawn hawi in min rawn hmu a a mengphawk ngang mai,thinrim ang maiin a mak ti hmel chu a inthlak danglam lehnghal daih!





A ṭhiannu chu khawi ah emaw kal tur a nawr chhuakin ka awm na lam pan chuan a te ate in chak lutuk chuan arawn kal ve a,naute lem kal thei te pawh a ang lek lek ka thil ngaihtuah vang chuan ka la nui suk lehnghal,parda vawn pahin rum lutuk chuan min en ve a parda chu a pawt zar nghal daih bawk,a chet vang chuan nui hawk in ka din na in bang ngheng chuan ka ṭhu a








## Nizan hna ka zawh har lutuk vangin ka lo dah theilo a,rawn in report takngial pawh ka hman lo a khawngaih in min hrethiam dawn niaka Story ngaihnawm loh lutuk tak mai minlo chhiar sak peih vangin ka lawm nawn leh e chuan like,ads click leh comment kha theihnghilh awihlo aw hmelṭha em2 ho ##

[Ngaia]

Chapter-10





Darkar tam pawh ka ṭhut hma in ka ṭhutna zawn tukverh ri ka hriat vang chuan ka hawi vat a Scarlet rawn dak deuh huau ka hmuh chuan ka nuih za ka insum hmanlo ka nui huk,chutia ka nuih vang chu nge ner suk in a khar lehnghal daih,sam tuai vut in ka phone ri reng chu ka phawrh a




"Aw Sam"



"Jordan tun ah khawi ah nge i awm Scarlet bul hnai ah i awm anihchuan kalsawn vat rawh"




"Chiang deuhin min hrilh rawh Sam" a thu rawn sawi teh thut vang chuan ka ti a




"Smith a mi tirh te Scarlet en thli tlai tur in an rawn kal mek ania,i kalsawn vat loh chuan a ṭhalo ang"




"Ka hneh mai ang" awlsam zet chuan ka lo ti a




"Scarlet tan a hlauhawm thei dawn ania,amah mai pawh nilo a bul hnai a awm ve te pawh"




Chutia a sawi tak si ah chuan ka awmna ṭang a zuang thla in ka kal nghal nal nal a,kei min hmuh loh chuan Scarlet an tina dawnlo tih ka chiang"hah,,enge maw a nat pawh chu ka hlauh viau le?!!" Lu hiat nauh nauh in ka tlan chhuak nghal a






"engtin nge i hriat?" Penthouse ka luh rual a Sam kal hnaih in ka ti nghal




"hna thil ah Smith hmu tur in Cesar a kal a,an inbiak lai a hre fuh ani awm e hmanhmawh deuh a hrilh tur che in min tia"






Sam thusawi chu ka mak ka ti ang reng Cesar meuhin chutiang ati chu!!Smith in hetiang atih fo dawn chuan eng emaw tak ka tih angai anihloh chuan Scarlet tan a hlauhawm thei tlat,Alan lo mu chu biak ka tum chuan Sam in minlo dang vat




"Susan tir zawk rawh,hmanni pawh khan Cesar an atir a an inngeih hmel phian" dar kan uk a atih chuan phone ka lo phawrh chat




"Susan tun ah Scarlet veng tur in ka duh che" khauh ṭhah chuan ka ti a ani pawn aw minlo pawh ve mai bawk





"Engati nhe thil dang awm ni tlat a ka hriat tak le?!!" Thil ngaihtuah ni awm takin a khabe vuanin min rawn en kher





"Enge i sawi awmzia chu?" Mit ko san uk in ka lo ti let vat




"engmah nilo e" ṭhuththleng ngheng a atih chuan engmah zawt tawhlo in inchung lam ah ka chhoh san a




_____________________________________





"In mu thei maw?" Inhnuai kan vhhuk thlak rual a nute Gonja in alo tih chuan aw kan lo pawh vat




David ka biak chuan heta ṭang a school kal leh rih mai turin min ti a,keipawn ka hnial hranlo ka pa pawh vawiin tlai lam ah a rawn chhuah pui dawn thu asawi bawk a,kan inbiak zawh ah muangchangin in lam ah Nat nen ka uniform la tur in kan chhuak a kan kal lai chuan nizan a Jordan lo awmna tukverh lam chu ka han hawi chho ve ringawt





"Enge a?"



"Engmah nilo e"




"Form chu la ila kal leh vat ang patea leh David te an awmloh phei chuan kan pahnih chauh a awm reng na chi pawh anilo" hlauh hmel lutuk chuan a hawi hrek hrek a




"Keipawh nuam ka tilo" kan inrinloh lai in khawi emaw aṭang misual te hi anlo lut leh mai ang tih ka hlau!






Eng em thleng lo in Nat te in lam ah chuan kan phei a,breakfast kan ri zawh chuan nute Gonja in pawn thleng chuan min thlah a,rilru nuam manglo deuhin taxi ah chuan kan lut ṭaih ṭaih a,eng em chu ala thleng biklo e,kan tlan mek laiin ka ṭhutna lam zawk ah chuan hmeichhe pakhat bike khalh hi kan zawn ah tak arawn tlan a







Tarmit avuah a,a pa reuh tawp hi ani mai ka en reng lai chuan rawn hawiin a khi suk ringawt a ka chik deuh vangin hmanni a min rawn ṭanpui tu Susan kha ni than in ka hria,Nat in ka dar a minlo vawn avangin alam chu ka hawi vat a




"I hmelhriat ami?" Kan zawn a tlan en pah zeuhin ati a



"Hre chiahlo,ka hriat hnu chu a ang ka ti" ka thusawi vang chuan a bu nghut a



Lehlam ka hawi leh chuan kan zawn ah alo tlan tawhlo!ka en kual ti tih deuh chuan kan tlan na hnung chiah ah atlan tih ka va hmu leh,chutiang chuan school thlengin min zui char char a ngaihṭhat tur nge ṭhat loh tur pawh ka hrethiamlo





"Chhuk ila" taxi din tawh hnu pawh a ka la ṭhut reng vang chuan min rawn sawi pah in ati a





"Awle" bag ak ṭha pahin ka chhuk ve nghal vat Susan alo ni anihchuan khawi ah nge a tlan hman le min zui reng khan ka hre sia!!






"hey hey lo tlan teh u" kan class ami Amber chuan class a kan luh rualin minlo hui vat




"Enge a?"




"Zanin ka birthday ania,a vawikhat nan ka pa in party buatsaih min phal sak a lo kal ve ru aw midang ho pawh kha" au pah chuan ati lauh lauh a midang ho pawh chuan anlo aw dial





"Keichu ka theih ka ringlo ka pa a damlo a" Ka tih chuan hnual nghal rawih hmel a pu nghal nihchu!




"nang phei phei ilo kal ngei ngei angai,chuti lo chu ka lawmlo viau ang"





"Lo kal chu ka duh ve tho a,mahse ka pa damloh mai bak ah David an rem ati lo sa"




"Nia Amber hrethiam mai rawh,apa dam ṭhalo ah hian an buai ve tawk lutuk a" Nat in alo tih chuan aner sak




"Ka lo dil pui ang che" a thusawi vang chuan ka phu deuh zawk




"Aih aih a ngailo,birthday chu nuam deuhin hmang zawk ru ka lo tel chuan buaina ka thlen mai mai ang che u "





"In ṭhutna ah ṭhu ru le" Sir lo kal vang in inbe chhunzawm talo chuan mahni ṭhutna lam panin kan kal a





"I kal chaklo hrim hrim ami?" Nat chuan zawi te in arawn ti a




"David a strick bawk sia chhuahloh law law ka duh chumai pawh anilo buaina eng emaw tawh leh ka hlau hrim hrim"





"Ni ve tho mai,mahse mi an tam dawn a chutiang kar ah chuan an tihbuai bik che ka ring lo Amber te hi an hausa a ṭhian leh hmelhriat ṭha deuh deuh angah ania aw" fiamthu ti tak deuh a atih chuan ka nghawk zeuh





"Kal ve chu ka chak deuh tho a"




"Dil ve chhin hrim hrim rawh" atih chuan ka lo nuih tawp a chhungte thil dil dawn a phal lo ṭhang deuh ho bul a sawi mai harsat zia hi a hre hlawl lo pawngi hian






Tlai ban hun ah chuan taxi in kan haw leh a,ka pa leh David lo awm reng tawh ka hmuh chuan ka tlan vat ka pa chu ka kuah thlawp a,a ni pawh in duat lutk a a sam chul in ka vawiin hun hman anuam em tih min zawt ve bawk







David chu ei tur siam in kitchen ah a awm char char a,kei ka pa nen nuam sa lutuk in ṭhutthleng a ṭhut pahin t.v kan lo en mai mai a,kapa che ṭha theilo mahni a awm tir ai tiin David an awmpui tur in min ti reng a,ka pa bul ah chuan birthday a kal chu dil ve chhin hrim hrim te ka tum deuh thut thut a ka ngam hlawl lo






David nen min ngaihtuah lutuk vangin chhuah hi an phal vaklo a,chhuak lo tawp chu ka ni bik chuanglo kapa hi chuan ngen ngawih ngawih chang ka neih ṭhin ah hi chuan min phal sak ve mai zel a,David erawh chu a hma ni 2 chhung te ka tih tauh phawt hi a ngai ṭhin







David siam ngei mai ei tur tui lutuk kan ei zawh chuan room lam ah lehkha zir tur in ka chho a,rei oawh ka zir hmanlo ka kawngka ri dawt dawt ah chuan ka va hawng vat Nat lo ding reng ka hmuh chuan ka luh tir vat a,a inchei dan aṭang hi chuan party na a kal tur ani tih ka hre mai




"Insiam ve vat rawh"




"Enga?!!"




"Amber arawn kal a min rawn hruai a i pa te bul ah party na a kal a dil sak che"




"Maw!!alo kal amaw?!"




"Aw insiam vat rawh"



"Engtin nge ka pa te chuan an phal mai theih zawk a!!a bik in David?"



"Amber hi kei ai pawn ṭawngkam athiam tih ihriat vek kha ṭawng ṭawng lo khan insiam mai rawh"




Ka T-shirt hak lai a rawn hlip nghal hlawk hlawk a,kawr engmah ka lo ngaihtuah loh mai bak ah ka kal theih dawnloh vangin NUAIH in amka lo awm bawk nen kawr hak tur te kan zawng chawp leh a,ka kawr fual dum khup khuh lo tawk vel leh converse var hlang chu ka in bel hmiah






David hmuh a mawilo nih ka duhloh vangin make up pawh ka hmang manglo,ka sam min khuih sak mawlh mawlh hnu chuan vial tawm vek in aṭawn a min kai chhuak nghal hlawk hlawk a,step ah te chuan ka tlu thla lo chauh ani




"Wow ka fanu chu a mawi hle mai" ka pa mu awn deuh chu arawn ṭhu chhuak ve a David erawh a lawm chiahlo tih a awm dan ah ahriat mai





"Kal ila" Amber chuan phur zet in alo ti a




"Ka lo haw vat ang" ka pa kut vuan in a biang ah chuan ka fawp zeuh a



"Hmanhmawh reng reng suh,nuam deuhin i va hmang ve dawn nia" nui sâng chungin ati a




"I lawm loh ai chuan kal loh pawh pawi ka ti miahlo ania" David bul a kal phei pahin ka ti a




"Nilo e,nuam deuhin iva hmang dawn nia i puitling ve tawh alawm,,ka farnu duat em em hi a mawi lutuk a ṭawng nachang pawh ka hrelo a" atih chaan ka nui sek





"Ka lawm e"



"Nat bul hnai ah i awm tlat dawn nia aw,mi an tam awm sia,i duh phei chuan haw dawn ah minlo call ula ka rawn lam mai ang che u"




"awle" Min ngaihtuh em em reng tho!





Amber leh Nat te nen chuan kan inzui chhuak a Amber car nen a rawn kal vangin taxi hman ngailo chuan kan chuang ṭhap a,Amber lah chu ka pa leh David a dil dan ka zawh chuan a sawi ṭha duh der lo lehnghal,nui huah huah pahin David awm dan vel chu strick atih thu a sawi ve bawk





"Aaa,,,,Scarlet,Nat " amber in min auh vangin kan chhuak tur chu alam kan hawi leh




"Kan class mi lo midang an tel ve nual dawn a nuamlo inti em lo ang chu tiraw u" inthlahrun hmel deuhin a ti a




"A pawilo reng reng,i birthday ania i thu ber alawm" nui suk in ka lo ti ve ngei




"A lawm awm hlauh anihchu ka pa sumdawnna vang hian a thawh pui fa te leh midang dang hmel hriat leh ṭhian tih vel hi ka nei ve ṭeuh a chung ho pawh chu ka sawm ve vek mai anihkha"





Bu nghauh pahin kan chhuak dial a,party na chhung kan lut chiah chu ka beng a ni nghal mup mup mai,Amber ṭhutna min kawh hmuh ah chuan kan ṭhu a kan class mi hmuh tur an awm manglo reng reng!!hawi na lam ah hmelhriat loh hlir anni mai kan clas ami chu pathum ka hmu ve






Nat nen ngawi rengin kan ṭhu kar a midang awm ve te kan hmel hriat an awm mangloh avangin han baik a han titi pui tur pawh an awmlo,Amber lah chu a bo zui nghal daih bawk sia,darkar hnih ngawt chu kan ṭhu tawh tlem a polite deuh ho chuan min rawn be ve leh thurh bawk a,Nat lahin a mawng nat tawh thu a sawi ve sek bawk a






"Hi enge hetah inlo tih ve a?" Susan hlim hmel zet a rawn ṭhut ve nghal tak ah chuan tlem in a nuam deuh





"Amber birthday hmang tur in kan lo kal a"




"Birthday a!!" mak tih hmel deuh chuan min en a aw tih nan ka lo bu ve zuk




"Birthday hmang tur a lo kal ve tho ini awm sia!" Nat chuan alo ti ve a music ri ring bawk nen au deuh lawng lawng angai




"Heta ṭang hian chhuak vat ula aṭha in ka hria" chutia atih tak ah chuan ngaih ṭhatlohna riau ka nei nghal tawp!!




"Engati maw!!birthday lawmna pawh kan la nei silo a" Nat bawkin alo chhang leh




"Hetah hian tu birthday mah hman tum a nilo,hei chu party pangngai zawk ani"




"Maw!!" ka ṭhutna aṭang chuan ka tho nghal zawt Nat pawn ka ban a vuanin arawn ding ve nghal vat bawk




"chhuak ula in lam ah haw vat zawk rawh u,party pangngai ah hi chuan in tan awm ahim vaklo ania"





"Nia Scarlet,buaina a thlen leh hma hian chhuak vat ang" Nat chu a hlauthawng ṭan nghal tih ka hria




"Amber ka zawng dawn amah ania min hruai chhuak tu chu,engkim sawifiah vek rawh se" ka thinrim ve deuh avangin ka ti ve hmak a




"Haw zawk ang" Nat bawk in ka ban a vawn na thing deuh ti tih chuan ati a




"Amber hmu ila kan haw nghal dawn nia,Susan min hrilh vangin ka lawm e" Susan lam hawi chuan ka ti a ani pawh alo bu nghauh





Nat kai chung chuan Amber zawng tur in kan kal a,kan zawn kual hrep pawh chuan hmuhbtur a awmlo reng reng!! Kan zawn buai lai in kil khat a Jordan leh hmeichhe pakhat chhelo zet mai couch ah anlo ṭhu ka hmuh chuan ka ding chat,ka en reng lai chuan a hmeichhia zawk chuan min rawn en fuh ve chiah





"Scarlet enge i en a?" Nat chuan ka hawi na lampamg hawi chuan alo ti vat a




Tun a ka awmdan chu mak tak ani,ka thin zawn hi ana deuh ut ut a ka mur sung sung bawk,ka chet a khaihlak hle bawk ani mai!! Jordan chu couch tlang a ban phar duai in duhdah deuh chuan aṭhu a a bul a hmeichhe awm chuan a khat tawkin achul leh ṭhin!







Kan din reng tak ah chuan Jordan pawhin min rawn hmu ta nge nge,Susan tih loh ah hmelhriat awm chhun tih pahin ka nuih ve ngei a,ani erawh a hmel put a danglam lo reng reng!! Nuih chhunzawm huphurh awm khawp a ahmel rum ul vang chuan ka nui tawp riai riai








A bul a hmeichhia chu a mal sei ṭha thlerh thlawrh ah chuan a lawn kai nghal a,engtin emaw hian ka lo awm sawtiang deuh chiah sawn a mal ah khan tihpalh thil thu in ka ṭhu tawh anihkha,chung ka hriatchhuah vang pawh chu ani mai thei




"i ṭha em?" Nat in a tih chuan ka bu zeuh a Amber zawn pawh ngaihtuah tawhlo in kawngka lam ah chuan ka kai phei a






Kawngpui ah taxi changin kan ding reng a taxi pakhat lo kal ah chuan kawngka hawng in Nat ka luh tir nghal vat a luh ve ka tum rual a ka ban a minlo pawt tu vang chuan ka chhuak leh! Nat lrawn chhuah leh tum chu chupa chuan kawngka a nem khar daih





"Minla hria em ?" Ka ban chelh tu lam ka hawi chuan tunge anih ka hriat loh vangin tal chhuah tum chuan ṭan ka la nghal,mahse hepa hi Jordan nen an in ang takzet ani




"Oh,,lungngai suh party na ami te ang ka ni velo ania" ka ban a vawn na thlah in a phar deuh hluai a





A mah en reng reng pawh chuan mi pangngai leh hausa tak ani tih ahriat mai,a inchei dan chu mawi vut nilo mahse a palian ve bawk nen a inhmeh in a ti smart zarh bawk,eng hna emaw ṭha tak thawk anih ngei ka ring




"Min hrethiam la tunge inih ka hre miahlo che,chuan haw kan tum chiah bawk a"




"Mi i sut per lawp hnu ah ngaihdam pawh dil lo in i kalsan leh daih a,chuta kar ah minla hrelo zui ania" mak tih hmel deuh chuan a awm vel a




"Ka hre miau lo che alawm" a thusawi mak sak lutuk vang chuan ka ti a,bak ah hepa hi ka vawikhat hmuhna anih mai piahlam ah ani ang palian ve tawk tak su per lawp thei ka nilo hrim hrim





"Min sut per lawp kha ihre tawh maih nange?"



"Hrelo,nang ang su per thei pawh ka nihloh hi" ka thusawi vang chuan a nui huah huah a anuih zawng a biang sum lang kak mai chu a inhmeh phian




"I sawi dik chiah,,mahse min su chiang alawm i ban ah pawh ka vawn kha nang lah chuan hawi pawh rawn hawi lo in ka vawnna che thing thla in ilankal daih zui" hrechhuak tur amin duh niawm chuan la ti hram a!!




"Ka sut che pawh ka,,," ka school kal tur Jordan te vang a chak lutuk a ka tlan ṭum khan mi sut ka neih nual tak kha chuan mi pakhat in ka bammn ah avuan bawk a mahse hawi pawh ka hawilo,,awi khapa kha alo ni maw!!




"I hrechhuak anih hmel khawp mai" a kut a min kawk pahin atih chuan a kut chu ka lo beng thla vat a ala nui mai mai zui




"Ka tihpalh ani e,ka hmanhmawh em a bak ah arei tawh nen nen engtin nge maw ila htlriat zawk ni!"




"Thluak ṭha deuh ka nei alawm" a lu kawk zeuh pahin anui a nghal hmel viau mahse a lawm awm phian




"Kan kal phawt ange,chuan khatiang sut mai mai te kha chu theihnghilh rawh naupang chhia lutuk" ngeiawm zet chuan ka ti ve a




"Nangmah zawk alawm naupang" a thusawi vang a ka hawi leh chu a kut a minlo kawk ve bawk nen ka biang arawn si chat




"i kut kha la sawn nghal rawh" ṭawng ka tum zuai tawh na in aw lo chhuak vang chuan ka hawi let a Jordan lo ding run ka hmuh chuan ka hma a ding pa chu ka en leh zeuh a a hmel a nui sâng kha abo daih!!





"I thu ka awih chhan tur pakhat tal min hrilh teh" a kut a kekawr ipte a zen luh pahin atih chuan Jordan chu alo rum nghut





Hepa hi a nghal phian in ka ring,Nat la ṭhu reng ka zuk en chuan lut tur in minlo hui vat a mahse hepa nghal hmel zet hi kawngka hawn theihloh a din tlat avangin luh theih rual anilo




"Sawi tur i hriat siloh chuan i kal sawn mai dawn mi?" Ngeiawm zet in ka bul a ding pa bawk chuan ati leh Jordan chu ala ngawi reng




"Naupang kan inhmu leh dawn nia" ka biang piai zeuh pahin a kalsawn a




A kal tak ah chuan Jordan ne in hmachhawn in kan ding ta reng,kabmn chhuah hma lawk a ka thil hmuh vang khan biak pawh be lo in taxi ah chuan ka lut a driver pawh ka tlan tir nghal




"Awi engtin nge hetah alo kal theih a!!an in ang tiraw?"tlan lai a Nat mood inthlak ta daih vang chuan ka nui suk




"I hriat zawng ami?"




"I hrelo lehpek ang tih ka ring reng ani" hawi zau lo min tih ṭhin lai a a awm dan ang chiah chuan aawm leh tawh




"Tlak duah lo khan sawi ve mai la"




"JAIRUS anihkha Jordan unaupa"




"Maw!!! unau thisen zawm diktak itih na mi?" Mak ka ti lutuk chu ka ang phuau a tho chu awm se an rawn thlawk lut ṭeuh hman ang




"Umm,,An in an dan em em ah te khan ihre velo mawnle!!mahse Jordan a la tluklo deuh"





Ka hmuh tirh pawh khan in ang ka ti reng a,mahse unau lam chu ka lo ngaihtuah miahlo,bak ah an in ngeih loh dan ah khan tunge unau anni tih ring nghal bik ang!





"Engtik in nge alo let le?"




"Khawi aṭangin maw?"




"Pawngi London aṭangin mawle Lawyer bawn turu lutuk anihkha" chhuan hmel lutuk a a sawi avang chuan ka lo ner sak"mahse Jordan nen hian an in ngeih teh chiamlo a"





"Anih ka ring" ka lo ti sup




"Jordan chanchin min hrilh lai Khan I van sawilo ve"




"NIA,, California ah hian a awm ngailo em a,kum 7 hnu ah kan hmu leh chauh anih hi"






## dah loh ai chauh a tawi tih ka hria ka inkhawm bang type leh chauh ania hna ka la ngah bawksi vangin tlin tawk ka rawn chhawp leh tawp Maichuan2 click and comment kha aw ##

[Ngaia]

Chapter-11






"Kum 7 maw!! Chutiang ah te chuan hriatloh pawh awm ve tho lawm,ka ngaihven vaklo bawk nen nangpawn an chanchin hriat tur avang itih kha" mahni inṭan deuh a ka ṭawng chuan a nuih a za em em a




"Nia mahse kan ram Lawyer ropui te chu hriat ve awm tak"




"A ho ka hrelo ve ani mai a"



"In ngeih se chu aw" ka thusawi mil lo lutuk a aṭawng vang chuan ka lo ṭhen hui a




"Jordan hian ngeih tak tak pawh anei amaw ni" ka tih chuan alo ner sak




"Neih ve loh ten le,,mahse keichu ka hlau leh thut zel"




"I duh em kha aw hlau tih vel chu sawilo mai teh" a ban ah chuan ka va sik zeuh a na atih hmel rap




"Tak a naktuk saturday ani bawk a Amber hmu ila engkim sawi tir vek ang,tiang amin tih chhan hi ka hriat ka duh ka thinrim tlat" hma lam melh rum nghal ul in ati a





"Ni e,,zawt ngei ngei ang amah vangin David lawm vaklo chung pawh ka kal phah a" dem na tur dang chu ka zawng zel ama thuamloh vek ani reng ani




"patea te bul ah kan sawi dawn em?"




"Teuhlo lutuk,,David a strick zual ang engmah harsatna pawh kan tawh loh hi" ka tih chuan a bu nghauh





Nat nen kan thlen rual chuan kan chhuk vat sana ka en chuan alo la tlai em em lo Nat an inthleng a kal ka en zui hnu chuan ngaih ṭha deuhin ka lut a,ka pa leh David ti ti tlem ka hriat hman chu hriat belh duhna in min tur nghal ut ut,ka hnen a sawiloh tur tih kha an sawi chiang!





"Engmaw ka bul a sawiloh tur chu?" An ṭhutna lam ah chuan ka kal phei nghal




"ohh,ilo haw maw iva lo haw hma ve" ka pa chuan bah ti tih deuhin a lo ti a




"enge ka hriat veloh tur chu?" Ka tih nawn leh ngat avangin ka pa chu a ngawi ta daih a David lam ka thlek chuan aw alo thian kharh kharh





"Lo ṭhu phawt teh" David chuan a bul chiah a ṭhu tur in min hui a ka ṭhut phei rual a ka pa lam ahawi chuan ka pa chu alo bu nghauh




"Ka pa sawisa tu kha ihria em?hrelo tiraw?" Aw tih nan chuan ka lo bu zeuh a




"Kha Jordan kha ania" ka ding deuh teh thlawt




"Chu chu ka lak ah zep in tum amaw!!" Thinrim deuh chuan ka ti a a chhan pawh puitling ve tawh minti si a engmah min hrilh ve an tumlo chu ani




"Khapa nen khan,,"



"Kan inkar ah engmah a awmlo misual lutuk anihkha" ka thinrim vang a mawilo zet a ka ṭawng hnu chuan inchung lam ah ka chho nghal daih





"Engtin nge ka pa ilo khawih ngam zawk misual pa" ti khui khui in khum ah ka ṭhu hnawk a




Ka pa teddy bear min lei sak kuah chung chuan ka mu tawm nghal a,ka thinrim a reh ṭan chu ka inthiamlo leh nghal der ka pa te hriat lai a Jordan sual zia sawi lan kher kha a ṭullo takzet"mahse a sual reng sia lawm" ṭhu tho vut chuan ka ti kual leh vel a






Zanin chu thinrimna tur hlir hi ani mai Amber vangin buaina kan tawk ṭhelh a,kha nu leh Jordan ka hmu bawk nen ka pa te lahin zep tum in thil anlo sawi dun bawk a!! Hah engvangin nge kha nu nen an awmdan kha ka sawi tel ve ngawt chu le!!mu hmak ang





*** NEXT MORNING ***





"Morning" kitchen a ka lut chiah David an minlo wish vang chuan ka wish let ve a,,Kapa lam ah kal in ka wish ve leh bawk




"Ka duatlai hi ala lungawilo em aw?" Ka pa'n atih chuan ka lo nui suk chhuah dil remchang hun lai tak ani




"Vawiin nileng a chhuah min ohal sak chuan ka thinrim lo ang"




"Khawi ah nge chhuah i ngaih a?" Lal strick an alo ti leh tawh




"Nat nen Amber hmuh lawk kan ngai a"




"I thluak hman hun iva hre reuh em" ka pa in ka biang piai pah a atih chuan ka ka nuih suk




"Amber chu nizan a mi kha ani em?"




"Aw ni e,a pawimawh deuh a in phal tiraw?" An pahnih chuan ka en tawn zak zak




"Aṭha lawm,mahse dinner ei hman in lo haw la aw" David an atih chuan ka lo bu vat





Breakfast ei zawh ah chuan Hmanhmawh deuhin ka insiam a ka bag te ak in ka chhuak nghal,David hna a chawl tho bawk a ka pa ngaihtuah tu tur an awm bawk nen thlamuang deuhin ka chhuahsammn thei a a ṭha phian,chuan vawiin hian Amber min tih dan kha a chhan hriat vek ngei ngei ka duh






"I hman maw an in ah kal chhin phawt ila" ka thlen phei rual a Nat in alo tih chuan Amber te in awmna lam pan in kan kal nghal





"Hi nute,Amber hi a awm em le?" Amber nu lo chhuak chu ka lo be vat a




"Awmlo tlat mai,hei a ṭhiante nen chawlh hmang tur in an zin chhuak a monday ah chauh anlo haw ang,engthil nge nita?"





"Engvak nilo e,chawlh lai kan tia kan rawn kal mai mai anih hi,a awmloh chuan kan kal leh mai ang kan lawm e" Nat in alo tih duah vang chuan ka ṭawng ve ta lem lo





Amber chet dan chuan min ti ngei zual sauh,kan kal dawn tih te pawh a hria ani mahna alo zin daih ni!! Engpawh nise cham hlen tur pawh ani chuanglo a min pum pelh rei chuanglo ang thudik tak min hrilh hma chu ka zawt anga ka zawt leh zel bawk ang,kan chhuah chhan ber Amber a awm tak siloh ah chuan kan leng kawi ta zawk hlauh








Tlai ah chuan Amber awmlo na na na vangin rei lutuk len chu a ṭha biklo tiin kan haw tum chuan kan inṭham ut ut tawh,taxi chang a kan din lai takin ka zawn ah tak Jordan chu bike nen alo ding vang mai!!ngawi rengin ka lo en kar ka pa sawi sa tu anih vang hrim hrim pawh hian biak ka tum ṭhai lo




"chuang rawh" thupe aw zet a min tih chu ka ngai thei bik hauhlo




"A teuhlo" kut kuangkuah in ka ti ve ngat




"Chet ka lak hmasak i duh chuan i thu thu" min en kar pahin ati a keipawh chuan zam chhe eih lo in ka en ve bawk,Nat lah in min en tawn zak zak bawk a,,ka pa a sawi sak hnu ah engtin nge kan bul ah te alo la kal ngam zawk ni!! inthiamloh na pawh neilo





"Ok,,"ngawi reng a ka din tak reng vang chuan bike aṭang a chhuk in min pawm kang nawlh




"Min thlah vat rawh"a awm ah chuan ka beng vak vak a engmah hrelo ang mai in bike ah chuan min nghat chawrh a che tawhlo tur in ka kut pahnih chu a bike seat ah chuan a nem bet bawk




"Lo va haw rawh" Nat sam chul zeuh a atih rualin bike ah arawn lawn nghal min pui tur a tih tum in Nat lam ka hawi chuan alo la khi vur vur zui!!Jordan an a sam a chul sak vang bawk kha ani lehpek ang hahthlak e puih ngaih lai lai a





"pawngi min rawn pui ta che" vin tawkin Nat chu ka bia a,,he misualpa lah hi ka kut pahnih hi a kut khat in a vuan tawm vek bawksi kut khat chauh a bike khalh a tum amawn le!!





"Puih ngai tur in engmah ka tihloh hi" Jordan lah chuan ngeiawm zet in minlo chhang zui ka kut hi vuan bet tlat lo se chu a tukhum hi ari chawrh tawh ang





Chak lutuk chuan a tlan chhuak nghal ka kut a thlah bawk a,tun ah chuan pangrem mai in keimah zawk chu a hnung hlai ṭha zet ah ka bei thlawp tawh,a tlan chak lutuk vang a ka awmdan chu ka naupang lai aTom&Jerry ka en ṭhin thil chak tawk a an chuan a an ka reh zau deh vawk vawk ṭhin kha min ti hrechhuak ka nuih a za letling zawk




"Chhuk la" atih chuan ka ngaihtuahna aṭangin ka harh zawk,a IN kawt ah kan lo awm der tawh




"Engvangin nge hetah min hruai?haw vat ka ngai ania"




"Party na ah khan engtin nge ilo kal theih??" zawhna bawk min zawh let vang chuan ka in kuangkuah than




"Ka duh a ka kal ani mai alawm ilo buai ve na tur a awmlo" rum deuh nghut in bike nem chuan a rawn awm hnai a




Kei bike ah ka la ṭhu bawk nen a rawn kun hniam vang chuan ka lo er deuh awrh a,pa lutuk tak maiin ala nui zui tun ah tak kha chuan kha a unaupa nghal hmel zet nen khan an in ang zual tawp!




"Chuan,,?"



"Enge chuan,,!"



"Bla bla bla,,,ka sawi angaih na ka hrelo e" ka chimawm ka chhuah ve zel



"Phiangsen hian Scarlet ka uang miahlo ania" vin lutuk a min tih chuan ka awmdan theihnghilh ṭhak khawp in ka hlau





Bike aṭang chuan chhuk sawk sawk in haw tum chuan ka kal nghal nal nal,ka hnung lam a minlo kuah vang chuan kading nghal chat blanket lian deuhin min tuam hlup hi ani mai,talchhuah tum a ka chet chuan min kuah nghet sauh




"Ka,,ka tihpalh" a thusawi vang chuan ka muang aṭangin ka la harh lo zawk amawni ka ti hial!!!




"Engvangin nge ka pa kha i sawi sak?" Ka thil sawi vang chuan min kuai her teh dawrh a




"Enge i sawi awmzia chu?" Ka thusawi hrelo ang mai a tih chuan ka thin atirim leh tlat pek




"Ka pa na lutuk a i sawi sak kha hrelo ang maiin engtin nge ila awm theih a!!misual tak inih hi"




"Ka hria mi fel ka ni ngailo,mahse he i thil sawi chungchang hi pakhat mah ka hrelo" a mitmeng aṭang in thudik a sawi zia chu ka hmu vek mahse ka pa ngei maiin Jordan anih thu min hrilh si!!





"A nihchuan tu tih nge?" Mittui tling piau vang a hmu phe deuh ruai chuan ka ti a





"Kum upa anihna hrelo lek in an khawih asin" ka hnuk ulh tlat tawh vang chuan a kut a ka dar a vawn na chu vai kiang in ka inher a ka ṭah vak hma hian kalsawn aṭha ber





Ka kal tawh tur chu min kuai her in min fawp nghal tawn tawn a,kei erawh ka lo ṭang ve nasa nem sawn tumin theihtawp chhuah chuan ka lo ṭang ve a mahse hneh lo tak hi ka ni mai!! A tawp ah a inthlah dul lai chuh in ka nem a ahmai a ri nghal ṭhat,ka ben na vang a ka kut na ut ut pawh chu ka ngaihtuah ṭha hman meuhlo




"I duh duh a i tih kawi theih ah min ngai ami?" A au in ka au ve tawn tawn ani chu min chhan pawh tumlo in a ngawi reng"i duh anih te chuan khanu kha hruai mai ta che" party zan a abul a ka hmuh nu chu ka sawi ve ngat




"I thik ami?" A thusawi vang chuan ka nuih hi a za zawk eng ang mihting nge maw anih le,tun ang ah pawh ala fiamthu thei chu ania!!




"thik a!! Awm anglo lutuk" ka thusawi chu ka tim ve deuh thik nilo ila engvangin nge ani kher kha ka sawichhuah ang ni!





A shirt hak lai a sen rawn val deuh kulh ka hmuh chuan a kawr chu ka hlim vat,alo kak deuh a a kak aṭang a thi lo chhuak chu ani!!engtin nge a hma khan ka lo hmuhloh zawk ni!a mah ka en lah chuan amit ko alo san uk ringawt




"tinge hospital ah i kal loh a?" A in lam a kai kal chung chuan ka ti a




"Engmah tham anihloh kha" a thusawi vang chuan ka lo ner sak




"Robot a maw i intia mi,mawl lutuk khawih ah nge first aid box i dah?" Chunglam a kawh vangin inchung lam ah chuan ka kai chho leh a





A room luh rual a first aid box lo awm ka hmuh nghal vang chuan engmah sawilo in box awmna lam ah Chuan ka kai phei zel a,box ka lak rual in khum ah alo va ṭhut leh thurh vang chuan thaw hrawk in ka pan phei veleh,kawr hlip in khum ah chuan a zangthal zawngin a ban pahnih kham chuan amu nghal vat a







Thiam ang tawk a ka buaipui lai te chuan a abs mawi lutuk ka sik vang te chuan ka khur leh der der zel,ka awmdan vang chuan ka thil tih lai chu zawh vat ka duh a ka khur deuh bawksi chu ka duh ang a ka buaipui theihloh vangin ka zo har tawp!!ka zawh dawn tawh leh tawhloh minlo zawt ve chhen bawk,naupang na nei nghal lo chuan!






"ka zo" ka thawh Kan rual chuan rawn tho ve in a khum awm sa kawr ban bul deuh vest type kian zet chu a ha a thil ri ka hriat chuan ṭap zo chiah e tilo in ka nui huk




"nang hi i rilṭam tih sawi miah suh" nui tut tut chuan ka ti a




"A ṭam aniang" lai zet a a lu a hiah nauh nauh vang chuan a ka nui tawp a cute reuh lutuk ringawt,bak ah hepa pui hi tunge a lai ve thei ani tih ring ang!





"Tikhan lo awm rawh"




"Khawi ah nge i kal dawn" ka kal hlauh hmel zet chuan ati a



"ei tur ka siam dawn" first aid box dah pahin inhnuai lam ah chuan ka chhuk san a




Fridge ka hawng chu in tur hlir hi ani ringawt,,a hnu ah sa leh thlai tlem a zawng lo awm ka hmuh chu ka phawrh chhuak a,ka siam nghal mawp mawp David chu tluklo mahila ei siam chu ka thiam ve pangngai,ka thil siam rim ringawt ah pawh chuan ka rilṭam nghal rawih rawih thei






"Kha ei rawh,ei tur i neihloh dan em em hi!!"




"Ka ei chhuak mai zel" ka siam a en chuan mak tih hmel lutuk in min en"hei hi engthil nge?!!" Ala hawlh kual nuau nuau zui




"Sa kaw chhung leh thlai tihpawlh anihka,a awmchhun a ni sia,ei rawh atui viau ang" ka tih chuan aner deuh sak





Phur loh hmel deuh chuan a hawp ve ngei a a uak nghal tho vut in bathroom lam ah a kal vat,mak ti si nuih za bawksi in ka awm,a rum theih tehreng nen a uak vel chu ania,a rawn chhuak chu a mit a sen ram mai,ka lo ding vat a




"Hrep hian" bathroom kawngka chu a khar deuh chawrh,a thinchhiat ve reuh zia hi!!




"A tuilo ami"



"sa kawchhung ka ei theilo ka tet lai aṭang tawhin"



"Uii!! Chuti si i ei hma khan sawi mai tur che alawm i ei thei mai tur ah ka ngai a,tinge i ei luih kher a"



"i siam ani sia lawm"



"Pawnga chupawh nise ei theihloh te chu sawi mai tur alawm"



"pawnga maw!! Ṭhat loh lemloh chu" ei tur bul ah bawk chuan aṭhu leh keiin ka lo la sawn nghal vat




"Tinge i lak daih ka la ei dawn chauh alawm!!"



"Teuhlo,,i ei theihloh ei luih ṭalh angailo" inhnuai lam ah chuan ka tlan thlak pui a ka hawp chhin lah chuan tui ka ti viau si!inchung ah chho leh in




"Enge i ei tak ang" khum a alo mu zun chu ka bia




"Engmah ei ngailo"



"I pum a rik kha aw"



"Ri te chu khawi ah pawh a awm vek alawm,bak ah ka vawikhat hawp khan engmah minti ei chaklo"




A hmel ka en chuan ka khawngaih reuh tawp,ei tur chah tur a ka tih chuan a duh der lo,,ka rilṭam tawhlo ati tlat bawk si,,a phone a mi be tur in a chhuah vang chuan a room veranda zau deuh ah chuan ka chhuak ve daih,bar chu ding chung a bawh pahin ni eng sen ti tih tawh chu ka thlir mai mai a





"Ka zawng che alawm" ka mawng rawn ṭham pah kher a atih chuan ka ding ngil nghal zawt




"Enge maw i tih le!!" Rum lutuk chuan ka melh nghal run



"ka vawikhat khawihna pawh anihloh kha" ala ti duh chauh zui!!




Kan indin hnaih lutuk vang chuan Eng emaw ti takin ka zam leh tawh!! Khaw dul ruih kar a hmelṭha leh pa lutuk mai ka hmuh phei chuan mit tla lo chauhin ka en,a nuih suk phei chuan ka tlu tawp lo chauh ani,ka awmdan teh tawp vang chuan ka lu ka thing nawk nawk" harh rawh Scarlet i pa sawisa tu misual pa kha nih hi" mahni inbe rilru in ka phun sup




"Enge?" A aw thum bul mai chuan arawn ti a




"eng,,engmah anilo ka haw dawn" bah lutuk tak mai a ka tih chuan kal tur in ka che hrut tawh min chawi kang nawlh in bar ah chuan min hlang kai nawlh




"Min chhuk tir rawh ka hlau ania" ka au nghal chel chul ka tla anih vaih chuan nuih chu khawi lam ani ringawt




"Min fawp phawt rawh"



"Pawnga ka tla dawn nia,ka chhuk duh ka hlau ania" keima tha a chhuk ka tum pawn min nem let ti tih zel bawksi ka tlak hlau si chuan nghet zet in min vuan bawk sia!!




"ka chhuk duh ka tihchu" ka ṭap nghal ringawt a rang lutuk in min hlang thla nghal




Ka hlau lutuk chu ngil tawk a ding in ka ṭap vak vak ringawt a,ka hma a ding lah chuan ngawi rengin minlo en




"Tihpalh"




"Ka hlau ka ti mawlh mawlh kha" ṭap chung chuan ka ti ve tan tan a




"Saw lam saw enteh" ka ṭap lai chu min her nawk



"Ka duh lo" ka dar a vawn na thing deuh chuan ka ti ve na in ni tla tur sen mawi lutuk tak mai in van a en se deuh phât mai ka hmuh tak si ah chuan ṭap bang hmakin ngawi reng chuan ka en a,a mawi dangdai dan chu sawi thiam a har




"a mawi lutuk"la inhnit deuh faih faih chuan ka ti a



"ka ring reng a" a ai a hnaih a ding in ka kawng ah arawn kuah chut ka lo ip deuh chawih a"tu mipa mah i taksa sik tir tawh suh,kei tihloh chu"





A thusawi vang chuan chil ka lo lem khawlh ringawt,a fiamthu maw ka tih vang zawk chuan a lam ah ka inher a ani erawh thutak run a lo ding in ka inher chu minlo en ve chiah bawk,ka hmui hnaih tak a arawn awm hniam phei chuan ka thawk a tawp lo chauh ani,muangchangin ka hmui chu arawn si riai riai a,kei erawh mi lim ang maiin ka lo ding reng






A lei lum ṭha zet hmang a ka hmui nawr kau in alut nghal a,ka lo fawp let leh reng tawh tih ka hrelo reng reng!bar ah chuan min hlang chho leh nawlh a thil dangin ka rilru alak pen em vangin ka hlauh lutuk vang a ka ṭah zawh chiah na pawh chu ka hlau tawhloh mai bak ah ka rilru ah pawh a tel pha tawhlo,ka hmui hnuailam a seh ne ne a a chang leh a hne leh dawk dawk ṭhin,!!!Ka bag te ah lai aṭang phone rawn ri ah chuan ka harh chhuak zawk,rang lutuk in Jordan chu ka nem sawn





"Hrep hian" a hmui hnuai lam pet zeuhin min hlang thlak hnu chuan a tawlh hnung hret a





Inthlarung deuh chuan phone chu ka phawrh nghal vat David an minlo call vangin aw ka thian kharh kharh phawt,haw ahun tawh zia lam ka lo ngaihtuah miahlo lehnghal!! Kan inbiak lai chuan ka hma ah kuangkuah in minlo en kar mai,a tlai tawh zia leh haw vat tawh tur a min tih chuan aw pawhin phone chu ka dah a,engthil dang mah a sawi silo a Nat nen kan la awm tur ah a ngai ani ngei ang





"Ih,David ania ka haw vat angai" ka hma a ding run mai chu ka bia a




"Ok,," ka hmui a rawn fawp zeuh pahin atih chuan ka lo en haw,kan inkar a inlaichin na nei a reitak inkawp tawh ang mai a a awm vang ani,mahse mak tak mai in nuam ka ti veng veng



"Ka fawh lai che kha chuan i hlauh tawhloh kha tiraw" a thusawi tum ka hriatthiam vang chuan a pum ah ka nghawk sawk




"Ughhh,,!" ner sak a a pum a dawm vang chuan a na kha ka hrechhuak zawk




"Awi ka duhlo ka tihpalh lutuk" a pum dawmna lai chu ka en sak leh nghal mawlh mawlh"a na viau em? Tihpalh lutuk" ṭap zo hnar ping deuh a ka tih chuan anui tawp




"Min ben ai kha chuan na lo" nui tut tut chuan ati a ka inthlahrung bawksi a ngeiawm thiam bawk sia a sam keh nuam tawk Chiah tur ah hian keh buk lawp zawk mai ka duh





Inhnuai lam ah chuan min kai thla a,couch a a jacket dah a lak pahin pawn lam ah min kai chhuak nghal bawk,bike kan chuan rual chuan chak lutuk in atlan chhuak nghal hmanhmawh ka ngaih zia ahria pawh ni mahna,Kan in thlen hma in 2 na vel ah chuan a ding daih a





"Tinge hetah i din?"




"Buaina tawh kha i hlau ani lawmni! Nge ni a i chhungte rawn hmu ve tur in min duh zawk?"mit ko san uk a atih chuan ka lo melh hrep,,lehlam ah chuan hetiang a atih hi a mak ve teh tlat





"Anih ka lawm e,mangṭha le" hawih hawm tak a ka tih hnu chuan ka bag te ah siam ṭha pahin ka inher a ka bag hrui a minlo pawh leh vangin ka let rawk ka kawng ah chuan min kuah bet nghal churh




"enge itih a min thlah rawh"




"Min fawp phawt rawh"



"Teuhlo khawlai anih hi!!"



"I chhungte rawn hmu tur in min duh zawk ami?" Ngeiawm lutuk chuan aawm leh ṭan tawh



"I sual lutuk"




"Lawmthu min hrilh na ah ka ngai dawn nia"



"Ka lawm e ka tih tawh kha"




"Ka pawm velo"



"I phakar lutuk aw" ka vin ti tih chuan ala nui mai mai zui!!



"Anihchuan ichhungte va hmu ila" a chet nghal thurh vang chuan bike ah ka nem ṭhu lehnghal




A hmui ah chuan ka fawp zeuh a ka inla hrang lehnghal,ani lah chuan kham lo hmel pu lutuk chuan min en a ka nuih a za lek lek zawk ka tukhum ah vuanin duhthawh lutuk chuan min fawp nghal tawn tawn




"Ka kal ahun tawh" a awm a ka nem chuan a nui sak,,awi a hmelṭha hi ani tawp mai!




"Vawikhat leh chiah" nui tut tut in ati a



"I unaupa ang chiah kha ini i nghal lutuk" ka sawi zo chiah chu ka inchhir nghal rum rum




Jordan nui ve pawh chu atawp hmak a ahma a rum lutuk ang khan a awm leh daih tawh,ka inthiamlo bawks chu han sawi mai tur pawh ka hrelo ka ding ngawi reng ringawt,ka kawng a kuah beh na chu a thlah nghal hmak bawk a,ka inthiamlo takzet engvang a sawi chhuak ve ringawt nge maw ka nih le!!ka ṭawng thei lutuk hi chu avan buaithlak tak bak ah khapa ber kher kha tinge sawi tur in ka rilru ah alo lan chu aw ka van ngei mai mai tak




"Unaupa ka neilo" kan din ngawi reng hnu ah arawn ti chhuak ve hram,engmah sawi zuilo in atlan nghal vang vang





In thiamlo bawksi chuan in lam panin ka phei chhet chhet a,khua pawh athim ti tih tawhchu ani mai inchhung ka luh chuan ka pa leh David ten dinner ei tur in minlo la nghak chu ni in in thlahrung deuh chuan ka ṭhu ve nghal a




"Ṭawngṭai la" David an ka ei nghal mai tur minlo tih vang chuan bu nghauh in ka ṭawngṭai a




"I nileng hle mai" ka pa in alo tih chuan engmah sawi chuanglo in ka nuih tawp tun ah chuan ka thil ei lai ai pawn Jordan ka rilru ah a lian zawk,a thinrim ngawt ang Nat in an in ngeihloh zia min hrilh bak ah party zan khan ka tawng ve hlek tawh anihkha




"Nat ka call a in lo haw har sia" David an atih chuan phawk deuhin ka en




"I rawn call maw!!"



"Aw,,ka rawn call hma deuh che khan" awi pawngi hian alo hrilh vaih chuan min talh duh tak tak tawh ang




"Amber te in a awm chu nuam iti awm hle mai haw nachang pawh ihrelo lehnghal a" atih chuan ka thaw deuh huai Nat in engmah a hrilhlo anih ka ring




"Nia nuam lutuk" za lo mangkheng chuan ka nui vel Dinner chu kan ei nghal mawp mawp a naktuk sunday a ni bawk nen lehkha pawh zir lo in ka pa bul ah ka awm char char a,kan movie en hlauhawm lutuk chuan ka pa taksa la dam chiangkuanglo lai ah te ka lo hmer leh vak zel





"Han mu tawh rawh" David an ka pa kaih thawh pahin atih chuan ka lo ner nang




"A tawp ṭep sin"




"I dawih em kha i mu theilo palh zawk ang" atih chuan peihlo deuh in ka tho ṭuih ṭuih a an pahnih chun mangṭha in ka chhohsan a





A tih ang tak tak in step ka kal zawh tawh dawn lam ah chuan ka hlau thar pek a!ka room ah pawh keimah lut hmasa lo in kawngka bul lawk a light on na chu ka ban hmasa vel ka on vek hnu ah ka lut chauh,Jordan alo awm leh reng tawh takin ti chuan tukverh lam ah ka kal vat a mahse tumah ka hmulo




"A unaupa chungchang ka sawi vang khan a thinrim tak tak amawn le?!" Ti sup in khum ah chuan ka lawn kai a"awi!!engvangin nge ka ngaihsak em em a!!" Mahni mawl inti zet chuan ka mu nghal thak




__________________________________





"Thawh i hai fo ami?" Aw ka hriat rual chuan ka meng nghal kawk Jordan lo ni rengin hnai zet ah chuan minlo en nui suk in ka hmui chu arawn si ne ne hman tawh





"Ka fanu chuan a mumang lam ah lalfapa fawh alo tum ani maw" ka pa aw ka hria chu ka ṭhu chhuak hlawl awi!!!ka mumang lek chu lo ni in zahthlak e





"Pa sawi chhuak miah suh aw"



"Awle,,,awle i hmui rawn ti pawrh vel kha chu i duhawm tho mai" min fiam oah a atih chuan ka lo melh rum vat






Sunday anih avangin ka nu in alo tih fo ṭhin danin biakin ah kan chhungkua te chuan ṭawngṭai tur in kan kal a,a hran ṭheuh ah awm in kan thil tih sual te avang a ngaihdam dil in leh min ven reng ṭhin avang a lawmthu sawi in kan ṭawngṭai a,ka pachu a zawh har deuh vangin David nen pawn ah kan lo nghak a,keipawn ka chhungte lak a zep ka neih te leh kan thil tawn te ngaihtuah a min ven vangin lawmthu sawi min veng zel tur in ka dil a Jordan tan pawh ka dil sak ve bawk






Sunday nileng zankhua chuan Jordan a rawn in lan lo chu mak ka tih bak ah ka thusawi vang kha anih ka ring ta deuh rum rum,han biak dawn lahin a number takngial pawh ka nei silo







Monday alo ni leh der tawh chawlh lai hun lah hi areilo ve sia,school kal chhung a rei bawksi ka insiam mek laiin Nat in minlo call a London ami a chhungte rawn zin tur an awm vangin airport ah lo va hmuah angaih dawn vangin chawhma class a chawl tawp dawn tih minlo hrilh a,chawhnu kal ngei ngei tur a hrilh in phone chu ka dah a






Nat kal dawnloh vangin chawhma lek pawh ka ninh nghal der Sir Joseph alo luh chuan chawhnu lam ah khawpui chhung a kal kual a thlalak activity kan neih dawn thu a sawi chuan tlem in mood a ṭha deuh,school leh mimal a camera nei kan awm fur vangin in kim vekin kan kawl a chawhnu lam ah chuan kan chhuak ve ta ngei







Hman a Jordan nen kan chawlhna restaurant awmna chu kan kal thleng der,an thil siam kha atui reuh em vangin chawlh kan tum tho vangin burger lam tur chuan luh ka tum a kawngka vawnna ka dawm hma chiahin rawn hawng zawk chuan Jordan leh party zan a hmeichhia abul a awm nu kha anlo chhuak thut!!! Mak ka ti dawn nge inkawp annih hmel tho bawksi vangin awmdan ka thiamlo teh thlawt






"Hi Scarlet" ka hming a min ko mai chu mak ka tih deuh vangin a khap fek fek



"Aw Hi"



"Tania ka nia,a tak ah naupang i ang lehzual anih hi" ngeiawm zet a nui pahin atih chuan ka lo sa teh thlawt




"Nia,,mi chuan cute minti thei lutuk" nilo baksak chuan ka chhang ve hmiah anui chu atawp deuh hmak a Jordan erawh ngawi rengin a ding a





Hmuh tirh aṭang a tiang ni nghal kha chu ka mil ṭhai bik lo,party zan pawh khan min hmuh hnu ah chauh anihkha Jordan mal chung ah a ṭhut vel ni,,"awi ngaihtuah tawhlo zawk teh ang ril anti ṭam" ti sup in dawr ah chuan ka lut a




"Hi ilo kal maw?" Susan chuan hlim lutuk in minlo bia,kha Tania nen kha chuan in anglo tak anni,ani hi chu ka ngaina riau a fel si



"Enge i duh ang?"



"Burger leh cold drinks pakhat ani mai"



"Ka rawn la vat ang" tih pahin akal sawn a



Burger ka nghah laiin kan class captain John an minlo call a kan let tawh dawn thu leh keimah chauh min nghah tawh thu a sawi chuan ka kal vat tur thu sawiin phone ka ak ṭha a ka camera ken lai chu ka awrh bawk




"Kha le,,Burger leh drinks chu"



"Ka lawm e,,ka kal nghal mai ang" pawisa pek pahin ka tih chuan alo nui leh var var tawh



"Awle minlo dawr fo dawn nia aw,e chuan Jordan pawh a chhuah deuh chiah kha"nui suk a atih chuan ka lo bu nghauh




"Ka rawn tawk alawm,,bye ni hman nuam le"



"Nangpawh le"



Dawr aṭang a ka chhuah chuan kan class mi ho chuan minlo nghak awzawng lo restaurant aṭang a hla lutuk lo a ice cream dawr awm ah chuan anlo lut diak lai ka va hmu ka ngei zia mai chu hmanhmawh ve nen,chutah Jordan chu hmuh theih mai ah nghah nei niawm takin alo la awm zui min rawn hmuh tak ah chuan min rawn pan!!






Ngei hmel lutuk leh hmu peihlo hmel lutuk chuan ka lo ner nang a,kha Tania vang hrim hrim pawh khan amah pawh ka ngei zo vek hnung lam ah tawlh hrut in ka tumloh na lam ah ka kal daih mi pakhat ka sut chawrh vangin ka drinks ken lai chu ka thlauh daih burger erawh ka vuan nghet deuh nge atla lo hram ka drinks bur tih tlak chhar tum a ka kun chuan ka ban ah min vuan in min pawt tho deuh nawlh




"A vawi hnih na ani tawh ania" atih vangin amah chu ka en a kha Jairus nghal hmel zet a lek kha alo ni!!!







Ka story ho lam tak minlo chhiar sak vangin ka lawm nawn leh em2 e click leh comment kha theihghilh phal anih loh kha awin comment na a ṭha emaw chhia emaw pawh(ka thliar hrang thlip thlep chuanglo ania) hian phur na nasa tak min pe ve zel tih inlo hre dawn nia aw

[Ngaia]

Chapter-12






"Enge a vawi thum na pawh Ni ang hmiang" Jordan arawn thlen mai hlau a tal chungin ka lo ti ve




"I van thinchhe reuh e aw,,ka pen kawrh mai tur che ania" fiamthu zet a atih chuan ka lo melh hrawk





Hlauh ang ngei in Jordan arawn thleng chawp chilh nghal,engmah rawn sawilo mahse a lawm loh Zia Chu a hmel ah alang vek,a lam ka hawi vang chuan Jairus pawh chu a hawi ve vat a a la nui suk zui




"Ka unaupa leh hmeichhia maw!!" Keimah min rawn en leh daih




"Thlah rawh"




"oh,,ka chelh nghet mah mah tawh" ngeiawm zet chuan ati leh ka dar a vawn pahin alam ah min pawt hnai dawrh a taksa ah chuan ka va bei thlawp hi ani mai






An pahnih chuan ka en tawn zak zak a,Jordan a in hum ruh nasa tawh si hepa lah hi zam hmel pawh apu lo min kuah ṭui ringawt lehnghal a!! Cheng dun ta se an hahthlak dan tur hi ka sawi thiamlo zawk




"Tumah in khawih tir tawh suh ka tihkha" keimah pawh min en chuanglo in Jairus zawk chu a melh char char




"I thu a ka awm chhan tur ka hrelo,," Nichin lawk a a hmeichhe kalpui nu vang vek bawkin ka hnial ve leh




"Ohh,,,insum teh I cute em kha" fiamthu zet in Jairus chuan mi rawn ti a




"Nang pawh hi min ti buai" min kuahna thing thla nawkin lei a drinks bur tla Chu ka chhar sauh sauh a an pahnih chuan ka kalsan nghal nal nal"nangmah ni vang vek drinks ka tih buak phah" phun bul bul chungin dustbin ah ka vawm lut nawk




"Ilo kal dawnlo mi activity atan Kan chhuak ania" Nat call in ka ti a ka burger ken lai chu ka bul lawk ah ka dah



"Kal lo law law mai ang anlo thleng har lutuk a tun ah pawh ka la nghak"




"Ninawm" phone chu ka off nghal hmak,,a buai vang nge min rawn call let tawhlo!enge maw ka thinrim ve viau ringawt le!!





"Ka thlah haw ang che" aw ka hriat rual chuan ka in her vat



"A ngailo ang,,mahni in ka haw thei" Jordan kal san in ṭhiante awmna ice Cream dawr lam ah chuan ka tlan phei daih a Nat ka biak vang a ka burger ken lai ka dah pawh ka lak theihnghilh let leh ai chuan eiloh pawh thlang tawh phawt mai ang







Lut thawr thawr in class captain John chu ka va hau nghal bawrh bawrh,midang ho Chuan chutia ka an ve pawng pawng vang chuan an ice cream ei lai pawh ngaihsak lo in min en ṭhap"Eng nge?" Vin zet a ka tih phei Chuan an phu zawk l hlawm lehnghal





"Mipa khat in dawr aṭang khan ko chhuak tur che in min tia lawm" John an atih Chuan sawi zui vak ngailo in Jordan ani tih ka chiang




"Nge a thu chu ilo zawm ve kher"




"I bialpa aniang chu ka ti ve tawp" min nuih tlawn zet a atih chuan ka lo ner khum sak




"Ṭan leh tawh ang u hmiang" sir lo lut in kut beng thak thak a atih chuan inbe zawmlo in kan inzui chhuak hlawm a,Kan ṭan aṭang a kan zawh thleng in ka mood a uih vek ringawt!!Sir in camera alak khawm hnu chuan mahni IN lam ah ṭheuh kan haw darh a





"Em em a,,ti ber bur nge!?" Ka pa in alo tih chuan ka thaw hawk




"Pa a ninawm e" ka ti ve thlawt ringawt



"Eng Chu maw?"



"Ka hre chuang lo" ka tih chuan ka pa nuih a za zet Mai inchung lam ah ka tlanchhoh san daih a inthlak lo in khum ah ka let nghal tawp ka pa Teddy bear minlo hawn chu ka kuah ṭut bawk a





Zan ah lehkha zir lai lai in ka ril rawn ṭam pek a,ka riltlṭam tawh vek vek hi chuan ka luak te hi chhuak vel zel,chuvang in rilṭam over in ka awm ngailo tun a ka rilṭam ngaihtuah chuan vawiin a ka burger eiloh rilṭam te kha chu nep tak ani ka pa hnen a tlan thla in dawr kal ka duh thu ka sawi a,ani pawn alo phal ve mai





"khawi ah nge David hi?"




"Hna a ngah deuh a room ah a awm?"




"Ko la in kalpui tir rawh,ka kal thei bawk silo"




"A hla chuanglo a keimah in ka kal mai ang,,hna a ngah awm sia"




"awle hmanhmawh la aw" atih chuan bu nghauh in ka chhuak nghal nal nal





Cup Noodles leh chips ka lei hnu in ka chhuak leh nghal vat,kawng ka kal lai te chuan ka hlauh deuh vangin ka rilru in ka ṭawngṭai phei mawlh mawlh police motor rawn tlan ah chuan ka phu zawk,ka kal phei zel a kawng a midang lo awm te ṭawng ka hriat chuan ka ding chawt



" kan awmna kawt thler piah kawt thler dang ah ruang an hmu ani awm e" antih a an phun sap sap vang chuan a rang a rangin ka tlan nghal in ka thleng phei chu thawk a sak ṭalh





"i rawn haw vat a aṭha e" ka pa pawn hriat anei tawh aniang room a ka chhoh nghal tur thu hrilh in min chhan hma chuan ka chho tho a





Ka rilru a awm hmasa ber chu Jordan ani,eng emaw athlen a piang a ani ka ngaihtuah chhuak hmasa ziah pawh hi a mak lutuk tlat!! Ka thil lei ei nuau nuau pahin khum ah ka ṭhu than a ka tukverh ka hriat chhuah vangin ka kalh ṭha em tih check tur in parda ka keu nghal,parda ka keu rual a mipa pakhat lo ding reng ka hmuh chuan ka rak ṭhawt






Tukverh aṭang a rawn luh tum niawm takin tukverh chu arawn vuan tawh,mahse tukverh chu ka lo kalh ve hlauh zawk a,mahse hepa hi chuan awlsam tak a ti chhia in arawn lut thei mai dawn tih ka chiang,rang lutuk in kawngka lam ah ka tlan phei nghal kawngka ka hawn rual a David rawn luh tum nen kan insu deuh chawrh




"David ,,David pawn lam ah sawn tu emaw a awm ania" tukverh lam chu ka kawk zawk zawk a




"Tumah an awmlo" min kuah(zak zeh)pahin tukverh lam ah chuan min hruai phei leh kei ka lo ṭang ṭung




"An awm alawm rawn luh atum a,,David" ka hlauh deuh vang in a kawr ah ka ṭham ṭai bawk




"Ani thei tho i au dan ah,zanin chu ka room ah riak mai ta che ka pa chu ala dam chiang silo a" atih chuan rang lutuk in ka lo bu vat ka ei tur khum a la awm a hmuh chuan anui deuh suk





"I rilṭam ani maw!!tinge min koh loh mahni a chhuah nan chuan atlai tawh a sin" khum a eitur ho chu ava la a a room lam ah min hruai phei nghal a khum ah min mut tir in chhuat ah mut na a phah bawk a mahse hna ala ngah avangin a la mu chuanglo ka thil ei pawh atui thei meuh tawhlo David room a 10 minute dâwn ka awm tawh ang tih ah chuan eng emaw a ri deuh bur a Phawk lutuk in David lam ka hawi nghal






"Engmah anilo ang,hahdam rawh" a thil ziah lai ziak mawlh mawlh pah in ati a




Hna a ngah bawk nen tih buai ka hreh vangin engmah ka sawi zui duh ta biklo a ka ei zawhin ka mu nghal daih,kabul mai ah David a awm vang nge thlamuang deuh chuan ka muhil ve mai!!




___________________________________





"Good morning"




"Morning le" David tho tur in hma zet a min kaih thawh ve vang chuan phak lutuk in ka tho ṭuih ṭuih




"I muttui em?"



"Aw muttui lutuk"



"A ṭhat hlauh chu,ka kai tho hma che sia i mut ala chhuak em?" Atih chuan lu ka lo rthing ve bawk a ka mut chu la chhuak tak ani





"Ok,,ka lo zu chhuk ange" tih leh chhuah a rual a keipawh chu ka zi ve vak vak phawt a in hnuai lam ah chuan ka chhuk thla veleh nghal bawk





Tukin chu ka tho hma bawk nen muang fan raih in ka che a anuam dangdai phian,breakfast ei lai a nizan ka au vak chungchang kha ka pa in min zawt leh,David chuan hmuh ka nei ni a asawi in minlo chhan khalh zung zung a mahse a pawi hranlo han sawi vak dan ka hre chuanglo ka hlau ani tawp mai





"Ka kal ania bye u" an biang a fawh pah a tlan chhuak in ka ti a Nat pawhin minlo nghak leh vang tawh





Nizan chungchang ka hrilh chuan ani pawhin alo hlauh thu a sawi ve bawk,ruang kha a la tharlam tih an sawi a hriat thu a sawi phei chuan hmulo mahila ka rap mai bak ah ka luak ati chhuak tlat pek a!!





"Taxi avan vang ve vawiin chu!!" Nin hmel deuh chuan ka ti a




"Dik chiah,mahse tuk dang ai kan hma a a zia tho lawm" Atih chuan ka lo bu nghauh




"Taxi a vang ania,lo chuang ru" kan hma zawn a car dum tle nalh zet aṭang a Jairus an arawn tih chuan ka lo en deuh haw




"Enge i nghah a kal vat ang" Nat chuan phur lutuk in arawn ti sup




"I mawl ami,,nge hriat chian loh motor ah chuan kan chuan ringawt anga!!" Ka thusawi vang a mawl min tih zawk hmel lutuki in min en vang vang,Jairus pawh alo nui hawk




"Hriat chianloh tih atan chuan min chiang tawh mah mah in ka hria" arawn tih chuan ngei hmel zet in ka en a alo la khi suk zui!!




"Kal mai mai ang,Lawyer anih hi hlauh tur a awm hlawl lo" tih pahin car ah chuan min kai lut dawr dawr a, a hma a ṭhut a chuh tlat vangin kei ka lo ṭhu peih vak chuanglo bawk nen a hnung ah chuan mahni in ka chuang a,,Tlan lai te chuan Nat in a be chhen a ka lo ning pui lek lek



"Khawi lam ah nge?" Atih chuan Nat in kan school awmna lam chu a hrilh a



"London ah i kir leh dawn em?"




"Kir tawhlo mai thei,nula chhelo deuh min chelh tur an awm chuan ka kal tawhlo ang" fiamthu zet a atih chuan ka ner nang



"Lerh,,!" Ka lo tih sup chu a hria nge a nui suk Nat ṭhutna zawn a ka ṭhut vangin a awmdan engkim ka hmu vek bawk




"Chuan Jordan nen engtin nge in inhriat?" Glass aṭang a min rawn melh pahin atih chuan aw ka lo thian kharh kharh




"Engtin vak mah,,min pui a" polite deuh chuan ka chhang veleh mai bawk




"Jordan leh hmeichhia chuan puih na nen,,mak hle mai!!" a lu thle zauh a atih chuan ngaihsak lo in pawn lam ka en daih




"Tinge a?!!" Nat bawk chuan alo zawt leh pek tawh!!



"Engvak nilo e" atih chuan Nat pawhin engmah a zawt zui tawh lem lo ngawi kar in ka ṭhu a Nat leh Jairus erawh a khat tawkin an inbe leh zeuh zeuh ṭhin






Kan thlen rual chuan ka chhuk nghal thak a Nat pawn kham loh hmel zet in kawngka arawn hawng ve hnak hnak a nuih hi ati za thei ania,lawmthu kan sawi hnu chuan a tlan leh nghal a Nat in a en zui vawng vawng chu ka nghawk zeuh




"Tu zawk nge i duh tak tak pawh a hriat tawhloh" fiamthu zet a ka tih chuan a khi suk




"Jordan a awmloh lai in Jairus,,Jairus awmloh laiin Jordan,,,chutiang vel nuaih chu ka ni tawh" ban phar duai a atih chuan rapthlak ti zet in ka lo en kar





"Nangnu em em hi!!!"



"Enge duhthlan na harsa siam tu te tih a koh hial te hi ania ka duh ni" atih phei chuan a ka lo ner vak ringawt



"Over kal ang" a ban a kai deuh dawrh in school lam ah chuan kan lut a






Sir in class a lak chhung chuan ka muthlu char char tukin ah David an min kai tho hma bawk nen ka la in adjust thiam chiahlo,class a lak zawh dawn lam ah Nat chuan min kai tho a Sir chhuak tur in thla leh mai exam anih tawh thu leh ṭha tak a lehkha zir tur in min chah a,sir in sawilo se chu exam pawh ka lo hre leh tawh dawnlo anih hi!!




"Awi exam exam,ka van ning ve chiang tak em" Nat meuhin atih tak ah chuan ka nuih a za teh thlawt lutuk




"Nang ai a ning tur fe fe kan tam hi"dawhkan bawh bawk chuan ka ti leh a ka hnung ah min chum kawrh zui



"A na pawngi enge!"



"I vannei bik e,Jordan leh Jairus ten a ngaihsak bik che sia"




"Naaa,,i van sawi ho tak em min ngaihsak vang anihloh kha"



"Ani chiang em mai"



"A ho lutuk sawi tawhlo teh" ka tih chuan a ngawi ve leh mai bawk




School ban ah chuan Nat in class ah lehkhabu a theihghilh vangin la tur in atlan let a kei in ka lo nghak thung,ka bag hrui a pawh nauh nauh pahin ka hawi kual vel a kan awmna aṭang a hla deuh tak ah kha Tania kha ka va hmu thut a hma a ding hmeichhia chu a hmai ah a beng sawk leh nghal!!






Ka hawi kual vel chuan an awmna alo pil deuh bawk nen tuman an hmulo aniang,a hma a ding hmeichhia chuan engtin mah ti let lo in a awm ngai in a awm reng a Tania chet dan vang chuan ka lo so ve tawp chunu tukhum sam ah chuan ṭham sak in a kuai dak deuh awrh a




"Susan maw?!!" Mak ka ti lutuk chu ka ang phuau




Engtin nge Susan te ang mi fel lutuk te a khawih ringawt ngam ni! hmeichhe rapthlak ve tak aniang Susan sam a la ṭham reng chuan a kalpui daih a puih a ngai ni a ka hriat vangin ka umzui ve nghal khawi building kil khawr emaw ni lai lai ah chuan an kal a hmeichhe kal nan chuan a mak hranpa hrim hrim








Rei pawh ka zui hma in ka hlauh palh daih,ka kal thui bak ah ka kalna ngaihtuah lek lo in Susan ringawt ka lo ngaihtuah anihkha Susan te chu ka zawng kual ve tawp na a an reh hmak kir leh tumin ka let ve nawk nawk na a ka bo tial tial in ka hre ta mai!!





"Aw Nat,,"



"Khawi ah nge ilo kal daih a atlai tawh zia hi!!"



"Aw ih hmeichhe pakhat puih ngai ka hmu a ka zui na lam ah ka bo palh ka awmna lai hi ka hrelo" hawi kual vulh vulh in ka ti a




"Maw!!tinge ilo zui ngawt a"



"Puih a ngai sia lawm" Tania chet dan vel ka hrilh a,school a ṭang a dinglam a hawi phei ah building inkar ah ka kal thu ka hrilh chuan min rawn zawn tur thu sawiin phone a dah nghal a






Keipawh chuan theihtawp in kal na tur awm ang chu ka indap chawp ve bawk,thil ri deuh dawt dawt ka hriat chuan nuamlo ti rilru deuh chuan ka pan ve tawp,Tania khan Susan kha alo beng in engtin emaw alo ti leh ang tih ka hlau ber,hmeichhe sual deuh anih ve duh hmel sia






Thawm a reh deuh tak avangin let leh ka tum zet tawh a,mahse Tania leh Susan te kal liam tur ka va hmuh leh hlawl vangin ka umzui leh nghal a majse ahma ang bawkin ka hlauh leh tawh ka let leh tur in building pakhat hnuai garage ni awm tak si a Jordan leh midang lo awm ka hmuh chuan ka ding chawt






Jordan ber chuan a hma a tlu sawp nuaih tawh mipa pakhat chu ṭhut chilh in a kawr awm a ṭham in a pawt kang deuh rual chuan a hnek nghal sawk sawk mai!!! A hnek zawng te chuan ka lo che lawih lawih thei a khawih pa lah chu a thi nasat bak ah a zawi hnuang tawh bawk a ring pawh a khawng ṭha thei tawhlo ni ber in ka hria







Zah ngaihna neilo lutuk a a khawih lai chu ka chawmawlh vek vangin ding reng chuan ka en a,a hlauhawm takzet ani engtin nge a bul ah te khan ka lo awm ngam zawk,ramsa ni zawk hial in ka hria a chet dan rapthlak zia chu!! Chawl miahlo in vawi 10 ai a tam mah ahnek ang!!ka phone ala rawn ri zui ka phu bawk nen hmet tawp mai lo chuan a rik chhuah hlau si in ka hum vak ringawt








Hlauh ang ngei in an rawn hawi nghal ṭhup a hmanhmawh lutuk a inher in ka tlan nghal nal nal,kawng en fiah hi he pawh ka ngaihtuah hman tawhlo khapa ang mai a min khawih ve loh nan a tlan san vat kha ka ngaihtuah leh duh ber ani rih,Jordan aw hnai tak a ka hriat leh vang phei chuan ka pian a hnu lam a ka tlan chak ber ni tur ang in chak lutuk chuan ka tlan leh sauh







Ka la in pal tlu zui,ka khup leh kut phah thip lutuk vang chuan ka mittui atling piau tawh,ka kut ka chhem lai takin min tung tho nawlh tunge anih sawi angailo,ka tal nghal vak vak a ani pawn nghet zet in ka dar tawn tawn ah avuan ve bawk




"Min thlah rawh,,engtinmah minti suh"



"Engvangin nge helai hmun ah hian ilo kal" chang fak mai a tih chuan ka lo men nasa tawh mai mahse ṭah mai ka tum biklo




"Min tina suh khawngaih in engmah ka sawi chhuak lo ang" tal ve at at in ka ti a




"Duhtawk rawh Scarlet" vin zet in min thing nawk pah a atih chuan ka ngawi nghal hmak




"Mi sual rapthlak lutuk i nihkha,ka hlau che" amah en pah a ka tih chuan ka thusawi vang a rilru nat hmel zet in a hmel chu a dur nghal khup





A hmai pilh pheng phung leh hliam thar lam zet zet te ka hmuh tak ah chuan nizan ruang an chhar ah te khan in hnamhnawih na aneih ka ring ta rum rum!




"Min hlau tur ini reng ani" khi suk atoh pahin rum lutuk chuan min en zui




"Police hnen ah engkim ka sawi ang" phone ka tlukna lam a ka thlauh kan dinn a bul mai a awm chu ka chhar nghal a





Ka thil tih hi a atthlak mai bak ah engtin pawh a min ti thei tu ka hma ah a ding reng a tiang a ka ti ngam pawh hi mak tak ani!!ka phone ken na lam chu bang a nem bet chawrh in ka nghawng ah min rek nghal ka hlau lutuk chu ka thi tawh ngei dawn ni in ka inhre hman tawh




"Police i call ang maw" mit sen ram mai a atih phei chuan ramsa chiah chiah ani!!!




"min,,min thlah rawh" min reh na ban zawk chu ka kut hman theih lam chuan ka beng ve ṭawk ṭawk,min rek na lo mahse ka hlauh lutuk na hian minti na vek tawh




Ka hlauhna te chuan ka taksa anti chau ani ber,mittui tling vang hrim hrim pawn Ka khaw hmuh a fiahlo ṭan tawh,ka khup te chu a zawi vek hi ani mai,Jordan hian min thlah se chu ka tlu tawp thei tawh ang,chutiang vel a zawi tawh chu ka ni





______________________________________




* SAM POV *





Ka va thlen phei chuan Jordan chet dan ka hmuh rual chuan chak lutuk in ka tlan phei nghal,a ban ah ka va vuan chawt ani erawh in ka vuan tih pawh hrelo ang hmiah in Scarlet thi dang lek lek tawh chu amelh ngar ngar thung




"Jordan thlah rawh,a thi thei mai ang en ta che!!" a che sawn eih loh"Scarlet anih hi Jordan" vin ve tawk tak chuan ka ti a





Jordan lak ah hian ṭawngkam vin hi kan hmang ngailo tluk ani,a lak a ṭawngkam vin hman chuan kan ti thinrim in a luhlul zual sauh ṭhin,,mahse tun ah tak hi chuan loh theihloh ani tlat,Scalet hming ka sawi tak ah chuan a thlah nghal vat Scarlet chu lei ah atlu thla nghal tawp a rang lutuk in ka pan nghal





"Jordan kan ṭanpui angai ania" a lam ka han hawi chhoh chuan hreawm tih hmel lutukin a lo ding ngawi reng! Hetiang hmel a put pawh hi ka la hrelo




"Jordan" ka biak na min chhan loh vang chuan ka ti leh ngat min chhang chuang lo in a chet khaihlak tih hriat zet chuan a kal sasn ta daih a





Chutia Jordan ber a kal tak si ah chuan kalsan ve mai ka tum zet na a mahse a hlauhna vang a a hmai dang vek te leh helai hmun himlo lutuk a nikhaw hrelo a kalsan ringawt chu thil ṭha ber anilo a ka hriat vangin ka pawm nawlh a an school pan na lam building inkar ah chuan ka phei pui a








Building kar aṭang a kan chhuak ṭep tih in a ṭhiannu chu arawn lang hlawl,a zawng pawh ani mahna hah hmel zet in athaw hlawp hlawp a thil awmzia min zawh chuan chhang lo a min zui tur in ka ti ringawt hrilh vakin awmzia a awm dawn chuanglo ka chhuak ta tih in taxi pakhat chu ka phar tir a aṭhut luh rualin Scarlet pawh chu ka dah lut ve nghal a




"Hospital ah kalpui a ngailo ang haw ula doctor in ko zawk dawn nia" ka tih chuan a bu nghauh a a hmel ah erawh zawhna tam tak nei a min zawh hreh si hmel a pu






Driver chu tlan chhuak tur a htilh in an liam thleng chuan ka en a,Smith an ka thil tih hi a hriat chuan a pawi thei tih ka hriat lawk sa vek vangin min hmu ru tu an awm em tih ka en kual hnu chuan kan chhuahna lam ah bawk chuan ka lut phei leh a Alan rawn lang hlawl chu Jordan awmna ka zawh chuan penthouse a ahaw thu alo sawi a kan inzui chhuak ve nghal




"Alan,,khapa kha engtin nge intih tak?" Scarlet rawn hmuh tak Jordan khawih lai kha




"Jordan rawn let khan that tur in thu min pe a"





Khapa kha Gang pawl dang Jordan zawng tu te ami ania,,Nizan lam ah Scarlet te in ah alo va kal ani awm e Jordan nen an hmuh dun fo vang a va pan pawh ani tih ka chiang,Jordan in a hriat rual in a zawng nghal a a hmuh vel ah a sawisa ta mai anihkha,thah kha aṭul tawh hrim hrim an hotu lam a information a thlen hman chuan engkim a buai vek thei tlat




Penthouse kan thlen rual a ri deuh bur bur kan hriat chuan a rang a rang in ka tlan lut nghal Alan pawhin ka hnung ah minlo um ve bawk kan luh chuan alo hnawk nasa mai Jordan thinrim zet in a kut hum ruh ṭun chuan alo ding ngawi reng a




"I ṭha em?" Zawi sup chuan ka ti a min chhang chuanglo"Cesar ka ko dawn mi?" Ka ti leh a





"Min chhuah san rawh u" bul hmuk a atih chuan Alan chu ka signal zeuh a




"Kan lo ti fel ange" Alan chuan tim deuh reuh a atih chuan engmah sawi zui lo in inchung lam ah a chho nghal daih




Hmun hnawk nuaih kan dah fel hnu chuan in tur la tur in ka kal a,kitchen table a ei tur siam sa hlui tawh hmel tak lo awm ka hmuh chuan ka phu zawk mak ka ti lutuk chuan Alan ka ko phei nghal vat a,ani pawhin mak ti lutk in a en haw mai Cesar phei chuan hmu se mak ati lehzual ang







A chhan pawh in ah ei in atih ngailoh vang ani,mahse vawikhat kha chu ti lui in Cesar te nen a in ah kan ei khawm ve ngei a mahse ani chuan vawikhat bak a tem lo chupawh kan tih luih vangin sa pawh kan dah bang nual bawk anihkha,Scarlet a kal anih ka ring ta rum rum






Vawiin a Jordan awmdan leh Scarlet nen an chungchang ka ngaihtuah chuan Jordan hi a pil ,an a hriat na ka nei,,mahse chu chu thil theihloh anih zia chu kei ai pawh a hre chiang zawk tu ani,inchung lam ah chuan ka chho ve leh




"Taxi ah ka thawn haw lai pawh khan a la harh lo" room ka luh rual a khum a lo mu duai ka hmuh chuan ka ti a arawn ṭhu chhuak vut





"Sam kan ngaihsak lutuk tur anilo tih ka hrilh tawh che kha" a aw ki pangngai tak vang chuan a thinrim a ziawm tih ka hre thei mai




"A lo kal tiraw?" Ka tih tak ah chuan a thaw hawk



"Smith tih nat ai chuan khatia ka tih mai kha angai,,ka in control thei tawhlo a na tih ka hmuh khan hreawm ka ti mahse ana hmel bawkin che theilo in min siam anihkha" kun lap chuan ati a




"Smith a awm ve a maw?!!" Mak ti deuh a ka zawh chuan a bu nghauh





Hei vang hi anih dawn hi Scarlet chung ah khatiang a lo tih ni!! A chhan chu khatiang a ti anihloh chuan Smith in chet a la hmasa dawn tih a hriat sa vek sia




"I duh ṭan tih ihria em?"



"Hah,,Sam ka thil sawi vang khan ka duh tihna anilo,pawi sawilo anih vang zawk chauh ani,,dan chu kan hria" ding hluai chuan ati a



Ka thusawi min pawmpui lo tak a tih chuan chik fe in ka en a,ani erawh in min hnung chhawn daih a awmmdan ka chok ṭhin na ah te chuan a duh ṭan tih hi ka chiang ani,Hmagaihna leh induh na lam ah chuan ka fail thlawt bak ah hnawk sak leh min ti chaklo tu mai ani tih ka hria mahse Jordan hian a duh tih ka ring ve tawp mai!!




"Ni e,,dan chu kei ni ai in i hre chiang zawk alawm,mahse"




"A tawk Sam,,pawi sawilo ti a in sawi fo na pawh hi ka theihnghilh palh mai ang,a chanchin sawi tawh suh"








A tawi leh pek in ka ring mahse kei chuan sei ka ti ve reng chuan spelling mistake ah khan min lo hrethiam leh mai ang tiraw u type hmanhmawh hi chuan lo dik chiahlo leh thin a,,chuan2 CLICK & COMMENT kha aw