Engtia rei nge ka din pawh ka hre lo!!! Midang an lo chhuak sup sup tawh sia ka mi nghah ber lah a rawn lang thei bawk si lo!!!! A hmasa a hruai tur a ka kal khan ka hlawhchham a tun tum chu ka rual lo chuan a haw dawn lo a ni tawp!!! Ni a sa bawk nen ban hun chu a ni daih tawh sia!!! Nge a ni hi a haw tawh zawk??? Ka class bang inah haw tlang lo in an college lamah lam kawi tum in ka tlang nghal kha a nia!!!
Gate bul a hmeichhe nui hak hak ri ka hriat chuan ka hawi phei vut a, a ngaite bawk in a thianpa nen khan an rawn chhuak rual leh bawk!!! Class in ang lo ve si tinge an rawn haw rual ziah le??? Nautei hian a ngaina tih ka hria tlaiah te hian rawn lut mai lo hian thil eng eng emaw sawi in an nui a, a chang leh ti tau tih hriat deuh hian a tum leh bar a!!! Kha tiang khan ka bulah chuan a awm ve ngai lo, kan in biak deuh hi chuan a ter nghal at zel a in hnial in ring ran hian mi hi a melh ram ram zel leh nghal. Mahse chu tin chung pawh chuan a bul a awm nuam ka ti tho ka tih nui thei ve lo a nih pawn ka in hnialpui thei tal a lawm!!! Chuan Nunpuia a ti a mi!!! a melh dan saw kei hian ka hrethiam a mahse Nautei chuan a hrethiam ve lo a nih hmel!!!!
Tlai tin a rawn thlah haw a mahse thian angin an la in kawm a nih hmel, a duh thu a sawi vaih chuan ka ngawi mai mai hauh lo ang. Tun atang chuan a lak a ka rilru put hmang hi ka ti lang tawh dawn!! A hma kha chuan sumdawnna a kan buai deuh avang leh Nikita i avang in ka hnaih thei lo a, ka thil tih tur ah ka rilru ka pek a vangin Nautei hnaih thei ka nih loh zia ka in hrilh nawn tluk tluk thin kha a nia. Nikii pawh kan in a rawn lang tam lo tur in ka kam khat nge nge a nih kha, ka nun hi ti tak hian hmeichhe 1 hian a control ka ring lo a nia.. Hmeichhe mak tak a ni!!!
Ka pa nen kan thawk rim em em a, a nin rampawn lam a bungrua vel en felin a zin chhuak reng a kei in class kal phah in helam a mi ka lo buaipui thung. MA ka kal chhuah ve hian kan chhungkaw sumdawnna hi luh chilh nghal ka tum bawk a ka bei ngawr ve viau bawk!!! Ka tui na lam tak a lo ni bawk nen Nikitai te sum kan puk pawh ka pa nen kan theihtawp in kan bei a sum kan neih chuan bungrua kan thawnchhuak thei a, bungrua ber a chhuah chuan a rawn let leh chu kan tan chuan a lungngaih thlak thin lo bawk!!! Chuvang reng chuan Nikii te sum pawh kha loan ang ni lo in private in tlem a pung tam deuh in kan hman sak kha a nia, an ni nen in kawp i la chuan kan sumdawnna pawn hma a sawn nasat dan tur chu mi mawl ber lo tan chuan a hriat vek mahse ka pa in partner nei a duh miau loh avang in keimah ni bil in kan kal a, ' nakin zel a buaina a awm loh na keimahni a kan kal theih tawk tawk chhung chu partner neih a tul ber lo, kan chhungkaw tan vek a nia a ' a ti thin lein pawn ka pawm pui viau bawk, tunah rih phei chuan kan thang duang leh viau tawh a ka pa in a tha leh that lai zawng zawng a lo hman na leh sen ral na hi kei pawn theih tawp chhuah a enkawl chhun zawm ka tum bawk!!!
Mit tla lek lo a min lo meltu te lam chu ka pan phei a, min hmu thut chu a ham haih nge thlarau hmu ang maiin a meng bial kawk a nih chu!!! Chuan saw a bul a dingpa in a dar a a kuahna sawh phih nawk lo tur in ka in control fe chu a ngai ang!!! An hma ah chuan ka ding run a mit khap lek lo a min melh kiau tu chu en in mithmul kan san khum ak a, a ngaihtuahna ram a ta rawn harh chhuak a khawvela rawn kir leh ang chiah hian a lu chu a thing nar nar a, zawhna mit meng hian min melh ta kiau a.
" In bang tawh em? " ka ti tawng, han zawh mawi dan vak ka hre hek lo... Tawng lo chuan a lu a bu nghat a, a hmelah mak a tihna a la cham bang reng bawk!!!
" A nih chuan i haw thei tawh tihna?? " a bu leh nghat, hahthlak hian min hmuh hma zawng kha chuan hlim lutuk in a nui a tunah ve chuan ramhuai hmu ang mai in a meng phawk hra ang lawi a!!!! Henu te hi chu ka pen lawlh dawn a mo ni... A hrawk chu a rawn thian kherh kjerh a, a chet dan lawmawm lutuk vang chuan ka nui suk bawk...
" Eng...... enge i lo tih dawn?? “ a bula ding chu melh zeuh pah chuan a rawn ti a nih chu!!!!
He nu te hian mipa dang a lo melh sala a nih vaih chuan a chak lo teh ang chu!!! Tunah te khan a mit mei khan a rawn vel a maw ni!!!
" Rawn hruai tur che in ka lo kal.... Chuan i hman chuan kan kal thei tih na!!! " ka melh run a, a hmel a buai nak mai hepa thlah hi han thlang zawk teh se , an college naupang ho zawng zawng hmaah hian ka pawm phei tho tho ang!!!! ka rilru chuan ka ti a.
" Ihhhh..... Englo Nunpuia nen hian tih...... " a kut tin khal niap niap chung chuan a rawn tawng a, mahse ka hmel a rawn en chu a sawi zawm lo chiang a sin!!!
" U Rintluang somsomi nen hian bazarah kal lawk kan lo tum a, i phal chuan ka rawn thlah haw leh thlap ang" a bula mipa chuan min en pah chuan a rawn ti a, chuan Nautei dar a hmerna pawh a ti nghet salh tih ka hmu hman hram bawk!!!! Ka kut chu ka hum ruh a inthunun tum chuan ka thaw hawk a. Awmzia chu a awm lo chiang a sin.
" Niaa.... Nunpuia rualin ka lo haw mai ang thil lei pui ka ngai a, nutei pawh ka lo haw tlai tur thu hrilh in ka rawn phone tawh kha, a hrih lo che mi??? " Hrep tak chuan, min pehhel dan ngawt a zawn leh tawh hi!!! Mahse vawin chu ka rualin a haw dawn a ni tawp mai... Chuan a ni haw tlai tur thu min hrilh tur pawn inah ka la let bik lo!!!
" Vawin loah kal mai ru!?! " Ka ti deuh hmuk a, a lawm loh hmel ngang mai min melh rum ta lutuk bawk!!
" Vawin a kal ngei ngei kan ngai a lom!! " ve tang tang chuan a rawn ti leh hram a. A thianpa pawh chuan nuam a ti lo a niang a kut ka melh ngur chu a la thla ruai ruai a, thawven khat chuan ka thawveng hawk bawk!!!! A kut a kuahna khan min ti tang tung a hnek thuai lo turin ka in sum hram hram bawk kha a nia!!!
" Ka nu a in hliam a, chuvang a nia ka rawn hruai che" ka melh run a, a hmelah chuan hlauhthawna leh thlaphanna a rawn lang nghal.
" Nu te i chu engtin nge a in hliam a?? Nichin ka phone pawn a la tha vek sia, Nunpui pawi ka ti mahse ka haw a ngaihhmel a min hrethiam mai la?? " Ngenna mit meng chuan a bul a mi chu a melh cho ha a, ka run tawk a lo thing leh em em, engvang teh hrep nge sawpa pawh chu a ngaih pawimawh em em ni!!!
" In thiam lo duh suh pitarte kei mah in ka kal mai ang tih tur pawimawh i neih chuan!! Mahse party ah chuan i rawn kal a ngai dawn a nia, chu lo chu ka lawm lo viau ang" tih pah chuan a biangah a piai sak zeuh a, Nautei pawh a thaw huai mai a lawm. Mahse he mi te 2 inkarah thil awm a awm a nih vaih chuan kei bak a hlauhawm hi an awm kher lo ang tih ka sawi ngam sak!!!
"Tihpalh lutuk aw.... Ka in thlahrung tak zet" tih pah chuan a melh kiau a,
" A pawi lo ...... nih ka kal ang aw, party chu ngei ngei " tih pah chuan a in khalh chhuak chu a en vang vang. Awm lo ang hmakah min ngai chu ka lawm teh vak lo nangin midang an awm ve thup a chutah min la en ang he haw hlawm bawk si chu ka in thunun hram hram a ni ber e!!! Muangchang chuan ka lam a rawn hawi a ka lo en reng chu hmu in a ner nang bawk!!!
" Nutei chu engtin maw a nat? "
" Chokaah a chetnaah a niang!! Kan kal thei tawh em??? "
" Van mak thei tak fimkhur tur in ka ti ve ziah a sin lee" Ti nui nui chung chuan ka bike dahna lam ah kan in zui phei a. A mah in a phun mal malh a an college hmeichhe ho lah chuan kan 2 chuan min en duh hlawm bawk si!!! Ka hriat loh kal hmiah hmiah a, a ni pawh enga mah ngai lo hian min zui ve det det a.
Ka nui suk ringawt tun atang chuan ka rilru zawng zawng ka pe tawh dawn!!! He hmeichhia hi ka ta a nih theih nan eng thil pawh tih ngai se ka taah ka siam dawn a ni tawp mai!!!! Ni lo, ka ta a ni sa reng a chuan ka thil neih chu ka hauh tlat tawh dawn zawk. Tuman min dang thei lo bawk ang, Nikitai emaw Nunpuia a tih pa pawh khan!!! Chuan a ni te reuh hian eng rilru pawh pu se ka rilru ka thlak dawn lo bur bawk!! Ka vawn tawh chu ka thlah mai mai ngai lo. Chutih rual in nawr buan buan chu ka tum lem lo mahse keimah chiah min ngaihtuah hluah hluah tur in ka siam ang ka rilru a luahkhah ang chiah hian!!!
Bike ah chuan kan in phur a, min sik hlau ang hrim hian a thu a nih chu!!! Mahse tiang chuan a thu rei lo tawp ang, ka nui suk a chak mang kheng chuan kan phit chhuak a!!! Min rawn kuah chawt mai a lawm!!!
_________________________________________
“ I tlan muang deuh thei lo a mi?? " a kawng a nghet lutuk a kuah pah chuan ka au hi a ni mai, mahse a ai a chakin tlan rawh ti ang maiin a speed a san sauh a nih chu!!! Nghet mang kheng chuan ka kuah a a hnungah ka bei thlawp bawk, a nui nghawr dat chu ka hre thei!!! Min tih hlauh hi a thum ve hrim hrim.
" Kan thleng, Naute i muhil a mi?? " ka hlau lutuk chu mit chhing in a hnungzang hlai pharh dupah chuan ka bei reng a. Mit ka meng chu kan in kawtah kan awm tih ka hriat Chuan ka kuahna chu phelh nghal in bike atang chuan rang lutuk in ka chhuk a ,rum lutuk a melh pah chuan lei ka chhuah khum vak a, a la nui ang sawng a!!! Ka haw lutuk hi ka beng hawi sawk dawn a maw ni...
" Nuteeeee " In her in ring mang kheng in ka au a inchhungah ka tlan lut nghal a!!!! Tuman min chhang lo, nutei chu a na viau a nih ka ring!! Ka hlauthawng lutuk chu ka thin te chu a phu dup dup a. Nutei lah ka hmu mai bawk si lo in chhungah chuan ka tlan kual vak a...... Mahse a awm lo.....nutei a awm miah lo!!! A in hliamna lutuk hi damdawiin ah an hruai a nih te ka ring a??? Mahse damdawiinah awm se chuan Rintluangan inah min hruai awm si lo a!!! Ka rilru chu a rawn buai nuai a ka mittui a rawn tling leh pam tawh!!! Sitting room chhuat laiah chuan ka ding ran a, ka bag pawh ka la ak teu bawk. Tumah an awm bawk si lo!!! Kawngkhar ri khep ah chuan rang mangkheng in ka hawi phei a....
" Nuteee....... " mahse Rintluanga zawk a lo nia!!!! Ka hlauthawng tawh lutuk chu ka mittui a rawn luang chhuak a. Rintluanga pawn min en reng!!!
" Nu.... Nutei a awm lo..... Khawiah mah ka hmu zo lo a nia... A na viau a niang a damdawiin ah min lo hruai chhung khan an phur daih a niang" tap teu chung chuan ka ti a. Ka lamah a rawn kal hnai a ka lo en tawp mittui kar atang chuan!!! Ka hmai zawnah a rawn kun hniam ruai ruai a. Ka bianga ka mittui chu a kut lum thar thar chuan a rawn hru a....
" Khawiah mah i hmu lo maw??? " Ka mitah tak chuan min en a, kei pawn mittui kar atang chuan melh let in ka bu zauh a!!!!
" Room zawng zawng i en tih i chiang maw?? " a ding mar a a kut chu a kekawr ipah a zen lut than bawk!!!
" Ka en vek kawiah mah a awm lo!! Damdawiinah kan kal ve mai dawn a mi?? " Ka melh chho haw a. Nuihza in sum deuh hian min en a. Tunah enge nuihna tur a awm pawh ka hre si lo chuan min chhan hun nghak chuan ka ding ran a.
" I chiang maww???? Choka te ?? " tih pah chuan a nui suk a. Hman hmawh lutuk chuan choka lamah chuan ka tlan phei leh a, nutei chu dawhkan bulah a lo ding reng a nih chuu!!!! Mak ka ti lutuk chu ang phuau in ka en a, nichin khan ka en vek si , room te choka te leh living room zawng zawng leh coridor te pawh mahse ka hmu si lo, tunah chokaah a lo awm leh sia!!!!nichin khan ka phili lutuk khan ka lo hmuh hmaih a niang ti dawn I la ka mi zawn ber hmuh hmaih chu thilh thu awihawm loh a ni bawk si!!!
" I lo bang tawh a??? Ka lo haw tlai deuh dawn kha i ti sia, bazarah chuan in kal leh lo a mi?? " nutei chuan min rawh en pah chuan a rawn ti a, ka harchhuak zawk hmanhmawh lutuk in ka tlan a ka va kuah chawt a, mak min tih hmel em em leh nghal a.
" Nute i dam tawh a mi??? Khawi lai nge i tih nat a!!! I tlu palh nge entin nge? " a rawn nui ta mai!! Kuah reng chung chuan ka en a a dam hmel viau sia Rintluanga ka va en leh choka kawngkhar chu ngheng in kut kuang kuah hian a lo nui suk a nih chu!!! Hmela sawn min tih der chiang lutuk....
Thawk leh khat a ka hlauhthawnna te kha thinrimna in a rawn thlak a, nutei pawh ka zah zo tawh lo ka va pan rawk rawk a, a ban bulah chuan ka va beng ta tawk a!!! Na lah chu a tih hmel loh em em a, chu chuan ka thin a ti rim zual sauh tap deuh ti tih chuan ka bag chuan ka hlap tel leh a, a nui chhuak ta hawk hawk a.... Hepa hian dawt min lo hrilh reng a ka thin a rim hluah hluah bawk!!!
" Duh tawk rawhhh!!! Nautee..... A tawk aw " Ka kut chu a man bet a. Kei ka thinrim a la reh bawk si lo chu ka tal nawk nawk a, min vuan bet tlat bawk si ka che thei tawh lo chu ka tap hawk a ka bag chu chhuatah ka thlah dawp bawk!!!!
"I sual lutuk..... Ti nge he tia min tih zia a??? " ka in sum thei lo chuan tap tiau chuan ka ti sep a.... Ka aw pawh a ring thei tawh lo hlau thawng em em in min siam a, a ni a lo nui mai mai a, ka haw tak zet!!!! Ka kut chu ka thing thla hnawk a...
" Enge thil awm zia?? " Nutei chuan a rawn ti a, a ni pawh ka awm dan khan a thawng tih ka hre mai!!! Mahse in sawi fiah tur in thha ka nei lo ka ni nghulh mai chubakah ka tawng chhuak a nih chuan ka in sum zo loin ka tap vak dawn chiang.!!! Muangchang chuan ka room lam pam chuan ka cho a, infiamah pawh he tiang em em chu!!! Natna lam kher kher hi chu a in tihder na chi lo teh reng nen, min bum a dawt min hrilh tur mai mai in kan college thleng thleng a rawn kal a!!! Nutei zawng a ka tlan kual lai leh ka mittui a tlak lai te khan min lo nuih in en nawm ang maiin min lo en dawn tih ka hriat chuan ka thin chhung hi a na ngut ngut bawk!!!
Nutei leh Rintluanga in be ri chu ka hre ruai a mahse ka a vek ka ngaihtuahna chu a ni chhulh a nutei hi ka nu ang tak tak in ka en ve a vang hian ka hmangaih in a nat ka hau ve em em a, chu chu kan misualpa khan rem changah a la a, min nuih sawh nan a la hmang zui bawk, a sual tak zet!!!! Ka room lam pan a ka kal chu ka hnungah pen ri ka hria ka hawi let lo, in hnial tur in tunah tal hi chuan tha ka nei lo a ni mah zawk!!! Mahse min lo zui zel a, ka ding dat a ka hawi let chuang lo...
" Enge i la duh cheu a " ka ti sep, ka mittui ziah pawh hi ka ning lutuk...
" Hei... I bag i theih nghilh a " Hahh2 ka ngaihtuahna buai leh min tih dan ka tlawm lutuk khan ka bag pawh ken chhoh na chang ka lo hre lo a ni hi... Zawi muang chuan ka in her a, min lo en reng mahse en pawh ka en peih nek lo e. Ka bag a kut a a khai chu ka pawhthlak sak hlak a in her leh nghal in ka room lam chu ka pan leh nghal a, a thaw hawk ri pawh ka hria mahse tunah chuan a hmel pawh ka hmuh peih lo, ka in sum theihna zawng zawng a rawn puak dar mai dawn!!!! Keimah chauh a awm ka mamawh ber!!!! Ka room kawngka ka vuan chiah chu ka banah a nghet lutuk hian mi rawn man a, ka in hum ruh nghek bawk!!!
" Engthil phiangsen nge i la duh a???? Tunah ka awmdan i hmuh hi i lawm tawk tawh ve em em lo a mi, engtiang fako a nuih za bur in nge min siam i la duh a!!!!! " Ka au tawn tawn hi a ni mai ka hmaite chu a rawn sa vek a ka kut leh lam chuan ka room kawngkhar vawnna chu ka hmer ngawt ngawt bawk. Min melh ngur chunga ka ban rek a vuan tu chu mittui nen chuan ka melh ngar a. Ka tap pawh a ni lo a mah in a rawn chhuak zawk mai mai a ni!!!
" Min thlah teh, ka lut duh a nia " ka ti leh sep a. Ka din na hi an in a nih vang chauh in ka in thiar fihlim ang!!!! Ka in her a....
" Naute... " ka kut hmer nghet chung chuan a ti sup a!!
" Kha ti pawh khan min ko tawh suh!!! Ka hua che..... I hria em ka haw lutuk chee" Min thlah duh bawk si lo thinrim bawk si chu ka tah pawh a chhuak tawh lo chhuatah chuan ka per tan tan hi a ni mai!!! Ka bag hian ka hlap leh hrep zawk dawn a maw ni...
Min ko khat viau nan min koh ve chhun hian Naute hi min tia, he tia min koh hian engtin emaw tak ka thinphu a ti danglam thin bawk!!!! Ka mumang a ka lalfapa a hmel ka hmuh theih si lo hi ni mai in ka hre thin!!!! A mizia hi ngeng in luhlul thin viau mahse patea a zah dan leh nutei a en danah hian a chhungril chu a chhelo ka ti thin a mahse ngati nge ka lakah hian a sual thiam theih bik em em??
" Ka sawi tur hi ngaithla la, in be phawt ang " a la ti hram a nih chu!!! Rapthlak zawk hian in, nutei in tih nat chungchang kha chu thu hran ni se ka chungah ti em em a a sual bik leh naupang ang mai a min chhaih kual reng hi ka hne tawh tak zet zet bawk!!!
" Sawi tur maww!!! Enge ngaihthlak tur la awm cheu a??? " ka thinrim chu ka aw te hi a khur vek in ka hria. Khabe pauh va a dak chung in a mitah tak chuan ka melh hrep a, a ni pawn min bih chhuk run tawng a tum leh bawk si lo ka haw lutuk hi a ni tawp mai...
" Sawi tur i hre leh na nge??? Nge ni a min tih nat hrim hrim i tum tih sawi i tum zawk?? " Ngeiawm lutuk in ka nui chhuak hak a mahse ka nuih chu za lo tak a ni!!!!
" Lut phawt la i rilru fim hun ah kan sawi tha dawn a nia, tunah chuan eng pawh sawi i la i thin a rim zual mai mai ang!! “ thaw chhuak hawk pah chuan a rawn ti a, ka kut a vawn chu a en zawk a a thlah riai riai a in her in a kal zui daih a ni chu!!! A tukhumah sawn ka bag hian ka va chhu leh hram dawn a maw ni zawk!!! Chuan rilru fim lo te chu min la ti zawk za mah leh nghal a khang lang chuan...
" Tun a ni emaw nakinah pawh ka be duh lo che, nang biak che ai chuan kan khaw lama haw nal nal pawh ka duh zawk " a hnung lam atang chuan ka au a, a ding det a in her si lo in a lu chu a rawn thle zeuh a ka ngei tawk a va tling leh mai mai tak!!!
" Ohhh.... Min biak duh loh pawn keiin ka be duh che a !! chuan ka ti dawn bawk i duh emaw duh lo emaw phuar beh che ngai dawn mahse fit 5 boruak pawh hip pha lo chu ka tan man beh che a har loh dan tur chu i hriat mai ka ring??? " a ti deuh duah a, a nui suk a thimrim tawngka vin in min ti bawk si lo chu chhan mai dan tur ka hre bawk si lo ka melh ngawt ngawt a min van be awm lo tak!!!! Ka roomah ka in kalh hnan tlat a ni mai...
Nutei pawh nichin khan step ah khan ka hmu a mahse kan in hau buai nasa lutuk kha min rawn pawh duh loin a chhuk leh tih pawh ka hria!!! Mahse tunah tak chuan nutei pawh ka be duh lo tak zet kei mah a awm ka mamawh zawk!!! Ka thlavang hauh thin mahse a tan a fapa hauh reng a hreawm tih ka hria a kei mah vang a an nufa in hauh hi ka duh lo.
__________________________________________
Zan riah kan ei chuan Nautei chu a ei ve peih lo tih kan nula in a sawi a, a room lam a a kal hnu khan ka nu in min hau a thil awmzia ka sawi phei chuan ngaihdam dil ngei ngei tur in min a, kei pawh ka in chhir tak zet khati zawng kher a haw pui tur ka ni lo tih ka hria kha pa a zui duh thu a sawi khan ka sawi chhuak ve tawp a nih kha!!!!
" Naute in bia ang lo chhuak teh, a nih loh pawn ka lo lut ang“ a room kawngka zawnah chuan ka ding run a.
" Kal bo rawh, ka be peih lo che " a rawn ti fak a kan zaidam lo dun ve sia hahthlak tak a ni... Mahse zan in hian ka biak hma chu mut ka tum lo bur a ni mai!!! Chahbi spare chuan a room chu ka hawng a, khum chungah chuan a lo thu teuh a min melh phawk hra mai ka luh theih a ring lo a nih hmel.
" Engtin nge i lo luh thei ka kalh reng sia“ mal ti lutuk chuan a rawn ti a kei ka nui suk thung...
" In bia ang ka tih kha chuan ka sawi tur hi i duh emaw duh lo emaw i ngaithla dawn bawk" melh run chung chuan ka ti sup a min melh rum nasa mai.
" Chhuak rawh ka be duh lo che ka tih kha!!! " Khum atang chuan a rawn chhuk a kawngka ah chuan min nam chhuah tum in mi rawn nem ve dat dat reuh a, a ban rekah chuan ka man chat a a rawn meng phawk leh dawr tawh!!
" Engthil nge i tih dawnnn??? " Ka nui suk a....Ka kut leh lam chuan kawngka chu ka nem khar deu dawp a, a la phu zawk zui.... Kawngkharah chuan ka nem bet nghal a, a tal nasa viau nan ka man bet hneh ve chiang ee!!!
" Min thlah rawh nutei te ka ko dawn a nia aw" Min rawn melh chho rawm pah chuan a rawn ti a mahse thlah ka tum bur chuan zanin hian ka thu sawi a ngaihthlak hma chu he room hi ka chhuah san dawn lo bur!!!
" Au la i duh tawk in, mahse ka thu sawi i ngaithla emaw i chhuak thei ka tih hma lo chu he room ah hian kan pahnih in ka in khung zankhua thak ang" a hmai bul chet a kun hniam pah chuan ka ti sup a!!!! A meng bial nasa mai a mit a sen ram a a hnar a tai tek bawk, a tah zawh chiah pawh hian a hmel chu a tha tho a nih hi!!!!
" Engvang in nge min huat em em a??? Maww... Engvang nge ka chungah hian i nun rawn bik em em??? I nun ti chhe tuah pawh min ngai mah la min en liam ve mai mai thei lo a mi??? “ ngen ngawl lutuk chuan a rawn ti sep a, a kut ka hum beh chu ka thlah dul riai riai a. Tlem in ka tawlh hnung deuh bawk!!!!
" Kha pa kha hnaih tawh suh!! " melh ngur chung chuan ka ti a, a rawn nui hak a mahse a rilru natna te chu a rawn lang chhuak zawk in ka hria!!!
" Ti nge?? Huhhh... Engvang in nge ka hlat ang?? A ni chuan nang ang lo tak in min ngaihsak a sin!!! I hria em a ni chuan ka rilru nat a hlau in ka tah hlek chuan min thlem dan a ngaihtuah a, ka vantirhkoh chu kal san tur in min ti a maw!!! " a nui leh hak a ka kut chu ka hum ruh ngawt ngawt. Ka rilruah chuan Vantirhkoh tih chu a ri nawn tluk tluk a, kha pa kha a kal san theih loh thu a sawi bawk!!! Hrep tak hian!!!
" I kal san lo a nih chuan kei man a kal san tur che in ka siam ang!!! I hrethiam em, chuan i taksa khawi lai mah hi dai tir hlek tawh suh ang che!!!! " Ka au thawt a, a mit mengah chuan min hlauhna a rawn lang leh tawh!!! Khu mit meng khu ka haw tak zet bawk.
" Engmah i ti thei lo chuan i sawi vang ringawt chuan ka kal san i ring a maw??? Engthil pawh ka chungah ti mah la ka hlat phah chuang lo ang tih hre rawh " Ka mit a min melh pah chuan a rawn ti fak a. A ka atang a mipa dang thlavang a hauh chu ka ngaithei der lo bawk!!! A lu zawn kawngka chu ka kut chuan ka nem khalh run a, a ni pawh a in sang mar leh teu tawh tih ka hria!!!
" A nih chuan ka va sawi sa hrep dawn a mi?? Nge nang be ngam tawh lo tur lek in kut ka thlak dawn??? “ ka nui leh suk a a mitah chuan mak tih na te hlauhthawnna te chu a lang zawt zawt, a hre chiang lutuk kha pa vantirhkoh a tih kha kei hian ka khawih a nih chuan kar khat aia tei khum bet in a awm dawn tih hi!!!
" Chutiang i ti lo ang!! " a ti sep a, a taksa chhung a boruak awm chu a rawn tho chhuak hak a, ka hmai a lum hak bawk. Chu thil chu ka feel thei , chuan kan in karah hian tla zep emaw tlak zeh tum an awm chuan thi tlukah in ngai rawh se!!! Zan in atang hian he hmeichhia hi ka ta chiah a ni dawn!!
" Ohhh... Naute ka sawi chu ka ti thin, tun a mi pawh hi ka ti ngei ang tih ka chiang bawk" a tilru chu a buai hmel tak zet kei in ka en ngur bawk si nen!!! A rawn thaw hap a
" Eng thil nge ka lakah hian i duh a? " a ti sep a
" Nang mah " a mit a tak melh chung chuan ka ti chhuak sup, awi lo lutuk in a ner nang bawk
" I fiamthu a mi??? Ka awi thei lo, nang hian fiamthu i thawh ve a nia" ka hmai zawn ah chuan a nui hak hak a. Ka fiamthu loh zia chu a hria ang!!!
A kawngah chuan ka man bet thut a, a nui tawp chiang khawp kei la nii ve suk thung!!! " Engthil... " a hmuiah chuan ka fawp a!!! A meng phawk nasa mai mahse ka la duh tawk dawn lo ka thil duh chu a mah a ni tih a hriat ngei theih nan ka che bawk ang!!!!
" Nang hian eng thil phiangsen nge i tih ka,!!! En teh, i nupui hual chu a hming chuan ka ni mai thei mahse kan in karah in duh tawnna a awm lo a chuan nang pawn hmeichhe dang duh i nei tih ka hria, chuan i duh chuan a ni kha ngaizawng chhunzawm rawh ka pawi ti lo kei pawn ka duh duh ka kawm a nga kan nun in ti buai lo tawn tawh ang!!!! Ka kham tawh tak zet tiang a nun reng hi, kum 1 em pawh kan la cheng dun lo a, mahse kan in kar chu chhiat lam a pan tulh tulh a chuvang chuan i nupui hual ang ni lo in i pa thian pa fanu in in a lehkha zir tur a awm ve satliah ah min ngai rawh!!! Ti chuan i rilru pawh a zia deuh ang chuan kei pawh ka zir zawh ah he i in hi ka chhuah san nal nal ang, a tha em??? " a sawi hnem bawk a a sawi zawh meuh chuan a thaw kawk kawk mai. A sawi ang a awlsam hian awm thei i la duhthu sam mahse he hmeichhia te reuh hian min bual a zo tawh a nih hi!!!
" Bul tan tha ang, a tir atang in kan in hmuh tirh ber naah ngai in bul tan ang " Ka thu sawi hi ka awi lo zawk kei mah ngei chu ka nia sia hmeichhe bulah bul tan tha tur in ka ngen chu a nia!!! Khawng Rintluanga kha a awm tak!!!
_________________________________________
Ka hma mipa ding chu ka en reng ka mu mang a maw ka ti hial chuan eng thu nnge a sawi kha!!! " Eng... Engmaw i sawi?? I dam lo a mi?? " A chal ka han khawih tur chu ka kutah a lo man chat a, ka thin a phu dup dup bawk...
" Ka sawi chu Naute bul tan tha ang a tir in kan in hriat dan fuh lo mahse tun atang hian tan tha leh ang!!! " Ka kut chu a hmer salh a, kei in ang phuau in ka en thung ka thil hriat hian min thawng lutuk a ka thinrimna leh a mah ka huatna te kha an bo duak in ka hria!! Mahse a thu sawi hi thil tha ber a niin ka hre lo mahse tum chu kan tum chhin thei ang chu!!!
" Ka hre thiam lo " Ka ti hal a, ka lai ringawt nia!!! Zahthlak lutuk mai. Ka khabe ah chuan a rawn dawm a a mah en tur chuan min kuai dak deuh a, ka thin lah a phu rang dawt dawt bawk si!!!
" I hriat thiam loh chuan ka sawi nawn leh thei!!! Kei hian nang nen a bul tan ka duh chuan nang pawn min pawm pui hma chu he room hi ka chhuah san dawn lo" Mawi lutuk in a rawn nui a nih chu!!!! A pa ngawih ngawih
" He mi Rintluanga hi ka ngai na nuih duh leh dawhtheina ngah tak hi!!!! Nichin a mi kha chu ka duh lo a sual si" A rawn nui chhuak ta hawk hawk a ka kawngah a ban in min kuah run bawk si leh lam in ka khabe a dawm bawk a nuih zawng chuan ka taksa te chu an nghing ve dar dar a. Kei pawh ka nui ve hak a.
" A nih chuan he Rintluanga hi ka ni reng ang, chuan min chhang la" Mit min siai zeuh a, a pa hliah hliah!!! Ka hmuiah a rawn fawp zeuh a nih chu a!!!
" Min chhan loh chuan ka ti leh dawn a nia" Ka meng phawk chu min nuih suk a kei ka chhuah khum tawp, ka first kiss a la daih chuan vawi 2 lai min kiss bawk!!!
" Naute.... Mit kan ak chuan a rawn kun hniam leh ruai ruai a ka hmui a si leh tep tih a a hmui ka lo hup sak a, a tum bur nia!!!
" Naktukah ka hrilh ang che!! "
" Maww? " A ner nasa lutuk chu ka nui hak hak a.
" Naktukah zanin chu ka rilru buai nen in ngaihtuah ka duh ve a" Ka ti sep a
" Fine... A nih chuan zanin chu heta ka riah ve mai a ngaih hmel " Min thlah pah chuan ka room sofa ah chuan a thu thla nghal a nih chu!!!!
" Heta i riah ten ka in ngaihtuah thei nang, tho rawhhhh" A kut a pawh thawh tum chuan ka pawt tang tang an chet sawn map loh chu!!! Engtin nge a chet sawn ang ka room atang a nem chhuah ka tum pawn a nghing eih hei nem!!!!
" I khumah pawh ka mu ve dawn ni hlei lo" min pawt thut a ka bawh rawk mai. Ka mawngah a la vuan zuii!!!!
" Hmela min thlah rawh " Ka nam a a mii hawk a min pat hai ang deuh deuh ah
" I rilru a hmul e mai ka room ah ka riah tur phal lo che zanah te eng i toh dawn a hriat miah lo" a awm a nem tang tang pah chuan ka ti a
" Enge rilru hmul chu" nui hawk hawk pah chuan ka mawng chu a beng a nih chu!!! Ka phu zawk ka tal leh ngek hetiang em em hian ka lo chak lo tih ka hre lo reng remg!! Nge min pawh bettu hi a chak lutuk vang zawk!!!
" Ka thu lo in min fawp a ka mawng i beng bawk!!!! I rilru a hmu e mai i riah ka phal lo" Ka tih khum ta chiam a.
" Ohhh.... Naute riak lo mah i la zan tin i room ah rawn lut in ka rilru ka rawn ti hmul ziah a lawm" Nui hawk hawk pah chuan a rawn ti a ka meng bial nasa mai enge a sawi awm zia hi!!!
" Daw suh ka kalh zia aww" Chahbi bawr a rawn khai chhuak ta mai
" A nih chuan zana ka mumang emaw ka.... "
" Kei mah ka nih kha " Ka hmui bul chetah chuan a rawn ti a ka ang phuau mai.
" Chuan zan tin tah hian ka fawp ziah" Tih pah chuan ka hmui ah a rawn fawp leh a nih chu!!!
" Mahse i mutui thei lutuk a i hre ngai miah lo i mumang e maw I ti thin in ka hria" a nui suk a, a thu sawiin min thawng lutuk chu tawng pawh ka tawng thei lo!!!
Khumah chuan ka mu kak a, ka room chhung a mipa thaw suk suk vang hian ka mut a chhuak thei lo ka ngaihtuahna hi a buai nuai mai!!! Ka thu chhuak a zawi te chuan sofa lam chu ka pan them them a, a ni chu a mutui tak zet ka ngaihtuahna a thil rawn lut vang chuan ka nui sei a, naktukah chuan a phu zawk ang mawlee!!!
Ka dawhkan a marker dum chu ka la a, chhuatah chuan tawm dim hawk chuan ka thingthi thla riai riai a.....
A ngaihnawm lo ka hria min hau su
