By duss k
Ka nau te thianho in chaw ei laiin Gym kal chhunzawm leh tura min sawm avangin tlem in zan dang ai mut hma ka tum ta deuh a, gym hi chawlh lai vel khan thla 5 vel bawr kha mumal lo deuh in ka kal ve a, zing lama kal ka nih avang khan thawh hi ka han harsat thei khawp a, ka hlawkpui vak lo a ka hriat avang khan ka kal chhunzawm ta lem lo a, ka nau hi chu fitness ngaipawimawh ngang a ni bawk a nitin a la kal ve.
Zing lam pawh ka tho hma ve khawp mai, ka nau te ruala kal tur ka nih avangin inhnuai ah ka chhuk thla nghal a, an lo kim ve thap teh mial mai Hmangaihzuala pek chuan " U Lalrinmawi chu hmeichhe pangngai i ang ve khawp mai" a rawn tih chuan ka lo ner nawng mai.
An thianho hi pali an nia, kan in ah an rawn lut zing bawk a, a tu pawh mai hian min ngam em em vek a tih theih ang.
Ka nau in "Bike i keng don em ?" a tih chuan ka peiloh thu a chhang in kawtah ka chhuak zui.
Gym kan thlen chuan rin aiin mi an lo thahnem viau tawh, min sawmtu ber te lah hian min ngaihsak lo zet in min kalsan nghal nul nul hlawm.
Gym instructor chu ka bulah a rawn kal a, a ni hi Francisa a ni a, min lo la hre ve ni ngei tur a ni "Teh hlawl che chuan, i rawn kal leh tran tawh dawn tihna mi" a rawn tih chuan ka bu zeuh a "Ka in fit tawhlo teh mai nia aw" ka ti zui nghal.
"Rawn kal regu tawh hle la animai" a ti zui a, Francisa te chhung hi mi hausa zet mai an nia, an hausak piah lamah hian an fel in an hawihhawm em em vek a, a pa leh ka pa pawh hi in hre tha tak an ni awm e, sawi hmaih theihloh tur mi an tranpui nasa viau bawk.
Chutia kan pahnih a kan titu mawlh mawlh lai chuan hnunglam atang àw thian kharh ri ah chuan kan hawi phei a chutah ka mi hmuh avang chuan mak ka ti viau ka bula ding Francisa chuan "Rinmawii hei Malsawmzuala a nihhi in chibai ve reng reng ru" a ti a, Malsawmzuala bulah pawh ka hming te sawi in tun hma a ka lo kal thin thu leh tunah ka kal leh tawh tur thu a hrilh ve dap dap a.
Malsawmzuala chuan a ban chu a rawn phar a, keipawh chuan ka lo chibai let ve mai a. Francisa nen chuan inbiakna tur an nei nge an kal hrang zui nghal a.
Ka workout te reng reng chu ka han in fit tawhlo em em khawp a, ka hah hma tak tak a ni, ka naute ho ka zawng chu rin aiin an pangngai khawp mai, kan uang peih ber Omomtea pawh rin ai zekin a lo in fit tha mai.
Ka bula mite chu an phun deuh sur sur hian "Malsawmzuala saw maw eee.... Luck tak a ni luck tak i chang lo Chiang bal" pakhat chuan a tih ri chu ka hria a, an sawi chuan ka beng a verh bawk a, Chiang deuh zawkin ka ngaithla leh.
"Ka hria ka hria, hrim hrim in hmeichhia hi a theng thawng ah an thawk lo ni ber hian ka hria, amah zar chhen tu hi chu engtin vak a tih pawh ka hrelo" tiin a chhang let ve leh a.
"A hmelthat ang ai hian a sual ve zek a maw..." Pakhat in a sawi leh lai mek chuan ka naute chuan min rawn au a haw an tum hnai lo niin, ka ngei tak tak a ni.
Gym kal kal khat tawh bawk a ka haw pawh chu U maheri pawh pui lem lo in, ka room ah ka chho tlang a ka inbual zui, chaw ei dawnah ka chhuk leh ta chauh.
Chaw ei laiin ka pa in lui an kal tur thu min hrilh a, ka kal ve peih leh peihloh min zawh chuan ka peih vakloh thu leh in a ka awm tur thu ka hrilh a, min ti lui ta bik em lo.
Ruatkima chuan "Pa, kan thianho chuan kan rawn kal ve dawn asin" a tih chuan ka lo ner zui nawng nawng.
Ka Pa chuan "E, in peih a hnu lo kal ula" a ti a.
"An tibuai mai mai ang che u, an harh nasa mai bawk si" ka tih chuan Ruatkima chuan minlo melh dur khui khui.
Dar 10 bawr velah chuan Hmangaihzuala,Omomtea leh Ruatfela chu ri chel chul hian an rawn in zui lut leh ta tham tham mai.
Ruatfela chuan " U Stella chu I kal ve dawnlo nimo" a tih chuan ka lo bu nghut a Omomtea lo khek that chu ei lo zet hian ka melh zui, a thiante dang ho in ka hmingpum a U lalrinmawi min tih lawl lawl laiin Ruatfela hi chuan ka sap hming kher hian min ko thin.
Hmangaihzuala chuan "Omomtea hi nula ka rim pui tawh dawnlo hrim hrim, a chhaw vah mai a, nizan te kha minti zak zo zai lutuk" a tih chuan mit ko ka lo san zeuh a chutah sawi chhunzawm leh in "Miin virgin ngeiin nupui ka nei dawn an tih kha a lo hresual leh pek aniang. Keichu single ngeiin nupui ka nei dawn inti confi zet hian a rawn tia, chutah an rawn nui ta hawk hawk hlawm a, virgin anti zawk lo maw Bawiha an han tih pawh khan single anti lawm polite fe hian a ti tlat a, a tawpah phei chuan an nuihsan vel mai mai kha" a tih chuan za zet hian ka nu thleng in kan nui ta vek.
Chutah Omomtea chuan "Khatia sawi kher kha a trullo a trul hlollo, nagman anihkha mim rimpui rawh ti daw daw" a ti a chutah duhtawk mai lo chuan "Trum khat kan nula rim i inla fel der vel i no seng tralh i tum i tih keh te kha, chutah i chharna lamah i kut ila ti thi zui, khatiang te kha khawi a drama ah mah hian a thleng ngailo, ka zak lutuk ui ui ka zak ka zak" a ti ta chiam a.
Thu dang an sawi leh hma in Ka pa te chuan an hman tawh thu an sawi hlauh a, an in zui tak them them kha.
Chawhma lam chu U Maheri in ka tih fai pui a, chawlh chang hi chuan tih tur hranpa keiman ka neihloh chuan chawhma tal hi chu ka pui ve thin, awmpui tih vang hian engkim hi awmpui kut ah dah mai ching kan awm a, thenkhat phei chu mahni kekawrte leh bra thleng thleng a suk tirte an awm thin a, hengte hi ka nu hian a duhloh em avang hian kan tih ngaloh tawp a ni.
Tlai lamah Cheni chu a rawn lut ve hlawl a "Sawtah thil min lo lam pui lawk teh, Scooty ka keng" a rawn tih chuan ka peihlo dawn zet na mahse ka tihbuai ngun em avangin ka lo aw ve mai.
Kan in phur chhuak tur chu kawt a ka nu pangpar pe chuan "Khawnge in kal dawn" a rawn tih chuan tha deuhin cheni thil ka lampui lawk tur thu in ka chhang a. "Rawn haw tlai lo la" a tih leh hram kha upa ve uai tawh mah ila chhungten hi chuan min ngaihtuah reng mai dawn anih hi.
Kan in compound kan pel fel chiah tih ah Cheni chuan "Chhanchhuahi a rai a" a rawn ti chu ka phawk kher mai, ka hmel chu hmuthei ngat se mitthi tho leh tawh pawh ka àng ta ve ang.
Insiam rem vat in "Tu fa nge?" Ka ti tham chhel mai.
"A fa paina pa a sawi duhlo a, chu a chhapah a Pa chuan a duhlo anih hmel, a khawngaihthlak tak tak a ni, Jessica in a awmpui deuh chawt mai, sawn pai a nihna laiah miin an sawi duh sia amah kohhranah a lo in hmang ve nen" a tih chuan ka lo chek tlak tlak ringawt. Mipa tam zawk hi chu mahni sawn thlak ngei pawh duhlo hi an tam tawh tak tak a ni, an pahnih duhthlanna a ni phawt a nga, chutia a naute la insiam tran tir khaw eng pawh la hmu lo an duhlo ringawt chu ka dem ve em em ringawt.
"University a va rawn kal chhunzawm tawhloh hmel ve" ka tih chuan "A chawlhsan ka ring, kinah an inah kan va leng ve reng reng dawn nia, in hmuh a khat si" a tih chuan ka lo pawmpui nghal vat, university khat a kal e tilo chuan kan subject lak a inan loh avang hian kan inhmu tawh ngai meuhlo. Jessica, Cheni, kei leh Chhanchhuahi te hi Higher atang tawh a kal hi ngat ngat kan nih avang hian tian chanchin kan la in hre pawh tawn ve zel a, kei leh cheni hi veng khat kan nih avang hian kan in pawh bik lo thei lo a chutiang bawk in Jessica leh Chhanchhuahi pawh a ni tho.
"Kan thleng, lut ang khi lai lawk khi a nimai" a tih chuan ka chhuk a, scooty a park fel in kan in zui chho nghal.
Thawmhnaw zawthna ah kan lut a, nula pakhat hian "Ee Lalchenpuii te ni reng in, hei ta hi ka dah chhuak tawh va ha chhin la, sawisel lai i neih chuan kan siamtha nghal dawn nia" a lo ti zung zung a, cheni pawh chu inthlakna room ah a va lut zui ve mai.
Ka thu hle hle peihlo chu an thawmhnaw khai ho chu ka lo en diat diat nichina nula bawk khan "Duh zawng i neih chuan lei nghal hmak rawh, midang ai kan ti tlawm a nia" a tih chuan nui pahin ka duh zawng a awm chuan ka sawi tur thu ka hrilh a customer dang an rawn luh avangin min kalsan leh thuai a.
Ka en ka en chu ka duh zawng tak chu ka hmu ta chat a, ka nu phone ka tum deuh uk a mahse ka pawisa in lei ka tum ta zawk, ka kawr duh chu sawi tuma ka hawi let chiah chu ka mi hmuh avang chuan ka phawk deuh lek lek hepa hi engvanga hmu reng nge mo ka nih ni, hai der lui in ka kawr duh chu ka va sawi a, ka trawng ri ah chuan Malsawmzuala leh a bula nula chu an rawn hawi ve zawk, Malsawmzuala chuan hriatthiam har zet hian min melh deuh run.
"Va ha chhin ve hrim hrim la" nula bawk khan a tih avang chuan inthlakna room ah chuan ka lut a.
Ka chhuak leh chu Cheni pawn a thil lei tur chu a lo pack tir mek anih hmel, min rawn hmu chu "Ui mate, kha kha i inhmeh reuh lutuk, lei ngei ngei rawh" a rawn ti chu tha deuh in ka lei tur thu ka hrilh a, ka va inthlak zui.
Ka chhuah leh chuan Cheni chu Malsawmzuala nula kalpui nen chuan an lo inbia a, va tibuai lem lo in counter ah ka kal tlang a, a man ka pek fel chuan "I hman chuan kan kal dawn mi, hei ka hmelhriat ka lo hmu a" a tih chuan "Kal dawn ila" tiin ka chhang a, Malsawmzuala chu ka va melh zeuh peka a ni lah chuan minlo en reng chu niin a mit ko a san zeuh chu ka hawi sawn rang kher mai.
Kan chhuak tur chu nula bawk khan "Inlo kal leh dawn ania aw" a tih chuan keini pawn kan kal leh tur thu in tha deuhin kan chhang a, an customer care a tha ka ti reuh em a kal leh ngei ngei chu ka duh.
Kan in kan thlen dawn tawh ah Cheni bulah chuan satliah thei ang ber hian dawr a alo biak chu tuge tih ka zawt chuan "Ka cousin thiannu anih kha, a fel in a hawihhawm reuh ania aw, a bula mi kha a û anih kha kan university ah pawh a kal ve nge nge kha" a ti a, chutia Malsawmzuala unnanu a ni tih ka hriat tak avang nge,ka thaw lo veng ve ringawt chu ka duhlo kher mai.
Zanin comment dan a zir in naktuk zanah ka lo dah in ka lo dah lo ang
Edit hmanlo aw.