Behind the mask Chapter 7

[Catnip Quill]

Behind the mask


Chapter 7



Andrew min nghahna ka thlen chuan scooty nghengin meizial a lo zu a,Min hmuh ruala a nui hmel leh hlim hmel chuan min ti hlim ve nghal veng veng.

"Ngaihawm nu"a ti thawp sup a. Kawrlum dum hain scarf senduk nikum a ka pek a rawn awrh bawk.

"Min nghak rei em" ka lo ti thuai a.


"Ka nghak char char thei che ka tih kha" uluk zetin min en chung chuan a ti a,ka nui hak a.

"I hmeltha telh telh mai hian ka hria,ka rilru i ti hah dawn tlat" a ti a,ka lo ner nang thung.


Ka thil hawn sak te ka pek leh tete hnu chuan Khatla lam pan turin hlim zet hian kan chhuak zui a.Scooty te park felin,kut in vuan rial chuan ke in kan fang kual a,Khatla kawn phei chu an chei pui lutuk,christmass ah hi chuan Mizoram aia mawi hi a awm chuang lo ang.Street food rim kawtthler ah chuan a nam chem chem a.Thalai, nu leh pa, naupang chenin kawn chei en chuan mi an zi hut hut mai.Keini pawn thla te kan han la kual ve te te a,engemaw chen kan awm reng hnu ah arsa hem hmin ei turin Chaltlang lam kan pan a, kawngsir lûn vak lo lai a arsa hem hmin an zawrh naah chuan kan ding a.


Arsa an tih lum chhung chuan a piah deuh thutnaah chuan kan lo nghak a.



"Naktuk chu ka nu leh pa rawn hmu rawh aw"ka kut vawt thler mai chu a rawn hum a.


Bu nghut nghut pah chuan "Umm,mahse ka hreh bawk si,hmuh ka chak tho bawk si" ka ti nuah nuah a.Hmuh ve ngei ngei ka chak lutuk leh ka hrehna chu a inhen reng,an mahni mi leh sa ka nih lohna ringawt pawh hi an tan chuan welcome taka biak chu ka chakawm dawn loh em ani.


"I bulah ka awm tlat dawn a lawm,min ring rawh" Andrew chuan a lamah min pawt hnai dat pah chuan a ti a,ka lo nuih sen sen ringawt .


The wise man followed the stars,the way i followed my heart...
Justin Bieber hla an rawn play chu ka rilru ah a cham reng a.


Ni e anihna tak ah chuan mi zawng zawng hian amah hi ngainat awm in fel viau mahse bansan turin min hrilh thin anihkha,mahse Andrew hi ka thinlung zawng zawng in ka ring a,khawchhak mifing ten arsi an zui ang deuh khan keipawn midang thusawi ngaipawimawh lo in ka thinlung in a duhna zawk hi zui a,ka duhthlanna avang hian ka inchhir lo va,ka inchhir ngai pawh ka ring bawk lo.Zantin kan pahnih inkar lam ri lo hian kan tawngtaina kan ti tawp ngai lo ve ve,Pathian hian min chhan ngei ngei pawh ka ring a ni.


Arsa hem hmin kan ei zawh meuh chuan haw a hun der tawh.Kham lo tak a inthlah in kan in mangtha zui a.


Ka room ka thlen chuan Nana pawh a lo mu zangthal huau mai.Engkhaw sawi set set lovin ka pawm kàng nawlh a kuah hle hle in mumang ram ah chuan ka cheng zui a.


Opi chek tlak tlak chung a ka khum a rawn mu thla ve nghal zat chu ka mang hriat ruai ruai,thlasik ah hi chuan thawh hi ka hreh ngawih ngawih zel.


Inthlahrung hauh lo hian, ka bul a mu chung chuan a bialpa nen phone a an in hauh mawlh mawlh tak ah phei chuan duh pawh ni ila a mut luih theih tawh loh hrim hrim.


"Ninawm e Lalawmpui zing zingah" ham bai bai chuan ka ti a.


"Aw vawikhat mah min rawn be tawh suh,lerh kawh pa" tih pah in phone chu a hang up tau sawk a.


"I block ani lawm ni enge i biak leh tak zawt zawt a"Sana ka en a,zing dar 7 a lo ri der tawh.


"Gpay ah pawh ka block reng,swiggy atang ka number ah code a rawn thawn tir a,swiggy lamin min lo call char char loh leh ka bula thleng tur in pheikhawkte a lo chah a,ka hne zia hi aw" ati tan tan a.Amah ang chiah a nghal Lalruatsanga bialpa a nei a,ui leh kel thlun pawlh ang chiah! An inthen phei chuan Lalruatsanga hi ka block tel ve ngei ngei a ngai.Lalawmpuii ka biak tir hma chu mi rawn phone peih nia mawle.Pawl 10 kan zir lai atang tawhin an in ngaizawng tawh a, thla khat ah vawi 3 tal an inthen ngei ngei.

"Vawiin chu chhuak ang,ka ha siam tir ka duh" thawveng zet hian a ti zui leh zat a.


"Peter sawm rawh ka chhuak dawn"melh tlawn titih chuan ka melh a.



"Khawi ah maw i chhuah dawn?Gel polish te pawh vawiinah kan tih tir dawn lo mi"?A tawng ring thei si.

"Monu Interview ka va nei dawn"mit ti che kual ralh a ka tih chuan ei lo hmel fe in min melh kawr ringawt.


"Ninawm i luhlul sia e"a ti a,engmah sawizawm lem lo in khum atang chuan a tho vut a,ka thawmhnaw bawm hawng zui rawk rawkin a hak duh a thlang kual zut zut a.Ka hak tur te thleng thleng chuan min thlan pui leh ang lawi a.





Chawhma dar 10 a rik leh meuh chuan Andrew te inah ka thu ràn tawh.A nu leh pa han hmachhawn chu zam awm viau mahse min welcome tha bawk nen rin ai takin kan titi ho thei phian a.Andrew ka bula awm tlat chuan min ti thlamuang viau bawk.Chhungkaw khawsak nuam zawk zawk an ni lo a,neih thinlung khawng a Andrew pawh lehkha zir tir anni tih hai rual a ni lo,ui leh sangha vulh in, an hulhar viau a.Andrew lo awm bo ve reng thin nen an khua a har thin viau ang,hna tha tak neih a nu leh pa nuamsa deuh a dah a chak thin zia ka hria a,tunah chuan a duhthusam te a thleng chho ve thei tur hi ka lawmpui ngawih ngawih.


Hun leh ni hi a kal liam puat puat emaw tih mai tur a ni.
Christmas leh kumthar chu kar lo ah kan hmang zo der mai.Delhi ah bawk zirna avanga ka let a hun leh mai tawh dawn. Flight ticket te book in ka kal hma in ka ni in Andrew nen Chaw ei ah min sawm hlauh a.


Eirawng a lo bawl sa vek nen tih tur a awm lo bawka an inchung zawl ah chuan Andrew nen insi rial in kan thu dun a.

Hla te ngaithla dunin
"My heart will go on" Celine Dion hla Andrew chuan thutak zet hian a sak pui lai chu aruk in video in ka la char char a,awm hrang fo thin mah ila tun tum ka kal tur zet chu hreh ru viau mahila ka ti lang duh bik Chuang lo.

"Babe khawi i kut lo la teh"tiin kan kut ringawt chu thla ka la a.A view in a zir bakah thla de tlem lang tel chuan a ti mawi zual takzet.


Thalak chu Andrew chuan rawn thlek zawk in,

"Rawn send nghal rawh ka dp tur" a tih chuan ka nui hak a,chutah rawn kun hniam in ka hmui ah min fawp zui a.


Thutak zet hian "Ka hmangaih lutuk che Awmi" tiin min kuah a,Ka kalsawn hlau awm hrimin min kuahna chu a ti nghet zual sawt a,enge maw chen chu ngawi reng in min kuah vawng vawng,ka ngawng a rawn lum thla pap zui chuan ka kawchhung chu a ti so bawlh bawlh.


Andrew Lalmuanpuia a tap anihchu!



"Andrew" ka ti a,ka hnuk a ulh ve nghal vek.


"Ka ngai lutuk che tih hi i hria tiraw" a rawn ti hnawk tuak chu ka inrin hma ka Muttui a tla ve nghal.Ka hria ka hre lutuk,ka hmangaih ang zat chiah hian min hmangaih a,a aia nasa pawh a ni maithei e.Ka thlakhlelh aia nasa in min thlahlel zawk a.Engkim ah min dah pawimawh hmasa ber tu a ni tlat a tin hi.


"Babe ti hian awm suh" insum faih faih chung hian ka ti a.

"Ka tihpalh ka mit a thip thut a"a rawn nui nghawr dat a,a inthlahdul zui a.


A tam thei ang ber phone ah hian kan inbiak bakah hun âwl ah te Games emaw thil engpawh kan ti dun thin.Zirna ah nise kan line inang miah lo chung hian a thiam ang tawk tawk in min tawiâwm thin bawk.Mahse awmdun hi chu a dan adang in lungleng tawk lekin kan in siam ani ber,kham lo zet in kan inthlah zui anihkha.



Delhi ka let ni a lo thleng leh ta der mai,inthlah te hi duhlo viau mah ila ka nu leh pa hi chu dan theih an ni lo.Lengpui thleng min rawn zui leh hram.Dar 11:30 a rik meuh chuan Mizoram chhuahsan in kan thlawk fel der tawh.

Engkim ka hun hman zawng zawng te kha mumang rei lo mang ang chauh ni hian ka tehkhin ber.Andrew min lei sazupui lem thianghlim zet pawm ran chung chuan airpod chu ka beng ah hnawhin ka maimitchhing vang vang a.He sazupui lem hi ka kalna apiang ah ka hruai tel ve ziah thin.




____________________

Amos p.o.v



Dr Sandup ,Neurosurgery department a min el em em tu in kan joint research project ami kan boss Dr Deepak Sharma bulah presentation a neih mek chu ngawi rengin ka melh ràn a,ka idea leh contribution zawng zawng chu credit min pe miah lo in a present par par bawk.

Meeting zawh veleh chuan Sandup-a conference hall atanga chhuak chu zui nghalin parking lot kan thlen veleh chuan ka ko a,

"Hello Dr Sandup" nui sàng in kut ka beng thlep thlep a.


Sandup vaichhia a chu rawn hawilet in "Dr Amos, what's up" ka hmel hmuh a beisei tehchiam lo tih a hmel ah a lang.

"You know excatly what's up,Sandup! Ka idea zawng zawng i ruk kha" nui hmel pu sang mah ila ka melh thip viau thung.



"That's just how it goes Dr Amos, in senior ka nih hi" a tih chuan nui suk in amah chu pan hnai rawk rawk in a nghawngah ka rek nghal hmiah,ka chet dan avang chuan hamhaih zet chuan a meng phawk hle.


"Min hman tangkai te i lo tum a maw nang hian","You think you can take my ideas and pass them off as your own"? Nui sang chuan ka ti leh a.


"Ka thiam loh a ni Doctor Amos,min ngaidam rawh" a âw a khur nghal zawih zawih.




"I hria em?Asphyxiation vanga mihring hmel rawn inthlak danglam hi a mawi a sin " ka ti ngut a.


"Hetiang hian" ti sup in a hma aia na in ka rek bet a,boruak tlakchham avanga a hmai rawng rawn inthlak danglam mek chu hmuhnawm ti zet in ka thlir reng a.



Thei leh thei lo chuan,



"p-lease....stop..this isn't you..Doctor i nih kha Amos,a healer"



A thusawi avang chuan zawi muang in ka thlah rial rial a.Eng thil nge kei hian ka tih? Ka kut hi a rang mah mah,ka inthlah dul vat thei chu a vannei takzet.


Vai a chu chhuat lai ah chuan khur zawih zawihin a tlu bawksawp a,a khuh nghal bawrh bawrh zui a.


A bulah chuan ka kun hnai a,a lo tawlh dawrh chu ngaipawimawh lo zetin a kawr nghawng siam that sak thuak thuak pah chuan,


"I vanneih ni-ah ngai rawh Sandup,ka thin i tih rim leh ni chu i thawk tawp ni ani tawh ang" tiin ka kalsan zui a.


Psychiatrist ka pan thin Doctor Emma clinic lam panin ka tlanchhuak zui nghal a.



Kan in checkup nî nimiah lo a doctor Emma ka va hmu chu amah ngei pawh a hrilhhai hmel lek lek.

"Emma mi ka that tep!! How's that for a Tuesday afternoon?" nui sang in dawhkânah ka ke hlang zuar chhung chuan cigarette chu phawrhin ka tan nghal a.Emma hi ka doctor anih bakah kan chhungkaw thian ani bawk.


"Enge thleng sawi rawh Amos" a ti nghal chul!


"Just another day in the life of a psychopath! Mahse lungngai Suh hetah hian i puihna bawk mamawh a lo kal ka ni" ka meizial chu hip kawk in chair nghenchhan ngheng chuan ka thaw chhuak ham ham a



"Sawi ta che Amos" ti dam dap in min melh vung vung a.



Meizial nawr hlum te te in ka thut dan ka siam rem a,ngawi reng in ka chevel chu thlirin nghahhlelh hmel zet hian min en a.


Nichina thil thleng chu engmah hmaih lo in ka sawi a,uluk tak a angaihthlak hnu chuan,


"Amos i EEG result hnuhnung berah khan i prefrontal Cortex (thluak hma lam) ah hian dik lo a awm a chu chuan ...."

Emma thusawi lai ka lo nuih huk a vang chuan a thusawi lai tawp chat in min melh run a.


"Chhunzawm rawh ka nui tawh lo ang" dar san ak hian ka ti a.



"Amos nui ringawt Suh! I thluak chemistry hi a in balance lo a,dopamine leh serotonin level kan balance dan tur hi tunah hian kan sawi zawk tur ani lo em ni?" a ti vin hlarh a


"Emma ka thian! Neurochemistry te chu ka hria a lawm! Dopamine leh serotonin phei chu nangni psychiatrists ho ai hian kan zir thuk zawk a sin, Medication ka mawmawh lo,a Chiang em?" Ka ti khur khur a.


Ka naupan lai atang tawh in psychiatrist kan rawn a, therapy bakah damdawi nen ka in enkawl thin,midang notice theih miah lo khawp hian keimah ah pawh hmasawna a tam mahse a ziktluak lo chu a nih ber hi! enge vawiinah pawh thleng hi? engmah a thawk lo.Diktak a sawi chuan medical license cancel ngai khawp a thil pawi ka la khawih hun hi a thleng vat dawn hian ka hria.


"Amos ka uang lo" a tih chuan dàr ka sàn zawk ringawt.


Enge maw chen kan titi dun hnuah chuan bawm min pek keng chuan clinic chu ka chhuahsan leh ta nge nge a.