Ruatkimi POV.
Ka hmai ka hupna kut chu a kut lehlam in min lak kian sak a,ka mittui vanga ka biang lo huh niah ahmuh rual chuan inthiamloh hmel lutuk hian min en ngawih ngawih.
"I mittui ti tla tu bawk ka ni leh ta a!" A ti chhuak sup a,a aw ah chuan hrehawm a tih zia alang chiang ngang bawk.
"Bawihi, ka thusawi te kha i ring zo tawh thlawtlo em ni?" A ngenngawl viau tawh.Ka ringlo anilo,U Jeneti mizia ka hria a,U Obeda sawi ang kha anih ngei ka ring bawk.Mahse...mahse tih hi a awm tlat tawh alawm.
Keimah ah hian hlauhna a awm tlat tawh a,rilru mangang thlabar a awm nawn leh kha ka zuam tawhlo ani ber e.Min hrechiang chuan ka inrintawkna ka hlauh nasat zia an hre ve ngei ang.Tunhma a Lalruatkimi kha ka ni tawh tlat lo.
Mi dawihzep ber ang mai ka ni tawh.
Tunah hrih chuan Darthlalang kehtawh charh khawm chawp ang chauh ka ni a,na lo te a tawh pawh a kehdarh nghal mai thei ang chiah ka ni hrih.Tun ang hian buaina dang lo tawng leh ta ilang ka paltlang zo tawh kher angem?
U Obeda hian hmangaihna min hriatfiah tir rualin mi chaklo ber,na awlsam lutuk ah min chhuah ka ti lo theilo a! Thu ho te pawhin ani ka tawn hnu hian min ti buai fo anih kha maw?
"Bawihi" a rawn ti leh sup a, ka hmai zar tu ka sam chu rawn chul kiang in "tun chauh tun chauh chu min ring leh thei mai lo em ni? Ka natna pek che ai tam in ka thawi dam leh ang che" a ti nghet churh bawk.
"Ka ringlo che anilo" ti sap in a awmah ka nam dat a,awmsawn a tum chuanglo.
"Nat nawn leh ka hlau tawh em ani.U Obed,ka na nawn leh duh tawhlo a,risk ka la ngam hrih nganglo" ka tih chuan a mitmeng ahnual nghal rawih rawih a,ka chung atang tho thuai in chhuatah chuan a ding khawng ta reng.
Ka thu chhuak ve nghal a,zawi sep hian " ka tihpalh" ka ti tham chhel bawk.
Bawihpuia'n harsatna em em aneilo bawk nen inlamah kan haw nghal a,damdawiin ah zankhat chauh kan riak chungin kan senso chu a tam hman viau tho mai.
U Obeda'n pek lo tum viau mahse zingkar ah counter ah kalin ka pe fel nghal vek a,alak atanga inthiarfihlim hrih ka duh em vanga Bawihpuia damdawiin awmna man pek tir phallo ka ni bawk.
Kan inthleng min thlah a,inchhungah a rawn lut ve nghe nghe.U Thanpuia chuan biak pawh be lo in room lamah a chho nghal daih a.Bawihpuia chetsual chungchang ka pan ahrilh pawh khan ka pa lakah alungawi lo viau anih kha maw.Min thinrim pui ve em a,thudik ala hre ve bawk silo nen a awmlo hranlo e.
"Rochan,ipa khan "a zin haw in pawh tlawh lo in a rawn tlang nghal" a ti che a,a zialo hle mai i buai leh buai loh lam kan lo ngaihtuah lo a" ka pa chu puitling ah tangin alo be ve luam mai.
U Obeda chu ka en zeuh a,Delhi atang chuan a rawn let chauh tak tak ni ngei tur ani.
"Ka fapa tan chuan buaina tur a awm hleinem,ka pu biak che ka duh viau na a zan lamah ka la rawn leng thla leh zawk dawn nia" ti supin Bawihpuia chu dîm te hian min hlân a,"ka kal phawt ange" a ti leh chiah erawh keimah ah hian ka hriatthiam chiah silo in thil na veng veng a awm tlat!
A chhuah fel thleng chuan a kalna lam ka thlir reng a,ka zeplo ka ngai ani.Ami duatna te,a mi uapna te kha ka ngai ngawih ngawih.
Inchungah Bawihpuia muhil thaw sak sak chu ka han mut a,amutna ala reilo bawk nen ngaihtha takin inhnuai lamah ka chhuksan leh rih.Aharh mai ka ring lo.
"Mate,in mu tha awm silo han mu ve daih ta che.I ril te atam zawk em? I nu'n chhang a rawn lei haw kha" ka pa'n alo ti nghal luam.
Ka ril tam loh thu hrilh in abul ah chuan ka thu thla ve a,ka pa hi biak ka duh.Heti tawp hian kan nufa in kan cheng ve reng theilo ang.Nakin lawkah Bawihpuia nau ka hring anga,U Lawmi tan pawh kan awm ve reng chuan fel viau mahse hnawksak kan ni mai dawn.
U Lawmi hi a sual hranlo a,mahse tunah pawh ka nu leh pa ten Bawihpuia an duat vel lutuk hi a hmel ah lang lo mahse a thik tan deuh tlat in ka hria a.Bawihtei room a atawm pui tlat thin chhan te hi kan nih mai ka hlau ani.
"Pa,school lamah hian thawhna tur te ngaihven leh deuh ka duh a.Bawihpuia pawh school kal te a han hun chho ve anga, tun atanga a mamawh phuhruk na tur lo intuak tan ka duh riau mai" ka ti chhuak ta hliai a,ka pa chuan min melh zeuhin holam tak hian "ka fanu leh ka tute chawmna tur te chu ka la nei ve alawm,hahdam deuhin han awm phawt mai teh"a lo ti ringawt! Ka pa tak hi chu!
" In a awm reng ai ah ka nau pai ala hrâm lo bawk nen ka thawk thei lutuk ang.Ka thawhna thin ah pawh khan ka tan hna va hmuh leh a harsat ka ringlo a" ka tih leh chuan a chanchinbu chhiar lai a dah thla ve ta nge nge.
"Mate, i inthlahrung em ni?" Thutak deuh hian a rawn ti ve ta nge nge.
"Nu ka ni ve tawh a,ka fate mamawh leina tur thawh chhuah chu ka tihtur ani ve alawm.Bawihpuia pa te lam pawh buai" ka tih lai chuan akut in minlo dang chat a "khalam chu nakin ah kan sawi dawn nia,Rochana thusawi te pawh ngaihthlak hmasak ka duh.Kha apawimawh hmel viau lehnghal a,thinrim in kan han ti ve pawng pawng thin tak na a damchhung daih tur thil hi chu ngaihtuah fe hnu a thutlukna siam chauh atha ngai.Tunah chuan Bawihpuia nen han damtha ohawt teh u" a ti ta charh charh.
Ka pa hi ala thinrim viah emaw tih laiin U Obeda then tur ang tak tak a ka awm meuh chuan rem a ti leh chiah tawhlo nge ni? Angaihtuahna a awm tur awm ang ka hrethiam mai ta hauhlo!
Zanah chuan U Obeda a rawn lang ta ngei a,ka nu in min rawn hrilh mahse ka pa be tur a rawn kal ani a,ka room chhuahsan ka tum lo hrim hrim.
Ka nu'n min rawn koh nawn leh na ah pawh chuan ka la tawm lui tlat a,Bawihpuia alo tlei vak lo nen ka fapa chu chhuanlam ah ka hmang ta tawp.
Darkar dawn a liam hnu ah ka room kawngkhar bawk chu a rawn inhawng leh a,Bawihpuia awi hlu hlu pah chuan "a haw ta em ni?"ka nu anih ringin ka lo ti nghal thuai.
"Haw thuai turin min duh em ni?" Kawngkhar lam ka hawi phawk hra a! Room a alo luh chhoh ka ring miah lo! Bawihpuia lah apa aw hria in a bei hle hle lai kha a rawn tho nghal tharh bawk a!
"Enge rawn tih i tum? Ka thutlukna ka hrilh tawh che kha"ka aw chu vîn lo mahse a fiah viau e.
"Ka lo pawm ang chu" ti supin ka thusawi ngaipawimawh lo zet chuan min rawn panhnai a,Bawihpuia lah chuan alo ban vei tawk tawk bawk nen ka hnial leh thei ta lo.
"Ka fapa" ti supin a fawp tawk a,"ka duatpuia hi alo fel em vawin?" Tiin an inchhaih harh lehnghal der chu ani mai.
Ka kawng ana thum bawk nen Bawihpuia ber ala ta bawk a thuthleng ah chuan ka thuthla ta tawp a,a rit tawh si a kei kawng thalo ka nei nge ni kan han in awih rei deuh hi chuan ka kawng lam hi alo na ve hman ziah bawk.
"Bawihi,khumah mutpui in tihmut tum thin zawk rawh.I hah mai mai" min en lo mahse kan melh rum khawp a! Mutpui tawp a mu duh nise ka awih ka awih a ring bik emawni?
An pafa inchhaih chu ka lo en mawl tawp a,an bula tel ve tumna pawh ka nei chuanglo.
"Ka pa hnenah kan inthen tur thu i sawi em?" Ka ti chu ka lam lo hawi nghal zawkin Bawihpuia amelh leh a,"Ka tan afair loh zia hi i hria em?" Nui sak in a ti ril ruih.
"Duati, a tuar tu ve tho ka ni tih hi min hmuhsak ve lo em ni? Ka hmangaihte hlat a ka awm angai a,ka nau anga ka en thin in min bum bawk a! A fairlo takzet" ti ril leh ruih in ipik hmel zet hian athaw chhuak a.
Chutah ka lam lo hawi lehin "then tumna che ka neilo,hun thawl ka pe hrih mai chauh che ani.Rawn lam tur cheu hian ka rawn che chhuak har lo ang."tumruh hmel tak hian a ti nghet ta churh mai!
"Kan sawi tawh" ka tih laiin alu alo thing zeuh a "aih..i duhdan i sawi a,ka pawmpui che tihna anilo.Ka nupui leh ka fa lo piangtur thlengin,in hlat a awm tumna ka neilo.Ka fate hian pa tello a an thanlen ka rem ti hauhlo bawk" beidawng zet hian ka melh ta ngawih ngawih.
Bawihpuia mut hnu ah a haw ta chauh a,apa kiangah chuan awlsam zetin a mu leh mai sia! A pa fa hi chu ava ni ve chiang tak em aw!!
Ka pa chuan tuk khat chu a room ah min ko lut a,ka beisei loh zetin min zilh ve ta mawlh mawlh.
"Mate,ka fanu i nihna angin i lam tang mah ila Rochana dinhmun tur hi dawn ve la ka duh.Ahma kha chuan ka thinrim viau a,sum chhuah kha ka tum nghal chuk chuk bawk.Tun hnu ah erawh Rochana ka khawngaih ta hle mai.Bumin in awm a,in nupa inkar akhik phah bawk a,chutih rualin a tuartu nangmah mai nilo in i pasal pawh ani ve tih hria la,inngaidam tawn teh u" 'i pasal' a ti ta charh mai!
"Pa" ka lo ti zeuh lai chuan tawng lo turin min lo khap a
"lo ngaithla phawt la,ka sawiduh ka sawi zawh hunah i duh chuan min hnial dawn nia" ti leh in a thu rem sauh sauh a,tihian asawi zawm leh a.
"Nu leh pa kar lo a naupang an thanglian tur ringawt pawh hi inthen a theihloh chhan a tling tawh.A uire san lo che tih kan chiang tawh a,ani pawh atuartu alo ni ve reng zawk a.Mate,keichuan i pasal nen hian inthen turin ka duh hauhlo che u ania.Naupang tih fahrah ngawt anilo a,i tan zawk pawh ani.Nuthlawi dinhmun tha tawh viau a kan ngaih lai hian ram changkang te kan la ang tak tak theilo a,hmu hniam tu,hmu tleu tu che an bang dawn lo.I zahawmna a tla hniam anga,keinin kan bula awm turin kan duhlo lam che ani lo ania.Nakin zel atan i hmakhua ka thlir vang zawk anih hi"
Hnialna tur ka hrelo a,ka pa sawi zawng zawng kha adik lo ka ti miahlo bawk.U Obeda pawh atuartu ve tho a tih thlengin ka pawm thlap.Keimah ber hi ani buaina ni ta chu,ka hlauthawng! Ni e,ka hlauthawng tawh tlat alawm.
"Enge i ngaihdan te han sawi ve la,let luih tir che ka tum chuanglo ania" a tih leh chuan thaw halh hian nghenchhan ka ngheng dawp a, "ka hlauthawng" ka ti chhuak ta nge nge.
"Tiang dinhmun a i din leh hi i hlau em ni?" Ka bu nghut mai.
"Mate,mihring kan nih ve chhung chuan ahlim reng theih biklo a,tluk chang kan nei thin ang bawk hian nupa karah pawh ban a inphun chang a awm ve tur alawm.Harsatna leh buaina tawk lo ula in inhmangaihna a zual thei nang.In awmhran chhung atang ringawt pawhin i pasal hi i hmangaih anih chuan i hrechiang ang,hmangaih lo la ti tak a i tawrh chhan tur a awmlo.Nun ah hian riak lak ngam ve te angai ania" a ti leh dap dap tawh a, ka pa anga rilru paukhauh nih ve hi ka chak tum ber ani ngei ang.
."zanin ah Hruaia te an rawn leng thla dawn a,anni pawhin Bawihpuia an ngaih tawh viau kha.An inthiamloh em vangin an rawn pawh lawk ngam lo mai pawh a,Hruaia te tan pawh an tu hmuh hmasak ber ani nen an khawngaihthlak ania.Huaisen la,mi dawtsawi vang mai mai in i hmahun leh in nupa inkar ti chhe suh.Ka sawi awmzia i hria tiraw?" Ka lu ka bu nghut a,thenkhat tan chuan mahni hmasial chan te pawh ka chang ta ve ang.Ka in ngaih ang em em in ka lo huaisen lo tawp bawk anih hi maw!
Zanah chuan U Obeda te an rawn chhung chhuk a,kei pawhin U Obeda tih loh chu ka lo be chhe hran lo.U Obeda pawh ka be chhe chuanglo a,mahse ka be tam lo bik chauh ani.
Bawihpuia chu anlo ngai viau tawh tak tak a,Judy phei chuan a ei theih tur zawng arawn ken sak hnur mai.
An zingah ka lo thu ngawi ve kar a,Pa Hruaia chuan a aw rawn thian karh karh in "Mate,min rawn zui haw duh mai lo em ni? Kan ngai tawh emai che u." a rawn ti a,an mit chu ka chungah a fu ta thup.
Ka chhang theilo a,ka pa chu rawn tawng chhuak ah tangin "kan fanu hi nawrluih tumna kan nei lo a,chutih rualin Rochana nen pawh afal in han inbe ve reng reng phawt se,an insawi fel theih ngei beisei ila.An theilo anih chuan thutlukna siam rual an ni tawh a,kan zah sak tlang aniang chu" a lo ti hlauh a,U Obeda chuan min en chik ngang mai.
Kan chungchang sawifel turin inchung zawl ah kan chho ta pauh a,kan insawifel thei ngut angemaw?
"sawi hmasa la" ka ti sep a,a thingthi thla ruai ruai ka hmuh rual chuan aban a vuan chungin "enge tih i tum? U Obed i â emai tho teh" ka ti nghal chung chung.Ka hma ah zuk thingthi a mawle!
" Tho thuai teh" a tho duh bawk silo rilru ava ti buai thin tak.
"Tho la aw tha deuhin inbia ang" ka tih pawh chuan a nui mai a,lu thingin "i lo let leh thei mai lo em ni?I mittui ti tla tu nilo in a hru hul tu ah ka tang tawh ang tuh ka tiam a che.Thinrim in ka siam lo ang che tih ka intiam theilo,mi famkim ka ni bik silo a.Mahse ka tum ang,hlim taka siam che ka tum em em ang"
"Tho phawt teh" heti em em a mipa inphah hniam hi hmuh nuam alo va nilo tak!
"Bawihi, vawikhat bawikhat chiah chu min ring in min pawm leh thei mai lo em ni?" A ngen hian min ngen ngawih ngawih tawh ani ber!
"U Obed"ka ti sap a, ka kut a vawnna khur dar dar ka hriat chuan ka mittui a rawn tling ta pam mai.Ka mipa hmangaih hian min chan ahlauh luatah ataksa te hial a khur ania!
Ka lu bu ta nghauh nghauh in "ka zui haw ang che,khawngaihin tho tawh rawh" ka ti lawi rat a, hetiang taka a inphahniam hmel hi ka hmu thei tawh thlawt lo.
Risk ka la ngam tur ania lawm.Ka mipa hmangaih leh min hmangaihtu kiangah alawm ka awm dawn,min ti na anih pawhin amah vekin min thawidam leh em em ang.
" Ka lawm e" min kuahbet nghal thlawpin ka bekah a fawp tawk a,"ka lawm e" tih chu asawi mawlh mawlh bawk.
////Kum hnih hnu ah....
"Apa chuuuu" ti nang nang in a school kal peih lo a nuar leh tan tawh! Kan fapa hian tunge a chhun ang aw? Kg 1 akal ve tan chauh a,kan kal hma tir tho tih hre mah ila tiang taka Kg 1 atanga school kal hreh hi naupang dangah ka la hrelo!
"Duata sual loh tur ka tih kha,a rei anga nuam ila ti dawn chauh i chaw kha ei thuai rawh le"dam thlupin a chhang leh tawh! Kei chauh nilo a fate hi tawngkam vin ahman khum ka la hrelo.Ka pasal zawng a engkim hi a dam thluam vek em em mai ani.
"Nû-i, atetea chu ala harh lo em ni?"nui ruh ruh chung chuan a ti kher a! Nu-i hi min ti kher zel a, ka laih thin zia a hre reng sia! A ti lui ngat ngat peih!
"Aniang Judy'n ala rawn pawmthla lo emai" ka ti sap a,Atetea Bawihpuia nau chiah hian mut an duh khawp a,naupang te si hi kaihthawh ngai khawp a amut chang te a awm nia mawle! Pathian hian fapa min pe sial dun khawp mai.
Judy lah Atetea mut rei deuh hi chuan kan thawhsan hian alo khawngaihin a room lamah apawm phei ta thin a,a hna kal hma hi chu a mutpui tawp zel.
Bawihpuia a inla tlangval ve tawh nen duh angin a chhawnchhaih thei tawh si lo a,Atetea zawk hi a buaipui ber ani leh hrih tawh.
Judithi pawhin pasal anei tawh a,Vairam lamah an awm thung.An fa hmasa ber tur an pai mek ani.
Ka fapa naupang zawk pawmin a û leh apa te kawt zawl thleng kan thlah a,thlah hi an phut kher zel! Hmanloh chang te hian mi an nghak lui tlat ta thin a,abuaithlak thei ania.
" A u leh Apa bye bye rawh le" akut ka vai tir kauh lauh a,"Lo inpeih hma ula,Bawihpuia hi chu tihian kal tlang mai rawh se" ka pasal in a tih chuan ka lo aw thuai a,Karleh lama Bawihpuia thawmhnaw hak tur lei turin kan bazar dawn ani.
Function engemaw an hmang dawn a,super heroes costume engemaw ber kha angai sia,hawh ai chuan tiin anau in a ring leh thei tho dawn bawk nen kan leisak tawp dawn ani.
School kal tir tih takah dar kua ah tanin dar sawmpakhat ah an rawn bang leh nghal mai a,session tawp lamah chuan an ban hun an pawh sei tur thu an sawi tak kha maw.
Atetea nen kan insiam nghal mawlh mawlh a,ka nu ten lo awm thei dawn mahse U Obeda'n hruai ve a ti lehpek tlat tawh a,kan chhangchhe leh hnap hnap dawn khawp mai.
Bazar ah lut lo in kan lei tum zawrhna ni a an sawi lamah kan kal nghal a,naupang hruai kan ni bawk nen bazar chep a han luh pui kha a rem teh chiahlo.
Bawihpuia duh ber mai ironman costume kan leifel hnu ah thil ei turin restaurant pakhat ah kan chawl kawi a,U Obeda'n Atetea pawmin eitur abarh a,Bawihpuia erawh amahin a inbuaipui ve thei tawh lutuk.
Pawnlam ka hawi zeuh chuan U Jeneti ang tak kawng kân tur ka va hmu fuh a,ka en rei lem lo.U Jeneti'n khatia kan nupa inkar a tihbuai bakah dawt a sawi kha Pa Sawia'n hrehawm an ti khawp a,U Jeneti'n hnamdang fa berkher alo pai bawk nen an chhungkua in thudik an hriat rual khan a hnawtchhuak hial ani awm e! Mahse tunhnu a ka hriat leh danah erawh an chengho leh tawh a,U Jeneti pawhin naute tha takin a hring bawk.A fa paina pa nen erawh an innei zui lo thung.
Zonunthari hawi zau lutuk zara U Jeneti fa chuan apa a ang viau tih te ka hriat belh bawk a,apa a an chuan Vai a ang dawn tihna chu ani phawt a,lehlam kawng tak chuan kan tan buaina thlen viau mahse ka lainat lo theilo.MC a adawr lah akhar hmak a,hnamdang fa pai tiin an la chirhtheh zui mai pawh niloin naupang pawisawilo thlengin ala tuar zel lo thei dawn lo a.Mizo te phei chuan hnam feelings kan la na si a,rilru chhe fe fe naupang thlenga lo sawi bang theilo pawl an awm ngei dawn bawk.An hmahun chu ahautak ve viau ang le.
Ka pasal fanau te chu kan en kual a,lung hi an va dun ngawih ngawih tak! Ka pasal hi ka pasal anilo ang tih mawlh ani ka hlauh tak ni.Tiang tak hian hriat ngailo leh ka hriatchian loh ka hmangaih thei ang tih ka inring phak ngai hauhlo .Tunah chuan tih tak zetin ka hmangaih tawh a,darkar reilo te ka hmuh loh hlek pawhin rilru in a lam nghal ruai tawh mai ani.
A Tawp Ta..
#atawp ho in ti awm
thawnthu ngaihnawm zawk leh nawi lo deuh zawk nen kan intawng leh dial dial dawn nia.Exam leh zin buai mai nilo neuh neuh kar a ka ziah minlo chhiarsak tute,dawhthei taka ka buai apianga min lo nghak fan fan thin ho te kha ka lawm ngawih ngawih aw.Ka exam leh zin buai in min han nang a,ka lo covid ve tei vet bawk nen ka chawl ngun viau a ka inthlahrung khawp mai.
Atawp thlenga lo chhiar zawng zawngte thawnthu chhiar nuam leh hahdam deuhreuh vaklo nen ka rawn kir leh hunah minlo chhiarsak leh vek ru aw.
Show post links
Top