KA LALPA BY MAWITEI BAWITLUNG (Completed)

[mawitei bawihtlung]

KA LALPA




CHAPTER 19




MIRIAMI POV ..




“Mira i hman dâwn tawh em? Ka fapa hi a ṭap nasa tawh teh a nia" ka pasal rawn au lâng lâng chu ka pangpar khawih lai chu kalsanin in chhûng lamah chuan ka lut zui ta thuaia, kan fapa chu a lo ṭap nasa al al viau mai, a ha hni langa a ṭap hian ka nuih a tiza riau zêl, ha an la neih loh avâng hian an lan dân hi a duhawm ka timai.




“A nuih leh ka fapa i tia, min chhûn a nih hi i ti thla zêna, a ṭah leh i buaipui leh peih tawp silo, a ṭah lai te hian min chhûn a nih hi te ti ve la; a fel lai chauha duh mai" ti a phun hlak hlak phahin ka fapa chu hnute ka pe a, a ni pawh hnute a hnêk leh tâkah chuan a ngawi lehnghâl kar tawh mai.





“Hnute tui ka nei ve hleinem. A ṭah te chuan i pêk ve bawk lohin a pa ka nia, nang chu nu, nu chuan a fa leh a pasal a enkawlin a buaipui ṭhin. In chhûng khur che tur i nia, ka lo awm chhâwk che kha lâwm hle rawh, a hrim hrimin kan in hi pangpar huanah chhuah i tum em ni? Pangpar in kan khat zo dâwn" a tihchuan ka ngei deuh bawk nen rum zet chuan ka ena.




Chutia ka en tâkah chuan a ni pawhin engmah a sawi ngam tawh lem lo, “I ṭawng thei zêp zuap sia maw? Fa kan neih a chin hian ṭawng theih chiah i zir chhuak, nangmahin awm tawh la a ṭha ang" ka tih veleh rang zet hian ka bulah a rawn ṭhu thla a, a rûkin ka lo nui pût pût mai.




“Keimaha awm ka duh teuhlo, in nufa hlatah hian ka awm dâwn lo hrim hrim, a sawi pawh sawi suh. Min tlânsan han tum vaih teh, nilêngin ka thlung bet che a nimai" a tihchuan ka nui hak haka, ka hmui chu ka zum pût pût mai. Ka biangah chuan rawn piai nawk nawkin kan nufa hnute in pe chu min en zuia.




“Te, nu leh pa kan ni ve ta mai chu ania tiraw? Kan fapa hmel ka hmuh apiangin ka suangtuahna mai mai emaw ka ti ziah; mahse ka in sika, a tak ngêi a lo ni bawk si. Ka hmangaih ber ka nei thei che hi ka lawm, ka boss ilo nilo ang tih ka hlau" tiin alam chu ka hawia, a mitmeng de sar leh a hmêl hlim zetah chuan hmangaihna leh duatna ka hmuh sak thei, chu chuan min ti thlamuang hle bawk.





Kan hmangaih êm êm te kan nei thei vek loa, mi tam zâwk phei hi chuan hmangaih ber te hi an nei bîk in ka ring lo. Daidang tu hi a awm an tih ṭhin kha. Mahsela, a hnuah hmangaih tur dang an rawn lang leh ngei ngei thung ṭhin, kei ngei pawhin hmangaih tak ka lo nei tawha, khuanuin awm dûn tura min duh loh avangin kan inṭhen zui kha a nia.




Tichuan hmangaih tur dang min pe leha, a hma aia nasa in ka hmangaih zui. Chu nên ngei chuan bul ṭan dunin chhungkua kan din ve ta hial chu ania, fahrah ni a lo seilian tân chuan tûna ka dinhmun hi ka ngaihtuah thleng pha ngai lo hrim hrim, pasal neiin nun nuam tak ka nei ang tih phei kha chu ka ngaihtuah ngailo.





Keini ang fahrah, a ṭhen nu leh pa thihsan te, a ṭhen duh loa kalsan ni ho awm khâwm tân kha chuan thil ropui leh sâng tak ngaihtuah kha chu a zahthlâk lam zâwk. Suangtuah chu suangtuah ve ṭhin mah ila, a taka tawng tur erawh chuan ka in dah chhin ngailo.





“Kei deuh hian ka nunah ilo lang lo ang tih hi ka hlau a sin, ka nunna i ni a, ka hlimna pawh i ni. Ka tân chuan ka nun kaihruaitu i ni tel tih hre reng rawh, ka damchhante in ni a, ka chhûngkua te ang bawkin i pawimawh tih hria la, ka hmangaih che" a tihchuan nui sen senin ka ena, naute chu sofa ah chuan mut tirin ka pasal chu ka kuaha.





“Keipawhin ka hmangaih che, i chhûngte pawh ka haw miah lo ania, keichuan mi tam tak anga pasal chhûngte hmu theilo leh nu leh pa lak aṭanga a pasal hruai hrang tu mosual ti a an sawi nih hi ka duh ve lo. Engtikah emaw i pa pawhin min la pawm ve em em ang, chu mi hun chu ka nghâk mêk a nih hi, ka tana i awm reng avâng pawh hian ka lâwm e" tiin a âwm ah chuan ka hmai chu ka nawr vang vanga.




Ka nunah mipa pakhat ka lo tawng sual tawha, a tîrah chuan rilru na in mut pawh ka muhil thei ngailo, ka tuarin a chêr lah ka cher. Dam kha ka thlahlel hlawl lo hial, mahse hmalam pan tura ka in fuih kalna khân tûnah chuan hmangaihtu thar leh ka hmangaih reng tawh tur ka chhar thar leh a.




Na zawng zawng tuarchhuak thei tura in ngai lo, mi beidawng ngawih ngawih khân tûnah chuan hlimna tak a chhar leh ta. Ka beisei phâk bâka ṭha a la ni leh nghal, kan bul ṭan dan fuh lo mahsela kan tâwpna hi hlim takin nise, tar kûn khup biha dam dun theih hi ka thlahlel ber a ni.




Ka ṭawngṭaina ah lah ka dil hmaih ngailo, ka pasal ka hmangaiha, ka fate ṭha taka ka enkawl theih nân te. A chhûngte nena kan inkar a ṭhat theih nân te ka dil tâwp ngai lo, beiseina nen ka nghâk reng ṭhin.




“I hetih vâng hian alâwm kalsan che harsa ka tih em em, thinchhe hlik hlek viau mahla i rilru ṭhatna hian min hip bet tlata, ka kalsan theilo che chu a nih hi. Hmeichhe ngawi chit chet, ze zawi mahsela a rûka lo nasa ru phian ṭhin te ai chuan ka thlang fe zawk che" tiin a khi suka, a thusawi dân kher kher chuan ka nuih a tiza ngei mai.



A va han duhawm tak “Kan inneih chin hi i lo ho reuh e" ka tichu a rawn ner naka, a nuih a za ve tho tih ka hre reng. Kan inneih hma kha chuan mi kulmuk leh sual hmel ren run kha ania, mahse kan han innei chiah chu a awmdân hi ka lâwm tak tak.



A che cute ka ti ṭhin, lerh viau turah ka ngai bawka. Mahsela, alo ni hauh silo, min phatsan a tum ngai lova ka hriat loh in hmeichhe biak ruk leh hmuh pawh a nei ngailo, Riha aṭang pawh khân a chiang viauin ka hria, mipa ṭhenkhat hi chu nupui neih tawh hnu pawha tlangvâl lena lêng tlat hi an awm tlat nia.




An tenawm ka timai, hmeichhia pawh nise mahni nupui pasal te phatsan duhna rilru pu ho hi chu mi ṭha leh ngaihsân tlâkah ka ngailo. Uire te hi Pathian pawhin a duh miah loh thil kha a nia, tam tak chuan kan ringtu nih dan hi a ṭha lo zâwngin kan hera, Pathianin ngaihdam theih loh a neilo tih chang hi kan hre hlura, ngaihdam theih loh a neilo tih châng chawiin kan sual lui hi a ni berin ka hria.




“Nang ka neih chin che hian ka ho in ka ṭawng thei vekin ka hria, an sawi kha ‘Kan kawppuite mize mil zêlin kan awm an tih kha, i zûnah ka uai tawha. I tihdân ka zir mai a ngai a nih hi, mi ho ka nih pawhin a pawilo" a han ti duah khera, sawi turte hi a hre thei a ni a. Engtin nge hetianga ṭawng a lo thiam theih ni.



A leh lamah chuan lehkha a zir sâng bawka thiam tur chu a ni a lâwm, ṭawngkam thiam lo se tun dinhmun hi a thleng thei tawp nâng, ka ngaisang letling zâwk. Ama ke ngeiin hetiang hian a awm thei a nia, a beih nasat tur zia lah ka hailo,




“Min hnial reng lo teh, chutilo chu ka tlân bosan leh ang che nga, i tâl buai hle mai tur asin. Tak takin hetianga i nelawm hian a nuam; mahse ka bulah chiah nelawm rawh, midang bulah chuan sual chuang silo in nui lo mahla a pawilo, i nuih loh pawhin an duh chea. I nuih phei chuan an duh leh zual dâwn che a, ka phallo" tiin ka ṭawng nghâl zat zata.







A rawn nui deuh hawk mai, ka biangah chuan rawn piai nawk nawkin ka hmuiah chuan a rawn fâwp zuia. Ka lo chhâng nghal zat bawk, ka nau neih thlakhat chhûng kha chu ka chêt a phallo va. Nu Zari a awm loh chuan amah a che mai zêl, min duat thiama, ka nau neihna hliam nên khân tuivawt leh thil rit lam reng reng kha chawi a phallo a nih kha.





Keipawhin ka tâna ṭha tur tih hria in ka tilui duh bik lo, bâkah ka chet kha a har bawk nen ka tân chuan awm mai mai kha a ṭha zâwk “Dodoi te pawh hi tûnlai chu an reh riau mai, an inhau deuh ania'ng hman zân khân min rawn hrilha, an inhauh chhan lah chu a ho nasa si, thikthu chhe zâwk in elna avangin an in haua" ka ti chu Thanpuia meuh pawh a rawn nui hawk hawk mai alawm.




“An va buaithlâk dâwn ve, innei phei se chuan an buai reng dâwn a nih chu. Tirawh, nau hi mut ila kan pahniha awmdun hun kan nei khât riau mai" a tihchuan ka hnial bîk lo, nupaa infiam leh awm falna hun pawh kan nei rih meuh lo a. Tûn hi bawihtea tlêmin a leikang ve deuha, hun kan ngah ve ta deuh.




Room kan luh rual chuan bawihtea chu a thênbawm ah chuan kan muta, rinai a fel in ṭah vak a neilova, kan nupa pawhin kan hahdam phah viau, nausual nei chu an meng tlaivâr zak zêl tih kan hre ve bawk nen Vanrohlua fel hlauh chuan mut kham takin kan awm theih phah.





“Kan ti thei tawh ang tiraw?" ka bengbulah chuan a rawn phun sar sara, a zawhna awmzia ka hre chiang viau mai. Bawihtea pian hnuah vawikhat mah kan la tilova, ka hrethiam viau mai.




“Um a pawi tawh lo ang, ka dam tawh alâwm. Mahse min dim la" ka tihchuan phur zetin a che nghâl sauh sauha, dang duh bik lo in duhthawh leh phur zet chuan ka lo chêt pui sauh sauha, kan pahnih thâwm lo chu hriat tur dang a awm lo, ka thaw leh hak ṭhin.





“Te min nghah tîr tawh suh, hmanhmawh rawh" tiin ka lamah chuan ka pawt hnaia, a nipawhin engmah a sawi tawh lo. Ka thutak zia hria in a rawn lût zui ruai ruaia, ka thâwk ka hip lêt nghal kâwk mai, a hnungah chuan ṭhamin a darah chuan ka seh sak nak naka.





“Te min kalsan suh," ka thaw hlawp hlawpa, a ni pawh a duhthawh sauh mai. Rawn che na sauhin ka âwm ruak kangah chuan a rawn fawp vang vanga, a na lek lek mai. A duk leh ngei dâwn a nih hi, hetiang hian a tive ziah. A hnu hma ka taksa a lantîr hi nuam a ti ni berin ka hria.




Kan zawh hnu chuan inkuah chialin kan thaw dûn halh halha, kan chau dun ngei mai. Thlan chuan min bual huh hlapa, ka lak aṭanga a awm sawn rual chuan a vawt nghal sur sur mai. Aw thian kharhin a lam chu ka hawia, min lo en reng tawh, nui suk hian ka sam tla darh niah chu ka bengah a rawn zepa, a chêt dân chu ngawi rengin ka lo en thung.




“I na em?" a tihchuan ka lu ka thing nar nara “Ka ṭha lutuk, engtin mah ka awm lo. Nangmah zawk, ka sehna che kha a na viau em?" ti a ka zawh chuan a dar chu a han en khera, a lo sen kalh mai. Ka sehna tih hriat takin ka ha thla chu a lang kalh lehnghâl.




ZAWMNA



“Nupuite bulah chuan na a hriat theih meuh loh, englai pawhin ka thlahlel em em reng che chu a nih hi. Chhûnah te hian ka bulah awm thei ula ka duh tawh riau mai, ka rawn haw châk si haw thei silo in ka awma, a buaithlâk. Chuvângin ka fapa hi a changkan zung zung a ngai a nih hi" tiin a phun sup supa.







Ka hre thiam viau, office ah hnathawk awm ṭeuh mahse biak vak a tum leh dâwn lo tih ka hrechiang êm a, ka khawngaih zâwk viau mai. Dik tak chuan ina awma, kan nufa bula awm mai mai a chak tih ka hre ve reng, naute kan neih a chin hi a fapa hi a ngai thei em em a. Pawm reng a duh a ni ber mai, mahsela a ṭah tawh chuan a pawm duh leh ṭhaklo, phakar ve tak chu a ni.




“Thlahnih a nih chuan kan rawn pui thei tawh mai ang che, tûnah rih chuan a la ngaihtuah awm a lawm. Dimdawi ala ngai sia, bâkah hna i rawn haw hma thei thoa, boss te chu tumahin an sawisel ngam nâng che" tiin ka nui hak haka, a ni pawh a rawn nui ve suk mai.




“Ka lo tawng lo ang che tih ka hlau, a hma kha chuan ka fa pai tu hmeichhia an awm ang tih hlau khân hmeichhia kha ka tlânsan zawk ṭhina. Mutpui tumna ka nei ngailo, mipa luck lutuk chu ka inti ngam lova, mahse ka vân bik hauh lo, nang nêna kan mut dun hmasak ber pawh khân fa kha pai turin ka duh hauh lo che; mahse engtin emaw taka min tih danglam avâng khân i zûnah ka uai ta bur maia, ka thlah hleithei lo che a nih kha, nang lah i ṭawng thei si" tiin a nui suka.




Ka nui ve hak, ni e ka zia hi ka thup lêm lo, in sawi mawi pawh ka tum chuang lo. Ka zia avânga min hua an awm pawhin pawi ka ti chuanglo, ka duh lohnaah kha chuan ka ngeiawmin ka ṭawngthei ve bawk êm ani.




“Mahse min be reng peih tho alâwm, a mak ka la ti reng. Inhnial peih em em kha tûnah hetiang dinhmun hi kan han thlenga, kan â dûn ve a nih hi tiraw?" ka tihchuan a rawn nui deuh hawk mai.




“Nia hmangaihna in a bual at kan nih hi, nang nên chuan khawi hmunah pawh awm dâwn ila pawi ka tilo, i kiangah chuan ka hlim zêl ang. Rethei deuh pawh ni ila min hmangaih tho ang tiraw?" naupang chhia deuh taka a rawn tihchuan ka lo bu nghauh nghauha.




“Ka retheih avângin min iai bik lova, lo rethei pawh nila engah nge ka iai bîk ang che ni. Dik tak phei chuan pasal ka neih chu ring ve ṭhin mah ila, hetianga dinhmun ṭha ah hian ka awm ka ring ngailo, ka beisei pha lo hrim hrim. Te, ka lo tawng lo ang che tih ka hlau, Ruata kha ka hmangaih ṭhin takzet, ka zêp lo. Mahse min tina a, kha tih hun lai khân ka tuar nasa a sin, chaw ka ei tui theiloa, ka mu theiloa, ka chêr ruak ruak a ni ber mai. Ka tuar chhuah kha ka ring pha lo hrim hrim, mahse Pathian hian min lo hmangaih ka tia, ka tuar chhuaka, tûnah chuan a aia min hmangaihtu leh ka hmangaihna zawng zawng neitur min pe ta che a nih hi" ka rilru taka sawi ka ni.





Thanpuia ka tawng hi ka inchhir ngaiin ka ring lo, ka hriat tâk chu mi, hlauhawm leh sual taka kan han ngai ngawt ṭhin hi a ṭha lo ka ti. An hmêl landan mai avâng hian kan nel lo ngawt ṭhin pawh hi a ṭhalo, han bia ila an lo fel duh phian bawk. Hmêl rum chi hi an awm ve hrim hrima, an sual em em vang pawh nilo in an hmêl awmdan tura Pathian ruat a ni tlat.





Thanpuia pawh miin an nel loh leh khirh an tih kha a ni a; mahsela ka han bêl chianga, a bula ka awm rei tâkah chuan mi hlim ve thei tak, midangte ngaihtuah tak leh puih nuam ti em em a nihzia ka hmu chiang tawlh tawlh mai. A ṭawngṭamlo lo nângin a ṭawng chhuah chhun ah midang sawiselna leh rêl na a chhuak ngai lova, a sawi chhuah tam ber chu min ngaihna leh hmangaihna thu chauh a ni.





“Khapa kha i duh tawh lo takzet maw? Ka hmuh laia a kuah che kha chu hnek thlûk tawp kha ka duh lek leka, nangmah chen khân thin nawk che ka châk a sin, ilo la hmangaih reng a nih phei chuan tihte kha ka ngaihtuah hman veka, khalai hmunah khân sawisak kha ka châk lutuk tlat" a tihchuan ka nui haka.



Ka ringhlel lo, Ruata nen min han hmu dûn kha chu a hmêl kha puak duh mai tur hmel a pu tlat a. Thikthu chhiatna hi chuan mipa pawh hmeichhia pawh nise khaw hmu lo lêka min chet tîr hi a tam a sin. Keipawhin Riha endan ka hmuh avângin ka thinrim khum ve tho kha maw.



“Ngaihṭha deuhin awm rawh, hmeichhia chuan hmangaih kan neih tawh chuan phatsanna rilru kan pu ve ngai lo a nia, mipa ai fe in insûm theihna pawh kan ngah tih i hria em? Nang ni chu hmeichhia in han nek deuh cheu sela in khûr nghâl dur dur mai ania" ka ti chu min rawn ṭham vak mai.



Ka au chhuak ṭhata; chuveleh ka hmuiah chuan rawn hupin kan fapa lam chu a en zauha, bengchheng lo tur chuan min ti ngei leh nghal. Ngeiawm lutuk mai, amahin bengchheng lo thei lovin min siam a ni reng sia, phakar lutuk mai.



“Min khawih tawh lo la ka bengchheng lo animai, mu rawh. A harh i hlauh kha min khawih tawh reng reng suh" tiin ka tau dera, lehlam chu ka hawi ngat bawk. A ngai ngam chiah lo nge ka hnunglam aṭanga min rawn kuahin ka dar vêlah chuan a rawn fawp kual dan dana, ka uksak duh miah lo thung.




Hrem ve chu a ngaiin ka hria, a ngeiawm bawk si. Kut kuangkuah ngât chung chuan ka mut ngai chuan ka mu renga, a nipawhin tâwp mai a tum hauh lo. Ka kâwngah chuan rawn chelhin min chûl riak riaka, ka lo thaw leh hak ṭhin. A mi tawhna ka taksa in a hre lutuk hi amak zâwk, a mah pawhin a hailo tih ka hria; a chêt dân hian a ti chiang hle bawk.




Ngawi reng chuan kan insual tawn ti ila a dik ang, chutih lai chuan Hluhlua chu a rawn chîk ta ṭhat ṭhata, kan in siamṭha rang ngei mai. Thawh mai ka tum lai chuan min dangin a mah chu a tho chhuaka “Lo awm rawh, zanin chu kan bulah mu rawh se. Khua a vâwt ṭana, a maha muttîr chu a ṭha lo, kan bulah mu rawh se" a tihchuan ka hnial bik lo.




Christmas a hnai leh tawha, khua a vawt ve ṭan viau. Mahse Aizawl hi chu thingtlâng lam leh khawpui ṭhenkhat ang em em chuan a vawtlo, in a tam vang nge thlasik hi a na lutuk hauh lo, Champhai lam khi a nawm hmêl ka tia. Vûr a han tla ṭhin an rawn post chhuah te hian ka kal ve châk ṭhin.




“Te bawihtea a lei kâng hmanin ka ringa. December thlaah khian Champhai lam hi kal ve chhin ila, ka kal châk e. A nawm hmêl ka tia, bâkah pipute lo chêt tamna a nia ka hmu châk lutuk, mahse naute hi ka ngaihtuah deuha. Ka kal châk tho bawk si" tiin bawihtea chu ka hnute chu ka pea, a hne nghâl dawk dawk mai.




“Kal kan tum dâwn ania, keipawh hi ka kal zeuh zeuh tih loh chu fankualna hun pawh ka la neiloa, bawihtea pawh a ngaihtuah awm loh tûrah ngai ang. Thla thum a lo pum ve tawh anga, chungin a ngaihtuahawm loh tûrah ngai ang aw. Inthuam lum ṭhat in ngai dawn tihna a nih chu, Mizoram district ah chuan a vawt ber hial ang an tih kha a ni a, damloh palh pawh a hlauhawm" a tihchuan ka bu nghat nghat mai.





Ni e, vur meuh tla chu a vawt viau ang chu. “Phakar lutuk, awi a zah loh reuh zia hi" ka fapa hnute hne dawk dawk leh mit chhing hmak chu ka ena, a ṭah lai hi chuan a uar nasa thei a nia. Hnute pêk hi chuan a ngawi leh hmak lawia, a aw rawl lah hi a ring bawk nên a pa a chhûn a nih ka ring ber tawh.





“Hnute hi chu a duh a ni, a pa ang chiah a nih hi tiraw? I ti ve em?" ka tihchuan a ner suk mai, ka nuih a za ru viau. A chhe lam zâwnga chhun tîr hi chu a duh lo ngat ngat teh a nia “A teuhlo lutuk, a nu a chhûn a nih kha" a rawn ti ta renga, a chhe lai hi chu a inchhun tîr duh ṭhak lo.




“Nilo e, hmêlah pawh nangmah a nia, mizia ah pawh nangmah vek tur. Keichuan nangmah bâk a chhun ka ring lo, bâkah thla 9 chhûng ka paia, na tuar leh hrehawm ti taka ka hrin ve em em hian min chhunna nei lo in a pa ringawt a chhûna, a lâwmawm viau loh a nia aw" ka tih tâkah chuan engmah a sawi tawhlo, ka thusawi chuan a ti lâwm tih ka hre reng.





“A dik e, a pa min chhun loh chuan ka lâwm dawn der silo a, tirawh u mu ang u hmiang. Naktûk chu inah ka awm ang, hna pawh ka kal peihlo ka chau" a tihchuan ka hnial bîk lo, kan bula awm a thlakhlel zia ka hria a, lo dan ṭûng pawh kha ka duh lo, ka pasal a ni a. Bâkah hna kal reng kher lo pawhin in aṭang pawhin a thawk thei tih ka hria a, ka nawr lutuk duh lo.




A awm loh pawha aiawhtu tur a nei ṭha tihlah ka hailo, amah pawhin chu chu a hrechiang, Dodoi a lo awm veleh zêl bawk nên kan nupa tân chuan malsawmna a ni ringawt.


“Te i pa te ho hian an la rawn be lo che em ni?" ka thusawi avâng chuan a mit chhing tawh chu a rawn mengchhuak leh a, chutah ngawi vung vungin ka mitah tak chuan a rawn melha.



“Mira, biak chu min rawn bia alawm; mahse hre kher lo la ka duh, ka sawi tawh kha. Ngaihtuah tawh suh, an rawn ngaihven lo che a nih chuan kei chuan biak ṭhat ka tumlo, ka chhûngkua mahnise hetianga an awm tlat chuan biak buai ka tumlo, kan pahnih hian kan hlim tho hi maw. Midang an ngai reng reng lo" a ṭawngkam a bul bawk nen engmah ka sawi belh duh tawh biklo.





A thinrim ang tih ka hlau bawk nên hmundang melhin ka ngawi ta kar mai, ka awmdân chu a awm a nuam leh silo nge ka khabe ah rawn dawmin min kuai dâk a “Min en teh, i lâwm lo em ni? I rilru nat ka duh loh vâng zâwk ania, ka kianga i awm chuan keichuan tudang mah ka mamawh lo, ka bulah hian hlim takin awm la tih bâka duh ka neilo, chu chu ka duhthusam a nih chu. An ni pawhin inhmuhchhuah hun an la nei mai ang, thinrim suh aw, kan chhungkua a ka pawl loh vang che a nilo, ka chhungte'n i rilru an tina tur ka duhlo" tiin ka chalah chuan a rawn fâwp vang vanga.





Keipawh ka thaw huai mai “Ka hria a lawm, Mahse mo sual nihte ka hlawh daih theia, dik tak chuan bawihtea hi a dama a rawn ṭhang lian thei te a nih chuan pi emaw pu emaw a duh ve ngei dawna, chu chu ka ngaihtuah lo theilo a ni. Chhungkua ka nei ve lo va, ka tân chuan nang hi ka chhungkaw neih chhun i nia, bawihtea hian pu tal nei se ka duh vâng ania, ka tihpalh. Ni e ka sawi tawh lo ang, hlim taka awm kan tum zâwk tûr alâwm tiraw?" tiin ka nuih ver vera, a ni pawh a thaw huai mai.

NAKTUK ZÂNAH CHAPTER THAR DAH KAN TUM DAWN NIA

[mawitei bawihtlung]

KA LALPA




CHAPTER 20




“Ka chhûngte hnaih suh ka ti che a niloa, i nat loh nân ka ti zawk tih hre thiam rawh aw. An ṭawngkam avanga i nat zia ka hailo a, khatiang aia nasa pawh kha i tâwk thei, chutiang vanga i rilru na leh i in kil tawih tur ka duhlo, ka bulah hian thlamuang takin awm la. Chhûngte ka nei emaw, neilo emaw ka tân chuan nang leh ka fapa hi in pawimawh ber tih hre reng rawh" a tihchuan ka bu nghat nghata.





Ni e a chhûngte hian tûn thleng pawhin min rawn biak an tum lova, nau kan nei tawh tih pawh an hre ngei ang. Lungleiah awm daih mahse chanchin hrilh tu tur an nei dâwn tih ka hailo, chuvanga sawi chhuak pawh ka ni. Pu nei renga ka fapa in ngaihsaktu chhungkua a neilo tûr hi ka ngaingam ngang lo a ni.




Keimahni chauh pawh hi pawi ka ti chuang lova, mahse a rawn seilen chuan a pu te min zâwt ve ngei ngei dâwn. Chumi huna ka chhan dân tûr ka ngaihtuah hian ka rilru a na a ni.







“Ka hria alâwm, a châng chuan min nei hi i inchhîr angah ka ngai ṭhina; i office kal chhûngte hian ka lo in ngaihtuah hah leh vak zela. Keimah avangin i chhungkua i hlat a ngaih phah hi hrehawm ka tih vâng ania, mutthilh tum tawh ang" tiin ka insiam rem sat sata, a ni pawhin min kuahin min khan leh nghal zat mai.




A ruhrel a len bakah mipa zawk na na na chu a taksa a seiin a ṭha bawk si a, min delh tawh hi chuan ka chau hnawk thei. Mahse hauh emaw pawh ka tum chuang lo, mutthilh hnuah chuan keimah zawk zawk hi delh bet nasa tu ah ka ṭang leh dâwn tih ka hailo, ka mang a chhe ve ropui si.




Bawihtea chu kan sir lamah kan muta, a ni pawh a mutui viau mai. Tê viau e tilo hian a aw rawl a ring em em a, a han ṭap tak tak ṭhin hi chu beng a kiu vawng vawng thei, mahsela a ṭap khât viau thung.





“Indanna ei nghal kan ngai a ni, bawihtea hi kumkhat tal a tlin loh chuan a khawngaihthlak dawn lutuk, ṭhenkhat indanna ei lem lo nau neih hnu maia rai leh te an awma, a ṭhat viau rualin nautê an khawngaih thlâk, hnute kham lo in an awma. Chuvang chuan kei pawh indanna ka ei rih mai angai ang, min lo lei rawh aw. I insûm thei lo ve sia, bawihtea a rethei lutuk palh ang" ka tihchuan ka dulah a rawn ṭhâm salha, a na phian lehnghâl.







“Chu insûm turin min duh tak tak maw? Min mamawh ve miah lo em ni?" tiin ka biangah chuan a rawn fâwp kual dan dana, thinrima sawi a nih lêm loh avangin ka ngai thutak duh lêm lo.






“Lo lei la a nih chu, bawihtea leh kan pahnih hma hun tur atân zawk a nia ṭha dâwn, kan chhang chhiat leh em em lutuk chuan i tâl buai hle mai ang. Ka mamawh lo che tihna a nih loh chu, inveng rih ang ka timai ania" tiin alama inher chuan ka kuaha, a ni pawhin min lo kuah lêtin ka samah chuan a chûl hliau hliaua.






Chu chuan ka mut a tichhuak zual, ka pasal ângchhungah hi chuan ka thla hi a muanga, hlauhthâwn leh rilru hah ka nei ngai meuh lo, a ban mai mai pawh ka thlamuanpui thei nia! A mak zawk, hetiang khawpa hmangaih ka neih leh theih hi ka ring ngai lo.






“Ka lo lei dâwn a nia, buai taka i awm ka duh bik hleinem. Hmun tina kan fate an lo ṭah chuan i rethei lutuk palh ang" tiin a nui ri haka, keipawh chuti tho. Ka ngaihtuah zâwng ringawt pawh hian ka huphurh sa, fa ṭahbelh deuh nei ho ka lo hmu tawha, nu tân chuan hmangaih viau mahse a châng chuan an ninawm tur zia ka hailo, chauhpui hnawk tham khawpa ṭahbelh hi an lo awm ve ṭhin sia.





Nu leh pa dinhmun han chelh hi chu thil namai lo tak aniin ka hria, fate avânga rilru hah leh inhauh châng te a awm lo theilo va, kan fate hma hun tur hrelo mah ila tûnlai khawvel sualna pung chak lutuk kâra fa lo neih pawh hi a lehlam zâwnga ngaihtuah chuan hma hun a tawi tuk mai.





Ruihhlo a hluar tawh si, naupang tê tê in meizial, zu tih vel an han zu in an in far tawh a nia. Chûng ngaihtuah chuan ka fapa pawh hi ka ngaihtuah lo theilo, kan thunun vek thei dawn lova, keiniin hrilh ngun viau mah ila thu an zawm miah loh chuan tih theih kan nei tawi hle dâwn si, engpawh chu nise a têtlai aṭanga ṭha taka enkawl phawt hi kan tum tur a ni.






A bâk chu Pathian kutah ka nghat ve tawp, a ni nen chuan engmah tih theihloh a awm dawn lova, a mahah in nghat ila kan chhûngkaw hma hun chu ṭha a tih angin min ruatsak zel mai ang.





Reilote-ah mutchhuak chuan min rawn zemin ka pasal kuah chial chung chuan ka muhil zuia.





Zanreiah eng emaw thawm chuan min ti harhin tho chhuak mai lovin ka sir lam chu ka ena, ka nui nghal sak mai. Thanpuia chuan thiam leh thiam lo hian bawihtea diaper chu a lo thlâk ve chu niin; a be pah mawlh mawlha, min tih harh a hlau hle tih ka hailo. Thâwm chhuah duh bik lo in ka lo en reng a, engtin tin emaw an inthlâk sak ve thei mai bawk.








Nui sakin ka lam a rawn hawi dâwna ka hriat avang chuan ka mit ka chhing zui thuaia, a tâwpah ka bulah chuan rawn mu lehin ka sam ka chal vela tla chu a huisawna, ka mengchhuak duh lo hrim hrim. Chutah ka chalah chuan rawn fawpin “Ka hmangaih che" a ti zui supa, min kuah leh in a rawn mu leha, kei erawh mit chhing chung chuan ka hlim em em thung.





A thusawi leh ka harh lai niloa a chetdan chuan min hmangaih a ni tih a tilang chiang in ka hria, a lamah inherin ka kuah leha. Ka harh tih a hre chuang lo, keipawh chu reilote-ah ka muhil zui ve leh ta mai bawk.





Zînga ka thawh chuan an lo bo leh daih tawh, choka lamah nu Zari rawngbawlna lamah an awm leh tawh a ni tih ka hre nghâl, an tûk tin tih dan a ni a, ngaiah ka neih tawh. Nu Zari pawhin kan fapa chu a tu ang tak takin a ena, chhûna haw lova helaia awm châng lah a ngah. Chu chuan keipawh ka khawhar lutuk tur bâkah ka chau lutuk tur chu min chhâwk viau mai.




Room aṭanga ka chhuah chuan rin ang tak takin nu Zari chuan naute chu a lo pawma, Thanpuia erawh chuan thingpui a lo in thung. Min lo hmuh rual chuan a nui suka, ka nuih lêt ve sak bawk; an bulah chuan va ṭhu in thingpui chu ka inthlit ve a.




“Bawihtea chu ka lo pawm dâwn em ni? A tui a hal tawhin ka ring mange" ka tihchuan nu Zari chuan min rawn pe in rawng chu a bâwl zawma, bawihtea pawh hnute a hnêk tâkah chuan a duhthawh leh tawh ngei mai. Hnute a heh bawk nên keipawh in ei in lam ka ei ṭhat phah viau.




“I mutui em?" Thanpuian a rawn tihchuan ka bu nghata “Nang zâwk? In va tho hma ve, min kai tho ve mai ṭhin loa" tiin ka thingpui chu ka in paha, a kuta no tlir dat dat phah chuan “I mutui sia ka kai tho duh lo che a nih kha, vawiin chu kan pathum hian in awm mai mai ang u. Hna kal pawh ka peih chiahlo, office a awm leh rawn haw châk rêng rêngin ka awma, ka ning" a tihchuan ka nui hak hak mai.





Hna kal turin ka tilui duh biklo, keipawhin ka thlahlel ve bawka, nikhat chawlh chu a pawi êm bik lo turah ngai ang. “A nih chuan movie en ila, en châk deuh mai ka neia, OUR SECRET tih leh philipines lam film ANG MUTYA NG SECTION E kha ka en châk ve ve a, nilêngin en ila a ṭha ang" ka tihlai chuan a lo ner suk suk mai.




A peih vak lo tih a hriat nghal ngawih ngawih “I en duh zâwng a mak thei emai, nula tlangval en chi a nih kha, khatiang nutling tân en a mawilo" a rawn ti chu ka ngei ngêi mai. Khatianga rawn sawi kher ni, a duhzâwng a nih loh chuan sawi ṭhat ve mai tur ania.




“I sawi theih dânah i en ve ṭhin a nih zâwk kha, en lo la nula tlangvâl en chi a ni tih pawh i hre tawp nâng. Bâkah nutling em em pawh ka nih loh hi, fa pakhat chiah ka la neia, pasal nei laiin a en theih loh tih ziak a awm lo" ti ve zatin bawihtea muhil ṭan chu ka en renga.




A mut ngheh tâkah chuan sofa ah chuan va mut leh te te in ka pasal bulah chuan ka ṭhu phei leha, “Vawiin chu i en ve peih loh leh, duhzâwng ve ve kan en mai ang chu. En tlân kher pawh a ngai chuanglo a" ka va ti leh chu min rawn pen fawka, ana phian lehnghâl.





“Ka tello hian hlim viau suh aw, kan en khawp ang. Mahse a changtupa han fak vaih teh, i châk lo ang" a rawn ti hmuka. Kan thusawi lo ngaithla reng tu nu Zari chu a rawn nui nasa mai, kei erawhin eilo zetin ka hmui ka lo ti sâwi kual vela, a hmu nge mawni a kut zungchala min rawn sawhin “Mipa dang i vei ka phallo tih hria ang che" a rawn ti leh hrâma.





Enge movie mai mai pawh chu a thik nghal em em ni? A takah ka duh pawh ni hleilo, bâkah an awm hla lutuk hrim hrim. Thîk âwm deuh te hi hriat ve tûr a nia, awm hmunah thikthu tichhe em em ringawt “Ka star vek tawh, sawi tûr i nei leu. Ka mit a nia, ka nei dâwn pawh nilo" kan inhnial nghal char char mai.




Nu Zari chuan a ning deuh nge “Duhthawk teh u, in thu khel a ho emai. Chutiang film mai mai, bawiha nangpawh ramdang mi te chu thik tham an awm hleinem, mit bâk in a hmu phalo, an awm hla lutuk. Miriami pawhin a duh tak tak nâng, movie rêng rêng chuan zûn an nei ve a, zûn neilo se tumahin an enin an chang peih lo ang" a rawn tih tâkah chuan Thanpuia pawh lungawi vak lo chuan a ngawi ta hrama.





A rûk chuan ka nuih pût pût mai, chu chu a rawn hmu nge a rum nghuta, keipawh insûm tak chuan nu Zari chu puiin ka che zuia “Hetah chaw ei ve leh rawh aw, i chau thei ngawt ang. Thanpuia hian rem a tih leh nangmah pui tûr che in nula la naupang deuh zawng ila a ṭha ang, mahse thlan fîmkhur angai viau ang, tûnlai ah awmpui fuh lo deuh deuh an awm an tisia" tiin ka sawi pah mawlh mawlha.





Thanpuia pawh chuan a lo tui hnih ve bawk “A ngailo ang; mahse ka ṭhiannu fanu kum 18 ania, school kal paha awmna tûr a duha, thingtlâng lam mi an nia, in rem tihchuan a lawmawm viau ang. Mahse chhûnah inah a awm hman dawn lova, a fel erawh a fel ania" a tihchuan Thanpuia chu ka en zauha.




Thingtlâng lam an nih chuan ka iai vak lo, an che felin tirh vêl pawh an nuama, inchhûng chêt emaw ram lam hna pawh nise an thawk thei vek tih ka hre ve tlat. “Kan lo ngaihtuah dawn ania, tirawh u chaw ei tawh ang u" tiin chawhmeh chu suanin chaw ei chu kan siam zuia.





Chaw ei lai pawh chuan eng eng emaw sawiin kan titi a, nu Zari te nên hian kan inhlat lêm lova, a ṭhiannu fa a tihchu an awmpuina a rei ve tawh a nih hmel. Kum tâwp lam a lo ni tawh nangin a Christmas money tuakna a nimai a lawm tiin naktuk lam aṭanga rawn thawk ve tura kan tihchuan nu Zari pawh a lawm hmêl viau mai.





Chaw eikham chuan thleng silin in chu a tifai leh thuak thuaka, a zawh rual chuan a haw veleh mai bawk. Keini nupa erawh bawihtea pawmin room lamah kan lût zuia “Le ka movie duhzawng ka sawi tawh kha, rawn tichhuak nghal rawh le." tiin bawihtea chu a thênbawm ah mutin khumah chuan ka ṭhu mu ar ara.





A ni pawh engmah sawi tawh lo chuan rawn mu in Laptop ah chuan Our secret chu kan en duna, a changtupa Chen zhe yuan hi ka duh bawk nên a film channa chu ka en theih phawt chuan ka en vek zêl. Amah hi a hmelṭha hi ka ti tawpa, a ṭap te hi a hmelṭha bik ngawih ngawih ka ti, mite chu kan ṭah hmelchhiat theih nên.




“Ka duh reuh e, keipawh naupan lai aṭanga duh bik riau, len hnu thlenga duh tur hi nei ila ka chhuah hauh lo ang" ka ti chu pakhat pa chuan min rawn sik leh hlawk tawh. A kutthlakte lah hi a na mai sia, kut thlâwn tuar duh bik heklo ka seh ve vaka, a ner nasa mai. Engah nge mi a tih hmasak daw daw ni.




“Ngawi reng khân en ve la, mi bialnu an neih pawhin an bialnute thil en an sawisel ngailo, nang ve chu kut min thlâk sawk sawk ringawt mai. Sual lutuk, ngawi reng khân en ve mai mai rawh" tihmakin ka ena.




“Fak sek lo la animai, keimah bak tumah fak suh. Vei pawh an ngailo, an duh ve chuang lo che, a duhtu che hi min duh la i nihlawh a nimai" rawn tiin ngawi reng chuan kan film en lai chu a en leh daiha, keipawhin engmah ka sawi duh tawh bik lo. A thikthu chhiat zia ka hria a, ka ṭawng leh a nih chuan kan in hnial leh mai mai dawna; ka peih lo.






Ngawi reng chuan a âwm pharh darhah chuan va beiin movie chu ka ena, a châng leh ka nuia. A châng leh ka ṭahpui bawk, Thanpuia erawh kan film en chuan a hmel a ti danglam eihlo, englai pawhin a hmêl a pângngai thlup reng mai. A zawh meuh chuan a tlai leh duai tawha, keipawh ka mit a kham urh mai.




“Duhtawk tawh rawh, i mit in a tuar ang" a rawn tihchuan ka lu ka thing nar nara “Short tal en ang, ka mit chu a ngaihtuah awm lovang. Ka mut pawh a chhuak rih lo, ka ṭha i duh leh nangmah kha lo muhil mai rawh" ka tichiah chu a lo châk nasa mai, awmsawn hmakin ka sirah chuan a let thla a, a mit a chhing nghal hmak bawk.





A va han ngeiawm thiam nget nget ṭhin tak em, engtin mah tiduh tawh bik lo chuan ka duhzâwng en chuan ka ṭhu mu a, ka phone rawn ri avâng chuan en lêm lo va la in ka lâk rual erawh chuan ka thaw nghal hak mai, min rawn be tawh lo tur khân ka ti chiang viau si a, engvanga min rawn la be ngam fo nge maw a nih le?





A huaisen mah mah a ni, pasal ka nei tawh a. Fa hial kan nei tawh bawk, eng vanga ka laka rawn lang sek nge maw a nih ni? “Engvanga min rawn be ziah nge maw i nih le? Pasal ka nei tawh, fa ka hrinsak tawh bawk. Ka pasal hi ka hmangaih, min rawn be tawh suh. Remruathlu ka ning ta khawp mai, hmeichhe dang zawng zâwk rawh. I hmu ṭeuh ang, helaia i awm ve leh a min rawn ngaihsak pawh kha ka mamawh lo, nang ai min hmangaihtu ka tawng tawh" ka lo ti ngheka.





“Ka hria a lawm; mahse ka la hmangaih reng che, in bia ang. Khapa kha i duh em ni? Min hmangaih emaw ka tia, i fa nên khân ka pawm vek thei che tih ka sawi tawh kha, i pasal kha kalsan la bul ṭan ang. Ka ti hrehawm ngai hauh lo vang che" a rawn ti leh chu ka nui ro halh ringawt, engtin nge khatiang thu kha a la rawn sawi ngam zâwk?




Zahna hi a hre thlâwt lo, mi hmangaih ber âwm ang hrimin ala awm zui ania. Mihring mak danglam tak chu a ni ve hrim hrim e “Min rawn be tawh suh, ka block phawt ang che. Ka pasal hi ka phatsan dâwn lo" thinrim zeta tiin phone chu ka dah zuia, ka block nghâl hmak bawk.




Ka phone dah ṭha zo Thanpuia lam ka hawi chu min lo en reng mai. A muhîl emaw tia! Engtin nge a lo harh theih ni? In thlahrung deuh taka ka en lai chuan a rawn ṭhu chhuaka, a mitmeng rum lam lek lek ka hmuh phei chuan dek pawh ka ti ngam lo, Ruata nêna kan inbiakna kha a lo hre ve vek âwm si a, a thinrim angem tih ngawt ka ngaihtuah.






Chutia inthlahrung deuh taka ka lo en lai chuan min rawn kuah thutin ka hmuiah chuan a rawn fawpa “Ilo huaisen hle mai, chuan ka tana i hnar na ah ka lawm e, ka lo thlang che hi ka thlang sual lo tih ka hre chiang lehzual. Ka nupui hian min lo hmangaih hle a ni tiraw?" a tihchuan ka bu nghauh nghauha.







“Min rin ngam phawt chuan ka rinawm zia i hmu zêl ang, ka tan chuan i pawimawh ber. Ka fâ pa i ni a, ka pasal i ni bawk. Engtin nge ka phatsan phal tawh tehlul ang che, nangin min duh loh chuan tumahin min duh lo ang. Neih engmah neilo min pawma, min hmangaiha chuti chung chuan engtin nge min kalsan tu umzuia ka kalsan theih ang che" tiin a zak hnuaiah zen lutin ka kuaha.




Ka thaw huai mai, chutia min ring ngam chuan min ti lâwm êm a ni.





“Tun aṭang chuan ka duat leh zual ang che, tumahin an tihnat che pawh ka phallo. Ka tan awm zêl la, keipawh i tân ka awm reng ang, ka hmangaih che a ka hmangaih reng fo ang che, i en zo tawh em ni?" a rawn tihchuan ka lu ka thing nak naka.




“Pakhat zâwk kha la en ka tuma, ka naupang chhia i ti em?" ka ti chu nui hakin ka lu ah a chûl ringawta “En leh rawh, ka lo mu leh ange. Zîng ka harh hma lutuka, ka mut a chhuak riau mai" tiin a ban chu khamin a mu zui leh thuaia.





Nui hakin keipawh chuan ka film en lai chu ka en leha, nu Zari pawh a rawn kal leh tawh tih hriat takin pâwnlam aṭang chuan min rawn au lâng lânga,ka lo chhâwn tâkah chuan a thâwm a reh zui ve mai bawk.





Thanpuia pawh a muhil ta ania'ng a hnar thlarh thlarh mai, an pafa muhil chu ka en tawna. An duhawm hliah hliah mai, heiai hmuhnawm tur dang hi chu a awm bîk lo tawp ang. Ka tân chuan ka damchhan te an ni a, an hlu lo theilo, chhungkua tak tak ka han din ve ta chuan min ti thaw huai mai.







“Nu, pa in duh loha in kalsan hian hmalam ka pan ve meka, ka ngaihtuah chhuak reng bik tawh lo cheu a nia aw. Keichuan ka fate hi midang enkawl tur chuan ka dah mai mai lovanga, fahrah ina awm tur chuan ka hnutchhiah ngai hek lovang, ka hmangaihna zawng zawng nên ka enkawl dawn ani. Min kalsan hi vawikhat tal in la inchhir ve angem le" tiin ka phun chhuak sap sapa.






Ka fapa ka en apianga keimah aṭanga hlimna leh hmangaihna chhuak ṭhin ang hi ka nu leh pa chuan an neilo a ni ngei ang. Ka awmna hmunah khân chiang takin ka nu leh pa kalsan ka nih thu min hrilh avanga hetiang a haw em em pawh hi ka ni, zawn chhuah tumna pawh ka nei chuang lo.






Tûnah chuan ka hlim ve tawha, an ni ka mamawh tawh bik love. An muttui êm avâng chuan ngaihngam takin room aṭang chuan ka chhuahsan a, nu Zari lo che mawlh mawlh chu ka va pui nghal bawk.



“Lo awm mai mai tur che a lawm, hlawh neia in mi chhawr ka nia, min lo pui ziah suh. Ka tân pawh anuam lo" a tihchuan ka nui hak haka “Iti mak e, kan tân chuan nu ang i nia, bakah hêngte chu in puih zêl tur alâwm. Kan fate hi an mahni ke ngeia ding tûrin ka duh dawna, chu mi tur chuan keimah pawhin ka zir angai a lawm, bâkah nu anga ka en che i nia, nangmah a thawh tîr che ka duh hleinem" ka tihlai chuan ka kutah rawn vuanin a hmer vang vanga.





“Nang ang hmeichhia Thanpuian a lo tawng che hi a vân nei ni, nang tih loh hi chu in inneih hma pawh khân hmeichhia zui leh rawn hruai pawh a nei ngai lova, i rawn lan a chin kha engkim i rawn thlâk danglama. A nundan mûk ru lutuk te pawh i tireh vek tawha, tunah pawh a nelawm tawh zia hi i hria em? Nui hmel a pu renga, a nun i thlâk hlawk a ni ber, hengte hi i hmangaihna avang chauh a ni" tiin hlim tak chuan a rawn sawia.





Ka lai lek lek mai, sawi mai tur ka hriat loh avâng chuan ka nui ringawta “I pasal hi hriatthiamna nen en fo la ka duh, a nu in a thihsan aṭang kha chuan a hlim hmêl a bo zo va, a nelawm loh in a hlim hmêl hi ka hmu khât a sin, nang i rawn lan chin hian thinlung taka a nui hmel te, a thikthu chhia te ka hmu leh theia, ka lâwm teh ania. Nangma lakah leh a nu lakah chiah a thikthu pêk chhiat zia ka la hmu" a tihchuan ka lo lâwm ru veng veng mai.






“Nu, heta i thawhna hi a rei tawh ang tiraw? Keipawhin Thanpuia ka tawng hi ka lawm a sin, a ni hi a lo piang lovang tih ka hlau takzet. Chhûngkua min pe tu leh, nu leh pa nihna min hriatchian tîr tu a ni a, ka tan chuan a hlu takzet a sin. I hre tawh tho anga, keiang fahrah mai mai pawh duat tak leh mi iaina nei hauh lovin min hmangaih thei ania, heti chunga ka kalsan a nih chuan mi le lo tak ka ni tihna ania'ng" tiin ka nui chhuak haka.




A ni pawh a hlim hmel viau mai “In hmangaih takin awm zêl teh u, nakinah in fate rawn ṭhanlen hun thlengin. In nunah in faten entawn tur hlir an zawng dâwn a, in nundan pawh in fimkhur a ngai dawn ania, aw khaih" tiin antui chhuan rawn liam ri avâng chuan a kalsawn zui thuaia.





A bula va kalin ka pui ve nghal zung zunga, Thanpuiate pafa pawh an rawn chhuak har lo, phak deuh chual hian an rawn tho a, Thanpuia sam phei chu a phîr si nasa mai, ka lo nuih chu min rawn en vung vungin a mit a sân uka, ka dar lo kân zauhin nu Zari lam chu ka hawi zuia.




“Min thawhsana" a rawn ti chu ka chhâng duh mailo, a fapa chu a kut lianpui chuan pawmin a pawm bo thei hial mai, an inhmeh lutuk tlat. Thlir an nuam ngawih ngawih mai.



“Ka zawhna chu chhâng rawh, engvângin nge min thawhsan" a rawn ti leh chu a lama inherin “Ka mu ve peih hleinem, bawihtea kha lo awi mai mai teh. Rawng ka bâwl a nih hi, inhnial pawh ka peihlo" tiin ka inher san leha, a haw leh mai mai ang chu.

[mawitei bawihtlung]

KA LALPA




CHAPTER 21




Kawngka rawn kik ri avâng chuan nu Zari chu bawihtea pawm tirin ka va pana, ka hawn rual chuan Ruata hmêl ka hmu nghal zat mai. Ngawi reng hian min lo en runa, ka awm a ti nuam hauh lo “Enge i duh?" ti a khâr ka tum lai tak chuan a kut chuan rawn dangin a rawn lût zuia, ka hlauthâwng bawk nen ka zui nghal vat.









“In hmuh ka duh thu ka hrilh che a" a tihchuan ka ner saka, “Pasal ka nei tawh ka tih kha, tin fa ka nei bawk. Min rawn tibuai tawh suh, tinge thil i hriatthiam duh miah loh? Pawmlai nei ka ni tawha, nang pawhin hmeichhe dang zawng zâwk rawh, chu chu a ṭha zawk" tiin ka hnaiha, chutah rawn inher thutin silai a rawn phawrh ta mai.





Phâwk lutuk chuan enin ka ip chawiha “Ka ta i nih loh chuan tu ta mah i ni lovang, i fapa himna saw i duh a nih chuan min zui ang che" a tihchuan nu Zari te lam chu ka ena, a lo hlauhthâwn hmêl hle. Tunge silai hmawrin a tin reng tih hre chunga thlamuang taka awm thei bîk ang ni.








“Engvangin nge hetiang thil hi i tih? Rah ṭha engmah a chhuah dawn lo" tiin ka ena, a rawn khi nghâl suk mai. “Ka duh vâng mawle, ka sawi kha ka ta i nih loh chuan tu ta mah i ni lovang, tûnah hian min zui chhuak ang che. Chutilo chu i fapa saw a thi nghal ang" a tih leh tâkah chuan engmah ka sawi tawh lo.






A awmdân leh chêt duh dan chu ka lo rin phâk loh thil a ni tlat, hetiang thil ti duh tur hian ka lo beisei pha lo hrim hrim. Eng pawh ni se a thu hi ka zawm phawt angai a ni, chutilo chu bawihtean a tuar tak tak dâwn tih ka hria, a mitmengah hian engmah pawisak lohna a lang tlat a ni.






Thawk la ham hamin “Ka zui ang che" ka tih tâkah chuan a nui vur vura, Thanpuia rawn haw thut se ka ti ngei mai, mahse a la hma ropui si. Chutia ka tih tâkah chuan a rawn nui nghâl vur vura, nu Zari te ka va en leh chu a lu a lo thing nawk nawk mai.





“I fapa saw va la rawh, i tello chuan a tlei thei nâng. Nang pawh i hlim dâwn lo tlat" a tihchuan ngawi rengin bawihtea chu ka va la a, nu Zari ka en chu a hmelah hlauhthâwnna leh kallo tura min duhna chu a lang bawk nawk mai.




Mahse ka kal ngei angai, ka fapa in a tuar ai chuan ka zui mai tur a ni. Thanpuian a hriat hun hunah min rawn zawng ngei dâwn tih ka hria, thawk la ham hamin pâwnlama chhuak tura min tih ang chuan ka chhuaka, a ni pawh mi hmuh a hlau bawka. A silai chu a kawr chhanah thuk ru in min kai chhuak nghal dawr dawra.








Bawihtea chu pawmin car-ah chuan min ṭhut luh tira, ka tal buai eihlo. A rilru buai hian enge a tih duh dâwn ka hre silo, chuvang chuan a tih ang ang hian ka awm phawt angai, a rûk chuan ka thinrim in beih lêt ka châka, bawihtea hi awm lo se chuan a ni zui ai chuan ka nunna thâp pawhin ka bei lêt mai ang.




Mahsela bawihtea ka ngaihtuah lo thei silo, he mihring hian naute chungah pawh engthil nge a tih duh ang ka hre  miau silo va, “Ka pasal in min rawn zawng dâwn tih hi i hria ang chu tiraw? A nimai bâkah hmeichhe chunga i thil tih avâng hian dân chuan a chhuah hauh lovang che" tiin thinrim ha sehchilh rap rap chung chuan ka ti chhuaka.



Ka thinrim lutuk chu ka sa pup pup mai, “Lungngai suh min hmu mai mai lovang, tûn aṭang chuan ka nupui i ni tawh ang" a tihchuan ka nui hak ringawt.“I nupui chu ka ni ngai lovang, i duhthusam chu engtikah mah a thleng lovang" ti hmakin bawihtea rawn chik ṭhat ṭhat chu hnute ka pe zuia.



Chu mihring tenawm lutuk hmuha ka hnute ka pêk ngai te chuan min ti thinrim zual. Motor khalh mahse a mit chuan min rawn en zawm reng tih ka hria, ka dinhmun chu him lo riau in ka hre bawk. Ka hnute chu hliah ve mah ila bawihtean a hnek miau avângin a khuh vek theih siloh.





A rûk tak chuan hrehawm ka ti, mahse bawihtea ka ngaihtuah miau avângin ka tawrh angai bawk si.



“Khawiah nge min hruai i tum?" khawpui pâwn kan thlen tawh avâng chuan thinrim zetin ka ena, Thanpuian a hriat ngei ka ring tawha, chuvang chuan min rawn zawng ngeiin ka ring bawk. He mihring pa hi tih khawmuan dân tûr ka zawn angai a ni.





“Hmun hla takah i pasal chuan a rawn zawn hmuh che beisei reng reng suh, ka thu i zawm hma chuan ka khung ang che" tiin a tlân zawm zela, ka rilru chu a hlauthâwng in Thanpuia chu ka au mawlh mawlh renga.




“Mualpho i hlau miah lo em ni? Mizoram chhûngah hian min bihruk pui theih i ring amaw? Media in an hre vek tawh anga, i dinhmun chêp zia i hria em?" ka tih tuar lai chuan a lo nui suk duh chauh lehnghâl. Chûngte chuan ka ngaih an ti ṭha lo zual, he mihring hian engtin nge min tih a tum ang? Ngaihtuah ngaihna ka hrelo, kan in ngaihzawn lai khân hetiang mi hi a ni ngai silo.





“Engkim ka ngaihtuah vek tawh, tumahin min rawn hmu lovang, khaw chhûngah kan awm dâwn lo reng a lawm. Ka sawi tawh kha i fapa nên khân ka enkawl ang che u, ka fa ngei nise duh viau mah ila ka rawn haw tlai avangin ka hrethiam hrâm ang che. Keima thiam loh ania, ka fa ah ka pawm thei mai ang" a tihchuan a â hialin ka hre tawh.




“Min bihruk pui reng thei dâwn lo tih i hria ang chu maw? Man i nih hun hunah hremna a na thei ang ber i hmuh ngei ka beisei, ka chungah engpawh ti mah la ka thinlung hi Lalthanpuia tân bak loh ka hlân ngai lovang; a ni chauh ka hmangaih bawk" tifakin pâwn lam chu ka ena, a rawn nui leh hak mai.





“Kan la hria ang chu, ka ta i nih phawt chuan ka duhtawk, engpawh tâwk ila min zui ang" a tileh phei chu a rilru a kim lo hialin ka ngai tawh. Be duh tawh lo chuan ka ngawi zui ta daiha, chutah huan pakhat enkawl ngun tih hriat tak hi thlengin thlam ti ila mi ṭhenkhat in nen a in tiat reng ang tih tur nalh deuh tak hi a lo awma.





Thanpuia chuan min hruai se phur zetin ka au chûl ngei ang, mahse he mihring bulah erawh ka thinrim ṭun thung. Ngawi reng chuan kan chhuak a, a hlim hmel ka hmuh chuan ka luak a chhuak zual, Thanpuian min rawn zawng hmu ngeia ka rin avângin engtin mah ka awm  duh lo thung.




Luhlul ka chhuah a nih chuan keimah mai bâkah ka fapa hian a tawrh ka hlau bawk nen Thanpuia min rawn hmuh hma chu thu awih taka ka awm mai angai a ni. In lam pan chuan min kai pheia, engvanga helai hmuna min hruai nge a nih ka hrethiam hauh lo, hmun hla takah min kal pui ka ring kha a nia, mahse Aizawl lam aṭangin a hla lo tih ka hriat avâng erawh chuan ka thaw huai thung.




A chhan pawh Thanpuia te tân min zawn a awlsam a ka rin vâng a ni. “Khawiah nge ka room tur" tihmukin ka ena, a rawn nui nghâl vur vur mai “Nau nei hlim ka ni tih i hria in ka ringa, ka taksa in chawlh hahdam a mamawh tihchu i hrethiam ang chu maw?" tilehin bawihtea chu ka en zawka.




A ni pawh a lo bu nghut mai “Sawlaiah sâwn kan awm ang, nangmah a ka awm tîr che ring suh. Tlân bo i tum anih chuan i fapa hian a tuar hmasa zêl ang" tiin min rawn hnaih thutin alamah min pawt hnaia, ka hmuia rawn fawh a tum rual chuan ka lo hriat sa avângin ka hawisawna, nui hakin ka chalah chuan a rawn fâwp ta tho a, ka inseh ruh ṭun mai.





Ka haw lutuk chu ka thin a so bulh bulh thei, bawihtea awm lo se chuan ka nunna thâp pawhin ka bei let ang, mahse ka fapa nunna derthawngah ka dah duh bîk silo. Room ah chuan ngawi rengin kan inzui lût a, ka beisei loh lutukin hmeichhe thawmhnaw leh naute thawmhnaw a lo awm ṭeuh a nih chu.



Ka mak ti hawi kual vel chu min rawn hnaihin “Engkim ka ngaihtuah sa ka tih che kha, i fapa pawh ka ngaihtuah vek. I duh chuan sawtah sâwn bathroom a awma, i intifai nghal thei ang. I fapa chu hetah dah mai rawh" tiin bawihtea chu rawn pawm mai a tuma, ka lo la sawn nghal vat bawk.





“Hlauthawng suh ka tina lovang, thu i awihna tur a ni tih ka hria a lawm. Ngawi reng khân va in tifai vat rawh, chutilochuan thil pawi zawk a thleng palh ange" tiin min nawr leha, bawihtea chu ala nghal bawk. Engmah sawi ngam tawh lo chuan bathroomah chuan inthlâkna kengin ka lut a, tlanchhuahna tur lah chu a awm hauhlo, tukverh pawh rot in a ping dang veka, engkim chu a lo ngaihtuah fel vek tawh tih a hriat.






Rilru hah zet chuan ka thaw chhuaka, Thanpuian min ngaihtuah tawh viauin ka ring. Keipawhin ka ngaihtuah, a hlauthâwng in a rilru a hah dâwn tih ka hria, ka mittui chu a hnam sawka, ka thil ngaihtuah loh dân deuha a kal chu ka rilru a na bawk. Kawngka kha lo hawng kher lo ila chuan tûn dinhmun angah hian kan din a ngai lo tur.




Min rawn zawng hmu ang nge, min hmu lo hlen zâwk ang? Rilru chuan ka ṭawngṭai mawlh mawlha. Ka taksa a hnawng chuap bawk nen phur lo zet chuan ka inbual zuia, mamawh engkim a lo dah dânah a hma aṭang daih tawhin alo in puahchah lâwk tih a hriat theih. Engmah a rawn sawi tawh ngai loh avangin a beidawng ta ah ka ngai kha a ni a, mahse ka lo ring sual chhia va a ni.





Bathroom aṭanga ka chhuah lai chuan bawihtea chu a lo la pawma, ngawi reng chuan ka va lâksak nghal vat bawk. A ni erawhin engmah sawi lovin min lo en a, a mitmenga chuan enge a ngaihtuah a hriat theih hauh loh, bawihtea chu khumah chuan mutin ka insiam rema.




“Ruata hetiang mi i nih ngai loh kha, mi nupui ka niin ka pasal chu ka hmangaiha, khawngaihin nang pawhin hmalam pan tawh rawh. Hetiang hian awm suh, hmeichhe ṭha tak tak an tam a lawm" tiin ṭawngkam nem zâwk chuan ka bia a, thinrima ka biak chuan a pawngpawrh tawlh tawlh dâwn tih ka hriat vang a ni.





“Min lo nghâk rawh ka tihche kha, min nghak la chuan hetiang thil ka tih hi a ngai lovang. Enge pêk loh che ka neih? Min nghâk thei lovin mipa dang fa ilo pai hial ania, ngawi renga ka en liam theih che i ring amaw?" a rawn ti hriam hraiha.




A hmêl rum ulah chuan a lawm loh zia a hriat theih, engvanga min la mawh puh fo nge a nih ni. “Duh tâwk rawh, mi phatsan a hmeichhe dang kawp tu i nih kha, in thlalak thlengin ka hmu, thil kal tawh sawi chhuah reng hian awmzia a awm lo. I dik lo hmasa zâwk tih hre reng rawh, keichuan ka kawp ve lo che" tiin ka sawi chhuak ta fak faka.




“A ni kha ka duhlo, nangmah ka duh avâng che a hetiang thil ti hi ka nih hi. Engmah sawi a ngai tawhlo. Heti hian chhûngkua dinin kan awm reng tawh ang" tiin a kal sawna. Kawngka chu chahbi nen a kalh vek bawk.


ZAWMNA




Ka rilru chuan Thanpuia ka au mawlh mawlha, Ruata hian enge kan chungah a tih duh dâwn ka hre lo. Tualthah mai pawh a hreh dâwn lova ka hriat avang chuan ka hlauthâwng zual. Bathroom a a intih fai chhûnga lo tlanchhuah chu ka châk takzet.






Mahsela kawngka a kalh vek bawk si, chubâkah bawihtea nên hi chuan a buaithlâk dâwn bawk si. A ṭap a nih vaih chuan biru pawh ni ila min zawng hmu awlsam dâwn bawk si. Engpawh nise ka pasal hian min zawng hmu ngei dâwn tih ka hria, nu Zarin engkim a hre veka. Ruata hmêl chiang takin a hmu bawka, beiseina nen ka lo nghah a ngai tih ka hria.






Min rawn zawn hmuh theih nân leh him taka kan inhmuh leh theih nân Ruata thu hi ka awih rih mai a ngai a ni, bathroom aṭanga a rawn chhuah rual chuan ka lo en kara, a ni pawhin min rawn en hmasa ber bawk. Ka awm tih a hriat rual chuan a nui nghal suka “Nuam iti em? Tikhan lo awm rawh, ei tur ka va ngaihtuah ange, huanah hnathawka dah kan neia mahse i lam ṭanga siam lo tum lo la, ka vau vek tawh ania" tihzawmin a chhuak nghal nal nala.







Chhan pawh ka chhâng tawhlo, ka phone lah inah a awm bawk si. Thanpuia ka ngai takzet min zawng nasa dawn tih ka hria, min rawn zawng hmu har lo hrâm se tiin ka ṭawngṭai mawlh mawlha. Kan Lalruatkima hian ka chungah thil ṭhalo tak a ti duh mai ang tih pawh ka hlau hlel lo, a ni lah mipa kei hmeichhe tân chuan rei tak ka dang thei dâwn lo tih pawh ka hria.








Darkar chanve hnu velah a rawn lût leha, ei tur tih hriat tak hi a rawn khai lût bawk. Khum bul dawhkanah chuan rawn dahin ka bulah chuan a rawn kal hnaia “Nau kha mut la chaw hi ei ang" a rawn tihchuan ka hnial lem lo, chak ṭha taka ka awm theih nân eiin ka ei ṭhat a ngai tih ka hria.





Bawihtea chu khumah chuan dimtea mutin dawhkân lam chu ka pana, a ni pawhin min rawn zui ve bawk. Chaw chu ngawi reng chuan kan bar zuia “I chhungte'n ka chunga i chet dân hi an hria em?" ti a ka zawhna avâng chuan tawp chatin min rawn ena, an hriatpui chu ka ringlo bur.






Ka chungah an sual ngai lo tih ka hria a, engmah an hriatpui ka ring lo bawk. Bâkah an fapa nen kan tâwpna chu a rei tawha, min hre reng hauh lovang; “Ka zin chhuah tur thu ka hrilh, i hrechiang tâwk em? Tin, hun han liam deuh sela ka hrilhfiah chuan an hrethiam mai ang, in pa hi ka dah ṭha phawt dâwn tih hria la" a tihchuan ka ner sawk a.







Thanpuia tihnat a tum a nih chuan kei hian ka theihna zawng zawng nên ka bei let ang. A awmdan leh a mit chêt kual ralh dânah chuan tih a tum tak tak tih ka hre bawk, silai a nei bawk nen Thanpuia tân a hlauhawm thei tih ka hria, chuvang chuan eng emaw tak ka tih ngei angai a ni.







“Hre rawh, Thanpuia i tina a nih chuan keipawh min nei thei ngai lovang tih hria ang che. Kan pahnih inkar avangin midang nunna lâk te i tum ange, engkim hi i thiamloh a ni tih hre reng rawh, hmeichhe dang kha zuk kawp lovin min rawn bia ni la chuan ka lo nghâk em em ang che. Min phatsantu i ni tih hria la, zahna chhe te tal i nei lo em ni?" tifak fakin amah chu ka ena.





A hmel chu a rawn rum nghal al mai, mahse ka hlau duh bik ṭhak lo. Tûn hnua hetianga a rawn awm kual leh ka chunga a chet dan avâng hian ka haw ngawih ngawih bawk “Ngawi hmak rawh, bialnu chu ka nei ngei e. Mahsela ka phone a bo vâng tih hre rawh, tin, min nghah tur thu i sawi bawka. Min nghak theilo chu a nih hi" a rawn ti hrawka, ka nui nghal hak mai.








“Chu ka sawi dik lo em ni? Min phatsan tihchu i pawm tawh chu, kei chuan phatsantu han pawm leh nghah vel hi ka tum ther te lo; tin pasal ka nei bawk. Min dah lêt la chu chu nang leh i chhûngkuate himna leh mualpho lohna tur a nih chu, taka in mualpho tawh hial zawk ang. Media a chak tawh si a, tupawhin min rûk chhuah thu hi an hre veo tawh ang" tiin ka nui hak haka.








Chutia ka nui a hmuh chuan a thinrim hmêl zual sauh mai, nui leh hakin ka thawh chhuah sana. “Ṭawngkam khat pawh i chhâk chhuak leh a nih chuan ka duh loh thleng min nawr luiah ngaiin i lakah ka chet dan tur ka sawi lawk theilo. Chuvang chuan ngawi reng la, nang leh i fapa him na tur hi ngaihtuah zawk ang che, miin an hria nge hrelo ka pawisa lo. Ka bulah in awm chuan a tawk" tiin ani pawh chu a tho zuia.








Engmah ka sawi belh duh tawh bik lo, bawihtea a muhil bawk nen a la sen si a, hepa thinrim hian a lung tiche dawt thei khawpa a chet ka hlau a ni ber mai, “Ha nawhna ka duh ania, khawiah nge a awm? Ka in nâwt fai duh" ka tihchuan almira chu va hawngin ha nawhna pakhat chu a rawn phawrha, ka kutah chuan a rawn hmeh bel nghal bawk.






Engmah sawi tawh lo chuan bathroom lamah chuan lutin ka ha chu ka nawt zuia, ka fapa ka ngaihtuah avangin ka awm reilo. Chhuak leh thuaiin a bulah chuan ka va mu a “Chawlh hahdam ka duha, min rawn tibuai hauh suh ang che. Naute hi a mut ṭhat loh chuan zânah i tlaivâr a ngai hial mai thei a nia, tin mut tlân ka duh hauh lo bawk" tifak fakin bawihtea chu ka kuah bet zuia.




“I inhliam chhûng chiah ka insum ang, hre reng rawh. Rei ka nghâk dâwn hauh lo che a nia, ka ta i ni ngei ang. Ka ta i nih loh chuan tuta mah i ni ngai dâwn lo tih hre reng ang che" tiin room aṭang chuan a chhuak zuia, ka chhang tawh lo. Ka chhan leh chuan a awm rei mai mai ang, tûnah rihchuan mutthilh ka duh rih.





Ka taksa tal ka hahchawlh tîr tam loh chuan nakinah enge kan la tawh zêl dâwn ka hrelo va, in ven nan a ṭha thei ang bera in enkawl ka duh a ni. Ka fapa tân chak ṭha taka ka awm angai bawk, kei leh zêl ka in enkawl ṭhat loh chuan ka fapa in a tuar dawn tih ka hria.






Lalruatkima hian eng chiah nge a duh ka hre silo, kei min ruk duh vang timahse thildang a awm ka la ring bur a nih chu. Engpawh chu nise chhuah rûk dân emaw Thanpuia biak rûk dan ka zawn angai a ni, mahsela phone takngial pawh a awm silo. He roomah hian min kalh khum tlat bawk si.








“Te, min lo zawng hmu vat rawh aw" ti a phun sap sapin ka mit chu ka chhing zui riai riaia, ka ngai takzet. Ka awm lo chu a hrilh haiin a rilru a hah dâwn tih pawh ka hria, a awmdan tur leh a talbuai kual vel tur chu ka mitthla thiam vek, Lalruatkima ka huatna a zual sauh bawk.







Ka chau bawk nen ka lo muhila, bawihtea ṭap ri chuan min kai tho chiang hle. Mengchhuak vatin ka ena, a hnute a hal a ni ngei ang a lo ṭap uar nasa mai, ka hnute chu barh vatin ka awi pah paha, khua chu a lo thim vek tawh bawk.







Thanpuia chuan min rawn zawng hmu ang nge. Nge ni a ka awmna rin chhin ngaihna a hrelo ni ang? Min rawn zawng hmu lo ang tih mawlh chu ka hlau a ni, a tello a ka awm theih loh zia hetia kan awm chiah hian ka hrechhuak thar uar uar mai.







Room kawngka rawn inhawnga Ruata rawn lut chu ka lo en rana, a mitmengah chuan ngaihtuah muk tak a nei tih ka hre mai, a mitmeng tal buai zet saw ka hmuh hmaih hauh lo, Mizoram pawh Police ṭha tak tak an awm tawha, Chutiangin misual chhui chhuah a harsa tawh lo tih pawh ka hria, keini ngei pawh min rawn zawng hmu vatin ka ring.








“I tlai hma hian min dah lêt rawh" ka lo ti chu dawhkân chu a rawn pet ri ṭhuaia “Lo ngawi hmak rawh, ka dah lêt hauh lovang cheu, a ṭul chuan kan thi vek mai ang. I pasal chu rawn kal rawh se a dam rei hauh lovang" tiin a chhuak leh ta daiha, engtak tih tum ang maw?







Thil ṭha tak a tihchu ka ring lo bur bawk, a rawn lût leh tawh lova, a awm danah chuan Thanpuia ten kan awmna an hre tawh niin ka ngai, a talbuai emaia. Keipawh ka fimkhur sawt a ngai a ni, ka fapa hi ka ven tlat angai bawk ang.




Zanriah chu hmeichhe pakhat hian a rawn daha “Lo ding lawk" chhuah leh nghal mai a tum lai chuan ka lo ko dinga, a ni pawhin hlauthâwng deuh tak hian min rawn ena.






“Hetah hian i thawhna a rei tawh em?" a lu chu a rawn bu nghata “Ka dinhmun hi i hrethiam tiraw? Khawngaihin i phone ka lo hmang thei angem?" ka tihchuan a phu deuh zuka, a hawikual hrak hrak bawk. Hlauh a nei tih a chiang hle bawk, pan hnai in “Khawngaihin min pui rawh, ka pasal ka biak a ngai ani. Kan dinhmun hi i hria tiraw? I puih kan ngai takzet ani" ka tih leh chuan a hlauthâwng zual tih a hriat.








“Ka theilo pu Ruatan a hriat chuan hremna min pe ngei ngei dâwn, ka theilo a ni. Khawngaihin min be tawh suh" tiin a kalsawn zuia, Lalruatkima chuan thil a lo ngaihtuah kim hle tih ka hria, tumah ka be thei bawk silo, a hnathawk te lahin an hlau hle tih a hriat dânah a ṭhat vak ka ring lo.







Beidawng zet chuan ka thaw chhuak halha, tukverh invuahnate pawh chu chhuahna a awm angem? Tiin ka enkuala, a awm lo chiang hle. Thir chuan an dang veka, pawnlam phei chu zânah chuan a thim mup bawk nen a nelawm loh tih piahlam daih a ni.






Ruata lah kha khawiah nge a kal tih ka hre der lo, ka bula a awm chu châk hauh lo mah ila a bo vang vang chuan min ti ngaih ṭha lo a ni ber mai. Engthil nge a tih ang,? Nge hriat rûk a lo nei reng zawk, Thanpuia te hian kan awmna an hria ang nge tihchu ka ngaihtuaha, chuvang chu a ni ngei ang Ruata pawh kha tal buai em em a nih, engmah lah chu ka hre ve der silo.







Thanpuian min rawn zawng hmu vat tur angin ka ngaihtuaha ka ngai thar vawng vawng mai. A rim chenin reilote mah nise ka ngai lutuk tlat, ka sira bawihtea tui zeta mu chu ka ena, engmah lah chu a hrethiam ve der silo. A hmaiah chuan chûl sak riak riakin ka en renga, rukbo kan ni tih pawh la hrethiam lo khawpin a la sên bawk si.



NAKTUK ZÂNAH EMAW ZAN LEH AH EMAW LAST DAH KAN TUM ANG.

[mawitei bawihtlung]

KA LALPA




CHAPTER 22 (LAST)






“Engthil nge tih i tum? Ruata min rawn hnaih miah suh" tiin khum lu lamah chuan ka tawlh chho zêl a, ka sira bawihtea mu chu ka melh zawk a, Ruata mitmeng rum ulah chuan pawisak a nei dâwn lo tih ka hria, nidangah kha chuan hetiang hian a awm ngailo.






Tun ṭum chu a awm dân hi ka hlau takzet, ka khur der der reng mai. A lakah ka invenghim thei tawh lo ang tih ka hlau tak zet, min rawn hnaih zêl bawk si.



“Ka neihloh che chuan tumahin an nei lo ang che" tiin alamah min pawt hnai hrawk in ka hmuiah chuan a rawn fawpa, tâl chhuah tumin ṭan ka la ve fat fat bawk. Mahsela a ni mipa a nih bâkah thinrim tha nên phei chuan ka hneh lo lutuk tlat, ka thawmhnaw te chu a pawt ṭet ṭhawt ṭhawt a, ka hlau lutuk chu ka au pah chul mai.




Kan thâwm ah bawihtea pawh chu rawn harhin uar zet hian a ṭap tuar tuara, Ruata lah chuan tâwp a tum bawk silo. “Ruata khawngaihin duhtâwk rawh. Ka fapa in min mamawh ania, khawngaih takin min kal tîr rawh" tiin ka tal vak vaka, mahsela hrelo ang mai chuan ka kekawr chu pawh thlâk tumin chêt a la zuia.





Chutih lai chu rem châng ah lain a kapah chuan ka khup in ka do ta chawrha, a rak nghâl ṭhawt mai. Chutah hmanhmawh zeta tho chhuakin bawihtea chu ka pawma, chak thei ang ber chuan pâwnlam panin ka tlanpui nghal vat bawk, kawngah chuan ka theih tawpin ka tlân a. Min rawn umzui tih ka hre bawk nen ka hlauthâwng lutuk chu bawihtea ṭap pawh pawisa lovin ka tlân zela.





Chutah ka hmaah chuan Motor rawn lang thutin in vên hman a nih tawh loh avang chuan bawihtea chu pawm nghet sauhin a hnungchhawn zawnga dingin ka mit ka chhing tai tawpa, motor in break ri tuar leh kawngka inhawng ri in a zui nghala.




“Mira" Thanpuia aw ka hriat rual chuan rang zeta mengchhuakin ka pasal min rawn pan tu chu pan in a âwmah chuan ka bei ta thlawpa, ka hahdam nghal huai huai bawk. Ṭap chhuak hawm hawmin a âwmah chuan hmai ka phûm a, bawihtea chu a lo ṭap ve bawk.




Ruata tlanchhiat tum chu Police te chuan silaia an tin tâk avângin a tlân ngam tawh lova. Handcuff chu va bun tirin an Bolero lamah chuan an hruai nghal bawk, “Sh....engkim a ṭha vek e, a tina lo che tiraw? Ka lo zawn hmuh har cheu avangin ka tihpalh" tisup supin nghet zet chuan min kuah leta.






Kei erawh ka ṭap bang thei meuhlo, ka dinhmun der thawn zia chu ngaihtuahin ka la ṭap renga, kan fapa chu car chhûng aṭanga rawn chhuak mek Thanpuia farnu chuan rawn pawmin a awi zui hliau hliaua, mak ti viau mah ila engmah ka la zâwt duhlo.





“Tinge min lo zawn hmuh vat loh, ka hlau takzet asin, chhuanlam ka siam ṭang ṭanga. Chuti nilo se chuan ka tuar ngei tawh ang, tinge ilo lan har em em a?" tiin uar zet chuan ka ṭah khum leha, min kuah nghet sauh in ka bekah chuan a rawn dawma, min kuai dâk pah bawk.




“Ka tihpalh, helaiah huan an nei tih kan hre lawk lova, a chhungte'n an sawi ṭha duh lo nen. Min ngaidam rawh aw, a khawih hman che em?" a tihchuan ka lu ka thing nawk nawka, a thaw huai tih chu ka hmu reng, min khawih hman a ring ani ngei ang.




“Hlau tawh hauh suh aw, i kiangah ka awm reng tawh ang. Tumahin ka lak aṭangin an la bo leh tawh lovang che u,min ngaidam thei angem?" tiin a kut zungpui chuan ka mittui chu a rawn hru a, ka la ṭap reng tho. Ka rilru ana ve êm bawk a ni.






“Ṭap tawh suh le, ka lo thlen vat loh avângin ka tihpalh, ka ngai lutuk che" a tih leh tâkah chuan a nghâwngah kuahin ka kuah a, ka insut leh hlap hlap bawk. “Keipawhin ka ngai lutuk che, i hlatah min dah tawh suh. Khapa khân min khawih hman ṭêp a sin, bawihtea vângin ka tuara ka lo nghâk char char che a, mahse lo lan tih i nei silo, ka hlau ka hlau takzet" tiin ka la ṭap hliam hliama.





Nichina ka hlauhthâwnna te kha an la reh lova, ka lungchhia chu ka ṭap bâng mai thei biklo. Mahsela ka bulah ka mipa hmangaih em em a awm tawh tih ka hriatna chuan min thlamuan ta bawka, a hma ang em em chuan ka awm tawh lo thung.






Min pawm kâng nawlhin car lam chu min panpuia, keipawhin thlah ka tum bik lo. A rim leh a taksa, engkim hi ka ngai veka, ka thlah phallo a ni ber mai,  a ni pawhin min dahthlak a tum biklo, car chhunga min ṭhut luh pui rual chuan a chhûngte zawng zawng an awm ve tih ka hre thei, mak ka ti deuh deuh mai.



Min haw hle khan ka hre si a, tûnah engvanga helaia awm nge an nih ang? Min rawn zawng ve nge ni anga, nge min inṭhen tîr an tum zawk? Hlauthâwng deuh tak chuan Thanpuia pa chu ka ena, a hmêlah chuan engmah ka hre theilo.




“Bawiha in hman tawh chuan kan haw mai dâwn em ni? Stationah khân tlang kan ngaih hmel si a" a rawn tihchuan Thanpuia pawh chu a lo bu nghata, min pawm miau vângin a pa zawk chuan Motor chu a khalha, ka chau bawk nên ka fapa pawh a him tawh tih hria in ka ngaihsak thei rihlo, Thanpuia âwm ah chuan beiin ka thaw hle hle a.




Ka ṭahnan ka taksa chu a la kâng ek ek pawh, ngawi karin ka bei hle hle a, Thanpuia pawhin engmah sawi tawh lovin ka hnungah a chûl hliau hliau renga. Ka pasal lungphu ka hre leh thei chuan min ti hahdam hle bawk, mitchhing diar diarin ka muhil zui ta thuais.




“Mira tho lawk rawh le, thil awmdan ruk chhuah i nih dân leh rûk i nih hnua in awmdan kha Police te hnênah hian i sawi angaia, in ti harh lawk rawh le" Thanpuia aw avâng chuan harhin ka hawikuala, officer hmaah kan lo ṭhu reng tawh chu niin, min lo en ṭhap tih ka hmuh chuan ka zak ru viau mai.




Thanpuia taksa aṭanga awmsawnin Police officer chu ka hmachhawn zuia, chutah thil awmdan chu hmaih neilova sawiin a kâr lakah chuan zawhna min zâwt ve reng bawka. Ṭha takin ka chhâng ve zel bawk, ka sawi zawh rual chuan Thanpuia chu zah taka bia in kan haw theih tawh thu an sawi chuan ka thaw huai mai.





Station aṭang chuan chhuakin pawna bawihtea an lo awm pui ka hmuh chuan ka pan vata, mi hmuh pawh pawisa tawh lem lovin ka hnute chu ka pe vat bawk. A tui a hal tih hriat takin a hne nghal dawk dawk mai, khawngaih zet chuan ka en renga, kum a tlin hma a buaina a tâwk chu ka khawngaih takzet.



“Kal ila Mira, in lamah kan titi dâwn ania" a tihchuan ka bu nghata, chutah chhungkua chuan in zui ṭham ṭhamin a pate pawh chuan engmah an la sawi rih lo.




In kan thlen chuan nu Zari pawh a lo awma, min hmuh rual chuan ṭap chungin min kuaha, min ngaihtuahna chuan keipawh ka mittui a ko chhuak leha, ka hmai vêl chulin min ngaihtuah thu chu a sawi mawlh mawlh bawk. Ka nu ang tak taka ka en a ni bawka, a bula ka awm chu ka hahdam sawng sawng thei.




In chhûngah chuan inzui lutin kan ṭhu khawma, kan in ngeia ka han awm leh theite chu mumang emaw ka ti rum rum mai. Kha inah khân kar khat chuang ka awma, ṭhenkhat tân reilo hle mahse ka tan chuan hrem hmun a awm ang mai ka ni.




“Miriam in biak kan duha, i chungah kan lo sual viau tih kan hria a, i mi ngaihdam kan ngai ani. Kan fapa avanga i tuarna zawng zawng pawh kan hria a, kan chungah lawm lo hle mahse thupha sawi tûr kan hre lo a ni e, i theih chuan min ngaidam la kan duh khawp mai, ka fapa hi ka lo ngai dik loa, mahse nupui a mamawh in a nu anga a hmangaih a tawng thei ang tih ka lo rin loh vâng a ni, a nu ang chiah i lo nih vang a nih hi a kalsan theih miah loh che" a pa in a rawn tihchuan ka en vata.



Ka lâwm lutuk chu sawi mai tur pawh ka hrelo, a thu rawn sawi avâng chuan ka hnuk a ulh ṭun bawk. “Pa" tiin ka phun sapa, chutah min rawn enin inthiam loh naa khat tih hriat tak hian “Ka fanu min ngaidam thei angem? Mo i rawn nih aṭangin pasal chhûngte ngaihsak miah lo tu che i neih avâng hian min ngaidam thei angem?" a tih leh chuan ṭap chhuakin ka pana.




Ka kuah nghal chawt bawk “Pa ka haw reng reng lo cheu ania aw, i fapa avângin keihian hmangaihna te, duatna te leh thlamuantu ka neih phah asin, lo hring lo ula ka nun chu hrehawmna hi ala bâwm reng ang. Engtin nge ka mipa hmangaih ber leh min hmangaihtu ka neih chhun hringtu leh a unaute hi ka huat theih ang cheu, a thisen zawmpui in ni a, ka haw reng reng lo cheu ania" tiin ka ṭawng chhuaka.




A farnu te ho pawhin an mittui an lo hru fap fap bawk, “Ka fanu, i pa hi min ngaidam ang che. Mo i niloa, kan fanu dik tak ini tih hi hre reng ang che, i bo laia i pasal talbuai leh hlauthâwng hmel kha ka hmuh hmaih lova, alak aṭangin lo la bo ta che ila ka fapa hian a at phah hial ang tih ka hria, tûnah chuan ka inhmu chhuak ta e. Eng mipawh nila ka fapa i hmangaih phawt chuan a bâk ka beisei ta love" a tihchuan ka ṭap leh haka.




Lungngaihna kârah lâwmna in min lo hmuah telna chuan ka lung a tichhe zual, hetiang hi ka beisei phâlo. A farnu te ho pawh chuan ngaihdam chu min rawn dil ve a, mahse tumah hi ka hawlo. Ka haw ngai bawk hek lo ang “Pa ka lawm e aw, tûnah chuan chhungkua tak tak ka nei ve ta" tiin ka ṭap ri ta haka.



Thanpuia chuan min rawn kuah ve in a nui sanga “Ka nupui i ni hi ka lâwm e, tûnah chuan i thusawi kha a thleng dik ta. Tumahin min ṭhen hrang leh tawh lo vang, kan dam anga chhungkua duhawm tak leh hlim tak kan din dun zêl ka beisei, i ṭhatna chuan tûnah chuan chhungkua min zawm khâwm ta e" rawn ti ve supin min kuah hlu hlua.





Ka thaw ta huai mai, titi zui nak nakin kan nui ho dar dar renga, mumang ang tih châng ka ngah mai. Ka pa chuan awm ho vek a duh tawha, kan fapa pawh a ni te ho in an in pawm kual chhâwk sek renga, ka chang meuh lo. Ri chulin kan bengchheng hle, ka buaina khan malsâwmna a lo thlen reng zawk a, Pathian hian min ensan loh zia ka hre chiang leh ṭhin.






Ka pasal mit ka en apiangin min hmangaihna leh thlakhlelhna ka hmu thara, chu chuan ngaihṭha takin min awm tîr leh ṭhin, chaw kil ho in kan titi a, kan hun kal tawh sawiin kan nui ho leh ṭhina. A hmaa kan inhuatna te chu tûnah chuan fiamthu a chang ta, ka pasal hmangaihna leh zahngaihna zârah fahrah hmeichhia kha tûnah chuan mite zah niin chhungkua tak tak ka nei ve ta e.




“Ka nupui duh tak" tlai ni tla tur thlira ka lo din vang vang lai chuan ka hnunglam aṭangin ka pasal chuan min rawn kuaha, ka lu ka thlêk zeuh rual chuan ka enna lam chu a en ve a“A mawi hle mai, siamtu thil siam hi chu a ropui ani , chûng zawng zawng zingah chuan i ropui in i mawi lehzual" a rawn tihchuan ka nui haka.




A hnathawh thawmhnaw nen pawh a mawi leh em em tawh mai, “Bawihtea teh ala tlei em?" a pu nên an in awma, a kal ve thei ṭan tawh bawk nen a che sual reng mai. “Tlei mah mah kei hi ka tleilo, min awih ka ngai" a rawn tihchuan ka nui hak mai, a pangchan châk hi tihian a awm ve ziah.




“Tirawh ka lo duat ang che, i chau êm?" Ka tihrual chuan a han awm zawi lui ngeia, a rit ropui si. Chutah rawn ding ṭha in ka dul puar leh ṭan mek chu a khawiha “Kha zan khân ka lo mutpui lovang che tih ka hlau mange, Hetiang khawpa ka hmeichhe vei tur i ni tih hria ila a hma aṭang daih khan ka lo nei tawh tur che, Pathian hi a ṭha a ni, kan tân engkim a lo ruat sa vek a" tiin ral lam tlang dunga ni tla tur sen phut chu a thlira.




A hmêl pa hrak mai leh a hmaifang invuah fuh lutuk chu ka lo en leh veng veng tawh. A ni telin ka veia, a hmangaihna salah ka tân belh zel zawng a nih hi “Ni e Pathian hi a ṭha a ni, a remruat nghâk peih te tan chuan a ṭhatzia leh hmangaihna a ngah zia a lang zel bawk ang" tiin ka kuaha.




“Pathian in min hmangaihna chu tluk lo mahsela a dawt chiaha hmangaihna nasa berin ka hmangaih ang che" tiin ka nuih zui ta sen sena, a hmela lungawina leh min duatna lang chuan min phatsan ngai dâwn lo tih min hriat tîr ani.




A tâwpah chuan têt te aṭanga mi hausa nun leh chhungkua awta, hmangaihtu mamawh em em chuan ka tawng ve ta e, ka duhthusam aia ṭha mah lehnghâl. Pathian chu amah beiseia dila, nghâktute tan chuan a lo ṭha ber reng fo ang, nghak la beisei la, thlir rawh. A lo thleng har deuh anih pawhin tuar la, in fuihla nghâk zêl rawh. A tlai ve ngai silo.



A TÂWP TA. NEXT STORY DUHLAI ZORINPUIA CHU NAKTÛK ZÂN AṬANGIN WHATSAPP LAMAH A AWM ṬAN ANG AW, KA STORY MIN LO HLUT SAK ṬHINTUTE CHUNGAH THINLUNG TAKIN KA LAWM E.