CHAPTER 17
In mihriat thiam na ka rawn dil e. Zandang aiin a sei bawk aw. Sunday zan khan rawn dah ka tum a. Mahse ka han en nawn khan, a tawp dan tur ka lo ruahman nen, a in mil lo tlat hian ka hria a, ka han thlak leh deuh hlek a. Paih then pawh ka nei nual a, ziah belh pawh a awm tho a Chuan helaia 'paih' ka hman hi chu a dik in ka hria.
Chuan comment lamah khan, min lo hau bawrh bawrh ula, pawi Miah lo aw, plot hi chu tih danglam ka tum hran lo a, in rin dan han sawi ula, A happy te in ring em? A la sei ve sia, an inthen leh thut a ngem? Inthen leh Chuan inthen hlen angai awm sia
lo comment tau tau ula. Naktuk zanah Kan inhmu leh theuh dawn nia.
Mifel ho, comment lamah ka story te min lo ngaih hlut sak thin a ka lawm. A ziaktu hi ka khawlo em a misual tak hi ka nia. Min lo hau mai rawh uKa hnungah Chuan Sawmzuala chu alo ding reng a. Ka Phu deuh zawk nghe nghe, keimah pawh min en lo,.ka phone hum lai chu a melh reng ringawt a."I ngaihtuah hle mai. I tan a hlu viau aniang maw?"tih pah in min rawn pan phei a. Lo chhan mai dan tur pawh ka hrelo, ngawi rengin ka phone chu nghet zetin ka hum reng ringawt."Saw, tah sawn thu ila, in ve teh ang. min pehhel rei mah mah tawh ania"a tih leh takah Chuan a thutna kawh na lamah Chuan ka kal nghal a.
. Ka bulah Chuan rawn thu ve in."Chhuk leh i tum em mi?"arawn ti sup a. A hmel chu thla eng hnuaiah Chuan ka hmu re ruai a. A mitmeng a khawharna ka hmuh vang nge, ka chhang let thei tlat lo ani."A ni kha, i duh em?"a zawhna min zawh vang nge, ka Phu zawk thei hial mai."Ka thian alawm"harsa ti zet Chuan ka ti chhuak thei hram a."In chanchin ka hria alawm"a tih Chuan ka ngawi reng a. Ka zak tak zet tih bak hian ka sawi fiah thiam lo, ka zak em ani.
"Ka hmeichhe hmangaih ber i nih angin a awm chhun i ni a. Nang bak hi he khawvelah hian neih ka nei tawh lo. Ka ti na che tih ka hria, mahse ka kal tir phal thin lo che. Mahni hmasial tak a chelh tlat che ka la tlang fan thin. A chan chu maw, 'He thinlung hi I tan bak a phut ngai loh vang ani. I awm loh na hmunah Chuan awmdan a hrelo, a chhan hriat loh hian a na ngut ngut a. Nangmah tih loh chu tih damna dang a awm lo. Ka ngaihtuah na atanga paih chhuah che ka tum apiangin, a ai nasa in ka ngaihtuah che a. Harsatna ka thlen nasat zia che inhre chungin chelh tlat che ka la thlang fan ani"a thusawi lai Chuan a mitah ka en reng a. A mitmeng tih tak na leh khawharna te Chuan min ti hrehawm ve tak zet ani.
A tukah Chuan ni zan lam a Sawmzuala nen, ka in Biak rei em avangin thawh ka hai phah a. Inhnuaia ka chhuk thlak leh Chuan Tumah an lo awm tawh lo. Choka a ka lut erawh Chuan, ka mi hmuh duh loh ber zing a mi. Remsangi chu ka hmu nghal chat a. Zing thawh hlim loh ah pawh tih tawh nalaia, zing thawh hlim a han hmuh chu, ka mood a chhe nileng thak dawn anih hi.Ka thawm a hriat Chuan arawn hawi nghal vat a. Min hmuh Chuan min lo lawm lo tih hriat zet hian a ner sak a."I la awm reng mai hi a mak ka ti. Tuman an lawm lo che tih chu hrethiam rual I ni tawh"ngeiawm zet hian arawn ti a
"I in rawlh peih mang e. I in emaw ti suh. Engkimah in rawlh tum mai. A hma te hi i hman zozai lulai lutuk"ka lo let hmak a. A in neitu zawk pawh ni hlei lo, ti dek a ka awm na chhan tur pawh ka hrelo e a."Hah, zah na chhan tur ka neih ka hrelo. Sawmzuala nutr hian an neih tir dawn tawh dawn Chuang lo che.An duh lo zia che i hriat kha. Chubakah fa I pe thei lo a, Sawmzuala fa awh zia chu i hre Chiang ang chu"min ti let sak sak a. A hmel ka hmuh atanga mood fuh lo sa nen."En i zah lo hi ka ti ngawih ngawih. Mi pasal i ngaizawng a.Tihian i awm chilh ngam ania"ka tih Chuan, a nui hak a,"I pasal hian min hnar thli thla thak nise ka awm reng duh I ring em mi? beiseina min Siam tih hrethiam mai ta che"min nuih sawh zet hian arawn tih a.
"I awmbo lai khan maw? I nu hian min hruai lut a. Sawmzuala hian a hnial Miah lo, chubakah in neiturin min ti asin. I a ka ti dawn nge, i mawl zawk ka ti dawn pawh ka hrelo, tihian engmah hrelo, i rawn zui haw leh chu nia. Nangmah bi mak an yi zawk ang che"rawn ti leh in choka atang Chuan achhuak a, a chhuah pah Chuan min han su lui deuh kher leh nghal a. A sama ka phih chawrh loh nan, ka kut ka humruh ngawt ngawt a. Ka thinrim in ka zak bawk. Hah! bum ka ni em mi? In neih na maw? in then pawh Kan la inthen fel em lo a.
Zan lama Sawmzuala thusawi ka ngaihtuah let phei Chuan, ka thinrim lutuk hi ka sa chhuak vek ni mai hian ka hria. "Hah! min bo lo ang"tih pah in room lamah Chuan ka chho a, ka thawmhnaw neih ang tlem te chu airbag ah khung sawk sawkin inhnuaiah chuan ka chhuk leh nghal a. Midang hmuh tur an la awm chuanglo. Pawi ka tilo nasa ani, tlawm hmel taka ka chhuahsan lai an hmuh hi ka duh tlat lo. Two wheeler rawn tlan hmasa ber chu pharin, Kawnpui sumo stand lam pan Chuan Kan tlan chhuak nghal a.Tlai tawh mahse, sumo chhuak tur ala awm ka ring tlat ani.
Ka rin ang ngeiin a hmuna ka va kal chu, ka Chuan na tur chu alo awm hlauh a. Ka vannei ang reng khawp mai. Maria-i chu han thawn thut ka duh vangin ka hrilh lawk lem lo a. Albert-a pawh ka hrilh hran chuanglo, ka chhuk thlak hunah engkim Siam that ka tum ang. Sawmzuala lakah lo Chuan thinlung taka rilru ka pek theih loh avangin, thian Anga en tlang chu tha ka ti viau zawk a. Ka thutlukna hi sawi Ila, alo pawm thiam hram pawh ka beisei. Tunah na tih viau mahse Kan inhriatna ala rei vaklo a, min theinghilh leh ve mai ka ring a. Ka rilru buai leh chiai laia min hnem tu anih avanga hnaih ka ni berin ka inhre tawh bawk.
Sumo a chhuah theih meuh Chuan Kan tlai ve duai tawh. Ka ngaihtuah Chiang tulh tulh a. Remsangi ngampa lutuk te, an in ang maia, a chete ka mitthla let hian ka na thar vawng vawng mai hian ka hria, hetiang em em hian em mi an mo atan hian Minlo duh loh mai le. Ka ngaihtuahna a kal thui pauh leh Ka in khawngaih tawlh tawlh a. Chu chu duh loin, seat nghen chhan chu nghengin mit ka chhing vang vanga. Kawng tluana engmah ngaihtuah lo a, muthilh bawrh bawrh ka chak ber ani.
Hma lama ka buk deuh dawr rualin, ka bula thute chu an te rual that a. Driver pa Chuan,"A va mawl e aw"thinrim hmel zet hian a ti vin hluk a. Ka thut dan chu ka Siam rem nghal sauh sauh a."Eng nge a?"Kan Chuan pui zingah upa ve ber tawh awm Chuan arawn ti a."Saw bike saw, tlan laklawh laiin ka hma takah arawn ding thut alawm"driver Chuan lungawi loh hmel zet hian a ti a. Tu Tak ni ang maw tiin ka va dak ve thin na a, ka hmu chiang hleithei lo. "A va mawl ve a"ka bula thu te pawh Chuan an ti deuh nang nang a. "Ka va chhuak lawh ang nge"tih leh driver pa chu chhuk arual a. Ka awmdan chu amak Tak zet, ka thin arawn Phu dup dup a, an inusual buai ka hlauh vang nge, thil dang ve a Phu rang a nih ka hre thei lo.
Rei vak lo hnuah Chuan driver pa rawn kal phei chu ka hmu thei a. A hnung ber seat a thu ka nih vang leh, truck an awm ve nual avangin thil hmuh a harsa a, va en tur pawn thlek deuh ha ha angai reng a. A hnung a rawn zui tu ka hmuh rual erawh Chuan ka insangmar nghal teuh a. Mak ti zetin driver te lam chu ka hawi reng a. Engtin nge hetah Sawmzuala hi a awm theih, sumo tiding tu pawh kha a ni ngei ang. Engvanga rawn kal nge anih? Chu zawhna chu ka in zawt nghal mawlh mawlh a ni ber. Ka thin rawn Phu det det chu ka dawm vang vang a. Hlauhna vang ni Miah lo hian ka khur hial thei. Ka ngaihtuahna chu a vak nghal ruaia, hetah a awm chhan chu rindan pawh ka nei thiam map lo.
Sumo bul an rawn thlen Chuan, ka thu pil ka ti mai. Ka bula thu chu in hliah nan ka hmang nghal vat a. Min rawn hmuh ve hlau Tak Chuan pawn lam chu ka melh leh zauh zauh thin. Driver pa nen an in biak laite Chuan chhunglam chu arawn melh leh zauh thin a. Ka inhliah tlat avang erawhin min rawn hmuh mai chu ka ring chiah lo. Driver pa chu tukverh atanga rawn dak lut heu chung hian,"Lalrinsangi, tih Kan awm em le?"arawn ti nui sang a. Ka meng phawk vak a. Chhan mai ngaihna chang pawh ka hrelo,"Rinsangi, tih chu Kan awm lo em mi?"arawn tih leh takah Chuan,"Keimah"inthlahrung dek hian ka va ti a. Ka Chuan pui ten mak tih hmel Zeta, min en laiin Driver pa erawh chu a nuih zat hmel viau thung.
"Hei, I pasalin arawn lam dawn che a"la nui reng chung hian a ti leh a. Sawmzuala awmna lam ka en Chuan nuih zat hmel zet hian min lo melh ve reng a. Kei erawh in angaihna ka hrelo viau thung."Lo chhuak vat la, midang I ti khawtlai mai mai"ka chhuah mai loh avangin Sawmzuala Chuan arawn ti a. Ka Chuan pui te lah Chuan mak tih hmel zetin min lo melh ha hlawm bawk si. Kan driver pa Chuan engtak hria ni maw, min la nuih ver ver reng zui."Eng nge I rawn tih dawn a?"chhuak duh mai lo Chuan ka lo ti ve tlat a."Ka rawn hruai dawn che. Hmanhmawh la, kha I chuan puite khan, an inthlen hlan an nghakhlel tawh ngawt ang."arawn tih leh Chuan, hreh zetin ka chhuk ve hnak hnak a. Ka che tual tual ti Ila ka sawi sual lo ang. Midang hmai hi zah viau lo ila Chuan ka zui Miah lo ang. Ka lo inngaihtuah thinrim laklawh nen, midang Kan tih phawk lek ka hlauh vanga zui mai mai ka ni ber zawk.
"I thawmhnaw keng ho, Khawiah nge I dah? A chungah ami in dah a?"an bula ka va din rualin, Sawmzuala Chuan arawn ti deuh sup a. Ka melh ha Chuan min lo en ve reng chu niin."Nga tan nge I tih a?" Lungawi vak lo a, ka tih Chuan,"ka hruai haw dawn che. Hmanhmawh la, midang Kan ti khawtlai rei si. A inthlahrun awm em mai"arawn tih leh Chuan,"I sawi duh sawi la, Kan kal mai dawn alawm. Eng nge I rawn tih leh reng reng a. Min tikhawtlai rei viau ania"ka tih hmawk hmawk lai Chuan,"ka pu a thawmhnaw ho hi, a chungah khian ami in dah a? I tan lak a har Chuan ka han la mai dawn em mi? Kan tikhawtlai rei si che a, a inthlahrun awm zozai lutuk"ka biakna pawh chhanglo Chuan driver pa lam hawi hian a ti daih a. A Chet dan leh a awm dan chu mak ti zet hian ka melh reng ringawt.
"Harsa lo e, ka lo la mai ang"driver pa lah Chuan alo ti Sam et a. Hrilh hai zet hian ka melh tawn chhen mai ani. Driver in, ka thawmhnaw lak atum laiin, Sawmzuala chu kaiin, tlema hmun falah Chuan ka pawt dat dat a. Engmah sawi buailo Chuan min zui ve mai. Sumo atang Chuan min lo thlek leh ha ha thin chu hmu mah Ila, ka ngaipawimawh thei tawh lo. A rawn awmdan hian min ti lungawi lo em ani. Mizo paingai chu sumo a chuangte bak leh, min rawn tlan peltute tih loh chu an awm manglo a. Vai truck khalh, kawngpui sir a riak te ho chiah hmuh tur an awm rih ani mai.
( Heta 'vai' tih ka hman hi, lo ngai hawlo ula, mizo hi Chuan vai hi an ti mai zel a. Ka hmuhsitna lam anilo aw. Tawngkam hman te hi fimkhur angai thin si. Lo la kawi tawk hi an awm leh thin a. Ka rawn in sawifiah lawk ani e)
"Eng nge I hriat a"thinrim si, tawng ring thei ni bawk silo. Zawite sehchilh nak hian ka ti a."Ka nupui I nihna ala bo hleihnem. Ka nupui tlanbo tum ka rawn umzui ani mai a."awlsam Zeta, arawn tih Chuan rum zet hian ka melh chho rawm. Minlo la nuih sang zui."Tun hi fiamthu hun ani ami?"ka duh aiin ka vin. Ka insum hman ngang lo ani. Sumo lam chu ka va thlek vat a. A then an lo chhuak a, a then erawh sumo chhunga thu chungin, Kan lam a rawn hawi leh ha ha thin. Sawmzuala chu thinrim zet hian ka han melh leh tawp ringawt.
"Ka fiamthu hleihnem"a nui lai chu a chip hmak a. Thutak deuh hian min melh nghal ran bawk."Enteh, hetia in pawh buai reng hi ka Ning viau ani"ka tih Chuan,"Ka Ning ve tho alawm. In ngaih taka awm te ka chak ve a. In hau tawh lo ang. Then che ka tum lo, khu lamah kir leh pawh nila ka rawn zui zel dawn che. I thiannu bulah ka rawn luhkhung che tihna a ni mai a. Midang harsatna Kan Siam mai mai zawk"arawn tih Chuan"I va han zak lo tak"ka ti ta tawp a. Thil dang sawi tur ka hre tlat lo, han hnial buai Chiam dawn ila, min lo zui tak tak phei Chuan midang harsat na ka Siam mai mai ani dawn sia. A thusawi chu eng emaw ti kawng takin a dik ve tlat lawi si.
Driver lah in ka thawmhnaw neih ve chhun arawn la thla tawh bawk nen, han zui loh ngawt ni theiin ka hre silo, in lama let leh chu huphurh tak tein ka huphurh ve bawk si. Ka awmdan chu a hrethiam nge ni,"Kan indang dawn ania. Ka pa ber a awm tawh lo bawk a. Min dang tu tur an awm tawh lo"ka kuta rawn vawn pah hian arawn ti a. Ka chhang lo hrim hrim, ka awmdan laklawh vel lutuk chu hrehawm ka ti tak zet.
____
In lam pana Kan tlan lai te Chuan ngaihtuahna a vak kual ruai a. Albert-a ka ngaihtuah tello thei lo, ka va duh em em vang lam ni loin, kha chen ka harsat laia min thlamuan tu ber a ni bakah, thian ang chiah in min enlo tih ka hre ve kar mai bawk si. Nuam lo ka ti ngawih ngawih a, eng angin nge min ngaih ang tih te thlengin ka ngaihtuah hman hial ani.
"I rilru ti hah duh suh. Kan indang dawn ania, ka tih vek tawh kha. Hahdam deuh in awm tawh rawh" a nu leh a farnu vanga hrehawm ti viau tura min ngai niawm tak hian Sawmzuala Chuan arawn ti lang lang a. Kan tlan chhuah atanga ka la tawng loh vangin ka huphurh viau ah a ngai a ni ngei ang. Kan ngaihtuahna in ang lo lutuk avang Chuan Nuam lo ka ti lek lek zawk hial,"In dan kher a ngai dawn em mi?"ka ti let ve lang lang a. Bike a Chuang Kan nih mai bakah helmet a khum tlat nen tawng ring a ngai viau mai.
Ka chhan letna chu a beisei vak lo nge a bike chu a ti ding vat a."Eng nge I sawi awmzia?"a helmet a phelh hnuah ka lam rawn hawi deuh ha hian arawn ti hu mai."Ka sawi awmzia chu, I nau lah college chiah a la kal si a. I nu lah hna thawk thei chi zia zang a ni tawh silo a. An ngaihtuah awm dawn em mai?"ka ti nghal vat a. Hethu ka sawi chhan pawh hi ka rilru that vang lam erawh a ni chiah bik lo. Kei fahrah chhungte tuithlar ka ni tawh a. Ka pasal in a nu leh a farnute a chhuah san a nih Chuan engtikah mah an inti tha thei tawh dawn lo ti ka hria, hei ai mah hian ka nu leh a farnu te hian min haw nasa dawn bawk. Ka pasal leh zelin chhungte tih tur a nei lo a nih Kan hma hun eng lo tur zia chu ka hmu thiam ve ruak.
Kan pahnih chiah pawh hian lo in huam viau mah ila, fate Kan la nei ve a nga, ka pa ber awm tawh lo mahse ka nu ala dam a, pi tih tur tal an la nei dawn ringawt pawh hi a hlu lutuk ringawt. Keima lam ah beisei tur leh Chuang a awm tawh bawk silo. Ka pa tihna ala rei loh bakah thenawm khawvengte min sawidan tur nem lam ngaihtuah kai a ngai. Sawmzuala hian Chutiang thleng thleng a ngaihtuah leh dawn lo. Mipa hi chu mipa ngang an nia, inchhungkhurah hian fel viau thin mahse, hmeichhia te ang hian an ngaihtuah kimlo ka ti dawn nge, tun hun chhiah an ngaihtuah ni mai hian ka hria.
" Kan ngaihtuah tha leh dawn ania" a ngawih vang vang hnuah Chuan arawn ti ve ta hram a. Inbiak chhunzawm tawh loin a tlan leh nghal mai a. Aizawl khawchhung Kan lut chu, traffic alo zam nasa ang reng khawp mai. Bike a Chuang Kan ni bawk si nen, ka thawmhnaw tlem te keng chhun kha ka pawm tun a. A nuam vak lemlo khawp mai.
In Kan thlen Chuan Sawmzuala bike park that lai chu ka lo nghak leh te te a. Bike a park that zawh Chuan ka bag khai lai chu min laksakin a khai a, lehlamin ka kutah vuanin inlam pan Chuan min kai phei det det a. Ka awmdan ka ngaihtuah chhuah rual Chuan ka nuih a za lek lek mai. Zingkarah khan thinrim tawk in he in hi ka chhuahsan kha ania, darkar tam pawh a Liam leh hmain tihian Kan inzui haw leh det det chu ania. Hmeichhia te hian Kan hmangaihte laka dawhtheihna Kan lo ngah zia hi keimah ngei pawn ka hre thar uar uar mai ani.
Inchhung Kan luh Chuan sitting room lamah Chuan ka nu, Bibi, Remsangi leh Lyn-i te chu an lo tu thap a. Kan thawm vang nge an lo hawi thap leh nghal. Ka nu, Bibi leh Remsangi te Chuan rum zet hian min lo melh nghal ran a. Lyn-i erawh Chuan a ngaihna a hriat loh hmel khawp a."Eng nge awmzia?" Sawmzuala'n inchunga min kaih chhoh mai a tum lai in ka nu Chuan arawn ti nghal hlar a."In hmuh ang hi ani mai"Sawmzuala Chuan alo ti hmak thung.
"Eng nge Kan hmuh ang chu. Henu hi I rawn hruai haw leh amaw?" Vin zet hian arawn ti a."Ka nupui ania, arawn haw loh in a in ve tho alawm"Sawmzuala Chuan alo ti awlsam then a. A nu chu angaih pawimawh loh hmel nasa mai."Sawmzuala, tiang em em a ila mawl mai le. A duh Tak Tak lo che, a ti kual mai mai che anih kha. Hrethiam ve tawh em em rawh. Tinge I at em em reng mai le. Harhchhuak ve tawh te"Ka nu Chuan arawn ti hmarh hmarh a. Sawmzuala Chuan a Ning deuh nge ni a thaw hak a."Midang awm laia inhauh vak ka duh lo ka tih tawh kha. Chungkua chauh a Kan awm hun kha lam kha chu Kan sawi dawn ania"Ti hmak pah in inchung lamah Chuan min kai chho dawr dawr a. Ka nu phun zui hlak hlak ri chu ka la hre pha reng
Ka nupa room Kan thleng chiah chu, ka ni chhui hian ka hria, ka awmdan chu alai vel vek a. Ka awmdan chu Sawmzuala Chuan alo hrethiam nge."I van han lai chhe tak. Lai rual pawh I ni tawh lo" min nuih vur vur chung hian arawn ti kher a."Lai rual leh rual lo a awm lo. Chubakah ka lai lo"ka lo ti hmak a.
"A nih va inbual la, I inbual zawh ah i mu hahchawl dawn nia"arawn tih leh Chuan reng Zeta ka airbag chu banin, bathroom lamah Chuan ka tlan phei nghal a. Nui chhuak hawk hawk ri ka hriat Chuan ka thil tih sual ka hre chiah, ngatan nge bathroom ah airbag te ka tih reng reng ni. Bathroom chhung ka luh Chuan keimah leh keimah chu ka inhau nghal mawlh mawlh a.'Mawl lutuk, lai chhe rual pawh I ni tawh lo'tih pah in ka inveng leh vak thin.
Ka ngaihtuah na avang Chuan ka awmdan chu ka Siam tha nghal vat a. Remsangi khan inneih a sawi kai tak alawm. Sawmzuala ka zawh Chuan ngei a ngai ang. Kei hi ka va han mawl tak, engvanga zawt Chiang hmasa lo a, lo zui thawt thawt nge le ka nih le. Mimawl tak chu ka ni.
Inbual nghal sawk sawkin, ka inbual zawh hnuah pawh bathroom chhungah Chuan ka la awm reng a. Ka nun dan paingai lo lutuk chu ka hahpui ber mai hian ka hria, ka nu leh Bibi hrawn leh ka peih loh laiin, Sawmzuala ka indan pui ngawt thei silo a. Ka thiannu Dindini lah chanchin engmah ka la hrilh silo, Albert-a message pawh ka la chhang Chuang lo a, min lo ngaihtuah tawh dun viau ngei ang. Tun a ka buaina tak hi chu keima in Siam chawp a ni ber in ka hria, rilru na takin lo awm mah ila, pasal neilai ka ni tih hria in, lo inveng emaw awmdan chin tawk kha lo hria ila, tunah hian hetiang buaina hi ka tawk Miah lo ang mawle. Mihringte hian Kan harsatna leh buaina tur hi ka insiam chawp ve bawk thin ani. A tam zawk erawh hi chu vanduaina ni mahse, a then erawh hi mahni duh thlanna avanga, nun buai chuar lutuk hi Kan ni ve Pakhat.
"Sangte, I la zolo a mi?"tih pah khawngkhar an rawn beng dat dat takah Chuan in thung harh vatin,"Ka zo, ka rawn chhuak dawn"tih leh ka thawmhnaw phawrh ho chu ka bag ah Chuan ka khung lut pawp pawp a. Ka paingai chhoh tak Tak hma a zawh fiah ngei tum in bathroom atang Chuan ka chhuak ta nghal a. Remsangi thusawi kha thu dik anih Chuan inthiar fihlim hmak turin ka rilru ka Siam fel nghal hmak bawk