MY GENTLE GIANT by Amy Cck ( Completed)

[Ngaia]

CHAPTER - 37 by Amy Cck ( Dream Girl)








" Miss... I la che thei lo a nia. Drip kan la vuah a chu vang chuan.. " Nurse in hman hmawh zet a ka che hlak hlak chu a rawn ti vat a. Ka kut a hriau in vit vang chu rang lutuk in ka pawt phawi nghal vak bawk.








" Kha ti khan i ti thei lo a nia. " Nurse nu chuan ka ban rawn chelh bet in hlau thawng aw lutuk chuan a rawn ti chul a. Ka kut thip zawk leh rawn thi tiam tiam pawh chu ka hmu ve reng.








" Ka... Ka pa bulah ka haw dawn! " Midang ka bia pawh a ni lo kei mah leh kei mah chu ka in bia a ni mah zawk. Damdawiin hi ka ngaihna lo, damdawi leh jection engkim hi kei mahah hlauhna an rawn tuh thar leh zel a. Zomuansanga bulah pawh ka awm duh lo, tunah chuan ka pa bulah chiah ka awm duh! Ka pa chuan engtik lai mah in min kal san ve dawn lo tih ka hriat chian lutuk vang a ni mahna.








" Min lo dang suh! " Khum atang a thawh sawn ka tum chu min lo vawn ve tlat avang in ka phih ve deuh nawk a. A lo in ring bik lo nen a pai sawn ve tho chu ka in thiam lo deuh si chu thaw hak in ka sam chu ka tuai chho phak a.








" Ka tihpalh. Mahse ka tha a ka haw duh. He hmun a ka rawn kal in.... Ni lo... Phone i lo hmu em? " Ka ti chhuak halh. Ka thin tawt tun leh rilru hman hmawh bawk si chu ka phi ruai a. Ni lo... Hlauh ka nei zawk! Nizan khan khang misual tr kha an lo kal tih ka chiang. Chuan tunah pawh hian min en thla reng mai thei. Chu vang chuan kei mah in ka awm ngam lo!








" Mr. Simon khan a kawl ka ring! " A rawn ti ve chu ka thaw huai. Kha phone ah khan kha phone no leh thlalak min lo thawn kha a awm vek a. Simon-a kutah a awm chuan misual... Nizan a ka hmuh pa kha an man vat ang.








" Thawmhnaw! " Ka kawr hak lai chu ka melh a. Damdawiin kawr ka lo in bel tawh. In thlakna pawh ka nei loh avang chuan Zomuansanga hmuh a ka phone kha ka mamawh. Cabin kawngka chu pawt hawng in Simon-a chu ka zawngkual a. Ka bulah nurse nu khan min zui ve zel a mahse ka ngai pawimawh lo lui tlat. Damdawiin coridor phei vel a ka mi tawh te lah chuan min en zui deuh vang vang bawk.








" Hetah enge i tih? " Step a hah zet a ka thun kun deuh lap min rawn ti sup tu chu a pheikhawk lian leh tliang zet melh chuan ka thu kun ngar tho.









" Cabin ah mu mai mai tur i ni! I damlo lai hi chuan luhlul lui tlat lo teh! " Rawn ti hmuk in a hmel en tur a ka hawi chho duh loh vang nge ka hma zawnah chuan a rawn thu hniam nghal run a. A hmel tak run leh lawm lo hmel lutuk chu ka melh mawlh tawp.








" Ka phone i kawl ti raw? Ka mamawh a Chu vang chuan ka lo zawngkual che! " Zawi deuh chuan ka ti sap. Ka thu sawi chu min chhang mai lo chuan a kut lian leh lum thur thur chuan ka ban drip an vuahna dim lo zet a ka pawh chhuah avang a thi sar sar chu a rawn hmet bet nghal hmuk a. Ka mittui rawn hnai leh kuar chu duh lo in ka mittui rawn luang chhuak tur chu dang in ka meng kual ralh thung.








" Ka phone chu! " Ti ram hmak in a kut chu ka nawr sawn a. A mit meng dur thim khup a min rawn melh run rual in en duh lo in ka hawi sawn hmak. Tunah hian engmah thinrimna ka nei lo ka tih chuan dawt ka sawi. Mahse chung zawng zawng chu sawi chhuak in ka rilru tih no leh ka duh lo. Sawi na hun pawh a ni hek lo.









" Eng a tan nge i tih? " A rawn ti deuh hmuk chu ka ner sak.








" Ka pa te ka phone duh, chu ti chuan i zawhna ka chhang em? " Ti ram hmak in ka thut na atang chuan ka ding chhuak nghal hmak a. Ka aw chhuak atang chuan ka tah a chhuak tih pawh a hre leh hial tawh ngeiin ka ring.








" Engvang in? " A rawn ti leh hmuk chu in seh ruh teu in ka kut ka hum ruh nghal vak a. Ka lu hai riai riai vang chuan ka ding nghet zo lo lek lek.








" Babe! I thinrim a nih pawn ka bulah ti lang la. Hetiang a midang tih buai chu a mah mah lo maw? " Ka hma zawn a rawn ding chhuak ve vut in a rawn ti chhuak hmuk chu ka theih ang a rum in ka melh chho nghal hrep.








" Ka phone chu min pe mai la! Chuan kei min ngaihtuah lo in kha nu bulah khan i awm dawn nia! Chu bak ah ka chung changah leh ka buainaah ka pa tluk a ka belh tur ka hre lo! " Ka ti zui hmak chu a kut chu a rawn hun ruh tawlh tawlh a. A hmel rum tha zet chu a aiin a rawn rum zual nghal tawlh tawlh bawk. Mahse sawi dik lo pakhat mah ka neih pawh ka hre nek lo.








" Nizan ka rawn let loh avang a I thinrim a min hua a nih chuan i duh tawk in min an khum rawh mahse kan in karah hian midang in rawlh tir suh! " A rawn ti hmuk chu ka tha a na ngang mai. Nizan thil thleng kha chu lo dah tha ta pawh ni i la. Keiin hlau thawng thla bar a ka lo nghah lai khan kha nu nen a an in kuah lai thlalak ka lo dawng zui a. Chuan kha thil kha min thawn tu ka zawng chhuak ngei dawn bawk.








" Tumah ka in rawlh tir lo. Ohhh.... Ni e.. Ka lawm lo. Nizan khan engtia rei nge ka nghah che a. I lo let hun ka nghah! A tir chuan ngaih tha deuh in ka nghak che mahse kha hmeichhe bulah khan i lo awm reng a. Chu pawh chu lo en Liam ta i la. I lo let tawh dawn lo a nih chuan tha tak in min rawn hrilh la ni mai tur! " Ring tak a sawi ka tum nen ka tawng tawp lam chu a ri tawk tawk .








" I tan hian ka hnawk sak ang tih lam reng ka lo ngaihtuah pha lo a. Engtik lai pawn ka bul a awm a ka rilru pik leh hreawm lutuk hi min hnem reng ka lo beisei pawh a ni mah na. Kei ma dik lo zawk a ni. Chu vang chuan ka ti buai tawh lo ang che! " Ti chhuak tiau in ka kut chuan ka mittui chu ka hru nghal thuak thuak a. Ka hma a ngawi ngul a ding nen chuan kan in din chilh ran bawk.








Engkimah Simon-a hi ka dem bik lo. A chhan chu hna tam tak a nei a, a buai in ngaihtuah a ngah dawn. Chu tah keiin ka hlauhna avang a ka bul a lo chelh beh reng chu a dik bik lo. A ka tih theih pawh a ni hek lo. A chhungte lakah pawh ka chungah fel viau mahse in thlahrun na chen a awm ve bawk.








" Thil pawimawh a awm thut a. Ka hman ve leh ka rawn let! " A rawn ti sup. A awah chuan in thiam loh na a rawn ri tel ve bawk. Mahse engmah tihdik lo a nei lo. Kei mah hi ka dik lo zawk a ni ve bawk.








" Ka tan hian hnawk sak i ni ngai lo! Chuan Nunui nen hian min sawi zawm talh tum suh. " A rawn ti hmuk chu thaw hak in ka kawng ka dawm vang a. Kan bul vel a rawn kal awm leh nawlh thin chuan min en zui vang vang lah bang lo.








" Ka phone chu! " Thil dang sawi duh lo in ka ti nawn leh hmak. Ka phone a thlalak ka hmuh hun ah chuan engvang a sawi zawm nge ka nih a hre ve ngei ang.








" Zomuansanga ka phone chu min pe rawh! I duh tawk a ka taksa i khawih kual hnu in hmeichhe dang bulah i kal leh a! Chu ti chung chuan kei hi hmeichhe mawl lutuk ang in i inah ka la chen duh I ring a mi? " Zah pawh dawn lo chuan ka ti ta vak. Ka thu sawi ngei chu kei pawh in mak ka in ti hial. Thinrim thaw ri deuh hrawk ka hriat chu en duh lo in ka in hum bet ran a.








A lakah ka tlawm zia ka hre chhuak uar uar bawk. Fing tak in a inah min awm tir a, ka hmangaih in ka taksa hial pawh a tan ka phal a mahse min hmangaih thu sawi ve reng chung in hmeichhe dang a pan tho a. Chu bak a tlawm na hi a awm leh tawh pawh ka ring lo.








" Min lo zui la kan sawi dun dawn nia! " Ti hmuk a in her in pen hnih vel chu a pen sawn hman. Ka din na a ka la din ngar avang nge rawn in her in nin hmel zet a thaw chhuak hawk in ka lam bawk chu a rawn pan leh nghal vut a. Kei erawh step bulah luhlul zet in ka ding ngar thung.








" Hmela ! " A rawn hnai leh hrut chu ti vin hlar in ka theih ang a na chuan a taksa lian leh nghet churh chu su lui vak in ka kal nghal hlak hlak. Kei mah a ka kal sawn lo a nih chuan he hmun atang hian a thu duh zet a min chawi sawn leh nawlh ka hlau a ni ber. Ka cabin lam pan chuan ka kal zui hlak hlak a ka hnungah min rawn zui ve zel tih a pen ri thlurh atang chuan ka hre thei bawk.








" Aw nu! " Ti thum dut avang chuan ka ding dat a. Hnung lam ka hawi chu Zomuansanga nen kan in melh nghal ran. A kut leh lam chuan a kekawr ip a zen hlun a, leh kam chu phone a bia a nih ka ring a beng zawnah a lek ngur bawk.








" Ka rawn thlah thei lo cheu chu pawi ka ti! Tluang deuh in in kal dawn nia! " A ti zui leh sup a ka lo melh ve reng avang chuan phone be reng chung chuan a mit hmul min san khum uk a. In her in ka kal zui nghal hmak.








Phone be reng chung chuan ka hnungah a rawn pen ri thlurh thlurh a, ka cabin kawngka pawt hawng A lut in na zet in kawngka chu ka khar nghal thuai a. Khum lam pan in khum tlangah chuan thu nghal hmak in kawngka a mipa rawn lut ve vut chu ka melh ngar a. Phone a la be reng a, room chung ah chuan a aw thum zet bak ngaihthlak tur a awm lo. An thu sawi velah chuan a nu leh pa te an zin a nih hmel leh nghal.








" Chuan nizan khan eng thil chiah maw thleng a? " Ka hma zawn a min din chilh run chuan a rawn ti sup a. Thaw hak in ka kut chu ka phar a, sawi pawh ka sawi peih tawh lo. A hmelah chuan a hre thiam tih ka hre ve vek tho.








" Luhlulnu! " Ti hmuk in a ip chu a zen rawk rawk a ka phone chu rawn phawrh in ka kutah chuan a rawn hmeh bel a. Lock hawng in ka hmet nghal mawlh mawlh a. WhatsApp ah lut in ka thai kual chhen a mahse engmah ka hmu lo a nih chu!








" Khaw nge? " Ti chhuak sap in ka phone chu ka thai kual ruai a. Engmah nizan a massage ang khan hmuh tur a awm miah lo. Tu man ni zan khan phone eme massage pawh min rawn thawn lo. Chu tiang engmah hmuh tur a awm lo a. Zomuansanga leh Nunui thlalak pawh kha engmah a awm lo. Ka hriat sual ti dawn I la chiang tak in ka hmu ngei bawk si.








" I lo delete a ni ti raw? Ka rawn harh hma khan i ti a ni ti raw? " Au nghek in ka phone chuan Zomuansanga chu ka vawm nghal vak. An thlalak a awm vang khan a delete a nih ka rinna chu nasa tak a ni tawp.








" Hrep che chuan. Eng thil nge i sawi hi i hre chiang maw? " Ka dar tawn tawn a min vuan bet chuan a rawn ti chhuak hrawk a. A aw rawl lian lutuk vang chuan ka nghil dup thei.









" Kei mahah i duhkhawp lo a nih chuan min kal San mai la. Mi dawi zep tak ang a finfiahna tih bo kher kha a ngai miah lo. Ohh... Vanduai thlak tak in ka hmu vek tawh. Mahse engvang in nge no kha i delete ve kher! " Ka ti chhuak ta vak.








"Eng chung chang nge i sawi ka hre hrep lo. I rilru a la buai rih a nih kha. Hahdam la engkim a tha leh mai ang! " Dam deuh zawk chuan a rawn ti sup a. Za lo lutuk in ka then sak.








" Ka harhfim tha mah mah! " Ti vin hlar in ka phone chhuat a let bal chu ka chhar leh ta nge nge. Kei hi rilru buai angah min ngaiah ka ngai hmiah bawk.








Nancy ka call a ka thawmhnaw hak tur rawn keng tur in ka chah ve tawp. Engtin nge he hmun hi ka thlen a, engmah ka hre lo mahse tunah chuan tumah hi rin ka nei thei tawh lo. Room chhungah chuan kan awm ran a. Kawngka rawn in nem hawng chu Nancy a nih ring in ka hawi chhuak vat a mahse Nunui bawk.









" Simon.. A harh tawh a! " Zawi sap chuan Zomuansanga bul a rawn ding in a rawn ti a. Zomuansanga bu nghut chu ka ner khum vak. Eng chung chang nge an sawi pawh ka hre lo a hriat pawh ka chak nek lo.








" Puitei chu i tha zel em? Nizan ah nikhaw hre lo in i tlu tih ka lo hria a. " Zangkhai vah chuan A rawn ti a, chhan pawh ka chhang buai peih lo. An pahnih hian chhuak daih se ka ti hluah hluah a ni tawp. Nancy a rawn thleng a, ka in thlak na tur a rawn ken chuan ka in thlak a. Zomuansanga erawh a ding khawng luah ringawt a. Nancy pawh Nunui awm vang nge a tawng tha duh der lo bawk.





*




" Taxi in haw ang! " Damdawiin kawt a motor ka hmuh rual in ding chawt in ka ti hmak. Driver seat atang chuan Jeff a a rawn chhuak a. Mahse ka ding lui tlat thung. Zomuansanga te erawh room ah kan kal san hmak a min rawn zui ka ring deuh a mahse kha nu bul a a awm vang nge min zui hauh lo.








" Haw kha i hman hmawh viau a maw tia! " Ka sir a rawn ti thum dut tu vang chuan ka phu chiam leh nghal. Kal sawn ka tum chu ka kawng a rawn vuan in min kal pui nghal dawt dawt a. Motor kawngka chu pawt hawng in min luh tir a tum chu ka tang ve viau a mahse ka lut ta tho. In hau vak tur in mi an awm ve nuk bawk nen ka lu na bawk nen ka peih thlawt lo.








" Jeff thil min tih sak thei a ngem? " Motor hma lam melh chuan ka ti sap a. Nancy pawn min melh nghal vat. Nizan a ka room awmna leh mi lo kal vel a hriat theih leh theih loh ka zawt a min lo ngaihven sak tur thu chu a sawi a. Tu emaw ka hrilh loh chuan kei teh lul hian ka zawng chhuak dawn lo. Zomuansanga hrilh kha ka tum viau mahse ka phone a no lo in delete nen sawi mah i la a sawt pawh ka ring nek lo.








" Kan inah... Ka pa bulah zawk ka haw duh ka tih kha! " In lian zet hma a kan din rual in thinrim lutuk in ka ti vak. Nancy leh Jeffa chu melh rawn in ka phone chu ka phawrh a. Zomuansanga thu bak in he hmunah hian min hruai leh nek lo ang.








" Hmela chu! " Ka phone hum ran chuan ka ti sap. A phone a bo a tih tak kha. In lam pan chuan kan kal a. Ka tum loh dan hlir a ka awm chu ka thinrim ngawih ngawih a ni ber. Nancy bulah chuan ka ang hrep a. Vawin chu Nancy pawh a nguai riau in ka hre leh nghal. A dam leh dam loh ka zawt lah in a that thu in min chhang ve tho bawk si chu nuam ka ti ta chiah bik lo.









" Zan in chu tah ka riak ve dawn aw! " A rawn ti chuan ka bu nghat.








" Dik tak chuan ka hlau thawng lutuk a. Thla hmasa leh tun thla ka la p8 miah lo a. Ka rai a nih ka ring rum rum. Michaela ka la hrilh ngam ruh bawk si lo. Tunlai kan in hau deuh reng bawk nen. Ka u leh mama inah an awm a min rin hleh ka hlau bawk si! " Rilru hah hmel zet chuan a rawn ti halh a. A thu sawi vang chuan ka nghing dawt.








" In venna chu kan hmang ve ziah a mahse vawi khat kha kan hmang lo a. Damdawi ka ei bawk si lo! " A rawn ti nawn leh halh bawk. Ka thin chu a rawn phu dawt dawt a. Kei ni pawh vawi hnih chu kan hmang tawh mahse in venna kan hmang lo ve ve zui. Ka ngaihtuahna chu a vak kual leh ruai tawh. Tun hnai te atang a thil ka ngaihtuah leh but but thin leh ang thil pawh ka hlau thawng hma thei lutuk hi ka dik lo a nih ka ring hial a. Ka thil tawn effect ah ka puh zel a mahse hlauhna in min hneh tulh tulh bawk si.








Ka lu na leh ni deuh nghulh avang chuan mu zal tur in room lam ka pan a. Nizan khan kha pa khan min um zui ngei a ni tih kha ka hre chiang bawk sia mahse misual chu an man daih tawh in tunah jail chhungah a awm mek bawk si. Ka ngaihtuah chhuah a piang in ka taksa hi hlauhna in a rawn luh chilh nghal ziah pawh hi hreawm ka ti.








Shower ka nei a, ka mut hma tiin ka pa ka phone hram pek a. Nikhaw hre lo a ka tluk thu vel chu ka sawi duh lo, damdawiinah kan kal thi pawh ka sawi lang duh hek lo. Ka tha zel ang in a hria a, a rilru a hahdam ve tan a. Kei pawh kar leh atang chuan a bulah ka haw tawh tur thu ka hrilh ve hmiah bawk. Zomuansanga chuan a phal leh lo mai thei mahse ka pa a nia, a upa tawh in a hriselna a pan tawh bawk nen hetia hmun leh hmun a han awm hran reng chu thil tih chiah ka ngai lo ve bawk.









____________________________________________________









* SIMON ZOMUANSANGA POV *








" Pa Christa chu i nu Sarahin a riah pui dawn a. Harsatna i nei a nih chuan min rawn hrilh hreh suh aw! " Nunui melh chuan ka ti sup. In lamah Malsawmpuii thinrim ka hma chhawn leh ngei a ngai dawn a nih hmel a. Nizan khan pate Christa leh Nunui nutei party na a rawn kal ve kha patean thlah a tumna lamah accident an tawk a. Ngaihtuah awm em em chu an ni tawh lo.








" Ole..Nu Sangtei te chu an tluan hram ka beisei! " A rawn ti let vat a. Lu ka bu nghut. Ka nu leh pa pawh a tawpah chuan an zin chhuak ta nge nge. Tun tum pawh patea chung chang hria se chuan an thulh leh hial mai thei Puitei bo vel vang khan an zin tur an sawn hla ta duai a . Tun tum chu pate an hrilh a rem ti loh bakah na em em a ni lo a. Nunui nutei erawh tlem in a na deuh a, a ni pawh ngaihtuah awm lua a ni tawh lo.








" Boss engmah rin hlelh awm a awm lo. Motor kha a break a chiang lo hrim a ni hmel a. Chuan hotel a thawk te sawi dan chuan nizan khan hna khaih lak a awm avang in minute rei lo te chu power an shutdown a, mahse rei a ni lo. Kha room ah pawh khan engmah han chhui tur leh mak vak ka hmu lo! " Motor khalh pah chuan Jeff chuan a rawn ti a. Ka thaw huai.








Ka rin dan a dik a ni ka ring ta ber. Malsawmpuii hian anxiety natna a nei a. U Reubena sawi dan atang chuan ruk bo a nih atang khan a in tan a nih hmel. Hlauh eng emaw nei in an in hria a, a taksa in eng emaw rik rum thil thleng thut thut a zo lo bak ah, a ngaihtuahna te pawh a tak emaw tih chang a ngah ang. Tih a sawi a, mahse enkawl chuan a dam leh vat theih thu leh hlauh thawn em em tur a awm loh thu chu a sawi ve bawk.









" Lo chhui zui tur che a ka tih ve thung che kha! " Ka ti zui leh sup chu kawng lakah chuan a sawi mawlh mawlh a. Nu Sarahi pawh a rawn haw chauh a rilru hreawm bawk a hma chhawn leh chu a nia. Patea a ngaihtuah zia chu kan hre vek a. A fa upa zawk ang mai in a ngaiin a hmangaih a ni tih pawh kan hre chiang a. Tuman kan thik ngai hek lo. Tun tum pawh a ngaihtuah leh viau a mahse engmah na em em a awm loh avang in kei erawh in ka haw san ta thung.








" Khaw nge? " Kawngka Nancy in a rawn hawn rual in ka ti sup. A mut thu a sawi chuan ka thaw hawk thei. A ni te reuh hi thinrim in an in lamah a lo va haw tal ka hlau a ni mah zawk.








Inchung room lamah a chho ve leh mai a. Kei pawh Malsawmpuii mutna room lam pan chuan ka kal zui vut a. Room chu a muhil a ni mai thei a lo thim khup a. Khum a a lo mu tawm kak chu melh run in a puan chu ka siam tha nghal zat a. Zan in chu ruah a zur duh hmel viau leh nghal.









Shower nei in tui lum chuan ka in phuh tir sur sur a. Ka taksa khawng lutuk pawh ka dam sung sung thei hial. Towel chu veng in pakhat in ka lu ka hru mawlh mawlh a. Ka phone ka en rual in ka nu miss call a lo awm vang chu call let in an thlen tluan leh tluan lo vel ka zawt ve luam a. Rei fe kan in be na chung in ka nu bulah patea accident chung chang erawh ka sawi lang lem lo. A rawn ngaihtuah in nuam lo phung in chawlh a hman ka duh loh vang in.








Tukverh atang chuan pawn lam thli thaw vuk vuk chu ka thlir reng a. Ka ngaihtuah chian pauh leh engtin nge motor break kha a chhiat thut theih. Ka motor ngei a ni bawk a. Patean a motor park na lak chhuah a harh vang in Nunui nutei thlah nan ka motor hman kha min dil a. Lo hman tir lo in kei in lo khal chhuak zawk i la chuan Malsawmpuii nen hian patea te din hmunah hian ka ding zawk dawn tih thleng in ka ngaihtuah bawk.








Nunuin min call tlang thei lo nen function neihnaah khan min rawn zawng hmu hlauh a. A nutei a accident tel ve miau avang in a motor in kan kal ta bawk. Khum lamah thawm ka hriat avang in ka in her vut a. Malsawmpuii mutna lam chu ka an nghal vut bawk.








" Mang lamah pawh i lung a la awi chuang lo a! " Ti sup in a bul a thu thla in ka hmai tlang chu ka chul kual sak a. A chalah a than fim rawn bawl thiam thiam pawh chu ka hmu bawk. A mit chu rawn meng kawk in a hawi kual nghal ruai a. Min hmuh tak ah chuan a hahdam hmel ve huai bawk.








" Enge i lo tih? " Ti ram hmak in a sam chu a hui chho pap a. Thaw chhuak hawk in sidetable a glass no a tui chu ka ban sak vut a , a hma zawn a ka lek rual in a lo ban ve mai bawk a. Tui hal hmel zet a a in kawlh kawlh chu en reng in a taksa thlan huh hliam avang chuan a taksa chu a lang mawm deuh hlap bawk.








" I muhil ka veng che! " Ka ti sup chu awi lo hmel zet in a rawn ner sak a. A no ken chu dah let in a puan sin chu a theh hlim thak a. Khum sir a a silipar pan thler chu bun tha in kal sawn a tum chu a banrekah ka vuan ding chawt.








" Kan sawi dun dawn lo a mi? " Ka ti sup. Dik tak chuan ka chau ve tak zet. Ka rilru hian hah chawlh lai a ni ber a. Chu tih lai a lo in tih thiam loh chu boruak a ti pik leh zual tak zet.









" Ka thinrim lo. Jeff an pa Christa accident chung chang kha min hrilh a. A pawi ka tih pui ve tho che. Nunui pawh ka hre thiam lutuk cheu.











" I chau viau in ka ring. Hahchawl ve rawh. Nancy bulah ka in sawn dawn! " A rawn ti sap chu a ban vuan reng chung chuan a hma zawnah ka ding chhuak nghal ruai ruai a. Chik zet a a hmel ka en takah chuan thinrimna lam hmuh tur a awm bik lo chu ka thawl hawk.








" Ka bulah mu rawh! " Ka ti sup chu mit chhing vang vang in thawk a rawn la halh a. Rawn dak chho in a mit meng fiah kalh chuan ka mit takah a rawn melh chho chu ka melh chhuk ngur.








" A viau lo teh! Ka lo ngaihtuah a kan awm dan hi a fuh ber lo tih. " A rawn ti chhuak hap chu a sawi awm zia hre lo in ka melh ngur.








" Engmah dik lo a awm lo. Ka hmangaih che a nang pawn min hmangaih. Kan awm dun chu thil dik lo a ni lo bawk! " Ka ti chhuak hluk. Nui sak in min rawn en a kei erawh ka lawm lo lutuk ringawt. A thu sawi hmangah khan sawi dawt lo mahse min hlat a tum tlat a hriatna ka nei lian viau bawk.









" Ka hria. Ka sawi tum chu kan in hmangaihna avang in kan duh duh dan in kan awm tur a ni lo. Pathian malsawmna kan dawn ve loh i hlau lo a mi? " A rawn ti sap chu nghet zet in A kut ka hum run a. Malsawmpuii erawh a hmel a dam dap thung.








" I in chhir tih sawi tum hauh suh! " Ka ti hmuk chu lu a rawn thing mat mat.








" Eng tikah mah ka in chhir ngai dawn lo. Ka hmangaih che a I ta ka ni a, chu tiang chiah chuan ka ta chiah i ni. Thil ho mai mai vang in thinrim khum che ka duh lo. Mahse tunah chuan kan thil tih hi a dik miau si lo a. Ka pa hmel ka hmu ngam tawh loh na tur thil tih ka duh tawh lo.!








Kan in karah hian tumah an tlak zeh pawh ka duh lo a. Chu tiang chu tumah an awm lo bawk. Nang hian kei mah chiah min hmangaih tih ka hria, chu chu a dik ti raw? " Nui sak hian a rawn ti a. Lu ka bu nghut.








" A nih chuan engmah buaina a awm lo. Mahse nupa kan nih hma chu kan in sum tur a ni! Chuan tlai hnu hnawh tawh viau mahse Pathian pawn min ngaidam in chhungkua hlim tak min pe ve mai thei a sin! " A tawp lam chu a rawn nui tel deuh hak a.








" Ole.. Ka lalnu! Mahse kan mudun thei tho. Lungngai suh engmah a thleng lo ang! " Ka ti sup chu ner nang in a rawn ding di hlip ak ak a, ka hmui a rawn fawp zeuh a in la hrang leh nghal in a kal sawn chu ka nui suk. Thu nawi deuh hian sawi thin mahse sawi dik loh hi a nei khat khawp.








" Tunah chuan ka nupui nih chiah i hma bak tawh! " Ti sup in khumah chuan ka tlu zal a. Lukham a Malsawmpuii rim nu chek nam chem chem chu hip lut in mit ka chhing ruai ruai a. Ka hahdam nghal suai bawk.




*




" Boss... Thil pawimawh lutuk i hriat ngei ngei a ngai! " Mi tlemte te nen ka ho a Meeting kan nei lai chu Jeffa rawn lut in ka bul a a rawn ti sup a. A hmel hman hmawh leh chi ai lutuk chu kei ngei pawn mak ka ti.








" Jeff... Meeting zawh i nghak thei lo a mi? " Ka ti sup. Midang ho pawh chuan ngawi thap in min en vek bawk.








" Sawmtei te inah kang mei a chhuak a! " A rawn ti rual in rang lutuk in ka ding nghal vut. Kar hmasa khan Malsawmpuii pawh a haw tawh a.








" Inah tu tu nge awm an hre lo a. An thelh mek a. Gas puak avang leh a dang puak thei mai a awm avang in an thelh hlei thei lo a ni awm a! " Parking lam pan a ka kal chu ka bul a rawn kal in a rawn ti zung zung a. Ka rilru hman hmawh nen. Ka ngaihtuah na a buai nuk a ni ber. Motor a thu lut in Malsawmpuii te veng lam pan chuan ka in khalh chhuak nghal vut.








lockdown a nia kan hman tlang a ni ti ru mahse maw tunlai chu ka hul lutuk hi tih ngaihna ka hre lo. Kan boruak nen, engmah tih theih chu nei ve lo mah i la ni leng in news ngai chang in kan beng chhi in mit kan len a. Chu ta kar a khawvel dang a cheng a story lo type Chu a har ve talh mai chhungte phai a awm ngaihtuah a na bawk si. Rilru hi a phir ve lutuk a. Chapter a tam tawh lo bawk a kan ti beuh beuh reng a nga. Tun karah chuan complete kan tum dawn nia.




Kan tih theih tawk Pathian hnen a tawngtai kha awm hmun theuh a ngai pawimawh i la. Mizoram pawh in kan tuar ve tan dawn a nih hmel a. Social media vel a kan thu post leh cmt fim khur hram hram i la. Duh reng vang in tumah kan damlo bik lo a. Chu vang chuan mi rilru ti na tuah tang lo in in hnem tawn in chak tak a awm tur in in fuih tawn hram hram ang u aw❤❤❤

[Ngaia]

CHAPTER - 38 by Amy Cck ( Dream Girl)








* ONE MONTH LATER *








" Vawi in lam te kan lo tha em? " Rawn ti lut lawng lawng tu chu couch ah ka ke hlang kang at a thu in ka lo en mawlh tawp a. Ka pa boral atang in thla khat chu a liam ve der tawh. Mahse nimin thlil thleng ang reng khan ka tawrh dan a la ngai reng a. Tunah chuan chhungkua, min hmangaihtu leh in nghahna nei lo mai ka ni tawh a. Dam chakna pawh ka nei tawh lo hial.








" Enge i lo an! Ka hmangaih? " Ti sup in ka nghen chhan chu rawn vuan in ka hma zawnah chuan a rawn in nem khalh a. A mit meng dam dupah chuan min ngaihtuahna leh hmangaihna bak ka hmu lo mahse chung vang chuan ka nui thei tawh lo. Zomuansangan min ngaihtuah a ka nat a hlauh pauh leh ka mal zia ka in hre chiang tulh tulh miau.








" Hmm.... I tan liau liau hna atang in ka rawn haw hma a mahse tiang chiah hi maw ka hlawh dawn! " Lawm lo aw deuh hian a rawn ti sup a mahse a mit mengah chuan a thinrim tak tak lo tih ka hmu thung. Ka nun ngui lutuk min tih hlim a tum ni ber in ka hre bawk. Mahse ka hlim ve dawn leh ka nuih dawn a piang in ka pa ka ngaihtuah chhuak a kei mah leh kei mah ka in thiam lo ngawih ngawih thin.








" Tih teh ka hmangaih! I mittui tla hi hmuh hreawm ka ti thin tih i hriat kha! " Thaw chhuak hawk a rawn ti sup in ka chalah a hmuiin a rawn nawr vang vang a. Mit chhing sawk in ka mittui chu ka biangah a lum thla pap a. A ri lo a ka tap khur nghal dar dar chu min kuah in couch a thu in a taksa chungah chuan min hlang kang nghal nawlh bawk.








" A pawi e mai! Ka in thiam lo tak zet. Lo kal chhuak miah lo i la chuan kang mei kha a chhuak kher lo ang. A nih loh pawn inah khan lo awm ve i la, ka pa bulah khan! " Zomuansanga kawr hma hun bet ngawt ngawt in a awm zawnah chuan ka ti chhuak tiau a. Ka dar a min chul hluau hluau in a rawn thaw chhuak leh hawk thin.








Kha mi ni khan dawrah thil lei tur in ka chhuak lawk kha a nia. Rei lo te chiah! Darkar pawh a tling lo mahse ka let leh chuan kan in kha thelh theih rual lo in a lo kang tawh a nih chu. Kan in chhung chhyngkaw pahnih erawh an tlan chhuak hman a mahse ka pa... Ka pa chu tuman an hmu ve lo! Tanpui tur a kal tum te pawh gas puak a vang leh puak leh mai thei dang a awm avang in an lut ngam tawh bawk si lo.








Ka aw rawl tawp meuh a ka pa auh in pui tur in midang ho chu ka ngen lawm lawm a. Mahse tuman tih theih an nei bik lo kha a nia. Ka chan chu ka pa ruang. Chu pawh a hmel ka en an phal ve lo a. Khawtlang hruai tu te leh Zomuansanga chiah in an hmu a. Tu man ka hmuh ve an phal lo. Engkim kha ka tan chuan a tawp vek a. Ka khawvel, ka chhungkua, ka neih chhun engkim ka chan. Tunah chuan engmah ka ni tawh lo.








" Vanduaina thlen tu dik tak ka nih hi! " ti chhuak hawk in ka tap khur nghal dar dar a. Engvang in nge tiang em em a hreawm natna hi ka neih bik. Ka tan chuan ka pa kha ka nunna, ka in chhuan ve na a ni a mahse chu pawh chu ka lak atang in min lak sak leh a. Ka mal ngawih ngawih a ni tawp.








" Shiii.... I bulah ka awm reng dawn a lawm. Hetiang a I awm i pa in a hriat chuan a lawm dawn miah lo a nia. A kal san tawp lo che a, a kal hma khan ka kutah a hlan fel daih tawh che. Chu vang chuan i mal miah lo. Kei leh kan chhungkua min nei a, chuan thian fel leh nang mah ngaihsak em em tu che i nei bawk a! " A rawn ti sup a. Kei erawh ka tap uar sauh thung.








" Chuan vawin ka nu in a rawn bia che tih ka lo hria a! " Rei tawk fang ka tap min thlem hnu chuan hahdam hmel zet hian a rawn ti sup a. Ni e... Nu Sangtein min rawn bia a video call in Pa Jerome-a nen min rawn bia a, min rawn thlamuang in min ngaihtuah thu leh rawn haw vat an tum thu an sawi khan ka lung chhia in ka lo tah khum chiam leh nghal.








" Ihh.... Ka nu leh pa kan tlawh thei ang ti raw? " Ti sap in ka melh chho a. Lu rawn bu nghut in thil kan ei zawh ah min hruai tur thu a sawi ve sup a. Simon-a hi nei lo phei i la chuan engtin nge ka awm ang ka hre tawh lo. Ka thil ei engmah a tui loh avang in eng tham pawh ka ei lo. Ka ei chhun pawh ka pum lam that loh vang nge ka pai tawih hlei thei lo a ni ber.








Thlanmual lamah tlai lam pawh ni mahse kan in khalh chhuak a. Ka nu thlan bulah ka pa phum ka duh avang in, thlan awl mai a awm loh avang in ka nu thlanah ka pa pawh an phum hnan a. Rei fe ka nu leh pa thlanah kan awm a. A chang in ka tap a, a chang in hun kal tawh sawi chhuak in ka tah nuih leh thin bawk.








An fanu ril a rah ka nih loh avang in min en hrang ngai lo a. Chu vang tak chuan ka nu leh pa hmaah leh an beng hriatah min hringtu ka nu leh pa chung chang ka sawi chhuak ngai hek lo. Ka duh hun ah kei mah in ngawi reng in min hringtu ka nu leh pa thlanah chuan ka kal mai thin a. An hriat a ka sawi fo a nih chuan an rilru ka tih nat ka hlau .








Simon-a pawh in fa lak ka nih thu a hre tawh a. Mahse a lakah chuan ka dang lam teh chiam lo a nih hmel. Vawi khat mah a sawi chhuak lo a. Ka tah in ka bulah awm in min kuah a. Ka tan a awm reng a ni ber.








" Vawin atan chuan tah awi tawh loh aw. Ka nu leh pa te ka be tawh a an ni pawh rawn haw mai an rilru a! " Driver seat a thu run a rawn ti sup tu chu ka melh vat a. Ka lam rawn hawiin a nui ve suk.








" Chuan kan in neihna tur kan buatsaih ang! " A rawn ti leh sup chu tawng tum in ka ang zauh a mahse ka kut a rawn hum ngheh salh avang chuan ka ngawi leh dat a.








" Min hnial tum suh. Awm zia a awm lo ang. Ka nu leh pa bulah pawh ka sawi fel vek tawh. " A rawn ti leh sup chu chhang lo in ka nui sak ringawt. Kei engmah neih nei lo hi min la hnaih duh avang leh min buai pui avang hian ka tan chuan Zomuansanga tluk a in nghahna ka nei tawh lo.








Haw lamah Nancy kan tlawh kawi a. Tunlai chu Michael a nen an in kar a that lo mai bak ah. A lo ruak lo tak tak bawk nen a rilru a hah ve khawp a. A u a haw tawh hlauh a, kei min ngaihtuah ve reng bawk nen a taksa pawh a cher ve dawk a. Michaela hrilh tur in thu ka rawn a mahse a la ngam ngang bawk si lo chu a rilru a buai ve ngang mai.








Nancy kan tlawh tak ah chuan tiin Simon-a hriat loh hlan in test kid ka mamawh thu ka hrilh a. Ka awm dan hi ka hre thiam chiah lo a, mahse in test ve hrim hrim ka duh bakah thun thla ka p8 ka awl avang in ka in ring hleh ve deuh bawk nen.








" I thian nu i ngai viau a maw tia phone i khawih san daih a! " Rawn ti sup Tu avang chuan ka phu nasa lutuk chu ka thlawk chhuak lo chauh. Nui tawi tak in ka phone chu ka bagah ka khung nghal zal zal a. Phone hmang in Nancy ka text char char tih a hre lo hlauh. A ruk a testkid ka dil chung chung hi hre ve tur in ka duh lo.




*




" Babe... I tha em? Mut a hun tawh a nia! " Bathroom kawngka rawn kik ri khauh khauh ah chuan ka thaw chhuak halh a. Ka kut a test kid ka hum ran chu ka en leh vang vang thin. Kei hi ka rai ve a nih chu. Ka lawm bawk si in thiam lo bawk si chu bathroom atang a chhuah mai pawh ka har sat.








" Tunah... Vat in ... Kawngka hi rawn hawng teh! " Kawngka bawk chu a rawn chum leh a. Thawk la vang vang in kawngka lock chu ka her ri rak a. Zomuansanga nen kan in hma tawn ta run. Hrilh ka chak tluk zet in ka hreh a. Ka pa boral a tang in ka ngaihtuah a eng zawng in ka kal tir ve thei chiah bawk. A chhan chu ka pum chhung a nunna awm vang in ka in tih chak thar a ngai tih ka hre thar miau.








" Simon! " Ka ti sap chu a taksa si thlawp chuan min kuah bet a. Hahdam hmel zet in a thaw chhuak nghal suai suai bawk.








" Min ti hlauh thawng tak zet tih i hria em? Ka hriat loh hlan a tah i tum leh a nih chuan i kal na hmun a piangah ka zui zel tawh ang che... Bathroom thleng in! " A rawn ti thawp sup chu ka nui chhuak hak.








" Chi em em lo ang. I duh leh i fa lo piang tur hi i zui kual zawk thei ang!" Ti sap in ka nui zui hak bawk chu ka dar a min vuan in min nem hla dat a. A hmel a zawhna rawn lang zut zut chu ka hmu thiam nghal vek bawk.








" Enge i sawi kha awm zia? " Mak ti aw tak hian a rawn ti thum dut chu a hmaah test kid chu ka lek chhuak va va a. Rawn ban vut in mak tih hmel zet chuan a melh ngur a. Kei in a mak ti hmel chu ka en chho vah a. Test kid nen chuan min melh tawn chhen in a hmai chu a tuai leh phawk thin , a hmel mak ti leh hrilh hai hmel chu hmuh nawm ka ti tlat pek a!









" Tunah chuan i duh emaw duh loh pawh min neih ngei i ngai a nia. Kei mah chiah ni lo in ka pum chhung a mi nen... " Ka ti leh rual in nui chhuak hawk in ka kang nawlh a, tlak hlau a a nghawngah kuah bet in ka khek ve nghal that a. Khum lam a min pen sawn pui nul nul in a thu thla dawt a, a taksa chungah ka thu ve nghal zat bawk.








" Tiang hian hlim reng tawh rawh. En la... I mal miah lo tih chu i pawm tawh em? " Ka hmui a rawn fawp zauh in a rawn ti sup a. A in lak hran rual in a khi nghal suk chu mittui a hnai leh kuar tawh. Ni e... Ka mal miah lo, ka pa a awm lo a nih pawn tunah chuan ka pum chhungah naute rawn in siam mek vang hian ka khawvel chu a rawn fiah leh kuar a nih chu.








" Nancy ka hrilh chak tawh. Nang ma rilru ang hi mipa dang hian pu vek se chuan hmeichhe tam zawk hi chu kan nun a in thlak hlawk ngei ang! " Ka ti sap chu thaw suai suai in min kuah bet a. Ka rilru ah Ruatkiman Faith-i lak a a rilru kha ka ngaihtuah let kuar kuar a, kha tiang mi hring vang chiah khan naupang te a nu thlawi leh fahrah an awm phah a. Michaela pawn Nancy chu a hriat thiam ngei ka beisei.








" Nancy hi chu i kawm ngaih in , in in thian that zia pawh ka hmu a. Michael a hi i hre chiang ve em? " A rawn ti sup chu mak ti zet in ka melh chho ha a. A mit meng tak run chuan chung lam a melh vung vung a. Eng emaw vei nei hmel a pu deuh bawk.







" Umm.... A fel lutuk a lawm. Ka chungah pawh a that zia chu i mit ngeiin i hmuh ve kha! " Ka ti nghal vat. Rawn thaw chhuak hawk in muhil tawh tur in min hrilh sup a. Ka mut pawh a chhuak tawh pawn ka hre lo. Engkim mai hi ka helh hawlh vek a ni mai.




*



*





" Kan van in ang tak naute kan nei rual mai thei a nia aw. A nih loh pawn kan neih thla chu a in an ka ring. " Nancy nen bazar lamah chhuak thaw veng tur in kan kal a. A ni pawh an kha lamah Michael te chhungkaw lam in palai an tir a nih hmel a. A pa ten an rawn chah haw avang in naktuk hian an khaw lamah a haw chho dawn a nih hmel a. Kei erawh pa Jerome-a te lo haw hun ah kan tih ve hmel.









" Vawi in chiah i haw chhauh hma in kan in hmu tawh dawn sia. Thlan min chei pui la, tih tur kan nei tawh bawk si lo a! " Ka ti chu a pawi tih loh thu a sawi ve mai a. A chang chuan ka ngaihtuahna hnual ve rawi thin mahse ka in ti chak lui hram hram a. Dr. Reubenan ka natna chung chang pawh dam zawk in min hrilh a. Kei mah leh mei mah ka in hneh a ngai tih ka in hrilh nawn ve fo thin.








" Ehhee... Ka nu kawr lum ka lei sak kha pheikhawk dawrah khan ka theih nghilh daih a nia aw. Tah hian lo awm la ka va let lawk! " Tih leh ka chhanna pawh nghak tawh lo chuan mipui karah chuan a tlan let leh nghal vat a. Hui pap in sir lam thut naah chuan ka thu zui nghal vat a.








" A thil theih nghilh chu a hmu em ang chu maw? " Ka ti sap chu ka hma zawn a thla hlim tawn ding vang chu en in ka hawi chho nghal vah a. Ka hma a mipa ding ka hmuh rual in ka nui nghal hak.









" Ti khan ding lo ding teh, ni a sa lutuk a! In nu ka nghak mek a, a lo thleng tep ang! " Ti sap in Michael a chu ka nui var var a. Rawn then suk in a hawi kual nghal chu ka nuih hak.








" a kal ve chauh. A la rei ang ka ring! " Ka ti zawm zat chu. A phone a hmet mual mual a, Tu emaw a bia a nih hmel.








" He lai chu ni a sa e mai. Parking a motor ka dah a tah chuan lo nghak i la, Nancy pawh ka phone tawh a. " A rawn ti chu ka ner nang A. Mahse ni a sat that em avang chuan ka pawi ti ta lo.








" Nancy chu i thlah chho ve dawn em? " Ka ti chu Zan khat riak chuan a thlah chhauh phah in a cham tur thu a sawi a. Kal pah chuan kan ti ti mawlh mawlh a. Mpa tih loh ah chuan Michael hi ka mipa thian nei ve a nia. Ka buai lai leh harsatna ka tawh lai pawn a theih tawk in min pui ve thin avang khan a chungah pawh hian ka lawm hliah hliah.








Ka thil khai chu motor hnungah a dah mai a. Seat kawngka hawng in ka thu kang at a boruak a lum bawk nen kawngka ka khar duh lem lo. Simon-a biak ka tum deuh a mahse hna a thawh lak lawh ka rin deuh avang in ka call leh ta lo. Ka phone a Candycrus game chu ka khel malh malh ringawt.








" Lalnancy chu a va lo thleng har! " Ka tih rual a ka hawi chhuak chu ka hma zawn tak ah Michael a chu a rawn ding ngur a. A mit meng chu ka hre thiam lo mahse a lan dan chu a mak a ni tawp.








" Ka tihpalh! " Ti sup in ka hmui leh hnar chu a rawn hup bet a. Ka phone ken chi thlauh in a kut chu nawr sawn tum in ka tang nghal vat a. Mahse ka hneh ta lo. Ka taksa zawi ngiai chu motor seat hnung lamah hlang in kawngka a khar nghal dawp a. Eng tin nge ka chungah tiang hi a tih theih zawk. Ka thian... Ka rin em em kha a ni si a. Ka lu hai chiai chiai leh motor in sawh nghawr dar dar chu ngai thla reng in ka ngaihtuahna chu a ral nghal riai riai a nih chu.








" Wooww... Kan Cinderella pawh a rawn har tan a! Thla rei lo te ka awm bo a, chu mi chhung in thil tam tak nang hian i lo thlen tir hman a ni ti raw? " Ka biang a rawn beng thek thek a ti tu chu ka mit meng tawk tawk in ka en a mahse ka mi hmuh a vang chuan ka harh nghal kawk hial in ka hria.








" Nang... Eng tin nge? Chuan... Michael nang hian...! " Tiin ka hma a mi pahnih te chu ka melh rum al a. Michaela chet dan ka hriat thiam loh tluk zet in eng tin nge Irene-i he tah a awm ve tih ka hre thiam lo. Hmun dangah leh kha zir in a awm a. Nu Sarahi ngei pawn a sawi bawk kha a nia. Chet ka tum chu ka kut hma lamah an lo tawn bet bawk nen rum zet in ka hma a mi te chu ka melh nghal vak.








" Huhhh.... Enge mak tih vak tur? Ka sawi kha kut min thlak a, vawi khat mai pawh ni lo. Kan in ah rawn kal in i rawn che ngam a. Chuan kan chhungkaw sum dawnna hmunah midang hmaah ka hmaiah min beng a nih kha. Kei hian enge ka sawi kha? " Nui ar ar a tiin a chair thutna atang chuan a ding chhuak a. Kan awmna room chu a phui deuh mup a. Kudam te pawh a ang mah zawk.








" Eng ang fako a hmeichhe vanneih nge i nih hi ka hre chak! Ka plan zawng zawng ah i la him dam zel a. Ohh... Michaela pawh hian i vanneih zia chu min hrilh a lawm. " Ti vak in min rawn melh rum al a. Ka hnung a bang ngheng chuan ka thut dan ka siam rem nghal vat a. Ka lu hai deuh riai riai vang chuan mit ka chhing vang vang ringawt.








" Wow.... Engmah min zawt dawn lo a maw. Kei hi ka kal bo hlen tak tak i ring a mi? Ohh... Ruk bo chung chang pawh kha ka rua hmanna vek a nih kha. Chuan I hria em? Misual kha an man tawh emaw tiin i lo hahdam veng veng a. Mahse i ring sual let der.








Kha thil kha kei ma plan vek a nih kha. Chuan... Kha hmun atang a ru bo tu che pawh kha ka u emaw tun a jail tang mek saw a ni hauh lo. I thian, i rin em em hi a nih reng a! " Irene-i hmel nui sawng chu ka melh ngawt ngawt a. A thu sawi chuan min thawng em em vek a ni tawp.








" Nang ni pahnih hi eng in zawmna nge in neih a. Chuan I u... Ruatkima kha maw? " Ka ti nghal vak chu min ei lo hmel zet chuan a ner sak a. Eng tin nge Irene-i leh Ruatkima unau an lo nih daih theih.








" Khai aw... Simon-an engmah a hrilh lo che a mi. Kei leh Ruatkima hi unau kan nih thu. Hmm.... Eng pawh ni se kei hian thah che kha ka duh ber a nia. Mahse ka nu mawl zet khan min ngaihtuah a vang in kha hmunah khan min cham chilh tlat a.








Nang ve mai hian eng tin nge ka U kha i thlem thlul ka hre nek lo. Nang mah dah tha tur che in ka ti kha a nia mahse nang ang hmeichhe mawl zet vang in a nunna hial a chan ta zawk a. Kei chuan chhuah che ka tum hauh lo! U Ruatkima kha nang hian a nunna i la a ti raw ... Kei pawh in he I pum chhung a naute hi ka lak sak ve khawp ang! " A rawn ti vin that chu rap lutuk in ka melh ngawt ngawt a. Eng tin nge nau ka pai tih a hriat theih pawh ka hre thiam lo.








Ka chhip sam a rawn tham in chhuatah chuan min theh awn deuh nawk a. Ka dulah a rawn chhir nghal chawrh chu thaw hak in ka hmui ka pet fan fan a. Ka dul thip lutuk vang chuan ka thlan fim a rawn bawl nghal tek tek a nih chu.









" Ngawi.. . Ngawi lawk teh Sawmtei hian nau a pai maw? " Chhuat a ka pum na ka vial kawm ngar chu Michaelan Irene-i ban a kuai her in a ti chhuak vak a. Kei erawh ka na ti ka te chhuah loh nan ka hmui ka pet fan fan a. Na tuar a ka au chhuah chuan Irene-i lawm tur hmel ka hmuh duh loh vang in.









" Michael min dang suh. I duh chuan i lo va chhuak thei ang. Mipa pathum in hmeichhe pakhat pawh in chingfel thei lo a. Hahthlak hlawm lutuk! " Irene-i thinrim vin that chu ka hre ve vek mahse ka pum vang chuan ka che hlei thei lo. Ka pum chiah pawh ni lo in ka tai bawr hi a na in min pawt tlat.








" Mahse naute a pai a nih chuan min hrilh tur i ni! Ni lo se chuan... "








" Chuan enge i tih ang. A tir atang in i in rawlh tawh sa a ni lawm ni. Min dang suh a nih loh chuan kha i video vang khan nang mai ni lo i chhungkua, i pa MLA din hmun thleng i ti der thawng thei. Opss.... Tuna I bialnu khan nau a pai a ni lawm ni. A ni khan hmeichhe dang nen in mu dun lai video hmu ta se, chu tah hmeichhe dang in i fa an pai ve a ni tih a hriat chuan i fa lo piang tur nen sawn an kal san hmak duh ang che!








Thlang rawh... He hmeichhe nunna nge i nupui tur leh fa chan i duh zawk. Chiu tah in chhungkua in mualpho bawk ang. Ngaihtuah chiang ta che.. Malsawmpuii hi a boral a nih chuan tuman an hre chhuak lo ang.








Airport atang a rubo tu i ni tih leh. Kha in kang.... In kang rapthlak tak ti chhuak Tu i nih tih pawh Tu man an hre lo ang! " Irene-i tawng tawp lam chuan min thawng dawt ni ber in ka hria.








" Eng thil nge i tih? Michael nang hian kha thil kha i ti maw? Ka pa pawn a ring che a kei pawn mahse nang chuan in thil tenawm tak i ti a maw? " In beng kang jn ka ti nghal tuar. Ma aw vak ruak in ka tai phei chu a rawn thler duai ni ber in ka hria. Mahse ka la duh tawk lo. Ka thinrim leh rilru na chu ka taksa zawng zawng an khur vek thei hial.








" Ka tihpalh. Ti lo thei lo din hmunah ka awm a ni! " Michael a min chhanna chu ka lawm zo miah lo. Ni lo... Ka thinrim lutuk zawk. A thil tih sual thup nan kei leh ka pa nunna hial in a tuar a nia. Eng tikah mah ka ngaidam ngai lo ang.








" He thil hi ka la hmang ngai miah lo. Haha... Ka tih awm zia chu kah chu ka zir ve tawh mahse mihring pangai hi ka la kap ang tih ka ngaihtuah ngai miah lo! " Nui sawng in Irene-i chuan pistol a rawn lek chhuak a nih chu. A hmelah chuan min huatna bak hmuh tur a awm lo.








" Nang hi.... I kal thui mah mah lo maw? " Michaela pawh in mak a ti tih a hriat. Kei phei chuan ka vawi khat hmuhna a ni hial ang.








" I awm dawn nge i lo va chhuak dawn? I sawi buai chhen a nih chuan nang pawh hi ka kap hreh miah lo che! " Ti leh silai a Michaela tin chu a rual a. Chet sawn tum a tan ka la chu ka tai bawr na lutuk vang in ka thei lo ka mal chu rawn khur der der in ka kap chu a rawn lum pup a. Eng thil nge ka hriat pawh ka hre lo hlau thawng lutuk in ka che ngam tawh lo.








" Chhuak rawh! Vawi 3 ka chhiar ang! " Ti hmak in Irene-i chuan Michael a chu a melh ran a silai chuan a tin ran bawk.






" 1 "






" Ka thei lo. Eng thil pawh ti rawh mahse ka rilru ka thlak! " Michael an a ti sup rual in Irene-i a pan hnai hrut chu rawn puak ri thawt in kan awmna chu a khawk nghal rum rum a. Ka hma zawn a Michaela a rawn tluk tawp tak ah chuan hai thawng lutuk in ka te nghal tuar bawk.






a tawi tiu teu dah lo ai tak meuh aw

[Ngaia]

LAST CHAPTER - 39 by Amy Cck ( Dream Girl)






' SANG ' tih hi i uar e, i story a an hmingah a tel zel a tih ka dawng a. Ka ngaihtuah a a lo ni vek a ni chu... Ka in thlahrung reu tawp







" Ohhh..... Kal tur a ka tih kai che khan kal mai la! Khawi lam a fel ber ang maiin lem I chang kual vel a nih kha. " Nui chhuak hak in Michael a taksa chu a ke chuan a tlawh che zeuh a. Chhuat a thisen rawn chhuak chu ka hmu chiang bawk nen ka thau ah min man a chet ngaihna pawh ka hre lo. Ka tai bawr na leh thip zawk zawk chuan min ti che ngam lo bawk.








" Sawi tur engmah i nei lo a mi? Khaw ngaih in min ti na suh. Ka naute vang tal pawh in! Hmm... Chutiang chu i sawi ka ring a . Nang ve mai mai hian ka chhungkua min lak sak a ti raw. Kei pawh in i tih ang chiah in i chhungkaw neih chhun ka lak sak ve che a ni mai. A hmasa ber in i pa, ohh... Kha in kangah khan nang pawh hi kang tel law law la tha tur! " Ner sawk in ka hma zawnah chuan a rawn thu hniam a. A silai ken chu a lek kual ruai bawk.








" Mahse a pawi ta lo mai. Ka u nunna i kut ngeiin i la a ti raw. Kei pawh in i pum chhung a naute hi ka that hmasa phawt a nga, chuan nang in i zui ve thung ang. " Rawn ti vin thawt in a silai chuan na zet in ka bekah a rawn khawng nghal chawrh a. Ka lu hai chuai leh mit sir lam tip vin hlur vang chuan ka meng thei lo. Ka bek lam atang a ka biang a thil rawn lum thla pap chu ka thi sen chhuak a nih ka ring.








" Heii.... I luhlul ve hle mai ti raw! Hlau in tap la ka mit hmuhah chu tiang a I awm chu ka hmu duh. Kan nun a I lo in rawlh ve sek a vang a I chan hi en la. Chhuah zan len tur che in min ngen ta che! " Ka taksa rawn tlawh che dawt a a au vin thawt chu ka bengah a kiu vung vung a.








Na ka ti, ka hlauh bawk. Ka pum chhung a naute ka ngaihtuah phei chuan tap chung a ngen pawh ka duh mahse chu chuan awm zia a nei dawn lo lutuk tih ka hre bawk si. Chu tiang a ka awm a nih chuan min nuih sawh in nuam a ti zual sauh dawn bawk. Chu bakah ka aw ka chhuah thei lo, thawk ka lak ringawt pawh a ka tai bawr in pawt tawm vek vang hian tawng a au chhuah chu sawi loh ka thawk lak pawh ka ip let ngawt ngawt zawk.









" I thil tih kha duh tawk rawh! " Mipa aw rawl lian leh ring zet in a rawn ti vin hrawk chu hla tak atang a ri ang mai in ka hria. Thei leh thei lo a mit ka men rual in ka mi hmuh avang chuan ka hahdam huai bawk. A hmel ka hmu thei lo, a fiah lo bakah a phe ruai a mahse a ruang am lian zet leh a aw atang khan tu nge tih ka hai lo.








" A lu a thisen chhuak hi tih reh a ngai! " Ka taksa kang leh nawlh nawlh thin leh tawng ri mur mur te, in hau thawm leh thawm dang hrang hrang chu ka bengah hian a in chiah piah nuai a. Mahse tlem te te in ka taksa chu a ral riai riai in ka hre bawk.




*



*



" Sawmte... Ihh.... Michaela a rawn harh tawh! Enteh.. Ka lawm lutuk hi engtia awm tur nge pawh ka hre lo! " Nancy ka room a rawn tlan lut a hlim bawk si tap deuh tiau a a rawn ti chu khum atang chuan ka melh ve reng a. Mahse ka engah mah hian a thawk lo.








" Doctor in hah chawlh rih a ngai a tia. Kei tak pawn pangai deuh pawn ka la hmu bik lo. Mahse i hria em.. Ka hahdam huai thei! " Ka bul a rawn thu in mittui tling pam hian a rawn ti a. Ka lo then ve sak ringawt. Engmah Michaela chung chang kha ka sawi lang lo a. Simon-a tak ngial pawh ka hrilh duh lo. A chhan erawh ka thiannu tan liau liau hian a ni.








" Tihpalh, ka ri leh hluai thin a mahse min hrethiam tho ti raw. He tiang din hmunah hi chuan in ngaihtuah ngut ngut a tha lo doctor in a tih kha! " In thlahrung deuh tak chuan a rawn ti sap a. Ka mittui rawn hnai kuar chu duh lo in ka mit ka meng kual nghal ralh.








" Ka tha lawm. Ka tha tawh lutuk! " Ka ti chhuak sap. Mahse ka thin chhung rawn tip vang vawng leh ka rilru na erawh chuan ka that loh thu chiang tak in min hrilh bawk si.








" En teh... Sawmte engtin nge kha tah khan Michaela kha a awm ve theih tih ka ngaihtuah a. I sawi duh lo tih chu ka hre tho a mahse ka ngaihtuah tawp thei lo a! " A rawn ti chu ka melh ngai ka melh ran a. Nancy lah in a zawhna chhanna nghak in min melh ran bawk.








" Ka sawi tawh kha, ka nunna a chhan him a. Kei mah ai a tuar bawk a. Engtin nge kha tah khan Michaela kha a rawn kal ve ka hre bik lo mahse chu chu a pawi mawh ber hlei nen, ka tha a.. Michaela pawh a rawn hatmrh tawh chuan a lawm awm tak zet zawk! " Nui lui hram hram chuan ka ti chhuak a. Ka taksa erawh a tang tung thung.








" Hahchawl rawh. Ka haw a nge, naktukah ka lo kal leh ang. I sawi tha duh lo bawk a Michaela ka zawt chhuak vek tho tho ang! " Ti zang vah in a ding chhuak a. Ka cabin a doctor rawn lut a hmuh rual a nui sang in min chhuah san a. Damdawi ei tur min pe in min check nghal mawlh mawlh bawk.









" Ka tihpalh tih bak sawi tur ka hre lo. Ka chungah hremna i duh ang in min tuar tir rawh. Ka phu tak zet! " Ka hma zawn khum a Michaela chu ka melh let ngar a. A awm a silai mu tang an zei zawh hnu in kar khat zet a harh lo a. Tunah pawh a taksa a la chak lo tih a hriat viau.








" Hremna ka pek che vang in engkim kha a rawn pangai leh thei in i ring a mi? Maw... Hremna i hmuh avang in ka pum chhung a naute kha a rawn let leh dawn em ni? Ka thian i ni a.. Ka ring che a sin! Ka ring tak zet che mahse nang chuan enge ka chungah i tih hi? Ka pa khan i eng pawi nge a sawi? Chuan ka naute pawh in? Ka nun ve tawk tawk chhan a ni tih hre chiang ber tu te zingah i tel a mahse nang chuan nung reng chuan in min that a sin! "








In hum ruh ngawt ngawt in ka ti chhuak vak. Ka taksa tang lutuk avang chuan ka khur ru der der bawk. Ni e.. Nau ka chhiat ngei a lawm. Ka naute engmah hre lo kha.. Ka chan a. Ka in nghahna leh hma lam ka pan chhan ber a ni bawk. Tunah chuan ka nun hian awm zia a nei tawh pawn ka hre lo.








" Ka tih palh tak zet. Kha tih lai khan enge ka ngaihtuah ka hre bik lo. Irene-i khan min blackmail a. Khawi atang in nge ka video kha a nei thei ka hre lo. A duh ang ka ti lo a nih chuan ka chhungte leh nancy thleng in an tuar dawn a. Duh thlan tur ka nei ngang lo! " A in thiam loh zia a hmel a a lang a mahse ka ngaihdam thei chuang lo. Ka chhungkaw ti chhe vek tu a ni miau.








Mpa kan thlah ni a min ru bo tu kha tudang ni lo in Michaela hi a lo ni reng a. Chuan security in engkim an check a min hmuh loh chhan pawh ka awmna motor an check ve miau lo. A chhan chu min phur thu te chu ka thiante ngei kha an ni miau a. Michaela leh Nancy chuanna motor hnungah khan ka lo awm ve reng a. Nancy erawh in engmah a hre lo.








Nancy a thlah hnu in kha pa nen khan min buaipui chhun zawm chauh a. Mipa pahnih a pakhat zawk kha Michaela zawk hi a lo ni char char a. Ruatkima te kha chuan ka bo tih a hriat nithum ni in min rawn hmu ve chiah. Chu pawh Irene-in a nu Sarahi vang a a rawn thlawh let lawk thei tak loh ah chuan Irene-in Ruatkima a contact ta chauh a nih hmel.








Kan in kang chung chang pawh kha Irene-in Michaela vo bet in a tih tir a. Ka pa ka chan phah a. Chuan tunah ka naute ka chan leh a. Kei hian ka ngaidam thei dawn em ni. Mahse midang bulah engmah ka sawi chhuak thei lo.








" I thil tihah khan ngaihdam min dil eng ang mah la ka ngaihdam thei lo che. Ni e... I duh vang a ni lo, mahse chu vang ringawt chuan engkim kha a rawn that leh pha lo a. Ka pa leh ka naute pawh an rawn kir thei lo. Ka rawn hmuh chhan che leh ka sawi duh chu midang emaw Nancy in eng thil pawh, thil thleng chung chang khan an zawt che a nih chuan engmah sawi suh! " Ka ti hmak chu a rawn hawi chhuak vat a. Kei erawh ka mittui ka biangah a luang thla ngiai ngiai thung.








" Enge i sawi awm zia! " A rawn ti sup chu ka kut a ka mittui luang hru thak in thawk ka la hak a. Tun a ka thil tih hi a dik ber lo mai pawh ni lo a dik lo hul hual tih ka hria mahse he tiang a ka ti lo a nih chuan kei mah mai ni lo midang nun pawh a chhe vek dawn miau.








" I sawi tur zawng chu engmah in rawlhna i nei lo a. Kha tah khan thil thleng palh vang in min rawn hmu. A chhan chu eng pawh ni se, ruk bo chung changah pawh engmah in hnam hnawih na i nei lo. Misual chu an man tawh a kan in kang pawh kha tihpalh thil a ni a engmah tih i nei lo. Irene-i a rawn harh chhuak lo a nih chuan tuman an hre kher lo ang. " Ka ti chhuak hak chu mak ti hmel a pu ngei a mak ti tur pawh a ni.








" Engvang in nge ka chungah that i la chhuah a. I nun zawng zawng ti chhe tu ka nih hi! " Kun lap chuan a rawn ti sup.








" Nang mah vang in ka ti lo tih hre rawh. Nancy leh a naute vang chauh a ti ka ni. Chuvang chuan ngaihdam min dil duh suh ka ngaidam dawn lo che. Lawmthu emaw pawh min hrilh buai duh suh, Nancy rilru na leh hreawm ti tur ka hmu duh loh vang chauh a nih kha! Chu vang chuan Nancy leh i fa a pum chhung a mi saw ngaihsak in kal san suh. " Ka ti chhuak hmak a. In her in kawngka lam ka pan san hmak bawk.








Ka thiannu mai pawh ni lo ka laizawn ang hial a ka en mipa hmangaih leh in nghahna. Hlimna a ni a, chuan a fa a pai mek bawk a. Michaela thil tih a hriat chuan ka lakah a in thiam lo a nga, a mipa hmangaih leh kei mahah duh a thlan a ngai hial thei.








A pasal neih tur an thulh a nga, an fa lo piang tur chu fahrah a ni der bawk a nga. Fahrah nun hreawm zia chu kei bak a hre chiang an awm hek lo. Michaelan hremna a hmuh avang in engkim a dik leh phah dawn lo ang chiah in ka thhiannu nun hi ka tih chhiat sak thei lo a. Chhungkua a din hma hauh in a chhungkua chu ka pawh darh sak ngam lo. Ka tan a thil tih zawng zawng vang a ka rulh let naah ka ngaih a tha zawk in ka hre bawk.








Khang ka buaina, ka natna leh ka hreawm tuar lai zawng zawng khan ka bul a awm a ka mamawh a piang a ka bul a awm a. Ka chhungkua pakhat ang mai a ka ngaih a ni miau a. Nancy vang chauh a ti ka ni.








Ka thawk rawh hah deuh leh tah in sum in sut nasa lutuk vang chuan ka pum leh tai vel chu a na vek a. Corridor sir ah chuan ding in ka awm dawm chuan ka chawl leh lai lawk thin. Irene-i pawh tihpalh thil vang in hliam a nei a ni khaw hre lo in a la awm reng thung a. Michaela tan chuan a rawn harh tawh loh a fuh ber ang. A chhan chu kei Irene-i leh Michaela chiah in thu dik kan hria a.











Kei chuan sawi chhuah ka tum lo tih chiang tak in ka sawi tawh a. Michaela ka ngaidam lam ni lo in ka he thil vang hian tumah in na tuar tawh lo se ka duh. Ka bul a awm zawng zawng te na lai ka hmu tawh. Simon-a ngei lawh nau ka chhiat tih a hriat in a hmel a ngui ve ruai a. Thla lek a upa pawh nise nu leh pa tan chuan a na lutuk tho miau.








Chu tiang chiah chuan Nancy in Michaela nen a in tih thiam loh mai mai pawh a a tuar zia leh zan a mu that thei loh thin thu ka hre chiang a. Thu buai nei a jail a tang a nih phei chuan a tuar dan tur chu ka hmu fiah kuar bawk.








" Babe! " Ka hnung lam a rawn ti sup ri ka hriat rual in rang zet in ka muttui ka hru vat a. Nui lui sak in ka in her vat a Zomuansanga hmel tak run nen kan in hma chhawn nghal run bawk.








" Hetah enge i tih? " Ka tih rual in a rawn ner sawk a. A hmel a chauh hmel in a mit meng pawh a dul ve ruih a. Ka hrethiam.. Ngaihtuah leh eng helh a ngah em bawk a. Leh lamah kei min ngaihven reng a. Irene-i haw viau mahse a ngaihven tho a ngai bawk. A hna zawng zawng nen awl lai a nei lo tluk a ni tawp.








" Ka zawh tur awm zawk tak niin ka hria! " A rawn ti sup a. Ner nang in a lamah chuan ka ban ka phar va va a. Hriat thiam loh hmel zet a min en in a mit a ti zim ngur chu ka hmui ka tih pawrh khum vak.








" Damlo ka nih hi... Room thleng min pawm phei rawh! " Ka ti sap chu ka fiamthu a nih a ring nge a ban chuan a khabe tuai zauh in a nui suk a, a kekawr ip a zen daih a nih chu.








" Hei... Ka ding nghet thei lo ka kaiza te hi a khur der der a nia aw. Vat in... Min pawm vat vat..! " Ka ti chu a rawn nui chhuak hawk a kei pawh ka nui ve hak tho.








" Ok.. Boss! " Ti thawp sup in dim zet chuan min pawm kang a. Ka nghawngah kuah bet in a taksaah chuan naute ang maiin ka bei a. Ka nuih avang hian ka hlim in engkim ka theihnghilh tihna a ni lo. Mahse he mipa vang hian hlim luih ka tum a, ka tan a awm reng ang hian a bulah awm ka duh a. Kan naute kha ka hmangaih lo ni lo in Pathian in kan tan a la ruat lo ah ngaih in a dam zawng a ka ngaihtuahna hman hram hram ka tum bawk.




*



*



" Movie en nan chuan duh thu sam. " Couch pakhat a popcorn in chhawp in puan nuam a in khuh tha sauh sauh in Nancy chuan a rawn ti a. Kei pawh sofa pakhat zawkah ka thhutna tur lukham leh puan vel siam ka siam tha mawlh mawlh bawk. Ruah a sur cherh cherh , khua a vawt deuh vur bawk nen tun ang hunah chuan mut mai mai bak a nuam a awm lo.








Nancy nu leh pa an rawn zin a, Simon-a an in lamah a haw phei a. A nu leh pa zin an rawn haw hna ban ah a rawn hmuak kawi a, a riak nghal dawn a nih hmel, kei chu naktukah kal law law ka tum ta zawk. Chu bakah zan in chu an chhungkua in thi pawimawh chhungkua hriat tur bik ang te an sawi duh thei a. Kei a lo awm ve ziah kha a fuh ber lo. Kei mah a ka awm chhuan lam in Nancy riak tur in ka sawm phei bawk a. Michaela erawh kan in hmuh pawn ka be lo ang tih tur vel ka ni.








" Tu nge a? Dar 9 a ri tawh sia! " Doorbell rawn ri ah chuan in en in kan ti rual vat. Nancy a mut that than tawh avang in kawngka lam pan chuan phun bai bai in ka kal a. Ruah sur nen tun ang zan reiah lo kal tur ka ngaihtuah pawn ka bo map.








" Awiii.... Nga ti nge? " Kawngka ka pawh hawn rual in Zomuansanga chu melh chho haw in ka ti chhuak vak. A sam atang chuan tui a far fap fap a, a thawmhnaw pawh a huh hnawm deuh chup bawk. In chhung a kan awm vang nge kawngka han hawn tak ah chuan ruah chu a lo sur tak fu leh nghal a. Thli a la thaw tel zui bawk.








" Min luh tir phawt la, a vawt a nia! " A rawn ti sup chu mak ti zet a melh haw in kawng ka kian vat a. An inah a riak dawn a maw tia a rawn let leh chu mak ka ti a ni ber.








" Tu nge awm ve a? " In chhungah thawm a hriat vang chuan a ti sup. Nancy a rawn than dawn thu in ka chhang ve mai a. A thawmhnaw huh nen in thlak tur in room lam a pan nghal vut a. Kei pawh ka popcorn la tur in dining room lam ka pan a. Simon-an coffee a duh ka rin vang in ka siam sak nghal zat bawk.








" Heii... I phakar ka mutna tur! " Common room lam a phei pha in ka au zui lang lang. Lalnancy nen lo in bia in ka mutna tur a ka siamah khan a lo thu deuh hlun a nih chu!








" Lo kal rawh i la leng! " Ti sup in a hma zawn chu a beng thuk thuk a. Nancy ka en rual in nui sawng min lo en a. Lei chhuah vak in Simon-a hmaah chuan ka thu thla hnak a. Nancy pawh movie a chhuah tak ah chuan mu chung in a en nghal zat bawk.








" Ti nge i lo haw a. I riak dawn a maw ka ti ve em em a! " Ka ti nghal sap.








" Min ngai a I lo tah ka hlau deuh maw le! " Nui suk a a rawn ti chu ka ner nang.








" Chuan... Nu Sangtei te chu an tha maw? " Ka ti sap chu lu a rawn bu nghut a. Puan nuam sin in a taksa chu ka ngheng ar ar a. Popcorn ka ei pah riap riap bawk. Ka coffee siam chu tui ti zet a a lem leh zauh thin chu ka nui sak.








" Enge kan sawi min zawt dawn lo a! " A rawn ti sup chu sir zawng chuan ka melh vat a. Min lo melh chhuk ve run bawk.








" Enge in sawi! " Ka ti sap chu a hmui rawn ti sawi zauh in a coffee no chu sir lam table ah chuan a nghat zui a. A kut lum thur thur chuan puan chhung a rawn zen lut in ka kawr chhungah a rawn zen lut a rum zet in ka melh chho nghal vak chu a hre lo der hmak leh nghal. Mahse ka dulah a nghat tha ve mai a ka dang ta lem lo.








" Thil thleng chung chang vel kha kan sawi a. " A rawn ti sup chu ka rilru a zuai nghal rawi. Nau ka chhiat tih pawh a hre ve ngei dawn tihna a nia.








" Chuan... A rang lam in kan in neihna kan buatsaih dawn! I sawi buai hma in ka nu leh pa duh dan a nih ve bawk! " A rawn ti leh sup chu min hmu lo mahse ka nui sak. Movie pawh kan en mang lo zawi te te in ka ti ti a. Naktukah nu Sangtein an inah min hmuh duh thu a sawi chuan ka hreh ru ang reng a mahse an mahniin min en hran lo en vang hian nuam ka ti bawk.








" Zomuansang nghal suh aw! " A kut ka dul zawn a min chu a rawn sawn chho hrut chu sawi si chuan ka ti vak. Nancy in a hriat ka hlau bawk si chu Nancy mutna lam ka va en a , a lo muhil daih tawh a nih chu.








" Kan mu thei tawh em? Movie khi i en pawh in ka hre tawh chiah lo! " Ti sup in ka hnute chu a rawn hup deuh chawt a. A mal a ka chum chawrh rual in a rawn nui suk leh nghal.








" A nih loh chuan tah hian ka duh ka ti mai ang! " Ti sup in ka mal chu puan chhungah a rawn tham tel salh a. Ka tal nak a mahse ka taksa a kuah bet hneh zia chu pui tak a ni tawp.








" Ngawi lawk! Stop... Zomuansang stop ka tih chu! Mu ang... Mut ka duh;" Ka ti chul chu a rawn nui hawk a. Min thlah thawl rual in rang lutuk in ka ding nghal vat a. Nancy sawi harh in mut ka rawt nghal zat bawk. Zomuansangan a nghal a chhuah leh hma a mut kan ngai a ni tawp.








____________________________________________________









* SIMON ZOMUANSANGA POV *








" I lo va kal hmasa mai dawn em ni? " Room ka luh chu darthlalang hma a hmeichhe kawr sen fual ha a a sam ti kir chiat a lo ding chu nalh ti zet in ka melh nghal run a. He tiang khawp hian hma lam a pan chak ang tih hi ka ring lo. Kan fa kan chan hnuah a nui hmel ka hmuh leh ka ring lo hial kha a nia mahse ka rin phak bak in hma a sawn.








" Ti... Ti nge? Naa... A va fair lo ve! " Ti bai bai a rawn hawiin a hmui sen nalh zet chu a pet kawi zeuh bawk.








" Hna pawimawh lutuk ka nei a. Ka rawn tel pui hman kher che pawn ka ring lo! " Ti let sup in a lam pan chuan ka pen nghal vut a. A mit mengah a a lawm lo hmel chu a duhawm let ling.








" Haw I duh hunah ka rawn hruai ang che! A tha em? " Ti sup in a kawngah zen lut in ka lamah ka pawt hnai nghal hrut a. Vawinah Nancy te an in kut suih dawn a. Tel ve chu ka tum viau nan damdawiin lam atang Irene-i a harh thu an rawn sawi a. Ka nu leh pa, nu Sarahi te pawh an kal a nih hmel mahse Puitei hun hman tur tih buai ka duh loh avang in ka hrilh duh lem lo.








" Ka lo thleng tep! " Motor khalh pah chuan ka ti sup a. Ka pa te pawn an thleng tep a nih hmel. Nancy in Malsawmpuii nen an bazar an in hlauh thu a rawn sawi kha hman hmawh zet in a phone ka call a mahse a in offeh hmak. A hma a Michaela no Malsawmpuii phone atang a ka neih chu a location ka chhui risk tawp a. Ka lo ring sual lo chiah bawk.








Malsawmpuii te in kang ni khan Michaela hi an in bul velah an hmuh thu an sawi a. Kha ta tang khan a chanchin ka ngaihven ru reng a. Thu thar em em chu hre lo mah i la a chet dan leh a mizia mak deuh avang in ka rin hlelh na a reh chuang lo. Michaela location atang in an awmna chu ka hmu har lo. Thil pawi a thlen loh nan tiin police ho pawh ka be nghal vat a.








Chuan tuman Irene-i kan ti na hek lo. Kan hual hneh tak em avang leh a tlan chhuak thei tawh lo tih a in hriat avang a ni mahna a mah leh a mah a in kap a vanneih thlak tak in an pathum in damdawiin lam pan pui an nih hnuah an din hmun a tha zel hlauh a. Ka fa lo piang tur erawh kan chan ta tho a.








Michaela leh Malsawmpuii in biak na ka hriat khan ka thinrim hman ngei a. Ka fa min thah sak tu chu awl sam tak in a chhuah za len tih ka hriat khan min ti lawm lo in kan fa kha a lo duh ve ngai miah lo te in min ngaih tir hman hial a. Mahse corridor a Malsawmpuii hmel a natna, thinrimna leh hreawm tihna rawn in pawlh nuk kar a a hlim hmel hahdam zet khan ka ngaihtuahna a hruai peng ta dawr a.








A tir chuan a rilru lut dan kha ka hriat thiam pui lo lek lek a mahse zawi zawi in a rilru that zia leh a thiannu tan a ti a ni tih ka hmuh pui ta kuar a. Engkimah a tuar nasa in a neih zawng zawng tak meuh, a chhungkua thleng a lak sak a ni chung a ngaihdamna thinlung a pu a nih chuan kei hian ka sawi buai thei bik lo.








A pawimawh ber a hlim hmel ka hmu a, misual hremna pe chung a a na tuar hmuh ai chuan engmah hre lo ang a awm a Malsawmpuii hlim hmel thlir kha ka thlang ta zawk a ni kha. Ka a zo tawh... He tiang khawp hian Malsawmpuii rilru tinat ka hlau a nih tih ka in hriat hian kei ngei pawh hian mak ka in ti.










Mahse Irene-i erawh a thil tih sual hi a lutuk mah mah a. Vawi engzat nge kei ngei pawh in ka ngaihdam a ka en liam ka hre tawh nek lo. Chuvang chuan a ni chu ka kut a awm a nih ang in a thil tih man hi hmuh tir ngei ka duh.








" Chuan enge chan chin? " Damdawiin ka thlen rual in midang lo awm bulah chuan ka ti nghal sup a. Police ho pawh an lo awm ve thup bawk.








" Bawiha harh chu a rawn harh a mahse engmah zawh tlak a ni lo. A din hmun a tha lo khawp mai... " Ka pa chuan a lo ti sup a. Ka nu leh nu Sarah-i leh Patea pawh an beidawn hmel viau leh nghal.








Doctor te sawi dan chuan a rilru lam kal sual vang in a thluk in ngaihtuahna fim a nei lo a. A harh deuh chaun tlan chhuah emaw mahni taksa ti na zawng leh midang rik rap zawng a a chet hlauh thawn na avang a damdawi hmang a nikhaw hre lo a an dah leh thu an sawi bawk. Police ho pawn a statement lak an tum pawh an thulh leh phah a. Damdawi a lo tih ve thin avang in a rilru lam buaiah an puh ta ber.








* THREE YEAR LATER *








" Heii.... Little boy Anu i tih harh hma in api leh apu bulah va kal rawh le. " Ka nupui tui zet a mu taksa mam han ka zut kual a, a hnute ka dap chu ka fapa Marcelo kum 3 lek a upa in min lo hum khalh avang chuan Puitei muhil tih harh hlau zet chuan ka ti sup.








" A pi te bulah exer lak va sawm rawh. A nih loh chuan an lo kal san leh daih ang che! " Ka ti nawn leh sup. A la naupang bawk nen hnute la kham hek lo, leh lam hum taiin leh lam a hmuam tlat in a fawp dek dek bawk si chu ka fapa mah nise ka thik lek lek!








" Sual.... Apa chuan sual lutuk. Apu bulah choco pie ei daih dawn! " Ka fapa tawng fiah lo zet a ti tau khum atang a a tal thla chu nuih loh theih pawh a ni lo. A hmui ti pawrh tan in a ke chum biang chuan a pu te bul a kal tum chuan a tlan chhuak tar tar a. A pi leh pu a ko nghal lang lang chu ka nui chhuak hawk.








" Hahh... Ti nge? Khaw nge Marcelo? " Ka nupui rawn thang harh a rawn zi mar talh talh in phak chhap te hian a rawn meng a. Tunah kan fa pahnih na a pai puar ve lah tawh a. A hming chuan fa pathum nei tur kan ni tawh. A hmasa ber erawh kan tan a ruat a ni lo thung a.








" Exer lak tur in a chhuak chiah. Nang pawn I mamawh in ka hria! " Ti sup a then suk in a hmui ah chuan ka fawp zeuh a. Nui hak in ka nghawngah a kut rawn suih in min fawp let tan tan a. A rai kawr fual pan leh thawl hnek hnawk chu pawt hlip in a taksa man han chu ka zut kual ruai a. Thaw halh a rawn rum tiah tiah in a mal ka zut kual ruai chu a taksa a rawn kang iak iak a. A hmuh nawm dan chu en loh phal chi a ni lo.








A dul puar lah in a duh ang in che thei lo mahse a rum ri ham ham ringawt pawh hian ka taksa a nghawng a nei tlat. A nupui ka hmangaih leh ka nunna kha a ni miau a. A hmeichhiatna hnawng chap a muang chang a lut riai riai in a taksa chhung sa hian chu ka feel vang vang a. Eng tikah mah ka kham thei lo ang!





*




" Apu... Apa hi a sual! Anu tete pawh khawih ve a phal ngai lo leng leng. Tete ka duh a piang in Apu bulah kal rawh .... ti zel aaa.. " Chaw ei lai a ka fapa in a pu mal chung a thu a a zual ko ve bai bai chu ka nui chhuak hawk. Malsawmpuii ka en chu rum zet a min melh in a biang a sen nghal tan tan a. A zak leh tawh a ni chek ang chu. Ka nu leh pa pawh nuih za hmel an pu nang in an nui chhuak duh lem lo. Puitei zah an hlau a nih ka ring.








" Puite vawin kha i in check ni a mi kha. Tu nen nge in kal dawn? " Ka pa chuan a aw thian khurh khurh in a rawn ti a. Kei man ka kal pui tur thu in a chhang vat a. Marcelo erawh nu Sarahin a awm hman dawn a nih hmel. Ka nu leh pa chu awm tho mahse nu Sarahi khaw har a hnem ve lutuk a, nu Sarahin a duat bawk nen.








Irene-i erawh kum 1 Liam ta khan a boral a. Rilru buai a nih miau avang in leh a buai thlak ta ber chu mah ni in ti na chi a a buai thin avang in a mah enkawl tur pawh in mipa lo chuan an hneh ngai lo a , tha rum a ngaih miau a vang in. A ruang erawh nu Sarahin a inah a la lut a. Chu mi tum pawh Malsawmpuii a rawn rawn ve thlap a. Puitei pawh in fel fai tak in a lo pawm sak thlap a. Tiang ang nupui rilru tha ka nei hi ka vannei tak zet.








" Marcello ... pa Mpa an nu Sarahi bulah hruai tur che in a rawn lam dawn che a, fel deuh a awm tur aw. Apa leh Anu kha damdawiin kal kan ngai bawk sia.... " Kan in siam mawlh mawlh laiin ka nupui leh fapa thu in hrilh chu ka nuih leh suk thin.








" Chu... Tete.. P-a ( pate Mpa) a lo thleng! " Kawngka lam ah rawn ko ri a hriat rual in a tlan chhuak nghal ter ter chu Anu in a ko vak a mahse a hrelo der hmak reuh a nih chu.








" Huiiss... Min lo kai tho.. Ka hah vek hman a nih chu! " Ka nupui in a tih chu nui suk in ka pan nghal vut a, tum tum a rai chu a hma aiin a taksa hi rit a tiin a in fit lo viau leh nghal.





*




" I taksa ah hian nunna nei dang pahnih an awm a nia. Phir hlir nei i la a zia viau ang! " Ka nupui ka ban vuan a kal mek chuan min rawn chum tai a. Result ah phir a pai a, naute te pawh an tha a nih hmel a. Hun harsa tak tak a pal tlang a tunah chuan a nun zawng zawng hi hlimna hlir a hnawh khah sak ka tum tlat. Ka hmangaih ka thinlung in a thlan awm chhun kha a ni miau a. Malsawmpuii tel lo chuan Simon Zomuansanga hian khawvelah dam chhan tur a neih lo a. Ka thin ti phu rang thei tu awm chhun ka ta ni tur a ruat kha a ni miau a. Ka chhungkua hi engtik lai pawn ka tan an hmasa ber reng bawk ang.








____________________THE END___________________








a tawp na ber a ni bawk a cmt vek tum ang u aw. Hmeltha ho




*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/