ME AND YOU CHAPTER - 2 BY MUANI KHAWLHRING

[Muani khawlhring]

ME AND YOU





CHAPTER - 2







By: Muani khawlhring









A chetsualna te kha dam tawh mahse, inlama chawl hah dam turin ka ti a, min hnial ka rin nen min hnial miahlo chu ka lawmlo lek lek zawk, ka hnaiha awm reng tura ka duh vang ani tih erawh ka hre Chiang khawp mai.












Kar khat lai chawlh kape bawk nen, a awmlo chu hrehawm ka ti angreng,mahse... tihlan a rem silova.vawi eng emo zat ka call pawh chuan a chhang duh tlatlo, beidawng zeta ka hmai tuai thuak pah hian ,"luhlul reuh lutuk" ka tih sup ruala ka rilruah"duhawm bawk si"tiin a rawn chhunzawm chu duhlo deuhin ka lu ka thing nawk. Ka message min chhang let ngailo mahse.... a ngai tein message bawk chu ka hnutchhiah leh ta tho.













Office a rawn kal a, min hmuh ruala chhak deuh a a kal sawn vat chuan ka nuih ati za angreng.amizia hi ka duh lutuk ringawt,a thinchhiat emem rualin a rilru hi a no ru tlat.












Biak ka chak em vangin ka office ah ka ko a, a rawn luh rual chuan "hna min pe leh teuh dawn mi?"a rawn tih luh nghal vang chuan ka nui hawk, sawi mai tur ka hre lo chu ka lai lek lek zawk . "Aih, pe teuh lo ang, ka call leh message I chhang thei siloa,engge I an?"ka ti sup, " ka tha a hei ka rawn kal"a ti bul nghut. A mitmeng fiah kak te, a tawngkam felfai thlap te hian min hip tak zet. "Min la hua mi?"tiin a mah chu ka en kar, "chutiang thil ho lutuk sawi tur chuan min lo ko tawh Suh ,hna ka nei" tiin ka chhan ve hma chuan a chhuak nghal daih chu lawmlo deuhin ka chek hlak. chelh dawnin a sawi ang khan thil pawimawh sawi tur a awmloa, ka chelh ngawt thei siloa. Ka hnuaia thawk dangte anglo takin ani hi chuan min hlau ve lo, mahse midang hmuh ah chuan min zahder thiam viau thung lawi si, a mizia hi kala hrethiam theilo chu a nihhi.
















Atthlak zetin ka rilru ah a awm renga!, Ka hna ah pawh rilru ka pe hlei theilo, hreptak hian!, "tu nge maw a niha ka vei tak em em mai ni?" tiin zawhna kain zawt hial, chhanna erawh ka dawnglo chiang khawp mai.














Edelin Remruatpuii P.O.V















Ka room ka thlen chuan ka thu hnawk, "hepa hian engge maw a hriat le?!, tunlai a awm Dan hi a mak lutuk, min ngaihsak deuh thut te hi ka hrethiamlo, a mi uap na lutuk te hian min rap tlat zel, a tirin ka lakah a sual emem a,ka hna ka bansan theihnan. ka luhlul zia hriain ka lakah sual chhuahin awmzia a neilo tih a hriaa chuvanga that chhuah chu a ni ngei ang ". Tiin ka phun sep sep. Ka lakah a sual tawh chuangloa fel chhuah ve chu ka bat ani tih ka hria mahse.....a hmel ka hmuh hian ka thin a rim tun zel, a mah vanga ka thil tawrh te kha ,thla reilo te mah nise ka tawn ngai loh vangin ka tuar theilo, keimah ka induh tawkna hian tlawmah min lak tir tlat zel, mahse that chhuah ve chu tum ve phawt ang,tum te chu sual ani hlei hnem.















Kan ban chuan pawnah alo dinga , " ka thlah ang che"ati sup,nelawm deuhin a nui saka, ka van ngei mai mai tak, office hun chhung bak hi chuan a thu ka zawm nachhan tur ka hrelo. Ka ngawih reng vang chuan ka remti emaw a ti niang chu a car kawngkhar chu hawngin lutturin min ti zawm zat. "Ni dawn tak that chhuah ka tum tawh kha"tiin ka inthing harh vat, nuih leh supin ka lut ve mai bawk, min beloa biak ka tum heklo,ngawi rengin kan thu a boruak a rit duh khawp mai,ka tang tung bawk si,ka hah vek thei.















"Vawin I chau em?" ti thawp sup riah chuan ka phu deuh zawk, a nui suk a, "tih hlauh che ka tum lo ania"a tih leh chuan " chau vaklo, ka rawn thawh tirh khan hna min pe hnem thei lutuka, ka hah thei tawhlo a ni maithei" tiin ka fiam ve zuk chu a lawmloh hmel leh lawi si, inthlhrung deuha hnuai lam melh rum chung Chuan " ka fiamthu " ka ti leh sup, " chu I chau viau animo" a tawng ki ah chuan nuihza insum a nga leh daih tawh, ka inthlhrung lakloh tawh si chuan " aih" kalo ti leh tawp.


















Hepa mizia hi ka hrethiam theilo, a changing a fel emem a, a chang leh a thinrim thuta, a bula awm tam chi anih ka ringlo, kan chenna appartment kawt kan thlen chuan a em vang vanga " hetah te hian maw in awm" tiin min en kar ,aw tia ka chhan chuan ka ngaihtuah na hriat tum ni awm takin mit ti sim sunin min en kar, enge a ngaihtuah tih hriat a har lutuk tlat, "tinge? ,heta ka awm hi mak I ti viau mi?!" tiin ka en ve kar...."ahhh.. ihhhh ...eng nilove" a ti bah nawk, chutah Chiang zokin " in ka lei ang che" a tih chuan ka lawmlo hle, " ka awmna tur hmun min pe tur in ka engmah inilo, company a ka boss I nih vang mai in ka mimal nun ah I buai na tur a awmlo" ka ti tuar , a thu sawi ngaithla duhloin ka luh San hmak bawk. In chhung ka luh rual chuan Sunita -in " tinge I van lungawi loh hmel ve? " tiin minlo zawt vat, a thutna bulah chun thu thla vein " Rinsangzuala hi ka haua" tiin ka hma zawn chu ka melh ngar a, "I hua tih chu ka hria lom, mahse misual tak chu a ni biklo nia" a tih chuan " nang pohhi....a lam ah khan I tang ve tawh ami?" tiin ka lungawilo sa nen ka thinrim tun tawh, "chutiang lam anilo, I laka a that chuan that chhuah tum ve phawt la, I boss a nih vang tal pawn" a tih Chuan " ka tum a lawm ,mahse,kan chenna hmun sawisela,in min lei sak Turin tu nge a nih a"ka ti let ve sak, tih ngaihna hrelo deuhin a bu ve nghat...," va inti faila vawin chu keiman eitur ka siama" tiin a choka lam a pan nghal zat. A sawi takah chuan a thil Siam rimtui zet pawh ka hrethei, ka pum a ri nghal ruk ruk chuan kaa nui suk, pawnlam eitur kan lakloh tum hi chuan Sunita -i hian eirawng a bawl thin ..... South Indian tih takah a thil Siam hi coconut an tel deuh vek zel, mahse ....ka ei thanga tui ka ti zawk.














Ka inti fai zo cokaa ka kal chuan alo Siam peih diam tawh....dawhkan ka en chu a lo Siam hnem leh tawh lutuk ringawt,ka duh chi hlir ala ni zui.... idli, dosa,Vada,sambar, chutney, rice ,currma leh curry alo Siam a,ka ril ati tam takzet. "Vada leh sambar hi engge a an?..ka vawikhat Siam na ania"a tih chuan ka kutzung pui ka ti pir vah, a tui hlom lutuk ringawt.













" Vawin ka ka tihpalh....I ngaihdan kha anilo nia"

rawn titu chu Rinsangzuala ani, thawhak in engge maw ka lakah hian a duh le!....tiin ka phun sup.


"Imm" tih ringawta ka reply na chu a seen rang khawp mai



"ka tihpalh" a rawn ti leh tawp





"Awle, tun chinah chuan ka mimal nun ah lo inrawlh tum tawh Suh ang che" Kati leh sak




"Awle"ti in salute emoji a rawn thawn tel zat,nui sukin naupang chhia lutuk ka ti sup















A hma zawnga a message chhang ngai lo khan ka be ve ta fo, han belh Chiang chuan alo fel leh phian bawk si,a hmaa sual, midang khawngaih na neilo ka tih kha ka sut leh Chiang khawp mai.office ah min ngaihsak na tilang lo mahse min ngaihsak zia ka hria,buana leh harsatna ka tawhin ka hmaah a dinga,min veng tlat thin.












Kan partner te nen join meeting kan neia, kan company hnathawh te chu min fak hlawm khawp mai, tlaiah dinner kan ei ho leh dawn bawk, Sunita -i ban ala hunloh vang chuan call buai duhloin tlaiah dinner kan ei ho dawn vanga ka haw tlai tur thu ka hrilh zawh chuan..... kan dinner ei na hmun tur hotel pan in ka Kal ve nghal bawk. Hna chung chang soiin kan inpoh hlom khawp mai, chutia kan nuih ho dar dar lai chuan kan company partner zing ami intemna kan Siam zawh chiah pui pa ina min melh danhi ka duhlo, Rinsangzuala ( ka boss) bul ah chuan ka tawlh hret hret, Rinsangzualan min melh zawk a mahse pangngai deuhin a awm zawm leh mai.....chutah chupa ( kan partner) chuan min biak paha ka kut a chul chiah chu a let nghal tawp....!, ka Phu nasa lutuk ringawt, Rinsangzuala chuan ngeihthei loin alo hnek chu niin...... Chu mai pawh duh tawkloin kan contract ziah tawh pawh chu a sut nghal hmak bawk, mak Kati lutuk chuan sawi tur pawh ka hrelo,ka beisei phak bak ani.....!, " I na em?, Kati hlau che mi?" a ti khurh dar dar danah chuan a thinrim hle tih ka hrethei, "heti khawp hian ani maw minlo ngaihtuah ni, ka tan a company chhiat na tur pawh a pawisa lo nia" ka ti rilru vawng vawng . Chhang loin amah chu ka en renga...chutah, " ka assistant I nia, khatiang a ti tur che khan tumah hian theihna an neilo, ka tan leh kan company tan I theihtawp I chhuaha ....venhim che hi chu ka tihve turah ka ngai" tiin nelawm zetin a nui suk. " Ka lawm e" Kati ve sap...... Khatiang boruak kha kan nih nuaih vangin min chhuah pui zui daih bawk.












Ala hma tho a....khawiah emaw hawi khawthawn I duh em? a tih chuan ka hnial hranlo. Kan kalna tak hi ka hre chianglo, mahse view a nuam tak zet...Dubai khawpui chu a lang Chiang viau....sawihmaih theih miahlo burj khalifa pawh kan hmazawn takah a ding luaha....mawi tih hiah a sawifiah zolo hial ang. Dubai ah hian ka awmna rei tawh mahse, hun ka neihloh bakah ka hunawl neih ve chhunah pawh ka chhuah ngailoh vangin ka vawikhat kalna ania, ka ropui dangdai khawp mai.
















"Ka lawm e aw" tiin a lam ka hawia,a kekawr ipte zenin a hmazawn khawpui chu a thlir reng...rawn hawi lemloin "Engah chuan maw" ati sup..... " Helai hmuna min hruai vang hian ka lawm e" ka ti leh a... "Ka rilru a hah emaw, harsatna ka tawha, chungril tawt tuna ka awm chuan... he lai hmun hi intih thawven nan ka hmang thin a, zanin boruak khan I awm a ti nuamlo riauin ka hria a....ka hruai che" ati sup. Haw kawngah street food te kan eia, ka rinaiin a bula awm hi a nuam kati .













Khami zan atang kha chuan ka ngei na te kha thliin thawk leh khatah a len bo vek ta emaw tih mai tur ani, min ngaihsak emem bawk....mahse kan inkarah chuan boss leh assistant bak a awm theih ka ringlo, ka beisei lo bawk.












Staff te kil khatah lo bawr luih luih ka hmun chuan ka pan ve vat, hmeichhe pakhat sang tha zet ka hmuh chuan a mah vanga helai hmuna awm khawm an ni tih ka hre thei. A mah en reng reng pawhin model a ni tih a hriat, a san chu sawiloh a hmeltha in a vun a nalh lutuk ringawt. Engti tura lo kal nge a nih tih ka bul ami ka zawh chuan " kan boss bialnu a nia, modeling tiin ram dangah a awm renga....a rawn thleng deuh chiah nihhi, Abby-i a nia" ati zung zung. A mak hran loe... "Rinsangzuala C.E.O hmeltha tak hian hetiang hmeichhia hi a Phu em ani" ka ti rilru vawng vawng.... Ka ngaihtuah lai mek mekin min la rawn ko zui. Hmanhmoh deuhin a office lam ka pan nghal, ka luh chuan minlo nuih suk a, a lo hmeltha tak zet a nihhi, mahse ka tan chuan ka boss bak engmah anilo.















"Vawin hi ka birthday a nia...zanriah min eipui duh angem" tiin a mit ko a san ak. " A tha lom, I piancham ka lawmpui che..., mahse present tur che ka van hrelo ve.....I duh zawng engmah ka hre siloa" ka ti niah niah min chhan hmaa ka hnunglam atanga minlo chhang tu vang chuan ka hawi vat. Ni dawn tak, a bialnu alo haw tawh a kei ve mai hi min chhuah pui duh hauhlo ang, Abby nen hi chuan kan inthlau lutuk ringawt. Abby lo lang thut chu Sangzuala hian mak a tih hmel lutuk ringawt, alo haw tihhi a hrelo zawk amoni. " Happy Birthday duhtak" tiin Abby chuan bawm tereuhtei nalh zet a rawn pe bawk. A thil pek chu la loin " engge hetah I rawn tih" ati nghut, a hmelh chuan a lawm vaklo tih ka hre thei. " Kum hnih hnuah ka rawn let leh a min ngai miahlo ami a tih chuan a lo thaw hawk , a thinrim a insum hle tih ka hrethei, chutah Abby zawk chuan min rawn enin " tu nge I niha heta Ila awm reng?, ka awm tawha mamawh n che a nei tawh lo" a tih chuan ka na zawk thei, kan dinhmun a inthlau ani maithei mahse inhmusit zawng leh inthamlo zawnga intih hi chu ka duh hauhlo, ka chhan hma chuan Sangzuala zawk chuan minlo chhan khalin a koh vanga kal ka nih thu leh zanriah kan ei dun tur thu a sawi vat. Diktaka sawi chuan nuam Kati tawh hlollo, kan boruak tang ru lutuk chu ka zolo lek lek. Ka lo va chhuak mai nge tiin min chhan ve hmain ka chhuak nghal vat .