BEGIN AGAIN

[Mafeli August]

Chapter-5


Ka harh chhuah leh hnu chuan damdawiin khum ah ka lo mu reng a, ka lu chu a rit deuh bur leh nghal, kan khawih chhin a ka lu chu an lo tuam hi a lo ni a.
" i ti lawm awm hle mai, eng mah lo ken pawh a ngai lo a sin" ti a ka u in a sawi chu hria in tu nge a nih hriat tum in ka khum atang chuan ka tho chhuak a, thui pawh ka pen hman lo ka u leh Grace-i te rawn in zui lut nen chuan kan in hmu nghal a.

Grace-i hmel ka hmu chu ka lawm ngei mai, " Mike, Grace-i nih hi a mah hi a nia thi chhawng a i awm lai a damdawiin a hruai tu che " a hmel ah leh a tawng kam ah chuan a sawi zawng in a lawm tih a hriat hle bawk.

" a nih tak chu mawle , ka lawm hle mai awm lo la chuan ka thi ngei ang" ka tih chuan a nui sak ri ngawt " lo in kawm rawh u, khua a vawt tawh sia coffee in tur kan lei lawk a nge " tiin a kal chhuak nghal daih a.

He tia hmel hriat ngai loh ang mai a awm hi hreh awm ka ti tak zet a ni, a lo kir leh hun ka la nghak reng a ni tih te hi hre ve thei se, a nghak tu nih hrehawm zia chu in hremna zawng a na ber a ni ngei ang.

" lo thu la " ka tih chuan ngawi reng chuan khum bula sofa ah chuan a thu ve mai a, " ka thil lo ken hi kan dah a nge " tih leh room chhung a fridge awm na lam chu pan in a thil lo ken chu a va dah a. " inleng i nei a ni maw " ti in ka nu rawn lut chuan a ti a, " nia hei a fel khawp mai, a lak a lawm thu sawi kan ba nasa khawp mai " ka nu hneh ah chuan ka lo ti vat a.

" dam tha tak a ka hmu che chu a lawm awm khawp mai, i lo dam zel dawn nia...hmun dang ah pen kawi na tur ka nei a, ka awm rei lo mai ang " Grace-i'n a tih chuan ka hnual deuh ruih mai ka kiang ah hian awm reng thei se ka duh.
" chu ti maw, a nih chuan ka chelh lui lo mai ang che nitin a mah tlawh tur a i lo kal ziah vang in ka lawm lutuk a nia, Mike-a chhuah hun ah kan chhung in zan riah la ei ho ila, i rem ti em " ka nu in a tih chuan Grace-i pawn a hnar bik lo, kawngka thleng chuan ka nu in a va thlah nghal a.

" Nula fel tak a ni i ti ve lo maw, chhungkaw pangai tak a sei lian a ni bawk a mo a tan ka it mang e " ka nu in min mit sir pah zeuh chuan a ti a, " chutia i it viau leh nang mah khan nei la ti nia, ka mu dawn " ka ti deuh hmuk a " ka fapa chu i ni ve sia maw, ka thih hma ngei hian nupui te nei la chhungkua te din la ka ti ve lawm le, a leh lutuk mai" ti in a phun buah buah a. " rei tak i dam ang chu, tlangval in ka thi bik lo ang" ti in ka chhang a.

Kan nun hlui ah khan kir leh thei ni ila, siam that tur ka van ngah teh lul em, eng vang in nge min chhan a duh chuan kha lai hmun ah khan thi tur in min kal san thei reng sin, mahse min chhan him a thlang zawk a kei in a nunna ka lak sak si a.

Ni hnih lai chu damdawiin ah ka awm a, harsat na dang ka nei te nih loh chuan naktuk lam ah ka chhuah theih tur thu doctor in a sawi a, damdawiin khum a han mut chhiah hian dam hlut zia te ka hre thar leh a, " sir i dam that tawh hmel khawp mai " jerry-a chuan a rawn ti lut a " ka dam tawh lawm, lo chhui zui tur a ka tih che kha e nge a chan chin " ti in ka zawh chhun zawm nghal a.

" tu nge a nih chu ka la hre chiah lo nang in, kha mi ni a min rawn bei tu te kha pawisa pe In a ruai tih chu ka hre tawh , kha mi ni a nang mah bei tu kha a tlan bo nghal daih a motor number pawh kha a lem tho a lo nia, mahse kan zawng hmu ngei ang tih ka tiam a che " jerry-a a chuan ti a, a tu tak chu ni ang maw kei min haw em em a min thah hial pawh duh tu chu, he tiang a nih chuan ka fimkhur leh zual a ngai a nih hi.

Ka chhung te leh kei min hnaih tu te pawh an him bik in ka ring hauh lo mai, " in leh a vel a duty tur mi pa li lo dah rawh, ka chhung ten a chhan an zawt che u nih chuan kei man tul ka tih vang a dah ka nih thu in hrilh dawn nia " ti a ka hrilh lai chuan kawngka an rawn kik a, jerry-a chuan kawngka lam chu a pan nghal vat a, thawm a awm zui loh avang chuan tu nge tih hriat tum chuan kawngka lam chu ka pan ve nghal a.

" Nang maw " mak ti zet chuan ka ti a eng tik lai in nge he mihring hi a lo let leh a " he i bodyguard nin awm zet hi min ti buai lo tur in han hrilh teh" zam map lo chuan a ti a " eng tik lai khan nge i lo let a, eng tik ah nge canada ah i let ang " ka tih chuan min en in a nui sak a " ka lo thleng ve chauh a min kir tir leh mai i tum a maw" ti in sofa thu pah chuan a ti a.

" Melissa Canada a i awm hlen tur thu i sawi a ni lawm ni, eng vang in nge i rawn let leh a kan sawi fel vek tawh a ni lawm ni " ka ti chang fak a ka thu sawi pawh chu eng ah vak a ngaih hmel loh hetiang fanu duat sual chim awm zet hi ka buai pui peih hlek lo e, " jerry hruai chhuak rawh, ka phal na tel lo chuan rawn lut tawh suh se " ka tih chuan min melh rum ngang mai.

" nang a mi theh chhuah ka ngai lo, ke ka nei ka kal ve mai ang " ti in kawngka lam pan chuan a kal tau nghwng nghawng a, minute tam pawh a liam hman lo Melissa-i ka nu leh Grace-i te chu an rawn in zui lut a, Melissa hmel ka hmuh in ka thinrim si Grace-i hmel ka hmuh in in thiam loh na in ka khat leh bawk si, tum khat a a rual a ka hmu dun leh ngat phei chu ka nun hi an ti hrehawm nghal ngawih ngawih

Jerry-a chu hna thawh tur ka pek avang in a kal chhuak leh nghal a, Melissa chu a tawng duh ber ah a tang leh a Grace-i chu thil a zawt pah deuh sek a, " mi biak lawk tur ka nei a, pawn ah phone call ka va hmang lawk a nge lo in kawm rawh u " ti in ka nu chu pawn lam pan in a kal chhuak nghal a.

Melissa chu a in sum thei ta ngang lo a niang " Mike he nu hi tu nge a " ti in min zawt ta nghal a " ka thian a nih hi " awl sam te chuan ka ti a " thian in pawh tak in nih dawn chu, nge ka hriat ve loh thil a thleng zawk " Grace-i melh zauh pah chuan a ti kher a " tu mah ka ni lo, kan in kar ah eng thilh mah a awm hek lo chuan lo buai vak duh suh ka neih sak lo ang " zam na leh tim na neih hauh lo in Grace-i chuan a ti ve hmak a.

" kan la hria ang chu, Mike hi naupangte ka nih lai atang in ka hre tawh school leh University khat a kal dun reng thin kan ni, chuan kan in ngaizawng nghe nghe bawk kan la in nei thuai ang " Melissa-i chuan a ti a, zah na reng reng he nu hian a nei lo chu sawi loh a pian pui reng reng lo a nih hi.
" thawhthu ngaihnawm tak a nih chu,mahse tun a a lan dan ah chuan a hmu che hi a lawm vak hmel loh khawp mai " mahni in ring tawk zet in Grace-i chuan a ti let ve a.

Melissa-i hmel chu a sen tawn tawn mai, a thinrim hmel hle bawk. "I lei kha veng fimkhur rawh " tih leh kut thawh mai chu a tum nghal a, a kut chu lo man in " Melissa in ah lo va haw la, ka hman vel ah ka lo call ang che i hre thiam ti raw ka sawi chu " dam thlup chuan ka ti a, ka thu sawi chu zawm in ngawi reng chuan a chhuk ve mai a.

Melissa-i luh lul zia leh tih mawh zia hre chiang ber tu te zing a mi ka ni a, hmeichhe fing leh mahni hma sial tak a ni tel bawk.

" Melissa-i chet dan mawi lo tak vang khan a ai awh in ngaih dam ka dil e" ka tih chuan nui sak in " in kawp awm reng in ni, in in hmeh khawp mai " a ti duh chauh a, " i ring sual a ni, kan in ngaizawng reng reng hlei hnem Melissa-i te chuan buai na siam leh naupang chhiah tak a awm hi a nuam tih zawng a lawm " ti in ka chhang a.

" i in sawi fiah na ka phut hlei hnem, eng vang in nge ka ngaih pawi mawh ang, nang leh kei a in kar ah eng mah a awm hlei hnem in hmel hriat sa tliah ve mai kan nih hi " a tih chuan ka thil lo tih sual ka hre chhuak nghal a, tun hma Zodini kha a ni tawh lo tih ka lo theihngilh a ni.