Right person, wrong time
Chapter-1
Hlutei Pachuau
He thawnthu hi youtube lamah thupui dangin ka dah tawh a, he lamah chhiar ve ngei in duh takin tiin ka rawn dah leh a ni e.
Kum 2005 febuary thla a ni a, valentines day kâr a ni nghe nghe, kei erawh ngaihzawng emaw, ngaizawngtu pawh nei ve talo chu ka dâwng bik leh hle, ka ṭhiante ho chuan an star zawng te pek tur rose par sen mawi tak an lei sap sap a, kei erawh pek tur pawh nei ve hleilo chu ka awm mawl ve top, ka hming chu Lalruattluangi niin Tluangte tiin min ko mai ṭhin, ka nu leh ka pa hi inṭhen tawhin ka nu bulah ka pi leh ka pu te nen kan chêng a, ka nu chuan pasal pawh nei tawh lo in min enkawl ta top a, unau dang erawh ka nei lem lo, ka nu chuan nep nawi dawr neiin a hlâwk ve thei hle a, ka pu hi sipai pension a ni bawk, ka pi pawh kan khua a sawrkar sikul ah zirtirtu a ni ve a, mahse tunah chuan aikal ala rih thung,ni e, zep thu a chêng lo, tu emaw duh deuh chu ka nei ve ngei alawm, a hming chu Jordan Lalchhanhima a ni a 'Jordan' tiin kan ko ṭhin, kan khua a pastor fapa a ni, tlangval sanglam, samkir lek lek hi a ni a, kan khua an rawn awm tirh chuan luck vet vet tak a ni, krismas ruaiṭheh ṭum khan hmarcha ka lo sem a, arawn dawh chu duh aia ka lo suah tam vang chuan "Ka duh tam lo a" ti a nui deuh sak chunga min rawn en ṭum kha, kha ta ṭang khân a lakah arûk tê in ka tuiral ta kha nia, amah hi mi harh zawk zawk lo tih takah kan khua a a awm chang pawn hmuh tur avang thei khawp mai, a awm khât viau bawk, inhnaih tê kan ni a, mahse vawikhat mah pangngai takin kan la inbe miah lo thung, Vawiin chu inrinni niin ka pi bulah chuan hman aṭanga ka lo thiam châk em em ṭhin puan tah chu ka thiam ang angin ka zir veleh lâwp lâwp a, hma erawh ka sawn lutuk lem lo, tlai lam alo nih chuan kan kawtah hian inkawibah hi kan hrât hle a, naupang ho pawn min lo sawm leh der tawh, nula ve uaih tawh mahila ka nuam tih zawng kha a ni ve tlat a, inkawibah loh hlau in ei rawng lah ni se ka bawl hma viau bawk, kan kawm chhak ami ka ṭhiannu Mafeli pawn min lo ko leh tuar tuar tawh, "Nula ve uaih tawh si nang ni pahnih lah hi âw," ka nu chuan alo ti vawng vawng ringawt, keipawh hmanhmawh tak chuan chhuakin naupang ho karah chuan a aw rawl ring ring leh a phur ber ber ah kan zu ṭang leh tawh, nu Pari pawn min rawn fiam leh zauh ṭhin, ani hi Jordan-a nu a ni, chutia nuam ti taka kan lo awm lai chuan r15 pawl hi rawn dingin a khalh tupa zawkin a helmet a phelh lai chu ka lo enkar a, "Jordan" Mafeli chuan alo ti deuh hluai, ka awm dan adanglam nghal vek, mahse tihlan erawh ka duh dêr lo, a phurh pa zawk chuan kan lam chu rawn hawiin min rawn en in ka hria, ka ṭhutna aṭang chuan tho in a fâl deuh laiah chuan ka ṭhu ta daih a, chutah ka hawi let leh chu kha pa bawk khan min lo la en vang vang mai, arawn nui sak a, rang lutukin ka hawisan daih ringawt, rei vak lo hnu ah chuan kan nau teho chuan ban an rawt a, Mafeli nen pawh kan lo rem ti nghal, zan inkhawm te a ngaih vangin, keipawh ka chho vat a, kan in hi kan inkawibahna chhak hreta awm a ni a, kan pan chhohna kawngah hian Jordan-a te in hi a awm thung, kan inhnaih viau, kan inchhak leh ah Mafeli te in hi a awm bawk, kan pahnih a ti ti mawlh mawlh pah a kan chho chu Jordana leh aṭhianpa ka ti dawn nge amah ang rual vel min lo en reng tu kha an luhkâ ah hian an lo ṭhu a, "Tunge le? a cousin an sawi kha niang a, a hmelṭha vetho mai, an hausa rap an ti" Mafeli chuan ati deuh sar sar a, ka lo nui sak, ka mitah chuan amah tluk an awm lo, ka rilru a tih pah chuan ka va melh leh zauh chu min lo en ve nia, arawn nui a, ka inchhuih tlu nghal ṭhuai, a unaupa zawk chuan min lo nuih hak a, "Ana em?" an rawn ti, Mafeli lah nui nasa, "Aih na lo e" tiin rang tak chuan ka tho zui a.
Zanriah eikham chuan inti faiin keipwh hmanhmawh tak chuan inkhawm turin ka insiam zui a,Mafeli chuan ring zetin min lo ko leh tawh, hmanhmawh tak chuan tlan chhuakin kan kal thla zui hlawk hlawk a, Jordan leh a cousin pawh kha inkhawm tur ni awm tak hian an rawn chhuak ve chiah bawk, "In kal dawn chiah elo?" tiin Mafeli chuan alo be vat, Jordan-a chu alo bu deuh nghauh a, a cousin chuan "Kal rual ang u" alo ti a, ti chuan kan kal rual ta ṭham ṭham hlawm a, Mafeli leh Jordan-a techu an ti ti zui mawlh mawlh a, a cousin chu Rda ni awm e, an inbiak kar lakah chuan min rawn be ve zauh zauh bawk, sawi tur ka hre tam lo kher mai, kei ang tho in Jordan pawh a ni tho, ka hmalam sir ah chuan akal vangin ka tum lok pawh nisi lo hian ka va mit sir leh zauh ṭhin, avan hmeltha reuh tak, mahse a ṭhatna chu ka tan a ni ve lo, a neitu chu a vannei viau ang le, kei a cho phak rual a ni si lo, reilo ah biak in chu kan thleng a, biak in kawng a thuilo ka tih ber ṭum ala niang, inkhawmna ah leh zel chuan inhma tawn chiah hian kan la ṭhu zui, a nui khat viau a, thusawi chu uluk takin a ngaithla bawk, a chezia reng reng chu uluk tak hian ka lo zir chiang ni berin ka hria,ban hla ka sak lai chuan engemaw hian min mawlh tlat, ka tum loh deuhin Jordan-a teṭhutna lam chu ka va melh zauh a,ka rinloh lutukin kan mit ava han intawng chiang tak, rang takin ka hawisan thuai a, ka lungphu a su nghal dup dup mai,zai thei tawh hek lo, ka hlabu kar aṭang chuan ka va melh leh dek dek a, min lo la en reng nia, mak ti zet chuan ka en ve vang vang ringawt. Inkhawm chu kan bang ta nula dang ho chuan an lo be sap sap hlawm a, zun ram te thiar zo in haw mai kan tum chu, "Tluangte" rawn ti tu lam chu rang takin ka hawi vat, ka beng chhe ri chu a ni si lo,Jordana hian vawikhat min kohna ni ngei ngei ang, "Haw rual leh ang u" arawn tih chuan chhang mai lo in ka en top, "Aw kal ila" Mafeli chuan alo ti thuaia, ka awmdan chu hriatthiam harsa ka ti takzet a ni, A ngai te bawkin kan haw rual leh ṭham ṭham hlawm a, heiha sawi tur hi tinge maw ka va han haih chham thei bik tak em, "Tluangte, zir zawm i tum em?" Rda chuan min nuih var var chung hian arawn ti a, "Ka hre lo le, tunah chuan ka tum chiah rih lo" ka tih chuan a nui leh sak, eng engemaw min zawtin ka sawi duhzawng leh ka tuina zawng min sawipui dan a thiam riau a, ka nêl ve nghal mai, ka bulah chuan rawn kal hnaiin a ti ti zui luam a, a thusawi lai chuan a hma chiah a kal chu ka lo en kar a, kan thusawi chu ngaithla ve awm pawhin alang lo, thil ngaihtuah mûk hmel deuh hian a awm ni berin ka hria, enge a ngaihtuah ang le tiin ka ngaihtuah zui ve a, chutia ka lo en reng lai chuan arawn leh hawi thut, ka phu nasa lutuk chu Mafeli ke ah va inchhuihin amah ber chu ka va bawh rawk rawk mai, an vai mai chuan an lo au deuh ṭhat zui, ani pawh chuan hlauhthawn hmel fê hian min lo kuah a, Dear Diary, a lungphu ri ka hria nia, a kut lian takin min kuah a, keimah vanga hlauthawng hmel a pu ve hi ka mumang chu ni si lo,"I in chhuih reng mai, i kalna tur en ṭhin ta che mawle" Mafeli'n alo tih hlak hlak takah chuan rang takin ka in la hrang thuai a, ka awmdan pangngai lo lutuk chu insiam remin, an ṭawng pawh chu benga rawngah alut tawh lo,ka ke zungpui tin ka chhuihna lah chu ala na em em zui, pheikhawk pum ka bun bawk si nen ka rap na ngam lo chu ka bai deuh saih saih ta ringawt, an in zawn kan thleng an lut tûr chu Jordan chu rawn hawi let vutin ka ke chu arawn en a, "Ana em?" tiin uluk tak hian min rawn thlêk zui, ka lu ka lo thing ringawt, tichuan in mangṭha zuiin an lut zui a, "Jordan hi chu aw, a fel viau rual hian nel ahar ve ngawt mai" Mafeli chuan arawn ti a, ka lo nui sak, "Ṭawng tam lo chi a ni ve hrim hrim a niang" ka lo tih chuan, "Ṭawng tam lo mahse nel ahar hrim hrim, a unaupa kha fel tehlûl nen" tiin ahan nui zui uar uar a, "Nangpui hi ilo ngaizawng reng elo?" tiin ka han chhaih zui a, a phat loh dan aṭang chuan aunaupa chu a duh tih hrilh hranpa ka ngai lo,
Zan ka mu chu ka hma hun tur ngaihtuahin ka mu mai theilo, lehkha zir zawm zel chu ka duh chiah lo, kan khua aṭanga kal tur chuan lirthei a awm loh bakah ka rui ṭhin bawk nen, mi ina awm ka duh bawk silo, in luah man lah ato dawn ropui si, ka thawh theih awm tawk thawh mai chu ka duh ta zawk, ka mu thei ngang lo chu ka diary ah chuan vawiin ka hun hman dan techu ka ziak leh a, chhiarloh diary tiin ka vuah nghe nghe, thu thiam tak ka ni hran lo a, mahse nuam ka tih em vang leh nakin zelah ala hlu dawn a ka hriat vanga ziak mai ka ni,
Vawiin hi amah ka tawn ni aṭanga ni 1095 na chiah a ni, in ngaizawng kan ni lova, ṭhian lah kan ni hek lo, ka duhna chuan amah ah beisei min tih san tir ngai lova, beisei sang tur ka ni bawk hek lo, ka suangtuahna ram ah chuan ani nen khan awm dunin thu tam tak kan sawi dun ṭhin a, ka mangram thlenga ka tana hmangaihna thu sawi ṭhin tu kha a tak ramah erawh hmelhriat satliah mai kan ni, ka duhna ka lan tîr a rem lo a, ka tan chuan asang lutuk, ka phûloh zia ka in hria asin, mahse ka duh êm a, suangtuahna ah tal tiin duhthû ka sâm fo ṭhin, ka duhna lan tîr turin ka huaisen tawk lova, bakah min duh dawn lo tih a kâ aṭang ngeia hriat kha ka ngam thlâwt lo a ni, chuvang ania hetia ngawi renga awm hi ka thlan, engtikah emaw ala hre chhuak ve anga, eng angin nge min ngaih ang le? zaktheilo min ti ang nge min khawngaih ang? engpawh ni se ka hmangaihna thawnthu lungkuai lo tak, a tuartu tan erawh hrehawm tak si hi tupawn lo chhiar rawh se, ka thinlung hrethiam takin min lo chhiar sak ula,hun lo la kal turah engpawh lo thleng se he hun hi ka tana hun tawn hrehawm lai ber leh hlimawm lai ber a nih ngei ka ring tlat a ni.
Ti a ka ziah zawh hnu chuan ka thâwl hawkin ka hria, thlamuang tak chuan ka mu ta siai siai a, a chanchin ka ziah zawh hnu pawn ngaihtuahna ah arawn lut leh ta, ka suangtuahna nen chuan mu nui var varin engtikah emaw chuan tiin beiseina nen ka muhil ve ta nge nge a.
Valentines day ni chu alo thleng ta, inngaizawng tepawn lehkha inthawn tawn in an hlim lai chu thlîr nuam ka van ti em, kei erawh ngaihzawn awm lo tih takah eng lehkha mah ka dawng ve lem lo, ka nu leh ka pu techuan min chhaih reng lehnghâl, a pawi ka ti hran lo, ka lo beisei rûk leh ka thinlunga ni se ka duhna vanga ka mi nghah hnên aṭanga ka dawn a nih si loh chuan ka lawm chuang hian ka ring lo, kan tukverh aṭang chuan an inchung chu ka thlir veuh veuh a, Aizawl lamah a phei leh tawh a, mahse vawiin chu alo phei leh rinna lian tak ka nei tlat lehnghal, Mafeli nen chuan ka pi leipui ah kan kal daih a, hmarcha te lo in kan ti ti dun nasa mai,Jordana chanchin techu arawn sawi chhuak leh ṭhin, "Shillong ah lehkha zir a tum an tiin ka hria" a tih chuan mak ka tiin ka van lungngai tak, nilêng chuan ka thil tih a tuilo phah a, chutianga ram danga zir zawm atum chuan ka hmuh leh tawh pawh ka ring lo, ka beiseina thawk leh khata arawn inthlak hlawk takah chuan ka awm te hi zu nuam lo vek thei a mawle, chaw hnu lamah chuan kan inphur haw leh a, ka pi leipui hi hla a ni lem lo a, khawdai maia awm a nih vangin ke chuan kan kal phei ral ral a, khua a lum ve lek lek tawh nen thlan a chhuak ve dap dap mai.
Mafeli nen chuan eng engemaw sawiin kan ti ti tui phian a, kal kawng pawh a thui loh phah viau mai, kan in pêng kan thleng chu ka thil hmuh chuan min va ti ding chiang ngai em, Jordan-a te inkawta bike pâwl lo ding vâ ka hmuh chuanka mood zawng zawng arawn inthlak leh tawh, chutah Jordan chu arawn chhuak hlawl a, min rawn hmu ka lo en reng vang nge min en ve kar a, ka lungphu arawn su leh dup dup tawh, ka hlim lutuk chuan ka han nuih sak a, ani pawh alo nui ve ringawt, "I rawn phei leh elaw?" Mafelin a tih takah chuan keipawh ka insiam ṭha sawk sawk a, "Aw....mahse Rda a tello a nia" a lo ti fiam zauh, "Lalchhanhim i zak lo lutuk aw" Mafeli chuan ati vîn zui ṭhah, kei lah chu ka lo nui uar fâl leh kher mai, "A thu hrimah tinge i rawn haw a? rose par pek tur i nei ve na nge?" Mafelin a tih chuan ka lo in hum ruh nasa mai, ani lah chu a nui suk duh lek chauh. Ka lo ngaihtuah phâk ngai miah loh chu a rûk tê a ka lo vei em em lai hian tu emaw vangin a na in alo hlim ve thei reng tih hi, kei ang tho hian a rûk tê in tu emaw lakah alo luangliam ve reng thei tih hi tinge a hma tekhan ka lo hriat loh le? amah ka duhna khan midang duh ve thei lo leh, ka duh ang tho a duh ve tu an awm turah hian ka dah phal ngai lo tepawh a ni mahna le, ka ngaihtuah zawng ringawt pawh hian ka na vawng vawng mai, "Hepa hi a ngawi chut chut a, ngaihzawng chu a nei chiang alawm" Mafeli chuan ahan tih chhunzawm zat a, ka chhang lo, kan in kan thleng chu ngawi rengin ka lut a, ka êm phurh dahin bathroom lam ka pan thuai a, ka ṭhu zui hnawk mai, heti taka mihring pakhat ve mai ka duh hi hriatthiam har ka in ti a, in hremna emaw, zawlaidi min tât a nih hial te ka ring rum rum zawk, ka ngaihtuahna aṭang hian bo hmak se ka duh a, ka hriatna tehi hlauh daih theih se ka ti ṭhin, a hrehawm ka ti a, mahse a châng chuan ka hlimpui tho bawk si.
Ka inbual zo chu ka pi nen chuan ei rawng te kan bawl dun a, "Pi tu emaw hmangaih an neih hian engtin nge an awm ṭhin?" ka han ti thâwr a,alo nui hak, "I ngaihtuah ang kha a nilo a nia, Hmangaihna hi thumal pakhatin sawi fiah dawn ta la engtin nge i hrilh fiah ang?" ka han ti leh daih a, "A engtin chuan nge ka han hrilh fiah ang aw, Hmangaihna chu in pum pekna hi niin ka hria, tu emaw kan hmangaih chuan an hlimna ringawt kan duh a, hmangaihna chuan phût lêt engmah a nei lo, a thianghlim a, a dik a, bible ah pawh a in ziah kha mawle" a tih chuan ka lo nui mai a, Hmangaihna a ni ngei chuan ka hria.........
Zan lamah chuan keipawh Mafeli nen chocolatte techu kan han lei dun ve a, mawl kan inti in kan nui nasa mai, tûn ang kumah pawh engmah dawng lo nih kha chu hrehawm ve tak a ni, inngaizawng ṭhenkhat han hmuh techuan thin hi a rim hlur thei nia, ka chocolatte lei chu ei lo in ka dah ṭha anga tu emaw ei ah tiin ka ak ta daih a, ei enah pawh ka en lo, ka lei sak pa hian ka lei sak a ni tih pawh a in hre dawn der si lo, chutia kan in lam pana kan kal chhoh lai chuan, a thim zing aṭangin tu emaw hian aw hi arawn thian deuh kharh a, kan phu nasa ngei mai, Rda zawk chu rawn chhuak hlawl in Jordana pawn a hnung arawn zui nui var var mai, "Minti hlau alawm" Mafeli chuan nui hak hak hian alo ti , Rda chu awm lo se a awka hi hetiang hian a dam awm dêr silo, ti rilru in ka nui tawp, "Tluangte, i ṭhiannu hi khawi ah emaw ka'n hruai lawk ang'e" Rda chuan alo ti a, " Rei lo ula, hetah hian ka lo ṭhu ang" tiin Jordan-a te thing dah khawmna chungah chuan ka ṭhu nghal tharh, Jardan hian Mafeli chu alo tihder tih ka hrethiam chiah, "Jordan lo awmpui lok rawh" Rda chuan kal pah chuan arawn ti a, ka nui lai chu tâwp riai riaiin Jordan ka va en chu a kekawr ipte zen chungin ka bulah chuan arawn ṭhu ve a, an pawn light êng in min chhun phak riai riai vangin a thim lutuk hran lo, mahse a fâl ve viau tho mai, "Lehkha zir zawm chu i tum tawh lo tak tak maw?" arawn tih chuan "Aw" tiin ka lo bu nghauh a, ṭawng tlem zawk zawk ka ni lo a, mahse kan mi duh te hmâ ah hi chuan alo zâm awm ve ṭhin khawp mai, sawi tur avang takzet a ni, ka zâm a, a lum uap churh reng hian ka hria, nge a mi uap a na zawk pawh ka hre lo, van lam a hawi vauh vauh paha anuih sak lai chuan uluk takin ka lo en a, a mit meng de sar sar te, a nui mawi tak techu, theih ni se khuanu hnenah hian he hun hi chelh din ka dîl ngei ngei ang,
Dear Diary, ka hmangaihna thawnthu ah hian he ka mi thlan hi a sual lo ang tiraw? Min ti hlim dawn lo a nih pawhin min tina lo tal se ka ti, luah loh D neih aia hrehawm hi he khawvelah hian a awm bîk awm love, he hringnun duhamna a khat hian he mi hi vawikhat chauh tal min hmangaih lêt ve turin khuanu ka dil a ni, engtikah emaw chuan he thinlung khawngaihthlak tak hi ala rawn hre chhuak ve anga, ka zah zumna leh ka dawih zep na vanga ka hmangaihna leh duhna ka lo lantir lo kha min khawngaihin mawl min va ti dawn em, a ṭhawng viau pawhin ka ring a ni,
Thil ngaihtuah ni awm tak hian a awm a, eng tak chu a rilru ah awm ve ang maw, min ngaihtuah chu ka ring lo phawt a, tu emaw chu he inhmangaih te zanah hian a ngaihtuah chhuah ngei ka ring a, thîkna in ka khat nghal up up mai, "Ka ât hmel viau em ni?" a rawn tih chuan ka ngaihtuahna aṭanga harh chhuak thutin ka hawisawn thuai a, "Van lam hawia ka nuih apiang hian, arsi leh thla te khian min lo nuih ve in ka hre ṭhin a" a ti a, ka lo nui sak, "I lung a leng a nih ka ring" ka han ti ngawt a, "Lêng maithei ni" tiin a nui leh hak tawh, "Tunge i ngaih a?" tih mai ka duh a, mahse ka ngam teuh lo mai, "Tluangte bialpa i nei lo em ni? in leng i neih ngai awm pawh ka hre miah lo" arawn tih chuan mak ti zetin ka en ha a, inleng ka neih leh neih loh techu alo ngaihven ve ni ngei tur a ni, mahse a âwm tho e, kum 18 tlin dawn tawh ah pawh inleng han neih ngai miah lo chu a mak viau ang, "Ngaihzawng ti a han sawi tur pawh ka nei lo, bakah, nangni angin hêltu kan nei ve duah lova" tiin ka han nui zui hak hak a, kan khaw nula tleirawl aṭanga senior deuh pawn an hêl nasat zia ka hai lûl lo, "Ni e tiraw,neih chu ka hun ve tawh viau mai" tiin min rawn en a, "Tu emaw duh deuh te i nei em?" hlauthawng ru deuha ka tih chuan, "Nei maithei ni" a ti nih chu, ka nui lai tâwp ria riai chuan ka en vang vang a, sawi tur rêng ka hre tawh lo, "A nih nang? duhzawng te hi i nei ve reng reng em?" tiin min rawn en a, hnuailam ka lo bih thuai, ka kut chu sik niap niap in, "Nei ve e, mahse ani chu ka tân a sang lutuk, kei a cho phak rual a ni lo" ka ti zui sap, mittui arawn hnâm zui ringawt nia, " Tluangte nula fel tak ini a, tu in nge maw nang ang te han duh lo thei teh lûl ang che le, chu tlangval chuan hmeichhe ṭha ahre lo top a nih dawn chu" ahan ti ve tak na in min hnemna ṭawngkam mai mai a ni tih ka hriatna chuan min tina zual a ni, ka nui lui hak, "Nangpawh ngati nge i rilru put hmang chu i sawi mai loh? " ka tih chuan "Midang duh a neiin ka hria," awlsam zet hian alo ti a, lawm tûr nge rilru nat zual tur pawh ka hrethiam teh nuai tawh lo, Ka haw veleh ka diary ah bawk chuan ka mu theilo chuan thu tam vak lo chu ka han ziak leh a, ka vanduaina ang hi tumah hian tawng ve tawh lo se ka ti takzet a ni, hmangaihna vanga ka natna te, ka beiseina chhete vawi tam tak chhem mih a a awm tehi ka thiamloh nge khuanu ruat ve hrim hrim pawh ka hre lo, thil sâng tak ka beisei hran lo asin, thildang zawng aia min tina ber tu zawk chu, ka hmangaihna leh a tana ka inhuamna engmah lo a achang tur hian min tina a ni, engtikah mah he hmangaihna a dawng lo tur hian min tina a, hmangaih a ni tih tal hi in hria se, engtik lai pawhin atan ka awm reng a, atan ka inhuam reng a ni tih te, a nui hmel ringawt pawh dampui sawng sawng thei, a lungngai hmel a hmuh a lo lungngai ve em em ṭhin tu thinlung hi han hmu in han chhiar thei ngat se chu min khawngaih zawk hial ania ka rin ni.
A lo hre chhuak ta a nih pawhin hun a liam anga atan tun ang hian ka awm reng thei tawh dawn si lo, ka hmangaihna ho lam taka athamral tur chuan ka thinlung hi a ti na zual takzet a....... keipawh hian engvanga ka thinlung hi hrilh lo nge ka nih ka in hre lo,thinlung dawihzep vang nge? mahni insit nat lutuk vang zawk ni ang? engtikah emaw chuan ti a ka inhnemna hi a thleng tak tak angem tih pawh ka hre chuang lo, engpawh ni se, hetianga ruk te a hmangaih hi ka la thlang zel phawt mai ange.
Right person, wrong time
Moderator: writers
CHAPTER-2
Hlutei Pachuau
Chelh din rual lohvin hun a liam a, Jordan pawh Shillong lamah a zirna chhunzawm turin a kal ta, a kal dawn nî a ka thinlung hrehawm zia kha, hrilh ka tum ut ut lai vêlin vanduai thlâk takin ka pu duh takin min boral san hlauh mai a, ka hrilh hman ta lo kha nia, mahse khuanu in a hun ala ati lo tepawh a nia nge, kan chhungkaw eizawnna a tla bal ve tial tial a, ka nu pawn a sumdawnna a enkawl thatchhe tial tial a, mahse ka hriat dân chuan ka nu hian zû a zuar niin ka hria, keipawh ka ni te in lam Aizawl lamah awm in ka pu duh dan ang ngeiin college ka kal ve leh a, ka nu zu zawrh chung châng erawh ka ni thusawi a nih vang chuan awih chiah lo mahila ka nu mî zia ka hre chiang a, thil ni thei erawh a ni tho mai, ka ni leh a pasal chuan min duat viau a ka rin laiin an awmpui ang mai ka ni, an fapa naupang ka awm pah angai a, inchhung chêt zawng zawng pawh ka ti vek ṭhin, lehkha zir vetho ka ni a, a châng chuan ka ning ru thei viau, ṭap chungin ka pi han phone zauh zauh ka chîng a, mahse an telephone ka lo hmang nasa ṭhin deuh nge, ka ni in mei nei tak taka phone bill atam thû min sawi khum fo takah chuan kan in lam pawh ka be pawp ngam tawh lo, lung erawh a leng thei viau mai, ngaihzâwng pawh ka la nei lo tluang ta zel a, hetah chuan ṭhian pawh ka nei lem lo, rilru in amah kha ala nghâk ru tlat a, enge a tih ang? a hrisel ṭha angem? chaw a ei ṭha engem? khuanu malsawmna ka dîl rualin ka dîl sak ve ṭhin, a hre dawn lo tih hre tho mahila atana ṭawngṭai ka ṭhulh phah ngai chuang lo, khaw khata kan awm dun chung pawh khan ka lak aṭanga a hlâ tih tawh nâkalaiin ramdang daih a awm chu ngaihtuah a zual ngei mai, ka sawi thiam lo, ka ngai vawng vawng mai ni, Ka Diary ah chuan ka ngaihthu techu ziak kûr ngei nguai ṭhin mahila min hnem zo silo, vawikhat tal dam leh hrisel taka tawn leh ka chak takzet a ni, engtikah emaw chuan khuanu hian min la intawn tir leh ka beisei tlata,chutih hunah chuan ka hmangaihna thu pawh hi ka hrilh ngam ve tawh mahna.
Chhânna engemaw tak nghâk, chhânna awm lo pawh nghâk tho,
beisei tur awm miah lo pawh beidawn san duh tlat lo a ka awm chhung hian
hun a liam a, kum pawh a vei tam ta e, tân in hrehawm taka khung beh ang mai hi ka ni,
A zûn chuan min phuar reng a, hun leh kum te liam zêl mahse, ka hmangaihna erawh a liampui ve silo....
Hun chu a kal zel a, `2008 kum tawp lamah chuan keipawh kan khaw lamah ka haw ve ta nge nge a, ka pi ka ṭhian, ka engkim ka hrilh ṭhin, ka ngaih em em chuan min kalsan veleh a, chak taka awm ka ngai tih ka in hria, mahse a harsa takzet a ni, mittui a hul thei meuh lo, ka nu awm dân dik loh vangin kan khawtlangah lah chuan zu zuar hriatin min hre vek tawh, ka nu awm dân chu duh lo in han inhnial ve bap bap ṭhin mahila ka nu a nihna a bo chuang silo, mahni in ka ṭap fo a, min hnem tu ka ngai a ni, hun engemaw chen chu ka pi leh ka pu thlân ah kalin ka ṭap fo a, ka hringnun chu nitin hian ahahthlak telh telh hian ka hre ṭhin, Mafeli ka kiangah awm reng lo ṭhin phei se chu ka mal zual ngawt ang, ṭhianṭha hlutna min hriattirin a theih ang tawk tawkin min tih hlim a tum ve ṭhin, ka tan chuan ani hi a hlu ber mai awm e,
Krismas pawh alo hnai leh ta kher mai, mi tin mai chu an phûrin lal lo piang tûr urlâwkin hlim takin an awm a, kei erawh ka mal ngawih ngawih a ni ber mai, ka naupan laia ka pu Aizawl kal ka lo hmuah ṭhin lai te, krismas kawr mawi min lei hmu châk a, nilênga ka ṭhiante bulah pawh infiam hlei theilo khawpa ka nghah hlelh lai techu hre chhuakin dan rual loh mittui bawk arawn far leh ta, ka nu awmdan vangin inkhawm techu ka zak ngawih ngawih a, khawlai pawh ka chhuak ngam meuh lo, mi tehian min en hrek hrek ni mai hian ka hria, zu zuar fanu kha ka ni tawh miau a, ka upa telh telh a nun lo hahthlak zia leh dam khawchhuah lo harsat zia ka hre chho ta telh telh mai, hmangaihtu an fiah telh telh a, hmui hmawr chauha hmangaihtu pwh ka hre chho ṭan a, hetiang ai chuan ka naupan lai khan khawvel hi lo tawp daih se ṭha tur a nia,
"Enge maw ilo ngaihtuah leh tak vung vung le?" rawn ti tu aw ka hriat chuan rang zetin ka mittui tla chu ka hru sawk sawk a, chutah a awmna lam ka hawi chu ka dingchhuak hluai thei Rda a ni, "ekhai aw! i dam maw?" tiin kan in chibai nghal a, ka bulah chuan rawn ṭhu ve in "I pi leh i pu râl na aw tam phei chu a ni lo a" tiin cheng zahnih hi min rawn pe a, lawmthu te sawi luamin ka lo la ve mai, "Min râl tûr ringawta rawn kal inih chu ka va ring chiah lo em " tiin ka han fiam zui zauh a, "Ni e, nula puitling ilo nih ve tawh tak sî ah chuan ka rawn rîm dawn che mawle" tiin ka samah arawn tuai zauh a, ka lo nui hak "Ngam loh ka nei ania" ka tih chuan " Tak takah kan in ngaizawng ngai hleinem, kan in ngaizawng lo kan tih paw'n in awih tlat lo a" a tih chuan mak ka ti ngei mai, ṭhian ang maia an inkawm thu techu a sawi ve a, Mafeli hi nulian lam hmel pawh ṭha vuah, khal ve deuh mai hi a ni a, san zawngah intiat ve mahila kei erawh ka thau hran lo, ngaihzawng dang a neih leh daih tawh ka ring, rei vak lo kan ti ti hnu chuan Jordan-a chanchin zawh ka châk hle a, a damṭha tih tal hria ila ka hahdam deuh mahna, "A nih I unaupa chu shillong lam nuam ava ti awm ve?" ka han ti zauh a, "Arawn haw khu, ila hmulo em ni?" arawn ti ta mai, "A ni maw?" ka han ti hluai a, an in lam ka zuk thlek zui, "A mak iva ti awm ve?" arawn tih takah chuan ka lo nui mai a, ka lungphû chu hmân ami ang tho kha a ni, an su leh dup dup tawh, a chanchin techu a han sawi zui luam a, zan lama lo len a tum thu sawiin ani pawh chu a haw veleh mai a.
Inṭhenawm mai kan nih vangin zan lamah pawh chuan an lo lang hmâ ngei mai, ka rin ang ngeiin Jordan pawh arawn tel ve nghe nghe a, a thau deuh hlek a, khabe hmul a nei siar siar bawk, a sam pawh a buk hret, ka lo en uluk leh kher mai, ka hlim veng veng na in nuamlo tihna leh engemaw thil ṭhalo dang ka nunah hian lo thleng leh dawn tlata ka hriatna chuan ka hlim lai reng pawn min ti chau deuh nghulh reng mai, "Thingpui ka'n lum ang'e lo ṭhu rawh u' tiin choka lam chu ka pan a, ka nu erawh inlêng ka neih dawn thu ka sawi lâwk tawh vangin a inthiar fihlim daih tawh thung,thingpuisen hâng leh kurtai chu chhawp sakin "Jordan enge i zirna chu a an?" ka tih chuan a sawi ve ṭeuh mai, uluk tak chuan ka lo ngaihthlâk sak a, amah ka en pah kar bawk, chutah a ipte aṭang chuan ṭhi nalh deuh mai hi arawn phawrh a, ka tâ turin min lo hawnsak hi alo ni, ka lawm lutuk chu ka ri deuh chûl mai, Mafeli pawh rawn lêng ve in ani vethung chuan diar (shawl) hi alo chah a ni awm e, "Engmah arawn chah ve silo che a, i hawn sak duh zawk e a" tiin Mafeli chuan a han chhâl leh rih a, "Ani techu ka farnu anga ka en ania, a phû ve lawm" a tih chuan ka nui tâwi tak ringawt, RDa chu alo ṭhu ngawi ve kar reng chu Mafeli chuan "Ka ṭhiannu hi ilo beisei ngawt ange aw" tiin Rda chu ahan vo ngawt pek a, kan lo nui nsa mai, "Beisei ka neih vang alawm ka lên" Rda chuan alo ti thek nia, an ni pahnih inkarah hian engmah a awm lo tak tak a nihnka ring, zan in ka ngaihtuahna techu a in pawlh nuai mai, Mafeli awm lo phei se zawng sawi tur ka haihchham nasa viau ang le, "Urlâwk zân chu ar kang ang u aw, ka naua hian a ṭhiannu alo hruai anga, Mafeli'n a hruai ve bawk anga" Rda chuan arawn ti ta mai, mak ti zetin RDa leh Jordana chu ka entawn zak zak a, ka beng verh zar tu thil chuan min tina leh dawn tih pawh ka chiang nghal hle, "Jordana pawn a lungdum D a nei ve alawm" Rda chuan ahan ti zuah zuah a, pakhat lah chuan sawilo turin alo khap sur sur mai, ka thingpui inlai chu hak kharh kharhin choka lam ka pan zui a, thâwk ka la hrâwk, kum tam aliam tawh, la theihnghilh lo mahila heti em hian min la tina thei tih ka ring phak lo asin , rei leng lo in an haw zui a,
Mafeli a chhungte an awm loh vangin an in lama riak tur chuan kan inzui chho a, tah chuan a ni, Rda hian min lo duh rûk reng thû a sawi ta mai, lo dawnsawn dân ka thiam lo, ngaihtuahna a buai nuai reng a, ṭawng pawh ka ṭawng ṭha peih meuh lo, ka ṭawng tlêm ta riau chu mak a ti deuh nge a khum a siam ṭhat sat sat lai chuan " I duh angem? min vênthawn angai lo nia, kan inkarah engmah a awm lo tak tak alawm" arawn tih chuan "Mafel ka thei lo ang" ka lo ti chhuak sap a, a bâk ka sawi theilo, chutah min rawn pan in, "Ngati nge? i nu vangin maw?" arawn tih chuan ka lu ka lo thing top, achhan min zawh tak sek sek ah chuan zêp reng a ṭulna pawh ka hre tawh lo, "Mipakhat duh deuh ka nei asin, kum nga dawn a ni tawh, ka rilru ngaihtuahna aṭang hian bo daih se keipawn ka ti, mahse ka inthunun thei bawk silo" ka ti ta tawp a, "Tunge a?" rin ang ngeia arawn tih takah chuan hreh tak chungin Lalchhanhima anih thu ka sawi a, sawi mai tur pawh a hre bik lo na in min khawngaihna mit meng erawh ka hai lo, "Engkim hi amah vanga ti ka nia sin, keipawh hian ka in hrethiam tawh bik lo, heti em em hian ka duh ang tih hi rin harsa ka ti, ka hmangaih tawhin ka hria" ka han ti leh a, "Tluangte ka ngaihdan chuan hrilh mai la ṭha ka ti, i na tawh ta sa sa, engkim hrilh vek la i zia hawk zawk maithei sin, mahni insitna neih len lutuk hi aṭha ngai lo" a tih chuan a dik ti viau mahila chutiang tur chuan ka huaisen tawk lo, inrintâwkna pawh ka nei hek lo, bakah ngaihzawng alo nei bawk nen, ka ta tur a ni ve ngai dawn lo tih pawm thiam ka ngai zawk in ka in hre tawh, "Pathian ruat kan ni lo aniang, hetianga ngawi renga hmangaih hi ka la thlang rih" ka tih chuan min khawngaih hmêl zet hian min en vang vang a, ka tan chuan beisei bo lutuk dawt hmanga beiseina insiam chawp kha ka duh loh bakah, ka rilru lo puitlin tawh na hian min hmuhthiam tir a ni zawk mah.
Khuanu ka zawt a, 'Tinge ka ta ni tura i duanloh?' tiin vui châng ka ngah ṭhin,
mahse ka lo ngaihtuah phâk ngai miah loh chu, ka tâ a nih loh hian amawi zâwk a,
ka cho rual ni se heti em em hian a hlutna hi ka hre kher angem?
a nui hmel tehian min phuarin ka hlimpui kher angem?
ka tâ ni lo tur ta sa sa , a hlim hmel te ka hmuh ve reng theih nan khuanu dil chu ka thlang ta zawk a ni,
Urlâwk zan chu alo thleng ta ngei a, kan lo intiam tawh angin hman ho chu kan tum ruh khawp mai, inkhawm hmasak phawt kan duh vangin keipawh chu ka insiam mek a, inkhawm tepawh hi achâng chuan tîm deuh chang ka nei ṭhin, zu zuar fanu ka nihna hian min phuar tlat a, ka inkil tawih lo thei ṭhin lo, Mafeli nen chuan kan inzui thla leh hnak hnak a, Rda chauh chuan min rawn zuiin "Khawnge Lalchhanhim-a?" Mafeli chuan alo ti a, "A bialnu ava hruai dawn" awlsam zet hian alo ti, ka nghîng dawt thei in ka hria, Mafeli leh a bialpa pawh kan hma ah chuan an kal dûn ral ral a, Rda nen erawh kan inbe tlêm khawp mai, rilru a insual nasa hle bawk, ani hi ka duh tak tak thei angem tih hi ka hre lo a ni, lo chhâng ta ila a rilru ka ti na mai mai lo ang maw le, nge ni a ka hmangaih chawp ve thei mai ang a, ani pawh phûloh lutuk ni mahse ani erawh chuan min la duh tal alawm le, Biak in chu thlengin kan inkhawm zui a, ka natna chu thup tumin han nui lui ve teh mahila keimah leh keimah ka inti hrehawm lui ni maiin ka hria, "I ṭha lo" ti a min hnêm a min kuah vawng vawngtu ka mamawh takzet a ni, "Iva nawmloh hmel ve? kan haw daih dawn em ni" Rda chuan rawn ti a, a bialnu teho nen kan la ni dawn zui, ka tuar thei angem ka hre lo a ni, "Nia reilote tal mut zuai ka duh" ka lo ti a, Mafeli te erawh an lênkhawm dawn vangin kan haw san ta daih a, Jordan-a te lo thlen veleh awm ho chu kan tum dân a ni, ka va huphurh sî em, ka inthunun zo angem ka hre lo,ka ngaihtuahna ah a awm ut ut reng a, min ti chau zo ni berin ka hre tawh.
In kan thlen chuan ka nu leh mipa pali vel hian card an lo deng a, zu rim nam hum humin chhuatah chuan no a darh nuai bawk, Rda'n min zui haw bawk nen ka zak lutuk chu sawi mai tur pawh ka hre lo, ka nu chu rum lutukin ka melh a, engah teh ual alo la ngailo zui, "Hawh inchungah inkâwm ila" tiin inthunun hrâm chu ka tum a, inchung lam chu ka pan ta daih, inchung hi kan nufa room a ni a, mahse ka pi leh pu an boral takah khan ka pi leh pu pindan ah ka nu chu a insawn thla ta a ni, kan inchung zawl pawn lamah hian ṭhutthleng sei hi kan dah ve a,tah chuan ṭhu in inthlak pawh ka la inthlak lem lo "A nuamlo e, khati teh nuai khan an lo awm bawk sia" inthlahrung deuh taka ka tih chuan "A ho lutuk, khatiang vang khan ka rilru a danglam dawn hleinem" alo ti dam thlup a, za lo zetin ka lo nui sak, "Tluangte ka titak tak asin, " thutak deuh hian arawn ti a, ka lo enkiau, chhan mai ngaihna ka hre lo, awm dan ka thiam lo a, a hmel aṭang chuan ati tak tak tih hairual a ni silo, "Rd ih.... englo" ka ti hman chiah tih in a mobile phone arawn ri ral ral a, a hnu deuh ah chuan Jordana alo thlen tawh thu sawiin ka inthlak chhûng chu inhnuailamah min lo nghâk a, ka va han phûr lo tehlûl em, kal lo ta ila an lung tih awi loh ka duh bik bawk silo, tha tho lo zeta ka insiam hnu chuan ka zo ve thei hrâm, inhnuai lama ka chhuk chu ka nu tepawh an lo la awm reng a, an ruih tawh hmel hlawmin zu rim lah chu a nam huam mai bawk si, "Faki i fanu hi zan in chu ka lo awm pui teh ang a" tiin fiamthu thawh nan an zîng ami chuan min rawn hmang a nih chu, engahmah ngailo tûrin ka rilru chuan ka in fuih mawlh mawlh a, "Mami khawi ah mah kal lovin zan in na na na chu ka kiangah hmang la, nuam iti viau ang" arawn ti leh a, Rda chu a lungawi chiah tawh lo tih a mitmeng aṭangin ka hre thei, chupa chu a melh zui râm râm a, "Kal ang" tiin a kutah chuan ka chelh a, ka kal chhoh pui ta hlawk hlawk a, buaina siam ta se mikhual a ni si a, ṭhelh a hnêkin an sawisak rawn hrep phah zawk ang tih ka hlauh vang a ni, ka nu khawsa zia erawh ka kham tawh in theihnghilh mai mai ka tum lo.
Mafeli te in chu kan lo ruat lawk tawh angin kan pan zui a, anu hi Aizawl lamah ala cham vangin tumah venthawn tûr an awm hran lo bawk, nufa reka khawsa an ni a, anu hi Aizawl lamah dawr bungraw la a akal apiang hian ka riahpui fo a, tun ṭum erawh thihna vanga zin bo ala ni thung, an in kan lut chu Mafeli leh abialpa URema pawh an lo awm tawh a, hmeichhe pakhat ka hriat ngai pawh nilo ngo ving veng deuh lo awm ve ka hmuh chuan ka a rûkin thâwk ka la halh, ka hmêl danglam nghâl vek chu Mafeli chuan lo man nghâlin " Jordan-a ṭhiannu a nih hi" tiin min rawn en deuh kher a, ka lo nui lui sak, Jordan-a pawh âr puahsa kengin arawn lang ve hlawl mai, eitûr pawh arawn keng tel ṭeuh a, "Tinge nangmah a ilei vek a? kan thawh khawm ang chu" Mafeli chuan alo ti a, "Mihausa a nih hi ren vak duh mah tache u" Rda'n alo tih chuan kan nui nasa mai, rin ai tak chuan ka inthunun thei ta phian a, nge ni a abialnu hi a ngaihsak vak hmel loh, kan thlen ve aṭang chuan abulah tak ngial pawh ala ṭhu lo, biak pawh ala belo chu mak ka ti ru ngei mai, nge ni a? ni se ka duhna hian min thunun vang pawh ka hrethiam tawh bik lo.
URema chuan Ṭingṭang perhin Mafeli nen chuan an zai dun a, arsa an kan lai chuan mipa ho chêtna hnawk nuai chu ka lo tifel sawk sawk thung, "Purun vâr ka telh dawn asin i ei ngailo tiraw?" ti a min râwn tu chu mak ti lutukin ka en hâw ringawt... "Engtin nge ka duh lo tih i hriat a?" ka han ti ringawt a, zûk leh hmuam ti mi lo tân chuan a rim hi a na ve bawk em tin ni, Midang ho pawh an lo phâwk hrâ mai, "A hma khan i pi in a sawi tawh a" arawn tih takah chuan ka lo bu zui nghauh ringawt a, chutianga ka thil duh loh zawng te a hre ve ringawt pawh chu lawmawm ve tak a ni, "I ṭhiannu hi a hming pawh ila sawi lo reng reng" Mafeli chuan arawn ti leh khauh a, a arsa kan chawk mawlh mawlh pah chuan "Nancy-i nih kha, " alo ti mai a, a ṭhiannu ka va en chu min lo en ve kar mai, ka nuih zui sak ringawt, a hmel pawh a ṭha a, a vun pawh keini ang thingtlang mi ang lo takin a no sar mai, a bialnu en mai chuan atan ka tlin tawk loh zia leh ka ṭhat tawk loh zia min hriat chian tîr zual ni mai hian ka hria, mahni insitna a khat he hringnun hian engtin nge maw ani ang te ka chhai ngam lul ang le.....
Dar 1 rik dawn ṭep ah arsa chu kan ei a, Jordan-a thil ei tur lo ken nen chuan kan tlai khawp mai, a hnu deuh ah chuan Mafeli leh a bialpa chu an in kawt zâwlah an ṭhu chhuak ta daih a, keini pali chauh chu a ṭawng duh ber pawh Rda a nimai Jordan leh abialnu te intawn dan techu Rda chuan ahan zawt vêl a, kei erawh arûkin ka lo inhum ruh ngawt ngawt ringawt, Nancy pawh chuan a sawi ve siam siam a, Jordan erawh chuan eng teh ual asawi ve lem lo, ka thlengsilna ka kut vawt thlar chu sikri ah chuan hem vang vangin meiling vat chu ka thlir dauh dauh a, ka rilru ka siamfel thei thlâwt lo, ka thinlung kawngkhar indaidanna bang lian tak hi a chhu chat thei tu tûr ber beisei bo a ni si, midangah ṭuan mahila ka thinlung ka hawng tak tak thei chuangin ka ring bawk silo, chutah ka kut vawtthlar chu tu emaw hian arawn hum lum ta vang vang a, rang zeta ka hawi chhuak chu ka bula ṭhu Rda chuan min lo nuih var var mai, Jordan lah chuan min lo la enkur zui, nui lui sakin ka kut chu ka la sawn zâl zâl a, chutah Nancy chu "Ka mut a chhuak"tiin Jordan-a dâr ah chuan a bei hle hle mai, hmuh hrehawm ka ti in ka taksa chu a phu dup dup ni mai hian ka hria, "Ka thlah haw ang che chu" Jordan chuan alo ti dam thlup a, "Aih....zingah ka haw ang" ala ti zui, an riah dun loh hram ka beisei, an riak dun a nih chuan ka keh chhe vek thei hialin ka ring, "Pawnah va ṭhu ve ila, mei alh saw va ai zawk ang" Rda chuan arawn ti a, ka lo bu nghauh, Mafeli te kha an la awm dawn emaw ka tih laiin an lo awm tawh reng reng lo, kan pahnih chauha awm fâl chu ka hreh takzet a ni, meilum chu aiin kan ṭhu dun ve ngei a, ka rilru erawh Jordana te bulah a awm daih thung, ngaihtuah loh tur tur ngaihtuahin thil nilo lo ka zeldin zui chiam a, ka inthing leh nawk ṭhin, "Enge i ngaihtuah vung vung reng a?" arawn tih chuan nui sakin, "Engmah a nilo" ka lo ti daih, ka ngaihtuahna hriat tum ni awm tak chuan a aia hnai ah min rawn en a, lo namsawn in ka nui zui hak,
"Tluangte ka ti tak tak ania aw, ka duh takzet che, minduh ve em phei chu ka hre hauh lo, mahse i tan theih tawp ka chhuah ang, ka kiangah awm la, ka enkawl ang che" kan mei ai lai thai nuap nuap pah chuan a ti a, miṭha tak a ni a, ka thinlung zawng zawng pek ka duh, mahse ka theih ka in ring tlat lo hi ka inhaw takzet zawk a ni, "Tuna min chhân kher pawh angai lo a nia, i duh chen chen in ngaihtuah la, ka lo nghâk ang che" arawn ti a, "Rd kan chhungkaw dinhmun pawh i hria a, tiang chung chuan min la duh tho amaw" inthlahrung ru tak chuan ka ti a, "Chhungkaw dinhmun vangin tumah a duh ngawt theih hleinem" awlsam zet hian alo ti a, ka ngawizui ta daih, lehlam kawng zawng tak chuan vannei ka in ti, tlangval fel tak hetiang taka min duh tu ka lo nei hi ka lawmin ka hlim ve takzet a ni.
A hnû deuh ah chuan Jordan leh Nancy-i chu rawn in zui chhuak hnak hnak in, "Ka thlah haw anga, ka rawn let tawh lo mai ang" ti deuh hmuk hian a chhuk thla zui hlawk hlawk a, Nancy pawn a ûm zui dawr dawr mai, "An in hau emawni le?" Rda chuan ati zui nuah nuah a, a hmêl dur khup kha ka vawikhat hmuhna a ni, "An induh ve hmel hle mai" a mawi ah chuan ka ti ve a, chutiang ka sawi thei chu ka inchhuang ru kher mai, " Nancy hian a zar ve nasa em a, keichu ka duhpui vak hleinem" alo ti a, zawh zui chak viau mahila an chanchin hriat tam pauh leh ka na hnem dawna ka hriat vang chuan ka zawt zui talo.
Kumthar kan lo chuangkai leh ta der mai, mi an danglam a, nunthar nen kumthar chu hman ve duh teh mahila kei erawh ka la pangngai reng thung, hmasawn tumin Rda chu ka kawp ve a, ka theihtawp chuan ka ngaihsak ve, bialnu ten an tih ang chu ka ti ve vek chuan ka hria, Mafeli lahin Jordan-a ka theihnghilh theih phah alo ring ve bawk nen, ni e, hriat chhuah loh chang pawh ka nei ve ta zeuh zeuh mai, ani lah shillong lamah a liamthla leh tawh bawk nen, ka theihnghilh tawh emaw keipawh hian ka lo in ti ve ṭhin a, mahse a hming leh a thlalak te, a chanchin an sawi zawng ringawt pawh hian ka lungphu ala ti danglam fo mai, Mafeli pawn ka theihnghilh ve tak tak tawh emaw a ti tawh in ka hria,
"Ka theihnghilh tawh alawm" tiin kâ chuan dawt a sawi thei teh meuh mai,
mahse ka thinlung hmutu hi awm ngat se zawng,
ka hmangaihna avanga ka thinlungna leh
rilru hliâm dâwt hmanga ka thawi dam tumna hi min
hriatthiampui anga, Van tukverh te hawnga ka tân khuanu min dil sak
an hnial hian ka ringlo.
Hlutei Pachuau
Chelh din rual lohvin hun a liam a, Jordan pawh Shillong lamah a zirna chhunzawm turin a kal ta, a kal dawn nî a ka thinlung hrehawm zia kha, hrilh ka tum ut ut lai vêlin vanduai thlâk takin ka pu duh takin min boral san hlauh mai a, ka hrilh hman ta lo kha nia, mahse khuanu in a hun ala ati lo tepawh a nia nge, kan chhungkaw eizawnna a tla bal ve tial tial a, ka nu pawn a sumdawnna a enkawl thatchhe tial tial a, mahse ka hriat dân chuan ka nu hian zû a zuar niin ka hria, keipawh ka ni te in lam Aizawl lamah awm in ka pu duh dan ang ngeiin college ka kal ve leh a, ka nu zu zawrh chung châng erawh ka ni thusawi a nih vang chuan awih chiah lo mahila ka nu mî zia ka hre chiang a, thil ni thei erawh a ni tho mai, ka ni leh a pasal chuan min duat viau a ka rin laiin an awmpui ang mai ka ni, an fapa naupang ka awm pah angai a, inchhung chêt zawng zawng pawh ka ti vek ṭhin, lehkha zir vetho ka ni a, a châng chuan ka ning ru thei viau, ṭap chungin ka pi han phone zauh zauh ka chîng a, mahse an telephone ka lo hmang nasa ṭhin deuh nge, ka ni in mei nei tak taka phone bill atam thû min sawi khum fo takah chuan kan in lam pawh ka be pawp ngam tawh lo, lung erawh a leng thei viau mai, ngaihzâwng pawh ka la nei lo tluang ta zel a, hetah chuan ṭhian pawh ka nei lem lo, rilru in amah kha ala nghâk ru tlat a, enge a tih ang? a hrisel ṭha angem? chaw a ei ṭha engem? khuanu malsawmna ka dîl rualin ka dîl sak ve ṭhin, a hre dawn lo tih hre tho mahila atana ṭawngṭai ka ṭhulh phah ngai chuang lo, khaw khata kan awm dun chung pawh khan ka lak aṭanga a hlâ tih tawh nâkalaiin ramdang daih a awm chu ngaihtuah a zual ngei mai, ka sawi thiam lo, ka ngai vawng vawng mai ni, Ka Diary ah chuan ka ngaihthu techu ziak kûr ngei nguai ṭhin mahila min hnem zo silo, vawikhat tal dam leh hrisel taka tawn leh ka chak takzet a ni, engtikah emaw chuan khuanu hian min la intawn tir leh ka beisei tlata,chutih hunah chuan ka hmangaihna thu pawh hi ka hrilh ngam ve tawh mahna.
Chhânna engemaw tak nghâk, chhânna awm lo pawh nghâk tho,
beisei tur awm miah lo pawh beidawn san duh tlat lo a ka awm chhung hian
hun a liam a, kum pawh a vei tam ta e, tân in hrehawm taka khung beh ang mai hi ka ni,
A zûn chuan min phuar reng a, hun leh kum te liam zêl mahse, ka hmangaihna erawh a liampui ve silo....
Hun chu a kal zel a, `2008 kum tawp lamah chuan keipawh kan khaw lamah ka haw ve ta nge nge a, ka pi ka ṭhian, ka engkim ka hrilh ṭhin, ka ngaih em em chuan min kalsan veleh a, chak taka awm ka ngai tih ka in hria, mahse a harsa takzet a ni, mittui a hul thei meuh lo, ka nu awm dân dik loh vangin kan khawtlangah lah chuan zu zuar hriatin min hre vek tawh, ka nu awm dân chu duh lo in han inhnial ve bap bap ṭhin mahila ka nu a nihna a bo chuang silo, mahni in ka ṭap fo a, min hnem tu ka ngai a ni, hun engemaw chen chu ka pi leh ka pu thlân ah kalin ka ṭap fo a, ka hringnun chu nitin hian ahahthlak telh telh hian ka hre ṭhin, Mafeli ka kiangah awm reng lo ṭhin phei se chu ka mal zual ngawt ang, ṭhianṭha hlutna min hriattirin a theih ang tawk tawkin min tih hlim a tum ve ṭhin, ka tan chuan ani hi a hlu ber mai awm e,
Krismas pawh alo hnai leh ta kher mai, mi tin mai chu an phûrin lal lo piang tûr urlâwkin hlim takin an awm a, kei erawh ka mal ngawih ngawih a ni ber mai, ka naupan laia ka pu Aizawl kal ka lo hmuah ṭhin lai te, krismas kawr mawi min lei hmu châk a, nilênga ka ṭhiante bulah pawh infiam hlei theilo khawpa ka nghah hlelh lai techu hre chhuakin dan rual loh mittui bawk arawn far leh ta, ka nu awmdan vangin inkhawm techu ka zak ngawih ngawih a, khawlai pawh ka chhuak ngam meuh lo, mi tehian min en hrek hrek ni mai hian ka hria, zu zuar fanu kha ka ni tawh miau a, ka upa telh telh a nun lo hahthlak zia leh dam khawchhuah lo harsat zia ka hre chho ta telh telh mai, hmangaihtu an fiah telh telh a, hmui hmawr chauha hmangaihtu pwh ka hre chho ṭan a, hetiang ai chuan ka naupan lai khan khawvel hi lo tawp daih se ṭha tur a nia,
"Enge maw ilo ngaihtuah leh tak vung vung le?" rawn ti tu aw ka hriat chuan rang zetin ka mittui tla chu ka hru sawk sawk a, chutah a awmna lam ka hawi chu ka dingchhuak hluai thei Rda a ni, "ekhai aw! i dam maw?" tiin kan in chibai nghal a, ka bulah chuan rawn ṭhu ve in "I pi leh i pu râl na aw tam phei chu a ni lo a" tiin cheng zahnih hi min rawn pe a, lawmthu te sawi luamin ka lo la ve mai, "Min râl tûr ringawta rawn kal inih chu ka va ring chiah lo em " tiin ka han fiam zui zauh a, "Ni e, nula puitling ilo nih ve tawh tak sî ah chuan ka rawn rîm dawn che mawle" tiin ka samah arawn tuai zauh a, ka lo nui hak "Ngam loh ka nei ania" ka tih chuan " Tak takah kan in ngaizawng ngai hleinem, kan in ngaizawng lo kan tih paw'n in awih tlat lo a" a tih chuan mak ka ti ngei mai, ṭhian ang maia an inkawm thu techu a sawi ve a, Mafeli hi nulian lam hmel pawh ṭha vuah, khal ve deuh mai hi a ni a, san zawngah intiat ve mahila kei erawh ka thau hran lo, ngaihzawng dang a neih leh daih tawh ka ring, rei vak lo kan ti ti hnu chuan Jordan-a chanchin zawh ka châk hle a, a damṭha tih tal hria ila ka hahdam deuh mahna, "A nih I unaupa chu shillong lam nuam ava ti awm ve?" ka han ti zauh a, "Arawn haw khu, ila hmulo em ni?" arawn ti ta mai, "A ni maw?" ka han ti hluai a, an in lam ka zuk thlek zui, "A mak iva ti awm ve?" arawn tih takah chuan ka lo nui mai a, ka lungphû chu hmân ami ang tho kha a ni, an su leh dup dup tawh, a chanchin techu a han sawi zui luam a, zan lama lo len a tum thu sawiin ani pawh chu a haw veleh mai a.
Inṭhenawm mai kan nih vangin zan lamah pawh chuan an lo lang hmâ ngei mai, ka rin ang ngeiin Jordan pawh arawn tel ve nghe nghe a, a thau deuh hlek a, khabe hmul a nei siar siar bawk, a sam pawh a buk hret, ka lo en uluk leh kher mai, ka hlim veng veng na in nuamlo tihna leh engemaw thil ṭhalo dang ka nunah hian lo thleng leh dawn tlata ka hriatna chuan ka hlim lai reng pawn min ti chau deuh nghulh reng mai, "Thingpui ka'n lum ang'e lo ṭhu rawh u' tiin choka lam chu ka pan a, ka nu erawh inlêng ka neih dawn thu ka sawi lâwk tawh vangin a inthiar fihlim daih tawh thung,thingpuisen hâng leh kurtai chu chhawp sakin "Jordan enge i zirna chu a an?" ka tih chuan a sawi ve ṭeuh mai, uluk tak chuan ka lo ngaihthlâk sak a, amah ka en pah kar bawk, chutah a ipte aṭang chuan ṭhi nalh deuh mai hi arawn phawrh a, ka tâ turin min lo hawnsak hi alo ni, ka lawm lutuk chu ka ri deuh chûl mai, Mafeli pawh rawn lêng ve in ani vethung chuan diar (shawl) hi alo chah a ni awm e, "Engmah arawn chah ve silo che a, i hawn sak duh zawk e a" tiin Mafeli chuan a han chhâl leh rih a, "Ani techu ka farnu anga ka en ania, a phû ve lawm" a tih chuan ka nui tâwi tak ringawt, RDa chu alo ṭhu ngawi ve kar reng chu Mafeli chuan "Ka ṭhiannu hi ilo beisei ngawt ange aw" tiin Rda chu ahan vo ngawt pek a, kan lo nui nsa mai, "Beisei ka neih vang alawm ka lên" Rda chuan alo ti thek nia, an ni pahnih inkarah hian engmah a awm lo tak tak a nihnka ring, zan in ka ngaihtuahna techu a in pawlh nuai mai, Mafeli awm lo phei se zawng sawi tur ka haihchham nasa viau ang le, "Urlâwk zân chu ar kang ang u aw, ka naua hian a ṭhiannu alo hruai anga, Mafeli'n a hruai ve bawk anga" Rda chuan arawn ti ta mai, mak ti zetin RDa leh Jordana chu ka entawn zak zak a, ka beng verh zar tu thil chuan min tina leh dawn tih pawh ka chiang nghal hle, "Jordana pawn a lungdum D a nei ve alawm" Rda chuan ahan ti zuah zuah a, pakhat lah chuan sawilo turin alo khap sur sur mai, ka thingpui inlai chu hak kharh kharhin choka lam ka pan zui a, thâwk ka la hrâwk, kum tam aliam tawh, la theihnghilh lo mahila heti em hian min la tina thei tih ka ring phak lo asin , rei leng lo in an haw zui a,
Mafeli a chhungte an awm loh vangin an in lama riak tur chuan kan inzui chho a, tah chuan a ni, Rda hian min lo duh rûk reng thû a sawi ta mai, lo dawnsawn dân ka thiam lo, ngaihtuahna a buai nuai reng a, ṭawng pawh ka ṭawng ṭha peih meuh lo, ka ṭawng tlêm ta riau chu mak a ti deuh nge a khum a siam ṭhat sat sat lai chuan " I duh angem? min vênthawn angai lo nia, kan inkarah engmah a awm lo tak tak alawm" arawn tih chuan "Mafel ka thei lo ang" ka lo ti chhuak sap a, a bâk ka sawi theilo, chutah min rawn pan in, "Ngati nge? i nu vangin maw?" arawn tih chuan ka lu ka lo thing top, achhan min zawh tak sek sek ah chuan zêp reng a ṭulna pawh ka hre tawh lo, "Mipakhat duh deuh ka nei asin, kum nga dawn a ni tawh, ka rilru ngaihtuahna aṭang hian bo daih se keipawn ka ti, mahse ka inthunun thei bawk silo" ka ti ta tawp a, "Tunge a?" rin ang ngeia arawn tih takah chuan hreh tak chungin Lalchhanhima anih thu ka sawi a, sawi mai tur pawh a hre bik lo na in min khawngaihna mit meng erawh ka hai lo, "Engkim hi amah vanga ti ka nia sin, keipawh hian ka in hrethiam tawh bik lo, heti em em hian ka duh ang tih hi rin harsa ka ti, ka hmangaih tawhin ka hria" ka han ti leh a, "Tluangte ka ngaihdan chuan hrilh mai la ṭha ka ti, i na tawh ta sa sa, engkim hrilh vek la i zia hawk zawk maithei sin, mahni insitna neih len lutuk hi aṭha ngai lo" a tih chuan a dik ti viau mahila chutiang tur chuan ka huaisen tawk lo, inrintâwkna pawh ka nei hek lo, bakah ngaihzawng alo nei bawk nen, ka ta tur a ni ve ngai dawn lo tih pawm thiam ka ngai zawk in ka in hre tawh, "Pathian ruat kan ni lo aniang, hetianga ngawi renga hmangaih hi ka la thlang rih" ka tih chuan min khawngaih hmêl zet hian min en vang vang a, ka tan chuan beisei bo lutuk dawt hmanga beiseina insiam chawp kha ka duh loh bakah, ka rilru lo puitlin tawh na hian min hmuhthiam tir a ni zawk mah.
Khuanu ka zawt a, 'Tinge ka ta ni tura i duanloh?' tiin vui châng ka ngah ṭhin,
mahse ka lo ngaihtuah phâk ngai miah loh chu, ka tâ a nih loh hian amawi zâwk a,
ka cho rual ni se heti em em hian a hlutna hi ka hre kher angem?
a nui hmel tehian min phuarin ka hlimpui kher angem?
ka tâ ni lo tur ta sa sa , a hlim hmel te ka hmuh ve reng theih nan khuanu dil chu ka thlang ta zawk a ni,
Urlâwk zan chu alo thleng ta ngei a, kan lo intiam tawh angin hman ho chu kan tum ruh khawp mai, inkhawm hmasak phawt kan duh vangin keipawh chu ka insiam mek a, inkhawm tepawh hi achâng chuan tîm deuh chang ka nei ṭhin, zu zuar fanu ka nihna hian min phuar tlat a, ka inkil tawih lo thei ṭhin lo, Mafeli nen chuan kan inzui thla leh hnak hnak a, Rda chauh chuan min rawn zuiin "Khawnge Lalchhanhim-a?" Mafeli chuan alo ti a, "A bialnu ava hruai dawn" awlsam zet hian alo ti, ka nghîng dawt thei in ka hria, Mafeli leh a bialpa pawh kan hma ah chuan an kal dûn ral ral a, Rda nen erawh kan inbe tlêm khawp mai, rilru a insual nasa hle bawk, ani hi ka duh tak tak thei angem tih hi ka hre lo a ni, lo chhâng ta ila a rilru ka ti na mai mai lo ang maw le, nge ni a ka hmangaih chawp ve thei mai ang a, ani pawh phûloh lutuk ni mahse ani erawh chuan min la duh tal alawm le, Biak in chu thlengin kan inkhawm zui a, ka natna chu thup tumin han nui lui ve teh mahila keimah leh keimah ka inti hrehawm lui ni maiin ka hria, "I ṭha lo" ti a min hnêm a min kuah vawng vawngtu ka mamawh takzet a ni, "Iva nawmloh hmel ve? kan haw daih dawn em ni" Rda chuan rawn ti a, a bialnu teho nen kan la ni dawn zui, ka tuar thei angem ka hre lo a ni, "Nia reilote tal mut zuai ka duh" ka lo ti a, Mafeli te erawh an lênkhawm dawn vangin kan haw san ta daih a, Jordan-a te lo thlen veleh awm ho chu kan tum dân a ni, ka va huphurh sî em, ka inthunun zo angem ka hre lo,ka ngaihtuahna ah a awm ut ut reng a, min ti chau zo ni berin ka hre tawh.
In kan thlen chuan ka nu leh mipa pali vel hian card an lo deng a, zu rim nam hum humin chhuatah chuan no a darh nuai bawk, Rda'n min zui haw bawk nen ka zak lutuk chu sawi mai tur pawh ka hre lo, ka nu chu rum lutukin ka melh a, engah teh ual alo la ngailo zui, "Hawh inchungah inkâwm ila" tiin inthunun hrâm chu ka tum a, inchung lam chu ka pan ta daih, inchung hi kan nufa room a ni a, mahse ka pi leh pu an boral takah khan ka pi leh pu pindan ah ka nu chu a insawn thla ta a ni, kan inchung zawl pawn lamah hian ṭhutthleng sei hi kan dah ve a,tah chuan ṭhu in inthlak pawh ka la inthlak lem lo "A nuamlo e, khati teh nuai khan an lo awm bawk sia" inthlahrung deuh taka ka tih chuan "A ho lutuk, khatiang vang khan ka rilru a danglam dawn hleinem" alo ti dam thlup a, za lo zetin ka lo nui sak, "Tluangte ka titak tak asin, " thutak deuh hian arawn ti a, ka lo enkiau, chhan mai ngaihna ka hre lo, awm dan ka thiam lo a, a hmel aṭang chuan ati tak tak tih hairual a ni silo, "Rd ih.... englo" ka ti hman chiah tih in a mobile phone arawn ri ral ral a, a hnu deuh ah chuan Jordana alo thlen tawh thu sawiin ka inthlak chhûng chu inhnuailamah min lo nghâk a, ka va han phûr lo tehlûl em, kal lo ta ila an lung tih awi loh ka duh bik bawk silo, tha tho lo zeta ka insiam hnu chuan ka zo ve thei hrâm, inhnuai lama ka chhuk chu ka nu tepawh an lo la awm reng a, an ruih tawh hmel hlawmin zu rim lah chu a nam huam mai bawk si, "Faki i fanu hi zan in chu ka lo awm pui teh ang a" tiin fiamthu thawh nan an zîng ami chuan min rawn hmang a nih chu, engahmah ngailo tûrin ka rilru chuan ka in fuih mawlh mawlh a, "Mami khawi ah mah kal lovin zan in na na na chu ka kiangah hmang la, nuam iti viau ang" arawn ti leh a, Rda chu a lungawi chiah tawh lo tih a mitmeng aṭangin ka hre thei, chupa chu a melh zui râm râm a, "Kal ang" tiin a kutah chuan ka chelh a, ka kal chhoh pui ta hlawk hlawk a, buaina siam ta se mikhual a ni si a, ṭhelh a hnêkin an sawisak rawn hrep phah zawk ang tih ka hlauh vang a ni, ka nu khawsa zia erawh ka kham tawh in theihnghilh mai mai ka tum lo.
Mafeli te in chu kan lo ruat lawk tawh angin kan pan zui a, anu hi Aizawl lamah ala cham vangin tumah venthawn tûr an awm hran lo bawk, nufa reka khawsa an ni a, anu hi Aizawl lamah dawr bungraw la a akal apiang hian ka riahpui fo a, tun ṭum erawh thihna vanga zin bo ala ni thung, an in kan lut chu Mafeli leh abialpa URema pawh an lo awm tawh a, hmeichhe pakhat ka hriat ngai pawh nilo ngo ving veng deuh lo awm ve ka hmuh chuan ka a rûkin thâwk ka la halh, ka hmêl danglam nghâl vek chu Mafeli chuan lo man nghâlin " Jordan-a ṭhiannu a nih hi" tiin min rawn en deuh kher a, ka lo nui lui sak, Jordan-a pawh âr puahsa kengin arawn lang ve hlawl mai, eitûr pawh arawn keng tel ṭeuh a, "Tinge nangmah a ilei vek a? kan thawh khawm ang chu" Mafeli chuan alo ti a, "Mihausa a nih hi ren vak duh mah tache u" Rda'n alo tih chuan kan nui nasa mai, rin ai tak chuan ka inthunun thei ta phian a, nge ni a abialnu hi a ngaihsak vak hmel loh, kan thlen ve aṭang chuan abulah tak ngial pawh ala ṭhu lo, biak pawh ala belo chu mak ka ti ru ngei mai, nge ni a? ni se ka duhna hian min thunun vang pawh ka hrethiam tawh bik lo.
URema chuan Ṭingṭang perhin Mafeli nen chuan an zai dun a, arsa an kan lai chuan mipa ho chêtna hnawk nuai chu ka lo tifel sawk sawk thung, "Purun vâr ka telh dawn asin i ei ngailo tiraw?" ti a min râwn tu chu mak ti lutukin ka en hâw ringawt... "Engtin nge ka duh lo tih i hriat a?" ka han ti ringawt a, zûk leh hmuam ti mi lo tân chuan a rim hi a na ve bawk em tin ni, Midang ho pawh an lo phâwk hrâ mai, "A hma khan i pi in a sawi tawh a" arawn tih takah chuan ka lo bu zui nghauh ringawt a, chutianga ka thil duh loh zawng te a hre ve ringawt pawh chu lawmawm ve tak a ni, "I ṭhiannu hi a hming pawh ila sawi lo reng reng" Mafeli chuan arawn ti leh khauh a, a arsa kan chawk mawlh mawlh pah chuan "Nancy-i nih kha, " alo ti mai a, a ṭhiannu ka va en chu min lo en ve kar mai, ka nuih zui sak ringawt, a hmel pawh a ṭha a, a vun pawh keini ang thingtlang mi ang lo takin a no sar mai, a bialnu en mai chuan atan ka tlin tawk loh zia leh ka ṭhat tawk loh zia min hriat chian tîr zual ni mai hian ka hria, mahni insitna a khat he hringnun hian engtin nge maw ani ang te ka chhai ngam lul ang le.....
Dar 1 rik dawn ṭep ah arsa chu kan ei a, Jordan-a thil ei tur lo ken nen chuan kan tlai khawp mai, a hnu deuh ah chuan Mafeli leh a bialpa chu an in kawt zâwlah an ṭhu chhuak ta daih a, keini pali chauh chu a ṭawng duh ber pawh Rda a nimai Jordan leh abialnu te intawn dan techu Rda chuan ahan zawt vêl a, kei erawh arûkin ka lo inhum ruh ngawt ngawt ringawt, Nancy pawh chuan a sawi ve siam siam a, Jordan erawh chuan eng teh ual asawi ve lem lo, ka thlengsilna ka kut vawt thlar chu sikri ah chuan hem vang vangin meiling vat chu ka thlir dauh dauh a, ka rilru ka siamfel thei thlâwt lo, ka thinlung kawngkhar indaidanna bang lian tak hi a chhu chat thei tu tûr ber beisei bo a ni si, midangah ṭuan mahila ka thinlung ka hawng tak tak thei chuangin ka ring bawk silo, chutah ka kut vawtthlar chu tu emaw hian arawn hum lum ta vang vang a, rang zeta ka hawi chhuak chu ka bula ṭhu Rda chuan min lo nuih var var mai, Jordan lah chuan min lo la enkur zui, nui lui sakin ka kut chu ka la sawn zâl zâl a, chutah Nancy chu "Ka mut a chhuak"tiin Jordan-a dâr ah chuan a bei hle hle mai, hmuh hrehawm ka ti in ka taksa chu a phu dup dup ni mai hian ka hria, "Ka thlah haw ang che chu" Jordan chuan alo ti dam thlup a, "Aih....zingah ka haw ang" ala ti zui, an riah dun loh hram ka beisei, an riak dun a nih chuan ka keh chhe vek thei hialin ka ring, "Pawnah va ṭhu ve ila, mei alh saw va ai zawk ang" Rda chuan arawn ti a, ka lo bu nghauh, Mafeli te kha an la awm dawn emaw ka tih laiin an lo awm tawh reng reng lo, kan pahnih chauha awm fâl chu ka hreh takzet a ni, meilum chu aiin kan ṭhu dun ve ngei a, ka rilru erawh Jordana te bulah a awm daih thung, ngaihtuah loh tur tur ngaihtuahin thil nilo lo ka zeldin zui chiam a, ka inthing leh nawk ṭhin, "Enge i ngaihtuah vung vung reng a?" arawn tih chuan nui sakin, "Engmah a nilo" ka lo ti daih, ka ngaihtuahna hriat tum ni awm tak chuan a aia hnai ah min rawn en a, lo namsawn in ka nui zui hak,
"Tluangte ka ti tak tak ania aw, ka duh takzet che, minduh ve em phei chu ka hre hauh lo, mahse i tan theih tawp ka chhuah ang, ka kiangah awm la, ka enkawl ang che" kan mei ai lai thai nuap nuap pah chuan a ti a, miṭha tak a ni a, ka thinlung zawng zawng pek ka duh, mahse ka theih ka in ring tlat lo hi ka inhaw takzet zawk a ni, "Tuna min chhân kher pawh angai lo a nia, i duh chen chen in ngaihtuah la, ka lo nghâk ang che" arawn ti a, "Rd kan chhungkaw dinhmun pawh i hria a, tiang chung chuan min la duh tho amaw" inthlahrung ru tak chuan ka ti a, "Chhungkaw dinhmun vangin tumah a duh ngawt theih hleinem" awlsam zet hian alo ti a, ka ngawizui ta daih, lehlam kawng zawng tak chuan vannei ka in ti, tlangval fel tak hetiang taka min duh tu ka lo nei hi ka lawmin ka hlim ve takzet a ni.
A hnû deuh ah chuan Jordan leh Nancy-i chu rawn in zui chhuak hnak hnak in, "Ka thlah haw anga, ka rawn let tawh lo mai ang" ti deuh hmuk hian a chhuk thla zui hlawk hlawk a, Nancy pawn a ûm zui dawr dawr mai, "An in hau emawni le?" Rda chuan ati zui nuah nuah a, a hmêl dur khup kha ka vawikhat hmuhna a ni, "An induh ve hmel hle mai" a mawi ah chuan ka ti ve a, chutiang ka sawi thei chu ka inchhuang ru kher mai, " Nancy hian a zar ve nasa em a, keichu ka duhpui vak hleinem" alo ti a, zawh zui chak viau mahila an chanchin hriat tam pauh leh ka na hnem dawna ka hriat vang chuan ka zawt zui talo.
Kumthar kan lo chuangkai leh ta der mai, mi an danglam a, nunthar nen kumthar chu hman ve duh teh mahila kei erawh ka la pangngai reng thung, hmasawn tumin Rda chu ka kawp ve a, ka theihtawp chuan ka ngaihsak ve, bialnu ten an tih ang chu ka ti ve vek chuan ka hria, Mafeli lahin Jordan-a ka theihnghilh theih phah alo ring ve bawk nen, ni e, hriat chhuah loh chang pawh ka nei ve ta zeuh zeuh mai, ani lah shillong lamah a liamthla leh tawh bawk nen, ka theihnghilh tawh emaw keipawh hian ka lo in ti ve ṭhin a, mahse a hming leh a thlalak te, a chanchin an sawi zawng ringawt pawh hian ka lungphu ala ti danglam fo mai, Mafeli pawn ka theihnghilh ve tak tak tawh emaw a ti tawh in ka hria,
"Ka theihnghilh tawh alawm" tiin kâ chuan dawt a sawi thei teh meuh mai,
mahse ka thinlung hmutu hi awm ngat se zawng,
ka hmangaihna avanga ka thinlungna leh
rilru hliâm dâwt hmanga ka thawi dam tumna hi min
hriatthiampui anga, Van tukverh te hawnga ka tân khuanu min dil sak
an hnial hian ka ringlo.
| Link: | |
| BBcode: | |
| HTML: | |
| Hide post links |
Chapter-3
Ka pi thawhna hlui kan khaw Middle school ah chuan keipawh ka thawk ve a, nuam ka tiin naupang bula han tâl vêl chu rilru put hmang a danglamin a hahdam thlâk ṭhin khawp mai,hahthlâk chang chu awm ve mahse rilru hahna erawh a chhâwk viau zel, ka la thawk rei lo na in thawhpui te an fel a, ka tlângnêl nghal khawp viau bawk, ka nu pawhin a sumdawnna zû chu bansan ve a tum tak tak tawhin ka hria, a in erawh a bansan lem lo. Vawiin tlai chu hmâ takah ka haw a, Jordan-a nu leh pa te inneih cham vawi 30 na kan hmang dawn a ni, inṭhenawm hnai ah pawh chhungkhat ang mai kan ni a, a pa pawh hian min duat thei viau a nih kha, zu zuar ti a khawtlângin min sawi luih luih lai paw'n min en hranna emaw, min sitna an nei ngai lo, an in ka lût chu an lo lawm thiam ve hlê a, inhnuai lamah fatu ho pui turin ka chhuk thla nghal, kan hnaivai tleirawl ho nen chuan chawṭani techu chanin ka han ti ti pui nghâl bawrh bawrh a, ka student tepawh an awm ve nuk vangin "Miss" min ti leh nawlh nawlh ṭhin, Mafeli pawh ang hlaih hlaih chung hian arawn chhuk ve a, "Lalrema lawm, a rawn kal ve duh thlâwt lo a, ka nghak thlâwn ringawt" arawn ti thla bawrh bawrh a, a bialpa hi mi zak zum ngang hi a ni a, a ti duh dah thei viau, inneih tepawh an sawi ri rêt rêt tawh in ka hria, "Rda arawn phei dawn nang'e? Mobile phone i nei ve reng sia, va be ve ṭhin la" ati leh zawm zat, phone aṭanga mi biak hi ka la zak tlat a, mobile phone ka neihna ala reilo bawk nen, message in kan inbia a, ni khatah 100 bak ala thawn chhuah theih loh zui, kan inthawn hun a zawh chuan min rawn call mai ṭhin a, sms a sawitur ka hriat ṭhin nen phone call ah chuan ka ngawi reng zel.
Chaw ei kan siam mup mup a, mi pawh an tam viau, kan khua a pastor awm chhun kha a ni ve a, khaw pum deuhthaw chu an kal ni berin ka hria, keipawh ka buaiin fanu ang mai chuan an thil dahna leh ṭangkai tur vel te min râwn berin ka kutah an dah deuh top bawk nen ka vir buai khawp mai, "EHEEE!!!!.....Lalchhanhim-a pawh arawn thleng hlawl mai" Mafeli chuan a ti chûl a, rang zeta ka va hawi chu a airbag nen alo ding luau mai, "Rawn ti ve nghal rawh, Tluangteii'n i ai a awh vek a nia" Mafeli chuan alo ti zui bawrh bawrh a, "Ka han indah lut ve lok ang'e, ka rawn pui ang che u" tiin inchhungah chuan a tlan lût zui nghal, Mafeli chu ka nghawk zauh a, "A chau anga sin, ilo ti bawrh bawrh zel a" ka tih chuan "In veng ṭha hle la ni mai chu a, i rilru kha" tiin rum zet hian min rawn melh a, ka nui zui hak, Jordan pawh chuan a ṭûl ṭûl lo ti ve in fatu ho chuan châwl hahdam rih tura an tih pawhin "Tlangval alawm, lo chhawr bawrh bawrh rawh u" Ka pa Mawia a pa lah chuan alo ti duh lek chauh, chaw leh chawhmeh eng ilo techu semin kan buai leh nak nak hle a, mumal tak pawn ka la be miah lo, chutia ka han hmu leh ta chu rilru dang daih ka pu hman leh rum rum tawh.
Keini pawh chuan thlengsil hmabakin chaw chu kan ei ve a, Mafeli a ti ti pah char char bawk, Mafeli ṭawng duh a zarah a bialnu nen chuan an inṭhen daih tawh tih techu ka hre zui zel a, Rda lo kal lo chu a ṭhat zawk thu a sawi zauh lai chuan uluk em em hian ka lo en vat, min rawn en ve zuk a, a hawisawn leh daih, engemaw zêp a nei tlata ka hriat vang chuan RDa chu ka va message a, nidang ang lo takin min reply har phian mai, engtin emaw tak hian ngaihṭhat loh rukna riau ka nei tlata, engvang ber nge pawh ka hre chuang lo.
Bungbel vel techu theih ang ang chuan kan sil leh a, Jordana pawh a chau viau ang le, "I chauh dawn nen, i han mu daih lova" ka tih chuan nui sun sun hian, "A ho lutuk, inbula awm hi a nuam ve a" a ti ve ngei a, a ṭawngkam a ang lo lutuk chu Mafeli nen kan nui hak ringawt. Zan lamah chuan inti faiin ka nu chu Jordan-a te in lamah ala awm vangin a dawr chu ka nghah sak a, ka phone ah chuan Rawllai ka D tih hlâ chu ngaithla in ka sakpui rât rât a, kuhva rah ka thel pah mawlh mawlh bawk, a mood ah cheng lutuk maia ka lo zai lai chuan "I lung ava leng awm ve?" rawn ti tu lam chu ka hawi nghal thuai a, Jordan chu alo nui var var mai, ka bula ṭhutthleng hniamah chuan rawn ṭhu in kuhva rah chu zeilo zet hian arawn thel ve nuap nuap a, ka lâi deuh tlat lehnghal, "I chauh awm teh lûl nen ila rawn leng peih a?" pangngai tak chuan ka lo ti a, chhûngril erawh a zâmin ka khawr deuh ṭut mai, "Tun ṭum ka chhuk thla chu ka lung a leng lutuk a" han ti ve a, "I bialnu ṭhen lungleng a nih dawn chu" ka tih chuan min rawn en in a nui ha, "Teuh lo mai" a ti ve mai a, ka awih chiah lo, mahse engmah ka sawi zui tawh lem lo, " Rda nen chuan inneih te inlo tum hnai elo?" arawn ti leh hlawl tawh, "Awii... a teuh lo mai" ka lo ti hluai a, anui leh hak tawh, a nui hmel chuan hrehawm takin min phuar leh ang tih ka hlauh vangin en pawh ka en ṭha ngam lo, "Monu fel deuh, zirtirtu ni bawk kan nei dawn che a" tiin min rawn chhaih ve ngei a, za lo tak chuan ka lo nui ve top, ka thinlung hi engemaw ti tak hian a na ru leh tlat tawh nia.. "Ṭhi kha aṭha lutuk, hei ala tle var mai" tiin a ṭhi min pek chu ka awrh lai chu ka hmuh a,a rei ve tawh nen a la tle var tak tak bawk, a man ato viau in ka ring rum rum tawh, "A awrh tu in i zir a nih kha" arawn ti mai a, ka lai tlat ṭhin chuan sawi tur min ti hre lo zo vek zel, a kuhva rah pakhat thel chhung chu rei tak a ni, thel ral vek a tum zawk emaw ka ti hial, zan in chu zan dang lo takin kan inbe ve luam a, kan inhnaihin chhungkaw inpawh tak ni mahila keini pahnih hi kan inpawh lutuk lem lo, keimah vang pawh hi a ni mahna.. kan lo inpawh miah lo kha,,, ka duh em vang khan ka lâi in ka zah ṭut reng a, ka tan chuan nel taka kawm kha a harsa ve êm a ni, mahse tunah erawh kum te arawn puitling chho a, ka inthunun thei ta phian a, Dar 9 a rik hnu chuan ahaw ve ta a, mut hmunah ka nui ver ver reng mai, kan awm dan techu ka ngaihtuah let a, kha hun kha ka tan chuan minute khat lek ang tluk a ni, mut hmunah ka hringnun lehkha phekah chuan ka ziak lang kiau a, ka Diary ah phei chuan hawrawp pui ngata ziah ka duh rum rum zawk a ni, enge lo thleng zel dawn hre lo mahila ka hmangaihna hian tawp chin a nei dawn in ka hre silo, Rda chu engkim hrilh a bansan mai ka duh tawh, Mafeli pawh riak turin arawn chhuk thlâ a, tûnlai chu min ngaizual riau mai, hun rei tak chhung ka up beh tawh ka sawi chak em em Jordan-a chanchin chu ka sawi ta hrep a, "Tluang, keichuan Rda hi ṭha ka tihpui ber che, a lêrh zia techu hre ṭhin tho mahila, Jordana chu, nangmah tina tu mai a nih ka hlau a ni, fapa rangkachak a ni a, an fa neihchhun, fel bawk si, i phû lutuk, mahse kei ang hian phû an ti ve vek che angem ka hre lo, bakah a bialnu kha a lo hmangaih viau thei bawk a, i tan chuan beisei loh tur law law niin ka hria" ati daih nia, ka ngei ru lek lek zawk, a sawi dik lo chuang bawk si lo, "A dik tho mai" ka ti chuai raih ringawt, "Hrilh mahla a pawina awm chuang miah lo, a zahthlâk ve deuh anga, mahse a ho e, engmah i chân dawn chuang hleinem" ahan ti leh a, ka ṭhiannu ve hi zawng a rawn tlak hlawl lo a ni e,
Pathianni a ni a, chawhnu lamah chuan ka diary ah chuan eng enge maw ziakin ka tui hle a, engmah rêng ka ngaihtuah theilo, "Mami heiJordana lo leng ania" ka nu in arawn tih chuan ka thil tih lai chu dahin inhnuai lamah ka chhuk thla a, pawn lam varanda a lo ṭhut pahin in ngaihtuah mûk hmel zet hian alo ṭhu ngawi kar mai, abulah chuan ka han ṭhu ve a, engemaw vei nei a ang ka ti, "Tinge i inkhawm loh a?" ka tih chuan, "Ka chau deuh a, thawh ka lo hai mawle" ati mai a, "Enge irawn tih dawn a?" ka han ti leh a,min rawn en hu mai, "Aw... tih tur ka neih vang chauhin ka rawn leng ngai em ni?'' lungawi lo taka atih chuan ka inthiam lo leh hnuhnawh kher mai, ngawi reng chuan kan ṭhu leh ta rân a, "Engtikah nge i chhuk leh ang?" kan ngawih vang vang hnu chuan ka han ti leh a,"Ka chhuk tawh lo ang, Aizawl lamah hna ka zawng Mek a" a ti ve mai a, ala zir zolo emaw ka tih kha alo zir zo daih tawh chu niin, "Lo leng la" arawn tih chuan, "Enge ka rawn tih anga?" nuih za insum deuh chuan ka lo ti a, a ngawi leh daih, an in aṭanga kan kohhran upa ho chhuak dam dam ka hmuh chuan "Enge an rawn tih a?" ka han ti leh a, ka mitah tak chuan min rawn en ve vang vang mai, ka zak deuh chu ka hawisan ta daih a, reivak lo hnu ah chuan ka zawhna pawh chu chhanglo in a haw leh ta daih, a awm dan chuan ka ngaih ati ṭhalo takzet a ni.
Zan kan inkhawm chu ka thinlung kehsawm vekna tur ka hre ta, Jordan chu chumi zan la la chuan phuar alo ni a, ka hrilh hai leh mak ti lutuk chu awm ngaihna pawh ka hre lo, an phuarna chhan chu a bialnu hlui a ṭhen tawh kha alo rai reng chu niin, ka awmdan chu ka sawifiah thiamlo, a na takzet a ni, kan haw hnu chuan Jordana awmdan chu mak tiin an sawi zui laih laih a, pastor fapa meuh phuar ngaia a awm chu tupawh mai chuan an sawi duh kher mai , Mafeli chuan min khawngaih vangin uRema leng tur pawh hnarin alo riah tûr thû a sawia, Kawngtluan in Mafeli chuan min hnêm a, ka ṭawng theilo, sawi tur pawh ka hre bawk hek lo, an in kawt kan thlen chuan Jordan chu ngawi reng hian alo ding a, biak pawh ka chak hlawl lo, "Lo chho vela, thingpui in ang u" Mafeli chuan a ti a, kei erawh ka la ngawi reng thung, amah vangin ka na mêk tih hi hrelo se ka duh takzet a , mahse thup ka tum pauh leh a na zual ting mai in ka hria, ka pindan ah chuan kan ṭhu ngawi rân a, Mafeli'n mak a tih thu a khât tawkin a sawi reng bawk, a hnu deuh ah Jordan pawh inthlahrung tak chuan arawn chho ve a, en pawh ka lo en lo, ka bialpa ni se chu ka ṭah khum anga, ka ânkhum anga, ka nat dan ang angin ka lang chhuak mai tur, mahse,,, a ni silo.
"Thla engzat nge ni tawh a?" Mafeli chuan alo ti a, "Ka hre lo" alo ti bung hmuk, "Inneih in tum em? Engtia hma lâk nge in tum?" Mafeli bawk chuan ahan ti leh a, "Ka hre lo, amah zawk hi min rinawm loh san tu a nia, ka fa a nih tak tak pawh ring lo e a " a ti ve a, a beidawng hmel chu hmangaihtu tân chuan hmuh hmaih chi a ni lo, ka khawngaih viau na in, awm dan chin tawk erawh ka thiam angai tih ka in hria, "I hmangaih em?" zawi sap chuan ka lo ti a, uluk zet hian min lo en ve, "Ka hre lo...tihsual chu ka nei ngei a, mahse ka ring thei thlawt lo a ni, ka fa a ni tih chiang ila chu neih ka hreh reng reng lo" nghet char hian alo ti a, "I chhuanlam a nih chu, a puh tawh che a, mawhphurhna i lâk ngei ngei angai ang chu" thinrim awkâ lek leka ka tih chuan mak tih hmel fê hian min lo en dun a, "Hmeichhia ve ve kan nia, Tluangtei thusawi chu keipawhin ka ṭawmpui" tiin ka ṭhiannu chuan mi lo khuh mawi thuai a, " Nia ka ti dik lo alawm" a lo ti chuai ruih, "Mahse, ka la inpeih lo, hna te ka la zawng ve phawt anga, ka fa anih chuan thlauh thlâk erawh ka tum lo"
"Nia, nang berin i rinhlelh tlat chuan kei ni chuan kan thlawp reng che nia," Mafeli chuan alo ti ve a,ni e, amah hnem turin keini tal kan awm loh chuan a ṭhian ka ni vetho a, ka natna vânga ani lo huat tumna ka neilo, Jordan haw hnu chuan Mafeli nen ka khumah mu in kan sawi zui dun a, "I rilru a na viau ang tiraw?" a ti leh tawh, "Na vetho" ka lo ti zawi sap ringawt, ka ta nilo na na na engmah ka chân hleinem, "Nia Rda i nei tho a, theihnghilh daih rawh" awlsam zet hian a ti a, ka lo nui lui sak ringawt.
Nî a liam a, kha zân lungngaih thlâk zet hnû khan thlakhat dawn aliam leh ta, khami zân kha Jordana ka hmuh hnuhnun ber a ni, ka diary lah kha school picnic kan neih ṭumin Kawngkam velah ka thlauh bo daih zui, ka nuna thil thleng tam tak ka ziahna a ni a, ka ui lutuk chu ka lo ngaihtuah leh veng veng zel, ka diary pawh a bo a, ka theihnghilh zui ve mai ka ring a, ka beisei bawk, ka hun tawn duhawm lo tak tak tekha tu in nge lo chhiar anga, kei mi khawngaihthlâk hmangaihna zinkawng hrehawm tak kha tu in nge lo hre ve ang tih techu ka ngaihtuah a, min khawngaih ve viau ang le, lehkhabu dang leiin a tana hmangaih biahthu D ka hlan tak loh, engmah lo a chang mai tur chu uiin ka ziah zawm leh ta,
Ṭah chu a awlsam a, ngawihsan mai pawh a awlsam,
Mahse...theihnghilh a kalsan erawh a harsa takzet a ni,
Hlim ka duh a, beisei tur awm lo na na beisei reng chu a tlâwm thlâk bakah ka na reng dawn tih ka inhriat vangin Rda pawh ka be ngun hle, mahse ka tum pauh leh rilru ah alo lang a, ka mumangah lah chuan ka hmu ziah lehnghâl, a chanchin an sawi dan chuan an la innei lo a, Aizawl lamah hna ṭha tak a hmu tih erawh a nu leh pa ti ti aṭangin ka lo hre ve a, a neilo chu pawi ti viau mahila ka lawm tho bawk si, ka tum lawk ni hauh lo in ka hriat loh lai tehian ka lo ngaihtuah leh veng veng zel a, ka nun ram pawh a chau ngawih ngawih tawh, Ka hre reng lo pawh a ni mahna, mahse ka theihnghilh ngai lo, dawt hmangin ka nung a, inthup reng rengin ka awm a, "Ka theihnghilh tawh, ka ṭha vek alawm" ti mahila, a hmel te, a aw te, a piancham te, a hming leh a hlimthla ringawt pawn min la ti danglam thei chu a nih ber hi.
"Enge ilo ngaihtuah tak leh veng veng tawh a?"
Rawn ti tu lam chu ka hawi a, Rda chu arawn nui leh var var mai, ka bulah chuan rawn ṭhu in Jordan te in lam chu arawn hawi ve a, "I lung ava leng awm ve?" arawn ti zui zat, "Ka pi leh ka pu ka ngai riau a, vawiin ni tla tur lah hi a mawi sia" ka lo ti a, ngaihtuahna dang mahse ka pi leh ka pu erawh ka ngai reng mai, "Ka rawn kal thut sia, mak i va ti lo ve?" arawn ti a, "Zawh che ka lo tum chiah a" ka tih chuan, "Keini hi engtin nge nge kan awm zel ang? inneih lam tehi ngaihtuah ve tawh aṭha ka lo tia" a tih chuan min ṭhawng kher mai, chhân mai dan tur pawh ka hre lo, inneih chu ka duh lo, ka in hre chiang a, a rilru tihnat ka hlau bawk si, chhuanlam siam dan tur techu ka han ngaihtuah a, chhuanlam ṭha tak lah ka nei silo, "Englo, ka nu hi mahni chauha awm tur atan chuan ka khawngaih ve rih ê, mi pawh rei fe an inkawp tho a," inthlahrung tak chuan ka lo ti a, min en vang vang hnu chuan a nui hul hak mai, a hmel chu en pawh ka en ṭha ngam lo, "Tluangte zep lo in min hrilh rawh, kei hi min hmangaih ve tak tak lo tiraw?" arawn ti chuai ruih a, ka lainatin hrehawm ka van ti tak em, ka nihna ang anga min pawm a min hmangaihtu mipa hi engtin nge min hmangaih ve ngai reng reng lo tu vangin ka tihnat theih? ka thinlung hi keipawh hian hriatthiam harsa ka ti takzet a ni, "Ka hria keipawh ka dik vek ṭhin lo, hmeichhia ṭhian ka ngahin ngaih kawih theih tur pawn ka fiam fo, mahse ka la rinawm loh san ngailo che, midang kâ aṭang pawhin ka lêrh thu i hre fovang chuvang tepawh chuan min hmangaih theilo tepawh a ni mahna, ka hrethiam lutuk alawm" ahan ti zui luam a, a hmelah pawh en ngam lo in hnuailam en chuan k kun tlat, "Ka tihpalh takzet a ni" tih zawng ka sawithei, "I thiamloh a ni hleinem,keimah vek a ni" alo tidam thlup a, "Ni lo e keimah vek alawm, ka lo inbum rei em a tin ni, ka tum a, mahse ka tum nasat pauh leh a harsa ka ti" hreh tak chuan ka ti a, "Enge i sawi awmzia chu? chhan dang a awm em ni?" arawn ti, thâwk techu ka han la halh a, "Rd diktak a sawi chuan kan inhriat hma daih tawh khan duh deuh mai ka nei a, mahse tleirawl star vel mai mai a ni a, a reh leh mai ka ring a, kum 5 a nih hnu ah pawh ka thinlungah hian ka la paih bo thei reng reng lo, keichu zu zuar fanu mai ka ni a, ani chu ka tan a sang em a, ka cho rual a nih loh vangin ka thup bo hlen mai theih ka beisei leh a, nangmah ka tawng che a, ka theihnghilh zui ve mai dawn maw ka tih laiin, a aw te, a hmel te, a rim te, a engkim hian keimah hi min ti danglam a ni ber, ka awmdan hi ka duhdan a ni bik lova, mahse ka inthunun thei tlat lo a ni, chutiang reng chung chuan nang leh keimah ngei pawh hi ka bum theih tawh lo a ni, inneih i rawn sawi chiah khan ka lo kal thui tawh zia ka in hria a,tunah hian tih tawp law law ka duh a ni" ka ti a, ka thil sawi tawp lamah phei chuan ka aw chhuak chang chang chauh a ni, a en ngai en vang vangin a bek chu arawng pawng leh ṭalh ṭalh ṭhin, "Tunge? tunge a nih a?" ka rin ang ngei chuan arawn ti a, chhang lo chuan ka ngawi ta reng, " A nih tunah hian a hre tawh em? " arawn ti leh, hnuailam en in ka lû ka lo thing ringawt, "Tunge min hrilh rawh" a aia chang deuha arawn tih chuan, ka chhang chuanglo, a thaw zui halh ri chuan min ti hrehawm lutuk chu ka lo chhîng zui daih, "Ka beisei loh lam daih a ni" a ti leh halh a, ka lainatin ka zak bawk si, tunah tak hi chuan in ti bo daih thei ila ka ti, chutah ṭhutthleng chu arawn nghing laih a, a tho ta thut mai, ngawi reng chuan a chhuk thla ta hmak a, hrehawm ka van ti teh lûl em.
Zan lamah thleng chuan zanriah pawh ei peih lovin ka room ah chuan ka ṭawngṭai ta top a, ka tihsual rah chu seng mahila pawi ka tilo, keimah vanga anat lutuk loh nan te, sual kawng a zawh mai techu hlau in ka ṭap leh ṭhin, ṭek arawn tla a, current arawn thim zui a, ruah pawh a sur nasa kher mai, ka khumah chuan ka mu mengkar reng a, ka mobile phone rîk hun chângin ka en leh vang vang ṭhin, tu min lo call hun ber nge ka nghah pawh ka hre chuang lo, ka awm hle hle thei lova ka kawchhungah hian engemaw tak hian min tur et et tu hi a awm reng mai, ka phone chu ka en leh ṭhin, a tawpah Mafeli ka call ta ringawt a, a la chiah chu ka hnuk a ulh ṭeuh mai, "Enge a?" arawn ti a, "Rda chu ka ṭhen, Midang hmangaih ka neih thu ka sawi top, a rilru a na dawn lutuk" ṭap aw ṭuau chuan ka han ti a, arawn chek tlak tlak mai, "Ṭhen ta la engtia awm nge i tum? Lalchhanhima chu hrilh vat mai rawh, a nih loh chuan keiman ka hrilh ang" arawn ti hlak hlak a, "Enge tih ber tur ka hre lo, hrilh ta ila ka pangngai leh thei angem?" ka tih chuan, "Hmangaihna hi chu awwww.... hrilh rawh, engtin pawn lo dawng sawng mahse a unaupa rilru i tina a, duhthlan tur dang i nei chuang em ni?" arawn ti a, dik ti viau mahila ka ngam angem tih ber hi a ni.
Ka pi thawhna hlui kan khaw Middle school ah chuan keipawh ka thawk ve a, nuam ka tiin naupang bula han tâl vêl chu rilru put hmang a danglamin a hahdam thlâk ṭhin khawp mai,hahthlâk chang chu awm ve mahse rilru hahna erawh a chhâwk viau zel, ka la thawk rei lo na in thawhpui te an fel a, ka tlângnêl nghal khawp viau bawk, ka nu pawhin a sumdawnna zû chu bansan ve a tum tak tak tawhin ka hria, a in erawh a bansan lem lo. Vawiin tlai chu hmâ takah ka haw a, Jordan-a nu leh pa te inneih cham vawi 30 na kan hmang dawn a ni, inṭhenawm hnai ah pawh chhungkhat ang mai kan ni a, a pa pawh hian min duat thei viau a nih kha, zu zuar ti a khawtlângin min sawi luih luih lai paw'n min en hranna emaw, min sitna an nei ngai lo, an in ka lût chu an lo lawm thiam ve hlê a, inhnuai lamah fatu ho pui turin ka chhuk thla nghal, kan hnaivai tleirawl ho nen chuan chawṭani techu chanin ka han ti ti pui nghâl bawrh bawrh a, ka student tepawh an awm ve nuk vangin "Miss" min ti leh nawlh nawlh ṭhin, Mafeli pawh ang hlaih hlaih chung hian arawn chhuk ve a, "Lalrema lawm, a rawn kal ve duh thlâwt lo a, ka nghak thlâwn ringawt" arawn ti thla bawrh bawrh a, a bialpa hi mi zak zum ngang hi a ni a, a ti duh dah thei viau, inneih tepawh an sawi ri rêt rêt tawh in ka hria, "Rda arawn phei dawn nang'e? Mobile phone i nei ve reng sia, va be ve ṭhin la" ati leh zawm zat, phone aṭanga mi biak hi ka la zak tlat a, mobile phone ka neihna ala reilo bawk nen, message in kan inbia a, ni khatah 100 bak ala thawn chhuah theih loh zui, kan inthawn hun a zawh chuan min rawn call mai ṭhin a, sms a sawitur ka hriat ṭhin nen phone call ah chuan ka ngawi reng zel.
Chaw ei kan siam mup mup a, mi pawh an tam viau, kan khua a pastor awm chhun kha a ni ve a, khaw pum deuhthaw chu an kal ni berin ka hria, keipawh ka buaiin fanu ang mai chuan an thil dahna leh ṭangkai tur vel te min râwn berin ka kutah an dah deuh top bawk nen ka vir buai khawp mai, "EHEEE!!!!.....Lalchhanhim-a pawh arawn thleng hlawl mai" Mafeli chuan a ti chûl a, rang zeta ka va hawi chu a airbag nen alo ding luau mai, "Rawn ti ve nghal rawh, Tluangteii'n i ai a awh vek a nia" Mafeli chuan alo ti zui bawrh bawrh a, "Ka han indah lut ve lok ang'e, ka rawn pui ang che u" tiin inchhungah chuan a tlan lût zui nghal, Mafeli chu ka nghawk zauh a, "A chau anga sin, ilo ti bawrh bawrh zel a" ka tih chuan "In veng ṭha hle la ni mai chu a, i rilru kha" tiin rum zet hian min rawn melh a, ka nui zui hak, Jordan pawh chuan a ṭûl ṭûl lo ti ve in fatu ho chuan châwl hahdam rih tura an tih pawhin "Tlangval alawm, lo chhawr bawrh bawrh rawh u" Ka pa Mawia a pa lah chuan alo ti duh lek chauh, chaw leh chawhmeh eng ilo techu semin kan buai leh nak nak hle a, mumal tak pawn ka la be miah lo, chutia ka han hmu leh ta chu rilru dang daih ka pu hman leh rum rum tawh.
Keini pawh chuan thlengsil hmabakin chaw chu kan ei ve a, Mafeli a ti ti pah char char bawk, Mafeli ṭawng duh a zarah a bialnu nen chuan an inṭhen daih tawh tih techu ka hre zui zel a, Rda lo kal lo chu a ṭhat zawk thu a sawi zauh lai chuan uluk em em hian ka lo en vat, min rawn en ve zuk a, a hawisawn leh daih, engemaw zêp a nei tlata ka hriat vang chuan RDa chu ka va message a, nidang ang lo takin min reply har phian mai, engtin emaw tak hian ngaihṭhat loh rukna riau ka nei tlata, engvang ber nge pawh ka hre chuang lo.
Bungbel vel techu theih ang ang chuan kan sil leh a, Jordana pawh a chau viau ang le, "I chauh dawn nen, i han mu daih lova" ka tih chuan nui sun sun hian, "A ho lutuk, inbula awm hi a nuam ve a" a ti ve ngei a, a ṭawngkam a ang lo lutuk chu Mafeli nen kan nui hak ringawt. Zan lamah chuan inti faiin ka nu chu Jordan-a te in lamah ala awm vangin a dawr chu ka nghah sak a, ka phone ah chuan Rawllai ka D tih hlâ chu ngaithla in ka sakpui rât rât a, kuhva rah ka thel pah mawlh mawlh bawk, a mood ah cheng lutuk maia ka lo zai lai chuan "I lung ava leng awm ve?" rawn ti tu lam chu ka hawi nghal thuai a, Jordan chu alo nui var var mai, ka bula ṭhutthleng hniamah chuan rawn ṭhu in kuhva rah chu zeilo zet hian arawn thel ve nuap nuap a, ka lâi deuh tlat lehnghal, "I chauh awm teh lûl nen ila rawn leng peih a?" pangngai tak chuan ka lo ti a, chhûngril erawh a zâmin ka khawr deuh ṭut mai, "Tun ṭum ka chhuk thla chu ka lung a leng lutuk a" han ti ve a, "I bialnu ṭhen lungleng a nih dawn chu" ka tih chuan min rawn en in a nui ha, "Teuh lo mai" a ti ve mai a, ka awih chiah lo, mahse engmah ka sawi zui tawh lem lo, " Rda nen chuan inneih te inlo tum hnai elo?" arawn ti leh hlawl tawh, "Awii... a teuh lo mai" ka lo ti hluai a, anui leh hak tawh, a nui hmel chuan hrehawm takin min phuar leh ang tih ka hlauh vangin en pawh ka en ṭha ngam lo, "Monu fel deuh, zirtirtu ni bawk kan nei dawn che a" tiin min rawn chhaih ve ngei a, za lo tak chuan ka lo nui ve top, ka thinlung hi engemaw ti tak hian a na ru leh tlat tawh nia.. "Ṭhi kha aṭha lutuk, hei ala tle var mai" tiin a ṭhi min pek chu ka awrh lai chu ka hmuh a,a rei ve tawh nen a la tle var tak tak bawk, a man ato viau in ka ring rum rum tawh, "A awrh tu in i zir a nih kha" arawn ti mai a, ka lai tlat ṭhin chuan sawi tur min ti hre lo zo vek zel, a kuhva rah pakhat thel chhung chu rei tak a ni, thel ral vek a tum zawk emaw ka ti hial, zan in chu zan dang lo takin kan inbe ve luam a, kan inhnaihin chhungkaw inpawh tak ni mahila keini pahnih hi kan inpawh lutuk lem lo, keimah vang pawh hi a ni mahna.. kan lo inpawh miah lo kha,,, ka duh em vang khan ka lâi in ka zah ṭut reng a, ka tan chuan nel taka kawm kha a harsa ve êm a ni, mahse tunah erawh kum te arawn puitling chho a, ka inthunun thei ta phian a, Dar 9 a rik hnu chuan ahaw ve ta a, mut hmunah ka nui ver ver reng mai, kan awm dan techu ka ngaihtuah let a, kha hun kha ka tan chuan minute khat lek ang tluk a ni, mut hmunah ka hringnun lehkha phekah chuan ka ziak lang kiau a, ka Diary ah phei chuan hawrawp pui ngata ziah ka duh rum rum zawk a ni, enge lo thleng zel dawn hre lo mahila ka hmangaihna hian tawp chin a nei dawn in ka hre silo, Rda chu engkim hrilh a bansan mai ka duh tawh, Mafeli pawh riak turin arawn chhuk thlâ a, tûnlai chu min ngaizual riau mai, hun rei tak chhung ka up beh tawh ka sawi chak em em Jordan-a chanchin chu ka sawi ta hrep a, "Tluang, keichuan Rda hi ṭha ka tihpui ber che, a lêrh zia techu hre ṭhin tho mahila, Jordana chu, nangmah tina tu mai a nih ka hlau a ni, fapa rangkachak a ni a, an fa neihchhun, fel bawk si, i phû lutuk, mahse kei ang hian phû an ti ve vek che angem ka hre lo, bakah a bialnu kha a lo hmangaih viau thei bawk a, i tan chuan beisei loh tur law law niin ka hria" ati daih nia, ka ngei ru lek lek zawk, a sawi dik lo chuang bawk si lo, "A dik tho mai" ka ti chuai raih ringawt, "Hrilh mahla a pawina awm chuang miah lo, a zahthlâk ve deuh anga, mahse a ho e, engmah i chân dawn chuang hleinem" ahan ti leh a, ka ṭhiannu ve hi zawng a rawn tlak hlawl lo a ni e,
Pathianni a ni a, chawhnu lamah chuan ka diary ah chuan eng enge maw ziakin ka tui hle a, engmah rêng ka ngaihtuah theilo, "Mami heiJordana lo leng ania" ka nu in arawn tih chuan ka thil tih lai chu dahin inhnuai lamah ka chhuk thla a, pawn lam varanda a lo ṭhut pahin in ngaihtuah mûk hmel zet hian alo ṭhu ngawi kar mai, abulah chuan ka han ṭhu ve a, engemaw vei nei a ang ka ti, "Tinge i inkhawm loh a?" ka tih chuan, "Ka chau deuh a, thawh ka lo hai mawle" ati mai a, "Enge irawn tih dawn a?" ka han ti leh a,min rawn en hu mai, "Aw... tih tur ka neih vang chauhin ka rawn leng ngai em ni?'' lungawi lo taka atih chuan ka inthiam lo leh hnuhnawh kher mai, ngawi reng chuan kan ṭhu leh ta rân a, "Engtikah nge i chhuk leh ang?" kan ngawih vang vang hnu chuan ka han ti leh a,"Ka chhuk tawh lo ang, Aizawl lamah hna ka zawng Mek a" a ti ve mai a, ala zir zolo emaw ka tih kha alo zir zo daih tawh chu niin, "Lo leng la" arawn tih chuan, "Enge ka rawn tih anga?" nuih za insum deuh chuan ka lo ti a, a ngawi leh daih, an in aṭanga kan kohhran upa ho chhuak dam dam ka hmuh chuan "Enge an rawn tih a?" ka han ti leh a, ka mitah tak chuan min rawn en ve vang vang mai, ka zak deuh chu ka hawisan ta daih a, reivak lo hnu ah chuan ka zawhna pawh chu chhanglo in a haw leh ta daih, a awm dan chuan ka ngaih ati ṭhalo takzet a ni.
Zan kan inkhawm chu ka thinlung kehsawm vekna tur ka hre ta, Jordan chu chumi zan la la chuan phuar alo ni a, ka hrilh hai leh mak ti lutuk chu awm ngaihna pawh ka hre lo, an phuarna chhan chu a bialnu hlui a ṭhen tawh kha alo rai reng chu niin, ka awmdan chu ka sawifiah thiamlo, a na takzet a ni, kan haw hnu chuan Jordana awmdan chu mak tiin an sawi zui laih laih a, pastor fapa meuh phuar ngaia a awm chu tupawh mai chuan an sawi duh kher mai , Mafeli chuan min khawngaih vangin uRema leng tur pawh hnarin alo riah tûr thû a sawia, Kawngtluan in Mafeli chuan min hnêm a, ka ṭawng theilo, sawi tur pawh ka hre bawk hek lo, an in kawt kan thlen chuan Jordan chu ngawi reng hian alo ding a, biak pawh ka chak hlawl lo, "Lo chho vela, thingpui in ang u" Mafeli chuan a ti a, kei erawh ka la ngawi reng thung, amah vangin ka na mêk tih hi hrelo se ka duh takzet a , mahse thup ka tum pauh leh a na zual ting mai in ka hria, ka pindan ah chuan kan ṭhu ngawi rân a, Mafeli'n mak a tih thu a khât tawkin a sawi reng bawk, a hnu deuh ah Jordan pawh inthlahrung tak chuan arawn chho ve a, en pawh ka lo en lo, ka bialpa ni se chu ka ṭah khum anga, ka ânkhum anga, ka nat dan ang angin ka lang chhuak mai tur, mahse,,, a ni silo.
"Thla engzat nge ni tawh a?" Mafeli chuan alo ti a, "Ka hre lo" alo ti bung hmuk, "Inneih in tum em? Engtia hma lâk nge in tum?" Mafeli bawk chuan ahan ti leh a, "Ka hre lo, amah zawk hi min rinawm loh san tu a nia, ka fa a nih tak tak pawh ring lo e a " a ti ve a, a beidawng hmel chu hmangaihtu tân chuan hmuh hmaih chi a ni lo, ka khawngaih viau na in, awm dan chin tawk erawh ka thiam angai tih ka in hria, "I hmangaih em?" zawi sap chuan ka lo ti a, uluk zet hian min lo en ve, "Ka hre lo...tihsual chu ka nei ngei a, mahse ka ring thei thlawt lo a ni, ka fa a ni tih chiang ila chu neih ka hreh reng reng lo" nghet char hian alo ti a, "I chhuanlam a nih chu, a puh tawh che a, mawhphurhna i lâk ngei ngei angai ang chu" thinrim awkâ lek leka ka tih chuan mak tih hmel fê hian min lo en dun a, "Hmeichhia ve ve kan nia, Tluangtei thusawi chu keipawhin ka ṭawmpui" tiin ka ṭhiannu chuan mi lo khuh mawi thuai a, " Nia ka ti dik lo alawm" a lo ti chuai ruih, "Mahse, ka la inpeih lo, hna te ka la zawng ve phawt anga, ka fa anih chuan thlauh thlâk erawh ka tum lo"
"Nia, nang berin i rinhlelh tlat chuan kei ni chuan kan thlawp reng che nia," Mafeli chuan alo ti ve a,ni e, amah hnem turin keini tal kan awm loh chuan a ṭhian ka ni vetho a, ka natna vânga ani lo huat tumna ka neilo, Jordan haw hnu chuan Mafeli nen ka khumah mu in kan sawi zui dun a, "I rilru a na viau ang tiraw?" a ti leh tawh, "Na vetho" ka lo ti zawi sap ringawt, ka ta nilo na na na engmah ka chân hleinem, "Nia Rda i nei tho a, theihnghilh daih rawh" awlsam zet hian a ti a, ka lo nui lui sak ringawt.
Nî a liam a, kha zân lungngaih thlâk zet hnû khan thlakhat dawn aliam leh ta, khami zân kha Jordana ka hmuh hnuhnun ber a ni, ka diary lah kha school picnic kan neih ṭumin Kawngkam velah ka thlauh bo daih zui, ka nuna thil thleng tam tak ka ziahna a ni a, ka ui lutuk chu ka lo ngaihtuah leh veng veng zel, ka diary pawh a bo a, ka theihnghilh zui ve mai ka ring a, ka beisei bawk, ka hun tawn duhawm lo tak tak tekha tu in nge lo chhiar anga, kei mi khawngaihthlâk hmangaihna zinkawng hrehawm tak kha tu in nge lo hre ve ang tih techu ka ngaihtuah a, min khawngaih ve viau ang le, lehkhabu dang leiin a tana hmangaih biahthu D ka hlan tak loh, engmah lo a chang mai tur chu uiin ka ziah zawm leh ta,
Ṭah chu a awlsam a, ngawihsan mai pawh a awlsam,
Mahse...theihnghilh a kalsan erawh a harsa takzet a ni,
Hlim ka duh a, beisei tur awm lo na na beisei reng chu a tlâwm thlâk bakah ka na reng dawn tih ka inhriat vangin Rda pawh ka be ngun hle, mahse ka tum pauh leh rilru ah alo lang a, ka mumangah lah chuan ka hmu ziah lehnghâl, a chanchin an sawi dan chuan an la innei lo a, Aizawl lamah hna ṭha tak a hmu tih erawh a nu leh pa ti ti aṭangin ka lo hre ve a, a neilo chu pawi ti viau mahila ka lawm tho bawk si, ka tum lawk ni hauh lo in ka hriat loh lai tehian ka lo ngaihtuah leh veng veng zel a, ka nun ram pawh a chau ngawih ngawih tawh, Ka hre reng lo pawh a ni mahna, mahse ka theihnghilh ngai lo, dawt hmangin ka nung a, inthup reng rengin ka awm a, "Ka theihnghilh tawh, ka ṭha vek alawm" ti mahila, a hmel te, a aw te, a piancham te, a hming leh a hlimthla ringawt pawn min la ti danglam thei chu a nih ber hi.
"Enge ilo ngaihtuah tak leh veng veng tawh a?"
Rawn ti tu lam chu ka hawi a, Rda chu arawn nui leh var var mai, ka bulah chuan rawn ṭhu in Jordan te in lam chu arawn hawi ve a, "I lung ava leng awm ve?" arawn ti zui zat, "Ka pi leh ka pu ka ngai riau a, vawiin ni tla tur lah hi a mawi sia" ka lo ti a, ngaihtuahna dang mahse ka pi leh ka pu erawh ka ngai reng mai, "Ka rawn kal thut sia, mak i va ti lo ve?" arawn ti a, "Zawh che ka lo tum chiah a" ka tih chuan, "Keini hi engtin nge nge kan awm zel ang? inneih lam tehi ngaihtuah ve tawh aṭha ka lo tia" a tih chuan min ṭhawng kher mai, chhân mai dan tur pawh ka hre lo, inneih chu ka duh lo, ka in hre chiang a, a rilru tihnat ka hlau bawk si, chhuanlam siam dan tur techu ka han ngaihtuah a, chhuanlam ṭha tak lah ka nei silo, "Englo, ka nu hi mahni chauha awm tur atan chuan ka khawngaih ve rih ê, mi pawh rei fe an inkawp tho a," inthlahrung tak chuan ka lo ti a, min en vang vang hnu chuan a nui hul hak mai, a hmel chu en pawh ka en ṭha ngam lo, "Tluangte zep lo in min hrilh rawh, kei hi min hmangaih ve tak tak lo tiraw?" arawn ti chuai ruih a, ka lainatin hrehawm ka van ti tak em, ka nihna ang anga min pawm a min hmangaihtu mipa hi engtin nge min hmangaih ve ngai reng reng lo tu vangin ka tihnat theih? ka thinlung hi keipawh hian hriatthiam harsa ka ti takzet a ni, "Ka hria keipawh ka dik vek ṭhin lo, hmeichhia ṭhian ka ngahin ngaih kawih theih tur pawn ka fiam fo, mahse ka la rinawm loh san ngailo che, midang kâ aṭang pawhin ka lêrh thu i hre fovang chuvang tepawh chuan min hmangaih theilo tepawh a ni mahna, ka hrethiam lutuk alawm" ahan ti zui luam a, a hmelah pawh en ngam lo in hnuailam en chuan k kun tlat, "Ka tihpalh takzet a ni" tih zawng ka sawithei, "I thiamloh a ni hleinem,keimah vek a ni" alo tidam thlup a, "Ni lo e keimah vek alawm, ka lo inbum rei em a tin ni, ka tum a, mahse ka tum nasat pauh leh a harsa ka ti" hreh tak chuan ka ti a, "Enge i sawi awmzia chu? chhan dang a awm em ni?" arawn ti, thâwk techu ka han la halh a, "Rd diktak a sawi chuan kan inhriat hma daih tawh khan duh deuh mai ka nei a, mahse tleirawl star vel mai mai a ni a, a reh leh mai ka ring a, kum 5 a nih hnu ah pawh ka thinlungah hian ka la paih bo thei reng reng lo, keichu zu zuar fanu mai ka ni a, ani chu ka tan a sang em a, ka cho rual a nih loh vangin ka thup bo hlen mai theih ka beisei leh a, nangmah ka tawng che a, ka theihnghilh zui ve mai dawn maw ka tih laiin, a aw te, a hmel te, a rim te, a engkim hian keimah hi min ti danglam a ni ber, ka awmdan hi ka duhdan a ni bik lova, mahse ka inthunun thei tlat lo a ni, chutiang reng chung chuan nang leh keimah ngei pawh hi ka bum theih tawh lo a ni, inneih i rawn sawi chiah khan ka lo kal thui tawh zia ka in hria a,tunah hian tih tawp law law ka duh a ni" ka ti a, ka thil sawi tawp lamah phei chuan ka aw chhuak chang chang chauh a ni, a en ngai en vang vangin a bek chu arawng pawng leh ṭalh ṭalh ṭhin, "Tunge? tunge a nih a?" ka rin ang ngei chuan arawn ti a, chhang lo chuan ka ngawi ta reng, " A nih tunah hian a hre tawh em? " arawn ti leh, hnuailam en in ka lû ka lo thing ringawt, "Tunge min hrilh rawh" a aia chang deuha arawn tih chuan, ka chhang chuanglo, a thaw zui halh ri chuan min ti hrehawm lutuk chu ka lo chhîng zui daih, "Ka beisei loh lam daih a ni" a ti leh halh a, ka lainatin ka zak bawk si, tunah tak hi chuan in ti bo daih thei ila ka ti, chutah ṭhutthleng chu arawn nghing laih a, a tho ta thut mai, ngawi reng chuan a chhuk thla ta hmak a, hrehawm ka van ti teh lûl em.
Zan lamah thleng chuan zanriah pawh ei peih lovin ka room ah chuan ka ṭawngṭai ta top a, ka tihsual rah chu seng mahila pawi ka tilo, keimah vanga anat lutuk loh nan te, sual kawng a zawh mai techu hlau in ka ṭap leh ṭhin, ṭek arawn tla a, current arawn thim zui a, ruah pawh a sur nasa kher mai, ka khumah chuan ka mu mengkar reng a, ka mobile phone rîk hun chângin ka en leh vang vang ṭhin, tu min lo call hun ber nge ka nghah pawh ka hre chuang lo, ka awm hle hle thei lova ka kawchhungah hian engemaw tak hian min tur et et tu hi a awm reng mai, ka phone chu ka en leh ṭhin, a tawpah Mafeli ka call ta ringawt a, a la chiah chu ka hnuk a ulh ṭeuh mai, "Enge a?" arawn ti a, "Rda chu ka ṭhen, Midang hmangaih ka neih thu ka sawi top, a rilru a na dawn lutuk" ṭap aw ṭuau chuan ka han ti a, arawn chek tlak tlak mai, "Ṭhen ta la engtia awm nge i tum? Lalchhanhima chu hrilh vat mai rawh, a nih loh chuan keiman ka hrilh ang" arawn ti hlak hlak a, "Enge tih ber tur ka hre lo, hrilh ta ila ka pangngai leh thei angem?" ka tih chuan, "Hmangaihna hi chu awwww.... hrilh rawh, engtin pawn lo dawng sawng mahse a unaupa rilru i tina a, duhthlan tur dang i nei chuang em ni?" arawn ti a, dik ti viau mahila ka ngam angem tih ber hi a ni.
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)
Ad Space