ME AND YOU CHAPTER - 1 BY MUANI KHAWLHRING

[Muani khawlhring]

ME AND YOU






CHAPTER - 1





By: Muani khawlhring













Tun tum chu ka tling ngei ngei tur ani tiin ka in fuih mawlh mawlh a,ka hmaa company building lian tak chu melh vang vangin thawk kala vang vang.a chhung chu huphurh leh zam ru tak chungin ka luta,kal leh mai na tur hrelo a ka din reng lai chuan helai hmuna hnathawk niawm tak pakhat hian min rawn biain engti tura kal nge ka nih minlo zawt vat,CEO assistant interview tura kal ka nih thu ka hrilh chuan, zui turin min tia , elevator ah min chuanpuiin building chung berah chuan min kal pui a, room pakhatah min hruai lut bawk. interview tur dang poh anlo awm nual,zamawm tak ani.ka rin aiin interview chu ka ti tha ve viau ,mahse ....ka elpui te kha an tha hlom em a, ka tlin ka in beisei lemlo.














Chau zeta ka mut zawi ngiai lai chuan ka phone chu a rawn nghawr dat dat,ka lak ruala ka thu hriat chuan min ti harh kawk thei in ka hria,ka lawm bawk si,chhan ngaihna ka hre bawk silo chu ka ngawi reng ringawt,lehlam ami chuan ka hna zawm hun tur te leh hloh tur te min hrilh chuan, hlim luatah theih ngat se chu ka thlawk delh delh thei hial ang.















Edelin Remruatpuii ka ni a, univercity hi Dubai ah ka zira, ka graduate hnuin hna hrang hrang interview kalo nei tawha,beidawn tawh hnuah a tawpnan tiin company pakhata CEO assistant hna ruak chu ka dil ve leh ta rawih kha a nia,rin loh leh beisei loh takin CEO assistant tura lak kani hlauh chu lawm tak kani. Appartment lian vaklo ka thian university a ka zirpui hnamdang nula pakhat nen kan in luah tawm bawk. Ani erawh designing a tui a vangin Armani ah designer a zir mek thung.sunita-i niin an chhungkua pawh an khawsa thei viau bawk,keini erawh chu chungkaw hausa tia sawi tur kan nilo , Aizawl mi kan nia, hardware dawr kan neia, chu chu kan ei zawnna neih ve chhun chu ani deuh mai.fa mal ka nih avangin ka nu leh pa ten min duata zira tha zawk min duh pui avang a Dubai a min dah an ni.ka graduate hnuin aizawl lamah haw turin min rawn chah fo,mahse kan ram ka sawichhiat na nilo in, helama awm hi nuam ka ti zawk a, hna lah nise mizoram aia hlawh a that a vanga la awm zel pawh kani.














Ka nu te biain hna thar ka neih thu ka hrilh chuan min lawmpui thiam khawp mai,kan inbiak apiang a an tih ziah dan in " engpawh tila, khawi hmunah pawh rinawmna hi chaw bel ani tih hre rengla, eng din hmunah pawh dingla,thudik hi tan tlat zel la,Pathian thlahtham ngai Suh ang che" ka pa chuan ati leh dap dap a. "Mate I pa thu sawi hi hre rengla zawm tlat ang che,khang ah chuan sualna a tam a hmeichhia hi chu kan mualphona hi a ho ania, vawikhat hmingchhiat hian kan dam chhung a daiha ,chutiang thlenglo tur chuan I nun uluk ang che"ka nuin a ti ve bawk.












Reife kan inbiak hnu chuan call kan ti tawp ve thei hram , Sunita-i alo haw chuan hna thar ka neih tawh thu chu ka hrilh a, min lawmpui ve khawp mai,a lawmnan pizza order tura min tih tlat avang chuan hnial buai loin ka order ve mai bawk.













Ka helh hawlh nge ni zing ah chuan ka tho hma khawp mai, ka inbual hmasak zet hnuah Sunita-i nena kan breakfast tur ka Siam zawm leh bawk,ka zawh meuh chuan, ka thiannu pawh phak zeta lo thoin nui var var in ka phur lutuk chu min fiam ve zuk zuk mai,nghal reuhsi ka kuk fawk dawn zawk mawnle. A tih ziah danin vai hla play pahin a intifaia ,a insiam zui bawk, breakfast te kan ei zawh chuan phur zetin kan hnalam panin kan kal ta bawk. Tuna ka thawhna tur company a an boss hi mizo ngei a nih vang a phur viau pawh ka ni pakhat,kan mizo pui ngei in mahni ram nilo ah lehnghal hetiang company lian tak a nei thei hi ka chhuang a,mizo kan hnam ti hmingthatu te zingami ka ti ve tlat.















Ka office tur ah chuan lutin ka bungrua te ka rem mawlh mawlh,phur tak kani,kan boss hi mizo ani tih chiah ka hria a,engang mi nge a niha eng hmelpu nge a nih pawh kala hrelo,mahse hrawn a hrehawm lo turah ka ngai. Ka inrem fel zawh rual chuan kan Boss hmu tura tih ka nih ang in phur leh hreh tak chuan a office lam chu ka pana,kawngka chu kik in min rawn chhawn tu an awm rual chuan a chhungah chuan muang changin ka lut. Tukverh bula ding ,mipa sang leh pian thiam zet chu kan boss a ni tih hai rual anilo,ka aw thian kharhin ka thlen thu ka sawi rual chuan inherin a thutna hmun panin a thu thla nghal hnawk. A mitmeiin thu tura min tih chuan a hmaah chuan ka thu ve nghal,apalianin a zahawm khup mai bawk si , zamawm duh tak ani. "Nikum chhung khan assistant pariat ka chhawr tawh, a tih chuan mak tih vangin kalo meng phawk deuh."tu man an hna an tlinlo" a tih leh ngat phei chuan ka zam chhelo chauh tawh "nang aia experience nei tha vek an nia,chungmite theih loh chu nang hian I thei ang mo" tiin ngeiawn zetin a nui suk. Ka theih ngei tur thu leh theihtawp ka chhuah tur thu in ka chhang ve nghut. "Ka duh tuiaa,ka khirh bawk,engkim a tha ber ka duh ,min tih lungawi loh I duh ka ringlo"a ti nghut nghuta, ka ngei ru angreng viau,a mizia hi ka ngeihtheih zawng ani hauhlo,mahse ka boss ania a thu zawm bak tihtheih ka neilo tih ka hriat Chian em avang chuan ka insum hram hram ani.













A ni khatna mah nise hna ka ngah khawp mai,ka thawhpui te chuan thil ei turaa min rawn sawm takah chuan,chhun chawlh hun pawh hrelo lekin ka thawk tih ka hreta chauh,pawn lamah thil eiin kan chhuak a ,lum viau mahse pawn boruak chuan minti hahdam sawng sawng in ka hria.












Tlai ban hun dawnah chuan ka hna khawih lai chu ka zo hman hram a,a dang khoih tur la tam lutuk chuan ka rilru a ti hah khawp mai,a then chu hawna ina thawh zawm mai tur chuan ka insiam mawlh mawlh,ka boss chu lo kalin "tunkarah I zawh hman a ngai a, a tha thei ang ber a ni tur ani,he thil ah hian hnehna kan chan ngei a ngai a nia" ti nghutin a kal leh nghal nal nal chu a hnung lam a tang chuan ka melh rum vak ringawt, melh rum vanga damloh theih chu nise a damlo nasa viau ang."engang mihring nge a nih le?, midangte ngaihtuah na pakhat mah a neilo" tia phun niah niahin ka chhuak zui ve bawk.













Zawh hman loh ka hlauh a vangin zing lam dar hnih vel thleng chu ka thawka,ka lu te hi a na bur tawh.chokaah lutin coffee ka in siam mawlh mawlh."Rinsangzuala maw a hming kha, hmeltha nunrawng"tiin ka phun sup .sunita-i chu rawn thoin a mutthilh theih bikloh thu chu a rawn sawia coffee te chu kan in dun leh rih.mak deuh chu Zana ka men rei te hian alo mu thei bik ngai lo reng reng,ka ti harh amaw tiin ka inthlhrung thei viau.ka thiannu hian min ngaihtuah thei emem a, ka tan chuan a hlu takzet,ka mizo pui tam tak te aiin ka ngainaa ,a ni pon min ngaina,engkim kan soi dun thin,tunah pawh kan boss mizia ka ngei thu chu insum karna tel miahlo in ka sawi bawrh bawrh,Ani erawh chuan uluk fahrana ngaitha in alo bu nghat nghat.















Zingah chuan thawh ka hai Chiang kher mai ,thil pawh ei hmanloin ka inti fai nghal sawk zawka office lam panin ka tlan nghal dawr dawr. Ka thok thar chiaha hna minpe hnem nghal lutuk hi chu ka ngei ve khawp mai. A ngai te bawkin ka hun chu ka hmang leh a , kar tawp lamah chuan chau tawh tak kani,ka zo hman hram a ka hahdam huai thei. Kan boss chuan ka chauh zia a hria a ni ngei tur ani inenkawl tha a awm hahdam tur te chuan minla ti zui,ka chhuih tawk zawk don moni,mi ngaihtuah ang deuh te chuan ala awm zuia,a tir khan hna min pek teuh loh lur lom,tiin ka phun nang nang.ka project khoih lai lah chu tun kar ami tur niloin thla thar ami tur daih alola ni zui,hepa hi ka ning lutuk ka haw hluah hluah tawh.














Zanah chuan ka tha em tih min rawn zawh chuan chhan enah pawh ka enlo,ka boss mah nise hnathil a nih loh chuan ani biak hi ka ba lo ka tive tlat.hmeichhia kei ka ni inti pha ka ni ve tlat. Sunita-i pawh a rawn haw ve tawha, zawi zeta kalo thu min hmuh chuan ka bulah rawn thu ve in eng emg emo kan sawi luam .eirawng hi kan bawl vak ngailo a pawn lam ami eitur kan chah mai thin. "I chauh hmel sia zanin kan eitur chu kalo tum vekang" tiin a nui sanga, ka lo nuih let ve var."engge I ei duh ang " a tih chuan butter naan leh chicken butter masal kalo ti vat.kan ei tur chah kan nghah lai chuan kan inti faia ,kan intih fel zawh meuh chuan atlai ve duai tawh.
















"Naktukah kan zin dawn nia"ka boss in a tih chuan ka bo hu,"eh...eng nge kan tih dawn"ka ti ban charh. A nui hawk a,mawl reuh lutuk zawitea a tih ri chu k hrepha,ka ner sawk a, ka lam rawn hawiin " hna thilah,lo insiam ang che,zingkarah kan chhuak ang,zan hnih kan riah a ngai bawk ang"a ti nghut. Ani nen ber khera zin chu ka chaklo khawp mai,mahse hnathil anih angin ka hnial thei bawk silo.











Zingkarah min rawn lam vei deuh thlapa,ka kalloh hlau te pawh a ang zawk lom le. A private jet in kan kala, kan pahnih chauh in a jet lian zeta thut dun chu a nuam lemlo,kan inmilo sa nen."ngatinge Ila ban loh?"a tih chuan mak ka ti lutuk chu chhan mai ngaihna hreloin ka melh reng ringawt. Chutah " I ban vat theihnan hna ka pe teuh teuh che a"a tih leh chu ka insum buai duh tawhlo. "Bang leh vat Turin he hna hi ka rawn thawklo"ti ve ngatin lehlam chu ka hawi San hmak.engmah a sawi zawm ta lemlo.













Hotel ah kan thlenga, zan lamah presentation pek ka ngaih avangin ka inpuah chah nghal mawlh mawlh. Sunita in min rawn biaa,kan thlen tluang thu in ka chhang,ka boss nen kan inmil loh zia hre chiangtu ania , min ngaihtuah khawp mai,mahse tu mihring mahina a tih zam theihloh ka nihhi tia ka chhan chuan kan nui dun bawk bawk a. Kanu leh pa te be lehin chanchin te ka hrilh a,min ngaih thu bawk an sawi leh tawh,dik taka sawi chuan kei pawh hian ka ngai tawh khawp mai,mahse hna ka nei tawh a,hmundang kal thei ka ni tawh siloa. Kan inbiakna kan tih tawp hnu chuan inti faiin ka insiam zuia, ka thiannu kawr min design sak ama kutchhuak ngei ka kal dawna min pek chu ka ha a,keimah ngei pawh chu nalh ka inti khawp mai.













Ka boss in car ah minlo nghak a, a bula ka thut chuan min en reng tih ka hria, mahse ka hrelo awm hmiah hmiah thung,ka nalh thu min hrilh lo mahse a lungawi zia a hmelah a lang thei. A hmun kan thlen chuan mipui an thahnem ang reng, mi hausa tak tak an ni hlom a,an incheina pawh a sang khawp mai,kan nalh viau amo intih pawh hian keini aia nalh hi chu anlo awm zel anih hi. Kan tihtur ang te ti zung zungin ka hma ami te presentation pek chu an ti tha bawk a ka zam angreng, ka hun alo thlen chuan rinaiin ka ti tha daih, ka sawi zawh chuan dingin kut an beng dur dur a,kei erawh chuan inchhiang takin ka boss chu ka mitko ka San khum ak a, a lawm ve hmel khawp mai. Kan company chu min thlang chat bawk.











A tuk tlai ah chuan kan partner thar te nen chaw ei khawm Turin kan kal leh a,ka boss pawh chu angel ang mai in a fel khawp mai,mahse ka eilo lak lawha , ka chunga that a chhuah ve te pawh chu lem ka ti ngawih ngawih. Ka boss chuan zu a in hnem em avangin kal pawh a kal hleitheilo, kan pahnih chauh a kal kan nih vang chuan peihlo zet in ka buaipuia,kuahin pawn lam ka pan pui bawk,a Lian si, a rit bawk si nen ka kalpui hleitheilo,stepa kan chhuk chuan a tal buta kei inring hman bawk silo chu step ah chuan ka lum a,ka lu a hai lutuk chu ka khawhmuh a fiahlo ruai tawh,kan bul vela mite chu rawn kal khawm sap sap in min buaipui tih ka hrethei, an tawng te chu hla tak ami ni mai hian ka hria, reilo teah ka khawhmuh chu a thim mup a,thawm engmah ka hre zawm tawhlo.












Ka harh leh chuan damdawiinah kalo awm tawha,ka lu hai lutuk vang nge ka luak a chhuak nghulh bawk.ka lu chu an tuam luk bawka,tih chet hrehawm khawpin ka lu chu a hai.ka bula Sunita -i lo awm reng chu mak Kati khawp mai, "engtin nge hetah I awm theih?" Ka tih chuan "la tawng rih suh"tiin min khap vat."Rinsangzuala pawh a awm renga intifai turin ka tia hotel lam a pan a nih kha, a ngaihtuah khawp mai che, nizan khan min rawn call a kalo kal nghal lom, kalo thlenna pawh ala rei lutuklo, Sangzuala (ka boss aw) khan a awmpui reng che a,thilthlen Dan sawiin, a inthiamlo khawp mai, I lakah sualin ngei viau mahla ,a ngaihtuah khawp mai che"a tih chuan ka ner sawk. "A mah vanga hetianga awm ka nih vang in a inthlhrung a nih chu"ka ti nghut.












"Thil hi I hrethiam lo thei si,I laka a sualin I haw emem a,tunah that a chhuaha a kawi zawngni I la leh bawk si,I hahthlak em mai "tiin a phun hluk.












Rinsangzuala chu engeng emo kengin a rawn bawr lut khawp mai,ka haw lakloha ,a tira min tihdanin a zirloh vang ani pakhat. Ka khumbul ah chuan rawn thuin "engge I an?"ati sup "ka tha"tiin lehlam ka hawisawn hmak thung.











"Keimah vangin tiang hian I awma"atih chuan " ka hria"ti nghutin ka melh rum ngang mai.sunita-in ka eitur min siamsak bawk. "Ka tihpalh" ti leh sup in inthlhrun hmel deuhin a Kun deuh ngar a,a inthlhrung hmel te hi ka hmu lem vek.












Ka nuin min rawn biain chanchin min rawn zawta,ka that thu leh tha taka presentation ka pek hnuah kan company nen a kan inrem dan te chu ka hrilh vea,minlawmpui thiam leh khawp mai,ka chetsual thu erawh ka hrilh duh ta lo, min ngaihtuah lek vak ang tih ka hlauh vang ani, inhmu phakin kan awm siloa,keimah vanga rilru hah deuha an awm kha ka duhlo,chu bakah haw mai tura min tih leh ka hlau bawk.











Doctor a rawn luh chuan, ka that vek tawh thu leh kan haw theih tawh thu a rawn sawi chuan ka thawveng huai mai, na deuhin inenkawl rei ngai chu niila, hepa hi nuamsa takin ka awm tir hauh lo ang.












Bil te ti felin hotel lam kan pana , Sunita -i pawh chuan min zui ta ve bawk,zanah Dubai lam panin kan thlawk haw leh a,mahni Chenna in kan thlen meuh chuan ka hahdam sawng sawng thei. Hna ka zawm hmaa Rinsangzuala kalo ngaih dan kha ka ngaihtuah leta,"kalo chhuang in a fel viau ka ring kha ania,a mah ka hriat chian hmaa ka lo ngaihdan leh a tak chu inanglo tak ani"tiin ka nui hawk.











***


Rinsangzuala P.O.V












Mak tak mai in ka assistant hian ka neih ngailoh hlimna min pe tlat,ka nu min hriat chhuah tir thin. Naupang te ka nihin car accedent ah ka nu leh pa an borala, ka tawrh thiamloh em avangin,mipa naupang hlim thei tak ni thin kha ka mizia a inthlak thawk,ka thin a chhiaa,engkim hian minti thin ur tun bawk, ka hnuaia hna thawk ten min hlau emem tih pawh ka hria mahse ....pawisakna ka neilo,henu ka nuna alo lan atang chiah khan hmana ka hlimna ang kha min pe a, chumi rual chuan thinrimna,lungaihna in a chhunzawm bawk,a chhan chu ka nu nena an inan em vang ani,an mizia te thlengin, chumi anih avang chuan alakah sual ka chhuah a,nilo ka fel ngailo zok, bang vat se tih kha ka duh ber a ni,ka nu min hriat chhuah tir renga,hrehawm ka tih em vangin min hua se ka duh .












Ka ngaihtuah a,hetianga midang te chunga ka natna vanga nunrawng taka ka khawsak hian ka hlim phah lo tih ka hriat vangin that chhuah ka tuma mahse ....min haw laklawh tih ka hria, ka that chhuah tum ve na te chuan ati thinrim zual thin amo tih mai tur ani.











Kan zin laia ka ruih lutuk vanga ka buai lai te khan mak deuhin nuam ka ti veng veng,keimah vanga a chet sual khan, ka nu leh pate an boral laia ka nat ang khan ka na vawng vawng,ka chan kha ka hlau ngawih ngawih a,engge a chhan erawh ka hrelo,ka hmeichhe huat emem hi ka duh ang tih reng ka ring phalo, Amit meng fiah kak te khan min hip a,a sang tha in a pian pawh a dik viau,a tir khan haw mah Ila tunah Chuan chan ka hlau tawh lutuk hi ka inawih lo hial zawk. Ka ta nilo mahse ka venghim rengang,tuman an tihnat hi ka phal hauhlo ang le.