KA HMANGAIH THINGTLANGPA CHAPTER - 37 (LAST)BY MAWITEI BAWITLUNG

[mawitei bawihtlung]

KA HMANGAIH THINGTLANGPA






CHAPTER 1




“Mipa sual lutuk a nihsaw hnaih hauh suh," ka awmna nu chuan a rawn ti sar sara, kei erawhin min rawn rimtu tlangval naupang zawk zawk tawh lo tak, hmel rum tak nelawmna nei reng renglo; mahsela hmeltha tih loh theih miah loh chu ka melh leh zauh zauh thina, midang rawn leng te lakah chuan a danglam fal nalh bawk.







Kei hi Aizawl a piang leh seilian ka ni a, thingtlangah teacher hnathawk turin ka awm dawna, ka thlen atanga a naktuk zan atang in leng ka nei nghal pang mai. Thingtlang lamah chuan an la inrim fo a nih hmel.






Ka nu thiannu chuan misual tak ti mahse ka ngaihven lo theilo, a mizia cool raih chuan engtin emaw hian min ti danglam tlat a nihchu.






“Khawpui nula chu lo char bet hmak ila a tha, chhuah miah loh tur, Valpui i hria maw?" tiin fiamthu chuan an ri dar dar renga, khapa erawh kha chu a tawng tam lem lo khawp mai, midang tawng nak nak karah chuan ka melh leh lo thei thin lo.







“Char bet hmak ang, keiin ka chan loh chuan nang ni talin in chang ve thung ang chu" Valpuia an tihchu ka melh zawka, tlangval chhe zawk zawk chu a nilo, a cher lam deuh. Sam zuah buk deuh tak a ni a, a inhmeh phian lawia.






“Khalaia tlangval kha i hming ka hre ve miah lo, rawn leng ve ta nafam chu i hming min hrilh ve la" tiin ngawi renga thu ka mit la em em tu nisi chu enin ka nui hak haka,midang chuan min rawn en in “Zosangpuia a nihsaw, kan khaw tlangval luck ber, amah hian nula lam hi a ngaihsak lo mai pawha" tiin an nui dar dara.








Kei erawhin Zosangpuia tih ringawt chu rilru in ka sawi mawlh mawlh thung, a kut tang sei thlurh leh hraw hrup, hnathawk nasa tih hriat taka ser awm thleh thluah chu ka hmuh hmaihlo. A tawng tam lo na in ka in leng te zingah ka ngaihven ber a ni lawi si.







“I haw tawh ang u hmiang, a tlai riau mai. Naktuk zanah kan lo leng leh dawn a nia " tiin an tho phak phaka, an rual chuan tho chhuakin pawn thleng chuan ka va thlaha, ngawi rengin an kal liam mai dawn emaw tih laiin “A hnuhnung hnung phungin seh" tiin a hma sa ber chu a tlan thuta, an vai chuan au chungin an tlan liam chu mak ti zetin ka ena, Zosangpuia erawhin an hnungah muangchangin a zui thung,nuih te lam lam an tiza.









“An va hahthlak thin, kan khaw tlangvalte hi an thawveng ruai a nia, khatia in tih thaih kha an la hmang ang tih ngaihna pawh ka hrelo" Nu Chhingi chuan nui hak hakin a rawn ti a, ka nuih a za ve tho. Ka vawikhat hmuhna hlawm mah nise an mizia chu ka lawm chi tak an ni, an bula awm anuam viau in ka ring.









“Tirawh lut ila, mikhual i nia an rawn rim fo ang che. Chutih rualin fimkhur la, mipa hi nel dan tawk thiam a tha, a lehlamah chuan i kawm thiam chuan i tan ui an nei lo ang, mipa thian hi an hlu teh a nia" tiin inchhungah chuan a lut zuia, keipawh chu lut ve nghal thuaiin roomah ka lut zuia, ka nute bia in nuam ka tih thu vel chu ka hrilh mawlh mawlha.







An ni erawhin an hmuhphak loha ka awm chu an la duh vak chuang lo a nih hmel, ka hna hmu pawh kha an lawm viau rualin thingtlanga ka awm angaih thu an hriat kha chuan kal lo mai turin min duh hiala. Mahse khawpuiah chuan zirtir tu tha tak tak an tam bawk nen thingtlanga zirtirtu in daih loh a nat zia ka hre bawk nen ka kal lui ta tho chu a nia.








Phone kan dah hnu chuan ka in ngaihtuah neuh neuha, bialpa ka lo nei ve nual tawha. Mahse ka bialpa pawh nilo ka vei ang hian tumah ka la veilo, vawikhat inhmuhna ah induhna a awm thei tih hi ka ring ngai lem lo va, mahse keimah ngeiin a taka ka tawn takah chuan ka ring nghet ta bur mai.






A mit khur thuk lam mah mahse thuk lutuk tih tur nilo a mawi tawk leka awm te, a mitmeng thim raih leh pa ru riau te kha reilo te ka en chhung pawhin ka hmu hman vek nia.






A tawng tam ve lo nangin ka lakah a thawk na ber lawi kha mak ka tilo theilo, tlangvalin nula chu rim tur a ni ngai a. Keiin ka lo vei nghal ringawt chu ka inthiam lo hnuhnawh, mahse rilru leh thinlung hi a control theih miau siloha.







Khaw chhung hmun thenkhatah chuan patling in kawm khawm au ri hriat tur a la awma, khawpawn hmun thengthaw deuh lai atang chuan tlangval guiter nena zai ri hriat tur a awm bawk, thingtlang boruak chu a nuam dawn riau hian ka hria.



An hun hman dan tur ka ngaihtuaha, reilote mah nise a nawm ka ring ringawt, a mizo nun bik ngawih ngawihin ka hria, khawpuiah chuan hnamdang tihdan kan copy tam tawh zawk bawk nen thingtlang zonun zemawi hmuh tur la tamna nge nge hi ka lung kuai tu tak a ni.






Ka room tukverh atang chuan thlaeng a rawn lut raiha, current ka on lo bawk nen a nuamin khauchher leh perhpawng hram vel nen chuan ngaihthlak a nuamin a hahdam thlak riau hian ka hria a, pasaltha kan ngaihthlak thina an hunlaia awm ve ang mai ah khan ka in ngai.






Tawngtaiin ka in ngaihtuah zuia, hmelhriat ka la nei vak lo nangin ka tlangnel nghal mai thei chu amak zawk, a hrim hrimin khawpuiah chuan min hre sa tu bak in min be vak ngai lo kha a nia, thingtlangah erawh khawi ah pawh vak chhuak ila ka hmelhriat loh pawhin an zirtirtu thar ka nih leh nih loh bakah chanchinte min lo zawt sawk sawka, min hmutu apiangin min be bawrh bawrh bawk nen ka tlangnel hma ni berin ka hria.






An polite ka tilo theilo, tleirawl chenin nel taka min lo biak na khan an khua a teacher hna thawh pawh hi a ti hrehawmin ka ringlo. Ka theih tawp ka chhuah pui ngei ang, he khawtlang in zirna lama hma an sawn leh zual nan ka theihna zawng zawngin puih ve ka tum tur a ni ti chuan ka infuih sauh sauh va.




ZAWMNA..






A tukah chuan school ah chuan kal in inhmelhriatna neih nan ka hman pui phawta, middle school ah ka thawk dawn bawk nen naupang an fel fai tawha a nuam phian mai, chutih rual erawhin in lak nulat tlangval an hre ve tawh an ti bawk nen an buaithlak hmel riau mai lehnghal.







Heta thawk tur a an tih zirtirtu an lak dang kha an sawi dan ah thingtlanga thawh an peih loh avangin khawpui lamah an dil kawp a ni awma, helamah zirtirtu in daih lo in an awm leh vek si dawn a nih hmel. Diet training lo chu an pawm duh tawh lo nen zirtirtu pawh pali chiah kan awm dawna, in daih loh ana viau ang le.








Mahsela ka huphurh em em chuang lo, zirtirtu ho chu kan titi nak naka, English la tura min tih avang chuan hnial lovin ka pawm ve maia, school luh tan tir a ni nen class pawh la em em lo in zirlaiho ball beng chu kan en thapa.






“Kha miss Nunu kan lo rim dawn che, sir Hluate hian an phal emaw chu" nizan lama rawn leng Valpuia te ho chu an rawn lang leh thapa. Sir Hlua te pawh chuan an phal thu a lo chhang ve zatin kan bulah chuan an rawn thu zuia.







“Naupang ho kha in zingah kan tel ve dawn" Kimbawiha an tih pa leh Rengpuia chuan tiin volleyball an benna lamah chuan chho in an lut zuia, an tlangnel hle tih a hriat. Ka thawh hma pawhin an kal fo a nih ka ring, keini erawhin an che vel chu kan en thapa.







“Awi awi in va han thiam lo ber, Kimkawplawr ti ringawt kha chuan engtikah mah i chak pui lovang, tel ve tawh suh tihlah hian i tel ve ziah lehnghal" Valpuian a tihlai chuan kan lo nui haka, an thian ho an in ngamtlak hle tih a hriat.








“Tinge Kimkawplawra i tiha?" ti a ka zawh chuan an nui leh haka “Aw...bialnu pakhat chiah a nei theilo, ‘Inthen palhin rilru a na duh, chuvang chuan pakhat then palha rilru nat lohna tur angai' a ti miau a, pakhat a thena tikhan a ngaihzawng dangte a be leh nghala, babe tih ringawt pawh 10 vel a nei, engtin nge a kawp sen zawk ni" an tihchuan ka lo ner nang nang mai.







A bialnu te pawh chu an vahan mawl awm em em, chutiang zat zat a bum thei chu ka mipa tih chi tak. Ka awmdan an hrethiam nge “Lungngai suh, a lerh tih lohah chuan a fel a nia, kan tifiam mai mai a nihkha.Bialnu a thlak zut zel sia chuvang chuan a nei tawk zel mai mai a lawm, a in lak luck ve na a nia, a bialnu te phei chu an hmeltha ngai chuang miah lo" Valpuian a tih leh lai chuan pakhat chuan a lo khapa.








“Tikhan ti vak thin suh, nang pawh i dan loh kha" Tepuia chuan a rawn ti ve zata, an in chum nghal awk mai. An va han indim lo ber, engmah sawi silo in ka lo nui khur char char ringawt, an thian ho mizia chu ka lawm zawng tak an ni. Thian atan an tha hle in ka ring bawk.







“Taka Valpui i lu i met sual an tia, khawi maw kan lo en chhin" ti a Valpuia lukhum ta daih chu an phawi sak thuta; chutah ka nui chhuak nghal hawk mai. A chhip sam buk zet siin a bek ve ve chu a kawlh rula, phone a sam meh dan maksak an rawn post thin ang chiah, amah lah chu a tum nghal bur mai. Amah a lu a tung lam chi leh a sa pan chi a ni bawk nen a inhmeh letling phian lehnghal.








“Khawi, ka meh pawh a nilo kan Darthlawia ka meh tir peka, a thiam tawp silo. Pathlawi thiam neilo meh tir ka sim chiang khawp a nia, ka meh kawn dawn leh a chi bawk silo" tiin a phun hluk hluka, ka lo nui ve char char ringawt.








Fiamthu nen an ri leh huk zela, an titit kotlangah kan dak thap ti ila a dik ber ang. Zosangpuia erawh vawiin ni lengin ka la hmu lo, enge a tih ve ang le.





School ah te hian lo kal ve se tihte chu ka ngaihtuaha, engvanga ngaihtuah tlat nge ka nih tih hi ka inhrethiam biklo, reilote chhunga ka hriat chupawh min ngaihven em em miah lo tu heti taka ka hmu chak hi ka hrethiam tawh bik lo.







“Awi leh!" ka au tuar mai, Kimbawiha chuan ball chu school naupang lu ah tak a vuak pera, a nilah puitling in a tha neih zawng zawnga vuak per a ni bawk nen a thal tawp mai, midang chuan an buaipui sap sapa, a rawn thut chhuah takah chuan ka thaw huai mai, a lu chu a hai ve chhain ka ring.








“Mawla naupang dim thin rawh, i dar pawh an la thlen that loh kha, mahni tiat pui tum lawlh lawlh zel suh" tiin a thiante chuan an hau zuia, an inthiam lo ve deuh te pawh a niang.Kimbawiha lah chu a nui vur vur ringawt, khatiang em em a na a naupang han vuak per kher chu, anaupang tan khan a na viau in ka ring,amah lah chu a la hawi vual vual zuia.








(ZANKHAT DAN ZELAH EMAW DAH KAN TUM ANG AW, ZIAH ZAWM TLAKA NGAH CHUAN FB AH COMMENT MIN PEK VE DAWN NIA)

[mawitei bawihtlung]

KA HMANGAIH THINGTLANGPA







CHAPTER 2






“Kan lo leng leh" Valpuian a rawn tih rualin kawngka ah inchhuihin a rawn bawk lut thlawrh mai. “I zeilo thei si,ninawm mi i ti zak leh zo dawn Lalrinpui tho vat rawh"Rengpuia chuan kai tho in an chum nghal awk awk mai.







“Enge! Ninawma, tluk kha ka tum bik reng reng lo an kawngka vang hi a lawm, Nunu min iai phah suh aw, vala hi ka chesual thin mahse ka chhelo a nia" Valpuia chuan a sam tuai pah chuan a ti zaiha, ka lo nui nghal hawk mai, hemi te thian ho hi an fel dawn tih ka hria. Bakah khawhar lo in ka awm phah ka lawm viau mai.







“Lo thu rawh u, khawnge nizana mi kha?" tiin Zosangpuia rawn tel ve lo chu ka zawt chawta, ka hre chak miau a lawm.






“A rawn tel theilo ang, a ni chu vawikhat hi a lang zuk a, a rawn leng nawn leh te a nihchuan thil mak a tling ang, amah hian a tla tam lutuka a kawm theih meuh loh" an tihchuan ka bu nghat nghat ringawt, ka hmu leh chak a sin le. A hmel hmuh tur a awm loh avang chuan ka hnual ruih thei.








“I duh em ni? Lungngai suh kan lo tihpui ang che" ka bengbula rawn ti su su tu chu nghawk zauhvin ka nui har hara “Lo leng ziah ru aw, in awm chuan a nuam.Hmelhriat leh thian takngial pawh ka la nei siloa, nangmah ni chiah hi a nimai. Zanin chu zai ang u hmiang" tiin keimah chuan thudang ah ka pakai puia.







“Tehreng mai, guitar in nei em nu Chhing" tiin an zawt zuia, an neih thu an lo sawi takah chuan an phur ngei mai. Nu Chhingi chuan va la in pawn lam kan pana “Eng hla nge kan sak ang" tiin kan ngawi thapa “Ka hria e, kan la a nge min lo zawm ru, nang niin in lo la nawn zel ang" tiin Rengpuia chuan hla chu a la zuia, ahla rawn lak ka hriat rual chuan ka nui chhuak leh hak haka.







“Khawngaih takin min ban suh aw" a tih rual chuan keiniin (Ban suh aw, ban suh aw" kan lo ti thap thapa, kan nui pah bawk. Nui chunga zai chu a har phian lehnghal “Midang ka hmu zo tawh lovang" “Tawh lovang tawh lovang" kut bengin kan in sawi dial diala.







“Min ban chuanin i chak lovang" “I......chak lau ang...aa..a..a ." Kimbawihan a lo tih rual chuan Rengpuia chu a tawp hmaka.“In va han thiam lo, ka ex hriat theih turin kan zaia khatianga zai thiam lo kha chu zai tawh suh" tiin Kimbawiha chu a melh runa.






“Bialnu hakuh fir fer i neia, ila duh ve em em chu a nia. Khatiang sakuh ang lutuk kha chu theihnghilh teh, nula kan rim hi. Nula bulah mahni ex te chungchang an sawi nulh nulh ngailo, Man lo thak thak lutuk, mawl thei lutuk mai" Valpuian a lo ti ve bawk. An thian ho in hnial chu ka en tawn sek ringawt.







“Ka tan kan rim hleinem, bakah ka tan chuan a sang lutuk. In mitah kuh fir fer mahse hmangaihtu mitah hi chuan a tha ve hlarh hlarh a sin" Rengpuian a tih leh chuan a thiante chu an chet tlak tlaka “A ninawm, hla dang zai ang u.Hla tha deuh tur ka hria e, Henry Lalmalsawma hla MIN VEI VE RAWH tihkha aw" Rengpuian a tihchuan kan lo pawmpui viau mai.








Kan zavai chuan zaiin kei erawh ka la zai tha ngam lutuk lo “Kimki du suh, ring deuh deuha zai tur, i thian leh i unaupa te angah min ngai la, kan bulah chuan i nihna angin lang tawp rawh" an tihchuan sawi chhuak kher lo mah ila ka hlim takzet, an ti mai mai lo tih ka hre chiang em a, reilote ka hriat hi ka ngaina hlawm viau lawi si.








Thingtlang mi hi an lo polite in mi biangbiak lah an thiam takzet bawk nen nuam ka ti em em ringawt. Phur zet chuan ka zai ve a “Eng dang reng reng hian lunglai a luah mawlh lo, nang ngai reng reng hian zan mu ka chhing theilo, tudang ngai lo ten leng dun ila ka d Lenmawi" kan zai ring bawk nen thenawm khawveng chenin an hre thum dawn tih a chiang reng.








“Rengpuia duhlai Kuhtei tan aw, zanin chu riahpui a ngai mai thei. Damlai lu te hi a lo sun anga, amah te a lo in tina ve ange" Valpuian a tihchuan Rengpuia chuan a duh loh hmel ngei mai.






“I chhe phauh phauh kha a nihchu, hmeichhia avanga nat te chu nahi, duh viau pawh ni ila ka intina lo ang. Man ka nih hi man, mipa chu nat mai mai duh loh tur" pawr tawka a tih laiin Samuela chuan “A nih in inthen zana i tah pawh kha i ti der tihna em ni?" a lo ti thum ve duta, hepa hi an thian ho ah a ngawi chawi berin ka hria.








Mahse a hunah erawh fiamthu a duh leh viau thung, a mizia hi a cool ru raiha. Tunlai hmeichhe ho duh chi tak a niin ka hria, a hmeltha hle bawk.






“In ninawm, min lo va hmangaih lo em em ve. Kan zai in hria em? Kan zai, kha ringawt rawn sawi suh u, bialnu tur mah hmuzo ve lo Samuel nang phei chu lo tawng ve ngam tur i nilo" tiin Rengpuia chu a thu tum bur mai.







“In hnial tawh lo teh u, zai leh mai mai ila khatia in inhnial zel chuan a nuamlo, hmeichhia te chu kan tam a lawm" ti a nui hak haka, guitar perh an thiam bakah an zai thiam riau mai. Icon leh idol velah pawh tel se an zahpuiawm hauh lo ang, bakah tunangah chuan zaithiam aiin hmel leh aw in point a keng tela, mipuia tla na na kha an tling thei tawh bawk nen an hmel a zahpui awm chuang silo a an tling ve thei tho in ka ring.








Zaithiam lo an ni bawk silo va; chutah hla chu la leh in Di tawng lo Val tihchu kan sa leh thap thapa, Nu Chhingi te pawh rawn thu chhuak ve in kan hlim hlawm viau mai.






“Awi, ka awmna a la rei siloa kan bengchheng bawk sia mi hian min ning angem le?" kan chawlh lai chuan ka zawt khauha “Engah chuan maw? A ho lutuk, mi ngaihdana buai leh lutuk pawh hi mahni in tih hrehawmna mai mai a ni, keimah ni hlimna hi a pawimawh ber, kan thih hunah chuan tiang hian kan awm thei tawh dawn lo" Valpuia chuan rawn ti vatin nu Chhingi te chuan an lo tui hnih ve bawka.








Inchhung lamah lut tawh lem lo in pawnah chuan kan zai a, a chang leh fiamthu te thawhin kan nui leh thin. Hetiang hi thingtlang nun a nihchuan a nuam ka tihchi tak a ni, thian ho a thilsual tel miah lo a awmkhawm te, zu leh ruihhlo dang ti miah lo a hetianga inkawm khawm dial dial nun an la nei te hian ka nuam tih an tizual, zu in lo tawp chu an nih ka ring lo va, mahse thian an la inkawm nasa in khawlaia awm mai lo a hetianga nula an la rim thei te hi ka fak thlawt.







Tunang laiah tlangval addict tam tawh em em laiin an khua erawh nu Chhingi sawi danin damdawi ti an la awm lova, zu leh meizial bak an tih ngai loh thu a sawi a nihkha.








“Kan haw leh phawt ange, inrin chu luiah kal ho ila Sangha kan man dawn a nia, Sangha khawi pawh man tur an awm a nia, inrinni tin kan kal thina. I duh ve em?" an tihchuan ka phur ngei mai, nu Chhingi lahin min khap lovin min lo phur pui phian zawka.







“Aw le, ka lo tel ve ang. Min sawm theihnghilh suh u aw, a nih mangtha muttui phawt ule" tiin ka mangtha zuia, an kal liam hnu chuan nui var varin inchhungah ka lut zuia.






“An fel a nia, thian i nei thei chu a lawmawm hle mai. Tunangah chuan hmeichhe thian ai mipa thian hi an hlu mah tawh zawk a nia, i kawm thiam pauh leh i tan an hlu ang. Khuahkhirh lutuk che pawh kan tum lova, chutih rualin thil tha lo lamah erawh kal hauh suh ang che." a tihchuan ka bu nghat nghat mai.








Ka nu ang chiaha ka en a ni bawk nen a thu chu ka ngai pawimawh viau mai, Valpuia te thian ho hrim hrim kha misual an nih ka ring lo ve tawp bawk.


ZAWMNA





Inrin a rawn thlen chuan phur takin ka insiama, nu Chhingi pawhin tul ang chu min lo hrilh ve mawlh mawlh bawk. Bike a ken theih dawn an tih avangin ka phur leh zual, ke a kal tur chuan a hla an ti em bawk a ni.







Dar 9 velah chuan Valpuia te ho chu an rawn lang phak phaka “Nunu i hman em?"ti a an rawn au lauh lauh takah chuan ka bag akin ka tlan chhuak vata, nu Chhingi chuan ka hnungah min rawn zui ve bawk.







“Fimkhur ula aw, Valpui in thiannu hi veng nasa ula aw, luiah a la kal ngai lo a nia" a lo ti ve bawka, “Nunu Samua bulah khan chuang rawh, a ni kha bike a khalh thiam bakah a hahdam ber a nia" an tihchuan Samuela lam chu ka pana, hepa hi chu a mizia a pharvar ve chiam siloa ka nel lo ber. Mahse ka hlau chuang lo.








“Lo chuang la" tiin a bike chu a beng thuk thuka, v3 a ni bawk nen a hnung a pir nasa mai si, ka sang chiam lo nen lawn ka huphurh ngei mai. A rah chhan chu rapin ka lawn taih taiha, “Min kuah rawh aw, kawng a chhe deuha kan tluk loh nan nghet deuhin min rawn kuah rawh" a tihchuan hrehzet chuan a dul thep tangah chuan ka kuaha.








“Min va hlauh hmel di de ve, hmeichhia thik tur che an awm lo. Chuvang chuan hmeltha in kan phurh che chuan confi vahin awm rawh, keiai hmeltha i hmu miah lo ang" a rawn tih chuan a dulah chuan ka sih sak vaka, a rawn nui nghal hak mai.






Chutia a mah zawkin min biak reng takah chuan ka nel ve mai bawk, Zosangpuia rawn tel ve se tih ka ngaihtuah hmanhmawha.Khawlaia a vak hmuh chang chu ka neia, mahse min be ngai miah lo, a insual hrat zia lah an sawi reng bawka. Miin sual an tih em em hi engvanga vei tlat nge ka nih pawh ka hre bik lo, ka ngaihtuah reng lehnghal.









Midang an tlan chhuah rual chuan an hnungah chuan muangchangin kan tlana, Samuela zawkin min biak reng takah chuan ka tawng ve ta bawrh bawrha, midang an awm tak lohah chuan kawm a lo nuam phian lehnghal. Nui dun hak hakin kan titi paha, amah hi a sawi ang tak takin a hmelchhe miah lo. Hmelah phei chuan Zosangpuia ai khan a tha daih ang tih tur a ni, Mahse engvanga Zosangpuia kha vei em em nge ka nih ka hre bik lo.








A mize muk tak leh tawng tam lo khan min hip ni berin ka hria “Sam, Zosangpuia khan bialnu a nei ngai em?" ka nel ve tawh bawk nen ka zawt phawnga “Nei ngailo, hmanah kha chuan a nei ve thin, mahse khawpui lamah a awm san ta daiha. Racing a hrata, zan reiah an vak chhuaka chuan an in ti hlim thin, insual an peih ve viau an tih hi i hre tawh em?" a rawn tihchuan ka lo aw vata.








“A hrim hrimin i va ngaihven ve, hmeichhia ah a tla na phian a nih hi, lungngai suh vawiinah i hmu mai thei a nia" tiin a nui haka. “Aaa ka ngaihven pawh a ni chiah lo, kan thleng tep tawh em?" tiin thudang chu ka zawt daiha.






“Darkar chanve tal tlan a ngai a lawm, chuan ke a la kal deuh angai bawk. Chakai kan khawrh dawn a nia" a tihchuan ka ner nanga “Teuhlo mai, ka man ngam lo. An zawrhsa kan lei pawhin khawih ai chuan a sarang nena chhum tawp ka duh zawk" ka tihchuan a rawn nui hawka. Ka ti tak tak chakai hi chu tui ti viau mah ila ka hlau, an mi cheh nat zia hre turin min chep tawh miau a.









“Keimahin ka man sak dawn che a nia, mahse i number min pek angai ang" a tihchuan ka hmui chu ka ti pawrha, hepa hi an thian ho zingah chuan a danglam fal nalh ka tilo theilo. Tawng tam lutuk tih tur nilo mahse a nelawm phian lawi si, a chet dan reng reng hi a pa riau. Hmeichhe ho in an duh furin ka ring.







Kawng a chhe bawk nen a hnungah chuan ka bei tawpa, ka tal dawn chuan kan tluk ka hlau bawk nen ka kuah bet hlun ringawt.




CHAPTER THAR AH RAWN TIH THUI KA TUM DAWN A NIA AW, MAHSE YOUTUBE LAM CHHIAR TUR TYPE TEL ZEL KA NGAIH A VANGIN KA TYPE THA HMAN THINLO A.

[mawitei bawihtlung]

KA HMANGAIH THINGTLANGPA







CHAPTER 3





“Sam heta hi a lian lutuk" tiin aikam ngei mai lunghnuaia a kua a rawn lang duk chu ka kawka, ka au chul bawk. Chuveleh a kua ah chuan a lut daiha, Samuela pawh a rawn kal hnai vat mai. “Kha hei hi lo keng rawh" tiin a chakai mansa dahna chu min pe a.







“Min chep lo ang tiraw?" ka tihchuan nui hakin “I zen chuan an chep ang che, zen lo la i him a nimai"a tihchuan ka ner deuh nanga, “Zen dawn lo" tiin Valpuia te ho dil Sangha man chu ka ena, kan Sangha khawi an ti ve ngeia, a ni tak tak emaw.







Samuela nen chauh chuan chakai kan khawrha, lui dung vela kal chu nuam ka ti zawk bawk nen dila awm ai ka hlimpui zawk. “Aiah!" Samuela chu a rawn au thawta, ka en nghal vat mai; chutah chakai bawp lian em em chuan a lo chep chu niin ka au nghal chul mai.







“Engtin nge kan tih dawn" ka tihlai chuan a bawp lehlam chu a kut pakhat in a chelh beta “Lungin rawn chhu keh rawh" a tihtakah chuan lung lian tha ve tak chu la in lung chunga a kut chakaiin a chehna lam a lo dahna lam chu ka tina, a chakai bawpah tak chuan ka chhut sak nghal chawrh mai.







Phawi vatin a rawn khung nghala, a kut rawn thi tiam tiam ka hmuh rualin ka lak kan sak vata, ka rawmawl chuan ka hruksak nghal vat. “Man tawh lo mai ang, a tam tawh tho hi tirawh Sangha an man na lamah sawn phei ve tawh ang" tiin ka en chho a, min lo en reng avang chuan meng kawkin hnuailam chu ka en leh vata.







Kan ngawih dun ren rawn hnuah aw rawn thian kharhin “Kal la, chakai kha chu nangmahin nei vek mai rawh" a tihchuan ka lawm lutuk chuan awihlo lek lek hian ka en a, “I ti tak tak em? A vai hian maw?" ka tihchuan a bu nghat nghata, ka nuih nghal ver ver mai. Ka rin ai daihin an thil phal, khulamah chuan nise ka chang lo hial mai thei, amah hlirin a mana keiin telna ka la nei miah lo zui.








Lawm thu hrilh chuan Rengpuia te ho awmna lamah chuan kan inzui pheia, Sangha chu an lo man vak lo a nih hmel, panga vel chiah an la man “An Sangha a ni tak tak em?" tiin Samuela chu ka en chho a, a nui suk ringawt.






“Enge in tih?" awi leh! Aw rawn chhuahna lam chu kan en thapa, chutah Zosangpuia ngei mai chu hnathawh thawmhnaw nen dil leh lam kotlangah chuan a lo ding teu a nih chu. Lalpa! Enge hetah a rawn tih “Kan Sangha in man tih in hria em?" tawi tha beng bawng tak chuan a rawn ti a.






Tunah khan enge a sawi kha? An Sangha maw? Rengpuia te ho chu ka ena, u Sangpuia chu an lo nuihtlawn thaw a, an Sangha ang in an sawi vela, Lalpa! Eng buaina ah nge ka in hnuh luh tak, ka mipa duh ruk em em Sangha khawl rutu zingah ka tel ve chu a nia, ka zak lutuk chu khuk ral daih mai ka duh.






“Min rawn zui rawh u" tihmukin thlam lam chu a pana, an rawn chhuak nghal sap sap mai. “Valpui kan Sangha i ti a ni lawm ni? Enga tinge dawt in sawia, awi ka zak emai kan mualpho vaih chuan aw" tiin ka zam lutuk leh hlauthawng bawk si chu ka tap titih.







“Lungngai suh, i tel ve hleinem. Bakah u Sangpuia chu a fel lutuk engtin mah min tilo ang, tiru phei phawt ang u" tiin thlam lam chu min panpuia, an thian ho zingah ka tel ve miau avangin kal loh theih hek loh le. Phur lo zet chuan an hnungah chuan ka pheia.







“U Sangpui a man zat chhiar la kan rul leh vek ang che, vawiin chu picnic kan tum sia luiah Sangha a vang bawk nen kan lo man tawp a" Kimbawiha chuan a ti a, “Picnic leh nic lo a nilo, mi Sangha kha khawih thiang a nilo" pakhat lah chuan a ti tawi tuk mai “Thiang e... an awm loh lai te chuan" Rengpuia chuan a lo tipeka, u Zosanga chu a rawn thinrim viau dawn emaw tih laiin Rengpuia lu ah chuan rua hian a tuk kerh ringawt.








“Nang teacher thar Ramliani kha" a rawn tihchuan phawk hru in ka lo ena “Enga! Ramliani ka nilo" ka tihchuan a nui suka “Ramliana nih i duh zawk em ni, mi Sangha ruk naah i tel ve a" tiin a khi suka, pa ka lo ti leh em em tawh. Nilo nilo Nuntluangpui pa in tih na hun a nilo, ruk in ru tiin ka inhrilh mawlh mawlha.









“Ka..." ka tihlai chuan “Zu in pai em?" Valpuia te lam hawia a tihchuan an ni chu an lo bu nghat nghata “A nihchuan in ang u, chuan nang kha in Sangha man kha kang rawh," tiin min rawn ena, hnial ngam tawh heklo. Sangha panga chu la in pawnah ka keng chhuaka “Ka lo pui ang che" Samuelan a rawn tihchuan ka lawm ngei mai.








Midang erawh thlam chhungah chuan zu in in an ti ti barh barh hlawma, “I in ve dawn lo em ni?" tiin Samuela chu ka en ha a “Ka ngaina ve lo a" a tihchuan mak ka ti, a thiante zawng zawngin an in lai in a ni erawhin a duh lo a maw?






Sangha chu a kawchhung tifaiin kan keng lut a, thuk mei ka chhem thiam loh avangin Samuela bawk chuan a chhema, kei erawhin u Sangpuia bawk ka en leh, a che reng reng chu a cool raiha a mitmeng zawi lam mahse ti sexy tak tu ni zawk te chu ka en ning theilo, a che reng reng chu ka hmuh hmaih miah lo bawk.







“Tun hi a tawpna ni rawh se, in ru leh tih ka hriat chuan in ngaihdamna a awm tawh lovang. Ka naute in nihna angin ka ngaidam hram ang che u " tiin keichu min rawn en zawka, ka lo en reng tih a hriat chuan a mit chu a kan nghal uk mai; chuveleh hawisawnin Samuela mei chhem nunah chuan thir bel chu ka chhuanga, an feh fo a ni ngei ang bungrua leh tel leh chi vel bakah thingpui fe thlengin a lo awm nual mai.









Sangha chu kangin dil kam vela bahkhawr vel chu la in chawtani kan siam bawka, Samuela a che rang bawk nen reiloteah chaw ei kan peih thuaia, midang chu ko in kan chaw fun nen chuan chaw kan ei hlawma, mipa rual karah ka awm bawk nen ka ei tam vaklo, an ni ho erawh chaw chu an heh ngei mai. Ka chaw fun nen chuan an ei zo veka.








“U Sangpui hei hi in ram maw?" tiin ka ena, “Um a nih hi, khawnge in chakai man kha" a tihchuan ka bag a ka ah thu in ka chhanga, min laksak dawn emaw tiin ka lo hlau thawng viau lehnghal “In man tam em?" a tihchuan “Man tam ve tho" tiin ka lo chhang a.








“Tirawh ka lo man sak ang che" tiin a tho chhuaka, zu kha a in ve ngei sia mahse rui ang pawhin a awm miah lo nia. A che ah zu in tih a hriat loh hrim hrim, phur zet chuan ka zuia “Thlamah hian kan lo mu ange" an tihchuan ka nuih haka, u Sangpuia nen chuan nichina kan khawrhna chhak lamah chuan chho in lung chu phawkin chakai aikam ngei mai chu a rawn man leh nawlh thina.







A bawp an lian thei bawk nen ka phur ngei mai, a hnungah chuan ka zui ve zela. Chutah ka pen leh tur chu lung nal chu rapin ka au thata, u Sangpuia rawn in her chuan ka tlu tur chu min pawt lawpin a awmah chuan ka bei nghal thlawpa, ka thawk a rang ngei mai.A mah chu ka kuah bet tlata, ka thaw hle hle ringawt.








A taksa ka tawh chiah chuan ka thlamuang huai huai hian ka hria a, awmsawn nachang pawh ka hrelo. A nipawhin min namsawn a tum miah lo bawk, chutah hawi chhuakin a hmel chu ka en chho a “Tinge zanah ilo len ve tawh loh va, lo leng vela" ka huaisenna zawng zawng sawmkhawm chuan ka ti a.








“Ka chanchin an sawi thin hi i hre ve lo em ni?" a rawn tihchuan ka nuih saka “Hria e, mahse ka hlau ve miah lo che. Lo leng ve leh rawh aw" tiin ka hmui chu ka pet zauha, in thup ve tit tet ka thiam lo nen ka rilru chu ka hrilh tlang ta rawnga, min ngainep viau a nih pawhin pawi ka tilo, ka duh em bawk a ni.







Chutah rawn kun hniamin ka hmuiah chuan a rawn fawpa, ka lo chhang ve vat mai. Ka hlim lutuk chu chhungril lam atangin ka nui var vara, a in laksawn rual chuan lai zetin ka lei ka chhuah tet ringawt “Kal ang hmiang, in chhungkaw ei tawk a tling tawh ang" tiin kan kalna lamah chuan kan let leha.








Engmah sawi lem lo mahse kei erawh ka hlim em em thung.Ka hmui te chu ka khawih leh thul, hetianga rilru hlimna hi ka la neih awm pawh ka hrelo, thenkhat chuan rang teh thut emaw hmeichhe sihhnip tak emaw pawh min ti ngei ang, mahse duhna leh hmangaihna hi chu hun reilote chhung pawhin a thleng thei tlata, chu chu hmanlai pasalthate leh an kawppui te chanchin kan ngaihthlak atang hian a hriat viauin ka hria.








An ni pawh khuahmun lo mahse an vawikhat in hmuhnaah pawh hmangaihna khurah an tlu lut fo a lawm le. Ka thiam loh a ni loa, ka duhzawng tak ni tura mipa lo piang avang zawk hian a ni, ka thup reng khan a hrehawm mai mai bawk. Thlam kan thlen leh lai chuan midang chu an lo muhil nasa tawh mai.









Kaitho vatin haw tur chuan kan in buatsaih zuia, haw lamah erawh u Sangpuia chuan min phur dawn bawk nen ka phur ngei mai “Ramliani chu vawiin chu a va fuh cher cher ve, hming thar nei haw nghal ringawt" tiin an nui dar dara, lei ka chhuah khum vak ringawt.







U Sangpuia bike hnung sang tha et awtah chuan ka chuanga, a bike atangin a racer hliah hliah mai. An in tlansiak lai chu ka hmu ve chak viau bawk, hmeichhe fel zawk zawk ka ni bik lova, mahse chutih rual erawhin ruihtheihthil lamah erawh ka in hnamhnawih ngai lo thung, Aizawl ah pawh khan thian ho a chhuah leh racing vel kha kan hrat ve tho a, mak tih viau tur a awm lem lo.








Aizawl lamah pawh hmeichhia ai mipa ka kawm tama, hmeichhe thian ka neih kha chu pathum vel lek an ni. Mahse kan hlim em em tho, kan thian ho khan leng chhuak fo mah ila sual lam erawh kan ti ngai hauh lo thung, mipa ho fel vang te pawh kha a niang.






Bakah mi tam tak hian mipa kan kawm avang hian hmeichhe khawlo deuh turah min ngai nghal ngawt zel hi a tha lo ka ti, hmeichhe rual awmkhawm pawh in an duh chuan sual an khawih ve tho a, mipa bula kan awm avang hian ruihhlo kan ti ve kher a ni lo, a lehlamah mipa hi chuan hmeichhia hi ruihhlo ti turin an tih luih ka ring miah lo, a mihringa hi kan pawimawh ber.







Hmeichhe thian ho ruih hlo duh tak tak ka hre ve nual; bakah mipa kawm hi kawng tam takah min lo pui nasa a, tun ang laiah phei chuan thian atan an thlanawm tawh zawk. Hmeichhia chu in rel leh in tih thiam loh hunah thian in sawisel leh thuruk thlenga phawrh kan ching tlat zel, mipa erawh an duhzawng an ti tawpa, midang sual khawih turin an sawm lui ve ngai miah lo thung.








Tunah pawh mipa bawk ka kawm leha, zu an in chu tha tilo viau mah ila he khua ka awm tirh atanga min kawm tute an ni bawk nen ka tan chuan an hlu tho tho, bakah min ngaihsak bawk nen nuam ka ti.






“Min tlukpui miah suh aw" ka tihchuan a rawn nui haka “Min ring rawh, hetiang mai maiah ka tluk pui lo ang che. Ka rui emaw i ti em ni?" a tihchuan ka lo aih vata “Mahse i insia lawm, khatiang an keng dawn tih ka hreloa, chulo nise ka hau tur nan, bakah in Sangha tih ka lo hre miah lo a, tumah hrilh suh aw. Ka zak lutuk kha an mahni kha vuak tluk vek mai ka duh " ka tihchuan a nui leh hawk hawka.









“Lungngai suh, tumahin an hrelo a, ka rawn hmuh tirh cheua i hmel awmdan atang khan a hriat vek a lawm" a tihchuan ka thaw huaia “Nia, kan phei fel chiaha Samuela nen khan chakai kan khawrha, taka u Sangpui khawiah nge in in a awm ka la hre miah lo" tiin a beng bul chetah chuan ka va zawta.










“In kawmthlang lamah khan kan awm, a in ngana ah tile pawl kha" a tihchuan ka bu nghat nghata, mi sawi danin a nu nen chauh an ni tawh tih ka hria a, remchangah la len ngei ka tum bawk. “A nihchu, zanin chu lo leng ve rawh aw. Waiwai te kan chhum anga, chuan kan zai ve ang chu" tiin ka sawm nghal zata, keimah in ka sawm hmasak loh chuan a mizia leh nungchang nen a rawn kal duhin ka ringlo.









“Aw le, ka lo tum dawn a nia. A hrim hrimin waiwai chhum chiah i thiam ve ange aw" a tihchuan ka sik vawta, “Teuhlo rawngbawl te pawh ka thiam ve a lawm, khawpuiah awm mah ila mi hausa fa ka ni ve lem lo a nia, rawngbawl pawh ka thiam lutuk" ka lo ti zung zunga. Waiwai bawl chiah thiam nih te chu ka duh bik derlo.







Awmpui kan nei ve ngai lem lo a, ka nu leh pa in an duh hek lo, chuvang chuan ka tet te atangin ka nu in rawngbawl leh inchhung chet min zirtir vek a, chu chu ka thanlenpui ka tilo theilo, a chang chuan mi hausa fate hi ka awta, inchhung leh khawlaiah duh duh in an awma. An mamawh chu an nei vek thin, kei erawhin ka intuak a ngai thin thung.








Ka thiante kha chuan an duh an sawi tawh chu an nu leh paten an leia, tin an duh duh hunah an lenga an chhungten an hau ngai lem lo. Kei erawh ka nu leh pa atangin khawpuia awm nghet lo, pem kan nih avang khan ka nun kha khuahkhirh chin an neia, mahse chu thil chu ka tan a lo tha em em thung, tun thleng mualphona nei lo in ka awm theih phaha.









U Sangpuia chu a ngawi leh run tawha, biak hmasak loh chuan min biak a tum miah lo. Nichinah lah khan awlsam tawk khan ka infawh tir mai sia, a ruk chuan min ngainep mai thei. Mahse ka pian tirh atanga thinlung taka ka mipa duh hmasak ber a ni a, ka insum zo lo a ni. Ka thianpa in “Duh kan neih chuan hrilh pawp tur, min duh loh leh ‘E a nihchu' tih leh mai" a tih ang kha ka nunpui a ni ber mai.









Min lo duh ve loh tak leh min duh lo a ni tawh mai, keimahin ka duh chuan a pawilo.





“Hetah hian ka lo chhuk mai ang" ka tihchuan a ding data, “Ka lo thlah ang che" a tihchuan ka hnial duh ta biklo, khaw chhungah chuan kan tlan luta, min lo hmu tu ho lah chuan min en zui haw haw hlawma, nuamlo ka ti lek lek.Min sawi zui em lovang chu maw?








“Ka lawm e aw" kan in peng kan thlen chuan lawmthu chu ka hrilha “Um" tih ringawtin min chhang leh tawh, a luah hian ben fawka tawng tam deuh rawh tih vak ka chak, sawi tur a ti bo vek zel. He ti em em a chut mai chuh.






“Zan chu ka lo ngaichang dawn che a nia aw, chuan i hmeltha" tiin ka tlansawn nghal nal nala, ka nui haw vur vur bawk. A hmeichhia zawkin mipa ka bem ang tih hi ka ring pha ngailo, mahse ka bem mek ang chu a nisia.







“Nu ka lo haw(Nu tih tir tawp tawh ang)" tiin inchhungah chuan ka tlanlut zuia “Aw anuam i ti em?" a lo tihchuan ka bu nghauh nghauha, kan hun hmandan vel ka sawi chuan ani pawh a nui var vara, ka chakai hawn an hmu phei chu pa Sena nen chuan an lawm ngei mai, ka khawih ngam lo tih an hriat avangin pa Sena chuan a chhum a siam zuia.







A bawp ber kha ka ei chak tawh, ka ngaina bawk nen Aizawl ah pawh an zawrh ka hmuh chuan ka lei ngei ngei zel, helam angin duh duh in luiah a kal ve theih siloha.






Zanriah kan ei chu ka chaw ei a tui ngei mai, a bawp lian tak tak chu min pe zela, kan pathum te chauh kan ni bawk nen kan tlai viau mai, fa an nei nangin hmun dangah pasal nei in an awm bo veka, chuvanga keipawh in luah lo a an ina min awm tir an ni bawk, ka nu leh pa tak tak ang maiin min duat bawk nen keipawhin nuam ka ti.









Thleng sil zawh hnu lawkah Valpuia te ho chu an rawn langa, u Sangpuia ka hmuh ve avang chuan ka thaw huai mai. Midang zan danga rawn leng ngailo pawh an rawn lang ve nawlha, thingpuite chu thlit kualin ka che vat vata, an zingah chuan thu in kan titi ho a, kan nui leh dar dar thin.







Ka number min dil avang chuan ka pe leh riha, nula nihchuan induh chiam chi a nilo bawk nen mawi leh mawi lo dawn angai bawk nen an vai chuan an save hlawma, a khat tawk chuan u Sangpuia chu ka melh leh thina, a ngai te bawkin a tawng tam leh lo viau mai. A khat tawkin a tawng ve tih loh chu a ngawi ngur mai.








Zai ho an tih leh takah chuan midang chu haw in awm rih tura tih pawhin an mut a chhuah tawh thu sawiin an haw diaka, Valpuia te ho leh u Sangpuia te nen chiah chuan kan awma, “Kimbawih kha waiwai zu lei ula, hla sak paha ei turin" ka tihchuan phur takin Rengpuia nen chuan an chhuak zuia.







“Tiru pawnah sawn va zai leh ila, inchhungah chuan a inthlahrun awm hman zan ang kha chuan au tawh lo ang u" ka tihchuan an nui hak hlawma.







“Ho lutuk, an lung ti leng vawng vawng tura zai tur, ngaihthlak nuam an ti hlawm phian a nia" an tihchuan awih vak lo in ka ena “A nia lawm, hman atangin kan tih than a nia, tupawhin ngaiah an neih tawh. Mi kan va tibuai a nilo a, kan lung aleng a ni ve maia" an tihchuan engmah ka sawi tawh lem lo.







Pawn thutthlengah chuan thu hlawmin u Sangpuia bulah chuan ka thu a, midang an zai laiin a ni chu a lo thu ngawi renga. Hepa mizia hi a mak thlawt, pian tirh atanga tawng hlau a ang ka timai, tinge heti em em a a cool mai le, ka la hriat ngei angai a ni. Kei mi thawveng chi ka ni bawk nen kan mizia chu a in ang lo hulhual; mahse a pawi ka tilo.








Hetia a rawn leng pawh hi ka lawm lutuk tho tho, “Ka ning, in duhzawng chiah kha sa thin suh u" Samuela chuan a rawn ti hluka, Valpuia leh Rinsanga chuan an nuih nghal vur vura “A nih leh bialnu hmu zo velo hla sa ila" a ri nghal awk mai, Samuela pawh chu an va ti duh dah tak.






An fiam apiangin bialnu nei lo an ti ziah lehnghal, a hmel a tha a a hmuhzawh dawn tehlul nen keipawhin engvanga bialnu nei ngai miah lo nge a nih ka hre chak, “Hmeichhe duhtak chu ka nei ve tho, a ni chu ka nghak bawk ang" a tihchuan kan lo nuih var vara, tu tak duh ang maw?






“Nuamlo i ti em?" u Sangpuia chu ka zawta, a lu a thing nur nur ringawt “I Chakai hawn chu in ei tui em?" a tihchuan ka lo aw vata “Samuela nen in chungah ka lawm tak tak, in la then ve duh bawk silo a kan la dah thena, nu Chhingi te pawh an lawm viau a nia" ka tihchuan a bu nghat nghata.








Rengpuia te an rawn thlen takah chuan keichu waiwai chhum turin inchhung lamah chuan ka lut a, u Sangpuia chuan min rawn zui bawk. Midang te erawh pawnah Lallianmawia hla sa in an zai thung, u Sangpuia nen chuan waiwai chu vilin keiin ka biak mawlh mawlh laiin a ni erawhin a rul tawk te te in min chhang thunga.








A mizia ka hre chiang zela, tawng tam vak lo mahse a ngaihla tawka awm a thiama, hmeichhia ten an duh chi tak, tawng tam lo, pa hrak mai leh rintlak an tih thin ang ngei kha a ni. Ka chhuah hauh loang.




A CHANGTUNU HI TI DIM DEM MI A NI DAWN LO AW, MIZE KAWLHRAWNG LEH NGEIAWM VE DEUH ANG TUR CHI KHATUN TUM KA STORY CHU DANGLAM DEUH HLEK KA DUHA

[mawitei bawihtlung]

KA HMANGAIH THINGTLANGPA






CHAPTER 4





Waiwai chu chhumin hmarcha chu ka telh bawka, bahkhawr kawmchhaka mi chu u Sangpuia nen la in kan thlak bawka, chutia kan pahniha chet dun chu amah tawng tam lo viau mahse ka tan chuan a nuamin ka hlim lutuk tho, mi tawng tam deuh fiamthu duh deuh bula ka awm ai pawhin ka hlim zawk, khawvela hmun nuam ber chu kan duhtak leh hmangaih tak te bula awm hi an lo tih fo kha a dik hle in ka hria.








“Ka lawm e aw, lo leng ve ziah tawh rawh; chuan min puihna avang pawh hian ka lawm e" tiin ka nuih sen sena, a rawn nui ve suk mai. Miin a nelawm loh a sual an tih fo chhan hi ka ngaihtuaha, a tawng tlem vang hi a ni berin ka hria, mihring hian mize hran theuh kan neia, a then fiamthu duh tak, thenkhat tawng thei deuh te. Tawng tlem deuh te chenin, thenkhat ngawi renga hlei deuh pawh an awm ve bawk.






Chuvang chuan kan mizia theuh hi in hriatthiam sakin in en liam mai ila, tumah hian in sawiselna tur kan neih ka ringlo. Mi an tawngtam loh avang maiin sual hmel kan ti ngawt zel te hi a dik lo ka ti, mi kara ri phawng phawng fiamthu duhtak te hi an rilru a chhe ru phian theia, mi tawngtam lo tak te hi mi rilru tha tak an lo ni ru reng thei bawk.







Mi a enga mah hma a kan thiante huat an nih avangte, kan mi ngaihsan zawngin an huat avanga lo huat ve ngawt te hi a thing ka ti. Mizo hian kan ching hle bawk, thu lehlam hre hmasa hauh lova midang lo huat ve ngawt te hi a ringtu zia miahlo, misual tak anga kan ngaih te pawh hi mi fel tak kan tana mi tha tak an lo ni reng thei.







Tu lakah mah hian rilru chhia pu nghal ngawt thin lo hian in belhchian ve phawt hi a tha in ka hria, tun angah social media kan hmang nasa a, thingtlang leh khawpui in er na na zet chenin ka hmu in ka hre ve, mi pakhat fak duh avanga midang sawisel kher hi a thalo ka tih ber a ni bawk, thingtlang nula ah pawh hnathawk taima tak tak an awma, mahse an intilar ve vek kher lo, kan hmeltha tihzawng an nih avanga thingtlang nula dang hnathawk ngailo anga chhuah te, khawpui nula awm awl han tih nghal ngawt te hi a tha ka tilo thin.







Hei hian khawpui nula te leh thingtlang nula buaina a tel miah lo tur pawh in hmelmak na a thlen ve fo mai, thingtlang nula lo nei chin chuan hna an thawk vek, mahse YouTube leh fb velah an hnathawh an live ve kher lo, khawpui nula ah pawh hna tha tak tak thawk leh hnathawh hreh miah loh an awm bawk, mipa ho in a kan hmeltha tih zawng kan fak duh avanga hmeichhe rilru hruaisual thei zawnga kan post kher zel hi a pawi berin ka hria.







Kan awmna hmun a zirin a tu a te pawh hian kan in siam rem mai a ni zawk. “Le, a ei theih ta e" tiin thlengkumah chuan suakin fian nen chuan kan keng chhuaka; chuveleh an zai chawlhsanin guitar chu an dah riha, an hawp nghal char char mai. U Sangpuia nen chuan a hranah eiin sprite nen chuan kan hmeha, kan in nuih leh thin, a tawng tam lo nan a chetzia hi hmeichhe tan chuan a ngaihawm ngawih ngawih thung.








“Lalnunkim khek ve rawh, i heh lutuk" Valpuia phun hluk hluk kan hriat rualin pakhat zawk lahin “Ala tam em hi, belah pawh a la awm teuh, i uikawm lutuk ka ril a tam a lawm" a lo ti ve bawk, an va han hahthlak thin tak.







“Ni e, a la tam a nia. In hnial suh u, kha hei suah belh rawh u" tiin an lamah chuan bel chu ka dah hnaia, ngawi rengin an panga chuan an hawp leh nghal zata. Ei chu thei tak an ni, u Sangpuia erawhin a ei tam lem lo, a thak a ti deuh nge sprite chu a in zawm reng mai, nuih deuh hakin ka ei zawm mawlh mawlha, waiwai hi chu ka kham thei thlawtlo.








Kan ei zawh chuan sil in an ni ho erawh an la zai thunga, u Sangpuia pawh tun tum chu a zai ve rut rut mai, rinai in zai lah chu a thiam zek lehnghal. A aw fawn nen chuan a zai thiam lutuk tlat, thleng chu rem tha mawlh mawlhin an bulah chuan ka va thu leha, Samuela erawh a lo haw tawh a nih hmel, engmah sawiloa a haw chu mak ka ti deuh viau mai.








U Sangpuia bulah chuan thu in ka zai ve rat rata, Cfla hla “Suihlung ti lengzual mai maw i anka, dar ang tawn leh ni awm ang maw? chhim tuipui lian i kai thlengin, a cham reng thin ka thinlaiah" tichuan zai thap thapin kan in sawi dial diala.






“Zai ho hi a lo nuam ber a nih hi, rilru hah chang pawh hian han zai vak ila kan zang hawk zel a nia, thiam loh pawhin han zai vak vak ila, thaw a veng hawk zel an tihkha a dik ang, Nunui lo awm chu kan thian ho tan chuan vanneihna a ni ringawt alawm, khawpui nula chhelo zetin keini ang min kawm duh te hi a lawmawm a nia" an tihchuan ka lo nui sen sena.







“Kei deuh hi a nia lawm chu, nangni awm lo ula chu ka khua a har viau ang, lo leng reng rawh u. Kawm tur dang pawh ka neih loh hi, in awm avang hian nuam ka ti teh a nia" tiin ka lo sawi ve a, titi in kan nui ho dar dar mai.





“Naktuk chu race en ila, hmalaiah a ni dawn lehnghal ilo kal ve duh em? U Sangpuia hi a chak leh dawn chiang" an tihchuan u Sangpuia chu ka en vata, min en lo in hmalam ngawt chu a lo ena, zial a zu khu laih laih bawk nen ka thaw hak mai.







“Accident palh a hlauhawm a sin, zan ah lehnghal" tiin ka lo sawia, “A ho lutuk, an ti thanga ngaiah an neih tawh. An in chawi ziah a lawm, ilo kal ve duh chuan kan phur ve ang che" Valpuian a rawn tihchuan “A ngailo" u Sangpuia chuan a lo ti hluka, kan en thap mai “Hmeichhe kal a ngailo, a hlauhawm lutuk. Bakah miin an ngai dik lo palh ang che, inah lo awm mai mai rawh" a rawn tihzawma, chhan dan tur pawh ka hrelo.








“Aaa... a bulah kan awm dawn a lawm" an lo tih pawh chuan a phal tlat lo “Miin an hriat hunah an sawi leh dawna, nuam lo a ti ang. Sawi hmuh suh u, tin, a tlai tawh haw tawh ang u" a tizuia, a thusawi awmzia ka hriat takah chuan keipawhin kal luih chu ka tum bik lo, Valpuia te chu phun nang nang chungin haw tur chuan an kal chhuak zuia.








“Fimkhur rawh aw, sawi theih phei chu ka neilo nangin in veng fimkhur ang che, tunlaiah accident a tam si. Ka ngaihtuah teh mai che a nia" tiin ka rilru dik tak chu ka sawi leh phawng phawng tawh mai, then sakin alamah chuan min pawt hnaiin “Ka bialnu i ni tawh a lawm, chuan i thusawi chu ka lo hre reng ang, reilote sawlaiah sawn awm lawk ang hmiang" tiin thimkarah chuan min pawt luta.








“Ka nundan i hria in ka ring ang, ka sawi tawh ang khan. Ka nihna ang anga min pawm dawn lo anihchuan tunah hian min kalsan la ka duh" a tihchuan ka en chho ha a, a hmel chu eng thlarah ka hmu rei ruai chauh a ni, a awmah chuan ka beia, keichuan ka thu sawhsawn ka tumlo, hepa hnaih ka chak tlat chhan hi ka hrethiam biklo.







“A pawi ka tilo, miin an sawidan che ka ngai pawimawh lo" ka tihzawh rual chuan duhthawh zetin min fawp zui tawn tawna, ka lo chhang let ve vat bawk, ka hlim lutuk tlat. A kawngah chuan kuahin ka mit ka chhing chiala, hepa hian zawlaidi min tat nge pawh ka hrelo, heti em em a a zûna ka uai mai hi mak pawh ka inti.







Miin an ngaihzawng te chungchang an sawi khan ka lo ngai ho lam viau zela, mahse ka duhzawng tak ka tawn meuh chuan ka insum thei ta bik lo va, thinlung leh rilru zawng zawng pe in ka hnaih ta reng chu a nih hi, thinlung pawh hian in nghahna tur dik tak a lo hre fuh chat thei te hi siamtu ropuizia tilang tu a niin ka hria.









Kan duh viau emaw ti a kan lo ngaihpawimawh ve em em thin te ti tlawm rawk thei turin thinlungin a milpui tur a tawn meuh chuan kan danglam rawk rawk mai chu a nih hi.






Kan inthlah rual chuan thawk la dun ham hamin kan chal leh chal chu kan insik tira, a taksa lum thur thur ka nghen chuan ka thlamuang hliah hliah mai, “Ka kal phawt ange, i mangah min lo hmu dawn a nia" a tihchuan ka bu nghata, mahse ka ui ngawih ngawih mai nia, a hmeichhia zawk ka niin insum ka tum viau nan mahse ka thei ngang lo, hepa hi ka tan a ka talbuaina tur khawp a ni tih ka hailo.








A kal tur chu ka en zui renga, a kal liam mai dawn emaw ka tihlaiin a rawn let leh thuta, a tawp nan ti ni awm hrim hian min rawn fawp leh chawta, keipawh chuan ka lo kuah nghal chat bawk.“Ka kalsan thei dawn lo che niin ka hria, anih muttui aw, naktuk zan chu lo kal hauh suh ka tihkha" tiin min thlaha.









“Aw le, a nih zan dangah i lo leng leh ang tiraw?" ka tihchuan a rawn len tur thu a min chhangin a kal liam zuia, keipawh chu guitar la chuan in chhung lamah ka lut zuia, guitar chu dah tha in ka zung leh te te a.Ka roomah chuan ka lut ta chauh va, ka phone ka en chuan message thar a lo awma.








Tunge tih ka hre mai hauh lo, a dp lah chu ka hmu thei bawk silo. “I mu tawh em?" tih te mai hi a lo nia, u Sangpuia ti dawn ila a nih ka ring chiahlo, ka phone number tak ngial pawh a la nei in ka ringlo.







“Mu dawn chiah tunge aw?" ka tihchuan tum hmuk emoji chu a rawn daha, min rawn chhan danah ka hmelhriat tha tak a nih ka ring ve ringawta “Min hrelo amaw?" a rawn tihchuan “Aw hre miahlo" tichuan ka lo chhang leha, ka hre lo tak tak min rawn biak danah chuan min hre chiang tak a nih ka ring ve ringawt.








“Mawli Samuela" a rawn tih takah chuan ka nui haka “Aw, tinge i haw daiha?" tiin ka zawta, a seen nghal zel theih danah ka message chang char char te pawh a ang dawn dawn mai “Ka awm peih tawh lo tihna a nihkha, kan mimawl hi teh an haw na a rei tawh em?" a rawn tihleh chuan ka ner nanga, a mi chhan dan chu mak ka ti.







“La rei vaklo, awm tlang ve mai tur che ania, thil pawh i ei velo lehnghal" tichuan chhang lehin ka thawn zuia “Aaa ka duh lo. Bakah ka chau deuh a, naktuk main chu kal i tum em?" a tihchuan a thil min zawh chu ka hre nghal mai bawk, ka kal loh tur thu a ka chhan rual chuan a rawn len tur thu chu a sawi ve nghala.








“Ka number hi lo save rawh, i changtupa nen teh chuan hun in hmang nuam maw?" a rawn tihchuan u Sangpuia nen kan awmdan chu ka ngaihtuah chhuak zawka “I ho, Valpuia te an awm ve reng a lawm, i haw daih kha ka lawm vak lo a nia" ka tihchuan nui vak chu a rawn daha.








“Lawm rawh, chance ka pe cheu a nihkha. Tak takin ka pi a nuam lo bawk nen ka haw a nihkha, naktuk zanah ka rawn kawm dawn che a nia, i thianpa hi hrethiam hram mai rawh" a tihchuan ka nui ve ta var vara, an thian ho ah chuan kawm nuam ka ti ta ber mai. Tawng tamin au ve pung pung lo mahse a kawm a nuam ka tihchi tak a ni.









Ka mut a chhuah takah chuan in mangtha in ka mu zuia, mahse ka muhil leh mai theilo. Mitthlaah chuan u Sangpuia nen kan awmdan ringawt kha a langa, ka muhil thei thlawt lo. A chang leh ka nui leh vur vur thin, hetiang khawpa min tihlimtu mipa hi ka la tawnglo, au vak mai ta chu ka chaka, ka ke tang chu ka tawm leh vak thin.








A chet dan nen zawng zawng khan a pa hliah hliah hian ka hria, ka nun atihlim viau bawk. Thawk la ham hamin mutthilh ka tuma, mahse min fawh dan bawk ka ngaihtuah leh thin vang chuan ka muhil thei mailo “Nuntluangpui i lerh lutuk" ka in ti leh ngawt thin, ka hlimna chhar thar chuan min ti mu tha thei meuh lo.








A tawpah chuan ka muhil ve thei hrama, zingah lah thawh ka la hai zui; mahsela Sunday a ni bawk nen a vanneihthlak. Rawngbawl chu puiin ka vir ve zak zaka, thingtlanga awm chuan thawh tur a lo tam zual bikin ka hria, vawk chaw chu pe turin ka intisiam ve ngeia, a in pana ka chhuk chu tawlh thlu in ka ti baw vek mai.






Nu Chhingi min hauh ka hlau bawk si, sawi loh theih ni hek lo. Phur lo zet chuan inah chuan letin ka tawlhthluk thu ka hrilh chuan an lawm lo dawn emaw tihlaiin an rawn nui vak vaka, an nupa chuan ka en tawn reng ringawt.








“Keimahin ka zuk pe ange, inah hian lo awm mai mai rawh. I pek than hunah i la hrethiam ve zel mai ang, kalkawng kha a nal deuh sia kal thang tan lo chuan kal a har a lawm" tiin nu Chhingi chuan vawk chaw chu siam leh in a chhuak zuia, ka zak lutuk chu ka lei ka chhuah vak ringawt. Engmah hi ka zei thlawt lo a nih hi, a rawngbawl sa chu ka lo vil ta tawpa.









Chaw eikhama inkhawm tura ka insiam lai chuan Valpuia te ho pawh an rawn kal thap thapa “In awm maw? Nunui teh a hman tawh em? Kan lo sawm a nia" an tihchuan ka room ata chu chhuakin ka pan vata “Uai i va mawi ve, angel ang mai i ni. Hmeltha kalpui chu inkhawm a nuam sawt dawn a nih hi" tiin an nui dar dara, nui ve sak chung chuan kan inzui chhuak hlawma.








Kalkawngah chuan an infiam leh nasa tawh mai, Biak in chhung kan luh hnuah chuan kal hrangin hmeichhe thutna lamah chuan ka thu a, Rengpuia hla la hmasa fal thei lutuk erawh thenkhat an nui leh hak thin. Mi hla chang lak hma fe a a lo la thin lah a hriat ropui bawk nen keipawh chu nui lo turin ka insum nasa viau, a thianten an hau leh nasa dawn mange.





ZAWM LEH TUR, YOUTUBE LAM DAH TUR BUAIPUI NEN KA HUN IN A DAIH NGANGLO.

[mawitei bawihtlung]

KA HMANGAIH THINGTLANGPA







CHAPTER 5







“Sam, u Sangpuia te chu an tha angem le? Min rawn be bawk silo, tinge intlansiak kher kher pawh chu a duh tlat le. Valpuia te kha be teh" tiin Samuela chu ka ena, a energy drink ken chu in phawtin a thaw hawka “Ninawm, rawn rim ve em em che a bialpa te chungchang ringawt sawi mai, keimah hi min ngaihsak rawh. I rawn awm hma pawhin a tlan ngun lutuk, tun thlengin a la tlan peih danah a la dam a nih saw" a tih hluk hluk chuan mak ti lutukin ka ena.








A hmel lah chu a tum bur mai bawk si “Eng nge i hriata?" tiin ka beng zawta “Eng mah ka hrelo, enge i hriat zawk? Tlangval angin ka rim che, bialpa a de de dei, a tu tu tut tireng mai. Ngawi hle hle khan awm rawh, min rawn be tawh miah suh games ka khelhsan dawn che" tihlukin a phone chu a en daiha, a thusawi chu mak ka ti deuh deuh, mahse biak ngam pawh a ni tawhlo.






A phone a phawrhte chu a ti deuh sawk sawk mai, hepa hi engvangin nge a thinrim vak le. A game khelh ka en chu mobile legends a khel chu niin, a hmehna te chu an hmet na em em khawpa, a phone hmai chu a ri kauh kauh thei hial mai, a hmelma te lah chu a kill char chara. A tak takah awm phei se an sawm vek thei hial ang.









“Hey Sam, tum bur lo la kha i enemy te kha dim ve rawh, phone khan i eng pawi mah a sawilo" ka va ti dek dek chu “Lo ngawi rawh, Vexana an revamp hma kha i an an nen, bialpa bialpa tireng mai" tihlukin min hnungchhawn hmaka, tih dan tur pawh ka hre tawh lo ka en reng ringawt.








“Thui thui thui, nub lutuk" tiin a vin leh hluka, ka ning lutuk tihngaihna hre silo chuan a tuk khumah chuan ka bensak pawpa, a bu lawp mai. Ka in thiam lo leh deuh, min rawn khawih dawn emaw tiin thinphu dep depa ka lo en lai chuan a rawn inhera, min hnek tawp dawn emaw tihlaiin ka biangah a rawn pawt vak a nihchu, min la thing nawk nawk zui.








“I nghal riau mai, mi thinrim laiin khatiang khan lo ti tawh suh, ka sual hrep mai tur che a sin" tiin min kuah thuka, ka thaw huai mai “Min tihlauthawng a lawm, thinrim tawh reng reng suh.Helaiah chuan ka thiantha ber anga ka en te in nia, in thinrim chuan a nuam lo" ka tihchuan a nui suk suka, a that hi chu a hmeltha mawle, ka thiante la tih pui ila a tha ang.









“Aw le, mahse nang pawhin i bialpa ringawt ngaih ven suh, a tih than ania. A chak leh ngei bawk ang, naktuk zanah a chak lawm nan ar kan lo rawt rawh" a tihchuan ka nui ta hak haka, “Aw le, ka lo bia ang. Keimah pawhin ka thawh anga, nang niin in tur in lei ang" ka tihchuan a bu nghata, a ngawi leh vang vang tawh mai.







Valpuia te ho angin tawng bawrh bawrh hi a nei khata, hei vang hian a niang an khaw nula ten Mr cool an tih thin ni, amah hi a mitmeng hi a cool ruiha, sawifiah dawn chuan mitmeng zawi kan tih ang chi hi; mahse chu chu a inhmeh pui phiana, a nui khat hle a. A tawng tam lo bawk, u Sangpuia nen an in anna pakhat a niin ka hria, thiam thil a ngah zia an sawi ka hre tawha.







Guitar, keyboard tih vel chu a hnehsawh hle bawk. Chu pawh mi sawi atanga ka hriat vek tho, “Hmeichhe duh deuh ka neia" kan ngawih vang vang hnua a rawn tihchuan ka en ha a, “Ka hmuh tirh atangin ka duha, mahse" tiin akiai saka “I hrilh em?" a ni meuhin duh a neih chu ka hre chak riau mai, a thusawi zawh pawh nghak theilo chuan ka lo zawta.








A lu a thing nghal nu nu mai “Midang duh a neia, ka hrilh chuan an inkar tichhe tu ah min ngai ang, chuvang chuan hetia awm tawp hi ka duh, a hlimlai ka hmuh chuan ka duh tawk mai" tiin a then saka, ka lo en reng thung. A thusawi chu a timai mai lo tih a hriat “I hmeltha a, i fel bawka hrilh la a lo duh ve mai thei che a sin" ka lo tihleh chuan ka sam chu a rawn tuai thur chiama.









“Ngai lo mai rawh se, a bialpa chu a duh lutuk hmun ka chang lo, sawi tawh lovang ka sawi peih leh tawhlo" a tihchuan ka ner nanga, hepa hi chu a thawveng lutuk hi a mak zawk, ka kut ka phar chuan a mit a rawn san uka “Ka lo kuah ang che" ka tihchuan a rawn nui hawk mai.







“A tullo" a tihchuan ka kuah lui tho a, “Ka thian inia, i harsatna min hrilh zel rawh. Mipa leh hmeichhia nih avang ngawtin thian kan ni theilo tihna pawh a nilo, keipawhin ka thuruk ka hrilh zel che a, min hrilh ve zel rawh. Ka hnem theihna che a nihchuan ka hnem zel ang che" tiin a hnungah chuan ka bensak thek theka.








Nui hakin nghet zet chuan min rawn kuaha, ka nghawnga hmai a rawn phum chuan ka phu deuh zawk lehnghal. Mahse ka haw duh lem lo, “I sawi dik e thian kan ni" tiin a awmsawn zuia, ka nuih hak hak mai.







“Thiantha chu kan inphatsan ngai lo vang" tiin a kutah chuan ka vawn saka, a rawn hawi chhuaka “A tha a lawm, ka haw phawt ange mu tawh rawh. In ngaihtuah vak vak lo la, i chau ange" tiin a tho chhuaka, ka zui ve nghal zata.








“A nih muttui aw" tiin ka kut chu ka vaia, a kut tang pahnih chu rawn ti che in a kal liam nghal nal nal mai.






Rooma ka luh hnuah u Sangpuia text in ka mu thla hnaka, a one tick avang chuan ala buai anih ka ring.







Samuelan status a rawn neih avang chuan ka view vata, Young fella hla thar ’I hmangaitu' tihchu a chang a duh lai zawng a rawn status a
“Mahse a riang lanu i ni silo, a nei vala chuh leh duh lai ini, theih se a nei vala neih ang kha neih ve ka chak, i duhzawng engpawh leisaktu che kha." tih te mai chu, a hmeichhe duh chu hria ila hetiang khawpa duhtu a neih thu hrilhin ka biak sak ngei ang mawle.








Chu pa chu a hausa viau pawh a ni theia, a tluk lo anga a ngai chu dik ka tilo, ani pawh star tu a nei teuha, in dah hniam lutuk tur a nilo mawle.






“Hrilh mai la Sam, hausakna hi hmeichhiate duh ber a ni biklo ania" tiin ka va bia a, hetianga a duh zia a thup reng chuan amah a na mai mai dawn a sin le “A nih, chu hmeichhia chuan a mipa a duhzia hre ta la, i va tibuai phet ang maw? Mipa ni ta la i thei angem? A duhzia leh a chanchin a ngaihven zia hre reng chungin a tan engmah nilo zawk i ni tih hria la, i la bem duh tho vang maw" a rawn tih let tak ah chuan chhan dan mai tur ka hrelo.








A sawi dik tho bawk si “Mahse...." ka tileh chu “Mu rawh, engtikah emaw chuan ka hmeichhe duh chu ka la hrilh ang che, in pa pawh a chak leh tawh kha. Ar chu lei ngei ngei rawh u" a tihchuan ka nui hak ringawt, u Sangpuia a chak tih hriatna chuan min ti hlim em em ringawt.







Samuela sawi ang chiahin u Sangpuia pawhin min rawn chhang chiaha “In ka thleng chiaha, i mu tawh em?" tih te mai chu, rang zet chuan ka chhanga, “Naktuk zan chu i chak lawm nan ar kang ho ila; chuan keipawhin ka thawh ve bawk anga" ka tihchuan a rawn call zuia, lai zet chuan ka la a, tleirawl bialpa nei thar ang mai hi ka ni in ka inhria.








“I mut a chhuak tawh em?" a rawn tihchuan la chhuah loh thu chuan ka chhanga “Ka lo nghak che a, i haw hma a mut kha ka duh bik lova, chuan maw u Sangpui naktuk zan chu enge i ngaihdan, Valpuia te ho nen ei khawm ila" ka tih leh takah chuan a rawn aw ve mai bawka, thian ho a thil tih nawmzia hrechiang tu ka ni bawka, ka phur viau mai.









Helaiah chuan hmeichhia ka kawm vak lo nen, Valpuia te ho hi ka tan chuan an hlu viau bawk. Bakah an ni ka kawm avangin thilsual kan ti dawn a ni hek lova, chuvang chuan ka zak duh lem lo.






U Sangpuia nen chuan reife kan in bia a, ka hlim leh em em tawh mai. Thu chu a sawi tam lo, mahse amah ka be thei hrim hrim hian ka hlimna chu a siam reng tawh zawk, ka duh tak tak tih ka chianga. A thusawi tawite pawhin min tinui leh thin, hepa hian zûn a ngah takzet, engtin nge min duh ve mai theih tih hi ka hre bik lo.









Duha pa titu tam tak an awm tih ka hria, mahse tunah chuan ka ta a ni tawh miau si a, in tih theihna chen ka neilo theilo, he khua a tlangval fel ber ber an tih ho ka kawm thei ringawt pawh hi ka lawm, hei vang hian khaw nula thenkhat hian min rel nasa hle tih pawh ka hria, mahse engah mah ka ngai duh lo thung, an duh chuan min lo sawisel ve mai mai rawh se.







Ka tan chuan ka nunah hian tu sawiselna mah ngaihven hman ka nilo, mi min sawiselna kan ngaihpawimawh lutukna lamah keimah ni nun kan tichhe mai mai zawk a ni, chuvang chuan tu mah hi va ngaihven lo ila kan bul hnaia awm te erawh kan tan an hlu hle thung, ka mipa kawm avanga min lo haw duh a nihchuan min lo haw ve mai rawh se.








Rei meng tawh lovin ka mu zui thuaia, naktuk lamah Valpuia te ho ar lei tur zawn tir sa an ngai ngei ang le. Keilahin an zawrhna ka la hre der bawk silo.




A tuk lamah Samuela te inah ka kala, a ni pawh a pi leh pu nen an chenga, a nu leh pa in accident avangin an thihsan tih ka hria a, ka lainat viau bawk. Amah hi lehkhathiam thei tak a ni a, BA a zo tawha, a chawl rih a nih hmel, sawrkar hna zawng se a hmu in ka ring, mahse amah lah hian a tum loh hmel nasa mai sia.









“Pi, Sama hi a la mu em ni le?" ka tihchuan “A nihkha, va kai tho rawh. Tlangval hi chu thawh hi an hlau khawpa, an thawh hma hian an thi dawn emaw an in ti a nih ber hi" a tihchuan nui hak hakin Samuela room lam chu ka pana, ka luh chuan a lo in khuh hlun mai.







“Samuel tho rawh, dar 7 a ri tawh a nia, tlangval a pumpa i mu rei lutuk tho vat teh" tiin ka sawi nawk nawka, a rawn in khuh tha leh ngat anihchu. “Hey tho vat teh, ar leina tur chu ka rawn keng a nia,nang ni lo zawng ula school kal ka ngai bawk si" ka tihchuan peih loh hmel zet chuan min rawn ena, ka lo en kar avang chuan in let thukin a rawn thu chhuaka.








“Ninawm, nang te hi i hnawksak ta riau mai, tlangvalin mut ka duh a nimai. Mipa roomah te rawn lut de de suh" a hnungah chuan ka bensak nghal thlawp mai “Kha hei hi, ka haw nghal dawn a nia" tiin khum bul dawhkanah chuan pawisa chu dahin ka chhuahsan zuia.


SAMUELA AW

ZAWMNA...





Zan lamah chuan rin ang ngeiin hma fe ah an rawn kala, ar an rawn pawm thap mai. “Kan thawh belh ve a nih hi, tui chu i lo chhuang em?" Kimbawihan a rawn tihchuan ka lo bu nghat nghata.






“A nihchuan puah vat ang u, chet hmanhmawh angai ania" an tihchuan chawhtawlh vel chu la in an bulah chuan ka chhawp saka, ar chu a nghawngah satin an puah zuia, an bulah thawnthu ngaithla in ka lo pui ve bawk.







“Ninawm ti tawp teh, khatiang mipa sawi tur hre deuh kha play sek a ngailo" Samuela chuan a rawn ti a, ka lo ner nang mai. Hepa hi chuh mi a khap reng mai “Eng nge, tiang bialpa hi ka awh mahnak alai" ka tihchuan a thaw hrawka “I awh viau chuan ig leh fb khawih peih deuh mipa hi ngaizawng rawh, khatiang tawng thei i duh chuan fb ah hian an tam ber, engpawh post la an rawn sawisel char char mai ang" a tihchuan ka nui haka.








A thusawi chu a dik ka ti bawk si, ni e tunlai ah chuan mipa te zawk hian hmeichhe ai an awh tawh emaw tih turin ig leh facebook ah mi pic post, mi thu post hi an pawisawi pawh ni miahlo hian han sawisel reng thei a mawle. A ni tak tak, fb te hi ka luh chang apiangin comment en ila mipa hian mi hi a chhe zawngin an lo sawisel char char peih nia, fakna thu chhak chhuak chu tlem te tak tak, hmeichhia zawk an ngawia mipa comment tawngkam chhe tak tak a tlep thla tuar thin thung.









“Chutiang em em chu ka duh bik lo a lawm, u Sangpuia hi ava rawn kal har em em" tiin thudangah chuan ka pakai ta daiha “In pa te chu a in la puitling tawha, a nuam chinah chiah a rawn lang leh mai ang,lo en reng rawh.Ar puah zawh velah a rawn lang mai ang" Rengpuian a lo ti ve bawk, an va han tawng thei tak.










“Ngawi mai mai teh u, a chak lawm duhtu zawk in nihkha, broiler te chu a hmin hma a lawm, saw a lo thleng" tiin u Sangpuia lamah chuan ka phei vata, a ni pawhin min hmuh rual chuan a lo nui sak mai, Jumper dum a rawn ha a, a lukhum chu a khum ngei bawk, Cargo dum a rawn ha bawka, a va han pa chiang tak.









“I lo kal chu a lawmawm e, kha in nu khan a ngai tawh che a nihkha," Valpuia chuan lo tiin an nui dar dara “Min ngai lovang tih hi a lawm ka hlauh ni, khawi maw ka lo pui ve ang che u" tiin a thu thla a, a pawh pui ve nghal sawk sawk mai. Pahnih lai kan talh bawk nen kan ei seng pawhin ka ringlo, naktuk lamah ei leh a ngai leh ngei ang.








Puah zo thuaiin keiin a kanna tur ka lo buatsaiha, nu Chhingin min pui bawk. Mipa ho erawh pawnah an lo zai thung “Sangpuia nen hian in in hnim hnai riaua ka hriat chu" nu Chhingin a rawn tihchuan ka melh zawka “Nu a fel riau a sin, mi hian a thalo an ti mai maia, mahse tumahin a thatlohna sawi tur an hre tak tak miah lo, a racing hrat hi an sawi peih ve na mai mai niin ka hria, ka chungah an fel hlawm lutuk a sin" ka tihchuan engmah a sawi belh tawh lem lo.








Arsa chu a hmin rualin pawn lamah kan keng chhuaka, no ah kan coke lei vel nen chuan thli in kan eia, a tui lutuk tlat, tualah meipui chhepin kan hual thapa, nu Chhingi erawh tlem eiin a mu lut leh daih thung, mipa hlir ka kawm bawk nen thenkhat chuan min ngai dik lo viau dawn tih ka hria, mahse Pathianin engkim a hria a ka pawi ti lem lo.







“U Sangpui ei teuh rawh aw, i pual ania tlemte te kha i ei ange" tiin ar bawp chu ka pe a, “Ni e ei teuh rawh, kha in tur pawh a la tam a nia" Kimbawiha te pawh chuan lo ti ve bawkin an thlit belh sauh sauha, rin ai kan ei thei hlawm zek. Kei ngei pawh chaw ei puar viau mah ila ka ei hnem lutuk tlat.






“KTP meet kan dawng dawna, kar leh lam chu in puahchah a ngai a, hnatlang an koh kha aw. Samuela chu a luck leh chur chur viau ang" an tihchuan kan en thapa “Timaw?" ka lo tih hu chuan “A ho mai mai" Samuela lah chuan a lo ti tawi tuk mai, hepa hi chu a chungchang sawi vak te hi a duh miahlo, mi mak tak chu a ni ve in ka hria.








“Fellowship naah nula te mit la tu ber a ni leh dawn chiang sa, a hun a rawn thleng anga i hre mai ang" tiin an nui dar dara “Nikuma mite kha an lo kal leh chuan kan zui leh dawn ania, hmeichhe hmeltha lutuk kha chhuah an uihawm" tiin an sawi zui nak naka, u Sangpuia nen erawh kan lo ngaithla ve reng ringawt.








“U Sangpui i tel ve ang tiraw, infiamna te in nei thin a ni lawm ni" nu Chhingin min lo hrilh tawh avangin ka zawta “Nei chiang e, inrinniah nang pawh item i thiam zawng a awm chuan tel tir ngei ngei i ngai, KTP hruaitute kan lo bia ang, inthlahrung deuha awm te kha i tum ange he khaw mi ang chiahin awm ve bawrh bawrh rawh" an tihchuan ka lo nui ringawta.







“Tlangval in an rim ngei dawn che a nihkha, u Sangpuia chu a hlauthawng awm" tiin an nui zui leh dar dara, an uang thei bawk sia. “Mipa dang rim ka phal teuhlo" u Sangpuian a lo tihchuan kut an beng vak vak mai, an puar tawh thu an sawi avang chuan kan thil eina vel chu inchhung lamah dah tha in ka chhuak zui leh thuaia.







Kan zai leh thap thap tawh mai, zanin chu u Sangpuia pawh a zai tui ve rut rut viaua, Samuela erawh games a lo khel leh tawh, mize hran hlak hi a neia. A thiante pawh hian an tibuai duh em em miah lo bawk, KTP meet a hnai tawh tih an sawi chu ka ngaihtuah zui mai maia, ka thiante ka ngai ve riau mai.







Kan phur theih zia te kha, la in be reng mah ila khaw hmuna awm ta lo na na na chu ngaihtuahnaah an rawn thara, lung a leng lo theilo. High school atanga tun hun thleng khan hun ngaihawm tak vek niin ka hria, thianhoa class a bengchheng taka awm lai te, school ban apianga len pah te kha nuam kan ti thin hle a nihkha, tunah erawh hmun hrang hrangah a then ramdangah, a then an khaw lamah pasal neiin an awm bawka, then khat hla hna a vangin hmun hrang hrangah kan awm hlawm bawk nen lung an tileng ve thin.







MUTTUI U LE

[mawitei bawihtlung]

KA HMANGAIH THINGTLANGPA






CHAPTER 6





“U Sangpui i zin daihin tunge meet laiah ka zui ve anga" tum bur chuan ka ti a, a pi an tlawh dawna, a nu nen an zin chhuak dawn tih a sawi atangin ka huphurh sa tun mai.





“Valpuia te ho an awm hi" a tihchuan ka chet hlaka “A awihawm loh, nula an zui dawn tih an sawi vek kha, ka mal bik dawn em a sin" ka ti leh nang nanga, rawn nui hawkin alamah min pawt hnaia, ka hmuiah dim tea rawn fawpin a duhthawh tial tiala, chutah kan puan phah chungah chuan min mutthlak puiin ka kawrchhanah ka hnute chu a tham nak naka, in ngaizawngte tihfo a nih avangin ka ui lem lo, mahse a bak pelh erawh ka duh hauh lo thung.









A duhthawh tak em avang chuan insum a hun tih hria in ka namsawna “A tawk rih, a aia thui kal lovang, nakinah i nupui ka nih hunah zawk le" ka tihchuan a thaw ham hama “Tihpalh" a tihsup chuan ka nuih sak ringawt “A pawilo, ka hrethiam che a lawm" tiin ka kuaha, ni e in ngaihzawna in duh tawn ve ve hi chuan a awm ve reng, mahse a hun taka kan insum theihna hi a hlu.








“Haw tawh ila, naktuk chu ka lo thlah ve ang che u; mahse ka sawi tawh angin ka mal dawn hle mai" ti lehin ka tho chhuak zuia, Samuela tal chu ka bulah a awm thei ang chu maw. “Ni e i nu Chhinghawkdakin a lo ngaihtuah ang che" a tihchuan a hnungah chuan ka beng hlaka, nu Chhingi mi bihthlak hmang lutuk hi a sawi ziah lehnghala, ngeiawm thiam ve tak a ni.








A bike lam panin khawlam panin kan in khalh haw a, khawchhung kan luh chuan nula leh tlangval tual laia lo awm ho chuan min en duh leh pek viau, u Sangpuia hi mipa ho hian an ngei hlawm bawk nen keimah chenin min sawisel nasa hle tih ka hria, mahse ka ngai haw duh lem lo, a tir atanga ka hriatsa a ni a, chungte ngaih thah tum chunga he mipa hi hnaih ka ni miau a lawm.







In thleng min thlah hnuah chawl khawmuang lem lo in a haw lehnghala, zan lamah an rawn leng leh dawn tho bawk nen ka chelh buai duh lo, inchhunga ka luh rualin pa Ruata chuan min lo be thuaia.






“In lenna chu a nuam em?" a lo tihchuan ka bu nghat nghata, pa Ruata hi chu a tawngkam a puitlingin a fela, kohhran upa a ni pawh hi a phu hian ka hria, a zaidamin midang a sawisel ngai lova, chu ai chuan an thatna lai a sawi hram hram thin, khaw mipui pawh hian an ngaina hle tih ka hria.






“In leng rei lo chu a lawmawm e, tunangah chuan fimkhur a ngai a nia, nangpawh a hun hma in mipa inkhawih tir hauh suh, i nu nen kan in thianthatna avang pawhin ka fanu ang chiahin ka en che a, ka thu hi zawm la mualphona hi hote a ni tih hre reng rawh. In ngaihzawn lai chuan lendun vel te hi a nuama, mahse mipa hi kan pasal an nih hnute a nih loh chuan rin bur loh tur, lemchan an thiama hmeichhiate an bum leh mai thin, chuvang chuan in khawih tir reng reng suh ang che" a rawn ti dap dapa.








A sawi chu a dik tho, zawm ngei pawh ka tum. U Sangpuia pawh duh viau mah ila min nawr lui a nihchuan ka kalsan mai ang, chutih rual erawhin a mizia ka ena, ka duh lo chung chu min khawih luih ka ringlo. Mipa rintlak tak a ni in ka hria a, amah a sual ve thin tih loh chu thil dangah sawiselna tur ka la hre hauh lo thung.







Tin, ka pasal tur a ni em pawh ka la chiang lova, a hun hma a lo in pek ka tum lo bur mai. Amah pawh mipa naupang zawk zawk a ni tawh bik lova, engkim a ngaihtuah thiam ve tho vin ka ring.





“Nu, ka hria alawm. Chutiang kan ngaihtuah ngailo, ka in veng ve thei alawm, bakah u Sangpuia hi rin ang a ni miahlo, ka thu hmu lo chuang min khawih in ka ringlo, mi a zahthiam riau a sin" tiin ka lo fak tel zauha, pa Ruata pawh a lo bu nghat nghat mai.








Kan titi luam hnu chuan vawk chaw pe turin nu Chhingi chu a kalzuia, keiin ar chaw ka lo pe ve bawk. Ran an vulh thluaha, khawpui lam angin an la khung ve hauh lo, ar leh ui chu khawlaiah an la tla veka, in khuahkhirh vak an nei ve lo a nih hmel.







Nu Chhingi a rawn let hnu chuan chaw ei siamin kan ei zuia, kan pathum te chauh kan ni bawk nen a reh ve thin viaua, ka kal hma phei kha chuan an khua a har ve hle thinin ka ring. An bula ka awm chinah hian an fa ang chiahin min ena, hrehawm tihna ka nei ngailo, keipawhin ka nu leh pa ang chiahin ka en bawk.







Chaw eikhamah chuan thleng chu sengin ka sil zuia, naupang ho test paper check ka ngai bawk nen zanin chu menrei a ngai dawn bawk nen ka che hmanhmawh viau mai.






U Sangpuia te ho an rawn thlen chuan paper chu ka lo check nual tawha, Valpuia te ho in an rawn hmuh chuan an rawn au hluaia “Aw haw le, zirtirtuah tang ve lawk ila, khawi kan lo check ve ang" tiin paper chu an rawn ban ringawta, an kutah chuan ka scale chuan ka lo vuak sak hlaka.






An kut chu an la let rang ngei mai “In thiam ve ringawt em ni? A nilo lo mark in lo pe ang, lo thu mai mai rawh u" ka tihchuan an ner nui hlawma “Samuela hi in check pui tir tal rawh, nang ai a zirsang a nia, zawng duh phei se hna tha tak a thawk tawh ang" Rengpuia chuan a rawn ti a, Samuela pawh chu ngawi rengin ka bulah a rawn thu a, paper chu a check nghal mual mual mai.







U Sangpuia chu ka lehlamah thu in min lo pui ve bawka, chutia min puih sap sap takah chuan kan check zo thuaia, keipawh chu ka thaw huai mai. “Ka van lawm tak, menrei ka lo tum nen in zarah ka mut hma theih phah dawn a nih hi" tiin ka nuih var var hlawma.








“A ni daih ang kan fel zia hi" Valpuia a tangkai lo berin a rawn tihchuan ka lo ner nasa lutuk chu an nuih bawm a hawlh keha, mi an nuih nghal char char mai.






“Valpui, ka awm dawn lova, ka awm loh chhungin Tluangpuii hi lo veng uluk ang cheu, mikhual tlangvalte kha a lo melh nasa lutuk ange" a tih fiamthu chuan midang chu nui mahse kei erawhin ka lo melh vak thung, an in pawh hlawm bawk nen an in ngam tlak viau mai, thuruk hi an nei ngai pawhin ka ringlo, Samuela erawh an zingah a zia a dang fala ka hrechiang thei meuhlo, mahse ka kawm hnem ber a ni thung si.










“Lungngai suh, kan lo veng tha viau ang, kan bulah a awm reng ang chu. Meet chhung zawng chu a mei kan nimai" Kimbawiha chuan a lo ti ve bawk, eng nge maw ni lerh lutuk ang maia min ngaih hlawm chu le, sual thiam ve tak chu an ni.







“In sual emai, helaiah pawh ka awm rei tawh, nang ni bak rimtu pawh ka neih loh hi. Tumahin min duh lo ang" ka lo tihlai chuan “Kan awm vang mai mai a lawm, awm lo ila chuan an rawn leng huai huai duh ang chu, khawimaw thingpuite kan duh tawh. Nula ve si, in lengte thingpui thlit na chang pawh i hriat loh" Rengpuia chuan a rawn ti a, lei sei tawka chhuah khumin thingpui thlit sak tur chuan ka tho chhuak zuia.








Ka sem kual lai te chuan a hmeh tur an duh thu nen an lo la sawi deuh deuh, ka chhu leh tawk dawn emaw ni, ngeiawm hlawm lutuk mai. Chini bur chu la lehin ka chhawpa, an hun hmandan vel sawi pah chuan an thingpui chu an dawt ri leh khawlh thina, Valpuia phone a rawn rik thut chuan an en nghal thap mai.







“Eh, kuhte i a ni chiang, i leng ngai silo va a thinrim viau ang" an lo la tihsak zuia, Rengpuia pawhin sawi tur a hrelo nge ngawi rengin phone chu a la a “Aw" a tihrualin a thaw haka “Naktuk zanah kan lo leng ang ka tihkha, u Sangpuia kan thlah dawna kan leng ringawt alawm" a tihlai chuan kan lo nui nasa tawh mai.









“Le le le, tun atangin thaibawih nghal, nupui ngam lo tur a leng tlang dawn nge a chhuak dawn" a thiante lah chuan an lo ti deuh deuh, a tawpah dahin “Mipa ka nih hi, ka leng tlang dawn" a ti ngeiah, kut kan lo beng dar dar mai








“Chiah maw, i thlem leh vak si ange, tihian i in la pa ve em em a, a bulaj i awm anga i kimki leh du awm tho sia" tiin an nuih leh dar dara, an in hre chiang bawk a an in perh sak sak mai.






“Engpawh nise a hakuhin a kuh hnan tawh bet che chu a nih hi, kan hrethiam che alawm bro" tiin a hnungah an ben sak thuk thuka, hakuh tihlai chu ka lo nui nasa fal hle, thiante ngaihzawng rauh nuam an ti hle tih a hriat.


ZAWM LEH TUR