★.
Min rawn en thut chuan ka sana ka bih nghal zuk a, ehe...dar a ri tawh, ''U Aaren ka chhuk dawn ka hmanhmawh'' a helmet la kang chuan min en run a, ''chawhnu in off dawn'' a ti a, ''eng tin nge I hriat!?'' ka ti nghal thuai, ''ka hria'' ti a min chhangin bike ah bawk a thu leh vung a, ''rawn chuang rawh'' a ti leh hmuk chuan ka ner nghal nang, tawng hmuk hmuk zel mai.
''Roll an call ka ring'' ka ti leh talh chuan thaw halh a min melh run in, ''chuang rawh'' a ti leh nghut a, chuang lo veih ilang chuan min hnek nghal thuai duh hmel a pu.
Engmah sawi tawh lem lo chuan a dar vuanin ka lawn ve mai a ka bag vel chu Sangbawihi te kut ah ka dah tawp an rawn hawn loh chuan an nasa lo dun khawp ang.
Ka pawnfen siam rem in ka thu rem sat sat a min rawn thlek chuan a tshirh ah vuanin, ''tlan rawh'' ka tih rualin a rest a aphit chhuak nghal chiang a sin, a bike ka chuan hian a mah kuah lo leh meng chung a ka chuan ka la hre lo hrim hrim, eng rilru pu a tlan vawk vawk zel nge maw anih reuh chu.
A ding dat rualin ka chhuk thuai a, ''eng nge kan tih dawn'' kan hma a in lian deuh chu ka thlek vang vang a, a mawi kher mai. ''Lo kal rawh'' ka ban rek ah chelhin in awmna lam chu min pan pui nghal a, ''in in maw?'' ka melh chho vut a bu nghat in doorbell a hmet nghal zat bawk.
''Ti nge in inah kan kal daih'' amah en reng chung chuan ka ti ha a, ka ban pawh let ka tum lah chuan ka kut kar ah rawhlin nghet deuhin a chelh tlat a, ka pum a za nghal uaih a ka awm dan chu mak hem hem tak ani.
Kawrkhar a rik rak chuan nam hawngin min kai lut a, a nawm zia mai chu..Sangbawihi awm ve seng chuan sawi tur a ngah reuh khawp ang. Common room lam niawm tak ah min kai phei in couch ah chuan min thut tir a, ''lo awm rawh'' ti a kalsawn mai a tum chuan rang lutuk a tho in, ''ka lo kal ve'' a hma a ding chung in ka en chho ha a, mahni chauh a lo thut ka duh lo, mi rawn kal thut ta se engtin nge ka awm a nga..ka thi dang tawp thei ang chu mawle.
Min en run run in a kiai suk a ava han ngeiawm mai mai tak, ''lo kal la'' nui ruh ruh chung a atih chuan ka ner nang a, step a achhoh chuan a hnungah ka zui ve nghal a, tumah an awmlo em mawni ka luh tir atang tumah hmuh ka la neilo. ''Eheu, eng nge in tih dawm'' hnunglam atang a ring lutuk tak a ti ri ka hriat chuan ka hawi let nghal thuai a Urina te ho an lo lut ka hmuh chuan ka nui nghal sang, ''Khawngaihi te an lo kal ve em'' ti a chhuh leh mai ka tum chu ka ding leh nghal chawt a ka tshirt a min pawt tu chu enin, ''eng nge a'' lawm vak lo chuan ka ti a ka shirt bilh luh hnunglam pang a pawt chhuak nghal vek a lawm, ''kal lo'' Mawitean a rawn ti a, ''min thlah teh'' min la vuan tung avang chuan ka ti hmuk a thei leh theilo in hnunglam ka hawi tung bawk, ''I chhuk dawn em?'' a tih ve nghut chuan 'aw' ka lo pawh thuai a, ''ngawi mai teh'' lawm vak lo awka a a tih chuan, ''ngati maw!'' Ka ti vak, ka kawr a pawt nghet si a ka ning tawh takzet nichin a ka zam ve na te kha chu a bo in a bo vang vang tawh.
''Lo kal ve I duh kha'' a tih hmuk chuan, ''Urina te an awm tawh tho a ka lo kal leh lo mai ang'' tha tak chuan ka ti a min thlah tha mai dawn maw ka tih hnu ah ka ban ah vuan lawkin min pen chhoh pui hlawk hlawk a, ''a ninawm e'' ka tih deuh hlak chuan a room ni ngei tur ah kan awm thawh a ka ke ala kham viau zui, ava han infit loh thlak tak e aw...
Room chung lah chu a nuam phian, ''ti khan lo thu rawh'' ti a sofa in hung ah chuan min nam thu dat a closet lam pan in ava hai deuh rawk rawk a, ''Daffodil'' a rawn tih sup chuan ka hawi phei rang ngei mai, a vawi1 min kohna a nia ka za nghal chuai thei. Towel keng a a ding chu ka en reng a, ''eng nge'' ka tih vat chuan ka thutna hma ah tak ding in min en chhuk run a ka en chho ve ha bawk.
''Sweet I duh em?'' A tih deuh nghut chuan lu ka thing vat a, ka dang pilh ala reh chiang vak lo a ka nghei rih, ''ti nge?'' a tih chuan nui tawi tak in, ''ka dang a na'' ka ti mai a, ''dang ti na theilo I duh em?'' A tih leh sup chuan nui hak hak in, ''ava awih awm loh ber'' ti a ka en chhoh vah chuan rawn kun hniam in ka hmui ah a fawp zeuh a a in lak hran leh rual a hmui hup a phawk tawk a ka en chuan nui sukin, ''sweet...'' Ti leh sup in, ''ka duh che, min duh ve ang ti raw?'' hmanzan a a sawi ang chiah chiah khan a sawi leh a, a khup ah in nem khalh in hnai deuh a min en run bawk nen ka sa nghal pup pup nia.
Aw thian kharh kharh a ka en chuan min lo la en reng a kan in awm hnaih ang reng nen ka awm a nuam lo..ka thinphu te lah chu a rang nasa mai si.
''Min duh ve a ngem?'' Ka en reng a sawi tur ka hre lo lutuk chu za lo deuh in ka nui ri hak hak a a din ngil rual chuan tho ve vat in, ''ka lo zu chhuk ang aw..'' Bah niai a tiin kawngkhar lam ka pan a ka hawn hma chiah chuan min kuai herin min en run a, ''kar1 ani dawn tawh'' a ti hmuk a, ''eng maw?'' Ka lo ti vat, ka va han zak mai mai tak, ka lu te hi a hei chiai chiai a ka thin phu rang lutuk te chu a mak hian a mak a, mahse engtin e maw tak hian ka hlim veng veng nia..maksak lutuk.
''Ka bialnu I ni duh em?''
Maw!!! Bialnu maw?? Ka biang te lah chu a hma ai in a sa a ka chil awm mang lo lem khal chuan ka melh chho kiau a, a rawn kun hniam leh rual chuan thaw ka lo hip let vak a, ''ka duh che'' a tih nawm leh sup rual a min fawh leh zat chuan mitchhing in ka dawh deuh tawp a, a in lak hran leh rual a, ''I duh ti raw?'' A tih leh sup chuan 'ummm' zawi lutuk tak maiin ka ti sep a, ka a huih thei mai in ka hria.
Ding ngil vut a in her in khum ah ava bawk thlawp a, a thawk chhuah hawlh chuan, ''engtin nge I awm a?'' Ka ti thuai a, engtik laiin nge a khum bul a ka din hman ka hre miah lo. Ka dinna lam hawi chuan, ''I'm just so happy, Daff'' a tih deuh sup chuan ka za uaih uaih thei a ka la ni deuh hui bawk, chuan....bialpa ka nei tih na em ni?
''Eng nge in tih? Haw a hun ania'' room pawn lam a ring tha lutuk a ti ri ah chuan in her zawkin ka sana bun ka bih nghal vat a dar3 alo la ri lo deuh.
Ka ban a rawn kaih chuan ka en chho vat a a rawn thoh chhuah lai pawh ka hre miah lo nia...nui suk a, ''zuk hrilh ang'' a tih deuh nghut chuan rang lutuk in, ''eng?'' Ka lo ti thuai a, ''kan inngaizawng'' a tih et chuan ka melh chho leh dawrh a, zahthlak hian.
******.
Urina bike atang chuan ka chhuk thla thuai a an inchhung ah ka lut zui zat bawk, ''ehe Zualte'' Nu rpi'n min hmuh rual chuan a lo ti hlut a, ''I va vang ve'' a tih leh zat chuan nui ver ver in, ''ka lo len apiangin in riak bo daih zel a'' tiin Sangbawihi awmna ka zawt zat a nui hawk hawkin min hrilh ve mai bawk.
Room ah chuan ka lut nghal thawr a, duhdah lutuk in khumah a lo mu a phone a en bawk, ''khawi ah nge in kal?'' Ka lut a hmuh rualin a in pherh tho zat a min la nuih sawng zui.
''Ka bag in hawn em?'' A zawhna pawh chhang lo a ka tih chuan, ''khawi ah maw in kal?'' Min chhang lo in a ti ve leh a , ''an inah'' ka tih zawh rual rualin ka hnungah a beng nghal thlawp a, ''awi a nuam em..? Khawngaihin I bag chu a hawn'' ri hlut a atih chuan ka hnung thip lutuk avang chuan ka melh rum nghal rawm a, ''ti khan min en suh, ka present sak che a nia'' a tih leh zat chuan nur nang a en in, ''a ho'' ka ti hmuk a, ka thil ngaihtuah chhuah avang chuan ka sa leh nghal up up thei nia.
''I hmai a sen tawn tawn mai'' a kut chuan a tawk zeuh a, ''bialpa ka nei...'' Inti thei lutuk a tiin, ''awi a nuam'' ti vakin a hnung ah ka ben sak ve pawp a, a eu nasa teh e.
''A ho'' ti hmuk a min en chuan ka lo nuih vur vur a, thil hre chhuak thut ang mai a ding hluai in, ''tak tak maw...awi a nuam e...'' A tih deuh hluai chuan in en in kan nui vur vur a, ''bem ka tum viau a sin le'' pawi tih hmel lutuk a atih vel chuan awih lo viau mahila ka ner nghal sak a, min ei loh hmel teh e...
Rei awm loin ka chhuak leh thuai a Khawngaihi te inah ka bag laiin ka news ropui lutuk chu ka hrilh ve nghal a min nuih vur vur a, ''a hnek thluk tawp che I hlauh nen nen'' ti a min lo fiam chuan ka nui vak vak ringawt.
Tv en in ka thu kar a kanu thil en vang chuan ka ner leh nang nang zel a ka nin tawp ah, ''nu...bori te a chhuak dawn ania en ang u'' ka tih chuan, ''lehkha va zir rawh'' a ti daih a, a Turkey film en chu hmuhnawm a tih hmel khawp a kei in ka taksa chhung ril zawng zawng nen hian ka lo hne.
''Zirtawp ania'' tiin phone ka en a, kanu film en unluk lutuk chuan min ngaihsak tawh eih lo. ''U..I thianten lo leng rawh se an ti'' inchhung rawn luh pah a Rinan a tih lauh chuan, ''I hmu ami?'' Ka lo ti thuai a ka nute bulah thu thlain, ''ka lo haw kawng ah Osangbawihi nen kan in tawk'' a ti a, a dawr kal an in tawk a nih dawn chu.
Ka thutna tang thoin, ''ka leng dawn'' kanu te lam hawi chuan ka ti a, ''ka lo haw har lo ang'' ka(mouth) a ang zuau lai chuan tih khalh let vatin kawngkhar lam pan in ka kal nghal nal nal.
*
*
Sangbawihi te in ka lut tur chu hnung lam atang min ko lauh a, ''min lo nghak rawh'' Khawngaihin a tih chuan kawngkhar bula dingin ka lo nghal ve mai a alo kal phei mai dawn amaw tih nak alai in, ''lo ding rawh, inah phone ka la zuai dawn'' tih leh thenawm lawk ah chuan a tlan nghal zat a luhsan daih ilang chuan a lo thlen hunah min beng thuai duh ang chu mawle.
Minute2 pawh ka ding hma chuan chhunglam atang a kawnga a rawn in hawn chuan sir lam ah ka tawlh thuai a, ''hetah hian tu emaw ka chhar'' Fela chu a rawn chhuak a ala au ring phian zui, ''I bengchheng'' ka tih sak hmuk chuan nui thawin, ''I bialpa a awm ve ania'' a tia, ''a ho ber'' ho tih hmel lutuk a ka tih chuan nuih ruh ruh in gate lam ah a phei a, inchhung luh chu ka va han huphurh reuh e....
''Ka dah na ka hre mai lo a ka zawng alawm'' gate chhung rawn luh pah chuan a ti nghal mawlh mawlh a, ''Ka lut hreh'' ka bul alo din chhuan ka ti nghal thawr a min en heu hian, ''Aaren-a te an awm vang ani maw'' nui sawng a atih chuan, ''I hria lo'' ka ti thuai a, ''Sangbawihin min rawn hrilh'' a ti a, ''bike an keng lo ani maw?'' ti a ka zawh leh chuan a hriat loh thu a min chhangin kawngkhar chu a hawng zui zat a, a pen luh rualin thinlung su dup dup in ka lut ve nghal.
An thianho chuan sitting room ah an lo thu leh hnuk a min hmuh rual chuan Aaren-a bul athu ber Francisa chu tho nulh in hmun dang ah a thu thla hnawk a ka nuih te lam lam a ti za.
''Nutei te an leng leh ami?'' Tiin ka va phei ve a, ''an mu hma a'' Sangbawihin a lo tih chuan bu nghat in Lawma nen an inkar ah chuan leng leh leng loin ka in hnawh tang tang a, ''A tawt tawt ah I in hnawh a'' Sangbawihin a ti hlar a, tawt tak a ni.
''Hahthlak hian'' Lawman a tih huk rual deuh thoin ka ban ah vuan in min pawt tho deuh pawp a ka ding dawt rualin in pal leh nawkin ka thu thla nghal dawt bawk a ka hawichhuah rual in ka thiante nuihza hmel ka hmu nghal zat a thoh leh nghal mai ka tum chu Aaren-a bawk chuan min nam thu leh dawt in ka kut kar ah a kut a rawlh lut leh hmak a, ''I va han in la nei ve'' Urinan nuihza aw lutuk in a ti a, ''kan nghak rei khawp mai'' Lawman a tih leh phei chuan za lutuk in mipa ho chu an nui hawk hawk hlawm a, an sawi awmzia hre ve vak lo mahila zak lutukin sofa hnung chu ka ngheng deuh dawt a ka kut pawh let ka tum chiah chu min rawn thlek a nui deuh sukin, ''ti hian a nuam'' ti sup in a thu tha leh a, zak ve viau mah ila ka ngawi mai mai.
Vawin atang bialpa ka nei a kan awmdan en mai chuan thla chuang fe inngaizawng tawh kan ang a ka rin loh lam daihin Aaren-a mizia a dang zar bawk.
Nu Rpi te room inchung lam ah a awm bawk a mipa ho chu an ri hut hut reng a tv on ve mahse woofer ah hla an play a zial an zu khu hlat hlat hlawm a ka bula thupa in a hip lut leh vang vang thin ka hmuh chuan nui ver verin, ''U Aaren'' ka ti sep a min en in a ner nghal nang a, ''min û ziah suh'' a tih bul hmuk chuan bu zeuhin, ''ka lo zu fe chhin'' a zial ken melh ran chung chuan ka ti deuh sep a min chhang mai loh avang chuan amah chu ka en thuai a anuih a zat hmel khawp mai.
''Kan tih ang a piang tih I tum reuh a'' ka sawi a hre pha a niang chu Tluangan a rawn ti zeuh a, ''eng nge a lo ngen leh a'' Felan a tih ve chuan lawm loh hmel fe hian ka melh hlawm a, ''in uikawm thei'' ka tih hmuk chuan nui hawk hawk in an tih lai an tih chhunzawm a ka bula thu run mai ka melh leh chuan min en in a nui suk suk a ava han tha chiang kuang bik tak.
''I phal em?'' Ka tih leh sep chuan a hmui hnuai liak zeuhin ka hmui zawn ah tak mai a rawn dah tak ah chuan kut a rim che duh an tih avangin vuan lem lo chuan ka hip lut ve rawih a a khu ka lem a niang chu ka Khuh nghal vak vak a, ruih theih thil lam pang tih chu ka sim nghal hmak tawh, ka tih ve chhin a piang hian a dik theilo re re.
La Khuh vak vak chung chuan ka ding vat a Aaren-a chu ding ve thuai in kitchen lam ah min kai lut nghal a filter a tui chu min pe in, ''I va zeilo ve'' a ti hmuk a ka va han melh rum chiang tak.
''A nih chu a'' ti hmuk in tui chu ka in khalh khalh a khawi lam a in care hi a ni ringawt, in then leh daih mai te ka duh e a(h).
Inngaihzawn tir dan vak ka hrelo
******.