Sofia BY Omega Hmar Tlangte (Completed)

[Ngaia]

#prolougue

"A hming chu Sofia-ania hetiang reng renga hmangaihna la na hi ka la hre ngailo a âtphah vekin ka hria a la intihlum duh hial maithei ani Doctor-Dindin psychiatrist-tam tak zinga ṭha ber pawl i ni i kutah ka dah e" Doctor Malsawma chuan a ti a, eng ang hmeichhia nge a nih le ka ngaihtuah thiamlo tak zet.

Sofia chu tunge a nih eng ang harsatna nge a neih Dr. Dindina hian a ṭanpui thei dawn em?


SOFIA

Thingtlang damdawiin awm chhun lian vak lo bulah chuan ka ding vang vang a, khua lah chu a thim ṭep tawh kum hnih liam ta khan an din a private-a la ni zui a din tu hi doctor-Malsawma he thingtlang khawchhuak hi a ni awm e, a thawhrimna te sawi vul chûk kha a ni reng a ni a ngaihsanawm bawk a, mahse, awmchilh tur meuha han in ngen chu rilru lam doctor-ka ni bawk nen tunlaiah tumah rilru buai an awm vak pawh ka hre tawh lo inlak changkan nan an depress zeuh tih mailoh chu rilru buai nih chu an zak tlat tawh.


"Psychiatrist thar kha maw doctor-Malawmi ka nia ka lo lawm rual che in ka sawi tlang tawp ang i kutah kan dah tawp" tiin doctor nutling tarmit vuah chuan a tarmit kâr aṭanga min bih run chung chuan a sawi a, engmaw a chanchin takngial pawh min hrilh silo a psychiatrist-ka nihna angin ka hriat angai alawm ka ti a, doctir-Malawmi chu a âng zuau hman "Doctor-Dindin" ka phu nasa aw Dindina ngei chu ka ni e.

"Ka ngaisang lutuk che a, thlalak aiin a takah i ṭha zawk" tleirawl tituai nalh lem lo tak chuan min rawn pan a, min chibai lawp lawp a, doctor-Malawmi chuan a melh no lemlo khawp mai rilru lam doctor-pakhat ve mai ka ni a, ngaihsan chi ka ni pawhin ka hre lo doctor-Malawmi chu a nuih suk a, a kalsawn nghal vat a.

"Ka fanu neihchhun anih kha ka pasal doctor-Malsawman zaninah a hmu duh che a, saw saw kan in ania" tiin damdawiin bula in lian ve pangngai tak chu a kâwk a, ka nihna nen a inmil buaipui tur ka nei tih chu ka hai lo mahse, tunge anih engmah min hrilh sa lo chu ka lungawi chiah lo.


Ka inluahna pawh damdawiin bul lawk anih avângin doctor-Malsawma tein chu ke pawhin a hnai hle tih chu ka hrethiam mai a, dik tak chuan khawpui mi ka nia thingtlang khua a, mi rilru buai vang mai mai a awmchilh chu ka peih ther te lo mahse, ka intiam tawh avangin min rawn pan a harsat ani ang e doctor-Malsawma min ngenna zarah ka awm dawn chu a ni si a.


Zanriah eikhamah chuan doctor-Malsawma te in chu ka pan ding nghal chat a, thingtlang tih takah khawlai a reh lo hle mai ka piah lawk lawkah nula rim tur te an ni ve bawk ang an ṭawng ri leh noh noh zel a, bike leh scooty-ri a awm zauh zauh khawpui angin zan lai a motor-lian ketaminu ang mai a ke ngah phei chu hriattur a awmlo. Kawngkhar ka kik karh karh a, an hre lo nge mawni an rawn hawng har riau ka kikna lamah ka kut châng a na vek.


Lêt leh mai ka tum lai chuan vawiina min chibai tu doctor Malawmi fanu khan a rawn hawng hlawl a "Lo lut rawh ka pa in a nghâk reng tawh che ania" a hmel a ṭhat lem loh naklaia a rawn hawng har lutuk chu mipa mah niila ka ngei thlawt. doctor-Malsawma chuan inchung lamah min lo nghak reng a, doctor-Malawmi erawh ka hmu lo doctor-Malsawma chuan min hmuh veleh min lo chibai vat a.


"A hming chu Sofia ania hetiang reng reng a hmangaihna la na hi ka la hre ngai lo a ât phah vekin ka hria a la intihlum duh hial maithei a ni doctor-Dindin psychiatrist-tam tak zinga tha ber pawl i ni i kutah ka dah e" doctor-Malsawma chuan a ti a, eng ang hmeichhia nge a nih le ka ngaihtuah thiamlo tak zet.


A fanu chuan thingpui a rawn chawi lut a, "U Sofia-i chu tuman an puih theih ka ring lo mi â diktak a ni" thingpui dah pah chuan a ti a, doctor-Malsawma chuan kheuh zeuh pah hian "Lo inrawlh suh" a ti hmuk a, a chhuak leh rang kher mai thingpui lem khalh pah chuan a awmdan chu ka zawt luam a, "Hmeithai fa a ni a, veng laili deuh laiah sawn eichawp dawr hawngin an awm a, kan nu a va lêng phei a nih kha" a ti a.


Hmangaihna la na a nih chuan engtin tak nge a awm eng nge a harsatna? kum engzat nge? Engtin tak nge a awm? Tunah an inah emni a awm? Zawhna ka ngah nghâl kher mai. A tho vut a, pawhdawh a hawng ri nghâl rawk rawk a, thlalak a rawn phawrh a, min entir a, "Sofia-chu a nih kha khawpuiah mi awmpui a ni a, kum tâwp chawlh a rawn haw chu tihian mi â ang maiin a awm zui nghâl a hmangaih pe lêt leh turin mi tupawh a nawr a ni ber min pui rawh u a ti reng a..."


Hmangaih a! A sawi zawh hma chuan ka lo pawt chat a, a hmangaih ber chu miin an lâksak anih loh pawhin a boral a ni ngei ang chu chu a tuar thiamlo anih dawn chu thlalak chu ka han en vang vang a, sam sei ngîl lutuk lo hmel ngaihno bei tak a ni. A awmna ten hriat an neilo a mi ti a ka zawh chuan hriat an neihloh thuin min chhâng a, thil mak tak chu a ni Sofia-i hmuh ngei ka duh thu chu ka hrilh a.

Ka haw tur chu kawngkhar bul thleng min thlah a, "Nula kum 26 mi chauh a la nia damdawiinah a awm reng ṭhin a, nikhawhreloa tluk zauh a ching bawk nen i hriat angin nang angin psychiatrist-ka ni silo a ka buaipui thiam meuh lo tunah erawh an inlamah in enkawl turin a nu in a hruai haw rih a naktukah ka fanu nen in va kal dawn nia" a ti a, keipawh ka inluah lam panin ka let ta a.


A tuk zing tukṭhuan eikhamah chuan Dr.Malsawmate in ka pan vat a, Sofia-i hmuh chu ka hreh ang reng khawp mai anxiety-nei tam tak hmaah lo ṭhu ve tawh mahila eng nge maw tak min mawlhtu hi a awm deuh tlat ka hreh tlat chu awih a har ka ti. Ka thin chu a phu dup dup a kum 26 mi Sofia nula hmel fai tak tu zunah nge a uai beh tlat ni hetiang mi ṭanpui tur hian ka intiam a ni lawmni ka kut ka hûm ruh lui a, "Zopuii ka nia ṭhian ṭha tak kan nih theih ka beisei" a thusawi chu ka bengkhawn vak lo a hmelchhe ropui si.


Khaw laili deuh a eichawp dawr lian lem lo tak kan thlen chuan Zopuii chuan "Hei hi ania dawr chhûnga zozial zîal mek saw Sofia-i nu Zâmtei anih saw lût la va be rawh ka lêt tawh mai ang" a ti a, ka thin chu a phu rang sawt hian ka hria Zopuii lah chu a kal daih bawk si ka piantirh ata ka kal hreh ber na a la ni mai awm e. Ka pi Sofia-i nu i ni em? Ka aw a khur ṭep a rawn hawi vat muangchangin a ding a, "Mama, mikhual i ni maw ka hmu ngailo che ka fanu i hria em ni" a ti a a hmêl ka en chuan a lungngai a ni tih ka hre thei.


Dâwr chhungah chuan ka lut a, in la zahawm ang reng deuh hian khawpui lam aṭangin psychiatrist- Lalramdina ka ni a, dr.Dindin tiin min ko ṭhin i fanu doctor-tur ka ni e ka ti a, mak tih hmel zet a min en chung hian "Eng nge chu chu a awmzia saikatri a" ka nuih a za angreng thingtlang mi a ni tak nuih insum zet hian rilru lam daktawr ka ni e dr.Malsawma i hria tiraw i fanu chanchin min lo hrilh a ṭanpui ngei ka duh a ni ka ti a.

Rilru lam daktawr ti a ka sawi takah chuan a hrethiam a ni tawh ngei ang eng dang sawi lo chuan min rawn chibai lawp lawp a, "Ka va lawm tak em ka fanu enkawl thei hi an awm lo asin lo lut rawh thingpui te in la ka fanu chu a pindanah a mu reng chaw pawh a ei lo" a ti a.


Thingpui min lum sak lai chuan a chanchin te chu ka han zawh belh a, sapṭawng pawh sawi thiamlo in a fanu hming Sofia- tih chu a phuah lo tawp ang ka hre chak thut ka zâwt ta tawp a, thingpui min rawn pe pah chuan "Kan pa hi a damlai chuan kan khaw zirtirtu a ni ṭhin a, ka fanu hming pawh ama phuah ania ka hreve thiamlo" a ti zawi sap a, ka lu ka bu nghauh ringawt a. Tu te awmpuiah nge mawni a lo ṭan reng reng ka hriatchhuah vat angai ani Sofia-i hi ka biak a ngai phawt. Thingpui ka in zawh chuan Sofia-i pindan kawngkhar bulah chuan kan ding dun a, kawngkhar kik karh karh pah chuan pi Zâmtei chuan "Sofia-bawihte i muhil nge i harh ka lo lut dawn ania i daktawr a lo kal a"
A reh ṭhiap a muhil a ni ngei ang.


Dim tê hian pi Zâmtei chuan a han hawng a, ka lut mai duh lo a muhil nge muhil lo a va en ani ngei ang "Daktawr Dindin hei a meng peih e lo lut rawh" a ti a, Lalpa min pui ang che tiin ka phun sep a, ka va lut chu bawkkhup zawngin a lo mu a, a sam chuan a hmâi a zar a. "Ka fanu i harsatna te i hrilh vek ang a i rilru a dam vek mai ang i daktawr tur a nih hi" a ti a, muangchangin a rawn tho a, thu a awih hle mai; a sam te chu a han tuai thuak thuak a, min en chiah chu a meng phâwk khawp mai.

Min hre tawh ang mai hian a meng a, pi Zâmtei pawh chuan mak a tih hmel khawp mai ka ke a rawn vûan thut mi a ang mai a râk chung hian "Engvangin nge i lo lêt leh har em em min hmangaih zawk tih ka hria lawm kalbo tawh suh" a ṭap nghâl zawih zawih a. Eng nge a sawi awmzia kei hi nilo awihawmloh lutuk pi Zamtei pawh chuan min en a "Ka fanu hian a hai che a ni lo maw" a ti hial a, a fanu chu a buaipui nghal a doctor-ber pawh min ṭhawng khawp mai.

Sawi tur pawh ka hre lo pi Zâmtei chuan a fanu hnenah chuan "Bawihte i hai aniang i daktawr tur a nih hi thlah vat rawh" tiin a fanu chu a pawt hlawk hlawk a, chutah rum zet hian Sofia-i chuan min rawn melh a "Tenawm pa ka nun i tihchhiat vek hnuah kha nu kha i thlang tiraw i lo let chhan pawh ka rilru tih nat belh turin maw" a ti leh a, a tâl chiam a, pi Zâmtei chuan a hnehlo ngang mai mi â ang mai a rak chungin min rawn chum chiam a, "Thi rawh thi mawlh rawh ka nu he pa hian min hmangaih loh ai chuan thi zawk rawh se" pi Zâmtei chuan min en chung chuan "A hai che ani ngei ang in inang viau aniang daktawr min haw san rih phawt rawh" a ti a.


Sofia-i chu ka chelh bet a, pi Zamtei chu chhuak turin ka ti a, "Eng nge i tih dawn?" Ka rawn tlan chhuak nghàl ang kalh khung rih phawt angai a nih hi i fanu mah nise hetianga a ka tih angai min hai tlat hi chhan a awm ngei ang ka ti a, Sofia-i chu tal chhuah a tum nasa khawp mai tenawmpa tiin min ko reng bawk a, pi Zamtei chhuah hnu chuan khumah ka nghat pawp a, rang takin ka tlan chhuak a, ka kalh hmak a, mak tihna hlirin ka khat engvangin nge kei kher a à tak tak a ni ngei ang kawngkhar chu a rawn beng dawt dawt a, "Tenawmpa i tlanbo rei lo ang" a ti tuar tuar bawk a, pi Zàmtei hnenah chuan mangang lo tura hrilhin ka chhuahsan rih a.


Chumi zan chuan dr.Malsawma pawh be tawh lemlo chuan ka khumah mu chungin ka inngaihtuah neuh neuh a, engvangin nge a bialpa hlui a nun tichhe tu ah min ngaih tlat hetiang a nih te chuan ṭanpui a va harsa awm ve engthil chiah nge a chungah thleng le. Mi awmpuia a ṭanna te chhungkua chu engvangin nge an belhchian loh zawhna ka va ngah tak ka hna hi a hautak hle dawn a nih hi.


Mutthilh luih ka tum chu ka phone ri chuan min ti phu chiang hle mai ka en vat a, ka hahdam sawt e, ka nui var var a, kum thum chhung ka lo kawp tawh Thelma-i ni reng chuan ka chhang vat a, hello ka duat min rawn be hmasa ve teh mial a, ka ngai che i hria tiraw khum a inlet kual pah chuan ka sawi vel a.

"Zung zung che chuan i kalna chu nuam em zirlai naupang tleirawl ho depress-a mi i han buaipui leh mj mai dawn keipawhin ka ngai lutuk che ania" ka nui tawp hmak vawiin thil thleng kha ka ngaihtuah let a, Sofia-in a bialpa hlui a ni mai ang chu ka hrethiamlo amah anga min ngai tlat lai te ka ngaihtuah let chuan chhân dan tur mai ka hre lo ka ngawi reng a "Dindin, signal-a ṭhalo em ni i hre thei em" ka hre thei e ka hna ka zawh hunah ka lo haw ang ka hmangaih che ka mut a chhuak tlat muttui aw.


"Muttui le ka hmangaih" phone ka dah a, ka hna pawimawh si huphurh awm si chu ngaihtuah zui chung chuan ka maimitchhing riai riai a.


Show post links
Top

[Ngaia]

Nimin thil thleng ngaihtuah reng chung chuan ka insiam mawlh mawlh a, Sofia-i hmuh chu thih hrehin ka hreh ani ber mai ka rinloh lutukin thil a thleng ta si a, dr.Malsawma hmuh phawt ṭhain ka hre rih tunah chuan a doctor ber pawh hi zir ṭhat leh ngai ang mai hian ka awm.


Dr.Malsawma damdawiin chu ka pan a, Sofia-i awmdan zawng zawng chu hmaih nei hauh lo a hrilh vek ka duh chuan ka hna hi a hautak hle dawnin ka hria, chutihruali Sofia-i nu pi Zami ka Khawngaihna chu a zual em em bawk a, ka thlen chuan in entir an lo awm nak nak a, dr.Malsawma room-ah chuan ka lut vat min hmuh chuan min lo lawm thiam angreng khawp mai.

"Dindin, i lo kal a ni maw i hna chu a hautak dawn em? Sofia-i chu a lo fel em?" Zawhna min zawt nghâl chuk chuk a, zawi zet a ṭhu pah hian ka lu ka dawm nghal a, tui min thlit vat "Na i nei em ni?" Neilo e ka ti sap a sawi ṭan dan tur ber pawh ka hre lo tui chu vawikhat ka han lem a, ka melh ngai ka melh char char a, ka piana hnu lamah hetiang thil vawikhatmah ka la tawng ngai lo hrim hrim.

"Nangmah zawk hi rilru buai i ang eng nge thil awmzia" dr.malsawma chu a nui tut tut a, Sofia-i awmdan ka han sawi chuan a nuih a za zual sauh ka thinrim ṭep a ngaih thutak loh hmel khawp mai "Sofia-i bialpa hlui i lo ni zawk mai lo maw" a ti a, dawhkan chum meuh chuan a han nui leh a, ka rilru a zau vak lem lo nen a awm dan chuan ka thin a ti rim khawp mai insum hram hram chung chuan i damlo a ni a, kan sawi dun tur a ni engtia han enkawl chi nge? Ka ti a, a nui lai chu a tàwp hmak "Nangmah ang ka nih loh hi i kut a awm tawh a ni i duh leh enkawllo la i duh leh tihlum daih la i duh duhin ti rawh ka buai ania min chhuahsan teh" a ṭawngkam chu min rawn biak tirh nen a inang ta lo hle mai ka thutna ṭangin ka tho sawk a, thinrim zetin ka chhuak ta a.


Dr.Malsawma mizia dang ta lutuk chu mak ka ti khawp mai ka ngaihdan berah chuan a ṭanpui duh vang niloin a zalennan a enkawl theihloh chu ka kutah a dah ni ber hian ka hria. Ka inluah zau vak lo chu chhuahsana kan khaw lama kir leh daih chu ka duh Sofia-in a bialpa hluiah min ngai lehnghâl Thelma-in a hriat chuan engkim a buai vek zawk ang. Ka thawmhnaw chu ka pack mawlh mawlh a, ka inluah neitu pathlawi pa Rama a rawn lut thut ka phu zawk ani pawh a meng phawk khawp mai.


"Dindina chu khawiah nge i kal dawn? I va in pack nasa ve" Inluah man ka pe che ang a, kan khaw lamah ka haw dawn tihtur ka nei tawhlo ka ti a, pawisa phawrh ka tum a, "Tlangval i va awm rei lo ve karkhat em pawh i la awm lo ania hetiang te chu luah loh mai tur alawm" a ti khur khur a, ka nelloh sa naklaiin a huatthu a va chhiat hmel ve. Ka hre lâwk bik hleinem ka kal aw tiin pawisa chu dawhkanah ka dah a, chhuah ka tum a.


Pawisa chu a la a, ka chhuak tur chu ka hawi let leh a, pa Rama chuan pawisa chu a thlêk vang vang a, "Sofia-i nu chuan tlem a ti em lo ang chu maw a fanu thil tawn hriat a duh em si a" a ti roh a, ka beng a verh zak Sofia-i a kawngkhar hawng mai lo chuan ka bag-ka dah a, pa Ram Sofia-i a, min hrilh chiang teh. Min en hu chung hian "Vâla eng ngatan nge i tih a?" A ti a, Sofia-i daktawr ka nia thu chiang min hrilh teh ka ti a, ka nem ṭhu sawk sawk a.


Pa Rama chuan min hriatthiam loh hmel khawp mai Sofia-i chanchin i hriat ang ang min hrilh teh ka ti a, pa rama chuan "Thingpui min lum sak teh kan sawi dawn nia" a tih chuan ka phur khawp mai thingpui chu ka lum sawk sawk a, Sofia-i buaina chu engpawhnise a bialpa hluiah min ngai tlat hi ka hrethiamlo hriatchhuah châknain ka khat thut.


Thingpui ka lum zawh chuan pa Rama thusawi ngaithla tur chuan a hmaah ka ṭhu kar a, sawi mai ta lo chuan thingpui te chu a han in leh rih a, ka lo nghakhlel khawp mai. A aw a han thian kharh kharh a, "Sofia-i pa hi ka nau a ni a, hetia Sofia-i a awm hnu hian a nu rilru hah hi a chêr phah vek chuan dr.Malsawma thla tin pawisa sangthum pe in a ṭanpui theih tur thu a sawi a" a ti a.


Dr.Malsawma maw ka kut ka hûm ruh a, pawisa a duh vang mai mai maw ka lo ngaisang ve ṭhin em em a, ka haw tum chu ka ṭhulh chiang hle mai Sofia-i ṭanpui tur chuan ka intiam ta zawk a. Pa Rama chhuah hnu chuan ka thawmhnaw te chu ka han phawrh leh a, ka insiam a Sofia-i te in lam ka pan ta vang vang a.


A hlat tham deuh avangin thim dawn ṭepah ka thleng a, ka tlanchak bawk aniang vawt pawh ka ti khawp mai ka kal ṭhanna anih avangin ka thlen ṭhinna hotel-ah ngei chuan ka va thleng leh a, Sofia-i ṭanpui ka duhna chu a lian telh telh a. Ka muttui lemlo kher mai enginnge min mawlh ka hre lo ka hrethiam lo huphurh tak ni thin kha thil awmzia hriat châknain ka khat tawh Sofia-i hian eng harsana nge a tawh kei dr.Dindina hian ka tanpui thei ang em?


A tuk zingah chuan tukṭhuan eikham velah pi Zami address min pekah chuan ka kal vang vang a, in lian tak a ni hetah hian maw Sofia-i chu a lo awm ṭhin a, pi Zami lehkha zir sanglo tih hriat takin address diktak min hrilh thei chu mak ka ti ang reng hle mai. Door bell-chu ka han hmet ri ral ral a, hmeichhe naupang kum 6 mi awm vel hian a rawn hawng a, ring zet hian "Ânute mi an lo kal ania" a ti a, a tlân lut lehnghâl daih a, inchung aṭang hian a nu a ni ngei ang a rawn chhuk nghal a, min hmuh velah a ding chawt.

No lo zet chung hian "Didik,hetah eng nge i rawn tih dawn a, mi pà i nih tawh kha tenawmpa chhuak rawh" a ti nghâl khur khur a, Didika a, ka unaupa maw ka phîrpui Didika a ni thei mai ang em? Min hai aniang kei chu psychiatrist-Dindina ka nia i mi sawi thlalak chu min hmuh thei ang em ka ti a, a nem ta deuh aniang chu "Phir in ni chiang inang tak in ni Dindina maw i nih a" rang takin a phone-a la chhuak a, thlalak min hmuh a, ka phu deuh zawk ka phirpui Didika ngei a ni.


Didika nen hian phir kan ni a, ka tlangval chhuah hian ka nu leh ka pa an inthena ka pa hnenah Didika hi a awm a, a chachin engmah ka hre zui tawh lo. Ka lu bu nghauh nghauh chungin ka unaupa ngei a nih hi Khawngaihin a chanchin min hrilh thei ang em thil dang zawh che pawh ka duh a, ka ti a, ani chuan thutna min kawhhmuh vat a, ka hriat chak em em Sofia-i chungchang bakah ka unaupa chanchin hriat belh tur chuan ka ṭhu ta rân a.


Show post links
Top

[Ngaia]

"Rinzuali ka nia Didika chu ka bialpa hlui ania kan inkawp rei ve tawh reng in inang tak zet phîr ni awm reng inni kan khaw bul lawkah sawn private school-ah a thawk alawm" a ti a, he khuaah hian ka kal fo si a, engtin nge ka unaupa chungchang pakhatmah ka hriatloh theih. Han sawi zel teh chuan engtin zel? A kûn deuh lap a, "Min lo kawp reng a, a thawhpui nen chuan an innei zui ta a nih kha i lo lan khan Didika emaw ka ti thut che a, i chanchin a sawi ngailo a nu leh a pa inthen thu chiah a sawi engpawhnise Didika vanga lo kal i nih ka ring lo i awmdanah" a ti a, ka rilruah Sofia-i awmdan a rawn lang zuai zuai a.


A nih chuan Sofia-tih hmingpu awmpui in nei ṭhin em? A rawn hawi chhuak rang mai "Sofia-i a in inhria em ni a dam ṭha em hman deuhah khan Sofia-i chhungten a chanchin min rawn zawt a, fel takin inchhung a enkawl thu bak ka lo sawi lo a, engtin chiah nge a awm a?" A ti a, Sofia-i ka hriat dan zawng zawng te leh a awmdan chu hmaih hauh loin ka hrilhfai ta vek a.

A kâ a hup a, hmanhmawh zetin room-pakhatah a tlan lut nghâl a, eng chu hria nimaw ngawi rengin ka en ringawt a, rei vak lo ka nghah hnu chuan hmel hlim pu vaklo hian a rawn chhuak a, bawm tereuhte hi a rawn la chhuak a, "Hei hi a tlereuh bawm ania" tiin zungbun a rawn phawrh chhuak a, mittui parawl deuh chung hian "I unaupa hi mi lerh tak a nih dawn hi kei mai nilo Sofia-i pawh maw" a mittui a far a, ka hrethiamlo hle mai ka unaupa leh Sofia-i maw khawngaihin thil thlen dan kimchang min hrilh thei ang em?

A mittui te chu a han hru a,"I hrethiam tawh mai lo em ni i sawi dan khan Sofia-i chuan a bialpa hluiah a ngai che a, Didika nen in hmel a danglam hleinem bialpa a neih thu hi a sawi ve zeuh tawh a, vawikhat chu Didikan zungbun min pe a, he zungbun hi ania mahse enrawh ka tawt" a han bun chhin vel a, a kutzungṭang zawng zawngah chuan a lo tawt vek a, "Sofia-in a han bun ve chhin khan a lo tawk chiah a, 'ka nei dawn aw i phal em' a ti sam et a, ngaihṭhatlohna pawh ka nei chuang lo ka lo phal mai a, i unaupa nen hian kan inkawp rei tawh a zungbun ka bun tawk chu a hre khawp ang lo hrethiam ila aw Sofia-i ta tur lek a lo nih dawn hi" a ti a, a ngui bûr a.

Ka unaupa nupui neih thu reng reng ka hre lo kha kum chhung khan vawikhatmah min be pawp ngai lo a, ka pa hian engtin nge a fuihpawrh ang mawni chuan ka damlo Sofia-i nen inzawmna an lo nei reng amaw Sofia-in min hai kha awmlo ka ti hran ta lo e, zawhna dang zawh leh tumin ka ang zuau hman door bell- a rawn ri a, Rinzuali chu a tho nghal a, thil pawimawh sawi lai laiin a va hun lo tak. Ka tho ve hluai a, Rinzualin kawngkhar a hawn chuan hmeichhe pakhat Rinzuali ai chuan a upat hmel deuh a rawn pen lut a.


Min hmu chiah chu Rinzuali ang thoin "Didik, ka nau hi i la rawn hel ngam elaw Lalrinzual nangpawh nupui a nei tawh tih i hrereng anilawmni chhuak nghal rawh Didik i va tenawm ve" a âng nghâl tawn tawn a, nichina naupang kawngkhar rawn hawng tu kha room-aṭanga rawn tlan chhuakin "Ânu eng nge min lo hawn" a ti a, a rawn kuah nghal a, a nu maw Rinzuali hi a nu emaw ka tia, ânute a ti tak e.


"Ka u, Didika phirpui Dindina a nih hi psychiatrist-ania kan awmpui Sofia-i doctor" a lo ti zung zung a, chu nu chuan "Phirpui a, thil inthup hi a va lo tam tak em eng eng i duh a?" No lo zeta min melh chung chuan a sawi a, "Ka u Sofia-i chungchang hriat a duh a, tlem azawng chu ka lo hrilh tawh a, Sofia-i nu pawhin a âtchhanah min puh loh nan i hrilh angai" a ti a, ka lo bu nghauh nghauh a, "A â amaw a haw hma kha chu a pangngai ve reng a thil tawn kha chu na a ti ka hrethiam a âtphah em ka ring lo asin a bialpa vang vek a nih kha" a ti a, Rinzuali chuan "Ka u a bialpa chu Didika alo ni reng alawm" zawi sap hian a ti a, Rinzuali û chu a meng phar nasa mai "Eng nge thil awmzia hei kum a liam nual tawh a eng buaina nge ni leh ta" min en chung chuan "Vawiin atan chuan haw phawt teh naktûkah kan sawi ṭha dawn nia" a ti a, ka chhuak ta a.


Ka unaupa a lo inrawlh reng amaw he hna hi ka kuta tla tur renga Pathian min pekah ka ngai hmiah tawh Sofia-i buaina chauh niloin ka thisenzawm ngei ka phîrpui pawh a tel ve tlat engkim ka chhui chhuah vek angai a ni. Zan dang ang bawkin ka muhil leh theilo ka inlet ka inlet a, psychiatrist-ka nih tirh aṭanga vawiinni thleng ka han ngaihtuah hian hetiang em em a buaina nasa hi ka la hre ngai lo ka unaupa ngei inrawlhnaah hetianga ka buai hi ka ring phallo Dr.Malsawma ka lo ngaihsan ruk em em ṭhin pawh sum duh.


Ka muhil theilo ka phone-ka han en chu miss called-vawi sarih vel Thelma-i maw ka phone ka silent-avângin engmah ka lo hre lo a ni a thinrim ngawt ang ka call back-vat a, a la har ngei mai ka mangang hman ka hna vangin ka bialnu ka ngaihsak hman thlawt lo.
"Hello,Ramdinpui i buai tih chu ka hria mah se ngatinge ka ngaihtuah lutuk che" ka hlauh ang ngeiin maw thlem leh angai ta ka duat ka lo silent palh alawm le ka ngai lutuk che "Ka pa nen kan lo kal a, i zin thu min lo hrilh a, thingtlang ah i zin a thingtlang atangin khawpuiah i zin chhawng leh a, hmm kan haw leh tawh ka mu dawn ka hmangaih che" phone-a dah nghal daih a.


Nizân ka mut tam loh em avang chuan ka taksa pawh a zawi khawp mai tukṭhuan eikham velah hmanhmawh takin Rinzualite in lam chu ka pan nghal a, ka thil hriat chak zawng zawng ka hre vek tawh tur chu ka zam deuh det hmeichhe naupang bawk khan min lo hawn leh a, inring sa tawh ni awm tak hian Rinzuali u chu thingpui nen a lo ṭhu ngawi reng a, Rinzuali erawh ka hmu lo. Min hmuh chuan a kutin min hui zeuh a, a hma zawnah chuan ka ṭhu a, ka zawh chawp ngai miah lo hian a rawn ṭawng a.


"Sofia-i kha kan awmpui anih khan a la tleirawl ve hle a, a âtphah pawh chu mak ka ti hran tawh lo e fa kha chu pai kher lo se chu hetiang a ni bik kher lo ang" a ti a, fa a! Ka meng phawk lutuk "I unaupa Didika fa a nih dawn chiah chu ka nauin engkim min hrilh a" ka unaupa fa maw mak ka tihna chu a zual tulh tulh thingpui lem ri khalh chung chuan min en reng a, mak ka ti hmel chu a hai lo a ni ngei ang "I tan chuan hman kuma mi ni tawh mah se tun hnai thleng ang mai a ni chêk ang Sofia-i kha tleirawl hmelṭha leh hlim thei tak a ni a awmpui mah nise kan dah zalen viau, a bialpa chungchang erawh a sawi ṭha duh lo a fel lutuk a ti mai zel a, a leng chhuak ve fo a, a bialpa nen an chhuah tur thu a sawi chuan kan ngaih a ngam mai a, kan lo a tak tak a ni Didika a ni ang tih ngaihna reng ka hre lo" a ti a.


Chuan engtin zel i nau leh ka unaupa chu an inngaizawng si a Sofia-i pawhin a hre tho awm si a, chuti chuang engtin..ka sawi zawh hma chuan a rawn sawi chhunzawm leh a, "Tlai khat a lêng rawn haw chu a rawn tum deuh bur a, a room-ah a inkhung reng a, kei phei chuan kan chhungkaw zinga mi ang mai a ka en avangin awmpui mah nise ka ngaihtuah lutuk a awm dan diklo chu ka ngainven tlat a, thiam takin ka zawt chhuak ta nge nge a, nau a lo pai reng chu niin a bialpa chuan ti tla turin a ti a, tih tlak a ngam silo a a kalsan zui a lo ni renga kha ta ṭang khan a awmdan a dik tawh lo reng reng" a thingpui chu a han lem leh a.


Ka unaupa Didika fa maw lo ni a, han sawi zel teh a doctor-ka nihna angin ka ṭanpui dawn anih chuan a chanchin zawng zawng hriat ka ngai Sofia-i chungchang chauh a ni lo ka unaupa pawh a tel ve ka ti a, a bawp a han khawkherh ṭha te te a, "A fapaina lah a sawi duh silo 'Ka hmangaih alawm min ṭhen thei lo ang' a ti renga ka mangang si a nu hrilh kan tum chuan khawngaih min dil lawm lawm a, a hriat chuan a thih mai tur thu te a sawi takah chuan kan sawi ngam lo a, a bialpa chu a reh hmak a ni ngei ang nau a pai chhung khan vawikhatmah a chhuak lo fa a hrin hnu chuan reilote kha chu hnute a hne a, ka pasal hi sipai a ni a, ka chhul a thatloh avangin fa kan nei theilo bawk nen ka fa angin ka enkawl ta a ni" a ti a.


Hmeichhe naupang anu ti a ko tu che kha maw ka lo ti vat a, lu bu nghauh pahin "I vahnu ngei a ni" a ti a, ka hnuk a ulh ve det a patea tak tak ka ni kan piah lawk a hmeichhe naupang TV en chu ka thlir vang vang a, "Fa a neih hnu lawk chuan ka nau Rinzualin Didikan a kawp thu leh a kawpna nu nen an inneih thuai tur thu a sawi a Sofia-i pawhin a ṭahpui nasa asin aw a fapaina tih ka lo hre reng reng lo a, a fa chu ka fa tana la in bawnghnute in kan châwm tawp a, ama duhthu ngeiin a nu bulah a haw ta a, chanchin kan hre lo vang vang a, kumkhat a liama, a nu in kan awmpuia a ṭan lai a thil thleng min rawn zawt a, kan sawi ngam silo engmah kan hriatpui loh thu kan sawi ringawt a ni" a ti a, thil awmzia diktak ka hriathnu chuan ka thawl hawk hian ka hria.


Hmeichhe naupang chu ka pawm kâng a, ka mittui a parawl lek lek "Sawmi ka nia ka fanu i vahnu ni bawk kha Duati a nih kha Sofia-i chuan a fanu hi a hriatreng ka ring tlat Didika nen a an chungchang chu amah Sofia-i ngei i zawh loh chuan kan hre bik lo" a ti a, lawmthu ka hrilh a, tlai dar hnih a lo ri der tawh thingpui pawh inkhawmuang lo chuan hotel-awm man ka pe fel a, chak takin Sofia-i te khawlam pan chuan ka tlân nghal a.


Show post links
Top

[Ngaia]

Ka tlân chak hle emaw ka tia ka thleng tlai hle mai ka khumah ka bawk thlawp a, Sofia-i chungchang bakah ka unaupa Didika chungchang zawng zawng ka hre fai ta vek chu a ni si a. Ka maimitchhing vang vang a, ka unaupa Didika leh Sofia-i chungchang chu amah Sofia-i kâ aṭang ngei lo chuan khawi aṭangmahin ka hre dawn lo Sofia-i lah Didika emaw min tih tlat avangin ka lakah ramsa ang mai a ni si ka va han hrethiam lo tak dr.Malsawma puih dil dawn ila sum vang chauha Sofia-i lo enkawl ṭhin a ni tih ka hriatna chuan min ti ngeng sauh mai bawk si zin hâwng chau e tilo chuan muthmunah ka ngaihtuahna ka kâwm leh nasa khawp mai.


Kawngkhar chum ri chuan min tiharh hlawl, ka tho hluai a, rawn luh a tum na a rei tawh ani ngei ang a chum na fahran em mai, a kut a na vek tawh hial mai thei. Ka hawng chu pa Rama bawk "Vâla, i bike-ri kha ka hria a, i tlai hle mai maw Sofia-i damdawiin awm thu pawh i hre lo ang a" a ti a, damdawiin a! "I lo haw hma ni chiah khan an admit alawm a pindanah nikhawhreloin a lo tlu a" Sofia-tiin ka phun sep a, pa Rama chu thudang sawi loin a chhuak leh daih a, ka insiam sawk sawk a, rang takin dr.Malsawma damdawiin chu ka pan nghâl a.


Ka va thlen chuan dr.Malawmi ka hmu thuai a, dr.Malsawma erawh a hmel hmuh pawh ka peih tawh lo; Sofia-i chu cabin-ah an lo dah a, private-damdawiin nih tawh naklaia cabin-chu a va to duh awm ve kan dr.lukawlh Malsâwma sum duh vangin a awm tir leh a ni ngei ang. Sofia-i nu chu a fanu kut vuanin khum bulah a lo ṭhu a, a lo ṭawngṭai mawlh mawlh bawk a, a ṭawngṭai zawh hun chu ka nghak deuha, a la chham rei phian zui, a ṭawngṭai lai chuan Sofia-i nikhawhreloa mu chu ka en reng a.


A hmelṭhat tehreng nen kum naupangtea bum a ni leh fa hial a nei chu ka khawngaih tlat psychiatrist-ka nihna piah lamah a bum tu chu ka unaupa ka phirpui ngei anih avângin ṭanpui chu ka ko a innghat tlat a ni. Pi Zâmi ṭawngṭai zo min hmu thut chu a phu chiang. "I lo let tawh reng elaw ka fanu thil tawn hriat nan inseng nual tawh mahila a pawilo ka fanu ka neihchhun tân chuan ka neih zawng zawng pawh ka hmang ral mai ang" a ti a, a mittui hnâm chu a hru zeuh a. Ka khawngaih ang reng Sofia-i bulah chuan ka kalhnai a, i kum naupan ngaihtuah chuan i tuar nasa mah mah ka ti sap a, a samah chuan ka chul thuak a.

Pi Zâmi chuan min lo be nghal vat "I hrechhuak tawh em ni engtin nge ka fanu chu a lo awm a?" Ti a min zawh chuan chhan dan tur pawh ka hre lo lek lek a fa neih thu hi hrilh ta ila midangin fa atan an la tawh si ka ngawi vang vang a, "Khawngaih takin min hrilh rawh i inchhiar to deuh a nihpawhin tunah neilo mahila ka pe em em ang che" a ti leh a, ka hnuk te a ti ulh dawn alawm le a bulah chuan ka ṭhu a, pawisa vangin Sofia-i hi ka ṭanpui lo ṭanpui angaih vangin ka ṭanpui zawk a ni i hriat duh chu ka hrilh ang che ka ti a.


A lawm lutuk hmel chu ka en reng a, dr.Malsawm i eizawnna a ni tih chu ka hria mahse, mi harsa zawk te sum hi a ni maw i lo hmuh len em em a, i damdawiin hi kang chhe vek se tiila mamawhtu tam tak an awm tho si a, ka thin i va ti rim tak em. Ka unaupa vang a na a nih thu te chu ka han sawi luam a, nau a pai thu erawh ka sawi ngam ngang lo a ni ka inthiamlo letling zawk khawp mai "Phir innih chuan a hai che anih chu aw i unaupa mahnise ka fanu chunga chutiang a ti chu ka lawm lo hle mai ngaihzawng nei ngai miahlo kha a ni si a" a ti bul bul a, Didik ka hmuh hun che chuan i insawifiahna tur i ngah hle mai i phirpui ngei pawh min mihran hmak chu a ni si a ka ti rilru nuah nuah a.


"Chaw a ei mumal lohna a rei tawh a, a taksa a chau tawngkhawng tawh a ni mahna daktawr-Dindin ka fanu nun hi a hma anga i thlak danglam thei a nih phawt chuan kan ram pawh ka pe mai ang che ka pasal min hnutchhiah a nia kei chuan ka fanu chiah ka duh" a ti a, hetiang reng reng a khawngaih leh puih duh hi ka la nei ngai lo hrim hrim midang ka pui duh lo tihna niloin Sofia-i hi zawng a danglam bik a ni. Khuh kherh ri chuan min ti harh kawkin ka hria Sofia-i chu kan en vat a rawn meng diar diar a, Didika emaw min tih tlat vangin a men chian hma chuan ka chhuak daih a, kawngkhar aṭang chuan ka bih a. Sofia-i chuan a nu chu a kuah nghal ngawih ngawih a, a hmel pawisawi lo zet leh a sam kir deuh biang mai kara mittui rawn luang chu ka thlir renga, ka phone-ri chuan min ti phu leh zawk.


Ka bialnu Thelma-i maw ka hmangaih em em chhan pakhat pawh khawihmunah pawh awm ila Thelma-i tluka min ngaihventu hi an awm kher lo ang ka nui deuh vur vur a, Hello ka duat hmelṭha te ka la rang tawh em i thinrim lai hi chuan i hmelchhe tlat i thinrim ka duh lo ania aw, ka fiam zui nghal hluk a.
"I let tawh em Dindin inhmuh ngei ngei kan ngai ania i lo haw lawk hman em?" Thelma-i hian pawimawh lutuk anih loh chuan hna ṭul ka neih laiin min tibuai ngai lo.


Engthil nge ni a a hmanhmawhthlak viau em? "Duat, i nu hi ka pa in a la hrilh lo a rawn hmasak che an duh a, ka nu pawhin a remti vek tawh a" a ti leh a, a thupuiah a la lut chuang lo eng chu maw an remtih ka nu nen chauha khawsa kan ni a, a sum thawkchhuaktu zawk mahniila ka nu hian hna ka neih hmain theihtâwpin min enkawl a, ka pa nena an inṭhen khan ka la inzir chhuak reng reng lo ka nu ka dah hmasa lo thei lo. "Duat, ngawi reng lo teh i nu i ngaipawimawh tih chu ka hria mahse i nu chuan a remti nghal dawn chiang sa" a ti a, eng chungchang nge mawni le sawichiang la ka tih chuan a rawn nui hawk hawk a,"Hmeichhia zawk nimahila kan inhmangaih tho a, inneih lam daih ania kan lo sawi" Inneih a i â ta a mi ka buai zia i hrereng a buaina dang bawk maw hmeichhia ka ngam lo a ni reng reng lo Thelma-i pa hi Police-a ni a, a nu lah Civil Engineer-a ni lehnghal kan dinhmun a inthlau ve reng Thelma-i u mipa lah MCS-mi hausa chhungkua an fanu ka ngaizawng miau a, an fing fel bawk nen Thelma-i pa ka thurawn lak ve na ber a ni bawk si.


Thelma-i pawh a duai bik chuang lo beauty parlour-a nei a, hlawk tak a ni. Pathian an ṭih bawk si chuvangin an thuhnuaia awm ni miah silo hian ṭha an tih ang chu ka pawm ve mai zel a, min hmuhsit phah chuang lo a harsa zawk chuan an duhdan kha a ṭhalo lam niloin kan pawm a ngai mai ṭhin. Naktukah ka rawn haw dawn nia mahse, let leh ran ka ngai ang ka ti a, phone-ka dah a. Sofia-i chu ka han en leh zauh a, ka chungchang pi Zamin a hrilh nge ka hre lo Sofia-i chu a bu leh nghauh nghauh zel a, ka nui deuh suk a, midang be lem lo chuan ka kalsan ta a.


Vârṭianah chuan min mawlhtu awm ang maiin ka harh hlawl mai kan khua a haw ka chak nge ka bialnu ka hmu chak tawh lutuk ka hre chuang lo, ka insiam sawk sawk a, pa Rama hrilh lem lo chuan kan khaw lam ka pan vang vang a, inneih maw ni e, a hun ve tawh reng. Kum 30 kuminah ka tling tawh dawn a, ka nu pawh mo hmel hmuh a hun ve tawh alawm le a rawt hmasatua ka ṭanglo chu ka inthiam chiah lo mahse, duhdan dana tikual turin an milian lutuk min duhsak em em bawk si.


Ka thlen chuan ka nu chu a lo chhuak vat a, ka bike-ri hi chu a hre bel tawh lutuk ka bike-ang sang chuang pawh awm mah se ka bike kher hi chu a hming a hriat tlukin a a bel ve tlat ka nu mah nise nu mak ve tak zawng a ni. "I lo haw dawn tih i sawi lâwk silo a, chaw pawh ka chhum kep lo che asin ka chhûm ṭha leh mai dawn nia" a rawn ti nghâl bawrh bawrh a, ngawirengin ka helmet ka phelh a, ka nu chu ka zui lut a. Chaw chhûm pah chuan ka nu chuan "I hna eng nge a an a châng chuan ka ngaihtuah deuh ṭhin che mi harsatna zawng zawng hria a, zêp sak te a la ngai ṭhin ania i rilru te a nawmloh phah ve lo a mi" a ti a, ka nu hian diktak chuan psychiatrist-ka nih hi a remti lem lo ka pa ang a zirtirtu nihtir min tum tlat kah a nia ka tui thlawt bawk silo. A ṭha ka tih ṭhan ania alawm ka ti mai a.


Tukṭhuan kan kil lai chuan Thelma-i nen inneih lam chu ka han sawi a, "Inneih maw engmah min va hrilh ve lo ve an fel tih chu ka hria mahse, Dinbawih kan dinhmun a inthlau em mai han innei ta ula min hnuaichhiah viau lo ang maw" a ti a, ka tum deuh hmuk sawi tur pawh ka hre lo. "Thelma-i nula fel tak ka duh loh vang a ni hauh lo a, i pâ tello a inneihna han kalpui hi ka hreh deuh a ni engtintak Didika nen khawsa ve ang maw" a ti leh a, ka rilru a insual nuai nuai mai ka nu chu ka enreng a, Didika chanchin ka hriat chu ka hrilh ngam thlawt lo a hriat chuan a rilru a na dawn lutuk ka pa chungchang ka hre tel bawk silo anṭamtui hâng chu vawikhat ka hâwp a, ka tho ta daih a.


Ka rilruah Sofia-i a rawn lang zawk a hmel pawisawilo leh a tituai nalh zet chuan ka ngaihtuahna a luah lutuk chu ka inbêng harh leh rih engvangin nge Sofia-i hlir ka ngaihtuah ni e ni e, ka damlo enkawl lai alawm engvangin nge ka ngaihtuahloh teh lul ang. Thelma-i ka phone-a ka thlen tawh thu ka hrilh chuan a phur khawp mai ka hmanhmawh deuh avangin zanin la la a sawifel chu ka duh hmiah."Thawt thawt a che palai te rawn tir ve phawt la" keimah hi ka rawn palai mai ang, a nui deuh huk "Mi mawlpa ka pa in min lo phone-ka dah ania love you muah muah" a ṭhing lutuk khatia tih kher angailo bye ka hmangaih che phone ka dah a, ka nuin keipawh min rawn ko chiah bawk a.


Eng nge ka nu? Thelma-i nen kan inbe zo chiah a, "Ṭhu teh Thelma-i pa hi a hmanhmawh mah mah lo maw zaninah an inah chhungkaw hnih inhmuhkhawm a ti a nih chu kan kal angai i pa nena kan inṭhen hi chu mi zah kan kai loh phah tlatin ka hria chawhmeh tlem azawng ka khar chhawng ve a kan kal ang e" a ti a, a chhuak nghal a. Ka ngaihtuah chiang a, ni e an hmanhmawh mah mah a ni Thelma-i hian inneih vat a duh thu kha a sawi reng zel a, a pa a lo hrilh tak tak a ni chiang an duat ropui si.


Zanriah eikhamah chuan kan insiam a, ka nu nen Thelma-i te inlamah kan inphur chhuak ta a, kan thlen chuan an chhungkua chuan an lo ṭhu ṭhap tawh a, Thelma-i pa pu Mawia Sailo chu a ding nghâl a,Numâm, i fapa leh ka fanu vang hian mihrang pawh kan ni chuang lo a, an induh tawn tho a, palai pawh tir hran chuang loin a hun leh ni ruat ila Inneih tir mai hi ṭha kan lo ti a" aw dam thluap hian a sawi a,ka nu ka en a, a hmel a hlim lutuk lo za lo deuh hian a rawn nui a, "A harsa zawk kan ni a, nangnin in tih te chuan kan pawm mai aniang chu mahse, kuminah chuan an innei thei lo ang" a ti sap a.


Ka nu thusawi chu a pawm tlang khawp mai Thelma-i hi ka bialnu a ni a ka hmangaih bawk mahse, inneih ka phur tlatlo chu mak ka inti letling zawk. An sawi ho lai te chuan ka rilruah Sofia-i hlir a awm entin nge a awm ang tih mawlh chu ka rilruah a awm Thelma-i chuan khi reng chung chuan ka dar a nghenga a hlim tak zet. Pathian zarah kan dam chuan nakum kum tir January 14-a innei turin kan titlu ta a. Thelma-i chu a hlim kher mai min kuah bawrh bawrh a, hlim ve tur ka ni asin ka bialnu ka hmangaih em em nen kan inneih tur thu an rel tlu tawh ania mahse, engvangin nge hlim loh rukna ka neih tlat.


Ka nu nen kan haw hnu chuan ka phone-chu a rawn ri ral ral a, pa Rama maw min ngai tawh viau emawnile pa Rama hi ka nui suk a, hello, pa Ram min va ngai tawh awm ve "Vâla, Sofia-i a buai leh a, a thawh dan a dang lutuk min ngaidam rawh ti ringawtin a ṭap tawp theilo damdawiin awm man an nei tawh silo a, zaninah an chhuak a, a buai zui a ni awm e, chu chu ka rawn hrilh che" phone ka dah nghâl a, Sofia-engtin nge i awm? Ka nu pawh hrilh lem lo chuan ka thawmhnaw chu ka khung mawlh mawlh a, ka nu bathroom-aṭanga rawn chhuan chuan min rawn pan vat "Leh chiam chiam in a, i thawmhnaw te i khung tak mai" ka nu zaninah thintlang lam ka pan leh nghal a ngai ka damlo enkawl lai a rilru a buai leh thut a, ka tih chuan ka nu chuan "Zan zana i hna hi chu e ka duhpui lo reng che a ni i hna vangin inneih pawh nakum ka ti a nih kha naktukah tal i kal theilo em ni" a ti a, ka nu a hmanhmawh thlak pawisa hman tur i nei loh chuan ka ATM a awm kha ka ti a, ka tlânchhuak nghâl a.


Show post links
Top

[Ngaia]

Zanlamah chuan tlan chak ngam ni hek lo ka thleng tlai leh angreng hle mai a ngâi te bawkin pa Rama a la mu lo a ni ngei ang thawm a nei ve tlat. A rawn ri thla bawrh bawrh a, Sofia-i mawlh ka rilruah a awm a muhil thei angem le pi Zâm lo mangang suh aw doctor-Dindina ka lo thleng tawh e pa Rama hmuh phawt loh chuan Sofia-te in ka pan ngam mai lo thil awmzia zawh fiah leh deuhhlek ka duh. "A zân a zânin Dindin mi inpe zo tak chu i ni nichin deuh lawk khan dr.Malsawman a chiu a, a muhil ta a nih kha a tlai tawh si a, hahdam phawt la naktukah i kal dawn nia" a ti a, ka thaw huai dr.Malsawma hming rawn ri leh chuan min ti thinrim thut pa Rama chhuak tur chu ka pawt let a, engzat nge an chawi inchiu man chu? Ka tih chuan min en hu pah hian "A man sang chi rs 500 man tur ania mahse, mi fel tak ani rs 200 chiah a la" a ti a, a chhuak nghal a, ka awihlo lutuk chu ka insehruh teuh a.


Ka chau deuh animahna thawh ka hai chiang kher mai dar 9:00 a.m maw ka pian a hnu lamah hetiang em em a tlaiah hian ka la tho ngailo hrim hrim. Tukṭhuan lam a lang lo ka kawr var chuar zet chu ka phih chhuak a ka nawt thuak thuak a, insiam nghal ka ngai ka tlai dawn tlat. Ka nupui hual ti tawh mai ang Thelma-i chuan ka rin lawk ang ngeiin min lo call-leh a, ka hmanhmawh naklaiin a va hun lo e ti a phun nuah nuah pahin phone-chu ka la a, ka bialnu chauh a ni tawh lo ka nupui hual phone call-ka ning ta ngawt chu ka inthiamlo leh hnuhnawh. Hello, eng nge ni ta? "Ramdinpui ka lungawi hlawl lo i damlo chu tunge a nih a, i ngaih pawimawh em em a, zan chhuah ngai hial chu ka va hre ve duh ve" a rawn thinrim ngang mai ka hmui ka pet fan fan a, nang chu ka bialnu mai nilo ka nupui hual i ni a, i dinhmun chu tuman an luahlan dawn lo rilru damlo chuan an damna turin min mamawh ngawih ngawih chuvangin hrethiam rawh ka hmangaih che ka ti a, "Min hrilhloin khawiahmah kal tawh miah suh" nem zet hian a rawn sawi leh a, phone-a dah a.


Sofia-i te in ka thlen chuan pi Zâmi pawh a lo lawm khawp mai "I nihna a hre tawh a, ngaihdam dil che a duh a ni ngei ang 'min ngaidam rawh' tiin a rak leh chiam chiam a mawle" a ti a, hlim hmel a pu lem lo, a fanu a hmangaih zia leh a awmdan avânga a lungngaihna chu ka hmuhthiam sak khawp mai. Sofia-i room-chu dimte hian ka hawng a, a khum bulah a lo insut faih faih mai kawr var a ha a, a sam mawi tawk chiah a kir chu a thlah hnuang bawk a, eng nge ka hriat ka hre lo a bulah chuan ka va ṭhu a, ka kut lehlam chuan ka kuah a, engdang sawi bik lo chuan min rawn ngheng a.


Sofia-i chu engkim zawh chhuah vek ka duh tawh a mittui te chu hruk sakin ka phirpui mahnise na takin a siam che a, ka ṭanpui dawn che alawm mahse, i chanchin min hrilh phawt angai ka ti a, ngawi rengin a tho a khumah chuan a ṭhu a, hnuai lam a bih tlat a, min en ṭha ngamlo chu ka dem hran lo hmeichhe innocent-tak hmelṭha tak a ni a, tleirawlte a nih laia bum a lo tawk chu ka lainat lutuk. Sofia-i room-a chair-pakhat chu ka la a, a hma zawn takah chuan hnaih lutuk loin ka ṭhu a, Sofia-engkim min hrilh rawh ka tih theih apiang ka ti ang ka ti leh a, zawi muangin a rawn hawi chhuak a, a hmel a ṭha takzet,bum mai mai atan chuan a uiawm lutuk.


SOFIA POV* (A TUNHMA NUN)

Ka pa boralna pawh kum nga lai a lo liam ve ta, tunah chuan kum 17 ka tling ve tawh a, class-10 board exam-result chhuakah mark thum chiaha top 10 ka phalo chu ka ṭap ṭep ka nu chuan "I ti tha lutuk alawm exam leh hunah a aia ṭhain i ti dawn nia" a ti a, ka pa boral hnu hian ka nu chiah ka neih chhun anih tawh avangin ka nu ṭawngkam vawikhat pawh chu ka tan chuan damna hi a ni ngawih ngawih.


School chawlh chhung chuan theihtawpin kan rama huan kan siamah chuan ka nu ka pui ve thin a, unau pianpui ka neih loh avangin leh ka nu nen chauh kan nih tawh avangin ka nu chu ka zah zual em em a, school ka chawlh lai a nih chuan ka tello a, hna a thawh hi ka remti lo bur. Vawiin chu ka pate Raman pass min lawm sak dawn avangin huan kalloin inchhung kan ti fai dun a, ka pa boral hnu hian ka pate Rama hi pa ang chiaha ka en a ni a, duat pawh min duat lutuk ka nu rin ber a ni bawk a, retheite mah niila kan pathum chuan kan hlim ve thei lutuk ka pate Rama nupui pawh hi cancer-natna avanga boral tawh a ni a, amah hi kan school peon a ni nghe nghe.


Zanriah eikhamah chuan kan YMA President-leh a nupui an fapa kei aia naupang fe tur hi an rawn lut a, ka nu ṭhiante tlem azawn an rawn lut bawk a, kei chuan ṭhian ka neih mumalloh avangin tumah sawm tur ka hre lo mak deuh maiin pate Rama chuan hmeichhe pakhat hmel felfai vang mikhual tih hriat tak hi a rawn hruai lut tel bawk a, a bialnu emawni le, ka pass-lawm zan ni mahse chu hmeichhia chu tunge a nih le hriatchakin ka phi sek a. Ka nu ka zawh lahin a hriatlohthuin min chhang bawk si ka pate Rama nen chuan an inbia a, an nui vur vur a.


Dar 9:00 p.m a rik chuan ka pass-min lawmpuitu te chu an ṭin ta a, mikhualnu erawh ka patea bulah chuan a ṭhu reng a, a meng ang hre hraw a, a hmelchhe bawk si. Midang an haw fel hnu chuan ka patea chu a ding hluai a, ka nu en chung chuan "Zamte, hei ka hmeichhe rawn hruai hi Sawmi a nih hi a pasal sipai ania awmpui tur a rawn zawng anih hi" a ti a, a khi var var a. Ka nu chuan ban chalh hian "Khawikhua nge i nih a, ka pasala unaupa nen hian engtin nge in inhriat?" Tiin a zawt vat a, a men dan te reng reng chu ka ngei zawng tak a ni. a khaw hming te chu a han sawi a, a naupan lai ṭhian a nih thu inchhuan hmel zet hian a han sawi a.


Ka nu chuan nui chungin "Awmpui i lo mamawh a ni maw tunge kan khuaah hian tlawngawl deuh aw Ramte pu Thanṭhuama fanu kha engmah thawh a neilo tiraw kha" a ti a, Pate Rama chu a khuh kharh kharh a, "Zamte, Sofia-i tluka fel hi an awm dawn em ni awmpui fel tak a ni dawn alawm" a tih chuan ka meng zau kawk ka nu ka en a, tu awmpui mah nih ka duh lo school-ka kal zawm duh ka ti nghal pang pang a, ka nu pawh chuan aw dam thluap hian "Ka fanu hi chu a la naupan bakah school-kal zel turin ka duh a ni Ramte midang zawn sak mai ta che" a ti a, pa Rama pawh chuan a lu a bu nghauh nghauh a, mikhual nu lah chu eng dang sawiloin a chhuak nghal bawk a.


A chhuak fel chiah pa Ramtea chuan ka nu chu a melh rum vak a, ka lo hlau nasa ka nu pawh chuan "A khaih Ramte engtizia nge le aw" dam thluap hian a sawi a, pa Rama vin zet hian "An ni ang mi hausa awmpuia Sofia-i a thlang kha chu lawm hle ta che Zamte hlawh pawh a ṭha a, school-a kal zawm anih chuan i insenso tur ngaihtuah rawh" a ti a, a chhuak daih a. Ka nu chuan lainat hmel zet hian min en a, ka nu pate Rama kha ka hlau ka ti ringawt a, min rawn kuah a, "Zu a in leh pek aniang hlau miah suh aw khawiahmah i kallo ang" a ti a.


A tuk zingah chuan thil chhu ri bur bur ri hian min ti harh chiang kher mai dar zat ka en a, awi dar 8:00 a.m ka lo mu tui deuh aniang ka tho vat a, thil siam an nei emawnile tiin ham bai bai chung chuan pawnah ka chhuak a, pate Rama bawk a lo nui vur vur lehnghâl ka nu leh kha mikhualnu bawk kha an lo inbe mawlh mawlh a, kan in chu an zauh dawn nge le engtin nge an lo siam le hei hi a ni maw min ti harh tu kha.


Ka nu chuan min hmuh velah "Bawihte, kan dawr tur a nih hi" a ti a, dawr a! Ka va hrethiam lo pa Rama chuan min rawn kuah a, ka tal chhuak rang mai "Mi awmpuia i ṭan hma hauhin hlawh i nei nghal ania i pi Sawmtei dawr siam sak che anih hi" a ti a, ka hrethiamlo awmpui maw ka nu khan ka kalloh tur thu a sawi si a, ka nu ka en chuan a hrethiam aniang "Ramte, lo hrilhfiah mai rawh aw a thawmhnaw kan siam ang e" a ti a, a lut daih a,zui luh ka tum chu mikhualnu chuan min chelh bet a, ka ṭang nasa mai ka hneh teuh silo "Tukin zing karah i thawh hmain i nu ka hrilh a, dawr zawng zawng nen hian in ta vek tur i tan vek alawm i nu pawhin a remtih tawh kha nuam i ti dawn lutuk" a ti a, ka nu chuan ka kal a phal amaw ka mittui chu a rawn luang nghal zawih zawih a, ka nu a rawn chhuak a, "Thawmhnaw a nei vak lo a hei zawng hi" a ti a, bag-a rawn khai chhuak a, thingtlang mahnise lirthei lian chiah a lut theilo car-sen nalh zet hi a rawn thleng ve nghal a, nula a ni ngei ang te lampang hi a rawn chhuak a, mikhualnu chuan "Zualte, a hnungah ka ṭhut pui mai ang aw" a ti a, lu bu nghauh pahin ka duhlo chung chu car-ah min luh pui a, ka bag-an dah luh fel hnu chuan pate Rama leh chu nu chu an inbia a, ka nu chuan min thlir reng ringawt a, chu mi ni chu kum naupangte a, ka nu ka kalsanna ni leh thil thar ka tawnni a ni a, chak tak a, car-chu khalhin kan khua chu kan chhuahsan ta a.


Show post links
Top

[Ngaia]

Kawngtluanin ka ṭap a, min hnem chu sawiloh "I nu dawr kan siam sak vek tawh ngawi mai mai rawh" mikhualnu Sawmi chuan a la ti zui an fel lemloh hmel khawp mai. Kan thlen chuan an in chu lian tak a ni an hausa viau emawnile ka nu ka ngai em em a, ka kal phal ngailo khan chawplehchilhin engvangin dawr pakhat vang mai a hrehawm tak tuar tura min kaltir tak. Kan thlen chuan nui sang hian ka room-turah chuan min hruai a, an hausa hle aniang an in chu a lianin a mawi takzet, kan in aiin a let sang tak takin a lian zawk ka room-a thil awm te chu min en kual pui a, ka thawmhnaw ken ang ang te chu hnathawh kawra hmang vek turin min hrilh a, engkim an lo ruahman sa vek ni tur a ni ka mamawh tur engkim chu ka room-ah chuan a awm vek a, Sawmi chuan nui sang chung hian "Ṭap tawh reng reng suh aw ka fanu ang chiahin ka en che alawm i tihtur zawng chu kan awmloh hlana in lo nghah a ni mai lo kal rawh thil ei ang le" a ti a, kan khuaah kha chuan a nelawmloh tehlul nen an khuaah chuan ka nu tak tak ang mai chuan a ṭawng vel a, tih theih dang ka nei silo ngawi rengin ka zui a.

***********

Thlakhat a liam a, ka lungleng lutuk pawh a reh ve ṭan mak tak maiin ka awmnate chuan min duat khawp mai awmpui pawh ka ang lo ka nu nen kan in be pawp zeuh zeuh a, ka hreh tehlul nen ka ṭawngṭaina Pathianin min chhan sak a ni hrehawm takin ka awmlo reng reng school-ka bang ta mai erawh hrehawm ka la ti ve det nu Sawm tiin ka ko mai zel a, a pasal sipai anih thu leh a rawn haw zen zen loh thu chenin ka hre ve tawh a, nu Sawmi sawi ang ngei chuan nitin an in lian tak chu ka lo nghah sak ṭhin a, ka hlawh pawh thla tirah min pe a, Inrinni leh Chawlhni a lo thlen chuan inah an awm ṭhin avangin ka duh duhna a ka lengchhuak thei a, in a awm reng ṭhin ka nih avangin han chhuak pawh niila kalna tur ka hre lo mahse, ka chhuah theih chhunah han chhuah loh chu ka hreh si a, pawisa lah ka pawisa pakhatmah ka hman angailo ka rin ai daih a an lo fel chu mak ka ti lutuk kan harsat avangin cell phone-leina ka nei lo a ka nu ka biak duh chuan nu Sawmi chu ka dil mai ṭhin.

Thla chanve ka awm hnu chuan
ka awmna chu nuam ka ti tawh viau mai zan khat chu nu Sawmi a ṭhianṭha ber te khuaah a zin a, Zuali nen chauh chuan kan awm a, Zuali chuan min nel tho mah se a ṭawng tam lo thleng ka sil zawh chuan door bell-a rawn ri ral ral a, hawn tuma ka va kal hnaih chuan Zuali chuan rang zet hian min lo hawn khalh a, tlangvâl pakhat ruih hmel zet hi a rawn lût a, a hmelchhe miah lo a sâng ṭha bawk si mahse a mitmeng chu a sen deuh rum a, a rawn lut pai chawn chawn lehnghal.


Ka la naupang bawk a, chu tlangval chu hmelṭha hle mah se ka hlau deuh tlat ka hmuh lai ngei chuan Zuali nen chuan an han induat a, a bialpa a ni ngei ngei ang ka mit ka hup a ka room-ah ka tlân lut nghal a, "Sofia-thingpui lum teh" rei pawh ka awm hman lo Zuali chuan min lo ko nghâl a, ka hnial ngam bawk silo. Hreh zet chuan ka lum a, sitting room lamah chuan an inchhaih nasa mai thingpui ka va pek lai chuan Zuali bialpa chuan min lo en nasa mai "Zual, a va hmeltha reuh ve tunge?" A la ti zui "Ngawi mai mai teh a la naupang kum 4 velin in inthlau ang ka awm ve reng hi" tiin a kut a vuan a, awm ve reng na chi niin ka hre lo ka room-ah chuan ka lut leh vat a.


"Sofia-tho teh eirawngbawl rawh nizan ka mu ṭha lo u Sawmi a lo la haw dawn silo" min rawn sawi nawk nawk a, ka hnial ngam bawk silo ngawirengin ka tho a, ka inphihfai a, Zuali lah chu a mu leh daih a, eirawngbawl ka thiam ṭha ṭhum lo ka nu nena kan eitur chu ka siam ve thei mai a, ka siam a ei duh kher ang em minute-reilote chu ka ṭhu vang vang a, door bell-ri chuan min ti phu zawk ka va hawng a, Zuali bialpa bawk kha mahse a hmel a zi lutuk a ruih hmel tawh lo a nui suk a, a nui mawi reuh lutuk "Zuali a awm em?" A ṭawngkam pawh a pangngai ka lo en nasa lutuk nge hamhaih deuh chuan engmaw? Ka ti leh hû a, zaidam zet hian "Zuali a awm em?" A ti leh a, a la mu a, tiin ka chhang mai a.

Ner deuh nung chung chuan "Kan kaitho ang e" a rawn lut a, inchungah a chho nghal a, nizana a nungchang nen chuan a inang lo khawp mai chaw bel chu ka sil rawk rawk a, chaw ka chhuan fel chuan alu ka ziat mial mial a, inhau thawm ka hre tlat Zuali leh a bialpa inhau thawm ngei mai chu "Zu ka in chhan pawh kha maw nangmah vang kha pa kha i la duh zawk tiraw inṭhen ang" Zuali bialpa thinrim âng thawm chu ka ngaithla reng nizan kha a ruih vang maw lo ni a, Zuali bialpa tûm hmuk chunga a rawn chhuk chu ka lo en reng a, mittui tling pur chungin Zuali chuan a rawn zui bawk a, "Didik ka thiamloh vek a ni mahse i duh dan chuan inṭhen chu ka duh mai e" Didika maw a hming ni a, Zuali bialpa chuan a chhâng lo, a chhuak daih a.


Zuali chuan mittui parawl pur chung chuan ka lam a rawn hawi a, "Hei, naui ka u engmah hrilh suh ang che chaw ka peih lo nangmahin ei rawh" a ti a, a room-ah a chho daih a, ka va ngei reuh tak chaw ka chhum kep vek tawh asin le, ka alu vel lai chu ka tawp hmak ka eikhawp ani tawh fridge-ka hawnga sa ṭhing pawh a la awm e, duh leh ei tawp suh se. Nu Sawmi bulah sawi aphallo maw a bialpa ṭhen a phallo emawnile kha pa Didika kha tu chiah nge a nih mawni a hmelṭha ropui sia nilo Sofia-ngaihtuah suh ka lu ka thing nawk nawk a, Ka rilru a Didika hmel rawn lang zuai zuai chu ka hrethiam lo takzet nula pangngai ka la ni tawp silo Didika leh Zuali nizana an awmdun lai a ka rilru a lo awm kha ka ngaihtuah thiam phalo.

*************
Zuali leh Didika inṭhenna pawh thlakhat a liam tawh Zuali pawhin bialpa dang upat hmel zet hmuihmul ngah zet a nei leh tawh bawk nu Sawmi pawhin Didika chu duhpui zawk mah se an Didikan a ṭhen miau a, sawi tur dang a nei bik chuang lo. Chawlhni tlaiah chuan Zuali leh Nu Sawmi chu an chhungteinah chaw ei turin an chhuak a, kal ve turin min ti zet na a, chhungkaw inhmuhkhawm a nih avangin kallo turin min hrilh ta zawk a, pawi ka ti hran lo Zuali pawh khan a peih chiah lo "U Sawm an veng a hla si pute Ruata sawi tur a ngah leh viau ang kan haw har leh ngawt ang" a ti nang nang anih kha, nu Sawmi zin lo haw hnu khan Zuali nen hian an inbe ṭha chiah lo anih hmel a chhan erawh awmpui mai ka ni a, ka hre thiam pha ve lo e.


Zanriah ka eikham chuan keimah chiaha awm ka ni bawk a khua a har reuh ka nu ka va ngai tak phone-ka nei silo nu Sawmi lah hian engmah a sawi ngai silo ṭhutthlêngseiah chuan muin ka maimitchhing diar diar a, door bell-ri thut chuan min ti harh chiang kher mai ka meng bial kawk kawk a, ka hlau deuh tlat a ni keimah chauhin ka awm si ka hawn sak mai lo door bell-chu beng kham khawp chuan a ri ta mai. Hlau chung chung chuan ka hawnga ka thaw huai Didika lek min nuih suk a, a nui hmel chu mawi tak a ni. Hmun dangah chaw an ei chhuaka ka tih chuan ngawirengin a rawn lut a, thingpui a la lam zui ka lai deuh tlat chu ka hrethiam lo kher mai.


Thingpui ka pek rual chuan ṭhu ve turin min ti deuh kher a ka zak in ka zâm ru lutuk ngawi reng chuan ka ṭhu a, "Tunge i hming?" Engmaw ih Sofia-i ka lam a rawn hawi thut ka phu deuh zawk "I hming a va mawi ve kum engzat nge i nih?" Ih ih ih ka kâ ka ang zuau hman "A pawilo i la naupang tih i awmdanah a hriat mahse naupang chhia i ni tawh lo kha nula puitling nen a len dan a intiat reng" ka awm chu a en a, a nui suk a, engtinmaw khawngaihin min chhuansan thei ang em? ka aw chu a khur deuh hmeltha in chhelo hle mah se a ṭawngkam aṭangin min sual thut duh hmel. A thaw hak a, "Hmeichhe fing tak i nih dawn hi min hlau suh engtinmah ka ti lo ang che ka fiamthu mai mai alawm i hmelthat em vang ania" a ti a, a tho hluai a, chhuah tumin kawngkhar lam a pan chu ka en tlawk tlawk a, hepa hi ka star-em ni ka inhrethiam lo.

A rawn hawi let thut a nui vur vur a, "Nangmah vang alawm Rinzuali kha ka ṭhen midang nen min kawp zing lutuk ngatanmah ka tilo mahse ka hmuh che khan ka thinlung neitu i ni nghal" a ti a, a chhuak daih a, awi ka lung a rawn phu rang sawtin ka hria Didikan min duh maw ka awihtheilo ka awmdan dang vek chu ka hrethiamlo ka hlim em em ringawt hmuh leh ka châk nghâl ngawih ngawih nu Sawmi leh Zuali ka hrilh theilo ang. Phone ka neih loh avangin TV ka en mai mai a, Didika hmel chu ka ngaihtuah reng bawk a.


"Sofia-eng nge i ngaihtuah?" Zualin vin zeta a tih chuan ka suangtuahna aṭang chuan ka harhchhuak zawk, engmaw? Ka tihpalh in lo haw tawh a nimaw ka ti bah nawk nawk a, a mood-a diklo a ni chêk ang min melh rum kher mai "Sofia-kan duat em em che a, i mizia hi a dang sawt riau" a ti teh ngawt a, a room-lamah a chho daih a, Didika nen an inṭhen aṭang khan a dik lo hrim hrim mahse thlakhat a liam tawh a, bialpa dang a nei tawh tho a, nu Sawmin a hau aniang. "Sofia-kan lo haw tawh e i room-ah va hahdam tawh rawh" dam thluap hian nu Sawmi chu a rawn ṭawnga ngawi rengin ka room-ah ka lut a, Didika mawlh chuan ka rilru a luah ka inhrethiamlo khawp mai.

*************

"Sofia-hei i ṭhiannuin a be duh che" nu Sawmi chuan ka room-hawl lai mek chu min ko a, ṭhiannu maw ṭhian ka neih pawh ka hre silo hmanhmawh takin choka lamah chuan ka tlan phei nghal a, nu Sawmi chuan a phone-ken lai chu min pe vat a. Hello, tunge aw, "Sofia, room-ah lut lawk teh Didika ṭhiannu ka nia" engtinmaw? ka meng zau kawk a, room-ah ka lut nghal a, Didika ṭhiannu a engvangin nge min lo call "Sofia-Didika ka bulah a awm a, a be duh che" ka hrethiamlo hepa hian engvangin... "Hello Sofia-ka hre vek alawm i mitmeng aṭang khan min duh ve tih ka hmuh vawikhatnaah che khan ka duh nghal che vawi chawhnu dar hnih velah kan inhmu thei ang em?" A awmzia ka hre lo ka duh nge ka duh lo pawh ka hre lo Zuali bialpa hlui lehnghâl ka ngawi vang vang a, "A pawilo min hmu duhlo anih pawhin ka hrethiam che ka tibuai leh tawh lo ang che" lawk khawihmunah nge he khaw awmdan hi ka la hre hleinem. "Lo chhuak tawp la in inbula thingpui dawr kha chu i hre em ang chu tah khan ka lo awm ang" aw le phone-ka dah a ka thaw hawk ka zam ru hle ka hmuh chak em em chhan pawh ka hre chuang lo "Sofia in va inbe rei ve phone-kha ka hmang duh ania" ka phu zawk nu Sawmi chu phone ka pe a, dar hnih velah ka ṭhiannuin lengah min sawm thu ka sawi nghal thawr a, ka zam deuh nu Sawmi chu a nui suk a, zaidam deuh hian "Awle i kal dawn nia" a ti ve mai a.


Show post links
Top