Min chuahsan hmak nia, a mah zawk hi a kawmtlak thlawt lo, tau paih si,
Nuuuuuu, naktuk chu , Pabiaka te lô ah kan feh dawn a nia, zing ah min kai tho rawh aw ti in , ka Nu pawn aw leeee, mahni a thawh te hi tum ve la , I thian te pawh , an Nu ten zing tin an Kai tho ngai lo, nang ve chu zing tin kaihthawh i ngai bik ziah mai, rawngte hi min bawl chawk ve thin la, awi awi awi kanu hi a, tlai tin chaw te chu ka chum ziah , nang man chawhmeh kha chu lo siam suh i ti ziah a nih kha aw, ti let in , nanga chawhmeh Siam te chu tu nge ei paih ang a, ka bul ah hian lo ding teh , ka ei siam dan hi chinchiah la, pasal I neih hun ah pawh nangmah vek in a nia bawl dawn,
A nu, sawtah kal lawk na tur ka nei, ka rei lo ang, kapa bul ah, chhuan lam min lo siam sak mai rawh aw, ka sam chu tawm nawk nawk in ka chuak nghal zat, kanu min auh na pawh hre lo der hmak in , a tlan in ka tlan hi a ni ber,
Chu tia ngawi reng a ka kal lai chuan , min tawk zawng a , thian ho rawn kal hi ka hmu, Kan en Chiang nak chuan , Tlanhnapi te thian ho lek chu,
He mite thian ho ka hne zia hi chu sawi in a siak lo, ka hö sö bawrh bawrh hi a ni tawp, an ler hlawm si, an tawng thei si, zah na pawh hi an nei ve lo, ni ber hian ka hria,
Kan in kal pelh tep chuan , Tlanhnapi chuan, chheve rawn ti in , ka ding dat, hawi let in , a tu nge che zawk chu I thian te pawn an hria ang chu ti let in , nang ka tia mi , I va zam lo tak rawn ti leh hram in ,
Awi ka hnial paih lo, ka hnial hneh dawn Chuang lo, thian te bul ah chiah pawr ngam , in sual I la min hneh awm der si lo, te ropui si, ti rilru in , ka kal san thei hram e, kut ka thlak chak zia chu , mahse ka thian te an awm bawk si lo a , an thian hô sawn min khawih rawn ka hlau bawk nen , ka in sum chu ka van neih pui e,
Lalawmpuii te in ah chuan lut in , lalpui ,,,,, yourself I te thian ho saw ka sawp nek chak, ka ngei a nia , chhe ve min lo tih hram kha ti lut in , puii pawn , a chuatnawh thulh meuh in min lo en , hunremchang a la awm dawn a lawm , Kan la gate out dawn nia lo ti ve bawk in kan rel nghal chu a ni der,
Naktuk Pabiaka a te lô a feh chu sawm nghal in , a lo phur lutuk, a hlim Lutuk chu in Siam chia vak vak
naaaaa a hmel chu , a mah hre ngai lo chuan , rualban lo ah an ngai ang ka ring , mahse kei a thian , fel em em hian , a chan ka hriat sak a vang chauh hian, en dan ka thiam hlauh a, tak in lalpui. (Di em chin lo a ) Chu bem ve tak tak tawh rawh , lalchawi in a beisei ve a nia,
Ka sawi zawh hma hma chuan , a lo dak leh tawh, ner nang nang in, a Phu thlawt lo, ka (di emchim lo a) , hi chu kei bak Phu an awm lo, ka bem dawn, Chiang kengkuang in , min duh loh leh , ka vo bet mai ang, ngaihzawng dang a neih theih lo na tur in tan ka la tang tang ang a , min hne Lutuk in , min yess ve ngei ngei ang ,lalthian lo thlir reng rawh,
Awi â ka ning , i ngam leh tak tak dawn lo, tinbawnga te kha i lo hrilh ve mai dawn nia, ka hawng dawn, kapa pawh a thinrim tawh ang ka rei tawh e mai , tho thut in , ka hawngsan nghal, kha tia , tho thut loh chuan min chelh dan tur a hre thei si, ka leng rei chuan a tuar tu tur chu kei bawk ka ni leh dawn,
In chung ka luh chuan rin ang ngei ngei in , ka pa pawn , min lo chang ran leh tawh , ti nge Chaw ei hun hian I leng ziah , sim tawh rawh , nula i ni ve tawh , I nung chang hi I thlak vat loh chuan , pasal I hmu zo lo ang min lo ti in , ka ning a nia Kum 18 chauh ka nih hi ti nge pasal min neih tir tal chu in tum a le, khuanu in saw sawwwww ta saw I kawp pui tur a nih saw min tih hun ah te chuan i he lo in , ka nei ve mai ang , tun a tang a pasal min neih tir hi tum reng Suh u, in ler Lutuk ti let er in, kapa beidawng hmel chu, hmuh nawm tak a ni,
Zing dar5 ah chuan Kanu chuan min rawn Kai tho in , kei pawh paih lo deuh in ka tho ve mai bawk, ka mit hi a in char a ni ber, kawng pawh ka hmu tha thei thlawt lo, mang lam nen a ni thingpui te chu ka in vel mai mai ni,
Ka nu chuan, in phihfai a in Siam zui tur a min ti in, ka lu chu ka bu nar nar , ka thian te hi ka ning, ka kawm peih tawh lo , an mawl si, ka sele dawn, an mah ni vang hian thawh hmat ka ngai ziah, naaaa hausak vat vat ka chak, ti chung chuan ka room ah lut in , ka in thlak malh malh bawk, rei lo ah chuan chuak leh in , kanu pawn ka chun chaw tur leh ka favah te chu ka ip keng tur ah chuan min thun sak melh melh mai, kanu hi chu a fel a nia aw, ka upat tawh nen hian engkim hi min la tih sak a, phun ve reng thin mahse a awm ngawih ngawih a fanu hi ka fel lo ve em a ni,
Rei lo ah chuan, mawilukawlha leh tinbawnga te chuan min rawn sawm a , an peih lo tih chu an hmel a tang chuan hriat reng reng, ka nu chuan, aw haw nang ni thian ho feh tur chu, in sualpui te in va nei leh nge, fim khur ang che u, min ti in , in ti thuawi tawk chuan, kan lo aw ve nasa Lutuk, Kan hnathawk hi in hnial pui e maw, in sual pui Kan neih ziah vang a nia,he tia kanu pawn min chah, Kan thian dang te sawm tum chuan chuak ve nghal in , lalpuii chu Kan va sawm, Sangkekuala pawh lo awm in , min melh tha duh der lo, nimin a Kan in hauh vang a ni ngei ngei ang , a va tau rei thei zawk tak,
Thlanmual bul kan thlen chuan thu chawl lawk in, Kan tui ken te in a kan ti ti malh malh lai chuan, yourself I te thian ho chu, rawn in zui thla in, min hmuh rual chuan , ner lui tih hriat Tak a an hmel ti che zui in , Kan lo ei lo hlawm a nia aw,
An zing a tawng thei ber lalchawii chuan , khawilam tluang nge in zawh ve dawn a, nang ni ho chu rawn ti in ,, lalpuii chuan aw ka chai lai di kan va rim a nge kan tia, ni zan ah, (di em chin lo an). In hmuh pui ah min la sawm zui, awi ka in deih thlawt lo, luck Lutuk pawh hi a hre awm lo ti let in , Tlanhnapi te thian ho chuan , min ngei hmel teh e,
Eng sawi tawh lo chuan min kalsan ta a, an mahni runluih nan hrim hrim chuan , an hnung zel ah kan kal a, a khat tawk in an hming lam ri chung in Kan Han nui leh vak vak a, min hua ve ngawt ang, an ni lah in , kut thawh hmasak duh bik lo le, in run luih reng chung chuan Pabiaka te lô pawh kan thleng , hmelma te nen a, Han in hma chhawn reng chu aw, a va phur awm lo tak,
Pabiaka a te lô hi, Kan then awm , ramri ah awm in , Kan khua a tang pawn , hla ve thawkhat tak chu a ni, Tlanhnapi te leh kei ni hi mi 9 ni in , khawthen awm a tang , mi 10 an tel bawk, chu tia hna Kan thawh melh melh lai chuan , chawlh lo hun reng tawh in , chawfak tur chuan , Pabiaka te thlam chu kan pan leh hnak hnak mai,
Khaw then awm te chu thu hrang in, an in ti hrang hi Kan ti mai mai khawp a, kei ni , hmelma Kum hlun te pawn , a hnun leh hmun Kan hriat lai a , chu tia an Han in ti hrang em em leh a khat tawk a rawn hawi phah a , an Han nui ho leh nar nar phei chuan min rel tih hi a hriat ngawih ngawih, Tlanhnapi in sum thei lo chuan, min rel dawn chuan min lo tel ve , in hre kim lo ang ti in, khawthen awm ho huat tawk a tling viau, in hnial cho zel in, a tawp a tawp ah chuan an in sual ta, khawthen awm te hi tam viau lo se chuan , thu chung a lo en mai mai ka chak nen , mahse ka in rawlh lo thei lo,
Pabiak a chu rawn tlan in min rawn thelh ta a, min hawng tir vek, hlawh pawh ni chan ve chauh min pe, hawng kawng ah chuan , lalchawii chuan, laldintluangi te thian ho chu in lo bawn hle Mai rawn ti in,
E tak a ka hming chu laldintluangi a ni, ka thian te bik hi chuan (dt) min ti mai zel bawk, nang ni a lawm bawn lo ti let in , a vawi khat nan Kan nui ho ve ngei kha,
Tlai khat chu ka putuma rawn leng in , laldintluang nang ni thian ho hi, in fel bawk a naktuk chu ka nghadil ah hna lo thawk teh u, mas pawh a hnai tawh a, in tuak phah a ni mai , harsa vak pawh a awm lo ang, dil kiang a hnim pawh kha a ni mai a rawn ti lut in , ka lo phur lutuk , mas Kan thleng tep tawh bawk nen , in tuak na sat ka ngai, ka hausak deuh hun ah , ka chung te hi ka la tlan bosan ang ti rilru in , phur em em chuan , ka thian te ka va hrilh ve nge aw ti in ka tlan chuak nghal,
Mawilukawlha te in ah in hmu khawm in , naktuk a putuma te nghadil a feh tur in ka sawm nghal , an ni pawn min hnial lo in an pawm ve mai bawk , a tuk leh lam a, dawl zik zawng zui chu tum in , mas chu Kan thei tawk a chen kan tum vek a ang,
Chawei kham chuan , ka thian te pawh kan in ah an kim thap tawh, in zui chuak nghal in , rei lo ah Kan thleng thuai bawk , hnim pawt phah chung chuan in fiam nghal in , putuma pawn min khap ngaih na vak a hre lo a niang , ka Sangha te kha in rap hlum ang nge , a khat tawk in a rawn ti chen tawh , chawlh a hun meuh chuan , Kan hna chu zo thawkhat in , nakin a tih leh ai ti in , chawl lem lo chuan Kan thawk law law a, Kan zawh fel hnu chuan chawl ve ta in, putuma te taito chu Kan Han hmu tai leh pek a, a hnu ah Kan lo ru ta nghe nghe, putuma hian taito hi a chinchawp a nih a vang hian rauh hle in , lawh te hi a phal lo Lutuk, hre reng chung in Kan lo ru tho chu nia,
.Putuma an hlawh min pek chuan , in en kual in , tinbawnga chuan putum ti nge ni chan ve hlawh chauh ti in , kei ni pawn , zo HMA viau mah I la , Kan tih tur ang ang Kan tih zawh a vang in, ni khat hlawh tur a ni Kan lo ti ve bawk, putuma chuan in taito lo ruk man ka cut a nih kha , a zar in ti tliak nual zui , ka cut tam lo kha lawm hle rawh u, vawikhat mah ka chhawr leh tawh lo vang che u, ka Sangha te pawh in rah hlum nual a nia ka rin , rap hlum lo mah u la , kha ti khawp khan tui in ti hnu a , a pangai chin tawh phawt chu an thi ang chu ti in , a thinrim hmel lutuk , eng mah Kan sawi ngam tawh lo, Kan chet dan chu Kan dik lo tih Kan hre ve kur bawk sia, lung awi zan lo chuan, mahni tuh rah seng in kan hawng ta kha nia,
Thawm beng cheng em vang chuan tho chuak in , ka thian te pawh hnathawh thawm hnaw nen an lo kim leh diam tawh , ka nu chu lo bawl kual in , kanu lah in a awi tak tak a niang , a hlim hmel lutuk, min hmuh rual chuan , kanu chuan laldintluang Chaw ei la in Siam vat rawh I thian ten an nghah reng che hi, tho tlai thei si, kaih thawh lo chuan thawh na chang hre reng reng lo Mai, min ti leh tawh, peih lo tAwk chuan chaw chu ei in, ka in Siam zui zak bawk, kalkawng ah chuan, sangkekual a chuan , lalpui vangvat i hlau em ti in , hlau teh nang i hlau a mi lalpuii chuan a ti let, hlau e , rul ai pawn ka hlau, pangang te changpat tiang te hi ka hlauh zawng a nia, ka Kai Tak thut chuan ka ring dawn che nia, a tih chuan , a pa lo Kan ti Lutuk , dawl hmun Kan thleng chuan dawl pawh chu a lo tam ngang mai, a zik no a piang chu la in , a hmun a hnawng bawk nen , a rap awm ru riau, ka ke thak ka en nak chuan vangvat lo kai in ngawireng chuan ka la thla, ka thian te chu melh kual in , an la pangai vek e, sangkekual a tih loh , a ni ve thung chu , tim em em in dawl pawh a khawih ngam mang lo, chu tia ka en reng lai chuan rawn au in , tinbawng i ke a kha vangvat a sawi zawh hma hma chuan tlan chia in , a la tlu bawk thlup leh nghal, tinbawnga a chuan , lalsanglian I pa lo e mai , a nin awm a nia aw, vawi khat mah dawl zawng na ah lo tel ve tawh suh ang che , kha nang pawh i ban ah khan saihnit a awm a nia ti in , sangkekuala chuan , eng nge chu chu tih phah a a ban an en chu le, awiii kei pawn ka rap , saihnit kutzung lai chen vel hi a ban ah chuan lo bet in , a hlau Lutuk chu chet pWh a che ngam lo , ding khawng reng in , eng tin nge ka tih dawn a tia , a tap pur tawh, lalpuii pawh chuan a laksak ngam lo
, a rap ve deuh a niang en pawh a en tha duh lo, chu tia tu man lak kan tum lauh tak ah ah phei chuan , sangkekual a chuan tap pur chung hian , ka la thi duh lo , min chan ru , nu ka hmangaih che a ti tiau tawh, va pan hnai in Kan en Chiang chuan , ka Mur sawng sawng thei, saihnit lah chu che tual tual a , a in pawt fan zui, a Lian ropui si thih thei na tham chu a ni ve ngei ang , ka bul a dawlhnah chu la in , saihnit chu ka laksak ta a , chu ti chung pawh chuan , a la tap bang thei lo , hawng ang u , ti chul in , Kan hawng pui ta a, hawng kawng ah pawh chuan , ka thak a nia , min lo en vat teh u, he tah hian eng nge awm , saihnit nge vanvat ti reng in , huiiiiissss nin awm lam ah a kal tawh , a mahlah a khat tawk in , a in pal tlu leh nawk zel bawk nen , Kan va han chang chia e aw, lui te Luan na ah chuan chawl hah dam in , tui te chu Kan cheng a, Kan dawl zawng pawh , Kan zawrh tawk tur vel chuan Kan tel vek bawk ,
In Kan hawng hnu chuan , ka nu bul ah chuan , thil thleng te chu hrilh in , kanu chuan, mihring te hian hlauh kan nei vek a kan hlauh zawng hi a in ang lo vek , in hmuhsit hi a tha ngai lo, min lo ti let er in , ka ngawi Chiang lutuk,
Dawl Kan tel sa chu zuar in , in tin ah Kan lut, dawt var sawi zel in , kohhran hming zel in Kan zuar, a hralh pawh kan in hralh thei fu,
Hun te chu Liam ve zel in , kei ni thian ho pawn Kan khawvel chu Kan theih ang tawk in Kan chen ve, tet te a tang in kawm Kan ni bawk nen , in kawm lo hian Kan awm thei thlawt lo chu a ni ber, Kan zing a pakhat hmel hmuh tur a awn na ah chuan , midang pawh hi Kan lo awm ngei ngei zel,
Hun a kal ve bek bek zel ah chuan , ur lawk zan pawh chu thleng ta in , mahse buai na kan nei, ar hem tur Kan nei tlat lo, kan thian ho puk ah chuan hman khawm tum in , a chan ber pawh , lalpui in Kum thar lam ah pasal min neihsan a tum vang a ni ber, (di em chin lo a) nen khan in ngaizawng ve in, thla hnih chu an in zui ve tawh, ti hian in neih an tum ve chu nia, in kawl rei thei tak ang maw,
Kan thian ho puk hi, Kan kawm thlang lawk a awm ni in , puk awmsa a ni Kan naupan zual lai hian , hmu chuak in , a tir ah chuan hnim hian bawh khat vek in , naupangte e ti lo in , Kan theih tawk in ka ti fai a , kha ta tang , Kan thian ho puk a lo ni ta a ni,
Mawilukawlha chuan , in tur ka tum ang a , DT nang in in âr I thawh ang , mi dang in neih neih in in tum tawm ang a tih chuan , Kan pawm tlangvek, zan dar 10 a rik hnu chuan , Kan in hnuai ah lut ru in , Kan âr hmuh hmasak ber chu Kan ru , a tlan in Kan tlan , âr lah chu thih a hreh viau a niang , thawm beng cheng thei ang ber in a chuah a ka chu hup beh pawn awm zia a awm lo,
Puk Kan thleng chuan, tinbawnga chuan talh in a puahfai nghal bawk, Kan kang tan chiah tih chuan, kapa lo kal in , a hnung ah kanun a lo zui bawk hmawlh Lian tha tawk a la keng zui, zam awm duh tak a ni, Kan vai chuan kapa chuan min kauh chho a, laldintluang tun a in kan hi kan âr ti raw min tih chuan , ka chang ngam thlawt lo , ka ngawih reng tak ah chuan , lalpuii chuan , pate Kan ar a nih kha , Kum in bak kan hmang khawm tawh hmel si lo a , kanu in min pe a lawm rawn ti in , a dawt sawi chu a awi awm lo lutuk a , a mah pawh a nui tawp, àr an neih loh bak ah , Kum hmasa khan a nu in a boralsan tawh , ka bei hi a va dawng em , kapa chuan , min rawn melh leh in , in ru em sawi rawh u , tui awp lai a nia , nang ni thian lo ru tur an awm lo, tu rukru mah in , tui awp lai an ru chuak ngai lo , an kawlh a an bul a kal hnai pawh an duh ngai lo a nia, a sawi mek lai chuan , kanu in khu khu in ár puah hmul a mi , e he Kan ár a ni hrim hrim, an rawng pawh a in ang chiah, lalsanglian in ruk leh ruk loh sawi la ka vaw ve lo ang che a tih chuan , sangkekual an a sawi chu ka hlau Lutuk, mi dang pawh in sicknal in , sangkekuala chuan a hre thiam lo a niang , ti nge kha tia in mit in tih chet vak vak lungte a lut a mi, a rawn tih phei chuan , awi awi awi, kapa chuan kanu hmawlh keng chu lak sak in , Kan mawng ah chuan vawinga theuh min vua, a nat zia chu, chu tah kan ár sa kan chu min lak sak in , ur lawk zan ah chuan tleivar a ar veng ziah tur a nih hi , in vai khan rawn chho rawh u, Kan in ah hmang rawh u , he tiang puk thim lu tuk a hman a ngai lo, naktuk a Rai te kha in awm ang a tia , an cho deih , kei ni pawh sa ber a awm tak loh ah chuan ,Kan ei tur neih ang ang chu ei in ,thut pawh kan thu tha thei lo , Kan mawng hi a na ngawih ngawih,
Kan in tur neih te chu Kan iñ a zial te chu Kan zu vel hlarh hlarh , Kan Kai ve tan ta maw tih ah chuan , sangkekuala chuan , huss DT i pa chu a va den em em , ka khur thei a lawm , rawn ti chuak in , mawilukawlha chuan , a nu kha lawm den zawk, I hre Chiang lo Mai mai a nih kha a ti ve thung , tih tur em em a awm tak loh ah chuan , Kan ngui lu tuk , ka halpuah dah that chu hre chuak in ka thian te chu halpuah hal pui ah ka sawm , Kan vai chuan in zui chho in , ka halpuah dah that chu ka va la a, Kan then awm te in hnuai ah chuan kan hal, then awm te ar chuan an hlau a nia aw, sawm vel chauh kan la hal tih ah chuan , Kan thenawmpa chu rawn chuak in , tu nge Kan in hnuai ah awm a rawn ti khar khar mai , in melh relh relh in , Kan thenawmpa lo chhuk lo na lam a tang kan tlan chia , Kan thawm chu hria in min rawn um zui a , patling tih Tak ah rei chu min um duh lo, a him chin Kan thleng hnu chuan nui vak vak in , Kan lo rui ve bawk nen , a va han nuam tak , Kan thil in chu a thawk tha khep khep khawp mai , Kan kal ngil thei tawh lo , chutia kawi em em a Kan kal te chu nui leh vak vak in , eng kim chuan min nuih tir hi a ni ber , Kan beng cheng lutuk chu , a khat tawk in, Kan thleng na zawng a in te chuan min rawn hau a , mahse eng nga tan mah Kan ngai lo , min hauh nat pauh leh Kan nui a za ting mai, zan nuam tak chu a va ni em ,
A vawh em vang chuan , harh in , awi ka au vak mai, ka thian te pawh rawn harh ve in , ka au ai a ring chuan an au ,
Nizan lam ah , vantlang zung in a zung tur a Kan kal khan , Kan lo chat thla vek hi a ni , in en kual in , Kan tlan chuak nghal , khua pawh a var tan tawh , eng tin nge zun in ah khan Kan vai khan Kan leng zawk le , ka hing te hian ka hria , ka ten e , sangkekual a chuan ti in , tinbawnga chuan , a tukhum ah a beng chawrh, Kan hriat loh vang a nih hi , hria I la tu mah Kan mu duh nang , lunat I ti zual ti in , a pet leh tawh , sangkekuala hi chu kutthak hiah nan Tak hian Kan hmang a,
Luna bur chung chuan tlan ve tek tek in , Kan hawng hun a chung ten min hauh dan tur te chu sawi in , hawng chu Kan hreh hlawm ngang mai,
Tlang chauh ka rawt chuan an lo phur ngang mai a, , tlang piah a ni chuak chu thlir in , a boruak pawh a thiang nuam Lutuk , kut in Kai in , ka thian duh Tak tih hla ngei Kan sa a , a nuam a ni, khawvel ah hian heng ka thian mawl tak tak te, kei ngei pawh hi Kan piang lo ang tih ka hlau , ti hlian hlim em em in Kan in kawm a , eng mah Kan lung khan hek lo , eng tik ah e maw tun hun hi Kan la ngai dawn a ni tih hre lawk I la chuan aw, chungte hauh pawh pawsa lo in awn ho reng hi kan thlang theuh ka ring , ti hian hun hlim awm tak tak Kan hmang ho a , mahse Kan hriat loh chu , mipakhat tan chuan a nun a a hun hmang nawm ber tum a ni tih hi,
Thu khawm in , he ti hian thu kan in tiam a, Kan pui tling ang nga , nakin ah chuan , nupui pasal kan la nei vek dawn , chu tiang hun ah pawh thian tha kan ni tih hi theih nghilh miah lo tur, Kan thih hun thleng pawn thian kan ni reng tur a ni, thih hnu piah lam ah in hriat loh der loh tur thu tiam bawh chia chu , hremhmun ah in thlak , Kan ti a, Kan pawm vek bawk, rei fe Kan awm hnu chuan hawng in , chun lam ah kan in â in hmuh khawm kan ti a,
In ka thleng chuan , kanu in min lo hau in , khawnge ni zan lam ah in riah a , hmun dang a I riah pawn hawng hmat na chang hriat tur min tih chuan , tih palh nu ka riak bo tawh dawn lo ti in a ni pawh a lung awi ve mai bawk,
Zing Chaw kan ei lai chuan , kapan Aizawl lam ah awm la a tha ang , kum 18 i ni ve tawh a, he tia lung kham nei lo reng reng a khawsak chu a tha lo , Kum thar ah i chhuk dawn nia a tih chuan, ka lung chu a Phu rang lutuk , ka hnial ngam bawk si lo, kan in chuahsan a ka thian te kal san hi ka thil hlauh ber pawl a ni,
Chhun ah chuan rin ang rei in ka thian te pawh rawn leng in , Kan phul leh hlut tawh, aizawl ka chhuk tur thu chu ka hrilh duh lo , tun a tang a tah an tum palh ang, hlim em em a in kawm in , ka nu pawh vawin na na chu a fel lutuk,
Christmas ni ah chuan mi tin hi kan hlim a a nuam tak zet, kei ni thian ho pawh in khawm in , lengkhawm na leh zel ah pawh kan tel,
Kumhlui thlah zan a ni leh der tawh , Kan in a hmang kan tum, kanu pawn kan ei tur te min Siam sak nual mai, sangkekuala leh lalpuii chu rawn thleng hmasa ber in , ei tur te chu an rawn tem zuah zuah mai, Kan kim ta maw tih chuan , a la HMA bawk nen , TV television chu kan en ho,
Pate Korean flim en chu a pa lo e, thuai en I la mawilukawlha a chuan ti in , kapa pawn a rem ti ve mai bawk, like off a ramhuai flim en chu patling tan pawn a den a niang Paber pawh a Phu zawk zawk a lawm ,
Dar 1 a Rik hnu chuan kanu leh pa te pawm min mutsan in , kei ni e rawh in tun hun hi lawm Kan nghah, sangkekuala chuan , a zu thug ruk chu va la in kei nin, a seh hmeh tur Kan la ve bawk, inchungber ah chuan in zui chho nghal in , Kan in nghal ,
Arsi te chu an de set set mai, thli thaw heuh heuh te chu, a thiang lutuk, zannuam tak a ni, lalpuii chuan DT ka thian ah ka hmang dawn che nia, min tih chuan, ka awm ve hman lo tur thu ka hrilh ta a, an ngeih dan a ni lo Lutuk ,
Pate a chu a va ti mak ve, hnial ta che I duh loh chuan a ti lui bik dawn lo che , a pui kapa chu in hriat kha , a sawi chu a thleng thin, ka mittui chu a tling pur tawh, in Siam rawh tlan bo deih la, ka room ah ka thukru ang che tu mam an hre dawn lo , mawilukawlha chuan rawn ti in , zep lo chuan ka chak tak zet,
Kan thian tha em em, kar khat lek pawh hmu lo kan thiam lo, Kum tam tak hmu lo tur ni ta la nang eng tin nge I awm ang, i hmangaih I chungkua I kalsan ang nga, ka biang chu rawn lum thla in , ka in sum thei tawh lo, ka thian te chuan min rawn kuah a,
DT tap suh le bang tawh rawh, Kan tap ve mai ang , en teh aizawl I kal chuan i chelo sawt dawn sin , a nuam dawn lutuk, in hmu in in be ngai lo pawh ni I la , Kan theinghil dawn hlei nen che, thian kan nih kha,
An ni pawh a ruk in an tap ve tih ka hria, tu mah in hnem thei kan ni lo, muzal in arsi chu kan thlir, tu mah Kan tawng tawh lo, ni e a reh thiap mai zan khuahar tak a ni, ka rilru a tawng tai in , Lalpa naktuk hian kapa rilru hi thlak sak rawh aw, ti in ka dil,
Jan 5 a ni ta,Kan thenawm te leh ka thian te chu min thlah tur in Kan in ah an lo kal a, tu mah chu Kan phur lo , Kan nui lui hi a ni ber, kapa chuan , bawihte I that na tur a nih hi aw, min haw lo la pui tling tak in aw, Kan rawn be thin ang che, in thiam lo hmel Tak a min tih chuan,
Nuisang in , pa I thu tak Lutuk a a nuam lo, min rawn be ngun leh Lutuk nge ka ning dawn cheu nia, ka be hman tawh lo mai thei zawk cheu a ni , Nu"pa" lo in en kawl tha ru aw, in damdawi te kha in lo ei theih nghilh ang nge,
Ka thian te chuan min rawn pawm in, DT min hrereng ang che aw, an ti a , an tap pur tawh, Kan then awm te pawm duhsak na te min hlan in , rei lo ah sumo pawh a lo thleng,
Ka thi dawn pawh a ni lo , in hmu tawh ngai lo tur ang mai, in thing e , by u ti in , sumo ah chuan ka lut ta a, ka hawi let tawh lo, ka hmangaih ten ka hreh hmel leh ka mittui hi an hmuh nawn ka duh tawh lo a ni,
Min chiar sak a vang in ka lawm Lutuk
Chiar a har tih pawh ka hria , ziah dik lo pawh ka nei nual ang , short a nih a vang hian tam tak ka ziah tum ang pawn ka ziak thei lo a, a ngaih nawm lo pawn , min hre thiam hram hram mei rawh u
