Only two of us (ch-19)

[Giselle Renthlei]

Only two of us

Chapter-19

By

Giselle Renthlei







Tlai chawei lo vek kan ni bawk a eitur lam chu an duhtha mawh leh hlawm khawp mai, dawr ah kan kal deuh chhen mai,
Malsawma leh Uruatdika chu an ti ti ve sap sap a, an in rual lo si enge maw an sawi ve ang ni.







Tluangi chuan, “In ve i tum em,?” Alo ti sar sar a, ka tum loh thu in ka chhang vat, alo nui var var chu hriatthiam loh hmel zet hian ka en a, “Inpa in a phallo ami,” alo tia, nui hak hak chung in, “Phallo e,” ka lo ti ve mai bawk.









Uruatdika chuan min kuah hlun a lum nuam tak ani, avawt deuh tawh bawk a, ka hritlang bawk nen ka hnar a thip hlar mai, ka thiante hian nuam an ti thei ber mai.







Kan thut khawm kim lai tak chuan, “Hman ah Rinawma hian Hlupuii a star thin,” a rawn ti heu mai, kan en rual thawt hlawm, Rinawm a chuan, “Laltluang i daw zet zut,” alo ti bak hlar mai, ka thiannu lah chuan, “Mawi ah ani reng, zan ah rui tawk in alo kal a, a sawi reng,” alo ti ve leh zel a, Rinawma chu a meng rum tawh kher mai, “Ka mu dawn,” tih leh kalsawn a rual daih, midang ho chu kan nui hawk hawk mai.







“Rinawm lo phei mai mai rawh,” Malsawma chuan a ti lang lang a, “Laltluangi tawngthei em mai,” alo ti bui bui mai, nuih insum zet chuan kan in melh hrak hrak hlawm mai, Tluangi awm ve tawh hi chuan thawm hi a dim theih loh reng reng.









11:00pm vel ah chuan in tur an phawrh tan a, an phur hlawm kher mai, Uruatdika min lo en vut in, “In i tum lo,” alo ti thawr mai, ka nui hak a, “In dawn lo e,” ka lo ti ve mai a ka hmai alo chul heuh heuh a, ka hnar a khawih chu min lo thlek leh vut a, “A vawt iti ami, i hnar a vawt vek,” alo ti thum dut dut a, “Vawt lo e,” tih pah in lu ka thing nar nar mai.








Ka chhungten min lo call a, a tlai ve tawh ang reng sia, “An van meng rei reuh,” tih pah in ka chhang a, ka thiante thawm a that deuh vang chuan Uruatdika bul ah, “Ka chhungte,” tih pah in ka phone ka kawk zeuh a, ka kalsawn zui bawk.







Anu chuan,
“Naktuk ah lo leng phei ula, I U pawh i ngai tawh lo mi,” alo ti zangkhai vah mai, chhan mai ngaih na ka hre lo kher mai, Udana nen kan la in be leh miah lo a, min be ngam tur anilo reng ani, Uruatdikan engtin chiah nge a tih hrelo mah ila a lawm awm viau dawn lo tih chu ka hria.







“Ka hrelo le, Uruatdika bul ah ka lo sawi ang,” ka ti ta ringawt, “Aw lee, Ipa hian a ngai deuh che aniang, ‘kan hmu khat riau mai,’ a ti tia, lo len phei a sawi a sawi mai,” a tia, ka ngawi reng, “Anih leh muttui u aw,” a tih chuan “Muttui ule,” ka ti ve vat,
Call kan dah hnu pawh chuan phei mai lo in ka la ding reng.










Ka hringnun hi a tir kha chuan hahthlak ka ti ve lutuk, a tir ti ila pasal min neih tir lai vel khan, ka dawh hram hram a ti hian ka hlim ani leh mai a, ka hlim rual in midang ka hlat a ngai thung a, ka chung ah an thinrim bawk a, keiin hlim tlang ka duh lai in an bul ah ka awm reng thei silo chuan a ti lawm lo leh lawi bawk si a, inzir na tur hlir ani, engmah hi thil tluantling tak tak a awm lo, keimah ni kan insiam rem hian a dik ani mai.













“A vawh em hi, tinge ila din reng a,” tih pah hian Uruatdikan min lo kuah a, ka lo ngheng ve vat bawk, a bul ah hian ka thlamuang a ka hlim bawk.







“Ka pasal ni reng rawh aw,” ka ti chhuak sap a, ka tah chhuak deuh tlat pek anih chu,
“Umm, i duh anih phawt chuan, i duh loh pawn ka nupui i ni tawh a ini reng bawk ang, i hlim loh ka duh lo a, i awm ve loh hi ka duh lo bawk,” alo ti thum dut dut a, ka tah chhuak chu ka rilru nat vang ani hauh lo, ka lawm lutuk vang zawk ani,








In nghahna tlak anih ngei pawh ka ring, kan thiante awm na lam kan pan phei a, “Tlaivar law law ang u, kan mut chuan kan phak leh chuap anga mood a chhe leh mai mai dawn,” Tluangi chuan alo ti bawrh bawrh a, Uruatdika ka en chuan mithmul alo kan uk ringawt.









“I in ei thau vek mai ange,” lo ti ve chhen th chu ka melh a, alo nui suk suk mai, nichin a tang tawh khan min ti sek a ninawm tak tak ani,
“Tlai ah chaw kan ei loh kha,” ka ti hlar mai,
“Te si, ei thei si, i pumpui a lian em mai,” min tia, ka melh kur ringawt, ka ngei tak tak ani, a mal a ben thlawp pah hian, “I ninawm em mai zuk mu rawh, nupui te riltam a dah reng lo tur,” ka tia keimah zawk chu ka lai leh deuh, alo la nui ruh ruh zui.









Ka ngawng ah alo fawp zeuh a Malsawman alo la hmu zui, “Eee…, nangni nupa kha in zakthei lo em mai, thiante awm ve lai reng a kha tiang a awm,” alo ti nang nang a, an rui bawk nen an nui ring hlawm kher mai.







Tluangi sa hem chu a kut a dep a sa a ti ngang mai, mawhpuh tur a hre bawk silo a, Malsawma melh khai khai ringawt,
“Eee.., henu sâ ti hian min melh rum ringawt, zak thei lo,” Malsawma pawh chuan alo ti bui bui mai, kan nui ngam chiah bawk silo a, kan hawi kan hawi mai.







Uruatdika chuan, “Khawi ka lo ti ang,” tih leh thawh a rual a, Tluangi lah chuan, “I thiam te chuan nge keimah hlir min tih tir hlawm a,” alo ti hluk hluk a, Uruatdika pawh a hawihai lutuk, ka nui hmel a hmuh tak ah chuan ava tih sak ve leh chauh.






Uruatdika hem hmin sa chu Tluangi nen kan lo ei zel a, Malsawma chuan , “Ka lo pui ang che, hemi te pahnih(2) hian an heh em mai, kha eitur pawh kan nei ve lo,” alo tia, Tluangi lungawi lo chuan, “Malsawmzual ngawi mai mai teh ka hap thawih mai tur che nia,” alo tia, kan nui hawk hawk mai.









Ka in lo ang ka ti viau na a chu ka chak ve leh tlat, Tluangi chu ka dil ru sur sur a, a nui pat pat mai, tawng mai tum a ka a ang zuauh chu a kâ ka lo hup chawt chawt mai, ka kut a beng thak thak a, a sawi ka hlau chuan a beng bul chet a kun pah in, “Sawi miah suh,” ka ti khar khar mai.








A nuihza chu tan pawh a tang thei meuh lo, lu a bu nghat nghat ringawt, ka thlah chuan vo na ni awm tak hian ka melh leh ram ram a, min pe leh mai bawk, “ A hma pawn sawi suh i tia a hre vek tho sia,” a ti sur sur a, a nui hawk hawk bawk,







A lum kan ti tan tawh khawp mai, sa pawh kan lo ei zo zel a, Malsawma chuan, “Lalhlupui amak e, lo ei zel su, a zo mai dawn,” ati leh khur khur tawh, ka nui ngam silo a kan in sik vawt vawt mai,







Uruatdika chuan min ringhlel leh tawh niang min en chik leh tawh khawp mai,
Dar 1:00am a rik meuh chuan ka nawi viau tawh, Uruatdika ka peh hel char char a, ka rim a hriat chuan min hau leh ngei ngei dawn sia,












Tluangi pawh chuan hrethiam in, Uruatdika alo kal dawn nia a hriat chuan chhuanlam ho te te siam in min kal sawn pui loh leh min tir zel.





Mahse le..,
“Mu ang,” ka hnung a tang in Uruatdika chuan alo ti phut mai, kan rak that mai, Tluangu chuan,
“Thawm te nei ve ta che, lian thur ringawt, hahthlak em mai,” awm dawm pah hian alo ti nghal bawrh bawrh mai, nui suk in,
“Ka nupui hi a hritlang sia, ka zuk mut pui ange,” alo ti dam dap thung a,
“Tullo hauh bur ringawt suh, ninawm, a mut pawh ala chhuak lo,” Tluangi chuan alo ti zui hram, kei ka lo nui hawk thung,









“Nangni thian dun hi a tha lo, kha i thiannu pawh a hmai iti tai leh hlur tawh alawm,” tih pah in Tluangi a en a, anin alo melh ram ram thung, ka hmai chu ka khawih a, sat chu asa vat vat mai, mahse, a tai hlur kher chuan ka ring lo.







“Phei daih ang,” tih pah in Tluangi chuan min kai phei dawt dawt mai,
Uruatdika nui hawk hawk chu hre mah ila chhan na hun pawh ka nei ve lo reng reng Tluangi pawh hi rui reng thin hmeichhia ani bik lo, tianga thian ho kan awmkhawm hian a in ve ani mai, kan bul ah lo chuan a in duh bik lo.







Malsawma leh Uruatdika chu an thu dun reng a, keini midang ho nen kan ti ti bawrh bawrh thung, min rawn thli thlai reng tih chu ka hria, a hmuh loh theih ang ber tur in ka in karh karh mai, Rinawman, “Hlupuii, i pasal saw,” a tia angawi leh daih.
“Enge ka pasal chu,” ka tia min chhang leh duh tawh thak lo,
“Sawi rawh enge aa,” ka ti sek sek a, ka thut hnaih sauh sauh bawk,
Min thlek vung vung in,
“I pasal saw a hmelchhe si,”
A ti ringawt,









Nui hawk hawk pah hian, “Min star tak tak ani maw,” ka tia, ka chal a pen pah hian
“Teuh lo mai, hmeichhe tereuhte ka duh lo,” ati hluk hluk mai,
Tluangin, “Mawi ah a duh reng che, a duh vang anih kha, ‘i pasal a hmelchhia,’a tih ringawt,” alo tia, Rinawm a chuan,
“Laltluang, zet zut a che, ka duh bawk lo,” alo ti leh khur khur a, Tluangi nen chuan kan nuih hawk hawk mai.








Malsawma te pahnih(2) chuan an in lai ka va hmuh fuh lutuk, ka nui sak a, Tluangi ka hrilh ru sar sar bawk, nui kar kar chung in keini pawn thlamuanh deuh in kan in tawh.