Behind the mask Chapter 4

[Catnip Quill]

Behind the mask


Chapter 4




November kan chuangkai a.Delhi khaw lum zet leh uap churh thin pawh boruak a nuam tawk tawh viau. Pathian zara dam te a awm chuan nakum june thlaah chuan ka zirlai ka zo ve mai tawh dawn.

Hun hi a kal puat puat mai hian ka hre thin. Andrew pawh a zirlai a zawh tawh vangin mizoram lamah thla hmasa khan min hawsan a. Class ban phat atang phone call a in bia in call mutsan thak thak ten kan inbe thin. Lehkha ka zir lai pawh hian tawng miah lo mah ila call hi kan dah ngai chuang lo.


Ka zirna piah lamah hian novel hi ka tuipuiin chhiar nuam ka ti hle a.
Holiday a chhiar turin Colleen Hoover ziah "it ends with us" leh "it starts with us" ka chah pawh ka chhiar chak tawh takzet. Henu ziah tho "slammed" ka chhiar atang khan a ziah dan style hi ka ril rem viau.




Thawhtan zan ani a.Zan thum ngawt ka lo buaipui tawh zawhna ka siamsa ho chu ka laptop ah ka chhu lut mawlh mawlh a,ka thiante pahnih pawh zanin chu an serious dun khawp mai,Ritu meuh pawn a chal ah rawlmawl hrengin a laptop nen chuan a buai viau.Dar 10:30 a rik meuh chuan ka zi uan uan a,lungawi zet in ka laptop ka shut down a.Ka phone ka en a Andrew message lo awm in PDF file teh tawp a lo thawn chu ka download a,bathroom ah kalin ka hmai ka phih leh te te a.Tunlai chu ka meng rim bawk nen ka hmai enkawlna hun pawh ka nei lo,zanin pawh engmah hnawih lo in mu leh tawp mai ang.


"I zo tawh mi" ham bai bai in Sumbul in a rawn ti a.




"Zo thei hram,enge nang i an"ka hmai ka hru hul thuak thuak a.



"Naktuk zingah ka chunzawm mai ang,ka mut a chhuak lutuk Goodnight"ka chhan let hma hma a chhuak zui daih chu ka nui tawp,Henu hi chu Ritu ai chuan a zia.



Kan Ritu erawh a men rei fal a ngai leh khawp ang.Biak buai chi pawh a ni lo.




Khum a mut pah chuan Andrew PDF file lo thawn ka hawng chiah chu ka phu deuh zawk thei hian ka hria.



Andrew an ngawi reng in thawnthu min lo ziah sak reng mai.Thawnthu chhiar nuam ka tihzia a hria a,hmanni lawk a ka novel chhiar a tawp dan ka lungawi lo lutuk khan pangchang zetin nangmah pawh hian i ziak thiam zawk daih ang tiin ka vui nuah nuah a.Ziak thiam ve ngat ila chutiang chuan an awm ang a tiin a plot te chu ka sawi zui zuah zuah a,lehlam atang a lo nui hak hak bawk.Darkar khat dawn chu ka sawi zui hrep anih kha.



Chuan tunah ka duh dan kalhmang in a lo ziak tak tak, he mihring pa hi chu hmangaih lo luih pawh tum ila a theih loh.A thil tih engkim hian min hneh em em zel zawng a nihhi.


Tawngkam bungrua a nei turu bawk a Wattpad a dah lut ve ngei turin ka hrilh zui a.



"Enge i en a"Ritu ngawi reng a ka phone lo thlek ve ngar ngar chu ka phu deuh zawk.ka mittui lo hnam deuh par vang chuan a hrilhai em em lehnghal.Thil awmzia ka hrilh fiah thuak thuak chuan Mizo mipa an cool a tih thu sawiin Amos bawk a rawn sawi leh hman,



"This novel wasn't just a gift,it was a piece of his heart" ka tih chuan a lo bu ve nghut nghut a.Ka bulah arawn in zep tat a,ka khum a rawn riah leh a tum pek aniang.





Tunlai hian dissertation kan buaipui mek a. December ni 20 atang kan chawlh tan tawh dawn avangin chawlh hma ngeia zawh fel tur an tih avangin kan buai deuh luai luai a ka topic "Nursing care of pediatric patients" chu ka nuam tih chi ni mahse data collect tur a tamin hospital, clinics leh library ah te kal in nursing staff leh Healthcare administration te ka hmu kual leh rih thin a.



Vawiin hian ka supervisor Dr Kumar chuan PG zirlai pahnih meeting neih pui turin min biakrem sak a. Chawhma lamah medicine department ami ka kawm zawh hnu in chawhnu dar 2 ah neurosurgery department ami kawm leh tur ka nei a. Kan semester chu he dissertation vang hian kan buai luai luai a ni ber. A tawp kan si teuh tawh bawk ah kan tang hlawm viau mai.




Chawhnu dar hnih a rik chuan conference room lam panin hmanhmawh deuh chuan ka tlan hlawk hlawk. Nizan lam a ka thil chhut sa pendrive a ka dahluh chu ka lo print chhuah theihnghilh vang in,a dawn tep ah kan print leh chung chung a.


Meeting na hmun tur an sawi na lam pan chuan ka tlan chho hlawk hlawk a.Ka thlen chuan minute thum erh awrh chauhin ka tlai. Room chhungah chuan ka hmuh tur pa chu alo awm der tawh tih pawn lam atang ka hmu thei.



Thawk la vang vang in room chhung chu ka pan a.


Room chhung ka luh chuan ka hmuh tur hi Amos ani tih ka hre chawpchilh ve chiah.



Laptop nen lo in chhawp in min rawn melh zawk bak a thil tih lai a chhunzawm leh hmak.A bawp sei tak a lo khawkherh a,a kamis dum tial hak chu a bân athlep a.Sana man to hmel zet a bun bawk.He tuai hi mi khawsa thei tak ani dawn tih ka chiang mai.



Aw thian kharh in "Thianpa nangmah i lo ni hlauh chu a tihzia hle mai Vanlalrinawmi Bsc Nursing zirlai kha ka nia. Ka Dissertation thil ah hian rei lote ka tihbuai che angai dawn a" tih pah chuan a ep ah chuan ka thu thla ve nghal a.Mizo a ni tih ka hriat tawh avang chuan Mizo tawng ngatin ka be bawk, hmelhriat sa a lo ni bawk nen ka hming ka hrilh nawn bak thil dang sawi duah kha ngai ka ti lem lo.


Tuaia chu bu nghut pah chuan


"Nursing care of pediatric neurosurgical patients,a dik em?" Rawn hawi chhuak lem lo chuan a laptop a thil tih lai chu ala chhunzawm char char tho.Mizo tawnga hman hian ani lo hu hian ka hre mai.



"Aw ni e.. Neurosurgeon i nih angin i experience leh hmuhdan min hrilh theih chuan ka lawm ngawt ang"ka chil ka lem ri khalh.He pa bulah hian ka zam ve deuh reuh emawni. Kan pahnih chauh awm nan chuan room chu a zau mah mah tlat,bakah he pa hi a nelawm thlawt loh.




Amos chu arawn hawi chhuak ve ta nge nge " enge i hriat duh" a hmel lan dan chu hriathiam a har.Chutah rang zetin ka note bu leh pen chu ka phawrh vat a.



" Zawhna hmasa ber atan,Naupang in zei zawh hnu hian enge harsatna thleng zui ve thei? Nurse in kan hriat ve ngei ngei tur?" Note bu ah chuan min chhanna chu ziak thla turin ka in ring rán a.


Dar san zauh pah chuan "Infection, Cerebral edema,hydrocephalus..heng hi chu i zir ve tho ang a".Min chhan dan avang chuan ka hrilhhai hle.





Bu nghut pah chuan "umm,a dik a lawm.A nih leh pain management hi?" Ka ti bah nak.




Mi rawn melh zawk pah hian"Combination method kan hmang,a awlsam lo" ti bung nghut in laptop bawk chu amelh leh daih.Min chhanna chu chhinchiah tur mai ka hriat loh vang chuan ka thaichhe sek bawk.


Thawk la hak in,

"Anih leh naupang nu leh pa ah hian enge nghawng a neih dan thin tlangpui"?





"Chhungte chu kan department nen a inkaihhnawih tawh lo.Nurse i nia,kei ni lo in. I zawhna ang kha chu i duh leh psychiatrist ho i zawt zawk dawn mi? tih pah chuan a chair chu ngheng in a zi mar âl âl zui a.




Zawhna ka en chuan ala tam si eng amah hma in zawh a huphurhawm nghal rún tawh. Chawhma lamah medicine department a ka hmuh pa lah sawi tur ahriat hnem piah lamah tul lo thleng thleng a sawi a. chhinchhiah sen pawh a ni loh laia he tuai pa hi chu engmah chhinchiah tlakin min la Chhang lo. Beidawng duh loin âw ka thian kharh kharh a.zawhna dang ah chuan ka pakai leh a.





"Neurosurgical team leh nursing stuff te hi engtin nge thawh hona tha zawk kan neih dan tur,i ngaihdan khawngaihin min hrilh ta che? Awki dam dap chuan ka zawt leh a.





A mitko rawn san zawk in,


"In hna thawk ula, keini pawn kan hna kan thawk ang,chu chu a thawh dan a ni" ati leh ngut chu ka thaw chhuak ham ham.

Ka beidawng tawh takzet.Amos min chhan dan chu thinrim a lak loh hram hram tum in,nuih tlawn titih chuan



"Anih leh case i buaipui tawh ah challenging ila tih ber,i ngaituahna la ber tu? Kut nen tang kawp meuh in ka zawhna chu ka sawifiah a. Tha deuhin min chhang tawh se ka ti ngawih ngawih.


" Enge i hriat duh"? Rawn hawi chhuak lem lo chuan a ti liam puat a.A rilru a pe thlawt lo.



"Neurosurgery a thawh hi enge a an? A nawm na leh hreawmna a nih ber chu" nui lui deuh sang chung chuan ka zawt leh a.




"Eng thawnthu hlimawm mah hrilh tur che ka nei lo.Neurosurgery ah hian Movie ang in happy ending pawh a awm chuang lo" atih chuan dawhkawn hnuaiah chuan ka kut ka hmer ngawt ngawt.




"Mahse experience doctor in assist a in case buaipui tawhah i ngaihtuahna han ti thui bik riau emaw tal, a story ang ni loin i nei miah lo maw" Ka ti deuh duah.




"Aaa hun i khawhral duh chuan darkar khat chuang dam lo leh a chhungte ka deal dan sawi tur chu ka hria i ngaithla duh mi" Nuihza aw lek leka tiin a laptop chu a khup thak a,inkuangkuah zui at in min melh ràn a. Ka mit la sawn vat in




"Kum 18 hnuai lam hi patient khawih inei tawh em? Ka aw kî atang pawn ka lawm hlawl lo tih a hrethiam ve tho ang.




"Aw" tih chauh in min chhang a nihchu.



Ka zawhna siam sa lehkha puan chu phek lehlam ah let thawk in,



"Can you tell me about working with young patients" Mizo tawng pawn ka sawi peih tawh lo.ka zawhna siam sa ang chuan ka chhiar chhuak tawp.


"You think I'm a pediatric doctor? I'm a neurosurgeon,not a babysitter" tih pah chuan a Sana a en vut. A awki pawh a hriam hrak.


Ka insum theihna ka hlauh hma meeting hi ka tihtawp angai.File ah chuan ka lehkha ken ho chu ka khung sawk sawk a.



"Thank you for your time Amos" tiin ka tho zui vut a.Hei bak hi chu ka sawi belh thei lo. Helai hmun ah hian minute khat ka awm belh chuan ka insualpui duh mai ang.Hetiang tuai induh leh chapo hlawrh hi engatan mah ka ti bik awzawng lo.



Kal mai ka tum chu ,

"Hey Awmi" a ti ri ah chuan ding dat in ka hawi let a.


"Goodluck with your dissertation" A sawi zawh rual chuan mawi zet in a rawn nui zui a.


Ka lungphu a rawn rang nghal vek bawk.