KA HMANGAIH THINGTLANGPA CHAPTER - 37 (LAST)BY MAWITEI BAWITLUNG

[mawitei bawihtlung]

KA HMANGAIH THINGTLANGPA





CHAPTER 18





Picnic turin ṭhian hoin Ṭiau lui lam kan pana, riah nghal kan tum bawk nen kan in keng bawr viau mai, Valpuia ten an car an thawha, an bialnu te an hruai ve bawk, kei erawh Samuelan a bike in min phura, Rengpuia te ho in an bike an keng ve bawka, kan inzui diah diah mai.







“Min vuan nghet rawh aw, chutilo chu kawng chhe laiah kan tlu hlauh ange" tiin a nui hak haka, ka nui ve haka, a khalh thiam zia ka hria a ka hlauthâwng lem lo, bakah min tluk pui dâwn lo tih ka hria.






“Sam Christmas behbawh velah kal leh ang u aw, ka pa te ka dil tawha helama hman an phal a" ka tihchuan a phur hmel hle “Tak tak maw? Helama i hman phawt chuan i duh duh kan ti ang, i châk zawng apiang sawi rawh aw. Ka tihsak theih che a awm chuan tihsak vek che ka duh, khulama i hman ka ringa ka rilru lo hah hman nen" a tihchuan ka nui ar ara.








“Min duat viau loh chuan khulamah ka hmang mai thei a ni, kan thleng ṭep tawh em? Ka mawng hi ana tawh ania, kan tlân rei tawh si" tiin a dul thep leh ruh ṭang ah chuan ka kuaha, a hnungah ka bei than bawk. Dik tak chuan bike chuan hi chu car chuan ai chuan ka peih zâwka, mahse a rei hi chuan mawng vêl hi a kham ve duh bawk nen a hrehawm ve lek lek zêl.








“Kan thleng ṭep tawh, khu en la ṭiau lui khu i hmu lo em ni?" tiin kan sir lam chu a en zauha, “Ka hawi hleinem, ka mit ka chhing char char a lawm" tiin ka tum deuh bara, a dul rawn che datah chuan a nui tih ka hre thei. “Kawi hnih vel kan tlan leh chuan kan thleng a nimai" tiin bike chu a tlân chak tîr ta deuha, kawng a zawl phei tawha chuvang pawh a nimahna a tlan chak ni.








A sawi ang tak takin rei vak lo kan tlân hnuah phai buh an chinna zawl dup chu rawn lang uarin a piahah chuan Ṭiau lui chu a lo luang kawi nguai mai “Awi a nuam dawn lutuk" tiin ka au nghal chula, Samuela pawh a rawn nui nghal hak mai. Phai chu tlanpelin a tiau kam ruah favang ruah tui tlem lai a nih avanga kâm na ṭiau vut leh lung awmna zawl duaiah chuan kan ding hlawma.







Midang pawh rawn thleng zuiin kan bungrua nen chuan kan in phawrh sap sapa, tent a awm ve lem loh avangin buk siam a ngai bawk nen chem nen chuan thing hring chu kitin an buai nghal laih laiha. Keini pawhin kan theih ang ang chu lo ti ve in Manuni te ho nen chuan kan rak ve chûl mai, mipa ho chuan thing chu rawn pu khawm zung zungin ko pang rin theih turin an lai khuar zuia.







Chutih chhûng chuan hmeichhe ho chuan inphelhin ṭiau lui chu a thûk lohna laiah chuan kalin kan chêng hlawma, kan au chûl mai. Khua lum viau e tilo chuan a ṭiau tui erawh a lo hik ngei mai, ka kawr vêl ti huh duh rihloh in ka kawng a chin hnuailam chuan ka daia, a tawpah a ṭiau chhung lungpuiah chuan thu in ka ke chu tuiah chuan ka chiaha, a nuam ngei mai.








Ral lehlam chu Burma ram a ni tawha, an ni pawh an hnathawk chu a hmuh phâk vek mai. Sam a te ho pawh rei buk chu sa lo in an rawn phei ve thuaia, ruah a hnai lo bawk nen sak uluk ngai hek lo le.





An kawr an rawn phelh rual chuan kan lo en ṭhapa, Samuela chu ka en reng. A abs chu a mawi ngei mai, a mah a sangin a taksa chu a inphut mawi bawk nen ka lo en veng veng chu hria ni awm takin ka lam a rawn hawia, chutih laia a mitmeng thuk raih chuan ka taksa a tidanglam thei nia. Ka chil ka lem khawlha, a ngal sei zet nen chuan ka lam chu a rawn pan ta chhat chhata.


SAMUELA PIC

“Kima ka ning, a vawt lutuk ka duh tawh lo" Siamtei chu au chulin tuichhungah chuan a tlânchhia a,Kimbawiha chuan a um bawk, midang pawh chu an bang lo an rak chel chul mai. Samuela erawh chuan keimah chu min rawn pan ding ngutin ka bulah chuan a rawn ding chata, ka lo en chho nghal ha mai.








“Tui i chêng ve dâwn lo em ni?" a rawn tihchuan ka lu ka thing nar nara “A vawt emai, ka kâwng a chin hnuailam a huh hi chuan ka duhtawk mai" ka lo tihchuan a lo nui haka, chutah min chawi lawpin tuiah chuan min hlâng thla nghal nawlh mai. “Sam a vawt lutuk" ka khur nghal bauh bauh mai, nisa pawh chu sa tawh lo tak a ni, ka kawr zawng zawng chu a huh nghal veka.








“Tuicheng turin i kala, i huh vek loh chuan a chiloh, tirawh heng ho bengchheng lutuk hre phâlo hian kal teh ang" tiin luikam lam chu min panpuiin thlang lamah chuan kan chhuka, midang chuan min rawn ngaihven lem lo. Chutah thui ve tak kan kal hnu chuan ṭiau lui tui luan damna lai deuhah chuan kan inchiah duna, sangha ka hmuh avang chuan man tumin ka uma, ka man theilo rak vel chu Samuela chuan nuihzat hmel zet hian min lo thlir renga.







“Man an van har tak" tiin Samuela lam chu ka pana, nui suk suk hian min lo kuah nghal chat mai. “Tuia cheng tura duan an nia, an awmna tûr hmuna an awm lai chuan i man theilo ang, zânah chakai kan khawrh dâwn ania, zanlamah hian chaw zawngin an vak chhuak ṭhina, man an awl " a tihchuan ka bu nghat nghat a.









Ka lamah rawn kun hniamin min en rana, a mitmeng chu a hma ang lo takin a thutak ta ran mai “Ka hmangaih che" tisupin ka hmuiah chuan an rawn fawp zui ta siaha, min chawi nawlhin a kawngah chuan ka inkherh beta, kan in fawp zui ta mial mial mai. A dul thep zaih leh a abs vel chu chulsak zai zaiin ka thaw tawi hak hak mai, “Sam" ka aw te chu a khur dar dara, tui chhung aṭang chuan min chhuahpuiin ṭiau vut chungah chuan min delh tlu a.









Ka kawr chhungah chuan a zen lût nghal zat bawk, ka thawk a pangngai tawh meuhlo. Nichina vawt ti em em si kha ka sa pup pup mai, ka hnute chu ṭham nak nakin ka hmuiah chuan duhthawh zet hian a fawp tawn tawna, ka taksa chu ka kân ak ak ringawt. “I duhawm takzet" a tihchuan hmai sa hat hat chuan ka ena.









“I nuna mipa awmchhun nih ka duh" a rawn tih leh phei chuan sawi tûr pawh ka hre lo, mahse keipawhin ka duh ve tak zet tih hi ka hria, ka ngawih reng avang chuan ka hmuiah bawk chuan rawn fawp lehin ka nghawng velah te chuan a fawp thla dan dana, ka kekawrbul ah zen a tum chu a kut chu ka man sak chata.








“Duhtawk ang, Sam a ai thui thlen ka duhlo, i awih lo mai thei. Mahse ka la thianghlim ania" ka tihchuan a rawn nui suka “Ka ringhlel lo che, insum a har hle mai" tiin ka chungah chuan a rawn bawk hnawka, a nui nghawr dat bawk. “Ka insûm theilo ṭep ani, mahse ka hmangaih che avangin ka nawr lui lo ang che" tiin ka nghawng chu a rawn seha,a hmui chuan love bite siam a tum tih hriat takin a che nghal zat mai.







A na deuh bawk nen ka ner leh sak ṭhin; mahse dan ka tum chuang lo. Ka mit chhing diar diarin a hnungah chuan ka chûl sak hauh hauha, u Sangpuia ka ngaihtuaha, mahse Sam-a nen chuan an dang hlak a ni.





A awm sawn takah chuan thawk la halh halhin chunglam chu ka en vang vanga, a ni erawhin awmsawn mahse min la kuah run tho, kan taksa te chu ṭiau vut a kai luai bawk. “A vawt ila ti em?" a tihchuan ka lu ka thing nar nara, ṭiau vut chunga mu kan nih avangin nisa in a em sa bawk nen a vawt tawh lo hrim hrim.





“I hlim em? Ka kiangah hian ka tihna a nia" a âw-ah chuan a zâm in a hlauthâwng tih a hriat theih, akianga ka hlim loh a ring a ni ngei ang. “Sam, ka hlim lutuk alâwm. Beidawnna leh harsatna ruama ka din laiin nangin min khai chhuak leha, ka theihnghilh tawh ngai lo vang che, hlimna leh lawmna min pe leh a, nangmah in ring tâwk rawh, i kiangah hian ka hlim lutuk ania" ka tihchuan a rawn nui ta var vara.








Ka thusawi chu ka ti tak tak bawk, a kiangah hian ka hlima. Zawi zawiin u Sangpuia laka ka rilru na te pawh kiangin tûnah chuan nun bul ka ṭan chho leh mek a ni, “Phei tawh ang, in tih faia inthlak ka duh, a vawt tawh emai" tiin ka tho chhuaka, a ni pawh chu rawn tho in buk lam chu kan pan duna.







Kan thlen phei chuan midang pawh an lo inthlak fel vek tawh “Nang ni pahnih kha khawiah nge in kala, ṭhiante zîngah pawh awm peihlo te chu zânah pawh a hranin mu ang cheu" an tihchuan Samuela nen chuan in en in kan nui ringawta, kan thawmhnaw inthlâkna tur chu la in kan piaha kawrte tui fim zet luanna lamah chuan kan kala, a ṭiau tuia in tih fai chi ni heklo.







In bual zung zungin Samuela chu hmundang ka hawi tir riha, ka zawh rual chuan inthlak sawk sawkin amah chu ka lo nghak ve ta thunga. Ka khur beuh beuh pawh chutia thawmhnaw ro ka hak tâkah chuan a reh ve mai bawk, thla leh aṭang chuan november thla kan kai tawh dâwn bawk nen a vawt chho viau ngei ang le.







Sama pawh chu inbual reilo in a zo ta thuaia “Zana kan chakai chhitna hmun tur chu a nih hi, aikam bawp lian pui pui an la tam ania" a tihchuan ka bu nghat nghata, buk lama kan phei ve tâkah chuan hmeichhe ho chuan rawngbawlin mipa ho erawh an lo in card den thung.






Pariat lek kan ni chungin kan thawm erawh a na phian lehnghâl “Eh i nghawng chu" Manuni chuan a rawn ti sar sara, a ngaihna hrelo taka ka en lai chuan “A duk kalh mai, in thil tih a hriat lutuk" a tihchuan ka hup vata “Engmah kan tilo, a siam ve mai mai a lawm" ka tihchuan a nui hak haka, buk chhûngah chuan lutin jumper chu ka hak thuah ta daiha.







Chaw ei kan peih tâkah chuan ei zuiin kan ei thei tlâng ngei mai, Sama chuan bâwng ṭin kan kana a ti ho chu min rawn suaha, min ngaihsakna chuan min tihlim veng veng mai.





“In duat fal lutuk, keini pawh kan in ngaizawng, nangni angin kan awm kher lo" Valpuian a rawn tih hluk lai chuan “I duh leh Dawngi kha awm pui ve mai la, suah ve mai rawh. Keichuan ka duat alâwm, in thusawi avang mai maiin ka ṭhulh hek lo ang," Samuela chuan a lo ti zauha.






Valpuia lah chuan a run ngei mai, mitmeng ling hlar chuan a rawn ena, midang erawh chuan an lo nuih mai mai thung. “U Sangpuia ai chuan Samuela hi a ṭha zawk reng a ni, Nunu ngaihzâwng thlan i thiam e, kan ṭhianpa hi kalsan hauh suh ang che. I kalsan vaih chuan kan lawm lo hle ang" nuisanga sawi nimahse an hmelah chuan an ti mai mai lo tih ka hria.







“Chutiang sawi suh u, in nawr luih chi a nih loh hi, insiam vat ila Chakai i chhit thuai zawk teh ang u" Samuela chuan a lo ti bung nghuta, a thusawi chuan min hneh leh riau tawh. Midang sawisêl lam hi a ni hi chuan a duh ngai miahlo, u Sangpuia pawh kha a fak ṭâng ṭâng ṭhin a nih kha.







“Eh! Kan chhan ve em em che a, Valpuia te nen va kal rawh u, keini chu hetah buk kan lo nghak ange. A vawt emai" tiin mei chu an ai daiha, an ni pawhin an tilui bik lo. Valpuia leh Dawngi nen kan pali chuan kan kala, light chu kei nin kengin an ni erawhin chakai thlêm chhuahna tûrin kan bawngsa ken mi a ti ṭha deuh ho chu luiteah chuan an chiaha, rei pawh nghah a ngailo, a rim hria in Chakai chu an rawn chhuak nghâl zung zung mai.







Chûngte chu an lo man nghauh nghauha, Kei erawh ka man ngam der lo. An lian ropui si an mi cheh ana dâwn lutuk, Sam-a chuan an cheh loh nan an bawp hnuai deuhah chuan a man chat zela, a ti ṭhang tawh tih a hriat. Phur zetin a dahna tur kan ken chu lo dawhin au ring ngam silo chuan thâwm ka lo chhuah leh ṭhina, a ni pawh a nui suk suk mai.







Valpuia te pahnih erawh an zeilo dûn lutuk chu an inhau pah char char mai, Samuela lahin an ni pahnih chu ngaihven lo in Chakai an kua aṭanga rawn chhuak hmasa apiang chu a lo man nghauh nghauha, a rei deuh hnu chuan kan man tam tawh bawk nên kan duhtawk zuia, tlêm tal in lama hawn ka châk ngei mai.








Ka rilru hria ni awm takin “Kan man tam bawka, kan in sem dâwn ania, khawi maw i ṭin khai kha ka lo khai chhâwk ang che" a tihchuan ka hnial biklo, an tam si ṭin kan ken pawh chu a khat titih, Valpuia ten an man nen chuan tam tham tak a ni. Khulamah kha chuan mi zawrh lei tawp kha a nia, bâkah an vâng tawh nen kan ei zen zen ngailo.








Helamah erawh keimah ngeiin a takin ka hmu a, ropui ka tiin nuam pawh ka ti hle. Buk lam pana kan phei pah chuan Dawngi nen chuan kan titi mawlh mawlha, mipa pahnih te erawh hnung dawlin an ngawi reng thung.






Chutia kan ṭawng mawlh mawlh lai chuan thawk leh khatah mihring aw ang maiin rawn kuk ruih thawm ni maiin ka hria, a rawn ri phuta. Ka hawi phawk nghal hru mai, ka dawih sa nen Samuela lam chu panin a bânah ka vuana, Dawngi pawh chuti bawk “Hlau suh u, sava a nih chu. Engmah hlauh tur a awm lo" timahse ka thla a muang theilo, chutiang kan nih avâng chuan Samuela chuan a kut lehlam chuan min kaiin zawi muangin buk lam chu kan pan leha.








Chutia min kaih tâkah chuan keipawh ka thaw huai mai, keimahin awm ila chuan bak lêngin ka tlânchhe tawh ang. Buk kan thlen chuan Rengpuia te chuan min lo chhâwn vata “In man peih lo bawka, in nei ve dâwn lo. Naktuk zing chawhmeha kan siam erawh in ei ve thei ang, in lamah chuan a manna a kal zawngin kan hâwn ang" Valpuia chuan thutak zetin an ti a, Rengpuia te chu an ner nasa mai.








Chakai chu chhin ṭha in mutna kan siama, ṭhian vek kan nih bakah kan inhrechiang hlawm bawk nen a kawp te te chuan mut an ti a, pawi ka ti miah lo. Ramhnuai tih takah thâwm a tam ropui si, mahnia mut ka duh teuhlo. A changin chingpirinu bâkah sava dang leh rannung hram mak pui pui hriat tur a awm reng bawk si.








Samuela nen chuan a sirah mu in min kuah hluna, khawvawt hnuaiah pawh a taksa lumna avâng chuan vawt ka ti hauh lo. Titi dunin eng eng emaw kan sawi a, kan nui leh hak ṭhin “Ka mut hma muhil suh aw, ka hlau a nia" ka tih chuan ka chalah a rawn fawp zauha, min kuah nghet sauh bawk.







Keipawh chuan ka kuahna chu tinghetin ka khan zuia, a sir berah mu mahse keimah zâwk chuan ka la hlau tho mai, “Engmah hlauh tur a awm lo, ka vêng reng dâwn che a lawm. Mutthilh tum rawh, sava hram mai mai in tih buai tîr loh tur, an tihdan ve reng ania. Zanlam chaw zawng an nia, hlauh tur a awm lo. An hlau daih zawk che a nia" tiin ka hnungah chuan a beng thek theka.








A âwmah chuan ka hmai chu nawrin ka mit ka chhing chiala, tlêm chuan ka hlauhna pawh a reh ve ta deuh. Buk bang kan ping hlauh chu a vânneih thlak hle bawk, chuti nilo se harh hlimah movie ang khan thil eng emaw in min lo en kur tur anga ngaihtuah tlat a awl bawk si.







Chutia min awih takah chuan ka mut chu rawn chhuakin reiloteah ka muhil ta riai riaia, zanlai ah chuan harh zawkin ka hawi phawk hra a, ṭhu chhuakin pawnlam chu ka ena, a thim mup mai. Kan piah tlang sang pui chung zâwlah chuan burma lam khua a lang pe tiarha, ka ti bul vel erawh a reh tlawk tlawka. Mahse tui kam tih takah uchang leh eng emaw hrâm vel chu ala awm reng thung.






Mutthilh leh ka tuma, mahse ka harh tulh tulh bawk si, ka che seka. Ka beng chu hupin thil dang ngaihtuah ka tum ngial lai chuan sihal an rawn u leh chuah chuaha, an hrâm dan hi a rapthlâk bawk nen sihal an ni tih hre reng mah ila ka hlau takzet, chutia ka in hup chawih chawih lai chuan Samuela chu a rawn harh a nimahna ka kut chu rawn vuanin a dahsawna.







“Shhh ka vêng reng che ka tih kha, thlamuang deuhin awm rawh, engmah hlauh tur a awm lo ka kalsan dâwn lo che" a tihchuan ka kuah nghal rawk rawka “Ka hlau" ka ti khur dar dar mai, min kuai dakin ka lamah rawn kun hniamin ka hmuiah chuan a rawn fawp ta chata, a chêt dân teh thut chuan min ṭhawng ngei mai.







Ka chungah chuan bawkin ka nghawng vel chu a fawp leh dan dana, a kut chu hleizetin a vah kual tîr ruai mai bawk. Ka ngaihtuahna chu hlauhna lak aṭangin a la peng chiang ngei mai, chhang ve vatin a nghâwngah chuan ka kuaha, hnuailama min do ul tu pawh chu ka hai hek lo, Samuela chu a thaw tawi hak hak tawh mai; chu chuan kan tawp vat angai tih min hriat chian tir viau mai.







“Duhtawk ang Sam, kan insum theilo mai dawn" ka tihchuan ka biangah chuan a rawn nawra, midangin kan thawm an hriat a hlauhawm bawk nen kan ṭawng zawi dûn viau mai. “Kan ti thei mai lo em ni? Insum a har tawh emai" a tihchuan angaih dan chu ka hriattthiampui viau mai.








“Ka hria a lawm, mahse a chiloh, kan insum theihna hi kan pahnih tân vek a ni dâwn tho, nakin atân la khek zâwk ang aw, tun atân chuan nangmah ngeiin min venhim pui ta che" ka tih takah chuan min nawr lui bik lo, ka hmuiah chuan rawn fawp leh zauhin ka chung aṭang chuan a awmsawna “I tan chauh ka insum ang, ka hmangaih che" tiin min kuah hluna, ka ringhlel phallo.







A chhan pawh keilo hmeichhe dang a awmpui leh a lênpui awm ka hre miau lova, chutia reife kan awm hnu chuan keipawh chu ka muhil zui leh ta maia. Sama kiangah hi chuan ka nihna ang ang leh zalen takin ka awm theia, ka hahdam bawk, hei vang hian aniang ka ngainat em em ni, thawveng tak leh in vên ngai miahlo a kan awm theihna hi a hlu hle reng a ni.

COMMENT KHA AW

[mawitei bawihtlung]

KA HMANGAIH THINGTLANGPA






CHAPTER 19







“Ka duat" ka rawngbawl che ve mawlh mawlh chu Samuela min lo tibuai reng bawk nen “Khawi teh ka ning" tiin ka thir fian ken chuan a chalah ka tuk lawlha, a tum nghal hmuk mai. Midang chu an lo nui hak a, “Ka tibuai tawh lo ang che" tiin a kalsawna, ramhnuai lamah chuan a lût daih bawk.








“Va thlêm vat rawh, a bialnu vawikhat neihna te a ni ve sia hriattthiam hrâm hrâm a ngai a nia, nangmah avang hian a hlimin a bula awm pawh a nuam sâwt a sin, kan ṭhianpa a ni na vangin kan fak lo theilo, hmeichhe lamah hian tawn hriat a nei lo lutuka, puitlin tawk lohna te pawh a nei ang, mahse hrethiama dawm hram hram turin kan ngen duh che a ni" Valpuian a tihdap dap chuan midang pawh chu an lo bu nghat nghata.









Keipawh chu tho chhuakin Samuela liamna lam chu ka pan, ramhnuaiah chuan lût ve in ka hawi kuala, chutah Hmawng kûng lian zet nghenga a lo in sawh tau chu hmu in ka pan nghal vata.“Sam" a rawn hawi duh ṭhak lo, thlang lam chu hawi ngutin a kut a kuangkuaha, a awmdân chuan ka nuih a tiza takzet.








A hnunglam aṭang chuan va kuahin ka nui hak haka “I tih tauhna a ho emai aw, Sam tikhan awm bur lo teh" tiin a hma lamah chuan awm tumin ka che sawna, chuveleh la awmlohna lamah a inher leh zêl a nih chu! Ava han buaithlak ṭhin tak em, “Ka duhlai" ka koh dân avang chuan a taksa tello in a rawn hawi let zawka, ka lo nuih a hmuh chuan a hawisawn lehnghâl hmak mai.







“Ka bialpa hmelṭha lo hawi teh maw, khawi maw ka ning" tiin a hmaah chuan va ding thutin a nghâwngah chuan zuanin a taksaah ah chuan ka in perh kaia, ka tlâk duh bik heklo min lo vuan lêt ve ta tho, “I hmêl hi chiang deuha en ka duh, i hmelṭha lutuk hi ka bialpa nilo in vân angel te hi i ni hial lo maw? Ka vânnei hle mai, bialpa angel thla neilo ka nei bika" ka tihchuan a rawn nui nghal suk mai.









“A tihtauh te hian a pâ bik ngawih ngawih ka tia, chuvang chuan ka tilui zêl ang" ka zakah a rawn dêk thut avâng chuan ka tla dâwn ta mai, ka inring hman lo chu ka eu deuh awrha, mahse amah chuan alamah min pawt nghal vatin a âwmah chuan min pawm bei thlawpa, ka thaw dep dep mai.








“Min tiphu a lawm, khatiang khan ti tawh reng reng suh, ka tla ṭêp a nih kha" ti hlak hlakin ka melh chho ngara, “Ka thlah ngai lovang che, i hlauthâwng lutuk a nihkha. Ka khawih phakah i awm chhung chuan i na ngai lovang" tiin Hmawng kungah chuan min nawr beta “Nichin khan ka hmelṭha i tih thu kha i sawi thânin ka hria, ka lo hmelṭha viau em ni?" a tihchuan lei chhuah zukin ka hawisawna.








“Hmelṭha lo, i ti tau ka thlemna che a nih kha" ka tihchuan a nui hawka, “Ka hmelṭha tihte chu ka hria a lawm, nang chauh lo pawh hian hmelṭha min tihzia ka hre ve alâwm" a inchhuang lutuk chu eilo zetin ka ena “Keichuan i hmel hi Kawrdumbela hmelṭhat hma nen khan in in an duh hmel ka ti" tihlakin ka nuih var vara, a lawm lo hmel chuan min tinuihza zual.








“A nihchuan a nupui Lalfanu kha i ni tihna a nih chu" a rawn tive saka, mi hnial dân tûr lah hi a hre ropui sia, ka beng thlawp dawn mawni. “I zaklo" ka tihlai chuan a mit sân uk ukin tifuh intih hmel tak hian min ena “Ni e, ka bialnu i nia, chuvang chuan ka tan chuan lalfanu ang i ni, ka Lalfanu bik liau liau, naupang chhia leh ṭahbelh zet" a âwm ah chuan ka beng ri thlawpa.









“I duh lo em ni, nang ka lalfanu kei i vengtu Pasalṭha ka ni anga, englai pawhin min mamawh hunah chuan ka awm reng ang. Ka kalsan ngai hek lo vang che, englai pawhin Pasalṭha ten an lalfanu an venghim ṭhin angin ka venghim ve ang che" a thusawi avâng chuan nui ver verin ka ena.








“Tuna i thusawi hi theihnghilh ngai suh, nang hi ka vêngtu Pasalṭha englai maha min hlat thianglo i nih hi. Ka hlat taka i awm chuan i lalfanu hi miin min ru bo in i lak aṭangin hla takah min hruai daih dâwn a nia" tiin amah chu kuahin a awmah chuan beiin a lungphu dat dat chu ka ngaithla a.








“Nuntluangpuii te pahnih kha rawn phei tawh rawh u, chance zawng reng mai. Zak lo lutuk, chaw kan ei dâwn, in nghei thei a nihloh chuan rawn phei rawh u" Rengpuia chu a rawn au lung lunga, thinrim a au anilo tih a chiang bawk nen Samuela nen chuan kan nui haka “Lalrengpui kan rawn phei dâwn, chance kan zawng anilo nangmahin a ni lâwm ni phei rawh min ti kha" tiin Samuela chu enin “Kal ila" ka ti sapa.








Ka kutah chuan rawn kaiin muangchangin kan ṭhiante awmna lam chu kan pana, “Sam engtikah nge sazu thangte hi kan kam ang, a kua laih pawh i tihkha" ka tihchuan min rawn en vutin “Tun thla tâwp lamah hian aw, November thla tâwp lam hian an thau zuala, buhpawl te i ṭum ve ang chu" a tihchuan ka phur ngei mai.








“Awi thleng zung zung sela, chuan ka man veleh ka nute ho a thlalak ka thawn ang, engmah ka thiam loh tûr thu an sawi bawka, min pui rawh aw" tiin phur zet chuan ka ṭawng siam siama, midang bul kan thlen tâkah chuan chaw ei chu siam nghal zung zungin kan ei zui thuaia, Chakai chu an lian bawka, a bawp ei pawh a tui zual, ka chaw pawh ka bar hman meuhlo, Chakai bawp ei chuan ka buai em em ringawt.









Ka duhzia hria in Samuela chuan a suah sa a bawp chu thlawn zelin min rawn pe zêla, lo hnar mawi vel pawh ka tumlo. Ka eilohna a rei tawh êm bawk a ni, “Inngaizawng ber te, in lo in ngaizawng lo ang tih hi a hlauhawm hluah hluah tawh, tenawm" midang chu kan en zawka “In ninawm, in duh leh in duat ve mai ula. Chakai ka ei khât vâng a lawm, lo phun reng suh u Valpuia te pawh midang awm loh laia kan eitur ken in in rawlhruk lai kha ka hmu vek cheu, a lang lo emaw in tih hi a lang ṭhin" ka sawi zawh rual chuan midang chuan an lo nuih haka.








An ni pahnih lah sawi tûr mai hrelo in an hawi lawl lawl ringawt.






Chaw eikham chuan haw nghal mai lovin lui dung vêlah chuan Chengkawl kan khawrh leh te tea, Sangha la tam ve viau mahse sangha lam chu kan buaipui duh lem lo, an inthlah pun hun lai a ni an tih avangin an zuah kha a nia. A fuan vêng pawh an awm lem lo.








Chutia Chengkawl kan khawrh lai chuan ral lehlam ah chuan naupang rawn kalin tui an chenga, chutah naupang pakhat chu a tla tih hriat takin an au nghal chûl mai.







“Sam hmanhmawh rawh, saw naupang tuiah a tla a nia, hmanhmawh rawh" tiin ka au ta chula, chu veleh Samuela pawh chu inphelhin tuiah chuan a dive lût nghala, hleuh pheiin naupang tuiin a len mek chu a pana, a tawpah va khai chhuak nawlhin vaukam lamah chuan a chhuahpuia, ka lo thaw huai mai. Ka hlauthâwng hman lutuk tlat, chutia a va chhan thei chu ka hahdam nghal sawng sawng mai.









Naupang nu ni ngei tur te pawh chu rawn langin Samuela chu lawmthu an hrilh tih hriat takin an chibai in an kuah nawk nawka, ral lehlam aṭang chuan ka lo thlir ve reng bawk. Sama pawh chu reilote a awm hnuah ka lam panin a rawn hleuh phei leha, ka bul a rawn thlen rual chuan ka lo kuah nghal vat.







“A ṭha em?" ka tihchuan ka zawhna chu a hrethiam nghâl tih hriat takin “A ṭha e, kan tlai ṭêp a nih kha, a nute pawh an inthiam loh viau kha, chhuk tawh ang hmiang. Fimkhur turin ka ti a, an fimkhur tawh turah ngai ang, kal rawh le" tiin kan buk lam pan chuan kan chhuk zuia, midang pawh an lo awm leh ṭhap tawh.







Dar 1 vêlah kan haw dawn a nia, Chakai hi kan khawrh belh dawn nge?" a tihchuan midang chuan an lo duh tawh chiahlo a niang “Zuah rih ang u, bâkah keini chuan hawn tam em em pawh kan tumlo, a man tu ho khan hâwn tam ula keini chu kan chhungten an ngaina vak lo bawk nen kan vawikhat ei tur vêl kha min pe tawp mai rawh u" an tih tâkah chuan in sem diat diatin ka ta tur erawh Samuela te ta tur nen chuan kan dah kawp riha.







Bagah chuan inkhung hlawmin Valpuia te car-ah chuan kan dah lut hlawma, chutah a ṭhen chu bike ah chuan chuang leh in kan in zui haw ta diah diaha, “A nuam reuh e, Christmas dâwnah chuan kal leh tak tak ang u aw" tiin Sama chu ka bia a, “I dawih emai kan kal duh tawh dâwn em ni?" a rawn ti thung.







A dulah chuan sik hlakin ka ngawi zui daiha, a ni erawh a nui hak hak mai.Kalkawng sir vela thingkung lian pui pui Aizawl lama ka la hmuh ngailoh hnang leh pangpar nen an awm thluaha, an mawi phian lehnghâl. Thingtlâng nun hi a lehlamah chuan hahthlâk hmel viau mahse a nuam ka ti, kawng sir thingkung ro tawh zika sava mawi leh dangdai zet zet ka hmuhte chuan Samuela chu an hming ka zâwt zela.







Zirlaibu chauha an hming chiah ka lo hriat ṭhin te chu a tak taka ka hmuh ve tâkah chuan an mawi zualin ka hria, phai zawl buh hmin ṭan eng dup mai te chu hmuhnawm ka tiin a lan theih chhûng chuan ka ena, tlangrama mi erawh an zai theih tawh thunga, Samuela te pawh an insak midang an ruai bawk nen seng ṭan an tum kha a nia, ka feh ve ngei ngei ang.








Buh seng vêlah ka la tel ngai loh bakah an seng dan ka la hmulo bawk nen tel ve ngei ka duh, kan tlan thui tâk zelah chuan a hnunga beiin ka hâm bai baia, “Hrehawm i ti em? I va ngawi chawi ta ve" a rawn tihchuan nui hakin “Ka mut a chhuak, mahse kawng hi a chhe bawk nen kan insawi nan ka muhil theilo" tiin ka lo chhâng zata.







“Sam i zuk interview kha engtikah nge result a chhuah dâwn?" ka hriat chak em avang chuan ka zawt a, Police a nih theih hlauh chuan a lâwmawm dâwn em bawk a ni, hei ai a hahdam thei anga, bâkah amah apian nen hian a inrem thlupin ka ring a ni.





“Tun thla ah hian result a rawn chhuakin ka ring, chumi a zirin ASP in ka awm nghâl thei mai theia, ka putea min puihna zârah ka vânneih hlauh chuan tihna, mahse ka tlin loh pawhin a pawi chuang lo, ka pi leh pu hi kalsan ka hreh ve a, chubâkah nangmah hmu phalo a awm ka duh chiahlo, ka hmuh phakah hian awm reng la ka duh" a tihchuan ka nui haka.








“Chu i nih theih hlauh phei chuan kan chang pha tawh meuh dâwn lo che tihna a nimaw? Thil dang ngaihtuah lo la, in insak nen i nih theih hlauh phei chuan heiai in sa chak thei ang chu, keite chu hetah ka awm reng dâwna. I chawlh hunah i lo haw ṭhin dâwn a lawm, ka tlanbo dâwn pawh a nilo a, khatiang lam ngaihtuah suh. I pi leh pu tan pawh a nuam zawk ang" ka tihchuan a bu nghata.









“A dik a lawm, nangmah vanga dîl kha ka ni pakhata, mipa dang nena in awm lai ka hmuh hreh lutuk vang khan, mahse hei tunah heti hi kan ni leh si a, ka rilru a buai nuaih mai anih hi maw. Mahse, nuamsa taka awm tîr che a, i rintlâk mipa nih ka duh si a, tling ila chu ka duh khawp mai" a tihchuan ka kuah nghet sauha.








Heti khawpa min ngai pawimawhtu hi rei tak ka lo ti hrehawm chu a ni sia le, chupawh mipa rintlak loh zet lakah a ni lehnghâl. Khatiang khawpa u Sangpuia a lo inthup thei kha tun thleng hian mak ka la ti,kan pâwnlam landan ringawt hi a lo ni ber lo a nih hi.







“Sam ka rinai i lo pui, Police hial a hma pawh khan ni thei tur i ni tih an sawi vek ania, engvanga ṭhulh reng reng nge maw i nih le? Mite chu hna hmuh loh hlauin an hmanhlel a nia, UPSC, SPSC vêl pawh i pass vek tho sia, a pawimawh ber ber i hlawhtlin tawh a hnu engvanga bansan nge i nih?" ka tihchuan a ngawi vang vanga.



(A KIMCHANGIN KA HRE BIKLOA, GOOGLE VEL KA RAWN VE NAWK NAWK AW )



Ni e a khaw mite ngeiin a hma pawhin a lo tum ṭhin in a hlawhtling ṭep tawh tihah a bansan thu kha min hrilh miau a lawm. Hlawhtling thei reng a nihlaia a bansan chhan chu ka hre chak lo theilo.






“Um, i ti dik e. Khatih lai pawh khân ka training puite ngei pawh khân min beisei sanga, exam min pe tu ho pawh khan min fak viau bawk. Mahse ka nu leh pa kha accident avângin ka chân a" tiin a ngawi vang vanga, a tân sawi a harsa viau a nih ka ring.







“I hmuh ang hian ka pi leh pu hi an chakvak tawh hek lo, officer pawh lo ni thei tehreng ila ka pi leh pu khawhar lutuk tur kha ka ngaihtuah, ka nu leh pa ka chân khan keimah min nghawng ve bawk nen, ka pi leh pu an lusûn laia kalsan kha ka duh bik lo a ni, ṭhenkhat tan chuan a ho mai thei. Chutiang te chu hna i hmuh hunah i châwm mai dâwn a lawm, awmpui nen te pawh an awm mai anga, tihte kha min sawi khum nawka, a dik tho. Mahse ka pi leh pu hi ka hre chianga, tar a hnu lama an thisen zawmpui nilo kha awmpui tîr ila an zia phah hauh lovang, an lungleng tuar in an dam loh pui mai ang tih te kha ka hlau ve tho bawk nen a laklawhah ka chawlhsan kha a nia, ka inchhir chuang lo. Tunah chuan hei an mahni in min turna avang zawkin ka han ti leh ania, ka tling lo a nih pawhin ka vui chuang love" a tihchuan a hnungah chuan ka bei hle hlea.









Ka lainat takzet, a nu leh pa a rualin a chân chu a nimai sia, engtin nge puitling taka a awm theih zawk ni? Keichu ni ila ka thei teuhlo mai, a tuarchhel hle tih a hriat mai.








In kan thlen chuan kan inah min thlah hmasa te te a, nu Chhingi chuan min lo lâwm vat mai, Chakai vel kan phawrh lai chuan a lo phur leh tawh hle, pa Sena pawhin Samuela chu lawmthu a lo hrilh ve mawlh mawlha. “Chang tam zawk rawh u" a tihchuan ka lo ner nanga “Sam i man vek ania, hâwn tam zawk rawh. Keini chu kan ei a tlema, kan kham tho ang" ka lo tihchuan a lu a thing nawk nawka.








“Ka pite an ha a ṭha tawh silo a, an ei thei tak tak chuanglo, tikhan a nimai ka haw ve phawt ange" tiin pawnlam a pana, hnawn luih tum viau mah ila a duh tlat loh avang chuan zui chhuakin tual thleng chuan ka thlaha, a tlân chhuah hnu chuan lutin nu Chhingi chuan Chakai chu chhum turin a lo buatsaiha, zanriah an la ei bik loh avâng chuan chakai chu rin tumin kan nghâk ta law lawa.

[mawitei bawihtlung]

KA HMANGAIH THINGTLANGPA






CHAPTER 20

U SANGPUIA A LANG HAR TI HO KHA LO HMANHMAWH LO ULA, A LA RAWN LANG VE EM EM ANG AW, IN HMANHMAWH LUTUK A NIH KHA



Buhpâwl ṭuma sazu kua vêl lai turin kan kal ṭhap ṭhapa, keimah bâk hmeichhia ka tel loh avang erawh in a nuam lo ve lek lek mai, mahse ka la ti ngailo nen ka phur viau thunga, kawng a chhe ve deuh bawk nen ka tluk hlauin Sam-a chuan min kaiin muang chânga kal tûr chuan min hrilha.






Rengpuia te ho erawh an mahni lo lamah an liam thung, inṭhen darh an tih avângin keini pahnih Samuela te loah kan kal dâwn thunga, an lo kan thlen chuan au chulin ka hawi kuala, a zau ṭha hek hawk hle mai lehnghâl, sawhthing hmun ringawt pawh an nei zau hle, hei vang a nih hi an hlawk nghal lawih zêl ni, an taimaknain hlawhtlinna a chantir ka tilo theilo.







“Thlamah chawl phawt ila chuan pawl kan ṭum dawn ania" a tihchuan ka bu nghat nghata, phur zetin thlam lam chu ka pan nghal bawk, nui hak hakin Sama chu ka chhaih paiha, a ni pawh a khi ve suk suk mai. Thlam chhûnga kan luh rualin a bathlarah chuan ṭhu in ka hawi kuala, thlang lam ruam aṭanga thlifîm rawn thaw heuh heuh chu inchhem tirin ka mit ka chhing chial bawk.








“A nuam i ti em?" a zawhna avâng chuan mengchhuakin amah chu ka en a “Nuam ka ti lutuk, chuan ka lâwm e ka duhzâwng min tihpui avângin ka vawikhat tihna tur anisia ka zeiloh pawhin min hau miah suh aw" tiin ka insawi khalh zung zunga, a rawn nui hak mai.








Ka lamah rawn tawlh hnaiin min kuah zuia, keipawh chuan ka lo kuah ve mai bawk. Chul thlai veh a feh tih loh chu an awm lutuk tawh lova, an sawhthing kar hunah erawh an tam leh viau ngei ang. Buh seng zawhna a rei ve leh tawha, kei erawh naupang exam kan neih pui lai a nih avangin ka tel ve thei ta lo kha a nia, ka ui viau bawk.







Kum leh lamah chuan ka tel ve tawh ngei ang, “Hei hi nangmahin i enkawl vek chu a nia, i van chak awm êm êm, keichu ni ila ka peih teuhlo" ka tihchuan a rawn nui haka, chutah engmah a sawi hma chuan a phone rawn riin a la zuia, “Tak tak maw?" ti a a sawi avâng chuan hawi lêtin ka en ha a, min rawn nuih suk ringawt.







Phone a dah hnu chuan zawhna nen ka lo ena “Ka hna kha ka tling a nih chu" a tihchuan ka lo phur nghal ngei mai, inherin ka kuah thlawpa; ka au chul mai bawk. Ka lawmpui lutuk tlat “Tunah chuan i hlawhtling ta e, mahse kan be ngam tawh dâwn lo che a nih hi" ka tihchuan ka zakah a rawn dek vaka.








“Ngeiawm suh, ka tan chuan i pawimawh hmasa ber zêl, engkimah ka hna leh ka nunna ai pawhin i pawimawh zâwk. I hlimna ka ngai pawimawh ber tih hi hre reng rawh, nupui te inchawm tir vel hi ka duh ve lova, ka nupui chu mipa ka nihna ang ngeiin châwm ka tum, thingtlâng hna i koah a tla a nihchuan i hrehawm dâwn tih ka hria, chuvang chuan ka theihtawp ka chhuah anga, nuamsa taka i awm theih nân rim takin ka thawk zêl ang" a tihchuan ka en dauh dauh mai.








U Sangpuia kha chuan hetiang lam zâwng hian min ti ngai hauhlo, a ni kha chuan amaha in pe pum hlum tawpa, vuan tlat tur ringawt khan min duha. Samuela nunah erawh a mah rinchhana, kei min vuan tlat turin a insiam rem thung. Pakhat khan min duha, pakhat erawh hi chuan min hmangaih tih ka hre chiang ta viau mai, u Sangpuia kha chuan ka ngaihsak a, rinawm tel tûrin min phuta, amahin engmah min pêk let erawh a tum lo a, Samuela erawh chuan chumi let ling thawk chu min pe a ni, keimah aṭangin phut chu nei mahse amah aṭangin hma a la a, ngaihsakna leh rinawmna min pe a, chutiang chiah chuan ka lak aṭangin a dawn let a beisei bawk.










Engkimah a puitling zawk zia ka hre chho zel chu a nih hi, ani chuan amah chiah in ngaihtuah lovin a chhungkua leh keima hma hun thlengin a ngaihtuaha, a bei chu ani si a, ka phu lo ka ti ta lek lek mai.





U Sangpuiate pawh la innei mahse an nupa nun erawh a hlim lo hle tih ka hria a, keimah min la rawn beisei châng lah a tam, mahse kîr ka tum tawh lova, Samuela ah hian ka duhzawng zawng a kim tawh miau a, a ni chuan min nawr lui ve ngai lova, ka duhloh thil phei chu a ti ngai lo, zu leh ruihtheih thil dang a khawih lova, meizial erawh a zu ve zeuh ṭhin thung, tam erawh a zu chuang lo.







“Kuthnathawh pawh ka hreh chuang hleinem, pasal ka neih chuan ka duhtak nei tûr ka nih avângin eng hrehawmna pawh tuar ka huam tur alâwm, chûng nilo a nawmsak duh avâng chauha inneihna chuan rei a daih tak taklo, hmangaihna hi a pawimawh, kan pasal tur te an hausa emaw an rethei emaw kan hmangaih leh min hmangaih thei tu hi thlang ila chu chu hlimna dik tak a ni, sum hian hlimna tak tak min thlen chuang lo, Sam ka ti tak tak ania, kan in hmangaih phawt chuan chu aia thlakhlelhawm dang a awm lo" tiin a kut chu ka hum saka.









“Tunlaia mipa teh hmeichhia in sawi dan leh hmuh dan hi ka hre ve fo a sin, mi hausa an nih chuan an duh vek, hmeichhe hmangaihna dik tak nei an awm lo sum nena vur thei tu apiang an duh an tih ṭhin hi ka hre ve fo a lawm, hetiang hmeichhia te hi ka ngaisang ve lo, keichuan min hmangaih theitu tur ka duh zawk, hmeichhe tam tak chuan kan ngaihtuahna hmang lovin hmangaihtu narana lang leh sum ngah an thlang ṭhina, an tisual leh fo. Zu in mi neih pawi tilo an neih hnua inchhîr tak tak pawh ka hmu in ka hre ve tho a, keichuan zu in mi neih hi ka duh ngailo, u Sangpuia pawh kha sim turin ka nawr fo a nih kha. Mahse hei tûnah erawh kan tawp fel tawh a, nang nen bul kan han ṭan leh a nia, engkim hi ruat lawk te pawh aniang, keichuan eng dinhmunah pawh ding la nangmah i nihna ang angin ka pawm che, i hausa emaw i rethei emaw tih lam ai chuan min hmangaihna leh ngaihsakna hi ka duh zawk,sum chu hlu viau mahse chhûngkua kan hlim siloh chuan awmzia a awm chuanglo, hmangaihna dik tak chu retheih angaih hun a rethei duna, hausak pawha chapo mai lova awm thiam mi nih dun theihna hi a ni a, sum nei mah ila kan in hmangaih chuan siloh chuan pawnlam nun awhawm chhûnglam nun rethei si kan nimai ṭhin, chuvâng chuan a hausakna avâng chauha ka neih a, mi min sawichhiatna bul a nih ai chuan neih loh pawh ka duh zawk" tiin thutak zet chuan ka hrilha.








A rawn nui nghal var var mai “Ka lâwm e, tûn angah sum in thil a tih theih em em tawh laia nang ang hmeichhia ka lo duh hi ka tisual ta lo a va nih hmel ve, engpawh ni sela ka hna ka khawih hunah pawh hmun danga ka awm angaih hun a rawn thleng thuai dawna, min lo nghak in lo danglam miah suh ang che. Mipa dang i lo hnaih a nihchuan ka lawm lo viau ang tih hre reng rawh, keichu ka rinawm reng dawna. In te hi kan sak zawh leh palai te pawh ka rawn tîr ve tawh ang chu" a tihchuan ka thaw huai mai.







Dân khatna ngeia inneih theih hi ka duhthusam a ni, chutiang chu ka tum bawk. “Kal tawh ang hmiang, vaithang kha ka rawn keng anga, buhpâwl lam khi pan rawh le." a tihchuan phur zeta tho chhuakin ka kal nghala.





“Tihian ka ṭum dâwn em ni?" ka tihchuan a lu a thing nawk nawka “A sir hual hian thang hi ka kam phawt anga chuan i rawn zuang dawn ania aw, a tlân chhuak tur thing nen hian ka lo veng thung anga" a tihchuan ka bu nghata, pâwl hual chuan thang chu kamin keiin ngawi rengin ka lo en a “Le zuang kual rawh le" a tihchuan na zet zet chuan ka zuang auh auha.








Khum dup taka zuang ang mai ka ni, ka pil leh thut ṭhin leh a chânga ka tlu leh ṭhin chu nuih pui pah uar uarin ka tho chhuak leha, a ngai ngawta zuang lo chuan a pâwl chu ṭum kualin chutah le pawl chhûnga awm sazu pahnih chu rawn tlân chhuakin thangah chuan an awk nghal chata, lâwm zet chuan ka kut bengin ka au chul mai.







Pahnihte lek mah ni ila ka thawm avâng chuan a reh lo hrim hrim, Samuela pawh chuan nui chungin ka che vel chu min lo en ve reng bawk.A tawpah chuan tlanchhuak tur an awm tawh lo nge Samuela chuan duhtâwk turin min ti zuia, panga lai mai kan awk tih ka hmuh chuan ka phur ngei mai.







Sazu sa ka la ei ve lo nangin a tuizia an sawi ṭhin bawk nen ei ve chhin hrim hrim ka duh.“A kua kan lai tawh dawn ania, buhpawl kha rawn keng ṭeuh la" a tihchuan pâwl chu pawm hnawkin a niin sazu chu akin pâwl chu a keng ve bawka, lo chhungah chuan sazu kua chu zawngin rei zawn angailo kan hmu ta thuai mai.







“A kaw hlet lo zawng rawh aw(Hei hi in hriatthiam loh palha, sazu lam chi rêng rêng hian kaw khat chauh nei lo in chhuahna dang an nei ve zela, chûng chu aw) chuan pâwl hian ka rawn hal khum ange, angai leh lo lo awm rawh" tiin a kua kan hmuhna bul vêl chu a enkuala, a hmu ta aniang pâwl chuan a hnawh nghâl mawlh mawlh mai.







A chêt dân chu ka lo en renga, chutah a kaw pakhat ah chuan pâwl chu lighter a halin a hnawh a, a chhêm nghal bawk, meikhu chu rawn chhuakin a kaw chhûng lama lût tur chuan a chhêm zela, pâwl chu a hnawh belh zel bawk.








Rei tâwk fang a tih hnu chuan bawngtuthlawh chuan sazu kua chu a lai zuia, phur zet chuan a bulah ka lo ding ve bawk.




“Ka thing fak ken hi lo la la, chuan meikhu hian a ur na lo mai theia, tlân chhuak an lo awm palhah ilo vaw ṭhuai dawn ania" a tihchuan inring tak chuan hmawh chu la in ka ding a, lai zelin chutah meikhu haka lo thi lek lek tawh sazu pahnih lai chu lo awm in a vaw hlum zuia, a ippuiah chuan a ak nghal a.








“An van lian em em, a dang kan lai leh ang tiraw?" ka tihchuan a bu nghata, ka phur lutuk chuan fimkhur na châng hre hek lo, lo âwih bawk nen ka tawlhthlu zawta, ka mawng khera tawlh ka ni bawk nen lei ṭhil ah chuan a thip ṭha ngei mai, “I ṭha em?" Samuela chu ka bulah a rawn thleng vata “Ka mawng hi a thip sahal hut hut" tiin ka ner nâng nâng a, ka la tho thei mai lo lehnghâl.








A ni erawh a nui suka, min pawm tho in “Fimkhur deuhin kal tawh rawh aw, lo hi a awiha, buh chin nân ber lo awih lai hi chu kan hman ṭhin avângin fîmkhur angai ania" tiin min kai zuia, kan buhpawl ken ka thlauh darh chu chhar lehin sazu kaw dang chu kan lai leha.







Chu erawh kan ur na tawk lo nge a rawn tlân chhuak zawka, lo inring ran in ka awm nân “Kha vaw rawh" Saman atih rualin ka vuak ṭhelh ṭhuaia, ka vuak ṭhelh chiang lutuk chu ka nuih a za bawk nen ka nui chhuak uar uara, Samuela erawhin min enin a tum hmuka “I va han ṭâwng em em ve, i vaw ṭhelh thei ania, i hmawlh ken kha enga tan nge i tih? nêp lutuk mai" a thusawi chu huatah pawh ka la theilo, inring penpawnin ka vuak ṭhelh chu ania, ka vuak ṭhelh laia Samuela hmel ringawt chu ngaihtuahin ka nui uar uar reng mai.







Ka mittui te chu a tla phung tawh, a nilah lâwm lo leh tihngaihna hre silo hian min en tawpa, chung te chuan ka nuih an tiza zual, a mah chu kawkin ka nui kiah kiaha, ka pumte chu ana urh tawh mai. A tâwpah chuan nui tâwp ve hramin ka khuh kharh kharha, “Min melh rawm reng kher lo la, ka hawsan mai tur che a sin. Ka vawikhat tihna tih i hriat reng kha" tiin ka la nui pat pata.








“Kal ang" tiin sazu kaw dang chu a zawng zui leha, min be duh tawh miah lo. Ka nuih kha a haw hle ania'ng, chûng te hlei hlei chuan ka nuih a tiza zual, a hnunga kal chung chuan ka la nui var var renga, ka nuih rik leh chuan a thinrim zual ka hlau bawk si. Nuih ka insumna lamah chuan ka vawih ta seta “Ṭiiiit...." tihchu a ri ta sêt mai, ka nuih chu ka insum thei tawhlo, leiah chuan ṭhu hnawkin ka nui zui leh ta vak vaka.




(HEI HI CHU KA STORY TI STORY BÎK TU AH NGAI TAWP RAWH U)



Samuela pawh rawn hawi lêtin a lu thing nu nu chuan a nui ve ta hawk mai. Kan pahnih chuan nui dunin zahah pawh a kal theilo, ka nuihna lamah ka hah hlui thei nia, “I ṭhing reuh" a tihleh phei chuan amalah beng hlak hlakin ka nui zui leha “Awi ka nu ka thi dâwn, ninawm engmah sawi tawh suh, ka nui peih tawh lo" tiin thildang ngaihtuah tum chuan ka hawisawna, mahse a har lam mah chu a ni e.









“Nula ve si vawih ṭhing lutuk" a ti leh hlaka, a thinrim tawh loh avâng erawh chuan ka lâwm viau thung. “Mihring ka nia, ka vawih ve bawk ang chu. Vawih ngai lo mihring an awm hleinem, nang pawh i ni ve tho ang, bâkah i thinrim vang a nihkha" tiin ka nuih leh var vara, nui hakin min kuah nghal hlu hlu mai.








Ka chetsual azarah a aia nuamin hun kan hman theih phah a; a lâwmawm viau mai. Sazu chu 20 chuang kan mana, kan haw zui bawk, Rengpuia te ho nen in nghah khawm kan tih avângin lo kawng pengah chuan kan ṭhu chawla.








Haw lam chu ka hah bawk nen ka biang a tai a ni ngei ang Samuela chuan min enin a piai leh hlak ṭhina, khap pawhin a tileh ngat zêl tho. Chutia kan lo infiam lai chuan u Sangpuia te nupa an rawn lang ve hlawla, kan inhmuh khât zia ka ngaihtuaha, a hmêl chu a hlim loh hmel em em lehnghâl.








“Ehe! Nunui te chu in feh ve elo?" Teremi chuan a rawn ti a, ka lo bu nghat ringawt “Nang ni teh enge in tiha?" mawihnaiah chuan ka zâwt ve a “Hei thlai rah vel kan dap mai mai a nih hi, sazu kua in lai a nimaw?"a tih leh chuan ka lo ve maia, u Sangpuia leh Samuela erawh an ngawi renga, u Sangpuia lah chuan min en char char lehnghâl.









Samuela nena kan kut inchelh ran a hmuh avang te pawh aniang “In ngaihzawn lai hi chuan feh duh leh hun hman dun tam hrim hrim hi a hlu a nia, a nuam bawka. Kan pa nen pawh hian kan in ngaihzawn lai khan kan ti fo a lawm, kan kal phawt ange ka naupai rit tawh nen kan kal chak thei tawh meuhloa" a tihchuan ka lo bu ringawt.







U Sangpuia nen kan in ngaizawng ṭhin tih a hria a, min runluih a tum te pawh aniang. Ka enga ah mah an thawk tawh lem lo “I va en ngun ve" Samuela chuan a rawn ti bul hmuka, amah chu ka en nghal ha mai.








“Iti mak thei emaia, kan in bia a nih kha. Amah pawh ka en lo, an nu anih kha ka en, ka chau ania khatiang thil sawi lo ang" tiin leiah chuan ka muthla a, ka mit hupin ka thaw ham ham bawk. Ka bulah rawn mu ve in “Keiai i thlan hmasak a lo ni tawha, i nunah keiai a lang hmasa miaua ka thiklo theilo a lawm, mahse i lakah ka thinrim chuang lo ania" a tihchuan ka nui saka, alamah inherin ka kuah than ringawt.







Midang an awm rih lo nen pawi ka ti lem lo, u Sangpuia kha vawikhat vêl bak ka melh lo ania, mahse he kan thikthu chhia a hian a lo ngai dik lo leh thi chu a nih hi, a lehlamah chuan a thikthu chhia chu a lawmawm phian zawk mai.

TI THLENG HI NI RIH MAI AW

[mawitei bawihtlung]

KA HMANGAIH THINGTLANGPA







CHAPTER 21







“In be lawk ang" school bang haw lamah u Sangpuia nen kan intawk hlawl mai, en zawkin “Eng nge sawi i duha? Ka hmanhmawh a nia" tiin ka kut ka kuangkuaha, a awmdân chu ka en ran bawk, engtak chu sawi tum nimaw?






“Bul ṭan leh ang" a tihchuan mak ti lutukin ka en reng ringawt, chu thu chu engvanga sawi ngam nge anih zawk ni? “I â em ni? Nupui neilai i nih kha, bâkah ka duh tawhlo che" tiin kal mai ka tuma, ka kutah a rawn vuan let tlat mai. Inherin rum zet chuan ka ena.



NUNUI PIC

“Ka ṭhen ang, ka chân theilo che, khawngaihin bul ṭan leh ang, Samuela kha i duh tak tak lo tiraw?" a rawn tihchuan ka nuih haka “Min thlah rawh, ka duh emaw duh lo emaw i hriat ve angailo" chutih lai chuan Samuela chu a rawn lang ve ta thut a, ka mengphawk vak mai, u Sangpuian min lo chelh lai a ni bawk nen a thinrim hmêl viau mai.








“Ani ai saw chuan min duh zawk ani lo'm ni?" ning zet chuan ka kut chu ka thing thla a, Samuela lah chu thinrim zetin a kalsawn tawh bawk si, ka umzui vat angai ani. “Duhtawk rawh, ka duh ṭhin che pawh a niang, mahse Samuela nên khan in tehkhin hauh suh, nang ai a ṭhw zawk; chuan ka hmangaih bawk" ka ti ta sak saka, a meng rum nghal ul mai.








Ni e, a ni hi chu ka duhthu kha ka hrilh fo a, ka hmangaih thu erawh ka hrilh ngailo, mahse Sama laka ka awmdan leh rilru put hmang erawh chiang takin ka hre thung. Hmanhmawh zet chuan Samuela chu ka um zuia, an ina a lût ka hmuh chuan rang zetin ka pan nghal hlawk hlawk mai.







Inchhung ka luh chuan tumah ka hmuloa, a pi leh pu an awm lo a ni ngei ang. “Sam" a room-ah chuan ka lût zuia, a lo ding ngawi renga, min hnungchhawn hmak bawk. “Nichin kha" ka tihchuan ka sawi zawm hma hmain a kut a lo vai hluka.






“A tawk i duh zia ka hria, ka lo tibuai cheu pawh ania'ng, a nupui kalsan a duh chuan i duh chuan i nihpui thei a lawm, sawi theih ka neilo" a tihchuan ka thaw haka, a aw ah lah chuan a thinrim zia ka hre reng. “Ka duh a lâwm" ka tihlai chuan thinrim lutuk hian min melha “Chhuak rawh, i duh a nihchuan chhuak rawh, min rawn tibuai tawh suh" tinghutin thawk a la hawka, a thinrim chu insum a tum hle tih ka hria.






“Mahse nang chu ka hmangaih che" tisapin ka hnaiha, a thinrim inhum ruh chu va vuanin amah chu ka en chhoa “Ka hmangaih che Samuel Malsawmkim" ka tih leh tâkah chuan a rawn inthlah dul ruai ruaia, ka hriat theih loh tura phun supin alamah chuan min pawt hnai dawrha, rawn kûn hniamin ka hmuiah chuan a rawn fawp nghal zat bawk.








Lo chhâng lêt ve vatin a zak hnuaiah kut rawlh lût chuan ka kuaha, a hmui leh lei chu zei zeta tiche in ka kuah nghet sauh sauha, “Keipawhin ka hmangaih che misualnu" a tihchuan ka nuih ver vera, a âwmah chuan ka bei chial bawk, ka biang tawn tawnah rawn vuanin min kuai dâk leha, muang raih leh phût lêt nei tih hriat tak hian min fawp a, ka khur der der thei nia.









Min pawm nawlhin khumah chuan min muttira, min rawn delh betin a kawr chu a phelha, a piannalh zet chu a lang chiang viau bawk. A abs ah chuan chûl sakin ka chil ka lem khawlha, ka bula rawn mu chuan a chungah min pawt kai zat bawk.







“A châng hi chuan insum theiloa chêt mai ka duh ṭhin, ka mamawh lutuk che hi ka thi dâwn in ka hria" tiin ka kawrchhanah ka hnute chu a hmer salha “I kut la teh, chhuak ang haw ka duh, haw tlang tum ka nia nangmah avângin helaiah ka awm leh phah a nia, nu Chhingi ten min lo ngaihtuah tawh ang, vawiinah an fanu naupang ber a lo haw dâwn a" tiin ka hrilh siam siama.





Min kuah nghet sauhin “I engkim hi ka ta a nih hi hre reng rawh. Kha mipa kha hnaih tawh lo turin ka duh bawk che, natna pe tu che bula i awm kha ka rem ti tawhlo. Ka tuam dam thei lo che a nihchuan ka inthiar fihlim san ang che" a tihchuan a awma khabe nghat chuan a hnute hmur tereuhte chu ka hmehsak neuh neuha.






“Mipa hi in hnute hi ûm ve ta se in mak âwm" ka tihchuan a rawn nui hak mai, “A ṭhing lutukin min duh leh silo ange, min khawih reng suh ka insûm theihna hi a pan teh ania, a hun hma in ka mutpui mai ang che" a tihchuan fiam ka châk ta tlat “I insum thei tak tak ang maw? Khawih lui zêl ta che ila engtin nge min tih ang" nuihza zet chuan ka ena.







A hmui liak zauhin “I duh a nihchuan ka in peih reng, tûnah pawh. Naute lo siam sa ila a ṭha daih zâwk alâwm" a tihchuan a awmah chuan ka bawh hnaka “Ngailo mai rawh se, kumin te hi han liam sela, nakum kum tâwp lamah emaw Pathianin rem a tihchuan kan la innei ve ang chu, i duh chuan" ka ti zauh chu a rum nghut mai.








“Ka duh ka duh, theih phei se tuna inneih nghal hi a nia ka duh ni, palai ka lo tîr mai dâwn emawnile?" tiin min kuah nghet sauha, ka nui hak mai “Ilo tîr mai dâwn em ni? Mahse tûnah chuan a chi rihlo, zânah lo lêng rawh aw kan haw phawt ange" tiin a hmuiah chuan ka fawhsak zauha, a lâwm hmel vur vur viau mai.







Pawn thleng min rawn thlahin kan in vai liama, in ka thlen hnu lawkah tualah sumo rawn dingin nu Chhingi fanu chu a rawn thleng a nih hmel.Kan lo hmuak ṭhapa, keimah nên chuan inhmelhriatna te neiin inchhûng lamah kan in zui lût hlawma, khawpui awm tih takah a no pawh ano hle, a ṭawng duh viau bawk, a rawn thlen hlim aṭangin a kâ a la châwl lo tih theih a ni.








Midang chuan chhang lem lo in kan ngai thla ṭhap ringawt, zân lamah chuan Sama te ho pawh chu an rawn leng ta ngeia. “Min lo hmuak dâwn em ni Sam" Huni bawk chuan a lo tileha “Rawn hmuak che a nih hi, kha i va nalh tawh sur sur ve, helamah i awm hlen tawh dâwn em?" Valpuia chuan a lo ti vata.








“Ka tum chu ania, tu emaw hian beiseina te min hmuh ve chuan ka awm hlen lovang tih pawh a sawi theihloh" tiin Samuela chu a ena, ka nu ṭhiannu fanu mahnise ka mil dâwn hauh lo, a mitmengah chuan Samuela chu a duh tih a chiang reng mai, lo ner nakin Samuela bulah chuan ka ṭhu a, nu Chhingi te erawh an mu lût leh daih tawh.







Huni pawh chu kan bulah rawn ṭhu in a dân ngai te bawkin a ṭawng leh par para, a motor chuang chu a chau vak lo a nih hmel, a thusawi paha a hawi zuk zuk leh Sama a en kher ṭhin chu ka lo hmu mawh viau mai, a khawpui awm chanchin bialpa a neih ve zuai thu leh a chhiat loh thu vêl te chu a sawi zut zuta, a ṭawng dan leh a che vel te chuan a vun no leh a khawpui awm chu a chhuang hle tih a hriat.








“Ngaiah neih i ngai dâwn a nia, kan lo hriat ṭhan tawh khawpui awmberi a nih hi, mi ai hian khawpui hi a awm bik a, he khua aṭanga khawpui awm dang te chu a lakah chuan awm ve lo ang mai an ni" Rengpuia chuan ka bengbulah a rawn ti su su a, ka nui hak mai. Min rawn en tâk ṭhapah chuan insum vatin ka ngawi zui leha.








“Awi ha kan College te chu a nuam a sin aw, ṭhiante ka ngah bawk si, chuan hei milâr te pawh ka hmu nuala, a nuam a nia aw" a tihleh lai chuan “Aw chûngte chu Nunui hi a khua zâwk ania, a hria in a kawm nual zawk mai thei a sin, a hmuna piang zâwk pawh hei a ngawi reng chu a nih hi, a hmu ve tho ang chu. Bâkah milâr an nih avanga han ngaihsân vak hi ka peih ve lo, an hlawhtlinna ah chuan an ngaihsânawm lutuk, mahse over uchuaka han duhhluak te hi ka ten, a bikin hmeichhia te hi a over zual hi in nia, mipa chuan duh kan neih pawhin kan ngawi mai maia, hmeichhia erawh in mi duh te in insawisel siak hi a ni ringawt" Rengpuia chuan a lo ti ve zata.









Kan lo nui hak thung “I ti mak e a, hmeichhia zawng zawng hian milâr hi kan duh bur bik lo ania" ka lo ti ve vata, Huni pawh a thusawi an lo tih tâwp sak takah chuan a ṭawng zawm mai bik lo “A nia lawm, keichu milar nih te hi a hlauhin ka hlau, Mizo chu kan ngaihsân zâwng chu kan duhin uchuak lutukin kan faka, kan post chamchi a, kan huat zâwng te lah chhe tawpkhawkin kan sawichhia in kan post mualpho leh duha, kan milâr duhzâwng an inan loh phei chuan an mi ngaihsân ten an rawn hre ve dâwn pawh niloah inhnial in kan thih thâ in kan ṭanga, nuho lah bang lo, hmeichhia zêl hi in over, in hmeichhiatpui sawichhiata tihmualpho pawh in ching ber" Rengpuia bawk.






A thusawi chu ka haw lem lo, a dik ve miau. Buaina tam tak hi chu keini hmeichhiate vâng zel hi ani, mi kan duh leh a sar hu laiah over takin kan pak huam huama, a rei a kan theihnghilh leha, hmingchhiatna rawn nei leh se duhtawkin a sawichhe duh duhah kan ṭang leha, social media ah kan post mualpho leh zut zut duh si a nih hi.








“A dik khawp mai, mahse mipa pawh hi in ni ve tho a nia, tunang ah phei chuan mi sawisel peih zâwk hi mipa an ni tlangpui zawk, heng social media a mi han sawisel vak vak ṭhin ho hi chu mi awmawl, hnathawh tur nei lem loa tlawngawl ho hian an ching zual, hnathawk mi tân chuan a buaipui hman tak tak loh, hna thawhna châng hreloa phone khawih kan tam lutuk vang hi a ni ber ang, chulam sawi tawh lo ang u, Rengpui neih tlâk lohah min chhuah vek mai dâwn a lawm" ka tihchuan an nui dar dara.








Titi leh nak nakin an haw dâwn chuan pawn thleng kan thlaha, Huni a awm ve tlat avâng chuan Samuela nen pawh kan in vai liam tawpa.






“Awi hman aṭanga ka duh tawh ania, alo lenga a nuam e, Nunu min tih pui la?" a rawn tihchuan ka en zawka “A tu chu maw?" ka lo tihchuan nui hakin ka bengbulah “Samuela kha" a rawn tihchuan ka phu zawk thei nia.








Amah chu chiang zetin ka ena “Ka duhna a rei tawh lutuka, amah vang ania helama awm pawh ka tum, ASP a ni dâwn te an ti lehnghâl. Pasal hna nei neih te chu a nuam dawn e" a tihchuan ka nui tawi tak ringawt, ka bialpa a nih thu lo sawi kha a mawi chiah bawk silo, an ina awm mai ka ni bawk nen nakum lamah inluah zawn ka tum tho a, kumin atân ka awm ala ngai miau sia, nu Chhingi pawhin a lo hrilh chu ka ring tho a, engmah ka sawi duh lem lo.








“A nihchu" ti ringawtin room lam-ah chuan ka lut zuia “Huni khân lo biak tur che in min chaha, a duh viau che a nih hmel, i chhâng dâwn em?" Samuela chu ka text a, a seen rang viau “Chhang tûrin min duh em ?" a rawn tihchuan a thusawi awmzia ka hre chiang viau mai.









“Duhlo, ka ta i nih kha" ka tihchuan a rawn call zui zata “I thusawi a kha danglam ngai suh se, ka ta i ni a, i ta pawh ka ni bawk, midang an awm thiang lo, keimahin ka lo hrilh mai ang. A hma aṭangin min ngaizawng tawh a lawm" a rawn ti zuia, ka ring Huni pawhin a sawi tak kha mawle, a mipa duh em em nen kan ni tih hria se a lawm hauhin ka ringlo, a mizia ka ngaihtuaha, ngeiawm taka awm vel a thiam dawn hle lehnghâl.










Reife kan in biak hnuah kan daha, mas hla zir an ti ṭan bawk nen keipawh zir ve ngei ka tum bawk. Zîngah hma takah tho in ka in tifaia, nu Chhingi pawh a rawn tho chhuak ve nghala, Huni erawh ala mu a nih hmel, titi mawlh mawlhin eng eng emaw kan sawi kuala.








“Samuela nen hian in nihna a rei tawh em?" a rawn tih thut chuan mak ti zetin ka ena “Rei ve tawh e tinge?" ka tihchuan a nuia “Timah nilo e, i u Huni hian a duh thei lutuka, mahse Samuela zâwk hian a hnar ṭhina, an tleirâwl tirh khan a nia, hnar em em pawh nilo in an nulat tlangvâl hnua in ngaihzâwn a duhzawk thu khan a hnâra" a tihchuan “Anihchu" tihchiah chuan ka chhânga.







Chutiang tleirawl lai thil chu rin tlat tur a ni tih pawh awm lova engvanga ka bula sawi kher nge maw a nih le? A mizia danglam thut nen hian a ranglama inluah hran vat ka ngai a ni, ka lakah rilru chhia an pu palh a nih vaih chuan an ina awm mai ka ni bawk nen ka tân a buaithlâk zual dâwn tih ka hailo.








A fanu a ni a, a rilru chuan a ṭan tûr zia ka hailo, Samuela lah tûnah chuan tu tan pawha makpa atâna awh tham a ni tawh tlat a ni.





“Sama chu ka hre chianga, chutiang chu tleirawl lai mai ania sawi chhuahsak ka tum lem lo, kan tun hun hi a pawimawh ber a lawm, khawinge vawk chaw kan pe tawh ange" tiin ka kalsawn ta daiha, Samuela nên kan nih kha a hrelo hauh lo, Huni a rawn haw a nizân a kan thusawi vêl kha a hria tih a chiang reng, Huni kha a ṭawngring em bawk a ni.


ZAWMNA






Zan lam chu inkhawm turin kan inzui hlawma, zanin aṭangin mas hla zir an ti bawk nen kan ṭhian ho chu kan kim viau mai. Huni pawh kan bulah a kal ve a, Samuela nen kan inkai vêl a hmuh chuan min en haw haw reng mai.







“Nangni pahnih hi enge in awmzia?" a ti ta rêng bawka, “Kan in ngaizawng, in ngaizawng mai nilo in kan innei ṭep tawh" Samuela chuan awlsam zetin a lo tiliam puata, Huni chu a ding dat mai “Ni e han innei vat teh se, keini pawh inneih zung zung angai, ṭhat lai hian chi thlah vat vat tur, fa nei hman lo te hian kan awm ang tih a hlauhawm" Rengpuia chuan a rawn ti a, kan lo nui dar dar mai.








“Nunui pawh chu a hma khân min hrilh ve mai ta che" Hunin a rawn tihchuan ka lo nuih ringawta, ka tân sawi kha a rem miau lo a lawm. “Hei i hriat tawh tho hi, lût ang u chu zai an ṭan tawh chu" tiin Biak inchhûng lamah chuan kan inzui luta, Biak in chhûngah chuan ṭhu hrang hlawmin hmeichhe ho chu kan ṭhu tlânga.









Zai ṭhap ṭhapin Manuni aw chhe lutuk chu kan nuihpui leh ṭhin, nuih rin lah a tihchi siloh, pitar aw chhuak ṭha thei tawh lo hi a ang ber mai.





Khâwm bânah chuan hla zirna tur lamah chuan kan inzui leh ṭham ṭhama, keini erawh dawrah Samuelan kal lawk ang a tih avangin kan peng a “Enge i lei dâwn?" ka tihchuan ka kutah a rawn huma, a kut chu a lum nuam bik takzet, kei erawh thlasik khawvawt avâng chuan a hik thlar mai.








“I kut ava vâwt ve, tikhan min thlah miah suh" tiin a kawrlum iptea chuan a kuta min kai reng chung chuan a dah luta, ka hnial bik lo. Khua a vawt bawk nen ka khur hlak hlak reng mai, zai pawh ka zai ṭha thei dâwn mawni ka ti hial tawh mai, thlasik hi chu tawrh hi a har ve em a ni. Helai phei chu thingtlâng tih takah a la vawt zual lehnghâl.








Dawrah chuan lutin eitur chu a lei mual muala, enga tan nge maw a tih ni, ngawi reng chuan a thil lei chu ka lo en ve reng ringawt “Nang ni pahnih hi chu in ngaizawng reng rawh u, in inhmeh lutuk, in hmelṭha dûn si" dawr nghak tunu in a lo tihchuan Samuela nen chuan in en in kan nui saka, in fak hi chu a dawng tu tân hian a lo nuam emaia, keipawhin mi hi sawisel mai mai ka duh ngailo.








Keimahni chunga thleng tura kan duh loh hi chu mi chungah hian ti biklo ila, in sawisela in rel reng lo hian in fakin kan tlinlohna lai te hi in khuh mawi sak ila tumah hian hmelma kan neiin in hauhna tur kan neih ka ringlo, mi tam takin hmelma kan neiha, huat kan neih tlat chhan hi chu in rêl leh in sawichhiat kan chin vang hi a ni ber mai.






Tumah kan famkim lova, kan ngainat loh mi pawh nise be lo mai ila huat tur a awm lo a nimai.





Dawr aṭanga kan chhuah rual chuan a thil lei ho chu min pe a, ka en nghâl ha mai “Enga tinge min pêk?" a thil lei ho zawng zawng chu ka kutah a dah vek chuan mak min tih tîr lo theilo, ama ei turin a lei emaw tia. “I pum ri kha ka hriat hmaih hleinem, bâkah zanah thil ei rûk i hrat tih i sawi kha, i zân rilṭâm huna i eitur a nihkha, hla zir chhung chu hmun dangah i dah rih dâwn ania, tilo chu an lo dil leh palh ang che" a tihhuan min hmu thei dâwn lo mahse thim karah chuan ka nui ver vera.








Hepa hi ka hrechiang tawlh tawlha, ka duh tulh tulh mai. A ṭawng ve duah ngailoa, mahse ngawi rengin min ngaihtuah em em ṭhin tho si, dingdihlip in a biangah chuan ka fawhsak vang vanga, rawn inher in ka hmuiah chuan a rawn fawpa, mi veivak an awm lo bawk nen a duhthawh viau mai lehnghâl.







“Duhtawk ang, ka thaw a chham dâwn?" tiin ka namsawna, a rawn nui nghal hak mai. “Kal ila" tiin ka kut chu a kawr chhûngah dah lût leh in a thil min pek pawh chu a khai leh riha, hla zirna hmun thlen hma in teah chuan lutin a khai ṭha riha, a chêt dan chu ka lo en reng thung.







Hla zirna hmun kan thlen chuan min lo fiam nak nak bawk nen ka zak chu Samuela hliah ah chuan kalin Manuni te ho chu ka pan vata “Le in ngaihzawn bawrh bawrh tur, in ngaihzâwn laia hla zir dun te phei chu a nuam a nia, bâkah kan miss hmelṭha-i hi lo char beh tur ka tih tawh kha, thianghlim tak hian a in ngaihzawn theiha, midang te pawhin in ngaihzawn hi zah loh tur, inzui ula leng ula, inkhawm dûn rawh u. Fianrial lam pan ai chuan hetia midang hmuh ngeia in awm hian in ngaihzawnna hi a zahawm zual tih hre reng ula, KTP takin tumahin an dem lovang che u, mihring nihphung a ni a, tumah in sawichhe thei kan awm love" conductor in a tihchuan dik ka ti viau.








In ngaihzawnna hi tam tak chuan mi hriat te kan hlaua, mahse an hre leh tho tho. Chu ai chuan Conductor sawi ang ngei khân thianghlim takin mi te hmuhah a inkawp theiha, Pathian nena kal kawp chuan a zahthlak hauh lo, tam tak hi chuan in ngaihzawn avanga a fala awmdun, inhmuh leh len lam lawng lawng kan ngaihtuaha, chu chuan mi hriat hlauhna min neih tir ṭhin, hmeichhia te pawh hian hetiang lam chiah buaipui ṭhin mipa hi chu nihpui lo ngam ila a ṭha ber.









Samuela erawh kohhranah a theih tâwpin a inhmanga, len dun hun chu nei ve bawk mah ila engtik lai mahin sual lam ti turin min nawr lui ngailo, a insum thei hle zawk. Kan lengdun ve fo tih ka zêp lo, mahse mi hmuhah kan inthup lem lo bawk, kan in ngaihzawnna ah hian kan inring duna, kan rinawm bawk. Chuvang te pawh chu aniang tûn thlenga kan la awm theih ni.









Hla chu kan zir ṭan mawp mawpa, beiseiloh lutukin soprano ah min la awm tîr zui, zir nghal mawlh mawlhin a sâng laiah kan la tim bawk nen aw a dik theilo chhe leh ṭhin chu kan nui ho leh ṭhin, mipa ho erawh mahnia solfa enthiam annih a vangin an mahniin an zir thung, ring deuha zai tura min tih avang chuan kan han zai ring deuha, Sawmtei aw rawn ṭek leh ṭhin chuan nuihbawm a hawlh keh lak lawha zai tui theih pawh a nilo.








A rei deuh hnuah erawh ṭha tak chuan kan zai hlawma, chutia soprano lamin kan thiam rual tâkah chuan contralto lamah kalin an zir ve leha, Manuni pawh contralto ah a awm vâng mai. An ni erawh an thiam chak bawk nên rei zirtir an ngai lo.








Mipa ho chu rawn kal khâwmin kan vai chuan kan zai hlawma, a vawikhatna chuan kan ti ṭha hlawm viau mai, dar 9 thleng vel kan zir hnuah kan bang rih hlawma, helamah chuan inkhawm hi a rei lutuk ngailo a, a nuam tawk viau mai.






Samuela nen chuan a eitur dahna lam chu pan dunin a lâk chhung chuan pâwnah ka lo nghak a “Khawi lays leh sting hi ei ang," tiin ka kheh rak raka, a ni erawhin ngawi rengin ka chetdan chu min lo en reng thung.








“Kha le" tiin lays chu ka kut chuan la in a hmui bulah chuan ka han daha, rawn kun hniamin a ka a ang zauha, ka barh nghal vat bawk. Nui ver verin ka ei zuia, in lam pan chuan muang changa inzuiin keimah zâwk chu ka titi char chara, a ni erawh ngawi rengin ka bulah a kal thung.








“Tinge i va ṭawng duh lo ve?" tiin ka en chho a, a ṭawng tam ngailo nangin zanin hi a ngawichawi zual riau mai. “Eng nilo e, ka kalsan hun tur che ka ngaihtuaha, ka huphurh, ka kal lo leh mai dawn emawni. Kalsan che hi ka duhlo" a tihchuan dingin a kutah chuan ka vawn saka.







“Min en teh" ka ti sap bawk, a rawn hawi thlak rual chuan “Engvang mahin i ṭhulh tur a nilo, keichuan ka lo nghâk thei che a lawm, in i sa meka hetiang vang mai bakah i pi leh pu tân, keimah leh kan hmahun atân i tih angai a lawm, han thawk phawt la kan awm hrang reng bik nang, keichuan hetah ka lo nghâk reng dâwn che a lâwm, kan inneih hunah chuan kan awmdun reng tawh dawn a lawm" tiin ka nuiha, a rawn nui ve ta suk mai.








“Ka han ti phawt anga, hma hun hriat ani lova chumi a zir te pawhin kan la bâng leh thut thei" tiin in lamah chuan a kalzui daiha,dik tak chuan keipawhin kan awm hrang tur chu ka huphurh lawk, ring tâwk viau mah ila ka ngai dâwn lutuk hi tun aṭangin ka hrehawm ve ṭun tho.







A hnungah chuan ka zui vata, in ka luh dawn thleng chuan min en in ka kut chu vai zauhin ka luhsan zuia.


MUTTUI U.

[mawitei bawihtlung]

KA HMANGAIH THINGTLANGPA







CHAPTER 22


BY MAWITEI BAWITLUNG





Ur lâwk zân a rawn thlen chuan phur zetin ka insiam malh malha, Sama te inah tlaivâr ve kan tum bawk nen kawrlum phiar chu ha in kekawr chhunglum ka mal phuar ṭang chu ka ha bawka, ka hmai chu ka chei ve bawk.






“Nu Chhing, tlaivâr ve ka tuma ka chhuak dawn a nia aw, zanin chu ka lo haw lo ang" tiin pawnlam ka pana, Huni erawh kan sâwm ve nangin a hnial ta kha ania, nuam a tihkha ka ring lo sa hrim hrima, keilahin Samuela hi chân ka tum tawh der lo. Ka tân chuan ka engkim a ni tawh miaua, a ni rilru erawh ka hre lo thung.








“Sam" an in bul ka thlen rual chuan ka au nghal lâng lâng a, a rawn chhuak nghal vat mai. Ka lamah rawn kal hnaiin min kuah nghal hluna “A vawt iti ang, tirawh i lût ang hmiang" a tihchuan ngawi reng chuan ka zui luta, Rengpuia te ho pawh an lo awm vek tawha, ar hmul an lo pawt mawlh mawlh mai.






“I va rawn tlai em em ve? In chei chiam a ngai hleinem, bialpa te hmuha nalh loh hi i hlau thei lutuk, kha midangin thawmhnaw pângngai kan hak laiin a rawn inchei leh vur tawh kha" Valpuia chuan a rawn tinghal zata, hepa ṭawngthei lutuk hi chu aw.







“Mi hi hmu theilo viau suh, inchei silo ngatinge hnathawh thawmhnaw i hak loh? Nangpawhin Siamtei laka tlaktlum loh i hlauh vâng em ni?" tiin ka chhâng ve a, a ner nasa em em lehnghâl, midang chu an lo nui dar dar thunga. Sama chuan alama min pawt hnaiin “Ka bialnu hi a hmelṭha ema, an awt che a nih hi, bialnu nei ve mahse nang an tluk lo miau chea" a tihchuan Manuni te ho chu an rawn pawr nasa mai.







Tumah erawhin huatah an la lo thung, kan inhrechiang hlawm bawka, in fiam bawrh bawrh an hrat bawk nen tumahin engtianga na pawhin infiam mahse an thinrim duh ngai hauhlo, an rilru taka sawi an nilo tih an inhriatsak miaua.






“Kha ar hi lo puah rawh u, a mît kha in ti keh hlauh ange, a kha dawn teh ania, nalh zurh mah ula in chêt ve loh chuan in eilo ang" tiin an ar rawh sa chu kan puah tur chuan an rawn chhawpa, engmah sawi tawh lem lo chuan kan puah dun nghal mial miala, Sama chuan a puah ti ila a dik mah zawk, kei erawhin a khât tawkin ka lo pui tih loh chu ka lo en tawp ringawt.








Kan zawh rual chuan midang chuan buaipui lehin keini erawh tualah meichhem turin kan chhuak, reivak lo hnuah chhêm alhin thing chu kan vur hluah bawk, ṭhutthleng sei chu dah in inchhûng lamah kan lût leh riha, kawr lum ha mah ila thlasik meuh zawng a vawt vin tuk mai.





“Kan lo vil ang, pâwn lamah khân va zai rawh u" Kimbawiha te chuan tiin midang pawhin kan hnial lem lo, a bialnu nen chuan awm ranin kan chhuahsan hlawma, Sama pi te erawh an mu lût daih tawh thung, an in thar pawh nakum February vêlah chuan luah theih a an peih tawh ka ring, avaiin complete hman lo mahsela luah hman erawh a mistiri lam te khân an in ring kha a nia.









A inkawp te te chuan ṭhu hlawmin Saman guitar a perha, kan zai ṭhap ṭhap mai “Kumpui sûl a lo vei châng hian, lunglên a tho leh ṭhin" tihchu thu tak ran chuan kan sa hlawma, a hla a nalh bawka. Lung a lêng ve vawng vawng mai, keimah ni chang lo pawh hmun tin deuh thaw ah zai ri leh ṭhianho a intihlim ri chu a ri nuka, a khât tawkin halpuah hâl ri a awm reng bawk.







Vân lam ka en chho a, arsi leh thla te, thlasik kawng te chu a lang paw ruiha, eng emaw ti tak hian lung a lêng riau, khawpui angin in a tam ve lo va, chuvang te pawh chu nge mawni thla eng mawi zia chu a lang chiang bik lutuk tlat, khaw hual chhuaka thing te chu thla eng zet chuan a chhun paw raiha, ral khata tlang leh myanmar lam tlâng dung thlengin a lang ruak mai.







Chûngte chuan eng emaw ti tak hian zûn aneia, chu thlasik boruak leh Lal pian hun thleng chho mek chuan lunglen rûk na leh eng emaw riau hian min siam ka timai, ka hlim tho bawk si. Sama chu ka ngheng hnai ṭalh ṭalha, thingtlâng boruak hi a nuam takzet, ka vawikhat Christmas hmanna tur a ni bawk nen duhthusam a khûm chiang khawp mai.






Ka chhungte rawn hman ve na atân pawh ka awt khawp mai, “Le tûnah chuan Kum sul liam hnu ve thung aw" tiin a hla chu an la nghal zata, he hlaah meuh chuan Sama pawh a cool raih mai, ni e a hla ah hian chhûngte kim tawhloa, chhungkaw kima hunpui hmang ve thei tawh lo te tana lunglên vawng vawng na tur hla thu a tam miaua.






Sama chuan a guitar chu midang pe in Valpuia chuan a perh ve ta thunga, a kutah chuan ka chelh saka, ka nuih var var mai. Mei enga a hmel lang sen deuh chuan a ti cool zualin a hmelṭha zet chu thlir nin a har lam mah a ni e, hepa hi engtin nge a tirah khân ka lo vei em em loh theih zawk ni? Ka lo â tak zet.







Hetiang khawpa zûn ngah leh cool, a mawi tâwk leh mit la tawka awm thiam, thinlung kuai tâwk leka ṭawng dan tawk thiam bawk si hi veiloh theihloh a lo nih ber mai hi.







Daduhi SIKNI ÊNG tihchu sa leh ṭhap ṭhap in keipawhin ka duh bawk nen ka sa uar ve nasa mai, ka kut chu bengin Samuela chu ka nek zauh zauha “A va han nuam tak, hei aia nuam tih ka la neilo, ka Christmas hman tawh zawng zawngah a la nuam ber" tiin Samuela chu ka kuaha, ka nui ver ver bawk.

Min nuih sukin min rawn kuah leta, ka dara khabe nghatin a thaw chhuak suai suai bawk. Reivak lo hnuah Kimbawiha ten arsa chu a ei theih tawh thu an rawn sawi avângin inchhûng lamah lutin thei tui nen chuan kan hmeh hlawma, hetia kan in kawm ngheh tâk hnu hian zu pawh an in ta meuhlova, Sama hi chuan a hma pawh khân a in ngai lo hrim hrima.








Arbawp chu keih hmarh hmarhin Cola chu ka in nghal khalha, a va han tui tak. “Ka lei ka lem tel dâwn in ka hria, a nuam e. Kumhlui thlah zan pawh hmang leh ang u aw" tiin ka ṭawng siam siama, midang pawh chu an lo phur hlawm viau mai.






Kum tharah chuan Sama a awm tawh dâwn silova, helaia a awm lai tal hi chuan a tam thei ang ber hun hman dun ka duh, ar kan ei zawh meuh chuan 11 a ri der tawh mai, kan halmawi chu keng chhuakin pâwnlamah kan chhuaka, halpuah anga thawm nei lutuk anilo bawk nên kan in thlahrung duh lemlo, helamah chuan an khap ve tho nangin hunpui neih chhunah meuh hi chuan inhriatthiamna an nei liana, a pawng ataka inhauh an tum lem lo.







A dik ve tho mai, kumkhat ah vawikhat chiah hetiang tihna hun hi kan neia, kan intihhlimna neih ve chhun a nihna anga a nuam thei ang bera hman ve te hi a ngai miaua, mi ram keini Mizoram aia lian leh hausa pui pui mahin an football stadiumah te an hmang ve tho a lâwm e.






Lighter chuan halin a rawn alh zuai zuai lai chuan vai kualin Samuela nen chuan kan in um kuala, kan nui dun hak hak mai. Midang bul aṭang chuan kal fal deuhin thlaêng ringin an in sak thar a ban leh a chhuat ṭhenkhat an chhûn tawhah chuan ṭhu dunin kan in nghêng chiala, thla a êng fiah bawk nen a inhmuh chian theih viau mai.






Hmêl erawh a lang lutuk lo thung, “Vawt viau mahse a nuamin zanin hi a mawi zual takzet" tiin ka phun sapa, ka hnunglam aṭanga min kuah runin vanlam hawi chuan a dâk ve vauh vauh mai. Arsi thlawk leh ṭhinte chu enin ka nui leh var var ṭhin, mihring hian hlimna tawn thar meuh hi chuan inthup reng theih hi a lo nilo, chhûngril aṭanga hlimna hi chuan kan pâwnlam lan dân thlengin a thlak thei chu anih hi.






“Khing zawng zawng ai khian i mawi zawk, ka mitah chuan nang hi i mawi ber" a rawn ti thum supa, ka nui leh hak mai. “Ka mawi ber tak tak maw? A tlai ve ta hle mai, Christmas a ni ṭêp e" tiin sana chu enin Sama chu ka nghêng hnai zata.






“Mawi ka tihchuan i mawi a nimai, ka hmangaih aibaka mawi ka mitah an awm theih i ring em ni" tisapin mitchhing tur chuan min ti zuia, eng tak chu tih tum chu nimaw? Engmah zâwt lo chuan ka mit chu ka chhing ve mai bawka.








Ka nghâwng rawn vawt deuh thlarah chuan mengchhuakin ka nghâwnga thla in a chhun zawnga tle sar sar ka hmuh chuan Sama lam hawi zâwng chuan ka inhera “Merry Christmas ka hmangaih" a rawn tihchuan ka kuah nghal thlawp mai. A ṭhi min pêk chu chiang takin hmu theilo mah ila rangkachak hmanga siam a ni tih ka hria.







“Merry Christmas le, i thil tur pawh ka kawl tak a sin, bagah a la awm thunga" ka tihchuan min rawn kuah letin ka nghâwngah chuan a fawp zauha, ka nute pawisa thawnin sana leh kutkawr bakah lukhum phiar ka inthawn tir kha a nia, chu erawh nakinah ka pe mai ang chu.








“Ka lâwm e aw Sam, ka beisei piahlam a ni" tiin a biangah chuan ka fawh saka, ka hâm zui bai bai bawk. “Ka tlaivâr ve thei dâwn lo in ka hria, ka mut hi a chhuak lutuk" ka tihchuan min pawm tho nawlhin an insak aṭang chuan min chhuhpuia, in lam chu min panpui nghal zat bawk.







“Roomah kan awm dâwn ania, rawn bengchheng vak lo ula, kan mut a chhuak tawh a nih hi" a tihchuan midang lah chuan min lo fiam leh tawh, an ngeiawm ve thlawt a ni.






A room-a kan luh dâwn chuan ka bag chu la in ka zui nghala, a tâna ka lei ho chu phawrhin keimah chuan sana chu ka bun tîr nghal bawk, lukhum phiar pawh chu khum tirin a kutkawr erawh a bike khalha a bun tura ka lei a ni a, kan dah rih thung.







“Mu ila" a tihchuan ka en ha a “Mu hrang la" ka tihchuan rang lutuk hian a lu thingin min pawt mu nghal zat mai. “Kan pahnihin kan mu ang, ṭawng tawh lo la, mut na hun kan ngah tawh loh hi, muhil vat zawk rawh" a tihchuan hnial tawh bik lo chuan amah kuah chung chuan ka mu ṭha a, dik tak chuan khua a vawt bawk nen mahni a mut chu a hrehawm lam mah tawh nen engmah kan tih miau loh avangin ka pawiti duh ta lo mai zawk a ni.








Kan inneih hma chu invawng turin kan intiam ve ve a, a ni pawh hian bawhpelh a tum biklo, thaw chhuak ham hamin ka mit chu ka chhing zui riai riaia, pâwnlama midang zaithawm te chuan min awi pah ka timai, mut an ti chhuak zual hle bawk nen reiloah Samuela kuah chung chuan ka mu hil ta thuaia.









Ka mutui viau lehnghâl, zingah min rawn kaihthawh tâkah chuan mit nuai chat chatin ka ṭhu chhuaka, khabe dawm meuha min lo en tu chu en letin ka nuihsak mai “Morning" ka tihchuan min rawn wish lêt ve supa.






“I mutui em?" dam dup leh tham deuh chuan rawn tiin a ṭhu chhuak zuia, keipawh chu ka bu nghat nghat mai. Ka mutui tih piahlam a ni, a pangtilum ka ngheng reng avang te pawh khân ania'ng, a nuam ka ti bawk.






Room aṭanga kan chhuah chuan midang pawh chu ṭhutthleng vêlah chuan puan sinin an lo ṭhu mu hlawma, an muttui hmêl viau tho mai. An harh hma a haw ka duhthu sawiin Sama chuan pâwn thleng min thlaha, inkhâwm min rawn sâwm tur thu a sawi chu bûk pui nghatin in lam pan chuan ka kal nghal hlawk hlawka, ka mut lah chu a la chhuak em em lehnghâl, vawiin chu kan ni lûk dâwn a nih hi.




MUTTUI ULE.

[mawitei bawihtlung]

KA HMANGAIH THINGTLANGPA





CHAPTER 23






“Kha hei hi ei rawh" Sama chuan Vawk ti lian ṭha nelh nawlh tak chu ka thlêngah chuan a rawn daha, ka lo en ha mai. “A thau i ei theihloh kha min en chiam lo in ei rawh" a tihleh chuan nui ver verin a vawksa ti chu ka ei nghal zata, nu Chhingi te ho bulah ei lo in ṭhianho in kan ei tlânga, a nuam viau mai.






“Ka lawm e, ka hmangaih hnep hnup pa" mi hriat loh tur chuan ama bengbulah chuan ka va phun sapa, a nui suk mai. “Inhrilh ru su su reng suh u, tenawm lutuk" Valpuia leh bawk. Hepa hi chu aw “I ninawm i thik em ni? Ilo sawisêl ve hman ziaha, an in ngaizawnga an thusawi zawng zawng hriat ve angai lo tihna a nih kha, i bialnu kha hrilh ru in duat ve mai la, lo sawisel reng mai" Rengpuia chuan kan chhân ngailovin a lo chhânga, ka thaw huai mai.







Valpuia lah chu a tum bur bawk nên nuih a tiza, Sama chu saruh a ti bet lian ṭha ṭha chu pe ve in ka nuih sâng a, a mitmengah chuan chutia ngaihsak letna ka pe chu a hlim tih a chiang reng, nui chunga ka dâk chhuakin u Sangpuia min lo en reng ka hmuh chuan nui tâwp hmakin ka hawisawn zui daiha, min la rawn be fo a, min be tawh lo turin ka hrilh hnuah erawh a reh rih vang vang chu ania.






Ka tân chuan ka theihnghilh tawh chu ka tilo, mahse Samuela laka ka rilru put hmang ka hre chianga, a ni nupui mai nilo fa nei mai tawh tur chu pawm leh mai mai ka tumlo. Samuela nen kan nih tâkah hian alakah ka bet ngheta, a bulah ka thla a muangin ka hlim em em bawk. U Sangpuia nêna kan nih laia rilru hah reng reng ang khân min awm tir ve ngai heklo, ka tan a rinawma. Zânah min rawn rim te a nih lohchuan a vak chhuak ngai heklo.








Ka rinhlelh turin hmeichhia a buaipui ngai lova, a hnaih ngai heklo. Huni erawhin a rawn len tawh chuan kan inkar hre reng chungin a bulah ṭhua, biak char char châng lah a ngah. Samuela pawh hian a ningin mahsela ka la awm ve miau avangin engmah a sawi duh ngai lemlo.







In luah hran ka duh thu ka sawi tawha, ka nu leh pa bakah nu Chhingite pawhin an hre vek tawh bawk. Hlawh ka nei tho bawk nen mi ina awm reng kha chu a inthlahrunawm bâkah in hauh nikhua vêlah buaina a tam duha, chuvâng chuan School bul maiah inte awm in chu chu a thlâwnin khawtlâng hruaitute'n luah an phal bawk nen in suan ka tum tlang kha ania.






Samuela erawhin amah a awm lo dâwn bawk nen a rem tilo viau kha a nia; mahse ka tihluih tlat avângin a pawm ve hram thung.






“Leng ang u" ruaiṭheh zawh chuan an ti leh dial tawh mai, Sama nen kan awm hrang ṭep tawh bawk nen pawi ka ti lemlo, a awm hun chhûng reiloteah tal hi chuan a tam thei ang ber hun hman dûn ka duh.





Inah haw hlawmin kan intifaia, Sama chuan a bike a min rawn lamin khaw pâwnah in nghah khawmna tur an tihlam chu kan pana. “Lo inveng fimkhur hle ang che, ka rawn haw mai mai thei dawn lova, a theih chuan Christmas apiangin rawn haw ka tum ṭhin ang. Hma hun a hriat siloha, inneih nghal duh mah ila i nun nawmna tur ngaihtuah hmasak ka duh avângin i chhûngte pawh biak ve hrim hrim te ka duha, Zosangpuia lakah lo fimkhur ang che" tihchu a sawi pah a.







Keipawhin a thu chu zawm ka tum ruh viau mai, u Sangpuia hi hmuh leh biak pawh ka châk tawh heklo. “Lungngai suh nangmah chiah hi ka rilru, ka ngaihtuahna leh thinlungah i awm, nangmah kha chu keima hmangaih bik, nangmah kha duh bur" ka tizui kher erawh rawn nui hawkin a kut lehlam chuan ka kuahna kut chu a rawn hmer salha, bike khalh a nih avang erawh chuan a mit erawhin hmalam ngun takin a en thung.






“Vai i ang tak tak hle mai" a rawn tihchuan ka nui haka, “Mizo ka ni miau sia" a din zui avâng chuan chhuk vatin amah chu ka en chho a, “Sam" kuah chawtin keimah zawk chuan ka kuai kûn a, ka fawp nghal hmiah bawk. Ka ngai dâwn lutuk hi ka ṭah a chhuak ṭun mai, tunah hlim ang takin lang mah ila chhûngril lamah erawh chuan ka hrehawm ngawih ngawiha; mahse a hna hmu chu ka lawmpui tho si.





Mi min hmuh lohna tur kawnghlui hnimin a bawh luk na ah chuan min luhpuiin hnim chungah chuan min delh mu a, min fawhna a thlah lova, keipawhin ka thlah bik heklo. Kan hmangaihte bulah chuan hmeichhe tân meuh pawh insum a har zia ka hre chiang viau, ngampa taka chet kan lak hmasak ve fo a ngai tih pawh Sama nen kan intawn hnu hi chuan ka hre ve zel bawk.






A mipa ringawt bul ṭan tîr kan tum chuan mipa chuan ngaihdan dang an nei ve daih theia, bul ṭan hmasak ve fo hi angai bawk. “Ka hmangaih che" a tihchuan nui sen senin “Keipawhin ka hmangaih che" tisapin a dul phiar ṭang chu ka chûl sak heuh heuha, “Ka insûm theihna tihchhiat i tum êm lovang chu maw? I kut kha la chhuak vat teh" a tihchuan nui hakin “Insum theilo turin i awm dâwn lo tih ka hria alâwm, bakah i abs hi chu a nalh ema, ka khawih châk alâwm" tiin a tshirt chhûnga zen lût chuan ka chulsak hauh hauha.








“Kan ti thei mai lo ami?" a tihchuan a mit ah chuan en zawkin thawk ka la ham hama “Nakin atân kan tih kha, keipawhin ka thlahlel che tih i hria, mahse ala hun lo" tisepin a hmuiah bawk chuan ka chuk zauha, nam tho in ka kawr leh bra vel chu siam rem mawlh mawlh in ka ṭhu chhuaka.





A châng chuan keipawhin alaka inphal mai ka duh ut ut ṭhin, in hrethiam vekin ka ring. Mihring vek kan ni a, châk châng a awm lo theilo, mahse hetiang chunga kan insum theihna hi a ropui lai ber a ni bawk si. Sama hi ka hmangaiha, a lakah pawh ui ka neilo;mahsela,ka hma lam hun tur ka ngaihtuaha, u Sangpuia ang mai khan kan awm leh ang tih ka hlauhna hian min la thununa; tin a lakah ka indang reng thei angem ka hrelo, ka chungah a lâwm loha min kalsan mai ka hlau tho bawk si.







Alakah in phal pawh ni ila Sama hi chuan mipa tam takin an hmeichhia an lakah an hmangaihna avanga in phal te an sawi mualpho leh duh ang hian a ti ve dâwn lo tih erawh ka hre chiang, mipa dik tak a niin a mizia a ni hek lo. Mipa â chuan an hmangaih avanga an laka nem ta hmeichhia an hmusita, midang hmaah an timualpho mai ṭhin, hei erawh an hrelo. Hmeichhia te hi kan duh leh hmangaih loh lakah chuan kan nem hauh lo, buan chaklo hrim hrim chu awm mahse a tlângpuiin kan hmangaih miah lohte lakah hian kan nem theilo hrim hrim tih hi mipa â chuan an hrethiam der lo.








Mipa zawng zawng lakah kan nêm loh zia chu keini bawk hian kan hre leh ṭhin. Kan hmangaih avanga an laka kan awm ang khân mipa dang bulah awm turah min dah mai ṭhina, an mawl zia an tilang mai mai zawk.








“Insum a har zia i hria ang tiraw? Ka awm loh chhûnga ka chân mai che ka hlau tho bawk si, ka ta nila tih hi ka duh ber a ni, ka tân engkim i huam takzet em?" a tihchuan ka bu nghata, chuveleh ka hmuiah bawk chuan rawn fawp leh in a duhthawh zui ta viau mai; chutia engdang mah ngaihtuah lova kan lo awm lai chuan midang bike ri kan hriat tâk avangin insiam ṭha zung zungin bike bulah chuan kan lo va dinga.








An rawn thleng har lo, Sama chu ka en zauha, a kekawr kap pawng ul chu midangin an hmu ve ang tih ka hlau hnuhnawh, din hliah deuhin Valpuia te ho chu ka lo chhawna,a ni pawh chuan ka tih tum hria in engmah a sawi lem lo “In va hma thei bik ve, tiru kan kim tawh chuan kal ang u, zân lam inkhawm hma in haw leh hman kan ngaih kha" tiin kan tlân chhuak zui leh a.








“A hrehawm viau em?" ka zâwt sapa, a lu a rawn thing nu nu mai “Ka insum thei alâwm, hlauthâwng suh, ka tân i inphal thlap te a nihloh chuan ka khawih lovang che" tiin a ngawi zui ta daiha, ka awm a ti nuam lo lek lek mai.





Kan lênna tûr hmun, ramhnuai thelh hen leh tlang pawng deuh si ah chuan kal hlawmin kan puan ken chu kan phaha, a inkawp te te chuan in hmu phalo tur tâwk velin kan awm hrang vek bawk.







Puan phah chungah chuan mu in kan inkuah chiala, a perfume rim chu hip vang vangin ka thaw ham ham bawk. A ni erawhin ka hnung vel chu a chûl hauh hauh thunga; a mi khawih ang ang chuan awmin mutchhuak chuan min rawn zem riai riai mai, Sama âwma hmai phûm chung chuan ka muhil zuia.







Ka harh leh chuan thâwm a lo reh vek tawha, ka hawi kuala tumah an lo awm tawhlo. Kei leh Sama bak, Sama chu a kuta a mit hupin a lehlamin min kuaha, a muhil sak sak mai. En rengin a hmui sen châk an chuan ka khawih sak neuh neuha, a hmelṭha tak hi a hma zawng khân engtin nge ka lo hmuh kân ṭâng ṭâng zel ni.








Chutia ka khawih reng takah chuan rawn harhin ka kut chu a rawn hum bet chata, a rawn meng chhuak nghâl bawk. Lei chhuah zawkin ka hawisawn daiha, ani pawh a rawn ṭhu chhuak ve nghal.








“Midang hi an thâwm ka hre tawh miah lo" tiin zawhna nen ka en ha a, min rawn kuah leh pah chuan “An haw tawh, i mutui bawk nen haw mai turin ka ti ta a nih kha, zanin chu inkhawm lovin kan awm mai dawn ania" tiin khawthim tur in ṭham mek chu a ena, nu Chhingi te ho in min lo ngaihtuah ve tawh viau chuan ka ring, mahse Samuela hian haw a la duh tlat lo.








A bag chu hawng in puan lum lam chu a rawn phawrh belh deuh deuh lehnghâl. “Sam, haw tawh zawk ang" ka tihlai chuan lu thing nu nu in min kuai mu leh a, “In ru mai ang" a thusawi teh thut avâng chuan ka en haw mai “A chiloh, dân ang ngeia inneih kan tih kha, dân thianghlim ngeiin" ka tihchuan a thaw hawka.








“A nihchuan hei tal" tiin ka kut chu la in a kap pawng ul chu min khawih tira, ka phu zawk thei. Ka tha a khur dar dar bawk “Sam" ka hmuiah fawpin “Khawngaihin hei chiah, a dang chu ka tihpui lo ang che" tiin amah chuan ka kut chu rawn vuan leh in a kekawr chhûngah min zen luh tira, engmah daltu awm lova ka khawih tâkah chuan rum leh hawkin a mit a chhinga.








Keipawhin a tak kan thlen lohna tur a nihchuan ka pawi ti ta biklo, a tân insum a har tur zia ka hria, ka tan ka thianghlimna min ngaihpawimawh pui avâng zâwkin ani hetiang thil hi a tih ni. Ka kut chu ka thiam ang ang chuan chet tîr ve in amah chu ka en renga, khaw thim tur in ṭan mek karah chuan a hmai chu a sen ṭun mai.








Thawk a la kawk kawka, ka kut chu tirang tûrin min hrilh bawk, ka dam chhungin hetiang thil hi ka vawikhat tihna a ni bawk nen ka zâm takzet, a tawpah chuan rum hawkin a zo zuia, a chil lem khawihin a mu hle hle mai. A chungah chuan bawkin ka fawp zeuha.







“Ka lâwm e, ka duhna min zahsaka min tihluih ngailoh avang pawh hian ka hmangaih takzet che, Pathian leh kohhran dân ang ngeia i nupui ka nih hunah timna leh thildang engmah ngaihtuah lovin i ta chiah ka nihzia lan tir nan ka la hlân ngei ang che" tiin ka nuih sen sena, ka hmangaih takzet. Hetiang khawp hian hrehawm a tichungin min nawr lui hauh lo te hi ka ngaisang bawk.



ZAWMNA..






“Ka hmangaih che, chuan khatiang thil kha ka beisei phâlo, ka tân pawh thil thar a ni" a tihchuan ka en ha a “Thil thar nisi mahse"tiin ka ngawi data, ka sawi hreh deuh tlat, amah zâwk chuan ka sawi tum chu hria in “Valpuia te ho hian min en pui an hrata" a tihchuan ka ner nâng mai.







“In tenawm e a, en tawh reng reng suh" ka tihchuan a rawn nui hawka, “A ṭha phian a sin, tûnah ngei pawh khân nang ka chetsualpui lohna che a nih phah kha" tiin ka hnute chu a hmer salha, ka beng thla nghal hlak mai “I lerh lutuk, sawi tawh lo ang, khua a thim dâwn reng a nih hi haw tawh mai ila?" tiin ka ena, a hmêl pawh ka hmu chiang thei tawhlo.








“Aih, zanin na na na chu heti hian kan awm ang. Ka kalsan ṭep tawh che a, min va thlahlel lo ve, keichuan ka huphurh asin, ka duh hunah kan haw ang" a tihchuan ka ner saka, hepa hi chu aw a duhlohnaah chuan a tihluih theih miah lo lehnghâl.







“Nu Chhingi ten min lo hau ange, tûnlai phei chu ka chhûngte hnênah mi hek an hmang lehnghâl" tiin a awmah chuan ka beia, “A ho lutuk, an fanu khu ka ning cheng chung ania, i awmnate nilo se chuan ka chhu thlu tawp duh ang. Mipa pawh ni ila khutiang hmeichhia khu ka duhlo, mipa a pak huam huama, lerh lutuk mai" amah ang lo lutuka a ṭawng nasa lutuk chu enin a hmui chu ka hupsaka.






Huni chu hetiang em em hian animaw a lo huat ni? A thusawi dân lah chuan ka nuih a tiza, ni e nu Chhingi pawhin a fanu avângin ka nute bulah dawt lo zuk hrilh a hmanga, ka nu pawhin min hauh phah ziah mai lehnghâl. Hei vang hi a nia in luah hran pawh ka duh nachhan pakhat chu ni, a fanu in Samuela a duh tih a hriat aṭangin ka lakah lang em em silo in an hel tlat tih lah ka hai lo.







“I haw viau anih pawhin insum hram hram rawh, ka chhuahsan ṭêp tawh a lawm. In ka luah hrang anga, sawi tûr an nei tawh lovang; Kum thar hma hian insawn chhuah ka tuma, nangpawhin min pui ang chu, chaw ei ho te pawh angai ang, ka hlawh ka khawl theia, ka nute lam ka thawn ngai em em loh avangin keimah ka inchawm thei viau a nia, ka pa in keimah in khâwl turin min tia, an ni erawh hna an nei ve tho nên ka hlawh an beisei lem lo ania'ng" tiin ka phun sap sapa.







“Um...a nihchuan ka chhuh hma in insuan lût la a ṭhat chu, mahse nangmaha i awm tur erawh ka ngaihtuah che, awmpui tur naupang emaw tal nei la ka duh" tiin ka lu ah a chuan a chûl hauh hauha, ni e hmeichhia ka lo ni bawk nen keimah chiaha ka awm a duh lo tih ka hre mai; mahse mi awmpui tur mai ka hre der silo.








“Min ngaihtuah suh, inkhaw mite an fel a, buaina ka tawh ka ringlo, Manuni te ho pawh lêng turin ka sâwm ṭhin dawn a lawm" tilehin a vawt ka ti chuan amah chu ka nek hnai talh talha, puan lum chu min rawn sin tir nghal vat mai “Engkim ilo ruahman sa animaw? Phakar lutuk mai" ka tihchuan a rawn nui ri haka, hetiang a lo ruahman vang a nih hi bag a lo ah ni.









“Ok a ṭha a lâwm, mahsela zu rui reng reng chu hnaih emaw, be tlangnel hauh suh, ka vêng pha dâwn lo che a. Ka awm loh chhunga ilo nat palh mai ka hlau, a theih hun apiangah rawn haw ka tum ang" tiin ka kut ṭang karah chuan a kut chu a rawn rawlh luta, ka lo hum nghal vat bawk.








“Keipawhin ka ngaihtuah ve tho che alâwm, nula lakah nilo hmeichhia hrim hrim lakah zuk fimkhur ang che. Hetah ka awm reng tih hria la, hmeichhia i hnaih dâwn apiangin min hrechhuak fo ang che, tin, khawpuiah chuan ruihhlo a tam zuala, i ṭhiante ngei pawhin an khawih ve mai thei, ti ve ngai hauh suh ang che. Chutilo chu ka kalsan daih che a nimai, ka thik turin hmeichhia awmpui reng reng suh ang che. I thawhpuiah chhelo tak tak an awm dâwn tih ngaihtuah reng chung hian keipawh ka awm a nuam bik hauh lo ania" ka rilru chu hrilh ve in ka hmui chu ka pet zauha.









“Ka sawi tawh kha, kha chen lehkha zirin ka awm a lâwm, hmeichhe chhelo leh hmelṭha tak tak te pawh duh chu ni ila ka hmu kur zut, ka phalo, mahsela nang anga hmelṭha leh chhelo tih ka neilo tih hi hre phawt la, he mit hi i lakah chiah a thawk tih hria la, hmeichhe dang a en chuan a kalh daih zêl" a thusawi avang chuan ka nui chhuak hawka, a thusawi dan kher kher chuan min ti nui lo theilo.






Mitkalh a tihlai chuan min ti nui kar kar reng mai, a mit hi kalh ta se engtin nge aw a hmel a awm ang? A danglam ve daihin ka ring.






“Um hmeichhe dang bulah chuan mengkalh vu reng mahla a pawilo, ka tan chauh awm reng la, keipawh i tân chauh ka awm reng ang, theihnghilh ngai suh ang che. Vawikhat beidawnna in a hmeh tawh, beiseina thar neia hmalam hun thlir ve mek hian a beiseina arsi hi a hloh leh che a nihchuan he meichher chhit ên hi thiin a mit hlen tawh hial mai thei a ni. Fimkhur deuhin awm la, i nupui nih hun nghakin ka lo awm reng ang" tiin a tawp lam chu lungchhe deuh tak chuan ka sawia.







Ka kawngah rawn kuahin a awmah a kut pakhat chuan min pawt beia, a lungphu dat dat chu ka ngaithla reng bawk. “Min lo nghâk reng ang che, hna te ka han nei anga, ropui taka ka nupui i nih theih nân ka theihtâwp ka chhuah ang" tiin min ka hmuiah chuan a rawn fâwp vang vanga, ka chhâng ve vat bawk.






Khawvawt karah pawh a nichu a lum reng mai, “Engtikah nge kan haw ang? Haw har lutuk lo ang aw, ka sawi angin nu Chhingi ten ka nu leh pa an hrilh leh tawh hial mai theia, mahse chiang taka nang nen kan inkar an hriat avângin min la hau lutuk duh lo mai mai ania" tiin ka sawi leha, khua a thim fel tawh nen a vawt zual riau lehnghâl.








Puan lum a lo keng hlauh chu kan puan phah nên a vawt lutuk tur lakah kan him chauh a ni, kawrlum ka hak avâng chuan vâwt chu ka ti lutuk chuanglo, ka ham leh bai bai tawh mai, a lum nuam bawk nen kan bula rannung hram chiah chiahte chuan mut an tichhuak zual.









“Ka phal hunah kan haw ang ka tih kha, muhil leh tawh ang, hetia awm hi ka thlahlel rih, muhil la ka lo veng ang che. Rei tak ka hmu thei dâwn lo che a, ka ângchhûng ngeia i mutthilh hi ka duh," a tih tâkah chuan nui seihin a ke inkârah chuan ka ke chu rawlh lutin ka mit ka chhing leha, mut hi chu englai pawhin ka peih reng, a hahthlâk loh em bawk a ni.









Dar 8 thleng vel kan awm tâkah chuan min rawn kaitho in kan haw zuia, in thleng min thlahin inchhungah thleng chuan min zui luta “I va lêng rei em em ve, bialpa neih avanga hetiang thleng thleng lên tûr em ni? Inthlahrunna te hi neih ve tur ania" nu Chhingi chuan en pawh min en lo chuan a rawn phun hlak hlaka, Sama chu a hmulo tih a hriat.








“Keimahin haw ka phal rihlo a nih kha, Aizawl lamah ka chhuk ṭêp tawha, hun hman tam ka duh vang a ni e, engtin mah kan awm heklo. Kan ṭhianho in kan lêng mai a ni e" tiin zofaah chuan a ṭhu zuia, pa Sena pawh chuan ka thlavang a lo hauh ve vat bawk. A ni hi chu englai pawhin a dam dup maia, mi a hau ve mai mai ngai heklo, a nupui leh a fanu pawh keimah avangin a khap reng ṭhin zawka.


DAHLOH DALAH AW