Duhthusam Neitu BYKimkimi Tlau (Completed)

[Ngaia]

Kawngka ri rakah chuan ka hawi vata, zah hmel deuhin tleirawl pakhat hi alo lut, " Doctor ka fanu hi entur zawk ania " Kanu chuan ati a fanu chu abulah aṭhut tir vat, keiin kala hriat reng laiin ani chuan min hre tawhlo. Fanu anei anih chuan pasal pawh aneih ngei ka ring, " Ani maw, Mami inthlahrung lovin i natdan leh i awmdan chiang takin sawi rawh aw. Chiang deuha i sawi loh chuan damdawi kan in chawh fuh lovang tih ahlauhawm " Kati a, an nufa chuan an bu nghat nghat. Kanu Fanu chuan a natdan leh a awmdan asawi a, tunlai tleirawl buaina tam ber period mumal loh vang tho alo ni, heihi amak khawp mai tleirawl ah hian atam a, hmeichhe tan chuan thla1 kan awl pawn chhuanlam kan nei nghal zel chu ani si.

A awmdan te asawi hnuah chuan, damdawi ka ziahsak a, "Kapi Aizawl a awm inni em? " ka tih chuan, an nih loh thu leh an khaw hmingte chu min hrilh a. " Nakinah lo la zin ve angai anih chu, minlo mikhual duh angem? thingtlang boruak hi a zalen anti ṭhina zin ve ka chak " Ngaihsak vaklo chuan kati leh, " Nia, thingtlang boruak hi chu adanglam ve alawm, i duh phawt chuan ilo thleng dawn nia, nangni ang doctor meuh te zawng kan in ah inthleng peih dawn mawni " atawp lam chu a nawi niai mai.

" I pasal a damṭha em? " ti a ka zawh leh chuan min chgang lawk lo a, " Zawh loh tur ka zawt palh che aniang maw, minlo hrethiam rawh ṭawngkam hi ka thiamlo lutuka, kalo ti leh hluai ṭhin " kati nghal sawk sawk "Zawh chi loh ani hleinem, kanpa chuan kum3 liamta khan min boralsan tawha, inthiam lo reng reng suh keima thiam loh zawk nnihkha " ati ve hlut, kanu nen kan inhmachhawn meuh chu rilṭam pawh ka hre chang tawhlo.

" Mami, school ila kal em? " Tleirawli chu ka be ta daiha, kanu ka biak reng chuan sawi loh tur tur ka sawi ang tih ka hlau, " Aih kal tawhlo " Ati sep, chik zetin ka en a ahmel chu achhia tih tur anilo mahse, a vun chu a thu deuh a hna athawk ve nasa tih ahriat khawp mai, Khawpui ah awm in eitur ṭha ei nise a hmelṭhatna pawh alang chiang mahna. " Ava zialo ve, thingtlangah chuan thil tih te hi aharsa alawm " te chu ka ti ve luama harsa tih hi keichuan ka hrethiam ve manglo, achhan chu ka tetlai aṭangin 'Kan tlinlo ani, kan harsa si school chu kal zawmlo mairawh' tih ṭawngkam hi ka dawng ngai tlat lo a. Engkim aṭha ber chi vek ka dawnga school lah nise aṭha filawr ah kalin, doctor lah India rama zirna ṭha berah zirin ka training chhuak bawk, Kanu hian ka hreawm hlauvin kapa bulah min daha, keichuan sum vanga thlaphanna ka tawk velo.

Chutiang chu ni mahse nu hmangaihna dawn ka chak ve ṭhin a, tuna kanu in a fanu ahmangaihna ang hi ka dawng ve chak, tleirawli chu ka thik a kanu hmangaihna ka dawn ve theih nan anih phawt chuan abulah awma rethei taka nun pawh ka thlang ve tho asin.

Damdawi ka ziah zawh chuan nurse ka koh luta, " Fifi, heihi lo lam khawm ta che " tiin lehkha chu kape a, " Thil inla ei bik lovang tiraw? Tihtur inneih tawh loh chuan thil ei ho ang u hmiang " Zang vahin kati a an nufa chuan an phawk leh hra tawh, chutianga an awm vel chu hmuh nuam anilo, " Doctor, kan tibuai " atih lai chuan " Isabella Lalramnunpeki kani a, Bella emaw i duh dan danin min ko rawh, Doctor min tih chuan nuamlo kati " kalo tih khalh zung zung. Kanu hmel chu a dang zawka thil ngaihtuah let te pawh a ang, min en a chiang zetin kalo en vereng ka hming in ati danglam tih ka hriat chuan kanu chuan min theihnghilh biklo niin ka hria a ka hlim ve veng veng, fanu hlimna hi avan ho e aw.

Ka tih luih tlat avang chuan tim deuhin an aw veta a, " Ka lakah chuan inthlahrung suh u, mahni chauha ei chu anuam lo ṭhina " ka ti ve tlat, diktak chuan keimahin thil ka ei ngailo, mahse kanu leh ka nau te bula hun hman hi ka chak ani, Room aṭanga kan chhuah chuan Fifii'n damdawi chu minlo pe a, " Mami hei i damdawi tur aw, eidan tur chu thil ei pahin ka hrilh ang che " tiin sarang chu kape a, la ta mailo chuan kanu chu a melh a kanu abuk tak nghatah chuan lawmthu min hrilh sepin ala ve chauh.

" Va lut ula call hi kalo chhang lawk ang aw, kalo zawm ve nghal ang che u " Cafetaria chhung kan luh dawn chuan Nunhlima call alo lut a, awle tiin an kal vemai an luh fel hun ka nghak bawk nen call chu atawp hman, call let ka tum laiin amah bawkin alo call leh a, " Babe " call ka chhan rual chuan Hlim zetin kati var, " Kan hlim viau animaw? " Nunhlima'n thaw chhuak suai suai pahin alo ti a, " Vawiin a ka thil hmuh hi i ngaihtuah thiam phak lovang " Kati chiam Nunhlima hi chuan engkim hi min hriatpui vese ka duh, ka nuna thil thleng danglam chu hrilh ka chak et et zel.

" Engthil nge " Zaidam zetin alo ti " Tunah hrilh chak viau che mahila, min nghak tu an awm a ka buaipui phawt ang, hmaichhanah ka hrilh ang che " ti zung zungin call chu ka dah nghal. Kanu te chu an kimki lutuka an mahni a awm tir chi pawh an nilo, " Mami, ei duh bikte i nei em? " an ṭhutna bulah chuan ka dinga, " Aih, nei hranlo " Zawite hian ati, zawt pawh ni ila an sawi dawnlo tih ka hriaa, zawt buai tawhlo in order siam turin ka kalsan.

" Vawiin chu eipui tur dang i nei alaw" Pi Maruati chuan alo ti vara, bu nghatin " Umm, ka hmelhriatte " Tiin ka chhanga, ka thil order an lo peih takah chuan tray chu chawiin Pi Maruati chu ka kalsan. " Sawngbawl vak ang chu in ei peih ka ringlo a, simple deuh kalo laksak che u " tiin eitur chu an hmaah ka chhawp a, inthlahrung lo turin ka hrilh bawk.

" Bella, i fel hlemai " Kanu chuan ati a, kanu in ka hminga min ko ri han hriat chu anuam dangdai ve khawp mai, Thil kan ei a kan ei zawhah Emily(Kanu fanu) chu damdawi eidan tur te ka hrilh, damdawi man min pek an tum chuan ka hniala, kan ei man pawh keiman ka pe vek. "In khuaa kalo zin hunah min mikhual dawn kha " an inthlahrun lutuk loh nan kati a, " I ti zahthlak sia, i ti lawmawm bawk si " A tih chuan kanui a, "Nuamlo ti suh u, thil min eipuia ka lawm lutuk zawk " kati ve vat, " Bazar ah kal kual kan duh" antih avangin Cafetaria aṭang chuan min kalsana, an kalliam thleng chuan ka thlir zui reng.


" Call dah rawk rawk ngai khawpa pawimawh chu tunge?" tunlai chu ka night loh avangin Nunhlima'n ka hna bang minlo hruaia, vawiina a call ka dah daih avang khan alung ala awi lo khawp mai. " Mi pawimawh deuh " ka tih chuan "Anih tak chu, ka call pawh ngaipawimwh zolo khawpa i ngaih pawimawh chu ava pawimawh awm vele" Ngeiawm rawng kai lek lek in ati hmak hmak. " Tum bur bur lola ka hrilh ang che " kati a alungawi lo leh tak tak tawh, " Ka hrilh dawn che alawm, hetia i awm chuan ka tan pawh sawi anuamlo " ti mawlh mawlh mahila min ngaihven duhlo reng reng, hmalam a en ngura ka awm ve tih pawh hrelo a ang.

" I mak ve e " Ka ti hap, in kuangkuah in hmalam ka en a, "Ka tana thil pawimawh tak hi hrilh che ka nghahhlel nen, i hre chaklo anih chuan ka sawilo maiang " Zawite in kati sep, hrilh hlan ka nghakhlel a phone kal tlanga hrilh ka duhlo kha ania. " Sawi rawh " Rum nghut paha atih chuan ka ngawi ve daih a, ka ṭawng hun a ngaichang tih pawh ka hria mahse, ka lungawi lo ve laklawh. Ka tana a danglam lutuk avang hian aniang, midangin ka chungah tise ka thinrim loh tur thilah pawh Nunhlima aṭanga chhuak chu ka thinrimpui zel.

" Duatte " Kan in kawtah a din chuan ka chhuk nghal hmaka, gate ka lut fel chiah Nunhlima'n minlo chelh ding hman, " Eng nge " Pawr zetin kati a, ka mittui te chu ahnai nghal kuar. " Engthil pawi nge ka tih leh tak hi! " Ti hluaiin min kuah a, a aw ri a min duat ngawih ngawihna langchhuak chuan min ṭah chhuah tir hawk. Amak lutuk tiang em em hian ka ṭahbelh ngailo, ka rilru lah hi a no thar em em a, ahma a ka enliam mai ṭhinte kha tunah tak hi chuan enliam ka harsat vek tawh.

" Keimah vang ami i ṭah? " Hul haka atih pawh chuan ka chhang theilo, a awm ah hmai ka phum a ka ṭap hliam hliam, " Duatte achhan sawi teh, hetianga i ṭah reng chuan ka a thei maiang " Rit zeta atih leh hrawk chuan "Ka thusawi i ngaithla duhlo anihkha " la ṭap hlawk hlawk chung chuan kati, ka ṭah chhan chu a ho kati a mahse ka ṭap chak ngawih ngawih.

" Chumi avang chuan maw" Hahdam huai tih hriat taka thaw chhuak suai suai pahin ati a, a awm a ka hmai phum reng chung chuan ka bu nghat nghat. Ka chhipah a fawpa nghet zetin min kuah nghal hlu hlu, " Awi! Eng nge awmzia, Bella kha aṭap emni? " Nu Dami aw ka hriat chuan ka bang ve chauh, " A lung kati awi lo deuh anihhi" Nunhliam ati thum dut a, ka zak ve deuh chu ka hawichhuak ngam tawhlo, " Anih chu, tukverh aṭangin kalo hmu che u a, minti mangang hman alawm " Ati leh hlut. Nunhlima min kuahna atih thawl hnuah pawh kala kuah bet tlata, ka awmdan chu ahrethiam aniang " Nu Dam, kanlo lut ang, i luh hmasak loh chuan tu emaw hian min kuahna aphelh duh silo " Mei nei zetin ati leh khera, a nakah ka piai nghal nawk.

Nu Dami luh hnuah chuan ka inla hrang ve vata, Nunhlima chuan ka biangah dawmin hnai zeta min bih a, minti lai lek lek. Ka ṭap zo chiah a ka hmelchhe dawn bawk si, " Kati ṭap reng maiche anih hi " Ti halhin ka mitah chuan a fawp a, ka hnar ah leh ka biangah a fawh leh ve ve hnuah ka hmuiah a fawp leh zeuh. " Ka thlem thei tho che a ka in haw vaklo maiang " A thusawi chu atthlak ati ve tho aniang asawi zo chiah anui nghal hawk, " Ilo lut dawn ami? " Ka ṭahna avangin ka aw chu a tham ṭiak mai, "Umm, kala fawp khamlo che " ati leh tawh! Thu khuh hi anei ve mang silo a, " Iti zahthlak thei emai " ka tih chuan "Zak suh tumah an awmlo " ati supa ka kawngah kuahin inchhungah chuan kan inzui lut.

Sitting room ah chuan kapa alo awm a, Nunhlimm pawn ka kawnga akuah na chu athlah ve tawh, Kapa ṭhutna lam apan avang chuan ka zui ve dat dat a, " Vawiin chu i chawl ani maw kapu " Dam zet thum chhaka atih chuan kapa chuan " Nia Malsawma'n min awl hneh veta deuha, kal chhuah reng hi ka tlin lo bawk nen, in ah hian ka awm tam anih hi " ati ve duah. mipa hi chu an mak ve ngawt mai, tuna an awmdan ah hian Nunhlima hian kapa hi a man tawh tih ahriat miah loh, kapa lahin amah mantu ṭha takin a be vethei mai bawka. Mipa chuan ze ropui tak annei an tih ṭhin hi alo dik takzet ani, hmeichhia anga eng emaw riau hi an nei ve vaklo. Kapa te nen boruak chhia engmah awmlo a, kan ṭhu ho thei chu ka lawm takzet, " I tar a ṭan tawh takzet anihhi, i tana mi hlauhawm pawh i in ah i khawi ngam mek chu ani sia " An room aṭanga Zarliani lo chhuak chuan ati lang langa, Nunhlima chu thamlo fe in a en a, "Kalna tur i neih chuan kal maita che " Kapa chuan ati dam thlup.


Misual Zarliani dam dapa a be tlat ṭhin hi ania ahma pawha mak katih em em, a hlau anih te ka ringa mahse, kapa hi hmeichhe thu hnuaia awm chi anilo. Pa zaidam tih tur nilo mahse insum theihna a ngah a, a inthunun thei lutuk. Mipa a zawnga mipa tumruh ber ani tih hi tun hnai hian ka hrechiang chho tawlh tawlh. Zarliani chhuah hnu lawkah kapa chuan " Meeting ka nei dawna insiam ka ngai, room ah ka luhsan ang che u " Tiin ading hluaia, "Hlima lo inthlahrung suh " ti sap in room ah alut bo nghal.

" Hlima, eng nge i duh ang " Nu Dami'n alo tih chuan "Ka puar emai Nu Dam, nidangah i thilsiam chu ka ei zawk ang" ati a, naupangchhia zetin a dul chu a khawih pah kher. " Nu, keichu spicy thak deuh ei ka chak mittui ti tla zawih zawih thei tur " Chil lem khalh paha ka tih chuan, Nu Dami nen mak ti zetin min en a, " I pum tan aṭhalo ang Nodles ei zawk rawh " Nunhlima'n ati sup. Ka lu chu ka thing nak naka " Aih, Spicy ka duh " inla pangchang zetin ka inthing deuh nar nar, " Duatte, i pum a na mai dawn asin " ka sam ka hmai zartu chu ka bengah min zehsak a, duat zetin min melh vang vang, " Anih leh Nodles chu ka ei maiang " Ka ti ve ta a, Nu Dami pawh a thaw deuh huai, Nunhlima chu awmlo se ka eichak chu ka ei lui leh ngei ngei dawn, ka thil eichak zawng min khap hi atheilo a, a theilo em em pawh anilo min khawngaiha min khap rei ngailo.

" I awm chu atihzia hlauh anihkha, awmlo la chuan min ti lui leh tlat dawn si " Ati a inherin choka ah alut phei, " Ka room ah chho ang " a kutah ka chelh a, in tha zo zeta lo tho in ka chelhna kut chu nghet zetin alo hum let. "Zanah Muana te inah i kal ve hman angem? " Kailawna chhoh pah chuan kati a, " Zanin chu hnathawh tur ka hawn tam lutuk a Duatte " ati sup, ka kut chu a hmer nghet salh bawk, " Apawilo, Sista nen kan kal maidawn alawm " Zangkhai zeta tiin ka nuih var var, " hruai erawh ka hruai thei ang che, mahse in zingah ka tel ve thei dawnlo a " tiin ka biangah apiai a, ner nangin a banah ka bensak thlawp.

" I thilsawi tur kha ka hrechak tawh " Ka room ah kan lut a, ka inthlak laiin ani thung chu ka khuma ṭhu in hnunglamah akut pahnih in a in nemkhalh a, thatchhe zetin ka che vel chu minlo thlir, "Motor ah chuan i hriat chak loh kha " Pyjama inthawlh pah chuan kati a, ka mit ko ka san khum zeuh zeuh. "Ka ṭawng laklawh laia call i off kha ka lungawi lo alawm, min thlem vete ka ringa nang lah i titau ve daih bawksi, mahni in intih lungawi angai ve ziah " Ati ve bui bui a, a aw athum reuh si aṭawngdan leh ahmel landan chu inremlo viau mahse, a inhmeh em em lawi a.

" Kanu ka hmu a " Melh kiau chunga ka tih chuan ameng ve kawka mahse, in siamrem leh vatin " I ṭha em? " ati a, min lo hnaih nghal ruak, "Ka hrelo, arei thei ang ber a bula awm kha ka chaka, thil eipui ah ka sawma ka zaklo tiraw? Zaklo minti viau maithei mahse, ka thlalhlel lutuk a " ka thusawi chuan awmzia anei meuh em ka hrelo, Nunhlima chuan engmah sawilo in min kuah a, ka hnungah chuan min hnem tum zetin a chul heuh heuh. " In hriattir i duhlo emni? " Atih chuan kalu ka thinga " Kanu chuan fanu dang anei tawha, a fanu kha a hmangaih hmel takzet, abulah chuan awm ila keipawh khatiang khan min en ve ang tiraw? " Kati a ka ṭah nuih hawk, " Duatte " Ti chhuak hawlhin min chawi kang a, tlak hlau zetin a kawngah ka kherh bet vat, a nghawngah chuan kuah chialin ka hmai ka phum a, Nunhlima taksa chu a ṭang ṭalh ṭalh tih ka hria.

Khumah chuan min ṭhutpui in min nawr hla hret a, Lungchim zetin min en ngawih ngawih, a mitmeng chu ka sawifiah thiamlo alum nuam veng veng in ka hria, ka biang chu a kut phah lian leh lum veng veng chuan a khuap a, Dim leh dam zetin min fawp. A chetdan chu a dam raih a, inla hrang hlek paha ka hmui bul a thawk khum lum hak phei chuan ka kawchhung hi aza nghal chuai chuai zel.

" Hetiang tala i rilru ka lak pen loh chuan, ṭawngkam thiam tak ka nilo tih i hria a, hnem dan tur ve ka thiamlo, thil pakhat erawh hrereng la, i mipa hian i tan theihtawk piahlam zel ka chhuah dawn tih hi, i hlimna tur anih chuan mual za tamtak pawh ka kal maiang. ka hmeichhia ka ta liau liau ka duattei hlimna tur anih phawt chuan, tih hreh ka nei hauhlo " A thusawi engkim chuan min hneh lutuk, tleirawl in ngaizawng ang in msg thlum tak min thawn ve ngailo a, thu thlum tak min fah ngailo bawk mahse, Ka mipa ka hmangaih Lalnunhlima aṭang a chhuak engkim hi ka tan chuan khawizu ang maia thlum ani.

A hma aia uar deuh zawk chuan min fawp a, keipawn uar zetin ka chhang let ve, a kut in ka awm adap rak raka, a chetdan chuan ka ngaihtuahna a ti fim lo leh tial tial tawh. A form kawr kilh chu hmanhmawh zetin ka phelhsak a, ka kut lawnga a taksa nalh zet ka chul rual chuan min fawhna thlah hauhlo in arum hawk. a lei chu zei zetin a chetkual a, nidang zawng aiin a chetdan chuan min ti danglam.
.
.
.

" Duatte inti harh teh, shower kan neih loh chuan i mutui dawn lo ania " ka taksa huh dap chu alo tawk zeuha, keichu ka meng ṭha peih tawh derlo, mutchhuak in min zem chiai chiai a, " Ka bual thei tho che alawm " Thum chhaka tiin min chawi kang nawlh a, meng kawkin ka hmui ka hup vat, a mit a ka melh chuan nichin lawka kan thil tih kha ka ngaihtuah let lo theilo, lai zetin ka lei ka chhuah a, hmuhnawm ti zetin minlo thlir vereng. A taksa chu a huh ve dup mai, a thil tih ngaihtuah chuan a awm ve viau alawm, ka ngaihtuahna mai mai chu aw.


Zanah chuan Nunhlima'n minlo hruai a, Ramengi nen kal thei reng mahila Rosanga tihpui ka duh ve bawk nen, "Rosanga'n alo hruai dawn che " kati a, Nunhlima lo thlen hmain an in phurh chhuah tak kha. " I lungawi ang tiraw?" Muana te in pana kan tlan lai chuan ati a, "Lungawi e, titau reng turah min ngai ami? " kati let duah, " Ava mak ṭhin e aw, tunlai chu thil sawi reng reng lak kawih i ching tlat" ati halh. "Hmm..i thinrim chak anihkha " ka tih chuan anui a, "I thinrim chak fe zawk " min tih let ve chuan sawi tur ka hre biklo, ka thinrim chak zek zek zel hi keipawn ka hrethiam biklo ani.

Muana te in ah pawh chuan alo lut velo a, a let tur chu ahmui ah fawpin ṭha deuh in ka thlah, abuai tih ka hre bawk nen arilru ti nuamlo tur zawngin ka awm duh biklo. "Hello, Black angels " Ka ṭhiante lo ṭhutkhawmna a kal ve pah chuan kati a, Nu Sangzeli alo nui hak hak. " Black angels tih hi chu in inhmeh ve ngawt mai " tiin room a lut nghal daih, " Bialpa neih ngeih nu " Rem ṭeuh lo a Hneha'n atih chuan ner nangin. " A rem teh ṭeuh lo emai, rem deuh ten min ko ve rawh " kati a, " I thinchhe sia e " ati nghal hmuk.

" Thil thleng a awm nge inhmuh khawm inti thut a " ka tih chuan an mengkual ralh hlawma, Mimii chu alo nui chuak phut. " Venpui, i hmaah ka ṭhut hi i chil a per si " Rosanga'n a hmai tuai puat pahin ati a, " I hmai kha tuai vel suh, ka chil alo per thlenglo inla fresh vak zel " Mimii'n atih ve chuan chhanlet dan tur ahre tawhlo aniang angawi leh kur tawh. " Hei, kan Hneha hi alo tlan a " Nuihza insum deuhin Muana'n ati a, Hneha ṭhutna lam chu ka hawi nghal vat, " Tinge a " ka tih chuan tum burin lehlam ahawi daih!


" A nu nen an inhau aniang alo tlan anihhi " Nu Sangzeli room aṭanga lo chhuak chuan Nui put put chungin ati a, "A lawmawm loh " Hneha'n ati, " I nu nen chuan engtin nge in inhauh, i nu naute duat i ni a, i nu chuan a hau phal ngai silo che a " Ka tih chuan athaw ve hliai reuh a. "Bialnu ka nei ka tihkha i hria em? " ati hmasa te te, ka hria tih lan nan kabu nghata, " A fel a kan inmil viau bawk, Maggie hi chu ka ngaihzawng dang ang anilo a, tum ṭum kher chu keipawh ka serious ve. Mahse, kanu'n alo hre veleh a Maggie lah mi dawr inhlawh vemai anih avangin a iai leh tlata, a fapa pawh hi engmah ka nih loh tehlul nen " ati bul bula, Nu Marini chu ka dem ve khawp mai, duh duh dana fate control tum ṭhin te hi chu an mak kati. An fate nun an tih chep zia hre hauhlo in engkimah an duhdan vekin an fate awmtir an tuma, hetiang hi chu rilru chian loh na chikhat niin ka hria.

" In inṭhen tihna ami? Sawichiang leh deuh la" ka tih chuan, " Ṭhen turin minti leh seka, Hmeichhe dang chu nise ka ṭhen veleh maiang mahse, Maggie chu ka ṭhen phallo a, min kalsan tur anga ka ngaihtuah hian hreawm kati lutuk. Kanu nen pawn kan in hauh phah fo a, athu zawm ka tumlo tih ahria nge hman ni deuh khan Maggie chu a hnathawhna ah ava hmu aniang, Maggie chuan min hrilh lo a min ṭhen chuanglo. A ṭhiannu hnen aṭangin ka hre leh vek sia kanu nen kan in hau alawm " Uluk zetin a thusawi chu kanlo ngaithla ṭhap, kan ṭhian zinga thluak hmang lo ber leh thawveng ber ṭhin kha ani tawhlo. Tuna a landan tak hi chu a puitling hmel a, a rilru a hah ve tak tak niin alang bawk.

" I nun ania i thu ve alawm, i damchhungin i nu duhdana awm tum tawh suh, kan nu leh pa te mah nise an thu a kip a kawi a zawm kher angailo " Rosanga'n ban charhin ati a chu chu ka pawmpui khawp mai. " I nu chuan chhuak rawh ati ami? I pa in engmah alo sawi velo maw " Ramengi'n alo tih ve chuan " Kapa te chu kanu Nupui alawm, kapa ang mipa hi chu nih ka tumlo, tun aṭang phei chuan ka danglam tawh khawp ang, hna ka zawng anga in luah hran daih te ka duh " A ti leh zela chu erawh atih tak tak ka ringlo, a thinrim lai ania a sawi ve mai mai ani.

" Maggie chu engvang berin maw a duh loh " Kati a ahmai atuai puat hnuah " Lehkhathiam anih loh vangin " ati ro halh, Hneha hi mipa hmelchhia anilo a, mawl viau e tilo hian lehkha pawh athiam, a nu hian a atchilh lutuka hnathawh pawh aphallo, tihian lehkhathiam awm awl anih ber chu. " A van ho thildang chhuanlam a hre thlawtlo ami? An mahni kawp tur pawh nilo a anlo buai chiam ṭhin hi chu thin anti rim tlat" Ramengi'n ati hlak hlaka, a hmel aṭang pawn a thinrim zia hai chi anilo, athil tawn ka hriatsaka keichuan mak ka tih lem loh laiin midang chuan engmah anla hrelo bawk nen chutia a vin ve hlak hlak chu mak antih hmel hlawm viau.

" Kanu'n ka thin atih rim zual em em chhan chu maw" ti hluaiin a ṭhut dan chu asiam rem a, " Maggie hi hmelṭha vur anilo a, tlem in a ha pawh a kuh ve deuh mahse, ha kuh mawilo lutuk anilo. Kan inhauh laia lehkhathiam lo tih vel asawi khan kalo hnial zel bawk nen, "A ha a kuh si fa anei thei lovang " kanu khan ati a, " Awih awm loh lutuk, chhuanlam atling lo " ka tih lahin "In fate chu an ha akuh dawn asin, kan thlah ah ha kuh an awm ngailo' tih ṭanin aṭang tlata, ka bialnu sawichhiatna tur azawng ve hrim hrim khan ka lung ati awilo " ati bur tawh, thutak zetin sawi mahse kan nuih chu a za tlat hlawm. Ha kuh avanga fa nei thei lo tura lo ngaih te chu, Nu marini pawh ati zialo lam hret chu ani, duh reng vangin tumah an ha akuh lo a, an rethei bawklo, khawvel hian kan duh min pe vek theise mi rethei bik an awm lovang.

" In in fawh changin i hmui athip vek zel em?" Rosanga zawhna chu ho kanti hlawm lutuk, " A ha kuh mahse alang chianglo ka tih chu, in fawh nawmna ati dal lo " Uang Zetin Hneha'n atih ve chuan Rosanga chu a nui kur kura. "Eng nge inuih? " Mimii'n atih chuan " Keipawh ahma in bialnu ha kuh ka nei ve alawm, a chhelo a ahmel pawh aṭha mahse a ha ber kha abuaithlak a, kan infawh changin ka hmui hi a thip vek zel. Ka ha te hi a seh fuh lek lek zel " ati pek anih chu! Awihawm loh lutuk Sawi awm leh awmlo hi ahre hlawl lo, amah chu a nui kur kur renga kei leh Ramengi tih loh chu an nui hawk hawk. Rosanga thil sawi lai khan ka u chu ka chik ve viau a, a hmel landan danglam pawh ka hmu ve vek, Rosanga te za deuha annuih lai chuan Ka u chu atho nalha choka ah alut nghal daih.

" Tinge a " Rosanga'n Ramengi kalna lam en vung vung paha atih chuan, " I mawl man anihkha, engvangin nge i bialnu hlui chungchang i sawi, i thusawi dan lah kha " tiin ka melh ram ram, pawi tih hmel zetin a chal a dawm a, a hmui chu beng in " he hmui laktlak loh zia leh sawi tur hre lutuk hi aw" ati vawng vawnga, keini chuan kanlo nuih mai mai tawh, diktak chuan a hmui hi a veng hman lo tak tak alawm.

Rosanga chu kan nuih hak haka, ani lah chu tho tharhin, choka ah chuan ava kal ve in ka hria, ngaihtuah zuilo mahila ka zun a chhuak a, bathroom hi choka bul lawk a awm anih avangin ka zun chhuah hun chu fuh kati vaklo. "Thik mai mailo, i nu rual ka nih hi aw khatin min chhaih reng reng suh. Bakah hmeichhia te hi kan zahawma, khatianga mahni ex te chanchin sawi chhuah leh ching ang kha mipa inti tan atih chi loh " Bathroom kawngka ka hawn lai chuan Ramengi ṭawng chu ka hria, " Ka fiamthu alawm, ha kuh bialnu ka neilo hrim hrim, hmeichhia ka hmuh a ka mit la ber tu chu an ha hi ania, ha nalh zet chu hmelchhe deuh mhse ka hmu mawi thei" Inla zei zeta Rosanga'n atih chuan ka ner nang, ngaihthlak chu duhlo viau mahila ka hre thei tlat si.

" I ṭawngthei lutuk, dawt i sawi peih si " Ramengi'n atih chuan "Dawt ka sawilo" Rosanga'n ati vata " I sawi zahmawh i sawi khan dawt i sawi tihna " Pawr zetin pakhatin ati veleh a, inhnial stage vel an kai chho niin ka hria ka lawmpui e..
.
.
.

Vawiin chu Dr Zodinga'n damdawiin pawnah thil ei ang u atih tlat avangin kan inzui chhuak a, Nurse Fifii leh Mamuani'n min zui ve bawk, Dr Zodinga hian a chhaih peih a, Fifii phei hi chu a lai thei lutuk ala naupanga a awm vereg tho. Mamuani erawh pangngai deuhin a awm a, Dr Zodinga zawk a chhaih lai lek lek zawk ani.

" U Hlima te nangmah avangin an buai tehlul nen, nangchu mipa dang nen inlo leng vel mai mai chu ani sia " Titu chu nuihza lek lek in ka en a, dawr a alo luh tirh khan min melh rum tawh viau anih kha. Zodinga bill pe turin akal chiaha, Ruthy lo luh lai tak khan Mamuani leh Fifii te washroom an kal lai ani a, tunah pawh anlo la let lo. "Sawi chiang deuh la " Zangkhai zeta ka tih chuan " I zaklo ve e" minti leh tawl tawh, " Ruthy naupangchhia zetin khawsa teh suh" Kati fiah fak. Ruthy chu anui hawka " U Hlima hi kalsan mairawh, nangmah vangin arilru abuai ve em em a nanglah chu..." ti a asawi zawh hma chuan Fifii leh Mamuani anlo lang a, anlo ri nghal bawrh bawrh.

" I hmuh ang hian Zodinga nen chauha chhuak kan nilo, naupangchhia zetin khawsa tawh suh " Dam zetin kati leh, engmah sawi tawhlo chuan aṭhiannu bulah chuan akal veleh maia, athilsawi erawh kha chuan ngaihtuahna ati thui ve deuh, Mamuani chuan zawhna angah viau chungin pangngai taka chhanna hun pawh ani rihlo.

Restaurant aṭanga kan chhuah chuan kan piah deuha Nunhlima ding run chu kava hmu a, mak kati lutuk. Achhan chu kar liamta khan 'Kanu a damlo a" tiin an khua ah achho ani, alo hawn thu minlo hrilh miahlo a, tunah; ni e tunah ka hmu leh mai bawksi, chupawh Dr Latei nen anni lehnghal! " U Nunhlima chu an khua ah a awm iti sia, engtik nge alo let a " Fifii'n atih chuan ka nui tawi tak ringawt, a zawhna ang tho hi keipawn zawhna ka nei tih a hre awm silo. Nunhlima hawikual thuak chuan minlo hmu a, a an zuau lai chuan hawisawn hmakin " Chawlh a zo dawn " tiin ka ṭhiante pawh ngaihsak lo chuan ka kal nghal nal nal.

A lo hawn thu min hrilh in khatah khan hmu ila ka thinrim em em ka ringlo, mahse alo hawn thu pawh min hrilh hauhlo in khatah khan ka hmu leh si, katan chuan a hrilhhai thlak takzet ani.

An khua an hawn aṭang a a awmdan ka ngaihtuah let lo theilo a, msg leh call takngial pawn kan inbe khat em em anihkha. A nu adamlo tih ka hriat avangin lungawi loh phah nan ka hmanglo a, tuna ka hmuhdan te nen ka kaw chhung hi a sa pup pup in ka hria. ka ngaituahna kalo hmang thui deuh nge, kalkawng en nachang pawh ka hrelo, thil eng emaw ka chhuih avang chuan ka pai nawka mahse, Zodinga chuan minlo man hman, " I ṭha em? " zawi supa atih chuan mumal lo zetin ka lu kabu nghata.


Ka cabin chhung ka luh hnuah pawh chuan ka pangngai tak tak theilo, ka kawchhung tawt et et leh puak keh lo chauh chuan thawk thlengin ati harsa, ka mittui luang zawih zawih mahse, ka ṭap hauhlo a ngaihtuah ber tur hrelo in ka thluak chu abuai lutuk. Khatiang khan kalsan mahila min lo umzui ka ringa mahse, tun thleng pawn a hmel alo inlan lo hrim hrim.


Cont..


Show post links
Top

[Ngaia]

Nunhlima chuan min lo biak chu atum ngei a, mahse tun atan chuan ka be chak hlawl lo, phatsan ni ang hialin ka inhria. Ka chau nghal veka engmah kati chaklo, mahni a awm reng chu ka inti hreawm mai mai tih hria in Duty room ah ka kala, tlem chuan boruak danglam deuh e.

" I mother in-law tur chu i kan ve dawnlo ami? " Dr Zodinga lo lut chuan ati nghal phawr phawr, hepa hi chu a thawveng ve chiang asin, a mizia te hi a inhmeh pawh ka tilo. " Nunhlima Nu maw!?" Phawk zeta ka tih chuan, "Hetah lokal teh " Tiin min hruai sawna, " Engmah i hrelo ami? " A tih chuan kabu nghat, " Hlima kha ka hmu a keipawn ka hre chauh alawm, a serious ve deuh aniang " ati a chupawh engmah ka hre chuanglo. Nep ka inti hle a keiin ka nunna thil thleng ho lam leh lian tham deuh pawh ka hrilh zel laia engmah min hrilh velo chu ka vui ve takzet.

" Engmah ka hrelo " Kati sep, tunah hian ka zak takzet bawk, ka bialpa nu damlo pawh midang hnen aṭanga ka hriat angai chu ania, " A biak theih loh thu che min hrilh a, i lungawi vaklo anih hmel " Min thlek thuak pahin ati, "Lungawi vak natur pawh a awmlo " ka tih chuan anui a "Va kan verawh, Hlima pawn a phut ve ang che" atih chuan ka rilru abuai ve deuh, kan in millo tih hria in min hrilh lo pawh anithei a, ka kal pawh a phut kher ka ringlo.

" Eng nge a natna " ka tih chuan " Depression te alo nei aniang, hmani khan amah intih nat alo tum ani awm e, chuan pumpui cancer te pawh alo nei a, Mahse cancer kha chu ala hlauhawm loh " Zodinga thilsawi chhung chuan ka thawk ka ip bet ngar ngar, a sawi zawh rual chuan ka thaw chhuak hawk a, sawi ve tur pawh ka hrelo. Zodinga chu cabin awmna te ka zawh hnuah ka kalsan a, Nu Tleipuii cabin awmna Zodinga min hrilh lam chu ka pan.

" Nu, engtin nge Duattei hi ka thlahthlam ngawt theih ang" Cabin chhunga ka lut tur chu ka ding dat, " Anih keive hi, ani i thlahthlam theih loh laiin keichu i thei tihna emni? Anih te chuan min enkawl tawhlo la animai alawm " Nu Tleipuii chuan ati hlak hlak. " Kanu, i rilru hi thlak la ṭha takin kan awm ho theireng, Duattei pa chu i hua pawh anithei Duattei chuan engmah tihsual aneilo, chu chu nangpawn i hria alawm, i ngainat em kha " Ngenngawl zeta titu chu Nunhlima ani. " Lalropuia thisen kai te nena in hnimhnaih ka duhlo, ani kha i thlang anih chuan keihi min kalsan rawh, keimah pawn ka in enkawl thei lutuk " Nu tleipuii chuan ati leh hmarh hmarh.

" Ka tum asin, khang kar khat liamta chhung pawh khan biak pawh ka be tamlo a, Mipa tih a mawilo khawpin ka khawsak khum asin, mahse ka theilo kanu i fapa duhzawng hi i pawm maithei lo emni? Duattei hi hmeichhe fel tak ani " Beidawn hmel zetin Nunhlima'n ati a thawm chu areh nghal vang vang, ka kallui tho ang nge ka let leh ang tih ka ngaihtuah rauh rauh. "ka ngaihdan chu ka thlak dawnlo, kei i nu damlo nge ani kha" A tih leh laichuan kawngka chu ka hawnga, ka hmel an hmuh rual chuan an nufa in an phawk ve ve.

" Duatte " Nunhlima ati sup a, " Kapi, i duh ang ngei chuan ka kal ang, i fapa hi thuthlukna harsa tak siamtir duh tawh suh. nu leh fa inkara awm reng hi ka duh bik hleinem, i dam loh na chu apawi ka tihpui khawp mai che" Nu tleipuii en reng chung chuang kati a, a hmel landan chu ka hrethiamlo. " Min be ṭha duhlo kual vello khan sawi maitur ania, min kalsan duh tu chelh ṭawng ṭawng tur chi ka nilo tih i hre ve awm reng sia " Nunhlima melh kalh chunga ka tih chuan, hreawm ti zetin min en vereng a ka khawngaih takzet, "Min hrethiam rawh " Zuai raiha atih chuan zalo zetin ka nui a. " Tihian kan kar chu tawp mairawh se, i nu hi ṭha deuhin i enkawl dawn nia, keipawh hi kapa fanu duat leh hmangaih kani ve tho a, tu emaw in a duh a duh loh tur kani biklo " Ti fiah fakin ka inher a, cabin chu hmanhmwh zetin ka chuuahsan vang vang.


Nunhlima hian min ṭhen duhlo hlawm tawp anilo, duhlo nise min be ṭha duhlo kual vello ang, min hmangaih na kha ka ringhlel lo, lehlam zawng tak chuan a khawngaihthlak ber chu Nunhlima hi ani. A nu a hmangaih em em aneihchhun liau liau leh A hmeichhe hmangaih inkar ah ading a, atan chuan a luhai thlak ve dawn lutuk.

Ka mittui lo luang tur chu ka dang hram hram a, ka hrawk tawt up up leh thip hlar chu ahreawm, ka dang a ro hulh a ka kawchhung hi thil zum taka chhun zawk zawk ang mai hian a na zawk zawkin ka hria.. kan in hriattirh aṭang in ka ngaihtuah let zut zuta, kum khat dawn kan inkawp hnuah, khati tawp kha Nunhlima nena kan thawthu tawpna chu ani dawn maw!, diktak chuan kan thawnthu tawpna chu ka beisei loh ber dan ani. Ka lungawi lo a tu hmeichhia mah an lungawi bik lovang, tupawn happy ending an duh a, keipawn Nunhlima nen hlim taka awm dun ka duh, mahse, ka beisei loh ber thil alo thleng a, ka bialpa leh ka engkim hlimna tur ka hriat hlawl loh lai leh hlimpui tur ka hriat tawh loh ka hringnun chul ruap chu Hlimna tamtak min pe a, ka hringnun ti par mawi em em tu nena kan kar chu a tawp ta.. Lung erawh ava han awilo tak em! Minlo umzui se, min kuah in 'Engkim aṭha ang, min ring tiraw? ' ka mita en chungin minti leh se, keihian ka rin dawn tawh lul nen, chutiang erawh athleng hauhlo, Hmeichhe lungmawl duhaisam hian tawk leh duhkhawp anei ngai dawnlo anih hi.

Pangngai lo zetin kan in ka thleng a, ka kua lah chu a no nghulh lehnghal, " Ka fanu, i nuamsam nange " Ka hmel adik vaklo aniang kapa chuan uluk zeta min en chungin ati a, " Aaa..kapa tlem in ka lu hi anuamlo deuh " kati sep a, dawt ka sawi hauhlo, ka taksa hi ana ṭhum niin ka hria. "Han hahdam rawh, nachhawkna te kha ei la, kalo lak zawk dawn che nge" ati zung zung, min ngaihtuah zia chu ahmel ka en hian ka hmuhsak theia, hmuh hmaih chi pawh anilo hrim hrim, " Chaw eitur pawn min ko lo mairu aw, nachhawkna chu ka ei pah maiang" Ti eh sepin kailawn ah ka chho hnak hnak.

Hetiang em a natna hi ka la tawng ngailo, ka awmdan chu ka sawifiah thiamlo a, in hau hrim hrim chu ni ila tuardam deuh dan pawh a awm ang, tunah erawh kan inhau lo a, kan inkar buai vang lah anilo. Ka tha a na ve lek lek a Nunhlima lakah thinrim ngawt chhan tur ka nei silo, zawng ik ilang chuan ka nei ang mahse, engti kawng pawn Nunhlima hi huat ka duhlo. Ka nun her danglam a hlimna sum in alei theih loh min petu ani tlat, ka tan a hlu a kum tam tak ral mahse a hlutna hi areh ka ringlo,

Ka Duhthusam neitu, ka duhthusam bulṭan tu ani ka tilo theilo, amah avanga ka duhthusam dang tam tak ka ban phaka awm te hi amah avang ani a, Ani hi tawnglo ila ka nun buai chuar deuh kha kala kalsan hauh lovang. Ka mipa hmangaih hmasak ber nen a kan inkar ti tawp tu ka nihna khan minla ti na nget nget mai.

Ka ngaihtuahna chuan minti chau nghulh a, ka lu na nget nget a vanga nachhawkna ei ka tum chu, ka uak nghal tuar a bathroom ah ka tlan lut rawk rawk. Ka kawchhunga awm zawng zawng ka paih chhuah hnuah chuan chau zetin bang vawt thler ngheng chuan ka ṭhu zawi hnak.

Tlem a ka zia hnuah chuan shower ka nei a, tui vawt ver chuan ka taksa mumallo zet chu ati zia ve huai huaiin ka hria. Ka inthlak fel hnuah khumah ka mu kaia, puan sin hlunin ka mit ka chhing vang vang, ka inbual vang nge vawt lah chu ka ti em em a, ka mu kawm chial mai, kalu chu ala na feih feih a, nachhawkna ei leh erawh ka tum tawhlo ka mitthla ringawt pawn ka kua ati let leh dawn in ka hria.

ka phone chu ka khawih a, ka khur ru der der bawksi ka phone pawh a che det det thei hial, Whatsapp ah ka lut a Nunhlima msg alo awm va. 'Ka Duatte, in enkawl ṭha rawh aw...' tih thleng chu ka chhiar thei a, seen kherlo in, status ah ka luh san. 'Ka duhthusam Neitu' tih te maichu Sts ah neiin phone chu ka off a, rilru buai viau e tilo chuan ka mut a chhuak tlat.

Ka ṭhangharh chuan ka bulah Ramengi alo mu vereng a, "Ilo harh tawh alaw? Na i nei em? " A phone khawih lai dahin min lo ngaihsak vat, " Nei tawhlo, engtik nge ilo luh a ka hrelo reng reng " Kati tham ṭiaka, ka room chu alo lum nuam tawh viau, " Khawsik sang vaklo i nei a, i mutui lutuk bawk nen ka ti harh duhlo che anihkha, kapa'n i nawmsam loh thu min hrilh avangin, ka inti faia kalo awmpui nghal che " Ati zung zung. Ka mal lo tih ka inhria a ka hahdam sawng sawng thei, " Tui vawta ka inbual vang aniang " ka tih chuan a chek tlaka " Dr zawk si tinge i hriselnah hi i ngaihpawimwh loh em em a" ati ve hlak hlak, tunah thlasik a inṭan tawha boruak pawh avawt tawh, mahse, ka kawchhung leh taksa khan tui vawt amamawh tlat ani.

'Chaw ei ang' atih tlat avangin hnial in awmzia a awmlo, Min kai chhuak dat data, " Inlo tho thei maw, Mambawih i nuam deuh em? " Kapa'n kan unau inzui thla minlo hmuh chuan ati a, " Umm, ka nuam tawh lutuk " tiin ka nuih ver ver. Choka kan luh dawn chuan Zarliani chu in chei zetin achhuaka, kapa chuan biak pawh a be lo. Kapa nen kan inkar aṭhat leh hnuah phei chuan kapa hi ka khawngaih ngawih ngawih zel, " Chaw hmeh anti sa lawk " choka kan lut chu Nu Dami'n alo ti thuai a, " Tunlai chu chhailai d i nei aniang, hmuh tur i vang riau " katih chuan anui hawk hawka, " Bella ṭhin hi a, iti anglo emai " ati a, biak chu anei tih ka hria. Pasal neilo rual pawh anilo keimah avangin angaihsak lo a, tunah chuan ngaihsak ve tawhse ka duh.

" I la upa vaklo a, Nu pasal nei ve tawh rawh " ka tih chuan Ramengi alo nui a " Ni e, nulat laiin pasal i nei hman silo " tiin alo fiam chhunzawm zat. kan nui ho dar dar, "Eng nge inthawm ava ring ve " Kapa chu alo lang ve nawlh a, " Pa i beng a vir emai " Ramengi'n atih chuan kapa pawh anui ve huk huk. " In nui dar dar sia kan hre ve chak alawm " ati a, kapa chu kanlo nuih leh chhawng, ka rilru kal khat lutuk tur pawh azia viau.

" Nu Dami pasal tur zawnpui kan tum deuha " ka tih chuan "keipawn kalo zawnpui ve ang e " Ati diam a "U Ropui nang leh zel chuan angailo " Nu Dami'n ati chul tawh, "Mambawihi avang in i leng tar lek leka, tunah chuan ngaihtuah i ngai takzet tawh " atih hnuah kapa chu achhuak leh a, " Bella over zia hi " Nu Dami'n ati leh ringawt. Chaw ei an siam takah chuan kan sawi chhunzawm tawhlo a, chaw chu ka eichak hlawllo thung. "Chawk let sek lo khan ei rawh, chak lo mahla ei tum rawh" Ramengi'n ati a, ka luak te achhuak lek lekin ka hria "Ka chak hlawl lo Sista " Ner nunga ka tih chuan thawpui ala halh, " I chak thei nang " ati a "Nodles ka ei chak zawk " tiin ka nuih tlawn vur vur.
.
.
.

" Zep i nei tih ka hria ania aw " Room ah minlo zui lut leh a, "Eng thil maw " Ti a hriat loh hmel zeta ka mengkual chu min ner khum nang nang, " I u hi min hrilh rawh le, chuan thil ṭha deuh ka hrilh ve ang che" Khumah chuan min pawt ṭhu a. " Nunhlima nen kan inṭhen a " ka tih chuan mak ti hmel a pu hranlo, ka awmdan ah khan rindan anei sa anih ka ring, " A chhan sawi rawh " ka kuta lo vuan pahin ati a, thil thlengte chu ka sawi ve ta vek ka thawl huaia mahse, ka thin zawn na nget nget erawh areh theilo.

" Kapa chu hrilh suh aw, amah vangah angai anga hreawm ati ang" ka tih chuan abu nghat, min hnem dan vak athiamlo aniang min kuah a, ka hnungah a beng thek thek. " I sawi tur chu sawi ve tawh la " Khum lu nghengin ka in siamrem a, puan chu ka sin ṭha sat sat rilru kawm theilo a thildang ah rilru lakpen na ka nei chu ka lawm takzet. " Tunah chuan sawi chi ani rihlo nakinah " ati daih!Ramengi hi la hua ila kapa nen kan inkar la ṭhalo bawk se, Nunhlima nen kan inṭhen bawk nen ka awmdan tur ka suangtuah thiamlo, mahse tunah chuan Ramengi'n min awmpuia kapa lahin min ngaihtuah em em bawk, vanduai riaua in ngaih chang hi nei mahila vanduai ber hi ka lo ni ngai hauhlo.


Ka mu theilo ang tih ka hlauh nen, Ramengi titi mawlh mawlh laiin kalo mutthilh san daiha, zan laiah ka zun chhuakin vawi3 dawn minti harh lehnghal. Zan dangah chuan mut dawna ka zun bak hi ka zung ngailo ania, zingah chuan ka tho nuam vaklo a, ka lu chu a rit bur bakah ka kua ano nghulh renga. zing kar karah ice cream ka eichak em em lehnghal, Ramengi muhil sak sak chu thawhsanin inhnuai ah ka chhuka, " Nula, ice cream kan kawl em?" Choka a eirawngbawl buai mek chu ka bia a, ala phu nasa em em lehnghal, " Thawm kalo nei lawk lo anihkha " te chu kati veleh a. " Engmah chutiang kan kawl lo " a tih chuan ka hnual rawih thei, " Chhunzah lo lei rawh aw, nodles leh ser pawh lo lei tel rawh " kati zung zunga ser ka sawi rik rual chuan ka chil a put thei hial ani!


" Kapa ka nupui hi a rai a " Malsawmsanga'n chaw ei laiin ati a, mak deuhin a hlim tak tak hmel lutuk, Bethsy pawh chu anui var var. " Ava lawmawm ve, thla engzat nge ni tawh " Kapa'n atih chuan " Thla3 ani ve tawh kanlo hrechhuak lawk lo a " Ati veleh duah a, kala hmuh ngai miah loh hlimna leh lungawina an nupa hmel ah chuan kahmu, an lawmpui awm e, kha chen an innei a fa annei thei bawk silo an indang emaw kati hial kha ania.

" Nau apai har sia Bethsy hian in danna a ei emaw kalo ti mai asin " Zarliani atih chuan Bethsy chu a meng kawka, "Kanu, chutiang damdawi ka ei ngailo " ati nghal vat. " I ei ka tih loh chu " Zarliani'n atih leh laiin kapa chuan alo khap a, " I monu in nau a pai a, engvanga thu dukdak lo pui pui sawi chhen nge inih, i ṭawngkam te hi fimkhur rawh" ati hmuk. Kapa inrawlh lo selang chuan Malsawmsanga saw a inrawlh ngei ang a thinrim hmel emai, " In enkawl ṭha rawh aw, Nau pai lai chuan hahdam tur ania " tiin ka chaw thleng ka chawia ka thawhsan, Bethsy chuan min en reng a ka biak dan chuan aṭhawng aniang; ani lah taka khatiang a felfai khan ka be ngai tlatlo ani.

" I va ei tlem ve " Ramengi'n ati a, chhanglo in ka nuih tawp, chaw hmeh hrim hrim sawn ka luak ati chhuak hlui thei, ka uak ṭep ṭep zela ka insum mai mai ani. Ka room ah ka luh rual erawh chuan ka uak leh ṭhat a, in entir chu ka ngai ve dawn ani, tunlai chu ka pum hi a chianglo tlat.
.
.

" I pum lam hi achianglo aniang a, hetianga awm ringawt chu aṭhalo " closet ah thawmhnaw ka zawnkual laiin Ramengi alo lut a, a inpeih leh thlap tawh. " Hmani deuh aṭang khan ka khua te hi a sik ser ser a " ka tih chuan "In entir ngei ngei ang che " ati nghal hmak hnial pawh ka tum biklo, Ka awmdan hi a hreawm lutuk a in entir chu ka ngai ve in ka hria. " I dul ava kiar reuh ve " Ka kawr ka thlak lai chuan alo ti leh hluaia, keipawn ka dul chu ka en vat, dul kiar ka nei ngailo a tunah erawh a kiar ve pam mai, " Ka hrelo thil ka ei mumal silo a, in diet angai anihhi dul kiar chu ka duh miahlo " Kati nang nang. " In diet chu sawi suh, tunah pawh chaw i ei theilo anih kha" Ramengi'n ati hlak hlak, Ka dul kiar chu a mawi kati hlawllo ani.

Khawsik ser ser chung chuan Damdawiin lam pan chuan ka inkhalh chhuak veleh a, Bike khalh kher hi chu anuam kati ve takzet. Rilru a hreawma ngaihtuahna a kal khat chang phei chuan, chak zet zeta lim ziai ziai hi a chakawm, tunah hian ka nunhlui ka ngai ve deuh reuh, Race a chak deuh deuha tlan vel kha ka chak.

Damdawiin chhung ka luh chuan, min tur et et tu ka neih avangin cafetaria ah ka lut a, " Pi Maruat, Ice cream i nei em? " ka tih chuan phawk zetin min en a, ka sawisual ta emaw kati hial " Sawisual ka nei ami? " Lawm vaklo hian kati, thinchhe sa kani a tunhnai phei chu ka thinchhe zual. "La nei hlek e, zuar tawh loh ka tuma mahse, naupang ho hian an ngen ve ṭhin sia, kala kawl alawm " Ti thuai thuaiin a che sawk sawka, " I lo lam thut kha minti hamhaih alawm" tiin anui pah har har, keipawh chu kanui ve tho;nia ka lam hun hi a fuh vaklo ve deuh alawm.

" Nu Maruat, kan ril ava ṭam ve " Titu chu ka en zawka, ka sirah chuan Dr Latei leh Nunhlima anlo ding vereng, en rei duhlo in ka hawisawn leh a, " Doctor, i night ami? " Latei chuan ati hrama, min belo mahse ka dem dawn loh nen. "Night lo ve kalo thleng deuh chiah " Kati a Nunhlima chu ka melh duhlo hrim hrim, keichu ka luhlul ve a tun ai pawh hian kala luhlul thei. " Zo-i, hei Doctor te hi lo buaipui rawh, keichuan Boss Bella hi kalo buaipui lawk ang e " Pi Maruati chuan uang zetin ati leh a, ka nuih ve hak hak.

" Bella engzat man nge i duh " Min tih chuan ka duh zat chu ka sawi a, pawisa ka pe nghal bawk, Pi Maruati chu a titi pah hluta ṭullo ka tiin a rei kati viau, Latei te thil ei tur dawhkana anlo chhawpchhuah rim ka hriat rual chuan ka kua a let but a, ka hmui ka hup rang lutuk vanneihthlak takin ka mualpho lo hlauh e. " Ka lawm e " Ka hmui hup reng chung chuan Ka thil lei chu ka ban a, pawisa ka pek tawh avangin ka chhuak nghal nal nal.

Ka awm anuamlo nileng chu animai, Damlo en pawh ka phur lo viau a, mahse ka hna ani tlat bawksi kan tilo theilo chu anih hi. Chhunah pawh ka chhuak peihlo a, ka cabin ah inkhung in ka ngaihtuahna ka kawm veng veng, tukina ka ice cream lei kha ka ei zo vek tawha, atui ka tih em em vang pawh anilo ka taksa hian a mamawh ni maiin ka hria. Ice cream ka ngaihtuah chhuah takah chuan ka eichak leh tlat tawh a, lei turin ka chhuak peihlo bawk nen, Nurse te awl lai ani tho bawka tiin duty room a nurse pakhat chu ka tir ta ringawt.


Mahnia awm chuan ka hun tawn mek chu ka ngaihthah theilo a, thluak ah hian alo lut leh ṭhin, ka ruak huai nimai hian ka inhria a. Han hlimpui chiam tur ka hrelo, Nunhlima ka kianga a awm kha chuan, thil engkim kha hlimpui loh an har zawk kha ani a, mihring pakhat nunna pakhat tho nei ani, tinge amah ah khan duhthusam akim em em le? A bula ka hlimlai khan tun anga ka nat reng hi ka ring phalo, hmeichhe mawl tak aneihchhun hlimpui a hmalam ngaihtuah ngailo ka nihna khan min vaw let anih hi.

Kawngka lo in kik dat ah chuan Nurse anih ringin, ka mit la chhing chial chung chuan 'Lo lut rawh' kati a, kawngka alo inhawn rual chiah in ka meng ve nghala, cabin chhunga lo lut chu ka beisei miahlo mihring ani! "Eng nge ilo tih dawn" Ka tih chuan min en vung vunga, ahmai te chu a tla kuam in ka hria, ka ngaihbel te pawh ani maithei. " Heihi i duh anilawm ni? " Tiin sarang dum hi akhai lang zeuha, "Kaduh tih ka sawilai ka hrelo" Ka tih ve chuan " Ice cream anih hi " ti supin anui pah suk a. Hepa hi kata ani ve tawhlo, ka thinlung na vawng vawng hi a hmuthiam lo nge, min ti hreawm zual turin tinge alo inlan, tun atan chuan amah hmuh tam loh hi ka mamawh ber.

" Nurse alawm ka tirh " Kati khauh a, ahmel chu adanglam ve zawk, " Hmuh che ka duh sia kalo leisak zawk che anihhi" Ka hmaa chair ah chuan ṭhu in, Sarang chu ka hmaah alo dah a, " Leisak ka ngai hleinem, engzat man nge ilo lei " tih leh ka bag a ka purse chu phawrh ka ruala, "Duati" ti nghutin ka purse chu min chhuhsak.

" Khati khan min ko suh, ka hming in min ko rawh " Chair nghenchhan chu ka ngheng dawta, Ka mit chu ka chhinsan vang vang, mahse Ice cream ka eichak lutuk chu ka insum rei theilo. Meng chhuak leh thuaiin sarang chu ka zen rak raka, " Pek i ngaih loh chuan min chhuahsan mairawh " kati zawi sep, Ice ceeam chu ka ei nghal hmaka, boruak a vawt bawk nen engvanga eichak tlat nge maw ka nih le. " I eizawh hunah khan inbe lawk ang, tihian kalo nghak ang che " atih chuan ka melh zawka athutak hmel khawp mai, " Sawi la, ka ngaithla thei alawm keichuan sawitur ka neilo " Pangngai zetin kati a, hetianga ka ṭawng pangngai thei hi ka lawm takzet, diktak chuan ka ṭah hi achhuak ru ṭun a. A awm ah hmai phuma ṭah hlawp hlawp ka chak, chumi tilo tur chuan insum angai viau ani, ka ngai ngawih ngawiha ka bulah awm mahse, ka ngaihzia ka tihlan arem tawh silo, ka awmdan hreawm zet hi sawifiahna thumal pakhat mah ka hrelo.

" I hrilhahai tiraw? Mipa nep ber chu kani chiang ani. Mahni hmeichhe hmangaih pawh ka venghim zolo a, ka kaltir che angai chu anisia, nitin mai hian ka inchhir telh telh dawn tih ka hria; a chhan chu ka thinlung ka thlahthlam miau a. kan inkar atawp rual hian ka thinlung i tan chauha phu ve det det ṭhin hian awmzia anei tawhlo. Duatte, kei lo mipa ṭha tak tawng tura duhsakna hlan che chu ka theilo, ka hma ka sial tiraw? mahse nangmah tina ngai velo tur mipa tawng ang che. Keichu min theihnghilh la " A mita natna langchhuak chu ka enrei duhlo, ka nat tluk zetin a na ve tih ka hriatsak ani.

" Keichuan engtikah mah ka theihnghilh ngai lovang che, chelh che a i kiangah awm ka chaka, nang nena chhungkaw din dun ka chak asin. I khawvel nih a ka khawvela nih tir reng che ka duh a, mahse, ka hmeichhe hmangaih hmasa ber kanu hian ahrethiam silo, ka khawvel chu i kal angai si a" Ati ro halha akut chuan ahmai atuai puat. Ka dinhmun ai mah hian a dinhmun akhirh dawn tih chu ka hria alawm, mahse hnem turin keipawh hi hnem ngai mai kani rih a, aṭha leh vek maiang ti ila kan inkar chu aṭha tawh lovang, a nu ahmangaiha keiin kapa ka hmangaih bawk. kapa haw em em tu leh min duh lo em em tu hi ka hnaih lui thei bik dawn chuanglo.

" I lakah hian vui na ka neilo a, kan kawng hi a chep em zawk anihhi, i hlim loh mawlh hi ka hlau tih hria la, ka mipa hmangaih hmasak ber ini a, kapa ka hmangaih hma in nangchu ka hmangaih che. Keichuan mipa dang ngaihzawna hun khawhral ka tumlo, tihian hun hian liampui se, dam tik a awm anih ngai chuan nunhlui ngaihtuah let a ṭahpui lova hlimpui dan ka thiam hunah, chumi hunah chuan kala hlimpui leh ang che. Nanghu ka hlimpui tur leh ka ta tur liau liaua Pathian min pek ka Duhthusam Neitu i ni a, kal kiang ta pawh nila ila nireng ang. Mahni inti hreawm duh suh kan chunga thleng hi kan hriatthiam angai anih hi, nangpawn i nu chu ṭha takin i enkawl dawn nia " Ka sawi zawh rual chuan ka mittui aluang thla nghal pap, ka hmai chu ka kut chuan ka hup, chair tawlh ri rawk ka hriat hnu reiloah Nunhlima pangti lum ham ham ka feel nghala, a awm ah min kuah bei rualin chhuak zetin ka ṭap nghal hliam hliam.

Tun bak chu a awm ngheng hian ka ṭap thei tawh kher lovang, uar zetin ka ṭap hliam hliama, ka rilru hi ana lutuk Nu Tleipuii ka dem ve ngawih ngawiha, katan chuan dem loh theih ani biklo, khati khawpa min ngaina si kapa vang mai a arilru athlak kha ka hrethiam theilo. A fapa thinlung pawh hmuh kan sakin a duhdan in akaltlang a, a fapa hi ahmangaih lo chu kati lovang mahse, Nu a zawnga hmasial ber niin ka hria.

" Kan inkar tih tawp a ngaih chhan hi thildang vang zawk chu nise, nang chelh nan che hian ka tha neih zawng zawng piahlam hlan ngai mahse, ka huam asin. Zan tin ka bulah mu la, zingah i hmel hmuh te ka chaka, Duatte ka hmangaih che " Natna a khat a aw ri chu hriat nuam ani lullo.
.
.
.
.

Tlaia ka hawng tur chu ka ṭhiante anlo lang teh nawlh hlawma, " Inva kim ve " Ka tih chuan an nui vur vur hlawm, "Reunion neih an tia, zanin chu intih thawven pahin kan kal ang chu " Hneha'n ati a midang chu anbu nghat nghat, "Engtin nge Muana hi inlo sawmchhuah theih " ka tih chuan "Mimii a awm hi " Rosanga'n ati et a, Mimii chuan engtinmah a chhanglet lo teh tlat.

" Kal mahila zu leh a kaihhnawih chu atih theih loh, Bella vang chauhin zanin pawh hi ka pawm ang" Muana chuan ati a, intih thawven te chu ka mamawh lai tak alawm. Ka bike la chhuak in " Hrilh tur che u pawh ka nei" kati a, " I sawi tur chu ka rin hriat thei " Mimii'n ati a hnunglam hawi turin min signal zeuh. Ka hawilet a Nunhlima'n kan ṭhian ho chu minlo en reng a, tawitea nuiin " Zanriah ei hmasa ang u aw" kati a anlo bu nghat nghat, " Anih chuan kal thuai teh ang u " Tih leh chak zeta tlanchhuah chu ka rual. Ka nunhlui a ka thil ngaih ber chu Race hi ani, anawm na pawh laklawh chuan bansan maite hi ahar.


Kan ṭhian ho chuan thil kan ei a, kan eikham fel hnuah kan race na ṭhin pan chuan kan inzui chhuak leh. Thli in min chhem vawk vawk avang nge ka hahdam ve huai huai thei a, hetianga ka hahdam reng thei dawn anih chuan tawp chin neilo a bike hi khalh char char ka duh.

A hmun kan thlen chuan anlo tam tawh ngei mai, helai hmun leh hetiang ti tura bulṭan tu kani ve bawk nen minhria chu an tam ve a, kum khat1 dawn chawlhsan tawh mahila kala mikhual lo viau. " I hmel kan han hmuh leh tak chu le, ava lunglenthlak " Rogera alo over leh ber, In millo lutuk kan awmlo bawka boruak chu a zalen in anuam ve riau. " Reunion inti sia kalo kal veloh te chuan, tun bak chu ka tel tawh lovang " ti a ka chhan chuan "Chi nang nang ber i tel loh chuan anuam theilo " anti hlawma ka awih vaklo.

An thil in rim leh an perfume rim chu kati thei vaklo a, party tenau kan nei hmasa ani hawt, kan ṭhian ho chuan kan in thiarfihlim deuha, achhan pawh Mi piangthar awmkhawm kan nia..Rosanga leh Hneha takngial pawn engmah in an tumlo, kan ṭhian ho han felzia hi, " U Hlima nen chuan in inṭhen tak tak ami? " Kan ngawih vang vang laiin Hneha'n ati a, ka ṭhiante annia zep ka tum biklo, thil thlen dan leh vawiin thil thleng chu ka hrilh vek. Ka sawi hnu reilote chhung chu an ngawi ṭhapa, Muana'n a aw thian kharhin " U Hlima a khawngaih thlak hlemai, a nu chu a demawm ve anihchu, duhthlan tur ṭha ber aneilo a, Duhthlang lo thei ani silo " Ati a, Mipa chuan a mipatpui rilru chu kei ai mahin A hriatthiampui zawk ka ring. "Kanu hi a khirh viau emaw katia, U Hlima nu chu akhirh daih zawk, a natna hmanga a fapa a vo bet chu ka awih theilo hial e a " Duhthawh zetin Hneha'n ati ve bawk.

" Keichu a dam loh tak tak pawh ka ringlo" Mimii'n ati ve thunga, Muana chuan a khap vat "Chutin anti ngailo, Cancer te chu dawtsawi na chi pawh ani hleinem, mahse natna khirh tak anei chung pawha a chetdan hi hriatthiam chu ahar ani; engpawh nise Bella nangchu i huaisen a, U Hlima nen in inkar chu tawp mahse, kan hun hman tawh ṭhin ah kha chuan kir tum tawh suh aw. Pa ṭha tak i nei a Laizawn leh nuṭa te nen chhungkua tak tak i nei tawh bawk, i thil chan lam aiin i thil neih te ngaihtuah la, aṭha lam zel ngaihtuah rawh" Muana thusawi chu uluk zetin ka ngaithla a, Muana ka ṭhian ani hi ka lawm ṭhin takzet.

Midang ho in minlo fin ve takah chuan sawi chhunzawm zel chi pawh anilo, a thawh khat nan an inthlansiak chu kan thlir a, keini ho chu tel ve pawh kan tum tawhlo, phur zetin kanlo thlir a " Bella i tel veloh ten " An tih pawn ka hnial ve tlat; Nunhlima'n a rem tih loh thil tih leh chu ka duhlo ani, " Ti lui lo mairawh u " Muana'n ati a, midang pawh chuan engmah an sawi chhunzawmlo. Hneha leh Rosanga erawh an tel veleh hrama, in tihhlimna ani bawk nen hnial ṭung kha anuamlo anti ve ani.
.
.
.

" Zanin zet zawng tlangval lai minti ngai vawng vawng alawm" U Vla'n ati vang vanga, keini ho chu kan nui dar dar, Race kan tih ṭan tirh a kan ṭhian ho, U Vla, Josepha, Rooney leh Sangkima te nen Paridise hotel Restaurant ah kan chawl a, Race na lam kha kan zo vak tawh hlawmlo ani. Anni ho pawh hian nupui fanau an nei vek tawha, ahma chuan kan in kawm ve ṭhin a, nupui an neih hnuah erawh kha chuan tlangval anni tawhlo a, race naah pawh an tel tawh ngai biklo.

" Innu i hlauh em kha khatiang sawi suh " Josepha'n ati a, kan nuih dar dar, an infiam zawm hluta keichu ka danglam leh ṭan tawh, nichin aṭang khan khawsik ka nei leh ser ser tawh a, ka awm anuam leh vak tawhlo. Sangkima te whiskey in rim lah chuan pum ati nuamlo leh a, eitur kan chah pawh chu ka ei thei chuanglo, "Washroom kava hmang lawk " kati a, tho tharhin ka kalsawn nghal.

Washroom ah chuan ka uak leh ṭhat ṭhata, ka lu te chu ahai muai muai in ka hria, ka awmdan chu amak kati takzet, Vawiin lamah in entir ka tum nen hun ka neilo lutuka, naktuk lamah ka ti deuha tunah erawh kalo in entir hramlo kha ka inchhir ṭan.

Ka kut ka sil lai chuan thil ngaihtuah chhuah zawk ka nei a, phawk zetin ka hmaa darthlalang ah chuan ka in en ngawt ngawt, keihi..keihi ka rai ani mai angem?

Zawi zetin washroom aṭang chuan ka chhuaka, " I ṭha em?" Tiin Nunhlima alo lang thut a, ka phu chiang lutuk ka thlawk chhuak lo chauh, " Minti phu alawm" vin hrep ka tum nen ka aw chu ari che che chauh ani. " I u in angaihtuah deuh che a, call i chhang thei silo " A tih chuan ka mengkual ralh " A zialo hlemai tinge ka u chuan alo biak buai che le, ilo hrethiam dawn nia " kati sep a, Nunhlima chu athaw hawk, keimah vang hrim hrimin hetah alo kal chu ka ringlo, bakah ka awmna ahriat ngawt chhan tur a awmlo, min hmu fuh mai mai aniang.

" Khatiang thil tih phah nan chuan hmang suh " Ka kal pelh dawna athilsawi avang chuan ka ding leh dat, "Race naah ka tel velo, reunion anih hi, ka kalsan tawh hnu a kir leh det det ṭhin mi ka ni velo " Ti hmakin ka kalsan. Ṭha deuha biak hi ka thei ṭhaklo, eng nge a chhan pawh ka hre mai mailo. " An hawng tawh alaw " Kan ṭhutna ah chuan ka ṭhiante chiah anlo awm tawh, " An nupui te an ngaihtuaha an hawng hma anihkha " Muana'n alo ti vat. "Ṭhiante u " ti hluaiin an bulah chuan kaṭhu thla a, " Eng nge teh hluai che chuan, thlarau te pawh i ang alawm" Rosanga'n alo ti leh hmanhmawh, rum zeta ka melh hnuah ka hawi kual leh te te a, " Minti hlauthawng sawi vat teh " Mimii'n dawhtheilo zetin ati hlar " Tuman thawm chhuah suh ang che u, in ka kha hup lawk ula " ka tih chuan ner nangin an hmui chu an hup a, ka nuih tet tet hnuah thaw halhin " Ka rai in ka hria " kati a, an meng phawk vaka Hneha'n sin zetin thawm alo chhuah, tawite in kanui ve tawp.

" Tak tak emni? " Muana'n atih chuan kabu nghata, tun hnaia ka awmdan mak zet zet chu hrilh in, " Ka dulte hi alo kiar reuh lutuk a, chuan thla3 ka period tawhlo, ka buai lutuka thla3 ka awl tih pawh ka inhrelo, kala intest lo a mahse ka rai ka ring, nichin khan ka inngaihtuah chhuak ve chiah, ahma zawngin in rinhlelna chang ka hrelo reng reng. " Ka ti ve niah niah, ka awmdan hi ka hlim nge ka lungngai tih pawh ka hrethiamlo, nau chu lo pai ta ila engtin nge niang, tih tlak chu ka tum hauhlo a Nunhlima hi ka hrilh ve duh angem? Ka rilru abuai leh nuai nuai tawh. Nunhlima nen kan awmdan ngaihtuah kha chuan ka rai har zawk viau chu kati, kan awmdun apiang a mudun chu nilo mahila, kan awmdun tam ve a rai pawh ni ila amak lovang.

Cont..

Comment hnutchhiah leh vek ang u aw..buai chung chungin zantin kalo dah ve ania, midang kei aia regu hi chu an vang ve viau maithei an awmlo ka tihna anilo..comment chu ka phut ve khawp mai.


Show post links
Top

[Ngaia]

Engtin nge i tih dawn? " Ramengi'n atih chuan thawpui kala halh, ka kuta test kit chu ka en vang vanga, rilru abuai ve map map khawp mai. " Ka hrelo " Zawite in kati a, "Tih tlak chu i tum lovang tiraw?" Atih leh chuan " Teuhlo mai, ka mipa hmangaih tak nena kan fa ani a, a nu ni tura kei tehlul min thlangtu naute hi ka paih dawnlo. Nunhlima tello pawn fa pakhat lek zawng ka enkawl thei em em ang" kati kual duah, Nunhlima chu hrilh loh law law ka duh, " I hrilh dawnlo tihna maw? " Ati leh a kabu nghat. " Naute pa chuan hriat ve a phu asin " " Hria pawh nise awmzia a awmlo, chuvang chuan tihian awm ila aṭha " asawi zawh rualin kalo ti hmak. Engmah a sawi chhunzawm biklo a, ngawi reng chuan kan awmdun tlawk tlawk, ka dul tlema lian ve deuh tawh chu ka chul a, " Ka dul hi a kiar hrim hrim emaw ka tia, naute vang ani reng sia " tiin ka nui lui hak hak.

Ka night dawn avangin tlai lamah chiah damdawiin ah ka kal dawna, chumi hma chu ka in entir ve dawn ani, engtin nge ka rai leh rai loh thla4 dawn thlenga ka hriat loh theih le, "Vawiin chu i hman dawn em? " Kati a Ramengi pawn a hman tur thu asawi vat, " Bike khalh tawh suh ang che" Ati bur a khalh rawh pawh tise ka duh tawh biklo.
.
.
.

Ramengi car in kan chhuak a, ka ṭhiante pawh ka rai thu chu ka hrilh, mahse Nunhlima hrilh miahlo turin kan in vo a, ka pum alan chian hunah chuan ahre dawn tho. Hmalam hun chu ngaihtuah vak ka duhlo, Nunhlima'n i danglam min tih ṭhin laite khan ka rai vang alo ni reng tawh ang, ka thinchhia in ka pangchang zual anihkha. Doctor zawk si engtin nge ka danglamna leh inrinhlelna chang pawh ka hriat loh theih ni.

Kan biak lawk tawh avangin clinic kan thlen hnu reilo ah kan lut nghal a, " Doctor, iva hrechhuak har ve " Ultrasound min tihsak tu hmrichhe doctor chuan ati a, tawite in ka nui ve tawp. "Thla3 lai ani tawh alawm " ati zui a, Ramengi chuan ka awmdan ṭhin chu alo sawi ve zung zung, " I taksa a chaklo khawp mai, ka hrilh tlang tawp ang che, i chhul hi a chaklo a naute pawh a hrisello, i fimkhur bik riau angai dawn a mahse, hlauthawng lutuk suh ahlauhawm lutuk lo ania " atih zawm a, " Kar khat danah lokal theila aṭha khawp mai, thla5 vel aṭang chuan zing deuh deuh chu angai tawh lovang " ati a, " Aw le, Damdawi chu angailo aw" katih chuan abu nghat " I hrisel angai ania, nu an hrisel loh chuan naute hi an hrisello ve zela" Kan doctor pan hi aṭawng duh a, Hmeichhe doctor thiam tak ani, chuvang ania keipawn ka thlan chat ni.


" Thil ei ang aw, ei chak i nei em? " Clinice kawtah kan ding a, ka mitthla a thil lo lang zawk chuan ka chil ati put thei mawle! " Tengtere den leh Nimbu bawl " Ka tih chuan ka hau in min en reng, " Eitur alawm ka tih " atih chuan "Chu chu alawm ka eichak " Kati ve tlata. " Kan in hnawhpuar phawt anga, hawn pahin tengtere chu kan lei dawn nia, tinge hrisello deuh deuh i eichak tlat le " Ati nang nang a, ka kutah chelhin min kalsawn pui, " Ser te chu a hrisel alawm" ka tih chuan min chhang tawhlo a, Restaurant changkang ve deuh ah min luhpui in, thengthaw nuam lai berah min ṭhutpui a.

" A rim na lo ber chi chah rawh aw " kati a, Sista pawh abu ve nghat, ka pum chu ka chul zeuh zeuh a hetah hian ka naute tur a insiam meka, ka rai tih ka inhriat aṭang khan chin lem neilo in ka hmangaih nghal ngawih ngawih mai ani. " A va mak vur vur ve, alawmawm e naute in i rilru a la peng a " min en vang vang pahin ati a, Min ngaihtuah ve takzet tih ka hria, " Kapa hi engtin nge niang, Nunhlima nen kan inṭhen chhan diktak sawi chi pawh ani silo" kati a, tukinah ka in hrechhuak ve chauh bawk si, ka chhungte tumah kala hrilh lo a, Ramengi leh ka ṭhiante chauh in an hria.

" Engkim hre law law se apawilo zawk Bella " Ramengi'n atih chuan ka bu ve nghat, eitur anlo chhawp takah chuan kan ngawi a, vawiin chu khawsik ser ser pawh ka neilo teh tlat. luak chhuak bur leh pum no nghulh pawh kha a awm rihlo a, keima tawkah ka awm anuam rih viau, " I thil ei tuilo deuh kha azia ṭan dawn aniang, ei ṭeuh rawh nangmah chauh i nih tawh loh kha " Ka hmaah eitur alo nawr phei deuh vek a, hetiang em em te engtin nge ka ei zawh theih bik ang.

.
.
.

Thinlung na leh kan heawmna hian hun hi chelh ding mawlh heklo le, Ka rai tih ka inhriat ṭang pawn kar2 lai aliam leh tawh. Ka dul pawh lo lang ve tawh mahse, kawrfual leh thawmhnaw lose deu ka hak chuan alang chiang vak rihlo a, ka ṭhiante nen erawh kan hlimpui viau ṭhin, Kapa pawh ka hrilh a, Nunhlima nen kan inkar atawp thu pawh ka hrilh tlang vek. "Hlima chu dem theih pawh anih loh chu, Mambawih, chhel taka i tuar ngai ani ipa hian thuthlukna ka siam suala, i tan kawng kati harsa vek zawng anih hi " ati charh charh a, hreawm ati takzet tih ka hmuhsaka chutianga kapa hmel hmuh chu anuam kati hauhlo. "Kapa inthiamlo suh engkim hi kan tana ruat alawm " tiin ka hnem a, ka chunga thil thleng ah hian ka lawm biklo mahse, ka vui duh ngailo. Nunhlima theihnghilh lai ka nei ngailo a, kar2 chhung khan kan inhmu lo hrim hrim, a chanchin ka ngaihven lo lui ve tlata, ka ṭhiante lahin an sawi ngai heklo.

Naute in minla tibuai thamlo bawka, hna kala zawm renga nakinah rei deuh tak chawlh lak ka tum ve ani, luak chhuak et et kha nei tawhlo mahila, ka thil ei hi atui lo a. Chaw aiin Nodles leh thei thur vel hi ka chak hiam hiam zel, 'Rai lai chuan kan rilru a no, kan pasalte kan mamawh zuala' ti a an sawi ṭhin kalo hriat ve fo, ka hriatthiam ngai siloh chu tunah ka hrethiam ve ṭan a, Nunhlima ngaia ka ṭah tlaivar zan atam mai. Nunhlima ngai em em siin Nunhlima nu hi ka haw em em a, a hming ringawt pawh hian minti thinrim ṭun thei, a hmel phei chu hmu ila ka awmdan tur ka sawi thiamlo. Ahma in hetiang em em hian ka huat awm ka hre silo a, heti taka ka haw ta ringawt hi 'Keimah ani lovang Naute hian a haw zawk aniang' kati tawp tawh.

.
.

Vawiin ah Ultrasound kanti leh dawna, Naute lungphu pawh kan hrethei dawn ani, ka ṭhiante'n kal ve vek an duh sia 'Luh vek an phal lo ' ka tih pawn an ti lui tlat a. Kan kalsan an hlau bawk nen chaw anlo ei ve ringawt, kapa pawn ka ṭhiante chu a be thiam viaua, Ka ṭhiante pawn an ngaina tawh, Hneha hian a ngaina fal a abuaithlak lek lek zel. Kan chhungkua chu kan hlim ve khawp a Zarliani tih loh chu kan hlim em em vek tawh. Tukṭhuan kan eikham a kan hahdam veng veng hnuah, Pi Zaii clinic pan chuan kan in zui chhuak, Kei, Mimii, Sista leh Rosanga car in kan kal a, Muana leh Hneha chu bike in ankal thung.

" Rs, tlan chak suh aw Bella hi dim angai ania " Ramengi'n akhat tawkin ati leh sep ṭhin a, " Motor chuan hi kaning tawh zawk daih, dim lutuk ka ngai tawhlo " ti a kalo hnial chuan min melh ram ramin 'Lo ngawi rawh' ati hmak zel. Rosanga leh Ka u hi an awmdan ah an inngaizawng tih ka hre vereng a, kei berin ngaihzawng ka ṭhen vang nge engmah min hrilh duhlo.

" Bella chu ni kherlo se inlo lut thei lovang " Dr, Zaii'n lawm loh hmel deuha atih pawn ka ṭhiante chuan eng atan mah an ngailo, A hnuah phei chuan Dr Zaii pawh anui ve tawpa 'Ṭhian i nei ṭha hlemai' ka ṭhiante dinkhawmna lam hawi zeuh pah in ka hriat tham leka ring chuan ati a, a sawi dik bawk nen kalu chu ka bu nghat.

" Naute lungphu pawh aṭha, in ngaithla duh em? " Dr Zaiin atih chuan "Aw, chu chu " ka ṭhiante chuan anlo ti chul a, Nui hak hakin Dr chuan naute lungphu chu min ngaihthlak tir a, mi naute lungphu chu ka hre fo tawh mahse, ka naute ka pum chhunga mi ngei lungphu han hriat meuh chuan ka mittui ka dang senglo. Ka hmai ka hup a ka ṭap khur dar dar, " Khatiang renga mawi kha kala hre ngailo" Ka u chuan ka samah min chulsak a, mittui nena phe ruaia melh chungin " A mawi lutuk " kati ṭiau.

Ka ṭhiante lam ka hawia Mimii pawh amit a sen rama, Rosanga te pawh an mit ahnawm chap mai, anni hi ka tan hian an va hlu tak em! Ka naute tan pawh hian anla hlu dawn chauh.

" Muana, tinge phone kha i lek kual reng a, vedeo in ila alaw " Ka dul ka hruk fai lai chuan kati a, Muana chu a phu zawk " Nakinah ala hlu dawn alawm " ati a, Mimii'n vedeo in ala reng tawh tih hre mahila engmah ka sawi chhunzawm lo. Dr chu lawmthu kan hrilh mawlh mawlh a, " In ṭhiannu hi enkawl uluk ru aw, naute lungphu kha ṭha mahse, Naute nu zawk hi a hrisello " ka ṭhiante bulah chuan ati a, min enkawl ṭhat an tum hmel hlawm lutuk.

"Black Angels te naute duat tur hi lo chhuak tawh se aw, a hming ka sa/phuah ang " Clinic aṭanga kan chhuah chuan Hneha'n ati leh lung lung tawh, "A ngailo nangmah ang in amawl ve vek ang" Rosanga'n ati a, an inhnial chu ani nghal mai. Ka bp a hniama ka hb pawh a normal lo, rilru hahdama awm hunlai berin ka rilru a hahdam theilo a, lungleng leh hreawm reng rengin ka awm bawk nen, ka hrisello em em a abuaithlak ve khawp mai. Ka ṭhiante'n ka rilru tih hahdam tum viau mahse, ka mamawh ber leh ka ngaih ber chu Nunhlima ani tlat si ani.

" Tak a U Hlima nu chanchin kha inhria em? " Hneha'n atih chuan Rosanga'n a hnek nghal chawrh, Kei lah U Hlima nu atih ruak khan ka thin a rim nghal ṭun bawka, " A na lutuk Rosang, min hnek chaelwrh zel suh " Ati vun hlur a, "I mawl thei bik e " Rosanga'n ati vang vang. " Eng nge sawi teh " ka tih chuan min en ṭhapa, Hneha chuan Muana chu a melh ralh " Khatia hawi kual vel lo khan sawi mairawh" Pawr zetin ka ti leh a, a aw thian kharhin " U Hlima nu khan intihhlum alo tum leh a, amak e tiraw? Nutling ve uai tawh nunna hmanga mahni fapa te vo teh tlat chu " ati duah, " Tun hnaiah maw? " ka tih chuan Muana zawkin "Ani awm e, Ruthy leh hneha hi anlo inbe ṭhin a, Ruthy sawi dan chuan U Hlima khan kaltir tawp che hi atheilo a 'Kanu ka nun hian awmzia aneilo, Duati hi ka kaltir theilo ' ati a, in aṭangin a chhuak aniang. A chhuah hnu lawkah U Hlima nu chuan akut a zai vak ani awm e" Ati a, Nu Tleipuii chetdan chuan min rap lutuk, chutiang a a fapa a vo tlat chu ka hrethiam thei hlawl lo, sawi chhunzawm pawh ka chak nek love.

.
.

Thil kan ei ho hnuah Damdawiin ah min thlah a,'Kanlo hruai leh ang che, fimkhur rawh aw' Ka u in atih chuan kabu nghata, an tlanliam thleng ka thlir hnuah, Damdawiin chhungah ka lut hnak hnak. Duty room a ka luh chuan anlo ri veleh hlut a, "Tunlai chu i chauh hmel thei e " Asangi'n atih chuan ka nui tawp, "Chauh hmel vak ami? " ti a ka chhan chuan an bu nghat hlawm a. " Kava in dahfel anga Damlo kan enṭan dawn nia aw " tiin ka kalsan a, Cabin ah lut in ka bag leh kawr chung chu ka dah a, ka form ka inbel nghal sat sat.

Kawrfual ka ha a ka dul chu apuar ve tawh tih pawh ahriat loh, " Naute fel deuhin awm rawh aw, anu hian hna ka thawk dawn ania " tiin ka nui ver ver, ka pum chula biak mawlh mawlh hi ka hrata, min lo hmutu tan chuan ka at hmel thei ngawt ang.

Damlo chu ka en ṭan a, pakhat buaipui chhung pawh hi arei ve ṭhin, ka ṭhut rei deuh hnuah chuan ka kawng chu akham ut ut a, chawlh ngawt lah ani bik silo, Damlo ten an natna an sawi laite chuan ka ner ru leh sak ṭhin. Eng emaw zat ka en hnuah tleirawl pakhat hi alo lut ve a, hmel hlim sarh a lo chhawnin " Nula i natdan chu hmanhmawh lo khan i sawi dawn nia " kati a, ahmel chu anguai em em a alandan chu a pawr fap bawksi a khawngaihthlak reuh lutuk.

" Doctor, Naute thla1 mi ka pai a " Zuai raih hian ati a, ka rin loh lam daih anih avangin kalo meng deuh kawk, mahse ka in siamrem vat a " Naute pai te chu ahlimawm alawm, i va hlim hmel loh ve " Zang vahin kati a " Ka bialpa nen kan inṭhen tawh sia, englo..ka paitlang ngamlo ani " ati anihchu! A thlaphan hmel ngawih ngawih a, a landan engkim chu a khawngaihthlak vek. ka thaw halh a dawhkanah ka kut nghatin ka chelh kawp, uluk zetin ka hmaa tleirawli chu ka thleka, " Nu leh pa i la nei em? " ka tih chuan ameng kawka abu nghat tho. " I naute kha i duhlo takzet emni? " ka tih leh chuan alu athing a, "Ka hlauthawng alawm Doctor, sawn ani anga pa anei dawnlo asin " ati ṭiau a amittui atla nghal pap, dawhkana tissue chu pawt chhuakin ka pe a.

" I bialpa nen chuan engtia inhau nge innih? Engpawh nise hrilh hre vela, Mipa diktak anih chuan a mawhphurhna ala ngei ang. Mawhphurhna ala ngamlo anih leh mipa ani tak tak lo tihna ania, hlatsan kha itan aṭha hlei hlei. Enteh maw Nula hmeichhia te hi kan chhel ania, naute tan kha nu nila tuna hmeichhe pakhat mai inih ai khan Nu i nih chuan i chak zual sawt ang" Ka thusawi chu uluk zetin alo ngaithla a, amitmeng danglam riai riai chu ka hmu, "Keipawh tunah hian ka rai a, ka bialpa nen kan inṭhen tawh tho, keini chu inhauh vanga inṭhen kan nilo a, kan inkar chu a khirh lutuk chuvang chuan engmah ka hrilh lova, ka rai thu ka hriat tirh khan maw naute hian minti hlim lutuk asin, Hmeichhe pakhat mai ni tawhlo in Nu ka ni dawna chu chuan minti chhel zual ani " ka tih leh chuan abu nghat nghat a.


" Doctor ka lawm e, i thurawn ang chuan ka bialpa chu ka bia ang. Diktak chuan Naute hi tihtlak ka phal biklo a mahse, kala naupang si ka bialpa nen kan inkar achhiat lai ani bawk sia ka hlauthawng em ani " ati ve mawlh mawlh. "Naute khan thiam lohna aneilo a, thil tisual tu zawk chu keini nu leh pa te zawk hi kanni ṭhin, chuvang chuan paih bo leh tum kual vel hi aṭhalo " kati teh duah.

Lawmthu min hrilh mawlh mawlh chungin Tleirawli chu achhuak a, 'Lalpa khawngaihin naute kha dam takin hrin tir ang che ' tleirawli chhuak lai thlir zui pah chuan ka rilru in ka ṭawngṭai. Damlo dang anlo lut leh dawn emaw ka tih laiin Nurse Zautei alo lut a, " Eng nge ni " kalo ti vat, "Police station aṭangin damlo pakhat anlo hruai a, ilo kal thei angem " ati a, a hlauhthawn hmel viau.

Nurse Zautei nen chuan kan inzui chhuak a, ER ah kan inzui luh chuan damlo pakhat chu Nurse in anlo buaipui mek, "Engtin nge a awm? " Ti a ka pan hnaih chuan anlo awmsawn sap sap, " A pum hi ana ati a " Asangi'n ati a, bu nghatin Damlo mutna chu ka din hnaih sauh. Damlo chu a rum dar dar reng a, pa valai deuh ala ni ala upa hran lovang. " Nachhawkna lo pe ula, a na azia deuh hunah check kan nei ṭha dawn nia " In herin Nurse lo awmte chu tihtur ka hrilh mawlh mawlh a, tun atan chuan tih theih vak pawh a awmlo, kalsawn ka tum lai chuan Zautei chu arak ṭhawt a, chumi rual chuan tha chak zetin hnunglam aṭangin min kuah bet. Thil thleng chu arang lutuk a engmah ka hrethiamlo, ka nghawng ah thil vawt thlerin adeh rual chuan ka harh zawka, thih ka chak te anih loh chuan tal chi anilo.

Nurse ho chu an rak chiam a, min manbet tu lah chu athaw huam huam bawk si, thawm hria a lo lut mek Nunhlima leh palice pahnih lo lut chu kalo thlir ve tawp a, thil thlendan ahmuh rual chuan Nunhlima hmel chu a chang ṭalh ṭalh a, " Thlah nghal rawh" Vin ṭhawtin ati. A aw chu a thum in avin bawk nen ahlauhawm, " Jail tan leh ka duhlo, min chhuah anih loh chuan he doctor chhelo zet nen hian kan thi dun ang " Ka beng bula alo tih sur sur chuan a ka arimchhe si, ka kua a let but a ka uak nghal tuarh.

Nunhlima chuan tih theih nei silo inseh ruh ṭalh ṭalhin min lo thlir reng, alo kal hnaih chuan ka tuar dawn tih ahre ve khiau a, " Zawnga, min bum khanglang maw" Tha na fe a ti hlukin Min manbet tu chu rum zetin amelh ngawt ngawt. Ka rilru in ka ṭawngṭai mawlh mawlh a, ka naute hian atuar ve mawlh ka hlau, " Min chhuahtir mairawh Officer " Nui huah huah chungin ati leh a, theih nise ka chet chu rem ik selang chuan, a hmel rualremlo tak hi sawisak a, a rualrem thleng rak hnek char char ka chak lutuk.

" Tu teh hrep in nge akut kha phelhsak che u" A ti leh hmuka, tumah chuan an chhang ngamlo aniang, kan awmdan chu ṭi dakin min en ṭhap. " I lokal hnaih leh rualin doctor hi ka vit ang " Nunhlima a chetsawn rual chuan misuala chuan ati a, ka nghawng chu anawr na zual sauh. " A pum ah hian ka vit zawk dawn mi, a pumah hian vih anuam zawk ang " Atih rual chuan Nunhlima mitmeng chu a dur zual sauh a, a sen ram bawk,Misuala chuan Ka nghawnga a thil chuktuah chu sawn hretin ka pum lam chu atum tak tak, hlauthawng fe in Nunhlima chu ka melh a, ka pum chu arem dan berin ka hup ve ṭawk ṭawka.

" Tal hlek suh doctor " A tih lai chuan, 'Thih leh thih ' ti rilru chungin, Misuala kut chu ka nam thut a, ka chetdan chu a beisei biklo nge ka min kuahna aṭang chuan ka talchhuak a mahse, ka ban chu athip nghal zawk, ka na tawrh lam chu ka ngaihsak hmanlo, ka talchhuah rual chuan ka kuta min pawt tu an awm a, tluk ka hlau lutuk chu ka rak ṭhawt. Mahse, Ka hriat ṭhan tak leh ngaia ka neih tawh hial, ka ngaih em em ṭhin taksa ka nghen takah chuan ka hahdam huai huai thei, " I chet leh chuan ka kap ang che, i nunna kha ka hlut vaklo ania " Kan hmaa misuala ding chu pistol in atin vang a, akut lehlam chuan ka kawngah nghet zetin akuah run bawk.


Misuala chuan thih ala hlau ve deuh aniang, a in pe leh a Nunhlima nau ten an buaipui, " Doctor i ban kha " Asangi'n aw khur deuh dar dar chuan ati a, ka ban na et et chu ka he nghal, Nunhlima chuan alo en ve vuta, " Hrep hian " ti hlukin " Khung hrang ang che u, kalo let hunah keiman ka buaipui ang " A nau te lam hawi vut pah chuan ati a, min buaipui leh thuaiin, ka ban na lam chu dim zetin alo chelh.

" Doctor a kak zau ve riau a, hmun thum velah chuan chilh ve angai ang " Zautei chuan ati a, Nunhlima chuan min hlatsan duhlo hrim hrim, ka tha khur kha ala reh chiahlo bawk nen akalsawn lo chu ka lawm viau. Thisen chu a chhuak duh ve bawk si kalu te chu ahai muai muai tawh, ka ding nghet zo thlawtlo a, Nunhlima chu ka ngheng lo theilo, " I ṭha em? " Min ngaihtuah zeta atih chuan, " kalu a hai, thi chhuak hi ti tawp rawh u " kati sep a, ka ṭawng ring thei tawhlo.

" Kapu, hetah hian lo ṭhutpui rawh, thisen a chhuah tam lutuk hma khan tih reh vat vat angai anihkha " Zautei'n ṭi daia ati ri chu ka hria, ka mit ka meng peih tawhlo hrim hrim, " Chute chu sawi vat ta che u, intih tur chu ti vat vat rawh u, a chau tawh ania " Nunhlima'n ati khur khur, a awm ah min kuah beh miau avangin aṭawng zawng chuan ka taksa chu a che ve dat zel. Zo zeta min pawm lai pawh chuan ka che eih lo a, min tih ang ang chuan ka awm, ka kut an buaipui lai chuan, meng siar siarin Nunhlima biangah chuan ka dawma, minlo en rual chuan "Nachhawkna hmang suh se, nachhawkna ka hmang theilo " kati sep a, lainat zeta min enna chu ka en rei peihlo ka mit chu ka chhing leh riai riai. Engkim chu a hla nghal vek hian ka hria a, " Khawi keimah kalo ti ang e " titu chu Dr Zodinga niin ka hria.

" Nachhawkna kha pe ula " Zodinga'n atih chuan "Nachhawkna hmang lovang" Nunhlima'n ati thum dut, "I thusawi kha i hrechiang meuh maw " Zodinga'n lawm lo zetin ati leh a, thilsawi turin ka inti harh peih tawh thlawtlo, " Nachhawkna a hmang theilo " Sehchilh zeta atih leh rual chuan " Minti buai dawn anih chuan kalsawn zawk rawh" Zodinga chuan ati hmuk, thawk kala hliaia ka kut lah chu ana et et bawk " Naute a pai chuvang chuan ahmang theilo, i hrechiang em? " Nunhlima aw ri chu chang beng bawng tak ani, thawm pawh areh nghal duak. Lawk! Tunah khan ka rai thu asawi maw, Engtin nge ahriat theih.

Ka kut chu an chilh ṭan a, na kati lutuk chu ka insehruh fan fan, Nunhlima chuan min kuah nghet sauh a, ka chhipah ahmui anawr vang vang, " Duatte, a zo ṭep ania aw" akhat tawkin ati leh sup zela, kei erawh ka chianglo ruai tawh, engkim chu ahla vek a Nunhlima pangtilum veng veng pawh chu ka hrechiang lo tulh tulh.

.

Ka harh leh chuan Damlo khumah kalo mu a, " Ilo harh tawh maw? " Ramengi'n minlo hnaih thuai, ka lu kati che zeuh ringawt, " Thisen i nei tlem lutuka Unit1 an pe che, i lo harh har lutuka minti mangang alawm " ati zung zung, Nunhlima hmuh ka in beisei tehlul nen, ani chu hmuh tur a awm tawhlo a, chu chuan kan inkar diktak min hriat nawn tir leh, ani nen chuan inkawp kan ni tawhlo. Darkar reilote liam ta ah kha chuan, a awm nghengin ka muhil anih kha mawle.

Ka mittui chu ka bek ah aluang thla pap a, chesawn tur in chakna ka neilo, " Ka nau " Ramengi mita min khawngaihna lang chhuak chu hmu rei duhlo in, ka mit ka chhing leh vang vang.


Ka chanchin hria in ka ṭhiante anlo kal a, Nurse ho pawn minlo tlawh ve leh zawk zawk zel. Ka ṭha ti mahila 'Zanin chu riak rawh ' an tih tlat avangin, zankhat chu Damdawiin ah ka riak ve zan alawm. Zingah in ah kan hawng a, Malsawmsanga te nupa pawn minlo ngaihtuah ve viau, ka rai tih an hriat khan min ngaihtuah dun viau a, an ti der lo tih ka hmuhthiam ve avangin huat reng chu ka thei biklo. Thil thleng tawh kha chu engpawh nise, nunhlui ani a nunhlui inhriat sak reng turin tumah hian nunhlui felfai kan neilo. U Hminga nen erawh kan inbe ṭha leh talo, Ahma pawha in tlawh khat tawh sa nen, tunah phei chuan ka kal ngai talo tawp. Ka vahte chu an ngaihawm ve ṭhin mahse, ka u hi ka ngaina tawh tlat lo ani.

.
.

Ka ban na pawh a zia tawh viau a, thil thleng khan minla nghawng ve deuh a ka dawih khawp mai, ka rai vang hian aniang ka mizia ka thlak nasa, ka dawih a eng emaw hleka phut zawk zawk ka ching. Doctor in indim turin minti awl lova, ka theihtawp in ka indim ve ṭhin, ka hb leh bp in normal lai anei tawhlo a, rilru a hahchawlh loh lutuk avang te anih ring in tunlai chu boruak danglam hip ka chak tlat.

" Kapa, kanu te khua ah han zin ka duh ani? " Ka tih chuan kapa chian atarmit kar aṭangin minlo melh a; kala sawilo em? Kanu te ka hmuh kha kapa ka hrilh tawh, kanu ka hmuh thu ka hrilh khan kapa hmel kha anung nghal sarh thei. Kanu hming ringawt pawn kapa hmel ati danglam thei a, kapa hi ka khawngaih tulh tulh. " I hrisel silo, Naute a ngaihtuahawm lovang mi? " ati a, " Boruak danglam hip ka duh, kanu pawh ka ngaia, min hrelo mahse ral aṭanga hmuh pawh ka chak" Ka tih chuan min en vung vung in " A ṭha alawm, i u te kan hrilh ve dawn nia, zanin ah thilsawi tur kanei hrim hrim a " Ati leh a, keipwh kabu nghat nghat.

Jail tang misuala'n min tihbuai hnu khan Nunhlima chu ka hmu zeuh zeuh a, Kan inbe ngailo thung, ka mit tikham turin hmeichhia a chhuahpui ngailo, chutiang chiahin keipawn tu mipa mah ka be ngailo a. Kei ang rai per pur chu tumahin minlo hmu tai dawnlo bawk nen, rai kherlo pawh ni ila runluih nan mipa kawp emaw kalpui chhen ka tumlo, a ho kati tlat. Tunlaiah hetiang hi an hrat a, an inṭhen hnua mipa dang or hmeichhe dang chhuahpui sek hi an awm ṭhin, a ho kati ve thlawt, ngaihzawngte theihnghilh nana midang ngaizawn kual ṭhinte hi mahni hmasial tak anni kati, midang hun hlu tak an khawhral saka, anihna takah chuan infiam nan an hmang ani ringawt.


Zanriah kan kil lai chuan kapa'n zanriah eikhama chhungkua a thil sawi ho tur a awm thu asawi a, tel vek tur tiin khauh zetin asawi, kapa ṭawng hnuah tuman engmah kan sawi chhunzawm lo a, chaw chu ka ei mawp mawp, ahma anga ei chaklo tawp ang kha nilo mahila kala eitam lutuk theilo.

.

Zanriah eikham ah chuan ṭhutkhawmna ah kan ṭhu ṭhap a, Zarliani pawh nidang anglo takin a ngui ve deuhin ka hria. Kapa chuan a aw athian kharh a, " Hei inhriat ang in nu leh pa te hian, kan chanvo kan hlenlo dun khawp maia. In hmangaih avang innei kan nilo tih chu inhriat ka ring, kan awmdun reng chuan kan in hmangaih ve maite ka ringa mahse, alo ni hauhlo. Kan chungchang ah hian keimah hi athiam lo ber leh dem tur awmchhun chu kani a, ka nupui hi pasal ka nih angin ka ngaihsak ngailo, ka hma kalo sial em a, a awmdan zawng zawngah hian amah demna ka neilo " A ti a, tumah chu kan ṭawnglo a kapa sawi leh tur chu kan lo ngaichang. " Inṭhen kan tum a, a hun tawhlo tih hre mahila kan awmdan hi kan pangngai chuang silo a, chuvang chuan in millo taka chendun reng ai chuan kawng hran kan zawh hi angai ve tawh ani " Kapa chuan ati leh Zarliani chu ka en vata, a hmel ah chuan engmah ati langlo a, a landan chu ka khawngaih ve lek lek.

Thawm chu a reh dak a, tuman engmah sawi tur kan neilo aniang, " In duhdan anih chuan apawi hleinem kapa, engkimah inthiamlo suh, kanu pawn thiam loh na tam tak anei dawn, Keini i fatak te pawh nilo min enhran na awm hauhlo a min enkawl te hi, mipa dang hian an thei ve kher lovang, keipawh hian ka thei dawnlo. Mahse, nang chuan engkim aṭha ber min tihsak a, in ṭhen induh pawn keichuan ka sawi buai lovang puitling ve ve inni a, thuthlukna in siam sual ka ringlo " Kan ngawih ṭhap laiin Malsawmsanga'n ati a, keichuan engmah sawi ve ka tumlo, inṭhen mahse tu ve ve mah hian an tuar em em dawnlo tih ka hria a, hetiang renga nun mumallo hmang reng tur chuan an khawngaihthlak ve ve, tihian kawng hran zawh se, nun mumal tak hmng ve ve se aṭha.

" Ka dawr pakhat hi itan ka dah a, he in a ilo ken luh leh i duh duh i la chhuak thei bawk ang, a bak chu ka lak aṭangin engmah i hmu dawnlo " Kapa chuan ati leh sup, "Khawvela ka inchhir ber chu nang ang mipa nep lutuk, kalo nei che kha ani. i sawi kha adik chiah ka nun ti khwlo vek tu inih hi " Ding hluaiin Zarliani chuan ati a, " Naktukah in hi ka chhuahsan nghal bawk ang, nang ang mipa lum na reng reng neilo bula zantin mut reng pawh hi ka peih tawh love " ati leh tawn tawn, a ṭawng chhuah loh reng ka ringlo a, ka ring suallo. Zarliani hi chu a chapo ve a, inṭhen aduh nghal maite hi thilmak ani.

" Kanu " Ramengi'n atih chuan " Min ko suh nang fanu laktlak loh lutuk " ati zek! Kapa chu a rum nghat a "Kei min ṭhenin he i fanu sawn pai tawk lek i duat, hringtu nu kha lak luh i tum tih ka hrelo emaw iti ang e " ati a anui zui awr awr, engtin pawn keichu min ti se kala na lovang, mahse ka naute 'Sawn' ati chuan minti na nget nget. "Kanu, i ṭawngkam fimkhur teh " Malsawmsanga'n ati nghuta, "Laktlak loh hlawm lutuk " tiin akalsawn, " Ka lakah inthlahrung lo ula, engpawh thleng se ka fate inni. In kalhran ve ka duhlo tih in hria ang chu tiraw? " Zarliani kalsawn chiah kapa chuan ati a, " Kapa, i kianga awm hi kan duh alawm " Ramengi'n ati sep, kapa chu anui a "Pasal i neih hunah pawh ipa hian i pasal tur kutah ka hlan ngei ang che " ati nghet charh.

Kan chhungkua hian ka beisei piahlam hlimna kan tawng bua a, ka chhungkaw lem lem kalo tih fo ṭhin khan atak a ang tulh tulh a, tunah chuan chhungkaw diktak ni tawhin kan inchhung zau nuam tak ah pawh thinlung taka hlim nui ri hriat tur a awm ve fo tawh. hethil a thlen theih nana pawimawh ber chu, In hriatthiamna hi ani ka tilo theilo, in hrethiam tawn lo ila chuan tunah hian hlim takin kan nui ho thei lovang.

" Mambawihi hian a nu te khua a zin aduh si a, eng nge in ngaihdan ni ve hlawm le " Tiin kan topic chu kapa'n athlak a, " A hrisello bawksi naute chu dahṭha ila atan pawh motor chuan chu a ṭhalo vang " Bethsy chuan alo ti chhuak hluai, ani hi chuan rai angeih viau a, a taksa hi ahma zawng ai khan aṭha zawk. A kiangah a pasal a awm renga, zan ah achhuahsan vang vang tawh ngailo, Malsawmsanga hian ahma a atih loh zawng zawng kha a nupui lakah hian ati tawha. Rai hua leh haw lo chu awm tho mahila, Rilru hahdam tak leh pasalte uap na hnuaia awm leh awm lo chu kan dan adang ve deuh ani.

" Boruak dang hip ka duh, Pathian zarah engtin ka awm lovang " kati ve ṭang ṭanga, Ramengi'n "Bethsy sawi kha adik, tun atan chuan chhuak rihlo mairawh, i ngaihtuah awm hmunpui zawkah pawh hlauthawng reng rengin kan awm a, Thingtlanga kal leh vel chu atih chi loh " Ati leh bur tawh. Kapa chuan engmah asawi lova " Chutia tih bur chi pawh anilo, Bella tan chuan helai boruak hi anuam dawnlo, boruak dang hip pawh chu atan a ṭha zawk ang, a hriselna pawh a ṭha sawt maithei asin " Malsawmsanga'n alo ti hlauh a, a chunga ka lawm ber ṭum ani hial ang.

Kan sawi kan sawi a, Bethsy leh Ramengi ten kal lo tura min duh viau laiin, kapa'n " A rilru hahdamna tura angaih chu pan rih rawh se " atih avangin engmah an sawi chhunzawm lo, " Christmass chu hmang ho tal ang u " Ramengi'n ala tih tlat avangin christmass zawh lamah ka kal dawn ani.

Kar thar mai hi Christmass ani tawha, kan chhungkua hian kum dangah chuan kan ngaihsak lemlo, athleng a kan hmanga, Christmass ni ah pawh chhungkima chaw eilai kan nei ngailo a, tun kum erawh kan inbuatsaih ve viau. In chhungah Christmass tree lian deuh kan hung rup a, inchhung pawh nula ten an chei nalh lutuk tawh. Ramengi leh Bethsy ten in leh a vel bakah inchhung cheina tih angreng leitur an hre sia, keimahni tawkah ahma anglo takin kan inbuatsaih ve mup mup mai.

Eng eng emaw sawiin kan inkawm hlawma, dar10 dawn ah room kan pan ve hlawm chauh, ka room a ka luh chuan areh ruih a, khumah chuan mu kai nghalin ka mu tawm nghal chawih chawih, avawt ve em ani.

Ka phone chu khawihin whatsapp msg vel ka check a, msg pawimawh deuh ka reply hnuah out in, youtube ah ka lut leh a, zantin ka ngaihthlak fo ṭhin hla chu play leh in, phone chu ka lu bulah ka dah a, ka mit chhingin thildang ngaihtuah lovin hla ah chauh chuan rilru pek ka tum ani, tuna ka hun tawn mek hi he hla hian min hnem thei ber.

' Damchhung i kianga hman ka nuam,
Nang paw'n i hnial lo tih ka hria;
Mahse, Duhlai, lo ngaithla la,
Damchhung tiam in rinawm tiam mahila,
Damchhung hman dun in huam mahila,
khuanu'n a remlo atih chuan tih theih kan nei lo ve.

Chhumpui piah lamah chuan hmun nuam awm se,
Thangvan hnuaiah hmuh hmaih ram nuam awm se,
tun damchhung hunah arem lo anih chuan, chutah chuan
Kan rauthla leng tal intawng leh se...

Ka rilru in ka sakpui ve a, ka bek a mittui luang thla chuan ka bek sam pawh ati huh leh chap tawh. In duh loh vanga inṭhen ni ila heti tak hian ahreawm ka ringlo, in hmangaih tho si, awm dun duh em em leh rilru in hmuhsak tawn reng chunga, a rem thei tlat lo hi hriatthiam ahar ve ṭhin.

'Hetiang renga hmangaih min tawn tirtu hian,
Min ṭhen hran hlen ka ring lo ve;
Khawi hmunah emaw, eng hunah emaw,
ka tawn leh che ka ring mange.'

Ni e, Khuanu hian ka hmangaih turin ka bulah alo tir a, chhan eng emaw avangin kawng hran zawh ngai mahse, kan thinlung erawh a hrang ngailo. Engtik hunah emaw chuan chhan eng emaw avangin ka tawn leh ka ring a, kal hrang tawh ngailo turin ka ta anih ka beisei ani.

A chhan chu ani chu ka duhthusam neitu ani a, a tello chuan kei Isabella hi ka nung mawl ve tawp anih hi, ka ngaihtuah let a, ka hlim lai ber ka ngaihtuah chhuah apiangin Nunhlima kianga ka awm lai ani ziah a, ka tan chuan Nunhlima hi a hlu ve em asin! Ka ngaihzawng ani satliah lova, ka neihchhun ani zawk. Ka nun buai chuar taka ka pil delh delh laiin min chhanchhuak a, hmeichhe pakhat nung mawl ve tawp kha, chakna, phurna, sawifiah thiam loh min pe in, Vawt reng ṭhin hmeichhia hi tunah chuan ka lum nuam veng veng tawh.

A ni hi tawnglo ila, Chhungkaw tak tak ka nei ngailo ang a, Laizawn min hrethiam tak leh Nuṭa ṭha tak kalo nei reng tih pawh, ka inhre chhuak hauh lovang; Ni e, alo lan hma pawh khan Chhungkua, Laizawn leh Nuṭa te chu ka nei alawm, mahse ka tan awmzia an nei ngailo. Khawvel lem ah cheng in engpawh kha ka hmu lem veka, Nunhlima ka tawn a chin ah erawh, thil tak tak hmachhawnin thil lem ang veka kalo ngaih ṭhinte kha atak tak anlo ni vek zawk anih hi, ka hlimpui em em bawk a.

Thawnthu zawng zawngin tawpa hlimawm an neilo tih ka hria, kei erawh chuan tawpa hlimawm ka beisei tlata, tun atan chuan ka beiseina hi a nuihzatthlak lek lek ani.
Tawpna lungchiatthlak hian hriat reng a hlawh a, Nunhlima nen kan thawnthu chuan tawpna hlimawn nei talo pawh nise, hriat reng ani dawn tal a, chu pawh chu a tawk lutuk.


Cont..


Show post links
Top

[Ngaia]

Tluang tak leh hlim tlang takin Christmass leh kumthar pawh chu kan hmang zo ta a, kumthar kan hman zawh aṭanga kar1 velah keipawn kanu te khua ka pan ve nghal. Christmass leh kumthar ni ah chuan kan chhungkua in kan inkhawk ve a, Zarliani erawh a tel ve tawhlo. Chhungkaw thalak pawh mawi tak kan nei ve tawha, a langsar lai berah tar in kan in pawh a ti phuisui zual sauh in ka hria. Puan bih chu ka dul avangin arem tawh silo a, kawrfual Mimii design nalh zet ka ha.

Dream's come true chu hei ngei hi ani, suangtuahna a taka athlen dik hian engtin nge in awm ve ṭhin? Keichu ka awmdan ka sawifiah thiamlo, hlimna in min zem chiai chiai a, ka lungawi takzet bawk. Kanu ka kiangah awmlo in ka mipa hmangaih kut vuan thei rihlo mahila, hengte hian ka suangtuahna an ti hlu zuala, Suangtuahna hlu leh ropui min siamsak tu te anni tho. Ka lawm chu akim lo na meuh mai mahse, hei hian hringnun famkim thei ngailo chu ati chiang thung ani.

Ka zin duh avangin chawlh kala hma a, ban mai pawh ka duh rih, Nau ka neih hunah ka hna nen chuan naute duh ang in ka enkawl thei dawnlo a, keichuan ka fa hi ṭha taka enkawla ka hmangaihna zawng zawng pek zel ka duh.

Kanu te khua ah hian ka ṭhiannu Nunpuii hi Nurse in athawk ve a, ka kaltur thu ka hrilh chuan alo phur viau, a bulah ka in nghat dawna, amah a khawsa ani tho a buaina awmlo turah ngai ang. ka ṭhiannu hnenah kanu chanchin ka zawh chuan, 'An khawsak a harsa ve a, a pasal boral hnuah phei chuan an khawngaihthlak' atih avangin Kanu te thlen chilh tawp chu ka inthlahrung ani.


Ka zin tur chu ka ṭhianten an zavai in min thlah a, ni3 ngawt min champui hnuah an let leh, ka mamawh tur an lei lawk chiam a, Damdawi pawh min chhawp hnur mai, thei thur ka ei duh ṭhin tih hria in Aizawl aṭangin an keng nual bawka, Npi'n "Ser vel chu hetah duhthusam in atam " atih pawn "Hei hi ei zawk rawh se " anti tlata, Np pawh anui ve tawp.

" Boruak anuam si, awm ve veng veng a chakawm " Rosanga'n ati ziaha, mahse, ahma ang mai maia awm awl kha anni tawh biklo bawk nen, chak viau mahse ni3 min champui hnuah kan in vai liamta kha ania. Min ngaihtuah hlawm lutuka, ni1 ah hian vawi3 chu ngei ngeiin minlo call ziah, min ngaihtuah lutuk chuan awm hi ati nuam veng venga. Boruak danglam ka hip ta bawk nen hahdam khat chuan ka hahdam, heta kan thlen hlim aṭang khan ka ke hi avung mar ṭang renga, na tihtur nilo mahse a kham thei lutuk a, zing ka tho te pawh hi ka taksa a kham urh zel.

Ka ṭhiante leh ka chhungte erawh chu ka hrilh duhlo a, Rai lai chuan ke vung tih te leh na neuh neuh hi chu awm tur ania, ka hlauthawng lo. Np a fel a ka ke te hi ahman changin min hmehsak ṭhin, kan tetlaiin kan inkawm zeuh zeuh tih loh chu zirna avangin kan inhmu tamlo a, tunah kan chen dun leh tlawnga rin ai takin afel.

" Naute pa chanchin kha min hrilh ve dawn em? " Tv en in ṭhutkhawmna ah kan ṭhu dun a; ṭhu dun tih ah keichu ka mu ar ar, " Sawi tur atam " Kati a Np chu anui hak. "Vawiin chu ka hman viau a, hmanhmawh lovin sawi rawh, nang ber i rai hi amak ka tilo theilo " ati a, amah chu anui zui hak hak. ka nungchang leh awmdan vel chu ahre ve tho tih ka hria a, mahse alo hriatdan leh tuna ka awmdan hi adanglam veta bawk nen 'A sawi dan nen che in in anglo, mite hi an dawthei e ' ati a, ' mikhual ka nia Ka zia ka thup anih hi' ka tih pawn ' Mi frank lutuk i nia, khawi hmunah mah zia thup ṭit ṭet i nei ngailo ' ati tlat kha ania.

Nunhlima nen kan chanchin tlangpui chu ka hrilh a, ka sawi chhung chuan uluk zetin alo ngaithla, ka sawi laklawh laite chuan alo chek leh tlak tlak zela, ka sawi zawh chuan tawite in ka nuih " A nu chu avan ti anglo em em a, mahni nunna hmanga fate vo beh chu'h, nu rapthlak tak chu ani ngei ang, I bialpa chu a khawngaihthlak anih chu, nangpawh khawngaihthlak viau mahla" ati ve vang vang. "Rai lai phei chuan maw rilru hi a no sia, ka ngai thei lutuk" ka tih chuan a bu nghat nghat a. " Kala tawnglo na in ka hriatthiam pui che, awi! Ka khawngaih emai che u " ati hliai a, a mittui te a tla vel mawle!

" Ka bialpa nen kan inṭhen khan keipawh ka tuar tawpa, mahse, nangni anglo takin ka bialpa kha chuan min lo rinawm loh san thung, kum2 chuan kan lo inzui ve tawh a, tuar na viau mahila amah ka huatna khan minti chhel a, hmalam pan ka harsat hranlo, a tirah kha chuan ka tuar khawp mai, min hnem thiam tumah an awmlo a, hmalam pan tura tih theih awmchhun kha chu tawrh tlawk tlawk kha ani. Tunah erawh ka dam tawh a, nangni erawh in hauh na pawh awm miahlo in duhna kiam chuang silo, in inkar atawp angai tho si in lainat awm lutuk, intan phei chuan hmalam pan aharsa zual ngawt ang " atih chuan kabu nghat nghat, rai lo phei ila chuan ka awmdan tur ka ngaihtuah thiamlo.

.
.

" Bella, hei hi lo en teh " Bathroom a ka awm laiin Np in min au lang lang a, " Kala hmanlo deuh " ti lang langin, ka hmai chi hmanhmawh deuh takin ka phih. Face towel a ka hmai hru pah chuan ka chhuaka, Np chu gas bulah lo dingin ka min hmuh rual chuan minlo pan rawk rawk. "Hei, news " ati a, ka hmai zawnah a phone alo lek kang, ka hmai leh phone chu ati si lo chauh a, " Tiang kha chuan ka chhiar theilo " tiin ka awm hla hlek. Np phone screen ka hmuh chian rual chuan ka meng ve kawka, " Eng nge awmzia " ti hluaiin phone chu ka chhuh, * Thla reilote liam ta a, naupang rukbo leh mihring taksa hmanga sumdawnna case an khar fel tak ah khan, a bul tumtu man chhuah ani * tih hi ani a, scroll thla in * Pu Hminghlupuia Professor chu Mihring hmanga sumdawnna bul tum tu ber ani. Pu Hminghlupuia hi Ex minister Pu Lalropuia fapa ani a, Engkim chhui chhuakin Nizan khan Police officer Lalnunhlima chuan a chenna in ah a man ani, " tih te chu ka chhiar a, U Hminga thlalak leh an chhungkaw thlalak te chu atel nuk.

" Ka chhungte ka biak angai " ti hluaiin phone chu Np ka pe a, room ah lutin Ramengi ka call nghal. "Aw bella " Call a chhan rual chuan alo ti a, " News hi adik tak tak em? " Ka tih chuan athaw halh, " Aw dik e, amak khawp mai ka rin loh dan deuh ani. Mahse Hlima hian finfiahna anei ṭha a, Dr Zorina pawh kha a in puang bawk, Mary birthday pawh kha alo ruahman lawk vek ani awm e, Naupang Ruk an tum lai kha Hlima'n alo hmu ta bawk nen an talbuai chho ta anih hi. Atirah pawh Hlima chungah athinrim em kha " Alo ti a, thil thleng tawh chu ka ngaihtuah let zut zut, Mary birthday an lawm khan lawm satliah alo ni miahlo, tum neiin naupang awm khwm lai remchangah lak atum anihchu! Engtin nge atheih zawk le? Ka mihring rin ve ber pawl khawsak dan chu amak kati lo theilo.

Ni e, khatih lai khan Nunhlima kha ahaw viau anihkha, Nunhlima'n a chhuizui te kha aduhlo a, kha pawh kha manchhuah a hlauh vang vek alo nihchu! Ani pawn fa anei vereng a, engtin nge mi fate lakah khatianga rawng khan a khawsak theih. " U Dari te an va khawngaihthlak dawn ve" katih chuan " Khawngaihthlak lutuk, Daniel phei chu ala te si, Dari pawh a rilru ana khawp mai. " Ati a, thil thlendan kimchang min hrilh leh hnuah call chu kan dah.

Mizoramah chuan kan langsar ve bawk nen, kapa hming a ri tel leh nasa dawnsi, kapa ka khawngaih lawk. Zarliani nen an inṭhen pawh khan, news ah alang chuai chuai anihkha, Ex minister ni lovin sumdawnna changtlung tak neilo se kapa nupui ṭhen mai mai khan news aluah phalo hrim hrim. Kan chhungkua pawnlam aṭanga zahawm tak chu tunah hian anihna tak alangchhuak ṭan anih hi, U Hminga thil tih hi Malsawmsanga tih nise amak ka tilo zawk daih ang.

Ka rilru anat em em ka hrelo a, U Hminga chetdan nunrawng lutuk chuan minti thinrim zawk, U Dari te nufa ho an khawngaihthlak dawn si. Mihring hmanga sumdawng lo pawh khan an khawsak a harsat loh nen, 'mi hausa apiang an duh am, an neih bak neih belh zel an duh' an tih chu a dik viauin ka hria.


Zanah chuan kapa nen kan inbia a, " Hreawm iti em? I hming alang ve zel bawk sia " Kati a, kapa hi ka ngaihtuah takzet ani. Ahma te khan tih mualpho chak reng rengin ka khawsa a, kapa rilru kha alo van hreawm thei dawn tak! "Tilo e, hun aliam anga tuman min sawizui reng peihlo ang, thil kan tisual ve pawh anilo a, nangmah zawk khan hreawm ilo ti lutuk ang tih ka hlau " alo ti chuar chuar, "Tilo e mahse mak chu kati ve takzet, engtin nge U hminga ber kherin hetiang hi atih theih, amak kati ani" ka ti hluai a, mak kati ve em a sawi chhuah loh theih loh " Mak kati vaklo asin, Dan phalloh eng emaw tak chu tih ruk anei tih ka hria alawm, hetiang hi chu ringlo mahila amak kati lemlo, i rin aiin Hminga hi a nunrawng ang. Kei chuan ka hre veka chuvang alawm ka sumdawnna buaipui tur pawn Malsawma ka rin zawk " Alo ti duah.

Kapa hian Ralthuam tawlhruk vel kha abansan tawh a, Bansan a duh na chu rei tawh mahse, duh hun hunah a bansan thei biklo a, Nikum december thla tirah khan a bansan fel thei chauh ani. "Pathian te hi hrelo kani hleinem, ka ring a ahnen ah ka inkawl tir ṭhin, mahse thil sual ka tih miau avangin Pathian hi kawr ah hman a, Kohhran a in hman te, sum tam tak chhun luh hi ka duhlo. Pathian hi a zahawm lutuka keichuan thil tisual chung chuan ka hnaih ngamlo ani ' tiin Christmass tukah khan asawi. Midang zawkte chuan sum thiang hlim lo lalut reng chungin, kohhran ah kei ber emaw in tiin an in hmang tho, sum an chhung lut ṭeuh ṭeuh a, kar lovah mi zah an kai a mahse, kapa chuan chutiang chu a duh ve miahlo.

Kapa hian thil a tisual ngei mai mahse, Kapa hi a ropui ka ti lutuk, a hmeichhe hmangaih tana a in pumpekna te hi, kanu hi vannei kati ngawih ngawih. Keipawh kapa ang hi nih ve ka duh a, Ka mipa hmangaih kutah chelh theilo in a kiangah ni chiarliam thei dawnlo mahila, a tan ka in vawng tlat anga a sulhnu hi tu mipa mahin an chhui ka phal ngai dawnlo.


" Mambawih, thil sawi dun leh lawk ang aw, i mu chak tawh em? " Dam diai hian ati a, " Duh lo ve i sawi duh chu sawila, kalo ngaithla ang. " katih chuan " Malsawma chungchang hi ania, thil thleng tawh kha chu engpawh nise, i ngaidam ve thei tawh angem? Chhungkua kan ni a keipawn thil ka tisual a chutiang zelin nangpawh Ramengi pawh, tute pawn kan nunhluiah tihsual kan nei ṭheuh a. Hreawm ati ve ṭhina mipa anih ang in engmah chu a sawi chhuak ngailo mahse, mipa ka nia hreawm atihzia leh i bula nuamlo atih zia hi ka hriatsak ani " A sawi tam bawka asawi zawh chuan thawk ala hluai.

" Pa ka ngaidam tawh alawm, diktak in ahma kha chuan ngaihdam ahar kati a, nun hahdam lo reng reng ka hman phah vang ani mahse, tunah chuan thil adanglam chho a, ani pawh a danglam tih ka hria. Ka hriatsak tawh lovang chhungkua kan ni a, i sawi ang khan in hriatthiam tawn kan mamawh alawm " tiin kapa chu ka chhang. " I nu ang maia rilru ṭha leh thianghlim i nei tih ka hria alawm, Tun aṭang chuan hlim takin kan awm tawh dawn nia " ati leh, Kanu te ka tlawh leh tlawh loh te minlo zawtin, kala tlawh rih loh thu in ka chhang a Kan inbe rei tawhlo, mu hahdam tura min tiin call a dah a.
.
.

Kanu te tlawh ka tum laiin U Hming chungchang kha ka hre leh tasia, ka duh ang hunah pawh ka tlawh theilo, Tukṭhuan kan ei laiin Np hnenah thil nihdan ka hrilh tlang veka, zep kher aṭulna ka hrelo ani. " Nu Peki chu afel asin, thlai rah leh thei rah anei ṭha thei si, minlo pe ve ziah alawm, i nu alo ni leh zela avan mak tak " a sawi zawh rualin antui a hawp nghal hraih, " Vawiin chu ka kal dawn mawni kati, in hriat tir kher ka tumlo a mahse, a bula hun hman ka duh " kati a, bu nghat nghatin " Tinge in hriattir i duh loh, ani pawn a hmu ve chak thei ngawt ang che" ati hliai, chu chu ka ngaihdan ani ve tho a inhriat tir ngawt dan ka bangbo a, bakah a tan thil kati harsa ang tih ka hlau.

" Chhun ah chuan Nu Peki a awm ka ringlo, Emily saw chu in ah a awm deuh chawta, Nu Peki erawh taima ngang ania in ah a awm vak ngailo, i duh leh va kal tho la " Dawhkan thawhsan pahin ati leh zung zung, "Emily chauh pawh lo awm mahse apawilo, kal hrim hrim chu ka duh" kati ve fan. Min chhang tawhlo a keipawh ka kham zui. Ei hmun vel chu ka tihfai aremti leh tlat lo a, min duat lutuk hi anuam lo lek lek.

Np hnakal hnuah muangchangin kanu te in lam chu ka pan ve a, Np in a awmna lai min hrilh chian bakah dawra kan kal pahin ka hmu zuai tawha, keimah pawn ka bo dawnlo. Thingtlangah chuan mikhual hi kanlo langsar hma nge, Thingkung hnuaia nutling leh patling tam vaklo ṭhu te, Varanda a putar ṭhu khawm vete chuan min en uluk hlawm riau in ka hria.

" Iva buai awm ve Emily " Emily tual phiat mek chu ading awt a, ka lam lo hawia ka hmel ahmuh chuan a meng kawk, " Doctor " Ati sep a, " U Bella minti rawh ka tihkha " tiin ka nuih ver ver, an in hi motor kawng bul chiah anilo a, mahse, motor kawng erawh an hnaih tlemin an in hi alut deuh a, Kawtzawl zau nuam tak annei. An in pawh hnualsuat tur khawpa chhia anilo bawk, " In inva nei nuam ve " Tiin kawngpui aṭang chuan ka peng a, ka dul puar ve lah tawh chuan awlsam zetin min kaltir thei tawhlo, ka khel te hi ana a rai haw ber chi chu kani ve hrim hrim, chhia zawng zawng leh na zawng zawng hian min bawmin ka hria.

" Ilo zin tak tak alaw, Anu pawh a awm asin huan a kal lawka " tiin anui sen sen a, a mitmenga phurna chu ka hmuh hmaih hauhlo. " Huan in nei zau si, nakinah minla kalpui rawh aw " kati a, Emily erawh chuan ka pum chu phawk zetin a en, " Mak iva ti awm ve " ka tih chuan "Aaaa..englo i inhmeh lutuk a" nawi niai hian ati reuh, thilsawi ka tum leh lai chuan "Mamte, tunge ilo biak bawrh bawrh a " ti ri ah chuan aw lo chhuahna lam chu kan hawi rual a, In sir aṭang chuan kanu ngei mai chu sam hnawk niai chungin alo chhuak, Fawng(Thil dahna) lian vaklo hi a keng bawk, Min hmuh ve rual chuan ani pawh ameng ve awk a, " Bella " ati ve hliai, a hnar leh chal velah chuan thlan a bawl ṭek ṭek a, tunang khaw vawh laia thlan chhuak khawpa hna athawk chu ka khawngaih tlat.

" Mamtei chuan leng tur pawn a sawm lo che animaw? Hrethiam rawh ala naupangchhia lutuk a, titeh inchhungah lut teh ang " ti zung zungin amah chuan kawngka lam chu apan a, " Ka hmu thut che a ka hamhaih lutuk alawm" Emily chuan ati niah niah. Apawi loh thu hrilh in inchhung ah chuan kan inzui lut ve a, inchhung pawh a felfai khawp mai, thil man tam tak inhung fer fur lo mahse, an neih chhun erawh enkawl uluk tih hriat takin a hnum hlarh veka.

" Thingpui i induh em U bella " Ṭhutthlengsei a ka ṭhut fel rual in Emily chuan ati a, "A pawi miahlo a harsat loh chuan " kati sep, Kanu zawk chuan "Harsa teh nang aw, inthlahrung suh " ti thuaiin, " Mamte, thukah khan tui sa a awm a, gas ah khan i chhuang so dawn nia " atih zawm leh. " Engtik nge ilokal reng reng a, kha nau i pai anih hmel a " tiin ka dul chu a melh zeuh, zalo deuhin ka nuih hmasa te te a, " Nia, Thla5 na ani ve tawh, kar liamta daih khan kalo kal tawh a, kalo la tlawh hman lo che u anih hi " kati ve sep. " Kan in ah ilo thleng dawn emaw katia " tiin anui hak haka, a nui ri chuan min fan hneh lutuk.

" In nurse khi ka ṭhiannu ania, aremchang bawk nen tihbuai che u ka hreh si a, ka ṭhiannu ka fin ta zawk anih hi" Ka tih chuan " Chaw hmeh ṭha hmehpui tur che chu neilo mahila, kan thleng cho ve khawp che ania" ati dam diai, Nu Rilru chhia hi ani dawnlo tih ka chiang si, kanu hi kanu ani lovang tih ka van hlau em! Emily in thingpui minlo pek takah chuan kan ngawi ta rih a.

" I hmel a dang hlemai, rai i haw ve viau aniang a, i ke pawh a vung anihkha " Atih chuan ka nui a, " Ka bp leh Hb a normal theilo a, hmani deuh khan thisen te min pe alawm. Ka rai tih kai inhre har a thla3 a pum hnuah chiah ka inhria, atirah luakchhuak ka neilo a, ka inhriat chhuah hma deuh aṭangin ka nei ve chauh, hreawm ngat ngat tak ani " kati a, kanu leh ka nau bulah chuan athlun phelh ang char char kani. " Zanah ar ka awm sak dawn che ania, Zo ar ka ngah alawm, pe ringawt che ila in thiam awm silo a, ka awm zawhah Mamtei hi kalo pektir ang che" Ati hluai, "Kati buai lutuk ang che u, chutiang angai hleinem ka ṭha ve lutuk " kati vat, ama tawkah a hah dawna chutia lo tihbuai ve leh chhawn chu ka duhlo.


" A harsa lo lutuk, keipawh rai hi ka haw lutuk a chaw hi ka thlah tawp zel, nangmah ang chiahin Hb leh bp a normal ngailo a. Ka ei chak zawng lah hi a dangdai thei si, hmeichhe dang te chuan rai an ngeih a an vun te a no suk laiin keichu ka da bel zela ka hmelchhe thei lutuk" tiin anui zui kar kar, Emily nen pawh kanlo nui ve a " Keipawh ka hmelchhe lutuka, darthlalang ah pawh ka in en peihlo" katih ve chuan " I hmelṭha alawm, i vun a dang deuh tih loh chu sawisel tur i awm lo " ati dam leh thliam. Thingpui te chu ka in ve a, Emily pawn min nel tawh khawp mai, zakzum deuh si kha ka bulah atlangnel chinah chuan tleirawl ṭawng duh deuh mai hi ani a, ka ṭawng ve ngai lovin thil asawi a, amah lah anui pah sang reng bawksi, abulah awm anuamin akhat tawkin kan nui leh hak hak ṭhin.


Dar10 vel a ka leng kha dar2 ah ka hawng ve chauh a, 'Zanin chu a tep ter sia, pathianni ah hian chaw lo ei rawh aw, Zanah chuan ar pawh kalo awm sak dawn che ania ' Kanu chuan ka hawn dawnah motor kawng thleng min thlahin ati a. " Ka van lawm dawn em! Ka chak sawt dawn anihchu " phur zetin kati ve, ka kalsan hnu chuan ka ruak leh huaiin ka hria a, hlim taka kan awm ho theih vang erawh chuan ka chhungril hi ahlim veng veng.

.
.

Kanu te khua ah pawh chuan kar3 chu ka cham tawh a, Kanu te nen pawh kan in nelin Emily pawh alo leng ve zeuh zeuh ṭhin. An in ah pawh Np nen chaw kan ei ve a, ka rai hnuah khatiang reng reng a chaw ka eitam kha ka hrelo. An thiam ang tawkin min ngaihsak ve a, keipawh ka theih ang angin ka ngaihsak ve, Nikhat Emily lo len laiin 'Thei ei a chakawm' kati a, Emily chu tho nalhin biak hman hmain achhuak nal nal, Np a awm bawk silo Emily awmdan chu amak kati khawp a, apawi ka sawi ta emaw ti a ka rilru abuai em em laiin. Rei vaklo ah Emily chu thaw hlawp hlawp chungin alo tlan lut leh a, Sarang ah Nimbu leh tengtere tam deuh hi alo khai lut, phawk zeta ka en lai chuan "I ei chak sia " tiin dawhkanah a nghata, a chetdan chuan minti ṭap lek lek, chuti taka min ngaihtuah chuan ka rilru a hneh em ani.

Aizawl lama ka chhungte'n minlo be zing tawh khawp a, 'lo hawng tawh rawh u' anlo ti sek tawh, keilah in nuam kala ti laklawh vesi, Ramengi pawn vawihnih lai call a dah tau tawh. Black angels ho lahin 'Naute kan ngai ' anti a, min lo vcall sek bawk, ' I chhungte chuan an ngai tawh takzet che anih kha " Np pawn ati a, Ka phone a ri zing thei lutuk hi anui ve tawp ṭhin .


Np alaklawh deuh avangin hna ala banglo a, tih theih dang awm heklo, Tlai chaw hmeh tur leiin Dawr ah ka kal a, Alu leh thil dang dang leiin, thil thlum ka ei chak leh thut bawk nen, Rosgulla bur khat ka lei tel hram.

Ka khel na leh zawk ṭhin avang chuan ka kal chak hranlo a, ka kut leh lam leh lam ah ka thil lei chu ka khai a, chutia zawimuanga ka kal lai chuan Alu ka khaina lam ka kut chu alo zawi thut a, " Awi!" Ka tih rualin ka thlauh nghal, lei ah chuan a darh nuaia kun zung zung atheih siloh. Hawi kual thuakin tuman min hmulo tih ka hriat chuan ka hahdam huai, Midangin min hmu selang chuan ka zak dawn luttuk tlat.

Kun a ka thil thlauh chhar ka tum lai chuan, " Lo ding rawh kalo chhar ang e" tiri ka hria a, nichin khan tumah ka hmu tawp silo ka tih rilruk lai chuan, Nunhlima chu ka hma ah tak alo ding a, mitmeng thuk zetin min en run. Hetah hmuh ka in ringlo lutuk a, ka mit vai emaw ka ti dawn, Engmah sawi lovin a kun a, ka Alu thlauh darh chu a chhar khawm mawlh mawlh, " Min hmu chu i lawm vak nange " Alo din mar leh rual chuan ati sup a.

" Eng nge hetah ilo tih " Zawitea ka tih chuan " Ka ru dawn che " ati a, " I zaklo e a, khatin min fiam suh " kati hlak. "Duatte ka fiam lo che. Hei ai a lokal hma tur hi kani a, naute pa hi min hrethiam rawh " Ati thum bul bul, a thilsawi chhung chuan amitah ka en kar a, dawt sawi hmel a pu silo, thil thleng chuan min ṭhawng takzet.

" I awmdan hi ka hrethiam lo ania " Kati leh a, min chhanglo in ka thil khai ho chu min laksak, " Eirawngbawl i tum ve ngei ami? Engtik laiin nge Alu te i siam thiam " Nuihzat hmel deuh hian min en a, a hmui hnuai chu a pet zeuh. " I hriat ve pawh angailo " tiin kalsan daih ka tuma mahse, ka kutah chelhin arualin min kaltir leh tho, " I mak emai aw, bakah khawlai anih hi azahthlak" kati hlar tawh, a awmdan hi engtia lo dawnsawn tur nge ka hrethiamlo ani, lo thinrim khum chiam chu thil dik ani ber bawk silo, ka ngaih em em ka hmu thut hi ka awm thiamlo ber ani.

" In ah kan sawiṭha dawn nia " Ti supin akal zel a, rinchhan tur ka nei ṭha ta deuh nge ka hahdam deuh huai mai. " tu in ah " ka tih chuan " I ṭhiannu in ah, ka inru ka tihkha kalo awm ve dawn, ka bag pawh ka dah vek tawh " ati anih chu! " Eng a" ka ti ṭhat a, " Thawm dim rawh, miin mak anti ang che " tiin min nuih vur vur. " I awmdan hi" ka tih hluai lai chuan " In ah ka tihkha " alo ti a, sawi zawmlo in ka ngawi kar, ka khel na leh zawk ṭhin avang chuan ka kal chak theilo a, " Eng nge na " ka din dat lai chuan min ngaihtuah zetin ati vut.

" Ka khel hi a kalh leh zawk zela, a vawt bawk nen a zual deuh anih hi " Kati maia ka dul chu ka chul pah zeuh, ka naute hian min ti buai ve khawp mai. " Ka pawm ang che aw" atih chuan a banah ka beng chawrh, I mawl thei e" kati a, ala nui vur vur thei zel tho.

Np inluah kawt ah a blolero alo hung diam a, " Lo va lut rawh " tiin ka kut a chelhna chu athlah, min kalsan leh nghal dawn tihna emni? Tih ka ngaihtuah laiin, " Duatte le'h" ti nghutin min kuah a, " Ka kalsan dawnlo che, ka kalsan tawh dawn reng renglo che, i hria em? i rilru tibuai tawh suh" A ti mawlh mawlh, ka bekah chuan afawp vang vang, ka mangang hmel kha ahmu thiam aniang. " Min kalsan tawh suh "Kati ṭiau a, ka dul avang chuan in kuah pawh a rem ṭeuh tawhlo, pawnah kan awm tih ka hriatchhuah rualin ka inla hrang a, " Motor ah sawn ka bag ka daha kala lawk dawn alawm, min lo nghak rawh " atih chuan kabu nghat a, luhsan duh biklo in kalo nghak ve ran.

" Come " Thum cool ruiha tiin a kut alo lek chhuak vut a, A kut ka vawn dawn lai pawh hian ka mumang anih kala ring fan! Katan chuan maw amak em asin, ka ngaih ngawih ngawih ṭhin kha, vawi leh khatah ka hmaah lo inlan in, a nui hmel ka hmu a, a pangtilum ka si leh thei bawk, amitmeng dam thlap a min hmangaih ngawih ngawihna lang chhuakte, heihi ka hmuh leh ka inring tawhlo asin; nilo, hmuh chu kala inring mahse a kut vuan chung chuan ka inring tawhlo kha ania.

" Kan inru dawn tak tak ami? " Inchhung a kan luh hnuah chuan kati a, " I duh lo emni? " atih hnuah athil khai lai chu dawhkan ah dahin, min din hnaih sawt, Kalu ka thing vat a "Chutiang lam anilo, I nu kha " kati niah niah, "Hetiang chuan in kuah ngheh ahar tawh emai " Tiin a kiai suk a, ka hnunglam aṭang zawk chuan min kuah, a taksa lum ham ham chu thlahlel zetin ka ngheng hnai ṭalh ṭalh. " Engkim ka kutah dah vek rawh, ahma kha chuan fapa chauh kani a chuvang chuan kawng a ping kati ve takzet, mahse, ka thil hriatchhuah tak chu maw, keihi hmeichhe pakhat duhthusam kawltu kani a. Min neih avang vannei inti em em tu hmeichhe pakhat a awm bawk, chumi piah lamah kei hi Pa kani dawn a, Fapa chauh ni a in hria fapa chanvo chauh hlen tum kha, anihna takah chuan Fapa chauh nilo chanvo pawimawh leh hlu tak kalo nei reng zawka" Ati a ka dul chu a zut pah hauh hauh.

" Duatte min ngaidam rawh u, Ka chanvo leh mawhphurhna kalo hrelo ani. In rilru kati na takzet ang tiraw? " A aw a natna ri chhuak tel chu hriat anuamlo, "Ka.."ati leh chiah tih ah ka dul chu naute chuan alo tlawh ve reuh a! " Ohh" ti hluaiin pa zetin anui chhuak hawk. "Duatte" A phur zia chu athup hauhlo, min kuahna thlah in ka hmaah alo ṭhingṭhi rawp a, ka dul chu a khuap nghal run. " Baby girl, i pa hi lo tlawh leh teh " tiin mitmeng de sawr sawrin ka dul chu a melh reng, Naute chuan a pa aw chu ahre thei emaw tih turin ahma aia uar zawkin alo che leh a, Nunhlima chu anui hawk hawk. Keiin a chezia lawmawm lutuk chu kalo thlir a, he hlimna hi a bo leh ka hlau, a bo leh ai chuan tunah hian khawvel hi ding rih se tiin hmasial takin duhthusam ka nei. Ka dul ah a hmai a phum vang vang hnuah min lo en chho a, a mitmenga phur na, hlimna leh lungawina lang zut zut chu mittui tling pam chunngin ka en ve kar, mipa naupang thil thar nei hi ka tehkhin ber, min nuih a ka nuih ve hawk rualin ka mittui aluang nghal pap.

" Eirawng kan bawl loh chuan " Rei tawk fe ka dul ngawt a buaipui hnuah chuan kati a, alo hawichhuak ve vut. "Sorry, i ke pawh a kham tawh ngawt ang " Ati a, ding vutin min kaisawn. Couch ah chuan min ṭhuttir a, diktak chuan ka ke hi ana ut ut tawh, a chetdan duhawm zet kha tih buai ka duh loh avangin ka sawi duhlo mai zawk ani. " Eirawng kava bawl ang, zanah i ke hi kan hmet dawn nia, naute pawh a chau tawh ang " Ka hmuia fawh zeuh pahin ati a, "Kalo pui ang che " ka tih chuan anui chhuak hawk, " Tui chhuan so ka mamawh lovang " ati kher a, ngei zeta ka melh chuan ka hmui alo tawk leh zeuh. Tui chhuan so asawi chhan chu ahma khan a in ah eirawng kan bawl lai khan 'Tuichhuan so leh artui chhum chiah ka thiam' ka tih kha ala hrereng anih pek hi.

Eirawng a bawl lai chuan Couch ah chuan lo mu in, ka tei chau ve deuh nge, Nunhlima che rak rak ri chuan min awi a, ka meng hlei theilo. 'Ehe! Ava mak ve ' Ti tu chu Np niin ka hria, ka mang hriat ruai ruai a, Nunhlima ṭawng bul bul ri pawh ka hre ruai ruai.


"Duatte, zanriah ei tawh ila " Ka beng bula lo phun sur sur tu chuan minti harh a, mit chhing vakin ka zi ṭalh ṭalh. " Harh rawh le, Naute a rilṭam tawh ang " Atih leh rualin ka hmuiah alo fawp chat, a duhthawh phian leh nghal ka meng riai riai a Nunhlima mit chhing chial chu ka hmu, "Ka thaw thei dawnlo " Nam sawnin kati a, mawi zetin min nuih. A inbual aniang arim athiang kak a, a sam pawh ala hnawng chap, "Zanah kan chhunzawm ang, tunah chuan zanriah ei turin i ṭhiannu'n min nghak tawh " Ti supin hneh zetin min pawt tho a, "Ka ei chaklo e " ti mahila "Naute tan" ati ṭalh tho.

" Papa alo thlen meuh chuan mahni pawn kan tho thei tawhlo animaw? " Room aṭanga kan inzui chhuak chu, Np chuan min lo fiam leh hram, Couch ah ka muhil kha ania Nunhlima'n room ah min pawm lut aniang. " Kalo mutui lutuk a " Lai zetin kati a, Np leh Nunhlima chu an nui hak, "Papa lo kal hma kha chuan mut pawh kan mu ṭha theilo vel kha ania " Nghal zeta atih leh chuan, " Np, i ninawm" kati hluai. Np chu anui har har a Nunhlima chuan ka ṭhutna tur chair min pawhchhuah sakin, ka bulah alo ṭhu ve nghal. Ka chet ngai miahlo in chaw hmeh te chu min suahsak vek a, Np a lo ner leh nang nang zel, " Uii! In over e, ilo kal hma pawn amah in a ei tho, a insuah vek thei " A ti chiama Nunhlima lah in eng atan mah atilo, " Duh nise akut hmanglo a barh vek ka duh ania " Pakhat pa lahin a runluih zel bawksi, kan zanriah ei boruak chu anuam ta phian.


Cont..


Show post links
Top

[Ngaia]

Zanah chuan ka mipa ngaih ber mai ban khamin lungmuang zetin kamu a, Ka mipa hmangaih ngei mai chuan ka hnunglam aṭanga min kuah in, a hmangaihte pahnih kei leh naute chu min venhim tlat tur thu min hrilh a. Chu tluka thlamuan thlak thildang chu a awm thei dawn chuang emni?

" Baby girl chu a muhil tawh emni? " Ti bul bulin ka dul chu a dap kual dan dan a, " Baby girl itih ve ringawt, Mipa pawh ani maithei asin " Ka tih chuan " Mipa emaw hmeichhia pawh nise apawilo, mahse hei hi chu baby girl anih hi " ati tlat a, hnial pawh ka hnial peihlo. " Naute pawh a muhil tawh aniang, nichin deuh aṭang khan alo tlawh duh tawhlo " ati a, ka nghawng chu a nul pah thuak; A sawi ang hian nichin deuh aṭang khan naute chu alo che duh tawhlo a, kan mut tirh kha chuan alo che ve nasa ania amak ve khawp mai.

" Naute ber a mutthilh takah chuan hei pawh hi ka ti thei tawh ang " Ti su su in ka dul a dawmna chu asawn chho a, bra ka hreng lo bawk nen, a kut lawngin ka hnute chu a khawih nghal chat. " I rai vang aniang i hnute alian " Ti sup in a ṭham ṭawk a, na kati deuh bawk nen thawm ka chhuah lo theilo. " I mawl ami? a na lutuk " ka tih hlak chuan anui che data, " Ka it lutuk che a, chuvang anihkha insum ahar " Zam map lovin ati. Thu khuh ik hi anei ngai silo a, a sawi bawl bawl zel bawk nen keimah zawk hi ka ṭim uai uai zel, " I tenawm e a, tikhan sawi chhuak bawl bawl zel suh " Ṭawng rin hlau zeta ka tih hlak hlak chuan min kuai herin ka hmuiah a fawp nghal chawt a.

Nupa Kum1 chuang in hmu tawhlo inthlahlel deuh ang mai kan ni, a duhthawh lutuk tlat. " Thu khuh ṭit ṭet ka thiamlo " Min fawh na chawl zeuhin ati a, ka chhan hmain ka hmuiah bawk afawp leh, a kut hlei zet chu ka manbet leh chawt chawt ṭhin a, ani lah a rum nghut zel bawk.; Np in luah hi alian lemlo a, room ah Np a mut laiin keini chu Sitting room ah puan phahin chhuatah kan mu thung. Min fawhna chu ka chhanglet ve a, Duhthawhin in thlahlel viau mahila, in fawh aia thui kan thleng chuanglo.

Inhmu tawh lo vang vang kan han inhmu leh chu kan phur viau nge, kan muhil theilo ve ve a, kei phei chu tlai ah ka muhil bawk nen ka harh tulh tulh in ka hria. Bakah ka bula mipa hian min kalsan leh mai ka hlaua, mutthilhsan ka phallo ani, Mu thei heklo le angailo kati chungin ka ke min hmehsak ṭalh a, ka ke akham ve tho bawk nen ka hnial zui duhlo. Hetianga min duat theih hun nghak hian alawm, Ni chhiar liam a zantin mittui nen hun ka hmanlian ṭhin, tun aṭang chuan ka pangchang zual viau ang.

" Duatte, naktip lamah chuan kan hawng tawh dawn emni? I chhungte bulah pawh kan inruk thu ka hrilh tawh" Ka ke hmeh nuap nuap pahin ati a, " I hrilh tawh maw!" Ti hluaiin ka lu ka kan, " Mu rawh che phut phut suh" tiin min nem mu leh daih a. " Ka hrilh tawh ka tihkha, naktukah erawh tih tur kan la nei a, chuvang chuan kanla cham ang" ati leh a, " Hawng ringawt ila engtin nge kan awm ang" Ka tih chuan anui suk. " Kan inru ka tihkha ka inah kan awm ang chu, Ka hawn veleh Palai an kal nghal ang" ati mawlh mawlh a, sawi belh ve tur vak ka hrelo.

A nu chungchang engmah min hrilh lo a, zawhna ka zawh lah in 'Min ring rawh" ati ringawt zel. Diktak chuan a in a luh veleh pawh ka hreh tlat tawh, "I in ah chuan ka lut duh tawhlo asin" Kati sep a, Nunhlima pawn ka ke ahmeh na chu chawlin ka kut chu alo vuan vat, " Kanu vang ani tiraw? Min ring rawh ka tih khan ka sawi satliah hleinem Duatte, buaina engmah ka tawh tir tawh lovang che. Harsatna leh hun khirh tak pawh kanu avang chuan i hmachhawn angai tawh lovang " Nghet charhin ati a, Choka light kan on chuan ahmel chu chiang vaklo hian a chhun a. A landan lungngai zet chu hmuh a hreawm, mu reng chunga ṭawng chu anuam ka tih loh avangin ka ṭhu a, min lo dang tawh biklo in ka ṭhu tur chu minlo pui zawk, "Kei hi lo awm lo ila, i nu nen hlim takin in awm ang a, i nu leh kei vangin hun khirh tak i hmachhawn awm silo a tiraw?" Ka tih chuan phawk lek lek hian min en a, ngun zetin a awmdan chu kalo en ve kiau.

" Chutiang chu sawi lul suh Duatte" ti hnawk ṭuakin a awm ah min kuah bei a, " Ka kiangah pawh awm la, i hlim ve tak tak dawn chuanglo in ka hria, nitin min hmu anga i nu nen ṭhen hrang tu che hi min hmangaih reng thei angem? Diktak chuan ka kianga i awm hi ka lawm a. Mahse, nau ka pai vang nge hlauhthawnna ka ngah a, eng emaw hlekah rilru hi akal kual vak zel " Ka ti sep sep, ka chhipah a hmui nawr si vang vangin athaw chhuak hawka, a thawk chhuah rual chuan ka chhip chu a lum hak.

" Kanu chu damdawiin ah a awm alawm, in enkawl se aṭha leh vat ang " A thilsawi chu sawi nuam atih loh hmel khawp mai, " Tinge? A natna chu a zual viau emni? " Ti a In lak hran ka tum chuan min kuah nghet salh a, " Duatte, i awih lo hial zawk ang " Ti hrawkin min kuah nghet tulh tulh. A taksa ṭang ṭung chuan minti na lek lek a, sawichhuah erawh ka tumlo, a thawk lak dan lah chu nichin ai mah khan a na in arang tawh zawk. " Babe, ka hriat ve tura i duh chuan min hrilh rawh" Pangchang aw zeta tiin a awm ah ka kutphah chu ka nghat, " Ka thilsawi tur avang hian kanu i hmuh nep phah erawh ka hlau viau a, i hriat ve ngei erawh angai si keiin zep mahila midang ka aṭangin i hre dawn tho a chuvang chuan keimah hian hrilh vek che ka duh. Hmeichhe rilru kawi i nilo tih ka hriat avanga hrilh duhna nei che pawh kani" Tiin a awm a ka kut dah chu alo vawn hnan a, " Kanu khan Mental problem anei a, chu chu ka rinhlelna arei tawh mahse, kanu in hetiang natna aneih kha ka ring phal nganglo a ka haider lui ṭhin; Haider lo khan lo enkawl hma ila tiang teh nuaia kan awm hi angailo zawk tur ania, Zualbawihi lah khan kanu natna chu lo hria in hmanrua ah alo hmang a, thil abuai zo ta vek anih kha" Ati a, ka ṭhu ngil nghal awt "Zualbawihi a! " ka ti hluai bawk.

" Kan khua ah kanu alo han zin chilh a, kanu rilru ka hneh lek lek tawh kha ahan hruai kawi kual leh alawm. I la hria em kanu dam loh avang a kan khua ah ka hawn thut kha, khatah khan kanu chu alo inti na a, mahni nute meuh in intihhlum an tum chuan rilru abuai lutuk, nang kalsan che ka duh silo leh lamah kanu alo awm ve tlat bawksi, ṭawngkam ṭha a hneh chu ani tawh lo a, Chuta karah cancer natna aneih thu ka hriat leh lek phei chuan ka buai nuai tawh, kalo be ngailo che a mahse maw ka theihnghilh ngailo che" A chawl deta " ka kual thui dawn ka sawi tur takah kan lut tawh ang e, kanu khan cancer natna anei tak taklo, Zualbawihi remruatna vek ani a, medical report pawh ama lo siam chawp tir vek anni. Chu chu ka hrechhuak a, kanu chungah pawh ka lungawi lo takzet, kanu nen pawh kan inhau a ka ṭawngthui lek lek hial ani. " A sawi tam ve bawka thawk ala nghal ham ham, " Zualbawihi alo tel vereng chu amak" ka tih chuan abu nghat a.

" Kanu ze danglam hlawk kha ka hrethiamlo a, kanu hi rilru chhia ani ngailo, nangpawh angaina che tih ka hria a, i pa avanga athinrim kha chu a thinrim rei ka ringlo. Ka ring sual bawk heklo a, a rilru a nem ṭan dawn a Zualbawihi'n thil a chawk buai chho ta ani, tunah chuan kanu pawn in enkawl rem ati a. A rilru leh taksa a infit ṭhat leh hunah chuan kan tan Nu ṭha tak ani ang tih ka tiam a che, kan naute tan pawh Pi ṭha tak ani ngei ang " Mahni inringtawk zetin ati nghet charh, keipawn a thusawi hi ka ring ani, Nu Tleipuii chungah lawm lo viau mahila Nu Sual tak ani lo tih chu ka hre ve tho alawm. Zualbawihi zawk chuan ani ka rilru luah, a chetdan chu a ṭhing kati a keini in phuba la kherlo mahila, mi chhungkua ti taka a chawh buai avang hian a nunkawng a tluan ka ringlo ve tawp, ka rin sual ka ringlo bawk.


Zingah chuan zan lamah kan meng rei deuh bawk nen ka mu rei khawp mai, Np eirawngbawl rak rakin minti harh a, inchhungah chuan ni eng alo lut uar tawh. Nunhlima pawh alo tho diam tawha, inchhungah erawh hmuh tur a awmlo, peih lo zetin katho ṭiah ṭiah a, nizana Nunhlima'n ka ke min hmehsak avang chuan azang deuh huaiin ka hria.

" Good morning " Puan ka thleh fel laiin Np chuan alo ti a, min thlehpui nghal sawk sawk, kei lah a muang chi nih naklaiin ka dul a puar ve luah tawh bawk nen ka muang zual em em a, ka che ṭual ṭual hi ani ringawt. " Ka harh thei hlawllo " Tiin kalo nuih vur vur, " A pawilo, inpa pawh kal lawkna tur kanei' ati a, alo hawng har tawh lovang " atih zawm a, Inpa atih lai chuan ka lai lek lek ani.

" Eng nge tih tur aneih le " Keima hriat tham lek chuan kati a, Mutna kan tihfel hnuah bathroom ah ka lut, ka hmai te ka phih fai hnuah chuan ka harh kawk in ka hria. Bathroom a bucket in hung ho chu aruak deuh veka, tih tur a awm chuanglo tiin ka dawh khat a, ṭha deuh chuan ka thlak kual ve zel, mahse a tawpna ber ka chawisawn leh tur chu ka ban azawi leh thut a, ka bucket khai lai chu thlauhin ka tluk ve lek lek avangin ka ṭe nghal ṭhawt. Bang chu ka ngheng rawk rawka, ka thinphu ran zia mai chu! Alo sawt chhuak lo chauh ani.

Bathroom kawngka chu alo ri nghal dawt dawta, "Duatte, eng nge thleng " Nunhlima'n pawnlam aṭangin alo ti, thaw halhin kawngka chu kava hawnga, ka hawng fel chiah alo in zep lut nghal. " Tui ilo dawh alaw " a aw ri chu achang lek lek, chu chuan ka mittui ati hnai kuar thei, keipawh ka hlauthawng ve tho a, chutia Nunhlima'n min hrawk deuh chu kala na ani. " I sual emai aw " Ti ṭiau in a awm ah ka nam chawrh a, ka nam na vak chuanglo, " Duatte" Ti supin min kuah a tal phat mahila min kuah nghet lutuk.

" Ka hlauthawng ve tho a, min vin chiam kher anihkha" Ṭap aw ṭiau a ka tih chuan min kuah nghet sauh in thawk ala hrawk, " Lo chhuak teh u, Bella na i nei em? " Npi'n alo tih chuan Bathroom aṭang chuan kan chhuak a, ka bucket thlauh khan min per nasa aniang ka kawr a huh dup mai. " Bella hetiang chu ti ve tawh suh, Bathroom a nal si i tlu sual ang tih ahlauhawm ania aw, hetiang iti zel dawn anih chuan hetah i awm ve thei tawhlo ang " Bathroom a luh pahin Np chuan ati a, anui pah hak hak.

" Ka ban hi a zawi leh thut zel " Nunhlima chuan min la veng run reng a, ka thilsawi avang chuan minlo en vut, ka ban chu vuan chawtin na vaklo chuan a hmet a " Kan hawn vat vat angai ani, i hrisel silo helaia awm reng chu rilru anuamlo " A ti a, a rilru a nawm loh hmel tak tak. " A hlauhawm em em pawh ka ringlo " Ngheng hnai sat sata ka tih chuan athaw hawk a, " Aizawl kan thlen veleh kan in check up ang. " ati bur nghal bur, hnial zui ngam pawh ani tawhlo hrim hrim, Zinga akal na chu zawt chak viau mahila aṭul atih leh min hrilh maiang kati a, ka zawt duh talo.

.
.
.

Tukṭhuan kan eikham a, Np pawh hnakal turin achhuak leh tawh, Tukṭhuan ei laiin Nunhlima'n Np hnenah kan awmdan tur ahrilh a. " La awm rih ula tih chu Duh viau mahila, Bella ber hi a hrisel silo naute inneih veleh lo zin leh ula, In inneih hunah pawh min theihnghilh lo bawk ula" Np pawn ati ve a, tlem a ka chaw ei atui tak hnu hian chaw ei laia ṭawng sek kha ka peih tawhlo, ngawi rengin ka ei mawp mawp zel.

" Khawiah nge kan kal dawn " Tiin Nunhlima chu ka thlek a, Tih tur kan nei tih chauh min hrilh a, engmah asawi chiang duhlo lehnghal. " Kan thlen hunah i hre maiang" Tih chauha min chhangin " I kalna en ṭha rawh Duatte, i tlu sual ang " atih zawm zat. Ka kutah a kai tlata tluk tum viau pawh ni ila ka tluk theih pawh ka ringlo, Kanu te in kan pan tih chu ka hrethiam ta a, zawhna zawh leh chak viau mahila engmah min hrilh ṭha leh duh dawn chuanglo.

Kawngka chu Nunhlima'n a kik dat dat a, " Lo lut rawh u " lo titu chu Emily niin ka hria, Nunhlima'n kawngka chu pawt hawngin min kai lut a, Kanu leh Emily chu ṭhutthlengsei ah lo ṭhu in Nunhlima nen chuan minlo en reng. An nui miahlo a an hmel aṭang chuan ṭap hrep hmel hi an pu ve ve, bo hu in Nunhlima chu ka melh chho a, 'Hahdam rawh' hmui phun a tiin " Chaw in ei tawh em?" Ati chhuak sup a, Emily chuan zawite hian " Kan ei tawh e " ati a, Kanu erawh chuan uluk zetin ka luh tirh aṭang khan minlo la en char char.


" Tinge engmah min hrilh loh Bawihte " Kanu chuan min en reng chungin ati a, aṭap chhuak pah hawk, a awmdan chuan minti hrilhhai takzet ani. " I nu hi kavan laktlak loh tak em! Ka kianga i awm reng chung pawn, min thlakhlel na pawh kalo hrethiam ngai silo, a hreawm viau ang tiraw? " A aw chu a khur der der a. Kanu taksa cher riak in minlo kuah thleng chuan kala bangbo takzet, " Ka fanu, i nu hi min hua em? " Kanu chuan sti pah mawlh mawlh a, thil thleng chu hrethiam ve ṭanin "Engtin nge ka huat theij ang che " ṭah aw ṭeuha tiin ka kuah let ve vat, ka dul avang chuan inkuah chu a rem vaklo, kanu chu a in hnit hlawp hlawp a, keipawh ka mittui a sur ve zung zung tho.


" I ke akham em? " Min kuahna athlah a, ṭawngka a chhanglo chuan ka lu ka bu nghat, Nunhlima lo ṭhutna ah chuan min ṭhutpui in Nunhlima chuan ka kut alo vuan vata ka hmer let ve vang vang, ka tana athil tih hi ka hria ani. " Mamte, hei hi i u anih hi aw " Emily lam hawia kanu'n atih chuan Emily chu ka en ve vata, ani pawh ala in sut ve hlap hlap, " U, Tinge engmah i sawi loh, Laizawn ka neih chak ṭhin zia i hrelo emni? " ti ṭiau in ka hma chhuatah chuan alo ṭhu sawp niai a, ka kut chu avuan tlat bawk.

Chutiang chuan reife chu kan awm, heti tak hian min ngaihhlut ka ringlo a, hlauhthawnna ka neih tlat vang ania thudik engmah ka hrilh ngam loh. Hetiang tak hian min ngai in min thlahlel tih hria ila chuan ka inhriattir tawh ang, kan nufa thum chuan kan ṭap bang theilo a, Kanu leh ka nau chuan ka kut chu an chelh tlat, Mittui tling pam chunga Nunhlima ka en chuan uluk leh hmuhnawm ti zet hian minlo en vereng a. Hepa hi chuan ka hlimna hi min thlensak reng zela, ka ban phak renga awm hlimna pawh atello chuan ka tawng bo theilo chu anih hi.


Pangngai taka kan titi theih hnuah chuan, kan awmdan tur chu Nunhlima'n a hrilh a, " Hrechhuak ve ngeila ka duh avangin vawiin pawh kan cham hram ani, amah hi check up thuai thuai ka duh " atih chuan. Kanu pawn " Ni e, a hrisello khawp mai, engkimah min chhun a ka fanu ini tih engtin nge kalo hriatchhuah loh theih, min lo zawn chhuah rin ngaihna ka hriat loh em vang pawh aniang" A ti mawlh mawlh, " Sawi dun tur kan ngah dawn asin, mahse i hriselna a pawimawh bera, Pathian zarah Dam han hauh ila kanla titi dun thei ang chu " atih zawm leh. Emily chu a ṭawng ve vaklo a mahse, min nuih ver ver reng a awm hi ati nuam hliah hliah, kei vemai a u ang a min en in minlo ngaina em em a ka phulo zawk hial ani.

" Naktukah in hawn dawn chuan hetah zanriah ei rawh u, Kan inhmu khat tawh dawn si " Emily chuan alo ti ve a, kanu pawn alo belhchhah vat, keimah chauh kani tawhlo a, Thu pawh chah nghal maichu ka duhlo. Nunhlima chu ka en a ani pawm alo hrethiam vat " Ei pawh ni ila apawilo, Np chu call in hrilh maiila " ka rilru hrethiam takin dam dap hian ati a, ka nuih var var.

" Emily, dawr ah kan kal zuai dawn emni? Ei chak te i nei em? " Atih chuan Emily pawh chuan alo 'Aw' vemai a, Kanu nen hunthawl min pek an duh tih ka hrethiam. Mipa mah nise thil hi a hrethiam thei asin, engmah ka sawi kher ngailo a nachang ahre ṭhin te hian ka tana mipa ṭha ani tih chu ati chiang ngawih ngawih. " Ei chak i nei em Ka Duatte " Thum chhaka atih chuan ka lei chhuah zeuh in "Thil thlum deuh ka eichak, chuan Spicy emaw nodles te pawh ka eichak a. KFC pawh ka eichak chuan chuan lui lam sa pawh " kati zung zunga ka sawi zawh rual chuan an pthum chuan an nui dar dar.

" Avang dawn hlemai " Tiin Emily nen chuan an inzui chhuak a, Nui var varin ka thlir zui reng. " Mipa ṭha tak anihkha, hmeichhe tan chuan kan hlimna leh lawmna, kan ngainat zawng leh ka duh loh zawng ngaipawimawh tlat mipa hi an hlu ber. " Kanu'n atih chuan ka bu nghata, "Hmeichhe nun ruak Duhthusam Neitu anihkha, ani kha awmlo se tun dinhmun hi ka thleng phakin ka ringlo kanu" Kati let ve sep, kanu ka tih lai chuan ka aw chu kati zawi deuha, " Min koh kha tim miah suh, i nu hian min koh leh hun hi ka nghakhlel ṭhin asin. i pa in a enkawl ṭha dawn che tih hre mahila i pa kuta ka dah avang che khan ka chungah i thinrim ka ring a " Ati leh sep sep.

" Nu chutiang chu sawi lovang, ka kiangah i awm a ka nau a awm bawk, kapa nen kan boruak lah aṭha a" kati a. Kanu chu angawi vang vang, tun hun hi sawichhuah hun tak ani dawna ka hriat avangin ka aw ka thian kharh a, "Nu, Kapa hi i hmangaih em? " ka tih chuan min en kawk, a mitmeng chu uluk zetin ka en a, ka nuih sen sen bawk. "Hmangaih lo ila nang hi ilo piang kherlo ang " Atih chuan ka lawm takzet, kanu leh pa te hi inneih tir leh ngei ka duh ani.

" Kanu, kapa pawn a hmangaih lutuk che asin, Chuan i tan chauh a invawng tlat zela " Kapa hmangaihna chu chhuang takin kanu hnenah ka hrilh, kanu chuan mak atih ka rin laiin mak ti hmel a pu lova. " Bawihte ka hria alawm, I u te zawng zawng pawh i pa fa an nilo tih ka hria, ka hriattirh chuan i pa kha mak kati asin aw! Mipa ani lo hial emaw kati, mahse mipa chu ani ngei a mipa dang anga kawp lawr leh hmeichhe mamawh tak anilo thung. I pa hmangaihna kha a ropui asin, ka phu lo ngawih ngawih, Zari ṭhen aduh thu leh kei min neih aduh thu asawi khan, aw pawh ve mai ka chaka mahse, kum tamtak alo thawh hah na keimah vanga achhe maitur kha ka ngaingam lo ani. Tichuan nang ilo pianga a thlahlel em em chung che khan ka lak aṭangin lak hran che atum ngailo. Mipa ze ropui tak chu i pa khan akawl vek, mahse ka dinhmunin a zir loh em avangin i pa kutah khan ka dah ta che a, tun thleng hian kala inchhir lo, a chhan chu ṭha tak in i ṭhanglian dawn tih ka hria a; ka ringsual lo bawk doctor thiam leh ropui tak i ni reng bawka" Atih leh hnuah awm sep dawrhin thawk ala.

" Tinge kan bulah inlo kir mai loh vang, in in hmangaih reng tho a " Ka tih chuan kanu chuan alu athing nawk nawk, " Keichu i pa tan ka tling tawhlo, keimah chauh ni mahila ka tlin tawk tawh loh nen, Mamtei a awm a kir duh ila chuan Ipa hian a pawm dawn tih ka hria. Mahse, i pa hi a lainat awm tawk tawh, a fa tak nilo enkawl reng tur chuan a khawngaih thlak tawh ani " a mittui abianga luang thla chu a hru mawlh mawlh a. sawi tur ka hre tawhlo, hei chu kapa nen sawi dun rawh se, kanu chu ṭhut hnaih sauhin ka kuah a, a insut ve hlap hlap mai vawiin zet chu kan ṭap nasa dun takzet ani.



Nunhlima leh Emily chu anlo let harlo a, anlo let leh erawh an bawr ngang mai. " Tinge Ar sa te inlo lei " An thil lei en kual pahin kanu chuan ati a, " U Hlima'n alei tlat alawm, angailo ka tih pawn ' I u in KFC a ei chak alawm, tihian kan phuahchawp sak dawn nia ' ati tlat a " Emily in atih chuan ka nui hak hak.

'Lo tel ve suh ' ti mahse, Nunhlima chuan eirawngbawl a chuh ve deuh tlata, thildang chu asiam em em lo, Ar sa chu abuaipui a, " ti buailo mairawh " ka tih pawn "I thulung a i eichak min hrilh hmasak ber ania, Aizawl ah awm ilang chuan atam thei ang ber ka leisak zawk ang che" atih miau avangin ka khap ta biklo. A tlai chhiat hma in Np ka call a, 'Np pawh chu sawm ve rawh ' kanu'n atih avang chuan Np pawh chu ka sawm a, mahse tum ṭum chu a duh tlat lo, tih luih theih pawh anilo.

Eirawngbawl a an buai laiin keiin Rosgulla leh chhangthlum anlo lei chu ka ei a, tiang taka thil thlum ka rawp hi amak zawk. thil thlum hi ka ngainat loh ber chi ani a, ka rai hnuah erawh ka duh ber ani ta anihhi, " Bawihte, rawp viau mahla ei tam lutuk suh aw, Rai laia sugar a san te hian a hlauhawm ania " Kanu'n atih avangin ka eitam ngam biklo. " A hma khan engmah eichak ka nei ngailo ania, tunah chuan ka rilṭam huam huam reng tawh " Katih chuan kanu chu anui var var, " I taksa a ṭha ṭan dawn anihchu, in sum reng reng suh " ati a, keipawh kabu nghat nghat.

Hlim leh puar takin zanriah chu kan ei ho a, Kanu leh Nunhlima chu an ti ti mawlh mawlh, kei erawh eitur chauh chuan ka rilru aluah a, min be ve ṭhin mahse, tawi te te bakin ka chhanglo. 'A rawp ngang anih hi be buai tawh suh u ' kanu'n ati tawp a, chaw ei lai laiin Emily chuan min nuih nasa lutuk, " Heta chaw alo ei hmasak te chuan chaw a ei tak tak lo hrim hrim " kanu bawkin ati a, ka chanchin chu an pathum chuan an sawi chhunzawm.

.
.
.
Ka nau neih thla kan chuang kai ve ta der mai! Hun leh ni liam chak zia hi, kanu te khua ka zinna pawh hmani lawk emaw tih laiin thla4 aliam leh der tawh. Kanu te khua aṭanga kan hawn khan Nunhlima in ah ka awm nghal ngei a, ka ngaihtuah buai ngai hauhlo in Nunhlima'n engkim abuaipui a, "A dul alian tawh si, nau a neih hunah inneih na chu mumal zawkin kan ti mai dawn nia " tiin. tlan koh angin kan in hruai tawp a, keipawn pawi kati hranlo, a innei tur te ber kan hlim chuan inneihna pui tham vak kha ka va beisei hranlo ani.

Thla4 liam ta a ka hun hmanah khan sawisel tur ka hrelo, mihring kan ni a hlim reng chu ahar mahse, ka lungngai ngailo thung. Nunhlima hi ka tan chuan sawiselbo ani takzet, ka hlim loh leh ka hreawm ahlau em em a, Hna a kal tih loh chu ka kiangah a awm chawt zel. Naute room tur a siam a, nitin thil alo leisak ziah bawk 'Mipa nge hmeichhia tih pawh ala hriat loh hi, lo lei lawk chiam suh' ka tih pawn awmzia a awm ngailo.


Ka thil ei a tui tawh a, engkim hi ka rawp em em vek ti ila ka sawi sual lovang, Zanlai rilṭam ka ching si thawh veleh ka rilṭam nghal bawka. Nunhlima lakah ka inthlahrung lek lek chang awm mahse, amah hian inthlahrung hmanlo in min siam thiam a, Ka pasal hi chu fak loh theih pawh anilo. Ka eitur duh ang ahre chiang bawk nen, ka sawi ngailo in min lak khawm sak zung zunga, tlai lamah in kawtah exer hahthlak lo te te min tihpui ṭhin bawk.

Ka taksa na neuh neuh hi areh theilo a, ka ban veilam lo zawi leh thut ṭhinte pawh ala ngaireng, in entir mahila achhan sawi fak tur an hrelo a. Dr Zaii pawn 'Hetiang hi an awm alawm, nau pai effect anih hi ' ati tawp, keipawn anih ka ringa kanu lahin 'Hlauthawng suh u, thil pawi em em ani lovang, aṭhen te phei chu nau an neih hlim a kal theilo ringawt te an awm a, thla1 vel aliam hnuah an kal veleh thei maizel alawm ' atih avangin ka rilru a ti buai lutuklo.


" Ka lo hawng e " Kawngka aṭanga alo pen luh rualin thum dutin alo ti a, Kai lawnah chuan muang zetin ka penthla, "Fimkhur rawh " alo ti leh hman tho a, rum zeta ka melh chuan min nuih vur vur. Nidang ang tho in alo bawr hawng leh viau a, Ka kalmuan deuh avangin amah zawk chuan ka lam alo pan pawk pawk, " Eng nge minlo hawn " Ka tih chuan min chhanglo in ka hmuiah a fawp phawt a, inlak hran leh mai atum laiin a biangah chuan kalo dawm vata, uar zetin ka fawp.

" Min lo ngai viau emni? " A aw rik dan mawlh mai chu tuar har tak ani, mitmeng danglam zetin min en reng bawka, " Kan ngai khawp mai che " Tiin Ka thiam ang tawka no chuan ka melh a, ka dul puar lah tawh chu ka chul pah zeuh bawk. " Titeh Duatte, tiang khan min thlem suh, Naute pa hian chin hrep che ka chak teh ania " Ati nghut a, a thinrim vang anilo tih chu ka hria, " Naute pa, vawiin chu ka awm anuam vaklo " A bianga khawihsak zeuh pahin kati a, " I eng nge na, chuan khawnge Nu Dami" tiin a hawikual thuak.

Nunhlima'n hna aneih avangin chhun lamah hian Nu Dami'n min awmpui ṭhin a mahse, ani pawn pasal anei ve tawh miau avangin nitin ka bula awm chu ahman tawh biklo; kala sawilo maithei Nunhlima nen kan inṭhen buailai vel khan Nu Dami hian Pasal anei a, keima tawkah ka rilru abuai lai taka pasal anei kha apawi, duh ang pawn ka ngaihsak hmanlo a, inneih thilpek erawh aṭha thei ang ber ka pe thung. Kar hmasa aṭang khan chhun lamah minlo awmpui chawt a, zan lam erawh tihbuai chi pawh anilo, Kanu chuan min awmpui atum tho a mahse, abuai ve deuh avangin 'I neih dawn hnaiah kalo chhuk ang' ati tlata, Emily pawn minlo awmpui aduh viua laiin, tawnhriat lo neilo tho ani a min awl dawn viau mahse, kanu kalsan daih chu aṭul kan tilo ani, Kan chhut danin thla tawp lam ani tho bawk a nakinah kanu nen anlo kal rual ang, Kan nupa chauh a awm chu Nunhlima a zam ṭhin viau.

Kanu leh kapa te hi la innei chiahlo mahse, an in be ṭha leh viau tih ka hria, Ramengi'n min hrilh ṭhin a, kapa pawh kanu te khua ah a zin chho fo bawk. Innei leh se tih ka duh bera hlim tak tak tawh se kati, Thil hi a thleng a, hlimna tur thil ka chunga thleng mawlh mawlh maite hi phulo ka van inti ṭhin tak! ka ṭhiante lahin an hunawl apiangin min awmpui a, ka tan chuan anni hi an hlu lutuk, tun aṭangin naute thil an inlei siak a, khap beh sen pawh anni lo.

Nunhlima nu pawh thla hmasa khan alo chhuak a, Vawikhat mah kan inhmu velo thung, Nunhlima'n "Hun a mamawh rih anih hi, nakinah amah zawkin minlo pan mai ang' tiin min hnem ṭhin, keichuan minla hua anih ka ringa, rilru tih hreawm nan chuan hman ka tumlo, thil engmah hi kan duhdan ang diak diakin athleng theilo tih ka hria a, chuvang chuan Ka ban phaka hlimna awm hi hlimpui ila, thildang ngaihtuaha in tih lungngaih kual vel chu ka duh dan anilo.

Nunhlima chu ka inthlakpui a, mahse ka pum erawh anuam chiah lo, na lutuk ni silo in a na leh zeuh zela. Nunhlima ka hrilh chuan a ngaih aṭha leh dawnlo lutuk bawk nen engmah ka sawi chhuak duhlo, a nat zual tak leh ka hrilh ve mai aniang chu, na reng anilo a awm ti nuam chiah silo in a na ka timai. " Ka intleuh zuai ang aw, khumah khan ka thil lo hawn che kha ei rawh " Towel a ban a, thu awih fe in khumah chuan ka ṭhu kai nghal, Washroom aluh hma chuan min lo fawp leh vang vang a, ka chhanlet ve chuan a duhthawh zual sauh. Tiangte chuan a inbual thei tawp nang, a ban puamah chuan bensak in ka thle sawn a " Va inbual thuai teh, tun atan chuan atawp ka thlenlui theilo che, rei tak nghei tawh ang maiin rawp viau zel suh, Zan khat pawh i nghei ngailo " Ka tih hlak chuan anui ruh ruh a, " Min hip em alawm" ti supin a lut bo ve thei hram.

A inbual hlan chuan eitur minlo hawn te chu ka ei mawlh mawlh a, eitur a awm hi chuan engdang hi ka ngailo, a eitur lo hawn chu a tam em a, Ka eizawh vek sen loh avang chuan, Zanah pawh lak awlsam turin Room cabinet ah huan ka dah ṭha. Nunhlima pawh a inbual reilo a, a tihdan ngaite in towel chu a dah leh tawp, chek tlak tlakin ka bang ṭha a, Thildang ah a chetfel tehreng nen towel huh hi a zar thiamlo reng reng. Ka hrilh ngun tehreng nen a sim theilo a, 'Tih tur i neilo a hreawm itih em kha, Min hau lovin lo bang ziah tawh mairawh' ati daih zel, hauh pawh ka hau peih tawhlo.

Kailawn a kan chhuk laiin doorbell alo ri a, "Zamtei ani tawh ang" ka tih chuan Nunhlima chu abu nghat a, kawngka hawng tur chuan akal vut, kei erawh ṭhutkhawmna ah zawi muangin ka kal thung. Naute lah chu a che ṭalh ṭalh renga, a chang chuan a che nasa lutuk hi a buaithlak lek lek zel.

Zamtei ka tih hi lang a eirawng min bawlsak ṭhintu ania, Nunhlima hna ah abuai bawk nen, keichu sawi ngai lovin achiang a. Zingah leh tlaiah alo kal ṭhin a, kar khatah vawi2 inchhung min tihfai sak ṭhin bawk.

" Khawnge Raipuarnu chu " Sofa ah ka ṭhu fel chiah Hnehkima aw ka hriat avang chuan ka inher a, Black angels ho chu an kim ṭhap, an lo inzui lut diah diah a Nunhlima chu a hnung berah alokal. " Guys, teh ṭhap che u chuan " kalo ti hluai a, " Naute pa hian lo leng ve ṭhin rawh u, chhunah te hian lo awmpui ve ṭhin bawk ula" ati sek sia, vawiin chu hun kanlo insiam anih hi " Mimii'n ka bula ṭhut pahin ati barh barh. Nunhlima hian 'naute pa' minti rawh u atih tlat avangin, kapa thlengin 'Naute pa' tiin an au ta ṭhin a, Nunhlima lah alawm thei vur vur si, kan chhangchhe nghal em em mai ani.

" Vawiin chu ka awm anuam vaklo" kalo ti ve a, min ngaihtuah zetin zawhna min zawt nghal mawp mawp, 'Tinge?' 'I eng nge na' 'Naute in chhuah alo ngen tawh emni? ' tih angreng min zawt nual mai. Nunhlima nen chuan kan nuih tawpa, ka chhan hmain Doorbell alo ri leh a Hneha chu amawng zang berah ṭangin ava hawng. Zamtei alo ni tawh a 'Zamte, chaw kan ei vek dawn aw, nakinah kanlo chetpui ang che" Ramengi'n ati, Zamtei pawn nui var var chunga "Aw le" ti sepin choka ah alut bo nghal.

Kan han awm khawm chu sawitur kan ngah hlawm khawp mai, Ka pasal leh Muana Rosanga te chu ahran deuhin an ti ti a, hmeichhe thusawi chu an ngaithla peih ve vaklo. Hneha erawh kan bulah a tap veleh chawt a, "Nang lah hi hmeichhe khabe hnuaiah i dak voh voh zel, mipa ho kam liam va ngaithla rawh " Mimii'n atih chuan " Pasalṭha thawnthu i ngaithlak avang maiin inla ṭawng upa viau suh" Hneha'n atih chuan kan nui hak. " Mimii'n pasalṭha thawnthu angaithla ṭhin maw? " Ka tih hluai chuan "Sawi pawh sawi suh " Muana'n alo ti hluk, an titi vereng emaw tih laiin kan thusawi alo chhanglet leh daih bawk sia. Mimii'n rum zeta a melh chuan " Min melh rum suh, Pasalṭha avang hian min ti rethei lutuk " Inla khawngaihthlak deuhin ati nui nui, midang zawng kan nuih laiin Mimii chu atum bar a.

" Engtin nge atih ṭhin che " Ka tih chuan, " Sapui te hi i hmachhawn ngam ve angem? Pasalṭha te chuan sapui mei ah te an pawt ngam asin. Mi lu te i la ve hmawk hmawk ngam em? ' te minti ṭhin a, kan inhauh changin 'hmanlai ah chuan awm ila nangte chuan min chang teuhlo ' ati ve ziaha, engti kawng zawng pawn abuaithlak " ati duah. Muana tan chuan thawk ngaihna a awm dawnlo anih hi, Muana leh Mimii hi an inngaizawng a, ka rinhlel na rei tawh mahse, ka ring ngam chiahlo kha ania mahse, an lawmpui awm e Muana khan abuaipui em a. An inṭhen erawh ka hlau takzet, a hma ang in kan ṭhian inkar kha, aṭha thei tawh dawnlo tih ka hriat chian em vang ani.


Thu ho deuh deuh an sawi a, Hnehkima'n thil ho deuh alo rawt leh a, ṭhiante lahin an phur pui viai bawksi, " Naute hi mipa nge hmeichhia inrinsiak ang u, in chawi bawk ila" tih chu ania alo rawt chhuah leh. " Keichuan Hmeichhia ka ring e " Nunhlima phur sarhin alo ti, " keipawn ka ring " Tiin Mimii leh Muana'n anlo thlawp nghala. " A dul kawh dan aṭang hi chuan mipa anih ka ring " Ramengi'n alo tih ve chuan " Keipawn ka ring" A bialpa duhtak Rosanga'n alo ti ve nghal vat, Hneha pawn mipa anih a ring a keichuan engmah ka sawi velo.

" Rawt na i siam bawka keiin kan inchawi na tur ka sawi ve thung ang " Muana'n atih chuan Hneha pawh abu nghat nghat. " Kar khat chhung naute ek leh a zun suk fai ti ila" ati chiah chuan an ner nghal nang hlawm a, " A pawilo keichu ṭha kati, tunlaiah diaper an hmang vek tawha abuaithlakna a awmlo " Inla chanṭha fe in Rosanga'n ati a, midang pawh an bu leh nghat nghat.

Mimii leh Ramengi'n Zamtei an pui a, kei erawh ka awm anawm hlawl loh avangin ka ding teu a, din reng pawh anuam chuanglo, ek chhuak ang ten ka awma toilet ah rei fe ka ṭhut pawn ka zung tawpa ka e thei chuanglo. Ka zun a chhuak sek a ka hnungzang a kham urh bawk a, ka zun zin ngaihtuahin zun tur neilo mahila amak loh nen ka zun apiang in ka zung pangngai reng tho bawksi. Hneha games khel lahin "I hnar kha aṭhang thut in ka hria" alo ti zeuh zela, rum zeta melhin engmah ka sawi peih chuanglo.

" I nuamlo ami? " Nunhlima'n a khat tawkin min zawt reng bawk, ka ṭhu hle hle theilo chu ani pawh a awm anuam biklo. Min zawh lai hi chuan ka pum na riai riai kha a reh leh daih zel sia, 'Ka ṭha maiang' ka ti leh tawp zel, Zawi te te chuan ka teikual a, ka teikual sek lai chuan ka pum chu alo na ṭalh ṭalh a, areh leh mai ring a ka ngaihchan laiin ana zual tulh tulh, ka ding chata ka pum dawm chuan ka kun nghal ngawih ngawih.

" Nau i vei emni? " Nunhlim chu engtik laiin nge ka bul alo thlen pawh ka hrelo, a na lutuk chu ka ṭawng chhuak thei thlawt lo, ka kawng leh hnungzang vel te pawh a na nghal nget nget a. " Awi! Bella nau i vei emni? " Ramengi mangang au chul te chu ka hre hla vek, ka kap aṭang hian eng emaw lo chhuak tur hi awm hian ka hria a, chu chuan min kam deuh run bawk thil nuam ani miahlo.

" Motor la chhuak ula, Mimi kan room ah damdawiin a ken tur naute puan kan pack sa kha han la rawh " Nunhlima chuan ati zung zunga, Ramengi phone hmang thawm te leh midang ṭawng nak nakte chu ka hre hla ruai tawh, "Naute pa, ka hmaah hian lo ding teh " ka aw chu aringlo mahse, a hria aniang Nunhlima chu ka hmaah ading a, ka kut chuan a nghawngah kuah in ka lu chuan a awm ah ka nawr a, tlem in ka din dan chu ka siamrem, " Damdawiin ah kan kal dawn nia " Ati khur deuh hluk, in thunun tum viau mahse, ka pasal hi a hlauthawng tih ka hrethei, keipawh ka mangang ru tho, min kam run tu hi a awm tlata san vak lah ka ngam bawk silo.

Ka kap aṭang thil luam puat chhuak ka hriat rualin " Eng nge awmzia, Hlima thisen " Ramengi a au nghal tuar, ka kap aṭangin eng emaw hi a chhuak a, keichuan ka zung ni maiin ka hria, "Engtin nge ni dawn " Nunhlima mangang aw ri chuan min fan chhuak vek, " pawm tawp rawh kalpui ang u" Muana'n atih chuan ka lu hi ahai muai muai tawh, "Duatte ip rawh " Ti sup a kut tha chak zetin ka kawnga alo dawm chuan " Ka..ka theilo " ka ti sep, vawi leh khatah ka kang nawlh a, ka taksa chu azawi vek tawh..keihi! Keihi ka thi dawn tihna emni? Thil thleng engkim chu ka mang hriat vek a, " Zamte chhuat saw lo tifai rawh " an tih te " Ka Duatte, inti harh rawh, muhil suh " Kut lum veng vengin ka Hmaia lo khuap paha atih te chu ka mang hriat vek tawh.

Ka thinlung hi a rum vawng vawng a, ka rilru chuan Lalpa..Ka naute hi min laksak suh, naute nen hian kan la thi theilo.. ka pasal hi kalsan kala duhlo' kati mawlh mawlh, ṭawngṭaina ngaithla ṭhin tu Pathian hian ka ṭawngṭaina hi a thamral tir mai ka ringlo ani. Ka beiseina awmchhun chu Pathian chauh ani.


Ka taksa na leh nget nget chu ka hre ṭhin a, mahse ka mit chu ka meng theilo, ṭawng ri pawh hre mahila tute nge tih hre tur pawn ka meng thei chuang silo. Ka awmdan chu a beidawnthlak ngawih ngawih, Naute ṭap ri ang deuhte chu ka hria a, chutih laitak chuan ka hriatna chu a bo leh nghak duak.

" Nizan aṭangin alo harh tawh ang inti a, tun thlengin alo la harh lo " Nunhlima aw bung zet chuan minti harh zawka, chiang fahranin ka meng nghal kawk. Ceiling var leh eng pup avang chuan ka chhing leh sawka, " Mama, Innu hi a harh lo maw" Ti hlut tu chu Nu Tleipuii niin ka hria, Thawm a awm rawk rawk lai chuan ka meng siar siar a, ka biangah kut lum vung vungin a khuap takah chuan ka nui seih.

" Lalpa le'h! I harh tiraw ka duatnu " A aw ri a mak tihna leh hlimna inpawlh nawk chu hriat anuam ngei mai, Ka men chian ruala ka hmuh hmasak ber chu Nunhlima ani a, hnai fe ah minlo bih ngur. " Minti hlau dawn " Tham ṭiak hian kati a, ka dang aro em avangin tui ka lam chhunzawm zat. " Straw khan tlemte chauh fawh tir rawh u " Dr Jenny chu khum sir ah alo ding ve a, " A tui a hal alawm" Lawm lo zeta Nunhlima'n atih chuan Dr Jenny chuan thawpui ala halh. " Mipa dang te pawh an nupui ten fa annei ve tho, nang ang em em a over leh chimawm thinchhe bawksi kala hre ngailo " ati hliai bawk, " Neih pangngai in anei hleinem, bakah mipa dang ni lovin Naute pa ka nih hi " ati nghut, ka nui vur vura Jenny pawh anui ve tho.

Nunhlima awmdan aṭangin naute chu ka nei ṭha anih ka ringa, Naute chungchang zawhna hun pawh ka neilo, Tui min fawh tir zawh a " Ka naute hi " Ka tih chuan "Hmeichhia ania tunah chuan An up lawk anihkha, naktukah chuan i pawm thei ang, i hrisel loh ngaihtuahin naute chu a hrisel lutuk, kg 3 leh 200gr lai ani bawk a" Jenny chuan alo ti vata, hlim zetin kanui ve var var, Room ah chuan Nu Tleipuii leh Emily anlo awm ve reng a, naute ka neih lai taingial pawh ka hrelo chu amak khawp mai, ka awmdan chu ka hrethiam chiahlo kala chianglo riau hian ka hria.

Ka harh tih an hriat rualin ka chhungte anlo lang ṭak ṭaka, Nu Tleipuii pawh a pangngai viau, Black angels ho pawh anlo mawm rang khawp mai. Ka thawhna hospital ani bawka nurse leh doctor te pawn minlo tlawh ve zawk zawka, Nunhlima an fiam tam ber thung. Engmah ka hriat loh lai khan engtin tak nge alo awm ni, amah lah chu anui ṭha duh derlo lehnghal.

Chawhnu her hret ah Naute hnute pe turin Nunhlima nen kan kal a, Pathian zarah engmah in sawiselna ka nei tawhlo, ka taksa ala chau deuh tih mai loh chu. Hnute tui lah nise ka nei ṭha viau bawka, ka thil paltlang kha manganthlak viau mahse, Pathian hian min ensan ngailo tih min hriatfiah zual tirtu anni.

Ka kuta ka fanu ngei mai ka han pawm chu ka hlim takzet, hetiang taka hlimna hi ka la nei ngailo, phur vang leh hlim vangin ka taksa hi a za chhuak vek hial in ka hria a. Duhthawh zeta ka hnute a fawp ve dek dek te chu hmuhnawm tak ani, nu mit ah chuan a chezia engkim chu a hmuhnawm veka chu aia hmuhnawm chu ka tan a awm chuanglo. Lawm avangin ka biangah mittui a luanga, thihna ko tlanga dingin thi maithei kani reng mahse, Pathian hi ka tan aṭha em a! Ka ṭawngṭaina kha min hriatsak ani. Ka fanu ka pawm theia ka pasal duatna kala dawng thei te hi, ka tan chuan a hlu in a ropui takzet.


" I ṭap emni? " Cabin pan a kan let leh lamah ka pasal chuan ati a, ka kal chak theih loh avangin zawi muangin kan kal. Min kuah deuh run a ka tluksual emaw ka intihpalh ahlau lutuk, " Ka fanu khan min vel alawm" tham ṭiaka ka tih chuan anui suk a, ka kut chu a vuan nghet salh, " A piang chiaha a nu leh pa te hi hlimna tawp min tawn tir nghal ania " ati thum ve dut dut a, pawmpui zetin kalu ka bu nghat nghat. " Pawm reng ka chak tawh " atih leh chuan ka nui a, min ṭhuina avang chuan nuih pawh ka nui ṭha ngam chuanglo.


Ka fanu chu ka ngai nghal em em a, zingah kan la chhuak thei tawh dawn tih hria in ka helhhawlh lutuk, kei ai mahin Nunhlima a phur zawka, a ṭhu hle hle theilo. " Khua avar har tawh " parda keu in ati deuh sek, " Mama, em em che chuan " Nu Tleipuii'n atih chuan " Em em lo " Pakhat lahin ati nghut zela, a nu pawh anui ve tawp zel; Nu Tleipuii pawh Kan in hmuh tirh ang mai khan ka chungah aṭha leh tawh a, Pangngai taka inbiak na hun erawh kan neilo, ṭha taka min biak chuan ṭha takin ka chhang ve zela, kan hun kal tawh chu sawichhuah emaw tih thar leh ka duhlo. In thiam loh na anei tih ka hriatsak ve khiau avangin ṭul vaklo ah pawh ka be vereng a, Boruak nuamlo engmah a awmlo chu anuam kati khawp mai.

Zanah chan Nunhlima'n min riahpui a, midang ho chu a tuk lamah 'Kanlo kal leh ang' tiin an hawng thung. Ka Pasal chuan na ka neih leh neih loh min zawt khat tawk renga, 'Eichak i neih chuan sawi la, i rilṭam pawn sawi rawh' ati sek bawk, min ngaihtuah lutuk chu a ngaihṭhat thlak ngawih ngawih, ka hahdam em em bawk.

Khum a zau bawk nen zanah chuan ka bulah alo mu ve a, ka pasal awm nghenga mut chu anuam takzet, mu thei lo ve ve chu kan titi dun a. Ka awmdan vel te pawh ka zawt, mipa ani bawka a sawi kimchang lemlo mahse, a hriat ang ang chu min hrilh in, 'Min ti hlauthawng takzet tih i hria em? I nawm loh thu i sawi tirh a damdawiin ka kalpui lo che kha ka inchhir a. Keimah leh keimah hi in sawisa thei ila chuan ka in sawisa ang " atawp khar nan ati. A thusawi chu a ti takzet tih ka hria a, amah alo indem lutuk tih ka hriat phei chian hreawm kati zual, " Nangma thiam loh pawh anilo a, tinge i lo indem viau " A biangah ka dawmsak a, ka kut chu lo nul let in amit chu a chhing vang vang. " Ka ngaihtuah tawklo che in ka hria " ati sup, sawi zawm leh atum lai chuan ahmuiah ka fawp a, engmah sawi tawhlo se kaduh, amah alo inthiamlo lutuk chuan minti hreawm ve vek alawm. Duhthawh zetin min chhanglet ve a, rei fe kan in thlakhlel zia kan tihlan mawlh mawlh hnuah, a awm ah hmai phum kakin ka chau ve deuh bawk nen ka muhil ta daih!

.
.
.

Kar khat chuang Damdawiin a kan awm hnuah Vawiin ah kan chhuak ve tawh dawn a, Buaipui tur zawng zawng Nu Tleipuii ati vek, ka pasal ve chuan maw a fanu a atchilh bur a, Kanu te pahnih leh kapa ten an pawm loh chuan a chuh bur zel. Kan ṭhiante'n an pawm ve chang lahin phal loh chu tih chi anilo tih ahre ve a, Naute in ṭap ni chiah ailo a thawm a chhuah ve hlek rualin " A ṭap dawn " tiin a laksak hmak zela aman zeilo deuhin a awi hliau hliau zel. "pangtilum a hre hma lutuk ang, pawm reng suh " Nu Tleipuii'n atih pawn " A pawilo " ati tlata, kan khak buai peih tawhlo.

Ka chhungte lam chu Malsawmsanga ten naute an neih ve avangin anlo lang tam theilo a, Naute ka neih hnu lawkah khan an nei ve nghal, damdawiin ah anla awm dawn a. Vawi khat chu naute pawh kava ensak ve nghe nghe, anni chu mipa ania, Nunhlima ang chiahin Malsawmsanga pawn a fapa chu a atchilh a. Ramengi ngei lutuk in " Fa inva han nei bik tak " ati chiam zela, " I duh leh nei ve mairawh" Malsawmsanga'n atih let phei chuan atitau nghawng nghawng zel.

Kan naute hming chu kapa kan phuah tira, ' Tleipuii hian hual lawk anei zawk lo maw' inthlahrung deuh taka atih chuan " Nei lo ve, a pu in i phuah kha aṭha " Nu Tleipuii'n atih ve tlat avangin kapa chuan " Anih leh chutia min tih takah chuan phuah tur hrelo pawh ka ni chuang lova" tiin anui hak haka, " Ka tunu hming ah chuan Kan hmangaihna zawng zawng dawng vek tu tur ani a chuvang chuan Hmangaihdawngkimi ka Sa/Phuah e" ati a, Nu Tleipuii'n " Sei tawh viau mahse, Abigail ka belh ve e " ati leh bawka, kan fanu hming chu a sei dawn lutuk.

Hneha te ho in min fiam nak nak renga " In fanu hming sei dan hi, alo len hunah nasa deuhin ala dem ve dawn che u anih hi" anti ṭhin, " Keipawh ka hming a sei tho alawm" ka tih lahin " I phun ve ṭhin kha" Mimii'n ati a, a dik miau avangin ka chhanglet tawhlo.

Malsawmsanga te fapa chu, Bethsy pa zawkin a hming a Sa/Phuah ve thunga, kapa tih tir leh an tum laiin kapa'n a hnial ve tawh. An fapa hming chu Lalroluahpuia an ti a sap hming anei velo thung, Malsawmsanga'n " Mipa tan sap hming neih angai velo" ati tlat a, tuman an hnial ngamlo.


Ka pasal in Motor a khalh a, a bulah ṭhu in kan hnungah kanu te Pahnih an chuang ve thung, Kanu zawkin naute chu a awrh a, Naute chanchin sawiin an nui kar kar reng, "Ka tunu hi ava hmelṭha tak " kanu chuan ati sek bawk, Nu Tleipuii lahin " Hmelṭha lo theilo, kan tunu ani miau alawm' tiin a belhchhah ve a, an hlim dun ve khawp mai.



Nunhlima'n kan in Kawt a motor atih din chuan kan chhuk a, kanu te pahnih chu an kal nghal, kei chuan ka pasal ka nghak thung a. " Bungrua chu nakinah kan la dawn nia " tiin ka kawngah alo kuah a, kanu te hnungah chuan kan zui ve.

" Welcome home baby " Inchhung aṭang chuan kan ṭhiante'n anlo ti a, hetiang an tih duh vang hi ani chiang mai ' Kanlo hruai hman lo che " an tih. " A ho thei lutuk" Nu Tleipuii'n ati hlak a, Nunhlima nen kan nui vur vur, ti ṭha an intih ve dawn nen " Nu Tleipuii chu i mak e a " Hneha'n ati nang nanga, inchhung kan luh ve chuan ka hawikual nghal ruai. Banner lian deuh hi an lo tar a, Kan fanu thlalak pawh a awm nual. Dawhkan ah Cake nalh zet an hung bawka, anlo inbuatsaih ṭha ve lutuk, Mimii chuan vedeo in alo cover veka, ahma pawn ka sawi tawh kha Naute tan hian ka ṭhiante hi an la hlu dawn chauh.

.
.

A pian hlimah Bawihtei chu a fel tehlul nen Thla1 atlin hnuah a zia athlak a, zan ṭah a ching in minti mu thei ngailo. A pa leh a pi ten an awi zak zak a, kei lah indim kala ngai vesi dam tawh viau mahila ka taksa ala chaklo a, zan men ka thei hlawl lo. Pangtilum a hria in pawm emaw puak kher loh chuan a muhil duhlo; ka vanneih ve em em na chu Nunhlima hian min awl hneh a, ning leh hah hmel a pu ngailo, chhun ah hna a thawka zanah Bawihtei asual leh ṭhin bawksi, " I chau ang mu rawh kanu(Nunhlima nu zawk aw) nen kan nih tho hi " ka tih pawn a duh ngailo.

Kanu leh kapa pawh kar liamta khan an inhruai ve rup a, Caurt ah innei in an inhruai hnuah pawh keini lam erawh kanla lang ve theilo. Malsawmsanga ten naute an nei ve bawk nen, kanu chuan minlo ngaihsak hmanlo a, ka vui biklo. Nu Tleipuii a awm a, Emily in min awmpui chawt bawksi, Nunhlima lah a rintlak em em a, tunlai tak chu tu te pawh kan buai vel vek, Nu Dami pawn kan naute chu minlo hmuhpui ve tawha, " Ka ngaihtuah let hian awih harsa kala ti ani, Bella hlim deuhin awm zel ru aw " mittui tla zawih zawihin malsawmna min hlan, ka tan chuan maw Nu Dami hi ahlu takzet.

Tunah pawh Bawihtei chu ameng leh kiau tawh a, khum tlangah ṭhutpuiin hnute ka hnek tir a, akut leh lam chuan pakhat a hum ve ṭai bawk. " Ve reuh lutuk hian " Nui hawk chungin Nunhlima'n ati, ka hnunglam aṭangin min kuah a, ka darah a khabe nghatin a fanu chu uluk zet hian athlek, Zanlai a pel fel tawha ala meng chiang em em lehnghal, vanneihthlak takin zanin chu a ṭap vak vak tawhlo. Kanu leh Emily pawh an chau ve aniang naute aṭap ringlo bawk nen anlo kal lo a, kan chhungkua te chuan room ah kan meng kar hlawm.

Bawihtei chu apa in a fiam a, hnute la hmuam reng chungin thiam lo zetin anui ve seih seih, thawm na vaklo a chhuah ve ṭiah ṭiah reng a. Vawikhat erawh apa chuan engtin nge atih tehreng hnute thlah meuhin ari chuan anui ve reuh a, chu chu ka pasal chuan pa zetin anuihpui ve hawk hawk. Ka fanu leh pasal te hlim ri chuan minti lungawi ani.

" Ka fanu duat chu kalo pawm dawn ami? " Hnute a hnek duh tawh loh hnuah ati a, Bawwhtei pawh a ham ve bai bai mai, a mitmeng pawh a dul deuh tawha, keipawn kalo pe ve mai, " I paw dawn em? " ka tih chuan alu athing a. "Ka pawm zawk maiang, i duh leh lo muhil la " Ti sup in a fanu awi chungin a tei kual a. Mu chungin an pafa in awi chu ka thlir, zanin chu ka mutchhuak teh chiam lo, zawi te te thum deuh chuan hla a sa ve paha, vedeo in ka lo laksak, ka theih ang ang hi chuan vedeo in ka cover ve zela achhan pawh nakinah Bawihtei en let ah kati ani.


" I mutchhuak vak na nge? " Bawihtei dim zeta mut pahin minlo en a, nuih seihin kalu kati che zeuh, a mitmeng phur nghal sarh chu keihian ka hmuh hmaih lo nasa. A hah ve bawk nen zanin te chu tih hlim aphu ve alawm, ka bula alo mut ve rual chuan kalo fawp nghal a, nui sukin min chhanglet rang khawp mai, " In fawh ringawt chu ka duhtawk dawnlo ania " Ka bengkawm leh nghawng vel nul thuak thuak chunga sexy zeta atih chuan mitmeng danglam zet chuan ka melh ve kar " Chu aia thui chu keipawn ka duh ve tho alawm " Ngaihno bei zeta tiin ka hmui hnuai chu ka seh zeuh a, kan thawk a rang dun in, Nunhlim taksa chu a sa vur thei! A hnu lama kan chetdan chu sawi vek chi pawh anilo, Ka pasal in a tih tur a hailo bawka kei lahin ka dawngsawng ṭha nasa, Zanin zet chu Bawihtei harh lo mahse kan mu manglo.

.
.
.
Vawiin hi Bawihtei kum khat tlinna piancham ani a, Naute pa in ropui deuha lawmsak aduh tlat avangin kan buai khawp mai. Ka ṭhianten min ṭawiawm ṭha a, vawiin tak erawh kan buai chiam tawhlo, kar1 chhung chu inbuatsaih nan kan hmang. Bawihtei lah a fel em em a, thil a thiam chakin kum khat atlin hma in a kal chhet chhet tawh, a kal hma lutuk chu mak kanti a, Naute pa erawh a hlim ṭhin khawp mai. 'Pa' tih a thiam hmasa bera, a ṭawng hma chi ani dawn bawk nen tun aṭangin ariat ve nawk nawk zel.

Kei aia apa a ko thiam hmasa chu mak kanti veka, Naute pa erawh a intithei lutuk, tunah chuan 'Nu' tih pawh athiam a, a putea te leh nutei te pawh dik chiahlo mahse, hriatthiam theih turin a ko thiam tawh. Toys te hi a ngah a Hneha te Lokal apiangin anlo leisak leh ṭeuh ṭhin, Nunhlima takngial pawn " In inseng lutuk dawn, khalh tur ber pawh a hrelo leisak tawh su" ati ve tawha, an sim thei chuanglo.

Programe ṭan hun a hnaih tawh avangin room ah Bawihtei ka tifai a, A birthday kawr A nute Mimii design sak chu hak tirin, a sual a chhuah loh nan hnute ka pe mek mahse, a tih fo danin ka hnute chu a seh leh a, anat dan chu e ka taksa hi a zawh chhuak vekin ka hria. "Hmangaihdawngkim, seh ve ziah suh " Ti hlarin a hnungah chuan ka beng a, ka beng na lemlo. A hnunga ka ben vang nge ka vin deuh vang zawk hnute thlahin aṭap leh tawh a.

" Tinge " Washroom aṭanga Naute pa lo chhuak chuan alo ti leh chul tawh, ahma zawnga ṭap tak tak silo kha Apa aw ahriat rualin uar mangkhengin aṭap ta anihkha! " A ṭap anihhi " Ka kawr pawt thlain ka hnute dawm pah chuan kati a, Khum ah ka dah rual chuan anuar ve ngei a, "tete duh" tiin a ṭap hliam hliam bawk, a sual ther ver ve thei lutuk hi abuaithlak. Thaw hak chunga Nunhlima'n min melh rual chuan, "Tikhan min en reng reng suh, i duh leh i hnute kha pe ve rawh, anat dan hi aw tihian a kak leh emaw ani anga, a hnek leh hunah ana zual leh khawp ang" Pawr zeta ka tih chuan engmah sawilo in anui hawka, keipawh ka nui veleh tho. Towel chu dah leh tawpin a fanu athiam ang tawka nuar ve mek chu zo zetin apawm kang a, athlem mawlh mawlh laiin intifai turin washroom ah ka luhsan.


Hunserh chu Rosanga'n ahmang dawn a, Kan fanu piancham min lawmpui tura lokal te chu an ṭhahnem ngei mai. Mimii a host a kan ṭhian ho hi chu kan indaih zai em asin, buaipui hi kan ngai vaklo, Rosanga hunserh hmang tur alo ding chhuak chu azahawm ve khup mai. Bawihtei pawh ṭap ngailo ang maiin apa malchungah aṭhu a, ahawi kual leh ruai zel, Nunhlima chuan ka kut lo vuanin "Ka hmangaih che " ati sup a, nuih let sen senin " Keipawn ka hmangaih che u " Kati ve bawk.

" Kan hmangaih em em kan naute Abigail Hmangaihdawngkimi piancham lawm tura lokal zawng zawngte in zavaiin Pathian hmingin chibai ka buk che u a, kan lo lawm che u, inthlahrung lo in hun nuam tak in hmang dawn nia " Ati a anui pah suk, a chetdan engkim chu a dik thlarh veka, Ahma a anungchang ho deuh kha hmuh tur a awmlo. " Pathian thu thianghlim kalo chhiar ang e, I Thessalonika 5:16 Lawm fo ula, athu thianghlim kan chhiar te Lapa'n mal min sawmsak rawh se " Atih chuan mipui lam an nui huk. A Pathian thu chhiar chu a tawi ve lulai em ani, " Mihringte hian thil tamtak kan mamawh lo, kan mamawh ber chu Pathian a Lawm na nun neih hi ani, mihring lawmlo leh lungawina hmulo bula awm chu tuman nuam kanti lovang. Lawmna hi kan hausak em avanga kan neih tur anilo a, ka retheih avanga Lawm theilo tur kan ni heklo. Eng dinhmunah pawh Lawmna tur zawnga mahni chan tawka lungawi thei apiangte zawk hian ani Pathian ah Lawmna nun chu nei ṭhin, Kan ban phak loh a Lawmna zawng lovin vawiin lokal khawmte hi chuan kan neih tawk leh ka ban phakah zawk hian Lawmna tur zawng ang u, chu chu nun hlimna thuruk ani " Rosanga thusawi chuan ngaihtuahna ati kal thui khawp mai. Chutiang thu chu Rosanga ka aṭangin a chhuah ka ring phaklo ania, ka hriat chhuah tak chu Rosanga hi alo danglam takzet tawh tih hi ani, Camp an chhuah hlim khan adanglam teh chiamlo a, mahse a nun erawh a thlak chiang ani.

Kan ṭhian ho nun hman tawh dan ka ngaihtuah kir a, kan nun mawlmang zet leh ho deuh kha kan kalsan vek tawh, mahni ke a dingin ka hmaa harsatna aṭang pawn kan inhai chhuak thei vezel tawh a. A pawimawh ber leh ropui ber erawh Pathian neitu kan ni ta hi ani, hei aia hlu hi chu kan nunah a awm chuanglo.

Ṭawngṭainate hmangin hunserh chu a zo a, Bawihtei tan birthday hlate sa in, cake kan cut a kan hlim tlang ti ila ka sawi kim ber ang. Bawihtei pawh anui ve iar iar reng a, Thil pek a dawng tamin aṭha hlawm si, kan phu loh duhsakna kan va dawng chhungkua tak!

" Tunah chuan thil special deuh kanti tawh ang a, Pu Lalnunhlima lo chhuak se " Mimii'n atih chuan Nunhlima chu ka en vata, Bawihtei chu ka malchungah lo nghatin Mimii dinna lamah chuan a phei a, Mimii chuan Pangpar bawr nalh zet mai hi lo lek chhuakin Nunhlima chuan alo la vat. Kan bulah alo let leh rual chuan kalo nuih var var a, alo ṭhut veleh mai ka rin laiin ka hmaah chuan aṭhing ṭhi a, chuta awm ve midangte chuan thawm an nei nghal huk, Music nalh zet ari riai riai bawka, kei erawh kala bo hu tho.

Pangpar chu min pe a ka lak rualin pangpar tetakte pakhat hi alo lek chhuak leh, Bawihtei chu a pe ve a, Bawihte pawn nui sen sen chungin alo la ve bawk. A chetdan chu ka beisei lo bawk nen min hneh takzet, "Hmeichhe dang angin mawi takin pasal pawh i nei velo a, mahse engmah i sawisel ngailo, ka nupui ni tawh tho mahla Duatte kei hi i pasal atan min nei duh angem? " Ati thum chhak a, bawm kil li nei nalh zet hi lo phawrhin ahawng a, achhung ah chuan Zungbun nalh zel mai hi a awm, ka dang hman hma in ka mittui alo baw zawih a, "Chhang rawh, chhang rawh " anlo tih dual dual chuan ṭah nuih hakin " Aw le, ka nei ang che " kati ṭap ṭiau, ka kut ka pek chuan zungbun min bun tir a, ka kut a fawh vang vang hnuah a fanu biangah a fawp leh. Din chhuah pah chian ka hmuiah alo fawp vang vanga, thawm a ring ngang mai.

A din ngil rual chuan min pawt tho ve a, Bawihtei chu aman pawmin akut leh lam chuan ka kawngah akuah a, Vawiin atana abik taka kan sawm Photographer chuan kan chhungkaw thla chu alo la nghal mawlh mawlh. Ka hlimzia chu ka thup thei lo, tunah hian nuih loh tum ila ahar viau ang, ka thei kherlo bawk ang.

Thlalakna hun kan hman chhunzawm a, kan bengchheng hlawm khawp mai, " Thla thar maia innei tur kan ni a, kanlo la dun ve lawk ang" Rosanga'n ati lang lang renga, Ramengi'n a piai leh nawk nawk zel, an chetla chu a hmuhnawm a, tumai pawh chu kan hlim tlang tih hai rual anilo.. Mihring ten kan amamwh ber chu hlimna ani reng bawk.

Ka pasal leh fanu hlim hmel chu ka mitah amawi zual a, Hei baka hlimna chu kei hian ka suangtuah thiam tawhlo.



A tawp ta...

Oct 14 aṭangin kan dah ṭan a, Pathian vang liau liau in a tawp kan khar thei ta, ka tan phei chuan alawmawm takzet. thawnthu ka dah chhung zawnga min support em em tu readers te chungah ka lawm a. Comment a ka thiam lo chung chung min fak hram hram ṭhin te pawh hi ka tan chuan inhlu takzet. Engpawh nise sawi tur atam tihian ni Phawt rawh se, A khaikhawm nan 'Ka lawm takzet e'

In duh ang in ka ziak lo maithei a, ka theih tawk erawh ka chhuah tih min hriatsak dawn nia.

Kan dam ang a, Thawnthu Thar nen kan inhmu leh dawn nia, Thingtlang nula ka nih ang in next story atan chuan Thingtlang lam kan hrut tawh dawn a, thingtlang lam hian rilru ala tlat, Pastor fapa kan chhai ziai ziai dawn emni?

A tawp zan ani bawka A sei bawk nen comment ṭheuh ang u aw.


Show post links
Top